raporti i auditimit pËr menaxhimin financiar dhe ... · përgjegjësive lidhur me organizatat...
TRANSCRIPT
Nr. i Dokumentit: 20.1.6-2017-08
RAPORTI I AUDITIMIT
PËR MENAXHIMIN FINANCIAR DHE KONTROLLET E
BORXHEVE PUBLIKE PËR PERIUDHËN 2009-2017
Prishtinë, qershor 2018
2
Zyra Kombëtare e Auditimit e Republikës së Kosovës është
institucioni më i lartë i kontrollit ekonomik e financiar, i cili me
Kushtetutën dhe ligjet e vendit gëzon pavarësi funksionale,
financiare dhe operative. Zyra e Kombëtare e Auditimit kryen
auditime të rregullsisë dhe të performancës dhe për punën e vet i
jep llogari Kuvendit të Kosovës.
Misioni ynë është që përmes auditimeve cilësore të fuqizojmë
llogaridhënien në administratën publike për përdorimin efektiv,
efikas dhe ekonomik të burimeve kombëtare .
Ne kryejmë auditime në përputhje me standardet e njohura
ndërkombëtare të auditimit në sektorin publik si dhe me
praktikat e mira evropiane.
Raportet e Zyrës Kombëtare të Auditimit promovojnë
drejtpërsëdrejti llogaridhënien e institucioneve publike pasi që
ato ofrojnë bazë të qëndrueshme për të kërkuar llogari nga
menaxherët e çdo organizate buxhetore. Në këtë mënyrë ne rrisim
besimin në shpenzimin e fondeve publike dhe luajmë një rol aktiv
në sigurimin e interesit të taksapaguesve dhe të palëve tjera të
interesit në rritjen e përgjegjësisë publike.
Ky auditim i menaxhimit financiar dhe kontrolleve i ndërmarrë
nga Zyra Kombëtare e Auditimit është shqyrtim i pavarur dhe
objektiv i procesit të menaxhimit të Borxheve publike, si dhe
përshtatshmërisë dhe efektivitetit të kontrolleve të aplikuara.
Lidhur me nevojën e auditimit, Auditori i Përgjithshëm ka
vendosur në konsultim me Ndihmës Auditorin e Përgjithshëm
Qerkin Morina, i cili e ka mbikëqyrur auditimin.
Raporti është rezultat i auditimit të kryer nga Shkëlqim Xhema,
udhëheqës i ekipit dhe Agron Fetiu e Muhamet Balaj, anëtarë të
ekipit.
ZYRA KOMBËTARE E AUDITIMIT – Adresa: Musine Kokalari, Nr. 87, Prishtinë 10000, Kosovë Tel: +383(0) 38 60 60 04/1011
http://zka-rks.org
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
3
TABELA E PËRMBAJTJES
Përmbledhje e përgjithshme ........................................................................................................... 4
1 Fushëveprimi dhe metodologjia e auditimit ....................................................................... 6
2 Baza ligjore, rregulloret dhe procedurat .............................................................................. 7
3 Sistemi kontabël i borxheve publike dhe raportimi ......................................................... 11
4 Menaxhimi financiar dhe kontrolli ..................................................................................... 12
5 Konkluzionet përfundimtare ............................................................................................... 23
Shtojca I: Progresi në zbatimin e rekomandimeve të vitit paraprak ...................................... 24
Shtojca II: Letërkonfirmimi ........................................................................................................... 25
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
4
Përmbledhje e përgjithshme
Hyrje
Ky Raport përmbledhë çështjet kryesore që dalin nga auditimi i Borxheve Publike nga viti 2009
deri më 31 dhjetor 2017. Rishikimi i procedurave, politikave, udhëzimeve dhe transaksioneve të
menaxhimit financiar dhe aplikimit të kontrolleve të brendshme është kryer në përputhje me
Standardet Ndërkombëtare të Institucioneve Supreme të Auditimit (SNISA). Qasja jonë ka
përfshirë testet dhe procedurat, të cilat ishin të nevojshme për të arritur në një konkluzion lidhur
me cilësinë e menaxhimit financiar dhe efektivitetit të kontrolleve të aplikuara nga ana e
Ministrisë së Financave në fushën e borxheve publike.
Auditimi ynë është fokusuar në:
Puna e ndërmarrë nga Zyra e Kombëtare e Auditimit për ta përfunduar këtë auditim është
përcaktuar nga cilësia e kontrollit të brendshëm të zbatuar nga menaxhmenti i Ministrisë së
Financave dhe Thesarit.
Zyra Kombëtare e Auditimit vlerëson lartë Menaxhmentin dhe stafin e Ministrisë së Financave për
bashkëpunimin e ofruar gjatë procesit të auditimit.
Konkluzionet dhe rekomandimet kryesore
Ministria e Financave përgjatë viteve 2009-2017 ka respektuar në tërësi limitin e lejuar ligjor për
marrjen e borxheve publike. Trendi i regjistruar gjatë kësaj periudhe nuk paraqet ndonjë kërcënim
për stabilitetin financiar të shtetit.
Ministria e Financave ka kontrolle mjaft efektive në evidentimin, procesimin, regjistrimin dhe
raportimin e borxheve publike, si dhe respektimin e marrëveshjeve për kthimin me kohë të
borxheve sipas afateve të maturitetit. Megjithatë, zbatimi i projekteve të planifikuara përmes
financimit nga huamarrjet, ka rezultuara me dobësi të cilat kërkojnë një vëmendje të shtuar të
Qeverisë dhe subjekteve shfrytëzuese të këtyre fondeve.
Auditimi ynë ka rezultuar me identifikimin e dobësive në proceset si në vijim:
Përshtatshmëria dhe zbatimi i bazës ligjore
Sistemi i kontabilitetit dhe raportimi i të
dhënave mbi borxhet publike
Menaxhimi financiar dhe kontrolli
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
5
Përgjigja e menaxhmentit të Ministrisë së Financave lidhur me auditimin e borxheve publike
Menaxhmenti i Ministrisë së Financave është pajtuar me gjetjet dhe konkluzionet e raportit dhe
është zotuar se do t’i zbatoj rekomandimet e dhëna.
Procesi i miratimit të nismës për marrëveshje ndërkombëtare, kishte vonesa të gjata dhe koordinim jo të
mirë ndërmjet institucioneve të përcaktuara me ligj.
Ministri i Financave duhet të siguroj nëpërmjet institucioneve përgjegjëse që
të shmang vonesat e stërgjatura të marrjes së rekomandimit për miratimin e
nismave për marrëveshjet ndërkombëtare. Në rast të vazhdimit të
praktikave të tilla, problemi duhet të diskutohet edhe në Qeveri dhe
mosmarrëveshjet të eliminohen.
Planifikimi jo i mirë i projekteve të cilat financohen nga huamarrjet e jashtme, ka rezultuar me dobësi në realizimin e
tyre. Si rezultat i kësaj, një pjesë e konsiderueshme e fondeve të
buxhetuara nuk është shfrytëzuar për projektet e parashikuara.
Ministri i Financave të sigurohet që para fillimit të negocimit të marrëveshjeve për
huamarrje, nga ana e organizatave zbatuese janë bërë të gjitha përgatitjet e duhura që sigurojnë zbatim të plotë dhe
pa pengesë të projekteve.
Hyrja në marrëveshje të kredive ndërkombëtare dhe mos shfrytëzimi i tyre sipas dinamikës së përcaktuar, ka
rezultuar me shpenzime shtesë të buxhetit shtetëror dhe vonesa në
realizimin e projekteve.
Ministri i Financave duhet të siguroj që fondet kreditore për të cilat janë
nënshkruar marrëveshjet , shfrytëzohen sipas planeve dhe objektivave të
përcaktuara. Me organizatat zbatuese duhet të diskutohen arsyet për ngecjet
apo dështimet në mosrealizimin e projekteve.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
6
1 Fushëveprimi dhe metodologjia e auditimit
Hyrje
Fushëveprimi i auditimit është fokusuar në përgjegjësitë mbi menaxhimin financiar, lidhur me:
Nëse sistemi kontabël dhe raportimi i brendshëm janë të mjaftueshme dhe të
përshtatshme;
Nëse të dhënat kontabël, sistemet dhe transaksionet janë në pajtim me ligjet dhe rregulloret
në fuqi; dhe
Nëse sistemet e kontrollit të brendshëm janë të përshtatshme dhe efektive, si dhe veprimet
e marra të auditimit të brendshëm në fushën e borxheve publike.
Me qëllim të përmbushjes së përgjegjësive tona, ne kemi ndërmarrë aktivitetet si në vijim:
Kemi rishikuar raportet vjetore financiare të borxheve publike;
Kemi kryer testime substanciale gjithëpërfshirëse mbi transaksionet financiare;
Kemi zbatuar një kombinim të mostrimit sipas gjykimit dhe sipas rastit, në përzgjedhjen e
transaksioneve për testim;
Jemi mbështetur në një lloj kombinimi të intervistave, rishikimeve analitike dhe rishikimin
e dokumenteve për të vlerësuar vlefshmërinë dhe rregullsinë e transaksioneve financiare;
dhe
Kemi vlerësuar cilësinë e punës së Auditimit të Brendshëm në fushën e borxheve publike.
Puna e ndërmarrë e auditimit është bazuar në vlerësimin e rrezikut për auditimin e borxheve
publike. Ne kemi analizuar veprimet e Ministrisë së Financave, përkatësisht Thesarit se deri në
çfarë mase mund të mbështetemi në kontrollet menaxheriale për të përcaktuar nivelin e testeve të
hollësishme, që janë të nevojshme për të siguruar dëshmitë që mbështesin konkluzionet tona të
auditimit.
Seksionet e mëposhtme ofrojnë një përmbledhje më të detajuar të gjetjeve tona të auditimit, me
theks të veçantë në vëzhgimet dhe rekomandimet në çdo fushë të rishikimit.
Procedurat tona kanë përfshirë rishikimin e kontrolleve të brendshme, të sistemeve të
kontabilitetit, si dhe teste të ndërlidhura substanciale deri në masën që ne i konsiderojmë të
nevojshme për kryerjen efektive të auditimit. Të gjeturat e auditimit nuk duhet të konsiderohen si
një pasqyrë gjithëpërfshirëse e të gjitha dobësive që mund të ekzistojnë, apo e të gjitha
përmirësimeve që mund të bëhen në sistemet dhe procedurat që kanë operuar.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
7
2 Baza ligjore, rregulloret dhe procedurat
Ne kemi shqyrtuar bazën ligjore, rregulloret përcjellëse dhe procedurat e ndjekura lidhur me
emetimin dhe menaxhimin e borxheve shtetërore, garancive shtetërore dhe borxheve komunale.
Ligji për borxhet publike Nr. 03/L–175, i jep të drejtën Qeverisë për të huazuar para, për të dhënë
garanci për hua, për të paguar shpenzimet për marrjen e borxhit dhe për të paguar kryegjënë dhe
interesin e borxheve shtetërore. Veç kësaj, Ministrit të Financave i jep të drejtën dhe përgjegjësinë,
për t’u kujdesur për tërë menaxhimin dhe administrimin e Borxheve dhe të programeve të
autorizuara për garancinë e huave të Republikës së Kosovës, duke përfshirë kufizimet, zhvillimin
e një Programi për Menaxhimin e Borxheve dhe Strategjisë për Menaxhimin e Borxheve.
Për të rritur transparencën e menaxhimit dhe përcaktimin e përgjegjësive menaxhuese, Ministria e
Financave ka hartuar Rregulla dhe Procedura përkatëse, si:
Rregullorja QRK Nr. 22/2013 mbi Procedurat për Emetimin dhe Menaxhimin e Borxheve
shtetërore, Garancive shtetërore dhe borxheve të komunave;
Rregullorja MF-BQK Nr.01/2014 për tregun Primar dhe Sekondar të Letrave me vlerë të
Qeverisë së Republikës së Kosovës;
Procedura për regjistrimin në SIMFK të pranimeve dhe pagesave të borxhit publik; dhe
Procedura për regjistrimin në SIMFK të pranimeve dhe pagesave të borxheve
ndërkombëtare shtetërore për projektet e caktuara.
Ministria e Financave është entiteti i vetëm i autorizuar për të hyrë në Borxhe Shtetërore për
qëllimet në vijim:
Për financimin e deficitit të buxhetit Shtetëror, kur shpenzimet e autorizuara me ligj
tejkalojnë, apo sipas vlerësimit të Ministrit, ka mundësi t’i tejkalojnë të hyrat e nevojshme
për t’i paguar ato;
Për financimin e projekteve investuese të cilat vlerësohet të jenë me interes kombëtar dhe
janë të përfshira në Buxhetin e Kosovës dhe në Kornizën Afatmesme të Shpenzimeve;
Për të ri financuar Borxhet Shtetërore1 të kontraktuara më herët.
Për të paguar Garancitë Shtetërore, në tërësi apo pjesërisht, në rast se huamarrësit
dështojnë t’i përmbushin obligimet e tyre të huasë;
Për të paguar shpenzimin e shërbimit të Borxhit Shtetëror, duke përfshirë, mirëpo duke
mos u kufizuar vetëm në shpenzimet e ndërlidhura, si psh. provizionet për emetimin e
letrave me vlerë, mirëmbajtja e llogarive, riblerjen dhe provizionet e agjencive fiskale; dhe
Për të paguar shpenzimet e ndërlidhura me një emergjencë kombëtare të shpallur nga
Kuvendi.
1 Borxhi që merret në emër të Institucioneve Qendrore Qeveritare të cilin Republika e Kosovës është e obliguar ta
paguajë, por nuk do të përfshijë asnjë detyrim të entiteteve të tjera të caktuara qeveritare, duke përfshirë por duke mos u kufizuar në Komuna, ndërmarrje publike, apo Bankën Qendrore të Kosovës.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
8
Ligji për Borxhet Publike e përcakton që në asnjë rast shuma e kryegjësë e papaguar e borxhit të
përgjithshëm nuk duhet të tejkalojë dyzet për qind (40%) të Bruto Prodhimit Vendor (BPV). Në
rast se Borxhi i Përgjithshëm2 e tejkalon dyzet për qind (40%) të BPV, Qeveria duhet t’i paraqes
Kuvendit strategjinë për të kthyer Borxhin e Përgjithshëm nën pragun dyzetë për qind (40%)
brenda një viti.
Në Ministrinë së Financave, në kuadër të Thesarit është themeluar Divizioni për menaxhimin e
borxhit shtetëror (DMB). Ky divizion është përgjegjës për funksionet e menaxhimit të rrezikut të
huamarrjes shtetërore, negocimit të kushteve financiare, menaxhimit të strategjisë së huamarrjes,
raportimit, regjistrimit dhe shërbimit të borxheve shtetërore.
Thesari përkatësisht DMB funksionon në koordinim me Departamentin e Politikave Ekonomike e
Publike dhe Departamentin e Buxhetit në Ministrinë e Financave. Lidhur me menaxhimin dhe
administrimin e Borxheve Shtetërore brenda Ministrisë së Financave, çështja e negocimit është e
ndarë në dy divizione:
Divizioni për Menaxhimin e Borxheve; dhe
Divizioni për Bashkëpunim Ndërkombëtar Financiar.
Kah fundi i vitit 2016 lidhur me marrëveshjet ndërkombëtare financiare është bërë një ndarje e
përgjegjësive lidhur me organizatat financiare ndërkombëtare, me të cilat do të merren zyrtarët
brenda këtyre divizioneve.
Pas rishikimit të procedurave për ratifikimin e marrëveshjeve ndërkombëtare financiare, ne kemi
identifikuar disa dobësi që kanë shoqëruar procesin, të cilat janë paraqitur si në vijim:
2 Borxhi i përgjithshëm është tërësia e borxhit shtetëror dhe borxhit komunal.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
9
Çështja 1 – Vonesë në miratimin e nismës për negocimin e marrëveshjeve ndërkombëtare
E gjetura Sipas Ligjit për marrëveshjet ndërkombëtare, nismat për marrëveshjet
ndërkombëtare që vijnë nga ministritë miratohen në parim nga Qeveria, pas
rekomandimit nga Ministria e Punëve të Jashtme (MPJ).
Lidhur me këtë, MF me datën 20.03.2014 kishte bërë kërkesë në MPJ për
miratimin e nismës për marrëveshjen e Projektit të Shëndetësisë. MPJ nuk
kishte dhënë përgjigje për një kohë të gjatë në kërkesën e MF, dhe për shkak të
këtyre vonesave, MF kishte vazhduar me procedurat e mëtejme pa miratimin e
MPJ-së. Ne kemi gjetur shumë korrespondenca të shkruara nga ana e
Ministrisë së Financave drejtuar MPJ-së për përshpejtimin e procedurave, por
përkundër kësaj, MPJ ka vazhduar të jetë edhe mëtutje neglizhente në
shqyrtimin e kërkesave.
Rreziku Vonesat në marrjen e pëlqimit për fillimin e negociatave për marrëveshjet me
kreditorët për projekte të caktuara, rrit rrezikun e dështimit të projekteve të
planifikuara për tu financuar nga huamarrjet e jashtme dhe tregon një raport jo
serioz me kreditorët ndërkombëtar. Vazhdimi i praktikave të tilla mund të
ndikoj në besueshmërinë e partnerëve ekzistues, por edhe në krijimin e
aranzhmaneve të reja me kreditorët tjerë.
Rekomandimi 1 Ministri i Financave duhet të inicoj një rishikim të hollësishëm të procesit në
mënyrë që të identifikoj të gjitha arsyet e vonesave dhe të merr masa dhe
veprime për t’i evituar barrierat që vonojnë procesin e nismave për
marrëveshje të iniciuara. Në rast të vazhdimit të praktikave të tilla, problemi
duhet të diskutohet edhe në Qeveri dhe mosmarrëveshjet të eliminohen.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
10
Çështja 2 – Mospërputhje në tekstin e marrëveshjes në mes gjuhës shqipe dhe angleze
E gjetura Para se të ratifikohen marrëveshjet ndërkombëtare, si të tilla ato përgatiten në
gjuhën angleze, shqipe dhe serbe.
Në marrëveshjen për financim ndërmjet Republikës së Kosovës dhe
Asociacionit Ndërkombëtar për Zhvillim për Projektin e Reformës
Shëndetësore3 në vlerë 18,613,139€, e ratifikuar në Kuvend me datën 26 mars
2015, në tekstin e gjuhës angleze neni II-Financimi, paragrafi 2.05, parasheh një
normë interesi prej 1.25%. Por, ky nen nuk ekziston edhe në tekstin e gjuhës
shqipe. Nuk është e qartë si do të zbatohet ky nen në rast të ndonjë kontesti në
mes të palëve në marrëveshje.
Rreziku Mos konsistenca apo mospërputhjet e tekstit dhe përmbajtjes së plotë të
marrëveshjeve ndërkombëtare në gjuhët e autorizuara, rrit rrezikun që
Kuvendi i Kosovës të ratifikoj marrëveshje të mangëta dhe të paqarta, me
mundësinë e interpretimit të çështjeve sipas interesit të palëve në marrëveshje.
Kjo imponon nevojën e zbatimit të marrëveshjeve edhe për pjesët të cilat nuk i
ka aprovuar Kuvendi.
Rekomandimi 2 Ministri i Financave duhet të forcoj kontrollet administrative dhe të përkthimit
dhe të siguroj që të gjitha marrëveshjet e nënshkruara dhe të ratifikuara në
Kuvendin e Kosovës, kanë konsistencë të plotë në përmbajtje dhe nuk
përmbajnë paqartësi me rastin e interpretimeve të tyre në gjuhët zyrtare të
publikuara në Gazetën zyrtare si dhe zbatimin e tyre në praktikë.
3 Marrëveshja është nënshkruar me datën 15 janar 2015
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
11
3 Sistemi kontabël i borxheve publike dhe raportimi
Hyrje
Ministria e Financave nëpërmjet Sistemit Informativ të Menaxhimit të Financave në Kosovë
(SIMFK) regjistron të gjitha transaksionet financiare lidhur me borxhet shtetërore. Borxhi publik
menaxhohet përmes data bazës i njohur si sistemi CS-DRMS (Commonwealth Secretariat - Debt
Recording Management System), ku regjistrohen marrëveshjet ndërkombëtare dhe ankandet e
letrave me vlerë, të gjitha të dhënat dhe transaksionet që rrjedhin nga to. Gjithashtu, ky sistem ka
mundësinë e gjenerimit të llojeve të ndryshme të raporteve.
Sa i përket menaxhimit të borxhit të brendshëm, për instrumentet e letrave me vlerë, Banka
Qendrore e Kosovës si agjent fiskal i Qeverisë së Kosovës, menaxhon dhe administron me sistemin
e letrave me vlerë.
3.1 Sistemi kontabël dhe raportimi
Sa i përket sistemit kontabël dhe raportimit financiar të borxheve publike, në përputhje me ligjet
dhe aktet tjera ligjore MF/Thesari përgatit në baza të rregullta raporte periodike tremujore si dhe
raporte vjetore për gjendjen e borxheve publike. Raportet e përgatitura nga sistemi i kontabilitetit
përputhen me të dhënat e raportuara në raportet tremujore dhe vjetore të borxheve publike.
Lidhur me raportimin, Ministria ofron në baza vjetore një program për borxhin shtetëror i cili
paraqet politikën kombëtare për borxhin që përfshinë një strategji për menaxhimin e borxhit
përbrenda kornizës së qëndrueshmërisë.
Banka Qendrore e Kosovës mban, regjistron, tregton dhe shlyen (paguan) të gjitha transaksionet e
Letrave me Vlerë të Qeverisë përmes sistemit për regjistrimin kontabël, i cili përfshin të gjitha
shitjet fillestare elektronike në ankandin primar, tregtimin elektronik dhe regjistrimin e Letrave
me Vlerë.
Për qëllime informimi, Zyrtarët Kryesor Administrativ (ZKA) të organizatave buxhetore (OB)
zbatuese raportojnë në Thesar mbi nivelin e ekzekutimit të projekteve me financim nga huamarrja
ndërkombëtare, jo më vonë se dita e pestë e muajit pasues pas secilit tremujor. Këtë e bëjnë duke
dorëzuar raportimin në formë elektronike dhe fizike. Lidhur me këtë, Thesari organizon takime
periodike të rregullta me OB-të, me qëllim të monitorimit të zbatimit të projekteve. Kjo kërkesë ka
filluar nga prilli i vitit 2017 me qëllim të shqyrtimit të të gjitha sfidave lidhur me zbatimin e
projekteve.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
12
4 Menaxhimi financiar dhe kontrolli
Hyrje
Puna jonë lidhur me Menaxhimin Financiar dhe Kontrollin (MFK), pasqyron aktivitetet e
detajuara të auditimit për sistemet e aplikuara të Ministrisë së Financave në menaxhimin e
borxheve publike dhe kontrollet. Në mënyrë të veçantë, në fokus të auditimit ishte qëllimi,
përkatësisht arsyet për hyrjen e shtetit në detyrime kreditore, financimi i nevojave publike nga
këto burime, arritja e objektivave qeveritare, pajtueshmëritë ligjore, si dhe menaxhimi i këtyre
detyrimeve.
Konkluzioni për menaxhimin financiar dhe kontrollin
Borxhi i përgjithshëm i evidentuar nga Ministria e Financave në fund të vitit 2017 ishte 996,423,735
euro. Në këtë shumë nuk janë përfshirë garancitë shtetërore prej 44 milionë euro. Këto shuma
përbëjnë 16,63% të Bruto Prodhimit Vendor (BPV). Ministria e financave ka mbajtur nën kontroll
kufirin e lejuar me ligjin për borxhet publike. Po ashtu, sipas programit të borxhit shtetëror
përqindja e pjesëmarrjes së borxhit në valutë të huaj ishte 14%, ndërsa pjesëmarrja në normë të
interesit variabil 16%, që janë brenda kufijve sa i përket rrezikut valutor dhe atij të normës së
interesit.
Projeksionet afatmesme të huamarrjes janë të bazuara në KASH, megjithatë plani vjetor i
huamarrjes i përcaktuar me këtë kornizë nuk ishte realizuar sipas planifikimeve. Edhe përkundër
përfshirjes në Ligjin e buxhetit të projekteve nga financimi përmes huamarrjes që kishin synim
zhvillimin ekonomik, kontrollet e aplikuara në këtë fushë nuk janë të mjaftueshme për të siguruar
se realizimi i tyre është sipas planifikimit dhe po sjellë përfitimet publike.
Kontrollet e brendshme të aplikuara nga Ministria e Financave në fushën e administrimit të
borxheve publike janë mjaft efektive. Ekzistojnë evidenca të plota dhe të sakta, si dhe publikohen
raporte të rregullta financiare për gjendjen e borxheve. Përderisa nuk kemi gjetur ndonjë dëshmi
për vonesa në kthimin e tyre sipas afateve të përcaktuara, çështja e shfrytëzimit efikas e këtyre
fondeve mbetet fusha ku në veçanti janë identifikuar dobësi. Ky problem nuk mund të adresohet
vetëm nga Ministritë e linjës, por nevojitet edhe përfshirja e Qeverisë dhe subjekteve përfituese të
këtyre fondeve.
Konkluzionet tona janë se analizat e projekteve që planifikohet të financohen përmes huamarrjes
nuk janë të mjaftueshme. Një numër i projekteve kapitale për të cilat Qeveria ka hyrë në
marrëveshje ndërkombëtare kredie, nuk janë realizuar fare. Si rezultat, kanë filluar të paguhen
shpenzime të tarifave tjera apo tarifa të zotimeve për mjete të pashfrytëzuara, ndërkaq programet
qeveritare ende janë në nivelin të ulët realizimit.
Njësia e Auditimit të Brendshëm e Thesarit kishte kryer një auditim në fushën e menaxhimit të
parasë së gatshme dhe borxheve, ku një nga objektivat ishte menaxhimi i pagesave dhe ruajtja e të
dhënave në sistemin e menaxhimit të borxheve. Ndërsa, lidhur me menaxhimin dhe
administrimin e borxheve, NJAB nuk kishte kryer ndonjë auditim të veçantë.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
13
4.1 Burimet e financimit
4.1.1 Burimet e jashtme të financimit
Borxhi ndërkombëtar i ratifikuar në fund të vitit 2017 ishte 1,080,470,000 euro, ndërsa borxhi i pa
kthyer apo stoku ishte 422,150,000 euro. Prej vlerës së ratifikuar të kredive janë tërhequr
784,670,000 euro, ndërsa vlera prej 295,810,000 euro mbetet e pa tërhequr.
Borxhet Ndërkombëtare të Republikës së Kosovës i nënshtrohen marrëveshjeve me qeveritë e
huaja, agjencitë qeveritare, organizatat ndërkombëtare financiare apo organizatat dhe kompanitë
tjera të huaja në bazë të marrëveshjeve ndërkombëtare, traktateve, konventave apo marrëveshjeve
tjera të ngjashme të cilat i nënshtrohen ligjeve të një juridiksioni legal, përveç atij të Republikës së
Kosovës.
Borxhi ndërkombëtar i Kosovës është borxhi i jashtëm, i cili përbëhet nga huazimet në kuadër të
programeve me Fondin Monetar Ndërkombëtar (FMN), huazimet nga Banka Botërore (BB), Banka
Gjermane për Zhvillim (KfW), Banka Evropiane për Rindërtim dhe Zhvillim (BERZH) dhe
kreditorë tjerë me pjesëmarrje të vogël. Përjashtuar programet me FMN, të gjitha huazimet e tjera
janë të lidhura për financimin e projekteve specifike në sektorë të ndryshëm.
Kontraktimi i borxhit të jashtëm me kreditorët është multilateral dhe bilateral. Në kategorinë e
kredive multilaterale përfshihen kredi nga Banka Ndërkombëtare për Rindërtim dhe Zhvillim
(BNRZH), Agjencia Ndërkombëtare për Zhvillim (AZHN), Banka Europiane Investuse, FMN,
Banka Islamike Zhvillimore dhe Fondi për Zhvillim Ndërkombëtar OPEC. Ndërsa, kreditorët
bilateral përfshijnë Kreditanstalt für Wiederaufbau Development Bank (KfW), Austria Unicredit
Bank, Exim Bank e Hungarisë, Fondin Saudit për Zhvillim dhe NATIXIS e Francës.
4.1.2 Burimet vendore të financimit
Për financimin e borxhit të brendshëm, Ministri është i autorizuari i vetëm për të lëshuar letra me
vlerë të tregtueshme të Qeverisë, siç janë bonot e thesarit dhe obligacionet vetëm në formë të
negociueshme elektronike. Borxhi i brendshëm ka filluar nga viti 2012 dhe deri në fund të vitit
2017 është rritur në vlerën 574,271,578 euro.
Emetimi i letrave me vlerë bëhet në valutën Euro, gjë që shmang rrezikun valutor, kanë kosto të
ulëta të transaksionit dhe ndihmojnë në zhvillimin e tregut vendor të kapitalit. Borxhi i brendshëm
emetohet dhe shfrytëzohet për financimin e deficitit buxhetor. Në fund të vitit 2017 pjesëmarrja e
borxhit të brendshëm në borxhin e përgjithshëm është 57.6%.
Në vitin 2012, letrat me vlerë ishin kryesisht me maturitet 3 dhe 6 muaj, kurse tani në vitin 2017
janë emetuar letra me vlerë me maturitet deri në 7 vite.
Sipas gjendjes aktuale, për tregun primar dhe sekondar të letrave me vlerë, kryesisht mbajtësit e
letrave me vlerë janë akterët primar dhe participantët primar (bankat komerciale dhe Trusti
pensional) si dhe në përqindje më të ulët janë investitor fizik dhe juridik.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
14
4.2 Borxhi i përgjithshëm
Borxhi i përgjithshëm shtetëror i Kosovës është krijuar në vitin 2009, në atë kohë përbëhej vetëm
nga Kredia e Konsoliduar C4 në Bankën Botërore. Tani borxhi i përgjithshëm përbëhet nga borxhi
ndërkombëtar, borxhi i brendshëm dhe garancitë shtetërore. Trendi i borxhit gjatë viteve duket si
në vijim.
Tabela 1. Borxhi i Përgjithshëm (në milionë euro)
Përshkrimi 2009 2010 2011 2012 2013 2014 2015 2016 2017
Borxhi Ndërkombëtar 249.01 260.08 253.71 336.60 323.76 326.35 371.17 373.77 422.15
Borxhi i Brendshëm 0.00 0.00 0.00 73.31 152.51 256.52 377.78 478.97 574.27
Borxhi i Përgjithshëm 249.01 260.08 253.71 409.92 476.27 582.87 748.95 852.74 996.42
Garancitë Shtetërore 0.00 0.00 0.00 0.00 0.00 10.00 10.00 20.00 44.00
Borxhi i përgjithshëm + Garancitë 249.01 260.08 253.71 409.92 476.27 592.87 758.95 872.74 1,040.42
Borxhi i Përgjithshëm (% e BPV) 6.12 5.91 5.27 8.10 8.94 10.65 13.07 14.58 16.63
BPV nga ASK 4,070 4,402 4,815 5,059 5,327 5,567 5,807 5,985 6,2575
Sipas Ligjit për Borxhet Publike, në asnjë rast shuma e kryegjësë e papaguar e borxhit të
përgjithshëm nuk duhet të tejkalojë dyzet për qind (40%) të Bruto Prodhimit Vendor (BPV).
Lidhur me këtë, përqindja e borxhit të përgjithshëm në fund të viti 2017 ishte 16.63% në raport me
BPV. Ndërsa në programin e borxhit shtetëror, MF ka përcaktuar kufijtë e rrezikut në mënyrë që
detyrat e përcaktuara mbi menaxhimin dhe monitorimin e rrezikut të portofolit të borxhit
shtetëror të jenë brenda kostos së qëndrueshme dhe rrezikut të tolerueshëm.
Tabela 2: Borxhi i përgjithshëm sipas valutës dhe normës së interesit (në milionë euro)
Përshkrimi 2013 2014 2015 2016 2017
Borxhi i Përgjithshëm 476.27 582.87 748.95 852.74 996.42
Borxhi në valutën Euro 402.34 506.15 650.92 758.85 856.91
Borxhi në valutën SDR6 73.93 76.73 98.03 93.89 139.51
% e borxhit në Euro 84% 87% 87% 89% 86%
% e borxhit në SDR 16% 13% 13% 11% 14%
Borxhi me interes fiks 370.54 481.14 621.21 738.78 835.65
Borxhi me interes variabil 105.73 101.73 127.74 113.96 160.77
% e borxhit fiks 78% 83% 83% 87% 84%
% e borxhit variabil 22% 17% 17% 13% 16%
4 Kredia e Konsoliduar C është kredi e trashëguar nga ish-Jugosllavia si pjesë e Borxhit shtetëror të Kosovës. 5 Shuma e BPV e vitit 2017 është marrë nga Ligji për rishikim të Buxhetit 2017, pasi që ASK nuk e publikon këtë të dhënë
deri në shtator të vitit 2018 6 SDR (special drawing right) është një shportë monedhash e cila përbëhet nga monedhat si në vijim: EUR, USD, GBP,
JPY dhe CNY. Vlera e SDR përcaktohet në bazë të një mesatare e cila është e tërhequr nga vlerat e monedhave të përmendura më lartë. Kjo shportë rishikohet në çdo pesë vjet nga Bordi Ekzekutiv i FMN-së.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
15
Kufiri i përcaktuar për rrezikun valutor është jo më shumë se 30% e borxhit të përgjithshëm që
mund të jetë në valutat e huaja kryesore. Ndërsa për rrezikun e normës së interesit, kufiri i
përcaktuar është jo më shumë se 30% e borxhit të përgjithshëm që mund të ketë normë interesi
variabile.
Bazuar në këtë program shohim që përqindja e rrezikut valutor dhe atij të interesit janë brenda
kufijve të përcaktuar. Përqindja e borxhit në fund të viti 2017 në valutë të huaj është 14%, ndërsa
në normë të interesit variabil është 16%.
4.2.1 Borxhi Ndërkombëtar
Në fund të vitit 2017, Borxhi Ndërkombëtar ishte 422,150,000 euro, apo 42.4% e borxhit të
përgjithshëm, ndërsa në raport me BPV, borxhi ndërkombëtar ishte 6.75%.
Tabela 3: Borxhi Ndërkombëtar (në milionë euro)
Përshkrimi 2009 2010 2011 2012 2013 2014 2015 2016 2017
Borxhi Ndërkombëtar 249.01 60.08 253.71 336.60 323.76 326.35 371.17 373.77 422.15
Qeveria Qendrore 249.01 260.08 253.66 336.46 321.73 316.54 339.87 323.93 365.18
Borxhi i Nën-huazuar7 - - 0.05 0.14 2.03 9.81 31.30 49.83 56.97
Borxhi Ndërkombëtar (% e BPV-së) 6.12% 5.91% 5.27% 6.65% 6.08% 5.86% 6.39% 6.25% 6.75%
BPV nga ASK 4,070 4,402 4,815 5,059 5,327 5,567 5,807 5,985 6,257
Nga tabela vërejmë që borxhi ndërkombëtar në vitin 2017 është rritur për 48,380,000 euro. Në
vijim pasqyrohet borxhi sipas kreditorëve, tërheqjet, fondet e pa tërhequra, borxhi i pakthyer dhe
kthimi i borxhit.
Tabela 4: Borxhi Ndërkombëtar, përfshirë borxhin e zotuar dhe të pa tërhequr
Kreditori Borxhi i Ratifikuar Borxhi i tërhequr Borxhi i pa
tërhequr Borxhi i
pakthyer8 Kthimi i Borxhit
(A) (B) (C=A-B) (D=B-E) (E)
BNRZh 381,208,966 381,208,966 - 158,316,231 222,892,735
ANZH 111,328,132 41,118,100 70,210,033 41,118,100 -
FMN 287,379,141 287,379,141 - 160,773,960 119,840,038
KfW 71,000,000 67,815,835 3,184,165 54,806,966 13,008,869
UniCredit 7,041,000 7,041,000 - 7,041,000 -
FOZhN, BIZh, SFZH 45,617,680 102,500 45,515,180 95,901 -
BERZh 68,900,000 - 68,900,000 - -
EIB 42,000,000 - 42,000,000 - -
NATIXIS Franca 66,000,000 - 66,000,000 - -
Borxhi Ndërkombëtar 1,080,474,920 784,665,542 295,809,378 422,152,157 355,741,643
7 Borxh të cilin e kontrakton Qeveria, por që me një marrëveshje tre-palëshe ka të drejtë ta nën-huazojë te një entitet i
sektorit publik 8 Diferenca te Borxhi i pakthyer ndryshon varësisht nga kursi i këmbimit në datën e raportimit, për kreditë të cilat janë
në valuta jo-Euro
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
16
Nga borxhi i ratifikuar që nga viti 2009 deri më 31.12.2017 në vlerë 1,080 milion euro, shihet se
shteti ka shpenzuar 785 milion euro dhe ka filluar të kthej këstet e kredive në vlerën prej 356
milion euro, duke përfshirë edhe Kredinë e konsoliduar C nga ish Jugosllavia, si pjesë e Borxhit
shtetëror të Kosovës. Pjesa më e madhe e kthimit të kredisë është bërë për Kredinë e konsoliduar C
në vlerë 223 milion apo 63% e vlerës së kthyer, ku pjesa prej 123.7 milionë9 është parapaguar në
vitin 2009.
Shërbimet e borxhit ndërkombëtar nga viti 2009 deri më 31.12.2017 sipas viteve, janë prezantuar
në tabelën në vijim:
Tabela 5: Shërbimet e borxhit ndërkombëtar 2009-2017 (në milionë euro)
Shërbimi i Borxhit Ndërkombëtar
2009 2010 2011 2012 2013 2014 2015 2016 2017
Qeveria 9.22 19.50 20.73 20.41 24.15 31.83 37.14 70.15 62.41
- Kthimi 8.48 10.68 11.99 11.34 13.99 22.05 27.54 60.55 52.39
- Interesi 0.74 8.59 8.68 8.60 10.14 9.71 9.35 9.20 9.69
Tarifat zotuese - 0.11 0.06 0.00 0.01 0.01 0.06 0.18 (0.18)
Tarifat tjera 0.11 - 0.47 - 0.07 0.18 0.23 0.50
Nën-huazimet - 0.18 0.04 0.35 0.13 0.54 2.24 7.13 8.23
- Kthimi - - - - - - 1.33 5.45 6.24
- Interesi - - - 0.00 0.02 0.25 0.79 1.59 1.97
Tarifat zotuese - 0.01 0.04 0.10 0.12 0.14 0.13 0.07 0.02
Tarifat tjera - 0.17 - 0.25 - 0.15 - 0.02 -
Shërbimi i Borxhit Ndërkombëtar
9.22 19.68 20.77 20.76 24.28 32.37 39.38 77.28 70.64
Nga tabela e shërbimit të borxhit ndërkombëtar paraqiten kthimet e kryegjësë, shpenzimeve të
interesit, tarifave zotuese dhe tarifave tjera. Sipas kthimeve të kredive, shihet që kthimet më të
mëdha kanë filluar nga viti 2014, me theks të veçantë në vitin 2016 ku kemi kthimin më të madh
në vlerë 77,280,000 euro, dhe në vitin 2017 një kthim prej 70,640,000 euro.
Pas rishikimit të procedurave, nga akti i hyrjes në marrëveshje të huamarrjeve e deri te tërheqja e
kredive kemi vërejtur si më poshtë:
9 Pjesa prej 123.71 milionë është parapaguar nga donatorët si SHBA 84.12 milion dhe Komisioni Evropian 5 milionë, si
dhe pjesa tjetër nga buxheti i Republikës së Kosovës 34.59 milionë.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
17
Çështja 3 - Niveli i ulët i tërheqjes dhe shfrytëzimit të kredive
E gjetura Borxhi ndërkombëtar i ratifikuar deri në fund të vitit 2017 është 1,080,000,000
euro. Mjete të tërhequra deri në fund të vitit 2017 janë 784,660,000 euro, për të
cilat Qeveria tani ka filluar të kthej këstet sipas marrëveshjeve përkatëse, dhe
deri më tani kthimi i kredisë është 355,740,000 euro.
Në mungesë të përgatitjeve të duhura për fillimin e ekzekutimit të projekteve,
vlera e pa tërhequr e kredive deri në fund të vitit 2017 ishte 295,800,000 euro. Si
rezultat i kësaj, Qeveria e Kosovës është duke paguar tarifë të zotimit për
vlerën e mjeteve të zotuara të cilat nuk i ka tërhequr.
Si pasojë e mospërputhjes së dinamikës kohore në mes alokimit të kredive dhe
realizimit të projekteve, vlera e paguar e tarifave të zotimit për mjetet e kredive
të pa tërhequra nga huamarrësit është 890,000 euro.
Rreziku Hyrja në marrëveshje të kredive ndërkombëtare dhe dështimi në tërheqjen e
fondeve në dispozicion, është pasojë e planifikimit të dobët dhe mungesës së
kapaciteteve qeveritare për t’i shfrytëzuar në mënyrë efektive dhe efikase
fondet e huamarrjes. Kjo rritë rrezikun e pagesës së tarifave dhe rritjen e
kostove kreditore, si dhe vonesat në realizimin e projekteve të planifikuara për
t’u financuar nga huamarrjet.
Rekomandimi 3 Ministri i Financave duhet të siguroj që para se të merren vendimet për
huamarrje, të bëhen analiza të hollësishme nëse ekzistojnë të gjitha parakushtet
dhe janë bërë përgatitjet e duhura për inicimin e procesit të huamarrjes dhe
shfrytëzimin sa më efikas të këtyre fondeve. Ngecjet apo dështimi në mos
fillimin apo mos realizimin e projekteve, duhet të jenë subjekt i shqyrtimeve të
vazhdueshme me organizatat zbatuese të projekteve.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
18
Çështja 4 – Menaxhimi dobët i fondeve për blerjen e pajisjeve shëndetësore
E gjetura Në marrëveshjen për financimin ndërmjet Republikës së Kosovës dhe
Unicredit Austria që lidhet me projektin për shëndetësi, respektivisht për
blerjen e aparatit të Angiografisë, marrëveshja ishte nënshkruar me 29 tetor
2015 dhe ratifikuar nga Kuvendi me 4 gusht 2016 në vlerë 2,600,000 euro.
Në nëntor të viti 2016 është paguar një avans prej 2,110,000 euro për blerjen e
Aparatit të Angiografisë, ndërsa pajisja ende nuk është sjellë në Qendrën
Klinike Universitare të Kosovës (Klinikën e Kardiokirurgjisë). Arsyeja e mos
sjelljes së pajisjes nga furnitori, është mos adaptimi i hapësirës për vendosjen e
pajisjes sipas standardeve të kërkuara.
Përveç tjerash, marrëveshja ishte për 490,000 euro më e lartë sesa çmimi blerës i
kësaj pajisje. Kjo vlerë ishte parashikuar për konsulencë pas adoptimit të
pajisjes. Kjo kishte shkaktuar shpenzime shtesë si tarifë menaxhimi10 për vlerë
2,450 euro si dhe tarifë zotimi në vlerë 1,336 euro për shkak të vonesës në
tërheqjen e mjeteve për këtë marrëveshje.
Bazuar në analizën e bërë nga Ministria e Shëndetësisë (MSH) në mungesë të
kësaj aparature e cila trajton sëmundjet e kardiologjisë, MSH përafërsisht
paguan 5,000,000 euro në vit për trajtimin e pacientëve në spitalet e ndryshme
të cilat i kryejnë këto shërbime.
Rreziku Është i pajustifikueshëm fakti që për pajisjet e paguara para më shumë se një
viti, ende nuk janë përgatitur hapësirat për vendosjen e tyre. Kjo tregon një
vendimmarrje të dobët dhe mungesë të një analize të detajuar për arsyen e
huamarrjes. Dështimi i MSH për adaptimin e hapësirës për Aparatin e
Angiografisë ose zvarritja e projektit për funksionalizimin e kësaj pajisje,
ndikon në mos ofrimin e shërbimeve shëndetësore për qytetarët dhe shkakton
shpenzime të konsiderueshme për buxhetin e Kosovës.
Rekomandimi 4 Ministri i Financave në bashkëpunim me Ministrin e MSH duhet të adresoj
nevojën e furnizimit sa më të shpejtë të pajisjes dhe të evitoj të gjitha pengesat
në adaptimin e hapësirës për vendosjen e pajisjes dhe ta funksionalizoj pajisjen
sipas standardeve të kërkuara teknike.
10 Tarifa e menaxhimit 2,600,000*0.5%=13,000 euro e llogaritur, ndërsa duhej të ishte 2,110,000*0.5%=10,550 euro.
Diferenca prej 2,450 euro është shpenzim shtesë.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
19
4.2.2 Borxhi i brendshëm
Borxhi i brendshme ka filluar nga viti 2012 dhe deri në fund të vitit 2017 është rritur në vlerën
574,271,578 euro apo 9.18% të BPV. Vlera e emetuar gjatë viti 2017 ka shërbyer për ri financimin e
instrumenteve që maturohen në vitin 2017 në vlerën 310 milionë dhe instrumentet e reja të
planifikuara me Ligjin e buxhetit 2017 në vlerë 95,300,000 euro.
Tabela 6: Borxhi i Brendshëm (në milionë euro)
Borxhi i Brendshëm (neto) 2012 2013 2014 2015 2016 2017
Emetimet e Reja 73.31 79.2 104.01 121.26 101.19 95.3
Stoku i Borxhit 73.31 152.51 256.52 377.78 478.97 574.27
Borxhi i Brendshëm (% e BPV-së) 1.45% 2.86% 4.61% 6.51% 8.00% 9.18%
BPV 5,059 5,327 5,567 5,807 5,985 6,257
Në vitin 2017, janë emetuar 19 instrumente të letrave me vlerë në vlerë 404,950,000 euro. Prej
këtyre instrumenteve, 11 ishin obligacione në vlerë 215 milionë me maturitet nga dy deri në shtatë
vjet dhe tetë bono të thesarit në vlerë 189,950,000 euro me maturitet nga 91 deri në 364 ditë.
Me qëllim të zgjatjes së maturitetit mesatar të portofolit të borxhit të brendshëm dhe zvogëlimit të
rrezikut të ri financimit, Thesari/MF synon që të gjitha emetimet e reja të jenë vetëm obligacione
me maturitet dy e më shumë vite. Lidhur me këtë, në vitin 2017 dy obligacione në vlerë 20 milionë
euro kishin maturitet shtatë vite dhe tre obligacione me vlerë 60 milionë euro kishin maturitet
pesë vjeçar.
Në vitin 2017, shpenzimet e interesit për borxhin e brendshëm ishin 6,674,434 euro. Këto
shpenzime ishin për bono të thesarit dhe obligacione. Shërbimet të borxhit të brendshëm nga viti
2012 deri më 31.12.2017 janë prezantuar në tabelën në vijim:
Tabela 7: Shërbimet e Borxhit të Brendshëm (në milionë euro)
Borxhi i Brendshëm 2012 2013 2014 2015 2016 2017
Pagesa e Interesit 0.66 1.19 2.5 5.50 7.91 6.67
Pagesat e Kryegjësë 0 0 0 0 0 0
Shpenzimet e interesit për bono të thesarit janë më të ulta, kanë ekspozim më të lartë ndaj rrezikut
të ri financimit për shkak të mundësisë së ndryshimit të normës së interesit. Ndërsa, shpenzimet e
obligacioneve janë më larta në raport me bono, si rezultat i kohës më të gjatë të kthimit. Si të tilla,
interesi që rrjedhë nga to, paguhet duke u bazuar në rregulloren për tregun e Letrave me Vlerë,
por ulin ekspozimin ndaj rrezikut të ri financimit për shkak të periudhës afatgjatë të maturitetit.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
20
4.3 Garancitë shtetërore
Garanci Shtetërore është një detyrim i mundshëm i Republikës së Kosovës i cili varet nga
obligimet financiare të një personi tjetër juridik dhe bëhet pjesë e Borxhit Shtetëror kur pala e cila
ka përgjegjësinë për pagesën e obligimeve të tilla financiare, dështon në kryerjen e pagesës në
kohën e duhur.
Për qëllime të matjes së borxhit të përgjithshëm dhe për të përcaktuar kufirin e borxhit të tillë,
Garancitë Shtetërore dhe Komunale do të trajtohen si borxh. Në fund të vitit 2017 dhe vitet
paraprake, garancitë shtetërore ishin si në vijim:
Tabela 8. Garancitë shtetërore (në milionë euro)
Garancitë Shtetërore 2014 2015 2016 2017
BNRZh Garancia për Linjën Kreditore të FSDK 10 10 10 10
BNRZh Garancia për Trafikun Urban Prishtinë - - 10 10
BNRZh Garancia për Linjën e Dytë Kreditore për FSDK - - - 24
Total garancitë shtetërore 10 10 20 44
Bruto Prodhimi Vendor (BPV) 5,567 5,807 5,985 6,257
Garancitë Shtetërore (% e BPV-së) 0.18% 0.17% 0.17% 0.16%
Garancia e parë shtetërore e emetuar ishte në vitin 2014 në shumë 10 milionë euro për linjën
kreditore të Fondit për Sigurimin e Depozitave. E dyta ishte në vitin 2016 në vlerë 10 milionë euro
për të garantuar Ndërmarrjen Publike Trafiku Urban të Prishtinës për blerjen e 51 autobusëve të
rinj.
Ndërsa emetimi për garancinë e fundit ishte në vitin 2017 në vlerë 24 milionë euro për linjën e
dytë kreditore të Fondit për Sigurimin e Depozitave të Kosovës.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
21
4.4 Përfitimet publike nga marrja e borxheve
Marrja e borxheve për financimin e projekteve nga kredi marrja e jashtme, tregon se ka ngecje në
realizimin e projekteve me interes publik. Qeveria hynë në negociata për projekte të cilat nuk janë
të gatshme për financime. Në tabelën e mëposhtme kemi identifikuar 10 projekte për të cilat
përfitimet publike do të ishin të mëdha sikur ato të realizoheshin sipas planifikimeve dhe
marrëveshjeve të kredive.
Tabela 9: Ngecjet e realizimit të projekteve (në milionë €)
Nr Kreditori Kreditë Viti i
ratifikimit OB zbatuese
Shuma e kredisë
Euro
Tërheqjet deri më
2016
Tërheqjet në 2017
Shuma e pa-
tërhequr
% e pa realizuar
1 BIZh
Financimi i Projektit për Përmirësimin e Rrugës M2 Milloshevë – Mitrovicë
2013 MI 15.67 - 0.10 15.57 99%
2 FOZhN Projekti i Zgjerimit të Magjistrales M2 Milloshevë-Mitrovicë
2014 MI 16.64 - - 16.64 100%
3 FSZh Projekti për Magjistralen Prishtinë-Mitrovicë
2014 MI 13.31 - - 13.31 100%
4 ANZh Projekti i Shëndetësisë 2015 MSh 19.60 0.09 2.11 17.40 89%
5 ANZh
Projekti për Efiçiencën e Energjisë dhe Energjinë e Ripërtëritshme
2015 MZhE 23.87 0.94 2.75 20.18 85%
6 ANZh
Projekti për Përmirësimin e Sistemit të Arsimit në Kosovë
2016 MAShT 9.38 0.05 0.28 9.05 96%
7 BERZh Rehabilitimi i Rrugëve Rajonale
2016 MI 29.00 - - 29.00 100%
8 BEI Rehabilitimi i Linjës Hekurudhore 10
2016 MI, Infrakos
42.00 - - 42.00 100%
9 BERZh Projekti i Rehabilitimit të Rrugës Hekurudhore 10
2016 Infrakos 39.90 - - 39.90 100%
10 KfW Projekti për Masat e Energjisë Efiçiente në Komuna
2016
Komunat (Ferizaj, Prishtina, Gjakova, Gjilani)
2.50 - - 2.50 100%
Gjithsej: 211.87 1.08 5.24 205.55 97%
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
22
Çështja 5 – Hyrja në huamarrje për financimin e projekteve të paplanifikuara mirë
E gjetura Qeveria e Kosovës në Ligjin e Buxhetit në vazhdimësi sipas viteve planifikon
projektet që ka për qëllim t’i realizoj përmes financimit nga huamarrja e
jashtme.
Te marrëveshjet ndërkombëtare të kredive, kemi vërejtur që 10 projekte të
planifikuara nga financimi përmes huamarrjes në vlerën 211,870,000 euro ishin
ratifikuar nga viti 2013 deri në vitin 2016, ndërsa realizimi i tyre ishte tejet i
ulët, vetëm 6,320,000 euro apo 3% nga vlera e huamarrjes. Madje në gjashtë
projekte kapitale në vlerë 188,000,000 të planifikuara në ligjin e buxhetit sipas
viteve 2014, 2015, 2016, 2017 dhe projeksioneve dy vjeçare, të përfshira edhe në
KASH, realizimi i tyre ishte vetëm 2,630,000 euro apo 1.6%. Vlera e pa tërhequr
e kredive për këto projekte është 185,370,000 euro. Ngecjet e identifikuara janë
për projektet si në vijim:
Financimi i Projektit për Përmirësimin e Rrugës M2 Milloshevë – Mitrovicë, që nga ratifikimi i tre marrëveshjeve për këtë projekt në vitet 2013-2014, ku zbatuese e projektit ishte Ministria e Infrastrukturës vlera e realizuar e projektit ishte 0.2%;
Projekti për Përmirësimin e Sistemit të Arsimit në Kosovë, realizimi 4% që nga viti 2016, ku zbatuese e projektit është Ministria Arsimit, Shkencës dhe Teknologjisë;
Rehabilitimi i Rrugëve Rajonale, realizimi zero (0)% që nga viti 2016, zbatuese e projektit Ministria e Infrastrukturës;
Projekti i Rehabilitimit të Rrugës Hekurudhore 10, realizimi zero (0)% nga viti 2016, zbatuese e projektit Ministria e Infrastrukturës dhe Infrakos;
Projekti i shëndetësisë, realizimi 11% nga viti 2015, për këtë projekt zbatuese ishte Ministria e Shëndetësisë; dhe
Projekti për Masat e Energjisë Efiçiente në Komuna, realizimi zero (0)% nga viti 2016, zbatuese të projektit komunat: Ferizaj, Prishtina, Gjakova, Gjilani.
Planifikimi jo i mirë i projekteve të cilat do të financoheshin nga huamarrjet ka
reflektuar në ngecjet e realizimit të tyre. Në këtë realizim të ulët kanë ndikuar
edhe vonesat në themelimin e njësive zbatuese të projekteve, procedurat e
ndryshme të prokurimit nga ato të parapara me marrëveshje të kredive, etj.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
23
Rreziku Qeveria ka nënshkruar dhe ratifikuar marrëveshje ndërkombëtare të
huamarrjeve për të cilat nuk ka qenë e përgatitur t’i zbatoj apo materializoj në
projekte. Kjo ka ndikuar në dështimin e përfitimeve publike. Njëherit, dështimi
i realizimit të projekteve nga huamarrja brenda periudhës së përcaktuar në
marrëveshje, rrit rrezikun për ri negocim të marrëveshjes ose hyrjen në
marrëveshje të reja.
Rekomandimi 5 Ministri i Financave në bashkëpunim me Qeverinë dhe subjektet përfituese të
fondeve duhet të sigurohen që para fillimit të negocimit të marrëveshjeve për
huamarrje për projekte të caktuara, janë përmbushë të gjitha kushtet që
sigurojnë zbatim të plotë dhe efikas të projekteve. Për marrëveshjet të cilat nuk
janë zbatuar deri tani, të analizohen shkaqet dhe arsyet, dhe të ndërmerren
veprimet e duhura në mënyrë që të njëjta të realizohen sa më parë.
5 Konkluzionet përfundimtare
Borxhi publik përveç financimit të deficitit të buxhetit, ka për qëllim edhe financimin e projekteve
investuese të cilat vlerësohen të jenë me interes kombëtar me qëllim të nxitjes së zhvillimit
ekonomik apo përmirësimit të shërbimeve publike në sfera të ndryshme, por gjithmonë duke
pasur parasysh që këto mjete të përdoren në mënyrë ekonomike, efikase dhe efektive.
Bazuar nga të dhënat e borxhit të përgjithshëm, si atij ndërkombëtar ashtu edhe atij të brendshëm,
shihet se ka një trend të rritjes së borxhit publik, ku në vitin 2009 borxhi i përgjithshëm ishte 6.12%
e BPV, ndërsa në vitin 2017 është 16.63%. Edhe pse me ligjin për borxhet publike limiti i lejuar për
borxhe publike është deri 40% të BPV, niveli prej 16.63% i Stokut të Përgjithshëm të Borxhit,
paraqet tendencën e rritjes së përqindjes duke pasur parasysh faktin se 295,809,378 euro janë mjete
të cilat nuk janë tërhequr/shpenzuar sipas marrëveshjeve të arritura me institucionet financiare
ndërkombëtare, edhe pse kanë qenë në dispozicion për t’u përdorur.
Në trendin e rritjes së borxheve publike, vëmendje e veçantë duhet t’i kushtohet borxhit të
jashtëm, duke iu shmangur ekspozimit të rrezikut valutor dhe normave të interesit variabil.
Vonesat në realizimin e projekteve, reflektojnë direkt në mos tërheqjen e mjeteve kreditore. Si
rezultat i kësaj, për mjetet e zotuara dhe të pashfrytëzuara, Qeveria obligohet të paguaj pagesa
shtesë (tarifa zotimi). Në anën tjetër, trendi i rritjes së borxheve të brendshme, e sidomos shtimi i
përdorimit të fletë obligacioneve dhe zvogëlimi i bonove të thesarit, ndikon në rritjen e normave të
interesit (kostos së borxhit).
Shqetësim kryesor në menaxhimin e këtyre borxheve mbeten vonesat në realizimin/ngecjen e
projekteve kapitale ose vënia e tyre në funksion me qëllim të përfitimit të shërbimeve publike sa
më cilësore dhe zhvillimin e përshpejtuar ekonomik.
Vonesat e tilla janë rezultat i një studimi të dobët të fizibilitetit të projekteve, si dhe mangësitë në
krijimin e parakushteve të nevojshme për eliminimin e të gjitha pengesave infrastrukturore dhe
ligjore në realizimin e këtyre projekteve, për çka Qeveria duhet të ketë një mbikëqyrje të shtuar.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
24
Shtojca I: Progresi në zbatimin e rekomandimeve të vitit
paraprak
Komponenta e Auditimit
Rekomandimet e bartura nga viti 2016
Të zbatuara gjatë vitit 2017
Në proces të zbatimit gjatë 2017
Të pa zbatuara
1.1 Opinoni i Auditimit në Raportin Vjetor Financiar
Ministri i Financave në koordinim me Drejtorin e thesarit të siguroj se me rastin e hartimit të RVF/BRK, shënimet shpjeguese janë të plota dhe të sakta duke prezantuar informata të hollësishme për : stokun e borxhit të brendshëm dhe ndërkombëtar, gjendjen e borxhit sipas kreditorëve, instrumenteve financiare.
Në Raportin Vjetor Financiar, Ministria e Financave ka shpalosur informatat lidhur me borxhet e brendshme dhe ndërkombëtare.
ZYRA KOMBËTARE E AUDITIMIT - NACIONALNA KANCELARIJA REVIZIJE - NATIONAL AUDIT OFFICE
25
Shtojca II: Letërkonfirmimi