Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984

Hmasawnna Thar Vol - 32/148 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

Contact Numbers pawimaw : dC/CCpur : 03874-234234 sp/CCpur : 03874-236747 police station : 03874-202248 sp Control room: 03874- 233239 dist. Hospital Casualty : 03874-233370 Fire Brigade : 8974 147 799/ 8258 057 887 / 8974 103 600

THLA|Au (mArcH) 14, 2017 THAWLENI (TuESDAY)

GAS NEWS Agency : VANGSEI INDANE

K. Salbung, CCPurBooking : 19-1-2017 to 31-01- 2017Delivery : 14-03-2017 (TUE) Time :8AMtillstock stOCK : 306

NEWS TOMkiMCHANCHIN LAKTAWI

Anglo-Thadou War centenary

ccPur: ThadouGaal Centenery Celebration Committee huoihawtnain March 17, 2017, 10AM a inthawk khin Talou-long Village, near Damdei Christian College, Kang-pokpi District, Manipur-ah ThadouGaal (1917-1919) kum 100 tlingna Centenary hmang ning a tih. Paomin-thang Guite, Lamjang Pa chief guest ning a ta, Ricky Vanllalawm Guite le Khai-jasong Guite special guest le Pu Haokholal Hangsh-ing, Chairman, SH-ADC guest of honour in \hang a ta, functional president in Mangkhosat Kipgen, Leikot Pa \hang a tih.

T.T. Haokip MLA tling lawmnaccPur: March 13, 2017 (zani), 11:00AM khan Election Committee hmal-aknain 57-Henglep A/C a BJP ticket-a MLA dinga thlangtling thar T. Thang-zalam Haokip @ T.T. Ha-okip MLA tling lawmman a chengna in Chiengkon-pang hmuna nei a nih. Hun hawng \awng\aina Pastor Lunkhosei Haokip in a nei zoin Jamliankhup Haokip, Election Agent in hun a hmang a, MK Akha Kamei, President, BJP Henglep Mandal le Ngamkhokhai Haokip, Hauneilal Vaiphei, District General Secretary-cum-Coordinator, Henglep

A/C le Seilenmang Khong-sai, MDC Khosabung haia inthawk thuhril ngaithlak a nih. Pu T.T. Haokip hin 11th Manipur Legisla-tive Assembly Election-ah khan votes 8,438 hmuin 57-Henglep A/C a inthawk MLA dinga thlangtling a ni a, an hnaipui tak MLA ni lai T. Manga Vaiphei chun votes 8,170 a hmu a, an in-thlauna hi votes 268 a nih. Ama (T.T. Haokip) ruok chu party chungthua buoina leiin hi hun hman-gna hi a uop theinaw a, a workers, supporters le dit-saktu tam takin an uop.

Hmunhnawkin Lailam Vadung a hruk vawngBeulahlane a hmunhnawk hai JCB hmanga inthielfai

ccPur: |henkhatin Lailam Vadung an ti a, \henkhatin Lanva an lo ti, Lailam Veng leilak Tiddim Road a inthawka vadung luong suk Beulahlane le Khumujamba Meitei Lei-kai hraw bawk vadung chu plastic hmunhnawk, bottle, polythene, etc. (hmawn-ral theilo) a tam taluo leiin va-dung a hnawbit vawng a, tui a luong thei tah nawh. Plastic hmunhnawk (gar-bage) tamtak chu Lailam vadung, Beulahlane leilak lai an tâng \eu a. A vêng mi han inthiel ngaina hre lovin an thlîr ringawt el a nih. A kawl lai in thenkhat chu hmunhnawkin tui a danga an compound le in-sung chen a luong liem leiin an inhai an \hiek hlawl a. Leilak sir ve ve hmunhnawk peihawn thei ta lo dingin rangva dai (fencing) an siem bawk a. Hmunhnawk hi va-dung seitak, saktieng le th-langtieng a sip vawng a nih. A kawl laia nu pakhat chun hmunhnawk tam ta-luo tui luong thei naw leiin an choka sûngah tui tam-tak a lut a, an compound leh, mistiri kovin an cho-ka khawm an bawl \hatir hlâwl niin a hril. Vadunga hmunhnawk, abîkin hmawn theilo dehâwn \hat nawzie a suklang chieng hle. Hieng laizing hin Lailam vadung tui chu a luong \ha theinaw leiin Mr Kapzalam campus sunga In iemanizat ah tuihawk a lut a, zanikhan khawsung mipui le In neitu han JCB hmangin an inthielfai. Lailam Vadung panga retaining wall siema um a chim bakah vadung ruoma hmunhnawk dehawna um an tling khawm nasa taluo leiin March 4, 2017 nia

ruosur huna khan retaining wall chim hin hmunhnawk hai a dang bawk leia In compound-a hi tuihawk lu-onglut nia hril a nih. ADC-a Town mawphurtu M. Gouzamang Guite, EM kuoma hi thil tlung an int-lun hnungah ADC Sanitary Truck (Tipper) pahni a hung tir a, chuong hai leh In neitu han JCB hire-a tuihawkin hmunhnawk a hung lenlut hai hi inthielfai a ni a. Hi baka hin JCB hmangin vadung ruoma intang hmunhnawk

hai khawm laksuok le Tip-per hmanga hmundanga thakhmang a nih. ADC Tipper hin hmunhnawk round khat a thakhmang hnungin a chawl-san a, hi zo hin Beulahlane Development Committee chun Tipper Driver hai Rs. 2,000/- le In neitu han an bufak man ding Rs. 600/- pein hmunhnawk hai hi an in thakhmang tirnawk a ni a, tukhawm hin compound sungah hmunhnawk tam tak thakhmang lo a la um.

Bengaluru-ah AP student pheikhawk in liektirBENGALuru: Christ University, Bengaluru a inchuk mek Arunachal mi Higio Gungtey (22) chu a In neitupa in a sawisak hrep hnungin a pheikhawk an liektir. A In neitupa chu Hemanth Kumar niin, tui chungthua insukbuoi \an nia hril an nih. Hemanth Kumar chu Lawyer sinthaw a na, Higio Gungtey chu a pheikhawk an liektir hma in a phing, khup le awm a hai a pet a nih. Darkar chanve vel a sawisak hnungin, hnu-oia a pheikhawk tla chu in la tirin an liektir a nih. March 6 a kha hi thil hi tlung a na, tui hmang chun-gthua hin nasatakin an in-selbuoi a nih. Kumar chun Gungtey hin tui a hmang rawn taluo leiin midang a In hluo chanpui hai khaw-min an complaint niin a hril. Kumar chu thil tlung

lai chun inrui nei a ni a, chuonga Gungtey a suosal hnung chun kawt kharin a sawisak ta hrep el a nih.Kumar chu Gungtey in complaint a thelut dungzuia thubuoi siem khum a na, bail in a suok nawk nghal. Bengaluru hmuna North East Community haiin hi chungthua hin hma an lak a, Gungtey thil tuok chu hnam inthlier hranna lei niin an intum. Police haiin suichiengna an nei mek a,

hnam inthlier hranna leia tlung a ni chun Kumar chu case inawrtir belsa a ni ding thu an hril. Union Minister for State Kiran Rijiju in thil tlung chu a dem thu a pu-ong a. A office in Gungtey chungthu a ngaituo mek thu hrilin, rampuo a India mihai himna ding ngaituo mek a ni laia, India ram sung ngeia chuong ang thil a tlung chu a ngaimaw thu a hril.

Withdrawal limit sukbo tahNEW DELHI: Demon-etisation hnunga note indai tawk naw leia ATM le Bank haia pawisa laksuok thei chin siema um chu zanita inthawk khan sukbo a ni tah. Withdrawal limit chu February 1, 2017 khan suk-pung a ni a, Reserve bank of India (RBI) in March 13, 2017 a inthawk saving account haia limit um lova siem ta dingin thusuok a lo siem ta hrim a nih.

November 8, 2016 a Rs. 500 le Rs. 1,000 note hai that a ni khan, note thar mipui mamaw tawk a um naw leiin Bank hai khawm an buoi pha hle. Note thar siem suok le thawn dar ang dungzui peiin, ATM le Bank haia pawisa laksuok thei zat chu sukpung pei a nih. Tuhin chu note mipui mamaw tawk a uma ngai a ni ta leia laksuok thei chin hi a bithliek siem ta lo a nih.

BJP MLA han BJP Legislature Party leader dingin Nongthombam Biren Singh an thlang;CM O.Ibobi Singh in an ban ding thu a hrilImPHAL: 11th Mani-pur Legislative Assem-bly Election, 2017 a th-langtlinga um BJP MLAs han zanikhan Hotel Classic Grande-ah meeting an nei a, lungruol takin Manipur BJP Legislature party lead-er dingin Nongthombam Biren Singh an thlangtling tiin Union Minister of state for Power & Coal (Inde-pendent Charge) Piyush Goel in zanita Imphal-a Chanchinbumihai an hmu-pui huna a hril. Nongthom-bam Biren Singh hming hi Thongam Bishwajit Singh Singh in a hung propose a, chu taka BJP Legislature Party Leader dinga an th-lang a nih. BJP MLA-hai meeting-naa hin Piyush Goyal, Union Human Re-source Development Min-ister Prakash Javadekar le BJP National Secretary Ajay Jamwal hai khawm an \hang. Nongthombam Biren Singh hi O.Ibobi Singh CM nina hnuoia Congress sawrkara Minister lo ni ta hlak, a hnunga Minister a ban le October, 2016 a

kha Congress party a in-thawk le MLA a ninaa in-thawka inbana BJP zawm a nih. Congress rorel dan an dik naw leia Congress party suoksan ka ni a, BJP in sawrkar \ha a hung siem ngei ka beisei tiin zanikhan Chanchinbumihai hmaah a hril. Zani chawhnungtieng khan Nambol A/C a Con-gress MLA, N. Loken In, Sangaiprou-ah CM O.Ibobi Singh chun Chanchinbumi-hai an hmupui a, chu huna chun, vawisun annawleh zingah CM ka ninaa intah-wk inban ka tih tiin a hril. Hi huna hin sawrkar siem

an la tum tho thu, Congress MLA han BJP an zawm tum ti thu inri hi thuvuon-gva indiklo a nih. Congress MLA-hai chu a peng hran um lovin kim tlapin an la um a, AITC MLA khawm kei ni lai a la um tiin a hril. Press Meet-a hin Dy. CM Gaikhangam, MPCC President T.N. Haokip le Congress MLA Robindro le Congress suoksana BJP zawm nia hril Th. Shyam-kumar hai hmel hmu ding a um nawh. Hieng laizing hin Gov-ernor Dr Najma A. Heptulla chun, March 12, 2017 zan khan CM O.Ibobi Singh,

Dy. CM le MPCC Presi-dent han an mi hung hmu a, sawrkar insiemtir dingin an hung ngen a, sienkhawm CM a ninaa inban hmasa phawt dingin ka lo hril a, sienkhawm vawisun chen hin an banna ka la hmu nawh. Dan angin an ban hmakhat chu sawrkar thar siemna dingin hma ka lak naw thei naw ding a nih tiin zanikhan a hril. CM. O.Ibobi Singh in Governor an hmupui huna hin NPP MLA thlawpna le-kha a chawi a, sienkhawm lekha narana ziek el a ni leiin NPP President le NPP MLA-hai hung \huoi dingin

ka lo hril tiin Dr Najma A. Heptulla chun a hril bawk. March 12, 2017 zan ma khan BJP chun Governor hi an inhmupui a, hi huna hin BJP MLAs, NPP MLAs, LJP MLA, AITC MLA, Th. Shyamkumar le NPP Presi-dent hai an \hang. NPP Leader Conrad Sangma chun Congress in Governor kuomah NPP thlawpna hlekha an chawi hi a tehlem (fake) a nih tiin a hril. Prakash Javadekar khawma Governor an hmu vat ding thu le sawrkar in-siemtir dinga an ngen ding thu zanikhan a hril.

BJP artificialy created majority a nih: MoilyHung verdict a chun a thieng:Jaitley

NEW DELHI/ImPHAL: Manipur-ah BJP in sawrkar siem tuma hma an lak me-kna le inzawma Chief Ministerial candidate din-ga N. Biren Singh thlang a ni hnungin Congress chun BJP chu artificially created majority (majority lem/ siemfawm) a nih tiin an intum a, state Governor Najma Heptullah chu sin thiem lo/tlaklo a nih tiin an intum. Manipur-ah Assembly seats 60 umah Congress chun seats 28 an lak a, BJP in seats 21 chau an lak a, Congress chun majority nina dingin seat 2 chau an bak a, Congress chu single largest party a ni a. Consti-tution dungzui chun single largest party chu sawrkar siem dingin Governor in a

ko ding a ni a, sienkhawm hiengang hi Manipur-ah chun a tlung naw leiin Gov-ernor hin Constitution a bawsiet a nih tiin Congress Leader Veerappa Moily chun zanikhan a hril. Single largest party sawrkar siem dinga a ko hnunga sawrkar an siem theinaw a ni chun a dawt party mala member hau tak party chu sawrkar siem dingin a ko ding chau a nih tiin Moily chun a hril

bawk. Hieng laizing hin Union Finance minister Arun Jait-ley chun, Hung sawrkar siem thei khawpa hrat party mal an um biknaw (hung) a chun single largest party kha sawrkar siem dinga Governor in a ko kher a \ul naw a, coalition-a sawrkar siem thei dinga a ngai par-ty leader kha constitution dungzuiin sawrkar siem dinga a fiel a thieng a nih tiin zanikhan a hril.

NPF in an MLA 4 hai portfolio ding an peklut

ImPHAL: Manipur-a BJP inrawina hnuoia sawrkar siem tumna fe mek le inza-wmin Naga People’s Front (NPF) chun 11th Manipur Legislative Assembly Elec-tion, 2017 a NPF ticket-a MLA dinga thlangtling 4 hai sin chel ding (portfolio) ding BJP Legislature party leader kuomah an peklut. Chu dungzui chun 48-Mao (ST) A/C a inthawk NPF MLA L. Dikho chu Cabinet minister a laklut ding; 58-Tamei (ST) A/C MLA Awangbow Newmai chu Parliamentary Secre-tary (Hills & Tribal Devpt, Minor Irrigation, Works; 45-Chingai (ST) A/C MLA

Khashim Vashum chu Parliamentary Secretary, Planning, Public Health Engineering (PHED) le 43-Phungyar (ST) A/C chu Irrigation & Flood Control, Rural Development pe din-gin BJP Legislature Party leader kuomah intimation an pek. An portfolio ding hai hi zanita Guwahati hmuna High Command le hriltlang dungzuia NPF le NPF Leg-islature Party, Manipur han meeting an nei huna an suk-fel niin NPF Manipur State Unit President le NPF Leg-islature Party leader Awa-ngbow Newmai in intima-tion a pekluta hin an ziek.

THANGko Pu Khuongthangluoi (74) of Muolvaiphei chu March 13, 2017 zan dar 5:45 khan BP Stroke leiin a thi a, March 14, 2017 hin Muolvaiphei thlanmuolah a ruong vuiliem ning a tih.

HSA ccPur college unit in

lawmthu ccPur: HSA CCPur Col-lege Unit chun March 13, 2017 nia an Unit fund zawng naa sa zawr sa an zawr huna tlawmngaia an sa zawr inchawtuhai chun-ga lawmthu an hril.

HSLC Exam ding le inzawmin Rehearsal neiccPur: Board of Sec-ondary Education (BSEM) huoihawtnaa High School Leaving Certificate (HSLC) Examination, 2017 hung um ding le inzawmin March 13, 2017, 11:00AM khan Don Bosco Hr. Sec. School Auditorium-ah CC-Pur Private Centre Com-mittee inrawinain Rehears-al nei a nih. Rev. Father Emman-uel Kohli, Principal, Don Bosco Hr. Sec. School in \awng\ainaa hun a hmang zoin T. Hanglamthang, Of-ficer-in-Charge in welcome address a hril a, H. Thang-dam, regd. ZEO, CCPur/Chairman, CCPur Private Centre Committee in infui-na thu a hril a, M. Chaoba Stanley, AOC (Head) Of-fice chun Exam hlawtling tak le thienghlim taka nei a ni theina ding bakah Invigi-lator hai hriet ding \ul hai hrillangna a nei a, Pum-

shong Hangshing, AOC (confidential) chun AOC le SI han exam huna an hmang ding hmangruo tum tum hai pekdawkna a nei. Exam hi March 17 a inthawk April 4, 2017 inkar sung nei ning a ta, CCPur Private Centre a dingin Eb-enezer Academy chu main centre a hmang ning a ta, Regular candidates 1,217 hi centre-a hin in\hung an tih. Block-A ah Roll No.

17302 a inthawk 17993 inkar Candidates 692 le Block B ah Roll No. 17994 a inthawk 18518 inkar Stu-dent 525 in\hung an tih. Sub-Centre, Don Bosco Higher Secondary School Block A ah Roll No. 18519 le 19118 inkar Student 600, Block B ah Roll No. 19119 le 19546 inkar Candidate 428 le Block C ah Roll No. 19547 le 20208 le Roll No. 44927

an rengin Candidate 663 in\hung an tih. Don Bosco Hr. Sec. School Block C ah External Candidate, Roll No. 101 le 128 inkar candidates 28 in\hung an tih. HSLC Exam 2017 a hin CCPur Private Centre a inthawk Regular Candidate 2906 le External Candidate 28, an rengin Candidate 2934 exam an ta, Invigilators 110 in enkai an tih. Exam huna centre hai kan theina dingin Princi-pal, Students Organisations han DC, CCPur kuoma phalna lak hmasak a \ul. Exam huna Answer Sheet-a Roll Number zieklut dan kumdang leh an angnaw met a, Optimal Mark Recognition (OMR) le Bar Code hmang a ni leiin Candidate han Ball Point Pen tui black & blue an chawi a \ul ding a nih.

Manipur-ah Yaoshang Kut; Gov. in Holi kutImPHAL: manipur mipui hai chun zan-ikhan Yaoshang Festival hlim le lawm ta-kin an hmang.naupang hai chun an hnam thuom mawi taka inbelin in tina lutin ‘carol’ ei thaw hlak ang deuin hla sakin pawisa an dawl ve. Manipur Govenor Dr Najma Heptulla khawmin zanikhan Raj Bhavan hmuna Holi festival hmangna a uop ve. Hi huna hin Holi Pala groups Lamabam Holi Com-mittee le Shri Shri Bijoy Govinda Shingar Pala han devotional performance an nei.

Tyra Banks chu America Got Talent-a host thar ding-P4

Hmasawnna Thar2

THLA|Au(mArcH) 14, 2017THAWLENI (TuESDAY)

VAWISUN THUPUIUnauhai a kona cheu hi ngaituo ta u, tisa tienga mi var tamtakhai, mi hrat tamtakhai, mi \ha tamtakhai

ko an ninaw zie hi. Nisienlakhawm Pathienin khawvel thil invethai chu a thlang lem a, mivarhai a sukmuolpho theina dingin; Pathienin khawvela

thil hratnawhai a thlanga, mihrathai a sukmuolpho theina dingin. - 1 Korinth 1:26-27

Editorial

Editorial Boardlalmalsawm sellate: Editor& Publisherroding l. sellate: Jt. Editor ramditum @ rama ralsun: Asst. Editor lalsansuok pulamte &samuel Zothanglien@sZ Zote:Sports Joseph Joute: Freelancelalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

Sawrkar thar 11th Manipur Legislative Assembly Election, 2017 ei neizo a. Tuhin MLA a thlangtling thar han sawrkar siem tumin hma an lak mek a. Tuta inthawk hun sawtnawte hnungah sawrkar thar ei hung nei thei ngei beisei a um. Sawrkar thar a hung um chun mipui han beiseina thar an nei hlak. Mipui chun thil thar, hmasawnna thar, pol-icy thar, scheme thar, project thar le plan thar chi hran hran hung um dingin beiseina an nei a nih. Mipui beiseina hi sawrkar thar hung um ding hin hung sukpuitling ngei sienla nuom a um. Mipui chun sawrkar hmasaa khan beisei, dit le ngen tam tak an nei a. An beisei le an dit tam tak el sawrkar hmasain a sukpuitling lo um ngei a tih. Chuong thil hai chu sawrkar thar hung um ding hin hung ngaipawimaw sienla chu mipui han an lawm hle ring a um. Sawrkar thar chu ieng party sawrkarna khawm hung ni raw seh, a pawimaw tak chu Manipur mipuihai hmasawnna ding hlensuok a nih. Mimal dit le mamaw po po chu an thaw pek vawng seng naw ding a nih ti chu a chiengsa a nih. Amiruok-chu, khawtlang le vantlang thil huop chin hai ruok chu an thaw thei ding a nih. Hi tak hi sawrkar thar hung um ding hin hung ngaipawimaw hle sienla nuom a um. Khawtlang an lungawi chun an ta dinga ham\hatna tho a hung ni ding a nih. Sawrkar thar a hung um chun mipui han thil thar an beisei ding hrim a nih. Thil thar chu iem a na ei ti chun hmasawnna thar a ni ding a nih. Hmasawnna thar chu iemana ei ti chun tuta hmaa la um ngai lo hmasawnna thar a ni ding a nih. Tuhin ieng hmasawnna thar am ei nei ding ti chu ei la hriet nawh. Amiruokchu, mipui chun tuta hmaa la um ngai lo hmasawnna thar ei beisei ding a ni a, chuongang hmasawnna nei ding chun sawrkar thar hung um ding hin iem a mi thaw pek a ti hi mipui khawma ei invawi ding a nih. Chu chu mipui mawphurna a nih. Inthlangpui ei hmasuon a, ei inthlang a, sawrkar thar siemtu ding an hung pieng a, a tu tu khawm sawrkar hai sienla, iemana ei beisei? Ei beisei chu tuta hma neka \ha lem a ni naw thei nawh. Tuta sawrkar thar hung um ding hin Ma-nipur hi iengang ngirhmun thar am a mi hlangkai ding ti hi mipui chun ei lo thlir \hup a nih. Hi lei hin sawrkar thar hung sem a, sawrkar thara rorelna le thuneina hung cheltuhai chun elec-tion huna mipui hmaa an intiemna, an election manifesto le an party vision puonglang hai kha sukpuitling dinga hma an hung lak nuom a um. Bandh um lo, economic blockade um lo le Cor-ruption um lo Manipur dam a hung um thei lem chun lawmum hleng a tih. Mimal thil chu ngaipawimaw lo ding tina ni lovin, sawrkar thar hin khawtlang, vantlang le ram pumpui huopzo zawnga thil thaw hi hung ngaipawimaw lem sienla nuom a um. Manipur a ei lamlienhai ei hang en a, a se em em el. Hi thil hi ram pumpui huop a ni leiin sawrkar thar ta ding chun ngaipawimaw chi a nih. Hiengang bawk hin Water Supply \ha khawm mipui ma-maw bek bek el a ni a, hi thil khawm hi ngaisak le ngaipawimaw hung ni bawk sienla chu mipui an lawm hle ring a um. Sawrkar thar chu Manipur mipui han ei nei ngei ding a ni a. Sawrkarna hung siemtu le hung cheltu chu ieng party khawm hung nisienla, ram le hnam hmangaina lungril put, thlir bik nei lova rorel thiem a pawimaw ding a nih. Chun, sawrkar nghet, sawrkar hrat le thil thaw thei tak a hung ni nuom a um. Ei state a sawrkar thar hung pieng ding hi sawrkar nghet, sawrkar \ha, sawrkar thil thaw thei, mipui le ram hmangai tak an hung ni dim ti hi ngaituo um takel a nih. Iem an hung ang mipui han lo thlir phawt ei tiu.

ARTICLE/HEALTH & EMPLOYMENT NEWS

ALL INDIA RADIO: CHURACHANDPUR PROGRAMMEDate: march 14, 2017 (Tuesday)

TrANSmISSIoN- FM-101.4 Megahertz

Hours Studio/ Programme CD/No

5.23pm CR/P Signature

5.25pm CR/PVande Mataram, Time Reading, Opening Announcement& Mangal Dhwani

5.30pm P

PAITE Prog. Sig. Tune & Announcement Announcer: Paumuanchin1) Tunzakham & party (mod)2) Value of life : G. Khupchingthang

6.00pm P

HMAR Prog., sig. Tune & Announcement Announcer: Olivia F1) Rengkai HYA Branch2) Talk: Conservation of Environment for health & Prosper-ity - Lalthalur Infimate

6.30pm PTHADOU Prog., sig. Tune & Announcement Announcer: Nemjalhai1) Jeff Akai Haokip

7:00PM PFarm & Home: Hmar1) Daisy Songate (dev)2) Interview: Thingkawlkai chingdan- with Lalrosung

ZAWLkHAWPuIAw nang Zawlkhawpui !Hmar khuo pop o laiah;

I chintak naw tawp,I sunga District a sieng ta si a.

-L.remlienIengleia Bethlehem khuo hi Judai khawpui-hai laia a chin naw tak am a na..? A san chu khawvel sandamtu Isu Krista piengna a ni tlat leiin.Chu ang bawkin Zawlkhawpui (Pherzawl) a chin naw tak nasan chu District hming a hung put leiin. Aw,nang Zawlkhawpui. Hmar khuo lai popo a I chin naw tak. I sunga hin awptu tam a tam a hung suok ding si a. Zawlkhawpui hi Manipur sim thlang, Hmarbiel tawntir, sim le hmar zawnga tlangdung inkhaw, Churachandpur-a inthawka 195 km-a hla, sea levela inthawka 1100 m-a insang, zotlang boruok thienghlim le inhawi em ema um ani a. A sak tieng pang Thanlon le inkara Tuizang luong a, a tlak pang Parbung le inkara Tuibun a luong ve thung a. A khawtlang hi ni dang lai chun rizap hring dupin a chawi vel a ani a.Hmarhai le District: Hmar hai hi Israel hai ang bawk a ram ngaina mi ei nih. Mizo Union 1946-1952 lai a thang nasa le a hotu lien hai kha Hmar deu vawng an na. Chu hnung khawm chun Hmar National Congress (HNC), Hmar National Union (HNU) hung suok in District chu van a ra a hung ni tung ta pei a. Vawikhat chu mi pakhat fiemthu thiem deu pakhat hi Hmar District khawlam? Tia an hang indawn chun, “Hmar District on the Moon”, a ti dai a Kum 1987 khan Mizoramah Hmar District demand loin a um a, Sorkar in a ngaisak naw leiin 1988 khan bandh huoihawt in a um a. M.A.P hai kuot tuorin mi tamtak an hliem pha leiin, Rengkai Community Hall ah enkawl dingin an um a. Mi tamtak in an hringna an chan a, thenkhatin an nei hai an chan nasa hle. Ka theinghil theilo pahni (2) hai, Ka upa (L) Vanmawi le (L) Thangsang Intoate hai khawm an in seng ve hle a nih. 1994 khan Sinlung Hills District pekin ei um a, ei lawm hle a, e lawm hle a. Hnam a dam tah, tawng a dam tah tiin ei khekpui a chu tuchen hin a chieng thei tak tak nawh. Inbiekna sunzawm pei a la nih. Vawikhat chu ka laibungpa David NEitham, S.P Assam

Police tu hin a kaisang tah. Hieng hin kan dawn a, Pu N.C Hill a khun Hmar hai ta dingin District a hnai tak naw maw? Tia kan dawnna a, ama chun, “Ka thawkna hlak Hamrem biel a khun inpem thla tawl \eu inla chu District hmu awlsam tak a tih. A ram awl a la tam a, a ram mi hai khu an huoi rak naw a. Inpem thla teu inla a khan tak awm ie,” tiin a mi dawn a. Chuonga Manipur ram chu ka beisei naw lai tak a ni lain, Pherzawl District pekin ei um a. Thenkhatin ei lawm lai zingin, \henkhat in ei ringhlel a. A hlawtlingna ruok chu Pathien thu thu a nih.Duthusam: Mawl takin duthu hang sam in la. Tu theida loin India ram mi hausa Mukesh Ambani ang a hausa ni in la, annaw le eini laia mi hausa hai pawisa sum belkhawm in, Pherzawl tlang dung, Tinsuonga inthawka Parvachawm chenin bawl sip vawng inla, inpem thla sup sup inla, Kohran hrang hrang haiin Head Quarterin hmang vawng inla. Mizoram le infepawna Sipuikon leilak daw nisien, Cachar panna dingin Taithu le Patpuihmun karah leilak dawn i bawk sienla. Chu zet chun Manipur rama blockade um zing zing hin mi chawk buoi naw ni a. Sawrkar development chu automatic in a lut el ding a nih. Duthusam ding a tam taluo, hril seng naw mei nih. Anle Pherzawl hi tienlaia inthawka ka lo hriet danin, High School hmingthang umna le tui harsatna hmun a ni tiin ka hriet hlak a. Tuhin chu khaw thar hung sat in, tui chu a harsa bek ta naw in an hril. High school ruok chu an lar bek ta naw a. ADCP office indinin a um a. Lal hai le mi \hahnem ngai hai zar lieu lieu a nih. Chavang kut November 1, 2016 ni khan Mizoram Chief Minister a thu hrilnaa chun, Mizo hnathlak hai hi British Sawrkarin hmun dang danga an mi \he dar a. Chanchin\ha hrilna ding le Pathien thu ang taka ei um chun Independent hmu naw mei nih ti thei an nawh. Chu ang bawkin Hmar nauhai hi India hmarsak State dang danga ei um a. Ei chunga Lalpa a lawm phawt chun State hmu naw mei nit i thei an nawh. Zawlkhawpui vulzing rawh.

TAImAkNADr Lal Dena Prof (retd).

Taimak mi tinin an lawm, kawgin a theida - Hmar Thuvar

Mi taima chu inah ni sien, ramah ni sien, thaw ding boa um tawk tawk thei lo, hun awl nei loa sin thaw zing hlak mi chu a nih. Japan-hai khi hnam taimaa hriet, sin ngawlvei (workolic) an nih. An \awng thumalah khawm hunawl (leisure) hrilna an nei ve nawh an ti chu! Mak thei ngei! Saphai thumal leisure hi an lei li inhmein rajah ti’n an puk ringawt. Hi hin hnam taima an nizie a sukchieng hle. Hun awl nei lo khawpin sina an inbur tina a nih. Anni leh chu inthlau tak ei nih. Eini rawi chu um mei mei, invak mei mei, in\hung mei mei, mei mei vawng ei nih. Gangtepa fiemthu ang deuh, ‘zingkar iengkhawm thaw lo, suna um mei mei, zangtienga chawl’ ei ni deuh fur. Hnam hausa hle le hlawting ni ngai naw mei nih. Korean-hai khawm khi hnam taimaa hriet an nih. Japan-haiin kum 1910-a inthawk kum 1945 chen khan ramperin an awp a. Japan ramper rorelna chu khawvela a khir taka hriet a nih. Amiruokchu, chu chu hril ei tum nawh. Korean-haiin Japan-haia inthawka leson ropui tak pakhat an inchuk chu taimakna a nih. Kum 1997 khan Korea Foundation-in India rama mi pahni char Visiting Fellow dingin a laka. Chulaia pakhata ka \hang ve khiet a. Yonsei University, Seoul-ah thla 3 ka hang um a. Korea mihai hnam taima an ni zie mit ngeiin ka hang hmuh. Kan umna pa tlangval chu zing dar 5 le zan dar 9 hnunga naw chu, a hmel hmu ding a um nawh. Zing bu le sun bu chu an sinthawna hmuna an fak el hlak. An bu fak hun sung chu an hun awl nei sun a nih. Office-a sin an thaw lai inhmupui thei an ni nawh. A hmaa telephone-in appointment lo lak lawk hmasa a \ul hlak. Kan nupuinu leh Seoula kan um lai Rev Koh Hae Sung, \um khat laia Rengkaia ICI Assembly-a hung pa kha summer chawlin Seoulah hungin a mi hung zawng suok a. Nikhat pum hlum chu Seoul khawpui a mi fangpui a. A tamlem chu underground train-a kan fe a, kan sawl hle. Zanbu Kimpo Airport-a a mi fakpui a. Kan bu fak lai zingin, “Moksanim (Reverend), in ram hmasawna san tak hi iem ning a ta?” tia kan dawn chun, “Sin kan thaw nasaa, kan taimak lei a nih”, ti’n a mi dawn. Hnam taima le thawkrim hrim hrim chu hma an sawn naw thei nawh. Ei thuring tak khawma inrim taka fak zawng le hmu dingin a mi hril a nih. Sin thaw pei naw tu chun, a fak khawm fa naw raw se a ti \awl el a nih. Tirko Paula khawm kha Pathien thuhrila invak rawlai el chu a ni nawh. “Kan kutin kan nitin fak ding a them suok hlak” a ti kha tie. Mi thawlawm ringawta innghat chu a ni naw tawp el. Ama le a rawihai khan puonin dam an thui hlak ni awm a nih. A lekhathawna hai khawm a kohran phunhai kha mani intodel dingin a zirtir hlak. Tirko Paula missionary method hi entawn ding a nih. A fena tieng tieng local kohran an din pei a. Chuong kohranhai chu taksa le thlarau tienga intodel peiin a siem hlak. Pathien thu hi thlarau thil chauh a ni nawh a, taksa khawsakna khawm a huomsa a nih. Kuta sinthawtu ni inla, ofisia ziekfung chela sinthawtu ni inla takinning taka thaw ding ei nih. Kristien ringtu intihai lem chu ieng thawna kawnga khawm mi entawn tlak (role model) ni hi ei tum tlat ding a nih. Kei chu mi’n an thaw thei chu ka thaw thei ve ti hi ka dittawk ta nawh a,”mi’n an thaw thei chun, an thaw neka \ha lemin ka thaw thei” ti hi a ni lem tah. Ei khawvel chengna hi inelna khawvel (competitive world) a nih tah a, a ro no no suok a (survival of the fittest) a ni ta a. Lekha khawm a thiem thiem an dingchang el a nih. Lo sin thawna kawnga khawm mi taima le taima naw chu an hriet thei khawp el. Rampui arasi ek kai rak el hei \het dam chu huphur um tak a nih. Amiruokchu, chuong ang ram chu tielte bu le hmarchahai \hatna hmun a lo ni si. Mantik mantur senga ni tin nisa suok zuia thawtu chun kum tawpa kak zawn, silai zawn a thlo suok hlak. Mi taima chu mi inza um an nih. Mi taima chu mi tlawmngai thei an ni bawk. Ram riek ni sien, mi taimahai chu mi dang tho hma’n bu le hme an lo suong zo vawng hlak. Mi thawsa fak hi inzak um tawp a nih. Kutpar pangnga inkak seng seng mi hnung hnawt hi inzak um tawp a nih. Ei thuring tak khawmin i tu angin i sik ding a nih a ti el a nih. Chu umzie chu ei tu tlawm leh sik tlawm ei ta, ei tu rawn leh ei sik rawn ding tina a nih. Ei thuringin a theida tak hai laia pakhat chu thabona a nih. Thuvarhai bung ruknaah khan hieng hin an ziek a:

Mi thabo, ieng chen am i zal ding?I zal chu ieng tik am i tho ding?‘La hang zal met ka tih,La hang inhnar met ka tih,Kut hmasuiin, hadam takin,

La’n zam met ka tih’ i ti sung khan,Pasietna chun rukru angin,Hung nang thut a ti che a,Tlaksamna khawm ral angin,Hung nangching thut a ti che.

Pasietna le tlaksamna chu hmun hlaa um an ni nawh, i kawl hnai ela um an ni chu. Chuong ang bawkin, hausakna le hnienghnarna khawm hla taka zawng ding an ni bawk nawh. I thaw dinga um kha \ha takin thaw la, chu taka chun chawimawina a um a nih. Ziektu hmingthang hai chun vangneina an naw leh hlawtlingna ei ti hai hi ieng dang khawm ni lovin, thawkrimna le taimakna hming dang an nih an tih chu. Hlawtlingna hin kawitan lampui dang a nei nawh, taimakna ku hi a nih el. Abikin, eini tulaia inchuktuhai lem hi chu ei pi le puhai pielrala khawsa vawng ei ni tah. Upa tawng ang deuhin, keini hun lai hei ti ve khang lang inla. Kei lem chu matric candidate ka kai khan, pheikhawk (puon pheihawk) ka bun chauh. Pherzawl mahajon Muona dawrah ka pheikhawk ding kan zawng a, “Ieng number am i bun hlak a?” ti’n an mi’n dawn chun, “Ka pieng ka pata pheikhawk la bun ngai lo ka ni leiin, ieng number am ka bun ti ka hriet nawh” ti’n ka dawn. Hnathiel pheikhawk chawhma chauh daih bun hlakpa khan snicker dam ruol\ha le studenthai mi pek ringawt khawm bun seng lo ka nei tah hi, Pathien hi chu a va tha de aw. Ublei uba ba (God is good). Tulaia ei student-hai chu Vairamapur metropolitan city-haia mi neinunghai kaina college le university dam a ni tah. Amiruokchu, tu tieng tieng hin competitive ekzamna le university ekzamna haia hming inlang phak ei tlawm tah. Ei thluok hi Vaihai thluok neka hnuoi hnunga Pathienin a siem an nawh. Ui sa fa hlak hai ei ni a, ei thisen le ei thil hriet theina khawm an sang bik. Chubaka ui sa fa chu an \ha khawm a hrat bik an tih. Korea mi inkhel mihai khi ui sa deuh vawng ni’n an hril. Ei thluokhai hi ei hmang thiem naw lei chauh a nih. Eini lekha inchuktuhai hi puonthuo le ei inthawk suok ta rauh rauh si hin chu ngho var lu ei hawn naw khawma, sahki lu bek hawn dingin \hang lang ei tiu. Ei mipuihai hlak chun: En tum mihrang pasal tha, An Sinlung ram maksanin; Thlang tieng kawlrawnah an liem a, Ei ram sinin rinum an do- tiin Tlumte thlirin an mi lo thlir el si. Ei in lum, ei Sinlung ram maksana ei suok dawk ta si hin chu, ei hun hlu hai khawral mei mei ta nawng ei tiu. Ziektu H. Lalrinfela chun, “Eini inchukhai ta ding chun ei ziekfung hi ei chem le ei tuthlaw a nih a. Ei thluok hi ei lohma a nih a. Ei zirtirtuhai mi’n chuktirna hi hnuoi \ha (fertilizer) a nih a. Ei inchuklai bu hi thlaichi a nih a. Ei thlan far hi ei thlai ching hai ta dinga ruotui chawmtu \ha tak an nih; fak khawp ei thawsuok ngeina dingin, ‘ka tum ram an ru, sa ru’ tiin bei \ang \ang ei tiu” tiin. Ei thlaichi (inchuklai bu) hi Paite leipui angin, thlaichi dang dang ei ching rawn chun, ei thlai tak kha thlai dangin dip hlum rawi an tih. Chuleichun, ei thlai tak ei sapzek bu chauh thlur bing ei ta, par ding le ra ngei dingin enkawl ei tiu. Nitin hun thar peka ei um hi ngai hlung ei tiu. Napoleon Bonaparte chun ni khata darkar 18 sin a thaw hlak a; “Thaw ding ka nei naw lai khawmin, ka um \awk \awk hman nawh”, a la ti tho tho. Nitin dar 18 lekha tiem inla, ieng ekzama khawm ei hlawsamna ding san a um nawh. Pahom-in, “an hour to suffer, a life time to live” a ti angin kampeta \hang \ang \ang ding ei nih. I hlawtlingnaah nang chauh i lawm nawh a, i nu le pahai chauh khawm an lawm nawh a, hnam pumpui khawm an lawm a nih ti hre zing rawh. Hlawtlingna lampui hi an thir a, lam suk lam tung hraw a tul. James Dokhuma lem chun hlawtlingna thuhmahruoi chu thawkrimna le rinumna a ni a, a bung le chang khawm tuorna vawng a nih a lo ti hiel. Thabo ei um chun, thaw ro, tho ei ta, phaivanghai kuomah fein taimakna lesson va’n chuk thar ei tiu. (Saikhawpui 09-03-2017).

Bungheia nuorna nei Bodo haiin medical \hangpuina an hnawlGuWAHATI: Assam rama Bodo hnam haiin Bodoland ngenna a bung-heia nuorna an nei chu zani kha a ni 4 na a ni tah a, sawrkarin an ngenna a ngaisak hmakhat chu medi-cal \hangpuina khawm an pawm naw ding thu an hril. All Bodo Students Union (ABSU), National Demo-cratic Front of Bodoland-(Progressive) le People Joint Action Committee for Bodoland Movement

(PJACBM) hai hmalakna a tiemchin um lo bungheia nuorna chu an thaw a na, phing\am tuor leia damnaw hai khawmin \hangpuina an pawm naw ding thu hri-lin, Central le Assam state sawrkar chun an thil ngen thua \awngbau nei vat din-gin an ph<t. Bodoland hi Bodo hnam haiin kum iemanizat liem-tah a inthawk an ph<t ta a na, hi lei hin buoina khawm vawi tam tak Assam in a

tuok pha ta a nih. ABSU, NDFB le PJACBM \huoitu hai chun, Bodo hnam haiin

state hran an ngenna chu sawrkarin suktawp a nuom leiin a hrietnaw lui niin an

intum. Kokrajhar le Chirang, Baksha and Udalguri hai \hangin, Bodo Territo-rial Area Districts (BTAD) hmun tum tuma bungheia nuorna an neina a chun mi 2,000 neka tam an \hang a nih. Tuta nuorna an neina leia sawrkarin an thil ngen a ngaisak naw chun, Manipur a UNC hai thaw ang deuin economic blocade tiemchin um lova an la thaw ding thu Bodo Groups \huoitu hai

chun an hril. Bodo hnam hai chun Bodoland an demand el khelah, BTAD hmuna BTC sawrkar chun devel-opment a ni ding angin a thaw ngainaw niin an hril. Mi sangtel pungkhawm hai chun, hun sawt taka in-thawka an ngen Bodoland chungthua sawrkarin politi-cal dialogue a neipui hmak-hat bungheia nuorna an nei chu an sunzawm pei ding thu an hril.

Hmasawnna Thar3 THLA|Au(mArcH) 14, 2017THAWLENI (TuESDAY) NATIoNAL/INTErNATIoNAL & ADVErTISEmENT

LAkTAWI

kIPA THuPHoNTuchung 11th Manipur Legislative Assembly member ding kilhen na a gamsung leh lhangsung adeh a 59-Saikot Assembly Constituency sung a kikhelna pohdoh ding lunggel neijeh in Candidate kana hi na chung a lung leh tha, sum le pai, nei le gou, phat man tampi seng ho leh adeh a vote manlu tah eina peho chung ah Pathen min in kakipana sang tah kahin phong e. Sun le jan ngailouvin nang le kei phatchomna ding hilouvin gamsung a lung-gel thah leh khantouna thah pohdoh ding deicheh ihiuve ti kamun kakipana a sang de e. Chuleh Houbung hihen, Insung maicham hihen mimal taona hijong leh taona a eihin nungdel ho chung a jong kikipana alen e. Ipank-hom nau hi athon a chelou ding ahi tihi kakinep na len-pen chu hijng ding ahi. Itohkhom nasung uva seikhel bolkhel umkha teiding ahin hiche ho jouse a lhinglal nachung ah ngaidam kahin thum e. Tuchung ikitho khom sang uva maban a hatjo leh hoijo a gamsung khantou na ding a ikitho khom jing di-uvin jong ngehna kahin nei nalaije. Kakipah e

Date: 13th March, 2017 Sd/- Paokholal HaokipBJP Candidate, 59-Saikot (ST)

Assembly Constituency

FIELNAPathienin rem a ti chun kan naupa Tv. Solomon V. Hmar, s/o Lalvarkim, A.G. Road le Nk. Esther ramngaium, d/o (L) Buonglienkung, Dinthar Veng, Muolvaiphei hai Kohran Dan in March 15, 2017 (Nilaini) 11:00AM hin Rengkai ICI Biekin-ah an innei ding a ni a. An inneina mi hung uop ding le a lawmna program mi hmangpui dingin news tiemtuhai po po ngaina takin kan fiel cheu.

Date, Rengkai Fieltuhai-the 13th March, 2017 1. Upa Sangzuol 2. Lalvarkim 3. Upa Lal\halien 4. L. Hmingsang Joute

FIELNAPathienin rem a ti chun tarik 15th March, 2017 (Nilaini) hin kan naunu miss Esther ramngaium, d/o (L) Buonglienkung le mr Solomon V. Hmar, s/o Mrs Lalvarkim hai Kohran dan thienghlimin Rengkai ICI Biekin-ah kut insuina an nei ding a ni a. Hi ni ma chawhnung dar 1:00PM hin kan In Muolvaiphei (Dinthar Veng) ah INTHLANA hun kan buotsai a. Hi inthlana hunser mi hung hmangpui dingin Chanchinbu tiemtuhai po po Pathien hmingin ngaina takin kan fiel cheu. Mimal fielna a hrana siem a ninaw leiin hi fielna hi mimal tin fielnaa mi ngai pek dingin kan hung ngen cheu. Fieltuhai- 1. Mrs Laltlingzo (A nu) 2. Mr & Mrs Ramnghinglo (A papui)

PrESS rELEASEMipuiin sawrkar a an palai dinga an thlang, 11th Manipur Legislative Assembly Elec-tion le inzawma hlawtlingna chang hai popo Hmar Inpui GHQ chun lungril takin a lawmpui a, ram le hnam, a vote tu le a vote nawtu hai \hehran lo a, mipui ta dinga all-round development sin thaw dingin a ngen a, hmatieng pei ah ditsakna insangtak an hlan. Chu ruol chun Free & Fair Election a um thei ngeina dinga Nov. 22, 2016 a Hmar Inpui GHQ Executive Council Resolution No.3 le inzawma thusuok(ngenna le inhriettirna) siem a lo um tah inza a lo zawmtu hai chungah lawmthu a hril a. Hmun \henkhat ah bawsiet a um chu pawi a ti hle. Ram le hnam, mipui hmakhuo ngaituo a election policy/politics leia inhrietthiemnawna um hai khawm sukbo a ni theina dinga mitin hma la tlang seng dingin Candidate le Party tum tum supporter le mipui hai a ngen a. Inrem taka um tlanga, thil \halem ngaituo ding le “|hangruol hi hratna a nih” ti theinghil ngai lo dingin a ngen bawk.

Issued by:Information & media cell,

Hmar Inpui (Hmar Supreme House), General HeadquartersOffice: Hmar Secretariat, HSA Campus, Rengkai, CCPur, Manipur

Email: hmarinpui@yahoo.com PIN 795 128

IED leh pasal pakhat man

GuWAHATI: Indian Army le Assam Police han zani hmasa khan Barpeta district-a Goraimari hmuna dawr pakhat an dapnaah Improvised Explosive De-vice ( IED) bomb an dap-dawk a, dawr neitu leh an man. Dappui an thaw huna hin dawr sungah thil puok-thei 5, grams 500 vel senga rik ding an dapdawk niin official thusuok chun a hril. Mana um pa hi Barpeta Po-lice kutah an peklut.

ALASkA: US a Alaska hmuna chun thautui bar-rel 1.2 billion ding zet hmusuok a ni a, US-a din-gin \hang thum (kum 30) liemta sunga thautui hmu-suoka um tam tak a la nih. Thautui hi tulai hnai ela kha Alaska-a North Slipe hmuna hmusuok a nih. A hmusuoktu hi Spanish oil giant Repson (REPYY) le US partner Amstrong En-

ergy \hangruol hai an ni a, hi lai hmuna thautui lak-suokna hi kum 2021 a in-thawk \an thei ni dinga ring le, nikhatah thautui barrel 120,000 pei laksuok theia a um beisei a ni thu an hril. Alaska hmuna thau-tui hmusuoka a umna hi hieng companies pahni han Pikka hmuna thautui an hmusuokna hmuna inthawk miles 20 vela hla a nih.

Alaska hmuna thautui hmusuok Pakistan in kum 19 hnungah Census

ISLAmABAD: Pakistan chun kum 19 liemta hnun-ga a vawikhatna dingin intiempui (national cen-sus) thaw a tum. Census hi March 15, 2017 a inthawk sipai 200,000 hai \hang-puinain nei \an a tum. Census hi phase hnia nei ning a ta, May 25, 2017 ah zo ning a tih tiin Army spokesman Major General Asif Ghafoor le minister of State for Information Mar-riyum Aurangzeb han za-nita joint conference huna an hril. Census thawtu civilian

enumerators han In tin an sir huna sipai pakhat bekin an zui pei ding a nih tiin Mr Ghafoor chun a hril. Secu-rity forces hai hin enumera-tors hai venghimna sin chau ni lovin enumerators han data an lakhawm hai veri-fication thawnaah \hangpui an tih. Hi thila ding hin se-curity arrangement khawm siem fel vawng a nitah tiin a hril. Census thawtu ding hin sawrkar thawktu depart-ment tum tuma mi 118,918 ruot an ni a, training \ha taka pek an nih tiin Information minister Aurangzeb chun a

hril. Phase 1 hi March 15, 2017 a intahwk \an le April 15, 2017 a zo ning a ta, ni 10 hnungah April 25, 2017 a inthawk May 25, 2017 inkar sungin Second phase nei nawk ning a ta, infor-mation indiklo petu hai chu thla 6 sung jail intangtir le fine Rs. 50,000 inchawitir ning an tih tiin Aurangzeb chun a hril bawk. Pakistan in Census a thawna nuhnung tak chu kum 1998 kha a ni a, kha huna khan Pakistan-a mi-hriem umzat chu 180 mil-lion vela hisap a nih.

J&K a sarpanch a thisaa hmuSRINAGAR: April 9 le 12 haia Lok Sabha by-polls nei ding le inzawma silaia tin puma \huoihmang, sar-panch (village lal) Fayaz Ahmad Dar chu zanikhan a thisaa hmu a nih. Ahmad Dar a ruong chu Chewa Kalan area hmuna orchid a hmu a na, helpawl hai kaphlum ni dinga ring a nih. Tuta mi hi Lok Sabha by-polls nei ding March 9, 2017 a Election Commis-sion in notification an suo

hnunga inthatna tlung hma-satak a nih. April 9, 2017 hin Srinagar parliamentary constituency-ah by-polls nei ning a ta, April 12, 2017 hin Anantnag hmuna inth-langna nei ni bawk a tih. Sarpanch thata um hi Pulwama district, Anantnag constituency huom sunga um a na, hi constituency hi Chief Minister Mehbooba Mufti in nikuma Jammu and Kashmir Legislative Assembly-ah a lut san leia MP post a sukruok a nih.

Parrikar Goa CM dinga intiemkam dingPANAGI: BJP \huoitu le Union Minister Manohar Parrikar chu vawisun hin Goa Chief Minister dinga intiemkamna nei a tih. Par-rikar hi Union Defence Min-ister a na, Goa CM a ni thei-na dingin zanikhan PMO-ah inbanna a peklut a nih. Vawizantieng hin Par-rikar chu Raj Bhawan-ah Goa Governor Mridula Sinha hmaah intiemkamna nei a ta, Union Minister iemanizatin hunser hmang chu uop an tih. Goa a hin Assembly seat 40 a um a, BJP hin MLA 21 an nei leia sawrkarna an siem thei a nih. Sawrkarna siem thei dinga MLA 21 an um thu Governor kuoma an intlun hnungin, Parrikar chu Gov-ernor in CM mawphurna laa sawrkarna siem dingin a ko a nih.

Goa hmuna Assembly election huna khan BJP in seat 13 a hratna a chang a, Congress in seat 17 ah hratna a chang bawk. BJP in sawrkrna an siem theina ding hin Independent le po-litical party danga MLA 8 in an thlawp a nih. Parrikar in intiemkamna a nei zovin cabinet insiemremna nei ning a tih. Parrikar chu Goa Chief Minister ni dingin an ban ta leiin, Union Finance

Minister Arun Jaitley chu Defence Minister maw-phurna chel sa dinga ruot a nih. Thu lakna ringum taka inthawka thu ei dawng dan in, BJP hin politics ngirh-mun a la sukldanglam pei dinga hril a nih. Union Minister post cheltu dingin BJP sawrkarna hmuna CM pakhat tak Delhi a keilut dinga hril a na, chutaka CM ngirhmun cheltu dingin central a BJP \huoitu thun lut ni dinga hril a nih.

Pak. in ceasefire a bawsie nawkJAMMU: Darkar 24 sunga a \um hnina dingin zan-ikhan Pakistan sipai haiin ceasefire dan an bawsie nawk. Pakistan sipai hai chun 82 mm mortars le au-tomatic silai hmangin Line of Control (LoC), Pooch district hmuna Indian Army post an kap a nih. Inkapna leia thi le hliem an um nawh. Pakistan sipai haiin an kap le inruolin, Indian Army hai khawma umh-

mun inrem \ha in an kaplet ve nghal a, hun iemani chen an inkaptuo niin defence spokesperson chun a hril. Zani hmasak khawm khan hi lai hmuna um hai bawk hi Pakistan sipai haiin Mor-tar le automatic silai hman-gin an kap tah. March 9, 2017 khan Pakistan sipai haiin cease-fire dan bawsie in, Indian Army post an kapna ah Army jawan Deepak Jagan-nath Ghadge kaphlum a nih.

BJP in observers thar a ruotNEW DELHI: BJP Parlia-mentary Board chun Ut-tar Pradesh, Uttarakhand, Manipur le Goa hmun haia Legislature Party Leader ruotna ding le inzawmin zanikhan Observers thar a ruot. UP a dingin Infor-mation and Broadcasting Minister Venkaiah Naidu le party General Secretary Bhupendra Yadav hai chu central observers dinga ruot an nih. Union Minister Naren-dra Tomar le party leader Saroj Pandey hai chu Utta-rakhand a central observers dinga ruot an na, Manipur a central observers din-

gin Union Minister Piyush Goyal le party leader Vinay Sahasrabuddhe hai ruot an nih. Goa a dingin pakhat chau ruot niin, Union Min-ister Nitin Gandkari chu central observer ning a tih. Observers hai hin re-port an peklut haia inthawk Chief minister ding thlang ning a ta, CM ruottu ding chu BJP President Amit Shah ning a tih. Hieng ob-servers dinga ruot thar hai hin an mawphurna state hai hi sir \an nghal dinga ti an na, Board meeting chun Sukhma attack leia CRPF jawan thi hai s<nna hun an hmang bawk.

Hmun tum tuma Holi hmang a nihNEW DELHI: Holi (festi-val of colours) chu zanikhan India ram sung le khawvel hmun tum tum haia ursun taka hmang a nih. Holi chu Nipui tlung ding laia \hatna in suol a hnena nia hmang hlak a nih. President Pranab Mukherjee, Vice President Hamid Ansari le Prime Minister Narendra Modi haiin Holi lawmna chibai India mipuihai an b<kna thu an puong. Holi chu Nipui tlung lawmna le hringnuna beisei puitling hai puong langna nia hmang hlak a ni thu President in a hril. Holi

hmangna chun India mipui-hai laia inlaichinna \ha lem an tlungtir a beisei thu le, hi ni hin ei lawmna hai mirethei hai kuoma khawm sem ve a pawimaw thu President chun a hril. Vice President Hamid Ansari chun, Holi chun boruok tlawma a lum deu ding a suklang thu le, suol-na chu \hatna in a hnena nia hmang hlak ani thu a hril. Holi chun inremna, thlamuongna, hlawtlingna le lawmna mitin ta dinga an tlun a ring thu a hril bawk. Twitter hmanga Prime Min-ister Narendra Modi in thu

a hrilna a chun, Holi chun lawmna le boruok \ha tak India mipuihai ta dinga an tlungtir a ring thu a hril. Khawpui le tlangram khuo hmun tum tuma hai chun, rawng innal le tuia siema inkap tam tak an um a. Motor tlan le service dang dang hai khawm mipui tam leiin khawpui \henkhat haia a sukbuoi pha hle. Delhi hmuna chun metro service chawhnung dar 2:30 PM chen sukchawl a na, Air-port Express Line le service iemanizat hai chu zantieng dar 2:30 PM a inthawkin an service \an tawl chau a nih.

China in marine corps suklien tumBEIJING: China sawrkar chun a hmasatakna dingin ma-rine corps 20,000 a nei mek chu 1 lakh a suklien a tum thu a hril. Pakistan hmuna Gwadar port le Indian Ocean a mili-tary logistics base \hangin rampuo tieng hmun hran hran hai ah marine corps lak thar hai chu tir ning an tih. China in tuipui \hangsana ‘lifeline’ a nei humhalna dinga hi thil hi a thaw tum a nih. Rambung danghai le inza-wmna an nei hai sukhratna ding khawma hmang a ni ding thu Hong Kong hmuna South China Morning Post report chun a tarlang. Gwadar port hi China in Persian Gulf a inthawka thautui phurlut le phur suoknaa a hmang hlak a na, mainland firms enkawlna hnuoia um le China in ama sum senga a bawl a nih. Lawng chawlna hmuna chun PLA installation um naw sien khawm, China Navy hai lawng a ngir vat ta ding a nih. Gwadar hi China le Pakistan rambunghai insumdawng-tuona a hmang a na, PoK a inthawka China Xinjiang fena a hmang niin, China-Pakistan Economic Corridor (CPEC) hming chawia ko hlak a nih. Chuong lai zing chun, Pakistan sawrkar khawmin sipai 15,000 umna ding Special Security Division a siem \an mek thu a hril. Pakistan chun CPEC humhalna dinga SSD chu a siem niin, Pakistan Army a inthawk 9,000 le Para-Military Forces haia inthawk 6,000 a lakkhawm an nih.

Ngamantu han protest an chawlsan CHENNAI: Sri Lanka Navy haiin Tamil Nadu Ngamantu an kaphlum leia Fishermen Associa-tion haiin protest an thaw chu zanikhan an chawlsan tah. Ngamantu kaphluma um chu Britjo a na, a ruong an hmu ta leia protest an nei chu an chawlsan a nih. Ngamantu pawl hai chun Union Ministers Nirmala Seetharaman le Pon Rad-hakrishnan hai zanikhan Ramanathapuram hmunah inbiekpuina an nei. Sri Lanka Navy haiin Ngamantu an kaphlum an dem zie suklangna a Nga-

mantu pawlin protest an thaw chu ni 6 a tling hman a nih. Union Ministers hai chun Ngamantu pawl hai chu an harsatna sukbo dan lampui ngaituopui dinga in-tiemna an nei. Ngamantu le an lawng Sri Lanka in a hrentang mek hai insuo an ni theina dingin, Union Ministers hai chun Sri Lanka sawrkar le inbiek-na nei a ni ding thu an hril. Kaphluma um Britjo a sung-hai in a ruong lak an nuom nawh a, liemtah March 7 a inthawk khan Ngamantu pawl mi sangtel hai leh pro-test an nei \an a nih. Jamaat-ud-Dawah hotu dingin Rehman Makki ruot

LAHorE: Pakistan be-sana helpawl siem Jamaat-ud-Dawah \huoitu dingin Hafiz Saeed a tarpupa (a nuhmei unaupa) Hafiz Abdul Rehman Makki chu zanikhan ruot a nih. Jamaat-ud-Dawah \huoitu ni lai zing Hafiz Saeed chu Mumbai terror attack leiin Pakistan sawrkarin house arrest in a sie a, chu leia a tarpupa hi ama ai-awtu din-ga ruot a nih. Hafiz Saeed

hi luman $2 million nei lai mek a nih. Makki hi JuD-ah second in command ni lai mek a na, zanita \huoitu lutak dinga ruota a umna chu a lak ng-hal a nih. Saeed chu house arrest, Lahore-a sub-jail anga ngai-a um mek a na, hi hma po khan In-a inthawk ro a rel hlak a nih. Makki hin tuta inthawk chu JuD rorelna taphawtah mawphurna a lak vawng

ta ding a nih. Saeed a ruol hin Falah-e-Insaniat (FIF) \huoitu 4 hai khawm Janu-ary 30, 2017 khan Pakistan sawrkarin house arrest in a sie ve a. Pakistan sawrkar chun, Anti Terrorism Act 1997 a section 11-EEE(1) hnuoiah ni 90 sung helna siemtuhai house arrest a sie theina dan a nei a nih. National Security Council thurel dungzuiin mawphurna thlak a ni thu Federal interior minister, Chaudhry Nisar Ali Khan chun a hril. Saeed le JuD le FIF member 37 hai chu ‘exit control list’ a sie niin, Pakistan an suoksan phal lo an nih. Saeed hi 2008 a Mumbai attack maw-phurtua intum a na, Unites States in a luman $2 million a puong a, Makki khawm hi luman $2 million nei ve tho a nih.

odisha-ah BJD in ZP district 18 ah an

siemBHuBANESWAr: Odis-ha hmuna Zila Parisad inth-langna result chu zanikhan puong a ni a, sawrkarna siemtu BJD in district 18 hai ah hratna changin Zila Parisad an siem. BJD dawt-tu chu BJP niin district 8 ah hratna an chang a, Con-gress in district 2 a chau hratna an chang thung. Odisha a district 30 hai laia 28 haia Zila Parisad President election hi nei a nih. Malkangiri le Nuapada districts hai chu Court thu-pek anga inthlangna la \hul hri phawt a nih.

Srinagar-Jammu NH khar nawk

SRINAGAR: Jammu and Kashmir state le India state danghai thlung zawmtu umsun, Srinagar-Jammu National Highway chu mimkei leiin zanikhan khar nawk a nih. Highway hmun hran hrana hai chun ruo le v<r inpawl a sur deu zing a, hmun tum tum ah mimkei a tlung pha a nih. Highway khar a ni leiin, motor lut le suok a um thei naw a, traffic haiin mim-kei leia lam chim hai chu siem \hatna sin an thaw. Srinagar-Jammu National Highway chu ni 4 sung khar a ni hnungin Pathienni khan hawng a na, nikhat chau hawng a ni hnungin mimkei lei bawka khar nawk a nih.

Gay teacher a banBENGALURU: St Jo-seph’s College’ Bengaluru a English teacher Ashley Tellis chu gay a ni leiin college thuneitu haiin an ban. Ashley Tellis chu As-sociate Professor le LGBT rights activist khawm a ni a, student hai laka mawilo taka a che hlak leiin, col-lege dan kala puong a ni leia ban a nih. Ashley Tellis chun stu-dent hai a sukbuoi hle hlak thu a hril a, student hai chawkbuoi chu teacher sin a ni thu a hril. Student chu chawkbuoi a ni naw chun, iengtinam a ngirhmun suk-danglam thei ei ta? Student hai ei siem danglam theina ding chun ei chawkbuoi

phawt a ngai a nih. Chu chu student hai hmakhuo ngai-na lei a na, teacher banna ding an nawh tiin Ashley Tellis chun huoisen takin a nina chu a ngirpui. Chuong lai zing chun, college thuneitu hai chun Ashley Tellis chu Novem-ber, 2016 a thla 6 sunga dinga contract a an lak niin an hril a. Interview a hma-suon lai khawmin, college thuneitu haiin a chunga ieng ang rorelna khawm siem hai sien, a pawm ding thu in-tiemkamna a nei thu an hril. Ashley Tellis chun a chungthu chu social media hmangin a suklar a, college chu inhnelna hmun mei mei a ni thu a hril.

Facebook le FlipkartNEW DELHI: Facebook le Flipkart hai chun an \hangruol ding thu zanikhan an puong. Thutlukna an siem dungzuiin, Flipkart Apps le website hmangtuhai chun network \hatnawna hmun le, smart-phone man tlawm chawi haiin updates huna net chau leia buoina an nei hlak chu a sukbo ta ding a nih. Flipkart le facebokk \hangruol lei hin mi tam tak buoi-na a sukbo dinga ngai a na, Apps update \ul hai khawm skip thei ni tang a tih. React Native hming chawi platform pakhat siem ning a ta, Apps hmangtu haiin an thil inchuk hai in share tawn thei an ta, product an nei hai developer community le midang dang hai hmu theiin an suklang thei ta bawk ding a nih. Hi thil thawna ding le inzawmin, developers hai chun hmalakna an fepui mek a. An \hangruolna dinga pawimaw le an tum tak chu Network \hat nawna hmuna website le Apps hai awlsam taka inhmangtir a nih. Chu thil chun data charge khawm suktlawm pha bawk a tih. September, 2016 chen khan Flipkart hin 100 million registered member a nei tah a, chuong hai chu a tlangpuiin mobile hmanga website lut hlak an nih. Flipkart hmangtu hai laia 70 million vel chu Flipkart Lite Apps nei lo an na, customer tam tak chu 2G data hmangtu an ni bawk.

LAWmTHu HrILNAInhnawm harsa ka tiin ka tawl a na hlak a. A chang leh ka kawng a na a, kan hnawmna a inthawk thisen a suok hlak a. MV Azad Phusam ka pan a, a mi enkawl a inthawk ka hung dam ta a. Ami enkawl damtu chungah hin lawmthu ka hril. a pan nuom han Old Bazar, Teddim Road, Near ICI Church Road-ah pan thei le contact Nos. 8014025567/ 7628890261 haiah ngaiven thei a nih.

Sd/- JamchinthangPearsonmun

Doctorate degree hmu thar

SHILLoNG/GuWAHA-TI: Nk. Teresa L. Khawza-wl, d/o T. Khupa Hmar of Mahur Garden, Dima Has-ao, Assam chun March 10, 2017 khan NEHU, Shil-long hnuoiah Doctor of Philosophy (Ph.D) a hmuh. A Thesis chu- “Women’s Role in Decision Making at Household Level – A Study of Hmars in Dima Hasao District, Assam” ti a nih. Nk. Teresa L. Khawzawl hi Collton College State University-ah Department of Anthropology, Guwaha-ti-a Assistant Professor sin thaw lai mek a nih. (Virthli)

Hmasawnna Thar4 EntErtainmEnt / SportSTHLA|Au(mArcH) 14, 2017THAWLENI (TuESDAY)

Emma Stone: Ryan le Eva kan \hetir nawhLoS ANGELES: Oscar award winner Emma Stone chun a changpui Ryan Gosling le a ngaizawngnu Eva Mandes hai in\hena dingin iengkhawm ka thaw nawh, tiin mi tamtak le tlâng thuthang anga an hril chu an dik naw zie a hril. In Touch magazine-in “Eva le Ryan an in\hena dingin Emma Stone chun Eva kuomah insiekieng dingin a hril” tia a ziek chu bêlchieng dâwllo a nizie a hril a. Film pathum lai an chang kawp tah hnung lem chun Emma hin a dit ta hlea, an kârah chemistry iemani tak a um ta leiin Eva a inthawka lâkpêk a tum anga hril chu khel niin a hril. Oscar award an dawng lai le film an chang kawp hun sung po po khawm

Ryan kuomah a um zing theina dingin Eva Mandes a helpui hlak niin a hril bawk a. Emma le Ryan inlaichinna a \hat pei leiin Eva lungril khawm a sâwl hle niin a hril bawk. “Oscar award ceremony ah khawm

kei leh nih lovin Eva le fe kawp an nih” tiin Emma chun a hril bawk. Ryan le Eva kar thu khawm a tha ta naw leiin Oscar award ceremony ah khawm Eva \huoi lovin a unaunu Mandi a \huoi tah

lem a nih, tiin Chanchinbu chun a ziek bawk a. Emma chun, a unaunu a hung \huoi ngeia chu asan nia an hril hi khêl a nih, tiin a hril bawk. “Ryan hin Eva kuomah \hanglo dingin a ti nawh a, 2012 daia inthawk khan an inhmu ta ngai naw rêng a nih. Red carpet khawm an hrâw dun ta nawna san chu an film an promote lei a nih a. An inlaichinna Red Carpet-a pholang kher \ul an ti naw lei a na, an kar thu sietna ka hmu nawh” tiin a hril bawk.Eva Mandes ruok chun, “Miin an mi hriet chieng nawna chu ina um inhawi ti mi ka ni a. Red Carpet hrâw mei mei nêkin ina um, ka rawihai le um inhawi ka tih lem dai ” tiin a hril.

Anna Lynn McCord Suollui A Ni Thu Puong

LoS ANGELES: Anna Lynn McCord chun kum 18 a ni laiin suollui niin an hril. “The Night Shift” changtu Anna Lynn hin International Women’s Day nia BBC le interview an thawna chun, a ruolpa pakhatin kum 8 a ni laiin a suollui niin a hril. Atlanta, Georgia-a pieng Anna Lynn chun Los An-geles ah career siem dinga a hung laiin, a ring nawna hmun tak, ama chêngna In ngeia suollui a tuok a nih. “Hmun \ium suollui dinga ngaina hmunah ni lovin, ka chêngna in ngeia suollui ka nih. Ka ruolpa chu umna ding in a nei naw leiin ka inah a hung a. Tawite inum-tir dingin a mi ngên a. Zan khat chu ka hriet naw kârin Southern hospital ah ka \hanghar a, ka ruolpa chun a mi lo zalpuia, ka sûngah a lo lûta, ka sungtieng po po hi a na vawng el a nih” tiin kum 29 ni tah Anna chun a hril. “Kum 10 sung chu ka

thiemnaw leia ngaiin ka to \awk \awka, ka bei let nawh a. Sexual abuse tuor dan chu to \awk \awka tuor ding ka sâwna, a tlung naw anga ngaia hringnun hmang tung pei tumin ka um a. Amiruokchu, ka hringnun (living) chu an thim em em a. Mani inthat nuomna chen a um a. Mani insuksietna \ha lo tak a nih. Bei let ding chi lem a nih” tiin tuhin chu 2014 a inthawk khan Cam-bodia sex trade-a mihai le suolluina tuokhai \hangpui-na dingin charity nasataka a thaw tah thu Cosmopolitan kuomah a hril. “Ni tinin human traf-ficking dodalin suolluina tuokhai \hangpuina dingin ka hun ka hmang tah hlak. Ngai an aw nâwkna dingin kan \hangpui hlak. Rawl i nei a, khêk suok rawh, insungahai intawm ringawt el ding an nawh, khêk suok a hun tah” tiin victim hai chophurna dingin BBC a hril.

Angelina Jolie pasal dang leh lengLoS ANGELES: Brad Pitt le an in the hnungin an nauhai po enkawlin Cambodia ramah a film promote-in hun a hmang zing laiin Angelina Jolie chu pasal dang leh hmu kawp an nih a. Mita hmutu le an thla lo latu chun an inpâwl nel ta hle niin a hril a. A hril dan chun iem Reap, Cambodia hotel pakhatah an tlung kawp a, a nauhai Knox le Vivienne hai kuoma khawm an hmelhriettir tah niin a hril. Angelina Jolie chu hi pa le hin a hlim em em a. Seng Nam lunghlu zawrna dawr ah lûtin 18-karat gold $260 (Rs. 17,420 vel) man ding Jolie le kum 8-a upa Brad Pitt le an nau inphirhai ta ding ve ve an chawkpek a nih. Dawr nghaktu hril dan chun, “Angelina Jolie chu

ENGLISH PREMIER LEAGUE:

Georginio le Emre Can goal khat ve ve hmangin Liverpool chun Burnley an hneEnglish Premier League fe mekah Pathienni zan khan inkhel pakhat a um a, Liv-erpool chun Burnley an lo mikhuol a, Georginio le Emre Can goal khat ve ve hmangin 2-1 in an lo hne.Inkhel \an chara inthawk minute 7 naah mikhuol tieng Burnley chun Ashley Barnes hmangin goal an thun nghal a, chu goal bat chu Liver-pool chun Georginio hman-

gin minute 45 naah an rul kir a, half chenah 1-1 in an

inhne tawk hri a nih. Half hnung minute 61

naah Emre Can chun Liver-pool ta dingin a hung thun leiin le hun tawp chenah goal dang a lut sap ta naw leiin Liverpool chu 2-1 in an hrat sawng ta a nih. Tuhin Liver pool hi Ta-ble-ah palina an ni mek a, Leader Chelsea nekin point 11 in an tlawm lem. Burnly hai ruok chu point 31 neiin a sawmpahnina an ni mek ve thung.

FA Cup Quarter Final:

Heung –min Son Hattrick hmangin Tottenham chun millwall an sawp

Football Association Cup Quarter Final inkhel pathumna chu Pathienni zan

khan Tottenham le Millwall haiin an nei a. Tottenham chun 6-0 tawpin an sawp.

Inkhel \an tir hin a tu tieng tieng khawm goal thun el thei an um naw a, anchu minute 31 naah Christian Ericksen chun Tottenham ta dinga goal hmasa a hung thun a chu hnung minute 10 a liem chauin Heung-Min Son chun goal dang a hung thun sa a, half chenah Tot-tenham chun 2-0 in hma an \huoi a nih. Second Half in\an hlim minute 54 naah Heung-Min Son bawkin goal dang a hung thun a, Minute 72 naah England rawlthar

Dele Alli chun goal pak-hat a hung thun ve nawk a, chu hnung minute 79 naah Vincent Janssen le Heung-Min Son haiin goal dang an thun sa leiin Tot-tenham chu awlsam takin 6-0 tawpin an hrat lem a, Manchester City le Arse-nal hai zawmin Semi Final an inhlangkai ve ta a nih. Tuhin Manchester City le Arsenal hai Semi Final an lo kai ta a; Manchester United le Chelsea pakhat lem lem hung kai nawk bawk an tih.

SPANISH PREMIER LEAGUE:

Barcelona chu Deportivo lakah tlawmin Real Madrid hai pakhatna an inhlangkaiSpanish Premier League Super Sunday inkhel pathum um laiah pakhatna ni mek Barcelona chu De-portivo khelmuolah an va mikhuol a, inkhel va thu-nun hle hai sien khawm an va hrat zo nawh. Minute 40 naah Joselu chun Deportivo ta dingin goal a thun a, chu goal chu Luis Suarez-in Half zo char minute 46 naah a hung rul a. Anachu min-ute 74 naah Alejandro chu muolneitu tieng ta dingin goal dang a thun sa a, Bar-celona haiin goal an thun sap ta naw leiin Deportivo chu an hrat sawng ta a nih. Hi dungzui hin Barcelona chun Table-ah pakhatna an inthla dawk a, Deportivo khawma relegation zone an hlat deu deu a 15-na an inh-langkai. Barcelona hin ball an chang rawn hle a, 71% hiel an chang phak a nih.

Anachu a vangduoi lemah an \hang ta a nih. Inkhel dangah Celta Vigo chun Villarreal an lo mikhuol a, mikhuol tieng Villarreal chun vangnei thlak takin 1-0 in an va hne. Hi taka goal umsun le hratna goal thuntu hi Ro-berto Soldado a nih. Ama hin minute 45 naah hi goal hlu tak hi a thun a nih. Anni hi an inhnetawk cher cher hle a, Villarreal tieng hin

ball chang tlawm lem met hai sien khawm a vangnei lemah an \hang a, point hlu tak pathum an hlawdawk a nih. Villarreal an hrat lei hin pangana an inhlang-kai a, Celta Vigo ruok chu tuhin 11-na an ni mek. Season hun sung a tam lem pakhatna hluotu Real Madrid chun Real Betis an mikhuol ve a, Cristiano Ronaldo le Sergio Ramos goal hmangin 2-1 in an lo

hne. Hun hmasa tieng Real Betis ta dingin Antonio Sanabria chun goal a thun a, chu chu minute 41 naah Ronaldo chun a hung rul a. Half chenah 1-1 in an inangtawk hri a nih. Chu hnung chun goal thun bik um lovin an inkhel char char a. Minute 78 naah Real Betis tieng Cristiano Piccini chun Red Card a hmu a, chu chu hmang \angkaiin minute 81 naah Real Madrid Defender goal thun thei Segio Ramos chun goal pakhat a thun a, chu chu an hratpui ta a nih. Barcelona an lo hrat naw bawk leiin pakhatna ngirh-mun an hung hluo nawk ta a nih. Tuhin Real Madrid hi inkhel 26-ah point 62 neiin pakhatna an ni mek a, inkhel 27-ah Barcelona chun point 60 neiin pahnina an ni mek bawk.

Tv Solomon V. Hmar nuhmei a

nei dingccPur: Pathienin hla tamtak hmanga a dawn tlei le mal a sâwm, tulai Hmar \hangthar laia Pa-thien hla phuok thiem, a hla phuokhai hring le inlâr tak tak mi tamtak chawmtu, Tv Solomon V. Hmar, AG Road-a Pi Lalvarkim naupa chun a hmangaitak Nk. Es-ther Ramngaium, famtah Pu Buonglienkung Buon-gpui naunu, Muolvaiphei chu March 15 (Nilaini) zing dar 11:00AM khin Rengkai ICI Biekin-ah Kohran dan thienghlimin a nei ding a nih a. Chanchinbu tiemtu-hai po po an inneina hri-epuia lawmpui ve dingin ngainatakin Pathien hmin-gin a fiel.

Olympic Gamesa vawith-um zet silver medal latu Lee Chong Wei chun men’s single inelna-ah, title palina dingin Pathienni khan All-England Open men’s single title chu alo lak tah. Malaysian superstar Lee Chong Wei hin a fourth title lakna ding hin Chinese bad-minton player Shi Yuqi chu 21-12, 21-10 in a hne a nih. World No.1 Lee-in Title vawili zet alakna hin, Kuala Lumpur a coaching director sin thawtu Morten Frost in record alo siem chu a hung in-angpui ta a nih. Lee hi tu-lai huna dingin champion la theitu hai laia player upatak a hung nita a nih. Hratna a chang zo hin, a ke nat leiin Birmingham a hung naw vang thu hrilin,

hienga hratna a hang chang ding hi a suongtuona khaw-min a phak naw thu a hril. “Kan khel tawpnatak ani el thei leia hung inkhel ka nia, hratna ka hung chang el hi mak ka tiin ka lawm hle a nih,” tiin a hlim thu a hril.

Lee Chong Wei in: Vawi 4na din-gin All-England Open Title lak

America Got Talent Host Dingin Tyra BanksLoS ANGELES: Tulaia TV show inlâr em em America Got Talent-a host thar dingin America Next Top Model-a hnesaw taka lo host tah Tyra Banks chu ruot a nih. Tyra Banks hin NBC competition series AGT season riet (2009-2016) zet lo host tah Nick Cannon thlâk a tih. Host thar dinga ruot a nîna le inzawmin Tyra chun, “Naupangte ka nia inthawkin mihai sukhlim thei, theina danglam tak neia thil theilo dinga inlang thaw thei hlakhai hin an mi chophur thei em em hlak a, ka ngaisang hle bawk a. America Got Talent-in chuongang mihai chu pholanga, an theina po po hmanga thil ropuitak tak thawa sungkuo tin hlimna

le lawmna an intlun thei hi ropui ka tih a. Chulaia role pakhat ka lo play ve chu ham\ha kan tih” tiin a hril. A appointment hi social

media ah share-in, “Look-ing forward to connect with the dreamers! “Surprise! TyTy is the new host of #AGT. Can’t wait 2work w/

new fam @OfficialMelB @howiemandel @heidiklum & @SimonCowell” tiin a post. Howie Mandel, Heidi Klum, Simon Cowell le Mel B hai hi Judge nîng an tih. Tyra ti lo, host dinga Top 3 candidate chu Marlon Wayans, Brandon Mychal Smith le Tone Bell hai an nih a. Marlon chun hlâw a ti tam taluo a, Brandon chu producer \henkhatin an dit nawh a, Tyra Banks an thlang tah a nih. Shooting hi kar liemtaa kha \an tum a nia chu Mel B sûnghai thina leiin an \hul a. Host ding a um naw bawk leiin châwl a nia, Pathienni khan Tyra Banks confirmed a ni thu Howie Mandel-in a puong a. Season 12 chu sunzawm nâwk a ni ta ding a nih.

Bipasa Basu Rs.20 Lakh Pek Ding Phut

LoNDoN: Bollywood star foreign tienga sirbi siem \an tum ve mek Bipasa Basu chu, ni khat laia London ah show neina ding le inzawma, pawisa a lak vawng hnungin program a \hul a, staff tamtak lungril

sawla siemin pawisa a min seng thlawntir tia event organiser Gurbani Kaur hril le inzawma Bipasa-in ama invêngna dinga open letter a siem nâwk chu a lakkir naw chun a chungah case an siem khum dingin niin

event organiser Gurbani le Ronita Sharma Rekhi hai chun an hril. L o n d o n - a e v e n t huoihawttu Gurabani chun, “Bipasa Basu hin thutiem a nei vawng hnungin a program a hung cancelled a. A thiem changna dingin open letter an suo a. A program kan buotsaipeknaa kan sêngso po po Rs. 20 lakh ($25, 000) hi ni 7 sunga a mi rul naw chun a chungah case kan siem ding a nih” tiin a hril. Hi buoina le inzawma evidence tamtak, Bipasa suksuolnahai an nei vawng niin London-based Indian event organizer chun

a hril. Gurbani Kaur chun, “Bipasa le Karan Singh Grover hai hin an mi sukmuolpho el chau ni lovin pawisa thila khawm an mi hlêm a nih. Open letter a siem lem hin chu kan hming le nîna (reputation) a suksiet nasa em em a, defamation case siem thei kan nih. Sawisaka uma an hrilna hi khêl vawng a nih. Keini a nih a mi sawisak tak chu. Kan thuhrilhai fiena ding evidence kan nei vawng. A thil thaw dan hi a professional nawh a, a \awngbau suokhai hi a ethical naw hle” tiin a hril bawk.

Lewandowski: 100 Goals

Bayern Munich chun Rob-ert Lewandowski goal hni hmangin Eintracht Frank-furt 3-0 in an sawp a, match dangah RB Leipzig le Borussia Dortmund hai an hrat naw leiin Bundesliga season fe mekah point 10 in hma an \huoi. Inrinni zana Allianz Arena-a an inkhelna khan, Lewandowski-in minute 38 le 55-ah goal thunin, Douglas Costa in goal khat a thawlawm ve a nih. Po-land international striker Lewandowski hin tuta sea-son-ah hin league goal 20 thunta-in, kum 2014 June thlaa Dortmund a’nthawk Bayern Munich a zawma inthawk khan match 136-ah goal 100 a thun tling ta a nih. Kum 28-a upa Le-wandowski chun, “Goal ka thun zat hin ka lawm thei hle a, mimal hming\hatna siem hi ka thil tum-

tak an nawh. A pawimaw tak chu kan team-in point kan hmubel hi a ni a, tuhin league table chung taka kan um thei hi ka lung a awi tawk hle a nih,” tiin a hril. Match dangah, Dort-mund ta dingin Pierre-Emerick Aubameyang chu tuta season fe mek, match hran hrana mi belkaw-pin goal 32-na thun sien khawm Hertha BSC lakah 2-1 in an tlawm lem a nih. Champions League last 16-a Benfica 4-0 a sawp thei Dortmund hai hi Bundesliga-ah pathumna hmun an hluo mek a nih. Kaithar Leipzig hai khawm Wolfsburg hai lakah 1-0 in tlawm lemin, Wolfsburg goal nei sun hi Mario Gomez thun a ni a, beisei neka season hmang \ha Leipzig hai hin hma\huoitu Bayern lakah point 10 in an inhuoilem a nih.

Andy Murray in World No. 129 hnelo

Indian Wells Master fe mekah, Andy Murray chu a game hmasataknaa din-gin hratna a lo chang zo ta nawh. Britain tlangval Mur-ray hin a khingpui Vasek Pospisil lakah hin 6-4, 7-6 (7-5) in a tlawmlem a nih. Tukum ATP Tour 1000 events hmasatak Indian Wells Events-a hin world number hi first round-ah bye-a tla-in, second round-ah a khingpui Pospisil hi kha hma khan vawli a lo intlawm ta leiin hrat nawk ngei dinga ngai a ni a, amiruokchu, beisei angin thil a thlung ta naw a nih. World number 129 Pospi-sil hin Murray service hi vawi nga zet la pekin a vawikhatna dingin an tlawm a nih. Kum 29-a upa Mur-ray chun, “A lungnat tlak

takzet a, set hmasatak kha la thei ngirhmun a um ka ni a, a hun lo taka double faults ka nei leiin ka turta a nih. Kan khel \hanaw ti hi ka pawm a, ka service ka hum theinaw kha thil pawitak a ni,” tiin a hril. Murray hi tukum hin beisei a phak naw hle, Grand Slam hmasatak-Australian Open-ah round of 16 paltlang zo lo a umin, tournament pali inkhelta-in Dubai Duty Free Champi-onships chara ala champion a nih. Match dangah seeded pasari-na Jo-Wilfried Tson-ga chu Fabio Fognini lakah 7-6, 6-3, 6-4a tlawm le-min, seeded pathumna Stan Wawrinka, Gael Monfils (10) le David Goffin (11) hai ruok chun vangneitlak takin hratna an chang.

Ed Sheeran, Game of Thrones ah Chang DingLoS ANGELES: HBO show inlâr em em “Game of Thrones” fe mek season 7 ah British hlasakthiem Ed Sheeran chu guest appearance nei dinga sukfel a nih tah. Game of Thrones buoipuitu David Benioff le DB Weiss hai chun co-star Maisie Willimas le Sophie Turner hai umlai, Austin Texas ah hi thu hi an puong a nih. “Kum tamtak el Maisie surpr ise-na dingin Ed Sheeran hi laklut kan tum tah hlaka chu kan la thei nawh a, tuhin chu kan thei tah a nih” tiin a hril. Ed Sheeran \hangna ding role tak hi hrietchieng a la ni nawa chu, season tâwpna tak ni dinga ring a nih. Season 7 chu July 16, 2017 a inthawkin insuo \an nîng a ta, entuhai inlau ang ngeiin

Season 8 chu episode paruk chau neiin a tâwp ding a nih. Hienglai zing in Game of Thrones mipui en hlâw le ngaisang em em laiin final season-a changtu dinghai le story fedan ding nasataka hriltlâng a la nih zing a. Entertainment khawvêl po poa thil fedan ang thovin, a \ha tienga chang ding le role thalem inchunain director hai a sukbuoi ve tho a nih. Hi thila hin Ed Sheeran ruok chun comment iengkhawm a la pek nawh.

ni kum hmasak 2015 le 2016 haia film an hung siem khan ka lo hmu tah a. Tuta pasal pa ruok hi chu ka la hmu ngai nawh” tiin a hril. Angelina Jolie hin a film “First They Killed My Father” ti promote dinga Cambodia inzin a nih a. Brad Pitt le an in the hnungin a

nauhai \huoia an zin suokna hmasatak a nih a. Brad Pitt le an nauhai ngei ngei khawm an pa Brad Pitt inhmutir a nuom naw laia pasal hmelhrietlo pakhatin an nauhai nel taka a lengpui hi Brad Pitt-in a hriet pha pha chu a lung sen hlêng a tih, tiin mita hmutu chun a hril bawk.