zhvillimi dhe sfidat e shkencave politike në kosovë
DESCRIPTION
Kumtese shkencoreTRANSCRIPT
KUMTESA05.Tetor 2012
Zhvillimi dhe sfidat e Shkencave Politike në Kosovë
Prof.ass.dr. Bekim BaliqiDepartamenti i Shkenca PolitikeUniversiteti i Prishtinës
Abstract
The main objective of this paper is to look at the development of political
science, its academic and institutional evolution and examine it potentials
and obstacles based in the case study of Kosovo. The idea for conducting
the proposed research lays in the fact that the studies of situation and also
relations between political science and political system in the region and
especially in Kosovo lack totally. But the main motivation came due to the
fact, that Department of Political Science at the University of Prishtina has
already his tenth anniversary.
The study raises two interesting channels of investigation – one
endogenous to the university – the impact on the evolution of political
science as a discipline of its emergence out of the fields of history and law,
the other an exogenous factor – the impact of political interference on the
evolution of the discipline.
Beside the observation of the situation of political science, this study aim
to have critical approach toward research activities and also to seek for
capabilities of advancing this academic and research discipline.
1
HYRJE
Shkenca politike si disiplinë akademike dhe e institucionalizaur ka zënë fill
në Kosovë vetëm gjatë këtij mijëvjeqari dhe u popullarizua sidomos pas
hapjes së Departamentit të Shkencave Politike dhe Administratës Publike
në Universitetin e Prishtinës. Përkundër faktit se kuadrot e para qe kishin
diplomuar nga shkencat politike ne disa universitete te ish-Jugosllavisë, si
ne atë te Zagrebit apo Beogradit, ekzistonin edhe me herët, ndikimi dhe
kontrolli i regjimit komunist në këtë fushë shkencor nuk lejuan që të
zhvillohen në mënyrë të pavarur dhe si duhet. Përveç si degë studimi në
UP apo në disa Universitete private, shkenca politike nuk ëshët e
pranishme dhe aktive në asnjë forme tjetër. Asnjë institut hulumtues,
asnjë qendër kërkimore-shkencore, asnjë shoqate profesioniste, asnjë
reviste shkencore nuk merren me promovimin, zhvillimin dhe me studime
politike.
Përkundër atraktivitetit dhe interesimit aq te madhe për studime të
shkencave politike dhe numrit relativisht të lartë të studenteve si dhe të
diplomuarve, kjo lëmi mbetet akoma nën nivel të duhur zhvillimi me cilësi
të dobët. Mungesa e kuadrove kompetente universitare nga kjo fushe,
paraqet edhe një nga problemet kyçe për zhvillimin dhe qasjen e drejte
ndaj shkencave politike. Shkencat politike janë te drejtuara dhe ndikuara
jashtëzakonisht nga se paku dy fusha shkencore: nga historia dhe
drejtësia. Duke qene te përgatitura dhe ligjëruara nga historiane dhe
juristë, lendet e shkencave politike marrin një drejtim tjetër nga qe e kane
burimisht shkencat politike. Historianët janë të prirë t´i sqarojnë dukuritë
shoqërore-politike nga prizmi i zhvillimit historik dhe me interpretime pak
a shume kronologjike. Ndërsa juristet zakonisht fokusohen ne aspektet
normative e ligjore për shpjegimin e zhvillimeve apo strukturave politike.
Ne të dyja rastet, shkollat e ndryshme politikologjie, teoritë e
domosdoshme dhe metodat e shumta empirike nuk janë te përfaqësuara
sa dhe si duhet. Shkencat politike nuk arritën që të konsolidohen si fushë
kritike, studime eksplorative por me shume si disiplinë përshkruese,
2
deskriptive. Pasojat e një qasje të këtillë janë të shumanshme dhe
afatgjate.
Një dimension tjetër i keqkuptimit te shkencave politike është entuziazmi
naiv dhe pikëpamja e gabueshme se politologët janë ose duhet te jene
bartësit e duhur te proceseve politike dhe institucioneve shtetërore.
Kështu perceptimi i një pjese te studenteve se ata janë politikanet e
ardhshëm me adekuat, se duhet te i takojnë një lidershipi dhe elite politike
për shkak te përgatitjes se tyre profesionale, ka rezultuar ne atë qe këto
fakultetet dhe departamente te perceptohen si lloje te akademive politike.
Në fakt, një politikan bënë politikë, ndërsa politologu merret ne aspektin
akademik e shkencor me çështje politike. Shkencat politike janë të
interesuara të kuptojnë dhe shpjegojnë raportet e pushtetit dhe autoritetit
politik me shoqërinë dhe anasjelltas. Zanafilla e kësaj disipline shkencore
vjen me studimin e strukturës, organizimit dhe zhvillimit të shtetit. Mirëpo,
elementet dhe instrumentet shkencore të hulumtimit, kritika shoqërore-
politike dhe angazhimi publicistik jo vetëm që mungojnë por edhe debati
apo kërkesa për një gjë të tillë thuaja nuk ekziston fare. Një sindromë qe
fatkeqësisht shfaqet edhe te shkencat tjera shoqërore. Rezultat i kësaj
gjendje letargjike është publikimi i rralle i punimeve, studimeve e
analizave te njëmendta shkencore sikurse edhe mangësia e organizimit te
seminareve, simpoziumeve dhe konferencave politikologjie. Publikimet e
pakta nga kjo fushe janë zakonisht përkthime nga autore te huaj, apo
edhe nganjëherë te autoreve nga Shqipëria. Kështu mungesa e theksuar e
literaturës profesionale ne gjuhen shqipe është edhe një aspekt tjetër qe e
pamundëson zhvillimin e mirëfilltë tw kësaj fushe shkencore te re dhe aq
shume të keqkuptuara ne Kosovë.
Te ashtuquajturit apo edhe te vetëquajturit “analiste politike” merren nga
opinioni i gjere si kompetent për përzihen me politologët dhe kështu
krijojnë përshtypjen se komentimi apo vlerësimi i situatës dhe politikes
ditore është objekt studimi i shkencave politike, gjë qe nuk pasqyron
interesimin e tere dhe spektrin e gjere te shkencave politike. Gjithashtu
edhe “këshilltarët politik” nuk janë domosdo edhe studiues apo politolog
te mirëfilltë.
3
Çka është në të vërtetë shkenca politike?
Sipas një përkufizimi te përgjithshëm shkencat politike i referohen asaj
disipline shkencore e cila merret me proceset, sjelljet dhe veprimet
politike apo me fjale tjera, siç edhe mund te supozohet nga emërtimi kjo
lëmi përbën studimin shkencor te dukurive politike. Vete fjala politike
rrjedh nga fjala greke nga Antika polis që d.m.th qytet-shtet. Kjo le te
kuptohet se qe nga fillimi politika merr domethënien e nje organizimi
shoqëror përmes qeverisjes. Ndërsa Aristoteli e quan njeriun zoon politikon
pra qenie politike. Për shkak te mungesës së metodologjisë, teorisë dhe
terminologjisë së caktuar shkencore, shkencat politike ishin një kohe të
gjatë nw kuadër të filozofisë dhe mendimit politik Pikë referimi ishin
kryesisht shteti dhe pushteti. Me mendimtarin italian Makiavelli e me pas
Hobbsin fillon edhe mendimi teorik mbi politikën. Por tek ne shekullin e 19-
te kjo disipline merr formën dhe karakterin e nevojshëm si disipline e
veçante shkencore. Duke u zhvilluar sidomos ne SHBA gjate dhe pas luftës
se dyte botërore, kryesisht nga shkencëtaret e emigruar evropian, kjo
lende se shpejti është avancuar dhe u përhapë ne tere rruzullin tokësor.
Me kalimin e kohës fusha e studimit te shkencave politike është zgjeruar
shteti dhe qeveria dhe përfshin tani një spektër te gjere objektesh dhe
tema studimi. Nënfushat kryesore te shkencave politike janë:
- Sistemi politik i vendit, qe ekzaminon institucionet, ndërveprimet
dhe sjelljet politike te shtetit ame, me këtë rast pra te Republikës se
Kosovës.
- Politika krahasuese analizon dhe krahason sistemet politike
ndërmjet shteteve dhe regjioneve te ndryshme gjeografike.
- Marrëdhëniet dhe politika ndërkombëtare hulumton raportet dhe
ndërveprimet mes shteteve, institucioneve apo organizatave
ndërkombëtare dhe OJQ-ve internacionale sikurse edhe aktoreve
tjerë ndërkombëtare si p.sh grupet terroriste etj.
- Teoritë dhe filozofia politike shqyrton konceptet dhe qasjet
fondamentale politike dhe mundohet qe te gjeje përgjigje ne çështje
4
të ndryshme teorike. Kjo përfshin historinë e mendimeve, ideve dhe
ideologjive politike ne kohe dhe hapësire. Ekziston një keqkuptim
dhe paragjykim për teoritë ne përgjithësi, duke pohuar se janë te
thata e te panevojshme. Duke mos pranuar faktin, qe çdonjëri
përdor teoria ne jetën e përditshme pa qene i vetëdijshëm për ketë.
Tekembramja, nëse teoria s´është e rëndësishme për shkencat
politike atëherë pse valle teoricienët si Hobsi, Kanti, Makiavelli etj.
janë me te njohur se qindra e mijëra studiues tjerë që merren me,
kushtimisht thënë, pjesën “pragmatiste” të politikës!
Ekzistojnë edhe nënfusha tjera dhe kategorizimi i tyre varet nga interesimi
dhe mënyra se si i qasemi atyre, aq sa ne disa vende këto përbejnë edhe
gati disiplina te veçanta sikur bie fjala administrimi publik apo edhe
marrëdhëniet ndërkombëtare.
Historicizmi i shkencave politike
Siç u cek me larte shkenca politike si objekt studimi zakonisht
kategorizohen ne katër aspekte dhe fusha te veçanta, prej nga edhe
formohen lendet mësimore dhe fushat e specializimit. Duke qene se ne
universitetet kosovare (qofte ato private po edhe publike) një klasifikim i
tille ishte me shume arbitrar dhe jo krejtësisht i qarte, zhvillimi i këtyre
fushave ishte nen influencën e madhe te asaj qe mund te quajmë
historicizëm. Me historicizëm nënkuptohet këtu se lendet (si obligative
ashtu edhe zgjedhore) nga këto fusha shtjelloheshin në rrafshin e
deskriptiv, pra në zhvillimin e tyre historik. Ndërsa aspektet teorike dhe
analizat e bazuare në hulumtime empirike thuajse mungonin tërësisht. Ne
fakt, qe nga themelimi i Departamentit te shkencave politike dhe
administratës publike ne UP nuk njihet as një studim i vetëm empirik i cili
është ndërmarrë nga ky departament. Gjithashtu edhe Institutet
kërkimore- shkencore të pakta që janë, nuk kane publikime te theksuara
dhe as qe janë te specializuara nge njërën prej këtyre fushave.
Interesimi akademik është i përqendruar ne aktualitetet politike kosovare
dhe shqiptare, ndërsa fokusimi për tema dhe probleme me karakter
ndërkombëtar janë shume te pakta. Publikimet janë po ashtu analiza apo
shtjellime te problemeve politiko-shoqërore shqiptare, ndërsa kritika
5
shkencore me qasje teorike mungon gati tërësisht. Literature ne shumicën
e rasteve janë përkthime nga autoret e huaj te njohur, ndërsa debatet,
recensionet apo kritika ne lidhje me këto vepra nuk zhvillohet gati aspak.
Shkencat politike ne një mënyrë dhe deri ne një mase, mund te
konsiderohen edhe si disipline shkencore e cila merret me atë periudhe
kohore me te cilën historia ende s´ka filluar te merret dhe për te cilën
epoke kohore arkivat ende nuk janë hapur. Por ato assesi nuk janë njëlloj
shkence ndihmese e Historise e as Historia- qofte edhe e kohës moderne
nuk mund te pretendoj te jete pjese përbërëse e shkencave politike. Çdo
përzierje e tyre vetëm se ia humb kuptimin dhe qëllimin thelbësor te
secilës lëmi shkencore.
Mungesa e një komuniteti shkencor
Një bashkësi apo komunitet shkencor, siç është e zakonshme ne vendet e
tjera e qe njihet ne bote si “scientific community”, nuk është e konsoliduar
dhe nuk vjen ne shprehje gati kurrë. Ekziston një pikëpamje e gabuar, e
trashëguar me gjase nga koha komuniste, se inteligjencia e një vendi
duhet te mblidhet rreth Akademisë se Shkencave dhe Arteve dhe se ajo
përfaqëson organin me te larte e pothuajse se edhe te vetmin akademik
ne vend. Mirëpo, rrethanat e njohura politike ne Kosove dhe ne përgjithësi
ne Ballkan, kane shtyre këto institucione te jene involvuar ne rrjedhat dhe
veprimtarinë politike dhe kështu janë lënë anash aktivitetet shkencore. Ne
anën tjetër, edhe Universiteti i vetëm publik nuk ka arritur edhe pas tere
këto vitesh qe te përqendrohet ne detyrën e saj primare: ne përgatitjen e
kuadrove profesionale e shkencore dhe ne studime te mirëfillta kërkimore-
shkencore. Politizimi i hershem i këtyre dy institucioneve jetike, ka
rezultuar ne anashkalim te zhvillimeve profesionale dhe ne avancimin e
diskurseve kritike, metodologjive aplikative, kërkimeve shkencore dhe
teknologjive bashkëkohore. Mjafton t´ia lëshoni një sy faqeve te internetit
te institucioneve te lartpërmendura dhe vëreni fare lehte se ka ngecje te
pamohueshme me trendët bashkëkohore.
Mirëpo duhet konstatuar, se as ne pjesën, kushtimisht thënë te dijes se jo-
institucionalizuar gjendje nuk është aspak e kënaqshme. Kështu,
mungojnë iniciativa, forume apo edhe shoqata profesionale qe do te
6
avanconin fushat e tyre përkatëse, qofte përmes publikimeve shkencore,
organizimit te seminareve apo konferencave e deri te krijimi i një diskursi
te mirëfilltë akademik. Ne këtë aspekt shkencat politike pra nuk janë
përjashtim, por pjese e një amullie dhe neglizhence kolektive qe i behet
shkencës dhe arsimimit ne përgjithësi. Prandaj reformimi i arsimit ne
Kosove kërkon qe secili prej nesh, e sidomos ata qe duhet te merren me
lëmine e tyre, te vetëdijesohen dhe te fillojnë individualisht te ndikojnë ne
përmirësimin e gjendjes dhe avancimin shkencor te fushës se tyre
përkatëse. Sepse fajtor për këtë jemi secili prej nesh, ndërsa përfitues
mund te jemi te gjithë nëse arrijmë qe te zhvillojmë shkencën dhe arsimin.
Sfidat e shkencëtareve të politikës
Sfidat qe ballafaqohen shkencëtarët politik janë te llojllojshme dhe shpesh
edhe ato banale, duke filluar prej emërtimit te paqarte e deri te
keqinterpretimi i profesionit te tyre. Vet fakti se nuk ekziston ende një
pajtim për emërtimin e shkencëtareve politike, tregon se kjo dege
shkencore nuk është ende e avancuar sa dhe si duhet por me zhvillohet
ashtu ne mënyre sporadike dhe ne drejtim te duhur. Përderisa ne
opinionin e gjere kosovar një studiues i shkencave politike njihet edhe si
Politikolog, ne literaturën profesionale ne gjuhen shqipe dhe ne Shqipëri
një studiues i tille quhet zakonisht Politolog. Një qartësim apo edhe një
diskutim për atë se cila forme e emërtimit është e drejte, nuk ka qene
akoma ne rend te ditës. Ne gjuhen gjermane p.sh përdoret forma e fundit ,
mirëpo ne anën tjetër edhe emërtimi politikolog ne esence nuk është
aspak e gabuar, nëse merret parasysh etimologjia e termit nga greqishtja
e lashte. Pra cila forme është e drejte dhe cila duhet te standardizohet ne
gjuhen shqipe nuk është e njohur.
Përveç kësaj shkencëtaret politik përballen edhe me dy sfida tjera
profesionale, ne njërën anë me mundësinë e ndikimit dhe influencimit te
punës shkencore dhe ekspertizës ne rrafshin me te gjere dhe ne anën
tjetër me ruajtjen e pavarësisë dhe paanësisë politike dhe objektivitetit
akademik gjate punimeve dhe kërkimeve shkencore. Mirëpo kjo s´do te
thotë se shkencëtarët duhet te mbyllen ne te ashtuquajturën “kullën e
fildishte” akademike, por qe te marrin pjese ne mënyrë aktive ne
7
zhvillimet shoqërore e politike si dhe te bashkëpunojnë me qytetaret,
gazetaret por edhe me politik-bërësit, dhe te kontribuojnë përmes
ekspertizës ne fusha te ndryshme. Tekefundit edhe Aristoteli kishte
mësuar Aleksandërin ne rinin e tij, Makiavelli këshillonte oborrin mbretëror
Mediqi, Hobsi kujdesej për edukimin e Çarlsit te II-te sikurse edhe ne jetën
bashkëkohore ku shume shkencëtar angazhohen për qeveritë apo
organizmat e ndryshme politike, qofte drejtpërdrejte apo edhe si këshilltar
përmes Instituteve Kërkimore dhe studimeve përkatëse shkencore.
Çka duhet bërë?
Ne shumicën e rasteve ku konstatohet gjendja e rende, problemi kyç
qëndron te gjetja e rrugëdaljes nga ajo situate. Shpeshherë diskutohen
gabimet, lëshimet por jo edhe rekomandimet dhe zgjidhjet e këtyre
problemeve. Ne rastin e avancimit te shkencave politike, sfidat nuk janë te
paarritshme ose te patejkalueshme. Problemi mirëpo qëndron se mungon
një instance ku mund te i adresojmë problemet dhe rekomandimet për
zgjidhjen e tyre. Prandaj formimi i një Asociacioni për Shkenca Politike,
është hapi i pare i organizimit profesional dhe përfaqësimit te interesave
te politologëve. Ky asociacion duhet te jete i angazhuar maksimalisht ne
përmirësimin e gjendjes dhe te organizoj seminare e punishte, si dhe sa
me pare te formoj një reviste shkencore te Shkencave Politike. Kjo do te
mundësonte edhe shkëmbimin e njohurive por edhe te hapjes se
mundësisë qe punimet shkencore te publikohen ne adresën e duhur
akademike. Pastaj edhe bashkëpunimi me organizatat simotra ne bote dhe
afirmimi ndërkombëtar do te mundësonte hapjen e horizonteve dhe
qasjeve te reja dhe me globale. Hapi tjetër i rëndësishëm, do te ishte qe
ne Universitet ku ligjërohen shkencat politike te ketë edhe një rritje te
cilësisë dhe angazhim me te larte akademik ne hulumtime dhe punime
shkencore, gjë qe ne plan me afatgjate do te rriste edhe publikimet dhe
literaturën ne këtë fushe. Por kjo kërkon qe normat dhe rregullat e
institucioneve te jene te përmirësuara, si ne aspektin disiplinor ashtu edhe
cilësor, ne mënyrë qe profesorët te kenë një përkushtim dhe motivim me
te madhe ne pune. Një zhvillim i tille mund te arrihej nëse vendimet
politike janë ne favor te avancimit te disiplinave shkencore dhe qe
8
Ministria e Arsimit do te ndërmerrte masa konkrete ne ngritjen e cilësisë
ne arsimin e larte dhe përkrahjen materiale te projekteve e hulumtimeve
shkencore.
LITERATURA
Ian Bache/Andrew Taylor, The politics of policy resistance:
reconstructing higher education in Kosovo. Journal of Public Policy,
23 (3) 2003. fq. 279-300
Gabriel A. Almond, Political Science: The History of the Discipline,
50-97fq., in; Robert E. Goodin and Hans-Dieter Klingemann: A New
Handbook of Political Science, Oxford University Press 1998
Mirjana Kasapović (red.), Izlazak iz množine? Stanje hrvatske
političke znanosti, Zagreb 2007 (Dalja nga shumësi? Gjendja e
shkencës politike kroate 7-95 fq. Perkthimi nga Xhelal Shehu)
The Strategy for Development of Higher Education in Kosovo 2004-
2015 of the Ministry of Education, Science and Technology of the
Government of Kosovo
The National Research Programme of the Republic of Kosovo 2010-
2015.
The Kosovo Education Strategic Plan 2011 -2016, Ministry of
Education Science and Technology, Republic of Kosovo
Law No.2004/42 On Scientific and Research Activity, Republic of
Kosovo
Regulation no. 2003/14 On the Promulgation of a Las adopted by the
Assembly of Kosovo on Higher Education in Kosovo
9