gazetë mujore - iadk.org mujore bshbk_12.pdf · sektorin e bujqësisë gazeta mujore e publikuar...
TRANSCRIPT
Gazetë Mujore
Gazeta Mujore e publikuar nga Iniciativa për Zhvillimin e Bujqësisë në Kosovë [IADK]:
Projekti: “Fuqizimi i kapacitetit të shoqërisë civile për politikëbërje dhe konsultim me Qeverinë në
sektorin e bujqësisë” financuar nga Bashkimi Evropian dhe zbatuar nga IADK në partneritet me Syri i Vizionit
N°12
NË FOKUS
Hapet Qendra e Edukimit për Fermerë
në Vushtrri
Më qëllim të krijimit të kushteve për
edukimin dhe trajnimin e fermerëve
kosovarë, në Vushtrri është hapur Qendra
për Edukimin e Fermerëve. Hapjen e
kësaj qendre, pikërisht në qytetin me
potenciale të mëdha të zhvillimit të
bujqësisë, Drejtori Ekzekutiv i IADK-së,
Zenel Bunjaku, e ka vlerësuar si shtëpi të
fermerëve.
“Institucionet tona deri më tani nuk kanë
krijuar hapësirë për edukimin dhe
trajnimin e fermerëve, e kjo u bë e
mundur falë donatorëve”, ka thënë drejtori
i IADK-së, i cili e menaxhon këtë qendër.
Për më tepër ai tha se të gjitha trajnimet e
fermerëve kosovarë, deri më tani janë
kryer nëpër kafene, restorante, shkolla
dhe ambiente të ndryshme, ndërkaq tani
e tutje kjo qendër do të jetë në shërbim të
gjithë fermerëve të Kosovës.
“Qendra Edukuese e Fermerëve do të
jetë një urë lidhëse e fermerëve, nga
gjithë komunat e Kosovës me institucionet
relevante duke pasur parasysh faktin se
do ofrojë shërbime këshillimore, trajnime
praktike, konferenca të ndryshme,
punishte, debate e aktivitete tjera”, ka
thënë drejtori Bunjaku. Ai ka potencuar se
qendra do t’ju shërbejë fermerëve në
radhë të parë, të rinjve të cilët dëshirojnë
të merren me bujqësi dhe femrave nga
zonat rurale. Kjo qendër do të shërbejë
edhe si pikë demonstruese ku të rinjtë
do të mësohen në mënyrë praktike për
përpunimin e pemëve, perimeve dhe
qumështit. Qendra po ashtu do të
shërbejë për promovimin e energjisë së
riperteritshme në bujqësi. Në këtë
qendër do të punojë stafi profesional i
IADK-se i cili ka një përvojë shumë të
madhe në fusha të ndryshme të
bujqësisë, e po ashtu ne si IADK kemi
bashkëpunime me donatorë dhe
organizata nga vendet e Evropës dhe
rajonit. Krejt në fund ai theksoi se IADK
do të jetë gjithnjë në shërbim të
fermerëve për përmirësimin e kushteve
dhe pozitës së tyre në shoqëri.
Ndërkaq Daniel Ostertag, përfaqësues
i organizatës ndërkombëtare “Bread for
the World”, e cila e ka financuar
ndërtimin e qendrës, tha se ndërtimi i
kësaj qendre është një shembull i
punës së mirë që po bënë IADK, në
trajnimin e fermerëve dhe zhvillimin e
bujqësisë.
Hapjen e kësaj qendre, shumë të
nevojshme për fermerë e ka vlerësuar
edhe Hysni Thaçi përfaqësues i
MBPZHR, i cili tha se bujqësia do të
jetë sektor i rëndësishëm i zhvillimit
ekonomik të Kosovës.
Nënkryetari i komunës së Vushtrrisë,
Dibran Perçuku, tha se Komuna e
Vushtrrisë nuk ka hezituar aspak që
këtë qendër ta përkrah me
infrastrukturë rrugore, me furnizim me
ujë dhe lidhje me rrjetin e kanalizimit.
Hapjen e kësaj qendre që promovon
edhe vlera të produkteve vendore, e ka
vlerësuar edhe kryetari i Odës
Ekonomike të Kosovës, Safet
Gërxhaliu.
Qendra Edukuese për Fermerë
posedon:
Gjithsej hapësirë të përgjithshme
1000 m2
Sallë për konferenca në hapësirë
prej 122 m2 dhe 95 m
2,
Sallë për takime në hapësirë prej 26
m2,
Parking për vetura me hapësirë prej
800 m2,
Të gjitha kushtet e nevojshme për
mbajtjen e takimeve, ngjarjeve,
konferencave dhe trajnimeve
Posedon kuzhinë,
Sallë me pajisjet për përpunim të
ushqimit si dhe,
Mundësitë për demonstrimin e
funksionit të paneleve solar
Faqe 2
Krasitja e gjelbër dhe
masat tjera plotësuese
gjatë vegjetacionit
Faqe 3
Plehërimi dhe pasurimi i
tokës
Faqe 4
Informata nga: Sektori i Bujqësisë në Kosovë
Ky publikim u financua nga Bashkimi Evropian. Përmbajtja e këtij publikimi është përgjegjësi e IADK-së në partneritet me Syri i Vizionit dhe në asnjë mënyrë nuk mund të konsiderohet si pasqyrim i pikëpamjeve të Bashkimit Evropian.
në partneritet me
Gazeta Mujore e publikuar nga Iniciativa për Zhvillimin e Bujqësisë në Kosovë [IADK]:
Projekti: “Fuqizimi i kapacitetit të shoqërisë civile për politikëbërje dhe konsultim me Qeverinë në
sektorin e bujqësisë” financuar nga Bashkimi Evropian dhe zbatuar nga IADK në partneritet me Syri i Vizionit
N°12
Krasitja e gjelbër dhe masat
tjera plotësuese gjatë
vegjetacionit
Krasitja e gjelbër aplikohet me qëllim të
rregullimit të ekuilibrit në mes të pjesës
vegjetative dhe frutdhënëse të pemës,
plotësimit të krasitjes dimërore, efektet e së
cilës janë: ndriçimi më i mirë i kurorës dhe
frutave, eliminimi i konkurrentëve dhe
shfrytëzimin racional i ushqimit, nxitja e
krijimit të sythave frutor dhe degëzave
prodhuese për vitin në vijim, largimin e
pjesëve të infektuara apo të lënduara,
përmirësimin e kualitetit te frutave ( ngjyrën,
madhësinë e frytit, përmbajtjen e materieve
ushqyese), zvogëlon bujshmërinë në
krahasim me krasitjen dimërore e cila rritë
bujshmërinë e pemës, pemët me bujshmëri
të ulët nuk duhet krasitur gjatë verës.
Koha kur më së tepërmi aplikohet krasitja e
gjelbër dhe masave tjera plotësuese në
kurorë është gjysma e majit deri në fund të
qershorit. Por këto masa aplikohen edhe në
periudhat e më vonshme të vegjetacionit
varësisht nga nevojat dhe mosha e pemës
(formësimi i kurorës, largimi i pjesëve të
infektuara).
Veprimet që ndërmerren gjatë krasitjes së
gjelbër dhe masave tjera plotësuese janë:
Largimi i pjesëve të caktuara vegjetative
të pa nevojshme
Lakimi
Rrallimi i frutave
Largimi i pjesëve të caktuara vegjetative
të pa nevojshme nga pema
Rrallimi (harrja) e filizave (rritje
vegjetative të pa drunjëzuara) që nuk
kanë pozicion të mirë në pemë
Largimi i lastarëve në fazën e hershme
në gjatësinë 25 - 30 cm (në formë të
thithakëve, me kënd të ashpër)
Mund të hiqen me thyerje nga baza
Me shkurtim në gjatësi prej 1 cm nga
baza, përmbi dy gjethet e poshtme të
dobëta
Izolimi i udhëheqësit qendror (largimi i 2-
3 filizave nën vazhduesin e udhëheqësit
qendror)
Degët e prera në krasitjen dimërore
prodhojnë 2-3 lastar prej të cilëve duhet
ngelë vetëm një
Pincerimi dhe shkurtimi i lastarëve të
caktuar me qëllim të kufizimit të rritjes,
favorizimit apo nxitjes së krijimit të
lastarëve të tjerë anësor, të
parakohshëm, me perspektivë
frutdhënëse
Largimi i pjesëve të infektuara
Lakimi
Lakimi është një masë shumë me rendësi
në formimin e kurorës së pemëve dhe
aplikohet qe nga viti i parë deri te formimi i
kurorës, viti i katërt. Kjo masë zbatohet
nga fundi i prillit dhe varësisht nga zhvillimi
i degëzave mund të aplikohet deri në gusht
apo edhe shtator.
Lakimi përmes peshave të ndryshme
nga betoni, rëra etj. (aplikohet te lastarët
e drunjëzuar duke i vendosë në pikë të
caktuar të lastarit për të arritur një lakim
optimal 70-90 shkallë)
Lakimi përmes rrëmojcave të dhëmbëve
(aplikohet kur baza e lastarit fillon të
drunjëzohet dhe arrinë gjatësinë 15- 25
cm)
Lakimi përmes litarit – spangos
(aplikohet te lastar të drunjëzuar në
fazën kur ata janë më elastik), ku
rekomandohet të përdoren spango
ambientale nga materiali bimor të cilat
pas një kohe zbërthehen, është një
formë mjaft e aplikueshme dhe
funksionale në prodhimtarinë intensive
Lakimi përmes pajisjeve speciale plastike
Lakimi përmes përdredhjes (aplikohet
kur ka rritje shumë të fuqishme të
lastarëve (fundi i majit gjysma e
qershorit)
Rrallimi i frutave
Molla ka kapacitet që të formojë fruta më
shumë se sa janë të nevojshëm
Është i nevojshëm rrallimi
Frutat rrallohen me spërkatje që
aplikohet 1-2 javë pas lulëzimit (Sevin,
NAA) dhe me dorë kur e arrijnë diametrin
e trashësisë së gishtit, por mund të
rrallohen edhe lulet me makina speciale
për rrallim
Mesatarisht është e mjaftueshme të lihen
frutat në distancë 15 cm përgjatë degës
ndërsa një lulëri mjafton ta ketë 1 frut
maksimalisht 2 fruta
Shumica e sythave frutor iniciohen 4-6
javë. Pas lulëzimit rrallimi i vonshëm nuk
ndihmon në inicimin sythave frutor.
shpesh ndodh frutë dhënia alternative.
Ky publikim u financua nga Bashkimi Evropian. Përmbajtja e këtij publikimi është përgjegjësi e IADK-së në partneritet me Syri i Vizionit dhe në asnjë mënyrë nuk
mund të konsiderohet si pasqyrim i pikëpamjeve të Bashkimit Evropian.
Gazeta Mujore e publikuar nga Iniciativa për Zhvillimin e Bujqësisë në Kosovë [IADK]:
Projekti: “Fuqizimi i kapacitetit të shoqërisë civile për politikëbërje dhe konsultim me Qeverinë në
sektorin e bujqësisë” financuar nga Bashkimi Evropian dhe zbatuar nga IADK në partneritet me Syri i Vizionit
N°12
Plehërimi dhe pasurimi i tokës
Qëllimi i plehërimit është përmirësimi i
pjellshmërisë së tokës dhe realizimi i
rendimenteve të larta. Në prodhimtarinë
organike ekzistojnë shumë masa të cilat
zbatohen me qëllim të mbrojtjes së tokave
nga erozioni, ruajtja e strukturës dhe të
ngjashme, e të cilat në të njëjtën kohë
paraqesin në mënyrë indirekte edhe
plehërim. Këto masa para se gjithash janë:
plehërimi i gjelbër dhe mulqërimi.
Me mbjelljen e kulturave për plehërim të
gjelbër, sidomos me bishtajorët, arrihet lidhja
dhe pengimi i shpëlarjes së ushqimit, si dhe
pasurimi i tokës me azot. Mulqimi me kashtë
si efekt primar ka ruajtjen e regjimit ujor –
tokësor dhe strukturën e tokës. Është
dokumentuar se disa materie që liron
kashta, refuzojnë morrat e gjetheve dhe
dëmtuesit tjerë. Po ashtu, kashta vepron si
barrierë fizike për disa dëmtues, siç janë
kërmijtë. Në prodhimtarinë organike më së
shpeshti përdoren plehrat në vijim: Plehu i
stallës përfshirë edhe plehun e pulave,
komposti, treseti (torfa), hiri, preparatet
bimore dhe plehu mineral natyror.
Plehu i stallës - Kualiteti i plehut varet nga
lloji kafshëve shtëpiake, mënyra e të
ushqyerit të tyre, lloji i shtrojës dhe vjetërsia
e plehut të stallës. Plehu i kalit dhe deleve (“i
nxehtë”) zakonisht shpërndahet në tokat e
rënda, derisa plehu i gjedheve dhe derrave
(ftohtë) është i përshtatshëm për toka të
lehta(ranore). Procesi i zbërthimit të plehut
të stallës zgjatë 2 deri në 3 vite, ku gjatë vitit
të parë zbërthehet: 20-35% azoti, 20-35%
fosfori, 70% kaliumi.
Plehu i pulave shfrytëzohet gjithmonë si
përzierje, Në përzierje me dheun (3:1), si
shtesë gjatë kompostimit, rrallë i pastër (50-
100 kg/100m2 dhe si tretje për ushqim
ndërmjet rendeve (1kg/10 litra ujë). Sasia
mesatare e plehut të stallës e cila përdoret
sillet: në toka të lehta çdo 2-3 vite, në toka të
rënda çdo 4-6 vite. Tokat me pak humus 500
– 800 kg/100 m2, tokat e pasura me humus
300 – 400 kg/100 m2, kopshti organik 100 –
400 kg/100 m2, hapësirë e mbyllur 1000 –
2000 kg/100m2.
Komposti (300-600 kg/100m²) - Kompostimi
është një metodë shumë e vjetër e
transformimit të mbetjeve organike në
humus. Përveç që paraqet mënyrën më të
përshtatshme të eliminimit të mbeturinave
bio-zbërthyese, komposti është shtesë
shumë cilësore në tokë, sepse përmirëson
strukturën e saj, rrit kapacitetin ujor dhe
ajrimin e tokës, rrit aktivitetet mikrobiologjike
në tokë, e pasuron me përbërës ushqyes dhe
rrit rezistencën e vet kulturave.
TRESETI - Krijohet më shkatërrimin e
bimëve në tokë, gjatë një periudhe të gjatë
kohore. Përmban më së shumti N 0,8-2,5 %
dhe shumë më pak P dhe K. Rrallë përdoret
si pleh, sepse funksioni paraprak i tresetit
është përmirësimi i karakteristikave fizike të
tokës. Sasia mesatare e cila jepet, kur
shfrytëzohet si pleh është 300 – 500 kg/100
m2. Përveç që treseti gjendet në substrate
për prodhimin e fidanëve si një komponentë
e obligueshme, shpesh shfrytëzohet edhe
për prodhimin e saksive për fidanë. Në këtë
rast bimët nuk nxjerrën nga saksitë, por
xndërrohen direkt në vend të përhershëm.
Plehu bimor (ekstraktet e materialit bimor)
- Ekstraktet e disa bimëve gjithnjë e më
shumë shfrytëzohen për plehërim në
prodhimtarinë organike si: hithi, confrey dhe
përzierje të bimëve të ndryshme. Të gjitha
mbeturinat bimore pas ekstrahimit duhet të
kompostohen:
a. Confrey (Symphytum officinale).-
Ekstrakti i bimës confrey si një pleh i lëngët,
pasuron tokën me hekur, kalium, kalcium,
fosfor, magnez dhe vitamina të kompleksit B
Ai zakonisht njëherë në javë përdoret te
kulturat e mbjella. Confrey përgatitet ashtu
që në 10 l ujë treten 1 kg të confrey–it të
freskët. Pas disa ditëve, zhvillohet një ngjyrë
e verdhe në të murrme dhe një erë e fortë
sikur plehu i stallës për shkak të përmbajtjes
së saj (proteina). Para përdorimit detyrimisht
hollohet me ujë, edhe atë që 1 l e ekstraktit
të confrey–it hollohet me 10 l ujë dhe tretet
mirë. Plehu i confrey–it jep efekt të mirë
veçanërisht kur të kombinohet me plehun e
hithrave.
b. Hithi (Urtica dioica) - Përdoret si
insekticid ose pleh, 1 kg i hithit të freskët të
prerë tretet në 10 l ujë dhe lihet 24 orë dhe
përfitohet insketicid për luftimin e morrit të
gjethit në perime ose 100 – 200 gr hith i thatë
në 10 l ujë. Pas 24 orëve lëngu duhet të
filtrohet dhe me atë bimët të spërkaten mirë
nga të gjitha anët. Intervenimi duhet të
përsëritet për disa ditë. Nëse 1 kg hithi të
freskët të grimcuar imët tretet në 10 l ujë dhe
lihen deri në fund të procesit të ekstrahimit
dhe pastaj hollohen me ujë në raport 1:10,
mund të shfrytëzohet si pleh azotik
jashtëzakonisht cilësor, pastaj si mjet për
forcimin e vitalitetit, por edhe me vetë këtë rrit
edhe rezistencën e bimëve.
Plehrat minerale - Plehra me origjinë
minerale por që përdoret vetëm me lejen e
trupës certifikuese, janë hiri (përmban
kalium) dhe mielli i gurit.
Mielli i gurit - Përfitohet nga bluarja e gurit:
Granit dhe Bazalt. Ka përmbajtje të lartë të
silikateve (>40%), kaliumit, magnezit dhe
fosforit. Shfrytëzohet për përmirësimi e
karakteristikave fizike të tokës, aktivitetet
mikrobiologjike, regjimin ujor të tokës. Mielli i
gurit drejtpërdrejt ushqen bimët. Sasia e
miellit të gurit e cila i shtohet tokës është: për
ushqim 200 – 300 g miell, për pluhurin ose
ushqim foliar (0,5-2%), për kompostim rreth
200 g/m2 në secilën shtresë të materieve
organike.
Plehrat mikrobiologjike - Plehrat
mikrobiologjike kanë rolin e bio-fertilizatorit.
Ata e pasurojnë tokën me mikroorganizma ku
roli i saj në tokë është: të sintetizojnë dhe
zbërthejnë humusin, të kontrollojnë fito-
parazitët, zbërthejnë pesticidet. Si indikator
tregojnë në ndikimin jo të përshtatshëm të
metaleve të rënda dhe toksikantëve tjerë.
Ky publikim u financua nga Bashkimi Evropian. Përmbajtja e këtij publikimi është përgjegjësi e IADK-së në partneritet me Syri i Vizionit dhe në asnjë mënyrë nuk
mund të konsiderohet si pasqyrim i pikëpamjeve të Bashkimit Evropian.
N°12
Informatat rreth projektit:
Ndërtesa “Gratë për Gratë”
Rr: Ahmet Krasniqi p.n
10000 Prishtinë, Kosovë
Tel: +386 (0) 49777 059
www.iadk.org
në partneritet me
Informata nga: Sektori i Bujqësisë në Kosovë
Konkurrenca nga jashtë po i dëmton prodhuesit e perimeve në Kosovë
Prodhuesit kosovarë të perimeve gjithnjë e më shumë po ankohen, për kushte jo të favorshme të punës. Ata ka vite që kanë mbetur pa
mbrojtje nga institucionet vendore, karshi produkteve bujqësore që po importohen nga jashtë, e të janë me një cilësi më të dobët, por me çmime më të lira. Që të dilet nga kjo situatë, ekspertët e ekonomisë, si dhe akterë të tjerë nga sektori i bujqësisë, kanë propozuar masa urgjente anti-dumping për të stimuluar prodhuesit e pemëve e perimeve në Kosovë. Shumë fermerë janë në hall të madh nga numri i madh i produkteve të huaja që janëprezentë në tregun tonë. Fermeri Ardian Berisha nga Progovci i Prishtinës, thekson se prodhimet e huaja janë duke i shkaktuar dëmtime të mëdha në aspektin financiar, pasi që prodhimet e huaja po shiten me një çmim shumë të ulët në krahasim me prodhimet vendore. "Duam që institucionet vendore të marrin masa adekuate dhe t'i mbrojnë prodhuesit vendorë të perimeve, sepse prodhuesit e huaj po i fusin prodhimet e tyre pa asnjë problem, duke i dëmtuar bujqit kosovar", ka përfunduar ai. Agim Shahini, kryetar i AKB-së, është ankuar se nuk ka asnjë formë të masave për mbrojtjen e prodhimeve vendore dhe, sipas tij, ky është dëmi më i madh që po i bëhet ekonomisë së Kosovës dhe prodhimtarisë vendore. “Duhet që këto prodhime të mbrohen me masa anti-dumping. Në mungesë të kësaj, po demotivohen bizneset e sferës agrare, të cilat në këtë sezon po detyrohen që t'i nënshtrohen një konkurrence të ashpër, e cila vjen nga jashtë. Prodhimet që vijnë nga jashtë Kosovësnuk u nënshtrohet taksave të akcizës apo të mbrojtjes së prodhimit, por ata paguajnë vetëm TVSH", ka treguar Shahini. Ndërsa, kryetari i OEK-ut, SafetGërxhaliu, tha se një nga sfidat më të mëdha është mbrojtja nga konkurrenca jolegale dhe informale. "Prodhimet duhet të subvencionohen dhe për më tepër ka nevojë që të mbrohen nga konkurrenca jolojale e depërtimit të produkteve me kualitet të ulët". Sipas shumë eksperteve të bujqësisë, këto prodhime të cilat po sjellën në Kosovë nga vendet e Ballkanit dhe BE-së, janë të një cilësie të dyshimtë dhe të dëmshme për shëndetin.
Kosova përballet me trend negativ të eksportit
Deficiti tregtar në Kosovë është rritur për 18.5 milionë euro në muajin maj të këtij viti. Agjencia e Statistikave të Kosovës (ASK) në publikimin e saj për ”Statistikat e tregtisë së jashtme për muajin - Maj 2014”, ka bërë të ditur për një deficit tregtar më të lartë për muajin maj të vitit 2014, prej 204.9 milionë euro krahasuar me deficitin prej 186,4 milionë euro me periudhën e njëjtë të vitit 2013. Sipas publikimit të ASK-së, eksporti i mallrave në muajin maj 2014 kishte vlerën 23,6 milionë euro, ndërsa importi 228,6 milionë euro, është një rënie prej (-12.9 %) për eksport si dhe një rritje prej (7.0 për qind) për import, duke krahasuar me periudhën e njëjtë të vitit 2013, ku eksporti mbulonimportin me 10.4%. Sa i përket të dhënave të grupeve kryesor të eksportit, (52.5%) të eksportit e përbëjnë metalet bazë dhe artikujt prej tyre, (8.7%) makineritë, pajisjet mekanike dhe elektrike, (7.3%) ushqimet e përgatitura, pijet dhe duhani, (7.0%) produktet minerale, (7.0%) plastikë, gomë dhe artikuj prej tyre, (4.8%) tekstil dhe artikuj tekstili, (3.8 %) produkte bimore, (3.3%) lëkurë dhe artikuj prej tyre. Ndërsa, sipas të dhënave të grupeve kryesor për import, (17.9%) të importit e përbëjnë produktet minerale, (13.4%) ushqimet e përgatitura, pijet dhe duhani, (9.8%) makineritë, pajisjet mekanikedhe elektrike, (8.4%) metalet bazë dhe artikujt prej tyre, (7.9%) produkte të industrisë kimike, (6.7%) plastikë, gomë dhe artikuj prej tyre, (5.3%) produkte bimore, (5.2%) tekstil dhe artikuj tekstili, (4.5 për qind) mjetet e transportit.
Parashikimiimotit përmuajin Korrik në Kosovë
Burimi:Internet (MSN)
Ky publikim u financua nga Bashkimi Evropian. Përmbajtja e këtij publikimi është përgjegjësi e IADK-së në partneritet me Syri i Vizionit dhe në asnjë mënyrë nuk mund të konsiderohet si pasqyrim i pikëpamjeve të Bashkimit Evropian.
Gazeta Mujore e publikuar nga Iniciativa për Zhvillimin e Bujqësisë në Kosovë [IADK]:
Projekti:“Fuqizimi i kapacitetit të shoqërisë civile për politikëbërje dhe konsultim me Qeverinë në
sektorin e bujqësisë” financuar nga Bashkimi Evropian dhe zbatuar nga IADK në partneritet me Syri i Vizionit