gueixzunh.files.wordpress.com · web viewnaaiv buonv sou se gorngv taux zunh doz caux njaaux...

PRINCIPLES FOR PREACHING AND TEACHING Zunh Doz Caux Njaaux Nyei Leiz-

Nyeic

Biux Mengh Waac Introduction Naaiv buonv sou se gorngv taux zunh doz caux njaaux Ging-Sou nyei leiz-nyeic jauv caux hnangv haaix nor mbenc zunh doz qorng nyei jauv. Pouh tong nor, mbenc zunh doz qorng nyei jauv se maaih buo nyungc jauv mbenc, naaiv deix buo nyungc zunh doz qorng, mbuo dauh dauh zunh doz nyei mienh horpc zuqc hiuv, yaac horpc zuqc bieqc hnyouv hnangv haaix nor zoux. Se gorngv mbuo maiv haih nor, mbuo yaac qiemx zuqc hoqc hiuv duqv hnangv haaix nor zoux nyei. Naaiv buonv sou se benx norm nyungc zeiv tengx dongh maiv duqv kauv hoqc nyei mienh haih hiuv duqv hnangv haaix nor mbenc zunh doz qorng nyei jauv. Zunh doz se haaix nyungc? Zoux haaix nyungc mbuo oix zuqc hoqc hiuv duqv hnangv haaix nor zunh doz caux njaaux nyei jauv? Zunh doz caux njaaux Ging-Sou nyei jauv hnangv haaix nor maiv fih hnangv? Zunh doz nyei jauv yiem Ging-Sou hnangv haaix nor gorngv? Zoux haaix nyungc mbuo oix zuqc mbenc zunh doz nyei jauv? Zunh doz caux njaaux nyei jauv yiem Ging-Sou gorngv nyei waac se maaih hnangv naaiv:(1) Zunh Doz = Preaching 47 nzunc yiem 47 yiemc Ging-Sou gorngv taux heuc mbuo oix zuqc zunh kuv fienx mbuox maanc mienh.(2) Zoux zorng-zengx = Witnesses 57 nzunc yiem 57 yiemc Ging-Sou gorngv taux mbuox mbuo oix zuqc mingh zoux zorng-zengc bun lungh ndiev maanc mienh hiuv duqv Tin-Hungh.(3) Douc waac = Prophecies 141 nzunc, yiem 141 yiemc Ging-Sou gorngv taux douc waac nyei jauv.(4) Zunh box = Proclaiming 81 nzunc, yiem 81 yiemc Ging-Sou gorngv taux zunh box nyei jauv. Zunh box nyei jauv se donv taux mienh zoux nyei jauv, gorngv mbuox mienh oix zuqc dingh maiv dungx zoux fai oix zuqc guangc nqoi ninh mbuo zoux nyei waaic sic.(5) Douc waac nyei jauv se gorngv taux zinh hoz nyei sic = Prophesied 34 nzunc, yiem 34 yiemc Ging-Sou gorngv taux douc waac mienh douc waac nyei jauv, gorngv taux sic oix cuotv nyei jauv hnangv haaix nor. Maiv gunv gorngv zunh doz fai njaaux se benx douc waac nyei jauv. Zunh naaiv joux waac nyei eix-leiz se gorngv taux box bun hiuv duqv maaih haaix nyungc sic oix cuotv fai oix taux, dongh muangx nyei mienh fai duqv zipv nyei mienh oix zuqc zorng-mbenc, lorz jauv dangv nqaeqv taux dongh oix daaih nyei sic fai oix cuotv nyei sic. Douc waac nyei eix-leiz se maiv gunv gorngv baamh mienh fai Tin-Hungh gorngv mbuox mienh tengx douc waac bun ganh dauh, dongh duqv zipv waac fai fienx wuov dauh mienh ninh oix zuqc ei jienv dongh ninh haiz nyei fai duqv zipv nyei yietc mouc yietc setv gorngv mbuox dongh

1

© Zeuz, Gueix-Zunh Nyei Preaching And Teaching Principles

oix zuqc haiz nyei mienh. Dongh douc waac wuov laanh mienh ninh maiv haih gorngv pien fai tipv waac bieqc fai gorngv maiv nzengc waac bun dongh oix zuqc haiz oix zuqc hiuv wuov dauh. Se gorngv ninh douc maiv zien nor, dongh mbuox ninh douc wuov dauh ziouc dingc ninh nyei zuiz, yaac funx ninh benx douc jaav-waac nyei mienh, se gorngv benx jien-sic nyei jauv, caux jienv nyei jauv nor, ninh oix zuqc dingc zuiz, se gorngv benx pouh tong jauv nor, mienh funx ninh benx gorngv-baeqv nyei mienh.

Zunh doz nyei jauv se benx tengx Tin-Hungh douc waac bun baamh mienh hiuv, maiv gunv gorngv zunh doz fai njaaux Ging-Sou se benx douc Tin-Hungh nyei waac. Zunh doz caux njaaux Ging-Sou nyei mienh se benx tengx Tin-Hungh douc waac bun baamz zuiz nyei mienh, caux maiv duqv njoux nyei mienh, weic bun ninh mbuo haih zieqv duqv, haih buatc taux ninh mbuo zoux dorngc Tin-Hungh nyei jauv, yaac haih guangc nqoi ninh mbuo zoux nyei jauv nzuonx daaih lorz Tin-Hungh bun Tin-Hungh sortv guangc ninh mbuo nyei zuiz, bun ninh mbuo haih duqv caux Tin-Hungh horpc hnyouv daaih. Weic naaiv cingx daaih zunh doz nyei mienh caux njaaux Ging-Sou nyei mienh oix zuqc faix fim cih maanc maiv dungx ei ganh nyei hnyouv zunh pien Ging-Sou nyei waac, maiv zeiz weic zoux bun mienh a’hneiv mbuo, ceng mbuo, se gorngv mbuo maiv douc zien fai zunh zien Tin-Hungh nyei waac (Ging-Sou) mbuox mienh nor, taux setv mueiz nyei hnoi mbuo ganh oix zuqc ndaam-dorng mbuo zoux nyei gong. Weic zuqc, “….taux siemv zuiz wuov hnoi, mouz laanh mienh gorngv nyei joux-joux henh waac, gorqv-mienh ganh oix zuqc ndaam-dorng. Tin-Hungh oix longc meih ganh nyei waac dingc meih maaih zuiz fai maiv maaih zuiz." (Matv^taai 12:36-37). Loz-hnoi wuov jaax lungh ndiev fai wuov gitv lungh ndiev nyei douc waac mienh, Tin-Hungh hnangv naaiv gorngv mbuox douc waac nyei mienh. Zorqv nyungc zeiv taux E^se^ken douc waac mienh nyei jauv. Yiem E^se^ken 3:16-19 wuov E^se^ken hnangv naaiv gorngv, “Wuov deix siec hnoi jiex liuz, yie aengx duqv zipv ZIOUV nyei waac gorngv, 17 "Baamh mienh aah! Yie liepc meih zoux siouv gaeng mienh siouv I^saa^laa^en nyei zeiv-fun. Meih haaix zanc haiz yie gorngv, meih oix zuqc dorh yie nyei waac tengx yie donv ninh mbuo. 18 Se gorngv yie mbuox orqv mienh, 'Meih ndongc haaix zungv oix zuqc daic,' meih yaac maiv donv ninh yaac maiv kuinx ninh guangc nqoi ninh zoux orqv nyei jauv weic njoux ninh nyei maengc nor, wuov dauh orqv mienh zungv oix zuqc laaix ninh nyei zuiz daic, mv baac weic ninh zuqc daic yie bun meih ndaam-dorng. 19 Mv baac se gorngv meih donv orqv mienh, ninh yaac maiv guangc ninh zoux nyei orqv sic, yaac maiv guangc ninh zoux orqv nyei jauv. Ninh oix zuqc laaix ninh ganh nyei zuiz zuqc daic, mv baac meih duqv njoux cuotv meih ganh nyei maengc.” (Beiv mangc E^se^ken 33:8-9). Aengx maaih nyungc Tin-Hungh hnangv naaiv gorngv mbuox E^se^ken, "Baamh mienh aah! Yie paaiv meih mingh taux I^saa^laa^en Mienh, se mingh taux yietc fingx hnyouv ngaengc nyei mienh. Ninh mbuo ngaengc jienv yie. Ninh mbuo caux ninh mbuo nyei ong-taaix zungv zoux dorngc yie taux ih jaax hnoi. 4 Ninh mbuo m'normh hoz, hnyouv ngaengc. Yie paaiv meih mingh lorz ninh mbuo. Meih oix zuqc gorngv, 'Ziouv TIN-HUNGH hnangv naaiv nor gorngv.' 5 Maiv gunv ninh mbuo muangx fai maiv muangx, (weic zuqc ninh mbuo benx hnyouv ngaengc nyei zeiv-fun), ninh mbuo ziouc hiuv duqv maaih dauh douc waac mienh yiem ninh mbuo mbu'ndongx. 6 Baamh mienh aah! Meih ganh maiv dungx gamh nziex ninh mbuo yaac maiv dungx gamh nziex ninh mbuo gorngv nyei waac, maiv gunv maaih njimv-cou njimv-muonc weih gormx, meih yaac yiem ziepc nyeic ndaangh mbu'ndongx. Maiv dungx gamh nziex ninh mbuo

2


gorngv nyei waac, fai laaix ninh mbuo nyei hmien gamh nziex, weic zuqc ninh mbuo benx hnyouv ngaengc nyei zeiv-fun. 7 Meih oix zuqc dorh yie nyei waac gorngv mbuox ninh mbuo, maiv gunv ninh mbuo muangx fai maiv kangv muangx, weic zuqc ninh mbuo benx hnyouv ngaengc nyei zeiv-fun.” (E^se^ken 2:3-7). Zoux zunh doz mienh fai njaaux Ging-Sou nyei se benx douc Tin-Hungh nyei waac nyei mienh, maiv horpc zuqc gamh nziex mienh, maiv horpc zuqc douc jaav-waac, Ging-Sou hnangv haaix gorngv oix zuqc ei jienv wuov gorngv, maiv gunv mienh oix muangx fai maiv oix muangx, naaiv maiv zeiz mbuo nyei sic. Mbuo nyei gong se oix zuqc muangx Tin-Hungh nyei waac yaac oix zuqc douc zien, zunh zien Tin-Hungh nyei waac fai Ging-Sou bun mienh. Maiv dungx gamh nziex mienh, se gorngv mbuo gamh nziex mienh nor, mbuo ziouc maiv haih douc zien zunh zien Tin-Hungh nyei waac aqv, se gorngv mbuo zunh maiv zien, douc maiv zien nor, mbuo ganh oix zuqc ndaam-dorng mbuo zoux nyei gong. Oix zuqc jangx jienv naaiv deix buo nyungc jauv: (1) Se gorngv mbuo gamh nziex mienh caux oix longc mengh Daauh nor, mbuo haih benx njaaux jaav leiz nyei mienh, mbuo haih mingh pien Ging-Sou nyei waac; (2) Se gorngv mbuo njaaux dorngc mienh, nduov mienh mingh dorngc jauv nor, mbuo ganh oix zuqc dingc zuiz (Matv^taai 18:6-7; 12:36-37); (3) Jangx jienv zunh doz mienh fai zoux njaaux Ging-Sou nyei mienh fai fin-saeng nyei gong se dorh mienh daaih lorz Tin-Hungh caux Tin-Hungh zoux horpc, maiv zeiz njaaux mienh dorh mienh mingh zoux zuiz. Zunh doz fai njaaux Ging-Sou nyei jauv se benx tengx Tin-Hungh douc waac. Hnangv naaic, maiv gunv gorngv zunh doz mienh fai njaaux Ging-Sou nyei mienh cingx daaih maiv haih njaaux dorngc fai njaaux pien Ging-Sou nyei waac bun mienh. Se gorngv mbuo maiv faix fim nor, mbuo njaaux dorngc Ging-Sou bun mienh, nduov mienh sienx dorngc nor, mbuo ganh oix zuqc dingc zuiz. Yesu hnangv naaiv gorngv, "Mv baac se gorngv haaix dauh nduov yietc dauh naaiv deix sienx yie nyei fu'jueiv-faix baamz zuiz, oix zuqc zorqv domh morc ndiux jienv wuov dauh nyei jaang bungx njiec koiv, ndo nyei dorngx, ziemx daic gauh longx. 7 Laaix nduov mienh baamz zuiz nyei sic, baamh gen ziouc zuqc kouv aqv. Nduov mienh nyei sic zanc-zanc oix cuotv, mv baac zoux gorn nduov mienh wuov dauh zungv oix zuqc kouv aqv.” (Matv^taai 18:6-7). Bide yaac bieqc hnyouv gorngv zunh doz nyei jauv ndongc haaix longc jienv, ninh yaac kuinx mienh hnangv naaiv gorngv, “Dauh dauh duqv zipv Tin-Hungh nyei zingh nyeic yaac oix zuqc goux longx. Haaix dauh zipv haaix nyungc zingh nyeic oix zuqc longc tengx zuangx mienh. 11“Haaix dauh zunh doz oix zuqc za'gengh douc Tin-Hungh nyei waac.” Haaix dauh cuotv fim tengx mienh oix zuqc longc Tin-Hungh bun daaih nyei qaqv fu-sux. Hnangv naaic meih mbuo zoux nyei nyungc-nyungc ziouc bun mienh dengv Yesu Giduc nyei mbuox ceng Tin-Hungh. Yesu Giduc yietc liuz maaih njang-laangc, maaih qaqv taux maanc gouv maanc doic. Aamen.” (1 Bide 4:10-11). “Da'yietv longc jienv jiex oix zuqc bieqc hnyouv, maiv maaih haaix dauh haih longc ganh nyei za'eix porv mengh douc waac mienh douc daaih fiev wuov deix Ging-Sou nyei waac. 21 Weic zuqc maiv maaih haaix dauh haih ei ganh nyei eix douc Tin-Hungh nyei waac. Mienh douc Tin-Hungh nyei waac se ei Singx Lingh dorh ninh mbuo gorngv hnangv.” (2 Bide 1:20-21). Bide gorngv mbuox mbuo maiv maaih haaix dauh haih ei ganh nyei hnyouv douc Tin-Hungh nyei waac, eix-leiz se dongh maiv gunv haaix nyungc la’guaih gorngv, Ging-Sou maiv gorngv nyei mbuo yaac dorh daaih njaaux mienh fai maiv ei Ging-Sou

3


gorngv nyei jauv zoux. “Yie nyei gorx-youz aac, meih mbuo maiv zuqc maaih mienh camv zoux fin-saeng, weic zuqc meih mbuo hiuv duqv yie mbuo zoux fin-saeng nyei mienh oix zuqc siemv gauh hniev jiex maiv zoux nyei mienh. 2 Mbuo dauh dauh zoux dorngc camv-nyungc nyei. Haaix dauh yietc liuz maiv gorngv dorngc haaix nyungc, wuov dauh se dunh yunh nyei mienh, haih gunv duqv nzengc ninh ganh nyei sin.” (Yaagorpc 3:1-2). Zorqv nyungc zeiv se hnangv jiex mingh naaiv deix Ging-Sou gorngv nor , “Tin-Hungh oix lengc jeiv nyei hnangv naaiv nor zoux bun sueih ganh nyei hnyouv hanc zoux maiv luonx horngc nyei sic yaac mangc piex Tin-Hungh nyei hatc maaz nyei mienh. Naaiv deix njaaux jaav leiz nyei fin-saeng daamv hlo yaac maux haic. Ninh mbuo maiv gamh nziex gorngv doqc yiem gu'nguaaic maaih njang-laangc wuov deix. 11 Maiv gunv fin-mienh maaih lingc maaih qaqv gauh henv naaiv deix njaaux jaav leiz nyei fin-saeng, fin-mienh yaac maiv longc doqc nyei waac yiem Ziouv nyei nza'hmien gox maaih njang-laangc wuov deix. 12 Naaiv deix njaaux jaav leiz nyei fin-saeng se hnangv mv bei daic nyei saeng-kuv nor, ei ganh nyei fiem-fingx zoux. Cuotv seix daaih weic bun mienh zorqv daix hnangv. “Ninh mbuo gorngv doqc ninh mbuo maiv mengh baeqc nyei sic,” ziouc hnangv hieh zoih nor, zuqc mietc.” (2 Bide 2:10-12). Naaiv deix eix-leiz weic longc mengh dauh caux oix nduov mienh gan ninh mbuo, ninh mbuo wuotv Ging-Sou nyei waac daaih nduov dongh maiv hiuv haaix nyungc, maiv gunv haaix nyungc nyei mienh gan ninh mbuo. Ninh mbuo hiuv duqv jienv maiv horpc zuqc hnangv naaic zoux, mv baac ninh mbuo yaac zoux. Hnangv naaic Ging-Sou cingx daaih gorngv naaiv deix njaaux jaav-leiz nyei fin-saeng maiv gamh nziex Tin-Hungh, yaac maiv bei daic nyei ga’naaiv.

Zunh doz se haaix nyungc? Zunh doz se zunh yangh Tin-Hungh nyei Waac mbuox mienh bun mienh hiuv duqv taux Tin-Hungh oix baamh mienh zoux nyei jauv hnangv haaix nor. Mbuo zunh nyei jauv se Tin-Hungh nyei Waac bun njiec daaih yiem Ging-Sou. Naaic se Tin-Hungh nyei Waac aqv, Ging-Sou ganh zoux zorng-zengx gorngv, 2 Ti^mo^tai 3:16-17; 2 Bide 1:20-21. Cuotv liuz mbuo funx Ging-Sou se benx Tin-Hungh gorngv daaih nyei waac, yaac maiv maaih dorngx dorngc yiem Tin-Hungh nyei waac nor, mbuo zunh nyei jauv se maiv maaih gorn-ndoqv. Ging-Sou benx Tin-Hungh nyei Waac, eix-leiz se Tin-Hungh gorngv haaix nyungc mbuox mbuo yiem Ging-Sou wuov se benx Ninh nyei hatc lingc aqv. What is preaching? Preaching is the proclamation of the Word of God to mankind. To them let them know what God wants them to do. The content of preaching is the Word of God set down in the Scriptures. That it is the Word of God is the testimony of scripture, 2 Timothy 3:16-17; 2 Peter 1:20-21. Unless we approach the Scriptures as the inspired, inerrant Word of God, there is no foundation for preaching. That it is the Word of God means that God addresses us in the Scriptures with divine authority

Heuc daaih zunh doz nyei jauv se heuc mingh douc Tin-Hungh nyei waac. “Oix zuqc zunh Tin-Hungh nyei doz.” 2 Ti^mo^tai 4:1-2. Mbuo maiv zoux nyei jauv, mbuo zunh baamh mienh yiem hnyouv haiz nyei jauv caux oix nyei jauv/fai duqv zoux jiex nyei jauv, fai baamh mienh nyei cong-mengh, fai kauv hoqc taux mienh hoqc taux baamh hnamv nyei jauv, fai guai-qauv mienh nyei jauv, fai baamh mienh nzaeng zoux hlo nyei jauv, 1 Ko^lin^to 2:4-5; 1 Te^saa^lo^ni^gaa 2:2-5. Zunh doz nyei jauv se oix zuqc zunh zien Tin-Hungh nyei waac, “Meih nyei waac se zien leiz,” Yo^han 17:17. Zunh doz nyei jauv se maiv horpc

4


longc baamh mienh hnamv daaih nyei jauv benx zien leiz, zunh doz nyei jauv se maiv horpc zuqc benx hnamv daaih fai cai daaih nyei sic, hnangv naaiv zoux se hnangv mbuo maiv hiuv duqv mbuo zoux haaix nyungc nyei jauv, se hnangv mbuo zoux haaix nyungc yaac zoux maiv cing, fai hnangv nyungc baav jauv mbuo zoux maiv taux dorngx dorh fai guangc mingh wuov nyungc. The calling to preach is the calling to set forth that Word of God. “Preach the Word” 2 Timothy 4:1-2. Negatively, we do not preach human feeling/experience, human wisdom, psychology, philosophy, or politics, 1 Corinthians 2:4-5; 1 Thessalonians 2:2-5. The Word must be proclaimed as truth, “Thy word is truth,” John 17:17. It must not be proclaimed as mere human opinions about the truth, subject to doubt, or as matters of opinion, as lacking clarity, or as something to be taken or left.

Zunh yangh Tin-Hungh nyei waac oix zuqc zunh dongh diuc zien jauv. Zien leiz se benx da’yietv longc jienv nyei jauv. Kungx maaih nduqc dauh Tin-Hungh caux nduqc dauh Mbu’ndongc Mienh, caux nduqc nyungc njoux en nyei gong, yaac kungx maaih nduqc nyungc ngaengc waac, nduqc nyungc njoux en nyei doz, nduqc diuh njoux en nyei jauv, nduqc nyungc maaih lamh hnamv nyei jauv heuc mbuo daaih zipv, 1 Ti^mo^tai 2:5; Nzamc Leiz-Latc 6:4; Gong-Zoh 4:12. Zien leiz nyei jauv oix zuqc dingc nyei, yiem Tin-Hungh nyei waac Ging-Sou nyei jauv oix zuqc yietc zungv dongh diuc jauv. “Weic zuqc yie zorqv Tin-Hungh nyei za'eix yietc zungv zunh mbuox meih mbuo nzengc mi'aqv, maiv liouh yietc nyungc.” Gong-Zoh 20:27. “…njaaux ninh mbuo ei nzengc yie mbuox meih mbuo zoux nyei nyungc-nyungc. Jangx jienv oc. Yie yietc liuz caux meih mbuo yiem taux baamh gen nyei setv mueiz." Matv^taai 28:20; 2 Ti^mo^tai 3:1. That Word must be proclaimed in its organic unity. The truth is essentially one. There is one God and one Mediator, and essentially one work of grace in history, There is one promise, one salvation, one way of salvation, and one hope of our calling, I Timothy 2:5; Deuteronomy 6:4; Acts 4:12. That truth must be set forth in its systematic unity out of the whole of the Scriptures. “For I have not shunned to declare unto you all the counsel of God.” Acts 20:27. “Teaching them to observe all things whatsoever I have commanded you.” Matthew 28:20. 2 Timothy 3:1.

Yiem mbu’ndongx-fim nyei zunh kuv fienx jauv se benx Yesu Giduc caux Ninh ding ziepc nzaangc jaax nyei jauv, naaiv yietc zungv se benx zien nyei jauv fai souv weic zien leiz (1 Ko^lin^to 2:2; Gaa^laa^tie 3:1). Zunh doz nyei jauv se oix zuqc maaih wuonv nyei gorn-doqv, oix zuqc maaih weic ceix sienx fim nyei jauv. Naaiv nyungc doz fai njaaux nyei jauv se benx Jiu Baang nyei zien leiz nyei zorng-zengx yaac benx Jiu Baang nyei zien leiz nyei ndiouh (1 Ti^mo^tai 3:15). Yiem Jiu Baang nyei gouv-douh se bun Jiu Baang duqv zipv wuonh zaang yiem zien leiz nyei gorn-ndoqv daaih doic jiex doic (2 Ti^mo^tai 1:13-14). Naaiv se benx zien leiz nyei Singx Lingh dorh mienh nyei jauv (Yo^han 14:26; Yo^han 16:13). Jiu Baang horpc zuqc yiem zien leiz yaac horpc zuqc nyiemc zien benx zuqc nyei jauv. Jiu Baang maiv qiemx zuqc aengx ganh jiex nzunc gorn. Jiu Baang horpc zuqc souv weic sienx fim yiem naaiv deix yietc zungv jauv, se hnangv sienx fim nyei jauv, nyiemc zuiz nyei jauv, Ging-Sou nyei jauv (2 Ti^mo^tai 2:15. Zunh doz nyei jauv se oix zuqc benx yietc zungv dongh Tin-Hungh hatc njaaux baamh mienh nyei waac. Nyungc zeiv se hnangv yiem 2 Ti^mo^tai 3:16-17 gorngv nor, “Douc-douc Ging-Sou, Tin-Hungh dorh mienh fiev yaac maaih lamh longc weic njaaux mienh, weic gorngv-hemx mienh, weic zorc mienh zoux

5


dorngc nyei dorngx, weic njaaux mienh zoux horpc nyei jauv. Hnangv naaic ziouc bun Tin-Hungh nyei mienh duqv dunh yunh nzoih weic zoux nyungc-nyungc kuv sic.” Mbuo maiv horpc zuqc liouh fai simv haaix nyungc jauv cuotv (Gong-Zoh 20:20-27), caux yaac oix zuqc njaaux mienh ei nzengc yietc zungv Ziouv paaiv nyei waac (Matv^taai 28: 20; Tidatc 2:1). At the heart of the preaching is the gospel of Jesus Christ and Him crucified, to which all the truth stands related (1 Corinthians 2:2; Galatians 3:1). Preaching must set forth sound doctrine, contending for the faith. To this belongs the church’s witness to the truth as the pillar and ground of the truth (1 Timothy 3:15). The church in history receives the knowledge of the truth and doctrine from the generations preceding it (2 Timothy 1:13-14; 2 Timothy 3:14). It is led by the Spirit into the truth (John 14:26; John 16:13). The church sets forth that truth in its confessions. The church does not reinvent the truth in every age or start from scratch. The church stands by faith in those things received, believed, and confessed out of the Scriptures (2 Timothy 2:15). Preaching must declare all the counsel of God, keeping back nothing profitable (Acts 20:20-27), and teaching all that God has commanded in sound doctrine (Matthew 28:20; Titus 2:1).

Yiem 2 Ti^mo^tai 4:1-5 wuov Baulo fin-saeng gorngv, “Yie dorng jienv Tin-Hungh yaac dorng jienv Giduc Yesu, dongh oix siemv ziangh jienv nyei mienh caux daic mingh nyei mienh, aengx oix daaih zoux Ziouv gunv mienh wuov dauh, longx-longx kuinx meih. 2 Oix zuqc zunh Tin-Hungh nyei doz. Maiv gunv maaih qangx fai maiv maaih qangx, zungv oix zuqc zunh aqv. Oix zuqc za'gengh longc noic longx-longx nyei njaaux, porv bun mienh mengh baeqc, gorngv-hemx, kuinx mienh. 3 Ziangh hoc oix taux, mienh oix ngaengc maiv muangx maaih gorn-buonv nyei doz. Kungx oix ei ganh nyei hnyouv nyunc lorz fin-saeng camv nyei daaih njaaux puix ninh mbuo nyei m'normh oix muangx nyei. 4 Ninh mbuo maiv oix muangx zien leiz ziouc hlioux m'normh mingh muangx maiv maaih gorn-buonv nyei gouv-laic. 5 Mv baac meih ganh yiem maanc sic oix zuqc gunv jienv ganh, oix zuqc diev kouv naanc, oix zuqc zoux zunh doz mienh nyei gong. Tin-Hungh paaiv meih zoux nyei gong, nyungc-nyungc oix zuqc zoux taux nzengc .” In 2 Timothy 4:1-5 says, In the presence of God and of Christ Jesus, who will judge the living and the dead, and in view of his appearing and his kingdom, I give you this charge: 2 Preach the Word; be prepared in season and out of season; correct, rebuke and encourage—with great patience and careful instruction. 3 For the time will come when men will not put up with sound doctrine. Instead, to suit their own desires, they will gather around them a great number of teachers to say what their itching ears want to hear. 4 They will turn their ears away from the truth and turn aside to myths. 5 But you, keep your head in all situations, endure hardship, do the work of an evangelist, discharge all the duties of your ministry.”

“Dauh dauh duqv zipv Tin-Hungh nyei zingh nyeic yaac oix zuqc goux longx. Haaix dauh zipv haaix nyungc zingh nyeic oix zuqc longc tengx zuangx mienh. Haaix dauh zunh doz oix zuqc za'gengh douc Tin-Hungh nyei waac…,” (1 Bide 4:10-11a). “As each has received a gift, use it to serve one another, as good stewards of God's varied grace: whoever speaks, as one who speaks oracles of God…,” (1 Peter 4:10-11a).

6


Weic zuqc, “Douc-douc Ging-Sou, Tin-Hungh dorh mienh fiev yaac maaih lamh longc weic njaaux mienh, weic gorngv-hemx mienh, weic zorc mienh zoux dorngc nyei dorngx, weic njaaux mienh zoux horpc nyei jauv. Hnangv naaic ziouc bun Tin-Hungh nyei mienh duqv dunh yunh nzoih weic zoux nyungc-nyungc kuv sic.” (2 Ti^mo^tai 3:16-17). Because, “All Scripture is God-breathed and is useful for teaching, rebuking, correcting and training in righteousness, so that the man of God may be thoroughly equipped for every good work.” (2 Timothy 3:16-17).

“Da'yietv longc jienv jiex oix zuqc bieqc hnyouv, maiv maaih haaix dauh haih longc ganh nyei za'eix porv mengh douc waac mienh douc daaih fiev wuov deix Ging-Sou nyei waac. 21 Weic zuqc maiv maaih haaix dauh haih ei ganh nyei eix douc Tin-Hungh nyei waac. Mienh douc Tin-Hungh nyei waac se ei Singx Lingh dorh ninh mbuo gorngv hnangv.” (2 Bide 1:20-21). “Above all, you must understand that no prophecy of Scripture came about by the prophet's own interpretation. For prophecy never had its origin in the will of man, but men spoke from God as they were carried along by the Holy Spirit.” (2 Peter 1:20-21).

Zunh Doz Nyei Jauv Se Za’gengh Jienv Haic. (1 Ko^lin^to 1:17-18; Lomaa 10:8-17). Weic zuqc zunh doz nyei jauv se mbuo tengx Tin-Hungh douc waac bun baamh mienh, lungh ndiev mienh. “ZIOUV gorngv, "Meih mbuo se yie nyei zorng-zengx mienh, yaac zoux yie nyei bou, dongh yie ginv wuov dauh, weic bun meih mbuo haih hiuv duqv yaac sienx yie, yaac mengh baeqc yie se ZIOUV. Cuotv liuz yie maiv maaih ganh dauh zienh. Zinh ndaangc maiv maaih, nqa'haav yaac maiv maaih.” (I^saa^yaa 43:10). Preaching is very important 1 Corinthians 1:17-18; Romans 10:8-17). Because preaching is to convey a message of God’s word to mankind, or prophesying God’s Word to the world. The Lord said, "You are my witnesses," declares the LORD, "and my servant whom I have chosen, so that you may know and believe me and understand that I am he. Before me no god was formed, nor will there be one after me. “(Isaiah 43:10).

"Baamh mienh aah! Yie liepc meih zoux siouv gaeng mienh siouv I^saa^laa^en nyei zeiv-fun. Meih haaix zanc haiz yie gorngv, meih oix zuqc dorh yie nyei waac tengx yie donv ninh mbuo. 18 Se gorngv yie mbuox orqv mienh, 'Meih ndongc haaix zungv oix zuqc daic,' meih yaac maiv donv ninh yaac maiv kuinx ninh guangc nqoi ninh zoux orqv nyei jauv weic njoux ninh nyei maengc nor, wuov dauh orqv mienh zungv oix zuqc laaix ninh nyei zuiz daic, mv baac weic ninh zuqc daic yie bun meih ndaam-dorng. 19 Mv baac se gorngv meih donv orqv mienh, ninh yaac maiv guangc ninh zoux nyei orqv sic, yaac maiv guangc ninh zoux orqv nyei jauv. Ninh oix zuqc laaix ninh ganh nyei zuiz zuqc daic, mv baac meih duqv njoux cuotv meih ganh nyei maengc. 20 "Aengx maaih diuc. Se gorngv maaih dauh kuv mienh guangc ninh zoux nyei kuv sic aengx baamz zuiz, yie ziouc zorqv nyungc bun ninh ndiqv zuqc ndorpc, ninh yaac zuqc daic. Weic zuqc meih maiv donv ninh, ninh oix zuqc laaix ninh nyei zuiz daic. Ninh zoux jiex nyei kuv sic maiv maaih haaix dauh jangx. Weic ninh zuqc daic, yie bun meih ndaam-dorng. 21 Mv baac se gorngv meih donv kuv mienh maiv dungx baamz zuiz, ninh yaac maiv baamz zuiz, ninh ndongc haaix zungv duqv maengc ziangh, weic zuqc ninh duqv zipv meih donv nyei waac. Meih yaac duqv njoux meih ganh nyei maengc.” (E^se^ken 3:17-21). "Son of man, I have made you a watchman for the house of Israel; so hear the word I speak and give them warning from me. 18 When I say to a wicked man, 'You will surely die,' and you do

7


not warn him or speak out to dissuade him from his evil ways in order to save his life, that wicked man will die for his sin, and I will hold you accountable for his blood. 19 But if you do warn the wicked man and he does not turn from his wickedness or from his evil ways, he will die for his sin; but you will have saved yourself. 20 "Again, when a righteous man turns from his righteousness and does evil, and I put a stumbling block before him, he will die. Since you did not warn him, he will die for his sin. The righteous things he did will not be remembered, and I will hold you accountable for his blood. 21 But if you do warn the righteous man not to sin and he does not sin, he will surely live because he took warning, and you will have saved yourself." (Ezekiel 3:17-21).

Yesu gorngv, “meih mbuo oix zuqc mingh njaaux maanc fingx mienh zoux yie nyei sai-gorx. Oix zuqc dengv Die, Dorn caux Singx Lingh nyei mbuox tengx ninh mbuo jiex wuom nyei leiz, yaac njaaux ninh mbuo ei nzengc yie mbuox meih mbuo zoux nyei nyungc-nyungc. Jangx jienv oc. Yie yietc liuz caux meih mbuo yiem taux baamh gen nyei setv mueiz." (Matv^taai 28:19-20). Jesus said, “Therefore go and make disciples of all nations, baptizing them in the name of the Father and of the Son and of the Holy Spirit, 20 and teaching them to obey everything I have commanded you. And surely I am with you always, to the very end of the age." (Matthew 28:19-20).

I. Mienh nyei njoux en se maaih buo nyungc jauv (There are three elements in a person’s salvation):1. Maaih Tin-Hungh nyei waac (Lomaa 10:17). God’s Word (Romans 10:17).

2. Maaih Singx Lingh (Yo^han 16:7-11; 1 Te^saa^lo^ni^gaa 1:5; 1 Bide 1:10-12). The Holy Spirit (John 16:7-11; 1 Thessalonians 1:5; I Peter 1:10-12).

3. Baamh mienh nyei jaah sic fai baamh mienh zoux nyei gong (1 Te^saa^lo^ni^gaa 2:1-13). The human instrument or human work (1Thessalonians 2:1-13).

II. Zunh doz nyei mouz deic jauv (The purposes of preaching):1. Weic ceix siang-sai-gorx (Matv^taai 28:19-20; Maako 16:15). To make new disciples (Matthew 28:19-20; Mark 16:15)

2. Oix bun mienh maaih goiv yienc nyei maengc zuangv Giduc (E^fe^so 4:11-16). To get people to change to be more like Christ (Ephesians 4:11-16)

8


III. Hnangv haaix nor haih zoux bun mienh maaih goiv yienc nyei maengc (How to get people to change):1. Mbuox ninh mbuo hnangv haaix nor longc ninh mbuo nyei lienh lix – benx fienx. Inform their intellect – information. See an example on (Acts 2:29-42).

2. Qouv ninh mbuo nyei ga’qiex – benx nyungc zeiv jauv. Stir their emotions – illustration.

3. Ndouv saaix ninh mbuo oix zoux nyei jauv –dorh daaih beiv longc yiem maengc. Challenge their will – application.

IV. Haaix zanc meih mbenc meih nyei zunh doz waac nyei ziangh hoc oix zuqc naaic gaax meih ganh (Questions to ask yourself when preparing to preach):1. Naaic taux muangx waac nyei mienh (Questions about the audience).a. Nin mbuo se haaix dauh (hnyaangx jeiv nyei jauv, leiz-fingx nyei jauv, lingh wuonh nyei jauv, caux

dongh ninh mbuo qiemx zuqc nyei jauv, se hnangv lingh wuonh qiemx zuqc nyei jauv fai buonh sin

qiemx zuqc nyei jauv lo haaix)? Who are they (age, culture, spiritual status, economic status)?

b. Ninh mbuo hiuv duqv haaix nyungc jauv? What do they know?

c. Ninh mbuo qiemx zuqc haaix nyungc jauv? What do they need?

2. Naaic taux dongh meih doqc wuov douc Ging-Sou (Questions about the passage). a. Naaiv se gorngv taux haaix nyungc jauv? What does it say?

b. Naaiv se njaaux taux haaix nyungc jauv? What lessons are taught?

c. Tin-Hungh oix yie hnangv haaix nor zoux? What does God want me to do?

d. Dongh haaix nyungc gouv fai /caux haaix nyungc, nyungc zeiv yie haih dorh daaih longc tengx

porv mengh naaiv douc Ging-Sou nyei waac bun mienh muangx? What stories and /or illustrations

can I use with this passage?

e. Aengx maaih haaix norm dorngx nyei Ging-Sou maaih eix-leiz taux naaiv douc Ging-Sou nyei

waac nyei fai? What other Scripture relates to this passage?

9


V. Fiev zunh doz qorng nyei jauv (Developing a sermon outline):1. Biux mengh waac nyei jauv (The introduction)

a. Biux mengh waac nyei jauv se benx jiex gorn nyei waac, jiex gorn nyei waac se oix zuqc longc waac gorngv daaih haih baeng duqv mienh nyei hnyouv daaih muangx zunh doz nyei waac nyei jauv (se hnangv waac-naaic nyei jauv, fai gouv, fai liemh zeiv cuotv daaih nyei mbuoqc horngh sic, fai dongh mienh zaah cuotv daaih nyei jauv. Gain attention (question, story, current event, shocking statistics)

b. Biux mengh taux dongh mbuo oix gorngv nyei jauv bun mienh hiuv (baeng mienh hnyouv mienh hnamv nyei jauv daaih gapv zunv muangx mbuo nyei zunh doz waac). (Introduce the subject (the attention getter really should introduce the subject)

2. Doz nyei sin fai doz nyei koux-nyuoz (The body)

a. Porv mengh yietc ginc yietc ginc nyei hoc dauh bun mienh muangx, longc nyungc zeiv jang-hoc, caux dorh daaih longc nyei jauv yiem ginc-ginc hoc dauh nyei porv mengh waac (Give information, illustration, and application with each point).

b. Ging-Sou nyei gouv, zien maengc nyei gouv, caux waac-beiv gouv, fai hnamv daaih benx daaih nyei gouv fai nyungc zeiv yaac haih tengx duqv mienh bieqc taux mbuo zunh nyei Ging-Sou waac. (Bible stories, true-life stories, and analogies or hypothetical stories can illustrate).

VI. Setv mueiz waac (The conclusion) 1. Setv mueiz waac aengx nzamc nzunc taux yietc zungv hoc daaih nyei doz, bun mienh haih hungh heic jangx duqv mbuo zunh jiex daaih nyei waac. (Review the main points of the message).

2. Bun mienh hiuv duqv mengh nyei, cing nyei caux mv maaih ganh nyungc jauv, dongh meih oix bun mienh hiuv duqv nyei jauv, caux dongh meih oix ninh mbuo ei jienv zoux nyei jauv se dongh haaix nyungc. (Let the people know, clearly and simply, what you want them to do).

3. Kuinx mienh daaih fai heuc mienh daaih nyei jauv – se heuc ninh mbuo oix zuqc dingc hnyouv zoux nyei jauv, se dingc hnyouv zoux bun meih caux ganh dauh haih hiuv duqv dingc ninh mbuo za’gengh goiv hnyouv yienc eix nyei jauv. (The invitation – ask them to make a decision and make that decision known to you and others).

4. Bun mienh hiuv nyei jauv se bun mienh hiuv duqv ninh mbuo gengh duqv dingc hnyouv oix goiv yienc, mienh yaac haih tengx jienv daux gaux weic ninh mbuo, caux bun meih yaac haih mingh mangc ninh mbuo, tengx ninh mbuo daux gaux. (Letting others know of their decision will help them, and it lets you know who to follow up on and pray for).

10


VII. Longc jienv nyei zunh doz leiz-nyeic (Important principles for preaching):1. Zunh doz nyei waac oix zuqc gorngv daaih mengh nyei yaac njang nyei (oix zuqc lorz waac longc waac aiv, benx pouh tong nyei waac, se gorngv mienh mv maaih kauv hoqc nyei jauv nor, hnamv daaih nyei jauv yaac oix zuqc zaqc nyei cing nyei, mienh cingx daaih haih gan duqv zuqc meih gorngv nyei waac – pouh tong mienh haiz Yesu zunh liuz doz ninh mbuo gengh a’hneiv haic). Keep the message simple (clear logic and simple vocabulary) – the common people heard Jesus gladly.

2. Se gorngv haih ginc hoc daauh meih hnamv daaih mienh maiv bieqc hnyouv fai maiv mengh baeqc nor, meih oix zuqc lorz nyungc zeiv mengh nyei beiv bun ninh mbuo hiuv taux benx zien sic nyei jauv. (Illustrate each major point and any truths that may be difficult to understand).

3. Meih mbenc nyei zunh doz qorng, oix zuqc zoux heic nyei cing nyei fai mengh nyei, heic duqv gan, heic duqv zoux nyei, mienh muangx liuz yaac ei jienv zoux wuov nyungc. (Make pointed, practical application throughout the message; and have one primary application overall).

VIII. Hnangv haaix nor gorngv waac nyei jauv (How to present or deliver your sermons). 1. Bungx hnyouv meih ganh – maiv dungx huaang; maanc-maanc zoux, maiv gunv hnangv naaic mv baac oix zuqc taaih ziangh hoc yaac longc horpc ziangh hoc caux yaac oix zuqc zoux hnyouv suonc nyei. (Enjoy yourself – relax; be down-to-earth, yet reverent and sober).

2. Maaih ziex nyungc za’eix fai ziex nyungc jauv meih haih zoux nyei, zoux qiex hlo fai qiex faix, fai longc buoz zoux nyungc zeiv, fai yangh jauv jiex mingh jiex daaih yaac duqv. (Have variety in your pitch, rate, volume, gestures, and movement).

3. Longc buoz zaux zoux nyungc zeiv se benx maaih eix-leiz nyei jauv, jienv jiex se (oix zuqc hoqc zoux daaih bun ninh maaih eix-leiz doix meih njaaux nyei waac) caux meih yaac haih zoux gauh camv jienv mingh. (Make gestures meaningful, manly (sharp and firm), and enlarged).

4. Meih yaac longc fai zoux qiex hlaang qiex aiv nyei jauv, yaac haih gorngv waac hlo nyei mbui nyei, longc nzengc meih nyei qaqv gorngv waac. Breathe using your diaphragm, and open your mouth wide when you speak. Speak with a lot of energy.

5. Oix zuqc bangc Ziouv yangh meih daux gaux nyei jauv, yaac oix zuqc daux gaux tov Ziouv dorh jauv, tov Ziouv bun meih maaih hnyouv qaqv, yaac maaih hnyouv zoux, fai maaih hnyouv hnamv taux. (Depend on the Lord through prayer for guidance, strength, confidence, power, and compassion).

11


6. Oix zuqc longc zingx hnyouv zunh, caux yaac kungx hnamv taux Ziouv buatc horpc hnyouv nyei jauv hnangv (1 Te^saa^lo^ni^gaa 2:1-12; 2 Ko^lin^to 4:15; Gaa^laa^tie 6:14). Preach with pure motives and desiring only the Lord’s approval (1 Thessalonians 2:1-12 ; 2 Corinthians 4:15 ; Galatians 6:14).

Setv Mueiz Waac Conclusion: Jangx jienv oc zunh doz nyei jauv se maiv haih ei ganh nyei hnyouv zunh, mv baac oix zuqc ei Tin-Hungh nyei waac. Zunh doz se douc Tin-Hungh nyei waac, zunh doz mienh se Tin-Hungh nyei douc fienx mienh fai dongh waac mienh. Weic naaiv, “Haaix dauh zunh doz oix zuqc za'gengh douc Tin-Hungh nyei waac.” (1 Bide 4:11). Remember preaching is not according to our own desire, but according to God’s word. Preaching is to prophecies God’s very word, and the preachers are God’s messenger. “If anyone speaks, he should do it as one speaking the very words of God.” (1 Peter 4:11).

Tin-Hungh gorngv, “Yie bun yie nyei bou nyei waac cuotv daaih zien, yaac ziux yie nyei douc fienx mienh gorngv nyei waac zoux ziangx. Ninh mbuo gorngv, 'Ye^lu^saa^lem zungv oix maaih mienh yiem,' yaac gorngv taux Yu^ndaa, 'Yu^ndaa nyei zingh aengx duqv liepc daaih, mbaang waaic nyei dorngx yie aengx duqv ceix jiez.” (I^saa^yaa 44:26). God said, “…My servant makes a prediction, when I send a messenger to reveal my plans, I make those plans and predictions come true. I tell Jerusalem that people will live there again, and the cities of Judah that they will be rebuilt. Those cities will rise from the ruins.” (Isaiah 44:26).

IX. ZUNH DOZ FAI DOUC TIN-HUNGH NYEI WAAC NYEI JAUV (PREACH THE WORD)

1. Zunh doz nyei jauv benx zong-fim fai (mbu’ndongx fim)nyei gorn bun mbuo. Ging-Sou mbuox mbuo yiem 2 Ti^mo^tai 4:2 gorngv, “ Oix zuqc zunh Tin-Hungh nyei doz. Maiv gunv maaih qangx fai maiv maaih qangx, zungv oix zuqc zunh aqv. Oix zuqc za'gengh longc noic longx-longx nyei njaaux, porv bun mienh mengh baeqc, gorngv-hemx, kuinx mienh.” Tin-Hungh longc Ninh nyei waac tiuv mienh nyei maengc yangh zunh doz nyei jauv. Tin-Hungh longc Ninh nyei waac ceix Ninh nyei mienh nyei maengc faaux. Ging-Sou gorngv, “Tin-Hungh nyei waac se nangh nyei, maaih qaqv nyei, gauh laic jiex yietc zungv i maengx laic nyei nzuqc ndaauv. Haih nzopv bieqc taux hnyouv caux lingh wuonh gapv nyei dorngx, mbungv-fim caux mbungv-daaux gapv nyei dorngx. Zungv haih siemv duqv mienh hnyouv nyunc zoux nyei caux hnyouv hnamv cuotv nyei sic.” (Hipv^lu 4:12). Preaching of the Word of God has been central for us. The Bible reminds us in 2 Timothy 4:2, “Preach the word; be instant in season, out of season; reprove, rebuke, exhort with all longsuffering and doctrine.” God has chosen to change lives through the preaching of His Word. God uses His Word to build the lives of His people. “For the word of God is quick, and powerful, and sharper than any two-edged sword, piercing even to the dividing asunder of soul and spirit, and

12


of the joints and marrow, and is a discerner of the thoughts and intents of the heart” (Hebrews 4:12).

2. Tin-Hungh nyei waac haih baqv bieqc taux mienh nyei hnyouv, haih mingh taux norm-norm maaih guaix ngoic nyei dorngx. “Oix zuqc faix fim, goux longx ganh nyei hnyouv, weic zuqc ziangh maengc nyei gorn yiem hnyouv cuotv daaih.” (Cong-Mengh Waac 4:23). Benx zunh doz mienh, jiex daaih duqv faah ziepc lengh hnyangx, yie duqv buatc taux Tin-Hungh nyei waac zoux mbuoqc horngh nyei sic yiem mienh nyei maengc. Yie buatc mienh nyei maengc duqv goiv yienc weic Tin-Hungh nyei waac zoux gong yiem mienh nyei hnyouv. Hnangv naaic, zunh doz mienh fai njaaux Ging-Sou nyei fin-saeng oix zuqc zunh zien njaaux zien Tin-Hungh nyei waac bun mienh. Tin-Hungh nyei waac se maaih qaqv maaih lingc haic, se gorngv zunh doz nyei mienh zunh zien Tin-Hungh nyei waac nor. God’s Word gets right to the heart, and that is where all the issues of life begin. “Keep thy heart with all diligence; for out of it are the issues of life” (Proverbs 4:23). As a preacher of the Word of God for over thirty years, I have seen God’s Word in action. I have seen the preaching and teaching of His Word change the lives of people. Therefore, preacher and teacher must sincerely preaching and teaching the word of God to people. The Word of God is powerful! Preachers need to keep preaching the Word!

3. Ging-Sou mbuox mbuo, “Haaix dauh zunh doz oix zuqc za'gengh douc Tin-Hungh nyei waac…”(1 Bide 4:11). Bible tells us, “If any man speaketh, speaking as it were oracles of God…” (1 Peter 4:11) (ASV 4. Yie jangx taux jiex daaih nyei ziangh hoc, yie duqv hoqc hiuv maaih jaax-zinh nyei jauv, se gorngv mbuo maiv tuix bouc nor, maiv gunv maaih ziex nyungc sic daaih la’nyauv mbuo mv baac, meih oix zuqc jangx jienv mbuo nyei Ziouv Tin-Hungh se hlo jiex. Ninh mingh ndaangc mbuo, caux Ninh nyei qiex haaix zanc yaac yiem mbuo nqa’haav maengx orn mbuo nyei hnyouv, tengx mbuo maaih qaqv fu-sux Ninh. “Weic zuqc yiem naaiv maaih qangx zoux maaih lamh longc nyei gong camv haic, yaac maaih mienh camv caux yie doix-dekc.” (1 Ko^lin^to 16:9). Through the years, I have learned it is worth it not to quit when the circumstances dictate that you should! Our God is sovereign. He goes before us and with us, and He often is the voice behind us, encouraging us to keep on serving Him. “For a great door and effectual is opened unto me, and there are many adversaries” (1 Corinthians 16:9).

5. Mbuo yaac hiuv duqv mbuo fu-sux Tin-Hungh nyei mienh, mbuo oix zuqc buangh ziex nyungc seix hnyouv nyei sic caux gingh borqc nyei jauv, maiv gunv hnangv haaix, mbuo yaac oix zuqc ziepc zuoqv hnyouv bun Ziouv, se gorngv mbuo ziepc zuoqv hnyouv bun Ziouv nor, mbuo ziouc oix duqv hingh jiex. We all know that, when we serving the Lord God, there are many kind of temptation, we have to be faithful to the Lord. If we are faithful to God, and we will victory over the temptation.

A. Da’yietv Diuh Leiz-Nyeic: Fin-Saeng (Principle One: The Teacher)1. Yiem naaiv deix ziepc diuh leiz-nyeic nyei da’yietv diuh, meih benx fin-saeng nyei mienh se meih zoux njaaux nyei ga’naaiv. Naaiv se maiv zeiz gorngv meih oix zuqc hiuv duqv nyungc-nyungc jauv taux njaaux nyei jauv. Maiv gunv hnangv naaic, meih yaac horpc zuqc qiemx zuqc hiuv duqv gauh camv meih njaaux nyei horqc saeng, yietc nyungc jauv meih oix zuqc hiuv duqv se zuqc fai dorngc. Oix zuqc jangx jienv daux gaux weic meih ganh caux meih nyei horqc saeng. In the first of the ten teaching principles, you, as

13


the teacher, must be the subject matter expert. This does not mean you need to know everything about the subject. However, you do need to know and understand more than your students, and you must have a minimal and accurate level of knowledge. Be sure to pray for yourself and your students.

2. Naaiv se haih tengx duqv nyei, se gorngv meih maaih hnyouv benx njaaux nyei jauv nor, caux meih yaac zanc-zanc hoqc jienv yiem weic zorng mbenc meih ganh, tengx meih ganh benx dauh liouc nyei mienh. Meih jorm hnyouv kauv lioux meih ganh nyei jauv se tengx meih haih zoux duqv longx zoux duqv mbiangc, yaac haih tengx duqv meih nyei horqc saeng maaih hnyouv oix hoqc. Tengx meih maaih wuonh zaang camv faaux dongh meih qiemx zuqc longc njaaux nyei ziangh hoc. Baulo yaac duqv gorngv taux naaiv nyungc banh zeic nyei jauv. Ninh gorngv, “Meih mbuo yaac hiuv duqv maaih haaix nyungc haih tengx meih mbuo yie zunh mbuox meih mbuo, maiv liouh. Yiem domh zuangx nyei dorngx yaac yiem gorqv-mienh nyei biauv yie njaaux nzengc meih mbuo.” (Gong-Zoh 20:20). It helps if you have a passion for the subject matter, and you constantly study to improve and increase in your expertise. Your enthusiasm and example will help motivate your students. Fill your mind with much more than you will need to teach in the allotted time period for the class. Paul displayed this energy, “how I did not shrink from declaring to you anything that was profitable, and teaching you publicly and from house to house” (Acts 20:20).

B. Nyungc-Nyungc Fienx (Every Message)1. LONGX NYEI JAUV . Maiv dungx zunh bun haaix dauh – longc zunh doz nyei ziangh hoc fai dorngx gorngv gorqc zeic nyei jauv, yaac maiv dungx ceng haaix dauh gorqc zeic nyei mienh yiem zunh doz nyei ziangh hoc, naaiv se benx ga’nyieqc nyei sic. IS POSITIVE. Don’t preach to an individual — using the platform to get a personal message across to an individual is cowardly and blesses no one.

2. YIEM MBUO SIENX NYEI JAUV. Maiv dungx doix-dekc zuqc mbuo sienx nyei jauv njaaux mienh nyei ziangh hoc. Ndaangc meih oix njaaux haaix nyungc bun mienh meih ganh oix zuqc hiuv duqv. IS IN LINE WITH OUR BELIEF. Don’t contradict basic fundamentals and doctrine. Make sure you know what they are before you take the platform.

3. OIX ZUQC MAAIH GING-SOU DENGV. Se gorngv haaix nyungc maiv maaih Ging-Sou daaih tengx dengv meih gorngv nyei waac nor, maiv dungx gorngv, maiv dungx njaaux mienh. Zunh doz fai njaaux mienh nyei dorngx se maiv zeiz benx meih hnamv daaih nyei jauv, naaiv se benx douc Tin-Hungh nyei waac nyei qangx. Douc-douc Ging-Sou oix zuqc ei ninh nyei korn^taekv nyei jauv mingh. MUST BE PROVEN IN THE BIBLE. If you can’t prove it, don’t say it. The platform is not for your opinions, it is God’s Word that matters. Every Scripture reference must be in context and within the tenure of Scripture.

4. LONGC ZIEX NORM ZIANGH HOC HNAMV TAUX, ZORNG-MBENC & HOQC HIUV JANGX DUQV ZIEQC DUQV. Buo nyungc zungv benx longc jienv nyei jauv: (1) Hnamv taux nyungc-nyungc dongh meih oix njaaux nyei jauv. (2) Fiev fai mbenc meih njaaux nyei qorng yiem dongh meih zoux duqv cuotv fai haih hnamv duqv zaaic nyei jauv – naaiv se oix zuqc dorh yietc zungv jauv daaih longc. (3) Oix zuqc hoqc zuoqc bieqc hnyouv longx nyei yiem meih njaaux nyei jauv, meih cingx haih njaaux duqv gauh longx jiex. MANY HOURS OF MEDITATION, PREPARATION & FAMILIARISATION.

14


All three are important. (1) Think things through. (2) Get the structure as polished as you can — it must impact. (3) Be familiar with your message so you get it across clearly and effectively.

5. JANGX JIENV MAIV GUNV GORNGV ZOUX HAAIX NYUNGC, MBUO ZUNH DOZ FAI NJAAUX, MBUO KUNGX HNAMV JIENV WEIC OIX TENGX MIENH HIUV DUQV TIN-HUNGH HNANGV SE MAIV ZEIZ MBUO GANH: Se gorngv mbuo zoux nyei jauv caux hnamv nyei jauv kungx oix zoux weic tengx mienh hiuv duqv Tin-Hungh hnangv nor, ziouc tengx mbuo maaih qaqv fu-sux Tin-Hungh yaac jorm hnyouv fu-sux Tin-Hungh caux fu-sux mienh, tengx mienh. Maiv gunv gorngv mbuo njaaux mienh fai zunh doz, mbuo yaac gauh maaih qaqv zoux. Naaiv nyungc fiem-fingx fai juoqc setv se benx longx nyei jauv tengx meih haih zoux ziangx meih nyei mouz deic gong. REMEMBER WHAT EVER YOU DO FOCUSED ON HELPING OTHERS, NOT FOR YOUR PERSONAL GAIN. If we only focus on how we can help others, whether you teach or you preach is to help people to know God, it will gives you a strength and eager to serve. This kind attitude, or character will keep your focus on course.

6.AENGX HATC NZUNC – CIH MAANC MAIV DUNGX DOIX-DEKC – GING-SOU NJAAUX NYEI JAUV. Jangx jienv Ging-Sou se benx Tin-Hungh nyei waac, maiv gunv gorngv benx baamh mienh fiev daaih yaac longc baamh mienh nyei waac, mv baac Tin-Hungh dorh mienh fiev daaih (2 Ti^mo^tai 3:16-17). Hnangv naaic, maiv gunv gorngv meih njaaux fai meih zunh, Ging-Sou gorngv haaix nyungc meih oix zuqc ei jienv Ging-Sou gorngv, maiv dungx tiuv maiv dungx niouv Ging-Sou nyei waac. Haaix nyungc mbuo maiv bieqc hnyouv fai maiv hiuv se biux mengh gorngv mbuo mbaih maiv zuqc ninh nyei jauv mbuo cingx daaih maiv hiuv. Se gorngv meih maiv bieqc hnyouv nyei dorngx fai maiv mengh baeqc nyei jauv, meih maiv dungx dorh mingh njaaux mienh, yaac maiv dungx wuotv Ging-Sou nyei eix-leiz fai aaux Ging-Sou nyei waac daaih ei meih ganh nyei hnyouv zoux fai ei mienh, se gorngv meih hnangv naaiv zoux se maiv horpc. Remember Bible is the word of God, even though it was written by man and man’s word, but God inspired a man to write (2 Timothy 3:16-17). Therefore, whether you teach or preach, what the Bible says, you have to following what it says, do not twisting Scripture words. What thing we do not know or understanding, it means that our puzzle incorrect, or our outline incorrect. Anything if you do not understand or you do not know what does it means, do not teach or preach to others. Do not twisting scripture word, do not distort the Word to your own desired.

Ziouv Yesu hnangv naaiv gorngv, “Mv baac se gorngv haaix dauh nduov yietc dauh naaiv deix sienx yie nyei fu'jueiv-faix baamz zuiz, oix zuqc zorqv domh morc ndiux jienv wuov dauh nyei jaang bungx njiec koiv, ndo nyei dorngx, ziemx daic gauh longx.” (Matv^taai 18:6). Maiv daan naaiv hnangv, Yesu yaac aengx gorngv, "Yie mbuox meih mbuo, taux siemv zuiz wuov hnoi, mouz laanh mienh gorngv nyei joux-joux henh waac, gorqv-mienh ganh oix zuqc ndaam-dorng. Tin-Hungh oix longc meih ganh nyei waac dingc meih maaih zuiz fai maiv maaih zuiz." (Matv^taai 12:36-37). Naaiv deix i yiemc Ging-Sou se maaih eix-leiz jangv nyei, liemh jienv gorngv waac-huv, gorngv-baeqc nduov mienh, gorngv waac-waaic yietc zungv, taux setv mueiz Tin-Hungh oix longc mbuo ganh nyei waac dingc mbuo, se gorngv maiv ziepc zuoqv bun Tin-Hungh nyei waac nor. The Lord Yesu said, “But if anyone causes one of these little ones who believe in me to sin, it would be better for him to have a large millstone hung around his neck and to be drowned in the depths of the sea.” (Matthew 18:6). Not only this, Jesus continue saying, “But I tell you that men will have to give account on the day of judgment for every careless word they have spoken. For by your words you will be acquitted, and by your words you will be condemned." (Matthew 12:36-37). This two verses is speaking about everything what we are doing. Whether preaching and teaching, or gossiping, or speaking a filthy

15


words, speaking a lies or make a false witnesses, or a false teaching, at the end God will judge us according to what we had done.

C. Aengx Hatc Nzunc Taux Mbuo Maiv Haih Zoux Nyei Jauv (Reinforcing Again We Cannot Do)1. REINFORCING — NEVER CONTRADICTING — BIBLE’S TEACHING: Maiv gunv meih yiem haaix zunh doz fai njaaux nyei jauv, meih oix zuqc taaih wuov nyungc leiz-fingx yiem meih gorngv nyei waac, maiv gunv gorngv ganh fingx mienh nyei leiz-fingx fai zunh doz nyei dorngx. Orn hnyouv buonh deic Jiu baang yiem taaih ginx nyei jauv. Maiv dungx wuotv Ging-Sou nyei waac daaih ei mienh oix nyei jauv fai lorz Ging-Sou daaih puix mienh hnyouv hanc oix zoux nyei sic. Zorqv nyungc zeiv ih zanc maaih dauh mienh fin-saeng mbuox mienh camv gorngv zuangx Gan Qaa nyei jauv se maiv dorngc Tin-Hungh weic zuqc Gan Qaa yaac Tin-Hungh zeix daaih, se gorngv zuangx maiv duqv buov maiv duqv nor Tin-Hungh maiv zeix cuotv aqv, ninh gorngv daanh faanh hungh jaa bun leiz nor zoux duqv aqv. Nduov mienh zoux zuiz muangx gaax Yesu hnangv haaix nor gorngv, "Mv baac se gorngv haaix dauh nduov yietc dauh naaiv deix sienx yie nyei fu'jueiv-faix baamz zuiz, oix zuqc zorqv domh morc ndiux jienv wuov dauh nyei jaang bungx njiec koiv, ndo nyei dorngx, ziemx daic gauh longx.” (Matv^taai 18:6). Maiv daan naaiv hnangv, Yesu aengx gorngv, "Yie mbuox meih mbuo, taux siemv zuiz wuov hnoi, mouz laanh mienh gorngv nyei joux-joux henh waac, gorqv-mienh ganh oix zuqc ndaam-dorng. Tin-Hungh oix longc meih ganh nyei waac dingc meih maaih zuiz fai maiv maaih zuiz." (Matv^taai 12:36-37). Wherever you are speaking, you must respect the cultural values of that platform. Encourage the congregation to engage with what is local and relevant. Do not twisting Scripture words to fit the man’s sinful desire or do not look for Scripture reference to support sinful desire man. For an example, there was one Mienh pastor told people to plant Marijuana is ok. He said Marijuana is God created, as long as government allow or give you, a permission to plant, you can plant it. He deceived and lie to people to committed sin. Listen to what Jesus said about, “But whoso shall cause one of these little ones that believe on me to stumble, it is profitable for him that a great millstone should be hanged about his neck, and that he should be sunk in the depth of the sea.” (Matthew 18:6). Not only that, Jesus continue and said, “But I tell you that men will have to give account on the day of judgment for every careless word they have spoken. For by your words you will be acquitted, and by your words you will be condemned." (Matthew 12:36-37).

2. FROM A NEW TESTAMENT PERSPECTIVE: Longc yiem yietc zungv Loz-Ngaengc Waac jauv, mv baac haaix zanc yaac mbuo yiem Siang-Ngaengc Waac nyei jauv kungx gorngv taux en hnangv—se yangh Giduc nyei ziepc nzaangc jaax daaih. Ganh nyungc se benx hiuaang-hienv nyei sic, se gorngv mbuo zunh yiem leiz-latc nyei jauv nor, se kungx benx dingc zuqc nyei jauv hnangv maiv zeiz ceix mienh faaux nyei jauv. By all means use the Old Testament, but always through the lens of the New Covenant of grace — through the cross of Christ. Otherwise we are in danger of preaching law and condemnation rather than building people up.

16


3. A REFLECTION OF THE LIFE YOU ARE LIVING, NOT JUST THE SERMON YOU ARE PREACHING: Zien sic se kuv fienx nyei jauv yiem mbuo ganh buangh jiex nyei sic fai duqv paanx jiex daaih nyei jauv. Mienh maiv duqv haiz yaac maiv duqv seix jiex zien mueix nyei jauv fai paanx jiex nor maiv tengx duqv mienh. Maiv gunv gorngv haaix dauh ndongc haaix maaih cong-mengh ndongc haaix haih njaaux, ndongc haaix haih porv duqv ndongc haaix longx, ndongc haaix mengh mv baac meih maiv haih ceix maiv duqv mienh nyei maengc faaux, yaac maiv haih tengx maiv duqv mienh, cuotv liuz meih nyei maengc maaih zien sic nyei jauv cuotv benx zorng-zengx bun mienh buatc fai dongh meih duqv paanx jiex nyei jauv. Be authentic. The best messages come out of our own struggles and journeys. People sense authenticity as well as a lack of it. No matter how professional or eloquent you are as a speaker, you won’t build anything into people’s lives if you lack authenticity.

4. A REFLECTION OF YOUR PERSONALITY, NOT AN IMITATION OF SOMEONE ELSE: Naaiv se benx yietc nyungc aqc jiex nyei jauv bun yie hoqc, mv baac benx yietc nyungc dongh jienv jiex nyei jauv. Meih haaix zanc yaac benx meih ganh gauh longx jiex, se gorngv meih benx meih ganh nor –naaiv se maiv zeiz gorngv meih benx dunh yunh nyei mienh fai maaih haaix nyungc lengc jeiv nyei jauv. Meih ganh oix zuqc benx meih ganh se gauh longx jiex nyei jauv yaac maiv dungx longc naaiv nyungc duqv bungx nqoi nyei jauv mingh zoux jaev sin nyei jauv gan mienh zuotc mienh fai dengv mienh zoux waaic doix-dekc zien leiz fai maiv lamh longc nyei sic. This was one of the hardest lessons for me to learn but one of the most important. You’ll always be your best if you are being yourself — It’s not about being perfect or about a certain ‘style’. Be your best self and don’t use this freedom as an excuse to support rebellion against the truth or negativity.

5. AFFECTS PEOPLE’S MONDAYS, NOT JUST SUNDAY: Yiem ganh joux waac se gorngv, meih nyei zunh doz waac qiemx zuqc maaih dorh mingh longc nyei jauv bun taux mienh nyei maengc. Hlo jiex longx jiex nyei jauv se hnangv maaih mienh dorh meih njaaux nyei jauv daaih longc yiem ninh mbuo hnoi-hnoi ziangh nyei maengc, nyungc zeiv se hnangv yie duqv haiz yietc dauh mienh gorngv mbuox ninh nyei doic, yie haiz fin-saeng gorngv nyei waac yiem Ging-Sou za’gengh jienv haic bun taux yie nyei maengc wuov nyungc jauv. “Yietc zungv longx jiex nyei gong duqv zoux ziangx se yie duqv dorh yiem Jiu baang njaaux nyei leiz-nyeic jauv mingh hoqc ei jienv zoux nyei jauv.”—dongh naaiv nyungc zingh ginx waac yie gengh oix haiz haic!. In other words, your message needs to be applicable to people’s daily lives. The greatest compliment as I heard someone who said to his friends, I have heard pastor preached that sermon is so important to me in my life. “All I’ve ever done is to take the principles that have been taught in church and put them into practice.” — I love hearing that sort of testimony!

6. NOT STRAYING INTO THINGS YOU DON’T UNDERSTAND: Oix zuqc yiem meih nyei deic-jaaix gu’nyuoz maengx. Maiv dungx dingh hoqc jienv mingh, mv baac maiv dungx zunh cuotv ga’nyieqc dongh meih maiv hiuv nyei jauv fai maiv bieqc hnyouv nyei jauv. Zunh yiem dongh meih hiuv duqv nyei jauv, mv baac meih ganh yaac corc oix zuqc aengx hlo jienv mingh yiem meih hiuv nyei jauv caux njaaux nyei jauv. Yiem 1 Ti^mo^tai 3 nyei waac gorngv taux zoux bieiv nyei mienh, “Ninh oix zuqc hiuv duqv ninh zoux haaix nyungc fai gorngv haaix nyungc.” Mbenc njaaux nyei jauv se benx yietc nyungc oix zuqc aapv njaaux ganh, hoqc lioux, hoqc zoux. Stay within your boundaries. Keep learning, but don’t preach outside your understanding. Stick to what you know but also continue to grow in what you know and in your knowledge of the Word. 1 Timothy 3 in The Message says of the leader, “He must know what he is talking about”. Preparation is a discipline.

17


7. REFLECTING WHAT WE ARE FOR, NOT AGAINST: Jangx jienv oc, mbuo ziangh nyei maengc horpc zuqc aengv dongh mbuo yiem weic nyei jauv, maiv zeiz dongh mbuo doix-dekc nyei jauv. Se gorngv zunh doz nyei jauv kungx doix-dekc taux mienh oix nyei jauv hnangv nor, se zoux bun mienh haiz ndortv hnyouv haic. Remember, our lives should reflect what we are for and not just what we are against. If preaching always against the things people like, it leaves them feeling downcast.

8. LEAVES PEOPLE FEELING BETTER ABOUT THEMSELVES THAN WHEN THEY CAME IN: Yie norm-norm leiz-baaix seix mangc gaax dongh haaix nyungc jauv haih orn duqv tengx duqv seix zangc. Baamh gen maiv haih bun longx nyei fienx mienh camv yietc deix – yiem T.V. caux Newspaper (pouh tong nyei fienx), mienh camv ngorc taux maaih lamh hnamv dorngx nyei jauv caux orn hnyouv nyei waac!. I intentionally approach every service by trying to create an encouraging environment. The world doesn’t input positive messages into people very much — between the newspaper and the television, people are starving for messages of hope and encouragement!

9. EASILY TRANSITIONED INTO AN ALTAR-CALL: Se gorngv mienh haih zipv duqv meih zunh nyei doz, liuz dongh buov ziec nyei dorngx gauh hungh heic bun mienh goiv fai tiuv nyei jauv. MAIV GUNV HNANGV NAAIC, meih yaac maiv dungx ba’laqc bungx hnyouv meih ganh gorngv yie haaix zanc zunh doz yaac haih njoux duqv mienh fai bun mienh duqv njoux. If people are being impacted and reached during your message, then the altar call moment will be a smoother and easier transition. (HOWEVER, you cannot let your confidence be measured by how many people get saved when you speak.)

10. NOTEWORTHY: Meih hnamv daaih yietc zungv mienh fiev cuotv meih njaaux nyei jauv nyei fai? Oix zuqc hiuv dingc mienh bieqc hnyouv meih gorngv haaix nyungc, Are people taking notes? Make sure people understand what you are saying, that there is substance to it, and that you are not boring. Be compelling and helpful to people.

11. SEES HUMOUR AS A BONUS, NOT THE GOAL: Kuh jatv nyei jauv se benx yietc nyungc jaah sic, mv baac naaiv se maiv haih ceix mienh nyei lingh wuonh hlo nyei jauv. Naaiv nyungc jauv se hnangv mienh hnyouv sie daaih lorz mbuo, mbuo maiv bun hnaangx ninh mbuo nyanc, mbuo dorh dorngh daaih bun ninh mbuo nyanc nor hnangv. Zien haih ceix mienh nyei maengc nyei jauv, bun mienh haih hlo se benx zunh zien njaaux zien Tin-Hungh nyei waac bun mienh nyei jauv. Se gorngv meih ganh yaac maiv zeiz ziangh daaih fai zoux sic kuh jatv nyei mienh nor, maiv dungx zuotc fai hoqc zuotc mienh nyei nyungc zoux kuh jatv nyei auv. Nyungc-nyungc jauv maiv gunv gorngv kuh jatv nyei gouv fai haaix nyungc jauv oix zuqc benx ceix meih nyei zunh doz waac nyei jauv – yaac ceix mienh nyei jauv, mv baac maiv dungx ceix meih nyei zunh doz waac yiem kuh jatv nyei jauv. Humour is a tool, but it is not a benefit to people. This kind teaching and preaching, like people who hungry and come to you looking for food, but you give them a candy, it will not fill their empty stomach. Truth benefit to people that can fill the hunger of soul is the word of God. If you are not good at being funny, don’t try. Any use of humour should serve the message — but never build your message around a funny story or joke.

12. PREACHED FROM NOTES YOU’D BE PROUD TO SHOW ME: Zunh doz yiem meih fiev daaih nyei orn-mbaaih jauv, meih horpc zuqc buangv hnyouv fai hnyouv nqaai, se gorngv meih duqv longc hnyouv mbenc meih nyei zunh doz qorng nor. Yiem meih nyei zunh doz nyei qorng nyei orn-mbaaih horpc zuqc maaih ginc-soux nyei hoc daauh jauv: Longc jienv nyei waac fai forv zeih, Ging-Sou, nyungc zeiv. Hoc daauh nyei orn-mbaaih jauv se benx meih nyei mouz deic jauv. Meih fiev cuotv nyei qorng se horpc zuqc benx aengv cuotv mbenc daaih nyei kuv gong, dongh meih zoux gong kouv nyei

18


fiev njiec nyei waac. You should have some content in your notes: Key statements, scriptures, examples. Content — not neatness — is the goal. Your notes should reflect the hard work you’ve put in. In your sermon outline you should have a clean outline in each main division.

13. EXALTS JESUS AND BRINGS GLORY TO GOD: Oix zuqc liepc hnyouv fai zunv hnyouv zoux naaiv nyungc gong. Tin-Hungh gengh gorngv ziex nyungc jauv bun ziex nyungc mienh, oix zuqc hiuv dingc meih se zunh Yesu nyei jauv. Mienh maiv qiemx zuqc meih gorngv kuv muangx nyei waac fai gorngv waac gaam nduov ninh mbuo, ninh mbuo qiemx zuqc Tin-Hungh nyei Waac caux GORNGV TAUX Yesu Giduc nyei jauv hnangv. Be deliberate about this. “God” means many things to many people, so ensure you are presenting Jesus. People don’t need your motivational speeches or flattery speech to deceived people, they need the Word of God and AN EMPHASIS ON Jesus Christ.

14. REFLECTS YOUR LEVEL OF AUTHORITY: Longc meih nyei hatc maaz gorngv, maiv zeiz yiem meih nyei banh zeic ga’nyieqc. Cuotv liuz meih maaih leiz gorngv fai yiem domh zuangx gorngv waac nyei dorngx gorngv, weic oix ndouv saaix mienh zoux nyungc baav jauv nor, maiv dungx zoux. Gauh longx jiex nyei jauv se orn hnyouv bun mienh. Speak within your sphere of authority, not outside of your credibility. Unless you have the right credibility or platform to confront and challenge people, then don’t. It is always better to encourage people.

15. PROJECTS CONFIDENT HUMILITY: Oix zuqc bungx hnyouv fai zoux hnyouv dingc nyei, maiv zeiz mau fai zoux jaav. Yie hiuv duqv yie ganh se dongh haaix nyungc mienh, yaac hiuv duqv Tin-Hungh bungx hnyouv yiem yie weic douc Ninh nyei waac yiem domh zuangx gorngv waac nyei dorngx. Yie yaac hiuv duqv yie m’daaih benx souv yiem naaiv norm dorngx nyei mienh, mv baac fih hnangv nyei, yie yaac hiuv duqv yie maiv horpc zuqc duqv zipv haaix nyungc mengh hoc weic yie zoux nyei gong, daaux nzuonx yie horpc zoux weic Ninh dongh heuc yie yaac bungx hnyouv yie zoux Ninh nyei gong wuov dauh, caux weic yie hnangv haaix nor zoux dongh Ninh paaiv bun yie zoux nyei gong-buonc. Naaiv se dongh dorh njang-laangc nyei jauv daaih bun Tin-Hungh – yaac siou jienv jaaix haic nyei ga’naaiv fai jienv haic nyei jauv. Be confident, not weak or false. I know who I am and that God has entrusted me with the platform. I know I belong here, but at the same time, I recognize I didn’t earn the right and I am accountable to Him for how I handle it. It’s about bringing glory to God — keep the main thing the main thing.

16. SINCERELY IN PREACHING: Yie hiuv duqv yie se tengx dongh zeix yie daaih wuov dauh Ziouv Tin-Hungh zoux Ninh nyei gong, tengx Ninh douc waac bun lungh ndiev maanc mienh. Yie yaac hiuv duqv se gorngv yie maiv douc zien Ninh nyei waac mbuox mienh nor, yie ganh oix zuqc ndaam-dorng yie zoux nyei gong. Yie hiuv duqv maiv gunv gorngv haaix nyungc jauv yaac zeiz, maiv gunv longx fai ciouv, mienh oix muangx fai maiv oix muangx, da’faanh Ziouv nyei waac yie zungv oix zuqc douc mbuox mienh, yie maiv zeiz kungx douc ei mienh oix muangx nyei jauv hnangv (E^se^ken 3:16-21; 1 Bede 4:11; Matv^taai 18:6-9). Yesu gorngv taux nduov mienh baamz zuiz nyei jauv se biux mengh taux maiv njaaux zien waac, maiv gorngv zien mbuox mienh, haaix nyungc oix zuqc hnangv haaix nor zoux wuov nyungc jauv, (beiv mangc E^se^ken 22:23-31; I^saa^yaa 9:14-16; Ye^le^mi 5:29-31; Ye^le^mi 6:13-14).

17. TELLING NOT JUST WHAT, BUT HOW: Heuc mienh ei jienv zoux nyei jauv se gauh aqc jiex mbuo ei jienv leiz-nyeic njaaux nyei jauv. Yie jangx taux zinh ndaangc dongh yie jiex gorn zunh doz nyei ziangh hoc, maaih nzunc nor yie zunh doz gorngv taux oix zuqc longc nzengc hnyouv, longc nzengc lingh wuonh, longc nzengc qaqv hnamv Ziouv Tin-Hungh. Dongh yie zunh baac doz nyei ziangh hoc maaih laanh mienh

19


daaih gorngv mbuox yie, “Yie oix hnangv meih gorngv nor zoux, mv baac yie maiv hiuv duqv oix zuqc hnangv haaix nor zoux? Naaiv se hnangv mienh gorngv nor, hungh heic gorngv mbuox mienh oix zuqc hnangv haaix nor zoux, mv baac ndouv saaix mienh oix zuqc hnangv haaix nor zoux nyei jauv se maiv hungh heic gorngv. It’s more challenging to tell people how to outwork the principles we teach. I remember early in my ministry a man came up to me after I preached on loving God with all your heat, soul and strength and he said, “I want to do that, but how do I do it?” It’s easy to tell people what they should do but more challenging to tell them how.

18. FOCUSED AS MUCH ON DELIVERY AS CONTENT: Se gorngv meih maiv haih jiu tong yiem meih gorngv nyei waac, maiv gunv gorngv meih mbenc daaih nyei zunh doz qorng ndongc haaix longx yaac maiv tengx meih haih bun mienh bieqc hnyouv meih nyei waac. Gauh longx jiex nyei jauv se mbuo hnangv haaix nor haih jiu tong mbuo gorngv nyei waac taux mienh nyei hnyouv. If you aren’t good at communicating your message, then no matter how good the content is, it will get lost on people. Say it in a way that best connects with the hearts of people.

19. LISTENED TO OR WATCHED BY YOU: Aatv jienv meih ganh nyei waac daaih bungx muangx, maiv dungx nzauh heix mienh gorngv meih maaih ceng hlo nyei jauv mingh naaic gaax dongh zunh doz daaih lauh aqv, yaac maaih mengh hoc longx nyei wuov deix fin-saeng, bun ninh mbuo tengx jienv zaah tengx jienv muangx dongh meih zunh nyei doz, mangc gaax maaih haaix norm dorngx oix zuqc zorc oix zuqc tiuv nyei jauv, caux naaic gaax jiu baang mienh haiz hnangv haaix nor yiem meih gorngv nyei waac fai zunh nyei doz. Meih ganh yaac haih muangx duqv meih ganh zunh nyei doz nyei, meih ganh yaac haih zorc meih gorngv nyei waac nyei. Meih haih samx mangc meih fiev nyei zunh doz qorng nyei orn-mbaih jauv yaac haih muangx meih gorngv nyei waac gan duqv zuqc fai maiv zuqc nyei jauv. Se gorngv meih maiv zoux maiv zorc meih ganh nor, mv maaih haaix dauh zorc meih. Recording of your message for review and don’t worry about appearing proud by asking other pastor or preachers who had lot of experience in preaching— it’s a necessary part of growing as a speaker. Get used to how you sound and get past the ‘cringe-factor’. By observing and listening to yourself, you will notice habits and other distractions that you can fix. Learn to love the way you sound — if you don’t, no one else will.

20. REMEMBER PREACHING IS HELPING GOD TO BRING MESSAGE TO PEOPLE: Jangx jienv zunh doz nyei jauv se mbuo tengx Tin-Hungh douc waac bun mienh. Hnangv naaic, maiv gunv mbuo njaaux Ging-Sou fai zunh doz, se mbuo tengx Tin-Hungh douc waac mbuox mienh. Weic naaiv, maiv gunv mbuo zunh fai njaaux mbuo oix zuqc njaaux zien zunh zien Tin-Hungh nyei waac. Loz-hnoi nyei douc waac mienh se Tin-Hungh yietc zaqc gorngv mbuox ninh mbuo, ninh mbuo oix zuqc fiev njiec zeiv fai jangx jienv dongh Tin-Hungh gorngv nyei waac, dorh mingh gorngv mbuox mienh, yietc mou yietc setv dongh Tin-Hungh gorngv nyei waac. Hnangv Bide gorngv nor, “Da'yietv longc jienv jiex oix zuqc bieqc hnyouv, maiv maaih haaix dauh haih longc ganh nyei za'eix porv mengh douc waac mienh douc daaih fiev wuov deix Ging-Sou nyei waac. Weic zuqc maiv maaih haaix dauh haih ei ganh nyei eix douc Tin-Hungh nyei waac. Mienh douc Tin-Hungh nyei waac se ei Singx Lingh dorh ninh mbuo gorngv hnangv.” (2 Bide 1:20-21). Eix-leiz se ei Tin-Hungh gorngv mbuox ninh mbuo nyei waac douc. Hnangv naaic, Bide cingx daaih mengh-mengh nyei gorngv, “Haaix dauh zunh doz oix zuqc za'gengh douc Tin-Hungh nyei waac.” (1 Bide 4:11a). Aengx maaih diuc loz-hnoi nyei ziangh hoc Tin-Hungh yietc zaqc gorngv mbuox douc waac nyei mienh. Mv baac ih jaax hnoi mbuo duqv haiz Tin-Hungh nyei waac se yietc zaqc yiem Ging-Sou daaih maiv hnangv zinh ndaangc hnoi nyei lungh ndiev. Haaix zanc mbuo doqc Ging-Sou nyei ziangh hoc, Tin-Hungh nyei Singx Lingh zoux gong yiem mbuo nyei hnyouv biux mengh mbuox mbuo , bun mbuo haiz maaih hnyouv

20


oix douc wuov deix Ging-Sou nyei waac mbuox mienh dongh mbuo duqv buatc duqv hiuv nyei jauv. Remember, preaching and teaching is helping God to bring God’s message to people. Preaching is to convey a message, notity, prophesy God’s word to people. Because of this, whether we preach or we teach, we must speak very word of God. Apostle Peter clearly said, “If anyone speaks, he should do it as one speaking the very words of God.” (1 Peter 4:11a). He also said, “Above all, you must understand that no prophecy of Scripture came about by the prophet's own interpretation. For prophecy never had its origin in the will of man, but men spoke from God as they were carried along by the Holy Spirit.” (2 Peter 1:20-21). Meaning that God speak to the prophets tell them to bring that message to the people. In the old day, God directed communicated to the prophet, and told them to bring His message to people, but now we are heard for God’s direct word in the Bible, whenever we read from the Bible, God’s Holy Spirit inspired us to bring that message of God to people in preaching and teaching the word of God.

21. DO NOT AVOID WHAT GOD COMMAND PEOPLE TO DO: Maiv dungx simv dongh Tin-Hungh hatc njaaux baamh mienh nyei waac, maaih zunh doz mienh camv nyei gamh nziex mienh, simv jienv maiv njaaux taux Tin-Hungh hatc njaaux taux zuiz nyei jauv. Bun mbuo daaih mangc gaax Tin-Hungh hnangv haaix nor gorngv mbuox E^se^ken douc waac mienh nyei jauv. “Wuov deix siec hnoi jiex liuz, yie aengx duqv zipv ZIOUV nyei waac gorngv, 17 "Baamh mienh aah! Yie liepc meih zoux siouv gaeng mienh siouv I^saa^laa^en nyei zeiv-fun. Meih haaix zanc haiz yie gorngv, meih oix zuqc dorh yie nyei waac tengx yie donv ninh mbuo. 18 Se gorngv yie mbuox orqv mienh, 'Meih ndongc haaix zungv oix zuqc daic,' meih yaac maiv donv ninh yaac maiv kuinx ninh guangc nqoi ninh zoux orqv nyei jauv weic njoux ninh nyei maengc nor, wuov dauh orqv mienh zungv oix zuqc laaix ninh nyei zuiz daic, mv baac weic ninh zuqc daic yie bun meih ndaam-dorng. 19 Mv baac se gorngv meih donv orqv mienh, ninh yaac maiv guangc ninh zoux nyei orqv sic, yaac maiv guangc ninh zoux orqv nyei jauv. Ninh oix zuqc laaix ninh ganh nyei zuiz zuqc daic, mv baac meih duqv njoux cuotv meih ganh nyei maengc. 20 "Aengx maaih diuc. Se gorngv maaih dauh kuv mienh guangc ninh zoux nyei kuv sic aengx baamz zuiz, yie ziouc zorqv nyungc bun ninh ndiqv zuqc ndorpc, ninh yaac zuqc daic. Weic zuqc meih maiv donv ninh, ninh oix zuqc laaix ninh nyei zuiz daic. Ninh zoux jiex nyei kuv sic maiv maaih haaix dauh jangx. Weic ninh zuqc daic, yie bun meih ndaam-dorng. 21 Mv baac se gorngv meih donv kuv mienh maiv dungx baamz zuiz, ninh yaac maiv baamz zuiz, ninh ndongc haaix zungv duqv maengc ziangh, weic zuqc ninh duqv zipv meih donv nyei waac. Meih yaac duqv njoux meih ganh nyei maengc." (E^se^ken 3:16-21). Do not avoid what God commanded people to do, there are so many preachers afraid of people get mad of them, they avoiding God’s command, anything that God commanded people to repent from their evil way, they avoiding to tell to the people, or the way Bible teaches about sin, they avoid to teach that subject or topics. Let us look at how God told Ezekiel the prophet what to do. Here what Ezekiel said, “At the end of seven days the word of the LORD came to me: 17 "Son of man, I have made you a watchman for the house of Israel; so hear the word I speak and give them warning from me. 18 When I say to a wicked man, 'You will surely die,' and you do not warn him or speak out to dissuade him from his evil ways in order to save his life, that wicked man will die for his sin, and I will hold you accountable for his blood. 19 But if you do warn the wicked man and he does not turn from his wickedness or from his evil ways, he will die for his sin; but you will have saved yourself. 20 "Again, when a righteous man turns from his righteousness and does evil, and I put a stumbling block before him, he will die. Since you did not warn him, he will die for his sin. The righteous things he did will not be remembered, and I will hold you accountable for his blood. 21 But if you do warn the righteous man not to sin and he does not sin, he will surely live because he took warning, and you will have saved yourself." (Ezekiel 3:16-21).

21


22. EVERY PREACHER WHO HAVE RECEIVED WHATEVEER GIFT MUST FAITHFUL EXECUTED: Laanh laanh zunh doz mienh fai dorh Jiu Baang nyei mienh, njaaux Ging-Sou nyei mienh, maiv gunv mbuo benx dauh mienh, mbuo duqv zipv haaix nyungc zingh nyeic, mbuo oix zuqc dorh daaih longc tengx zuangx, yaac oix zuqc ziepc juoqv hnyouv zoux. Haaix dauh duqv zipv zingh nyeic zunh doz oix zuqc za’gengh douc Tin-Hungh nyei waac (1 Bide 4:10-11). Haaix zanc mbuo duqv zipv fai duqv haiz Tin-Hungh gorngv haaix nyungc mbuox taux mbuo yiem Ging-Sou gu’nyuoz wuov, mbuo yaac horpc zuqc dorh mingh njaaux bun mienh hiuv duqv, maiv gunv gorngv benx haaix nyungc Tin-Hungh hatc njaaux nyei jauv yaac zeiz, mbuo maiv horpc zuqc simv fai bingx jienv maiv gorngv mbuox mienh. Mienh muangx fai maiv muangx se maiv zeiz mbuo nyei sic, yaac maiv zeiz mbuo nyei gong. Mbuo nyei gong se oix zuqc douc zien, zunh zien Tin-Hungh nyei waac mbuox mienh hnangv, maiv gunv mienh zipv fai maiv zipv se sueih mienh. Every preacher, church leaders, Bible teachers must understand. Each one should use whatever gift he has received to serve others, faithfully administering God's grace in its various forms. If anyone speaks, he should do it as one speaking the very words of God (1 Peter 4:10-11). Whenever we have received or learn, or discovered in the Bible, we should use it to teach others. No matter people listen to you or not, that is not your job, your job is to preach or prophesy to the people, do it with whole heart, and very word of God. Our job is faithfully executed the preaching and teaching the very word of God to people, whether they listen or not is not our job.

Zorqv nyungc zeiv yiem E^se^ken Sou, E^se^ken hnangv naaiv gorngv, “Ninh gorngv mbuox yie, "Baamh mienh aah! Jiez sin daaih souv jienv maah! Yie oix caux meih gorngv waac." 2 Ninh caux yie gorngv waac wuov zanc Singx Lingh bieqc yie, tengx yie souv jiez sin daaih. Yie yaac haiz ninh caux yie gorngv waac. 3 Ninh gorngv mbuox yie, "Baamh mienh aah! Yie paaiv meih mingh taux I^saa^laa^en Mienh, se mingh taux yietc fingx hnyouv ngaengc nyei mienh. Ninh mbuo ngaengc jienv yie. Ninh mbuo caux ninh mbuo nyei ong-taaix zungv zoux dorngc yie taux ih jaax hnoi. 4 Ninh mbuo m'normh hoz, hnyouv ngaengc. Yie paaiv meih mingh lorz ninh mbuo. Meih oix zuqc gorngv, 'Ziouv TIN-HUNGH hnangv naaiv nor gorngv.' 5 Maiv gunv ninh mbuo muangx fai maiv muangx, (weic zuqc ninh mbuo benx hnyouv ngaengc nyei zeiv-fun), ninh mbuo ziouc hiuv duqv maaih dauh douc waac mienh yiem ninh mbuo mbu'ndongx. 6 Baamh mienh aah! Meih ganh maiv dungx gamh nziex ninh mbuo yaac maiv dungx gamh nziex ninh mbuo gorngv nyei waac, maiv gunv maaih njimv-cou njimv-muonc weih gormx, meih yaac yiem ziepc nyeic ndaangh mbu'ndongx. Maiv dungx gamh nziex ninh mbuo gorngv nyei waac, fai laaix ninh mbuo nyei hmien gamh nziex, weic zuqc ninh mbuo benx hnyouv ngaengc nyei zeiv-fun. 7 Meih oix zuqc dorh yie nyei waac gorngv mbuox ninh mbuo, maiv gunv ninh mbuo muangx fai maiv kangv muangx, weic zuqc ninh mbuo benx hnyouv ngaengc nyei zeiv-fun.” (E^se^ken 2:1-7). For an example of Ezekiel, “He said to me, "Son of man, stand up on your feet and I will speak to you." 2 As he spoke, the Spirit came into me and raised me to my feet, and I heard him speaking to me. 3 He said: "Son of man, I am sending you to the Israelites, to a rebellious nation that has rebelled against me; they and their fathers have been in revolt against me to this very day. 4 The people to whom I am sending you are obstinate and stubborn. Say to them, 'This is what the Sovereign LORD says.' 5 And whether they listen or fail to listen—for they are a rebellious house—they will know that a prophet has been among them. 6 And you, son of man, do not be afraid of them or their words. Do not be afraid, though briers and thorns are all around you and you live among scorpions. Do not be afraid of what they say or terrified by them, though they are a rebellious house. 7 You must speak my words to them, whether they listen or fail to listen, for they are rebellious.” (Ezekiel 2:1-7).

“Yie aengx duqv zipv ZIOUV nyei waac gorngv, 24 "Baamh mienh aah! Meih oix zuqc mbuox I^saa^laa^en Deic-Bung, 'Meih se maiv duqv saax cing-nzengc nyei deic-bung. Yie qiex jiez nyei hnoi yaac maiv maaih

22


mbiungc duih njiec. 25 Deic-bung gu'nyuoz nyei bieiv zeiv hnangv njunh jienv nyei sienh betv ga'naaiv nyanc. Ninh mbuo daix mienh, caangv zinh zoih caux jaaix nyei ga'naaiv, yaac bun deic-bung maaih auv-guaav camv. 26 Deic-bung gu'nyuoz nyei sai mienh zoux dorngc yie nyei leiz-latc, yaac bun yie nyei cing-nzengc ga'naaiv maaih uix. Haaix nyungc cing-nzengc, haaix nyungc maaih uix, ninh mbuo maiv bun nqoi. Ninh mbuo yaac maiv njaaux mienh hiuv duqv cing-nzengc nyei caux maiv cing-nzengc nyei, hnangv haaix nor ganh nyungc. Ninh mbuo maiv goux yie nyei Dingh Gong Hnoi, ziouc bun yie yiem ninh mbuo mbu'ndongx zuqc mienh mangc piex. 27 Yiem deic-bung gu'nyuoz nyei bieiv zeiv hnangv hieh juv betv ga'naaiv nyanc. Ninh mbuo daix mienh bun nziaamv liouc cuotv, hoic mienh nyei maengc, zoux maiv zingx weic duqv ga'naaiv. 28 Deic-bung nyei douc waac mienh longc hui-baeqc nzaatv jienv weic buang baeqc fingx zoux nyei sic ziouc weic ninh mbuo buatc jaav hinc yaangh nyei sic yaac mbouv guaax gorngv benx gorngv-baeqc nyei waac. Ninh mbuo gorngv, 'Ziouv TIN-HUNGH hnangv naaiv gorngv.' mv baac ZIOUV maiv duqv gorngv. 29 Deic-bung nyei mienh niouv mienh, luv mienh, zeix mienh jomc mienh caux dangx-donx mienh yaac maiv longc leiz nyei niouv yiem ninh mbuo mbu'ndongx nyei ganh fingx mienh. 30 "Yie yiem ninh mbuo mbu'ndongx lorz dauh ceix zingh laatc nyei mienh, oix bun ninh yiem yie nyei nza'hmien weic wuov norm deic-bung souv jienv zingh laatc mbaaix tong nyei dorngx, bun yie maiv mietc wuov norm deic-bung. Mv baac lorz maiv duqv yietc dauh. 31 Weic naaiv yie nyei ga'qiex baetv cuotv bun ninh mbuo. Yie nyei ga'qiex hnangv douz nor buov mietc ninh mbuo. Ziux ninh mbuo zoux nyei jauv yie zungv oix winh bun ninh mbuo. Ziouv TIN-HUNGH hnangv naaiv nor gorngv." (E^se^ken 22:23-31). “Again the word of the LORD came to me: 24 "Son of man, say to the land, 'You are a land that has had no rain or showers in the day of wrath.' 25 There is a conspiracy of her princes within her like a roaring lion tearing its prey; they devour people, take treasures and precious things and make many widows within her. 26 Her priests do violence to my law and profane my holy things; they do not distinguish between the holy and the common; they teach that there is no difference between the unclean and the clean; and they shut their eyes to the keeping of my Sabbaths, so that I am profaned among them. 27 Her officials within her are like wolves tearing their prey; they shed blood and kill people to make unjust gain. 28 Her prophets whitewash these deeds for them by false visions and lying divinations. They say, 'This is what the Sovereign LORD says'—when the LORD has not spoken. 29 The people of the land practice extortion and commit robbery; they oppress the poor and needy and mistreat the alien, denying them justice. 30 "I looked for a man among them who would build up the wall and stand before me in the gap on behalf of the land so I would not have to destroy it, but I found none. 31 So I will pour out my wrath on them and consume them with my fiery anger, bringing down on their own heads all they have done, declares the Sovereign LORD." (Ezekiel 22:23-31).

Da’yietv Ginc: Ziex Nyungc Zunh Doz Nyei JauvDifferent Kinds of Sermons the Content of Preaching

Zunh doz nyei jauv se maaih ziex nyungc jauv caux za’eix. Yietc nyungc ganh maaih yietc nyungc nyei juoqc setv caux ninh nyei mouz deix jauv. Bun yie ganh gorngv nor, yietc zungv, zungv longx fih hnangv, yiem zunh nyei mienh hnangv haaix nor mbenc caux zunh nyei jauv. Yietc zungv zunh doz nyei jauv yaac maaih lamh longc nyei, yaac benx longc jienv nyei jauv, yietc nyungc maaih yietc nyungc nyei jauv longx yaac haih tengx duqv mienh. Yietc nyungc zunh doz nyei jauv yaac maaih yietc nyungc nyei maaih lamh longc yiem yietc nyungc ziangh hoc gauh longx jiex. Mv baac zunh doz nyei mienh ganh oix zuqc daux gaux tov Tin-Hungh dorh ninh, bun ninh haih hiuv duqv haaix nyungc zunh doz nyei jauv horpc longc fai zunh yiem haaix nyungc ziangh hoc gauh horpc.

23


Yie yaac maiv haih gorngv mbuox meih mbuo gorngv haaix nyungc zunh doz nyei jauv gauh longx jiex, weic zuqc yietc zungv yie duqv longc zunh jiex nzengc mi’aqv. Mv baac bun yie ganh nor, yie gauh oix jiex caux gauh tengx duqv yie nyei jauv, maiv gunv gorngv yie ganh zunh fai mienh zunh, yie haiz Koi Mengh doz (Expository Sermon), caux Ging-Sou Doz (Textual Sermon), caux Singx Doz (Theology Sermon) se gauh horpc jiex. Weic zuqc naaiv deix buo nyungc zunh doz qorng se gengh benx Ging-Sou nyei waac, se gorngv mbenc nyei mienh ziepc zuoqv hnyouv ei jienv Ging-Sou nyei waac fiev ninh nyei bun-ginc orn-mbaih jauv fai zunh doz qorng (outline) nor. Jangx jienv mbuo zunh doz nyei jauv se benx douc Tin-Hungh nyei waac, maiv gunv gorngv meih zunh yiem haaix nyungc hoc daauh fai haaix nyungc zunh doz nyei orn-mbaih, meih se douc Tin-Hungh nyei waac, se gorngv meih mbenc nyei zunh doz waac, maiv zeiz douc Tin-Hungh nyei waac nor, maiv gunv meih gorngv duqv ndongc haaix longx yaac maiv ceix mienh nyei sienx fim, yaac maiv tengx mienh haih hiuv duqv Tin-Hungh.

I. SINGX DOZ NYEI ZUNH DOZ QORNG (THEOLOGY SERMON OUTLINE)Biux Mengh Waac: Singx doz nyei zunh doz qorng jiex gorn koi nqoi taux Tin-Hungh nyei jauv yiem Ging-Sou. Naaiv nyungc zunh doz jauv se benx longc jienv jiex nyei waac-naaic qiemx zuqc naaic taux Ging-Sou nyei jauv, caux fiev nyei mienh, caux muangx nyei mienh. Nyungc zeiv se hnangv fiev naaiv douc Ging-Sou nyei mienh gorngv taux haaix nyungc jauv? Caux ninh zoux haaix nyungc hnangv naaic gorngv? Tin-Hungh gorngv taux haaix nyungc, yaac hnangv haaix nor gorngv yiem naaiv douc Ging-Sou nyei waac? Maiv gunv gorngv cuotv fai maiv gorngv cuotv daaih nyei jauv se haaix nyungc?

A. Zorqv Ging-Sou Nyei Waac Bun Benx Singx Doz Nyei Qorng (Analyzing the Theology of the Text)

Singx doz nyei zunh doz qorng fai (Theological Sermon Outline) nyei jauv se, mbuo nyei mouz deic oix zuqc zaah lorz yaac oix zuqc zieqv duqv Tin-Hungh hnangv haaix nor gorngv mbuox mbuo baamh mienh nyei jauv. Yietc nyungc aqc jiex nyei jauv yiem Singx Doz nyei zunh doz qorng nyei jauv se mbuo oix zuqc zaah mangc taux Tin-Hungh gorngv nyei waac, caux baamh mienh gorngv nyei waac hnangv haaix nor. Porv zaqc waac nyei jauv se benx yietc nyungc jauv bun taux zunh doz nyei mienh haih longc naaiv nyungc leiz-nyeic jauv mbenc ninh nyei bun-ginc orn-mbaih jauv fai zunh doz qorng (outline). Naaiv nyungc leiz-nyeic jauv se bun zunh doz mienh haih longc duqv Ging-Sou nyei waac camv nyei, ninh haih zorqv fai baeng ziex norm dorngx nyei Ging-Sou daaih tengx porv mengh nyei jauv. Yiem singx doz nyei zunh doz qorng nyei waac se oix zuqc longc yiem fai zorqv yiem Ging-Sou dongh gorngv taux Tin-Hungh nyei jauv, se hnangv Ging-Sou nyei jauv, zuiz nyei jauv, sienx fim nyei jauv, dingc zuiz nyei jauv, siex zuiz nye jauv, zuoqc nzuonx nyei jauv, njoux en nyei jauv, laauc yaangh nyei sic, teix zuiz nyei jauv, fu-sux Tin-Hungh nyei jauv, fin-mienh caux mienv nyei jauv. Naaiv deix yietc zungv hoc daauh mbuo haih longc zoux mbuo nyei doz nyei mbuox nyei hoc daauh yaac duqv nyei. Singx doz nyei zunh doz waac se hnangv baeng mbuo nyei mbungh-fim cuotv yiem mbungh gu’nyuoz daaih wuov nor, bun muangx nyei mienh haiz se benx gamh nziex nyei sic, maaih deix pouh tong nyei

24


Giduc Mienh maiv oix muangx naaiv nyungc zunh doz waac, yaac maiv haih zipv maiv duqv naaiv nyungc zunh doz nyei waac, yaac muangx maiv bieqc hnyouv maiv mengh baec, zoux bun ninh mbuo yioux yaac diev maiv duqv naaiv nyungc zunh doz nyei waac. Weic zuqc naaiv nyungc zunh doz nyei waac se kungx doix dekc taux mienh zoux nyei jauv hnangv. Mv baac dongh maaih hnyouv oix zoux horpc nyei mienh, caux oix hoqc hiuv duqv Ging-Sou ndo nyei mienh wuov deix za’gengh oix haic naaiv nyungc zunh doz nyei waac, weic zuqc tengx ceix ninh mbuo nyei lingh wuonh hlo. Hnangv naaic, zunh doz nyei laanh laanh mienh ganh oix zuqc zaangv taux yiem zunh doz nyei jauv, yietc nyungc oix zuqc njaaux deix. Singx Doz fai (Theology) se benx yietc joux waac lungh ndiev mienh longc camv jiex gorngv camv jiex nyei jauv taux Tin-Hungh. Mv baac mbuo Iu-Mienh corc maiv gaengh maaih waac. Hnangv naaic, yie oix longc naaiv joux waac “Singx Doz” naaiv beiv taux “Theology” fai “θεὸς” or “God” fai “Tin-Hungh” fai yiem Ging-Sou gu’nyuoz daanh faanh gorngv taux Tin-Hungh nyei jauv.

B. Maaih Buo Nyungc Jauv Gorngv Taux Singx Doz Nyei Jauv (Three Types of Theology)

Naaiv deix buo nyungc jauv gorngv taux “singx doz” nyei zunh doz waac, hnangv haaix nor porv mengh doz nyei jauv: (1) porv mengh singx doz nyei jauv (exegetical theology), (2) Porv mengh Ging-Sou nyei jauv (biblical theology), (3) Porv mengh taux sienx fim nyei gorn-ndoqv jauv (systematic theology).

Porv mengh singx doz nyei zunh doz qorng nyei jauv. Singx doz nyei zunh doz qorng (theology sermon outline) se hnangv deix koi mengh doz (expository sermon) nyei jauv nor, m’nziex maaih yietc buonc jauv se fih hnangv nyei. Mbuo oix zuqc longc fai dorh Ging-Sou nyei waac daaih longc zoux mbuo nyei orn-mbaih jauv fai bun-ginc nyei qorng (outline). Naaiv se benx hnamv camv hnamv ndo nyei jauv yiem Ging-Sou nyei waac zorqv cuotv daaih nyei waac. Naaiv se benx zunh doz mienh nyei ndo jiex nyei zunh doz nyei waac fai porv mengh Ging-Sou nyei jauv, dongh zorqv fai baeng Ging-Sou nyei waac yiem ndo jiex nyei dorngx daaih. Zorqv nyungc zeiv yiem Ko^lo^si 3:12 nyei waac. Se hnangv, “Tin-Hungh hnamv meih mbuo yaac ginv meih mbuo daaih benx ninh ganh nyei cing-nzengc mienh. Weic naaiv meih mbuo oix zuqc maaih hnyouv korv-lienh mienh, zoux longx bun mienh, nyiemc ganh zoux faix, suonc zingh suonc eix yaac maaih noic diev.” Yiem naaiv mbuo buatc yiem Tin-Hungh nyei en hinc cuotv daaih nyei jauv se maaih i nyungc jauv. Maaih Tin-Hungh nyei en, caux sienx Tin-Hungh nyei mienh zoux nyei sic. “Weic Tin-Hungh nyei en, Tin-Hungh hnamv mbuo ginv mbuo daaih benx ninh nyei cing-nzengc mienh, mbuo horpc zuqc fai oix zuqc aengv Tin-Hungh nyei hnamv bun mienh, se zoux longx bun mienh hnamv mienh.” Benx Tin-Hungh nyei mienh fai naamh nyuoz nyei mienh, se oix zuqc maaih hnyouv hnangv Tin-Hungh nor, benx “cing-nzengc nyei mienh, maaih hnyouv korv-lienh mienh, zoux longx bun mienh, nyiemc ganh zoux faix, suonc zingh suonc eix yaac maaih noic diev.” Yiem singx doz nyei zunh doz qorng nyei leiz-nyeic jauv, fai (The theology sermon outline principles), zunh doz mienh nyei gong se zanc-zanc oix zuqc porv mengh taux Ging-Sou nye background fai jiex daaih nyei sic, njaaux mienh oix zuqc hnangv haaix nor dorh Ging-Sou nyei waac daaih longc yiem ninh mbuo nyei maengc, oix zuqc porv mengh taux fiev Ging-Sou nyei mienh nyei mouz deic jauv hnangv haaix nor, oix zuqc hiuv duqv hnangv haaix nor longc duqv horpc Ging-Sou nyei waac, oix zuqc hiuv duqv Ging-Sou nyei koux-nyuoz fai waac-nyuoz hnangv haaix nor gorngv, se hnangv fiev Ging-Sou nyei mienh

25


nyei za’eix, hnamv nyei jauv, caux zipv muangx nyei mienh nyei eix-leiz hnangv haaix nor yiem Ging-Sou nyei korn^taekv. Maiv gunv gorngv benx porv mengh singx doz nyei jauv (exegetical theology), fai benx porv mengh Ging-Sou nyei jauv (biblical theology), fai porv mengh taux sienx fim nyei gorn-ndoqv nyei jauv (systematic theology) nyei leiz-nyeic jauv fih hnangv nyei, mbuo oix zuqc ei Ging-Sou nyei korn^taekv porv ninh nyei eix-leiz, yaac oix zuqc bieqc hnyouv taux Ging-Sou nyei waac, benx gorngv zaqc waac nyei jauv fai benx waac-beiv, waac-meiv, waac-ormv nyei jauv. Se gorngv mbuo maiv bieqc hnyouv Ging-Sou nyei waac nor, mbuo maiv haih porv maiv zuqc ninh nyei eix-leiz aqv.

II. Koi Mengh Doz Fai Mengh Yaangh Doz (Expository Sermon) Koi mengh doz nyei zunh doz qorng (expository sermon) maiv zeiz kungx longc Ging-Sou zoux hoc daauh hnangv, liemh fiuh bun nyei jauv zungv benx Ging-Sou nyei waac nzengc. Gauh camv jiex yiem mbuo doqc nyei Ging-Sou nzengc-nzengc longc gauh ndaauv Ging-Sou doz caux hoc daauh doz nyei Ging-Sou. Zanc-zanc longc ziangh zaang Ging-Sou, maaih deix ziangh hoc maaih dauh baav fin-saeng zungv longc nzengc ziangh buonv sou, se gorngv doix zuqc dongh Ging-Sou maiv nangc ndaauv wuov deix nor. Mv maaih ganh diuc za’eix porv mengh taux koi mengh doz nyei jauv, cuotv liuz yiem biux mengh waac wuov mbuo oix zuqc biux mengh taux Ging-Sou ganh gorngv nyei jauv-dauh louc-mueiz jauv fai background nyei jauv. Aengx maaih nyungc jauv yiem koi mengh doz nyei jauv, maaih deix ziangh hoc, mienh heuc porv mengh Ging-Sou yietc yiemc yietc yiemc nyei jauv, fai gorngv (verse by verse Bible Commentary). Maaih ziex nyungc longx nyei jauv yiem koi mengh doz nyei zunh doz jauv. Yietc nyungc jauv se gauh hungh heic mbenc, yaac maiv zuqc nzauh mingh dorngc Ging-Sou nyei eix-leiz, caux yaac benx zien Ging-Sou nyei waac. Se gorngv mbuo zaah mangc fai samx mangc daaih, Gong-Zoh mbuo gauh camv jiex yaac fih hnangv nyei longc naaiv nyungc za’eix njaaux mienh. Naaiv yaac tengx mbuo ceix wuonv nyei gorn-ndoqv yiem Ging-Sou, maiv gunv gorngv yietc douc Ging-Sou ganh hnangv. Naaiv nyungc zunh doz waac nyei jauv se tengx beu zunh doz mienh maiv zuqc mienh gox jaav-zongc hoic, gorngv zunh doz mienh zunh jaav-doz, weic zuqc naaiv nyungc zunh doz nyei waac se yiem Ging-Sou daaih. Nyungc-nyungc jauv kungx yiem dongh mbuo doqc wuov kang Ging-Sou daaih hnangv. Maiv gunv gorngv mienh oix hnangv haaix nor gorngv yaac duqv, mv baac zien jauv m’daaih yiem Ging-Sou cuotv daaih hnangv, cuotv liuz zunh doz mienh ganh zoux jaav wuotv Ging-Sou nyei waac hnangv. Ih jaax hnoi maaih i nyungc sic yiem jiu baang, maaih deix zunh doz mienh zunh jaav, wuotv Ging-Sou nyei waac, nduov mienh mingh zoux zuiz fai gan ninh mbuo, maaih nyungc jiu baang mienh zoux zuiz daaih maiv oix muangx zien leiz nyei jauv, se gorngv zunh doz mienh zunh zien Ging-Sou nyei waac ninh mbuo ziouc caux zunh doz mienh doix dekc, yaac gorngv waac-huv, fai zoux hoic zunh doz mienh. Mv baac zien sic nor, naaiv nyungc zunh doz nyei waac benx liepc ceix porv mengh Ging-Sou yiem ndo jiex nyei jauv, yiem Ging-Sou nyei waac gu’nyuoz. Hnangv naaiv cingx daaih gorngv zunh doz nyei mienh oix zuqc zaah longx nyei taux dongh ninh oix zunh nyei wuov douc Ging-Sou nyei waac. Naaiv nyungc zunh doz waac se beiv hnangv mbuo wetv nyungc baav ndiangx-nzungh fai ga’naaiv-zuangx njiec nzungh ndo haic nor.

26


III. Hoc Daauh Doz (Topical Sermon) Hoc daauh doz nyei mouz deic jauv se gauh camv jiex ei hoc daauh, fai hoc daauh oix zuqc ei Ging-Sou daaih. Maaih deix ziangh hoc hnangv deix Ging-Sou doz nor, mbuo haih lorz Ging-Sou nyei waac zoux hoc daauh nyei. Mv baac gauh camv jiex se ninh nyei hoc daauh maiv zeiz yiem Ging-Sou nyei waac daaih, mv baac mbuo oix zuqc lorz Ging-Sou nyei waac daaih puix hoc daauh. Hoc daauh doz nyei qorng caux orn-mbaih jauv se benx yietc nyungc hiuang-hienv nyei sic, se gorngv meih maiv bieqc hnyouv fai maiv haih mbaih nor meih ziouc cuotv Gong-Sou nyei eix-leiz fai mouz deix mi’aqv. Se hnangv maaih deix ziangh hoc, mbuo haiz mienh zunh doz nyei waac caux ninh mbuo nyei doz nyei mbuox fai domh hoc daauh maiv bieqc doic nyei jauv nor. Hnangv loz-hnoi mienh maaih joux waac gorngv “dong hlieqv zueih fai mborqc mborng nyei wuov nyungc jauv. Aengx maaih nyungc se hnangv mbuo gorngv ken ndiangx-gorn mingh ziouc maaz nor. Naaiv nyungc hoc daauh doz se bun qiangx zunh doz mienh wuotv Ging-Sou nyei waac, hnangv naaic cingx daaih maaih deix zunh doz mienh maiv gunv haaix nyungc jauv, la’guaih ei ganh nyei hnyouv zoux ziouc pien cuotv Ging-Sou nyei eix-leiz, yaac benx njaaux jaav leiz nyei jauv. Yaac bun qiangx zunh doz mienh maaih dorngx jangv nyei mbenc zunh doz waac, mv gunv hnangv naaic mv baac mbuo oix zuqc faix fim, maiv dungx mingh go jiex ndaangc cuotv Ging-Sou nyei eix-leiz. Naaiv nyungc zunh doz nyei waac gauh camv jiex se benx fin-saeng ganh nyei hnyouv hnamv cuotv daaih nyei waac, maiv zeiz yiem Ging-Sou nyei waac daaih. Weic zuqc zunh doz mienh gauh camv jiex se kungx doqc i ziex yiemc Ging-Sou hnangv, liuz jiex mingh wuov deix porv mengh nyei waac yietc zungv yiem ninh ganh nyei hnyouv hnamv cuotv daaih nyei waac, maiv zeiz yiem Ging-Sou daaih. Naaiv nyungc zunh doz nyei jauv gauh camv jiex se bun mbuo hungh heic cuotv Ging-Sou nyei korn^taekv, hungh heic mingh dorngc jauv.

IV. Ging-Sou Doz (Textual Sermon) Ging-Sou doz se, ninh nyei domh hoc daauh oix zuqc baeng yiem fai zorqv yiem Ging-Sou nyei waac daaih, mv baac ninh nyei fiuh bun-ginc nyei waac se yiem ganh norm dorngx nyei Ging-Sou waac daaih. Porv mengh nyei waac se gauh camv jiex mbuo zorqv ganh norm dorngx nyei Ging-Sou nyei waac daaih tengx dengv, fai porv mengh dongh mbuo nyei domh hoc daauh nyei waac. Ging-Sou doz nyei jauv se yiem Ging-Sou nyei waac bun cuotv daaih benx domh hoc daauh. Ganh joux waac se Ging-Sou doz nyei hoc daauh se zorqv yiem Ging-Sou nyei waac cuotv daaih. Maiv gunv hnangv naaic mv baac, ninh nyei bun-muonc jauv fai ninh nyei fiuh bun (subdivisions) oix zuqc zorqv yiem ganh norm dorngx nyei Ging-Sou waac daaih tengx dengv taux domh hoc daauh. Ninh nyei eix-leiz se caux hoc daauh doz nyei jauv maiv fih hnangv. Weic zuqc hoc daauh doz nyei porv mengh jauv gauh camv jiex se yiem zunh doz mienh nyei hnyouv hnamv cuotv daaih nyei waac, fai (ideal or opinion). Mv baac Ging-Sou doz nyei porv mengh waac se yiem Ging-Sou nyei waac daaih. Aengx maaih nyungc jauv taux Ging-Sou doz fai (Textual Sermon) nyei jauv se maaih yietc buonc hnangv hoc daauh doz, maaih yietc buonc hnangv koi mengh doz (Expository Sermon) nor. Yietc diuc longx nyei jauv taux Ging-Sou doz nyei jauv se gauh camv jiex benx Ging-Sou nyei waac, se maiv hnangv hoc daauh doz nyei jauv. Se gorngv mbuo dorh daaih beiv mangc taux Ging-Sou doz caux hoc daauh doz nyei jauv nor. Weic zuqc Ging-Sou doz nyei porv mengh jauv se bun fai longc Ging-Sou porv mengh Ging-Sou, naaiv nyungc za’eix se benx longx jiex nyei jauv. Naaiv yaac aengx maaih

27


yietc diuc longx nyei jauv se bun qiangx zunh doz mienh camv nyei lorz fai ginv Ging-Sou nyei waac daaih tengx porv mengh Ging-Sou. Se gorngv meih benx muangx doz nyei mienh, bun meih yaac haih samx mangc fai zaah wuov deix Ging-Sou nyei waac se zien fai maiv zien nyei jauv nyei. Bun meih yaac haih hiuv duqv zunh doz mienh souv yiem haaix, ninh hiuv duqv Ging-Sou ndongc haaix toux, fai ndongc haaix camv fai zoqc. Se gorngv ninh nyei porv Ging-Sou nyei waac caux Doz nyei mbuox maiv bieqc doic nor, bun cing gorngv ninh ganh zungv maiv bieqc hnyouv taux zunh doz nyei yietc nyeic jauv, hnangv naaic, m’nziex ninh zungv dorh meih mingh bieqc lomc-mborqc lauh aqv mv baac meih corc maiv hiuv.

V. DORH DAAIH BEIV LONGC NYEI Ging-Sou DOZ (APPLICATION SERMON)

Dorh Ging-Sou nyei waac daaih longc yiem maengc nyei jauv se benx yietc nyungc jauv jienv haic bun taux mbuo laanh laanh sienx Ziouv nyei mienh. Mbuo oix zuqc hiuv duqv hnangv haaix nor zorqv Ging-Sou nyei waac fai dorh Ging-Sou nyei waac daaih longc duqv horpc. Se gorngv mbuo zorqv dorngc fai longc dorngc Ging-Sou nyei waac yaac zoux bun mbuo ganh maaih sic. Mbuo dorh Ging-Sou nyei waac daaih longc yiem maengc nyei jauv se maaih i nyungc longc jienv nyei jauv. Da’yietv mbuo maiv zeiz kungx hoqc hiuv duqv taux Ging-Sou gorngv haaix nyungc, fai hnangv haaix nor gorngv hnangv, mbuo yaac oix zuqc hiuv duqv hnangv haaix nor dorh Ging-Sou nyei waac daaih longc tengx mbuo nyei maengc yiem ndorm zinh nziouv muangx bieqc cuotv nyei jauv. Da’nyeic mbuo dorh Ging-Sou nyei waac daaih longc yiem mbuo nyei maengc nyei jauv se tengx mbuo haih borngz duqv hingh waaic sic nyei jauv, yaac haih tengx beu goux mbuo nyei ziangh maengc, maiv ndortv njiec yiem zuiz, se gorngv mbuo haih longc duqv horpc Ging-Sou nyei waac nor, yaac haih tengx mbuo maaih cong-mengh haih samx duqv cuotv haaix nyungc longx haaix nyungc ciouv nyei jauv. Ging-Sou se hnangv dang, hnangv fin-saeng, hnangv gingx, hnangv nzuqc ndaauv, hnangv torngv-baaih nor beu goux mbuo nyei ziangh maengc. Hnangv haaix nor dorh Ging-Sou nyei waac daaih longc yiem mbuo nyei maengc? Baulo fin-saeng gorngv mbuox mbuo, “Yie njaaux meih mbuo hoqc liuz yaac bun meih mbuo duqv zipv nyei, dongh meih mbuo haiz yie gorngv, yaac buatc yie zoux nyei nyungc-nyungc, meih mbuo oix zuqc ei jienv zoux. Hnangv naaic, ceix baengh orn nyei Tin-Hungh ziouc caux meih mbuo yiem aqv.” (Fi^lipv^poi 4:9). Da’yietv mbiec dorh Tin-Hungh nyei waac daaih longc yiem mbuo nyei maengc nyei jauv se oix zuqc doqc yaac corngh ninh nyei eix-leiz, Tin-Hungh hnangv naaiv gorngv mbuox Yo^su^waac, “Maiv dungx la'kuqv zanc-zanc doqc naaiv buonv Leiz-Latc Sou. Ndorm-ndorm muonz-muonz oix zuqc fei-fangv, weic bun meih faix fim ei jienv sou fiev nyei yietc zungv waac. Hnangv naaic meih zoux nyei nyungc-nyungc ziouc zoux duqv longx yaac zoux duqv dunh yunh.” (Yo^su^waa 1:8). Yiem Singx Nzung 119:9, 11 gorngv, “Houh saeng mienh oix zuqc hnangv haaix nor goux duqv ninh ganh nyei jauv cing-nzengc? Se oix zuqc ei jienv meih nyei waac zoux. Yie zorqv meih nyei waac zaangh

28


jienv yie nyei hnyouv, weic bun yie maiv baamz zuiz dorngc meih.” Tin-Hungh yaac hnangv naaiv nor gorngv mbuox I^saa^laa^en Mienh, “Meih mbuo oix zuqc zorqv yie naaiv deix waac zaangh jienv hnyouv, fapv jienv meih mbuo nyei mba'nziu. Aengx zorqv naaiv deix waac kou jienv buoz yaac nyatv jienv biorngh zoux jangx-hoc. Oix zuqc njaaux meih mbuo nyei fu'jueiv hiuv duqv naaiv deix waac. Maiv gunv yiem biauv fai yiem jauv zaangc, bueix njiec fai jiez sin, zungv oix zuqc buih jienv yiem.” (Nzamc Leiz-Latc 11:18-19). Yiem Singx Nzung 1:1-2 gorngv, “Maaih orn-lorqc nyei mienh se maiv muangx mienh waaic mienh nyei za'eix, maiv yangh zuiz-mienh nyei zaux-mbiec, yaac maiv caux huotv Tin-Hungh nyei mienh juangc jauv yangh. Daaux nzuonx ninh a'hneiv ZIOUV nyei leiz-latc, ziu yiex fei-fangv ninh nyei leiz.” Dorh Ging-Sou nyei waac daaih longc nyei doz fai (Application Sermon) se benx yietc nyungc longc jienv nyei jauv. Naaiv nyungc zunh doz qorng fai (application sermon outline) nyei jauv se benx yietc nyungc longc jienv haic nyei jauv yiem zorqv fai dorh Gong-Sou nyei waac daaih longc fai (apply) nyei jauv. Mbuo oix zuqc hoqc Ging-Sou nyei korn^taekv longx nyei, yaac oix zuqc hiuv dingc wuov deix Ging-Sou njaaux nyei jauv se dongh haaix nyungc, maiv zei aeqv mbuo longc dorngc nor zoux bun mbuo ganh maaih sic. Zorqv nyungc zeiv, zinh ndaangc maaih dauh fin-saeng gorngv mbuox mienh haaix zanc mbuo oix cuotv jauv mingh haaix, mbuo oix zuqc daux gaux. Se gorngv mbuo oix hiuv duqv jauv njang fai maiv njang nor, mbuo zorqv Ging-Sou daaih nanv jienv daux gaux liuz koi daaih doqc Ging-Sou ziouc mbuox bun mbuo hiuv duqv hnangv haaix nor aqv. Zoux gau maaih dauh ninh nyei jiu baang mienh oix cuotv jauv mingh ganh norm dorngx, ninh ziouc ei jienv naaiv dauh fin-saeng nyei waac zoux, zorqv Ging-Sou daaih nanv jienv daux gaux liuz ziouc koi daaih doqc mangc, Ging-Sou gorngv Yu^ndaatc mingh naeqc jang daic mi’aqv, ninh gorngv aav! naaiv daaix jauv maiv njang aqv, ninh aengx njipv jienv m’zing daux gaux nzunc mangc gaax, daux gaux baac koi Ging-Sou daaih dorh buoz-ndoqv coqv jienv nungx nqoi m’zing daaih doqc mangc, Ging-Sou gorngv, meih oix zuqc ei jienv naaiv zoux oc. Naaiv dauh mienh nyei porv mengh jauv, ninh gorngv, Ging-Sou gorngv mbuox ninh Yu^ndaatc mingh naeqc jang daic mi’aqv, heuc ninh yaac oix zuqc hnangv Yu^ndaatc nor mingh naeqc jang daic aqv, ninh gorngv naaiv se biux mengh gorngv jauv maiv njang aqv. Meih mbuo buatc nyei fai? Se gorngv mbuo longc dorngc Ging-Sou porv dorngc Ging-Sou, bieqc hnyouv dorngc Ging-Sou nyei waac nor, zoux bun ganh maaih sic. Ging-Sou se maiv zeiz cim-sou, Ging-Sou yaac maiv njaaux fai heuc mbuo hnangv naaiv nor zoux. Ging-Sou yaac maiv njaaux mbuo hnangv naaiv nor daux gaux, hnangv naaiv zoux, zoux naaiv nyungc sic nyei jauv se hnangv jouh cim nor, maiv zeiz daux gaux tov Tin-Hungh yienz jauv mbuo, Ging-Sou se maiv zeiz cim-sou. Application sermon fai dorh daaih beiv longc nyei Ging-Sou doz se maiv ndaauv, mbuo kuv zorqv dongh njaaux mbuo oix zuqc hnangv haaix nor zoux nyei jauv daaih beiv longc hnangv. Mbuo porv mengh nyei jauv se ei jienv Ging-Sou gorngv nyei jauv gorngv, maaih deix ziangh hoc nziex mbuo oix zuqc longc nyungc zeiv fai jangx hoc nyei jauv daaih tengx porv mengh.

29


VI. Gorngv Gouv Zunh Doz Nyei Jauv (The Story Teller Sermons) Ih zanc naaiv ginc jauv se mbuo oix gorngv taux zunh doz gorngv gouv fai gorngv gouv zunh doz nyei jauv. Gorngv gouv zunh doz nyei jauv se benx yietc nyungc jauv dongh pouh tong mienh oix jiex nyei jauv. Naaiv nyungc zunh doz nyei jauv se mienh maiv nangc longc Ging-Sou nyei waac zoux doqc nyei sou fai (text), eix-leiz se maiv doqc Ging-Sou. Zunh doz nyei mienh ganh oix zuqc hoqc bieqc hnyouv wuov douc Ging-Sou nyei waac mingh, bun ninh ganh haih jangx duqv Ging-Sou hnangv haaix nor gorngv fai gorngv taux haaix nyungc jauv. Ninh dorh mingh gorngv bun mienh muangx hnangv gorngv gouv nor, naaiv nyungc zunh doz nyei jauv yaac maiv nangc ndaauv, Ging-Sou maiv longc ndaauv, mv baac fih hnangv nyei ninh oix zuqc maaih “hoc daauh doz nyei mbuox caux biux mengh nyei waac, caux setv mueiz nyei waac. Porv mengh nyei waac se dongh ninh gorngv gouv deix waac aqv, Ging-Sou nyei waac yaac dongh naaic aqv.

Zien sic nor se Ging-Sou ganh zungv maaih ziangx Ging-Sou nyei gouv aqv, mbuo haaix dauh oix hoqc zunh naaiv nyungc doz nor horpc zuqc ei jienv Ging-Sou nyei gouv gorngv duqv aqv. Hnangv haaix yaac baac mbuo horpc zuqc hoqc bieqc hnyouv mingh dongh mbuo oix gorngv bun mienh muangx nyei jauv. Mv baac dongh liepc fai fiev taux zunh doz gorngv gouv nyei mienh gorngv, mbuo maiv horpc zuqc longc Ging-Sou nyei gouv, zunh doz nyei mienh ganh oix zuqc mbenc, yaac oix zuqc hoqc hiuv taux hnangv haaix nor gorngv. Maiv gunv hnangv haaix yaac zeiz, se gorngv haaix dauh maaih hnyouv oix zunh naaiv nyei doz nor, yie oix gorngv mbuox meih mbuo, ndaangc meih hnamv taux oix zunh naaiv nyungc doz, meih oix zuqc jiex gorn zorngh mbenc meih ganh ndaangc yiem i ziex nyungc jauv:

(1) Meih oix zuqc longc ziangh hoc daux gaux mangc gaax Tin-Hungh gengh heuc meih hnangv naaic nor zoux nyei fai?

(2) Jangx jienv, oix zuqc doqc dongh meih oix zunh wuov douc Ging-Sou camv-nzuonx nyei, bun meih haih jangx duqv tongh daapc nyei. Yaac maiv dungx jaa waac bieqc, fai zorqv waac cuotv. Maiv gunv hnangv naaic, mv baac meih gunv bungx hnyouv haaix longc duqv meih ganh nyei waac gorngv nyei.

(3) Hoqc lioux meih ganh haih gorngv duqv mbiaangc yaac haih gorngv duqv tongh daapc bun mienh haih muangx duqv bieqc hnyouv.

(4) Zimh lorz fai zaah lorz dongh maaih zien sic nyei jauv bun taux mbuo nyei lingh wuonh nyei jauv. Gem jienv nyei jauv dongh hnangv naaiv zoux nyei jauv se oix zuqc naaic duqv zuqc waac. Yie yaac maiv haih gorngv mbuox meih gorngv haaix nyungc waac-naaic se benx zuqc nyei waac-naaic. Mv baac yie oix mbuox meih mbuo dongh wuov zanc mbuo hoqc taux hnangv haaix nor haih bieqc hnyouv taux Ging-Sou nyei jauv wuov deix waac-naaic. Meih jangx duqv nyei fai? Mbuo gorngv taux oix haih duqv bieqc hnyouv Ging-Sou nyei waac nor, mbuo oix zuqc longc biei norm Ws caux norm H tengx mbuo zaah Ging-Sou nyei waac wuov.

(5) Zuov meih zaah liuz Ging-Sou, lorz buatc lingh wuonh nyei zien sic jauv liuz, meih haih jiex gorn nzutv zungv Ging-Sou nyei waac fiev meih nyei zunh doz qorng nyei waac fai orn-mbaih fai (sermon outline).

30


VII. Zunh Doz Gorngv Gouv (Narrative Sermon)(1) Zunh doz gorngv gouv nyei jauv caux gorngv Ging-Sou gouv nyei zunh doz jauv se fih hnangv nyei, weic zuqc yietc zungv benx gorngv gouv zunh doz nyei jauv. Mv baac dongh hlo jiex maiv fih hnangv fai lengc jiex nyei jauv se, zunh doz gorngv Ging-Sou nyei gouv se ei jienv Ging-Sou nyei waac gorngv. Zunh doz gorngv gouv nyei jauv se zunh doz mienh gauh benx gouv daaih gorngv fai ei zoux jiex daaih nyei sic fai hnoi-hnoi cuotv nyei sic yiem naaiv lungh ndiev seix zangc nyei jauv, zoux nyungc zeiv gorngv bun mienh muangx yaac lorz Ging-Sou nyei waac daaih dengv ninh gorngv nyei gouv.

(2) Zunh doz gorngv gouv nyei jauv se longc ziangh hoc ndaauv nyei, maaih deix zunh doz mienh longc 15 buon mingh lorz nyic ziepc (20) buon ziangh oc kungx gorngv gouv, liuz nqa’haav cingx daaih gorngv deix baav Ging-Sou nyei waac hnangv. Mv baac maaih yiemc mienh oix muangx haic naaiv nyungc zunh doz nyei jauv. Zien sic nor, naaiv nyungc zunh doz nyei jauv se maiv ceix mienh, maiv tengx mienh haih hiuv duqv Tin-Hungh, kungx zoux bun mienh a’hneiv, haiz kuv yiem, m’zing maiv nyuix hnangv. Se hnangv mienh hnyouv sie nyanc dorngh nor hnangv, tengx duqv minc zinh nyei ziangh hoc, maiv ceix mienh nyei lingh wuonh hlo.

(3) Zien sic nyei jauv nor, naaiv nyungc zunh doz nyei jauv maiv zeiz za’gengh benx zunh doz nyei jauv. Weic zuqc maiv zeiz longc Ging-Sou zoux gorn-ndoqv, naaiv nyungc zunh doz nyei jauv gauh camv jiex se dongh zanc-zanc baamz jienv zuiz mingh wuov nyungc mienh, fai zoux waaic nyei mienh, caux maiv oix hlo, maiv oix hiuv duqv zien leiz nyei mienh wuov deix oix muangx naaiv nyungc zunh doz nyei jauv. Zunh naaiv nyungc doz nyei mienh hungh heic benx jaav-fin-saeng, hungh heic dorngc Ging-Sou. Mv baac se gorngv hiuv duqv Ging-Sou longx nyei mienh caux dongh ziepc zuoqv hnyouv bun Tin-Hungh nyei mienh nor, maiv mingh dorngc jauv.

Da’nyeic Ginc: Zunh Doz Caux Njaaux Nyei Jauv (Preaching And Teaching) 1. Zunh doz caux njaaux nyei jauv se maaih haaix nyungc eix-leiz? Zunh doz caux njaaux nyei jauv se tiuv fai goiv yienc mienh nyei maengc. Zunh doz nyei jauv se zunh box mbuox mienh maaih heiv sic oix cuotv, mbuox mienh oix zuqc liuc leiz zorng-mbenc, oix zuqc mbungh, oix zuqc lorz jauv dangv, donv mienh kuinx mienh, baav mienh dongh maiv horpc zuqc zoux nyei jauv. Ndouv saaix mienh zoux, kuinx mienh nzuonx daaih caux Tin-Hungh zoux horpc, maiv zeiz gorngv nduov mienh a’hneiv, nduov mienh ceng mbuo, taaih mbuo.

2. Njaaux se maaih haaix nyungc eix-leiz? Njaaux nyei jauv yiem Ging-Sou eix-leiz se tengx mienh hiuv duqv Tin-Hungh dongh haaix dauh, orn hnyouv kuinx mienh daaih caux Tin-Hungh zoux horpc, njaaux nyei jauv tengx hnangv haaix nor haih hiuv duqv Tin-Hungh. Njaaux Ging-Sou caux zunh Ging-Sou, caux douc Ging-Sou se maiv fih hnangv.

31


(a) Njaaux Tin-Hungh nyei waac (Ging-Sou) bun mienh se benx gorngv mbuox mienh bun mienh hiuv duqv taux Ging-Sou hnangv haaix nor gorngv nyei jauv hnangv, tengx mienh haih hiuv duqv Tin-Hungh zoux nyei sic caux Ninh oix nyei jauv hnangv haaix nor hnangv.

(b) Mv baac zunh Tin-Hungh nyei waac (Ging-Sou) nyei jauv fai zunh doz nyei jauv se benx ndouv saaix mienh zoux nyei sic, kuinx mienh nzuonx daaih lorz Tin-Hungh caux Tin-Hungh zoux horpc, fai (horpc hnyouv) nyei jauv. Zunh naaiv joux waac yaac maaih eix-leiz gorngv zuqc deix maiv zuqc deix yaac maiv benx haaix nyungc.(c) Douc Tin-Hungh nyei waac fai (Ging-Sou) se oix zuqc ei jienv Ging-Sou nyei waac yietc mou yietc setv gorngv, Ging-Sou hnangv haaix nor gorngv mbuo oix zuqc gan jienv Ging-Sou gorngv fai ei jienv Ging-Sou gorngv, mbuo maiv haih cuotv Ging-Sou nyei waac. Maiv haih pien mingh zaaix fai mingh mbiaauc. Loz-hnoi nyei douc waac mienh, Tin-Hungh gorngv haaix nyungc mbuox ninh mbuo, ninh mbuo oix zuqc ei jienv Tin-Hungh gorngv nyei waac yietc mou yietc setv gorngv. Haaix dauh douc waac mienh maiv ei Tin-Hungh gorngv mbuox ninh nyei waac gorngv nor, Tin-Hungh gorngv wuov dauh benx jaav douc waac mienh, yaac oix zuqc dingc zuiz. Hnangv naaiv, Bide cingx daaih kuinx mbuo laanh laanh zunh doz nyei mienh. Ninh gorngv, “Haaix dauh zunh doz oix zuqc za'gengh douc Tin-Hungh nyei waac.” (1 Bide 4:11).

Definition of Teaching: Teaching is to change Life(Njaaux nyei Eix-Leiz: Njaaux nyei jauv se tiuv mienh nyei maengc)

Matthew 28:16-20 – Great Commission = Matv^taai 28:16-20Teaching is the Lord’s order to make disciples of all nations. Njaaux nyei jauv se benx Ziouv paaiv njiec nyei waac. Ziouv gorngv, heuc mingh njaaux maanc fingx mienh zoux Ninh nyei sai-gorx.

James 3:1 – Yaagorpc 3:1Questions you must ask yourself before you teach = Ndaangc meih oix njaaux mienh nyei ziangh hoc meih oix zuqc naaic gaax meih ganh:(1) What do I want to teach? (content) – Yie oix njaaux taux haaix nyungc jauv mienh? (jaah sic).(2) How will I communicate it? (method) – Yie hnangv haaix nor caux mienh jiu tong? (za’eix).(3) How will I know if they have learned? – Yie hnangv haaix nor haih hiuv duqv ninh mbuo horqc duqv?

Three elements involved in teaching – Maaih buo nyungc njaaux nyei jaah sic:

1. Teacher – Fin-saeng Teaching Method = Njaaux nyei za’eix.

2. Student – Horqc saeng 32


3. Subject – Longc njaaux nyei ga’naaiv.

TEACHING IS LIKE SHOOTING A TARGET (Njaaux nyei jauv se hnangv buonv mbaec nor)

You must know where you are aiming – Meih oix zuqc hiuv duqv meih zangv haaix.

TWO TARGETS – MAAIH I NORM MBAEC A. Cognitive = Hnamv Taux B. Affective = Longx nyei (1) Head = M’nqorngv (1) Heart = Hnyouv(2) Remembering = Jangx jienv (2) Values = Maaih jaah zinh nyei jauv (3) Understanding = Bieqc hnyouv (3) Interests/Emotions = Oix nyei jauv.

I. THE EFFECTIVE WAYS IN THE TEACHING PROCES IS IN TWO ELEMENTS:

A. Depending on the Holy Spirit – Oix zuqc bangc Singx Lingh.

B. Teacher has to be FAT- Fin-Saeng oix zuqc JUNC

(1) Faithful = Oix zuqc maaih ziepc zuoqv nyei hnyouv njaaux.

(2) Available = Haaix zanc yaac mbenc ziangx njaaux nyei jauv.

(3) Teachable = Maaih banh zeic haih njaaux duqv mienh nyei mienh, caux mienh yaac haih njaaux Duqv ninh nyei mienh.

Zunh Doz Nyei Mouz Deic Se Hnangv Buonv Mbaec Caux Buonv Orv Nor

33


Se gorngv mbuo njaaux nyei jauv fai mbuo zunh doz nyei waac haih tengx duqv mienh goiv hnyouv yienc eix nor se hnangv mbuo nyei congx ziangx haih buonv duqv zuqc mbaec caux orv nor. Mv baac se gorngv mbuo njaaux nyei jauv fai mbuo zunh doz nyei waac maiv haih baqv maiv zuqc mienh nyei hnyouv, maiv haih tengx maiv duqv mienh goiv hnyouv yienc eix nor, biux mengh gorngv mbuo nyei congx maiv ziangx, buov maiv zuqc orv fai mbaec.Eix-leiz se biux mengh gorngv mbuo njaaux nyei jauv maiv haih tengx maiv duqv mienh, maiv zeiz dongh mienh qiemx zuqc nyei jauv. Beiv hnangv mienh hnyouv sie, mbuo maiv bun hnaangx mienh nyanc, mbuo bun dorngh fai gaam nyei ga’naaiv mienh nyanc, tengx duqv diqv dien ziangh hoc hnangv wuov nyungc eix-leiz. Maaih nyungc sienx Yesu nyei mienh zimh lorz fai zunc naaiv nyungc jauv, ninh mbuo nyei lingh wuonh cingx daaih yietc liuz benx gu’nguaaz hnangv, maiv gunv sienx daaih duqv ndongc haaix lauh yaac maiv maaih goiv yienc nyei maengc, yietc liuz zoux gu’nguaaz taux daic. Baulo fin-saeng gorngv naaiv nyungc Giduc Mienh se benx guei baamh gen nyei mienh (1 Ko^lin^to 3:1-23). Yiem 1 Ko^lin^to da’faam zaang naaiv biux mengh taux buo setv sienx Yesu nyei mienh.

34


Aengx maaih nyungc se beiv hnangv mbuo buonv zuqc orv-ciouv mun mingh maiv daic nor, weic zuqc buonv maiv zuqc daic nyei dorngx. Naaiv nyungc eix-leiz se beiv hnangv mbuo zunh liuz doz, Ging-Sou nyei waac baqv zuqc mienh fai doix-dekc zuqc mienh zoux nyei jauv, mv baac naaiv laanh mienh maiv nyunc ziev goiv hnyouv yienc eix dongh ninh zoux nyei waaic sic, daaux nzuonx daaih hemx fai gorngv doqc bun dongh zunh doz fai njaaux nyei mienh. Naaiv yaac zoux bun jiu baang zunh doz mienh fai njaaux Ging-Sou nyei mienh maaih sic.

Hnangv naaic, zunh doz mienh fai njaaux Ging-Sou nyei mienh oix zuqc faix fim taux naaiv nyungc jauv: (1) Cih maanc maiv dungx wuotv Ging-Sou nyei waac daaih gorngv mienh zoux nyei sic, Ging-Sou hnangv haaix nor gorngv mbuo oix zuqc ei jienv wuov gorngv hnangv, maiv dungx wingc fai wuotv Ging-Sou nyei waac, sueih Ging-Sou ganh bun-dunx, weic zuqc Tin-Hungh gorngv ninh nyei waac yiem ninh nyei nzuih cuotv mingh maiv zeiz baec-baec jiex (I^saa^yaa 55:8-11); (2) Maiv dungx la’guaih gorngv, dongh Ging-Sou maiv gorngv nyei jauv fai maiv maaih yiem Ging-Sou nyei jauv maiv dungx dorh daaih gorngv. Meih gorngv haaix nyungc oix zuqc maaih Ging-Sou daaih dengv meih gorngv nyei waac, se gorngv mv maaih Ging-Sou dengv maiv dungx gorngv, se gorngv, meih gorngv nor, maaih mienh naaic gaax Ging-Sou yiem haaix? Se gorngv meih lorz maiv duqv Ging-Sou tengx meih fai dengv meih gorngv nyei waac nor, mienh ziouc gorngv meih la’guaih gorngv fai zunh jaav leiz aqv.

35


VI. THE TEACHING PROCES IS IN TWO ELEMENTS:1. Maiv gunv gorngv mbuo benx haaix dauh, zunh doz mienh fai njaaux Ging-Sou nyei mienh, se mbuo njaaux bun mienh daaih lorz Tin-Hungh, fai dorh mienh daaih lorz Tin-Hungh. Se hnangv loz-hnoi mienh maaih joux waac gorngv, “Ken maaz ken ngongh daaih ziouc ndiangx-gorn, maiv zeiz ken ndiangx-gorn mingh ziouc ngongh ziouc maaz. Eix-leiz se njaaux mienh zoux ei Ging-Sou njaaux nyei waac, maiv zeiz wuotv fai aauv Ging-Sou nyei waac mingh ziouc mienh ei mienh oix nyei jauv zoux, fai mienh (hnyouv nyunc nyei jauv zoux). Nyungc zeiv se hnangv naaiv deix fangx nor.

36


Ken ndiangx-gorn daaih ziouc maaz se maaih eix-leiz gorngv mbuo wuotv Ging-Sou nyei waac daaih ei mienh fai ziouc mienh, zoux naaiv nyungc sic nyei mienh bun ganh zuqc dingc zuiz. Maaih nyungc fin-saeng se hnangv naaiv nor zoux, wuotv Ging-Sou daaih ei mienh hnyouv nyunc oix nyei jauv. Zorqv nyungc zeiv, maaih deix fin-saeng gorngv mbuox mienh, mbuo haih hopv duqv diuv nyei, ninh mbuo wuotv E^fe^so 5:18 wuov yiemc Ging-Sou nyei waac, dongh gorngv heuc, “Maiv dungx hopv diuv nquin. Diuv se bun mienh zoux waaic sic. Daaux nzuonx oix zuqc bun Singx Lingh yiem buangv hnyouv.” Ninh mbuo gorngv hopv diuv se duqv nyei “daanh faanh maiv dungx hopv nqin hnangv. Mv baac Ging-Sou ganh zungv gorngv jienv, “diuv se bun mienh zoux waaic sic”. Maiv daan mbuoqc naaiv hnangv, ninh mbuo yaac longc Yo^han 2:1-12 wuov dongh gorngv taux Yesu longc wuom zoux diuv bun mienh hopv nyei jauv daaih dengv. Se gorngv hnangv naaiv sienx, hnangv naaiv njaaux nor, tov meih doqc naaiv kang Ging-Sou mangc gaax meih hnangv haaix nor porv mengh (1 Ko^lin^to 10:11- 21; 1 Ko^lin^to 11:17-22,27-34). Aengx maaih deix yaac gorngv, Yesu mienh haih nyanc duqv sipv jiex mienv nyei orv nyei, ninh mbuo gorngv haaix dauh gamh nziex maiv nyanc sipv jiex mienv nyei orv se bun cing ninh mv maaih sienx fim, dongh maaih sienx fim nyei mienh se maiv gamh nziex nyanc sipv mienv nyei orv. Ninh mbuo yaac longc naaiv deix Ging-Sou nyei waac daaih dengv ninh mbuo gorngv nyei jauv. Dongh Yesu gorngv yiem Matv^taai 15:16-20 wuov "Yesu gorngv, "Meih mbuo taux ih zanc corc hnangv wuov deix mienh nor maiv mengh baeqc? 17 Meih mbuo maiv hiuv duqv fai? Mienh nyanc haaix nyungc bieqc nzuih ziouc njiec ga'sie. Nqa'haav ziouc bungx cuotv mi'aqv. 18 Mv baac yiem nzuih cuotv nyei, se yiem hnyouv hnamv cuotv daaih. Dongh naaiv nyungc

37


aqv, bun mienh maaih uix. 19 Weic zuqc yiem mienh nyei hnyouv haih hnamv cuotv waaic nyei sic, daix mienh, hienx auv hienx nqox, hienx sieqv hienx dorn, zoux zaqc, zoux jaav zorng-zengx, gorngv doqc mienh. 20 Dongh naaiv deix sic bun mienh maaih uix. Maiv zeiz laaix nyanc hnaangx maiv nzaaux buoz ndaangc mienh cingx daaih maaih uix." Hnangv naaic, bun mbuo daaih mangc gaax naaiv deix Ging-Sou hnangv haaix nor gorngv (1 Ko^lin^to 8:1-13; Laauc Yaangh 2:18-29).

2. Zien zunh doz horpc fai zuqc nyei jauv se ei jienv Ging-Sou nyei waac gorngv, se hnangv Bide njaaux nor, “Haaix dauh zunh doz oix zuqc za'gengh douc Tin-Hungh nyei waac.” (1 Bide 4:11). Eix-leiz se Tin-Hungh fai Ging-Sou hnangv haaix nor gorngv mbuo ei jienv Ging-Sou fai Tin-Hungh gorngv nyei waac, maiv pien mingh zaaix maiv pien mingh mbiaauc. Naaiv nyungc porv Ging-Sou nyei jauv mbuo bun Ging-Sou ganh porv Ging-Sou ganh. “Da'yietv longc jienv jiex oix zuqc bieqc hnyouv, maiv maaih haaix dauh haih longc ganh nyei za'eix porv mengh douc waac mienh douc daaih fiev wuov deix Ging-Sou nyei waac. 21 Weic zuqc maiv maaih haaix dauh haih ei ganh nyei eix douc Tin-Hungh nyei waac. Mienh douc Tin-Hungh nyei waac se ei Singx Lingh dorh ninh mbuo gorngv hnangv.” (2 Bide 1:20-21). Weic zuqc, “Douc-douc Ging-Sou, Tin-Hungh dorh mienh fiev yaac maaih lamh longc weic njaaux mienh, weic gorngv-hemx mienh, weic zorc mienh zoux dorngc nyei dorngx, weic njaaux mienh zoux horpc nyei jauv. Hnangv naaic ziouc bun Tin-Hungh nyei mienh duqv dunh yunh nzoih weic zoux nyungc-nyungc kuv sic.” (2 Ti^mo^tai 3:16-17). Yiem Ye^le^mi 14:14 wuov “ZIOUV aengx gorngv mbuox yie, "Naaiv deix douc waac mienh dengv yie nyei mbuox douc jaav nyei waac. Yie maiv heuc ninh mbuo mingh, maiv paaiv ninh mbuo yaac maiv caux ninh mbuo gorngv waac. Ninh mbuo longc jaav hinc yaangh nyei sic douc waac bun meih mbuo. Ninh mbuo mbouv guaax yaac maiv lamh longc. Ninh mbuo kungx ziux ganh nyei hnyouv nduov ganh.” Yiem E^se^ken 13:8-9 wuov, "….Ziouv TIN-HUNGH gorngv, "Weic zuqc meih mbuo douc waac mienh gorngv waac jaav yaac buatc hinc yaangh nyei sic se gorngv-baeqc hnangv, yie ziouc caux meih mbuo doix-dekc." Naaiv se Ziouv TIN-HUNGH gorngv nyei waac. 9 "Yie nyei buoz oix zoux bun buatc hinc yaangh nyei sic jaav nyei caux mbouv guaax gorngv gorngv-baeqc nyei waac wuov deix douc waac mienh. Ninh mbuo ziouc maiv duqv yiem yie nyei baeqc fingx nyei wuic gu'nyuoz yaac maiv maaih ninh mbuo nyei mbuox yiem I^saa^laa^en nyei zeiv-fun nyei mienh houz daan, yaac maiv duqv bieqc I^saa^laa^en Deic-Bung. Meih mbuo ziouc hiuv duqv yie se Ziouv TIN-HUNGH.” Zorqv nyungc zeiv taux tengx mienh jiex wuom nyei leiz wuov dauh Yo^han zunh nyei doz. “Yo^han buatc Faa^li^si Mienh caux Saa^ndu^si Mienh camv nyei daaih lorz ninh, oix jiex wuom nyei leiz ziouc gorngv ninh mbuo. Ninh gorngv, "Meih mbuo naaic ndui naang-doqc nyei buonv aah! Tin-Hungh dingc zuiz nyei ziangh hoc oix taux. Haaix dauh kuinx meih mbuo biaux ndutv? 8 Meih mbuo zoux sic oix zuqc bun cing meih mbuo goiv hnyouv guangc zuiz. 9 Yaac maiv dungx yiem hnyouv hnamv, 'Yie mbuo maaih Apc^laa^ham zoux yie mbuo nyei ong-taaix.' Yie mbuox meih mbuo, Tin-Hungh zungv haih zorqv naaiv deix la'bieiv zoux benx Apc^laa^ham nyei zeiv-fun.' 10 Ih zanc mbenc ziangx bouv, zungv an jienv ndiangx-gorn. Haaix diuh ndiangx ziangh biouv maiv kuv, oix zuqc goix guangc buov douz mingh.” (Matv^taai 3:7-10). Yiem naaiv mingh mbuo oix hoqc taux hnangv haaix nor mbenc zunh doz qorng nyei jauv. Weic haaix diuc mbuo oix zuqc mbenc zunh doz qorng? Mbenc zunh doz qorng nyei jauv tengx mbuo maiv mingh dorngc jauv, maiv cuotv Ging-Sou nyei eix-leiz caux hoc Daauh, zunh doz qorng nyei jauv se

38


hnangv hlang nor baeng jienv mbuo maiv cuotv Ging-Sou nyei eix-leiz. Aengx maaih nyungc se tengx muangx nyei mienh haih muangx duqv bieqc hnyouv, dongh mbuo gorngv nyei waac. Zunh doz qorng se maaih i nyungc, maaih nyungc se benx junh nyei zunh doz waac, fai dongh mbuo oix gorngv nyei waac, mbuo fiev nzengc cuotv daaih, se hnangv mbuo fiev sou fai fiev fienx nyei jauv nor. Maaih nyungc se mbuo fiev deix daaih tengx mbuo ganh haih jangx duqv mbuo oix gorngv haaix nyungc, yaac gorngv mingh haaix bung jauv, hnangv haaix nor. Naaiv nyungc jauv Ang^gitv waac fai Janx-Aeng nyei waac heuc (Sermon Outline). Full Sermon Outline se benx fiev nzengc waac nyei zunh doz qorng. Sermon outline hnangv nor benx fiev deix nyungc zeiv hnangv. Naaiv deix jauv se maiv zeiz leiz, sueih meih oix hnangv haaix nor fiev, hnangv haaix nor mbaih yaac duqv nyei. Oix fiev nzengc fai fiev junh mingh yaac duqv, fai fiev deix daaih bun meih ganh haih jangx duqv meih oix gorngv taux haaix nyungc jauv fai oix gorngv mingh haaix bung jauv hnangv yaac duqv.

VII. Preaching Contents

A. History Preaching/Theological Preaching1. Peach about God, sin, Salvation, Hell Satan, Angel 2. History preachers, Prophets, Apostles.3. Preaching Contents – Sin, Salvation, repentance.

B. Tradition Preaching.1. Always following old paths of tradition. 2. Traditional preach like, Pharisees, Sadducees, Old Catholic, Lutheran. 3. Preaching Contents – is always have to following man’s traditional pattern

C. Contemporary Preaching1. Always following the pattern of the world.2. Twisting the Scripture Word to fit the man’s desire. 3. Preaching Contents – is prosperity, love, forgiveness, unities, mercies. 4. Contemporary Preachers, like Robert Morris. Tim Harlow, Chip Ingram,John Piper, Craig Groeschel, Ted Haggard, Beth Moore, Luis PalauJoel Osteen, T. D. Jakes, Rick Warren, Hal Lindsey, Aimee Semple McPherson, Oral Roberts.

39


DA’faam GINC: ZUNH DOZ NYEI LEIZ-NYEIC (PRINCIPLES FOR PREACHING)

Biux Mengh Waac Introduction: Zunh Doz Nyei Jauv Se Za’gengh Jienv Haic. (1 Ko^lin^to 1:17-18; Lomaa 10:8-17). Weic zuqc zunh doz nyei jauv se mbuo tengx Tin-Hungh douc waac bun baamh mienh, lungh ndiev mienh. “ZIOUV gorngv, "Meih mbuo se yie nyei zorng-zengx mienh, yaac zoux yie nyei bou, dongh yie ginv wuov dauh, weic bun meih mbuo haih hiuv duqv yaac sienx yie, yaac mengh baeqc yie se ZIOUV. Cuotv liuz yie maiv maaih ganh dauh zienh. Zinh ndaangc maiv maaih, nqa'haav yaac maiv maaih.” (I^saa^yaa 43:10).

"Baamh mienh aah! Yie liepc meih zoux siouv gaeng mienh siouv I^saa^laa^en nyei zeiv-fun. Meih haaix zanc haiz yie gorngv, meih oix zuqc dorh yie nyei waac tengx yie donv ninh mbuo. 18 Se gorngv yie mbuox orqv mienh, 'Meih ndongc haaix zungv oix zuqc daic,' meih yaac maiv donv ninh yaac maiv kuinx ninh guangc nqoi ninh zoux orqv nyei jauv weic njoux ninh nyei maengc nor, wuov dauh orqv mienh zungv oix zuqc laaix ninh nyei zuiz daic, mv baac weic ninh zuqc daic yie bun meih ndaam-dorng. 19 Mv baac se gorngv meih donv orqv mienh, ninh yaac maiv guangc ninh zoux nyei orqv sic, yaac maiv guangc ninh zoux orqv nyei jauv. Ninh oix zuqc laaix ninh ganh nyei zuiz zuqc daic, mv baac meih duqv njoux cuotv meih ganh nyei maengc. 20 "Aengx maaih diuc. Se gorngv maaih dauh kuv mienh guangc ninh zoux nyei kuv sic aengx baamz zuiz, yie ziouc zorqv nyungc bun ninh ndiqv zuqc ndorpc, ninh yaac zuqc daic. Weic zuqc meih maiv donv ninh, ninh oix zuqc laaix ninh nyei zuiz daic. Ninh zoux jiex nyei kuv sic maiv maaih haaix dauh jangx. Weic ninh zuqc daic, yie bun meih ndaam-dorng. 21 Mv baac se gorngv meih donv kuv mienh maiv dungx baamz zuiz, ninh yaac maiv baamz zuiz, ninh ndongc haaix zungv duqv maengc ziangh, weic zuqc ninh duqv zipv meih donv nyei waac. Meih yaac duqv njoux meih ganh nyei maengc.” (E^se^ken 3:17-21).

Yesu gorngv, “meih mbuo oix zuqc mingh njaaux maanc fingx mienh zoux yie nyei sai-gorx. Oix zuqc dengv Die, Dorn caux Singx Lingh nyei mbuox tengx ninh mbuo jiex wuom nyei leiz, yaac njaaux ninh mbuo ei nzengc yie mbuox meih mbuo zoux nyei nyungc-nyungc. Jangx jienv oc. Yie yietc liuz caux meih mbuo yiem taux baamh gen nyei setv mueiz." (Matv^taai 28:19-20).

I. Mienh nyei njoux en se maaih buo nyungc jauv

1. Maaih Tin-Hungh nyei waac (Lomaa 10:17).

2. Maaih Singx Lingh (Yo^han 16:7-11; 1 Te^saa^lo^ni^gaa 1:5; 1 Bide 1:10-12

3. Baamh mienh nyei jaah sic (1 Te^saa^lo^ni^gaa 2:1-13).

40


II. Zunh doz nyei mouz deic jauv

1. Weic ceix siang-sai-gorx (Matv^taai 28:19-20; Maako 16:15).

2. Oix bun mienh maaih goiv yienc nyei maengc zuangv Giduc (E^fe^so 4:11-16).

III. Hnangv haaix nor haih zoux bun mienh maaih goiv yienc nyei maengc

1. Mbuox ninh mbuo hnangv haaix nor longc ninh mbuo nyei lienh lix – benx fienx.

2. Qouv ninh mbuo nyei ga’qiex – benx nyungc zeiv jauv.

3. Ndouv saaix ninh mbuo oix zuqc zoux nyei jauv –dorh daaih beiv longc yiem maengc.

IV. Haaix zanc meih mbenc meih nyei zunh doz waac nyei ziangh hoc naaic gaax meih ganh

1. Naaic taux muangx meih nyei waac nyei mienh

a. Nin mbuo se haaix dauh (hnyaangx jeiv nyei jauv, leiz-fingx nyei jauv, lingh wuonh nyei jauv, caux dongh ninh mbuo qiemx zuqc nyei jauv, se hnangv lingh wuonh qiemx zuqc nyei jauv fai buonh sin qiemx zuqc nyei jauv lo haaix)?

b. Ninh mbuo hiuv duqv haaix nyungc jauv?

c. Ninh mbuo qiemx zuqc haaix nyungc jauv?

2. Naaic taux dongh meih doqc wuov douc Ging-Sou

a. Naaiv se gorngv taux haaix nyungc jauv?

b. Naaiv se njaaux taux haaix nyungc jauv?

c. Tin-Hungh oix yie hnangv haaix nor zoux?

d. Dongh haaix nyungc gouv fai /caux haaix nyungc, nyungc zeiv yie haih dorh daaih longc tengx porv mengh naaiv douc Ging-Sou nyei waac bun mienh muangx?

e. Aengx maaih haaix norm dorngx nyei Ging-Sou maaih eix-leiz caux naaiv douc Ging-Sou nyei waac fih hnangv nyei fai?

V. Fiev zunh doz qorng nyei jauv

1. Biux mengh waac nyei jauv

a. Biux mengh waac se benx jiex gorn nyei waac, jiex gorn nyei waac se oix zuqc longc waac gorngv daaih haih baeng duqv mienh nyei hnyouv daaih muangx zunh doz nyei waac nyei jauv (se hnangv waac-naaic nyei jauv, fai gouv, fai liemh zeiv cuotv daaih nyei mbuoqc horngh sic, fai dongh mienh zaah cuotv daaih nyei jauv.

41


b. Biux mengh taux dongh mbuo oix gorngv nyei jauv bun mienh hiuv (baeng mienh nyei hnyouv mienh hnamv nyei jauv daaih gapv zunv muangx mbuo nyei zunh doz waac).

2. Doz nyei sin fai doz nyei koux-nyuoz

a. Porv mengh yietc ginc yietc ginc nyei hoc dauh bun mienh muangx, longc nyungc zeiv jang-hoc, caux dorh daaih longc nyei jauv yiem ginc-ginc hoc dauh nyei porv mengh waac

b. Ging-Sou nyei gouv, zien maengc nyei gouv, caux waac-beiv gouv, fai hnamv daaih benx daaih nyei gouv fai nyungc zeiv yaac haih tengx duqv mienh bieqc hnyouv taux mbuo zunh nyei Ging-Sou waac.

3. Setv mueiz waac (The conclusion)

a. Setv mueiz waac aengx nzamc nzunc taux yietc zungv hoc daaih nyei doz, bun mienh haih hungh heic jangx duqv mbuo zunh jiex daaih nyei waac.

b. Bun mienh hiuv duqv, cing nyei caux mv maaih ganh nyungc jauv, meih oix ninh mbuo ei jienv zoux nyei jauv se dongh haaix nyungc.

4. Kuinx mienh daaih fai heuc mienh daaih nyei jauv – se heuc ninh mbuo oix zuqc dingc hnyouv zoux nyei jauv, dingc hnyouv zoux nyei jauv se bun meih caux ganh dauh haih hiuv duqv dingc ninh mbuo za’gengh goiv hnyouv yienc eix nyei jauv.

5. Bun mienh hiuv nyei jauv se bun mienh hiuv duqv ninh mbuo gengh duqv dingc hnyouv oix goiv yienc, mienh yaac haih tengx jienv daux gaux weic ninh mbuo, caux bun meih yaac haih mingh mangc ninh mbuo, tengx ninh mbuo daux gaux.

VI. Longc jienv nyei zunh doz leiz-nyeic

1. Zunh doz nyei waac oix zuqc gorngv daaih mengh nyei yaac njang nyei (oix zuqc lorz waac longc waac aiv nyei, benx pouh tong nyei waac, se gorngv mienh mv maaih kauv hoqc nyei jauv nor, hnamv daaih nyei jauv yaac oix zuqc zaqc nyei cing nyei, mienh cingx daaih haih gan duqv zuqc meih gorngv nyei waac – pouh tong mienh haiz Yesu zunh liuz doz ninh mbuo gengh a’hneiv haic).

2. Se gorngv haih ginc hoc Daauh meih hnamv daaih mienh maiv bieqc hnyouv fai maiv mengh baeqc nor, meih oix zuqc lorz nyungc zeiv mengh nyei beiv bun ninh mbuo hiuv taux benx zien sic nyei jauv.

3. Meih mbenc nyei zunh doz qorng, oix zuqc zoux heic nyei cing nyei fai mengh nyei, heic duqv gan, heic duqv zoux nyei, mienh muangx liuz yaac ei jienv zoux wuov nyungc.

VII. Hnangv haaix nor gorngv waac nyei jauv

1. Bungx hnyouv meih ganh – maiv dungx huaang; maanc-maanc zoux, maiv gunv hnangv naaic mv baac oix zuqc taaih ziangh hoc yaac longc horpc ziangh hoc caux yaac oix zuqc zoux hnyouv suonc nyei.

42


2. Maaih ziex nyungc za’eix fai ziex nyungc jauv meih haih zoux nyei, zoux qiex hlo fai qiex faix, fai longc buoz zoux nyungc zeiv, fai yangh jauv jiex mingh jiex daaih yaac duqv.

3. Longc buoz zaux zoux nyungc zeiv se benx maaih eix-leiz nyei jauv, jienv jiex se (oix zuqc hoqc zoux daaih bun ninh maaih eix-leiz doix meih njaaux nyei waac) caux meih yaac haih zoux gauh camv jienv mingh.

4. Meih yaac longc fai zoux qiex hlaang qiex aiv nyei jauv, yaac haih gorngv waac hlo nyei mbui nyei, longc nzengc meih nyei qaqv gorngv waac

5. Oix zuqc bangc Ziouv yangh meih daux gaux nyei jauv, yaac oix zuqc daux gaux tov Ziouv dorh jauv, tov Ziouv bun meih maaih hnyouv qaqv, yaac maaih hnyouv zoux, fai maaih hnyouv hnamv taux.

6. Oix zuqc longc zingx hnyouv zunh, caux yaac kungx hnamv taux Ziouv buatc horpc hnyouv nyei jauv hnangv (1 Te^saa^lo^ni^gaa 2:1-12; 2 Ko^lin^to 4:15; Gaa^laa^tie 6:14).

7. Jangx jienv oc zunh doz nyei jauv se maiv haih ei ganh nyei hnyouv zunh, mv baac oix zuqc ei Tin-Hungh nyei waac. Zunh doz se douc Tin-Hungh nyei waac, zunh doz mienh se Tin-Hungh nyei douc fienx mienh. Weic naaiv, “Haaix dauh zunh doz oix zuqc za'gengh douc Tin-Hungh nyei waac.” (1 Bide 4:11

8. Tin-Hungh gorngv, “Yie bun yie nyei bou nyei waac cuotv daaih zien, yaac ziux yie nyei douc fienx mienh gorngv nyei waac zoux ziangx. Ninh mbuo gorngv, 'Ye^lu^saa^lem zungv oix maaih mienh yiem,' yaac gorngv taux Yu^ndaa, 'Yu^ndaa nyei zingh aengx duqv liepc daaih, mbaang waaic nyei dorngx yie aengx duqv ceix jiez.” (I^saa^yaa 44:26

VIII. Kauv Njaaux Nyei Leiz-Nyeic

1. Zoux fin-saeng nyei jauv, ih hnoi meih dingh maiv hoqc maiv hlo, njang hnoi meih yaac dingh maiv njaaux maiv hlo.

2. Nyungc zeiv se hnangv mbuo nyanc hnaangx nor, mbuo nyanc hnaangx se weic tengx mbuo haih duqv ziangh jienv. Se gorngv ih hnoi mbuo nyanc maiv duqv hnaangx, njang hnoi mbuo ziouc jiex gorn butv baengc aqv.

3. Norm-norm ziangh hoc meih ziangh jienv, meih hoqc hiuv; caux hnangv meih hoqc jienv mingh, meih yaac ziangh jienv mingh. Ih hnoi meih dingh maiv hoqc, njang hnoi meih yaac dingh maiv ziangh.

4. Yiem kauv hoqc nyei leiz gorngv, kauv hoqc nyei jauv se gauh camv jiex bun kauv hoqc nyei mienh oix zuqc zanc-zanc zoux gong, yaac oix zuqc zanc-zanc mingh kauv hoqc jienv yiem cingx daaih haih haih. Naaic se zien nyei, maaih yietc diuc jauv: Kauv hoqc nyei mienh oix zuqc zoux maaih eix-leiz nyei jauv, se gorngv ninh oix haih nor, ninh oix zuqc zanc-zanc hoqc jienv yiem cingx daaih haih haih.

43


IX. Maiv Bun Zoux Yiem Zunh Doz Nyei Ziangh Hoc (Preaching Prohibitions)

1. Se gorngv biux mengh nyei waac ndaauv haic nor se guangc mbuo nyei zunh doz ziangh hoc

2. Zunh doz mienh se hnangv yietc laanh mienh duqv haiz fienx fai qiex heuc gorngv gaanv njoux maengc ov! mienh ndortv wuom daic aqv lov!. Ninh se aqc zuqc dingc hnyouv kungx zoux nduqc nyungc jauv hnangv weic lorz jauv tengx dongh qiemx zuqc nyei mienh. Mv baac se gorngv ninh longc biaa mingh lorz ziepc buon ziangh hoc gorngv ninh nyei biux mengh waac nor, ninh se hnangv yietc laanh mienh mingh njoux ndortv wuom nyei mienh, mv baac ninh ngaih jienv mingh, maiv zeiz gaanv siepv nyei mingh njoux ndortv wuom nyei mienh.

3. Longc jienv yiem biux mengh waac nyei se liepc ceix dongh mienh oix muangx nyei jauv caux tengx muangx nyei mienh haiz liuz meih nyei zunh doz waac haih tengx ninh mbuo goiv hnyouv yienc eix nyei jauv. Meih gorngv ndaauv ndongc haaix, muangx nyei mienh, yaac maiv muangx meih ndaauv ndongc haaix.

4. Nyungc zeiv taux longx nyei biux mengh waac nyei jauv. “Ninh faaux Tin-Dorngh Mi’aqv.” Ninh gengh faaux Tin-Dorngh mi’aqv? Tin-Dorngh yiem haaix? Naaiv haaix nyungc? Naaiv se benx dorngx fai? Mbuo haih hiuv duqv naaic se haaix nyungc nyei fai? Fai Ong-taaix zoux haaix nyungc ndortv deic-nyuoqc? Deic-nyuoqc yiem haaix? Deic-nyuoqc se kouv nyei fai kuh yiem nyei?

5. Jangx jienv maiv dungx la’guaih hnamv daaih gorngv nyei jauv. Mienh daaih zoux leiz-baaix weic oix muangx Tin-Hungh nyei waac tengx orn ninh mbuo nyei hnyouv, tengx ninh mbuo jaev nzauh. Tengx ninh mbuo hnangv haaix nor zoux duqv horpc Tin-Hungh nyei hnyouv, maiv zeiz daaih muangx mbuo gorngv gouv nyei jauv. Maaih ziex norm dorngx nyei Ging-Sou donv mbuo maiv dungx jiex gapc jaaix cuotv Ziouv gorngv nyei waac, haaix nyungc maiv zeiz Ging-Sou nyei waac maiv dungx dorh daaih gorngv mbuox mienh, mbuo hnangv naaiv zoux se mangc piex Tin-Hungh, Tin-Hungh yaac oix dingc mbuo nyei zuiz. Se gorngv mbuo zunh doz maiv douc Tin-Hungh nyei waac nor, muangx gaax Tin-Hungh hnangv haaix nor gorngv? Tov meih doqc (Ye^le^mi 23:9-40).

6. Maiv gunv mbuo buatc mienh gorngv gouv mienh oix muangx nyei, caux mienh gorngv pa’li^pa^laix nyei jauv yaac buatc mienh a’hneiv nyei, mienh gorngv kuh jatv nyei jauv nduov mienh jatv mangc daaih daaix benx longx haic nyei jauv, mv baac maiv dungx zuotc maiv lamh longc nyei sic. Naaiv nyungc jauv se hnangv bun dorngh mienh nyanc nor gaam dangh nzuih hnangv, maiv yungh mienh nyei lingh wuonh, maiv tengx mienh haih hiuv duqv Tin-Hungh. Tin-Hungh yaac donv mbuo maiv dungx gan mienh camv zoux waaic (Cuotv I^yipv 23:1-2).

How To Prepare Sermon Outline 44


Hnangv Haaix Nor Mbenc Zunh Doz Qorng Nyei JauvDa’feix Ginc Hoc Dauh Doz (Topical Sermon):

Biux Mengh Waac: Mbuo jiex gorn oix gorngv taux hoc daauh doz nyei zunh doz qorng caux porv mengh waac nyei jauv hnangv haaix nor. Ndangc maengx mbuo oix gorngv taux ninh nyei bun-ginc caux orn-mbaih nyei jauv, oix bun mbuo hnamv taux mbuo zunh doz nyei hoc daauh caux Ging-Sou nyei jauv, naaiv ginc kauv hoqc nyei jauv haih tengx meih hiuv taux mbenc hoc daauh doz nyei orn-mbaih jauv oix zuqc hnangv haaix nor zoux. Yiem naaiv meih oix hiuv duqv dongh meih maiv gaengh duqv hiuv nyei jauv. Longx-longx samx mangc porv mengh nyei jauv. Jangx jienv, da’yietv kang domh hoc daauh fai “doz nyei mbuox nyei hoc daauh se zorqv yiem ninh ganh daaih. Ninh nyei eix-leiz se hoc daauh doz nyei hoc daauh jiex gorn yiem hoc daauh ndaangc, ganh joux waac se “hoc daauh doz” jiex gorn oix zuqc lorz hoc daauh daaih ndaangc, nqa’haav lorz Ging-Sou daaih puix fai dengv hoc daauh. Da’nyeic kang porv mengh nyei waac gorngv hoc daauh doz se maiv zuqc longc Ging-Sou nyei waac zoux hoc daauh. Naaiv se maiv zeiz gorngv zunh doz nyei jauv se maiv zeiz Ging-Sou nyei waac, ninh nyei eix-leiz se gorngv hoc daauh doz nyei hoc daauh se maiv zeiz yiem Ging-Sou nyei waac cuotv daaih, fai Ging-Sou nyei waac maiv zeiz yiem hoc Daauh daaih. Maiv gunv hnangv haaix yaac oix zuqc hiuv duqv dingc meih porv nyei jauv, joux-joux waac oix zuqc yiem Ging-Sou nyei waac daaih, mbuo oix zuqc jiex gorn yiem Ging-Sou nyei waac fai hoc Daauh. Domh hoc Daauh nyei bun-ginc nyei orn-mbaih oix zuqc zorqv yiem Ging-Sou gu’nyuoz cuotv daaih zoux hoc Daauh, caux ginc-ginc domh hoc daauh oix zuqc maaih Ging-Sou daaih dengv. Yiemc-yiemc Ging-Sou nyei waac oix zuqc dengv taux hoc Daauh, maiv gunv gorngv wuov deix Ging-Sou oix zuqc zorqv yiem ziex norm dorngx daaih. Domh bun nyei jauv yiem hoc Daauh doz se oix zuqc yiem Ging-Sou nyei waac daaih, yaac oix zuqc maaih Ging-Sou daaih dengv norm-norm domh bun nyei hoc Daauh. Yiemc-yiemc Ging-Sou nyei waac oix zuqc dengv taux domh hoc Daauh. Domh bun nyei hoc dauh maiv gunv eix-leiz maaih deix leih doic go, mv baac kang-kang mbuo zungv oix zuqc longc Ging-Sou, fai yiemc-yiemc Ging-Sou oix zuqc bieqc Hoc Daauh Doz. Hoc daauh doz nyei mouz deic jauv se gauh camv jiex ei hoc daauh, fai hoc daauh oix zuqc ei Ging-Sou daaih. Maaih deix ziangh hoc hnangv deix Ging-Sou doz nor, mbuo haih longc Ging-Sou nyei waac zoux hoc daauh nyei. Mv baac gauh camv jiex se ninh nyei hoc daauh maiv zeiz yiem Ging-Sou nyei waac daaih, mv baac mbuo oix zuqc lorz Ging-Sou nyei waac daaih puix hoc daauh. Hoc daauh doz nyei qorng caux orn-mbaih jauv se benx yietc nyungc hiuang-hienv nyei sic, se gorngv meih maiv bieqc hnyouv fai maiv haih mbaih nor meih ziouc cuotv Gong-Sou nyei eix-leiz fai mouz deix mi’aqv. Se hnangv maaih deix ziangh hoc, mbuo haiz mienh zunh doz nyei waac caux ninh mbuo nyei doz nyei mbuox fai domh hoc daauh maiv bieqc doic nyei jauv nor. Hnangv loz-hnoi mienh maaih joux waac gorngv “dong hlieqv zueih fai mborqc mborng nyei wuov nyungc jauv. Aengx maaih nyungc se hnangv mbuo gorngv ken ndiangx-gorn ziouc maaz nor. Naaiv nyungc hoc daauh doz se bun qiangx zunh doz mienh wuotv Ging-Sou nyei waac, hnangv

45


naaic cingx daaih maaih deix zunh doz mienh maiv gunv haaix nyungc jauv, la’guaih ei ganh nyei hnyouv zoux ziouc pien cuotv Ging-Sou nyei eix-leiz, yaac benx njaaux jaav leiz nyei jauv. Yaac bun qiangx zunh doz mienh maaih dorngx jangx nyei mbenc zunh doz waac, mv gunv hnangv naaic mv baac mbuo oix zuqc faix fim, maiv dungx mingh go jiex ndaangc cuotv Ging-Sou nyei eix-leiz. Naaiv nyungc zunh doz nyei waac gauh camv jiex se benx fin-saeng ganh nyei hnyouv hnamv cuotv daaih nyei waac, maiv zeiz yiem Ging-Sou nyei waac daaih. Weic zuqc zunh doz mienh gauh camv jiex se kungx doqc i ziex yiemc Ging-Sou hnangv, liuz jiex mingh wuov deix porv mengh nyei waac yietc zungv yiem ninh ganh nyei hnyouv hnamv cuotv daaih nyei waac, maiv zeiz yiem Ging-Sou daaih. Naaiv nyungc zunh doz nyei jauv gauh camv jiex se bun mbuo hungh heic cuotv Ging-Sou nyei korn^taekv, hungh heic dorngc jauv.

HOC DAAUH DOZ NYEI NYUNGC ZEIV SE HNANGV NAAIV (EXAMPLE OF A TOPICAL SERMON)

Oix haih duqv bieqc hnyouv gauh longx nor, bun mbuo juangc jienv ceix hoc daauh doz nyei bun-ginc jauv. Mbuo haih ginv mbuo nyei hoc daauh gorngv, “weic haaix diuc Tin-Hungh maiv dau mbuo nyei daux gaux waac.” Jangx jienv naaiv mbuo maiv longc Ging-Sou nyei waac zoux doz nyei mbuox fai hoc daauh, mv baac naaiv m’daaih Ging-Sou nyei waac. Yiem naaiv norm hoc daauh mbuo oix zuqc baeng fai lorz mbuo nyei domh hoc daauh fai (main topic of divisions) fai domh bun-ginc nyei hoc daauh. Mbuo oix zuqc lorz Ging-Sou nyei waac daaih dengv dongh gorngv taux “weic haaix diuc Tin-Hungh maiv dau mbuo nyei daux gaux waac nyei jauv”. Yiem naaiv norm hoc daauh mbuo ziouc liemh zeih haih jangx taux ziex yiemc Ging-Sou nyei waac dongh gorngv taux weic haaix diuc Tin-Hungh maiv dau mbuo nyei daux gaux waac nyei jauv: Nyungc zeiv se hnangv, yiem Yaagorpc 4:3; Singx Nzung 66:18; Yaagorpc 1:6-7; Matv^taai 6:7; Congh Mengh Waac 28:9; 1 Bide 3:7. Yiem naaiv mbuo buatc maaih ziex yiemc Ging-Sou longx haic, yaac gorngv duqv mengh gau weic haaix diuc Tin-Hungh maiv dau mbuo nyei daux gaux waac. Ei jienv naaiv deix Ging-Sou nyei waac, mbuo haih bun mbuo nyei domh hoc daauh fai domh bun nyei ginc-soux orn-mbaih (main divisions): I. Tov Dorngc Fai Tov Maiv Zuqc Jauv (Yaagorpc 4:3).II. Maaih Zuiz Yiem Hnyouv (Singx Nzung 66:18).III. Maiv Sienx Tin-Hungh Nyei Waac (Yaagorpc 1:6-7).IV. La’ Guaih Gorngv (Matv^taai 6:7).V. Maiv Muangx Leiz-Latc (Congh Mengh 28:9).VI. Cai-Doix Maiv Maaih Horpc Fim (1 Peter 3:7).

Yiem naaiv mbuo maaih Ging-Sou nyei waac zoux domh hoc daauh, gorngv taux weic haaix diuc Tin-Hungh maiv dau mbuo nyei daux gaux waac. Naaiv deix kang-kang, yiemc-nyiemc Ging-Sou dengv taux weic haaix diuc Tin-Hungh maiv dau mbuo nyei daux gaux waac nyei jauv.

46


HNAMV NYEI JAUV OIX ZUQC DOIX-DIUC (UNITY OF THOUGHT) Oix zuqc ei jienv gu’nguaaic bun daaih naaiv deix doz nyei hoc daauh nyei mbu’ndongx-fim nyei za’eix. Ganh joux waac eix-leiz se oix zuqc lorz Ging-Sou fai porv mengh nyei jauv, fai mbuo longc nyei nyungc zeiv eix-leiz oix zuqc doix mbuo nyei Ging-Sou nyei domh hoc daauh fai (Title or Topic), dongh mbuo nyei domh bun-ginc gu’nguaaic naaiv; dongh gorngv weic haaix diuc Tin-Hungh maiv dau mbuo nyei daux gaux waac. M’nziex mbuo hnamv taux ziex nyungc jienv nyei jauv, zien nyei jauv taux daux gaux nyei jauv.

MBENC HOC DAAUH DOZ NYEI LEIZ-NYEIC NYEI ORN-MBAIH JAUV (BASIC PRINCIPALS FOR THE PREPARATION OF TOPICAL OUTLINE)

1. Domh ginc fai domh hoc daauh se oix zuqc mengh nyei yaac maaih yietv maaih nyeic nyei. Eix-leiz se dongh mbuo ziangv mingh nyei dorngx, oix zuqc maaih mouc deic yaac maaih eix-leiz nyei, fai maaih yietc nyeic nyei mingh, mv baac mbuo yaac oix zuqc hnamv taux mbuo nyei hoc daauh hnangv haaix nor. Mbuo ginv norm mbuox daaih zoux hoc dauh, zoux nyungc zeiv, liuz mbuo yaac oix ei jienv naaiv norm hoc daauh mbenc mbuo nyei zunh doz qorng fai orn-mbaih nyei jauv (outline). Nyungc zeiv se hnangv: Doz Nyei Mbuox: "Buoqc Zangc Maaih Jaax-Zinh Nyei Ziouv" Hoc Daauh: “Yesu Giduc se benx maaih jaax-zinh nyei Ziouv”I. Weic zuqc Ninh se Tin-Hungh benx baamh mienh daaih, Matv^taai 1:23. II. Weic zuqc Ninh se zoux baamh mienh nyei Njoux Ziouv, 1 Ti^mo^tai 1:15. III. Weic zuqc Ninh se dongh aengx daaih wuov dauh hungh diex, Laauc Yaangh 11:-15.

Samx mangc naaiv norm qorng se zueih yietv zueih nyeic mingh. Yesu Giduc, se Tin-Hungh nyei Dorn, da’yietv Ninh benx baamh mienh, liuz Ninh siev Ninh ganh nyei maengc mingh daic yiem ziepc nzaangc jaax benx mbuo nyei Njoux Ziouv, maaih hnoi Ninh oix njiec daaih gunv mbuo se hnangv hungh nyei Hungh ziouv nyei Ziouv.

Mbuo yaac samx mangc buatc hoc daauh doz nyei qorng se yiem hoc daauh daaih, se maiv zeiz yiem mbuox daaih. Yietc zungv fih hnangv nyei, yiem naaiv zaang sou nyei yietc nyeic bun-ginc qorng nyei jauv.

2. Maaih deix ziangh hoc domh hoc daauh se ei jienv doz nyei hoc daauh cuotv mbuox. Naaiv nyungc bun-ginc nyei jauv se mbuo oix zuqc longc Ging-Sou nyei waac dongh maaih eix-leiz fih hnangv nyei wuov daaih zoux domh hoc daauh. Nyungc zeiv se hnangv naaiv, mbuo ih zanc oix longc Saa^daan zoux mbuo nyei doz nyei hoc daauh, liuz mbuo oix lorz yietc zungv Ging-Sou dongh gorngv taux Saa^daan nyei jauv wuov daaih zoux mbuo nyei domh hoc daauh (main divisions):

47


Hoc Daauh: “Saa^daan Se Mbuo Nyei Win-Wangv” Hoc Daauh: Ging-Sou gorngv taux Saa^daan nyei zien jauv-louc. I. Saa^daan nyei jiex gorn jauv fai gorn-baengx (His origin), E^se^ken 28:12-17. II. Saa^daan ceux lunc yaac zuqc zunc cuotv Tin-Dorngh (His fall), I^saa^yaa 14:1-15.III. Saa^daan nyei guv-guai za’eix, E^fe^so 6:11-12; Lugaa 11:14-18. 1 Te^saa^lo^ni^gaa 2:18. IV. Saa^daan yiem nyei dorngx (His destiny), Matv^taai 25:41; Laauc Yaangh 20:7-10.

3. Domh hoc daauh fai (main divisions) se biux mengh taux “doz nyei mbuox fai hoc daauh” nyei jauv, mbuo baeng fai zorqv ziex norm dorngx nyei Ging-Sou daaih tengx porv mengh taux doz nyei hoc daauh. Dongh yiem ga’ndiev naaiv se benx nyungc zeiv bun mbuo hiuv duqv, yaac buatc taux ninh nyei bun-ginc waac hnangv haaix nor. Mbuo oix longc “hiuv duqv Tin-Hungh nyei waac” zoux mbuo nyei doz nyei hoc daauh fai doz nyei mbuox.

Hoc Daauh: “Hiuv Duqv Tin-Hungh Nyei Waac”I. Hiuv duqv Tin-Hungh nyei waac tengx mbuo guai yiem njoux en nyei jauv, 2 Ti^mo^tai 3:15.II. Hiuv duqv Tin-Hungh nyei waac tengx mbuo maiv baamz zuiz, Psalm 119:11.III. Hiuv duqv Tin-Hungh nyei waac tengx mbuo nyei lingh wuonh haih hlo, 1 Peter.2:2. IV. Hiuv duqv Tin-Hungh nyei waac bun mbuo nyei maengc maaih siou-sengh, Yo^su^waa 1:7-8.

Nyungc zeiv se hnangv naaiv, ginc-ginc, bun-ginc waac nyei hoc Daauh se oix zuqc dengv taux Doz nyei “Hoc Daauh” se hnangv gu’nguaaic naaiv nor, norm-norm domh hoc Daauh biux mengh taux hiuv duqv Tin-Hungh nyei Waac. Kang-kang domh bun-ginc nyei Ging-Sou waac se yiem ganh norm dorngx daaih, mv baac ninh nyei eix-leiz se borqv mbaih jienv nyei, yaac fih hnangv nyei. 4. Yiem naaiv nyungc hoc Daauh doz nyei zunh doz qorng se benx beiv mangc Ging-Sou nyei jauv. Nyungc zeiv se hnangv Yesu gorngv yiem Matv^taai 5:13 wuov nor, "Meih mbuo se hnangv nzauv weic yiem baamh mienh mbu'ndongx. Mv baac se gorngv nzauv nyei mueix tuix zaamv mingh, hnangv haaix nor noic duqv aengx nzaaih daaih? Naaiv deix nzauv maiv lamh longc aqv. Oix zuqc dox guangc bun mienh caaiv hnangv.”

Yiem naaiv yiemc Ging-Sou mbuo zaah mangc buatc duqv mengh nyei, Yesu dorh mbuo Giduc Mienh mingh beiv taux nzauv nyei jauv se yiem mbuo zoux nyei sic, biux mengh taux mbuo benx haaix nyungc mienh, Giduc Mienh nyei zorng-zengx se hnangv nzauv nor:

48


Hoc Daauh: “Kuv Zorng-Zengx”Hoc Daauh: Beiv nyei jauv se hnangv sienx nyei mienh caux nzauv. I. Hnangv nzauv, Giduc Mienh nyei zorng-zengx oix zuqc maaih eix-leiz, Ko^lo^si 4:6. II. Hnangv nzauv, Giduc Mienh nyei zorng-zengx oix zuqc cing-nzengc, 1 Te^saa^lo^ni^gaa 4:4.III. Hnangv nzauv, Giduc Mienh nyei zorng-zengx oix zuqc maaih mueix, Matv^taai 5:13.IV. Hnangv nzauv, Giduc Mienh nyei zorng-zengx bun mienh buatc ziouc ngorc, 1 Bide 2:12. 5. Yiem naaiv deix domh bun nyei jauv se nziex maaih juqv joux waac maiv fih hnangv yiem Gikc waac nyei jauv, naaiv deix juqv joux waac se hnangv “yangh jauv” tengx mbuo haih bieqc hnyouv waac nyei eix-leiz. Naaiv deix waac se m’nziex mbuo haih zaah mangc gaax ninh nyei waac gorn hnangv haaix nor porv mengh, nyungc zeiv se hnangv Gikc waac fai Hipv^lu nyei waac. Nyungc zeiv se hnangv “tongx nimc” wuov joux waac longc yiem Siang-Ngaengc Waac benx Gikc waac yoc hnangv haaix nor gorngv, maaih haaix nyungc eix-leiz maiv fih hnangv. Naaiv deix nyungc zeiv se hnangv jiex mingh naaiv deix bun-ginc nyei jauv nor.

Hoc Daauh: “Gaqv Jienv Nyei Jaax-Zinh Tin-Hungh Nyei Fai Mienh Nyei”

Hoc Daauh: Maaih eix-leiz nyei waac “tongx nimc” yiem Gikc Waac Siang-Ngaengc Waac gorngv:I. Jaax-zinh duqv jaauv liuz aqv, 1 Ko^lin^to 6:20II. Maaih jaax-zinh nyei ga’naaiv se maaih dauh mienh dingc daaih, Ko^lo^si 2:23III. Tongx nimc caux taaih ginx nyei jauv se bun mienh mi’aqv, 1 Ti^mo^tai 1:17; Hipv^lu 2:9.IV. Jaaix jiex nyei Giduc bun sienx nyei mienh, 1 Bide 2:7.

6. Domh bun nyei jauv se maiv horpc zuqc longc fai dorh dongh meih doqc wuov deix Ging-Sou nyei waac wuotv daaih longc dengv meih nyei hoc Daauh. Mv baac meih doqc nyei Ging-Sou se oix zuqc caux meih nyei hoc Daauh bieqc doic, fai maaih eix-leiz dengv taux meih nyei hoc Daauh. Meih nyei orn-mbaih nyei domh hoc Daauh yaac oix zuqc bieqc meih nyei doz nyei hoc Daauh.

Hoc Daauh doz nyei jauv se zanc-zanc maaih hiuaang-hienv nyei sic, mienh haih wuotv Ging-Sou nyei waac; hnangv naaic, zunh doz mienh oix zuqc zanc-zanc faix fim jienv yiem dongh longc nyei kang-kang Ging-Sou oix zuqc bieqc ninh nyei hoc Daauh fai dengv taux doz nyei hoc Daauh maiv dungx wuotv Ging-Sou nyei waac daaih ziouc fai ei ninh nyei hoc Daauh. Haaix zanc meih oix longc fai zunh taux wuov douc Ging-Sou nyei waac, meih oix zuqc faix fim nyei doqc taux bieqc hnyouv dongh fiev Ging-Sou nyei mienh gorngv nyei jauv mingh haaix bouc ndau, fai Ging-Sou nyei korn^taekv gorngv mingh haaix bung ndau. Zorqv nyungc zeiv, Baulo fin-saeng weic haaix diuc heuc Ti^mo^tai oix zuqc hopv deix a’ngunc diuv, maiv dungx kungx hopv wuom-baeqc hnangv?

49


(1 Ti^mo^tai 5:23). Yiem naaiv yiemc Ging-Sou mbuo oix zuqc porv mingh haaix bung ndau cingx daaih zuqc ninh nyei mouz deix? Mbuo mbuox mienh maiv dungx kungx hopv wuom hnangv, oix zuqc hopv deix diuv fai? Zungv maiv zeiz, mbuo buatc Baulo gorngv mbuox Ti^mo^tai oix zuqc hopv deix a’ngunc diuv se weic zuqc Ti^mo^tai maaih ga’sie mun nyei baengc, ninh mbuo longc a’ngunc diuv zoux ndie, maiv zeiz weic zoux diuv hopv fai diqv diuv. Mv baac dongh oix hopv diuv nyei mienh wuotv fai aauv naaiv douc Ging-Sou nyei waac, mbuox mienh gorngv hopv duqv diuv nyei, Baulo zungv heuc Ti^mo^tai hopv.

HOC DAAUH GING-SOU NYEI WAAC (TOPICAL SERMON)

Mbenc hoc daauh doz nyei zunh doz qorng fai orn-mbaih nyei jauv fai waac se benx jangv haic nyei jauv. Nyungc zeiv se hnangv gaax mv maaih dorngx setv mueiz nor, maaih ziex nyungc jauv haih mbenc, mv baac ninh nyei leiz maiv bun meih mingh go jiex ndaangc, meih kungx haih longc duqv deix baav nyungc zeiv hnangv. “Nyungc zeiv se hnangv yietc dauh dunh yunh nyei Mienh” mbuo longc naaiv zoux doz nyei hoc daauh. “Giduc Nyei Hnamv” “Yesu Nyei Hmien” “Yesu Nyei Buoz” “Yesu Nyei Wuom Mueic” “Yesu Nyei Ziepc Nzaangc Jaax” “Yesu Nyei Nziaamv” “Yesu Nyei Mbuox.” Nziex maaih deix ziangh hoc fin-saeng qiemx zuqc nyungc baav hoc daauh daaih puix dongh jiu baang mienh mingh dorngc nyei jauv, ninh haih ginv camv-nyungc jauv daaih zoux ninh nyei hoc daauh, nyungc zeiv se hnangv “pouh tong nyei mienh,” “lingh wuonh mbioz-mbioz nyei jauv” caux longc gan fai ei ninh nyei “hoc daauh” yiem ziex nyungc jauv.

Nyungc-Zeiv Taux Hoc Daauh Doz Nyei Zunh Doz Qorng

1. Hoc Daauh: “Siec Nyungc Daic Nyei Zuiz” Ging-Sou: Congh Mengh Waac 6:16-19 “ZIOUV nzorng nyei maaih juqv nyungc, ninh gamh nziev nyei, youx nyei maaih siec nyungc. 17 Maaih m'zing-jaax hlang, gorngv-baeqc nyei nzuih, buoz daix maiv zoux dorngc nyei mienh, 18 hnyouv daav orqv nyei za'eix, zaux tiux siepv nyei mingh lorz orqv nyei sic, 19 zoux jaav zorng-zengx nyei mienh tauv qiex kungx cuotv gorngv-baeqc nyei waac, caux mienh yiem ninh nyei gorx-youz mbu'ndongx coqv lunc mienh.”

Biux Mengh Waac: Jiex daaih duqv juqv gitv lungh ndiev aqv, loz hnoi maaih dauh Pope, mbuox heuc Gregory. Ninh gorngv yiem naaiv lungh ndiev se maaih siec nyungc zuiz, ninh cuotv mbuo heuc daic nyei zuiz. Naaiv deix zuiz se hnangv, “Ceng-hlo, qiex jiez, mueic jieqv, zoux maiv cing-nzengc, mauv nyanc mauv hopv, nzorng mienh, mangc mienh maiv faaux mueic, mauv zinh nyaanh, caux gorngv waac-huv nyei jauv. Ninh funx naaiv nyungc zuiz se benx waaic nyei zuiz. Naaiv nyungc zuiz se hnangv butv gomh huv baengc nyei zuiz nor hoic mienh.

I. CENG-HLO NYEI JAUV SE HAAIX NYUNGC? WHAT IS PRIDE?50


1. Ceng-hlo nyei jauv se zuiz (Cong-Mengh Waac 21:4). 2. Ceng-hlo nyei jauv se benx zuiz ziangh jienv mbuo nyei maengc (Singx Nzung 73:6). 3. Ceng-hlo nyei jauv se Tin-Hungh yioux haic (Cong-Mengh Waac 16:5; Singx Nzung 119:21).

II. CENG-HLO NYEI JAUV SE YIEM HAAIX DAAIH? FROM WHERE DOES PRIDE COME?1. Yiem jaav-cong-mengh daaih (Lomaa 1:22, 28, 29, 30). 2. Yiem gorngv-baeqc nyei sic daaih (Cong-Mengh Waac 26:12).3. Yiem ganh nyei hnyouv hnamv cuotv daaih (Maako 7:21-22

III. CENG-HLO NYEI JAUV ZIANGH HAAIX JIEX GORN? WHEN DOES PRIDE BEGIN?1. Jiex gorn yiem butv zoih nyei jauv (2 Hungh Douh 20:13; I^saa^yaa 39:2). 2. Jiex gorn yiem mengh Daauh nyei jauv (E^se^te 5:11). 3. Jiex gorn yiem duqv taaih nyei jauv (2 Hungh Douh 5:11-13).

IV. CENG-HLO NYEI JAUV HNANGV HAAIX NOR HAIH HOIC ZUQC MBUO LAANH LAANH MIENH? 1. Jiex gorn bun mbuo zuqc nduov (Gaa^laa^tie 6:3). 2. Dorh zuqc nyaev nyei jauv daaih bun mbuo (Cong-Mengh Waac 11:2). 3. Bun mbuo zuqc ndortv njiec aiv (Cong-Mengh Waac 29:23).

V. WEIC HAAIX DIUC CENG-HLO NYEI JAUV BENX HIUANG-HIENV NYEI SIC? 1. Ninh haih bun mbuo ndortv jaa-dingh (Ndaa^ni^en 4:30-34; 5:20). 2. Ninh haih bun mbuo zuqc dingc zuiz (2 Zunh Doic Douh 26:16-19). 3. Ninh bun Saadaan zuqc dingc zuiz (1 Ti^mo^tai 3:6; I^saa^yaa 14:12-15).

VI. HNANGV HAAIX NOR HAIH DUQV ZORC LONGX CENG-HLO NYEI JAUV? 1. Maiv dungx taaih ganh jiex ndaangc (Lomaa 12:3). 2. Oix zuqc nyiemc ganh zoux faix (Yaagorpc 4:6; Fi^lipv^poi 2:3-5).3. Oix zuqc gamh nziez Tin-Hungh (Singx Nzung 111:10).

Setv Mueiz Waac: Haaix zanc duqv zorc longx ceng-hlo nyei jauv liuz oix hnangv haaix nor? 51


1. Oix duqv ziangh Singx Lingh nyei biouv (Gaa^laa^tie 5:22-23). 2. Oix maaih hnyouv hnamv gorx-youz (E^fe^so 4:1-2). 3. Laanh oix njaaux laanh (2 Ti^mo^tai 2:25).

2. Hoc Daauh: Qiex Jiez Nyei JauvGing-Sou: Cong-Mengh Waac 14:17 “Hungh hec qiex jiez siepv nyei mienh zoux sic hngongx, daav guv guaix za'eix nyei mienh zuqc mienh nzorng.”

BIUX MENGH WAAC: Nouz mienh caux qiex jiez mienh nyei eix-leiz se leih maiv go. Naaiv nyungc sic, se gorngv mbuo maiv liuc leiz nor gunv zoux gunv camv jienv faaux ziouc maanc-maanc zoux bun mbuo ganh benx mienh waaic mienh, yaac maiv haih caux doic maiv njiec, bun mbuo benx mienh lengh mienh aqv.

I. QIEX JIEZ SE HAAIX NYUNGC?1. Qiex jiez nyei jauv se benx aapv eix nyei gong (Gaa^laa^tie 5:19-20).

2. Qiex jiez nyei jauv se benx daic nyei fienx (Cong-Mengh Waac 16:14).

3. Qiex jiez nyei jauv se benx Tin-Hungh nzorng nyei yietc nyungc zuiz (Aamotv 1:11).

II. QIEX JIEZ NYEI JAUV YIEM HAAIX DAAIH?

1. Yangh mueic jieqv nyei sic daaih (Cong-Mengh Waac 15:1).

2. Yiem mueic jieqv mienh nyei jauv daaih (Cong-Mengh Waac 6:34).

3. Yiem aapv eix nyei jauv daaih (Gaa^laa^tie 5:19-20

III. QIEX JIEZ NYEI JAUV HAAIX ZANC JIEX GORN? 1. Yiem mauv-jienz nyei ziangh hoc…Aa^hapc qiex jiez bun Naa^mbotc (1 Hungh Douh 21:4).

2. Dongh mienh gorngv zien waac nyei jauv. …..Aasaax qiex jiez haic douc waac mienh gorngv

mbuox ninh nyei jauv (2 Zunh Doic Douh 16:10).

3. Yiem daux-hauv nyei ziangh hoc…..E^li^hu, qiex jiez haic ninh nyei loz-gaeng doic (Yopv 32:3).

IV. QIEX JIEX NYEI JAUV HNANGV HAAIX NOR HAIH HOIC ZUQC MBUO? 1. Ninh zoux bun Kaa^in daix ninh nyei youz Aa^mben(Tin Deic Douh 4:5-8).

2. Ninh zoux bun Yiutai Mienh daix Saa^te^fen (Gong-Zoh 7:54-59).

3. Ninh zoux bun Haamaan oix daix Mo^nde^kai (E^se^te 3:5).

V. WEIC HAAIX DIUC QIEX JIEZ NYEI JAUV SE BENX HIAANG-HIIENV NYEI SIC?1. Ninh haih dorh zuqc mietc nyei jauv daaih bun mbuo (Ko^lo^si 3:6).

52


2. Ninh haih dorh Tin-Hungh nouz zuiz nyei jauv daaih (Lomaa 1:18).

3. Ninh dorh hnyouv ngaengc nyei jauv daaih bun hmuangv doic (1 Saa^mu^en 20:30-34).VI. HNANGV HAAIX NOR HAIH DUQV ZORC LONGX QIEX JIEZ NYEI JAUV? 1. Oix zuqc guangc nqoi im nyei hnyouv (Hipv^lu 12:14-15; Ko^lo^si 3:8).

2. Oix zuqc ngaengc jienv maiv dungx zoux orqv sic Singx Nzung 37:8).

3. Oix zuqc daux gaux (1 Ti^mo^tai 2:8).

4. Daux gaux nyei jauv tengx mbuo haih zipv hiuv Giduc.

VII. HAAIX ZANC ZORC LONGX QIEX JIEZ NYEI JAUV LIUZ OIX HNANGV HAAIX NOR? 1. Haih gunv duqv ganh nyei maengc oix daaih (Yaagorpc 1:19).

2. Mengh baeqc nyei maengc oix daaih (Cong-Mengh Waac 14:29).

3. Maengc yaac oix ziangh biouv (Ko^lo^si 1:10-11).

Setv Mueiz Waac: Haaix zanc duqv zorc longx qiex jiez jauv oix hnangv haaix nor? Laanh oix hnamv laanh, laanh oix korh lienh laanh. Laanh oix zoux longx bun laanh. Caux mienh maaih horpc fim dongh eix nyei jauv.

3. HOC DAAUH: MUEIC JIEQV - ENVY Ging-Sou: Cong-Mengh Waac 27:4 “Mienh nouz se ciouv, mienh qiex jiez haih baaic waaic, mv baac mienh mueic jieqv, haaix dauh haih ngaengc duqv jienv?

BIUX MENGH WAAC: Yiem Ang^gitv waac mueic jieqv nyei jauv se maaih eix-leiz caux nzaeng-buang nyei jauv fih hnangv nyei. Mueic jieqv nyei jauv se oix longc mienh maaih nyei ga’naaiv dongh maiv horpc leiz duqv nyei jauv, se hnangv mienh nyei jaa-dingh, mienh nyei auv mienh nyei nqox lo haaix. Nzaeng-buang nyei jauv se nzauh heix mienh daaih caangv mbuo nyei ga’naaiv, jaa-ndaangc zoux ciouv bun mienh, nziex laaic zoux hnangv naaic, mienh ziouc gamh nziez mbuo maiv daaih nitv faatv mbuo nyei jaa-dingh. Se beiv hnangv mienh nzaeng auv nzaeng nqox nyei jauv, fai nzaeng-buang nyei jauv nor.

I. MUEIZ JIEQV NYEI JAUV SE HAAIX NYUNGC?1. Mueic jieqv nyei jauv se zuiz, cuotv maiv cing-cov nyei sic (Yaagorpc 3:16).

2. Mueiz jieqv nyei jauv se zuiz haih hoic daic mienh (Yopv 5:2).

3. Mueiz jieqv nyei jauv se zuiz zoux bun mienh nyei mbungv latv (Cong-Mengh Waac 14:30).

II. MUEIC JIEQV NYEI JAUV YIEM HAAIX DAAIH? 53


1. Yiem guei baamh gen nyei aapv eix jauv daaih (1 Ko^lin^to 3:3).

2. Yiem hiieh hnyouv daaih (Yaagorpc 4:1-4;Gong-Zoh 17:5).

3. Yiem nzorng mienh nyei fiem-fingx jauv daaih (Matv^taai 20:24).

III. MUEIC JIEQV NYEI JAUV ZIANGH HAAIX ZANC JIEX GORN? 1.Jiex gorn yiem dongh hnyouv hanc nyei ziangh hoc(Tidatc 3:3; Yaagorpc 1:13-15).

2. Yiem dongh haaix zanc meih maiv sienx nyei ziangh hoc (Gong-Zoh 17:5).

3. Yiem dongh haaix meih maiv jangx taux Tin-Hungh nyei ziangh hoc(Lomaa 1:28-32).

IV. MUEIC JIEQV NYEI JAUV HNANGV HAAIX NOR HAIH HOIC ZUQC MBUO ? 1. Ninh haih zoux bun Yosepv nyei gorx mbuo nzorng Yosepv (Tin Deic Douh 37:4,8,18-28).

2. Ninh haih zoux bun Saulo oix daix Ndaawitv (1 Saa^mu^en 18:7-11; 19:8-24).

3. Ninh haih zoux bun Yiutai Mienh oix doix-dekc Baulo (Gong-Zoh 13:45).

V. MUEIC JIEQV NYEI JAUV HNANGV HAAIX NOR HAIH BENX HIUANG-HIENV NYEI SIC?

1. Ninh haih zoux bun mienh butv hnyouv nyei baengc, dorn-faix dingx laaih nyei gorx (Lugaa 15:25-32).2. Ninh haih dorh maiv cing-cov nyei jauv caux orqv nyei jauv daaih hoic mienh (Yaagorpc 3:14).

3. Ninh haih zoux bun hmuangv doic nzorng doic ( Tin Deic Douh 37:4,8,11).

VI. HNANGV HAAIX NOR HAIH ZORC DUQV MUEIC JIEQV NYEI JAUV LONGX? 1. Oix zuqc biux mengh hnamv nyei jauv (1 Ko^lin^to 13:4).

2. Oix zuqc zuqv jienv Ziouv Yesu Giduc(Lomaa 13:13,14).

3. Oix zuqc kaux Singx Lingh fai bun Singx Lingh dorh (Gaa^laa^tie 5:25,26).

VII. MUEIC JIEQV NYEI JAUV DUQV ZORC LONGX MINGH WUOV ZANC OIX HNANGV HAAIX NOR? 1. Maiv jangx taux jiex daaih nyei sic (Yaagorpc 5:9; Lewi 19:18).

2. Caux mienh suonc zingh suonc eix nyei yiem (Tidatc 3:2-4).

3. Maaih hnamv mienh nyei jauv oix hinc cuotv (1 Ko^lin^to 13:4-7).

Setv Mueiz Waac: Ih hnoi mbuo duqv buatc taux Ging-Sou mbuox mbuo gorngv mueic jieqv nyei jauv se haih hoic zuqc mbuo, haih zoux bun mbuo maaih hiuaang-hienv nyei sic. Hnangv naaic, mbuo za’gengh oix zuqc guangc nqoi mueiz jieqv caux qiex jiez nyei jauv, maiv zei aeqv ninh haih zoux bun mbuo maaih sic, caux doic maiv njiec, yaac zuqc dingc zuiz.

54


DA’HMZ GINC: GING-SOU DOZ (THE TEXTUAL SERMON)Biux Mengh Waac: Mbenc Ging-Sou doz nyei za’eix caux hoc daauh doz nyei jauv se maiv fih hnangv. Yiem hoc daauh doz nyei jauv se mbuo jiex gorn yiem “hoc daauh” fai “Theme,” mv baac Ging-Sou doz nyei zunh doz qorng se mbuo jiex gorn yiem Ging-Sou. Longx-longx samx mangc ninh nyei bun-ginc jauv caux hoc daauh doz nyei bun-ginc jauv se maiv fih hnangv. Ninh nyei bun-ginc jauv a’lamh fih hnangv nyei mv baac maiv gengh fih hnangv. Se hnangv “waac-beiv caux waac-meiv, caux waac-ormv nor. Ging-Sou doz nyei domh bun-ginc nyei jauv fai (the main divisions) se zanc-zanc longc dongh mbuo doqc wuov deix Ging-Sou fai yiem wuov deix Ging-Sou nyei waac bun cuotv daaih, fai zorqv cuotv daaih. Kang-kang naaiv deix bun-ginc nyei waac se yiem Ging-Sou daaih yaac tengx dengv taux doz nyei hoc daauh caux porv mengh nyei qorng. Bun mbuo daaih zaah mangc gaax ninh nyei porv mengh jauv hnangv haaix nor, Ging-Sou doz nyei nyungc zeiv caux bun-ginc jauv se yiem Ging-Sou bun cuotv fai zorqv cuotv daaih. Yiem naaiv diuc jauv se domh bun nyei jauv fai domh hoc daauh se yiem dongh mbuo doqc wuov deix Ging-Sou nyei waac bun cuotv, porv mengh nyei waac fai dongh tengx dengv taux domh hoc daauh nyei waac wuov deix Ging-Sou se yiem norm-norm dorngx daaih. Domh hoc daauh maiv bun gauh camv jiex buo yiemc Ging-Sou nyei waac.

Yiem Ging-Sou doz nyei jauv zanc-zanc kungx haih longc duqv i buo yiemc Ging-Sou nyei waac hnangv, fai yietc yiemc buangv nzengc nyei waac (full verse). Dongh fiev zunh doz qorng nyei leiz wuov dauh mienh maiv duqv gorngv ndortv ndoqv taux Ging-Sou doz nyei jauv, mv baac mbuo oix dingc maiv bun longc gauh camv jiex buo yiemc Ging-Sou nyei waac.

Da’nyeic ginc porv mengh nyei waac nyei domh bun-ginc jauv fai domh hoc daauh se yiem dongh mbuo doqc wuov deix Ging-Sou nyei waac bun cuotv daaih, “naaiv se dongh mbuo hnamv taux oix gorngv nyei waac.” Naaiv norm dorngx nyei eix-leiz se dongh mbuo porv mengh nyei ziangh hoc mbuo oix ei jienv naaiv deix waac gorngv. Maaih deix ziangh hoc dongh mbuo doqc nyei Ging-Sou se buangv nzengc porv mengh nyei waac, mbuo ziouc haih ziang naaic ei jienv porv mengh fai zunh duqv aqv. Maiv gunv hnangv haaix yaac zeiz, gauh camv jiex se mbuo oix zuqc dorh ganh norm dorngx nyei Ging-Sou daaih tengx porv mengh wuov deix Ging-Sou nyei waac. Maaih deix yaac oix zuqc longc ganh norm dorngx nyei Ging-Sou fai ganh deix Ging-Sou daaih zoux domh hoc daauh, naaiv se maiv zeiz gorngv taux doz nyei mbuox nyei hoc daauh, naaiv se gorngv taux bun-ginc nyei domh hoc daauh (the main divisions). Aengx maaih ganh joux waac se gorngv taux Ging-Sou doz nyei “domh hoc daauh” se oix zuqc yiem dongh meih doqc wuov deix Ging-Sou nyei waac bun cuotv daaih. Mv baac jiex mingh nyei orn-mbaih se yiem ganh norm dorngx nyei Ging-Sou daaih, fai yiem ganh deix Ging-Sou daaih. Porv mengh taux maiv fih hnangv nyei jauv taux yiem Ging-Sou doz fai (Textual Sermon caux hoc daauh doz fai (Topical Sermon) nyei jauv. Textual Sermon se longc ninh ganh nyei waac zoux

55


hoc daauh, fai dongh meih doqc wuov deix Ging-Sou nyei waac zoux hoc daauh. Ging-Sou doz (Textual Sermon) caux hoc daauh doz (Topical Sermon) maiv fih hnangv nyei jauv. Hoc daauh doz fai Topical Sermon se mbuo jiex gorn yiem ninh nyei hoc daauh fai (topic or theme), mv baac Textual Sermon se mbuo jiex gorngv yiem Ging-Sou fai “text” mingh.

Ging-Sou doz se, ninh nyei domh hoc daauh oix zuqc baeng yiem fai zorqv yiem Ging-Sou nyei waac daaih, mv baac ninh nyei fiuh bun-ginc nyei waac se yiem ganh norm dorngx nyei Ging-Sou waac daaih. Porv mengh nyei waac se gauh camv jiex mbuo zorqv ganh norm dorngx nyei Ging-Sou nyei waac daaih tengx dengv, fai porv mengh dongh mbuo nyei domh hoc daauh nyei waac. Ging-Sou doz nyei jauv se yiem Ging-Sou nyei waac bun cuotv daaih benx domh hoc daauh. Ganh joux waac se Ging-Sou doz nyei hoc daauh se zorqv yiem Ging-Sou nyei waac cuotv daaih. Maiv gunv hnangv naaic mv baac, ninh nyei bun-muonc jauv fai ninh nyei fiuh bun (subdivisions) oix zuqc zorqv yiem ganh norm dorngx nyei Ging-Sou waac daaih tengx dengv taux domh hoc daauh. Ninh nyei eix-leiz se caux hoc daauh doz nyei jauv maiv fih hnangv. Weic zuqc hoc daauh doz nyei porv mengh jauv gauh camv jiex se yiem zunh doz mienh nyei hnyouv hnamv cuotv daaih nyei waac. Mv baac Ging-Sou doz nyei porv mengh waac se yiem Ging-Sou nyei waac daaih. Aengx maaih nyungc jauv taux Ging-Sou doz fai (Textual Sermon) nyei jauv se maaih yietc buonc hnangv hoc daauh doz, maaih yietc buonc hnangv koi mengh doz (Expository Sermon) nor. Yietc diuc longx nyei jauv taux Ging-Sou doz nyei jauv se gauh camv jiex benx Ging-Sou nyei waac, se maiv hnangv hoc daauh doz nyei jauv. Se gorngv mbuo dorh daaih beiv mangc taux Ging-Sou doz caux hoc daauh doz nyei jauv nor. Weic zuqc Ging-Sou doz nyei porv mengh jauv se bun fai longc Ging-Sou porv mengh Ging-Sou, naaiv nyungc za’eix se benx longx jiex nyei jauv. Naaiv yaac aengx maaih yietc diuc longx nyei jauv se bun qiangx zunh doz mienh camv nyei lorz fai ginv Ging-Sou nyei waac daaih tengx porv mengh Ging-Sou. Se gorngv meih benx muangx doz nyei mienh, bun meih yaac haih samx mangc fai zaah wuov deix Ging-Sou nyei waac se zien fai maiv zien nyei jauv nyei. Bun meih yaac haih hiuv duqv zunh doz mienh souv yiem haaix, ninh hiuv duqv Ging-Sou ndongc haaix longx, fai ndongc haaix camv fai zoqc. Se gorngv porv Ging-Sou nyei waac caux Doz nyei mbuox maiv bieqc doic nor, bun cing gorngv ninh ganh zungv maiv bieqc hnyouv taux zunh doz nyei yietc nyeic jauv, hnangv naaic, m’nziex ninh zungv dorh meih mingh bieqc lomc-mborqc lauh aqv mv baac meih corc maiv hiuv.

BASIC PRINCIPLES FOR THE PREPARATION OF TEXTUAL SERMON OUTLINES HNANGV HAAIX NOR

MBENC GING-SOU DOZ NYEI LEIZ-NYEIC JAUV

56


1. Ging-Sou doz nyei orn-mbaih jauv se horpc zuqc juangc yiem yietc nyungc mouz deic jauv mingh hnangv, yiem Ging-Sou daaih. Ninh nyei domh hoc daauh horpc zuqc nzutv zunv yiem dongh mbuo doqc wuov deix Ging-Sou nyei waac cuotv daaih. Dorh wuov deix waac daaih mbaih benx qorng fai bun benx qorng caux “doz nyei hoc daauh.”

Jiex mingh naaiv deix bun-ginc nyei jauv fai orn-mbaih nyei jauv se yiem Singx Nzung 23:1-6 zoux nyungc zeiv, yietc zungv hoc daauh se juangc norm mouz deic jauv mingh. Zorqv nyungc zeiv, “Ziouv nyei jiu tong jauv caux sienx ninh nyei mienh.”

Hoc Daauh: "Yesu Se Yie Nyei Ziouv " I. Hiuv dingc ninh jiu tong caux yie, “Ziouv se dongh goux yie wuov dauh.” II. Benx gorqc zeic nyei jiu tong, “Ziouv se dongh goux yie wuov dauh.”III. Ih zanc ninh yaac caux yie jiu tong, “Ziouv se dongh goux yie wuov dauh.”

2. Domh bun nyei jauv se zanc-zanc ei jienv zien nyei jauv fai leiz-nyeic jauv mingh se hnangv gorngv jiex daaih naaiv nor, oix zuqc ei jienv dongh mbuo doqc nyei Ging-Sou mingh. Ging-Sou doz se maiv zuqc hnamv taux fai zorqv yiem ganh norm dorngx nyei Ging-Sou waac daaih longc zoux hoc daauh, daux nzuonx zien nyei jauv zungv m’daaih yiem jienv aqv, fai leiz-nyeic jauv dongh duqv gorngv jiex daaih yiem Ging-Sou wuov zungv haih longc duqv zoux domh hoc daauh fai domh bun-ginc nyei jauv nyei.

Fih hnangv nyei dongh wuov nyungc leiz longc yiem E^saa^laa 7:10, caux hoc daauh nyei jauv se benx longc jienv haic nyei jauv, yiem mbuo njaaux Ging-Sou caux zunh doz nyei ziangh hoc, naaiv mbuo haih longc zoux domh bun-ginc nyei jauv benx biei ginc duqv nyei yiem naaiv kang Ging-Sou, nyungc zeiv se hnangv naaiv:

Hoc Daauh: “Ging-Sou Njaaux Duqv Gauh Longx Jiex Ganh Nyungc Hoqc Nyei Jauv. I. Ging-Sou hatc oix zuqc dingc mbuo nyei hnyouv. “E^saa^laa dingc ninh nyei hnyouv”II. Ging-Sou hatc oix zuqc longc hnyouv hoqc Ging-Sou, “E^saa^laa longc hnyouv hoqc Ziouv nyei leiz-latc.”III. Ging-Sou hatc oix zuqc longc nzengc hnyouv ei jienv Ziouv nyei leiz zoux. “E^saa^laa longc nzengc hnyouv ei jienv Ziouv nyei Leiz-Latc zoux.” IV. Ging-Sou hatc oix zuqc ziepc zuoqv hnyouv njaaux mienh, “E^saa^laa yaac ziepc zuoqv hnyouv njaaux wuov deix leiz-latc caux leiz I^saa^laa^en Mienh.”

3. M’nziex haih maaih camv-norm hoc daauh yiem mbuo doqc nyei Ging-Sou nyei, naaic haih

57


benx duqv se yiem dongh meih doqc wuov deix Ging-Sou, mv baac aengx zoqc yaac maaih yietc nyungc bun meih haih longc zoux hoc daauh yaac ei jienv naaic norm hoc daauh ceix meih nyei orn-mbaih fai outline.

Eix-leiz se maaih “ziex nyungc za’eix nyei jauv mbuo haih longc yiem mbuo doqc nyei Ging-Sou benx hoc daauh nyei,” se hnangv Ging-Sou zanc-zanc gorngv taux fin-mienh nyei jauv, hnamv nyei jauv, guangc zuiz nyei jauv, zoux horpc nyei jauv, fai dongh hnyouv nyei jauv. Zorqv nyungc zeiv, mbuo haih longc Yo^han 3:16 benx mbuo doqc nyei Ging-Sou benx mbuo nyei leiz-nyeic. Yiem naaiv yiemc Ging-Sou mbuo haih longc benx ziex norm hoc daauh duqv nyei, mbuo haih longc zoux mbuo nyei domh hoc daauh. Nyungc zeiv se hnangv jiex mingh naaiv nor:

I. Naaiv se benx hnamv nyei zingh nyeic, “Tin-Hungh ndongc naaic hnamv lungh ndiev mienh.”II. Naaiv se benx ciev ziec nyei zingh nyeic, “Ninh zorqv ninh nyei ndoqc Dorn ceix bun ninh mbuo.”III. Naaiv se benx yietc liuz nyei maengc nyei zingh nyeic, “maiv zuqc mietc mv baac oix duqv yietc liuz nyei maengc.”IV. Naaiv se benx lungh ndiev mienh nyei zingh nyeic, “haaix sienx kaux Ninh ziouc maiv zuqc mietc.” V. Naaiv se benx oix zuqc zipv cingx duqv nyei zingh nyeic, “haaix dauh sienx kaux ninh ziouc duqv yietc liuz nyei maengc.” Bun mbuo aengx mangc mingh ganh nyungc jauv yiem naaiv kang Ging-Sou nyei waac fai naaiv yiemc Ging-Sou nyei waac. Mbuo yaac fih hnangv nyei oix longc naaiv Yo^han 3:16 yiemc nyei Ging-Sou waac zoux hoc daauh, mv baac mangc mingh ganh nyungc jauv.

I. Dongh bun yietc liuz nyei maengc nyei zingh nyeic wuov dauh se, “Tin-Hungh.”II. Ninh bun se weic zuqc, “Ninh ndongc naaic hnamv lungh ndiev mienh.”III. Ninh bun maaih jaax-zinh nyei zingh nyeic, “Ninh zorqv ninh nyei ndoqc Dorn ceix bun ninh mbuo.”IV. Mbuo nyei gong-buonc oix zuqc zoux se, “haaix dauh sienx kaux ninh ziouc duqv yietc liuz nyei maengc.”V. "Hiuv duqv mbuo oix zipv nyei zingh nyeic se, “Yietc liuz nyei maengc.”4. Domh bun nyei orn-mbaih se horpc zuqc hnamv taux zueih yietv zueih nyeic nyei jauv. Naaiv se maiv zeiz gorngv oix zuqc ei jienv waac nyei korn^taekv mingh, mv baac domh bun nyei jauv se horpc zuqc hnamv longx nyei taux mbuo hnangv haaix nor haih zorqv duqv zuqc Ging-Sou waac nyei eix-leiz horpc. Maiv gunv gorngv mbuo maiv zuqc ei jienv joux-joux Ging-Sou nyei waac gorngv, mv baac mbuo corc oix zuqc ei jienv ninh nyei korn^taekv nyei eix-leiz mingh nyei. Mbuo maiv haih cuotv Ging-Sou nyei hoc daauh nyei eix-leiz.

58


Ih zanc mbuo oix longc da’yietv wuov nqanx Yo^han 3:36 wuov zoux mbuo doqc nyei Ging-Sou: “Haaix dauh sienx kaux Tin-Hungh nyei Dorn, wuov dauh maaih yietc liuz nyei maengc.” Mbuo oix jiex gorn gorngv taux jienv haic nyei yietc nyungc jauv taux yietc liuz nyei maengc nyei jauv, ei jienv naaiv yiemc Ging-Sou nyei waac bun nqoi mbuo nyei bun-ginc caux orn-mbaih jauv.I. Tin-Hungh nyei Dorn, “Bun mbuo maaih yietc liuz nyei maengc.”II. Haaix dauh sienx kaux, “Tin-Hungh nyei Dorn maaih yietc liuz nyei maengc.” III. Dongh sienx kaux, “Tin-Hungh nyei Dorn nyei mienh wuov dauh maaih yietc liuz nyei maengc.”

5. Joux-joux Ging-Sou nyei waac mbuo haih longc zoux mbuo nyei domh hoc daauh nyei bun-ginc jauv nyei. Yiem naaiv deix waac mbuo haih longc zoux doz nyei hoc daauh yiem ziex nyungc jauv, fai bun benx ziex nyungc hoc daauh duqv nyei. Maaih ziex kang Ging-Sou maaih eix-leiz hnangv naaiv, fai dongh naaiv nyungc jauv, mbuo haih longc zoux nyungc zeiv fai hoc daauh nyei jauv nyei. Nyungc zeiv hnangv yiem Lugaa 19:10 gorngv nor, “Yie, Baamh Mienh nyei Dorn, daaih lorz yaac njoux dingx laaih nyei mienh."

Hoc Daauh: “Weic Haaix Diuc Yesu Daaih Baamh Gen.”I. “Yie Baamh Mienh nyei Dorn daaih lorz dingx laaih nyei mienh.”II. “Yie Baamh Mienh nyei Dorn daaih njoux dingx laaih nyei mienh.”

Ging-Sou nyei korn^taekv oix zuqc longx-longx nyei samx mangc yaac zorqv ninh nyei eix-leiz.

7. Maaih deix Ging-Sou maaih eix-leiz bun mbuo dorh daaih beiv mangc, yaac nuqv bun mbuo buatc maaih haaix nyungc fih hnangv caux maiv fih hnangv nyei jauv, hnangv naaiv nor gengh longx haic aqv, mv baac maaih deix yaac maiv maaih hnangv naaic.

Yiem Singx Nzung 1:1-2 mbuo doqc gorngv: “Maaih orn-lorqc nyei mienh se maiv muangx mienh waaic mienh nyei za'eix, maiv yangh zuiz-mienh nyei zaux-mbiec, yaac maiv caux huotv Tin-Hungh nyei mienh juangc jauv yangh. Daaux nzuonx ninh a'hneiv ZIOUV nyei leiz-latc, ziu yiex fei-fangv ninh nyei leiz.” Jiex mingh naaiv deix hoc daauh mbuo oix ei jienv naaiv deix Ging-Sou nyei waac cuotv hoc daauh nyei mbuox:

Hoc Daauh: “Maaih orn-loqc nyei mienh” se maaih biei nyungc juoqc setv bun taux Tin-Hungh nyei mienh.

I. “Maiv muangx mienh waaic mienh nyei za’eix.”

II. “Maiv yangh zuiz-mienh nyei zaux-mbiec.”

III. Maiv caux huotv Tin-Hungh nyei mienh juangc jauv yangh.”

59


IV. A’hneiv Ziouv nyei leiz-latc.”

Nyungc zeiv taux Ging-Sou doz nyei zunh doz qorng (Textual Sermon Outline)

1. “Yie corc oix zuqc goux yie nyei youz fai?" Ging-Sou: Tin Deic Douh 4:9 “ZIOUV naaic gaax Kaaîn, "Meih nyei youz, Aa^mbaen, jiex haaix mi'aqv?" Kaaîn dau, "Yie maiv hiuv niaa. Yie corc oix zuqc goux yie nyei youz fai?"

I. Biux Mengh Waac1. Yietc joux cuoqv mienh nyei waac-naaic dongh mbuo laanh laanh mienh maiv hnamv taux nyei jauv yiem Ging-Sou gu’nyuoz. Naaiv se benx Kaaîn nyei waac.

(a) Kaaîn naaic gaax Tin-Hungh ninh corc oix zuqc goux ninh nyei youz nyei fai? Naaiv nyungc mienh biux mengh taux ninh maiv maaih hnyouv korh lienh mienh, maiv maaih hnyouv hnamv mienh nyei mienh, biux mengh taux ninh maiv qiemx zuqc haaix dauh nyei mienh. Weic zuqc ninh zungv daix ninh nyei youz liuz aqv (Tin Deic Douh 4:3-8).

(b) Wuov zanc Tin-Hungh cauh fim taux Aa^mben caux Kaaîn nyei maengc. Mv baac Kaaîn maiv gunv taux ninh dongh oix zuqc buangh nyei sic, daaux nzuonx ninh gorngv waac daaih cuoqv Tin-Hungh, maiv gunv gorngv Tin-Hungh ndongc haaix hnamv ninh mbuo.

2. Ih hnoi yie oix longc naaiv joux waac-naaic bun meih mbuo laanh laanh mienh naaic gaax mbuo ganh, “yie corc oix zuqc goux yie nyei youz fai?"

(a) Mbuo benx goux mbuo nyei youz nyei mienh nyei fai?

(b) Mbuo horpc zuqc laanh goux laanh, laanh mangc laanh, laanh tengx laanh nyei fai maiv horpc?

II. Mbuo Laanh Ndaam-Dorng Laanh Nyei JauvA. Mbuo Horpc Zuqc “Laanh Hnamv Laanh”...

1. Hnangv Giduc hatc njaaux mbuo Nor – Yo^han 13:34-35; 15:12,17

2. Hnangv Baulo njaaux nor – Lomaa 13:8; 1 Te^saa^lo^ni^gaa 4:9

3. Hnangv Bide njaaux nor – 1 Bide 1:22

60


4. Hnangv Yo^han gorngv nor – 1 Yo^han 3:11-12, 23; 4:7, 11-12; 2 Yo^han 1:5

B. Mbuo Hnangv Haaix Nor Laanh Biux Mengh Hnamv Bun Laanh?

1. Mbuo horpc zuqc “laanh zipv laanh” - Lomaa 15:7

2. Mbuo horpc zuqc laanh ceix laanh” - Lomaa 15:19

3. Mbuo horpc zuqc laanh ceix laanh” – Gaa^laa^tie 5:13

4. Mbuo horpc zuqc laanh tengx laanh ndaam-dorng” – Gaa^laa^tie 6:1-2

5. Mbuo horpc zuqc laanh guangc laanh zoux dorngc nyei sic” – E^fe^so 4:32

6. Mbuo horpc zuqc laanh mbuoqc laanh” – E^fe^so 5:21

7. Mbuo horpc zuqc laanh kuinx laanh” – Hipv^lu 3:12-13

8. Mbuo oix zuqc hnamv mangc gaax hnangv haaix nor laanh haih hnamv laanh” – Hipv^lu 10:24-25

9. Mbuo oix zuqc a'hneiv laanh zipv laanh zoux kaeqv” - 1 Peter 4:8-10

III. Longx-Longx Nyei Zaah Mangc Mbuo Goux Mbuo Nyei Youz Nyei GongA. Haaix Dauh Benx Mbuo Nyei Youz?

1. Mbuo zipv ninh mbuo bieqc daaih caux mbuo benx jiu baang hmuangv doic fai mbuo maiv gunv ninh mbuo? - Lomaa 15:7

2. Mbuo zoux ceix ninh mbuo faaux nyei mienh fai zoux torngv ninh mbuo nyei jauv bun ninh mbuo maiv haih hlo nyei mienh? - Lomaa 14:19

3. Mbuo laanh mbuoqc laanh fai mbuo oix gunv jienv ninh mbuo? – E^fe^so 5:21

4. Mbuo oix fu-sux ninh mbuo weic hnamv ninh mbuo fai mbuo mauv jienv ninh mbuo daaih fu-sux mbuo? – Gaa^laa^tie 5:13

5. Mbuo laengz zoux hnyouv jaangv nzie ninh mbuo nyei fai? - 1 Bide 4:8-10

B. HAAIX ZANC GORX YOUZ ZOUX DORNGC

1. Mbuo hnangv haaix nor hnamv taux ninh mbuo? – Hipv^lu 10:24-25

2. Mbuo horpc zuqc donv ninh mbuo, maiv zei aeqv ninh mbuo zuqc zuiz nduov ninh mbuo hnyouv ngaengc – Hipv^lu 3:12-14

3. Mbuo maaih hnyouv tengx ninh mbuo ndaam-dorng nyei fai? – Gaa^laa^tie 6:1-2

61


4. Mbuo haih liemh zeih guangc ninh mbuo zoux dorngc nyei jauv nyei fai se gorngv ninh mbuo goiv hnyouv nor? – E^fe^so 4:32

IV. CONCLUSION1. Mbuo hnangv haaix nor dau naaiv deix waac-naaic se biux mengh taux mbuo hnangv haaix nor goux mbuo nyei youz longx fai ciouv nyei jauv.

2. Mbuo laanh goux laanh nyei jauv se: laanh hnamv laanh hnangv Giduc hnamv mbuo nor – Yo^han 13:34-35

3. Se gorngv mbuo maiv duqv goux mbuo nyei youz, mbuo qiemx zuqc…..

a. Goiv hnyouv weic mbuo maiv ziux goux mbuo nyei youz nyei jauv.

b. Mbuo oix zuqc nyiemc mbuo nyei zuiz bun Tin-Hungh weic mbuo bungx ndortv maiv zoux mbuo nyei gong.

4. “Laanh oix zuqc jorm hnyouv hnamv laanh hnangv hnamv ganh nyei cien muoz-doic nor. Laanh yaac oix zuqc taaih laanh, funx mienh gauh longx ganh.” (Lomaa 12:10).

2. SAAX CING NZENGC DAAIH NYEI JAUV

GING-SOU: Hipv^lu 10:10-14 “Weic zuqc Yesu Giduc ei Tin Hungh nyei za'eix zoux, longc ninh ganh nyei sin zoux ziec nyei ga'naaiv, ziec yietc nzunc dorngx yietc liuz, ziouc bun mbuo cing-nzengc daaih. 11 Dauh dauh sai mienh hnoi-hnoi zoux ninh sai mienh nyei gong, nzunc-nzunc dongh wuov nyungc ga'naaiv ziec. Wuov deix ga'naaiv yietc liuz yaac maiv haih nzaaux maiv ndutv zuiz. 12 Mv baac Giduc weic zuiz siev ninh ganh zoux ziec nyei ga'naaiv, ziec yietc nzunc dorngx yietc liuz aqv. Nqa'haav ninh zueiz jienv Tin-Hungh nyei mbiaauc maengx. 13 Yiem naaic daaih, Giduc zuov jienv ninh nyei win-wangv zuqc yiem ninh nyei zaux-ndiev zoux lorngx zaux nyei dorngx. 14 Weic zuqc Giduc longc ninh ganh ziec yietc nzunc, ninh ziouc bun nzaaux cing-nzengc daaih nyei mienh yietc liuz dunh yunh.

BIUX MENGH WAAC: Longc jienv nyei waac se gorngv taux saax cing nzengc daaih fai gorngv fioux cing nzengc daaih yiem lengc jeiv nyei gong fai jauv. Yiem Loz Ngaengc Waac caux Siang-Ngaengc Waac gorngv, mbuo se benx ginv cuotv daaih bun Tin-Hungh nyei mienh fai caux baamh gen bun nqoi nyei mienh.

I. SAAX CING NZENGC NYEI EIX-LEIZ SE 1. Benx ginv cuotv daaih bun Tin-Hungh nyei mienh; Lomaa 12:1-2. 2. Benx maaih cing nzengc nyei maengc nyei mienh; Laauc Yaangh 20:7. 3. Benx ziangh cing nzengc nyei maengc nyei mienh; Lomaa 6:19.

II. SAAX CING NZENGC NYEI EIX SE 1. Tin-Hungh saax mbuo cing nzengc daaih nyei mienh; 1 Te^saa^lo^ni^gaa 5:23.

62


2. Yesu saax mbuo cing nzengc daaih nyei mienh; 1 Bide 1:2 3. Singx Lingh saax mbuo cing nzengc daaih nyei mienh; 2 Te^saa^lo^ni^gaa 2:13. 4. Tin-Hungh longc Ninh nyei waac saax mbuo cing-nzengc daaih; John 17:17; John 15:3.

III. DUQV SAAX CING NZENGC DAAIH NYEI MIENH NYEI ZORNG-ZENGX 1. Saax cing nzengc daaih nyei mienh se caux waaic nyei jauv bun nqoi; 1 Ko^lin^to 5:11. 2. Saax cing nzengc daaih nyei mienh maaih hnyouv cengx baaix Tin-Hungh; Hipv^lu 10:25. 3. Saax cing nzengc daaih nyei mienh maaih cing nzengc nyei maengc; 1 Ti^mo^tai 5:22.

IV. NZUTV NORZ WAAC 1. Tin-Hungh saax mbuo nyei sin caux hnyouv cing nzengc daaih; 1 Te^saa^lo^ni^gaa 5:23. 2. Ziouv Yesu longc Ninh nyei nziaamv saax mbuo cing nzengc daaih; Hipv^lu 13:12. 3. Singx Lingh caux Yesu nyei nziaamv saax mbuo cing nzengc daaih;1 Bide 1:2.

3. Aengx Jiex Gorn Nzunc Mbuo Nyei Maengc Ging-Sou: Lugaa 2:52 “Yesu gunv hlo gunv maaih cong-mengh. Tin-Hungh a'hneiv haic ninh. Mienh yaac fih hnangv nyei a'hneiv haic ninh.

Biux Mengh Waac A. Yiem pouh tong nyei jauv fu’jueiv dongh mbuo lauh deix mv duqv buatc nor, maiv gunv mbuo nyei fu’jueiv fai pongh yiouv doic nyei fu’jueiv, mbuo buatc nor, mbuo gorngv, “O, meih hlo gau niaa!”

B. Maaih haaix dauh haih gorngv duqv mbuox mbuo yiem naaiv mingh yietc hnyaangx, “O, meih hlo gau niaa!” Mbuo oix zuqc dingh hnyouv zoux tengx mbuo haih duqv hlo hnangv Ziouv Yesu nor hlo yiem siang-hnaangx naaiv.

I. Mbuo Qiemx Zuqc Hlo Yiem Mbuo Hnamv Nyei Jauv 1. Mbuo qiemx zuqc aengx hoqc gauh camv. Maaih yietc nyungc mbuo yietc liuz maiv haih dingh yiem mbuo kauv hoqc nyei jauv(Fi^lipv^poi 1:9; Ko^lo^si 1:10; 2 Bide 1:5).

2. Mbuo qiemx zuqc haih jangx duqv gauh camv. Yesu gorngv Ging-Sou nyei waac dongh Ninh zuqc seix nyei ziangh hoc. Mbuo hiuv duqv Ging-Sou haih tengx mbuo maaih jauv cuotv yiem dongh mbuo buangh zuqc sic nyei ziangh hoc.

3. Mbuo yaac hiuv duqv Ging-Sou haih tengx mbuo maiv zuqc buangh zuqc sic nyei fai? Mbuo qiemx zuqc bieqc hnyouv gauh camv (E^fe^so 1:8; 1 Ko^lin^to 14:20; Ko^lo^si 1:9

63


4. Solomon heuc mbuo oix zuqc dorh daaih longc weic tengx mbuo haih duqv bieqc hnyouv (Congh Mengh Waac 2:2).

5. Yiem Singx Nzung Sou heuc mbuo oix zuqc bieqc hnyouv (Singx Nzung 119:169).

II. Mbuo Qiemx Zuqc Bun Mbuo Nyei Buonh Sin Yaac Duqv Hlo

1. Mbuo laanh laanh mienh nyei buonh sin qiemx wangc-siangx. Weic zuqc mbuo zoux Singx Lingh nyei Dinc.

2. Mbuo qiemx zuqc hitv kuonx horpc nyei.

3. Mbuo qiemx cuotv qaqv horpc nyei. Hnangv Baulo gorngv nor hoqc hinc sin zangc se tengx duqv nyungc baav, mv baac hoqc linc gan longx Tin-Hungh tengx duqv nyungc-nyungc jauv. (1 Ti^mo^tai 4:7-8).

4. Mbuo qiemx zuqc nyanc horpc nyei nyanc hopv.

5. Mbuo oix zuqc weic nyungc-nyungc jauv saaix tiux (1 Ko^lin^to 9:24-27).

III. Mbuo Qiemx Zuqc Hlo Yiem Jiu Tong Doic Nyei Jauv 1. Mbuo qiemx zuqc zoux longx bun mbuo nyei gorx-youz doic (E^fe^so 4:32). A’nziaauc doic mv zeiz heic duqv zoux. Tin-Hungh heuc Apc^laa^ham zoux ninh nyei loz-gaeng doic, Yesu yaac heuc Ninh nyei sai-gorx mbuo zoux gorx-youz.

2. Mbuo qiemx zuqc caux mienh zoux doic(Congh Mengh Waac 18:24). Caux mienh zoux doic se haih zoux jouh bun mienh daaih lorz Tin-Hungh.

3. Mbuo qiemx zuqc hiuv duqv hnangv haaix nor, zoux bun mbuo nyei win-wangv (Lugaa 6:27). Yesu maiv zeiz kungx gorngv mbuox mbuo hnangv, Ninh zoux nyungc zeiv bun mbuo mangc yiem ziepc nzangc jaax (Lugaa 22:50-51).

IV. NZUTV NORZ WAAC: 1. Mbuo horpc zuqc aengx daux gaux gauh camv. 2. Mbuo horpc zuqc aengx doqc Ging-Sou gauh camv. 3. Mbuo horpc zuqc aengx hnamv gauh camv. 4. Mbuo horpc zuqc ngaengc jienv fai doix dekc seix hnyouv nyei sic gauh camv. 5. Mbuo horpc zuqc zoux hnangv Ging-Sou gorngv nor gauh camv (2 Bide 1:5-7).

64


4. Sienx Yesu Nyei Zorng-Zengx Ging-Sou: Yaagorpc 2:14-26 “Yie nyei gorx-youz aac, haaix dauh gorngv ninh maaih sienx fim yaac maiv ei jienv nzuih gorngv nyei zoux nor, fungc maaih lamh longc? Ninh nyei sienx fim haih njoux ninh fai? 15 Se gorngv maaih dauh gorx-youz fai dorc nziez maiv maaih lui-houx zuqv, hnaangx-donx yaac maiv maaih nyanc, 16 meih mbuo yaac maaih dauh mbuox ninh, "Baengh orn nyei mingh aqv. Zuqv siouv nyanc beuv oc." Mv baac ninh qiemx longc nyei ga'naaiv yaac maiv bun. Naaiv fungc maaih lamh longc? 17 Sienx fim yaac hnangv naaic nor. Kungx sienx hnangv yaac maiv ei jienv zoux se dorngx daic mi'aqv. 18 Mv baac maaih mienh oix gorngv, "Meih maaih sienx fim, yie maaih yie zoux nyei sic." Yie ziouc dau, "Wuov nyungc bun yie mangc gaax meih hnangv haaix nor haih maaih sienx fim yaac maiv ei jienv zoux haaix nyungc? Yie ziouc bun meih mangc yie zoux nyei sic bun cing yie nyei sienx fim." 19 Meih sienx kungx maaih nduqc dauh Tin-Hungh hnangv fai? Longx aqv. Liemh mienv yaac sienx, gamh nziex haic, sin zinx nzengc. 20 Mienh hngongx mienh aah! Kungx sienx hnangv, maiv ei jienv zoux se maiv lamh longc. Meih mbuo oix yie biux mengh bun meih mbuo hiuv fai? 21 Mbuo nyei ong-taaix-ngaeqv, Apc^laa^ham, hnangv haaix nor duqv caux Tin-Hungh horpc hnyouv? Se weic ninh zoux nyei sic, dongh ninh dorh ninh nyei dorn, I^sakc, an wuov ziec-dorngh oix ziec bun Tin-Hungh. 22 Meih mbuo buatc nyei fai? Apc^laa^ham nyei sienx fim caux zoux nyei sic gapv jienv. Ninh zoux nyei sic ziouc bun ninh nyei sienx fim dunh yunh nzoih. 23 Hnangv naaic, Ging-Sou nyei waac cuotv daaih doix-diuc nzengc. Ging-Sou gorngv, "Apc^laa^ham sienx Tin-Hungh. Weic ninh sienx, Tin-Hungh ziouc funx ninh zoux duqv horpc Tin-Hungh nyei hnyouv." Apc^laa^ham ziouc duqv mengh zoux Tin-Hungh nyei loz-gaeng doic. 24 Hnangv naaiv, meih mbuo buatc nyei, mienh duqv caux Tin-Hungh horpc hnyouv se weic ninh mbuo zoux nyei sic, maiv zeiz kungx weic sienx hnangv. 25 Wuov dauh maaic buonv-sin nyei m'sieqv dorn, Laa^hapc, fih hnangv nyei, weic ninh zoux nyei sic duqv caux Tin-Hungh horpc hnyouv, dongh ninh zipv caaiv juoqv nyei Yiutai Mienh yaac bungx ninh mbuo cuotv ganh diuh jauv. 26 Se gorngv sin maiv maaih qiex, mienh ziouc daic mi'aqv. Sienx fim yaac fih hnangv nyei. Maiv ei jienv zoux se maiv lamh longc, hnangv daic mi'aqv nor.

BIUX MENGH WAAC: Sienx Yesu nyei zorng-zengx se hnangv haaix nor? Yaagorpc hnangv naaiv nor porv mengh. Ninh gorngv, “Se gorngv sin maiv maaih qiex, mienh ziouc daic mi'aqv. Sienx fim yaac fih hnangv nyei. Maiv ei jienv zoux se maiv lamh longc, hnangv daic mi'aqv nor.” (Yaagorpc 2:26).

I. SIENX FIM NYEI ZORNG-ZENGX: 1. Apc^laa^ham nyei sienx (Yaagorpc 2:21-24; Hipv^lu 11:8-12).

2. Laa^hapc nyei sienx fim (Yaagorpc 2:25).

3. Noyaa nyei sienx fim (Hipv^lu 11:7; Tin Deic Douh 6:22).

4. Aa^mbaen nyei sienx fim (Hipv^lu 11:4)

5. E^nokv nyei sienx fim(Hipv^lu 11:5-6).

65


II. SIENX FIM NYEI JAUV SE LONGC JIENV HAIC: 1. Se gorngv maiv maaih sienx fim mv haih duqv Tin-Hungh a’hneiv (Hipv^lu 11:6).

2. Se gorngv mv maaih sienx fim mv haih duqv Tin-Hungh dau mbuo nyei daux gaux waac (Yaagorpc 1:6-8).

3. Se gorngv maiv maaih sienx fim maiv haih duqv bieqc Tin-Hungh nyei guoqv (Laauc Yaangh 21:8).

III. SIENX FIM CAUX ZOUX NYEI SIC: 1. Sienx oix zuqc ei jienv zoux (Yaagorpc 2:14-17).

2. Se gorngv maiv ei jienv zoux se benx daic nyei sienx fim (Yaagorpc 2:26).

3. Sienx fim nyei gong (Yaagorpc 2:18-22).

IV. NZUTV NORZ WAAC MATV^TAAI 7: 21-27 1. Sienx oix zuqc ei jienv zoux.

2. Sienx oix zuqc muangx waac.

3. Sienx oix zuqc maaih zorng-zengx.

5. Hoc-Dauh: Siang-Hnyangx, Siang-Hnyouv Ging-Sou: Lomaa 12:1-2: “Gorx-youz aac, Tin-Hungh ndongc naaic korv-lienh mbuo, yie ziouc tov! meih mbuo zorqv ganh fungx bun Tin-Hungh hnangv ziec nyei ga'naaiv nor, mv baac maaih maengc nyei, cing-nzengc nyei, dongh ninh a'hneiv nyei ga'naaiv. Hnangv naaiv zoux se horpc nyei, weic zien-zien nyei zaangc Tin-Hungh. 2 Baamh mienh zoux sic maiv horpc Tin-Hungh, maiv dungx zuotc ninh mbuo nyei nyungc zoux. Mv baac oix zuqc bun Tin-Hungh goiv nzengc meih mbuo nyei hnyouv caux hnamv nyei jauv, duqv siang-nyungc zeiv. Hnangv naaic meih mbuo haih hiuv duqv Tin-Hungh nyei za'eix, haaix nyungc se longx nyei, Tin-Hungh a'hneiv nyei, dunh yunh nyei za'eix.

Biux Mengh Waac: Mbuo jiex siang-hnyangx mi’aqv. SIANG wuov joux waac maaih eix-leiz camv bun camv nyungc mienh. Maiv gunv haaix nyungc mienh, haaix fingx mienh, haaix nzangh mienh, siang wuov joux waac bun mienh maaih lamh hnamv, hnangv siang jiex gorn, siang qiangx, siang ziangh hoc, fai siang za’eix. Mbuo yaac haih buatc siang nyei eix-leiz yiem Ziouv nyei waac. Mbuo oix zuqc siang-yungx jiex, mbuo haih duqv siang-maengc weic mbuo sienx Yesu, mbuo benx siang zeix daaih nyei mienh se

66


gorngv mbuo sienx Yesu. Mbuo haih maaih siang-hnyouv, siang-hnamv yiem maengc, siang-hingh, siang-hengx, yiem mbuo nyei siang ziang-maengc.

I. Siang-Hnyangx Siang-Hnyouv(1)Yesu gorngv oix duqv siang-hnyouv mbuo oix zuqc “siang-yungz jiex” (Yo^han 3:3,5)

(2) “Haaix dauh caux Giduc juangc maengc ziangh, wuov dauh benx siang-zeix daaih nyei mienh. Loz nyei nyungc-nyungc jiex nzengc, yietc zungv mbenx siang nyei daaih aqv.” (2 Ko^lin^to 5:17)

(3)“Se gorngv Tin-Hungh nyei Dorn bungx nqoi meih mbuo, meih mbuo za'gengh benx bungx nqoi nyei” (Yo^han 8:33)

(4) Kungx Tin-Hungh ganh haih bun mbuo siang-hnyouv: “Yie oix bun ninh mbuo maaih nduqc diuc hnyouv (fai siang-hnyouv), yaac bun ninh mbuo maaih siang lingh wuonh. Yie oix zorqv nqoi hnangv la'bieiv ngaengc nyei hnyouv aengx bun mau nyei, muangx waac nyei hnyouv (E^saa^ken 11:19; 36:26 Yie oix ceix siang-hnyouv bun meih mbuo).

II. Siang-Hnyangx Siang-Hnamv(1)Yesu gorngv siang-yungz jiex daaih nyei mienh maaih siang-hnyouv. Maaih siang hnyouv nyei mienh oix zuqc maaih siang-hnamv, naaiv se longc jienv jiex nyei lingc (Matv^tai 22:37 “Oix zuqc longc nzengc hnyouv, longc nzengc za'eix, longc nzengc cong-mengh hnamv Ziouv, meih nyei Tin-Hungh”).

(2) Yesu gorngv, “Ih zanc yie bun diuh siang-lingc meih mbuo, mbuox meih mbuo laanh oix zuqc hnamv laanh. Yie hnangv haaix nor hnamv meih mbuo, meih mbuo oix zuqc hnangv wuov nor laanh hnamv laanh” (Yo^han 13:34)

(3) Ziouv hiuv duqv mbuo hnamv ninh fai maiv hnamv nyei. (Yo^han 5:42) Yesu gorngv, “Yie hiuv duqv meih mbuo, yaac hiuv duqv yiem meih mbuo nyei hnyouv meih mbuo maiv hnamv Tin-Hungh.”

(4) Se gorngv haaix dauh maiv hnamv Ziouv, bun ninh zuqc zioux aqv … (1 Ko^lin^to 16:22)

III. Siang-Hnyangx Siang-Hingh(1) Mbuo duqv hingh jiex daic nyei qaqv weic Yesu Giduc - “Mv baac laengz zingh Tin-Hungh, ninh bun mbuo weic mbuo nyei Ziouv Yesu Giduc duqv hingh.” (1 Ko^lin^to 15:57)

67


(2)“Weic zuqc Tin-Hungh nyei naamh nyouz dauh dauh hingh jiex baamh gen mi'aqv. Bun mbuo duqv hingh jiex baamh gen, se mbuo nyei sienx fim. Haaix dauh haih hingh jiex baamh gen? Se dongh sienx Yesu zoux Tin-Hungh nyei Dorn wuov dauh hnangv.”(1 Yo^han 5:4)

(3)Yiem naaiv deix yietc zungv nzaic zingh, Giduc, dongh hnamv mbuo wuov dauh, bun mbuo hingh jiex nzengc (Lomaa 8:37). Tin-Hungh hnamv mbuo maiv maaih haaix nyungc haih ngaeqv ndutv Tin-Hungh nyei hnamv.

(4)Mbuo laanh laanh mienh maaih nyungc yiem mbuo nyei maengc dongh mbuo oix hingh…weic Yesu bun mbuo duqv hingh mbuo oix zuqc ziangh hnangv duqv hingh nyei mienh.

IV. Siang-Hnyangx Siang-Hengx (1)Weic mbuo sienx Yesu nyei mienh“Meih mbuo oix zuqc zunv hnyouv hnamv gu'nguaaic nyei sic, maiv zeiz yiem naaiv baamh gen nyei sic” (Ko^lo^si 3:1-2).

(2) Yesu gorngv mbuox ninh nyei sai-gorx mbuo, “Haaix dauh oix gan yie mingh oix zuqc siev jienv ninh ganh, ndaam jienv ninh nyei ziepc nzaangc jaax gan yie mingh” (Matv^taai 16:24).

(3) “Haaix dauh oix zoux hlo jiex, wuov dauh oix zuqc zoux zuangx mienh nyei nouh” (Maako 10:44).

(4) Tin-Hungh ei jienv taaih ninh wuov deix nyei hnyouv oix nyei zoux ziangx. Ninh yaac muangx haiz ninh mbuo heuc jienv tov ziouc njoux ninh mbuo (Singx Nzung 145:19). Maiv dungx mueic jieqv orqv mienh, yaac maiv dungx maaih hnyouv oix caux ninh mbuo yiem (Cong-mengh waac 24:1).

Setv Mueiz Waac: Dorh Ging-Sou Nyei Waac Daaih Longc Nyei Jauv (1) Siang-hnyangx, siang-hnyouv…Maaih nduqc diuc dongh mbuo haih duqv siang hnyouv se weic mbuo siang-yungz jiex fai sienx Yesu. Kungx Tin-Hungh ganh hnangv haih bun mbuo siang-hnyouv, hnyouv dongh nyiemc ganh zoux faix, hnyouv dongh mbuoqc ninh, hnyouv dongh taaih ninh.

(2) Siang-hnyangx siang-hnamv…Mbuo hnamv Tin-Hungh yaac hnamv mienh weic zuqc Tin-Hungh hnamv mbuo ndangc (1 Yo^han 4:19).

(3) Siang-hnyangx siang hingh, Tin-Hungh bun mbuo duqv hingh weic Yesu Giduc (1 Ko^lin^to 15:57).

68


(4) Siang-hnyangx siang- hengx, weic mbuo benx siang zeiz daaih nyei mienh, loz nyei nyungc-nyungc jiez nzengc, mbuo oix zuqc hengx yiem Tin-dorngh nyei, maiv zeix yiem baamh gen nyei (Ko^lo^si 3:1-2).

6. Tin-Hungh Nzorng Nyei Juqv Nyungc Zuiz Ging-Sou: Cong-Mengh Waac 6:16-19 “ZIOUV nzorng nyei maaih juqv nyungc, ninh gamh nziev nyei, youx nyei maaih siec nyungc. 17 Maaih m'zing-jaax hlang, gorngv-baeqc nyei nzuih, buoz daix maiv zoux dorngc nyei mienh, 18 hnyouv daav orqv nyei za'eix, zaux tiux siepv nyei mingh lorz orqv nyei sic, 19 zoux jaav zorng-zengx nyei mienh tauv qiex kungx cuotv gorngv-baeqc nyei waac, caux mienh yiem ninh nyei gorx-youz mbu'ndongx coqv lunc mienh.”

Biux Mengh Waac: Tin-Hungh nzorng nyei juqv nyungc zuiz se haaix nyungc zuiz? Haaix nyungc ga’naaiv zoux bun mbuo mienh caux Tin-Hungh nqaeqv jienv?

I. TIN-HUNGH NZORNG HAIC MAAIH M’ZING-JAAX HLANG NYEI MIENH1. Weic zuqc, “Ziouv nyei m'zing mangc jienv ceng-hlo wuov deix weic bun ninh mbuo ndortv njiec.” (2 Saa^mu^en 22:28).

2. Weic zuqc, “ZIOUV nzorng nyei maaih juqv nyungc, ninh gamh nziev nyei, youx nyei maaih siec nyungc. 17 Maaih m'zing-jaax hlang, gorngv-baeqc nyei nzuih, buoz daix maiv zoux dorngc nyei mienh, 18 hnyouv daav orqv nyei za'eix, zaux tiux siepv nyei mingh lorz orqv nyei sic, 19 zoux jaav zorng-zengx nyei mienh tauv qiex kungx cuotv gorngv-baeqc nyei waac, caux mienh yiem ninh nyei gorx-youz mbu'ndongx coqv lunc mienh. (Cong-Mengh Waac 6:16-19).

3. Weic zuqc, “Zoux maux nyei jauv dorh mienh mingh zuqc mietc, hnyouv ceng-hlo bun mienh zuqc ndorpc.” (Cong-Mengh Waac 16:18).

4. Weic zuqc nqaeqv jienv mbuo caux Tin-Hungh, “Mangc maah! ZIOUV nyei buoz maiv zeiz nangv, maiv haih njoux meih mbuo. Ninh nyei m'normh yaac maiv zeiz ndung, maiv haih muangx meih mbuo. 2 Mv baac meih mbuo nyei zuiz bun meih mbuo caux meih mbuo nyei Tin-Hungh. nqaeqv jienv. Meih mbuo nyei zuiz torngv ninh nyei hmien, bun ninh maiv mangc meih mbuo yaac maiv muangx meih mbuo. 3 Weic zuqc meih mbuo nyei buoz maaih nziaamv guoqv.

II. TIN-HUNGH NZORNG HAIC MIENH GORNGV-BAEQC NYEI JAUV1. Weic haaix diuc? Weic zuqc, “Mienh nzuih siepv gorngv waac hnangv nzuqc ndaauv baqv mienh, mv baac cong-mengh mienh nyei waac haih hnangv ndie zorc mienh. 19 Mienh gorngv zien nyei waac, waac yietc liuz yiem, mv baac mienh gorngv gorngv-baeqc nyei waac se yiem nduqc dangh hnangv. 20 Daav orqv za'eix nyei mienh maaih gorngv-baeqc nduov mienh nyei hnyouv, mv baac daav longx nyei za'eix wuov deix duqv njien-youh.” (Cong-Mengh Waac 12:18-20).

69


2. Weic zuqc. “Zoux jaav zorng-zengx nyei mienh simv maiv ndutv zuqc dingc zuiz, gorngv-baeqc nyei mienh yaac oix zuqc mietc.” (Cong-Mengh Waac 19:9).

3. Weic zuqc, “Zoux jaav zorng-zengx nyei mienh simv maiv ndutv zuqc dingc zuiz. Gorngv-baeqc nyei mienh setv mueiz yaac biaux maiv ndutv.” (Cong-Mengh Waac 19:5).

4. Weic zuqc gorngv-baeqc nyei mienh oix zuqc dingc zuiz daic (Gong-Zoh 5:1-11).

5. Weic zuqc, "taux siemv zuiz wuov hnoi, mouz laanh mienh gorngv nyei joux-joux henh waac, gorqv-mienh ganh oix zuqc ndaam-dorng. 37 Tin-Hungh oix longc meih ganh nyei waac dingc meih maaih zuiz fai maiv maaih zuiz." (Matv^taai 12:36-37).

III. TIN-HUNGH NZORNG HAIC BEIH ZAQC HNYOUV NJUOTV NYEI MIENH1. Weic zuqc “Yie yaac maiv nyiemc hnyouv njuotv nyei mienh, maiv bun haaix nyungc orqv sic guen zuqc yie. 5 Haaix dauh beic ndiev gorngv doqc ninh juangc laangz nyei gorx-youz yie oix mietc nzengc. Zoux maux, ceng-hlo nyei mienh yie diev maiv duqv. 6 Yie nyei m'zing oix mangc jienv yiem deic-bung ziepc zuoqv nyei mienh, weic bun ninh mbuo duqv caux yie yiem. Haaix dauh yangh maiv maaih dorngx nqemh nyei jauv, ziouc duqv fu-sux yie. 7 Haaix dauh zoux nduov mienh nyei mienh maiv duqv yiem yie nyei biauv. Haaix dauh gorngv-baeqc, maiv duqv yiem yie nyei nza'hmien.” (Singx Nzung 101:4-7).

2. "Maiv dungx yiem meih nyei mienh mbu'ndongx jiex naaiv jiex wuov gorngv waac-huv. "Yaac maiv dungx zoux haaix nyungc hoic mienh nyei maengc. Yie se ZIOUV. 17 " 'Maiv dungx yiem hnyouv nzorng meih nyei gorx-youz. Zungv oix zuqc mingh kuinx ninh weic bun ganh maiv zuqc caux ninh ndaam zuiz. 18 " 'Maiv dungx jaauv siouh fai nipc win ganh nyei gorx-youz, zungv oix zuqc hnamv mienh hnangv hnamv ganh nor. Yie se ZIOUV. 19 " 'Meih mbuo oix zuqc ei nzengc yie nyei lingc.” (Lewi 19:16-19).

3. Weic zuqc Tin-Hungh oix baeng meih nyei mbietc cuotv daaih, “Meih daav za'eix mietc mienh. Meih nyei mbietc hnangv teix-do nor laic, kungx longc weic gorngv-baeqc nduov mienh hnangv. Meih hnamv orqv sic gauh camv kuv sic, hnamv gorngv-baeqc nyei waac gauh camv gorngv zien leiz. O meih gorngv-baeqc nduov mienh nyei mbietc aah! Meih hnamv yietc zungv hoic mienh nyei waac. Mv baac Tin-Hungh oix bun meih zuqc mietc taux yietc liuz. Ninh oix zorqv meih yiem ndopv-liuh gu'nyuoz ciev cuotv daaih. Ninh oix yiem yaangh gen baeng meih cuotv hnangv liemh nzungh baeng cuotv nor.” (Singx Nzung 52:2-5).

Setv Mueiz Waac: Ih hnoi nyei Ging-Sou biux mengh mbuox mbuo taux gorngv waac-huv, gorngv-baeqc, zoux maux, mangc mienh maiv faaux mueic, zoux laih hopv nyei sic, nzorng mienh nouz mienh nyei jauv yietc zungv, Tin-Hungh maiv a’hneiv. Dongh zoux naaiv nyungc sic nyei mienh Tin-Hungh laengz jienv waac oix ei jienv ninh mbuo ganh gorngv nyei waac winh bun ninh mbuo. Yesu gorngv, "Yie mbuox meih mbuo, taux siemv zuiz wuov hnoi, mouz laanh mienh gorngv

70


nyei joux-joux henh waac, gorqv-mienh ganh oix zuqc ndaam-dorng. 37 Tin-Hungh oix longc meih ganh nyei waac dingc meih maaih zuiz fai maiv maaih zuiz." (Matv^taai 12:36-37).

7. Hlo Yiem Tin-Hungh Nyei JauvGing-Sou: 2 Bide 1:3-15 “Tin-Hungh longc ninh nyei qaqv zorqv mbuo yiem naaiv seix zaangc weic gan longx Tin-Hungh qiemx longc nyei nyungc-nyungc ceix bun mbuo. Mbuo hnangv naaiv nor duqv weic zuqc mbuo hiuv duqv ninh, dongh heuc mbuo daaih juangc ninh nyei njang-laangc caux ninh longx nyei yietc zungv wuov dauh. 4 Hnangv naaiv, ninh laengz hlo haic, jaaix haic nyei waac bun mbuo. Meih mbuo ziouc haih kaux naaiv deix laengz nyei waac duqv juangc Tin-Hungh nyei fiem-fingx, yaac haih biaux ndutv baamh gen nyei waaic sic, dongh baamh mienh ei ganh nyei hnyouv hanc zoux nyei waaic sic. 5 Weic naaiv meih mbuo oix zuqc longc nzengc hnyouv bun meih mbuo nyei sienx fim jaa zoux kuv sic. Zoux kuv sic yaac oix zuqc jaa hiuv duqv Tin-Hungh. 6 Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh.” 7 Gan longx Tin-Hungh yaac oix zuqc jaa hnamv sienx Yesu nyei gorx-youz. Hnamv sienx Yesu nyei gorx-youz yaac oix zuqc jaa hnamv zuangx mienh. 8 Se gorngv meih mbuo maaih naaiv deix zoux longx nyei sic yaac jaa maaih camv jienv faaux, ziouc bun meih mbuo cuotv banh zeic, maaih lamh longc, yaac gauh hiuv duqv mbuo nyei Ziouv Yesu Giduc.” 9 Mv baac haaix dauh maiv maaih naaiv deix zoux longx nyei sic nor, wuov dauh se m'zing mbuov, mangc maiv duqv go, yaac la'kuqv ninh zinh ndaangc zoux nyei zuiz duqv nzaaux nzengc mi'aqv. 10 Zuangx gorx-youz aac, weic naaiv meih mbuo oix zuqc jaa jorm hnyouv zoux, bun cing meih mbuo za'gengh zoux Tin-Hungh heuc daaih ginv daaih nyei mienh. Se gorngv meih mbuo hnangv naaiv nor zoux, meih mbuo yietc liuz yaac maiv ndortv.” 11 Hnangv naaic Tin-Hungh ziouc bun meih mbuo maaih dunh yunh nyei leiz bieqc mbuo Njoux Ziouv Yesu Giduc yietc liuz nyei guoqv. 12 Weic naaiv, maiv gunv meih mbuo zungv hiuv liuz yaac kaux wuonv meih mbuo zipv daaih nyei zien leiz, yie oix zanc-zanc tengx meih mbuo jangx jienv naaiv deix sic. 13 Yie hnamv yie corc ziangh jienv nyei ziangh hoc yie horpc zuqc tengx meih mbuo jangx duqv naaiv deix sic.” 14 Yie hiuv duqv maiv lauh yie oix zuqc guangc yie naaiv norm haih daic nyei sin, hnangv mbuo nyei Ziouv Yesu Giduc mengh-mengh nyei mbuox yie nor. 15 Yie oix longc nzengc qaqv lorz jauv weic bun meih mbuo zuov yie guei seix ziouc zanc-zanc jangx jienv naaiv deix sic.”

Biux Mengh Waac: Ih hnoi naaiv douc Ging-Sou se njaaux taux mbuo hnangv haaix nor hlo yiem Tin-Hungh nyei jauv. Ging-Sou gorngv maaih 7 nyungc jauv mbuo qiemx zuqc oix zuqc hlo. Naaiv deix 7 nyungc jauv se benx 7 norm J

I. Da’yietv norm J jaa zoux kuv sic ys.5a). 1. Yiem 2 Bide 1:5 “Weic naaiv meih mbuo oix zuqc longc nzengc hnyouv bun meih mbuo nyei sienx fim jaa zoux kuv sic. Zoux kuv sic yaac oix zuqc jaa hiuv duqv Tin-Hungh.”

71


2. Yiem 1 Bide 2:12 “Meih mbuo yiem maiv sienx nyei mienh mbu'ndongx kungx oix zuqc zoux longx nyei sic hnangv. Hnangv naaic, se gorngv ninh mbuo daanh meih mbuo, gorngv meih mbuo se zoux waaic sic nyei mienh, ninh mbuo haih zieqv duqv meih mbuo zoux nyei kuv sic. Taux Tin-Hungh daaih wuov hnoi, ninh mbuo ziouc ceng Tin-Hungh.”

3. Yiem E^fe^so 4:31 “Oix zuqc guangc im nyei hnyouv, maiv dungx nouz mienh, maiv dungx qiex jiez, maiv dungx nauc-nauc nyei nzaeng jaax, maiv dungx gorngv doqc mienh. Yaac oix zuqc guangc nzengc nyungc-nyungc nzorng mienh nyei sic. 32 Daaux nzuonx, laanh oix zuqc zoux longx bun laanh, laanh korv-lienh laanh, yaac oix zuqc guangc laanh zoux dorngc laanh nyei sic hnangv Tin-Hungh longc Giduc guangc meih mbuo nyei zuiz wuov nor.”

II. Da’nyeic norm J jaa hiuv duqv Tin-Hungh ys.5b1. Yiem 2 Bide 1:6 “Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh.”

2. Yiem 1 Yo^han 4:7-8 “Hnamv nyei gorx-youz aah! Mbuo oix zuqc laanh hnamv laanh weic zuqc hnamv mienh naaiv nyungc hnyouv se yiem Tin-Hungh daaih. Haaix dauh hnamv mienh, wuov dauh zoux Tin-Hungh nyei naamh nyouz yaac hiuv duqv Tin-Hungh. 8 Haaix dauh maiv hnamv mienh, wuov dauh maiv hiuv duqv Tin-Hungh, weic zuqc Tin-Hungh zoux hnamv mienh nyei gorn.”

III. Da’faam norm J jaa haih gunv duqv ganh ys.6a1. Yiem 2 Bide 1:6 “Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh.”

2. Yiem 1 Bide 1:13-15 “Weic naaiv oix zuqc liuc leiz ziangx hnyouv, gunv jienv ganh, yaac longc nzengc hnyouv hnamv Yesu Giduc aengx daaih wuov zanc ninh oix ceix bun meih mbuo nyei en. 14 Meih mbuo zoux muangx Tin-Hungh nyei waac nyei naamh nyouz. Maiv dungx ei jienv meih mbuo nyei hnyouv hanc zoux, hnangv zinh ndaangc meih mbuo maiv gaengh hiuv nyei ziangh hoc zoux nyei nor. 15 Heuc meih mbuo daaih wuov dauh se cing-nzengc nyei. Yiem meih mbuo zoux nyei nyungc-nyungc sic meih mbuo yaac oix zuqc hnangv ninh nor, cing-nzengc.”

3. Yiem Gaa^laa^tie 5:19-21 “Mienh ei ganh nyei hnyouv hanc zoux se buatc duqv mengh nyei hnangv naaiv. Zoux buangh liouh nyei sic, zoux maiv cing-nzengc, zoux maiv luonx horngc nyei sic, 20 baaix miuc-fangx, bungx faatv, laanh nzorng laanh benx win-wangv, nzaeng jaax mborqv jaax, mueic jieqv, qiex jiez, nzaeng zoux hlo, bun nqoi zoux ziex guanh, 21 hanc mienh, diuv nquin, gapv zunv zoux waaic sic lo haaix. Naaiv deix waac yie gorngv mbuox jiex meih mbuo nyei, ih zanc yie aengx gorngv nzunc. Haaix dauh zoux naaiv nyungc sic, maiv haih duqv Tin-Hungh zoux Ziouv gunv ninh mbuo.”

72


IV. Da’feix norm J jaa maaih noic ys.6c1. Yiem 2 Bide 1:6 “Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh.”

2. Yiem Singx Nzung 37:7 “Oix zuqc yiem ZIOUV nyei nza'hmien sekv-sekv nyei longc noic zuov ninh. Maiv dungx weic ei ganh nyei jauv duqv longx fai ei waaic nyei za'eix zoux wuov deix guaax hnyouv.”

3. Yiem Congh Mengh Waac 29:11 “Mienh hngongx mienh bun ninh nyei ga'qiex baetv cuotv nzengc, mv baac cong-mengh mienh longc noic nyienz jienv.”

4. Yiem 1 Ko^lin^to 13:7 “Se gorngv hnamv mienh, ziouc yiem maanc sic haih diev duqv, yiem maanc sic maaih sienx fim, yiem maanc sic maaih lamh hnamv dorngx, yiem maanc sic yaac maaih noic.”

V. Da’hmz norm J jaa gan longx Tin-Hungh ys.6d1. Yiem Nzamc Leiz-Latc 8:2 “Meih mbuo oix zuqc jangx jienv yiem wuov deic-bung-huaang naaiv deix feix ziepc hnyangx gu'nyuoz, ZIOUV, meih mbuo nyei Tin-Hungh, hnangv haaix nor dorh meih mbuo, weic bun meih mbuo nyiemc ganh zoux faix, weic seix mangc gaax meih mbuo nyei hnyouv hnangv haaix nor, meih mbuo za'gengh gan longx ninh nyei leiz-latc zeiz fai maiv zeiz.”

2. Yiem Nzamc Leiz-Latc 12:28 “Oix zuqc ziepc zuoqv nyei gan longx yie paaiv bun meih mbuo naaiv deix yietc zungv leiz, meih mbuo caux meih mbuo nyei zeiv-fun cingx daaih yietc liuz duqv longx weic zuqc ei ZIOUV, meih mbuo nyei Tin-Hungh, mangc, meih mbuo zoux duqv longx yaac zoux duqv horpc.”

3. Yiem Nzamc Leiz-Latc 15:4-5 “Se gorngv meih mbuo ei nzengc ZIOUV, meih mbuo nyei Tin-Hungh, nyei waac, longx-longx nyei gan yie ih hnoi jiu bun meih mbuo naaiv deix yietc zungv lingc, yiem meih mbuo mbu'ndongx ziouc maiv maaih mienh jomc mienh, weic zuqc yiem ZIOUV, meih mbuo nyei Tin-Hungh, jiu bun meih mbuo nzipc benx meih mbuo nyei buonc deic-bung, ZIOUV oix camv-camv nyei ceix fuqv bun meih mbuo.”

4. Yiem Nzamc Leiz-Latc 30:16 “Se gorngv meih mbuo ei jienv ZIOUV, meih mbuo nyei Tin-Hungh nyei waac, dongh yie ih hnoi hatc meih mbuo nyei waac, hnamv ZIOUV, meih mbuo nyei Tin-Hungh, yangh ninh nyei doz, gan longx ninh nyei leiz-latc caux lingc caux leiz, meih mbuo ziouc duqv ziangh jienv yaac hiaangx jienv faaux. Meih mbuo duqv bieqc mingh yiem jienv oix benx meih mbuo nyei buonc wuov norm deic-bung wuov zanc, ZIOUV, meih mbuo nyei Tin-Hungh, oix ceix fuqv bun meih mbuo.”

VI. Da’luoqc Norm J jaa hnamv mienh ys.71. Yiem 2 Bide 1:7 “Gan longx Tin-Hungh yaac oix zuqc jaa hnamv sienx Yesu nyei gorx-youz. Hnamv sienx Yesu nyei gorx-youz yaac oix zuqc jaa hnamv zuangx mienh.”

73


2. Yiem Lewi 19:18 "Maiv dungx jaauv siouh fai nipc win ganh nyei gorx-youz, zungv oix zuqc hnamv mienh hnangv hnamv ganh nor. Yie se ZIOUV.”

3. Yiem Yo^han 13:34-35 “Ih zanc yie bun diuh siang-lingc meih mbuo, mbuox meih mbuo laanh oix zuqc hnamv laanh. Yie hnangv haaix nor hnamv meih mbuo, meih mbuo oix zuqc hnangv wuov nor laanh hnamv laanh. 35 Se gorngv meih mbuo laanh hnamv laanh, zuangx mienh ziouc hiuv duqv meih mbuo zoux yie nyei sai-gorx."

4. Yiem Lomaa 13:8 “Cin-maanc maiv dungx qiemx haaix dauh nyei haaix nyungc zaeqv. Kungx oix zuqc maaih nduqc nyungc zaeqv hnangv. Naaiv se laanh oix zuqc hnamv laanh. Haaix dauh hnamv mienh ziouc ei nzengc leiz-latc mi'aqv.”

5. Yiem Lomaa 13:10 “Haaix dauh hnamv mienh, ninh maiv zoux sic hoic mienh. Weic naaiv, haaix dauh hnamv mienh ziouc ei nzengc leiz-latc.”

VII. Da’cietv Norm J jaa jorm hnyouv ys.101. Yiem 2 Bide 1:10 “Zuangx gorx-youz aac, weic naaiv meih mbuo oix zuqc jaa jorm hnyouv zoux, bun cing meih mbuo za'gengh zoux Tin-Hungh heuc daaih ginv daaih nyei mienh. Se gorngv meih mbuo hnangv naaiv nor zoux, meih mbuo yietc liuz yaac maiv ndortv.”

2. Yiem Singx Nzung 119:20 “Yie gengh! jorm hnyouv zanc-zanc jangx meih nyei leiz, taux mba'nziu zungv oix mbaaix nyei.”

3. Yiem Singx Nzung 119:20 “Yie gengh! jorm hnyouv zanc-zanc jangx meih nyei leiz, taux mba'nziu zungv oix mbaaix nyei.”

4. Yiem Yonaa 3:8 “Dauh dauh oix zuqc jorm hnyouv daux gaux jouh Tin-Hungh. Mbuo zoux waaic nyei jauv yietc zungv oix zuqc guangc nzengc.”

5. Yiem Lomaa12:10 “Laanh oix zuqc jorm hnyouv hnamv laanh hnangv hnamv ganh nyei cien muoz-doic nor. Laanh yaac oix zuqc taaih laanh, funx mienh gauh longx ganh.”

6. Yiem Lomaa15:30 “Gorx-youz aac, mbuo sienx Ziouv Yesu Giduc, Singx Lingh yaac bun mbuo hnamv mienh, yie ziouc tov! meih mbuo jorm hnyouv longc qaqv tengx yie daux gaux.”

7. Yiem 1 Ko^lin^to 16:15 “Meih mbuo hiuv duqv Saa^te^faa^natv mbuo yietc biauv mienh yiem Aa^kaa^yaa Saengv sienx Yesu ndaangc. Ninh mbuo gengh jorm hnyouv fu-sux Tin-Hungh nyei mienh.”

8. Yiem Gaa^laa^tie 4:18 gorngv, “Jorm hnyouv caux mienh zoux longx se horpc nyei, da'faanh zoux weic bun mienh duqv longx. Oix zuqc zanc-zanc zoux, maiv daan yie caux meih mbuo yiem nyei ziangh hoc.”

74


9. Yiem Hipv^lu 6:11 “Yie mbuo oix meih mbuo mouz laanh fih hnangv nyei jorm hnyouv taux setv mueiz weic bun meih mbuo za'gengh duqv dongh meih mbuo maaih lamh hnamv oix duqv nyei.”

Setv Mueiz Waac: Yiem 1 Bide 4:7-11 “Maanc muotc nyei setv mueiz hnoi taux fatv aqv. Meih mbuo oix zuqc gunv jienv ganh, ging jienv hnyouv daux gaux “Gauh longc jienv jiex se oix zuqc jorm hnyouv laanh hnamv laanh, weic zuqc laanh hnamv laanh ziouc haih guangc nqoi mienh nyei zuiz camv nyei. 9 Oix zuqc a'hneiv laanh zipv laanh zoux kaeqv, yaac maiv dungx la'ngopv. 10 Dauh dauh duqv zipv Tin-Hungh nyei zingh nyeic yaac oix zuqc goux longx. Haaix dauh zipv haaix nyungc zingh nyeic oix zuqc longc tengx zuangx mienh. 11 Haaix dauh zunh doz oix zuqc za'gengh douc Tin-Hungh nyei waac. Haaix dauh cuotv fim tengx mienh oix zuqc longc Tin-Hungh bun daaih nyei qaqv fu-sux. Hnangv naaic meih mbuo zoux nyei nyungc-nyungc ziouc bun mienh dengv Yesu Giduc nyei mbuox ceng Tin-Hungh. Yesu Giduc yietc liuz maaih njang-laangc, maaih qaqv taux maanc gouv maanc doic.”

DA’LUOQC GINC: KOI MENGH DOZ FAI MENGH YANGH (THE EXPOSITORY SERMON)

Biux mengh waac: Koi mengh doz fai mengh yangh doz se benx yietc nyungc zunh doz qorng nyei jauv nyei orn-mbaih dongh longx jiex cuotv siangc jiex nyei zunh doz waac. Naaiv nyungc zunh doz qorng nyei orn-mbaih jauv se mbuo maiv lorz ganh norm dorngx nyei Ging-Sou waac aqv. Mbuo kungx ei jienv dongh mbuo doqc wuov deix Ging-Sou nyei waac porv mengh hnangv. Mbuo nyei orn-mbaih caux bun-ginc nyei jauv yietc zungv yiem dongh mbuo doqc wuov deix Ging-Sou nyei waac daaih hnangv. Mbuo caeqv nqoi fai bun nqoi dongh mbuo doqc wuov deix Ging-Sou waac yietc yiemc yietc yiem nyei mingh. Maiv gunv gorngv domh hoc daauh fai fiuh hoc daauh (main division or subdivision).

Naaiv nyungc zunh doz waac se benx zien-zien nyei porv Ging-Sou nyei jauv. Zunh doz nyei mienh oix zuqc hoqc longx nyei taux Ging-Sou nyei waac-nyuoz caux jiex daaih nyei sic (preacher must study background and the context). Zunh doz nyei mienh oix zuqc porv mengh taux ninh doqc wuov deix Ging-Sou nyei mouz deic jauv, weic haaix diuc naaiv douc Ging-Sou hnangv naaiv nor gorngv, fiev Ging-Sou nyei mienh weic haaix diuc jauv hnangv naaiv nor fiev. Yiem ninh nyei biux mengh waac nyei jauv ninh oix zuqc porv mengh ndaangc taux Ging-Sou nyei background bun mienh muangx fai bun mienh hiuv, liuz cingx daaih porv mienh ninh doqc nyei Ging-Sou waac.

Naaiv nyungc zunh doz qorng nyei orn-mbaih jauv, maaih deix ziangh hoc bun-ginc nyei waac maiv doic doz nyei mbuox (Title or Topic). Mbuo nyei domh hoc daauh (main division) yaac maiv bieqc mbuo nyei doz nyei mbuox, naaiv se maiv zeiz gorngv maiv zeiz Ging-Sou nyei waac. Zien sic nor, naaiv nyungc orn-mbaih jauv se ei jienv dongh mbuo doqc nyei Ging-Sou gorngv nyei waac mingh.

75


Naaiv nyungc zunh doz qorng nyei jauv, se gorngv meih bieqc hnyouv ninh nyei jauv nor, gauh hungh heix mbenc jiex, yaac maiv zuqc nzauh mbuo haih cuotv Ging-Sou nyei korn^taekv, weic zuqc mbuo nyei porv mengh waac m’daaih yiem jienv wuov aqv. Mbuo ei jienv mbuo doqc nyei Ging-Sou fai (text) porv mengh hnangv.

Jangx jienv oc, koi mengh doz nyei orn-mbaih jauv se maaih i nyungc, maaih nyungc se hnangv deix Ging-Sou doz nyei orn-mbaih jauv nor. Ninh nyei domh hoc daauh se yiem mbuo doqc wuov deix Ging-Sou nyei waac bun cuotv daaih, liuz mbuo nyei porv mengh waac nyei Ging-Sou, fiuh bun (subdivision) se lorz yiem ganh norm dorngx nyei Ging-Sou daaih tengx porv mengh. Da’nyeic nyungc se maiv gunv gorngv domh hoc daauh fai fiuh hoc daauh nyei bun-ginc jauv fai (main division or subdivision) porv mengh nyei waac m’daaih juangc fai yiem dongh mbuo doqc wuov deix Ging-Sou nyei waac caeqv daaih hnangv.

Koi mengh doz nyei zunh doz qorng (expository sermon) maiv zeiz kungx longc Ging-Sou zoux hoc daauh hnangv, liemh fiuh bun nyei jauv zungv benx Ging-Sou nyei waac nzengc. Gauh camv jiex yiem mbuo doqc nyei Ging-Sou nzengc-nzengc longc gauh ndaauv Ging-Sou doz caux hoc daauh doz nyei Ging-Sou. Zanc-zanc longc ziangh zaang Ging-Sou, maaih deix ziangh hoc maaih dauh baav fin-saeng zungv longc nzengc ziangh buonv sou, se gorngv doix zuqc dongh Ging-Sou maiv nangc ndaauv wuov deix nor. Mv maaih ganh diuc za’eix porv mengh taux koi mengh doz nyei jauv, cuotv liuz yiem biux mengh waac wuov mbuo oix zuqc biux mengh taux Ging-Sou ganh gorngv nyei jauv-dauh louc-mueiz jauv fai background nyei jauv. Aengx maaih nyungc jauv yiem koi mengh doz nyei jauv, maaih deix ziangh hoc, mienh heuc porv mengh Ging-Sou yietc yiemc yietc yiemc nyei jauv, fai gorngv (verse by verse Bible Commentary).

Maaih ziex nyungc longx nyei jauv yiem koi mengh doz nyei zunh doz jauv. Yietc nyungc jauv se gauh hungh heic mbenc, yaac maiv zuqc nzauh mingh dorngc Ging-Sou nyei eix-leiz, caux yaac benx zien Ging-Sou nyei waac. Se gorngv mbuo zaah mangc fai samx mangc daaih, Gong-Zoh mbuo gauh camv jiex yaac fih hnangv nyei longc naaiv nyungc za’eix njaaux mienh. Naaiv yaac tengx mbuo ceix wuonv nyei gorn-ndoqv yiem Ging-Sou, maiv gunv gorngv yietc douc Ging-Sou ganh hnangv.

Naaiv nyungc zunh doz waac nyei jauv se tengx beu zunh doz nyei mienh maiv zuqc mienh gox jaav-zongc hoic, gorngv zunh doz mienh zunh jaav-doz, weic zuqc naaiv nyungc zunh doz nyei waac se yiem Ging-Sou daaih. Nyungc-nyungc jauv kungx yiem dongh mbuo doqc wuov kang Ging-Sou daaih hnangv. Maiv gunv gorngv mienh oix hnangv haaix nor gorngv yaac duqv, mv baac zien jauv m’daaih yiem Ging-Sou cuotv daaih hnangv, cuotv liuz zunh doz mienh ganh zoux jaav wuotv Ging-Sou nyei waac hnangv.

76


Ih jaax hnoi maaih I nyungc sic yiem jiu baang, maaih deix zunh doz mienh zunh jaav, wuotv Ging-Sou nyei waac daaih dorh mienh mingh zoux zuiz fai gan ninh, maaih nyungc jiu baang mienh zoux zuiz daaih maiv oix muangx zien leiz nyei jauv, se gorngv zunh doz mienh zunh zien Ging-Sou nyei waac ninh mbuo ziouc caux zunh doz mienh doix dekc, yaac gorngv waac-huv, fai zoux hoic zunh doz mienh. Naaiv nyunc zunh doz nyei waac benx liepc ceix porv mengh Ging-Sou ndo jiex nyei jauv, yiem Ging-Sou nyei waac gu’nyuoz. Hnangv naaiv cingx daaih gorngv zunh doz nyei mienh oix zaah longx nyei taux dongh ninh oix zunh nyei wuov douc Ging-Sou nyei waac. Naaiv nyungc zunh doz waac se beiv hnangv mbuo wetv nyungc baav ndiangx-nzungh fai ga’naaiv-zuangx njiec nzungh ndo haic nor.

Examples of Expository Sermon OutlineZorqv Nyungc Zeiv Taux Koi Mengh Doz Nyei Orn-Mbaih Fai Bun-Ginc Jauv

Mbuo nyei da’yietv norm nyungc zeiv taux koi mengh doz nyei zunh doz qorng nyei jauv, mbuo oix longc E^fe^so 6:10-18. Ih zanc mbuo oix bun zoux buo ginc domh hoc daauh nyei jauv yiem naaiv douc Ging-Sou nyei waac, dongh Baulo fin-saeng gorngv taux mbuo Giduc Mienh nyei mborqv jaax nyei jaax-muotc jauv.

Doz Nyei Mbuox fai Hoc Daauh: “Longc Sienx Fim Mborqv Longx Nyei Jaax” Hoc daauh fai Theme: Jiex mingh nyei jauv se mbuo oix gorngv taux sienx Yesu mienh nyei lingh wuonh jaax:

I. Giduc Mienh nyei mborqv jaax nyei wuoqc ginc 10-14a 1. Kaux Ziouv Yesu benx mienh henv mienh 10y 2. Oix zuqc ngaengc jienv mienv nyei hungh nyei guv-guaix nyei za’eix, 11-14ya. II. Giduc Mienh nyei wuoqc ginc, 14-17ys. 1. Zoux horpc, zoux zien, zoux zingx nyei jauv, 14-17a. 2. Yaac oix zuqc zanc-zanc longc Ging-Sou nyei waac zoux mbuo nyei wuoqc ginc, 17yb.

III. Giduc Mienh nyei daux gaux maengc, 18y.

1. Oix zuqc zanc-zanc maiv dingh liouh nyei daux gaux, 18ya.

2. Oix zuqc maiv dingh liouh nyei weic Tin-Hungh nyei zuangx mienh daux gaux 18yb.

Da’nyeic norm nyungc zeiv. Mbuo oix longc Lugaa 19:1-10 zoux mbuo nyei

77


nyungc zeiv. Hoc Daauh: “Yiem Hnamv Nyei Jauv Duqv Hingh”I. Sakc^kietv Zimh Lorz Nyei Jauv, 1-4y. 1. Yesu nyei mouz deic mingh, 1y. 2. Sakc^kietv lorz nyei jauv, 2-4y.II. Zoux Sakc^kietv Nyei Pongh Yiouv, 5-7y.

1. Zoux nyei juoqc setv, 5y.

2. Cuotv daaih nyei kuv sic, 6-7y.

III. Sakc^kietv Nyei Njoux En Jauv, 8-10

1. Ninh nyei zorng-zengx, 8y

2. Ninh gorngv nyei waac, 9-10y.

Hnangv mbuo duqv gorngv jiex daaih nor, koi mengh doz fai (expository sermon) se maaih i nyungc, maaih nyungc se hnangv Ging-Sou doz fai (Textual Sermon) nor ninh nyei orn-mbaih jauv. Weic zuqc naaiv deix i nyungc jauv maaih ziangh hoc haih bun mbuo bieqc hnyouv dorngc nyei. Ei jienv mbuo duqv gorngv jiex daaih nyei, mbuo yaac aengx oix mangc gauh muonc deix taux naaiv deix jauv nyei nyungc zeiv.

1. Porv Mengh Ging-Sou Nyei Jauv (The Biblical Homily) Porv mengh Ging-Sou nyei jauv se ei jienv Ging-Sou nyei waac ceix, fai fiev mbuo nyei orn-mbaih waac (outline), maiv gorngv ndaauv fai nanv, porv mengh caux dorh daaih longc nye jauv ei jienv yiemc-yiemc Ging-Sou gorngv nyei jauv mingh, fai hlengx-hlengx Ging-Sou nyei waac. Maiv gunv gorngv hnangv naaic, mv baac maaih deix ziangh hoc corc maiv zeiz Ging-Sou nyei waac, mv baac Ging-Sou nyei eix-leiz se maiv cuotv, corc yiem jienv dongh mbuo doqc wuov deix Ging-Sou nyei waac nyei.

2. Porv Benx Njaaux Nyei Jauv (The Exegetical Lecture) Porv benx njaaux nyei jauv fai (an exegetical lecture) se benx gauh nzoih jiex nyei porv Ging-Sou jauv, yaac gauh zuqc jiex Ging-Sou nyei eix-leiz, maiv gunv gorngv maaih deix ziangh hoc maaih fai maiv hnamv yiem ndo nyei jauv, fai hoqc dorh daaih longc nyei jauv. Naaiv se benx longc jienv haic nyei yietc nyungc porv Ging-Sou nyei jauv, yiem mbuo hoqc Tin-Hungh nyei waac nyei jauv. Maiv gunv hnangv naaic mv baac, naaiv maiv zeiz dongh jiu baang mienh oix muangx nyei jauv. Naaiv nyungc porv Ging-Sou nyei jauv (exegesis) se baeng fai zorqv Ging-Sou nyei eix-leiz ndo jiex nyei jauv cuotv daaih gorngv

78


bun mienh muangx, dongh bingx jienv yiem Ging-Sou nyei eix-leiz wuov deix waac. Mengh yangh doz fai koi mengh doz nyei jauv se duqv dingc benx yietc nyungc zunh doz nyei waac yiem ndo jiex nyei dorngx, fai ndo jiex nyei jauv nyei porv mengh waac. Maaih deix mienh fai (fin-saeng) fiev zunh doz qorng nyei jauv longc waac liangv nyei, heic nyei, weic zuqc ninh mbuo yaac nzauh heix taux mienh maiv bieqc hnyouv Ging-Sou nyei waac, fai njaaux nyei jauv. Maaih deix yaac maiv gunv taux mienh hnangv haaix nor bieqc hnyouv nyei jauv, yiem ninh mbuo zunh nyei doz. Jangx jienv, maiv gunv meih maaih wuonh zaang ndongc haaix camv, mv baac se gorngv meih njaaux nyei mienh maiv bieqc hnyouv, fai maiv maaih eix-leiz nor, yaac maiv lamh longc, tengx maiv duqv mienh. Aengx maaih nyungc, meih yaac oix zuqc jangx jienv, mbuo zunh doz yaac maiv zeiz gorngv gouv bun mienh muangx, fai njaaux pouh tong seix zangc nyei jauv, mbuo zunh doz se douc Tin-Hungh nyei waac, mbuo tengx Tin-Hungh douc waac bun baamh mienh muangx, maiv gunv hnangv haaix fiev fai mbenc zunh doz nyei jauv, mbuo oix zuqc douc zien Tin-Hungh nyei waac. Hnangv Bide njaaux gorngv nor, “11 Haaix dauh zunh doz oix zuqc za'gengh douc Tin-Hungh nyei waac.” (1 Bide 4:11a).

MBENC KOI MENGH DOZ FAI MENGH YAANGH NYEI ZUNH DOZ QORNG NYEI LEIZ-NYEIC JAUV

(THE BASIC PRINCIPLES FOR THE PREPARATION OF EXPOSITORY OUTLINE)

1. Kang-kang ginc-ginc Ging-Sou nyei waac oix zuqc hnamv taux ninh nyei eix-leiz caux porv mengh nyei jauv, yaac faix-faix fim-fim hoqc bieqc hnyouv taux ninh nyei eix-leiz hnangv haaix nor longc, hnangv haaix nor porv mengh. Oix zuqc samx mangc ninh nyei korn^taekv gorngv mingh haaix bouc ndau, yaac gorngv taux haaix nyungc jauv, maiv gunv gorngv meih njaaux fai zunh bun mienh muangx fih hnangv nyei, oix zuqc zaah muonc nyei taux dongh meih oix njaaux wuov douc Ging-Sou nyei waac. Jangx jienv koi mengh doz nyei jauv, meih zunh nyei ziangh hoc, meih oix zuqc porv mengh taux dongh jiex daaih nyei sic (background) yiem meih nyei biux mengh waac wuov.

2. Longc jienv nyei waac fai ginc-soux nye waac yiem Ging-Sou mbuo haih longc zoux mbuo nyei domh hoc daauh fai (main division) zoux mbuo nyei orn-mbaih fai (outline). Mbuo yaac duqv gorngv jiex daaih longc jienv nyei jauv hnangv haaix nor mi’aqv. Koi mengh doz fai mengh yangh doz fai (expository sermon) nyei bun-ginc orn-mbaih jauv se zorqv yiem mbuo doqc nyei Ging-Sou cuotv, ganh joux waac se gorngv, yiem mbuo doqc wuov douc Ging-Sou nyei waac bun cuotv fai bun nqoi, mbuo caeqv fai zorqv dongh mbuo doqc wuov douc Ging-Sou nyei waac bun nqoi benx ginc-soux fai orn-mbaih nyei jauv benx yietc ginc yietc ginc nyei daaih.

Ih zanc bun mbuo aengx daaih mangc norm nyungc zeiv yiem E^fe^so 1:3-14

79


wuov, yaac bun mbuo jangx jienv hoqc dongh jiex mingh oix gorngv taux nyei jauv:6y. “Mbuo oix zuqc ceng Tin-Hungh weic ninh hlo haic nyei en,”12y. Mbuo “oix zuqc ceng Tin-Hungh nyei njang-laangc.”14y. “Mbuo oix zuqc ceng ninh nyei njang-laangc.”

3. Bun-ginc nyei orn-mbaih yiem koi mengh doz nyei zun doz qorng se mbuo baeng yiem mbuo doqc wuov deix Ging-Sou nyei waac fai yiem ganh norm dorng daaih, hnangv Ging-Sou doz nyei jauv nor. Weic zuqc hnangv mbuo duqv gorngv jiex daaih nor, koi mengh doz nyei bun-ginc jauv se maaih deix ziangh hoc hnangv Ging-Sou doz nyei bun-ginc jauv nor. Koi mengh doz nyei domh bun nyei jauv fai (main division) se yiem mbuo doqc wuov deix Ging-Sou nyei waac zorqv cuotv daaih, mv baac fiuh bun-ginc nyei jauv fai (subdivision) se zorqv yiem ganh norm dorngx nyei Ging-Sou waac daaih, zueih yietv zueih nyeic nyei mbaih jienv mingh.

Jiex mingh bun mbuo mangc ganh bun-ginc nyei jauv yiem Cuotv I^yipv 12:1-13, nyei bun-ginc jauv. Yiem naaiv mbuo oix bun nqoi benx biaa ginc benx domh hoc daauh (main divisions yiem koi mengh doz nyei jauv:

Hoc daauh: “Tin-Hungh Nyei Ba’gi Yungh Dorn” Jiex mingh oix gorngv nyei jauv se: “Siex maengc zipv nyei ba’gi yungh dorn se beiv taux ”Giduc,” Siex Maengc Zipv Nyei Yungh Dorn.”I. Naaiv dauh yungh dorn se benx dingc ziangx daaih nyei yungh Dorn, 12:1-3.II. Naaiv dauh yungh dorn se benx dunh yunh nyei yungh Dorn, 12:6.III. Naaiv dauh yungh dorn se benx zuqc daix daic nyei Yungh Dorn, 12:6.IV. Naaiv dauh yungh dorn se dongh zuoqc baamh mienh wuov dauh yungh Dorn, 12:7, 12-13.V. Naaiv dauh yungh dorn se diqv maengc wuov dauh yungh Dorn, 12:8-11.

4. Longc jienv nyei zien jauv se hnangv gorngv jiex daaih nyei jauv nor, yiem wuov douc Ging-Sou nyei waac mbuo haih liepc mbuo nyei domh hoc daauh benx mbuo nyei bun-ginc orn-mbaih jauv. Yiem naaiv nyungc orn-mbaih fai bun-ginc nyei jauv, mbuo oix baeng yiem gouv-douc caux douc waac mienh nyei zinh hoz waac nyei Ging-Sou daaih, mbuo dorh minc zinh saaiv longc nyei ga’naaiv, caux zien sic yiem lingh wuonh nyei jauv daaih zoux mbuo nyei leiz-nyeic, yaac oix bun benx mbuo nyei domh hoc daauh (main divisions outline).

Nyungc zeiv yiem O^mbaa^ndi Ging-Sou, naaiv buonv sou kungx maaih 21 yiemc hnangv, naaiv deix zinh hoz waac nyei jauv se gorngv taux E^ndom zuqc mietc fai zuqc dingc zuiz nyei jauv. Ziux naaiv buonv sou

80


nyei koux nyuoz fai waac-nyuoz, ei mbuo saamx mangc daaih buatc taux maaih i nyungc laauc yaangh nyei sic, se gorngv taux Tin-Hungh nyei juoqc setv, se hnangv jiex mingh naaiv nor: I. Ninh se benx baengh fim nyei Tin-Hungh, v.1-16. 1. Ninh dongh siemv baamh mienh dongh ninh mbuo maaih ceng-hlo nyei hnyouv wuov deix, v.1-9. 2. Ninh dongh siemv baamh mienh dongh ninh mbuo zoux waaic sic wuov deix, v.10-16.

II. Ninh se benx maaih en-zingh nyei Tin-Hungh, v. 17-21

1. Ninh se dongh bungx nqoi ninh nyei mienh wuov dauh, v.17,21.

2. Ninh se dongh bun Ninh nyei mienh duqv nzipc ninh mbuo nyei jaa-dingh wuov dauh, v.17-21.

5. Koi mengh doz fai mengh yangh doz (expository sermon) nyei jauv se maaih hnangv naaiv mbaih fai bun, se gorngv mbuo haih zorqv ninh nyei eix-leiz nor se hnangv jiex daaih naaiv nor zoux, mv baac se gorngv mbuo maiv haih zorqv ninh nyei eix-leiz nor, gauh longx jiex se mbuo longc Ging-Sou ganh nyei waac caeqv nqoi daaih longc zoux orn-mbaih, hnangv naaiv nor zoux, mbuo maiv zuqc nzauh mbuo cuotv Ging-Sou nyei eix-leiz fai dorngx.

Koi mengh doz fai (expository sermon) nyei bun-ginc jauv fai orn-mbaih jauv (outline) se duqv porv mengh camv-kang jiex daaih aqv, yiem naaiv mingh mbuo oix gorngv taux setv mueiz nyei waac caux mbuo yaac oix mangc deix ninh nyei orn-mbaih jauv gauh muonc deix. Jangx jienv koiv mengh doz nyei orn-mbaih fai (outline) se maaih i nyungc: (1) Se hnangv mbuo buatc jiex daaih nor; (2) Se hnangv Ging-Sou doz nyei orn-mbaih nor, ninh nyei domh hoc daauh (main divisions) se zorqv yiem dongh doqc wuov deix Ging-Sou nyei waac baeng cuotv daaih zoux hoc daauh, mv baac porv mengh waac, fiuh bun fai (subdivisions) se zorqv yiem ganh norm dorngx nyei Ging-Sou waac daaih.

Nyungc zeiv taux zien koi mengh doz nyei orn-mbaih bun-ginc jauv fai (expository sermon outline) nyei jauv se hnangv jiex mingh naaiv nor:

1. Cong-Mengh Njaaux Nyei Biaa Ginc Kuv WaacGing-Sou: Cong-Mengh Waac 4:1-27 “Zuangx fu'jueiv aac, oix zuqc muangx die njaaux nyei waac, oix zuqc longc hnyouv muangx ziouc haih mengh baeqc. 2 Yie njaaux meih mbuo se longx haic nyei leiz, maiv

81


dungx guangc yie njaaux nyei waac. 3 Yie zoux fu'jueiv-faix caux yie nyei die yiem wuov zanc, yie se yie nyei maa hnamv nyei ndoqc dorn. 4 Yie nyei die njaaux yie yaac gorngv mbuox yie, "Oix zuqc longc hnyouv muangx longx die njaaux nyei waac, ei jienv yie hatc nyei waac ziouc duqv maengc ziangh. 5 Oix zuqc duqv cong-mengh, oix zuqc mengh baeqc, maiv dungx la'kuqv yaac maiv dungx leih guangc yie nyei nzuih gorngv nyei waac. 6 Maiv dungx guangc cong-mengh, cong-mengh ziouc haih beu jienv meih. Oix zuqc hnamv ninh, ninh ziouc goux jienv meih. 7 Cong-mengh nyei gorn se hnangv naaiv. Oix zuqc duqv cong-mengh, yaac maiv gunv meih aengx duqv haaix nyungc, oix zuqc duqv haih mengh baeqc nyei jauv. 8 Oix zuqc taaih cong-mengh weih jaaix, ninh ziouc ceng meih. Se gorngv meih qam jienv ninh, ninh ziouc taaih meih. 9 Ninh oix zorqv norm nzueic nyei ningv bun meih ndongx, zorqv njang-laangc nyei ningv jiu bun meih." 10 Yie nyei dorn aac, meih oix zuqc muangx yaac zipv yie nyei waac, weic bun meih ziangh nyei hnoi-nyieqc ndaauv. 11 Yie njaaux cong-mengh nyei jauv bun meih. Yie dorh meih yangh zoux horpc nyei jauv. 12 Meih yangh nyei ziangh hoc ziouc maiv maaih haaix nyungc torngv meih nyei zaux-mbiec. Se gorngv meih tiux meih yaac maiv ndorpc. 13 Oix zuqc zanc-zanc jangx jienv meih hoqc hiuv nyei jauv, maiv dungx bungx ndortv. Oix zuqc goux longx weic zuqc meih hoqc hiuv nyei jauv bun meih duqv maengc ziangh. 14 Maiv dungx yangh orqv mienh yangh nyei jauv, maiv dungx gan mienh waaic mienh nyei jauv-louc. 15 Oix zuqc simv nqoi, maiv dungx gan naaic mingh, oix zuqc wingc yangh ganh bung jiex. 16 Weic zuqc orqv mienh maiv duqv zoux orqv sic, ninh mbuo bueix maiv njormh. Maiv duqv hoic mienh ndiqv zuqc ndorpc, ninh mbuo bueix maiv orn. 17 Ninh mbuo zoux orqv sic weic benx ninh mbuo nyei hnaangx-donx, zoux doqc nyei sic benx ninh mbuo nyei a'ngunc diuv. 18 Mv baac kuv mienh nyei jauv se hnangv lungh ndorm nziouv nyei njang, gunv zoux gunv njang taux lungh ziangx aanx. 19 Orqv mienh nyei jauv mapv maengh mapv hmuangx nyei, ninh mbuo maiv hiuv duqv ninh mbuo ndiqv zuqc haaix nyungc ndorpc. 20 Yie nyei dorn aah! Muangx longx yie nyei waac, bungx m'normh muangx yie gorngv nyei nyinh nyouz. 21 Maiv dungx bun ninh mbuo leih nqoi meih nyei m'zing-ndaangc. Oix zuqc bun yiem meih nyei hnyouv jangx jienv. 22 Weic zuqc haaix dauh lorz buatc naaiv deix waac ziouc duqv maengc ziangh, yaac bun ninh nyei sin zaangc yietc zungv wangc siangx. 23 Oix zuqc faix fim, goux longx ganh nyei hnyouv, weic zuqc ziangh maengc nyei gorn yiem hnyouv cuotv daaih. 24 Meih oix zuqc guangc nzengc gorngv-baeqc nduov mienh nyei waac, bun jaav nyei waac leih nqoi meih nyei nzuih. 25 Oix zuqc bun meih nyei m'zing mangc zaqc wuov ndaangc. Oix zuqc bungx m'zing mangc ziangx wuov ndaangc mingh. 26 Oix zuqc bun meih nyei zaux yangh nyei jauv yuonh, meih mingh nyei diuh diuh jauv ziouc wuonv. 27 Maiv dungx pien mingh zaaix fai mbiaauc, oix zuqc bun meih nyei zaux leih nqoi orqv nyei jauv. “

Biux Mengh Waac: Naaiv zaang Ging-Sou se gorngv taux cong-mengh njaaux nyei biaa ginc kuv waac. Naaiv deix biaa ginc kuv waac se hnangv naaiv mingh.

I. Oix Zuqc Guai – YS. 5-982


1. Oix zuqc zimv lorz cong-mengh – ys. 4-6.2. Cong-mengh se benx da’yietv – ys. 7.3. Cong-mengh maaih lamh longc – ys. 8-9. II. Zoux Gong Nyei Sin - YS. 20-221. Muangx waac nyei jauv – “Yie nyei dorn aah! Muangx longx yie nyei waac.” –ys.20a.2. Bungx m’normh muangx yie – “Gorngv nyei nyinh nyuoz.” –ys. 20b.3. Oix zuqc mangc dingc – “Maiv dungx bun ninh mbuo leih nqoi meih nyei m’zing-ndaangc.” –ys.21a. 4. Oix zuqc zanx jienv hnyouv – “Oix zuqc bun meih nyei hnyouv jangx jienv.” – ys.21b.5. Ziangh maengc nyei waac – “ Weic zuqc haaix dauh lorz buatc naaiv deix waac ziouc duqv maengc ziangh, yaac bun ninh nyei sin zaangc yietc zungv wangc siangx.” – ys. 22.

III. Goux Longx Ganh Nyei Hnyouv – YS. 23. 1. Goux longx sienx Tin-Hungh nyei hnyouv – Lomaa 10:9-10.2. Goux longx Yesu zoux Ziouv nyei hnyouv – Lomaa 10:9-10.3. Goux longx buangv nzengc Singx Lingh nyei hnyouv – E^fe^so 5:18.5. Goux longx ceng Tin-Hungh nyei hnyouv – E^fe^so 5:19-20; Ko^lo^si 3:16.6. Goux longx cing-nzengc nyei hnyouv – 1 Bide 1:15-16; 1 Bide 3:15.

IV. Ziangh Maengc Leiz -YS. 23-27.1. Siou jienv – ys. 23 “Goux longx meih nyei hnyouv.”2. Oix zuqc guangc – ys. 24 “Guangc gorngv-baeqc nyei sic.” 3. Oix zuqc lorz ziangh maengc – ys. 22,27 “Meih mbuo maiv dungx mingh pienh jauv.”4. Oix zuqc zorc zaqc meih nyei hnyouv - ys. 23 “Maiv dungx mingh zaaix fai mingh mbiaauc.”5. Oix zuqc bun meih nyei zaux-caaiv yuonh –ys. 26. “Meih ziouc maiv ndiqv zuqc ndorpc.” V. Oix Zuqc Gunv Goux Mbuo Nyei Buonh Sin – YS. 23-27. 1. Oix zuqc goux longx mbuo nyei hnyouv (ys.23)2. Oix zuqc goux longx mbuo nyei nzuih (ys.24). 3. Oix zuqc goux longx mbuo nyei m'zing (ys.25).4. Oix zuqc goux longx mbuo nyei jauv fai zaux-mbiec (ys.26-27).

Setv Mueiz Waac: Naaiv zaang Ging-Sou njaaux mbuo hnangv haaix nor dorh mbuo nyei ziangh maengc yiem naaiv seix zangc. Ging-Sou njaaux mbuo oix zuqc lorz ziangh maengc nyei jauv yangh, yaac oix zuqc gunv goux mbuo nyei buonh sin jauv. Yiem mbuo nyei buonh sin, maaih biei nyungc jauv mbuo oix zuqc gunv goux. Naaiv deix biei nyungc jauv se maaih hnangv naaiv:

(1) Mbuo nyei hnyouv …. “Oix zuqc faix fim, goux longx ganh nyei hnyouv, weic zuqc ziangh maengc nyei gorn yiem hnyouv cuotv daaih.”

(2) Mbuo nyei nzuih …… “Meih oix zuqc guangc nzengc gorngv-baeqc nduov mienh nyei waac, bun jaav nyei waac leih nqoi meih nyei nzuih.”

83


(3) Mbuo nyei m’zing….. “Oix zuqc bun meih nyei m'zing mangc zaqc wuov ndaangc. Oix zuqc bungx m'zing mangc ziangx wuov ndaangc mingh.”

(4) Mbuo nyei zaux-mbiec…… “Oix zuqc bun meih nyei zaux yangh nyei jauv yuonh, meih mingh nyei diuh diuh jauv ziouc wuonv. Maiv dungx pien mingh zaaix fai mbiaauc, oix zuqc bun meih nyei zaux leih nqoi orqv nyei jauv.”

2. Oix Zuqc Simv Nqoi Hienx Auv Hienx Nqox Nyei Sic

Cong-Mengh Waac 5:1-23 “Yie nyei dorn aah! Oix zuqc longc hnyouv zipv yie cong-mengh nyei waac, baeng m'normh muangx yie bieqc hnyouv nyei waac. 2 Hnangv naaic meih haih ei jienv guai nyei jauv, meih nyei nzuih meix beu jienv wuonh zaang. 3 Weic zuqc hienx nqox nyei m'sieqv dorn nyei nzuih meix ndiepv jienv mueiz-dorngh. Ninh nyei waac gauh mbiaangc ga'lanv youh, 4 mv baac setv mueiz ninh ndongc yangh meuz im, yaac laic hnangv i maengx nzuqc laic. 5 Ninh nyei zaux njiec mingh zuqc daic, ninh nyei zaux-mbiec hungx jienv yiemh gen mingh. 6 Ninh yaac maiv hengx lorz duqv maengc ziangh nyei jauv. Ninh nyei jauv youh mingh youh daaih, ninh ganh yaac maiv hiuv. 7 Yie nyei dorn aah! Ih zanc muangx yie maah! Maiv dungx bungx ndortv yie nyei nzuih gorngv nyei waac. 8 Meih nyei jauv oix zuqc leih go naaiv dauh m'sieqv dorn, maiv dungx mingh nitv fatv ninh nyei biauv nyei gaengh. 9 Nziex meih zorqv meih nyei njang-laangc jiu bun ganh dauh, zorqv meih nyei hnyangx-soux bun maiv korv-lienh nyei mienh. 10 Nziex maiv hiuv nyei mienh nyanc nzengc meih nyei qaqv, meih laauh luic duqv daaih nyei yaac bieqc ganh fingx mienh nyei biauv. 11 Taux meih nyei setv mueiz hnoi, orv caux sin yuqc nzengc, meih ziouc njunh jienv yiem. 12 Meih ziouc gorngv, "Zinh ndaangc yie nzorng haic mborqv njaaux nyei jauv, yie nyei hnyouv yaac mangc piex gorngv-njaaux nyei waac. 13 Yie maiv muangx yie nyei fin-saeng nyei waac yaac maiv bungx m'normh muangx njaaux yie wuov deix. 14 Yie yiem gapv zunv nyei zuangx mienh mbu'ndongx aav lamh zuqc baaic waaic." 15 Meih oix zuqc hopv ganh nyei siou wuom-kuotv nyei wuom, hopv ganh nyei wuom-zingv nyei wuom-daaih. 16 Meih nyei wuom-zingv mienz cuotv ga'nyiec, meih nyei ndoqv liouc njiec jaai-horngc se horpc nyei fai? 17 Kungx oix zuqc weic meih ganh nduqc dauh hnangv, maiv dungx bun ga'nyiec nyei mienh juangc jienv longc. 18 Tov bun meih nyei wuom-zingv duqv fuqv, yaac a'hneiv meih lunx nyei ziangh hoc duqv daaih nyei auv. 19 Ninh se nzueic haic, ziangh duqv sung nyei m'sieqv dorn. Ninh nyei nyorx zanc-zanc bun meih buangv hnyouv. Ninh hnamv haic ziouc bun meih njien-youh taux daauh. 20 Yie nyei dorn aah! Meih fungc oix zuqc bun hienx nqox nyei m'sieqv dorn wakv meih? Weic haaix diuc qam jienv buangh liouh nyei auv? 21 Weic zuqc ZIOUV nyei m'zing mangc jienv mienh nyei jauv, ninh zaah mangc mienh nyei yietc zungv jauv-louc. 22 Orqv mienh zoux nyei orqv sic hlopv zuqc ninh, ninh nyei zuiz hnangv hlaang nor ndoh jienv ninh. 23 Ninh maiv longc mienh njaaux nyei waac ziouc zuqc daic. Laaix ninh ba'laqc hngongx, ninh zuqc mingh dorngc jauv.”

Biux Mengh Waac: Naaiv zaang Ging-Sou njaaux taux mbuo oix zuqc zangv cing-nzengc nyei jauv. Yietc nyungc jauv bun mbuo haih cing-nzengc se, hnangv Ging-Sou gorngv nor, mbuo oix zuqc simv, maiv dungx muangx m’sieqv dorn fai m’jangc dorn dongh gorngv waac gaam, gorngv waac mbiaanc fai nzuih baengx mbiaangc nduov meih nyei jauv. Ging-Sou gorngv, dongh hienx auv hienx nqox nyei mienh se gorngv waac gaam, gorngv waac mbiaangc nduov mienh, mv baac ninh mbuo nyei hnyouv se maiv zeiz hnangv naaic, naaiv nyungc mienh maiv maaih ziepc zuoqv hnyouv bun cai-doix.

84


I. Oix Zuqc Muangx Longx Njaaux Nyei Waac – YS. 1-2 “Yie nyei dorn aah! Oix zuqc longc hnyouv zipv yie cong-mengh nyei waac, baeng m'normh muangx yie bieqc hnyouv nyei waac. 2 Hnangv naaic meih haih ei jienv guai nyei jauv, meih nyei nzuih meix beu jienv wuonh zaang.”

II. Oix Zuqc Faix Fim – YS. 3-6, 20-231. Oix zuqc faix fim taux hienx nqox nyei m’sieqv dorn - ys. 3-62. Oix zuqc faix fim Tin-Hungh mangc jienv meih nyei - ys. 20-213. Oix zuqc faix fim meih ganh oix zuqc ndaam-dorng nyei sic - ys. 22-23

III. Oix Zuqc Simv Nqoi Hienx Nqox Nyei M’sieqv Dorn Nyei Dorngx – YS. 7-14

1. Yie nyei dorn aah! Ih zanc muangx yie maah! Maiv dungx bungx ndortv yie nyei nzuih gorngv nyei waac. Meih nyei jauv oix zuqc leih go naaiv dauh m'sieqv dorn, maiv dungx mingh nitv fatv ninh nyei biauv nyei gaengh. (ys.7-8)

2. Nziex meih zorqv meih nyei njang-laangc jiu bun ganh dauh, zorqv meih nyei hnyangx-soux bun maiv korv-lienh nyei mienh. 10 Nziex maiv hiuv nyei mienh nyanc nzengc meih nyei qaqv, meih laauh luic duqv daaih nyei yaac bieqc ganh fingx mienh nyei biauv. (ys.9-10).

3. Taux meih nyei setv mueiz hnoi, orv caux sin yuqc nzengc, meih ziouc njunh jienv yiem. 12 Meih ziouc gorngv, "Zinh ndaangc yie nzorng haic mborqv njaaux nyei jauv, yie nyei hnyouv yaac mangc piex gorngv-njaaux nyei waac. 13 Yie maiv muangx yie nyei fin-saeng nyei waac yaac maiv bungx m'normh muangx njaaux yie wuov deix. 14 Yie yiem gapv zunv nyei zuangx mienh mbu'ndongx aav lamh zuqc baaic waaic." 15 Meih oix zuqc hopv ganh nyei siou wuom-kuotv nyei wuom, hopv ganh nyei wuom-zingv nyei wuom-daaih.(ys. 11-14)

IV. Meih Oix Zuqc Hopv Meih Ganh Nyei Wuom-Kuotv Nyei Wuom –YS. 15-19. 1. Meih oix zuqc hopv ganh nyei siou wuom-kuotv nyei wuom, hopv ganh nyei wuom-zingv nyei wuom-daaih. 16 Meih nyei wuom-zingv mienz cuotv ga'nyiec, meih nyei ndoqv liouc njiec jaai-horngc se horpc nyei fai? (ys.15-16). Naaiv deix i yiemc Ging-Sou nyei waac biux mengh bun dorng-jaa nyei mienh hiuv, kungx longc ganh nyei auv, ganh nyei nqox hnangv, nqox maiv horpc mingh hienx auv, auv yaac maiv horpc mingh hienx nqox.

2. Kungx oix zuqc weic meih ganh nduqc dauh hnangv, maiv dungx bun ga'nyiec nyei mienh juangc jienv longc. 18 Tov bun meih nyei wuom-zingv duqv fuqv, yaac a'hneiv meih lunx nyei ziangh hoc duqv daaih nyei auv. 19 Ninh se nzueic haic, ziangh duqv sung nyei m'sieqv dorn. Ninh nyei nyorx zanc-zanc bun meih buangv hnyouv. Ninh hnamv haic ziouc bun meih njien-youh taux daauh.(ys. 17-19). Naaiv deix buo yiemc Ging-Sou nyei waac biux mengh mbuox taux dorng-jaa nyei mienh maiv dungx mingh hienx auv, hienx nqox nyei jauv.

85


V. Zangv Cing-Nzengc Nyei Jauv – YS. 1-131. Oix zuqc hnamv taux njaaux nyei kuv waac – ys. 1-2.2. Oix zuqc simv hienx nqox nyei m’sieqv dorn – ys. 3-8.3. Oix zuqc hnamv taux meih buangh nyei kouv naanc – ys. 9-13. VI. Bun Taux Zoux Nqox Nyei Mienh – Ys. 15-211. Oix zuqc ziepc zuoqv hnyouv bun meih nyei auv – ys. 15-17. 2. Oix zuqc jorm hnyouv hnamv ganh nyei auv – ys. 18-203. Oix zuqc zunv hnyouv bun meih nyei auv! Tin-Hungh mangc jienv meih nyei – ys. 21.

VII. Dorng Jaa Nyei Mienh Oix Zuqc Jangx Jienv – 15-231. Kungx oix zuqc longc ganh nyei nqox ganh nyei auv hnangv – ys. 15-17. 2. Laanh oix zuqc buangv hnyouv laanh –ys. 18-19.3. Tin-Hungh mangc jienv meih zoux nyei sic nyei – ys. 20-23. Setv Mueiz Waac: Naaiv zaang Ging-Sou njaaux mbuo oix zuqc faix fim taux hnangv haaix nor yiem seix zangc. Njaaux mbuo maiv dungx ei ganh nyei hnyouv hanc zoux nyei jauv, weic zuqc Tin-Hungh mangc jienv mbuo laanh laanh mienh zoux nyei sic, ninh yaac oix siemv mbuo zoux nyei nyungc-nyungc jauv.

3. Cong-Mengh Njaaux Nyei Biaa Ginc WaacCong-Mengh Waac 6:1-35 “Yie nyei dorn aah! Se gorngv meih laengz waac beu meih nyei juangc laangz mienh nyei zaeqv, fai laengz zoux ndaam-daauh beu ganh dauh mienh nyei zaeqv, 2 se gorngv meih gorngv nyei waac hlopv zuqc meih, meih nyei nzuih gorngv nyei waac ndoh jienv meih, 3 yie nyei dorn aah! Meih oix zuqc hnangv naaiv nor zoux njoux meih ganh, weic zuqc meih zuqc yiem meih nyei juangc laangz mienh nyei buoz-ndiev mi'aqv. Mingh aqv, mingh lorz meih nyei juangc laangz mienh aengx nyiemc ganh zoux faix qaqv tov. 4 Maiv dungx bun meih nyei m'zing njipv jienv m'njormh, maiv dungx bun m'zing-ndopv nyuix. Oix zuqc njoux ndutv ganh hnangv njaih leih ndutv zaeng hlaang mienh nyei buoz, yaac hnangv norqc biaux ndutv zaeng koux mienh nyei buoz-ndiev. 6 Mienh lueic mienh aah! Meih oix zuqc mingh zaah mangc nziouv, hnamv taux nziouv zoux nyei jauv ziouc duqv cong-mengh. 7 Nziouv maiv maaih bieiv zeiv, maiv maaih jien, maiv maaih haaix dauh gunv, 8 mv baac nqaai gorng ninh liuc leiz nyanc hopv, gaatv gaeng-zuangx nyei ziangh hoc yaac siou nyanc nyei ga'naaiv. 9 Mienh lueic mienh aah! Meih oix bueix taux haaix zanc? Meih oix m'njormh taux haaix zanc cingx jiez sin daaih? 10 Aengx bueix dangh, m'njormh dangh, qopv jienv buoz m'njormh da'hngatv dangh, 11 jomc nyei jauv ziouc hnangv janx-zaqc liemh zeih taux. Dangx-donx nyei jauv daaih hnangv mienh dorh jienv wuoqc ginc daaih taux. 12 Maiv lamh longc nyei orqv mienh jiex naaiv jiex wuov gorngv-baeqc. 13 Ninh nyapc m'zing, fengx zaux, buoz yaac nuqv jienv, 14 hnyouv pien daav orqv nyei za'eix, zanc-zanc coqv-huv. 15 Weic naaiv ninh oix liemh zeih zuqc zeqc naanc, nduqc dangh hnangv zuqc baaic waaic nzengc, maiv haih zorc. ZIOUV

86


Nzorng Nyei Siec Nyungc 16 ZIOUV nzorng nyei maaih juqv nyungc, ninh gamh nziev nyei, youx nyei maaih siec nyungc. 17 Maaih m'zing-jaax hlang, gorngv-baeqc nyei nzuih, buoz daix maiv zoux dorngc nyei mienh, 18 hnyouv daav orqv nyei za'eix, zaux tiux siepv nyei mingh lorz orqv nyei sic, 19 zoux jaav zorng-zengx nyei mienh tauv qiex kungx cuotv gorngv-baeqc nyei waac, caux mienh yiem ninh nyei gorx-youz mbu'ndongx coqv lunc mienh. 20 Yie nyei dorn aah! Oix zuqc gan longx meih nyei die hatc nyei waac, yaac maiv dungx guangc meih nyei maa njaaux nyei jauv-louc. 21 Oix zuqc zanc-zanc zaangh jienv meih nyei hnyouv, yaac kuangx jienv meih nyei jaang. 22 Meih yangh jauv, ninh mbuo ziouc dorh meih, meih bueix nyei ziangh hoc, ninh mbuo oix beu jienv meih. Meih nyie daaih, ninh mbuo yaac caux meih gorngv. 23 Weic zuqc naaiv deix hatc nyei waac zoux norm dang, njaaux nyei waac zoux njang. Gorngv-njaaux, mborqv njaaux se benx jauv bun mienh duqv maengc ziangh, 24 weic beu jienv meih, tengx meih simv nqoi orqv nyei m'sieqv dorn, leih nqoi buangh liouh nyei auv gorngv yuoqc mienh nyei nzuih mbiaangc. 25 Maiv dungx yiem hnyouv hanc ninh nzueic nyei jauv, yaac maiv dungx bun ninh nyei m'zing baeng zuqc meih. 26 Weic zuqc mienh haih longc yietc norm njuov nyei jaax-zinh cingv maaic sin nyei m'sieqv dorn, mv baac hienx nqox nyei auv zungv zorqv mienh jaaix mienh nyei maengc. 27 Mienh haih qam jienv douz yaac maiv bun ninh nyei lui zuqc douz buov duqv nyei fai? 28 Mienh haih yangh zieqc jienv douz nyei douz-taanx gu'nguaaic mingh, yaac maiv zuqc douz buov zaux fai? 29 Haaix dauh mingh caux ganh dauh mienh nyei auv yaac fih hnangv nyei. Maiv maaih haaix dauh hluo liuz ninh yaac maiv zuqc dingc zuiz. 30 Se gorngv mienh hnyouv sie ziouc nimc ga'naaiv tengx ninh beuv, mienh mangc piex ninh maiv zeiz? 31 Se gorngv ninh zuqc zorqv ninh oix zuqc buih siec gouv, zungv bun nzengc ninh nyei biauv zong maaih nyei ga'naaiv. 32 Mv baac mienh hienx auv ninh hnamv duqv hngongx haic. Haaix dauh hnangv naaiv zoux zungv bun ninh ganh zuqc mietc. 33 Ninh zuqc mun, zuqc nyaiv, ninh zuqc baaic hmien, yietc liuz maiv haih sortv guangc. 34 Weic zuqc m'jangc dorn hanc, ninh m'daaih qiex jiez, taux jaauv win nyei ziangh hoc ninh maiv nyaangc zingh aqv. 35 Ninh maiv longc haaix nyungc buih bun ninh. Bun zingh nyeic ndongc haaix camv ninh hnyouv maiv nqaai.

Biux Mengh Waac: Naaiv zaang Ging-Sou njaaux taux camv-diuc jauv mbuo hnangv haaix nor yiem seix zangc haih zoux duqv horpc yaac maiv maaih sic daaih nyauv zuqc mbuo. Naaiv deix njaaux nyei waac oix zuqc bun benx biaa ginc hoc dauh. Naaiv deix hoc dauh ei jienv Ging-Sou nyei yiemc-soux se maaih hnangv naaiv mingh. I. Njaaux Mbuo Maiv Dungx Beu Mienh Nyei Zaeqv –YS. 1-5

1. Maiv dungx tengx mienh laengz zaeqv meih ziouc maiv zuqc qiemx zaeqv – ys. 1-2 “Yie nyei dorn aah! Se gorngv meih laengz waac beu meih nyei juangc laangz mienh nyei zaeqv, fai laengz zoux ndaam daauh beu ganh dauh mienh nyei zaeqv, 2 se gorngv meih gorngv nyei waac hlopv zuqc meih, meih nyei nzuih gorngv nyei waac ndoh jienv meih.”

2. Hnangv haaix nor haih simv cuotv maiv zuqc ndaam-dorng mienh nyei zaeqv – ys.3-5 “ yie nyei dorn aah! Meih oix zuqc hnangv naaiv nor zoux njoux meih ganh, weic zuqc meih zuqc yiem meih nyei juangc laangz mienh nyei buoz-ndiev mi'aqv. Mingh aqv, mingh lorz meih nyei juangc laangz mienh aengx

87


nyiemc ganh zoux faix qaqv tov. 4 Maiv dungx bun meih nyei m'zing njipv jienv m'njormh, maiv dungx bun m'zing-ndopv nyuix. 5 Oix zuqc njoux ndutv ganh hnangv njaih leih ndutv zaeng hlaang mienh nyei buoz, yaac hnangv norqc biaux ndutv zaeng koux

II. Mienh Lueic Mienh Oix Zuqc Zuotc Nziouv Nyei Nyungc – YS. 6-111. Mienh lueic mienh oix zuqc mingh zuotc nziouv nyei nyungc – ys. 6 2. Nziouv maaih mv maaih bieiv, mv maaih jien gunv dorh ninh mbuo – ys.73. Nziouv nyei nyungc zeiv – ys. 6-8 4. Nziouv maiv bueix njormh yiem siou gaeng-zuangx nyei ziangh hoc – ys. 9-105. Jomc nyei jauv daaih taux mienh lueic mienh hnangv janx-zaqv nor – ys. 11

III. Ziouv Nzorng Haic Mienh Zoux Nyei Siec Nyungc Zuiz – YS. 12-19 1. Maiv lamh longc nyei orqv mienh jiex naaiv jiex wuov gorngv-baeqc daav orqv nyei za’eix –ys.12-15 2. M’zing-jaax hlaang –ys.17a 3. Gorngv-baeqc nyei nzuih – ys.17b 4. Buoz daix maiv zoux dorng nyei mienh –ys 17c5. Hnyouv daav orqv nyei za’eix –ys.18a6. Zaux tiux siepv nyei mingh lorz orqv nyei sic – ys.18b7. Gorngv-baeqc zoux jaav zorng-zengx yiem gorx-youz mbu’ndongx coqv lunc mienh –ys.19 IV. Kuinx Simv Nqoi Buangh Liouh Nyei Jauv – YS. 20-25 1. Oix zuqc siou jienv fai jangx jienv domh mienh njaaux mbuo nyei waac – ys. 20-22.2. Domh mienh njaaux nyei waac haih ziux goux mbuo yiem waaic nyei sic – ys. 23a. Hatc nyei waac se benx dang.b. Njaaux nyei waac benx njang.c. Gorngv-njaaux caux mborqv njaaux nyei jauv se benx njoux meih nyei maengc.3. Weic tengx maiv haih simv cuotv buangh liouh nyei sic –ys. 24-25 a. Oix zuqc simv nqoi hienx auv hienx nqox nyei mienh –ys 24b. Maiv dungx douh ninh nzueic ziouc hanc ninh – ys. 25 V. Hienx Auv Hienx Nqox Mienh Oix Buangh Zuqc Nyei Kouv-Naanc –YS. 26-351. Ninh zuqc zatv ganh njiec yiem waaic nyei jauv –ys. 26.2. Ninh zuqc hnangv douz nor buov –ys. 27-283. Ninh zungv zuqc dingc zuiz –ys. 294. Ninh ganh mietc ninh ganh –ys. 30-335. Ninh zungv gauh waaic jiex janx-zaqc – ys. 30-316. Ninh maiv maaih cong-mengh nyei mienh – ys. 327. Ninh zuqc buangh maiv maaih mienh taaih ninh nyei jauv –ys. 33.8. Ninh zuqc mienh nyei auv mienh nyei nqox nzorng ninh –ys.34-35

Setv Mueiz Waac: Naaiv zaang Ging-Sou njaaux mbuo maiv dungx zoux waaic nyei sic, oix zuqc muangx diex maac njaaux mbuo nyei waac. Weic zuqc domh mienh njaaux mbuo nyei kuv waac haih

88


beu goux mbuo nyei ziangh maengc, maiv bun mienh buangh zuqc kouv nyei sic. Weic zuqc waaic orqv nyei jauv se Tin-Hungh maiv a’hneiv nyei jauv, haaix dauh zoux maiv luonx horngc nyei sic, zungv oix zuqc dingc zuiz.

4. Hoc Dauh: Ginv Taaih Tin-Hungh Nyei Mienh Nyei Nyungc ZeivGing-Sou Waac: Ndaa^niên 1:1-21: “Yiem Ye^ho^yaa^kim zoux Yu^ndaa nyei hungh da'faam hnyangx wuov hnyangx, Mbaa^mbi^lon nyei hungh, Ne^mbu^katv^netv^saa, daaih weih jienv oix mborqv Ye^lu^saa^lem. 2 Ziouv zorqv Yu^ndaa nyei hungh, Ye^ho^yaa^kim, jiu bun yiem Ne^mbu^katv^netv^saa nyei buoz-ndiev yaac bun Ne^mbu^katv^netv^saa zorqv duqv deix zaangc Tin-Hungh nyei biauv nyei jaa-dorngx. Naaiv deix ga'naaiv ninh dorh nzuonx Sinaa Deic, ninh nyei zienh nyei biauv, an jienv ninh nyei zienh nyei biauv, siou jaaix nyei ga'naaiv nyei dorngx. 3 Hungh diex ziouc heuc yiem hungh dinc zoux hlo jiex nyei domh jien, Atc^be^natv, ginv cuotv deix I^saa^laaên Mienh nyei mienh lunx mienh. Se ginv cuotv maaih hungh douh nyei caux zaangc horngh mienh nyei dorn. 4 Naaiv deix mienh lunx mienh nyei sin zaangc oix zuqc maiv maaih dorngx nqemh yaac nzueic nyei. Ninh mbuo oix zuqc maaih banh zeic hoqc nyungc-nyungc, maaih wuonh zaang, maaih cong-mengh huv duqv jangv nyei, maaih banh zeic yiem hungh dinc fu-sux. Oix zuqc njaaux ninh mbuo hiuv duqv Ken^ndie Mienh nyei nzaangc caux waac. 5 Hungh diex yaac paaiv ziangx bun ninh mbuo hnoi-hnoi duqv buonc hungh diex nyanc gauh longx jiex nyei ga'naaiv caux ninh hopv nyei a'ngunc diuv. Ninh mbuo oix zuqc hoqc buangv buo hnyangx, nqa'haav bun ninh mbuo bieqc mingh zoux hungh diex nyei gong. 6 Yiem naaiv deix mienh mbu'ndongx maaih Yu^ndaa Fingx, Ndaa^niên, Han^nan^yaa, Mi^saaên caux Aa^saa^li^yaa. 7 Wuov dauh hlo jiex nyei domh jien cuotv siang-mbuox bun ninh mbuo. Ndaa^niên ninh heuc Mben^te^satv^saa, Haa^nan^yaa ninh heuc Satv^lakv, Mi^saaên ninh heuc Mesaakv. Aengx maaih Aa^saa^li^yaa ninh cuotv mbuox heuc Aa^mbetc^ne^go. 8 Mv baac Ndaa^niên dingc hnyouv maiv nyanc hungh diex gauh longx jiex nyei ga'naaiv yaac maiv hopv hungh diex nyei a'ngunc diuv bun ganh maaih uix. Ninh ziouc tov wuov dauh domh jien nqoi nzuih bun ninh maiv zoux bun ganh maaih uix. 9 Tin-Hungh ziouc bun domh jien horpc hnyouv Ndaa^niên yaac korv-lienh ninh. 10 Domh jien gorngv mbuox Ndaa^niên, "Yie gamh nziex yie nyei ziouv, hungh diex. Ninh paaiv ziangx meih mbuo nyei nyanc hopv. Se gorngv hungh diex buatc meih mbuo nyei hmien-mueic maiv nzueic, maiv ndongc caux meih mbuo hnyangx-jeiv fih ndongc wuov deix nyei nor, meih mbuo ziouc bun yie zuqc hungh diex hngaqv yie nyei m'nqorngv ndutv." 11 Ndaa^niên ziouc gorngv mbuox domh jien paaiv daaih gunv Ndaa^niên, Haa^nan^yaa, Mi^saaên caux Aa^saa^li^yaa wuov dauh mienh, 12 "Tov seix yie mbuo, meih nyei bou, ziepc hnoi. Bun yie mbuo kungx nyanc lai, hopv wuom-baeqc hnangv. 13 Nqa'haav beiv mangc yie mbuo nyei hmien-mueic caux nyanc hungh diex ginv daaih kuv nyei wuov deix mienh lunx mienh nyei hmien, ziouc ziux meih buatc horpc nyei gunv hnangv naaiv nor zoux bun yie mbuo, meih nyei bou aqv." 14

Gunv ninh mbuo wuov dauh jien ziouc laengz nzuih hnangv naaiv nor zoux, ziouc seix ninh mbuo ziepc hnoi. 15 Jiex liuz ziepc hnoi buatc ninh mbuo nyei hmien-mueic gauh wangc siangx, hmien gauh nzueic nyanc hungh diex nyei nyanc hopv wuov deix yietc zungv mienh lunx mienh. 16 Gunv ninh mbuo wuov dauh jien ziouc siou nqoi hungh diex paaiv bun ninh mbuo nyei nyanc hopv caux a'ngunc diuv aengx bun lai ninh mbuo nyanc. 17 Tin-Hungh bun naaiv deix biei laanh mienh lunx mienh maaih wuonh zaang guai haic, haih hiuv duqv nyungc-nyungc sou-nzaangc nyei jauv, maaih cong-mengh

89


haic. Ndaa^niên yaac haih mengh baeqc yietc zungv laauc yaangh nyei sic caux mbeix nyei mbeix. 18 Taux hungh diex dingc ziangx dorh naaiv deix mienh lunx mienh bieqc daaih buangh ninh nyei hnoi-nyieqc, zoux hlo jiex wuov dauh domh jien, Atc^be^natv, dorh ninh mbuo bieqc daaih yiem Ne^mbu^katv^netv^saa Hungh nyei nza'hmien. 19 Hungh diex caux ninh mbuo gorngv waac, buatc yiem naaiv deix mienh lunx mienh mbu'ndongx maiv maaih yietc dauh ndongc Ndaa^niên, Haa^nan^yaa, Mi^saaên caux Aa^saa^li^yaa. Ninh mbuo ziouc duqv yiem hungh diex nyei nza'hmien fu-sux. 20 Maiv gunv hungh diex naaic taux haaix nyungc wuonh zaang caux cong-mengh nyei jauv, beiv yietc zungv yiem guoqv gu'nyuoz zoux huaax-nyinz caux zoux faatv nyei mienh, Ndaa^niên mbuo gauh longx ziepc gouv. 21 Ndaa^niên yiem wuov zoux jienv mingh taux Sailatv zoux hungh gunv Mbaa^mbi^lon daauh hnyangx.

Biux Mengh Waac: Yiem Ndaa^niên caux ninh nyei doic nyei maengc mbuo haih hoqc duqv biux mengh gorngv, “Tin-Hungh taaih dongh taaih ninh nyei mienh”. Mbuo yaac buatc gorngv, maiv gunv maengc buangh zuqc haaix nyungc, maiv gunv mienh camv hnangv haaix nor zoux, maiv gunv maiv maaih haaix dauh mangc jienv mbuo, maiv gunv gorngv zuqc mienh zoux hoic, nyungc-nyungc mbuo zoux yiem mbuo nyei maengc, mbuo oix zuqc ginv. Mbuo oix zuqc naaic gaax dongh mbuo ginv nyei, “Naaiv taaih Tin-Hungh fai maiv taaih?” Mbuo oix zuqc maaih daamv hlo hnangv Ndaa^niên caux ninh nyei doic nor ginv taaih Tin-Hungh yiem nyungc-nyungc sic.

I. Ginv Taaih Tin-Hungh Nyei Ziangh Hoc Buangh Nyei Sic (Ndaa^niên 1:1-7)(1) Ne^mbu^katv^netv^saa Mbaa^mbi^lon hungh mborqv Ye^lu^saa^lem (ys.1)

(2) Ye^lu^saa^lem zuqc zorqv fai suei weic ninh mbuo zangc zienh maiv muangx Ziouv nyei waac (ys.2)(3) Ne^mbu^katv^netv^saa hungh heuc ninh nyei jien ginv deix mienh lunx mienh (dongh maaih hungh douh, zaangc horngh mienh, sin ziangh duqv nzueic, maaih banh zeic hoqc sou, maaih wuonh zaang, maaih cong-mengh, maaih banh zeiz yiem hungh dinc fux sux) weic oix njaaux ninh mbuo hiuv duqv mba^mbi^lon mienh nyei nzangc, ninh mbuo nyei fingx – oix bun ninh mbuo zorqv daaih nyei mienh mbuoqc ninh mbuo (ys. 3-4).

90


(4) Weic oix naaiv deix mienh lunx mienh mbuoqc ninh mbuo zuangv ninh mbuo, ninh mbuo jiex gorn yienc mienh lunx mienh daaih zuangv ninh mbuo nyei zienh. Ninh mbuo tiuv nyanc Mbaa^mbi^lon janx nyanc nyei ga’naaiv (doix-dekc taux Tin-Hungh hatc nyei waac).

II. Ginv Taaih Tin-Hungh Nyei Jauv: (Ndaa^niên 1:8-16)(1) Ndaa^niên dingc hnyouv maiv nyanc hungh diex gauh longx jiex nyei ga'naaiv yaac maiv hopv hungh diex nyei a'ngunc diuv weic maiv zoux bun ganh maaih uix (ys.8). Weic ninh taaih Tin-Hungh ninh maaih daamv hlo tov wuov dauh domh jien nqoi nzuih bun ninh maiv zuqc nyanc maaih uix nyei ga’naaiv.

(2) Se gorngv nyanc hungh diex gauh longx jiex nyei ga'naaiv yaac hopv hungh diex nyei a'ngunc diuv maaih eix-leiz taaih hungh diex nyei zienh, weic zuqc orv caux diuv se ziec bun zienh nyei ga’naaiv. (Cuotv I^yipv. 34:15 Meih mbuo maiv dungx caux wuov norm deic-bung nyei mienh liepc ngaengc waac weic zuqc ninh mbuo hnangv maaih hieh hnyouv nyei mienh nor, zaangc ninh mbuo nyei zienh yaac dorh ga'naaiv mingh ziec. Nziex ninh mbuo haih cingv meih mbuo mingh caux jienv nyanc ninh mbuo ziec zienh nyei ga'naaiv). Ndaa^niên caux ninh nyei buo dauh doic tov nyanc lai-maeng caux hopv wuom-baeqc hnangv. (ys. 12)

(3) Mbuo laanh laanh mienh yaac haih ginv taaih Tin-Hungh fai maiv taaih Tin-Hungh, ginv ziangh ei Tin-Hungh nyei jauv fai ginv ei ganh nyei jauv. Se gorngv ginv ei Tin-Hungh maaih eix-leiz gorngv ginv oix duqv ninh nyei fuqv, ginv maiv ei ninh ziouc buangh zuqc camv nyungc sic yiem maengc.

(4) Weic Ndaa^niên caux ninh nyei doic taaih Tin-Hungh, ginv ei Tin-Hungh, ginv maiv zoux zuiz dorngc Tin-Hungh, Tin-Hungh ceix fuqv bun ninh mbuo yaac taaih ninh mbuo bun ninh mbuo duqv gauh wangc siangx, hmien gauh nzueic nyanc hungh diex ziec jiex zienh nyei ga’naaiv wuov deix.(ys.15)

III. Ginv Taaih Tin-Hungh Nyei Zingh Nyeic (Ndaa^niên 1:17-21)(1) Weic Ndaa^niên caux ninh nyei buo dauh doic ginv taaih Tin-Hungh, Tin-Hungh bun ninh mbuo maaih wuonh zaang guai haic, yaac maaih cong-mengh (ys.17)

(2) Maiv maaih yietc dauh dongh nyanc hungh diex longx nyei ga’naaiv caux hopv diuv dongh ziec jiex zienh nyei, ndongc ninh mbuo. Ninh mbuo ziouc duqv yiem hungh diex nyei nza’hmien fu-sux ninh (ys. 19).

(3) Ndaa^niên mbuo gauh longx, gauh maaih wuonh zaang, cong-mengh ziepc gouv dongh hungh diex nyei guai jiex nyei mienh. (ys. 20)

(4) Tin-Hungh gorngv, “Taaih yie wuov deix, yie oix taaih ninh mbuo. Mangc piex yie wuov deix, ninh mbuo zungv zuqc mangc piex” (1 Saa^muên 2:30).

91


Setv Mueiz Waac: Dorh Ging-Sou Nyei Waac Daaih Longc Nyei Jauv(1) Ndaa^niên dingc hnyouv yaac ginv taaih Tin-Hungh, maiv gunv ninh zuqc guaatv mingh, zuqc win-wangv zorqv mingh yiem dorngx dongh mienh maiv taaih Tin-Hungh nyei dorngx, naaiv nyungc dorngx maiv zeiz hungh heic taaih Tin-Hungh. Mv baac Ndaa^niên taaih Tin-Hungh, Tin-Hungh yaac ceix fuqv bun ninh weic ninh caux ninh nyei doic taaih Tin-Hungh.

(2) Bun mbuo jangx taux Tin-Hungh nyei waac gorngv, muangx Ziouv nyei waac duqv ninh nyei fuqv. Weic ninh mbuo nyei deic-bung maiv muangx Tin-Hungh nyei waac, zuqc dingc zuiz…mv baac Tin-Hungh corc hnyouv ndaauv bun taux ninh ginv daaih nyei baeqc fingx mienh corc aengx oix dorh ninh nzuonx - se gorngv ninh mbuo goiv hnyouv guangc zuiz. Ndaa^niên caux ninh nyei buo dauh doic nyei maengc se zoux nyungc zeiv gorngv mbuo oix zuqc hnangv haaix nor ziangh yiem orqv mienh nyei buoz ndiev caux orqv nyei ziangh hoc…Ginv taaih Tin-Hungh!

(3) Ndaa^niên aengv Tin-Hungh nyei njang yiem janx nyei deic bung. Ninh douc nyei waac caux ninh ziangh nyei maengc se benx zingh ginx gorngv taux Tin-Hungh nyei qaqv caux ninh hnangv haaix nor goux jienv ninh zeix daaih nyei mienh.

(4) Ih hnoi meih caux yie yaac haih ginv taaih Tin-Hungh maiv gunv mbuo buangh zuqc nyei haaix nyungc sic…Tin-Hungh oix taaih dongh taaih ninh nyei mienh, oix ceix fuqv bun dongh muangx ninh nyei waac nyei mienh.

DA’CIETV GINC: DORH DAAIH BEIV LONGC NYEI DOZ (APPLICATION SERMON)

Biux mengh waac: Dorh Ging-Sou nyei waac daaih longc yiem maengc nyei jauv se benx yietc nyungc jauv jienv haic bun taux mbuo laanh laanh sienx Ziouv nyei mienh. Mbuo oix zuqc hiuv duqv hnangv haaix nor zorqv Ging-Sou nyei waac fai dorh Ging-Sou nyei waac daaih longc duqv horpc. Se gorngv mbuo zorqv dorngc fai longc dorngc Ging-Sou nyei waac yaac zoux bun mbuo ganh maaih sic. Mbuo dorh Ging-Sou nyei waac daaih longc yiem maengc nyei jauv se maaih i nyungc longc jienv nyei jauv.

Da’yietv mbuo maiv zeiz kungx hoqc hiuv duqv taux Ging-Sou gorngv haaix nyungc, fai hnangv haaix

92


nor gorngv hnangv, mbuo yaac oix zuqc hiuv duqv hnangv haaix nor dorh Ging-Sou nyei waac daaih longc tengx mbuo ndorm zinh nziouv muangx bieqc cuotv nyei jauv, hnangv haaix nor haih longc duqv horpc maiv hoic zuqc mbuo ganh, yaac maiv zoux dorngc Tin-Hungh.

Da’nyeic mbuo dorh Ging-Sou nyei waac daaih longc yiem mbuo nyei maengc nyei jauv se tengx mbuo haih borngz duqv hingh waaic sic nyei jauv, yaac haih tengx beu goux mbuo nyei ziangh maengc, maiv ndortv njiec yiem zuiz, se gorngv mbuo haih longc duqv horpc nor. Ging-Sou nyei waac yaac haih tengx mbuo maaih cong-mengh haih samx duqv cuotv haaix nyungc longx haaix nyungc ciouv nyei jauv. Ging-Sou se hnangv dang, hnangv fin-saeng, hnangv gingx, hnangv nzuqc ndaauv, hnangv torngv-baaih nor beu goux mbuo nyei maengc.

Hnangv haaix nor dorh Ging-Sou nyei waac daaih longc yiem mbuo nyei maengc? Baulo fin-saeng gorngv mbuox mbuo, “9 Yie njaaux meih mbuo hoqc liuz yaac bun meih mbuo duqv zipv nyei, dongh meih mbuo haiz yie gorngv, yaac buatc yie zoux nyei nyungc-nyungc, meih mbuo oix zuqc ei jienv zoux. Hnangv naaic, ceix baengh orn nyei Tin-Hungh ziouc caux meih mbuo yiem aqv.” (Fi^lipv^poi 4:9).

Da’yietv mbiec dorh Tin-Hungh nyei waac daaih longc yiem mbuo nyei maengc nyei jauv se oix zuqc doqc yaac corngh ninh nyei eix-leiz, Tin-Hungh hnangv naaiv gorngv mbuox Yo^su^waac, “Maiv dungx la'kuqv zanc-zanc doqc naaiv buonv Leiz-Latc Sou. Ndorm-ndorm muonz-muonz oix zuqc fei-fangv, weic bun meih faix fim ei jienv sou fiev nyei yietc zungv waac. Hnangv naaic meih zoux nyei nyungc-nyungc ziouc zoux duqv longx yaac zoux duqv dunh yunh.” (Yo^su^waa 1:8). Yiem Singx Nzung 119:9, 11 gorngv, “Houh saeng mienh oix zuqc hnangv haaix nor goux duqv ninh ganh nyei jauv cing-nzengc? Se oix zuqc ei jienv meih nyei waac zoux. Yie zorqv meih nyei waac zaangh jienv yie nyei hnyouv, weic bun yie maiv baamz zuiz dorngc meih.”

Tin-Hungh yaac hnangv naaiv nor gorngv mbuox I^saa^laa^en Mienh, “Meih mbuo oix zuqc zorqv yie naaiv deix waac zaangh jienv hnyouv, fapv jienv meih mbuo nyei mba'nziu. Aengx zorqv naaiv deix waac kou jienv buoz yaac nyatv jienv biorngh zoux jangx-hoc. Oix zuqc njaaux meih mbuo nyei fu'jueiv hiuv duqv naaiv deix waac. Maiv gunv yiem biauv fai yiem jauv zaangc, bueix njiec fai jiez sin, zungv oix zuqc buih jienv yiem.” (Nzamc Leiz-Latc 11:18-19).

Yiem Singx Nzung 1:1-2 gorngv, “Maaih orn-lorqc nyei mienh se maiv muangx mienh waaic mienh nyei za'eix, maiv yangh zuiz-mienh nyei zaux-mbiec, yaac maiv caux huotv Tin-Hungh nyei mienh juangc jauv yangh. Daaux nzuonx ninh a'hneiv ZIOUV nyei leiz-latc, ziu yiex fei-fangv ninh nyei leiz.”

93


Dorh Ging-Sou nyei waac daaih longc nyei doz fai (Application Sermon) se benx yietc nyungc longc jienv nyei jauv. Naaiv nyungc zunh doz qorng fai (application sermon outline) nyei jauv se benx yietc nyungc longc jienv haic nyei jauv yiem zorqv fai dorh Gong-Sou nyei waac daaih longc fai (apply) nyei jauv. Mbuo oix zuqc hoqc Ging-Sou nyei korn^taekv longx nyei, yaac oix zuqc hiuv dingc wuov deix Ging-Sou njaaux nyei jauv se dongh haaix nyungc, maiv zei aeqv mbuo longc dorngc nor zoux bun mbuo ganh maaih sic.

Zorqv nyungc zeiv, zinh ndaangc maaih dauh fin-saeng gorngv mbuox mienh haaix zanc mbuo oix cuotv jauv mingh haaix mbuo oix zuqc daux gaux. Se gorngv mbuo oix hiuv duqv jauv njang fai maiv njang nor, mbuo zorqv Ging-Sou daaih nanv jienv daux gaux liuz koi daaih doqc Ging-Sou ziouc mbuox bun mbuo hiuv duqv hnangv haaix nor aqv. Zoux gau maaih dauh ninh nyei jiu baang oix zuqc cuotv jauv mingh ganh norm dorngx, ninh ziouc ei jienv naaiv dauh fin-saeng nyei waac zoux, zorqv Ging-Sou daaih nanv jienv daux gaux liuz ziouc koi daaih doqc, Ging-Sou gorngv Yu^ndaatc mingh naeqc jang daic mi’aqv, ninh gorngv aav! naaiv daaix jauv maiv njang aqv, ninh aengx njipv jienv m’zing daux gaux nzunc mangc gaax, daux gaux baac koi Ging-Sou daaih dorh buoz-ndoqv coqv jienv nungx nqoi m’zing daaih doqc mangc, Ging-Sou gorngv mbuox ninh, meih oix zuqc ei naaiv zoux, ninh gorngv Ging-Sou gorngv Yu^ndaatc mingh naeqc jang daic mi’aqv, heuc ninh yaac oix zuqc hnangv Yu^ndaatc nor mingh naeqc jang daic aqv. Meih mbuo buatc nyei fai? Se gorngv mbuo longc dorngc Ging-Sou nyei hnangv naaiv, Ging-Sou maiv njaaux mbuo hnangv naaiv daux gaux, hnangv naaiv zoux, zoux naaiv nyungc sic nyei jauv se hnangv jouh cim nor, maiv zeiz daux gaux tov Tin-Hungh yienz mbuo nyei jauv, caux Ging-Sou yaac maiv zeiz cim-sou.

Application sermon fai dorh daaih beiv longc nyei Ging-Sou doz se maiv ndaauv, mbuo kungx zorqv dongh heic njaaux mbuo oix zuqc hnangv haaix nor zoux nyei jauv daaih beiv longc hnangv. Mbuo porv mengh nyei jauv se ei jienv Ging-Sou gorngv nyei jauv gorngv, maaih deix ziangh hoc nziex mbuo oix zuqc lorz nyungc zeiv fai jangx hoc nyei jauv daaih tengx porv mengh nyei jauv.

Application sermon fai dorh daaih beiv longc nyei Ging-Sou doz nyei bun-ginc, orn-mbaih jauv fai (outline) se hnangv jiex mingh naaiv nor.

1. Die Nyei Gong Ziux Goux Fu’jueivGing-Sou: Maako 5:21-23; 5:35-43 “Yesu bieqc nzangv nzuonx wuov ngaanc ziqc koiv-dorn, maaih mienh camv nyei yiem wuov koiv-dorn hlen weih gormx Yesu. 22 Maaih dauh gunv wuic dorngh nyei mienh, mbuox heuc Yailatv, daaih taux. Yietv buatc Yesu, ninh ziouc mbaapv njiec Yesu nyei zaux-hlen 23 qaqv tov ninh, "Yie nyei sieqv butv baengc hniev haic, oix daic aqv. Tov meih mingh maan jienv ninh, zorc ninh nyei baengc longx, njoux cuotv ninh nyei maengc maah!" 35 Yesu corc gorngv

94


jienv waac wuov zanc, maaih deix mienh yiem gunv wuic dorngh wuov dauh mienh, Yailatv, nyei biauv, daaih mbuox Yailatv, "Meih nyei sieqv daic mi'aqv. Maiv zuqc la'nyauv fin-saeng aqv." 36 Yesu maiv muangx ninh mbuo nyei waac. Ninh gorngv mbuox gunv wuic dorngh nyei mienh, "Maiv dungx gamh nziex. Kungx oix zuqc sienx hnangv." 37 Ninh yaac maiv bun haaix dauh gan ninh mingh. Kungx dorh Bide, Yaagorpc caux Yaagorpc nyei youz, Yo^han, mingh hnangv. 38 Mingh taux wuic dorngh nyei mienh gox nyei biauv, Yesu buatc mienh lunc nzengc, yaac mbiouh mbiouh nyei nyiemv. 39 Yesu bieqc mingh mbuox ninh mbuo, "Meih mbuo zoux haaix nyungc lunc nzengc? Weic haaix diuc mbiouh mbiouh nyei nyiemv? Naaiv dauh fu'jueiv maiv zeiz daic. Ninh m'njormh hnangv." 40 Mv baac zuangx mienh jatv Yesu, Yesu ziouc zunc ninh mbuo cuotv nzengc, aengx dorh wuov dauh fu'jueiv nyei diex maac caux ninh nyei buo dauh sai-gorx gan ninh bieqc fu'jueiv yiem wuov norm dorngx. 41 Yesu nanv jienv wuov dauh fu'jueiv nyei buoz yaac gorngv "Taa^li^taa ku^mi!" (eix leiz se "Sieqv-faix aah! Yie mbuox meih, jiez sin daaih maah!") 42 Wuov dauh sieqv liemh zeih jiez sin daaih yangh jauv aqv. Wuov zanc ninh nyei hnyangx-jeiv duqv ziepc nyeic hnyangx. Naaiv deix sic cuotv daaih, zuangx mienh za'gengh! mbuoqc horngh haic aqv. 43 Yesu hatc ninh mbuo cin-maanc maiv dungx gorngv naaiv deix sic mbuox haaix dauh, yaac gorngv, "Lorz deix ga'naaiv bun naaiv dauh sieqv nyanc oc."

Biux Mengh Waac: Naaiv dauh die se hnamv haic ninh nyei fu’jueiv, ninh goux longx ninh nyei fu’jueiv. Mbuo laanh laanh zoux die nyei mienh oix zuqc hnangv naaiv dauh die nor zoux. Naaiv dauh die ninh zoux naaiv deix 6 nyungc jauv weic ninh nyei fu’jueiv:(1) Naaiv dauh die zatv ganh njiec weic njoux ninh nyei fu’jueiv (22).(2) Naaiv dauh die tov Yesu tengx njoux ninh nyei fu’jueiv (23). (3) Naaiv dauh die hnyouv maiv mbungh mbienv mv baac sienx dingc Yesu tengx ninh (35-36). (4) Naaiv dauh die souv wuonv maiv gunv mienh camv gorngv doqc jatv ninh (39-41). (5) Naaiv dauh die gan Yesu taux setv mueiz (41-42). (6) Naaiv dauh die muangx Yesu nyei waac taux setv mueiz (43).

Setv Mueiz Waac: Zoux die nyei mienh oix zuqc siev ganh nyei maengc weic njoux ganh nyei fu’jueiv, oix zuqc longc ziangh hoc, longc hnamv ziux goux fu’jueiv yaac oix zuqc dorh longx goux longx ganh nyei fu’jueiv, weic zuqc fu’jueiv benx Tin-Hungh nyei fuqv bun mbuo daaih. Yiem Singx Nzung 127:3-5 gorngv, “Naamh nyouz se ZIOUV bun nzipc nyei buonc, yungz daaih nyei fu'jueiv benx ninh nyei zingh nyeic. 4 Mienh hnyangx-jeiv lunx nyei ziangh hoc yungz nyei naamh nyouz, se hnangv forng-cang yiem mborqv jaax baeng nyei buoz. 5 Maaih forng buangv forng-ndongh nyei mienh orn-lorqc haic. Yiem zingh gaengh caux win-wangv dunx sic nyei ziangh hoc yaac maiv zuqc nyaiv.”

2. Longc Ziangh Hoc Weic Nyungc-Nyungc Ging-Sou: Maako 4:26-29 “Yesu gorngv jienv mingh. "Tin-Hungh zoux Ziouv gunv mienh se hnangv laanh mienh mingh haaz nyim wuov ndeic. 27 Lungh muonz zanc ninh bueix m'njormh. Lungh hnoi zanc jiez sin zoux gong, mv baac nyim ganh guqc nyaah hlo daaih. Wuov laanh mienh yaac maiv hiuv duqv nyim hnangv haaix nor haih hlo. 28 Ndau ganh bun nyim cuotv, bun ga'naaiv hlo daaih ziangh nyim. Da'yietv buatc cuotv miuh, hlo daaih ziouc bau, aengx cuotv mbiauh dorv jauh nyei. 29 Mbiauh zuoqc nyei ziangh hoc, wuov laanh mienh ziouc longc ninh nyei limh ngau mingh gaatv, weic zuqc siou mbiauh nyei ziangh hoc taux aqv."

95


Biux Mengh Waac: Yiem mbuo nyei maengc mbuo oix zuqc maaih ziangh hoc weic naaiv deix 6 nyungc gong. Mbuo laanh laanh mienh zungv maaih ziangh hoc zoux ziex nyungc gong yiem naaiv seix zangc maiv gunv longx fai ciouv. Mv baac mbuo horpc zuqc ginv haaix nyungc longx nyei, maaih lamh longc nyei haih tengx duqv mbuo nyei jauv, mbuo oix zuqc zoux wuov nyungc, hnangv Baulo gorngv mbuox Fi^lipv^poi nyei Jiu Baang nor, “Maiv dungx weic haaix nyungc guaax hnyouv. Oix zuqc weic nyungc-nyungc sic daux gaux jouh Tin-Hungh, laengz zingh Tin-Hungh, ei meih mbuo qiemx longc nyei tov ninh tengx. 7 Tin-Hungh nyei baengh orn, dongh baamh mienh zungv hnamv maiv zaaic nyei baengh orn, ziouc beu jienv meih mbuo nyei hnyouv caux hnamv nyei jauv, weic zuqc meih mbuo caux Giduc Yesu juangc maengc ziangh. 8 Yie nyei gorx-youz aac, yie aengx gorngv deix setv mueiz waac. Haaix nyungc zien nyei, horpc zuqc taaih nyei, baengh fim nyei, cing-nzengc nyei, horpc zuqc hnamv nyei, mengh dauh longx nyei, naaiv deix longx haic, horpc zuqc ceng nyei yietc zungv oix zuqc zanx jienv hnyouv. 9 Yie njaaux meih mbuo hoqc liuz yaac bun meih mbuo duqv zipv nyei, dongh meih mbuo haiz yie gorngv, yaac buatc yie zoux nyei nyungc-nyungc, meih mbuo oix zuqc ei jienv zoux. Hnangv naaic, ceix baengh orn nyei Tin-Hungh ziouc caux meih mbuo yiem aqv.” (Fi^lipv^poi 4:6-9). (1) Oix zuqc maaih ziangh hoc nyiemc gorngv mbuo maiv hiuv duqv nyungc-nyungc sic (27). (2) Oix zuqc maaih ziangh hoc laengz zipv Tin-Hungh nyei jauv (28). (3) Oix zuqc longc ziangh hoc zuov Tin-Hungh nyei ziangh hoc (28). (4) Oix zuqc longc ziangh hoc laengz zingh a’hneiv Tin-Hungh nyei gong (28). (5) Oix zuqc longc ziangh hoc fuh sux Tin-Hungh ei Tin-Hungh heuc mbuo zoux nyei jauv (29). (6) Oix zuqc longc ziangh hoc caux doic juangc jienv zoux gong fuh sux Tin-Hungh (29).

Setv Mueiz Waac: Ging-Sou njaaux taux mbuo longc ziangh hoc nyei jauv se maaih ziex nyungc jauv, mv baac yiem naaiv mbuo oix mangc deix nyungc zeiv taux hnangv haaix nor.

1. Yiem E^fe^so 5:15-18 gorngv, “Hnangv naaic, meih mbuo yiem seix zaangc oix zuqc faix fim meih mbuo hnangv haaix nor yiem. Maiv dungx hnangv mienh hngongx mienh, oix zuqc hnangv cong-mengh nyei mienh wuov nor. 16 Oix zuqc longc duqv horpc ziangh hoc, weic zuqc ih zanc nyei nyutc zeiv se orqv haic. 17 Maiv dungx zoux mienh hngongx mienh. Oix zuqc mengh baeqc Ziouv nyei za'eix hnangv haaix nor.” 18 Maiv dungx hopv diuv nquin. Diuv se bun mienh zoux waaic sic. Daaux nzuonx oix zuqc bun Singx Lingh yiem buangv hnyouv.”

2. Yiem Lomaa 12:11 gorngv, “Maiv dungx lueic. Oix zuqc jorm hnyouv jienh fu-sux Ziouv.”

3. Hipv^lu 10:24-26 gorngv, “Mbuo yaac oix zuqc hnamv mangc gaax, hnangv haaix nor haih tengx laanh yietc zei hnamv laanh, yietc zei zoux kuv sic. 25 Oix zuqc gapv zunv zoux leiz-baaix, maiv dungx guangc hnangv maaih deix mienh guangc guenx nor. Daaux nzuonx laanh oix zuqc yietc zei kuinx laanh weic zuqc meih mbuo hiuv duqv Ziouv Siemv Zuiz nyei Hnoi taux fatv aqv. 26 Se gorngv mbuo hiuv liuz zien leiz mv baac duqv-eix zanc-zanc baamz zuiz, maiv maaih haaix nyungc ziec nyei ga'naaiv haih fiqv duqv zuiz aqv.

3. Zien Ziangh Maengc Nyei Jauv Ging-Sou: Mark 4:21-25 “Yesu aengx mbuox ninh mbuo, "Maaih haaix dauh diemv zieqc dang zorqv tongv nqopv jienv fai don coux-ndiev? Ninh maiv zeiz zorqv dang don jienv dang nyei baaih fai? 22 Maiv gunv maaih haaix nyungc bingx jienv mv baac oix cuotv daaih. Maiv gunv maaih haaix nyungc

96


gem jienv mv baac oix mbiaangx yaangh cuotv daaih. 23 Haaix dauh maaih m'normh oix zuqc baeng m'normh muangx longx oc." 24 Ninh yaac mbuox ninh mbuo, "Meih mbuo oix zuqc longc hnyouv muangx longx. Meih mbuo longc haaix nyungc hlaau bun mienh, Tin-Hungh yaac longc wuov nyungc hlaau bun meih mbuo, zungv jaa gauh camv deix. 25 Weic zuqc haaix dauh maaih nyei, ninh oix jaa duqv gauh camv. Haaix dauh maiv maaih, liemh ninh maaih diqv dien, zungv oix zuqc zorqv mingh."

Biux Mengh Waac: Sienx Yesu nyei mienh ziangh nyei maengc oix zuqc doix duqv Tin-Hungh yaac doix duqv mienh. Eix-leiz se yiem hnamv, yiem nzuih gorngv cuotv nyei waac caux zoux nyei sic oix zuqc fih hnangv nyei. Mbuo maiv haih bingx mienh caux Tin-Hungh maiv mbueiz. Yesu mienh se hnangv yietc norm dang nor, eix-leiz se mbuo laanh-laanh mienh sienx liuz Yesu lungh ndiev mienh zungv hiuv duqv mbuo nyei, se gorngv mbuo maiv zoux kuv sic, mienh yaac hiuv nyei. Maiv zoux kuv sic nyei Yesu mienh se hnangv diemv dang daaih don coux-ndiev fai zorqv tongv daaih nqopv jienv nor. Muangh jienv fai torngv jienv maiv bun mienh hiuv. Zoux naaiv nyungc sic nyei mienh maiv haih duqv zipv Tin-Hungh nyei fuqv. Mbuo oix zuqc benx zien Yesu mienh, yiem mbuo gorngv nyei waac caux zoux nyei sic oix zuqc doix-dangc fai fih hnangv nyei. Yiem naaiv douc Ging-Sou bun daaih se maaih 5 nyungc zien jauv taux mbuo Giduc Mienh nyei maengc:(1) Meih mbuo se hnangv yietc norm dang hietv hlaang nyei dorngx (21). (2) Meih mbuo se benx dauh ziepc zuoqv hnyouv nyei mienh yiem naaiv seix zangc (24). (3) Meih mbuo se benx mbenc ziangx taan meih mbuo nyei fuqv bun mienh nyei mienh (24). (4) Meih mbuo se mbenc ziangx zipv fuh sux nyei jauv camv faaux (25). (5) Meih mbuo se benx mbenc ziangx ciev ziec nyei mienh (25).

Setv Mueiz Waac: Mbuo haih duqv benx zien Yesu mienh fai siang-yungz jiex nyei mienh se oix zuqc ei jienv Ging-Sou nyei jauv zoux hnangv, cuotv liuz mbuo maiv ei Ging-Sou muangx Ging-Sou nor, mbuo maiv haih duqv benx siang-yungz jiex nyei mienh fai zien Yesu nyei mienh, mbuo yaac maiv haih ziangh naaiv nyungc maengc. Yiem 1 Bide 1:22-23 gorngv, “Meih mbuo ei jienv zien leiz zoux ziouc bun meih mbuo nyei hnyouv cing-nzengc daaih yaac za'gengh hnamv sienx Yesu nyei gorx-youz. Hnangv naaic meih mbuo oix zuqc longc nzengc hnyouv laanh hnamv laanh. 23 Meih mbuo se ganh siang-yungz jiex, maiv zeiz yiem haih daic nyei buonv yungz, se yiem maiv haih daic nyei buonv yungz. Weic zuqc meih mbuo kaux Tin-Hungh yietc liuz ziangh jienv nyei doz ganh siang-yungz jiex.”

4. Juqv Setv Baamh Mienh Nyei Mba’nziuGing-Sou: Maako 4:13-20 “13 Yesu aengx naaic ninh mbuo, "Meih mbuo maiv mengh baeqc naaiv diuh waac-beiv fai? Wuov nyungc, meih mbuo hnangv haaix nor haih mengh baeqc ganh diuh? 14 Haaz nyim nyei mienh haaz nyei nyim se Tin-Hungh nyei kuv fienx. 15 Maaih deix mienh se hnangv ndortv zuqc jauv wuov deix nyim nor. Mienh haiz liuz kuv fienx, Saadaan liemh zeih daaih zorqv yiem hnyouv wuov deix kuv fienx cuotv mi'aqv. 16 Aengx maaih deix mienh se hnangv ndortv zuqc la'bieiv-lomc nyei nyim. Yietv haiz Tin-Hungh nyei kuv fienx ziouc a'hneiv zipv. 17 Mv baac se hnangv kuv fienx njiec nzungh maiv ndo, sienx maiv lauh. Ninh mbuo laaix kuv fienx buangh zuqc sic fai zuqc mienh zoux doqc, ninh mbuo ziouc cuotv mi'aqv. 18 Maaih deix mienh yaac hnangv haaz ndortv zuqc njimv-lomc wuov deix nyim. Ninh mbuo haiz Tin-Hungh nyei waac, 19 mv baac laaix seix zaangc nyei jauv kuonx hnyouv fai laaix hnamv zinh nyaanh, fai laaix mauv oix duqv nyungc-nyungc ga'naaiv, mbiorngz jienv Tin-Hungh nyei waac, nyim ziouc maiv haih jauh aqv. 20 Mv baac maaih deix mienh

97


hnangv ndortv zuqc ndau-longx wuov deix nyim. Ninh mbuo haiz Tin-Hungh nyei waac ziouc zipv daaih, yaac ziangh duqv gitv. Maaih deix yietc gouv duqv faah ziepc gouv, maaih deix duqv luoqc ziepc gouv, maaih deix duqv yietc baeqv gouv."

Biux Mengh Waac: Mbuo baamh mienh nyei mba’nziu maaih juqv nyungc fai juqv setv mba’nziu. Maaih zaangc horngh mba’nziu longx taux yietc baeqv gouv. Zong horngh mba’nziu longx taux luoqc ziepc gouv. Haac horngh mba’nziu longx taux faah ziepc gouv. Se gorngv mbuo longc benx ndie-sai nyei jauv nor, zaangc horngh mba’nziu se maaih 100% haih zorc duqv naangh nyei. Zong horngh mba’nziu zoux gong nyei mienh nor maaih 60% buon mba’nziu zoux gong hnangv, naangh caux daic nyei 50%/50% hnangv. Se gorngv mbuo nyei mba’nziu kungx maaih 30% zoux gorngv hnangv nor, daic wuov bung nyei buonc gauh camv jiex, naaiv laanh mienh ziouc maiv haih funx duqv ninh aengx haih longx aqv. Se gorngv ziangh nyei maengc kungx maaih faah ziepc gouv longx bun Tin-Hungh caux baamh mienh nor, Tin-Hungh maiv longc mbuo benx ninh nyei mienh aqv.

1) Jauv-hlen mba’nziu (15). Jauv-hlen mba’nziu se beiv taux mienh hnyouv ngaengc maiv nyunc bun Tin-Hungh nyei waac njiec ninh mbuo nyei hnyouv. Laaix ninh mbuo nyei hnyouv ngaengc, Saadaan ziouc hnangv norqc nor daaih zorqv kuv fienx fai Tin-Hungh nyei waac dongh bieqc ninh mbuo nyei hnyouv wuov cuotv.

(2) La’bieiv-ndau nyei mba’nziu (16-17). La’bieiv ndau nyei mba’nziu se beiv mienh nyei hnyouv maaih deix baav hnyouv zipv Ziouv nyei waac, Ziouv nyei waac haih njiec fai bieqc hnyouv, mv baac maiv nyunc bun Ziouv nyei waac hlo yiem ninh mbuo nyei maengc, eix-leiz se oix ei ninh mbuo nyei hnyouv nyunc zoux nyei jauv gauh camv nyunc ei Ziouv nyei waac.

(3) Njimv-lomc nyei mba’nziu (18-19). Njimv-lomc mba’nziu se beiv taux mienh bun baamh gen nyei sic fai seix zaangc nyei sic daaih la’nyauv ninh mbuo nyei maengc, maiv ziepc zuoqv hnyouv bun Tin-Hungh, sienx Tin-Hungh nyei mv baac yaac oix mauv baamh gen nyei ga’naaiv caux jienv, mauv zinh mauv nyaanh nyei jauv daaih gunv ninh mbuo nyei maengc. Ging-Sou gorngv, “Maiv dungx hnamv baamh gen fai hnamv baamh gen nyei ga'naaiv. Haaix dauh hnamv baamh gen, wuov dauh maiv maaih hnyouv hnamv Zaangc Diex.” (1 Yo^han 2:15).

(4) Faah ziepc gouv longx nyei mba’nziu (20). Naaiv nyungc mienh maaih banh zeic haih zoux longx duqv taux faah ziepc gouv hnangv, maaih cietv ziepc gouv corc hnamv zoux waaic. Muangx Tin-Hungh nyei waac taux faah ziepc gouv, maaih cietv gouv muangx zuiz, muangx aapv eix zoux waaic sic.

(5) Luoqc ziepc gouv longx nyei mba’nziu (21). Naaiv nyungc mienh longx taux luoqc ziepc gouv, fai maaih banh zeic gan fai ei Ziouv nyei waac taux luoqc ziepc gouv hnangv, maaih feix ziepc gouv aengx liouh jienv bun zuiz longc zoux zuiz nyei jauv. Tin-Hungh gorngv naaiv nyungc mienh qiemx zuqc goiv hnyouv nzuonx daaih lorz Tin-Hungh. Tin-Hungh corc bun qangx ninh aengx zoux longx camv faaux.

(6) Yietc baeqc gouv longx nyei mba’nziu (21-22). Naaiv nyungc mienh maaih banh zeic haih zoux ei Tin-Hungh nyei waac taux yietc baeqc gouv. Naaiv nyungc mienh Tin-Hungh funx benx kuv mienh, dunh yunh nyei mienh. Ninh longc nzengc ninh nyei hnyouv muangx, zoux ei caux gan Tin-Hungh

98


nyei leiz. Naaiv nyungc mienh mbuo haih heuc fai funx benx kuv mienh, kuv mba’nziu, kuv laangh fim, dunh yunh nyei mienh, gong-daqv nyei mienh.

Setv Mueiz Waac: Yesu gorngv naaiv diuh waac-beiv se weic njaaux mbuo, oix mbuo longc hnyouv sienx kaux Ninh, gan Ninh, muangx Ninh nyei waac, mbuoqc Ninh nyei waac njaaux mbuo. Oix mbuo longc nzengc sienx kaux ninh muangx ninh nyei waac taux yietc baeqc gouv, yaac ziangh fai zoux ei, mbuoqc ninh nyei waac taux yietc baeqc gouv.

5. Dingc Hnyouv Zoux Yiem Siang-Hnyaangx Nyei JauvGing-Sou: Singx Nzung 150:1-6 “Oix zuqc ceng ZIOUV. Oix zuqc yiem ninh nyei singx dinc ceng Tin-Hungh, oix zuqc yiem ninh nernh haic nyei lungh ceng ninh. 2 Ceng ninh weic ninh zoux domh qaqv nyei sic. Ceng ninh weic zuqc ninh za'gengh! hlo haic. 3 Longc nzatc ceng ninh, longc domh daanh baah, fiuv-daanh baah ceng ninh. 4 Mborqv nzoz, cangx heix ceng ninh, patv daanh baah, biomv hlauv-ndongh nux ceng ninh. 5 Nqaapv caauh zeiv ceng ninh, longc caauh zeiv nqaapv qom-qaau nyei mbui ceng ninh. 6 Yietc zungv haih tauv qiex nyei ga'naaiv oix zuqc ceng ZIOUV. Oix zuqc ceng ZIOUV.”

Biux Mengh Waac: Mbuo oix zuqc dingc hnyouv zoux 6 nyungc yiem Siang-Hnyaangx gu’nyuoz naaiv. Ei naaiv zaang Singx Nzung 150 zaang mbuox mbuo oix zuqc dingc hnyouv zoux nyei jauv se hnangv naaiv:(1) Oix zuqc ceng Tin-Hungh yiem ninh nyei singx dinc (1)(2) Oix zuqc ceng Tin-Hungh yiem ninh nernh haic nyei lungh (1). (3) Oix zuqc ceng Tin-Hungh weic zuqc ninh zoux nernh haic, mbuoqc horngh haic nyei sic (2). (4) Ceng Tin-Hungh, longc lorh nzox, daanh baah, baaux nzung ceng ninh (3-5). (5) Cangx heix ceng Tin-Hungh (4). (6) Bun nyungc-nyungc maaih qiex nyei ga’naaiv ceng Ziouv Tin-Hungh (6).

Setv Mueiz Waac: Yiem naaiv zaang Ging-Sou gorngv mbuox mbuo oix zuqc cangx heix ceng Tin-Hungh, mv baac mbuo oix zuqc faix fim maiv dungx zoux jiex ndaangc Ging-Sou gorngv nyei jauv. Loz-hnoi I^saa^laa^en mienh zoux nyei se maiv hnangv Ih jaax hnoi mienh zoux nyei. Nyungc-nyungc mbuo zoux nyei jauv oix zuqc zingx nyei, ziepc zuoqv hnyouv zoux, longc nzengc hnyouv cengx baaix Tin-Hungh. Zinh ndaangc loz-hnoi nyei lungh ndiev maaih deix I^saa^laa^en Mienh zoux pien buoqc zaangc Tin-Hungh nyei jauv, Ziouv hnangv naaiv nor gorngv ninh mbuo, “13 Ziouv gorngv, "Naaiv deix mienh daaih lorz yie, longc ninh mbuo nyei nzuih taaih yie, mv baac ninh mbuo nyei hnyouv leih duqv yie go. Ninh mbuo taaih yie, se kungx longc mienh njaaux nyei leiz hnangv." (I^saa^yaa 29:13). Yesu yaac fih hnangv nyei gorngv, “Beih zaqc hnyouv njuotv nyei mienh aah! I^saa^yaa douc Tin-Hungh nyei waac wuov zanc ninh gorngv duqv meih mbuo zien haic aqv. Ninh gorngv, 8 'Naaiv deix mienh longc nzuih taaih yie, mv baac ninh mbuo nyei hnyouv leih duqv yie go haic. 9 Ninh mbuo zaangc yie se maiv lamh longc. Ninh mbuo zorqv mienh ganh liepc daaih nyei leiz dorngx yie nyei leiz njaaux.” (Matv^taai 15:7-9).

6. Ceng Tin-Hungh Yiem Ziex Nyungc Jauv Ging-Sou: Singx Nzung 149:1-9 “ZIOUV Oix zuqc ceng ZIOUV. Oix zuqc baaux diuh siang-nzung bun ZIOUV. Oix zuqc yiem ninh ziepc zuoqv nyei baeqc fingx gapv zunv nyei dorngx ceng ninh. 2 Oix

99


zuqc bun I^saa^laaên Mienh weic Zeix Ninh Mbuo Daaih Wuov Dauh a'hneiv. Oix zuqc bun Siôn nyei baeqc fingx weic ninh mbuo nyei Hungh Diex orn-lorqc. 3 Oix zuqc bun ninh mbuo cangx heix ceng ninh nyei mengh, mborqv nzoz patv daanh baah ceng ninh. 4 Weic zuqc ZIOUV a'hneiv ninh nyei baeqc fingx, ninh bun nyiemc ganh zoux faix nyei mienh duqv hingh jiex. 5 Tov bun gan longx ninh wuov deix weic ninh mbuo duqv hingh jiex nyei njang-laangc njien-youh. Tov bun ninh mbuo yiem ninh mbuo nyei coux njien-youh nyei baaux nzung. 6 Tov bun ninh mbuo baaux nzung mbui nyei ceng Tin-Hungh, yaac bun ninh mbuo nyei buoz nanv jienv i maengx laic nyei nzuqc ndaauv, 7 weic jaauv win bun maanc guoqv mienh, siemv dingc maanc fingx nyei zuiz, 8 weic zorqv ninh mbuo nyei hungh ndoh jienv, yaac longc hlieqv-limc ndoh ninh mbuo zoux hlo nyei mienh, 9 weic zoux ziangx ziux fiev jienv oix hnangv haaix nor dingc ninh mbuo nyei zuiz. Naaiv se Tin-Hungh nyei yietc zungv baeqc fingx duqv nyei njang-laangc. Oix zuqc ceng ZIOUV.

Biux Mengh Waac: Maaih 6 nyungc jauv mienh ceng baaix Tin-Hungh. Ceng baaix Tin-Hungh nyei jauv jienv jiex se yiem mbuo ziepc zuoqv hnyouv nyei jauv zoux, maiv zeiz ei leiz zoux fai longc mengh daauh zoux. Yesu mengh-mengh nyei gorngv, “Tin-Hungh se Singx Lingh. Zaangc Tin-Hungh nyei mienh oix zuqc longc Singx Lingh caux zien leiz zaangc." (Yo^han 4:24). Longc lingh wuonh zaangc se longc hnyouv zaangc, ziepc zuoqv hnyouv zingx nyei zoux. Longc zien leiz zaangc se maiv zeiz la’guaih zoux a’nzaauc nyei sic, se zingx nyei zoux, ziangh zien zoux.(1) Mienh camv longc ziepc zuoqv hnyouv baaux siang-nzung ceng Tin-Hungh (1). (2) Bun ninh mbuo laqc heix ceng Tin-Hungh nyei mbuox (3). (3) Bun ninh mbuo mborqv nzoz patv daanh baah ceng ninh (3). (4) Bun ziepc zuoqv hnyouv nyei mienh ceng ninh nyei njang-laangc; bun ninh mbuo njien-youh a’hneiv baaux nzung (4). (5) Bun ninh mbuo baaux nzung mbui nyei ceng Tin-Hungh (6). (6) Bun ninh mbuo nyei buoz nanv jienv i maengx-laic nyei nzuqc ndaauv daix ninh mbuo nyei win-wangv, jaauv win bun maanc guoqv nyei mienh (6-8).

Setv Mueiz Waac: Ih hnoi naaiv zaang Singx Nzung sou mbuox mbuo oix zuqc hnangv haaix nor ceng Tin-Hungh, ceng Tin-Hungh nyei jauv se maaih ziex nyungc za’eix faix ziex diuc jauv ceng, mv baac oix zuqc faix fim nyei zoux, oix zuqc longc ziepc zuoqv hnyouv zoux, zingx nyei zoux.

7. Lengc Jeiv Nyei Mienh Special People Ging-Sou: Singx Nzung 147:12-20 “O Ye^lu^saa^lem aah! Oix zuqc ceng ZIOUV. O Siôn aah! Oix zuqc ceng meih nyei Tin-Hungh. 13 Ninh bun meih nyei zingh laatc nyei gaengh sorn wuonv, ceix fuqv bun yiem meih gu'nyuoz nyei naamh nyouz. 14 Ninh bun meih nyei gapv-jaaix gu'nyuoz taaix-baengh, bun gauh longx jiex nyei mbiauh meih mbuo duqv nyanc beuv. 15 Ninh bun ninh nyei lingc cuotv mingh gormx lungh ndiev, ninh nyei waac mingh siepv nyei. 16 Ninh bun sorng hnangv ba'gi yungh biei, bun mbiungc-suiv gitv daaih nzaanx mingh hnangv saaiv nor. 17 Ninh bun duih borqc njiec hnangv la'bieiv-muonc nor. Ninh bun nziaaux-namx buonc daaih, haaix dauh haih diev duqv! 18 Ninh yietv gorngv cuotv waac, naaiv deix yuqc nzengc. Ninh bun ninh nyei nziaaux buonc daaih, wuom ziouc liouc. 19 Ninh zorqv ninh nyei waac bun Yaakopv, ninh nyei leiz-nyeic caux leiz jiu bun I^saa^laaên. 20 Ninh maiv hnangv naaiv zoux weic ganh fingx mienh, ninh mbuo maiv hiuv duqv ninh nyei leiz. Oix zuqc ceng ZIOUV.”

100


Biux Mengh Waac: Lengc jeiv nyei mienh se dongh longc ziepc zuoqv hnyouv zoux horpc Tin-Hungh nyei mienh. Dongh muangx Tin-Hungh nyei waac, yaac ei jienv zoux wuov deix mienh. Naaiv nyungc mienh Tin-Hungh funx benx lengc jeiv nyei mienh, se hnangv Aapc^laa^ham, Ndaawitv Hungh, Saa^lo^morn Hungh, E^li^yaa, Mose, Yosepv, aengx caux ziex laanh douc waac mienh. Lengc jeiv nyei mienh maaih 6 nyungc jangx-hoc. Naaiv deix jangx-hoc se maaih hnangv naaiv mingh:(1) Tin-Hungh bun meih nyei zingh laatv nyei sorn wuonv (13). (2) Tin-Hungh ceix fuqv bun meih maaih fu’jueiv camv (13). (3) Tin-Hungh bun meih nyei gapv-jaaix gu’nyuoz maaih taaix-baengh (14). (4) Tin-Hungh bun gauh longx jiex nyei mbiauh meih mbuo (14). 5) Tin-Hungh bun sorng hnangv yungh biei, bun mbiungc-suiv gitv daaih nzaanx mingh hnangv saaiv nor (16). (6)Tin-Hungh zorqv Ninh nyei waac caux Leiz-nyeic, caux leiz bun I^saa^laa^en (19).

Setv Mueiz Waac: Lengc jeiv nyei mienh se dongh zoux horpc Tin-Hungh nyei hnyouv nyei mienh, dongh muangx Tin-Hungh nyei waac njaaux nyei mienh wuov deix.

8. Laengz Zingh Tin-Hungh Nyei ZipvGing-Sou: Singx Nzung 145:1-9 “Yie nyei Tin-Hungh, yie nyei Hungh Diex aac, yie oix ceng meih weih hlo. Yie oix yietc liuz ceng meih nyei mengh taux maanc gouv maanc doic. 2 Yie oix hnoi-hnoi ceng meih. Yie oix ceng meih nyei mengh yietc liuz yietc seix. 3 ZIOUV za'gengh hlo haic, horpc zuqc camv-camv nyei ceng. Ninh gengh! hlo haic, zungv hnamv maiv zaaic aqv. 4 Naaiv doic oix ceng meih zoux nyei sic bun wuov doic muangx, yaac oix zunh yaangh meih nyei domh qaqv zoux nyei sic. 5 Yie oix fei-fangv meih domh njang-laangc nyei haangh daauh caux zoux mbuoqc horngh nyei jauv. 6 Mienh oix zunh gorngv Ziouv zoux mbuoqc horngh, gamh nziex nyei sic, yaac zunh yaangh Ziouv za'gengh hlo haic. 7 Ninh mbuo oix zunh gorngv meih longx haic nyei jauv, yaac oix cuotv qiex baaux nzung gorngv meih se baengh fim nyei. 8 ZIOUV ceix en yaac korv-lienh mienh. Ninh maiv qiex jiez siepv yaac maaih hnamv mienh nyei hnyouv buangv nzengc. 9 ZIOUV zoux longx bun maanc mienh. Ninh yaac korv-lienh ninh zeix daaih nyei yietc zungv.”

Biux Mengh Waac: Bun mbuo laengz zingh Tin-Hungh yiem 6 diuc jauv. Maaih en-zingh nyei mienh se maaih hnyouv laengz zingh Tin-Hungh dongh hnoi-hnoi ziux goux beu mbuo nyei jauv. Yiem naaiv zaang Singx Nzung Sou 145 zaang naaiv mbuox mbuo oix zuqc hnoi-hnoi laengz zingh Tin-Hungh. Dongh maaih hnyouv laengz zingh Tin-Hungh nyei mienh laengz zingh Tin-Hungh nyei jauv se maaih hnangv naaiv:(1) Hnoi-hnoi yie oix ceng Tin-Hungh nyei mbuox (2-3). (2) Bun doic-doic mienh ceng meih zoux nyei mbuoqc horngh nyei sic (4). (3) Yie mbuo oix fei-fangv Meih zoux nyei gong caux mbuoqc horngh haic nyei sic (5-6). (4) Ninh mbuo oix zunh gorngv Meih zoux nyei kuv sic caux oix baaux nzung gorngv meih nyei baengh fim jauv(7). (5) Laengz zingh Ziouv nyei en-zingh, maiv qiex jiez siepv yaac hnamv mienh (8). (6) Bun mbuo ceng Ninh longx nyei jauv caux korh lienh mienh nyei jauv (9)

Setv Mueiz Waac: Mbuo sienx Ziouv nyei mienh oix zuqc laengz zingh Ziouv yiem nyungc-nyungc jauv. Ging-Sou gorngv heuc mbuo oix zuqc yiem maanc sic laengz zingh Tin-Hungh. Yiem 1

101


Te^saa^lo^ni^gaa 5:18 gorngv mbuox mbuo, “Yiem maanc sic oix zuqc laengz zingh Tin-Hungh. Meih mbuo caux Giduc Yesu juangc maengc ziangh, Tin-Hungh ziouc oix meih mbuo hnangv naaiv nor zoux.”

9. Maaih Fuqv Nyei Mienh! Ging-Sou: Singx Nzung 144:12-15 “Tov bun yie mbuo nyei dorn yiem hnyangx-jeiv lunx nyei ziangh hoc hnangv ndiangx hlo dingc nor. Tov bun yie mbuo nyei sieqv hnangv zuqc daaih zoux hungh dinc biauv-gorqv nyei ndiouh.13 Tov bun yie mbuo nyei lamz dapv buangv nyungc-nyungc laangh ziqc. Tov bun yie mbuo nyei ba'gi yungh yiem yie mbuo nyei ciangv njiec dorn cin-cin waanc-waanc. 14 Tov bun yie mbuo nyei ngongh njiec dorn camv, maiv waaic, maiv dingx laaih. Yaac tov bun yie mbuo nyei jaai-horngc maiv maaih zuqc kouv, nyiemv nyei sing-qiex. 15 Duqv naaiv nyungc fuqv nyei baeqc fingx maaih orn-lorqc. Maaih ZIOUV zoux ninh mbuo nyei Tin-Hungh wuov deix baeqc fingx maaih orn-lorqc.”

Biux Mengh Waac: Mienh maaih maengc duqv zipv fuqv yiem 6 nyungc jauv. Naaiv nyungc mienh se dongh maiv zoux dorngc Tin-Hungh maiv zoux dorngc mienh, dongh hnyouv zingx yiem seix zangc, fiou gong-daqv fiou fim zoux horpc nyei mienh. Tin-Hungh oix ceix naaiv deix yietc zungv fuqv bun ninh:1) Tin-Hungh oix bun ninh mbuo nyei dorn oix hnangv ndiangx-yang nor hlo daaih(12) (2) Tin-Hungh oix bun ninh mbuo nyei sieqv hnangv hungh dinc biauv-gorqv nyei ndiouh nor (12). (3) Tin-Hungh oix bun ninh mbuo nyei lamz buangv nzengc nyungc-nyungc laangh ziqc (13). (4) Tin-Hungh oix bun ninh mbuo nyei ba’gi yungh oix hiaangx faaux cin-cin waanc-waanc dauh (13). (5) Tin-Hungh oix bun ninh mbuo nyei ba'gi yungh ciangv njiec dorn cin-cin waanc-waanc dauh (14). (6) Tin-Hungh oix bun ninh mbuo nyei jaai-horngc maiv maaih mienh nyiemv, yaac maiv maaih nzauh nyei sic (14). Setv mueiz waac: Maaih fuqv caux maaih orn-lorqc nyei mienh ziangh nyei maengc yiem seix zangc oix zoux horpc Tin-Hungh muangx Tin-Hungh njaaux nyei waac. Nyungc zeiv se hnangv jiex mingh naaiv deix Ging-Sou gorngv nyei jauv nor. “Maaih orn-lorqc nyei mienh se maiv muangx mienh waaic mienh nyei za'eix, maiv yangh zuiz-mienh nyei zaux-mbiec, yaac maiv caux huotv Tin-Hungh nyei mienh juangc jauv yangh. 2 Daaux nzuonx ninh a'hneiv ZIOUV nyei leiz-latc, ziu yiex fei-fangv ninh nyei leiz. 3 Ninh se hnangv diuh ndiangx zuangx wuov ndoqv-hlen, ziux ziangh hoc cuotv biouv, normh yaac maiv nqaai. Yiem ninh zoux nyei nyungc-nyungc duqv longx.” (Singx Nzung 1:1-3). “O ZIOUV aac, haaix dauh haih yiem zaangc meih nyei ndopv-liuh? Haaix dauh haih yiem meih nyei cing-nzengc mbong? 2 Dongh yiem seix zaangc zoux nyei sic maiv maaih dorngx daanh wuov dauh. Ninh haaix zanc yaac kungx zoux horpc hnangv. Ninh hnyouv zingx gorngv zien waac nyei mienh. 3 Ninh maiv longc ninh nyei mbietc gorngv doqc mienh, maiv zoux dorngc ninh nyei gorx-youz, yaac maiv zunh mienh nyei mengh dauh waaic. 4 Ninh mangc piex waaic haic, orqv haic nyei mienh, mv baac taaih dongh taaih ZIOUV wuov deix. Ninh haaix zanc ei ninh laengz nyei ngaengc waac zoux, maiv gunv kuei zuqc ninh ganh, ninh yaac maiv hnamv-nzuonx. 5 Ninh bungx zaeqv, maiv longc leic zinh, yaac maiv nyanc nyaanh hmuangx maaic maiv zoux dorngc nyei mienh nyei m'nqorngv….” (Singx Nzung 15:1-5).

10. Tin-Hungh Ziux Goux Nyei Jauv102


Ging-Sou: Singx Nzung 140:1-13 “O ZIOUV aac, tov njoux yie biaux ndutv orqv mienh. Tov beu jienv yie, maiv bun mienh doqc mienh hoic. 2 Ninh mbuo yiem hnyouv daav cuotv waaic nyei za'eix, yaac zanc-zanc coqv-huv mborqv jaax. 3 Ninh mbuo bun ninh mbuo nyei mbietc laic hnangv naang nyei mbietc laic nor. Ninh mbuo nyei nzuih meix maaih naang-jieqv nyei ndie-doqc. 4 O ZIOUV aac, tov njoux yie biaux ndutv orqv mienh nyei buoz-ndiev, beu yie maiv zuqc doqc nyei mienh hoic, ninh mbuo daav za'eix bun yie nyei zaux ndiqv zuqc ndorpc. 5 Zoux maux nyei mienh bingx jienv zaeng koux zorqv yie, ninh mbuo longc hlaang corng mungz, yiem jauv-hlen zaeng koux hlopv yie. 6 Yie gorngv mbuox ZIOUV, "Meih zoux yie nyei Tin-Hungh. O ZIOUV aac, tov baeng m'normh muangx yie jouh nyei sing-qiex. 7 O ZIOUV, yie nyei Ziouv, dongh maaih qaqv henv njoux yie wuov dauh aac, mborqv domh jaax nyei hnoi-nyieqc meih torngv jienv yie nyei m'nqorngv. 8 O ZIOUV aac, tov maiv dungx ei jienv orqv mienh nyei eix zoux, maiv dungx bun ninh mbuo orqv nyei za'eix cuotv, nziex ninh mbuo haih ceng-hlo. 9 Tov maiv dungx bun weih jienv yie wuov deix mienh hingh jiex. Tov bun ninh mbuo nyei nzuih gorngv nyei waac nzuonx daaih hoic ninh mbuo ganh. 10 Tov bun zieqc jienv douz nyei taanx ndortv njiec ninh mbuo. Tov bun ninh mbuo zuqc zoi njiec ndo nyei kuotv, yietc liuz maiv haih cuotv. 11 Tov maiv dungx bun gorngv waac-huv nyei mienh liepc nguaaz-gorn yiem deic-bung. Tov bun orqv nyei sic siepv-siepv zorqv jienv zoux doqc nyei mienh. 12 Yie hiuv duqv ZIOUV baav jienv ndortv naanc nyei mienh, yaac baengh fim nyei dunx weic mienh jomc mienh. 13 Kuv mienh zungv oix ceng meih nyei mengh, hnyouv zingx nyei mienh yaac oix yiem meih nyei nza'hmien.

Biux Mengh Waac: Tin-Hungh ziux goux mbuo yiem 6 nyungc jauv. Naaiv deix juqv nyungc jauv se maaih hnangv naaiv mingh: (1) Tin-Hungh baeng m’normh muangx yie daux gaux nyei qiex (6) (2) Tin-Hungh se maaih qaqv henv haic njoux yie wuov dauh Ziouv (7) (3) Mborqv jaax nyei ziangh hoc, Tin-Hungh torngv jienv yie nyei m’nqorngv (7) (4) Tin-Hungh maiv bun orqv mienh oix nyei jauv ninh mbuo (8) (5) Tin-Hungh maiv bun orqv mienh daav nyei za’eix haih cuotv siangc (8). (6) Tin-Hungh bun zieqc jienv douz nyei taanx ndortv njiec orqv mienh nyei dorngx (10).

Setv mueiz waac: Ih hnoi mbuo duqv buatc taux Tin-Hungh hnangv haaix nor ziux sienx ninh nyei mienh. Haaix dauh maaih sic daaih lorz Tin-Hungh ndaauh kaux Tin-Hungh wuov deix oix duqv zipv Tin-Hungh tengx ninh mbuo, Tin-Hungh muangx ninh mbuo nyei daux gaux waac, fai dau ninh mbuo nyei daux gaux waac.

11. Tin-Hungh Oix Ziux Goux Meih Ging-Sou: Singx Nzung 111:1-10 “ZIOUV Weic Ninh Goux Ninh Nyei Baeqc Fingx Oix zuqc ceng ZIOUV. Yie oix yiem hnyouv zingx nyei mienh gapv zunv nyei mbu'ndongx longc nzengc hnyouv dor-ziec ZIOUV. 2 ZIOUV zoux nyei sic za'gengh hlo haic, da'faanh a'hneiv nyei mienh longc hnyouv zaah. 3 Ninh zoux nyei sic maaih njang-laangc, maaih haangh daauh buangv nzengc. Ninh zoux horpc nyei jauv yietc liuz yiem. 4 Ninh zoux mbuoqc horngh nyei sic bun mienh jangx, ZIOUV ceix en yaac korv-lienh mienh. 5 Ninh ceix nyanc hopv bun taaih ninh wuov deix. Ninh yietc liuz jangx ninh laengz nyei ngaengc waac. 6 Ninh bun ninh nyei baeqc fingx buatc ninh longc domh qaqv zoux nyei jauv, ninh zorqv ziex fingx nyei

103


guoqv jiu bun ninh mbuo benx ninh mbuo nzipc nyei buonc. 7 Ninh nyei buoz zoux nyei gong se ziepc zuoqv baengh fim nyei, ninh hatc nyei yietc zungv waac kaux duqv wuonv nyei. 8 Naaiv deix hatc nyei waac liepc daaih wuonv taux yietc liuz, yaac ziepc zuoqv, hnyouv zingx nyei zoux. 9 Ninh zuoqc ninh nyei baeqc fingx yaac liepc ninh nyei ngaengc waac taux yietc liuz. Ninh nyei mengh se cing-nzengc, bun mienh gamh nziex nyei. 10 Taaih ZIOUV zoux gorn bun mienh maaih cong-mengh. Da'faanh ei jienv ninh nyei lingc wuov deix haih mengh baeqc longx. Oix zuqc yietc liuz ceng ninh.”

Biux Mengh Waac: Tin-Hungh oix ziux goux meih yiem 6 nyungc jauv. Naaiv deix juqv nyungc jauv se dongh mbuo qiemx zuqc nyei jauv, mbuo tov Ziouv ninh yaac oix tengx mbuo, maiv gunv gorngv haaix nyungc jauv yaac zeiz. Nyungc zeiv se hnangv jiex mingh naaiv deix jauv nor:(1) Tin-Hungh nyei en-zingh hlo haic weic zuqc ninh korh lienh haic ninh nyei mienh. Ninh korh lienh mbuo dongh buangh zuqc sic fai naanc zingh nyei ziangh hoc (4) (2) Tin-Hungh ceix nyanc hopv lai-hnaangx bun taaih ninh wuov deix mienh (5)(3) Tin-Hungh maiv la’kuqv ninh laengz nyei ngaengc waac (5) (4) Tin-Hungh bun ninh nyei mienh hiuv duqv Ninh nyei domh qaqv yiem ninh zoux nyei gong (6) (5) Tin-Hungh zorqv ganh norm guoqv nyei ndau-touv bun ninh nyei mienh (6) (6) Tin-Hungh bun ninh nyei mienh duqv zuoqc nzuonx (9)

Setv Mueiz Waac: Ih hnoi mbuo duqv buatc taux naaiv zaang Singx Nzung Sou mbuox mbuo Tin-Hungh hnangv haaix nor ziux goux ninh nyei mienh dongh taaih ninh wuov deix, yaac bun mbuo hiuv duqv gorngv mbuo oix duqv Tin-Hungh tengx mbuo, mbuo oix zuqc hnangv haaix zoux bun Tin-Hungh.

Da’betv Ginc: Gorngv Gouv Zunh Doz Nyei Jauv (The Story Teller Sermons)Biux Mengh Waac: Ih zanc naaiv ginc jauv se mbuo oix gorngv taux zunh doz gorngv gouv fai gorngv gouv zunh doz nyei jauv. Gorngv gouv zunh doz nyei jauv se benx yietc nyungc jauv dongh pouh tong mienh oix jiex nyei jauv. Naaiv nyungc zunh doz nyei jauv se mienh maiv nangc longc Ging-Sou nyei waac zoux doqc nyei sou fai (text), eix-leiz se maiv doqc Ging-Sou. Zunh doz nyei mienh ganh oix zuqc hoqc bieqc hnyouv dongh ninh oix zunh wuov douc Ging-Sou nyei waac mingh, bun ninh ganh haih jangx duqv Ging-Sou hnangv haaix nor gorngv fai gorngv taux haaix nyungc jauv. Ninh dorh mingh gorngv bun mienh muangx hnangv gorngv gouv nor, naaiv nyungc zunh doz nyei jauv yaac maiv nangc ndaauv, yaac maiv longc Ging-Sou ndaauv, mv baac fih hnangv nyei ninh oix zuqc maaih “hoc daauh doz nyei mbuox caux biux mengh nyei waac, caux setv mueiz nyei waac. Porv mengh nyei waac se dongh ninh gorngv gouv wuov deix waac aqv, Ging-Sou nyei waac yaac dongh naaic aqv.

Zien sic nor se Ging-Sou ganh zungv maaih ziangx Ging-Sou nyei gouv aqv, mbuo haaix dauh oix hoqc zunh naaiv nyungc doz nor horpc zuqc ei jienv Ging-Sou nyei gouv gorngv duqv aqv. Hnangv haaix yaac baac mbuo horpc zuqc hoqc bieqc hnyouv mingh dongh mbuo oix gorngv bun mienh muangx nyei jauv. Mv baac dongh liepc fai fiev taux zunh doz gorngv gouv nyei mienh gorngv, mbuo maiv horpc zuqc longc Ging-Sou nyei gouv, zunh doz nyei mienh ganh oix zuqc mbenc, yaac oix zuqc hoqc hiuv taux hnangv haaix nor gorngv. Maiv gunv hnangv haaix yaac zeiz, se gorngv haaix dauh maaih hnyouv oix zunh naaiv nyei doz nor, yie oix gorngv mbuox meih, ndaangc meih hnamv taux oix zunh naaiv nyungc

104


doz nyei ziangh hoc, meih oix zuqc jiex gorn zorng-mbenc meih ganh ndaangc yiem i ziex nyungc jauv:

(1) Meih oix zuqc longc ziangh hoc daux gaux mangc gaax Tin-Hungh gengh heuc meih hnangv naaiv nor zoux nyei fai? Zunh nyei fai?

(2) Jangx jienv, oix zuqc doqc dongh meih oix zunh wuov douc Ging-Sou nyei waac camv-nzuonx nyei, bun meih haih jangx duqv tongh daapc nyei. Yaac maiv dungx jaa waac bieqc, fai zorqv waac cuotv Ging-Sou nyei eix-leiz. Maiv gunv hnangv naaic, mv baac meih gunv bungx hnyouv, meih haih longc duqv meih ganh nyei waac gorngv nyei.

(3) Hoqc lioux meih ganh haih gorngv duqv mbiaangc yaac haih gorngv duqv tongh daapc bun mienh haih muangx duqv bieqc hnyouv.

(4) Zimh lorz fai zaah lorz dongh maaih zien sic nyei jauv bun taux mbuo nyei lingh wuonh nyei jauv caux gem jienv nyei jauv dongh haaix nyungc, hnangv haaix nor. Zunh naaiv nyungc doz nyei mienh oix zuqc naaic gaax ganh, yie yaac maiv haih gorngv mbuox meih oix zuqc hnangv haaix nor naaic, yaac naaic haaix nyungc waac-naaic. Mv baac yie oix mbuox meih mbuo dongh wuov zanc mbuo hoqc taux hnangv haaix nor haih bieqc hnyouv taux Ging-Sou nyei jauv wuov deix waac-naaic. Meih jangx duqv nyei fai? Mbuo gorngv taux oix haih duqv bieqc hnyouv Ging-Sou nyei waac nor, oix zuqc longc biei norm Ws caux norm H tengx mbuo zaah Ging-Sou nyei waac wuov.

(5) Zuov meih zaah liuz Ging-Sou, lorz buatc lingh wuonh nyei zien sic jauv liuz, meih ziouc haih jiex gorn nzutv zungv Ging-Sou nyei waac fiev meih nyei zunh doz qorng nyei waac nyei orn-mbaih (sermon outline) aqv.

THE STORYTELLER SERMON OUTLINE

Biux Mengh Waac: Yesu se haaix dauh? Ninh se dongh gorngv gouv wuov dauh. Ninh gorngv gouv bun mienh muangx. Ninh se dongh gorngv longx jiex camv jiex nyei gouv yiem naaiv lungh ndiev wuov dauh. Haaix zanc mienh naaic taux haaix nyungc jauv ninh, ninh ziouc dau yiem gouv nyei jauv. Muangx nyei mienh ziouc longc hnyouv nyei muangx ninh gorngv; ninh yaac gorngv gouv bun ninh mbuo muangx. Meih gunv caux Ninh gorngv; Ninh ziouc oix gorngv gouv bun meih muangx.

Maiv gunv gorngv mienh daaih seix Ninh fai nduov Ninh gorngv dorngc waac, yiem waac-naaic nyei jauv, Ninh yaac oix dau waac-beiv gouv bun mienh muangx. Meih duqv buatc jiex nyei fai? Maaih deix 7 hnyangx nyei fu’jueiv – muangx mienh gouv hitv gouv nor, m’zing gix-gix nyei, nzuih yaac maiv gapc aqv. Gouv nyei jauv se haih tengx baeng mienh nyei hnyouv mienh nyei m’nqorngv hnamv nyei jauv daaih muangx waac longx jiex ndo jiex nyei jauv.

Mv baac se gorngv zunh doz nyei mienh maiv haih longc maiv zuqc, yaac maiv haih gunv nor, ziouc cuotv Ging-Sou nyei eix-leiz, yaac dorh mienh mingh dorngc jauv, nduov mienh leih go Tin-Hungh. Hnangv naaic ziouc bun ganh zuqc dingc zuiz.

105


Yesu gorngv, "Mv baac se gorngv haaix dauh nduov yietc dauh naaiv deix sienx yie nyei fu'jueiv-faix baamz zuiz, oix zuqc zorqv domh morc ndiux jienv wuov dauh nyei jaang bungx njiec koiv, ndo nyei dorngx, ziemx daic gauh longx. 7 Laaix nduov mienh baamz zuiz nyei sic, baamh gen ziouc zuqc kouv aqv. Nduov mienh nyei sic zanc-zanc oix cuotv, mv baac zoux gorn nduov mienh wuov dauh zungv oix zuqc kouv aqv. 8 "Se gorngv meih nyei buoz fai zaux nduov meih baamz zuiz, oix zuqc hngaqv guangc. Waaic deix fangx fai zoqc jieqv buoz-zaux mv baac duqv yietc liuz nyei maengc corc gauh longx maaih i jieqv buoz i jieqv zaux mv baac zuqc zoi bieqc yietc liuz zieqc jienv nyei douz. 9 Se gorngv meih nyei m'zing nduov meih baamz zuiz, oix zuqc gueix guangc mingh. Zoqc norm m'zing mv baac duqv yietc liuz nyei maengc corc gauh longx maaih i norm m'zing yaac zuqc zoi bieqc deic nyuoqc nyei douz.” (Matv^taai 18:6-9).

HLO JIEX NYEI JAUV SE: Yesu se dongh gorngv gouv longx jiex yiem naaiv lungh ndiev wuov dauh fin-saeng. Yiem Ninh nyei waac-beiv gouv se, mbuo haih lorz duqv buatc ninh nyei Cong-Mengh weic tengx orn mbuo nyei hnyouv dorh mbuo, tengx mbuo hnangv haaix nor ziangh hnoi-hnoi nyei maengc. Yiem ninh nyei gouv, haaz nyim nyei waac-beiv njaaux taux mbuo hnangv haaix nor goux mbuo nyei ziangh maengc.

Waac-beiv nyei eix-leiz se dorh i nyungc ga’naaiv daaih mbaih jienv bun mienh mangc, yietc nyungc ga’naaiv ganh zoux yietc nyungc gong, mv baac ninh nyei eix-leiz se leih maiv go a’lamh fih hnangv nyei. Yiem Ging-Sou nyei waac-beiv se benx baamh gen nyei gouv, mv baac eix-leiz se beiv taux Tin-Dorngh nyei jauv.

Gouv nyei jauv se zanc-zanc maaih dongh mienh zungv maiv hnamv taux nyei jauv cuotv daaih bun mienh muangx, setv mueiz yaac baeng muangx nyei mienh nyei hnyouv mingh muangx wuov deix waac.

Waac-beiv nyei jauv se hnangv movie nor bun taux mbuo nyei maengc. Aengx maaih dorh daaih bun mbuo beiv longc nyei jauv.

1. Hoc Daauh: Oix Zuqc Goux Jienv Ganh Nyei Hnyouv

Biux Mengh Waac: Maaih hnoi Yesu njiex gorn njaaux mienh yiem wuov ndoqv-hlen. Yiem wuov mbienx yaac maaih mienh camv gau wueih gormx Ninh. Ninh ziouc bieqc poux nzangv mingh zueiz jienv wuov. Ninh yaac jiex gorn njaaux mienh camv, yaac gorngv diuh waac-beiv bun ninh mbuo muangx.

Ninh gorngv mbuox mienh camv, "Muangx oc, maaih laanh mienh cuotv mingh haaz nyim. 4 Haaz nyei ziangh hoc, maaih deix nyim ndortv zuqc jauv. Norqc daaih nyanc nzengc mi'aqv. 5 Maaih deix nyim ndortv zuqc la'bieiv-lomc, maiv maaih nie camv nyei dorngx. Nie maiv hoz, nyim ziouc guqc nyaah siepv. 6 Nyutc cuotv daaih doqc ziouc pui nyaux nzengc weic zuqc nzungh maiv ndo. 7 Maaih deix nyim ndortv zuqc njimv-lomc. Njimv hlo daaih mbiorngz jienv, maiv haih ziangh nyim. 8 Maaih deix nyim ndortv zuqc ndau-longx, cuotv daaih ziangh duqv gitv. Maaih deix yietc gouv duqv faah ziepc

106


gouv, maaih deix duqv luoqc ziepc gouv, maaih deix duqv yietc baeqv gouv." 9 Yesu yaac gorngv, "Haaix dauh maaih m'normh oix zuqc baeng m'normh muangx longx." (Maako 4:3-9).

Meih ih hnoi maaih m’normh muangx waac nyei fai? Ih zanc meih haih muangx duqv haiz yie nyei fai? Meih muangx waac nyei fai? Do you have ears to hear today? “Can you hear me now?” Are you listening?

Zunh doz mienh caux fin-saeng maaih gong oix zuqc zoux: zuangx nyim Tin-Hungh nyei waac yiem meih nyei hnyouv!. Pastors and teachers have a job to do: plant seeds of God’s Word in your hearts!

Ih hnoi mbuo oix mangc gaax mbuo nyei hnyouv se benx haaix nyungc ndau! Today we’re going to take a look at the soil of our hearts!

I. Yesu gorngv waac-beiv taux mbuo baamh mienh nyei hnyouv fai mba’nziu maaih biei setv (Matv^taai 13:1-9):(1) Maaih jauv-hlen mba’nziu (Path way heart)

(2) Maaih la’bieiv-lomc mba’nziu (Rocky heart)

(3) Maaih njimv-lomc mba’nziu (Thorns heart)

(4) Maaih ndau-longx nyei mba’nziu (Good heart).

II. NGAENGC NYEI HNYOUV (THE HARD HEART):

“Maaih deix mienh se hnangv ndortv zuqc jauv wuov deix nyim nor. Mienh haiz liuz kuv fienx, Saadaan liemh zeih daaih zorqv yiem hnyouv wuov deix kuv fienx cuotv mi'aqv. (Maako 4:15). “The seed that fell on the hard path represents those who hear the message, but then Satan comes at once and takes it away from them.” (Mark 4:15).

1. Jauv-hlen ndau se ngaengc haic – mv maaih nyie. There is no soil – it is a hard path.

2. Naaiv nyungc mienh nyei hnyouv ngaengc haic, Ging-Sou nyei waac ndortv njiec mingh aengx nzin cuotv nzengc mi’aqv. These are people whose hearts are hardened and the Word bounces off of them.

107


3. Maaih yietc nyungc jauv hnyouv ngaengc nyei jauv se dongh mienh maiv laengz nyiemc ninh mbuo nyei zuiz bun Tin-Hungh. One of the things that hardens a heart is un-confessed sin. If you sin, confess it!

4. Se gorngv meih nyiemc liuz meih nyei zuiz bun Tin-Hungh mi’aqv nor, se aengx ganh maaih nyungc zoux bun meih hnyouv ngaengc nyei jauv se dongh maiv maaih hnyouv guangc mienh nyei zuiz nyei jauv caux maaih im nyei hnyouv. Another thing that hardens a heart is un-forgiveness, bitterness and offenses.

5. Oix zuqc dingh guaix doic nyei jauv – mbuo ganh oix zuqc ndaam-dorng mbuo zoux nyei sic, maiv zeiz guaix mienh. Stop playing the blame game – take responsibility for your own sin and confess it!

6. Weic zuqc naaiv se benx jienv haic nyei jauv mbuo oix zuqc zoux muangx yaac ei jienv Tin-Hungh nyei Waac njaaux mbuo nyei jauv zoux, se gorngv mbuo maiv zoux nor Saadaan zungv oix daaih zorqv cuotv mbuo nyei hnyouv nyei kuv fienx mi’aqv. Maiv dungx bun qangx ninh! Because it is so important to hear and do God’s Word, the devil will do whatever he can to steal the word from your heart. Don’t give him that opportunity!

III. LIANGV NYEI HNYOUV (THE SHALLOW HEART): “Aengx maaih deix mienh se hnangv ndortv zuqc la'bieiv-lomc nyei nyim. Yietv haiz Tin-Hungh nyei kuv fienx ziouc a'hneiv zipv. 17 Mv baac se hnangv kuv fienx njiec nzungh maiv ndo, sienx maiv lauh. Ninh mbuo laaix kuv fienx buangh zuqc sic fai zuqc mienh zoux doqc, ninh mbuo ziouc cuotv mi'aqv. (Maako 4:16-17). “The rocky soil represents those who hear the message and receive it with joy. But like young plants in such soil, their roots don't go very deep. At first they get along fine, but they wilt as soon as they have problems or are persecuted because they believe the word.” (Mark 4:16-17).

Setv Mueiz Waac: Mbuo oix zuqc tov Tin-Hungh fingv mbuo, bun mbuo haih ei jienv Tin-Hungh nyei waac njaaux mbuo nyei jauv zoux. Tov Tin-Hungh bun mbuo nyei hnyouv haih nyiemz daaih, ziangh longx nyei biouv bun Tin-Hungh. Yiem naaiv mingh bun mbuo hnangv naaiv deix mienh nor, nyiemc mbuo zoux dorngc nyei sic bun Tin-Hungh, tov ninh guangc mbuo nyei zuiz, yaac bun mbuo jorm hnyouv nyei fuh sux Tin-Hungh, laengz zingh Ninh nyei en. Tov Tin-Hungh tengx mbuo, bun mbuo haih:(1) Zieqv duqv mbuo ganh se zuiz-mienh (Isaiah 6:5).(2) Nyiemc mbuo zoux dorngc nyei sic (Lugaa 19:1-10).(3) Maiv aengx zoux jienv zuiz mingh (1 Yo^han 3:4-6).

108


(4) A’hneiv jorm hnyouv fuh sux Tin-Hungh (Acts 3:1-10; Romans 12:11; Hebrews 10:25).(5) Maaih hnyouv laengz zingh Tin-Hungh (Lugaa 17:11-19).(6) Ngorc Tin-Hungh nyei waac (1 Bide 2:2).(7) Jorm hnyouv hoqc Ging-Sou (Acts 2:44-47).

2. HOC DAAUH: Hnangv Haaix Nor Zoux Zorng-Zengx Bun Maiv Sienx Nyei Mienh Ging-Sou: Matv^taai 28-16-20 “Wuov deix ziepc yietv dauh sai-gorx mingh Gaa^li^li Saengv, taux Yesu heuc ninh mbuo mingh wuov norm mbong. 17 Yietv buatc Yesu ninh mbuo ziouc gueic njiec baaix ninh. Mv baac maaih deix corc hnyouv maiv dingc. 18 Yesu daaih fatv deix mbuox ninh mbuo, "Yiem lungh yiem ndau nyei yietc zungv hatc maaz Tin-Hungh jiu bun yie mi'aqv. 19 Weic naaiv, meih mbuo oix zuqc mingh njaaux maanc fingx mienh zoux yie nyei sai-gorx. Oix zuqc dengv Die, Dorn caux Singx Lingh nyei mbuox tengx ninh mbuo jiex wuom nyei leiz, 20 yaac njaaux ninh mbuo ei nzengc yie mbuox meih mbuo zoux nyei nyungc-nyungc. Jangx jienv oc. Yie yietc liuz caux meih mbuo yiem taux baamh gen nyei setv mueiz."

BIUX MENGH WAAC: Hnangv haaix nor daux gaux weic maiv sienx nyei mienh. Yiem Yo^han 17:20-26 gorngv, maaih hnoi Yesu daux gaux weic sienx Ninh nyei mienh caux dongh Ninh nyei sai-gorx mbuo oix mingh zunh doz dorh daaih sienx Ninh wuov deix mienh. Yesu hnangv naaiv gorngv, "Yie maiv daan tengx naaiv deix daux gaux hnangv. Yie yaac weic naaiv deix mienh oix zunh nyei doz sienx yie wuov deix yietc zungv daux gaux. 21 Tov Die bun ninh mbuo dongh diuc hnyouv. Aa Die aah! Tov bun ninh mbuo caux mbuo juangc maengc ziangh, hnangv Die caux yie juangc maengc ziangh nor. Baamh mienh ziouc sienx Die paaiv yie daaih. 22 Die ceix bun yie nyei njang-laangc yie ceix bun ninh mbuo mi'aqv, weic bun ninh mbuo dongh diuc hnyouv, hnangv Die caux yie dongh diuc hnyouv nor. 23 Yie caux ninh mbuo juangc maengc ziangh hnangv Die caux yie juangc maengc ziangh nor, weic oix bun ninh mbuo yietc zungv za'gengh dongh diuc hnyouv nzengc. Lungh ndiev mienh ziouc hiuv duqv Die paaiv yie daaih, yaac hiuv duqv Die hnamv ninh mbuo hnangv Die hnamv yie nor. 24 "Aa Die aah! Die bun yie naaiv deix mienh, yie yiem haaix yie yaac oix ninh mbuo caux yie yiem wuov, ninh mbuo ziouc duqv buatc meih bun yie nyei njang-laangc, dongh maiv gaengh zeix lungh zeix ndau wuov zanc meih hnamv yie ziouc bun daaih nyei njang-laangc. 25 "Baengh fim nyei Die aah! Baamh mienh maiv hiuv duqv Die, mv baac yie hiuv nyei. Sienx yie naaiv deix mienh yaac hiuv duqv Die paaiv yie daaih. 26 Yie bun ninh mbuo hiuv duqv meih, yaac oix bun ninh mbuo hiuv jienv mingh weic bun ninh mbuo hnamv mienh hnangv Die hnamv yie nor, yaac bun yie caux ninh mbuo juangc maengc ziangh."

ILLUSTRATION: Loz-hnoi maaih dauh mienh hoqc daux gaux weic maiv gaengh sienx Yesu nyei mienh, ninh hnoi-hnoi hnangv naaiv nor daux gaux: “Ziouv aac, se gorngv meih oix yie zoux zorng-zengx bun

109


haaix dauh ih hnoi, tov bun norm jangx-hoc yie hiuv duqv dongh meih oix yie zoux zingh ginx bun wuov dauh mienh.”

Zoux gau maaih hnoi nor, ninh bieqc jienv kaeqv-cie (bus) mingh norm dorngx go nyei, mingh gau maaih dauh mienh bieqc daaih ziangh sin nyauv mben nyei yoc hlo yoc hlang caux ninh zueiz nitv jienv, dongh wuov deix mienh camv yaac cuotv nzengc mi’aqv kungx zengc ninh ganh caux naaiv laanh mienh hnangv, ninh gamh nziex gau maiv hiuv duqv oix zuqc hnangv haaix nor zoux, ninh oix cuotv yaac maiv gaengh taux ninh cuotv nyei dorngx. Zoux gau wuov laanh mienh nyiemv jienv gorngv, ninh oix duqv njoux naaic gaax naaiv dauh daux gaux nyei mienh meih hiuv duqv hnangv nor zoux cingx haih duqv njoux nyei fai? Yie maiv hiuv duqv oix zuqc hnangv haaix nor zoux, tov meih tengx yie daux gaux bun yie haih duqv njoux maah?

Naaiv dauh mienh ziouc butv jienv hornc tengx ninh daux gaux, ninh gorngv Ziouv aac, “dongh yie tov Meih bun wuov norm jangx-hoc se dongh naaiv a’fai? Wuov nyungc meih oix yie hnangv haaix nor zoux?

Mbuo maaih ziex nzunc hnangv naaiv dauh mienh nor daux gaux tov Tin-Hungh tengx mbuo haih zoux zingh ginx bun maiv sienx nyei mienh muangx, mv baac zuov duqv buangh zuqc maiv sienx nyei mienh nyei ziangh hoc, mbuo gapc jienv nzuih maiv gamv gorngv taux Tin-Hungh nyei jauv, muangh jienv, weic mbuo zoux nyei sic mbuo maiv oix bun mienh hiuv duqv mbuo benx sienx Yesu nyei mienh. Maaih deix yaac maiv hiuv duqv oix zuqc hnangv haaix nor jiex gorn, zuov taux maiv mienh sienx nyei mienh naaic mbuo, mbuo cingx daaih gorngv mbuox ninh mbuo, mv baac corc gamh nziex jienv yiem. Meih hnangv naaiv dauh mienh nor lorz jangx-hoc fai?

Yiem Maako 16:15-16 wuov Yesu gorngv mbuox ninh nyei sai-gorx mbuo, "Meih mbuo oix zuqc mingh gormx lungh ndiev zunh kuv fienx mbuox maanc mienh. 16 Haaix dauh sienx yaac jiex wuom nyei leiz, wuov dauh ziouc duqv njoux aqv. Haaix dauh maiv sienx, wuov dauh zuqc dingc zuiz.”

Hoc Daauh: Nzauv Caux Njang – Matv^taai 5:13-16Biux Mengh Waac: Ih hnoi mbuo oix gorngv taux nzauv caux njang nyei jauv ndongc haaix longc jienv bun taux mbuo baamh mienh. Naaiv deix i nyungc ga’naaiv, se gorngv mbuo maiv maaih nor, mbuo ziouc maiv haih yiem aqv. Yie jangx taux maaih ziex nzunc mbuo zouv lai daaih mv maaih nzauv gaux ziouc haiz maiv benx nyanc aqv. Njang yaac fih hnangv nyei, se gorngv lungh muonz zanc mv maaih dang ziux nor, zoux bun mbuo haiz hnangv gaax m’zing mbuov mi’aqv, mangc haaix yaac mangc maiv buatc, maiv gunv maaih haaix nyungc haih zoux zuqc mbuo mun mbuo yaac maiv hiuv, maiv buatc.

Maaih hnoi nor Yesu gorngv mbuox sienx ninh nyei mienh caux ninh nyei sai-gorx mbuo, dongh a’loc gan ninh jiex mingh jiex daaih wuov deix mienh. Ninh gorngv mbuox wuov deix gan ninh nyei mienh, "Meih mbuo se hnangv nzauv weic yiem baamh mienh mbu'ndongx. Mv baac se gorngv nzauv nyei mueix tuix zaamv mingh, hnangv haaix nor noic duqv aengx nzaaih daaih? Naaiv deix nzauv maiv lamh longc aqv. Oix zuqc dox guangc bun mienh caaiv hnangv. 14 "Meih mbuo se hnangv njang weic ziux lungh ndiev mienh. Yietc norm zingh yiem wuov mbong-ningv maiv haih bingx maiv mbueiz mienh. 15 Yaac maiv maaih mienh diemv zieqc dang daaih, zorqv tongv nqopv jienv. Dang m'daaih

110


don dang nyei baaih ziux njang yietc biauv mienh. 16 Meih mbuo yaac oix zuqc hnangv dang nor, ziux lungh ndiev mienh. Hnangv naaic, ninh mbuo duqv buatc meih mbuo zoux nyei kuv sic ziouc taaih meih mbuo nyei tin-dorngh Diex.” (Matv^taai 5:13-16).

A. Baamh gen nyei nzauv se longc jienv haic bun baamh mienh. Nzauv maaih lamh longc nyei jauv se maaih i nyungc jauv (5:13): (1) Se bun lai hnaangx kuv, maaih mueix.

(2) Zoux ndie tengx mbuo zorc baengc.

B. Hnangv naaiv Yesu cingx daaih dorh mbuo mingh beiv nzauv, Yesu mienh hnangv nzauv nor, se maaih i nyungc eix-leiz: (1) Mbuo caux maiv sienx nyei mienh, mbuo oix zuqc hnangv nzauv nor maaih mueix bun ninh mbuo haih hiuv duqv Tin-Hungh, se weic mbuo zoux nyei kuv sic. Nzauv nyei mueix se beiv taux mbuo zoux nyei sic, mbuo zoux nyei sic oix zuqc hnangv nzauv nor maaih mueix bun maiv hiuv duqv Tin-Hungh nyei mienh haih hiuv duqv Tin-Hungh yiem mbuo zoux nyei kuv sic, mienh buatc mbuo zoux longx, ninh mbuo ziouc oix daaih lorz Tin-Hungh.

(2) Nzauv nyei eix-leiz se beiv taux zoux longx, zoux kuv sic nyei jauv. Yiem Maako 9:50 gorngv, "Nzauv se longx nyei. Mv baac se gorngv nzauv nyei mueix tuix zaamv mingh, hnangv haaix nor noic duqv nzaaih daaih? Nzauv hnangv haaix nor bun nyanc hopv maaih mueix, meih mbuo yaac oix zuqc hnangv wuov nor laanh caux laanh zoux horpc, laanh caux laanh horpc fim dongh eix nyei yiem."

(3) Mbuo caux Tin-Hungh nyei jauv oix zuqc jorm hnyouv yiem Tin-Hungh hnangv nzauv nor maaih mueix, haaix zanc yaac oix nitv jienv Tin-Hungh jorm hnyouv fuh sux Tin-Hungh, maiv naamx hnyouv, maiv zaamv yiem Tin-Hungh nyei nza’hmien, beiv mangc (Maako 9:50; Matv^taai 5:16; Lomaa 12:11; Hipv^lu 10:25; Laauc Yaangh 3:14-16).

C. Baamh gen nyei njang (Matv^taai 5:14-15). Yesu gorngv, "Meih mbuo se hnangv njang weic ziux lungh ndiev mienh. Yietc norm zingh yiem wuov mbong-ningv maiv haih bingx maiv mbueiz mienh. Yaac maiv maaih mienh diemv zieqc dang daaih, zorqv tongv nqopv jienv. Dang m'daaih don dang nyei baaih ziux njang yietc biauv mienh.”Eix-leiz se maiv maaih haaix dauh mienh sienx liuz Yesu mv maaih mienh maiv hiuv duqv meih benx sienx Yesu nyei mienh. Mbuo mv haih bingx maiv mbueiz mienh gorngv mbuo maiv zeiz Yesu mienh. Yesu mienh zorqv tongv nqopv jienv ninh mbuo nyei njang fai dang se maaih eix-leiz taux 5 nyungc jauv:

(1) Maiv gorngv taux Yesu nyei jauv bun mienh muangx fai maiv kolo dongh mbuo horpc zuqc bun mienh hiuv duqv taux Yesu nyei jauv, mv baac maiv zoux haaix nyungc.

(2) Daux nzuonx gan jienv fai caux jienv maiv sienx nyei mienh zoux maiv lamh longc nyei sic.

(3) Maiv nyiemc gorngv mbuo se benx Yesu mienh fai maiv biux mengh taux mbuo benx Yesu mienh nyei jauv.

(4) Bun zuiz gunv jienv mbuo nyei maengc maiv maaih kuv sic cuotv, maiv ziux njang.

(5) Maiv biux mengh taux mbuo nyei njang bun mienh hiuv.

(6) Maiv gunv taux mienh qiemx zuqc Yesu nyei njoux en jauv.

111


Setv Mueiz Waac: Yesu gorngv mbuox sienx ninh nyei mienh, fai gan Ninh nyei mienh, “Meih mbuo yaac oix zuqc hnangv dang nor, ziux lungh ndiev mienh. Hnangv naaic, ninh mbuo duqv buatc meih mbuo zoux nyei kuv sic ziouc taaih meih mbuo nyei tin-dorngh Diex.”

Hoc Daauh: La'fapv Caux Ndiangx-Ganx – Matv^taai 7:1-5 Biux Mengh Waac: Gorngv taux la’faqv bieqc m’zing nyei jauv za’gengh kouv haic, yie jangx zuqc zinh ndaangc yiem Laauv Deic maaih nzunc nor, yie mingh nyapv miev baeng zuqc nie nzin bieqc yie nyei m’zing mingh maiv noic duqv cuotv, mun gau, yaac maiv hiuv duqv longc wuom nzaaux, zoux gau yie nyei m’zing siangx omc nyei, maiv haih fungx zoux oix zuqc mingh tengx mienh tov nyorx hietv. Mbuo buatc yiem Matv^taai 7:3-5 naaiv, Yesu gorngv waac-beiv zoux waac-naaic, Ninh gorngv, "Meih weic haaix diuc buatc meih nyei gorx-youz nyei m'zing maaih la'fapv yaac maiv hnamv taux meih ganh nyei m'zing maaih nqanx ndiangx? 4 Ganh nyei m'zing maaih nqanx ndiangx, meih fungc haih mbuox meih nyei gorx-youz, 'Gorx aac, yie tengx gorx ban cuotv m'zing nyei la'fapv oc.' 5 Beih zaqc hnyouv njuotv nyei mienh aah! Oix zuqc zorqv cuotv ganh nyei m'zing wuov nqanx ndiangx ndaangc cingx daaih haih mangc duqv zien tengx gorx-youz ban cuotv m'zing nyei la'fapv.” La’fapv nyei eix-leiz se biux mengh taux faix-fiuv sic, mbuo buatc gorx-youz nyei m’zing maaih la’fapv se biux mengh gorngv ninh mbuo zoux dorngc deix baav faix-fiuv sic, mv baac mbuo mingh dingc ninh mbuo nyei zuiz, gorngv nyauv, gorngv doqc ninh mbuo. Daaux nzuonx mbuo ganh nyei m’zing maaih nqanx ndiangx, mv baac maiv zorqv cuotv. Eix-leiz mbuo zoux dorngc ndongc haaix camv, zungv gauh waaic jiex mbuo nyei gorx-youz zoux nyei, mv baac maiv zorc, maiv liuc leiz mbuo ganh nyei sic, daaux nzuonx mingh gorngv mienh.

Ging-Sou gorngv, maaih hnoi Yesu zunh doz yiem wuov mbong-aiv, Ninh gorngv mbuox mienh, "Maiv dungx dingc mienh nyei zuiz, Tin-Hungh ziouc maiv dingc meih mbuo nyei zuiz, 2 weic zuqc meih mbuo hnangv haaix nor dingc mienh nyei zuiz, Tin-Hungh yaac hnangv wuov nor dingc meih mbuo nyei zuiz aqv. Meih mbuo longc haaix nyungc hlaau bun mienh, Tin-Hungh yaac longc wuov nyungc hlaau bun meih mbuo. 3 "Meih weic haaix diuc buatc meih nyei gorx-youz nyei m'zing maaih la'fapv yaac maiv hnamv taux meih ganh nyei m'zing maaih nqanx ndiangx? 4 Ganh nyei m'zing maaih nqanx ndiangx, meih fungc haih mbuox meih nyei gorx-youz, 'Gorx aac, yie tengx gorx ban cuotv m'zing nyei la'fapv oc.' 5 Beih zaqc hnyouv njuotv nyei mienh aah! Oix zuqc zorqv cuotv ganh nyei m'zing wuov nqanx ndiangx ndaangc cingx daaih haih mangc duqv zien tengx gorx-youz ban cuotv m'zing nyei la'fapv.” (Matv^taai 7:1-5).

Dingc mienh nyei zuiz caux daanh mienh nyei jauv se benx hlo haic nyei sic, mbuo buatc ih hnoi yiem Meiv Guoqv Deic-Bung maaih domh sic, laaix daanh mienh caux dingc mienh nyei zuiz oix zuqc bieqc loz, yaac zuqc baatc ndortv zinh nyaanh ziex ziux millions nyei. Mv daan mbuoqc naaiv hnangv corc oix zuqc bieqc loh caux jienv. Hnangv naaic, Yesu cingx daaih mbuox mbuo sienx ninh nyei mienh maiv dungx la’guaih dingc mienh nyei zuiz, yaac maiv dungx la’guaih daanh mienh.

Yiem 7:1-2 wuov Yesu gorngv mbuox sienx Ninh nyei mienh maiv horpc zuqc zoux jaav zorng-zengx dingc haaix dauh nyei zuiz, fai ceng ganh benx gong-daqv nyei mienh, se hnangv mbuo buatc korn^taekv (y.5) nor. Fih hnangv nyei hnangv yiem 23:13-39(cf. Lomaa 2:1). Mbuo horpc zuqc funx mangc gaax mbuo ganh se benx haaix nyungc mienh, maiv zeiz la’guaih ceng ganh benx dunh yunh nyei mienh, mingh daanh ganh dauh, weic zuqc mbuo mv maaih haaix dauh dunh yunh. Yiem naaiv seix zangc mbuo

112


zanc-zanc haiz maaih mienh ceng ganh benx kuv mienh fai congh mengh nyei mienh, Ging-Sou gorngv, naaic nyungc mienh se benx beih zaqc hnyouv njuotv nyei mienh fai zorng jaav nyei mienh hnangv (2 Ko^lin^to 11:14;Fi^lipv^poi 3:2; 1 Yo^han 4:1).

Yiem 7:3-5 mbuo buatc Yesu gorngv, mbuo buatc gorx-youz nyei m’zing maaih la’fapv, eix-leiz se mangc piex, mangc aiv mienh, naaiv nyungc jauv se benx beih zaqc hnyouv njuotv nyei mienh fai zorng jaav nyei mienh, Yesu longc naaiv nyungc jauv zoux nyungc zeiv beiv.

Setv Mueiz Waac: Yesu mbuox mbuo, "Maiv dungx dingc mienh nyei zuiz, Tin-Hungh ziouc maiv dingc meih mbuo nyei zuiz, 2 weic zuqc meih mbuo hnangv haaix nor dingc mienh nyei zuiz, Tin-Hungh yaac hnangv wuov nor dingc meih mbuo nyei zuiz aqv. Meih mbuo longc haaix nyungc hlaau bun mienh, Tin-Hungh yaac longc wuov nyungc hlaau bun meih mbuo.” (Matv^taai 7:1-2)."Maiv dungx daanh mienh, Tin-Hungh ziouc maiv daanh meih mbuo. Maiv dungx dingc mienh nyei zuiz, Tin-Hungh ziouc maiv dingc meih mbuo nyei zuiz. Oix zuqc guangc mienh nyei zuiz, Tin-Hungh ziouc guangc meih mbuo nyei zuiz.” (Lugaa 6:37).

Hoc Daauh: Siang-Ndie Mbiev Loz-Lui – Matthew 9:14-17

Biux Mengh Waac: Ih hnoi mbuo oix gorngv taux siang-ndie mbiev loz-lui nyei jauv. Yie jangx zuqc zinh ndaangc yie yiem Laauv-Deic nyei ziangh hoc, jomc daaih mv maaih lui-houx zuqc, dongh wuov deix lui mbiev gau zungv mv maaih dorngx mbiev. Maiv duqv gorngv longc siang-ndie mbiev loz-lui fai longc loz ndie mbiev loz-hui, maiv gunv puix fai maiv puix zungv maiv maaih daaih mbiev.

Yiem Matv^taai 9:14-17 gorngv, “Wuov zanc tengx mienh jiex wuom nyei leiz wuov dauh Yo^han nyei sai-gorx daaih naaic Yesu, "Yie mbuo caux Faa^li^si Mienh zei maiv nyanc haaix nyungc. Meih nyei sai-gorx mbuo weic haaix diuc maiv zei?" 15 Yesu dau, "Siang-laangh corc yiem jienv cing-jaa-yinh nyei ziangh hoc, kaeqv mienh haih nzauh nyei fai? Zungv maiv haih. Mv baac hnoi-nyieqc oix taux, siang-laangh zuqc dorh mingh mi'aqv. Taux wuov zanc kaeqv mienh cingx daaih zei maiv nyanc haaix nyungc.”

(1) Yiem 9:14 Zei nyei jauv se maaih i nyungc jauv, yiem loz-hnoi I^saa^laa^en Mienh mbu’ndongc:

(2) Mienh zei se weic oix nitv fatv Tin-Hungh nyei jauv

(3) Mienh zei se weic oix duqv Tin-Hungh tengx ninh mbuo qiemx zuqc nyei jauv.

(4) Yiem 9:15 Siang-laangh se beiv taux Yesu ganh aqv. Kaeqv mienh se beiv taux Yesu nyei sai-gorx caux yietc zungv sienx Yesu nyei mienh.

(5) 9:16-17 Siang-ndie mbiev loz-lui, caux siang-a’ngunc diuv dapv loz-ndopv-mbuoqc nyei eix-leiz se fih hnangv nyei. Naaiv deix i norm nyungc zeiv se beiv taux siang-leiz caux loz-leiz nyei jauv maiv haih dorh daaih zorpc doic juangc jienv longc, mbuo sienx Yesu nyei mienh maiv haih dorh mienv nyei leiz daaih zorpc jienv Tin-Hungh nyei leiz longc. I^saa^laa^en Mienh dongh sienx kaux Yesu nyei mienh yaac maiv

113


haih dorh Loz-Ngaengc Waac zoux nyei jauv daaih zorpc jienv Siang-Ngaengc Waac nyei jauv zoux. Se hnangv buov ziec nyei jauv, saax uix nyei leiz, jiex gaatv nyei leiz, fiqv zuiz nyei jauv, aengx caux ziex nyungc leiz.

(6) Mbuo sienx Yesu nyei mienh duqv zipv siang-maengc, mbuo horpc zuqc guangc nqoi mbuo nyei loz-maengc, caux loz-maengc zoux nyei nyungc-nyungc sic.

Setv mueiz waac: Ging-Sou gorngv mbuox mbuo, “Oix zuqc guangc nqoi ganh nyei loz-maengc, dongh bun meih mbuo yiem hnangv zinh ndaangc meih mbuo yiem wuov nyungc loz-maengc. Meih mbuo nyei loz-maengc zuqc nduov ei ganh nyei hnyouv hanc zoux, manc-manc ziouc waaic nzengc mi'aqv.” (E^fe^so 4:22).

DA’JUOQV GINC: SINGX DOZ NYEI ZUNH DOZ QORNG (THEOLOGY SERMON OUTLINE)

Biux Mengh Waac: Singx doz nyei zunh doz qorng jiex gorn koi nqoi taux Tin-Hungh nyei jauv yiem Ging-Sou. Naaiv nyungc zunh doz jauv se benx longc jienv jiex nyei waac-naaic qiemx zuqc naaic taux Ging-Sou nyei jauv, caux fiev nyei mienh, caux muangx nyei mienh. Nyungc zeiv se hnangv fiev naaiv douc Ging-Sou nyei mienh gorngv taux haaix nyungc jauv? Caux ninh zoux haaix nyungc hnangv naaic gorngv? Tin-Hungh gorngv taux haaix nyungc jauv mbuox mbuo baamh mienh?, Naaiv douc Ging-Sou nyei waac hnangv haaix nor gorngv? Maiv gunv gorngv cuotv fai maiv gorngv cuotv nyei jauv se haaix nyungc?

A. Zorqv Ging-Sou Nyei Waac Bun Benx Singx Doz Nyei Qorng (Analyzing the Theology of the Text)

Singx doz nyei zunh doz qorng fai (Theological Sermon Outline) nyei jauv se, mbuo nyei mouz deic oix zuqc zaah lorz yaac oix zuqc zieqv duqv Tin-Hungh hnangv haaix nor gorngv mbuox mbuo baamh mienh nyei jauv. Yietc nyungc aqc jiex nyei jauv yiem Singx Doz nyei zunh doz qorng nyei jauv se mbuo oix zuqc zaah mangc taux Tin-Hungh gorngv nyei waac, caux baamh mienh gorngv nyei waac hnangv haaix nor. Porv zaqc waac nyei jauv se benx yietc nyungc jauv bun taux zunh doz nyei mienh haih longc naaiv nyungc leiz-nyeic jauv mbenc ninh nyei bun-ginc orn-mbaih jauv fai zunh doz qorng (outline). Naaiv nyungc leiz-nyeic jauv se bun zunh doz mienh haih longc duqv Ging-Sou nyei waac camv nyei, ninh haih zorqv fai baeng ziex norm dorngx nyei Ging-Sou daaih tengx porv mengh nyei jauv.

Yiem singx doz nyei zunh doz qorng nyei waac se oix zuqc longc yiem fai zorqv yiem Ging-Sou dongh gorngv taux Tin-Hungh nyei jauv, Ging-Sou nyei jauv, zuiz nyei jauv, sienx fim nyei jauv, dingc zuiz nyei jauv, siex zuiz nye jauv, zuoqc nzuonx nyei jauv, njoux en nyei jauv, laauc yaangh nyei sic, teix zuiz nyei jauv, fu-sux Tin-Hungh nyei jauv, fin-mienh caux mienv nyei jauv, ceng baaix fai mbuoqc zaangc Tin-Hungh nyei jauv, nyanc singx hnaangx nyei jauv, Yesu yiem daic panh nangh daaih nyei jauv, jiex leiz nyei jauv, fioux maengc cing-nzengc nyei jauv, baamh gen setv mueiz nyei hnoi, Tin-Dorngh caux Deic-Nyuoz

114


nyei jauv, panh nangh nyei jauv. Naaiv deix yietc zungv hoc daauh mbuo yaac haih longc zoux mbuo nyei doz nyei mbuox nyei hoc daauh yaac duqv nyei.

Singx doz nyei zunh doz waac se hnangv baeng mbuo nyei mbungv-fim cuotv yiem mbungv gu’nyuoz daaih wuov nor, bun muangx nyei mienh haiz se benx gamh nziex nyei sic, maaih deix pouh tong nyei Giduc Mienh maiv oix muangx naaiv nyungc zunh doz waac, yaac maiv haih zipv maiv duqv naaiv nyungc zunh doz nyei waac, yaac muangx maiv bieqc hnyouv maiv mengh baec, zoux bun ninh mbuo yioux yaac diev maiv duqv naaiv nyungc zunh doz nyei waac. Weic zuqc naaiv nyungc zunh doz nyei waac se kungx doix dekc taux mienh zoux nyei jauv hnangv. Mv baac dongh maaih hnyouv oix zoux horpc nyei mienh, caux oix hoqc hiuv duqv Ging-Sou ndo nyei mienh wuov deix za’gengh oix haic naaiv nyungc zunh doz nyei waac, weic zuqc tengx ceix ninh mbuo nyei lingh wuonh hlo. Hnangv naaic, zunh doz nyei laanh laanh mienh ganh oix zuqc zaangv taux yiem zunh doz nyei jauv, yietc nyungc oix zuqc njaaux deix.

Singx Doz fai (Theology) se benx yietc joux waac lungh ndiev mienh longc camv jiex gorngv camv jiex nyei jauv taux Tin-Hungh. Mv baac mbuo Iu-Mienh corc maiv gaengh maaih waac. Hnangv naaic, yie oix longc naaiv joux waac “Singx Doz” naaiv beiv taux “Theology” fai “θεὸς” or “God” fai “Tin-Hungh” fai yiem Ging-Sou gu’nyuoz daanh faanh gorngv taux Tin-Hungh nyei jauv.

B. Maaih Buo Nyungc Jauv Gorngv Taux Singx Doz Nyei Jauv (Three Types of Theology)

Naaiv deix buo nyungc jauv gorngv taux “singx doz” nyei zunh doz waac, hnangv haaix nor porv mengh doz nyei jauv: (1) porv mengh singx doz nyei jauv (exegetical theology), (2) Porv mengh Ging-Sou nyei jauv (biblical theology), (3) Porv mengh taux sienx fim nyei gorn-ndoqv jauv (systematic theology).

Porv mengh singx doz nyei zunh doz qorng nyei jauv. Singx doz nyei zunh doz qorng (theology sermon outline) se hnangv deix koi mengh doz (expository sermon) nyei jauv nor, m’nziex maaih yietc buonc jauv se fih hnangv nyei. Mbuo oix zuqc longc fai dorh Ging-Sou nyei waac daaih longc zoux mbuo nyei orn-mbaih jauv fai bun-ginc nyei qorng (outline). Naaiv se benx hnamv camv hnamv ndo nyei jauv yiem Ging-Sou nyei waac zorqv cuotv daaih nyei waac. Naaiv se benx zunh doz mienh nyei ndo jiex nyei zunh doz nyei waac fai porv mengh Ging-Sou nyei jauv, dongh zorqv fai baeng Ging-Sou nyei waac yiem ndo jiex nyei dorngx daaih. Zorqv nyungc zeiv yiem Ko^lo^si 3:12 nyei waac. Se hnangv, “Tin-Hungh hnamv meih mbuo yaac ginv meih mbuo daaih benx ninh ganh nyei cing-nzengc mienh. Weic naaiv meih mbuo oix zuqc maaih hnyouv korv-lienh mienh, zoux longx bun mienh, nyiemc ganh zoux faix, suonc zingh suonc eix yaac maaih noic diev.” Yiem naaiv mbuo buatc yiem Tin-Hungh nyei en hinc cuotv daaih nyei jauv se maaih i nyungc jauv. Maaih Tin-Hungh nyei en, caux sienx Tin-Hungh nyei mienh zoux nyei sic. “Weic Tin-Hungh nyei en, Tin-Hungh hnamv mbuo ginv mbuo daaih benx ninh nyei cing-nzengc mienh, mbuo horpc zuqc fai oix zuqc aengv Tin-Hungh nyei hnamv bun mienh, se zoux longx bun mienh hnamv mienh.” Benx Tin-Hungh nyei mienh fai naamh nyuoz nyei mienh, se oix zuqc maaih hnyouv hnangv Tin-Hungh

115


nor, benx “cing-nzengc nyei mienh, maaih hnyouv korv-lienh mienh, zoux longx bun mienh, nyiemc ganh zoux faix, suonc zingh suonc eix yaac maaih noic diev.”

Yiem singx doz nyei zunh doz qorng nyei leiz-nyeic jauv, fai (The theology sermon outline principles), zunh doz mienh nyei gong se zanc-zanc oix zuqc porv mengh taux Ging-Sou nye background fai jiex daaih nyei sic, njaaux mienh oix zuqc hnangv haaix nor dorh Ging-Sou nyei waac daaih longc yiem ninh mbuo nyei maengc, oix zuqc porv mengh taux fiev Ging-Sou nyei mienh nyei mouz deic jauv hnangv haaix nor, oix zuqc hiuv duqv hnangv haaix nor longc duqv horpc Ging-Sou nyei waac, oix zuqc hiuv duqv Ging-Sou nyei koux-nyuoz fai waac-nyuoz hnangv haaix nor gorngv, se hnangv fiev Ging-Sou nyei mienh nyei za’eix, hnamv nyei jauv, caux zipv muangx nyei mienh nyei eix-leiz hnangv haaix nor yiem Ging-Sou nyei korn^taekv.

Maiv gunv gorngv benx porv mengh singx doz nyei jauv (exegetical theology), fai benx porv mengh Ging-Sou nyei jauv (biblical theology), fai porv mengh taux sienx fim nyei gorn-ndoqv nyei jauv (systematic theology) nyei leiz-nyeic jauv fih hnangv nyei, mbuo oix zuqc ei Ging-Sou nyei korn^taekv porv ninh nyei eix-leiz, yaac oix zuqc bieqc hnyouv taux Ging-Sou nyei waac, benx gorngv zaqc waac nyei jauv fai benx waac-beiv, waac-meiv, waac-ormv nyei jauv. Se gorngv mbuo maiv bieqc hnyouv Ging-Sou nyei waac nor, mbuo maiv haih porv maiv zuqc ninh nyei eix-leiz aqv.

Singx Doz Nyei Zunh Doz Qorng Se Hnangv Naaiv Nor Mbaih (Theology Sermon Outline)

1. Hoc Daauh: Buoqc Zaangc Nyei JauvGing-Sou: Cuotv I^yipv 20:1-11 “Tin-Hungh gorngv naaiv deix yietc zungv waac. 2 "Yie se ZIOUV, meih mbuo nyei Tin-Hungh, dongh dorh meih mbuo cuotv I^yipv Deic-Bung, zuqc zoux nouh nyei deic-bung wuov dauh. 3 "Cuotv liuz yie, maiv dungx zaangc ganh dauh zienh. 4 "Maiv dungx weic ganh zoux haaix nyungc miuc-fangx. Maiv gunv yiem gu'nguaaic lungh, yiem ga'ndiev ndau, fai yiem ndau-ndiev nyei wuom gu'nyuoz haaix nyungc nyei fangx. 5 Maiv dungx gueic njiec baaix naaiv deix miuc-fangx yaac maiv dungx zaangc, weic zuqc yie, ZIOUV, meih mbuo nyei Tin-Hungh, nzaeng jienv meih mbuo. Yie oix dingc nzorng yie wuov deix mienh nyei zuiz, dingc taux ninh mbuo nyei buo biei doic zeiv-fun. 6 Mv baac haaix dauh hnamv yie, ei jienv yie nyei leiz-latc zoux, yie ziouc hnamv ninh jiex mingh taux yietc cin doic. 7 "Maiv dungx la'guaih longc ZIOUV, meih mbuo nyei Tin-Hungh, nyei mbuox. Haaix dauh la'guaih longc ZIOUV nyei mbuox, ZIOUV oix dingc wuov dauh nyei zuiz. 8 "Oix zuqc jangx jienv longc Dingh Gong Hnoi benx norm cing-nzengc hnoi. 9 Maaih juqv hnoi zoux meih mbuo nyei yietc zungv gong. 10 Mv baac da'cietv hnoi wuov hnoi se Dingh Gong Hnoi weic fungx bun ZIOUV. Wuov hnoi maiv dungx zoux haaix nyungc gong. Meih mbuo ganh caux meih mbuo nyei naamh nyouz, meih mbuo nyei nouh gauv nouh beiz, meih mbuo nyei saeng-kuv, fai yiem meih mbuo nyei zingh nyei ganh fingx mienh yaac maiv dungx zoux haaix nyungc gong. 11 Weic zuqc ZIOUV longc juqv hnoi zeix lungh zeix ndau zeix koiv caux yiem naaiv deix gu'nyuoz nyei yietc zungv ga'naaiv. Mv baac siec hnoi wuov hnoi Tin-Hungh dingh gong aqv. Weic naaiv ZIOUV ceix fuqv wuov norm hnoi benx ninh nyei cing-nzengc hnoi.”

116


Biux Mengh waac: Naaiv ginc kauv hoqc nyei jauv se mbuo oix gorngv taux baamh mienh buoqc zangc zong-zei nyei jauv fai sienx nyei jauv hnangv haaix nor. Yiem naaiv lungh ndiev mbuo hiuv duqv maaih ziex nyungc zong-zei buoqc zangc nyei jauv, maiv gunv gorngv haaix fingx mienh yaac maaih ganh nyei zong-zei jauv buoqc zangc. Mv baac zoux nyei jauv caux sienx nyei jauv maiv fih hnangv, yaac maiv zien. Hnangv naaic, yiem naaiv mingh mbuo oix mangc dongh Giduc Mienh sienx nyei jauv caux zoux nyei jauv hnangv haaix nor.

I. Buoqc zangc nyei jauv fai sienx nyei jauv.1. Buoqc zangc nyei jauv fai sienx nyei jauv, se dongh mienh hnamv daaih maaih hatc maaz gauh camv mienh. Se hnangv mienh zangc mienv, baaix miuc- fangx lo haaix nor. Weic zuqc baaix fai zangc nyei mienh, hnamv daaih dongh ninh mbuo baaix fai buoqc zangc nyei nyungc-nyungc maaih hatc maaz gauh camv ninh mbuo.

2. Yiem naaiv lungh ndiev maaih mienh buoqc zangc fai sienx ziex nyungc camv gau, maaih nyungc baav mbuo hiuv nyei, mv baac maaih nyungc baav mbuo liemh zungv maiv haiz jiex.

3. Mbuo Iu-Mienh yiem loz-hnoi daaih taux ih zanc, gauh camv se zangc mienv fai zangc mbuo nyei Ong-taaix. Weic zuqc mbuo hnamv daaih mbuo nyei ong-taaix goux jienv mbuo nyei hmuangv doic, bun hmuangv doic baengh orn nyei, goux jienv mbuo nyei saengh kuv, caux jienv mbuo nyei gaeng-zuangx. Mbuo Iu-Mienh zangc Ong-taaix se weic maaih hnyouv hnamv taux ninh mbuo nyei en-zingh.

4. Ih jaax hnoi maaih deix Iu-Mienh daaih sienx kaux Tin-Hungh. Sienx Tin-Hungh fai zangc Tin-Hungh, naaiv deix jauv se maiv zeiz siang nyei jauv. Yiem Tin-Hungh zeix lungh zeix ndau wuov zanc, se kungx maaih nduqc dauh Tin-Hungh hnangv. Wuov zanc baamh mienh se kungx buoqc zangc nduqc dauh Tin-Hungh hnangv. Mv baac nqa’haav baamh mienh gunv zoux gunv hiaangx jienv faaux, zoux gau mienh maiv muangx Tin-Hungh nyei waac, ziouc mingh buoqc zangc ganh dauh zienh. Mv baac corc aengx maaih deix mienh muangx Ziouv nyei waac, yaac sienx jienv daaih taux ih jaax hnoi.

5. Mbuo daaih sienx Tin-Hungh se maiv zeiz mbuo lorz buatc siang-buoqc zangc nyei jauv. Mbuo sienx Yesu se weic zuqc ih zanc mbuo lorz buatc dongh zinh ndaangc mbuo nyei Ong-taaix ngaeqv mbuo buoqc zangc wuov dauh Tin-Hungh aqv. Mbuo daaih sienx Tin-Hungh fai sienx Yesu se weic zuqc mbuo oix duqv yietc liuz nyei maengc. Yaac yietc liuz duqv caux Ziouv Yesu yiem wuov Tin-Dorngh.

II. Njaaux nyei jauv. 1. Dongh mienh buoqc zangc nyei nyungc-nyungc zienh, yaac maaih leiz gunv jienv mienh, njaaux mienh bun mienh ei jienv zoux. Maaih nyungc baav buoqc zangc nyei mienh haih ei jienv wuov deix njaaux nyei leiz zoux duqv nyei, mv baac maaih ziex nyungc buoqc zangc nyei mienh maiv haih ei jienv zoux.

117


2. Yiem mienh buoqc zangc nyei nyungc-nyungc, yietc nyungc maaih yietc nyungc nyei leiz njaaux bun mienh ei jienv zoux. Dongh mienh zangc nyei nyungc-nyungc zienh maaih leiz longx nyei njaaux mienh. Mv baac gauh camv mienh maiv haih ei, weic haaix diuc hnangv naaic? Weic zuqc baamh mienh maiv maaih qaqv ei jienv zoux. Wuov nyungc mbuo Giduc mienh ni? Hnangv haaix nor haih zoux duqv kuv sic? Mbuo haih zoux duqv se maiv zeiz kungx kaux mbuo ganh nyei qaqv hnangv, mbuo zoux duqv se weic zuqc Singx Lingh yiem jienv mbuo nyei hnyouv, tengx mbuo maaih qaqv haih zoux longx duqv.

3. Weic haaix diuc mienh ei jienv njaaux nyei leiz zoux. Pou-tong nyei mienh ei jienv njaaux nyei leiz zoux, weic bun ninh mbuo ganh haih zoux duqv horpc. Wuov nyungc mbuo Giduc mienh ni? Weic haaix diuc oix zuqc ei jienv Ging-Sou njaaux nyei jauv zoux? Mbuo ei jienv Ging-Sou njaaux nyei zoux se weic zuqc mbuo oix muangx Tin-Hungh nyei waac.

III. Liepc Buoqc Zangc Nyei Jauv Nyei Mienh.1. Pou-tong nyei maiv gunv mienh buoqc zangc haaix nyungc zienh, wuov nyungc zienh yaac oix zuqc maaih dauh mienh liepc, fai jiez gorn, yaac cuotv leiz daaih bun buoqc zangc nyei mienh ei jienv zoux. Liepc nyei mienh cuotv daaih nyei leiz yaac gunv jienv, haangh jienv buoqc zangc nyei mienh, weic bun ninh mbuo ei jienv dingc daaih nyei leiz zoux. Wuov nyungc mbuo Giduc mienh nyei leiz ni? haaix dauh cuotv naaiv deix leiz daaih bun mienh ei jienv zoux? Naaiv deix nyungc-nyungc leiz se Tin-Hungh ganh bun daaih, maiv zeiz baamh mienh ganh liepc daaih nyei leiz.

2. Giduc mienh buoqc zangc nyei se ei Ging-Sou njaaux. Giduc mienh buoqc zangc nyei jauv se ei Ging-Sou njaaux nyei. Ging-Sou njaaux hnangv haaix nor zoux, Giduc mienh yaac ei jienv zoux. Hnamv daaih mbuo hoqc naaiv deix hoc-daauh haih tengx duqv deix mbuo. Weic zuqc naaiv deix hoc daauh se yiem Ging-Sou zorqv cuotv daaih. Yaac zueih yietv zueih nyeic nyei mbaih jienv cingx tengx mbuo hungh hec nyei bieqc hnyouv.

3.Weic haaix diuc Giduc mienh oix zuqc hoqc mbuo sienx nyei jauv? Weic bun mbuo sienx duqv horpc nyei. Weic bun mbuo hiuv duqv mbuo oix zuqc hnangv haaix nor zoux, hnangv haaix nor yiem. Weic bun mbuo hiuv duqv haaix dauh ei jienv Ging-Sou njaaux fai maiv ei. Weic tengx mbuo bieqc hnyouv Ging-Sou yaac haih njaaux duqv ganh dauh. Weic ceix mbuo ganh nyei fienx fim, yaac tengx mbuo zoux duqv horpc Tin-Hungh nyei eix. Weic bun mbuo ganh duqv longx.

Setv Mueiz Waac: Tin-Hungh hatc njaaux mbuo baamh mienh yiem Ninh nyei ziepc diuh lingc benx da’yietv diuh, Tin-Hungh gorngv, "Cuotv liuz yie, maiv dungx zaangc ganh dauh zienh. "Maiv dungx weic ganh zoux haaix nyungc miuc-fangx. Maiv gunv yiem gu'nguaaic lungh, yiem ga'ndiev ndau, fai yiem ndau-ndiev nyei wuom gu'nyuoz haaix nyungc nyei fangx. 5 Maiv dungx gueic njiec baaix naaiv deix miuc-fangx yaac maiv dungx zaangc, weic zuqc yie, ZIOUV, meih mbuo nyei Tin-Hungh, nzaeng jienv meih mbuo. Yie oix dingc nzorng yie wuov deix mienh nyei zuiz, dingc taux ninh mbuo nyei buo biei doic zeiv-fun. 6 Mv baac haaix dauh hnamv yie, ei jienv yie nyei leiz-latc zoux, yie ziouc hnamv ninh jiex mingh taux yietc cin doic.” (Cuotv I^yipv 20:3-6). Eix-leiz se maiv kuh zaang ganh nyungc zienh. Maiv gunv miuc-

118


fangx, fai haaix nyungc zeix daaih nyei ga’naaiv mbuo maiv maaih leiz baaix zaangc, cuotv liuz Tin-Hungh ganh hnangv.

2. Hoc Daauh: Ging-Sou Nyei JauvGing-Sou: 2 Ti^mo^tai 3:15-17 “Yiem meih zoux fu'jueiv nyei ziangh hoc meih zungv hiuv duqv Ging-Sou. Ging-Sou haih bun meih maaih cong-mengh hiuv duqv oix zuqc sienx kaux Giduc Yesu cingx duqv njoux. 16 Douc-douc Ging-Sou, Tin-Hungh dorh mienh fiev yaac maaih lamh longc weic njaaux mienh, weic gorngv-hemx mienh, weic zorc mienh zoux dorngc nyei dorngx, weic njaaux mienh zoux horpc nyei jauv. 17 Hnangv naaic ziouc bun Tin-Hungh nyei mienh duqv dunh yunh nzoih weic zoux nyungc-nyungc kuv sic.Biux Mengh Waac: Yietc zungv Ging-Sou se Tin-Hungh dorh mienh fiev daaih weic njaaux mienh, weic zorc mienh zoux dorngc nyei jauv, weic njaaux mienh zoux horpc nyei jauv, weic tengx mbuo haih duqv benx kuv mienh. Ging-Sou se Tin-Hungh nyei waac, bun daaih njaaux mbuo hnangv haaix nor ziangh yiem seix zangc. Yiem 2 Bide 1:20-21 gorngv, “Da'yietv longc jienv jiex oix zuqc bieqc hnyouv, maiv maaih haaix dauh haih longc ganh nyei za'eix porv mengh douc waac mienh douc daaih fiev wuov deix Ging-Sou nyei waac. Weic zuqc maiv maaih haaix dauh haih ei ganh nyei eix douc Tin-Hungh nyei waac. Mienh douc Tin-Hungh nyei waac se ei Singx Lingh dorh ninh mbuo gorngv hnangv.” Tin-Hungh dorh mienh fiev Ging-Sou nyei jauv se weic i nyungc jauv: (1) Tin-Hungh biux mengh Ninh ganh bun mienh duqv gorngv, maiv gunv mienh nyei m’zing mangc maiv buatc Tin-Hungh mv baac mengh-mengh hiuv duqv maaih Tin-Hungh nyei, “Tin-Hungh ziouc dingc ninh mbuo nyei zuiz, weic zuqc ninh mbuo haih hiuv duqv Tin-Hungh. Se Tin-Hungh ganh biux mengh bun ninh mbuo hiuv. Yiem zeix lungh zeix ndau daaih wuov zanc, Tin-Hungh yietc liuz yiem nyei domh qaqv caux ninh nyei fiem-fingx, maiv gunv m'zing mangc maiv buatc mv baac Tin-Hungh bun mienh mengh mengh hiuv duqv nyei. Buatc Tin-Hungh zeix daaih nyei ga'naaiv ziouc bun ninh mbuo hiuv duqv Tin-Hungh aqv. Ninh mbuo ziouc maiv maaih dorngx jaiv sin. Ninh mbuo hiuv duqv Tin-Hungh mv baac maiv taaih ninh zoux Tin-Hungh yaac maiv laengz zingh ninh. Ninh mbuo hnamv nyei jauv ziouc maiv lamh longc aqv. Hnyouv hngongx yaac hmuangx mi'aqv.” (Lomaa 1:18-21). (2) Tin-Hungh bun Ging-Sou daaih, weic njaaux mienh, weic gorngv-hemx mienh, weic zorc mienh zoux dorngc nyei dorngx, weic njaaux mienh zoux horpc nyei jauv. Hnangv naaic ziouc bun Tin-Hungh nyei mienh duqv dunh yunh nzoih weic zoux nyungc-nyungc kuv sic.

I. Tin-Hungh Hnangv Haaix Nor Biux Mengh Ninh GanhA. Tin-Hungh longc ziex nyungc za’eix biux mengh bun mienh hiuv duqv ninh.

1. Samx mangc. Yiem Gong-Zoh 17:27 gorngv, “Tin-Hungh leih mbuo dauh dauh mienh maiv go.” Yiem Yo^han 1:18 gorngv, “Maiv maaih haaix dauh buatc jiex Tin-Hungh.” Maaih ziex nyungc baamh mienh maiv haih hiuv, yaac maiv bieqc hnyouv. Baamh mienh jomc za’eix maiv haih lorz duqv buatc Tin-Hungh aqv, cuotv liuz Ziouv ganh biux mengh bun baamh mienh hiuv duqv ninh hnangv.

B. Tin-Hungh longc i nyungc za’eix biux mengh Ziouv ganh.119


1.Yiem pou-tong nyei jauv. Yiem gitv-gitv lungh ndiev Ziouv yaac biux mengh ninh ganh, yiem ninh zeix daaih nyei maanc muotc, bun baamh mienh hiuv duqv ninh.

2. Ziouv lengc jeiv nyei biux mengh bun mienh hiuv duqv ninh. Ziouv lengc jeiv nyei biux mengh Ziouv ganh bun mienh hiuv duqv ninh. Dongh naaiv nyungc mbuo hiuv se weic zuqc maaih mienh fiev jienv. Tin-Hungh nyei jauv-louc dongh Tin-Hungh ganh gorngv taux Ninh ganh nyei jauv wuov.

3.Yiem Tin-Hungh zeix daaih nyei nyungc-nyungc ga’naaiv biux mengh Ziouv. Yiem Tin-Hungh zeix daaih nyei nyungc-nyungc ga’naaiv biux mengh gengh maaih Tin-Hungh nyei. Weic zuqc yiem naaiv baamh gen nyei nyungc-nyungc ga’naaiv ndongc haaix zungv maaih dauh mienh zoux daaih. Se hnangv maaih biauv mbuo ziouc hiuv duqv maaih mienh gomv daaih. Maaih jiouh ziouc hiuv duqv maaih mienh jaax daaih. Buatc cie mbuo hiuv duqv maaih cie nyei zangc zoux daaih. Hnangv naaic yiem naaiv baamh gen nyei maanc muotc ndongc haaix zungv maaih dauh Ziouv zeix daaih. Se gorngv maiv maaih haaix dauh zeix daaih yaac gunv jienv nor, gengh maiv haih ndongc naaiv maaih yietv-nyeic aqv. Mbuo sienx nyei fai? Se gorngv mbuo mingh wuov gemh maeng ndiev saau gemh, yaac buatc maaih norm liuh yiem jienv wuov. Mbuo ziouc gorngv, aa yiem gemh maeng ndiev maiv maaih haaix dauh daaih gomv liuh lorqc, se ninh ganh cuotv daaih hnangv fai? Maiv zeiz hnangv naaic, wuov norm liuh ndongc haaix zungv maaih dauh mienh gomv daaih. Hnangv naaic, naaiv norm lungh ndiev, ndongc haaix zungv maaih dauh Ziouv zeix daaih. Ging-Sou gorngv Tin-Hungh ganh zeix naaiv norm lungh ndiev caux maanc muotc ga’naaiv daaih.

II. Ging-Sou Tin-Hungh Nyei Waac 1. Singx Nzung 19:1 Lungh zunh yaangh Tin-Hungh nyei njang-laangc, lungh biux mengh ninh nyei buoz-dauh. Ziouv zeix maanc muotc buangv nzengc ndau-beih.

2. Gong-Zoh 14:17 Lungh duih mbiungc, bun gaeng-zuangx ei cun ciou cuotv duqv horpc. Hnangv naaic biux mengh Ziouv ziangh jienv nyei.

3. Lomaa 1:19-20 Buatc Tin-Hungh zeix nyei ga’naaiv mbuo ziouc hiuv duqv maaih Tin-Hungh aqv. Mbuo mangc Tin-Hungh zeix daaih nyei nyungc-nyungc ga’naaiv bun mbuo buatc Ziouv nyei domh hatc maaz, yaac buatc Ziouv zeix daaih nyei nyungc-nyungc ga’naaiv, za’gengh longx haic. Zeiz nyei yiem naaiv lungh ndiev nyei nyungc-nyungc ga’ naaiv biux mengh bun baamh mienh hiuv duqv ndongc haaix zungv maaih Tin-Hungh, mv baac corc maiv gaux dorh baamh mienh daaih taux duqv njoux nyei jauv.

4. Lomaa 1:19-20 “Tin-Hungh ziouc dingc ninh mbuo nyei zuiz, weic zuqc ninh mbuo haih hiuv duqv Tin-Hungh. Se Tin-Hungh ganh biux mengh bun ninh mbuo hiuv. Yiem zeix lungh zeix ndau daaih wuov zanc Tin-Hungh yietc liuz nyei domh qaqv caux ninh nyei fiem-fingx maiv goiv yienc, maiv gunv m’zing mangc maiv buatc mv baac Tin-Hunh bun mienh mengh-mengh nyei hiuv duqv nyei. Buatc Tin-Hungh zeix daaih nyei ga’ naaiv ziouc bun ninh mbuo hiuv duqv Tin-Hungh aqv. Ninh mbuo ziouc maiv maaih dorngx jaiv sin.”(maiv lamh gorngv dorngx.)

120


III. Tin-Hungh Nyei Waac Ging-Sou 1. Yiem baamh mienh nyei hnyouv haih hiuv duqv longx hiuv duqv waaic. maiv gunv maiv maaih haaix dauh njaaux, mv baac yiem baamh mienh ganh nyei hnyouv yaac hiuv duqv haaix nyungc longx haaix nyungc waaic. 2. Lomaa 2:14-16 “Janx maiv maaih Mose nyei leiz-latc. Mv baac se gorngv ninh mbuo ei ganh nyei hnyouv hnamv cuotv daaih zoux horpc leiz-latc nyei, maiv gunv ninh mbuo maiv maaih leiz-latc. Ninh mbuo ganh se zoux ninh mbuo ganh nyei leiz-latc. Ninh mbuo zoux nyei sic bun cing leiz-larc fiev jienv yiem ninh mbuo nyei hnyouv aqv. Ninh mbuo nyei hnyouv bun ninh mbuo hiuv duqv ninh mbuo zoux maaih ziangh hoc bun ninh mbuo hiuv duqv zoux horpc.”

3. Yiem dauh dauh mienh nyei hnyouv yaac hiuv duqv haaix nyungc longx haaix nyungc waaic. Hnangv naaic, naaiv maiv zeiz ca’buoc nyei jauv, gengh maaih dauh Ziouv gauh hlo baamh mienh, ceix naaiv nyungc hnyouv bun baamh mienh.

4. Baamh mienh yaac sienx oix zuqc fiou fim zoux kuv sic, weic bun mbuo daic mingh maiv zuqc siouc kouv, hnangv naaic daic mingh ndongc haaix zungv maaih yiemh gen nyei jauv. Hiuv duqv longx hiuv duqv waaic nyei jauv, zoux bun mbuo hiuv duqv ndongc haaix zungv maaih yiem- gen nyei.

5. Yiem baamh mienh nyei hnyouv ngorc nqaatv Tin-Hungh nyei jauv. Yiem dauh dauh mienh nyei hnyouv haiz oix maaih nyungc daaih buoqc zangc jienv, weic bun ganh haiz maaih lamh kaux. Hnangv naaic, maaih deix cingx daaih lorz wuov lorz naaiv daaih buoqc zangc div Tin-Hungh. Maaih deix nanv miuc-fangx daaih baaix, maaih deix lorz wuov lorz naaiv daaih zangc, weic zuqc ninh mbuo lorz maiv buatc zeix cuotv ninh mbuo wuov dauh Tin-Hungh. Tin-Hungh an jienv naaiv nyungc jauv baamh mienh nyei hnyouv, baamh mienh cingx daaih haiz qiemx zuqc Tin-Hungh.

6. I Nyungc, nyungc zeiv. Se hnangv maaih deix mbuo buatc mienh baaix ndiangx, maaih deix baaix hlaax, maaih deix baaix saeng-kuv lo haaix. Ninh mbuo lorz maiv buatc yietc liuz ziangh jienv wuov dauh Tin-Hungh. Ninh mbuo laaic duqv dongh ninh mbuo baaix nyei benx Tin-Hungh. Tin-Hungh nyei hatc maaz biux mengh yiem ninh zeix daaih nyei nyungc-nyungc ga’naaiv.

Setv Mueiz Waac: Yiem baamh mienh hnamv nyei jauv, yiem baamh mienh nyei hnyouv yaac hiuv duqv ndongc haaix zungv maaih Tin-Hungh. Yiem naaiv lungh ndiev maanc fingx mienh nyei leiz, ninh mbuo yaac sienx, ndongc haaix zungv maaih dauh Ziouv gauh hlo baamh mienh. Hnangv naaic ndongc haaix zungv maaih Tin-Hungh nyei. Naaiv deix jauv maiv zeiz maaih guanh baav mienh njaaux daaih hnangv, mv baac za’gengh maaih Tin-Hungh nyei. Yiem naaiv lungh ndiev nyei maanc fingx mienh yaac njaaux mienh yiem seix zangc oix zuqc fiou fim, zoux kuv sic. Weic zuqc taux guei seix mingh dauh dauh mienh zungv oix duqv zipv ei jienv dongh yiem seix zangc zoux nyei nyung-nyungc sic. Hnangv naaic yiem naaiv lungh ndiev maanc fingx mienh hnamv nyei jauv ndongc haaix zungv zien nyei.

Se gorngv naaiv deix jauv za’gengh zien nyei nor. Ndongc haaix zungv maaih dauh Ziouv bun mienh hiuv duqv longx hiuv duqv waaic nyei jauv. Maaih dauh Ziouv gauh hlo baamh mienh yaac haih dingc baamh

121


mienh nyei zuiz. Wuov dauh Ziouv gauh hlo baamh mienh, yaac maaih baengh fim haic, yaac gengh guai haic, yaac yietc liuz ziangh jienv maiv haih daic.

Yiem Ging-Sou biux mengh Tin-Hungh. Tin-Hungh lengc-jeiv nyei biux mengh yiem Ging-Sou bun baamh mienh hiuv duqv ninh. Se gorngv maiv maaih Ging-Sou nor baamh mienh maiv haih hiuv duqv Tin-Hungh aqv. Ging-Sou nyei waac se maaih maengc nyei. Yiem Hipv^lu 4:12 gorngv, “Tin-Hungh nyei waac se nangh nyei.” Dongh Ziouv Yesu yiem naaiv baamh gen wuov zanc, mbuo yaac maiv gaengh buatc jiex Ziouv. Mbuo hiuv duqv Ziouv Yesu nyei jauv-louc se yiem naaiv Ging-Sou mbuox mbuo hnangv. Ging-Sou njaaux mbuo oix zuqc hnangv haaix nor zoux cingx daaih duqv njoux. yaac oix zuqc hnangv haaix nor zoux cingx daaih haih caux Tin-Hungh horpc hnyouv. Mbuo haih hiuv duqv Tin-Hungh se gorngv mbuo doqc Ging-Sou.

3. Hoc Daauh: Ging-Sou Hnangv Haaix Nor Daaih Taux MbuoGing-Sou: Cuotv I^yipv 24:1-4 “ZIOUV gorngv mbuox Mose, "Meih caux Aalon, Naa^ndapc, Aa^mbi^hu, aengx caux cietv ziepc dauh I^saa^laa^en Mienh nyei mienh gox oix zuqc faaux yie naaiv daaih mv baac yiem go nyei baaix yie. 2 Kungx Mose ganh nduqc dauh haih daaih nitv fatv yie, ZIOUV, hnangv. Wuov deix maiv dungx daaih fatv. Yaac maiv dungx bun baeqc fingx caux jienv faaux naaiv." 3 Mose dorh ZIOUV nyei waac caux yietc zungv leiz mingh mbuox zuangx baeqc fingx. Zuangx mienh dongh joux waac dau, "ZIOUV gorngv nyei yietc zungv waac yie mbuo oix ei jienv zoux." 4 Mose ziouc fiev jienv ZIOUV gorngv nyei yietc zungv waac.

Biux Mengh Waac: Tin-Hungh longc ziex nyungc za’eix bun mienh fiev Ging-Sou. Maaih deix se Tin-Hungh ganh caux mienh gorngv waac mbuox mienh fiev, maaih deix se Tin-Hungh ganh nyei buoz fiev, maaih deix se Tin-Hungh bun Singx Lingh dorh mienh fiev, eix-leiz se Tin-Hungh nyei Singx Lingh njiec daaih gunv jienv mienh, bun mienh nyei hnamv haih buatc wuov deix sic, fai maiv gaengh cuotv sic bun mienh haih hnamv taux ziouc fiev jienv. Nyungc zeiv se hnangv jiex mingh naaiv deix jauv nor. Yiem Cuotv I^yipv 17:14 gorngv, “ZIOUV gorngv mbuox Mose, "Naaiv deix sic oix zuqc fiev jienv sou-njunc weic bun mienh jangx, yaac oix zuqc mbuox Yo^su^waa, yie oix zoux bun Aa^maa^lekv Mienh zutc nzengc. Yiem naaiv lungh ndiev liemh maiv maaih haaix dauh jangx duqv ninh mbuo."

1. Yiem Cuotv I^yipv 31:12-18 wuov gorngv, “ZIOUV yiem Sinaai Mbong caux Mose gorngv liuz waac, ninh zorqv fiev jienv Laengz nyei Ngaengc Waac wuov deix i kuaaiv la'bieiv-benv jiu bun Mose, se Tin-Hungh longc buoz-ndoqv fiev nyei la'bieiv-benv.”

2. Yiem Cuotv I^yipv 34:27 gorngv, “ZIOUV gorngv mbuox Mose, "Zorqv naaiv deix waac fiev jienv weic zuqc yie caux meih mbuo caux I^saa^laa^en Mienh ziux naaiv deix waac liepc jiez ngaengc waac."

3. Yiem Cuotv I^yipv 34:1 gorngv, “ZIOUV gorngv mbuox Mose, "Zuqc i kuaaiv la'bieiv-benv hnangv zinh ndaangc wuov deix i kuaaiv. Yie aengx fiev jienv waac hnangv zinh ndaangc meih mborqv huv wuov deix nyei waac nor.

122


4. Yiem Laauc Yaangh 1:9-11 gorngv, “Yie, Yo^han, zoux meih mbuo nyei gorx-youz. Mbuo caux Giduc juangc maengc ziangh, yie ziouc caux meih mbuo lomh nzoih siouc kouv, longc noic diev, yaac juangc zoux Tin-Hungh nyei guoqv nyei baeqc fingx. Weic yie zunh Tin-Hungh nyei doz yaac tengx Yesu zoux zorng-zengx, yie zuqc yiem Batc^mortv Koiv-Nzou. 10 Yiem Ziouv nyei Hnoi, Singx Lingh gunv jienv yie, yie ziouc haiz yiem yie nqa'haav maengx maaih qiex gorngv waac hnangv nzatc nor mbui. 11 Yie haiz gorngv, "Meih buatc nyei sic oix zuqc fiev jienv sou-njunc, juix mingh bun naaiv deix siec norm zingh nyei jiu-baang, se yiem E^fe^so, Saa^me^naa, Be^gaa^mam, Ti^yaa^ti^laa, Saa^nditc, Fi^laa^nden^fie caux Lau^ndi^sie Zingh nyei jiu-baang."

I. Ging-Sou Hnangv Haaix Nor Daaih Taux Mbuo Baamh Mienh1. Singx Lingh dorh mienh fiev daaih. Ging-Sou se benx Tin-Hungh nyei waac, mv baac Ziouv longc baamh mienh fiev daaih, weic bun baamh mienh bieqc hnyouv. 2 Bide 1:21 “ Weic zuqc maiv maaih haaix dauh haih ei ganh nyei eix douc Tin-Hungh nyei waac. Mienh douc Tin-Hungh nyei waac se ei Singx Lingh dorh ninh mbuo gorngv hnangv.”

2. Singx Lingh dorh jienv fiev Ging-Sou nyei mienh. Maiv gunv gorqc mienh yiem gorqc mienh nyei dorngx fiev, maiv gunv fiev nyei mienh yietc dauh yiem yietc gitv lungh-ndiev, yaac longc ganh nyei waac fiev, mv baac ei Ziouv nyei za’eix fiev daaih. Ninh mbuo juangc nduqc nyungc jauv fiev hnangv.

3. Ih zanc se gorngv mbuo lorz ziepc dauh mienh daaih, heuc ninh mbuo fiev sou, ninh mbuo maiv duqv caangh laangh ndaangc, gorqc mienh yiem gorqc mienh nyei biauv fiev, sueih ninh mbuo oix fiev haaix nyungc jauv yaac duqv nyei. Yie hnamv daaih ziepc dauh mienh zungv maaih ziepc nyungc jauv fiev. Hnangv naaic bun cing Singx Lingh gengh dorh jienv baamh mienh fiev Ging-Sou daaih. Weic zuqc Ging-Sou nyei waac se borqv jienv doic, yaac dongh nyungc jauv gorngv, se gorngv taux Tin-Hungh caux baamh mienh hnangv haaix nor jiu tong nyei jauv.

II. Ging-Sou se benx baamh mienh nyei waac yaac benx Tin-Hungh nyei waac. 1. Benx baamh mienh nyei waac. Se weic zuqc longc baamh mienh fiev daaih, yaac longh baamh mienh nyei waac, fiev baamh mienh nyei jauv louc. Gauh longc jienv jiex se dongh Ziouv Yesu daaih weic zuoqc baamh mienh yiem zuiz cuotv daaih nyei jauv.

2. Benx Tin-Hungh nyei waac. Se weic zuqc Singx Lingh dorh mienh ei jienv Ziouv nyei za’ eix fiev daaih, hnangv haaix, naaiv za’gengh benx Tin-Hungh nyei waac. Yiem Loz-Ngaengc Waac maaih “ Tin-Hungh gorngv “ fai “ Ziouv gorngv ” wuov joux waac maaih 3,800 nzunc, hnangv naaic, mbuo ziouc hiuv duqv naaiv za’gengh benx Tin-Hunh nyei waac. 3. Longc ziangh hoc fiev. Longc ziangh hoc 1,600 hnaangx fiev daaih.

123


4. Fiev nyei ziangh hoc. Loz-Ngaengc Waac fiev ndaangc Ziouv Yesu daaih cuotv seix 1,400-445 hnyangx. Siang-Ngaengc Waac yiem Ziouv Yesu daaih cuotv seix liuz 45- 100 wuov deix hnyangx-dauh fiev daaih.

5. Fiev nyei mienh. Maaih leih maiv go 40 dauh mienh nyei dorngx fiev Ging-Sou daaih. Naaiv deix 40 dauh mienh, yaac maiv duqv caangh laangh liuz cingx daaih fiev, weic zuqc ninh mbuo zungv maiv hiuv duqv jaax, maaih deix yietc laanh yiem yietc gitv lungh ndiev. gorqc mienh yiem gorqc mienh nyei dorngx fiev, mv baac juangc nyungc jauv fiev daaih. Naaiv deix 40 laanh mienh zoux nyei gong yaac maiv fih hnangv, se hnangv naaiv. 6. Ging-Sou bun nqoi benx i gouv. Maaih deix mienh daaih sienx Ziouv yaac bieqc hnyouv Ging-Sou maiv gaengh ndongc haaix camv. Se gorngv oix lingh-wuonh gunv zoux gunv hlo jienv faaux nor, mbuo oix zuqc bieqc hnyouv Ging-Sou longx nyei. Ging-Sou yietc zungv maaih 66 buonv, bun nqoi benx i gouv, se maaih Loz-Ngaengc Waac caux Siang-Ngaengc Waac. Naaiv buonv Ging-Sou nyei jauv-louc yietc zungv fiev daaih fih hnangv nyei. Se gorngv taux zuiz nyei jauv, baamh mienh maiv muangx waac nyei jauv, aengx gorngv taux Tin-Hungh longc haaix nyungc za’eix tengx baamh mienh duqv njoux. Siang-Ngaengc Waac ei jienv Loz-Ngaengc Waac zoux ziangx nzengc. Hnangv naaic, mbuo horpc zuqc doqc loz-Ngaengc Waac, mbuo cingx daaih bieqc hnyouv Tin-Hungh nyei za’eix mengh nyei. Gin-Sou bun nqoi daaih benx i gouv hnangv naaiv.

III. Singx Lingh Tengx Mienh Haih Bieqc Hnyouv Ging-Sou

1. Yo^han 14:26 “Tengx mienh wuov dauh, dongh Zangc Diex oix dengv yie nyei mbuox paaiv daaih wuov dauh Singx Lingh, oix njaaux nyungc-nyungc meih mbuo yaac oix bun meih mbuo haih jangx duqv yie mbuox jiex nyei yietc zungv.”

2. Yo^han 16:13 “Bun mienh hiuv duqv zien leiz wuov dauh Singx Lingh daaih wuov zanc, ninh oix bun meih mbuo hiuv duqv nzengc zien leiz. Ninh gorngv nyei waac maiv zeiz ninh ganh hnamv cuotv daaih gorngv. Ninh kungx oix gorngv dongh ninh duqv haiz jiex nyei waac hnangv, yaac gorngv nqa’haav hingv oix cuotv daaih nyei sic mbuox meih mbuo.”

3. Yo^han 16:8 “Tengx Mienh Wuov Dauh daaih wuov zanc, ninh oix biux mengh baamh mienh hnamv dorngc taux zuiz nyei jauv, taux zoux horpc nyei jauv.”

4. Yiem 2 Ti^mo^tai 3:16,17 Ging-Sou se maiv zeiz kungx njaaux mienh hnangv, se mbenc Ziouv nyei gong-mienh zoux nyungc-nyungc kuv sic.

5. Ging-Sou nyei hatc maaz. Ging-Sou se benx Tin-Hungh nyei waac, yaac maaih hatc maaz. Ging-Sou njaaux mbuo, bun mbuo hiuv duqv oix zuqc hnangv haaix nor sienx, oix zuqc hnangv haaix nor zoux. Se hnangv hungh jaa nyei leiz-latc gunv jienv baeqc fingx wuov nor, bun baeqc fingx hiuv duqv oix zuqc hnangv haaix nor yiem. Mbuo maiv haih ei ganh nyei hnyouv hanc zoux, weic zuqc Ging-Sou njaaux liuz mbuo aqv. Se gorngv mbuo ei jienv Ging-Sou njaaux nyei leiz zoux nor, mbuo ziouc duqv njoux, yaac duqv Ziouv nyei fuqv camv haic. Mv baac se gorngv mbuo maiv muangx Ging-Sou nor, mbuo ziouc maiv

124


duqv zipv Tin-Hungh nyei fuqv aqv. Yiem Ging-Sou Tin-Hung bun mbuo hiuv nzengc Ziouv nyei za’eix mi’aqv. Mbuo maiv maaih ganh nyungc za’eix , Weic zuqc Tin-Hungh se dongh zeix maanc muotc wuov dauh Ziouv, nyungc-nyungc yaac gengh maaih yietc nyeic nyei. Ko^lo^si 1:15-18

IV. Mbuo Hnangv Haaix Nor Hiuv Duqv Ging-Sou Gengh Benx Tin-Hungh Nyei Waac? 1. Gan Ziouv douc waac nyei mienh gorngv nyei waac. Yiem Loz-Ngaengc Waac gorngv taux Ziouv Yesu nyei jauv, nyungc-nyungc cuotv daaih doix nzengc.

2. Ging-Sou juangc nyungc jauv fiev daaih. Naaiv buonv Ging-Sou longc ziangh hoc 1,600 hnyaangx fiev, maaih leih maiv go 40 dauh mienh fiev daaih, naaiv deix 40 dauh mienh, yietc dauh yiem yietc gitv lungh ndiev, yaac longh buo nyungc waac fiev daaih. Mv baac naaiv buonv Ging-Sou nyei waac yaac fiev mingh nduqc bung jauv hnangv.

3. Singx Lingh bun mienh bieqc hnyouv Ziouv nyei waac. Singx Lingh bun mienh bieqc hnyouv Ging-Sou, weic zuqc Singx Lingh dorh mienh fiev daaih, Singx Lingh yaac caux sienx kaux Ziouv Yesu wuov deix mienh yiem.

4. Yo^han 16:13-15 Singx Lingh hnoi-hnoi dorh mbuo, bun mbuo hiuv duqv mbuo oix zuqc hnangv haaix nor zoux.

5. 1 Ko^lin^to 2: 9-16 Dongh yiem hmuangx nyei mienh maiv haih bieqc hnyouv Singx Lingh nyei Gong. Sienx Ziouv nyei mienh mv baac maiv muangx Ziouv nyei waac corc baamz jienv zuiz mingh wuov deix mienh yaac dangv jienv Singx Lingh nyei gong.

Setv Mueiz Waac: Ging-Sou maiv zeiz yiem tin-dorngh bungx njiec daaih bun baamh mienh. Mv baac Singx Lingh dorh jienv mienh fiev daaih. 1 Bide 1:21 Maiv gunv baamh mienh fiev daaih mv baac benx Tin-Hungh nyei waac, nyungc-nyungc dongh Ging-Sou fiev jienv nyei jauv oix cuotv daaih doix nzengc.

4. Hoc Daauh: Tin-Hungh Nyei Jauv Ging-Sou: Yo^han 4:2424 Tin-Hungh se Singx Lingh. Zaangc Tin-Hungh nyei mienh oix zuqc longc Singx Lingh caux zien leiz zaangc."

Biux Mengh Waac: Singx Lingh eix-leiz mangc maiv buatc luo maiv zuqc nyei ga’naaiv, se hnangv nziaauc nor, mbuo buatc nziaaux buonc ga’naaiv dongz nyei mv baac mangc maiv buatc luo maiv zuqc.

125


Janx-kaeqv nyei waac gorngv, “Sienx Singx Ge Ling” (shén神

shì是

ge個

líng靈 ), eix-leiz se gorngv, “Tin-Hungh”

se “Doz” Doz nyei eix-leiz se gorngv haaix nyungc benx haaix nyungc.

I. Tin-Hungh se dongh zeix maanc muotc wuov dauh Ziouv1. Dongh maiv gaengh maaih lungh ndau wuov zanc. Naaiv baamh gen maiv maaih yietc deix mou zeiv, maiv gaengh maaih yietc nyungc ga’naaiv. Wuov zanc, Tin-Hungh yaac yiem nyei.

2. Tin-Deic Douh 1:1-2:3 Yiem naaiv douc Ging-sou gorngv jienv mengh nyei. Yie oix nzutv zunv gorngv nangv-nangv nor hnangv naaiv.

3. Dongh cor Tin-Hungh jiez gorn zeix lungh, zeix ndau wuov zanc, baam-gen maiv maaih haaix nyungc mou zeiv, yaac maiv maaih yietc nyungc ga’naaiv yiem. Wuom gu’ngaauc mapv-hmuangx nyei. Tin-Hungh nyei Singx Lingh yiem wuom gu’gaauc youh mingh youh daaih nyei.

4. Da’ yietv hnoi, Tin-Hungh gorngv, “Oix zuqc maaih njang cuotv daaih.” Njang ziouc cuotv daaih aqv. Tin-Hungh buatc njang se longx nyei, yaac zorqv njang caux hmuangx bun nqoi. Njang ninh heuc “ Lungh-hnoi zanc.” Hmuangx heuc “lungh muonz zanc.”

5. Da’nyeic hnoi, Tin-Hungh aengx gorngv, “Oix zuqc maaih nyungc zaaux jienv zorqv gu’ ngaauc nyei wuom caux ga’ ndiev nyei wuom bun nqoi.” Wuov nyungc ga’naaiv Tin-Hungh heuc “Lungh.”

6. Da’ faam hnoi, Tin-Hung aengx gorngv, “Lungh ndiev nyei wuom oix zuqc gapv jienv yiem zunv yietc norm dorngx bun ndau cuotv daaih.” Ziouc gengh hnangv naaic aqv. Maiv maaih wuom nyei dorngx Tin-Hung heuc “ Ndau.” wuom gapv zunv nyei dorngx heuc “Koiv.” Tin-Hung aengx gorngv, “Ndau-beih oix zuqc cuotv miev cuotv ndiangx, se cuotv maaih ngim nyei lai-miev caux ziangh biouv maaih ngim nyei ndiangx, yietc nyungc maaih yietc nyungc nyei buonv.” Ziouc za’gengh hnangv naaic aqv.

7. Da’ feix hnoi, Tin-Hungh gorngv, “Oix zuqc maaih njang yiem gu’ ngaauc lungh bun nqoi lungh hnoi zanc caux lungh muonz zanc, yaac zoux jangx-hoc biux mengh hnoi, hnyangx caux gueix. Naaiv deix njang oix zuqc yiem guh ngaauc ziux lungh ndiev njang.” Ziouc gengh maaih aqv. Hlo wuov norm gunv lungh-hnoi zanc, faix wuov norm gunv lungh-muonz zanc. Ziouv aengx zeix hleix cuotv daaih.

8. Da’ hmz hnoi, Tin-Hungh aengx gorngv, “wuom gu’ nyuoz oix zuqc cuotv maaih maengc nyei ga’naaiv hiaangx daaih buangv wuom-ndiev. Oix zuqc maaih norqc yiem ndaamh lungh ndaix mingh ndaix daaih ndau-beih guh ngaauc.” Tin-Hungh ziouc zeix cuotv yiem koiv hlo haic nyei domh mbiauz caux nyungc-nyungc yiem wuom maaih maengc nyei, haih dongz nyei, yietc guanh maaih yietc nyungc nyei buonv. Tin-Hungh yaac zeix cuotv nyungc-nyungc norqc yietc guanh maaih yietc nyungc nyei buonv. Tin-Hungh yaac buang waac bun naaiv deix yietc zungv oix zuqc hiaangx daaih.

9. Da’ luoqc hnoi, Tin-Hungh aengx gorngv, “Ndau beih oix zuqc cuotv nyungc-nyungc maaih maengc nyei ga’ naaiv, saeng-kuv hieh-zoih caux nyungc-nyungc nyorng ndau nyei ga’naaiv. Yietc nyungc maaih yietc nyungc nyei buonv.” Ziouc gengh hnangv naaic aqv. Nyungc-nyungc saeng-kuv caux nyungc-

126


nyungc nyorng ndau-beih nyei ga’ naaiv yietc nyungc maaih yietc nyungc nyei buonv. Tin-Hungh aengx gorngv, “Mbuo oix zuqc ziux mbuo nyei fangx zeiv zeix mienh daaih zuangv mbuo yaac hnangv mbuo nor, bun ninh mbuo gunv koiv gu’ nyuoz nyei mbiauz, yiem ndaamh lungh nyei norqc, nyungc-nyungc saeng-kuv, yaac gunv nyungc-nyungc nyorng ndau-beih nyei ga’ naaiv.” Tin-Hungh ziouc ziux ninh ganh nyei fangx zeiv zeix baamh mienh daaih, Ziouv zeix cuotv daaih benx m’ jang-dorn caux m’ sieqv dorn. Wuov dauh m’ jang-dorn nyei mbuox heuc Aa^ndam, wuov dauh m’sieqv dorn nyei mbuox heuc Haa^waa.

10. Da’ cietv hnoi, Tin-Hungh zoux ziangx ninh nyei gong, da’cietv hnoi ninh dingh gong hitv kuonx. Tin-Hungh ceix fuqv da’ cietv hnoi bun wuov norm hnoi benx cing-nzengc hnoi.

II. Tin-Hungh se benx Singx Lingh Fai Lingh Wuonh1. Yesu gorngv, “Tin-Hungh se Singx Lingh. Zaangc Tin-Hungh nyei mienh oix zuqc longc Singx Lingh caux zien leiz zaangc." (Yo^han 4:24). Singx Lingh fai Lingh Wuonh se mangc maiv buatc nyei ga’naaiv, mv baac maaih nyei. Se beiv hnangv nziaaux nor, mbuo mangc maiv buatc nziaaux mv baac mbuo sienx gorngv za’gengh maaih nziaaux nyei. Lingh Wuonh fai Singx Lingh nyei jauv se hnangv naaic aqv. Tin-Hungh se Singx Wuonh, maiv maaih haaix dauh buatc jiex Ziouv. Dongh wuov norm ziangh hoc Ziouv yiem gormx nzengc norm-norm dorngx. Ziouv maiv qiemx zuqc haaix nyungc ga’naaiv. Ninh maiv hnangv mbuo baamh mienh. Ziouv maiv qiemx zuqc nyanc hnaangx, lui-houx, maiv zuqc zoux liangx-ndeic, yaac maiv qiemx zuqc biauv yiem.

2. Hnangv naaic mbuo haih dorh Ziouv mingh beiv haaix nyungc? Dorh mingh beiv buoz-dauh longx haih nyei zangc nanv daaih nyei fangx fai? Mbuo maiv haih hnangv naaic nor zoux, weic zuqc maiv maaih haaix dauh buatc jiex Ziouv, yaac maiv horpc dorh Ziouv mingh beiv haaix nyungc. Baamh mienh maiv haih dorh naaiv baamh gen nyei ga’naaiv mingh beiv Tin-Hungh. Maaih deix Ging-Sou gorngv daaih hnangv jangx Tin-Hungh maaih sin hnangv baamh mienh nor. Weic zuqc Ging-Sou gorngv, Ziouv maaih m’ zing, maaih m’ normh, maaih buoz, maaih zaux, hnangv baamh mienh nor.

3. Ging-Sou longc waac hnangv naaiv se weic zuqc Ziouv caux baamh mienh gorngv, cingx daaih oix zuqc longc baamh mienh nyei waac, gorngv bun baamh mienh bieqc hnyouv. Ziouv Yesu biux mengh Tin-Hungh se hnangv haaix nor.

III. Tin-Hungh Se Yietc Liuz Yiem Yietc Liuz Maiv Goiv Yienc 1. Yiem Laauc yaangh 22:13 Yesu gorngv, “Yie zoux Aanfaa caux O^me^gaa, Daauh dauh caux Nqa’haav Laai Wuov Dauh, zoux gorn yaac zoux Setv Mueiz wuov dauh.”

2. Tin-Hungh se zoux Daauh dauh yaac zoux Nqa’haav Laai wuov dauh. Maiv maaih haaix dauh zeix Ziouv cuotv daaih. Yaac maiv maaih haaix nyungc daaih tiuv duqv Ziouv nyei za’eix.

127


3. Ziangh hoc, hnoi, hnyangx, cun, gueix, maiv haih gunv duqv Ziouv, weic zuqc Ziouv gunv nzengc nyungc-nyungc. Zinh ndaangc jiex daaih Ziouv hnangv haaix nor yiem, ih zanc Ziouv yaac hnangv wuov nor yiem, jiex mingh Ziouv yaac yietc liuz hnangv naaiv nor yiem, yietc liuz maiv haih goiv yienc.

IV. Tin-Hungh Se Cing-Nzengc Haic Nyei Ziouv1. Tin-Hungh se cing-nzengc haic. Se maiv zeiz Tin-Hungh maaih cing-nzengc hnangv, mv baac Tin-Hungh ganh dongh cing-nzengc jiex wuov dauh Ziouv. Cing-nzengc nyei jauv dunh yunh nzoih yiem Tin-Hungh.

2. Tin-Hungh se cing-nzengc haic. Hnangv naaic, Ziouv cingx daaih nzorng haic zuiz. Zuiz maiv haih caux Ziouv yiem, hnangv njang caux hmuangx maiv haih juangc jienv yietc norm dorngx yiem nor. Weic zuqc Tin-Hungh za’gengh cing-nzengc haic Ninh maiv maaih yietc deix zuiz. 3. Tin-Hungh hnangv haaix nor cing-nzengc? Yiem Ging-Sou maaih ziex norm dorngx gorngv taux Tin-Hungh se cing-nzengc haic. Maaih ziex nzunc mienh laaic duqv maiv hopv-diuv, maiv ndouv-zinh, maiv buov-in-mbiaatc, maiv buov-in, maiv-ceux, maiv hemx-mienh, maiv daix mienh, maiv daix saeng-kuv, maiv gorngv-baeqc, maiv mueic-jieqv mienh nyei jaa-dingh, se gorngv maiv zoux naaiv deix jauv nyei mienh nor, se cing-nzengc aqv. Naaiv se maiv ei Ging-Sou oix mbuo bieqc hnyouv nyei jauv.

4. Tin-Hungh cing-nzengc haic weic zuqc Ziouv maiv zoux dorngc jiex, yaac buangv nzengc njang-laangc. Hnangv naaic, Tin-Hungh hnyouv mun gau taux nyungc-nyungc zuiz. Ziouv maiv haih guangc baamh mienh nyei zuiz aqv, Ziouv oix dingc baamz zuiz wuov deix mienh. Hnangv naaic, mienh gengh maiv lamh kaux aqv, mv baac Ziouv hnamv haic lungh-ndiev maanc fingx mienh, cingx paaiv ninh nyei ndoqc Dorn, Ziouv Yesu njiec daaih njoux lungh-ndiev maanc fingx mienh.

5. Yiem Yo^han 3:16 gorngv, “Tin-Hungh ndongc naaic hnamv lungh-ndiev mienh, cingx zorqv ninh nyei ndoqc Dorn ceix bun mbuo. Haaix dauh sienx kaux Tin-Hunh nyei Dorn maiv zuqc mietc mv baac duqv yietc liuz nyei maengc.” Haaix dauh sienx kaux Ziouv Yesu nor, wuov dauh ziouc duqv njoux maiv zuqc dingh zuiz aqv.

V. Baamh Mienh Hnangv Haaix Nor Haih Hiuv Duqv Tin-Hungh?1. Ziouv Yesu biux mengh Tin-Hungh. Yiem Loz-Ngaengc Waac Tin-Hungh caux baamh mienh gorngv waac. Ziouv bun gan ninh douc waac nyei mienh, zunh taux ninh nyei jauv-louc bun zuangx mienh muangx. Mv baac Tin-Hungh biux mengh Ziouv ganh mengh jiex se dongh Ziouv Yesu. Hnangv naaic, dongh Ziouv Yesu yiem naaiv baamh gen wuov zanc, Ziouv Yesu zoux nyei jauv, caux Ziouv Yesu njaaux nyei leiz, gengh biux-mengh Tin-Hung gauh longx jiex (Hipv^lu 1:1-14, Yo^han 1:1-18, 14:8-10).

2. Ging-Sou biux mengh Tin-Hungh. Tin-Hungh longc Ging-Sou biux mengh ninh nyei za’eix bun baamh mienh hiuv. Ziouv longc leih maiv go 40 dauh mienh fiev Ging-Sou daaih, longc ziangh hoc fiev, leih maiv go 1,600 hnyangx nyei dorngx. Ziouv ginv deix mienh fiev douc baav jiex daaih nyei sic, maaih deix fiev cong-mengh nyei jauv, maaih deix fiev ceng Tin-Hungh nyei waac, maaih deix fiev pouh tong nyei jauv, maaih deix fiev Laauc Yaangh nyei jauv, maaih deix fiev taux sienx-fim nyei jauv, caux mbuo yiem

128


Tin-Hungh nyei nza’hmien mbuo oix zuqc hnangv haaix nor zoux. Ging-Sou bun buo hiuv taux Tin-Hungh nyei jauv-louc. Caux ninh nyei za’eix (2 Bide 1:19-21; Lomaa 16:25-27).

3. Yiem Tin-Hungh zeix nyei nyungc-nyungc ga’ naaiv biux mengh Ziouv. Yiem Tin-Hungh zeix daaih nyei nyungc-nyungc ga’ naaiv biux mengh Tin-Hungh. Liemh maiv gaengh doqc jiex Ging-Sou nyei mienh yaac buatc Tin-Hungh nyei hatc maaz (Singx Nzung 19:1-4; Lomaa 1:8-20).

4. Yiem jiex daaih nyei jauv-louc biux mengh Tin-Hungh. Tin-Hungh biux mengh ninh ganh yiem jiex daaih nyei sic, se hnangv I^yipv Deic-Bung, Mbaa^mbi^lon deic-Bung, caux Lomaa Deic-Bung wuov nor. Aengx caux Yiutai wuov fingx Mienh nyei jauv-louc, naaiv fingx mienh ninh mbuo mbenc ziangx zuov jienv zipv dongh oix daaih wuov dauh Njoux Ziouv. 5. Dongh Lomaa maaih hatc maaz gunv lungh-ndiev nyei ziangh hoc, maaih ziex nyungc gengh longx haic, weic zuqc jauv yaac longx, jiex mingh jiex daaih yaac za’gengh mbienc gau. Nzaangc nyei jauv tong haaix ndau yaac longc Gikc waac, hnangv naaic, naaiv za’gengh longx haic. dongh yiem naaic jiez gorn zunh Ziouv Yesu nyei kuv fienx jangv jienv cuotv mingh gormx naaiv lungh-ndiev (Singx Nzung 75:6, 7; Ndaa^ni^en 2:44).

6. Yiem baamh mienh nyei maengc biux mengh Tin-Hungh. Tin-Hungh longc baamh mienh biux mengh ninh ganh, Ziouv ziux ninh nyei fangx zeiv zeix baamh mienh daaih. Baamh mienh yaac maiv muangx Ziouv, kungx ei ganh nyei hnyouv hanc zoux hnangv. Mv baac baamh mienh nyei hnyouv corc haiz qiemx zuqc Tin-Hungh yaac haiz oix caux Tin-Hungh jiu tong. Hnangv naaic, mbuo ziouc hiuv duqv naaiv gengh Ziouv zeix baamh mienh daaih (Tin-Deic Douh 1:26, 27; Singx Nzung 139:13-16; Lomaa 2:14-15). 7. Ih zanc Ziouv yaac longc ziex nyungc za’ eix caux baamh mienh gorngv waac. Maaih deix Ziouv longc dauh baav mienh gorngv mbuox mbuo, maaih deix yiem Ziouv zeix daaih nyei ga’ naaiv biux mengh ninh ganh bun mbuo hiuv duqv ninh. maaih deix Ziouv longc Ging-Sou mbuox mbuo, maaih deix Ziouv longc Singx Lingh gorngv mbuox mbuo. Singx-Lingx caux sienx Ziouv wuov deix mienh yiem, fai caux Jiu-baang mienh yiem. Hnangv naaic, Tin-Hungh longc naaiv deix za’ eix caux muangx Ziouv nyei waac wuov deix mienh jiu tong (2 Ko^lin^to 3:17-18; Laauc Yaangh 2:29).

VI. Tin-Hungh Nyei Mbuox Fai Ziouv Nyei Mbuox 1. Yiem Loz-Ngaengc Waac longc nyei mbuox. “Ye^ho^waa ” Naaiv joux waac nyei eix-leiz se “Yietc liuz ziangh jienv wuov dauh Ziouv.”(Cuotv I^yipv 3:14-15; Maa^laa^ki 3:6). Naaiv norm mbuox bun mbuo buatc taux yietc liuz maiv goiv yienc wuov dauh Tin-Hungh.

2. Tin-Hungh caux I^saa^laa^en mienh laengz ziangx nyei Ngaengc Waac, Ziouv yaac gengh ziepc zuoqv nyei goux longx ninh laengz nyei Ngaengc Waac. Ye^ho^waa naaiv norm mbuox yiem Loz-Ngaengc Waac longc 7000 nzunc. Yiutai Mienh maiv gaamv gorngv Ye^ho^waa wuov norm mbuox. Se gorngv ninh mbuo doqc Ging-Sou yietv taux Ye^ho^waa wuov norm mbuox nor, ninh mbuo longc “ Njoux Ziouv.” wuov norm mbuox div. Weic zuqc Yiutai Mienh taaih haic Ye^ho^waa wuov norm mbuox, ninh

129


mbuo hiuv duqv Tin-Hungh cing-nzengc haic. Baamh mienh liemh maiv puix duqv gorngv Ziouv nyei mbuox.

3. “Ye^ho^waa E^lo^him ” Yiem Ging-Sou longc naaiv norm mbuox 2,500 nzunc. (naaiv norm mbuox se gorngv taux Zangc Diex, Dorn, Singx Lingh. Naaiv gengh bun mbuo buatc taux Ziouv za’gengh hlo haic.) Yiem Tin-Deic Douh 1:26 “Mbuo oix zuqc ” Naaiv joux waac bun mbuo hiuv duqv se gauh camv yietc dauh.

4. “ Ye^ho^waa Yi^le ” Eix-leiz se “Tin-Hungh ganh mbenc ziangx .” (Tin-Deic Douh 22:14 ).

5. “Ye^ho^waa Nitv-si ” Eix-leiz se “Tin-Hungh benx mbuo nyei geh. ” (Cuotv I^yipv 17:15 ).6. “ Ye^ho^waa Saa Lom ” Eix-leiz se “Tin-Hungh benx mbuo nyei baeng orn.” (Domh Jien 6:24 )

7. “ Ye^Ho^waa Si^ke^nu” Eix-leiz se “ Tin-Hungh benx mbuo nyei kuv sic.” ( Ye^le^mi 23:6, 33:16 )

8. “ Ye^ho^waa Loi ” Eix-leiz se “Tin-Hungh goux longx mbuo.” ( Singx Nzung 23:1 )

9. “Ye^ho^waa Sam^maa” Eix-leiz se “Tin-Hungh yiem naaic.” ( E^se^kien 48:35 )

10. “Ye^ho^waa Lo^fi ” Eix-leiz se “Tin-Hungh benx mbuo nyei ndie-sai.” (Tengx zorc longx baengc. Cuotv I^yipv 15:26).

11. “ Ye^ho^waa Saa^baaô ” Eix-leiz se “Nernh jiex wuov dauh Ziouv.” “Hungh zoix hungh, yaac maaih njang-laangc buangv nzengc wuov dauh Tin-Hungh, yaac maaih Fin-mienh weih gormx nzengc hungh dinc wuov dauh Ziouv.” (1 Saa^muên 1:3 4:4; 2 Saa^muên 6:2; I^saa^yaa 37:16; Ho^se^yaa 12: 4; )

12. “Aa^ndo^naai ” Eix-leiz se Njoux Ziouv. ( Tin-Deic Douh 15:2; Singx Nzung 2:4; I^saa^yaa 6:8, 11; Maa^laa^ki 1:14 ) cuotv liuz naaiv aengx maaih, Tin-Hungh zoux bun mbuo cing-nzengc. (Cuotv I^yipv 31:13 ) I^saa^laaên nyei Tin-Hungh. ( I^saa^yaa 17:6 ) I^saa^laaên cing-nzengc nyei Tin-Hungh. ( I^saa^laaên 1:4 )

VII. Yiem Siang-Ngaengc Waac Longc Nyei Mbuox1. Yiem hlang jiex wuov dauh Tin-Hungh. (Maako 5:7; Lugaa 1:32, 35, 37; Gong-Zoh. 7:48; 16:17; Hipv^lu 7:1 )

2. Nernh jiex wuov dauh Tin-Hungh. ( 2 Ko^lin^to 6:18; Laauc Yaangh 1:8; 4:8; 11:17; 15:3 16:7,14 ).

3. Zinh ndaangc yiem, ih zanc yiem, nqa’haav aengx daaih wuov dauh Tin-Hungh.

130


( Laauc Yaangh 1:4; 22:13 )

4. Aan-faa caux O-me-gaa. (Laauc Yaangh 1:8; 21:6; 22:13 )

5. Zoux gorn yaac zoux Setv mueiz. ( Laauc Yaangh 1:17; 2:8; 22:13 )

6. Zangc Diex. ( 1 Ko^lin^to 8:6; E^fe^so 3:14; Hipv^lu 12:9 Yaagorpc 1:17 )

7. Zangc-Diex, Dorm, Singx Lingh, se benx yietc dauh Tin-Hungh. Mbuo Baamh mienh za’gengh maiv haih bieqc hnyouv nzengc naaiv deix jauv. Se kungx maaih yietc dauh Tin-Hungh hnangv, maiv zeiz buo dauh. Yietc dauh Tin-Hungh se maaih Zangc Diex, Dorn, Singx Lingh. Naaiv benx yietc dauh Tin-Hungh hnangv maiv zeiz buo dauh. Yesu gorngv, “Yie caux yie nyei die benx yietc dauh hnangv.” (Yo^han 10:30).

8. Zangc Diex, Dorn, Singx Lingh, se benx yietc dauh Tin-Hungh hnangv, naaiv deix jauv biux mengh yiem Zangc Diex. Loz-Ngaengc Waac maiv nangc gorngv taux naaiv deix jauv ndongc haaix mengh. Yiem Loz-Ngaengc Waac wuov norm ziangh hoc gauh camv se njaaux taux kungx maaih nduqc dauh Tin-Hungh hnangv. Weic zuqc I^saa^laa^en mienh yiem zangc ganh nyungc zienh nyei mienh camv mbu’ndongx, wuov deix mienh yaac zangc ziex nyungc zienh camv gau. Hnangv naaic, gauh camv yiem Loz-Ngaengc Waac se kungx oix bun I^saa^laa^en mienh hiuv duqv maaih nduqc dauh Tin-Hungh hnangv. Wuov dauh Tin-Hungh nyei mbuox se heuc ”Ye^ho^waa wuov dauh Tin-Hungh.” ( Nzamc Leiz-Latc 6:4).9. Yiem Siang-Ngaengc Waac, yaac njaaux taux naaiv deix jauv gauh mengh. Mbuo yaac maiv dungx laaic duqv yiem Loz-Ngaengc Waac maaih nduqc dauh Tin-Hungh hnangv, mv baac yiem Siang-Ngaengc Waac bun nqoi daaih benx buo dauh Tin-Hungh. Zien-zien nor yiem gorn wuov zanc m’daaih maaih Zangc Diex Tin-Hungh, Singx Dorn caux Singx Lingh nyei. Tin-Hungh manc-manc bun mbuo hiuv naaiv deix jauv, gunv zoux gunv mengh jienv faaux. Yiem Loz-Ngaengc Waac naaiv deix jauv maiv gaengh mengh ndongc haaix, mv baac yiem Siang-Ngaengc Waac naaiv deix jauv gengh jienv haic, weic zuqc Tin-Hungh bun Ziouv Yesu njiec daaih cuotv seix benx baamh mienh. Hnangv naaic, baamh mienh oix zuqc hiuv taux naaiv deix jauv. 10. Yiem Siang-Ngaengc Waac bun mbuo bieqc hnyouv taux yietc dauh Tin-Hungh mv baac benx buo dauh nyei jauv louc, Mbuo aengx samx mangc taux Loz-Ngaengc Waac, mbuo buatc naaiv deix jauv yaac fiev jienv yiem Loz-Ngaengc Waac nyei. Yiem Loz-Ngaengc Waac fiev taux naaiv deix jauv se yiem Singx Nzung 33:6 Ziouv longc ninh nyei waac zeix cuotv lungh longc nzuih nyei qiex zeix cuotv mba’hnoi caux hlaax, hleix. (Yo^han 1:1-4, 14). (a) Maiv gaengh zeix lungh zeix ndau wuov zanc doz zungv yiem jienv nyei. (b) Doz yaac caux Tin-Hungh yiem.(c) Doz yaac dongh Tin-Hungh.(d) Tin-Hungh longc Doz zeix maanc muotc. (e) Doz zoux gorn-nyuonh bun nyungc-nyungc maaih maengc ziangh(f) Doz benx dauh baamh mienh. Hnangv naaic, Zangc Diex, Dorn, Singx Lingh yietc zungv se benx yietc dauh Tin-Hungh, naaiv deix jauv za’gengh mengh nyei, Tin-Hungh se benx doz-mienh.

131


11. Zangc Diex, Dorn, Singx Lingh se benx yietc dauh Tin-Hungh hnangv, naaiv deix jauv biux mengh yiem Dorn. Zangc Diex bun ninh nyei ndoqc Dorn Ziouv Yesu njiec daaih cuotv seix zipv baamh mienh nyei fangx zeiv yiem naaiv baamh gen. Zinh ndaangc Ziouv Yesu caux Zangc Diex yiem, hnangv naaic, Ziouv Yesu cingx daaih biux mengh Zangc Diex bun baamh mienh buatc.

12. Yo^han 1:1, “Doz caux Tin-Hungh yiem yaac dongh Tin-Hungh ganh.”

13. Yo^han 14:18-11 Haaix dauh duqv buatc Ziouv Yesu ziouc dorngx ninh duqv buatc Zangc Diex, weic zuqc Ziouv Yesu yiem Zangc Diex gu’nyuoz, Zangc Diex yiem Ziouv Yesu gu’nyuoz.

14. Dongh Ziouv Yesu yiem naaiv baamh gen wuov zanc Zangc Diex yiem jienv naaiv baamh gen, yaac yiem jienv wuov tin-dorngh nyei. Ziouv Yesu ganh gorngv, haaix dauh duqv buatc ninh se dorngx duqv buatc Zangc Diex mi’aqv. Ziouv Yesu aengx gorngv, Zangc Diex paaiv ninh daaih naaiv baamh gen. Hnangv naaic gengh aqc duqv bieqc hnyouv haic, Tin-Hungh benx Lingh wuonh yiem wuov tin-dongh, dongh wuov norm ziangh hoc yaac zipv baamh mienh nyei fangx zeiv yiem naaiv baamh gen. Ziouv Yesu porv mengh naaiv deix jauv hnangv naaiv, yiem tin-dorngh wuov dauh Tin-Hung se Zangc Diex, yiem naaiv baamh gen wuov dauh Tin-Hungh se Dorn. Zangc Diex yaac maiv zeiz Dorn, Dorn yaac maiv zeiz Zangc Diex, mv baac Zangc Diex caux Dorn benx yietc dauh Tin-Hungh hnangv ( Yo^han 5:18, 37, 8: 42; 10:30; 11:41; 14:9; 16:26-28 ).

VIII. Zangc Diex, Dorn, Singx Lingh, Se Benx Yietc dauh Tin-Hungh Hnangv.

1. Cuotv liuz Ziouv Yesu daaih cuotv seix yiem naaiv baamh gen nyei jauv, Ziouv Yesu zoux nyei gong biux mengh Zangc Diex, Dorn, Singx Lingh, yietc zungv se benx yietc dauh Tin-Hungh hnangv. Zangc Diex longc Singx Lingh nyei hatc maaz bun Dorn daaih cuotv seix yiem naaiv baamh gen. (Matv^taai 3:16-17; 12:28 Lugaa 4:18 Yo^han 3:34-35 ). 2. Dongh Ziouv Yesu maiv gaengh zuqc ding Ziepc nzangc jaax wuov zanc, Ziouv Yesu yaac porv mengh taux naaiv deix jauv bun Sai-gorx mbuo muangx. Ziouv Yesu gorngv, se gorngv ninh nzuonx mingh lorz Zangc Diex liuz, ninh oix bun Singx Lingh daaih caux Sai-gorx mbuo yiem. (Yo^han 14:16, 17, 26) 3. Sinx Lingh se maiv zeiz Zangc Diex, Singx Lingh yaac maiv zeiz Dorn. Zangc Diex, Dorn, Singx Lingh buo dauh yietc zungv se benx yietc dauh Tin-Hungh hnangv (Gong-Zoh 2: 32-33). Singx Lingh yiem naaiv baamh gen zoux gong div Zangc Diex, caux Dorn (Yo^han 15:26; 16:7-11; 14:18; 16:7; Lomaa 8:9). Maiv gunv haaix nyungc gong Zangc Diex, Dorn, caux Singx Lingh, yietc zungv juangc jienv gong zoux (Matv^taai 28:19-20; Yo^han 14:26; Gong-Zoh. 16-6-7; Gaa^laa^tie 4:6).

132


4.Yiem Siang-Ngaengc Waac njaaux taux Zangc Diex, Dorn, caux Singx Lingh buo dauh se benx yietc dauh Tin-Hunh. Yiem Siang-Ngaengc Waac nyei dauh dauh Giduc Mienh yaac bieqc hnyouv taux naaiv deix jauv longx nyei. Weic zuqc Zangc Diex bun ninh nyei Dorn Ziouv Yesu njiec daaih tengx baamh mienh duqv njoux, Singx Lingh yaac nqaapv jienv yienx yiem sienx Ziouv wuov deix mienh nyei hnyouv (E^fe^so 4:4-6; 5:18-20; 1Te^saa^lo^ni^gaa 1:3-5;1 Bide 1:2). Zangc Diex, Dorn, caux Singx Lingh, yietc zungv se benx yietc dauh Tin-Hungh hnangv, yietc zungv yaac juangc jienv gong zoux.

Naaiv norm fangx m’nziex haih tengx mbuo bieqc hnyouv mengh nyei mv bei.

133


Zangc Diex.Benx

Tin-Hungh.

Benx BenxDorn. Singx Lingh.

Zangc Diex maiv Zeiz Dorn, yaac maiv zeiz Singx Lingh. Dorn yaac maiv zeiz Zangc Diex maiv zeiz Singx Lingh. Singx Lingx yaac maiv zeiz Zangc Diex yaac maiv zeiz Dorn. Zangc Diex, Dorn, Singx Lingh naaiv deix buo dauh se benx yietc dauh Tin-Hungh hnangv.

Nyungc Zeiv Hnangv Jiex Mingh Naaiv Deix Jauv Nyei Nor: 1. Mba’hnoi. Mba’hnoi se maaih mba’hnoi nyei fangx, yaac maaih njang nyei, aengx nutc doqc nyei, mv baac se benx yietc norm mba’hnoi hnangv. Maiv zeiz buo norm mba’hnoi.

2. Jaux. Jaux se maaih jauv-kuqv, maaih jauv orv, yaac maaih jaux-mangh, mv baac se benx yietc norm jaux hnangv. Maiv zeiz buo norm jaux.

2.Yiem Siang-Ngaengc Waac bun mbuo buatc taux Zangc Diex, Dorn, Singx Lingh nyei jauv mengh nyei. Yiem Matv^taai 3:16-17 naaiv douc Ging-Sou bun mbuo buatc taux Tin-Hungh se maaih Zangc Diex, Dorn, Singx Lingh. Ging-Sou gorngv taux Ziouv Yesu (Dorn) jiex wuom nyei leiz, Singx Lingh njiec daaih hnangv baeqc gopv nor, yaac maaih qiex (Zangc Diex) yiem gu’nguaaic lungh gorngv waac “Naaiv se yie nyei Dorn-hnamv. Yie za’gengh a’hneiv haic ninh.” Yiem naaiv mbuo buatc duqv mengh haic. Yietc dauh Tin-Hungh hinc cuotv benx buo dauh, se maiv zeiz buo dauh Tin-Hungh hinc cuotv benx yietc.

Setv Mueiz Waac: Tin-Hungh se maaih ziex norm mbuox, yietc norm mbuox ganh maaih yietc nyungc eix-leiz. Tin-Hungh nyei mbuox se dongh loz-hnoi Ziouv nyei mienh duqv zipv Ziouv tengx ninh mbuo yiem haaix nyungc jauv, ninh mbuo ziouc cuotv mbuox bun Tin-Hungh ei jienv Tin-Hungh tengx ninh mbuo nyei jauv. Naaiv biux mengh taux ninh mbuo maiv la’kuqv Tin-Hungh nyei en-zingh dongh duqv tengx ninh mbuo jiex daaih nyei jauv wuov, mbuo yaac horpc zuqc hnangv ninh mbuo nor maaih en-zingh bun Tin-Hungh.

5. Hoc Daauh: Ziouv Yesu Nyei Jauv-LoucGing-Sou: Yo^han 14:8-14 “Filipv gorngv mbuox Yesu, "Ziouv aah! Tov meih bun yie mbuo buatc Zaangc Diex oc. Buatc liuz yie mbuo hnyouv nqaai aqv." 9 Yesu gorngv, "Filipv aah! Yie caux meih mbuo yiem lauh haic aqv. Meih corc maiv gaengh hiuv duqv yie fai? Haaix dauh buatc jiex yie se buatc jiex Zaangc Diex. Hnangv naaiv meih weic haaix diuc gorngv, 'Tov bun yie mbuo buatc Zaangc Diex?' 10 Meih maiv sienx yie yiem Zaangc Diex gu'nyuoz, Zaangc Diex yiem yie gu'nyuoz fai? Yie caux meih mbuo gorngv naaiv deix waac maiv zeiz yie ganh hnamv cuotv daaih gorngv. Zaangc Diex

134


yiem yie gu'nyuoz zoux ninh ganh nyei gong. 11 Meih mbuo oix zuqc sienx yie yiem Zaangc Diex gu'nyuoz, Zaangc Diex yaac yiem yie gu'nyuoz. Maiv zei aeqv, oix zuqc weic yie zoux nyei sic sienx. 12 Yie gorngv zien mbuox meih mbuo, haaix dauh sienx kaux yie, wuov dauh oix zoux hnangv yie zoux nor. Ninh zoux nyei sic zungv oix zoux gauh hlo jiex yie nyei, weic zuqc yie mingh Zaangc Diex wuov. 13 Meih mbuo dengv yie nyei mbuox tov haaix nyungc, yie zungv oix zoux wuov nyungc. Hnangv naaiv, Zaangc Diex weic ninh nyei dorn duqv mienh taaih. 14 Se gorngv meih mbuo dengv yie nyei mbuox tov haaix nyungc, yie zungv oix zoux wuov nyungc.”

Biux Mengh Waac: Yesu se benx Tin-Hungh njiec baamh gen cuotv seix benx baamh mienh, maaih orv maaih nziaamv hnangv mbuo nor, daaih daic weic mbuo nyei zuiz. Yesu ganh se maiv maaih zuiz, mv baac Ninh daaih daic diqv mbuo zuiz-mienh. Yiem Lomaa 5: 6-10 gorngv, “Dongh mbuo maiv maaih qaqv tengx duqv mbuo ganh wuov zanc, Giduc ei Tin-Hungh dingc daaih nyei ziangh hoc weic zuiz-mienh daic. 7 Weic gan leiz-latc muonc nyei mienh daic se aqc nyei. Weic kuv mienh daic nziex haih maaih dauh baav gaamv daic mv bei. 8 Mv baac Tin-Hungh bun cing ninh ndongc haaix hnamv mbuo. Dongh mbuo corc zoux zuiz-mienh nyei ziangh hoc Giduc weic mbuo daic. 9 Ih zanc mbuo kaux Giduc nyei nziaamv ziouc duqv caux Tin-Hungh horpc hnyouv. Hnangv naaic, Giduc yietc zei oix njoux mbuo, maiv bun Tin-Hungh nouz. 10 Mbuo corc zoux Tin-Hungh nyei win-wangv wuov zanc, Tin-Hungh nyei Dorn daic mingh bun mbuo caux Tin-Hungh horpc hnyouv. Ih zanc mbuo caux Tin-Hungh horpc hnyouv, ninh nyei Dorn nangh daaih ziangh jienv ziouc yietc zei oix njoux mbuo.

I. Ziouv Yesu Nyei mbuox Caux Eix-Leiz1. “Yesu.” Naaiv norm mbuox se benx Gikc waac, eix-leiz se gorngv “Njoux Ziouv” “Yo^su^waa.“ Ei Hipv^lu waac nyei eix-leiz se gorngv “tengx mienh duqv njoux” wuov dauh (Matv^taai 1:21 ). Yiem Loz-Ngaengc Waac wuov dauh Yo-su-waa nyei mbuox caux ninh zoux nyei jauv yietc zungv se benx Yesu nyei “Dongh-linh.” Nuqv taux Ziouv Yesu. Yiem Loz-Ngaengc Waac wuov dauh Yo-su-waa ninh dorh I^saa^laa^en mienh mingh taux Ziouv laengz bun nyei Deic-Bung. Mv baac Ziouv Yesu dorh Baamh mienh mingh taux yietc liuz yiem nyei dorngx (Tin-Dorngh).

2. “Giduc.” Naaiv norm mbuox se yiem Gikc Waac daaih, eix-leiz se gorngv “Orn Daaih Wuov Dauh” yiem Hipv^lu Waac se heuc “Me^si^yaa.” eix-leiz yaac fih hnangv nyei gorngv “Orn Daaih” wuov dauh.

3.“Baamh mienh nyei Dorn.” Ziouv Yesu cuotv seix daaih zipv baamh mienh nyei fangx zeiv. Ziouv yaac za’gengh benx baamh mienh. Yiem naaiv deix biei buonv kuv fienx sou longc naaiv joux waac 55 nzunc.

4.“ Tin-Hungh nyei ndoqc Dorn.” Yiutai Mienh bieqc hnyouv naaiv joux waac gauh longx mbuo. Weic zuqc ei Yiutai mienh nyei leiz se gorngv haaix dauh gorngv ninh se benx dae nyei dorn nor, wuov dauh mienh yaac za’gengh longc jienv ndongc dae aqv. Laaix hnangv naaiv Yiutai Mienh cingx daaih oix longc la’beiv zong Ziouv Yesu, yaac oix daix Ziouv Yesu, weic zuqc Ziouv gorngv Ninh se benx Tin-Hungh nyei Dorn. Yiem Yo^han10:31-33 gorngv Ziouv Yesu se benx Zangc Diex nyei ndoqc Dorn, yaac heuc Zangc Diex zoux Dae. Yiem Matv^taai 11:27 “Aa Dae zorqv nyungc-nyungc jiu bun yie.” Yiem Yo^han 5:18 Ziouv Yesu gorngv Tin-Hungh zoux ninh nyei Dae. Yiem Yo^han 5:23 Haaix dauh taaih Dorn yaac taaih Zangc Diex. Yiem Yo^han 10:30 Ziouv Yesu caux Zangc Diex se benx yietc dauh hnangv.

135


II. Ziouv Yesu Yietc Liuz Ziangh Jienv1. Ziouv Yesu se yietc liuz yiem, dongh maiv gaengh zeix lungh zeix ndau wuov zanc Ziouv Yesu yiem nyei, ih zanc Ziouv Yesu yaac yiem nyei, jiex mingh Ziouv Yesu yaac yietc liuz yiem. Ging-Sou hnangv naaiv nor gorngv (Yo^han 1:1-3). Dongh maiv gaengh zeix lungh zeix ndau wuov zanc Doz zungv yiem jienv nyei. Doz caux Tin-Hungh yiem yaac dongh Tin-Hungh. Zinh ndaangc yiem gorn wuov zanc, Doz caux Tin-Hungh yiem.

2. Yiem Fi^lipv^poi 2:6 gorngv Ziouv Yesu maaih Tin-Hungh nyei fiem-fingx. Ziouv Yesu caux Tin-Hungh fih hnangv nyei.

3. Yiem Ko^lo^si 1:17 gorngv Ziouv Yesu yiem ndaangc maanc muotc, ga’naaiv bangc Ziouv Yesu maaih yietv-nyeic. Yiem Hipv^lu 1:1-3 gorngv, nqa’haav yiem tin-dorngh Ziouv Yesu aengx zueiz jienv Tin-Hungh nyei mbiaauc maengx bung.

III. Yiem Loz-Ngaengc Waac Gorngv Taux Ziouv Yesu Oix Daaih Nyei Jauv 1. Gengh peix fuc haic yiem Loz-Ngaengc Waac gorngv taux Ziouv Yesu oix daaih nyei jauv.

2. Beiv mangc Loz-Ngaengc Waac caux Siang-Ngaengc Waac gorngv taux Ziouv Yesu nyei jauv hnangv naaiv. 3. Aengx maaih deix gorngv Yosepv ndortv njiec aiv jiex nyei dorngx, nqa’haav aengx yiem dongh mienh taaih ceng nyei dorngx. ( Tin-Deic Douh 37:27; 41:41 ) Aengx maaih Apc^laa^ham dorh ninh nyei dorn mingh ziec bun Tin-Hungh. (Tin-Deic Douh 22 ) naaiv yaac benx nyungc zeiv nuqv taux Ziouv Yesu.

IV. Ziouv Yesu Daaih Cuotv Seix Benx Baamh Mienh1. Ziouv Yesu daaih cuotv seix yiem naaiv baamh gen benx dauh baamh mienh, maiv daan njoux lungh ndiev maanc mienh hnangv, Ziouv Yesu yaac biux mengh bun baamh mienh hiuv duqv Tin-Hungh se hnangv haaix nor. Se gorngv haaix dauh biux mengh duqv Tin-Hungh mengh jiex nor, wuov dauh oix zuqc caux Tin-Hungh yiem jiex cingx daaih haih biux mengh duqv Zangc Diex mengh jiex. Ziouv Yesu yaac haih biux mengh Tin-Hungh gauh mengh jiex, weic zuqc Ziouv Yesu caux Tin-Hungh yiem jiex cingx daaih haih biux mengh duqv Tin-Hungh se hnangv haaix nor. (Yo^han 1:1, 18; 3:13; 12:41; 1 Ko^lin^to 10:4)

2. Dongh Ziouv Yesu maiv gaengh daaih cuotv seix yiem naaiv baamh gen wuov zanc, Ziouv Yesu ganh se benx Tin-Hungh. Yiem Ziouv Yesu daaih cuotv seix yiem naaiv baamh gen liuz ninh ziouc maaih baamh mienh nyei fangx zeiv hnangv baamh mienh nor. (Yo^han 1:14; Hipv^lu 1:3).

136


3. Ziouv Yesu benx Tin-Hungh maiv maaih jiez gorn nyei dorngx, Ziouv Yesu daaih cuotv seix benx baamh mienh wuov zanc, Ziouv Yesu cuotv seix yiem Mbetc^le^hem wuov norm laangz. (Yo^han 1:14; Gaa^laa^tie 4:4; 1 Ti^mo^tai 3:16; 1 Yo^han 1:1-4). 4. Singx Lingh nyei hatc maaz bun dauh maiv gaengh nziaauc jiex dorn nyei sieqv-dorn-yaang, mbuox heuc Maa^li^yaa yungz Ziouv Yesu. (Lugaa 1:27, 31,35).

5. Ziouv Yesu maaih Tin-Hungh nyei fiem-fingx. Ninh yaac caux Tin-Hungh fih hnangv nyei. Ninh guangc jienv njang-laangc njiec daaih zipv nouh nyei fiem-fingx, benx dauh baamh mienh. (Fi^lipv^poi 2:5-8)

6. Ziouv Yesu maiv zeiz zuiz-mienh, mv baac ninh zipv zuiz-mienh nyei fangx zeiv, ninh yaac maaih sin, maaih hnyouv hnangv baamh mienh nor. Ziouv Yesu daaih weic tengx baamh mienh duqv njoux, maiv zuqc dingc zuiz. (Lomaa 8:3; 2 Ko^lin^to 5:21, Hipv^lu 2:14-15 ).

V. Ziouv Yesu Buangv Nzengc Tin-Hungh Buangv Nzengc Baamh Mienh1. Ziouv Yesu gengh benx baamh mienh dunh-yunh nzengc. Ziouv Yesu gengh benx baamh mienh. Weic zuqc Ziouv Yesu haih hnyouv sie, yaac haih jaang nqaatv, yaac haih kouv hnangv baamh mienh nor (Matv^taai 21:18; Yo^han 3:6; 19:28 ). Ziouv Yesu yaac hiuv duqv kouv nyei jauv, youh-nzauh nyei jauv, maaih baengh orn nyei jauv, maaih korh lienh mienh nyei hnyouv, yaac maaih ga’qiex, qiex jiez nyei (Maako 3:5; 6:6; 8:2; 10:14; Lugaa 7:9 ). Dongh Ziouv Yesu a’lamh deix zuqc ding yiem ziepc zangc jaax wuov zanc, Ziouv Yesu yaac gengh haiz gamh-nziex yaac kuonx hnyouv haic (Maako 14:32-41; Lugaa 12:50; Yo^han 12:27).

2. Ziouv Yesu hnangv baamh mienh nor. Ziouv Yesu gengh benx baamh mienh, yaac hnangv baamh mienh nor, weic zuqca. Ziouv Yesu cuotv seix daaih benx guh nguaaz.b. Oix zuqc maaih domh mienh dorh ninh.c. Ziouv Yesu oix zuqc hnangv mienh nor zoux gong.d. Sin caux cong-mengh.e. Ziouv Yesu kouv qiemx zuqc hitv kuonx.f. Ziouv Yesu hnyouv sie hnangv baamh mienh nor.g. Ziouv Yesu hnangv baamh mienh nor nzauh.

3. Zouv Yesu maiv maaih zuiz. Ziouv Yesu zatv jienv ganh nyei hnyouv, maiv muangx Saadaan nduov ninh (Matv^taai 4:1-11). Ziouv Yesu ninh maiv zoux haaix nyungc dorngc jiex, yaac hingh jiex seix hnyouv nyei jauv (Hipv^lu 4:15). Dongh caux Ziouv Yesu yiem nyei mienh hiuv duqv Ziouv Yesu gauh longx jiex. Weic zuqc ninh mbuo duqv haiz Ziouv Yesu njaaux nyei jauv yaac buatc Ziouv Yesu hnoi-hnoi zoux nyei sic. Ninh mbuo yaac haih gaamv duqv gorngv, Ziouv Yesu maiv zoux haaix nyungc dorngc jiex. Liemh nzorng Ziouv Yesu wuov deix mienh yaac maiv haih gorngv, Ziouv Yesu zoux dorngc haaix nyungc (Yo^han 8:46; Matv^taai 27:3-4).

137


(a) Ziouv Yesu hingh jiex seix hnyouv nyei nyungc-nyungc jauv. Ziouv Yesu siouc kouv ziex nyungc, mv baac Ziouv Yesu zanc-zanc ei jienv Zangc Diex nyei eix zoux.

(b) Ziouv Yesu maiv daan tengx mienh duqv njoux hnangv, Ziouv Yesu yaac bieqc hnyouv baamh mienh mau nyei dorngx. Ziouv Yesu yaac tipv qaqv bun mbuo hingh jiex Saadaan, yaac maaih qaqv hingh jiex nyungc-nyungc sic. (c) Dauh dauh mienh zoux zuiz yaac benx zuiz nyei nouh. Hnangv naaic, se gorngv Ziouv Yesu zoux zuiz nor, Ziouv yaac caux mbuo dauh dauh baamh mienh fih hnangv nyei, maiv pioux yietc deix. Ziouv Yesu maiv haih zuoqc baamh mienh yiem zuiz cuotv daaih aqv.

(d) Dongh haih tengx duqv baamh mienh wuov dauh, oix zuqc gengh benx baamh mienh, yaac maiv zoux jiex haaix nyungc zuiz. Yiem Ging-Sou mbuox jienv mengh nyei, Ziouv Yesu maiv maaih zuiz. (e) Ziouv Yesu maiv zoux jiex zuiz, naaiv joux waac nyei eix-leiz se maiv zeiz Ziouv Yesu maiv buangh jiex seix hnyouv nyei jauv. Ziouv Yesu buangh seix hnyouv nyei jauv camv nyei, mv baac Ziouv Yesu ngaengc jienv seix hnyouv nyei sic. Se gorngv Ziouv Yesu mau yaac zoux dorngc nor, Ziouv Yesu benx mienv nyei nouh mi’aqv (Hipv^lu 4:15).

VI. Ziouv Yesu gengh benx Tin-Hungh dunh-yunh nzengc1. Maiv gunv Ziouv Yesu benx baamh mienh dunh-yunh nzengc, mv baac Ziouv Yesu yaac gengh benx Tin-Hungh dunh-yunh nzengc (Ko^lo^si 1:19; 2:9; Tidatc 2:13). Dongh wuov norm ziangh hoc Ziouv Yesu benx Tin-Hungh dunh-yunh nzengc yaac benx baamh mienh dunh-yunh nzengc. Naaiv deix i nyungc zanx yiem Ziouv Yesu, maiv haih bun nqoi. Baamh mienh nyei fangx zeiv yaac maiv haih dangv duqv zuqc dongh benx Tin-Hungh nyei gong-buonc.

2. Ziouv Yesu za’gengh benx Tin-Hungh, weic zuqc,

(a)Tin-Hungh longc Yesu zeix maanc muotc daaih, nyungc-nyungc yaac bangc Ziouv Yesu maaih yietc nyeic (Ko^lo^si 1:16-17; Hipv^lu 1:2-3 ).

(b) Ziouv Yesu ganh dongh ziangh maengc nyei gorn-nyuonh (Lugaa 7:22; Yo^han 5:21, 26; 8:51; 10:10, 28).

(c) Ziouv Yesu maaih hatc maaz guangc duqv baamh mienh nyei zuiz (Maako 2:5, 7, 10; 2 Ko^lin^to 5:19 ).

(d) Ziouv Yesu se dongh siemv baamh mienh nyei zuiz wuov dauh Ziouv (Matv^taai 13:41-43; 25:31-32; 2 Ko^lin^to 5:10).

(e) Ziouv Yesu hiuv nzengc nyungc-nyungc jauv (Yo^han 6:64;11:14; 18:4 )

138


(f) Ziouv Yesu bun yietc liuz nyei maengc baamh mienh (Matv^taai 11:28-30; Yo^han 4:14; 6:35; 11:25 )

(g) Ziouv Yesu yaac puix duqv baamh mienh ceng wuov dauh Ziouv (Matv^taai 2:11; Yo^han 5:23; 9:38). Ziouv Yesu benx Tin-Hungh yaac caux Zangc Diex fih hnangv nyei (Yo^han 10:30).

(i) Ziouv Yesu caux Zangc Diex juangc maengc ziangh. Ziouv Yesu gorngv, haaix dauh buatc ninh yaac dorngx duqv buatc Zangc Diex aqv. Haaix dauh zipv Ziouv Yesu yaac zipv Zangc Diex. Haaix dauh maiv zipv Ziouv Yesu nor, wuov dauh yaac maiv zipv Zangc Diex.

(j) Maaih deix mbuo buatc Ziouv Yesu cuotv seix daaih benx baamh mienh, zoux bun mbuo la’kuqv mingh Ziouv Yesu yiem haaix daaih yaac oix mingh haaix. Mbuo lomh nzoih daaih hnamv mangc gaax weic haaix diuc Yiutai Mienh nzorng haic Ziouv Yesu. Ziouv Yesu kungx zoux longx tengx mienh hnangv, mv baac ninh mbuo yaac nzorng gau Ziouv Yesu. Se weic zuqc Ziouv Yesu gorngv ninh ganh se benx Tin-Hungh (Yo^han 5:23; 6: 38-52; 18:36, 37).

Nzutv zunv Waac: Ziouv Yesu gengh benx baamh mienh dunh-yunh nzengc yaac gengh benx Tin-Hungh dunh yunh nzengc (Maako 4:35-41). Yiem naaiv douc Ging-Sou mbuo buatc Ziouv Yesu bueix jienv wuov nzangv m’njormh, dongh borngz domh nziaaux daaih wuov zanc. Ninh nyei sai-gorx heuc ninh jiez sin daaih hatc nziaaux, nziaaux yaac muangx ninh. Hnangv naaic dongh Ziouv Yesu za’gengh benx mienh nyei se dongh Ziouv Yesu haih kouv bueix jienv wuov m’njormh. Mbuo yaac buatc Ziouv Yesu za’gengh benx Tin-Hungh se dongh Ziouv Yesu longc hatc maaz hatc wuom caux nziaaux, wuom laangc caux nziaaux yaac muangx ninh.

6. Hoc Daauh: Ziouv Yesu Nyei Njaaux Muonh JauvGing-Sou: Matv^taai 5:1-12 “Yesu buatc mienh ndongc naaic camv, ninh ziouc faaux norm mbong mingh zueiz jienv. Ninh nyei sai-gorx mbuo yaac daaih yiem zunv. 2 Yesu ziouc jiez gorn njaaux ninh mbuo. Ninh gorngv, 3 "Ganh hiuv duqv ganh qiemx zuqc Tin-Hungh wuov deix, maaih njien-youh aqv, weic zuqc maaih Tin-Hungh zoux Ziouv gunv ninh mbuo. 4 Maaih you-nzauh wuov deix, maaih njien-youh aqv, weic zuqc Tin-Hungh oix tengx jaiv you-nzauh. 5 Hnyouv suonc wuov deix, maaih njien-youh aqv, weic zuqc Tin-Hungh laengz bun nyei, ninh mbuo oix duqv zipv nzengc. 6 Ngorc oix zoux horpc Tin-Hungh nyei hnyouv wuov deix, maaih njien-youh aqv, weic zuqc Tin-Hungh oix bun ninh mbuo duqv buangv eix. 7 Korv-lienh mienh wuov deix, maaih njien-youh aqv, weic zuqc Tin-Hungh oix korv-lienh ninh mbuo. 8 Maaih cing-nzengc nyei hnyouv wuov deix, maaih njien-youh aqv, weic zuqc ninh mbuo oix duqv buatc Tin-Hungh. 9 Kuinx i bung mienh horpc hnyouv daaih maaih baengh orn wuov deix, maaih njien-youh aqv, weic zuqc Tin-Hungh oix nyiemc ninh mbuo zoux ninh nyei naamh nyouz. 10 Weic zoux ei Tin-Hungh nyei eix zuqc mienh zoux doqc wuov deix, maaih njien-youh aqv, weic zuqc maaih Tin-Hungh zoux ninh mbuo nyei Ziouv gunv ninh mbuo. 11 "Meih mbuo weic yie zuqc mienh gorngv doqc, zoux doqc, zuqc mienh gorngv nyungc-nyungc waaic nyei jauv, meih mbuo ziouc maaih njien-youh aqv. 12 Oix zuqc njien-youh a'hneiv weic zuqc yiem wuov tin-dorngh maaih domh zingh nyeic oix bun meih mbuo. Zinh ndaangc douc waac mienh fih hnangv nyei zuqc mienh zoux doqc.

139


Biux Mengh Waac: Naaiv ginc hoqc nyei jauv se oix hoqc taux Ziouv Yesu nyei njaaux muonh jauv hnangv haaix nor. Ziouv Yesu gorngv dongh hiuv duqv ganh qiemx zuqc Tin-Hungh nyei mienh wuov deix maaih njien-youh aqv, eix-leiz se dongh zieqv duqv ganh se benx zuiz-mienh nyei mienh daaih lorz Tin-Hungh wuov deix se duqv Tin-Hungh guangc ninh mbuo nyei zuiz, ziouc duqv caux Tin-Hungh horpc hnyouv, maiv zuqc Tin-Hungh dingc zuiz nyei mienh se maaih njien-youh aqv.

I. Ziouv Yesu Njaaux Nyei Jauv Caux Ziouv Yesu Zoux Nyei Sic1. Ziouv Yesu njaaux nyei jauv. Yiem naaiv deix 4 buonv kuv fienx sou gorngv taux Ziouv Yesu njaaux nyei jauv-louc se maaih 50 nyungc nyei dorngx. Ziouv Yesu yiem mbong njaaux nyei jauv, waac-beiv lo haaix mingh taux Ziouv Yesu daic mingh aengx panh nangh daaih.

2. Ziouv Yesu zoux nyei gong. Ziouv Yesu kungx zoux kuv sic hnangv, Ziouv tengx zorc m’normh ndung mienh longx daaih, zorc maiv haih gorngv waac nyei mienh haih gorngv waac, zorc jaaiv jutv mienh longx daaih, zorc butv baengc- mbai mienh, butv baengc-hlutv mienh, m’zing maengh mienh, butv gomh huv baengc mienh longx daaih. Ninh bun daic mingh nyei mienh nangh daaih. Ziouv Yesu tengx mienh zorc ziex nyungc baengc longx nzengc. Ziouv Yesu zoux ziex nyungc peix fuc haic nyei sic. Ninh zoux naaiv deix nyungc-nyungc kuv sic, weic bun mienh hiuv duqv Tin-Hungh paaiv ninh daaih. Yo^han 6:14 “Zuangx mienh buatc Yesu zoux naaiv nyungc mbuoqc horngh nyei sic, ninh mbuo gorngv, ‘Naaiv se oix daaih taux baamh gen wuov dauh Douc Waac Mienh aqv. ”

3. Yiem Yo^han 10:32 “Yie ei yie nyei Dae paaiv yie zoux kuv siec camv nyei bun meih mbuo buatc.” Yiem Yo^han 11:42 “Yie hiuv duqv Dae haaix zanc yaac muangx yie.” Yo^han 14:10 “Yie yiem Zangc Diex gu’nyuoz, Zangc Diex yiem yie gu’nyuoz.”

II. Ziouv Yesu Yiem Ziepc Nzaangc Jaax Zuqc Ding Daic1. Ziouv Yesu daaih cuotv seix benx baamh mienh, caux Ziouv Yesu zoux nyei kuv sic, mbuoqc naaiv corc maiv gaengh gaux tengx lungh ndiev maanc mienh duqv njoux. Se gorngv oix tengx lungh ndiev maanc fingx mienh duqv njoux nor, kungx maaih nduqc nyungc za’eix haih tengx duqv hnangv, wuov nyungc za’eix se Ziouv Yesu oix zuqc yiem ziepc zaangc jaax ndaam lungh ndiev maanc fingx mienh nyei zuiz daic cingx daaih haih tengx baamh mienh duqv njoux.

2. Zangc Diex paaiv Ziouv Yesu daaih weic tengx lungh ndiev maanc fingx mienh duqv njoux. Oix zuqc longc Ziouv Yesu nyei maengc ziec bun Tin-Hungh weic tengx saax baamh mienh nyei uix fai zuiz. Ziouv Yesu maiv zoux haaix nyungc dorngc jiex, Ziouv Yesu nyei maengc cing-nzengc haic, puix duqv dox ziec bun Tin-Hungh weic tengx lungh ndiev maanc mienh saax uix fai fiqv zuiz. Ziouv Yesu ei jienv Zangc Diex nyei za’eix tengx baamh mienh duqv njoux (Yo^han 4:34; 6:38, 51, 8:29; 12:27 Lomaa 5:19; Hipv^lu 10:5-10 ).

140


3. Ziouv Yesu liepc dingc hnyouv ei jienv Zangc Diex nyei eix zoux. Ziouv Yesu hiuv duqv ninh oix zuqc yiem ziepc nzangc jaax zuqc ding daic. Ziouv Yesu ei jienv Loz-Ngaengc Waac gorngv ndaangc nyei jauv zoux ziangx.

4. Zouv Yesu hiuv duqv ninh oix zuqc buangh haaix nyungc sic, hnangv naaic, gengh haiz kuonx hnyouv haic. Se gorngv Ziouv Yesu oix ei jienv Zangc Diex nyei eix zoux nor, Ninh maiv haih simv duqv cuotv naaiv kang jauv. Mbuo buatc Ziouv Yesu laengz yiem ziepc nzangc jaax siouc kouv taux daic, weic njoux lungh ndiev maanc fingx mienh.

5. Se gorngv Ziouv Yesu maiv yiem ziepc zaangc jaax zuqc ding daic nor, maiv maaih ganh nyungc za’eix haih tengx lungh ndiev maanc fingx mienh duqv njoux aqv. Ziouv longc ninh nyei maengc zuoqc baamh mienh yiem zuiz cuotv daaih, bun ninh mbuo duqv yietc liuz nyei maengc.

6. Maiv gunv maaih mienh zoux doqc, zoux hoic Ziouv Yesu, mv baac naaiv se benx Zangc Diex nyei za’eix bun Ziouv Yesu ndaam lungh ndiev maanc fingx mienh nyei zuiz. Dongh mbuo baamh mienh oix zuqc yiem deic nyuoqc zuqc siouc nyei kouv naanc, Ziouv Yesu laengz tengx mbuo ndaam nzengc mi’aqv. Weic bun mbuo baamh mienh caux Zangc Diex duqv horpc hnyouv (Lomaa 3:35; Ko^lo^si 1:20).

7. Ziouv Yesu yiem ziepc–nzaangc jaax zuqc ding daic yietc nzunc hnangv, zuoqc baamh mienh yietc yiem zuiz cuotv daaih nyei gong ziouc dunh yunh nzengc mi’aqv. Ziouv Yesu ganh daic div baamh mienh nyei zuiz . Hnangv naaic, baamh mienh kungx oix zuqc longc sienx fim zipv Ziouv Yesu benx ninh mbuo ganh nyei njoux Ziouv. Ninh ziouc maiv zuqc mietc, mv baac duqv yietc liuz nyei maengc aqv.

III. Ziouv Yesu Aengx Panh Nangh Daaih Nyei Jauv1. Ziouv Yesu zuqc ding daic se maiv zeiz weic ninh zoux dorngc. Ziouv Yesu maiv maaih zuiz, hnangv naaic zuiz nyei qaqv caux daic nyei aqv maiv haih gunv duqv Ninh. Ziouv Yesu daic mingh buo hnoi aengx nangh daaih. Ziouv Yesu hingh jiex zuiz nyei qaqv caux daic nyei qaqv mi’aqv. Naaiv bun cing Ziouv Yesu zoux ziangh maengc Ziouv, yaac zoux cing nzengc Ziouv, hingh jiex zuiz wuov dauh (Gong-Zoh 2:24; Lomaa 4:25; 1 Ko^lin^to 15:3-4).

2. Se gorngv Ziouv Yesu daic mingh maiv nangh daaih nor, ninh hnangv haaix nor haih tengx baamh mienh? Baamh mienh corc yiem jienv zuiz gu’nyuoz. Ziouv Yesu daic div ninh mbuo, Ziouv daic mingh aengx nangh daaih, ninh hingh jiex Saadaan, hingh jiex daic nyei qaqv caux zuiz nyei qaqv mi’aqv. Hnangv naaic, zuangx Giduc mienh kaux Ziouv Yesu hingh jiex zuiz, aengx maaih hnoi mbuo yaac hingh jiex daic nyei qaqv hnangv Ziouv Yesu nor (Lomaa 6:4-5, 8:29-30; 1 Ko^lin^to 15:17). 3. Ih zanc Ziouv Yesu yiem wuov tin-dorngh (E^fe^so 1:20-21; 1 Bide 3:22). Ziouv Yesu tengx sienx ninh wuov deix mienh. Ziouv Yesu goux jienv sienx ninh wuov deix mienh. Ninh yaac weic mbuo tov Zangc Diex div mbuo. Ziouv Yesu hnangv haaix nor nangh daaih, taux Ziouv Yesu daaih da’nyeic nzunc, sienx ninh wuov deix mienh yaac hnangv wuov nor nangh daaih aqv.

141


IV. Mbuo Hnangv Haaix Nor Hiuv Duqv Ziouv Yesu Gengh Nangh Daaih?1. Ei jienv Loz-Ngaengc Waac gorngv ziangx wuov. Dongh Ziouv Yesu maiv gaengh daaih baamh gen wuov zanc, yiem Loz-Ngaengc Waac gorngv taux Ziouv Yesu oix zuqc daic, liuz aengx nangh daaih. Hnangv naaic, Ziouv Yesu gengh ei jienv Loz-Ngaengc Waac zoux ziangx nzengc. Yiem Singx Nzung 16:10 gorngv, “Weic zuqc meih maiv guangc yie yiem yiemh gen, yaac maiv bun meih nyei cing-nzengc mienh zuqc huv.” Yiem Gong-Zoh 13:34 gorngv, “Aengx maaih waac gorngv taux Yesu daic mv baac Tin-Hungh bun ninh nangh daaih, yietc liuz maiv bun ninh nyei sei huv.”

2. Ziouv Yesu yaac gorngv taux ninh ganh zuqc daic liuz aengx nangh daaih. Yiem naaiv deix Ging-Sou Ziouv Yesu ganh gorngv taux ninh ganh oix zuqc daic, mv baac taux da’ faam hnoi Tin-Hungh aengx bun ninh nangh daaih.Yiem Matv^taai 12:40 gorngv, “Yonaa yiem domh mbiauz nyei ga’sie buo hnoi buo muonz, Baamh Mienh nyei Dorn fih hnangv nyei oix zuqc yiem ndau-ndiev buo hnoi buo muonz.” (Matv^taai 16:21). Yiem Maako 8:31 gorngv, “Yie ziouc zuqc daix daic mv baac da’ faam hnoi Tin-Hungh oix bun yie nangh daaih.” Yiem Matv^taai 17:9 gorngv, “Yie Baamh Mienh nyei Dorn, daic mingh, Tin-Hungh aengx bun yie nangh daaih ” Yiem Matv^taai 17:23 gorngv, “Ninh mbuo oix daix yie, mv baac nqa’haav buo hnoi Tin-Hungh aengx bun yie nangh daaih.” Yiem Matv^taai 20:19 gorngv, “Nqa’haav buo hnoi, Tin-Hungh oix bun yie nangh daaih.” Yiem Matv^taai 27:63 gorngv, “Nqa’haav buo hnoi yie aengx nangh daaih.”

3. Maaih Janx-baeng zuov jienv Ziouv Yesu nyei zouv-gaengh. Sai-mienh caux Faa^li^si Mienh mingh loz Bilaatv, tov Janx-baeng mingh zuov jienv Ziouv Yesu nyei zouv, weic zuqc nzauh heix Yesu nyei sai-gorx mbuo daaih nimc Ziouv Yesu nyei sei (Matv^taai 27:62-66).

4. Mbaengx-kuotv maiv maaih Ziouv Yesu nyei sei. Maaih deix gorngv Ziouv Yesu nyei sai-gorx mbuo daaih nimc Ziouv Yesu nyei sei mi’aqv. Ziouv Yesu nyei sai-gorx mbuo hnangv haaix nor haih nimc duqv Ziouv Yesu nyei sei? Weic zuqc Bilaatv bun Janx-baeng longx-longx nyei zouv jienv mbaengx-kuotv nyei zouv-gaengh(Matv^taai 27:62-66). Nqa’haav siec hnoi jiex mingh Bide Yiem Ye^lu^saa^lem Zingh zunh doz gorngv taux Zouv Yesu nangh daaih. Mbuo yaac buatc maiv maaih haaix dauh gorngv Bide gorngv-baeqc, liemh maiv oix Ziouv Yesu wuov deix mienh yaac sekv-sekv nyei yiem. Hnangv naaic, bun cing Ziouv Yesu za’gengh nangh daaih aqv (Lugaa 24:39-49). Ziouv Yesu nyei sai-gorx mbuo yietc zungv duqv buatc Ziouv Yesu.

5.Yesu nyei sai-gorx mbuo nyei maengc tiuv nzengc. Yesu nyei sai-gorx mbuo buatc Ziouv Yesu daic mi’aqv. ninh mbuo haiz nzauh gau, haiz maiv lamh hnamv yietc deix. Mv baac buo hnoi jiex mingh ninh buo nyei youh nzauh tiuv daaih benx a’hneiv nyei jauv, weic zuqc Ziouv Yesu nangh daaih aqv. Ziouv Yesu nangh daaih aengx yiem naaiv baamh gen 40 hnoi. Naaiv deix 40 hnoi gu’nyuoz, maaih mienh camv nyei duqv buatc Ziouv Yesu.

6. Lugaa 24:34,36-39 Yo^han 21:4-14 Ziouv Yesu bun ninh nyei sai-gorx mbuo yietc zungv duqv buatc ninh. Yiem 1 Ko^lin^to 15:6 Dongh wuov norm ziangh hoc maaih 500 dauh mienh duqv buatc Ziouv Yesu. Yiem 1 Ko^lin^to 15:7-8 maaih Yaagorpc caux zuangx gong-zoh caux Baulo yaac duqv buatc Ziouv Yesu.

142


7. Maaih Jiu-baang. Maaih Jiu-baang cuotv daaih, weic zuqc maaih mienh zunh Ziouv Yesu daic mingh aengx nangh daaih nyei jauv. Yaac za’gengh maaih mienh daaih sienx Yesu camv gau, liemh Yiutai Mienh, sai- mienh, yaac daaih sienx.

8. Baulo nyei maengc goiv yienc nzengc. Zinh-ndaangc Baulo zoux doqc, zoux hoic Jiu-baang mienh, mv baac yiem ninh goiv hnyouv daaih sienx liuz Ziouv. Ninh longc ninh nyei maengc fuh sux Ziouv, zoux Ziouv nyei gong yaac oix zuqc Diev kouv, siouc kouv camv gau, mv baac ninh corc sienx wuonv nyei. Naaiv douc Ging-Sou gorngv taux Baulo buangh nyei jauv, yie oix nzutv zunv gorngv nangv nyei, hnangv naaiv (2 Ko^lin^to 11:23-25).

V. Baulo buangh nyei jauv.1. Weic kuv fienx zuqc wuonx loh.

2. Buangh ziex nzunc kaav deix daic mi’aqv.

3.Yiutai Mienh longc biaav-bin fitv biaa nzunc, yietc nzunc fitv faah ziepc juov bin.

4. Zuqc Lomaa Janx longc biaav mborqv buo nzunc. (Mba’mborng-ndaauv. Gunv zuiz-mienh wuov deix mienh longc.)

5. Mienh longc la’ bieiv zong yietc nzunc.

6. Bieqc nzangv, nzangv waaic zemh buo nzunc. Maaih nzunc mbiouh jienv koiv-menc.

7. Buangh hoic maengc nyei sic camv nyei. 8.Buangh zuqc wuom hlo haih hoic maengc. 9.Zuqc Janx-zaqc caangv.

10. Caux ganh juangc fingx mienh, caux Janx haih hoic maengc.

11. Yiem Zingh, yiem lomc, yiem koiv zuqc buangh haih hoic maengc nyei sic, yaac zuqc jaav gorx-youz hoic maengc.

12. Zoux gong kouv, Diev kouv. Maaih deix maiv duqv njormh, hnyouv sie jaang nqaatv. Diev ngorc maiv maaih haaix nyungc nyanc ziex nzunc, Diev juangv maiv maaih liu-houx zuqv.

VI. Naaiv Deix 4 Buonv Kuv Fienx Sou Yaac Fiev Jienv Ziouv Yesu Daic Mingh Aengx Nangh Daaih.1. Naaiv deix jauv louc za’gengh zien nyei, zuangx Giduc mienh yaac sienx Ziouv Yesu daic mingh aengx nangh daaih. Ih zanc Ziouv Yesu ziangh jienv nyei. Yie oix nzutv zunv daaih gorngv nangv nyei, yiem naaiv douc Ging-Sou hnangv naaiv. Matv^taai 28:1-10 Maaih fin-mienh daaih koi nqoi zouv-gaengh, dongh zuov jienv zouv-gaengh wuov deix Janx-baeng za’gengh gamh ziex gau. Weic zuqc Ziouv Yesu nangh daaih aqv.

143


2. Yiem Maako 16:1-20 Lugaa 24:1-53 Yo^han 21:1-14 Ziouv Yesu nangh daaih yaac bun yietc zungv sai-gorx mbuo buatc ninh. Ziouv Yesu nangh daaih yiem naaiv baamh gen 40 hnoi. 40 hnoi jiex liuz Ziouv Yesu aengx nzuonx tin-dorngh mi’aqv. Gong-Zoh 1:3

3. Ziouv Yesu nzuonx tin-dorngh mi’aqv. Ziouv Yesu zoux ziangx yiem naaiv baamh gen nyei gong. Ninh ziouc nzuonx tin-dorngh mi’aqv. Lugaa 24:50-51 “Yesu dorh ninh mbuo cuotv mingh taux Mbe^taa^ni Laangz-hlen, Ziouc cau jienv buoz buang waac ninh mbuo. Buang gau waac, ninh ziouc leih nqoi ninh mbuo, faaux tin-dorngh mi’aqv.”

4. Ziouv Yesu aengx daaih da’nyeic nzunc. Ziouv Yesu nzuonx tin-dorngh liuz, Ziouv ninh aengx oix daaih. Ziouv Yesu daaih wuov zanc, dauh dauh baamh mienh nyei m’zing zungv duqv buatc ninh. Ging-Sou fiev jienv mengh nyei yiem. Yiem Gong-Zoh 1:10-11 “Gong-Zoh mbuo corc yiem wuov nuqv-nuqv nyei mangc jienv lungh wuov zanc, liemh zeih maaih i dauh mienh zuqv jienv lui-houx-baeqc souv jienv ninh buo nyei ga’hlen gorngv, ‘Gaa^li^li mienh aah, meih mbuo zoux haaix nyungc souv jienv naaiv qaqv mangc gu’nguaaic lungh? Leih nqoi meih mbuo naaiv dauh Yesu, Tin-Hungh dorh faaux lungh mi’aqv. Meih mbuo buatc ninh hnangv haaix nor faaux, ninh aengx oix hnangv wuov nor njiec daaih.”

Setv Mueiz Waac: Mbuo buatc taux Yesu njaaux nyei jauv caux zoux nyei gong hnangv haaix hnangv nor, dongh ninh yiem naaiv seix zangc nyei ziangh hoc. Yesu yaac njaaux mbuo hnangv haaix nor zoux yiem naaiv seix zangc nyei ziangh hoc.

7.Hoc Daauh: Singx Lingh Nyei JauvGing-Sou: Yo^han 4:23-24 “Wuov norm ziangh hoc oix taux, zungv taux daaih aqv. Zien-zien buoqc zaangc Zangc Diex wuov deix, oix longc Singx Lingh yaac longc zien leiz zaangc, weic zuqc Zaangc Diex lorz naaiv nyungc mienh zaangc ninh. Tin-Hungh se Singx Lingh. Zaangc Tin-Hungh nyei mienh oix zuqc longc Singx Lingh caux zien leiz zaangc."

Biux Mengh Waac: Singx Lingh nyei jauv za’gengh longc jienv haic, mbuo Giduc mienh oix zuqc bieqc hnyouv taux naaiv deix jauv longx nyei. Singx Lingh nyei gong se bun Ziouv Yesu duqv zipv njang-laangc. (Yo^han 16:14-15 ) Hnangv naaic, se gorngv mbuo maiv bieqc hnyouv, maiv duqv zipv Singx Lingh nyei qaqv nor, m’nziex mbuo zoux nyei jauv Ziouv Yesu maiv duqv zipv njang-laangh aqv. Ih zanc se dongh Singx Lingh wuov gitv lungh-ndiev. ( 2 Ko^lin^to 3:8 ) Naaiv deix jauv Jiu-baang maiv nangc hietv hnyouv mbuoqc ziex, mienh bungx lorx taux Singx Lingh nyei jauv, buatc. Singx Lingh nyei jauv maiv nangc jienv ndongc haaix. Mbuo oix zuqc hietv hnyouv taux. Singx Lingh nyei jauv weic zuqc Singx Lingh nyei jauv za’gengh longc jienv haic.

I. Singx Lingh Nyei Jauv Za’gengh Longc Jienv Haic1.Jiu-baang bungx lorx Singx Lingh nyei jauv.2.Jiu-baang maiv bieqc hnyouv naaiv deix jauv.3.Maaih mienh njaaux naaiv deix jauv camv gau.

144


4.Benx Jiu-baang qiemx zuqc jiex nyei jauv.

II. Singx Lingh Wuov Joux Waac Nyei Eix-Leiz1. Ei Hipv^lu waac se maaih i nyungc eix-leiz, “Tauv qiex” fai “Nziaaux” naaiv se bun baamh mienh maaih maengc nyei gorn. (Singx Nyung 104:29-30 Gorngv Seix Zangc 3:19; 12:7)

2. Ziouv nyei Singx Lingh caux Mienh nyei lingh-wuonh se maiv fih hnangv, haaix dauh mienh nyei lingh wuonh yietv cuotv ninh nyei sin nor, wuov dauh mienh ziouc daic aqv. Mv baac Ziouv nyei Singx Lingh yietc liuz yiem, maiv zuqc kaux baamh mienh nyei sin-sei.

3. Singx Lingh maiv zeiz kungx benx Zangc Diex nyei hatc maaz hnangv, Singx Lingh yaac maiv zeiz Zangc Diex, mv baac Singx Lingh ei jienv Zangc Deix nyei nyungc-nyungc eix zoux ziangx nzengc.

III. Yiem Loz-Ngaengc Waac gorngv taux Singx Lingh1. Singx Lingh caux jienv zeix maanc muotc. Singx Lingh se dongh Tin-Hungh, hnangv naaic dongh Tin-Hungh zeix lungh zeix ndau wuov zanc Singx Lingh yaac maaih buonc caux jienv zeix.

2. Tin-Deic Douh 1:1-2 “Dongh cor Tin-Hungh jiez gorn zeix lungh zeix ndau wuov zanc, baamh gen maiv maaih haaix nyungc mou zeiv, yaac maiv maaih yietc nyungc ga’ naaiv yiem. Wuom guh nguaaic mapv hmuangx nyei. Tin-Hungh nyei Singx Lingh yiem wuom guh nguaaic youh mingh youh daaih nyei.”

3. Singx Lingh caux Ziouv nyei gong-mienh. Yiem Loz-Ngaengc Waac nyei mienh, ninh mbuo buatc Tin-Hungh nyei hatc maaz, ei Hipv^lu waac ninh mbuo longc “Luâtc.” wuov joux div “Hatc maaz” wuov joux waac. Naaiv joux waac pou-tong nyei se longc “Nziaaux” wuov joux waac. Tin-Deic Douh 7:15,22 Luâtc naaiv joux waac, se longc gorngv taux mienh nor, se gorngv taux mienh nyei hnyouv fai lingh wuonh.

4. Tin-Deic Douh 14:8; 45:27 “Luâtc” naaiv joux waac se longc gorngv taux Tin-Hungh nor, se gorngv taux pou-tong nyei nziaaux fai benx fangx zeiv, se gorngv taux Tin-Hungh nyei mba’zorng nyei qiex fai nzuih nyei qiex, dongh Tin-Hungh longc zoux ziex nyungc hatc maaz.

5. Singx Nzung 18:15 Se gorngv “ Luâtc ” longc gorngv taux Singx Lingh nyei hatc maaz. Hipv^lu mienh longc “Luâtc” naaiv joux waac, gorngv taux maiv maaih haaix dauh haih hingh nyei hatc maaz. Naaiv nyungc hatc maaz se maaih maengc nyei hatc maaz (Domh Jien 6:34; 2 Hungh douh 2:16).

6. Yopv 33:4 Singx Nzung 104:30 E^se^ken 37:14. Maaih nzunc baav Ziouv nyei Singx Lingh lengc jeiv nyei caux ninh nyei mienh yiem weic zoux nyungc baav lengc jeiv nyei gong. Singx Lingh njiec daaih

145


yiem wuov deix mienh, weic tengx ninh mbuo haih zoux duqv kuv sic, yaac daanh zoux maiv horpc nyei mienh, fai ndouv saaix mienh zoux nyei jauv.

IV. Singx Lingh Caux Ziouv Nyei Mienh1. Yosepv yiem Tin-Deic Douh 41:38-39, “Yosepv maaih Tin-Hungh nyei Singx Lingh ziouc maaih cong-mengh haih porv mbeix, haih paaiv liuc leiz gong-bou.

2. Mose yiem Saauv Mienh 11:17, 25, “Ziouv nyei Singx Lingh caux Mose yiem, Mose maaih hnyouv zoux Ziouv nyei gong.

3.Yo^su^waa yiem Saauv Mienh 27:18 “Yo^su^waa maaih Ziouv nyei Singx Lingh, Ziouv orn ninh zoux Ziouv nyei gong.

4. Saaûn yiem 1 Saa^muên 10:10 “Ziouv nyei Singx Lingh caux Saaûn yiem, Saaûn ziouc douc Ziouv nyei waac.” 1 Saa^muên 11:6 Ziouv nyei Singx Lingh caux yiem, ninh ziouc qiex -jiez haic Ammon Mienh.

5. Ndaawitv yiem 1 Saa^muên 10:13 “Saa^muên dorh youc orn Ndaawitv zoux hungh wuov zanc Ziouv nyei Singx Lingh ziouc caux Ndaawitv yiem.

6. Otc^niên yiem Domh Jien 3:10 “Ziouv nyei Singx Lingh caux ninh yiem.

7. Gi^ndeôn yiem Domh Jien 6:34 Ziouv nyei Singx Lingh caux ninh yiem, ninh borqv hingh Mi^ndien mienh.

8. Yepv^taa yiem Domh Jien 11:29 “Ziouv nyei Singx Lingh caux ninh yiem. Ninh ziouc mborqv hingh win-wangv.

9. Saem^sanx yiem Domh Jien 13:25 14:19 15:14 “Ziouv nyei Singx Lingh caux ninh yiem, ninh maaih qaqv zoux ziex nyungc peix fuc nyei sic.”

10. E^li^yaa yiem 1 Hungh Douh 18:12 “Ziouv nyei Singx Lingh doh E^li^yaa.

11. E^li^saa yiem 2 Hunh Douh 2:15 “ E^li^saa duqv E^li^yaa nyei hatc maaz.”

12. Ndaa^niên yiem Ndaa^niên 4:8-18; 5:11; 5:14 “Maaih Ziouv nyei Singx Lingh caux ninh yiem, ninh ziouc hiuv Ne^mbu^katv^netv^saa nyei mbeix, yaac hiuv duqv mbeix nyei eix- leiz. Ndaa^niên 6:3 “Maaih cong-mengh zoux gong.”

13. Mi^kaa yiem Mi^kaa 3:8 “Buangv nzengc Ziouv nyei Singx Lingh ziouc gorngv mienh zoux waaic nyei jauv.”

146


V. Singx Lingh nyei ganh norm mbuox1. Tin-Hungh nyei Singx Lingh yiem Matv^taai 12:28 “Tin-Hungh nyei Singx Lingh.”

2. Ziouv nyei Singx Lingh yiem Domh Jien 3:10; Lugaa 4:18 “Ziouv Nyei Singx Lingh.”

3. Zien leiz nyei Singx Lingh yiem Yo^han 14:17 “Dongh bun mienh hiuv duqv longx hiuv duqv waaic wuov dauh Singx Lingh” Yo^han 15:26 “Bun mienh hiuv duqv zien leiz wuov dauh Singx Lingh.”

4. Tengx mienh wuov dauh yiem Yo^han 15:26 “ Tengx mienh wuov dauh.”

5. Giduc nyei Singx Lingh yiem Lomaa 8:9; Gaa^laa^tie 4:6 ; 1Bide 1:11 “Giduc nyei Singx Lingh.”

6. Yesu nyei Singx Lingh yiem Gong-Zoh 16:7 “Yesu nyei Singx Lingh.”

VI. Singx Lingh beiv haaix nyungc?1. Mbuo oix zuqc faix fim maiv dungx huaang jiex ndaangc, weic zuqc naaiv se beiv daaih bun mbuo buatc duqv mengh nyei yaac hungh hec bieqc hnyouv hnangv.

2. Singx Lingh beiv hnangv nziaaux, beiv nziaaux se weic zuqc mbuo mangc maiv buatc nziaaux mv baac buatc nziaaux buonc wuov buonc naaiv dongz nyei, mbuo yaac hiuv duqv za’gengh maaih nziaaux nyei. Singx Lingh se maiv zeiz nziaaux mv baac hnangv nziaaux nor mbuo nyei m’zing mangc maiv buatc. Mbuo yaac buatc Singx Lingh zoux gong yiem mienh nyei hnyouv (Yo^han 3:8; Gong-Zoh 2:2).3. Singx Lingh beiv hnangv wuom. Haaix dauh jaang nqaatv se qiemx zuqc hopv wuom, wuom se longc yungz mienh nyei maengc. Singx Lingh se maiv zeiz wuom, mv baac haaix dauh sienx Ziouv, wuov dauh ziouc duqv Singx Lingh yiem ninh nyei hnyouv, duqv yietc liuz nyei maengc aqv (Yo^han 4:14; 7:37-38 ).

4. Singx Lingh beiv hnangv youh (Matv^taai 25:4)

5. Singx Lingh beiv hnangv A’ngunc diuv. Singx Lingh se maiv zeiz A’ngunc diuv, mv baac Singx Lingh hnangv A’ngunc diuv nor, Yesu nyei sai-gorx mbuo mouz dauh duqv zipv Singx Lingh buangv nzengc ninh mbuo nyei hnyouv, ninh mbuo ziouc zunh doz, maaih ziex norm dorngx nyei mienh daaih muangx sai-gorx mbuo, muangx nyei mienh yaac haiz gorngv ninh mbuo hiaang-bung nyei waac, hnangv naaic muangx nyei mienh laaic duqv sai-gorx mbuo hopv A’ngunc diuv nquin mv bei (Gong Zoh 2:13-15).

6. Singx Lingh beiv hnangv bingv (Lugaa 13:21), Singx Lingh se maiv zeiz bingv.

147


7. Singx Lingh beiv hnangv douz. Singx Lingh maiv zeiz douz, mv baac Singx Lingh hinc cuotv daaih hnangv douz-bietc nor nzaanx njiec taux dauh dauh mienh (Gong-Zoh 2:3 )

8. Singx Lingh beiv hnangv baeqc-gopv. Singx Lingh se maiv zeiz baeqc gopv, mv baac Baeqc gopv nyei eix-leiz se maaih taaih baengh (Matv^taai 3:16).

VII. Singx Lingh benx Tin-Hungh1. Yiem Yo^han14:16 “Ziouv Yesu gorngv yie oix tengx Zangc Diex tov ninh ziouc oix bun “Ganh dauh“ ei Gikc waac nyei eix-leiz se “caux Ziouv Yesu fih hnangv nyei.”

2.Yiem Gong-Zoh 5:3-4 “Yiem da’faam wuov yiemc Bide gorngv Aa^naa^nie gorngv-baeqc nduov Singx Lingh, mv baac yiem da’feix wuov yiemc, Bide gorngv Aa^naa^nie gorngv-baeqc nduov Tin-Hungh. Hnangv naaic mbuo ziouc hiuv duqv Singx Lingh se dongh Tin-Hungh.

3.Yiem Matv^taai 3:16-17 “Gorngv taux Tin-Hungh nyei Singx Lingh njiec daaih hnangv baeqc gopv nor nzopc jienv Ziouv Yesu.”

4. Singx Lingh se Tin-Hungh. Singx Lingh yietc liuz yiem. Yiem Hipv^lu 9:14 gorngv, “Yietc liuz ziangh jienv nyei Singx Lingh”

5. Dongh wuov norm ziangh hoc Singx Lingh haih yiem gormx norm-norm dorngx(Singx Nzung 139:7-10).

6. Singx Lingh hiuv nzengc nyungc-nyungc. Yiem I^saa^yaa 40:13-14 “Haaix dauh zaqv duqv zuqc Ziouv nyei hnyouv fai zoux ninh nyei caangh laangh mienh njaaux ninh? Ninh caux haaix dauh caangh laangh cingx haih hiuv duqv haaix nyungc mengh? Fai haaix dauh njaaux ninh hiuv duqv baengh fim nyei jauv? Haaix dauh njaaux bun ninh maaih wuonh zaang, fai bun ninh hiuv duqv nyungc-nyungc jauv?” 7. Yiem 1 Ko^lin^to 2:10 “Mv baac maiv gaengh mbiaangx yaangh nyei sic, Tin-Hungh longc Singx Lingh bun mbuo hiuv, weic zuqc Singx Lingh zaah toux nyungc-nyungc. Liemh Tin-Hungh ndo jiex nyei za’eix yaac zaah duqv toux. ”8. Yiem Lomaa 8:26-27 “Fih hnangv nyei, mbuo mau haic, Singx Lingh ziouc daaih tengx mbuo. Mbuo liemh maiv hiuv duqv oix zuqc hnangv haaix nor daux gaux, mv baac Singx Lingh njunh jienv tengx mbuo tov Tin-Hungh. Tin-Hungh zaah mienh nyei hnyouv ziouc hiuv Singx Lingh nyei eix-leiz, weic zuqc Singx Lingh ei Tin-Hungh nyei za’eix tengx Tin-Hungh nyei baeqc fingx tov.”

4. Singx Lingh maaih qaqv. Mikaa 3:8 “Maaih Singx Lingh nyei qaqv zunh mienh zoux dorngc Tin-Hungh nyei jauv. Matv^taai 12:28 Longh Singx Lingh nyei qaqv zunc mienv cuotv.

5. Yiem Lomaa 15:13 gorngv, “Singx Lingh nyei qaqv bun mbuo maaih lamh hnamv. Singx Lingh maaih buonc caux jienv Tin-Hungh zeix maanc muotc (Tin-Deic Douh 1:1-2 ).

148


6. Singx Lingh tengx mbuo benx siang mienh. Yiem Tidatc 3:5 “Singx Lingh nzaaux mbuo, bun mbuo siang-yungz jiex.”

7. Dengv Singx Lingh nyei mbuox tengx mienh jiex wuom nyei leiz. Matv^taai 28:19 “Oix zuqc dengv Diex, Dorn caux Singx Lingh nyei mbuox tengx ninh mbuo jiex wuom nyei leiz.”

8. Singx Lingh bun zingh nyeic dauh dauh mienh. Yiem 1 Ko^lin^to 12:11 “Naaiv Deix yietc zungv yiem wuov nduqc dauh Singx Lingh daaih. Singx Lingh yaac ei ninh ganh nyei za’eix dingh haaix dauh duqv haaix nyungc zingh nyeic.”

Setv Mueiz Waac: Mbuo duqv buatc taux Singx Lingh zoux nyei gong hnangv haaix nor, mbuo yaac hiuv duqv taux Singx Lingh se Tin-Hungh ganh aqv. Ninh zoux ziex nyungc gong yaac yiem ziex nyungc jauv.

8. Hoc Daauh: Singx Lingh Caux Ziouv Yesu Ging-Sou: Matv^taai 3:16-17 “Yesu jiex leiz yiem wuom yietv cuotv daaih wuov zanc, lungh ziouc nqoi. Yesu buatc Tin-Hungh nyei Singx Lingh njiec daaih hnangv norqc nqo nor, yaac nzopc jienv ninh. Maaih qiex yiem gu'nguaaic lungh gorngv, "Naaiv se yie nyei Dorn-hnamv. Yie za'gengh a'hneiv haic ninh."

Biux Mengh Waac: Singx Lingh caux Yesu, hnangv haaix nor maiv fih hnangv? Yesu zoux nyei gong se weic siev maengc daic weic njoux mbuo caux njaaux mbuo taux Tin-Hungh nyei hnyouv caux njoux en nyei jauv. Mv baac Singx Lingh daaih tengx porv mengh taux Yesu njaaux nyei waac caux biux mengh taux mbuo zoux nyei sic zuqc fai dorngc nyei jauv.

I. Singx Lingh Nyei Hatc Maaz Bun Maa^li^yaa Maaih Ziouv Yesu1. Fin-mienh daaih mbuox maiv gaengh nziaauc jiex dorn nyei sieqv-dorn yaang, ninh nyei mbuox heuc Maa^li^yaa ninh oix maaih norm sin naaiv norm sin se Singx Lingh bun ninh maaih (Lugaa 1:35). “Singx Lingh njiec daaih yiem meih. ”Fin-mienh mbuox Yosepv taux Maa^li^yaa maaih sin nyei jauv. Matv^taai 1:20 “Ninh maaih jienv wuov norm sin se Singx Lingh bun ninh maaih.”

2. Ziouv Yesu bun Singx Lingh dorh ninh. Ziouv Yesu yiem naaiv baamh gen wuov zanc, ninh bun Singx Lingh dorh ninh zoux nyei nyungc-nyungc gong (Matv^taai 4:1).

3. Yiem Siang-Ngaengc Waac gorngv taux Ziouv Yesu caux Singx Lingh hnangv naaiv. Yiem Yo^han 1:32 “Yie buatc Singx Lingh hnangv Baeqc gopv nor yiem wuov lungh njiec daaih yiem ninh nyei sin.”

4. Yiem Lugaa 4:1 “Singx Lingh yiem buangv ninh nyei hnyouv”( Lugaa 4:14). “Maaih Singx Lingh nyei qaqv caux ninh yiem” ( Lugaa 4:18). “Ziouv nyei Singx Lingh caux yie yiem” (Lugaa 4:18, 21).

149


“Meih mbuo haiz liuz naaiv douc Ging-Sou nyei waac, ih hnoi cuotv daaih doix diuc nzengc.” (Matv^taai 12:28). “Yie longc Tin-Hungh bun daaih nyei qaqv zunc mienv cuotv.”

5. Yiem Hipv^lu 9:14 “Giduc kaux yietc liuz ziangh nyei Singx Lingh zorqv ninh ganh weic zoux maiv maaih dorngx nqemh nyei ga’naaiv ziec bun Tin-Hungh.” Lomaa 1:4; 8:11 Singx Lingh nyei qaqv bun Ziouv Yesu nangh daaih.

8. Yiem Gong-Zoh 1:2 “Ziouv Yesu longc Singx Lingh nyei qaqv paaiv ziangx waac bun ninh nyei gong-zoh. Yo^han 15:26; 20:22 Ziouv Yesu ganh ceix Singx Lingh bun mbuo sienx ninh wuov deix mienh.

II. Singx Lingh Caux Mienh1. Maiv gaengh sienx Ziouv nyei ziangh hoc, Singx Lingh yaac yiem mienh nyei hnyouv zoux gong. Dongh mienh maiv gaengh sienx Ziouv wuov zanc, mienh nyei hnyouv nzorng Ziouv, haiz youx haic Ziouv nyei jauv-louc. Ei baamh mienh nyei hnyouv nor maiv qiemx zuqc duqv njoux nyei jauv. Ging-Sou gorngv baamh mienh nyei lingh-wuonh se daic mi’aqv, maiv haih tengx duqv ganh aqv (E^fe^so 2:1).

2. Hnangv naaic, naaiv gengh Ziouv nyei en, Ziouv ganh daaih lorz dingx laaih mingh wuov deix mienh, Singx Lingh yiem mienh nyei hnyouv zoux gong ndaangc, bun mienh hiuv duqv. Ganh se zuiz mienh. Singx Lingh bun mienh nyiemc ganh se zuiz mienh, maiv haih tengx duqv ganh, mbuo duqv njoux se weic Tin-Hungh nyei en hnangv (Lomaa 5:20)

3. Nyiemc zuiz liuz goiv hnyouv. Dongh hiuv duqv ganh se zuiz mienh wuov deix ziouc nyiemc ninh mbuo nyei zuiz yaac goiv hnyouv guangc ninh mbuo nyei zuiz, nzuonx daaih lorz Ziouv.

III. Zoix Yungz Daaih Nyei Mienh Singx Lingh Hnangv Haaix Nor Zoux

1. Singx Lingh nqaapv jienv yienx (E^fe^so 1:13). Nqaapv jienv yienx naaiv se maiv zeiz mbuo jiex wuom nyei leiz. Nqaapv jienv yienx se hnangv hungh jaa nyei mienh nqaapv jienv yienx wuov dingc ziangx benx ninh mbuo nyei, bun mienh hiuv duqv naaiv zungh ndiangx maaih ziouv mi’aqv. Fih hnangv nyei Singx Lingh nqaapv jienv yienx mbuo, mbuo ziouc benx Tin-Hungh nyei mienh mi’aqv, Ziouv oix goux jienv mbuo. Yiem Yo^han 10:28 “Yie bun ninh mbuo maaih yietc liuz nyei maengc, yietc liuz maiv zuqc daic. Ninh mbuo yiem yie nyei buoz, maiv maaih haaix dauh haih caangv duqv cuotv.”

2. Singx Lingh zoux zorng-zengx. Mbuo nyei lingh wuonh caux Singx Lingh zoux zorng-zengx gorngv mbuo gengh benx Ziouv nyei mienh mi’aqv. Yiem Lomaa 8:16 gorngv “Singx Lingh caux mbuo nyei lingh wuonh fih hnangv nyei zoux zorng-zengx gorngv mbuo benx Tin-Hungh nyei naamh nyouz.” Yiem Yo^han 5:10 gorngv, “Hnangv naaiv haaix dauh sienx Tin-Hungh nyei Dorn, wuov dauh maaih Tin-Hungh yiem ninh nyei hnyouv zoux zorng-zengx.” Singx Lingh bun mbuo hiuv, bun mbuo hiuv dingc mbuo gengh benx Ziouv nyei mienh mi’aqv.

150


3. Singx Lingh bun qaqv mbuo hingh jiex mbuo hnoi-hnoi buangh nyei jauv. Singx Lingh bun qaqv mbuo hingh jiex dongh mbuo hnoi-hnoi buangh nyei jauv. Hnoi-hnoi maaih ziex nyungc daaih seix mbuo nyei hnyouv, maaih ziex nyungc dongh mbuo oix nyei jauv daaih baeng mbuo, bun mbuo haiz oix ei jienv ganh nyei hnyouv hanc zoux. Se gorngv mbuo oix hingh jiex naaiv deix loz-maengc nyei gong nor, mbuo oix zuqc hnangv haaix nor zoux?

4. Mbuo hnangv haaix nor haih hingh loz-maengc? Oix zuqc maiv ei ganh nyei hnyouv hanc zoux (Lomaa 8:2-6).

5. Oix zuqc mietc nzengc sin zangc hanc oix zoux nyei waaic sic. Yiem Ko^lo^si 3:5-16. Oix zuqc zunv hnyouv hnamv guh nguaaic nyei sic. Yiem Ko^lo^si 3:1-2 Siou Ziouv nyei waac yiem jienv mbuo nyei hnyouv. Yiem Singx Nzung 119:9-11. Oix zuqc ei jienv zien leiz zoux. Yiem 1Bide 1:2 Mbuo oix zuqc gan njang. Yiem 1 Yo^han 1:5-9. Oix zuqc bun Singx Lingh yiem buangv hnyouv. Yiem E^fe^so 5:18 Singx Lingh zoux gong yiem mbuo nyei hnyouv, dorh mbuo, se gorngv mbuo nyunc bun ninh dorh mbuo nyei nor.”

6. Mbuo nyei loz-maengc caux Ziouv Yesu yiem ziepc zaangc jaax ding daic mi’aqv. Mbuo nyei loz-maengc caux Ziouv Yesu ding ziepc zangc jaax daic mi’aqv. Ih zanc ziangh jienv naaiv se benx Ziouv Yesu nyei maengc. Hnangv naaic, maiv gunv mbuo zoux haaix nyungc oix zuqc jangx jienv mbuo hnangv naaiv nor zoux Ziouv Yesu duqv zipv njang-laangc nyei fai? Se gorngv Ziouv Yesu maiv duqv zipv njang-laangc nor, oix zuqc guangc nqoi.

7. Yiem Lomaa 6:11; Gaa^laa^tie 2:20 gorngv taux Loz-maengc caux Ziouv Yesu ding ziepc zangc jaax daic mi’aqv. 2 Ko^lin^to 4:10 “Yiem mbuo nyei sin zanc-zanc buangh zuqc haih daic nyei sic hnangv Yesu zuqc daic nor, yie mbuo nyei sin ziouc bun mienh zieqv duqv Yesu ziangh jienv nyei.”

IV. Singx Lingh Nyei Biouv1. Tin-Hungh nyei za’eix bun sienx nyei mienh ziangh Singx Lingh nyei biouv. Yiem naaiv oix gorngv taux Singx Lingh nyei biouv, mbuo daaih samx mangc gaax mbuo ganh ziangh Singx Lingh nyei biouv nyei fai? Se gorngv ziangh nyei nor gengh longx haic. Mv baac se gorngv maiv ziangh nor, weic haaix diuc maiv ziangh? Mbuo daaih mangc gaax yiem (Gaa^laa^tie 5:22-23). Naaiv douc Ging-Sou gorngv, Singx Lingh nyei biouv hnangv haaix nor? Mbuo nyei maengc ziangh Singx Lingh nyei biouv mbuoqc ziex nyungc?

2. Laanh hnamv laanh. Tin-Hungh nyei za’eix bun mbuo laanh hnamv laanh, se gorngv haaix dauh maiv hnamv mienh muoz nor, wuov dauh m’nziex maiv zeiz Ziouv nyei naamh-nyouz . Mbuo maiv zeiz kungx hnamv mbuo nyei muoz- doic hnangv, yaac maiv zeiz hnamv ziangh duqv nzueic nyei mienh hnangv. Dongh naaiv nyungc hnamv maiv sienx Ziouv nyei mienh yaac fih hnangv maaih nyei. Mbuo maiv daan hnamv ganh nyei mouz-doic hnangv, mbuo yaac oix zuqc hnamv dongh maiv nzueic nyei mienh, dongh nzorng yaac yioux mbuo wuov deix, dongh naaiv nyungc hnamv, se Singx Lingh nyei biouv. Se

151


gorngv mbuo hnamv mienh nor, mbuo yaac maiv zeiz kungx douh ganh duqv longx hnangv, mbuo yaac oix mienh caux jienv mbuo duqv longx.

3. Maaih njien-youh. Ziouv nyei za’eix oix mbuo zanc-zanc maaih njien-youh. Maiv gunv mbuo buangh zuqc haaix nyungc sic, buangh mienh zoux doqc, zoux hoic, mv baac mbuo corc maaih naaiv nyungc njien-youh nyei.

4. Maaih baengh orn. Naaiv nyungc baengh orn se yiem mbuo nyei hnyouv do-do nyei cuotv daaih. Maiv zeiz mbuo maiv zuqc buangh yietc dangh naanc zingh. Maiv gunv mbuo buangh ziex nyungc nyei, mv baac mbuo corc maaih Ziouv Yesu nyei baengh orn. Ziouv yaac oix mbuo zanc-zanc maaih naaiv nyungc baengh orn (Fi^lipv^poi 4:6-7; Ko^lo^si 3:15).

5. Maaih noic. Tin-Hungh bun mbuo buangh ziex nyungc, Ziouv oix longc dongh mbuo buangh nyei naaiv deix ziex nyungc jauv njaaux mbuo, bun mbuo haih maaih noic. Se gorngv mbuo maiv buangh haaix nyungc nor, mbuo maiv haih hiuv duqv mbuo ganh maaih noic nyei fai maiv maaih. Mbuo buatc Ziouv Yesu nyei nyungc zeiv, mbuo yaac oix zuqc zuotc Ziouv Yesu nyei nyungc zeiv.

6. Maaih hnyouv laanh korh lienh laanh. Naaiv nyungc hnyouv gengh yiem mbuo ganh nyei hnyouv cuotv daaih, maiv zeiz du’eix zoux. Maaih Singx Lingh nyei mienh za’ gengh maaih laanh hnamv laanh nyei hnyouv. Yaac maaih laanh korh lienh laanh nyei hnyouv.

7. Laanh zoux longx bun laanh. Yiem hnyouv haiz gengh oix zoux longx bun mienh yaac maiv hnamv taux mienh oix zuqc zoux longx wuih nzuonx. Weic mbuo zoux longx nyei jauv mienh haih buatc Ziouv Yesu yiem mbuo nyei maengc.

8. Laanh kaux duqv zuqc laanh. Weic zuqc Ziouv Yesu ganh maaih naaiv nyungc fiem-fingx, ninh yaac oix mbuo maaih naaiv nyungc fiem-fingx hnangv Ziouv nor.

9. Zoux hnyouv suonc. Maaih suonc hnyouv, maiv ceng-hlo, naaiv se Ziouv Yesu nyei hnyouv. Maiv gunv mienh ndongc haaix cuoqv ninh, ndongc haaix daux ninh, mv baac Ziouv Yesu yaac maiv qiex-jiez hnyouv suonc nyei. Mbuo yaac oix zuqc maaih naaiv nyungc hnyouv.

10. Gunv duqv ganh nyei buonh sin. Gunv duqv ganh naaiv se benx Singx Lingh bun daaih nyei qaqv. Weic zuqc Singx Lingh yiem jienv mbuo nyei hnyouv , Singx Lingh ganh bun naaiv nyungc biouv yiem mbuo nyei maengc, hinc cuotv daaih.

Setv Mueiz Waac: Ih hnoi mbuo duqv hoqc hiuv taux Yesu caux Singx Lingh nyei jauv hnangv haaix nor. Mbuo buatc Yesu zoux nyei gong caux njaaux nyei jauv tengx mbuo hiuv duqv taux Tin-Hungh dongh haaix dauh, caux Ninh daaih daic weic mbuo nyei zuiz nyei jauv hnangv haaix nor. Singx Lingh se tengx mbuo hiuv duqv zien leiz, tengx mbuo haih bieqc hnyouv taux Yesu njaaux nyei waac, caux biux mengh bun mbuo hiuv taux mbuo zoux nyei jauv zuqc fai dorngc, longx fai ciouv nyei jauv. Singx Lingh yaac zoux mbuo nyei orn hnyouv doic fai caangh laangh mienh, tengx mbuo maaih sienx fim kaux Tin-Hungh.

152


9. Hoc Daauh: Singx Lingh nyei zingh-nyeicGing-Sou: 1 Ko^lin^to 12:1-11 “Zuangx gorx-youz aac, yie oix meih mbuo mengh baeqc Singx Lingh ceix bun nyei zingh nyeic. 2Meih mbuo hiuv duqv zinh ndaangc meih mbuo maiv gaengh sienx Yesu wuov zanc, meih mbuo zuqc camv-nyungc nduov meih mbuo mingh baaix maiv haih gorngv waac nyei miuc-fangx. 3Weic naaiv yie oix meih mbuo hiuv duqv maaih Singx Lingh dorh nyei mienh maiv haih gorngv, "Bun Yesu zuqc zioux aqv." Fih hnangv nyei, cuotv liuz Singx Lingh dorh nyei mienh, maiv maaih haaix dauh haih gorngv, "Yesu zoux Ziouv." 4 Singx Lingh ceix bun nyei zingh nyeic maaih camv-nyungc mv baac Singx Lingh se nduqc dauh hnangv. 5Maaih camv-nyungc za'eix fu-sux mv baac se fu-sux nduqc dauh Ziouv hnangv. 6Maaih camv-nyungc gong zoux, mv baac bun zuangx mienh maaih banh zeic gorqv-mienh zoux gorqv-mienh nyei, se nduqc dauh Tin-Hungh hnangv. 7Dauh dauh mienh duqv yietc nyungc bun cing Singx Lingh yiem ninh nyei hnyouv weic tengx zuangx mienh duqv longx. 8 Singx Lingh bun dauh mienh haih gorngv cong-mengh nyei waac, aengx bun ganh dauh haih gorngv guai-qaauv nyei waac. Yaac dongh nduqc dauh Singx Lingh bun. 9Dongh naaiv dauh Singx Lingh yaac bun dauh maaih sienx fim yaac bun ganh dauh maaih banh zeic zorc baengc. 10 Aengx bun dauh haih zoux mbuoqc horngh nyei sic, aengx bun dauh haih douc Tin-Hungh nyei waac, yaac bun dauh haih samx duqv cuotv haaix nyungc yiem Singx Lingh daaih, haaix nyungc yiem mienv daaih. Singx Lingh aengx bun dauh haih gorngv ganh nyungc waac, aengx bun dauh haih faan wuov deix waac. 11Naaiv deix yietc zungv yiem wuov dauh nduqc dauh Singx Lingh daaih. Singx Lingh yaac ei ninh ganh nyei za'eix dingc haaix dauh duqv haaix nyungc zingh nyeic.”

Biux Mengh Waac: Ih hnoi se mbuo oix hoqc taux Singx Lingh ceix bun nyei zingh nyei jauv hnangv haaix nor. Mbuo buatc Ging-Sou mengh-mengh nyei gorngv taux Singx Lingh bun zingh nyeic nyei jauv se maiv fih hnangv, yietc laanh mienh duqv zipv yietc nyungc lengc jeiv nyei zingh nyei, maaih deix haih zoux naaiv nyungc, maaih deix haaix zoux wuov nyungc, maiv gunv hnangv haaix nor yaac zeiz, yietc zungv se Singx Lingh bun mbuo daaih juangc jienv fu-sux Tin-Hungh yiem mbuo maaih nyei zingh nyeic. Mv daan mbuoqc naaiv, Ging-Sou yaac kuinx mbuo orn mbuo gorngv, 10Dauh dauh duqv zipv Tin-Hungh nyei zingh nyeic yaac oix zuqc goux longx. Haaix dauh zipv haaix nyungc zingh nyeic oix zuqc longc tengx zuangx mienh. 11Haaix dauh zunh doz oix zuqc za'gengh douc Tin-Hungh nyei waac. Haaix dauh cuotv fim tengx mienh oix zuqc longc Tin-Hungh bun daaih nyei qaqv fu-sux. Hnangv naaic meih mbuo zoux nyei nyungc-nyungc ziouc bun mienh dengv Yesu Giduc nyei mbuox ceng Tin-Hungh. Yesu Giduc yietc liuz maaih njang-laangc, maaih qaqv taux maanc gouv maanc doic. Aamen. (1 Bide 4:10-11).

I. Singx Lingh Nyei Zingh Nyeic 1. Singx Lingh ceix bun nyei zingh nyeic: Singx Lingh bun nyei zingh nyeic se maiv zeiz mbuo ganh maaih nyei banh-zeic, se Singx Lingh ganh ceix bun mbuo hnangv. Dauh dauh Giduc mienh ndongc haaix zungv maaih Singx Lingh bun daaih nyei zingh nyeic. Singx Lingh bun daaih nyei zingh nyeic se weic bun mbuo longc ceix Jiu-baang. Yiem Ging-Sou gorngv taux Singx Lingh ceix bun nyei zingh nyeic se maaih hnangv naaiv (Lomaa 12:4-8; 1 Bide 4:10-11; E^fe^so 4:11; 1 Ko^lin^to 12:8-10, 28).

2. Maaih deix duqv zoux douc waac mienh: Singx Lingh bun mienh maaih zingh nyeic douc Tin-Hungh nyei waac. Douc Tin-Hungh nyei waac se maiv hnangv zunh doz fai njaaux wuov nor. Weic zuqc zunh doz fai njaaux leiz, oix zuqc mbenc liuz cingx daaih njaaux. Douc Tin-Hungh nyei waac

153


se maiv zuqc mbenc ziangx daaih gorngv, weic zuqc taux ziangh hoc Ziouv ganh liemh zeih bun wuov dauh mienh gorngv dongh Ziouv oix bun gorngv nyei jauv.

3. Maaih deix duqv zoux Gong-Zoh: Gong-Zoh se maiv daan Yesu nyei 12 dauh sai-gorx hnangv. Cuotv liuz Yesu lengc jeiv ginv daaih wuov deix 12 dauh sai-gorx. Dongh Ziouv Yesu yiem naaiv baamh gen wuov zanc, ninh corc aengx orn deix mienh benx ninh nyei Gong-Zoh. Ziouv Yesu orn mienh zoux Gong-Zoh nyei se maaih hnangv naaiv (1 Ko^lin^to 15:5, 8-11). Da’hmz wuov yiemc maaih Yesu nyei 12 dauh sai-gorx. Da’cietv wuov yiemc gorngv taux yietc zungv Gong-Zoh. Mbuo maiv hiuv duqv maaih buoqc ziex dauh. Yiem ganh norm dorngx gorngv taux Yesu nyei Gong-Zoh. (Gong-Zoh 14:3-4), Baulo caux Mbaa^naa^mbatc (Lomaa 16:7), An^do^ni^katv caux Yu^ni^atv (1 Te^saa^lo^ni^gaa 2:6 1:1), Si^waa^natv caux Ti^mo^tai. Se gorngv kungx maaih wuov deix 12 dauh Gong-Zoh hnangv nor, daaix zuqc Ging-Sou maiv mbuox mbuo oix zuqc mbungh jaav nyei Gong-Zoh aqv.

4. Maaih deix duqv zoux fin-saeng. Naaiv se maiv zeiz kungx duqv doqc sou hlang nyei mienh hnangv, naaiv nyungc zingh nyeic se, ninh ganh bieqc hnyouv Ging-Sou, yaac haih njaaux mienh, bun muangx nyei mienh muangx liuz yaac gengh bieqc hnyouv Ging-Sou nyei.

5. Maaih deix zoux dorh jiu baang nyei mienh fai mienh gox: Duqv zipv gunv sic wuov nyungc zingh nyeic nyei mienh. Ninh za’gengh haih gunv duqv sic nyei. Bun jiu baang haiz maaih ziouv maaih lamh kaux maaih lamh bangc, gorngv nyei waac haih orn duqv mienh nyei hnyouv nyei mienh.

6. Cuotv fim tengx mienh: Naaiv nyungc mienh se maiv njapv ninh maaih nyei ga’naaiv, hnyouv Jaangv, maaih hnyouv oix tengx mienh, maiv gunv gorngv Tin-Hungh nyei gong-mienh fai pouh tong mienh qiemx zuqc nyei jauv, ninh zungv maaih hnyouv oix tengx mienh. Dongh ninh maaih nyei ninh a’hneiv longc tengx mienh yaac maiv korh fiv, maiv gunv tengx qaqv fai tengx zinh nyaanh.

7. Zoux Zunh kuv fienx nyei mienh: Yiem Jiu-baang nyei mienh cuotv mingh zunh kuv fienx, dorh mienh sienx Ziouv Yesu. Naaiv nyungc jauv se hnangv zoux zingh ginx yiem mbuo ziangh nyei maengc, gorngv nyei waac bun mienh haih hiuv duqv Yesu nyei jauv, dongh yiem leiz-baaix cuotv mingh ziangh nyei maengc caux zoux nyei sic, liemh douc fai gorngv Tin-Hungh nyei waac fai kuv fienx nyei jauv mbuox mienh bun mienh hiuv, caux mbuo ziangh nyei maengc doix-dangc mbuo gorngv nyei waac caux zoux nyei sic.

II. Singx Lingh Bun Mienh Haih Zoux Kuv Sic 1. Fuh sux mienh. Maaih hnyouv fux sux Jiu-baang mienh, fuh sux Ziouv nyei gong mienh. Jiu-baang maaih naaiv nyungc mienh za’gengh longx haic, Jiu-baang yaac gengh qiemx zuqc maaih naaiv nyungc zingh nyeic nyei mienh.

2. Kuinx mienh. Kuinx mienh yaac oix zuqc maaih zingh nyeic nyei, se gorngv maaih naaiv nyungc zingh nyeic nor, wuov dauh mienh ganh maaih za’eix kuinx mienh, mienh yaac haiz oix muangx ninh nyei waac.

3. Zoux longx bun mienh. Ninh maaih hnyouv oix tengx mienh, maiv gunv ndortv naanc mienh, butv baengc mienh ninh yaac maaih hnyouv mingh mangc, mingh goux.

154


4. Gorngv cong-mengh waac. Ninh liemh zeih haih gorngv cuotv guai-caauv nyei waac, weic yietc nyungc jauv. Yiem Lugaa 12:12 gorngv, “Taux wuov norm ziangh hoc Singx Lingh oix njaaux meih mbuo hiuv duqv hnangv haaix nor gorngv.” Yiem gorngv, Lugaa 21:15 “Weic zuqc yie oix bun meih mbuo maaih nzuih maaz, maaih cong-mengh bun meih mbuo nyei win-wangv nzaeng maiv hingh yaac maiv maaih waac gorngv aqv.”

5. Ziouv Yesu longc 2 nzunc. Ziouv Yesu dau, daaih seix ninh wuov deix mienh. Yiem Matv^taai 21:24-27, Yesu dau longc hatc maaz nyei jauv. Matv^taai 22:19-21, Yesu dau cuotv nzou-zinh nyei jauv.

6. Gorngv guai-qaauv waac. Ziouv Yesu zanc-zanc longc nyei, Yo^han 4:16-23 Ziouv Yesu hiuv taux wuov dauh m’sieqv dorn nyei jauv-louc. Gorngv guai-qaauv waac yaac qiemx zuqc bangc duqv zuqc. Gorngv cong-mengh waac caux jienv. Gong-Zoh 5:1-11 Naaiv douc Ging-Sou se gorngv taux Aa^naa^nie caux Sapc^fi^laa nyei jauv. Mbuo buatc mengh haic, Singx Lingh bun Bide hiuv duqv ninh mbuo i hmuangv nyei jauv-louc. Mv baac maaih deix gorngv naaiv nyungc zingh nyeic se Singx Lingh bun maaih cong mengh, Laauc Yaangh bun ninh hiuv duqv Tin-Hungh (E^fe^so 1:17-18).

7. Maaih sienx fim. Naaiv nyungc sienx fim se maiv zeiz duqv njoux wuov nyungc sienx fim. Naaiv duqv njoux liuz nyei mienh maaih nyei sienx fim. Ninh maaih lengc-jeiv nyei sienx fim, dongh mienh buatc hnangv jangx benx mingh maiv duqv nor, mv baac ninh corc sienx gorngv gengh benx mingh duqv nyei, yaac gengh ei jienv ninh sienx nyei jauv duqv. Yiem Ging-Sou maaih nyungc zeiv se hnangv Apc^laa^ham caux Noyaa nyei nyungc zeiv wuov nor.

8. Zorc baengh longx. Zorc baengc longx se benx yietc nyungc zingh nyeic, ih zanc corc maaih nyei. Maaih zingh nyeic nyei mienh yaac oix zuqc hiuv dingc, ninh weic baengc mienh daux gaux se za’gengh benx Tin-Hungh nyei za’eix.

9. Zoux mbuoqc horngh nyei sic. Yiem Ging-Sou maaih mbuoqc horngh nyei sic camv nyei. Mv baac naaiv nyungc zingh nyeic se zoqc nyei. Yiem Gong-Zoh sou gorngv taux nyei se maaih hnangv naaiv, (Gong-Zoh 4:30). Longc Ziouv Yesu nyei mbuox zoux mbuoqc horngh nyei sic (Gong-Zoh 5:19). Fin-mienh daaih koi loh gaengh bun Gong-Zoh mbuo cuotv (Gong-Zoh 8:39). Filipv tengx domh jien jiex liuz wuom nyei leiz, Ziouv nyei Singx Lingh liemh zeih zipv Filipv mingh mi’aqv (Gong-Zoh 19:11-12). Baulo longc jiex nyei siqc jaauv dorh mingh an baengc mienh, mienh nyei baengc longx nzengc (Gong-Zoh 27:23-24). Fin-mienh daaih mbuox Baulo nzangv oix waaic mv baac dauh-dauh oix duqv maengc cuotv (Gong-Zoh 28:6). Naang-doqc nyorqv Baulo mv baac Baulo maiv benx haaix nyungc.

10. Samx duqv cuotv haaix nyungc yiem Singx Lingh daaih. Singx Lingh bun daaih nyei zingh nyeic bun wuov dauh mienh haih samx duqv cuotv, mienh zunh doz nyei jauv gengh yiem Tin-Hungh daaih fai yiem haaix daaih (1 Ti^mo^tai 4:1-3; 1 Yo^han 4:1-3). Yiem Mienv daaih, maiv zeiz yiem Tin-Hungh daaih. Ninh yaac hiuv nyei (Gong-Zoh 16:17). Hnangv naaic, mbuo oix zuqc samx mangc njaaux nyei mienh nyei maengc hnangv haaix nor, ninh njaaux nyei leiz caux ninh zoux nyei jauv puix nyei fai ( 2 Bide 2; Yiu^ndaa sou.

11. Gorngv ganh nyungc waac. Se gorngv yiem Jiu-baang njaaux nor, gorngv dongh mienh hiuv nyei waac zungv gauh longx gorngv ganh nyungc waac. Weic zuqc gorngv baamh mienh nyei waac, mienh muangx liuz bieqc hnyouv. Mv baac se gorngv caux dongh maiv sienx nyei mienh gorngv nor se benx jangx-hoc. Gorngv ganh nyungc waac se benx yietc nyungc Singx Lingh bun daaih longx haic nyei zingh-nyeic.

155


12. Ganh nyungc waac mbuo longc zoux haaix nyungc? Longc ceng Tin-Hungh. Ceix ganh nyei sienx fim, longc njaaux mienh, ceix mienh nyei sienx fim (1 Ko^lin^to 14:4).

13. Hnangv haaix nor longc ganh nyungc waac? Se gorngv zoux leiz-baaix gorngv ganh nyungc waac nor, maiv dungx bun gauh camv buo dauh gorngv, oix zuqc maaih mienh faan naaic deix waac. Gorngv nyei mienh yaac maiv zeiz haiz hnangv jangx zuqc aapv jienv gorngv nor. Longc zoux jangx-hoc bun maiv sienx nyei mienh.

14. Faan ganh nyungc waac. Singx Lingh ganh bun dauh yiem zuangx mienh mbu’ndongx nyei mienh, faan ninh haiz nyei waac daaih njaaux zuangx mienh. Se gorngv maaih zingh nyeic gorngv ganh nyungc waac nor, oix zuqc tov Singx Lingh bun maaih zingh nyeic faan ganh nyungc waac caux jienv.

Setv Mueiz Waac: Mbuo samx mangc gaax mbuo maaih haaix nyungc zingh nyeic, mbuo oix zuqc ziepc zuoqv nyei longc, Ziouv ziouc oix jaa tipv camv jienv faaux bun mbuo. Ziouv bun zingh nyeic mbuo se weic longc fu-sux Ziouv caux Ziouv nyei naamh nyuoz, haaix dauh duqv zipv haaix nyungc zingh nyeic oix zuqc longc tengx zuangx mienh (1 Bide 4:10-11). Mbuo maiv zeiz longc Tin-Hungh bun nyei zingh nyeic dorh daaih zoux maux ceng-hlo nyei jauv. Tin-Hungh bun zingh nyeic mbuo se weic fu-sux Tin-Hungh weic ceix mbuo nyei sienx fim caux tengx mienh nyei jauv hnangv. Hnangv naaic, Bide cingx daaih gorngv heuc mbuo, “Dauh dauh duqv zipv Tin-Hungh nyei zingh nyeic yaac oix zuqc goux longx. Haaix dauh zipv haaix nyungc zingh nyeic oix zuqc longc tengx zuangx mienh. 11 Haaix dauh zunh doz oix zuqc za'gengh douc Tin-Hungh nyei waac. Haaix dauh cuotv fim tengx mienh oix zuqc longc Tin-Hungh bun daaih nyei qaqv fu-sux. Hnangv naaic meih mbuo zoux nyei nyungc-nyungc ziouc bun mienh dengv Yesu Giduc nyei mbuox ceng Tin-Hungh. Yesu Giduc yietc liuz maaih njang-laangc, maaih qaqv taux maanc gouv maanc doic. Aamen.” (1 Bide 4:10-11). Goux longx zingh nyeic nyei eix-leiz se maiv zeiz dorh mingh longc zoux mengh daauh fai ceng-hlo nyei jauv. Hnangv maaih deix ziangh hoc mbuo haiz mienh gorngv, yie haih zoux naaiv zoux wuov, wuov nyungc jauv. Ninh mbuo maiv hnamv taux, yaac maiv jangx taux gorngv naaiv Tin-Hungh bun yie maaih cong-mengh, maaih banh haih zoux duqv naaiv nyungc gong, laengz zingh Tin-Hungh. “Gorngv naaiv deix waac nyei mienh muangx yie maah! Meih mbuo gorngv, "Ih hnoi fai njang hnoi yie mbuo oix mingh naaiv norm zingh fai wuov norm zingh, yiem wuov zoux yietc hnyangx nyei saeng-eix duqv leic." 14 Mv baac meih mbuo liemh maiv hiuv duqv njang hnoi meih mbuo nyei maengc oix hnangv haaix nor. Meih mbuo se hnangv diqv dien mouc nor, cuotv dangh hnangv aengx mitc mi'aqv. 15 Meih mbuo horpc zuqc gorngv, "Se gorngv Ziouv nyei za'eix, yie mbuo haih ziangh jienv zoux naaiv nyungc, zoux wuov nyungc." 16 Mv baac meih mbuo ceng-hlo, bungx waac-maux. Bungx naaiv nyungc domh waac yietc zungv se orqv haic. 17 Hnangv naaic, haaix dauh hiuv duqv ninh horpc zuqc zoux haaix nyungc kuv sic, ninh yaac maiv zoux, wuov dauh ziouc maaih zuiz aqv.” (Yaagorpc 4:13-17).

1. Yiem 2 Ti^mo^tai 4:2 gorngv heuc mbuo, “Oix zuqc zunh Tin-Hungh nyei doz. Maiv gunv maaih qangx fai maiv maaih qangx, zungv oix zuqc zunh aqv. Oix zuqc za'gengh longc noic longx-longx nyei njaaux, porv bun mienh mengh baeqc, gorngv-hemx, kuinx mienh.”

156


2. Yiem Yaagorpc 3:1 mbuox mbuo oix zuqc faix fim, weic zuqc zoux fin-saeng nyei mienh zungv oix zuqc dingc zuiz gauh hniev jiex maiv zoux nyei mienh. Eix-leiz se, se gorngv mbuo nduov mienh mingh dorngc jauv nor mbuo oix zuqc dingc zuiz. Hnangv Yesu gorngv yiem Matv^taai 12: 36-37 nor, "Yie mbuox meih mbuo, taux siemv zuiz wuov hnoi, mouz laanh mienh gorngv nyei joux-joux henh waac, gorqv-mienh ganh oix zuqc ndaam-dorng. Tin-Hungh oix longc meih ganh nyei waac dingc meih maaih zuiz fai maiv maaih zuiz."

3. Yiem 2 Ti^mo^tai 3:16-17 gorngv, weic zuqc “Douc-douc Ging-Sou, Tin-Hungh dorh mienh fiev yaac maaih lamh longc weic njaaux mienh, weic gorngv-hemx mienh, weic zorc mienh zoux dorngc nyei dorngx, weic njaaux mienh zoux horpc nyei jauv. Hnangv naaic ziouc bun Tin-Hungh nyei mienh duqv dunh yunh nzoih weic zoux nyungc-nyungc kuv sic.” Hnangv naaic mbuo zunh doz fai njaaux Ging-Sou nyei mienh maiv haih ginv kungx dongh mienh oix muangx nyei waac hnangv, mbuo laanh laanh mienh maiv horpc zuqc nqemh dongh Tin-Hungh hatc njaaux caux gorngv njaaux mbuo nyei waac.

4. Maako 16:15 “Yesu mbuox ninh mbuo, "Meih mbuo oix zuqc mingh gormx lungh ndiev zunh kuv fienx mbuox maanc mienh.”

5. Yaagorpc 3:18 “Haaix dauh kuinx i bung mienh horpc hnyouv daaih se zuangx baengh orn nyei nyim. Siou daaih nyei yietc zungv ziouc longx nyei.”

157


gueixzunh.files.wordpress.com · web viewnaaiv buonv sou se gorngv taux zunh doz caux njaaux...

Documents