kystkultur som møtestad. motivasjon, strategi og suksesskriterium for sponsorar av tall ships races...
TRANSCRIPT
Prosjektrapport nr. 9/2010
Forfattar:
Line Grønstad
Kystkultur som møtestad Motivasjon, strategi og suksesskriterium for sponsorar av Tall Ships Races i Kristiansand 2010
Prosjektrapport nr. 9/2010
Kystkultur som møtestad Motivasjon, strategi og suksesskriterium for sponsorar av
Tall Ships Races i Kristiansand 2010
Line Grønstad
Tittel Kystkultur som møteplass.
Motivasjon, strategi og suksesskriterium
for sponsorar av Tall Ships Races i
Kristiansand 2010
Forfattar Line Grønstad
Rapport Prosjektrapport nr. 9/2010
ISSN-nummer 0808-5544
Trykkeri Kai Hansen Trykkeri AS
Foto på framsida er tatt av Line Grønstad.
Bestillingsinformasjon
Utgjevar
Agderforskning
Gimlemoen 19
N-4630 Kristiansand
Telefon 48 01 05 20
Telefaks 38 14 22 01
E-post [email protected]
Heimeside http://www.agderforskning.no
Agderforskning
Forord
Målet med dette prosjektet er å sjå på motivasjonen for å støtte eit
kystkulturrelatert arrangement. Tall Ships Races vart arrangert i
Kristiansand dei siste dagane av juli 2010. Dei mange og varierte
sponsorane til arrangementet har gjort det til ein interessant case for å
sjå på motivasjonen bedriftene har hatt for å inngå sponsorsamarbeid
med Tall Ships Races.
Undersøkinga er gjennomført ved hjelp av kvalitative intervju av 15
av sponsorane til Tall Ships Races, Kristiansand.
Takk til alle som har tatt seg tid til å svare på undersøkinga.
Undersøkinga er gjennomført av Agderforskning AS ved Line
Grønstad frå avdeling for kultur og næring, som del av prosjektet
Porto Franco. Porto Franco er finansiert av Kristiansand kommune,
Vest-Agder fylkeskommune, Riksantikvaren og Cultiva.
Kristiansand, desember 2010
Line Grønstad
Innhaldsliste
Forord ......................................................................................................................................... 4 Innhaldsliste ............................................................................................................................... 5
Samandrag .................................................................................................................................. 6 1. Innleiing .............................................................................................................................. 7
1.1 Kultursponsing– litteratur og tidlegare forsking .............................................................. 7 1.2 Metode .............................................................................................................................. 9 1.3 Disposisjon av rapporten .................................................................................................. 9
2. Kontakta mellom bedrift og arrangement ......................................................................... 10 3. Kvifor sponse Tall Ships Races ........................................................................................ 12 4. Tall Ships Races i ein generell sponsorstrategi ................................................................. 15 5. Kultursponsing som spesiell strategi ................................................................................ 17 6. Suksesskriterium for sponsoratet ...................................................................................... 19
7. Effekten av sponsinga ....................................................................................................... 22 8. Erfaringar .......................................................................................................................... 23
9. Sponsorsamlingane og sponsorrestauranten ..................................................................... 25 10. Frivillige frå sponsorbedriftene ..................................................................................... 27 11. Konklusjon .................................................................................................................... 29 Litteraturliste ............................................................................................................................ 30
FoU-informasjon ...................................................................................................................... 31
Agderforskning
6
Samandrag
I juni 2010 var Kristiansand ein av fire hamner som seglskuteracet Tall Ships Races dette året
var innom, og den einaste norske av hamnene. I denne undersøkinga har motivasjon, strategi
og suksesskriterium som bedriftene har hatt i sine sponsorsamarbeid med arrangementet
lokalt. Undersøkinga viste at dei fleste bedriftene vart kontakta direkte av Tall Ships Races,
og sponsortilhøvet vaks fram gjennom jamleg kontakt og møter. Likevel var det fleire av
bedriftene som vart involvert på andre måtar, til dømes gjennom sjølve å ta kontakt og
gjennom anbodskonkurransar.
Motivasjonen for å inngå sponsoravtalar med Tall Ships Races delar seg på
samfunnsansvar – det å hjelpe til med å lage ein folkefest i regionen; salsmoglegheiter under
arrangementet; og merkevarebygging. For dei fleste var det ein kombinasjon av fleire årsaker.
Bedriftene skil seg frå kvarandre når det gjeld generelle sponsorstrategiar, der nokre
arbeider mykje med strategiane sine, og andre lite. Når det gjeld kultursponsing og Tall Ships
Races spesielt var det for dei fleste storleiken til arrangementet med mange besøkande og
profesjonaliteten til arrangørane som gjorde sponsorsamarbeid interessant å inngå. Temaet var
slik sett mindre viktig sjølv om fleire peika på at ikkje alle tema hadde potensiale til å bli så
stort som dette seglskuteracet hadde.
Særleg interessant i ein kystkultursamanheng er etterlysinga nokre av dei større
bedriftene kjem med av profesjonalitet hos kulturaktørar som ønskjer sponsorar og
samarbeidspartnarar. Forståing for bedriftene sine behov er ønska i større grad, og samarbeid
som blir inngått bør ha ein samanheng med behov som bedrift og kulturaktør saman kan fylle.
Suksesskriteria til bedriftene hadde ein stor grad av samanheng med
sponsorstrategiane og med motivasjonen for å vere med på Tall Ships Races. For bedriftene
med sal som motivasjon, hang suksessen saman med salsmål. For bedrifter med
samfunnsansvar som hovudmotivasjon, var arrangementet ein suksess dersom det vart sett
som ein suksess i media og blant dei som besøkte arrangementet. Tilsvarande var det for
mange vanskeleg å måle effekt. Dei som dreiv med sal på området hadde inntektene som
direkte effekt av sponsoratet. For mange var det lita eller inga direkte effekt av støtta. For
fleire var det ikkje relevant å sjå på direkte effekt då kriteria for suksess i større grad hadde
samanheng med om det vart ein folkefest eller ikkje.
Erfaringane bedriftene sat att med etter arrangementet varierte i karakter frå å vere
svært konkrete, som til dømes rundt sponsorsum og oppsetjing av salsbuer, til å bekrefte at
bedrifta kan vere involvert i arrangement av ein slik storleik. Fleire bedrifter gjorde seg i liten
grad nye erfaringar.
Sponsorsamlingane var viktige for mange av bedriftene, og ei av dei viktigaste
elementa som vart trekt fram av fleire bedrifter. Kontakta med dei andre sponsorane førte til
nye kundar og auke i nettverk for bedriftene. Nokre bedrifter meinte likevel samlingane kunne
hatt større rom for å bli kjent med kvarandre heller enn å fokusere på produkt.
Bedriftene vart spurt om det var frivillige på Tall Ships Races frå deira organisasjonar,
men ingen av dei som er med her hadde eit bevisst forhold til å oppfordre eigne tilsette til å
vere frivillige.
Agderforskning
7
1. Innleiing
Dette prosjektet er del av forskinga Agderforskning har gjort for Porto franco. Porto franco er
eit pilotprosjekt under Miljøverndepartementets Verdiskapingsprogram på
kulturminneområdet (2007-2010) som blir administrert av Riksantikvaren. Føremålet for
pilotprosjekta har vore å bruke kulturminne for å få fram ny kunnskap og opplevingar. Dette
har blitt gjort mellom anna gjennom konseptet ”Kristiansand kulturelle frihavn” som praktisk
tek form av ei samling av dei mange eldre båtane som held til i området. Det kan også
utviklast til å gjelde meir metaforisk. Dei gamle frihamnene – porto franco – var stader ein
kunne komme i land utan pass, og utvikla seg til stader med variert kultur og religionar. Som
pilotprosjekt er 2010 det siste året Porto franco blir gjort, men prosjektet blir vidareført
mellom anna gjennom arbeidet med å opprette ei nasjonal museumshamn i Kristiansand.
Verdiskaping er eit nøkkelord i denne samanhengen. Korleis kan kystkultur nyttast
som utgangspunkt for verdiskaping. I denne rapporten blir dett sett på i ein sponsorsamanheng
med Tall Ships Races som eit eksempel på eit arrangement med basis i kystkultur. Nokre
dagar i slutten av juli 2010 var det ein folkefest utan like i Kristiansand. Det var Tall Ships
Races, eit løp arrangert av Sail Training International (STI) som har som føremål å utdanne
unge menneske gjennom segltrening ”uavhengig av nasjonalitet, kultur, religion, kjønn og
sosial bakgrunn”1. Tall Ships Races er ein årleg seglas som oftast går mellom fire hamner, og
har vore arrangert i Europa sidan 1956. Under seglasen i 2010 deltok i underkant av 80 skuter
frå fleire verdsdelar. Arrangørane for Kristiansand som hamn har vore Kristiansand
kommune, Næringsforeininga i Kristiansandsregionen og Kristiansand Hamn.
Tall Ships Races i Kristiansand har ikkje vore gratis å arrangere, sjølv om dei mange
besøkande på arrangementet fekk konsertar og show utan å betale. Her er høve nytta til å sjå
på kva som får bedrifter til å ønskje å støtte kystkultur og sponse noko slikt som dette. Dei er
spurt om motivasjon, forventningar og effekt, og resten av rapporten er ei oppsummering av
svara sponsorane gav. Vidare i dette kapitlet kjem fyrst ein kort oversikt over noko tidlegare
forsking gjort på kultursponsing, og så ein gjennomgang av metoden som er brukt.
1.1 Kultursponsing– litteratur og tidlegare forsking
Det er opp gjennom åra skriven ein del på sponsing av kultur. Ein del av desse tek form av
handbøker der bedrifter og kulturaktørar får oppskrifter for korleis skaffe og nytte seg av gode
samarbeid med andre aktørar (Christensen, 1992; Grönkvist, 1985; Nielsen (red.), 1991;
Stolper & Hopkins, 1989; Turner, 1987). Auka i studentoppgåver mot midten av 2000-talet
viser ei auke i interesse for feltet innanfor bedriftsrelaterte fag. Nokre har tatt utgangspunkt i
ein kulturaktør og sett på moglege betringar i arbeidet med å skaffe samarbeidspartnarar og
sponsorar i næringslivet (til dømes Andersen & Dietrichson, 2004; M. Jørgensen, Monstad, &
Halvorsen, 2004; Næss, Wilberg, & Aasen, 2005). Andre har sett på kultursponsing frå
bedriftsperspektivet (Fjære, Berstad, & Engh, 2004; Skard, 2004). Alle desse nemnte
studentoppgåvene er levert ved handelshøgskular, og sjølv om det hos dei fyrstnemnte er
teken utgangspunkt i kulturaktøren, er dei skrivne i eit bedriftsutviklingsperspektiv. Dei skil
seg frå tidlegare oppgåver der sponsing blir sett som problematisk for kulturaktørane og
fridomen deira (E. Jørgensen, Kallestad, Myhre, & Stavn, 1985). Trenden har altså endra seg
frå at sponsing er problematisk for kulturaktøren til å vere ein rikdom for både bedrift,
kulturaktør og samfunn.
Desse trendane er analysert nærare i boka Kunst og kapital. Nye forbindelse mellom
kunst, estetikk og næringsliv av førsteamanuensis ved Institutt for kommunikasjon – kultur og
1 www.sailtraininginternational.org/about-us/link-1
Agderforskning
8
språk, ved BI, Donatella De Paoli og teatervitar Anne-Britt Gran (Gran & De Paoli, 2005).
Her blir det hevda at bedrifter har behov for å blir meir legitime aktørar i samfunnet;
innovasjon er i fokus, og samarbeid med kulturaktørar kan vere til nytte i ein slik samanheng;
og bedriftene sin image overfor kundar og eigne tilsette kan gjerast meir tiltalande. Slik har,
svært forenkla skildra, synet på kva som fører til inntening endra seg frå fokus på produksjon
til fokus på møtet mellom samfunn og bedrift. Som denne rapporten viser er dette møtet ein
viktig del av motivasjonen for å sponse Tall Ships Races. Møtet blir dermed ei konkret
hending gjort mogleg gjennom arrangementet.
Anne-Britt Gran føl opp arbeidet i Kunst og kapital med boka Kultursponsing, saman
med Sophie Hofplass (Gran & Hofplass, 2007). Dette er i stor grad ei kartlegging av norske
bedrifter si sponsing av kultur, sett gjennom eit marknadsføringsperspektiv frå bedriftene si
side. Fleire av funna når det gjeld motivasjon samsvarar med tendensar i denne rapporten.
Gjennom heile denne rapporten blir omgrepet sponsing nytta. Dette er eit omgrep som
ein meir og meir går vekk i frå. I staden blir det snakka om kultursamarbeid og dette viser til
ei endring i syn på makt og etterspurnad i tilhøvet mellom kulturaktøren og bedrifta. Det er
ikkje lenger slik at bedrifta gir pengar til ein trengande kulturaktør, og får marknadsføring
attende. Det er i større grad ei forståing av at kulturaktørane har evner og kunnskap som
bedriftene har nytte av også, slik at begge partar sit med kompetanse som kan vere nyttig for
den andre. Inn i ein slik tankegang vart Forum for kultur og næringsliv skipa. Det er ei
foreining som arbeider med å styrke relasjonane mellom kulturaktørar og næringslivsaktørar,
for på denne måten å bidra til vekst innan næringsutvikling og stadsutvikling, basert på kultur.
Forumet vart skipa i 2001, og har i underkant av 200 medlemmar innan kultur, næring og
offentleg sektor2. Nettsidene skildrar grunngjevinga for forumet slik:
Kulturlivet og næringslivet eksisterer i tilsynelatende forskjellige sfærer, med ulike verdisett og mål. I
virkeligheten må også kulturlivet tenke inntjening og økonomi. Bak en vellykket næringsvirksomhet
ligger ofte et brennende engasjement og ønske om å skape verdier ut over det som måles på bunnlinjen.
I 2010 gav Forum for kultur og næringsliv ut rapporten Status 2010 der samarbeidsformer
mellom kulturaktørar og næringslivsaktørar i Noreg var kartlagt kvantitativt i ein del (Vaagen
& Gran, 2010), og ein kvalitativ del der konkrete samarbeid var undersøkt nærare i form av
elleve case (Hjemdahl, Pedersen, Lind, & Grønstad, 2010). Arbeidet med denne rapporten har
danna grunnlaget for eit av desse casea. Her er i tillegg eit kapittel om National Oilwell sitt
engasjement i Tall Ships Races (Hjemdahl, Pedersen, Lind, & Grønstad, 2010).
Sjølv om det er kultur og næringslivssamarbeid og verdiskapinga som slike samarbeid
har potensial for som blir stadig meir interessant i forskingssamanheng, er det likevel i denne
casen relevant å kalle det sponsing. Tall Ships Races er ei hending som skjer over nokre få
dagar, og midla frå bedriftene blir brukt til å gjennomføre arrangementet. Bedriftene får på si
side profilering og moglegheit for sal av eigne varer. Dermed blir dette ein tradisjonell
forretningstransaksjon meir enn eit samarbeid.
Det kan likevel kommenterast at både omgrepet kultursponsing og omgrepet
kultursamarbeid seier noko om makt og kven som definerer aktiviteten. Det er den passive
part, den som mottek støtta som får namn på aktiviteten. Det er altså ikkje bedriftssamarbeid
eller bedriftssponsing sjølv om det i mange tilfelle er ein tovegskommunikasjon der begge
partar får og gir tenester. Ei innvending er sjølvsagt at kultursponsing som omgrep skil det frå
til dømes idrettssponsing, og dermed gir eit slikt namn god meining. Likevel kunne det på
same vis i mange samanhengar vere interessant å snakke om samarbeid eller sponsing med
ulike bedrifter etter storleik, tema, kundar eller nasjonalitet.
2 www.kulturognæringsliv.no
Agderforskning
9
1.2 Metode
Undersøkinga er gjort ved hjelp av semistrukturerte intervju, det vil seie med utgangspunkt i
ein spørsmålsguide. Personane som vart intervjua var i all hovudsak kontaktperson for si
bedrift opp mot Tall Ships Races. Sponsorane har bidrege til arrangementet på forskjellige
nivå. Av i alt 17 bedrifter som var partnar, hovudsponsor og generalsponsor, er 14 intervjua
her. I tillegg har ein leverandør blitt intervjua. Intervjua vart gjort hovudsakleg per telefon,
medan eit vart gjort ansikt til ansikt. Intervjua vart gjennomførte under og innan tre veker
etter Tall Ships Races i Kristiansand. Alle har fått eigne sitat til gjennomlesing og
godkjenning. I rapporten er bedriftene anonymisert, men blir kalla for lokalmarknadsbedrifter
og globalmarknadsbedrifter der skilnaden er at globalmarknadsbedriftene i liten grad har
kundane sine i regionen og blant dei besøkande og sponsorane til arrangementet. Der
bedriftene blir skildra som ”større” og ”mindre” viser dette til storleiken i regionen som
arbeidsplass.
I tillegg har det blitt gjort ei eiga studie av hovudsponsor National Oilwell sitt
engasjement i Tall Ships Races, med fleire intervju blant sentrale avgjersletakarar,
sponsorgrupper og gjennomførarar av sponsoratet. Dessutan blei det utført deltakande
observasjon under sjølve arrangementet. Materialet er skriven ut i ei verksemdsrapport som
internt evaluerer Tall Ships Races sponsoratet (Hjemdahl, 2011). Resultat frå dette materialet
vil også bli nytta i denne rapporten, anonymisert på lik line med dei andre verksemdene.
1.3 Disposisjon av rapporten
Rapporten byrjar med å sjå på korleis kontakt vart oppnådd mellom bedriftene og Tall Ships
Races. Så tek han for seg kvifor aktørane har velt å gå inn i samarbeid med Tall Ships Races
Kristiansand, korleis den generelle sponsorstrategien til bedriftene er, og korleis
kultursponsing passar inn i sponsorstrategien. Vidare er det suksesskriteria og effekten av
støtta som er i fokus. Neste kapittel tek for seg sponsorsamlingane og kontakten med dei
andre sponsorane. Siste kapittel ser kort på frivilligheit blant tilsette hos sponsorbedriftene.
Agderforskning
10
2. Kontakta mellom bedrift og arrangement
Korleis oppstod kontakta mellom bedriftene og Tall Ships Races? Og korleis
vart kontakta heldt gjennom prosessen fram mot arrangementet starta?
Fleire av sponsorane er store bedrifter på Sørlandet som er vane med å få spørsmål om å bidra
økonomisk til ulike arrangement og aktivitetar. Då er det til hjelp at kjennskap til arrangørane
frå andre samanhengar og til arrangementet frå andre byar gjer bedriftene positivt innstilt til å
vere med. Slik kjennskap strekk seg frå samarbeid i andre samanhengar med personane som
arrangerte Tall Ships Races og miljøet rundt seglskuta Fullriggaren Sørlandet, til å sitje i same
styrer, vere nære vener, eller ha hatt ein person som lærar. Det er ikkje nok å kjenne nokon,
men det er ein måte å få kjennskap til kvarandre, og kan fungere som døropnar for
kommunikasjonen som kan resultere i sponsorat.
Vi får [spørsmål] frå omtrent alle som ønskjer støtte sidan vi er blant dei som kan gje
mest. Større lokalmarknadsbedrift
Vi er alle opptekne med å bygge landsdelen, men kontakt av denne typen er nok ei av
dei direkte årsakene [til at vi sponsa Tall Ships Races]. Større lokalmarknadsbedrift
Det som var viktig for oss var heller profesjonaliteten i planlegginga og organiseringa
av arrangementet. Vi går naturleg nok ikkje inn i noko utan at vi kan identifisere oss
med verdiane til arrangementet. Større lokalmarknadsbedrift
Men det er klart, at det var ikkje noko direkte ulempe at Bjarne Ugland var med. Eg
kjenner han som ein avgjersledyktig og ryddig person. Han får ting til å skje. Og eg
har stor tru på at det kjem til å skje på rett måte, denne her gangen. Så når du spurte
meg i stad om det betydde noko om det var Ugland som kom på vegne av Tall Ships
Races, og eg sa nei – så er det samtidig klart at hadde det vore ein for meg heilt ukjend
person, så hadde eg kanskje sett på det med litt andre auge. Men, ja, mogleg. Det
hadde nok ei betyding at det var han. Ikkje det at eg ville hjelpe han, på nokon måte.
Men at det var ei viss tillit i botn, i utgangspunktet.
Større globalmarknadsbedrift
Fleire bedrifter, der nøkkelpersonar kjenner arrangørar, tok kontakt med Tall Ships Races
sjølve. Enkelte ville nok ha blitt kontakta av Tall Ships Races med førespurnad om støtte, men
var tidleg ute for å sikre eigne moglegheiter. Dette hadde liten samanheng med storleiken til
føretaket, men hang i større grad saman med kor frampå bedriftene er med å sjå moglegheiter
som Tall Ships Races kan gje for bedrifta. Her vart initiativtakaren i større grad
kontaktperson, eigarskapen til sponsoratet sikra, og moglegheitene betre utnytta.
For mange av bedriftene oppstod kontakta likevel på anna vis. Dei vart kontakta av
representantar frå Tall Ships Races opptil fleire år før arrangementet tok til, det var fleire
møte, og saka vart tatt opp på leiarnivå. Ein person frå bedrifta sto gjerne som kontaktperson
heile tida fram mot arrangementet, særleg der initiativtakaren/kontaktpersonen i bedrifta tok
personleg eigarskap over kontakta. Planlegginga kunne her starte tidleg, og som ei mindre
lokalmarknadsbedrift sa: ”Allereie for to år sidan fekk alle tilsette beskjed om at ingen fekk fri
denne veka”.
Ikkje alle tok same eigarskap over sponsoratet bedrifta var med på, og dette påverka
naturleg nok korleis sponsoratet kunne nyttast av bedrifta. Hos ei større lokalmarknadsbedrift
Agderforskning
11
vart lite gjort før dei siste vekene då den som vart kontaktperson fekk ansvaret. ”Eg skulle
ønskje at vi hadde vore meir med”, seier han, ”men det var altså ikkje semje om det [i
bedrifta], og då vart det slik det vart”. Hadde han vorte involvert på eit tidlegare stadium
kunne bedrifta ha utnytta moglegheitene sponsoratet kunne gje på ein betre måte.
Ein annan måte kontakt vart oppretta på, var gjennom anbodskonkurransar der Tall
Ships Races søkte etter leverandørar, med sponsing som ein del av avtalen. Slik vart
sponsorane ein kombinasjon av større bedrifter som ikkje nødvendigvis driv med aktivitetar
direkte relevant for Tall Ships Races, bedrifter som driv innan relevante tema, og leverandørar
av varer og tenester. Bedrifter vart også kontakta av Tall Ships Races etter tips frå andre
sponsorbedrifter. Hos ei mindre lokalmarknadsbedrift var støtta initiert og finansiert av
morselskapet, som såg Tall Ships Races som ein plass å vise fram det mindre selskapet.
Bedrifter vart også involvert gjennom sin bruk av området der arrangementet skulle finne
stad. Her var tidleg kontakt nødvendig for å sikre at gjennomføringa var mogleg, og
sponsinga vart berre eit av fleire aspekt ved samtalane med Tall Ships Races.
Oppsummert kan ein seie at kontakta oppstod på fleire måtar, der dei fleste vart
kontakta av Tall Ships Races direkte. Andre kontaktmåtar var gjennom kjennskap til personar
som dreiv med arrangementet. Minst to tok sjølv kontakt med arrangørane for å vise si
interesse som sponsor. Minst ein bedrift vart med som resultat av anbodskonkurranse.
Bilete 1. Delar av mannskapet på Zryv, den minste skuta som deltok under løpet. Foto: Line Grønstad
Agderforskning
12
3. Kvifor sponse Tall Ships Races
Kva gjer at bedrifter er villige til å gje støtte til eit arrangement med skuter der
unge menneske lærer å segle? Kva moglegheiter ser bedriftene?
Bedriftene sine argument kan grovt sett delast i seks. Det er samfunnsengasjement, inntening,
intern marknadsføring, kontakt med dei andre sponsorane, profesjonaliteten til arrangørane,
og storleiken til arrangementet. Inntening kan delast i to – det er inntening under
arrangementet gjennom sal av varer, og etter arrangementet gjennom bygging av merkevare,
som på sikt gir inntening. Dette stemmer med nokre av Gran og Hofplass sine funn. Dei fann
at merkevarebygging, samfunnsansvar, produktreklame, intern marknadsføring, og
relasjonsbygging er argument mange bedrifter brukar. I tillegg kjem leiaren si personlege
interesse (2007). For dei fleste er alle argumenta interessante, og dei heng saman.
Vi har ein formålsparagraf som seier at vi skal vere ein aktiv deltakar i samfunnet. Vi får tusenvis av
gode søknadar, og kan berre velje nokre få. Her såg vi at vi kunne vere med på å gje eit bidrag til byen.
[…] vi kunne ha brukt det som ledd i eit rekrutteringsarbeid, men det var hovudsakleg
samfunnsansvaret som var viktig for oss i denne samanhengen. Det var i liten grad ein plass det var
aktuelt å treffe kundar, og der skilte vi oss nok ut frå ein del av dei andre.
Større globalmarknadsbedrift
Det viktigaste er at vi håper å få noko igjen for det når det gjeld marknadsføring og bygging av
merkevare. Det andre er at vi ser at vi er med på å ta samfunnsansvar som ei stor bedrift i regionen.
Visjonen vår er ”å bevege Sørlandet”, og vi meiner at denne type aktivitet driv landsdelen. Vi trur også
at det som er bra for landsdelen er bra også for oss. Større lokalmarknadsbedrift
Tall Ships Races blir skildra som ein ”folkefest” og dette er interessant for mange av
bedriftene å bidra til som ein del av eit samfunnsengasjement. Men som det nedste sitatet over
viser kan samfunnsengasjementet ha i seg eit aspekt av framtidig inntening og
marknadsbygging. Slik passar argumentasjonen som både denne og andre bedrifter kjem med,
inn i ein samfunnsargumentasjon der ein er med på å støtte eit arrangement for innbyggarane i
regionen, og i ei bedriftsøkonomisk argumentasjon, der sponsinga vert grunngjeve med
framtidig nytte.
Storleiken gjer innteninga under arrangementet interessant, i tillegg til at ein når
mange med marknadsføringa si. Det er ikkje alle som er opptekne av samfunnsansvaret.
Vi går ikkje inn i sponsorat berre for å vere snille, men for å få noko tilbake. Her er det viktig både å
bygge omdømme, vise at vi er ein aktør i regionen og å skape forretning på, og rundt arrangementet.
Mindre lokalmarknadsbedrift
For vår del var det å støtte Tall Ships Races ein måte å profilere seg på i Kristiansand. Vi har til no vore
relativt ukjente i landsdelen, men ønskjer å gjere noko med dette. Større lokalmarknadsbedrift
Det er eit arrangement som gjer det mogleg å profilere oss. Storleiken og at det famnar bredt gjer at vi
kan profilere oss overfor mange. Samstundes gjer det at vi kan nå ut til to segment, både privatpersonar,
og bedrifter gjennom sponsormøta. Mindre lokalmarknadsbedrift
Det er både ein intern og ein ekstern bit i dette. Internt er slik støtte med på å motivere dei tilsette.
Aktivitetane under arrangementet var av jobbmessig karakter, men drive av ei fantastisk dugnadsand.
Mindre lokalmarknadsbedrift
Marknadsføring og sal gjeld for fleire bedrifter, også andre enn enkeltgjestane på
arrangementet. Fleire bedrifter nemner kontakt med dei andre sponsorane som viktig årsak.
Agderforskning
13
Det vil eg komme tilbake til vidare i rapporten. Marknadsføringa gjeld også internt.
Sponsoratet gir moglegheiter til å skape merksemd i bedrifta blant dei tilsette.
Svært få av bedriftene nemner kystkulturbiten av Tall Ships Races som motivasjon for
å støtte.
Det er storleiken og ikkje minst profesjonaliteten som triggar meir enn at det er seglskuter sjølv om det
er spanande også. Det kunne vore veteranbilar eller fly for den saks skuld.
Mindre lokalmarknadsbedrift
Vi har vore med på å støtte Tall Ships Races fordi det er triveleg for byen. Det ligg nært oss i tema sidan
vi driv innanfor ei maritim næring, og dermed passa det som profilering inn i marknaden.
Større globalmarknadsbedrift
Det er jo eit fantastisk skode, og det er klart at nysgjerrigheit hos publikum gjorde at mange reiste ned
for å sjå på båtane. Dermed blir det mange menneske til stades, og det er det som har gjort
arrangementet interessant for oss å vere med på. Større lokalmarknadsbedrift
Vi kjente til Tall Ships Races frå før, for vi har jo hatt medseglarprosjekt som vi har sponsa tidligare. Vi
synst det er eit kjempeflott arrangement. Det er mange grunner til det. For det første er det mange flotte
seglskuter. Så er det ein profil retta mot ungdom og det internasjonale. Så er det jo også ein grøn profil.
Større globalmarknadsbedrift
Fleire større globalmarknadsbedrifter kunne i mindre grad bruke det som ein arena for
profilering mot potensielle kundar, sjølv om nærleik i tema har gjort sponsorsamarbeidet
relevant. Kundane deira kan finnast over heile verda. Fleire lokale bedrifter nemner det nye,
unike og spanande som Tall Ships Races representerer, gjennom tema, men særskilt gjennom
storleiken til arrangementet som årsak til å støtte det. Også det langvarige samarbeidet i
forkant vart nemnt.
Det er mange som er med på å støtte dei same tinga, og då var dette unikt og stort, og det er viktig for
oss å knyte oss til positive arrangement som dette. Mindre lokalmarknadsbedrift
Vi har vore med av fleire årsaker. Sjølvsagt fordi det er butikk i det, men også fordi det er det mest
spanande og største arrangementet som har blitt gjort på Sørlandet nokon gong. Det har aldri blitt gjort
før, og er såleis ei ny erfaring. Mindre lokalmarknadsbedrift
Det er altså ikkje ofte ein kan oppleve denne type arrangement, som gir moglegheitene som
Tall Ships Races gir, eller alle typar arrangement som kunne trekke så mykje folk.
Det er storleiken, profesjonaliteten og seriøsiteten til dei som arrangerer dette som gjer meg trygg på
arrangementet. Eg vil ikkje bruke energi på ting som verkar amatørmessig.
Mindre lokalmarknadsbedrift
Det var eit stort bidrag vi støtta løpet med, nærare 50% av det beløpet som hovudsponsor kom med. Det
kunne vi gjere fordi vi visste at det var ein stor bedrift, og ikkje noko jippo.
Større lokalmarknadsbedrift
Som vist i førre kapittel der kjennskap mellom nøkkelpersonar fekk bedrifter inkludert, så var
det fyrst og fremst profesjonaliteten til arrangementet som gjorde at bedrifter gjekk inn, sjølv
om ein fekk kjennskap til det gjennom kjente.
Oppsummert heng motivasjonen for å støtte arrangementet saman med storleik på
bedrifta, og produktet bedrifta lagar. Større bedrifter med produkt som i liten grad let seg selje
under arrangementet såg støtta meir som samfunnsansvar og eventuelt intern marknadsføring.
Større bedrifter som såg nytte av produkta sine under arrangementet kombinerte
Agderforskning
14
samfunnsansvar med merkevarebygging og styrking av framtidige kundar. Mindre bedrifter
med relevante produkt var i større grad opptekne av direkte inntening under arrangementet.
For dei fleste var det likevel slik at det var fleire motivasjonar til stades på same tid.
Bilete 2. Under opningsseremonien sto publikum som sild i tønne. Kronprinsessa sit oppe til høgre. Foto:
Line Grønstad
Agderforskning
15
4. Tall Ships Races i ein generell sponsorstrategi
Har bedriftene generelle sponsorstrategiar som bestemmer korleis dei vel kva
sponsorat dei går inn i? Korleis passar Tall Ships Races inn i strategien i så fall?
Det er stor skilnad på kor bevisste bedriftene er på sponsorstrategiar. Nokre arbeider mykje og
bevisst med sponsorstrategien sin og val av bedrifter å støtte. Blant desse arbeider nokre med
eit større sponsorat i gongen, der Tall Ships Races opptok mesteparten av ressursane dei siste
to åra, sidan avtalen vart inngått. Andre av desse har fleire sponsorat der Tall Ships Races
berre er eitt av dei. Nokre tilpassar sponsinga til moglegheiter som dukkar opp utan at det er
uttenkt ein plan på førehand. Hos nokre er sponseaktivitetar i liten grad prioritert, og for nokre
er Tall Ships Races ein type aktivitet og ein type sponsing som blir gjort berre unntaksvis.
Bruken av ein spesifikk sponsorstrategi heng saman med storleiken og aktiviteten til
bedrifta. I nokre bransjar er aktiviteten retta meir utover, medan andre i større grad er
opptekne av å marknadsføre direkte mot miljøa som kjøper varene og tenestene deira.
Vi har veldig lite midlar tilgjengeleg, og nyttar lite på sponsorverksemd. Det er i staden viktig for oss å
vere synlege i […] miljø der kundane våre er, og difor brukar vi meir tid på direktekontakt. Sponsinga
av Tall Ships Races var spesiell sidan det skjer såpass sjeldan. Mindre lokalmarknadsbedrift
For nokre av dei største bedriftene er støtta til Tall Ships Races berre ein liten del av den
totale støtta dei gir til ulike formål lokalt, nasjonalt og internasjonalt. For fleire er det i større
grad gåver som blir gitt til Tall Ships Races, og i mindre grad forretningstransaksjonar. Ei av
dei større lokalmarknadsbedriftene deler si støtte i fire kategoriar, kultur, samfunn,
kompetanse og idrett. Her er støtta av Tall Ships Races plassert under samfunnskategorien, og
ikkje til dømes kulturkategorien der det også kunne ha vore naturleg å inkludere han. Dei
fortel: ”Vi ville gje noko tilbake til området vi er i, nemleg Agderfylka”.
Assosiasjonsverdien var viktig for fleire bedrifter, det å kunne bli assosiert med eit
positivt arrangement. Arrangementet fungerte for fleire som ein synleg arena for sine produkt
og varemerke, og har støtte av slike arrangement som del av sin sponsorstrategi. Fleire
bedrifter legg vekt på at Tall Ships Races gjorde det mogleg å treffe dei fleste aldersgrupper,
og dermed nå bredt ut. For fleire bedrifter blir igjen aspektet intern marknadsføring og
opplevingar for eigne tilsette nemnt.
Vi er eit nasjonalt firma, og det er eit nasjonalt arrangement som tek plass i Kristiansand. Det er også eit
seriøst arrangement og det er det viktig for oss å bli assosiert med. Mindre lokalmarknadsbedrift
Tall Ships Races passa fantastisk godt inn i sponsorstrategien vår. Her treff ein alle aldersgrupper, dei
fleste var ein tur innom i løpet av arrangementet. Dette står i kontrast til, til dømes, Quart-festivalen, der
ein berre trefte ungdomar og unge vaksne. Denne gruppa er for øvrig kan hende dei einaste som vi i
mindre grad trefte på, på Tall Ships Races. Større lokalmarknadsbedrift
Mange kan vurdere inntekt etter sal, men det kan ikkje vi. Vi knytar i staden suksessen til opplevingar
for tilsette og kundar. Strategien vår er slik at vi støttar opp om det som gir positive opplevingar til
tilsette, publikum og kundar. At det er noko nytt, unikt og annleis er også viktig.
Mindre lokalmarknadsbedrift
Vurderingar av kva som gjer at vi sponsar noko varierar frå hending til hending, men sponsinga
fungerer stort sett som marknadsføring for vår del. Støtta av Tall Ships Races passa også godt inn fordi
ho gjorde det mogleg å få kontakt med nye kundar gjennom sponsorsamlingane.
Mindre lokalmarknadsbedrift
Agderforskning
16
Igjen ser vi at medsponsorane blir sett som ei årsak til å vere med på å støtte eit slikt
arrangement.
At det er nytt og annleis har gjort det mogleg for fleire bedrifter å få pengar til
rådigheit utanom sponsorstrategien. Det gjorde også at forma for sponsing kunne endre seg i
prosessen.
Til å byrje med var det tenkt at vi skulle vere ein mindre sponsor, men så […] vart samarbeidet utvikla
til vi vart ein av hovudsponsorane. Større lokalmarknadsbedrift
Til å byrje med hadde vi eit høgt ambisjonsnivå, men velte å gå ned i støtte. Dette hadde ein samanheng
med at resultatet vårt for i fjor var mindre godt, og med usemje internt i bedrifta der nokre var
interesserte i å støtte mykje, medan andre i mindre grad var interessert. Større lokalmarknadsbedrift
Hos oss er det slik at vi støttar hovudsakleg organisasjonar som er sett som lotteriverdige av Lotteri- og
stiftelsestilsynet. Det gjeld gjerne ulike idrettsklubbar, mens til dømes festivalar og Tall Ships Races
ikkje er lotteriverdige. Vi har her lagt andre midlar på bordet. Større lokalmarknadsbedrift
Som eingongshending som kan sjåast som eit samfunnsansvar, viser sistnemnde sitat at denne
større lokalmarknadsbedrifta fått andre midlar enn dei som vanlegvis passar inn som del av
sponsorstrategiar.
Både den generelle sponsorstrategien til bedriftene og korleis Tall Ships Races passa
inn i korleis tenke sponsing, varierte altså frå bedrift til bedrift. Sett saman med motivasjonen
seier det noko om at bedriftene langt frå kan behandlast likt i arbeidet med å få til gode
sponsorsamarbeid mellom næringsliv og kulturliv.
Bilete 3. Foto: Line Grønstad
Agderforskning
17
5. Kultursponsing som spesiell strategi
Kan kultursponsing brukast på ein meir strategisk måte?
Det var dei fleste samde om, men med ulike grunngjevingar. Nokre meiner at bedrifter kan
nytte sponsinga til å arbeide med til dømes kundepleie og drive intern marknadsføring. Andre
meiner at også kulturaktørane kan tenke meir strategisk i sitt arbeid med å skaffe sponsorar.
Fleire bedrifter har ulike formar for samarbeid med kulturaktørar. For mange er
samarbeid med idrettsarrangement sett som ein del av kultursamarbeida dei gjer, og fleire har
samarbeid med ulike former for kulturarrangement og idrettsarrangement som har vara over
lengre periodar. Ei av dei større lokalmarknadsbedriftene oppretta kontakt med
Redningsselskapet under Tall Ships Races, og dermed fungerte arrangementet som ein arena
for ny kontakt med andre bedrifter og aktørar. Dette samarbeidet skal etter kvart utvidast. For
ei av dei mindre lokalmarknadsbedriftene er det viktig å arbeide med ein kulturaktør i gangen.
Før dei vart sponsor for Tall Ships Races støtta dei aktivt ein aktør som har arrangement
jamleg, og har hatt det gjennom fleire år. For dei var Tall Ships Races både noko anna og ei
oppfølging til den støtta. No er dei på leit etter noko nytt igjen som kan fylle same behov,
noko med ”tilsvarande aktivitetar, men noko nytt, og annleis”. Å kunne arbeide over tid i eit
kultursamarbeid blir sett som viktig av fleire.
Eit problem med Tall Ships Races er at det berre dreier seg om ein gong. Men no var jo ordføraren i
avisa i dag og sa at han ville ha det tilbake om fem år, så vi får sjå! Større lokalmarknadsbedrift
Eg kunne også tenke meg at det hadde vore betre å støtte noko som hende fleire gonger, til dømes tre-
fire arrangement med ein tanke bak. Dette vart berre ein gong. Mindre globalmarknadsbedrift
Det er lettare og betre å vere med på enkeltarrangement, enn å vere med på noko som rullar over fleire
år. Det er mange som gjerne vil at ein skal vere med i 2-3 år. Det synst eg er vanskelig, å inngå sånne
langtidsavtaler. Enkeltarrangement er betre. Det er perfekt. Større globalmarknadsbedrift
Grunngjevinga for å sponse kultur er gjerne at det har med profilering å gjere, slik det er vist
tidlegare i rapporten. For bedrifter som ikkje har kundane sine i regionen trengst andre
grunngjevingar, og ei mindre lokalmarknadsbedrift seier det slik: ”Eg trur kultursponsing kan
brukast meir bevisst. Dette gjeld særleg innover i bedrifta. Vi er ei aktiv lita bedrift, så sjølv
om dette kan nyttast til å profilere oss utover, er arbeid med miljøet i bedrifta viktig”. Det blir
framheva at kultursamarbeid også kan nyttast som kundepleie, men Tall Ships Races som ein
kulturaktør var plassert i fellesferien, og det var for ei større lokalmarknadsbedrift difor
mindre aktuelt – ein kan vanskeleg drive med kundepleie når kunden er på ferie. For denne
bedrifta var sponsinga av Tall Ships Races ein måte å ta samfunnsansvar på.
Kva bygg ein region? Eg meiner at kulturen er ein del av det, men arrangement og hendingar må bygge
opp om det samfunnsmessige. Større lokalmarknadsbedrift
For kontaktpersonen som er sitert over er det eit poeng at kulturaktørar må kunne vise til at
arrangementet eller aktiviteten er av interesse for regionen. Det er ikkje nok å berre kalle det
kultur, og forvente støtte. Ei større lokalmarknadsbedrift opplever at det er mange aktørar som
ønskjer dei som sponsorar. Ein annen reflekterer over eiga utvikling og auka
profesjonalisering innan dette med sponsorat.
Agderforskning
18
Vi ønskjer meir bevisstheit rundt kontakten med desse aktørane. Vi synst at kulturaktørane her i
regionen har ein jobb å gjere med å løfte seg på eit høgare nivå. Det er ikkje nok å berre komme med eit
tilbod, ein må forstå og setje seg inn i sponsorane sin strategi og dermed også deira behov.
Større lokalmarknadsbedrift
Tidlegare var sponsing såpass tilfeldig at vi kunne få inn ein førespurnad, så var det nesten som ein
stafettpinne – kven kan? Det blei fort utan mål og meining, og vi fekk ikkje den vinn/vinn som vi kunne
ha fått. No finst det ein plan på kva vi ønskjer å oppnå. Det må stemme med kven vi er, og så må vi få
noko meir ut av det enn ein logo. Vi har vår eiga sponsorgruppe som rapporterer direkte til
administrerande direktør, og sterkare sponsorsatsing er forankra i toppleiinga.
Større globalmarknadsbedrift
For bedriftene som mottek mange søknader er det difor kan hende strategisk lurt å forstå
bedrifta sine behov, og så kunne vere i stand til å oppfylle dei på eit vis. Ein må gjerne vere i
dialog med bedrifta ein ønskjer sponsing frå eller samarbeid med.
Bedriftene kulturaktørar ønskjer å inngå samarbeid med kan ha ulike behov. Ei
lokalmarknadsbedrift meiner kultursponsing ”gir tilgang til ressursar, kvalitetsaktørar og
artistar, samstundes som at lange samarbeid gjer det mogleg å bygge relasjonar med andre
bedrifter. Vi blir kjent med kvarandre over noko vi har felles”. Vidare fortel han ”Gjennom
Tall Ships Races fekk vi både nye kundar og vi oppretta avtalar med andre”. Salet kan vere til
medsponsorar, men også til enkeltmedlemmar av publikum, som nemnt tidlegare. Ei mindre
lokalmarknadsbedrift som oppsøkte Tall Ships Races sjølv, såg eit samarbeid som strategisk
både grunna produktet og som mogleg plass å vise seg fram. Han meiner det burde ha vore
interessant for mange andre bedrifter, men ”dersom ingen andre vil drive med det, så er det
bra for oss”, seier han, og legg til:
Eg har inntrykk av at mange heller vil bruke pengar på annonser i Fædrelandsvennen. Tall Ships Races
kunne ha fått inn fleire småbedrifter som støtta med berre 20 eller 30 000. Det burde vere mange fleire
enn oss som hadde vore aktuelle for noko slikt. Mindre lokalmarknadsbedrift
Til liks med fleire av dei andre er også denne bedrifta leverandør av varer, men treng ein aktiv
arena, og kan ikkje skape slike arenaer sjølv.
Kultursponsing kan nyttast meir strategisk, både for bedriftene og for kulturaktørane.
For bedriftene gjer kultursamarbeid at ein får kontakt med kulturkompetanse, ein kan arbeide
med internmiljø og rekruttering, ein får profilert seg utover vanleg reklame, ein gjer noko med
eit samfunnsansvar, og ein får ein plass å møte andre bedrifter ut frå felles interesser og slik
bygge relasjonar. Kulturaktørane bør arbeide meir strategisk med å skaffe sponsorar, forstå
behova til bedriftene, og vise til eiga samfunnsnytte og behov hos bedrifta som kan fyllast
gjennom eit samarbeid.
Agderforskning
19
6. Suksesskriterium for sponsoratet
Kva skal til for at bedriftene såg støtta si til Tall Ships Races som ein suksess?
Bedriftene nemner fleire kriterium, og for dei fleste er suksess sett saman av fleire element,
både individuelle for bedrifta, og generelle som til dømes i kva grad arrangementet vart den
festen arrangørane håpa på. Det enklaste å måle er direkte sal under arrangementet for
lokalmarknadsbedriftene med produkt som let seg selje direkte. Men for mange bedrifter er
dette berre eit av fleire mål. For bedriftene som ikkje driv direkte med sal, var det ikkje like
lett å måle suksessen.
Eg gjer ikkje dette berre på gøy, men eg trur likevel ikkje eg tener pengar på dette. [Det er viktig å vise
kundar] at vi kan handtere store arrangement og at vi har ein god logistikk. Mange av våre kundar er
meir opptekne av gjennomføringsevne og seriøsitet enn av pris. Dermed er dette eit godt eksempel som
vi kan ha med vidare i vår CV og vise til i forhandlingar vidare.
Mindre lokalmarknadsbedrift
Vi har diskutert korleis vi kan måle suksess, og vi har engasjert folk til å gjere undersøkingar på
gjenkjenningseffekten av logoen vår. Større lokalmarknadsbedrift
Det nedste sitatet over viser kor viktig det er for denne tidlegare globalmarknadsbedrifta å bli
kjent i regionen, og det heng nøye saman med motivasjonen for å gå inn i eit samarbeid som
dette. For ei større lokalmarknadsbedrift som er meir kjente i regionen er det ønskje om å
lukkast med ”å bygge merkevaren vår overfor [kundar og brukarar], og stoltheit for våre
tilsette”. Sjølv om det ikkje er så viktig med sal på kort sikt for denne bedrifta, har dei ”eit
langsiktig perspektiv der vi håper på fleire [kundar] og ei styrking av vår merkevare”. Ei
tredje bedrift seier det slik: ”Eg er glad for at vi kan assosierast med eit slikt arrangement. Vi
var ikkje veldig synlege, men det var med på å vise at vi tar samfunnsansvar”. Å vere med, og
å drive med merkevarebygging er viktig for fleire av bedriftene. Tall Ships Races vart av alle
bedriftene sett som ein god arena å vise seg fram.
Det er ikkje berre sal og merkevarebygging som blir sett som viktige suksesskriterium.
I tillegg er det ”om vi har hatt det gøy”, seier ei bedrift. Og det er ”viktig at det har vore ei
positiv oppleving for oss”, seier ei anna. For ei tredje bedrift er det viktig at ein kunne bruke
”Tall Ships Races til interne event, og drive med teambuilding”.
Så langt er det sal, merkevarebygging, og hygge internt i bedrifta som har komme opp,
men det som flest bedrifter nemner som suksesskriterium er om det har blitt eit godt
arrangement, med mykje folk og bra ver, og det er ikkje like lett å påverka for bedriftene.
Det var eit knakande vellukka arrangement, og oppfylte alle målsetningar; det var ein byfest, med store
skuter til byen som vi var med på å legge til rette for gjennom støtta vår.
Mindre lokalmarknadsbedrift
Vi vil jo gjerne bli forbunde med eit positivt arrangement, men hadde ikkje suksesskriterium utover det.
Større globalmarknadsbedrift
Det er ein suksess dersom det blir ein folkefest som set Kristiansand og Sørlandet på kartet, både i
media og i medvitet til folk. Då fungerer det som styrking av omdømet til regionen, og eg forstår det
allereie som at det fungerte slik i stor grad.
Større lokalmarknadsbedrift
Ein er altså avhengig av både publikum og veret for å lukkast med eit vellukka sponsorat for
eit slikt arrangement. Men i tillegg er det nokre faktorar som må ligge i botn. Det må vere ei
Agderforskning
20
god avvikling av arrangementet. For fleire var profesjonaliteten til arrangørane og tilliten til
seriøsiteten deira nødvendig for at det skulle vere interessant å bli med i utgangspunktet, og
dette viste seg også i skildringa av suksesskriterium. Det var viktig å kjenne at ein fekk igjen
noko for det ein betalte.
Vi var inkludert i alt materiellet som vart gitt ut, alle annonser og aviser nemnte hovudsponsorane
Mindre lokalmarknadsbedrift
[Suksesskriteriet] er at vi har ein god avtale i botnen som seier kva Tall Ships Races skal få og kva
[bedrifta] skal få ut av samarbeidet, og at begge partar har hatt ei felles forståing av kva dette inneber.
Eit anna kriterium er at vi får svar på spørsmål som vi stiller, at problem blir løyst, og at ein opnar for
moglegheiter for aktivitetar og profilering. Større lokalmarknadsbedrift
Suksessen for sponsinga av Tall Ships Races har altså samanheng med fleire faktorar. For det
fyrste opplevinga av kontakta med arrangørane, for det andre gjennomføringa av
arrangementet, for det tredje at arrangementet har blitt omtala og forstått som ein suksess i
regionen, og for det fjerde eiga eksponering og sal under og etterpå arrangementet.
Bilete 4. Willy Pedersen var frivillig som kontaktperson for Zryw. Foto: Line Grønstad
Agderforskning
21
Bilete 5. Kaptein Sabeltann-førestilling på Hovudscena under Tall Ships Races. Foto: Line Grønstad
Agderforskning
22
7. Effekten av sponsinga
Merkar bedriftene noko til effekten av å støtte Tall Ships Races?
Intervjua vart gjort under og i etterkant av Tall Ships Races, og dermed er det enno vanskeleg
å seie mykje om effekt. Det heng naturleg nok også saman med kva bedrifta har som
suksesskriterium og kva dei ser etter. Likevel er det fleire av føretaka som meiner dei allereie
har merka resultat av sponsinga. Det gjeld i særleg grad bedrifter som driv med sal, og som
har noko å tilby medsponsorane.
For bedriftene som selde varer under og i tilknyting til arrangementet, var ei effekt at
salsmåla i hovudsak vert nådde. I den grad salet kunne ha vore betre blir dårleg ver laurdagen
peika på som hovudårsak. Fleire bedrifter peikar på relasjonsbygging med andre sponsorar
som ein viktig effekt, og dette er noko som rapporten kjem tilbake til.
Ein effekt er betring av sosialt miljø internt i bedriftene. ”Dette er noko vi gjer saman”,
seier ei mindre lokalmarknadsbedrift. ”Det gjer at vi viser at vi kan handtere store
arrangement og kan vere trygge på at vi får det til”. Ei anna større globalmarknadsbedrift
nytta i liten grad Tall Ships Races til å promotere seg sjølv for kjøparar. I staden nytta dei
moglegheita arrangementet gav for å arrangere ein fest om bord på ei av skutene der
sommarvikarar og leiarskapen var til stades. Festen hadde som føremål å ta opp erfaringane til
vikarane, særskilt knytt til sikringsarbeidet i bedrifta.
Logoplassering er berre inngangsbilletten – prisen for å engasjere seg i Tall Ships Races blir over dobbelt så
stor. Større globalmarknadsaktør
Denne større globalmarknadsbedrifta hadde to hovudformål ved å være med. Det eine var
knytt til tilsettepleie, og det andre var profilering regionalt. Positiv effekt i forhold til dette
kunne ikkje gjerast mogleg berre ved logoplassering, meinte verksemda, og la derfor spissa
aktivitetar langt over dobbelt verdi av sponsorpakka inn i arrangementet som var retta direkte
mot dei to hovudmotiva for deltaking. Slik fikk dei også effekt ut av si deltaking på
arrangementet.
For fleire av dei andre bedriftene har det vore lita eller inga effekt av å vere med som
sponsor for Tall Ships Races. ”For oss har dette vore ei gåve til byen”, seier ei
globalmarknadsbedrift, som ikkje har fokusert på andre effektar enn generelt på
samfunnsansvaret. For ei anna større lokalmarknadsbedrift var det manglande intern eigarskap
til samarbeidet som gjorde at det vart mindre effekt av det. ”Eg var informert av tidligare leier
at vi kunne hatt ein stand, men det var ingen som eigentleg hadde ein eigarskap til
arrangementet og det vart ikkje gjort. Dermed vart det for dyrt i forhold til kva vi fekk ut av
det”.
Effekten kan vise seg i mange former der dei færraste let seg måle på nøyaktige og
gode måtar. Direkte sal under arrangementet er ein av dei få effektar der ein kan sjå resultat
med ein gong. Likevel har fleire ei kjensle av at deltakinga på arrangementet som sponsor, og
aktivitetane som vart gjort som ein del av sponsoratet, har vore positivt for miljøet i
bedriftene. Auka kjennskap til bedriftene som merkevarebygging finst det måtar å måle.
Likevel vil sponsorskap for Tall Ships Races berre kunne vere ein av fleire aktivitetar for å
bygge merkevare, og merkevaren må heile tida underbyggast og haldast ved like.
Agderforskning
23
8. Erfaringar
Kva erfaringar sit bedriftene igjen med etter arrangementet?
For dei fleste bedriftene er dette berre eit av mange sponsorat som gir erfaringar til seinare.
Det er i liten grad konkrete erfaringar som dei har gjort seg. Ei haldning som gjentok seg var
at ”vi får erfaringar frå alt som vi brukar pengar på”. Ei bedrift legg til at ”når vi i etterkant er
fornøgde er det lettare å bli med på nye aktivitetar”. Men det var også bedrifter som fekk
konkrete erfaringar som påverkar framtidig støtte, til kulturaktørar generelt, men også Tall
Ships Races spesielt. Minst to av bedriftene er i kontakt med bedrifter i Stavanger, som skal
vere vertshamn i 2011. For ein har deltakinga gjort at ”vi i enda større grad ser på større
arrangement som interessante å støtte. Vi ser at hovudkonkurrentane våre […] har slutta å
vere synlege i slike samanhengar, og dette er ein del av ei plassering i marknaden for oss”.
Kontaktpersonen for ei av dei større lokalmarknadsbedriftene vart svært inspirert av
sandskulpturkunstnarane som var del av Tall Ships Races. ”Eg opplevde at det var ei veldig
interesse for desse skulpturane”, og han kunne tenke seg å føreslå dette som ein aktivitet for
ein annan aktør som dei gir støtte til jamleg.”Det er noko som vi kunne støtte. Det var ei av
tankane eg fekk etter Tall Ships Race”.
Lærdommane frå sponsorat er gjerne av praktisk karakter.
Vi kunne til dømes ha gjort meir kundepleie under Tall Ships Races, med ulike arrangement for
kundane våre. Større lokalmarknadsbedrift.
Det vi har lært har med kor mykje denne type arrangement på denne storleiken kan føre til av sal, og kor
mykje det lønnar seg å gå inn med. Mindre lokalmarknadsbedrift
Ei større lokalmarknadsbedrift synst dei fekk lite profilering sett i forhold til beløpet dei støtta
med. ”Vi gjekk inn med omtrent 50% av beløpet som hovudsponsor gjekk inn med, og må jo
då vere ein av dei ti som støtta arrangementet med mest. Difor er vi skuffa over at logoen
ikkje vart vist enda meir. Men eg vil altså ikkje legge vekt på sutring over det som vart gjort”.
Fleire av bedriftene synst ikkje dei sit att med erfaringar som påverkar framtidig
kultursponsing. ”Det er bra å få namnet ut i forskjellige samanhengar, i alle dei skriftlege
materiala som vart delt ut var vi med, men det er ein stor sum med pengar, og det er difor eit
unntak for oss å støtte noko slikt”, seier ei mindre lokalmarknadsbedrift. Ein annan legg til:
”Det var ein fantastisk byfest, men vi lærte vel ikkje noko nytt. Det som var fint var at det var
mange aldersgrupper på Tall Ships Races, og det var både norske og utanlandske gjestar her.
Det vart ein unik weekend”. For ein bedrift er det viktigare å sjå på kvar sak, vurderingane må
gjerast for kvart sponsorat.
Bedriftene gjorde seg også erfaringar internt med korleis slike samarbeid kan fungere.
Oppsummert kan ein seie at vi har erfart noko om eigarskap til aktiviteten internt, og noko om kor
mykje det er fornuftig å investere i noko slikt. Større lokalmarknadsbedrift
Kontaktpersonen i denne større lokalmarknadsbedrifta vart her involvert kort tid før
arrangementet tok til, og han meiner mykje meir kunne ha vore gjort dersom fleire hadde vore
involvert og ein person hadde arbeidd med dette over ei lengre periode. Ei anna
lokalmarknadsbedrift nytta seg av erfaringar kollegaer hadde gjort ved tidlegare Tall Ships
Races-arrangement. ”Fleire brukte det meir kommersielt, med til dømes å lage produkt og så å
få idrettslag til å komme og selje det for dei. Då meiner eg du mistar noko på vegen”, seier
han. ”Vi vil vere med og gjere det frå A til Å, alt frå produktutvikling til å bygge stands og
Agderforskning
24
selje produkta. Vi bygg dette sjølv, vi har ikkje latt andre gjere det”. Likevel synst han i
etterkant at noko av dette arbeidet kunne blitt sett bort til andre, som til dømes opp- og
nedrigging.
Erfaringane som bedriftene sat att med varierte frå lite eller ingenting til svært
konkrete erfaringar rundt infrastruktur og storleik. Fleire erfarte at dei kunne handtere eit
arrangement av denne storleiken, og den positive merksemda rundt dette arrangementet gjer
det meir sannsynleg å sponse større arrangement ved seinare høve.
Bilete 6. Vest-Agder-museet sette opp femten plansjar som dette over heile området, med gamle foto av
hamna og ein liten tekst. Foto: Line Grønstad
Agderforskning
25
9. Sponsorsamlingane og sponsorrestauranten
Kva betydde sponsorsamlingane og sponsorrestauranten for bedriftene?
Sal som suksesskriterium var ikkje berre retta mot publikum på arrangementet. For fleire var
det viktig at dei vart kjent med dei andre sponsorane, både for å inngå nye avtalar, men også
fordi det i slike møte kan skje spanande nyvinningar og moglegheiter.
Samarbeidet med Tall Ships Races blir i stor grad som andre jobbar, men her fekk vi i tillegg kontakt
med eit nettverk av moglege kundar, og vi har allereie fått oppdrag frå mange av dei andre sponsorane.
Mindre lokalmarknadsbedrift
Det mest konkrete er eit samarbeid der vi snakkar om å selje produkta våre i lag. Samlingane fungerer
som ei tankesmie, når ein treff kvarandre fleire gonger kan ein komme med slike tankar.
Mindre lokalmarknadsbedrift
Det var fleire sponsorsamlingar i forkant for Tall Ships Races. Dei fleste føretaka framhevar
desse samlingane som gode, og som ein viktig stad å vere og snakke saman.
Det som var bra var at det var et stort engasjement hos alle, og alle hovudsponsorane fikk moglegheit til
å vise seg frem. Mindre lokalmarknadsbedrift
Oftast var det kveldssamlingar eller frukostsamlingar der vi fekk vite status på prosjektet Tall Ships
Races, og dei som hadde samlinga, oftast ulike sponsorar, presenterte seg.
Mindre lokalmarknadsbedrift
Her har vi kunne drive med nettverksbygging. Det som er bra for ein part er gjerne bra for ein annan
også. Større lokalmarknadsbedrift
Det var ikkje alle som såg same nytta i sponsorsamlingane.
Desse samlingane der alle sponsorane møttest var ikkje så bra som eg synst dei kunne ha vore. I alt var
det vel 6-7 slike møte, og eg synst det var tilstrekkeleg mange, men det vart lagt vekt på slike ting som
kleskolleksjonar og slikt. Eg ville gjerne treffe lokale føretak, både kundar og leverandørar, og bli betre
kjent. Større lokalmarknadsbedrift
Sjølv om det var ein del mingling på samlingane synst ikkje denne personen det var nok til å
bli ordentlig kjent. Ei større globalmarknadsbedrift var tilstades innimellom, men fekk
inntrykk av at ”arrangementet var under kontroll, og då var det viktigare å prioritere andre
oppgåver”. For dei var sponsorsamlingane mindre tilpassa behova sidan dei ” ikkje har
kundegrunnlaget vårt i regionen”. Sponsorsamlingane fungerte for han som ein måte å sikre
seg at arrangementet gjekk bra, ikkje ein plass å treffe potensielle kjøparar av produkta dei
tilbyr. For ei annan lokalmarknadsbedrift der dette berre er eit av fleire sponsorat, vart
sponsorsamlingane nedprioritert. ”Vi kunne alltids ha gjort meir, men det er så mange
prosjekt”, seier dei.
Tall Ships Races var flinke med sponsorsamlingane, men det var berre der det var kontakt mellom
sponsorane. Desse var svært trivelege, men førte i liten grad til business for vår del. Ein del av dei andre
var leverandørar av ulikt slag, men det var ikkje vi. Dei kunne i større grad tene på å sponse
arrangementet, medan det for oss i større grad var ei gåve. Slik sett synst eg godt det kunne ha vore
fleire føretak innan maritime næringar til stades. Då hadde også vi hatt større interesse for å gjere meir
med sponsinga enn berre å gje ei gåve. Mindre globalmarknadsbedrift
Agderforskning
26
Ei større globalmarknadsbedrift opplevde at Tall Ships Races-komiteen var mest opptatt av
sponsing gjennom finansiering, mens bedriftene var opptatt av involvering, profilering og å få
meir igjen. ”Kan det vere fordi det er ein politikar som leier dette, og ikkje ein
marknadsmann?”, spurte dei seg internt i verksemda, då dei opplevde at komiteen ikkje klarte
å trekke heilt i dei rette trådane.
Dei ser ikkje at sponsorane er ein kjemperessurs, og tenker difor ikkje tankane langt nok ut. Det smitter over på
resten av organisasjonen. No er det jo næringsfolk i komiteen også, men dei framstår noko tradisjonelle. Det må
inn eit breiare, meir aktivt syn på kva sponsing er. Større globalmarknadsbedrift
For ei større globalmarknadsbedrift, som ikkje syntes det var interessant med det store
salsfokuset internt i sponsorgruppa, etterlyste samlingar med større fokus på sjølve Tall Ships
Races, for eksempel status på tal på skip, kor dei var, kor de kom frå. Dessutan synst dei at det
mangla vidare driv på å nytte moglegheitene i forhold til den sponsorgruppen som faktisk blei
etablert gjennom Tall Ships Races. At ikkje for eksempel Fullriggaren Sørlandet spant vidare
på denne sponsorgruppa med sterke og positive kjensler for båten, er reint ut meiningslaust,
blei det påstått.
At dei – Fullriggaren Sørlandet – spant vidare. Nå er det toget gått. At ikkje Sørlandet tok kontakt med alle
sponsorane, når alle var i lykkerus. Det er jo helt meiningslaust. Større globalmarknadsbedrift
Nytta av sponsorsamlingane varierte altså etter næringa som bedriftene var del av, der ikkje
alle produkta var like relevante. Det var ikkje berre i forkant sponsorane kunne samlast.
Under Tall Ships Races var sponsorrestauranten ein viktig plass å kunne møte
medsponsorane.
Det var lite folk der i starten, men det blei betre etter kvart. Eg var i sponsorrestauranten kvar kveld. Det
var lett å komme i kontakt med folk der. Dei som var i restauranten hadde jo noko felles med støtta til
Tall Ships Races. Mindre lokalmarknadsbedrift
Eg brukte sponsorrestauranten kvar dag. Det var mange folk der, og den fungerte som ein viktig arena.
Eg trur mange ikkje innsåg kor viktig den faktisk var. Vi inngjekk fleire avtalar med nye kundar på
sponsorrestauranten, som ei følgje av at folk var nysgjerrige på oss og dei nye produkta vi kunne tilby
som andre ikkje hadde. Dermed vart det eit rom, ein arena for nye samtalar.
Større lokalmarknadsbedrift
Fleire nytta restauranten på liknande måtar. Ei mindre lokalmarknadsbedrift hadde lite
kontakt med sine medsponsorar før arrangementet, men ”under arrangementet hadde vi ein
god del kontakt, mykje med bedrifter og personar der vi allereie har ein relasjon, og der vi
fekk høyre om korleis arrangementet var for dei. Vi vart også kjent med nye folk og aktørar”.
Ikkje alle brukte sponsorrestauranten like aktivt. Nokre var innom litt for å kose seg
med ei øl mellom slaga. Ein fortel: ”Eg var ofte oppteken med ulike ting så eg brukte den
ikkje så mykje som eg kunne ønske, men det var bra å ha tilgang”. Ein sponsor meinte at
sponsorrestaurant og tilsvarande har vore betre andre stader, og spesielt triveleg var
restauranten heller ikkje. Av dei som ikkje brukte sponsorrestauranten i særleg grad var gjerne
kontaktpersonen for sponsoratet på ferie under arrangementet. Likevel meiner dei andre i
bedriftene kan ha nytta seg av restauranten.
Både sponsorsamlingane og sponsorrestauranten fungerte altså som samlingspunkt for
bedrifter som hadde ønskje om å auke eigne nettverk og skaffe potensielle kundar. Kontakten
med bedriftene ein har noko felles med utanom det forretningsmessige blir framheva som
positivt fleire gonger i intervjua.
Agderforskning
27
Bilete 7. Foto: Line Grønstad
10. Frivillige frå sponsorbedriftene
Korleis var engasjementet til bedriftene utanom sponsinga? Var det friviljuge på
Tall Ships Races frå bedriftene?
Ei større globalmarknadsbedrift hadde som ambisjon å rekruttere 30 frivillige frå eiga
verksemd, med spisskompetanse, til dømes kunne alle skipa ha blitt ønska velkomne på eigne
språk, som eit eksempel. Ambisjonen blei ikkje oppnådd, fordi arrangementet ikkje fekk lagt
ut påmelding av frivillige på engelsk på nettsidene – noko som var nødvendig for at
verksemda skulle kunne sende ut link til sine tilsette. Det var ei handfull som likevel deltok på
sjølve arrangementet, men da påmelde som privatpersonar som følgje av stor kystkulturell
interesse og fordi dei ønska å bidra til sommarens store folkefest. Dei erfaringane desse
frivillige gjorde seg, gav stort ytterligare erfaringsgrunnlag for korleis sponsoratet ved seinare
høve kunne utnyttast enda smartare og meir effektivt.
Elles oppfordra ingen av bedriftene eigne tilsette til å arbeide som frivillige. Fleire av
bedriftene kjenner ikkje til om eigne tilsette har vore med som frivillige, og i enkelte bedrifter
måtte dei tilsette arbeide som vanleg og gjerne ekstra grunna aktivitetar under arrangementet.
Likevel var det fleire frivillige til stades. Hos ei mindre lokalmarknadsbedrift er
kontaktpersonen for sponsoratet også frivillig under arrangementet.
Det er klart at også som frivillig profilerer eg bedrifta mi. Mindre lokalmarknadsbedrift
Fleire av dei andre bedriftene veit også om tilsette som har vore frivillige under
arrangementet, men det har i liten grad hatt noko med rolla bedrifta har hatt som sponsor. Hos
ei av dei større lokalmarknadsbedriftene var sponsoransvarleg om bord i fleire skuter og delte
ut varer som smågåver, utan å vite at ein tilsett i same bedrift var Liason-officer
(kontaktperson som tek seg spesielt av båten og behova som båten har) for ei av skutene. ”Eg
Agderforskning
28
var ikkje klar over at han hadde kontakt med den båten, og det er klart at noko slikt er med på
å gjere han stolt av arbeidsplassen sin. Han fortalte meg om det no då eg kom heim frå ferie”,
fortel sponsorkontakten. Slik har sponsinga kombinert med den frivillige aktiviteten vore med
å skape nokre felles historier i bedrifta.
Bilete 8. Ei av mange frivillige under arrangementet. Foto: Line Grønstad
Agderforskning
29
11. Konklusjon Formålet med denne undersøkinga har vore å forstå meir av lokale bedrifter sin motivasjon
for å støtte kystkultur. Resultata av undersøkinga har vore at kystkultur berre i liten grad har
vore motivasjon for å støtte Tall Ships Races, sjølv om fleire meiner at få andre tema kunne
trekt til seg dei same folkemengdene som var tilstades her. Tillit til arrangør er viktig. Dei
store skilnadane mellom bedriftene i føremål, storleik og kundekrets gjer det ekstra viktig for
kulturaktørar å gjere som ei av bedriftene oppfordrar til – å gjere grundig forarbeid og forstå
bedrifta sine behov. Eit av trekkplastra som kan framhevast ut frå denne undersøkinga er
kontakten med dei andre sponsorane som eit langvarig sponsorsamarbeid kan føre til.
Bilete 9. Forutan Vest-Agder-museet sine foto frå hamnemiljøet var kystkulturaktørane samla rett
utanfor hovudområdet. Foto: Line Grønstad
Agderforskning
30
Litteraturliste
Andersen, M., & Dietrichson, C. T. (2004). Kultursponsing og Vigeland-museet Oslo:
Diplomoppgave ved Handelshøyskolen BI.
Christensen, H. (1992). Sponsorering - alt hvad der er værd at vide: Børsen bøker.
Fjære, L. P., Berstad, M., & Engh, S. (2004). Fra sponsing til samarbeid - hva i dagens
næringsliv ligger bak at bedrifter i større grad vektlegger et samarbeid med
kulturorganisasjoner? Oslo: Siviloppgåve levert ved Norges Markedshøyskole/BI
Høyskolene.
Gran, A.-B., & De Paoli, D. (2005). Kunst og kapital. Nye forbindelse mellom kunst, estetikk
og næringsliv. Oslo: Pax forlag AS.
Gran, A.-B., & Hofplass, S. (2007). Kultursponsing. Oslo: Gyldendal Norsk Forlag AS.
Grönkvist, U. (1985). Sponsoring. En lönsam marknadsinvestering? Värnamo: Svenska
Dagbladets Förlag AB.
Hjemdahl, K. M., Pedersen, J. O., Lind, E., & Grønstad, L. F. (2010). Samarbeidsformer
kultur og næringsliv 2010. Status 2010. Oslo: Forum for kultur og næringsliv.
Hjemdahl, K (2011). National Oilwell Varco & Tall Ships Races 2010. Virksomhetsrapport
om sponsorstrategi og –investeringer. Agderforskning
Jørgensen, E., Kallestad, H., Myhre, S., & Stavn, R. (1985). Sponsing og kultur - en varulv.
Bø i Telemark: Prosjektoppgave i kulturarbeid ved Telemark distrikstshøgskole.
Jørgensen, M., Monstad, S. S., & Halvorsen, A. (2004). En studie i relasjonsmarkedsføring:
Hvordan Norsk Teknisk Museum kan skape relasjoner til sitt publikum og sine
sponsorer. Oslo: Diplomoppgave ved Handelshøyskolen BI.
Nielsen (red.), O. (1991). Sponsring i virksomhedens markedsføring. Viborg:
Handelshøjskolens Forlag/Nyt Nordisk Forlag Arnold Busck.
Næss, E. B., Wilberg, K., & Aasen, K. (2005). Kultursponsing - hvordan bli et attraktivt
sponsorobjekt? Oslo: Diplomoppgave ved Handelshøyskolen BI.
Skard, S. (2004). Norske bedrifters mål og intensjoner med kultur- og idrettssponsing - En
empirisk undersøkelse. Bergen: Studentutredning levert på Norges Handelshøyskole.
Stolper, C. L., & Hopkins, K. B. (1989). Successful fundraising for arts and cultural
organizations. Phoenix: Pryx Press.
Turner, S. (1987). Sponsring i praktiken. Hur du väljer och arbetar med sponringsobjekt samt
hur du skaffar og behåller en sponsor. Uppsala: Konsultförlaget.
Vaagen, H., & Gran, A.-B. (2010). Kultur og næringslivsundersøkelsen 2010. Status 2010.
Oslo: Forum for kultur og næringsliv.
www.kulturognæringsliv.no.
www.sailtraininginternational.org/about-us/link-1
Agderforskning
31
FoU-informasjon
Tittel Kystkultur som møteplass. Motivasjon, strategi og
suksesskriterium for sponsorar av Tall Ships Races i
Kristiansand 2010
Prosjektnummer 1547 Porto Franco følgjeforsking
Oppdragstittel Delprosjekt under Porto Franco. Sponsorskap av Tall Ships
Races
Prosjektleiar delprosjekt Line Grønstad
Forfattar Line Grønstad
Oppdragsgivar Porto Franco
Rapporttype Prosjektrapport
Rapport nr 9/2010
ISSN-nummer 0808-5544
Tilgjengelegheit til rapporten Open
4 emneord Kultursponsing, Tall Ships Races, kystkultur
Samandrag
Gjennom ein spørjeundersøking gjennomført på telefon har sponsorane til Tall Ships Races i
Kristiansand 2010, fortalt om motivasjon, sponsorstrategi og effekt av støtta til Tall Ships
Races. Som motivasjon er både samfunnsansvar og inntening viktig. Sponsorstrategiane og
korleis Tall Ships Races passa in i strategien varierte frå bedrift til bedrift, etter storleik,
kundegrunnlag og produkt. Effekt er i liten grad målbar, men kan sjåast i inntening på kort
sikt, og anast i interne arbeidsmiljø i bedriftene og i synet på bedriftene eksternt. Gjennom
undersøkinga viste det seg at ein viktig motivasjon var det tette sponsormiljøet og
relasjonsbygginga som Tall Ships Races som felles møteplass sto for.
Agderforskning
32
Agderforskning AS Kristiansand: Gimlemoen 19 4630 Kristiansand, Norway Arendal: Langbryggen 17 4841 Arendal, Norway Tel: +47 480 10 520 Fax: +47 38 14 22 01 Epost: [email protected] http://www.agderforskning.no
Vest-Agder
fylkeskommune
Kristiansand
kommune