circular familias rastro 16
TRANSCRIPT
VIII RASTRO SOLIDARIO E OPERACIÓN QUILO 2016
Queridas familias:
Como xa é toda unha tradición no noso centro, un ano máis Monferosolidario solicita
a vosa colaboración para levar a cabo o VIII Rastro Solidario. Esta actividade centrada na
educación en valores e educación para o desenvolvemento ten como obxectivo fundamental
sensibilizar ao alumnado e en xeral a toda a comunidade educativa. Este ano, igual que no
ano anterior, en lugar de utilizar “cartos” para realizar as compras, o faremos mediante un
troco con alimentos non perecedeiros, e deste xeito efectuaremos tamén a xa tradicional
“Operación Quilo”, en colaboración coa “Cociña Económica de Ferrol”.
O alumnado, profesorado e familias poderán aportar os obxectos para o Rastro.
Tipo de materiais: libros, cds, dvds, xoguetes, bisutería, obxectos decorativos...
que estean en boas condicións, sen deterioro.
O prazo para entregar os obxectos é o mércores 16 de marzo de 2016.
Os obxectos estarán expostos á venda no VI Rastro Solidario que terá lugar o
venres 18 de marzo de 2016, en horario lectivo, nos corredores do edificio de
secundaria.
Cada grupo visitará o Rastro co seu titor/a, seguindo un horario previamente
establecido, podendo efectuar compras (non esquecer levar alimentos se
queredes facer o troco).
As familias poderán participar na actividade, axudando no rastro e realizando
compras.
Dende a Asociación de Pais de Alumnos, tamén queremos animar a todos a
participar intensamente nesta gran idea que xurde nun momento de gran necesidade.
Estamos ante unha época nas que as cociñas económicas non paran de crecer en número de
persoas e estamos ante unha ocasión marabillosa para aportar o noso grao de area.
Pedímosvos dende aquí unha contribución masiva, tanto de artigos para vender como de
alimentos non perecedeiros para realizar as compras, para que o día 18 de marzo, poidamos
recorda-lo como un novo momento histórico da contribución do colexio, por medio dos
profesores, pais, nais, nenos, nenas, membros do colexio e os que formamos parte de esta
APA a aqueles familias que teñen tantas dificultades para comer cada día.
CENTRO PÚBLICO INTEGRADO Plurilingüe “VIRXE DA CELA” O XESTAL – MONFERO – 15315 A CORUÑA
TFNO: 981 – 777606 FAX.: 981 – 793044
Correo E.: [email protected]
Enderezo web: www.centros.edu.xunta.es/cpivirxedacela