punim seminari semiologjia e reklames
TRANSCRIPT
Punim seminari Aplikimi i semiologjisë në industrinë e reklamës 1
Universiteti AABFakulteti i Komunikimit Masiv
Kursi i studimeve master në komunikimi masiv
Aplikimi i semiologjisë në industrinë e reklamës
(Punim Seminari)
Mentori,Prof. Dr. Shkumbin Munishi
KandidatiSali Salihu
Prishtine, shkurt 2010
Punim seminari Aplikimi i semiologjisë në industrinë e reklamës 2
PËRMBAJTJA
1. Hyrje…………………………………………………………………….
2. Reklama, historik i shkurtër…………………………………………..
3. Korniza teorike dhe konceptuale e semiologjisë………………..…..
4. Metodologjia e punimit……………………………………………....
5. Analizë semiologjike………………………………………………….
5.1. Imazhi i ri i Ipkos – rrethi i yt..…………………………………….....
5.2. Fushatat reklamuese të Ipkos ……………….………………………...
5.3. Fushata anti-duhan …………………………………………………….
6. Kriticizmi ndaj analizës semiologjike……………………………….
7. Përmbyllja................................................................………………….
8. Literatura.…………………………………………………………….
3
6
6
7
9
8
11
14
15
17
5
8
Punim seminari Aplikimi i semiologjisë në industrinë e reklamës 3
1. Hyrje
Semiologjia është një disciplinë e rëndësishme sepse na bën që të mos e marrim
realitetin si të mirqenë dhe të pavarur nga interpretimi njerëzor. Kjo disciplinë na thotë se
realiteti është një sisitem shenjash. Studimi i simologjisë na ndihmon të jemi më të
ndërgjegjshëm mbi konstruktin e realitetit, rolin tonë dhe të tjerëve në ndërtimin e tij.
Kuptimi i diçkaje nuk transmetohet tek ne, sepse jemi ne ata që e krijojmë atë si rrjedhojë e
një ndërveprimi kompleks të shenjave, kodeve apo konvencioneve për të cilat në përgjithësi
nuk jemi të vetëdijshëm. Njohja e shenjave dhe kodeve që deshifrojnë shenjat është
fuqizuese për intelektin njerëzor dhe përbën një pasuri që duhet trashëguar. Ne mësojmë
nga semiologjia se jetojmë në një botë shenjash dhe nuk ka mënyrë tjetër për të kuptuar
gjërat përpos shenjave dhe kodeve në të cilat janë organizuar.
Pra, studimi i shenjave është studim mbi ndërtimin dhe mirëmbajtjen e realitetit. Të
refuzosh një studim të tillë është sikur të pajtohesh me faktin që të tjerët të kontrollojnë
botëkuptimet tona1.
Reklama është pa dyshim fusha ku semiologjia mund të gjejë një aplikim të gjerë dhe
shumë efikas. Interesimet për mundësinë e zbatimit të analizës semilogjike në hulumtimin e
fenomeneve të kuturës masive shumë shpejt gjetën një poligon të përshtatshëm në fushën e
marketingut - reklamave duke marrë parasysh mundësinë që kjo fushë ofron në përdorimin
e simboleve, sugjestionit dhe figurave retorike në funksion të komunikimit me prospektin.
Nga përparësitë më të mëdha të semiologjisë është aftësia e saj për të zbuluar fenomenin
prapa domethënies dhe shenjëzimit, dhe siguron një kornizë për sqarimin e strukturës e
kodimit të shenjave në hulumtimin e shijeve të konsumatorit.
Reklama përmbush katër funksione themelore në shoqëri. Së pari, i shërben
kompanive për të bërë marketing për prodhimet apo shërbimet e tyre. Së dyti, ka karakter
edukimi ngase u jep njerëzve mundësinë të njihen me prodhimet apo shërbimet e ofruara.
Së treti, ka një rol ekonomik. Mundësia për të bërë reklamë i mundëson konkurrentëve të
rinj të hyjnë në arenën e bisnesit pa hendikepe. Si pasojë, konkurrentët do të përqëndrohen
për përmirësimin e cilësisë së prodhimeve/shërbimeve të tyre, e jo rrallë edhe në uljen e
çmimeve. Dhe së fundmi, kryen një funksion të caktuar shoqëror. Shfaqja e vazhdueshme
1 Daniel Chandler, Semiology for Beginners, http://www.aber.ac.uk/media/Documents/S4B/semiotic.html
Punim seminari Aplikimi i semiologjisë në industrinë e reklamës 4
në mundësi të barabarta konkurrimi rezulton në rritjen e prodhimtarisë e për rrjedhoje edhe
të standardit të jetës.
Për këto arsye, hulumtimi i orientimit të konsumatorit në industrinë e marketingut dhe
reklamës është një komponentë thelbësore. Reklama si pjesë përbërësë e marketingut dhe
komunikimit ëshë një mjet i shquar në formësimin e sjelljes së konsumatorit (që në gjuhën
e marketingut njihet me termin prospekt). Më saktësisht, reklama përgjithësisht përdor
shenjat gjuhësore, fotografinë ngjyrat dhe simbole tjera për të krijuar një marrëdhënie midis
produktit, shërbimit, idesë së ofruar me prospektin Me pak fjalë, reklama ndërton
forrmëson dhe manipulon me përceptimin e dhe sjelljen e prospektit.
Po kështu, hulumtuesit e strategjive të shenjave dalluese (brendit) theksojnë rëndësinë
e brendit në ndërtimin e imazhit dhe identitetit të një kompanie të caktuar. Shenjat verbale,
dhe audio-vizive influencojnë fuqishëm lidhjen midis kompnaisë dhe prospektit dhe
lojalitetin e të fundit ndaj të parës. Brendi është një kompleks shenjash dhe simbolesh ku
semiotikës i njihet roli meritor. Kjo për faktin se reklama është një mesazh simbolik. Ajo
sjell ide të reja apo versione të reja të simbolikave, kuptimeve të vjetra në projektet për
përkufizimin, planifikimin, koordinimin, manipulimin e individëve në një shoqëri.
Reciprokisht, edhe konsumatori përgjithësisht interpreton reklamën si një mënyrë e të
kuptuarit të vetes dhe botës që e rrethon. Për rrjedhojë, konsumatori shndërrohet në arbitrër
jo vetëm të vlerësimit të reklamës por dhe kuptimit të saj2.
2 Grant McCracken, "Culture and Consumption: A Theoretical Account of the Structure and Movement of the Cultural Meaning of Consumer Goods," Journal of Consumer Research, 13 June, 1986:.71-84.
Punim seminari Aplikimi i semiologjisë në industrinë e reklamës 5
2. Reklama, historik i shkurtër
Fjala reklamë (ang. advertising) rrjedh nga fjala latine advertere që ka domethënien e
tërheqjes së vëmendjes së dikujt. Ajo i atribuohet çdo forme të shfaqjeve publike që kanë
për qëllim promovimin e produkteve, shërbimeve apo shpërndarjen e mesazheve dhe ideve
me karakter social apo politik. Fillet e reklamës nuk mund të përcaktohen me saktësi, por
ka shembuj të reklamës që na vijnë nga disa mijëra vjet më parë. Në vendbanimet antike të
Babilonasve janë gjetur pllakat të argjilës që përmbanin mesazhe reklamuses për një shitës
kremërash dhe një këpuctar. Stërgjyshërit e stendave apo bill-bordave të sotëm janë gjetur
nga arkeologë në gërmadhat e mureve të Pompeit (Portsmouthi i sotëm).
Historia e reklamës është pashmangshmërisht e gërshetuar me ndryshimet sociale dhe
përparimet në fushën e teknologjisë. Sa për ilustrim, shpikja e shtypshkronjës së
Gutenbergut krijoi disa mundësi më të avancuara reklamimi përmes afisheve, shpalljeve
dhe reklamave në gazeta. Zhvillimi i reklamës merr një hov të madh sidomos pas
Revolucionit Industrial. Rritja e përnjëhershme e industrisë nxorri në pah nevojën për
plasim më të mirë të produkteve në treg. Nevojat në rritje në fushën e marketingut çuan
edhe në krijimin e agjensive të reklamave, si organizma të specializuar në ofrimin e
shërbimve reklamuese. Rrënjët e agjensisë moderne reklamuese i gjejmë në Philadeplphia
të SHBA-ve aty rreth vitit 1842.
Trendet e zhvillimit të industrisë së reklamave që nga përfundimi i Luftës së Dytë
Botërore e këndej thjesht mund të përshkruhen si spektakolare. Kalimi nga ekonomia e
luftës në ekonomi të bazuar mbi nevojat e konsumatorit, pastaj lindja e radios, televizionit,
kompjuterëve dhe zhvillimi i teknologjisë informative i dhanë reklamës një impuls të
paparashikueshëm deri atëherë3.
Në shekullin XX reklama evoluoi si formë e strategjisë sociale për të influencuar
ndjenjën e njerëzve për të konsumuar apo blerë produkte të caktuara4. Dy teknikat kryesore
që e bëjnë reklamën kaq të fuqishme janë pozicionimi dhe krijimi i imazhit. Pozicionimi ka
të bëjë me adresimin e një produkti tek njerëzit e caktuar. Imazhi i një produkti është një
shenjë komplekse prezentuese që ndërtohet nga shumë faktorë por që është lehtësisht e
3 Joseph R. Dominick, Dynamics of Mass Communication, 3rd edition, Mc Graw –Hill Inc., 19904 Marcel Danesi: Messages, Signs Meanings: A Basic Textbook in Semiotics and Communication Theory, 3rd
edition, 2004, Universirty of Toronto, Canadian Scholars’ Press Inc.
Punim seminari Aplikimi i semiologjisë në industrinë e reklamës 6
dallueshme për prospektin (në gjuhën e marketingut njihet si brand). Pra brendi është
personaliteti i një subjekti apo produkti - letënjoftimi i tij.
3. Korniza teorike dhe konceptuale e semiologjisë
Përdorimi i semiotikës në fushën e marketingut është ndërtuar mbi bazën e dy
paradigmave dominuese: paradigmën e gjuhëtarit zviceran Ferdinand De Saussure5 mbi
bazën e psikologjisë sociale dhe paradigmën filozofike te amerikanit Charles Sanders
Pierce6.
De Saussure zhvillon konceptin dikotomik (diadik) të shenjës, ku shenjuesi dhe i
shenjuari sipas tij ndodhen në marrëdhënie arbitrare. Ai besonte se gjuha përbëhet nga
shenjat që komunikojnë kuptime, dhe për rjedhojë, të gjitha gjërat tjera mund të studiohen
njësoj sikur edhe shenjat gjuhësore. Sipas De Saussure marrëdheniet, veprimet dhe
ndërveprimet e shenjave janë të një rëndësisë parësore në formësimin e kuptimit të fjalëve.
Teoria e relacioneve fundamentale paradigmatike të De Saussure u zhvillua dhe modifikua
më tej nga studjues të tjerë, në mesin e të cilëve shquhet Roland Barthes, i cili aplikoi këtë
paradigmë, mes tjerash, edhe në studimin e fenomenit të sjelljes së konsumatorit në
marketing7.
Përfaqësuesi i shkollës anglo-sanksone Charles Sanders Pierce është figura më
emblematike i paradigmës së dytë e cila mbështetet fuqimisht në filozofi, dhe në njëfarë
masë prekë edhe shkencën e fizikës8. Pierce mbase ështe edhe në mesin e atyre që ka
zhvilluar teorinë më gjithëpërfshirëse të semiologjisë (semiotikës). Koncepti trikotomik
(triadic - indeks, ikonë, simbol) dhe teoria e semiotikës evoluese të Pierce mbështeten në
idenë se kuptimi, emocionet dhe përceptimet e shenjave janë përcaktuese në komunikim.
Pierce përkufizon semiotikën si një “doktrinë të shenjave9”. Shenja shërben si zëvendësim
për një tjetër gjë në mënyrë që të transmetohet kuptimi, koncepti i saj10. Pierce formësoi një
5 Ferdinand de Saussure (26 nëntor 1857 - 22 shkurt 1913) ishte mjë gjuhëtar zviceran idetë e të cilit vunë themelet e shumë zhvillimeve të rëndësishme në fushën e gjuhësisë në shekullin XX. De Saussure kosiderehoret si baba i linguistikës bashkëkohore dhe semiologjisë. 6 Charles Sanders Peirce, (10 shtator 1839 – 19 pril 1914) ishte një filozof, matematikan dhe shkencëtar amerikan i njohur për kontributin e jashtëzakonshëm në fushën e logjikës, matematikës, filozofisë dhe semiotikës. Një nga themeluesit e semiologjisë dhe pragmatizmit. 7 Roland Barthes, Elements of Semiology, përkthyer në anglisht nga A. Lavers and C. Smith. New York: Hill and Lang, 1967 [Botimi original më 1964 në frengjisht].8 G.D. Dharma Keerthi Sri Ranjan, Science of Semiotic in Advertisements and Consumer’s Perception, Journal of American Science 2010: 6 (2)9 C.S. Pierce, Collected Papaers, Cambidge, Mass.,: Harward University Press, 195810 Po aty
Punim seminari Aplikimi i semiologjisë në industrinë e reklamës 7
orientim logjik që inkorporon modelin tre-pjesësh të shenjës: shenja (representi, vetë
shenja), objekti (të cilit i referohet shenja) dhe interpretuesi (interpretimi nga vëzhguesi)
Pra, për dallim nga De Saussure i cili fliste për marrëdhëniet dikotomike (diadike)
midis shenjave në paradigmën e tij, Pierce teorinë e tij e ndërtoi mbi bazën e
marrëdhënieve trikotomike (triadike) të shenjave. Filozofia semiotike e Pierce vlerëson
reagimin e interpretuesit ndaj shenjës si një pjesë përbërëse të kodimit të saj. Një shenjë
korrespondon me objektin e saj në mënyrë konvencionale, dhe fokusi kryesor i semiotikës
së Pierce është marrëdhënia (relacioni) i shenjës me interpretuesin.
Përdorimi i këytre dy paradigmave dominuese, të konceptuara nga De Saussure dhe
Pirce, pavarësisht nga dallimet ontologjike dhe epistemologjike, kanë gjetur zbatim në
fushën e marketingut dhe hulumtimin e sjelljes së konsumatorit.
Punim seminari Aplikimi i semiologjisë në industrinë e reklamës 8
4. Metodologjia e punimit
Në këtë punim janë marrë për objekt studimi dy fushata reklamash të cilat janë mjaft
të ndryshme njëra me tjetrën. Përzgjedhja mbase nuk është në linjë me konceptin e Dr.
David Chandler11, i cili për efekte studimi përgjithësisht do të parapëlqente lidhmëri midis
objekteve në mënyrë që krahasimi të ishte i mundshëm. Por, ky nuk është qëllimi parësor
në këtë punim.
Në rastin konkret, unë kam marrë në shqyrtim fushatën e kompanisë së telefonisë
celulare në Kosovë, Ipko, kurse tjetra është fushata anti-duhan e lansuar nga shoqata
amerikane e luftës ndaj pirjes së duhanit. Dallimi thelbësor në mes të këtyre dyjave është se
fushata e parë e marrë në studim, ajo e Ipkos, është me karakter të pastër komercial dhe
është një kombinim i imazhit (pamjes) me fjalët, kurse e dyta, fushata anti-duhan, është
fushatë ndërgjegjësimi dhe shmang krejtësisht fjalët në përcjelljen e mesazhit duke u
mbështetur vetëm në imazhin. Fushata reklamuese e Ipkos do të analizohet edhe nga
këndvështrimi i (ri) ndërtimit të brendit dhe përballjes së rivalitetit me konkurrencën në
treg, e cila në masë të madhe ka përcaktuar orientimin e veprimtarive nga aspekti i
marketingut.
Teksti dhe imazhet të cilat do të analizojmë përbëjnë një shenjë komplekse që në vete
ngërthejnë një shumësi shenjash tjera. Detyra parësore është identifikimi i atyre shenjave
dhe kodeve që zbërthejnë domethënien e shenjës. Në kuadër të këtyre kodeve kërkohet për
paradigmat dhe sintagmat e pranishme përmes të cilave janë të organziauara shenjat.
Përfundimisht, do të identifikohen funksionet ideologjike të shenjave në mesazh dhe
mesazhi si i tërë, përmes të cilave jepen përgjigjjet në pyetjet: çfarë realiteti ndërton
mesazhi?, me çfarë natyraliteti paraqet perspektivën e saj?, çfarë percepcione ndërton tek
pranuesi? dhe të ngjashme. Më tej ananlizohet arsyeja pse përdoret teksti (pse nuk përdoret
fare), renditja e shenjave sipas rëndësisë në funksionon të mesazhit në tërësi, figura
qendrore e mesazhit, dhe elemente tjera.
11 Semiology of Advertising, workshop i mentoruar nga Daniel Chandler nw Universitetin e Uellsit, i mundshëm në web faqen www.aber.co.uk./media/Documents/S4B/semiotic.html
Punim seminari Aplikimi i semiologjisë në industrinë e reklamës 9
5. Analizë semiologjike
5.1. Imazhi i ri i Ipko – rrethi yt
Së pari në shqyrtim do të marrim ndryshimin e imazhit (llogos) së Ipko-s si pasojë e
blerjes së shumicës së aksioneve nga një kompani sllovene. Kështu Ipko hyn në një fazë të
re ku përveq produkteve të reja për të ofruar në perspektivë, menaxhmenti i kompanisë u
përcaktua edhe për ndërrimin e imazhit ngase llogoja e vjetër nuk ishte në korelacionet me
veprimtarinë në zgjerim të kompanisë dhe planet zhvillimore. Sot është e qartë se e gjithë
kjo ishte e studjuar dhe planifikuar me shumë kujdes.
Në kërkim të imazhit të ri kompania vendosi që shenja e vet dalluese të jetë e formës
rrethore (rrethi, do të shohim, më vonë do të bëhet edhe simbolika qendrore e fushatave
reklamuese). Pse pikërisht kështu? Për nga vet forma, rrethi është pa fillim a fund, është
symbol i përjetësisë. Për më tepër, si një rreth magjik mikrokosmik, simbolizon mbrojtje,
imunitet, proteksion. Rrathët gjithmonë kanë qenë të përceptuar si froma me aftësi magjike.
Me këtë fuqi magjike, një unazë rreth zemrës do të mbrojë personin nga shpirtëtart e
këqinj.
Shpirti është një rreth, thoshte Platoni. Shumë unaza talismane besohej se kishin fuqi
shëruese. Në këtë kuptim, për shembull, është e lehtë të kuptohet arsyeja pse unaza është
pjesë e pandarë e ceremonive martesore që simbolizon dashurinë e përhershme – shpresë
për çiftin, familjet dhe miqtë e tyre. Rrethi simbolizon pafundësi, tërësi sugjestive për një
tërësi pandërprerë dhe të përsëritshme në kohë dhe hapësirë. Toka, hëna, dielli janë të
formës rrethore, ditët tona sillen në rreth, edhe muajt poashtu.
Rrethi i Ipko-s është i kuq. E kuqja përfaqëson të bukurën, të madhërishmen në
shumë kultura. Kujtojmë me këtë rast simbolikën e tepihut të kuq. Ajo është ngjyra më e
Fig.1. Llogo e re Ipkos Fig.2. Llogo e vjetër Ipkos
Punim seminari Aplikimi i semiologjisë në industrinë e reklamës 10
sipërme e harqeve të ylberit dhe është me gjatësinë më të madhe valore nga të gjitha
ngjyrat. Për më tepër, e kuqja ka asociacione personale më shumë nga të gjitha ngjyrat. E
njohur si ngjyrë stimuluese, e kuqja besohet se ka trashëguar ngacmimin. E kuqja rrezaton
energji dhe përdorimi i saj intensiv si konotacion mund të tërheq vëmëndje më shpejt se
ngjyrat tjera. Si ndikon ngjyra e kuqe tek ne fizikisht dhe psikiskisht? E kuqja ngre ngre
entuziazmin, stimulon energji, dinamizëmin, kurajon veprim dhe besim, por edhe ndjenjë
mbrojtje, protektorati nga frika dhe shqetësimi.
Në sfondin e kuq rrethor është vendosur emri i kompanisë me shkonja të bardha, e
cila simbolizon freski, dritë, qartësi, pastërti, elokuencë etj. Në përceptimet a masave
kulturore kompania ka dhsur të përcjell mesazhin se produkti i ri sjell një freski të me të
ardhme të ndritshme në treg si dhe elokuencë dhe pastërti në veprime.
Pika e zezë në sfondin e kuq në njëfarë mënyre plotëson ngjyrat tradicionale të
kombit. Por pozita e kësaj pike është pak sa intriguese. Ajo është e vendosur në qendër të
asgjëje dhe krijohet përshtypja se është disi e shkëputur nga konteksti. Por, në fakt,
mosvendosja e pikës në qendër të diçkaje ka për qëllim që t’i bëjë konsumatorit me dije
synimet e kompanisë. Pra, nëse është gjerësisht e pranuar se në qendër të një kompanie
është profiti, me këtë shenjë Ipko dëshiron të të përcjell mesazhin se fokusi i saj është
dikund tjetër – klienti i saj. Po në këtë frymë, është përzgjedhur që emri i kompanisë të
shkruhet me shkronja të vogla.
5.2. Fushatat reklmauese të Ipkos – me rrethin element qendror
Shumë shpejt pas prezantimit të llogos së re, Ipko nis fushatën e parë me rrethin në
qendër të gjithaçkaje. Edhe llogoja e kompanisë në krahun e djathtë vendos për të mos e
lëvizur më tekstin “rrethi yt”, duke aluduar kështu tek klienti se aty është vendi ku ai i
takon dhe pa ngurrim duhet të bëhet pjesë e saj.
Fig.3. Loogo e re me shtesën “rrethi yt
Punim seminari Aplikimi i semiologjisë në industrinë e reklamës 11
Reklamat pasuese do të jenë përplot rrahë që shoqërojnë thirrjet për të “krijuar rrethin
tënd”, ku secili produkt i lansuar është një rreth në vete dhe është një lloj privilegji të
bëhesh pjesë e tij: si nga aspekti ekonomik ashtu edhe në aspektin social.
Në momentin kur duket se “rrathët” ishin konsoliduar, kompania do të përballej më
direkt me rivalin (Vala) dhe do të provoj ta godas atë në pikën që ajo e konsideronte të
fortë, apo të tillë e kishte proklamuar. Në përgjegjje të sloganit të rivalit “Vala është e
Kosovës”, Ipko do të ndërmerr një fushatë (kjo e tashmja) ku rrethi do të identifikiohet me
format rrethore të trashëgimisë kulturore shqiptare në Kosovë e cila shoqëohet me sloganin
“Rreth e rreth Kosovës” të përcjellë me shpjegimin “Operatori me mbulueshmërinë më të
madhe në Kosovë”. Slogani dhe mesazhi bashkërisht japin të kuptojnë se Ipko është më
shumë kosovare/shqiptare se sa rivali në të gjitha aspektet, duke “përdhosur” kështu
sloganin e rivalit.
Reklamat e Ipkos në veçanti dhe fushata si një e tërë vijnë dhe pasojnë njëra-tjetrën
shumë natyshëm. Po kështu edhe organizimi paradigmatik dhe sintagmatik i shenjave bën
që porosia të jetë e qratë dhe elokuente. Edhe teskti i reklamës është plotësisht në
funksionon të reklamës si tërësi.
Fig. 4. Produktet e reja të Ipkos të “mbërthyera” nga rrathët e pashmangshëm
Punim seminari Aplikimi i semiologjisë në industrinë e reklamës 12
5.3. Fushta anti-duhan
Siç edhe e thamë më lart, fushata ndërgjegjësuese e reklmaës anti-duhan mbështetet
vetëm në imazhe duke shamgur kështu fjalët (tekstin). Në fakt pamjet janë aq impressive
dhe flasin aq shumë sa teksti do të ishte i tepërt. Aq më tepër që ky problem (duhani) është
një problem serioz në të gjitha shoqëritë.
Në reklamën e parë denotacioni i pamjes na flet për një burrë që shijon konsumimin e
duhanit në mënyrë krejt të shkujdesur (shikimi i tij në një drejtim të kundërt nga rreziku).
Forma e karriges simbolizon jokomoditetin në të cilin ndodhet ky burrë, por që prapë se
prapë, ky fakt nuk e ndalon atë atë që ta shijojë momentin. Rrezja e shikimit, me ose pa
vullnetin e tij, nuk mbulon të keqen që po i vie me poshtë. Jo rastësisht burri është veshur i
tëri me të zeza që në këtë rast simbolizon fatkeqësinë, errësirën, zinë, mungesë e
informacionit etj. Për më tepër, ky burrë i pashëm bart syze që simbolizon
Fig. 5. Një nga reklamat e fushatës së fundit të Ipkos
Fig. 5. Dy nga reklamat e fushatës antiduhan te marra ne shqyrtin ne kete punim
Punim seminari Aplikimi i semiologjisë në industrinë e reklamës 13
“shkurtpamësinë” e tij, kurse dioptria e madhe e syzeve simbolizon nivelin e rrezikut si
pasojë e kësaj gjendjeje. Gjithë këto simbolika janë të përmbledhura tek imazhi qendror i
portretizuar me këmbën e viktimës në formën e një cigare që po digjet. Pra konotacioni i
kësaj reklamëe është pak a shumë: duhani të sakatosë pa e marrë vesh se çfarë po ndodh.
Hija e burrit rëndon mbi sfondin e bardhë të pamjes që simbolikisht shpreh vullnetin e
mirë, dëshirën, çiltësinë e ambientit, shoqërisë që e rrethon që ti vihet në ndihmë.
Në figurën e dytë, është paraqitur një femër me bukuri përrallore që shëmtohet nga
një vrimë e zezë në buzët e saj. Vendi i shëmtimit është pikërisht aty ku vendoset cigarja
gjatë tymosjes, por edhe forma e plagës është e një djegije të shkaktuar nga cigarja. Fytyra
e vajzës, mimika e saj, shpreh pafajësi dhe mungesë mbrojtje në njërën anë, por edhe
shkujdes, mungesë vëmendje në anën tjetër. Kjo plagë e zezë (në kontrast me të kuqen
rrezatuese të buzëve), ndonëse nxjerr në dritë bukurinë dhe bardhësinë e dhëmbëve të saj,
shpreh gjithë shqetësimin dhe mungesën e mbrojtjes që reflekton fytyra e saj.
Të dy këto reklama, duke qenë pjesë e një të tëre, ndërtojnë një realitet shqetësues që
vjen si pasojë e konsumimit të duhanit. Reklama e parë, veçanërisht, shquhet për një
elokuencë sintagmatike dhe paradigmatike. Porosia për propsektin (atij/asaj që i drejtohet
reklama) vjen shumë qartë dhe fuqishëm.
6. Kriticizmi ndaj analizës semiologjike
Punim seminari Aplikimi i semiologjisë në industrinë e reklamës 14
Në njërën anë semiologjia është e pranishme gjithandej dhe si metodologji nuk e
mohon njeri, ndërsa në anën tjetër, praktikisht nuk shfrytëzohet në masën e duhur. David
Chandler, për më tepër thekson se është përceptim i disa qarqeve se semiologjia është “një
çerdhe e sharlatanëve akademik që mundohen t’i sigurojnë vetes aurën e sofistikimit”.
Semologjia shpesh është vlerësusr (kritikuar) si një “shkencë imperialistike”12 si
pasojë e përpjekjes së semilologëve për ti dhënë asj epitetin e të domosdoshmes gjithkund
dhe në gjithçka, pra si një disciplinë që nuk mund të injorohet nga disciplinat tjera. Por
pavarësisht dëshirës De Saussure, semiologjia asnjëherë nuk ka qenë, dhe sipas të gjitha
gjasave edhe kurrë nuk do të jetë, disciplinë shkencore akademike më vete. Janë raste të
rralla kur semiologët ofrojnë të dhëna empirike mbi interpretime të caktuara, duke bërë
kështu që vetë disciplina të jetë shumë e pak e sistemuar. Ajo do të vazhdojë të jetë vetëm
një metodë analitike e sttudimit të fenomeve kulturore.
Për shumë klientët e hulumtimit të sjelljes së konsumatori semiologjia është një
metodologji e patestuar, dhe me të drejtë janë të rezervuar të shpenzojnë para për të. Për
këtë arsye njerëzit preferojnë që semiologjinë ta cilësojnë si një vlerë të shtuar të
metodologjisë kualitative të hulumtimit se sa një disciplinë që mund të operojë krejt e
vetme13.
Gjërat kanë ndryshuar sidomos në dekadën e fundit, por edhe kështu njerëzit janë të
rezervuar sa i përket fuqisë së semiologjisë në industrinë e reklamave. Është për të ardhur
keq ngase ata që kanë qenë të përfshirë në analizat dhe hulumtimet semiologjike janë ndarë
shumë entuziast për kapacitetet e saj në krahasim me atë çfarë ofrojnë metodat tradicionale
të të hulumtimit14.
7. Përmbyllja
12 Semiology of Advertising, workshop i mentoruar nga Daniel Chandler ne Universitetin e Uellsit, i mundshem ne web faqen www.aber.co.uk./media/Documents/S4B/semiotic.html 13 Po aty 14 Rachel Lawes, Demystifying semiotics: some key questions answered, International Journal of Market Research, Vol. 44, Quarter 3
Punim seminari Aplikimi i semiologjisë në industrinë e reklamës 15
Semiologjia mund të mos jetë apo edhe të mos bëhet kurrë një disciplinë shkencore,
por ajo paraqet një kornizë konceptuale krej unike në kodimin dhe interpretimin e shenjave
të çfarëdolloj natyre.
Çfarë e bën të vërtetën (disciplinat shencore) më të besueshme dhe të ndryshme nga
një opinion subjektiv (semiologjia)? Vërejmë opozicionin binarik me të vërtetën në njërën
anë dhe të opinionin në anën tjetër. Opozicioni binarik është disajnuar të paraqes njërën anë
më mirë se tjetrën. Kur e vërteta has në formën e opozicionit binarik, ajo gati gjithmonë
ndodhet në anën “e mire” të opozicionit (e vërteta kundrejt gënjeshtrës, tregimet e vërteta
kundrejt fiksionit, pamja e të vërtetës kundrejt përceptimit të shtrembëruar e kështu me
rradhë). Në çift binarik me të vërtetën pala tjetër është gjithmonë në disavantazh. Por,
opozicioni binarik është vetëm një retorikë dhe si e tillë duhet trajtohet. Por, ka dy gjëra të
cilat duhet vënë në pah me këtë rast15. Së pari, opinioni, ka një jetë të tërë bashkëjetese me
të vërtetën dhe trajtohet me dinjitet dhe respekt. Ka raste kur opinioni përbën pjesën e mirë
të opozicionit binarik. Për shembull, e vërteta është më pak e besueshme nga sa mund të
merret me mend. Rikujtojmë me këtë rast ato vizatimet e quajtura figura të dyfishta (shih
figurat e dhëna më poshtë). Cilën të vërtetë shihni varet nga nga prirja që keni. Ajo varet
nga eksperiencat kulturore të secilit, por ky është një dimesion që nuk na intereson në këtë
rast.
15 Rachel Lawes, Demystifying semiotics: some key questions answered, International Journal of Market Research, Vol. 44, Quarter 3
Figura dykuptimshe: Cilën të vërtetë shohim?
Punim seminari Aplikimi i semiologjisë në industrinë e reklamës 16
Analiza semiologjike është e ndryshme nga metodat cilësore (kualititave) të
hulumtimit, të cilat përgjithësisht drejtohen në perspektivën e nga brenda-jashtë. Intervistat
dhe grupet kanë prirje për fenomenet psikologjike si perceptimet, pikëpamjet dhe besimet
dhe nxjerrja e tyre nga kokat e njerëzve. Semiologjia ka një perspektivë tjetër - ajo pyet se
si nga vijnë gjërat, si ato futen dhe fiksohen në mendjet e njerëzve. Përgjegja është se se ato
futen nga kulturat që i rrethojnë – ambienti ku marrësi i mesazhit dhe semiologu
bashkëjetojnë.
Një arsye pse semiologjia është e nevojshme vjen nga fakti se shenjat ndryshojnë
kuptimin në kohë dhe është me rëndësi që kjo të kihet parasysh në mënyrë që evitohen
keqinterpretimet. Së dyti, shenjat ndryshojnë kuptimin varësisht nga relacioni që kanë me
shenjat tjera. Pra, kur shenjat vendosen në renditje të caktuar dhe kontekst të caktuar ato
prodhojnë kuptime të ndryshme, është me rëndësi që të dihet për këto kuptime në mënyrë
që vendimi të jetë mbi bazën e informaconit dhe të jetë efektive.
Pra, duke marrë parasysh rëndësinë e imazheve në shoqëritë e tejmediatizuara të së
sotmes, është shumë me rëndësi të explorojmë se çfarë portretizojnë imazhet dhe si ato
ndërtojnë lidhje të qëndrueshme apo të përkohshme me prospektin. Metoda semiologjike
ofron një mundësi të jashtëzakonshme për hulumtusit që analizaojnë pamjet dhe të
përcaktojnë mesazhet që ata portretizojnë.
Punim seminari Aplikimi i semiologjisë në industrinë e reklamës 17
8. Literatura
(Sipas rendit alfabetik)
1. C.S. Pierce, Collected Papaers, Cambidge, Mass.,: Harward University Press, 1958
2. David Chandler, Semiology of Advertising, workshop i mentoruar nga Daniel Chandler nw Universitetin e Uellsit, i mundhswm nw web faqen www.aber.co.uk./media/Documents/S4B/semiotic.html
3. G.D. Dharma Keerthi Sri Ranjan, Science of Semiotic in Advertisements and Consumer’s Perception, Journal of American Science 2010: 6 (2)
4. Grant McCracken, "Culture and Consumption: A Theoretical Account of the Structure and Movement of the Cultural Meaning of Consumer Goods," Journal of Consumer Research, 13 June, 1986:.71-84.
5. Joseph R. Dominick, Dynamics of Mass Communication, 3rd edition, Mc Graw –Hill Inc., 1990
6. Marcel Danesi: Messages, Signs Meanings: A Basic Textbook in Semiotics and Communication Theory, 3rd edition, 2004, Universirty of Toronto, Canadian Scholars’ Press Inc.
7. Rachel Lawes, Demystifying semiotics: some key questions answered, International of Journal of Market Research, Vol. 44, Quarter 3
8. Roland Barthes, Elements of Semiology, përkthyer në anglisht nga A. Lavers and C. Smith. New York: Hill and Lang, 1967 [Botimi original më 1964 në frengjisht].