1

1. 1

SINDICATO DI MAESTRO DI ARUBA

334

Directiva di

SIMAR ta percura pa

mantene nos

miembronan bon

informa cu

informacion

importante den

mundo di enseñansa,

den nos Mensahero

cu ta sali tur luna.

Corda lesa nan!

Señora Digna

Lacle a duna nos un

entrevista cu hopi

informacion di antes.

November 2010

SIMAR tin su WEB-SITE awor y como introduccion di esaki

nos kier a parti pa ultimo biaha e Mensahero 334 como un

‘hard-copy’ di scol pa scol. Directiva no kier keda atras cu e

tecnologia actual, p’esey di awor en adelante nos lo pone

tur nos Mensahero, informacion, aviso, relato- y conseho-

nan di derechonan huridico riba nos web-site:

www.simar.aw Asina abo mes ta dicidi na ki momento bo

ta lesa kico ta interesabo. Pa esnan cu no ta haci uzo di

internet por pasa libremente na Simar durante oranan di

oficina pa busca un copia di e Mensahero.

Rikesa di un

persona no ta e

cantidad di

placa cu e ta

posee, sino e

calidad di su

conocemento y

educacion.

Tin un control di parti SVB

riba e calidad di nan

‘bedrijfsarts’? Tur hende kier un

behes saludabel. P’esey ta hopi

importante pa bo keda saludabel durante

e trayectoria como trahado. Na bo trabou

hopi cos por bay robes. Pa bo keda

saludabel bo mester por acudi na e

‘bedrijfsarts’ cu sa con pa eherce su

profesion. Pa e ‘bedrijfsartsen’ ta dificil

fungi como docter profesional ya cu nan

no kier pa e dunadonan di trabou raporta

ni reclama nan pa mucho dunamento di

AO, lubidando cu hopi maestro den

enseñansa ta haya malesanan cu tin di

haber cu nan trabou. Ora bo ta malo, bo

kier un revision independiente y

profesional. Trahadonan ta experimenta

cu tur locual e docternan aki ta haci ta

mandabo bay traha mas lihe cu ta

posibel, sin averigua kico ta e origen di

bo malesa of si ta bo circulo laboral ta

ocasionando bo malestar. Docentenan pa

dia ta hayando nan cu un presion enorme

tanto di e alumnonan como di e

coleganan cu un funcion den directiva di

scol. SIMAR ta haya keho continuo di

miembronan tocante e trato cu nan ta

hayando di e docternan di SVB.

Actualmente tin hopi maestro ta

sufriendo debi na e presion continuo

na trabou y ningun docter ni dunado

di trabou ta tumando esaki na serio.

Ora bo bay cerca nan splicando e

situacion cu bo ta trahando aden, nan

ta scuchabo manera cu bo ta un

persona fastioso y ta mandabo bay

traha bek, mesora.’ E factornan di e

malesanan di e circulo laboral no ta

hayando suficiente atencion di SVB.

Si nada no ta wordo haci na tantisimo

presion di trabou, esaki lo keda e

origen principal di e malesa di e

empleadonan. Esaki ta wordo yama

STRESS! Nos dunado di trabou no

kier comprende kico ta stress y cu

esaki ta consecuencia di e mente y di

e curpa. E hecho ta cu stress ta algo

asina grave cu e por ocasiona

malesanan hopi serio. Stress cronico ta hiba nos na, diabetes

# 2, presion halto, problemanan

cardiovascular, cancer, ansiedad,

depresion, ta guia nos na hopi

malesanan mas y fuera di esey na

sobrepeso tambe. Directiva di SIMAR

ta bay busca contacto un biaha mas cu

director di SVB, pa mira con ta bay

soluciona e problema aki.

2

1. 1

E localidad ta hopi importante pa bo por duna les di calidad! Ainda e

gobierno no ta realisa esaki? Den tur oficina di Gobierno tin airco. Ora e airco

no ta funciona, e trahadornan di gobierno ta bay cas, pasobra traha den un luga

sin un airco ta imposibel. Dicon nos maestro- y alumnonan si mester ta den un

localidad cu 24 mucha of mas, pega na otro den un calor inhumano, y sin

wordo scucha? Cada un di e muchanan aki ta un fuente di energia, un fuente di

calor! Tin scol cu nan mes ta haci ‘fund-raising’ pa nan por pone airco na nan

scol. Pero no ta na tur scol esaki ta traha y ta permiti. A ser comproba, cu e

alumnonan ta funciona y comporta miho den un local cu un clima mas fresco.

Un airco den un klas na unda cu supuestamente muchanan ta central y e

maestronan cu tin un tarea dificil, cu e muchanan cu no por concentra debi na e

calor enorme cu tin. AIRCO NO TA UN LUHO! Nos ta kere cu a bira tempo

pa nos bira mas exigente y EXIGI un airco den tur local na tur scol!

Relato-Anual aña 2009-2010 Directiva di SIMAR a termina cu e presupuesto anual, siendo cu e

mester a wordo entrega otro aña, door cu den nos Statuto nobo e ‘Bondsjaar’ ta di januari pa december.

Mirando cu nos a termina cu tur nos tarea di e presupuesto, directiva a opta pa laga e reunion aki sigui,

pidiendo e sala aprobacion pa por cambia cierto puntonan di agenda. Nos a probecha pa pidi tambe

aprobacion di presupuesto pa trabounan di mantencion y expansion di e edificio di SIMAR. Directiva kier

haci e localidad mas agradabel pa huurmento di e edificio, ya cu SIMAR no ta wordo subsidia sino nos ta

draai a base di e contribucion di nos miembronan y di e huur di e facilidad di nos edificio. A bin cu un par di

idea cu a ser aproba pa e miembronan presente. A haci un sondeo pa nos haya sa pa cua tipo di actividad

social e edificio ta ser pidi mas y a bin sali na cla cu pa fiesta di mucha. P’esey nos a trece nos ideanan riba

mesa y cu aprobacion di e miembronan directiva lo cuminsa traha riba esaki. Tambe directiva lo bay cumpra

su propio mashin pa traha carnet y asina nos mes por guia y tin esaki na uzo segun nos miembronan bin pa

saca nan carnet. Nos ta haya esaki mucho mas facil y door cu nos tin logo nobo mester cambia tur e

carnetnan y ora nos ta asina leu nos lo pidi nos miembronan pa bin saca nan carnet. Tambe nos a introduci e

web-site di SIMAR. Esaki ta otro logro mas! Directiva ta sinti su mes hopi orguyoso di por a logra esaki

tambe! Anthony ta e motor tras di e logro aki. Pabien Antho! Nos ta pidi nos miembronan pa sinti nan mes

liber pa si nan kier scirbi algo pa nos, nan mand’e y nos lo pon’e riba e web-site di SIMAR! Un danki na e

e miembronan cu tabata presente na nos ultimo reunion!

De bezoldiging met ingang van 1 januari 2011 met een bedrag ter grootte van

Afl. 105,-- wordt verhoogd;

1. De eenmalige ‘Voorjaarspremie’ met ingang van 1 januari 2011 wordt

verhoogd van Afl. 884,-- naar Afl. 1.000,--;

2. Het eenmalige in de maand november uit te keren ‘Gelijk Bedrag’ met ingang

van 1 januari 2011 wordt verhoogd van Afl. 1250,-- naar Afl. 1350,--;

3. Het openstaande koopkrachtverlies uit het verleden onderdeel zal nader

bilateraal overleg tussen de regering en de vakbonden binnen de publieke

sector;

Dat met ingang van 1 januari 2011 het pesioeninkomen van overheidsgepen-

sioeneerden eveneens met een bedrag ter grootte van Afl. 105,-- wordt verhoogd;

Dat het bedrag, dat personen die een uitkering bij wijze van pensioen ontvangen met

ingang van 1 januari 2011 eveneens met een bedrag van Afl. 105,-- wordt verhoogd.

Saca di: Protocol di Dialogo Social 2010.

3

1. 1

Digna Lacle-Herrera, naci

na Corsow, na 1925. Un

‘juffrouw streng’ cu tabata siña su

alumnonan hopi disciplina,

pasobra asina su mama a cri’e. E

ta un politico, poeta y autor di

entre otro e bukinan: ‘Mi Aruba

bunita’ y ‘Buki di Poesia y

Storia’. Cu un fundacion cu su

nomber: Fundacion ‘Digna Lacle’

pa derechonan di hende muhe, pa

concientisa nos pueblo y hende

muhe, riba nan propio balor y pa

nan por lucha na banda di hende

homber, pa nan por tin un miho

bista riba politica y haci’e un

politica drechi. Na 1974 el a

bringa hunto cu Eddy Croes pa

hende muhe haya, ‘zwanger-

schaps-verlof’. El a forma parti di

e organisacion UNITAS cu a

lanta, Imelda Hof. Sra. Digna

tabata e prome muhe di su tempo,

cu a duna un discurso!

‘Mi vocacion, nunca tabata pa

bira un ‘juffrouw di scol’ sino pa

bira un Psicologo. Tambe mi por

a bay traha na ‘kantoor’ di lago,

pero mi mayornan a scohe pami.

Mi a cuminsa traha prome di

september 1942, como maestra di

scol. Mi a bay 8 aña Ulo y Seur

Melisia a duna conseho na mi

mama pa laga mi bay studia na

Corsow pa ‘juffrouw di scol’.

Despues di 2 aña mi a bolbe y mi

a integra na scol como

‘kwekeling’, esaki tabata e

nomber cu e hulandesnan cu

tabata duna les na scol tabata

yama nos maestranan den e

temponan ey. Cu e ‘oude hoofd-

akte’ bo por a traha na un Mulo

pa duna tur materia, siguiendo un

curso di ‘didactiek y

opvoedkunde’ di ‘1ste verklaring

en 2de verklaring’. Bo mester

tabatin 18 aña y Gobernador

Wouters mester a duna permiso

pa bo por a duna les. Mi a

cuminsa cu un salario di

Awg. 42,- pa luna.

Trahando 44 aña den enseñansa, -

oficialmente 41 aña, pasobra

antes e administracion tabata un

caos y mi mester a warda lunanan

pa ‘onderwijs zaken’ regla esaki

pa mi. Mi dunado di trabou tabata

‘Stichting Zuster Catalina’ awor

yama SKOA. Mi a cuminsa traha

na Rosa School, (Rosa College)

cu 16 aña di edad. Mi a cuminsa

dunando les den basis-onderwijs,

den 2de y 4de klas, debi cu e

cabesante hulandes, zuster

Frigeria, cu mester ta ambulante,

tabata dicta e orario. Mi mester a

tuma over di un maestra cu a

haya yiu y ora e mester a duna su

baby, pecho, mi tabata na encargo

di su 2de klas. Cu un salario di

Awg. 42.- pa luna, un orario di

scol di 8.00 pa 12.00 or di

merdia, sin un pausa y e

alumnonan tabata bini bek 1.00

pa 3.00 or di atardi. E alumnonan

tabata bay 3 or pero pa e

maestronan e dia no a termina

ainda. Nan mester a keda pa

prepara e lokaalnan y e lesnan pa

e siguiente dia, tin biaha te 5 or di

atardi. Esaki tabata ‘overuren’

sin pago. Nan tabata un grupo cu

a traha trabou manera di pionero.

Vacansi grandi tabata pasa ta

drecha material di scol. Nan

tabata prepara e borchi, pintando

liña, pasobra nan no tabatin buki

y tur cos mester a wordo skirbi

riba borchi pa e muchanan. Nan

no tabatin ‘schrift’ tampoco sino

‘ley’ y pa scirbi ‘rif’ (riffel). E

‘liniaalnan mester a wordo

geschuur pa nan por a wordo uza

mas biaha. E bukinan mester a

wordo pega cu ‘guma’ (lijm)

despues cose nan, pa despues

traha ‘kaft’ pa nan. ‘Katern pa

katern’. Desde su 22 aña, banda

di ta maestra di scol sra. Digna

tabata hopi interesa den sindicato

y politica.

Na 1943 y no na 1942 -, St.

Thomas Bond,a wordo lanta

door di maestronan hulandes,

cu tabata kier un sindicato no

pa welga, pero pa trece

union. Sra. Digna tambe a

bira miembro di e

SINDICATO, tambe di VLA

y despues di SIMAR. Nunca

el a yega di ta miembro di e

directiva di e sindicatonan,

pero si e tabata den

comisionnan y e tabata hopi

activo den e tipo di trabounan

aki. Despues St. Thomas

Bond a bira VLA, e prome

sindicato cu a bay den welga,

door cu e maestranan di

‘kleuter-onderwijs’ tabata

mal paga. Deifunto Betico

Croes tabata diputado di

enseñansa pa partido AVP

(bestuurscollege) den

eilandsraad.

“Aruba ta politicamente

dividi y esey ta stroba e

progreso di e pais aki. Como

politico bo mester tin hopi

tactica y diplomacia, pa

atende cu cierto asuntonan

delicado.

Na 1979 Henny Eman a

acercami pa bay riba lista di

AVP. Mi a dun’e tres

condicion:

1. Pa Aruba haya Algemene

Zieken Fonds.

2. Un Algemene Pensioen

Fonds

3. Pa scrap e ley cu un hende

muhe mester bandona trabou

na Gobierno ora e casa.

SIMAR: Kico ta e diferencia

visibel den enseñansa di

antes y awor?

Sra. Digna: E motivacion di

esun cu ta duna les y e arte di

por motiva e alumno. Pa e

alumnonan di antes, scol

tabata parti di nan bida, pa

nan tabata un satisfaccion di

por a bay scol. Awendia

4

1. 1

Sabana Blanco # 36 P.O.B. 582 Oranjestad, Aruba Tel: (297) 5824219 Fax: (297) 5838337

Email: simar@setarnet.aw

Informacion di Restructuracion Salarial Manera a wordo informa na varios ocasion, nos ta reuniendo cu Departamento di Enseñansa pa asuntonan pendiente locual ta toca nos salario y nos posicion huridico den enseñansa. Nos ta aprecia e coleganan cu ta acercando nos cu nan preocupacionnan. Esaki ta facilita nos trabounan y ta yuda nos atende cada problema mas eficaz. Nos ta pone varios di e problemanan aki segun nan categoria: 1. E cantidad di ‘Hoofdschalen’ 2. ‘Inschaling’ a base di edad 3. ‘Inschaling’ a base di competencia 4. ‘Inschaling’ a base di tipo di scol 5. Varios regimen di posicionnan huridico di docente- y asistente di docentenan den enseñansa. 6. E ausencia di e posibilidad di diferenciacion di funcion 7. E conexion di e derecho material di e empleado publico y e areglo di enseñansa. 8. E deficiencia di e sistema salarial. 9. Capacidad y experiencia. 10. E falta di incentivo y diferenciacion di recompensa.

Pabien sra.

Digna cu bo

85

cumpleaños!

e weganan di computer y e

‘Blackberry’, ta nan bida. E

maestronan no por competi cu e

tecnologia cu tin eyfo, pa por logra

e atencion di e alumnonan na scol.

E no ta kere cu e por a traha

awendia, cu e mesun motivacion y

satisfaccion. Awendia ni cuanto bo

haci cu e alumno den klas, bo no ta

ricibi satisfaccion pa un bon

resultado di e alumno. E

motivacion di e maestra t’ey pero, e

interes di e alumnonan di awendia

ta otro caminda. E tera pa planta

t’ey, pero e tera no ta responde’. Pa

mehora enseñansa, mester ayudo di

cas. Tur alumno cu ta logra bon na

scol ta pasobra nan a wordo bon

guia na cas. Dos cos bo mester

duna un mucha, tempo y amor. Cu

placa bo no ta cumpra amor di bo

yiu.

SIMAR: Con sra. ta mira e

docentenan di awendia?

Sra. Digna: Hopi maestro falta e

vocacion cu enseñansa ta rekeri.

- Nan ta corda riba e vacansi cu

nan ta haya y e placa.

SIMAR: sra. ta haya cu un sindicato ta

necesario pa e maestronan?

- Sra. Digna: Sigur un sindicato ta

necesario. Ora di bay pa reclama of pidi

pa algo, na bo dunado di trabou, no ta

henter e grupo grandi di maestro por bay

haci esaki. E maestronan mester un

representante, cu sa kico mester haci.

SIMAR: kico sra. ta mira cu falta ainda

na SIMAR?

- Sra. Digna: SIMAR ta organisa

mucho poco ‘lezingen’ cu ta duna nos

‘stof tot nadenken’.

SIMAR: sra. lo kier a manda un

mensahe pa nos maestronan?

- Sra. Digna: Si, pa considera e trabou

di educacion como un vocacion y un

mision. No como e placer di tin hopi

vacansi y un bon salario.

- Ta un honor pa SIMAR por a

entrevista, señora Digna Lacle-

Herrera ‘juffrouw di scol’, politico,

poeta y escritor! Un bunita ehempel

pa nos maestranan!

- El a stop di duna les dia, 31 di

oktober 1985 cu 60 aña di edad –

Entrevista door di: Ivo Valdes y Luci Rubiano.

Na nomber di directva

Ivo Valdes,

Presidente.