Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984

Hmasawnna Thar Vol - 32/263 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

THLAHmur (juLy) 12, 2017 NiLAiNi (wedNesdAy)

Contact Numbers pawimaw : dC/CCpur : 03874-234234 sp/CCpur : 03874-236747 police station : 03874-202248 sp Control room: 03874- 233239 dist. Hospital Casualty : 03874-233370 Fire Brigade : 8974 147 799/ 8258 057 887 / 8974 103 600

sP Hotline Number 7085-256-377

NEWS TOMkiMCHANCHIN LAKTAWIRev. Thanglien ti a tiem

lem dingCCPur: Tulai hnai ela tlangzar ‘Kona Rawl Mawi’ (Rev Zosanglien le a hlahai)’ ti lekhabu ziektu Pu Lallun-gawi chun, a lekhabu ziek phek 114-naa ‘Rev. Thangn-gur naupa ‘rev. Lalthang’ ti kha ‘rev. Thanglien’ tia tiem lem ding a nih tiin suk-dikna a siem.

Ortho. Surgeon pan theiCCPur: Lamka Nursing Home, IB Road, CCPur a chun nizin zantieng 2PM a inthawk Orthopaedic Surgeon pan thei ning a ta, zun lam tiengpang le tha na nei hai ta dingin OPD hun hmaa booking thawa inen-tir thei ning a tih.

Ruosur in nundan pangngai a sukbuoi CCPur: Tulai fur ruotui hung tlak mek chun Ma-nipur phairam district chau ni lovin tlangram biel haia khawm harsatna nasa tak an tlun a, nitin nundan nasa takin a sukbuoi pha. CCPur khawpui sun-ga khawm hmun inhnuoi na deu haia chun Imphal khawpui sung hai angin tui an dil a, hmun inhnuoina deu haia chun tuihawk nasa takin an dil a, Nulla hai an luongliem leiin lampui haiah vadung angin tui-hawk an luong huou huou bawk.

BSI, CCPur Branch Annual

ConferenceCCPur: July 15 & 16, 207 hai khin EBC Bethany Zoar Veng, Bungmualah Bible Society of India (BSI), Churachandpur Branch Annual Confrence nei ning a tih. July 16, 2017 zing dar 10:30 a Worship Service huna certificate le lawmman dawng dinga ti-hai chu hi huna hint hang a, an certificate le lawmman dinghai hang la seng dingin BSI, CCPur Branch chun inhriettirna a siem. Certificate dawng ding hai chu, kum 2016-2017 sunga Chief Patron mem-bers fee Rs 5,000 pe hai le lawmman dawng dinghai chu kum 2016-2017 sunga collectors, Rs 10,000 le a chungtieng dawl hai an nih. Certificate dawng dinghai hi mi 43 le lawmman dawng ding hi mi 31 an nih.

Manipur Bhawan, Guwahati hnuoia sin ruok

imPHAL: Manipur Bha-wan, Guwahati a thawk ding Multi-Tasking Staff-MTS(Grade-IV) posts 14 (General-4, ST-4 , OBC-2) , LDC(Receptionist/OA) posts 6 (General-4, ST-1 & OBC-1) le Driver posts-4 (General-3 & ST-1) a ruok . MTS sina ding hin thiemna Class-X passed a tul a, LDC a ding hin Graduate le Com-puter thiem a tul a, Driver a ding hin Driving Licence 9Light) nei a tul. Hnina le-kha peklut theina hun taw-pna tak 25-07-2017 a nih. Hnina lekha chu lekhapuon

narana ziekin “The Office on Special Duty, Government of Manipur, Manipur Bha-wan, ASEB Road, Ulubari, Guwahati-781007 or The Secretary (GAD), Gover-nement of Manipur, Old Secretariat, Imphal-795001, Manipur haia peklut thei a nih. Hnina lekhaah hin pass-port size thlalak copies 2 le lekha pawimaw hai (Xerox copy) kilde sa ding a nih. Hlaw chu thla khatah MTS Rs 5740 +Spl.Incentives, LDC Rs 7100 + Spl. Incen-tive le Driver Rs 7100 + Spl.Incentive a nih.

Pasal pakhat kap hlum saa hmuimPHAL: Zanikhan Jiri-bam District sunga Sota-bekara hmuna pasal pakhat kap hlum saa hmu a nih. Kap hluma um hi Ranjan Das (42) of Sotabekara a nih. Ranjan Das hi July 10, 2017 zan dar 7:15 vela kha ralthuom chawi, tu ti hriet lo han a chengna in a in-thawka a thu le hla lova an

thuoisuok, an khaw khela ramhnuoia an kap hlum a nih. A ruong hmu a ni huna hin underpant chau le um a nih. Jiribam Police han mithiruong hi an va lak a, Jiribam Hospital;-ah post-mortem thaw a nih. Sota-bekara hi Jiribam a inthaw-ka 20km vela hla nia hril a nih.

Bandh or Shut down thaw an tum nawh

imPHAL: Social Media Group \henkhata Manipur Police thenkhata Mani-pur Police Constable Male Civil Viva Voice Complet-ed Candidate Fresh batch, 2016, 10+2 pawlin July 11, 2017 zanrila inthawk dark-ar 48 sung Manipur pumpui huopin bandh or 48 hrs to-tal shut down thaw an tum tia an thedar hi thudik lo le kan hrietpui lo a nih.

Hi sin lakna le inza-wm hin State sawrkar leh Agreement ziek a nit a tiin R.K.Shital, Publicity Secretary, Manipur Police Constabla Male Civil Viva Voice Completed CAN-DIDATES Fresh Batch, 2016, 10+2 chun zanikhan thusuok a siem. Chun, hiengang thukhel thedartu hi hrilfiena siem dingin R.K.Shital chun an hriettir.

Interim report CM kuomah peklutimPHAL: Kum 2013-2014 a Manipur Police Department hnuoia Po-lice Uniform inchawkna le inzawma thil indik lo um suizuina le inzawm interim report chu Chief Minister kuomah peklut a nit a tiin Dr S.Ibomcha

Singh, IGP (Administra-tion) chun ahril. Police Uniform inchawka um hai chu a siena hmunah va en le hi thil thawnaa inrawlna nei ni dinga ringhla hai chu thu indawnna nei a nih tiin Dr S.Iomcha Singh chun a hril

Score Card le Registration numberimPHAL: B.Sc (Hort) inchuk dinga Counselling Proforma pelut tahai chu July 14, 2017 chena 22nd All India Entrance Exami-nation, 207 Score Card le Registration number Di-

rectorate of Horticulture & Soil Conservation, Sanjen-thong Imphal-a pelut din-gin Director, Horticulture 7 Soil Conservation, Govt. of Manipur chun inhriettirna a siem.

NH-ah motor a fe thei tahimPHAL: NH-37 (Imphal-Jiribam Road) a lampui sietna hmun hai chu siem that zo a nit a leiin motor lien hai thangsain July 10, 2017 zana inthawk khan a pangngaiin an fe thei nawk tah. NH-2 (Imphal-Dima-pur Road) a lampui sietna ruok chu siem mek a la ni a, siemzo hun ding hriet a la ni nawh. Amiruokchu, lam-pui that nawna hi hel thei a ni leiin inter-state Bus-hai

chu zanita inthawk khan an service \an nawk tah. Lampui hi a hlatna tienga hel a ni leiin motor chuong-man chu sukpuong met nia hril a nih. Churachandpur a inthawka Imphal-Dimapur Road a service inter-state Bus-hai le Imphal-Jiribam Road-a service Tata Sumo hai khawm zani zingkara inthawk khan ni dang ang bawkin an service an sun-zawm tal nawk tah.

Ruosur nasat leiin NE bielah harsatna nasatak an tlun mekArunachal Pradesh-ah leiin mi 5 thi, 9 an inhmang ;

Nagaland-a leilak chim leiin mi 4 in thina an tuokiTANAgAr/ KoHimA: Fur ruotui hung tlak mek le inzawmin India ram hmar-sak biel haia chun mimkei, tuilien le sietna dang dang hai a tlung mek. Zanikhan Arunachal Pradesh khawpui Itanatar-a inthawk km. 40 vela hla Papum Pare district sunga Laptap village a chun mim-kei nasa tak a tlung a, mi 14 velin thina an tuok ring a nih. Mimei hin In 5 chu a vur khum vawng nia hril a nih. Arunachal Pradesh a hin mimkei tlung leiia mi 150 chuong zet intang hai phur-suok dinga vuongsuok Indian Air Force Helicopter tuoksiet tuok leiin mi 4 in thina an lo tuok ta bawk a nih. Zanita mimkei tlung le inzawm hin NDRF team

mi 35 hai chu a hmuna thil umdan enfel le sansuokna sin thaw dingin an fe nghal a, tuolsung mi hai le san-suokna sin ngawr takin an thaw zing a, hi thu ei sut chena hin mithiruong 5 hmu a nita a, mi 9 an umna chin hriet loin an lan hmang mek niin ei thu dawngna chun a hril. Arunachal Pradesh

Chief Minister Pema Khan-du thil tlung pawi a ti thu hrilin thina tuok sungkuo hai a sunpui thu a puong bakah thina tuok sungkuo hai kuomah zangnadawm-na Rs. 4 lakh seng pek an ni ding thu a hril. Hieng laizing hin zani zantieng khan Nagaland-a chun Christian Institute of Health Sciences & Re-

search (Referral) hospital, Dimapur bul lai leilak pakhat a chim leiin mi 4 in thina an tuok bakah midang 5 in hliemna an tuok niin Dimapur Commissioner of Police Limasunep Jamir chun a hril. Leilak chim hin motor 4 vel a suksiet bawk niin ei thu dawngna chun a hril. Leilak chim hi Kheloi

village-a National Socialist Council of Nagaland-Uni-fication (NSCN-U) desig-nated camp panna leilak a nih. NSCN-U hi sawrkar thlungpui le Ceasefire nei mek an nih. Chun, Assam rama khawm tuilien leia mipui harsatna chun zieum tieng a la pan theinaw zing a, zanikhan Jorhat district-ah

mi 2, Chabua (Dibrugarh district); Dimow, Sivasagar district, Baghbar, Barpeta district le Kamrup (Metro) haiah tuilien leiin mi pak-hat seng, an rengin mi 6 in thina an tuok belsa nawk leiin tukum Assam rama ruosur le tuilien leia sietna dang dang tlunga thina tuok chu 40 an tling tah. Asam tuilien hin district 23 haia mihriem 16 lakh velin har-satna an tuok pha mek a nih. Manipur-a Imphal khawpui sung khawm hmun inhnuoina hmun haia chun tui nasa taka a luon-glut leiin mipui han harsat-na namen lo an tuok mek a, Imphal le CCPur inkar lam-pui hai khawm hmun tam takah tuiin a chim.

Arunachal Pradesh mimkei Dimapur leilak chim

District Level World Population Day hmang

CCPur: Hmun tum tuma hmang ang bawkin zanikhan District Family Welfare Officer (DFWO), CCPur hmalaknain YPA GHQ Hall, Hiangtam Lam-ka hmunah World Popula-tion Day (WPD), 2017 le Service Delivery Fortnight hawngna hun hmang a nih. Hi huna hin Pu Shyam Lal Poonia, IAS, DC, CC-Pur khuollienin a \hang a, Dr T. Nengkhanmang, Dy. Superintendent, Dist. Hospital le Dr Kim Simte, CMO, CCPur hai chu func-tional President le Guest of honour in an \hang. Pu Shyam Lal Poonia chun, world population day hmang a nina san, in-sung intodel le hmasawn theina dinga a pawimawna hai a hril a. Khawtlang in-todel le hmasawn theina dingin mimal le pawl tum tumin mawphurna an nei thu, Medical le District Administration tieng khaw-min theitawpa hma lak zing a \ul thu hai a hril. Dr T. Nengkhanmang chun, khawvel le ei ram enin population pung hrat

em em control a \ulzie inhrilhriet a pawimaw thu a hril. Dr Kim Simte chun, “Importance of Spacing and Planning Family” le Zenngaihlun, DPM, NHM chun “Eligible Couple Registration le ASHA Incentive” ti thupui hai hmangin thu an hril bawk. World Population Day hmang zo hin District Hospital-ah Service Deliv-ery Fortnight hawng nawk a ni a, hi huna hin Dr Kim Simte, CMO, CCPur chun ribbon chep tanin Service Delivery Fortnight hi a hawng. Service Delivery Fortnight hi July 11-24, 2017 inkar sung hmang ning a ta, hi hun sung hin nau nei thei talo dinga in-siem nuom hai ta dingin hun hawng ning a ta, nau inkhatna hmangruo tum tum sem a ni bawk ding a nih. June 27-July10, 2017 inkar sung kha WPD ding le inzawmin Population fortnight a hmangin hmun tum tumah Poster/Banner hai tar a nih.

TB invawi enkawl hnun-ga damfel 54 an um

CCPur: Tukum June 30, 2017 chen khan District TB Centre, CCPur-a chun in en dinga ticket la mi 8,490 an um a. hi lai hin mi 522 hai test thaw a ni a, patient 69 registered an ni a, mi 5 Multiple-Drug Resistant (MDR)-TB a record an ni a. Patient (damnaw 69 reg-istered hai laia 54 hai chun treatment zoin an dam fel ta a, TB a damnaw pahni damzo lovin an thi a, treat-ment zo tah, sienkhawm an la damfelnaw leia treat-

ment sunzawm an ni a, damnaw 5 in treatment an tawpsan tiin zanita Dr T. Pumzathang, District TB Officer, CCPur inrawinaa a Office-a informal meet-ing nei huna report a pe-knaah a hril. Meeting huna hin Dis-trict sunga PHC tum tuma Medical Officer in-charge hai an \hang a, TB Testing thua report siem dan ding le TB Control program hnu-oia term thar hmang hai hriltlangna an nei.

Tipaimukh biela ding NFSA buifai laksuok le thawn

CCPur: FCI Godown, Headquarter Veng, CCPur- a chun National Food Se-curity Act (NFSA) hnuoia May 2017 quota bufai sem-dawk mek a ni a. June 11, 2017 khan Par-bung SDO le Pu Samson, Nominee han Tipaimukh Assembly Constituency sunga Hmarbiel pumpuia

Beneficiaries hai kuoma sem dingin zanikhan FCI Godown a inthawk ladawkin Rationing Agent hai kuoma an pek dawk a, zani ma khan Hmarbiel tieng phur nghal an nih. NFSA hnuoia Tipaimukh A/C May, 2017 quota bufai quintals 911 a nih.

Governor in Nagaland CM Major-ity a Command zo le zo naw July

15 a inentir dingin an hriettir; Shurhozelie Lietzietsu in nomination a file

KoHimA: Mr Shurhoze-lie Lietzietsu Chief Min-ister nina hnuoia Nagaland sawrkar buoina chu a la fe pei a, Nagaland Governor P.B. Acharya chun Mr Shurhozelie Lietzietsu chu July 15, 2017 niah majority a Command zo le zo naw Nagaland Assembly-ah in-entir dingin an hriettir. Nagaland CM hlui T.R.Zeliang chun Naga-land Assembly members 60 umnaah NPF MLAs 34 le Independent MLAs 7 han an thlawp nia hrilin an Governor chu sawrkar insiemtir dinga a ngen leia Shurhozelie Lietzietsu CM nina hnuoia Nagaland NPF Sawrkar hi buk a hung \ul a nih. Hieng laizing hin Na-galand Chief Minister ni lai Shurhozelie Liezietsu chun Nagaland-a sawrkar-na siemtu Nagaland Peo-ple’s Front (NPF) leader-ship chungthuah buoina a

umnaw thu July 29, 2017 nia Northern Angami seat-a byelection hung um dinga Returning Officer cham-ber-a nomination paper a file zo hnunga chanchin-bumihai an hmupui huna a hril. NPF sunga in\hena a umnaw thu hrilin, Kazi-ranga hmuna MLA in camp hai khawm an hung kir nawk vat ta ding niin a hril. Nomination paper a file huna hin Rajya Sabha MP KG Kenye, Ngaland Cabi-net ministers CL John, P. Longon le Yitachu, Advi-sor Thongwang Konyak le NPF Central Executive Council members han an tawiawm. Northern Angami seat-a byelection um dinga nomi-nation paper file theina hun tawpna tak chu July 12, 2017 hi a nita a, scrutiny July 13, 2017 in nei ning a ta, inhnukdawk theina hun nuhnung tak July 15, 2017 a nih. Hi biela byelection chu July 29, 2017, 7AM-4PM inkar sungin Polling stations 25 haia nei ning a ta, vote thla hai August 3, 2017 khin tiem ning a tih. Tuta Nagaland CM ni lai Shurhozelie Lietzietsu hi MLA la ni lo a ni leia byelection hung um dinga ngir dinga Nomination pa-per hi a file a nih.

Lungthulien le Hmarkhawpui inkar lampui infielfaina sin thaw mup mup zingPHerzAwL: Tulai hnaia mimkei tlungin Lungthu-lien le Hmarkhawpui inkar (Ruongnau hnar) lai lampui a sukchimna hmun chu JCB hmangin inthielfaina sin thaw mup mup zing a nih. Tuta Ruongnau hnar mimkeiin lampui a suks-iet zuolna hmun hi ni 4 vel hnunga chu inthielfai zo thei beisei a nih tiin Pu Lalruotlien Hmar chun ei chanchinbu palaia a hril. Lampui siet le siemna sin fe mek le inzawm hin VA Union chun Manipur CM N. Biren Singh kuomah khawm Memorandum an

lo pek ta a, sienkhawm sawrkarin hma a hung lak el naw leia mipui hmak-huo ngaina leia VA Union

Tipaimukh, HYa Hmarram JHQ le HPC(D) han lampui sietna hai siem\hatna sin hi an thaw a nih.

Lampui siem\hatna sin thaw mek le inzawm hin khaw tina In tinah Rs. 80/- seng thawlawm dinga inhri-ettirna siem a ni a. July 17, 2017 chenah collector hai kuomah lampui siemna dinga pawisa dawla um hi pe seng dinga inhriettirna siem a ni bawk. Tuivai le Luoksuo leilak, Mizoram tieng mimkiei lien hmun 3 le mimkei naran hmun 4-ah a um a. Tuchena hin Mizoram sawrkar chun hmalakna iengkhawm a la neinaw bawk tiin Pu Lal-ruotlien chun a hril.

Manmasi Magazine

CCPur: Tui\haphai, CC-Pur a inthawka insuo Man-masi Magazine June - July, 2017 issue chu a suok nawk ta a, khawpui sunga lekha-bu zawrna dawr tum tum le Agent hai kuoma inthawk Rs. 30/-a inchawk thei a ni tah. Tu ta \um Manmasi Magazine a hin Why a District; Lekha inchuk hi ; Indias Look East Policy and Manipur ; Beiseina Thamral; Manipur State Journalist Welfare Scheme (Joseph Joute) ti le thu dang dang tiem nuomum tak tak tiem ding a um.

BCCI chun zanikhan Ravi Shastri chu Indian Cricket Chief Coach dingin a ruot.

Hmasawnna Thar2 THLAHmur (juLy) 12, 2017NiLAiNi (wedNesdAy) ARTICLE/HEALTH & EMPLOYMENT NEWS

Editorial

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Freelancelalsansuok pulamte &samuel Zothanglien@sZ Zote:Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUITaksa insawizawina hi thahnem chu a thahnem ve bawk a, Pathien ngaisakna ruok chu, hringna tuta umsa le la hung um ding pek tiemna a nei leiin kawng tinrengah a thahnem a nih. -1 Timothe 4:8

Bawzuina

ALL INDIA RADIO: CHURACHANDPUR PROGRAMMEdate: july 12, 2017 (Nilaini)

TrANsmissioN- FM-101.4 Megahertz

Hours Studio/ Programme

4.53pm CR/P Signature

4.55pm Vande Mataram, Time Reading, Opening Announcement

5.00pm P Hyms to God: (Thadou) : Jeff Akai Haokip

5.05pm P Local Announcement/Prog. Summary

5.10pm P Minor Dialect (Mizo): Laltlungthanga & party

5.25pm PScience Hints (Thadou): “Climate Change: Basic Information”

-by L. Nekhohao

5.30pm P

PAITE Prog. Sig. Tune & Announcement Announcer: Vungthansang

1. Moibiaklian & party (mod)2. Joshua Nangchinhau Tonsing & party (mod)

6.00pm P

HMAR Prog., sig. Tune & Announcement Announcer:Malsawmkim

1. Sinlung Artistes (Patriotic)2. Talk: Prevention and treatment of Malaria

-by Dr Lalzarzolien

7:00PM P

THADOU Prog., sig. Tune & Announcement Announcer: Seikhopao

1. Demjang Haokip & party (trad)2. Talk: “Domestic Violence” by Lhaineikim

Farm & Home:Thadou1. Lamneilhing (dev)

2. Talk: Right ti information’ by Seikholien

Ieng thil khawm thaw inla hlawtlingna ding chun bawzuina hi lo thei lova thil \ul le pawimaw a nih. Lekhathiem ni ei nuom a, school ei kai hlak. Amiruokchu, lekhathiemna ding chun school kai el kha a huntawk naw a, in tieng bawzui a, lekha tiem taimak a \ul hlak. A neizo deuhai lem chun an lekha inchuk kha hriet le thiem tak tak ngei an nuom leiin Home Tutor an lak hlak. Hiengang khawpa bawzui-tuhai chu an lekha inchukna kawngah an hlawtling hlak. Hiengang bawk hin thil dang dang thawtu-hai khawmin an thil thaw bawzui lova an um chun hlawtlingna an chang ngai nawh. Ei ramah hin thil \ha le thil thar chi hran hran a hung pei a, chuongang thil tha le thil thar hai chu ei dit a, ei inhnar a, nei ve ei nuom leiin a bul chu phur em emin ei hang thaw \an a, sienkhawm ei phurna le inhnikna a hung re a, ei bawzui ta ngai naw leiin thil tha le thil thar ei hmu le hriet hai kha iengma lovin a hung um el hlak. Kum 2017 a hung thar a, kum thar ni tak khan chu lungril thar, ngaituona thar le beiseina thar ei nei seng a. Tu kum chu chuongang khangang chu thawng ka tih tiin kum thara dingin thutlukna (New Year Reso-lution or Programme) chu ei siemin ei induong seng hlak. Amiruokchu, ni le thla hai a hung liem pei a, ei kum thar thutlukna bawzui ta lova ei pamtul hlak leiin ei kum thar thutlukna kha a hung hlawsam ta hlak. Tu kum thar khawm thla 7-na ei hmang mek a, kum chanve neka tam ei lo hmang liem nawk der ta a nih. Kum thar thutlukna neihai po povin vawisuna in-thawk hin ei kum thar thutlukna hai kha ennawnin bawzui tum nawk seng ei tiu. Kum 2017 a ding chun thla 5 le a chanve neka tam met hun ei la nei a. Hi hun sunga ei kum thar thutlukna hai ei bawzui a, ei thaw tan a ni phawt chun ei kum thar resolution an-nawleh ei kum thar programme induonghai kha ei la sukpuitling thei ngei ring a um. Thil hrim hrim a hang thaw tan hi an hawi a, awlsam ei ti tlangpui hlak. Amiruokchu, a bawzuina hi chu harsa ei ti seng niin an lang. Thil ei hang thaw tan dal , a hnungah ei bawzui nawk ta ngai sinaw leia thil ei hmu ding, ei nei ding le ei chang ding a thlawna ei inliem hman-gtir hi a tam ta a nih. Hun fe peiin kum 2017 a hung her suok a. Kum bul lai khan Assembly election ei nei a, election chu zovin ei ramah sawrkar thar a hung pieng a. Sawrkar thar chun mipui le a ram ta dingin programme thar, policy thar le scheme thar a hung fepui a. Sawrkar hmasaa thil la um ngai lo le la thaw ngai lo \hahn-emtawk tak el a hung thaw tan a, mipui ei lawm hle. Thil tha le thil thar a thaw \an ta hai hi a bawzuina tiengpang khawm hung ngaipawimaw sienla nuom a um. A bawzuina sin a hung ngaitha vai chun sawrkar hmasa ei lo inhrawnpuihai leh khan danglamna a um chuong naw ding a nih. Ieng thil tha khawm hung thaw sienla a bawzuina a um naw chun a hung hlawtling tak tak naw ding a nih. Ei PM ang bawkin ei Chief Minister hin thil thar le thil tha thahnemtawk tak a thaw \an a, hmatieng peia thil \ha thaw ding khawm tam tak el a ram mipuihai hrietin a puonglang a, lawm a um. Ram \huoituhai hin thu indik, thu \ha tak tak, zui le zawm dinga tha hlie hlie an hril rawn ta hle a, an thu hril po po hi a kip a kawiin thaw le zui a lo ninaw khawma a zatve bek (100 ah 50 bek) zui, zawm le thaw a hung hlaw ngei ngei a ni chun ei ram hin hmel thar, hma-sawnna le hlawtlingna a hung hmu ngei ding a nih. Ram \huoituhai le mipui han ei thu hril le thil thaw hai ei bawzui seng chun ei state hi hnufuol zing bik naw nih. State hmasawn mek ngirhmuna a hung um thei ngei beisei a um. Chun, ram thuoituhai hin an thu hril hi hril liem mei mei lovin, an thu hril hai hin a ngaithlatu mipui le ramin umzie a neizui am ti khawm hi ennawnin bawzui ngei hlak hai sienla nuom a um. July 7, 2017 khan Vanamahotsava ei hmang a, Forest Department chun thingkak 130000 phun niin an hril. Kum tam tak thing ei phun ta hlak. Sienkhawm a enkawl zuina le a bawzuina a um naw leiin umzie a nei ngai nawh. Hi lei hin tu kuma ei thing phun hai khawm hi ei state sawrkarin bawzuina chang hung hrie ngei sien nuom a um.

Cabinet in MCI thlakthleng-tu ding in NMC

New deLHi: Health Ministry chun Medical Council of India (MCI) thlakthlengtu ding Nation-al Medical Commission (NMC) bill Union Cabinet-ah putlut a tum. Hi Bill thar dungzui hin MBBS graduates hai khaw-min an practice thei dinga phalna (licence) an nei theina ding chun exit exam an fethleng a \ul ta ding a ni a, exit exam hi post-gratuates inchuk nuom hai ta dinga National Eligi-bility cum-Entrance Test (NEET) anga hmang thei a ni bawk ding a nih. NMC Bill, 2017 hi Parliament in a pawmpui /passed chun tuta hmang lai mek Indian Medical Council (IMC) Act, 1956

hnuoia Medical Council of India (MCI) hi a hung thlakthleng ding a nih. Rawtna um dungzuiin hi dan thar hin autonomous boards 4 nei a ta, chuong board hai chun undergradu-ate le post graduation edu-cation, medical institution rating, medical practioners hai registration le medical ethics hai an enkai ding a nih. Hi thil hi Medical ed-ucation-a corruption suk-bona ding langtlang lema thil thaw a ni theina dinga hmang tum a nih. A bill hi Nity Aayog hnuoia inter-ministerial committee in an draft le tulai hnai ela finance min-ister Arun Jaitley inrawinaa Group of ministers meeting in a pawmpui a nih. (TNN)

Mizoram an kir nuomnaw chun Bru Camps hai khar dingin a hril

AizAwL: Tulai hnai khan Ministry of Home Affairs Adviser (North East) MK Singla chun, Mizoram-a in-thawk raltlan-a Tripura hmu-na Relief Camps 6 haia um Bru hnam hai chu Mizoram an kir nuom naw leh relief camp khar le sawmdawlna peka um hai khawm suktawp el dingin a hril. Amiruokchu, hi hi ama mimal ngaidan a nih tiin ei thu dawngna chun a hril. Hi thu hi Mizoram Chief Minister Lalthan-hawla tuai hnaia an hmu-pui huna a hril a nih. MHA le Mizoram sawrkar hai

chun Tripura-a ralthlan camp-a um Bru hai hi kum 2009 a inthawka Mizoram tieng \huoikir tuma hma a lo lak ta a ni a. Sienkhawm Mizoram Bru Displaced People’s Forum chun de-mand hran hran an nei nawk pei leiin Mizoram tienga \huoikir vawng tum-na hi nuom angin a fe hrat theinaw a nih. October 21, 1997 a Bru helpawl han Dampa Tiger Reserve a Forest Guard an kaphlum leia buoina suoka Mizorama Bru hnam hai hi Tripura tieng a hawnpuia raltlan an nih. (PTI)

iNLirTHei Le A NeiTuBy : samuel zothanglien @ SZ Zote Hmar

“Take care of your car in the garage, and the car will take care of you on the road.” ― Amit Kalantri

Tulai ei khawvel hmang m>ka dinga thil m^kmaw pakhat ve chu inlirthei (motor ei ti ta ding) hi ni ve ngei a tih. Motor lei hin tlangram le phairam inhnaitein a mi siem a, hun tawite sungin ram hla tak tak ei fein ei hung thei pha bawk. Motor bova ei khawpui um ding anga hei suongtuo lem chun thil harsa tak ni ngei a tih. Tlangrama kan um lai khan ka u’n cycle hlui Tui\haphaia mi hung inchawk a, kha ngei khawm kha ka hmang \angkai nasa hle. |awng thei ni sien chu a nghawk thu t<k le z^n inz^wt ngei a tih ka ring. Motor (ke pahni nei/ke pali nei) neituhai chu a tlangpuiin bengv^r an hlaw awl a, damnaw kan ding iemani an um chang khawm hun tawite sungin an kan hman a, hmun hla metah mi dang harsatna tuok an um chun sawmdawl dinga inthawkdawk a awlsam bawk. Chu khelah tiksie khawm hlaw a awl a; mi demsiet khawm an tuok ngun bawk. Tuva ei thupui hril ding hi hei ngaituo chun hril ding tam tak um a ta, huop khawm huop lien hl>ng a tih. Chun khawpui dang le ei chengna |ui\haphai hi in-angnawna tam tak a um leiin ei hril tum ang hi khawpui danga hril chi bek a lo ni naw el thei leiin ei thu tiem ding hi |ui\haphai biel besana neiin ei ziekin ei tiem ding a nih. Ei thupui tak ei hril hma’n accident leia thi, khawvela mi inl^r tlawmte hang tarlang hmas^ng ei tih. American actor inl^r, Paul William Parker chu November 30 2013 khan a ruolhai leh an chuongna Car-in ban pakhat a baw pal leiin a hmunah a thi nghal. A thi hin kum 40 chau a ni a, acting tieng hmabak tam tak nei mek a nih. American actress Grace Kelly khawm kum 52 a ni kum Septem 1982 khan a motor khal lai stroke leiin a thunun hne ta nawh a, accident tuokin a hmunah a thi nghal. Khawvela hmel\haa inthang Princess Diana khawm kum 36 mi chau niin August 31, 1997 khan car accident leiin a thi bawk. American actor tho James Dean khawm September 1955 khan Car accident lei bawkin a hringna a lo ch^n tah. Hmel\ha hmingthang tho Jayne Mansfield khawm June 29, 1967 khan car accident bawkin fam a lo chang tah. A thi hin kum 34 mi chau a la nih. New York Yankee Manager vawi nga lai lo ni tah Billy Martin khawm a chuongna passenger pickup a accident leiin December 25 1989 khan muol a lo tiem ta bawk. Hieng anga mi inlar accident leia ring lo taka thi hi tam tak hril ding an um. An pamhm^i thei ngei. Ei chengna Churachandur (Tui\haphai) hi Manipur-a ding chun khawpui pahnina ei ti hlak a. A mihriem tam lei chu ni ngei ding a na, a khawpui sunga ei infepawna – lamlienhai ei en ruok chun khawpui pahnina chu a phu naw hle’n ka hriet hlak. Ruo a s<r pha a pawr a, a s<r naw leh a khu hlak bawk. Chuong ang khawpuia cheng ei ni leiin motor neihai hin hriselna kawnga iemani chen mawphurna an nei ti inla hrilsuol kher naw mei nih. Ei lampuihai ei hei en a, ruo s<r chang hmun \henkhat lem chu l>n dengna thei deuthawin tui an tling a, khawmuol \hat lai ei hei en nawk a l^mkhuong h^wng ang ela inki ter tur a ni nawk a, motor hrat deua tl^n/khalna chi chu an naw hle ti chu a tu tu khawma ei hriet seng ka ring. Amiruokchu tlangval hawklak le naupang kum tlinglo, motor khal thei hlimhai hin hrat deu deuin an khal a, accident khawm a tam pha reng a nih. Ka ruolpa pakhat chun fiemthu ti tiin, ‘Motor hrat deuin a khal a, hrat deuin hospital tieng an phur,’ a ti dam kha a hun lai ka lo nuisan mei meia chu thil awm tak niin ka hriet. Pakhat nawk chun motor hrat deua hung tlan a hmu a, ‘A neituhaiin an lo nghakhla a ring a hrat deua tlan a ni kha,’ a ti nawk a. Thil awm ve angreng chu a nih. A ieng ieng khawm ni sien, motor khal hrat ding chun Highway, lampui \hatna le senior driver dam ni hai sien chu a awm tho. Chu ni lova ei khawsung, mihriem kea lawn le motor-a tlan inpawl nuk b^kah lampui \ha naw taluo laia hrat deua motor khal chu hnung tienga inthawk mi mi nuisanna mei mei a nih. Vawikhat chu ruo s<r zo deu hlimin motor ke pahni neiin ka tlan dawk a, lampui chu a pawrin hmun \henkhatah tui an tling bawk leiin damte’n ka tlan a, ka hnung tienga inthawk car pakhatin hrat deua hung tlanin a mi hung lekh>l a. Chihrak a mi rawtkhien khum ta \eu el a. Ka kekawr sawpfai zo chau chu zuk tuoifai el ruol lo ding khawpin chihrak a kai el ta a. Ka lung a sen hle a, zuk hnawta hnawt phak na naa a khaltu le zuk innuoi el khawm ka lungril hman hiel. An’achu patling pakhat ve, chihrak leia mi le zuk insukbuoi chu a n>p taluo tiin ka hnawt ta chuong l>m nawh a. Chuong ang chu a nih ei chengna khawpui hi. Intin deuthaw’n motor ei nei a, a khal thei naw ramsam khawm ei um nawh. An’achu motor khal phata ei lungrila vawng zing ding hi hriethmai ei la hau ngei ka tih hlak. Mihriem ei mak vena tak nia ka lo hriet ve hlak chu ei neka inhnuoi lema ei ngaihai hi ei zuk hnuoisie awl em em hi a nih. Car khaltu le reksaw khaltu chu a k^r chu a um ngei. Bolera khaltu le Cycle khaltu khawm an k^r chu hla ve ta mei a tih. Amiruokchu, ieng anga kar hla le insung khawsak lo inthl^u ni inla khawm ei infepawna lampuihai hi a hmangtu seng ei ni a, tax pek le pek naw lei ni lovin inz^tawn a va \ul ngei de aw ka lo ti hlak. Ke pali nei motor ei khal lei ela lam sira kea lawn le cycle dama tl^nhai hei hnuoisie el ding ei ni bik nawh. Khaw \hat lai motor ei khal chun ei chengna khawpui hi a kh<knawna taluo a um nawh ti hi lungrilah hre zing inla nuom a um thei ngei. Hrat deua ei tlan hin lamsira kea lawn/cycle-a tlanhai ta dingin harsatna lien tak ei siempek a nih ti hi ei hriet

zing nuom a um. Chun, khawsiet lai/a pawr laia tlan ei ni khawma hrat rak lova tlana ei inngai lai khawm lamsira lawnhai chihrak rawtkhumna tawkin a lo la hrat tho hlak a nih ti khawm hriet sa dingin a va hei \ha de. Motor khaltu \henkhat chun motor an kai charin kea lawnhai chu iengah an ngai naw nghal a, chihrak/tui rawtkhum hai sien khawm pawi an ti nawh. |henkhat lem chu r^wtkhum ngei tum pawl khawm an la um nawk ta pei. A chang chu thawsuol khawm chu um thei ngai lem chu a nih, amiruokchu hnung tienga inthawk \awngsie mitmenga mi entu ding an tam ti le malsawmna mitmenga mi entu ding khawm an tam ti hi ei hriet zing nuom a um. Motor hi khal thei el a hun tawk naw a, a siemdan ei va thiem kher naw khawma ei chawl phata sie dan (park dan) bek hi thiem tum ding a nih. ‘Mihriem mizie hriet awsam vena pakhat chu an motor sie dan(park dan) hi a nih,’ an lo ti hlak. An dikna iemani chen chu um ngei a tih. Fe le hungna ei nei a, lampuiah tawite/iemani chen chawl a ngai a, inhmaw lei ringawta a rem le rem naw uksak lova motor ei sie mei mei hlak dam hi b^nsan dingin a \ha ngei. Mi dang motor lo sie hmasahai kha ei nekin an tlan dawk nawk hmasa nuom el thei leiin an motor hluo zawngin ei sie am? I motor sukch^ng kher lovin an motor an lakdawk thei ding am ti dam en hmasak te te hi mi bengv^r thaw dan a nih. Nang khawm i fe nawk nuom pha mi dang motor them kher lovin i motor i lakdawk thei nawk ding am tihai fel deua en hmasak khawm thil \ha a nih. Chun, m$ gate zawn chara motor innghat ti dam hi a m^wltlakin a bengv^r naw tlak hle. Nang i suok nawk hma khan gate sunga lut nuom le gate sunga inthawka tlandawk nuom khawm lo um thei ngai an ni leiin mi gate zawna kher chu motor sie ngai lo ding a nih. Motor khaltuin a hriet dinga pawimaw ka ti em em pakhat nawk chu ei hmaa tlanhai rem le rem lova lekh>l tum lo ding a nih ti le an hnung chara hnaitea tlan lo ding a nih ti hi a nih. Motor chu kh^wl chikhat ve a n’a, kh^wl reng reng chu a siet ding le ding naw hrillawk thei an nawh. |ha deua tlan zing lai khawm th^wk-le-khata sie thut thei vawng a nih. I hmaa motor tlan i hnai taluo chun hung sie thut sien i nuom le nuom naw thu ni lovin chu motor chu i baw ngei ngei ding a nih. Chu chu a tu thiemnaw khawm an nawh a, tukhawm intum thei naw ti bawk i tih. I hmaa tlan pa khawm intum thei naw ti nih. A thua a motor a suksiet ni tlat lo chu. Chun, tulaia ei khawpuia motor khaltuhaiin an uor em ema ka hriet pakhat chu ei hmaa tlanhai lekh>el thut a, an hma chara ch^wl nawk si hi a nih. Hi khawm hi thil him lo tak pakhat chu a nih. I lekh>l pa khan hung baw thut sienla che khawm ie’m hril thei i ta? Ei khawpuia hin motor a pung hrat em em a, diesel auto a hung inl^ra inthawk lem chu hun tawite sungin ei pawimaw neka tam deuthaw khawpui sungah auto service a um hman hiel a nih. Sunah ei hang lengsuok a, motor chu lamlienah tiemseng lo an intlar dul dul zing el chu an ta hi. Ni danga Traffic Jam ei ti hlak khawm hmun danga ding ang deuin ei ngai hlak a, tu ruok hin chu nitinin ei khawsungah a tlung chu an ta hi. A hmaa Traffic police-hai thaw ding taluo um lova duty zo mei meihai khawm thlan sa phul kaiin an kut an vai sunitl^k chu an ta hi. Hi lei hin motor neihai (khaltuhai) ei fimkhur a \ul nawk zuol a nih. Nitin deuthaw’n accident ri hriet ding a um a, a san tam lem chu motor khaltu fimkhurnaw lei a nih. Iemani vangduoi thila accident khawm chu um thei ngai a nih. A tam lem ruok hi chu fimkhur naw lei lieu lieua tlung a ni hlak. Mani motor ni lo, midang motor khal khawm hi ch$ng lo chi tawp niin ka hriet. Motor i nei naw chun service motor-ah chuong el lem hlak rawh. Chu chu a lo remchang naw chun kein fe el rawh. ‘I motor va hmang ka ta, petrol hung thun ka tih,’ ti dam hi thil ^wm angin inlang sien khawm a neitu ta ding chun lawm a um nawh. Motor ei ti hi petrol thun el a lo ni nawh ti hi hriet a \ha. A sie phata a siemna man sengtu chu a neitu tho a nih. Nangin vawikhat chau hmang angin inngai la khawm mi dang dang khawma an lo hmang thei leiin a bengv^r naw tlak. Chun, iemanih tuoksiet va tuokin mi dang dam va sukna pal la a tuortu ding chu a neitu tho a nih. Chuleiin mi dang ta dingin i nuom naw sa’n harsatna i siem thei a nih ti hriet zing ding a nih. A chunga \awngbau ei tarlang lo hriltu Amit Kalantri lem chun, ‘Mi dang motor va khal hi an ngaizawnghai va f^wppek ang tluk a nih,’ a lo ti hiel a nih. Ei chengna khawpuia hin mi hausa le rethei kar a hla hle a. A neihaiin an pawimaw neka tam motor an inchawk zut zut a. A retheihai ruok chun mi motor khal an en vawng vawng hlak. Motor hi a man ding nei lei ringawta inchawk hi thil \ha tak a ni kher nawh a. A enkawlna kawnga khawm a neitu hin mawphurna lien tak a la nei pei a nih. A hmasa taka ngaituo ding chu a siena hmun ding hmun remchang a um am ti ngaisak phawt ding a nih. A siena hmun ding remchang tak ngaisak hmasa lova a man ding nei lei ringawta inchawk hi thil \ha tak a ni nawh. Chun, a siemthiem i lo ni da’l thei. An’achu lamlakah harsatna tuok thut chang mania iemani bek khel thei naw chun nei naw hri phawt rawh. I sawlpuina ding hmakhuo mei mei a nih. Hringna nei ni naw sien khawm duot deuin enkawl la, i fena taphawtah ama khawmin tluong takin \huoi a ti che. Chuleiin a tawpna taka tiemtuhai hriet dinga ka dit chu, ‘Lam \hatnawnaah motor i khal chun fimkhur deuin khal la, lam \hatnaah i khal ruok chu a nekin fimkhur nawk zuol rawh,’ ti hi a nih.

Rengkai, 11 July 2017

JD(U) in RJD ni 4 sung hun a pekPATNA: Bihar Deputy Chief Minister Tejaswi Yadav corruption thila in-tumna um le inzawma sa-wiselna nasa tak um mek le inzawmin Janata Dal United (JD-U) chun Te-jashwi chungthuah RJD chu an ban ding le dingnaw thuah ni 4 sunga thutlukna siem dingin hun an pek. Ni li hnungah hi chungthu hi ngaituo nawk ning a tih tiin JD-U leader Ramai Ram chun zanita party meeting zoa reporter hai an hmupui

hunah a hril. JD(U) Spokesperson Neeraj Kumar chun, an party chun Bihar-a Grand Alliance fe mek chu suks-iet an tumnaw thu a hril a, sienkhawm hiengang cor-ruption thila intumna chun-gthuah mipui hrieta hrilfi-ena siem ding an phut niin a hril. Opposition BJP chun corruption thila inrawlna neia intumna lei hin Tejas-wai hi inban dingin an phut a nih. (ENS)

Acid attack survivors hai a thlawna surgery thaw ding

CHeNNAi: Chennai based-a um SIMS hospi-tal chun Bengaluru based NGO Atijeevan Founda-tion le \hangruolin India rama Acid thekhum/buok khum damsuoka la um (acid attack survivors) hai chu a thlawna surgery thaw pek dingin ‘surgery drive’ thaw a tum. Hi le inzawm hin July 15, 2017 khin screening process \an a ta, first phase a dingin mi 15 thlangsuok phawt a ta, July 17-19, 2017 inkar sung nitin mi 5 pei surgery thaw tum a nih tiin

Dr K. Shyamnath, Surgeon, SIMS Hospital chun a hril. An ngirhmun izirin Sur-gery thaw ning a ta, sur-gery thaw a um hai chun a tlawm takah ni 5 bek hospi-tal-ah an um a \ul ding a nih tiin a hril bawk. India ram hmun tum tuma hi free surgery thaw dinga hung hai lo enkawl le umna ding chu Atije-van Foundation NGO in a ngaituo pek ding a nih. Atijeevan Foundation neitu Ms Pragya Prasun Singh khawm hi acid attack survi-vor tho a nih. (ENS)

Hmasawnna Thar3 THLAHmur (juLy) 12, 2017NiLAiNi (wedNesdAy) NATioNAL/iNTerNATioNAL & AdverTisemeNT

vAwK iN|HANgNA dAmdAwiI vawk zawr hun tlingna dingin kum khat nek tam nghak ngai tanaw nih.

A |HATNA:

* PIGROW mum hi Company-hai ti dan ang taka i pek chun thla 5 sungin kg. 70 chuongkai hman a tih.

* PIGROW mum hin, i vawk chu i pek \ana inthawk chawl der loin an \hang tir thei.

A PeK dAN diNg:* Vawk pakhatah nikhatah mum 20 (zingtieng mum 10 le zantieng mum 10) pek ding.* Box khat ah mum 600 a um a, chu chu thlakhat sunga a fakzo ding a nih.* Rawt phita pek in fak awlsam an ti lem.InCHAwk tHeInAHAI:1. Hmingi 2. L.K. Screen PrintingBethel, CCPur Lighthouse Lane, CCPur# 84148523913. Pet Care Centre, Tiddim Rd. CCPur.Order tam dan dungzuiin HOMe delIVery khawm kan thaw thei.

LAKTAwi PriNCess TreeKhawvela thing in\hang tak le ram changkang han an ngaisang, PRINCESS TREE kak phun dinga huntawk lai tak zawr a nih. A dit le an chaw nuom hai chun Muolhlum, Rengkai, Near Agape Centre le Contact Numbers 8731830789 le 9089381481 haiah ngaiven ding a nih. (4-13)

dAwNTLANgHmar Hla suina- Chapter i

Hun vawngtu - David BuhrilHun khatna - C. Lalthlunglien: Pathien mi pek hla haiHun hnina - Lallungawi: Lengkhawm hla le Rev. ZosanglienLekhabu tlangzarna- Ka Tukvera inthawkin - Ziektu L. KeivomLekhabu tlangzartu ding: Prof. Dr L. Fimate

A hun: July 15 (Inrinni), 11:00AMA hmun: Happy Heart School Auditorium, Bethel

* Inhnikna nei taphawt \hang dinga inhriettir, ngen le fiel ei nih.

Organised by Sinlung Academy of Letters (SAL) in collaboration with

Happy Heart Junior College(8,9, 12,14)

LOSS OF GUN LICENCEI have lost my Gun licence bearing Licence No. 2877 (Gun No. 2505) on my way between Tinsu-ong and CCPur on June 28, 2017. Finders are requested to handover the same to the undersigned.

Sd/-LalsanghleiTinsuong.

Japan ram tuilien leia thi mi 25 an tling tah

ToKyo: Tulai ruosur nasat leia Japan rama tu-ilien leia mihriem thina tuok chu mi 25 an tling ta a, sansuokna sin thaw mek a ni a, hmun tam taka lampui chim le mimkei lei bakah lampui le leilak hai a suksiet leiin hmun tam tak infepaw thei lovin an um bakah tuilien hin In le school tam tak a suksiet a, chengna ding in nei lovin mi tam tak an um

pha mek. Japan rama tuilien nasa tak tlung lei hin Prime Minister Shinzo Abe in Estonia inzin a lo tum khawm kanselin G20 Summit Germany hmuna a \hang zoin zani hmasa zantieng khan Tokyo a hung pan nawk tah. Mr Abe hin zanikhan tuilienin thil a suksietna hmun le relief camps tum tum hai a sirkuol. (AFP)

Nomination Paper an filePANAji: Goa Rajya Sabha election hung um dingah Congress party chun Rajya Sabha Member Shantaram Naik dingin an ruot a, BJP chun Goa Rajya Sabha elec-tion a ding hin Vinay Tendulkar chu an party candidate dingin an ruot. Zanikha nomination paper file theina hun tawpna tak a ni le inzawmin BJP candidate Vinay Tendulkar le Con-gress candidate Shantaram Naik han nomination paper an file. Mr Manohar Parrikar inrawi Goa Forward Party (GFP), Maharashtrawadi Gomantak Party (MGP) le Inde-pendent hai chun Tendulkar hi an thlawp thu an puong. Naik hin Congress MLAs 12 hai bakah GFP le MGP haia inthawk pathum seng le Indpendent member 3 han an thlawp ring a nih.

Misa Bharti ED hmaah an lang

New deLHi: RJD MP Ms Misa Bharti chu En-forcement Directorate in sawkar sum Rs. 8,000 crore zet chawkchaw-rawina thua inrawlna neia intumna le inzawma an hmaa inlang dinga an ko angin Ms Bharti hi zani 11AM vel khan ED Zonal Office-ah a van lang. Ms Bharti hi Mishail Printers and Packers Private Lim-ited bakah a finances dang dang le CA tuta hmaa mana lo um ta hai le an inlaich-inna indawn ning a tih tiin ED official thusuok chun a hril. A pasal Shailesh Ku-mar chu zani hmasa khan ko a ni a, sienkhawm an lang nawh. (PTI)

Yatra pilgrims kaptu-hai LeT an nih: Police

New deLHi: Zani hma-saa Jammu and Kashmir-a Anantnag district sunga Batengoo hmuna Amar-nath Yatra pilgrims a fe hai chuongna Bus silaia kap tu-hai chu Pakistan \hangsana um Lashkar-e-Toiba an nih tiin Kashmir Inspector General of Police Muneer Khan chun ANI a hril. Amarnath Yatra pil-grims fe hai chuongna Bus kap a ni huna khan mi 7 in thina an tuok bakah midang 14 in hliemna an tuok pha a nih.

Rs. 6,000 leia an that niin an puong

mumBAi: Tulai hna-ia model-actor Kritika Chaudhary (27) that a nina le inzawma man Shakeel Khan (33) le a \hangruolpui Basu Das (40) ai chun, Chauthary in nikum lai daia an kuoma inthawk drugs an chawkna ( Methamphet-amine annawleh Meow-Meow) man Rs. 6,000 a pek naw leia an that niin an inpong. Chaudhary kha an that zoin an rawk bawk a, a rangkachak hai khawm an lakpek a nih. Mana um mi pahni hai hi Court hmaa in-langtir an ni a, Court chun ni 7 sung Police Custody-a la um phawt dingin a rel a nih. (TNN)

Trinamool Congress in all-party meeting boycott a tum

New deLHi: Parliament Monsoon Session hung um ding le inzawma Par-liamentary affairs Minister Ananth Kumar in July 16, 2017 nia all-party meet-ing a ko chu Ms Mamata Banerjee inrawi Trinamool Congress chun boycott an tum niin party thusuok chun a hril. Amiruokchu Lok Sab-ha Speaker Ms Sumitra Mahajan in July 16, 2017

zantienga all parties meet-ing a buotsai a ruok chun Ms Mamata Banerjee hi a \hang ding niin party thu-suok chun a hril. Sawrkarin all party meeting a ko hi zingkar tienga nei hlak a ni a, a tlangpuiin Prime Minister khawm a \hang ve hlak a, hi zo chawhnungtieng Speak-er in political party tum tuma leaders hai meeting a neipui hlak a nih. (TNN)

Opposition Vice President candidate dingin Gopalkrishna Gandhi

New deLHi: India Vice President Election hung um ding le inzawmin Op-position parties hai chun West Bengal Governor hlui Gopalkrishna Gandhi chu Opposition Vice President candidate dingin an ruot. Zani hmasaa Congress President Sonia Gandhi inrawina hnuoia parlia-ment House-a Opposition party tum tuma leaders han meeting an nei hnunga Go-palkrishna Gandhi hi Op-position candidate dinga an sukthluk a nih.

Congress President Sonia Gandhi chun, Op-position party tum tum fekhawm han lungruol ta-kin Mr Gandhi hi an can-didate dingin an sukthluk thu meeting zoa reporters hai an hmupui huna a hril a. Hi chungthua hin Mr Go-palkrishna Gandhi khawm inbiekpui a ni a, Opposition Vice President candidate dinga ruot a nina hi ama khawmin a remti niin a hril bawk. Opposition parties meeting a hin President

Election chungthua Op-position-a inthawka lo pensuok ( Opposition party candidate thlawp loa NDA candidate thlawp) Janata Dal-United khawm an \hang a, JD(U) aiaw hin Sharad Yadav a \hang a nih. Meeting huna Oppos-tion party leader \hang hai lai hin Sonia Gandhi, PM hlui Manmohan Singh, TMC a inthawk Derek O’Brien, CPI (M) a in-thawk Sitaram Mishra hai an \hang. Vice President Elec-tion hi August 5, 2017 a nei ding a ni a, hi ni ma hin vote tiem nghal a ni ding a nih. BJP inrawinaa Centre-a sawrkarna siemtu NDA ruok chun Vice Presiden-tial candidate ding an la pu-onglang nawh.

HM in J&K security ngirhmun a ennawn

New deLHi: Zani hma-sa zantienga Jammu and Kashmir-a Anantnagh dis-trict-a Amarnath Yatra pil-grims a fe hai chuongna bus terrorist han an kap leia mi 7 in thina an tuok le midang iemanizatin hliemna an tuokna le inzawmin zan-ikhan Union Home Min-ister Rajnath Singh chun New Delhi hmunah high level security meeting koin Jammu and Kashmir se-curity ngirhmun ennawnna an nei. Hi hi huna hin Na-tional Security Adviser Ajit Doval; IB Dirctor RAW Chief le senior Home Min-istry officials hai an \hang tawl. Home Minister chun officials hai chu pilgrims a fe hai venghimna khau taka thaw ding le Yatra fe hliemna tuok hai \ha taka enkawl dingin a hril a, Ministry khawmin security ngirhmun \ha takin a enth-lithlai zing thu a hril. Amarnath Yatra pil-grims hai terrorist han an

beina le inzawm hin Jam-mu and Kashmir Governor N.N. Vohra khawmin Sri-nagar-a Raj Bhawan hmu-nah high-level meeting kovin venghimna sinthaw dan fe mek ennawnna a nei. Governor N.N. Vohra hi Srinagar-a IAF base-a fein hliemna tuok hai khawm a va kan tawl a, hliem hai hi IAF base-a enkawl an ni hnungin zani zingkar khan Srinagar Airport hung phurtlung an ni a. hliem hai laia an rik zuol mi 3 hai chu Anantnag le Srinagar hospital haiah enkawl zing an la nih. Chun, Governor hin thina tuok hai a sun thu puongin an kuong ah inza-nain par an hlan bawk. Director General of CRPF Rajiv Rai Bhatnagar khawm zanikhan Srinagar a tlung a, terrorist hai chetna a hmuna a va enfel bakah CRPF le state Police of-ficials hai security chun-gthuah review meeting a neipui. Terrorist han silai-a an kap Bus kha Gujarat-a

inthawka hung a nih. Hi thil tlung hi Presi-dent, Vice President le Prime Ministers, BJP na-tional President Amit Shah; Congress President Sonia Gandhi, I&B minister M. Venkaiah Naidu le midang dang hai khawmin nasa taka an dem thu an puong tawl. PM Narendra Modi chun mi dawizep hai chet-na a nih tia hrilin nasa taka a dem thu a puong a, Gov-ernor N.N. Vohra le CM Ms Mehbooba Mufti hai telephone a biepawin a \ul anga sawrkar thlungpuiin \hangpuina a pek ding thu a hril. Congress President Sonia Gandhi chun secu-rity \ha taka suizui dingin sawrkar a ngen. Sawrkar thlungpui chun thina tuok sungkuo hai kuomah zangnadawmna Rs. 7 lakh seng pek dingin a puong bakah hliemna tuok hai \hangpuina Rs. 1 lakh seng pek dingin a puong. Kum 2001 khawm khan Shesnag area-a Amarnath holy cave bul lai Yatra pil-grims a fe hai terrorist han an bei leiin mi 13 in thina an tuok bakah kum 2000 khan Pahalgam area hmuna Amarnath pilgrims hai ter-rorist han an bei leiin mi 30 zetin thina an lo tuok ta a nih. (AIR/ENS)

Pawisa notes lem siem-na hmun dapdawk

guwAHATi: Assam police-a Crime Branch pawl chun zani hmasa khan Odalbakra hmunah pawisa notes lem siemna hmun an dapdawk a, pawisa notes lem Rs. 18,000 anghu ding an dapdawk. Tuta hma met khan Mr Joydeb Das chu a cheng-nain-ah midang pahni Para-mananda Deka le Chitta-ranjan hai man an lo nita a, an kuta inthawk pawisa notes lem Rs. 3.4 lakh an-ghu ding zet an lo man ta a nih. Pawisa notes lem baka hin laptop, printing machine le ink (China siem vawng), Rs. 500 notes print-naa hmang A4 size paper hai an mansa bawk a nih. (AT)

Britain Carrier Thar £6.2billion Man, Missile Suksie TheiLoNdoN: London-a of-ficial report pakhatin a hril dan chun, Britain-in tulai hnaia a siem suok thar, aircraft carrier lienpa HMS Queen Elizabeth, Pound £6.2 billion man ang hi Russian le Chinese hai siem Missile lien rak lo £500,000 man hai khawmin an kap siet vawng naw khâwma sin thaw thei lovin a kapsiet thei a nih, tiin a hril. Think-tank pakhatin a hril dan chun, technology hma hung sawn pei ang dungzuiin tienlaia harsa taka Aircraft carrier le lawng lien tak tak ei siemhai kha tulaia man tlâwmte siem râlthuom (missile) haiin an suksiet thei tah a nih tiin a hril a. “Missile £500,000 man haiin HMS Queen Elizabeth, £3.1billion manhai hi a suksiet vawng naw khaw-min ‘sin thaw thei lovin’ a

siem thei a nih” tiin a hril. “Tuta hmaa ei la ngaituo ngai lo le ring phâk lo, ram hla taka inthawka ‘guided missile’ haiin an target tak indiktak kap fuk chat chat theina ‘missile’ hai a hung suok pei tah a. Lawngchawl-na hmuna lawng lienhai

khawm an him zing ti thei an ta nawh” tiin a hril bawk. Hieng ang râlthuom hai hi Iran-in Russia ta a nei bik niin an hril a. British sawrkar chu mani lo invêng dan nêkin hmêlmahai attack dan ding tienga a sipaihai le a râlthuom hai a train a tul

tah niin a hril a. Mani invêng nêkin hmelma inring hmaa attack hi tulaia ding chun a tha lem tah niin a hril. Iran hin Hormuz-2 supersonic, ballistic anti-ship missile khawm neiin an hril niin a hril bawk. Hi Study-in a hril dan

chun, Britain defence sys-tem kum tina £16 billion (Pound 16 billion) seng zie chu, man tlâwmte technol-ogy hmangruo hai leiin sukderthawngin a um zing a nih tiin a hril. British chun an aircraft carrier suongtaw-lawl HMS Queen Elizabeth a siet hi an inlau tak a nih. Britain indona lawng lien-tak HMS Queen Elizabeth hi thla hmasak khan Ro-syth, Scotland a inthawkin an tâwl suok a. Royal Navy kuoma pek suok a nip ha chu, khawvêl fighter jet changkang takhai 24 a phur ding a nih. A Radar hrattak, F-35B Light-ning II hin Km 20 dana thil um snooker ball tiet khawm a man/hip fuk thei a nih. Hi bâka hin a laipui phur, Phalanx an ti, Gatling Gun an ti bawk hin minute khat sungin 20mm laipui mu 3, 000 a kap suok hman a nih.

Russia-in Nuclear Reactor Bawlpui a NuommosCow: Russia chun India le inremna an lo siem tah angin, tulaia lat-est tak “Generation 3-plus” nuclear reactor – VVER-120, advanced deu fuel-in a sukhring chu, tuta Tamil Nadu-a 6, 000 MW Ku-dankulam project bâka hin thawpui a nuom thu a hril. Tuta Russia-in reactor siempui dinga a ti VVER-1200 hin 1, 000 MW kawl-phe meivar a peksuok thei a, a tlâwm takah Reactor paruk vel siempui a nuom thu a hril. VVER-1200 hin VVER-1000 nekin a let

20-in kawlphemeivar a pek suok thei a nih. Evgeny Pakermanov, P r e s i d e n t , R u s a t o m Overseas chun, “India ramah hieng ang nuclear reactor

MW 1, 200 pei siemna ding hin kan inpei zing a. A hmun ding le thil dang technicality hai a fel hun hunah keini chu kan inpei zing a nih” tiin a hril.

Lumna \ul lo a puon sukhulna ‘Dryer’ a siemsuok

HousToN: Oak Ridge National Laboratory, Ten-nessee-a Indian-American Viral Patel le a research team chun inrang lema puon sukhul theina ding, lumna (heat) \ul lo Dryers an siemsuok thar. An thil siemsuok hi Ul-trasonic dryer tia ko a ni a, puon hu thil lumin ei hang depa, tuihu hung suok ang ni lova mechanically-a

puona tui hum hai lasuoka puon hu sukhul theina ding hmangruo a nih. Hi ultra-sonic dryers hin piezoelec-tric transducers hmangin tuihu hai a lakhmang a nih tiin Mr Patel chun a hril a, transducers a power ei hang zawm huna a hung inthin (vibrate) a, chu chun puon-a tui um hai chu a th-indawk a ni tak tiin Patel chun a hril. (PTI)

US a sipai vuongna tuoksi-et tuokah mi 16 an thi

mississiPPi: US a Mis-sissippi state-a LeFlore County a chun zani hmasa khan US Marine Corps vuongna tuoksiet tuokin a tla thla a, mi 16 in thina an tuok. Hi thil tlunga thina tuok hai hi Marine Corps a mi vawng an ni a, pakhat khawm dama suokdawk an um naw niin Leflore Coun-ty emergency management director Fred Randle chun a hril.

Mississippi Governor Phil Bryant chun hi thil tlung hi pawi a ti thu le thina tuok sungkuo hai a sunpui thu a puong. Iengleia vuongna hi tuoksiet tuok am a nia ti chieng taka hriet a la ni nawh. Vuongna hi Bekan ch-ingna hmuna tla thla a ni a, a tlak hnung hin meichawk nasa tak a suok leiin vuon-gna hi a kangsiet hne hle a nih.

MOLAWM CHUNGA LAWMTHU HRILNADated 8th July, 2017 Inrinnia kan naupa Evan Darthan-glien Mihriemate of Hmarveng le Miss Rebec, d/o (L) Tinzathang le Mrs Kimneihoi of Saipum hai, Hmar-veng UPC Biekin-ah Kohran dan thienghlima an in-neina mi hung hriepuia, mi hung lawmpui tuhai po po chungah Lalpa Isu hmingin lawmthu kan hung hril a. Inneitirtu Minister, laibunghai, Zawlhai, Makpahai, farnuhai le tucha leader hai in lungruol taka Bu le hme inhniktak le hnesawtaka Molawmna ruoi an mi \hep-ekna thuah kanlawm takzet a. Kohran \huoituhan Innei-na programme fel taka buotsaiin, CCPur district sunga PYD, LAd, Dept. dang dang le local dang danga in-thawka lawmpuina present (thilpek) tamtak el le mimal tin el hai kutruoka hung loa, in hmangaina thilpek sum le pai, motor chi hran hran kan molawmna huna CCPur khawpui sung le hmun dang danga inthawk, Manipur state puotieng chena hung hai, mani sin le Office sin pawimaw tak tak tlansana hunghai po po kuomah ei Chanchinbu Hmasawnna Thar fethlenga lawmthu kan hung hril hi mimal tin kuoma kan hril anga mi lo pawm pek dingin kan ngen cheu. Lawmhai lawmpui thei nawk pei dingin Lalpan malsawm seng raw se cheu. In \hatna dawngtuhai:

- rev. |hachuoilo le Mrs Ruolneikhawl Hmarveng, CCPur.

IS chief Abu Bakr al-Baghdadi a thi

BeiruT: Syrian Obser-vatory for Human Rights war monitor chun, Islamic State group hotu tak Abu Bakr al-Baghdadi chu a thi ti Islamic State group leader haia a inthawk infor-mation an danwg niin an hril a, hi thu hi zanita kha an hriet chau niin an hril a, sienkhawm iengtika thi am ti lei iengleia thi am ti ruok chu an hrietnaw thu an hril. Tuta hma May thla khan Russia chun Syria rama indo vuongna hman-ga Islamic terrorist hai a bei naah Baghdadi hi a thi niin a lo hril ta a nih.

Hmasawnna Thar4 EntErtainmEnt / SportSTHLAHmur (juLy) 12, 2017NiLAiNi (wedNesdAy)

Tuolsung... eTc...

PREMIER LEAGUE PLAYER MAN TAM PANGA HAIEnglish Premier League hi Europe khawmuolpuia Dosestic league lai chu ei hrietlar pawl le ei en rawn pawl a nih a. An inkhel hun le eini tieng en hman hun an mil bawk leiin league dang dang nekin ei en rawn lem ti inla hrilsuol kher naw mei nih. Khawvel-a player \ha khawm an fuonkhawm nasa hle a, vawisun chena player man tam tak pangahai hei thlir ei tih.1. Paul Pogba - £93.25m, juventus a’n thawk manchester unitedJuventus tieng kum 4 sung a um hnunga Premier League hung lut Paul Pogba chungchang hi reporter le chanchinbu mihai hril a hlaw hle a. Kum 24 mi Pogba hi Jose Mourinho hnuoiah inkhel a chang rawn hle a, season liem ta khan goal kuo a thun a nih. Midfielder ding chun a thun rawn thawkkhat hle ti thei a nih. Chuong lai zing chun United Fan-hai chun Pogba hin goal le assist el ni lovin inkhel a sukdanglam hne hle hlak niin an ngai ve thung.2. romelu Lukaku - £75m, everton a’n thawk manchester unitedAugust 2011 khan Lukaku hin £10m in Chelsea a lo zawm a. Anachu khang lai khan a goal thun theina hung inhnuoiin Chelsea chun West Brom tieng loanin an peksuok a. Chu huna chun goal a hung thun \an nawk a. West Brom ta dingin goal 17 tawp a thun hman a. Jose Mourinhoin Chel-sea a enkawl lai Lukaku hin ditsak a hlaw chuong naw a, Everton tieng

£28 m-in a zawr nawk a nih. Everton tieng an sawn nawka inthawk inkhel 31-ah goal 15 a hung thun nawk a. Tuhin United tieng Mourinho a um hnungin a hmaa a lo zawr ta kha a hn-uoia inkhel dingin a hung lak nawk ta a nih.3. Angel di maria – £59.7m, real madrid a’n thawk manchester unitedAngel Di Maria hi United-a laklut a ni khan inkhel hmasahaiah a hung khel \ha hle a. 2014-15 season khan Game pali-ah goal thum a hung thun nghal a. United khawma inchaw fuk vieuin inngai hman an tih. Kum 2014 khan Champions League Final-ah Man of the Match dinga thlang a ni bawk. Anachu, an khel a hung sie deu deu a, United-ah hmun a hung chang tlawm tiel tiel a, 2015 khan Paris St. German tieng £44.3m in zawr a ni nawk ta a nih.4. Kevin de Bruyne – £54.5m, wolfsburg a’n thawk manchester CityKevin De Brunye hin January 2014 khan Chelsea suoksanin Worsburg a pan a. Tukhawma Premier League tieng a hung kir nawk an ring ta nawh.

An’achu ring lo takin Bristish Foot-ball chanchin man tam pawl ni dingin Manchester City chun £54.5m taw-pin an lak a nih. Kha season 2014-15 sung khan Europe-a top league 5 haiah ama hin assist a hau tak a, chu chu City chun an hmu \hel naw hle a, an dit pha bawk a nih. City-a an khel sung hin khel siet taluo a la nei nawh a, an lak fuk hle ti thei a nih.5. Alexandre Lacazette - £52m, Lyon to ArsenalArsenal chun a hma met khan Ly-on-a inthawk an Club record fee ni dingin Lacazette chun £52m-in an lo inchawk fel ta a. Premier League chanchin-ah player man tam tak pan-gana a kai phak a nih. Hi France inter-national hin season liem ta khan Lyon ta dingin inkhel 45-ah goal 37 tawp a thun a, League 1-ah goal 28 thunin Lyon chu palina an nih. Hi league goal 28 a thun po hi Arsenal player pali – Oliver Giroud, Theo Walcott, Danny Welbeck le Lucas Perez hai goal thun po po belkhawm nek khaw-min a tam lem a nih. Chu chu Arsene Wenger chun a hriet kar a, season th-ara khawm a goal thun theina a hung sawmlut ngei beisei bawk an tih.

Prince Harry, Round Table Con-ference on HIV/AIDS ah

LoNdoN: Tlangval na na na chu Weekend nunghâk hai leh inhawi taka an hmang zo hnung le ‘selfie’ tamtak an lak hnungin, Prince Harry ta ding chun tlangval narân hai anga mani nuom dan dana um thei an naw leiin London School of Hygiene and Tropical Medicine-a HIV le AIDS inchukna le hriltlangna Round Table Conference ah \hangin a sin tieng an bur nawk tah. A nu Lady Diana in a lo thaw tah angin HIV/AIDS leia stigma le discrimination hai sukbo a ni theina dingin theitawpa hma laka a thei ang anga \hangpui an tiem a. Prince Harry chun, naupang tamtakin an hnu hnunga HIV/AIDS thu an hriet chau hlak hi mak le pawi a ti thu a hril a. “Ka ngaidân chun, vawisun anga khawvêl changkang tah ah, \halai han HIV/AIDS an hrietna hmasatak ah a lo inhnu taluo ta pei hi mak ka ti a

nih. HIV chu natna danghai ang bawka enkawl a ngai a. Ei rênga \hang ruolin HIV leia inthlierhrangna le inendawngnahai hi sukbo ei ta, \halaihai ngir suokna ding hun \ha ei pek ding a nih” tiin a hril. Ha r ry h in Ma lawi , Africa-a nuhmei haiin mani le mani in test-na dinga an hmang ‘self testing kit’ hmang dan an thaw khawm chu a en a. Hi bâka hin Eye-care tienga sinthawtu Peek hai sinthaw a va en bawk a. Peek hin Botswana a hotuhaiin app pakhat hmanga student hai mit \hat le \hat naw ensui theina ding program a thaw a nih. P r i n c e H a r r y h i n nasatakin HIV/AIDS hi a do ve a, HIV dona ding charity pakhat “Sentebale” (forget me not) ti chu, Prince Seeiso of Lesotho leh 2006 khan an lo indin bawk a nih. Africa rama naupang le \halai tamtak, abîkin HIV/AIDS in

a tâwk pawihai \hangpuina dingin sin an thaw a nih. Round Table Conference ah hin Lesotho le Botswana a inthawka palai \halai pathum an \hang ve a. An hril dan chun, December 2016 chenah khan Sentebale chun \halai le tleirâwl 21, 000 hai kuomah counselling le blood testing an thaw tah a. Kum 2020 chena chu Africa khawmuolpui kil lia \hein a nêka tam lem kuoma blood test thaw tum a nih. Prince Harry in Lesotho a sirna hmasatak chu kum 12 liemtaa khan a nih a, Tom Bradley leh an nia, Tom hin Harry interview thawa documentary a siemna a ni nghe nghe a nih. Prince Harry hin African naufahra pakhat kum li a ni laia 2004-a an hmupui/hrietpui tah Mutsu Potsane a um a. Kum 13 liem hnungin an inhmu nawk a nih. Prince Harry hin Mutsu hi Welling-ton Booth a present a, a dit taluoa, hlîp lovin khumah chen a zalpuia, bu a fakpuia khawlai a lengpui pei a nih. Lekha an inthawn zing hlak a. Tulai hnai khan Mas-eru ah Mamohato Children’s Centre a hawng a, Harry khawm hrepui dingin a zu \hang a nih. Mutsu anga naupang tamtak an hringnun an hmang \an hmaa suksiet dera um, an thiem nâwna khawm um lohai a hmuin a lung a na thei em em. HIV/AIDS hi nasa nawk zuola do ding an tiem a nih.

Tom Hanks, Records of Achievement Awards Inhlan

L o s A N g e L e s : Hollywood action actor inlâr Tom Hanks chu A m e r i c a n h i s t o r y l e inzawma film a chang râwn tak lei le a contribution that leiin chawimawina insangtak pakhat Records of Achievement Award 2017 chu inhlan a ni ding niin National Archives Foundation thusuok chun a hril. Kum 61-a upa Tom Hanks hin hi Award, mimal an sinthawnaa American history chanchin thedar le sukdar rawntuhai kuoma pek hlak chu, October 21 khin National Archives Museum, Washington ah inhlan nîng a tih. NAM hi non-profit organization NGO a nih. Oscar Award pahni lo dawng tah le, 2016 Presidential Medal of Freedom dawngtu mi 21 hai laia \hang ve Tom chun, “Thil hlui chanchinhai bichieng le American history le inzawma role ka play-na le ka kalpenna hai rêng rêng chu tui fim tak tu la pal ngai lo pal angin kan hriet a. Hieng ang hun

ropuia chawimawina ropui hi chu ka phu nawh” tiin thusuok siemin a hril. Tom Hanks hi American history le inzawm film tamtak a chang tah a. An lar deu deu \henkhat chu “Saving Private Ryan” (World War II drama), “Catch Me If You Can” (crime thriller true story), tulaia hnaia mi chu “Sully” US Pilot pakhat 2009-a vuongna siet leia Hudson River-a tum chanchin le aman a ziek, direct le produce ve “Band of Brothers” hai an nih. Hi Foundation-a Board member David Ferriero chun, pek a nîna san hrilin, “Tom Hanks chu – film

ah – Indopui II-na lai khan Vietnam ah ral a do a, Congress ah sin a thaw bawk a, Cold War lai US ta dingin palai a ni bawk bâkah Space Program ah khawm a \hang a nih” tiin film a changhai pawimaw zie a hril. Hi Award lo dawng ve tahai chu, Tom Hanks changna “Saving Private Ryan” “Bridge of Spies” le “The Papers” haia direct-tu Steven Spielberg a nih a. Pulitzer Prize dawngtu historian Ron Chernow le, Tony award-winning le theatre director Thomas K a i l l e “ H a m i l t o n ” composer le lyricist Lin-Manuel Miranda hai an nih.

Janet Jackson, A Naute Leh New York ah hmuNew yorK: Michael Jackson a unaunu Janet Jackson (50) “Escapade” le hla dang dang saklara world tour nei tum mek, thla ruk liemtaa nau a nei leia London ah um ngat ngata a nau enkawl chu a naute Eissa-in an In America a hmu vawi khatna dingin Thaw\anni khan New York an tlung a. Mipuiin an lo hmu nuom hle. Naute Eissa khawm inhawi a ti hmêl hle, a hlim var el a nih. Janet Jackson hi a pasal Qatar mi hausa tawntaw multi-millionaire Wissam Al Mana leh Muslim danin an innei a. London ah umin January thla khan an naulutir dingin Eissa chu an nei a. Chu hnung sawtnawte ah Janet chun an sinthawna buoi ve ve suonlamin in\he a rawt a, court ah an thu a la um zing a nih. A pasal le an in\hena chungthuah, “Thil chu a nidan indik tak hril \hain ka hriet. Aw, ka pasal leh kan in\he a, kan thu chu court ah a um zing a, a bak po chu Pathien kuta um (a thu) an tah” tiin a hril. A pasal le an in\he hnung hin London ah a la um zinga chu a sûnghai tieng an nghat nasa em em a nih. An in\he khawm hi ‘in \hat \he’ ang chi a nih a, inselna le inrem nâwna

iengkhawm an nei nawh a. An naute khawm an pahnia enkawl ve ve dingin an inrem a. A pasal Wissam khawmin a naupa hi a kan deu zing a, inhnelna ding Toys le thil dang dang a lan hnelpui thei naw dinghai chenin an chawkpek hlak. London ah thla ruk an um hnungin an khuo America tieng kira a sin (hlasak) sunzawm nawk a nuom a. Amiruokchu, nau a nei tah leiin a chêt vel hei en rêng rêng khawmin a ‘nu’ rieu tah a, hlasaka lama khawvêl fang chu iem a la ang ding hriet an tah nawh. A

World Tour program ruok chu nei a tum ti chieng takin a lo puong der tah. New York airport an hung tlung hin a naute khawm a hlim em em, ama khawm nu nina le ngirhmunah a ngir chieng tah hle ti an lang thei. A dum vawnga inthuomin a naute a pawm a, a var suit-a inthuom chu. Atlantic tuipui chung mel za tam darkar 12 neka sâwt an vuong hnunga \um an nia chu naute chu a hmêl a hlim sara sâwl hmêl a put nawh. Janet khwm ni dang nek chun a zen met tah.

SAFA in I-Day Football TournamentCCPur: Singngat Area Football Associa-tion (SAFA) chun kum tina an lo thaw hlak ang bawkin July 24, 2017 a in-thawk khin Signgat Public Ground-ah 12th Singngat Area Football Association Independence Day Shield Tournament huoihawt a tum a, hi le inzawm hin za-nikhan entry form a sem-dawk \an. Entry form hi Rs. 100

pein TD Medico, Singngat Bazar a lak thei le Entry Fee Rs. 2000 le Security deposit Rs. 500 pein July 21, 2017 chenin peklut thei ning a tih. Champion team in Rs. 30,000 le running trophy; runner up in Rs. 15,000 le running trophy dawng an ta, top scorer, Best player, Best Save Hand le man of the tournament lawmman siem ni bawk a tih.

FOOTBALLER CLEMENT L HMAR

Manipur a Hmar Martyrs’ Trophy Football Tourna-ment lo um tah haia play-er pakhat, vawi 5 lai zet Champion team a lo thang tah i hriet am? Clement L Hmar hi a nih. A team/club lo Champion pui tah hai chu- 1). Muolbem, 2). Muolvaiphei, 3). B. Ai-jalon, 4). Sielmat YC, 5). Sielmat YC. Sielmat vawi 2 a Champion pui tah a nih. 2016 khan Sielmat YC team Captain a nih. Thlalak suklang a ei hmu ang hin. A lo khelna club hai chu- 2006 in senior level a chu Gamnuom FC ah a khel tan a, 2007 chen, 2008 in Kuki Football Club (KSC), Imphal ah a khel nawk a, chun 2009 le 2010 in New Lamka Youth Club (NLYC) ah khel nawkin Season hni (2) a um a, chun 2011 a SC Leatherite (SCL) ah a khel a, 2012 to 2015 Nangkiew-Irat SC, Shillong ah a khel a, 2016 in FC Moirang ah a khel a nih. Chun tukum chu KLA-SA Keinou ah State League

inkhel dingin a’npuocha mek a nih. NE Tamchon chu Hmar FC hmingin 2011-2016 kha a lo khel ve tah a. 2013 khan chu a khel nawh. A pa hming chu Lal-ropieng Buongpui an’a, ama hming tluon suok chu Clement Lalthuoisang Buongpui a nih. Thuoia ( T h r u o i a / T h r u o i s a n g /Clement ti khawmin an ko hlak). Unau 7 an nih a, pas-al ama chauh hih a nih. Bi-jang, CCPur, Manipur chu a address niin an sungkuo’n an khawsa mek. Ama hi Meghalaya Football Asso-ciation a khawm in register in, a DoB chu 10-12-1993 a nih. A football khel a mawi a, a detindo hle bawk. Mi zaidam le mi chapo lo, mi biek inhawi tak el a nih. A chanchin tlangpui ei hung thai lang bak khawm hi a lo ngainatu ha’n hriet nuom tam tak ei la nei ring a um zing laiin la suk tawp phawt ei tih. (LRS Puruolte)

WIMBLEDON 2017:

Federer le Murray Quarter Final an kai a, Nadal a kai zo ve nawh

Wimbledon 2017 inkhel fe mekah Thaw\anni khan Andy Murray le Roger Fe-derer hai chun an khingpui ve ve hnein Quarter Final an inhlangkai a. French Open 2017 champion lai mek Rafael Nadal ruok chu a khingpui Gilles Muller laka tlawmin a tla fel tah. Roger Federer chun a khingpui Grigor Dimitrov chu 6-4, 6-2, 6-4 a hnein a vawi 50 na dingin Grand Slam Quarter Final a lo kai tah a nih. Chun, Federer hi kum 35 mi a ni mek a, tukum

title a lak chun pasal laia Wimbledon title vawiriet la thei hmasa tak a hung ni ding a nih. Ama hin Quarter Fi-nalah Raonic inkhelpui a tih. World No. 1 ni mek Andy Murray chun a kh-ingpui Benoit Paire chu 7-6, 6-4, 6-5 a hnein Quar-ter Final a lut ve a, Wimble-don Quarter Final vawi 10 a lutna a ni tah. Chun Wim-bledon inkhel hrim hrim-ah vawi 57 a hratna a ni ta bawk. Ama hin Quarter Finalah Querrey inkhelpui bawk a tih.

CHELSEA PLAYER DOMINIC SO-LANKE CHU LIVERPOOL TIENG AN SAWN FEL TAH

Dominic Solanke chu Chelsea-a a cotract a bo le inruolin Liverpool tieng an sawn fel tah. Kum 19, So-lanke hin tuta U-20 World Cup zo taa khan Player of the Tournament Award a dawng a, England a cham-pionpui a ni kha. Ama hin Anfield-ah Jersey number 29 hak a tih. Liverpool thu-suokin a tarlangnaah ieng chen am Liverpool-a a um ding ti zieklang a ni nawh. Solanke chun, ‘Hi taka um thei ding ngirhmuna ka

um hi ka lawm hle a, Club thuneituhai le fan-hai mi lo lawmna khawm hi insit a um naw hle,’ tiin a club thar chungchang a hril a. Chun Anfield-a hin chanchin lawmum siem ngei khawm an beisei thu a hril sa bawk. Chelsea-a hin kum 2004-a inthawk khan a um \an a, anachu Chelsea se-nior teamah vawikhat char first XI a chang hman a nih. Chun 2015-16 season sung khan Loan-in Vitesse Arn-hem tieng an khel bawk.

Judges han an ennawn hnung khawmin result pangngai bawkTulai hnaia welterweight champion Manny Pacquiao le Jeff Horn han WBO ti-tle inchua an inhnek huna sawiselna nasa tak um le inzawm khan WBO judges hai chun an inhnekna kha an ennawn a, sienkhawm result chu a pangngai ang thoin Horn chu hrat lema puong a nih. Pacquiao (38) chun Horn (29) le an inhnek huna result kha a fel tawk nawh tiin ennawn dingin govern-ing body WBO kuomah ngenna a lo siem ta a nih.

Amiruokchu, Judges 5 han \ha taka an ennawn nawk hnungin Pacquiao kha round 5-ah a hrat a, Horn kha round 7-ah a hrat a nih tiin thutlukna an siem a nih.

District aiaw-a inkhel ding hai vailiem

CCPur: State Level Inter School Subroto Mukherjee Tournament, 2017-a CCPur district aiawa inkhel ding School football team hai chu zani zantieng khan CCPur Dis-trict Sports Association (CDSA) Office, Hiangtam Lamka hmunah T. Thang-zasong, Asst. Secretary, CDSA in \awng\aipekna a nei zoin Thauthian-mung, President, CDSA in a vailiem. District aiaw-a inkhel

ding hai hi Under 14 years ah Saint John School, Gothol le Pherzawl District a inthawk Parvachawm High School hai an ni a, Under 17 ah CCPur district-a inthawk Dr Radhakrish-nan Foundation School le Pherzawl district-a inthawk Parbung Govt. High School hai an ni a, school pakha-tah football players 16, an rengin mi 64 an ni a, Team Leader Vanlalruot Joute le Kailalmuon Gangte han an inrawi a nih.

State Inter School Sub-roto Mukherjee Football Tournament 2017 hi July 12 -18, 2017 inkar sung Thoubal district sung hmun tum tuma nei ding a nih. Under 14 ah CCPur district aiaw Saint John School chun July 13, 2017 khin Imphal East inkhel-pui an ta, Pherzawl dis-trict aiaw Parvachawm H/S chun Kakching team inkhelpui an ta, Under 17 years ah CCPur district aiaw Dr Radhakrishnan Foundation School in July 13, 2017 khin Tamenglong District team le Pherza-wl district aiaw Parbung Govt. H/S in Kangpokpi team inkhelpui an tih. State level a khel ding hin district tina inthawk Under 14 le 17 yrs schools 15 thlang an ni a, July 18, 2017, 1:30PM khin final match um a tih.

4th Book Fair zo

CCPur: July 1, 2017 a in-thawk Bookline Kolkata in Synod Hall, IB Road, CC-Pur-a 4th Book Fair 2017 an buotsai chu zanikhan zo a nitah. Book Fair sung hin le-khabu chi tum tum \hahn-emtawk tak zawrdawk a ni a, hi hun sunga lekhabu zawr hai hi 10 percent dis-count pek a nih. Book fair huna lekhabu zawr hai lai hin novels, study materials,

naupang lekhabu, ziektu in-lar tak tak Salman Rushdie, Dan Brown, Shakespeare, Charles Dickens le midang dangin an ziek novels hai khawm sie an nih. Schools/ Colleges hai khawmin an student hai ta dingin lekhabu hi an inchawk tawl a nih. Book Fair sungin lekhabu ieng-zat chie am an zawr dawk ti ruok chu hrietna ei nei nawh.