Takimi i Antarëve të Bordit EITI |MINUTES

Data e takimit | Ora 29/Korrik/2016 11:00 AM | Vendtakimi MEI

Takim i thirrur nga

Sekretariati Shqiptar

EITI

Të pranishmit

Antarë të MSG-së

Z. Dritan Spahiu, MEI

Z. Azbi Arapi, AKBN

Z. Mehmet Hasalami, MEI

Znj. Borjana Shaka, DPT

Z. Bilal Koçi, SHGJSH

Z. Përparim Alikaj, FIAA

Znj. Laura Cela, Bankers Petroleum

Z. Artur Bega (për Z. Sami Nezaj), ShC

Znj. Anila Hajnaj, ShC

Z. Ilir Aliaj, ShC

Z. Dritan Dervishaj, Antea Cement

Z. Olsi Demishi (për Z. Saimir Boka),

Albchrome

Të tjerë

Znj. Dorina Çinari, Albania EITI

Z. Agim Shehu, Albania EITI

Znj. Anisa Deda Albania EITI

Z. Lluka Gjergo, Albania EITI

Znj. Rudina Konçi, Albania EITI

Znj. Arlinda Rumbullaku, Albania EITI

Znj. Emiliana Kola, Albania EITI

Znj. Eni Bajraktari Albania EITI

2 | P a g e

Znj. Çinari: Ju kuptoj që jeni që të gjithë me axhenda shumë të ngushta dhe janë dhe ditë vere,

prandaj falje për gjithë ata që ju kemi ndërprerë. Dëshironi të presim dhe pesë minuta apo doni

të fillojmë. Bora Shaka do jetë përfaqësuesja e Dretorisë së Përgjithshme të Tatimeve, në

mbledhjet e MSG-së. Presim dhe pesë minuta se mos na bashkohet edhe ndonjë koleg tjetër dhe

fillojmë.

Si duken gjërat?

Znj. Vesiu: Po mirë! Pak vështirë tani në gusht, duhet të organizojmë workshopet, takimet.

Znj. Çinari: A është workshop-i mënyra më e mirë tashmë pas kaq kohësh? Mendoni që ka

ndonjë formë tjetër afrimi me këto kompani? Nëse kjo funksionon dhe e bën punën e thërrasim.

Znj. Vesiu: Është më tepër konfirmuesi i listës, deri diku orientues.

Znj. Çinari: Fillojmë atëhere! Pika e parë në axhendë është paraqitja e Raportit Fillestar për

përgatitjen e Raportit EITI për vitin 2015. Maksimumi i kohës që kemi është gjysëm ore, besoj

se ju del si kohë bashkë me diskutimet.

Znj. Vesiu: Ok!

Z. Aliaj: Thjesht një pyetje dua të bëj para se të fillojmë.

Znj. Çinari: Po.

Z. Aliaj: Janë shpërndarë disa informacione edhe thotë që në kuadër të rakordimit të

raportit EITI 2015 etj. etj., Ministria e Energjisë dhe Industrisë kontraktoi Deloitte Audit

Albania. Është prokurim direkt apo ka pasur prokurim me thirrje?

Znj. Çinari: Prokurimi është njoftuar që në muajin Prill.

Z. Aliaj: Po pyes.

Znj. Çinari: Në email e ke të shkruar në përfundim të proçesit të tenderimit u zgjodh

Administratori i Pavarur, e keni pasur në njoftim.

3 | P a g e

Z. Aliaj: Dakort, por me këtë është pak.

Znj. Vesiu: Nëse keni sygjerime apo kundërshti ne mund ti marrim parasysh.

Znj. Çinari: Nëse ajo nuk është e qartë e përmirësojmë.

Znj. Vesiu: Ne kemi vijuar me atë model që ka qënë edhe në vitet e mëparshme në templatet e

raportimit duke i azhornuar me ato kërkesat e reja që do i paraqesim tani për këtë vit. Si pjesë e

fazës paraprake të punës ne kemi kryer një analizë të përgjithshme të situatës, të situatës së

industrisë, aspekteve rregullatore, pra çfarë është i aksesueshëm publikisht në website dhe në

forma të tjera, si dhe kemi analizuar arsyetimet që ka përdorur MSG për vendosjen e threshold-

ve e materialitetit dhe përzgjedhjen e kompanive që do raportojnë. Ne kuptojmë që MSG-ja ka

përdorur metoda alternative. Metoda kryesore do ishte marrja e informacionit bazë për ato që

janë të ardhurat e industrisë sipas viteve të ndryshme të pagesave dhe analizimi i atyre. Por ashtu

si dhe në vitet e kaluara kuptojmë që ky nuk ka qënë një raport i mundshëm dhe i vlefshëm për

analizë nga MSG-ja në kohën e përcaktimit të materialitetit, kështuqë mund të them që janë

përdorur medota alternative duke analizuar tipet e pagesa që përshkruhen në kuadrin rregullator

dhe pagesat që janë të përshkruara tipike në kontratat e konçesioneve. Sigurisht që këto pagesa

lidhen me nivelin e aktivitetit dhe pritet të jenë materiale në momentin që industria ka aktivitet.

Ne kemi analizuar të gjitha pagesat që janë përfshirë, që janë tipike të marrveshjeve të

konçesionit në naftë, gaz, minerar por edhe hidroenergjitikë. Në faqen 4 kemi paraqitur një

analizë ku mendojmë që argumentat për përfshirjen e këtyre pagesave në rakordim janë të

pranueshme dhe të vlefshme, kryesisht sepse këto pagesa kanë treguar të kenë qënë materiale në

vite të kaluara por priten të jenë materiale edhe këtë vit për arsye se lidhen direkt me aktivitetet e

industrisë.

Znj. Çinari: Pra të gjitha pagesat që kemi kërkuar ne ju mendoni që janë të raportueshme.

Znj. Vesiu: Po! Këto që janë paraqitur si key benefit stream sepse janë edhe additional benefit

stream edhe për këto kemi paraqitur një analizë, si pagesa shtesë për tu konsideruar. MSG-ja ka

sygjeruar marrëdhëniet që mund të jenë në kontratat dhe konçesionet për ndërtimin e veprave në

infrastrukturë, këto janë marrdhënie tipike që lindin gjatë negociatave. Në këtë moment ne nuk

kemi informacion nëse ka marrëdhënie të tilla. Apo se sa mund të jetë vlera e tyre. Mendojmë që

do ta përfshijmë në format e raportimit që do kërkohen nga lojtarët kryesor të industrisë. Do i

4 | P a g e

kërkohet atyre të raportohen nëse ka marrëdhënie të tilla të përfshira në kontratat e tyre dhe nëse

ka pasur zbatime apo investime konkrete gjatë viti 2015 lidhur me këto marrëdhënie. Pra në këtë

mënyrë ne mund të vlerësojmë sesa.

Znj. Çinari: Kjo është kërkesë e standartit EITI.

Znj. Vesiu: Po!

Znj. Çinari: Ne nuk kemi pasur mundësi ti raportojmë këto vitet e kaluara por do bëjmë tani

një përpjekje që të marrim raportim mbi këto.

Znj. Vesiu: Një mënyrë tjetër për të zbuluar nëse ka marrëdhënie të tilla është edhe rishikimi i

kontratave. Kemi disa kontrata që mund të jenë kyç, tipike të konçensionit. Deri dje kontratat

nuk kanë qënë të aksesueshme për publikun. Sigurisht që ne e drejtojmë pyetjen çdo vit se cila

është politika e qeverisë për bërjen transparente të kontratave.

Z. Aliaj: Për naftën po flet gjithmonë?

Znj. Vesiu: Por edhe kontratat e konçensioneve të Hidroenergjisë nuk kanë qënë publike. Dhe

sigurisht ne kërkojmë të rishikojmë disa kontrata me qëllimin për të parë, për të identifikuar nëse

ka pagesa të tilla. Pra kontrata sipas përzgjedhjes.

Znj. Çinari: Kjo do jetë pjesë e research-it tuaj.

Z. Aliaj: Këto janë dy qasjet tuaja për të arritur..nëse ato nuk bëhen të gjallë vetë, kjo është

si të thuash. E kuptova drejtë :

Znj. Vesiu: Njësoj si marrëdhëniet e investimit në infrastrukturë.

Z. Aliaj: Më fal Jonida një pyetje. A mund të ketë këtu një rrugë tjetër, meqë kemi dhe këtu

zonjën nga Tatimet, nëpërmjet zyrës së tatimeve për gjithë këtë? Sepse ato deklarohen që kaq

shpenzime kemi bërë. Nuk e di tamam, kjo është pyetje nuk jam i sigurt, kemi bërë kaq

shpenzime për këtë rrugë ose për këtë urë dhe i deklarojnë tek Tatimet besoj, apo jo?

Znj. Çinari: Po flasim për social payments.

5 | P a g e

Znj. Shaka: Jo, për në infrastrukturë. Mund të ketë kryqëzim informacioni patjetër. Ato janë

në bazë vetëdeklarimi, tatimet në përgjithësi funksionojnë në bazë vetëdeklarimi. Ato që

vetëdeklarohen mund të kryqëzohen si informacione.

Z. Aliaj: Po pra se ato kanë vetë interes për të deklaruar, biles i shtojnë ato nga 1 milion

thonë 2 milion.

Z. Ziu: Do jetë pak e vështirë.

Z. Aliaj: Kjo është pyetje a mund të bëhet kjo?

Z. Ziu: Edhe unë si përgjigje po e jap. Do jetë e vështirë, e para vetëdeklarimi. Në

vetëdeklarim varet sesi ata i kanë të grupuara zërat etj. etj. Nuk është e thënë se ky mund të jetë

një zë...

Znj. Çinari: I pastër.

Z. Ziu: I pastër.

Znj. Shaka: Shpërndarjen e llojit të aktiviteteve që ato si shoqëri mund të kenë.

Z. Ziu: Sepse ne nga tatimet synimin kryesor e kemi pasur të marrim shifrat që janë

pagesa, që janë ekzakte, të sakta që dihen. Kurse pastaj se çfarë ka përmbajtja e deklarimit vetë,

aty varet shumë nga vetë deklaruesi se si e ka konceptuar.

Z. Alikaj: Nuk hynë tatimet fare këtu, ne kemi paguar për rregullimin e rrugës dhe nuk kemi

bërë ndonjëherë deklarim ku të kemi përcaktuar që kemi shpenzuar 100000 euro për këtë gjë.

Kanë qënë donacione për fshatin.

Znj. Çinari: Nuk i keni raportuar?

Z. Alikaj: Jo.

Z. Ziu: Si fusni fare në pasqyra?

Z. Alikaj: Po flasim për 2008-2009 gjithmonë.

Znj. Çinari: Këtu jemi në 2015 tani duhet të ketë progresuar.

6 | P a g e

Znj. Shaka: Duhet të jenë patjetër.

Z. Ziu: Duhet të jenë në pasqyrë. Por nuk janë me zëra të veçantë, mund të jenë të

grupuara.

Z. Aliaj: Po pyes a mund të bëhet?

Znj. Shaka: Sa më e pastër dhe e qartë të jetë kërkesa aq më e thjeshtë është edhe për ne që të

nxjerrim të dhënat.

Znj. Hajnaj: Më fal, Iliri ka të drejtë sepse është një çështje që ne e kemi ngritur pothuajse çdo

vit. Arsyeja është kjo, sepse ata investojnë për shembull për të bërë një rrugë edhe e konsiderojnë

investim që çlirohet nga tatim –taksat. Por në të njëjtën kohë mund ta deklarojnë edhe si projekt

social sepse thonë e bëmë ne rrugën e çuam deri atje. Kjo gjë duhet ndarë.

Z. Alikaj: Mikrobuzi me 7 kalamaj shkonte çdo ditë poshtë e lart nga Gurthi deri në Spaç.

Nuk hynte gjëkundi këtu ndonjë hesap si kontribut.

Znj. Hajnaj: Jo jo se janë deklaruar si projekte.

Znj. Shaka: Është e detyrueshme që ato të deklarohen. Ligjërisht është e detyrueshme që ato të

deklarohen. Nuk ka asnjë gjë, as një veprimtari që nuk duhet të deklarohet. Mënyra se si ata e

kanë menaxhuar situatën është tjetër gjë dhe unë nuk mund të flas për mikrobuzin. Por qoftë

edhe pa kosto duhet të deklarohet të shprehet në formë të gjërë.

Z. Shehu: Doja të sqaroja një moment sepse është e vërtet se ne kemi disa vite që trajtojmë

po të njëjtin problem në mënyra të ndryshme. Vitin e kaluar në ju kujtohet, në atë raport që

deklarohet ose vetëdeklarohet nga kompanitë dhe më tej në raport me shumat përkatëse ku janë

vlefta të mëdha të bëjnë rikontrollin nga institucione që mund të jenë të komunave apo mund të

ishin të bashkive. Rasti tipik ishte edhe kur ne paraqitëm edhe evidentuam në Patos. Bankers

evidentonte 3 000 000 - 3 400 000 që raportuan për tre vite bashkë. Kur shkuam në Bashkinë e

Patosit, përfituesi tha unë skam marrë absolutisht asgjë në dorëzim. Për pasojë kërkon

ballafaqimin e atij që e vetëdeklaron ose …Pra ky është një moment që ne duhet ta vazhdojmë si

traditë, si praktikë ku janë vlefta të mëdha që duhen evidentuar dhe verifikuar nga të dyja palët.

7 | P a g e

Znj. Çinari: Nga ana tjetër vetëm Bankers raportoi vjet pagesat sociale, asnjë kompani tjetër

nga 100 nuk ka raportuar.

Z. Shehu: Kompanitë e tjera nuk kanë raportuar. Në rastin konkret të shtohen kompanitë që

do raportojnë dhe të shtohen edhe kontrollet nga krahu tjetër për ballafaqim të shumave apo

dorëzimeve që janë bërë. Sepse është e vërteë që ata mund të raportojnë shumë por ndërkohë që

mund të kenë bërë një rrugë dhe varet se në çfarë cilësie është bërë rruga dhe kush e ka marrë në

dorëzim dhe kujt i takon si aset për periudhat në vazhdim. Është kombëtare, është lokale apo

është e komunës.

Z. Alikaj: Ka dhe donacione për përmbytjet 5000-10000 euro.

Z. Shehu: Mund të jenë edhe ato.

Znj. Hajnaj: Le të jenë, ska rëndësi, të deklarohen.

Znj. Çinari: Jo donacione pa një dokumentacion se duhet të ketë një dokumentacion.

Z. Alikaj: Dokumente kemi..

Znj. Çinari: E sigurt, që kur ai ka deklaruar 3 milion i ka letrat se nuk ka nga ta nxjerri.

Znj. Cela: Përgjithësisht ne raportojmë në AKBN, në AKBN janë të gjitha të deklaruara.

Znj. Çinari: Ata po sistemojnë shumë informacione, po përsëri është e vështirë, ndoshta në

2015 mund ta kenë më të thjeshtë.

Z. Alikaj: Duhet futur edhe një nivel i caktuar që kush hyn këtu, 1000 $ nuk hynë

përshembull nëse bën donacion.

Znj. Çinari: E kemi pragun 5 mijë.

Z. Shehu: Unë do shtoja edhe diçka tjetër. Ndërkohë kemi dhe AKBN-në, AKBN-ja

raporton dhe ka të drejtën për ti miratuar ato lloj shfrytëzimesh, pra do bërë kontrolli dhe

verifikimi edhe me AKBN-në që është institucion shtetëror.

Znj. Shaka: Ajo që është sfida më e madhe është që shkojnë disa institucione që kontrollojnë

dhe gjykojnë praktika të ngjashme. Shkon AKBN-ja, Tatimet, mbas disa kohësh shkonte KLSH-

8 | P a g e

ja në AKBN dhe mbas ca kohësh në Tatime dhe i riprek këto praktika dhe nxjerr gjithmonë mos

rakordime apo mos përputhje të të dhënave. Këtu është sfida se kush do të jetë e dhëna që do të

merret parasysh. Dikush e ka trajtuar si donacion, dikush thotë që kaq është donacion dhe kjo

pjesë nuk mund trajtohet si e tillë dhe është pak e vështirë. Sa me e qartë të jetë kërkesa aq më e

thjeshtë bëhet.

Z. Aliaj: Unë thjesht pyeta se Jonida tha ka dy rrugë, dy alternative për të marrë këto

informacione. Thjesht pyeta a mund të bëhet nëpërmjet jush?

Znj. Shaka: Vetëm nëpërmjet nesh?

Z. Aliaj: Jo vetëm nëpërmjet jush por edhe nëpërmjet jush.

Znj. Shaka: Patjetër ne kemi qënë gjithmonë gati.

Z. Alikaj: Në të kaluarën ka bërë kërkesë Komuna, duam këtë ndihmë. E ndihmuam por nuk

raportuam gjëkundi u bë kjo, karburanti, u punësuan kaq veta,etj, ne e bëmë punën dhe iku ai

moment.

Znj. Çinari: Si bëtë punën dhe nuk e keni dokumentuar?

Z. Ziu: As te AKBN-ja?

Z. Alikaj: Absolutisht.

Znj. Shaka: Nëpërmjet kujt e bëtë punën se ju nuk e bête punën nëpërmjet fuqive që kishit

Z. Alikaj: Ne e bëmë punën, ne si kompani.

Znj. Shaka: Kontraktuat një shoqëri tjetër, kush jua bëri?

Z. Alikaj: Kishim mjetet, kishim ne vetë mjetet.

Znj. Shaka: Po me çfarë kosto, zero kosto?

Z. Alikaj: Njerëzit që punuan, karburantet...

Znj. Shaka: Nga i siguruat njerëzit?

9 | P a g e

Z. Alikaj: Ata ishin punonjësit tanë.

Znj. Shaka: Dhe nuk u paguan shtesë?

Z. Alikaj: Nuk u paguan shtesë, po karburanti doli shtesë, dolën gjëra shtesë, materialet,

konsumi...

Znj. Shaka: Po i keni në bilancin përfundimtar të institucionit?

Znj. Çinari: Po i kanë të miksuara.

Z. Alikaj: Po janë të miksuara.

Znj. Shaka: Po keni akte, çdo titullar ka nxjerrë një akt për çfarë i ka paguar?

Znj. Hajnaj: Përparim konkretisht çfarë keni bërë juve?

Z. Alikaj: Punë të ndryshme për fshatin.

Znj. Shaka: Institucioni ka nxjerrë një akt që justifikon shpenzimet.

Znj. Çinari: Nuk i kanë kontabilizuar më vete.

Znj. Hajnaj: Është tjetër gjë kjo. Unë po flas për investime që ju bëni, ju duhet një rrugë për

punën tuaj.

Z. Alikaj: Është tjetër gjë ajo.

Znj. Hajnaj: Jo, po është deklaruar si projekt social. Ju duhet një rrugë për punën tuaj që kalon

në buzë të fshatit dhe thoni e bëmë për fshatin.

Znj. Cela: Po mirë edhe fshati përfiton.

Znj. Hajnaj: Jo, përfiton deri këtu nuk shkon deri në qëndër. Shkon deri në kufi të fshatit edhe

këta thonë e bëmë për fshatin, nuk është e vërtetë, ky është problemi.

Znj. Shaka: Rruga administrative shërben për pasqyrim bilanci.

10 | P a g e

Z. Alikaj: Ka raste që nuk ndahet mirë kjo punë, po ajo mund të jetë 500 mijë ALL, mund të

jetë 1milion, 10 milion sepse varet, se nesër të ..atëhere si do ti ndajmë këto, si do i bëjmë këto,

është pak problem?

Znj. Vesiu: Përveç kësaj standarti kërkon të bëjmë dallimin çfarë është e detyrueshme dhe

çfarë është sociale.

Z. Alikaj: Nuk po flasim për ato që janë të detyrueshme. Këto janë ekstra që në fillim as që

konsideroheshin në 2010 -2011 dhe unë e kam ngritur disa herë këtë problem.

Znj. Çinari: Nuk formuloheshin si të tilla, por tani besoj që gjërat kanë ndryshuar.

Z. Ziu: Po i trajtoni të dyja bashkë me sa po kuptoj unë tani?

Znj. Çinari: Po i trajtojmë bashkë dy gjëra të ndryshme.

Znj. Çinari: Jo po trajtojmë dy kategori pagesash

Z. Ziu: Infrastructure project është ajo që vjen nga kontratat, që vjen nga gjëra të tjera.

Kjo e social payments për mendimin tim AKBN-ja…

Znj. Hajnaj: Më fal të lutem por kontratat kanë social payment.

Znj. Çinari: Është zëri Anila.

Znj. Hajnaj: E kanë edhe zërin e kanë në kontratë.

Znj. Çinari: Po flasim për dy kërkesa të standartit që janë të formuluara më vete, që të dyja

mund të jenë në kontratë por janë kërkesa të ndryshme.

Z. Ziu: Shumë gjëra mund të jenë në kontratë.

Znj. Cela: Kështuqë atje mund të gjenden të dhënat vetëm te AKBN-ja.

Z. Ziu: Për t`ju përgjigjur pyetjes dhe referenca në kontratë ishte që kontrata mund të jetë

burimi ndoshta. Për social payment mendimi im është të bazohemi se siç tha dhe kolegia ka

burime të ndryshme, ka dhe ndërhyrje ndoshta këtej nga KLSH-ja, është ai informacion që është

11 | P a g e

valid në atë moment dhe i duhet referuar AKBN-së mendoj sepse nëse AKBN-ja e ka tagrin që të

thotë kualifikohet apo skualifikohet për këtë gjë.

Znj. Cela: Këtu ka një problem se përshembull në rastin tonë, ne nuk jemi akoma në vitin që,

AKBN po shqyrton akoma 2011-2012. Dhe përshembull këtu mund ta ketë të deklaruar si

shpenzim, një investim social kur ajo akoma sta ka njohur, sta ka çertifikuar.

Z. Ziu: Po nëse nuk është i çertifikuar aty do ta diskutojmë se si do ta bëjmë.

Znj. Çinari: E vendosim si informacion të pa validuar por që është raportuar.

Z. Ziu: Sepse ne nuk marrim dot tagrin edhe duke bërë raportimin...

Znj. Çinari: Ne nuk bëjmë validim.

Z. Ziu: Jo por edhe duke bërë rakordimin që përmendi kolegu, ne nuk marrim dot tagrin e

AKBN-së që të themi që kjo tani u kualifikua, pse ne i bëmë, i barazuam si nga njëri krah, si nga

krahu tjetër, u kualifikua si social payment. Atë duhet ta japi AKBN-ja, ne nuk kemi tagër. Siç

thotë zonja mund të jetë rrugë që është për interesat e kontratës apo është bërë për interesat e

fshatit, atë e ka tagrin AKBN-ja ta shikoj dhe ta validoj që është apo nuk është e kualifikueshme

si social payment.

Znj. Vesiu: Sigurisht AKBN-ja mund të jetë një burim sigurisht nëse ka metoda për ti

mbledhur dhe për ti raportuar këto.

Z. Ziu: Po e ka detyrimin ligjor, e ka se ka do dali mungesë në raport nëse se ka.

Znj. Cela: E ka AKBN-ja, ajo akoma po shqyrton 2011 tek ne. Domethënë çfarë të dhënash

do ti marrësh ti asaj kur ajo thotë prit se akoma se kam vendosur nëse kjo do hyj, o si e ardhur

apo si shpenzim?

Z. Ziu: Mirë, pra do jetë e pa verifikuar.

Znj. Hajnaj: Ju siguroj që e kanë si informacion më të detajuar se çfarë bëjnë për social

payment. E kanë detyrim që ta raportojnë.

Z. Ziu: Po mund të mos jenë shprehur siç thotë zonja që është apo nuk është...

12 | P a g e

Znj. Cela: Nuk janë shprehur, duhet ta deklarosh pastaj.

Znj. Çinari: Në fazën e publikimit të raportit thuhet informacioni që është raportuar nga

kompania, në momentin që ky raport u publikua, informacioni nuk është ende i validuar nga enti

përkatës dhe ky është statusi, fotografia në atë ditë e praktikës. Ai do jetë një gjë që e mbulon,

por në momentin që publikohet themi sot që flasim themi ky informacion ka këtë status, me

kupton dhe nuk po gjejmë fajtor, thjesht po themi këtu është pamja sot.

Z. Aliaj: S’ka lidhje për të gjetur fajtor. Ajo që thotë Laura është pak problematike, sepse

ku do i marrësh kur ato vazhdojnë sot po shqyrtojnë 2012, kur do jetë përfundimi raportit?

Z. Ziu: Ne po e marrim si fakt këtë, tani duhet pare. Dmth t’ia bëjmë kërkesën AKBN-së.

Znj. Çinari: Jemi duke diskutuar një gjë që nuk e dimë se si do jetë. Po i paraprijmë.

Znj. Vesiu: Është edhe në fazë pilote.

Z. Ziu: Ka ndonjë nga AKBN-ja këtu?

Znj. Çinari: Është Azbiu që po na vjen dhe do ta pyesim konkretisht.

Z. Ziu: Atëhere varianti është që do mbetet me vendimin e vetëdeklarimit, kaq. E mira

do ishte që AKBN-ja ta kishte bërë punën dhe të thoshte që ky 3 milionsh, 1 milion është social

dhe 1 milion është rrugë për nevojat e veta.

Z. Aliaj: Nuk është çështja për të përcaktuar kush është fajtori dhe kush nuk e bënë punën,

çështja është që të bëhet raporti mirë. Nëse do mbesi te vetëdeklarimi të jeni të bindur që këtu

pastaj do ngatërrohemi se ai do thotë që unë e kam bërë këtë rrugë sepse e kam bërë për

komunitetin por në fakt aty kalon puna e tij dhe hajde gjeje pastaj.

Z. Ziu: Pikërisht pra, tani bërja e raportit mire nënkupton informacion të çertifikuar.

Z. Alikaj: Po ka një projekt për rrugët ai, po e ka në projekt është mirë.

Znj. Çinari: Raportim të saktë të situatës.

13 | P a g e

Z. Ziu: Sepse për të gjetur një të dhënë diku e gjejmë ne dhe e fusim por nuk është

raportim i saktë. Raportim i saktë është kur një institucion që ka autoritetin të ndaj që nga ky

investim që është bërë kaq është social, kaq është për nevoja biznesi, të jetë e shprehur.

Znj. Hajnaj: Janë të shprehura dhe me firma dhe me shkrim çdo tre muaj, e kanë detyrim

ligjor.

Z. Ziu: Nëse janë shprehur.

Znj. Hajnaj: Unë kërkoj që kjo ti kërkohet AKBN-së. E kam thënë që vjet që AKBN duhet ti

raportoj Sekretariatit.

Znj. Çinari: I ka raportuar në mënyrë të tre muajshme.

Znj. Hajnaj: Atëhere janë aty të dhënat?

Znj. Çinari: Po flasim për një informacion që nuk është raportuar, Anila. Ne duhet të fillojmë

raportimin e këtij informacioni që të themi po kemi një problem.

Znj. Hajnaj: Nëse juve keni, jemi në rregull.

Znj. Cela: Ato janë në proçese vlerësimi tek ne.

Z. Ziu: Se zonja tha që se kanë bërë punën që nga 2012.

(Flasin disa veta në të njëtën kohë)

Z. Aliaj: Jonida vazhdo.

Znj. Vesiu: Ok! Pjesa tjetër e benefit stream të propozuar, janë theksuar edhe herë të tjera,

këto janë në lidhje me taksat për personelin, sigurimet shoqërore, këtu besoj do gjejmë

informacione për krahasim tek Tatimet. Kështu që nëse MSG-ja propozon për ti përfshirë ne

jemi dakort.

Znj. Çinari: Këto kanë qënë pjesë e termave të referencës, kështu që ne kemi propozuar për ti

përfshirë.

Znj. Vesiu : Po, në fakt nuk ka pasur, ka qënë additional benefit stream.

14 | P a g e

Z. Aliaj: Jonida, këto i kemi diskutuar herën tjetër kur kemi bërë raportin 2013-2014

…duhet të jetë.

Znj. Vesiu: Ok. Po ne vumë re që nuk kishte vendimmarrje për taksat locale, të paktën në

termat e referencës nuk e di nëse është diskutuar

Z. Dervishaj: Po taksat lokale …ne i paguam 500 milion të vjetra Bashkisë së Krujës taksa

locale.

Znj. Çinari: Si të lutem?

Z. Dervishaj: Them taksat lokale janë të identifikueshme.

Z. Aliaj: Po flasim për gjë tjetër.

Z. Dervishaj: Ok.

Znj. Vesiu: Ne vumë re që nuk kishte vendimarrje për taksat lokale, në termat e referencës

nuk e di në është diskutuar.

Z. Dervishaj: Se zakonisht përfitojnë, kanë ca taksa shumë të larta lokale, flas nga ne që kemi

fabrikën.

Z. Aliaj: Ose ka nga ata që nuk paguajnë aspak.

Z. Dervishaj: Jo jo.

Znj. Çinari: Është në vendimarrjen e grupit këtu për të vendosur nëse dëshirojnë ti vendosim

taksat lokale dhe kush është pragu. Duhet të vendosim një prag të materialitet.

Z. Aliaj: Unë jam që të vendoset, të vendoset 5 milion lekë të vjetra.

Znj. Hajnaj: Edhe unë jam që të vendoset.

Znj. Vesiu: 5 mijë $ ka qënë.

Z. Aliaj: 5 mijë $ shumë mire.

Znj. Çinari: 5 mijë $ për taksat lokale dhe të bëhet rakordimi në bashkitë përkatëse.

15 | P a g e

Z. Dervishaj: Atë e ke pak të vështirë pastaj, sesa të gatshëm janë bashkitë.

Z. Aliaj: Më fal a raportojnë tek tatimet?

Znj. Shaka: Për taksat lokale?

Z. Aliaj: Po.

Znj. Shaka: Jo, mund të gjendet te Ministria e Financave ajo merr raporte. Në Ministrinë e

Financave ashtu siç çojnë Tatimet, ashtu çojnë dhe Doganat dhe ashtu çohen edhe taksat lokale

Znj. Çinari: Domethënë këto janë taksa që paguhen nga kompanitë drejt pushteteteve lokale,

drejtëpërdrejt.

Z. Dervishaj: Po, drejtpërdrejt në Bashki, në llogari të Bashkisë.

Znj. Shaka: Taksa e infrastrukturës

Znj. Çinari: Vjet kemi pasur një diskutim, nuk di në ju kujtohet që kompania mund të paguaj

një set taksash që ato bëjnë 5000$, por ato tek e tek janë shumë të vogla dhe e kemi bërë këtë

diskutimin vjet, janë 200, 500, 700 dhe në total ato mund të jenë 5 mijë por identifikimi një më

një i secilës taksë dhe rakordimi, dmth po ti copëzosh ato janë taksa të vogla.

Znj. Vesiu: Qëllimi është që të identifikohen taksat që kanë natyrë taksimi të aktivitetit dhe jo.

Znj. Çinari: Që lindin nga ajo lloj industrie, ai është qëllimi.

Znj. Shaka: Taksa në infrastrukturë, dmth e ndikimit në infrastrukturë është taksa që paguhet

në pushtetin lokal dhe ka një vlerë goxha të konsiderueshme.

Znj. Vesiu: Ok ne do ta adresojmë më mirë gjatë udhëzimit.

Z. Dervishaj: Konkretisht ne tre zëra i ke..

Znj. Çinari: Dritan a keni taksa që lidhen direkt me biznesin tuaj, që lindin nga lloji i biznesit

tuaj, përshembull?

Z. Dervishaj: Ne i paguajmë bashkisë taksa lokale që janë për sipërfaqen e ndërtimit, pastrim

gjelbërimit por janë shumë.

16 | P a g e

Znj. Shaka: Që lidhen me sipërfaqen ku ushtrojnë aktivitet?

Znj. Çinari: Jo që lidhen me llojin e biznesit, po të ishe përshembull kantinë vere do paguaje të

njëjta taksa?

Z. Dervishaj: Se besoj.

Znj. Çinari: Këtë po them që lidhen me këto lloj industrish.

Z. Dervishaj: Atë e ka .. bashkia tek taksat e pushtetit lokal por që është, besoj edhe ata

paguajnë është taksë biznesi.

Znj. Çinari: Pak a shumë fokusi është tek taksat që lidhen nga industria, megjithatë taksat e

tjera lokale mund të grupohen.

Z. Dervishaj: Sepse ne adresën e kemi të regjistruar në Kashar, por ne i paguajmë bashkisë atje

ku ndodhet fabrika, Bashkisë Krujë, direkt Bashkisë Krujë, pavarësisht se niptin e kemi në

Kashar, prandaj kjo është e lidhur direkt me...

Znj. Çinari : Kemi ndonjë pyetje këtu që të qartësohemi?

Znj. Vesiu: Ok ne do ta sqarojmë nëpër udhëzime që qëllimi janë ato taksa që janë

Znj. Çinari : Taksat agregat apo disagregat?

Znj. Vesiu: Disagregat që të kuptohen edhe natyra e taksave që paguhen.

Znj. Çinari: Ok mund të jetë edhe ndonjë informacion shtesë.

Z. Aliaj: A mund ta marrësh këtë?

Znj. Çinari : Kompania?

Z. Aliaj: Siç thotë zonjusha…ai paguan taksa për pushtetin lokal, ai nuk thotë për çfarë

janë këto taksa.

Znj. Shaka: Taksat janë sipas zërave, nëse deklaron ato deklarohen sipas zërave. Taksat nga

secili institucion deklarohet sipas zërave dhe kodeve të veçanta.

17 | P a g e

Z. Aliaj: Kam hallin për ju që mos ndeshni vështirësi.

Z. Ziu: Vështirësia është te Thesari, panvarësisht se janë kode të veçanta, në formularin e

raportimit Thesari ecën me pagesa, mund ti ketë të përbashkëta. Vjet me sa mbaj mënd unë nuk

kanë qënë të disagreguara te sistemi i Thesarit. Kurse për pyetjen që bëtë ju mendoj që ky

threshold 5000$ mund të përdoret edhe për atë që nëse ka pagesa që kanë disa gjëra që bashkë

bëjnë 5000$, atëhere poshtë asaj mos zbresim të zbërthejme se do humbim kohë.

Znj. Çinari: Dakort me këtë arsyetim. Edhe njëherë Elvis të lutem që ta dëgjojnë. Diskutuam

threshold 5000$, do ta diskutojmë të agreguar apo të disagreguar?

Z. Ziu: Ne po e përdorim 5000$ si nivel raportimi edhe për socialet, edhe për taksat

lokale etj. Kështuqë mund të përdoret si prag edhe për rastin kur ka disa pagesa të vogla që bëjnë

bashkë 5000, po a duhet të zbërthehen apo nuk duhet të zbërthehen?

Znj. Çinari: Nëse në total janë 5000, nuk ja vlen të zbërthehen.

Z. Ziu: Atëhere të mos zbërthehen sepse ne po shkojmë në ekstrem që po themi të mos

raportojmë fare.

Z. Aliaj: Unë jam dakort sepse mund të hasemi para një situate që do mbesim të bllokuar,

më mirë kështu.

Z. Ziu: Po pra dhe meqënëse po e përdorim 5000 si prag...

Znj. Çinari: Do ta mbajmë agregat 5000 dhe pastaj shohim çfarë mund të ketë mbi këto.

Z. Ziu: Po.

Znj. Çinari: Jemi ok deri këtu, ok ecim!

Znj. Vesiu: Në pjesën e dytë kemi shprehur proçedurat për mbledhjen e informacionit ku

kryesisht janë nëpërmjet kërkesave për listimin e informacionit, por do donim që këtë

informacion ta sqarojmë edhe nëpërmjet takimeve dhe workshopeve specifike. Në pjesën e tretë

ne propozojmë në faqen 13, ne propozojmë një list me workshope dhe takime dhe afate kur të

kryhen.

18 | P a g e

Z. Alikaj: Po në gusht i ke lënë pak si delikate.

Znj. Vesiu: Në fakt nëse nuk bëhen në gusht periudha tjetër me sa kuptoj unë mbetet shtatori.

Z. Aliaj: Gushtin e ke shumë të vështirë. Për ne lëre spo themi gjë, por a do arrini?

Z. Ziu: Ndoshta nuk e di në mund të bëhet me tentative, sepse kjo është me pjesëmarrje,

që ti thuhet njerëzve një tentativë për të ardhur në 15 dhe të shikohet se çfarë pjesëmarrje ka dhe

nëse nuk ka pjesëmarrje të bëhet në fillim të shtatorit.

Z. Aliaj: Po ata që mund të vinë në datë 15, nuk të vinë më në datë 1 shtator.

Z. Ziu: Vendimi do bëhet i tillë që nëse nuk ka pjesëmarrje do bëhet në shtator, nuk do

bëhen dy.

Z. Aliaj: Po nuk mund ti thuash se ja të erdhën pesë veta, e di çfarë ndodh që ti e merr në

telefon një orë përpara dhe të thotë jam rrugës duke ardhur dhe nuk të vjen dhe të vinë vetëm 5

veta dhe ti me 5 veta nuk arrin të bësh punë, apo jo? Është më mire të jesh i sigurt sepse gushti

është pak periudhë e vështirë.

Znj. Çinari: Bëjmë një axhendë të ngjeshur në javën e parë të shtatorit. Mund ti njoftojmë që

të gjithë paraprakisht por të jenë ditë shtatori kur të gjithë të jenë kthyer. Domethënë nuk ka

justifikime.

Znj. Vesiu: Ok.

Znj. Çinari: Kështu e bëjmë.

Z. Ziu: Ok javën e parë e shtatorit.

Z. Aliaj: Sa workshope keni planifikuar?

Z. Ziu: Një është workshop, të tjerat janë takime.

Z. Aliaj: Bashkë me takimet sa?

Z. Ziu: Po ka takime me Tatim Taksat, Albpetrolin, me AKBN…

Z. Aliaj: Dhe një workshop për të gjitha kompanitë?

19 | P a g e

Z. Ziu: Për kompanitë një workshop.

Znj. Vesiu: Nëse ju sygjeroni të bëhen më shumë ok, domethënë të ndahen nafta me gazin,

mineraret më vete.

Znj. Çinari: Është përdorim shumë i madh rezervash njerëzore. Po nuk është keq ai takimi i

madh se dhe ata shohin volumin , njerëzit, shkënmbejnë pyetje me njëri tjetrin.

Znj. Vesiu: Me një workshop ne i mbulojmë të tre seksionet, konfirmojmë personat përgjegjës

dhe kontaktet dhe më pas i ndjekim nëpërmjet telefonatave.

Znj. Çinari: A mendoni se është përsëri i vlefshëm workshop-i dhe pas kaq raportesh që kemi

zhvilluar?

Z. Ziu: Unë them se po sepse mendoj që është moment që edhe ata kanë mundësinë të

shprehen dhe të ndërveprojnë aty për aty në lidhje edhe me objektivat e punës, në lidhje me

format.

Znj. Çinari: 90% e raportuesve përsëriten për të pestën herë.

Z. Ziu: Pavarësisht se dhe njerëzit mund të ndërrohen.

Znj. Çinari: Ata e njohin raportimin.

Z. Ziu: Edhe këtë mundësi ne duhet t`jua japim sepse është pjesë edhe e cilësisë së punës.

Znj. Çinari: Ok nëse ju mendoni se po...

Z. Ziu: Plus mund të theksojmë në workshop se çfarë janë si lesson learned nga herët e

tjera, vështirësitë që janë hasur.

Znj. Çinari: Atëhere javën e parë të shtatorit takimin me kompanitë dhe më pas axhendën me

institucionet .

Z. Ziu: Besoj edhe këto do ti spostojmë javën e parë të shtatorit, takimet me taksat,

Albpetrol.

20 | P a g e

Znj. Çinari: Mund ta bëni juve (i drejtohet znj. Shaka) një takim imediatt duke filluar nga java

që vjen, që të spostojmë ato institucione që mund të bëhen? Azbi keni njeri në punë javën që

vjen që mund të komunikojë me Deloitte?

Z. Arapi: Për çfarë bëhet fjalë konkretisht?

Znj. Çinari: Për çështjet e raportimit. Apo do presim 1 shtatorin dhe mbrapa?

Z. Arapi: Për çfarë raportimi përshembull?

Znj. Çinari: Raportimet që mund të kërkohen, koordinim, raportim...

Z. Arapi: I kemi sjellë ne.

Znj. Çinari: Dakort por mund të ketë pyetje, nevojë për sqarime.

Z. Arapi: Për gjithçka në emailet që ju kemi dërguar dhe ju kthejmë përgjigje nga emaili.

Znj. Çinari: Këto e duan një kontakt, të vinë gjysëm ore te zyra.

Z. Arapi: Po si, jua jap unë kontaktet.

Z. Hasanlami: Dorina, fatkeqësisht gjithmonë ju na e keni kërkuar materialin dhe ne jua kemi

dhënë ju dhe ju jua keni kaluar atyre.

Znj. Çinari: Ai është proçesi.

Z. Hasanlami: Dakort, absolutisht ne nuk kemi pasur asnjë lloj kontakti me këto personalitetet

që janë këtu dhe nuk është mirë, sepse duke filluar nga mua, tek ky dhe te tjetri, këta nuk e kanë

kërkuar asnjëherë takimin, këta nuk i kanë konsultuar asnjëherë të dhënat që ne i kemi servirur.

Znj. Çinari: Po e propozojmë tani.

Z. Hasanlami: Dhe tani është mirë të ndryshohet pak historia. E marrin atë materialin dhe

të bëhet shumë herë më mirë, se është mundësia.

Znj. Çinari: Dhe ky është raport shumë i rëndësishëm për ne se do shkohet në validim me këtë

Raport.

21 | P a g e

Z. Hasanlami: Absolutisht! Se është i rëndësishëm janë këto 30 veta këtu, se po të mos ishte do

ishit vetëm ju të dy.

Z. Arapi: Ju përfaqësuesit e kompanisë jeni?

Z. Ziu: Po.

Z. Arapi: E mira është që raportin ta hidhni me baza, jo si raportin e parë.

Z. Hasanlami: Ato raportet e para po të ishte ndonjë student unë se kaloja në klasë.

Z. Arapi: Mund të shikoni, ju jeni ndërkombëtar, shikoni sesi raportojnë për minierat në

gjithë botën, ashtu raportoni edhe juve. Të dhënat i keni të larmishme nga të gjitha drejtimet.

Z. Hasanlami: Çfarë keni dashur jua kemi dhënë.

Z. Arapi: Keni të dhëna të mjaftueshme.

Znj. Çinari: Javën që vjen jeni në zyrë Azbi?

Z. Arapi: Jemi.

Znj. Çinari: A mund të zhvillojmë një takim javën që vjen apo do ti shtyjmë për në 1 shtator?

Z. Arapi: Kemi, javën që vjen mund të bëni takim.

Z. Hasanlam: Lëreni mbas shtatorit.

Z. Arapi: Kemi persona.

Z. Hasanlami: Nëse nuk është urgjent.

Znj. Çinari: Është.

Z. Hasanlami: Nëse është, ok.

Z. Arapi Mehmet, ne në momentin ku ndodhemi kemi mbyllur 6 mujorin e parë të vitit 2016.

Domethënë ne nuk kemi çfarë të shtojmë tjetër.

Znj. Çinari Janë të dhënat.

22 | P a g e

Znj. Hajnaj: 2015 është e plotë?

Z. Arapi: Po flas për 2016, ju më thoni 2015.

Znj. Çinari: Të përpiqemi të organizohemi, ok. Tani jemi gati për të diskutuar listën e

kompanive të zgjedhura për raportim. Para se të fillojmë kishte një pyetje për AKBN lidhur me

informacionin që duhet kryqëzuar?

Znj. Vesiu: Po, për pagesat sociale dhe investimet në infrastrukturë që mund të jenë të

detyruara nga kontratat?

Z. Arapi: Si edhe njëherë të lutem?

Znj. Çinari: Formulojeni pyetjen.

Znj. Vesiu: Ok, standarti kërkon që të identifikohen ato pagesa që janë pjesë e negociatave

dhe të detyrueshme për operatorët për tu kryer si investime në infrasturkturë në përfitim të

komunitetit, këtë term përdor standarti, rrugë, ujësjellës, shkolla.

Znj. Hajnaj: Çfarë projektesh kanë sociale kompanitë.

Z. Hasanlami: Nuk kanë kompanitë asnjë, atë e marrin pushteti vendor dhe mos u hallakatni

kot.

Znj. Hajnaj: Ok ja ta sqarojnë.

Z. Arapi: Te ligji taksave kombëtare është e parashikuar që në çdo njesi administrative ku

zhvillohet aktiviteti minerar me vendim të Këshillit Bashkiak vendoset një taksë për ndikimin në

zonën atje. Atje përfshin taksë tabele, taksë rruge, taksë pluhri që i përfshijnë vetë dhe këto para

shkojnë te Bashkia, ka dhe raste që marrin120-150-300 mijë lekë të reja, varet se sa e kanë

përcaktuar. Dhe këto lekë kalojnë për të ardhurat e komunitetit, bëhen çerdhe, bëhen shkolla.

Znj. Çinari: Pyetja ishte tjetër.

Z. Arapi: Cila pyetje?

23 | P a g e

Znj. Çinari: Përshembull në kontratë, kjo mund të vlej më shumë për hidroenergjinë, në

kontratë ka një parashikim, në një nga nenet e kontratës udhëzon kontraktorin që të bëj rrugë dhe

është detyrim kotraktual përshembull siç e ka pasur Devolli për komunitetin?

Z. Arapi: Skemi rast tjetër.

Znj. Çinari: Pyetje nëse mund të jepni përgjigje, siç ka bërë Devolli, rrugë për komunitetin

por e ka detyrim kontraktual dhe a e gjeni dot një informacion të dokumentuar?

Z. Hasanlami: Dorina më falni, për të qënë më konkret absolutisht shoqëria që merr përsipër

përgatitjen e raporteve dhe hedhjen e të dhënave i drejtohet Bashkisë Bulqizë, po e them shumë

konkretisht ku i kërkon listimin e të gjithë subjekteve që kanë investuar qoftë në para, qoftë

projekte.

Z. Arapi: Në aktin e miratimin, në aktin kontraktual që është midis ministrisë dhe

poseduesit të lejes minerare nuk është kjo që duhet të bëjë investime në komunitet, nuk ka një

pikë të tillë.

Znj. Çinari: Hidroçentralet kanë.

Z. Arapi: Hidroçentralet kanë sepse …

Z. Hasanlami: Një sekondë, absolutisht edhe për rastet e hidroçentraleve nuk ka asnjë lloj

kushti, përjashto rastet e veçanta siç është Devolli.

Znj. Çinari: Pra nuk e kemi tipik?

Z. Hasanlami: Nuk e ke kusht absolutisht, ke fituar një tender dhe do zbatosh çfarë është

përcaktuar aty.

Znj. Çinari: Pse pyeta, është formulimi i saktë i standartit ku thotë, a ka detyrime kontraktuale

për pagesat në komunitet?

Z. Hasanlami: Ka po sa ka?

Znj. Çinari: Kjo është pyetja dhe ne duhet ta raportojmë.

Z. Hasanlami: Këta duhet ta gjejnë se sa ka.

24 | P a g e

Z. Arapi: Ky është detyrim kontaktual dhe është i përcaktuar në ligjin minerar të Republikës

së Shqipërisë që një subjekt që të kryejë aktivitet duhet të paguaj taksat lokale, ndërsa taksat

lokale dalin nga taksat kombëtare se si përcaktohen vlera, e cila është përcaktuar me vendim të

Këshillit Bashkiak, kjo është shumë e qartë.

Znj. Vesiu: Kjo pjesë e taksave, nuk është pjesë e detyrimeve për investime direkte.

Znj. Hajnaj: Ka ndonjë detyrim në kontratë se hidrokarburet e kanë, kanë ndonjë detyrim në

kontrat që merr përsipër që do bëj projekte sociale?

Znj. Vesiu: Jo nuk ka.

Znj. Çinari: Vazhdojmë me listën?

Znj. Hajnaj: Po për mjedisin ka detyrim kontraktor?

Z. Arapi: Ka.

Znj. Hajnaj: Se më duket është edhe mjedisi, për mjedisin ka detyrim kontraktor, duhet ta kenë

parasysh.

Z. Ziu: Edhe njëherë se nuk e konsumuam. E hoqëm këtë të detyrimeve kontraktual por

morëm rastet nga zotërinjtë që kanë kompanitë dhe thanë që kanë bërë investime sociale dhe siç

na u tha që është detyrimi i AKBN që ti vlerësoj këto investime sociale dhe të shprehet që është

investim social apo nuk është investim social.

Z. Hasanlami: Se ka detyrë AKBN.

Z. Arapi: Më thuaj një kompani që ka bërë investim social.

Znj. Cela: Përshembull Bankers, sepse ne e aplikojmë a është kosto e rikuperueshme apo jo

investimi social, ne e aplikojmë në AKBN faktikisht dhe ne jemi në proçes, përshembull me

ekspertë për 2011, 2012 është prap me rivlerësim.

Z. Arapi: S’jam i autorizuar t’ju përgjigjem për këtë, vazhdojmë te pyetja tjetër.

Z. Hasanlami: Në lidhje me mjedisin që thatë ju, nuk ka prap asnjë lidhje me pushtetin vendor

ose me pushtetin lokal.

25 | P a g e

Znj. Hajnaj: Po ka detyrim kontraktor.

Z. Hasanlami: Marrëdhëniet i mban me Ministrinë e Mjedisit (flasin disa veta në të njëjtën

kohë).

Znj. Çinari: U qartësuat? Vazhdojmë me listën.

Z. Aliaj: Unë kisha diçka, do bëhet vetëm me vetëdeklarim apo do bëni edhe kryqëzimin

nëse është e mundur me Tatimet?

Z. Ziu: Nuk besoj se bëhet dot, plus e dyta nuk është se i shton ndonjë vlerë se është

vetëdeklarim edhe ky edhe ai (flasin disa veta në të njëjtën kohë).

Znj. Çinari: A mund të bëjmë një gjë, të shohim se kush do jetë raportimi fillestar nga

kompanitë dhe sa raportohen si pagesa sociale?

Z. Hasanlami: Më falni pse e anashkaloni këtë që themi ne dhe kjo është thelbësore?

Absolutisht tek pushteti vendor të gjitha subjektet, shoqëria që ka për detyrë që të bëjë këtë

raport merr të dhënat nëpërmjet jush ose vetë tek çdo lloj bashkie. Pse e anashkaloni këtë ju?

Znj. Cela: Ka projekte sociale që nuk bëhen në bashki.

Z. Hasanlami: Absolutisht të dhënat për investimet sociale të merren pranë bashkive.

Znj. Çinari: Nuk i ka raportuar bashkia.

Z. Ziu: Nuk i ka bashkia.

Z. Hasanlami: Po nuk raportoj, nuk është bërë. Pse e shmangni këtë, kjo është thelbësore?!

(flasin disa veta në të njëjtën kohë).

Z. Arapi: Në lidhje me këtë nismën adopto një çerdhe, a ka ndonjë posedues leje të adoptoj

një çerdhe? Këtë pyetje mund ta bëni dhe mbaroj loja, Bankersi përshembull i ka deklaruar.

Z. Hasanlami: Këta që bëjnë raportin sëbashku me ju, në Bulqizë ku janë 50 subjekte, shkoni te

kryetari bashkisë dhe me pjesën e subjekteve dhe menjëherë në një ditë e zgjidhni problemin.

Këta nuk duhet të rrinë vetëm këtu në Tiranë.

26 | P a g e

Znj. Çinari: Jo jo, ajo është detyrim kontraktual mos u mërzit për atë.

Z. Hasanlami: Kemi pasur raporte kot.

Z. Ziu: Raporte koti nuk kanë qënë se janë vlerësuar ndërkombëtarisht. Është tjetër Raporti i

Transparencës dhe është tjetër Raporti i Industrisë për qëllime të tjera.

Z. Hasanlami: I kuptoj të dyja.

Z. Ziu: Ky është Raport Transparence dhe për qëllimin e transparencës ky ka arritur

standarte ndërkombëtare.

Z. Hasanlami: Po se varet dhe kush e vlerëson ...

Znj. Çinari: Ata që kanë shkruajtur standartin.

Z. Ziu: Ata që kanë tagrin për ta vlerësuar.

Z. Hasanlami: Tani nuk po hyjmë të bëjmë debate, se nga 80 faqe, 70 ka qënë materiali jonë.

Znj. Çinari: Po natyrisht që po.

Z. Ziu: Ne sdo shpikim të dhëna.

Z. Arapi: Po na jepni edhe neve ndonjë bonus.

Z. Hasanlami: Pse e themi këtë që të përmirësohet raporti i 2015.

Znj. Çinari: Po. Zotërinj do miratojmë listën e kompanive?

Z. Arapi: Për mua ishte okay .

Z. Hasanlami: Janë disa kompani si gjysëm të falimentuara.

Znj. Çinari: Kush?

Z. Hasanlami: Po përshembull Albchromi.

Z. Arapi: Albchromi ka leje të tjera, punon.

Z. Hasanlami: Shikojeni po jua sjell në vëmëndje. Nëse punojnë në rregull.

27 | P a g e

Z. Gjergo: Është marrë mendimi i AKBN për të gjitha kompanitë. Ne mbi bazën e këtyre do

punojmë se nuk kemi informacion tjetër. Nëse një kompani për vitin 2015 ka patur një aktivitet

të kënaqshëm, ka prodhuar x që është mbi atë pragun tonë, ne nuk mund ta lëmë pa e vënë në

listë. Pastaj që mund të ketë vështirësi mbledhja e informacionit kjo është tjetër gjë.

Z. Arapi: Të gjitha këto kompani që flasim dhe që zhvillojnë aktivitet minerar për mua janë

që të gjithë aktiv.

Z. Hasanlami: Edhe Beralba?

Z. Arapi: Është edhe Beralba.

Z. Gjergo: Edhe Beralba po ta them e ka dërguar informacionin. Ja kemi kërkuar me email

dhe na e kanë sjellë.

Z. Hasanlami: Beralba ka një vit e gjysëm që s’bën asgjë.

Znj. Çinari: Ka pasur pagesa, ka deklaruar pagesa.

Z. Arapi: Është okay Mehmet. Beralba ka material stok të cilin në momente të caktuara

edhe për efekte krize e shet edhe poshtë çmimit. Ne si shtet Beralbës i kemi marrë 260 mijë $

garanci investimi, i kemi hedhur në buxhet të shtetit, për mosinvestim.

Znj. Vesiu: Edhe kjo duhet raportuar, garancia e investimit.

Z. Hasanlami: Të gjitha subjektet minerare kanë dy gjëra që po themi i lënë/garantojnë në

bankë. Garancinë e rehabilitimit të mjedisit dhe garancinë e investimit. 670 e ca, të gjitha pa

përjashtim kanë nga një llogari, një për garancinë e investimit për pesë vitet e para dhe një për

mjedisin. Këto janë absolutisht të dhëna që ne i kemi, por edhe njëherë Beralba ka një vit e

gjysëm që e ka mbyllur hesapin

Z. Shehu: Ne analizojmë të ardhurat nuk analizojmë prodhimin.

Znj. Vesiu: Bëhet fjalë kur kjo garanci përvetësohet përshkak se kompania nuk performon në

kushte të caktuara siç është kontaktuar. Kjo garanci duhet të raportohet si e ardhur e shtetit në atë

vit që progresohet. Nëse ka të tilla përgjatë vitit 2015 duhet të raportohen.

28 | P a g e

Z. Arapi: Po, kemi. Ka pasur edhe një ndryshim tjetër. Përvetësimi i asaj garancie është

bërë duke ju referuar VKM-së 440, por VKM-ja 440 e garancive ka ndryshuar me VKM-në 741.

Dhe VKM-ja 741 tashmë e ka transportuar garancinë deri në vitin e fundit të parashikuar në

tabelën .. i investimit edhe 60 ditë më vonë. Pra, nëse subjekti ka parashikuar që ka një leje

minerare 25 vjet dhe ka parashikuar që për pesë vitet do bëjë investimet dhe viti i tretë ose i pestë

i përket viti me investim maksimal, ne marrim 10% e fitimit maksimal, ja dërgojmë me afat deri

60 ditë mbas pesë viteve kur kishte planifikuar dhe mbas pesë viteve ai vjen dhe thotë unë e kam

mbaruar investimin më kthe garancinë duke e argumentuar me preventivat dhe situacionet. Në

rast të kundërt strukturat përgjegjëse shohin vitet e investimit dhe pagesat. Nëse rezulton që

subjekti nuk e argumenton gjatë verifikimit në vend nuk është kryer investimi këto para shkojnë

në buxhetin e shtetit. Dhe nëse garancia e investimin me VKM-në 440 paguhej çdo vit, 10 %

vlerës që miratohej në projekt-programet vjetore, tashmë paguhet vetëm njëherë dhe merret vlera

e prodhimit maksimal që miratohet me vendim të Këshillit Teknik.

Znj. Vesiu: Kjo është pjesë e mbajtjes së garancisë. Ne do pyesim se kur ka raste kur kjo

garanci nuk kthehet.

Z. Arapi: E ke të detajuar te VKM-ja 741, paragrafi tretë, pika 4, gërma b, të sqaron kur e

merr dhe kur nuk e merr garancinë e investimit.

Znj. Çinari: Keni ndonjë gjë tjetër për të diskutuar? Arsyetimi mbi materialitetin, do

diskutojmë edhe mbi atë se dhe ajo është pjesë që duhet dokumentuar.

Znj. Vesiu: Ok ne do nisim komentet tona.

Znj. Çinari: Edhe një diskutim të vogël dhe e mbyllim mbledhjen.

Z. Gjergo: Mbi 88% e aktivitetit minerar që deklaron, ky ka qënë objektivi për raportin 2015.

Dihet që nafta është 100%, hidroenergjia është mbi 96%, për minierat është rritur pragu nga

dikur 75 ka arritur në 88. Për raportin 2013-2014 ishte 85%, sivjet jemi mbi 88%.

Z. Arapi: Kam një kundërshtim me ty, se në 2013 ke pasur raportin 33%.

Znj. Çinari : Jo.

29 | P a g e

Z. Gjergo: Nga AKBN informacioni për vitin 2015 ka qënë shumë më i plotë, se nga të gjitha

vitet e mëparshme. Pa llogaritur që janë shtuar edhe të dhëna të tjera, informacione të tjera mbi

garancitë e mjedisit, garancitë minerare, janë futur të ardhurat, është futur kolona e rentës, kështu

që informacioni për 2015 është shumë më i plotë dhe pa diskutim që edhe raporti do jetë shumë

më i plotë se sa të më parshmit. Edhe gëlqërorët ku para një viti, ku kemi diskutuar, që ne i

kishim lënë te 77%, sivjet janë te 88%.

Z. Arapi: Unë mendoj që strukturat ndihmëse, më mire të rrinë, të fusin thembrën e akilit te

feedback, çfarë bëhet me këtë informacion. Ka mundësi të dalin raporte se çfarë bëhet me këtë

informacione. Dhe do doja që administratori të rekomandonte duke ju referuar këtyre ku duhet

të fokusohet industria minerare, gjithë këto të dhëna që kemi dhënë. Të bëjmë një bashkëpunim

ndryshe.

Znj. Çinari: Prandaj ju kërkohet diskutime me ju direkte.

Z. Alikaj: Kemi vetëm problemin e amendimeve që janë thënë kaq kohë dhe nuk janë bërë.

Z. Arapi: Atë bëre shumë mirë që e preke. Unë dhe Mehmeti e kemi mbaruar, kemi kaluar

një paketë lehtësuese për industrinë minerare, se ku ndodhet ajo paketa lehtësuese, nuk e di.

Z. Hasanlami: Shumë pak keni ju këtu, kryesoret nuk i keni futur, kush e ka bërë këtë

listën për hidroenergjinë?

Z. Gjergo: Është marrë nga AKBN-ja, nga Drejtoria e Hidroenergjisë, gjithë aktiviteti siç e

ka dhënë Drejtoria Minerare dhe Drejtoria Hidroenergjitike.

Z. Hasanlami: Po pjesa kryesore që nuk është?

Znj. Çinari: Kush nuk është?

Z. Gjergo: Po nuk janë në listën e AKBN-së nuk janë as aty.

Znj. Çinari: Ki parasysh ato që kanë gjeneruar të ardhura, gjenerojnë të ardhura, taksa etj dhe

ato që gjenerojnë të ardhura nga energjia.

Z. Hasanlami: Ka objekte që kanë 3-4 vite në prodhim dhe nuk janë.

30 | P a g e

Z. Gjergo: Varet nga sasia që kanë prodhuar. Prodhimi është në fund fare, ky ka rezultuar.

Znj. Çinari: Kush është kompania?

Z. Hasanlami: Janë 15, ti listoj, që edhe ata janë në aktivitet dhe prodhojnë energji elektrike.

Nëse ju mjaftojnë këto jeni në rregull.

Znj. Çinari: Sa është pragu, se i kemi llogaritur me prag.

Z. Hasanlami: Nëse ju keni lënë një përqindje është histori tjetër.

Znj. Çinari: Po, kemi prag.

Z. Hasanlami: Po keni prag, jeni në rregull

Znj. Çinari: Ju faleminderit shumë!

Z. Hasanlami: Edhe ju faleminderit!

Mbyllet mbledhja!!