Volume 2 Issue 4 April 2020

Greetings from General Secretary

Thoṭhan Jesuh Khrih min in nan kut kan

tlaih hna. Khrih a vel nih hnangamnak in pe cio hna

seh!! Khuazing Pathian nih CBCUSA cu Chin

miphun a lamkip in a ṭhanchonak lai a rianthiang a

hrawm lio mi bu a si.

COVID 19: Hrial khawh lo Covid 19 sahraang

Minung fimnak le thiamnak in khamh awk a tha lo

mi rungrul sahraang a si. Vawlei sining a thlen dih,

minung lungthin le ruahnak zong phundang ngai in

a mer. Vawleicung ah US cu a tuar

bik ram a si cang. National Institute of Allergy and Infectious Desease, Dr.

Anthony Fauci a chim bantuk in ralrin tein kan um lo ahcun 2.2 million zawt

khawh a si, sing 2 dengmang thih khawh a si. State kip ah zawtnak a karh,

khamnak sii hmuhchuah khawh an i zuam lio. Covid 19 khamnak sii ṭha bik a

ngei mi cu nangmah le keimah kan si. Khamnak sii ṭha bik cu leng ah chuah lo,

inn ah i erh a si. South Korea, Italy le France thiamsang hna nih ruahnak pek

mi cu stay at home a si. Inn ah um hi damnak sii ṭha bik a si. Nawl ngai mi an

him.

INN AH I ERH: Minung cu herhmi umphung asi. Nain herh tuk lo mi thilri

kong ah leng chuah i sum rih ko hna usi. Company le warehouse ah a ṭuan mi

zong rian off khawh a si ahcun phaisa nakin damnak a biapi deuh tiah rian off i

zuam cio awk a si. Hi zawtnak cu theih cio bantuk in minung in chawnh a fawi

tuk mi a si. Chawnh zong ah zarh khat hnu ah hngalh a si.

Vawlei a damtertu, na pawngkam a damtertu le a himtertu cu “Inn ah I ERH” a

si. Pathian le cozah nawl ngai in inn ah i erh cio ko usi.

RALZAAM: Nan theih cio bang in Paletwa peng um kan unau Chin hna cu

khuaci an muih lio caan a si. Bom thlak hnawh ruang ah a thi mi 30 leng an si.

Sizung a phan mi an tam. Sami, Mizar le Seinhsan khua Internal Displaced

People (IDP) ralzam minung 5500 hlei an um cang. Miphun le miharsa

zawnruat in bawmhnak a pe mi nan dihlak cung ah lawmhnak ka ngei.

Hi harnak chung in zeitik ah dah luat a si hnga, ti hi chim khawh a si

lo. Cucaah bawmhnak an herh rih lai, an eidin awk in khuasak tintuknak

tiang ruahpiak an hau lai. An miphunhawi nangmah le keimah, Bawipa nih

ṭuanvo a kan pek tiah zum usi. Ruah lo awk ṭha lo mi cu Chin umnak khua ah

bom thlak hnawh a si i, Rakhine pawl umnak khua ah bom an thla bal rih lo.

2020 CENCUS: Ram kip nih an milu rel cio tawn phung a si. Kum 10 dan

lengmang ah milu rel a si. USA zong tukum hi milu rel kum a si ruang ah

Chin miphun nih daithlan awk a ṭha lo. Na milu an in rel ve cu cozah rian na

bawmh hna a si. A hleice in State, County le Community ca ah santlai a si.

Cencus tuah daithlang hlah usi. A tuah zia na thiam lo ahcun a thiam mi hal

hna, 2020 ah nan milu rel chih na si lo ahcun midang ca ah pek mi savo naa

hrawm a si lai. 2030 lawng ah milu relnak a um ṭhan lai.

CIKCIN THLACAM: Zumtu zumhnak cu aa diin mi a si lo, a kal mi a si.

Zumhnak cu hman deuhdeuh ah a haar chin. Cycle cu naa cit deuh poh ah a

cak chin lai, dirter law a tlu lai. Zumtu zumhnak cu cycle bantuk a si. Khrihfa

le CBCUSA nih Bawipa thluachuah kan co mi hi thlacamnak thawng in a si

ve. Thlacam cu zumtu thazang, ṭhawnnak le Bawipa lawmhter a si, ti zum in,

March 26- April 6, CBCUSA chung Khrihfabu vialte CIKCIN thlacam ngeih

a si. Lung a hmui tuk, Bawipa nih kan thlacamnak kan theihpiak hram seh!!

THLACAM CAH: Zei tik ah dah nunnak hi amah kel a si ṭhan te lai, ti

chim khawh a si lo. Inn ah um in pumpak le innchungkhar cio ah biakṭheng

sak cio a hau. CBCUSA local church le pumpak in CBCUSA nih thlah mi

missionaries, medical missionaries, College siangngakchia ca i sponsors a pe

mi nan dihlak ca ah thlacam hna usi. Halkha ah 8th -10th tiang sianginn a kai

mi, CBCUSA projects le programs, Covid 19, Paletwa peng um kan

phunhawi hna, le herh dangdang ca ah thlacam daithlang hlah usi. Kan ton

mi thil hi zumhnak le Thlarau thazang laknak caan ṭha ah hmang cio ding in

ka’n sawm hna.

CBCUSA a ṭhawnnak le teinak a hmuhnak cu Thlacamnak le

pekchannak a si. Bawipa nih a rianthiang a hrawm duh mi le zumh awktlak

CBCUSA a sinak lai Bawipa cu lawmhter si hram seh! Khuazing Pathian nih

Chin miphun le CBCUSA thluachuah pe chin hram ko seh!!

OFFICE SECRETARY: Kum saupi CBCUSA ah Office Secretary le

Treasurer a ṭuan mi Pu Kepling Khengmual cu damlo ruang ah March 31 in a

rian in aa din cang. CBCUSA ca ah zumh awk tlak in a ṭuanmi a si i April 2,

2020 ah Office ah thlahnak tuahpiak a si. Bawipa nih zohkhenh hram ko seh.

A rianthiang ah,

T. BawihrinThlaawr Bawihrin

General Secretary

CBCUSA

ICBM Rian Aa Diin Lo

CBCUSA nulepa hna nan thlacam

thawng in Kawlram ICBM rian cu

AA le Kawl ralkap kahdohnak karlak

le COVID-19 tlangrai ruang i

lockdown karlak zong ah hmun tam

deuh ah cun ICBM palai hna nih i

diin lo in Bawipa rian an ṭuan

cuahmah ko. AA le Kawl Ralkap i

kahnak hmun le khua belte ah zen le

kuan lak ah, tlaih le hrem a tam tuk

ruang ah kan palai pawl an um ngam

lo i an khua cio ah kan tlunter chung

hna. Tu ning cun AA le Kawl Ralkap

kahdohnak hi fawibai ah daih dawh a

si ti lo ruang ah Chinram thlanglei

khua dang ah maw, Rakhine ram

thlanglei le a laifang ram buailonak

ah ṭhialkam ding zong kan ruat ko

nain COVID-19 ruang ah zeihmanh

kan tuaktan kho rih lo. AA buai

lonak hmun le khua hna ah cun

Mission rian kan pehzulh khawh

peng rih ko i Bawipa kan thangṭhat.

Nan thlacampiaknak kan herh ko rih.

Kawlram lei ah i din loin ICBM

palai hna le hruaitu hna nih rian an

ṭuan lawng si lo in CBCUSA

chungtel Khrihfabu hna zong nih din

lo tein nan rian nan ṭuan cio;

CBCUSA a nun i a cawlcangh

khawh nak hnga Administration caah

4% si seh, Mission rianṭuannak ca ah

2% zong si seh COVID-19 lockdown

lak zong ah lungtho tein nan thawh

cio ca ah lung a hmui taktak, Bawipa

kan Pathian le a kan fial mi Missiona

rian ca le taksa le thlarau he a kan

herh mi Chinmi kan unau hna ca ah

zaanghlei cawi ko rih hna usi.

MISSION RIAN - Rev. Dr. Van Thawng Lian

Ngaihchiatnak

ICBM Boarding School (Hakha)

ah dawtnak le zawnruahnak he

Taang hra (10th Grade) English

chimh a kan bawmtu le kan i

bochan mi Sayaci Thang Cem nih

ruah lo in mual a kan liam tak

ruang ah ICBM lawng si loin

CBCUSA dihlak zong nih taan tak

mi Khrihfabu le ngaihchia mi

chungkhar hna an ngaihchiatnak

kan hrawmpi hna. Bawipa nih an

mitthli hnawt hna seh law hnangam

daihnak pe ko hna seh.

University Students le Medical

Missionary Cawmtu Thar

CBCUSA mission rianṭuannak

ICBM mission fields ah Missionary

103, Medical Missionary 25,

University, College le Seminary

siangngakchia 49 le High School

siangngakchia 78 kan ngeih mi hna

lak ah Pathian dawtnak thawng in

Missionary pawl cu Khrihfabu,

pumpak le zumtu chungkhar hna

nih ṭuanvo la in cawmtu an ngei

dih. Tuanlio ah Nurse Aides tiah

rak kawh mi “Medical Missioanry”

pawl le University siangngakchia

pawl hi cawmtu an ngei lo ti ding

tluk an si ruang ah BD hnatlaknak

le theihpinak in CBCUSA

Khrihfabu hna bawmhnak hal in

cawmtu le zohkhenhtu a phawt in

phawt si seh tiah ti a si bang in

March 2020 ah CBCUSA chungtel

Khrihfabu nan sin ah zohkhenh

ding minung cazin kan in kuat cang

hna i nan hmuh cio lawng si lo in

Pathian le miphun nan dawt ruang ah lunglawm

tein nan kan cohlan ca ah nan cung ah kan i lawm,

Bawipa nih thluachuah in pe cio ko hna seh.

Paletwa in Lunglawmhnak

CBCUSA nih siseh, CBCUSA Nubu le Youth

Department hna nih siseh, CBCUSA ram chung

Khrihfabu hna le zumtu chungkhar hna nih thisa lei

in unau laitlai kan si lawng si lo in zumhnak le

thlarau lei zong ah unau kan si ruang ah

zaanghleicawi in nan kan bawmhnak cung ah

Paletwa Baptist Association aiawh in kan lung

lawmhnak langhter kan duh tiah Rev. Steven

Tlangchy, General Secretary nih a chim.

CBCUSA Mission Director Houston ah

Tulio COVID-19 ruang ah CBCUSA office staff

zong office kan kai ngam lo ca ah Cozah lockdown

chung chungkhar he khuasa ṭi ding in CBCUSA

Mission Director zong, President, GS le Mission

department hruaitu hna theihpinak in Houston an

inn ah lockdown a si ve. Lockdown on ṭhan tik ah

CBCUSA headquarters office ah a kal ṭhan te lai.

Keimah ka min cu Phaw Young a si.

Paletwa peng Shwetaung (Mohchaungwa) khua ah

ICBM Medical Missionary (Nurse Aid) in Pathian

rian a ṭuan lio ka si. Shwetaung ah kum 2 ka um

cang. Shwetaung khua hi Paletwa peng thlanglei

Laymyo area ah a um. Tlunkal a har. Tilawng

lawng in tlunkal khawh a si. Phone in pehtlaih

khawh a si lo. Shwetaung khua hi inn 52 a um i

Khrihfa inn 20 an si. Khrihfa inn 20 chung ah

Baptist 11 le bu dangdang inn 9 an si. Lo thlawh le

thingrua zuar in a paw aa cawm mi an si. Tulio

ram a daih lo (kahdoh a um) ruang ah khuami

eidin lei ah siseh, umṭhutnak leiah siseh an har

ngaingai. Missionary Saya Aung Thein a rak um

nain hmun dang ah a rak i ṭhial. Missionary a um

lo tikah a chambau ngaingai. Pathian dawtnak le

lamhruainak thawng in ka tlamtlin lo bu in keimah

ka si khawh tawk kaa pumpeknak ah Pathian nih a

ka umpi ko tiah ka hmuh. Pathian min thiang ka

thangṭhat. Shwetaung ah hin Phungki sianginn

(phungkyi-kyaung) a um i Buddhists an ṭhawng

ngai. Khuabawi zong Buddhist a si. Shwetaung

khua ka phak ka ah cun khuabawi nih mithmai ṭha

a ka pe duh lo. Khrihfa ka si a hngalh ruang ah a si

bik. Nain, Pathian dawtnak thawng in tu ah cun ka

cung ah theihthiamnak a ngei ngai cang i mithmai

ṭha a ka pek ngai cang. Cu cu Pathian lamhruainakthawng lawnglawng in a si ko.

Ka si khawh tawk mizaw an um tikah an

inn ah ka va kal i, ICBM bawmhnak a si mi sii le

ai a lak (free) in ka pek hna. Ka sikhawh tawk ka

zohkhenh hna. Lamhlatpi ah a um mi Rakhine ram

Sittwe sizung ah a harsa mi mizaw ka va kalpi pah

tawn. A mit aa khawnden ruang ah operation tuah

a hau mi Buddhist pa te zong Sittwe sizung ah ka

rak kalpi. Ka thlahlawh chung in tlunkalnak a dih

mi ka sikhawh chung ka bawmh ve. ICBM zong

nih rak bawmh a si pah tawn i lawmh a um khun.

Lo ah a zaw mi an um tiah thawng an ka thanh

zong ah ka va kal hnawh tawn hna. Missionary a

ZBC, Indy nih M.Div. an kaiter i a graduate cang mi Paletwa in Kyaw Win

Testimony of Sayama Phaw Young (Paletwa) - Rev. Thla Tin Thang sin in

um lo ruang ah keimah nih zumtu tete Pathian

thangṭhaṭinak (pumhnak) ka hruai tawn hna.

Sunday School ngakchia ka cawnpiak tawn hna.

Buddhist fale zong zeimawzat an rak kai ve tawn.

CBCUSA program a si mi ICBM rianṭuannak hi

Pathian nih thlua a chuah hrim ko. Zumtu tampi

thlacamnak le chawva pek mi cu Pathian nih thlua

a chuah i, lo hma a kal ngai tiah ka hmuh. Ka si

khawh tawk kaa pumpeknak cung ah Pathianbawmhnak le dawtnak thawng in Buddhist

chungkhar chung in an fanu

kum 12 a si mi San Nwe (har

ruang ah Tang 4 lawng a si

rih mi) nih Khrih khamhnak

Thawngṭha a cohlan i 2019

December 22 ah Khrihfa ah

a cang, kaa lawm tuk

hringhran. Lamhruaitu

Pathian min thiang ka

thangṭhat. A nu le a pa

hnatlaknak tein Khrihfa ah a

lut. A nu le a pa zong

Khrihfa si an duh ko nain a

upa (upa bik) hi Yangon ah

Buddhist nih tuah mi Charity

(pa-ra-hih-tah) rianṭuannak

in sianginn an kaiter mi a si

i, sianginn ka kai chung cu

Buddhist biaknak in a dang

biaknak ah i ṭhial lo dingin a

nu le a pa a chimh (nawl)

hna ruang ah a nu le a pa cu

Buddhism biaknak ah an um

rih. Bawipa nih mizaw ka

zohkhenhnak cung ah le ka

sikhawh tawk a rian ka

ṭuannak ah lam a ka hruai mi

cung ah kaa lawm hringhran.

Medical Missionary

Sayama Phaw Young nih

Buddhist nu

nau a ngeihter lio

San Nwe

Missionary a rak zoh tu (an mission field Shwetaung a si

mi) Omaha Chin Christian Church, Omaha, NE Khrihfabu nih

biakinn sakpiak ding an ti nain a phunphun ruang ah sak khawh

rih lo in um a si. Missionary lila zong aa ṭhial tik ah hi biakinn

saknak ca ah hin missionary dang (chungkhar a ngei i music leizong a thiam pah mi) um kho sehlaw, ti hi kan thlacamnak a si.

Hi rianṭuannak ah chawva, thlacamnak, a phunphun in

bawmhchanhnak rian a ṭuan mi chungkhar le Khrihfabu dihlak

Pathian nih thluachuah pe chin ko hna seh, ti hi ka thlacamnak asi.

Phaw Young

Shwetaung (Mohchaungwa), Paletwa peng

Sayama Phaw Young bawmhnak in Sittwe sizung ah

a mit operation aa tuah mi (Buddhist)

Sayama Phaw Young umnak inn an sak lio

Lo ah facang hleh a bawmh hna lio

Sii-ai he mizaw zohkhenh lio

Sayama Phaw Young le a cawnpiak

tawn mi hna inn hme te ah an i pumh lio

Medical Missionary Sayama Phaw Young nih

hiti hin mizaw a zohkhenh tawn hna

Pumh hruai lio