UNIVERSITETI I GJAKOVËS “FEHMI AGANI”

rr. Ismail Qemali, pn. 50 000 Gjakovë, Republika e Kosovës Tel: 038 200 20 831 E-mail: rektorati@uni-gjk.org

Web: www.uni-gjk.org

1

Data: 15.03.2018 Lënda: Plani Strategjik i Universitetit të Gjakovës “Fehmi Agani” (UGJFA)

Në Universitetin e Gjakovës ‘Fehmi Agani” në vitin 2015, për nevoja të zhvillimit afatmesëm të universitetit është përpiluar Planin Strategjik 2015-2020 dhe miratuar në Këshillin e Përkohshëm Themelues (nr. 129, dt. 06.02.2015). Mirëpo, duke pas parasysh konsolidimin e strukturave udhëheqëse të UGJFA-së, është parë e nevojshme ri-shqyrtimi i planit ekzistues strategjik dhe përshtatja e tij me zhvillimet aktuale. Ky proces ka filluar nga Këshilli Drejtues i UGJFA-së, i cili ka formuar Komisionin e përkohshëm për hartimin, respektivisht ri-shqyrtimin e këtij plani strategjik (Vendimi nr. 01/ 331, dt. 14.04.2016). Drafti i ri-shikuar i Planit Strategjik 2018-2021 është bazuar në planin strategjik ekzistues, në programin e punës së Rektorit dhe në Planin Strategjik të Arsimit në Kosovë 2017-2021 të MASHT-it. Duke qenë se ky draft është në fazën e diskutimit dhe miratimit nga Këshilli Drejtues i UGJFA-së, në këtë dokument janë të përfshira objektivat, se bashku me përshkrimin e secilës prej tyre dhe caqet qe synohen të arrihen.

UGJFA – objektivat e Planit Strategjik 2017-2021 Universiteti i Gjakovës “Fehmi Agani” ka objektivat vijuese strategjike të cilat do të jetësohen drejt arritjes së misionit për të krijuar dhe zbatuar dijeni. Objektiva 1 Programe studimore bashkëkohore dhe të krahasueshme me institucionet tjera në rajon

dhe më gjerë, që i përgjigjen kërkesave të tregut të punës Përshkrimi Programet studimore paraqesin ofertën një institucioni të lartë, e cila i jep identitet vetë

institucionit. Në bazë të cilësisë dhe llojllojshmërisë së ofertës përcaktohet edhe reputacioni i institucionit dhe bëhet krahasimi i tij me institucione të tjera. Nuk ekziston ndonjë standard ndërkombëtar për programe studimore, por ekziston kërkesa eksplicite e Deklaratës së Bolonjës që ato të jenë të krahasueshme dhe të bëjnë të mundur punësueshmërinë dhe lëvizshmërinë e studentëve. Për një vend të vogël si Kosova ku kapacitetet absorbuese të tregut të punës janë tejet të limituara është me rëndësi që kualifikimet që fitojnë studentët të plotësojnë kërkesat e ekonomisë dhe në vendete rajonit dhe më gjerë.

Caqet 1. Ekziston një koherencë dhe vazhdimësi e programeve mësimore në të tri nivelet (Baçelor, Master dhe Doktoratë), përfshirë edhe zhvillimin e fakulteteve dhe drejtimeve të reja të studimeve në përputhje me kërkesat e tregut të punës

2. Programet studimore janë të bazuara në kompetenca dhe rezultatet të pritshme të të nxënit

2

3. Sigurohet transferim i lehtë i ECTS kredive brenda Fakultete dhe lehtësohet lëvizshmëria e studentëve de të diplomuarve brenda rajonit dhe më gjerë

4. Punësueshmëria e të diplomuarve nga drejtimet nëpër fakultetet e UGJFA-së është e krahasueshme me punësueshmërinë e të diplomuarve nga arsimi i lartë

Objektiva 2 Zhvillimi, përtëritja dhe sigurimi i kuadrit cilësor për nevoja të Universitetit Përshkrimi Burimet njerëzore janë pasuria më e madhe e një institucioni akademik, prandaj pozitës

dhe zhvillimit të tyre duhet kushtuar kujdes të veçantë. Në radhë të marrë Universiteti duhet të ketë numër të mjaftueshëm njerëzish me detyra të definuara qartë, në mënyrë që të funksionojnë të gjitha hallkat brenda institucionit. Cilësia e punës pedagogjike dhe veprimtarisë kërkimore-shkencore varet nga disponueshmëria e personelit të mirë-aftësuar dhe të motivuar për punë. Roli i kuadrit është akoma më i rëndësishëm në institucionet e reja të arsimit të lartë siç është UGJFA, ku ende nuk është mjaftueshëm i konsoliduar dhe nevojitet kontribut i vazhdueshëm në krijimin e parakushteve për punë normale. Për këtë arsye, UGJFA do të punojë me këmbëngulje për të siguruar dhe mbajtur kuadër të kualifikuar akademik dhe profesional.

Caqet 1. Sigurimi i kuadrove me interes për zhvillimin e studimeve dhe programeve kërkimore-shkencore në UGJFA

2. Kuadër i aftësuar për zbatimin e metodave bashkëkohore të kërkimit, mësimdhënies dhe vlerësimit

3. Shërbime ndihmëse dhe administratë cilësore dhe efikase 4. Krijimi i kushteve optimale për kualifikimin e vazhdueshëm të kuadrit ekzistues dhe

atij të ri akademik Objektiva 3 Infrastrukturë funksionale që mundëson realizimin me sukses të p[programeve

akademike dhe kërkimore-shkencore, si dhe ofrimin e shërbimeve efikase dhe cilësore për studentë dhe klientë të tjetër

Përshkrimi: Tani ekzistojnë plane të elaboruara për ndërtimin e kampusit universitar të UGJFA-së dhe është e qartë se ku do të ndërtohet pasi që lokacioni për ndërtimin e saj është i ndarë nga Komuna e Gjakovës. Po ashtu, infrastruktura nuk ka të bëj vetëm me godinat, por edhe me laboratorët, bibliotekat dhe pajisjet e teknologjisë së informacionit dhe komunikimit, si dhe të gjitha elementet tjera që bëjnë të mundur një funksionim normal të një institucioni të arsimit të lartë. UGJFA duhet të punojë për të siguruar një infrastrukturë që ofron kushte optimale për funksionimin e Universitetit.

Caqet 1. Hapësirë e mjaftueshme dhe e pajisur në mënyrë adekuate për zhvillimin e aktiviteteve të përditshme në UGJFA

2. Infrastrukturë dhe pajisje laboratorike që mundëson zhvillim normal të procesit mësimore dhe punës kërkimore-hulumtuese

3. Biblioteka funksionale të pajisura me literaturë të nevojshme 4. Krijimi i kushteve për zhvillimin e procesit mësimor me shfrytëzimin e teknologjisë

informative dhe mjeteve të konkretizimit 5. Shërbime cilësore për studentë përmes shfrytëzimit efektiv të teknologjisë

informative. Objektiva 4 Ndërtimi i një sistemi funksional për sigurimin e cilësisë në Universitet Përshkrimi: Sigurimi i Cilësisë në UGJFA është e formuar dhe gradualisht mund të zgjerohet me

aktivitetet e saj. Ka premisa të sigurimit të cilësisë edhe në kuadër të masave që janë planifikuar nëpër objektivat e këtij Plani Zhvillimor. Në kuadër të objektives është

3

përfshirë edhe një element që ndikon në ngritjen e seriozitetit të punës dhe llogaridhënies – informimi i studentëve potencialë dhe studentëve të rinj rreth ofertës së universitetit.

Caqet: 1. Merren veprime për sigurimin e cilësisë 2. Sistem funksional i informimit të studentëve 3. Rishikimi e vazhdueshëm i planeve mësimore dhe syllabuseve, konform vlerësimeve

të ekspertëve të jashtëm dhe kërkesave të tregut të punës

Objektiva 5 Puna kërkimore-shkencore të bëhet pjesë përbërëse e aktivitetit të përditshëm në Universitet me qëllim të zhvillimit të kapaciteteve kërkimore-shkencore, përditësimit të syllabuseve të lëndëve mësimore dhe avancimit të programeve studimore

Përshkrimi Puna kërkimore - shkencore është aktiviteti i përditshëm i të gjitha institucioneve akademike. Për më tepër, është e zakonshme që institucioni dhe personeli i tij vlerësohen për nga numri i publikimeve dhe citimeve të tyre. Ndërkaq, ndërlidhja e punës kërkimore – shkencore me programet mësimore, në veçanti ato të nivelit të doktoratës, është ajo që e dallon një institucion të mirëfilltë akademik nga një shkollë që ofron njohuri të avancuara nga një fushë e caktuar. Për këtë arsye, puna kërkimore- shkencore e Fakulteteve do të jetë prioritet për zhvillimin e Universitetit, dhe do t’i kushtohet rëndësi gjatë periudhës së ardhshme.

Caqet 1. Rritja e numrit të publikimeve në revista shkencore kombëtare e ndërkombëtare 2. Aftësimi i personelit për hartimin e projekt – propozimeve për punë kërkimore dhe

për lidhjen e partneritetit me institucionet tjera 3. Rritet bashkëpunimi institucional ndërkombëtar në fushën e kërkimeve 4. Personeli akademik ka qasje në një numër të revistave shkencore prestigjioze Objektiva 6 Ndërtimi dhe avancimi i raporteve të bashkëpunimit me institucione vendore dhe

ndërkombëtare në funksion të realizimit të interesave të përbashkëta Përshkrimi Kjo objektivë synon vendosjen e raporteve të bashkëpunimit akademik me institucione

tjera në vend dhe në botë. Përmbajtja e bashkëpunimit akademik do të përcaktohet në varësi nga interesimet e partnerëve dhe shumë rrethana të tjera, por bashkëpunimi i tillë duhet të zhvillohet në atë mënyrë që të jetë dobiprurës për Universitetin. Dobia mund të jetë e shumëfishtë: ndërtimi i kapaciteteve njerëzore, sigurimi i pajisjeve laboratorike dhe literaturës, ndërtimi i partneriteteve afatgjata, mobilitetet akademike etj.

Caqet 1. Pjesa më e madhe e personelit akademik të përfshihet në projekte të bashkëpunimit kombëtar dhe ndërkombëtar

2. Të sigurohen mësimdhënës mysafir gjatë vitit akademik për cikël ligjëratash 3. Të sigurohen pajisje laboratorike nga projektet e bashkëpunimit ndërkombëtar 4. Personeli akademik dhe studentët të marrin pjesë në mobilitete akademike në

vendete rajonit dhe më gjerë