Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377 Hmasawnna Thar Vol - 33/62 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

MiMtukthla (deceMber) 06, 2017 nilaini (wednesday)

NEWS TOMkiMcHANcHIN LAKTAWIOne Day marketccPur: Sielmat EFCI Kristien Nuhmei Pawl chun December 9, 2017 zingkar 6:30AM a inthawk khin Lighthouse Lane, CCPur-ah One Day market thaw an tum. Hi huna hin secondhand thlasik thuomhnaw chi hran hran zawr ning a tih. Pathien hminga an bazar siem hung dawr dingin fielna an siem.

ICI 68th General Assembly Dec. 6-10 sung Muolvaipheiah

ccPur: Independent Church of India (ICI) 68th General Assembly chu De-cember 6-10, 2017 inkar sung hin “Ralkhingtieng sawn kai ei tiu” (Mark 4:35) ti thupuia hmangin Muolvai-phei ICI Biekin-ah nei ning a tih. December 6-7, 2017 haiah Executive Council rorelna um a ta, December 8-9, 2017 inkar sung General Assembly rorel ni bawk a ta, kum 2018-2020 sunga \huoitu dinghai thlangna um

bawk a tih. Assembly sunga Pa-thienthu hriltu ding hai chu Rev. K. Pahlira, Hmarphei Presbytery; Rev. Maylaw-mthang, Mobile Pastor; Rev Lalrohlu, Hmarbiel ‘S’ Pres-bytery; Rev. H. Chungthang |hiek, Vice Moderator, ICI; Rev. H.P. Runremthang, Evangelist-at-Large, ICI le Rev. H.B. Hluothang, Mod-erator, ICI hai ning an tih. Dec. 10, 2017, 1:30PM khin Pension and Ordination Service um bawk a tih.

Siamsin CoachingccPur: Siamsinpawlpui JHQ, Lamka chun kum tina an thaw hlak angin January, 2018 khin Class X exam pe ding hai ta dingin Siamsin Coaching huoi-hawt nawk a tum a. Hi le inzawma Registration chu December 11, 2017, 10AM a inthawk SPP JHQ, Lamka Office, Hiangtam Lamka-ah hawng \an ning a tih.

Free Eye Check-up Camp

ccPur: December 8, 2017 khin The Yaima Mis-sion for Vision chun Zou Youth Organisation (ZYO) le Northeast Foodbanking Network hai le \hangruolin Kamdouveng, Tuibong-ah Free eye Check-up camp huoihawt an tih. Registration chu zing-kar 8AM-10AM inkar sung thaw thei ning a ta, 10AM a inthawk free eye check-up camp \an ning a tih.

GBC Commencement Service Dec. 7-ah

ccPur: Grace Bible Col-lege (GBC), New Lamka chun Dec. 7, 2017, 11AM khin EBC Centenary Hall, New Lamka hmunah 35th Commencement Service, 2017 hmang an tih. Hi huna hin Rev. V. Khamvum, Principal, GBC in Degree inhlanna nei a ta, Rev. P. Bonny Resu, former General Secretary, Asia Pacific Baptist Fed-eration in Commencement Message hril a tih.

competition lawmman semna le Legal Awareness nei

ccPur: District Le-gal Services Authority (DLSA), CCPur le Mani-pur State Legal Services Authority \hangpuinain Dec. 5, 2017, 2PM khan Dorcas Jubilee Audito-rium, Dorcas Hall, Nw Lamka hmunah Essay le Spot Painting Competition nei haia lawmman latu hai

kuomah lawmman semna le One Day Legal Aware-ness programme hmang a ni a. DLSA staff hai bakah lawmman latu student hai le nu le pa hai an \hang a, hun hmangna hi Laltho-mawi, Advocate le L. Mar-greth, Advocate han an kei\huoi. Awareness hunah Gin-

sianlal Naulak, Advocate, General Secretary, CCPur District Bar Association (CDBA) in basic legal rights chungthu a hril a, student haia inthawk le-gal rights thua indawnna umhai dawnna hun hmang a nih. Hun hmng sung hin Christina Shakum le Thangjailen Singsit han hla an sak bakah Vahdei le Neinou han Choreography inentirna an nei a, hun taw-pah Letkho Kipgen, CJM, Secretary, DLSA CCPur in lawmthu hrilna neiin hun hmang zo a nih. Essay Competition Category 1 ah Rina Ngaih-nunthem kuomah pakhatna lawmman inhlan a ni a, Letginthang Baite le ...>>sunzawmna Page 2-ah

Pawl thar indin a nihccPur: Churachandpur town sunga Theological In-stitution hran hrana Library tienga mawphurtuhai chun Dec. 4, 2017 khan ECI-ah meeting an nei a, library tienga hmasawnna a hung um theina dinga hma latu ding tiin pawl thar “Asso-ciation of Theological Li-braries in Churachandpur

(ATLiC) an indin. Kum 2 sunga hi Association Chair-man dingin Rev. V. Kham-vum, Principal, Grace Bible College, Secretary dingin Rev. Lalrosiem Songate, Principal, Evangelical Col-lege of Theology le Trea-surer dingin Rev. Khalkho-siam, Principal, Asia Baptist College hai an thlang.

Advance Christmas ProgrammeccPur: Nationwide Gospel Music Festival huoihawt-nain Dec. 15, 2017 5 PM a inthawk khin ECA Diamond Jubilee Gallery. K. Salbung, Ccpur-ah 8th Motivational-cum-Advance Christmas Programme, 2017 nei ning a tih. Hi huna hin Short Sermon Rev. Dr. V. Nghakthang, Gen. Secy., RPCNEI le Rev. Dr. Robert H. Vaiphei han nei an tih. Hi hun sung hin report, Special Nos., Choreography le Christmas Gifts Exchange hai nei ni bawk a tih.

Appointment Order cancellediMPhal: Md. Anash Khan, S/o Mv. Abdul Salam of Phundrei Awang Leikai, Thoubal District SSA hnu-oia Primary Teacher a De-partment of Education(s), Govt. of Manipur in Order No. 4/18/2012-SE(S) dated 25/09/2012 cancelled-na or-ders chu Dec. 5, 2017 khan Director of Education(s), Govt. of Manipur in an suo. Md. Anash Khan hin JNIMS-ah MBBS inchuk puma SSA hnuoia Primary Teacher sin hi a thaw a nih ti hriet suok le finfie a ni leia SSA hnuoia Primary Teacher a appointment pe-kna order hi cancelled a um a nih. Md. Anash Khan hin August 24, 2012 khan JNIMS-ah MBBS course admission a thaw a, MBBS khawm zoin March 1, 2017 a inthawk khan kum khat sunga ding compulsory Ro-tatory Internship khawm a lo thaw \an ta a nih. A sin hi MBBS admis-sion a thaw zo hnunga a hmu a nih. MBBS admis-sion hi 24-08-2012 in a thaw a, Primary Teacher appointment order hi 25-09-2012-a a hmu a nih. MBBS inchuk pumin Pri-mary Teacher hlaw a lak ngat ngat a nih. A hlaw le allowances indiklo taka a lak tasa pop o hi thla 6 sunga lakir dingin ZEO, Kakching chu Director of Education(s), Govt. of Ma-nipur chun thu a pek.

MSIAF Dec. 8 ah sem ding

iMPhal: Manipur State Illness Assistance Fund (MSIAF), 2017 hnuoia \hangpuina dawng dinga thlanghai kuomah Dec. 8, 2017 11:30 AM khin Chief Minister’s Office Complex, Imphal-ah Cheque a sem ning a tih. Hi \hangpuina dawng dinga thlanghai chu BPL Card/Ration Card le passport size thlalak chawia va la seng dinga inhriettir an nih.

ARESA, CCPur Annual meet

ccPur: Assam Rifles Ex-Servicemen Association (ARESA), CCPur Annual Meet Dec. 8, 2017 zing dar 10 khin SIMTE INN, Simte Veng, Churachandpur-ah nei ning a tih. Member-hai chu \hangkim seng dingin Presi-dent, ARESA, CCPur chun inhriettirna a siem. Pension hlaw laknaa harsatna neihai chun mani lekha pawimawhai chawi ding a nih.

Bandh le Blockade han hmasawnna ding an dal: Th Biswajit SinghPMUY hnuoiah kum 3 sungin LPG Connection Crore 5 peksuok tum a nihiMPhal: Rural Development and Panchayati Raj Minister Mr. Thongam Biwsajit Singh chun Bandh le Blockade hai hin ram hmasawnna ding an dala, abikin mirethei le hnuoihnung ni tin fak fawm zawnghaiin harsatna an tuok hlak leiin thaw ngai lo ding le ching zawngsak lo ding an nih tiin a hril. “Ei renga \hangruola hmasawnna ding lampui ngaituoa Bandh le Blockade thilhai hi bansan a hun tah. Khawtlang, ram le hnam hmasawnna dingin mi tinin thaw thei tawk ei nei senga, mani maphurna seng hlen tum ei tiu” tiin a hril. Hieng thuhai hi Pradhan Mant-ri Ujjwala Yojana (PMUY) hnuoia LPG connection thar pek suokna Sawombung Indane gas agency buotsai, Royal Academy Mani-pur School, Pangei, Imphal East a neina huna a hril a nih. Beneficiary mi 100 hai kuomah Rs. 1500 peiin LPG thuk pek suok a nih. Pu Biswajit chun sawrkarin miretheihai dawmkangna dingin scheme chi hran hran 106 a siem

a. Chu laia pakhat chu PMUY hi a nih tiin a hril a. PMUY hmu thei dinghai chu Socio Economic Caste Census 2011 dungzuia mihai an ni ding leiin Gas Agency le MLA/MDC hai chu a hmu thei ding in-diktakhai zawng suok dingin an hriettir. PMUY scheme hnuoia hin BJP sawrkar chun mi rethei le hnuoih-nung, abikin hmeithahai, thlai su-ongna ding thuk \ha nei zo leia ni tin tina meikhu tak tak hip lut \eu \euhai an hriselna siem\hatna din-gin LPG thuk pek a tum thu a hril

a. Nupui thlai suongtuhaiin thing, meihawl, thingphit le bawng ekhai an hmang ta nawna dinga thaw niin a hril. Hi scheme thiltum tak chu nuhmeihai harsatna phuhruk le an hriselna vengpek a ni thu hrilin, PMUY hin thlai suongna thuk fai tak LPG inman deuva pein nupui-hai chu fai takin thlai an suongtir thei ta ding a nih. “Choka ah thing le meihawl, bawng ek le thingphit hai sema thlai an suongin meikhu an hip lut nasa thei taluo a, an hriet naw kar an hriselna a sie hlak” tiin

a hril. Hi scheme thiltum dang chu, nuhmei haiin thlai suongna thing an hmang leia thing phura fea tium tamtak pal tlangna dam, thing le ruohai sat thluka environment suksieta um zing sukbo dam a ni thu hrilin. Thing le ruo sat thluk leiin mimkei le pil intawlhai a pung a, boruok khawm a lum tiel tiel pha niin a hril. “Hi scheme hin mi po po kuom a tlung phat chu thing le ruo sat thluk, meihawl raw/sem, thing phur, tui kang harsatna hai tlawm sawt a ta. Nupuihai natna chi hran hran, khul hip, awmna, nene can-cer, hnuk cancer etc hai leia thina chenin a tlawm pha sawt ding a nih” tiin a hril bawk. Hi PMUY baka hin Pradhan Mantri Sahaj Bijli Har Ghar Yoja-na (SAUBHAGYA) khawm hlen a nih tah a. Hi scheme hnuoia hin sungkuo 1.76 lakh (Tlangram ah nuoi 1.26 le phairam khawpui ah nuoi 1.13) han an ham\hatpui ding niin a hril.>>sunzawmna Page 2-ah

Shepherd Academy in Farewell-Annual programme an hmangsaikot: Shepherd Academy School, Saikawt, CCPur chun December 5, 2017, 10:00AM khan an School campus-ah Fare-well-cum-Prize Distribu-tion programme an hmang a, Pu James Cole, Chief of Saikawt le Pu Timothy Z. Zote, Chairman, Saikawt Sub-Div Demand Commit-tee cum Dev. Committee Guest of honour in a \hang a, hun hmangna hi nu le pa tam takin an uop. Hi huna Pu James Cole in thu a hrilnaa chun, stu-dent hai chu an lekha in-chuknaah tum (aim) \ha taka neia inchuk ding le

an thiltum tlung hma chu chawlsan loa thaw \al \al dingin an fui a. Hotu/teach-er hai khawm \awng dan le thil thaw dan in naupang hai nun a \ha le \hanaw zawngin a \huoi thei leiin naupang enkawlna kawnga fimkhur dingin an fui. Pu Timothy Z. Zote chun,

Academic line-a chu parte mawi tak hai chu result \ha a nih tiin a hril a, par mawi tak siemtu hai hi teacher chau ni loin nu le pa hai khawm an parsuoktirtu an ni ve leiin naupang inchuk-tirna hi hotu hai chauin maw an phur bik naw a. Hotu, nu le pa le student hai hi parte

mawi taka inparsuoktirna dinga an mawphurna hai an hlen seng a \ul tiin a hril. Hun hmang sung hin student han item hran hran inentirna an nei bakah An-nual Sports huna lawmman latu hai kuomah lawmman semna nei a nih. Shepherd Academy hi Pu Vanhmingthanga Sailo le a nuhmei Pi Masangi hai en-kawl a ni a. Hieng chen tlung theia an umna chu Pathien zar a ni thu Principal chun a hril. Academy a hin tuhin nuhmei le pasal hai ta din-gin Hostel hran a um a Prep a inthawk Class X chen inchuk theina a nih.

Pi Kungi Kum 100 tling lawm

ccPur: Dec. 5, 2017 zan khan Pi Satinkung@ Kungi w/o (L) Germanlien Fam-hoite @Mana of Saikot, CCPur chu kum 100 a tling tah.

Pi Kungi hi Pu Lal-hmuok Famhoite Founder Gen. Secy. HYA piengna nu a ni a, zanikhan a kum 100 Birthday lawmna le Pathien kuomah lawmthu hrilna Saikawt a an Inpui ah an hmang. Pi Kungi hin mitvar bun loin Bible le Hma-sawnna Thar \hangin lekha ziek a la tiem thei a nih. A kum 100 lawmna huna hin Rev Lalramlawm Inbuon in \awng\ai pekna a nei a, Pu Lalropui Famhoite, Chair-man UPF khawma a Birth-day a lawmpui ve. Pi Kungi hi 5th De-cember, 1917 a pieng a ni a, nau nuhmei pahni le nau pasal 5 a nei a, tu le tusawng 85 a nei ta a nih. Hriselna \ha tak leh kum tam tak la dam pei dingin ei chanchinbu chun ditsakna an hlan.

Gospel Music Video tlangzar dingccPur: Women’s Mis-sionary Society (WMS), Lamka Reformed Presby-terian Church, NEI Peace Lane, CCPur in an Biekin bawl \hangpuina ding le inzawma “Pathien Hman-gaina” ti thupui hmanga Mrs. Mamnu Hmar le Mrs. Lalhluopui Infimate han Gospel Music Video Album an siem chu December 7, 2017, 6:30PM khin an Biekin hmuna tlang-zar ning a tih. Album hi Rev. Dr V. Lalnghakthang, General Secre-tary, RPCNEI in mipui inchawk thei dingin tlangzar a tih. Album a hin hla 11 a um a, copy khatah Rs. 200 man ning a tih. Album tlangzarnaa hin mitin \hang ding le Pathien rawngbawlnaa ngaia inchaw pek seng dingin ngenna le fielna an siem.

chief Minister Mr N. Biren Singh-in Nagaland Hornbill Festival a uopi M P h a l / k o h i M a : Manipur Chief Minister Mr N. Biren Singh chun Manipur-a festival lientak Sangai Festival an nei zo char an nei hlak, Nagaland-a an winter festival lientak Hornbill Festival 2017 chu zani khan a zu uop. CM hi Nagaland Chief Minister-in a fielna anga Hornbill Festival zu sîm a nih. A Cabinet Minister ie-mani zatin an zui a. Naga-land ah hin Naga hai hnam lam chi hran hran le inchei danhai inentirin, Mr Biren khawm Naga inchei dana incheitirin lukhum hai an pek a, inhawi a ti hle. Pu Biren chun, Kisama, Nagaland anga ram inhawi le mawi takah, Naga hai festival lientak Hornbill Festival \hang ve dinga an fielna chu lawmum a ti thu

hrilin, Naga hai chu cul-ture le tradition hausak tak an nih thu le Nagaland chu Naga hnam hran hran haiin mani ram hmangai taka an enkawl theina a nih leia an ham\hat ziehai a hril. Pu Biren chun a thuhril-na ah Nagaland-in State a hmu kum 54-na a lawmpui thu a puong bawk a. Hnam tinin Festival hran hran neia an lawm seng thei dana hin

Nagaland chu “Land of Festival” tiin Hornbill Fes-tival chu “Festival of Festi-vals” a nih tiin a hril. Nagaland Chief Minis-ter-in a fielna lawmum a ti thu hrilin, hi hma meta zo tah North East Develop-ment Summit le Manipur Sangai Festival 2017 hai a hung \hang lei khawmin lawmthu a hril bawk. Nagaland chu Manipur

le inri, inhnaitea um, ch-ingdan le thaw dan culture le tradition inang tamtak nei an ni leiin \hanguro-lin ‘common purpose’ neia hmasawnna dinga an thaw tlang a pawimaw thu a hril a. Renga hmasawn theina ding le changkangna chu tum inang, nuom inang, thaw inang chauvin a thei niin a hril bawk. “Hieng thu hi lungrila pai zingin ‘Tourist Circuit” siem a \ha a. Kum thara inthawk chu Tourism tieng \hangruol-in, Maniur a Festival lientak November chawlkar taw-pna taka hmang hlak Sangai Festival le Nagaland a Fes-tival lientak December kar hmasataka nei hlak Hornbill Festival hai thlungzawm dan khawm ei ngaituo thei tah ka beisei” tiin a hril.>>sunzawmna Page 2-ah

christmas season kick-off hlawtling taka hmang zo

ccPur: Kum 2012 a in-thawka kum tina nei hlak, Sielmat ICI Kristien |halai Pawl in an buotsai Christmas Season Kick-Off 2017 chu December 5, 2017 zan khan Roberts’ Jubilee Chapel Campus, Sielmat ah mipui tam fak fekhawmin ropui taka hmangzo a lo ni tah. Hunser hmangnaa hin kohran dang dang a inthawk members an fekhawm a, hlasakthiem khawm CC-Pur phairuom sunga kohran dang danga mi hai an thang tawl a nih.

Pathien thucha hrilna hun Rev. HP Runremthang, Youth Coordinator le Evan-gelist at Large, ICI in a hmang a, thangpui ngai hai thangpuina ding thawlawm dawl a ni bawk. Christmas Season Kick-Off hi December 1, 2017 a hmang ding a riruong a ni a chu khawsung ah thina pahni zet a um leia a hun hi sawn hlat a nih. Thingpui le bei inhnik tak el fak le dawn niin zan dar 9 an riin hi hunser hmangna hi suktawp a nih.

Governnor-in 2-day Kathak Utsav a hawngiMPhal: Governor Dr Najma Heptullah chun, zanikhan Kathak Kendra, New Delhi le, Jawarhar-lal Nehru Manipur Dance Academy, Imphal hai buot-sai ni hni sung aw ding Kathak Utsav chu Manipur Film Development Soci-ety hai Auditorium Palace Gate, Imphal ah a hawng. Governor chun, Mani-pur hi culture le tradition, dance, etc tieng hausatak a nih a. Khawvel hrieta a cul-ture hausakna pholang hi a pawimaw a nih. Kathak Utsav khawm hi Kathak Dancer han an thiemna hai pholangna dinga hun \ha tak a nih tiin a hril a. “Per-forming arts suklarna hmun \hatak a ni a. Lam thiem tak takhai le hlasakthiem le lekhaziek thiemhai inphol-angna le inchawilarna hun \ha a nih” a tih.

Vice Chairman, AC, JNMDA, Prof. Hijam Tombi Singh chun, hieng ang hun buotsaia um hi lawmum a ti thu hrilin, In-dia rama Kathakas hung in\anna chu Bhakti Movement a inthawk a ni thu hrilin, Hindu pathien Krishna nau-pang lai chanchin le inmila siem niin a hrila. Hi thil le inzawma lecture-cum-demonstration, solo dance items & choreographic

techniques haiah Manipur chun India ram hmun dan-ga mihai kuoma intawka inchuk ding a la hau hle niin a hril. Chairperson, AC, Kathak Kendra, Ms. Kamalini Ast-hana chun Manipur a hung zatin thil thar a hmu thu a hril a. Manipur chun hieng ang festival tam lem huoi-hawtin puotieng mihai leh inlaichinna \ha lem siem pei thei a tih, tiin a hril. (DIPR)

Sunny Leone-in Tamil Film a chang ding

Hmasawnna Thar2 MiMtukthla (deceMber) 06, 2017nilaini (wednesday) article/health & eMPloyMent news

Editorial Boardlalmalsawm sellate: Editor& Publisherroding l. sellate: Jt. Editor ramditum ralsun: Asst. EditorJoseph Joute: Freelancelalsansuok pulamte &samuel Zothanglien@sZ Zote:Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

Editorial

Nghawng a la hung nei ding

SUNZAWMNA..VAWISUN THUPUIAw mihriem, a \ha chu an entir ta che a nih: Lalpan a phut che chu ieng am a na? Indiktaka thaw le lun-ginsietna ngainat le i Pathien le thuhnuoirawltaka leng hmunkhat chu a ni nawm a ni? - Mika 6:8

India Sawrkar le NSCN(IM) han Framework Agree-ment an ziekna sung thuah ieng ieng thil am a \hang a ti vawisun chen hin India mipuihai hriet thei dingin puonglang a la ni naw a. Hi lei hin mitinin hi Agree-ment chungchangah hin lungril himawna an nei a, India hmarsak biela Manipur, Assam le Arunachal Pradesh State mipuihai lungril lem chu a suk himaw zuol a, an thei dan dan sengin Framework Agreement hin an State la hek lo dingin an inhrosa tawl a ni tak a nih. Hieng States 3 mipuihai inhrosakna hin umzie a nei dim ti chu final agreement ziek le puonglang a ni huna hriet theiin a la hung inlang ding chau a nih. Framework Agreement zieka um hin kum 3 hmel a hmu ta a, tuchena mipui hriet dinga a sung thu puon-glanga a um nawna san hi a um ngei ringhla lo thei lovin a um a nih. Nagaland Chief Minister le Naga mipuihai chun final agreement hi tu kum Christmas hma ngeia ziek le Sawrkar thlungpuiin Naga mipuihai kuomah Christmas Gift in pe sienla ti chu an duthusam a nih. Christmas Gift a pek an ni naw khawma Nagaland Legislative Assembly Election hung um hma ngeia India Sawrkar le NSCN(IM) inbiekna hin a hmaw-rbawkna a hungtlung chu mihai ring dan le beiseina a nih. Nagaland State Assembly election hi kum thar 2018 kum bul tienga nei ding a nih. Hi election a BJP hratna ding chun Indo-Naga Peace Talks final agree-ment in umzie le pawimawna lien tak a nei ngei ring a um. Hi lei hin Sawrkar thlungpui ta ding khawma ngaitha chi niin an lang nawh. Framework Agreement hin Manipur mihai lungril a suk himaw zuol a, an lungril a kap a ni tak. Hi lei hin pawl tum tum hain JCILPS hmalakna an thlawp a, JCILPS chu pawl hrat takel, State Sawrkar khawma a nuom dan dana a law thei lo a hung suok a nih. Politi-cian hai khawma an Party suk hratna dinga hun \ha nia an hriet leiin nasa takin hma an lak tawl a nih. Congress Party khawmin tulai chu Framework Agree-ment chungchangah hin hma an lak nasa a, nitin deu-thawin hi Agreement le inzawm hin hmalakna an nei a nih. Ram le hnam ta ding chau ni lovin Political Party tum tum hai ta ding chun hmalakna hun \ha a nih. BJP le Sawrkarna chelkawp, Shiv Sena khawmin hma an lak \an a, Shiv Sena Manipur Unit \huoitu mi 25 hai chu Framework Agreement le inzawma Delhi-a an \huoituhai le Shiv Sena MP-hai zun dawrpui dingin zanikhan Imphal suoksanin New Delhi an pan. Hieng laizing hin Joint Committee on Inner Line Permit System (JCILPS) khawma India Sawrkar le NSCN(IM) inbiekna le inzawma an hmalakna an suk thar a, zani hmasa khan CM N. Biren Singh an inhmu-pui a, an thil ngen points 5 inziekna Memorandum an pek. JCILPS chun Assembly Winter Session hung um dingah hin Bill pasi \ulhai pasi ni ngei a tih ti Decem-ber 8, 2017 chenah mipui kuomah State Sawrkar in-tiem raw se, Assembly Session \an hmain thaw ding \ulhai po po State Sawrkarin a zo fel vawng naw chun December 13, 2017 a inthawk JCILPS in Agitation chi tum tum thaw \an an tih tiin JCILPS Convenor Arjun Tenheiba chun a hril. JCILPS nawrna lei hin CM le a Cabinet Minister-hai lungril a sawl hle ring a um. Imu inhnik tak an nei khawm ring a um nawh. Framework Agreement le Final Agreement hai hin Manipur mipui le a ram ta dingin nghawng iemani tak a hung nei hi ring a ni a. A \ha zawnga nghawng a nei chun lawmum hleng a ta, a se zawnga nghawng a nei ruok chun Manipur ramah buoina lien tak a hung int-lun ding a nih ti chu a chieng sa a nih. Hi lei hin India Sawrkar le NSCN(IM) han Final Agreement an siem le ziek ding khawm hi hawphur a umna chin a um. Fi-nal Agreement ziek hun hlak la hung um ngei a ta, chu hun chun ei ngirhmun ding a la hung rel ding a nih. Chun, Framework Agreement le Final Agreement haiah Manipur ram lak hekna ding thu a hung um vai chun tuta Manipur Sawrkar fe mek khawm hi a la hung nghawng siet thei ding niin an lang. Ei hriet seng angin tuta BJP \huoina hnuoia Sawrkar fe mek hi BJP, NPF, AITC, LJP, Congress a inthawka suokdawk le Independent MLA-hai \hangruola an siem a ni a. NPF MLAs 4 hai hi Naga mipuihai dit dana an fe ding chun Sawrkar hi an suoksan dam a \ul hun la hung um thei ngai a ni a. Hi lei tak hin Naga Peace talks issue chungchang hin Manipur Sawrkar fe mek hi nghawng se naw nih ti thei a ni der nawh. Nghawng iemani tak chu a la hung nei ding a nih.

Meghalaya power minister an banshillong: Meghalaya Power Minister Commin-gone Ymbon chu Decem-ber 4, 2017 khan Mr Mukul Sangma inrawi Meghalaya sawkar-a minister a ninaa inthawk an ban. Mr Ymbon chun ama mimal thil leia inban a ni thu a hril. Ymbon hi tukum August thlaa kha Minister dinga laklut le intiemkamna

nei a. Kum thara Assem-bly Election um ding khin Congress ticket ngen nawk a tum tanaw a hril a nih. Dy. CM hlui Rowell Lyngdoh le MLAs Pres-tone Tynsong le Sniawbha-lang Dhar hai \hangin Con-gress MLAs 6 hai chun kum thara Election um dinga khin Congress ticket ngen an tum tanaw a hril a nih.

A pasal ser Tel lum a buokkhum leiin manMadurai: Nuhmei kum 30 a upa P. Sasika-la of Nehru Nagar chun a pasal M. Parameswaram (37) ser/Til T>l lum/sa a buokhum tia intumna leiin man a nih. Mr Parameswaram hi Autorickshaw driver a ni a, a T>l lumin a til a kang-hliem leiin Government Rajaji Hospital (GRH) ah enkawl mek a nih. Ms P. Sasikala hin

ngaizawng dang a nei a, in inlawi lova a ngaizawngnu ina an kul tlat leiin vawi tam tak In inlawi dinga hril a ni hnung le Ms Sasika-la in \ha taka a ko hnung khawma kir nuom lovin a um a. Inrinni zan khan \ha taka a biek hnungin In a hung inlawi a, khumah zala a in kar hme zeuna bel-ah T>l a suong lum sawk sawka a pasal til hi a burkhum el nia hril a nih.

6th intl. tourism Mart 2017 \anguwahati: Assam-a Guwahati khawpuia chun De-cember 5, 2017 zan khan 6th International Tourism Mart, 2017 \an a nih. Tourism Mart, 2017 hawngna hi zani zan khan nei a ni a, hi huna hin Assam Governor Jagdish Mukhi, Chief Minister Sarbanand Sonowal le Union Tourism Minister K L Alphons hai khawm an \hang. Tourism Mart hi ni 3 sung aw ding niin Ministry of Tourism in North Eastern state sunga association dang dang hai le \hangruola a huoihawt a nih. Hi hun sung hin Panel discussion, workshops, busi-ness meeting le cultural programs hai nei ning a ta, senior Railway, Civil Aviation, DoNER, Road Transport minis-try han Assam \hanga India hmarsakbiela Tourism hma-sawn lemna dinga an ngaidan hai hrillang an tih.

IAS MEGHA SEMINAR-AHMANISH KUMAR GAUTAM LEH…

~ Ruoivel Pangamte

november 24, 2017 zîng dâr 8 vèl khan kan Principal, Pu Ricky Vanlallawm-in a mi hung

phone a. IAS MEGHA SEMINAR-a \hang ding le thuhril tawi nei dinga Organizer haiin an mi beisei thu a mi hung hril a. Kei chun, “Organizer-hai chun mi hung be thei an ti’m aw…?” tiin ka lo indawn a. Sâwtnâwte hnungah Organizer Pu T. Baite-in a mi hung biek nghal a. Thû tâwitê bèk hril dinga a mi hung phùt chu remtiin, dâr 2 chiea tlung hman dingin Synod Hall, IB Road ka pan a. Dâr 2:10 vèlin, India rama IAS officer tling thei dinga mi tam tak lo buotsaitu – India’s Best IAS Mentor, Pu Manish Kumar Gautam le a ruolhai pahni chu, Seminar neina ding hmun chu an hung tlung a. Chibai kan inbûka kan titinaah Churachandpur inhawi a tizie hahîpin a hril a. Boruok a’n thieng bawk, a rê dup bawk, Delhi boruok le tekhi chun vànram a nipèk ringawt el a nih. Kan titi peinaah, Churachandpur, abîkin Tui\haphai kuol hi, mihriem chêngna dinga hmun \ha le duthusâm a nizie ka hril ve a. A zâwna ruo, ni 4 ni 5 a sûr chàng khawmin, tui a lêt ngai nawh a, mîmkei khawm a um ngai nawh tihai ka hril lem chu, mak a tiin, um a’n hawk zuol hle’n ka hriet. Mizoram, Nagaland le Arunachal Pradesh haiah IAS Coaching Centre an hawng tah a. Chu hmuna hai khawm chun a lo fê vawng tah. Imphal-a khawm ALS Centre hming chawiin IAS Coaching Centre a lo \anpui tah a. Churachandpur hi, Civil Services Exam-naa hlawtling tam tak umna hmun a ni leiin, Coaching Centre um ve sien \ha a tih a. Chu le inzawma IAS Megha Seminar hi an hung huoihawt a nih. Thuhrilna hun hmasatak pèkin ka um a. IAS ni tuma theitâwp lo suo ve hlak (IAS aspirant) laia pakhat ka ni thû dàm, May 14, 1987-a IAS Interview Board hmaa ka ngìr ve thû dàm, nu le pa le u le nauhai màksan a, vairama ka um hmang a mi phal naw lei a, ka nu’n ka hlawsam ngei ngeina dinga Pathien kuoma a lo \awng\ai hlak thû dàm hrilin, ka nû phalnaw sâ saa ka thawzawm ngam ta naw thuhai dàm ka hril a. Chun, IAS ni tum haiin, vairama tangkasum tam tak tak sênga IAS Coaching zawm dinga fe a ngai ta naw ding leia ka làwm thû dàm ka hril pei a. Chun, Churachandpur College-a kan naupanghai hi thiemthei tak tak an ni thû hrilin, Manipur University Examinations-a khawm kan duoi bìk nawzie dàm, student 100 vêl hiel First Class-a an pass hlak thû dàm, Top 10-a khawm, kan inlang deuzie hai ka hril kai pei a. Admission nuhnung taka khawm BA/BSc First Year in-admit 1500 vêl bawr laia 1300 vêl chu Pawl 12, First Class-a pass an ni thuhai ka hril chun, a lungril a ver hle’n ka hriet. Kei khawm hi, ka nu’n kha’ng tawp khan mi dang naw sien chu, ka u le nau le ka nu le pahai sawr phàk lovin, vairam annawleh Sâpram tieng ka lo um hmang daih ka ring. Mahatma Gandhi lekhaziek AT SCHOOL ka tiemnaah Shravan-in a nu le pa ta dinga a hringna a’n hlàn chanchin ka tiem fùk a. Chu chun a mi hnê èm leiin, College Lecturer sin thawlai ka ni bawk leiin, IAS Exam chu ka thaw zawm ta naw a nih. Pathien zârin ka exam zàtin ka marks a’n sang diek diek pei hlak a. Exam zawm pei lang chu, ka tling vê ngei ka ring. College-a thawk puma exam hlak ka nih a. Lekhatiem dingin hei rawlhmang vê met lang chu, ka marks hmu hlakhai enin, IAS tling vê thei dinga inngai chu ka nih. Amiruokchu, lungril na ngawi ngawia ka nu ka siem ding chu ka ngai ngam hlawlh naw leiin, IAS exam-a \hang hlak, tling zo talohai lai, ka hming hi a chuong kumkhuo ta ding chu a ni hi(h)! Ka nû ka’n za lei le a lungril suknat ka nuom naw leia malsawmna ka dawng zozaihai hi ka ngaituo chun, IAS ka tling naw leia ka’n zakna hi chu, hrilkhawpah ka ruot chuong nawh. Sihalin Grape a lo theinaw lei el a, ‘a thur thur leh’ a ti ang ruok hi chu ni vêin ka’n hriet nawh. Kei chun, vawikhat piengmanah IAS Officer hei ni ve kha chu, ka’n hawk nalàwm el! Tukhawm ku hin la zuk in-exam ka châk hlak! Pu Manish Kumar Gautam thuhril ka hei ngai hnung lem chun, IAS officer ni ka’n hawkna kha, keithovin a hung um nàwk a. Pu Zaneisang ti dân takin, ‘tlangval ka ni ta naw hi chu’ ka’n sìr ngawt el. Khawvêl inelna inhmaituopui ding hin, tumruna a pawimaw èm êm a. “Mi’n an thawthei chu ka thawthei ve ding a nih” tina lungril nei hi a pawimaw a nih. Thil awlsam le awlai a ni nawh ti chu tlânghriet a nih a. Awlsam sien chu, inel ngai naw nih. A sawlsam naw lei taka inel ngai

hlak a nih. Ka thuhrilnaah, “Thiemna le theina hi a hluin a ropuia chu, taimâkna le bei fan fanna hin thiemna le theina hi a tethlûk rawp hlak” ti ka hril sâ bawk. Ka bau a’n kuok lei le ka hmur a’n phàn leia chuonghai chu hril vêl ka ni nawh. Ka palhriet, ka paldawk le ka tawnhriethai ka hril a ni lem. Lekha ka tiem ve lai le tû chen khawm hin, ka hrietchieng hmâ chun ka chawlsan nuom ngai nawh. Chun, ka hrietchieng lo hi chu ka’n chùktir ngai bawk nawh. Chuleichun, inchûktirtu sin ka thaw khawm hi, ka sâwl thei èm êrm hlak a. Mî nèk hin ka sin hi ka sawlpui lem am a nih aw…? ka ti chàng a tám el. Pu Manish Kumar chun, “IAS hi taimâk le tumru lei ri ngawta tling el thei a ni nawh. Ieng anga taimain tumru lâ khawm, inbuotsai dàn (plan) \ha tak nei lo chun, tiem tam ringawta hriet sèng ding a ni nawh” a ti a. Chu chu ka rilrem zâwng tak a ni ve hlak. BA ka’n chùk lai khan kan huonah hlo ka tho hlak a. Ka hlothlona hnunga hlozung zawng chu, nisuok hnunga arasi zawng ang deu a ni hlak. Kum nâwka a zung ding chen kha ka huotfai hlak a nih. Tirko Paula’n, “Ka iring chu ka hriet…” a ti angin, kei khawmin, “Ka itiem chu ka hriet” ka ti ve hlak. Keini hun lai khan chu, tulai ang hin internet zuk hmang phâk el ding a um nawh a. Tulai chu, ei hriet nuom nuom, internet-a hmu thei deu vawng a ni tah. Guwahati, Shillong, Kolkota, Delhi le Hyderabad–a Coaching la dinga suok dawk chu hrillo, Imphal-a fe khawm ngai ta lovin, ei Tui\haphai kuol sùng ngei, ALS (Alternative Learning System) IAS Churachandpur, Hmarveng-a inzieklût theia a zuk um el chu, tûlai \halaihai vàngneizie hi, ka’n hnar taluo hin, tuin amanih a hril uor tum taluo, hrilngaina a hrietnaw lei a, ‘ka thinâw chauh a nih!’ a ti angin, kei khawm ku hi, tûlai \halaihai ka’n hnar taluo ku hi, ka thinâw chauh hlak. Anachu maw…nunghak pakhatin, “Vawikhat khawm inkhâwm pel lovin, BSc. ka exam-a chu, ka pass tho” a ti ang mei meia IAS hi pass chi a ni nawh. Mosie’n Israel nauhai a \huoisuok theina ding khan, thlalerah kum 40 a rawlhmang phawt a ngai a ni kha(h). Chuong ang bawk chun, Paula ni tah, Saula khawm khan, hlawtling taka Lal Isu rawng a bàwl theina dingin, thlalèrah kum 3 lai a rawlhmang ve a nih. Pass marks a um ta nawh. Mî nèka marks hmu ràwn a \ûl a nih. Thuhriltu \henkhatin, sawrkar sin hrilhnâwm a, mission field chauh baw dinga mi po po an infui el hlak hi, mi po povin mission sina chauh lùt tum seng ta ang inla, ei va’n sekhèk nasa tàwl àwm deh… ka ti hlak. Sawrkar sin hi Pathien rawngbawlna hmun \ha tak a nih ti hi, thuhriltuhai hin mi hril uorpèk ta hlak hai sien; ringum taka sawrkar sin thawnawtûhai chu, Pathien ram rawngbawltû ding khawmin an tlàk naw a nih tihai dam hi mi hei hril uorpèk hlak hai sien, ei Kristienna khawm hin ra \ha a’n suo lem ka ring hlak. Sawrkar sin lien nèka Pathien ram rawngbawlna ngaisâng lemtû haiin, sawrkar sin ropui màksan a, Pathien rama rimsi le vâkvai taka an um hi, kei khawmin ka ngaisàng a. Pathien ram sin a ni naw lei a, sawrkar sin ngaitha taka thawtûhai ruok hi chu, Pathienin iengtin am a ngai ding ka hriet nawh. Kei chun chu, hienghai hi Pathien ramah lût hai sien khawm, Pathien hmangruo pawimâw tak an ni hi ka ring thei nawh. November 24, 2017 chawhnung dâr 2- a, Synod Hall, IB Road-a ias Megha seminar-a \hang, mi 200 deuthaw lai khan, ‘iemie’ \awng hmang, iengza’m ei um ei ring aw..? Kei chun, ka mit \hatnaw lei am a ni ding chu, ka hmu nâw tlat! Pakhat pahni dâm ei lo um pal hlauh chun, mi ngaidam raw hai seh…! A nuhnung taka ka la hril nuom \àl chu, Pathien hminga màksan inpâmum khawp sin ropui ei nei theina dingin, thaw ro, inelna khawvêla hin inchâwm lût ve’ng ei tiu! Tûlaia Competitive exam-a \hang hlak hai hin, mi lo hrethiem unla. In lekhatiem zât chauh hi tiem lang chu, kei chu, chawkidar sin khawm hi, ka hmu phâk ka ring nawh! Ka tiem zàt tiemtuhai chun, sin hi a tlâwm nawh a, a thaw tlàk an lo tamnaw lem a nih ti hi, hung hmusuok vê ngei an tih!

RengkaiNovember 29, 2017

Biswajit chun PMAY (G) khawm chengna ding in nei lohai ta dingin siem a ni a. SECC 2011 sunga um sungkuo rethei in neilohaiin in bawlna ding \hangpuina dawng an ta. An pawisa khawm direct-in an bank account ah a lut ding thu a hril. Sawrkar scheme-a pawisa hrim hrim chu beneficiary hai bank account ah thunlut pei a ni ta ding niin a hril bawk. Imphal-Pangei Road khawm an hma thei ang taka siem a ni ding thu Work Minister ni bawk Pu Biswajit chun hril. PMUY hi Prime Minister Mr Narendra Modi-in May 1, 2016 khan Ballia, UP ah a hawng a. A scheme hnuoia hin kum 3 sungin mi mirethei BPL sungkuo vaibelsie 5 hai kuomah LPG thuk, mi pakhata Rs. 1, 600 pei \hang-puiin a pek suok ding a nih. (DIPR)

Bandh le Blockade han hmasawnna ding an dal

Chawnglemmawi Khaute hai pahnina le pathumna lawm-man inhlan an ni a, student 4 consolation prize pek an nih. Essay category-2 ah Thenhoi Kipgen, Samuel P Khammuonlien le Thanggoulal Khongsai hai pakhatna, pahnina le pathumna lawmman inhlan an ni a, mi 4 conso-lation prize pek an nih. Spot painting category-I ah Michael Pauthianmuan Hanghal, Freda Chonghoithiem le Stephen R.S Varte han pakhatna, pahnina le pathumna lawmman an lak a, student 7 hai consolation prize pek an nih. Category 2 ah Cleven Hrangrolien, Florence Nengneivah Baite, le Robit Khundongbam han pakhatna, pahnina le pathumna an lak a, student 7 consolation prize pek an nih.

competition lawmman semna-Awareness nei

“Nagaland le Manipur-in thaw tlang theina ding tam-tak an nei a. Abikin Act East Policy hnuoiah \hang ruol theina ding tamtak a um a nih. Kum 74 liemtaa khan Kohi-ma le Imphal ah indona (Indopui 2-na) nasatakin a tlung a. Sawrkar haiin Tourism an promote naa hin tourist circuit sukhmasawn chau ni lovin thil hluihai humhal le sie\hatna kawnga khawm \hangruol a pawimaw thu, \halaihai tal-ent sukpungna ding kawngah, abikin football ah nasataka \hang ruol a pawimaw thu hrilin, Dr Ao football pet thiem zie le a contribution hlut zie, \hangtharhai cho phurnaa hmang pei a pawimaw thu a hril a. Manipur \halaihai chu Under 17 FIFA World Cup chena \hang thei an nih tak zie hai hrilin, football nasataka promote a pawimaw thu a hril. Thil tamtak laia pawimawtak chu mi le mi inhrietpaw-na ‘people to people exchange’ sukhrat a nih tiin a hril a. Entrepreneurship, skill development, commerce, arts, cul-ture, film le theatre hai chenin inzawma sukhmasawn thei an nizie a hril. Chirstmas a hnai tah leiin Nagaland mipuihai chu Christmas chibai bukin hlim tak le lawm taka Christmas hmang seng dinga a ditsakna an hlan. (DIPR)

chief Minister in Hornbill Festival a uop

Loneitu protest lai a \hang leiin Yashwant Sinha hrentangMuMbai: Senior BJP lead-er Yashwant Sinha (79) chu zani zantieng khan Vidarbha region a Loneitu han sawrka-ra an thil ngen nawrnaa pro-test an thawna thlawpa a \hang Maharashtra Police han Akola hmunah an hren-tang a, protest a \hang hai le hin Police headquarters ah an la um zing a, loneituhai thil ngen sukpuitling pek an ni hma chu protest an chawlsan naw ding thu Mr Yashwant Sinhai chun a hril.

Senior Police officer Rakesh Kalsagar chun, Mr Sinha hi zan dar 5:30 a man a ni a, zan dar 9:50 in insuo

a ni a, sienkhawm ama le midang mana um hai chun police headquarter suoksan nuom chuong lovin an um

ta zing a nih tiin a hril. Mr Sinha hi zani hmasa zan khan police station-ah thingphek \uong chungah a zal. Mr Sinha hi Union fi-nance minister lo nita le a naupa Jayan Sinha chu tuhin Union minister ni mek a ni a, Pat le Bekan chingtu (loneitu) han thlai hrik in an thlai hai a suksi-etna thuah compensation pe dingin an ngen a, chu le inzawma protest hi an nei a nih.

Bomb ang deu, bomb ni si loiMPhal: Zani 11 AM vel khan 8th MR Camp, Leikun Village a inthawka Km. 1 vela hla, Pallel-Chandel Road a lamlienpui sirah bomb ang deu hmu a ni a, hun iemanichen chu motor inlawn vel sukchawl pha a nih. Police Bomb Squad han a hmuna an va enfel a, bomb ang deu, bomb ni si lo a nih ti an va fie hnungin motor-hai khawm a pangn-gaiin an tlan nawk. Nov. 13, 2017 le Nov. 15, 2017 hai khan Mahamani Village le Sajik Tampak, Chandel District haiah bomb a lo puok ta leiin mipui a suk \i pha a nih.

ed in chhagan bhujbal ro rs. 20 crore chuong manhu an hrentangMuMbai: Enforcement Directorate (ED) chun Pre-vention of Money Laundering Act (PMLA) dungzuiin sawrkar sum chawkchawrawinaa inrawlna neia intum Maharashtra Deputy Chief Minister hlui le NCP leader Chhagan Bhujbal thil nei/ro Rs. 20.41 crore manhu ding chu an hrentang pek. Hi le inzawma order chu zanikhan Zonal Office in an suo a nih. Tuta ED in Bhujbal ro an hrentang pek nawk le

hin tuchena PMLA case-a midang dang rothil an hrentang chu Rs. 178 crore a tling phak tah. Mr Bhujbal hi man a ni hnungin nikuma inthawk jail-a khum ta a nih. Hi case a hin a naupa le NCP MLA Pankaj bakah an tupa Sameer khawm inrawlna neia intum an nih. A case hi Delhi a ‘Maharashtra Sadan’ guest house bawlna contract le Mumbai-a Lalina land-grabbing case a nih. (PTI)

MiMtukthla (deceMber) 06, 2017nilaini (wednesday) national/international & advertiseMent

laktawi

Hmasawnna Thar3

Azad Phusam chunga lawmthu hrilnaHun sawt takel Asthma natna ka nei a, inthuok harsa ka ti a, a chang lem chun kan thuokzo naw \ep hlak. Ka awm a na bawk a, ka kutparhai a kham a, ngawi mupin a um hlak bawk. M.V. Azad Phusam ka pan a, tuhin chu a mi enkawl dam ta leiin Pathien le ama chungah hin law-mthu ka hril. A pan nuom han a hnuoia hmun haiah hin pan thei le inbiekpui thei a nih.1. Tidim Road, Opp, J.P. Selection, ICI Church Road, Lam-ka, CCPur.2. Hatta, Opp. Oil Pump near Public Hospital, Hatta, Imphal. 3. Mobile Phone nos. : 8014025567 & 7628890261

Lawmthu hriltu -sangboi lanva

Md. Zia-ul Haque kuoma lawmthu hrilnaHun sawt takel tlawmte tein kan hnawm a, ka hnawm a hug suok a, inhnawm dingin ka fe a, kan hnawm thei si nawh. Inhnawm zatin tuilum ka hmang a, Inhnawm theina dingin damdawi mum ka fak, kut le ke a hip, thahrui a kham, kawngna, kham ring kham, dar kham, inhnawm changa thisen suok, a changin tawlah hnai a um a, a changin inzing utin kan zun hlak bawk. Ka beidawngin Md. Zia-ul Haque Phusam ka pan a, tuhin chu a mi enkawl dam ta a, ka lawm hle a, a chungah le Pathien chungah lawmthu ka hril a nih. A pan nuom han a hnuoia hmun haiah hin pan le inbiekpui thei a nih.1. Kekru Village, North AOC, Opp. AMUCO /UCM Gate, Imphal.1. Old Bazar, Zomi Colony, Near Muslim Masjid, CCpur.3. Contact Nos. : 8014254414 / 9615391873.

Lawmthu hriltu, - M. nembal Thamnapokpi

tHe pAtHFInder sCHOOlSahei Road, Vengnuam, New Lamka.

Churachandpur, Manipur.

teACHers wAnted LOVE for children, PASSION for teaching, DESIRE to do it differently. We are seeking for TEACHERS who possess these qualities and believe in the philosophy of learning by doing. Because to raise the heroes of tomorrow, we need the masters of today who can guide them and mould them to be nobles not just by name but by deed, too. Interested persons may submit their hand-written application along with their curriculum vitae to the school office.PLEASE NOTE: * Submission of application : 11th – 16th December, 2017.* Office hour : 10:00 am – 2:00pm daily.* Post vacant : Confined classes (Nursery to Class V).* Written interview : 18th December, 2017 at 10:00 am.* Required educational qualification : Class XII and above.

Contact us at: 8414879571/7005274475(4,6,9,11)

A naunu thla 3 mi thatin Wash-ing Machine sungah a thup

ghaziabad: Ghaziabad hmuna Patla town a cheng nuhmei kum 22 mi Aarti chun a nau nuhmeite thla 3 mi chau chu lukham hmanga rak hlumin Washing ma-chine sungah a thup. Hi le inzawm hin Ms Aarti hi Po-lice han an man. Ms Aarti hin naupasal a dit a, sienkhawm nau nuhmei a hung nei hin a lungawinaw hle a, chu leia a naute hi a that hnunga Washing Ma-chine sungah a khar khum a nih. Naute hi boruok tlasam

le thuoksama thi a nih tiin Senior Superintendent of Po-lice Akash Tomar chun a hril. A bul chun Aarti hin a naute hi mi’n an \huoihmang niin a hril a, sienkhawm Po-lice han uluk taka thu an indawn hnungin a naute hi a that hnunga Washing ma-chine sunga a thupruk thu a poung a nih. A pasal sunghai chun hieng thil thaw dingin an nawr naw thu an hril a, sienkhawm Police han an suizui mek.

KKPP Unit 1 le 2 in MW 2000 a peksuoktirunelveli: Tamil Nadu-a Kundankulam Nuclear Power Plant (KKNPP) a power genera-tion Units 1 le 2 hai chun power an peksuok ding zat maximum level 2000MW an peksuok ta niin senior KKPP site Director SV Jinnah chun a hril. Unit pakhatin power a peksuok thei hi 1000MW a ni a, zani zingkar 3:30AM khan an peksuok ding zat power an peksuok ve ve ta niin Jinnah chun a hril

India le Nepal ramri venghimna sukkhauMahrajganj: De-cember 7, 2017 a Nepal General le Assembly Elec-tion hung um ding leiin Ut-tar Pradesh-a chun India le Nepal ramri km. 500 a sei ah venghimna sin sukkhau a nih. Hi lai ramri venghimna sin hi Sashastra Seema Bal (SSB) in an thaw a ni a, ramri hi khar hmak a nih tiin SSB commandant Shiv Dayal chun zanikhan a hril.

Silai sukpuok pal leiin Jawan hliem

jaMMu: December 5, 2017 khan Jammu and Kashmir-a Poonch district-a Line of Control-a Meh-dar bel forward post a um Army jawan pakhatin a silai chawi a sukpuok pal leiin hliemna a tuok a, hos-pital panpui a nih.

Sharad le Anwar hai disqualifiedDemocracy humhimna dingin thaw pei ka tih: Sharad Yadav

new delhi: Janata Dal- United (JD-U) a inthawka hel Rajya Sabha MPs Sha-rad Yadav le Ali Anwar hai chu zanikhan Rajya Sabha member an ninaa inthawk disqualified an nitah. Rajya Sabha Chair-man M. Venkaiah Naidu in disqualified an nina hi zani hmasa zana kha a puong a ni a, hi le inzawm hin Ra-

jya Sabha member an ni tanaw nghal a nih. Mr Nitish Kumar inrawi JD-U in Congress, RJD le JD-U hai \hangruolna Grand Alliance uiret sana NDA thlawpnaa Bihar-a sawrkarna an hung siem hnunga Mr Sharad Yadav le a rawi hai hi Nitish in-rawi JD-U a inthawka in-lahran an ni a. Hi le inza-

wma Nitish-JD(U) in party thupek inza loa opposition hai thilthawnaah an \hang lui leiin anni le anni (vol-untary-a) party a inthawk inban an nih tia Rajya Sabha member a inthawk disqualify dinga ngenna an siem dungzuia Rajya Sabha Chairman in a hung dis-qualified ta an nih. Mr Yadav hi nikum-a kha Rajya Sabha member dinga thlangtling niin a term hi 2022 a tawp ding chau a ni a, Anwar hi kum thara a term tawp ding a nih. Hieng laizing hin Mr Sharad Yadav chun, Ra-jya Sabha member a ni-naa inthawk disqualify nisienkhawm Democracy humhimna dinga a la beiza-wm pei ding thu a hril.

Poll survey dungzuiin Gujarat Election-ah BJP le congress inbeitawk hle dinga ring a nihnew delhi: December 9 le 14, 2017 haia Gujarat Assembly Election phase hni-a nei ding le inzawma election campaign chu a vawrtawp a tlung mek a, first phase-a dinga vote campaign theina chu ni 2 chau a um tah. Hieng laizing hin Lokniti-CSDS-ABP News han opinion poll/survey an thaw dungzuiin sawrkarna siem mektu BJP le Oppo-sition Congress party hai chun vote share 43% ve ve an hmu a. Hi lei hin BJP le Congress hi inbeitawk hle dinga ngai an nih tiin ei thu dawngna chun a hril. Poll report hi zani hma-sa zana kha puonglang a ni a, thla 4 liemta sung khan BJP vote share hi 16% in a tlahnuoi a, August thla chen khan BJP vote share hi 59% a ni laiin Novem-ber chawlkar nuhnung taka khan chu 43% in a tlahnuoi ta niin survey report chun a

hril. Kum 22 lai zet Gujarat-a Opposition \hungnaa lo in\hung tah Congress chu survey dungzui hin an kai-

sang pei a, August thlaa vote share 29% kha thla 4 sungin 14% in a kaisang niin survey report chun a hril.

Prime Minister Naren-dra Modi popularity Au-gust thla khan 82% a in-thawk points 18 in a tla hnuoi a November khan 64% chau a hung nita laiin Congress Vice-president Rahul Gandhi popularity chu August thla khan 40% a inthawk 8 percent zetin a kaisang a, survey nuhnung takah Rahul popularity chu 57% a hung kai phak ta a nih. Hienganga BJP tlakh-nuoina hi sumdawngtu hai BJP chunga an lungawinaw lei ni dinga ring a ni a. Sur-vey dungzui hin October thla khan traders hai lai BJP in points 4 in hma an \huoi a, sienkhawm sur-vey nuhnung takah a let deuthaw in Congress chun sumdawngtu hai lai 43% votes an hung hmu a, BJP chun 40% a hung hmu ta a nih. Chun, nuhmei voters hai lai khawm BJP dittu

an tlahnuoi pei. Tuta hma chun 50% in BJP le 39% in Congress an thlawp a, a hnungin BJP thlawpna chu 44% in a tlahnuoi a, Con-gress thlawptu chu 42% in a hung kaisang ta a nih. Survey hi Constituen-cies 50 haia polling stations 200 haia voters hai laia thaw a nih. Lokni t i -CSDS-ABP News survey dungzuiin BJP chun seats 91-99 inkar le Congress chun 78-86 vel an lak phak ring a nih. Cen-tral le Saurahtra haiah BJP in hma an \huoi a, north le south Gujarat haiah Con-gress in hma an \huoi thung. Gujarat Assembly a hin seats 182 a um a, election phase hnia nei haia vote tla hai chu December 18, 2017 khin tiem ning a tih. BJP hi \hanghni chu-ong zet Gujarat-a sawrkarna lo siem ta an ni a, tuta \um khawm hin hrat ngei an lan beisei a nih.

EC in phalna la hmasa loa Ads insuo

a khapnew delhi: Gujarat As-sembly Election hung um ding le inzawmin Election Commission chun phalna la hmasa loin December 8 le 9, 2017 hai khin print media haiah advertisement insuo a khap. First Phase Election hi December 9, 2017 a nei ding a nih. Adverstisement insuo nuom hai chun state le dis-trict thuneitu hai kuoma in-thawk Media Certification and Monitoring Committee kuomah phalna la hmasa dingin EC chun an hriettir.

israel emabassy jerusalem-a sawn ding hun sukhnuk a nihwashington: Khawve-lin an thlir el, Arab (Palestin-ian) le Israel hai kara buoina suok theina ding le indona chawk suok thei dinga ngai, US President Donald Trump-in election campaign hlaa a hmang, Israel Capital chu Jerusalem a ni leiin Tel Aviv-a US Embassy khawm Jerusalem ah sawn ning a tih a ti thu boruok a sosang taluo leiin sawn hun ding sukhnuk a nih. President Trump chun Israel khawpui Tel Aviv-a US Embassy chu Jerusalem a sawn ngei tumin hma a laka chu Arab khawvelin an kal a, buoina siem an tum leiin a la \hul hri a. Tuta \um khawm US Senator tam takin an ngen bawk leiin Thaw\anni-a thutlukna siem ding ti chu la sukhnuk nawk a nih. Mi tamtakin pam\hul dinga an hril laiin Trump sawrkar ruok chun thu a tiem tah chu pam\hul thei an nawzie hrilin, “Hi chun-gchang thua hin President chu a chieng em em a. Sawn ding am ti nih lovin, iengtik am ti thu a nih lem” tiin Em-

bassy sawnna chu la thaw tho a tum niin White House thupuongtu Hogan Gidley chun a hril. Jerusalem hi Juda le Palestine han an khawpuia anga an ngai ve ve a ni leiin a sensitive em em a. Khawvel khawmin a ngai pawimawa, a thlir el chu a nih. President Trump, mi lulul ve tak le a thutiem hlen mi chun a sawn el an inlau leiin European ram-bung \huoituhai khawmin la ngaituo \ha dingin an ngen tawl. French President Em-manuel Macron chun, tele-phone hmanga Trump in-biekpuiin, US-in right a nei lai zingin buoina lientak chawk suok thei ding a nih leiin “Israel le Palestine hai inbiekna framework dung-zuia” thaw nih lem rawse tiin a hril. Hienglai zing hin Mid-dle East Peace Envoy dinga Trump-in a ruot, a makpa Juda mi nih bawk Jared Kushner chun, “President chun thutlukna a siem tho tho a ngai a. |hul ding nekin a hun ding thu a nih

lem buoina chu. Jerusalem Israel khawpui a nina hi tukhawmin la pek thei naw nih hai” tiin a hril. I s r a e l i ’ s d e f e n s e minister Avigdor Lieberman chun, President Trump chu ‘historic opportunity’ laa US Embassy chu Jerusalem ah sawn vat dingin a ngen a. Arab rambung \henkhat hai bakah Turkey Dy Prime Minister Bekir Bozdag chun, “Jerusalem nina le ngirhmun hi sukdanglam a ni chun, buoina lientak suok a tih. A biela inremna derthawng tak hi sukderthang zuol a ta, buoina thar, inhrietthiem nawna thar le tharum

insuona a chawk dawk ding a nih” tiin a hril. Israel rama foreign rambung hai embassy po po chu Tel Aviv ah an um vawng a. Consular Service (Consulate) hai chu Jerusalem ah an um thung. Jerusalem hi khawpui buoi, Juda, Muslim le Christian han an khawpui thienghlima an ngai. Politics takah Palestinian Arab le Israel-in an khawpui ve vea an ngai a nih. Ni Ruk Indo khan Israelin a lakfai vawng ta leiin East le West a awp tah a nih. Kum 1995 khan US sawrkar chun Jerusalem

Embassy Ac t pass - in J e ru sa l em chu I s r ae l khawpui angin a pawm a . E m b a s s y k h a w m Jerusalem-a sawn ding ti a nih. Amiruokchu, ring nekin buoina a siem el thei dinga an lang leiin President-in hi Dan hi thla ruk hlen loa a cheltang/delay theina ding dan siem sa a nih. Dan passed tasa khawm nisienla, ‘national security’ veng leia thaw nawna dingin President chu ‘waiver power’ pek a nih a. Thla ruk sung chen hlen lo dinga sukhnuk theina a nei a. Chu chu President Bill Clinton, George W. Bush le Barrack Obama hai khawm khan an lo hmang vawng a. An sukhnu peia Dan hmang lo a ni zing a nih. President Trump chun 2016 Election ah khan a lo intiem tah a. A thutiem angin Jerusalem ah sawn ngei a tum a nih. Palestine hai chun East Jerusalem hi an khawpui angin an la ngai zing a. Tuhin Israel awpna hnuoia um an nia chu an sawrkar a ngir phata an capital dinga an sie a nih.

US Secretary of State Rex-in EU le NATO Hotuhai An Hmupuibrussels: US le EU hai kar thu abikin NATO thuah harsatna neu neu a um hai chingfel dingin US Secretary of State Rex Tillerson chu Europe inzin European Union le NATO \huoituhai an hmupui a, an harsatna le inhrietthiem nawna neu neuhai chingfel pui a tum. Rex Tillerson hi President Trump-in a ringzo ta rak naw leiin ban a tum lungril deua thuneina khawm a nei ding ang tak a pek nuom nawh tia hril a um leiin EU le NATO hotuhai chun thutlukna a siem tak tak thei dim tiin an ringhla deu a. Tillerson chun a hmatieng ding chieng kuong lo angin hril hai sienkhawm, ‘key role’ a la play zing thu a hril. Tillerson hin European Union foreign minister hai meeting ah inhmupui a ta, EU foreign minister le Bloc Diplomatic Officer Federica Mogherini leh bu fa tlangin thil umdan hril tlang an tih. Hi zo hin NATO hotuhai le inhmuin North Korea missile program le Russia chungchang thuhai hriltlang an tih. Rex Tillerson inzin hi thu iemani zatah US le EU, NATO inrem nawna um lai a nih a. Bakah President Trump-in ‘ban el thei’ anga a hril a ni leiin a harsa pek hle. Iran Nuclear Deal thua US in tawpsan/\hiek a nuom laiin EU chun la sunzawm pei a nuom a nih. NATO Chief Jens Stol tenberg chun, North Korea missile le nuclear program tukdawlna dingin international community hai \hangruol a pawimaw thu a hril a. Inhrietthiem nawna chite tehai chu hnephnawla ngai dingin member hai a ngen. “Khawvel pumpuiin North Korea in nuclear ralthuom a hmang nawna dinga nawr/hril a

pawimaw a nih” tiin a hril. “EU Member 29 hai chun North Korea chunga an ngaidan le hmalak dan chu a fiein a det a, nuclear bomb le missile a ensin hlakhai chu nasatakin a dem a nih. North Korea inbiekna dawkan a hung kil nuomna dingin economic thilah khawm nasa taka rekbet a nih, amiruokchu, tuchenin ra \ha a lan suo nawh ti thu chau a nih” tiin a hril. US le EU hin \hangruolin, rekbetna hmangin North Korea hi inbiekpui theiin inremna lo siem thei khawm nisienla, Iran nuclear deal-a hin ring nekin an la buoi nawk lem ding a nih. Iran chun economic sanction a chunga um hi hlip kieng a ni chun Nuclear bomb a siem naw ding thu a tiem a, EU le US ta ding chun hril an tak bawk. President Donald Trump lem chun “Iranin a mi hlem” tiin hi Nuclear Deal hi umzie bo \angkaina nei lo tiin inhnuk dawka suktawp a tum zing a nih. Iran Nuclear Deal hi 2015 a US (President Obama), Britain, France, China, Germany le Russia han sawt tak inbiekna an nei hnunga siem a nih a. Iran-in missile le nuclear ralthuom siem nawng a ta, US le EU han economic santion hlip/sukzang ve ding ti a nih. US chun inhnukdawk a tum zing ta a nih.

Austria Rama Court Insangtakin Same Sex Marriage A Phalberlin: Austria rama rorelna court insangtak Austria Constitutional Court chun, nuhmei le nuhmei, pasal le pasal inhmangaia inngaizawng, innei nuomhai chu 2019 kum bul a inthawkin an innei a phal pek tah. Tu taka dan umhai po po hi chu ‘dis-criminatory’ (mi thlier bik nei) an nih tiin a puong. Austria sawrkar chun nuhmei le nuhmei, pasal le pasal inhmangai le inngaizawnghai chu an um kawp 2010 a inthawk khan a phal a, nupa anga an innei ruok chu a phal nawh a, dan anga innei thei lo an nih.Hi thil hi Vienna khawpuia nuhmei pahni inhmangai, nupa anga um tahai

innei an tum leh danin a phal naw a. Constituional Court ah khingin Court chun an innei a phal pek tah a nih. Thawlenni-a Court-in thusuok a siem dan chun, kum 2018 tawp tienga inthawk chun Same Sex Marriage

innei khapna dan hi hlip nih tang a tih, hi hmaa sawrkarin a lo hlip a nih ngawt naw chun. Hi bakah hin Gay le Gay lo, mi tluong pangngaihai khawm Kohran le sawrkar dana inneina nih phak chie lo um kawpa partnership siem nuomhai khawm thei an tih tiin a ziek. Austria hi Europe, Alphine coun-tries sawm neka tam Same Sex Marriage phal hai laia mi a ni ve tah. Khawvel hi a hur deu deu a, hurna khawm hur pangngai ni lovin mawngkuohur, nene hur, bau hurna niin Sodom le Gommorah chu nep tak a ni tah. Khawvel sawrkar 50 vangin mawngkuohurna an pawm tah.

NIOS Class 12 exam result puong

new delhi: National Institute of Open School-ing (NIOS) hnuoia Octo-ber, 2017 a Class 12 (Se-nior Secondary Course) Examination result chu zanikhan puong a nita a. Hi exam-a \hang hai ta dingin official website: nios.ac.in ah result hi en thei ning a tih.

cyclone Ockhi leiin mi 39 thi, Nga-mantu 167 an inhmang

new delhi: Thlisie cyclone Ockhi in Tamil Nadu le Kerala tuipui kam hai a nasa taka a nuoi leiin tuchena hin mi 39 in thina an tuok ta bakah Ngaman-tu 167 an umna chin hriet loin an inhmang mek niin Union Home Ministry thu-suok chun a hril. Tuchena thina tuok hai laia 10 hai chu Tamil Nadu le 29 hai chu Kerala hmuna thi an ni a, Nga-mantu inhmang hai laia 74 hai chu Tamil Nadu Nga-mantu le 93 hai chu Kerala Ngamantu an nih tiin min-istry report chun a hril a, sansuokna sin thawtu han

Ngamantu 556 damin an sansuok ta bawk. Prime Minister Nar-endra Modi chun cyclone Ockhi leia thil tlung hi \ha takin a ngaiven zing a. Thuneitu dang dang hai inbiepuiin harsatna tuortu hai a \ul le pawimaw anga sawmdawlna le \hangpuina pe dingin a hril. Cyclone Ockhi lei hin Gujarat tieng khawm zan-ikhan harsatna an tlun pha a, BJP President Amit Shah in Saurashtra region le south Gujarat haia elec-tion campaign a nei dinga ti khawm khawmuol siet leiin \hul pha an nih.

Rahul Gandhi nomi-nation a valid

new delhi: Con-gress President election hung um ding le inzawma Congress Vice President Rahul Gandhi in nomina-tion paper file theina hun nuhnung tak zani hmasaa nomination paper a file chu zanikhan enfel (scrutiny) nei a ni a, a nomination hi valid a puong a nih. Congress President election dinga nomination paper file hi Rahul Gandhi chau a ni a, inkhingpui ding an umnaw leiin Congress President a hung ni ngei ding ti a chieng ta a nih. Rahul ta dinga nomi-nations 89 peklut hai chu a rengin a valid vawng tiin party Central Elec-tion Authority Chairman Ramachandran chun a hril. Nomination paper hnukdawk theina hun taw-pna tak chu December 11, 2017 a ni a, withdrawal hun a tawp huna Return-ing Officer chun Congress President dinga tlingin a puong ding a nih.

Pakistan Army han ceasefire an bawsiet nawkjaMMu: Pakistan Army chun zanikhan Ceasefire bawsiein Jammu and Kash-mir, Rajouri district-a Line of Control (LoC) a Indian

post chu silai le mortar hai hmangin an hung kap a, In-dia sipai hai khawmin an kaplet ve. Thi le hliemna tuok an um nawh.

Hmasawnna Thar4 EntErtainmEnt / SportSMiMtukthla (deceMber) 06, 2017nilaini (wednesday)

Indian Super Leaguedecember 06 , 2017 Fixture

Delhi Dynamos vs Jamshedpur – 8 pm

Olympic weightlifter Edwin Mosquera Rao kaphlum

PalMira: Colombia Olympic weightlifter Ed-win Mosquera Roa (32) chu December 2, 2017 khan Colombia rama Palmira hmuna Bar pakha-tah kaphlum a nih. Edwin Mosquera Rao hi kum 2016 Rio Olympic-a lo \hang niin nightclub sunga inselbuoina a tlung a,

chu huna kaphlum nia hril a ni a, a lu le a ke haia silaia kap a nih. A kaphlumtu hi Mr Mosquera Rao hmelhriet a ni ring a ni naw bakah an kaphlum hnung hin night-club hi an suoksan nghal a nih. Palimira sawrkar chun Mosquera Rao kaphlumtu

hai man an ni theina dinga information pe theitu hai kuomah dollar 4415 pek dingin a puong. Colombian Federation for the Lifting of Weights chun Mosquera thi hi an sun thu le a sunghai an sun-pui thu an puong bawk. Mosquera Rao hi Cho-co, north west Colombia hmuna pieng niin kum 2016 Rio Olympics a a khan 69kg category-ah pas-arina in a \hang phak a nih. Rao hi professional sol-dier lo ni hlak a ni a, kum 2008 le 2010 hai khan Pan American Weightlifting Championships hai lain double gold medalist a nih.

Lionel Messi statue suksiet nawk a nihbuenos aires: Ar-gentina soccer star statue Paseo de la Gloria hmuna in\hut chu Thaw\anni khan suksiet nawk a nih. Hi lai hmuna Messi statue hi June, 2016 a kha in\hut a ni a, tukum sunga vawihni suksieta a umna a ni tah. Tukum kumbul lai khan a lu le a pum keithlam a lo nitah. Messi (30) hi \um 5 world player of the year lo nitah, World cup qualify-ing match October thlaa Ec-uador le an inkhel \um hat-trick hmua Agentina team World Cup 2018 \hang thei

dinga qualify puitu a ni a, sienkhawm a chunga lun-gawinaw pawl an um leia hieng thil hi an thaw ni din-ga ring a nih. Messi inrawinaa Ar-gentina national team hin

kum 2014 World Cup-a khan Germany hne zo lovin an lo tlawm ta bakah kum 2015 le 2016 hai khan Copa America finals ah Chile lakah an lo tlawm ta a nih.

Indian Football Captain Sunil Chhetri le So-nam Bhattacharya hai an innei tah

kolkata: Indian Foot-ball team captain le Indian Super League khel mekah Bengaluru FC ta dinga khel Sunil Chhetri chun hun sawt tak a lo inzuipui tah a ngaizawngnu Sonam Bhattacharya leh Thaw\anni khan Kolkata hmunah nupa ni dingin an innei tah. A nuhmei Sonam Bhattacharya hi Mohun Bagan legend Subrata Bhattacharya naunu a nih. An inneina programme a hin West Bengal Chief Minister Ms Mamata Ba-nerjee khawm \hangin dit-sakna inhlantu hmasa pawl lai a \hang a, khawvel politicians, cinema, foot-baller le sportsperson tam

takin an inneina hi an uop bawk. An inneina uoptu hai lai hin Chuni Goswami, Gourmangi Singh, Renne-dy Singh le Robin Singh hai khawm an \hang tawl. Chhetri le Sonam hai hi thla hmasaa kha innei dinga lo inhuol le kutsebi lo inbuntir ta an nih. ISL fe

meka hin chawl a nei thein-aw leiin December 8, 2017 nia Bengaluru FC le North East United FC han Guwa-hati hmuna an inkhelnaa khawm \hang a tih. Sonam hi Scotland-a Business Management Graduate niin hotel ie-manizat a enkawl mek a nih.

Vijender Singh in Haryana minister a thlawpchandigarh: Gu-wahati hmuna Women’s Youth World Boxing Championship nei zo hli-ma Haryana nuhmei box-ers medal latu hai kuoma chawimawinaa Bawngpui pek dinga Haryana state Animal Husbandary Minis-ter Om Prakash Dhankar in a puong chu Olympic win-ning boxer Vijender Singh in a thlawp. Minister hin nuhmei boxer hai lawmpuinaa Bawngpui pek dinga a pu-ong khan mi \henkhat sa-wisel a hlaw a. Sienkhawm gift a hiengang inpek chu a pawina a um naw a, hmatieng athletes hai lawmpuinaa pek sunzawm

pei ding a nih tiin Vijender Singh chun a hril. Minister Dhankar chun, Lawi nenetui ang ni loin Bawngnene a hin thau a tlawm a, hi lei hin inkhelmi hai ta dingin a \hain a hrisel a, hratna a pek bawk a, hlawtling pei dinga ditsak leia Bawngpui pek dinga a puong niin hieng boxer hai

lawmpuina hunser hmang-naah a lo puong a nih. Minister in Bawngpui pek dinga a puong hi Medal latu hai lai khawm a ditlo an um. Gold medal latu Shashi Chopra nu chun a siena ding hmun le ram an neinaw leiin Bawngpui pek dinga ti hi a ditnaw thu a hril.

Mariah Carey-in Christmas Concert A Nei Thei Tahnew york: Kum 50 a tling vang taa chu hlasak le performance la hnesaw em em, ni kum Christmas tawma damnawna leia kum tina nei hlak Christmas concert tour nei thei lo Mariah Carey chu, tu kum Christmas concert “All I Want For Christmas Is You” nei theiin a um taa a hlim hle. Fans hai khawm an lawm. Kum 47-a upa Mariah Carey chu a dum suit-a inthuomin Thaw\anni zan khan Show a nei zovin Beacon Theatre a inthawka a hung suok lai hmu a nih a. A hmel en chun a hriselna a \hain a hlim zing ti hmu thei a nih. Skin tight zakuo dum, a pum rek thap chungah leather Jacket dum a hak a, a mar \ha hle. Pheikhawk insang a hrui dum a bun bawka. A sam eng thal chu fai hlawkin rangkachak inzai ral ral angin an inzai thla diel a, a taksa rawng leh an match bawk, en nuom a um hle. An nui deu sai zinga, a bodyguard pa ruok chu veng tumin a buoi hle thung. A make-up a huntawk chara, a hner sen hlawr hlawrin a ha var \ha tak leh an match hle, a damnawna hmel an lang tah nawh. Mariah hi a backup dancer le ngaizawngpa Bryan Tanaka in a zui zing a, ama vengtu security

haiin chawkbuoi a ni nawna dingin nasatakin an veng zing bawk. Kar hmasa Ningani khan “Feeling bettr and back at work” tiin Twitter ah a tweet a. Inrinni zan a inthawk khan New York, Beacon Theatre ah Christmas concert a nei. Mariah Carey chun “All I Want For Christmas Is You” concert nei sunzawm pei thei dingin a damfel ta leiin a Tour cancelled hai aiah concert a nei pei ta ding niin a hril. Mariah hin a Christmas concert tour-a hin a nauhai pahni Monroe le Moroccan hai khawm a \huoi pei hlak A nauhai le a pasal hlui Nick Cannon le an nau an nih. Pathienni khan Tanaka leh a nauhai Christmas tree an siem a \hangpui a. Christmas tree an siem lai video le thlalak lain social media haiah a share a, fans hai an lawm hle. Mariah Carey hin dan naranin Christmas chu Ski Resort, Aspen, Colorado ah kum tinin a nauhai leh an hmang hlak. Celebrity hai inkhawmna ding khawm a uma chu Biekin puotienga Christmas hmang hi inhawi an tih lem niin an lang a. Eini laia \halaihai ang tho an nih.

Sunny Leone-in Tamil Film Hmasatakna Ding Chang Ding

MuMbai: Indian nunghak Canada mi le US mi nina nei bawk, a nunghak lai chu khawvela nunghak hmel\ha taka hril, internet le pasalhai bedroom suklumtu Porn star a inthawka Bollywood luta nun thienghlim taka hmang nawk, Sunny Leone chun Tamil film a changna hmasa takin ‘tleirawl pasal\ha’ (Young Warrior) lem a chang ding a nih. S u n n y L e o n e - i n Tamil film a changna ding hmasatak hi Tamil film inlar tak tak Thambi Vettothi Sundaram, Sowcarpettai le Pottu hai lo siem tah Vadivudaiyan-in a direct ding a nih. Producer hai chun, “Pre-production sin chu ngawr takin a fe zing a, zofel vat ni tang a tih. Sunny Leone-in project phur

vawng a ta, hi sina ding hin ni 150 a tiem/a pek” tiin an hril. “Sunny chu pasal\ha (Warrior) ang ding a nih leiin chem hmang dan, kawlhnam vai dan, insuol dan le Sakawr chuong danhai po po \ha taka inchuktir ning a ta, January a inthawkin shooting \an ning a tih. Pasal/nuhmei \ha huoisen tak (Young warrior) a nih” tiin director chun hril. Director Vadivudaiyan chun hi filma misuol (villain) ding chu Navdeep a ni thu hrilin, “A career a dingin ‘game changer’ a nih ding a nih. A sin sukdanglam khawm a hun ta tho a nih” tiin misuol lem chang tieng a hmang ta ding niin a hril. A hming la hriet lo film hin CG Work khawm minute 70 vel a \ul ding a na. Film dang dang ‘Baahubali’ le ‘2.0’ haia CG work lo thaw tah companies hai khawm an \hang ding niin a hril a. A film hi zo vawng pha Telegu, Malayalam le Hindi \awng hai khawmin tlangzar/siem ning a tih tiin Vadivudaiyan chun a hril. S u n n y L e o n e h i n Tamil film ah chu 2014 khan Vadacuryy ah ‘dance number’ (lama hla sakna) a lo chang tah a. Tuta mi hi Heroine a nina ding, iengkim ama chunga innghat vawng film hmasatak ding a la nih.

FUtsAl Fest 2017dec. 6, 2017 Fixture

5:00pm - LMT v/s Khumujamba FC5:40pm - Youth Live Athletics v/s Dumbellu Utd.6:30pm - OFA v/s Pistolero FC7:00pm - FAST v/s C. Manlun FC7:40pm - LR Hardware v/s 5 Bros. (NYU)8:20pm - The Disturbance v/s Strike Back FC9:00pm - Simveng v/s Konsham FC9:40pm - Sunrise Utd v/s A Thiemthu Hril Ve LodeC. 5, 2017 resUlts 5:00pm - A thiem thu hril ve lo 4-2 Thlawi Hunter FC (FT) 5:40pm - Alliance FC 0-4 Manchester Utd (FT) 6:20pm - Muolhlum SC 1-3 UU LE NANAU (FT) 7:00pm - Amigos FC 0-3 Spot FC (FT) 7:40pm - Shan FC 1-3 Mean Machine (FT) 8:20pm - FC Ridil Fans 2-4 Shangkim FC (FT) 9:00pm - Ruolcham YC 2-1 Pot Pot FC (FT) 9:40pm - Simsung FC 1-0 TLFC (FT) 10:20pm - Oza Boyz FC 1-2 Throks Throks FC (FT) Venue: HSA Campus, Rengkai, CCPur. Duration: Dec. 4-9, 2017

Fashion Awards 2017 Puong, Kaia Gerber Nal Danglam

london: Supermodel Cindy Crawford naunu, ama puola model nina hau \an ve mek, kum 16 chauva upa IMG model Kaia Gerber chu a vawikhat \hangna dingin Fashion Awards 2017 ah a ruol nunghak \henkhat Selena Gomez, TV presenter Caroline Flack le model Poppy Delevigne hai le a \hang ve a, a nal danglam bik hle. Red Carpet a hung hraw lai khawmin a dung an sangin a zen nal bawk, a zakuo hak a awm lai po tuoma a ringa inkhit hakin, hieng ang puon bawka \hui puonbil (skirt) designed taka thui a bun bawk a. A puonbil rawng ang char pheikhawk insang a bun bawk a. A sam sen thal chu nam zata khuiin a mitmeng serious tak leh ngaino a bei hle. IMG model Kaia Gerber hi kum 16 chauh a la nia chu Fashion Show panga zetah tu kum sung chauvin a catwalk hman a nih. Cindy Crawford naunu a nina angin

mi dang neka ditsak hlaw naw sienkhawm, ama tawka a pieng nal le zei leiin a hrana nu le pa \hangpuina amanih a \ul nawh. A nu a hmangai zie suklangna dingin an pahni selfie Instagram ah a post a, fans hai an lawm hle. Cindy Crawford chun kha hma met khan, The Cut magazine kuomah a naunu hin a ‘beauty regime’ a ngaisang hlea, a hnung a hung zui pei niin a hril. “Thil inhawi tak chu a hung puitling ding en zing pumin ka hnung a hung zui pei ti ka hmu thei hi a nih. Thu a awi em em a, ka sinthawna a mi hrietthiem pui hle, a naupang laia inthawkin. “Ka nauhai, abikin Kaia Gerber hin ka \awngbau nekin ka chet zie hai a inthawkin thil an chuk rawn lem niin ka hriet. Naupang chu \awngbaua hril ringawt nekin nungchanga hne le inchuktir an awl lem. Chuleiin, ka changzie le thilthawin ka sukhmu hlak” tiin Kaia hin a chang dan le chetzie hai ngun takin a en hlak niin a hril. Tu kum Fashion Awards 2017 latuhai chu a hnuoiahai hi an nih:Outstanding Contribution to British Fashion Award - Christopher BaileyBritish Designer of the Year - Menswear Craig Green for Craig Green British Designer of the Year - Womenswear Jonathan Anderson for JW AndersonAccessories Designer of the Year - Jonathan Anderson for LoeweSwarovski Award For Positive Change - Ma-ria Grazia ChiuriUrban Luxe Brand - Off-WhiteIsabella Blow Award for Fashion Creator - Pat McGrath British Emerging Talent - Womenswear Michael Halpern for HalpernBritish Emerging Talent - Menswear Charles Jeffrey for Charles Jeffrey LoverboyBusiness Leader - Marco Bizzarri for GucciSpecial Recognition Award For Innovation - Stella McCartneyStyle Icon - Donatella VersaceDesigner of the Year - Raf Simons Model of the Year - Adwoa Aboah.

Lampui siemna sukbuoi lo dinginccPur: Zomi Re-Unifi-cation Organisation (ZRO) chun Guite Road lampui siemna fe mek chu tukhaw-ma sukbuoi lo dingin ngenna an siem. Guite road siemna hi Bhartia Infra Projects Lim-ited (BIPL) in an thaw mek a, hi lampuia motor inlawn hai khawm lampui siemtu hai sukbuoi zawnga um lo ding le thlawp seng dingin ZRO a Ministry of Infor-mation & Public Relation in thusuok a siema chun a ngen.

Vocal Quest Solo sunzawm: Top 5 thlang an nihccPur: For One Life Asia huoihawtna hnuoia Vocal Quest Solo competition neia um chu December 5, 2017 zan dar 6:00 khan LJ Memorial Hall, JJ Plazza, Rengkai Road, CCPur-ah sunzawm a ni a. Hi huna hin Top 5 thlangsuok an nih. Next round chu December 21, 2017 khin a hmun le hun pangngai bawkah nei nawk ning a ta, hi huna hin top 5 han hla pahni (English le Local dialect songs) pei sak an tih. Vocal Quest hi a nuom uop dingin Rev. Joseph R. Joute, Director, For One Life Asia chun fielna a siem. Vocal Quest Solo Top 5 Result chu

hnuoia ang hin a nih:-1. Lhingjemhoi, Hmarveng 2. Ciinsanpaal, New Lamka3. Lethaolen Misao, Kawnpui4. Lalmakthang Sailo, Kawnpui5. Marisa Vanrammawii, Ngathal

Lampui siem pekna thuah Vangai mipuiin lawmthu an hril

Pherzawl: Vangai tlangdung PMG-SY lampui \hatnaw zie hrie a Pu Lalring-um, BJP Mandal President in sawrkar tieng an tlun pek hnungah November 1, 2017 a

inthawk lampui siem\hatna sin thaw le a tawpna tak Sartuinek chen tluong taka siem zo theia a umna thuah Vangai mipui chun lawmthu an hril. Lampui \hatnaw leia an thlai thar suok le thil dang dang hai zawr thei loa an um chun an Christmas hmang ding chen a suk-buoi ding thu an intlun hnunga sawrkar khawmin ngaipawimaw pek a, sawrkar pa ti neka \haa mimkei tlungin lampui a suks-iet hai siem\hatna sin hi thaw a nih. Hma tieng peiah khawm hma hung la nawk pei dingin ditsakna an inhlan bawk.

(- Daniel Zochawngsang)

Sanitization on Active Case finding training

ccPur: Revised National Tuberculo-sis Control Program (RNTCP), Chura-chandpur hmalaknain December 5, 2017, 11:00AM khan CMO Mini Conference Hall, CMO Complex-ah Sensitization Pro-gram on Active Case Finding (TB), 2017 nei a nih. Hi huna hin Dr Kim Simte, CMO, CC-Pur chun TB natna le inzawma district

sunga inen theina hmun hai hrillangna a nei a, Lheineihoi Lhungdim, Senior Dots Plus Supervisor, RNTCP chun ACF le inzawma Field Activities tum tum, campaign thaw dan ding, record le report siem dan ding hai hrilhrietna a nei. Th. Subashini Devi, STLS, RNTCP chun Field activities tum tum, test sample (khaksaw) lak dan an chuktir. Training a hin District sunga PHC le PHSC haia Medical Officer in-charge hai bakah Program Officer hai an \hang tawl. TB natna hi kum 2025 chenah India rama inthawk sukbo tumin sawrkar thlung-puiin hma a lak a, hi le inzawma Revised National Tuberculosis Control Program hi a hung \an a nih.

Zou Gal Football khel sunzawm ding

ccPur: CDSA le Gal Centenary Open Shield Football Tournament Or-ganizing Committee hai \hangruola Zou Gal Foot-ball Tournament fe mek chu December 6, 2017 a inthawk Public Ground, Hiangtam Lamka hmuna sunzawm nawk ni tang a tih. Vawisun 12:00Noon hin UKB le FC Zogene inkhel an ta, zantieng 2:00PM in LSC le M. Song-

gel YC (MSYC) inkhel an tih. Inkhel sunzawm theina ding hin zanikhan Goal post phun le line marking hai thaw a nih. Gallery bawl leiin ie-manichena inthawk khan Public Ground-a hin foot-ball inkhel lo le hmang loa um ta a ni a, Zou Gal Foot-ball Tournament fe mek hi Gallery siemzo a ni hnunga public ground hmang hma-sa tak ding an nih.

london: Romania hai lal nih hlak, Former King Michael chu zani khan kum 96 mi niin a thi. King Michael hi ni kum 2016 a inthawka khawn Cancer natna neia enkawl a nih. King Michael hi nuapang a nih lai 1920s bawr lai khan ro a rel a. Chu hnungin 1940s lai khawn swng hni-na dingin ro a rel nawk a. Khawvel indopui 2-na hun laia Lal roreltu, sawrkar lu khaituhai laia pakhat a nih. Indopui zo khan Com-

munist han 1989 khan thawluina hmangin an \humhnuoi a. Kum 1990s bawr lai khan exiled a nih a. Romania communist dic-tator Nicolae Ceaucescu a thi khan a hung kir nawk a. Cancer natna a neia in-thawkin public life chawl-sanin an enkawl ta a nih.

Romania King Hlui Michael (96) Muol A Liem