hytaýyň ikinji nesil globallaşma prosesi
TRANSCRIPT
![Page 1: Hytaýyň ikinji nesil globallaşma prosesi](https://reader038.vdocuments.mx/reader038/viewer/2022100421/55ad1c351a28ab83238b45b9/html5/thumbnails/1.jpg)
Hytaýyň ikinji nesil globallaşma prosesi
Myrat Ýülek Terjime: Gutlymyrat Ýegendurdyýew about.me/gutly
Hytaý möçberi boýunça dünýäniň 2-nji uly ykdysadyýetine öwrüldi. Ykdysadyýeti
ABŞ-nyň 1/3-e deň. Sarp edijilik taýdan bolsa aratapawut hasam az. Eger Hytaý
häzirki ösüşine dowam etse ýene 30 ýyldan soň ykdysadyýeti ABŞ-y yzda galdyrar.
Şol bir wagtyň özünde Hytaý häzirki wagt dünýäniň iň esasy eksporteri. Eksport
edilýän harytlar öňküsi ýaly arzan oýunjaklardan düzülmeýär. Otly wagonlaryndan
awtoulaglara, telefonlardan modemlere, telekom torlaryndan gidroelektrik
stansiýalaryň elekromagnetiki sistemalaryna çenli köpdürli eksport harytlaryndan
düzülýär.
Häzirki günlerde Hytaý Hindistan bilen deňeşdirilýär. Ekonomist žurnaly geçen
ýyllarda bu iki ýurduň bäsdeşligini analiz etdi. Netijede Hindistanyň uzak geljekde
Hytaýy yzda galdyrjakdygyny öňe sürdi. Analizden has köp çaklama meňzeýän bu
makalada Hindistanyň demokratikligi, Hytaýyň bolsa seresaply syýasaty esasy
sebäp edilip görkezilýär.
Belki çyndanam uzak geljekde Hindistan garaşylmadyk netijeleri görkezip biler.
Ýöne ýakyn geljege nazar aýlanymyzda Hytaýyň agresiw şekilde dünýä açylmaga
başlandygyny görýäris.
Hytaý indi 80-nji ýyllardaky ýaly işçi bazary bolmak bilen çäklenmeýär. Soňky
ýyllarda dünýä açylmagyň ikinji neslini başladandygyny aýdyp bileris.
Hytaýyp agresiw açylmak döwri: Ikinji nesil syýasatlar
Ikinji nesliň Hytaýy, eksporta gönükdirilen ösüş stilini kämilleşdirmek we bäsleşige
ukyplylgyny ýokarlandyrmak üçin iki aýakly strategiýa amala aşyrýar. Birinjiden, çig
mal we energiýa resurslarynyny diwesifikasiýalaşdyrmak üçin halkara dostluklaryny
güýçlendirýär. Afrika, Latyn Amerika ýaly ýurtlar bilen güýçli gatnaşyklary ýola
goýan Hytaý polatdan nebite, himikatlardan obasenagat önümlerine çenli bolan
zerurlyklaryny kanagatlandyrmaga synanyşýar. Braziliýada Hytaýyň inwestisiýalary
şol sebäpli artýar. Geçen ýyllarda amerikan nebit şereketi bolan Unokoly satyn
almak isläp ýiti reaksiýalara duçar bolan Hytaý meseläniň çözümini ösen däl-de
ösýän ýurtlara inwestisiýa goýmakda tapdy.
Ikinjiden, Hytaý Ýewropa bazaryna ymykly ornaşmak üçin giriş nokatlary gazanmak
isleýär. Bu babatda hytaýlylar Gresiýa ýaly krizisdäki ýurtlary we Ýewropanyň
etegindäki ýurtlary üns merkezinde saklaýar.
Üçünjiden bolsa Hytaý syýasatda ýuwaş-ýuwaşdan talap we nägileliklerini aç-açan
bildirmäne başlady.
![Page 2: Hytaýyň ikinji nesil globallaşma prosesi](https://reader038.vdocuments.mx/reader038/viewer/2022100421/55ad1c351a28ab83238b45b9/html5/thumbnails/2.jpg)
Üçünji nesil syýasaty nähili bolar?
Meniň pikirimçe Hytaýyň 3-nji nesil syýasatlarynyň esasy diregi uly bazarly
ýurtlarda logistika nokatlaryny ele geçirmek bolar. Şeýle etmek arkaly giň göwrümli
bazarlary ele geçirmek we ähli sarp ediji ilata öz önümlerini ýetirmek isleýär. Bu bir.
Ikinji tarapdan energiýa we çig mal çeşmelerine eýe bolmak üçin Hytaý has köp
güýç sarp eder. Muny başarmasa Hytaý Aswtraliýa ýaly esasy çig mal çeşmelerine
sözüni geçirip bilmeýär.
Ýagny Hytaý, Russiýanyň gaz bazaryndaky agalygyny söwda we çig mal bazarynda
ele geçirmek isleýär.
Sözümiň soňunda Hytaýyň bu maksatlaryny amala aşyrmak üçin maliýe goldawyna
mätäç däldigini hem aýdaýyn.