LIGJNr. 9385, datë 4.5.2005

“PËR PYJET DHE SHËRBIMIN PYJOR”

...dhe aktet nënligjore në zbatim të tij

Përmbledhje Ligji Nr. 9385, datë 4.5.2005 “Për pyjet dhe shërbimin pyjor” (I ndryshuar); VKM NR. 1353, datë10.10.2008 “Për përcaktimin e rregullave për paraqitjen e

kërkesës, mbajtjen dhe plotësimin e dokumentacionit teknik, si dhe të kritereve e procedurave të zvogëlimit të sipërfaqës të vëllimit të fondit pyjor”(I ndryshuar);

VKM Nr.108, datë 27.1.2009 “Për kriteret e cilësimit të shkeljeve, me pasoja të rënda, në pyje”;

VKM Nr. 433, datë 8.6.2016 “Për transferimin në pronësi të Bashkive të pyjeve dhe të kullotave publike, sipas listave të inventarit dhe aktualisht në administrim të Ministrisë së Mjedisit e të ish-Komunave/Bashkive”;

VKM Nr. 438, datë 8.6.2016 “Për kriteret dhe rregullat e shfrytëzimit të pyjeve dhe të shitjes së materialit drusor e të prodhimeve të tjera pyjore e jopyjore” (I ndryshuar);

Udhëzim Nr.4,datë12.9.2008 “Për mbajtjen e kadastrës së Fondit Pyjordhe Kullosor”;

UdhëzimNr. 1, datë 9.6.2016 “Për rregullat, procedurat e kërkimit, të shqyrtimit e të miratimit të kërkesave për dhënie në përdorim të Fondit Pyjor dhe Kullosor Publik”.

Udhëzim Nr. 2, datë 3.3.2017 “Për kërkesat teknike të caktimit të ngastrave, grupngastrave dhe ekonomive pyjore për trajtime me prerje rigjeneruese, rregullat për vjeljen e materialit drusor me qëllim sigurimin e druve të zjarrit për ngrohje”

LIGJNr. 9385, datë 4.5.2005

PËR PYJET DHE SHËRBIMIN PYJORI azhurnuar me:

- Ligjin Nr.9533, datë 15.05.2006- Ligjin Nr.9791, datë 23.07.2007- Ligjin Nr.9989, datë 15.09.2008- Ligjin Nr.10137, datë 11.05.2009- Ligjin Nr.15/2012, datë 16.02.2012- Ligjin Nr.36/2013, datë 14.02.2013- Ligjin Nr.48/2016,datë 05.05.2016

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDII REPUBLIKËS SË SHQIPËRISË

VENDOSI:

KREU IDISPOZITA TË PËRGJITHSHME

Neni 1Objekti

1. Objekt i këtij ligji është përcaktimi i rregullave të njëjta për marrëdhëniet, detyrat, të drejtat dhe përgjegjësitë e institucioneve shtetërore, organeve të pushtetit vendor, organizatave jofitimprurëse, pronarëve privatë dhe të biznesit, për ruajtjen, administrimin, menaxhimin dhe përdorimin e fondit pyjor kombëtar, të tokës pyjore dhe të burimeve natyrore e biologjike të tyre. 2. Ky ligj rregullon edhe veprimtaritë mbrojtëse, shoqërore, ekoturistike dhe ekonomike që zhvillohen në fondin pyjor kombëtar dhe në burimet e tjera pyjore e jopyjore, në bazë të parimeve të mbarështimit të qëndrueshëm e shumëfunksional, të pasqyruara në strategjinë dhe politikat e zhvillimit të sektorit të pyjeve e kullotave, si dhe skemën e organizimit e të funksionimit të administratës së Shërbimit Pyjor Shqiptar, marrëdhëniet juridike, përgjegjësitë dhe detyrat e tij, për krijimin e një shërbimi pyjor të qëndrueshëm dhe profesional. 3. Nuk janë objekt i këtij ligji zonat e mbrojtura, fauna e egër, si dhe bimët mjekësore eterovajore e tanifere natyrore, të cilat rregullohen sipas legjislacionit të perkatës në fuqi.

Neni 2Përkufizime dhe fushat e veprimit

Në zbatim të këtij ligji, termat e mëposhtëm kanë këtë kuptim:

1. "Burime pyjore" është tërësia e elementeve natyrore të një sipërfaqeje pylli a toke pyjore, me vlerë të konsiderueshme, të përdorshme për nevojat e njeriut. Në ekonominë pyjore si burime natyrore përfshihen edhe toka, uji, bimësia jopyjore, e shumëllojshme, ato të natyrës jo të gjallë dhe gjallesat e egra. 2. "Dëmtim i pyjeve dhe i mjedisit pyjor" është prishja e karakteristikave fiziko-kimike e strukturore të ekosistemit pyjor, ulja e prodhimtarisë biologjike dhe e shumëllojshmërisë së ekosistemeve përbërëse të fondit pyjor kombëtar. 3. "Drurë apo grupe drurësh pyjorë" janë drurët pyjorë të veçantë, kudo që ndodhen, një sipërfaqe me drurë pyjorë prej 0,05 hektarësh, brezat mbrojtës, parqet urbane, grupet e drurëve të mbjellë në parcela të vogla dhe që përdoren për kullotë. 4. "Ekonomi pyjore" është sipërfaqja pyjore e ndarë në ngastra e nënngastra, si njësi bazë për drejtimin, organizimin, planifikimin dhe kontrollin e mbarështimit të pyllit dhe që plotëson parimin e vazhdimësisë së prodhimit pyjor. 5. "Ekosistem" është një kompleks dinamik komunitetesh: bimë, kafshë, mikrobe dhe mjedisi jo i gjallë, që ndërveprojnë si njësi funksionale. 6. "Fidanishte pyjore" është një sipërfaqe toke, e destinuar për të rritur e prodhuar, për një periudhë të caktuar kohe, fidanë të llojeve e madhësive të ndryshme, me prejardhje nga farërat, kalemat, copat, rrënjët, shpatullat e zhardhokët.7. "Fond pyjor" janë të gjitha sipërfaqet pyjore e jopyjore, burimet pyjore e jopyjore bashkëshoqëruese, infrastruktura përkatëse, përfshirë edhe sipërfaqet e zhveshura, të cilat krijojnë një mjedis harmonik me pyjet e tokën pyjore (çeltirat, shkëmbinjtë, dunat dhe ranishtet), brezat pyjorë mbrojtës, grupet e veçuara të drurëve dhe shkurret. 8. "Grumbull pyjor" është një sipërfaqe pyjore, homogjene nga pikëpamja e përbërjes së llojeve, moshës, klasës së prodhimit, dendësisë, kushteve mjedisore dhe mënyrës së trajtimit silvikulturor. 9."Infrastrukturë pyjore" janë zyrat, ndërtesat, magazinat, depot, rrjeti rrugor pyjor, teleferikët, makinat, motorët, radiot e antenat e radiokomunikimit, pritat, pendat, lerat, koritat, çezmat, rrethimet e gardhimet, tabelat, shenjat e ndryshme treguese e sinjalizuese, ato të mbarështimit pyjor, si dhe lehtësitë e tjera të ngritura në fondin pyjor shtetëror për informimin dhe pritjen e vizitorëve. 10. “Inspektor i Policisë Pyjore” është punonjësi me arsimin përkatës pyjor, me uniformë, i armatosur, i pajisur me kartë identifikimi, që ka atributet e njohura me këtë ligj, i inspektoratit shtetëror përgjegjës për pyjet, i cili ka për detyrë zbatimin e ligjit, administrimin, mbrojtjen, parandalimin e dëmtimeve, zbulimin e veprimtarive kriminale dhe mbikëqyrjen e fondit pyjor kombëtar. 11. "Kadastra e pyjeve" është një dokument zyrtar (regjistër), ku evidentohen, pasqyrohen, mbahen e përditësohen të dhënat fillestare për çdo njësi të ekonomisë pyjore apo për pellgjet ujëmbledhëse, të dhënat për ndryshimet periodike në vëllime, sipërfaqet dhe hartat përkatëse. 12. "Mbarështim pyjor" është planifikimi afatmesëm e afatgjatë, në nivel ekonomie pyjore apo të pellgut ujëmbledhës, i cili siguron përmbushjen e kërkesave për ruajtjen e pyllit, duke mbajtur parasysh aspektet ekologjike, ekonomike e shoqërore. Këtu përfshihen mbledhja e të dhënave, përcaktimi i objektivave, i masave për çdo njësi mbarështimi apo për të gjithë ekonominë dhe kontrollin e vazhdueshëm të rezultateve.

13. "Mbrojtja e pyjeve dhe e tokës pyjore" është veprimtaria për parandalimin e degradimit, përtëritjen, ruajtjen dhe përmirësimin e pyjeve të burimeve pyjore e jopyjore bashkëshoqëruese dhe të mjedisit pyjor nga faktorët njerëzorë e natyrorë. 14. "Ndotja e pyjeve dhe e mjedisit pyjor" është ndryshimi i cilësisë së tyre, si rrjedhojë e krijimit dhe e futjes së faktorëve fizikë, kimikë apo biologjikë, të burimeve natyrore a njerëzore, nga brenda ose jashtë vendit. 15. "Nënngastër" është një njësi sipërfaqeje me madhësi minimale 0,5 ha, që shërben për vlerësimin e grumbujve pyjorë, planifikimin dhe kontrollin e trajtimeve të njëjta silvikulturore. 16. "Ngastër" është ndarja e sipërfaqes së ekonomisë pyjore në parcela, të cilat shërbejnë si njësi bazë për drejtimin, organizimin, planifikimin dhe kontrollin e mbarështimit të pyllit. 17. "Plan mbarështimi" është një dokument bazë për mbarështimin e pyjeve, i hartuar sipas njësive të ekonomisë pyjore, me punime terreni e zyre, për njohjen dhe marrjen e të dhënave për tokën, klimën, faunën, biodiversitetin, grumbullin pyjor etj., si dhe masat që parashikohen për administrimin dhe qeverisjen e qëndrueshme të fondit pyjor, organizimin e prodhimit dhe planifikimin e punimeve të ndërthurura, të nevojshme silvikulturore. 18. "Prerje kulturore" është tërësia e punimeve të seleksionimit dhe të rrallimit, pastrimit, çlirimit etj., që zbatohen periodikisht në një grumbull pyjor, nga çasti i krijimit të gjendjes së masivit e deri në moshën e shfrytëzimit, për përmirësimin dhe sigurimin e vazhdimësisë së prodhimit. 19. "Pronë pyjore" është një sipërfaqe e fondit pyjor, me madhësi të ndryshme, bashkë me infrastrukturën përkatëse, e cila është pronë publike, që zotërohet nga pushteti qendror apo vendor, ose pronë private.20. "Pyje mbrojtëse" janë pyjet e përcaktuara kryesisht për qëllime mbrojtëse të vetë pyllit, të tokës pyjore dhe të tokave, që shtrihen përreth zonave urbane, pellgjeve ujëmbledhëse, për të luftuar a parandaluar dukuritë e gërryerjes, të ndikimit të erërave, çrregullimeve në rrjedhjet ose burimet ujore dhe sigurimin e funksioneve ekologjike. 21. "Pyll" është sipërfaqja e tokës me një grup të dendur drurësh pyjorë, në formë të qëndrueshme ose me bimësi tjetër të rrallë pyjore, me sipërfaqe më të madhe se një dynym e me shkallë mbulimi jo më të vogël se 30 për qind, që prodhon masë drusore, ushtron ndikim në mjedisin rrethues dhe që siguron funksionet e pyllit. Për zbatimin e Protokollit të Kiotos pyll vlerësohet edhe sipërfaqja e tokës me një grup të dendur drurësh pyjorë, me sipërfaqe më të madhe se 0,1 ha, me shkallë mbulimi jo më të vogël se 30 për qind dhe me potencial për të arritur lartësi më të madhe se 3 metra, kur pylli ka arritur maturinë në kushte in-situ.22. "Qeverisje e pyjeve" është tërësia e ligjësisë dhe biologjia e bashkësisë së jetës së pyllit e të tokës pyjore, përcaktimi i qartë i politikave dhe i masave, me të cilat do të ndërhyhet në strukturën funksionale të tyre, për të siguruar rritjen e frytshmërisë teknikoekonomike. 23. "Rrugë pyjore" janë rrugët me parametra të ndryshme nga ato të rrugëve vendore dhe kombëtare, për qarkullimin e automjeteve dhe të mjeteve të tjera, që shërbejnë për transportin e lëndës drusore, të prodhimeve të tjera me origjinë jodrusore, për kryerjen e punimeve të ndryshme dhe lidhjen e sipërfaqes pyjore me rrjetin e rrugëve vendore e kombëtare. 24. "Shfrytëzim i pyjeve" janë ndërhyrja dhe trajtimet silvikulturore në jetën e pyllit, vjelja e materialit drusor dhe e prodhimeve të tjera, përpunimi dhe transporti i tyre në moshën e shfrytëzueshmërisë dhe kur është siguruar ripërtëritja natyrore.

25. "Shitja e drurit në këmbë" është operacioni i vlerësimit dhe i shitjes së drurëve të paprerë apo të parrëzuar. 26. "Shkurre'' është bimësia drusore, me kërcenj të degëzuar nga baza dhe jo shumë të lartë, që dallohet nga bimësia barishtore prej strukturës drusore, ndërsa nga pylli prej trungut të shkurtër dhe mungesës së trungut kryesor. 27. "Silvikulturë" është shkenca që merret me studimin e ligjësive të jetës dhe të zhvillimit të ekosistemeve pyjore, me përcaktimin e metodave dhe të teknikave të trajtimit të tyre, që synojnë rritjen dhe vazhdimësinë e prodhimit pyjor. 28. "Toka pyjore" janë sipërfaqe toke me drurë, shkurre e bimësi tjetër jopyjore, me shkallë mbulimi nga 5 deri në 30 për qind, sipërfaqet e zhveshura, çeltirat, vendet shkëmbore, tokat e gërryera e joprodhuese, ranishtet, rrugët pyjore, të pakadastruara në fondet e tjera të tokës bujqësore dhe të lidhura ekologjikisht e në mënyrë funksionale me fondin pyjor kombëtar që, të gjitha së bashku, sigurojnë funksionet e pyllit. 29. "Trajtim i pyjeve" janë operacionet silvikulturore, të cilat kanë si qëllim kryesor zhvillimin, vjeljen e prodhimeve pyjore dhe sigurimin e ripërtëritjes natyrore të një pylli, brenda mundësive të një forme të caktuar qeverisjeje. 30. "Veprimtari pyjore" janë të gjitha veprimtaritë mbrojtëse, menaxhuese e qeverisëse, ekonomike e tregtare, të vjeljes së materialit drusor dhe të prodhimeve të tjera, pyjore e jopyjore, veprimtaritë çlodhëse, turistike, sportive e argëtuese, si dhe ato kërkimore e shkencore, që zhvillohen në fondin pyjor kombëtar. 31. “Ministria” është ministria përgjegjëse për pyjet. 32. “Ministër” është ministri përgjegjës për pyjet. 33.“Pyll komunal” është pylli në pronësi apo në përdorim të organeve të qeverisjes vendore.

KREU IIPOLITIKAT, PROGRAMET E ZHVILLIMIT DHE PLANET E MBARËSHTIMIT

PYJOR

Neni 3Këshilli i politikave pyjore

1. Politikat sektorale synojnë zbatimin e kërkesave të Kushtetutës së Republikës së Shqipërisë për pyjet, kullotat dhe burimet e tjera, pyjore e natyrore, në përputhje me parimin e zhvillimit të qëndrueshëm. 2. Për hartimin e politikave dhe të strategjive të zhvillimit të sektorit të pyjeve dhe të kullotave në Republikën e Shqipërisë ngrihet Këshilli i Politikave të Zhvillimit të Sektorit të Pyjeve dhe Kullotave, i cili funksionon si organ ndërministror. Përbërja, funksionet, përgjegjësitë, të drejtat dhe organizimi i brendshëm i këtij këshilli caktohen me urdhër të Kryeministrit.

Neni 4Programet e zhvillimit

1. Qeverisja e fondit pyjor kombëtar mbështetet në parimet e zhvillimit të qëndrueshëm e shumëfunksional të pyjeve e kullotave, të përfshira në strategjinë e zhvillimit të sektorit të pyjeve e kullotave, në programin kombëtar dhe në planet afatgjata të veprimit.

2. Programi i zhvillimit të sektorit të pyjeve dhe kullotave përcaktohet nga politika e mbarështimit pyjor, për ruajtjen, zhvillimin e fondit pyjor kombëtar, për sigurimin e kushteve për përdorimin dhe shfrytëzimin e tij edhe për qëllime publike. 3. Programi i zhvillimit të sektorit të pyjeve përshtatet dhe plotësohet, në përputhje me ndryshimet e gjendjes shoqërore e ekonomike të vendit dhe me ndryshimin e kushteve të mbarështimit pyjor. 4. Ministria, në bashkëpunim me bashkitë, harton dhe përpunon programin e zhvillimit të sektorit të pyjeve, i cili miratohet me urdhër të ministrit.

Neni 5Planet e mbarështimit

1. Qeverisja teknike e sektorit të pyjeve dhe të kullotave bëhet sipas planeve të mbarështimit. 2. Planet e mbarështimit pyjor duhet të sigurojnë masat për: a) zhvillimin e qëndrueshëm të fondit pyjor kombëtar, ruajtjen dhe krijimin e kushteve natyrore për gjallesat pyjore dhe komunitetet e tyre; b) mbrojtjen, trajtimin dhe kryerjen e punimeve silvikulturore e të punimeve të tjera, të cilat kanë për qëllim sigurimin e funksioneve ekologjike dhe shoqërore, ndërtimin dhe mirëmbajtjen e infrastrukturës pyjore, vjeljen e prodhimeve pyjore dhe përdorimin e fondit pyjor kombëtar, duke siguruar vazhdimësinë e prodhimeve pyjore, të burimeve të tjera dhe të gjeneratës së re të masivit pyjor; c) mbarështimin e pyllit dhe të tokës pyjore, për të ruajtur funksionet e tyre, shkallën e ruajtjes së mjedisit pyjor dhe të ripërtëritjes natyrore; ç) përdorimin e qëndrueshëm të burimeve pyjore e natyrore të ngastrave e ekonomive pyjore, në përputhje me zhvillimin e qëndrueshëm të gjallesave pyjore dhe të komuniteteve të tyre.3. Për të siguruar asistencë të kualifikuar për hartimin e planeve të mbarështimit, të ekspertizave, të projekteve operacionale dhe zbatimin e tyre në fondin pyjor, ministri certifikon ekspertë, të certifikuar në këtë fushë. Kur këto veprimtari kryhen nga subjekte, juridike ose fizike, tregtare, ato i nënshtrohen licencimit dhe përfshihen në kategorinë III.7, të shtojcës së ligjit për licencat.Licencimi i këtyre veprimtarive bëhet sipas ligjit për licencat.Këshilli i Ministrave miraton kriteret, rregullat dhe procedurat për certifikimin e ekspertëve dhe licencimin në fushën e fondit pyjor.4. Plani i mbarështimit të pyjeve shtetërore shqyrtohet nga komisioni teknik pranë Drejtorisë së Politikave Pyjore, i ngritur me urdhër të ministrit. Plani miratohet nga ministri.5. Planet e mbarështimit të pyjeve komunale dhe private hartohen nga subjekte të licencuara dhe miratohen, sipas rastit, nga këshilli i komunës/bashkisë, në bashkëpunim me drejtorinë përkatëse të shërbimit pyjor. 6. Mënyra e hartimit të planeve të mbarështimit të pyjeve, e cila zbatohet për të gjitha format e pronësisë së pyllit, caktohet me udhëzim të ministrit.

KREU IIISHËRBIMI PYJOR

Neni 6Funksionimi i shërbimit pyjor

1. Shërbimi pyjor funksionon në mbështetje të këtij ligji dhe të akteve të tjera nënligjore, të nxjerra nga organet përkatëse, të ngarkuara për zbatimin e ligjit. 2. Shërbimi pyjor ka këto funksione: a) menaxhuese; b) kontrolluese. 3. Funksioni kontrollues ushtrohet nga Policia Pyjore, në përputhje me këtë ligj dhe ligjin nr. 10 433, datë 16.6.2011 “Për inspektimin në Republikën e Shqipërisë”.

Neni 7Organizimi i shërbimit pyjor

1. Shërbimi pyjor organizohet e vepron sipas parimeve të profesionalizmit, pavarësisë, transparencës, shërbimeve ndaj publikut, përgjegjësisë dhe korrektësisë në zbatimin e legjislacionit në fuqi. 2. Shërbimi pyjor organizohet si më poshtë: a) ministria përgjegjëse për pyjet, si organ qendror politikëbërës; b) strukturat përgjegjëse për pyjet dhe kullotat në bashki; c) Policia Pyjore, pjesë e inspektoratit shtetëror përgjegjës për pyjet. 3. Strukturat dhe organikat e shërbimit pyjor në ministrinë përgjegjëse për pyjet dhe Policisë Pyjore miratohen me urdhër të Kryeministrit, me propozimin e ministrit. 3/1. Bashkia ngre strukturën e saj për administrimin, qeverisjen dhe mbrojtjen e fondit pyjor dhe kullosor brenda kufijve territorialë administrativë, me personel inxhiniero-teknik me arsim pyjor. Raporti midis një nëpunësi të bashkisë me sipërfaqen e fondit pyjor dhe kullosor që ai mbulon është jo më pak se një nëpunës për: a) 750–1 000 ha, për pyjet e larta; b) 1 500–2 500 ha, për pyjet e ulëta dhe shkurret; c) 4 000–6 000 ha, për kullota dhe livadhe. 4. Organizimi dhe funksionimi i inspektoratit shtetëror të ministrisë që mbulon fushën e mjedisit, pyjeve dhe administrimit të ujërave përcaktohen me vendim të Këshillit të Ministrave, në përputhje me ligjin për inspektimin.

Neni 8Bordi Këshillimor i Pyjeve

(shfuqizuar)

Neni 9Strukturat e shërbimit pyjor

1. Ministria përgjegjëse për pyjet është organi më i lartë politikëbërës në fushën e pyjeve dhe përgjigjet për hartimin e legjislacionit përkatës të pyjeve, me qëllim zhvillimin e qëndrueshëm të fondit pyjor dhe kullosor kombëtar. 2. Strukturat përgjegjëse për pyjet e kullotat pranë bashkive janë organi administrativ i shërbimit pyjor dhe përgjigjen për sigurimin e mbrojtjes, për qeverisjen e qëndrueshme dhe kontrollin e miradministrimit të fondit pyjor dhe kullosor brenda territorit administrativ të bashkisë. 3. Punonjësit e shërbimit pyjor pajisen me uniformë (me shenja dalluese), me dokument identifikimi, me armatim, me tabela të ndalimit të automjeteve dhe me mjete të tjera teknike, të domosdoshme e të nevojshme për kryerjen e detyrës. Caktimi i rregullave për mbajtjen,

përbërjen, afatet e përdorimit e të zëvendësimit të uniformës dhe të pajisjeve e të mjeteve të tjera caktohen me vendim të Këshillit të Ministrave.

Neni 10Ministria përgjegjëse për pyjet

1. Ministria përgjegjëse për pyjet është përgjegjëse për hartimin e politikave, strategjive, si dhe miratimin e planeve të menaxhimit për fondin pyjor kombëtar. 2. Ministria përgjegjëse për pyjet:2.1. Është organ i specializuar politikëbërës, me atribute teknike, menaxhuese, kontrolluese e këshillimore. 2.2. Siguron/ofron mbështetje teknike në fondin pyjor kombëtar dhe ka këto detyra: a) qeverisjen politike të pyjeve dhe të tokave pyjore; b) mbledhjen e të dhënave për zhvillimin e pyjeve publike dhe private; c) ruajtjen e ekuilibrit biologjik në fondin pyjor kombëtar; ç) mbajtjen dhe administrimin e të gjitha dokumenteve për hartimin dhe zbatimin e planeve të mbarështimit dhe të inventarizimit pyjor, të kadastrës pyjore, të projekteve, të financës, të pasurive të luajtshme e të paluajtshme, të të dhënave bazë për tërësinë e fondit pyjor e kullosor dhe të tokave pyjore, si dhe të punimeve e përgjithësimeve statistikore; d) ndjekjen e zbatimit të planeve të mbarështimit dhe të inventarizimit të pyjeve, të kullotave, të florës e të faunës së egër, si dhe të shmangies së sëmundjeve, dëmtuesve dhe zjarreve; dh) ndjekjen, bashkëpunimin, harmonizimin dhe kryerjen e veprimtarive kërkimore në pyje e kullota; e) ndjekjen e përpunimit të metodologjive për mbledhjen e të dhënave të zhvillimit të sektorit të pyjeve e kullotave, përpunimin e këtyre të dhënave dhe përgatitjen e informacionit për publikun; ë) sigurimin e mbështetjes teknike nëpërmjet këshillimit të pronarëve privatë dhe të komunitetit; f) kontrollin dhe marrjen në dorëzim të punimeve të kryera në pyje e kullota, pavarësisht nga burimi i financimit.

Neni 11Struktura përgjegjëse për pyjet dhe kullotat në bashki

1. Struktura përgjegjëse për pyjet dhe kullotat në bashki është organ i specializuar i këtij shërbimi në nivel vendor, me atribute teknike, menaxhuese e këshillimore, në përbërje të bashkisë. 2. Struktura përgjegjëse për pyjet dhe kullotat në bashki kryen shërbime teknike e publike në fondin pyjor vendor dhe ka këto detyra: a) qeverisjen tërësore të pyjeve dhe të tokave pyjore; b) mbledhjen e të dhënave për zhvillimin e pyjeve publike dhe private; c) ruajtjen e ekuilibrit biologjik në fondin pyjor vendor; ç) mbajtjen dhe administrimin e të gjitha dokumenteve për hartimin dhe zbatimin e planeve të mbarështimit të fondit pyjor privat brenda njësisë administrative të bashkisë; d) të mbajë të dhëna të sëmundjeve, dëmtuesve dhe zjarreve në pyjet e kullotat e bashkisë; dh) përgatitjen e projekteve për investimet në pyje e kullota; e) drejtimin dhe mbikëqyrjen e punës për përmirësimin e zonave të gërryera dhe luftimin e gërryerjeve, të rrëshqitjeve e të ortekëve brenda territorit të bashkisë;

ë) ndjekjen, bashkëpunimin, harmonizimin dhe kryerjen e veprimtarive kërkimore në pyje e kullota; f) mbikëqyrjen e zhvillimit të florës e faunës së egër dhe propozimin e metodave për mbrojtjen e llojeve të rrezikuara, të rralla ose në rrezik; g) sigurimin e mbështetjes teknike nëpërmjet këshillimit të pronarëve privatë dhe të komunitetit;gj) organizimin e trajnimeve dhe të shërbimeve këshillimore për pronarët privatë; h) kontrollin dhe marrjen në dorëzim të punimeve të kryera në pyje e kullota, pavarësisht nga burimi i financimit; ) mirëmbajtjen dhe funksionimin e infrastrukturës në fondin pyjor bashkiak; j) hartimin dhe zbatimin e një programi për trajnimin e punonjësve të shërbimit pyjor dhe aftësimin e tyre profesional; k) mbështetjen e zhvillimit të agropylltarisë në bashki.

Neni 12Funksioni dhe detyrat e Policisë Pyjore

1. Policia Pyjore është organ i specializuar i shërbimit pyjor, me funksione kontrolluese. Struktura e Policisë Pyjore, gjatë kryerjes së shërbimit, përfiton status të njëjtë me atë të Policisë së Shtetit. 2. Policia Pyjore kryen këto detyra: a) kontrollon zbatimin e dispozitave ligjore dhe të akteve nënligjore në fuqi për pyjet, kullotat, zonat e mbrojtura, florën e faunën e egër, veprimtarinë e gjuetisë dhe veprimtaritë e tjera që zhvillohen në fondin pyjor kombëtar nga subjektet private e publike, juridike e fizike, si dhe propozon heqjen e licencave kur subjektet veprojnë në kundërshtim me këto dispozita; b) parandalon, zbulon dhe lufton dëmtimin, pushtimin, shpërdorimin, tjetërsimin, shkretimin dhe degradimin e pyjeve e të tokës pyjore, cenimin nga ndërhyrjet e pakontrolluara në fondin pyjor dhe në mjedisin natyror; c) organizon punën për parandalimin dhe shuarjen e zjarreve; ç) parandalon dhe merr masa në rastet e shfrytëzimit dhe të tregtimit të paligjshëm të materialit drusor, të prodhimeve pyjore e jopyjore, të krimit në sektorin e pyjeve, kullotave, zonat e mbrojtura e pyjet me funksion të veçantë, të florës e faunës së egër, të bimëve mjekësore, aromatike, eterovajore e tanifere natyrore, të prodhimeve pyjore e jopyjore të fondit pyjor kombëtar, si dhe çdo veprimtari tjetër, që bie në kundërshtim me këtë ligj; d) kontrollon veprimtaritë e subjekteve që grumbullojnë, përpunojnë dhe tregtojnë prodhimet e përftuara nga shfrytëzimi i pyjeve (trupa, lëndë ndërtimi, shtylla miniere, degë voze, dru zjarri, qymyr druri etj.) dhe prodhimet gjysmë të përpunuara (dërrasë, elemente etj.) në qendrat e përpunimit (gatrat, sharrat, cirkularet etj.) në magazinat dhe sheshet e depozitimit; dh) bllokon veprimtarinë e ushtruar nga çdo person fizik a juridik, që nuk shlyen detyrimet ligjore në afatet e caktuara dhe/ose që nuk respekton kushtet e kontratave; e) mbron dhe mbështet veprimtarinë e administratës menaxhuese të shërbimit pyjor; ë) kryen, në bashkëpunim me organet e Policisë së Shtetit, organet tatimore, doganore e financiare, të Policisë së Ndërtimit dhe me organet e qeverisjes vendore, veprimtaritë dhe funksionet që parashikohen nga ligje të tjera; f) kontrollon zbatimin e punimeve që kryhen sipas projekteve në pyje, kullota, rezervate të gjuetisë dhe zona të mbrojtura;

g) ndërpret të gjitha punimet, që nuk janë në përputhje me projektet e hartuara e të parashikuara në kontratat e nënshkruara; gj) kontrollon e mbikëqyr mbajtjen dhe plotësimin e dokumentacionit nga subjektet private e publike, juridike ose fizike, që ushtrojnë veprimtari në fondin pyjor kombëtar; h) kontrollon zbatimin e rregullave të sigurisë dhe të shëndetit të punëtorëve, që punojnë në pyje; i) mbikëqyr zbatimin e legjislacionit për përdorimin dhe vjeljen e prodhimeve pyjore nga burimet pyjore e jopyjore, në pronësi apo në përdorim të bashkive ose në pronësi private. 3. Inspektorët e Policisë Pyjore kanë të gjitha të drejtat për të hyrë, kontrolluar, inspektuar dhe për të marrë masat përkatëse të procedimit, si dhe të bllokimit apo sekuestrimit, në rastet e shkeljes së ligjit. Inspektorët e Policisë Pyjore gjatë kryerjes së detyrës gëzojnë atributet e Policisë Gjyqësore.

KREU IVFUNKSIONET E PYLLIT, PËRBËRJA E PRONËSIA E FONDIT PYJOR KOMBËTAR

DHE KADASTRA

Neni 13Funksionet e pyllit

Funksionet e pyllit janë: a)ekonomike, që kanë të bëjnë me prodhimin e materialit drusor dhe jodrusor, të bimëve mjekësore, aromatike e eterovajore, si dhe me habitatet e shpendëve dhe të kafshëve të egra apo me prodhime të tjera natyrore të fondit pyjor kombëtar; b)ekologjike, që kanë të bëjnë me mbrojtjen e florës dhe faunës së egër, të ruajtjes së burimeve gjenetike, hidrologjike, kundër gërryerjes e biotipike dhe me mbrojtjen e parcelave pyjore eksperimentale; c)publike, që kanë të bëjnë me veprimtaritë mbrojtëse, argëtuese, çlodhëse, sportive, turistike, edukative, higjieno-sanitare, estetike apo kërkimore e shkencore. Pyjet janë edhe objekt i sekuestrimit të karbonit.Ministria është organi përgjegjës për zbatimin e dispozitave të Protokollit të Kiotos.Karboni i sekuestruar llogaritet dhe tregtohet, sipas rregullave dhe procedurave të parashikuara në Protokollin e Kiotos, ku Republika e Shqipërisë është palë.

Neni 14Përbërja e fondit pyjor kombëtar

Fondi pyjor kombëtar përbëhet nga këto formacione bimore e jobimore: a)pyjet dhe drurët pyjorë; b)shkurret; c)sipërfaqet e zëna nga brezat pyjorë mbrojtës, grupet e veçuara të drurëve; ç) bimësia barishtore, mjekësore, eterovajore e tanifere natyrore; d)tokat pyjore, bujqësore (të dhëna në përdorim ose në pronësi të organeve të shërbimit pyjor), liqenet natyrore, tokat e lagëta dhe lagunat (për mbarështimin dhe zhvillimin e faunës së egër, pasuri kombëtare, dhe që krijojnë një mjedis ekologjik të harmonizuar me fondin pyjor);

dh) sipërfaqet e zhveshura si çeltirat, shkëmbinjtë, dunat e ranishtet, që ndodhen në sipërfaqen pyjore dhe pranë tyre ( jo më larg se 500 m), por që krijojnë një mjedis ekologjik të harmonizuar me të; e)infrastruktura rrugore e komunikimit me të gjitha elementet bashkëshoqëruese, pritat ependat, lerat, koritat, çezmat, rrethimet apo gardhimet në zonat e mbrojtura, në pyjet me funksion të veçantë, në rezervatet e gjuetisë, si dhe lehtësitë e krijuara e të ngritura për personelin e shërbimit pyjor dhe për pritjen e vizitorëve në to; ë) ndërtesat, zyrat, magazinat, depot, stacionet pyjore, qendrat e informimit dhe të pritjes së vizitorëve, ujësjellësat, linjat elektrike e telefonike (të ndërtuara nga shërbimi pyjor apo të dhëna në pronësi të tyre), makinat, tabelat, shenjat e ndryshme treguese e sinjalizuese dhe ato të mbarështimit pyjor.

Neni 15Pronësia e fondit pyjor kombëtar

1. Fondi pyjor kombëtar, sipas pronësisë, ndahet në: a) fond pyjor në pronësi publike; b) fond pyjor në pronësi private. 2. (Shfuqizuar)3. Fondi pyjor publik ndahet në: a) pyje e toka pyjore në pronësi të bashkisë brenda territorit administrativ ku ato ndodhen;b) zona të mbrojtura, në pronësi të ministrisë përgjegjëse për pyjet. 4. Fondi pyjor privat përbëhet nga: a) pyje dhe toka pyjore në pronësi private; b) drurë dhe grupe drurësh, që ndodhen brenda kufijve të tokave në pronësi private, pyje të reja, të cilat krijohen në këto toka, dhe pjesët e fondit pyjor pronësi private. 5. Kuotat e karbonit, në procesin e sekuestrimit të tij, u përkasin pronarëve, sipas pronësisë që kanë mbi fondin pyjor.

Neni 16Kadastra Kombëtare e Fondit Pyjor

1. Fondi pyjor kombëtar dhe infrastruktura integrale e tij regjistrohen në Zyrën e Regjistrimit të Pasurive të Paluajtshme të Republikës së Shqipërisë referuar pronësisë së përcaktuar në pikën 3 të nenit 15 të ligjit. 2.Fondi pyjor publik organizohet e trajtohet sipas ekonomive pyjore ose pellgjeve ujëmbledhëse. 3. Kriteret për krijimin dhe organizimin e masiveve pyjore ose të pellgjeve ujëmbledhëse, si njësi prodhimi, për sigurimin e vazhdimësisë së procesit të prodhimit pyjor në nivel rajoni, përcaktohen nga ministria përgjegjëse për pyjet. 4.Fondi pyjor kombëtar trajtohet në përputhje me planet e mbarështimit dhe të inventarizimit.5.Inventarizimi i pyjeve kryhet për një periudhë jo më pak se 10 vjet, sipas kritereve e udhëzimeve të përcaktuara me urdhër të ministri përgjegjës për pyjet. 6.Të dhënat e kadastrës së fondit pyjor pasqyrohen çdo vit nga strukturat në varësi të ministrisë përgjegjëse për pyjet, nëpërmjet programeve e sistemeve kompjuterike, duke krijuar bazën e të dhënave në shkallë vendi, qarku dhe sipas ekonomive pyjore apo pellgjeve ujëmbledhëse. 7. Kadastra Kombëtare e Fondit Pyjor është një regjistër zyrtar, ku shënohen të dhënat përkatëse për mënyrën e qeverisjes dhe ndryshimet periodike të fondit pyjor e kullosor.

8. Rregullat e hollësishme për krijimin dhe mbajtjen e Kadastrës Kombëtare të Fondit Pyjor, për regjistrimin, përditësimin dhe ndryshimet në gjendjen e tij, miratohen nga ministri përgjegjës për pyjet.

Neni 17Heqja e sipërfaqeve (tokave) nga fondi pyjor kombëtar

1. Pjesë të fondit pyjor kombëtar, që kërkohen nga subjekte juridike ose fizike apo nga organet e qeverisjes vendore, për t’u kthyer në truall, për zgjerimin e vijës kufizuese të ndërtimit dhe të shtrirjes territoriale të periferisë së qytetit e të qendrave të banuara në zonat rurale, për ndërtimin e strukturave turistike, të qendrave të pushimit apo ato shëndetësore ose për qëllime të tjera publike, për rrugë automobilistike apo hekurudhore, për shpim dhe shfrytëzim të puseve të naftës e të gazit, për veprimtari minerare e gjeologjike, për aeroporte dhe struktura të telekomunikacionit, për qëllime të strukturave ushtarake, qendra industriale, hiqen nga fondi pyjor dhe nga Kadastra Kombëtare e Pyjeve, si më poshtë: a) pyjet dhe tokat me bimësi pyjore, me sipërfaqe deri në 1 ha, me miratimin e ministrit; b) pyjet dhe tokat me bimësi pyjore, me sipërfaqe mbi 1 ha e deri në 100 ha, me vendim të Këshillit të Ministrave; c) pyjet dhe tokat me bimësi pyjore, me sipërfaqe mbi 100 ha, me ligj të veçantë. 1/1. Pjesë të fondit pyjor kombëtar kthehen në kategorinë e resursit të tokës bujqësore, sipas përcaktimeve të ligjit nr.8752, datë 26.3.2001 “Për krijimin dhe funksionet e strukturave për administrimin dhe mbrojtjen e tokës”, të ndryshuar.Ndryshimi i formës së përdorimit të fondit pyjor në kategorinë e resursit të tokës bujqësore, pavarësisht madhësisë së sipërfaqes, bëhet vetëm për mbjelljen e këtyre sipërfaqeve me kultura të drurëve, të cilët janë pjesë e programeve dhe të politikave prioritare shtetërore afatgjata.1/2. Kalimi i resursit të tokës së pafrytshme, që është në pronësi private apo të organeve të qeverisje vendore, në fond pyjor, (pyll), dhe regjistrimi në Kadastrën Kombëtare të Pyjeve, bëhet me kërkesë të pronarit apo organit të qeverisjes vendore.Kërkesa paraqitet pranë ministrisë veprimtaria e së cilës mbulon pyjet, dhe miratohet nga ministri përkatës.2. Rregullat për paraqitjen e kërkesës, mbajtjen dhe plotësimin e dokumentacionit teknik, kriteret dhe procedurat e zvogëlimit të sipërfaqes dhe të vëllimit të fondit pyjor, përcaktohen me vendim të Këshillit të Ministrave.3. Kufijtë e fondit pyjor kombëtar janë të përhershëm, të përcaktuar qartë dhe të shënuar në terren, të hedhur në hartë me qëllim që të sigurohet mbikëqyrja e vazhdueshme e tyre, për të realizuar mbrojtjen e frytshme nga degradimi, tjetërsimi, pushtimi dhe shkretimi.

Neni 18Ndryshime në Kadastrën Kombëtare të Fondit Pyjor

1. Pronari duhet të marrë miratimin e organeve të shërbimit pyjor përpara ndryshimeve (rritjen ose zvogëlimin e sipërfaqes dhe të vëllimit, ripyllëzimin) në fondin pyjor dhe në tokën pyjore që zotëron. 2. Kur në fondin pyjor ose tokën pyjore, nga KRRTRSH-ja miratohen studime urbanistike për zhvillime turistike, ministria përgjegjëse për pyjet pasi merr dijeni, bën shënimin përkatës në kadastrën e pyjeve.

3. Pronarët e fondit pyjor dhe të tokës pyjore, brenda 6 muajve nga data e konstatimit, kanë detyrimin që, për ndryshimet e bëra në fondin pyjor të njoftojnë struktura përgjegjëse për pyjet dhe kullotat në bashki dhe kjo e fundit zyrën kadastrale të ministria përgjegjëse për pyjet, për të bërë përditësimin në Kadastrën Kombëtare të Pyjeve, ndërsa për ndryshimet e ndodhura para hyrjes në fuqi të këtij ligji dhe të papërditësuara, brenda 6 muajve nga data e hyrjes në fuqi të ligjit. Ministria e Rregullimit të Territorit dhe Turizmit njofton drejtorinë përkatëse pranë ministrisë përgjegjëse për pyjet për miratimin e veprimtarive në fushën e turizmit, të cilat zhvillohen në fondin pyjor, në përputhje me ligjin “Për zhvillimin e zonave që kanë përparësi turizmin”.Me miratimin e lejes së ndërtimit për zhvillime turistike në sipërfaqet e fondit pyjor apo të tokës pyjore, këshilli i rregullimit të territorit të bashkisë njofton shërbimin pyjor për të bërë përditësimin në kadastrën e pyjeve.

Neni 19Dhënia në përdorim e fondit pyjor kombëtar

1. Pjesë të fondit pyjor kombëtar dhe të pyjeve e tokave pyjore mund të jepen në përdorim për punë kërkimore e studimore, për mbarështim të florës dhe faunës së egër e për gjueti, për baza didaktike apo eksperimentale, për qëllime pushimi, argëtimi, shëndetësore, shoqërore dhe për veprimtari turistike. Pjesë jopyjore të fondit pyjor kombëtar mund të jepen në përdorim për veprimtari biznesi dhe për kryerjen e operacioneve hidrokarbure, gjeologjike e minerare, për gurore e kariera, pa cenuar vlerat dhe funksionet e tyre.Ministri miraton dhe shpall listën e vendeve ose të shesheve të fondit pyjor publik, ku mund të ushtrohen këto veprimtari, ndërsa për pyjet komunale, listën e shpallin bashkitë.1/1. Dhënia në përdorim, sipas pikës 1 të këtij neni, përfshihet në kategorinë III.4, të shtojcës së ligjit për licencat dhe bëhet sipas ligjit për licencat ose sipas dispozitave në vijim, të këtij ligji. Këshilli i Ministrave vendos për përdorimin e njërës nga këto dy mënyra sipas ndarjes në nënkategori. 2. Plotësimi i nevojave të banorëve të komunave me lëndë dhe dru zjarri, për sigurimin e bazës ushqimore për blegtorinë e për kullotje, si dhe për grumbullimin e prodhimeve drusore e jodrusore bëhet nga pyjet komunale. Për komunat, që nuk kanë pyje komunale, këto nevoja mund të plotësohen nga pyjet shtetërore, sipas rregullave dhe procedurave të udhëzimit, të miratuar nga Këshilli i Ministrave.3. Dhënia në përdorim e pjesëve të fondit pyjor bashkiak bëhet në bazë të kontratave, të nënshkruara nga kryetari i bashkisë. Kontratat përfundojnë në çastin kur KKT-ja miraton, për sipërfaqen e fondit pyjor, objekt kontrate, studime urbanistike.Rregullat, procedurat e kërkimit, të shqyrtimit e të miratimit të kërkesave për dhënie në përdorim të fondit pyjor kombëtar caktohen me udhëzim të ministrit.4. Kur në sipërfaqet e fondit pyjor ose toka pyjore realizohen studime urbanistike për zhvillime turistike, me miratimin e studimit urbanistik nga KRRTRSH-ja, në këto sipërfaqe zbatohen dispozitat e ligjit “Për zhvillimin e zonave që kanë përparësi turizmin”.

KREU VRUAJTJA DHE ADMINISTRIMI I FONDIT PYJOR KOMBËTAR

Neni 20

Ruajtja e fondit pyjor kombëtar1. Republika e Shqipërisë zbaton parimet dhe normat e konventave, të marrëveshjeve e traktateve ndërkombëtare, në të cilat është palë, si dhe merr parasysh, njeh dhe respekton parimet dhe normat përgjithësisht të pranuara të së drejtës ndërkombëtare për pyjet. 2. Ruajtja e pyjeve dhe e mjedisit pyjor nga ndotja dhe dëmtimi me lëndë të gazta, të lëngëta, të ngurta, radioaktive, lëndë dhe mbetje të rrezikshme, që krijohen ose shkarkohen nga objekte a veprimtari industriale, bujqësore, komunale, tregtare, shoqërore e kulturore, ushtarake, të transportit ose nga veprimtari të tjera, që cenojnë ekuilibrin e sistemeve ekologjike, natyrore ose dëmtojnë të mirat materiale dhe vlerat kulturore e historike, është e detyrueshme për të gjitha organet shtetërore, të pushtetit vendor dhe për personat fizikë a juridikë, vendas e të huaj. 3. Personat fizikë a juridikë, që kanë në pronësi, në administrim ose në përdorim pyje, grumbuj drurësh ose dru pyjorë, brenda ose jashtë fondit pyjor kombëtar, janë të detyruar të sigurojnë mbrojtjen e tyre. 4. Mbrojtja dhe miradministrimi i fondit pyjor kombëtar, pavarësisht nga forma e pronësisë, nga dëmtimi, prerjet ose kullotjet pa leje, sëmundjet dhe insektet, zjarret, shkatërrimi, pushtimi apo tjetërsimi janë detyrë e përhershme e organeve të shërbimit pyjor dhe e organeve të qeverisjes vendore, pronarëve, subjekteve që kryejnë veprimtari në këtë fond dhe, sipas rastit, edhe të strukturave të tjera shtetërore (Policia e Shtetit, ajo financiare, doganore, e ndërtimit), të ngarkuara me ligje të tjera. 5. Strukturat e organeve të shërbimit pyjor përgatisin skemën për monitorimin afatgjatë të kushteve të pyjeve, ku përcaktohen vazhdimësia dhe zhvillimi i mëtejshëm i tyre, masat për mbrojtjen e pyjeve dhe të mjedisit pyjor nga ndotja atmosferike, ruajtja e ekuilibrave të sistemeve ekologjike natyrore, duke shmangur sëmundjet dhe shfaqjen e insekteve në pyje, si dhe masat parandaluese nga zjarri. 6. Mbrojtja e mbulesës pyjore dhe e ekosistemeve pyjore të vendit, për të ruajtur prodhimtarinë, diversitetin biologjik dhe peizazhin është një bazë e rëndësishme për zhvillimin ekonomik dhe shoqëror të sektorit pyjor e të kullotave. 7. Në rast se në fondin pyjor ose në një pjesë pylli dhe në shkurre bie zjarr, organet e shërbimit pyjor, organet e bashkive, çdo subjekt shtetëror a privat, njësi apo repart ushtarak, shkollë, institucion publik e privat, si dhe çdo shtetas kanë detyrë të njoftojnë dhe të marrin pjesë për shuarjen e tij. 8. Shpenzimet e nevojshme për shuarjen e zjarreve përballohen nga organi, që ka në pronësi pyllin ose kullotën, dhe nga Buxheti i Shtetit, në rastin e një prone private me rëndësi kombëtare, historike, kulturore, arkeologjike, ekologjike etj. 9. Organet e shërbimit pyjor, në bashkëpunim me bashkitë dhe me strukturat e shërbimit për mbrojtjen nga zjarri dhe të shpëtimit, organizojnë punën për parandalimin e zjarrit në fondin pyjor kombëtar. Rregullat për parandalimin dhe shuarjen e zjarreve në pyje dhe në kullota, si dhe për krijimin e njësive të shuarjes së zjarreve përcaktohen me vendim të Këshillit të Ministrave.10. Në zonat pyjore, të caktuara për çlodhje, argëtim, turizëm dhe për pritjen e publikut, organet e shërbimit pyjor caktojnë vendqëndrimet dhe rrugët e lëvizjes, si dhe vendet ku mund të lejohet ndezja e zjarreve. 11. Në fondin pyjor kombëtar mbrohen dhe janë të patjetërsueshme të gjitha veprat hidroteknike (pritat malore, gardhet, pendat), burimet ujore, liqenet natyrore, kënetat e lagunat, përrenjtë e

përroskat, veprat e ujit, koritat e ngrehinat e ndërtuara etj., të cilat krijojnë një kompleks të domosdoshëm natyror e të harmonizuar me pyjet e tokën pyjore. 12. Procedurat, rregullat, pagesa për mbrojtjen e fondit pyjor privat nga Policia Pyjore dhe marrëveshja tip caktohen me udhëzim të ministrit përgjegjës për pyjet.

Neni 21Rehabilitimi dhe përdorimi i fondit pyjor kombëtar

1. Punimet mbrojtëse dhe ripërtëritëse në fondin pyjor kombëtar kryhen për të parandaluar ose kufizuar veprimet shkatërruese në pyll. 2. Masa për zhvillimin dhe kryerjen e punimeve mbrojtëse e ripërtëritëse ndërmarrin edhe pronarët, për drurët pyjorë, që ndodhen në tokat pyjore, në tokat bujqësore, në afërsi të pyllit, si dhe për drurët, që ndodhen jashtë fondit pyjor kombëtar. 3. Rritja e prodhimtarisë së fondit pyjor kombëtar, nëpërmjet ripërtëritjes së pyjeve të shfrytëzuara, përmirësimit të pyjeve ekzistuese, zbatimit të punimeve të mirëmbajtjes dhe atyre sanitare, në përputhje me funksionin e pyjeve, të nevojave ekonomike dhe të shtimit të sipërfaqes së fondit pyjor kombëtar, nëpërmjet pyllëzimit të tokave bujqësore, të braktisura e të pandara, të vendeve të zhveshura e të gërryera, të tokave ranore e zhavorrishte e të tjera të kësaj kategorie, është detyrë e administruesve dhe e përdoruesve të këtyre tokave. 4. Rehabilitimi i ekosistemeve pyjore, kullosore, i tokave pyjore të degraduara e të braktisura, i peizazhit pyjor, i habitateve të florës e faunës së egër, kryhet nën drejtimin e strukturave të organeve të shërbimit pyjor. 5. Ruajtja e ekuilibrit mjedisor, nëpërmjet ruajtjes ekologjike në ndërhyrjet në ekosistemet pyjore e kullosore dhe përdorimi i standardeve bashkëkohore për përtëritjen e tyre dhe të mjedisit natyror, është detyrë e organeve të shërbimit pyjor, e bashkive dhe e pronarëve privatë. 6. Rehabilitimi i terreneve të degraduara kryhet nëpërmjet nxitjes dhe mbështetjes së agropylltarisë në pronat publike dhe private. 7. Shpenzimet dhe sigurimi i mjeteve e i pajisjeve për mbrojtjen e fondit pyjor kombëtar nga zjarret, ndotjet dhe për luftimin e sëmundjeve, të insekteve e të barërave të këqija dhe parazitare përballohen nga Buxheti i Shtetit, në bazë të kritereve të caktuara nga Këshilli i Ministrave. 8. Nuk lejohen grumbullimi dhe shitja e prodhimeve drusore e jodrusore jashtë mundësive të tyre prodhuese e biologjike. Në raste të emergjencës për përballimin e fatkeqësive e të katastrofave natyrore, sasitë që do të përdoren për grumbullimin dhe shitjen e këtyre prodhimeve, jashtë mundësisë prodhuese e biologjike, përcaktohen me vendim të Këshillit të Ministrave. 9. Krasitja për gjethe, kullotja e bagëtisë dhe kositja apo grumbullimi i barit në fondin pyjor publik bëhen me leje të organeve të shërbimit pyjor, ndërsa për pyjet në përdorim të bashkive e nga administrata e saj, kundrejt pagesës përkatëse. 10. Kullotja dhe kalimi i bagëtive në pyjet publike, në pyllëzimet e reja, në ngastrat pyjore të shfrytëzuara a në ripërtëritje e sipër, në pyjet e ricunguara, në pyjet mbrojtëse e me funksion të veçantë, në rezervatet e gjuetisë e të mbarështimit të faunës së egër, si dhe në ato të farërave kryhen në përputhje me rregullat e caktuara nga ministria përgjegjëse për pyjet. 11. Gërmimet në fondin pyjor, publik e privat, dhe në rrjetin e përrenjve për të nxjerrë humus, gurë, rërë, zhavorr, plisa bari ose të tjera si këto, vendosja e kaminave të qymyrit të drurit dhe e eshkës së kovaçit, të furrave të gëlqeres apo hapja e guroreve bëhen me leje të organeve të

shërbimit pyjor dhe të institucioneve të tjera, të ngarkuara me ligj të veçantë, në kohën dhe vendin e caktuar, kundrejt pagesës. 12. Ministria përgjegjëse për pyjet jep lejen për ushtrimin e veprimtarive në fondin pyjor, duke bashkërenduar punën me Ministrinë e Ekonomisë, Tregtisë dhe Energjetikës, e cila, në përputhje me dispozitat ligjore në fuqi, ka të drejtë të pajisë subjektet fizike e juridike me lejet përkatëse të ushtrimit të veprimtarive në fushën që mbulon. 13. Qëndrimi i automjeteve, vendosja e rulotave dhe qëndrimi i kafshëve në pyjet me funksion mbrojtës e të veçantë, në rezervatet e mbarështimit të florës e faunës së egër, në fidanishtet pyjore ose në vendet e tjera të fondit pyjor, me rëndësi të veçantë, bëhen sipas rregullave të caktuara nga ministri përgjegjës për pyjet. 14. Lejimi i ndërtimeve të thjeshta, jo me karakter tregtar, i ngrehinave, i gardhimeve dhe kufizimi i lëvizjeve të vizitorëve, brenda territoreve të rrethuara të pjesëve të fondit pyjor publik dhe të atyre të deklaruara me funksion mbrojtës e të veçantë, kryhet në përputhje me rregullat e përcaktuara nga ministri përgjegjës për pyjet. 15. Vendosja në fondin pyjor publik e kampingjeve, e çadrave dhe e strehimeve të lëvizshme (rulotat) ose e objekteve të tjera të kësaj natyre bëhet në vendet e caktuara nga organet e shërbimit pyjor. 16. Organet e shërbimit pyjor, kur vërejnë se bimët dhe prodhimet pyjore janë të infektuara nga parazitë karantinorë dhe se janë kryer shkelje të dispozitave ligjore bëjnë menjëherë bllokimin dhe njoftojnë jo vetëm pronarin ose përdoruesin, por edhe eprorët për arsyet e bllokimit. 17. Pjesë apo ekonomi pyjore lejohen të trajtohen edhe për mbarështimin e faunës së egër dhe për ushtrimin e veprimtarisë turistike e të gjuetisë sportive. 18. Personat juridikë e fizikë, të cilët kryejnë veprimtari të lejuara në fondin pyjor publik, pavarësisht nga kontratat që kanë, me hyrjen në fuqi të këtij ligji, janë të detyruar të lidhin kontratë mirëmbajtjeje dhe përdorimi të zonave të gjelbra pyjore, në përputhje me studimet e miratuara nga KRRTRSH-ja, në bashkërendim me organet e shërbimit pyjor, për sipërfaqen pyjore a kullosore të zënë me ndërtime dhe për territorin që përdorin apo që kanë me qira. Për administrimin e fondit pyjor, brenda sipërfaqes së miratuar për zhvillimin e turizmit, subjekti përkatës lidh marrëveshje për shërbimet dhe mirëmbajtjen e këtij fondi me ministrinë përgjegjëse për pyjet për ruajtjen nga dëmtimet dhe prerjet e paligjshme, nga sëmundjet dhe insektet, nga zjarret, si dhe për llojin e pemëve të reja që do të mbillen në territorin e caktuar. Tarifat për shërbimet e mësipërme përcaktohen me vendim të Këshillit të Ministrave.19. Agjencitë turistike dhe të udhëtimit, që kryejnë veprimtari turistike në fondin pyjor publik, në zonat pyjore të lejuara nga organet e shërbimit pyjor, zbatojnë parimet mjedisore dhe rregullat kombëtare e ndërkombëtare në këtë fushë dhe kujdesen që turistët të respektojnë kodet e sjelljes në natyrë. 20. Kryerja e manovrave ushtarake në fondin pyjor publik bëhet pas vlerësimit të ndikimit në mjedis të këtyre manovrave, me leje të organeve të shërbimit pyjor dhe të agjencive rajonale të mjedisit, në të cilën përcaktohen kushtet për zvogëlimin e efekteve të dëmshme në mjedisin pyjor.

Neni 22Administrimi dhe zhvillimi i fondit pyjor kombëtar

1. Pyjet në territorin e Republikës së Shqipërisë janë pasuri kombëtare. Shteti garanton me këtë ligj barazinë e marrëdhënieve të pronësisë në fondin pyjor kombëtar.2. Administrimi, zhvillimi, mirëmbajtja dhe përmirësimi i fondit pyjor kombëtar janë detyra të strukturave të organeve të shërbimit pyjor, të pronarëve, të institucioneve të tjera shtetërore dhe të organeve të pushtetit vendor. 3. Qeverisja dhe administrimi i fondit pyjor kombëtar (publik, në përdorim a në pronësi të bashkive dhe privat) bëhen në përputhje me dispozitat e këtij ligji. 4. Fondi pyjor publik, vendor a privat, administrohet e trajtohet sipas planeve të mbarështimit, të inventarizimit dhe të funksioneve të këtij fondi. 5. Të gjithë pronarët, administruesit, qiramarrësit dhe përdoruesit e fondit pyjor kombëtar e të tokës pyjore detyrohen të kujdesen, vazhdimisht, për trajtimin dhe zhvillimin e fondit pyjor kombëtar dhe për mbrojtjen e mjedisit pyjor. 6. Administrimi, shtimi dhe trajtimi shkencor i pyjeve mbrojtëse dhe i atyre me funksion të veçantë, pavarësisht ku ndodhen, i drurëve e i shkurreve me vlera të veçanta, i bimëve mjekësore e tanifere, brenda fondit pyjor publik dhe atij vendor, bëhen nën kujdesin e organeve të shërbimit pyjor. 7. Krijimi i pyjeve të reja, ngritja e zonave të reja apo zgjerimi i zonave ekzistuese pyjore kryhen në mbështetje të projekteve dhe me leje të organeve të shërbimit pyjor. 8. Drurët, grumbujt e drurëve e të shkurreve, parqet dhe lulishtet në qytete, në qendra të banuara e në qendra prodhimi mbrohen dhe trajtohen nga pronarët e tyre të ligjshëm. 9. Sipërfaqet dhe objektet në pronësi private, të cilat përfshihen në fondin pyjor publik, mbeten pronë e pronarit të ligjshëm. Ato administrohen e përdoren prej tij dhe në rastet kur do të zhvillohen veprimtari në to, menaxhohen sipas kërkesave të planit të mbarështimit pyjor. 10. Shteti nxit nismat individuale a kolektive për ripyllëzimin e tokave të braktisura, të zhveshura, të shpyllëzuara dhe të gërryera, nëpërmjet sistemit të kredive lehtësuese, të përdorimit afatgjatë, deri në privatizimin e tyre. 11. Çdo vit, në Buxhetin e Shtetit planifikohen fonde për investime, për rimëkëmbjen e integritetit ekologjik të pyjeve e të kullotave, për ruajtjen dhe përmirësimin e ekosistemeve, të habitateve, të gjendjes mjedisore dhe të biodiversitetit pyjor.

Neni 23Administrimi dhe zhvillimi i fondit pyjor në pronësi të bashkive

1. Administrimi dhe zhvillimi i pyjeve vendore apo i pjesëve të tyre bëhen nga bashkitë, sipas planeve të mbarështimit dhe të dispozitave të këtij ligji. 2. Për një administrim të qëndrueshëm e shumëfunksional të fondit pyjor vendor, për rregullimin e përdorimit e të shfrytëzimit të pyjeve, të kullotave dhe të burimeve të tjera pyjore e jopyjore, për mbrojtjen nga zjarri, dëmtuesit etj., brenda territorit administrativ të bashkive, krijohen njësitë tekniko-administrative, në varësi të drejtpërdrejtë të organeve të qeverisjes vendore. Strukturat e ministrisë përgjegjëse për pyjet ndihmojnë, kontrollojnë, këshillojnë dhe sigurojnë mbështetjen teknike për këto njësi dhe për shoqatat e përdoruesve të pyjeve.3. Organet e qeverisjes vendore kanë për detyrë të marrin masa dhe të planifikojnë fonde për investimet në pyjet, në territorin që ata mbulojnë, për përmirësimin dhe planifikimin e mbledhjes e të promovimit të pajisjeve të reja të përpunimit dhe të tregtimit të prodhimeve pyjore, si dhe për krijimin e sektorit të agropylltarisë.

4. Shteti mbështet nismat individuale a kolektive të bashkive për shtimin e sipërfaqes së pyjeve, për ripyllëzimin e tokave të braktisura, të zhveshura, të shpyllëzuara dhe të gërryera, në pronësi të tyre, nëpërmjet sistemit të kredive me kushte lehtësuese. 5. Bashkia, çdo vit, nga të ardhurat e realizuara planifikon fonde për ruajtjen, mirëmbajtjen, kryerjen e punimeve silvikulturore dhe përgjigjet për trajtimin shkencor të tyre.6. Vjelja e materialit drusor dhe e prodhimeve të tjera nga pyjet vendore bëhet në përputhje me këtë ligj. 7. Kriteret e transferimit dhe përdorimit të pyjeve nga bashkitë përcaktohen me vendim të Këshillit të Ministrave.

Neni 24Administrimi dhe zhvillimi i fondit pyjor privat

1. Administrimi dhe zhvillimi i fondit pyjor privat bëhen nga pronarët, në përputhje me planet e thjeshta të mbarështimit, të miratuara nga shërbimi pyjor. 2. Pronari privat nuk mund të vendosë e të kryejë një shndërrim të pyjeve, të kulturave pyjore apo të ndryshojë zërin kadastral, në pronën pyjore të tij, pa marrë, paraprakisht, miratimin e organit përkatës të shërbimit pyjor. 3. Shteti, brenda mundësive, mjeteve e fondeve që ka, mbështet plotësimin e nismës dhe të përgjegjësive private, individuale e kolektive, për zgjerimin e sipërfaqes së pyjeve private, për mirëmbajtjen dhe përmirësimin e burimeve pyjore dhe për krijimin e fermave private pyjore. 4. Administrimi dhe zhvillimi i pyjeve, i drurëve pyjorë apo i grumbujve pyjorë të veçuar, në pronësi të komuniteteve fetare, bëhen në përputhje me dispozitat e këtij ligji. 5. Vjelja e materialit drusor dhe e prodhimeve të tjera nga pyjet private bëhet në përputhje me dispozitat e këtij ligji.

Neni 25Pyjet me funksion mbrojtës dhe të veçantë

1. Pyjet, drurët dhe pjesët e fondit pyjor publik, të shpallura me funksion mbrojtës e të veçantë (mbrojtës të klimës, tokës, ujërave, ajrit, të elementeve higjieno-shëndetësorë, me funksion të veçantë pushimi, çlodhjeje, edukimi, turizmi, estetikë, kërkimore dhe shkencore, mbrojtës të natyrës dhe trashëgimisë natyrore e kulturore), ruhen, zhvillohen, mbarështohen dhe administrohen, në përputhje me dispozitat e këtij ligji dhe të ligjit “Për trashëgiminë kulturore”. 2. Kriteret për shpalljen e pyllit me funksion mbrojtës ose të veçantë përcaktohen me urdhër të ministrit përgjegjës për pyjet. 3. Në pyjet apo në ato pjesë të fondit pyjor kombëtar, me funksion mbrojtës ose të veçantë, kryhen punime përkujdesjeje dhe të prerjeve sanitare, në mbështetje të projekteve të hartuara dhe pas miratimit nga organet e shërbimit pyjor. 4. Pyjet private ose pjesë të tyre mund të përfshihen në listën e pyjeve dhe të pjesëve të fondit pyjor kombëtar, me funksion mbrojtës ose të veçantë, pas marrjes me shkrim të mendimit të pronarit të tyre të ligjshëm. 5. Ministria përgjegjëse për pyjet publikon listën e pyjeve dhe të pjesëve të fondit pyjor kombëtar, me funksion mbrojtës ose të veçantë.

KREU VI

TRAJTIMI, SHFRYTËZIMI DHE SHITJA E MATERIALIT DRUSOR DHE E PRODHIMEVE PYJORE E JOPYJORE

Neni 26Trajtimi dhe shfrytëzimi i fondit pyjor kombëtar

1. Shfrytëzimi i materialit drusor dhe i prodhimeve të tjera pyjore dhe jopyjore lejohet në fondin pyjor shtetëror, vendor ose privat, për qëllime të përfitimit ekonomik dhe vetëm nëpërmjet kryerjes së punimeve të parashikuara në planet e mbarështimit. 2. Personat fizikë dhe juridikë mund ta trajtojnë dhe shfrytëzojnë fondin pyjor kombëtar vetëm kur kanë dalë fitues në procedurat e konkurrimit publik dhe kur lidhin kontratën me drejtorinë 16 përkatëse të shërbimit pyjor ose me bashkitë. Kërkesat, që duhet të plotësojnë subjektet për pjesëmarrje në konkurrimin publik, përcaktohen me udhëzim të ministrit.Të drejtat, që sigurohen nga kontrata për trajtimin dhe shfrytëzimin e fondit pyjor kombëtar, nuk mund t’u transferohen të tretëve.Subjektet, që kanë lidhur kontratën, mund të ndërtojnë ose të vendosin instalime të përkohshme, sipas skemave teknologjike, të miratuara nga struktura përgjegjëse për pyjet dhe kullotat në bashki.3. Materiali drusor, që shfrytëzohet çdo vit nga fondi pyjor kombëtar, caktohet brenda mundësive vjetore të trajtimit dhe shfrytëzimit të pyjeve, të përcaktuara në planet e mbarështimit, ndërsa në pyjet, me funksion mbrojtës e të veçantë, lejohet vetëm në rastet kur kryhen punimet e përkujdesjes dhe të prerjeve sanitare. 4. Shfrytëzimi i ngastrave dhe i nënngastrave lejohet vetëm kur kërkohet teknikisht, në rastet e prerjeve farore, dritësuese, përfundimtare apo prerjet në pyjet e dëmtuara nga katastrofat natyrore apo zjarret, nën kontrollin e organeve të shërbimit pyjor. 5. Sipërfaqet e pyjeve të larta përshkohen me prerje kulturore, sipas fazës së zhvillimit, në të cilën gjenden, dhe të kërkesave të silvikulturës. 6. (Shfuqizuar).7. Vjelja e prodhimeve pyjore në pyjet private kryhet në përputhje me dispozitat e këtij ligji dhe të akteve të tjera nënligjore, duke mos cenuar mbrojtjen e tokës dhe të elementeve klimatike, ekologjike e shoqërore. Pronari, paraprakisht, duhet të sigurojë lejen përkatëse dhe damkimin e drurëve prej organeve të shërbimit pyjor.8. Krijimi i rezervave strategjike të lëndës drusore në këmbë dhe ruajtja e trajtimi i pyjeve të virgjra ose pothuajse të virgjra, duke i kaluar në konservim të plotë, bëhen në përputhje me kriteret dhe procedurat e përcaktuara me vendim të Këshillit të Ministrave. 9. Strukturat përgjegjëse për pyjet dhe kullotat në bashki çdo vit hartojnë dhe dërgojnë për miratim në ministrinë përgjegjëse për pyjet planin e shfrytëzimit të pyjeve dhe të prodhimeve të dyta pyjore e jopyjore. Drejtoria përkatëse e ministrisë përgjegjëse për pyjet kontrollon zbatimin e këtij plani.10. Shfrytëzimi i fondit pyjor kombëtar organizohet në bazë të vitit pyjor, i cili fillon në datën 1 tetor. Këshilli i Ministrave cakton kriteret dhe rregullat e shfrytëzimit të pyjeve dhe të shitjes së materialit drusor e të prodhimeve të tjera pyjore e jopyjore.11. Prerja e drurëve pyjorë në fondin pyjor kombëtar bëhet pas shënimit të tyre me damkë të veçantë nga organet e shërbimit pyjor. Ministri përgjegjës për pyjet, me udhëzim të veçantë, përcakton mënyrën e përdorimit, madhësinë dhe formën e çekiç-damkës.

12. Në trajtimin dhe shfrytëzimin e fondit pyjor publik përdorimi i standardeve për prerjet vjetore të lejueshme, ciklet e prerjeve, teknikat e shfrytëzimit dhe infrastruktura janë të detyrueshme. 13. Operacionet e trajtimit dhe të shfrytëzimit të pyjeve synojnë mbrojtjen e mjedisit pyjor e të biodiversitetit. 14. Grumbullimi i prodhimeve të dyta pyjore, si rrënjë shqope, mareje, bushi etj., i thuprave të shelgut, frashërit, vërrit etj., i rrëshirës së pishës, i halave e gjetheve, i rrënjëve e lëvores, i luleve, frutave pyjore e sythave, i bimëve mjekësore, eterovajore e tanifere, i kërpudhave dhe i nënprodhimeve të tjera pyjore e jopyjore, u lejohet personave juridikë e fizikë, të pajisur me lejen përkatëse, të lëshuar nga organet e shërbimit pyjor dhe në mbështetje të kritereve dhe të kontingjenteve të caktuara nga ministria përgjegjëse për pyjet. 15. Kur subjekti privat i specializuar kërkon të ndërtojë, me shpenzimet e veta, rrugën, për shfrytëzimin e ngastrave e të nënngastrave pa rrugë autopyjore, drejtoria përkatëse pyjore kompenson shpenzimet për ndërtimin e rrugës, duke bërë korrektimin e tarifave bazë, në varësi të investimeve të kryera për m3 lëndë drusore në këmbë. Në këto raste, subjekti gëzon të drejtën e shfrytëzimit të tyre deri në prerjet përfundimtare, të përcaktuara në planet e mbarështimit.16. Kur subjekti privat i specializuar kërkon të marrë sipërfaqe të gjëra nga fondi pyjor, për afate të gjata kohore për të rehabilituar pyjet, kërkesa shqyrtohet, në mbështetje të dispozitave të ligjit nr. 9663, datë 18.12.2006 “Për koncesionet.”17. Dhënia në përdorim e të mirave publike, sipas këtij neni, nëse është kompetencë e institucioneve qendrore, përfshihet në kategorinë III.4 të shtojcës së ligjit për licencat dhe bëhet sipas ligjit për licencat ose sipas dispozitave të parashikuara në këtë nen dhe në nenet në vijim të këtij ligji. Këshilli i Ministrave vendos për përdorimin e njërës nga këto dy mënyra, sipas ndarjes në nënkategori.

Neni 26/1Veprimtaritë e shfrytëzimit në fondin pyjor, përveçse kur kryhen nga banorët dhe për nevojat e tyre, sipas këtij ligji, mund të realizohen vetëm nga individë të certifikuar, në përputhje me procedurat e miratuara nga Këshilli i Ministrave.Kur këto veprimtari kryhen nga subjekte, juridike ose fizike, tregtare, u nënshtrohen licencimit dhe përfshihen në kategorinë III.7, të shtojcës së ligjit për licencat.Licencimi i këtyre veprimtarive bëhet sipas ligjit për licencat.

Neni 27Shitja e materialit drusor dhe e prodhimeve pyjore e jopyjore

1. Shitja e materialit drusor në pyjet publike bëhet nga organet e shërbimit pyjor, me ankand, në dy mënyra: a) në formën e asortimenteve të gatshme, në anë të rrugës ose në sheshet e depozitimit; b) në këmbë (të paprera). 2. Ankandet për shitjen e asortimenteve të gatshme në anë të rrugës, të prodhuara nga subjektet private, për llogari të shërbimit pyjor, zhvillohen vetëm për pyjet e reja kur trajtohen me prerje kulturale, me rallime, të tipit I e II, si dhe për zonat e mbrojtura, në varësi të nevojave të trajtimit të ngastrave e nënngastrave pyjore, të fondeve të planifikuara për këtë qëllim dhe të kërkesave të tregut.

3. Shfrytëzimi dhe prodhimi i asortimenteve të gatshme dhe magazinimi i tyre në anë të rrugës apo në sheshe depozitimi realizohen nga subjekte private, të përzgjedhura, nëpërmjet tenderave, të organizuara nga organet e shërbimit pyjor, në përputhje me rregullat dhe procedurat e legjislacionit në fuqi. Tenderat zhvillohen për ngastrat dhe nënngastrat, për të cilat janë përgatitur projektet teknikoekonomike të trajtimit apo të shfrytëzimit dhe vetëm në rastet kur garantohen efektiviteti ekonomik, miradministrimi dhe ruajtja e asortimenteve deri në shitjen e tyre.4. Ankandet për shitjen e lëndës drusore në këmbë zhvillohen për pyjet e larta trungishte, pyjet e ulëta cungishte, si dhe për shkurret, që kanë arritur moshën e shfrytëzueshmërisë, sipas fazave të prerjes, të përcaktuara në planet e mbarështimit. 5. Kërkesat dhe rregullat për vjeljen e materialit drusor dhe shitjen me ankand të lëndës drusore e të prodhimeve të tjera pyjore e jopyjore përcaktohen me udhëzim të ministrit. 6. Materialet drusore dhe çdo prodhim tjetër me origjinë pyjore, të sekuestruara në qendrat e përpunimit apo në sheshet e depozitimit dhe të tregtimit, ruhen nga subjektet, të cilave u janë sekuestruar, deri në shitjen e tyre nga organet e shërbimit pyjor. 7. Materiali drusor, i përpunuar ose i papërpunuar, si dhe prodhimet e tjera pyjore e jopyjore transportohen nga pikat e grumbullimit dhe qendrat e përpunimit deri në destinacionin përfundimtar, të shoqëruara me një vërtetim transporti, të lëshuar nga drejtoria përkatëse e shërbimit pyjor, nga bashkitë ose nga pronari privat, ku vërtetohet prodhimi i tyre, në përputhje me dispozitat e këtij ligji. Modeli i vërtetimit të transportit miratohet nga ministri.

KREU VI/IMONITORIMI DHE TË DHËNAT

Neni 27/1Monitorimi i pyjeve

Monitorimi i pyjeve, që përfshin monitorimin e treguesve cilësorë dhe sasiorë të tyre, të biodiversitetit në pyje, të dukurive natyrore dhe të ndotjes e të dëmtimit të tyre, është proces i përhershëm dhe i detyrueshëm.

Neni 27/2Programi i monitorimit

1. Në bashkëpunim me organet qendrore dhe vendore, me Fakultetin e Shkencave Pyjore e me shoqatat e përdoruesve të pyjeve, ministria harton programin e monitorimit të pyjeve, si dhe bashkërendon e kontrollon punën për zbatimin e tij. Ministri miraton programin e monitorimit.2. Programi i monitorimit të pyjeve përcakton treguesit e cilësisë së pyjeve, të biodiversitetit, të zhvillimit të ndotjes dhe dëmtimit, të dukurive natyrore, mënyrat e matjeve, të përpunimit të të dhënave, si dhe raportimin e botimin e tyre.

Neni 27/3Sistemi i të dhënave

1. Për të siguruar grumbullimin, përpunimin dhe botimin e të dhënave për pyjet, Agjencia e Mjedisit dhe Pyjeve, në bashkëpunim me strukturat menaxhuese të pyjeve, me Policinë Pyjore,

me qeverisjen vendore, me Fakultetin e Shkencave Pyjore e me shoqatat e përdoruesve të pyjeve, krijon sistemin e të dhënave, të domosdoshme për monitorimin e pyjeve. 2.Sistemi i të dhënave përmbledh tërësinë e treguesve shifrorë, të matshëm e të numërueshëm, që qartësojnë gjendjen e pyjeve dhe prirjet e proceseve që zhvillohen në to. 3. Në krijimin dhe përsosjen e sistemit të të dhënave, Agjencia e Mjedisit dhe Pyjeve synon përafrimin e plotë të tij me sistemet që përdor FAO-ja dhe që përcaktohen në direktivat e BE-së.

Neni 27/4Grumbullimi i të dhënave

1. Të dhënat për monitorimin e pyjeve kërkohen, hartohen dhe paraqiten sipas rregullave të miratuara me udhëzim të ministrit. Personat fizikë e juridikë, publikë dhe privatë, paraqesin të dhënat brenda 30 ditëve nga marrja e kërkesës. 2. Të dhënat shoqërohen me shpjegime për interpretimin e tyre, me rekomandime për zgjidhjen e problemeve që dalin dhe dorëzohen në Agjencinë e Mjedisit dhe Pyjeve, në përputhje me formatin që ajo kërkon. 3. Agjencia e Mjedisit dhe Pyjeve kontrollon cilësinë e monitorimit, të matjeve, zbatimin e metodikave, kualifikimin e specialistëve që marrin pjesë, pajisjet e përdorura dhe vërtetësinë e rezultateve.

Neni 27/5Informimi dhe botimi i të dhënave

1. Agjencia e Mjedisit dhe Pyjeve përpunon dhe dërgon për botim të dhënat dhe rezultatet që dalin prej tyre, në media dhe shtyp, në një formë të kuptueshme për publikun. 2. Në bazë të të dhënave dhe të rezultateve të monitorimit, Agjencia e Mjedisit dhe Pyjeve, në bashkëpunim me strukturat menaxhuese, harton dhe boton raportin vjetor për gjendjen e pyjeve. Përpunimi dhe botimi i të dhënave për vitin pararendës bëhen brenda tremujorit të parë të vitit pasardhës. 3. Publiku dhe organizatat jofitimprurëse informohen për gjendjen e pyjeve, nëpërmjet botimit të të dhënave nga strukturat menaxhuese të pyjeve, nga Agjencia e Mjedisit dhe Pyjeve, nga organet e qeverisjes vendore, si dhe duke kërkuar të dhëna pranë këtyre organeve. 4. Rregullat dhe procedurat për informimin e botimin dhe shpërndarjen e të dhënave janë sipas legjislacionit në fuqi.

Neni 27/6Tërheqja në vendimmarrje

1. Gjatë procesit të vendimmarrjes për pyjet, organet shtetërore, qendrore dhe vendore, sigurojnë pjesëmarrje dhe rol aktiv të komunitetit, të shoqatave të përdoruesve të pyjeve dhe të organizatave jofitimprurëse. 2. Ministri miraton rregullat e procedurat, që realizojnë pjesëmarrjen e publikut në vendimmarrjet e strukturave menaxhuese.

Neni 27/7Shoqatat e përdoruesve të pyjeve

1. Në procesin e zbatimit të këtij ligji, strukturat e menaxhimit të pyjeve dhe organet e qeverisjes vendore përfshijnë edhe shoqatat e përdoruesve të pyjeve. 2. Ministri përcakton rregullat dhe procedurat për përfshirjen e shoqatave, sidomos në hartimin, miratimin dhe zbatimin e: a) strategjive, të planeve të veprimit dhe të programeve të zhvillimit të pyjeve; b) planeve të mbarështimit e të programeve të monitorimit të pyjeve; c) projektakteve normative për pyjet. 3. Përfaqësues të shoqatave të përdoruesve të pyjeve marrin pjesë në borde e komisione, që krijohen për administrimin dhe mbrojtjen e pyjeve, në nivel vendor dhe qendror.

Neni 27/8Lidhjet me biznesin

Lidhjet me biznesin realizohen në rrugë institucionale, nëpërmjet dhomave të tregtisë dhe të industrisë, si dhe të organizatave profesionale të biznesit, të cilat paraqesin pikëpamjet e veta për hartimin dhe zbatimin e programeve të administrimit, të zhvillimit, të mbrojtjes e të shfrytëzimit të pyjeve.

KREU VIIBURIMET FINANCIARE DHE PËRDORIMI I TYRE

Neni 28Funksionimi dhe përgjegjësitë financiare për pasurinë pyjore e kullosore Shërbimi pyjor funksionon në përputhje me ligjin organik të Buxhetit të Shtetit dhe është përgjegjës për administrimin e pasurisë dhe të të ardhurave të realizuara nga veprimtaria ekonomike në sektorin e pyjeve e të kullotave, në përputhje me dispozitat e këtij ligji dhe të akteve të tjera ligjore e nënligjore në fuqi.

Neni 29Burimet financiare

Burimet financiare të shërbimit pyjor sigurohen nga: a) Buxheti i Shtetit; b)burime të brendshme; 20 c)donacione e grante të ndryshme.

Neni 30Përdorimi i burimeve financiare

Burimet financiare të krijuara sipas nenit 32 përdoren për: a)investime në sektorin e pyjeve dhe të kullotave; b)mbrojtjen e faunës dhe të biodiversitetit të pyjeve dhe të kullotave; c)parandalimin e sëmundjeve, të dëmtuesve dhe të zjarreve në pyje dhe kullota; ç)kërkime shkencore në pyje dhe kullota; d)krijimin e kushteve për kryerjen e veprimeve turistike dhe çlodhëse; dh) shpërblimin e punonjësve për gjobat dhe sekuestrot e vendosura dhe të vjela sipas kritereve të caktuara nga Këshilli i Ministrave.

Neni 31Ndarja e burimeve financiare

Burimet financiare, të krijuara sipas nenit 32, të ligjit, derdhen 100 për qind në buxhetin e bashkisë.

Neni 32Bazueshmëria ligjore e burimeve fianciare

Sigurimi dhe përdorimi i të gjitha llojeve të burimeve financiare bëhen në përputhje me aktet ligjore e nënligjore në fuqi.

Neni 33Të ardhurat e siguruara nga pyjet vendore

(shfuqizuar)

Neni 34Tarifat në fondin pyjor publik

1. Tarifat për të gjitha veprimtaritë, që zhvillohen në sektorin e pyjeve dhe të kullotave, për shërbimet publike e mjedisore, që zhvillohen në fondin pyjor publik, si dhe ato të vlerësimit të dëmeve në pyje miratohen me vendim të Këshillit të Ministrave. 2. Organi përgjegjës për vjeljen e të ardhurave në sektorin e pyjeve dhe të kullotave është struktura përgjegjëse për pyjet dhe kullotat në bashki.

KREU VIIIKËRKIMI SHKENCOR NË FONDIN PYJOR KOMBËTAR

Neni 35Veprimtaritë kërkimore e shkencore

1. Veprimtaritë kërkimore e shkencore në fondin pyjor kombëtar, për pyjet e tokat pyjore, kullotat, gërryerjet, pyllëzimet e përmirësimet, ripërtëritjen natyrore e problemet gjenetike, farërat e fidanët pyjorë, zjarret dhe luftimin e sëmundjeve e të dëmtuesve, florën e faunën e egër, bimët mjekësore e tanifere natyrore, përgatitjen dhe zbatimin e programeve të monitorimit për zhvillimin e qëndrueshëm të pyjeve kryhen nga personat fizikë e juridikë, të cilët plotësojnë kërkesat dhe kushtet për zhvillimin e veprimtarive kërkimore e shkencore. 2. Zhvillimi i veprimtarive kërkimore e shkencore, të parashikuara në pikën 1 të këtij neni, kryhet brenda fushave përkatëse të sektorit të pyjeve dhe të kullotave, në mbështetje të programeve kërkimore-shkencore kombëtare. 3. Institucionet kërkimore, studimore dhe shkencore në fushën e pyjeve e të kullotave sigurojnë konsulencë, oponencë dhe asistencë teknike për ministrinë përgjegjëse për pyjet, në aspekte të veçanta, brenda fushës së veprimtarisë së tyre. 4. Ministri përgjegjës për pyjet dhe ministri përgjegjës për shkencën harmonizojnë programimin dhe zbatimin e punës kërkimore në pyje e kullota, si dhe paraqesin kërkesat për buxhetin përkatës.

Neni 36

Bazat prodhuese dhe eksperimentale të zhvillimit dhe kualifikimit1. Bazat prodhuese, eksperimentale, të ekstensionit, si për kërkimin shkencor dhe për kualifikimin e nxënësve e të studentëve, të punëtorëve, të specialistëve të pyjeve dhe të fushave të tjera në sektorin pyjor dhe për mjedisin në tërësi ngrihen me miratimin me shkrim të ministri përgjegjës për pyjet, në bazë të kërkesës së institucioneve kërkimore e pedagogjike. 2. Grumbujt e drurëve dhe të llojeve pyjore, të caktuara për konservim, germoplazmë, in situ dhe ex situ, për grumbullim, përpunim, shpërndarje dhe certifikim të materialit mbjellës, administrohen nga shërbimi pyjor.

KREU IXPARASHIKIMET NDËSHKIMORE

Neni 37Përgjegjësitë për moszbatimin e ligjit

1. Shkeljet e dispozitave ligjore sjellin, sipas rastit, përgjegjësi administrative dhe penale. 2. Inspektorët e Policisë Pyjore, kur vërejnë shkeljen e këtyre dispozitave, mbajnë procesverbal, në përputhje me kërkesat e ligjit për inspektimin. 3. Të drejtën e vendosjes së gjobës për kundërvajtjet administrative, të parashikuara në nenin 38 të këtij ligji, e kanë inspektorët e Policisë Pyjore. 4. Punonjësit e tjerë të shërbimit pyjor, punonjësit e pushtetit vendor që mbulojnë pyjet dhe pronarët privatë, në rastet kur konstatojnë shkelje të dispozitave të këtij ligji, janë të detyruar të njoftojnë menjëherë Policinë Pyjore për të kryer procedurat e nevojshme.

Neni 381. Shkeljet e mëposhtme, kur nuk përbëjnë vepër penale, përbëjnë kundërvajtje administrative dhe dënohen me gjobë si me poshtë: a) prerja pa leje e pyjeve, e pyjeve të reja, e filizërisë dhe e fidanishteve, si dhe dëmtimi i tyre e i tokës pyjore, kur pasojat materiale janë të lehta, dënohet me gjobë 80 000 ( tetëdhjetë mijë) deri në 100 000 (njëqind mijë) lekë; b) prerja e drurëve pa damkën e organeve të shërbimit pyjor, kur pasojat materiale janë të lehta, dënohet me gjobë 80 000 ( tetëdhjetë mijë) deri në 100 000 (njëqind mijë) lekë; c) përdorimi i paligjshëm i fondit dhe i tokës pyjore dënohet me gjobë 80 000 (tetëdhjetë mijë) deri në 100 000 (njëqind mijë) lekë; ç) prerja pa leje apo dëmtimi i pyjeve, në pronësi private, nga pronarët apo nga subjektet, të cilave u janë dhënë në përdorim ose me qira, kur pasojat materiale janë të lehta, dënohet me gjobë 30 000 (tridhjetë mijë) deri në 40 000 (dyzet mijë) lekë; d) kullotja e bagëtive në pyjet e reja, në pyllëzime, në filizëri e fidanishte, në parcelat gjenetike e eksperimentale e në pyjet mbrojtëse, kur pasojat materiale janë të lehta, dënohet me gjobë 22 5 000 (pesë mijë) deri në 10 000 (dhjetë mijë) lekë; dh) grumbullimi i prodhimeve pyjore e jopyjore, si rrëshirë, boçe, hala, gjethe, bar, lëgushë, humus, plisa, rrënjë e lëvore, lule, fruta, sytha e herbë, kërpudha, bimë mjekësore, eterovajore, tanifere, patavra, cungje, kucka, fashina, thupra, hunj, bandiera, zhuka e kallamishte, gurë, zhavorr e rërë, pa lejen përkatëse të organit të shërbimit pyjor, dënohet me gjobë 5 000 ( pesë mijë) deri në 10 000 (dhjetë mijë) lekë;

e) nxjerrja e rrënjëve të shqopës, bushit, maresë dhe prerja e thuprës së shelgut e të llojeve të tjera të drurëve pyjorë, gjatë periudhës së vegjetacionit, dënohen me gjobë 20 000 (njëzet mijë) deri në 25 000 (njëzet e pesë mijë) lekë; ë) krasitja për gjethe dhe kositja e grumbullimi i barit në fondin pyjor, pa lejen e organeve të shërbimit pyjor, dënohen me gjobë 8 000 (tetë mijë) deri në 10 000 (dhjetë mijë) lekë; f) mbledhja e prodhimeve të dyta pyjore e jopyjore e bimëve mjekësore, eterovajore e tanifere, e bimëve të rralla e të kërcënuara e të tjera të kësaj natyre, jashtë periudhës teknike të vjeljes e me mënyra që sjellin degradimin, kërcënimin, rrallimin, zhdukjen apo dobësimin e funksioneve të tyre, dënohet me gjobë 80 000 (tetëdhjetë mijë) deri në 100 000 (njëqind mijë) lekë; g) ndërhyrjet me punime të ndryshme në ligatinat dhe dunat bregdetare, pjesë përbërëse të fondit pyjor kombëtar, pa lejen e organeve të shërbimit pyjor, dënohen me gjobë 30 000 (tridhjetë mijë) deri në 50 000 (pesëdhjetë mijë) lekë; gj) ndezja e zjarreve jashtë vendeve të caktuara nga organet e shërbimit pyjor dënohet me gjobë 7 000 (shtatë mijë) deri në 10 000 (dhjetë mijë) lekë; h) prishja apo përdorimi i çekiç-damkës e i damkës nga persona të paautorizuar dhe nga një zonë pyjore në tjetrën, pa lejen e organeve të shërbimit pyjor, dënohen me gjobë 30 000 ( tridhjetë mijë) deri në 50 000 (pesëdhjetë mijë) lekë; i) prishja, fshirja ose dëmtimi i shenjave kufidëftuese, gjeodezike e topografike, i tabelave paralajmëruese apo treguese, të vendosura në fondin pyjor kombëtar, dënohen me gjobë 15 000 (pesëmbëdhjetë mijë) deri në 20 000 (njëzet mijë) lekë; j) ndërtimi i furrave të gëlqeres dhe i kaminave të qymyrit të drurit në fondin pyjor, pa miratimin e organeve të shërbimit pyjor, dënohet me gjobë 7 000 (shtatë mijë) deri në 10 000 (dhjetë mijë) lekë; k) ngritja e ndërtimeve të thjeshta, gardhimeve, kampingjeve, brenda territoreve të gardhuara të fondit pyjor dhe të atyre të deklaruara me funksion mbrojtës e të veçantë, në kundërshtim me rregullat e përcaktuara në këtë ligj, dënohet me gjobë 20 000 (njëzet mijë) deri në 30 000 (tridhjetë mijë) lekë; l) hedhja e mbetjeve urbane dhe e inerteve brenda në pyll ose në tokën pyjore dhe jashtë vendeve të caktuara, kur pasojat materiale janë të lehta, dënohet me gjobë 30 000 (tridhjetë mijë) deri në 50 000 (pesëdhjetë mijë) lekë; ll) parkimi i automjeteve, vendosja e rulotave në pyjet me funksion mbrojtës e të veçantë, në parqet kombëtare, në rezervatet e mbarështimit të florës e të faunës së egër, në fidanishtet pyjore ose në vendet e tjera të fondit pyjor, me rëndësi të veçantë, pa miratimin e organeve të shërbimit pyjor, dënohen me gjobë 3 000 (tre mijë) deri në 5 000 (pesë mijë) lekë; m) ndryshimi i zërit kadastral apo i kulturave pyjore nga pronari privat, pa miratimin e organeve të shërbimit pyjor, dënohet me gjobë 7 000 (shtatë mijë) deri në 10 000 (dhjetë mijë) lekë; n) mosraportimi nga pronari i ndryshimeve përkatëse në fondin pyjor dhe në tokën pyjore, brenda 6 muajve nga data e vënies re, dënohet me gjobë 3 000 (tre mijë) deri në 5 000 (pesë mijë) lekë; nj) transferimi i të drejtave, të siguruara nga leja e ushtrimit të veprimtarisë në fondin pyjor kombëtar, dënohet me gjobë 80 000 (tetëdhjetë mijë) deri në 100 000 (njëqind mijë) lekë; o) transporti me kamionë i materialit drusor nga pylli dhe prej shesheve të depozitimit për në qendrat e përpunimit e të shitjes, i pashoqëruar me lejen tip të transportit, dënohet me gjobë 80 000 ( tetëdhjetë mijë) deri në 100 000 (njëqind mijë) lekë;

p) mosruajtja e materialit drusor dhe e çdo prodhimi tjetër, me origjinë pyjore, të sekuestruar, i cili ndodhet në qendrat e përpunimit apo në sheshet e depozitimit e të tregtimit, nga subjektet, të cilave u është sekuestruar, deri në shitjen e tyre, dënohet me gjobë 8 000 (tetë mijë) deri në 10 000 (dhjetë mijë) lekë; q) tregtimi ose tjetërsimi i materialeve drusore dhe i prodhimeve të tjera, pyjore e jopyjore të fondit pyjor kombëtar, pa lejen e organeve të shërbimit pyjor, dënohet me gjobë 80 000 ( tetëdhjetë mijë) deri në 100 000 (njëqind mijë) lekë; r) tregtimi i materialit drusor dhe i prodhimeve të tjera të pyllit, të infektuara nga sëmundjet, barërat e këqija e parazitare ose të prekura nga insektet, dënohet me gjobë 30 000 (tridhjetë mijë) deri në 50 000 (pesëdhjetë mijë) lekë. rr)mosnjoftimi i inspektoratit për shkeljet e konstatuara nga subjektet e përcaktuara në pikën 4 të nenit 37 përbën kundërvajtje administrative dhe dënohet me 10 000 (dhjetë mijë) lekë gjobë. 2. Kur shkeljet e këtij ligji kanë sjellë pasoja të rënda, Policia Pyjore bën kallëzim penal. Kriteret për ndarjen e shkeljeve me pasoja të lehta apo me pasoja të rënda caktohen me vendim të Këshillit të Ministrave.3. Sipas nevojave të rastit, krahas dënimit kryesor me gjobë, merren edhe masa urgjente në përputhje me ligjin për inspektimin.

Neni 39Sekuestrimet

Mjetet dhe gjithçka tjetër, që shërben për kryerjen e kundërvajtjes administrative dhe çdo përfitim pasuror, i vënë nëpërmjet kundërvajtjes administrative, sekuestrohen dhe kalojnë në llogari të organeve të shërbimit pyjor.

Neni 40Vendimi për kundërvajtjet administrative dhe ankimi

1.Vendimi për kundërvajtjet administrative merret nga Policia Pyjore, në zbatim të legjislacionit në fuqi për inspektimin në Republikën e Shqipërisë. 2. Ndaj vendimit të dhënë, në zbatim të pikës 1, të këtij neni, bëhet ankim, në përputhje me legjislacionin në fuqi për kundërvajtjet administrative. 3. Procedura e ekzekutimit të vendimit të dënimit me gjobë bëhet në përputhje me ligjin për kundërvajtjet administrative.

Neni 40/11. Për çdo rast të kryerjes së kundërvajtjes administrative apo veprës penale në pyje, nga inspektori vlerësohet edhe dëmi që është shkaktuar. 2. Struktura menaxhuese e sipërfaqeve pyjore, pronë shtetërore, ose bashkia përkatëse që ka në pronësi sipërfaqen pyjore, në të cilën ka ndodhur kundërvajtja, janë të detyruara të kërkojnë, në çdo rast, shpërblimin e dëmit nga kundërvajtësi. Këtë të drejtë e gëzon edhe pronari privat për sipërfaqen në pronësi të tij.3. Në zbatim të këtij neni, Policia Pyjore njofton subjektet e parashikuara në pikën 2 të këtij neni për dënimin e konstatuar dhe u përcjell atyre të gjithë praktikën përkatëse. 4. Kriteret dhe mënyra e caktimit të vlerës së dënimit të shkaktuar miratohen me vendim të Këshillit të Ministrave.

Neni 40/2Likuidimi i gjobës

(shfuqizuar)

Neni 40/3Lidhja e kontratës

Personat juridikë e fizikë, që kanë bërë instalime, ndërtime dhe ushtrojnë veprimtari në fondin 24 pyjor publik, pa lidhur kontrata me drejtorinë përkatëse të shërbimit pyjor, duhet t’i lidhin ato brenda 3 muajve nga hyrja në fuqi e këtij ligji. Pas këtij afati, Policia Pyjore bën mbylljen e përhershme të veprimtarive dhe çmontimin e instalimeve.

KREU XDISPOZITA TË FUNDIT

Neni 41Shfuqizimi i dispozitave ligjore

Ligji nr.7623, datë 13.10.1992 “Për pyjet dhe Policinë Pyjore”, i ndryshuar, ligji nr.8302, datë 12.3.1998 “Për administrimin e të ardhurave që krijohen në pyje dhe kullota - pasuri shtetërore” dhe çdo dispozitë tjetër, që bie në kundërshtim me këtë ligj, shfuqizohen.

Neni 42Aktet nënligjore

1. Ngarkohet Këshilli i Ministrave të nxjerrë aktet nënligjore në zbatim të neneve 7 pika 4, 9 pika 3, 17 pika 1 shkronja “b” e pika 2, 19 pika 2, 20 pika 9, 21 pika 8, 23 pika 7, 26 pikat 2, 8 e 10, 27 pika 5, 38 pika 2 dhe 40/1 pika 2. 2. Ngarkohet ministri të nxjerrë urdhrat dhe udhëzimet në zbatim të neneve 5 pika 6, 8 pika 2, 16 pikat 5 e 8, 17 pika 1 shkronja “a”, 19 pika 3, 20 pika 12, 25 pika 2, 26 pika 11, 27 pika 7, 27/2 pika 1, 27/4 pika 1, 27/5 pika 4, 27/6 pika 2 dhe 27/7 pika 2.

Neni 43Hyrja në fuqi

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4591, datë 1.6.2005 të Presidentit të Republikës së Shqipërisë, Alfred Moisiu

VENDIMNr.1353, datë 10.10.2008

PËR PËRCAKTIMIN E RREGULLAVE PËR PARAQITJEN E KËRKESËS, MBAJTJEN DHE PLOTËSIMIN E DOKUMENTACIONIT TEKNIK, SI DHE TË KRITEREVE E TË PROCEDURAVE TË ZVOGËLIMIT TË SIPËRFAQES E TË

VËLLIMIT TË FONDIT PYJOR

I azhurnuar me:- VKM Nr.434, datë08.06.2016

Në mbështetje të nenit 100 të Kushtetutës dhe të pikës 2 të nenit 17 të ligjit nr.9385, datë 4.5.2005 "Për pyjet dhe shërbimin pyjor", të ndryshuar, me propozimin e Ministrit të Mjedisit, Këshilli i Ministrave

VENDOSI:

1. Personat, fizikë ose juridikë apo Bashki , për pyjet bashkiake, e paraqesin kërkesën për heqjen e një sipërfaqeje nga fondi pyjor në Ministrinë e Mjedisit.2. Kërkesa bëhet me shkrim dhe përmban gjeneralitetet e kërkuesit dhe të subjektit, që ai përfaqëson, një përshkrim të shkurtër të veprimtarisë, që do të ushtrojë dhe investimet, që do të bëhen.3. Kërkesa për heqjen e sipërfaqeve nga fondi pyjor është e vlefshme vetëm kur bëhet për veprimtaritë e përcaktuara shprehimisht në nenin 17 të ligjit nr.9385, datë 4.5.2005 "Për pyjet dhe shërbimin pyjor", të ndryshuar.4. Personat, fizikë ose juridikë apo Bashki, për pyjet bashkiake, e paraqesin kërkesën në ministri, vetëm pasi kanë siguruar lejen, licencën ose dokumentin, që miraton ushtrimin e veprimtarisë, të lëshuar nga organi i ngarkuar me ligj për dhënien e miratimit.5. Kërkesa shoqërohet me këto dokumente:a) Njoftimin e ministrisë nga organi shtetëror, që ka miratuar veprimtarinë, ku sqarohet se, për nevoja të ushtrimit të veprimtarisë të miratuar prej tij, sipërfaqja e kërkuar të hiqet nga fondi pyjor;b) Kopjen e noterizuar të lejes apo të dokumentit, me të cilin i është miratuar veprimtaria nga institucioni i ngarkuar me ligj;c) Planimetrinë e sipërfaqes së kërkuar në hartën topografike të dixhitalizuar dhe të gjeoreferuar, në shkallën 1:10 000, ku të jenë evidentuar elementet kryesore, si dhe kufijtë natyrorë, relievi, objektet, si dhe çdo planimetri tjetër, në shkallë më të hollësishme, hartuar në përputhje me kërkesat e studimit apo të projektit.ç) Miratimin me shkrim për vazhdimin e procedurave të heqjes nga fondi pyjor nga ana e kryetarit të bashkisë, brenda territorit administrativ të të cilit është sipërfaqja pyjore, e cila do t’i nënshtrohet procedurave të heqjes nga fondi pyjor6. Ministria mund t'ia kthejë kërkuesit dokumentacionin teknik, të paraqitur, për plotësime e saktësime. Koha për plotësimin e dokumentacionit nuk llogaritet në afatin e përcaktuar për shqyrtimin e kërkesës, i cili është një muaj.7.Ministria, pas depozitimit të kërkesës, i kërkon strukturës përgjegjëse për pyjet dhe kullotat në bashki identifikimin e ngastrave e të nënngastrave të kërkuara dhe hartimin e raportit teknik për to, brenda 1 jave nga data e marrjes së kërkesës. Ky raport i përcillet ministrisë brenda 10 (dhjetë) ditëve nga data që ajo e ka kërkuar8. Pas shqyrtimit të dokumentacionit të mësipërm:

a) ministri nxjerr urdhrin për heqjen nga fondi pyjor, për pyje dhe toka, me bimësi pyjore, me sipërfaqe deri në 1 ha;b) ministria përgatit projektvendimin për heqjen nga fondi pyjor, për pyje dhe toka, me bimësi pyjore, me sipërfaqe mbi 1 ha e deri në 100 ha dhe e dërgon atë, për shqyrtim e miratim, në Këshillin e Ministrave;c) ministria përgatit projektligjin për heqjen nga fondi pyjor, për pyje e toka, me bimësi pyjore, me sipërfaqe mbi 100 ha dhe e dërgon atë për shqyrtim në Këshillin e Ministrave, i cili, kur e gjen të rregullt, e përcjell në Kuvend, për miratim.Praktikat e projektvendimit e të projektligjit nënshkruhen nga Ministri i Mjedisit dhe nga ministri, që ka miratuar veprimtarinë.9. Pas miratimit të heqjes së sipërfaqes nga fondi pyjor:a) struktura përgjegjëse për pyjet dhe kullotat në bashki bën përditësimin në kadastrën e pyjeve në sipërfaqe dhe në vëllim dhe të dhënat i përcjell në ministri;b) ministria bën përditësimin në Kadastrën Kombëtare të Pyjeve;c) zyra përkatëse e regjistrimit të pasurive të paluajtshme bën çregjistrimin e saj nga kategoria "Tokë e zënë, pyll" dhe e regjistron në kategorinë e re të përdorimit.10. Sipërfaqja, që hiqet nga fondi pyjor publik, sipas këtij vendimi, kalon në një destinacion tjetër përdorimi, por, në çdo rast, mbetet në pronësi publike.11.Vlera e sipërfaqes pyjore të hequr dhe e infrastrukturës së saj paguhet nga kërkuesi para hyrjes në fuqi të aktit të miratimit, të përmendur në shkronjat “a”, “b” e “c”, të pikës 8, të këtij vendimi, dhe derdhet në llogarinë bankare të bashkisë, brenda territorit administrativ të të cilit është sipërfaqja pyjore e cila do t’i nënshtrohet procedurave të heqjes nga fondi pyjor.12. Në rastet e ndërtimit të infrastrukturave lineare, si rrugë, linja të transmetimit ajror apo nëntokësor të energjisë elektrike, të naftës, gazit, telekomunikacionit, si dhe teleferikët, të cilat, në përputhje me projektet e miratuara, kërkojnë një trase të pastruar nga vegjetacioni, me gjerësi më të vogël se 10 m, për efekt kadastral, bëhet vetëm zvogëlim në vëllim, por jo në sipërfaqe.13. Për shërbimin e ofruar nga ministria, sipas këtij vendimi, kërkuesi paguan një tarifë shërbimi, në vlerën 20 000 lekë, e cila derdhet në llogarinë bankare të ministrisë, në kohën e paraqitjes së kërkesës. Kjo tarifë është e pakthyeshme edhe nëse kërkesa nuk miratohet.14. Kur kërkesën për ndryshimin e destinacionit të një pjese apo të të gjithë pyllit a sipërfaqes pyjore, e bën pronari privat që e ka në pronësi, kërkesa sqaron:a) sipërfaqen, që do t'i ndryshohet destinacioni;b) veprimtarinë për çfarë do të përdoret (veprimtarinë që do të ushtrohet apo objektin që do të ndërtohet në të).15. Kërkesa shoqërohet me këto dokumente:a) Kopjen e noterizuar të dokumentit të pronësisë së pyllit apo sipërfaqes pyjore;b) Studimin apo projektin e veprimtarisë që do të ushtrohet, apo të veprës që do të ndërtohet;c) Kopjen e noterizuar të licencës, që ka miratuar veprimtarinë apo ndërtimin e objektit;ç) Planimetrinë e sipërfaqes, që kërkohet të ndërrojë destinacion, në hartën topografike, në shkallën 1:10 000, ku të jenë evidentuar kufijtë natyrorë, relievi, objektet, si dhe kufijtë e pyllit apo të sipërfaqes pyjore, që mbetet pas miratimit të kërkesës;d) Mandatpagesën e tarifës së shërbimit, sipas pikës 14 të këtij vendimi.16. Kur kërkesa bëhet sipas përcaktimit të pikës 14, ajo shqyrtohet nga Ministria e Mjedisit brenda 30 (tridhjetë) ditëve. Pas këtij afati ajo quhet e miratuar. Struktura përgjegjëse për pyjet dhe kullotat në bashki dhe ministria bëjnë përditësimet në kadastrën e pyjeve.17. Ngarkohen Ministria e Mjedisit, kryeregjistruesi i Pasurive të Paluajtshme të Republikës së Shqipërisë dhe njësitë e qeverisjes vendore për zbatimin e këtij vendimi.Ky vendim hyn në fuqi pas botimit në Fletoren Zyrtare.KRYEMINISTRISali Berisha

VENDIM

Nr.108, datë 27.1.2009

PËR KRITERET E CILËSIMIT TË SHKELJEVE, ME PASOJA TË RËNDA, NË PYJE

Në mbështetje të nenit 100 të Kushtetutës dhe të pikës 2 të nenit 38 të ligjit nr.9385, datë 4.5.2005 "Për pyjet dhe shërbimin pyjor", të ndryshuar, me propozimin e Ministrit të Mjedisit, Pyjeve dhe Administrimit të Ujërave, Këshilli i Ministrave

VENDOSI:

1. Në varësi të dëmit mjedisor, që shkaktojnë, e të pasojave, që sjellin, në pyje, shkeljet, e parashikuara, shprehimisht, në pikën 1 të nenit 38 të ligjit nr.9385, datë 4.5.2005 "Për pyjet dhe shërbimin pyjor", të ndryshuar, vlerësohen me pasoja të rënda, kur:a) janë kryer në një zonë pyjore të mbrojtur, sidomos në nënzonat e saj, që janë me status strikt të mbrojtur, duke i nxjerrë ato jashtë funksionit, për të cilin kanë marrë statusin e mbrojtjes;b) janë kryer në parcelat eksperimentale e studimore të pyjeve, të kullotave e të livadheve, duke bërë të pamundur vazhdimin e eksperimentimit e të studimit shkencor;c) kanë dëmtuar grumbujt e drurëve dhe të llojeve pyjore, të paracaktuara për konservim, germoplazmë, in situ dhe ex situ, për grumbullim, përpunim, shpërndarje dhe certifikim të materialit mbjellës;ç) janë kryer në një pyll mbrojtës, të cilësuar të tillë në planet e mbarështimit, duke e nxjerrë atë jashtë funksionit;d) kanë shkatërruar një monument pyjor natyror, të miratuar me një akt normativ;dh) kanë asgjësuar, me prerje, me shkulje, me marrje, individë të llojeve të florës, të rralla, të rrezikuara e që gëzojnë status të veçantë mbrojtjeje;e) ka shkatërruar cilësitë e një habitati konkret.2. Shkeljet e tjera, të parashikuara, shprehimisht, në pikën 1 të nenit 38 të ligjit nr.9385, datë 4.5.2005 "Për pyjet dhe shërbimin pyjor", të ndryshuar, kur nuk përbëjnë asnjërin nga rastet e parashikuara në pikën 1, të këtij vendimi, vlerësohen me pasoja të lehta.3. Ngarkohen Ministria e Mjedisit, Pyjeve dhe Administrimit të Ujërave dhe njësitë e qeverisjes vendore për pyjet dhe kullotat komunale për zbatimin e këtij vendimi.

Ky vendim hyn në fuqi pas botimit në Fletoren Zyrtare.

KRYEMINISTRISali Berisha

VENDIM

Nr. 433, datë 8.6.2016

PËR TRANSFERIMIN NË PRONËSI TË BASHKIVE TË PYJEVE DHE TË KULLOTAVE PUBLIKE, SIPAS LISTAVE TË INVENTARIT, DHE AKTUALISHT NË ADMINISTRIM TË MINISTRISË SË MJEDISIT E TË ISH- KOMUNAVE/ BASHKIVE

Në mbështetje të nenit 100 të Kushtetutës dhe të nenit 18, të ligjit nr. 48/2016, “Për disa ndryshime dhe shtesa në ligjin nr. 9385, datë 4.5.2005, “Për pyjet dhe shërbimin pyjor”, të ndryshuar”, të nenit 9, të ligjit nr. 49/2016, “Për disa ndryshime dhe shtesa në ligjin nr. 9693, datë 19.3.2007, “Për fondin kullosor”, të ndryshuar”, dhe të pikës 1, të nenit 113, të ligjit nr. 44/2015, “Kodi i Procedurave Administrative i Republikës së Shqipërisë”, me propozimin e ministrit të Mjedisit, Këshilli i Ministrave

VENDOSI:

1. Sipërfaqet e fondit pyjor dhe kullosor publik, sipas listave të inventarit, infrastruktura mbështetëse e tyre, asetet, arkivi dhe protokolli, aktualisht, në përgjegjësi administrimi të Ministrisë së Mjedisit, si edhe sipërfaqet e fondit pyjor e kullosor publik dhe infrastruktura mbështetëse e tyre, që i janë transferuar ish- komunave e bashkive, transferohen në pronësi të bashkive.2. Të drejtat dhe detyrimet e personave fizikë/juridikë të fituara me kontratat ekzistuese për marrjen në përdorim të sipërfaqeve të fondit pyjor dhe kullosor vazhdojnë deri në përfundimin e tyre, sipas parashikimeve kontraktore dhe legjislacionit në fuqi.3. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Berat, janë sipas shtojcës 1, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 1 149 (një mijë e njëqind e dyzet e nëntë).4. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Ura Vajgurore, janë sipas shtojcës 2, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 129 (njëqind e njëzet e nëntë).5. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Kuçovë, janë sipas shtojcës 3, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 412 (katërqind e dymbëdhjetë).6. Sipërfaqet pyjore dhe kullosore, sipas listës së inventarit, dhe asetet e tjera, që i transferohen në pronësi Bashkisë Skrapar, janë sipas shtojcës 4, bashkëlidhur këtij vendimi. Shtojca përmban:a) listën e inventarit që fillon me numrin rendor 1 (një) deri 892 (tetëqind e nëntëdhjetë e dy);b) godinën e DSHP-së.7. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Poliçan, janë sipas shtojcës 5, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 646 (gjashtëqind e dyzet e gjashtë).8. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Dibër, janë sipas shtojcës 6, bashkëlidhur këtij vendimi,e cila përmban listën e inventarit që fillon me numrin rendor 1 (një) deri 2 327 (dy mijë e treqind e njëzet e shtatë).

9. Sipërfaqet pyjore dhe kullosore, sipas listës së inventarit, dhe asete të tjera, që transferohen në pronësi të Bashkisë Bulqizë, janë sipas shtojcës 7, bashkëlidhur këtij vendimi. Shtojca përmban:a) listën e inventarit që fillon me numrin rendor 1 (një) deri 2 236 (dy mijë e dyqind e tridhjetë e gjashtë);b) godinën e DSHP-së.10. Sipërfaqet pyjore dhe kullosore, sipas listës së inventarit, që transferohennë pronësi të Bashkisë Mat, janë sipas shtojcës 8, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 1 752 (një mijë e shtatëqind e pesëdhjetë e dy).11. Sipërfaqet pyjore dhe kullosore, sipas listës sëinventarit, që transferohen në pronësi të Bashkisë Klos, janë sipas shtojcës 9, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 1 209 (një mijë e dyqind e nëntë).12. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Durrës, janë sipas shtojcës 10, bashkëlidhur këtij vendimi,e cila përmban listën e inventarit që fillon me numrin rendor 1 (një) deri 427 (katërqind e njëzet e shtatë).13. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Shijak, janë sipas shtojcës 11, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 31 (tridhjetë e një).14. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Krujë, janë sipas shtojcës 12, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 711 (shtatëqind e njëmbëdhjetë).15. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Elbasan, janë sipas shtojcës 13, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 3 283 (tre mijë e dyqind e tetëdhjetë e tre).16. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Cërrik, janë sipas shtojcës 14, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 186 (njëqind e tetëdhjetë e gjashtë).17. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Belsh, janë sipas shtojcës 15, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 97 (nëntëdhjetë e shtatë).18. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Peqin, janë sipas shtojcës 16, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 162 (njëqind e gjashtëdhjetë e dy).19. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Gramsh, janë sipas shtojcës 17, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 3 433 (tre mijë e katërqind e tridhjetë e tre).20. Sipërfaqet pyjore dhe kullosore, sipas listës së inventarit, si dhe asetet e tjera që transferohen në pronësi të Bashkisë Librazhd, janë sipas shtojcës 18, bashkëlidhur këtij vendimi,e cila përmban listën e inventarit që fillon me numrin rendor 1 (një) deri 1 534 (një mijë pesëqind e tridhjetë e katër).21. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Përrenjas, janë sipas shtojcës 19, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 1 009 (një mijë e nëntë).

22. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Fier, janë sipas shtojcës 20, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 279 (dyqind e shtatëdhjetë e nëntë).23. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Patos, janë sipas shtojcës 21, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 27 (njëzet e shtatë).24. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Roskovec, janë sipas shtojcës 22, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 26 (njëzet e gjashtë).25. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Lushnjë, janë sipas shtojcës 23, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 55 (pesëdhjetë e pesë).26. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Divjakë, janë sipas shtojcës 24, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 52 (pesëdhjetë e dy).27. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Mallakastër, janë sipas shtojcës 25, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 638 (gjashtëqind e tridhjetë e tetë).28. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Gjirokastër, janë sipas shtojcës 26, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 658 (gjashtëqind e pesëdhjetë e tetë).29. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Libohovë, janë sipas shtojcës 27, bashkëlidhur të këtij vendimi, e cila përmban listën e inventarit që fillon me numrin rendor 1 (një) deri 215 (dyqind e pesëmbëdhjetë).30. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Tepelenë, janë sipas shtojcës 28, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 688 (gjashtëqind e tetëdhjetë e tetë).31. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Memaliaj, janë sipas shtojcës 29, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 643 (gjashtëqind e dyzet e tre).32. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Përmet, janë sipas shtojcës 30, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 631 (gjashtëqind e tridhjetë e një).33. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Këlcyrë, janë sipas shtojcës 31, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 561 (pesëqind e gjashtëdhjetë e një).34. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Dropull, janë sipas shtojcës 32, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 481 (katërqind e tetëdhjetë e një).35. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Korçë, janë sipas shtojcës 33, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 2 793 (dy mijë e shtatëqind e nëntëdhjetë e tre).

36. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Maliq, janë sipas shtojcës 34, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 1 108 (një mijë e njëqind e tetë).37. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Pustec, janë sipas shtojcës 35, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 11 (njëmbëdhjetë).38. Sipërfaqet pyjore dhe kullosore, sipas listës së inventarit, dhe asete të tjera, që transferohen në pronësi të Bashkisë Kolonjë, janë sipas shtojcës 36, bashkëlidhur këtij vendimi. Shtojca përmban:a) listën e inventarit që fillon me numër rendor 1 (një) deri 1 739 (një mijë e shtatëqind e tridhjetë e nëntë);b) godinën e DSHP- së.39. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Devoll, janë sipas shtojcës 37, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 486 (katërqind e tetëdhjetë e gjashtë).40. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Pogradec, janë sipas shtojcës 38, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 909 (nëntëqind e nëntë).41. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Kukës, janë sipas shtojcës 39, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 3 152 (tre mijë e njëqind e pesëdhjetë e dy).42. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Has, janë sipas shtojcës 40, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 1 242 (një mijë e dyqind e dyzet e dy).43. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Tropojë, janë sipas shtojcës 41, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 2 792 (dy mijë e shtatëqind e nëntëdhjetë e dy).44. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Lezhë, janë sipas shtojcës 42, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 1 093 (një mijë e nëntëdhjetë e tre).45. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Mirditë, janë sipas shtojcës 43, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 4 672 (katër mijë e gjashtëqind e shtatëdhjetë e dy).46. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Kurbin, janë sipas shtojcës 44, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 722 (shtatëqind e njëzet e dy).47. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Malësi e Madhe, janë sipas shtojcës 45, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 3 216 (tre mijë e dyqind e gjashtëmbëdhjetë).

48. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Shkodër, janë sipas shtojcës 46, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 2 160 (dy mijë e njëqind e gjashtëdhjetë).49. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Vau i Dejës, janë sipas shtojcës 47, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 1 340 (një mijë e treqind e dyzet).50. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Pukë, janë sipas shtojcës 48, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 2 763 (dy mijë e shtatëqind e gjashtëdhjetë e tre).51. Sipërfaqet pyjore dhe kullosore, sipas listës së inventarit, dhe asete të tjera, që transferohen në pronësi të Bashkisë Fushë-Arës, janë sipas shtojcës 49, bashkëlidhur këtij vendimi. Shtojca përmban:a) listën e inventarit që fillon me numrin rendor 1 (një) deri 3 571 (tre mijë e pesëqind e shtatëdhjetë e një);b) godinën e DSHP-së.52. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Tiranë, janë sipas shtojcës 50, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 2 534 (dy mijë e pesëqind e tridhjetë e katër).53. Sipërfaqetpyjore dhe kullosore, sipas listës së inventarit, që transferohen në pronësi të Bashkisë Kamzë, janë sipas shtojcës 51, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 3 (tre).54. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Vorë, janë sipas shtojcës 52, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 89 (tetëdhjetë e nëntë).55. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Kavajë, janë sipas shtojcës 53, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 147 (njëqind e dyzet e shtatë).56. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Rrogozhinë, janë sipas shtojcës 54, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 170 (njëqind e shtatëdhjetë).57. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Selenicë, janë sipas shtojcës 55, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 500 (pesëqind).58. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Himarë, janë sipas shtojcës 56, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 927 (nëntëqind e njëzet e shtatë).59. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Sarandë, janë sipas shtojcës 57, bashkëlidhur këtij vendimi, e cila përmban listën e inventarit që fillonme numrin rendor 1 (një) deri 19 (nëntëmbëdhjetë).60. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Konispol, janë sipas shtojcës 58, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 125 (njëqind e njëzet e pesë).

61. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Finiq, janë sipas shtojcës 59, bashkëlidhur këtij vendimi,e cila përmban listën e inventarit që fillon me numrin rendor 1 (një) deri 527 (pesëqind e njëzet e shtatë).62. Sipërfaqet pyjore dhe kullosore sipas listës së inventarit, që transferohen në pronësi të Bashkisë Delvinë, janë sipas shtojcës 60, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 351 (treqind e pesëdhjetë e një).63. Sipërfaqet pyjore dhe kullosore, sipas listës së inventarit, që transferohen në pronësi të Bashkisë Vlorë, janë sipas shtojcës 61, bashkëlidhur këtij vendimi, e cila përmban listën e inventarit që fillon me numrin rendor 1 (një) deri 244 (dyqind e dyzet e katër).64. Procesi i transferimit realizohet nëpërmjet komisionit të përbashkët me përfaqësues të bashkisë dhe të Ministrisë së Mjedisit, nën mbikëqyrjen e Ministrisë së Mjedisit.65. Ministri i Mjedisit dhe kryetarët e bashkive përcaktojnë personat përgjegjës si anëtarë të komisioneve të përbashkëta, brenda 20 (njëzet) ditëve pune nga data e hyrjes në fuqi të këtij vendimi. Komisionet përbëhen nga 4 (katër) anëtarë, nga të cilët 2 (dy) janë përfaqësues të Ministrisë së Mjedisit dhe 2 (dy) janë përfaqësues të bashkisë.66. Kryetarët e bashkive regjistrojnë sipërfaqet e fondit pyjor dhe kullosor publik, të transferuara në zyrat vendore të regjistrimit të pasurive të paluajtshme, sipas legjislacionit në fuqi.67. Heqjen nga listat e inventarit të pronave të paluajtshme publike në territorinadministrativ të njësive të vetëqeverisjes vendore, të miratuara me vendim të Këshillit të Ministrave, të pronave të tipit pyje kullota, të inventarizuara sipas formularit 2, përcaktuar në shtojcën 62, bashkëlidhur këtij vendimi.68. Me hyrjen në fuqi të këtij vendimi, shfuqizohen, sipas shtojcës 62 bashkëlidhur, vendimet e Këshillit të Ministrave për transferimin e pronave të tipit pyje dhe kullota në pronësi/përdorim të njësive të qeverisjes vendore. 69. Vendiminr. 396, datë 21.6.2006, i Këshillit të Ministrave, “Për kriteret e transferimit dhe të përdorimit të pyjeve nga njësitë e qeverisjes vendore”, shfuqizohet.70. Ngarkohen ministri i Mjedisit, kryetarët e bashkive dhe zyrat vendore të regjistrimit të pasurive të paluajtshme për zbatimin e këtij vendimi.Ky vendim hyn në fuqi pas botimit në Fletoren Zyrtare

ZËVENDËSKRYEMINISTRINiko Peleshi

VENDIM

Nr. 438, datë 8.6.2016

PËR KRITERET DHE RREGULLAT E SHFRYTËZIMIT TË PYJEVE DHE TË SHITJES SË MATERIALIT DRUSOR E TË PRODHIMEVE TË TJERA PYJORE E JOPYJORE

I azhurnuar me: - VKM Nr.438, datë17.05.2017

Në mbështetje të nenit 100 të Kushtetutës, të pikës 5, të nenit 27, të ligjit nr. 139/2015, “Për vetëqeverisjen vendore”, të pikës 10, të nenit 26, të ligjit nr.9385, datë 4.5.2005, “Për pyjet dhe shërbimin pyjor”, të ndryshuar, dhe të neneve 3, pika 1, shkronjat “a” e “c”, dhe 4, të ligjit nr.5/2016, “Për shpalljen e moratoriumit në pyje në Republikën e Shqipërisë”, me propozimin e ministrit të Mjedisit, Këshilli i Ministrave

VENDOSI:I. OBJEKTI DHE QËLLIMIObjekti i këtij vendimi është përcaktimi i kritereve dhe rregullave të shfrytëzimit të pyjeve dhe të shitjes së materialit drusor e të prodhimeve të tjera pyjore e jopyjore, me qëllim plotësimin e nevojave të popullatës me dru zjarri dhe shëndetësimin e pyjeve, pa cenuar rregullat e vendosura nga ligji nr. 5/2016, “Për shpalljen e moratoriumit në pyje në Republikën e Shqipërisë”.II. PËRKUFIZIMEPër qëllim të këtij vendimi, termat e mëposhtëm kanë këto kuptime:“Rigjenerim”, procesi i sigurimit të gjeneratës së re të pyllit, i cili sigurohet në rrugë natyrale dhe/ose nëpërmjet ndërhyrjes me shfrytëzim selektiv (të përzgjedhur) të pyllit. Rigjenerimi dhe format e tij janë kritere bazë për përcaktimin e definicionit (përkufizimit) mbi origjinën e një pylli;“Shëndetësim/prerjesanitare”,procesi itrajtimit të pyllit nëpërmjet ndërhyrjeve me metoda teknike, duke eleminuar drurët, të cilët shfaqin shenja të dëmtimit (natyral dhe/ose artificial, të prekur nga sëmundje dhe/ose të dëmtuar për shkaqe natyrore) dhe duke garantuar vijimësinë e grumbullit, nëpërmjet drurëve të shëndetshëm.III. KRITERET E SHFRYTËZIMIT DHE PROCEDURA1. Trajtimi dhe shfrytëzimi i fondit pyjor publik/privat, me qëllim sigurimin e nevojave për ngrohje të banorëve të bashkive, rigjenerimin dhe shëndetësimin e pyjeve mbështetet në të dhënat eplaneve të mbarështimit dhe inventarizimit të tyre dhe ka si bazë ngastrat e nënngastrat pyjore. Shfrytëzimi i fondit pyjor për këtë qëllim përmbledh ndërhyrjet dhe trajtimet silvikulturore në moshën e shfrytëzimit dhe kur është siguruar ripërtëritja natyrore.2. Materiali drusor, që shfrytëzohet çdo vit nga fondi pyjor publik dhe privat, caktohet brenda mundësisë vjetore të shfrytëzimit e të trajtimit të pyjeve në ngastrat dhe nënngastrat, të përcaktuara në planet e mbarështimit apo inventarizimit.3. Pas miratimit të sasisë së shfrytëzimit, struktura përgjegjëse për pyjet dhe kullotat në bashki miraton projektin tekniko-ekonomik të trajtimit apo shfrytëzimit të pyjeve, për të cilat garantohet zhvillimi i qëndrueshëm, efektiviteti ekonomik, mirëadministrimi dhe ruajtja e asortimentit dru zjarri.

4. Sasia e shfrytëzimit vjetor, pavarësisht nga nevojat e popullsisë për ngrohje, caktohet brenda mundësisë vjetore të shfrytëzimit, të përcaktuar në planet e mbarështimit të pyjeve shtetërore dhe privat, si dhe nga materiali drusor që rezulton nga realizimi i përmirësimeve pyjore nëpërmjet investimeve.5. Shfrytëzimi i fondit pyjor kombëtar organizohet mbi bazën e vitit pyjor, i cili fillon më 1 tetor dhe përfundon në 30 shtator të vitit pasardhës.6. Bashkitë, brenda datës 30 prill të çdo viti, pasi vlerësojnë nevojat e komunitetit dhe enteve të tjera publike për dru zjarri, pa tejkaluar mundësinë e shfrytëzimit të pyjeve shtetërore dhe private, dërgojnë për miratim, në drejtorinë përkatëse, në Ministrinë e Mjedisit, kapacitetin dhe mundësinë vjetore të shfrytëzimit.7. Ministri i Mjedisit, me urdhër të veçantë, miraton për çdo vit pyjor mundësinë vjetore të shfrytëzimit të pyjeve shtetërore dhe të pronarëve privatë për secilën bashki.8. Shfrytëzimi dhe trajtimi i pyjeve nga bashkitë për sigurimin e nevojave për ngrohje, nxjerrja dhe magazinimi i tyre në sheshet e depozitimit, të përcaktuara paraprakisht, realizohet nga:a) subjekte të licencuara, të kontraktuara nga bashkia, në bazë të legjislacionit në fuqi për prokurimin publik, me objekt prerjen e materialit drusor në këmbë (të paprerë) dhe transportin e tyre;b) ndërmarrjet e specializuara, të ngritura pranë bashkisë.9. Subjektet e përcaktuara në shkronjën “a”, të pikës 8, përpara fillimit të shfrytëzimit duhet të pajisen me kopje kontrate, me procesverbal dorëzimitëngastrave/nënngastrave,lejeshfrytëzimi dhe vërtetim transporti.10. Në çdo rast, struktura përgjegjëse për administrimin e pyjeve dhe kullotave në bashki i njofton degës së ISHMP-së kopjen e kontratës së lidhur, sipas shkronjës “a”, të pikës 8, dhe/ose aktin e miratimit të shfrytëzimit të ndërmarrjes së specializuar, të ngritur pranë bashkisë, sipas shkronjës “b”, të pikës 8.11. Sasia e lëndës drusore së prerë, sipas pikës 8 më sipër, i dorëzohet bashkisë, e cila, më pas, e magazinon dhe e administron atë, sipas planifikimeve të miratuara paraprakisht nga drejtoria përkatëse, në Ministrinë e Mjedisit.12. Pas marrjes në dorëzim të materialit drusor nga bashkia, shitja e tij në pikat e depozitimit bëhet sipas tarifave të përcaktuara në vendimin nr. 391, datë 21.3.2006, të Këshillit të Ministrave, “Për përcaktimin e tarifave në sektorin e pyjeve dhe të kullotave”, të ndryshuar.13. Transporti i lëndës drusore bëhet pas markimit me mënyrën dhe ngjyrën përkatëse, të miratuar nga bashkia, dhe shoqërohet me faturë dhe vërtetim transporti, sipas formatit dhe përmbajtjes së miratuar me urdhër të ministrit të Mjedisit.14. Prodhimi i vërtetimeve të transportit, administrimi i tyre dhe pajisja e lëndës drusore me to kryhet nga bashkia.15. Caktimi i ngastrave për t’u përshkuar me prerje ripërtëritëse/rigjeneruese, shënimi i drurëve me damkë dhe matja e tyre, përpilimi i listëdamkave, hartimi i projektit teknologjik dhe tekniko-ekonomik të trajtimeve për secilën ngastër pyjore, për prodhimin e druve të zjarrit, bëhet deri më 30 korrik të çdo viti.16. Prerja e drurëve pyjorë në fondin pyjor kombëtar bëhet pas shënimit të tyre me damkë të veçantë nga specialistët e lartë të pyjeve (dega silvikulturë, i përgjithshëm,mbarështim-shfrytëzim). Shënimi i drurëve me damkë, si rregull, fillon mbas datës 15 maj dhe përfundon në datën 15 korrik.17. Në pyjet trungishte prerja lejohet gjatë gjithë vitit, kurse në pyjet cungishte dhe shkurret, të cilatripërtërihen me lastarë, lejohet nga 1 tetori deri në 31 mars të vitit pasardhës. Në rastet e

vegjetacionit të vonuar, struktura përgjegjëse për pyjet dhe kullotat në bashki zgjat periudhën e prerjes deri në 15 prill, për zonat fushore, dhe deri në 30 prill, për zonat malore.18. Me miratimin paraprak të ministrit, mbështetur në legjislacionin në fuqi për prokurimet ose me anë të ndërmarrjes së saj të specializuar, bashkia realizon pastrimin e mbeturinave drusore. Në raste të tilla, bashkia, nëpërmjet strukturave përgjegjëse për pyjet dhe/ose personave të licencuar, harton një studim mbi sasinë, cilësinë, kostot e përfitimet financiare dhe vendndodhjen e mbeturinave dhe e paraqet atë për miratim në Ministrinë e Mjedisit.IV. CAKTIMI, DORËZIMI PËR SHFRYTËZIM I NGASTRAVE DHE NËNNGASTRAVE PYJORE19. Para se të fillojë shfrytëzimin, subjekti i kontraktuar apo vetë ndërmarrja e specializuar e bashkisë kontrollon në vend ngastrën/nënngastrën dhe i paraqet me shkrim strukturës përgjegjëse për pyjet dhe kullotat në bashki vërejtjet për vëllimin drusor. Me urdhër të kryetarit të bashkisë ngrihet komisioni që verifikon vërejtjet dhe, kur ato qëndrojnë, ai urdhëron strukturën përgjegjëse për pyjet dhe kullotat pranë bashkisë të bëjnë ndryshimet përkatëse.20. Dorëzimi i ngastrës bëhet me pjesë te subjekti i kontraktuar, me procesverbal, dhe pas dorëzimit të kësaj pjese, struktura përgjegjëse për menaxhimin e pyjeve dhe kullotave në bashki, bën procesverbalin e kolaudimit provizor të saj. E njëjta procedurë vijohet edhe me pjesët e tjera, deri në kolaudimin përfundimtar të ngastrës/nëngastrës.21. Deri në momentin e dorëzimit dhe kolaudimit përfundimtar të ngastrës/nënngastrës, ajo mbrohet nga dëmtimet dhe zjarret nga subjekti i kontraktuar apo nga ndërmarrja e specializuar, kur është kjo vetë duke e shfrytëzuar.22. Kolaudimet provizore dhe ai përfundimtar bëhen nga struktura përgjegjëse për menaxhimin e pyjeve dhe kullotave në bashki, në prani të drejtuesit teknik të subjektit ose ndërmarrjes së specializuar të bashkisë.V. RREGULLAT E SHFRYTËZIMIT23. Subjekti i kontraktuar apo ndërmarrja e specializuar e bashkisë zbaton rregullat dhe kërkesat teknike, metodikat e procedurat përshfrytëzimin e ngastrave/nënngastrave, të cilat specifikohen në kontratën e lidhur mes palëve, si dhe zbaton kërkesat e skemës teknologjike të shfrytëzimit.24. Struktura përgjegjëse për pyjet e kullotat në bashki monitoron mënyrën e shfrytëzimit dhe nxjerrjen e materialit drusor dhe, në rastin kur vëren shkelje, ndërhyn, duke kërkuar riparimin e tyre.25. Me përfundimin e plotë të prerjes e nxjerrjes së materialit drusor dhe pas pastrimit të ngastrës/nënngastrës,subjektiiadorëzonngastrën/nënngastrën strukturës përgjegjëse për pyjet dhe kullotat në bashki.26. Sigurimi i druve të zjarrit për ngrohje, nga banorët e fshatrave malore dhe në brendësi të pyjeve, kryhet edhe nëpërmjet mbledhjes (vlerësimit) të materialit drusor nga drurët e rrëzuar (shkulur e thyer) nga furtunat e zjarret dhe punimet e trajtimit rigjeneruese të pyllit, me rrallime e prerje sanitare e shëndetësimi, sipas projekteve të hartuara dhe vlerësimit paraprak në vëllim të materialit drusor. Projektet e hartuara miratohen nga Drejtoria e Mbrojtjes dhe Trajtimit të Pyjeve në Ministrinë e Mjedisit. Për plotësimin e nevojave të familjeve hartohet lista, në bazë fshati, nga administratorët e njësive bashkiake, miratohet nga drejtoria e shërbimit pyjor në bashki dhe, pas pagesës, sipas tarifave përkatëse në fuqi, bëhet plotësimi i nevojave.VI. SHITJA E MATERIALIT DRUSOR

27. Shitja e materialit drusor të pyjeve publike, me qëllim ngrohjen e popullsisë, bëhet vetëm nga bashkitë, drejtpërsëdrejti te popullata apo enti shtetëror, ndërkohë që transporti i lëndës drusore për ngrohje mund të realizohet nëpërmjet të kontraktuarit të saj, nga venddepozitimi deri në destinacionin e blerësit.28. Shitjes i nënshtrohet dhe materiali drusor i sekuestruar. Në këtë rast, procesverbali i sekuestrimit është pjesë e dokumentacionit të shitjes.29. Në rast se nga shfrytëzimi i pyjeve publike të territorit të një bashkie ka tepricë prodhimi të materialit drusor, pas plotësimit të nevojave të banorëve të saj dhe enteve të tjera publike, që veprojnë në të, bashkia këtë tepricë ua shet bashkive të tjera të vendit, referuar kërkesës së këtyre të fundit.VII. KONTRATAT EKZISTUESE PËR SHFRYTËZIMIN E FONDIT PYJOR PUBLIK /PRIVAT30. Subjektet që kanë fituar me ankand të drejtën e shfrytëzimit të ngastrave/grup-ngastrave, me dhe pa rrugë autopyjore, dhe kanë ende kontrata të vlefshme me Ministrinë e Mjedisit apo drejtoritë e shërbimit pyjor, kanë të drejtën e shfrytëzimit të tyre deri në prerjet përfundimtare, pas rinegocimit të tyre me bashkinë, në territorin administrativ të së cilës ndodhet objekti i kontratës, në funksion të shkronjave “a” e “c”, të pikës 1, të nenit 3, të ligjit nr.5/2016, “Për shpalljen e moratoriumit në pyje në Republikën e Shqipërisë”. Shfrytëzimi i ngastrave/grup-ngastrave bëhet vetëm me qëllim shëndetësimin e pyjeve, pastrimin e mbeturinave dhe për plotësimin e nevojave të banorëve të bashkive dhe enteve të tjera për dru zjarri.31. Koha e pezullimit të kontratave, që nga hyrja në fuqi e ligjit nr. 5/2016, “Për shpalljen e moratoriumit në pyje në Republikën e Shqipërisë”, dhe deri në rinegocimin, për pasojë rilidhjen e tyre me bashkitë, do të shtyjë afatin e përfundimit të kontratës ekzistuese për aq kohë sa është periudha e ndërprerjes (pezullimit).32. Këstet e pagesës sipas kontratave, të lidhura me Ministrinë e Mjedisit dhe me ish-drejtoritë e shërbimit pyjor, të cilat nuk janë likuiduar pas hyrjes në fuqi të ligjit të moratoriumit, likuidohen menjëherë pas lidhjes së kontratave të rinegociuara me bashkitë, në llogaritë bankare të këtyre të fundit.VIII. RREGULLAT E SHFRYTËZIMIT DHE TË SHITJES SË PRODUKTEVE JO-PYJORE33. Grumbullimi nga pylli i prodhimeve të dyta pyjore, si rrënjë shqope, mareje, bushi etj. dhe i boçave të pishës realizohet nga bashkia, me anë të një subjekti të licencuar, të kontraktuar, referuar legjislacionit në fuqi për ankandet publike.34. Përpara shpalljes së procedurës së ankandit, bashkia harton dhe miraton projektin tekniko-ekonomik që do t’i nënshtrohet procedurës së konkurrimit.35. Subjektet e përcaktuara në pikën 29, më sipër, përpara fillimit të shfrytëzimit duhet të pajisen me kopje kontrate, me procesverbal dorëzimi të ngastrave/nënngastrave, leje shfrytëzimi dhe vërtetim transporti.36. Në raste emergjente, dëmtimesh nga katastrofat natyrore e zjarret, pavarësisht moshës së pyjeve, bashkia zhvillon edhe ankande të tjera, pas miratimit me urdhër të ministrit të Mjedisit.IX. DISPOZITA TË FUNDIT37. Planifikimi i mundësisë vjetore të shfrytëzimit të pyjeve, damkimi i drurëve pyjorë dhe trajtimi e shfrytëzimi i pyjeve në të gjitha fazat realizohet në përputhje më kërkesat e legjislacionit në fuqi për pyjet dhe atij për inspektimin dhe janë objekt i inspektimit të Inspektoratit Shtetëror të Mjedisit dhe Pyjeve.

38. Në rastet kur bashkia nuk i plotëson nevojat e komunitetit të saj me lëndë drusore, ajo gëzon të drejtën e plotësimit të tyre nga fondi pyjor privat, sipas dispozitave ligjore të ligjit nr. 7850, datë 29.7.1994, “Kodi Civil i Republikës së Shqipërisë”, të ndryshuar, por procesi i shfrytëzimit të këtij fondi, deri në shitjen e produktit te komuniteti apo entet e tjera, realizohet nga bashkia, sipas përcaktimeve të pikës 8, të këtij vendimi.39. Dokumentacioni teknik për shfrytëzimin e pyjeve dhe formati i tij është i unifikuar. Ai hartohet nga Ministria e Mjedisit, miratohet me urdhër të ministrit dhe u njoftohet bashkive brenda 30 ditë, nga hyrja në fuqi e këtij vendimi.40. Vendimi nr. 394, datë 21.6.2006, i Këshillit të Ministrave, “Për kriteret dhe rregullat e shfrytëzimit të pyjeve dhe shitjes së materialit drusor e prodhimeve të tjera pyjore e jopyjore”, të ndryshuar, dhe vendimi nr. 22, datë 9.1.2008, i Këshillit të Ministrave, “Për përcaktimin e procedurave dhe kritereve të administrimit të pyllit komunal”, shfuqizohen me hyrjen në fuqi të këtij vendimi.41. Ngarkohen Ministria e Mjedisit dhe bashkitë për zbatimin e këtij vendimi.X. DISPOZITA KALIMTARE42. Në rastet e mungesës së planeve të mbarështimit dhe inventarizimit të pyjeve, përpara miratimit të mundësisë vjetore të shfrytëzimit për vitin 2017, strukturat përgjegjëse për pyjet dhe kullotat në bashki të rishikojnë planin e mbarështimit dhe inventarizimit që disponojnë ose hartojnë studime pjesore për ngastrat që do të shfrytëzohen.43. Vlerësimi e dërgimi për miratim i nevojave të komunitetit dhe enteve të tjera publike për dru zjarri, nga ana e bashkisë, në përputhje me pikën 6 të këtij vendimi, vetëm për vitin 2016, do tërealizohet brenda datës 30 korrik 2016.44. Caktimi i ngastrave për t’u përshkuar me prerje ripërtëritëse/rigjeneruese, shënimi i drurëve me damkë dhe matja e tyre, përpilimi i listdamkave, hartimi i projektit teknologjik dhe tekniko-ekonomik i trajtimeve për secilën ngastër pyjore, për prodhimin e druve të zjarrit, në përputhje me pikën 15, të këtij vendimi, vetëm për vitin 2016, do të realizohet brenda datës 15 shtator 2016.45. Shënimi i drurëve me damkë, përpara prerjes së tyre, në përputhje me pikën 16, të këtij vendimi, vetëm për vitin 2016, do të realizohet brenda datës 15 shtator 2016.46. Subjektet, të cilat, referuar aktverifikimeve të lëshuara nga Inspektorati Shtetëror i Mjedisit dhe Pyjeve, zotërojnë lëndë drusore të prerë përpara hyrjes në fuqi të ligjit nr. 5/2016, “Për shpalljen e moratoriumit në pyje në Republikën e Shqipërisë”, si dhe ata që do të zotërojnë lëndë drusore të prerë në zbatim të kontratave të rinegociuara dhe rilidhura, në përputhje me pikën 30 të këtij vendimi, pajisen me vërtetim transporti, referuar pikës 14 të këtij vendimi, vetëm për qëllim të shëndetësimit të pyjeve, pastrimit të mbeturinave dhe të furnizimit me dru zjarri.47. Shfrytëzimi dhe trajtimi i pyjeve nga bashkitë, për vitin 2016, me qëllim sigurimin e nevojave për ngrohje, realizohet nga subjekte të licencuara, të kontraktuara nga bashkia, në bazë të legjislacionit në fuqi për ankandet me objekt prerjen e materialit drusor në këmbë (të paprerë), transportin dhe shitjen e tyre te bashkitë, entet publike dhe konsumatorët familjarë.

Ky vendim hyn në fuqi pas botimit në Fletoren Zyrtare.

ZËVENDËSKRYEMINISTRINiko Peleshi

UDHËZIMNr.4, datë 12.9.2008

PËR MBAJTJEN E KADASTRËS SË FONDIT PYJOR DHE KULLOSOR

Në mbështetje të nenit 102 të Kushtetutës dhe në zbatim të nenit 16 pika 8 të ligjit nr.9385, datë 4.5.2005 "Për pyjet dhe shërbimin pyjor", të ndryshuar

UDHËZOJ:

1. Kadastra ndërtohet dhe funksionon në përputhje me kriteret teknike që përdoren për evidentimin dhe regjistrimin fillestar të pyjeve dhe kullotave; të të dhënave për mbajtjen dhe pasqyrimin e ndryshimeve periodike që pëson fondi pyjor dhe kullosor kombëtar, nëpërmjet Sistemit të Informimit Gjeografik (GIS).2. Kadastra e fondit pyjor dhe kullosor është unike, e organizuar në dy nivele:a) Kadastra e nivelit qendror, e cila mbahet dhe administrohet nga ministria;b) Kadastrat e nivelit lokal, të cilat mbahen dhe administrohen nga drejtoritë e shërbimit pyjor;c) Kadastrat e nivelit lokal janë pjesë e sistemit të kadastrës kombëtare, varen dhe veprojnë nën drejtimin e saj.3. Kadastra e fondit pyjor dhe kullosor kombëtar mban dhe përditëson, në të gjitha nivelet e administrimit:a) gjendjen e fondit pyjor për treguesit kryesorë silvoteknikë, sipas pronësisë dhe përdorimit;b) gjendjen e fondit kullosor, në sipërfaqe dhe kapacitet mbajtës, sipas pronësisë dhe përdorimit;c) nivelin e menaxhimit të këtij fondi, nëpërmjet informimit të shpejtë në hapësirë dhe kohë mbi gjendjen dhe mundësitë e përdorimit të qëndrueshëm të tij.4. Të dhënat përditësohen në mënyrë të vazhdueshme nga drejtoritë e shërbimit pyjor dhe strukturat përgjegjëse në njësitë e qeverisjes vendore, që kanë në pronësi apo përdorim pyje dhe kullota, nëpërmjet Sistemit të Informimit Gjeografik (GIS), duke krijuar bazën e të dhënave siç përcaktohet në këtë udhëzim.5. Plani i mbarështimit/inventarizimit është baza e të dhënave për treguesit e fondit pyjor dhe kullosor kombëtar.6. Sipas udhëzimit nr.1, datë 28.3.2001 "Për hartimin e planeve të mbarështimit të pyjeve", miratuar nga Këshilli Shkencor pranë Institutit të Kërkimeve Pyjore dhe Kullotave, ndarjet në ngastra dhe nënngastra shërbejnë:a) si njësi bazë për orientimin, organizimin, planifikimin e mbarështimit të pyllit dhe kullotës;b) për vlerësimin e grumbujve pyjorë, planifikimin dhe zbatimin e trajtimeve silvikulturale në sipërfaqe jo me të vogël se 0,5 ha.7. Gjatë procesit të vlerësimit të grumbujve pyjorë, në kadastrën e pyjeve dhe kullotave pasqyrohet pronësia dhe përdorimi i tokës sipas përkatësisë, publik ose privat.8. Në kadastrën e nivelit qendror të fondit pyjor dhe kullosor:a) krijohet baza e të dhënave hapësinore, që lejon kryerjen e një analize gjeografike të pyjeve dhe kullotave shtetërore, komunale dhe private.b) baza e të dhënave ruhet në pasqyra (tabela) me një identifikim (kod) specifik për secilin numër pronësie (ngastra/nënngastra), i cili shërben si pikë lidhjeje për kryerjen e veprimeve.9. Kadastra e pyjeve dhe kullotave në drejtoritë e shërbimit pyjor pajiset me harta tematike të dixhitalizuara në përputhje me kërkesat e udhëzimit nr.1, datë 28.3.2001 "Për hartimin e planeve të mbarështimit të pyjeve" nga Kadastra Kombëtare e Fondit Pyjor dhe Kullosor, por të pagjeoreferuara, të cilat janë:

a) harta e sipërfaqeve provë të përhershme e të përkohshme;b) harta e funksioneve dhe sistemeve të mbarështrimit;c) harta e tipeve të grumbullit;d) harta e masave silvikulturale, prioritetet e tyre.10. Si bazë për përpilimin e hartave shërbejnë hartat topografike të shkallës 1 : 25000 të përgatitura nga Instituti i Topografisë Ushtarake, të skanuara dhe të gjeoreferuara, duke përdorur sistemin koordinativ të bazës gjeografike të të dhënave që mbështetet në projeksionet konike Lambert dhe koordinatat WGS 84. Koordinatat e ruajtura mund të transformohen në koordinata lokale drejtkëndëshe nëpërmjet përdorimit të GIS në kohë reale, duke i dhënë mundësi përdoruesit që të punojë në sistemet drejtkëndëshe, me qëllim shmangien e thyerjeve dhe të objekteve gjeografike të tepërta.11. Paraqitja hartografike në Kadastrën Kombëtare të Pyjeve dhe Kullotave bëhet sipas formave të pronësisë apo përdorimit të fondit pyjor dhe kullosor. Drejtoritë e Shërbimit Pyjor dixhitalizojnë me poligone të mbyllur shtresat e mëposhtme:a) kufijtë e ekonomive pyjore, pjesëve ekonomike, ngastrave dhe nënngastrave, mbështetur në hartat e planeve të mbarështrimit dhe inventarizimit;b) kufijtë e qarqeve, rretheve dhe njësive të qeverisjes vendore (NJQV), mbështetur në harta institucionalisht të njohura:c) kufijtë e pronave private, fond pyjor dhe kullosor.12. Informacioni i pikës 11 të këtij udhëzimi dërgohet në kadastrën qendrore, e cila kontrollon që të mos ketë mbivendosje, kufij të tepërt ose zona konfliktuale, dhe plotëson në nivel kombëtar të gjitha të dhënat e mësipërme.13. Për të realizuar harta tematike, statistika, analiza etj., janë të nevojshme këto shtresa:a) rrjeti hidrografik, një shtresë e tipit linjë, shënuar me blu të errët;b) rrjeti rrugor, një shtresë e tipit linjë, shënuar me kafe të errët;c) kufijtë e qarqeve, një shtresë e tipit poligon, shënuar me të kuqe, 1 mm të trashë;d) kufijtë e rretheve, një shtresë e tipit poligon, shënuar me të kuqe, 0.75 mm të trashë;e) kufijtë e komunave/bashkive, një shtresë e tipit poligon, shënuar me të kuqe 0.5 mm të trashë; trashë; trashë;f) kufijtë e ekonomive pyjore, një shtresë e tipit poligon, shënuar me të zezë, 1 mm tëg) kufijtë e pjesëve ekonomike, një shtresë e tipit poligon, shënuar me të zezë, 0.75 mm të h) kufijtë e ngastrave, një shtresë e tipit poligon, shënuar me të zezë, 0.5 mm të trashë;i) kufijt e nënngastrave, një shtresë e tipit poligon, shënuar me të zezë, 0.25 mm të trashë;j) ndarjet pronësore, një shtresë e tipit poligon, shënuar me të kuqe 0.25 mm të trashë;k) koordinatat dhe diametrat e sipërfaqeve provë të përhershme, një shtresë e tipit pikë me ngjyrë të kuqe;l) koordinatat dhe diametrat e sipërfaqeve provë të përkohshme, një shtresë e tipit pikë me ngjyrë të verdhë;m) qendrat e banuara, një shtresë e tipit pikë me ngjyrë të zezë ose poligon në vartësi të madhësisë së qendrës;n) linjat e konturit (lartësisë).14. Çdo shtresë e mësipërme duhet të jetë e përfunduar pa gabime, me saktësi të pranuar në dixhitalizim 0,02-0,05. Elementet e secilës shtresë duhet të jenë të identifikuara në mënyrë të vetme, në mënyrë që të realizohet lidhja me atributet.15. Për të eliminuar mbivendosjen e kufijve gjatë dixhitalizimit, veprohet si vijon:a) dixhitalizimi i rrjetit hidrografik;b) dixhitalizimi i rrjetit rrugor;c) dixhitalizimi i kufijve të qarqeve;d) dixhitalizimi i kufijve të rretheve;e) dixhitalizimi i kufijve të komunave/bashkive;

f) dixhitalizimi i ngastrave;g) dixhitalizimi i nënngastrave;h) vendosja e qendrave të sipërfaqeve provë të përhershme;i) vendosja e qendrave të sipërfaqeve provë të përkohshme;j) vendosja e atributeve për secilën shtresë.16. Formati dixhital të jetë ArcInfo Coverage.17. Pasqyra e të dhënave të nënngastrës në aspektin hartografik përmban:a) informacionin, nëse grumbulli pyjor është historik ose aktiv:b) qarkun;c) rrethin;d) ekonominë pyjore;e) pjesën ekonomike;f) ngastrën;g) nënngastrën;h) ndarjet sipas formave të pronësisë;i) ndarjet sipas formës së administrimit;j) ndarjet sipas përdoruesve;k) sipërfaqen.18. Dokumentacion i detyrueshëm kadastral konsiderohen hartat tematike të përbëra nga:a) harta e sipërfaqeve provë të përhershme dhe të përkohshme,b) harta e funksioneve dhe sistemeve të mbarështrimit;c) harta e tipeve të grumbullit;d) harta e masave silvikulturale, prioritetet e tyre;e) harta e pronësisë, e përdoruesve dhe formës së administrimit.19. Planet e mbarështimit të pyjeve dhe kullotave të hartuara për çdo ekonomi pyjore në përputhje me kërkesat e udhëzimit nr.1, datë 28.03.2001 "Për hartimin e planeve të mbarështimit të pyjeve", përbëjnë bazën e mbajtjes së treguesve kadastralë për gjendjen e fondit pyjor dhe kullosor.20. Grupi i parë i treguesve kadastralë janë të dhënat identifikuese si vijon:a) qarku;b) rrethi;c) NJQV;d) ekonomia pyjore;e) pjesa ekonomike;f) ngastra;g) nënngastra;h) përdorimi i territorit, i klasifikuar sipas këtyre kategorive: pyll, bujqësore, kullotë, livadh, djerrë, urbane, sipërfaqe ujore, kënetë/moçal, pyje të hapur, tokë me bimësi pyjore, sipërfaqe joprodhuese:i) pronësia;j) administrimi;k) përdoruesi.21. Grupi i dytë i treguesve kadastralë është përshkrimi i gjendjes së grumbullit pyjor si vijon:a) formacion bimor drurë, shkurre;b) forma e qeverimit të grumbullit pyjor, sipas këtij klasifikimi: trungishte, cungishte, trungishte e përbërë, cungishte e përbërë, shkurre;c) funksioni kryesor: prodhues, pyje që kulloten dhe krasiten, mbrojtës, mbrojtjes+ prodhues, konservues, rekreacion;d) faza e zhvillimit:

d.1 për trungishtet: filizëri, gëmushaj, lëmishte, imshtaj e re, imshtaj e moçme, trungishte e re, trungishte e mesme, trungishte e moçme;d.2 për cungishtet dhe shkurret: e rinisë, e parapjekurisë, e pjekurisë, e pleqërisë;e) tipi i pyllit;f) kati: njëkatësh, dykatësh, shumëkatësh.22. Grupi i tretë janë treguesit që dalin nga inventarizimi i grumbullit pyjorë në sipërfaqet provë 200 x 200 m në rrjet kuadratik, për vlerësimin sasior dhe cilësorë të tyre, si vijon:a) kurorëdendësia (kd);b) trungdendësia (td), rritja vijuese (Rv);c) rritja mesatare vjetore (Rmv);d) vëllimi për ha dhe në total.23. Matjet e diametrave të drurëve dhe shkurreve sipas formës së qeverimit fillojnë:a) për trungishtet 10 cm e lart;b) për cungishtet sipas grupeve diametrike 6 - 9 cm dhe, 10 cm e lart;c) për shkurret 4 cm e lart.24. Të dhënat për vëllimin total dhe sipas asortimenteve të grumbujve pyjor përpunohen në programin Microsoft Acces, i cili është pjesë e Kadastrës Kombëtare të Fondit Pyjor dhe Kullosor, duke evidentuar: lartësinë mesatare (hm), diametrin mesatar (dm), lartësinë zotëruese (hz), moshën mesatare (Mm), klasën e prodhimit (klp) dhe jepen si pas:a) funksionit kryesor;b) tipit të pyllit;c) formës së qeverimit të grumbullit;d) llojeve përbërëse sipas katit dhe formës së qeverimit;e) klasave të moshës sipas llojeve përbërës, katit dhe formës së qeverimit;f) klasave diametrike, sipas llojeve përbërës dhe formës së qeverimit;g) klasave të prodhimit,duke marrë në konsideratë gabimin standard (E%) vetëm për pikat a, b dhe c.25. Dokumentacioni i lartpërmendur i tipit kartelë në nivel nënngastre, (ngastre) është pjesë e arkivit së kadastrës pyjore, dhe ruhet sipas normave në fuqi.Treguesit kadastralë të detyrueshëm për t'u mbajtur nga kadastra pyjore mbi bazën e informacionit të lartpërmendur, jepen në aneksin 1.26. Në rastet kur inventarizimet pyjore kombëtare dhe rajonale bëhen të pavarura nga inventarizimet në nivel ekonomie pyjore, ngastrash ose grup ngastrash, dhe informacioni që rrjedh nga këto nivele është i ndryshëm, kadastra pyjore bën integrimin vertikal të informacionit sipas niveleve të ndryshme dhe krahasimin e rezultateve, duke bërë korrigjimet përkatëse. Si bazë kryesore të dhënash shërben informacioni që merret për nivelin më të ulët të organizimit të grumbujve pyjorë.27. Si pjesë e dokumentacionit teknik arkivor për inventarizimin pyjor kombëtar dhe rajonal, kadastra mban edhe skedat origjinale të terrenit, të hedhura dhe në formë elektronike, të cilat përmbajnë:a) rilevuesin, datën dhe orën e rilevimit;b) të dhënat identifikuese të sipërfaqes provë;c) treguesit e grumbullit - funksioni kryesor, tipi i grumbullit, forma e qeverimit, klasa aktuale e moshës sipas katit dhe formës së qeverimit, tipi i sipërfaqes provë, të koduar;d) madhësinë e sipërfaqes provë, pjerrësinë, rrezen;e) azimutin dhe distancën për drurët me d=/>10 cm;f) diametrin në 1,30 m sipas llojeve drusore, katit, formës së qeverimit, grupeve diametrike;g) lartësinë e drurit me diametër mesatar, sipas llojit, katit, formës së qeverimit;h) moshën, sipas llojeve drusore, katit, formës së qeverimit;i) lartësinë zotëruese;

j) dëmtimet;k) cilësinë e drurit;l) infrastruktura e fondit pyjor (rrugë etj.).28. Kadastra pyjore, në periudhat ndërmjet dy inventarizimeve kombëtare dhe ndërmjet dy planeve të mbarështrimit, pasqyron ndryshimet që ndodhin në fondin pyjor për shkak të ndryshimeve në:a) pronësi, administrim, përdorim;b) gjendjen e grumbullit dhe treguesit silvoteknikë të tij.Intervali i dhënies së informacionit të përditësuar përdoruesve varet nga intervali i përditësimit të të dhënave qendrore. Me përjashtim të aspekteve të pronësisë, administrimit dhe përdoruesve, të cilat përditësohen në mënyrë të vazhdueshme gjatë gjithë vitit, ndryshimet e gjendjes së grumbullit evidentohen në një interval kohor më të gjatë. Të dhënat për diametrin, lartësinë, tipin e pyllit etj., përditësohen në planet e mbarështimit.29. Heqja e sipërfaqeve të regjistruara në zërin kadastral pyll bëhet për shkak të ndryshimit të destinacionit të sipërfaqes pyjore në kategori të tjera të përdorimit të territorit.30. Sipërfaqet që pakësohen nga dështimet në pyllëzime, rënia e zjarreve apo e faktorëve të tjerë atmosferikë e njerëzor mbeten fond pyjor, por kalojnë në zërin tokë me bimësi pyjore ose djerrë kur këto sipërfaqe nuk mund të ripërtërihen në mënyrë natyrale.31. Nuk hiqen nga fondi pyjor dhe konsiderohen pjesë e tij korridoret me gjerësi deri në 10 m të hapura për mbrojtjen nga zjarri, linja tensioni dhe hapje rrugësh me gjerësi nën 10 m përfshirë dhe bankinën, çeltirat që krijohen brenda grumbullit nga shpimet, gërmimet, apo ndërtimet e veçuara sipërfaqja e të cilave nuk kalon 0,1 ha dhe në total nuk kalojnë 5 % të sipërfaqes së nënparcelës.32. Për ndryshimet e destinacionit të përdorimit të fondit pyjor dhe kullosor hartohen raporte teknike përkatëse, me skicë dhe kufij të rregullt, duke përdorur GPS për identifikimin e koordinatave. Skica e ngastrës jepet e gjeoreferuar nëpërmjet koordinatave të përcaktuara, e cila duhet të përmbajë të gjitha detajet, si lumenjtë, rrugët etj.33. Ndryshimet në sipërfaqen e fondit pyjor pasqyrohen sipas zërave kadastralë. Në rast se pyllëzimi bëhet në sipërfaqe të mbuluara me shkurre ose pyje të degraduar, por që kd > 0.3, sipërfaqja pyjore e fondit pyjor nuk ndryshon. Në këtë rast ndryshon tipi i pyllit dhe pakësohet lloji shkurre apo i pyllit të degraduar ose me prodhimtari të ulët dhe shtohet sipërfaqja e llojit me të cilin është pyllëzuar.34. Shtesat në vëllim pasqyrohen nga rritja vijuese e drurëve; rivlerësimi i pyjeve të rinj, të cilët plani i mbarështimit i ka vlerësuar pa vëllim; evidentimi i sipërfaqeve që nuk janë pasqyruar më parë në planet e mbarështimit; dhe nga ndryshimet në madhësinë e sipërfaqes së nënngastrës.35. Shtesat nga rritja vijuese bëhen në fund të vitit sipas programit kompjuterik të hartuar për këtë qëllim, duke shumëzuar trungdendësinë që jepet në planet e mbarështimit me rritjen vijuese të tabelave për llojin përkatës, formula e llogaritjes është: (Rt = Td x Rv/ha x S).36. Rivlerësimi i pyjeve të rinj, që plani i mbarështimit i ka vlerësuar pa vëllim, dhe evidentimi i sipërfaqeve që nuk janë pasqyruar më parë në planet e mbarështimit, bëhet nëpërmjet inventarizimit me sipërfaqe provë të përhershme dhe të përkohshme, të dhënat e të cilave hidhen në programin kompjuterik.37. Ndryshimet në vëllim, që vijnë nga shfrytëzimet, prerjet kulturore, regjistrohen sipas ekonomive pyjore dhe nënngastrave ku është bërë ndërhyrja, në kapitullin punime të kryera, duke dhënë sipërfaqen, numrin e drurëve dhe vëllimin në asortimente sipas llojeve dhe tipin e ndërhyrjes. Për prerjet e paligjshme jepet sipërfaqja, numri i drurëve të prerë dhe vëllimi në asortimente sipas llojeve.38. Ndryshimet dhe shtesat e fondit pyjor në sipërfaqe dhe vëllim sipas pikave nga 29 deri në 37 të këtij udhëzimi, pasqyrohen vetëm pasi të jenë miratuar nga autoriteti publik përkatës.

39. Kartela për pasqyrimin e ndryshimeve periodike të fondit pyjor jepet në shtojcën 2, bashkëlidhur këtij udhëzimi.40. Dokumentacioni shkresor kadastral, duke përfshirë dhe atë topografik, mbahet në arkivin teknik dhe administrohet sipas dispozitave ligjore mbi përdorimin e arkivave teknike. Dokumentacioni i terrenit ruhet në gjendje të pastër dhe i plotë, duke u grupuar në dosje të veçanta në bazë ekonomie pyjore, komune, rrethi dhe qarku.41. Informacioni i pikës 40 të këtij udhëzimi, mbahet në kompjuter në programin Microsoft Acces, të unifikuar për të mundësuar lidhjen automatike dhe përditësimin e tij, paraqitjen në GIS, me qëllim që të bëjë lidhjen e vazhdueshme me sistemet qendrore dhe produktet dixhitale e analoge për të plotësuar nevojat e përdoruesve të tjerë.42. Fondi kullosor kombëtar kadastrohet në përputhje me kërkesat e ligjit nr.9693, datë 19.3.2007 "Për fondin kullosor".43. Baza topografike dhe kriteret e paraqitjes hartografike për fondin kullosor janë të njëjta me ato për fondin pyjor.44. Për të eliminuar mbivendosjen e kufijve mes pyjeve dhe kullotave, dixhitalizimi i hartave do të jetë unik si për fondin pyjor, duke ndjekur të njëjtën rradhë pune për dixhitalizim.45. Pasqyra e atributeve të nënngastrës të fondit kullosor në aspektin hartografik përmban:a) klasifikimin e informacionit në historik ose aktiv;b) qarkun;c) rrethin;d) ekonominë kullosore;e) pjesën ekonomike;f) ngastrën;g) nënngastrën;h) ndarjet sipas pronësisë;i) ndarjet sipas formës së administrimit;j) ndarjet sipas përdoruesve;k) sipërfaqen.46. Dokumentacion i detyrueshëm kadastral konsiderohen hartat tematike të përbëra nga:a) harta e sipërfaqeve provë të përhershme dhe të përkohshme,b) harta e tipeve të kullotës (verore, dimërore);c) harta e masave që do të ndërmerren, prioritetet e tyre;d) harta e pronësisë, e përdoruesve dhe e formës së administrimit.47. Pasqyrimi i gjendjes së fondit kullosor bazohet në treguesit që jepen në planet përkatëse të mbarështrimit dhe inventarizimit të hartuar në nivel ekonomie kullosore.48. Grupi i parë i atributeve janë të dhënat identifikuese.49. Grupi i dytë janë të dhënat përshkruese e të gjendjes së kullotës sipas atributeve të mëposhtme:a) tipi i kullotës - kullotë, livadh, kullotë me drurë dhe shkurre;b) periudha e përdorimit - dimërore, verore;c) treguesi i dobishmërisë së territorit - jepet në % ndaj sipërfaqes totale;d) përbërja floristike - jepet në përqindje sipas grupeve floristike graminore, bishtajore, të tjera, si dhe llojet kryesore përbërëse për çdo grup;e) prodhimtaria - në kv/ha sipas grupeve floristike;f) përbërja e llojeve drusore dhe shkurreve në përqindje;g) shkalla e mbulimit në përqindje;h) aftësia mbajtëse - jepet në krerë dhen, dhi, të trasha;i) infrastruktura e kullotave (lerat, koritat, stane, lugjet, ngrehina, objekte përpunim qumështi etj.).

50. Treguesit kadastralë të detyrueshëm për t'u mbajtur nga kadastra kullosore mbi bazën e informacionit të lartpërmendur, jepen në shtojcën 4, bashkëlidhur këtij udhëzimi.51. Planet e mbarështimit në format të shkruar dhe elektronik janë pjesë e dokumentacionit teknik arkivor të kadastrës së pyjeve dhe kullotave.52. Kadastra kullosore, në periudhat ndërmjet dy inventarizimeve kombëtare dhe ndërmjet dy planeve të mbarështrimit, pasqyron ndryshimet që ndodhin në fondin kullosor për shkak të ndryshimeve në:a) pronësi, administrim, përdorim;b) treguesit e gjendjes së kullotës.53. Heqja e sipërfaqeve të regjistruara në zërin kadastral kullotë bëhet për shkak të ndryshimit të sipërfaqes kullosore në kategori të tjera të përdorimit të territorit.54. Nuk hiqen nga fondi kullosor dhe konsiderohen pjesë e tij korridoret për linja transmetimi me gjerësi më të vogël 10 m dhe hapje rrugësh me gjerësi më të vogël se 5 m, përfshirë dhe bankinën, sheshet që krijohen brenda kullotës nga shpimet, gërmimet, apo ndërtimet e veçuara, sipërfaqja e të cilave nuk kalon 0,1 ha dhe në total nuk kalojnë 5 % të sipërfaqes së nënparcelës.55. Për ndryshimet e destinacionit të përdorimi t të fondit kullosor hartohen raporte teknike përkatëse me skicë dhe kufij të rregullt duke përdorur GPS për identifikimin e koordinatave.56. Ndryshimet dhe shtesat e fondit kullosor në sipërfaqe dhe kapacitet kullosor pasqyrohen vetëm pasi të jenë miratuar nga autoriteti publik përkatës.57. Shtesat e sipërfaqeve dhe të kapaciteteve kullosore, që nuk janë pasqyruar në planet e mbarështrimit, bëhen pas matjeve direkt në terren.58. Në fondin kullosor pasqyrohen ndryshimet që ndodhin nga pakësimi i kapacitetit kullosor, i djegies së kullotës, i ndryshimit të përbërjes floristike etj.59. Kartela për pasqyrimin e ndryshimeve periodike të fondit kullosor jepet në shtojcën 5 bashkëlidhur këtij udhëzimi.60. Informacioni mbahet në kompjuter në programin Microsoft Acces të unifikuar, për të mundësuar lidhjen automatike dhe përditësimin e tij, paraqitjen në GIS, me qëllim që të bëhet lidhja e vazhdueshme me sistemet qendrore dhe produktet dixhitale e analoge për të plotësuar nevojat e përdoruesve të tjerë.61. Kadastra e nivelit qendror mban dhe përditëson të dhënat si më poshtë:a) bazën e të dhënave në nivel parcele;b) kufijtë nënparcele, parcelë, kufij ekonomie pyjore;c) kufijtë e komunës/bashkisë.62. Kadastra e nivelit lokal mban dhe përditëson të dhënat si më poshtë:a) të dhënat për nënparcelat dhe parcelat, sipas ekonomive pyjore në administrim të ministrisë;b) të dhënat për nënparcelat dhe parcelat sipas pjesëve ekonomike në pronësi apo përdorim të njësive të qeverisjes vendore;Kadastrat në drejtoritë e shërbimit pyjor raportojnë në kadastrën qendrore 2 herë në vit brenda datave 30 qershor dhe 30 dhjetor, për ndryshimet që pëson fondi pyjor dhe kullosor.63. Raportimi i treguesve kadastralë të fondit pyjor dhe kullosor bëhet sipas formularëve tip të shtojcave 1 deri 6 bashkëlidhur këtij udhëzimi.64. Praktikat dokumentare të Kadastrës Kombëtare të Pyjeve dhe Kullotave në nivel qendror dhe lokal regjistrohen në regjistrin e korrespondencës sipas modeleve në shtojcën 7 bashkëlidhur këtij udhëzimi.65. Për zbatimin e këtij udhëzimi ngarkohet Drejtoria e Politikave të Pyjeve dhe Kullotave, si dhe drejtoritë e shërbimit pyjor në rrethe.

Ky udhëzim hyn në fuqi pas publikimit në Fletoren Zyrtare.

MINISTRI I MJEDISIT, PYJEVE DHE ADMINISTRIMIT TË UJËRAVE

Lufter Xhuveli

SHTOJCA 1FONDI PYJOR: TREGUESIT KADASTRALË TË NËNPARCELËS/PARCELËS1. Të dhënat identifikueseNdërtohet tabela e atributeve sipas nivelit hierarkik të organizimit administrativ dhe të aspekteve të pronësisë sipas programit të ndërtuar në Microsoft Acces. Çdo nënparcelë/parcelë do të ketë një kod unik identifikimi.2. Karakteristikat kryesore të grumbullitNdërtohet tabela e atributeve me karakteristikat kryesore të grumbullit të dhëna në kapitullin 3.1.2 ndërtuar sipas programit të ndërtuar në Microsoft Acces.3. Treguesit dendrometrikë sipas llojeveNdërtohet tabela e atributeve me treguesit dendrometrikë, sipas llojeve, formës së qeverimit, klasave të moshës, sipas programit të ndërtuar në Microsoft Acces

SHTOJCA 2FONDI PYJOR: NDRYSHIMET E KONSTATUARA SIPAS NËNPARCELËS, PARCELËS1. Të dhënat identifikueseNdërtohet tabela e atributeve sipas nivelit hierarkik të organizimit administrativ dhe të aspekteve të pronësisë sipas programit të ndërtuar në Microsoft Acces. Çdo nënparcelë/parcelë do të ketë një kod unik identifikimi.2. Karakteristikat kryesore të grumbullitNdërtohet tabela e atributeve me karakteristikat kryesore të grumbullit, të dhëna në kapitullin 3.1.2, ndërtuar sipas programit të ndërtuar në Microsoft Acces.3. Treguesit dendrometrikë sipas llojeveNdërtohet tabela e atributeve me treguesit dendrometrikë, sipas llojeve, formës së qeverimit, klasave të moshës, sipas programit të ndërtuar në Microsoft Acces.

SHTOJCA 3FONDI PYJOR: REZULTATET DHE RAPORTIMI- Hierarkia e paraqitjes së rezultateve për treguesit kryesorë të grumbullit- Pronësia- Formacioni bimor- Funksioni kryesor- Forma e qeverimit të grumbullit- Tipi i pyllit- Origjina- Lloji- Forma e qeverimit- Klasa e moshës- Klasa e prodhimit- Raportet:Rap. 01: Përdorimi i territorit sipas pronësisë - jepet sipërfaqja sipas përdorimit të territorit.Rap. 02: Të dhënat e treguesve kryesorë të grumbullit sipas pronësisë, funksionit, formës së qeverimit të grumbullit dhe tipit të pyllit - jepet sipërfaqja dhe vëllimi.Rap. 03: Të dhënat për grumbujt pyjorë shtetërorë sipas funksionit kryesor, formës së qeverimit, tipit të pyllit dhe origjinës - jepet sipërfaqja dhe vëllimi.Rap. 04: Të dhënat për grumbujt pyjorë komunalë sipas funksionit kryesor, formës së qeverimit, tipit të pyllit dhe origjinës - jepet sipërfaqja dhe vëllimi.

Rap. 05: Të dhënat për grumbujt pyjorë privatë sipas funksionit kryesor, formës së qeverimit, tipit të pyllit dhe origjinës - jepet sipërfaqja dhe vëllimi.Rap. 06: Të dhënat për grumbujt pyjorë sipas tipit të pyllit, llojeve, formës së qeverimit dhe klasave të moshës - jepe t sipërfaqja dhe vëllimi.Rap. 07: Të dhënat për grumbujt pyjorë shtetërorë prodhues sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.Rap. 08: Të dhënat për grumbujt pyjorë shtetërorë mbrojtës sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.Rap. 09: Të dhënat për grumbujt pyjorë shtetërorë konservues sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.Rap. 10: Të dhënat për grumbujt pyjorë shtetërorë rekreacion sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.Rap. 11: Të dhënat për grumbujt pyjorë komunalë prodhues sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.Rap. 12: Të dhënat për grumbujt pyjorë komunalë mbrojtës sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.Rap. 13: Të dhënat për grumbujt pyjorë komunalë konservues sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.Rap. 14: Të dhënat për grumbujt pyjorë komunalë rekreacion sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.Rap. 07: Të dhënat për grumbujt pyjorë privatë prodhues sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.Rap. 08: Të dhënat për grumbujt pyjorë privatë mbrojtës sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.Rap. 09: Të dhënat për grumbujt pyjorë privatë konservues sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.Rap. 10: Të dhënat për grumbujt pyjorë privatë rekreacion sipas tipit të pyllit, llojeve, formës së qeverimit dhe klasave të moshës - jepet sipërfaqja dhe vëllimi.

SHTOJCA 4FONDI KULLOSOR: TREGUESIT KADASTRALË TË NËNPARCELËS/PARCELËS1. Të dhënat identifikueseNdërtohet tabela e atributeve sipas nivelit hierarkik të organizimit administrativ dhe të aspekteve të pronësisë sipas programit të ndërtuar në Microsoft Acces. Çdo nënparcelë/parcelë do të ketë një kod unik identifikimi.2. Karakteristikat kryesore të kullotësNdërtohet tabela e atributeve me karakteristikat kryesore të kullotës të dhëna në kapitullin 4.1.2 ndërtuar sipas programit të ndërtuar në Microsoft Acces.3. Treguesit kullosorë sipas tipit të kullotës, sezonalitetit dhe përbërjes floristikeNdërtohet tabela e atributeve me treguesit kullosorë sipas tipit të kullotës, sezonalitetit dhe përbërjes floristike, sipas programit të ndërtuar në Microsoft Acces.

SHTOJCA 5FONDI KULLOSOR:NDRYSHIMET E KONSTATUARA SIPAS NËNPARCELËS/ PARCELËS1. Të dhënat identifikueseNdërtohet tabela e atributeve sipas nivelit hierarkik të organizimit administrativ dhe të aspekteve të pronësisë sipas programit të ndërtuar në Microsoft Acces. Çdo nënparcelë/parcelë do të ketë një kod unik identifikimi.2. Karakteristikat kryesore të kullotës

Ndërtohet tabela e atributeve me karakteristikat kryesore të grumbullit të dhëna në kapitullin 4.1.2 ndërtuar sipas programit të ndërtuar në Microsoft Acces.3. Treguesit kullosorë sipas tipit të kullotës, sezonalitetit dhe përbërjes floristikeNdërtohet tabela e atributeve me treguesit kullosorë sipas sipas tipit të kullotës, sezonalitetit dhe përbërjes floristike sipas programit të ndërtuar në Microsoft Acces.

SHTOJCA 6FONDI KULLOSOR: REZULTATET DHE RAPORTIMIHierarkia e paraqitjes së rezultateve për treguesit kryesorë të kullotës- Pronësia- Tipi i kullotës- Periudha e përdorimit- Përbërja floristikeRaportet:Rap. 01: Përdorimi i territorit sipas pronësisë - jepet sipërfaqja sipas përdorimit të territoritRap. 02: Të dhënat e treguesve kryesorë të kullotave sipas pronësisë, tipit të kullotës dhe sezonalitetit - jepet sipërfaqja, prodhimtaria dhe aftësia mbajtëse.Rap. 03 Të dhënat për grumbujt pyjorë shtetërorë sipas tipit të kullotës dhe sezonalitetit -jepet sipërfaqja, prodhimtaria dhe aftësia mbajtëse.Rap. 04: Të dhënat për grumbujt pyjorë komunalë sipas tipit të kullotës dhe sezonalitetit -jepet sipërfaqja, prodhimtaria dhe aftësia mbajtëse.Rap. 05: Të dhënat për grumbujt pyjorë privatë sipas tipit të kullotës dhe sezonalitetit - jepet sipërfaqja, prodhimtaria dhe aftësia mbajtëse.

SHTOJCA 7REGJISTËR I KORRESPONDENCËS MODEL NR.1Nr.Data e dorëzimit apo mbërritjes Dorëzuesi apo marrësi Dokumente të hyra Dokumente të dalaArkiv- dosjeStrukturaFirma Subjekti dërgues Nr... data Kujt i dërgohet DataIndeksi alfabetik i korrespondencës model nr.2LëndaDërguesi apo sektori autori i dokumentitNumri i plotë i regjistrit, model 1Dorëzimi i dokumentit model nr. 3Data Numri i dokumentit Emërtimi i dokumentit Kujt i dërgohet Nënshkrimi i dërguesit

UDHËZIM

Nr. 1, datë 9.6.2016

PËR RREGULLAT, PROCEDURAT EKËRKIMIT, TË SHQYRTIMIT E TËMIRATIMIT TË KËRKESAVE PËRDHËNIE NË PËRDORIM TË FONDITPYJOR DHE KULLOSOR

PUBLIK

Në mbështetje të pikës 4, të nenit 102, të Kushtetutës, të nenit 11, të ligjit nr. 48/2016, “Për disa ndryshime dhe shtesa në ligjin nr. 9385, datë 4.5.2005, “Për pyjet dhe shërbimin pyjor”, të ndryshuar”, dhe të nenit 17, të ligjit nr. 9693, datë 19.3.2007, “Për fondin kullosor”, të ndryshuar,

UDHËZOJ:

1. Sipërfaqe të fondit pyjor/kullosor në pronësi të bashkive jepen në përdorim me kontratë qiraje nëpërmjet procedurës së konkurrimit publik.2. Sipërfaqet e fondit pyjor/kullosor sipas përcaktimit të pikës 1, e që jepen në përdorim mund të jenë:a) sipërfaqe me pyje;b) sipërfaqe me bimësi pyjore;c) sipërfaqe inproduktive;d) sipërfaqe kullosore/livadh; si dhee) infrastruktura përkatëse.3. Strukturat përgjegjëse për pyjet dhe kullotat në bashki vlerësojnë sipërfaqet e fondit pyjor dhe kullosor apo infrastrukturën përkatëse, dhe brenda muajit janar të vitit vijues, i propozojnë kryetarit të bashkisë listën e këtyre sipërfaqeve, shoqëruar me një relacion të detajuar mbi mundësitë e përdorimit të tyre. Në vlerësimin e fondit pyjor e kullosor, që propozohet të jepet në përdorim, strukturat përgjegjëse për pyjet dhe kullotat në bashki mbajnë parasysh që:a) sipërfaqet mund të jepen në përdorim vetëm për ushtrimin e veprimtarive të parashikuara në legjislacionin në fuqi për pyjet dhe kullotat;b) veprimtaritë që do të ushtrohen në këto sipërfaqe pyjore/kullosore, të jenë në përputhje me planet e tyre të mbarështimit;c) afati i dhënies në përdorim të jetë në përputhje me afatin e planit 10-vjeçar të planit të mbarështimit;d) projektet e veprimtaritë që do të ushtrohen në sipërfaqet pyjore/kullosore objekt përdorimi, duhet:i) të sjellin përmirësime të dukshme në mbarështimin e florës dhe faunës që ndodhen në këto sipërfaqe;ii) të realizojnë investime që përmirësojnë tregues biologjikë dhe të infrastrukturës së zonës;iii) të mos cenojnë vlerat dhe funksionet natyrore e biologjike;iv) të jenë në përputhje me planin e përgjithshëm vendor dhe/ose planin e detajuar vendor për zonën, në 10 vitet e ardhshme;v) sipërfaqja e propozuar për t’u dhënë në përdorim të mos jetë objekt pretendimi për rikthimin e pronës ish-pronarëve;

vi) sipërfaqja e propozuar të mos jetë objekt tjetërsimi në një afat 10-vjeçar, në rastet kur në to janë planifikuar investime publike;vii) sipërfaqja që propozohet të jepet në përdorim për mbarështim flore të mos jetë më e vogël se madhësia limit e një nënngastre pyjore.4. Pas miratimit në parim nga kryetari i bashkisë, të listës së propozuar për sipërfaqet pyjore/ kullosore që mund të jepen në përdorim, struktura përgjegjëse për pyjet dhe kullotat, propozon edhe llojin e veprimtarisë që mund të ushtrohet dhe përgatit studimin, i cili përmban:a) sipërfaqen e fondit pyjor ose kullosor e shprehur në (ha), me kufij të përcaktuar qartë në hartë të shkallës 1:10000 (koordinatat gjeografike, metrike);b) treguesit identifikues të ngastrave e nënngastrave, bazuar në të dhënat e regjistrit kadastral pyjor dhe kullosor;c) identifikimi në zonën kadastrale sipas ZVRPP-së;d) foto përfaqësuese të gjendjes aktuale;e) karakteristikat silvikulturale të grumbullit pyjor;f) treguesit teknikë-ekonomikë për kullotat dhe livadhet;g) treguesit e vlerës për çdo njësi kadastrale të pyjeve dhe të kullotave, bazuar në vlerën dysheme të qirasë për ha/vit, km/vit të përcaktuar nga Këshilli i Ministrave.5. Kur në sipërfaqe të fondit pyjor dhe kullosor propozohet të ushtrohen veprimtari pushimi, strukturat përgjegjëse për pyjet dhe kullotat në bashki përgatisin studimet sipas kërkesave të pikës 4 të këtij udhëzimi dhe brenda muajit janar të vitit në vijim i paraqesin studimin kryetarit të bashkisë, për të marrë miratim për vazhdimin e proceduravetë konkurrimit për dhënie në përdorim me kontratë qiraje, për një periudhë sezonale jo më shumë se 3 deri 4 muaj.6. Pas shqyrtimit të propozimeve, kryetari i bashkisë miraton studimin teknik dhe procedurat për konkurrimin publik.7. Personat fizikë/juridikë publikë ose privatë që kërkojnë të ushtrojnë veprimtari në sipërfaqet e fondit pyjor ose kullosor në administrim të bashkisë, mund të paraqesin në çdo kohë kërkesën në formën e propozimit të pakërkuar. Kjo sipërfaqe do të përdoret vetëm për ushtrimin e veprimtarive të parashikuara në legjislacionin në fuqi për pyjet dhe kullotat. Propozimi duhet të plotësojë kërkesat e këtij udhëzimi.8. Për administrimin e kërkesave, struktura përgjegjëse për pyjet dhe kullotat në bashki kryen këto detyra:a) përgatit studimin teknik-ekonomik për sipërfaqen e kërkuar;b) i paraqet kryetarit të bashkisë për shqyrtim dhe miratim kërkesën së bashku me studimin teknik-ekonomik;c) pas miratimit nga kryetari i bashkisë, vazhdohet me procedurat e mëtejshme të prokurimit publik:- ngritjen e komisionit të përgatitjes së dokumenteve të konkurrimit;- njoftimin në Agjencinë e Prokurimit Publik.9. Konkurrimi publik për dhënien me qira të sipërfaqes së fondit pyjor/kullosor bëhet:a) nëpërmjet shpalljes së njoftimit për konkurrim publik për dhënien me qira të sipërfaqes së fondit pyjor/kullosor;b) njoftimi bëhet në Buletinin e Prokurimit Publik, i cili përmban të dhënat për sipërfaqen, aktivitetin, vendin dhe adresën ku mund të tërhiqet dokumentacioni i nevojshëm, si dhe datën e orën e paraqitjes së dokumentacionit;

c) data e konkurrimit të jetë jo më parë se 10 ditë kalendarike nga data e botimit të fundit.10. Personat fizikë dhe juridikë që marrin pjesë në konkurrim duhet të paraqesin dokumentet e mëposhtme:a) kërkesë së bashku me të dhënat për gjeneralitetet e tyre;b) ekstraktin e regjistrimit në QKR për objektin e veprimtarisë;c) projektin teknik të hartuar nga specialistë të licencuar ku janë trajtuar të gjitha elementet enevojshme për zhvillimin e veprimtarisë së kërkuar;d) planbiznesin dhe investimet që do të bëhen;e) të dhëna për kapacitet teknike, stafin, makineritë dhe pajisjet që zotëron;f) planin e rehabilitimit të sipërfaqes dhe kthimin e saj në gjendjen e mëparshme;g) nivelin e punësimit në veprimtari;h) lejen mjedisore për aktivitetin e kërkuar;i) çmimin e qirasë së ofruar për ha/vit;j) adresën e subjektit, telefon, email dhe faks.11. Kushtet e pjesëmarrjes në konkurrim, janë:a) garanci financiare të mjaftueshme për përballimin e investimeve të parashikuara në planbiznes;b) të ketë të kontraktuar një specialist të fushës, ku në CV-në profesionale të tregohet përvoja në fushën e veprimtarisë;c) vërtetim nga organet përkatëse shtetërore se subjekti nuk ka procese gjyqësore në ngarkim, hetim në proces, detyrime tatimore ose detyrime të tjera ndaj të tretëve.12. Pas shpalljes së njoftimit, kryetari i bashkisë urdhëron ngritjen e komisionit të vlerësimit të ofertave në përputhje me legjislacionin në fuqi.13. Komisioni i vlerësimit ka këto detyra:a) hap në prani të konkurrentëve zarfet me dokumentacionin e paraqitur prej tyre, duke bërë të njohura të dhënat kryesore për çdo ofertë të paraqitur. Kur dokumentacioni i paraqitur nuk është i plotë, ai skualifikon subjektin konkurrues në prani të tij;b) harton procesverbalin e zhvillimit të konkurrimit, ku përshkruan pjesëmarrësit, konkurrentët e skualifikuar dhe shkakun, konkurrentët e kualifikuar dhe listën e dokumenteve të paraqitura prej tyre;c) brenda 10 ditëve bën shqyrtimin e ofertave të paraqitura dhe vlerëson me pikë çdo element konkurrimi;d) në përfundim, rendit konkurruesit në bazë të pikëve të përfituara;e) paraqet te kryetari i bashkisë, një informacion për zhvillimin e konkurrimit, së bashku me procesverbalin e zhvillimit të konkurrimit dhe listën e konkurrentëve të renditur sipas pikëve të fituara.14. Vlerësimi i ofertës mbështetet në grumbullimin e pikëve si më poshtë:a) projekti teknik i veprimtarisë që do të ushtrohet, i cili përmban hartën topografike me koordinatat e sipërfaqes objekt përdorimi në variantinPDF dhe në format elektronik në shkallë 1:10000 ku të jenë evidentuar elementet kryesore, si: kufijtë natyrorë, relievi, objektet aktuale, si dhe çdo planimetri tjetër në shkallë më të detajuar, hartuar konform kërkesave të projektit20 pikë;b) planbiznesi dhe investimet që do të bëhen15 pikë; c) planin e rehabilitimit të sipërfaqes25 pikë;d) nivelin e punësimit në veprimtari5 pikë;e) masën e qirasë për ha/vit35 pikë.15. Komisioni vendos për subjektin fitues të konkurrimit dhe njofton shpalljen e fituesit në Buletinin e Prokurimit Publik dhe në këndin e njoftimeve të bashkisë.

16. Subjektet konkurruese kanë të drejtën e ankimit te titullari, i cili i përgjigjet me shkrim ankuesit bazuar në procedurat dhe afatet e parashikuara në legjislacionin në fuqi për prokurimin publik. Subjektet konkurruese gëzojnë të drejtën të ankohen pranë Komisionit të Prokurimit Publik pas përgjigjes së titullarit.17. Pas përfundimit të procedurave të mesipërme të ankimit, me fituesin lidhet brenda 10 ditëve kontrata e qirasë. Kontrata e qirasë tip miratohet nga ministri, e cila orienton bashkitë për elementet përbërëse të saj.. Nëse fituesi nuk e lidh kontratën brenda këtij afati, kontrata lidhet me subjektin që është renditur i dyti në listën e konkurrimit.18. Sipërfaqja dorëzohet me procesverbal dhe në përfundim të përdorimit merret në dorëzim nga struktura përgjegjëse për pyjet dhe kullotat në bashki po me procesverbal.19. Kontrata e qirasë, veç të tjerash, përmban detyrimin e qiramarrësit:a) për të zbatuar projektin, planin e investimeve dhe të rehabilitimit të sipërfaqes së përdorur;b) për të ruajtur mjedisin rrethues nga ndotjet dhe dëmtimet që mund të shkaktojë veprimtaria e tij;c) për të siguruar mbrojtjen nga zjarri dhe angazhimin në shuarjen e tij;d) për të informuar me shkrim bashkinë për ecurinë e veprimtarisë dhe problemet që dalin.20. Pagesa e qirasë është vjetore, duke u llogaritur nga data e lidhjes së kontratës dhe shlyhet në momentin e lidhjes së kontratës dhe në të njëjtën datë në vitet pasardhëse.21. Të ardhurat e siguruara nga dhënia me qira e sipërfaqeve pyjore e kullosore derdhen në buxhetine bashkisë.22. Bëjnë përjashtim nga konkurrimi publik dhënia e sipërfaqeve në përdorim rastet kur persona fizikë/juridikë janë të pajisur me leje/licencë nga institucionet përkatëse për veprimtaritë që kanë të bëjnë me:a) procedurat në zbatim të ligjeve për sektorin minerar në Republikën e Shqipërisë;b) procedurat në zbatim të ligjit nr. 9663, datë 18.12.2006, “Për koncensionet”;c) procedurat në zbatim të ligjit nr. 9918, datë 19.5.2008, “Për komunikimet elektronike në Republikën e Shqipërisë”;d) procedurat në zbatim të ligjit për peshkim dhe akuakulturë;e) procedurat në zbatim të ligjit për përdorimin e ujërave;f) procedurat në zbatim të ligjit për ndërtim të veprave hidroteknike (për shtrirje tubacionesh dhe ndërtim kanalesh për HEC-e;g) procedurat në zbatim të ligjit për ndërtimin e antenave të komunikimit radiotelevizive dhe telefonisë celulare;h) po gazsjellës;i) procedurat në zbatim të vendimeve të Këshillit Kombëtar të Territorit;j) procedurat në zbatim të ligjit për ndërtim të kullave për parqet eolike dhe infrastrukturën ndihmëse.23. Në të gjitha rastet sipas pikës 22, subjekti i interesuar paraqet dokumentacionin teknik-ligjor pranë bashkisë, e cila i delegon të drejtën për hartimin e studimit teknik-ekonomik të sipërfaqes objekt përdorimi, strukturës përgjegjëse për pyjet në bashki.24. Dokumentacioni i paraqitur nga shoqëria që zotëron lejen/licencën përkatëse përbëhet nga:a) leja/licenca përkatëse nga institucioni qendror për ushtrimin e veprimtarisë;b) kontrata/marrëveshja e lidhur me autoritetin përkatës për ushtrimin e aktivitetit sipas pikës 22 të këtij udhëzimi;c) projektin teknik dhe grafikun e punimeve të parashikuara;

d) hartën topografike me koordinatat e sipërfaqes objekt përdorimi në formatin PDF dhe në format elektronik në shkallën 1:10000 ku të jenë evidentuar elementet kryesore, si: zona kadastrale sipas ZRPP-së, kufijtë natyrorë, relievi, objektet aktuale, çdo planimetri tjetër në shkallë më tëdetajuar, si dhe lidhjen me të dhënat për treguesit kadastralë pyjorë dhe kullosorë;e) lejen e mjedisit/deklarata e ministrit të Mjedisit;f) lejen e ndërtimit;g) aktin e regjistrimit pranë QKR-së.25. Afati i studimit në terren dhe përgatitja e studimit teknik-ekonomik mbi sipërfaqen objekt i aktiviteteve sipas përcaktimeve në pikën 3/a të këtij udhëzimi nga ana e bashkisë është jo më shumë se 10 (dhjetë) ditë pune nga marrja e kërkesës. Në rast të konstatimit të mungesave apo mangësive në dokumentacion, bashkia ia kthen për plotësim kërkuesit brenda 5 ditëve pune nga marrja e kërkesës dhe i jep një afat maksimal prej 10 ditësh pune për plotësim.26. Kryetari i bashkisë miraton studimin teknik-ekonomik të hartuar nga struktura përgjegjëse për pyjet dhe kullotat në bashki dhe lidh kontratën e qirasë të sipërfaqes së fondit pyjor dhe kullosor brenda një afati 20 ditë pune.27. Në rastet kur aktiviteti i miratuar shtrihet në më shumë se një bashki, procedurat ndiqen rast për rast sipas përcaktimeve në pikat 23, 24, 25 të këtij udhëzimi.28. Modeli i studimit teknik-ekonomik me anekset përkatëse jepet në shtojcën nr. 1 bashkëlidhur këtij udhëzimi.29. Udhëzimi i ministrit të Mjedisit, Pyjeve dhe Administrimit të Ujërave nr. 4, datë 22.4.2013, “Për përcaktimin e kritereve të konkurrimit dhe procedurën e dhënies në përdorim me kontratë qiraje të fondit pyjor dhe kullosor publik”, shfuqizohet.30. Për zbatimin e këtij udhëzimi ngarkohen bashkitë dhe Inspektorati Shtetëror i Mjedisit dhe Pyjeve.

Ky udhëzim hyn në fuqi pas botimit në Fletoren Zyrtare.

MINISTRI I MJEDISITLefter Koka

UDHËZIM

Nr. 2, datë 3.3.2017

PËR KËRKESAT TEKNIKE TË CAKTIMIT TË NGASTRAVE, GRUPNGASTRAVE DHE EKONOMIVE PYJORE PËR TRAJTIME ME PRERJE RIGJENERUESE, RREGULLAT

PËR VJELJEN E MATERIALIT DRUSOR ME QËLLIM SIGURIMIN E DRUVE TË ZJARRIT PËR NGROHJE

Në mbështetje të pikës 4 të nenit 102 të Kushtetutës dhe në zbatim të vendimit të Këshillit të Ministrave nr. 438, datë 8.6.2016, “Për kriteret dhe rregullat e shfrytëzimit të pyjeve dhe të shitjes së materialit drusor e të prodhimeve të tjera, pyjore e jopyjore” dhe në mbështetje të germave “a”, “b” dhe “c” të ligjit nr. 5/2016, datë 4.2.20016, “Për shpalljen e moratoriumit në pyje në Republikën e Shqipërisë”,

UDHËZOJ:

KREU IDISPOZITA TË PËRGJITHSHME

1. Trajtimet dhe prerjet rigjeneruese në fondin pyjor publik/privat janë veprimtari që përgatiten nga strukturat e shërbimit pyjor në bashki, si autoritetipërgjegjëspërmenaxhimin eqëndrueshëm të fondit pyjor të bashkive, duke përcaktuar masa teknike, teknologjike e financiare që mundësojnë realizimin e tyre, në përputhje me kërkesat e ligjit nr. 9385, datë 4.5.2005, “Për pyjet dhe shërbimin pyjor”, të ndryshuar dhe në zbatim të pikave a, b dhe c të nenit 3 të ligjit 5/2016, datë 4.2.2016, “Për shpalljen e moratoriumit në pyje në Republikën e Shqipërisë”.2. Nxjerrja e ngastrave për trajtimin e grumbujve pyjorë me qëllim sigurimin e druve të zjarrit për ngrohje do të bëhet me ekonomi pyjore. Vetëm në rastet e ndërhyrjeve kur nuk ka mundësi të krijohen grupngastra, do të bëhet me ngastër të veçantë.3. Trajtimi i pyjeve nga bashkitë për sigurimin e nevojave për ngrohje, nxjerrja dhe depozitimi i tyre në sheshet e përcaktuara paraprakisht do të realizohet nga subjektet me licencë të kontraktuara nga bashkia për prerjen e lëndës drusore në këmbë dhe transportin e materialit drusor deri në sheshin e depozitimit të bashkisë ose nga ndërmarrjet e specializuara të ngritura në bashki.4. Shfrytëzimi i fondit pyjor privat do të jetë i njëjtë me shfrytëzimin në pyjet e bashkisë sipas përcaktimit në pikën 3 të këtij udhëzimi.5. Me kompaninë që shpallet fituese nga tenderimi për trajtimin e fondit pyjor, me qëllim vjeljen e druve të zjarrit për ngrohje dhe vjeljen e prodhimeve drunore e jodrunore, lidhet kontrata. Në kontratë pasqyrohen vëllimet e lëndës drusore në këmbë sipas llojeve dhe asortimenteve që do të prodhohen për çdo ngastër pyjore, datat e fillimit e përfundimit të prerjes, nxjerrjes e stivimit së materialit drusor në anë të rrugës dhe të kolaudimit të ngastrave/nënngastrave. Një kopje e kontratës i dërgohet dhe degës rajonale të ISHMP-së.

66

6. Përpara lidhjes së kontratës, kompania kontrollon në vend dhe u paraqet me shkrim organeve pyjore në bashki vërejtjet që mund të ketë për sasinë e vëllimit drusor në këmbë që do të shfrytëzojë. Strukturat e shërbimit pyjor në bashki me komision verifikojnë vërejtjet dhe, kur këto janëme vend, bëjnë ndryshimet përkatëse. Pjesë e komisionit të vlerësimit duhet të jetë dhe specialisti i damkimit të ngastrës.7. Pas nënshkrimit të kontratës, struktura e shërbimit pyjor në bashki i jep kompanisë lejen e shfrytëzimit, në të cilën shënohen ngastra /nënngastra, sasia dhe lloji i lëndës drusore dhe asortimenti që do të prodhohet, si dhe datat e fillimit dhe të përfundimit të shfrytëzimit. Leja përpilohet në tri kopje, nga të cilat një i jepet subjektit, një degës së ISHMP-së të rrethit dhe një qëndron në strukturën e shërbimit pyjor në bashki.8. Kompania është e detyruar të respektojë fazat e përcaktuara në projektin tekniko-organizativ dhe t’i përgjigjet kërkesave periodike të shërbimit pyjor për deklarimin vullnetar, monitorimeve dhe auditimeve nga ISHMP-ja e rajonit, të parashikuar në kontratë apo të rasteve specifike, kur këto kërkohen. Strukturat e shërbimit pyjor në bashki monitorojnë në të gjitha fazat shfrytëzimin dhe nxjerrjen e materialit drusor dhe, në rastin kur vërejnë shkelje, ndërhyjnë duke kërkuar nga subjekti riparimin e tyre.9. Trajtimet dhe vjelja e materialit drusor fillon pasi është hartuar projekti tekniko-organizativ i trajtimit, lidhur kontrata, është marrë në dorëzim me procesverbal fondi pyjor përkatës dhe është pajisur me lejen përkatëse të trajtimit nga struktura e pyjeve në bashki.10. Strukturat e shërbimit pyjor lejojnë kompaninë të kryejë aktivitetet e trajtimit, vjeljes dhe transportin e brendshëm të materialit drusor, vetëm në atë ekonomi pyjore/pjesët e ekonomisë pyjore për të cilën është dhënë leja përkatëse. Kompania është e detyruar të shfrytëzojë vetëm vëllimin drusor që është damkosur dhe cilësuar në lejen e shfrytëzimit.11. Kompanitë që shfrytëzojnë material drusor dhe prodhime të dyta pyjore në ekonomitë/pjesë të tyre, të marra për trajtime me prerje rigjeneruese dhe për kohën e kontraktuar, mbajnë përgjegjësi të plotë për dëmet që shkaktohen në ekonominë pyjore ku punojnë, nëse nuk denoncojnë në organet kompetente.12. Me marrjen në dorëzim të pjesës /ekonomisë pyjore/ kompania zbaton:a) kërkesat e specifikuara në lejet e shfrytëzimit;b) detyrimet e përcaktuara në kontratën që ka lidhur me bashkinë;c) kërkesat ligjërisht të bazuara të deklarimeve vullnetare, kontrolleve e kolaudimeve të ushtruara gjatë periudhës së kryerjes së punimeve.13. Materiali drusor i prerë nga subjektet e licencuara të kontraktuara nga bashkia, apo ndërmarrjet e specializuara për prerjen e materialit drusor dhe transportin e tyre do të merret në dorëzim nga bashkia në sheshet e saj të depozitimit, e cila e magazinon dhe administron atë. Tarifat e Vendimit të Këshillit të Ministrave nr. 391, datë 21.3.2006, “Për përcaktimin e tarifave në sektorin e pyjeve dhe të kullotave” për shitjen e materialit drusor në këmbë, të ndryshuar me VKM-në nr. 1064, datë 22.12.2010, do të jenë pjesë përbërëse e çmimit të shitjes.14. Shitja e materialit drusor do të bëhet nga bashkia drejtpërdrejt në entet e ndryshme shtetërore dhe familjare, nëpërmjet subjekteve të kontraktuara nga bashkia ose me mjetet që bashkia ka në dispozicion, të cilat do të realizojnë transportin deri te blerësi përfundimtar.

67

15. Sigurimi i druve të zjarrit për ngrohje nga banorët e fshatrave malore dhe në brendësi të pyjeve kryhet dhe nëpërmjet mbledhjes (vlerësimit) së materialit drusor nga drurët e rrëzuar (shkulur e thyer), nga furtunat e zjarret dhe punimet e trajtimet rigjeneruese të pyllit me rrallime e prerje sanitare dhe shëndetësimi sipas projekteve të hartuara dhe vlerësimit paraprak në vëllim të materialit drusor. Projektet e hartuara do të miratohen nga Drejtoria e Mbrojtjes dhe Trajtimit të Pyjeve në Ministrinë e Mjedisit. Për plotësimin e nevojave të familjeve, hartohet lista në bazë fshati nga administratorët e njësive bashkiake, miratohet nga drejtoria e shërbimit pyjor në bashki dhe pas pagesës, sipas tarifave përkatëse në fuqi, bëhet plotësimi i nevojave.16. Të gjitha kriteret teknike për trajtimet silvikulturore dhe ripërtëritëse, sipas këtij udhëzimi, janë të detyrueshme për t’u zbatuar edhe në rastin e pyjeve private.17. Në rastet kur bashkia realizon plotësimin e nevojave për dru zjarri të popullsisë në territorin e saj dhe në rastet kur ajo ka tepricë prodhimi si rezultat i nxjerrjes së mundësisë vjetore të shfrytëzimit dhe punimeve përmirësuese, këtë tepricë ajo mund ta vërë në dispozicion të një bashkie tjetër referuar kërkesës së kësaj të fundit dhe marrëveshjes dypalëshe.

KREU IICAKTIMI I NGASTRAVE EGRUPNGASTRAVE PËR TRAJTIME E PRERJE

RIPËRTËRITËSE1. Strukturat e shërbimit pyjor në bashki, deri në datën 30 të muajit prill të çdo viti, kryejnë studimin e ngastrave/nënngastrave që do të trajtohen me prerje të lejuara për sigurimin e druve të zjarrit për vitin pasardhës të pyjeve shtetërore dhe private.2. Studimi bëhet në përputhje me mundësinë vjetore të shfrytëzimit të pyjeve shtetërore dhe private, të përcaktuara në planet e mbarështimit apo inventarizimit, dhe në të përshkruhet:a) numri i ngastrave apo nënngastrave;b) vëllimi i materialit drusor, druve të zjarrit që do të shfrytëzohet në çdo ngastër;c) periudha e vënies në shfrytëzim të çdo grup-/ngastre/nënngastre.3. Studimi i përfunduar për nxjerrjen e mundësisë vjetore të shfrytëzimit dhe pasqyrat standarde me volumet përkatëse dërgohet për miratim në Ministrinë e Mjedisit.4. Dorëzimi i ekonomisë pyjore ose pjesëve të saj për trajtim apo prerje ripërtëritëse /rigjeneruese bëhet me pjesë sipas projektit teknologjik të shfrytëzimit.Përçdodorëzimmbahetprocesverbali i kolaudimit provizor dhe në fund ai përfundimtar.

KREU IIIRREGULLAT E DAMKOSJES

1. Prerja e drurëve në fondin pyjor kombëtar bëhet pas shënimit të tyre me damkë të veçantë nga strukturat e shërbimit pyjor në bashki, dhe vetëm nëpërmjet specialistëve të lartë të pyjeve (dega silvikulturë, i përgjithshëm, shfrytëzim dhe mbarështim-shfrytëzim).2. Madhësia e çekiç-damkës me gjithë bisht është 30 - 50 cm e gjatë dhe me peshë të pjesës metalike nga 700 - 900 gramë. Ajo ka formën e një sëpate të vogël, ku në anën e përparme të saj është tehu prerës, i cili shërben për heqjen e lëvores së drurëve që do të damkosen, dhe në anën e pasme ka shenjën e saj, ku janë vendosur e kombinuar germat dhe numrat përkatës. Çdo germe i përkasin 10

68

numra, duke filluar nga numri 0 deri te numri 9. Germës A i takon numri A0 deri në A9 dhe kështu me radhë për germat e tjera: B, C, D, E, F, G, K, H, I, L, M dhe N.3. Para procesit të damkimit, bashkia bën testimin e kërkesave të tregut, sipas nevojave dhe asortimentit drusor, për të përcaktuar vëllimin paraprak që do të damkoset.4. Kryetari i bashkisë, para datës 15 maj, nxjerr urdhrin me shkrim për organizimin e procesit të damkimit. Në urdhër përcaktohen datat e fillimit dhe të mbarimit të këtij procesi, specialistët e damkimit dhe ngastrat/nënngastrat ku do të damkosë secili prej tyre. Nuk lejohet që dy apo disa specialistë të damkosin në të njëjtën ngastër apo nënngastër pyjore.5. Drurët shënohen me çekiç-damkë në pjesën e poshtme të tyre, sa më afër sipërfaqes së tokës. Krahas damkës, në lartësinë 1.5 m, drurit i bëhet një shenjë, duke hequr një pjesë të lëvores me sëpatë. Damka dhe shenja vendosen në shpat nga lart-poshtë.6. Shënimi i drurëve me damkë, si rregull, fillon ne datën 15 maj dhe përfundon në datën 15 korrik.7. Gjatë procesit të damkimit, për secilën pjesë e brez, specialisti i damkimit mban shënim kategoritë diametrike për çdo lloj drusor, të cilat i bashkëngjiten listëdamkës. Ai mban përgjegjësi për numrin e drurëve të damkosur, kategoritë e tyre diametrike, klasën e lartësisë dhe vëllimin drusor që rezulton pas damkimit.8. Me përfundimin e procesit të damkimit, struktura e shërbimit pyjor në bashki bën përpilimin e listëdamkave, në katër kopje, për çdo ngastër/nënngastër pyjore e sipas llojeve drusore, të cilat firmosen nga specialisti që ka kryer damkimin.9. Pas procesit të damkimit, struktura e shërbimit pyjor në bashki kryen studimin dhe projektimin e mënyrës së shfrytëzimit; piketojnë rrugët e lëvizjes së materialit drusor me krahë e mekanizma, përllogaritin distancat e transportit të brendshëm, caktojnë vendet e grumbullimit dhe stivimit të materialit drusor. Në projektin tekniko-organizativ të trajtimeve dhe prerjeve ripërtëritëse analizohen më shumë se një variant.10. Ndërtimi dhe kolaudimi i rrugëve autopyjore, rrugëve të rrokullisjes, skelave të ngarkimit dhe montimi i teleferikëve bëhen para se të fillojë trajtimi i ngastrës/nënngastrës.11. Me përfundimin e projektimit të mënyrës së prerjeve ripërtëritëse të ngastrave, nga strukturat e shërbimit pyjor bëhet:a) hartimi i projekteve teknologjike të shfrytëzimit, kur trajtimi dhe shitja e materialit drusor është bërë me ankand, në këmbë (i paprerë) në rastin e kontratave afatgjata deri në prerjen përfundimtare, të cilat subjektet i kanë fituar para hyrjes në fuqi të ligjit 5/2016, datë 4.2.2016, “Për shpalljen e moratoriumit në pyje në Republikën e Shqipërisë”;b) hartimi i projekteve tekniko-ekonomike të shfrytëzimit, kur trajtimi dhe prodhimi i asortimentit të gatshëm, dru zjarri, në anë të rrugës realizohen nga kompani të përzgjedhura, nëpërmjet tenderave apo nga ndërmarrjet e specializuara, dhe shitja e tyre bëhet në sheshet e depozitimit nga bashkia.12. Projektet e germave “a” dhe “b” të pikës 11 të këtij udhëzimi miratohen me komision nga struktura e shërbimit pyjor në bashki.13. Projekti teknologjik dhe tekniko-ekonomik i trajtimit dhe prerjeve ripërtëritëse /rigjeneruese përpilohet në tri kopje, nga të cilat një i jepet kompanisë fituese të punimeve të trajtimit të pjesë - /ekonomisë pyjore, dhe dy ruhen në seksionin e administrimmenaxhimit,sëbashkumedokumentet e ankandit apo tenderit. Ndalohet fillimi i punimeve për prerjen e materialit drusor pa miratuar

69

projektin teknologjik dhe tekniko-ekonomik të trajtimit/prerjeve ripërtëritëse të grup-/ngastrës apo nënngastrës pyjore.14. Caktimi i ngastrave për t’u përshkuar me prerje ripërtëritëse/rigjeneruese bëhet deri në 30 prill, shënimi i drurëve me damkë dhe matja e tyre, përpilimi i listëdamkave dhe hartimi i projektit teknologjik dhe tekniko-ekonomik të trajtimeve për secilën ngastër pyjore, së bashku me fondet që nevojiten për prodhimin e asortimenteve drusore, që dalin nga prerja e drurëve në këmbë, bëhet deri më 30 korrik.15. Pasqyra përmbledhëse e mundësisë vjetore të shfrytëzimit miratohet nga ministri, brenda muajit maj të çdo viti.16. Materiali drusor, që rezulton nga hapja e rrugëve të brendshme e transportit të brendshëm dhe ai i rrëzuar e dëmtuar nga shkaqe natyrore, vlerësohet dhe përfshihet në sasinë e materialit drusor të damkosur, të dhënë për shfrytëzim.

KREU IVPRERJA DHE ASORTIMI

1. Në pyjet trungishte prerja lejohet gjatë gjithë vitit, kurse në pyjet cungishte dhe shkurret, të cilat ripërtërihen me lastarë, lejohet nga 1 tetori deri më 31 mars të vitit pasardhës. Në rastet e vegjetacionit të vonuar, periudha e prerjes zgjatet deri më 15 prill për zonat fushore dhe deri më 30 prill në zonat malore. Në shkurret me mare, prerja lejohet gjatë gjithë vitit.2. Trajtimi me prerje ripërtëritëse/rigjeneruese i grup-/ngastrave/nënngastravepyjorefillongjithmonë nga lart-poshtë dhe asnjëherë nga poshtë-lart, duke zbatuar të gjitha rregullat e sigurimit teknik dhe të mbrojtjes në punë.3. Drurët me diametër deri 15 cm priten rrafsh me sipërfaqen e tokës dhe kur diametri i tyre është mbi trashësinë 15 cm, lartësia e cungjeve mbi sipërfaqen e tokës nuk duhet të jetë më shumë se 1/3 e diametrit. Gjatë prerjes e rrëzimit të drurëve ruhet germa e numri i damkës.4. Pas prerjes me motosharrë, cungjet e llojeve që ripërtërihen me lastarë, laspiten me sëpatë, duke rrafshuar sipërfaqen e sipërme të tyre dhe duke bërë unazimin e buzëve, por pa dëmtuar lëvoren.5. Drejtimi i rrëzimit të drurëve bëhet në drejtimin e kundërt me atë të lëvizjes dhe zgjidhet i tillë që te mos dëmtohet dhe të mos thyejë e dëmtojë drurët e tjerë në këmbë, të padamkosur dhe filizërinë. Ndalohet rrëzimi i drurit me anën e rrëzimit të një druri tjetër mbi të.6. Në prerjet e dyta dhe përfundimtare kryhen njëherësh dhe brenda ditës të gjitha operacionet e punës së prodhimit, si: prerja, pastrimi i trungut të drurit nga degët, asortimi sipas dimensioneve të kërkuara, prodhimi i druve të zjarrit, transporti i asortimenteve të prodhuara në anë të rrugës, pastrimi i sipërfaqes dhe grumbullimi i degëzave, duke krijuar vijueshmëri në procesin teknologjik.7. Kompania që kryen prerjen e materialit drusor është e detyruar të zbatojë këto rregulla teknike:a) të presë vetëm dhe të gjithë drurët e shënuar me damkë;b) të asortojë të gjithë materialin drusor që është i rrëzuar, i thatë ose i dëmtuar, i vlefshëm për lëndë punimi dhe dru zjarri, si dhe materialin drusor që del nga çelja e rrugëve pyjore brenda ngastrës, pas vlerësimit me procesverbal nga shërbimi pyjor;c) të ruajë nga dëmtimet drurët që janë të padamkosur, drurët e rinj dhe filizërinë;

70

d) të transportojë, rrokullisë e të depozitojë të gjithë materialin drusor vetëm në rrugët dhe vendet e caktuara në projektin e miratuar tekniko-organizativ e teknologjik të trajtimeve/prerjeve ripërtëritëse;e) të bëjë pastrimin e nxjerrjen jashtë parcelës së kalbësirave dhe mbeturinave (degëzat, lëvoret, bluashkat dhe copat e vogla të drurit);g) të zbatojë të gjitha rregullat për mbrojtjen e pyjeve nga zjarret ose dëmtime të tjera, si dhe të gjitha rregullat teknike të vendosura për trajtimin e pyjeve, të cilat specifikohen në procesverbalin e dorëzimit dhe kontratën e lidhur midis palëve.h) të bëjë evadimin e plotë të materialit drusor nga ngastra, 1 muaj pas mbarimit të afatit të prerjes, të përcaktuar në kontratë.8. Nxjerrja e rrënjëve të shqopës, bushit dhe maresë bëhet mbasi të jetë kryer studimi i ngastrave e nënngastrave për këtë qëllim, studim që kryhet një vit para. Nxjerrja e rrënjëve do të bëhet uniformisht në të gjithë sipërfaqen e ngastrës /nënngastrës dhe në masën jo më tepër se 30% të saj.9. Pas nxjerrjes së rrënjëve, kompania fituese prodhon drutë e zjarrit e fashinat që rezultojnë nga shkulja, si dhe mbush gropat me dhe.

KREU VKËRKESAT TEKNIKE GJATË PRERJEVE TË DYTA E PËRFUNDIMTARE ME

QËLLIM RIGJENERIMIN1. Trajtohen me prerje të dyta e përfundimtare ngastrat e nënngastrat, në të cilat filizëria ka arritur treguesit optimalë, si më poshtë:a) për pyjet e ahut, kur kanë filizërinë me moshë 6 - 10 vjet, lartësia e filizave 30 - 80 cm dhe mbi 3 filiza/m2 (ose mbi 30.000 filiza/ha të shpërndarë uniformisht), në mbi 80% të sipërfaqes;b) për pyjet e pishës së zezë, kur kanë filizërinë me moshë 4 - 6 vjet, lartësia e filizave 25 - 50 cm dhe mbi 2-3 filiza/m2 (ose mbi 20.000 - 30.000 filiza/ha të shpërndarë uniformisht), në mbi 80% të sipërfaqes.2. Në vitet me prodhimtari të bollshme fare, prerjet e dyta e përfundimtare planifikohen në sipërfaqe më të mëdha në krahasim me vitet pa ose me prodhim të paktë fare.3. Kur është siguruar ripërtëritja natyrore dhe filizëria është e papërdorshme, prerjet kryhen gjatë të gjithë vitit, me kusht që filizat e dëmtuar fletorë të priten brenda një kohe sa më të shkurtër pas prerjes së drurëve të rritur, në periudhën e pushimit të vegjetacionit.4. Kur prerjet e dyta e përfundimtare janë tepër të vonuara, prerja e drurëve kryhet në periudhën e pushimit të vegjetacionit e me dëborë, apo në periudha të tjera të vitit, duke respektuar kërkesat teknike të përfundimit të prerjes së drurëve, numri i filizave gjendje për sipërfaqen e përshkruar me prerje duhet të jetë 1 - 3 filiza për m2. Kur mbi 80% e filizërisë është e padëmtuar, nuk ka nevojë për ndërhyrje me punime; kur është dëmtuar deri në 60%, ndërhyhet me punime për favorizimin e ripërtëritjes dhe kur dëmtimi është më i madh, ndërhyhet me ripyllëzime.

KREU VITRANSPORTI I BRENDSHËM

71

1. Rrugët e transportit të brendshëm të materialit drusor (me krahë dhe traktorë) përgjithësisht caktohen në vende pa filizëri, duke shfrytëzuar sipërfaqet boshe ose të paripërtërira, si dhe rrugët ekzistuese, siç është parashikuar në projektin tekniko-organizativ të shfrytëzimit.2. Në ngastrat e nënngastrat me filizëri të rritur, rrugët caktohen mbi bazën e kritereve teknike që sigurojnë dëmtimin minimal të filizërisë.3. Në vendet me ripërtëritje hapet një minimum rrugësh për lëvizjen e mjeteve ose të lëndës drusore. Distanca midis rrugëve të mos jetë më e vogël se 100 m. Gjerësia e rrugës së traktorit dhe e rrugëve të rrokullisjes të mos e kalojë 4 m.4. Për transportin e materialit drusor me teleferik lejohet hapja e trasesë me gjerësi sipas tipit të teleferikut.5. Litarët prej çeliku, që shërbejnë për montimin e teleferikëve apo mekanizmave e pajisjeve të tjera, nuk lejohet të dëmtojnë lëvoren e drurëve në këmbë duke vendosur një unazë gome.6. Asortimentet e prodhuara transportohen nga vendi i prodhimit deri në anë të rrugës (shesh depozitimi), vetëm në rrugët dhe me instalimet e miratuara në skemën teknologjike të shfrytëzimit të ngastrave/nënngastrave, duke pasur parasysh ruajtjen e tyre nga dëmtimet.7. Nxjerrja e asortimenteve nga brendësia e sipërfaqes së ngastrës apo nëngastrës, nëpër rrugëte rrokullisjes me krahë apo me traktorë, bëhet krahas prodhimit të tyre.8. Transportimi i lëndës së punimit të llojit ah, nga brenda ngastrës, nënngastrës deri në anë të rrugës, i prerë prej 1 prillit deri më 30 shtator, nuk duhet të vonohet më shumë se 30 ditë nga koha e prerjes.9. Kur transporti i materialeve të imëta (dru zjarri etj.) bëhet me kafshë nëpër rrugë të përcaktuara paraprakisht, ato pajisen me mbrojtëse për të mos dëmtuar filizërinë.

KREU VIIPASTRIMI DHE DORËZIMI

1. Pastrimi i sipërfaqeve ku janë kryer prerjet është pjesë e procesit të trajtimit. Ai realizohet krahas procesit të prerjes, duke respektuar ndarjen e ngastrave në pjesë.2. Krahas prodhimit dhe transportit të brendshëm kryhet pastrimi i degëve dhe ai natyror, duke i vendosur në togje në largësi 30 - 40 m larg njëri-tjetrit apo në pjesë të rrezikuara nga erozioni. Në terrene me pjerrësi mbi 25 gradë, grumbullimi i tyre bëhet në formë brezash, në të njëjtin drejtim me izohipset dhe në largësi 30 - 50 m nga brezi në brez.3. Pastrimi i pjesëve, ngastrave dhe nënngastrave përfundon deri 30 ditë pas përfundimit të prerjes. Pas pastrimit, pjesa e ngastrës/nënngastrës merret në dorëzim nga orga-net pyjore me procesverbal kolaudimi.4. Në përfundim të pastrimeve për të gjithë ngastrën apo nënngastrën, mbi bazën e procesverbaleve provizore të pjesëve të saj, përpilohet procesverbali përfundimtar i kolaudimit dhe marrjes në dorëzim nga organet pyjore.

KREU VIIIDEPOZITIMI DHE STIVIMI I MATERIALIT DRUSOR

1. Materiali drusor, që rezulton nga trajtimi dhe prerjetripërtëritëse/rigjeneruesenëpyje,depozitohetdhestivohetnëbuzëtëngastrave/nënngastrave pyjore,

72

anës rrugëve autopyjore, pa zënë brezin e kalimit ose në sipërfaqe të tjera të përcaktuara nga organet pyjore. Depozitimi i tyre bëhet direkt mbi sipërfaqen e tokës, në vende ku nuk ka filizëri.2. Depozitimi i materialit drusor bëhet duke e marketuar dhe magazinuar sipas asortimenteve, ngakompania zbatuese e projektit të prerjeve ripërtëritëse/rigjeneruese apo të trajtimit të pyllit:a) Trupat e të gjitha llojeve, në kreun e trashë, u shënohet me bojë vaji të dallueshme: diametri në “cm” si numërues dhe gjatësia në “m” si emërues dhe matrikulli i marketimit. Trupave të ahut u zbritet 1 cm nga diametri, ndërsa trupave të dushqeve e halorëve u zbriten 2 cm.b) Për çdo parti trupash hartohen distinat përkatëse, në të cilat volumi shprehet në m3 dhe numri i tyre në copë.c) Lënda e rrumbullakët ndahet në stiva të veçanta sipas destinacionit. Në kokën e trashë të çdo lënde shënohet diametri në cm, duke zbritur 1 cm tek ahu dhe 2 cm te halorët dhe vendoset matrikulli i marketimit.d) Drutë e zjarrit stivohen në stiva, duke i ngritur 10 cm nga sipërfaqja e tokës, në lartësi 1.10 m nga ky bazament, e cila për efekt boshllëqesh do të llogaritet me lartësi 1 m. Sasia shprehet në metërster (m.s.t); me marrjen në dorëzim, stivat shënohen me gëlqere ose bojë vaji të dallueshme. Çdo stivë ka të shënuar sasinë përkatëse.e) Lënda për voza, për parket, elemente të ndryshme stivohen si drutë e zjarrit.3. Depozitimi dhe stivimi në anë të rrugëve i materialit drusor të ndara në asortimente bëhet në distanca si më poshtë:a) Trupat e të gjitha llojeve stivohen në distancë deri 20 m nga aksi i rrugës auto, në vendet e përcaktuara në projekt, të gatshëm për ngarkim.b) Trupat me gjatësi dhe cilësi të ndryshme stivohen me radhë sipas kapaciteteve të terrenit.c) Lënda e rrumbullakët, për ndërtim stivohet në distancë deri 10 m nga aksi i rrugës, e ndarë në lloje dhe cilësi, sipas përcaktimit në projekt.d) Drutë e zjarrit, lënda për voza, për parket dhe elemente të ndryshme stivohen në distance deri 10 m mbi aksin e rrugës. Ato mund të stivohen dhe në bankinën e rrugës, pa e bllokuar atë. Stivimi i tyre bëhet në vende që mënjanohet rreziku i marrjes së tyre nga uji dhe që lehtësohet matja dhe transportimi i tyre.

KREU IXMARRJA NË DORËZIM

1. Marrja në dorëzim e materialit drusor në anë të rrugës apo në pikat e depozitimit, nga kompanitë për llogari të bashkisë, bëhet me komision të ngritur me urdhër me shkrim të kryetarit tëbashkisë. Komisioni përbëhet nga përfaqësues të strukturave të pyjeve në bashki, seksionit të financës, dhe përfaqësuesi i subjektit.2. Marrja në dorëzim përmbledh veprimet administrative, teknike e financiare që vërtetojnë se shfrytëzimi është kryer në përputhje me kërkesat e paravendosura e të pranuara nga palët qysh në fillim.3. Në datën e përcaktuar në kontratë për kolaudimin e ngastrës/nënngastrës, organet pyjore në prani të subjektit bëjnë verifikimin e pastrimeve të kryera. Kur pastrimet janë kryer konform rregullave të përcaktuara, bëhet marrja në dorëzim.

73

4. Marrja në dorëzim e prodhimit bëhet me procesverbal, si rregull çdo 15 ditë. Materiali drusor dorëzohet sipas asortimentit, duke i bashkëngjitur edhe distinat. Dokumentimi i marrjes në dorëzim kryhet në përputhje me dispozitat ligjore “Për administrimin,ruajtjen,dokumentimindheqarkullimin e vlerave materiale e monetare”.5. Nëse kompania nuk realizon shfrytëzimin, nxjerrjen e prodhimit dhe pastrimin e ngastrës apo nënngastrës brenda afatit të përcaktuar në kontratë dhe në lejen e shfrytëzimit, strukturat e pyjeve në bashki mund ta shtyjnë afatin sipas kushteve të negociuara (bashki, subjekt).6. Me caktimin e afatit të ri, bashkia dhe kompania nënshkruajnë një aneks-kontratë, ku përcaktohen detyrat që do të realizohen gjatë këtij afati. Nëse subjekti nuk arrin të realizojë detyrat e sanksionuara në aneks-kontratën e re, ndaj tij merren sanksione të parashkruara në aneks-kontratë.7. Me marrjen në dorëzim përpilohet situacioni përfundimtar, mbështetur në situacionet e pjesshme provizore, i cili përmban të gjitha vëllimet e punimeve të kryera dhe vleftën totale të ngastrës/nënngastrës,sipasasortimenteve.Situacioni përfundimtar përpilohet në tri kopje dhe firmoset nga komisioni e kompania.8. Pas dorëzimit përfundimtar dhe deri në transportin përfundimtar në sheshin e depozitimit të bashkisë, ruajtja dhe mirëmbajtja e materialit drusor realizohet nga kompania fituese, e cila ka rënë dakord me shkrim për këtë çështje qysh kur ka fituar tenderin. Shpenzimet që i paguhen atij për ruajtjen e materialit drusor, i ngarkohen kostos së prodhimit.9. Transporti i materialit drusor dhe i prodhimeve të tjera pyjore nga pylli për nëdestinacionin përfundimtar bëhet me vërtetim transporti, sipas modelit të miratuar nga ministri i Mjedisit, dhe plotësohen në vend (ngastër, nënngastër).

KREU XPËRGJEGJËSITË E KOMPANISË GJATËTRAJTIMIT TE PYLLIT DHE VJELJES TË

MATERIALIT DRUSOR DHE PRODHIMEVE TË TJERA PYJORE1. Kompania, me marrjen në dorëzim të ngastrës/nënngastrës pyjore për trajtim apo shfrytëzim, është e detyruar:a) të zbatojë detyrimet kontraktuale;b) të zbatojë dispozitat e ligjit nr. 9385, datë 4.5.2005, “Për pyjet dhe shërbimin pyjor”, të ndryshuar, të ligjit nr. 9693, datë 19.3.2007, “Për fondin kullosor”, të ndryshuar dhe akteve nënligjore në zbatim të tyre.2. Materiali drusor i prerë (i rrëzuar dhe i asortuar), që ndodhet brendangastrave/nënngastrave, pas afatit të përfundimit të prerjes, nxjerrjes, pastrimit dhe kolaudimit të njësive të mbarështimit, të përcaktuara në kontratë, si dhe pas mbarimit të afatit të përcaktuar në aneks-kontratën e lidhur sipas pikës 5 të kreut IX të këtij udhëzimi vihet në ruajtje në ngastër dhe vlera e prodhimit nuk i paguhet subjektit të kontraktuar. Ky material vlerësohet dhe bashkia mund të kontraktojë subjekt tjetër për nxjerrjen e tij.3. Lënda drusore në këmbë, e mbetur pa u prerë, kur subjekti nuk ka kryer prodhimin e saj sipas afatit të përcaktuar në kontratë dhe aneks-kontratë, pas inventarizimit të saj me komision nga strukturat e shërbimit pyjor, futet në mundësinë e shfrytëzimit të vitit në vazhdim.

74

KREU XIKËRKESA TË LIDHURA ME SUBJEKTET E KONTRAKTUARA NGA BASHKIA PËR

SHFRYTËZIMIN E NGASTRAVE ME RRUGË AUTOPYJORE1. Për shfrytëzimin e ngastrave me rrugë autopyjore, si dhe për trajtimin e prerjet ripërtëritëse/rigjeneruese të ngastrave/grupngastrave me rrugë auto, me qëllim nxjerrjen e materialit drusor për ngrohjen e popullsisë, kanë të drejtë të marrin pjesë vetëm subjektet juridike, të cilat, krahas kriterevestandarde të prokurimit publik, plotësojnë këto kritere:a) Të kenë zhvilluar aktivitet për trajtimin dhe vjeljen e materialit drusor në pyje jo më pak se 5 vjet, të dokumentuar, të vërtetuar me kontrata nga ish-drejtoritë e shërbimit pyjor, shoqëruar me vërtetime për realizimin me sukses të tyre.b) Të kenë në pronësi kapacitete teknike e teknologjike për punime pyjore e me impakte të ulëta mjedisore, mjete transporti dhe financiare për të shfrytëzuar jo më pak se 5 000 m3 lëndë drusore në vit ose aq sa është mundësia vjetore e shfrytëzimit me prerje të lejuara për ato grupngastra, të vërtetuara këto me bilance vjetore pozitive dy vitet e fundit, shoqëruar me inventarin e aktiveve, fatura blerjeje, leje qarkullimi ose të regjistruara në Qendrën Kombëtare të Regjistrimit.c) Të kenë në pronësi makineri e pajisje të përshtatshme për ndërtimin e mirëmbajtjen e rrugëve autopyjore, të vërtetuara këto me bilance vjetore, shoqëruar me inventarin e aktiveve, fatura blerjeje, leje qarkullimi ose të regjistruara në Qendrën Kombëtare të Regjistrimit.d) Në rastin e bashkimit të operatorëve zbatohen kriteret e krijimit të ndërmarrjeve me kapital të përbashkët me akt noterial dhe marrëveshje mbi mënyrën e operimit dhe të kenë fuqi punëtore të siguruar me kontratë për 6-mujorin e fundit nga secili operator, të vërtetuar me deklarim në zyrën e punës dhe nga Drejtoria Rajonale e Tatimeve:p-ër operatorët me aktivitetet në pyjet e larta në ngastrat me rrugë autopyjore, jo më pak se 20 punonjës;-për operatorët me aktivitetet në pyjet e ulëta dhe shkurret, apo trajtime silvikulturore (pastrime, rrallime) jo më pak se 10 punonjës;e) Të kenë punëtorë të certifikuar për përdorimin e mjeteve prerëse në pyje dhe pajisje e veshje speciale për sigurimin në punë të jetës së punonjësve.f) Secili subjekt të ketë xhiro vjetore jo më pak se 25 milionë lekë për 2 vitet e fundit së bashku për operatorët me aktivitetet në pyjet e larta dhe mbi 5 milionë lekë për operatorët me aktivitetet në pyjet e ulëta dhe shkurret, të vërtetuar nga tatim-taksat.g) Çdo subjekt veças apo “joint venture” të mos jetë debitor ndaj institucioneve shtetërore e private, kjo e vërtetuar nga tatim-taksat.i) Të mos kenë kryer vepër penale në fondin pyjor e kullosor kombëtar.j) Të jetë i pajisur me lejë mjedisore.

KREU XIIKONTRATA EKZISTUESE TËSHFRYTËZIMIT NË FONDIN PYJORPUBLIK/PRIVAT1. Subjektet të cilat kanë fituar me ankand të drejtën e shfrytëzimit të ngastrave në pyjet shtetërore dhe private me dhe pa rrugë autopyjore, para hyrjes në fuqi të ligjit për moratoriumin në pyje dhe kanë pasur kontrata të vlefshme me ish-drejtoritë e shërbimit pyjor apo Ministrinë e Mjedisit, kanë

75

të drejtën e shfrytëzimit të tyre deri në përmbylljen e kontratës. Koha e pezullimit të kontratës që nga momenti i hyrjes në fuqi të moratoriumit dhe deri në datën e hyrjes në fuqi të VKM-së nr. 438, datë 8.6.2016, “Për kriteret dhe rregullat e shfrytëzimit të pyjeve dhe të shitjes së materialit drusor e të prodhimeve të tjera pyjore e jopyjore” do t’i shtohet kontratës së rinegociuar me institucionin e bashkisë.2. Zbatimi i kontratave të shfrytëzimit të ngastrave pa rrugë autopyjore, trajtimi apo prerjet ripërtëritëse/rigjeneruese në ngastrat/grupngastrat pyjore fillon pasi merret në dorëzim segmenti rrugor, nëpërmjet të cilit tërhiqet mundësia vjetore e materialit drusor të shfrytëzueshëm, i përcaktuar sipas planit të mbarështimit të vendosur në studim. Me kompaninë lidhet aneks-kontrata e shfrytëzimit, njëlloj si për ngastrat e tjera me rrugë autopyjore. Në rast kur segmenti rrugor është marrë i gjithi në dorëzim, do të nxirret çdo vit mundësia vjetore e shfrytëzimit e përcaktuar në planin e mbarështimit të ekonomisë të vënë në shfrytëzim.3. Kompania fituese e ankandit vazhdon me ndërtimin e segmenteve të tjera rrugore tërheqjen (vjeljen) e mundësisë vjetore për çdo segment, deri në përfundimin e plotë të rrugës auto dhe tërheqjen e materialit drusor, që përmbajnë të gjitha segmentet rrugore në grupngastrat e fituara në ankand.4. Materiali drusor, që rezulton nga hapja e trasesë së rrugës auto, vlerësohet me listëdamkë dhe pas pagesës i jepet kompanisë fituese.5. Kolaudimi dhe marrja në dorëzim e segmenteve të rrugëve autopyjore bëhet sipas procedurave të parashikuara në legjislacionin përkatës.6. Piketat e vendosura gjatë piketimit të rrugës ruhen derisa të përfundojë verifikimi i punimeve të kryera dhe marrja në dorëzim e segmenteve rrugore të reja.7. Në rast se para fillimit të punimeve ose gjatë zbatimit të projektit të ndërtimit të rrugës së re, subjektet kërkojnë të bëjnë ndryshime, për shkaqe natyrore të pamundshme për t’u parashikuar, atëherë ato pezullojnë punimet dhe i paraqesin propozimetmeshkrimorganevepyjore.Propozimet e paraqitura shqyrtohen nga strukturat e shërbimit pyjor në bashki dhe miratohen vetëm në rast se ato janë në përputhje me kriteret dhe rregullat të trajtimit të pyjeve, normave, kushteve teknike e standardeve shtetërore në fuqi.8. Me përfundimin e ndërtimit të segmenteve rrugore, kompania juridike paraqet situacionin përfundimtar të punimeve të kryera për çeljen e rrugës së re autopyjore. Mbi bazën e raportit lekë/investime për 1 m3 lëndë drusore në këmbë, ribëhen llogaritjet për përcaktimin e koeficientëve të korrektimit të tarifave të materialit drusor në këmbë në nivelin e mundësisë vjetore të shfrytëzimit të materialit drunor të përcaktuar në studim. Me tarifat e rezultuara përpilohet një aneks-kontratë, e cila i bashkëngjitet kontratës.9. Tarifat bazë të lëndës drusore në këmbë për vjeljen e materialit drusor në ngastra pa rrugë autopyjore dhe kur nga kompania kërkohet ndërtimi i rrugës me shpenzimet e veta, në vartësi të investimeve për ndërtimin e rrugës, të kryera për 1 m3 lëndë drusore në këmbë (sipas raportit lekë-investime të kryera për 1 m3 lëndë drusore në këmbë), korrektohen sipas vendimit përkatës të Këshillit të Ministrave.10. Për efekt të korrektimit të tarifave bazë, referimi për shpenzimet për ndërtimin e rrjetit rrugor do të jenë ato shpenzime të rezultuara nga situacioni i punimeve të kryera e të marra në dorëzim nga komisioni i organit të shërbimit pyjor për rrugët e mbritshmërisë deri në kufirin e njësisë së mbarështimit

76

(kategoria IV), rrugë autopyjore (arteri kryesor brenda ekonomisë pyjore, kategori V), si dhe rrugë të kategorisë VI kryesore (nga brenda ngastrës në arterin kryesor).11. Kompania e humbet, pa asnjë detyrim tjetër financiar (përveç vlerës së sigurimit të ofertës dhe të kontratës), të drejtën e trajtimit dhe të vjeljes së materialit drusor të ngastrave, grupngastrave pa rrugë autopyjore, në rast se:a) nuk zbaton studimin tekniko-ekonomik dhe projektin e miratuar për ndërtimin e rrugës autopyjore;b) nuk kryhen punimet për ndërtimin e rrugës sipas standardeve të përcaktuara;c) menjëherë pas ndërtimit të rrugës autopyjore (marrjes në dorëzim), nuk fillon trajtimin apo shfrytëzimin e ngastrave /grupngastrave.12. Heqja e së drejtës së trajtimit apo prerjeve bëhet me urdhër të kryetarit të bashkisë, me propozim të strukturës së pyjeve dhe kullotave në bashki.13. Udhëzimi nr. 2, datë 6.3.2013, “Për kërkesat teknike të caktimit të ngastrave, grupngastrave dhe ekonomive pyjore për trajtime, mirëmbajtje e prerje ripërtëritëse, rregullat për vjeljen e materialit drusor dhe shitjen me ankand të lëndës drusore e të prodhimeve të tjera drusore e jodrusore”, shfuqizohet.14. Për zbatimin e këtij udhëzimi ngarkohen Drejtoria Juridike, Drejtoria e Mbrojtjes dhe Trajtimit të Pyjeve, si dhe bashkitë e rretheve.

Ky udhëzim hyn në fuqi menjëherë dhe botohet në Fletoren Zyrtare.

MINISTRI I MJEDISITLefter Koka

77