kreu i dhjetë mbledhja dhe pËrpunimi i tË...
TRANSCRIPT
1
Kreu I dhjetë
MBLEDHJA DHE
PËRPUNIMI I TË DHËNAVE
Qëllimet
*Të kuptojë rëndësinë e fazës së mbledhjes dhe përpunimit të të dhënave,
*Të dallojë termat “puna në terren” dhe “kërkimet pranë tavolinës”,
* T‟i njoh bartësit e punës në terren,
* T‟i njoh veçoritë të cilat duhet disponuar personat që zgjedhen për
anketues,
* T‟i njoh format e kompenzimit për punë të anketuarëve në anketim,
* T‟i kuptoj rëndësinë dhe llojin e udhëzimeve që ju jepen për punë
aketuesve,
* Të kuptojë marrëdhënijet që krijohen në mes të subjekteve në anketim,
* T‟i njoh rregullat thememlore pë kryerjen e anketimit me sukses,
* T‟i dijë situatat në të cilat zhvillohet anketimi,
* T‟i dijë situatat në të cilat gjendet anketuesi,
* Kuptimi dhe rëndësia e mështetjes së punës në teren,
* T‟i njoh llojet e gabimit në mbledhjen e të dhënave dhe llojet e gabimit
jo të mostrës,
* Ta njoh rëndësinë dhe fazat e përpunimit të të dhënave,
* Ta kuptojë kodntrollin logjik dhe kushtet për ta bër,
* Ta kuptojë kodimin dhe problematikën e kodimit te pyetjet e ndryshme,
* Ta kuptojë tabelimin, rëndësinë dhe llojet e tabelave,
* Ta dijë bartjen e të dhënave.
2
10.1. MBLEDHJA E TË DHËNAVE
10.1.1. KUPTIMI DHE RËNDËSIA
Mbledhja e të dhënave është ndër fazat më të rëndësishme, të procesit të
kërkimeve të marketingut, sepse plani më i mirë kërkimor, mostra e
shkëlqyeshme e zgjedhur mund të dështojnë plotësisht nëqoftëse
mbledhja e të dhënave nuk realizohet me saktësi. Pra, projekti kërkimor
gjithsesi është i nevojshëm, por nuk duhet nënçmuar punën në terren
përkatësisht mbledhjen e të dhënave, që rezultatet të jenë të sakta dhe të
besueshme.
Me shprehjen “puna në terren” sipas terminologjisë kërkimore kuptojmë
mbledhjen e të dhënave primare jashtë ndërmarrjes, pra në terren për
dallim nga shprehja “kërkimet pranë tavolinës”, të cilat i përdorim për
mbledhjen e të dhënave sekundare, pra të dhënave brenda ndërmarrjes.
Punën në terren kur mbledhen të dhënat me metodën e anketimit e
kryejnë anketuesit, nëse të dhënat i mbledhim me vrojtim personal, flasim
për vrojtuesin. Intervistën e gjerë/thellë e bën intervistuesi, kurse anketën
grupore e udhëheqë moderatori, përkatësisht personi, i cili e menaxhon
anketimin e grupit.
Përveç, subjektëve të lartë përmendur të cilët mbledhin të dhëna shumë
shpesh përdoret shprehja “kërkuesi”, me të cilin kuptojmë personin e
shkolluar, i cili është organizator i kërkimit. Kërkuesi bashkëpunon me
numër të madh të njerëzve të profesioneve të ndryshme, të cilët marrin
pjesë në realizimin e projektit, përgatisin formularët për kërkime dhe
shumë punë të tjera, të cilat paraqiten gjatë procesit kërkimor.
Kërkuesi rrallë herë është vetë personi, i cili kryen kërkime në terren,
ashtu si anketuesit dhe punëtorët tjerë të terrenit që rrallë marrin pjesë në
pjesën kreative të punës kërkimore. Në praktikë këto dy punë kryhen në
dy vende: pjesa kreative në ndërmarrje, e cila i shfrytëzon rezultatet e
kërkimeve në afarizëm, ndërsa pjesën në terren e kryejnë institutet e
specializuara për kërkimet e marketingut, por ka edhe raste të tjera.
Me që saktësia dhe besueshmëria e të dhënave është shumë me rëndësi,
atëherë udhëzimet, organizimi dhe udhëheqja e punës së anketuesve
duhet kushtuar kujdes i veçantë. Ndaj anketuesve parashtrohen disa
kërkesa të caktuara, të cilat dallohen prej projektit në projekt, varësisht
nga lënda e kërkimit, llojit të kërkimit dhe të shumë elementeve të tjera.
3
10.1. 2. SUBJEKTET NË METODËN E ANKETIMIT
Në metodën e anketimit marrin pjesë këto subjekte:
1. Anketuesi
2. I anketuari (respodenti) dhe
3. Kontrollori/mikqyrësi.
Anketuesi, është personi I cili ka për detyrë të bëjë kontaktin me
respodentin me qëllim të mbledhjes së informacioneve lidhur me
kërkimin. Anketuesi në anketimin e drejtpërdrejt, duhet të jetë personi që
është I arsimuar, I kulturuar, që disponon aftësi komunikuese, ka dituri të
gjera nga fusha për të cilën bëhen kërkimet, njeh përparësitë dhe të metat
e zbatimit të metodave të anketimit, është shumë I përkushtuar për punën
që bën dhe gjen kënaqësi adekuate në vënjen e kontaktit me respodentin.
I anketuari, është personi I cili jep përgjigje në pyetjet e parashtruara, të
cilat kanë të bëjnë me nevojat e tij., që kanë të bëjnë me pëlqyeshmëritë,
dëshirat, mendimet, motivet, qëndrimet, shprehitë në konsum, etj.
Klasifikimi më I shpesht I të anketuarëve si burim I të dhënave primare
në kërkim marketingu janë: konsumatorët-blerësit, ekspertët, ndërmarrjet
ekonomike dhe joekonomike dhe të gjithë ata që kan dituri në fushën e
kërkimeve.
Kontrollori/mbikëqyrësi, personi I cili ka njohuri të gjëra lidhur me
kërkimin dhe procedurat e anketimit, I cili ndihmon anketuesit në
zvoglimin e gabimeve gjatë anketimit. Kontrollori mundet me kontrolluar
se anketuesi vërtetë ka vën kontakt me të anketuarin që është e mundur të
dihet se a e ka bër aketimin në familje, si ka qen sjellja e tij. Megjithate,
kontrollimi I cilësisë së punës është vështirë të bëhet.
10.1.3. PËRZGJEDHJA E ANKETUESVE
Anketuesit duhet përzgjedhur nga radhët e atyre personave të cilët janë
në gjendje të punojnë në kushte të cilat i dikton natyra e punës së
anketimit. Personat të cilët më së shumti angazhohen janë studentët dhe
të tjerët, të cilët kanë nevojë për të realizuar të hyra shtesë dhe personat
që janë të papunë. Pra, përvojat tregojnë se anketuesit e mundshëm i
gjejmë në universitete dhe përmes të shpalljeve në gazeta ditore.
Përzgjedhja bëhet brenda njerëzve të cilët na ofrojnë garancionin më të
madh lidhur me ate se do të kryejnë punën me sukses. Ato duhet para së
gjithash t‟i kenë veçoritë vijuese:
4
a. Shëndet të mirë dhe kondicion fizik, Puna në lëmi është punë e
rëndë dhe kërkon lëvizje të vazhdueshme dhe shqetësimi
shpirtëror është shumë i lartë. Në konsideratë vijnë njerëzit të
cilët kanë moshë prej 18- deri 55 vjet,
b. Komunikimi. Anketuesit duhet të kenë aftësi komunikimi me
njerëz, sidomos shkathëtësia e të folurit dhe dëgjimit jan një
kapital i madh, duhet të jenë të hapur, të aftë për tu përshtatë
situatave të ndryshme në të cilat munden me u gjet,
c. Pamje të mirë. Anketuesit duhet të kenë fizikus të mirë, por nuk
është e thënë të jenë maneken, pra të kenë pamje të mirë, sepse
kanë shumë më shumë shanca në kontaktin e parë, i cili është
jashtëzakonisht i rëndësishëm për ta arritur besueshmërinë e të
anketuarit,
d. Gjinia. Ka rëndësi varësisht nga situata, mirëpo përvoja tregon
se femrat më mirë mbledhin të dhëna nga femrat tjera ndërsa
mashkujt nga mashkujt. Por kjo nuk është rregull në të gjitha
situatat,
e. Arsimimi. Anketuesit duhet të kenë shkathëtësi leximi dhe
shkrimi. Shumica e institucioneve pëlqejnë anketues me
arsimim të lartë dhe
f. Përvoja. Anketuesit me përvojë ka mundësi të bëjnë punë më
mirë duke i përcjell udhëzimet, siguruar bashkëpunimin dhe
bërjen e anketimit.
Prandaj, parimisht anketuesi që të jetë i sukseshëm duhet të jetë i
shëndoshë, komunikativ, pedant, etj. Në vendet e zhvilluara vëmendje e
madhe i kushtohet përshtypjes që do ta lë anketuesi gjatë prezentimit të
institucionit kërkimor.
Me që anketuesit nuk janë punëtorë të përhershëm të institutit kërkimor
përveç kopenzimit financiar pak gjë mundet me ndikuar që punën ta
kryejnë me sukses. Për punën e kryer anketuesit mund të paguhen në dy
mënyra: me orë pune ose me numër të anketave të bëra. Përveç kësaj
anketuesve duhet pranuar të gjitha shpenzimet e lidhura me kryerjen e
anketimit: udhëtimi, qëndrimi jashtë vendbanimit, materiali i shpenzuar,
etj. Të dy format i kanë të metat e dhe përparësitë e veta. Puna me orë
është më e drejtë dhe më stimulative kur anketuesit munden me u
kotrollue kështu edhe anketimi bëhet me kohë dhe me cilësi që ndikojnë
drjetperdrejt në cilësinë e të dhënave. Nëse nuk mund të kontrollohet
atëherë anketuesi e zgjat anketimin në mënyrë që të përfiton sa më shumë
materialisht por edhe i shtyn afatet kohore brenda të cilave duhet të
kryhet anketimi dhe e bën të shtrenjët dhe joefiçent.
5
Kompenzimi sipas numrit të anketave bën që të rritet produktiviteti i
punës së anketuesit dhe të zvoglohet numri i anketave të pakryera, por në
të kundërtën mbart rrezik për cilësinë e përgjigjeve të marra gjat
anketimit, sidomos të përgjigjeve të paqarta dhe përgjigjeve “nuk dij”,
pastaj plotësimi jo i lexueshëm i pyetësorit dhe përgjigjet e trilluara.
Korigjues i mirë i të dy formave të kompenzimit është stimulimi i veçantë
për kualitetin e punës. Pasi që instruktorët dhe kërkuesit ta vlerësojnë
cilësinë e punës së secilit anketues dhe kështu mundet të bëhet
kompenzimi stimulativ por edhe denimi për ato të cilët për arsye
subjektive nuk e kanë arritur nivelin e caktuar të punës.
Vlerësimi i cilësisë së anketimit dhe anketuesve ndërmarrjes i mundëson
që në të ardhmen t‟i angazhon anketuesit e mirë ndërsa anketuesit e dobët
t‟i shmang. Punën e anketuesit e kryejnë persona të ndryshëm dhe s‟është
punë e përhershme, përveç në institutet e specializuara. Pra, marrë
parasysh profilin e anketuesve puna në terren kërkon udhëzime, motivim
dhe kontrollë.
10.1.4. MARRËDHËNIA NË MES TË SUBJEKTEVE NË
MBLEDHJEN E TË DHËNAVE
Në çdo projekt kërkimor në mbledhejn e të dhënave në terren kryesisht i
kemi drejtpërdrejt dy pjesëmarrës, anketuesin dhe të anketuarin si dhe
kontrollorin e punës në terren. Kështu raportet në mes tyre kan rëndësi në
suksesin e mbledhjes së të dhënave. Raporti në mes tyre duhet të
karakterizohet me bashkëpunim dhe dhënje të raportit për punën e bër.
10.1.4.1. Bashkëpunimi
Në procesin e anketimit kërkohet që anketuesi të siguron bashkëpunimin
me respodentët e mundshëm që do të anketohen dhe pastaj ta zhvillon
anketimin me respodentët. Nëse anketimi është joformal, bashkëbisedimi
bazë është, respondeti do të jetë i qetë dhe ai/ajo do të jetë më pak e
hamendshme të shpreh mendimet reale. Për të qenë i hapur në anketimin
joformal, duhet të jetë i drejtpërdrejt dhe të mos ngurrojë në dhënje të
përgjigjeve. Kur anketimi është formal, i anketuari është në pozitë më të
veçantë se në anketimin joformal, sepse në pyetjet e parashtruara duhet të
përgjigjet, gjë që mundet mo me qenë i drejtpërdrejt. Prandaj, duhet të
krijohet atmosferë pozitive bashkëpunimi, që karakterizohet me qëndrim
stabil dhe sjellje miqësore të anketuesit gjatë tër procesit të anketimit,
duke filluar nga parashtrimi i pyetjeve, shenimi i përgjigjeve dhe
6
kontrollimi i tyre. Poashtu duhet patur parasysh pjesën e pyetjeve të
rëndësishme dhe jo të rëndësishme dhe kohën që shpenzojmë për to. “Një
anketim në të cilin 20 minuta janë shpenzuar në pyetjet me rëndësi dhe 20
minuta më tepër në pyetje të parëndësishme dhe “bisedë” është
joefiçente”.1
10.1.4.2. Raporti2
Raporti është term që përdoret për përshkrim të marrëdhënieve personale
të besueshmërisë dhe kuptimit në mes të anketuesit dhe respodentit,
raporti siguron bazën për anketim të mirë. Në anketim me rëndësi është
zhvillimi i raportit/marrëdhënieve të pranueshme me respodentin.
Parakusht për raport të mirë është që respodenti të dijë ku ai/ajo do të
qëndrojë në anketimi.
Anketimi është situatë e re për shumicën e njerëzve kur fillon respodenti
nuk e dinë çfarë është pritur ose sa shumë larg ai/ajo do të shkoi në
shprehjen e mendimeve. Qartas respodenti do të reagoj më mirë dhe
haptas në situatat të cilat ai/ajo i kupton dhe pranon apo pajtohet.
Respodenti do të kuptojë se anketimi është i besueshëm, se anketuesi
është person shumë miqësor dhe i gatshëm të dëgjojë dhe se ai/ajo
mundet me i diskutuar pyetjet e anketimit në detale dhe informacionet që
merren janë të rëndësishme. Gjatë anketimit dhe kryesisht në fillim
anketuesi do të përpiqet të stabilizojë zërin/tonin në anketim në mendjen e
respodentit. Respodenti pastaj do të ketë ide të qartë ku ai/ajo ndalet dhe
çfarë roli ai/ajo dhe anketuesi kanë. Respodenti duhet ta ketë të qartë se
nuk ka përgjgije të gabuara dhe të sakta dhe se anketuesi është i interesuar
vetëm që mos të marri përgjigje të pasakta në pyetje, edhe pse shumë
njerëz dëshirojnë të shprehin mendimet e tyre. Raporti i mirë, i shoqëruar
me instrumentet mirë të disenjuara për mbledhje të të dhënave, do t‟i
shërbejë qëllimit në bërjen e anketimit dhe është një përvojë shumë
pozitive për respodentin.
1 Grup autorësh, The marketing research guide. The Haworth Press, 1997, fq. 183.
2 Po aty, fq. 184.
7
10.1.5. RREGULLAT THEMELORE PËR KRYERJEN E
ANKETIMIT3
Sigurimi i pyetësorit
Pyetësori, përgjigjet dhe i tërë materiali i përdorur lidhur me anketimin
janë material i besueshëm dhe duhet të kthehen te mbikqyrësi pas
kompletimit të anketimit. Respodentëve në përgjithësi nuk ju tregohet se
për kë bëhet kërkimi. Anketuesi nuk do ta diskutojë anketimin me
familjen, shokët, miqët dhe me anketuesit e tjerë ose me ndonjë tjetër.
Besueshmëria e klientit dhe përmbajtja e anketës dhe rezultatet janë të
rëndësishme skajshmërisht.
Trajnimet/aftësimet
Anketuesit kan nevojë për aftësim për anketim, kështu trajnimi do të
mbahet përpara çdo projekti që inicohet. E tërë puna duhet të diskutohet,
duke i dhën rastin që të dy subjektet kryesore bartëse të punës në terren,
pra kontrolluesit dhe anketuesit, që me kujdes të studijojnë veçantitë e
punës dhe udhëzimet dhe të pyesin për ndonjë pyetje që ka të bëj me
punën. Udhëzimet për punë do të shqyrtohen dhe t‟i praktikojnë
anketuesit që kërkuesit të familjarizohen me pyetësorin. Individët do të
ngarkohen me detyra të veçanta kur përfshihen në projekt.
Ndihma e kontrollorit
Secili projekt kërkimor duhet të ketë kontrollor të përshtatshëm. Nëse
pyetjet ose problemet ndodhin është detyrë e mbikqyrësit të ndihmoj.
Njëherë kur kërkohet mbështetja e mbikqyrësit, problemi ose pyetja është
e vlershme për të gjithë anketuesit në punë ose mundet të referohet te
klienti për rizgjedhje.
Mos i anketo shokët ose të njohurit
Shokët ose të njohurit nga anketusi nuk duhet as një herë të anketohen. Ai
ose ajo mundet të përgjigjet në pyetjet në mënyrën se si ai/ajo mendon se
do të jetë “kënaqësi” për anketuesin më mirë se sa të jepë përgjigje jo të
sinqertë.
T’i përmbahet specifikimit të studimit
Specifikimi i studimit i bër përpara për arsye shumë të caktuar duhet të
respektohet. Megjithate nëse metoda e anketimit është personale,
anketuesi duhet të kontaktojë vetëm një person në familje, ai/ajo nuk
mundet të anketojë persona të tjerë në familje, nëse anketuesi ka me
anketuar një person në një periudhë kohe, ai/ajo nuk mundet me anketuar 3 Grup autorësh, The marketing research guide. The Haworth Press, 1997, fq. 190-195.
8
një grup të personave. Anketuesi nuk mundet me anketuar të njejtit
respodent në shumë studime në anketimin e njejtë. Kur ndodhin ndonjë
nga këto gjëra, anketuesi nuk do të përcjell specifikimet, atëherë anketimi
do të jetë i papërdorshëm.
Zbatimi i procedurave dhe udhëzimeve nga studimi
Është me shumë rëndësi se secili anketim të bëhet në mënyrë të njejtë nga
të gjithë anketuesit. Udhëzimet lidhur me tregimin e kartelave të
identifikimit, posterave, ose mbajtjes së produktit të maskuar duhet të
bëhet në mënyrë të njejtë në të gjitha anketimet. Udhëzimet detale nga
fusha zakonisht janë të siguruara për çdo projekt dhe ato mund të vijnë në
shumë forma. Një studim i thjesht mundet me kërkuar një udhëzues
administrativ, një udhëzues anketimi, një fletë llogarie, dhe një pyetësor
mostre. Testimi shumë më i ndërlikuar mundet të kërkoj evidenca e
kuotës, testi i planeve, përmirësimi i udhëzimeve, procedurat e mbajtjes
së produkteve, reklamat, qëndrimet lidhur me konceptet dhe/ose
klasifikimet e bëra.
Udhëzuesi administrativ disenjohet për fushën e mbikqyrësit të studimit.
Ai siguron informacione të dobishme lidhur me të kaluarën, datën e
fillimit dhe përfundimit. Kuotat, kualifikimet e respodentëve, procedurat
për bërje të kërkimit, kërkesat e personelit, udhëzimet e shkurtëra, dhe
shumë udhëzime të veçanta të tjera. Udhëzimi për anketuesit sigurohet
për secilin anketues. Udhëzimi për anketuesit zakonisht ka disa
informacione të njejta si edhe udhëzimi administrativ, poashtu si edhe ato
specifike hap-pas-hapi, pyetje pas pyetje, udhëzime se si të administrohet
pyetësori anketues. Të gjitha udhëzimet e fushës për ndihmë janë
disenjuar të përsërisin mbikqyrësit dhe anketuesit aspektet teknike të
zbatimit të studimit specifik.
Përfundimi i detyrës në kohë
Anketuesit kanë përgjegjësi ta përfundojnë detyrën, të cilën e kanë
kontraktuar në kohë të caktuar. Nëse rrethanat e paparapara pengojnë në
përfundimin e detyrës, anketuesit duhet t‟i ja paraqesin mbikqyrësve
menjëherë. Në mënyrë që mbikqyrësi të njoftohet se anketuesi parashikon
se detyra e marrur nuk do të përfundohet brenda periudhës kohore të
caktuar.
Efiçenca në punë
Në efiçencën e perfomancës së punës ndikojnë dy faktorë dhe janë:
shpejtësia dhe cilësia. Bërja e anketimit me shpejtësi të arsyeshme është e
rëndësishme. Megjithate, shpejtësia për arësye të numrave, asnjëherë nuk
duhet ta flijon cilësinë. Në anën tjetër fitimi i informacioneve të
9
dëshiruara nga respodentët është kritik dhe mund të behët pa shpenzim të
tepruar të kohës në ndonjë fushë ose nga ndonjë bisedë më tepërt me
respodentë.
10.1.6 SITUATA NË TË CILËN ZHVILLOHET ANKETIMI
Mbledhja e të dhënve nga intervistuesi/anketuesi me anë të anketimit
është me rëndësi të madhe. Mërpo mostra të jetë reprezentative dhe
anketimi të bëhet sipas planit të mostrës, pra respodentët e mundshëm të
mos “humben” ose kalohen për ndonjë arsye që anketuesi mund ta bën
ose ta thotë që e shkakton që i anketuari i planifikuar, të mos pranojë të
merr pjesë ose të përjashtohet nga mostra.
Faktori kohë
Respodenti duhet që sa më saktë ta dij kohën që merr anketimi, sepse një
përgjigje e sakt që kërkohet do të jepet vetëm brenda një kohe që
nevojitet. Kjo ndodh sidomos në intervista të gjata është mirë të
konstatohet koha që nevojitet para se një intervistë të fillon. Megjithate,
anketuesi nuk ka nevojë t‟i kushton vëmendje kohës ose gjatësisë së
intervistës përderisa respodenti nuk kërkon ose duket se është në nxitim.
Për shumë respodentë koha kalon shumë shpejt përderisa ato janë të zënë
në përgjigje në anketim.
Anketimi është sipërfaqësor dhe/ose i shpejtë kur i anketuari e ndien
presionin e kohës së pamjaftueshme, kështu ndodh të jetë më i keq se sa
të mos të bëhet fare anketimi. Presioni i mungesës së kohës ndikon në
fitimin e të dhënave sipërfaqësore dhe të pasakta dhe krijon raport të keq
ndërmjet anketuesit dhe të anketuarit. Anketimi nuk duhet të zgjatë
shumë dhe as të jetë shumë i shkurtër, këtë duhet ta ndjejë dhe ta
vlerësojë vetë anketuesi.
Faktori vend/hapësirë
Për të qenë anketimi i suksesshëm duhet pas kujdes edhe për vendin, pra,
hapësirën në të cilën mbahet anketimi. Anketuesi për të mund me
komunikuar me të anketuarin, duhet të ketë mundësi ta dëgjojë, pra të
mos jetë nën ndikimin e zhurmës dhe ta shikojë mirë në hapësirë të
përshtatshme, pra të jetë vendi i ndriquar mirë dhe kuptohet temperatura
si pjesë e vendit duhet të jetë e përshtatshme për të zhvilluar anketimin.
Respodenti i kualifikuar
Anketuesi duhet të sigurohet se respodenti është i kualifikuar për
anketim. Në qoftë se njerëz të caktuar janë specifikuar për të marrur pjesë
10
në studim, nuk ka shmangia nga ajo. Në të shumtën e anketimeve
vetëm një njeri për famije mund të anketohet. Përfshirja në anketim të më
shumë se një do ta sjell në kundërthënie anketimin. Përjashtim i
natyrshëm ndodh kur në studim kërkohen të mbledhen të dhëna nga
shumë anëtar nga e njejta familje, siç është dëgjimi nga të dy
bashkëshortët lidhur me vendimet për blerje.
Kundërshtimi “Shumë i zënë”
Ndodh që respodenti fillimisht të kundërshton që të anketohet, në parim
anketuesi nuk duhet të pranojnë leht që të dorëzohet. Ai duhet të jetë i
kujdesshëm, i qetë, dhe me kënaqësi të jepë përgjigje. Shpesh respodentët
e mundshëm, të cilët fillimisht kanë refuzuar pastaj do të pajtohen të
marrin pjesë në anketim. Nëse personi është kundër anketimit, anketuesi
do të bëj zgjidhje do të shkojë të gjejë një tjetër respodent, sipas
udhëzimeve që ka marrur nga udhëheqësit e punës në terren.
Në rast se respodenti i zgjedhur është shumë i zënë ose është gati të
shkojë kështu që anketimi në ate kohë është i pamundur. Anketuesi do t‟i
paraqet një njoftim të përgjithsëhm dhe përpjeket ta nxit interesimin që
ai/ajo të anketohet më vonë. Anketuesi ndoshta është mirë t‟i propozon
disa termine të ndryshme para se koha e marrëveshjes të caktohet. Nëse
anketimi është bër me telefon, një teknikë e shkëlqyeshme ëshë të
sigurohet pjësëmarrja e mëvonshme në anketim është t‟i ofrohet
respodentit opsioni i thirrjes përsëri kur atij i përgjigjet. Thirrja e
sërishme mund të regjistrohet në faqen hyrëse të pyetësorit.
Respodentët munden me pyetur pse ato janë zgjedhur. Anketuesi duhet të
shpjegoi se ato janë zgjedhur si një pjesë e vogël e numrit të madhe të
njerëzve në atë vend që të marrin pjesë në anketim. Respodentit duhet
thënë se nuk ka përgjigje të gabuara dhe jo të gabuara, anketuesi është
vetëm i interesuar në mendimin e tij të fsheht. Respodentit duhet t‟i
thuhet se përgjigjet janë të besueshme dhe indentititeti nuk do të tregohet
përderisa përgjigjet nuk janë grupuar ose tabeluar si pjesë e qindra
anketimeve të tjera.
10.1.7 SITUATA NË TË CILËN GJËNDET ANKETUESI
Praktika tregon se respodenti duhet të anketohet i vetëm, sepse prania e
personave të tjerë ndikon në përgjigjet e respodentit. Në qoftë se
respodentët e zgjedhur ndodhin të jenë të shoqëruar nga shokët ose miqtë
para se të fillohet anketimi, anketuesi duhet t‟i përkujton ata se ai është i
interesuar vetëm në mendimet e respodentit.
11
Anketuesi i kualifikuar
Anketuesi duhet të jetë i aftësuar dhe i familjarizuar me pyetësorin e
disenjuar dhe të gjitha materialet e anketimit para kryerjes së anketimit.
Anketuesit do të shihet se a janë të sigurtë se nuk do të kenë vështirësi me
respodentin e parë. Anketuesi duhet të dijë dhe zbaton udhëzimet të cilat
i janë dhënë të printuara në pyetësor me shkronja të mëdha ose të futura
në thonjëza, të cilat tregojnë:
1. Kalo shembull (trego cila përgjigje të përgjigjet në vijim kur është
dhënë përgjigje e veçantë).
2. Kur ta lexon ose mos ta lexon përgjigjen e mundshme.
3. Kur vetëm një përgjigje mundet të regjistrohet ose kur shumë përgjigje
janë të pranueshme.
Pyetni pyetjet
Secila pyetje në pyetësor është disenjuar për qëllim të caktuar dhe të
siguron informacionin e kërkuar që të kompletojmë qëllimet e studimit.
Nëse një anketues shenon ose e parashtron pyetjen me fjalë të veta,
shmangija do të paraqitet dhe anketimi më nuk do të jetë ngjashëm me
ato që pasojnë, të cilët do të parashtrojnë pyetje ashtu si janë në pyetësor.
Në rastin kur respodentët duket se nuk e kuptojnë pyetjen, anketuesi do ta
përsëris pyetjen nga dal respodentit, por përsëri, jo t‟i shpjegoji me fjalë
të tija. Nëse respodenti nuk mundet me u përgjigjur ose refuzon të
përgjigjet në pyetje, rrethanat duhet shenuar në margjinë dhe anketuesi
duhet të kalon në pyetjen vijuese.
Mos e udhëheqni në përgjigje respodentin
Anketuesi nuk duhet të “udhëheqë” respodentin në përgjigje. Me këte
nënkuptojmë se anketuesi nuk do të kërkojë nga respodenti asgjë që
drejperdrejt respodenti përgjigjet në mënyrën se si ai/ajo mendon që
anketuesi dëshiron. Anketuesi as një herë nuk duhet të sugjeron fjalën,
frazën, ose idenë respodentit. Një shembull i drejtimit është:
Respodenti: Shijon mirë.
Anketuesi: Me mirë, a mendoni freski?
Respodenti: Po.
Anketuesi, qartësinë e saktë në përgjigjen “Shijon mirë” do të jetë ”Çka
mendoni me “mirë?”.
Mos të jeni negativ
Në natyrën e njeriut është që shpesh të pyetet edhe në formë negative. Pra
me këte ne mendojm që në vend të parashtrimit të pyetjes “Çka tjetër ju
mbani në mend?” anketuesi mundet me pyetur “Nuk mbani mend diçka
më shumë?” ose “Ju nuk mundeni të mbani mend diçka tjetër?” Me
bërjen e pyetjeve në formën negative, anketuesi mundet respodentin me e
12
vu në pozitë defanzive dhe vazhdimi me pyetje negative mundet ta qon në
irritim dhe përfundim. Me fjalë tjera në një pyetje negative përgjigja
normale është negative. Jo.
Regjistrimi i përgjigjeve origjinale
Pyetjet nga pyetësori duhet të lexohen ashtu si janë shkruar, pra fjalë për
fjalë, por edhe anketuesi përgjigjet duhet t‟i shenojë fjalë për fjalë ashtu si
i jep përgjigjet i anketuari. Anketuesi zakonisht do të jetë i aftë ta
përcjellë përgjigjen e respodentit. Nëse përgjigjet reshin, anketuesi
mundet me e përsëritur secilën fjalë që respodenti ka thënën ashtu si
ai/ajo i shkruan, në mënyrë që respodenti zakonisht ngadalson kur
shenohen përgjigjet. Ose anketuesi mundet të thotë, “Ju kishit thënë diçka
lidhur ...” respodenti zakonisht kthehet dhe do ta mbulon çështjen
përsëri.
Mënyra tjetër për të ngadalësuar respodentin në shpjegimin se përgjigja
nga ai/ajo është shumë me rëndësi dhe anketuesi dëshiron të jetë i sigurtë
që të shenon çdo fjalë.
Anketuesi duhet t‟i regjistron përgjigjet në formën e saktë si i jep
respodenti. Anketuesi nuk duhet t‟i shton ose rifrazon përgjigjet e
respodentit, përgjigjet regjistrohen ashtu si respodenti i jep ato.
“X” ose rretho dhe jo tik.
Në të shumtën e rasteve në përgjigjet e mbyllura përgjigja do të kërkohet
të shenohet me “X” e jo me tik. Nëse në pyetësor kërkohet që i anketuari
duhet të rrethon përgjigjen e sakt duhet të respektoet dhe të rrethohet pa
prek numër ose shkronjë tjetër.
Qëndrimet e anketuesit
Anketuesi duhet të qëndroi tërësisht neutral, pavarësisht nga përgjigja që
jep i anketuari, zërit, komenteve, ose grimasave që bën. Respodenti nuk
duhet të ngutet. Disa njerzë mendojnë dhe nuk përgjigjen si disa. Duhet të
jetë e njohur se respodenti është pyetur për një mendim pa para përgatitje
dhe rreth të cilit ai/ajo ka shumë pak kohë të mendojë.
Kur në anketim, anketuesi nuk ka një pamje të mirë fëtyre. Ai ose ajo do
të zhvillon vetinë e nxitjes së repodentit të flet, pa udhëheqje, dhe duke
dëgjuar me kujdes çka ka thënë. Ekzistojën shumë rrugë që ndikojnë që
anketuesi i ka zbatuar vërejtjet e të anketuarit. Ndonjëherë pohimi me
kokë është i mjaftueshëm, ndonjëherë vërejtjet e pashmangshme siç janë:
“E shoh se çka ju mendoni”, “Unë kuptojë”, ose “”Është shumë
13
interesante” do të bajë që respodenti t‟i shpreh idetë dhe mendimet më
gjerë lidhur me temën pa shmangur të dhënat.
10.1.8. UDHËZIMET PËR PUNË ANKETUESVE
Pas zgjedhjes së kandidatëve për anketues, është e nevojshme t‟ju jepen
udhëzimet e nevojshme për punë. Institutet e organizuara profesionale për
kërkimet e marketingut, për anketuesit organizojnë kurse dy ose tri
ditëshe për punën në terren. Madje ka raste kur s‟jepen udhëzime. Në
rastet kur s‟ka mundësi të organizimit të kursit, në të cilin do të
përfshiheshin të gjitha aspektet e punës në terren dhe të zgjidhen shumë
probleme të mundshme, anketuesve së paku duhet dhënë udhëzime të
shkurtra për punë.
Qëllimi i të gjitha para përgatitjeve është që të gjithë anketuesit gjatë
mbledhjes së të dhënave të veprojnë njëlloj, të sillen njëlloj ndaj të
anketuarëve dhe një lloj t‟i zgjidhin problemet me të cilat mund të
ballafaqohen, në mënyrë që kërkimet të mbajnë cilësinë e procedurës së
standardizuar.
Udhëzimet për punën e anketuesve rëndom përfshijnë disa çështje, të cilat
janë:4
1. Si të bëhet kontakti i parë me të anketuarin,
2. Si të parashtrohen pyetjet nga pyetësori anketues,
3. Si të nxitet i anketuari në dhënjen e përgjigjeve,
4. Si të shenohen përgjigjet dhe
5. Si të përfundohet biseda.
10.1.8.1. KONTAKTI I PARË ME TË ANKETUARIN
Anketuesi duhet të dijë se në kontaktin e parë me të anketuarin duhet të
sillet ashtu që i anketuari të kuptojë rëndësinë e pjesëmarrja e tij dhe
rrjedhimisht të mos refuzoj pjesëmarrjen. Zakonisht anketuesi paraqitet
me përshëndetje dhe prezentimin e tij:
Mirë mëngjesi/dita/mbrëma.
Unë jam (Emri) ______________________, nga
Instituti për Kërkim marketingu ________________________.
Ne bëjmë kërkimin për _______________________________.
Mendimet tuaja do të na jenë shumë të dobishme”.
4 Mira Marushiq, Istrazhivanje trzhishta. Botimi I tretë, Informator, zagreb, 1992, fq.226-229.
14
Anketuesi duhet të ketë kartonin “legjitimues”, “identifikues” të cilin do
t‟ia tregojë të anketuarit, edhe më mirë është nëse e ka “bexhin“ (badjin)
ose distinktivin me emër të institutit kërkimor dhe me emrin e vet.
Anketuesi në kontaktin e parë kurrsesi nuk duhet të pyet, “A mundem me
ju pyetur ju ca pyetje?” “A mudeni të më përgjigjeni në ca pyetje?” “A
jeni i zënë?” ose me ndonji fjali tjetër që i anketuari të mund ta refuzojë
bisedën. Nëse anketuesi në derën e të anketuarit pyetë: “A mund të hyjë
brenda”?, i anketuari lehtë mund t‟i përgjigjet jo tani ose vetëm jo.
Anketuesi poashtu merr udhëzime se çka do të bëjë nëse i anketuari s‟ka
kohë për bisedë. Në çdo rast anketuesi duhet të ketë sjellje të mirë apo
raport korrekt dhe të mos e fyej të anketuarin edhe nëse ai e refuzon
bisedën.
10.1.8.2. PARASHTRIMI I PYETJEVE NGA PYETËSORI
ANKETUES
Qëllimet e anketimit janë që anketuesi të parashtrojë pyetjet dhe t‟i
evidencojë përgjigjet e marra, në mënyrën si është parashikuar në
pyetësorin anketues. Këtu duhet pasë parasysh në parashtrimin e pyetjeve,
sepse anketuesi me sjelljet e tij, mund të jetë burim serioz i gabimeve,
sepse të gjithëve na duket se dijmë të parashtrojmë pyetje.
Gjatë parashtrimit të pyetjeve duhet përmbajtur disa parimeve, si janë:
1. Të parashtrohen pyetjet saktësisht ashtu si janë të shenuara
në pyetësorin anketues,
2. Të lexohen veç e veç dhe ngadalë,
3. Të parashtrohen pyetjet me atë renditje si janë në
pyetësorin anketues,
4. Të pyetet për se cilën pyetje dhe të kapërcehen pyetjet
vetëm sipas udhëzimeve në pyetësor,
5. Të përsëritet pyetja nëse i anketuari nuk e ka dëgjuar ose
nuk e ka kuptuar.5
Këto udhëzime në pamje të parë mund të na duken të panevojshme, por
ato janë shumë të rëndësishme. Praktika ka treguar se shumica e
anketuesve në disa raste mendojnë se nuk kanë marrur pyetësor të mirë
dhe tentojnë që ta ndryshojnë pyetësorin, në mënyrë që ta bëjnë sa më
pak monoton.
5 Mira Marushiq & Tihomit Vranesheviq. Botim I pestë. ADECO, Zagreb 2001, fq. 306.
15
Përpjekja më e rrezikshme e anketuesit është kur përpjeket pyetjen ta
parashtroi në formë pak më ndryshe. Ky veprim e zvoglon vlerën e
rezultateve dhe as se si nuk duhet të ndodh. Po ashtu situatë delikate është
kur i anketuari nuk e kupton pyetjen. Anketuesi duhet t‟i ja përsërisë
pyetjen dhe as se si t‟i ja interpretojë rëndësinë e pyetjes. Më së miri çka
mund të thotë është: ”Ju lutem përgjigjuni ashtu si e keni kuptuar ju vetë
pyetjen”. Anketuesi duhet këshilluar që gjatë parashtrimit të pyetjeve të
mos ndryshojë tonin e zërit dhe të mos tregojë kurrfarë reagimi në
përgjigjet e të anketuarëve.
10.1.8.3. NXITJA E TË ANKETUARIT NË PËRGJIGJE
Nxitja e të anketuarit në përgjigje është veprim mjaft i ndijshëm dhe
zakonisht është e nevojshme te pyetjet e hapura. Prandaj, anketuesi duhet
të dijë se si të veproi, në rastin kur i anketuari i jep përgjigje jo të plotë
ose përgjigje e cila kërkon shpjegime plotësuese. Situatë më e rëndë është
kur të anketuarit nuk dëshirojnë të përgjigjen fare.
Anketuesi gjatë nxitjes së të anketuarit në përgjigje, nuk guxon t‟i ja
sugjerojë qëndrimet ose përgjigjet e veta. Varësisht nga situata kërkimore,
mirëpo në situatën kur i anketuari nuk ka dhënë përgjigje të plotë,
anketuesi mund të përdorë teknika të ndryshme për nxitjen e të anketuarit
për përgjigje, të cilat janë: Përsëritja e pyetjes, Pritja e përgjigjes,
Përsëritja e përgjigjes dhe Parashtrimi i pyetjeve neutrale.6
1. Përsëritja e pyetjes. Në situatën kur i anketuari heshtë, ne nuk e
dijmë se a heshtë pse se ka kuptuar pyetjen ose pse s‟di të përgjigjet ose
pse s‟do të përgjigjet. Prandaj, përsëritja e pyetjes mund të ndikojë dhe ta
motivojë që të ndyshon qëndrimin dhe të përgjigjet. Nëse ka qenë pyetja
e parashtruar: ”Çka mendoni për shkollat e mesme private”?, kurse i
anketuari nuk përgjigjet, atëherë anketuesi mund ta përsërisë pyetjen duke
shtuar: “Më falni, vetëm të përsërisë, Çka mendoni për shkollat e mesme
private”?
2. Pritja e përgjigjes. Anketuesi mund të vërej se i anketuari mendon për
përgjigje, në atë rast s‟do ta përsëris pyetjen, por me gjeste, shikim
pyetës, do t‟i tregojë se pret përgjigje. Pritja nuk duhet të jetë e gjatë që të
mos ngjajë heshtje e papëlqyeshme, në të cilën i anketuari s‟din çka të
përgjigjet derisa anketuesi pret përgjigje.
6 Po aty fq. 307.
16
3. Përsëritja e përgjigjes. Në rastin kur i anketuari jep përgjigje të
shkurtër, kurse anketuesi mendon se përgjigja mund të jetë më e gjatë,
atëherë do ta përsërisë atë përgjigje. Kjo për të anketuarin mund të jetë
nxitje që ta vazhdojë mendimin ose ta zgjerojë ose të bën një shpjegim
më të mirë se më parë.
4. Parashtrimi i pyetjeve neutrale. Ekzistonë numër i shumtë i
pyetjeve, të cilat anketuesi mund t‟i parashtroi dhe të mos ndikoi në
qëndrimin e të anketuarit. Disa prej pyetjeve të tilla do të ishin: Pse
mendoni kështu?, Edhe diçka? Si e mendoni ate? Nxitja mund të
prodhohet edhe me anë të komentit të shkurtër si: Ajo është shumë
interesante?, etj.
10.1.8.4. SHENIMI I PËRGJIGJEVE
Për shenimin e përgjigjeve si veprim, mendohet se udhëzimet nuk janë të
nevojshme dhe se çdo gjë është e qartë. Me që kërkimet janë një
procedurë e standardizuar, duhet siguruar mënyrë të njejtë të shenimit të
përgjigjeve, sepse përgjigjet përbëjnë bazën kryesore të përpunimit të të
dhënave.
Është në përgjegjësi të anketuesit të mban shenime të sakta të
informacioneve që kërkohen nga mbikqyrësi për anketimin e klientëve.
Nëse është kërkuar kolonë shtesë e numrave, është në përgjegjësi të
anketuesit që ajo shtesë të jetë e saktë. Informacionet e mbledhura me
anë të evidencave janë shpesh aq të rëndësishme ashtu si informacionet e
mbledhura në anketimin aktual.
Te pyetjet e strukturuara gabimet janë më të vogla, sepse është paraparë
vendi me katrorë ose me vizë. Te pyetjet e hapura nga anketuesi kërkohet
që me përpikmëri t‟i shenojë përgjigjet. Kjo punë anketuesve ju duket më
e vështira. Prandaj, në udhëzime për punën e anketuesit duhet theksuar
rëndësia e shenimit të përgjigjeve, saktësisht ashtu si i ka dhënë i
anketuari. Për të qenë saktësia e përgjigjeve sa më e madhe, anketuesi me
njëherë duhet t‟i shenojë përgjigjet ashtu si i ka dhënë i anketuari, pa
ndryshime, pa parafrazime dhe shkurtime.
Prandaj, përvojat kanë treguar se përgjigjet duhet të shenohen me një herë
në vend të ngjarjes, sepse ajo që duket në atë moment shumë e lehtë për
tu mbajtur mend pas dhjetë përgjigjeve të ngjashme shpejt do të
ngatërrohet dhe madje edhe harrohet. Në rastin kur anketuesi ka
parashtruar nënpyetje me qëllim të nxitjes së të anketuarit në përgjigje
edhe atë nënpyetje duhet shenuar në pyetësorin anketues.
17
10.1.8.5. PËRFUNDIMI I BISEDËS
Udhëzimet e fundit të cilat i merr anketuesi, janë të lidhura me mënyrën e
përfundimit të bisedës. Anketuesit nuk duhet të largohen me njëherë pas
përfundimit të bisedës. Pas përfundimit të anketimit, respodenti duhet
falënderuar. Para se anketuesi të largohet nga respodenti, ai/ajo duhet t‟i
rishikon përgjigjet në të gjitha pyetjet që të jetë e sigurtë se ato kanë
përgjigje të sakta dhe përgjigjet janë të qarta, përdorshme dhe të
lexueshme. Anketuesi pastaj do të largohet.
Kjo në rend të parë nuk është shumë e hijshme për arsye të punës së
mbaruar, por ekziston edhe arsye plotësuese. Pas përfundimit të pjesës
formale i anketuari mund të jep vërejtje të vlefshme, prandaj largimi i
menjëhershëm mund të jetë humbje e një rasti të tillë.
Edhe pse anketimi mund të duket i pëlqyeshëm për të anketuarin, realisht
i anketuari gjendet në një situatë jo të rëndomtë gjatë dhënjes së
përgjigjeve. Prandaj, komentet të cilat i anketuari mund t‟i jep pas
intervistës shpesh kanë vlerë të çmueshme dhe mund të jenë burim i ideve
për produkte të reja, për përmbajtjen e porosive propagandistike ose për
strategji të marketingut.
10.1.9. MBËSHTETJA E PUNËS NË TERREN
Puna në terren qe të jetë mirë e organizuar duhet planifikuar angazhimi i
të gjjithë pjesëmarrësve si: anketuesit, pra personat të cilët bëjnë
anketimin dhe kontrollorët, pra personat të cilët e ndihmojnë punën në
tërren, pra japin udhëzime, mbikqyrin dhe kontrollojnë punën e
anketuesve.
Anketuesit janë bashkëpunëtorë shumë të rëndësishëm në projekt dhe për
ate puna në terren në çdo projekt të ri fillon me një hyrje të shkurtër dhe
me shpjegimet për arsyet dhe qëllimet e kërkimeve. Mendimet janë të
ndara lidhur me ate se a duhet anketuesi të dijë kush është porositës i
projektit. Nëse jemi të sigurtë se ai qëndrim s‟do të bartet në të
anketuarin, mund të jipet një informacion i tillë. Megjithate kjo s‟është e
domosdoshme. Është e mjaftueshme p.sh. nëse anketuesi dinë se
dëshirojmë të fitojmë përvojë dhe qëndrime në raport me përdorimin e
kafesë. Do të njihemi me problemin e kërkimit dhe me të gjitha elementet
tjera, lidhur me projektin, shenimet të cilat do t‟i ndihmojnë që më lehtë
të kryejmë anketimin, por nuk është e nevojshme të zbulohet prodhuesi i
kafesë, për të cilin i kryejmë kërkimet. Anketuesi nuk duhet të vehet në
18
situatë që nga i anketuari të fsheh informacionet me të cilat disponojmë,
nëse ato informacione s‟mund t‟i ndihmojnë vetë procesit kërkimor.
Për tu kryer me sukses sa më të lartë puna në terren duhet të organizohet
shërbimi i anketimit. Shërbimi i anketimit përbëhet nga anketuesit dhe
kontrollorët. Anketuesit drejtpërdrejt mbledhin të dhëna nga të anketuarit,
ndërsa kontrollorët zakonisht udhëheqin me punën në terren. Pra, detyrë
kryesore e kontrollorëve është që anketuesve t‟u përcjellin udhëzime për
punë dhe t‟i ndihmojnë në kryerjen e punës, t‟i mbikqyrin, kontrollojnë
punën e tyre, mirëpo ka raste kur edhe vetë kontrollorët pjesërisht
anketojnë, por detyrë kryesore është se shërbejnë si lidhje në mes të zyrës
qendrore kërkimore dhe anketuesve.
Kontrollorët duhet të bëjnë kontrollën logjike të pyetësorëve anketues,
ashtu që pyetësorët të cilët dërgohen në zyrën qendrore të jenë plotësisht
të gatshëm për përpunim. Janë disa fusha të rëndësishme, të cilat
kontrollorët duhet t‟i kenë parasysh si: Vërtetimi se anketimi a kryhet
sipas planit, Anketimi i personit të vërtetë, Falsifikimi, Vërtetimi me
kontakt direkt me të anketuarin.7
1.Vërtetimi se anketimi a kryhet sipas planit
Duhet vërtetuar se anketimi a bëhet sipas planit të mostrës. Te mostrat e
rëndësishme anketuesi fiton rexhistrin e familjeve ose ndërmarrjeve, të
cilat duhet t‟i vizitoj ose ndonji udhëzim si është pozita e banesës në
objekt. Ky udhëzim realisht na sjell deri te njësia konkrete e anketimit,
por ekziston edhe mundësia e ndryshimit.
Ndryshimi mund të bëhet kur anëtarët e familjes nuk janë në shtëpi por në
rrugë, anketuesi mund ta anketoi familjen fqinje. Mirëpo si të veprohet
kur anketuesi nga ndonji arsye tjetër nuk dëshiron të anketon personin
NN, ose mund të ndodh që familja MM janë në pushime. Në këtë rast
detyrë e kontrollorit në terren është që situata të ngjashme mos të ndodhin
dhe në anketim t‟i përmbahemi planit të mostrës. Mirëpo ka raste kur
anketuesit nuk dëshirojnë të anketojnë ndonjë familje, sepse ai është
personi më i lig në fshat ose me qëllim të mirë kanë dëshiruar t‟i përfshijë
më të diturit, më të aftit, e jo ato të cilët janë zgjedhur në bazë të mostrës
së rastit.
2.Anketimi i personit të vërtetë Ka raste kur në kërkime dëshirojmë mendimin dhe përvojën e personit të
caktuar në familje, qoftë të zonjës së shtëpisë ose të fëmijës. Në qoftë se
7 M.Marushiq & T. Vranesheviq, Istrazhivanje trzhishta. Botimi I pestë. ADECO, Zagreb 2001, fq. 309.
19
ato persona s‟i gjejmë në kohë të vizitës së anketuesit, ai duhet ta shtyjë
anketimin për kohën kur mund ta takojë personin e kërkuar.
Kontrollori i terrenit duhet pas kujdes sidomos te kërkimet për nevoja të
konsumit industrial. Në qoftë se duhet ta anketojmë drejtorin e shitjes,
atëherë s‟mund të flasim me dike, i cili atë problematikë e njeh vetëm
pjesërisht. Në anketimin e familjeve dhe ndërmarrjeve realisht kemi
njësinë kërkimore, e cila përbëhet prej shumë anëtarëve dhe anketojmë
përfaqësuesin, i cili për problemin e kërkimeve më së tepërmi dinë.
3.Falsifikimi
Fatkeqësisht ekzistojnë raste kur anketuesit vetë i plotësojnë pyetësorët
anketues, edhe pse as një herë nuk kanë qenë në adresën e të anketuarëve,
ka raste kur pjesët e mbetura pa plotësuar të pyetësorit i plotësojnë me
përgjigje të veta, gjë që është e dëmshme për procesin kërkimor.
Mund të ndhodhë që pa faj ose qëllim të vetin të bënë falsifikimin në
ndonjë pjesë të procedurës: në mostrën e kuotës merret detyra të
anketohen tri femra në moshën prej 31 deri 40 vite. Kemi bërë anketimin
në shtëpi të mallrave, mirëpo pas përfundimit të intervistës në fund, duke
i marrur të dhënat nga pyetjet identifikuese kemi mësuar se njëri person i
ka 42 vite. Pra, ky pyetësor nuk duhet të hyjë në përpunim, sepse nuk i
përgjigjet kuotës së dhënë.
Ka raste kur anketuesit me dëshirë vetë i falsifikojnë përgjigjet, kur
konstatojnë se pyetjet janë të rënda ose të ndjeshme, kështu më leht u
është t‟i plotësojnë vetë sesa të bëjnë anketimin. Mund të ndodh që t‟i
trillojnë përgjigjet anketuesit, në rastin kur i anketuari në pyetjen:
Evidenconi pesë arësye të blerjes në supermarket?, ka dhënë tri arësye për
blerje dhe dy si kujtohen atëherë anketuesi vjenë në situatë që vetë t‟i
shtojë edhe dy arsyet “e veta” dhe ta kompletojë përgjigjen.
4.Vërtetimi me kontakt direkt me të anketuarin
Pas përfundimit të anketimit për pjesën e mostrës prej 10-15%,
kontrollori i terrenit duhet të dërgoi letër me anë të së cilës do të vërteton
se anketuesi a ka qenë dhe se si është sjellë në anketim. Me këtë veprim
mund të zbulojmë vetëm gabimet më të mëdha të anketuesit, pra, atë kur
s‟ka qenë fare në njësinë kërkimore (familje ose ndërmarrje) ose kur në
mënyrë drastike e ka shkurtuar intervistën, kështu pra shumë mashtrime
të qëllimta mund të mbesin të pazbuluara.
20
Prandaj, mund të konstatojmë se nuk është e mundur puna e anketuesve të
kontrollohet në detale, kështu që është mirë që puna e kontrollorit të
terrenit të shtrihet sa më shumë në motivim, bisedë, ndihmë dhe
bashkëpunim me anketuesin sesa në kontrollim formal. Pra, vetëm me
motivim të mirë të anketuesve dhe kuptimi i detyrës nga ato si duhet
mundëson me anketim të fitojmë rezultate të vërteta.
10.1.10 GABIMET NË MBLEDHJEN E TË DHËNAVE
Saktësia e të dhënave që sigurohet në projektin kërkimor varet nga disa
aktivitete të ndërvarura. Së pari, duhet të jenë artikuluar qartë qëllimet
kërkimore. Së dyti, disenjimi i saktë duhet të jetë bër. Së treti, teknikat e
sakta të mostrimit dhe procedurat doemos duhet të jenë përdorur. Së
katërti, të dhënat duhet të jenë mbledhur mirë dhe së fundi, të dhënat
duhet të analizohen saktësisht. Gabimet në ndonjë aktivitet munden me
mohuar disenjimin e shkëlqyeshëm të mostrës, teknikat e anketimit, dhe
disenjimin e pyetësorit.8
Ekzistojnë lloje të gabimeve në përgjithësi ndodhin në këkim: gabimi i
mostrës dhe gabimi jo i mostrës9. Gabim i mostrës është dallimi në mes të
vlerës së vrojtuar të ndryshorës dhe mesatares në periudhë të gjatë të
vlerës së vrojtuar të përsëritur dhe matur (serisë së vlerës). Gabimi i
mostrës është gabim statistikor që rezulton nga fakti se ndonjë mostër e
dhënë ka rast të prodhon vlersime të ndryshme të parametrave të
popullimit se sa aktualisht është rasti. Gabimi i rastit, rezulton nga gjasa e
variancës që shprehet si + dhe – përqind e saktësisë së ndonjë vlerësimi të
fituar nga mostra në nivelin e dhënë të besueshmërisë. Gabimi në mostër
merr shumë hapësirë dhe do të diskutohet më vonë. Megjithate gabimi jo
i mostrës, i cili rezulton nga shmangija sistematike nga baza do të jetë
problem më i vështirë se sa gabimi në mostër. Gabimi jo i mostrës
përfshijnë gabimet të cilat vijnë nga korniza e mostrës, gabimet në
mospërgjigje, dhe gabimet në të dhëna. Gabimet jo të mostrës zakonisht
ndodhin si gabime në disenjim, logjikë, interpretim, fushën e shërbimit
ose prezentimit.
Gabimet jo të mostrës janë në numër të shumta, të përhapura dhe janë
shumë arbitrare. Gabimet jo të mostrës, nuk zvoglohen me madhësinë e
mostrës, ato tentojnë të rriten si rritet madhësia e mostrës. Përderisa
gabimet e mostrës munden të vlerësohen, gabimi jo i mostrës në
përgjithësi është i panjohur. Prandaj, gabimet jo të mostrës janë shpesh 8 Grup autorësh, The marketing research guide. The Haworth Press, 1997, fq. 198.
9 Gilbert A. Churchill, JR., basic marketing Research.4E, South Western Thomson Lerarninig, 2001, fq. 532.
21
gabime shumë të rëndësishme që rriten gjatë projektit të kërkimit.
Zvoglimi i tyre nuk është i varur nga madhësia e rritur e mostrës, por në
përmirësimin dhe veprimit me procedura për mbajtjen e të dhënave në
vetvehte.
10.1.11 TIPET E GABIMEVE JO TË MOSTRËS
Ezistojnë tri lloje bazë të gabimeve jo të mostrës: gabimi në kornizën e
mostrës, gabimi në mos përgjigje dhe gabimi në të dhëna. Gabimi në
kornizën e mostrës ndodh kur pjesë të caktuara nga anketimi i popullimit
nuk janë përfaqësuar ose janë mbipërfaqësuar në studim. Kjo mund të
rezulton nëse pjesa e popullimit që na intereson nuk është përfshirë ose
ndonjë pjesë e popullimit është mbipërfaqësuar. Gabimi në mos përgjigje
rezulton kur është dallim sistemantik në mes atyre që përgjigjen dhe atyre
që nuk përgjigjen në anketim. Gabimet në të dhëna ndodhin kur
mbledhen të dhënat gabim ose gabimet janë bër kur të dhënat janë
procesuar për përpunim. Mjaft shpesh gabimet jo të mostrës janë bër pa
njohurinë e kërkuesit për to. Kjo i bën ato potencialisht të rrezikshme në
lidhje me rezultetet e projektit. Kuptimi i këtij lloji të gabimeve do t‟i
ndihmojë kërkuesit të parandaloj ose korrigjoj ato.10
Gabimet në kornizën e mostrës
Gabimet në kornizën e mostrës janë dy lloje:
Gabim nënpërfaqësimi dhe
Gabim mbipërfaqësimi.
Gabim nënpërfaqësimi, ndodh kur disa elemente nga popullimi fillestar
nuk janë përfshirë në mostër. Kjo shmangie në këte lloj të gabimit është
dallimi në karakterstika, cilësi dhe mendime në mes atyre që janë
përfshirë dhe të atyre që nuk janë përfshirë. Ky është problem shumë
shqetësues në kërkim marketingu, sepse kërkuesit nuk e dijn se a janë të
rëndësishme dhe strategjike dallimet ndërmjet atyre që nuk janë
përgjigjur dhe atyre që janë përgjigjur kur nuk ka informacione nga
respodentët potencial të nënpërfaqësuar. Mospërfaqësimi në parim është
problem i kornizës së mostrës. Korniza e mostrës thjeshtë është lista e të
gjithë anëtarëve të popullimit që studiohen. Të gjitha metodat bazë të
anketimit varen nga lista e anëtarëve të popullimit që studiohen.
Adresarët telefonik nuk janë korniza të plota të popullimit të qytetit,
sepse çdo shtëpi nuk ka numër telefoni, disa nuk janë të regjistruara dhe
shumë njerëz janë në trasferim në ndonjë kohë të dhënë. Anketimi me
10
Grup autorësh, The marketing research guide. The Haworth Press, 1997, fq.200.
22
postë elektronike ka të njejtin promblem të nënpërfaqësimit, sepse është e
rrallë lista që saktësisht përfshinë popullimin e përgjithshëm në studim.
Mostra e nënpërfaqësuar e anëtarëve është me rëndësi, ashtu si janë
rezultatet që dalin nga mospërfshirja e të gjithë respodentëve të
mundshëm në kornizën e mostrës. Kjo ndodh kur njësitë e mostrës së
listuar nuk janë kontaktuar dhe ndodh në anketimin personal dhe me
telefon. Shpesh kjo ndodh kur anketuesit nuk i përcjellin udhëzimet ose
nuk bëjnë thirrje të përshtatshme përsëri.
Rruga më efektive që të kufizohet zgjerimi i gabimit të nënpërfaqësimit
është të njihet ekzistimi i saj dhe të merr masa lidhmërie/korrelacioni.
Këto masa janë: a. Përmirëson kornizën e mostrës, b. Themelon udhëzime
të qarta lidhur me ate se kush të anketohet, kur të anketohet, dhe ku të
anketohet, c. Specifikon kërkesat për thirrje përsëri dhe d. Kur është e
mundur vërteto ose mbikqyr anketuesit.11
Gabim mbipërfaqësimi, ndodh kur është dyfishuar ose mbipërfaqësuar
kategoria e caktuar e njësive të mostrës në kornizën e mostrës. Në shumë
raste nënpërfaqësimi i pjesëve të caktuara të kornizës së mostrës qon te
mbipërfaqësimi i pjesëve të tjera. Mbipërfaqësimi poashtu mundet të
ndodh kur pjesë e caktuar e njësisë së mostrës është listuar më shumë se
njëherë. Kjo qon në numrim të dyfisht dhe të shmangijes së bazës së
studimit.
Gabimet në mospërgjigje
Gabimi në mospërgjigje ndodh kur disa nga elementet e popullimit të
përzgjedhura në mostër nuk përgjigjen. Kjo ndodh më së shpeshti në
anketimin me postë, por mund të ndodh edhe në anketimin me telefon dhe
në anketimin personal. Personi i zgjedhur që të anketohet mundet të mos
përgjigjet, sepse ato nuk janë në shtëpi ose pse ato kudërshtojnë të marrin
pjesë në anketim.
Gabimet në mospërgjigje “Jo në shtëpi” ndodh se respodenti potencial
nuk është në shtëpi kur anketuesi thirr dhe ky burim i gabimit në
mospërgjigje tenton të jetë në rritje. Në kategorinë “jo në shtëpi” të
respodentëve përfshihen edhe ato që thjesht nuk janë në shtëpi dhe ato të
cilët nuk munden të gjenden. Këtu përfshihenë edhe ato të cilët përdorin
makinat për përgjigje që paraqiten në thirrjet e tyre kur ato nuk janë në
shtëpi, shkojnë në udhëtim të gjatë ose madje kur ato kanë ndërruar
vendbanimin.
11
Po aty, fq. 201.
23
Evidenca tregon se kategoria e respodentëve “jo në shtëpi” janë më të
rinjë, më mirë të edukuar, më shumë të pasur, dhe më shumë urban se sa
ato që janë në shtëpi. Karriera e dufisht e familjeve bën që problemi të
ketë tendencë të pëshkallëzohet. Kujdesi duhet të jetë për ato “nuk janë në
shtëpi”ose rezultatet do të jenë jo të plota dhe shmangshëm. Segmente më
pak që munden të jenë në shtëpi do të jenë të nënpërfaqësuar dhe
rezultatet shmangen drejt atyre që janë respodentë në shtëpi.12
Kundërshtimi i pjesëmarrjes ose ndërprerja e anketimit pas fillimit ndodh
kur respodentët heqin dorë. Shkalla e refuzimit varet nga natyra e
respodentëve që janë subjekt i kërkimit, aftësisë së anketuesit, gjatësisë
dhe disenjimit të pyetësorit dhe situatës personale të anktuarit. Anketimet
me postë janë veçanërisht të theksuara sa i përket gabimeve të refuzimit
për mospërgjigje dhe në përgjithësi shkalla e refuzimit shfaqet se po
rritet. Përherë më shumë njerëz janë duke u anketuar dhe risia e të qenit i
anketuar është e kaluar, sepse mashtrimi dhe krimi ka bër që njerëzit të
janë të ndjeshëm të ken anketues në shtëpi. Përdorimi i telefonit për shitje
në telemarketing fsheh theksin ashtu që anketimi është shumë vështirë të
kompletohet në tërësi.
Fatmirësisht janë shumë metoda efektive për zvoglimin e problemeve
papërgjigje. Disa nga më të përgjithshmet janë si vijon:
a. Respodenti shet sipas rëndësisë së mendimit të tij dhe vlerës së
kërkimit.
b. Respodenti shenon që më përpara dhe e rezervon një kohë të
thirrjes së sërishme duke e harmonizuar reciprokisht kohën.
c. Siguron besueshmërinë.
d. Mban kontakt me thirrje të sërishme ose e përcjell me imeill.
e. Përfshinë taksën e postës dhe zarfën për dërgesë postale.
f. Përdor stimuluesit monetar.
g. Siguron thirrje papagesë për respodentin që të thirrr kur ai ka
kohë dhe i përshtatet.
Përdorimi me kujdes i këtyre teknikave do të rrisë shkallën e përgjigjes në
anketim dhe do t‟i ndihmoj në shmangien e problemeve të shoqëruara me
gabime në mospërgjigje.13
Gabimet në të dhëna14
Gabimet në të dhëna përbëhen nga gabimet në anketim, regjistrim, kodim
dhe bartje të të dhënave. Zakonisht këto gabime ndodhin sepse
informacionet jo të sakta janë mbledhur nga respodentët ose
12
Po aty, fq. 202. 13
Po aty, fq. 202. 14
Po aty, fq. 202.
24
informacionet e gabuara janë regjistruar. Kjo mundet me rezultue nga
gabimet në instrumentet e matjes që janë rezultat i disenjimit të dobët të
pyetësorit. Në shumë raste gabimet e procesimit poashtu ndodhin gjatë
shtypjes, kodimit, tabulimit dhe bartjes së të dhënave. Shmangia e
anketuesve nga baza ndodh kur ndërveprimi ndodh ndërmjet të
anketuarit dhe anketuesit. Respodentët munden me e zmadhue ose me e
zvoglue sjelljen e caktuar, qoftë me vetëdije ose pa vetëdije. Në disa
mënyra këto tipe të gabimeve janë shumë të rrezikshme, sepse ndryshe
nga gabimet e jovrojtimit, kërkuesit nuk kanë ide kur dhe si gabimet e
vrojtimit mund të ngjajnë. Aftësimi i kujdesshëm, mbikqyrja, monitorimi
dhe botimi është e kërkuar të zvoglojnë kët tip të gabimeve.
Lloji i fundit i gabimeve në të dhëna që duhet theksuar janë të dhënat e
rreme. Mashtrimi me të dhëna nënkupton falsifikimin e informacioneve
nga aketuesi. Me e shmang këte problem, duhet patur kontroll dhe
mbikqyrje të mirë.
10.2. PËRPUNIMI I TË DHËNAVE
10.2.1. RËNDËSIA DHE FAZAT E PËRPUNIMIT TË TË
DHËNAVE
Marrja e përgjigjeve të sakta, në pyetjet e parashtruara në fillim të
kërkimit është qëllim i çdo kërkimi që bëhet. Puna e kërkuesit në procesin
e kërkimeve të marketingut është shumë interesante, sepse me përpunim
dhe analizë të të dhënave dhe interpretim të rezultateve, arrijmë te
informacionet, në bazë të të cilave ka filluar procesi kërkimor.
Në këtë fazë, nga numri i madh i përgjigjeve të veçanta krijohet pasqyra
për situatën e tregut në tërësi. Pra, informacionet e fituara na mundësojnë
të nxjerrim vendime për afarizmin e ndërmarrjes në kushte të tregut.
Për të ardhur deri te analiza e të dhënave dhe interpretimi i rezultateve të
fituara, duhet kryer ca punë të caktuara, të cilat i paraprijnë dhe janë të
domosdoshme, që të arrihet te informacionet konkrete. Fazat dhe
aktivitetet në përpunim krahas analizës dhe interpretimit përfshijnë
kontrollën logjike, kodimin dhe bartjen e të dhënave në kompjuter.
Duke i marrur parasysh të gjitha mundësitë e paraqitjes së gabimeve gjatë
mbledhjes së të dhënave, faza e përpunimit dhe analizës së të dhënave
është faza e fundit ku gabimet mund të vërehen dhe përmirësohen. Nëse
është e pamundur të dhënat e gabuara të përmirësohen atëherë ato të
25
dhëna duhet krejtësisht të eliminohen nga procedura e përpunimit dhe
analizës. Prandaj, në çdo projekt kërkimor zbatojmë procedurën e
kontrollit logjik, ndërsa më tej kalohet në kodimin e formularëve dhe
bartjen e të dhënave ose në tabelim të rezultateve.
10.2.2. KONTROLLI LOGJIK I TË DHËNAVE
Kontrolla logjike e të dhënave është e nevojshme dhe bëhet si kontrollë e
punës së anketuesve dhe të bashkëpunëtorëve të tjerë në procesin e punës
në terren, por edhe si kontrollë e përgjigjeve të anketuarëve. Me kontrollë
logjike nënkuptojmë procesin e vërtetimit të tërësisë, kosekuencës dhe
lexueshmërisë së të dhënave si dhe përgatitja e tyre për kodim dhe bartje
në memorjen e kompjuterit.15
Kontrollimi i kujdesshëm logjik i të dhënavë e lehtëson punën e kodimit
të të dhënave që pason pas kontrollës logjike. Në këtë fazë ende mund të
ndodh të zbulohet se si përgjigjet e të anketuarëve në pyetësorin anketues
nuk janë krejtësisht të sakta, ndërsa ekziston mundësia që të korrigjohen
kryesisht nëse është i mundur komunikimi në mes të anketuarëve dhe
anketuesit.
Kontrolla më e mirë logjike është të bëhet në terren, pra kur menjëherë
pas anketimit ose vrojtimit kontrollori e kryen kontrollën. Puna e
anketuesve zakonisht është e organizuar ashtu që anketuesi, kontrollorit të
terrenit çdo ditë i sjell rezultatet e anketimit. Për institutin kërkimor,
përkatësisht shërbimin, puna do të jetë më e madhe kur në terren nuk
ekzisojnë kontrollorët dhe nuk e bëjnë kontrollën logjike me njëherë pasi
të jetë kryer anketimi.
Në rastet kur shërbimi i kontrollit në terren është mirë i organizuar,
shërbimit qendror në institut i mbetet vetëm të krahasojë mënyrën e punës
së kontrollorëve të ndryshëm, të vërteton gabimet eventuale sistematike,
të cilat mund të jenë rezultat i lëshimeve të anketuesve ose kontrollorëve.
Veçanërisht duhet të kihet kujdes në pyetjet të cilat përmbajnë përgjigje
“nuk dij” si dhe pyetjet me përgjigje të shkurtëra, të cilat janë të ngjashme
me përgjigjet të cilat i kanë fituar anketuesit tjerë.
Prandaj, kontrolla në shërbimin qedror të institutit drejtohet në fushat
vijuese si: konsekuenca, tërësia, renditja e pyetjeve, vërtetimi i saktësisë
15
Mira Marushiq, Istrazhivanje trzhishta. Botimi I tretë, Informator Zagreb, 1992, fq. 232.
26
dhe lexueshmërisë së përgjigjeve dhe kontrollimi i përgjigjeve „nuk
dij“.16
1. Tërësia
Nëse i anketuari është përgjigjur vetëm në pjesën e dytë të pyetjeve, pra
në ato pyetje të cilat përbëhen nga dy pjesë, për personin i cili do t‟i
kodon të dhënat, kjo ngadalëson pa nevojë procedurën, për ate zgjidhja
bëhet në fazën e kontrollës. Pra, kur prej pjesës së dytë të pyetjes është e
qartë se ajo do të duhej të ishte përgjigje në pjesën e parë te pyetja e parë,
kontrollori mund ta regjistroi, në të kundërtën duhet të lehet si pyetje pa
përgjigje.
2. Konsekuenca
Kontrollori në shërbimin qendror ka për detyrë të vërtetoi se pyetësorët a
përmbajnë përgjigje jokonsekuente, të cilat janë të ndërvarura dhe
kontradiktore. Nëse ka raste të tilla, ato duhet të shmangen, sepse
problemi paraqitet në bartjen e të dhënave në kompjuter. Si shembull i
tillë mund të merret, kur i anketuari e ka pa shpalljen në Koha Ditore,
ndërsa para këtij rasti është përgjegjur se nuk e lexon Kohën Ditore. Në
kësi rastesh kompjuteri në procesin e përpunimit kësi përgjigje nuk
pranon, sepse kjo pyetje për leximin e gazetave ishte pyetje
selekcionuese, e cila qëllim ka pasë ndarjen e të anketuarëve në lexues të
ndryshëm të gazetave.
Prandaj, detyra kryesore e kontrollorëve në këtë pjesë është t‟i krahasojnë
përgjigjet në pyetjet të cilat janë në lidhje ndërvarshmërie dhe vërtetojnë
se i anketuari ishte konsekuent në përgjigje.
3.Renditja e pyetjeve
Në procedurën e anketimit duhet patur parasysh se anketuesit s‟janë
aftësuar më së miri për regjistrim të të dhënave në pyetësor. Kjo mund të
vërehet gjatë përpunimit, ku disa të anketuar kanë dhënë përgjigje në një
pyetje për tjetrën, madje ka raste kur i anketuari në pyetjen e parë është
përgjigjur edhe për pyetjen e tretë që kemi pas me ja parashtruar.
Kjo formë e përgjigjeve veçanërisht është e shprehur te pyetjet e hapura,
ku anketuesi e shenon në pyetjen e parë edhe përgjigjjen për pyetjen e
tretë, pa e vrejtë anketuesi, kështu kur të vihet te pyetja e tretë p.sh. i
anketuari shprehet: “Këto veç ju kam thënë“ ose „Në këtë pyetje jam
përgjigjur“. Prandaj, kontrolla logjike në zyrën qendrore është rasti i
fundit që pyetjet dhe përgjigjet e tilla të harmonizohen.
16
Po aty, fq. 233-234.
27
4.Vërtetimi i saktësisë dhe lexueshmërisë së përgjigjeve
Te pyetjet e strukturuara anketuesi përgjigjet i shenon duke i
rrumbullaksuar numrat ose shkronjat. Nuk është përherë e sigurtë secila
shkronjë e rrethuar është përgjigje e saktë, prandaj saktësinë e përgjigjeve
e vërteton kontrollori me anë të kontrollës logjike.
5. Kontrollimi i përgjigjeve „nuk dij“
Pavarësisht se sa me kujdes është përpiluar secila pyetje dhe pyetësori në
tërësi, ndodh që përgjigjet mundemi me i kuptuar në mënyra të ndryshme.
Në raste të tilla kërkuesi duhet të bëj kontrollë shumë të kujdesshme dhe
t„i kuptojë përgjigjet e dhëna në mënyrë të drejtë. Shembull tipik janë
përgjigjet „nuk dij“.
Situatë problematike paraqet kontrollimi i përgjigjeve “nuk dij”, sepse ajo
përgjigje mundet të shpjegohet në kontekste të ndryshme. Pse? Sepse
komentimi më i thjesht i përgjigjes “nuk dij”, është konstatimi se i
anketuari nuk ka ditur të përgjigjet në pyetjet e parashtruara. Disa të
anketuar japin përgjigjen „nuk dij“ në pyetjet nga fushat për të cilat nuk
dëshirojnë të flasin, sidomos nga: politika, pasuria, higjiena, problemet
familjare, etj. Prandaj, punë e kontrollorit është t‟i ndajë përgjigjet “nuk
dij”, që të dhënat e tilla të mos hyjnë në fazën e përpunimit.
Rasti kur anketuesi përgjigjen „nuk dij“ e jep kur vërtetë nuk din ndonjë
fakt ose nuk ka mendim për problemin e caktuar. Le të marrim pyetjen
vijuese: “A dini se në treg është paraqitur detetgjent i ri i markës Y“?
Përgjigja „nuk dij“ në këte pyetje mundet të kuptohet si fakt që vërtetë i
anketuari nuk din për ekzistimin e atij produkti, sepse nuk e ka par
reklamën në TV apo lajmërimin në shitore. Poashtu kur anketuesin e
pyesim se a do të blejë TV palzma në vitin e ardhshëm ai mundet me u
përgjigjur „nuk dij“ se ende nuk ka marr vendim të tillë.
Për dallim prej situatës së lartë shenuar kemi rastin kur i anketuari
përgjigjen „nuk dij“ e përdor për të fshehur faktin se nuk e kupton
pyetjen! Në pyetjen: „ Se a më shumë ju pëlqen dizajni i produktit X ose
Y? Përgjigja meret „nuk dij“, sepse i anketuari nuk e ka të qartë fjalën
dizajn dhe i është vështirë ta pranon. Poashtu është me rëndësi vendosja e
bazës për llogaritjen e % në serinë statistikore. Këtu do të gjendemi para
dilemës se a do të përfshihen të gjitha përgjigjet ose përgjigjet “nuk dij”
do të eliminohen nga përpunimi (baza), prandaj struktura e përgjigjeve
llogaritet vetëm në bazë të përgjigjeve, të cilat nuk përfshijnë përgjigjet
“nuk dij”. Të gjitha pyetjet duhet të zgjedhen para kodimit të të dhënave.
28
10.2.3. KODIMI I TË DHËNAVE
Në vendet e zhvilluara për herë e më shumë është paraqitur nevoja për
shkurtimin e kohës ndërmjet kërkimit të bërë dhe rezultateve në
dispozicion. Prandaj, mbledhja e të dhënave në masë të madhe është
automatizuar me bartjen e përgjigjeve drejtpërdrejt në kompjuter. Në
rastet kur kërkimet bëhen në vende publike si p.sh. në Amerikë në
qendrat tregtare, ku disa prej kërkimeve organizohen ashtu që vetë të
anketuarit i regjistrojnë përgjigjet e koduara drejt në kompjuter, kurse
ndërmarrja kërkimore disponon me të dhënat kur i anketuari i fundit i ka
bartë përgjigjet e veta.
Teknikisht kjo procedurë është shumë e thjesht dhe nuk kërkon kurrfarë
dije kompjuterike, mirëpo njerëzit në vendet e zhvilluara dijnë të
komunikojnë me pajime, duke filluar nga aparatet e tyre shtëpiake ku
kanë programe të ndryshme deri te komunikimi me bankën me anë të
telefonit (pa pjesëmarrjen e njeriut vetëm me dhënjen e urdhëresës me
ndihmë të numrave të telefonit digjital). Në rastet kur kërkimet i bëjmë
me anë të teknikës ku kodimi është barazuar me përshkrimin e
përgjigjeve, procedura e kodimit është e tepërt. Në kushtet tona të
zhvillimit të kërkimeve në shumicën e projekteve bëhet kodimi i
formularëve.
Kodimi është procedurë e bashkangjitjes së numrave ose shkronjave të
dhënave të ndryshme. Kodimi, të dhënat e mbeldhura I shndërron në
simbole – numra të rëndomtë, ashtu që të mund të tabelohen dhe
numërohen. Shndërrimi nuk bëhet atomatikisht, ai kërkon dituri nga ai që
bën kodimin. Kodimi është I domosdoshëm nëse dëshirojmë të dhënat t‟I
procesojmë në kompjuter, por poashtu është I dobishëm edhe te
përpunimi me dorë.
Parimi themelor, të cilit duhet përmbajtur është se duhet që çdo kategori
të cilës I jipet shifër e veçantë/numër, shkronjë ose ndonjë shenjë, duhet
doemos të përcaktohet sakt. Kjo dmth se shifrimi/kodimi duhet të bëhet
për çdo përgjigje të mundshme dhe në të njejtën kohë të mos munden të
përputhen në mes veti. Libri që përshkruan secilën ndryshore, i jep emër
të kodit dhe identifikon vendin në regjistër, quhet libri i kodeve.17
Ky parim leht zbatohet te pyetjet e mbyllura dhe të strukturuara. Te
pyetjet strukturuara procedura është gati automatike, te këto pyetje të
17
Gilbert A. Churchill, Basic Marketing /Research, 4E. South-Western Thomson-Learning.2001, fq. 590.
29
anketuarit i ndajmë sipas p.sh. gjinisë kodi për gjininë femërore shenohet
me 1, automatikisht për gjininë mashkullore shenohet me 2.
Gjinia
Femërore 1
Mashkullore 2
Kualifikimi
I ulët 1
I mesëm 2
I lartë 3
Superior 4
Me rëndësi është që me një vend të shenojmë kuptimin e kodeve, që çdo
kërkues pa vështirësi të mund ta përcjellë bartjen e të dhënave.
Programet më të mira për përpunim statistikor të të dhënave
automatikisht do t‟i kodojnë përgjigjet po sa të bartim informacionin se
në pyetjen e gjinisë do t‟i kemi dy përgjigje: femërore dhe mashkullore.
Me rastin e shenimit të përgjigjeve në kompjuter, nëse këtë e bëjmë
nga pyetësori s‟është e nevojshme të shohim cila fjalë e ka cilin kod.
Kodimi i pyetjeve me përgjigje të hapura kërkon më shumë kohë dhe
angazhim më të madh, sepse të gjitha përgjigjet nuk janë paraparë gjatë
hartimit të pyetësorit anketues. Kodimi i këtyre pyetjeve bëhet në atë
mënyrë që përgjigjet e ndryshme klasifikohen në disa grupe të
përgjigjeve, të cilat do të paraqesin mendimet kryesore të theksuara nga të
anketuarit, ndërsa secili grup i përgjigjeve fiton një kod të caktuar.
Procedura është si vijon: kërkuesi me kujdes i lexon përgjigjet nga
pyetësori, prej rendit dhe grupit të përgjigjeve, të cilat paraqesin një
mendim, derisa arrihet te fundi i përgjigjes.
Ky lloj i kodimit përbëhet nga përmbledhja e fjalive të disa të
anketuarëve në një, dy ose tri mendime themelore. Prandaj, kodimin e
përgjigjeve duhet ta bëjë kërkuesi me përvojë, i cili e dallon një mendim
nga tjetri. Kodimi vetvetiu parasheh mundësinë që një i anketuar të
shpreh më tepër se një mendim, që dmth se në një pyetje duhet të
parashtrohet numër më i madh i kodeve.
Regjistrimi i variablave dhe i modaliteteve kryesore, përkatësisht pyetjeve
dhe përgjigjeve me shenjat përkatëse quhet lista e kodeve ose indeksi i
kodeve. Në procedurën e kodimit duhet t‟i parashohim të gjitha përgjigjet
30
e mundshme në një pyetje. Ky është një proces i gjatë në të cilin nuk
lejohet të bëhen gabime. Kur këtë e bëjmë drejt kemi përfunduar kodimin.
Gjatë kodimit duhet respektuar dy rregulla kryesore të tij. E para, tërësinë
e kodimit, ku duhet të parashihen të gjitha përgjigjet e mundshme. E dyta,
eliminimi reciprok dhe pavarësia, dmth se përgjigjet duhet të jenë të
koduara ashtu që të mos ekzistoi dilema se me cilin kod shenohet ndonjë
përgjigje.
10.2. 4. TABELIMI I TË DHËNAVE
Kërkuesit e marketingut pasi e bëjnë kontrollin logjik të të dhënave dhe
kodimin sigurojnë inpute/informacione bruto që rezultojnë në
informacione të tabeluara për përgjigje në pyetjet kërkimore. Me këte
input kërkuesi statistikisht e përshkruan rezultatet e projektit.
Tabelat e thjeshta
“Tabelimi i thjesht përbëhet nga llogaritja e numrit të rasteve që biejnë
në secilën kategori të ndryshme kur kategoritë bazuar në ndryshore”.18
Tableat e thjeshta, prej vet emrit kuptojmë se në këto tabela pasqyrohet
një ndryshore dhe përfshinhet në llogaritje, kjo procedurë mund të
përsëritet për secilën ndryshore në studim por tabelimi i thjesht është i
pavarur nga tabelimi për variabat e tjera.
Tabelat e thjeshta lidhen me komunikimin e rezultateve të studimit dhe
munden me u përdorur për disa qëllime, të cilat janë:
a. Përcaktimin e shpërndarjes empirike të ndryshores në fjalë dhe
b. Llogariten treguesit statistikor përmbledhës.
Shpërndarja empirike e karakteristikës që na intereson është me rëndësi
shumë të madhe, prandaj duhet patur kujdes që mos të kalohet në
kalkulimet tjera statistikore. Shpërndarja mundet me u paraqitur me anë
të histogramit, poligonit të dendurive dhe funksionit të shpërndarjes
kumulative.
Shembulli më i thjesht i tabelimit është mbledhja e përgjigjeve të
caktuara nga 500 anketues, lidhur me përdorimin e supës së perimeve në
shtëpi. Le të marrim një pyetje nga pyetësori.
18
Po aty, fq. 591.
31
A e përdorni supën e perimeve në shtëpi?
Po _____ 1
Jo _____ 2.
Përgjigjet e caktuara në pyetjet nga pyetësori duhet mbledhur për çdo
anketues dhe duhet paraqitur në formë të dukshme dhe të qartë.
Përgjigjet e marra nga të 500 të anketuarit dhe rezultatet i paraqesim në
tabelë si vijon:
Tabela e thjesht
Përgjigja Denduria
përqindja
% në kumulativ
Po 280 56 56
Jo 220 44 100
Gjithsej 500 100
Ky shembull është paraqitur përmes të tabelës së thjeshtë apo një
dimensionale, e cila shpesh përdoret në vetë fillimin e analizës. Tabelat e
thjeshta na shërbejnë që të paraqesim dendurinë/frekuencën e kategorisë
së caktuar ashtu që në bazë të saj, të mund të llogarisim përqindjet dhe
vlerat mesatare si mjete mase statistikore të elementeve. Është mirë që të
mos nënçmohet rëndësia e këtyre tabelave të thjeshta dhe matjeve
statistikore. Kjo është një hyrje e domosdoshme në analizën më të thellë
statistikore, ndërsa disa kërkime përfundojnë me te.
Rëndësia është e madhe e tabelave të thjeshta. Analistët shpesh gabohen
kur nënçmojnë paraqitjet tabelare të shpërndarjes së dendurisë të
kategorisë së caktuar. Kjo formë e tabelimit mundet që në fillim të
analizës të jep informacione të vlershme për thelbin e problemit, i cili
kërkohet, përkundër paraqitjes grafike.
Tabela e thjesht
Gr. mosha Numri Përqindja e
frekuencave
Kumulativi i
frekuencave
0-14 124 10.2 10.2
14-25 210 18.8 30.6
25-40 376 33.7 63.8
40-55 204 18.3 82.1
55 e mbi 200 17.8 100.0
1015 100.0
Tabela i paraqet rezultatet kumulative të një kërkimi me mostër prej 1015
të anketuarish. Meqë është fjala për prodhuesin e konfeksionit, me
32
rëndësi është segmentimi i tregut sipas grup moshave. Tërësisht është e
ndryshme strategjia dhe programi marketing për segmentin e fëmijëve,
adoleshentëve, konsumatorët e moshës së mesme dhe të atyre të moshuar.
Kërkuesi mundet në bazë të këtyre të dhënave tabelare të arrijë deri te
njohuritë parapëfundimtare të rëndësishme të segmentit, grup moshave si
dhe të potencialit të tregut, programit prodhues të nevojshëm, kanalet e
shpërndarjes, etj. Psh. Informata se më shumë se 60% e konsumatorëve
kanë më pak se 40 vite, tërheq vëmendjen për rëndësinë e konfeksionit
për të rinjë dhe nevoja e përshtatjes së programit të marketingut për ate
segement.
Të dhënat e tabeluara na mundsojnë të llogarisim vlerat mesatare, siç
janë: modi, mediana, mesatarja artimetike, etj. Këto informacione me
vetëm një shifër kanë rëndësi të madhe, sepse na mundësojnë njohjen me
analizën si dhe vazhdimin e punës me anë të metodave statistikore më të
përshtatshme.
Të dhënat e tabeluara mund t‟i paraqesim edhe grafikisht, që t‟i shohim
karakteristikat e rëndësishme të të dhënave. Prej tabelës shohim rëndësinë
e ndonjë segmenti të tregut, të formuar në bazë të moshës për prodhuesin
e konfeksionit. Kërkuesi i marketingut në procesin e analizës dhe
paraqitjen e rezultatit shpesh përdorë paraqitje grafike. Kjo bëhet me
qëllim, sepse fjala e urtë kineze thotë: “ Fotografia vlen sa njëmijë fjalë”.
Tabelat e përbëra
Tabelimi i përbër përfshinë dy ose më shumë ndryshore, të cilat merren
në shqyrtim njëkohësisht, numri i rasteve që llogaritet karakteristika e
përbashkët (psh. Numri i njerëzve të cilët kanë blerë supë gjeli në
hipermarketin Interex).
Të dhënat e tabeluara në tabela të përbëra, na sigurojnë që më qartë të
shohim marrëdhënien në mes të dhe midis ndryshoreve. Kësaj forme të
tabelimit duhet kushtuar kujdes, sepse është shumë me rëndësi. Kjo është
teknika më e përodrur e analizës së të dhënave në kërkimet e marketingut.
Madje disa e quajnë “Buka dhe margarina” e kërkimeve të aplikuara.
Kryqëzimi i dy ndryshoreve në ndërtimin e një tabele bën që të ndërtohet
një tabelë me dy hyrje që do ta emërtojmë tabela e shpërndarjes së
dendurive të kryqëzuara ose tabela e kontigjencës.
33
Shumica e kërkimeve nuk shkojnë më tej se sa tabelat e përbëra, ndërsa
kërkimet të cilat përdorin metoda të sofistikuara për analizë prap se prap e
përdorin këte teknikë si pjesë e rëndësishme përbërse e kërkimeve.
Supozojmë se p.sh. në një kërkim kemi mbledhur të dhënat nga 1000
familje. Prej të dhënave, kemi ato të madhësisë familjare dhe frigoriferët
të cilët i kanë në përdorim.
Tabela e përbër
Nr. I antarëve të familjes Kapaciteti i frigoriferit Gjithsej
Deri 80 lit. Mbi 80 lit.
Deri në 4 anëtar
Mbi 4 anëtar
480
80
200
240
680
320
560 440 1000
Njëri prej qëllimeve të kërkimit, është të njohim se në ç‟masë madhësia e
familjes ndikon në madhësinë e frigoriferti që blehet. Informacioni i tillë
prodhuesit të frigoriferëve i ndihmon në nxjerrjen e vendimit për
programin e prodhimit.
10.2.5. BARTJA E TË DHËNAVE
Bartja e të dhënave në kompjuter ndodh pasi të gjithë pyetësorët janë
koduar , dhe bëhet në dy mënyra. Mënyra e parë bëhet duke i përcjellur
përgjigjet e koduara nga pyetësori në letër dhe pastaj bartja e tyre në
kompjuter, kurse mënyra e dytë është me bartje të drejtpërdrejt të të
dhënave në kompjuter nga pyetësori anketues. Të dhënat e bartura në
kompjuter rëndom verifikohen. Pas bartjes nga ana e një personi, personi
tjetër e përsërit bartjen me qëllim të zbulimit të gabimeve eventuale të
lëshuara gjatë bartjes së parë.
Para bartjes së të dhënave ekziston edhe faza e përgatitjes, pra përmes të
programit për përpunim statistikor të të dhënave duhet të barten dy
informacione të rëndësishme:
a)Emërtimi i pyetjeve dhe
b)Përgjigjet e mundshme për secilën pyetje (të cilat trajtohen si
kode prej 1 e tutje).
Vazhdimi i procedurës është i natyrës teknike. Pyetësorët anketues i
shenojmë me numrat rendor prej 1 deri në fund. Pastaj e marrim
pyetësorin e parë dhe i bartim të dhënat në “amzën e të dhënave”. Pas
bartjes së të dhënave nga pyetësori 1, fillojmë me të dytin dhe kështu me
34
radhë. Secili rend në amëzën e të dhënave paraqet përgjigjen nga një
pyetësor anketues.
ANEKSI
Pyetjet për qartësim dhe hulumtim19
19
Grup autorësh, The marketing research guide. The Haworth Press, 1997, fq. 197.
Pyetjet që ju ndihmojnë në qartësim
Pse ju e ndijeni këtë_________?
Çka mendoni me _________?
A mundeni me shpjeguar këte më shumë?
A mundeni të jeni më shumë i veçantë?
Kur ajo ka ndodhur?
Kur ju e keni shenuar__________?
Si është ajo ________?
Çka e bën ate _______?
Çka me te ________?
Në cilën rrugë është ajo _____?
Shprehje hulumtimi
Çka tjetër?
Çka tjetër mundeni të më thoni?
Çilat arësye të tjera ju i keni?
Çka tjetër ju mbani në mend?
Idetë tuaja/mendimet janë aq të dobishme, a mundeni të më
thuani më shumë?
Kërkimi final
A ekzistonë ndonjë ide/mendim/markë/tip/arësye, etj.?
35
USHTRIME
a. Pyetje për diskutim
1. Cila është rëndësia e mbledhjes së të dhënave me saktësi? 2. Kuptimi i “punës në terren”?
3. Subjektët pjesëmarrës në format e kërkimit janë në,
a. anketën grupore ________________,
b. anketën personale ________________,
c. intervistën ________________,
d. vrojtimin ________________ .
4. Pjesët përbërse të një kërkimi cilat janë:
a. _____________________________________ dhe
b _____________________________________.
5. Cilat janë kërkesat të cilat duhet t‟i plotësoi anketuesi?
6. Kompensimi i anketuesve për punënë në terren në sa forma bëhet?
7. Pse anketuesve në terren është e nevojshme t‟i jepen udhëzimet në terren?
8. Cilat aktivitete përfshijnë udhëzimet për punë të anketuesve?
9. Si duhet të sillet i anketuari në kontaktin e tij të parë me të anketuarin?
10. Si bëhet parashtrimi i pyetjeve të anketuarit?
11. Cilat janë parimet të cilave duhet përmbajtur në parashtrimin e pyetjeve?
12. Cila është bindja e anketuesit dhe përpjekja e rrezikshme e anketuesit?
13. Cilat janë teknikat për nxitje të anketuarëve në përgjigje?
14. Si duhet të shenohen përgjigjet?
15. Si duhet ta përfundojë anketuesi bisedën?
16. Cilët janë subjektet që janë bartëse të punës në terren?
17. Detyrat e anketuesve në terren, cilat janë?
18. Detyrat e kontrolluesve në terren, cilat janë?
19. Fushat e rëndësishme të kontrollorëve të punës në terren çka përfshijnë?
20. Vërtetimi se anketimi a kryhet sipas planit? 21. Anketimi i personit të vërtetë? 22. Falsifikimi? 23. Vërtetimi me kontakt direkt me të anketuarin?
24. Kuptimi i kontrollit logjik të të dhënave?
25. Kuptimi i konsekuencës dhe jokosekuencës në përgjijge?
26. Vërtetimi i tërësisë fizike të pyetësorit dhe tërësisë së përgjigjes?
27. Kontrollimi i përgjigjeve “nuk dij”?
28. Kuptimi i kodimit dhe kodimi i pyetjeve të pastrukturuara?
29. Kuptimi i kodimit dhe kodimi i pyetjeve të strukturuara?
30. Parimi i kodimit?
31. Kuptimi i bartjes së të dhënave?
32. Sjellja e interpretuesit të rezultateve?
33. Tabelimi i të dhënave?
34. Llojet e tabelave që përdorim për tabelim të të dhënave?