motto: na miphun caah hmuntha va ser piak...

Cah:mai: 1

MOTTO: NA MIPHUN CAAH HMUNTHA VA SER PIAK HNA

EST: SEPT 12, 2010 VOLUME 1 , ISSUE 43 SEPTEMBER 2, 2011

Gaddafi nih nu ralkap pawl..Ch: 8 Messi a hmu manh lomi pawl an thin a lin..Ch: 9 Padang nukhat faphir pahnih ..Ch: 7

Kumli ngakchia nih thawng`ha a chim..Ch: 8 Vawleicung man fak bik uico..Ch: 8 KIA lambawh kah ruangah ralkap 5 an thi...Ch: 4

Dehli um ralzaam kong inter-net ah an tarmi Kan hnu cacawn nithum ni August 6,2011, 10:15AM ah Community upa le CRC upa minung 18 sinah Kawlram President Thein Sein nih Delhi UNHCR lutlai Chief Of Mis-sion ca a kuat mi Chief Of Mission nih Community upa le CRC upa sinah a rel piak hna. Thein Sein nih India ram i Bur-mese Refugee cu temporary in a um mi an si na ti ko caah kan ram ah free tein rak kir ko hna seh tiah ca a kuatmi kha a rel piak hna. Chief of Mission nih cun mah bia hi ka chim mi a si lo tiah a ti. Nan duh ahcun nan ram ah free tein kir khawh a si cang. Hramhram cun kan hne hna lo a ti. Asinain, YMCA Boy-cott nan tuah mi problem kong ahcun verification fiang tein van tial uh. YMCA nih SA pek ding a pek lo mi le refu-gee minung sinah a `uan awk a `uan lomi vi-alte an min le an UN card No. rak tuah u law kan i tong `han hna lai a ti hna. Hi kongah meeting a kai mi nih fiang deuh in kan thanh kho u law kan i lawm chin chin hnga. (Cc: Internet)

THE ONE STAR JOURNAL VOLUME 1, ISSUE 43 SEPTEMBER 2, 2011

CHINRAM & MYANMAR RAM THAWNG Cahmai: 2

Chinmi minung 11 Mizo nawlngeitu nih an `hawl hna September 1, 2011: Mizo ram Champhai peng Ngur khua a um mi Chin minung 11 (chungkhar 7) hna cu Mizo cozah nih Au-gust 26 ah khuachung in an `hawl hna. Hi hna pawl hi cozah khapmi zu chuan le cozah thingram ah meihol an rawh ti ruangah an `hawl hna hi a si. Khua nawlngeitu nih zu chuan lo ding le cozah thingram ah meihol rawh lo dingin an chim lengmang cang hna caah `hawl tiang an ton hi a si. An `hawl mi hna cheukhat cu Kawlram an phan nain a cheu cu Champhai ah an tang rih ko ti a si. Mizo ram hi zu chuan biatak tein a khap mi an si nain a thli in chuan le zuar a um leng-mang ko. Zuchuang le zuzuar tu ah Chinmi hi biapi an si tiah khuami nih an ti. Mizo ram a phan mi Chinmi tam deuh cu fim-thiamnak ngei lomi an si caah rian`ha hmuh a har. Cucaah fimthiamnak a hau lomi le phaisa tampi hmuhnak a si mi zuchuan hi an ùan cio tiah Mizo um Chinmi pakhat nih a chim. (Cc: Khonumthung)

Hluattaw meeting ah Chin party September 1, 2011: Chinram sifahnak kong he pehtlai in CPP party nih biatung panga an chuah pi. Chinram cu special zone ah chiah-piak ding, cun ramkulh cozah uknak ah chiah kan duhmi hna cu: thing in hmuhmi phaisa kong, Paletwah peng um kyohpan tlang cu tongh lomi hmun ah ciahnak kong, Falam peng um `hungkyoh tlangah mirang vawlei tuahnak seh chiahnak kong le ram-kulh cozah kut ah a uma hme mi ti in elec-tric tuahnak kong an si. Hi biatung hna hi a herh mi catlap pawl he kan rak chuah pi bal cang tiah CPP chungùan Pu Siang ~un nih a ti.Ramkulh `hanchonak caah a biapi mi hmun ah nan kan chiah piak lawngah hawi ramkulh le ram`hen kan phak hna lai tiah pyitaungsuhhlautaw ah kan chuah pi tiah CPP nih an ti. A dang ramkulh Kyats 100,000,000 nan pek hna ahcun special zone cu Kyats 120,000,000 pek ding. Hi tin tuah lawngah hawi kan phan hna lai an ti. Chinram `hanchonak ah ramkulh cozah hmuh milawng in a za lo, pyitaungsuh cozah bawmh dingah ruahchannak kan ngei an ti. Chin cozah kut ah thingman vialte a lut lo, Magwe le Sagaing ah a lut dih. Cucu Chin cozah kut ah lut seh ti kan duh tiah Pu No Than Kap nih a ti. (Cc: Mizzima)

Chin Boxing thiam Mai Nelly nih Sea game caah pakhatnak a hmuhs Kawlram pi Boxing buu nih ASIAN ah aa zuam ding thim-nak ah August 17 in 22 tiang an tuah mi ah 54 kilo weights ah Chin Boxing thiam Mai Nelly Bawi Nei Sin nih pakhatnak a hmuh. Tutan zuamnak cu a pakhatnak lawng a si rih, tutla 15 in Pakistan ah thlakhat le cheu training kan va ngei lai. November ah tuah dingmi ASIAN Sea game caah timhtuah a si a ti. Kawlram chung boxing thim mihna cu Paki-stan pa nih nipiah a si i, Boxing thongh ding msinung 22 kan kal tiah a chimchih. Mai Nelly Bawi Nei Sin hi Kawlram ai-awh in Turkey le Indonesia ram ah boxing zuamnak a rak i tel bal cang. July 3-9 chungnah Indonesia ram ah an tuahmi vawleicung huap zuamnak ah a hmais-abik zuamawknak (roundkhatnak) ah Inntek boxer he round (4) an i thongh hnu ah (25-15) in a rak sung. (Cc: Chinworld)

US ram ah ngaihchiatnak kan tong

Ka hnu zarh zarhte ni ah khan Chin ralzaasm a simi Sang Cung Hnin (kum 18) cu US ram chugn i, Washington state a ummi Whidbey ti-kulh ah a Kent church in a hawi le he ti an i lionak ah ti chung ah a tla i, a thi. Amah hi mi dam thiam le ti lio thiam ngaimi a si nain ti a thuknak lei ah a lio i, a tha a dih caah a tlak hi a si tiah a hawi le nih an chim. A tlak ka ahcun a ban a hlir i, chanh ding ah a au leng mang nain a hawi le nih an chanh kho ti lo. Nazi pakhat a rauh hnu lawng ah a ruak cu an lak khawh i, sizung ah an zampi nain a nunnak an chanh kho ti lo. Atu bantuk in ti chungah a thih ning hi ac-cident a tong sual mi a si. Sang Cugn Hnin hi a luan ciami zarhhnih dan ah khan UNHCR bawmhnak thong in USA a phannak a si.(Cc: Chinland Guardian)

Pu Thein Shein nih Kawlram mi kir `han cang uh a timi kongah ramdang phan tlangcung mi cheukhat nih Daw Suh Kyi VOA in biahalnak an tuah. Thailand um mi Kayin mino pa Saw Nitar hal mi SNT: Piangciayii U Kyaw San thawng-pangt hanhnak ah Daw Suh hruaimi NLD party hi ramkhelrian( Naingngaingzii) tuan nan duh ahcun theihhngalh pi mi hmatpungìn nan i tuah lai a ti mi kongah nangmah lei in leh naa timh mi a um maw? Suh: Piangciayi vunci U Kyaw San thawngthanh ruangah keimah cu leh awk tlak a si lo tiin ka ruah. Keimah cu thil ka tuah lai i a tlam a tling sual ahcun ti mi ka ruat bal lo.

Malaysia um Laipa Salai Cho-mana hal mi Keimah hal kanduh mi cu a dang si loin zeiruang ah dah kan ral hi kan sung? Zeiruang ah dah nihin tiang kan tei khawh lo. Kanmah lei kan thiam lo tuk ruang ah maw? Keimah ka ruah ning vun chim ve ta ka duh. Kanmah kan thiam lo tuk ruangah an kan tei si loin le an mah an thiam tuk ruangah kan sung mi asi lo democracy lei in lungrualnak kan ngei lo tuk ruangah kan sung i an kan tei mi tu a si tiin ka ruah. Hi kong hi a ho ruangah dah a si timi theih ka duh ko. Malaysia hawi cheukhat zong nih democracy kan tuah cuahmah ve ko timi an chim tikah lungrawk ngainngai cu a si ko. Ramdang um cio zong nih democracy kan tuah cuahmah ve ko an ti mi hi lungrawk ngai asi ko. Kei ka ruah ning hi zeitluk in dah democracy he a naih niam ti theih ka duh ko. Daw Suh Kyi: Salai Chomona na lung put hi ka uar ngaingai. Zeithil pauh hi a rauh deuh tikah i lak awktlak ding tampi a um. Kawlram lawng si lo a dangdang zong an si ve ko. Cucaah cun nan umnak hmunhma cio in ram caah nan tikhawh tawk tein rak tuan cio ve uh. Hitin de-mocracy kan hmuh khawh colh lomi zong hi a `hatnak lei pakhat asi ve ko. I remhding tete kan theih mi a tam chin. Rangon Tinkanyuen um mi hal mi Kawlram thawngtla mi hmanh chuah an si lo ah ramdang phan mi kir ngah ti hi bia dik maw a si ko, mah kong hi na ka fianh ternak lai kan nawl. DawSuh: Kir ngah cang timi bia hi kan ram chiat`hat i hrawm ti ve ding in sawm a si ko tiin ka ruah. Ramdang phan Kawl-ram mi vialte nih theih nan duh mi hi duh tlak hrim awk a si ko. Ahohmanh nih theihcia khawh a si lo bantuk in nuam te le dai tein nan rak kir khawhnak hnga thlacam piak bu tu in kan sawm ko hna.(VOA mp3)


MYANMAR RAM THAWNG Cahmai: 3

Quintana: Kawlram thlennak ka hmu rih lo August 30, 2011: Kawl-ram ah ni 5 chung a cam mi Mr. Quintana nih tulio Kawlram dirhmun ah thlennak ding caan`ha tuk a si nain sullam a ngeimi thlennak ka hmu rih lo a ti. Quintana Kawlram in a chuah thaizing ah Kawlram cozah thang-chiatnak internet ah dawnload a tuah tiah puh mi ralbawi hlun Ne Myo Zaw cu kumhra thongdan an pek. Hi zong hi nuhrin covo buar pakhat a si tiah Quintana nih a ti. Ral-bawi hlun Ne Myo Zaw bantuk in ramkhel cawl-canghnak a tuahtu pawl kum saupi thongdan an pek hna pinah lamhla thongah an `hial hna a ti rih. Tukum kum dih UNO meeting spi ah ka

cathluan ka chuah pi lai, cun UNO security council meeting pi ah nuhrin covo buarnak kong he pehtlai in commis-sion ser dingah ruahnak chuah pi ding hi a pakhatnak ka tuah dingmi rian a si a ti. Ka rian a pakhatnak cu nuhrin covo buarnak kong hlathlai hi a si, cucu Kawlram lawng si loin khoika ram poh ah `uan dingmi ramkip rian a si a ti. A dang cozah nih an kan bawmh zong bawmh lo zongah hi kong cu UNO chungtel kan ceih ding a si a ti. Kawlram cozah sin zongah ka chim bantuk in Daw Suh he zong biaruahnak kan ngei. Kawl-ram nuhrin covo kong ceih ahcun kum tampi thong chung an khumh mi Daw Suh he ton a biapi tuk. Daw Suh pumpak hrimhrim kum tampi nuhrin covo buar a tong mi a si. A

KNU hruaitu Maing Ngin Maung Kawl cozah kut a phan

August 31, 2011: KNU hruaitu pakhat a simi Padu Maing Ngin Maung cu Tu-luk nawlngeitu hna nih an tlaih i Kawl-ram ah an kuat tiah thawngpang a chuak. Maing Ngin Maung hi Tuluk in Thailand ah vanlawng in a kal i Thailand Immigration pawl nih ramchung luhter an duh lo caah Tuluk ah an kuat `han. Tuluk nawlngeitu pawl nih lawngbual ah an tlaih i kan hnu thla chungah Kawl cozah sin an kuat hi a si. A fa upa bik nih ka pa thawng kan theih cu a nuam lo tuk hringhran ko, a hnu bik thawng kan theih ning ahcun Kawlram hlath-laitu kut a phan tiin kan theih a ti. Maing Ngin Maung hi Thailand ramri ah caan saupi a um mi a si. Hriamtlai pawl le Kawl ralkap tuknak kong zong kan hnu June thla chungah voikhat cu a pumpak in a va hlat ve. KNU le a dang hriamtlai pawl hawikawmhnak (UNFC) buu ah comittee chungtel pakhat a si ve. Kawlram a phak taktak ahcun fak piin hrem a tuar lai tiah KNU chungtel pakhat nih a ti. Kawlram thongchung ah caan saupi a rak um bal cangmi a si pinah Kawlram in meng 200 dan ah a um mi Ko Ko tikulh tiang kuatmi pa a si. Ko Ko thong a um lioah Karen mino pahnih he meng 200 chung an kal i a zaam mi an si. Ko Ko thosng um caah rawl ulh in duhnak a langhter ton tu a si (Cc: Irrawady)

mah cu ramkhel ruang thongtla pakhat a si caah a hmuh ning theih ka duh tukmi a si. Amah he kan i ton caan ah man a ngei tukmi a phi pakhat ka hmuh a ti. ASIAN buu cathluan kan zoh tikah buupi sernak ah nuhrin covo kong zohkhenh le thapek biapi tuk ah an chiah. Cucu ASIAN buu a nunlam pakhat a si a ti. 2014 ASIAN president caah Kawlram cohlan le cohlan lonak kongah nuhrin covo cathluan zohchih a herh tukmi a si a ti rih. (Cc: VOA)

Aung San Suh Kyi dirkamh dingah thong chunginn 88 pawl authawng August 31, 2011: Kawlram democracy hruaitu Daw Aung San Suh Kyi dirkamh dingin thong chung um 88 hruaitu pawl nih bia an rak thlah. Daw Suh cu atu caan lio thengah a dik mi biachahnak a tuah kho ding minung a si. Cucaah Daw Suh a tuah mi vialte tlam a tlin deuhnak dingah democracy a duh mi vialte nih dirkamh a herhnak kong Ko Htay Kyui nih thong chungin bia a rak thlah. Shan ramkulh Maingsat thongchung ah a um liomi Ko Ko Kyi zong nih Daw Suh le cozah tonnak an ngeih mi cu democracy ram kalnak a kar khatnak bantuk a si a rak ti ve. Asinain Daw Suh nih mipi a dawtnak vialte cozah nih ning-cang loin an hmang sual lai ralrin a hau taktak mi a si tiah a nolh. Hi Siangngakchia hruaitu pawl hi 2007 datsi man a kai ruangah mipi an thawh pi hna i cozah nih an tlaih hna hi a si. Kum 65 le thla 6 cio thongdan an pek hna. Lamhla khuacaasn a chiat biknak ah an `hial hna. (Cc: Irrawady)

Kawl ralkap le KIA tuknak a chuak August 31, 2011: KIA le Kawl ralkap tuknak cu Kachin ram-kulh chung lawng si loin Shan ramkulh zongah a chuak. Tinglung khua pawng ah KIA tatmaha 5 le Kawl ralkap buk-hat an a i kap i Kawl ralkap lei pathum an thi tiah KIA lei nih an chim. Cu ni `hiam`hiam Au-gust 31 ahcun Shan ramkulh Muse le Namphat karah KIA nih lambawh in an kah hna i ralkap 5 an thi. Cu raltuknak hmun lei cu ralkap motor (tinhka) 5 a rak phan i, ralkap le ralkap an i palh sual ruangah an i kap `han i ralkap pathum an thi, pali hmsa an pu tiah KIA lei nihcun an chim. (Cc: BBC)

The Lady Movie an piah cang lai

August 29, 2011: Daw Aung San Suh Kyi kong an thlakmi The Lady movie cu ramkip movie langhternak Rome khua ah Octo-ber 27 in November nili tiang an piah cang lai. Daw Suh Kawlram kongah retheih thabat a tuarnak vialte cu Vawleicung minthang Michelle Yeoh nih Daw Suh ai ah aa thlak i France director Luc Besson nih a thlak mi a si. Daw Suh hi ka upat tukmi a si, hi movie nih hin Kawlram kong vawleipi nih an theih deuh a si ahcun cucu kaa lawmhnak ngan-bik a si tiah Michelle Yeoh nih a ti. Michelle Yeoh cu hi movie kongah Kawslram lei voihnih a kal nain voikhat cu Vanlawng bual in an kir ter `han. (Cc: RFA)


MYNAMAR RAM THAWNG Cahmai: 4

Hlathlaitu Commision dirh dingah Britain mipi nih ca an kuat hna August 31, 2011: UNO nih Kawlram kong hlath-laitu commision dirhnak ding kong forh dingah Britain ramleng vunci zungah mipi 5,300 nih caìal in halnak an tuah. UNO hlathlaitu com-mision kan dirkam tiah postcard, ca le minthut 5,300 Britain ramleng vunci zungah August 31 ah Burma Campaign U.K nih an va pek hna. Cu minthut le ca cu July le August thla chungah Burma Campaign U.K

buu nih an khawm tiah chung-tel Mah Zo Za Zam nih a chim. Kawlram kong ùan dingah Britain mipi nih ramleng zun-gah caìal in an hal kong, Kawl ralkap nuhrin covo buar-nak vialte hlathlaitu dingah commission buus dirh le dan-tatnak kong an hal hi a si tiah a chimchih. Britain ramleng vunci William Hague pumpak hrim nih hlathlaitu commision dirh a herhnak kong, kutthlak in ùanchuah a herhnak kong a rak chim bal cang. Hmaithla chungah EU buu nih Kawlram kong he pehtlaih in an ruahnak pakhat chuah ding a si i, cu

tikah Britain nih biatak in dirpi hna seh ti an duh caah hitin rian an ùan zong hi a si. Cu Kawlram kongah EU ruahnak cu UNO meeting pi-ah chuahpi te ding zong a si chih. (Cc: RFA)

KIA lambawh kah ruangah ralkap 5 an thi August 31, 2011: Muse le Mandalay lam, Kuatkhan le Namphat khua kar ah ralkap Motor pakhat cu KIA nih lambawh in an kah hna caah ralkap 5 an thi, Motor vialte a rawk dih tiah KIA lei nih an chim. Humhimnak lei ùanvo a latu khalayah 123 cu KIA nih August 31 zaanlei sml pahnih ah RPG dungci in an kah hna hi a si. Hi kahnak ruangah Mandalay le Muse kar Motor nikhat chung an phih ti a si. Kan hnu zarh chung Kawl ralkap hman dingah Tuluk in Forton Motor a hme mi pawl luhpi a si i, cu hna humhimnak ùanvo lakpiaktu ralkap he kahnak tete a um lengmang ti zong KIA lei nih an ti. (Cc: Monloi)

R a n g o n k h u a c h u n g tlanglawng accident September 1, 2011: September nikhat ni chun sml 1:00 ah Rangon in Insein lei a kalmi khuachung tlanglawng DD.936 cu a hnubik tlawnglawng khan pakhat accident an tong i minung 4 hma an pu. Hma a pu mi hna hi pa pathum le nu pakhat an i Rangon sizung pi ah an chiah hna. Tlanglawng lam a chiat tuk cang caah hitin accident an ton hi a si tiah buà pawng um mi pakhat nih a chim. Rangon khuachung tlanglawng lam hi meng 70 hrawng a sau i, minutes 5 dan ah tlanglawng pakhat a chuak ton. Khuachung tlanglawng zapi 21 a si. Rangon k h u a c h u n g tlanglawng pawl a chiat tuk cang caah a miak zong hmuh a si ti lo, cucaah pumpak chawlet kut ah zuar kan timh tiah August 26 Naypyitaw meeting pi ah U Aung Myint nih a chim. (Cc: Irrawaddy)

American hlasa buu pakhat Kawlram an tlawng lai

August 31, 2011: American hlasa buu pakhat a simi Earth String Band cu hmaithla chun-gah Kawlram lei an tlawng lai. Earth String Band hi hmaithla chungah Lao, Thailand, nichuah Timo le thlang Korea telh in Asia ram nga chung khual an tlawng lai. Rhythm Road timi ramleng hlasak dingah ramleng vunci nih Kawlram lei a thlah mi hi a voithumnak a si cang lai. 2008 ah Maya Azucena hlasak buu, 2009 ah The Student

Loan timi hlasa buu pawl Kawlram an rak kal bal cang. Miphun pakhat le pakhat ih-mun thiamnak dingah hitin hlasa buu ram-leng an thlah hna hi a si tiah Amesrican ramleng vunci zung lei le Jazz at Lincon Center fonh in an tuah hi a si. (Cc: VOA)

Thlakrawh tuahnak hmun 170 hrawng an khar men lai

August 31, 2011: Rangon ram`hen Taihci peng um mi thlakrawh tuahnak hmun 170 hrawng khar a si lai tiah thawngpang a leng. Hmat-pungìn lomi le cozah ngeihmi hmun ah nan tuah ti ruangah khar an timh hi a si tiah thlakrawh tuahtu pakhat nih a chim. Kum tampi kan toh cangmi kan rawlbel khar an timh ko tiah kum 15 chung thlakrawh a tuah cangmi U Aung Yin nih a ti. Taihci pengah thlakrawh tuahnak hmun 200 hrawng a um i cu chungah hmatpungtin mi hmun 30 lawng a si. Hi thlakrawh tuahnak an khar ahcun thlakrawh tuahtu minung 8,000 hrawng ei loin um a kan hau cang lai ti zong an chim. Nikhat ah 1,500 in 2,s000 kar phaisa hmuh a si i cu phaisa cun ei le din, fa le sianginn kaiter a si i, riankhar a si ahcun harnak fakpi kan tong cang lai tiah an ti. (Cc Irrawady)

Arakan ramkulh ah bomb a puak, 7 an thi

Kawlram nitlak lei Sittwe ah Vawleicung Ralpi Pahnih (World War II) lio an rak hmanmi bom nih ruah lo piin minung pasarih , pa lawngte a puah hna i an nunnak a liam.Khua pawng rili kam ah bom cu an hmuh i zeidah a si ti ruah awk an theih lo caah an hmuhmi cu lak an timh. Vanchiat ah bom nih cun a puah hna tiah Kawlram c o z a h o f f i c i a l p a k h a t n i h a chim. Vawleicung Ralpi pahnihnak lio an rak hmanmi bom pawl kawlram vawlei chungah pa zeizat dah a taang rih ti cu kan thei lo tiah a dang official pakhat nih a chim ve.Hi bomb a puah hi August 31 chun suimilam 2:30 ah a si i a hmun ah min-ung 5 an thi. Cun sizung ah ngakchia pahnih an thi. (Cc: Globalchin)


MYANMAR RAM THAWNG Cahmai: 5

Kawl ralbawi chung thilthup cheukhat Tulio cozah ralkap bawngbi an phoihnak a sau rih lo. Kawlram cu dingrep he a khatmi democracy lei kan kalpi cang tiah ramkip an hlen hna. A chungin nawlngeih cuhnak a zual chin. A zuam mi pahnih an si. Ralbawi hlun Thurah Shwe Mann le Vice- President Thi-hah Thurah Tin Aung Myint Oo an kuttum an chuah veve. Hi hna pahnih kuttum ruangah Pu Then Sein a lu a ri. A daih ter khawh lo ahcun ralkap hnipuan tangah Kawlram a phan `han lai a ti i a thin a phang ziar. Pu Shwe Mann cu ral-kap cozah lioah mipi nih zumh bikmi a si bal. Nawlngeitu lakah number 3nak a si. Kawl ralkap vialte hritlaitu dingah 2000 ah Pu Than Shwe nih hri a pek caah ralkap bawipawl upat a tong. Pu Than Shwe le Pu Maung Aye an i din hnuah ral-kap tampi nih dirkamh a si lai tiah zumh bik mi a si fawn. Thimnak ah tamadah a chuak hrim lai an ti. Nain Pu Than Shwe nih thindomh in a ka chiah te lai a ti rua, min a ìal mi ah aa tel lo. Chak ka mer kho bik lai a ti mi Pu Thein Sein liangcung ah a khinh diam. Pu Ne Win techung teirul ka cham hna bantuk in Pu Thein cu a ka cham lai lo a ti kho men. Pu Thein Sein hi Pu Than Shwe caah thihngam in a nung mi a si rua. Ramdang lam-kaltu hna hmaiah ding tein a dir ton ti a si. Hawidang ralbawi bantuk in a aw a hrang mi le eihmuarnak lei ah a thluak a tli mi a si lo. Mi lung sau a si, mi biachim `ha tein a ngaih piak hna tiah min a lang fon. Thurah Shwe Mann caah a pahnihnak meithal cu Vice– President tal ah telh loin

Pu Tin Aung Myint Oo min a ìal hoi. Pu Tin Aung Myint Oo hi mi aw hrang tuk a si tiah min a lang ve mi pakhat a si. Pu Than Shwe nih thil sining chun-gril vialte a thai dih hnuah mi`ha le awhrang hi a cawh rua hna. Keimah ka himnak bik lam ka kawl a ti lai cu. Pu Than Shwe a phan bantuk tein mipi cozah chung hruaitu hna karah kutdong sawhnak a chuah dedeng cang. Pu Tin Aung Myint Oo nih ralkap keden in Kawlram a lu a rial `han sual lai ti hi hopoh phan bik mi dirhmun a phan cang. Zeicahtiah kungput `hawng, ni aw hrang le nawl-ngeihnak lu bik tlaih a duh mi a si tiah ruah mi pa a si.Cu lawng hlah pianciazi vunci Pu Kyaw San le Pu Than mizumh a theh hlauttaw president Pu Khin Aung Myint te pawl he buu an ser ti a si. Cucaah Pu Tin Aung Myint Oo te ho hi hluattaw chungah duhpoh in thil a mer kho an si cang lai.

Pu Thein Sein a nawl ngeihnak le a lamthluan zong hnursuan a fawi te. Pu Thurah Shwe Mann a aw chuah kho loin a tuah kho rih. Ziah! Hluattaw meeting ah Pu Shwe Mann a chimbia vialte ning-cang loin Kawlram thanhca ah a chuahnak cu Pu Tin Aung Myint Oo a si ko kha. Hluattaw meetingah Pu Thien Sein biachim a charmi “Cozah `ha si kan i zuam lai” a timi a chim `han. Cun upadi cungah hohmanh kan um lai lo a ti mi Kawlram thanhca ah a langhter lotu kha Pu Tin Aung Myint Oo nih a hnu hri in a tlaih caah a si. 2004 Pu Khin Nyunt an tlaih lioah hi bia hi Thurah Shwe Mann nih a chim cang. A tu a nolh tikah a hodah a ti duhnak a si tiah mipi lun-glut pakhat a si. Pu Tin Aung Myint Oo le Pu Than Shwe a si tiah an zumh cio hna lai. Ramchung ah hluattaw a um lo ahcun mipi an tuar tuk lai tiin Thurah Shwe

Mann nih a nolh rih. Thurah Shwe Mann hi kan ram a rawk ti fiangin a theih mi pa a si. Mi ramdang hmaiah hnu kan tang a ti. Ramdang mi mitah kan hme taktak ko a ti hoi. Hluattaw meeting kai chawlet pawl nih an lung a tling tuk. Zei a si ah Thurah Shwe Mann a ho nihdah a aw a daih ter khawh lai. Ralkap bawizik bocho-hci Min Aung Hlaing zong Thurah Shwe Mann a minung a si an ti.Hi hna pawl an hnu in Pu Than Shwe nih a zoh ko hna. Nahwahtah chan lioah ral-bawi pakhat nih Kawl ralbawi pawl cu zeitik hmanhah daitein an i din bal lo. A leng in hri an tlai rih a ti. Bochoh Ne Win zong 1988 ah aa din i a hnuah nawl-ngeinak lak an timh tiah tlaih an tong `han. 2002 tiang hri a thlah lo kha. Pu Than Shwe zong a um sawhsawh lai lo. Chalet pakhat nih aa hngilh mi Cakei va `hangh hlah a ti ban-tuk. Tulio ralbawi pawl nawl-ngeihnak an i cuh lioah a biapi bik cu Pu Thein Sein a si.Khatlei in Pu Tin Aung My-int Oo te hi thazaang a `hawng timi cu Pu Thein Sein fiangin theih dawh a si. Cozah `ha si dingah eihmuarnak kan do lai a timi hnursuan an timh cang. Hi kon-gah zei rian dah a ùan lai? President pakhat nawlngeihnak an lonh a si ahcun Vice-President thinlin in a phuah ngam te hnga maw? Pu Thein Sein nih cu bantuk rianùannak ah bawmtu minung an ngeih a hau. Cu lawng ah a chiambia le a ùan rian an kal ì kho lai. Cu lo ahcun hnu lei kir a fawite. (Aung Zaw thaicia chungin. Editor)

Hluattaw meeting ah mipi ca ceihmi a tlawm September 1, 2011: Hluattaw meeting pi ah democracy bantuk in thawngla pawl luhnak nawl hmuh a si nain mipi `hatnak caah ceih mi a tlawm tuk tiah thawngla pawl nih an ti. Cu hlan thawngla pawl luhnak nawl a um lo nain tutan cu thawngla pawl luhnak nawl kan hmuh caah lung a tling ngai ti zong an chim. Biahalnak tete lunglut awk ngai a si nain rianngeitu lei nih an lehmi hna tam deuh cu thil an rak ti khawhnak deuh an leh hna ti a si. Cheukhat cu a herh lomi ah caan a dih ko an ti. (Cc: BBC)

Daihnak committee an dirhmi hriamtlai pawl nih an dirkamh September 2, 2011: Hluattaw meeting pi ah ramchung daihnak sertu committee an dirhmi cu kan dirkamh tiah hriamtlai hruaitu pawl nih an ti. Zungzadaihnak kan tuah lai ti ahcun ram pumpi kha-daihnak tuah ding le cu daihnak cu center cozah he ceihì ding a si tiah Arakan party in U Aye Tha nih a ti. Hriamtlai pawl nih 2008 l phunghram kan duh lo, mah phunghram ning te a si ahcun

daihnak taktak a um lai lo an ti. KNU nih dawtnak he an ser ah-cun kan i lawm lai. Nain zei bantuk in dah daihnak an ser kan zoh rih lai an ti. Daihnak committee ser ding biatung hi ralkap lei in aa tel vemi pakhat nih an dirkamh ve. U Thein Sein hi 2008 phunghram in a kai mi a si caah a kut tang pawl nih an dirkamh a hau mi a si. Arakan in Dr, Aye Maung nih Daw Su bantuk mizumh an i tel ve dingah biatung a dirh. Cozah

n i h hruaimi daihnak commit-tee ah Daw Su i tel ding lam a tlawm ko tiin a tuak mi an tam. Daihanak ca a au lengmang mi Dagon Taya le Takhin Chan ~un bantuk zong micheu nih telh an duh hna. Committee ah a ho tepawl dah an thim hna ti bel a fiang rih lo. (Cc: Mizzima)


VAWLEICUNG THAWNG Cahmai: 6

Australia le Malaysia ralzaam thlennak kong biaceih zung nih an hnon August 31, 2011: Australia ah dornak a hal mi hna ralzaam pawl Malaysia kuat `han ding timhtuahnak vialte cu Australia High Court nih a hnawl piak dih hna. Malaysia cu ralzaam zohkhenhnak lei ah UNO he hnahlaknak min a thu lomi ram a si caah kuat `han ding timhtuahnak cu pom a si lo, Malaysia cozah nih ralzaam `ha tein a zoh khenh timi a um lo caah le kuat `han dingmi ral-zaam pawl nih a thar in an sawk `han lai caah Australia High Court ah thimfung 6/1 ning in kan hnu nithum ni ah biachah-

nak an tuah hi a si. Biaceih zung nih biachahnak an tuah mi hi lungrawk taktak a si ko tiah Im-migration Minister Chris Bo-wen nih a ti. Minung ningcang loin kalpinak lei ah chawlet rian a kawl tu puaisa pawl khamnak caah Australia cozah zuamnak vialte an hrawh dih a ti rih. Ma-laysia ralzaam sinak catlap tling tein a ngeimi pawl lak in ning-cang loin Australia a lutmi pawl Malaysia kuat `han dingah Ma-laysia le Australia cu hnat-laknak a rak ngei cang mi an si. (Cc: VOA)

Irag ram bali pakhat ah pumpek bomb an puah

August 28, 2011: Irag ram Baghdad khuapi Muslim Bali nganbik a simi Um al-Qura chung thla an cam lioah pum-pek bomb puahnak a um i min-ung 28 an thi, 37 hma an pu. Hi bomb puahnak hi kan hnu zarhpi ni ah a si i a thimi chun-gah Anbar state sunny parlia-ment Mr. Khalid al-Fahdawi a thi ve tiah palik pawl nih an chim. Cu ni thiam ah dohnak pakhat a um `han i, minung 4 an thi. Hi bomb a puah tu hi a ho kut timi theih a si rih lo. Irag ram ralhrang dohnak hi 2006-2007 ah a tam bik a si i tutiang i thahnak a dong kho lo

ti a si. Tukum dih ah US nih humhimnak lei rian cu Irag kut ah pek a si cang lai i, Irag nih tuanvo a la kho taktak te lai lo tiah Irag le US rianngeitu lei nih an ti. (Cc: VOA)

Irene thlichia ruangah min-ung 38 an thi August 29, 2011: Ameri-can nichuah lei hmun tampi ah A r e n e thlichia a hrang i, min-ung 38 an thi. Vermont le New York ah cun nithum chung tilian nih a den rih lai ti a si. Inn, dawr le riantuannak 7 million hrawng ti nih a khuh ti a si. Kan hnu zarhte ni ah hi thlichia a hran hi a si i, zarhpi ni ah Canada ram lei a lut ti a si. Thlichia a tongmi hna cu FEMA le a dang cozah pawl nih biatak tein bawmhnak nan chuah lai tiah Obama nih a ti hna. Thlichia ruangah minung 38 hrawng nunnak a liam i tam deuh cu thingkung pur-nak le tilian in an thih hi a si. Thlichia nih a hrawhmi dihlak hi $7,000 million man a si lai tiah tuak a si. (Cc: VOA)

Gaddafi chungkhar Algeria ram ah an zaam cang August 29, 2011: Lybia hruaitu Gaddafi nupi Safiya, a fanu Aisha le a fapa le pahnih a simi Mohammad le Hannibal hna cu kan hnu nikhat ni ah Algeria ram chungah Motor in an rak phan cang tiah Al-geria ramleng vunci lei nih an chim. Cu hna pawl sinah cun an tu le zong an i tel ve ti a si. Lybia dotu hriamtlai pawl nih Lybia ram lei kuat `han dingin Algeria cozah sinah an hal hna. An rak zaamnak kong hi UNO le Lybia tupung pawl thawng kan thanh cang hna tiah Algeria nawlngeitu lei nih an chim. Algeria nih Gaddafi fa le a cohlan mi hna hi ralser a duh caah a si ti zong tupung pawl nih an ti. Gaddafi fapa Khamis cu Tripoli

Vawleicung ralkap thazaang `hawngbik pahnihnak Tuluk August 31, 2011: Asia cakei ti tiang in min a ngei mi Tuluk cu England, France le Rus-sia hna lonh in Vawleicung ralkap thazaang `hawng bik pahnihnak ah a dir cang. Tuluk nih ralkap a ngeih mi (tlang ralkap, ti ral-kap le van ralkap) dihlak in 2,290,000 an si i, ralkap thazaang lei cun US nakin a tam deuh cang. American ralkap dihlak ah 1,560,000 an si. Ralkap caah phaisa hman-nak leiin a pahnihnak a si fawn. 2010 chun-gah Tuluk ram nih ralkap lei he pehtlai in a hman mi phaisa cu $119 billion a si. 2010 ah American nih ralkap lei he pehtlai in a hman mi phaisa cu $ 698 billion a si. Ral-tuknak vanlawng (Jet) hi Tuluk nih 1998 a ngei ti a si. Caan tlawmpal ah raltuknak Vanlawng phortu tilawng a ngei cang lai ti a si fawn. A ra laimi kum tlawmpal ahcun vawleicung ah ral lei he pehtlai in a pakhatnak a si te lai tiah ral lei tuak-tantu pawl nih an ti. (Cc: Online news)

khuachung dohnak ah a thi cang tiah tupung lei nih an chim. Gaddafi fapa Mohammad hi Gaddafi kuttang bawi pakhat a si i Datch model pakhat he an i duh. February thla, ram-chung dohnak a thawk in cu a nungak he cun Tripoli ah khua an sak Ì ti a si. A fanu Aisha hi upadi mifim pakhat a si i, Sadam Husein US nih an tlaih lioah sihni a ùan piaktu a si. Cun Irag ram ah journalist pakhat nih US president `hing Bush Keden in a rak cheh lioah Juornalist pa leiin sihni a rak ùan piak rih. A fapa pakhat belte raldohnak ah a thi ti a si. (Cc: Internet)

Mexico ram lentecelhnak zung meiduahtu thawng a pe kho mi $ 2.5million an ti hna August 25, 20111: Mexico ram chaklei Mon-stray khua chung lentecelhnak zung mei in a duahtu thawngpang a pe kho mi cu $ 2.4 mil-lion pek nan si lai tiah nawlngeitu lei nih an ti. Hi meiduahnak ruangah minung 52 an thi i hriamtlai pawl kut a si lai tiah zumh a si. Au-gust 25 ah inn mei a kangh hi a si i, a thimi hna caah ram pumpi in nithum chung ngaihchiat kan tuar pi hna lai tiah thawng-thanh a si. Hi mei a duahtu hi ritsi lei a zuartu hriamtlai buhnih an si lai tiah zumh a si. Innpi hi zinan an toih hmasat hnuah mei in duahmi a si i, a chung minung pawl lungfim loin chuahnak innka an theih lo caah hitin an thih hi a si lai tiah zumh a si. (Cc: AP)

Libya phaisa $ 1500 million hmannak nawl an pek `han cang hna August 30, 2011: Kan hnu March thla chungah UNO nih Lybia phaisa $ 1500 million an rak tlaih piak mi hna cu Britain halnak thawng in hmannak nawl an pek `han cang hna. Cu phaisa cu mipi ca a herh ningin hman dingah le thlah-lawh caah kan hman lai tiah Britain nih an ti. Lybia tupung pawl nih mipi caah phaisa tampi hman an herhnak kong hi EU ram pawl nih fiang tein an theih piak ve hna. (Cc: BBC)



Padang nukhat faphir pahnih Faphir pahnih a simi Makas le Lukas hna cu vawleicung an rak chuah hi minutes 48 lawng an i dan ti a si. Asianin an pa le aa dang veve ti a si. An nu Chillord nih ka va hlun Mikle le a tlang-val thar a simi Tonene hna he minutes 48 chungah duhnak par ka tlanh ì hna caah hitin fa ka pawi hi a si a ti. Ngakchia pahnih hi kum 6 an tling veve cang. Hi ngakchia pahnih bantuk hi vawleicung ah a voithumnak an chuah a si. Hi bantuk in fahrin hi voi 1,000 million ah voikhat lawng a um kho lai, awngbali poh nakin a har deuh mi a si tiah an nu nih a ti. An ziaza le an muisam zong an pa le an lo tuk veve hna a ti. Khua-ruah har pakhat a si mi cu an pa le pahnih nih an fa le pawng lawng ah um an duh i, chungkhar phundang tuk kan si a ti rih. Chillord nih a chim rih mi

cu ka va hlun Mikle he 2004 ah `hennak kan tuah i, cu hnu cun lengchuah deuh in caan ka hman. Voikhat cu zuudawr ah Tonene he kan i tong i kan i hmuh le cang duhnak hri nih a kan èm veve. Cuticun i tonnak ding khua lawng kan khang cang. Cu lioah ka va `hing Mikle nih a nupi hlun keimah he ton`hannak caan lawng a bawh ve. Kumthar voik-hat zaan cu a thinlung khuahlun a simi kei he duhnak par kan tlanh ì `han. Cu ticun hitin fa ka ngeih hi a si tiah zapi theih in a phuan. (Cc: Online)

Ireland ah Tuluk pa nih vawlei hmun tampi a cawk

August 30, 2011: Tuluk mirum Huan Nu Bo nih Ireland ram ah vawlei square kilometer 300 hrawng a cawk. Innhmun le dum ah phaisa tampi hrambunh in rian a ùan mi Huan nih vawlei cawk dingah hnatlaknak kan tuah dengmang ko cang, Ireland cozah hnatlaknak pakhat lawng a bau a ti. Huan hi a mah le mah biazai saya pakhat ka si tiin aa ruatmi a si i, Tuluk ram

nuamhnak hmun tampi a ngei mi zong a si. Tuluk ram mirum cazin 161 ah Forbes nih a chiah mi a si. Ireland ram hi minung 320,000 lawng umnak a si i, Tu-luk ram minung 1,300 million he cun a thlau tukmi ram a si. Nain Ireland minung pakhat phaisa hmuh mi cu Tuluk ram minung panga phaisa lut he aa tluk tiah BBC nih an tuak. (Cc: BBC)

Vawleicung mirum bik Buffett nih mihar caah bawmhnak a chuah

August 30, 2011: Vawleicung mirum bik a simi Buffett nih kum hrabu pakhat chung thil sining a zoh lengmang hnuah $37 billion pi a hlut diam ko. Bill Gate foundation ah hitluk phaisa tam ka hlut mi nih ka lung a ka lawmh ter tuk a ti. Hitin hlut dingah kum 50 chung ka thin lungah a rak um cangmi a si nain zei hmun ah dah ka hlut lai timi fiang in ka rak theih kho lo a ti. Hi ka hlut mi hi fimthiamnak lei le zawtnak phun 20 khamnak caah a si ti zong a chimchih. Gate foundation hi fund $ 29.1 billion an ngeih i, 1994 ah 10.5

billion lawng an rak ngeih. Cu buu cu a thangcho rih lomi ram ah fimthiamnak, ngandamnak le m i h a r bawmhnak caah dirhmi buu a si. An phaisa 70% cu US ram a si lomi ah kan hmang lai an ti. Buffet nih billion $37 a hlut h lanah $62 b i l l ion in vawleicung mirum bik a si lai tiah ruahmi a si. A hlut hnu zongah vawleicung a pahnihnak dirhmun ah a um rih ko. (Cc: CNN)

Va ngeih duh lo ruangah nu pakhat an tuah ning

August 29, 2011: Pakistan ram unau pahnih a simi Sher le Ama-nat Mohammad nih chungkhar hla deuh (tawankuai) an far nu Fazee-lat Bibi cu hri in an èm i a hnar le a hnakhaw nam in an tan piak. Fazeelat Bibi cu Sher he `hitumhnak tuah dingah nu le pa nih an chim hna i, nungak nu nih a duh lo caah hitin an tuah hi a si. Cu unau pahnih hna cu kan hnu zarh chungah Pailk nih an tlaih hna i biaceih zung pakhat nih an hnar le an hnakhaw tan piak ve dingin biachahnak an tuah.

Biaceih zung upadi thiam pawl nih Islam phung mit pakhat an hrawh piak ahcun pakhat hrawh a si ve lai ti a si bantuk in biachahnak an tuah hi a si tiah an ti. Hi unau pahnih nih hin an far nu cu kan hnu Sep-tember thla chungah meithal he an rak hro bal cang ti a si. An hnar le hnakhaw tan a si hnuah thongdan kum 70 veve an pek rih hna. A tu bantuk in biachahnak an tuah mi hi Islam biaknak lei upadi Qisas ban-tuk in sual kan phawt hna hi a si an ti. (Cc: Internet )

Australia ram ah pakhat pa tuahsernak August 27, 2011: Australia ram ah pa pakhat nih a fanu le pahnih hna cu kum 40 chung a khan chungah a chiah hna i a tlaihhrem hna. Kum 80 a si cangmi an pa cu palik nih an tlaih i, cu thawng nih Euro ram thinphang in a chiah dih hna. Palik pawl nih caan saupi lengchuah kho loin a chiah tu hna an pa kum 80 cu kan tlaih cang tiah zapi theih in an phuan. German he ramritnak Baraarnu khua ah a um mi an si i, 1970 in innchung ah a rak khumh cang hna. A fa le nu pahnih cu kum 45 le 53 an si cang ti zong an chim. (Cc: Daily Mail)

Turkey nih Isreal tanzung ùanpa an `hawl

Seotember 2, 2011: Gaza hmun ah an mawngh cuahmah mi tilawng rual kahnak kongah UNO nih biafiang a chim hlanah turkey ram um Isreal tanzung rianùan pa cu Turkey nawlngeitu nih an `hawl. Ramhnih ral lei pehtlaihnak vialte zong a cat dih. Nikum chung ah a chuak mi kahnak cu UNO nih can saupi a hlat. Cu a hlat cuahmah lio september nikhat ah The New York Times nih biafiang a langhter hnu ah hitin an `hawl hi a

si. Isreal kah ruangah a thimi kong hi ngaihthiam khawh ding thil a si lo tiah thanhca ahcun an langhter chih. Hi kahnak ruangah Turkey minung 9 an thi. Hi thihnak kon-gah Isreal lei zong nih fiang tein zei hmanh an langhter kho lo ti a si. Turkey tilawng hi hi i timh ciammam in kah mi a si, Israel ral-kap nih anmah khamnak caah hitin an kah hi a si tiah thanhca chung ah an ìal. (Cc: VOA)

Gaddafi a hnu bik a hmutu pa August 31, 2011: Gaddafi thawngpang cu theih cawk lo a si cang nain zeitin dah a dongh lai ti cu mikip hngahmi pakhat a si. Khoika hmun dah a phan ti hi a ho hmanh nih theih fiang a si lo. Nain a hawikawm `ha Rusia Budish pa sinah a dih dong tiang ka doh hna lai tiah August 23 ah phone in a

chonh ti a si. Cu pa cu Kirsan Iiyumzhinov timi pa, vawleicung check kah a thiam bik pa, vawleicung check lei president zong a ùan mi pa a si. Mo-tor puaisa, mirum pakhat, Rusia pyitaungsuh chungah Budah ram a simi Republic of Kalmykia ram tamadah hlun zong a si. An ram holh pinah Ru-sia holh, Tuluk, Japan, Korea, Mongolia le Mirang holh tlamtling in a holh kho mi pa a si. Kum 7 a si lioah check kah a thiam cang i, kum 17 a si ah an ram chung champion a la cang mi a si. Kum 30 a si in an ram tamadah a ùan i, kum 17 a ùan hnu 2010 ah a rian in aa din. An ram a si a fak tuk nain a rum tuk mi pa a si. 1997 ah vawlei dang in khuachia nih an ka kalpi bal a ti. Arfi sin zong ka phan a ti. Khuachia pawl nih a zuang khomi kheng hmuhsak an ka duh tiah a chim rih. Check kah ning zong khuachia pawl nihcun vawlei ah an rak ùm pi mi a si a ti hna. Kan hnu June 12 ah Gaddafi he check an i kah bal. Sadam Hu Sein he zong hawikawm `ha tuk an si. Cu pa nihcun August 23 tiang Gaddafi Libya ram chungah a um ko a ti. (Cc: Internet)



Pumpalulh bual leng Hotel khan pakhat ah August 30, 2011: Belgium ram ah pumpalulh chuih a zohtu mit vialte cu bual leng Ho-tel pakhat ah a phan dih ti a si. Hotel thlalan-gawng ah a dirmi pahnih hna an um ning fiang tein a langh caah pumpalulh chuih zoh loin hotel lei mit an `hial dih hi a si. A hnuah nungak nu cu kum 26 a simi model Aliisa a si ti fiang tein an theih `han. Hotel thlalang hi a chung leiin a leng lei lawng zohkhawh mi ah ka ruah sual tiah muidawh nu Aliisa nihcun a phuan `han. Thlalang awng an dir lioah nungak nu cu thangpiin a ni ti a si i, zei ruangah dah hitluk in ka nih ti hi ka thei lo tiah nungak nu nihcun a chim `han. A thaizing ramchung thanhca ah a chuak mi an hmanthlak nih a lau ter tuk hna ti a si. Pumpalulh lei nawl-ngeitu pawl nih bual pawngah hi bantuk thil a um hi a `ha hrim lo, ngakchia tampi hmuhnak a si fawn tiah an thanh. Hotel ngeitu pa nih in-nchung lawng in khuaram cuankhawh a si mi thlalang a hman ding a biapi tuk ti zong an chim. (Cc: Daily mail)

Gaddafi nih nu ralkap aa chiah mi thawng pakhat a chuak

August 28, 2011: Gad-dafi nih nun-gak ralkap aa chiah mi thawngpang pakhat a thar in a chuak. Cu nu ralkap hna cu `hatuk in training

pek mi an si. An min ah Amezone ralkap or mithattu muidawh pawl tiah a pek hna. Gad-dafi nih a mah duhmi minung a thim hna. Kan bawipa caah har kan tuar lai tiin biakamnak a tuah ter hna i, pa he pehtlaihnak lei a khap hna. Pa he nan i duh lai lo a ti hna. Nu an sinak zong a thlen ter hna i, pa he pehtlaihnak biatak in a kham hna. An dih lak in pumkhamnak caah thiamnak a cawnter dih hna. Meithal kah zong `ha tein a cawn ter hna. Dingrep lei biatak in an rengh hna nain Lybia ram nu nih an upat tukmi rian a si. (Cc: Daly Mail)

Kim Kardashian nupa sinak video a zohtu 2million leng an si August 27, 2011: Kan hnu naite ah `hitumhnak a tuah tu Kim Kardashian Video `halo aa thlak mi online in a zohtu minung 2million an si cang ti a si. Reality TV star Kim video `ha lo aa thlak mi cu a tlangval `hing rap hlasak thiam Ray J nih 2007 ah online chungah a rak chiah cang. Kum 30 a simi TV star Kim cu kan hnu nai te ah a tlangval Basketball celhthiam Kris he `hitumhnak an tuah hi a si. Hi video a zohtu lakah Ireland an tam bik tiah Google lei nih an chim. Cu online video ruangah Kim cu $ 3 mllion pek a si lai ti a si. Ka tlangval he `hitumhnak kan tuah lio hi bantuk video a chuah hi cu thangchiat an ka duh hramhram a si ko tiah Kim nih a ti. (Cc: Daily Mail)

Miss zuamnak ah aa tel ve mi Ukraine nu lung in an cheh August 28, 2011: Ukraine ram muidawh zuannak ah aa tel vemi Muslim nu pakhat cu Islam biaknak upadi ban-tuk in lung in thi lak an cheh. Kum 19 a simi Kehkara koyin a ruak cu khuate an innpawng ah an hmuh ti a si. Hi nu hi chanthar thilpuan a duh ngaimi a si tiah a hawi le pawl nih an chim. Mino pathum nih lung in an cheh hi a si i an lak ah kum 16 pa pakhat cu Palik nih an tlaih cang. Cu mino pa nihcun hi nu hi Muslim biaknak phung a buar caah hitin kan tuah hi a si tiah palik sinah a chim. Cu zuamnak ah cun an thahmi nu nih a pa sarihnak a hmuh ti a si. (Cc: Online News)

Kum no bik le minthang bik thawng`ha chimtu

August 31, 2011: Ngak-chia pa bia a chim ning, mi mit a lak khawh hna ning le thabat loin bia a chim khawh ning nih

mi tampi khuaruah har in a tuah hna pinah online in minung tamtuk nih an zoh. Cu pa cu kumli te lawng a si rih. Internet in a bia-chim a zohtu minung 4million an si i, inter-net ah milung a la tu bik le mi nih duh bikmi a si caah vawleicung kum no bik thawng`ha chimtu tiah min a thang. Kum-khat le cheu a si ah Biakinn chung Pastor te biachim a cawn mi a nu le a pa nih video an thlak i online ah an thlah hnuah a min a langhnak hi a si. Ngakchia pa a pa le a pu hi UPC Pastor an si. Ka fapa a umtu hi khuaruah har taktak a si tiah a pa nih cun a ti. Ngakchia pa a min cu Kanon ti a si i, kumli a si ah Coat, necktie aa hruk. Thlanhnawhnak puanfa he Jesuh kong, a thawh`hannak kong biatak tein a chim. Vawleicung ah Pathian pakhat lawng a um, cucu Jesuh a si timi hna biatak in a phuan ti a si. Keimah thawng`ha ka chim mi a ka hmuh in pulpit cung a kai hi aa nuam tuk tiah a pa nih a ti. Thawng`ha chimtu pakhat bantuk in a um khawh ning hi nu le pa sin ah maw a cawn Pathian pekmi dah a si tiah a pa an hal tikah a pahnih in a si ko lai tiah a leh hna. Hi ngakchia hi mi nawl a cawn mi a si ko lai nain Pathian nih a pek mi aa tel hrim lai tiah ka ruah ti zong a chimchih. (Cc: Online )

Vawleicung man fak bik uico Tibet uico sen cu Tuluk phaisa in 10 million a si i vawleicung uico man fak bik a si. Tuluk holh in Hong Tung an timi uico pakhat cu

lungkhur a ngeitu mirum pakhat nih hi zat a man in a cawk hi a si. Thla 11 lawng a si rih mi uico cu pound 286 a rit i, a riahnak ah inn nganpi pakhat ka cawk piak chih lai tiah a ngeitu nih a ti. A rawl caah phaisa tampi ka dih pinah uico zohkhenhtu caah thlahlawh tampi ka pek rih hna a ti. Uico a nu pakhat he um`i dingin an ka chimh ahcun voikhat ah $15,000 ka hal hna lai a ti rih. Tuluk mirum pawl hi motor le inn`ha lo `ha in i zuam a si bantuk in cu bantuk uico ngeih cun an i zuam ve ti a si. A rong senmi hi Tuluk zumhnak ah

van`hatnak a si an ti bantuk in uico nih thlua-chuah a kan phorh ti zong an zumh mi a si. Cu bantuk Tibet uico ngei mi hna cu Victo-ria siangpahrang nu le Euro nitlak lei tei din-gin an rak kal lio ah hin uico 30,000 an rak kalpi hna ti a si. Tulio England ram ah cu bantuk uico cu 300 hrawng a um I, a chuak ka mi pakhat ah $ 1,400 in 1,500 kar a hauh ti a si. Cu Tuluk mirum pa nih uico pali ka ngeih i dawtlonak le zeirel lonak mithmai he ka um ahcun TV hmai theng ah an bawk a ti. Mi tampi nih ei awk le din awk hmanh kan ngeih lo lioah zei `hathnemnak a chuah pi lomi kumhra le kumkul kar lawng a nung mi uico ah phaisa tampi dih in an cawk mi hi cu a poi ngai ko an ti hna. (Cc: Inter-net)

Thawng bultan Arsenal cu Man U he an chuih lioah ningzak ngai in an sungh caah Manchester tiang puaizoh ah a ra mi Arsenal `anhtu pawl cu tiket man pound 135,000 kan khirh hna lai tiah timhtuahnak an ngei.


CELHZUAMNAK THAWNG Cahmai: 9

U Chan ~un hi ho set dah a si? Arakan ramkulh Sitwe khua in mirum U Ye Kyaw Thu ti ahcun Arakan minung a si ko ahcun a thei lomi an um lo. U Ye Kyaw Thu nih fapa 6 le fanu 4 a ngei hna.U Chan ~un hi upa bik chang a si. An fapa 6 ning tein England ah upadi boih (Barrister at Law) an hmuh dih. U Chan ~un upadi a dih kum 1881 ah Rome upadi, upadi thiamnak, England nunphung hlun timi hna ah marks tambik a hmuh caah Victoria siangpahrang nu pumpak in min`hatnak le subject pakhat ah pound 100 in laksawng a rak pek. U Chan ~un a hmuh mi marks hi vawleicung ralpi a pahnihnak tiang a hohmanh nih an hmuh kho lo. U Chan ~un cu Rangon ah a kir i, a minung kip in salam an pek, Motor le Cycle cit buin an ton zongah an ùm i salam an pek tiah U Chan ~un inter-view a tuahtu Daw Ye Ye Yan nih a ti. Victoria siangpahrang nu nih “ka uk mi ram chungah hitluk thlua a `ha mi ngakchia an rak um ve ko mu” a ti ti a si. Hmuh a duh tuk caah a rak auh ter hna i, khuate fa Arakan nunphung tein a va ton. Saingpahrang nu nih a kut a tlaih hnuah lakphak ti a con-glawmh. Siangpahrang te chung citmi Rangleng le Siangpahrang te chung umnak (Nanàw) chung duh poh in luhchuahnak nawl a pek. U Chan ~un England a um chung a hawikawm lakah vawleicung caìal thiam minthang Mr. Oscar Wild zong aa tel ve. U Chan ~un nih Arakhan nunphung a chim ton caah The King of Arakan timi cauk zong a hawipa nih a rak chuah. U Chan ~un zong The Nature and Value of Jurisrudence cauk a rak chuah i, England ah an duh tuk caah voithum tiang an rak nam `han ti a si. Rangon a um hnu in Leading Cases in Burmese Law le Burmese Buddish Law timi cauk a rak chuah. Nihin tiang biaceih zung nih kuttlaih cauk ah an hman. Mirang chan lio, mirang an rak ìh tuk hna lio chanah U Chan ~un cu ìh lo le fek tein a rak dirngam mi pa a si. Mirang chan lioah Sule pura kan hrawh lai timi bia a rak leng. U Chan ~un a `hu kho ti lo. Victoria siangpahrang nu kut in min`hatnak a hmuh mi pa ka dir a hau ti fiang tein a theih. Siangpahrang nu sinah cakuat a ìal colh. Victoria siangpahrang nu nih rak tong hlah uh tiah nawl a rak chah taktak. Nihin Rangon khua lai ah Sule pura kan hmuhnak cu U Chan ~un ruang a si. Dr. Tin Aung le baiceih bawi Mr. Dath hna nih ASIAN ram chung ah U Chan ~un tluk upadi thiam an chuak rih lo an ti. U Chan ~un cu Irland nu Miss Cosgroves a `hit. Cu lio chan cu ni a tla kholo timi England ram nih Asia pawl cu mihrut tiah an ti lio, nun-phung zeihmanh ah an rel lo lio can, Para cung zong keden he kai lio can a si.U Chan ~un cu Arakan ram ah a nupi he an kal i a pu nih a pekmi Rupees1,000,000 he England ram ah an kir. (Cc: Online)

Messi a hmu manh lomi pawl an thin a lin

Kan hnu nithum ni zingah Ar-gentina ànhtu Inda pawl cu Messi an hmuh manh lo caah thinlin in inn ah an ìn dih. Ar-gentina cu Venezuala he Indai ah Ke testnak chuih ding an si. India Kalkata lawngbual ah Messi hmuh a duh mi pawl khuadei hlan sml 2:00 ah lawngbual in an rak hngak cang. Nain lawngbual an va phak tikah security pawl nih a rannak in an kalpi hna caah Messi nih a zoh manh hna lo ai. Messi a hngak mi minung 1500 nih Messi hmanthlak thlir pah in an hngah nain a kan zoh manh lo tiah India thanhca ah an ìal. India hi Blackburn In-dia mirum pa nih a cawk hnu

cun pumpalulh lei lung a lut ngaimi an si. India hi Messi a mipum mui an hmuh bal rih lo ti a si. Vawleicung pumpi nih Messi hi an dawt dih rua tiah Barcelona nipiah chang nih a ti phah. A bik in Argentina cap-tain rian an pek hnuah mipi nih an uar chinhi a si tiah a ti rih. (Cc: Goal.com)

Man U Kawl tam bik kawltu 10 chungah Rooney a lut ve cang

Kan hnu Man U le Arsenal an chuih lioah Man U hmaikal Rooney nih kawlthum a kawl caah Man U chuihtu ah kawl tambik kawltu minung 10 cazin ah a lut ve cang. Rooney cu kum 25 lawng a si rih caah hmailei caan tampi a ngei rih. Man U chuihtu ah kawl tambik a kawltu cu Bobby Charlton a si i, kawl 249 bak a kawl. Ron-eey cu kawl 152 lawng a kawl rih. Ka chuih poh ah kawlsut lawng ka lungah a um ko tiah Roneey nih a ti. Bobby Charl-ton nih kawl 150 a rak kawl lioah kum zeizat dah a si tiah Giggs zong a hal ti a si. Tu hnu

kawl 100 ka kawl rih ahcun ri ka khiak ko lai a ti. Rooney cu 2002 ah Everton in chuih hram a thawk. Puai 67 a chuih i, kawl 15 a kawl. 2004 ah Man U ah aa `hial. Man U ah puai 326 a chuih i, kawl 152 a kawl. Man U ah 2015, June thla tiang chuih dingin min a thut.(Cc: Eleven News)

Roneey a sam tuahnak ah $50000 a dih Ka sam ka remh cang caah ka ke a chuak deuh cang lai tiah Rineey nih capo ina chim. Nain a hawi le nihcun a si tak ko lai an ti. Roneey cu a hmailei sam caah $50000 din in ka remh cang caah thlalangh-mai saupi ka rau cang a ti. Ka cal a thlongh-nak ka hmu ti lo, zapi zong nih nan hmu ti lai lo a ti. (Cc: Eleven)

Man City ke nih Man U a lau ter cang Premeir League an thawk a puaikhatnak ah team ngan pawl ruah ning bantuk an si lo ti a si. Teinak ngan a hmumi cu Man U le Man City an si i, Chelsea, Arese-nal le Liverpool pawl caah thinphang a si. Man U le West Brom an chuih lioah haft time tiang cu kawlkhat veve in an dih. Team ngan huham nih a tei deuh rua hna an dih taktak tik cu Man U marks thum he an kir. Man U back ah Fardenan le Vidic an vikvak a `ha lo ti a si. Man City belte minthang ipumhnak ah aa cang. Vawleicung min ngei lawng tein an khat ti awk a si.

Hmailei a tli mi zoh ah ìhnung lawng te. Man U he tahchunh ahcun Man City a hngawng can hrawng an phan ti khawh an si. Cucaah tutan Premeir League chuihcam cu Man City ke nih Man U a lauter ngaingai an ti. (Cc: mutdfan.com)

Zarhpi zan zoh ding puai (Chisanpuai si lai) 1.Hondurus VS Columbia (8:00 PM)


MINTHAWNG HNA THAWNG & ARTICLE Cahmai: 10

Diana kum 14 chung philh na um hrim lo March 13, 1997 ah Prin-cess Diana le a tlangval Egypt mirum pa Dodi al Fayed cu France ram vawleitang lam ah an Motor accident in an rak thi. Cu lioah an i cit mi Motor Mercedes-Benz W140 phun a si. Prince Charles le Diana cu `hitumhnak an tuah in an lam a rak tluang hrim lo. A ruang cu Princes Charles nih a nungak hlun Camilla a thinlung hmun lai bik ah a rak chiah `hiam rih ko rua. Princes Diana nih a chim mi bia cu “Kan i duhnak ah hin minung pathum kan si. Cucaah hmun kan i tet tuk ko rua” an i `hen hnu ah a rak ti. (Cc: Internet)

Charles nih a hnu ah a `hit `than mi Camilla

Hollywood mino rum bik Justin beiber August 29, 2011: Canada Pop hlasak min-thang Justin beiber cu Hollywood mino rum

bik a si tiah People mekazin nih a thim. 2010 May thla in 2011 may thla tian-gah phaisa a hmuh mi $53 million a si. A biapi in hla a saknak movie Never say Never say in $100 million bak phaisa a lut. Cu nih cun kum 18 lawng a si rihmi Justin cu

Hollywood mino rum hmai bik ah a chiah. (Cc: Commerce)

Shunam minu nun hi zoh hmanh uhsih Shunam khua i a ummi nu pakhat cu a rum i, a `hawng`ha ngai mi asi. A va cu a tar cang i, fa an ngei kho lo. Nikhat cu minu nih a vapa cu a thawh i, hitin a ti, Kan pa a tlunkal pah ah a kan palpah tawnmi khualpa hi Pathian minung a si. Cu caah kan inn cungah khan dan piak uh sih, Cabuai le mei zong kan chiah piak lai a ti. Cucu a va pa nih a hna a tlak pi bantuk in khualpa cu an inn an lo ah a lut a chuak i, a ei a ding tawn, Amah lawng asi lo hnuzul tu pakhat he an si. ( profet Elisha le Kehezi ansi). Nik-hat cu profet pa nih Minu kan caah thil`ha na tuah mi cungah kan i lawm, zeidah tuahpiak na duh tiah a hal. Asinain Minu nih a thawh i "Ka miphun sinah pei ka um ko cu " a ti. Sihmanhsehlaw Pathian Mipa nih cun a zultu kha a thawh i, hi hna nih hin zei-dah an herh kha va zoh tuah a ti. Bawipa fapa an ngeih lo, anpa cu a tar ngai cang

tiah a chimh. Profet nih minu cu a thawh i, a caan a phak ti-kah fapa na pom lai tiah a ti bantukin a ni le caan a phak tikah fapa sunglawi an ngeih taktak . Nikhat cu Lo rian an `uan lioah cu a fapa te cu Kalu Kalu " tiah tlawmpal a ai khin a thi diam. Minu nih a thawh i, Profet pa kha a umnak hmun ah ton awk ah rangleeng a timh colh i, a va ton colh. Profet pa nih Thla a cam piak hnu ah a thicia an fapa te cu a hung nung `han i, an chungkhar in ngaihchiatnak mi`hli siloin lun-glawmhnak mitthli leitu in an khat `han hna. Hi Shunam minu tuanbia tawi nih a kan cawn-piak duhmi cu, thlarau ah a mit a varmi siding( Jesuh kan khual tlung hi nifa kan nunnak ah hmunhma serpiak thiam a herh zia) le harnak toncaan ah vawlei fimnak, thiamnak le mirum mi hna i bochannak in Pathian minung hna fuh le kawl le hlam hmasa deuh ahcun nun duhdimnak le lawmhnak a si zia kha a kan hmuhsak duhmi asi.

Chin Miphun hna khawika kan umnak hmun cio paohah le nifa kan nunnak ah Jesuh khualtlung kan pawng te ah a `hiang`hunh le a puantom te he ai hel ko tihi kan thlarau mit in kan hmu-hthiam ve hi a biapi tukmi a si. Cuticun Shunam khua minu bantukin kan thlarau mit hi a var ve cang ahcun kan ram le kan miphun nih ngaihchiatnak le harnak si-loin, kan tonmi thil kipah lawmhnak tu in kan khat deuh ko lai. CHIN nusal `ha hna zong na miphun le na ram caah lawmhnak mithli maw? ngaihchiatnak mithli dah? kan luan ter deuh tawn? Lawmhnak mithli luantertu si ve ding in kan ram le kan miphun nih an herh ko han hih. A reltu kan dihlak caah Bawipa nih a let thongkhat in thluachuahnak kan pek-piak ko seh!!!! Amen!!! Evan, William Za Hum T h a n g Kalay khua

Malaysia um Chin nih zulh ding `ha

Ahmasa bik ah The One Star Journal tawlreltu hna an cungah lunglawmhnak ka ngei. Careltu u le nau hna kan nih Kawlram mi le Chinmi hi caan a upat lomi le dingrep a ngei lo ngaingai mi kan si ko rua tiah ka ruah mi mipi nan sin ah rak chim ka duh. Cun hmailei ahcun `ha tein khua kan ruah ding le kan zulh ding hrimhrim zong ka duh fawn. Ramdang mi kan zoh hna tikah thil pakhat khat tuah an duh tik ah maw asi lo ah zung kal tikah a phan hmasa mi kha

hmaibik ah an dir i a hnu a phan mi nih zulh. Kannih Chinmi cu kan si nemmam ti lo, a caan kan upat lo. Dingrep kan ngeih lo. Miphun dang ramdang mi kan tluk hna lo. Cucaah tuah kan duh mi le phank kan duhnak hmun tlaipi ah kan phan fawn `ung nain ka hmai ah ahodah a um, a hodah a phan cang timi khuaruah ti lo le zoh ti loin midang hmai ah dir a hmang mi, aa cuh mi kan si. Hi pawl hi Malaysia ah tambik ka hmuh khawhnak cu UNHCR zung, ACTS clinic le TZU clinic pawl ah hmuh a

si. Careltu hawidawt hna hi ruang ah hin Chinmi le Kawlram mi kan `hancho khawh lonak pakhat asi tiah tikhawh a si.Cucaah hmailei ah cun kanmah le kanmah Church cio, Fellowship kip cio, khuakip cio le in-nchungkhar kip cio ah kan i chimh kan i cawnpiak hrim-hrim a herh. Kha bantuk sining le nuncan ziaza kan kal tak lo ahcun miphun dang hmaiah ningzak kan si peng ko lai. By Sa Hu Kuala Lumpur

Vawleicung phaisa hmuh bik mi kawp hna Tom Brady le Gisele Bund-chen..$ 76 million.

Jay Z le Beyonce Knowles. $ 72 mil-lion

Angelina Jolie le Brat Pitt....$ 50 mil-lion

David le Victoria Beckham ..$ 45 million

A tang lei hi Globalchin chungin lakmi a


NEKNAWI Cahmai: 11

Ka philh hna lo. Caankhat lio caan Chikhat te lawng Tha dam ngai in Hliah le cang lawng si lo mi, Ka thlik tiang bak a ka dawp tu, Car hiarhiar in a ka chia tu, Dar bel ziah in a ka ziat i, Tla phak mak in firfik nai tum, Ni le caan a liam thluahmah mi ca'h Nangmah cu philh kan tim lo, Loh bak!!! Vanliantu.

Capo pohnih 1.Voikhat cu pakhat pa rian a sawk. Maneher pa nih interview a tuah ti a si. Maneger: Indot nga cungah ka um tiin na lung ah chiah. Inn cu mei nih kang sehlaw zeitin na um lai? Riantuanpa: A fawi tuk kan ruahmi kan ngawl lai si ko. 2.Cacawnnak khan pakhat ah sayamah nih bia a hal hna Sayamah: Apple le Orrange an i dannak chimh. Pa Kuk Kap: Apple cu Apple rong bantuk in a um. Orrange cu Apple bantuk in a um lo.

Hruaitu dirhmun 1. A hruaimi Buu aa thawknak le Buu nih aa tinhmi fiang tein theih aa zuam lai. 2. A hruaimi minungpumhkawmh khawh aa zuam lai, i Buu nih aa tinhmi rian kha tlamtling tein ùankhawh aa zuam lai. 3. A lung a saumi le miruahnak hal, ruahnakcheuh a duhmi asi lai, rianùannak ah hmaiah a kal hmasa mi a si lai. 4. Mi duhnak `ha tein hmuhpiak thiam aa zuam lai, mipi duhnak in rianùan aa zuammi a si lai. 5. Miral`ha asi lai, a hman lomi thil kha ral`ha taktak in a doh ngam lai, i ahmanmi thil kha ral`ha taktak in a dirpi ngam lai. 6. Zuudin le a dang rithaisi paohpaoh hrialkhawh aa zuam lai, i hmai-panh tein um khawh aa zuam lai. 7.Rian a upat lai, caan pek khawh aa zuam lai, i caan man ngei tein hmankhawh aa zuam lai. 8. Ding felte le zohchunh awktlak tein anung lai, mi ìhzah dingin um khawh aa zuam lai. 9. Buu nih a ngeihmi thilri `ha tein in zohkhenh khawh aa zuam lai. Buu phaisa a luhnak le a chuahnak theihkhawh dih aa zuammi asi lai By, Keneethlian

Pa nih huat tukmi nu phunhra 1.Sangngai le sayamah bantuk in um 2. thlanglang dihmi hnipuan hruk a hmangmi nu 3. Lamkal a thang tuk mi nu 4.biachim tam ngai i tuaktan-nak a tlawm mi nu 5.Mit vahter tertuk mi nu 6.va ngeih hnu zongah vai-vuanh in a vak mi nu 7.Phaisa hman a cak tuk mi nu 8.Lungput a te nau tuk mi nu 9.Breakfast ka ei lo, dairy ka tial lo ti a hmang mi nu 10.Capo a thei thiam lo mi nu

Nu nih huat tukmi pa phun 9 1.Asi ningnak sang in biachim a hmangmi 2.Jel chahtuk in thuh a hmang mi pa 3.Hnarkua hmul a sau tuk mi pa 4. A thli a `ha tuk mi pa 5.Nu hmaiah mithmaithat lawng a duh mi pa 6. Nu he sik a hmangmi pa 7. Phaisa bochan in nu dawh a kawl tukmi pa 8.Ti a hmuh poh ah ke tawl a hmang mi pa 9.Night club ka kal bal lo ti a hmang mi pa

A fawi mi VS a har mi *Mi dairy chung caìal cu a fawi kho men ko, midang thinlung ah hmunhma ngeih bel a har. *Zei tuak loin biachim cu a fawi ko, palhnak um loin chim bel a har. *Midang thinlung father cu a fawi nain a fak mi thinlung damter `than tu a har. *Dingrep ìal cu a fawi ko nain zulh belte a har. *Nitin nuam ngai in talwnlen cu a fawi ko, man ngei tein um belte a har. *~hanchonak lei khuaruah cu a fawi nain `hanchonak ding ùan bel a har.

Rel hmanh *Herhnak thinlung na ngeih lo ahcun a donghnak ah zeihman na ngei lai lo. Lungfian duhnak thinlung nan ngeih lo ahcun a donghnak ah zeihmanh na theih lai lo. Tei duhnak thinlung na ngeih lo ahcun a donghnak ahcun zei hmanh na tei lai lo. *Vawlei pi hi degree 180 ai hel tikah chun in zan ah aa thleng. Degree 180 aa helh `han tikah zan in chun ah aa thleng `han. Minung pakhat ni degree 180 an i hel tikah ngaihchiatnak nih kan hnu in a kan dawi. De-gree 180 kan i hel `han tikah a thar in thawk khawhnak hmun kan phan `han. *A par cuahmah mi pangpar nih khuaikip a sawm hna. A thumi anhnah nih tho a sawm. Zei rel loin biachimnak nih minung pathum a thah khawh hna. A chimtu, a ngaitu le a kong chimmi pa a thah khawh hna.

Anti 1.Times Square a ùanmi kan Lainu cheukhat cu Security pawl he duh/dawtnak hri an èm dih cang an ti. 2. Nungak cheukhat ruangah Lai nu vialte minchiat dih hi cu a poi kho taktak tiah kan Lai nufel pawl nih an ti 3.Carel loin fim vaa tim hrim hlah tiah mifim pawl nih an ti.

KA NGAI"

Zing cicia ee, semnak Lairam ~ha khun ai mu, kei ka caah Thluai neimai in, hawikawm rual he Nih le rak can, ka ngai ruang-mang An thlum bianem phai lio can kha Ngai ruangmang in, mitthli za he Semnak Lairam, Hakha khua dawh Lai lungrawn khua, pilh um lai lo Ram nuam Laitlang, mitthlam na cuang. Zing Zing

Mifim bia *Minung hi tangka loin kan nung kho ko. dawtnak loin kan nung kho lo. *Na miphun cu daw ko hmanhlaw, na ca le na holh na thiam lo ahcun pakpalawng na si. *Minung pakhat nunnak dingah thaw a herh bantukin, miphun pakhat dirh khawhnak dingah, rualrem-nak a herh. *Minung pakhat `hanchonak dingah, a bawm kho bik tu cu dawtnak a si. *Mifim si na duh ahcun, na miphun thlau hlah. *Hmaihngalmi si na duh ahcun, mi tang dor i zuam. *Hmunkhatum (living together) nih tlaunak a chuak pi. By: Herry Hram Sang

Computer cawnnak 1.Computer Basic Course 2.Website tuahning cang 3.Photoshop Cawn khawh asi.Na computer pak-hatkhat asi sual ah siseh Window athar in rawn naduh ahcun kan bawmh lai. Contact: Ngun Hlei Iang Pudu Ph.0129752507

MI DAM LO, MIZAW HNA CAAH THEIHTERNAK Malaysia um kan Laimi a dam lomi, a zaw fakmi, thazaang a ngei lomi,Malay siikhaan kal aa harh deuhmi hna caah man fawi deuh le mah le holh tein zohkhenh a duhmi hna caah a tanglei address ah hin nifatin i piah khawh a si (1) Si phunphun cawkkhawh a si

(2) Drip, thaumnak chunhkhawh a si (3) Hepatitis B vaccine ( thinphin chuahtertu B rungrul khamhsii ) chun khawh a si (4) Thla 3 khan nauhlatnak sii chunhkhawh a si (5) In chung khar nau ngeih a duh rih lo mi ( Family planning service ) (6) Thithlum, Zunthlum, Thi`um, Thi-kai tahkhawh a si (7) A dangdang zawtnak a phunphun ca ah MAN FAWI TE IN SI CHUNH,SI CAWK KHAWH A SI.

NO 31-A , 1ST FLOOR JALAN BRUNEI BARAT( ACR ZUNG A HNU LEI, PU DU PLAZA PAWNG ) Sayama Mang Tial @ Tially Contact Ph. No 014 2660 597 Phone. No. 012 2532 704

PHAISA KUATNAK Acan hman te le fel tein phaisa kuat piak khawh a si. Kuat khawhnak hmun hna cu: Rangon, Mandalay, Kalay Myoh, Falam, Hakha, Thantlang, Matupi, Mizo ramchung hna a si. Address: ….Zophei Center, Pudu Palaza pawng Ph: 0176914641 Ph: 0129742594

The One Star Cazual Tawlretu

Chief Editor : Salai Mang Bik

Editor:

Jeim V. Thawng Ceu Bawi Mang

Thawng Tha Lian Van Biak Mang Ngun Hlei Iang

A man RM 2 Copies 500

Kuala Lumpur Malaysia

[email protected] Ph : 0123224361

[email protected] Ph: 0172684942

[email protected] Ph.0129752507

A ngeitu: Zophei Student Union

EST: SEPT 12, 2010 VOLUME 1 , ISSUE 43 SEPTEMBER 2, 2011

Sui pawn le zuar a duh mi caah Sui pawn a duhmi le zuar a duhmi nan um ahcun lungtling tein zuar/pawn khawh a si. Pehtlaihnak: Phone: 012-9792719 012-2687166

Jln Loke Yew (Hleihlak tang)

Immanuel Charity Home (ICH) Zu nih a tlaih i a mah tein aa chanchuah kho ti lomi hna caah: Zohkhenh, Kilkawi, Cawmken, Chan-chuahnak & Pathian Biatak Cawnpiaknak *Immanuel Charity Home* a trip (2)nak cu July 18,2011 in kan thok `han cang: September (4) Sunday, 2011 khi ICH Spe-cial Sunday ah hman `han a si lai: Contact : ICH (Immanuel Charity Home) No. 17 C Jalan Abraham Off Imbi 55100 Rev. R.Lal Iap -ICH Supervisor Ph: 012-3445855 Pu Kawl Bat- ICH Treasurer Ph. 016-5684989) Pu Jimmy H.Ling- CCCM Chairman( Ph. 017-3309027)

CAWNGIA PAWL

Kawlram phone chonhnak

Shwe Myanmar phone card cu Rm 13 man

ah Minutes 20 (Sml cheu dengmang) na

chimh khawh . Digi, Maxis, celcom an

pathum in hmanh khawh a ngah. Kawlram

lei chonhnak ahcun a `ha deuh tuk. A rawn

zia cu nan cawk tikah kan chimchih hna lai.

A man 13 a si lai.

Cawk khawhnak hmun,

Ngun Hlei Iang

Pudu plaza pawng

Ph, 0129752507

Cahmai: 12

EMANUEL HOME PHOTO & VIDEO EDITING Na duh ning te le na lung tling tein tuah-piak kan i zuam lai. *Khuai copy *Hmanthlak `awl khawh a si. *Collection (��) Video Edit le Video thlak Man tlawm tein kan in tuah piak hna lai. Add: 14, 6th floor, Pudu Plaza Ph: 016-6060572 Ph:017-3260339

Lunglawmhnak The One Star Journal cawknak leiin thazang a kan petu dihlak cungah lawmhnak chim-cawk lo kan ngei. The One Star Journal pehtlaih tein a chuahkhawhnak cu careltu thazang ruangah a si. A herhnak zawnte ah thazang kan chuah mi hi miphun dawt a si. Pakhat cio cungah lawmhnak chim buin… The One Star Journal

mailto:[email protected]�

mailto:[email protected]�

motto: na miphun caah hmuntha va ser piak...

Documents