universiteti i gjakovËs “fehmi agani”. vështirësitë në të lexuar/disleksia disleksia...
TRANSCRIPT
UNIVERSITETI I GJAKOVËS “FEHMI AGANI”
FAKULTETI I EDUKIMIT
Dega: Programi parashkollor
PUNIM DIPLOME
Tema: “Puna e mësimdhënësve me nxënës me nevoja të veçanta në klasë të
bashkëngjitura”
Mentori: Kandidatja:
Prof.Ass.Dr. Shefqet Mulliqi Dijana Krasniqi
Gjakovë, 2018
2
PËRMBAJTJA ABSTRAKTI ............................................................................................................................................... 4
ABSTRACT ................................................................................................................................................. 4
HYRJE ...................................................................................................................................................... 5
I. VËSHTRIMI HISTORIK I PROBLEMIT TË HULUMTIMIT ........................................................ 6
1.1. Historiku i klasave të bashkëngjitura ............................................................................................ 6
1.1.2. Klasat e bashkëngjitura ............................................................................................................. 6
II. FËMIJËT ME NEVOJA TË VEÇANTA-DËMTIMET, SHKAQET DHE VËSHTIRËSITË ...... 8
2.1. Terminologjia në fushën e edukimit special ................................................................................. 8
2.2. Ngecjet në zhvillimin mendor (prapambetja mendore) ............................................................... 8
2.3. Dëmtimet në të parë ..................................................................................................................... 9
2.4. Dëmtimet në të dëgjuar .............................................................................................................. 10
2.5. Vështirësitë në komunikim-në të folur ....................................................................................... 11
2.6. Vështirësitë emocionale dhe në sjellje ....................................................................................... 11
2.7. Vështirësitë në të nxënë ............................................................................................................. 12
2.8. Vështirësitë në të lexuar/disleksia .............................................................................................. 12
2.9. Vështirësitë në të shkruar/disgrafia ........................................................................................... 13
III. METODOLOGJIA E HULUMTIMIT ............................................................................................ 14
3.1. Objektivat e hulumtimit .............................................................................................................. 14
3.2. Qëllimi i hulumtimit .................................................................................................................... 15
3.3. Detyrat e hulumtimit .................................................................................................................. 15
3.4. Metodat dhe teknikat e hulumtimit ........................................................................................... 16
3.5. Hipoteza e hulumtimit ................................................................................................................ 16
3.6. Variablat e hulumtimit ................................................................................................................ 17
3.7. Popullacioni dhe mostra e hulumtimit ....................................................................................... 17
3.8. Rëndësia e hulumtimit ................................................................................................................ 18
3.9. Organizimi i hulumtimit .............................................................................................................. 18
3.10. Përpunimi statistikor i të dhënave .......................................................................................... 18
IV. MËSIMDHËNIA DHE LLOJET E SAJ .......................................................................................... 19
4.1. Përkufizimet dhe karakteristikat e mësimdhënies ..................................................................... 19
4.2. Përkufizimet dhe karakteristikat e mësimdhënies me në qendër nxënësin ............................. 20
4.3. Llojet e punës së mësuesit me në qendër nxënësin .................................................................. 22
4.4. Kuptimi për mësimdhënien ndërvepruese tek ne ...................................................................... 22
3
4.5. Mësimdhënia me në qendër mësuesin ...................................................................................... 23
4.6. Përkufizimet dhe karakteristikat e mësimdhënies me në qendër mësuesin .............................. 24
V. REZULTATET E PËRGJITHSHME TË HULUMTIMIT ME MËSIMDHËNËS NË
MESIN URBAN DHE RURAL ............................................................................................................... 25
5.1. Analizat dhe interpretimi i rezultateve të hulumtimit ................................................................ 25
5.2. Pyetësorët për mësimdhënësit ................................................................................................... 25
5.3. Rezultatet e përgjithshme të hulumtimit me mësimdhënësit .................................................... 25
REZULTATET E HIPOTEZAVE .......................................................................................................... 36
PËRFUNDIME ......................................................................................................................................... 37
REFERENCAT ......................................................................................................................................... 38
LITERATURA .......................................................................................................................................... 39
SHTOJCA .................................................................................................................................................. 40
4
ABSTRAKTI
Nxënësit me nevoja të veçanta janë një problem në rritje në klasë dhe një nga shqetësimet
më serioze. Ky hulumtim eksploron se çfarë marrëdhëniesh ka në mes punës së mësimdhënësit
dhe nxënësve me nevoja të veçanta. Popullata e këtij studimi janë nxënësit e arsimit fillor SHFMU
në komunën e Pejës. Kampion do të jenë klasat nga I – IX, në arsimin fillor të komunës së Pejës.
Hulumtimi i këtij problemi, mendojmë se do ta plotësoj një boshllëk në fushën e edukimiti të
fëmijëve me nevoja të veçanta dhe do të mundësojë me lehtësi adaptimin dhe rehabilitimin e këtyre
fëmijëve në SHFMU. Duke hulumtuar në aspektin teorik bëmë përpjekje të kuptojmë se cilat janë
kushtet më të favorshme edukativo-arsimore të kësaj kategorie nxënësish më nevoja të veçanta për
t’i edukuar, adaptuar dhe inkorporuar, çfarë kushtesh duhet ofruar për t’iu përshtatur të nxënit e
tyre. Prandaj, institutcionet tona duhet të bëjnë përpjekje për t’i akomoduar dhe ofruar kushte sa
më të favorshme që këta nxënës të edukohen dhe arsimohen bashkërisht me moshatarët e tyre, pa
u anashkaluar, pa u diskriminuar dhe pa u apostrofuar nga rrethi shoqëror.
Fjalët kyçe: mësimdhënie, nxënës, nevoja të veçanta, shkollë, mësimdhënës, klasë e
bashkëngjitur.
ABSTRACT Students with special needs are a growing problem in the classroom and it is one of the most
serious concerns. This research explores the relationship between the teacher and the students with
special needs. The population of this research are students of elementary schools in the
municipality of Peja. We think that this research will fulfill a gap in the field of education for the
kids with special needs and it will make easier for these kids to adapt and rehabilitate in elementary
school. While researching on theoretical aspect we tried to understand which are the best
educational conditions for the students with special needs in order to educate, adapt and
incorporate them, and what kind of conditions we should offer to them to adapt in their learning.
Therefore, our institutions should make an effort to accommodate them and offer to them the best
possible conditions so that these kids can be educated along with their classmates, without being
neglected, discriminated or judged by the society.
5
HYRJE
Mësuesi ka qenë dhe mbetet figura qëndrore në shkollë. Për mësuesin ideal është folur që
nga koha e Sokratit, Aristotelit e Pestalocit. Por çfarë është mësuesi ideal sipas këtyre autorëve?
Ky mësues që konsiderohet si mësues ideal është vëzhgues, eksplorues, njohës i shpirtit, lexues i
mirë, tregimtar i hollë, një njeri me horizont të gjerë, është gjithmonë një hap para të tjerëve, është
e nevojshme të përmbushë imazhin dhe mbi të gjitha të jetë human. Puna e mësuesit është
përcaktuar si njëra nga detyrat më të vështira dhe më me përgjegjsi. Është një punë që, për të arritur
rezultate maksimale, kërkon impenjim të madh nga mësuesi, nga prindërit dhe nga vetë nxënësit
ku impenjimi i tyre duhet të jetë më i madh, për faktin se ata që do të marrin njohuri dhe dituri të
reja. Por, më i rëdësishëm është impenjimi i mësuesit përkundrejtë nxënësit të tij. Mësuesi duhet
të ketë role të shumta brenda dhe jashtë klasës. Përcaktimi i marrëdhënieve mësues-nxënës është
një çeshtje themelore në të cilën ndërthuren koncepte, norma e parime kryesore të pedagogjisë,
psikologjis dhe didaktikës. Mësuesi dhe nxënësi janë dy bashkëpuntorë të lidhur ngushtë me njëri-
tjetrin gjatë gjithë shkollimit, ku mësuesi është drejtues dhe nxënësi duke punuar nën drejtimin e
mësuesit do të përvetsojë njohuri, shkathtësi dhe shprehi që do të përcaktojnë programet mësimore,
përvetsim që varet nga puna e mësuesit dhe përkushtimi i nxënësit. Përmes punës së tij, mësuesi,
duke krijuar një partneritet të suksesshëm ndërmjet shkollës, nxënësit dhe familjes bënë të mundur
përgaditjen nxënësv për sukses gjatë procesit mësimor, pavarësisht diversitetit kulturor të
nxënësve, në mënyrë që të përfundojnë me rezultate sa më të larta studimet e tyre dhe për të
kontribuar sa më pozitivisht në jetë dhe në komunitet. Mësuesi duhet të mbajë parasysh gjithmonë
që një mësimdhënie e mirë është e vlefshme për shoqërinë. Mësimdhënia efektive është kyçi i një
edukimi të vërtetë. Mësuesi duhet të dijë që nxënësit kanë nevojë për shumë zotësi dhe njohuri për
të qenë të suksesshëm, por mbi të gjitha, për nxitje që të ndihen të motivuar e të zotët në botën që
ndryshon me shpejtësi rreth dijes e vlerave qytetare. Mësuesi duhet të jetë ai që krijon qytetarë të
ditur dhe të ndërgjegjshëm, të cilët janë të aftë të shohin botën në mënyrë kritike, të marrin vendime
të zgjuara për jetën e tyre dhe të tjerëve. Edukimi është mënyra më e mirë për të mbajtur gjallë
bazat e demokracisë në shkollë, në jetë, shoqëri dhe familje.
6
I. VËSHTRIMI HISTORIK I PROBLEMIT TË HULUMTIMIT
1.1. Historiku i klasave të bashkëngjitura
Klasat në Kosovë kanë gjetur zbatim pas vitit 2000 dhe janë të rëndësishme për integrimin
e nxënësve me nevoja të veçanta në sistemin e rregullt arsimor. Ndryshimet e mëdha shkencore,
shoqërore e humane kanë ndikuar që pozita e këtyre nzënësve me nevoja të veçanta të ndryshojë
nga një qenie e pavlerë në një nxënës të barabartë me të tjerët. Fëmijët me nevoja të veçanta
edukoheshin dhe edukohen nëpër ente speciale ( që ekzistojnë edhe në vendin tonë), mirëpo
tendencat e disa ekspertëve vendor dhe ndërkombtarë janë që këta fëmijë të integrohen nëpër
shkolla të rregullta. Nëpër disa shkolla fillore ekzistojnë nxënës të tillë që ndjekin procesin
mësimor në klasa të rregullta, ndërsa në disa shkolla të tjera ekzistojnë klasa të veçanta ku
edukohen dhe arsimohen këta fëmijë. E tërë kjo përpjekje bëhet më qëllim të integrimit të fëmijëve
me nevoja të veçanta në sistemin e rregullt. Kuptohet, kjo bëhet me një përkushtim të madh të
ekspertëve me përshtatje të programeve individuale, objekteve e mjeteve për këta fëmijë. Shoqëria
jonë duhet çdo herë të bëjë përpjekje që fëmijët me nevoja të veçanta të kenë mundësi të edukohen
e arsimohen.
1.1.2. Klasat e bashkëngjitura
Me qëllim të përfshirjes së një numri më të madh të këtyre fëmijëve, të racionalizimit
financiar dhe të zvogëlimit të stafit administrativ në shkollat fillore, ka filluar integrimi i këtyre
fëmijëve në shkollat e rregullta. Për këtë qëllim ka filluar hapja e klasave speciale në kuadër të
shkollave të rregullta nëpër të gjitha komunat e Kosovës. Këto janë klasa të kombinuara. Paralelet
e kombinuara përbëhen nga dy e më tepër klasa. Një paralele mund t’i ketë dy ose tri klasa në një
mësonjëtore me të cilat përnjëherë mund të punojë një mësues. Kombinimi i klasave mund të jetë
i ndryshëm dhe varet nga numri i nxënësve. Kombinimi mund të jetë: I-II-III, apo II-III-IV.
Paralelet që përbëhen prej dy klasave kanë po ashtu kombinime të ndryshme. Klasat e
bashkëngjitura funksionojnë si klasë speciale brenda shkollës së rregullt. Në këto klasa mësojnë
nxënës me dëmtime të ndryshme, por që kanë kontakt edhe me nxënësit e tjerë të shkollës. Kjo
7
është një e mirë drejt integrimit të fëmijëve me nevoja të veçanta në sistemin e rregullt dhe me
fëmijët e tjerë. Në këto klasa mësim jep mësuesi special, por që ndihmohet nga mësuesi përkrahës.
Edukimi dhe arsimi i këtyre nxënësve në klasat e bashkëngjitura ndikon pozitivisht në socializimin
dhe edukimin e drejtë të tyre, si dhe eliminimin e paragjykimeve tek nxënësit e klasave të rregullta.
Nëse klasat e bashkëngjitura formohen drejt, nxënësve me nevoja të veçanta u krijohet një ambient
i favorshëm, kështu që gjasat janë shumë të mëdha që këta nxënës të arrijnë rezultate të mira në
bazë të mundësive individuale. Klasat e bashkëngjitura janë një hap pozitiv drejt gjithëpërfshirjes
së nxënësve me nevoja të veçanta në sistemin e rregullt arsimor.
8
II. FËMIJËT ME NEVOJA TË VEÇANTA-DËMTIMET,
SHKAQET DHE VËSHTIRËSITË
2.1. Terminologjia në fushën e edukimit special
Nocioni “special” zakonisht nënkupton diçka të jashtëzakonshme, të veçantë, jo të
rëndomtë, diçka që dallon nga normat e rëndomta. Kur i shtojmë edhe nocionin “pedagogji”
atëherë fitojmë sintagmën Pedagogji speciale si disiplinë shkencore që studion ligjësitë e
zhvillimit, edukimit dhe arsimimit të personave me nevoja të veçanta. Ky emërtim si rrjedhojë e
faktorëve të ndryshëm në radhë të parë gjuhësorë, pëson ndryshime në shumë raste edhe
përmbajtësore. Trendet bashkëkohore në arsim sot janë të orientuara drejt edukimit për të gjithë
prandaj edhe flitet vetem për fusha të edukimit special, por edhe me këtë rast shpeshherë, me apo
pa qëllim, ne edhe i fyejmë këta persona. Kjo ndodhë me terminologjinë që e përdorim si në të
folurit e përditshëm, ashtu edhe atëherë kur shkruajmë për ata. Ja disa shembuj që ilustrojnë këtë
konstatim: Fëmijë të hendikepuar, fëmijë të deformuar, fëmijë me të meta, fëmijë atipikë,fëmijë
jonormalë, fëmijë me defekte, fëmijë të gjymtuar, me paaftësi, jonormal etj. Emërtimi “fëmijë me
nevoja të veçanta” më duket si term i cili nuk fyen askënd, term i cili tregon për ndryshimet që ka
secili njeri. Pra, secili ka nevoja të veçanta (Zabeli, 2003, fq. 22).
2.2. Ngecjet në zhvillimin mendor (prapambetja mendore)
Në terminologjinë tonë ekzistojnë disa terme me anë të të cilave emërtohet kategoria e
fëmijëve (nxënësve) me zhvillim të vonuar mendor. Kështu flitet për fëmijët me defekte mendore
(defektizëm mental), për oligofrenë, për prapambetjen mendore (retardim mental), për
zhvillueshmërinë e pamjaftueshmë mendore, për zhvillim të vonuar mendor, për ngecjen në
zhvillimin mendor. Prapambetja mendore është problem kompleks, shumëdimensional prandaj për
të ekzistojnë përkufizime të nduarnduarta ( përkufizime medicinale, psikologjike, pedagogjike).
Më i kompletuari vlerësohet të jetë përkufizimi i dhënë nga Asociacioni Amerikan për Retardim
Mental (AAMD): “Prapambeturia mendore paraqet funksionin intelektual bukur shumë nën
nivelin mesatar që manifestohet në periudhën e zhvillimit dhe për të cilën është karakteristikë
papërshtatshmëria e sjelljes adaptuese”. Funksionimi intelektual, përkatësisht prapambetja
9
mendore përcaktohet përmes koeficientit të intelegjencës (IQ). Në bazë të këtij diagnostifikimi,
bëhet kjo ndarje:
- Shkalla e kufirit midis asaj që i themi normale dhe jonormale është IQ= 70-85,
- Të gjithë personat me IQ nën 70, diagnostifikohen si persona me ngecje në zhvillimin
mendor (prapambetje mendore),
- Personat me IQ= 50-70, përcaktohen si persona me shkallë të lehtë të ngecjes në zhvillimin
mendor,
- Personat me IQ= 25-50, përcaktohen si persona me shkallë të mesme të ngecjes në
zhvillimin mendor,
- Personat me IQ= nën 25, përcaktohen si persona me ngecje në zhvillimin mendor në shkallë
të rëndë.
Kategoria e parë IQ= 50-70 emërtohet me termin debilë, e dyta IQ= 25-50 emërtohet
imbecilë dhe e treta IQ nën 25, idiotë. Për shumë arsye, e në radhë të parë për arsye morale, duhet
shmangur këtyre emërtimeve si në të folur, ashtu edhe në të shkruar. Shkaqet e ngecjes në
zhvillimin mendor janë të shumta. Ato mund të sistemohen si vijon:
- Shkaqet gjenetike ( shembull Sindromi i Daunit dhe sindrome tjera),
- Dëmtimi në mitër/brendësi ( infektimet e nënës, virusi HIV),
- Dëmtimi në lindje ose menjëherë pas lindjes ( humbja e oksigjenit pesha e vogël në lindje
dhe lindja e parakohshme, verdhëza),
- Aksidentet dhe sëmundjet ( dëmtimi i trurit nga aksidentet, infektimet si meningjiti, kriza e
përsëritur dhe mosushqimi),
- Shkaktarët shoqëror ( fëmijët të cilët në mënyrë ekstreme nuk kanë dashuri, nuk përkrahen,
nuk stimulohen, rriten me dhimbje e jo respekt)(Zabeli, 2001, fq.10).
2.3. Dëmtimet në të parë
Sipas përkufizimit pedagogjik, “ i verbër është ai fëmijë i cili e ka aq të dëmtuar të pamurit,
saqë nuk është në gjendje të arsimohet në mënyrë vizuele. Ai në procesin e arsimimit shfrytëzon
shqisat e të prekurit, të dëgjimit, alfabetin e Brajlit ( Braille) dhe aparate special që i mundësojnë
arsimim të suksesshëm”. Ndërsa, me të pamur të dobët është ai fëmijë i cili mund të arsimohet në
10
mënyrë vizuele dhe nuk ka nevojë të mësojë alfabetin e Brajlit. Dëmtimet në të pamur mund të
jenë të ndryshme. Disa nga më të shpeshtat janë:
- Miopia (shkurtpamësia),
- Hipermetropia (shikimi-vështrimi i gjatë),
- Astigmatizmi (shikim i shpërqëndruar),
- Vështirësia për t’i dalluar ngjyrat.
Shkaktarët më të shpeshtë të dëmtimit pamor janë:
- Sëmundjet infektuese të përcjellura nga nëna gjatë muajve të parë të shtatzanisë,
- Sëmundjet infektuese të përcjellura nga fëmija,
- Mosushqimi nga nëna ose në fëmijërinë e hershme,
- Infektime të syve,
- Lëndimet në sy,
- Dëmtimi i trurit,
- Tumorët që ndikojnë në nervin e të pamurit etj(Zabeli, 2001, fq.14).
2.4. Dëmtimet në të dëgjuar
Përkufizimi operativ i konsideron, “të shurdhër personat te të cilët të dëgjuarit nuk është
funksional në jetën e përditshme, gjysmë të shurdhër janë ata që kanë të dëmtuar shqisën e
dëgjimit, por që të dëgjuarit e tyre është funksional në jetën e përditshme falë aparateve ndihmëse
të dëgjimit ose pa to”. Dëmtimi i të dëgjuarit matet me audiometër dhe shënohet me decibel (dB).
Shkaqet e dëmtimeve në të dëgjuar janë: Trashëgimia, faktori Rh, lindja para kohe,
mungesa e jodit ( te nënat gjatë shtatzanisë), lindja me problem, infeksionet e veshit, marrja e
ilaçeve të shumta e të pakontrolluara, zhurmat e vazhdueshme, me intensitet të lartë etj.
11
2.5. Vështirësitë në komunikim-në të folur
Të folurit përcaktohet si “ defektiv nëse dallohet nga të folurit e njerëzve të tjerë në atë
masë saqë tërheqë vëmendjen, interferon në komunikim ose është shkak i sjelljes së
papërshtatshme të personit që e përdorë”. Nocionin “të folur” duhet dalluar nga nocioni “ gjuhë”.
I dyti është nocion më i gjerë ku nuk kuptohet vetëm gjuha si organ, por në kuadër të tij përfshihet
çdo sistem potencial i komunikimit (si p.sh. shenjat, simbolet, vizatimet, gjestet etj.), ndërsa të
folurit është një prej elementeve (kryesore) të komunikimit.
Shkaqet e dëmtimeve në të folur janë: Lëndimet organike të trurit, dëmtimet e shqisës së të
dëgjuarit, qiellëza e shqyer (e ndarë), prapambetja mendore etj.
Dëmtimet e të folurit zakonisht klasifikohen në bazë të simptomeve të ndryshme. Ato jane:
Të folurit e pazhvilluar (alalia), çrregullimet e zërit (pengesa disfonike), çrregullimet e ritmit dhe
të tempos në të folur, vështirësitë e artikulimit (dislalia), negativizmi, belbëzimi(Zabeli, 2001,fq. 16).
2.6. Vështirësitë emocionale dhe në sjellje
Fëmiu me vështirësi emocionale zakonisht karakterizohet me tërheqje, mbyllje në vetvete,
thjeshtë nuk ka disponim të mirë. Kjo gjendje bënë që personat e tillë të kenë vështirësi në:
- Ndërtimin e marrëdhënieve ndërpersonale me bashkëmoshatarë apo me të tjerët dhe në
këtë rast edhe me mësimdhënësin,
- Shfaqjen e sjelljeve dhe ndjenjave të papërshtatshme nën rrethanat normale,
- Jodisponim të përgjithshëm,
- Tendencat për të zhvilluar simptomet fizike,
- Vështirësi në të nxënë/mësuar.
Vështirësitë në sjellje definohen si shkallëzim në masë të tepruar i sjelljes të qëndrueshme
dhe të përseritur që manifesothet me veprime shpeshëherë agresive ndaj personave të tjerë.
Fëmijët e tillë i manifestojnë sjelljet devijante në familje, në mjedis dhe në shkollë.
Shenjat që i karakterizojnë fëmijët me vështirësi në sjellje janë:
- Sjelljet e përgjithshme të tij janë jashtë kontrollit,
12
- Është kokëfortë dhe nuk i respekton të tjerët,
- U krijon pengesa të tjerëve,
- Fletë në klasë, bënë ndërhyrje të panevojshme, nuk merr në konsideratë të tjerët,
- Ngacmon, prek, shtyen, të tjerët për t’i irituar,
- Përplas gjësendet, dyert, gjuan çantën,
- Refuzon të bashkëpunojë,
- Lëndon në mënyra të ndryshme të tjerët etj.
2.7. Vështirësitë në të nxënë
Në procesin e përvetësimit të shkathtësive, të shprehive, të vlerave, të njohurive të reja,
përgjithësisht në procesin e zhvillimit psikik, fizik, emocional e social, fëmijët, që në hapat e
parë të jetës ndeshen me vështirësi të natyrës dhe të shkallës së ndryshme. Kjo ndodh, sepse
secili individ në këtë botë edhe pse ka shumë të përbashkëta me njerëzit tjerë, prap se prap
secili është “botë” në vete, secili në këtë apo atë mënyrë është i ndryshëm, është në njëfarë
mënyre i veçantë. Secili fëmijë-nxënës, në ndonjë mënyrë përjeton vështirësi në të nxënë.
Aftësia e kufizuar në të nxënë është një nga vështirësitë specifike në të nxënë. Faktorët që
shkaktojnë vështirësitë specifike në të nxënë janë:
- Faktorët gjenetik,
- Faktorët organik,
- Faktorët mjedisorë dhe social.
2.8. Vështirësitë në të lexuar/disleksia Disleksia është vështirësi specifike në të nxënë dhe është konstatuar se është me bazë
neurologjike (Zabeli, 2001, fq.17, 27-34). Asociacioni Amerikan për aftësinë e kufizuar në të nxënë
“disleksinë e përkufizon si aftësi të kufizuar në të nxënë në fushën e të lexuarit”.
13
2.9. Vështirësitë në të shkruar/disgrafia
Përveç numrit të konsiderueshëm të nxënësve që kanë vështirësi në të lexuar, një numër i
tyre shfaqin edhe vështirësi në të shkruar. Vështirësia në të shkruar është e njohur me termin
disgrafi (dis-vështirësi, grafein-të shkruar), ndërsa sinonime të këtij termi janë edhe: Agrafi
motorike, vështirësi specifike në të shkruar, vështirësi specifike në dorëshkrim etj. Nuk ka
mësimdhënës i cili në punën e vet nuk është ndeshur me nxënës të cilët kanë vështirësi në të
shkruar. Vështirësitë e tilla mund të jenë të ndryshme dhe të shkaktuara nga faktorë poashtu të
ndryshëm, por faktorët që shkaktojnë vështirësi specifike në të shkruar siç është disgrafia, janë:
Dëmtimet e trurit dhe traumat e mëdha.
14
III. METODOLOGJIA E HULUMTIMIT
Ky është një hulumtim i cili analizon marrëdhëniet mes punës së mësuesit dhe nxënësve
me nevoja të veçanta. Kryhet në klasat e arsimit fillor. Mësimdhënia dominuese në klasat e
arsimit fillor tek ne është e drejtpërdrejtë. Sipas kësaj klase të mësimdhënies roli kryesor për
përzgjedhjen e materialeve mësimore, për organizimin e klasës, për organizimin e aktiviteteve
mësimore etj., nuk është në dorën e nxënësve. Mësimdhënia ndërvepruese në klasat e arsimit
fillor tek ne është një prirje e re ende në zhvillim. Sipas kësaj klase të mësimdhënies nxënësit
kanë një rol më të madh në procesin mësimor. Ata mund të mësojnë edhe nga njëri-tjetri duke
bashkëpunuar dhe duke qenë aktiv gjithë kohën. Tema e studimit është se puna e
mësimdhënësit me nxënësin në qendër, shoqërohet më me pak vështirësi nga që mendohet
përgjithësisht nga mësuesit. Andaj studimi synon të zbulojë nëse mësimdhënia me në qendër
nxënësin shoqërohet me një numër më të vogël të vështirësive sesa mësimdhënia me në qendër
mësuesin. Pika kritike e çdo hulumtimi është zbulimi i boshllëqeve, paqartësive e vështirësive
që duhet të zgjidhen. Njohuritë e mëparshme dhe përvoja luajnë rol të madh në identifikimin
dhe përcaktimin e problemit. Prandaj, prej hulumtuesit pritet që së pari, në mënyrë teorike të
analizojë problemin dhe pastaj në mënyrë të qartë ta formulojë. Arsimi parauniversitar i
Kosovës është prej dy dekadash në një proces ndryshimesh të thella dhe komplekse.
Ndryshimet në mësimdhënie e në të nxënë janë ndër më të rëndësishmet e këtij procesi.
Gjithnjë e më shpesh mësimdhënia ndërvepruese është në qendër të zhvillimeve të sotme në
arsim. Ajo i përgjigjet prirjes së sotme botërore për ta shndërruar klasën në një mjedis të gjallë,
ku, në vend të dhënies së informacionit, kultivohen shprehitë për gjetjen, kërkimin e pavarur
të tij, diskutohen çështje në këndvështrime të ndryshme, analizohen ato, identifikohen
problemet dhe punohet bashkërishtë për zgjidhjen e tyre.
3.1. Objektivat e hulumtimit
Për të arritur qëllimin e hulumtimit kemi zgjedhur disa detyra:
- Të analizojmë dhe të studiojmë këtë problem;
- Të hartojmë anketën (pyetësorin), si mjet hulumtimi;
- Të informohemi nga udhëheqësit e shkollave;
15
- Të grumbullojmë të dhëna përmes pyetësorëve;
- Të bisedojmë me palët e interest.
3.2. Qëllimi i hulumtimit
Qëllimi i këtij hulumtimi është identifikimi i punës së mësuesve me nxënësit me nevoja të
veçanta në SHFMU nga klasa e I-IX; cilat janë metodat, strategjitë apo mënyrat që ata përdorin
për të mbajtur sa më aktiv procesin e të mësuarit, të motivuarit të nxënësve në klasë dhe për
qëndrimin e tyre gjatë orës mësimore. Problematika e gjerë e ka zanafillën në ndërveprimin
mësues-nxënës, lidhjen e ndërsjellët shkollë-familje, detyrimet e përgjegjsitë që ka secila në
skemën e edukimit dhe arsimit të fëmijëve me nevoja të veçanta. Dhënia e këshillave për
mësuesit që të jenë sa më efektiv dhe motivues në punën e tyre për të dërguar këta nxënës
drejtë arsimdashjes. Ky hulumtim ka për qëllim informimin se sa dhe si kanë ndikuar
metodologjitë e reja të mësimdhënies dhe mësimnxënies në procesin mësimor të nxënësve me
nevoja të veçanta dhe përmes rezultateve të tij, të nxjerrim rekomandimet drejtuese të
shkollave, mësimdhënësve, nxënësve me nevoja të veçanta dhe të prindërve, në mënyrë që
nevojat dhe kërkesat e tyre për ngritje të cilësisë së mësimdhënies dhe mësimnxënies të
realizohen në praktikë.
3.3. Detyrat e hulumtimit
Për të realizuar objektivat studimore për këtë problem në mënyrë precize fokusimi
i domosdoshëm ishte përmbushja e detyrave kryesore:
1. Konsultimi i literaturës në koordinim me problemin hulumtues;
2. Përpilimi i projektik ideor, i cili na ka shërbyer si një dokument orientues për
studimin e problemit;
3. Hulumtimi empirik i problemit me mësimdhënës;
4. Përpunimi dhe nxjerrja e të dhënave për dukurinë që e studiojmë, duke i përdorur
metodat dhe instrumentet e hulumtimit;
5. Hartimi i pyetësorit si mjet hulumtimi për realizimin e qëllimit;
6. Të njoftohen përgjegjësit e shkollave dhe nxënësit me qëllimin e hulumtimit;
16
7. Grumbullimi i të dhënave përmes pyetësorit;
8. Rekomandimet e rezultateve;
9. Interpretimin sa më të saktë të rezultateve të hulumtimit lidhur me punën që bëjnë
mësimdhënësit me këta nxënës.
3.4. Metodat dhe teknikat e hulumtimit
Për studimin teorik të problemit na është e nevojshme edhe përdorimi i metodave të
hulumtimit teorik dhe empirik të problemit. Këto metoda na ndihmuan që ne të kemi më shumë
mundësi për shqyrtimin e burimeve që flasin për problemin të cilin e kemi object studimi. Ndër
metodat të cilat i përdorem për hulumtimin e problemit janë: Metoda statistikore, Metoda
përshkruese, Metoda e analizes, Metoda e dokumentacionit, përmes së cilës i analizuam dhe i
përpunuam të dhënat.
- Metoda Përshkruese – me këtë metodë kemi përshkruar këtë dukuri që është objekt
hulumtimi, punën e mësimdhënësve me fëmijë me nevoja të veçanta. Gjithashtu edhe
hulumtimin që e kemi realizuar me mësimdhënësit kemi përshkruar opinionet e tyre në
raport me nxënësit me nevoja të veçanta, punën me ta dhe strategjitë e mundshme për
adaptimin e tyre në klasë.
- Metoda e Analizës Teorike – përmes kësaj metode ne kemi hulumtuar literaturë
hulumtimesh dhe punimesh shkencore të ndryshme për punimin tonë. Me anë të analizës
teorike ne kemi konstatuar, analizuar, krahasuar edhe opinionet e mësimdhënësve për
fëmijët me nevoja të veçanta, punën me ta dhe bashkëpunimin e faktorëve të ndërsjellë.
- Metoda Krahasues – me anë të kësaj metode ne kemi nxjerrë të dhëna nga pyetësori i
realizuar me mësimdhënës në SHFMU – të komunës së Pejës, duke bërë edhe krahasimin
e të dhënave nga hulumtimi i ralizuar si dhe analizë mbi hulumtimin e mësimdhënëve.
3.5. Hipoteza e hulumtimit
Hipoteza është supozim, pikënisje për studimin e një problem apo fenomeni. Kjo në fakt
është qëndrim, pikëpamje që vazhdon të verifikohet nëpërmjet studimeve dhe kërkimeve të
gjera të praktikës konkrete. Kjo paraqet qasje hipotetike duke supozuar se: praktika e punës së
17
mësimdhënies, roli i mësuësit, prindërve, rrethi shoqëror dhe një tërësi e pasur faktorësh dhe
instutucionesh sociale ndikojnë në mënyrë specifike direkt apo indirekt tek fëmijët me nevoja
të veçanta, andaj supozojmë se:
H – Nxënësit me nevoja të veçanta motivohen, stimulohen nga mësuesit, arrijnë rezultate
të kënaqshme në mësimnxënie.
H1 – Familja, shkolla dhe rrethi social po ndikojnë në nxënësit me nevoja të veçanta.
H2 – Mosfunksionimi i shërbimit pedagogjik – psikologjik në shkollë vjen deri në
mosofrimin e shërbimeve ku nxënësit me nevoja të veçanta do të ishin më të mbështetur duke
u diskutuar vështirësitë dhe pengesat e tyre.
3.6. Variablat e hulumtimit
Nga nocionet e rëndësishme dhe element përbërës në kërkimin pedagogjik është përcaktimi
i variablave. Variablat si madhësi të ndryshme në kërkimet pedagogjike janë dy llojesh: Të
pavarura dhe të varura. Të pavarura quhen variablat që ndikojnë në variablat e varura.
• Variabël e pavarur (shkaku) – puna e mësuesit dhe lloji i mësimdhënies, manipulimi
me përdorimin e metodave (ndërvepruese) me në qendër nxënësin dhe metodave të
(drejtpërdrejta) me në qendër mësuesin.
• Variabël e varur (pasojat) – faktorët e shfaqjes së vështirësive të nxënësve.
3.7. Popullacioni dhe mostra e hulumtimit
Popullacioni i këtij studimi janë mësimdhënësit e shkollave të mesme të ulëta nga klasa I
– IX të komunës së Pejës. Mostra e këtij hulumtimi është numerikisht e caktuar. Meqë numri
i klasave të bashkëngjitura është në një numër të vogël, ne jemi përcaktuar që këtë problem ta
zgjerojmë edhe në klasat e rregullta të arsimit fillor. Grupi reprezentativ përbëhet prej 80
mësimdhënësve. Kampioni i përzgjedhur është bërë në mënyrë rastësore ku përfshihen klasat
e bashkëngjitura në kuadër të shkollave të rregullta.
18
3.8. Rëndësia e hulumtimit
Rëndësia e hulumtimit ka të bëjë me faktin se nëpërmjet pyetësorëve të bërë nëpër shkolla
me mësues arritëm të marrim informacion konkret dhe real në lidhje me punën e mësuesve me
nxënësit me nevoja të veçanta; poashtu kuptuam sa të përqëndruar dhe të motivuar ndjehën ata
nga ana e mësuesit. Si ndjehën në ambientin shkollor, si është klima që mbizotëron brenda
klasës së tyre? Sa të mbështetur e ndiejnë vetën këta fëmijë nga mësuesit?
3.9. Organizimi i hulumtimit
Organizimi i hulumtimit është zhvilluar nëpërmjet tre instrumenteve: Rishikim, literaturë
dhe pyetësor në një periudhë kohore prej pesë muaj, ku fillimisht u konsultua literatura dhe
pjesa teorike, konsultimet në vazhdimësi me mentorin Prof. Ass. Dr. Shefqet Mulliqi, pastaj u
plotësuan pyetësorët e mësuesëve. Kurse koha e përpunimit të të dhënave statistikore, analizës
dhe konkluzionit zgjati rreth dy muaj.
3.10. Përpunimi statistikor i të dhënave
Metoda statistikore- për të hulumtuar, studiuar e analizuar këtë dukuri ne e kemi përdorur
edhe metodën statistikore, e cila na mundësoi grumbullimin e të dhënave, gjetjen e përqindjeve
dhe paraqitjen në grafikone dhe forma tabelore.
19
IV. MËSIMDHËNIA DHE LLOJET E SAJ
Në “Fjalorin e edukimit” mësimdhënia përkufizohet si akti i të dhënit mësim në një
institucion arsimor; është veprimtaria dhe drejtimi i procesit mësimor nga mësuesi(Grillo, 2002,
fq.182). Mësimdhënia gjithnjë është një proces i qëllimshëm, ku duhet të realizohen objektivat e
caktuara. Si çdo veprimtari e qëllimshme, mësimdhënia nuk ndodhë rastësisht, por është një proces
i planifikuar, që kushtëzon realizimin e efektshëm të këtij procesi.
Mësimdhënia është:
a. Transmetimi i njohurive nga mësuesi te nxënësi, që shoqërohet me pyetjën (Çfarë)-çfarë
do t’i mësojë atij;
b. Organizimi dhe drejtimi i punës së nxënësit, që shoqërohet me pyetjen “Si?” dhe lehtësimi
i mësimnxënies “Çfarë do të mësojë dhe si do të mësojë nxënësi?”.
4.1. Përkufizimet dhe karakteristikat e mësimdhënies
Mësimdhënia është një proces aktiv, në të cilin një person e ndan informacionin me të tjerët
për t’i pajisur ata me njohuri, të cilat dërgojnë në ndryshime të sjelljes. Mësimdhënia është një
proces tripolar, që përfshinë mësuesin, nxënësin dhe situatën e të mësuarit dhe që dërgon në
ndryshimin e sjelljes së nxënësit. Mësimdhënia është një proces ose një vemprimtari
ndërpersonale, ku mësuesi bashkëvepron më një ose më shumë nxënës dhe ndikon tek ata, por
që nënkupton edhe ndikimin e nxënësve te mësuesi. Në kuptimin e gjerë mësimdhënia është
drejtimi nga mësuesi i situatës mësimore dhe të nxënit që përfshinë:
a. Procesin paraveprues të marrjes për planifikim, skicimin dhe përgatitjën e materialeve për
të mësuarit dhe të nxënit, për diagnostikimin e nevojave të nxënësve, për krijimin e mjedisit
mësimor, për shfrytëzimin e kohës mësimore;
b. Procesi bashkëveprues, bashkëpunimin e drejtpërdrejtë mësues-nxënës, përdorimin e
metodave të mësimdhënies;
20
c. Fazën pasvepruese, që përmbledhë: Vlerësimin, vetëvlersimin, ridrejtimin, caktimin e
procedurave për të vlerësuar të nxënit, për të vënë nota, për të vlerësuar programin
mësimor, për të vlerësuar materialet mësimore.
4.2. Përkufizimet dhe karakteristikat e mësimdhënies me në qendër
nxënësin
Mësimdhënia është përkufizuar si: Një proces me dy drejtime, në të cilin nxënësit pritet të
luajnë rol aktiv duke ju përgjigjur pyetjeve, duke kontribuar në diskutime dhe duke i shpjeguar
dhe demonstruar klasës metodat e tyre.
Mësimdhënia ndërvepruese është t’u japësh nxënësve diçka për të bërë, duke marrë atë që
ata kanë bërë dhe pastaj ta asimilosh vetë atë, në mënyrë që të mund të vendoset se çfarë do të
jetë më mirë të bëhet më pas. Ekzistojnë tre arsye se pse mësuesit duhet të përzgjedhin
mësimdhënien ndërvepruese. E para, kjo është një përpjekje për të parë se çfarë ekziston në të
vërtetë në trurin e nxënësve. Ky është aspekti “përmbledhës”, që është aspekti më i lartë për tu
kuptuar dhe kjo është e përshkruar më së miri në literaturë. Por, është larg nga të qenurit
perspektiva e vetme. E dyta është “formuese”, ku mësuesi synon që nëpërmjet dtyrës së caktuar
të drejtojë përpunimin mendor të nxënësve për gjatë një rruge të duhur në “koncept-hapsirë”.
Qëllimi është që, teksa nxënësit mendojnë përmes çështjeve të nevojshme në kapërcimin e
rrugës, ndërtimi mendor i rezultuar që është zhvilluar në kokën e nxënësit do të ketë ato veçori
që mësuesi është duke u përpjekur t’u mësojë nxënësve. Siç ka zbuluar Sokrati, një pyetje e
mirë mund të arrijë këtë rezultat më mirë sesa thjesht duke dhënë përgjigjen. Arsyeja e tretë
mund të quhet “motivuese”. Të nxënit është një punë e vështirë dhe një injeksion motivimi në
momentin e duhur mund të sjellë ndryshimin. Një faktor motivues dhe nga mësuesi
ndërveprues është kërkesa e një përgjigje ndaj një detyre të gjallë në klasë. Kjo shërben për ta
nxjerrë nxënësin në veprim, për të nxjerrë trurin e tij jashtë shtratit, do të thotë që të flasë. Të
pyeturit e lejon mësuesin të kontrolloj të kuptuarin e nxënësve për lëndën, lejon nxënësit të
praktikojnë dhe të përmisojnë aftësitë e përfshira dhe të qartësojnë të menduarit e tyre dhe
lejon mësuesit të sigurojnë skemën e të nxënit. Mësimdhënësi duhet të diktojë rëndësinë e :
• Përdorimit të pyetjeve për të parë të nxënit bazë në fillimin të mësimit dhe të stimulojë
reflektimin në çfarë kanë nxënë në fund të mësimi;
21
• Krijimit të një klime ku nxënësit ndihen të inkurajuar t’u përgjigjen pyetjeve;
• Përfshirjes së pyetjeve të nivelit të lartë dhe pyetjeve strategjike, pyetjeve të hapura dhe
pyetjeve proces;
• Njohjes së përgjigjes së nxënësve dhe dhënien e një feedback-u (reagimi) të qartë,
veçanërisht nëse nxënësit janë hezitues;
• Nxitjes së nxënësve duke rifrazuar ose hedhur poshtë pyetjen nëse ka një përgjigje të
pasaktë ose nuk ka fare;
• Hezitimin e gjatë të nxënësit për të formuluar një përgjigje përpara se ta nxisësh;
• Pyetjes së një nxënësi tjetër për përgjigjen përpara se mësuesi t’i përgjigjet pyetjes.
Disa faktorë të rëndësishëm në mësimet ndërvepruese janë:
• Mundësi reciproke për të folur, të cilat i lejojnë fëmijët që të zhvillojnë zërin e pavarur
në diskutim;
• Udhëheqje e përshtatshme dhe modelim kur mësuesi orkestron gjuhën dhe aftësitë për
mendime kolektive;
• Mjediset të cilat janë ndihmëse në pjesëmarrjen e nxënësve;
• Një rritje në nivelin e pavarësisë së nxënësve.
Kjo sygjeron një lëvizje larg nga drejtimi i mësuesve drejt nxënësve të pavarur. Për më
tepër, sa më shumë pyetje të bëjë mësuesi, aq më pak nxënësit përgjigjen dhe kjo ndikon në
reduktimin e produktivitetit të të menduarit si rezultat i vazhdueshëm i nivelit të ulët të
pyetjeve. Mandje me përfshirjen e pyetjeve të nivelit të lartë është debatuar nëse vazhdimësia
e pyetjeve me proporcion të lartë të kohës është efektive. Roli i mësuesit në krijimin e
“njohurive të përgjithshme” në klasë është me interes të veçantë. Njohuritë e përgjithshme
krijohen nga përdorimi prej mësuesit i kurrikulës dhe përmbajtjes së njohurive pedagogjike
për të ndihmuar nxënësit të artikulojnë e vlerësojnë njohuritë e tyre individuale në një rrugë
ndërveprues.
22
4.3. Llojet e punës së mësuesit me në qendër nxënësin
Ka disa mënyra të ndryshme pë kategorizimin e ndërveprimit në klasë, por që të gjitha
llojet e bashkëveprimit janë të rëndësishme për të angazhuar të nxënit
dhe për të krijuar njerëz të rinj të mirinformuar brenda dhe jashtë klasës. Dallojm këto lloje të
ndërveprimit:
• Ndërveprimi nxënës – mësues,
• Ndërveprimi nxënës – nxënës,
• Ndërveprimi i një grupi të vogël, dhe
• Ndërveprimi i një klase.
Për të shmangur të theksuarit e tepërt të teorisë dhe mësimin përmendësh të materialit të
paraqitur në klasë, mësuesit perdorin ose vënë në punë ndërveprimin në klasë, për t’u dhënë
nxënësve mundësinë për të menduar në mënyrë kritike, për t’u përqendruar në detaje të veçanta
dhe për të praktikuar atë që ata kanë mësuar. Mësuesit kanë qasje ose mundësi hyrjeje në shumë
metoda të krijimit të një klase ndërvepruese. Metodat e zakonshme përfshijnë bashkëbisedimin
në klasë, pyetje – përgjigjet, leximin me zë të lartë dhe lojen me role. Pjesëmarrësi më i
rëndësishëm në diskutim është mësuesi, i cili vlerëson situatën dhe përdor pyetje fokusuese
për të kontrolluar drejtimin e tij të përgjithshëm. Pyetjet fokusuese tërheqin vëmendjen e klasës
në aspekte të kontributeve të nxënësve që janë të rëndësishme. Për shembull, vëmendja mund
të tërhiqet për strategjitë, shpjegimet, njohuritë e dobishme ose karakteristika të problemit që
nuk janë kuptuar akoma. Pastaj klasa vlerëson strategjitë dhe shpjegimet, zgjidh kolektivisht
ndonjë shqetësim që është krijuar, ose merr ide të reja për të zhvilluar ato më tej.
4.4. Kuptimi për mësimdhënien ndërvepruese tek ne
Në “Mësimdhënia me në qendër nxënësin (I)” autorët paraqesin konceptin e tyre për
mësimdhënien ndërvepruese(Grup autorësh, 2005, fq.10). Ata vënë në dukje se kur flasin për
mësimdhënien ndërvepruese, duhet të kuptojmë mësimdhënien si një proces bashkëveprimi,
23
dinamik, fleksibël, dhe të hapur, midis mësuesit dhe nxënësve, por edhe midis vetë nxënësve ,
ku të gjithë kanë të drejtë të marrin vendime dhe të zgjedhin rolet që u përshtaten. Mësimdhënia
ndërvepruese kërkon role të reja bashkëvepruese, si brenda, ashtu edhe jashtë mjedisit
shkollorë. Burim për këtë tip mësimdhënie dhe të nxënit bëhet i tërë konteksti i sotëm social,
rajonal dhe më gjerë, i cili përcjell informacion të dendur, të shpejtë dhe të ri, vendi i të cilit
duhet të jetë sa më parë dhe sa më pranë përmbajtjes së kurrikulit shkollorë dhe familjes së
madhe të metodave të mësimdhënies, që i japin jetë kësaj përmbajtjeje shkollore, i japin
profilin dhe cilësinë e kërkuar. Mësimdhënia ndërvepruse kërkon përdorimin e teknologjive të
reja në cilësinë e duhur dhe me synime ambicioze edukative. Për këtë mësuesi duhet ta shohë
vetën si një nxënës që nxë për vete dhe për të tjerët, për nxënësin e vet. Si përfundim, theksojnë
autorët, në tërë gamën e gjerë të kërkesave të mësipërme për një mësimdhënie ndërvepruese
në themel qëndron krijimi i fytyrës së asaj mësimdhënie që ne duam të krijojmë, në qendër të
së cilës qëndron nxënësi.
4.5. Mësimdhënia me në qendër mësuesin
Zajazi vë në dukje se mësimdhënien e drejtpërdrejtë e kuptojmë si një strategji të punës
mësimore, ku dominon udhëheqja frontale e mësuesit me të gjithë nxënësit e klasës
njëkohësisht, me synim që bashkërisht të përqëndrohen në efekte dhe vlera bazë të caktuara
mësimore, të përbashkëta për të gjithë(Zajazi, 2003, fq.290). Kështu, pra, strategjia e
mësimdhënies së drejtpërdrejtë, ashtu si edhe ajo indirekte (jo e drejtpërdrjtë) ka fusha të
caktuara përdorimi në klasë. Musai thekson se mësimdhënia e drejtpërdrejtë është një
mësimdhënie që vë theksin në zotërimin e shprehive bazë(Musai, 1999, fq.351). Karakterizohet
nga përzgjedhia e kujdesshme, organizimi i qartë i përmbajtjes, përfshirja aktive e nxënësve,
kohë e zënë me veprimtari, drejtim i qartë, zotërim i materialeve dhe atmosferë e këndshme
pune. Me anë të mësimdhënies së drejtpërdrejtë mësuesit tregojnë, demonstrojnë, shpjegojnë
dhe marrin përgjegjësitë më të mëdha për zhvillimin e mësimit dhe përshtatin punën e tyre në
ërputhje me moshën dhe aftësitë e nxënësve. Një shikim i hulumtimit tregon se mësimdhënia
e drejtpërdrejtë i zgjeron shprehitë në mënyrë të qëndrueshme, me një numër të gjerë nxënësish
dhe lëndësh.
24
4.6. Përkufizimet dhe karakteristikat e mësimdhënies me në qendër
mësuesin
Mësimdhënia e drejtpërdrejtë, vë në dukje Woolfolk(Woolfolk, 2011, fq.466), sidomos kur
përfshim prezantime të zgjeruara ose leksione nga mësuesi, ka disa disavantazhe. Gjatë
shpjegimit mund të shihni se disa nxënës e kanë të vështirë t’ju dëgjojnë për më shumë se disa
minuta rresht, çka ju shkëput nga rrjedha e mësimit. Prezantimet e mësuesit mund t’i dërgojnë
nxënësit në qëndrim pasiv dhe kësisoj ju detyroheni ta bëni vetë një pjesë të madhe të punës
konjitive në vend të tyre, dhe kjo mund t’i pengojë nxënësit të bëjnë pyetje ose madje të
mendojnë pyetje. Në kontekstin tonë arsimor, në shkollat tona, vihet në dukje vlerësimi
multifaktorial i cilësisë së arsimit në shkollat fillore ku sundon metoda tradicionale e
shpjegimit të mësimit dhe vetëm në pak raste mësuesit dalin nga “kornizat” e kësaj metode.
Me sa duket, mungesat që kanë shkollat në mjete didaktike, demonstruese, eksperimentale ose
audiovizuale i kufizojnë mundësitë e mësuesit për të përdorur metoda ndërvepruese dhe i bënë
këta të ndihen “rehat” në metodat e tyre “tradicionale” të mësimdhënies. Përdorimi ose jo i
metodave tradicionale në klasë në shkallë të madhe varet nga mësuesi. Mësimdhënia e
drejtpërdrejtë është më e përdorshmja në kontekstin tonë arsimor sepse, së pari, në këtë
mësimdhënie sigurohet një shkallë e lartë e kontrollit nga ana e mësuesit në klasë, e cila është
e përqendruar në përmbajtjen e lëndës, sepse siguron mësimdhënie, ritëm në të nxënë, korigjim
dhe vlerësim të përgjigjeve të nxënësve. Së dyti, kjo mësimdhënie priret në punën në grupe me
të gjithë klasën, ku numri i madh i nxënësve mund të ndihmojë ekspertizën profesionale të
mësuesit.
25
V. REZULTATET E PËRGJITHSHME TË HULUMTIMIT ME
MËSIMDHËNËS NË MESIN URBAN DHE RURAL
5.1. Analizat dhe interpretimi i rezultateve të hulumtimit
Në këtë pjesë është diskutuar për rezultatet e hulumtimit, interpretimi i rezultateve të
realizuar gjatë punës praktike në terren. Ndër qëllimet kryesore ka qenë të diskutohet për punën e
mësimdhënësve me nxënës me nevoja të veçanta në klasat e bashkëngjitura në SHFMU. Në këtë
pjesë është marrë opinioni i mësimdhënësve për nxënësit me nevoja të veçanta si dhe vërtetimi i
hipotezave të cilat janë parashtruar në hulumtim dhe diskutimi i tyre.
5.2. Pyetësorët për mësimdhënësit
Ecuria e mëtejshme e procesit të plotësimit të pyetësorve është mundësuar nga kontakti i
drejtpërdrejtë me subjektet pjesëmarrës në studim, të cilëve u është kërkuar leje paraprake dhe u
është shpjeguar çdo detaj, por identifikimi i tyre do të mbetet konfidencial. Gjatë kryerjes së
pyetësorve janë respektuar më përpikëri parimet etike. Pyetësorët janë plotësuar nga 80
mësimdhënës. Pyetësorët për mësues përmbajnë 10 pyetje me kërkesa alternative dhe me opinion
të punës së tyre rreth përdorimit të metodave me fëmijët me nevoja të veçanta. Ky pyetësor synon
të matë shkallën e përdorimit të formave, teknikave, metodave të mësimit për të arritur vlerat
motivuese dhe vlersuese si dhe mjetet për arritjet dhe socializimin e këtyre fëmijëve.
5.3. Rezultatet e përgjithshme të hulumtimit me mësimdhënësit
SHFMU Numri i përgjithshëm i
nxënësve
Numri i nxënësve me nevoja
të veçanta
“Dardania” - Pejë 1140 13
“Ramiz Sadiku” - Pejë 740 20
“Dëshmorët e kombit” -
Baran
560 2
26
Grafiku nr.1. Rezultatet e fituara nga pyetja e parë: A keni një program të veçantë
për punën me nxënësit me nevoja të veçanta?
Sipas hulumtimit të realizuar me mësimdhënësit shihet se jo të gjithë mësimdhënësit kanë
program të veçantë për punën me nxënësit me nevoja të veçanta. Plani individual i arsimit (PIA)
është dokument zyrtarë pedagogjik i cili hartohet për fëmijët me nevoja të veçanta arsimore, për
të cilët ekipi vlerësues dhe mbështetës i fushave të ndryshme zhvillimore ka marrë vendimin për
arsim me nevoja të veçanta. Plani individual i arsimit shërben per planifikim sistematik të
edukimit, mësimdhënie për mbështetjen dhe përcjelljen e përparimit individual të fëmijëve në
mësim. Plani individual i arsimit duhet të zhvillohet përmes një procesi bashkëpunues duke
përfshirë shkollën, prindërit. Fëmijët (kur është e përshtatshme) dhe personelin tjetër përkatës. PIA
është një dokument i besueshëm (konfidencial) dhe informatat për të, mund tu jepen të tjerëve
vetëm me lejen e prindërve. Ai i referohet përshtatjes së programit edukativo-arsimor dhe
fokusohet në nevojat me prioritet të të nxënit.
27
Grafiku nr.2. Rezultatet e fituara nga pyetja e dytë: A ju siguron shkolla materiale
didaktike në përputhje me nevojat dhe kërkesat për të punuar me nxënësit me nevoja të
veçanta?
Sipas paraqitjeve grafike shihet se 37.5% (n=30) e mësimdhënësve përgjigjen se shkolla
nuk ofron materiale didaktike ose të përshtatura për të zbatuar programin mësimor për nxënësit
me nevoja të veçanta, ndërsa, 62.5% (n=50) kanë dhënë përgjigje pozitive për materialet didaktike
që janë të përshtatura për nxënësit me nevoja të veçanta. Megjithatë vlerësohet se për nxënësit me
nevoja të veçanta në shkollat e zakonshme nuk ofrohen mjete të tilla të përshtatura si: tekste
shkollore të hartuara në përputhje me stadin e zhvillimit të tyre, tekste shkollore në gjuhën brail
për nxënësit e verbër si dhe interpreti i gjuhës së shenjave për nxënësit me aftësi të kufi zuara në
dëgjim dhe të folur. Këto mjete janë të domosdoshme dhe shumë të rëndësishme për punën me
nxënësit me nevoja të veçanta. Me mjete didaktike nënkuptohen të gjitha mjetet të cilat përdoren
në klasë me nxënësit për arritjen e rezultateve të të nxënit.
28
Grafiku nr.3. Rezultatet e fituara nga pyetja e tretë: Sa bashkëpunoni me prindërit
për zbatimin e programit të hartuar për nevojat specifike të fëmijës së tij/ saj?
Sipas paraqitjes grafike shihet se faktori familje si një bashkëpunues për zbatimin e
programit të hartuar për nevojat specifike të fëmijëe të tyre është i një niveli të ulët. Ky
bashkëpunim jo i duhur e bënë më të vështirë punën e mësimdhënësve me fëmijët me nevoja të
veçanta. Plotësimi i Planit Individual të Arsimit është përgjegjësi e edukatorit/mësuesit, i cili në
grupin/klasën e tij ka fëmijën, në bashkëpunim të ngushtë me prindërit. Drejtori duhet të jetë i
informuar për procesin. Një kopje të PIA-s duhet ta ketë prindi/kujdestari i fëmijës dhe një kopje
të jetë pjesë e dosjes së nxënësit. Në takimet për hartimin e PIA-s marrin pjesë: edukatori/
mësimdhënësi i klasës, prindi apo kujdestari i fëmijës, mësimdhënësi mbështetës, mësuesi
udhëtues, mësimdhënësi lëndor, ofruesit e tjerë të shërbimeve profesionale në shkollë (pedagogu,
psikologu).
29
Grafiku nr.4. Rezultatet e fituara nga pyetja e katërt: A keni në klasa mësues
mbështetës për punën që bëni me nxënësit me nevoja të veçanta?
Nga kjo paraqitje grafike shihet se 57.5% (n=46) e mësimdhënësve kanë mësues
mbështetës dhe 42.5% (n=34) nuk kanë mësues mbështetës. Kjo thekson mungesën në strukturën
e shkollës të mësuesëve mbështetës. Mësuesit mbështetës – janë mësimdhënës të trajnuar, të cilët
janë të punësuar për të punuar me fëmijët me nevoja të veçanta arsimore në shkolla dhe klasa të
rregullta. Detyra e tyre është që të organizojnë mësimdhënie për nxënësit me nevoja të veçanta
arsimore pa i nxjerrë ata nga klasa e rregullt, por në bashkëpunim me mësimdhënësin klasor të
organizojnë mbështetjen. Detyra të tjera të këtyre mësimdhënësve janë edhe ngritja e vetëdijes për
gjithëpërfshirje, udhëzimi i staft menaxhues për aspektin e gjithëpërfshirjes dhe ndikimi tek i gjithë
staf për ta bërë shkollën më gjithëpërfshirëse.
30
Grafiku nr.5. Rezultatet e fituara nga pyetja e pestë: A motivohen dhe a stimulohen
nxënësit nga ana juaj?
Sipas rezultatit të realizuar me mësimdhënës si në klasat e bashkëngjitura ashtu edhe me
mësimdhënësit në klasat e rregullta shihet se 78.75% (n=63) janë motivues dhe stimulues për
nxënësit, ndërsa 21.25% (n=17) prej mësimdhënësve nuk mendojn se i motivojn dhe i stimulojn
nxënësit. Mësimdhënësit duhet të jenë të aftë të arrijnë që t’i motivojnë nxënësit me nevoja të
veçanta. Stimulimet janë të rëndësishme sepse i ndihmojnë nxënësit me nevoja të veçanta që të
kenë një vetvlerësim më të lartë për vetën.
31
Grafiku nr.6. Rezultatet e fituara nga pyetja e gjashtë: A pajtoheni me njohuritë tuaja
profesionale për punën me nxënësit me nevoja të veçanta?
Sipas hulumtimit del se 52.5% (n=42) me tepër se gjysma e mësimdhënësve që kanë marrë
pjesë në hulumtim janë disi të kënaqur me njohuritë e tyre profesionale për punën me nxënësit me
nevoja të veçanta. Niveli i formimit pedagogjik i mësuesve, si dhe ai gjatë procesit të
mësimdhënies, me njohuri për edukimin special të nxënësve me aftësi të kufizuara është shumë i
rëndësishëm, por ende jo në shkallën e duhur. Programet e formimit pedagogjik të mësuesve nuk
janë të orientuara edhe drejt edukimit special.
32
Grafiku nr.7. Rezultatet e fituara nga pyetja e shtatë: Cilat nga metodat e
mësimdhënies i përdorni ju për të nxitur nxënësit me nevoja të veçanta për një mësim më
aktiv?
Sipas hulumtimit del se mësimdhënëit zbatojnë më tepër metodën bashkëkohore me në
qendër nxënësin. Në teorinë dhe praktikën e punës mësimore, çështja e metodave është një nga
përmbajtjet me rëndësi të veçantë, meqë ato kanë qëllim teorinë e zhvillimit të procesit mësimor.
Përdorimi i metodave është tejet i gjerë sepse me to udhëheqë në çdo fushë të veprimtarisë. Në
punën mësimore të udhëhequr me metoda të ndryshme realizojnë ecurinë didaktike të punës
mësimore. Në punën me nxënësit me nevoja të veçanta, metodat mësimore janë struktura të
përmbajtjes didaktike, të organizuara dhe të planifikuara drejt organizimit të zhvillimit të progresit
mësimor në përvetsimin e diturive, shkathtësive dhe shprehive elementare. Në shkollën dhe klasat
speciale përdorim më të gjerë gjen metoda verbale ose e fjalës së gjallë, e cila shfrytëzohet në
formë të monologut dhe përmes saj mësuesi bën, përshkrimin dhe sqarimin e përmbajtjeve
mësimore, pastaj metoda e demonstrimit ku nëpërmjet fotografive dhe albumeve të ndryshme
mësuesi bënë më të qëndrueshme njohuritë. Mësimdhënësit duhet të jenë të aftë të kombinojnë
forma e metoda të mësimdhënies të cilat do të merrnin parasysh aftësitë psikofizike të nxënësve,
vështirësitë eventuale dhe përgjithësisht do të krijonin mjedis të përshtatshëm për mësim(Zabeli,
2003, fq. 55).
33
Grafiku nr.8. Rezultatet e fituara nga pyetja e tetë: Cili do të ishte stimuli që do të
kishit më shumë nevojë për të punuar me nxënësit me nevoja të veçanta?
Për të patur efektivitet në punën individuale me nxënësit me nevoja të veçanta, stimulimi i
mësuesve është një tjetër faktor i rëndësishëm për t’u patur në konsideratë. Ky studim theksoi edhe
një herë që domosdoshmërisht mësuesit duhet të kenë stimul për punën individuale dhe specifike
që ata bëjnë me nxënësit me nevoja të veçanta, si gjatë orës së mësimit ashtu edhe jashtë saj. Në
mendimin e mësuesve për format e stimulimit që ata do të parapëlqenin, vlerësojnë si të parë
lehtësimin përmes mësuesit mbështetës, të dytë shohin ngarkesën e orëve mësimore të reduktuara,
të tretën shtimin në pagë dhe në vijim lehtësira të tjera. Kjo shërben edhe njëherë për të treguar
rëndësinë e rolit të mësuesit mbështetës në shkollat e zakonshme si lehtësues i drejtpërdrejtë i
mësuesve dhe i nxënësve me aftësi të kufizuara.
34
Grafiku nr.9. Rezultatet e fituara nga pyetja e nëntë: A kanë mbështetje nga stafi
pedagogjik dhe psikologjik në shkollën tuaj nxënësit me nevoja të veçanta?
Sipas rezultatit të hulumtimit duket se sipas mësimëdhënësve 45% (n=36) e tyre kanë
dhënë përgjigje se aspak nuk kanë mbështetje fëmijët me nevoja të veçanta nga stafi pedagogjik
dhe psikologjik, 43.75% (n=35) e tyre mendojnë se kan shumë mbështetje prej tyre, 6.25% (n=5)
mendojnë që kanë mbështetjë disi, ndërsa 5% (n=4) kanë pak mbështetje. Në këto stafe përfshihen:
Psikologu, pedagogu, logopedi, oftalmologu etj.
35
Grafiku nr.10. Rezultatet e fituara nga pyetja e dhjetë: A pajtoheni me nivelin e
integrimit të nxënësve me nevoja të veçanta në shoqëri?
Sipas rezultatit nga grafikonët shohim se 90% (n=72) e mësimdhënësve nuk pajtohen me
nivelin e integrimit të nxënësve me nevoja të veçanta në shoqëri, ndërsa 10% (n=8) e tyre pajtohen
me integrimin e tyre në shoqëri. Kjo tregon se nxënësit me nevoja të veçanta nuk janë të integruar
në shoqërinë tonë sa duhet. Gjithëpërfshirja është një e drejtë, që shoqëria shqiptare dhe, akoma
më ngushtë, shkolla po synon të mirëpresë fëmijët që kanë nevoja të veçanta duke hapur
mikpritshëm dyert e klasave. Gjithëpërfshirja është parakusht për zhvillimin e mundësive të
barabarta, për edukim demokratik dhe për përfshirje sociale.
36
REZULTATET E HIPOTEZAVE Duke u bazuar në hulumtimin e bërë në tre shkollat në komunën e Pejës kemi arritur në
këto përfundime:
H - Për hipotezën e parë kemi arritur në përfundim se një përqindje mjaftë e lartë e
nxënësve me nevoja të veçanta motivohen dhe stimulohen nga mësimdhënësit, për të arritur
rezultate të kënaqshme në mësimnxënie. Nxënësit kur motivohen dhe stimulohen nga
mësimdhënësit, ndryshon gjendja e tyre pra vjen në rritje edhe rezultati i tyre.
H1 - Për hipotezën e dytë kemi arritur në përfundim se familja, shkolla dhe rrethi social
ndikojnë shumë në nxënësit me nevoja të veçanta, e fatëkeqësisht niveli i integrimit të nxënësve
me nevoja të veçanta në rrethin social është mjaftë i vogël sipas mësimdhënësve.
H2 - Për hipotezën e tretë kemi arritur në përfundim se pothuajse gjysma e nxënësve me
nevoja të veçanta në shkollat ku është bërë hulumtimi nuk kanë mbështetje nga stafi pedagogjik
dhe psikologjik. Mosfunksionimi i këtij stafi vjen deri te mosofrimi i shërbimeve ku nxënësit me
nevoja të veçanta do të ishin më të mbështetur duke u diskutuar vështirësitë dhe pengesat e tyre.
Duke u bazuar në hulumtimin e bërë si dhe në përfundimet e dala nga ky hulumtim kemi
nxjerrë këto rekomandime:
• Ekzistojnë disa mënyra të përgjithshme për të bërë një motivim dhe stimulim
pozitiv në drejtim të mësimdhënies dhe mësimnxënies nga ana e mësimdhënësit.
Një nga mënyrat është: Entuziazmi. Mendohet se entuziazmi shpreh rrezatim, dritë,
shpresë, gëzim, motivim të cilat i duhen nxënësit për të ecur përpara në jetën
shkollore. Angazhimi i mësuesit në punë është një nga mënyrat për të arritur
motivimin. Reagimi i mësuesit kur jep vërejtje ka një ndikim të madh në motivimin
e tyre. Një mënyrë tjetër është: Mirëkuptimi, mësuesi duhet të jetë mirëkuptues ndaj
nxënësve të tij. Vlerësimi i mësuesit është jo më pak i rëndësishëm se mënyrat e
tjera.
• Shkolla duhet të ketë më tepër aktivitete për këtë kategori të nxënësve, shkolla
poashtu duhet të krijojë një klimë dhe atmosferë në shkollë, në mënyrë që edhe kjo
kategori të ndjehet e barabartë dhe e integruar në shoqëri.
37
• Gjatë punës me këta nxënës, kërkohet dhe këshillimi i vazhdueshëm me prindërit
dhe me profesionistë të tjerë. Prandaj, mësimdhënësit duhet të punojnë me nxënësit
e tjerë në mënyrë që t’i pranojnë nxënësit me nevoja të veçanta dhe të mos ketë
paragjykime, stereotipe dhe gjëra të ngjashme për këta nxënës.
PËRFUNDIME
Nga studimi që u krye, u vu re se puna e mësuesit, metodat dhe strategjitë e tij, janë faktorë
i rëndësishëm i jetës shkollore. Mësuesi e ka për detyrë të inkurajojë dhe të ruaj individualitetin e
nxënësit. Faktor shumë i rëndësishëm për motivim është mësuesi, sjellja e tij në klasë, sepse figura
e mësuesit për nxënësit, sidomos kur bëhet fjalë për nxënësit e ciklit të ulët është shumë e
rëndësishme pasi ata kalojnë një pjesë të konsiderueshme të kohës së tyre me mësuesit. Faktorë
tjerë janë metodat, teknikat dhe strategjitë që përdor mësuesi për ti stimuluar nxënësit në mësim
dhe adaptuar në klasë e shoqëri. Mjedisi fizik është i rëndësishëm në motivimin e nxënësit, sepse
krijon kënaqësi dhe dëshirë për të kaluar një pjesë të konsideruar të ditës në shkollë. Mësuesit që
punojnë me motivim ua transmetojnë edhe nxënësve të tyre duke i bërë të ndjehen të rëndësishëm
e të vlefshëm, duke u bërë të mundur një adaptim më të lehtë në klasë nxënësve që janë me nevoja
të veçanta. Mësuesit që zbatojnë metoda të ndryshme kanë për qëllim ngritjen e suksesit të
nxënësit. Mësuesit kreativ i udhëzojnë nxënësit që të marrin përgjegjësi për vendosjen e rregullave
të ndryshme në klasë. Ata lavdërojnë çdo përgjegjësi të nxënësve dhe nuk nisen nga rezultati
përfundimtar. Ka ardhur koha që mësimi interaktiv e bashkëpunues të jetë bazë e procesit të
mësimdhënies në mënyrë që të nxënit të jetë proces i thjeshtë, i kuptueshëm dhe i pëlqyeshëm.
Programet e veçanta janë të domosdoshme për mësimdhënësit për të punuar me fëmijët me nevoja
të veçanta, puna e tyre ndihmohet nga mjetet didaktike që ofrohen nga shkolla për të realizuar me
sukses mësimdhënien. Bashkëpunimi me prindërit ndikon në procesin e mësimnxënies nga ana e
fëmijëve. Faktor i rëndësishëm janë mësuesit mbështetës, stafi pedagogjik dhe psikologjik pa të
cilët nuk arrihet që ky proces të jetë i suksesshëm. Sa më i lartë të jetë niveli i integrimit i nxënësve
me nevoja të veçanta në shoqëri aq më i lehtë është realizimi i procesit të mësimdhënies dhe
mësimnxënies.
38
REFERENCAT
Grillo, K.(2002). Fjalor edukimi (Psikologji-Sociologji-Pedagogji). Dita, 2002, Tiranë, fq. 182.
Grup autorësh (2005). Mësimdhënia me në qendër nxënësin, QTKA, Geer, Tiranë, fq. 10.
Musai, B. (1999). Psikologji edukimi (Zhvillimi, të nxënit, mësimdhënia). Shtëpia botuese dhe
shtypshkronja PEGI, Tiranë, fq. 351.
Woolfolk, A. (2011). Psikologji edukimi, CDE, Tiranë, fq. 466.
Zabeli, N. (2001). Nxënësit me nevoja të veçanta. Prishtinë: KEC & Save the Children.
Zabeli, N. (2003). Edukimi inkluziv, Prishtinë, fq. 55.
Zabeli, N. (2003). Edukimi inkluziv-teori dhe praktikë aktuale. Prishtinë: Save the Children-
Denmark.
Zajazi, T. (2003). Metodologji të mësimdhënies dhe mësimnxënies (Didaktika). Shtëpia botuese
dhe shtypshkronja Vinsent Graphic, Shkup, fq. 290.
39
LITERATURA
Grillo, K.(2002). Fjalor edukimi (Psikologji-Sociologji-Pedagogji). Dita, 2002, Tiranë, fq. 182.
Grup autorësh (2001). Modele për mësimdhënie të suksesshme, Edualba, Tiranë, fq. 17.
Grup autorësh (2005). Mësimdhënia me në qendër nxënësin, QTKA, Geer, Tiranë, fq. 10.
Musai, B. (1999). Psikologji edukimi (Zhvillimi, të nxënit, mësimdhënia). Shtëpia botuese dhe
shtypshkronja PEGI, Tiranë, fq. 351.
Musai, B. (2005). Mësimdhënia dhe të nxënët ndërveprues. CDE.
Woolfolk, A. (2011). Psikologji edukimi, CDE, Tiranë, fq. 466.
Zabeli, N. (2001). Nxënësit me nevoja të veçanta. Prishtinë: KEC & Save the Children.
Zabeli, N. (2003). Edukimi inkluziv, Prishtinë, fq. 55.
Zabeli, N. (2003). Edukimi inkluziv-teori dhe praktikë aktuale. Prishtinë: Save the Children-
Denmark.
Zabeli, N. (2004). Vështirësitë në të nxënë. Prishtinë: UNICEF & Handikos.
Zajazi, T. (2003). Metodologji të mësimdhënies dhe mësimnxënies (Didaktika). Shtëpia botuese
dhe shtypshkronja Vinsent Graphic, Shkup, fq. 290.
40
SHTOJCA
Pyetësor
Pyetësor për mësimdhënësit në SHFMU në komunën e Pejës
Të nderuar mësimdhënës, me anë të këtij pyetësori dëshirojmë të marrim mendimet e juaja
lidhur me punën që bëni me nxënës me nevoja të veçanta dhe inkuadrimin e tyre në mësim. Të
gjitha të dhënat e mbledhura do të shfrytëzohen vetëm për qëllimin e këtij hulumtimi dhe do të
jenë plotësisht konfidenciale. Pyetësori është plotësisht anonim, prandaj, ju lutemi, që të jeni sa
më të sinqertë dhe mendimet tuaja t’i shprehni lirshëm. Ju falënderojmë për bashkëpunimin!
1. A keni një program të veçantë për punën me nxënësit me nevoja të veçanta?
a. Po
b. Jo
2. A ju siguron shkolla materiale didaktike në përputhje me nevojat dhe kërkesat
për të punuar me nxënësit me nevoja të veçanta?
a. Po
b. Jo
3. Sa bashkëpunoni me prindërit për zbatimin e programit të hartuar për nevojat
specifike të fëmijës së tij/ saj?
a. Shumë
b. Disi
c. Pak
d. Aspak
4. A keni në klasa mësues mbështetës për punën që bëni me nxënësit me nevoja të
veçanta?
a. Po
b. Jo
5. A motivohen dhe a stimulohen nxënësit nga ana juaj?
a. Po
b. Jo
6. A pajtoheni me njohuritë tuaja profesionale për punën me nxënësit me nevoja të
veçanta?
41
a. Shumë
b. Disi
c. Pak
d. Aspak
7. Cilat nga metodat e mësimdhënies i përdorni ju për të nxitur nxënësit me nevoja
të veçanta për një mësim më aktiv?
a. Mësimdhënie me në qendër nxënësin
b. Mësimdhënie me në qendër mësuesin
c. Të dyja herë pas here
8. Cili do të ishte stimuli që do të kishit më shumë nevojë për të punuar me nxënësit
me nevoja të veçanta?
a. Pagesë shtesë
b. Mësues mbështetës në klasë
c. Ngarkesë e orëve mësimore të reduktuara
d. Numër i reduktuar i nxënësve në klasë
e. Tjetër__________________________.
9. A kanë mbështetje nga stafi pedagogjik dhe psikologjik në shkollën tuaj nxënësit
me nevoja të veçanta?
a. Shumë
b. Disi
c. Pak
d. Aspak
10. A pajtoheni me nivelin e integrimit të nxënësve me nevoja të veçanta në shoqëri?
a. Po
b. Jo.
Ju faleminderit për bashkëpunim!