1

MM EE NN SS AA HH EE RR OO sindicato di maestro di aruba

33 22 99

Ref. nº: 8793

Reunion cu Directiva di APFA tocante situacion financiero di Pensioen

Verordening Landsdienaren (PVL) y Reunion cu Comision Dialogo Social

Ultimamente e situacion financiero di e fondo PVL di

APFA ta hopi den publicidad debi cu segun e ultimo rapport “Veronderstellingen Wetenschappelijk balans

2003-2007 PVL”, e situacion di e fondo cu ya tabata

critico desde añanan atras (por consulta e

Memorandum di 19 di mei 2003), a drenta den fase mas critico ainda. E calculacionnan haci pa e actuario

Towers Watson ta indica un caida di e capacidad di e

areglo pa cumpli cu su obligacionnan (dekkingsgraad) di tal indole, cu e prima total cu

mester paga na 2010 a subi di 41.1% pa 68% di e

salario di e trahadornan cu ta paga prima segun e areglo PVL. E actuario a señala tambe un serie di

pasonan cu por tuma pa sanea e situacion, pero pa

logra esey mester di consentimento di e clientenan,

esnan cu ta forma parti di e fondo. Directiva di SIMAR a trata di splica e situacion den e Reunion

General teni di 23 di april 2010, pero ta mas cu claro

cu no ta tur pregunta por a wordo contesta. Dor cu e sala a haya necesario pa tene un reunion cu e

directiva di APFA, nos a pidi esey di inmediato y e

reunion aki a tuma lugar diamars, 11 di mei 2010 pa

5:30 pm na e cede di SIMAR. Tur esnan presente a haya e oportunidad di hasi nan preguntanan na e dos

directornan di APFA.

Tambe directiva di SIMAR a atende e reunion cu “Commissie Sociale Dialoog” (CSD) diaranson,

5 di mei 2010. Den e reunion aki e comision a bin cu

e siguiente puntonan di discusion: AZV, AOV (SVB) Pension, Finanzas Publico y Diversificacion

Economico. SdU a agrega Educacion y Seguridad

como puntonan importante tambe den e discusion.

Tarea di e comision CSD ta pa primeramente reuni cu tur gremio (stakeholders) y haya sa nan opinion riba

tur e diferente puntonan di atencion ya mensiona.

Di tur e reunionnan teni, lo presenta un rapport den cual e puntonan di discusion lo wordo inventarisa y

analisa. E comision aki lo presenta su raport no mas

tarda cu 14 di mei 2010. Despues lo bay sigui e dialogonan entre gobierno y e gremionan concerni.

Nos mester ta conciente cu e situacion financiero di

pais Aruba ta malisimo y ora ta trata di medidanan

impopular, esnan responsabel pa e maneho di gobierno tambe mester mustra nos cu nan lo cumpli

cu normanan y codigo di bon gobernacion, promer cu

nan tribi di mishi den nos cartera. Si no ta asina nan lo mester carga cu e consecuencianan cu cierto

decisionannan y medidanan lo trece cun‟e y cu ainda

mester carga cu e aprobacion di e clase trahado y

tambe di e pueblo Arubiano. Tur maestro mester

keda bon na altura di loke ta pasando aki na

Aruba pasobra e stuacion ta critico y cambionan

mester tuma lugar y a corto plazo.

SIMAR, a haya un reunion cu SEPB, dia 6 di mei 2010. E tabata un reunion pa un „kennis-making‟. E reunion a

resulta uno fructifero, cu hopi bon comunicacion di ambos

banda. Un par di luna pasa, nos a haya reunion cu SKOA, directiva di EPI y poco- poco, pero sigur nos ta logra di haya, reunion cu tur e

dunadonan di trabao. E directiva actual ta di opinion cu mester tin un bon

relacion cu e „Stichting-nan‟ y „School-besturen‟, pa hunto nos por traha miho

na bienestar di nos miembronan.

2

Directiva di SIMAR, ta

trahando duro pa por actualisa

e archivo personal di cada un di su miembronan. Directiva a probecha pa

entrega e invitacion di SIMAR, 40

aña despues, na cada un di e

miembronan, pa pidi nan, personalmente nan email-adres, asina

por manda tur clase di informacion pa

e miembronan. Directiva kier a gradici tur e

coleganan cu nan a bishita na scol, pa

a ricibi nan asina amabel. Nan ta haya un bon iniciativa cu nan ta bin bishita

nan miembronan te na scol! GREAT!

SIMAR ta hayando hopi bon

comentario pa locual e miembronan di directiva, ta logrando.

Un danki tambe pa Isabel y Jean cu ta

yudando pa e trabao enorme aki por finalisa.

SIMAR falta basta email-adres ainda

y tambe tin email adres cu ta wordo

scirbi cu algun fayo y nan ta wordo manda bek. Pesey un biaha mas,

directiva di SIMAR ta pidi pa manda

nos boso email-adres corecto y si bo no ta hayando nada di SIMAR ta

pasobra SIMAR no tin bo email-

adres.

FUNCIPA bou direccion di sra. A. Thodé y persona di contacto sra.

S. Angela-Eisden a organisa un curso „Procedura oficial den

tumamento di desicion‟ un curso di 6 encuentro cu topiconan interesante y cu oradornan manera sr. C Pieters, sra. R. Werleman, sr.

L. Milliard, sr. H. Toppenberg y sr. M. Croes. Esaki ta prome biaha cu

un curso asina a ser organisa dor di FUNCIPA debi na e necesidad cu ta

existi bou di e sindicatonan. Meta: Pa duna un mihor conocemento na e lidernan sindical ora cu ta trata di cierto leynan y proceduranan mara na

e ley. SIMAR tambe a atende e curso cu representacion di L. Rubiano y

I. Valdes. Debi na otro compromisonan e otro miembronan di directiva no por a participa na e curso aki. E participantenan a haya un

certificado pa nan participacion na e curso aki. IPA lo continua

ofreciendo mas di e cursonan pa Sindicatonan na Aruba. Un lider

Sindical semper mester ta bon prepara pa e retonan cu tin su

dilanti, pasobra ta esey ta loke e miembronan ta exigi.

Si nos miembronan a ripara e ultimo dianan aki presidente di SIMAR

constantemente ta den media. Esaki ta debi cu e presidente di SIMAR

tambe ta fungi como vocero di SdU. Dia cu el a drenta den directiva di SIMAR, el a opta pa atende tur e reunion di SdU, pasobra semper el a

kere den un Union Sindical. Na juni 2009 SdU a eligi‟e pa representa

nan den e Raad van Toezicht di APFA. Despues cu sr. Pontilius a bay cu pension aña pasa, mayoria di e sindicatonan den Sdu a nombra Ivo como

vocero. Ivo a propone sr. Quito Maduro, na nomber di SIMAR, como un

posibel miembro di Raad van Commissaris di AZV y SdU a acept‟e

como tal. Dia 20 di april 2010, Sindicatonan den Union a firma un Reglamento di

Union. E sindicatonan cu a firma pa e Union aki ta:

SPA – polis, FTA – Federacion trahado Arubano, SADA – Duane SCCA – casino controleurs, SINBA – brandweer, SIWA – Webb

STTA – Setar, ABV – hospital,UEA – Elmar, IOWUA – Valero

SIMAR – Maestro.

For di dia gobierno nobo a sinta, cada un di e sindicatonan a scirbi un of

mas carta pa gobierno, pidiendo atencion pa nan preocupacionnan y

ningun tabata haya oido. Ta via medionan di comunicacion SdU tabata haya sa di cierto informacionnan tocante e maneho no mucho

transparente. Por ehempel e Comision Dialogo Social a wordo forma sin

cu SdU a wordo involvi. Ta pesey nos a dicidi di haci uso di e mesun forma pa comunica cu gobierno, loke no a cay den mucho bon tera.

Den menos di un siman nos a haya oido di gobierno y dia 21 di april

2010, SdU a sinta na mesa cu Prome Minister. Den e reunion aki nos por a trece tur nos preocupacionnan dilanti y tambe nos a wordo priminti cu

gobierno lo cumpli cu e Protocol di Indexering, firma na april 2008.

Tur sindicato tin e derecho di exigi respet di e Gobierno na mando ora

cu esey no ta e caso, nan tin derecho tambe di publica esey. Nos tur ta bon na altura cu e gobierno actual ta gosa di un popularidad den algun

medio di comunicacion, pero no ta pesey nos tin di keda keto!

Nos pueblo mester realisa cu nos no por cambia un gobierno y sigui keto bay den e mesun direccion. Tur miembro mester realisa cu directiva di

SIMAR no tin color politico y cu cualkier sea e asignatura di e gobierno,

nos lo exigi transparencia, participacion y respet, pasobra esey ta

derechonan fundamental di cada sindicato y ciudadano individual den un pais democratico.

3

lista di action di SIMAR Januari - februari 2010

Nº Reunion

Topico Action encarg

o

Status

1. 2/1’10 Mensahero 326

/327/328

Topic: Calendario di actividad Invitacion: ‘Contami kico bo tin na Curason’ pacabesantenan di Scol Preparatorio ,Invitacion: Programa di Obesidad .Bin busca y haya sa bo derechonan

Luci/Gunn

/ Anto

El a wordo scirbi, manda via email y

a ser copia cla pa entrega.

2. 5/1’10 Mantencion di

Edificio Simar

Contract di Crown Pest Control.( concepto mi a duna

Aquanette pa revisa y ta cla pa firma).Trabaonan

pendiente: lekkage ta wordo haci mayan mainta dor di

Salomon Heyde ( loodgieter )Mester habri e patio

tegels pa waak orgine di e lekkage. Oferta serca

Freddy Giel i Donati ( welderdo). Mester cambia e

cilinder di opslagruimte, pero traha lugar promer pa

warda materiaal di limpieza.Verfmento di edificio

manera palabra.Trabau di pone un tussenmeter pa

airco. ( si pa e siman aki esaki no wordu haci mi lo

propone pa buska unotro persona pa installa esaki ).

Nel

3 . 8 /1-2010 Brindis di aña nobo

Happy-hour 19.00-

21.00

Nos mester busca persona di contaco den e tipo di

actividadnan aki! Ta usa locual a keda di Happy Hour

di Sint!

Maroe,

Gunn

Un brindis chikito.

Pa 6/ 1 tur cos mester ta cla!

4. 11/1-‘10 Reunion cu School-

besturen!

Carta mester BAI pa mas tarda 18 di Januari’10 Ivo, Antho Carta ta traha caba! A bay SKOA,

EPI, SEPB a pidi pa pone fecha pa

reunion. Pa 8/1 tur cos mester ta cla!

5. Sto. Domingo Info Hotel, Auto enz. Mester manda info pa miembro,

puntra ken kier bai?

Aqua y Nel Pa 25di januari 2010, tur cos mester

ta cla! Pa 25 di april 2010 pa dia1 di

mei 2010, nan lo bay.

6. 19/1’10 Reunion Statutonan Mester revisa un biaha mas, tuma contacto cu mr.

Pronk!

Nel Pa 17/1 tur cos mester ta cla!

7. 22/1’10 Reunion cu SVB Maestronan mester di miho trato!

Ivo, Gunn,

Antho

A manda carta pa sr. Jacobs, a haya

cita, Ivo a papia cu Magali tocante e

situacion aki. Mester sinta hunto y

palabra kico ta bai papia den

reunion. A bay reunion y nada no a

wordo haci. Tin un comunicado den

Mensahero328, pa puntra kico e

miembronan kier? Pa dia 21/3

mester ta cla!

8. Con pa haya

miembro nobo.

Propaganda Simar. No laga esaki keda na palabracion

so! Folders, flyers, propaganda, Uniform pa miembro

di directiva.

Gunn,

Luci, Nel,

Maroe,

Antho

A keda di busca ofertanan aparte di

Emco.

Pa 30/1 tur cos mester ta cla!

9. 19/2’10 Bin haya sa bo

derechonan!

Invita sr. Quito Maduro. E lo bira nos CONSEHERO

Huridico!

Ivo, Gunn

y Luci

Pa 9/ 1 tur cos mester ta cla!

10 Sindicalismo. Funcipa, IPA a organisa bao di direccion di Shirley

Angela-Eisden y Ava Thodé, un curso di Sindicalismo

di 6 encuentro.

Luci,

Maroe y

Ivo

11 26/1-‘10 Sobrepeso

(obesidad) bou nos

maestronan Lezing!

Dietista! Lo pisa

Mester haya su atencion riba nivel di gobernacion.

ban acerca un dietista bon. Relato den prensa. Forma

comision!

Luci y

comision:

E programa ta den su fase final. Ta

trahando riba e ultimo actividadnan

pa laga e programa tin un final bon.

Maroe, Antho y Luci ta trahando

riba esaki. Pa 12/6 tur cos mester

12 11 de junio

y el 11 de

julio de

2010,

Mundial di Futbol na Sud-Africa Ivo y

Antho Lo converti sala Bruce den un

lugar agradabel pa nos

miembronan por bin gosa di e

partidonan di copa Mundial. Ta

trahando riba un ‘try-out’ pa dia

22 di mei 2010.

13 11 di mei Reunion cu “Baba Herdé. Baba a scucha nos y lo purba di atende tur caso pendiente.

Directiva Puntunan cu Simar kier pa wordo atendi den enseñansa. Herstructerering, problema cu SVB..ect

4

Dia tur hende

comprende cu

obedece leynan

inhusto ta

contrario na nan

dignidad humano,

ningun abuso lo

por domina nan. Mahatma Gandhi

INVITACION

SIMAR Still on Diet,

Nos ganadonan di luna di maart;

1. Shirley Angela-Eisden 2. Archi Maduro (pensionado)

y di april ta:

1. Rosalie Tromp

2. Donald Angela (Colegio Arubano) E comision di SIMAR Goes on diet ta hopi satisfecho pa e participacion

tremendo di nos miembronan pa cu e programa aki. Nos ta sinti nos felis tambe

con nan ta tumando esaki asina na serio, con nan ta bahando di peso y con nan ta conciente cu nan manera di come, tabata uno, robes. Pabien na tur nos

participantenan y laga nos sigui pa nos por logra nos meta!

Conmemoracion di 40 aña di SIMAR, lo tuma lugar na ‘SIMAR, 40 aña

despues’. E comision na encargo di e conmemoracion aki ta pidi miembronan, pa pasa busca nan carchi di entrada, cu mester wordo presenta e anochi di e

conmemoracion, 3 di juli 2010. E carchi aki por bin busk‟e desde dialuna 18 di

mei te cu dialuna 1 di juni 2010. Introducido: fl. 50.- (maximo dos p/p) Pa motibonan organisatorio, despues di e fecha aki lo no entrega carchi mas.

INVITACION

Fecha: Diasabra 3 di juli 2010

Orario: 20:00 pm – 01:00 am

Lugar: SIMAR, 40 aña despues!

Trahe: Casual

Dress code: Blanco

Banda: Robert y su solo Banda Show

Nos miembronan di directiva, Aquanette Gunn y Anthony Figaroa a haya e oportunidad di representa SIMAR na Republica Dominicana, pa e 11º “Encuentro Internacional di Educación y Pensamiento” na Universidad Autónoma di Sto. Domingo, dianan 28 – 30 di april 2010. Lastimamente nos colega Aquanette a hay’e cu contratempo, un poco serio di salud. Esaki a ocasiona cu e mester a keda bao di tratamento di dokter un par di dia mas. Directiva ta dese’e un pronto recuperacion. Antho ta conta nos cu e Encuentro tabata tremendo, pero loke ta organisacion a laga hopi di desea. Nan a topa varios di nos coleganan Arubiano na Sto. Domingo, entre otro, sr. Todd Dandare, sr. Mirto Laclé y sra. Lidia Emerencia cu a fungi como oradora den dicho congreso.

5

Preparando pa MUNDIAL

2010, na Sur-Africa,

SIMAR ta invita tur su miembronan,

pa bin mira e

FINAL di

Championsleague.

BAYERN

VS

INTERNAZIONALE

Fecha: 22 di mei

2010.

Ora: 14.45

E meta principal, cu sindicatonan ta busca pa alcanza ta: e logronan cu ta responde na e

necesidadnan di kende ta forma parti di dje. E obhetivo ta pa concientisa e trahado cua ta e motibonan pa locual un organisacion sindical a wordo lanta. E obhetivonan ta pa

orienta tur accion di e organisacionnan sindical den nan lucha pa por engrandece e

condicionnan di bida di e trahadonan.

Algun di e obhetivonan aki ta entre otro: - Un salario husto;

- Miho condicionnan di trabao;

- Un trabao stabil pa tur hende; - Mehoracion di e demanda social y económico;

- Democratisacion permanente;

E respet pa e Derechonan Humano ta un di e luchanan mas importante cu e trahado

por a realiza desde nan organisacion sindical. E reconocemento di e derechonan di asociacion liber di pensamento y di expresion ta implica lucha pa e democratisacion di

nos pais. Tambe ta importante pa e sindicatonan participa den bida politico di e

paisnan, pa vigila y supervisa, pa e gobernantenan ta husto den politica, economia y e parti social. Ta hopi importante pa promove y posibilita e participacion directo di hende

muhe y hobennan den e organisacion sindical; e estimulo pa e participacion

democratico, manera delegando, afilia of formando parti di directivanan, pa garantisa cu e decisionnan di e sindicatonan ta coresponde na un grado di consenso superior di

igualdad. Coleganan, concientisa bo compañeronan di e importancia di un

SINDICATO! Cuanto inhusticia ta ser cometi den enseñansa, dor di ignorancia di

derechonan cu nos tin. Bisa nos coleganan pa nan no kere cu nunca nan lo tin mester di ayuda sindical , ni warda te ora nan ta den problema pa acudi na un Sindicato. Nos tur

ta mesun trahado, den mesun boto y inhusticia te ainda ta ser cometi, constantemente.

Laga nan bin busca nan derechonan y mas informacion na SIMAR,! Nos ta warda nan.

No lubida: Nos competencia pa un SIMAR Sabana Blanco # 36 P.O.B. 582 Oranjestad, Aruba

Tel: (297) 5824219 Fax: (297) 5838337

Email: simar@setarnet.aw

Reglanan pa participa ta :

Mester ta miembro di SIMAR

Diseño por ta na man pinta o digital.

Mester entrega esaki na Aquannette Gunn riba: diamars, diahuebs of

tambe directiva lo tey riba diasabra, 22 di mei na cede di SIMAR, 10 or pa 14.00 or. Entrega bo envelop sera, please!

Ultimo dia pa entrega e diseño cu informacion personal aserca ta:

25 di mei 2010, na sede di SIMAR. Premio: fl. 500.- (en efectivo) y un sorpresa.

Na nomber di directiva di Simar,

Ivo Valdes,

Presidente.