punim diplome - edukimi.uni-gjk.org selimi diploma .pdf · 7 mirËnjohje ky punim diplome është...
TRANSCRIPT
UNIVERSITETI I GJAKOVËS “FEHMI AGANI”
FAKULTETI I EDUKIMIT
PROGRAMI FILLOR
PUNIM DIPLOME
TEMA:Kontrollimi dhe vlerësimi i njohurive, shkathtësive dhe shprehive të
nxënësve
Mentori: Kandidatja:
Prof. dr. Ilir Kelmendi Jeta Selimi
GJAKOVË, 2018
2
Ky punim diplome u mbrojt me para komisionit vlerësues në përbërje:
1. Kryetari
2. Anëtar
3. Anëtar
Komisioni vlerësues e vlerësoi punimin me notën ( ).
3
Dedikuar
Dashurisë dhe bekimit më të madh në jetë…
Familjes
4
PËRMBAJTJA:
DEDIKUAR……..……………………….…………….………………........................................3
MIRËNJOHJE ……………………………………………………………...…………….……..7
ABSTRAKT ……………………………………………………………...…..……………..…...8
HYRJE ………………………………………………………………………..……………….....9
Ⅰ. Kontrollimi……………………………………………………..........................................10
Ⅱ. Vlerësimi …………………………………………………………....................................11
2.1. Qëllimi i vlerësimit ……………………………………………….…………………..12
2.2. Parimet e vlerësimit ……………………………………………..................................12
2.2.1. Vlefshmëria…………………...………………………………………………………12
2.2.2. Transparenca………………………………………………………............................12
2.2.3. Besueshmëria………………………………………………………....………...…….13
2.2.4. Paanëshmëria……………………………………………………………………....…13
Ⅲ. Llojet e vlerësimit ……………………………………………………………………...…14
3.1. Vlerësimi i brendshëm …………………………………………………………….….14
3.1.1. Llojet e vlerësimit të brendshëm………………………………...……………………13
3.1.2. Vlerësimi i jashtëm ……………………………………...............................................14
Ⅳ. Rëdësia e kontrollimit e vlerësimit …………………….……………….…………..…......15
4.1. Rëndësia didaktike e kontrollimit të vlerësimit ………………………………..........……..15
4.2. Rëndësia socio-pedagogjike e kontrollimit dhe vlerësimit………………………...……….16
Ⅴ. Llojet e kontrollimit të vlerësimit ………………………………………………….…....17
5.1. Kontrollimi e vlerësimi paraprak ………………………...…………………….......……….17
5
5.2. Kontrollimi e vlerësimi sistematik ……………………..……………………….……...…..17
5.3. Kontrollimi e vlerësimi periodik ………………………..……. ………………………..…18
5.4. Kontrollimi e vlerësimi përfundimtar ……………...………………………….…….….......19
Ⅵ. Kontrollimi e vlerësimi me teste ……………………………………………………….....20
6.1.Testet e njohurive, shkathtësivedhe shprehive ……..……………………..…….....…….....20
6.2.Testet me gojë …………………...……………………………………………………..…...20
6.3. Testet me shkrim ……………………….……………………………………….……..……20
6.4. Testet praktike ………………………………………………………………..….………….21
6.5. Testet individuale, në çifte dhe në grupe ………….………… ………………….…………21
6.6. Përparësitë dhe mangësit e testit ………………..……………………………………….....21
Ⅶ. Vlerësimi me notë………………………………...………………………………..………..22
7.1. Sistemi i notave numerike ……………………………………………………….…..…......23
7.2. Karakteristikat e notes…………………………………………………………...………….24
7.2.1. Nota duhet të jetë gjithëpërfshirëse………………………………………...…………......24
7.2.2. Nota duhet të jetë e plotë……………………………………………………………....….24
7.2.3. Nota duhet të jetë objektive……………………………………..……………………......25
7.2.4. Nota duhet të jetë publike………………………..…………………………………...…...25
7.2.5. Nota duhet të jetë motivuese………………..………………………………………...…..25
Ⅷ. Metodat e kontrollimit e vlerësimit ………………….………………………..…………..26
8.1. Metodat e kontrollimit e vlerësinit me gojë …..……………………………………..……...26
8.2. Metodat e kontrollimit e vlerësimit me shkrim …..…………………………………………27
6
Ⅸ. Përsëritja e përforcimi ………………………………...…………………………………..28
Ⅹ. Ushtrimet në punë mësimore ……………………………..……………...……………….29
Përfundimi ………………………………………………………………….………………….30
Bibliografia……………………………………………………………………...………………31
Autobiografia …………………………………………………………………..……………….32
7
MIRËNJOHJE
Ky punim diplome është finalizimi i studimeve të mia katër vjeçare, mirëpo falendërimi im për
çdo person që kontribuoi në studimet e mia nuk do të ketë fund asnjëherë.
Respektin dhe mirënjohjen më të sinqertë, ia dedikoj profesorit, njëherazi udhëheqësit tim
shkencor Prof. Dr. Ilir Kelmendi, një profesor me virtyte shumë të larta dhe një model se si duhet
të jetë një mësimdhënës.
E falëndëroj për ndihmën e ofruar dhe mbështetjen gjatë përgatitjes së këtij punimi.
Falendërim të veçantë shprehi për të gjithë profesorët e universitetit të Gjakovës, të cilët në
vazhdimësi bënë përpjekje që të atësoheshim në fushën e mësimdhënies.
Falendërimi im nuk do të kishte aspak kuptim po qe se miket e mia nuk do të ishin pjesë e tij.
Faleminderit për çdo qast që ndamë së bashku përgjatë këtyre viteve.
Dhe, në fund, por jo si të fundit, falendërim të veçantë për familjen time së cilës i detyrohem
shumë për fillimin dhe finalizimin me sukses të këtij udhëtimi, sa të vështirë aq edhe të bukur.
Ju falëndëroj përzemërsisht të gjithëve!
8
ABSTRAKT
Ky punim diplome pasqyron studimin tim, rreth temës kontrollimi e vlerësimi i njohurive,
shkathtësive dhe shprehive të nxënësve. Përmes këtij punimi në fillim do të paraqes njohuri të
përgjithshme për komunikim e vlerësimin, qëllimin e vlerësimit dhe parimet e vlerësimit.
Pastaj,do te vazhdoj te flaës për llojet e vlerësimit, rendësia e kontrollimit e vlerësimit, llojet e
kontrollimit e vlerësimit. Pastaj do te flas për kontrollimin e vlerësimin përmes testimit, llojet e
testimit, testet me gojë, me shkrim, testet individuale, në çifte dhe në grupe, si dhe për
përparësitë dhe mangësitë e testimit. Rezultatet e arritura përmes testimit, me shkrim apo çfarë
do lloj testimi tjetër që mësimdhënësi ka vendosur t’i përdor, pasqyrohen përmes notës, prandaj
kam folur për vlerësimin me notë, karakeristikat e notës. Po ashtu në këtë punim do të gjeni edhe
metodat e kontrollimit e vlerësimit, çka ndikon përsëritja e përforcimi si dhe ushtrimet në punë
mësimore. Përmes këtij punimi synohet të tregohet puna e mësimdhënësit gjatë kontrollimit e
vlerësimit të njohurive, shkathtësive dhe shprehive te nxënësit. Gjithçka që mësohet duhet të
jetësohet me anë të praktikës dhe të kontrollohet e vlerësohet në mënyrën më të mirë të
mundshme.
Fjalët kyçe: kontrollimi, vlerësimi, testi, nota, nxënësit.
9
HYRJE
Në procesin e planifikimit të mësimeve dhe njësive mësimore, njëaspekt që meriton vëmendje
është problemi se si të kontrolloni dhe të siguroni përparimin e nxënësve në mësime, si të
identifikoni përparimin që kanë bërë dhe si të vlerësohen rezultatet e të mësuarit të nxënësve dhe
aktiviteteve tona si mësimdhënës.
Para se të zhvillohet mësimi, ne duhet të planifikojmë si të vlerësojmë dhe të përmirësojmë
ndikimin dhe cilësinë e mësimdhënies tonë,dhe si të analizojmë, përmirësojmë dhe gjykojmë
punën dhe aktivitetin mësimor.
Duke vepruar kësisoj, do të marrim parasysh se me çfarë masash dhe instrumentesh do të jemi në
gjendje të identifikojmë dhe vlerësojmë shkallën e realizimit të objektivave mësimore nga klasa
ose nga nxënës të veçantë dhe, nëse është e nevojshme, të përcaktojmë edhe kriteret ku do të
bazohemipër sistemin e vendosjes së notave.
10
Ⅰ. KONTROLLIMI
Kontrollimi ështëproces i cili realizohet në mënyrë sistematike dhe përfshin një mori faktorësh
prej të cilëve varet suksesi i punës dhe rezultati i mësimdhënies.
Rendësia e tij qëndron në të kuptuarin se në ç’masë janë realizuar përmbajtjet, në ç’masë janë
përvetësuar dhe cilat gabime janë bërë.
Kontrollimi mbështetet në vrojtimin sistematik analitik dhe të kontrolluar mbi punën e arsimtarit
dhe të nxënësve të cilat do të ndihmojnë nxjerrjen e përfundimeve objektive arsimore- edukative
të mësimit të paraparë me plan programin mësimor.1
Kontrollimi bëhet sipas metodologjisë standarde për kontrollim e vlerësim të rezultateve të
mësimdhënies së arsimtarit dhe të mësimnxënies së nxënësit.
Kjo metodologji kërkon njohjen dhe përdorimin adekuat të teknikës dhe teknologjisë së
kontrollimit e vlerësimit objektiv, siç janë: instrumentet, teknikat, metodat, llojet dhe format e
kontrollimit e vlerësimit.2
Kërkon vrojtimin, kontrollimin e vlerësimin e punimeve të nxënësve.
Kërkon vrojtimin, kontrollimin e vlerësimin e dokumentacionit pedagogjik: librit të klasës, plan
programeve të punës së arsimtarit ( planprogramit vjetor, mujor dhe përgatitjeve me shkrim për
orë mësimore), të analizave me shkrim rreth realizimit të planprogrameve të punës së arsimtarit,
të orëve mësimore etj.
1 Brada, Dr. Riza: “ Didaktika kibernetike”, Prishtinë 2010, faqe 418
2 Musai, Dr. Bardhyl: “ Metodologjia e mësimdhënies”, Tiranë 2003, faqe 244
11
Ⅱ. VLERËSIMI
Vlerësimi është pjesë e pandashme e kontrollimit, mbështetet në të dhe paraqet përfundimin e tij
të natyrshëm, duke dhënë mendimin dhe duke bërë përcaktimin e vlerave të niveleve kuantitative
dhe kualitative të rezultateve të arritura.
Përmes vlerësimit nxënësit marrin informacione për atë që do të duhet ta mësojnë. Sa do të
mësojnë dhe si do të mësojnë, kjo në masë të madhe varet nga vlerësimi që zbatohet.
Vlerësimi shërben që ta nxisë nxënësin që të mësojë dhe t’i japë udhëzime se si të mësojnë në
mënyrë që t’i përmirsojnë të arriturat në mësim dhe jashtë tij. Me vlerësim vlerësohen dituritë
dhe aftësitë e nxënësve, vlerat, qëndrimet dhe shprehitë e tyre, që ndikojnë në suksesin në
shkollë dhe në të arriturat jashtë shkollës.
Me vlerësim merren informacione edhe për anët e forta dhe ato të dobëta të nxënësve, që pastaj
përdoren për të siguruar përparimin e nxënësve në të arritura.
Mësimdhënia, mësimnxënia dhe vlerësimi janë procese të ndërthurura dhe sigurojnë nkoherenc
në mësim.
Vlerësimi, kontrollimi nuk do të kishte vlerë njohëse kërkimore, së këndejmi as efekte për
përparimin e punës së arsimtarit dhe nxënësve.
Vlerësimi përcjellë kontrollimin në formë të vërtetimit të adekuatshmërisë së zhvillimit të tij në
raport me metodologjinë e përcaktuar dhe të përdorur për vjeljen dhe përpunimin e të dhënave
dhe për nxjerrjen e konkluzioneve rreth niveleve dhe cilësis të njohurive të nxënësve, aftësive e
shkathtësive dhe shprehive të formuara nga nxënësit, të paraparë me planprogramin mësimor.
Vlerësimi përmbyll kontrollimin me nxjerrjen e gjykimeve-konkluzioneve që sublimohen në
formë të notës mësimore. Vlerësimi definon dobishmërinë dhe rëndësinë e niveleve të
rezultateve të arritura në punën mësimore, nga arsimtari dhe nxënësit, të konstatuar përmes
kontrollimit në raport krahasimi me vlerat dhe rezultatet e parapara me planprogramin mësimor.
12
2.1. Qëllimi i vlerësimit
Qëllimi i vlersimit në të gjithë arsimin parauniversitar është mbështetja e të nxënit të nxënësve.
Vlerësimi si proces realizohet në funksion të mësimdhënies dhe të nxënies dhe mbështetet në
sistemin e vlerësimit që nënkupton: përmbajtjen, kohën, procedurën dhe bartësit e vlerësimit.
Përmës vlerësimit, sigurohen informacione të vazhdueshmë për cilësinë e të nxënit të nxënësit,
mësimdhënien dhe përshtatshmërinë e kurrikulës.
2.2. Parimet e vlerësimit
Vlerësimi i nxënësve të klasës pergatitore dhe arsimit fillor bazohet në parimet e vlerësimit të
përcaktuar me kurrikul:
2.2.1. Vlefshmëria
Vlerësimi duhet të sigurojë se kërkesat dhe kriteret e vlerësimit janë të lidhura me rezultatet e të
nxënit për klasën dhe shkallën kurrikulës, të përdoren matje dhe burime të shumta për të dhënë
gjykime dhe se vlerësimi mbulon shtrirjen dhe thellësin e programit mësimor.
2.2.2. Transparenca
Vlerësimi duhet të sigurojë se kriteret, metodat dhe procedurat e vlerësimit janë të njohura për
nxënës dhe për të gjithë akterët e përfshirë në procesin e vlerësimit. Informacioni për nxënësin,
lidhur me rezultatet e arritura, informatat kthyese dhe mundësitë e përparimit të jetë i qartë, i
saktë dhe të jepet me kohë.
13
2.2.3. Besueshmëria
Vlerësimi duhet të sigurojë se gjykimet për përparimin e nxënësit bazohen në instrumente, lloje
të ndryshme të vlerësimit dhe burime të ndryshe te informacionit. Në këtë proces ofrohen dëshmi
për të argumentuar cilësinë e vlerësimit dhe për t’u siguruar se nëse përsëritet vlerësimi,
atëherërezultatet do të jenë të njëjta.
2.2.4. Paanshmëria
Vlerësimi duhet të sigurojë se respektohen kërkesat e kodit etik të vlerësimit, respektohen
procedurat e vlerësimit ngaj çdo nxënësi apo grupi nxënësve, përdoren instrumente të ndryshme
të vlerësimit që i mundësojnë secilit nxënës të shfaqë përformacën e tij\saj dhe ofrohet
mbështetja e duhur në të nxënit e nxënësve drejt zotërimit të kompetencave.
Ⅲ. LLOJET E VLERËSIMIT
Nxënësit nga klasa përgatitore deri në përfundim të klasës së pestë kalojnë nëpër dy lloje të
vlerësimit:
o Vlerësim të brendshëm dhe
o Vlerësim të jashtëm
3.1. Vlerësimi i brendshëm
Vlerësimi i brendshëm bëhet në nivel shkolle\klase nga edukatoret\edukatorët, mësimdhënësit\et
e klasës përgatitore dhe arsimit fillor dhe sipas përshkrimit të procedurave e kritereve për secilin
lloj të vlerësimit të brendshëm,të rregulluar me akte nënligjore.
14
o Vlerësimi i brendshëm u mundëson nxënësve të shprehin njohurit e reja dhe të tregojnë
nivelin e zotërimit të kompetencave duke përfshirë:
o Gjerësinë dhe thellësinë e tyre.
o Gadishmërinë për t’iu përgjigjur sfidave të nivelit të përcaktuar me rezultatet e të nxënit
o Afësinë për t’i zbatuar ato në situata dhe rrethana të reja
Fokusi kryesor i vlerësimit të brendshëëm është mbështetja e të nxënit të nxënsve për zotërim të
kompetencave të shkallës së parë dhe të dytë. Kjo arrihet duke kombinuar vlerësimin formative
(për nxënie) me vlerësimin për mbledhës ( i të nxënit)
3.1.1. Llojet e vlerësimit të brendshëm
Korniza e kurrikulës përcakton tri lloje të vlerësimit të brendshëm të cilat janë të vlefshëm edhe
për realizimin e kurrikulës bërtham:
o Vlerësim i vazhdueshëm;
o Vlerësim përfundimtar;
o Vlerësim për shkallë.
3.2. Vlerësimi i jashtëm
Vlerësimi i jashtëm për klasën përgatitore për arsimin fillor bëhet në fund të klasës së pestë për
qellime hulumtimi dhe zhvillimi të aspekteve të ndryshme të arsimit dhe identifikimit të
nevojave për mbështetje të nxënësvenë shkollën e mesme të ulët dhe përmirsimin e nivelit fillor.
Ky vlerësim organizohet nga autoriteti qendror për vlerësim i autorizuar nga MASHT-i3.
Vlerësimi i jashtëm mund të bëhet edhe për këto qëllime:
o Vendimmarrjeje e politikëbërje në fusha të ndryshme të arsimit
15
o Inspektimin dhe verifikimi i cilësisë së vlerësimit në nivel klase, shkolle dhe komune.
Vlerësimet e standardizuar shtetërore janë të përqendruara në matjen e nivelit të zotërimit të
kompetencave kryesore të parashikuara në kurrikulë për secilin nivel të arsimit.
Ⅳ. RËNDËSIA E KONTROLLIMIT E VLERËSIMIT
Ato kanë rëndësi të madhe didaktike dhe socio-pedagogjike. Ndihmojnë informimin dhe
komunikimin kthyes ndërmjet faktorëve të mësimit për rezultatet që arrijnë në punën e tyre. Me
ndihmën e kontrollimit e vlerësimit, akordohet komunikimi dhe interaksioni didaktik ndërmjet
arsimtarit, nxënësit, nxënësve dhe prindërve, menaxherit dhe themeluesit të shkollës, madje edhe
të rrethit të ngushtë dhe të gjerë social të interesuar për mbarëvajtjen e punës në shkollë.
4.1. Rëndësia didaktike e kontrollimit dhe vlerësimit
Kontrollimi dhe vlerësimi i diturive të nxënësve është një fazë shumë e rendësishme dhe e
pashmangshme, përmes së cilës bëhet kontrollimi dhe vlerësimi i përvetësimit të njohurive,
shprehive dhe aftësive të nxënësve.
Kontrollimi i nxënësve, si një etapë paraprake dhe përcjellëse e procesit të vlerësimit, duhet të
jetë pjesë përbërëse e çdo ore dhe etape të punës mësimore dhe të krijojë bindjen e
mësimdhënësit për efektet e punëss së vet. Kontrollimi zhvillohet në orë të veçanta, por
kryesishtëështë pjësë përbërëse e çdo ore mësimore dhe përfshinë jo vetëm dituritë, por edhe
shkathtësitë dhe shprehit e fituara.4
4 Murati, Dr. Xheladin: “ Didakitika ( Metodologjia e mësimdhënies), Tetovë, 2002
16
Në kuptimin e teorisë së informacionit dhe të komunikimit, kontrollimi e vlerësimi në mësim ka
të bëjëme marrjen e informacionit kthyes ndërmjet faktorëve primarë njerëzorë të mësimit
mdërmjet arsimtarit, nxënësit, nxënësve për punën e bërë dhe për rezultatet e arritura, njëherit
edhe për kahet zhvillimore të tyre. Falë këtij informimi dhe komunikimi ndërmjet faktorëve
orimarë të mësimit kontrollimi e vlerësimi përdoren si mundësi relevante metodologjike për
korrigjimin dhe orientimin në drejtim të duhur të procesit mësimor.
4.2. Rëndësia socio – pedagogjike e kontrollimit dhe vlerësimit
Përmes afirmimit të rëndësisë didaktike, kontrollimi e vlerësimi i punës së arsimtarit dhe të
nxënësve, afirmon edhe rëndësinë socio-pedagogjike të tij. Informimi dhe komunikimi kthyes
ndërmjet faktorëve primar të mësimit dhe atyre ndihmës, përkatësisht ndërmjet arsimtarit dhe
nxënësve në anën tjetër. Për punën e bërë, për rezultatet e arritura, akoma më të larta në mësim
kan kuptim, rol, funksion dhe rëndësi diagnostike dhe prognozike si për arsimtarin, nxënësin,
prindin, menaxherin e shkollës, ashtu edhe për themeluesin e shkollës, përkatësisht për
shoqërinë.
Ⅴ. LLOJET E KONTROLLIMIT E VLERËSIMIT
Kontrollimi e vlerësimi si aktivitet njohës, i studiuar dhe i planifikuar për mbikëqyrjen ,
përcjelljen dhe konstatimin e niveleve të kuantitetit dhe kualitetit të rezultateve të arritura nga
nxënësit me arsimtarët e tyre për të nxjerrë konkluzjone më vlerë reale dhe objektive, doemos
duhet marrë në konsideratë përmbajtjet e shtjelluara mësimore, objektivat e paraparë dhe të
arritura, kohën dhe vëllimin e punës së bërë dhe mundin e mjetet e shpenzuara nga këta faktorë
primarë të mësimit, në periodat e caktuara mësimore.5
5 Brada, Dr. Riza: “ Didaktika kibernetike”, Prishtinë 2010, faqe 420
17
Llojet e kontrollimit të vlerësimit:
o Kontrollimi e vlerësimi paraprak;
o Kontrollimi e vlerësimi sistematik;
o Kontrollimi e vlerësimi periodic dhe
o Kontrollimi e vlerësimi përfundimtar.
5.1. Kontrollimi i vlerësimit paraprak
Ky lloj kontrollimi e vlerësimi ka veçori diagnostifikimi dhe prognonozimi. Përmes tij, arsimtari
konstaton nivelin e njohurive, shkathtësive dhe shprehive te nxënësve dhe parashikon kahet e
zhvillimit të tyre gjatë vitit shkollor.
Kontrollimi e vlerësimi paraprak, duhet bërë edhe me rastin e pranim-dorëzimit te klasës-lëndës
ndërmjet arsimtareve. Ky kontrollim e vlerësim bëhet me qëllim të konstatimit të nivelit dhe të
cilësisësë punës së arsimtarit të mëparshëm, nga e cila arsimtari i ri duhet të ndërtoj strategjinë e
punës së tij ne vijim.
Jo rrallë arsimtarit të ri i duhet te planifikoj dhe programojë evitimin e lëshimeve,
zbrazëtiravedhe gabimeve në njohuritë, shkathtesitë dhe shprehitë e nxënësve, gjë që do t’ia merr
kohën e paraparë për realizimin e planprogramit të ri mësimor.
Për këtë duhet ta njoftojë drejtorinë e shkollës dhe t’i qaset dendësimit të planprogramit mësimor
të lëndës së caktuar, duke e shtjelluar dhe duke ua bërë të mundur nxënësve që të
përvetësojnëpërmbajtjet kyçe të domosdoshme për të kaluar në klasën vijuese.
5.2. Kontrollimi i vlerësimit sistematik
Kontrollimi e vlerësimi sistematik ndërlidhet me realizimin e te gjitha etapave të procesit të
njohjes në mësim. Zbatohet në të gjitha tipet dhe në të gjitha etapat e orëve mësimore.
18
Kontrollimi e vlerësimi sistematik, në etapat e ndryshme të orës mësimore, ka objektiva të
caktuara që ndërtohen si në rastet e tjera, përmes përseritjeve dhe përforcimit të studiuar dhe të
organizuar mirë dhe me kohë. Në fillim të orës mësimore, kontrollohet e vlerësohet cilësia e
përvojës dhe e paranjohurive të nxënësve që do të shërbejnë si bazëpër të nxënë njohurinë,
shkathtësinë dhe shprehinë e re, përkatësisht për të parë lëshimet, zbrazëtitë dhe gabimet që
duhet evituar në orën e përsëritjes dhe përforcimit.
Në këtë funksion duhet kontrolluar e vlerësuar njohuritë, shkathtësitë dhe shprehitë e nxënësve
në bazë të të cilave në orën e ushtrimeve do të zhvillohen shkathtësi dhe shprehi të reja të
parapara me planprogramin mësimor. Gjatë orës mësimorekontrollimi e vlerësimi përdoren si
mënyrë e konstatimit të cilësisë së përcjelljes së parashtrimit të arsimtarit, përkatësisht sa e si i
kanë përvetësuar nxënësit nocionet e shtuara. Në këtë funksion kontrollimi e vlerësimi përdoren
edhe në mbarim të orës mësimore, për të parë cilësinë e nxjerrjes dhe të zbatimit të
përgjithësimeve në rastet e reja, por edhe për të përcaktuar llojin dhe funksionin e detyrave të
shtëpisë.
5.3. Kontrollimi i vlerësimit periodik
Kontrollimi dhe vlerësimi periodik, siç mund të kuptohet nga emërtimi i tij, organizohet në
periodat e caktuara të vitit mësimor, në mbarim të semestrave, gjysëmvjetorëve, përkatësisht në
mbarim të tërësive programore: të temave, lëmenjve dhe të lëndës mësimore në tërësi.
Në këtë kuptim dhe funksion, kontrollimi e vlerësimi në mbarim të vitit mësimor, ka për objektiv
konstatimin përfundimtar të niveleve të cilësisë së suksesit të nxënësve. Zakonisht kontrollimi e
vlerësimi në mbarim të tërësive programore, bëhët si kontrollim e vlerësim objektiv përmed
provimeve me shkrim, testeve jo formale, të cilat i përpilon vetë arsimtari por edhe përmes
testeve formale që i përpilon dhe i përdor themeluesi i shkollës, përkatësisht drejtorit tëarsimit.
Kontrollimi e vlerësimi periodik, objektiv mund të bëhet një ose bllok orësh mësimi, gjë që varet
nga vëllimi i përmbajtjeve që do të kontrollohen e vlerësohen.
19
5.4. Kontrollimi i vlerësimit përfundimtar
Kontrollimi e vlerësimi përfundimtar, për dallim nga kontrollimi e vlerësimi periodik,
organizohet në mbarim të vitit mësimor dhe paraqet objektiv të përcaktimit përfundimtar
tënivelit të suksesit dhe kalueshmërisë së nxënësve. Zakonisht organizohet si kontrollim e
vlerësim objektiv përms testimit në bllok-orë disa ditë para mbarimit të vitit mësimor, ashtu që
arsimtari të ketë kohë në dispozicion për t’i evituar lëshimet, zbrazëtitë dhe gabimet në njohuritë
dhe përshtypjet e tyre, madje edhe për t’iu dhënë mundësi për ritestim atyre nxënësve që për pak
nuk e kanë arritur minimumin e kredive për kalueshmëri.
Kontrollimi e vlersimi përfundimtar duhet të përgatitet, zhvillohet, menaxhohet dhe përfundohet
me kujdes, në mënyrë dhe me mjete sa me objektive. Kërkohet të përcaktohet qartë objektivi, ana
ekstensive dhe intensive e përmbajtjes mësimore, koha vendi, metodat, instrumentet dhe teknikat
e kontrollimit e vlerësimit të rezultateve të arritura, në përputhshmëri me planprogramin
mësimor.
Në kryerjen e kontrollimit dhe vlerësimit duhet merren parasysh çështjet6:
o Vlerësimi të mbështetet në punën e bërë nga nxënësit;
o Vlerësimi të lidhet me rezultatet e parashikuara në program të lëndës;
o Vlerësimi të jetë i larmishëm;
o Nxënësit të informohen për kriteret e vlerësimit;
o Të bëhet vlerësimi me kujdes dhe të mos krijoj dyshime.
6 Musai, Dr. Bardhyl: “ Metodologjia e mësimdhënies”, Tiranë 2003, faqe 441
20
Ⅵ. KONTROLLIMI DHE VLERËSIMI ME TESTE
Kontrollimi e vlerësimi objektiv në mësim bëhet përmes testit apo testimit, përpunimeve me
shkrim, veprimtarive praktike dhe prodhimeve të nxënësve, të natyrës intelektuale dhe
psikomotorike, në të gjitha lëndët mësimore, e në mënyrëtë veçantë në ato natyrore por edhe në
arsimin profesional.
6.1. Testet e njohurive, shkathtësive dhe shprehive
Testet e njohurive, shkathtësive dhe shprehive rezultojnë nga komponentet përbërëse dhe nga
objektivat e organizimit të mësimit, por edhe nga përdorimi i mjeteve dhe mënyrave për
ndërtimin e interaksionit dhe të komunikimit ndërmjet arsimtarëve dhe nxënësve në mësim. Në
procesin e mësimdhënies dhe mësimnxënies, raportet komunikative ndërmjet arsimtarit dhe
nxënësve ndërtohen dhe zhvillohen përmes të të folurit, bashkëbisedimit, komunikimit me
shkrim dhe me veprime praktike, individuale, në grupe etj.
6.2. Testi me gojë
Testi me gojë zbatohet në formë të komunikimit dhe interaksionit të drejtëpërdrejtë ndërmjet
arsimtarit dhe nxënësit për të marre informacione kthyese në mënyrë të shpejtë, por edhe lidhur
me zgjidhjen e situatave të caktuara problemore. Testet me gojë zbatohen përmes metodës së
bashkëbisedimit, teknikës stuhi mendimesh, kllaster dhe teknikës insert.
6.3. Testi me shkrim
Testet me shkrim kërkojnë përgjigje me shkrim në pyetjet dhe detyrat e parashtruara dhe njihen
si teste laps- letër. Kërkohet nga nxënësi që në testim të jetë i paisur me një laps, kurse
mësimdhënesi do t’ua dorëzoj testin të cilin duhet ti përgjigjen në një afat kohor të caktuar.
21
6.4. Testet e veprimit praktik
Ky lloj testimi mund të përdoret në lëndën e punëdores, por edhe në shkencat ekzakte-natyrore,
për matje dhe projektime, punime skenash, në matematikë, për konstruktime gjeometrike etj.
6.5. Testet individuale, në çifte dhe në grupe
Testet individuale, nëçifte dhe në grupe përdoren në varësi nga aplikimi, lloji i mësimit dhe lloji i
formës së aktivitetit social në mësim, të mësimit dhe të formës së punës individuale, të formës së
punës në çifte apo formës së punës në grupe. Testet individuale i zgjidh secili nxënës
individualisht. Testet në çifte, përkatësisht në grupe mund të zgjidhen në dy mënyra.
Pas studimit elementar në çifte apo në grupe, secili nxënës I qaset zgjidhjes individuale të testit,
madje edhe në çifte apo në grupe atëherë kur çiftet apo grupet garojnë mes vete7
6.6. Përparsitë dhe mangësitë e testit
Ndër përparësitë përmenden: ngritja e vlerës objektive të kontrollimit e vlerësimit.Rezultatet e
arritura përmes testit shprehin anën kuantative dhe kualitative të njohurive të nxënësit dhe të
klasës në tërësi, sepse përmbajtja e tij përfshinë pjesen më të madhe të planprogramit mësimor:
të gjithë nxënësit vihen në pozitë të barabartë para pyetjeve, detyrave. Kontrollimi e vlerësimi
përmes testit është ekonomik, sepse për një kohë shumë të shkurtër kontrollohen një numër i
madh nxënësish, mund të bëhen krahasime ndërmjet nxënësve në nivele të ndryshme.
Kontrollimi dhe vlerësimi përmes testit, ka edhe mangësitë e veta: përgjigjet mund të jenë
mekanike dhetë qelluarit me hamendje, pyetjet dhe përgjigjet nuk nxisin nxënësit të mendojnë e
të përgjigjen gjerësisht e me arguemente, kështu që testi kryesisht mundëson matjen e aftësisë të
mësuarit në mënyrë mekanike e jo procesin e të menduarit analitik, kritik dhe krijues. Mangësia
7 Brada, Dr. Riza: “ Didaktika kibernetike”, Prishtinë 2010, faqe 418
22
më e madhe e testit është pamundësia e individualizmit të përmbajtjeve të testit dhe aftësive
psiko-fizike të nxënësve.
Ⅶ. VLERËSIMI ME NOTË
Kontrollimi e vlerësimi përfundon me përcakimin e notës. Nota është simbol përms të cilës
kodohet-shifrohet vlera e rezultateve në formë nivelesh që ka arritu nxënësi në mësim në raport
me ato që janë paraparë me planifikimin mësimor si standard njohurish, shkathtësishv dhe
shprehish. Nota, si simbol vlere nivelesh, reflekton anën kuantative dhe kualitative të njohurive,
shkathtësive dhe shprehive të cila I ka nxënë nxënësi në mësime.
Në praktikën didaktike është arritur marrëveshja për kodimin dhe dekodimin e këtyre sistemeve
të notave. 8
Këto sisteme janë:
o Sistemi i notave numerike dhe
o Sistemi i notave përshkruese.
Sipas Standardeve për Vlerësim nga Drafti final i MASHT-it, Mësimdhënësi:
o Zbaton me përpikëri rregulloren normative për formimin e notave.
o Krijon standard gjithëpërfshirës të drejtë, real dhe të krahasueshëm me standardet e
mësimdhënësve të tjerë.
o Formon notën përmbledhëse të vlefshme dhe objektive në bazë të informacioneve të
mbledhura për të arriturat e nxënësit.
o I përmbahet skemës së notimit për përgjigjet e konstruktuara apo për shkrimin e një eseje.
o Prezanton dhe shpjegon mënyrën e formimit të notës.
8 Brada, Dr. Riza: “ Didaktika kibernetike”, Prishtinë 2010, faqe 468
23
7.1. Sistemi i notave numerike
Sistemi i notave numerike tek ne sillet prej notës 5 deri në notën 1. Në disa vende, nuancohet
deri në 20 njësi nivelesh, madje edhe përmes përqindjeve të përvetësimit tënjohurive,
përkatësisht të përmbajtjeve të planprogramit mësimor, ashtu siç është prezantuar më lartë me
rastin e përpunimit të rezultateve të testit.
Vlerat orientuese të notave numerike:
Notën 5 (shkëlqyeshëm) mund të marrë nxënësi i cili në mbarim të kontrollimit të
vlerësimit ka arritur të dëshmojë se i ka përvetësuar 90-100% përmbajtjet e parapara me
planprogramin mësimor dhe se është në gjendje t’i përdorë në jetë, në mënyrë të pavarur.
Notën 4 (shumë mirë)mund të marrë nxënësi i cili në mbarim të kontrollimit e vlerësimit
ka arritur të dëshmojë se i ka përvetësuar 80-89% përmbajtjet e parapara me
planprogramin mësimor dhe se të arriturat mund t’I përdorë në jetë.
Notën 3 (mirë) mund ta marrë nxënësi i cili në mbarim të kontrollimit e vlerësimit ka
arritur të dëshmojë se i ka përvetësuar 60-79% përmbajtjet e parapara me planprogramin
mësimor dhe se të arriturat pjesërisht mund t’I përdorë në jetë.
Notën 2(mjaftueshëm) mund të marrë nxënësi i cili në mbarim të kontrollimit e vlerësimit
ka arritur të dëshmojë se i ka përvetësuar minimumin prej 50-59% përmbajtjet e parapara
me planprogramin mësimor që i bëjnë të mundur avancimin në klasë vijuese.
Notën 1 (pamjaftueshëm) vlerësohet nxënësi që nuk e ka përvetësuar minimumin e
përmbajtjeve të parapara me planprogramin mësimor as gjatë punës plotësuese dhe
vazhduese.
24
7.2. Karakteristikat e notës
Pa marrë parasysh se cili sitem i notave përdoret për kontrollim e vlerësim të njohurive,
shkathtësive të nxënësve, duhet pasur parasysh këto karakteriëtika didaktike të notës9:
o Nota duhet të jetë gjithëpërfshirëse;
o Nota duhet të jetë e plotë;
o Nota duhet të jetë objektive;
o Nota duhet të jetë publike;
o Nota duhet të jetë motivuese.
7.2.1. Nota duhet të jetë gjithëpërfshirëse
Nota është gjithëpërfshirëse atëherë kur me rastin e formimit të saj merret parasysh përvetësimi
dhe zotërimi i përmbajtjeve mësimore, përkatësisht zotërimi dhe përvetësimi i njohurive,
zhvillimi i aftësive e shkathtësive dhe formimi i shprehive në formë të arritjeve rreth realizimit të
ojektivave me planprogramin mësimor deri në momentin e kontrollimit e vlerësimit, atëhere kur
merret parasysh tërësia e personalitetit të nxënësit, gjendja e tij shëndëtësore, përpjekjet, mundi
që ka bërë, ndryshimet progresive në krahasim me kontrollimin e vlerësimin paraprak.
7.2.2. Nota duhet të jetë e plotë
Nota kur formulohet ashtu siç është paraparë me ligj ose me rregullore si akt nënligjor, që mbetet
në ligj, në të arriturat didaktike për kontrollimin e vlerësimin e njohurive, shkathtësive të
nxënësit. Nota e dhënë duhet të evidentohet në librin e klasës në vendin e paraparë për nota,
sepse aty pasqyrohet personaliteti profesional i arsimtarit dhe zhvillimi i nxënësit.
9 Brada, Dr. Riza: “Didaktika kibernetike”, Prishtinë 2010, faqe 472
25
7.2.3. Nota duhet të jetë objektive
Nota është objektive atëherë kur arsimtari nivelet e të arriturave të nxënësit të parapara me
planprogramin mësimor, jo vetëm përmes testit dhe testimit, por edhe përmes përdorimit të
formave dhe teknikave të tjera të kontrollimit e vlerësimit me gojë, me shkrim, me punë dhe
veprime të tjera praktike.
7.2.4. Nota duhet të jetë publike
Si nota e secilit nxënës, ashtu edhe nota mesatare e përgjithshmë për tërë klasën, duhet të jetë
publike. E tillë do të jetë atëherë kur të formulohet konkretisht dhe analizohet, jo vetëm përpara
nxënësve puna e të cilit është kontrolluar e vlerësuar, por edhe para të gjithë nxënësve dhe sipas
nevojës edhe para prindërve të tyre.
7.2.5. Nota duhet të jetë motivuese
Nota e formuluar drejt, e shqiptuar përshtatshëm dhe e argumentuar, madje edhe synime të qarta,
gjithnjë do të nxis për aksion të frytdhënies. Ky është objektivi promotor i mësimit dhe i notës.
Prandaj, vlerat didaktike të kontrollimit e vlerësimit do të afirmohen plotësisht vet, atëherë kur
pasqyron jo vetëm të arriturat reale, por edhe perespektivën më të mirë të nxënësit.
26
Ⅷ. METODAT E KONTROLLIMIT E VLERËSIMIT
Kontrollimi e vlerësimi, si aktivitet njohës i konstatimit dhe vërtetimit të rezultateve që kanë
arritur në punën mësimore si arsimtari ashtu edhe nxënësit, bëhet përmes metodave dhe
teknikave:
o Metoda e kontrollimit e vlerësimit me gojë;
o Metoda e kontrollimit e vlerësimit me shkrim;
o Metoda e kontrollimit e vlerësimit e punëve praktike dhe
o Metoda e kontrollimit e vlerësimit me test (testimi).
8.1. Metoda e kontrollimit e vlerësimit me gojë
Metodat e kontrollimit e vlerësimit me gojë, konsiderohet si metodë themelore e kontrollimit e
vlerësimit të rezultateve rezultateve të arritura në mësim. Është shumë ekonomik dhe praktik.
Nuk kërkon mjete të veçanta, kohë të gjatëë as prpjekje të mundimshme për zbatim.
Përmes kësaj metode merren informacione të shpejta, kthyese mbi rezultatet që arrijnë në mësim,
si arsimtari ashtu edhe nxënsit. Zbatohet në të gjitha etapat e procesit të njohjes në mësim.
Prandaj, thuhet që kjo metod është pjese e pandashme e të gjitha llojeve të kontrollimit e
vlerësimit sistematik që bëhet në të gjitha etapat e orëve mësimore.10
Gjatë kontrollimit e vlerësimit, komunikimi me gojëështë i drejtpërdrejtë. Arsimtari dhe nxënësi
japin dhe marrin informacione kthyese, kuptojnë vlrën e rezultateve të komunikimit dhe
drejtohen kah arritja e rezultateve më të larta.
10
Brada, Dr. Riza: “ Didaktika kibernetike”, Prishtinë 2010, faqe 481
27
8.2. Metodat e kontrollimit e vlerësimit me shkrim
Metoda e kontrollimit e vlerësimit me shkrim është një nga metodat objektive, përmes të cilës
për një kohë të shkurtër mund të maten dhe të riverifikohen sa herë të jetë e nevojshme:
njohuritr, shkathtësitr dhe shprehitr e një numri të madh, përkatësisht të gjithë nxënësve të
klasës.
Paraprakisht nxënësit duhet të kenë përvetësuar lexim-shkrim dhe të kenë ushtruar format e
thjeshta te të shprehurit me shkrim, siç janë: kompozimi i fjalëve të thjeshta dhe frazave,
plotësimi i fjalive me fjalë gjegjëse, hartimet në bazë të vrojtimeve, hartimet në bazë të kujtesës.
Detyrat për kontrollim e vlerësim me shkrim duhet të përcaktohen qartë dhe të kuptohen drejtë
nga nxënësit se çfarë dhe përse kërkohet: në ç’mënyrë, me cilat mjete, për sa kohë dhe në cilin
vend duhet të zgjidhen.
28
Ⅸ. PËRSËRITJA DHE PËRFORCIMI
Përsëritja dhe përforcimi jaqnë aktivitet didaktik të pandashme që i takojnë etapës së dytë të
procesit të njohjes mësim-shndërrimit të njohurive, shkathtësive e shprehive në pronë të
përhershme aktive.
Përseritja përfshin në vete edhe të gjitha strukturat përbërëse të përforcimit, dhe se përsëritja
është një komponentë relativisht e pavarur e mësimit, e cila mbështetet në tërësi edhe në
elemente të veçanta të përforcimit të ligjeve të të nxënit, gjatë punës mësimore.11
Detyrë e mësimit përsëritës është që dituritë dhe shkathtësitë e fituara të bëhen pasuri e
përhershme e nxënësit dhe të pengohet harresa.
Prandaj, etapa e përsëritjes në punë mësimore aplikohet në të gjitha lëndët në harmoni me planin
e paraparë për përsëritje apo sipas rasteve të veçanta. Ajo është pjesë përbërëse e procesit
mësimor dhe në mënyrë të organizuar ajo në masë të caktuar aplikohet gjatë zhvillimit të
mësimit.
Roli dhe funksioni i përsëritjes:
o Fiziologjik ;
o Logjike;
o Psikologjike;
o Didaktike.
11
Zylfiu, Dr. sci. Nijazi: “ Didaktika (Teoria e mësimit dhe e mësimdhënies), Prishtinë, 2005
29
Ⅹ. USHTRIMET NË PUNËN MËSIMORE
Me ushtrime në mësim kuptojmë formimin e shkathtësive në përvetësimin e teknikës së kryerjes
së ndonjë veprimi. Ushtrimt kanë për qëllim që t’i aftësojnë nxënësit për kryerjen me sukses të
veprimeve përkatëse.
Të ushtruarit lidhet patjetër me përsëritjen, mirëpo këto dy funksione didaktike duhet të dallohen,
duke pasur parasysh qëllimin dhe kuptimin themelor. Qëllimi i të ushtruarit është formimi i
shkathtësive për përvetësimin e teknikës së diturive. Me rastin e organizimit të ushtrimeve,
doemos duhet përfituar kërkesat e parimeve të njohjes dhe edukimint në mësim, sidomos parimin
e aktivitetit, shkallshmërisë, konkretizimit, individualizmit, përshtatshmërisë dhe lidhjes së
teorisë me praktikën.12
Pra, ushtrimet si etapë e punës mësimore janë shumë të rëndësishme sidomos për sa i takon
aftësimit dhe përgatitjes së gjeneratave të reja, për pjetë dhe punë, për punë të pavarur e sidomos
për punë prodhuese.
12
Brada, Dr. Riza: “ Didaktika kibernetike”, Prishtinë 2010, faqe 394
30
PËRFUNDIMI
Duke u bazuar në materialin e theksuar në faqet e mëparshme të këtij punimi, mund të theksojmë
se kontrollimi e vlerësimi janë procese të vështira dhe mjaft te komplikuara. Këto dy procese
janë të pandashme dhe nuk ekziston një kufi i prerë në mës kontrollimit e vlerësimit.
Që të jetë një vlerësim sa me real, patjeter duhet që procesi të jetë permanent, jo vetëm periodik
apo semestral. Që vlerësimi te jetë sa më i saktë vlerësimi nuk duhet të bëhet vetëm përmes
formve të testimit ose përseritjes, por duhet të përfshihen sa më shumë forma e teknika të
vlerësimit, kështu që rezultatet e fituara të jenë sa më të sakta.
Kontrollimi e vlerësimi objektiv varet nga puna e mësimdhënësit dhe nga mësimnxënia tek
nxënësit.
Që një mësimdhënës të jetë i suksesshëm në këtë process, patjetër duhet të përmbushë disa
kritere: përgatitja profesionale, shkollimi permanent (trajnimet, kurset, avancimet),
bashkëpunëtorë planifikues i afërt, i përpiktë e shumë veti të tjera.
Kontrollimi e vlerësimi përshkojnë tërë procesin mësimor. Arsimtari planifikon, programin
programon evitimin e lëshimeve, zbrazëtive dhe gabimeve në njohuritë, shkathtësitë dhe
shprehitë e nxënësve të paraqitur, sepse ndikojnë në rezultate më positive dhe vlerësim real.
Gjithsesi, vlerësimi është process i ndërlikuar, por mësuedi ka për detyrë të përparojë në këtë
drejtim duke përdorur sa më shumë forma dhe teknikaq për rezultate sa më të mira.
31
BIBLIOGRAFIA
Brada, Dr. Riza: “Didaktika kibernetike”, Prishtinë 2010
Musai, Dr. Bardhyl: “Metodologjia e mësimdhënies, Tiranë 2003
Musai,Dr. Bardhyl: “Metodologjia e mësimdhënies”, Tiranë 2014
Murati, Dr. Xheladin: Didaktika (Metodologjia e mësimdhënies), Tetovë,
2002
Zylfiu, Dr. sci. Nijazi: Didaktika (Teoria e mësimit dhe e mësimdhënies),
Prishtinë, 2005
32
AUTOBIOGRAFIA
Unë jam Jeta Selimi e lindur me 18.06.1994 në fshatin, Lubeniq, komuna e Pejës. Jam në këtë
botë të madhe për të arritur të jem një personazh pozitiv i saj.
Shkollimin fillor e kam përfunduar në shkollën fillore “28 NËNTORI” në Raushiq, ndërsa
shkollimin e mesëm e kam përfunduar në shkollën e mesme teknike “Tafil Kasumaj” në Deçan.
Studimet universitare i fillova në vitin akademik 2014\2015, në Universitetin e Gjakovës
“Fehimi Agani” sepse doja të isha mësuese, profesion që kërkon punë dhe përkushtim maksimal
për fëmijët që janë burimi ynë natyror më i çmuar.