efektet e politikave decentralizuese nË fushËn e … · objektivat e studimit janë hartuar për...
TRANSCRIPT
UNIVERSITETI “ALEKSANDËR MOISIU” DURRËS
FAKULTETI I BIZNESIT
PROGRAMI I DOKTORATURËS “SHKENCA EKONOMIKE”
EFEKTET E POLITIKAVE DECENTRALIZUESE NË FUSHËN E
BURIMEVE NATYRORE PYJE DHE KULLOTA
Udhëheqës shkencor: Disertanti:
Prof. Dr. Kristaq KUME MSc. Zoica KOKAVESHI (ZHARKALLI)
i
© Copyright
i
Zoica KOKAVESHI (ZHARKALLI)
2016
ii
Udhëheqësi i Zoica KOKAVESHI (ZHARKALLI) vërteton se ky është version i miratuar i
disertacionit të mëposhtëm:
EFEKTET E POLITIKAVE DECENTRALIZUESE NË FUSHËN E
BURIMEVE NATYRORE PYJE DHE KULLOTA
Prof.Dr. Kristaq KUME
iii
EFEKTET E POLITIKAVE DECENTRALIZUESE NË FUSHËN E
BURIMEVE NATYRORE PYJE DHE KULLOTA
Përgatitur nga:
MSc. Zoica KOKAVESHI (ZHARKALLI)
Disertacioni i paraqitur nё
Fakultetin e Biznesit
Universiteti “Aleksandёr Moisiu”, Durrёs
Nё pёrputhje tё plotё
me kёrkesat
Pёr gradёn “Doktor”
Universiteti “Aleksandёr Moisiu”, Durrёs, Mars 2016
iv
DEDIKIM
PRINDËRVE
DHE FAMILJES TIME
v
MIRËNJOHJE DHE FALENDERIME
Përfundimi i një punimi doktorature është rezultat i kombinimit të shumë elementeve bashkë,
duke kërkuar shumë punë, përkushtim, vullnet por mbi të gjitha mbështetjen e atyre që na
rrethojnë. Në fund të këtij rrugëtimi sfidues do doja të falenderoja dhe të shprehja mirënjohjen
time për të gjithë ata që kanë kontribuar në një mënyrë apo në një tjetër, që unë të vazhdoja, edhe
kur vështirësitë dukeshin të pakapërcyeshme.
Një falenderim të thellë kam për udhëheqësin shkencor të këtij punimi, Prof. Dr. Kristaq Kume, i
cili ka ditur gjithmonë të më nxisë të kërkoj më të mirën. Mbështetja dhe përkushtimi i tij ka
qënë çelësi i kapërcimit të vështirësive gjatë gjithë hapave të kërkimit shkencor.
Falenderoj Rektorin e Universitetit “Aleksandër Moisiu, Durrës”, Prof. Dr. Mit‟hat Mema, i cili
ka qënë një mbështetje e madhe jo vetëm për përfundimin e shkollës së doktoraturës por edhe për
përmirësimin tonë të vazhdueshëm në rrugën e marrjes dhe përcjelljes së dijes.
Do doja të falenderoja ata profesorë që kanë shënuar rrugën time akademike deri sot, si Prof. Dr.
Servete Gruda, Prof. Dr. Rajmonda Duka, të cilët më kanë këshilluar dhe udhëhequr gjatë këtij
rrugëtimi shumë të vështirë. Falenderim shkon gjithashtu për kolegët e mi, në veçanti Prof. Asoc.
Dr. Azeta Tartaraj dhe Dr. Llambi Prendin, me të cilin kemi ndarë bashkë sfidat e shkollës dhe të
punës.
Në përfundim, por jo për nga rëndësia, falenderoj familjen time, prindërit për sakrificat dhe
mbështetjen e vazhdueshëm, dhe dy vëllezërit e mi që kanë ditur të më durojnë sa herë jam
ankuar. Falenderimi më i madh shkon sot për bashkëshortin tim Olsin, dhe Savën tonë.
Faleminderit për mbështetjen e pakushtëzuar, mirëkuptimin sa herë kam munguar, dhe
motivimin që më keni dhënë për të arritur këtu.
Falë Zotit mbi gjithçka, dhe të gjithëve ju, ky rrugëtim përfundon me sukses!
vi
Deklaratë mbi Origjinalitetin
Zoica KOKAVESHI (ZHARKALLI)
Deklaroj se kjo tezë përfaqëson punën time origjinale dhe nuk kam përdorur burime të tjera,
përveç atyre të shkruajtura nëpërmjet citimeve.
Të gjitha të dhënat, tabelat, figurat dhe citimet në tekst, të cilat janë riprodhuar prej ndonjë
burimi tjetër, duke përfshirë edhe internetin, janë pranuar në mënyre eksplicide si të tilla.
Jam e vetëdijshme se në rast të mospërputhjeve, Këshilli i Profesorëve të UAMD-së është i
ngarkuar të më revokojë gradën “Doktor”, që më është dhënë mbi bazën e kësaj teze, në
përputhje me “Rregulloren e Programeve të Studimit të Ciklit të Tretë (Doktoratë) të UAMD-së,
neni 33, miratuar prej Senatit Akademik të UAMD-së me Vendimin Nr. 16, datë 28.3.2013
Durrës, më _________________ Firma Zoica KOKAVESHI (ZHARKALLI)
vii
PËRMBLEDHJE
Implementimi i politikave decentralizuese vlerësohet të jetë një mënyrë efektive për ndërtimin e
sistemeve demokratike dhe zhvillimin ekonomik. Shqipëria, sikurse shumë vende të tjera që
përjetuan ndryshime të sistemeve qeverisëse, është përballur me një periudhë tranzicioni, të
karakterizuar nga ndryshime të mënyrës së organizimit të aktivitetit ekonomik dhe menaxhimit të
burimeve në dispozicion. Reformat decentralizuese kanë synuar përmirësimin e vazhdueshëm të
mënyrës së qeverisjes, zhvillimin ekonomik dhe atë social.
Vlerësimi i impaktit të politikave të ndërmarra realizohet duke analizuar masën në të cilën janë
përmbushur objektivat e paracaktuara. Në rastin e politikave decentralizuese, objektivat parësorë
janë: reduktimi i varfërisë dhe forcimi i demokracisë, dhe sa më mirë të realizohen këto
objektiva, aq më e sukseshme vlerësohet nisma e ndërmarrë.
Qëllimi i këtij punimi është vlerësimi i impaktit të politikave decentralizuese në një sektor të
rëndësishëm të ekonomisë kombëtare, siç është ai i burimeve natyrore, me fokusin kryesor tek
administrimi i pyjeve dhe kullotave. Rishikimi i literaturës ekzistuese mundësoi ndërtimin e një
modeli konceptual për kryerjen e këtij studimi, i cili pasqyron të gjitha aspektet e konsideruara të
rëndësishme për këtë çështje.
Objektivat e studimit janë hartuar për të vlerësuar impaktin e politikave decentralizuese në
fushën e burimeve natyrore – pyje dhe kullota, duke u përqëndruar në tre aspekte kryesore siç
janë ai: ekonomik, social dhe zhvillimi i qëndrueshmë, dhe më tej evidentimin e faktorëve të
rëndësishëm që ndikojnë përmirësimin e këti impakti. Studimi bazohet në përceptimin e
komunitetit në lidhje me këto çështje, dhe nëpërmjet teknikave të ndryshme statistikore,
evidenton dhe shqyrton lidhjet që ekzistojnë ndërmjet faktorëve të marrë në analizë.
Rezultati i punimit është ndërtimi dhe testimi i një modeli të rëndësishëm konceptual që orienton
politikë-bërjen drejt atyre aspekteve që vërtet përmirësojnë rezultatet e politikave decentralizuese
në fushën e burimeve natyrore, konkretisht, në atë të pyjeve dhe kullotave. Kështu, aspekti
ekonomik vlerësohet të jetë faktori më i rëndësishëm që ndikon perceptimin e komunitetit mbi
përfitimet nga decentralizimi i menaxhimit të këtyre burimeve, ndërkohë që aspekti social dhe ai
i garantimit të zhvillimit të qëndrueshëm, shfaqen me më pak ndikim në gjykimin e tyre.
Për anëtarët e komuniteteve ku është kryer studimi, është shumë e rëndësishme mundësia për të
rritur të ardhurat e tyre, edhe pse përfshirja e tyre në vendimmarrje në lidhje me këto burime nuk
është në nivele të larta. Krahas aspektit ekonomik, mënyra e realizimit të procesit të
decentralizimit dhe marrëdhënia ndërmjet njësive të qeverisjes vendore dhe anëtarëve të
komunitetit, janë po ashtu faktorë që përmirësojnë impaktet e politikave decentralizuese.
Fjalët Kyçe: politika decentralizuese, burime natyrore, impakt social – ekonomik, zhvillim i
qëndrueshëm
viii
SUMMARY
Decentralization policies are estimated to be an effective way to build democracy and guarantee
economic development. Albania, like many other countries that has experienced changes in their
government systems, has faced a long transition period, characterized by changes in the way of
organizing economic activity and management of available resources. Decentralization reforms
aimed continuous improvement of the way of governance, also economic and social
development.
The assessment of implemented policies impact is realized by analyzing the extent to which
predetermined objectives are met. In the case of the decentralization policy, the primary
objectives are: poverty reduction and democracy strengthening, and better these objectives are
realized, more successfuly is estimated the undertaken initiatives.
The purpose of this paper is to assess the impact of decentralizing policies in an important sector
of national economy, such as the natural resources, with the main focus on the management of
forests and pastures. Review of existing literature enabled the construction of a conceptual model
for conducting this study, which reflects all aspects considered relevant to this issue.
The objectives of the study are designed to assess the impact of decentralization policies in the
field of natural resources - forests and pastures, focusing on three main aspects as: economic,
social and sustainable development, and further identification of important factors that affect the
improvement of this impact. The study is based on the community perception about these issues,
and through various statistical techniques, it identifies and examines the relations that exist
between the factors taken into analysis.
The result of this paper is to build and test a conceptual model guiding important policy-making
towards those aspects that really improve the results of decentralization policies in the field of
natural resources, namely, that of forests and pastures. Thus, the economic aspect is estimated to
be the most important factor that influences the community perception on the benefits of
decentralization of management of these resources, while social aspect and guaranteeing
sustainable development, appear less influential in their judgment.
For members of the communities where the study was conducted, it is very important the
opportunity to increase their income, even though their participation in decision making about
these resources is not high. Besides the economic aspect, the method of implementation of the
decentralization process and the relationship between local government and community
members, are also factors that improve the decentralization policies impacts.
Keywords: decentralization policy, natural resources, social impact - economic, sustainable
development
ix
PËRMBAJTJA E LËNDËS
Mirënjohje............................................................................................................................. v
Përmbledhje.......................................................................................................................... vii
Lista e Tabelave................................................................................................................... xii
Lista e Figurave.................................................................................................................... xii
Lista e Shkurtimeve.............................................................................................................. iv
KAPITULLI I
HYRJE.................................................................................................................................. 2
1.1 Parathënie......................................................................................................................... 2
1. 2 Qëllimi i Studimit........................................................................................................... 3
1.3 Objektivat e Studimit...................................................................................................... 4
1.4 Pyetjet Kërkimore............................................................................................................ 4
1.5 Metodologjia e Përdorur.................................................................................................. 4
1.6 Struktura e Punimit.......................................................................................................... 5
KAPITULLI II
SHQYRTIMI I LITERATURËS MBI DECENTRALIZIMIN DHE ZBATIMIN E TIJ
NË FUSHËN E BURIMEVE NATYRORE...................................................................... 8
2.1 Çfarë është Decentralizimi?............................................................................................. 8
2.1.1 Llojet e Decentralizimit.......................................................................................... 10
2.1.2 Argumentet që Mbështesin Decentralizimin.......................................................... 12
2.1.3 Disa nga Veçoritë e Decentralizimit...................................................................... 15
2.1.3.1 Pjesmarrja, Shoqëria Civile dhe Decentralizimi........................................ 15
2.1.3.2 Informimi dhe Monitorimi në Sistemet e Decentralizuara........................ 18
2.1.4 Impaktet Potenciale të Decentralizimit................................................................... 19
2.1.4.1 Impakti i Decentralizimit mbi Barazinë..................................................... 20
2.1.4.2 Impakti Makroekonomik i Decentralizimit................................................. 20
2.1.4.3 Decentralizimi dhe Rritja Ekonomike........................................................ 20
2.1.5 Përgjegjshmëria në Sistemet e Decentralizuara...................................................... 22
2.1.6 Transparenca dhe Korrupsioni................................................................................ 22
2.1.7 Përparësitë dhe Mangësitë e Decentralizimit......................................................... 23
2.1.7.1 Përparësitë dhe Përfitimet e Ndërmarrjes së Decentralizimit..................... 23
2.1.7.2 Mangësitë dhe Rreziqet e Ndërmarrjes së Decentralizimit......................... 27
2.2 Decentralizimi i Menaxhimit të Burimeve Natyrore...................................................... 29
2.2.1 Çështjet Kryesore në Decentralizimin Demokratik të Burimeve Natyrore........... 32
2.2.2 Objektivat e Decentralizimit të Burimeve Natyrore.............................................. 35
x
2.2.3 Burimet Natyrore dhe Ekonomia Rurale................................................................ 36
2.2.3.1 Burimet Natyrore dhe Forcimi i Demokracisë........................................... 37
2.2.3.2 Aksesi tek Burimet Natyrore dhe Ulja e Varfërisë.................................... 38
2.2.3.3 Përdorimi i Qëndrueshëm i Burimeve Natyrore........................................ 38
2.2.3.4 Aksesi dhe të Drejtat Pronësore mbi Burimet Natyrore............................ 38
2.2.3.5 Garantimi i të Drejtave të Pronës............................................................... 39
2.3 Një Vështrim i Përgjithshëm mbi Pyjet dhe Kullotat në Shqipëri................................... 40
2.3.1 Kushtet e Pronësisë në Pyje dhe Kullota në Periudha të Ndryshme Kohore.......... 41
2.3.2 Kuadri Ligjor në Periudha të Ndryshme Historike..................................................41
2.3.3 Decentralizimi i Menaxhimit të Pyjeve dhe Kullotave në Shqipëri........................46
2.3.3.1 Fillimi i Procesit të Decentralizimit............................................................ 46
2.3.3.2 Institucionet Përgjegjëse për Menaxhimin e Pyjeve dhe Kullotave
Komunale dhe Kompetencat Përkatëse të Tyre ..........................................46
2.3.3.3 Procesi i Administrimit të Pyjeve Komunalë...............................................48
2.3.3.4 Marrëdhëniet Institucionale për Menaxhimin e Pyjeve dhe Kullotave....... 49
2.3.3.5 Transferimi i të Drejtave të Pronësisë.......................................................... 50
2.3.3.6 Krijimi i Shoqatave të Përdoruesve të Pyjeve dhe Kullotave...................... 50
2.3.3.7 Procesi i Hartimit të Politikave Decentralizuese për Menaxhimin e Pyjeve
dhe Kullotave.............................................................................................. 51
2.3.3.8 Plotësimi i Kuadri Politik............................................................................ 52
2.3.3.9 Sfidat e Decentralizimit të Menaxhimit të Pyjeve dhe Kullotave
Komunale..................................................................................................... 57
KAPITULLI III
METODOLOGJIA E STUDIMIT DHE INSTRUMENTET E PËRDORURA...........60
3.1 Përcaktimi i Modelit Konceptual..................................................................................... 60
3.1.1 Objektivat dhe Qëllimet e Studimit........................................................................ 60
3.2 Hartimi i Projektit të Kërkimit Shkencor......................................................................... 62
3.2.1 Hapat e Kërkimit Shkencor..................................................................................... 62
3. 3 Instrumentat për Mbledhjen e të Dhënave Parësore....................................................... 64
3.3.1 Intervistat Gjysëm – të Strukturuara...................................................................... 64
3.3.2 Pyetësorët............................................................................................................... 65
3.3.2.1 Arsyet e Përzgjedhjes së Pyetësorëve........................................................ 66
3.3.2.2 Formulimi i Pyetësorit............................................................................... 67
3.4 Formimi i Shembullit...................................................................................................... 69
3.4.1 Përcaktimi i Popullimit.......................................................................................... 70
3.4.2 Madhësia e Zgjedhjes............................................................................................ 70
3.4.3 Përzgjedhja e Pjesmarrësve në Studim.................................................................. 71
3.5 Mbledhja e të Dhënave.................................................................................................... 72
3.6 Analiza e të Dhënave....................................................................................................... 72
xi
KAPITULLI IV
ANALIZA E TË DHËNAVE DHE GJETJET.................................................................78
4.1 Analiza e të Dhënave Dytësore....................................................................................... 78
4.1.1 Rëndësia e Sektorit të Pyjeve dhe Kullotave në Shqipëri........................................78
4.1.2 Kushtet Ekologjike të Pyjeve dhe Kullotave.......................................................... 80
4.1.3 Ecuria e Procesit të Decentralizimit të Menaxhimit të Burimeve Natyrore........... 82
4.2 Analiza Përshkruese e të Dhënave................................................................................... 83
4.3 Analiza Shumëfaktoriale e të Dhënave ........................................................................... 92
4.3.1 Testet Paraprake për Përshtatshmërinë e të Dhënave............................................. 92
4.3.1.1 Studimi i Vlerave Ekstreme....................................................................... 92
4.3.1.2 Multikolineariteti.........................................................................................92
4.3.1.3 Normaliteti................................................................................................. 94
4.3.1.4 Lineariteti................................................................................................... 95
4.3.2 Analiza Faktoriale e të Dhënave............................................................................ 95
4.3.2.1 Përshtatshmëria e Përdorimit të Analizës Faktoriale dhe Analizës së
Komponentëve Kryesorë........................................................................... 95
4.3.2.2 Përshtatshmëria dhe Numri i Komponentëve të Përftuar.......................... 96
4.3.2.3 Nxjerrja dhe Rrotullimi i Komponentëve për të Rritur
Interpretueshmërinë....................................................................................100
4.3.2.4 Emërtimi i Komponentëve........................................................................ 103
4.3.2.5 Qëndrueshmëria e Brendshme e Komponentëve...................................... 105
4.3.3 Analiza Regresive e të Dhënave............................................................................. 106
KAPITULLI V
KONKLUZIONE DHE REKOMANDIME......................................................................111
5.1 Arritja e Objektivave të Studimit..................................................................................... 111
5.2 Kontributi i Studimit........................................................................................................ 113
5.3 Konkluzionet e Studimit.................................................................................................. 113
5.4 Rekomandime.................................................................................................................. 115
5.5 Kufizimet e Studimit....................................................................................................... 116
5.6 Studime të Mëtejshme......................................................................................................116
BIBLIOGRAFIA................................................................................................................. 117
SHTOJCA............................................................................................................................. 122
xii
Lista e Tabelave
Tabela 2.1. Pronësia e Pyjeve në Shqipëri
Tabela 3.1. Shpërndarja e Shembullit
Tabela 4.1. Treguesit e varfërisë sipas viteve (2002 – 2012)
Tabela 4.2. Shpërndarja e Popullsisë sipas Vendbanimit
Tabela 4.3. Punimet dhe Investimet e realizuara në vitet 2005-2010
Tabela 4.4. Ndarja e sipërfaqes pyjore të Shqipërisë për vitet 2003, 2008 dhe 2013.
Tabela 4.5. Kushtet e Pronësisë së Pyjeve në Shqipëri (1945 – 2012)
Tabela 4.6. Ecuria e procesit të transferimit të Pyjeve dhe Kullotave (1996 – 2013)
Tabela 4.7. Përfshirja në Vendimmarrje
Tabela 4.8. Përfshirja në Vendimmarrje e të Varfërve
Tabela 4.9. Njohja e rolit të ShPPKK
Tabela 4.10. Statistikat e Kolinearitetit
Tabela 4.11. Vlerat e KMO dhe Testit Bartlett
Tabela 4.12. Vlerat e “Communalities”
Tabela 4.13. Varianca Totale e Shpjeguar
Tabela 4.14. Varianca Totale e Shpjeguar nga secili prej Komponentëve
Tabela 4.15. Matrica e Komponentëve të Përftuar
Tabela 4.16. Matrica e Rrotulluar e Komponentëve të Përftuar
Tabela 4.17. Emërtimi i Komponentëve
Tabela 4.18. Qëndrueshmëria e Brendshme e konstrukteve sipas treguesit Cronbach‟s Alpha
Tabela 4.19. Qëndrueshmëria e Brendshme e Komponentëve të Përftuar
Tabela 4.20. Përmbledhja e Modelit të Ndërtuar
Tabela 4.21. Analiza e Variancës – Rëndësia e Modelit
Tabela 4.22. Rëndësia e Koeficientëve të Modelit
xiii
Lista e Figurave
Figura 1.1. Procesi i analizimit të të dhënave parësore
Figura 2.1. Aktorët pjesëmarrës në proceset decentralizuese
Figura 2.2. Marrëdhëniet midis Institucioneve Përgjegjëse për Menaxhimin e Pyjeve dhe
Kullotave Komunale
Figura 3.1. Modeli Konceptual për kryerjen e studimit
Figura 3.2. Hapat e Procesit të Kërkimit
Figura 4.1. Ndikimi i Burimeve Natyrore në të Ardhurat Familjare (në %)
Figura 4.2. Vlerësimi i mundësisë për të krijuar të ardhura pas kalimit të pyjeve dhe kullotave në
pronësi të Nj.Q.V
Figura 4.3. Pagesa e taksave dhe investimet e kryera për përmirësimin e pyjeve komunale (në %)
Figura 4.4. Vlerësimi për investimet e kryera në kuadër të zbatimit të Planit të Menaxhimit
Figura 4.5. Përfshirja e në vendimmarrje sipas gjinisë
Figura 4.6. Njohja e aktiviteteve dhe Institucioneve Përfaqësuese në Menaxhimin e P&KK
Figura 4.7. Vlerësimi i marrëdhënies Nj.Q.V – Komunitet
Figura 4.8. Mbrojtja dhe Menaxhimi i Mirë i Burimeve Natyrore
Figura 4.9. Forma e Përdorimit të Pyjeve sipas Vlerësimit të Komunitetit
Figura 4.10. Scree Plot – i i Komponentëve të Përftuar
xiv
Lista e Shkurtimeve
OKB – Organizata e Kombeve të Bashkuara
UNDP – United Nations Development Fund (Fondi i Zhvillimit të Kombeve të Bashkuara)
BB – Banka Botërore
NJ.Q.V – Njësitë e Qeverisjes Vendore
MBU – Ministria e Bujqësisë dhe Ushqimit
MMPAU – Ministria e Mjedisit, Pyjeve dhe Administrimit të Ujërave
DPPK - Drejtoria e Politikave të Pyjeve dhe Kullotave
DSHP – Drejtoria e Shërbimit Pyjor
P&KK – Pyje dhe Kullota Komunale
SHPPK – Shoqata e Përdoruesve të Pyjeve dhe Kullotave
SHKPPKK – Shoqata Kombëtare e Përdoruesve të Pyjeve dhe Kullotave Komunale
PM – Plan Menaxhimi
IKP – Inventari Kombëtar i Pyjeve
VKM – Vendim i Keshillit të Ministrave
1
KAPITULLI I
HYRJE
2
KAPITULLI I
1. HYRJE
1.1 Parathënie
Reformat decentralizuese vlerësohen si instrumente të rëndësishme për kalimin e shoqërive nga
sistemet totalitare drejt atyre demokratike. Objektivat kryesorë të këtyre reformave përputhen
edhe me disa nga Objektivat për Zhvillim të Mijëvjecarit (OKB, 2000) sic janë; reduktimi i
varfërisë nëpërmjet rritjes së përfitimeve ekonomike dhe forcimi i demokracisë nëpërmjet
përfshirjes së komunitetit në vendimmarrje. Pothuajse të gjitha vendet në zhvillim kanë
ndërmarrë reforma decentralizuese. Ndërsa arsyet për decentralizimin janë të shumta, shumica e
qeverive e shpjegojnë decentralizimin si një mjet për rritjen e efikasitetit dhe barazisë për
kryerjen e aktiviteteve që sjellin zhvillim në ofrimin e shërbimeve, si dhe në promovimin e
pjesëmarrjes lokale dhe forcimin e demokracisë.
Logjika bazë e decentralizimit është që institucionet demokratike lokale mund të dallojnë më
mirë dhe kanë më shumë gjasa për t'iu përgjigjur nevojave dhe pritshmërive lokale, sepse ato
kanë qasje më të mirë në informacion, për shkak të afërsisë së tyre me komunitetin, dhe e kanë
më të lehtë të tregohen të përgjegjshëm para popullatës që përfaqësojnë, sikurse shpjegohet edhe
nga Fox&Aranda (1996).
Teorema më e njohur e decentralizimit është ajo e formuluar nga Oates (1972 ), sipas të cilës
“çdo shërbim publik duhet të sigurohet nga autoriteti, i cili ka kontrollin mbi zonën gjeografike
më të vogël që mund të mbajë brenda saj përfitimet dhe kostot e këtij shërbimi”. Teorema e
decentralizimit ngrihet mbi supozimin se qeveria qendrore siguron të mira dhe shërbime në
mënyrë të njëjtë në të gjithë territorin e një shteti dhe jo sipas preferencave të konsumatorëve.
Përfitimet e pritura nga decentralizimi janë të karakterit politik, ekonomik dhe social. Shkaqet
“pse” decentralizohet dhe “si” decentralizohet ndryshojnë nga njëri vend në tjetrin, duke
reflektuar kështu, zhvillimet social – ekonomike të tyre. Arsyet më të rëndësishme se përse duhet
të decentralizohet ofrimi i shqërbimeve, janë të lidhura kryesisht me konceptin e eficiencës.
Sipas Stigler (1957), një qeveri, sa më afër qytetarëve të jetë, aq më mirë e kryen punën e saj.
Një nga sektorët që ka përjetuar ndyshime të shpeshta në mënyrën e menaxhimit është ai i
burimeve natyrore. Në shumë vende janë ndërmarrë Politika decentralizuese në këtë fushë, nisur
edhe nga rëndësia e vetë sektorit për komunitetet rurale por jo vetëm. Sipas UNDP, (2004),
burimet natyrore luajnë një rol strategjik në ekonominë rurale, si një burim potencial i zhvillimit
afatgjatë dhe si kontribues thelbësor në garantimin e ushqimit në mënyrë të vazhdueshme.
Shumë komunitete rurale në një mënyrë ose tjetër, janë të varura nga këto burime.
Sipas Bankës Botërore (2001), decentralizimi i menaxhimit të burimeve natyrore është një
çështje kritike në demokratizimin lokal, sepse kur popullata lokale përfshihet në menaxhim dhe
vendimmarrje, kjo mund të jetë një pikë e fortë për zhvillimin rural. Fuqizimi i kapacitetit të
3
komunitetit është thelbësor për rritjen e përfitimeve nga burimet natyrore ekzistuese. Sikurse në
çdo fushë tjetër, edhe në fushën e burimeve natyrore, objektivat kryesorë të decentralizimit janë:
reduktimi i varfërisë,
përmirësimi i demokracisë dhe,
garantimi i zhvillimit të qëndrueshëm të burimeve natyrore.
Sipas Ribbot (2002), decentralizimi ndihmon në përmirësimin e barazisë përmes shpërndarjes së
drejtë apo demokratike të përfitimeve të realizuara nga aktivitetet lokale.
Massuanganhe (2008) vlerëson se aksesi i të varfërve tek burimet natyrore është thelbësor për
uljen e vazhdueshme të varfërisë. Sigurimi i aksesit dhe zotërimit është vendimtar për rritjen
ekonomike dhe përdorimin racional të burimeve natyrore. Menaxhimi i burimeve natyrore mund
dhe duhet të luajë një rol të rëndësishëm në zhvillimin e qëndrueshëm të infrastrukturës.
Tensioni kryesor i zhvillimit të qëndrueshëm është midis mjedisit dhe presionit të veprimtarive
njerëzore.
Sikurse në shumë vende të tjera, edhe në Shqipëri, burimet natyrore dhe më konkretisht, pyjet
dhe kullotat, luajnë një rol të rëndësishëm në garantimin e jetesës së qytetarëve. Vendi ynë ka
edhe disa karakteristika të veçanta që e amplifikojnë rëndësinë e këtij sektori, siç është numri i
madh i popullsisë që jeton në zona rurale, niveli i lartë i varfërisë në këto zona dhe pesha e
sektorit të bujqësisë në Produktin e Brendshëm Bruto (PBB). Si rrjedhojë, studimi i këtij sektori
merr një vlerë të veçantë, në përpjekje për të vlerësuar impaktet e politikave decentralizuese në
menaxhimin e këtyre burimeve dhe për të gjetur faktorët që përmirësojnë efektet e këtyre
politikave.
Prej 25 vitesh, Shqipëria ka hyrë në një fazë tranzicioni të dyfishtë, fillimisht drejt ekonomisë së
tregut dhe në një sistem politik pluralist, dhe së dyti drejt integrimit të saj në Bashkimin
Evropian. Sipas Lerin dhe Marku (2010), kjo periudhë është karakterizuar nga ndryshime të
thella në strukturën prodhuese të vendit, duke ndryshuar shpërndarjen hapësinoro-demografike
dhe marrëdhëniet shoqërore. Në një vlerësim të bërë nga Müller dhe Munroe (2008), sektori i
pylltarisë ka përjetuar një situatë shumë të vështirë për shkak të një presioni të madh njerëzor,
çka solli degradimin e tij. Për të përmirësuar gjendjen e këtij sektori, qeveria shqiptare ndërmori
një sërë reformash që u fokusuan më tepër në procesin e decentralizimit të menaxhimit të
burimeve natyrore, nëpërmjet rritjes së pjesëmarrjes së komunitetit në vendimmarrje.
Transferimi i një pjese të burimeve natyrore si pyje, kullota, etj, në pronësi të Njësive të
Qeverisjes Vendore ishte një nga reformat më të rëndësishme të ndërmarra në kuadër të
proceseve decentralizuese. Ky proces filloi në vitin 1996 dhe bazohej pikërisht në njohjen e
nevojave të popullatave lokale për produkte dhe shërbime, dhe të të drejtës së tyre për t‟i
përdorur këto burime. Impakti i këtyre politikave vlerësohet në tri aspekte kryesore, nisur edhe
nga objektivat e tyre, që janë; aspekti ekonomik, social dhe garantimi i zhvillimit të
qëndrueshëm.
1.2 Qëllimi i Studimit
Qëllimi i këtij punimi ёshtё tё vlerёsojё efektet e politikave decentralizuese në fushën e burime
natyrore në Shqipëri, dhe konkretisht në sektorin e pyjeve dhe kullotave, si edhe të përcaktojë
faktorët që ndikojnë dhe përmirësojnë vlerësimin e këtyre efekteve.
4
1.3 Objektivat e Studimit:
Objektivat e këtij studimi janë:
Vlerësimi i impakti ekonomik, duke u fokusuar në krijimin e të ardhurave dhe reduktimin
e varfërisë si rezultat i politikave decentralizuese në fushën e burimeve natyrore në
Shqipëri.
Vlerësimi i impaktit social, duke u fokusuar te rritja e pjesëmarrjes së komunitetit në
vendimmarrje dhe forcimi i demokracisë si rezultat i politikave decentralizuese në fushën
e burimeve natyrore në Shqipëri.
Vlerësimi i impaktit të politikave decentralizese në menaxhimin e qëndrueshëm të
burimeve natyrore në Shqipëri.
Evidentimi i faktorëve që përmirësojnë impaktin e këtyre politikave në Shqipëri
1.4 Pyetjet Kërkimore
Bazuar në literaturën e shqyrtuar, reformat decentralizuese vlerësohen si një instrument i
rëndësishëm për përmirësimin e menaxhimit të burimeve natyrore nëpërmjet rritjes së të
ardhurave të përftuara nga përdorimi i tyre, përmirësimit të qeverisjes vendore dhe zhvillimit të
qëndrueshëm të këtyre burimeve. Megjithatë, duke patur parasysh boshllëqet në të dhëna dhe
informacione për ecurinë e këtyre reformave në vendin tonë, lind nevoja e studimeve të tjera. Si
e tillë, ky studim u përgjigjet pyetjeve kërkimore të mëposhtme:
Cili është efekti i politikave decentralizuese në fushën e burimeve natyrore në rritjen e të
ardhurave të komunitetit dhe në reduktimin e varfërisë?
Cili është efekti i politikave decentralizuese në fushën e burimeve natyrore në rritjen e
pjesmarrjes së komunitetit në vendimmarrje dhe në forcimin e demokracisë?
Cili është efekti i politikave decentralizuese në fushën e burimeve natyrore në mbrojtjen
dhe garantimin e zhvillimit të qëndrueshëm të këtyre burimeve?
Cilët janë faktorët e rëndësishëm që përmirësojnë efektet e këtyre politikave
decentralizuese?
1.5 Metodologjia e përdorur
Në realizimin e këtij studimit janë përdorur të dhënat parësore dhe ato dytësore. Të dhënat
dytësore janë rezultat i rishikimit të një literature të gjerë dhe bashkëkohore në lidhje me
politikat decentralizuese dhe efektet e këtyre politikave në fushën e burimeve natyrore, krahas
evidentimit të rëndësisë së këtyre burimeve për komunitetin dhe ekonominë në tërësi.
Gjithashtu, nga institucionet përgjegjëse në Shqipëri janë analizuar të dhënat për këtë sektor që
janë në dispozicion. Mbledhja e të dhënave parësore është realizuar nëpërmjet instrumenteve të
5
kërkimit sasior, siç janë pyetësorët dhe instrumenteve të kërkimit cilësorë që janë intervistat e
thelluara. Pyetësorët janë plotësuar nepërmjet intervistave individuale me anëtarë të
komuniteteve të Njësive të Qeverisjes Vendore ku është realizuar procesi i transferimit të këtyre
burimeve ndërsa intervistat e thelluara janë realizuar me përfaqësues të këtyre komuniteteve.
Përdorimi i pyetësorëve lehtëson proçesin e analizimit të të dhënave për shqyrtimin e lidhjeve
ndërmjet variablave të marrë në studim dhe në të njëjtën kohë, informacioni i mbledhur nga
intervistat cilësore pasurojnë këtë analizë dhe ndihmojnë në shpjegimin e rezultateve të
përftuara.
Numri i pyetësorëve të vlefshëm është 242. Një shpjegim më i detajuar për zgjedhjen e
metodave sasiore dhe cilësore për realizimin e kërkimit, procedurën e mbledhjes së të dhënave,
njësitë matëse dhe mënyrën e hartimit të pyetsorit, jepet në kapitullin e metodologjisё së këtij
punimi. Në mënyrë të përmbledhur, procesi i analizimit të të dhënave është paraqitur nëpërmjet
figurës 1.1 më poshtë:
Figura 1.1 Procesi i Analizimit të të Dhënave Parësore
Burimi: Autori
1.6 Struktura e Punimit
Kapitujt në vijim trajtojnë proceset decentralizuese në fushën e burimeve natyrore dhe më
konkretisht, ecurinë dhe ndikimin e tyre në Shqipëri.
Kapitulli i dytë përmbledh një rishikim të literaturës në lidhje me decentralizimin dhe zhvillimin
e tij në fushën e burimeve natyrore. Kapitulli nis me përkufizimin e decentralizimit, duke
vazhduar më tej me rëndësinë e këtij procesi dhe burimeve natyrore në ekonomitë rurale.
Trajtohet gjithashtu ecuria e kuadrit ligjor në lidhje me menaxhimin e burimeve natyrore dhe
Të dhënat parësore
Analiza Përshkruese
Analiza Faktoriale
Analiza Regresive
Testimi paraprak për: Ekzistencën e Vlerave Ekstreme,
Multikolinearitetin, Normalitetin, Linearitetin
6
kushtet e pronësisë në Shqipëri. Ky kapitull përfundon me analizën e procesit të transferimit të
një pjese të burimeve natyrore në pronësi të Njësive të Qeverisjes Vendore dhe objektivat e
përcaktuar në politikat e ndërmarra.
Kapitulli i tretë, paraqet metodologjinë e përdorur për kryerjen e kërkimit, modelin konceptual të
punimit dhe hipotezat e ngritura. Në pjesën e parë të këtij kapitulli paraqitet modeli konceptual i
bazuar në literaturën e shqyrtuar dhe objektivat e studimit. Në vijim përshkruhet procesi i
kërkimit duke trajtuar arsyet e zgjedhjes së pyetsorit si metodë për mbledhjen e të dhënave,
procedurat për mbledhjen e të dhënave, njësitë matëse dhe mënyra e hartimit të pyetsorit.
Kapitulli i katërt përmbledh analizën e rezultateve të kërkimit. Në këtë kapitull është bërë
shqyrtimi i lidhjeve për t‟u dhënë përgjigje pyetjeve kërkimore dhe hipotezave të shtruara. Është
realizuar analiza faktoriale dhe e besueshmërisë për variablat e marrë në studim, lidhjet
korrelative ndërmjet variablave të studjuar, analizë regresioni, etj.. Në fund të kapitullit
përmblidhen rezultatet e përpunimit të të dhënave.
Kapitulli i pestë vjen si kapitull përmbyllës i këtij studimi. Në këtë kapitull përmblidhen
rezultatet e të dhënave në formën e konkluzioneve të punimit, si dhe jepen disa rekomandime për
hartuesit e politikave decentralizuese. Kapitulli mbyllet me kufizimet e punimit dhe
rekomandimet për kërkime në këtë fushë në të ardhmen.
7
KAPITULLI II
SHQYRTIMI I LITERATURËS MBI DECENTRALIZIMIN DHE
ZBATIMIN E TIJ NË FUSHËN E BURIMEVE NATYRORE
8
KAPITULLI II
2. SHQYRTIMI I LITERATURËS MBI DECENTRALIZIMIN DHE
ZBATIMIN E TIJ NË FUSHËN E BURIMEVE NATYRORE
2.1 Çfarë është Decentralizimi?
Decentralizimi demokratik është një mjet për të institucionalizuar pjesëmarrjen e komunitetit në
qeverisje duke e bërë atë sa më efektive. Sipas përkufizimit të bërë nga Cistulli (2002),
“decentralizimi është procesi nëpërmjet të cilit autoriteti dhe përgjegjësia për disa funksione
transferohen nga qeveria qendrore tek njësitë e qeverisjes lokale, komunitetet dhe sektorët
privatë”. Me anë të këtij procesi, institucionet e decentralizuara, njësitë e qeverisjes lokale ose
organizatat civile (sipërmarrësit, fermerët, komunitetet, shoqatat, etj) kanë nivel më të lartë
pushteti në vendimmarrje. Një autor tjetër sic është Rondineli (1981), e përcakton
decentralizimin si transferim të autoritetit në planifikim, marrje vendimesh dhe menaxhim të
funksioneve publike nga një nivel i lartë i qeverisë në një individ, organizatë ose agjenci të një
niveli më të ulët. Sipas Blair (1996), decentralizim do të thotë “përmbysja e përqendrimit të
administrimit tek një qendër e vetme dhe përqendrimi i pushtetit tek njësitë e qeverisjes lokale”.
Më tej, decentralizimi është konsideruar si transferim i pushtetit nga qeveria qendrore tek
aktorët dhe institucionet në nivelet më të ulëta në hierarkinë politike-administrative dhe
territoriale.
Oates (1972 ) formuloi një “teoremë” për decentralizimin, sipas të cilës “çdo shërbim publik
duhet të sigurohet nga autoriteti, i cili ka kontrollin mbi zonën gjeografike më të vogël, që mund
të mbajë brenda saj përfitimet dhe kostot e këtij shërbimi”. Teorema e decentralizimit ngrihet
mbi supozimin se qeveria qendrore siguron të mira dhe shërbime në mënyrë të njëjtë në të gjithë
territorin e një shteti dhe jo sipas preferencave të konsumatorëve.
Përfitimet e pritura nga decentralizimi janë të karakterit politik, ekonomik dhe social. Shkaqet
“pse” decentralizohet dhe “si” decentralizohet ndryshojnë nga njëri vend në tjetrin, duke
reflektuar kështu zhvillimet social – ekonomike të tyre. Pavarësisht shkakut kryesor të nisjes së
proceseve decentralizuese, një ndër rezultatet e rëndësishme të tyre është sjellja e qytetarit më
afër vendimmarrjes qeveritare, duke rritur në këtë mënyrë besimin te institucionet shtetërore.
Arsyet më të rëndësishme se përse duhet të decentralizohet ofrimi i shqërbimeve, janë të lidhura
kryesisht me konceptin e eficiencës.
Sipas Stigler (1957), sa më afër qytetarëve të jetë një qeveri aq më mirë e kryen ajo punën e saj.
Musgrave (1959) bën një ndarje të funksioneve të qeverisë në:
stabilizimin makroekonomik dhe rritjen ekonomike të vendit,
rishpërndarjen optimale të të ardhurave,
shpërndarjen eficiente të burimeve apo faktorëve të prodhimit.
Pothuajse të gjitha vendet në zhvillim po ndërmarrin reforma decentralizuese. Ndërsa arsyet për
decentralizimin janë të shumta, shumica e qeverive e shpjegojnë decentralizimin si një mjet për
rritjen e efikasitetit dhe barazisë në kryerjen e aktiviteteve që sjellin zhvillim, në ofrimin e
shërbimeve, si dhe në promovimin e pjesëmarrjes lokale dhe forcimit të demokracisë.
9
Autorë të ndryshëm si Uphoff (1997) pranojnë se përfitimet e efikasitetit dhe drejtësisë që sjell
decentralizimi vijnë nga prania e proceseve demokratike që nxisin autoritetet vendore për t‟u
shërbyer nevojave dhe dëshirave të komuniteteve të tyre.
Logjika bazë e decentralizimit është që institucionet demokratike lokale mund të dallojnë më
mirë dhe kanë më shumë gjasa për t'iu përgjigjur nevojave dhe pritshmërive lokale, sepse ato
kanë qasje më të mirë në informacion, për shkak të afërsisë së tyre me komunitetin, dhe e kanë
më të lehtë të tregohen të përgjegjshme para popullatës që përfaqësojnë, bazuar në autorë si Fox
dhe Aranda (1996).
Kur trajtohet problemi i decentralizimit, mendimi i parë që vjen në mendje është se tendencat
apo arsyet pse decentralizohet duhet të jenë ato ekonomike. Por, nga studimet e shumta të bëra
në këtë fushë, mund të vërehet lehtësisht se, pavarësisht përfitimeve ekonomike nga
decentralizimi, arsyeja kryesore për nismat dhe përmirësimin e proceseve decentralizuese janë
politike dhe jo ekonomike.
Decentralizimi është një proces që lidhet ngushtë me “qeverisjen e mirë‟ dhe pjesëmarrjen e
komunitetit në qeverisje. Sipas Massuanganhe (2008), “Një qeverisje e mirë” përfaqëson aftësinë
e një qeverie për të ruajtur paqen, garantuar ligjin dhe rregullin, promovuar ose krijuar kushtet e
nevojshme për rritjen ekonomike dhe për të siguruar një nivel minimal të shërbimeve sociale.
Koncepti “qeverisje” nuk është një koncept i ri, madje është i vjeter sa shoqëria njerëzore. Në
mënyrë të thjeshtë “qeverisja” përkthehet si: procesi i vendimmarrjes ku, vendimet e marra
zbatohen (ose nuk zbatohen). Termi qeverisje mund të përdoret në kontekste të ndryshme si për
shembull: qeverisje e përbashkët, qeverisje kombëtare dhe qeverisje lokale. Meqenëse qeverisja
është procesi i vendimmarrjes dhe procesi gjatë të cilit këto vendime zbatohen, analiza e saj
bazohet mbi aktorët dhe strukturat zyrtare dhe jo zyrtare të përfshirë në vendimmarrje dhe në
zbatimin e tyre. Qeveria është vetëm një nga aktorët e qeverisjes. Aktorët e tjerë të përfshirë
ndryshojnë në varësi të nivelit të qeverisjes që është në diskutim.
Decentralizimi është një proces politik i konceptuar dhe i lidhur ngushtë me reformat në të gjithë
sistemin administrativ dhe qeverisës. Sipas Bankës Botërore (1998), dy synimet kryesore të
decentralizimit janë:
1. Reduktimi i varfërisë
2. Përmirësimi i demokracisë
Për të arritur këtë synim kërkohet një qeverisje e mirë, e cila zbaton rregullat demokratike dhe
krijon skenarë socialë dhe politikë bindës për zhvillime të rëndësishme, sidomos ato ekonomike.
Gjatë zbatimit të politikave për uljen e varfërisë, ajo çka të bie në sy është domosdoshmëria për
decentralizim të pushtetit, përgjegjshmëri direkte politike, si dhe shpërndarje të burimeve
(kryesisht ato financiare) në mbështetje të objektivit. Arritja e objektivave madhorë të
decentralizimit realizohet nëse janë përmbushur disa nën-objektiva të tij në fusha specifike, në të
cilat vihet re një rritje e vëmendjes, sidomos të shoqërisë civile, duke treguar rëndësinë e tyre.
Këtu mund të përmendim:
Shpërndarja e të mirave dhe shërbimeve publike, e lidhur ngushtë me kërkesat e
komunitetit apo zonat ku ato zënë peshën specifike më të lartë.
Rritja e mundësive të komunitetit për pjesëmarrje në qeverisje, kryesisht në qeverisjen
lokale që shërben si promovim i demokracisë në rang kombëtar.
10
Mundësia për zhvillim ekonomik nëpërmjet rritjes së përgjegjësive direkte vendore, kjo
gjithnjë e më tepër për ekonomitë vendore të varfra, ku janë evidente iniciativat e
shpeshta individuale për biznes, apo dhe nëpërmjet mbështetjes së sipërmarrjeve të reja.
Transparenca në administrimin publik, për shkak të afërsisë me publikun e gjerë, çka
nënkupton uljen e korrupsionit dhe përmirësimin e shpërndarjes së burimeve.
Duke përfshirë grupime të ndryshme qofshin këto politike, ekonomike, sociale, etnike
apo dhe fetare, decentralizimi mund të reduktojë rrezikun e konflikteve sociale.
Decentralizimi efektiv mund të sigurojë mundësi të mira për ndryshime demokratike në nivel
lokal dhe gjithashtu mund të ndihmojë në përmirësimin e demokracisë kombëtare. Përmes
pjesëmarrjes, qytetarët mund të bëhen pjesë në mënyrë më efikase në vendimmarrjen lokale,
mund të fitojnë eksperiencë në proceset demokratike dhe gjithashtu, zyrtarët lokalë të mbajnë
përgjegjësi për vendimet e tyre. Komunitetet mund të bëhen më shumë pluraliste në mungesë të
një kontrolli qendror politik.
Një qeveri e decentralizuar mund të sigurojë hapësira për njerëzit në mënyrë që ata të marrin
pjesë në zhvillimin lokal. Mund të sigurojë një shpërndarje më të efektshme të burimeve, të rrisë
mobilizimin e resurseve lokale dhe të përmirësojë qeverisjen lokale. Implementimi i parimeve të
qeverisjes demokratike lokale ofron mundësi të konsiderueshme për femrat, për të marrë pjesë në
vendimmarrje në çështje që përcaktojnë kushtet e tyre të jetesës dhe të ndërmarrin iniciativa për
t‟i përmirësuar ato.
Nga këndvêshtrimi i një komuniteti lokal, decentralizimi efektiv në lidhje me kompetencat e tij
kërkon po të njënjtët elementë. Decentralizimi luan një rol të veçantë në demokratizimin lokal
sepse popullsia lokale që merr pjesë në menaxhim dhe në vendim-marrje mund të jenë një pikë
mbështetje për zhvillimin e qëndrueshëm.
2.1.1 Llojet e Decentralizimit
Decentralizimi mund të shfaqet në forma të ndryshme. Llojet e decentralizimit në këtë punim i
analizojmë bazuar në ndarjen e bërë nga autori Rondinelli, (1999) i cili e klasifikon atë në
mënyrat e paraqitura mëposhtë:
Decentralizimi Politik
Decentralizimi politik synon t'u japë qytetarëve dhe përfaqësuesve të zgjedhur të tyre më shumë
pushtet në procesin e marrjes së vendimeve publike. Ky lloj decentralizimi shpesh është i
shoqëruar me politika pluraliste dhe qeveri përfaqësuese, por ai mund të mbështesë gjithashtu
demokratizimin duke iu dhënë qytetarëve ose përfaqësuesve të tyre më tepër influenca në
formulimin dhe zbatimin e politikave. Mbrojtësit e decentralizimit politik pretendojnë se
vendimet e bëra me një pjesmarrje më të gjerë do të jenë më të mirë informuara dhe më të
fokusuara në interesat e shoqërisë, sesa ato të bëra nga autoritetet politike kombëtare. Ky koncept
nënkupton se zgjedhja e përfaqësuesve nga juridiksionet lokale elektorale u jep mundësi
qytetarëve që të njohin më mirë përfaqësuesit e tyre politikë dhe u jep gjithashtu mundësi
zyrtarëve të zgjedhur të njohin më mirë nevojat dhe dëshirat e zgjedhësve të tyre. Decentralizimi
demokratik shpesh kërkon reforma kushtetuese, krijimin e partive politike pluraliste, forcimin e
legjislacionit, krijimin e njësive lokale politike dhe inkurajimin e grupeve efektive publike.
11
Decentralizimi Administrativ
Decentralizimi administrativ kërkon të rishpërndajë autoritetin, përgjegjësinë dhe burimet
financiare për sigurimin e shërbimeve publike ndërmjet niveleve të ndryshme të qeverisjes. Ai
është transferimi i përgjegjësisë për planifikimin, financimin dhe menaxhimin e funksioneve të
caktuara publike, nga pushteti qendror tek njësitë e qeverisjes vendore, agjensitë qeveritare, ato
në varësi, autoritetet publike apo korporatat gjysëm-autonome ose autoritetet rajonale.
Decentralizimi administrativ ka tri forma kryesore - dekoncentrimin, delegimin dhe devoluimin -
secila me karakteristika të ndryshme.
Dekoncentrimi – Rishpërndarja e autoritetit vendimmarrës dhe përgjegjësive financiare dhe
menaxhuese ndërmjet niveleve të ndryshme të pushtetit qendror, shpesh është konsideruar forma
më e dobët e decentralizimit dhe përdoret më shpesh në shtetet unitare. Sidoqoftë, politikat dhe
mundësitë për marrjen e inputit lokal ndryshojnë brenda kësaj kategorie: dekoncentrimi mund të
zhvendosë përgjegjësitë nga zyrtarët e pushtetit qendror tek ata që punojnë në rajone, ose ai
mund të krijojë një administratë të fortë në terren apo kapacitet administrativ lokal nën
mbikqyrjen e ministrive të pushtetit qendror.
Delegimi - Delegimi është një formë më e përhapur e decentralizimit. Nëpërmjet delegimit,
pushtetet qendrore transferojnë përgjegjësitë e marrjes së vendimeve dhe administrimin e
funksioneve publike, tek administratat gjysmëautonome jo plotësisht të kontrolluara nga pushteti
qendror por përgjegjëse përpara tij. Qeveritë i delegojnë përgjegjësitë, atëherë kur krijojnë
ndermarrje publike apo korporata, autoritete vendase, autoritete të transportit, distrikte të
shërbimeve të vecanta, distriktet e shkollave gjysëmautonome, korporata rajonale të zhvillimit
ose njësi speciale të zbatimit të projekteve. Zakonisht, këto organizata kanë shumë liri veprimi në
marrjen e vendimeve. Ato mund të përjashtohen nga detyrimet mbi personelin e rregullt të
shërbimeve civile dhe mund të vendosin taksa të drejtëpërdrejta për shërbimet tek përdoruesit.
Devoluimi - Devoluimi është transferimi i autoritetit për marrjen e vendimeve, financimin dhe
menaxhimin tek njësitë gjysëm-autonome të pushtetit lokal me status korporate. Devoluimi
zakonisht transferon përgjegjësitë për shërbimet, tek bashkitë që kujdesen vetë për zgjedhjen e
kryetarit dhe anëtarëve të këshillit të rrethit, sigurojnë të ardhurat e tyre dhe kanë autoritet të
pavarur për të marrë vendime për investimet. Në një sistem të devolvuar, pushtetet lokale njohin
qartë dhe ligjërisht kufijtë gjeografike mbi të cilët ato ushtrojnë autoritet dhe brenda të cilave ato
realizojnë funksione publike.
Decentralizimi Fiskal
Përgjegjësia financiare është një komponent kyç i decentralizimit. Nëse pushtetet lokale dhe
organizatat private kryejnë me efektivitet funksione të decentralizuara, ato duhet të kenë të
ardhura të mjaftueshme - të realizuara lokalisht ose të transferuara nga pushteti qendror - si dhe
autoritet për të marrë vendime për shpenzimet. Decentralizimi fiskal mund të marrë shumë
forma, ku përfshihen:
Vetëfinancimi apo mbulimi i kostove nëpërmjet të ardhurave nga përdoruesit;
Bashkëfinancimi apo bashkëprodhimi, në të cilin përdoruesit marrin pjesë në sigurimin e
shërbimeve dhe infrastrukturës, nëpërmjet kontributeve monetare dhe punës;
Shtrirjet e të ardhurave lokale nëpërmjet taksave mbi pasurinë apo nga shitjet ose të
ardhurat indirekte;
Transfertat ndërqeveritare të të ardhurave të përgjithshme nga taksat e mbledhura nga
pushteti qendror tek pushteti lokal, për përdorim të përgjithshëm apo specifik;
12
Autorizimi i marrjes hua nga bashkitë, dhe mobilizim i burimeve kombëtare dhe të
pushteteve lokale nëpërmjet garancive të huave. Në shumë vende në zhvillim, pushtetet
lokale apo njësitë administrative kanë autoritetin ligjor të vendosin taksa, por baza e
taksës është kaq e dobët dhe varësia tek subvencionet e pushtetit qendror është kaq e
përcaktuar, sa që nuk bëhet asnjë përpjekje për të ushtruar këtë autoritet.
Decentralizimi Ekonomik dhe i Tregut
Format më të plota të decentralizimit nga perspektiva e një qeverie janë privatizimi dhe
derregullimi të cilat e zhvendosin përgjegjësinë e funksioneve nga sektori publik në atë privat.
Ato lejojnë që funksione që më parë kanë qenë ekskluzivisht pëgjegjësi e pushtetit qendror, të
realizohen nga bizneset, grupet e komunitetit, kooperativat, shoqatat vullnetare private, dhe
organizata të tjera jo-qeveritare. Privatizimi dhe derregullimi zakonisht janë të shoqëruara me
politika të liberalizimit ekonomik dhe zhvillimit të tregut.
Privatizimi - Privatizimi ka qëllime të ndryshme: nga sigurimi i të mirave dhe shërbimeve të
bazuara plotësisht në vepimtarinë e lirë të tregut, tek marrëdhniet private-publike në të cilat
qeveritë dhe sektori privat bashkëpunojnë për të siguruar shërbimet apo infrastrukturën.
Privatizimi mund të nënkuptojë lejimin e ndërmarrjeve private për të realizuar funksione që më
parë kanë qenë të monopolizuar nga qeveria. Privatizimi do të thotë gjithashtu, caktim i
ndërmarrjeve tregtare për sigurimin apo menaxhimin e shërbimeve publike. Ka një numër të
madh formash dhe mënyrash institucionale private-publike me të cilat organizohen funksione të
tilla, vecanërisht në infrastrukturë. Gjithashtu, privatizimi mund të përfshijë financimin e
programeve të sektorit publik nëpërmjet tregut të kapitaleve, me akte nënligjore apo masa të
përshtatshme, për t'u siguruar se pushteti qendror nuk merr përsipër risqe për këtë huamarrje, dhe
për të lejuar pjesmarrjen e organizatave private. Në përfundim, privatizimi mund të nënkuptojë
transferimin e përgjegjësive për sigurimin e shërbimeve nga sektori publik në atë privat,
nëpërmjet privatizimit të ndërmarrjeve shtetërore.
Derregullimi – Derregullimi zvogëlon detyrimet ligjore për pjesmarrjen private në sigurimin e
shërbimeve ose lejon konkurencën ndërmjet ofruesve privatë për shërbime që më parë
siguroheshin nga qeveria apo monopole ligjore. Në vitet e fundit, privatizimi dhe derregullimi
janë bërë alternativa tërheqëse për qeveritë në vendet në zhvillim. Pushtetet lokale janë duke
privatizuar, nëpërmjet kalimit të sigurimit të shërbimeve apo administrimit tek kontraktorë të
tjerë.
2.1.2 Argumentet që mbështesin Decentralizimin
Autorë të ndryshëm e argumentojnë ndërmarrjen e proceseve decentralizuese në fusha të
ndryshme në një vend, nisur kryesisht nga nevojat politike dhe ekonomike. Për qartësimin e
çështjes që po studjojmë, kemi përmbledhur një sërë argumentesh të dhëna nga Ford (1999).
Argumentet politike për decentralizimin
Pjesa më e madhe e proceseve të decentralizimit që kanë ndodhur në dekadën e fundit, ka qenë e
motivuar nga shqetësime politike. Për shembull, në Amerikën Latine, decentralizimi ka qenë një
pjesë e rëndësishme e procesit të demokratizimit pasi regjimet qendrore autokratike u
13
zëvendësuan nga qeveritë e zgjedhura që veprojnë sipas kushtetutës së re. Në Afrikë, shpërndarja
e sistemeve politike shumëpartiake ka krijuar kërkesa për më shumë zë lokal në marrjen e
vendimeve. Në disa vende, si në Etiopi, decentralizimi ka ardhur në përgjigje të presioneve nga
grupet etnike dhe rajonale për më shumë kontroll dhe pjesmarrje në procesin politik. Në raste
ekstreme, decentralizimi paraqet një përpjekje të dëshpëruar për të mbajtur vendin të bashkuar,
në përgjigje të këtyre presioneve duke u dhënë më tepër autonomi të gjitha lokaliteteve ose duke
lejuar "federata asimetrike". Një variacion mbi këtë temë, ka qenë decentralizimi si një produkt i
luftërave të gjata civile, si në Mozambik apo Uganda, ku mundësitë e hapura politike në nivel
lokal kanë lejuar një pjesmarrje më të madhe nga të gjitha ish-fraksionet luftarake në qeverisjen e
vendit.
Ekonomitë në tranzicion të ish-shteteve socialiste janë decentralizuar në një masë të madhe, pas
rënies së aparatit të vjetër të centralizuar. Në shumë vende, decentralizimi ka ndodhur thjesht në
mungesë të ndonjë strukture alternative kumptimplotë qeverisjeje, për të siguruar shërbimet e
pushteteve lokale.
Megjithëse në shumë raste decentralizimi ka ndodhur pa shumë planifikim dhe hartim, ka një
shumllojshmëri çështjesh që luajnë rol në ndikimin e decentralizimit mbi eficencën, barazinë dhe
stabilitetin makroekonomik. Suksesi i decentralizimit është i lidhur ngushtë me respektimin e
disa prej parimeve që janë:
financim i ndjekur nga një përcaktim i qartë i funksioneve;
marrje vendimesh pas analizimit të informacioneve;
mbështetje e prioriteteve lokale;
dhe përgjegjshmëri.
Për shkak se kushtet e vendeve ndryshojnë shpesh në mënyra komplekse dhe jo te qarta, politikat
dhe instrumentet institucionale që krijojnë decentralizimin duhet të hartohen sipas kushteve
specifike.
Argumentet Ekonomike për Decentralizimin
Gjithnjë e më tepër literatura botërore po studion arsyet ekonomike bazë për decentralizim.
Ekonomistët e justifikojnë decentralizimin mbi bazat e eficiencës shpërndarëse. Arsyeja e tyre
bazë është se vendimet për shpenzimet publike që janë kryer nga një nivel qeverisjeje që është
më afër dhe më përgjegjës ndaj një votuesi lokal, mund të reflektojnë më mirë kërkesën për
shërbime lokale, sesa ato vendime të marra nga një pushtet qendror në distancë.
Një arsye e dytë ekonomike për decentralizim është përmirësimi i "konkurrencës" së pushteteve
dhe nxitja e novacioneve duke bërë të mundur që pushtetet të veprojnë në përgjigje të dëshirave
të qytetarëve.
Një tjetër përfitim potencial është se njerëzit janë më të gatshëm të paguajnë për shërbimet që u
përgjigjen prioriteteve, sidomos nëse ata janë të përfshirë në procesin e marrjes së vendimeve për
shperndarjen e këtyre shërbimeve.
Një numër problemesh teorike dhe praktike komplikojnë analizën nëse decentralizimi është një
strategji ekonomike e mirë apo e padëshirueshme. Në nivelin makroekonomik, një shqetësim i
rëndësishëm ka qënë fakti se decentralizimi mund ta bëjë të vështirë zbatimin e politikave
stabilizuese dhe mund të çojë në nivele destabilizuese, si dhe në krijimin e shpenzimeve dhe
borxhit publik. Sidoqoftë, sistemet e decentralizuara mund të krijohen për të shmangur efektet
14
destabilizuese dhe për të krijuar nxitës të saktë. Një pjesë e proceseve decentralizuese të viteve
80-të ishte një shmangie e pabarazive fiskale, nga pushtetet qendrore te pushtetet lokale. Në
kushte të tilla, nuk është çudi të shohësh një lidhje të fortë ndërmjet decentralizimit dhe
pabarazive fiskale në nivelet e ulta.
Një tjetër debat në nivel makroekonomik, evidencat për të cilën nuk janë përfundimtare, është
nëse decentralizimi vonon apo jo rritjen ekonomike. Shqetësimet për barazinë ndërjuridiksionale
dhe ndërpersonale kanë qenë shumë të rëndësishme për debatin e decentralizimit. Disa njësi
territoriale kanë më tepër burime se të tjerat, ndoshta për shkak të madhësisë apo vendndodhjes.
Përveç kësaj, rrethanat historike mund të kenë krijuar diferenca lokale. Për këtë qëllim, mund të
hartohet një program fiskal ndërqeveritar për të zhvendosur burimet në zona me më pak
avantazhe, në mënyrë që të gjithë qytetarëve t'u sigurohet një minimum shërbimesh, pavarësisht
nga vendndodhja e tyre.
Shpesh debatohet se pushtetet qendrore janë plotësisht përgjegjëse për sigurimin e barazisë
ndërpersonale. Megjithatë, pushtetet lokale mund dhe duhet të luajnë rol shumë të rëndësishëm
në zbatimin e programeve qendrore shpërndarëse dhe në përcaktimin e një numri taksash,
shpenzimesh dhe skemash të transfertave ndërmjet lokaliteteve.
Shërbimet specifike që duhen decentralizuar dhe lloji i decentralizimit që duhet ndjekur, varen
nga ekonomitë e shkallës që ndikojnë eficencën teknike. Këto çështje duhet të merren në
konsideratë në hartimin e një sistemi të decentralizuar. Në prakrikë, nuk është e nevojshme të
decentralizohen të gjitha shërbimet në të njëjtën mënyrë dhe në të njëjtin nivel.
Në një kuptim të rëndësishëm ekonomik, tregu është forma përfundimtare e decentralizimit, ku
konsumatorët mund të blejnë një produkt cilësor nga zgjedhja e ofruesve. Natyra e pjesës më të
madhe të shërbimeve lokale publike, kufizon realizimin e plotë të këtij opsioni dhe krijon një rol
qeveritar në sigurimin e këtyre shërbimeve, por nuk kërkohet që sektori publik automatikisht të
jetë përgjegjës për shpërndarjen e të gjitha shërbimeve. Aty ku është e mundur të strukturohet
konkurenca, si në rastin e të drejtës për të shpërndarë këtë shërbim, të dhënat tregojnë se
shërbimi kryhet më me eficencë.
Kushtet për një Decentralizim të Suksesshëm
Megjithëse politika është një forcë udhëheqëse që qëndron prapa decentralizimit në shumicën e
vendeve, decentralizimi mund të jetë një prej atyre momenteve ku politikat e mira dhe ekonomitë
e mira i shërbejnë të njëjtit qëllim final. Objektivat politikë të përgjegjësisë dhe pjesëmarrjes në
nivel lokal, mund të përkojnë me objektivat ekonomikë të vendimeve më të mira për përdorimin
e burimeve dhe rritjen e gadishmërisë për të paguar për shërbimet lokale. Për një decentralizim të
suksesshëm janë të rëndësishme të paktën pesë kushte:
Kuadri i decentralizimit duhet të lidhë financimin lokal dhe autoritetin fiskal me
përgjegjësitë dhe funksionet e sigurimit të shërbimeve nga pushtetit lokal, në mënyrë që
politikanët lokalë të mbajnë përgjegjësitë e vendimeve të marra.
Komunitetet lokale duhet të informohen për kostot e shërbimeve dhe mundësitë për
shpërndarjen e tyre, si edhe për burimin e të ardhurave dhe mënyrën si vijnë, me qëllim
që vendimet që ata marrin të jenë kuptimplota.
Komunitetet kanë nevojë për një mekanizëm për të shprehur preferencat e tyre dhe për t‟i
përcjellë ato te politikanët, duke e shndërruar në një nxitës të besueshëm për pjesmarrjen
e tyre.
15
Duhet të ketë një sistem përgjegjshmërie të bazuar në informacion publik dhe transparent,
që u jep mundësi komuniteteve të vëzhgojnë me efektivitet peformancën e pushteteve
lokale dhe të reagojnë në mënyrë të përshtatshme ndaj kësaj performance. Si rezultat
politikanët dhe zyrtarët lokalë kanë një nxitës për t'u ndjerë të përgjegjshëm.
Instrumentet e decentralizimit - kuadri ligjor dhe institucional, struktura e përgjegjësive
për shpërndarjen e shërbimeve dhe sistemi fiskal ndërqeveritar – duhet të hartohen në
mënyrë të tillë që të mbështesin objektivat politikë.
2.1.3 Disa nga Veçoritë e Decentralizimit
2.1.3.1 Pjesmarrja, Shoqëria Civile dhe Decentralizimi
Sipas Seddon (1998), përgjegjshmëria dhe gjithëpërfshirja janë çelësi i suksesit në hartimin e
politikave të decentralizimit). Në sistemet e decentralizuara afërsia e qeverive vendore me
qytetarët i bën ato të afta që t‟u përgjigjen më mirë kërkesave vendore, si edhe të përshtasin në
mënyrë eficiente shpenzimet publike me nevojat e komunitetit. Kjo kërkon krijimin e
institucioneve dhe mekanizmave që bëjnë të mundur marrjen e mendimit të qytetarëve dhe
konkretizimin e tyre. Të tillë mund të përmendim zgjedhjet e rregullta, referendumet vendore,
Këshillat e Qytetarëve etj..
Për më tepër, mekanizmat e nevojshëm për projekte apo çështje të veçanta ku është e
domosdoshme kalimi i informacionit nga qytetarët e zonave të caktuara për te qeveria vendore,
rezultojnë të jenë më të thjeshtë dhe me të shpejtë se sa ato të përdorur nga qytetarët tek qeveria
qendrore. Në të njëjtën kohë që shkurton distancat ndërmjet njerëzve dhe përfaqësuesve të
zgjedhur, si edhe rrit transparencën për mënyrën se si shpenzohen paratë nga qeveritë vendore,
decentralizimi ndihmon dhe në rritjen e përgjegjshmërisë. Kështu që debati mbi decentralizimin
nuk duhet të fokusohet vetëm tek konsideratat mbi faktorët ekonomikë dhe eficiencën.
Përgjegjësia politike e qeverive vendore ndaj votuesve të tyre bën të mundur që shërbimet
qeveritare t‟u përgjigjen nevojave të njerëzve. Nëse një qeveri nuk është e përgjegjshme,
qytetarët kanë në dorë të zgjedhin ta rivotojnë ose jo atë.
Suksesi i proceseve decentralizuese ndikohet edhe nga marrëdhëniet e krijuara ndërmjet aktorëve
të përfshirë në to. Fortësia e lidhjeve të krijuara dhe sidomos mënyra e qarkullimit të
informacionit, është përcaktuese në arritjen e objektivave të caktuar. Nëse do paraqesim në
mënyrë të përbledhur aktorët e përfshirë në proceset decentralizuese do ishte si në Figurën 1.1 të
paraqitur mëposhtë:
16
Figura 2.1. Aktorët Pjesëmarrës në Proceset Decentralizuese
Burimi: Përshtatur sipas: world Bank 2003, Jennie Litvack, Juniad Ahmad, Richard Bird; “Rethinking
Decentralization in Developing Country”
Jo të gjithë aktorët kanë të njëjtën peshë specifike, në varësi të fazës në të cilën ndodhet procesi i
decentralizimit në një vend të caktuar. Njëri nga aktorët mund të ketë influencë më të lartë në
fillim të procesit dhe kjo influencë të vijë duke u zvogëluar ose duke u zëvendësuar nga një aktor
tjetër në një kohë të mëvonshme, ndërsa procesi përparon. Sa më e lartë të jetë influenca e
përbashkët, aq më i suksesshëm është realizimi i procesit në tërësi.
Në hapat e parë të procesit, ku kryesorja është hartimi i tij dhe ndërtimi i kuadrit ligjor, roli i
qeverisë qendrore është më i madh.
Me kalimin e kohës, kur ky rol mund të jetë konsoliduar, agjentët e tjerë si qeveria vendore dhe
shoqëria civile mund të marrin përparësi. Shoqëria civile, shërben si katalizator domethënës dhe
mjaft i fuqishëm në proces. Mjaft e domosdoshme dhe e rëndësishme në këto procese është që
këto organizata “të institucionalizohen” dhe “kombëtarizohen”. Pavarësisht nga kjo, nuk duhet
harruar, fakti që jo gjithmonë decentralizimi prodhon suksesin e dëshiruar apo sjell dhe zhvillim
të qëndrueshëm ekonomik.
Gjithësesi, duke qenë se decentralizimi arrin të jap efekte pozitive në popullatë, duhet të merren
parasysh edhe rreziqet e mundshme. Ato fillimisht duhet të identifikohen dhe më pas të
analizohen mekanizmat që do t‟i parandalojnë.Në çdo rast, sipas Veliut (2012) duhet të merret
parasysh analiza kosto-përfitim e proceseve decentralizuese, në mënyrë që të bëhet zgjedhja më e
mirë e mundshme.
Pjesëmarrja dhe decentralizimi kanë një marrëdhënie të ndërvarur. Nga njëra anë, një
decentralizim i suksesshëm kërkon disa shkallë të pjesëmarrjes lokale. Afërsia e pushteteve
lokale me votuesit e tyre, do t'u japë mundësi t'u përgjigjen më mirë nevojave lokale si dhe të
balancojnë me efiçencë shpenzimet publike, vetëm atëherë kur informacioni qarkullon
mjaftueshëm ndërmjet qytetarëve dhe pushtetit lokal.
17
Nga ana tjetër, procesi i decentralizimit mund të nxisë mundësitë për pjesëmarrje duke vendosur
më tepër pushtet dhe burime tek një nivel qeverisjeje më i afërt, më i njohur dhe që mund të
influencohet më lehtë. Në mjedise me tradita të varfëra të pjesëmarrjes qytetare, decentralizimi
mund të jetë një hap me rëndësi në krijimin e mundësive të rregullta dhe të parashikuara për
marrëdhëniet komunitet-shtet. Kjo lidhje e ndërvarur ndërmjet decentralizimit dhe pjesëmarrjes
mund të çojë në udhëzime politike deri diku kontradiktore.
Mekanizmat për pjesmarrjen qytetare mund të konsiderohen një parakusht i rëndësishëm për një
decentralizim të suksesshëm. Në të njëjtën kohë, hartimi i decentralizimit duhet të marrë
parasysh mundësitë dhe kufizimet e vendosura nga kanalet ekzistuese të pjesëmarrjes lokale.
Mungesa e mekanizmave pjesëmarrës, sidoqoftë, mund të konsiderohet si një arsye për
decentralizim dhe mund të ndihmojë në krijimin e kërkesës lokale për më tepër kanale
pjesëmarrëse për t'u dhënë zë preferencave të komunitetit. Problemi diskutohet në dy
dimensione: pjesëmarrje si mjet për decentralizim të suksesshëm dhe si synim i decentralizimit.
Pjesëmarja si një parakusht: Kanalet ekzistuese të institucionalizuara për pjesëmarrje të
qytetarëve dhe aftësia e njerëzve për t'i përdorur ato duhet të merren parasysh në hartimin e
programeve të decentralizimit në vendet në zhvillim. Sipas Seddon (1999), zgjedhjet e drejta dhe
të rregullta lokale dhe nivelet e larta të kapitalit shoqëror (bashkimi i komunitetit dhe dëshira për
të punuar së bashku) u jep mundësi qytetarëve të sinjalizojnë preferencat më efiçente të tyre dhe
të realizojnë përputhjen mes përpjekjeve të udhëheqësve me dëshirat e tyre.
Studimet kanë treguar se kontrolli i gjerë dhe i vazhdueshëm i qytetarëve mbi drejtuesit mund të
përmirësojë cilësinë e veprimtarive të qeverisë. Lufta e vazhdueshme për të ruajtur vendin e
punës mund të çojë në përpjekje të mëdha për të kënaqur konsumatorët në të gjitha frontet.
Studime të ndryshme për decentralizimin dhe përmasat e qeverisë, ndër të cilat ato të bëra nga
Oates (1975), kanë treguar se pushtetet lokale pjesëmarrëse tentojnë të jenë më të mëdha pasi
votuesit e tyre u besojnë më shumë kur ata kanë në dorë më shumë burime. Sidoqoftë, në disa
raste një pjesëmarrje më e madhe mund të sjellë ç'rregullime. Ciklet lokale elektorale mund të
çojnë në prishje të disiplinës fiskale, pasi drejtuesit lokalë përpiqen të marrin më tepër vota.
Evidenca mbi institucionet dhe përgjegjësinë fiskale në Ameriken Latine të dhëna nga Stein,
Talvi dhe Grisanti (1998), tregon se qeveritë me dy parti dhe me procese hierarkike buxhetore
tentojnë të shpenzojnë më pak sesa qeveritë e koalicionit shumëpartiak me procese buxhetore
kolegjiale dhe pjesëmarrëse.
Vlerësimi i ndikimit të inputeve të qytetarëve në veprimtarinë e pushteteve lokale siguron një
pikë fillimi për hartimin e politikave të decentralizimit. Kushte të tilla fillestare ndihmojnë të
përcaktojnë se në çfarë shkalle decentralizimi do të rrisë përgjegjshmërinë e përgjithshme të
qeverisë përpara qytetarëve dhe siguron një udhëzues për përfshirjen e masave për nxitjen e
pjesmarrjes në politikën e decentralizimit.
Zgjedhjet e rregullta, referendumet lokale, këshillat e përhershme publike-private dhe struktura
të tjera institucionale janë të tjera kushte, lehtësisht të identifikueshme që mund të përmirësojnë
aftësinë e pushteteve lokale për të identifikuar dhe vepruar sipas preferencave të qytetarëve.
Nivelet e kapitalit social, të cilat përcaktojnë sesa të aftë janë qytetarët për të përfituar nga
rregullimet institucionale për pjesëmarrje, janë të ngadalta për t'u zhvilluar dhe të vështira për t'u
përcaktuar. Prania dhe veprimtaria e organizatave joqeveritare dhe grupeve të tjera qytetare
18
mund të jenë një tregues domethënës, por është gjithashtu e rëndësishme të përcaktohet se cilat
organizata janë realisht përfaqësuese të këtyre komuniteteve. Çrregullimet ndërmjet atyre që janë
të përfaqësuar nga një OJQ dhe atyre që ngelen jashtë sistemit mund të çojnë në kapjen e
pushtetit lokal nga njëri grup dhe mosrealizimin e një përputhjeje efiçiente midis shpenzimeve
publike dhe nevojave të votuesve.
Pjesëmarrja si një Synim: Decentralizimi mbështetet tek pjesëmarrja qytetare për të përmirësuar
shpëndarjen e shërbimeve. Në rastet kur pushtetet lokale nuk zgjidhen me vota, kur proceset
elektorale favorizojnë një grup të vogël të elitës, ose kur nivelet e ulta të kapitalit social pengojnë
marrëdhëniet aktive të qyetarëve me shtetin, procesi i decentralizimit mund të hartohet për të
ndërtuar tipe më të kufizuara pjesmarrjeje. Mekanizmat për specifikimin e projekteve dhe të
problemeve për nxitjen e fluksit të informacionit midis shtetit dhe qytetarëve, shpesh mund të
zbatohen më shpejt dhe më thjesht në nivel lokal sesa në atë kombëtar. Projektet e orientuara nga
kërkesa janë një nga mjetet bazë për të thelluar procesin e decentralizimit.
2.1.3.2 Informimi dhe Monitorimi në Sistemet e Decentralizuara
Sipas Dana Weist (1999), përgjegjshmëria është një kusht i nevojshëm për përmirësimin e
efektivitetit të sektorit publik, dhe informacioni është çelësi i përgjegjshmërisë. Mbledhja,
analiza dhe raportimi sistematik i informacionit janë elementet kritike të programeve të
decentralizimit, sepse informacioni mund të përdoret për të verifikuar përputhshmërinë me
qëllimet politike, për të analizuar rezultatet alternative dhe për të drejtuar vendimet e ardhshme.
Informacioni mbi flukset financiare, si hartimi i buxhetit dhe raportimi i shpenzimeve, dhe ai mbi
inputet, produktet dhe rezultatet e tjera është thelbësor si në nivel lokal - për të informuar
votuesit lokal dhe për të inkurajuar pjesëmarrjen publike në procesin politik, ashtu edhe në nivel
qendror - për të kontrolluar dhe mbikëqyrur veprimtaritë lokale të financuara të paktën pjesërisht
nga burime qendrore.
Mekanizmat e Kontrollit
Nëse publiku nuk e di se çfarë mallrash dhe shëbimesh sigurohen, sa mirë janë siguruar ato, cilët
janë përfituesit, sa kushtojnë mallrat dhe shërbimet dhe ci1ët paguajnë për to, votuesit lokalë nuk
do të nxisin një qeveri efektive. Kontrolli dhe vlerësimi qendror i rezultateve lokale ka të njëjtin
efekt, përveç faktit se interesat kombëtare zëvendësojnë interesat më të ngushta lokale. Pa
kontrollin qendror nuk mund të ketë siguri nëse janë realizuar në mënyrë të mjaftueshme ato
funksione me rëndësi kombetare që janë decentralizuar; nëse janë kuptuar ndikimet
makroekonomike të decentralizimit, ose nëse janë analizuar në mënyrë të përshtatshme efektet e
ndryshimeve të propozuara në marrëdheniet ndërqeveritare fiskale apo administrative.
Shumë vende që janë në proces decentralizimi kanë mekanizma të dobët apo të pamjaftueshëm
për t'u dhënë mundësi qytetarëve dhe niveleve më të larta të qeverisë të kontrollojnë, vlerësojnë
dhe mbeshtesin decentralizimin. Megjithëse nga njëra anë kjo nuk e pengon decentralizimin në
arritjen e disa prej qëllimeve të tij, nga ana tjetër ajo kufizon aftësinë e tij për të krijuar përfitime
të mëdha. Përmirësimi në analizën dhe raportimin financiar dhe krijimi i aftësive analizuese për
kontrollin dhe vlerësimin, mund të forcojë monitorimin dhe vlerësimin e financave lokale. Por,
nevoja për një monitorim të kujdesshëm shkon përtej aspektit financiar. Ajo varet nga objektivi i
19
shpërndarjes së shërbimeve. Për shembull, sipas Ravallion (1998), aspekte të ndryshme të
decentralizimit mund të kenë efekte të ndryshme në ndërtimin dhe mbajtjen e tipeve të ndryshme
të infrastrukturës, programeve të kujdesit shëndetësor apo të sistemit arsimor. Nëse objektivi
është që ndihma shoqërore duhet të shkojë tek të varfërit, informacioni që kërkohet është se cilët
janë të varfërit dhe ku janë vendosur ata, dhe sa nga pëfitimet e programit do të shkojnë për këtë
grup. Në shumë raste, vendet shpenzojnë burime të konsiderueshme për ndihmën sociale, por
dështojnë në grumbullimin e të dhënave dhe monitorimin e atyre që marrin përfitimet dhe sa ata
përfitojnë nga ndihma e dhënë.
Përgjegjësia dhe Raportimi Financiar
Për të përmirësuar përgjegjësinë dhe raportimin financiar, duhet të mblidhen dhe të raportohen
rregullisht të dhëna fiskale të detajuara nga qeveritë lokale. Në mënyrë ideale, këto të dhëna
duhet të vijnë nga sisteme të unifikuara financiare dhe raportuese. Në rastin më të thjeshtë, këto
të dhëna duhet të grumbullohen dhe të përpunohen mbi një bazë të rregullt dhe kohore si dhe
duhet të shfaqin karakteristikat e meposhtme:
Gjerësia e mbulimit - informacioni duhet të jetë gjerësisht përfaqësues, sipas njësive të
qeverisë lokale dhe sipas klasifikimeve financiare (të ardhurat, shpenzimet, borxhi);
Lidhja logjike - informacioni duhet të ketë gabime minimale në raportim dhe klasifikim;
Krahasueshmëria - tipet e njëjta të veprimtarive duhet të pasqyrohen sipas njësive të
qeverisë;
Qartësia - veprimtaritë aktuale duhet të raportohet më shumë se sa veprimtaritë e
buxhetuara dhe në mënyrë ideale të dhënat duhet të kontrollohen.
Zhvillimi dhe zbatimi i sistemeve financiare të raportimit dhe informimit kërkon shpesh ndihmë
të konsiderueshme teknike, trajnim, kohë dhe burime. Zbatimi i këtyre sistemeve mund të
kërkojë që institucionet qendrore të krijohen për të zhvilluar dhe ruajtur sistemet raportuese;
trajnuar dhe mbeshtetur nëpunësit lokaIë; dhe monitoruar dhe analizuar zhvillimet në financat e
nivelit të ndërmjetëm.
Ndërtimi i statistikave të qeverisë - të ngjashme me ato për të mbuluar statistikat e popullsisë,
industrisë dhe punësimit në shumë vende - dhe publikimi i të dhënave financiare të nivelit të
ndërmjetëm, do të krijonte bazat për një sistem të monitoruar dhe për të siguruar inputet e
nevojshme për vlerësimin e të ardhurave, këkimeve ekonomike dhe vlerësimin e aftësisë
paguese.
2.1.4 Impaktet Potenciale të Decentralizimit
Për të kuptuar më mirë impaktet potenciale të decentralizimit, janë rishikuar evidencat ekzistuese
të autorëve të ndryshëm që përqendrohen kryesisht në 4 forma; impakti i decentralizimit për
barazinë, stabilitetin makroekonomik, përgjegjësinë, dhe transparencën e korrupsionin.
2.1.4.1 Impakti i Decentralizimit mbi Barazinë
Sipas Waldason (1991), shumë OJQ dhe donatorë ndërkombëtarë inkurajojnë vende që të
decentralizohen sepse besojnë që kjo do të çojë në një pjesëmarrje më të madhe të komunitetit në
vendimmarrje, nga e cila do të përfitojnë vet komunitetet, familjet, dhe veçanërisht të varfërit.
20
Decentralizimi duhet të marrë në konsideratë më tepër të varfërit sidomos në rastet kur
ndërmerret nga nivelet lokale të qeverisjes. Kjo nuk ndodh gjithmonë, por varet nga fakti se sa
rëndësi i kushtohet shpërndarjes së pushtetit nga niveli qendror te ai lokal, se si është hartuar
sistemi i financave ndërqeveritare veçanërisht transfertat, dhe nga shtrirja në të cilën realizohet
pjesëmarrja në vendimmarrje. Kjo i lejon fondet të arrijnë në zonat më të varfëra dhe të
inkurajojnë përgjegjësi më të madhe nga ana e institucioneve përfaqësuese lokale.
2.1.4.2 Impakti Makroekonomik i Decentralizimit
Hartimi i politikave decentralizuese mund të influencojë mjaft në mënyrën se si ristrukturimi i
vendimmarrjes dhe përgjegjësia do të ndikojnë në kushtet makroekonomike të një vendi. Hartimi
i marrëdhënieve fiskale ndërqeveritare duhet të realizohet pasi të njihen edhe efektet negative të
mundshme. Sipas Musgrave (1959), më shumë rëndësi ka të sigurohet një kombinim i
përgjegjësive mbi shpenzimet dhe të ardhurat e çdo niveli pushteti, dhe të krijohen mekanizma
institucionalë për menaxhimin e rreptë të buxhetit nga ana e këtyre niveleve të pushtetit.
Krahasuar me pushtetet qendrore, pushtetet lokale kanë më pak nxitësa për të trajtuar impaktet
makroekonomike të politikave të tyre. Politikat lokale të stabilitetit makroekonomik marrin
karakteristika të mallrave publike. Detyra e mbajtjes së stabilitetit makroekonomik u takon
pushteteve qendrore zakonisht dhe ato duhet të kenë mjete të përshtatshme për ta realizuar këtë
detyrë, siç janë kontrolli mbi politikën monetare, dhe të paktën pak kontroll mbi kushtet fiskale.
Kjo përfshin një ndarje të të ardhurave dhe shpenzimeve, të mëdha dhe fleksibël, për të
influencuar mbi kërkesën agregate të një vendi. Pavarësisht nëse e kanë si synim ose jo, politikat
lokale mund të influencojnë stabilitetin makroekonomik nëpërmjet rritjes së shpenzimeve të një
buxheti të balancuar nga pushtetet lokale apo huatë e marra nga qeveria locale, të cilat mund të
bëhen një problem i rëndësishëm makroekonomik.
2.1.4.3 Decentralizimi dhe Rritja Ekonomike
Dihet shumë pak mbi marrëdhëniet midis decentralizimit dhe rritjes ekonomike. Faktet empirike
për mënyrën në të cilën decentralizimi ndikon rritjen kanë qënë kontradiktore dhe ka patur
probleme me njësitë, specifikimet dhe analizat. Ka fakte më të forta për një marrëdhënie në një
tjetër drejtim - nga rritja tek decentralizimi, por interpretimet e kësaj lidhjeje midis të ardhurave
të larta dhe decentralizimit vazhdojnë të ndryshohen nga autorët që i studiojnë.
Decentralizimi dhe Rritja Ekonomike: të dhënat empirike
Studimet e pakta empirike që kanë shqyrtuar direkt marrëdhëniet midis decentralizimit dhe rritjes
ekonomike vijnë me rezultate mikse. Zhang dhe Zou (1997) tregojnë se decentralizimi ka një
efekt pozitiv dhe ndonjëherë të rëndësishëm në rritjen ekonomike të Kinës. Davaodi, Xil dhe Zou
(1995), në një punim në ShBA, mendojnë se lidhja mes decentralizimin fiskal dhe rritjes
ekonomike, është e dobët. Duke marrë në studim vendet e zhvilluara dhe vendet në zhvillim,
Davaodi dhe Zou zbuluan se decentralizimi ka një lidhje negative me rritjen në vendet në
zhvillim dhe nuk ka asnjë efekt të rëndësishëm tek rritja në vendet e zhvilluara. Probleme të
ndryshme metodologjike në këto studime zbehin edhe rëndësinë e këtyre rezultateve mikse dhe
nuk mund të deklarohet se marrëdhënia decentralizim – rritje ekonomike është e qëndrueshme.
21
Në mungesë të fakteve të forta e të padyshimta empirike, studjuesit kanë parashtruar 3 hipoteza
mbi marrëdhëniet midis decentralizimit dhe rritjes. Në çdo hipotezë rritja ka vetëm një
marrëdhënie të shkallës së dytë me decentralizimin, dhe natyra e lidhjes, nëse e nxit rritjen, e
pengon ose e kërkon atë, varet nga çfarë konsiderohen si efektet primare të decentralizimit.
Si pasojë, këto efekte primare kanë të bëjnë shumë me hartimin specifik të politikës së
decentralizimit. Ndërkohë që studime të tjera mbi decentralizimin diskutojnë metodat për arritjen
e efekteve primare të caktuara, siç është shpërndarja e përgjegjshme dhe eficente e shërbimeve,
ky seksion nënvizon mënyrat me të cilat efektet primare më të diskutuara të decentralizimit
mund të formojne efektin e decentralizimit mbi rritjen në vendet ne zhvillim. Më poshtë
paraqiten tri hipoteza alternative se si decentralizimi mund të ndikojë indirekt në rritjen
ekonomike:
Hipoteza 1 - Decentralizimi rrit efiçencën ekonomike në shpenzimet publike, prandaj efektet e
tij dinamike duhet të jenë nxitës për rritjen.
Informacioni që pushtetet lokale disponojnë i lejon ata të përgjigjen më mirë ndaj preferencave të
zgjedhësve sesa pushtetet qendrore. Pushtetet qendrore duhet të investojnë më tepër burime për
të marrë të njëjtin informacion. Megjithëse preferencat e zgjedhësve nuk shërbejnë gjithmonë si
guidë për investime produktive, ato mund të jenë të dobishme si rishikime të hartimit të
programeve dhe si udhëzues për shpërndarjen e shpenzimeve.
Qytetarët në sistemet e decentralizuara janë në gjendje të lëvizin përmes njësive vendore për t'u
vendosur aty ku të mirat publike të siguruara përshtaten me preferencat e tyre. Lëvizshmëria e
madhe mund të detyrojë qeveritë lokale të jenë më konkurruese, e kështu më eficente e
mundësisht më rinovuese në sigurimin e shërbimeve.
Në vijim ekziston një hap intuitiv nga këto efekte drejt efektit dinamik të rritjes ekonomike.
Studime të ndryshme të shpenzimeve publike dhe rritjes tregojnë se lloje të caktuara të
shpenzimeve publike kanë më shumë efekt nxitës se të tjerat.
Hipoteza 2- Decentralizimi mund të çojë në distabilitet makroekonomik, që mund të pengojë
rritjen.
Tri argumente e nënvizojnë këtë hipotezë. Së pari, decentralizimi ul bazën e taksave dhe
shpenzimeve që pushteti qendror mund të përdorë për të kryer funksionin e vet stabilizues.
Njësitë e qeverisjes lokale janë të paafta për të marrë përsipër këtë stabilizim makroekonomik
kombëtar sepse kufijtë e njësive të tyre janë të hapura për migrimin e njerëzve dhe mallrave.
Rëndësia praktike e këtij efekti varet nga masa në të cilën qeveria qendrore përdor këtë
instument si bazë për stabilizimin.
Së dyti, politikat e varfëra të decentralizimit mund të krijojnë shtysa për pushtetet lokale për të
harxhuar në mënyrë të papërgjegjshme dhe të pambeshtetur buxhetin në dispozicion. Një detyrim
i fortë buxhetor midis niveleve të pushtetit është thelmbësor. Marrëveshjet e paparashikuara të
transfertave mund të çojnë në shpenzime të pambështetura dhe të luhatshme nga ana e pushtetit
lokal, veçanërisht në raste ku boshllëku fiskal mund të mbushet nga huatë. Sipas Waldason
(1997), hartuesit e politikës duhet të marrin në konsideratë në mënyrë të qartë rrugët për të
krijuar ose përforcuar institucionet dhe strukturat nxitëse që parandalojnë skenarët e rasteve të
këqija të tilla si rritjet e deficiteve të pushteteve qendrore.
22
Dhe së treti, sipas disa autorëve, decentralizimi i të ardhurave dhe shpenzimeve tek pushtetet
lokale mund të largojë projektet kombëtare nga vendburimet e ralla, të tilla si infrastruktura, që
mund të japë kontribut më të madh në rritje. Sidoqoftë, evidenca që ka të bëjë me efektet
destabilizuese të decentralizimit është mikse.
Hipoteza 3 -Vendet në zhvillim kanë kushte institucionale dhe ekonomike krejtësisht të
ndryshme nga vendet e zhvilluara dhe nuk do të korrin fitime ose vuajnë pasojat e
decentralizimit në të njëjtat mënyra.
Mosmarreveshjet institucionale në vendet në zhvillim nuk u japin domosdoshmërisht nxitësa
njësive të qeverisjes lokale për të pëdorur avantazhin e informacionit të tyre për t'iu pergjigjur
zgjedhësve të tyre. Drejtuesit mund të caktohen ose zgjidhen mbi bazën e qëndrimit të tyre
social. Për më tej, pushtetet lokale në vendet në zhvillim mund të mos kenë burimet ekonomike
për të tërhequr njerëzit e trajnuar ose kapitalin human për menaxhimin e buxheteve më të mëdha.
Si përfundim, mund të themi se nuk ka një marrëdhënie të qartë midis decentralizimit dhe rritjes
ekonomike. Studimet direkte empirike nuk kanë qenë të kënaqshme dhe kthimi tek literatura mbi
efektet primare decentralizuese mund të jetë një mënyrë më e dobishme për të menduar mbi
marrëdhëniet midis rritjes dhe decentralizimit. Nga kjo pikëpamje, mënyra e hartimit të
politikave decentralizuese bëhet faktori kyç në përcaktimin nëse politikat do të çojnë në
përmirësim të eficencës që sjell rritje ekonomike, acarim të deficitit dhe paqëndrueshmëri që
shkakton rënie ekonomike, ose thjesht do përfshihet në kufizimet institucionale.
2.1.5 Përgjegjshmëria në Sistemet e Decentralizuara
Decentralizimi, në aspektin e tij politik demokratik, ka dy komponentë kryesorë: pjesëmarrjen
dhe përgjegjshmërinë. Pjesemarrja ka të bëjë kryesisht me rritjen e rolit të qytetarëve në
zgjedhjen e drejtuesve të tyre lokalë dhe në atë që këta drejtues duhet të bëjnë, pra, të jepen
impute në qeverisjen lokale. Përgjegjshmëria është ana tjetër e procesit, ajo është shkalla ndaj së
cilës pushtetet lokale duhet të shpjegojnë ose justifikojnë çfarë ato kanë bërë ose jo. Informacioni
i përmirësuar mbi nevojat lokale dhe preferencat është një nga avantazhet teorike të
decentralizimit, por nuk ka garanci që drejtuesit aktualisht do të veprojnë mbi këto preferenca
përderisa ata të ndiejnë një lloj përgjegjësie ndaj qytetarëve. Zgjedhjet lokale janë forma më e
zakonshme dhe më e fuqishme e përgjegjësisë, por mekanizmat e tjerë, të tillë si këshillat e
qytetarëve mund të kenë influenca të kufizuara. Përgjegjësia mund të shikohet si vlera e
pjesëmarrjes. Mënyra për të garantuar që rritja e pjesëmarrjes së komunitetit është e vlefshme,
është të shfrytëzohen rrugët e pjesëmarrjes për ta bërë pushtetin lokal të përgjegjshëm për
veprimet e tij.
2.1.6 Transparenca dhe Korrupsioni
Në teori transparenca dhe korrupsioni duhet të jenë të lidhur në mënyrë të ndërsjellë me qëllim
që, sa më tepër transparencë të ketë në qeverisjen lokale aq më pak vend ka për korrupsion
meqënëse sjellja e pandershme do të bëhet më lehtë e dukshme, e dënueshme dhe dekurajuese
për të ardhmen. Historia e vendeve të industrializuara tregon se kjo tenton të jetë e vertetë në
terma afatgjatë, por përvoja e kohëve të fundit tregon se kjo marrëdhënie nuk është
domosdoshmërisht e vërtetë në periudha afatshkurtra.
23
Manor (1995) vë re një lloj tjetër të lidhjes midis transparencës dhe korrupsionit. Ai arriti në
përfundimin se në Indi transparenca më e madhe në qeverisjen lokale nuk u shoqërua nga rritje të
korrupsionit, por çoi në perceptime popullore të sjelljes jo të mirë të publikut të gjerë, thjesht
sepse qytetarët u bënë më të ndërgjegjshëm për atë që po ndodhte. Me kalimin e kohës, në pritje
që mekanizmi përgjegjës të bëhet efektiv dhe korrupsioni të zvogëlohet, qytetarët duhet të
vlerësojnë përmirësimin.
Iniciativat e qeverisjes lokale demokratike që aktualisht vihen re në shumë vende mbajnë shumë
premtime për zhvillimin e sistemeve efektive të pergjegjësisë publike që do të sigurojnë atë që
qytetarët janë përgjegjës për zgjedhjen e zyrtarëve dhe se zyrtarët janë përgjegjës ndaj publikut
për zgjedhjen e tyre. Në proces këto sisteme përgjegjësish do rrisin presionin për më tepër
qeverisje lokale transparente, në të cilën korrupsioni do të jetë i lehtë të dalë në dritë dhe kështu
do të zvogëlohet.
2.1.7 Përparësitë dhe Mangësitë e Decentralizimit
2.1.7.1 Përparësitë dhe përfitimet e ndërmarrjes së Decentralizimit
Sipas Miller (2002), decentralizimi, i cili është manifestuar në sistemet e forta, të pavarura dhe
aktive të qeverisjes vendore, ofron përfitime ose avantazhe të shumta si model i administrimit të
qeverisjes publike e cila është në gjendje për të trajtuar sfidat e shumta me të cilat përballet.
Avantazhet e decentralizimit që listohen më poshtë pretendojnë që decentralizimi merr formën e
një modeli të fortë, të pavarur dhe pjesëmarrës të qeverisjes lokale, e cila gëzon kompetenca të
mëdha dhe reale për vetëmenaxhimin vendor dhe për drejtimin e procesit të zhvillimit të
qëndrueshëm lokal.
1. Decentralizimi, duke përfshirë decentralizimin thelbësor fiskal, siguron një kornizë që
lehtëson dhe stimulon zhvillimin e qëndrueshëm lokal, për shkak të disa arsyeve si:
Decentralizimi fiskal do të ndryshojë praktikën aktuale, e cila heq burimet nga
periferia dhe i përqendron ato në qendër. Kështu më shumë burime do të ruhen
në nivelin lokal dhe do të ndihmojnë për të rritur/stimuluar ekonomitë vendore
duke i bërë më të afta për të mbështetur iniciativat e zhvillimit vendor.
Më shumë funksione do të kryhen në nivelin vendor, duke krijuar mundësi për
vendasit me aftësi teknike, menaxhuese dhe udhëheqëse për të qëndruar në rajon,
duke reduktuar kështu prapambetjen, dhe duke rritur kapacitetin vendor për të
menaxhuar çështjet dhe zhvillimn lokal.
Transferimi i mundëson çdo rajoni të marrë iniciativa për zhvillimin e tyre, ashtu
si ata e gjykojnë të arsyeshme. Duke njohur mundësitë, burimet vendase dhe
avantazhet krahasuese mbi të cilat mund të bazojnë zhvillimin, komunitetet
vendore janë në gjendje të kontrollojnë çdo veprim të kryer më mirë sesa agjentët
e jashtëm, të cilët kanë prioritete të tjera, dhe dinë pak rreth potencialit vendor
për zhvillim.
Planifikimi për zhvillim të qëndrueshëm vendor kryhet nëpërmjet një procesi
pjesëmarrës në të cilin partnerët formojnë një vision të përbashkët për zhvillimin
vendor, bien dakort në qëllime të përbashkëta, dhe në strategji/plane për arritjen e
24
objektivave dhe realizimin e vizionit. Transferimi është thelbësor për këtë qasje
dhe planet e zhvillimit të prodhuara gjatë një procesi do të gëzojnë mbështetje të
plotë të komunitetit lokal, dhe për këtë arsye ka shumë gjasa të realizohet,
ndryshe nga fati i planeve të prodhuara nga pushteti qendror.
2. Transferimi përfaqëson mjetet më efektive për frenimin e përqendrimit të tepruar të
pushtetit në qendër, i cili është një tipar dallues i modeleve ekzistuese qeveritare, dhe
qënuk përputhet me parimet themelore të qeverisjes së mirë, si për shembull, sinqeriteti,
transparenca, ndershmëria dhe korrektësia. Përfitimet specifike përfshijnë:
Transferimi krijon shumë nënqendra nga të cilat ushtrohet pushteti. Redukton
sasinë e burimeve/aspekteve të jetës kombëtare që janë të kontrolluara/ndikuara
nga autoritetet qendrore, dhe kështu redukton shkallën në të cilën qeveria
qendrore është e aftë të ushtrojë dominancën e saj mbi të gjitha aspektet e
çështjeve publike.
Transferimi udhëheq çdo rajon/vendbanim të jetë i aftë të artikulojë
interesat/perspektivat e veta, të cilat mund të ndryshojnë nga ato të qeverisë
qendrore ose nga ato të rajoneve / lokaliteteve të tjera, duke krijuar kështu një
shumicë interesash dhe perspektivash. Qeveria qendrore nuk do të monopolizojë
më formulimin e politikave publike dhe qendra të reja energjish do të shërbejnë
për të promovuar dhe mbrojtur interesat lokale. Përfaqësuesit politikë do të duhet
të shfaqin më shumë besnikëri për interesat dhe pikëpamjet e zgjedhësve të tyre
lokalë, në vend të makinerisë së partisë qendrore.
Dhënia e pushtetit juridiksioneve lokale për të menaxhuar çështjet vendore do ta
bëjë më të vështirë për çdo grup të vetëm, qofshin ato interesa të qeverisë apo
private, për të dominuar skenën kombëtare; do të rrisë mundësitë që
personat/grupet me bindje të ndryshme do të zënë pozicionet e pushtetit diku në
sistem.
3. Decentralizimi mundëson një pjesëmarrje më të madhe të komunitetit në qeverisje, siç
ilustrohet në vijim.
Sjell qeverinë më pranë njerëzve, dhe bën të mundur që qytetarët të jenë më mirë
të informuar dhe të kuptojnë më mirë zhvillimin e qeverisjes publike. Kjo
lehtëson krijim e një lidhjeje të fortë midis qeverisë dhe të qeverisurve dhe
identifikimin e personave me qeverinë e tyre, e cila ndihmon për të reduktuar
tjetërsimin e procesit politik. Shërben gjithashtu për të reduktuar sjelljet
përçarëse ose antisociale të qytetarëve për të marrë parasysh shqetësimet e tyre.
Vendosja e përgjegjësive për menaxhimin e çështjeve lokale dhe për zhvillimin e
qëndrueshëm lokal, në nivelin vendor dhe jo në atë qendror do t‟u sigurojë
qytetarëve akses më të madh, dhe aftësinë për të ndikuar në procesin e
vendimarrjes. Shoqëria civile do ta konsiderojë qeverinë lokale si një partner të
vlefshëm, pasi ajo do të jenë lehtësisht e arritshme, dhe do të ketë burimet dhe
autoritetin t‟u përgjigjet atyre që përfaqëson.
25
Siguron një mjedis të favorshëm për krijimin e një kulture qytetare të
bashkëpunimit, tolerancës dhe besimit ndërmjet grupeve/elementeve të cilët
përbëjnë shoqërinë lokale.
Komunitetet do ta kenë më të lehtë të ndjekin objektivat e tyre të zhvillimit, dhe të
marrin mbështetje nga qeveria lokale, nga pjesëmarrja e tyre si një partner me të
drejta të plota në procesin e qeverisjes vendore.
Lehtëson dhe stimulon rritjen dhe fuqizimin e institucioneve dhe rrjeteve të
shoqërisë civile, duke qënë se qytetarët kuptojnë përfitimet e punës në
bashkëpunim me qeverinë lokale, për të çuar përpara interesat e tyre. Ata do të
organizohen në forma të përshtatshme për të ndjekur këtë objektiv.
4. Decentralizimi rrit efektivitetin në ofrimin e shërbimeve. Në një sistem të decentralizuar,
pjesëmarrja e qytetarëve mund të ndikojë në vendimet për ofrimin e shërbimit nëpërmjet
mekanizmave që u mundësojnë atyre të dallojnë tipin, nivelin, cilësinë dhe përzierjen e
shërbimeve që ata dëshirojnë, dhe koston që ata janë të gatshëm të paguajnë për këto lloj
shërbimesh. Kjo përbën një lloj mekanizmi tregu për ofrimin e shërbimeve në një
mënyrë që u përgjigjet dëshirave të qytetarëve, dhe është e ndjeshme ndaj aftësisë së tyre
për të paguar. Kjo jo vetëm që do të optimizojë kënaqësinë e qytetarëve, por është
gjithashtu një mekanizëm i shkëlqyer për të përshtatur pritjet e tyre për burimet në
dispozicion dhe çmimin të cilin ata janë të gatshëm të paguajnë për shërbimet e
kërkuara.
5. Decentralizimi lehtëson një ndarje më të mirë të punës në menaxhimin e çështjeve
publike. Krijimi i qeverive të forta lokale me kapacitetin për të menaxhuar në mënyrë
efektive çështjet vendore bën të mundur që qeveria qendrore të përqëndrohet në
funksione me nivel më të lartë. Këto të dyja përmirësojnë efikasitetin dhe krijojnë
kontrolle dhe balanca më efektive. Një dobësi e madhe e administratës publike është
neglizhimi i funksioneve të larta si formulimi i politikave, planifikimi strategjik,
vendosja e standardeve dhe monitorimi, sepse institucionet qendrore janë të zëna me
çështje të nivelit operacional, duke neglizhuar çështje të cilat mund të bëjnë një
ndryshim cilësor në menaxhimin publik. Transferimi lejon çdo nivel të qeverisë të
fokusohet në aspektet e menaxhimit publik i cili është më i përshtatshëm për t‟u kryer
nga ai.
6. Decentralizimi lehtëson menaxhimin e zgjidhjeve për problemet lokale me kushtet lokale.
Nëse çdo rajon është autorizuar për të menaxhuar vetë çështjet e tij, ai do të jetë i aftë të
menaxhojnë programet ose zgjidhjet për problemet lokale duke pasqyruar rrethanat e
veçanta ose preferencat e lokaliteteve të tij respektive.
7. Decentralizimi, duke manifestuar pjesëmarrjen në qeverisjen lokale, nxit një kohezion
dhe stabilitet më të madh shoqëror, dhe inkurajon pajtimin midis grupeve të interesit
duke konvergjuar rreth interesave të përbashkëta. Procesi i pjesëmarrjes krijon kushte
për rritje të bashkëpunimit sepse:
Bashkon aktorët e ndryshëm dhe ndihmon në nxitjen e mirëkuptimit midis tyre,
duke zvogëluar dyshimet dhe mungesën e besimit.
26
Lehtëson njohjen e interesave të përbashkëta, që do të thotë se zbatimi i qëllimeve
të çdo grupi do të arrihet dhe do të qëndrojë vetëm me mbështetjen e grupeve të
tjera, prandaj lind nevoja për bashkëpunim.
Ndihmon për të nxjerrë në pah të përbashkëtat e interesave, vlerave, qëllimeve
dhe aspiratave, të cilat zakonisht janë më të rëndësishme se çdo ndasi.
8. Decentralizimi siguron mundësinë për një diversitet më të gjërë të inovacioneve, dhe rrit
fleksibilitetin e qeverisë në kontekstin e ndryshimit të rrethanave. Kjo ndodh kështu për
shkak se modeli i decentralizuar, pjesëmarrës i qeverisë integron grupe të shumta, të cilat
ishin më parë të përjshtuara, dhe krijon mundësi më të mëdha për vetëmenaxhimin
komunitar dhe lokal. Kjo do të thotë që rezervuari i madh i talenteve, inovacionit,
krijimtarisë, kapacitetit të zgjidhjes së problemeve dhe cilësisë së udhëheqjes, të cilat
kanë qënë më parë “të përgjumura” në popullsinë locale, tani është i aftë të gjejë
shprehje dhe të aplikohet për problemet, vizionet dhe aspiratat e komunitetit lokal, dhe
gjithashtu të jetë në dispozicion për të kontribuar në ndërtimin nacional. Ky diversitet
dhe fleksibilitet janë parakushte të rëndësishme për politika domethënëse dhe ndryshime
praktike.
9. Decentralizimi lehtëson mobilizimin e burimeve lokale në mbështetje të procesit të
zhvillimit, dhe mundëson një kontribut me vlerë të shtuar në ofrimin e shërbimeve dhe të
përpjekjeve për zhvillim, të cilat rrisin vlerën totale të shërbimeve të ofruara, ose
zhvillimin e arritur, nga burimet e kufizuara në dispozicion. Kjo ndodh sepse njerëzit
lokalë janë të aftë të identifikojnë dhe mobilizojnë burimet locale, të cilat mund të mos
jenë të gatshëm për të drejtuar programet, dhe sepse qytetarët janë shpesh të gatshëm të
dalin vullnetarisht të punojnë dhe bëjnë ekspertizë, dhe forma të tjera kontributesh në
natyrë, në mënyrë që të mbështesin iniciativat lokale.
10. Decentralizimi promovon pluralizmin dhe dinamizmin në shoqëri. Fakti që ka qendra të
tjera pushteti dhe influence, dhe që secila ka autoritetin dhe mjetet për plotësimin e
interesave dhe persepktivave të tyre specifike, pa dyshim do të çojë në një pluralizëm
dhe dinamizëm akoma më të madh në shoqëri.
11. Decentralizimi zgjeron potencialin për ngritjen e kapacitetit shoqëror. Kapaciteti i dobët
është një nga pengesat kryesore për zhvillim kombëtar dhe qeverisjen e mirë. Modeli
autoritar, i centralizuar i administratës publike është një frenues i madh për zhvillimin e
kapaciteteve, sepse ai ngushton sasinë e njerëzve që lejohen të kenë rol domethënës në
proces. Një model pjesëmarrës i decentralizuar i qeverisë rrit në mënyrë domethënëse
mundësinë për përfshirje dhe siguron hapësirë për njerëzit që të kontribuojnë në nivele të
ndryshme.
12. Një model pjesëmarrës, i decentralizuar i qeverisjes lokale nxit përgjegjshmërinë,
transparencën dhe sinqeritetin, dhe krijon presion për miratimin e standardeve të larta
etike në drejtimin e punëve publike. Shembuj se si modeli kontribuon në arritjen e këtyre
parimeve të qeverisjes së mirë janë si vijojnë:
Në këtë model, shoqëria civile luan një rol aktiv në vendimmarrjen e politikave në
lidhje me ofrimin e shërbimeve dhe me aspekte të tjera të qeverisë vendore, dhe
për këtë arsye shkëmben informacion për çështje dhe fakte që lidhen me situata
27
të tilla. Kjo i jep asaj njohuritë bazë për të vlerësuar në mënyrë kritike
performancën e pushtetit lokal në këto zona.
Për të nxitur pjesëmarrjen e shoqërisë civile, qeveritë lokale që praktikojnë këtë
model zakonisht do të miratojnë masa për të promovuar përgjegjshmërinë,
sinqeritetin dhe transparencën në kryerjen e punëve të tyre, si : vendosja e
përfaqësuesve të shoqërisë civile në komitetet e tyre, mbledhje të hapura të
Këshillit/komiteteve për publikun/median, dhe/ose transmetimin e punimeve të
tyre, mbajtjen e takimeve të qytetit, diskutimin e mundësive të buxhetit me
qytetarët, publikimin e raporteve vjetore/periodike etj.
Në modele të tilla, planifikimi është një përgjegjësi lokale, e cila kryhet me
pjesëmarrjen e shoqërisë civile, e cila luan një rol të rëndësishëm. Shoqëria civile
do të informohet plotësisht për çështjet, trendet, mundësitë dhe perspektivat që
ndikojnë ose kanë të bëjnë me rajonin, dhe në këtë mënyrë mund të përdorë
njohuritë për të vlerësuar gjendjen e punëve lokale dhe performancën e
autoriteteve.
Modeli lejon përfaqësuesit e shoqërisë civile të emërohen për të kryer funksione
të mbikëqyrjes në emër të qytetarëve, pra për të shqyrtuar transaksionet, të
hetojnë përdorimin e burimeve publike dhe ushtrimin e autoritetit nga zyrtarët
publikë, dhe të raportojnë gjetjet e tyre tek qytetarët e tjerë.
2.1.7.2 Mangësitë dhe rreziqet e ndërmarrjes së Decentralizimit
Pavarësisht nga shumë përftime dhe avantazhe të decentralizimit, ky model qeverisjeje nuk vjen
pa disa rreziqe apo disavantazhe potenciale. Prandaj është shumë e rëndësishme që këto rreziqe
dhe disavantazhe të kuptohen qartë, në mënyrë që të mund të merren masat e përshtatshme për
çdo rast. Disa nga këto rreziqe apo disavantazhe janë :
1. Pabarazitë midis njësive lokale mund të rriten, dhe në këtë mënyrë të zgjerohen
boshllëqet e varfërisë dhe nxitja e forcave politike destabilizuese. Meqënëse rajone të
ndryshme kanë burime natyrore te ndryshme, nivele të ndryshme të aktiviteteve
ekonomike dhe vlerave tokësore etj, disa juridiksione lokale do të gjenerojnë më shumë
të ardhura se të tjerat dhe do mund t‟u sigurojnë qytetarëve të tyre më shumë ose
shërbime me cilësi më të lartë sesa në juridiksionet më të varfra. Nevoja për shpërndarjen
e barabartë të burimeve të disponueshme, për shmangjen e pabarazive përdoret shpesh
për të justifikuar centralizimin. Ky argument nuk arrin të njohë nxitjen e rëndësishme që
është krijuar, dhe përfitimet e zhvillimit kur rajoneve u lejohet të marrin vet iniciativa
rreth zhvillimit të tyre, dhe mund të përfitojnë nga fitimet e bëra. Në të njënjtën kohë,
efekti i pabarazive për destabilizim potencial midis rajoneve nuk mund të neglizhohet.
Sfida e decentralizimit të programeve është për përcaktimin e marrëveshjeve të cilat
lejojnë çdo rajon të ndërmarrë iniciativa që ato shikojnë të arsyeshme dhe të përfitojë nga
këto të fundit, derisa të vënë në punë mekanizmat për të mbrojtur pabarazitë ekstreme
ndërmjet rajoneve.
2. Decentralizimi mund të sjellë rreziqe më të mëdha të kapjes së pushtetit nga elitat lokale
ose grupet e veçanta të interesit. Pa një mbrojtje të përshtatshme, ka rrezik që një elitë
lokale e fuqishme mund të jetë në gjendje të marrë pushtetin mbi burimet, duke e ndarë
28
atë me autoritetet lokale, t‟i përdorë këto burime për interesat e saj. Prandaj është
thelbësore që në formulimin e marrëveshjeve të decentralizmit, të përfshihen dispozita
për të parandaluar që procesi të keqtrajtohet nga ndonjë grup ose elitë e vogël.
3. Një argument që ka avancuar shpesh në mbështetje të centralizimit është ai i ekonomive
të shkallës. Barra e këtij argumenti është që shpërndarja qendrore e pjesës më të madhe të
shërbimeve është zakonisht më eficiente, kryesisht në shtete relativisht të vogla, për
shkak të kursimeve të mundshme që rrjedhin nga reduktimi i shpenzimet e përgjithshme,
blerjeve me sasi të madhe, dhe fusha të tjera të kursimit të të ardhurave. Për aq sa kjo
është e vlefshme, do të përfaqësonte një disavantazh të decentralizimit. Megjithatë,
pretendime të tilla për rritjen e efektivitetit dhe kursimit janë zakonisht më tepër të
supozuara sesa reale, faktorët e tillë si zinxhirët e zgjatur të mbikëqyrjes, largësia nga
skena e veprimit, pamundësia për të aplikuar zgjidhjet më të përshtatshme për situatën
lokale, të gjitha çojnë në kosto më të larta se kursimet e realizuara. Për më tepër vlera e
përfshirjes lokale ka humbur, dhe kjo gjithashtu e ka një çmim. Në bilanc, duket se
decentralizimi është më eficient dhe më efektiv në kosto. Megjithatë ka situata në të cilat
disa nivele te centralizimit çojnë në më tepër efikasitet. Ka mënyra ideale për të
identifikuar aspektet e çdo aktiviteti, të cilat mund të përfitojnë nga centralizimi, psh.
blerjet me sasi të mëdha, ekspertiza e nivelit të lartë, kërkim dhe zhvillim etj, dhe ndarjen
e tyre nga ato që menaxhohen në mënyrë më efikase në nivelin lokal, psh zgjedhjet,
zbatimi dhe shpërndarja e shërbimit.
4. Keqpërdorimi i autoritetit në sajë të mekanizmave të mbikëqyrjes së papërshtatshme dhe
llogaridhënies së dobët përbën një rrezik real për decentralizimin. Kjo mund të ndodhë
nëse hiqet funksioni që ka qeveria qendrore për mbikëqyrjen dhe llogaridhënien në sajë të
statusit të ri të pavarësisë të qeverive lokale. Prandaj është e domosdoshme që vemendje
e veçantë t‟u kushtohet çështjeve të llogaridhënies dhe mbikëqyrjes për t‟i dhënë më
tepër pavarësi pushtetit lokal. Kjo mund të përfshijë legjislacionin për të siguruar
transparencë dhe vërtetësi në kryerjen e punëve lokale, dhe mekanizma të rinj për
llogaridhënien, si fuqizimi i subjekteve të shoqërisë civile për të ndërmarrë funksionet e
monitorimit. Duhet të bëhet e ditur gjithashtu, që aty ku decentralizimi është brenda
kornizës së pjesëmarrjes së qeverisë lokale, rreziku i një llogaridhënieje të dobët
zvogëlohet, sepse partnerët e shoqërisë civile do të insistojnë dhe do të ofrojnë
mekanizma të tillë.
5. Marrëveshjet zbatuese të papërshtatshme mund të çojnë në pabarazi midis të ardhurave
të disponueshme dhe përgjegjësive të mandatuara të qeverisë lokale, të cilat mund t’i
bëjnë ato të paefektshme dhe t’i çojnë në diskreditim. Ka shumë shembuj të skemave të
konceptuara me nxitim për reformën e qeverisë së decentralizuar lokale, të cilat nuk janë
të mirëmenduara, dhe që kanë dështuar ose kanë sjellë diskreditim të koncepteve për
shkak të mangësive në marrëveshjet e planifikimit ose zbatimit. Një kërkesë kryesore e
decentralizimit është planifikimi i kujdesshëm dhe zbatimi i marrëveshjeve.
6. Decentralizimi krijon potencialin për konflikt midis interesave lokalë dhe kombëtarë.
Duke qenë se çdo njësi e qeverisjes lokale ka mjetet për identifikimin dhe artikulimin e
interesave të saj të veçanta, domosdoshmërisht do dalin dallimet midis interesave lokalë
29
dhe atyre kombëtarë. Këto konflikte nuk janë gjithmonë të dëmshme, pasi mund të
shërbejnë për të siguruar arritjen e një politike, dhe që interesat dhe shqetësimet e të
gjitha rajoneve të merren në konsideratë dhe adresohen në mënyrë të përshtatshme.
Megjithatë, nëqoftëse nuk menaxhohen në mënyrën e duhur ato mund të bëhen
jashtëzakonisht destabilizuese, dhe për këtë arsye një marrëveshjeje decentralizimi duhet
të jetë një kornizë e duhur për të zgjidhur konflikte të tilla.
7. Decentralizmi përfaqëson një formë më komplekse të qeverisjes. Krijimi i disa niveleve të
qeverisjes sjell kompleksitet në rol, funksione, marrëdhënie, të ardhura dhe ndarjen e
pushtetit. Çështja më e diskutueshme është zakonisht e lidhur me financën dhe mandatet.
Përkufizimi i roleve dhe funksioneve, dhe marrëdhënia midis niveleve të ndryshme të
qeverisë ose veprimet, është kritike për një përdorim të suksesshëm të burimeve.
2.2 DECENTRALIZIMI I MENAXHIMIT TË BURIMEVE NATYRORE
Për të rritur efikasitetin e menaxhimit të burimeve natyrore dhe për të përmirësuar barazinë dhe
drejtësinë për komunitetin lokal, shumë autorë ndër të cilët edhe Ribot (2002), mbrojnë idenë e
menaxhimit të burimeve natyrore me pjesëmarrjen e komuitetit dhe të bazuar në komunitet.
Ekspertë e zhvillimit, menaxherët e burimeve natyrore, dhe ambientalistët janë duke promovuar
decentralizimin si një mënyrë për të rritur njëkohësisht si eficencën ashtu edhe barazinë në
menaxhimin e burimeve natyrore. Në vendet ku janë ndërmarrë reforma decentralizuese, ato
kanë ndikuar në mënyrën sesi njerëzit vlerësojnë, përdorin, menaxhojnë dhe shprehin
pretendimet dhe shqetësimet e tyre në lidhje me burimet natyrore. Reformat e decentralizimit
ndryshojnë infrastrukturën institucionale për menaxhimin e burimeve natyrore lokale dhe, në
disa raste, krijojnë një bazë institucionale për një menaxhim dhe përdorim më gjithpërfshirës të
burimeve publike natyrore.
Decentralizimi kërkon njëkohësisht si transferimin e pushtetit ashtu dhe përfaqësim të
përgjegjshëm. Për të identifikuar kompetencat e duhura dhe të mjaftueshme për të transferuar,
përdorim të gjerë do të gjejnë parimet e shpërndarjes së pushtetit, që mund të zhvillohen për të
udhëzuar ndarjen e vendimmarrjes, implementimin, dhe shpërndarjen e pushtetit mes niveleve të
ndryshme të qeverisjes dhe mes institucioneve në çdo nivel. Përfaqësuesit lokalë i nënshtrohen
pushtetit qendror kur kompetencat e tyre mund të jepen dhe merren në varësi të agjentëve
qendrorë. Për komunitetin lokal është shumë e rëndësishme të ushtrojnë të drejtat e votës si
qytetarë dhe jo si subjekte të varura, ndaj përfaqësuesit e tyre lokalë kërkojnë një sërë
kompetencash dhe të drejtash. Garantimi i këtyre të drejtave duhet të vendoset me ligj dhe të
mbrohet përmes përfaqësimit.
Zgjedhja e institucioneve lokale përfaqësuese dhe të përgjegjshme është element kyç për
garantimin e barazisë, drejtësisë dhe efikasitetit. Llogaridhënia e vendimmarrësve lokalë te
komuniteti, ndryshe, demokracia lokale, besohet të jetë mekanizmi më i mirë për arritjen e
barazisë dhe efikasitet maksimal. Kur organet lokale, si qeveritë e zgjedhura vendore, janë të
përgjegjshme, demokracia është më e fortë. Kur grupe interesi, organizata joqeveritare apo
institucione autokratike janë zgjedhur në mungesë të mbikëqyrjes së organeve përfaqësuese,
ekziston rreziku i forcimit të autokracisë së tyre dhe dobësimit të demokracisë. Pluralizmi pa
përfaqësim favorizon grupet më të organizuara dhe të fuqishme. Ai favorizon kapjen e elitës.
30
Transferimi i sigurt i pushtetit dhe përgjegjshmëria e përfaqësuesve janë dy elemente që
qëndrojnë sëbashku. Transferimi i pushtetit pa përfaqësim të përgjegjshëm është i rrezikshëm.
Në të njëjtën mënyrë edhe krijimi i përfaqësimit të përgjegjshëm por i pa shoqëruar me
transferimin e kompetencave është i zbrazët. Shumica e reformave të decentralizimit ka vetëm
njërën ose tjetrën. Një shpjegim i mundshëm pse ndodh është se shumë agjentë të qeverisë
qendrore janë të frikësuar nga ndarja e pushtetit, dhe për këtë arsye bllokojnë decentralizimin.
Avancimi i decentralizimit pengohet duke parandaluar transferimin e kompetencave të
rëndësishme për organet demokratike lokale, ose duke i transferuar ato te agjentët lokalë të cilët
japin llogari vetëm për qeverinë qendrore, agjencitë e mjedisit dhe ministritë e tjera të linjës.
Megjithatë, decentralizimi edhe kur është i pjesshëm sjell disa rezultate pozitive ekonomike,
sociale dhe mjedisore.
Përveç kompetencave të rëndësishme dhe llogaridhënies, një grup kompleks matësish të tjerë
mund të ndikojë në arritjen e rezultateve. Këtu përfshihen standardet mjedisore, politikat për
përmirësimin e barazisë, edukimi qytetar, zgjidhja e konflikteve, si dhe mbrojtja ligjore për
organizatat aktiviste. Standardet mjedisore janë një shtesë e nevojshme dhe logjike për të
plotësuar reformat decentralizuese duke qënë se ato përcaktojnë kufijtë dhe liritë e veprimit në
nivel lokal. Mund të jetë e nevojshme që qeveria qendrore të përfshijë dhe t‟i shërbejë popullsisë
së përjashtuar, në ato raste kur decentralizimi nuk ka përmirësuar plotësisht pabarazitë sociale,
duke përfshirë privimin e të drejtave të grave, varfërinë dhe përjashtimin e grupeve të
marxhinalizuara.
Decentralizimit mund të çojë në konflikt, veçanërisht kur përfshin transferimin e të drejtave për
menaxhimin dhe përdorimin e burimeve natyrore. Prandaj, janë të nevojshëm mekanizmat e
ndërmjetësimit. Nëse popullsia dhe autoritetet lokale preken nga të drejtat dhe obligimet që vijnë
nga decentralizimi, atëherë ata duhet të njohin mirë legjislacionin përkatës. Edukimi qytetar ka të
bëjë me informimin e njerëzve në lidhje me këto të drejta dhe detyrime, duke formuar
pritshmëritë të sakta për reformën, përfaqësimin, drejtësinë dhe shërbimet e ofruara. Përveç
kësaj, ligjet që nxisin komunitetin të organizojë dhe kërkojë reforma të përgjegjshme nga ana e
qeverisë mund të lehtësojë arritjen e ndryshimeve pozitive.
Qeveritë qendrore luajnë një rol kyç në decentralizimin efektiv, pavarësisht nga fakti se shumica
e rezistencës ndaj decentralizimit vjen pikërisht nga brenda qeverisë. Decentralizimi nuk ka të
bëjë me zvogëlimin ose shpërbërjen e qeverisë qendrore; përkundrazi, ai synon qeverisjen
demokratike në nivel qendror dhe lokal, dhe të dy nivelet që mbështesin reciprokisht njëri tjetrin.
Një qeveri qendrore e fortë është e domosdoshme për vendosjen e objektivave kombëtarë, e të
drejtave civile, dhe një të kuadri ligjor për të mundësuar organizimin civil, përfaqësimin, dhe
menaxhimin e burimeve.
Decentralizimi i menaxhimit të burimeve natyrore është një çështje kritike në demokratizimin
lokal, sepse kur popullata lokale përfshihet në menaxhim dhe vendimmarrje, kjo mund të jetë
një pikë e fortë për zhvillimin rural. Fuqizimi i kapacitetit të komunitetit është thelbësor për
rritjen e përfitimeve nga burimet natyrore ekzistuese. Këtu mund të përfshihet edhe zhvillimi i
kapaciteteve, për t‟u mundësuar atyre rritjen e pjesëmarrjes së qytetarëve në planifikimin dhe
menaxhimin e burimeve natyrore ekzistuese dhe stimulimin e zhvillimit ekonomik lokal.
31
Zgjedhja e decentralizimit të institucioneve lokale për marrjen e pushtetit apo shkalla dhe
mënyra me të cilën pushteti transferohet, nuk krijojnë domosdoshmërisht kushtet për një
përdorim apo menaxhim më efiçient dhe të barabartë të burimeve natyrore. Në të njëjtën kohë
është i nevojshëm një kombinim i përfaqësimit të përgjegjshëm lokal dhe i lirisë për të vepruar.
Decentralizimi është një parakusht për të siguruar pjesëmarrjen dhe është konsideruar thelbësor
për demokratizimin.
Sipas Chalfant (1984), pjesëmarrja në vendimmarrje si për arsye ekonomike, politike, sociale
apo kulturore, konsiderohet e rëndësishme për proceset e globalizimit dhe modernizimit. E
konsideruar si një pjesë thelbësore e zhvillimit lokal, ajo mund të përcaktohet si: kapaciteti dhe
aftësia e komunitetit për të kontribuar në shpërndarjen e të mirave dhe përfitimeve nga procese
të ndryshme shoqërore, ekonomike, politike apo dhe nga procese të tjera të shoqërisë.
Pjesëmarrja në zhvillim, sipas Foley (1997), si një indikator i decentralizimit përfshin në vend të
parë komunitetin kombëtar.
Schumacher (1973), thekson se Qeveritë, donatorët dhe OJQ-të ndërkombëtare kanë
eksperimentuar shumë me strategjitë pjesëmarrëse të menaxhimit të burimeve natyrore, si një
mjet për rritjen e efikasitetit dhe barazisë në menaxhimin dhe përdorimin e burimeve natyrore.
Sipas Conyers (2002), përvojat tregojnë se institucionet demokratike lokale mund të jenë baza e
marrjes së vendimeve efektive mjedisore, që komunitetet kanë ose mund të zhvillojnë aftësitë
dhe dëshirën për të marrë dhe ekzekutuar vendimet e menaxhimit të burimeve natyrore në
mënyrë efektive, dhe se menaxhimi në nivel komuniteti mund të ketë efekte pozitive sociale dhe
ekologjike.
Demokratizimi dhe menaxhimi i burimeve natyrore mund të jenë reciprokisht përforcuese
përmes decentralizimit. Kjo marrëdhënie është një lidhje e rëndësishme sinergjike në të cilën
burimet natyrore luajnë një rol të veçantë. Komunitetet rurale në vendet në zhvillim kanë pasur
kontroll të kufizuar mbi vendimmarrjen publike. Ato janë konsideruar më tepër si subjekte në
qeverisje sesa janë fuqizuar si qytetarë. T‟i japësh të drejtën e votës komuniteteve rurale si
qytetarë kërkon përfaqësim, të drejta dhe akses në burime dhe në çështjet lokale. Për shkak të
rolit dominues të burimeve natyrore në jetesën lokale, qeverisja demokratike vendore kërkon që
njerëzit të kenë një zë të rëndësishëm në vendimet mbi burimet natyrore nga të cilat varen. Sipas
Moore (1997), sinergjia midis burimeve natyrore dhe demokracisë krijohet nga tre variabla kyç:
Përgjegjshmëria, pushteti, dhe siguria. Përgjegjshmëria e shtetit ndaj njerëzve përcakton
demokracinë.
Në proceset decentralizuese, llogaridhënia është kritike për qeverisjen lokale demokratike.
Zbatimi i masave të llogaridhënies në vendimmarrjen mjedisore mbështetet në një kulturë më të
gjerë të demokracisë. Në anën tjetër, rritja e vendimmarrjes demokratike dhe efektive në lidhje
me burimet natyrore mbështetet gjerësisht tek zbatimi i këtyre masave. Decentralizimi ligjor i
menaxhimit të burimeve natyrore u siguron autoriteteve lokale pushtet ekzekutiv (vendimmarrje
dhe zbatim), legjislativ (hartimi i rregullave) dhe gjyqësor (zgjidhje mosmarrëveshjesh). Duke
pasur kompetenca të rëndësishme të pakufizuara në ndonjë ose në të gjitha këto tri fusha,
garantohet legjitimitet i autoriteteve demokratike vendore duke i bërë ato përfaqësuese të
komunitetit dhe vendimet e tyre të rëndësishme për popullatën lokale.
Kompetencat shpesh janë të deleguara, dhe për këtë arsye me to mund të abuzohet nga ana e
autoriteteve shpërndarëse, të cilat mund t‟i japin dhe t‟i marrin ato nëse e gjykojnë të drejtë,
32
sikurse citohet edhe nga Oyugi (2000). Në këto raste, as pushteti lokal dhe as banorët vendas nuk
do të investojnë në ushtrimin e kompetencave me përgjegjshmëri, nëse ata besojnë se nuk do t‟i
kenë këto kompetenca për një kohë të gjatë. Për këtë arsye kompetencat e deleguara nuk
përbëjnë decentralizimin efektiv sepse në këtë rast, njerëzit mbeten subjekte të autoriteteve më të
larta. Autonomia vendore në të cilën autoritetet lokale mund të veprojnë lirisht është përcaktuar
nga të drejta të sigurta, të cilat janë të mbrojtura përmes përfaqësimit dhe burimeve, sipas
Kaimowitz dhe Ribot (2002).
Nëse konsiderohen si burime pasurie, burimet natyrore mund të financojnë edhe qeverisjen
lokale dhe zhvillimin. Për më tepër, decentralizimi i funksioneve legjislative dhe gjyqësore mund
të jenë më të rëndësishme në menaxhimin e decentralizuar të burimeve natyrore, sepse;
burimet natyrore janë të shumëllojshme, kanë përdorime të shumta, dhe kanë vendodhje të
ndryshme, dhe për këto arsye kërkojnë njohuri lokale në menaxhimin e tyre, dhe
qasja në burimet natyrore dhe kufizimet në këtë qasje shpesh përfshijnë kërkesa të shumta
ekzistuese, të reja, dhe shpesh të mbivendosura që mund të gjenerojnë konflikte, të cilat
kërkojnë ndërmjetësimin lokal.
Qeveritë lokale kanë nevojë për fleksibilitet në menaxhimin e burimeve natyrore në mënyrë që të
përdorin njohuritë lokale, t‟iu përgjigjen nevojave lokale dhe të ndërmjetësojnë mes interesave të
shumta. Për këto arsye, autoritetet lokale duhet të kenë kompetenca të pakufizuara për të
përshtatur, vepruar dhe reaguar në mënyrë efektive. Në përputhje me këtë nevojë, ka shumë
vendime për përdorimin dhe menaxhimin e burimeve natyrore që nuk kërkojnë ekspertizë të
jashtme. Përgjegjësia për të marrë ato vendime mund të transferohet tek autoritetet vendore pa
kërcënuar mirëqenien sociale dhe mjedisore, thotë Fairhead dhe Leach (1996). Në këtë mënyrë,
pushteti mbi menaxhimin dhe shfrytëzimin e burimeve natyrore mund të mbështetet dhe të
mbështesë proceset demokratike lokale.
2.2.1 Çështjet Kryesore në Decentralizimin Demokratik të Burimeve Natyrore
Elementet bazë të implementimit të politikave decentralizuese sipas Larson (2002), janë tri,
përkatësisht; përgjegjshmëria, transferimi i pushtetit, dhe garantimi i kompetencave. Analizimi i
tyre tenton të ndihmojë hartuesit e politikave të vënë në dukje aspektet pozitive të decentralizimit
të burimeve natyrore duke minimizuar efektet negative. Ligjërimi dhe zbatimi i decentralizimit
janë hapat e parë. Por edhe kur garantohet kryerja e decentralizimit, mbështetja dhe masat
shoqëruese nga qeveria qendrore dhe të tjerët, janë të nevojshme për të siguruar që burimet
natyrore nuk shfrytëzohen më tepër nga ç‟duhet, se barazia nuk është komprometuar, dhe që
legjislacioni dhe zbatimi i tij nuk janë në kundërshti me njëri-tjetrin. Disa nga këto përpjekje
përfshijnë garantimin e standard
eve minimale të ruajtjes së mjedisit dhe zbutjen e varfërisë, si dhe masa shoqëruese për edukimin
qytetar dhe ndërmjetësimin e konflikteve. Qeveria qendrore duhet të luajë një rol kyç në
avancimin e reformave të nevojshme për të arritur decentralizimin efektiv.
Përgjegjshmëria: zgjedhja dhe ndërtimi i institucioneve lokale përfaqësuese dhe të
përgjegjshme
33
Ministritë synojnë kalimin e kompetencave te disa institucione vendore në emër të
decentralizimit. Për të vlerësuar nëse këto institucione lokale do të çojnë në decentralizim
efektiv, duhet ditur nëse institucionet e zgjedhura përfaqësojnë dhe janë përgjegjëse për
popullsinë për të cilin ato janë duke marrë vendime. Shpesh ato nuk janë as përfaqësuese dhe as
të përgjegjshme ndaj komunitetit, pasi decentralizimi efektiv nuk është qëllimi i vetëm i këtyre
institucioneve lokale. Sipas Baviscar (2002), autoritetet qendrore varen nga institucionet vendore
për zbatimin e axhendave qendrore, legjitimimin e projekteve shtetërore, përfitimin e
mbështetjes popullore, krijimin e një bazë elektorale, e kështu me radhë. Donatorët
ndërkombëtarë dhe OJQ-të varen nga institucionet vendore për zbatimin e axhendave të tyre
specifike në fushën mjedisore, shëndetësore, arsimore dhe të infrastrukturës Drejtuesit lokalë
dhe kombëtarë gjithashtu kanë interes të kapin dhe përdorin institucionet lokale dhe kompetencat
që ato kanë nën decentralizimin aktual. Përballë këtyre interesave të fuqishme konkurruese,
institucionet e përgjegjshme dhe përfaqësuese janë shpesh të njëanshme. Asnjë autoritet lokal
nuk është plotësisht përgjegjës për komunitetin që përfaqëson.
Edhe kur ekzistojnë qeveri lokale të zgjedhura, qeveritë qendrore dhe donatorët shpesh i
shmangin ato në favor të llojeve të tjera të organizatave lokale.Sipas Romeo (1996), në shumë
raste qeveritë, donatorët dhe OJQ-të i shmangin organet e zgjedhura lokale duke i cilësuar si
shumë "politike", si joefikase ose vlerësojnë se kanë mungesë kapaciteti. Por autorë të tjerë, si
Dupar dhe Badenoch (2002), mendojnë se është pikërisht natyra politike e organeve lokale të
zgjedhura që i bëjnë ato më të përgjegjshëm ndaj nevojave dhe pritshmërive të komuniteteve
lokale. Për më tepër, zgjedhjet jo gjithmonë mund të forcojnë përgjegjshmërinë ndaj mjedisit
sidomos aty ku burimet natyrore nuk janë një çështje kyçe për komunitetin. Kur institucionet e
zgjedhura në nivel lokal janë të përgjegjshme dhe të mbështëtura nga një shumicë zërash, ato
mund të shërbejnë si një mekanizëm integrues për marrjen e vendimeve lokale sipas Ribot
(2002). Grupe të tjera në arenën lokale janë fuqizuar shpesh nga reformat e decentralizimit. Këtu
përfshihen administratorët e qeverisë qendrore apo ministrive të linjës, organizatat e
anëtarësimit, OJQ-të, komitetet dhe grupet e përdoruesve. Sa demokratike dhe të përgjegjshme
janë këto institucione ndaj popullsive lokale? Përvoja e deritanishme në decentralizimin
demokratik tregon se për menaxhimin e burimeve të tilla si pyjet, kullotat, ujërat për peshkim,
përgjegjshmëria e këtyre organizmave duhet të drejtohet nëpërmjet organeve të zgjedhura
vendore te popullsia thekson Blair (2000). Megjithatë, këto organizata të pazgjedhura janë të
autorizuara shpesh sikur të jenë përfaqësuese apo demokratike. Edhe pse qeveritë lokale mund të
mos jenë gjithmonë demokratike, këto institucione alternative kanë përgjegjshmëri edhe janë më
pak sistematike ndaj publikut të gjerë.
Fuqizimi i institucioneve të tilla në vend të autoriteteve të zgjedhura mund të jetë
antidemokratike.
Transferimi i Pushtetit dhe kompetencave në rastin e burimeve natyrore
Transferimi i pushtetit është thelbësor për vendosjen e decentralizimit efektiv. Pa pushtet për të
vepruar, thekson Ribot (1999), edhe autoritetet demokratike lokale më të përgjegjshme mund të
jenë të parëndësishme. Kompetencat për të vepruar u mundësojnë autoriteteve vendore t‟u
përgjigjen në mënyrë fleksibile nevojave dhe aspiratave të zgjedhësvë të tyre duke i bërë ata të
ndihen të rëndësishëm. Liria e veprimit iu jep banorëve lokal një arsye për t'u angazhuar dhe për
të kërkuar që vendimet të merren në përputhje me nevojat e tyre. Shoqëria civile fillon të
34
organizohet dhe të kristalizohet rreth autoriteteve përfaqësuese të fuqishme. Nuk ka asnjë arsye
për t‟u organizuar dhe lobuar për përfaqësues që nuk kanë kompetenca të rëndësishme, sepse ata
nuk mund të vazhdojnë të qëndrojnë të përgjegjshëm. Ndërsa transferimi i pushtetit pa
përfaqësim të përgjegjshëm mund të jetë i rrezikshëm, përfaqësimi pa kompetenca është i
zbrazët.
Në iniciativat aktuale të decentralizimit, shumë kompetenca që mbeten të centralizuara mund të
transferohen tek autoritetet lokale, pa kërcënime për mjedisin, thekson Goldman (2001).
Në shumicën e përvojave mbi decentralizimin, disa kompetenca për të vepruar mbi burimet
natyrore transferohen te autoritetet lokale. Në të shumtën e rasteve, kompetencat e transferuara
kanë të bëjnë me mbledhjen e taksave dhe të ardhurave nga tarifat për përdorimin e burimeve
natyrore lokale. Këto të ardhura janë bërë një kontribues i rëndësishëm për komunitetet lokale
duke u shfrytëzuar për projekte publike. Në çdo rast, këto të drejta kanë rritur pushtetin dhe
natyrisht edhe legjitimitetin e autoriteteve lokale që i zotërojnë. Shpesh, kjo e drejtë është e
fshehur dhe bashkë me planifikimin e kërkesave dhe mbikëqyrjen e ngushtë, kufizon
padrejtësisht mundësitë lokale për përfitime. Kërkimë të ndryshme kanë identifikuar disa
probleme sistematike në përzgjedhjen e kompetencave të transferuara te autoritetet lokale.
Detyrimet dhe objektivat e qeverisë transferohen te autoritetet lokale në vend të pushtetit që
krijon kushte për garantimin e vendimmarrjes lokale. Këto mandate janë shpesh të pafinancuara.
Të ardhurat nga taksat dhe tarifat, edhe në rastet kur janë të disponueshme, jo gjithmonë mund të
mjaftojnë për të mbuluar koston e detyrimeve. Në vend të mundësive fitimprurëse, shpesh
transferohen të drejtat e përdorimit pa vlerë komerciale. Vendimet teknike, të tilla si cilat si
teknikat e menaxhimit sesi duhet dhe kur të përdoren burimet, ngatërrohen shpesh me vendime
joteknike që kanë të bëjnë me ata të cilët duhet të kenë qasje në burimet natyrore.
Sipas Bazaara (2002), këto vendime joteknike merren shpesh në nivel qendror, edhe pse janë
pikërisht ato lloje vendimesh që mund të merren nga autoritetet lokale pa rrezikuar burimet.
Argumenti i zotërimit të kapaciteteve është përdorur vazhdimisht nga organet qendrore të
qeverisjes për të bllokuar transferimin e kompetencave tek autoritetet vendore, thekson Brown
(1999). Qeveria qendrore ngurron të delegojë kompetenca nëse paraprakisht nuk është
demonstruar zotërimi i kapaciteti por nga ana tjetër, pa kompetenca autoritetet lokale nuk kanë
bazë mbi të cilat të mund të fitojnë përvojën e nevojshme për ndërtimin e kapaciteteve. Për më
tepër, nuk ka ndonjë bazë për demonstrimin e kapacitetit të fituar. Si rrjedhojë, argumentet për
mungesën e kapacitetit janë përdorur shpesh si justifikime, në vend të shkaqeve të arsyeshme,
për të mos deleguar pushtet.
Parimi i "transferimit të pushtetit", sipas Rocher dhe Rouillard (1998), kërkon që vendimet të
merren në nivelin më të ulët të mundshëm politiko-administrativ.
Për ndarjen e kompetencave ekzekutive, legjislative dhe gjyqësore është e nevojshme një grup
parimesh ku mund të përfshihen:
Kompetencat për të vepruar duhet të transferohen për t‟u dhënë pavarësi autoriteteve
lokale.
Këto kompetenca duhet të kenë vlerë ose rëndësi për komunitetin lokal.
Mandatet duhet të shoqërohen me burime të mjaftueshme financiare dhe mbështetje
teknike.
Mundësitë e përdorimit të burimeve në mënyrë komercialisht të vlefshme duhet të
transferohen tek autoritetet lokale krahas të drejtave për t‟i patur këto burime.
Vendime teknike në lidhje me përdorimin e burimeve, disa prej të cilave duhet të merren
35
në nivel qendror, nuk duhet të ngatërrohet me vendime politike.
Kujdes i duhet kushtuar balancës së shpërndarjes së kompetencave në çdo nivel të
qeverisjes.
Garantimi i transferimit të kompetencave
Mënyrat e transferimit është një tjetër dimension kritik i decentralizimit. Sipas Conyers (1990),
siguria dhe qëndrueshmëria e reformave të decentralizimit bazohen kryesisht në mënyrat e
përdorura për të transferuar pushtetin nga qeveria qendrore te subjektet e tjera. Instrumenet e
përdorura për të kryer transferimin e pushtetit mund të jenë kushtetuese, legjislative, por ai
mund të arrihet nëpërmjet dekreteve ministrore apo urdhrave administrativë. Transferimet
kushtetuese janë më të sigurta dhe të qëndrueshme.
Për sa kohë njerëzit besojnë se të drejtat që kanë fituar mbi burimet natyrore nuk janë të
garantuara, mundësia për të investuar në to është e ulët. Mendimi se qeveria mund t‟ua marr këto
të drejta në një të ardhme të afërt bën që ata t‟i shfrytëzojnë këto burime më tepër nga sa duhet.
Në këtë mënyrë, reformat e decentralizimit mund të shkaktojnë mbishfrytëzim të tyre.
Komunitetet lokale nuk mund të angazhohen ose të organizohen si qytetarë për të ndikuar në
qeverinë lokale, kur pushteti lokal ka pak ose ka vetëm pushtet të përkohshëm.
Si në rastin e garantimit të tokës në zotërim, siguria e transferimit të fuqisë vendimmarrëse nga
pushteti qendror në institucionet lokale, ndikon në qëndrueshmërinë e reformave dhe gatishmëria
e popullatës lokale për të besuar dhe për të investuar në këto reformat. Transferimet e bëra
nëpërmjet reformave legjislative janë më të sigurta se ato të bëra nga dekretet ministrore, urdhrat
administrativë, apo dekretet e autoriteteve administrative. Instrumentet e pasigurta të përdorura
për transferimin e pushtetit i dekurajojnë njerëzit lokalë të investojnë në ligjet e reja të
decentralizimit. Pasojat mjedisore të këtij fenomeni bëjnë që njerëzit të kenë më shumë tendencë
të mbipërdorin burimet natyrore dhe më pak gjasa për të investuar në mirëmbajtjen e mjedisit,
nëse ata besojnë se të drejtat e tyre nuk do të zgjasin. Transferimi i sigurt i pushtetit mund të
ndihmojë për të zvogëluar mundësitë për abuzim dhe korrupsion.
2.2.2 Objektivat e Decentralizimit të Burimeve Natyrore
Sikurse në çdo fushë tjetër, edhe në fushën e burimeve natyrore, objektivat kryesorë të
decentralizimit janë zbutja e varfërisë, forcimi i demokracisë dhe më tej, garantimi i zhvillimit të
qëndrueshëm të burimeve natyrore. Sipas Ribot (2002), këto objektiva përmbushen nëpërmjet
rritjes së barazisë dhe efikasitetit sikurse analizohet mëposhtë:
Barazia: Decentralizimi ndihmon në përmirësimin e barazisë përmes shpërndarjes së
drejtë apo demokratike të përfitimeve të realizuara nga aktivitetet lokale.
Efikasiteti: Efikasiteti ekonomik dhe menaxherial argumentohet se rritet nga
decentralizimi nëpërmjet:
1. Marrjes në konsideratë të kostove në vendimmarrje: Kur komunitetet dhe përfaqësuesit e
tyre marrin vendime për mënyrën e përdorimit të burimeve, ka më shumë mundësi që të
marrin parasysh të gjitha kostot që do të përballojë komuniteti lokal. Keqpërdorimi i
36
burimeve mund të rezultojë kur subjekte të jashtme ose individë të papërgjegjshëm i
marrin këto vendime duke u bazuar në përfitimet e tyre pa marrë parasysh kostot e të
tjerëve.
2. Rritjes së përgjegjshmërisë: Duke sjellë vendimmarrjen publike më afër qytetarëve,
decentralizimi rrit përgjegjshmërinë e sektorit publik dhe si rrjedhojë edhe efektivitetin
3. Uljes së kostove të transaksionit: Kostot e transaksioneve administrative dhe
menaxheriale mund të reduktohen për shkak të afërsisë me pjesëmarrësit vendorë, qasjes
në aftësitë lokale të punës, dhe informacioneve lokale.
4. Përputhjes midis shërbimeve të ofruara dhe nevojave të qytetarëve: përfshirja e njohurive
lokale në hartimin e projektit, zbatimin, menaxhimin, dhe vlerësimin e tij i ndihmon
vendimmarrësit për vepruar në përputhje me nevojat lokale.
5. Përdorimit të njohurive lokale: Sjellja e qeverisjes më afër njerëzve rrit efikasitetin duke
shfrytëzuar njohuritë, kreativitetin dhe burimet e komuniteteve lokale.
6. Përmirësimit të koordinimit: Decentralizimi gjithashtu rrit efektivitetin e koordinimit dhe
fleksibilitetin mes agjencive administrative për planifikimin, zhvillimin dhe mbrojtjen e
burimeve lokale
7. Garantimit të burimeve: Pjesëmarrja në përfitimet e realizuara nga burimet lokale mund
të kontribuojë në menaxhimin dhe mbrojtjen e mjedisit, duke u siguruar komuniteteve
vendore të ardhura monetare dhe materiale.
2.2.3 Burimet Natyrore dhe Ekonomia Rurale
Burimet natyrore luajnë një rol strategjik në ekonominë rurale, si një burim potencial i zhvillimit
afatgjatë dhe si kontribues thelbësor në garantimin e ushqimit në mënyrë të vazhdueshme.
Shumë komunitete rurale në një mënyrë ose tjetër, janë të varura nga burimet natyrore.
Pjesëmarrja në menaxhimin e burimeve natyrore është duke u zhvilluar gjithnjë e më shumë si
një fushë kyçe për arritjen e Objektivave të Mijëvjecarit, sidomos atë të reduktimit të varfërisë.
Burimet natyrore luajnë një rol të veçantë në demokratizimin e qeverisjes lokale sepse popullsia
lokale mbështet mbi to për jetën e saj të përditshme dhe qeveritë mbështeten tek to si një burim
pasurie. Shpërndarja e pushtetit tek institucionet lokale dhe fuqizimi i autoritetit të tyre mundet
në të njëjtën kohë, të luajnë një rol joproduktiv në kontrollimin dhe menaxhimin e burimeve
natyrore (UNDP , 2004).
Ndikimi i burimeve natyrore në jetën e përditshme të komunitetit dhe në zhvillimin lokal është
shumë i rëndësishëm për të gjetur mënyrat e duhura për ngritjen e kapaciteteve të komuniteteve
rurale. Fuqizimi i kapaciteteve njihet prej kohësh si thelbësor, në qoftë se popullsia lokale
përfiton nga mundësitë që vihen në dispozicion gjatë procesit të zhvillimit. Të kuptuarit e
ndryshimit të mënyrës së menaxhimit të burimeve natyrore është çështje kyçe kur bëhet fjalë për
identifikimin e strategjive të duhura për menaxhimin e burimeve natyrore lokale, sidomos në
rastin e përfitimeve konfliktuale dhe pushtetin për të kontrolluar dhe për të marrë vendime.
Theksi vendoset tek burimet natyrore si pjesë e jetesës së përditshme të popullatës dhe se si kjo
mund të jetë vërtet një burim pasurie.
Nocioni i qeverisë ka të bëjë me maksimizimin e vlerës së aksioneve që rrjedh nga teoria
neoklasike e ekonomisë së tregut. Shumë vende kanë zgjedhur strategjinë e zhvillimit
institucional më pranë institucioneve lokale dhe kolektiveve në rritje. Duke u përballur me
37
drejtimin dhe zbatimin e procesit të decentralizimit, institucionet lokale përpiqen që në këtë
mënyrë të krijojnë vetveten dhe janë të hapura për asimilimin intelektual të mjeteve teorike dhe
praktike për procesin në tërësi në mënyrë që të luajnë rolin e aktorëve të vërtetë në këtë fushë.
Politikat e zhvillimit rural hartohen për të kënaqur nevojat, për të kryer ndryshimet makro dhe
mikroekonomike, për të siguruar barazi, efektivitet dhe përdorim të qëndrueshëm të burimeve
natyrore. Objektivat strategjikë të hartimit dhe implementimit të politikave decentralizuese janë:
Rritja e pjesëmarrjes së komunitetit në vendimmarrje dhe forcimi i demokracisë
Reduktimi i varfërisë
Përdorimi i qëndrueshëm i burimeve natyrore.
2.2.3.1 Burimet Natyrore dhe Roli i tyre në Forcimin e Demokracisë
Sikurse është analizuar edhe mësipër, burimet natyrore luajnë një rol të veçantë në
demokratizimin e qeverisjes lokale sepse popullsia lokale mbështet mbi to për jetën e tyre të
përditshme dhe qeveritë mbështeten tek to si një burim pasurie. Organet përfaqësuese vendore
kanë nevojë për pushtet mbi burimet që ndikojnë zonat e tyre elektorale në mënyrë që të bëhen
aktorë legjitimë të organizatave qytetare dhe qytetarëve që protestojnë për drejtësi, jetesë të
qëndrueshme dhe përmirësim të ekonomisë. Të drejtat e pronës dhe siguria do të stimulojnë më
tepër kërkesat për investim në lidhje me menaxhimin e burimeve natyrore dhe të kontribuojnë në
prodhimin e përgjithshëm kombëtar. Në këtë mënyrë zbatimi i të drejtave pronësore të burimeve
natyrore do të stimulojë një menaxhim më të mirë të tyre. Mekanizmat efektivë për zbatimin e
aksesit tek burimet natyrore dhe shkëmbimi apo transferimi i të drejtave të pronës, janë një
parakusht për të promovuar produktivitetin e burimeve natyrore, rritjen e prodhimit bujqësor dhe
zhvillimin e përdorimit të burimeve si kolateral në transaksion për të marrë kredi. Të drejtat e
mirëpërcaktuara të burimeve natyrore janë një bazë e domosdoshme për të rritur kontributet e
taksapaguesve – një mekanizëm i rëndësishëm për të rritur të ardhurat e qeverisë
Sipas Bankës Botërore (2001) është e qartë që burimet natyrore nuk janë vetem një faktor bazë i
prodhimit, ato gjithashtu kanë një numër karakteristikash të veçanta. Në këtë kontekst mund të
themi se qartësimi dhe garantimi i të drejtave të pronës mund të rrisë ekoniminë nëpërmjet një
numër mënyrash :
Sipas pikëpamjes makroekonomike, burimet natyrore duhet të sigurohen dhe përdoren
nga qeveria dhe institucione jo qeveritare, komuniteti lokal dhe sektori privat për një sërë
qëllimesh. Zbatimi i të drejtave të pronës dhe siguria do të rrisin gjithashtu përpjektjet
për investim në lidhje me tokën dhe prodhimin e përgjithshëm ekonomik.
Mekanizmat efektivë për garantimin e aksesit tek burimet natyrore dhe shkëmbimi apo
transferimi i të drejtave të pronës, janë një parakusht për të promovuar produktivitetin e
burimeve natyrore, rritjen e prodhimit bujqësor dhe mundësinë për të përdorur tokën si
kolateral për transaksionet e kredive.
Të drejtat e mirëpërcaktuara të pronës janë një bazë e domosdoshme për të rritur numrin
e taksapaguesve - një mekanizëm i rëndësishëm për të rritur të ardhurat e qeverisë.
Mekanizmat me kosto të ulët për zbatimin dhe shkëmbimin e të drejtave pronësore janë
një parakusht për mirëfunksionimin e sistemeve që t‟i përdorin të drejtat në mënyrë
efektive, me një kontratë të përkohshme ose me një bazë afatgjatë. Të dyja llojet mund të
rrisin prodhimin e përgjithshëm dhe mirëqenien.
38
2.2.3.2 Aksesi tek Burimet Natyrore dhe Reduktimi i Varfërisë
Aksesi i të varfërve tek burimet natyrore (tokë, pyje, ujë, peshkim, kullota, etj ) është thelbësor
për reduktimin e vazhdueshëm të varfërisë. Shumë komunitete rurale në një mënyrë apo tjetër
janë të varura nga burimet natyrore. Sigurimi i aksesit dhe zotërimit janë vendimtare për rritjen
ekonomike dhe përdorimin racional të burimeve natyrore. Literatura pranon se të drejtat e
pronësisë mund të rrisin investimet (lokale ose të jashtme), të cilat do të sigurojnë punësim dhe
të ardhura, duke u bërë një kontribut të rëndësishëm për zhdukjen e varfërisë. Në zonat rurale ku
njerëzit varen nga aksesi dhe përdorimi produktiv i tokës, formalizimi i të drejtave pronësore të
tokës mund të ndihmojnë në përmirësimin e ushqimit sepse këto të drejta nënkuptojë transferim
të konsiderueshëm të pasurisë tek familjet e varfra (Banka Botërore 2001 ). Të drejtat pronësore
të zbatuara publikisht jo vetëm që do të jenë më pak të kushtueshme, por do të sigurojnë
gjithashtu siguri më të madhe dhe do të rrisin dhe stimujt për investim dhe prodhimin e
përgjithshëm ekonomik.
2.2.3.3 Përdorimi i Qëndrueshëm i Burimeve Natyrore
Menaxhimi i burimeve natyrore mund dhe duhet të luajë një rol të rëndësishëm në infrastukturën
për një zhvillim të qëndrueshëm. Në këtë kontekst, zhvillimi i qëndrueshëm nënkupton
përfshirjen e faktorëve ekonomikë, socialë, politikë, të mbrojtjes së menaxhimit të burimeve
gjatë vendimmarrjes për mënyrën e zhvillimit. Tensioni kryesor i zhvillimit të qëndrueshëm
është midis mjedisit dhe presionit të aktiviteteve njerëzore.
Është evidente se në sistemin e njohjes, kontrollit dhe ndërmjetësimit të të drejtave, kufizimet
dhe përgjegjësitë mbi burimet natyrore janë një pikë kyçe për të siguruar decentralizimin e tyre.
Decentralizimi i menaxhimit të burimeve natyrore dhe përdorimi i pushtetit të vendimmarrjes
vendore është kritike për të përmirësuar aftësinë e qytetarëve dhe autoriteteve lokale për të
gjeneruar të ardhura. Organet përfaqësuese vendore kanë nevojë për pushtet mbi burimet që
ndikojnë jetesën e qëndrueshme rurale në mënyrë që të bëhen aktorë të ligjshëm të organizatave
lokale dhe qytetarëve të cilët protestojnë për drejtësi, jetesë të qëndrueshme dhe përmirësim
ekonomik. Sfida e balancimit të këtyre tensioneve konkurruese të ndërlikuara në vendimarrje
kërkon akses në informacione të përshtatshme dhe të sakta në një formë interaktive.
Sipas Bankës Botërore, fatkeqësisht shoqëritë moderne kanë ende rrugë për të bërë para se të
kenë kombinimin e nevojshëm dhe të ligjshëm, institucional, të teknologjisë së informacionit dhe
infrastrukturës për të mbështetur menaxhimin e burimeve natyrore për një zhvillim të
qëndrueshëm (Banka Botërore , 2001).
2.2.3.4 Aksesi dhe të Drejtat Pronësore mbi Burimet Natyrore
Kuptimi i lidhjeve midis aksesit tek burimet natyrore dhe aksesi tek burimet e tjera të të
ardhurave dhe kapitalit është një element thelbësor në dialogun e politikave për sigurinë e
ushqimit dhe reduktimin e varfërisë. Korniza aktuale e rritjes dhe zhvillimit ekonomik përfshin
një tendencë të përgjithshme kundrejt decentralizimit të të drejtave të burimeve natyrore, një
rënie e strukturave kolektive në bujqësi, dhe një lëvizje drejt mbështetjes së burimeve natyrore si
mjet i aksesit të komunitetit lokal për të qenë pjesëmarrës në procesin e zhvillimit.
39
Sipas Carter (1994), ka ende paqartësi midis iniciativave bashkëkohore makropolitike dhe
fondacioneve mikro nëpërmjet të cilave ato veprojnë. Sipas përfundimit kryesor të analizës së
ndikimit të politikave makro përmes modeleve vendimmarrëse mikoroekonomike, aksesi në
forma të ndryshme të kapitalit është shumë i rëndësishëm në përcaktimin e strategjive të të
ardhurave familjare dhe për këtë në përcaktimin e ndryshimeve në sjelljet familjare dhe
mirëqënien kur familjarët përballen me ndryshime makro politike.
2.2.3.5 Garantimi i të Drejtave të Pronës
Zotërimi i burimeve natyrore mund të përkufizohet si kushtet në të cilat burimet natyrore
mbahen, përdoren dhe transferohen. Një objektiv themelor i decentralizimit është të rrisë dhe t‟u
sigurojë njerëzve të drejtat mbi burimet natyrore.
Sistemet e ndryshme të të drejtave pronësore mbi burimet natyrore, si pronësia private apo
komunale, shkaktojnë probleme. Sikurse është përmendur, garantimi i të drejtave të plota mbi
burimet natyrore promovon investimet. Në të vërtetë është e nevojshme që të drejtat të jenë
transparente dhe këto të drejta mund të zbatohen në një mënyrë sa më kosto efektive, brenda një
mjedisi ekzistues fiziko-gjeografik, institucional dhe ligjor. Sipas Stiglitz (1993), për shkak të
rëndësisë së zotërimit të burimeve natyrore, komuniteti duhet të mbrohet nga shteti, duke
përdorur legjislacionin e duhur. Kjo është e nevojshme për të përcaktuar mekanizmat praktikë
për të gjykuar mbi ecurinë ekonomike, dhe, në qoftë se burimet natyrore janë të bollshme, si t‟i
përdorim ato për të promovuar rritjen e ekonomisë, reduktimin e varfërisë, rritjen e investimeve,
rritjen e punësimit dhe rritjen e GDP-së. Autorë të ndryshëm si Frisvold (1995) dhe Harson
(1995), evidentojnë qartë se garantimi i të drejtave të pronës mund të ndikojë produktivitetin
nëpërmjet:
Qëndrimit të individëve në detyrë për një kohë të gjatë duke përmirësuar aftësitë e
tyre dhe rritur gatishmërinë për të bërë investime;
Të drejtat e pronës individuale afatgjatë janë të lidhura direkt me kërkesa më të larta për
investim, dhe stimulimin e individëve për rritje të produktivitetit të shoqëruar me përmirësimin e
përdorimit të burimeve natyrore. Studimet e të drejtave të tokës rurale sugjerojnë se kjo mund të
rrisë jo vetëm investimin bujqësor por gjithashtu aftësinë e individëve për t‟u angazhuar në
aktivitete të tjera, duke kontribuar në diversifikimin e jetës rurale, dhe duke u bërë në këtë
mënyrë një kontribut i drejtpërdrejtë në reduktimin e varfërisë.
Sigurimit të një aksesi më të mirë në kredi;
Kjo çështje lidhet me marrjen e kredive dhe stimulimin e investimeve. Përveç rritjes së
kërkesave për investim, zotërimi formal i tokës mund të rrisë furnizimin me kredi për investime
nga burime zyrtare, duke e bërë kështu një kontribut i rëndësishëm në zhvillimin e tregjeve
financiare në kushte të përgjithshme.
Reduktimit të kostove të transaksionit që shoqërojnë transferimin e tokës.
Për sa i përket transferimit, të dhënat e shkruara të pronësisë së tokës lejojnë verifikimin e
statusit të zotërimit të tokës me kosto të ulët, duke reduktuar kështu rrezikun për informacion
asimetrik për pronësinë dhe cilësinë e tokës dhe duke bërë transaksionet e tokës më të lira për t‟u
implementuar. Reduktimi i kostos së transaksioneve do të rrisë “të ardhurat”, duke e çuar
40
numrin e transaksioneve për rritjen e efikasitetit afër optimales, dhe duke ndihmuar në krijimin e
një sistem financiar më praktik. Aftësia për të transferuar tokë midis përdoruesve mund të jetë e
një rëndësie të limituar në fazat e hershme të zhvillimit, por vetëm për aq kohë sa mundësitë
jobujqësore dhe migrimi ndërrajonal janë të kufizuara, ose në mjediset ku nuk ekzistojnë tregjet
e tokës.
2.3 NJË VËSHTRIM I PËRGJITHSHËM MBI PYJET DHE KULLOTAT NË
SHQIPËRI
Territori i përgjithshëm i Republikës së Shqipërisë, klasifikohet në 60% të sipërfaqes së tij si
pyje dhe kullota, duke krijuar kështu Fondin Kombëtar të Pyjeve dhe Kullotave. Sipas Inventarit
Kombëtar të Pyjeve, sipërfaqja pyjore në vitin 2013 ishte 1,041,390 ha. Sikurse përmendet edhe
në “Planin Kombëtar për Zbatimin e Marrëveshjes së Stabilizim-Asocimit , 2012-2015”, pyjet
dhe kullotat përgjithësisht shtrihen në terrene kodrinore e malore, ku shpesh herë nuk arrihet dot
për të kryer shërbimet, pa infrastrukturën e nevojshme për t‟i përdorur dhe larg për të shijuar
intensivisht vlerat rekreative dhe çlodhëse.
Shqipëria mund të konsiderohet e pasur me sipërfaqe pyjore, madje dhe me potencial të lartë
prodhues, por me mundësi të ulta të prodhimit aktual. Rreth 60% e pyjeve ndodhen në lartësitë
mbi 800m mbi nivelin e detit, shpesh here pa infrastrukturë. Gjithashtu rreth 65% e pyjeve të
larta që janë burimi kryesor i materialit drusor për industrinë dhe rreth 73% të cungishtave që
përbëjnë burimin kryesor të druve të zjarrit, akoma janë në periudhën e rritjes intensive dhe nuk
mund të përdoren. Në fondin pyjor, në rreth 23% të sipërfaqes vërehet nivel i lartë i gërryerjes,
ku ndërmarrja e masave efektive rehabilituese është e domosdoshme. Ky degradim ka ardhur si
rezultat i mbikullotjes dhe shfrytëzimit intensiv historik (2-2.5 herë më shumë se rritja natyrore e
pyjeve). Ndërkohë që rritet erozioni në male, çka shkakton varfërimin e tokës, rritet dhe niveli i
sedimenteve në lumenj e në det, çka sjell shqetësime në zonën e ulët fushore, përfshi përmbytje
masive. Ndërkohë, akoma rreth 50% e popullsisë jeton në zonat rurale, ku materiali i vetëm
energjetik për ngrohje dhe gatim mbeten drutë e zjarrit. Një pjesë e mirë e këtyre familjeve janë
tërësisht të varura nga pyjet. Zjarret në pyje janë një tjetër shqetësim i rëndësishëm, i cili
vazhdimisht shkakton humbje të mëdha ekonomike. Informaliteti në pyje, e sidomos ai i
vlerësimit të prerjeve reale të druve të zjarrit në zonat rurale dhe vlerësimi real i kontributit të
pyjeve në zhvillimin rural/ekonomik të vendit, mbetet akoma i lartë.
Politika e pyjeve, sipas Planit Kombëtar për Zbatimin e Marrëveshjes së Stabilizim Asocimit
(2012-2015), synon zhvillimin e qëndrueshëm e shumë funksional të pyjeve e kullotave. Sipas
këtij plani, do të ruhet dhe mbrohet biodiversiteti, prodhimtaria, aftësia rigjenruese dhe potenciali
për të përmbushur funksionet ekologjike, ekonomike dhe shoqërore në nivel lokal, kombëtar dhe
global, pa shkaktuar dëmtime në ekosistemet e tjera. Kjo politikë mbështet zgjerimin e zonave të
reja pyjore, rehabilitimin e sipërfaqeve të djegura apo të degraduara, ndërtimin dhe mirëmbajtjen
e sistemeve për sigurimin e ujit të pijshëm në kullota, kontrollin e erozionit, dhe përmirësimin e
menaxhimit të produkteve drusore e jodrusore të pyllit, çka do të rezultojë në gjenerimin e të
ardhurave.
41
2.3.1 Kushtet e Pronësisë në Pyje dhe Kullota në Periudha të Ndryshme Kohore
Pronësia private mbi tokën bujqësore, pemët frutore, ullishtat, pyjet, kullotat dhe livadhet ka
qenë e njohur në Shqipëri që në fillim të viteve 1900. Gjithashtu ka ekzistuar prona e përbashkët
e fshatit apo fisit. Ka pasur ligje dhe zakone të rrepta për ruajtjen e pronës, të cilat zbatoheshin
nga shoqëria e atëhershme si një ligj i pashkruar. Në veçanti, “Kanuni i maleve” dhe “Ligja e
pyjeve dhe kullosave” e vitit 1923, përmbanin dënime të rënda për shkeljen e ligjeve të
pronësisë. Megjithatë, në vitin 1945, regjimi komunist filloi shtetëzimin e pyjeve dhe gjatë
periudhës 1950-1960 të gjitha pyjet u bënë pronë shtetërore.
Prona private, përfshirë edhe pyjet, u rinjoh ligjërisht pas ndryshimeve social ekonomike të
viteve 1990. Sipas ligjeve aktuale ish pyjet private mund t‟u kthehen pronarëve të tyre.
Megjithatë, procesi i kthimit të pronave ka qenë tepër i ngadaltë si pasojë e problemeve
procedurale dhe mungesës në përgjithësi të njohurive mbi ligjin.
Sipas Lako (2008), kjo situatë, shoqëruar edhe me idenë e krijuar në mendjet e shumë njerëzve
gjatë regjimit komunist se “prona shtetërore është pronë e askujt”, ka çuar në një degradim të
rëndë të shumë sipërfaqeve pyjore, kryesisht atyre pranë fshatrave.
Gjatë periudhës së tranzicionit, objektivi kryesor i politikës pyjore përsa i përket zhvillimit të
pylltarisë private ka qenë rikthimi i pyjeve private sipas pronësisë në vitin 1945. Njohja e
pronësisë dhe rikthimi i pronave të marra gjatë viteve 1945-1990 është përcaktuar edhe në
Kushtetutën e Republikës së Shqipërisë, miratuar në 21 Tetor 1998 (nenet 41 dhe 181). Neni 181
përcakton objektivin e parlamentit për të amenduar dhe plotësuar brenda 2-3 vjetëve kuadrin
ligjor lidhur me çështjet e zënies apo konfiskimit të tokave, të bëra para miratimit të Kushtetutës.
Strategjitë e DPPK për Zhvillimin e Sektorit të Pyjeve dhe Kullotave në Shqipëri (1999-2004) e
kanë pranuar “Njohjen e të drejtave të pronësisë private dhe privatizimin e pronës publike”
Tabela 2.1 Pronësia e Pyjeve në Shqipëri
Pronësia (në ha) 1934 1940-1945 2008 2012
Pyje private 63,000 63,000 529,200 32,302
Pyje shtetërorë 927,000 1,050,000 482,600 520,636
Pyje komunalë (nuk ka të dhëna) 16,000 28,400 487,944
Tokë me bimësi pyjore 400,000 250,000 32,500 29,400
Sip. e përgjithshme e pyjeve 1,390,000 1,379,000 1,072,700 1,070,282
Burimi: Lako, Th. (2008)
2.3.2 Kuadri Ligjor në të Kaluarën
Përshkrimi i shkurtër i historikut mbi të drejtat e pronësisë e të përdorimit të pyjeve e kullotave
në Shqipëri, bëhet për të kuptuar më mirë disa dukuri e qëndrime që vërehen sidomos lidhur me
42
pyjet e kullotat, konceptet që ekzistojnë e shfaqen në disa zona rurale, si dhe për faktin se disa
elemente të tyre ndikojnë edhe sot në mjaft krahina të vendit. Këto elemente duhen mbajtur
parasysh gjatë procesit të kalimit të pyjeve e kullotave në përdorim komunal, por dhe për
zbatimin e kuadrit ligjor e të krejt reformës në sektorin e pyjeve dhe kullotave.
E drejta mbi pronën pyjore e kullosore dhe përdorimin e saj deri në vitin 1912,
sipas Kanunit të Lekë Dukagjinit
Periudha para pavarësisë së Shqipërisë, i referohet një situate shumë të vështirë ku fuqi të
ndryshme dominonin jetën në Shqipëri me ligjet e tyre të ndërthurura me tradita të lashta.
Dokumenti kryesor i kësaj epoke, që përmbledh rregullat e para për administrimin e pyjeve
private është Kanuni i Maleve (Kanuni i Lekë Dukagjinit).
Sipas Muharremaj (2008), Kanuni i Lekë Dukagjinit ka ushtruar ndikimin e vet të fortë në
rregullimin e marrëdhënieve midis njerëzve gjatë një periudhe shumëshekullore, nga koha e
Skenderbeut e deri në fillimet e shekullit të XX, kryesisht në malësitë e Lezhës, Dukagjinit,
Shkodrës, Gjakovës, Kosovës, si edhe në popullatat shqiptare të Serbisë, Malit të Zi e
Maqedonisë. Kanuni në vetvete ishte shprehje e pavarësisë nga Turqia dhe de facto i autonomisë
së fiseve të Shqipërisë së Veriut dhe, ndër të tjera, ka patur nene e paragrafe të hollësishme mbi
të drejtën e pronës së përbashkët të zonave rurale.
Përvec pronës private që shprehej me thënien „Çdo shtëpi që nxjerr tym do të ketë pronat e veta‟,
ekzistonte dhe prona e përbashkët me emrin „kujrija‟ e që përdorej bashkërisht nga fshati për
lëndë për veglat bujqësore, për drutë e zjarrit, për kullotë, për gjueti e për nevojat e tjera. Kujrija
nuk ndahej, por sa shtëpi të kishte fshati, aq kishin të drejtë në të. Dëmi apo fitimi ishin të të
gjithë fshatit. Asnjë nuk mund të çelte arë, vreshtë apo kopsht në pronën e përbashkët pa
miratimin e anëtarëve të komunitetit.
Kufij kishte çdo arë apo livadh, çdo kopsht apo vreshtë, çdo prozhme apo zabel, çdo shkurre apo
ograje, dhe katundet me njeri tjetrin.
Sundimi i Shqipërisë nga Turqia mbas shekullit të 15-të solli ndikime që rodhën nga „Sheriati‟
(ligji turk). Megjithatë, në veriun e një katolicizmi fanatik, shprehjet e forcës politike të Turqisë
ishin më pak domethënëse se në pjesën e ulët të vendit, keshtu që Kanuni vazhdoi të zbatohej si
më parë. Në rajonet që kufizohen me Dukagjinin, e veçanërisht në fushat ku Turqia vendosi
sundimin, u bënë kompromise midis Kanunit dhe Sheriatit.
E drejta mbi pronën pyjore dhe kullosore, administrimin dhe përdorimin e saj,
deri në vitin 1922
Edhe pas shpalljes së pavarësisë në vitin 1912, deri në vitin 1922 në Shqipëri vazhdonte të
përdorej ligji Turk (i Sheriatit) për administrimin dhe përdorimin e pyjeve dhe kullotave. Ligji
turk, i mbështetur kryesisht në ligjin francez të pyjeve, i ndante pyjet dhe kullotat e Shqipërisë në
tre kategori:
1. Private
2. Komunale (të bashkive)
3. Shtetërore
43
Pyjet dhe kullotat komunale (të bashkive ) i ishin lënë një ose disa fshatrave, me qëllim që
banorët të përfitonin dhe të plotësonin nevojat e tyre për lëndën e drurit për ndërtimin e shtëpive,
kasolleve, hambareve, vatheve të bagëtisë, të qerreve e veglave bujqesore, si dhe për të përgatitur
drutë e zjarrit, qymyrdrurin dhe për nevoja të tjera.
Në mbështetje të dokumentave zyrtare, pyjet dhe kullotat duhej të kufizoheshin me shenjë të
posaçme që të identifikonin dhe llojin e tyre.
Sami Frashëri (1899) ka shkruar : „sa të mundet, qeveria të mos ketë të bëjë drejtpërdrejt me
vendasit… si edhe pyjet e kopshtet e përgjithshme e arat e vreshtat do të jenë nën qyrëri të
katundërisë‟.
Mehmeti (2005) citon Mehdi Frashërin i cili shprehej : „Për sa u takon pyjeve në përdorim të
fshatrave, shteti nëpërmjet zyrave të pyjeve me specialistët e vet çdo vit do të shënojë drunjtë që
mund të priten pa dëmtuar pyllin dhe do t‟i japë leje pleqësisë së fshatit për t‟i lënë fshatarët të
lirë të presin pa paguar asgjë, gjithmonë sipas rregullave teknike që përshkruhen në ligj ose në
rregullat përkatëse, për nevoja vetjake ose shitje ne qytete‟. Më vonë Frashëri u kujdes që në
projekt-ligjin “Mbi Shoqëritë Bujqësore Katundare”, në nenin 7 të vihej në objektin e shoqërisë
“ruajtja dhe përmirësimi i kullotave, trasformimi i tyre në livadhe artificiale, ruajtja e korijeve
qe i perkasin katundit, ripyllëzimi i tyre, shfrytëzimi i drurëve ne mënyrë që te mos jepet shkak
rrënimit të korijes”
Ndërsa Baldacci (2004), ka përmendur: „Një vështirësi tjetër është vërtetimi i pronësisë së pyjeve
të Shqipërisë. Duhet stabilizuar, para se gjithash, se cilat janë në pronësi private, cilat në
përdorim të përbashkët, cilat janë shtetërore, dhe kjo për të shmangur kundërshtimet që do të
lindin me mijëra dhe do të nxjerrin vështirësi, që nuk do të jetë e lehtë të kapërcehen nga
qeveria‟.
Dëshmitë e mësipërme konfirmojnë traditën e trashëguar dhe vërtetojnë se kanë ekzistuar pyjet e
përbashkëta, e drejta e zotërimit të tyre nga fshati, fiset e familjet, e drejta për t‟i prerë e kullotur
pa pagesë, gjë që është trashëguar deri në ditët tona.
Pyjet në përdorim komunal gjatë regjimit të Mbretit Zog dhe pushtimit italian
në Shqipëri (1923 – 1944)
Ligji turk vazhdoi të zbatohej në Shqipëri deri në vitin 1922, ndërsa në 27 janar 1923 u shpall
„Ligja e pyjeve e kullosave‟. Sipas këtij ligji, pyjet dhe kullotat ndaheshin sipas zotërimit të tyre
në tre kategori:
Private
Komunale (Të bashkive)
Shtetërore.
Në pyjet e ndodhura në afërsi të fshatrave, të mbuluara nga drurë të rritur, të ndodhura shpesh
nëpër lugina e qe për këtë emërtoheshin „hyje‟ nuk lejohej prerja e druve të zjarrit dhe qymyri,
por përdoreshin vetëm për lëndë ndërtimi. Kjo pjesë pyjesh përbënte normalisht 1/4 e pyjeve të
bashkive. Drutë e zjarrit dhe kullotja nga vetë fshati bëheshin në pjesën tjetër të mbuluar
normalisht nga shkurre. Kishte rregulla tradicionale të caktuara me mirëkuptim midis banorëve
për mbarështimin e pyjeve dhe kullotave kolektive.
44
Fshatarësia përjashtohej nga çmimi i lëndës që me leje zyrtare nxirrej nga pyjet e shtetit për
rregullimin dhe rindërtimin e shtëpive për banim vetjak, të shtëpive të rrënuara nga luftrat dhe
kryengritjet.
Sipas Muharremaj (2008), gjatë kohës së pushtimit italian në Shqipëri, shërbimi pyjor shqiptar u
shkri me shërbimin pyjor italian. Nga 12 legjione të milicisë pyjore që kishte gjithesej Italia, të
11-tin e kishte diku në Afrikë kurse të 12-tin e kishte në Shqipëri. Italia, duke mos patur kohë për
të revizionuar ligjin e trashëguar nga regjimi i mbretit Zogut apo për të formuluar një të ri,
vazhdoi të zbatonte po atë ligj të mëparshëm.
Pra, ka tradita të qarta e të mira për pronësimin, administrimin dhe përdorimin e pyjeve në
pronësi të fshatrave. Pavarësisht nga pasiguria e shfaqur nga disa se a ka patur apo jo pyje në
administrim të fshatrave, fakti që, që nga Kanuni i Lekë Dukagjinit e më vonë ka patur e janë
zbatuar nenet e paragrafet e tyre mbi këtë pikë, dhe fakti që kudo thuhet se fshatrat kanë pasur në
përdorim toka pyjore e kullosore, kanë qënë pikërisht këto pyje dhe kullota në pronësi të
fshatrave.
Para vitit 1945, vetëm 16,000 ha pyje ishin të njohur ligjërisht si pyje komunale, ose 1.4% e
siperfaqes pyjore. Shumica e fshatrave, fiseve dhe familjeve nuk i deklaronin pyjet dhe kullotat
që i kishin trashëguar dhe përdorur për nevojat e veta brez pas brezi, për të shmangur pagesën e
taksave, por që në fakt ato prona njiheshin dhe respektoheshin nga të gjithë. Të gjithë fshatrat
kishin të drejtë të perdornin pyjet dhe kullotat e ndodhura pranë tyre, bashkërisht ose të ndarë
sipas fiseve apo familjeve, dhe pa pagesë.
Ndikimi i regjimit komunist në marrëdhëniet tradicionale të komunitetit me
pyjet
Regjimi komunist, si edhe në vende të tjera që pas Luftës së Dytë Botërore u vendos komunizmi,
ndryshoi rrjedhën normale të zhvillimit të pronës, duke e shndëruar atë nga pronë private, fshati
apo komune, të kufizuar, të administruar e të mbrojtur, në pronë të të gjithëve ose më mirë e
thënë, në pronë të askujt, duke krijuar kështu dorë të lirë për ndërhyrje pa pengesa dhe sipas
interesit të shtetit, nga njëra anë, dhe - një mbrojtje gjithmonë e më të dobët të saj, nga ana tjetër,
sikurse citohet nga Muharremaj (2008).
Pyjet dhe kullotat u shpallën pronë shtetërore me ligjin e reformës agrare datë 29.8.1945.
Administrimi i pyjeve dhe kullotave në afërsi të fshatrave fillimisht bëhej nga këshillat popullore
të lokaliteteve. Kooperativat shfrytëzonin mesatarisht çdo vit rreth 65,000 m3 lëndë ndërtimi dhe
rreth 1 milionë m3
dru zjarri.
Hapja e tokave të reja nga viti 1967 e duke vazhduar intensivisht në vitet e mëvonshme në zonat
kodrinore e malore, të karakterizuara në shumicën e rasteve nga pjerrësi të medha, pati pasoja të
rënda. Brenda pak viteve, këto toka jo vetëm që nuk dhanë rendimentet e pritura, por u gërryen
në shkallë të tillë sa që sot fshatarësia refuzon t‟i marrë. Për shkak të varfërimit gradual të
pyjeve, qeveria e atëhershme planifikoi ngritjen e pyjeve pranë kooperativave bujqësore dhe
fshatrave për sigurimin e druve të zjarrit.
Puna vullnetare për ngritjen e këtyre pyjeve nuk dha rezultatet e pritshme. Përvec kësaj, mbjelljet
me investime nga shteti në afërsi të fshatrave bëheshin edhe për të subvencionuar sistemin e
dështuar kooperativist.
45
Tradicionalisht, sipërfaqet pyjore pranë fshatrave kanë qenë përdorur bashkërisht apo të ndara
midis familjeve, për plotësimin e nevojave për material drusor, kullotje dhe bazë ushqimore për
blegtorinë. Përveç kësaj, ato kanë plotësuar dhe funksionet mbrojtëse e shoqërore. Pylli, sipas
Mehmeti (2005), krahas prodhimit të lëndës drusore, prodhon edhe biomasë të vlefshme për
blegtorinë, pa cenuar funksionet e shumëfishta mbrojtëse-shoqërore kur bëhet mbarështim i
qëndrueshëm i pyjeve, blegtorisë e bujqësisë (sisteme agro-pyje-blegtorale,sisteme
pyjekullosore).
Gjatë ish-regjimit komunist shumë nga këto siperfaqe janë keqtrajtuar ose në to janë hapur toka
të reja për bujqësinë, për kullota të kultivuara ose blloqe pemësh frutore, madje dhe në vende të
pjerrëta. Si pasojë e këtij keqpërdorimi erdhi degradimi dhe gërryerja e tokës. Për më tepër,
njerëzit shpesh e quanin këtë sipërfaqe si pronë të përbashkët, por pa ndonjë kontroll. Si
rrjedhojë, shpyllëzimi dhe demtimi i rëndë i pyjeve e kullotave vazhdoi edhe gjatë periudhës së
tranzicionit drejt ekonomisë së tregut.
Ndikimet në marrëdhëniet e komunave me pyjet nga viti 1990 e në vazhdim
Pas rënies së sistemit të planifikimit të centralizuar, që në vitet e para të tranzicionit, qeveria
shqiptare ndërmori disa reforma për decentralizimin dhe privatizimin e ekonomisë. Ndërkaq, doli
ligji nr. 7223, datë 23.10.1992 “Për pyjet dhe policinë e shërbimit pyjor”, ku përkufizoheshin
pyjet shtetërore, komunale dhe private. Sipas ligjit, pyjet komunale janë pyje shtetërore që i
jepen në përdorim nje komune ose fshati. Po ashtu, ligji për kullotat nr. 7917, datë 13.04.1995
përcaktonte kullotat shtetërore, ato kolektive dhe private.
Kuadri ligjor u pasurua me ligjin nr. 7722 datë 15.06.1993 “Për mbrojtjen e bimëve mjekësore,
eterovajore e tanifere natyrore”, dhe me ligjin nr. 7875, datë 23.11.1994 "Për mbrojtjen e faunës
së egër dhe gjuetinë".
Rregullorja nr. 308, datë 26.01.1996 “Për kalimin e pyjeve dhe kullotave komunale për përdorim
dhe administrim” përshkruan kriteret për përcaktimin e pyjeve për përdorim nga komuna dhe
procedurat për mbarështimin dhe kujdesimin e tyre. Kjo rregullore shërbeu si dokument bazë për
procesin e kalimit të pyjeve e kullotave në përdorim të komunave.
Mbi këto baza ligjore, në vitin 1996 filloi procesi i kalimit të pyjeve e kullotave në përdorim
komunal, nën drejtimin e Drejtorisë së Përgjithshme të Pyjeve e Kullotave dhe me asistencën
teknike e financiare të disa donatoreve. Objektivi i Qeverisë Shqiptare ka qënë kalimi në
përdorim të komunave e fshatrave i 40% të sipërfaqes së pyjeve dhe 60% të sipërfaqes së
kullotave. Strategjia për Zhvillimin e Sektorit të Pyjeve e Kullotave në Shqipëri parashikonte që
procesi i kalimit të realizohej brenda një periudhe 5 vjeçare.
Ndërkaq, baza ligjore u pasurua me ligje mjaft të rëndësishme, si ligji nr. 8652, datë 31.7.2000
“Për organizimin dhe funksionimin e qeverisjes vendore”, [ndryshuar me ligjin nr.9208, date
18.3.2004], ligji nr.8743, datë 22.2.2001 “Për pronat e paluajtshme të shtetit” dhe ligji nr.8744,
datë 22.2.2001 “Për transferimin e pronave të paluajtshme publike të shtetit në njësitë e
qeverisjes vendore”. Gjatë kësaj kohe janë bërë përpjekje të vazhdueshme nga aktorë të
ndryshëm dhe SHPPKK për hartimin e ligjeve të reja apo përmirësimin e ligjeve të mëparshme
që kanë të bëjnë me sektorin.
Megjithë këto përpjekje, si “Ligji i ri i pyjeve”, nr.9385, datë 4.5.2005 [ndryshuar me ligjin
nr.9791, datë 23.7.2007] me aktet ligjore dhe nënligjore, ashtu dhe ligji nr. 9219, datë 8.4.2004
“Për ndryshimet në ligjin e mëparshëm të gjuetisë”, dhe ligji nr. nr.9693, datë 19.3.2007 Për
46
fondin kullosor”, në disa raste vërehet një përqendrim më i madh kompetencash në organet
qendrore, gjë që është kundër parimit të decentralizimit të shprehur në politikat e shtetit dhe të
qeverisë shqiptare.
2.3.3 Decentralizimi i Menaxhimit të Pyjeve dhe Kullotave Komunale në Shqipëri
2.3.3.1 Fillimi i Procesit të Decentralizimit
Në vitin 1991, Shqipëria hyri në një fazë tranzicioni të dyfishtë, së pari në drejtim të ekonomisë
së tregut dhe një sistem politik shumë-partiak, dhe së dyti në drejtim të integrimit të saj në
Bashkimin Evropian. Kjo periudhë u karakterizua nga ndryshime të thella në strukturën
prodhuese të vendit, duke modifikuar shpërndarjen hapësinoro-demografike dhe marrëdhëniet
shoqërore me migrimin masiv nga zonat malore dhe të largëta Sektori i pylltarisë është prekur
veçanërisht nga ky tranzicion duke qënë se burimet pyjore u vunë nën një presion të madh
njerëzor çka solli degradimin e tyre. Për të përmirësuar situatën, qeveria ndërmori një sërë
reformash që u fokusuan më tepër në procesin e decentralizimit dhe privatizimit të ekonomisë në
tërësi, dhe një pjese të burimeve natyrore, më specifikisht. Kështu, një proces i nisur në vitin
1996, u intensifikua më shumë në 2008, kur qeveria mori vendimin për transferimin e pyjeve dhe
kullotave komuniale në pronësi të njësive të qeverisjes vendore.
Transferimi i pyjeve sipas filozofisë së MPK nuk është thjesht një kthim i pyjeve por kthim i
përgjegjësive për menaxhimin e pyjeve njerëzve që jetojnë pranë tyre. Procesi është i gjatë dhe jo
njëtransferim i thjeshtë i sipërfaqes pyjore “në përdorim” komunave dhe fshatrave. Ai është
procesi i transferimit te pushteti vendor i përgjegjësive shtetërore për menaxhimin e pyjeve. Ky
proces hedh themelet për fillimin e menaxhimit të pyjeve nëpërmjet hartimit dhe zbatimit të
planeve të menaxhimit nga pushteti vendor. Kjo nxit një menaxhim të qëndrueshëm e të
decentralizuar të burimeve natyrore me pjesëmarrjen e komunitetit. Prandaj, MPK nuk është
thjesht një metodë për menaxhimin e pyjeve komunale, por gjithashtu pjesë e procesit të
fuqizimit dhe ngritjes së kapaciteteve të pushtetit vendor.
2.3.3.2 Institucionet përgjegjëse për menaxhimin e pyjeve dhe kullotave
komunale dhe kompetencat e tyre përkatëse
Implementimi i politikave decentralizuese në fushën e burimeve natyrore, dhe më konkretisht për
pyjet dhe kullotat, të ndërmarra nga qerveria shqiptare, kërkon bashkëpunimin e disa
institucioneve përgjegjëse. Suksesi i këtyre politikave lidhet edhe nga angazhimi i institucioneve
që mbulojnë këtë sektor, dhe nga gatishmëria e tyre për të marrë pjesë aktivisht gjatë procesit të
decentralizimit. Kjo arrihet duke evidentuar këto institucione dhe mbi të duke përcaktuar qartë
përgjegjësitë dhe detyrat e secilit prej tyre. Pra, është e nevojshme të përcaktohen qartë të drejtat
dhe përgjegjësitë e organeve qendrore, të njësisë së qeverisjes vendore, shërbimit pyjor dhe
shoqatës së përdoruesve të pyjeve dhe kullotave, si edhe marredheniet midis tyre. Më poshtë
jepen disa nga detyrat përkatëse për çdo institucion përgjegjëse për menaxhimin e pyjeve dhe
kullotave komunale:
47
MMPAU, si dhe institucione të tjera qendrore ligjvënëse dhe ekzekutive kanë për
detyrë:
Të përmirësojnë dhe plotësojnë kuadrin ligjor për pyjet dhe kullotat komunale, pas
konsultimesh me palët e interesuara, qeverisjen vendore, shërbimin pyjor, shoqatat e
përdoruesve të pyjeve e kullotave komunale dhe shoqata të tjera mjedisore; të vendosin
pylltarinë komunale ndër përparësite e politikave të tyre;
Të mbështesin zhvillimin e pylltarisë komunale, duke legalizuar të drejtën e pronësisë të
fshatit e familjeve tradicionale mbi pyjet e kullotat komunale, sipas kritereve që sigurojnë
mbarështimin e qëndrueshëm të pasurive natyrore;
Të nxisin përpunimin, tregëtimin dhe eksportimin e prodhimeve drusore e jodrusore nga
komunitetet e shoqatat;
Të mbështesin dhe të financojnë shërbimin keshillimor për pyjet e kullotat në përgjithësi,
dhe ato komunale në vecanti (përfshirë qeverisjen vendore, strukturat për pyjet dhe
kullotat komunale në NJQV );
Të mbështesin shoqatat e përdoruesve në përgjegjësitë dhe të drejtat e tyre për ruajtjen,
mbarështimin dhe shfrytëzimin e pyjeve dhe kullotave komunale, të pasurive të tjera
natyrore që ndodhen në territorin e komunës ose bashkisë, si dhe të pyjeve e kullotave
shtetërore me kushte lehtësuese për zbutjen e varfërise, sidomos në zonat malore;
Njësitë e Qeverisjes Vendore (Komuna ose bashkia) kanë si detyrë:
Të organizojnë struktura efektive për ruajtjen dhe mbarështimin e pyjeve dhe kullotave
komunale, ose t‟ua delegojnë këto kompetenca komunave fqinje.
Të përcjellin për në organet qendrore problemet dhe shqetësimet e ngritura nga
përdoruesit e shoqatat, sidomos për të drejtat e pronësisë dhe të përdorimit, dhe t‟i
mbeshtesin ato lidhur me mbarështrimin e pyjeve dhe kullotave komunale, si dhe të
ndjekin zgjidhjen e tyre.
T‟u japin të drejta dhe kompetenca përdoruesve e shoqatave për përdorimin e pasurive
natyrore brenda territorit të komunës, për ndjekjen e kundërvajtjeve dhe gjobave në bazë
fshati dhe shpërblimin përkatës, të mbështesin përdoruesit dhe shoqatat e tyre në
perpjekjet për zhvillimin e pyjeve dhe kullotave dhe sigurimin e të ardhurave.
Të ndihmojnë me përparësi fshatrat dhe shoqatat në përcaktimin dhe vlerësimin e
projekteve, në kryerjen e punimeve për zbatimin e planeve të mbarështimit.
Të sigurojnë lehtësira dhe të financojnë seminare për mbarështimin e pyjeve dhe
kullotave, si dhe mbi tema të tjera me interes për komunitetin; të organizojnë në
bashkepunim me shoqatën fushata ndërgjegjësimi për komunitetin për mbarështimin e
qëndrueshëm të pasurive natyrore.
Shërbimi Pyjor ka si detyrë:
Të mbështesë aktivisht procesin e kalimit të pyjeve e kullotave në pronësi të komunave
ose bashkive, duke mbajtur ekuilibër midis inetresave të komunitetit dhe atyre të shtetit
përsa u përket siperfaqeve pyjore e kullosore për kalim.
Të ndihmojë teknikisht në hartimin dhe zbatimin e planeve të mbarështrimit.
48
Të kontrollojë zbatimin e rregullave për ruajtjen dhe përdorimin e pyjeve dhe kullotave
sipas planeve të mbarështimit.
Të ndihmojë dhe kontribuojë për mbrojtjen e pyjeve nga zjarret, semundjet e insektet dhe
dëmtues të tjerë.
Të organizojë shërbimin këshillimor për kualifikimin e punonjësve të komunës, të
shoqatës dhe përdoruesve për mbarështimin dhe zhvillimin e qëndrueshëm të pyjeve e
kullotave komunale dhe qeverisjen e integruar të pasurive me karakter vendor, në kuadrin
e pellgjeve ujëmbledhëse.
Të mbështesë fushatat afatgjata për ndërgjegjësimin e komuniteteve për ruatjen dhe
mbarështimin e qëndrueshëm të pasurive natyrore.
Shoqata e përdoruesve të pyjeve dhe kullotave komunale (SHPPKK) ka si detyrë: Të marë pjesë në hartimin e planeve të mbarështimit dhe zbatimin e tij, kryerjen e
punimeve të ndryshme në pyje e kullota, si dhe shërbime të tjera në tokat shtetërore duke
marrë ndërkaq pjesën që i takon në formën e taksës së administrimit.
Të vjelë dhe të përpunojë prodhimet drusore e jodrusore në pyjet e kullotat komunale
sipas planit të mbarështimit, si dhe prodhime nga pasurite e tjera natyrore.
Të jetë palë në përcaktimin, vlerësimin dhe dhënien e përparësive të projekteve të
investimeve në pyjet dhe kullotat, si dhe të ketë përgjegjësinë për zbatimin e projekteve
të miratuara.
Të bashkëpunojë dhe të lidhë kontrata me shoqata dhe komuna të tjera për përdorimin e
pyjeve dhe kullotave të tyre në bazë të një pagese të caktuar;
Të vendosë dhe të mbledhë gjobat dhe zhdëmtimet e autorizuara nga komuna.
2.3.3.3 Procesi i Administrimit të Pyjeve Komunale
Procesi i transferimit të pyjeve shtetërore në përdorim komunal ka filluar në vitin 1996,
mbështetur në ligjin për pyjet, dhe në Rregulloren 308 të vitit 1996.
Tre objektivat kryesorë të transferimit kanë qënë:
lehtësimi dhe plotësimi sa më mirë i nevojave të popullsisë lokale me lëndë, dru zjarri,
ushqim për blegtorinë, bimë mjekësore, prodhime të dyta pyjore dhe dobi të tjera që
siguron pylli;
ruajtja e mjedisit natyror;
dhe rritja e të ardhurave në nivel vendor.
Eksperienca ka treguar se menaxhimi i pyjeve nga banorët lokalë është i suksesshëm për disa
arsye ndër më kryesoret:
49
Arsyet ekonomike – shpenzimet për qeverisjen nga fshati janë më të vogla se ato të shtetit
dhe mundësitë për mbrojtje janë më të mëdha sepse fshatarët janë të interesuar t‟i
mbrojnë ato.
Arsyet sociale – fshatarët kanë qenë tradicionalisht zotërues të pyjeve pranë fshatrave që
tashmë u janë transferuar formalisht në përdorim/pronësi, ndërkohë që gjatë periudhës së
ekonomisë së centralizuar, shpesh këto pyje priteshin për qëllime të parëndësishme pa i
pyetur ata.
Arsyet mjedisore – kur fshatarët janë të bindur se pylli u përket atyre dhe kjo është e
konfirmuar edhe me dokumente, ata bëhen më të ndjeshëm për mbrojtjen e pyjeve dhe
burimeve të tjera natyrore, duke pasur edhe përfitime direkt.
Megjithëse politikat dhe dispozitat ligjore për pyjet komunale nuk janë të plota, procesi i
transferimit ka ecur pa pengesa dhe është vlerësuar pozitivisht nga pushteti vendor e fshatarët.
Përvoja e re e krijuar pas procesit të transferimit, është hartimi dhe plotësimi i planit të
mbarështimit të pyjeve komunale në bazë komune, me pjesëmarrjen e komunitetit.
Ky komponent ka ndikim direkt në reduktimin e varfërisë së familjeve fshatare, pasi jo vetëm
punësojnë fshatarët për punimet pyjore, por vetë fshati është përfituesi kryesor nga puna që
bëhet. Mbrojtja dhe përmirësimi i pyjeve dhe kullotave ka filluar në komunat/fshatrat e përfshira
ne procesin e transferimit në shkallë të gjerë, ku dhe jane fituar përvoja të vlefshme. Sipërfaqe të
tëra pyjesh janë përmirësuar gjatë zbatimit të planeve të menaxhimit, por dhe me iniciativa
private.
Objektivi afatgjatë për transferimin e pyjeve komunale duhet të jetë garantimi ligjor i të drejtave
të përdoruesve të pyjeve komunale, për t‟i bërë ata plotësisht të interesuar për ruajtjen dhe
mirëmbajtjen e tyre. Synimi i mëtejshëm duhet të jete privatizimi i tyre sipas kushteve të
caktuara.
2.3.3.4 Marrëdhëniet Institucionale për Menaxhimin e Pyjeve dhe Kullotave
Pyjet komunale kanë disa veçori dalluese në menaxhimin e tyre. Ky lloj menaxhimi përfshin
shumë aktorë me përgjegjësi dhe detyra specifike. Në Shqipëri, rolin kryesor e luajnë Shoqatat e
Përdoruesve të Pyjeve dhe Kullotave (SHPPK). Aktorë të tjerë kryesorë janë Ministria e
Mjedisit, Pyjeve dhe Administrimit të Ujërave (MMPAU), Drejtoria e Politikave të Pyjeve dhe
Kullotave (DPPK) me administratën e saj lokale, Drejtoritë e Shërbimit Pyjor (DSHP) në rrethe,
dhe komunat dhe fshatrat.
Procesi ka pasur një mbështetje politike pasi në Strategjinë Kombëtare të Zhvillimit, Strategjinë
për Mbrojtjen e Mjedisit, Strategjinë e Gjelbër dhe Strategjinë për Zhvillimin e Pyjeve,
transferimi i pyjeve komunale, me të drejta të plota përdorimi apo pronësie, njësive të qeverisjes
vendore dhe komuniteteve lokale është përcaktuar qartë si objektiv parësor në decentralizimin e
qeverisjes dhe menaxhimit të burimeve natyrore në Shqipëri.
50
2.3.3.5 Transferimi i të Drejtave të Pronësisë
Në vitin 2008 transferimi i pyjeve përfundoi pothuajse në të gjitha komunat e Shqipërisë.
Fillimisht, metodologjia e procesit të transferimit ishte përshkruar në rregulloren e Ministrisë së
Bujqësisë dhe Ushqimit, nr. 308, datë 26 Janar 1996. Ajo ka dy pjesë kryesore:
Organizimi i një strukture zbatuese (Komisionet e Pyjeve ne Fshatra, Shoqata e
Përdoruesve të Pyjeve, DSHP dhe komunat),
Hartimi dhe zbatimi i planeve të menaxhimit për pyjet komunale.
Sipas ndarjes administrative të Shqipërisë, fshati është njësia administrative më e vogël dhe është
pjesë e komunës. Fshati ka territoret dhe kufijtë e tij tradicionalë. Çdo fshat ka një kryetar të
zgjedhur. Duke marrë parasysh rolin thelbësor të pjesëmarrjes së komuniteteve, veçanërisht gjatë
përgatitjes dhe zbatimit të planeve të menaxhimit, Këshilli i Ministrave ka nxjerrë një vendim që
komunat duhet të mbështesin krijimin dhe funksionimin e ShPPK. VKM nr. 396, datë 21
Qershor 2006 “Për kriteret e transferimit dhe përdorimit të pyjeve nga njësitë e qeverisjes
vendore” thekson se komunat duhet të identifikojnë zonat pyjore që do të transferohen sipas
përdoruesve të regjistruar në Zyrën Rajonale të Regjistrimit. Ngritja e komisionit të pyjeve të
fshatit është bazuar në rregulloren 308 dhe traditat ekzistuese. Komisioni i fshatit krijon shoqatën
e përdoruesve të pyjeve dhe kullotave.
Sipas Lako (2008), komisionet e fshatrave marrin vendime për përcaktimin e kufijve,
identifikimin e përdoruesve dhe përcaktimin e përdorimeve, si dhe zbatimin e planit të mbrojtjes
dhe përmirësimit të pyjeve komunale. Ato kanë gjithashtu, një rol thelbësor në menaxhimin dhe
zgjidhjen e konflikteve.
2.3.3.6 Krijimi i Shoqatave të Përdoruesve të Pyjeve dhe Kullotave
Për të realizuar menaxhimin e pyjeve komunale, të gjithë përdoruesit e tyre anëtarësohen në
SHPPK. Procesi i pyjeve komunale mbështet përmirësimin e menaxhimit të njerëzve dhe pyjeve
të tyre. SHPPK janë krijuar në bazë të ligjit Shqiptar për Organizatat Jo-Qeveritare (OJQ) (më
vonë ndryshuar në organizata jofitimprurëse).
Anëtarë të SHPPK janë të gjithë përdoruesit e pyjeve komunale. Shoqatat e përdoruesve të
pyjeve dhe kullotave komunale mbështesin rritjen e pjesëmarrjes së fermerëve në menaxhimin e
pyjeve të tyre, veçanërisht në zonat malore verilindore. Krijimi i SHPPK siguron pjesëmarrjen e
komunitetit në menaxhimin e pyjeve komunale. Shoqatat, ashtu si OJQ luajnë një rol shumë të
rëndësishëm për organizimin e komuniteteve rurale dhe pjesëmarrjes aktive të tyre në përgatitjen
dhe zbatimin e planeve të menaxhimit për pyjet komunale. Organizimi dhe funksionimi i
SHPPK-ve është ende i dobët sikurse theksohet edhe nga Lako (2008), dhe ligjërisht shqetësimet
kryesore janë në dy probleme:
• Banorët lokalë nuk kanë njohuri të mjaftueshme mbi ligjin për SHPPK.
• Banorët lokalë mendojnë se SHPPK caktohen nga NJQV apo nga DSHP.
• SHPPK nuk kanë mundësi të gjenerojnë të ardhura.
Bazuar në përvojat ekzistuese, komunat dhe SHPPK janë organizuar në nivel rajonal. Federatat
51
Rajonale për Pyjet Komunale janë ngritur për të mbështetur interesat e anëtarëve të tyre,
komunat dhe SHPPK. Federatat luajnë një rol të rëndësishëm për lobimin në nivel rajonal dhe
përfaqësojnë interesat e komuniteteve në nivelet më të larta përsa u përket pyjeve komunale.
Federatat, nëpërmjet programeve të ndërgjegjësimit në nivel fshati, kanë rritur aftësitë e SHPPK
dhe komunave për të menaxhuar në mënyrë të qëndrueshme burimet e tyre.
Në vitin 2005, u krijua Shoqata Kombëtare e Pyjeve dhe Kullotave Komunale (SHKPKK). Me
krijimin e SHKPKK, që përfaqësonte federatat rajonale në nivel kombëtar, Federatat u bënë të
njohura edhe në nivel kombëtar. SHKPKK dhe federatat rajonale ofrojnë mbështetje dhe
shërbime për anëtarët e tyre, komunat dhe SHPPK. Ato luajnë rolin e tyre përfaqësues në nivel
kombëtar duke adresuar interesat e anëtarëve të tyre. SHKPKK dhe federatat rajonale kanë
lobuar për përmirësimin e ligjit të pyjeve duke i kërkuar qeverisë të marrë në konsideratë
përvojën dhe nevojat e komuniteteve lokale dhe SHPPK.
Figura 2.2. Marrëdhëniet midis Institucioneve Përgjegjëse për Menaxhimin e Pyjeve dhe
Kullotave Komunale
Burimi: Ministria e Mjedisit, Pyjeve dhe Administrimit të Ujërave
Ndërgjegjësimi i komunitetit është i rëndësishëm dhe SHPPK luajnë një rol udhëheqës në
menaxhimin e pyjeve komunale. Përdorimi dhe menaxhimi i pyjeve komunale duhet bërë nga
banorët lokalë, prandaj është shumë e rëndësishme për ta të kuptojnë konceptin e Menaxhimit të
Pyjeve Komunale. Gjithnjë e më tepër komunitete lokale po ndërgjegjësohen për të marrë pjesë
në menaxhimin e pyjeve komunale për të ndërtuar një të ardhme më të mirë si për komunitetin
dhe për pyllin. Për të garantuar qëndrueshmërinë afatgjatë është e rëndësishme të harmonizohen
përgjegjësitë midis SHPPK, DSHP dhe DPPK për menaxhimin e pyjeve dhe kullotave komunale.
2.3.3.7 Procesi i Hartimit të Politikave Decentralizuese për Menaxhimin e Pyjeve
dhe Kullotave
Hapi i parë i decentralizmit të menaxhimit të burimeve natyrore është hartimi i politikave të
duhura dhe përfshirja e këtyre çështjeve në strategjitë për zhvillimin kombëtar. Procesi i
politikëbërjes aktualisht udhëhiqet nga Ministria e Mjedisit, Pyjeve dhe Administrimit të
Ujërave, me përfshirjen e aktorëve të tjerë të interesuar. Duke njohur ndryshimet thelbësore që
52
kanë ndodhur në vend që prej vitit 1991 dhe rëndësinë e vazhdueshme të bujqësisë në ekonominë
e vendit, Ministria e Bujqësisë dhe Ushqimit, në vitin 1998 hartoi „Strategjinë e Zhvillimit të
Bujqësisë” e njohur edhe si “Strategjia e Gjelbër”. Ajo është bazuar në Kushtetutën e RSH, e cila
thekson se “Shteti synon një shfrytëzim racional te pyjeve, ujërave, kullotave, bazuar ne parimin
e zhvillimit te qëndrueshëm”. Strategjia për përdorimin e pyjeve dhe kullotave ishte përfshirë në
strategjinë e gjelbër.
Kjo strategji u përgatit për të drejtuar zhvillimin e pyjeve në të gjithë vendin dhe për të siguruar
kontributin optimal të tyre në rritjen social ekonomike dhe zhvillimin e qëndrueshëm të vendit.
Metodologjia për formulimin e strategjisë ka qenë relativisht e thjeshtë dhe e drejtpërdrejtë.
Bazuar në ekspertizën e anëtarëve të tij dhe dokumenteve më të fundit, grupi i punës shqyrtoi
situatën e përgjithshme të pyjeve duke evidentuar mundësitë specifike dhe sfidat me të cilat
përballej vendi. Më pas, ai shqyrtoi këto mundësi dhe sfida nën dritën e deklaratave politike
ekzistuese lidhur me zhvillimin e pyjeve, duke pasur parasysh nevojën për vendime të tjera
politike lidhur me situatën e re.
Strategjia e gjelbër u pasua në vitin 1999 nga formulimi i të parës strategji për zhvillimin e
pyjeve në Shqipëri. Strategjia e pyjeve synonte të jepte një kontribut optimal dhe rritjen
ekonomike dhe menaxhimin e qëndrueshëm të pyjeve nëpërmjet:
sigurimit të orientimeve bazë për strukturimin dhe zhvillimin e institucioneve dhe
agjencive publike që do të drejtojnë zbatimin e programit të pyjeve;
nënvizimit të lidhjeve dhe rëndësisë thelbësore të pyjeve për arritjen e objektivave të
zhvillimit në sektorët e tjerë – bujqësia, energjia, uji, zhvillimi rural dhe turizmi -
duke lehtësuar kështu përmirësimin e koordinimit të planeve dhe programeve;
sigurimit që autoritetet qeveritare të nivelit të lartë kanë një kuptim të qartë mbi
kontributin potencial të pyjeve në zhvillimin kombëtar duke siguruar kështu
mbështetjen e saj me politikat, autoritetin dhe burimet e nevojshme;
lehtësimit të mbështetjes ndërkombëtare për pyjet duke lejuar partnerët e interesuar
për zhvillim të shohin si burimet e tyre mund dhe do të përdoren në mënyrën më të
mire;
stimulimit të stafit publik të pyjeve për të kryer detyrat e tij dhe rritjen e përfshirjes së
femrave;
kapërcimit të paqartësive në sektorin privat që mund të pengojnë investimet pozitive
(p.sh., për industrinë drurit apo zhvillimin e turizmit), dhe në nivel lokal, midis
fermerëve, barinjve dhe popullsisë rurale, të cilat do të ndihen më të sigurt në ruajtjen
dhe menaxhimin e qëndrueshëm të burimeve të tyre pyjore,
arritjes së objektivave të matshëm dhe rishikimit të planeve sipas ndryshmit të
rrethanave.
2.3.3.8 Plotësimi i Kuadrit Politik
Qeveria ka bërë një sërë ndryshimesh në ligjet dhe rregulloret që përbëjnë strukturën politike e
ligjore të pyjeve. Këto ndryshime kryhen në mënyrë të vazhdueshme pasi identifikohen nevojat
për rregullimin e politikave.
53
Në Shqipëri, riorientimi thelbësor i modelit social ekonomik prodhon një sërë mandatesh
makroekonomike e sociale, brenda të cilave duhen formuluar të gjitha politikat sektoriale. Sipas
Lako (2008), këto mandate përfshijnë:
njohjen e të drejtave të pronës private dhe privatizimin e pronës publike;
decentralizimin dhe fuqizimin e rolit dhe kapaciteteve të pushtetit vendor;
transformimin e vazhdueshëm drejt ekonomisë së tregut;
rritjen e pjesëmarrjes dhe mbështetjes popullore për rolin e organizatave joqeveritare
racionalizimin e rolit të qeverisë, reformën institucionale dhe rritjen e efektivitetit dhe
eficencës në përdorimin e burimeve qeveritare;
angazhimin serioz për modernizimin e bujqësisë dhe blegtorisë.
Gjithashtu, strategjia ka marrë parasysh edhe premisat specifike që lidhen me situatën e veçantë
në Shqipëri, ku përfshihen:
Rëndësia e kombinimit të vitalitetit dhe përshtatshmërisë së sektorit privat, i cili ka
demonstruar gjerësisht aftësitë e tij me privatizimin e tokës bujqësore me një rritje të
qëndrueshme të prodhimit, madje edhe përballë paqartësive.
Rëndësia e mënjanimit të fragmentimit të mëtejshëm të burimeve pyjore, çka minon
menaxhimin e tyre.
Pranimi se pronësia e tokës duhet të jetë e qartë dhe shteti nuk duhet të vendosë rregulla
të tepërta për pronësinë e drurëve. Ka nevojë për plane menaxhimi të thjeshta e të
drejtpërdrejta për qeverisjen dhe përdorimin e pyjeve komunale dhe private, si dhe
procedura efektive për përgatitjen, miratimin dhe zbatimin e tyre.
Angazhimi që arritjet në decentralizimin brenda sektorit të pyjeve duhet të arrihen
nëpërmjet rritjes së konsultimit me stafin territorial dhe marrjes së vendimeve politike e
programore nën dritën e eksperiencës së terrenit.
Nevoja për një pjesëmarrje më të mirë të aktorëve dhe rritje e transparencës në
planifikimin, vendimmarrjen dhe shpërndarjen e të drejtave dhe lejeve për përdorimin e
burimeve.
Nevoja për një përqasje ndërsektoriale, ndërinstitucionale për adresimin e problemeve të
shumta më të cilat përballen pyjet.
Nevoja për të pranuar që gratë luajnë një rol kritik në pyje dhe strategjia synon të zgjerojë
mundësitë e grave për të rritur kontributin e tyre në zhvillimin e pylltarisë.
Nevoja për të marrë parasysh konventat ndërkombëtare të nënshkruara nga Shqipëria.
Bashkëpunimi me institucionet dhe agjencitë ndërkombëtare do të forcohet ashtu si dhe
pjesëmarrja e Shqipërisë në projekte me interes të dyanshëm, duke u dhënë prioritet
projekteve me vendet fqinje.
Menaxhimi i bazuar në konceptet e përdorimit të shumëfishtë të produkteve dhe
shërbimeve pyjore.
Reduktimi gradual i varësisë nga drutë e zjarrit për energjinë shtëpiake.
Nevoja për kontrollin e erozionit dhe mbrojtjen e baseneve ujëmbledhëse.
Rritja e vëmendjes ndaj ruajtjes së biodiversitetit.
Në vijim jepet një përmbledhje e politikave kryesore të hartuara nga qeveria shqiptare për
decentralizmin e menaxhimit të pyjeve dhe kullotave dhe qëllimet e secilës prej tyre. Në këtë
54
mënyrë mund të kuptohet më mirë ecuria e këtij sektori në varësi të prioriteteve të përcaktuara
nga qeveria qendrore.
Strategjia për Zhvillimin e Sektorit të Pyjeve dhe Kullotave 1998, qëllimet e
Politikës Pyjore
Më poshtë jepet një përmbledhje e qëllimeve socio-ekonomike dhe teknike të politikës për
sektorin e pyjeve:
Ruajtja e integritetit të burimeve pyjore
- Qartësimi i vendimeve lidhur me pozicionin eventual të pyjeve shtetërore
- Reformimi i qëndrimit ndaj sistemit të kategorizimit të tokës në procesin e
planifikimit dhe zhvillimit të përdorimit të territorit.
Menaxhimi i qëndrueshëm me synim plotësimin e nevojave të tashme dhe të
ardhme për produkte dhe shërbime pyjore
- Përmirësimi i mjeteve për planifikimin në pyje dhe përdormi i tyre.
- Rritja e burimeve financiare në dispozicion të menaxhimit dhe ruajtjes së pyjeve
publike.
- Ngritja e kapaciteteve të sektorit publik dhe privat për menaxhimin e burimeve
natyrore.
Tranzicioni drejt ekonomisë së tregut në pyje
- Zgjidhja e paqartësive në sektorin privat lidhur me funksionimin e tregut dhe
disponibilitetit të lëndëve të para.
- Vazhdim i promovimit të mundësive të pyjeve dhe terreneve natyrore për zhvillimin e
ndërmarrjeve të vogla për punësim dhe diversifikim të ardhurash
Transferimi i pyjeve komunale
- Zgjerimi dhe përshpejtimi i programit të qeverisë për transferimin e pyjeve komunale
për të arritur objektivin e 40% të fondit pyjor brenda 3-5 viteve të ardhshme.
- Sistemimi dhe thjeshtimi i procesit të transferimit të pyjeve komunale.
- Riformatimi i shërbimit këshillimor brenda DPPK me qëllim riorientimin e rolit të
pylltarëve në menaxhimin dhe mbrojtjen e pyjeve.
Përmirësimi i menaxhimit shtetëror të pyjeve prodhuese
- Hartimi dhe zbatimi i një modeli të ri të menaxhimit të pyjeve.
- Mbrojtja dhe përdorimi i pyjeve që do të mbahen nën kontroll nga DPPK.
- Vazhdimin e fuqizimit institucional për zbatimin e menaxhimit modern, të
qëndrueshëm dhe të orientuar drejt tregut.
Zhvillimi i turizmit dhe aktiviteteve rekreative në natyrë
- Ndalimi i degradimit mjedisor të zonave të mbrojtura ekzistuese.
55
- Vendosja e zonave të mbrojtura nën një sistem aktiv menaxhimi dhe promovimi i
përdorimit racional e të shumëfishtë të zonave të mbrojtura dhe infrastrukturës së
tyre.
- Strategjia e parë nuk u fokusua në politikat e pyjeve private sepse kthimi i pyjeve ish
pronarëve ishte në hapat e para.
Strategjia Kombëtare për Zhvillimin e Sektorit të Pyjeve dhe Kullotave (2004),
synimet:
Rishikimi i Strategjisë së Zhvillimit të Sektorit të Pyjeve dhe Kullotave kushtëzohet nga situata e
vështirë e këtij sektori pas viteve 1990, i cili megjithëse zë më shumë se 50% të sipërfaqes së
vendit ka nevojë për ndryshime thelbësore në menaxhimin e tij, të cilat duhet të jenë në linjë me
politikat qeveritare për pyjet dhe mjedisin.
Vendimi i qeverisë për të forcuar ruajtjen dhe funksionimin e të mirave publike të pyjeve dhe
kullotave dhe ndalimin e përkohshëm te shfrytëzimit tregtar të burimeve pyjore, bën të
nevojshme rishikimin e Strategjisë për Zhvillimin e Sektorit të Pyjeve dhe Kullotave.
Strategjia e re për zhvillimin e sektorit të pyjeve u hartua mbi bazën e zhvillimeve social –
ekonomike të vendit, reduktimit të varfërisë në zonat rurale, ndryshimeve thelbësore që kanë
ndodhur e do të ndodhin në drejtim të lëvizjeve demografike dhe nevojës për një vlerësim
shumë-funksional të burimeve pyjore e kullosore ku do të veçonim: pyjet si burim energjie e si
burim i prodhimeve parësore të biomasës, si burim i diversitetit biologjik dhe i sekuestrimit te
karbonit etj. Ruajtja e vazhdueshme, përdorimi racional dhe vlerësimi i saktë i përfitimeve
publike nga pyjet në përputhje me interesat e shtresave të ndryshme të shoqërisë mund të arrihet
nëpërmjet një menaxhimi të qëndrueshëm e shumëfunksional.
Në këtë stad të ri të integrimit të Shqipërisë në strukturat evropiane, pas një periudhe të mbi
shfrytëzimit, mbikullotjes dhe keqadministrimit të burimeve pyjore, bëhet i rëndësishëm
përditësimi i strategjisë për zhvillimin e sektorit te pyjeve, duke:
- Dhënë orientimet bazë të zhvillimit të strukturave administrative, institucioneve politike
dhe organeve që do të udhëheqin zbatimin e programeve të zhvillimit të këtij sektori.
- Theksuar lidhjet dhe rëndësinë themelore të sektorit të pyjeve dhe kullotave për
plotësimin e objektivave të zhvillimit të sektorëve të tjerë si atij të bujqësisë, blegtorisë,
energjetikës, ujërave, turizmit, zhvillimit rural në përgjithësi, duke mundësuar
përmirësimin e planifikimit ndër sektorialë dhe koordinimit të programeve të zhvillimit të
vendit.
- Kontribuar në rritjen e vetëdijes së autoriteteve të larta vendimmarrëse e administrative,
komuniteteve të përdoruesve të burimeve natyrore, pyjore e kullosore, e publikut në
përgjithësi, për një kuptim më të qartë lidhur me kontributin e mundshëm të sektorit pyjor
e kullosor në zhvillimin e përgjithshëm kombëtar, për ta mbështetur atë me politikat,
autoritetin dhe burimet financiare të nevojshme.
- Bërë më të realizueshëm mbështetjen e organizmave ndërkombëtarë partnerë të interesuar
për zhvillimin e sektorit e pyjeve dhe kullotave, duke parë shfrytëzimin efikas të
kontributeve të tyre jo vetëm në planin kombëtar por dhe në atë rajonal e global.
- Duke parë veten si aktor dhe faktor të përpjekjeve dhe nismave për zhvillimin e sektorit
pyjor e kullosor, personeli pyjor do të angazhohet në një veprimtari më të përgjegjshme
dhe më profesionale.
56
- Kontribuar në kapërcimin e vështirësive që pengojnë sektorin privat në ndërmarrjen e
investimeve pozitive dhe nxitur ndërmarrjen e sigurtë të nismave që kanë të bëjnë me
ruajtjen dhe qeverisjen e qëndrueshme të burimeve natyrore, pyjore e kullosore.
- Siguruar një kuadër legjislativ, vlerësimi e monitorimi që të lejon matjen dhe sipas
rrethanave ndryshimin e qeverisjes, bazuar në ecurinë progresive dinamike dhe në arritjen
e synimeve politike.
Strategjia e re përfshin masat kryesore për menaxhimin e qëndrueshëm të sektorit të pyjeve,
nëpërmjet:
- vazhdimit të procesit të transferimit të pyjeve dhe kullotave tek organet e qeverisjes
vendore drejt kalimit tek komunitetet i të drejtave të plota mbi pronësinë;
- qeverisjes së qëndrueshme të pyjeve;
- Ndërprerjes së biznesit të shfrytëzimeve tregtare për një periudhë të paktën 10 vjeçare
nëpërmjet riorganizimit dhe rritjes së kontrollit;
- ruajtjes dhe rehabilitimit të pyjeve dhe kullotave nëpërmjet rritjes se investimeve dhe
nxitjes se iniciativave private e kolektive;
- vendosjes së një sistemi monitorimi për ndjekjen në kohë të proceseve dinamike në pyje
dhe kullota dhe për ndërhyrjen në kohë për rehabilitimin e tyre;
- nxitjes së nismave individuale ose kolektive për ripyllëzimin e tokave të zhveshura dhe të
braktisura;
- ruajtjes, mbrojtjes dhe përmirësimit të diversitetit biologjik në ekosistemet pyjore dhe
kullosore;
- ruajtjes dhe përmirësimit të funksioneve mbrojtëse të menaxhimit të pyjeve (në mënyre të
veçantë mbrojtjen e tokës, të sasisë dhe cilësisë se ujërave);
- ruajtjes së funksioneve dhe shërbimeve të tjera social-ekonomike, si dhe sigurimit të
përfitimeve të shumëfishta për shoqërinë, për brezat e sotëm dhe te ardhshëm.
Projektligji “Për Administrimin e Fondit Pyjor dhe Kullosor Kombëtar, 2015,
objektivat:
Gjatë 5 vjeçarit të fundit janë transferuar 800 mijë ha pyje e kullota në pronësi të pushtetit lokal
(ose 50 % e sipërfaqes totale) dhe përvoja e fituar vlerësohet pozitive. Sot pyjet marrin një
rëndësi të jashtëzakoneshme në kohën kur planeti përballet me ndryshimet e mëdha klimatike
prandaj dhe mbrojtja e pyjeve dhe mbjelljet e reja japin ndikim të ndjeshëm për këtë fenomen
natyror. Qeveria synon zgjidhjen e problemeve të pronësisë, ku ndër të tjera kërkohet :
shteti të mbajë 10 % të Pyjeve të Shqipërisë, 90% t‟u transferohen në pronësi të
Komunave e Bashkive të vendit;
gjetja e mekanizmave të përshtatëshëm dhe transparenetë për privatizimin e Pyjeve dhe
Kullotave për t‟i bërë pyjet me “ZOT”;
menaxhim më i mirë i pyjeve dhe forcim i konceptit të pyllit me dru frutorë;
mbrojtje dhe zhvillim i pyjeve të vendit. Sipas qeverisë, privatizimi i pyjeve për aderimin
në Bashkimin Evropian është objektiv strategjik kombëtar. Qeveria është plotësisht e
ndërgjegjshme që për arritjen e këtij objektivi nevojiten angazhim dhe përpjekje të
qëndrueshme.
57
Synimet për privatizimin dhe MPKK janë si më poshtë:
Përmirësimi i politikave pyjore që lidhen me pylltarinë komunale dhe pronësinë për
përdoruesit tradicionalë përsa u përket çështjeve të pronësisë së tokës dhe menaxhimit.
Hartimi i nje strategjie e shoqëruar me plan veprimi për të regjistruar pyllin e fermerit,
llogaritjea e kostove të ringritjes së sistemit prodhues sipas kërkesavetë kohës.
Përmirësimi i bazës ligjore për të stimuluar gjenerimin e të ardhurave nga pyjet komunale
e përdoruesit tradicional privat përfshirë prodhimet e dyta pyjore, kafshët e egra, gjuetinë,
bimët, inertet, arrorët dhe sigurimi i instrumenteve ligjorë dhe institucionalë për
përdorimin e këtyre të ardhurave për përmirësimin e jetesës së komuniteteve.
Plotësimi i kuadrit ligjor për transferimin e pyjeve në përdorim/pronësi komunave,
përdoruesve tradicionalë, me role, përgjegjësi dhe detyra të qarta.
Metodologji të miratuar për përcaktimin/shënimin e kufijve të burimeve natyrore sipas
fshatrave/komunave, përdorueseve dhe pronarëve.
Kritere të qarta për të gjithë pronarët dhe përdoruesit për transferimin, rregjistrimin,
kriteret e menaxhimit, për pyjet kullotat, kafshët dhe shpendët, inertet, bimët medicinale,
pyje me arrorë, burimet ujore. Të drejta të qarta për të siguruar të ardhura nga përdorimi e
menaxhimi.
Decentralizimi i vendimmarrjes për tarifat për menaxhimin e pyjeve, kullotave, gjuetisë,
bimëve, inerteve, e resurseve të tjera që menaxhohen në nivelin e pushtetit vendor.
Të mbështesë e të financojë fermerët e t‟i ndihmojë që të ringrenë ata pyllin, me projekte
kombëtare të kërkojnë ndihmë ndërkombëtare, në kuadër të projekteve për pagesa për
shërbime mjedisore.
Të vendosen ekspertët e pyjeve, t‟i edukojë e trajnoje për të realizuar këtë shërbim të
madh kombëtar me detyra konkrete për fshatin, komunën.
Shërbimi këshillimor rajonal të ketë detyra të qarta për mbështetjen konkrete që duhet të
bëjë në nivel komune për menaxhimin e qëndrueshëm dhe monitorimin e përditësimin e
fondit pyjor.
Shoqatat dhe Federatat të ndihmojnë në sensibilizimin dhe këshillimin të gjithë
përdorueseve privatë dhe në nivel fshati për menaxhimin e qëndrueshëm të pyjeve
kullotave dhe burimeve të tjera.
Të nxitet zhvillimi i agropylltarisë për të përmirësuar tokën, për të ndihmuar bujqësinë,
shtuar biomasën e ndihmuar pyllin në këtë periudhe ringritjeje.
2.3.3.9 Sfidat e Decentralizimit të Menaxhimit të Pyjeve dhe Kullotave Komunale
Procesi i decentralizimit, në termat e përgatitjes së kuadrit ligjor dhe transferimit të pronave
publike ka bërë hapa para, sipas Lako (2008). Situata e re dhe përvoja e fituar në menaxhimin e
pyjeve komunale kërkonte që institucionet shtetërore të marrin masa për përmirësimin e kuadrit
ligjor. Kuadri i ri ligjor intensifikon procesin e decentralizimit në menaxhimin e burimeve
natyrore dhe eliminon një sërë kufizimesh të parashikuara në ligjet e mëparshme. Përveç këtyre
zhvillimeve pozitive, procesi i transferimit dhe menaxhimit të pyjeve komunale nga komunitetet
lokale ka ende shumë mangësi, veçanërisht përsa i përket ndarjes së përgjegjësive e përfitimeve
dhe investimeve në pyjet komunale. Sfidat kryesore në procesin e MPK janë:
58
Përmirësimi i politikave pyjore që lidhen me pylltarinë komunale përsa u përket
çështjeve të pronësisë, sigurimit të të ardhurave, etj;
Plotësimi i kuadrit ligjor për transferimin e pyjeve në përdorim/pronësi komunave ;
Ndarja e kompetencave dhe përgjegjësive nga ana e vendimmarrësve për qeverisjen e
pyjeve sipas dy niveleve: pyje shtetërore dhe pyje komunale;
Miratimi i një metodologjie për përcaktimin/shënimin e kufijve të burimeve natyrore
sipas fshatrave/komunave;
Decentralizimi i menaxhimit të burimeve pyjore si dhe të ardhurave që gjenerohen
prej këtyre burimeve nga ana e Shërbimit Pyjor.
59
KAPITULLI III
METODOLOGJIA E STUDIMIT
60
KAPITULLI III
3. METODOLOGJIA E STUDIMIT
3.1 Përcaktimi i Modelit Konceptual dhe Ngritja e Hipotezave të Studimit
Në këtë kapitull do jepet një analizë e detajuar e të gjitha hapave të proçesit të kërkimit shkencor
që është kryer për të realizuar këtë punim. Rishikimi i literaturë i paraqitur në kapitullin 2 ka
evidentuar një sërë faktorësh që duhet të merren në studim për të matur impaktin e politikave
decentralizuese, veçanërisht ato të ndërmarra në fushën e burimeve natyrore që është edhe fokus
i këtij studimi. Pavarësisht formave në të cilat shfaqen apo fushave ku zbatohen, sipas Bankës
Botërore (2001), politikat decentralizuese kanë si objektiva kryesorë; reduktimin e varfërisë,
forcimin e demokracisë dhe më konkretisht në këtë rast, edhe zhvillimin e qëndrueshëm të
burimeve natyrore. Bazuar në këto objektiva të paracaktuara, ky punim fokusohet në analizimin
e impakteve që kanë sjellë politikat decentralizuese në menaxhimin e burimeve natyrore në
Shqipëri dhe evidentimin e faktorëve kryesorë që ndikojnë në rritjen e këtij impakti. Nxitja për ta
kryer këtë studim vjen nga rëndësia që kanë burimet natyrore, politikat decentralizuese në këtë
fushë dhe më konkretisht, vendimi i qeverisë shqiptare që në vitin 2008 transferoi në
pronësi/përdorim të njësive të qeverisjes vendore një pjesë të burimeve natyrore si pyje dhe
kullota komunale, duke e decentralizuar në tërësi menaxhimin e tyre.
Rëndësia e temës lidhet jo vetëm me rrjedhojat pozitive të decentralizimit në përgjithësi, por
edhe me rëndësinë që ka menaxhimi i qëndrueshëm i burimeve natyrore në rritjen e përfitimeve
të gjeneruara prej tyre, si dhe zhvillimin e zonave rurale në vendin tonë.
3.1.1 Objektivat dhe Qëllimet e Studimit
Objektivat e këtij studimi janë:
Vlerësimi i impakti ekonomik, duke u fokusuar në krijimin e të ardhurave dhe reduktimin
e varfërisë si rezultat i politikave decentralizuese në fushën e burimeve natyrore në
Shqipëri.
Vlerësimi i impaktit social, duke u fokusuar te rritja e pjesmarrjes së komunitetit në
vendimmarrje dhe forcimi i demokracisë si rezultat i politikave decentralizuese në
fushën e burimeve natyrore në Shqipëri.
Vlerësimi i impaktit të politikave decentralizese në menaxhimin e qëndrueshëm të
burimeve natyrore në Shqipëri.
Evidentimi i faktorëve që përmirësojnë impaktin e këtyre politikave në Shqipëri
61
Bazuar në rishikimin e literaturë është ndërtuar një model konceptual ku paraqiten faktorët që do
merren në analizë dhe lidhjet e mundshme midis tyre, sikurse paraqitet mëposhtë:
Figura 3.1: Modeli Konceptual për Kryerjen e Studimit
Burimi: Autori
Në mënyrë të veçantë, qëllimet e këtij studimi përmblidhen në tri shtylla kryesore që përmbajnë
hipotezat e ngritura për secilën prej tyre, siç tregohet më poshtë:
Vlerësimi i Impaktit Ekonomik:
Decentralizimi krijon mundësi për rritjen e të ardhurave në nivel familjar
62
Përdorimi i burimeve natyrore është i rëndësishëm për komunitetin duke u
konsideruar si burim të ardhurash (Bujqësi dhe blektori, pyje, kullota, bimë
medicinale)
Komuniteti paguan tarifa për përdorimin e P&K komunale
Të ardhurat e mbledhura përdoren nga njësitë e qeverisjes vendore për
përmirësimin e P&K
Madhësia e investimeve të kryera sipas planifikimit në planet e menaxhimit, është
e mjaftueshme
Vlerësimi i Impaktit Social:
Decentralizimi sjell rritje të pjesmarrjes së komunitetit në proçesin e vendim-
marrjes, (përfshirja e femrave dhe të varfërit)
Komuniteti është në dijeni të aktiviteteve që kryhen në kuadër të proçesit të
decentralizimit
Komuniteti njeh organizmat që e përfaqësojnë në këtë proçes (komisioni i pyjeve,
SHPPKK) Decentralizimi ka përmirësuar marrëdhënien Njësi Qeverisjes Vendore -
Komunitet
Vlerësimi i Impaktit në Zhvillimin e Qëndrueshëm
Decentralizimi sjell rritje të angazhimit të komunitetit në mbrojtjen e P&K nga
dëmtimi
Pas decentralizimit, komuniteti është i gatshëm të ndryshojë mënyrat e gabuara të
shfrytëzimit të P&K
Pas decentralizimit janë kryer investime për përmirësimin e pyjeve komunale,
zgjerimin e sipërfaqes pyjore, mirëmbajtjen e kullotave ekzistuese, zgjerimin e
sipërfaqes kullosore
Komuniteti vendos për mënyrën e përdorimit të P&K
3.2 Hartimi i Projektit të Kërkimit Shkencor
3.2.1 Hapat e Kërkimit Shkencor
Në pjesën më të madhe të literaturës në dispozicion, kërkimi paraqitet si një proçes që kalon
nëpër disa etapa, që duhet të ndiqen për të ndërmarrë dhe përmbushur një projekt të caktuar
kërkimor. Numri i saktë i etapave varion, por zakonisht përfshijnë; formulimin dhe qartësimin e
një temë të caktuar, rishikimin e literaturës, hartimin e projektit të kërkimit, mbledhjen e të
dhënave, analizimin e tyre dhe shkrimin e raportit përmbledhës. Në shumicën e rasteve proçesi i
kërkimit, duhet ti respektojë me rigorozitet hapat nëpër të cilat duhet të kalojë. Artikuj të
ndryshëm mund të sugjerojnë gjithashtu që ky proçes është racional dhe i lehtë për tu ndërmarr.
Fatkeqësisht, kjo ndodh rrallë, dhe realiteti konsiderohet shumë ndryshe, sepse ajo që mund të
duket fillimisht si diçka shumë e rëndësishme, në fund rezulton pa ndonjë rëndësi domethënëse,
thotë Saundersand dhe Lewis (1997).
Thelbësore gjatë proçesit të kërkimit, është koha e shpenzuar për të formuluar dhe qartësuar
temën e studimit. Kjo shprehet në formën e pyetjeve, të cilat duhet të marrin përgjigje nga
kërkimi, shoqëruar nga një sërë objektivash që gjithashtu ky proçes duhet të përmbushë.
63
Sidoqoftë, duhet të theksohet gjithashtu nevoja për reflektim të vazhdueshëm mbi idetë e
ngritura, dhe rishikim të mënyrave të zgjedhura për të plotësuar studimin. Kjo shpesh nënkupton
rishikim të hapave dhe përpunim të tyre.
Kërkimi duhet të ketë një sërë karakteristikash që të vlerësohet si i tillë, të cilat janë:
Të dhënat grumbullohen sistematikisht;
Të dhënat interpretohen sistematikisht;
Ekziston një qëllim i qartë: të gjendet zgjidhja;
Rrjedhimisht kërkimin mund të përkufizohet si një proçes që individët ndërmarrin me synim që
të gjejnë zgjidhje të ndryshme në mënyrë sistematike, duke rritur kështu njohuritë e tyre. Dy
fraza janë të rëndësishme në këtë përkufizim: “mënyrë sistematike” dhe “të gjesh zgjidhjen”.
Fjala “sistematike” tregon që kërkimi është bazuar në marrëdhënie logjike dhe jo thjesht
supozime, sipas Ghauri dhe Gronhaug (2005).
Si pjesë e kësaj, kërkimi duhet të përfshijë një shpjegim të metodave të përdorura për të
mbledhur të dhënat, të argumentojë pse rezultatet e përftuara janë kuptimplotë dhe të shpjegojë
çdo kufizim që shoqëron këto të dhëna. “Të gjesh zgjidhje apo të gjesh ide të reja” sugjeron
faktin që mund të ketë një shumëllojshmëri synimesh të mundshme për kërkimin. Kjo mund të
përfshijë përshkrimin, shpjegimin, kuptimin, kritikën dhe analizimin e situatës. Mëposhtë
paraqiten në mënyrë skematike hapat e një proçesi kërkimi shkencor:
Figura 3.2: Hapat e Procesit të Kërkimit
Burimi: Ghauri dhe Gronhaug (2005).
Formulimi dhe qartësimi i temës së kërkimit
Vlerësimi kritik i literaturës Objektivat e Kërkimit
Hipotezat e Kërkimit
Analiza e të dhënave
Mbledhja e të dhënave
Metodologjia
64
3.3 Instrumentat për Mbledhjen e të Dhënave Parësore
Qasja metodologjike e zbatuar për kryerjen e këtij studimi ka përdorur një kombinim të
instrumenteve të drejtpërdrejta dhe të tërthorta ku përfshihen: pyetësorët e strukturuar, intervista
gjysmë të strukturuara dhe të dhëna dytësore të mbledhura nga raportet ekzistuese. Teknikisht,
studimi bazohet në dy burime të dhënash: të dhëna sasiore dhe cilësore:
Mëposhtë do të jepet në mënyrë të përmbledhur përshkrimi i instrumeneteve të përdorura për
mbledhjen e të dhënave parësore, si pyetësorët ashtu edhe intervistat gjysëm- të struturuara.
Një “intervistë” është një diskutim i qëllimshëm midis dy ose më shumë personave sipas
përkufizimit të bërë nga Kahn dhe Cannell (1957). Përdorimi e intervistave ndihmon në
mbledhjen e të dhënave të besueshme e të vlefshme që janë të rëndësishme për pyetjet dhe
qëllimet e projektit të kërkimit.
Në këtë studim janë përdorur si intervistat e strukturuara ose ndryshe pyetësorët drejtuar
anëtarëve të komuniteteve ku është kryer transferimi i burimeve natyrore, ashtu edhe intervistat
gjysëm - të strukturuara me përfaqësues të njësive të pushtetit vendor, të Drejtorive të Shërbimit
Pyjor, të ShPPKK, etj.
Çdo formë interviste ka një qëllim të caktuar. Intervistat e standartizuara normalisht përdoren në
mbledhjen e të dhënave, të cilat më pas do të jenë subjekt i analizave sasiore. Intervistat e
pastandartizuara (gjysëm-të strukturuara dhe të thelluara) përdoren për të mbledhur të dhëna të
cilat do jenë subjekt i analizave cilësore. Këto të dhëna përdoren jo vetëm për të zbuluar e
kuptuar „çfarë‟ dhe „si‟ por theksin e venë sidomos në eksplorimin e „përse-së‟ së ndodhjes së
një fenomeni.
3.3.1 Intervistat gjysëm – të strukturuara
Sikurse është shpjeguar edhe mësipër, qëllimi i këtij studimi është të vlerësojë impaktet e
politikave decentralizuese në fushën e burimeve natyrore, nisur nga perceptimi i komuniteteve
ku ato zbatohen. Por, është e pamundur të kuptohet plotësisht situata nëse nuk analizohen edhe
qëndrimet e menaxherëve të këtij proçesi, përveç komunitetit të banorëve të këtyre zonave, ku
përfshihen, përfaqësuesit e njësive të qeverisjes vendore, të ShPPKK, të DSHP, etj.
Decentralizimi nuk prek vetëm banorët por edhe institucionet që i përfaqësojnë ata, prandaj është
thelbësore të kuptohet roli dhe rëndësia e tyre në garantimin e suksesit të proçesit në tërësi. Për
këtë arsye janë zhvilluar disa intervista gjysëm –të strukturuara me përfaqësues të këtyre
institucioneve.
Intervistat gjysëm të strukturuara janë kryer me njësitë e qeverisjes vendore dhe shoqatat/
federatat rajonale të përdoruesve të pyjeve dhe kullotave, specialistëve të pyjeve në komuna,
kryetarë komunash dhe kryepleqtë, etj. në mënyrë që të merreshin vlerësime mbi
përfitueshmërinë nga proçesi i decentralizimit, rezultatet, problematikat e menaxhimit, planet për
të ardhmen, etj. Kjo qasje e vlerësimit cilësor lejoi të intervistohen palët e përfshira në proçesin e
hartimit dhe manaxhimit të politikave decentralizuese rreth çështjeve të përmendura në
pyetësorin e banorëve por në këndvështrimin intitucional. Së pari u identifikuan palët e përfshira
65
dhe u hartua lista e të intervistuarve, që u konsideruan të vlefshëm për këtë sektor si në nivel
qendror dhe lokal, publik apo persona privatë, duke përfshirë kategoritë e mëposhtme:
Kryetarë të Komunave
Kryetarë/Anëtarë të Këshillave Komunale
Kryepleqtë
Administrata: specialistët e pyjeve, inspektorët
Drejtoritë Rajonale të Shërbimit Pyjor
Ministria e Mjedisit, Administrimit të Ujërave dhe Pyjeve/ Departamenti i Pyjeve dhe
kullotave
Shoqata e Përdoruesve të Pyjeve dhe Kullotave dhe Federatar rajonale
Intervistat gjysëm të strukturuara me aktorët kryesorë u përqëndruan në:
Vlerësimin e njohurive dhe perceptimit të ndikimit të zbatimit të politikave
decentralizuese:
Të drejtat e përdoruesve të pyjeve dhe kullotave ndërmjet komunës, fshatit,
familjes,
Vlerësimin e kufizimeve, nevojave dhe prioriteteve;
Vlerësimin e roleve të aktorëve të ndryshëm, nga pikepamja institucionale; të drejtat,
përgjegjësitë, kufizimet, etj
Vlerësimin e zbatimit të reformave institucionale dhe sfidat e ardhshme:
Roli i shoqatave të përdoruesve
Efektiviteti i programit të trajnimit për specialistët dhe stafin lokal të komunave.
3.3.2 Pyetësorët
Termi “pyetësor” përkufizohet nga deVaus (2002) si një term i përgjithshëm për të përfshirë të
gjitha teknikat e mbledhjes së të dhënave gjatë cilave, çdo personi i kërkohet të përgjigjet për të
njëjtat pyetje që kanë të njëjtën renditje të paracaktuar.
Përdorimi i pyetësorëve është diskutuar në shumë tekste të metodave të kërkimit duke filluar nga
ato që u kushtojnë vetëm disa faqe deri tek metodat e hartuara nga Dillman (2007) ku
specifikohet saktësisht se si duhet të ndërtohet dhe të përdoret një pyetësor. Ndoshta jo rastësisht
pyetësori është një nga teknikat më të përdorura gjerësisht të mbledhjes së të dhënave në formën
e anketës.
Collis and Hyssey (2003), e përkufizojnë anketën si një metodë pozitive, gjatë të cilës
përzgjidhet dhe studiohet një mostër e popullatës, për të nxjerrë konkluzione për popullatën në
tërësi.
66
3.3.2.1 Arsyet e përzgjedhjes së Pyetësorëve
Në këtë studim, pyetësorët u përdorën për mbledhjen e të dhënave për vlerësimin e impaktit të
politikave decentralizues, parë nga këndvështrimi i banorëve të zonave që preken nga
implementimi i këtyre politikave. Fillimisht kjo metodë u zgjodh si një nga mënyrat më efektive
për mbledhjen e të dhënave, bazuar edhe në rishikimi e literaturës. Pyetësorët zakonisht nuk janë
të përshtatshëm për kërkime eksploruese apo të tjera që kërkojnë një numër të madh pyetjesh të
hapura. Ata funksionojnë më mirë në rastet e pyetjeve të standardizuara, ku mund të jemi të
sigurt që do të interpretohen në të njëjtën mënyrë nga të gjithë të anketuarit thotë Robson (2002).
Pyetësorët për këtë arsye kanë tendencë që të përdoren për kërkime deskriptive (përshkruese) ose
shpjeguese, sikurse është edhe rasti i këtij studimi.
Kërkimet deskriptive, të tilla si ato të bëra duke përdorur pyetësorët për vlerësimin e qëndrimeve
dhe opinioneve, mundësojnë identifikimin dhe përshkrimin e fenomeneve të ndryshme. Në anën
tjetër, kërkimet shpjeguese apo analitike mundësojnë shqyrtimin dhe shpjegimin e
marrëdhënieve midis variablave, në veçanti marrëdhëniet shkak-pasojë.
Autorë të ndryshëm sygjerojnë që pyetësorët të përdoren duke u kombinuar me metoda të tjera
në një strukturë kërkimore, sikurse edhe në këtë studim, ku një pyetësor për të zbuluar qëndrimet
e komunitetit u plotësua me intervista të thelluara me përfaqësues të këtyre komuniteteve për të
shqyrtuar dhe për të kuptuar më mirë këto qëndrime.
Ndër pëprarësitë kryesorë të përdorimit të pyetësorëve sipas Jankowicz (2005), mund të
përmendim; kostoja e ulët financiare për shpërndarjen e tij, lehtësia për mbledhjen dhe
përpunimin e të dhënave, norma e lartë e kthimit të përgjigjeve, përdorimi i softëare-ve për
analizën e të dhënave, etj.
Gjithashtu, paragjykimi subjektiv i të anketuarve minimizohet gjatë plotësimit të një pyetësori
sepse të gjithë pjesmarrësit i përgjigjen të njëjtave pyetje dhe nuk ka shumë vend për ndikim nga
ana e anketuesit.
Sipas Barath & Canall (1976), anketuesit mund të ndikojnë mënyrën e përgjigjes të të
anketuarve nëpërmjet mimikës së fytyrë, zërit, gjesteve, etj. Por nga ana tjetër duhe të
evidentohen edhe një sërë mangesish të kësaj teknike të përdorur si; kërkesa për një nivel të
caktuar arsimor, duke qënë se në mungesë të shpjegimeve është e vështirë të kuptohen pyetjet
nga ana e pjesmarrësve dhe humbja e reagimit në rastet e pyetjeve specifike. Kjo sepse, sipas
Walonick, (1993), gjatë plotësimit të një pyetësori të strukturuar me shkrim, humbet shija e
reagimit sepse pjesmarrësit duan të sqarojnë pikëpamjet e tyre cilësore për pyetje specifike.
Në këtë studim është përdorur një pyetësor i hartuar nga autori, shpërndarë në periudhën maj-
qershor, 2015, në 8 qarqe të vendit, sipas shpërndarje së paraqitur në paragrafet mëposhtë.
67
3.3.2.2 Formulimi i Pyetësorit
Procesi i formulimit të pyetësorit është realizuar duke u bazuar në njohuritë e përmbledhura nga
Dillman, (2007). Ndryshe nga intervistat gjysëm të strukturuara dhe ato të thelluara pyetjet që
përfshihen në pyetësor duhen të përcaktohen saktë për ti paraprirë grumbullimit të të
dhënave. Pra, është rëndësishme që të përzgjidhen karakteristikat e duhura për tu përgjigjur
pyetjeve të kërkimit dhe objektivave të tij.
Për këtë arsye, drafti paraprak i pyetësorit të përdorur në këtë studim u hartua duke u bazuar në:
rishikimin e kujdesshëm të literaturës;
diskutimet me kolegët, udhëheqësin e tezës dhe palët e interesuara.
Përderisa këto të dhëna do të analizoheshin nëpërmjet analizave statistikore përkatëse, një kujdes
i vecantë i është kushtuar nivelit të detajimit të tyre dhe njësive matëse, që në fazën e përpilimit
të pyetësorit.
Në këtë studim, pyetësori është hartuar duke përdorur si pyetje të gatshme të përdorur në
pyetësorë të tjerë që kishin për objekt qëllime të ngjajshme por të realizuara në vende të
ndryshme, ashtu edhe pyetje të krijuara nga vet autori në varësi jo vetëm të objektivave të
kërkimit por edhe të rrethanave në të cilat kryhet studimi. Shumica e pyetësorëve përdorin
kombinime të pyetjeve të hapura dhe të mbyllura. Pyetjet e hapura u lejojnë të anketuarve të
përgjigjen sipas mënyrës së tyre pa u diktuar alternativat për përgjigje thotë Fink (2003).
Pyetjet e mbyllura apo ndryshe “pyetjet me zgjedhje të detyruar” , japin një numër alternativash
për përgjigje dhe kërkojnë që i anketuari të zgjedhi domosdoshmërisht njërën prej tyre. Këto lloj
pyetjesh janë më të thjeshta për tiu përgjigjur dhe kërkojnë më pak kohë. Në pyetësor janë
përfshirë një sërë pyetjesh të mbyllura si:
të listuara, ku të anketuarve iu ofrohet një listë nga e cila ata mund të zgjedhin, si në
rastin e mënyrës së përdorimit të burimeve natyrore;
kategorike, ku vetëm një përgjigje mund të zgjidhet nga një seri e dhënë kategorish si në
rastin e karakteristikave demografike;
vlerësuese, në të cilat përdoret një mekanizëm vlerësimi zakonisht sipas shkallës Likert
ku u kërkohet të anketuarve sa vlerësojnë një pohim apo një seri pohimesh, duke përdorur
një shkallë vlerësimi me 5 nivele (shumë dobët, dobët, nuk e di, mirë, shumë mirë)
sasiore, ku përgjigja është një numër që paraqet sasi, si në rastin të ardhurave mesatare;
matrica, ku përgjigjet e dy apo me shumë pyetjeve mund të regjistrohen duke përdorur të
njëjtën rrjet si në rastin e vlerësimit të faktorëve që ndikojnë impaktin e politikave
decentralizuese;
Formulimi i çdo pyetjeje në pyetësor është bërë në mënyrë të kujdesshme për tu siguruar që
përgjigjet të jenë të vlefshme dhe të përfaqësojnë mendimet reale të pjesmarrësve në studim.
Pyetjet janë kontrolluar për përputhshmërinë brenda kontekstit për të cilën janë shkruajtur dhe jo
në mënyre abstrakte për të shmangur keqinterpretimet.
Sipas Sandhusen (2000), një pyetësor duhet të ndërtohet duke marrë në konsideratë objektivat e
studimit, teorinë e përdorur dhe duhet garantojë një rend normal të pyetjeve edhe nëse ato janë
68
specifike dhe të grupuara në seksione. Pyetësori i përdorur për intervistimin e anëtarëve të
komunitetit është i strukturuar në pesë pjesë kryesore.
Në pjesën e parë janë vendosur pyetjet që lidhen me informacionin identifikues të të ankëtuarve,
si qarku, rrethi, komuna, fshati dhe të dhënat demografike të tyre, si mosha, gjinia, arsimi dhe
punësimi.
Në seksionin e dytë janë përfshirë pyetje që lidhen me vlerësimin që të anketuarit i bëjnë proçesit
të decentralizimit. Kjo pjesë përmban pesë pyetje kategorike, të shprehura nëpërmjet shkallës
Likert me 5 nivele, nga shumë dobët deri në shumë mirë. Qëllimi i këtij seksioni është mbledhja
e të dhënave për vlerësimin që të anketuarit i bëjnë impaktit të decentralizimit, mënyrës si është
realizuar proçesi, mundësisë për të krijuar të ardhura, marrëdhënies së re të krijuar midis Nj.Q.V
dhe komunitetit dhe investimeve të kryera në kuadër të këtij procesi.
Seksioni i tretë përmban pyetje që lidhen me njohjen dhe përfshirjen e komunitetit në
vendimmarrje gjatë proçesit të decentralizimit. Duke qënë se një nga objektivat kryesor të
decentralizimt është pikërisht rritja e pjesmarrjes së komunitetit në vendimmarrje, pyetjet e këtij
seksioni kanë për qëllim mbledhjen e informacionit për njohjen e proçesit të decentralizimit të
burimeve natyrore dhe përfshirjen e komunitetit në aktivitetet e kryera gjatë tij, si edhe njohjen e
institucioneve përfaqësuese dhe rolit të tyre.
Pjesa e katërt e pyetësorit synon mbledhjen e të dhënave në lidhje me mbrojtjen dhe garantimin e
zhvillimit të qëndrueshëm të pyjeve dhe kullotave komunale. Pyetjet e këtij seksioni kanë për
qëllim mbledhjen e të dhënave për ekzistencën e dëmtimit të pyjeve, mbrojtjen e tyre,
shpernzimet e kryera për mirëmbajtjen dhe zgjerrimin e tyre si edhe gatishmërinë e komunitetit
për të zbatuar praktika dhe mënyra për garantimin e zhvillimit të qëndrueshëm të këtyre
burimeve.
Në seksionin e pestë përfshihen pyetje që lidhen më të ardhurat familjare të të intervistuarve dhe
rëndësinë e burimeve natyrore në totalin e këtyre të ardhurave. Secili nga tre seksionet e fundit të
pyetësorit, është ndërtuar duke marrë parasysh tre objektivat kryesorë të decentralizimit të
burimeve natyrore që janë; forcimi i demokracisë nëpërmjet rritjes së pjesmarrjes së komunitetit
të vendimmarrje, zhvillimi i qëndrueshëm i këtyre burimeve dhe rritja e të ardhurave familjare
duke i përdorur ato në mënyrat e duhura.
Duke qënë se të dhënat e mbledhura janë analizuar me ndihmën e programeve kompjuterike, ato
janë koduar fillimish përpara se të hidhen në databazën përkatëse. Për pyetjet sasiore numrat e
përgjigjeve janë përdorur si kode. Për pyetjet e tjera është hartuar dhe përdorur një sistem kodimi
i cili është përfshirë në pyetësor që në momentin e formulimit të tij, përpara grumbullimit të të
dhënave.
Përpara përdorimit të pyetësorit për mbledhjen e të dhënave, është bërë një testim pilot me
kolegë dhe të afërm. Qëllimi i testimit pilot ishte pasurimi dhe qartësimi i pyetësorit në mënyrë
që të intervistuarit të mos hasin probleme në dhënien e përgjigjeve. Përveç kësaj testi pilot
mundësoi vlerësimin e vlefshmërisë së pyetjeve dhe besueshmërinë e të dhënave që do të
mblidheshin. Analiza paraprake me anë të testimit pilot u ndërmorr për tu siguruar që të dhënat e
mbledhura do të jëpnin pergjigje pyetjeve kërkimore.
69
3.4 Formimi i Shembullit
Për shumë objektiva e pyetje kërkimore është e pamundur të mblidhen e të analizohen të gjitha të
dhënat për çdo element të popullimit për të cilin jemi të interesuar, për shkak të kohës, buxhetit
në dispozicion dhe në disa raste, dhe aksesit në këto të dhëna. Në një situatë të tillë, sikurse
është dhe ky studim është marrë në konsideratë nëse ishte e nevojshme apo jo zgjedhja e
elementevë për tu studiuar nga tërësia e elementeve për të cilat kryhet studimi. Në këtë mënyrë
formohet mostra (shembulli, kampioni, zgjedhja janë sinonime të mundshme), një grup
elementesh të zgjedhura nga popullata, për tu bërë pjesë e studimit, me kusht që rezultatet e
përftuara të jenë përfaqësuese dhe përgjithësuese të tërësisë së popullatës, thotë Dillman, (2007).
Që një zgjedhje të jetë e mirë duhet që çdo element i saj të ketë informacionet dhe njohuritë për
të cilat ne si kërkues jemi të interesuar. Vetëm në këtë mënyrë zgjedhja mund të jetë
përfaqësuese dhe përgjithësuese për të gjithë elementet e popullimit.
Përdorimi i zgjedhjes ka tre përparësi kryesore sipas Berenson dhe Levine (1996) :
a. Kostoja është më e ulët
b. Koha për mbledhjen e të dhënave është më e shkurtër
c. Saktësia dhe homogjeniteti i rezultateve është më i lartë
Në këtë studim, korniza e zgjedhjes formohet nga të gjithë banorët e zonave rurale që banojnë në
ato komuna që janë pjesë e proçesit të transferimit të një pjese të burimeve natyrore. Për
përzgjedhjen e elementeve pjesmarrëse në studim është përdorur metoda empirike me kuota, ku
fillimisht janë paracaktuar qarqet dhe komunat ku do të zhvillohej studimi dhe pastaj u
përzgjodhën në mënyrë rastësore pjesmarrësit nga banorët e këtyre komunave.
Metoda e zgjedhjes me kuota ka disa avantazhe krahasuar me teknikat probabilitare. Në veçanti,
ajo është më pak e kushtueshme dhe mund të zbatohet shumë shpejt sipas Blumberg, (2005).
Përveç kësaj, ajo nuk kërkon një kornizë të zgjedhjes dhe, për këtë arsye, mund të jetë e vetmja
teknikë që mund të përdoret në qoftë se korniza nuk është në dispozicion. Në rastin tonë
evidentimi i të gjithë elementeve të popullatës ishtë shumë i vështirë dhe kërkonte shumë kohë
dhe investim. Duke qënë se sygjerohet të përdoret për popullata të mëdha duke qënë se për
popullatat e vogla, korniza e zgjedhjes është zakonisht e disponueshme, u vlerësua si një
alternativë e mirë për të formuar një shembull të mirë.
Një shpjegim më i detajuar i mënyrës së formimit të shembullit është dhënë në paragrafet e
mëposhtëm.
Mundësia për të zgjedhur një mostër është teknikë e njohur që i lejon kërkuesit të nxjerrë
konkluzione statistikore për popullatën në tërësi. Prandaj, një hap tjetër i rëndësishëm që duhet
sqaruar është përcaktimi i madhësisë dhe karakteristikave të popullatës nga do zgjidhet mostra.
Madhësia e zgjedhjes duhet të jetë e përshtatshme për kryerjen e analizave statistikore në
funksion të gjetjes së përgjigjeve për pyetjet kërkimore sipas Collis & Hyssey, (2003).
70
3.4.1 Përcaktimi i Popullimit
Tërësia e elementeve nga i cili është marrë zgjedhja quhet popullatë. Në këtë rast termi
“popullatë” nuk përdoret në kuptimin e parë të tij pasi nuk është e nevojshme që seti i plotë i
elementeve të jenë domosdoshmërisht individë, sikurse shpjegon Dillman, (2007). Në këtë
studim, popullata përbëhet nga të gjithë banorët e zonave që janë të përfshira në proçesin e
decentralizimit të pyjeve dhe kullotave komunale. Për arsye studimi, janë marrë në konsideratë
vetëm 8 nga 12 qarqet e vendit, bazuar në madhësinë e sipërfaqes së pyjeve dhe kullotave të
transferuar në pronësi të komunave. Përkatësisht, zgjedhja është formuar nga popullata e
banorëve të zonave rurale në qarqet Dibër, Elbasan, Gjirokastër, Korcë, Kukës, Fier, Lezhë dhe
Tiranë. Kufizim tjetër për të përcaktuar kornizën e zgjedhjes ka qënë edhe fakti nëse komunat e
këtyre qarqeve kanë qënë pjesë e proçesit të transferimit të pyjeve dhe kullotave. Kjo për shkak
se studimi ka për qëllim evidentimin e impaktit që ka patur ky proçes në aspektin ekonomik,
social dhe të zhvillimit të qëndrueshëm të burimeve natyrore, dhe nuk merr në konsideratë
mendimet e banorëve të atyre zonave që nuk janë prekur nga ky proçes.
3.4.2 Madhësia e Zgjedhjes
Madhësia e zgjedhjes është një nga çështjet më të diskutuara përsa i përket metodologjisë së një
kërkimi shkencor dhe shpesh krijohen keqkuptime në lidhje me raportin që duhet të ekzistojë
midis madhësisë së popullatës dhe madhësisë së zgjedhjes. Një zgjedhje e madhe përveç kostos
së lartë dhe kohës së gjatë që nevojitet për ta realizuar, mund të krijojë probleme edhe me
përpunimin e të dhënave për shkak të heterogjenitetit të përgjigjeve të mbledhura. Autorë të
ndryshëm kanë hulumtuar për madhësinë optimale të zgjedhjes për të garantuar një nivel të
kënaqshëm besimi.
Mënyra e përcaktimit të zgjedhjes në këtë studim është ajo e sygjeruar nga Nunnally &
Bernstein, (1978), sipas të cilëve raporti midis popullatës dhe zgjedhjes nuk duhet të jetë më i
ulët se 10 : 0.1.
Si rrjedhojë, në këtë studim është përcaktuar fillimisht zgjedhja e komunave nga tërësia e
komunave pjesmarrëse në proçesin e decentralizimit të burimeve natyrore, dhe më tej janë
përzgjedhur individët pjesmarrës, në mënyrë rastësore. Raporti midis popullatës dhe zgjedhjes u
caktua 10:1, kështu që kemi:
Popullata: 317 komuna ku është kryer proçesi i transferimit të pyjeve dhe kullotave
Raporti Popullatë : Zgjedhje është 10:1
Zgjedhja = 31 komuna
Edhe pse komunat e përfshira në proçesin e decentralizimit të burimve natyrore janë 317 në
tërësi, sikurse kemi përmendur mësipër, në studim janë marrë vetëm 8 qarqe nga 12 në rang
vendi dhe si rezultat numri i popullatës për këto 8 qarqe reduktohet nga 317 në 255 komuna.
Gjithsesi, autori vendosi të mos reduktojë numrin e komunave pjesmarrëse në studim duke
mbajtur madhësinë e zgjedhjes në 31 komuna, me qëllim përmirësimin e rezultateve të marra. Si
rrjedhojë, është rritur numri i zgjedhjes krahasuar me raportin e paracaktuar 10:1 në disa qarqe.
71
Në çdo komunë të përzgjedhur u vendos të kryheshin nga 5-10 pyetësorë me banorë të këtyre
zonave duke respektuar një sërë faktorësh që janë shpjeguar në paragrafin e mëposhtëm.
3.4.3 Përzgjedhja e Pjesmarrësve në Studim
Pasi u evidentuan dhe u përzgjodhën komunat që do përfshiheshin në studim, u përzgjodhën në
mënyrë rastësorë, banorë të këtyre komunave për t‟iu përgjigjur pyetësorit. Qëllimi kryesor ka
qënë formimi i një shembulli sa më përfaqësues në shkallë vendi, me banorë të qarqeve
përfaqësuese të përzgjedhura. Për formimin e shembullit u përzgjodhën përfaqësues për tu
intervistuar nga secila prej kategorive të të anketuarve, duke garantuar një mbulim të plotë të
popullatës për nga shpërndarja gjeografike, përfaqësimi gjinor, statusi social dhe ekonomik, etj.
Të intervistuarit janë nga 31 komuna të caktuara (përzgjedhur nga 255 njësi të qeverisjes lokale
që janë pjesë e proçesit të decentralizimit në këto qarqe) në 8 qarqe të vendit (nga 12), të tilla si:
Tiranë, Dibër, Kukës, Elbasan, Lezhë, Korçë, Gjirokastër dhe Fier. Në tabelën e mëposhtëme
janë paraqitur të dhënat për formimin e shembullit por edhe rezultati i pyetësorëve të vlefshëm
pas kontrollit dhe hedhjes së tyre në databazë. Parashikimi ishte prej 265 pyetësorë por pas
përfundimit të mbledhjes së të dhënave rezultuan të vlefshëmm 242 pyetësorë që u përdorën për
analizën e të dhënave. Norma e kthimit të përgjigjes është mbi 90 %.
Tabela 3.1: Shpërndarja e Shembullit
Qarku Nr.
Komunave
Nr. Komunave të Përzgjedhura për
Vrojtim
Pyetësorë të parashikuar/
Qark
Pyetësorë të vlefshëm/Qark
Dibër 30 3 35 26
Elbasan 40 8 60 62
Fier 29 2 20 8
Gjirokastër 31 3 20 20
Korcë 31 3 20 20
Kukës 25 5 40 42
Lezhë 19 4 40 34
Tiranë 20 3 30 30
Total 225 31 265 242
Në përcaktimin e numrit të komunave për anketim, të paraqitura në tabelën mësipër, autori u
udhëhoq nga këto kritere :
1. Përfaqësim proporcional gjeografik i vendit, duke e ndarë në tre zona kryesore, në
zonat veriore, jugore dhe të Shqipërisë së mesme (më shumë nga zona veriore sipas
sipërfaqes së pyjeve dhe kullotave të transferuara në pronësi të komunave);
2. Përfaqësimi në masen 10% të numrit të përgjithshëm të komunave, duke formuar një
shembull prej 31 komuna nga 317 në total, që kanë pënë pjesë e proçesit të transferimit
në rang vendi, e barabartë me 242 banorë për tu anketuar ( mesatarisht nga 5-10 banorë
për komunë).
72
3. Përfaqësimi i komunave, për nga madhësia e pyjeve dhe kullotave në komunë.
4. Përfaqësimi i komunave në bazë të numrit më të madh të popullsisë dhe numrit te
fshatrave të përfshira.
5. Në çdo komunë të përzgjedhur, u kryhen nga 5-10 intervista me anë të pyetësorit të
strukturuar (242 - numri i përgjithshëm për të gjitha 31 komunat).
3.5 Mbledhja e të Dhënave
Mbledhja e të dhënave u realizua në periudhën Maj-Qershor 2015 në komunat e përzgjedhura
paraprakisht, duke zbatuar me rigorozitet të gjithë faktorët përcaktues për formimin e shembullit.
Në të njëjtën kohë që u plotësuar pyetësorët me banorë të këtyre komuniteteve, u zhvilluan edhe
disa intervista gjysëm të struktururara me përfaqësues të njësive të qeverisjes vendore që
përfaqësonin këta banorë.
3.6 Analiza e të Dhënave
Bazuar në objektivat që kemi përcaktuar që në fillim të studimit por edhe në llojin e të dhënave
që kemi në dispozicion, janë përcaktuar paraprakisht mënyrat kryesore të përpunimit dhe
analizimit të të dhënave. Pas plotësimit të pyetësorëve, të dhënat janë kontrolluar dhe janë
hedhur në një databazë. Për përpunimin e tyre janë përdorur SPSS 20.0 dhe Megastat. Analiza e
tyre përfshin:
Analizën përshkruese
Analizën Komponentëve Kryesorë (PCA)
Analizën e regresionit të shumëfishtë linear
Kryerja e Testetve Paraprake
Përpara se të ndërrmerret çdo lloj analize e të dhënave, përfshirë Analizën Faktoriale ashtu edhe
Analizën e Komponentëve Kryesorë duhet të kryhen disa testime paraprake për tu siguruar për
qëndrueshmërinë e këtij seti të dhënash. Mëposhtë paraqiten në mënyrë të detajuar testet
paraprake që janë kryer.
a. Studimi i Vlerave Ekstreme
Vlerat ektreme janë ato vlera të cilat rregjistrohen për një ose disa variabla dhe që janë dukshëm
të ndryshme nga vrojtimet e tjera. Sipas Tabachnich (2007), këto vlera duhet të evidentohen
nëse ekzistojnë sepse në rastet kur janë të shumta shtrembërojnë analizën dhe si rrjedhojë edhe
rezultatet e studimit.
73
Disa nga arsyet pse ekzistojnë vlerat eksteme janë:
gabime në hedhjen e të dhënave
mungesë specifikimi i vlerave të munguara në sintaksën e kompjuterit dhe
konsiderimin e kodeve të vendosura për vlerat e munguara si të dhëna reale
gabime në përzgjedhjen e subjekteve që marrin pjesë në zgjedhje dhe përfshirja e
atyre që nuk janë përfaqësues të popullatës për të cilën jemi të interesuar.
zgjedhja e subjekteve përfaqësuese të popullatës por vet popullata ka vlera
ekstreme krahasuar me shpërndarjen normale
Për evidentimin e vlerave ekstreme ka disa mënyra por një nga më të përdorurat është testi
Mahalanobis.
b. Multikolineariteti
Multikolineariteti ndodh atëherë kur variablat e pavarura janë shumë të korreluar me njëri-tjetrin
sipas Tabachnick (2007). Ekzistenca e multikolinearitetit e bën të pamundur gjetjen e
vlerësuesve të saktë të koeficientëve të regresionit. Për të evidentuar ekzistencën ose jo të
multikolinearitetit llogariten disa tregues dhe më tej analizohen.
Fillimisht shikohet vlerat e Tolerance në Statistikat e Kolinearitetit. Sipas Menard (1995), një
vlerë tolerance më e ulët se 0.2, tregon për probleme me multikolinearitetin. Më tej, për të qënë
më të saktë shohim vlerat e Condition Index. Sipas Tabachnick and Fidell (2007), vlerat e
Condition Index nuk duhet të jenë më të larta se 30.
c. Normaliteti
Nëse Analiza e Komponentëve Kryesorë përdoret në mënyrë përshkruese, supozimet rreth
shpërndarjes nuk janë thelbësore, thotë Tabachnick (2007), edhe pse shpërndarja normale e të
dhënave përforcon rezultatet e gjetura.
Kur numri i komponentëve përcaktohet duke përdorur inferencën statistikore, është e supozuar
ekzistenca e normalitetit multivariate. “Normaliteti i variablave të vetëm vlerësohet nëpërmjet
lakueshmërisë” citon Tabachnick & Fidell, (2007), – prandaj, shpërndarja e variablave që kemi
marrë në studim duhet të studiohet për zhvendosje (anshmëri).
Analiza Përshkruese e të Dhënave
Statistika përshkruese është termi që përdoret për analizën e të dhënave që ndihmon në
përshkrimin, shfaqjen ose përmbledhjen e të dhënave në një mënyrë kuptimplotë. Statistikat
përshkruese megjithatë, nuk na lejon të nxjerrim konkluzione përtej të dhënave që kemi analizuar
ose të gjykojmë në lidhje me ndonjë nga hipotezat që mund të kemi ndërtuar. Ato janë thjesht një
mënyrë për të përshkruar të dhënat. Në përgjithësi, ka dy lloje të përgjithshme të statistikës
përshkruese:
74
Matësit e tendencës qendrore: përfshihen mënyrat për të përshkruar pozicionin qendror të një
shpërndarjeje të frekuencave për një grup të të dhënave. Ne mund të përshkruajnë këtë pozicion
qendror duke përdorur një numër statistikash si, moda dhe mesatarja.
Treguesit e shpërndarjes: janë mënyra për të përmbledhur një grup të dhënash duke përshkruar
se si është shpërndarë rezultati. Për të përshkruar këtë shpërndarje, janë në dispozicion disa
statistika, duke përfshirë kuartilet, devijimi absolut, varianca dhe devijimi standard.
Kur ne përdorim statistikat përshkruese është e dobishme që të dhënat e mbledhuar të
përmblidhen në grupe duke përdorur një kombinim të përshkrimit tabelar, grafikë (p.sh., grafikët
dhe skema) dhe komenteve statistikore (p.sh., një diskutim i rezultateve).
Analiza përshkruese e të dhënave është ndarë në tre pjesë kryesore, sipas objektivave që duam të
arrijmë me anë të këtij studimi, pikërisht; çfarë mendojnë të anketuarit për impaktin e
decentralizimit të menaxhimit të burimeve natyrore në rritjen e të ardhurave familjare, në
pjesmarrjen e komunitetit në vendimmarrje në lidhje me këto burime, dhe në mënyrat e
përdorimit të këtyre burimeve dhe garantimi i zhvillimit të qëndrueshëm të tyre. Në analizën
përshkruese, do të jepen nëpërmjet paraqitjes tabelare dhe grafike, të dhënat e mbledhura nga të
anketuarit për secilën prej këtyre çeshtejeve, po jo vetëm nëpërmjet një pyetjeje por nëpërmjet
disa prej tyre. Për përmbushjen e secilit objektiv do të analizohen një sërë pyetjesh që vlerësohen
si matës të mirë të tij.
Analiza Shumëfaktoriale e të Dhënave
Analiza multivariate e të dhënave është kryer për të kuptuar më mirë lidhjet e shumëfishta që
ekzistojnë ndërmjet variablave të marrë në studim. Ndër mënyrat më të përdorshme të kësaj
analize janë Analiza Faktoriale dhe Analiza e Komponentëve Kryesorë. Qëllimi i të dyja këtyre
metodave është të studiojë një sërë variablash dhe të zbulojë nëngrupe të këtyre variablave të
cilat janë relativisht të pavarur nga njëra-tjetra.
Në studimin tonë do të përdorim Analizën e Komponentëve Kryesorë për të grupuar variablat e
marrë në studim dhe për të përftuar komponentë.
Hapat e interpretimit të analizës së komponentëve kryesorë janë:
(1) përzgjedhja dhe matja e variablave,
(2) përgatitja e matricës së korrelacioneve,
(3) vlerësimi i përshtatshmërisë së përdorimit të kësaj analize,
(4) vlerësimi i përshtatshmërisë së nxjerrjes dhe përcaktimi i numrit të komponentëve,
(5) nxjerrja e komponentëve dhe ndryshimi i emërtimit për të lehtësuar interpretimin e tyre, dhe
(6) interpretimi i rezultateve.
75
a. Përshtatshmëria e përdorimit të analizës faktoriale dhe të analizës së
komponentëve kryesorë:
Sikurse u përmend edhe mësipër, qëllimi i analizës faktoriale dhe asaj të komponentëve
kryesorë, është të derivohen faktorë që janë kombinime lineare të variablave të veçantë. Kushti
fillestar i derivimit të këtyre faktorëve është që variablat të jenë të korreluar me njëri-tjetrin, dhe
për të zbuluar këtë analizohet matrica e korrelacioneve “Correlation Matrix”.
Për të studiuar korrelacionet e pjesshme shikohet vlera e treguesit të përshtatshmërisë së
zgjedhjes, Kaiser-Meyer-Olkin (KMO).
Një korrelacion i pjesshmën është një vlerë që mat fortësinë e lidhjes ndërmjet një variabli të
varur dhe një variabli të pavarur shpjegues, kur ndikimi i variablave të tjerë të pavarura mbahet i
pandryshuar, sikurse thekson edhe Hair (2006).
Për vlera shumë të ulëta të KMO, nuk rekomandohet përdorimi i analizës faktoriale dhe asaj të
komponentëve kryesorë. Në vijim studiohet edhe “Bartlett’s Test of Sphericity”.
b. Përshtatshmëria dhe numri i komponentëve të derivuar:
Për të përcaktuar numrin e komponentëve të nxjerrë nga analiza e komponentëve kryesorë
shikohen vlerat e “Communalities”, që përfaqësojnë përpjesën e variancës së çdo variabli të
shpjeguar nga komponentët e përbashkët. Kjo vlerë varion nga 0 në 1, ku vlera 0 nënkupton se
nuk shpjegohet varianca e variablit nga faktori i përbashkët ndërsa vlera 1 nënkupton që e gjithë
varianca e variablit shpjegohet nga faktori i përbashkët.
c. Nxjerrja dhe rrotullimi i faktorëve për të rritur interpretueshmërinë e
tyre
Proçedura e ekstraktimit shoqërohet kryesisht nga rrotullimi i matricës së komponentëve që
përmirëson interpretimin dhe funksionin shkencor të zgjidhjes së gjetur. Sipas Nourusis (2003),
qëllimi i rrotullimit është të arrihet në një strukturë të thjeshtë në të cilën çdo faktorë të ketë
peshën më të madhe në vlerë absolute për vetëm disa variabla, duke e bërë më të thjeshtë
identifikimin e tyre.
d. Qëndrueshmëria e Brendshme e Faktorëve
Koeficienti Cronbach‟s Alpha është një matës i mirë i qëndrueshmërisë së brendshme të një
konstrukti të caktuar. Vlerat e këtij treguesi shkojnë nga 0 në 1, dhe sa më të larta të jenë (më
shumë se 0.70), aq më i mirë është konstrukti, dmth që variablat e përfshirë në të përdoren për të
vlerësuar të njëjtën gjë
76
Analiza Regresive e të Dhënave
Sikurse është përmendur që në fillim të punimit, qëllimi i studimit është të vlerësohet impakti i
decentralizimit të burimeve natyrore duke u nisur nga vlerësimi i aspekteve që preken nga ky
proçes. Në modelin konceptual, variablat e marra në studim, të cilat janë cilësuar si të
rëndësishme për të vlerësuar impaktin e decentralizimit, u grupuan bazuar në tre aspekte
kryesore, përkatësisht, aspekti ekonomik, social dhe garantimi i zhvillimit të qëndrueshëm të
këtyre burimeve. Për të matur ndikimin e këtyre variablave në vlerësimin e impaktit të
decentralizimit duhet të bëhej analiza regresive, ku variabli “vlerësimi i impaktit” të ishte
variabli i varur dhe gjithë të tjerët variabla shpjegues. Duke qënë se janë shumë variabla dhe
ekziston problemi i multikolinearitetit nëse përfshihen në ekuacionin e regresit në formën
fillestare, si variabla shpjegues në vend të tyre, u përdorën komponentët e përftuar nga analiza e
komponentëve kryesorë. Zhvillimi i analizës së komponentëve kryesorë në vetvete kishte për
qëllim pikërisht grupimin e këtyre variablave në komponentë që janë kombinime lineare të tyre.
Në këtë mënyrë vlerësohet ndikim i tyre në impaktin e decentralizimit por duke eliminuar
problemin e multikolinearitetit duke qënë se komponentët janë variabla të pakorreluar.
77
KAPITULLI IV
ANALIZA E TË DHËNAVE
78
KAPITULLI IV
4. ANALIZA E TË DHËNAVE
4.1 Analiza e të Dhënave Dytësore
4.1.1 Rëndësia e Dektorit të Pyjeve dhe Kullotave në Shqipëri
Territori i përgjithshëm i Republikës së Shqipërisë, klasifikohet në 60% të sipërfaqes së tij si
pyje dhe kullota, duke krijuar kështu Fondin Kombëtar të Pyjeve dhe Kullotave. Sipas Inventarit
Kombëtar të Pyjeve, sipërfaqja pyjore në vitin 2013 ishte 1,498,570 ha. Sikurse përmendet edhe
në “Planin Kombëtar për Zbatimin e Marrëveshjes së Stabilizim-Asociimit , 2012-2015”, pyjet
dhe kullotat përgjithësisht shtrihen në terrene kodrinore e malore, shpesh herë të pa mbritshëm
për t‟ju shërbyer, pa infrastrukturën e nevojshme për ti përdorur dhe larg për të shijuar
intensivisht vlerat rekreative dhe çlodhëse. Shqipëria mund të konsiderohet e pasur me sipërfaqe
pyjore, madje dhe me potencial të lartë prodhues, por me mundësi të ulët të prodhimit aktual.
Sikurse në pjesën më të madhe të vendeve në zhvillimin, edhe në vendin tonë burimet natyrore
dhe më konkretisht pyjet dhe kullotat, kanë një rëndësi të madhe për garantimin e jetesës së
komunitetit rural dhe jo vetëm. Ndikimi i tyre është domethënës për çdo ekonomi, por në situata
sikurse vendi ynë, ky ndikim merr më shumë peshë për një sërë arsye siç janë: niveli i lartë i
varfërisë, numri i lartë i popullsisë që jeton në zonat rurale, lidhjes ndërmjet pylltarisë dhe
bujqësisë dhe ndikimit të sektorit të bujqësisë në Produktin e Brendshëm Bruto (PBB).
Niveli i Varfërisë
Asnjë sektor tjetër nuk ka në Shqipëri një impakt kaq të rëndësishëm mbi popullsinë rurale të
prekur nga varfëria se sa sektori i pyjeve dhe kullotave, duke marrë parasysh që banorët e zonave
rurale janë ata që përballen kryesisht me varfërinë ekstreme. Për këta banorë, shfrytëzimi i këtyre
burimeve është shpesh mundësia e vetme për të siguruar jetesën, në pamundësi për të krijuar të
ardhura të tjera. Mungesa e kapitaleve të tjera bën që këto komunitete të jenë tërësisht të varura
nga produktet e siguruara nga pylltaria. Në bazë të Anketës së Matjes së Nivelit të Jetesës, të
kryer nga Instat, janë paraqitur mëposhtë të dhënat për nivelin e varfërisë ekstreme në rajonin
malor, si më i prekuri nga ky fenomen.
Tabela 4.1. Treguesit e Varfërisë sipas Viteve (2002 – 2012)
Matësit e varfërisë
Rajoni Malor
2002 2005 2008 2012
I varfër Tejet i varfër I varfër Tejet i varfër I varfër Tejet i varfër I varfër Tejet i varfër
Përqindja 44.5 10.8 25.2 3.1 25.9 3.7 15.1 1.2
Hendeku 11.1 2 5 0.4 5.5 0.5 2.4 0.1
Ashpërsia 4.1 0.5 1.5 0.1 1.7 0.1 0.6 0
Burimi: Anketa e Matjes së Nivelit të Jetesës, AMNJ 2002, 2005, 2008, 2012, Instat
79
Sikurse mund të shihet nga të dhënat e mësipërme, edhe pse ka një reduktim të dukshëm të
nivelit të varfërisë në zonat malore nga 44.5 % që ishte në 2002 në 15.1% në 2012, dhe asaj
ektreme nga 10.8% në 1.2%, vlerat ngelen sërisht të larta dhe problematike.
Duhet theksuar se roli i pylltarisë në zbutjen e varfërisë nuk njihet plotësisht në nivel kombëtar.
Megjithëse, disa statistika të IKP (2004) tregojnë se të ardhurat vjetore nga pylltaria shkojnë në
0.83-1.5 Milionë Euro/vit, të ardhurat nga materiali drusor janë 50-75% të tyre dhe të ardhurat
nga bimët mjekësore dhe produktet e tjera jo-drusore janë 12-30%.
Numri i popullsisë që jeton në zonat rurale
Një arsye tjetër që forcon rëndësinë e këtij sektori në vendin tonë është numri i popullsisë që
jeton në zonat rurale. Shqipëria është një vend që tradicionalisht është karakterizuar nga nivele të
larta të popullsisë që jetojnë në zonat rurale, krahasuar me vende të tjera të Europës. Kjo prirje e
derivuar nga e kaluara historike ka vazhduar edhe gjatë viteve të para të tranzicionit, kur ende më
shumë se gjysma e popullsisë vazhdonte të jetonte në zonat rurale. Për herë të parë, në
rregjistrimin e popullsisë dhe banesave të bërë nga Instituti i Statistikave në vitin 2011, vendi ynë
numëronte më shumë popullsi urbane se rurale, përkatësisht mbi 47 % e popullsisë së vendit
jetonte në zonat rurale dhe 53% në zonat urbane. (INSTAT, 2012).
Tabela 4.2. Shpërndarja e Popullsisë sipas Vendbanimit
2001 2011
Popullsia Urbane 1,294,196 42% 1,498,508 53%
Popullsia Rurale 1,775,079 58% 1,301,630 47%
Total 3,069,275 100% 2,800,138 100%
Burimi: Census 2001, Census 2011, Instat
Sipas Bankës Botërore, ka një disproporcion ndërmjet shpërndarjes së popullsisë dhe
shpërndarjes së burimeve natyrore, i cili ka një ndikim të madh në përdorimin e këtyre burimeve.
Lidhja e pylltarisë me bujqësinë
Bujqësia dhe pylltaria janë dy komponentët më të rëndësishëm në përdorimin e territorit në zonat
rurale dhe kanë qenë të lidhura ngushtë me njëra tjetrën përgjatë historisë.
Në Shqipëri, sikurse përmendet nga Lako (2008), banorët e zonave rurale menaxhojnë
njëkohësisht tokën bujqësore dhe pyjet, sipas disa sistemeve tipike agro-pyjore. Brenda këtyre
sistemeve agro-pyjore, kulturat bujqësore, drurët dhe bagëtitë menaxhohen në të njëjtën copë
toke. Si rrjedhojë, zhvillimi i pyjeve dhe kullotave sjell ndikim të drejtpërdrejtë në zhvillimin e
bujqësisë në tërësi.
Ndikimi i pyjeve në Ekonomi
Bujqësia dhe pyjet kanë qenë degë të rëndësishme të ekonomisë kombëtare. Në vitin 1992 ky
sektor kontribuonte me 42.5% të prodhimit të brendshëm Bruto (PPB). Zhvillimet e kohëve të
fundit e kanë ndryshuar strukturën e PPB, ku bujqësia siguron vetëm 16.5% të PPB (2013).
Zvogëlimi i kontributit të bujqësisë në PPB nuk do të thotë që është zvogëluar edhe prodhimi
bujqësor, përkundrazi, ku prodhim është rritur me 5% çdo vit, sikurse raporton Instat (2013).
80
Prodhimet pyjore nuk pasqyrohen si zë më vete, por është më se e ditur që bujqësia dhe pyjet
garantojnë jetesën e gati gjysmën e popullatës, kryesisht në ferma të vogla familjare.
Vetëm këto të dhëna, pa analiza të tjera të detajuara, nuk reflektojnë rolin që luan pylltaria në të
vërtetë në ekonomi. Është e nevojshme të merren parasysh jo vetëm produktet nga sektori pyjor
por edhe përfitimet e tjera prej tyre dhe shërbimet mjedisore si një premisë për menaxhimin e
qëndrueshëm të tyre në të ardhmen.
Në zonat malore pyjet shërbejnë si burim për drutë e zjarrit, por edhe në zonat urbane drutë
përdoren për ngrohje e gatim. Në disa zona, pylltaria është e vetmja mundësi punësimi duke u
kthyer në një faktor kryesor në zbutjen e varfërisë dhe migracionit.
Krahas përfitimeve të mundshme nga pyjet dhe kullotat, duhet të merret në analizë edhe
investimet e kryera nga qeveria për këto burime. Në tabelën e mëposhtme janë paraqitur
shpenzimet qeveritare për vitet 2005-2010 për pyllëzime, përmirësime pyjesh, sistemime malore,
përmirësime kullota dhe vepra për sigurimin e ujëmbledhësave, sipas MMPAU (2013).
Vlera më e madhe e investimeve është realizuar deri në vitet 2006-2007 dhe pas vitit 2008 vihet
re një rënie e dukshme e shpenzimeve për rritjen dhe mirëmbajtjen e këtyre burimeve. Kjo është
e justifikuar edhe me vendimin e qeverisë në vitin 2008 për transferimin e pronësisë së pyjeve
dhe kullotave komunale te njësitë e qeverisjes vendore. Si rrjedhojë, pas vitit 2008 janë reduktuar
edhe sipërfaqet për të cilat qeveria qëndore kujdeset dhe mirëmban.
Tabela 4.3 Punimet dhe Investimet e realizuara në vitet 2005-2010
Vitet
Pyllëzime Përmirësim pyjesh Sistemime malore Përmirësim
kullota
Vepra në kullota për sig.e ujit të
pijshëm Total
000/lekë
ha 000/lekë ha 000/lekë m3 000/lekë ha 000/lekë nr. 000/lekë
2005 247.9 35,316 1,657.1 48,959 3,550.7 22,211 351.1 6,328 53 27,034 139,848
2006 199 36,677 661.1 24,612 10,514.5 68,372 139.1 3,826 16 8,819 142,306
2007 198.6 40,594 1,322 46,059 8,598 59,390 28.5 889 6 4,199 151,131
2008 330.2 65,837 508.5 19,200 3,088.7 21,625 0 0 22 9,657 116,319
2009 293.4 51,995 249.7 7,924 2,455.8 14,959 0 0 18 8,623 83,501
2010 126 26,600 0 0 0 0 0 0 0 0 26,600
TOTALI: 1,395.1 257,019 4,398.4 146,754 28,207.7 186,557 518.7 11,043 115 5,8332 659,705
Burimi: Ministria e Mjedisit, Pyjeve dhe Administrimit të Ujërave, IKP, 2013
4.1.2 Kushtet Ekologjike të Pyjeve dhe Kullotave
Pyjet dhe kullotat janë të shpërndara pothuajse në të gjithë vendin, veçanërisht në zonat malore
dhe kodrinore. Relievi i Shqipërisë është kryesisht kodrinor-malor, i vendosur kryesisht mbi
formacione magmatike dhe sedimentare; me shpate të pjerrët, pjesërisht të paqëndrueshëm, me
një lartësi mesatare prej 708 m mbi nivelin e detit, e cila është më se dy herë me e lartë se
mesatarja e Evropës.
81
Shqipëria është një vend i pasur me pyje. Në vitin 2013, sipas IKP, Fondi Pyjor i Shqipërisë,
përbëhej nga një sipërfaqe prej 1,041,390 ha pyje1, shkurre, tokë me bimësi pyjore/kullosore
2.
Tabela 4.4. Ndarja e Sipërfaqes Pyjore të Shqipërisë për vitet 2003, 2008 dhe 2013.
2003 2008 2013
Sipërfaqja pyjore e Shqipërisë ndahet në: në ha në% në ha në% në ha në%
1- Pyje (të ndara në) 941,697 100 1,024,300 100 1,041,361 100
a)Trungishte 294,957 31.33 431,900 42.16 452,228 43.42
b)Cungishte 405,016 43 339,500 33.14 336,800 32.34
c)Shkurre 241,724 25.67 252,900 24.70 252,333 24.24
2-Tokë me bimësi pyjore 557,260 3,200 29,400
Burimi: Ministria e Mjedisit, Pyjeve dhe Administrimit të Ujërave, IKP, 2003, 2008, 2013.
Autorë të ndryshëm si Muharremaj (2008), pranojnë ekzistencën e pronësisë private dhe
komunale mbi pyje që shumë vite më parë në vendin tonë por për shkak të mungesës së të
dhënave, analiza e detajuar për periudhat e hershme nuk mund të bëhet. Gjithsesi, në Kapitullin
2, te rishikimi i literaturës për legjislacionin mbi këto burime, është vënë në dukje ekzistenca e
formave të ndryshme të pronësise ne periudha të ndryshme. Në tabelën e mëposhte janë paraqitur
të dhënat për disa vite, duke filluar që në vitin 1945 deri në vitin 2012. Sikurse është evidente,
në vitin 1945 pothuajse e gjithë sipërfaqja e pyjeve në Shqipëri ishte në pronësi shtetërore, rreth
93%, ndërsa pyje komunale ishin vetëm 1.5% dhe pjesa tjetër, 5.5% ishte në pronësi private. Kjo
situatë është e krijuar nën ndikimin e vendosjes së sistemit të atëhershëm qeverisës, ku pjesa më
e madhe e pasurive kombëtare u vendosën nën kontrollin shtetëror. Në vitin 2006, 10 vjet pas
fillimit të proçesit të transferimit të këtyre burimeve në pronësi të Nj.Q. V, 32% e pyjeve ishin në
pronësi komunale dhe 66% në pronësi shtetërore. Pas shtrirjes së proçesit në të gjithë territorin e
vendit, në vitin 2008, kjo % është rritur në 47% e sipërfaqes totale, si rezultat edhe i nxitjes nga
ana e të gjithë agjentëve të përfshirë, për përfundimin e këtij proçesi.
Tabela 4.5. Kushtet e Pronësisë së Pyjeve në Shqipëri (1945 – 2012)
1945 2006 2008 2010 2012
Emërtimi Sip.Ha % Sip.Ha % Sip.Ha % Sip.Ha % Sip.Ha %
Pyje shtetërore 1,050,000 93 688,910 66 529,200 51 525,810 50 527,930 50
Pyje komunale 16,000 1.5 335,850 32 482,600 46 489,530 47 486,630 47
Pyje private 63,000 5.5 18,550 2 28,400 3 27,420 3 26,830 3
Gjithsej 1,129,000 100 1,043,310 100 1,040,200 100 1,042,760 100 1,041,390 100
Burimi: Ministria e Mjedisit, Pyjeve dhe Administrimit të Ujërave
1 Pylli përkufizohet si një sipërfaqe më e madhe se 0.1 ha e mbuluar jo më pak se 30% me drurë
[Ligji nr. 9385 “Për pyjet dhe Shërbimin Pyjor] 2 Toka me bimësi pyjore përkufizohet si një sipërfaqe e mbuluar në 5-30% me vegjetacion pyjor,
e paregjistruar në kadastra të tjera. [Ligji nr. 9385 “Për pyjet dhe Shërbimin Pyjor]
82
4.1.3 Ecuria e Procesit të Decentralizimit të Menaxhimit të Burimeve Natyrore
Transferimi i pyjeve në përdorim të Njësive të Qeverisjes Vendore-NQV ështe një nga reformat
më të rëndësishme në sektorin e pyjeve në vendin tonë. Filozofia pas proçesit të transferimit të
pyjeve shtetërorë komunave është pikërisht njohja e nevojave të popullatave lokale për produkte
pyjore dhe shërbime, dhe e të drejtës së tyre për ti përdorur ato.
Proçesi i transferimit filloi në vitin 1996 dhe u shtri në të gjithë territorin e Republikës së
Shqipëri në vitin 2008, kur me VKM. u përcaktun sipërfaqet e transferuara për çdo Nj.Q.V që
përmbushte kriteret e vendosura. Parimet kryesore që u zbatuan për menaxhimin e qëndrueshëm
të pyjeve komunalë, sipas Lako (2008) janë:
Rritje e përqendrimit tek njerëzit, jo tek drurët;
Menaxhimi pyjeve të bëhet nga banorët vendas jo nga njerëz jashtë komunitetit;
Pjesëmarrje aktive e anëtarëve të komunitetit gjatë proçesit të përgatitjes dhe
zbatimit të planit të menaxhimit.
Transferim i kompetencave dhe përgjegjësive te komuniteti;
Trajnim dhe ngritje kapacitetesh të komunitetit mbi menaxhimin e qëndrueshëm
të pyjeve, etj.
Pa dyshim që kalimi i pyjeve dhe kullotave në përdorim komunal ka bazë ligjore dhe është
plotësisht i ligjshëm, sipas Muharremaj (2008) për faktin se:
- Bazohet në akte ligjore, si në ligjin për pyjet, ligjin për kullotat e livadhet dhe në Rregulloren
e Ministrisë së Bujqësisë Nr. 308 datë 26.01.1996 “Për kalimin e pyjeve dhe kullotave
komunale për përdorim dhe administrim”. Më vonë, kalimi u sanksionua dhe u zhvillua edhe
në ligjin për qeverisjen vendore të vitit 2000, në ligjin për pronat publike dhe në ligjin për
transferimin e pronave të vitit 2001;
- Në bazë të akteve të mësipërme, kalimi i sipërfaqeve pyjore e kullosore nga shërbimi pyjor
tek komunat e bashkitë është miratuar nga Drejtoria e Përgjithshme e Pyjeve dhe Kullotave,
si autoriteti përgjegjës për pronat pyjore e kullosore shtetërore;
- Midis çdo komune ose bashkie dhe drejtorisë së shërbimit pyjor të rrethit përkatës është
nënshkruar kontratë e rregullt me të drejtat dhe detyrimet e ndërsjellta, me fuqi të plotë
ligjore, e mbështetur dhe në një sërë dokumetesh të tjerë, si:
plani i mbarështrimit të pyjeve e kullotave të komunës, i miratuar nga këshilli i komunës
dhe DSHP;
hartat me kufijtë midis komunave e fshatrave kufitare, të nënshkruara nga komisionet e
përbashkëta të caktuara për këtë qëllim, përfshirë dhe kufijtë e ngastrave në përdorim të
përbashkët të fshatit apo të familjeve, të caktuar nga komisioni i fshatit dhe të miratuar në
këshillin e komunës;
Proçesi i kalimit ka të bëjë me rritjen e mirëqenies shoqërore, e cila është konsakruar dhe në
Kushtetutën e Republikës së Shqipërisë. Treguesit kryesorë të arritjeve në menaxhimin e pyjeve
komunalë në Shqipëri gjatë periudhës 1996- 2013 janë paraqitur në Tabelën 4.6:
83
Tabela 4.6. Ecuria e Procesit të Transferimit të Pyjeve dhe Kullotave (1996 – 2013)
Qarku Nr. Komunave
ku ka përfundura transferimi
Lloji i sipërfaqeve të transferuara (ha)
Pyll Kullota Sip.me bimësi
pyjore, ujore, djerrë Totali
Berat 23 24,224.48 9,505.63 4,494.62 38,224.73
Dibër 30 50,400.74 16,174.89 5,633.91 72,209.54
Durrës 13 9,112.04 819.81 1,408.93 11,340.78
Elbasan 40 65,908.59 13,129.34 22,681.41 101,719.3
Fier 29 11,315.55 2,026.75 2,115.33 15,457.63
Gjirokastër 31 32,562.75 59,565.80 2,133.53 94,262.08
Korçë 31 51,091.03 18,574.85 3,698.49 73,364.37
Kukës 25 55,720.69 22,460.95 12,502.59 90,684.23
Lezhë 19 56,695.45 2,098.02 7,808.23 66,601.71
Shkodër 32 91,200.33 13,253.92 22,038.86 126,493.10
Tiranë 20 16,943.42 621.87 3,610.57 21,175.86
Vlorë 24 22,877.40 35,513.43 1,873.8 60,264.63
Totali 317 488,052.47 193,745.3 90,000.27 771,798
Burimi: Ministria e Mjedisit, Pyjeve dhe Administrimit të Ujërave, 2013
Sikurse paraqitet edhe në tabelën e mësipërme, në fund të vitit 2013, proçesi transferimit të
këtyre burimeve natyrore në pronësi të Nj.Q.V ka përfunduar në 317 komuna në të gjithë vendin,
duke u përllogaritur rreth 1,000,000 banorë të këtyre zonave të prekur dhe rreth 488,000 Ha
pyje, 193,000 Ha kullotë dhë 90,000 Ha sipërfaqe tjetër tokë shtetërore transferuar në përdorim
të Nj.Q.V. Edhe njëherë, këto të dhëna justifikojnë rëndësinë e këtij proçesi në tërësi dhe nevojën
e vlerësimit të impakteve që ka sjellë për komunitetet e këtyre zonave të prekura.
4.2 Analiza Përshkruese e të Dhënave
Në këtë pjesë do paraqesim shkurtimisht analizën përshkruese të një sërë indikatorësh që janë
vlerësuar si të rëndësishëm për tu studiuar për të përmbushur objektivat e studimit. Impakti i
porcesit të decentralizimit synohet të vlerësohet duke analizuar 3 aspekte kryesore sikurse kemi
përmendur, aspektin ekonomik, social dhe garantimin e zhvillimit të qëndrueshëm. Sikurse është
paraqitur në modelin konceptual, (Figura 3.1), secili nga këto aspekte vlerësohet nëpërmjet disa
indikatorëve, të dhënat për të cilët janë paraqitur mëposhtë dhe janë analizuar në mënyrë
përshkruese.
Sikurse është shpjeguar edhe në kapitullin 3, synimi i studimit ishte të realizoheshin 265
intervista të strukturuara në 8 qarqe të vendit por në përfundim të kontrollit dhe hedhjes së të
dhënave vetëm 242 pyetësorë u klasifikuan si të vlefshëm për tu marrë në analizë. Krahas shumë
faktorëve përcaktues, dy më të rëndësishmit që kanë përcaktuar këtë shpërndarje janë; madhësia
84
e sipërfaqeve me pyje dhe kullota që çdo qark ka, si edhe madhësia e sipërfaqeve të transferuara
te organet e pushtetit vendor, pas implementimit të politikave decentralizuese në këtë fushë.
Figura 4.1 Ndikimi i Burimeve Natyrore në të Ardhurat Familjare (në %)
Rëndësia e studimit lidhet fillimisht me rëndësinë që kanë këto burime në sigurimin e të
ardhurave për banorët e zonave ku janë shtrirë ato. Është pikërisht motivi ekonomik ai që shtyn
komunitetin të kërkojë të shfrytëzojë burimet në dispozicion dhe po për këtë arsye kërkon të
bëhet pjesë e vendimmarrjes për të garantuar zhvillimin e qëndrueshëm të tyre. Nëse komuniteti
rural kryesisht, nuk do të ishte i varur nga burimet natyrore, decentralizimi i menaxhimit të tyre
do të ishte një çështje e parëndësishme dhe që nuk do sillte efekte për jetesën e tyre. Është
ndikimi i madh i këtyre burimeve në jetesën e komuniteteve rurale çka e bën këtë çështje të
ndjeshme dhe thelbësore për tu studiuar.
Sikurse është paraqitur në Figurën 4.1, bujqësia mbetet një burim të ardhurash për 94% të të
anketuarve, 25.2% e të cilëve e vlerësojna atë si burimin kryesor të të ardhurave të tyre familjare.
Kjo shifër është e kuptueshme duke pasur parasysh shtrirjen e studimit në zonat rurale ku pjesa
më e madhe e banorëve sigurojnë jetesën nëpërmjet bujqësisë. 21.5% e të pyeturve vlerësojnë se
pyjet janë burim të ardhurash për ta edhe pse në masë më të vogël se bujqësia nga të cilët 20%
deklarojnë se sigurojnë pak të ardhura nga pyjet. Vetëm 14% e të pyeturve deklarojnë se
sigurojnë të ardhura nga kullotat ndërsa më shumë se 25 % sigurojnë të ardhura nga bimët
medicinale. % e ulët e të ardhurave të siguruara nga kullotat lidhet me ndikimin indirekt që ato
kanë në krijimin e të ardhurave nëpërmjet blektorisë por që nuk është analizuar si zë më vete në
këtë rast. Ajo që vihet në dukje është rëndësia e këtyre burimeve për garantimin e të ardhurave të
këtyre banorëve dhe si rrjedhojë edhe rëndësia e menaxhimit të tyre.
85
Figura 4.2 Vlerësimi i Mundësisë për të krijuar të ardhura pas Kalimit të Pyjeve dhe
Kullotave në Pronësi të Nj.Q.V
Një nga objektivat e studimit është vlerësimi i mundësisë për të krijuar të ardhura pas
ndërmarrjes së transferimit të pyjeve dhe kullotave në pronësi të komunës, për të evidentuar
efektin e këtij proçesi. Sikurse është përmendur, një nga ndikimet më të rëndësishme të
decentralizimit të menaxhimit të burimeve natyrore është mundësia për të krijuar të ardhura nga
përdorimi i këtyre burimeve. Kjo mbështetet edhe nga përgjigjet e marra nga komuniteti ku më
shumë se 86% e tyre e vlerësojnë këtë kalim si një mundësi e mirë për të rritur të ardhurat e
krijuara nga këto burime. Vetëm 13.2% e tyre e vlerësojnë dobët mundësinë për të rritur të
ardhurat pas transferimit të tyre.
Figura 4.3 Pagesa e Taksave dhe Investimet e kryera për Përmirësimin e Pyjeve Komunale
86
Rëndësia e transferimit të këtyre burimeve në pronësi të njësive të qeverisjes vendore synon
administrimin më efiçent të tyre. Kjo tentohet të realizohet nëpërmjet krijimit të një sistemi për
mbledhjen e taksave nga përdorimi i këtyre burimeve dhe investimin e këtyre të ardhurave të
gjeneruara për mirëmbajtjen e këtyre burimeve. Realisht, më pak se 40% e të anketuarve
deklarojnë se paguajnë taksa për përdorimin e pyjeve dhe kullotave komunale ndërsa pothuajse
64 % e tyre pranojnë se janë kryer investime për përmirësimin e pyjeve dhe kullotave komunale.
% e ulët e pagesës së taksave lidhet me nivelin e e ulët të të ardhurave të banorëve në këto zona.
Banorët e zonave rurale, kryesisht në qarqet Kukës dhe Dibër, trajtohen me ndihmë ekonomike
dhe është e pamundur të përballojnë pagesën e taksave. Investimet e kryera aktualisht janë
mbështetur në pjesën më të madhe të rasteve me donacione nga organizata të huaja dhe shumë
pak me të ardhura të njësive të qeverisjes vendore.
Figura 4.4 Vlerësimi për Investimet e kryera në kuadër të zbatimit të Planit të Menaxhimit
Edhe pse garantimi i të ardhurave për zbatimin e tyre nuk realizohet nga tarifat e paguara nfa
komuniteti, vlerësimi për investimet e kryera është i mirë dhe shumë i mirë për pothuajse
gjysmën e të intervistuarve ndërsa pjesa tjetër i vlerëson ato dobët dhe shumë dobët (46.3%).
Krahas efektit ekonomik që vlerësohet me rritjen e të ardhurave dhe zbutjen e varfërisë në zonat
rurale, një efekt tjetër i rëndësishëm i decentralizimit është rritja e pjesmarrjes së komunitetit në
vendimmarrje dhe forcimi i demokracisë në këtë mënyrë.
87
Tabela 4.7 Përfshirja në Vendimmarrje
Frekuenca Përqindje
Përqindje e vlefshme
Përqindje Kumulative
Jo 152 62.8 62.8 62.8
Po 90 37.2 37.2 100.0
Total 242 100.0 100.0
Sikurse shihet në Tabelën 4.7, 37% e të anketuarve pranojnë të kenë marrë pjesë në vendimmarje
duke shprehur mendimet e tyre për mënyrën e përdorimit të pyjeve ndërsa 63% e tyre deklarojnë
që nuk kanë qënë pjesë e këtij proçesi.
Duhet të pranojmë se pjesmarrja në aktivitete të kryera për hartimin e planeve të menaxhimit të
këtyre burimeve ishte shumë më e madhe por nuk mund të konsiderohet pjesmarrje në qeverisje
për aq kohë sa nuk janë dhënë mendime nga ana e banorëve edhe pse ishin të pranishëm ose edhe
kur janë dhënë ato nuk janë marrë në konsideratë. Pjesëmarrja e komunitetit në vendimmarrje
konsiderohet si një nga përfitimet më të mëdha të decentralizimit por në të njëjtën kohë është
edhe një parakusht për të garantuar proçesin e kalimit të pyjeve dhe kullotave në pronësi të
pushtetit vendor.
Figura 4.5 Përfshirja e në Vendimmarrje sipas Gjinisë
88
Tabela 4.8 Përfshirja në Vendimmarrje e të Varfërve
Përfshirja në Vendimmarrje Total
Jo Po
Trajtohen me Asistencë Sociale
Nr. 30 22 52
% 57.70% 42.30% 100.00%
Pjesëmarrja e komunitetit në vendimmarrje është e rëndësishme sidomos për grupet e vlerësuara
si të marxhinalizuara ( si femrat dhe të varfërit), të cilët në këtë mënyrë arrijnë të kontrinuojnë në
vendimet që merren për çështje që ju përkasin. Femrat, kryesisht në zonat rurale janë të
përjashtuara nga funksionet vendimmarrëse por në të njëjtën kohë janë ato që përballojnë pjesë të
konsiderueshme të krijimit të të ardhurave familjare. Kjo reflektohet edhe në rezultatet e kërkimit
ku në 242 pjemarrës vetëm 15 prej tyre janë femra, nga të cilat vetëm 2 (më pak se 1% e total të
të anketuarve) deklarojnë se kanë dhënë mendime për mënyrën e përdorimit të këtyre burimeve.
Edhe nëse ato mund të jenë pjesë e aktiviteteve që kryhen për përdorimin apo mbrojtjen e këtyre
burimeve, vendimmarrja nuk është proçes ku femrat lejohen të marrin pjesë.
I njëjti fenomen, por në terma më të butë paraqitet edhe pjesëmarrja e të varfërve në
vendimmarrje. Nëse krahasohen të dhënat për të varfërit që janë pyetur, 42.3% e tyre deklarojnë
se janë pjesë e proçeseve vendimmarrëse por në terma absolutë, vata janë vetëm 22 banorë nga
242 ( pra më pak se 10% e totalit të personave të intervistuar).
Figura 4.6 Njohja e Aktiviteteve dhe Institucioneve Përfaqësuese në Menaxhimin e P&KK
Përveç pjesmarrjes së drejtpërdrejnë në vendimmarrje, ajo mund të realizohet edhe nëpërmjet
institucioneve përfaqësuese të komunitetit në këtë proçes. Për këtë arsye janë ngritur struktura të
posaçme krahas instituciove të administratës publike, që janë Shoqata e Përdoruesve të Pyjeve
dhe Kullotave Komunale dhe Komisionet e Pyjeve, funksionet e të cilave janë shpjeguar në
89
kapitullin 3. Njohja e tyre dhe e aktiviteteve që kryhen prej tyre është element i rëndësishëm që
garanton pjesmarrjen e komunitetin në këto organizma duke i bërë sa më përfaqësuese ato. Në
pamje të parë të dhënat tregojnë se më shumë se 50% e të anketuarve janë në dijeni të hartimit të
planeve të menaxhimit, 65% njohin komisionet e pyjeve dhe 93% ShPPKK. Nëse shifrat për
njohjen e komisionit të pyjeve janë të pranueshme duke qënë ae është një organizëm mbi bazë
fshati, çka e bën më të thjeshtë njohjen e tij nga komuniteti, rezultatet për ShPPKK duken më të
diskutueshme. Për këtë është marrë në analizë një pyetje e hapur ku u është kërkuar banorëve të
përmendin se cili është roli i kësaj shoqate sipas tyre. Nga grupimi i përgjigeve të rregjistruara, u
identifikuan 10 si më kryesoret dhe u vlerësua frekuenca e secilës prej tyre, sikurse është
paraqitur në Tabelën 4.9 mëposhtë.
Tabela 4.9 Njohja e rolit të ShPPKK
Nr. % Përgjigje e saktë (në %)
Mbrojtja dhe menaxhimi i pyjeve 54 45.4 Jo
Informimi dhe Sensibilizimi i komunitetit 13 10.9 Jo
Zbatimi i Planeve të Menaxhimit 13 10.9 Po - 10.9
Koordinimi i institucioneve të përfshira në proçes 8 6.7 Jo
Tërheqja e investimeve për pyjet dhe kullotat 7 5.9 Po - 5.9
Realizimi I investimeve dhe asistence teknike 3 2.5 Po - 2.5
Mbështetja e stafit të komunës në menaxhimin e P&K 2 1.7 Po - 1.7
Duhet të jetë më aktive 9 7.6 Jo
Duhet të ketë anëtarë në të gjitha fshatrat 1 0.8 Jo
Nuk e di 9 7.6 Jo
Total 119 100 21
Ajo që evidentohet është fakti se pjesa më e madhe e të anketuarve nuk e njohin rolin e ShPPKK,
sepse vetëm 4 nga 10 përgjigjet e dhëna bëjnë pjesë në funksionet e parashikuara për tu kryer
nga ajo, dhe frekuenca e tyre sëbashku është 21%. Pra, si përfundim mund të themi që banorët e
dinë që ekziston ShPPKK por realisht vetëm 21% e tyre e njohin rolin e vërtet të saj.
90
Figura 4.7 Vlerësimi i Marrëdhënies Nj.Q.V – Komunitet
Bashkëpunimi ndërmjet aktorëve të përfshirë në menaxhimin e burimeve natyrore është një tjetër
element i rëndësishëm që ndikon impaktin e decentralizimit në përgjithësi. Pas kalimit të këtyre
burimeve në pronësi të njësive të qeverisjes vendore, është krijuar një situatë e re ku Nj.Q.V janë
pronar dhe banorët janë përdorues të tyre. Në këtë situatë janë pikërisht këta dy aktorë që luajnë
rolin kryesor në menaxhimin e burimeve natyre ndaj është e rëndësishme që ata të kenë një
marrëdhënie të mirë midis tyre.
Bazuar në vlerësimin që komuniteti i bën, kjo marrëdhënie vlerësohet si e mirë dhë shumë e mirë
për më shumë se 65% të tyre, e dobët dhe shumë e dobët për 17.4% ndërsa pjesa tjetër nuk di të
jap një vlerësim të saktë për çështjen.
Figura 4.8 Mbrojtja dhe Menaxhimi i Mirë i Burimeve Natyrore
91
Objektivi i tretë kryesor i decentralizimit të burimeve natyrore, krahas reduktimit të varfërisë dhe
forcimit të demokracisë, është menaxhimi i qëndrueshëm i tyre. Menaxhimi i qëndrueshëm i
burimeve natyrore nënkupton përdorimin e tyre për përfitime ekonomike por jo vetëm, dhe në të
njëjtën kohë garantimin e ekzistencës së këtyre burimeve dhe trashëgimin e tyre te brezat e
mëvonshëm. Bazuar në të dhëna dytësore zyrtare, ky objektiv në vendin tonë nuk plotësohet që
prej shumë kohësh, përderisa shrytëzimi i këtyre burimeve është më i madh se shtimi i tyre. Por,
për qëllimin e studimit tonë, ne duam të evidentojmë nëse banorët janë të gatshëm ti mbrojnë dhe
ti mirëmenaxhojnë këto burime. Më shumë se 78% e tyre deklarojnë së janë aktiv në mbrojtjen e
pyjeve dhe mbi 90% pranojnë se janë të gatshëm të ndryshojnë mënyrat e shfrytëzimit të pyjeve,
duke pranuar se ato janë të dëmshme.
Figura 4.9 Forma e Përdorimit të Pyjeve sipas Vlerësimit të Komunitetit
Përdorimi i pyjeve dhe kullotave komunale në vendin tonë, sipas një tradite të hershme,
realizohej në bazë fshati ose familjeje. Tradicionalisht, ka qënë fshati organizmi në qendër të
këtij menaxhimi dhe më tej familja. Edhe nga përgjiget e të anketuarve rezulton se forma më e
mirë e përdorimit të pyjeve është ajo mbi bazë familje, për gjysmën e tyre. Ata deklarojnë se
pyjet duhet të ndahen mbi bazë familje. Më shumë se 31% pranojnë se përdorimi më i mirë
garantohet nëse pyjet menaxhohen mbi bazë fshati dhe pjesa tjetër sygjorojnë përdorimin mbi
bazë fisi apo lagje.
92
4.3 Analiza Shumëfaktoriale e të Dhënave
4.3.1 Testet Paraprake për Përshtatshmërinë e të Dhënave
4.3.1.1 Studimi i Vlerave Ekstreme
Vlerat ektreme janë ato vlera të cilat rregjistrohen për një ose disa variabla dhe që janë dukshëm
të ndryshme nga vrojtimet e tjera. Këto vlera duhet të evidentohen nëse ekzistojnë sepse në
rastet kur janë të shumta shtrembërojnë analizën dhe si rrjedhojë edhe rezultatet e studimit,
sikurse sygjerohet edhe nga Tabachnick & Fidell, (2007).
Për evidentimin e vlerave ekstreme ka disa mënyra por një nga më të përdorurat është testi
Mahalanobis. Kjo metodë e vlerësuar si metodë shumëdimensionale, mat distancën e secilit
vëzhgim nga mesatarja e të gjitha vëzhgimeve, duke siguruar një vlerë të vetme për çdo
vëzhgim, pavarësisht numrit të variablave që merren në konsideratë. Pasi llogaritet vlera e
Mahalanobis për çdo vëzhgim, duhet të krahasohën këto vlera me vlerën kritike të X² dhe të
evidentohen rastet kur distanca e Mahalanobis është më e madhe se vlera kritike e X². Për këtë
studim, me ɑ = .001 dhe 38 shkallë lirie, vlera kritike e X² = 63.69.
Duke krahasuar vlerat e Mahalonibis për çdo vëzhgim me vlerën kritike të X² = 63.69 shohim se
vetëm në 5 raste kjo vlerë është më e madhe, pra këto 5 raste vlerësohen si vlera ekstereme
(tabela në Aneks). Sipas Tabachnick & Fidell, (2007), vlerat ekstereme mund të fshihen nga
databasa nëse vlerësohen se janë të konsiderueshme dhe ndikojnë rezultatin, ose mund të mbahen
nëse subjektet janë përfaqësues të popullatës, por duke i transformuar ato në mënyrë që zgjedhja
të ketë shpërndarje sa më normale. Në rastin tonë, vlerat ekstreme janë shumë pak, vetëm 5, çka
nuk ndikon në rezultatet e studimit.
4.3.1.2 Multikolineariteti
Multikolineariteti ndodh atëherë kur variblat e pavarura janë shumë të korreluar me njëri-tjetrin
sipas Tabachnick & Fidell, (2007). Ekzistenca e multikolinearitetit e bën të pamundur gjetjen e
vlerësuesve të saktë të koefiçientëve të regresionit. Për të evidentuar ekzistencën ose jo të
multikolinearitetit llogariten disa tregues dhe më tej analizohen. Në Tabelën e mëposhtëme jepen
vlerat e Statistikave të Kolinearitetit:
Tabela 4.10 Statistikat e Kolinearitetit
Model Collinearity Statistics
Tolerance VIF
VAR_2 .447 2.238
VAR_3 .319 3.136
VAR_4 .443 2.259
VAR_5 .668 1.497
93
Fillimisht shikojme vlerat e Tolerance në Tabelën e Collinearity Statistics. Sipas Menard (1995),
një vlerë tolerance më e ulët se 0.2, tregon për probleme me multikolinearitetin. Në rastin tonë,
vetëm në 4 raste,vlera e tolerancës është më e ulët se 0.2. Më tej, për të qënë më të saktë shohim
vlerat e Condition Index. Sipas Tabachnick and Fidell (2007), vlerat e Condition Index nuk duhet
të jenë më të larta se 30. Për të dhënat e këtij studimi, në 7 raste këto vlera e tejkalojnë nivelin
VAR_7 .709 1.411
VAR_8 .312 3.207
VAR_9 .032 31.702
VAR_10 .035 28.404
VAR_20_a .258 3.873
VAR_20_b .271 3.693
VAR_20_c .201 4.984
VAR_20_d .202 4.940
VAR_20_e .332 3.012
VAR_21_a .180 5.565
VAR_21_b .183 5.454
VAR_13 .657 1.521
VAR_15 .661 1.512
VAR_16 .663 1.508
VAR_17 .597 1.674
VAR_18 .521 1.918
VAR_19 .479 2.089
VAR_23_1 .455 2.197
VAR_23_3 .568 1.761
VAR_23_4 .617 1.622
VAR_1_1 .654 1.528
VAR_1_2 .410 2.440
VAR_23_2 .581 1.721
VAR_23_5 .702 1.425
VAR_23_6 .440 2.272
VAR_23_7 .597 1.674
VAR_23_8 .329 3.044
VAR_23_9 .678 1.474
VAR_23_10 .612 1.635
VAR_24 .454 2.201
VAR_25_a .428 2.335
VAR_25_b .418 2.391
VAR_25_c .268 3.735
VAR_26 .466 2.145
94
30. Për shkak të vlerave të larta të Condition Index, është e nevojshme të ekzaminohen vlerat e
“Variance Proportions” (përqindjes së variancës) . Sipas Tabachnick and Fidell (2007), nuk
duhet të evidentohën 2 raste brenda të njëjtit konstrukt, ku vlera e “Variance Proportions” të jetë
më e lartë se 0.50. Në vijim duhet të merret vendimi nëse ka multikolinearitet apo jo. Duke qënë
se nuk u evidentuan 2 raste me “Variance Proportion” më të madhe se 0.50, mund të themi që
nuk ka multikolinearitet. Edhe nga kombinimi i treguesve të tjerë si Toleranca apo Condition
Index i njëtji rezultat përftohet. Përgjithësisht, nëse vlerat e Condition Index janë të larta ka
evidenca të pranisë së multikolinearitetit por në rastin tonë këto evidenca nuk shfaqen.
4.3.1.3 Normaliteti
Nëse Analiza e Komponentëve Kryesorë përdoret në mënyrë përshkruese, supozimet rreth
shpërndarjes nuk janë thelbësore, edhe pse shpërndarja normale e të dhënave përforcon rezultatet
e gjetura sygjerojnë Tabachnick & Fidell, (2007).
Kur numri i komponentëve përcaktohet duke përdorur inferencën statistikore, është e supozuar
ekzistenca e normalitetit multivariate. Normaliteti i variablave të vetëm vlerësohet nëpërmjet
lakueshmërisë prandaj, shpërndarja e variablave që kemi marrë në studim duhet të studiohet për
zhvendosje (anshmëri). Bashkë me statistikat përshkruese, te frekuencat llogariten edhe vlerat e
zhvendosjes dhe gabimit standart për secilën nga 39 variablat e marra në studim.
Zhvendosja: Sipas përkufizimit të bërë nga Norusis (1994), “Një shpërndarje që nuk është
simetrike por ka më shumë vlera të përqëndruara në nëjrin krah të shpërndarjes sesa në tjetrin
quhet e zhvendosur (anuar)”.
Vlera 0 = normal
Vlera pozitive = anuar pozitivisht (përqëndruar në krahun e djathtë)
Vlera Negative = anuar negativisht (përqëndruar në krahun e majtë)
Për të studiuar normalitetin duhet të analizojmë nëse vlerat e gabimit standart shmangen në
manyrë të konsiderueshme nga vlerat normale. Për këtë bëjmë raportin e vlerave të zhvendosjes
(Skeëness statistic) me gabimin standart përkatës. Nëse vlera e këtij raporti është më e madhe se
z = +3.29 ( për p < .001, test i dyanshëm), atëherë shpërndarja mund të mos jetë normale
sygjeron Tabachnick & Fidell, (2007).
Mungesa e normaliteti përpën një problem serioz për zgjedhjet e vogla në numër (deri në 50
subjekte), ndërsa me rritjen e numrit të subjekteve të përfshira në studim, ky shqetësim
zvogelohët, sidomos nëse zgjedhja është më e madhe se 200 elementë thotë Hair (2009), sikurse
është ky rast.
95
4.3.1.4 Lineariteti
Normaliteti multivariat implikon linearitet, ndaj “lineariteti ndërmjet çdo çifti variablash
vlerësohet nëpërmjet analizës së grafikëve që paraqesin lidhjen midis tyre. Me 39 variabla që
kemi marrë në studim, ekzaminimi i grafikut të çdo çifti variablash nuk është shumë praktike.
4.3.2 Analiza Faktoriale e të Dhënave
Qëllimi i analizës faktoriale të të dhënave është të studiojë një sërë variablash dhe të zbulojë
nëngrupe të këtyre variablave të cilat janë relativisht të pavarur nga njëra-tjetra. Analiza e
Komponentëve kryesor (PCA) përdor variancën totale (variancën e përbashkët + variancën unike
+ variancën e gabimit) për të derivuar komponentë, evidenton Hair, et al., (2006). PCA është një
përbledhje empirike e të të dhënave. PCA përmbledh variablat që janë të korreluara me njëra-
tjetrën për të prodhuar komponentë.
Analiza Faktoriale (AF) fokusohet vetëm në variancën e përbashkët (kovariancë) që secili nga
variablat e vrojtuar ndan me variablat e tjera të vëzhguara. AF përjashton variancën vetjake dhe
atë të gabimit sepse ngatërrohet më tej të kuptuarit e proçeseve themelore të fshehura.
4.3.2.1 Përshtatshmëria e përdorimit të Analizës Faktoriale dhe të Analizës së
Komponentëve Kryesorë
Sikurse u përmend edhe mësipër, qëllimi i analizës faktoriale është të derivohen faktorë që janë
kombinime lineare të variablave të veçantë. Kushti fillestar i derivimit të këtyre faktorëve është
që variablat të jenë të korreluar me njëri-tjetrin, dhe për të zbuluar këtë analizohet matrica e
korrelacioneve “Correlation Matrix”. Në këtë matricë duhet të ketë disa variabla të korreluara
me njëra-tjetrën, por fortësia e lidhjes varet edhe nga numri i zgjedhjes n ( sa më e madhe
zgjedhja aq më i ulët korrelacioni). Nëse vlera e korrelacionit është më e ulët se 0.30, atëherë
analiza faktoriale nuk sygjerohet të ndërmerret. Në rastin tonë mund të identifikohen shumë raste
me korrelacion më të madhe se 0.30, sikurse është paraqitur në matricën e korrelacioneve në
Aneks.
Sipas Tabachnick & Fidell, (2007), “ Edhe pse korrelacioni bivariate mund të jetë i lartë, kjo
nuk përbën garanci që matrica e korrelacioneve të përmbajë faktorë. Është e mundur që
korrelacioni të ekzistojë vetëm ndërmjet dy variblave dhe kjo nuk nënkupton domosdoshmërisht
ekzistencën e proçeseve të fshehura që ndikojnë disa varibla njëkohësisht. Për këtë arsye duhet të
analizohet matrica e korrelacioneve të pjesshme, ku merren parasysh edhe efektet e variablave të
tjerë.”
Për të studiuar korrelacionet e pjesshme shikohet vlera e treguesit të përshtatshmërisë së
zgjedhjes, Kaiser-Meyer-Olkin (KMO).
Një korrelacion i pjesshmën është një vlerë që mat fortësinë e lidhjes ndërmjet një variabli të
varur dhe një variabli të pavarur shpjegues, kur ndikimi i variablave të tjerë të pavarura mbahet i
pandryshuar, sipas Hair, et al., (2006).
96
Për të vlerësuar dhe përshkruar përshtatshmërinë e zgjedhjes përdoret kriteri i mëposhtëm i
përcaktuar nga Kaiser, (1974):
0.90 = I shkëlqyer
0.80 = Shumë i mirë
0.70 = I mirë
0.60 = I dobët
0.50 = Shumë i dobët
Më pak se 0.50 = i Papranueshëm
Për vlera shumë të ulëta të KMO, nuk rekomandohet përdorimi i analizës faktoriale. Në rastin
tonë, sikurse mund të shihen në Tabelën 4.11, vlera e KMO është 0.772 dhe sipas mënyrës së
vlerësimit të paraqitur mësipër, mund të konsiderohet si një tregues i mirë dhe shumë i mirë. Kjo
nënkupton që, me variablat e marra në studim ne kemi mundësi të kryejmë analizën e
komponentëve kryesorë dhe si rezultat i saj të mund të përftojmë komponentë nga kombinimi i
këtyre variablave.
Tabela 4.11 Vlerat e KMO dhe Testit Bartlett
KMO and Bartlett's Test
Kaiser-Meyer-Olkin Measure of Sampling Adequacy. .772
Bartlett's Test of Sphericity
Approx. Chi-Square 2247.655
Df 136
Sig. .000
Në vijim studiohet edhe “Bartlett‟s Test of Sphericity”. Bartlett‟s (1954) Test of Sphericity është
një test që përdoret për të testuar hipotezën se “ korrelacionet në një matricë korrelacionesh janë
zero”.
Si rrjedhojë ndërtojmë hipotezën fillestare dhe alternative:
Ho: Të gjitha korrelacionet e paraqitura në një matricë korrelacionesh janë zero”
Ha:Të paktën 1 nga korrelacionet e paraqitura në një matricë korrelacionesh është ≠ nga zero”.
Sipas Tabachnick and Fidell (2007), “testi është i rëndësishëm edhe për korrelacione të ulëta,
nëse madhësia e zgjedhjes është e konsiderueshme. Gjithsesi, ne duam që Bartlett‟s Test of
Sphericity të jetë i rëndësishëm që të hedhim poshtë hipotezën fillestare të ndërtuar. Në rastin
tonë: Approx. Chi-Square Significance Bartlett’s Test of Sphericity është e barabartë me 0.000,
pra më e vogël se p=0.05 çka do të thotë që hipoteza fillestare hidhet poshtë. Kjo garanton që jo
të gjitha korrelacionet e paraqitura në një matricë korrelacionesh janë zero dhe analiza faktoriale
ose e komponentëve kryesorë mund të ndërmerret.
4.3.2.2 Përshtatshmëria dhe numri i komponentëve të përftuar
Sikurse është e kuptueshme, tentativat për të arritur në një rezultat sa më të mirë të analizës
faktoriale kanë qënë të shumta derisa u vendos për zgjidhjen përfundimtare. Prova të shumta janë
bërë duke ndryshuar numrin e faktorëve, variablat e përfshirë, si edhe teknikat e rrotullimit.
97
Rezultatet e paraqitura mëposhtë janë ato të vlerësuara si më të mirat e mundshme pas gjithë
përpjekjeve të bëra.
Për të përcaktuar numrin e faktorëve të nxjerrë nga analiza e komponentëve kryesorë shikojmë
Tabelën 4.12 të “Communalities”, që përfaqësojnë përpjesën e variancës së çdo variabli të
shpjeguar nga faktorët e përbashkët. Kjo vlerë varion nga 0 në 1, ku vlera 0 nënkupton se nuk
shpjegohet varianca e variablit nga faktori i përbashkët ndërsa vlera 1 nënkupton që e gjithë
varianca e variablit shpjegohet nga faktori i përbashkët. Variablat që kanë vlera të ulëta të
Communalities, ( më pak se 0.20) do të thotë se nuk mund të shpjegohen nga faktorë prandaj
duhet të eleminohen nga analiza.
Në tabelën e Communalities, në kolonën Extraction të paraqitur mëposhtë mund të shohim se
asnjë nga variablat e përfshirë nuk kanë vlerë shumë të ulët të communalities (më pak se 0.20),
që tregon se variablat e përfshirë në të nuk lidhen mjaftueshëm më njëri-tjetrin. Vlera më e ulët
konsiderohët vlera e variablit VAR_18 që është 0.374 dhe është më e madhe se 0.20. Si
rrjedhojë, asnjë nga variablat e paraqitur në tabelë nuk do të eleminohet.
Tabela 4.12 Vlerat e “Communalities”
Më tej studiohet Tabela 4.13 e emërtuar Varianca Totale e Shpjeguar. Përcaktimi fillestar i
numrit të faktorët të nxjerrë mund të bëhet bazuar te madhësia e vlerave “Eigenvalues”.
Eigenvalue paraqet shumën e variancës së shpjeguar nga një komponent. Duke qenë se vlera e
variancës që çdo variabël kontribuon në një komponent të nxjerrë nga analiza e komponentëve
Communalities
Initial Extraction
VAR_2 1.000 .681
VAR_3 1.000 .853
VAR_4 1.000 .561
VAR_8 1.000 .785
VAR_9 1.000 .945
VAR_10 1.000 .939
VAR_13 1.000 .428
VAR_15 1.000 .543
VAR_17 1.000 .474
VAR_18 1.000 .374
VAR_20_a 1.000 .679
VAR_20_b 1.000 .661
VAR_20_c 1.000 .793
VAR_20_d 1.000 .796
VAR_20_e 1.000 .698
VAR_23_3 1.000 .683
VAR_23_4 1.000 .577
Extraction Method: Principal Component Analysis.
98
kryesorë është 1, një faktor me Eigenvalue më të vogël se 1 nuk është i rëndësishëm të merret në
konsideratë si variabël shpjegues.
Në Tabelën 4.13 “Total Variance Explained” shikojmë vlerat e “Initial Eigenvalues”. Nga
analiza e të dhënve evidentojmë 5 komponentët e parë për të cilën vlera e Eigenvalue është më e
madhe se 1 dhe i konsiderojmë si faktorë të rëndësishëm pas analizës së komponentëve kryesorë,
bazuar në shpjegimin e bërë nga Tabachnick & Fidell (2007)
Tabela 4.13 Varianca Totale e Shpjeguar
Total Variance Explained
Component Initial Eigenvalues Extraction Sums of Squared Loadings
Rotation Sums of Squared Loadings
Total % of Variance
Cumulative %
Total % of Variance
Cumulative %
Total % of Variance
Cumulative %
1 5.025 29.562 29.562 5.025 29.562 29.562 3.598 21.165 21.165
2 2.113 12.427 41.989 2.113 12.427 41.989 2.684 15.790 36.955
3 1.821 10.709 52.698 1.821 10.709 52.698 2.007 11.804 48.760
4 1.396 8.215 60.912 1.396 8.215 60.912 1.816 10.681 59.441
5 1.113 6.545 67.457 1.113 6.545 67.457 1.363 8.016 67.457
6 .946 5.566 73.023
7 .784 4.611 77.634
8 .709 4.168 81.802
9 .697 4.103 85.905
10 .618 3.634 89.538
11 .506 2.976 92.515
12 .329 1.934 94.448
13 .277 1.631 96.079
14 .255 1.501 97.580
15 .232 1.364 98.944
16 .156 .916 99.860
17 .024 .140 100.000
Extraction Method: Principal Component Analysis.
99
Në kolonën Rotation Sums of Squared Loadings, mund të shohim se pesë komponentët e
zgjedhur kane të dhënat e mëposhte;
Tabela 4.14 Varianca Totale e Shpjeguar nga secili prej Komponentëve
Total % e Variancës së Shpjeguar % Kumulative e Variancës
Komponenti 1 5.025 29.562 29.562
Komponenti 2 2.113 12.427 41.989
Komponenti 3 1.821 10.709 52.698
Komponenti 4 1.396 8.215 60.912
Komponenti 5 1.113 6.545 67.457
Ajo që është e rëndësishme të interpretohet në këtë pjesë është % e variancës së shpjeguar nga
këta komponentë. Kështu, Komponenti 1 shpjegon 29.562% të variancës, Komponenti 2
shpjegon 12.427% e kështu me rradhë deri te Komponenti 5 që shpjegon 6.545% të variancës
totale, për një shumë prej 67.457% të llogaritur për të 5-të komponentët sëbashku. Në këtë
mënyrë, kaluam nga 17 variabla të konsideruar të rëndësishëm, në 5 komponentë të krijuar si
kombinime lineare të këtyre variablave dhe që shpjegojnë 67.457% të totalit të variancës së tyre.
Një kriter tjetër që mund të merret në konsideratë është “Scree test” i Eigenvalues i paraqitur
grafikisht. Komponentët e nxjerrë paraqiten në rend zbritës në boshtin e abshisave ndërsa vlerat e
Eigenvalues paraqiten në boshtin e ordinatave. Normalisht, Scree Plot ka pjerrësi negative –
Eigenvalue është më e lartë për komponenntin e parë, zvogëlohet për komponentët në vijim
derisa arrin vlera të vogla për komponentin e fundit. Bazuar në të dhënat e studimit tonë, është
përgatitur Scee Plot sikurse është paraqitur në Figurën 4.10.
Sipas Hair et al. (2006), duke filluar me komponentin e parë, pjerrësia e cdo segmenti pëson
rënie, fillimisht në masë të madhe dhe më tej më rënia ngadalësohet derisa vija bëhet pothuajse
horizontale. Pika në të cilën kurba fillon të mos ndryshojë shumë pjerrësinë konsiderohet si pika
që tregon maksimumin e numrit të komponentëve të nxjerrë nga analiza e komponetëve
kryesorë.
Gjithsesi, duhet pranuar se kjo mënyrë nuk është e saktë plotësisht sepse nënkupton të
përcaktosh pikën ku vlerat eigenvalue kanë thyerjen më të madhe, dhe kjo kryhet bazuar në
gjykimin e kërkuesit.
Në rastin tonë mund të dallojmë që fillimisht pjerrësia e segmentit kur kalohet nga komponenti 1
te komponenti 2 është shumë lartë dhe vjen duke u reduktuar në masë të konsiderueshme deri te
komponenti i 5-të. Pas komponentit të 5-të, pjerrësia e kësaj kurbe vazhdon të ulet por me ritme
më të vogla duke e paraqitur si pothuajse horizontale. Kjo tregon se komponentët më të
rëndësishëm për tu marr në analizë janë 5 të parët.
100
Figura 4.10 Scree Plot – i Komponentëve të Përftuar
Pasi është përcaktuar numri i komponentëve nëpërmjet kësaj metode, është e rëndësishme të
analizohet edhe matrica e rrotulluar për të përcaktuar numrin e variablave të përfshirë në çdo
komponent.
4.3.2.3 Nxjerrja dhe Rrotullimi i Komponentëve për të rritur Interpretueshmërinë e tyre
Qëllimi i proçedurave të përdorura që shpjegohen mëposhtë është të evidentohet zgjedhja finale
e kopmonentëve që përfaqësojnë më mirë matricën e korrelacioneve dhe teorinë e lidhur me
problemin e kërkimit.
Procedura e ekstraktimit shoqërohet kryesisht nga rrotullimi i matricës së komponentëve që
përmirëson interpretimin dhe funksionin shkencor të zgjidhjes së gjetur. Qëllimi i rrotullimit
është të arrihet në një strukturë të thjeshtë në të cilën çdo komponentë të ketë peshën më të
madhe në vlerë absolute për vetëm disa variabla, duke e bërë më të thjeshtë identifikimin e tyre,
sikurse shpjegohet nga Norusis, (2003).
Nëse kryhet në mënyrë efektive, rrotullimi zmadhon edhe më tepër vlerat e korrelacionit midis
variablave dhe komponentëve nëse ato janë të larta dhe i redukton ato nëse janë të ulëta.
Procedurat e përodrura për rrotullimin e matricës së komponentëve janë:
Orthogonal Factor Rotation – përdoret kur cdo faktor është i pavarur nga faktorët e
tjerë
Oblique Factor Rotation – përdoret kur faktorët e përftuar janë të korreluar njëri me
tjetrin dhe identifikon edhe masën në të cilën këta faktorë janë të korreluar.
101
Procedura më e përdorur nga orthogonal rotation është varimax, të cilën e kemi përdorur
edhe për analizën e të dhënave tona.
Tabachnick & Fidell, (2007) shpjegojnë se, një rrotullim varimax, minimizon kompleksitetin e
faktorëve duke maksimizuar variancën brenda secilit prej tyre. Teknikat e përdorshme janë të
shumta por në këtë rast është përdorur “Principal Componente Analysis” dhe Varimax with
Kaiser normalization rotation. Rezultatet janë paraqitur në dy Tabelat e mëposhtëme të
Component Matrix dhe Rotated Component Matrix
Tabela 4.15 Matrica e Komponentëve të Përftuar
Component Matrixa
Component
1 2 3 4 5
VAR_20_a .801
VAR_20_c .801
VAR_8 .755 .364
VAR_20_d .744 -.366
VAR_20_b .737
VAR_20_e .733
VAR_9 .714 .587
VAR_10 .702 .593
VAR_3 .819 .385
VAR_2 .750
VAR_4 .603 .353
VAR_15 .374 .549
VAR_17 .309 -.324 .486
VAR_13 .304 .441
VAR_18 .310 .402
VAR_23_3 .663
VAR_23_4 .363 .555 Extraction Method: Principal Component Analysis.
a. 5 components extracted.
Tabela 4.16 Matrica e Rrotulluar e Komponentëve të Përftuar
Rotated Component Matrixa
Component
1 2 3 4 5
VAR_20_d .883
VAR_20_c .861
VAR_20_e .802
102
VAR_20_b .783
VAR_20_a .731
VAR_10 .935
VAR_9 .935
VAR_8 .798
VAR_3 .922
VAR_2 .798
VAR_4 .704
VAR_15 .703
VAR_17 .658
VAR_13 .622
VAR_18 .586
VAR_23_3 .813
VAR_23_4 .720 Extraction Method: Principal Component Analysis. Rotation Method: Varimax ëith Kaiser Normalization. a. Rotation converged in 5 iterations.
Si përfundim analizohet Tabela 4.16 “Rotated Component Matrix”. Komponentët interpretohen
nëpërmjet vlerës së “factor loadings” ose ( peshës së faktorit). Factor loadings jane
korrelacionet ndërmjet variablave dhe komponentëve në të cilën përfshihen ato. Ngritja në katror
e këtyre vlerave tregon se çpjesë e variancës në një variabël fillestra është e shpjeguar nga një
komponent. Sipas Tabachnick and Fidell (2007), kjo vlerë nuk duhet të jetë më e ulët se 0.45.
Komponetët në këtë rast paraqiten si kolona ndërsa variablat e përfshirë si rrjeshta (Tabela 4.15).
Tabachnick and Fidell gjithashtu rekomandojnë një peshë minimale të komponentit jo më të
vogël se .32.
Sa më e lartë të jetë vlera e “Factor loadings”, aq më shumë një variabël është matës i mirë i
komponentit. Comrey and Lee (1992) sygjerojnë se vlerat e loadings më të larta se:
0.71 - konsiderohen “ të shkëlqyera”,
0.63 - konsiderohen “shumë mirë”,
0.55 - konsiderohen “mirë”
0.45- konsiderohen “mjaftueshëm”, dhe
0.32 - konsiderohen “dobët”
Nga Tabela 4.16 “Rotated Component Matrix shohim se asnjë vlerë nuk është më e vogël se
0.32, sikurse e sygjeruar nga Tabachnick and Fidell, madje vlera më e ulët është 0.586 që
konsiderohet si “e mirë” në klasifikimin e bërë nga ata. Në tabelë janë paraqitur për secilin prej
komponentëve, variablat e përfshirë. Kështu, në secilin nga Komponentët kemi:
Komponenti 1:
A shpenzohen fonde për:
a) përmirësimin e pyjeve komunale
103
b) zgjerimin e sipërfaqes pyjore
c) mirëmbajtjen e kullotave ekzistuese
d) zgjerimin e sipërfaqes kullosore
e) rikonstruksionin e veprave ujëpirëse
Komponenti 2:
A keni dijeni se është hartuar një plan menaxhimi për pyjet dhe kullotat komunale?
Nëse po, keni marr pjesë në takimet e bëra në fshatin tuaj?
Nëse po, keni shprehur mendimet tuaj për formën e përdorimit të pyjeve?
Komponenti 3:
Si e vlerësoni në përgjithësi proçesin e decentralizimit të këtyre burimeve?
Si e vlerësoni mundësinë për të krijuar të ardhura pas kalimit të pyjeve dhe kullotave në
pronësi të komunës?
Si e vlerësoni marrëdhënien e krijuar ndërmjet komunës (si pronar) dhe komunitetit (si
perdorues) për menaxhimin e pyjeve dhe kullotave?
Komponenti 4:
E dini se në komunën tuaj ekziston dhe funksionon “Shoqata e Përdoruesve të Pyjeve dhe
Kullotave Komunale” ?
Në fshatin tuaj ka një komision të pyjeve. E njihni përbërjen e këtij komisioni ?
A jeni aktiv në mbrojtjen e pyllit nga dëmtimet prej bashkëfshatarëve tuaj apo prej personave
jashtë fshatit ?
A e pranoni se menaxhimi i burimeve natyrore bëhej në bazë të një tradite jo të mirë, që kjo
mënyrë e demton pyllin?
Komponenti 5:
A siguron familja juaj të ardhura :
a) Nga pyjet në zotërim
b) Nga kullotat në zotërim
4.3.2.3 Emërtimi i Komponentëve
Një nga arsyet kryesore të emërtimit të komponentëve është njohja e tyre nga të tjerët. Emërtimi
duhet të përshkruaj natyrën thelbësore të komponentit dhe të mundësojë kuptimin e tij nga të
tjerët, sipas Rummel, (1970).
Zgjedhja e emërtimit të komponentëve duhet të lidhet me qëllimin bazë të analizës faktoriale.
Në rastin tonë, për emërtimin e komponentëve janë marrë parasysh variablat e përfshirë në
secilin prej tyre në mënyrë që të jetë më e thjeshtë të kuptohet çfarë nënkupton secili, sikurse
është paraqitur në Tabelën 4.17, Emërtimi i Komponentëve
104
Tabela 4.17 Emërtimi i Komponentëve
Komponentët Variablat e Përfshirë Emërtimi i
Komponentit
Komponenti 1
A shpenzohen fonde për:
Shpenzim Fondesh
a) përmirësimin e pyjeve komunale
b) zgjerimin e sipërfaqes pyjore
c) mirëmbajtjen e kullotave ekzistuese
d) zgjerimin e sipërfaqes kullosore
e) rikonstruksionin e veprave ujëpirëse
Komponenti 2
A keni dijeni se është hartuar një plan menaxhimi për pyjet dhe kullotat komunale?
Njohja dhe Përfshirja në
proces
Nëse po, keni marr pjesë në takimet e bëra në fshatin tuaj?
Nëse po, keni shprehur mendimet tuaj për formën e përdorimit të pyjeve?
Komponenti 3
Si e vlerësoni në përgjithësi proçesin e decentralizimit të këtyre burimeve?
Vlerësimi i Procesit, të
Ardhurave dhe Marrëdhënieve
Si e vlerësoni mundësinë për të krijuar të ardhura pas kalimit të pyjeve dhe kullotave në promësi të komunës?
Si e vlerësoni marrëdhënien e krijuar ndërmjet komunës (si pronar) dhe komunitetit (si perdorues) për menaxhimin e pyjeve dhe
kullotave?
Komponenti 4
E dini se në komunën tuaj ekziston dhe funksionon “Shoqata e Përdoruesve të Pyjeve dhe Kullotave Komunale” ?
Njohja e Institucioneve dhe Praktikat
Në fshatin tuaj ka nje komision tëe pyjeve. E njihni përbërjen e këtij komisioni ?
A jeni aktiv në mbrojtjen e pyllit nga dëmtimet prej bashkëfshatarëve tuaj apo prej personave jashtë fshatit ?
A e pranoni se menaxhimi i burimeve natyrore bëhej në bazë të një tradite jo të mirë, që kjo mënyrë e demton pyllin?
Komponenti 5
A siguron familja juaj te ardhura : Burimi i të Ardhurave
a) Nga pyjet në zotërim
b) Nga kullotat në zotërim
105
4.3.2.4 Qëndrueshmëria e Brendshme e Komponentëve
Në tabelën e mëposhtme jepet mënyra e vlerësimit që i bëhet qëndrueshmërisë së brendshme të
një konstrukti, duke u bazuar në vlerat e treguesit Cronbach‟s Alpha.
Tabela 4.18 Qëndrueshmëria e Brendshme e Konstrukteve sipas treguesit Cronbach’s
Alpha
Cronbach's alpha Qëndrueshmëria e Brendshme
α ≥ 0.9 E Shkëlqyer
0.9 > α ≥ 0.8 E mirë
0.8 > α ≥ 0.7 E Pranueshme
0.7 > α ≥ 0.6 E Diskutueshme
0.6 > α ≥ 0.5 E Varfër
0.5 > α E Papranueshme
Përpara se komponentët e nxjerrë nga analiza faktoriale të përdoren si variabla shpjegues në
analiza të mëtejshme duhet të vlerësojmë sesa të qëndrueshëm janë secili prej tyre. Për këtë, për
secilin prej tyre shohim numrin e variablave të përfshirë dhe vlerën e Cronbach‟ alpha.
Për komponentin 1 kemi 5 variabla të përfshirë dhe vlera e Cronbach‟a Alpha është 0.899. Kjo
vlerë është më e madhe se 0.70 që është kufiri minimal që ky tregues të jetë i pranueshëm, dhe
duke qënë se 0.9 > α = 0.899 > 0.8, qëndrueshmëria e brendshme e këtij komponenti vlerësohet
si e mirë, pra, variablat e përfshirë në të vlerësojnë të njëjtën gjë.
Tabela 4.19 Qëndrueshmëria e Brendshme e Komponentëve të Përftuar
Komponentët Cronbach's Alpha Nr. Variablave
Komponenti 1 .899 5
Komponenti 2 .938 3
Komponenti 3 .729 3
Komponenti 4 .541 4
Komponenti 5 .756 2
Për komponentin 2 kemi 3 variabla të përfshirë dhe vlera e Cronbach‟a Alpha është 0.938. Kjo
vlerë është shumë e lartë, α = 0.938 > 0.9, prandja qëndrueshmëria e brendshme e këtij
komponenti vlerësohet si e shkëlqyer, pra, variablat e përfshirë në të vlerësojnë të njëjtën gjë.
Për komponentin 3 kemi 3 variabla të përfshirë dhe vlera e Cronbach‟a Alpha është 0.729. Kjo
vlerë është pak më e madhe se 0.70 që është kufiri minimal që ky tregues të jetë i pranueshëm,
dhe duke qënë se 0.8 > α = 0.729 > 0.7, qëndrueshmëria e brendshme e tij vlerësohet si e
pranueshme.
106
Për komponentin 4 kemi 4 variabla të përfshirë dhe vlera e Cronbach‟a Alpha është 0.541. Kjo
vlerë është më e ulët se 0.70 që është kufiri minimal që ky tregues të jetë i pranueshëm, dhe duke
qënë se 0.7 > α = 0.541, qëndrueshmëria e brendshme e këtij komponenti vlerësohet si e varfër.
Edhe pse nuk është një nivel i kënaqshëm, e rëndësishme është që edhe ky komponent mund të
përdoret për analiza të mëtejshme.
Për kompnentin 5 kemi 2 variabla të përfshira dhe vlera e Cronbach‟a Alpha është 0.756. Kjo
vlerë është pak më e madhe se 0.70 që është kufiri minimal që ky tregues të jetë i pranueshëm,
dhe duke qënë se 0.8 > α = 0.756 > 0.7, qëndrueshmëria e brendshme e këtij komponenti
vlerësohet si e pranueshme
Vlerësimi i qëndrueshmërisë së brendshmetë të komponentëve të përftuar nga analiza faktoriale
është një test i rëndësishëm për të përcaktuar nëse ata mund të përdoren më tej si variabla
shpjegues. Qëllimi i analizës faktoriale ishte pikërisht grupimi i variablave që ishin marrë në
studim, në konstrukte që masnin të njëjtën gjë dhe që mund të përdoreshin për të shpjeguar
vlerësimin e impaktit të decentralizimit në fushën e burimeve natyrore.
4.4 Analiza Regresive e të Dhënave
Sikurse është përmendur që në fillim të punimit, qëllimi i studimit është të vlerësohet impakti i
decentralizimit të burimeve natyrore duke u nisur nga vlerësimi i aspekteve që preken nga ky
proçes. Në modelin konceptual, variablat e marra në studim, të cilat janë cilësuar si të
rëndësishme për të vlerësuar impaktin e decentralizimit, u grupuan bazuar në tre aspekte
kryesore, përkatësisht, aspekti ekonomik, social dhe garantimi i zhvillimit të qëndrueshëm të
këtyre burimeve. Për të matur ndikimin e këtyre variablave në vlerësimin e impaktit të
decentralizimit duhet të bëhej analiza regresive, ku variabli “vlerësimi i impaktit” të ishte
variabli i varur dhe gjithë të tjerët variabla shpjegues. Duke qënë se janë shumë variabla dhe
ekziston problemi i multikolinearitetit nëse përfshihen në ekuacionin e regresit në formën
fillestare, si variabla shpjegues në vend të tyre, u përdorën komponentët e përftuar nga analiza e
komponentëve kryesorë. Zhvillimi i analizës së komponentëve kryesorë në vetvete kishte për
qëllim pikërisht grupimin e këtyre variablave në komponentë që janë kombinime lineare të tyre.
Në këtë mënyrë vlerësohet ndikim i tyre në impkatin e decentralizimit por duke eliminuar
problemin e multikolinearitetit, duke qënë se komponentët janë variabla të pakorreluar.
Kështu,
Variabli i Varur është: Vlerësimi i Impaktit të Decentralizimit
Variabla shpjegues janë: Komponenët e përftuar nga Analiza e Komponentëve Kryesorë:
Shpenzim Fondesh
Njohja dhe Përfshirja në proçes
Vlerësimi i Procesit, të Ardhurave dhe Marrëdhënieve
Njohja e Institucioneve dhe Praktikat
Burimi i të Ardhurave
107
Tabela 4.20 Përmbledhja e Modelit të Ndërtuar
Model Summary
Model R R Square Adjusted R Square Std. Error of the Estimate
1 .457a .208 .192 1.071
a. Predictors: (Constant), Burimi_TA, Njohja_Inst_Praktika, Vleresimi_Pr_TA_Ma,
Njohja_Perfshirja_PM, Shpenzim_fondesh
Forma konceptuale e modelit do të ishte:
Y = βₒ + β1*x1 + β2*x2 + β3*x3 + β4*x4 + β5*x5 + ε
Ku,
Y – Vlerësimi i impaktit të Decentralizimit
βₒ – konstante (intercepti)
βi – parametrat e vlerësuar për ndikimin e cdo variabli shpjegues të variabli i varur
Sikurse jepet në Tabelën 4.20, koeficienti i përcaktueshmërisë për këtë model është R²=20.8%,
që do të thotë se 20.8% e variancës së variablit të varur “vlerësim i impaktit” shpjegohet nga
varianca e komponentëve të cilësuar si variabla shpjegues të modelit.
Tabela 4.21 Analiza e Variancës – Rëndësia e Modelit
ANOVAa
Model Sum of Squares df Mean Square F Sig.
1
Regression 71.296 5 14.259 12.433 .000b
Residual 270.654 236 1.147
Total 341.950 241
a. Dependent Variable: @12#Vleresimi_I_Impaktit
b. Predictors: (Constant), Burimi_TA, Njohja_Inst_Praktika, Vleresimi_Pr_TA_Ma,
Njohja_Perfshirja_PM, Shpenzim_fondesh
Fillimisht duhet të testojmë nëse modeli i parashikuar nga këto variabla është apo jo i
rëndësishëm në tërësi. Hipotezat e ngritura janë:
Ho: β1 = β2 = β3 = β4 = β5 = 0
Ha: Të paktën 1 nga βi ≠ 0
Hipoteza fillestare nënkupton që modeli i ndërtuar është statistikisht i parëndësishëm në tërësi,
pra, me të dhënat në dispozion nuk mund të gjykojmë për ndikimin e asnjërit nga variablat
shpjegues të marrë në analizë. Hipoteza alternative përfshin pohimin se të paktën një nga
variablat shpjegues ka ndikim statistikisht të rëndësishëm mbi ecurinë e variablit të varur
“vlerësim i impaktit të decentralizimit”.
108
Ajo që është e rëndësishme të theksohet është fakti që vlera e sig. 0.000 < 0.05, hipoteza
fillestare Ho hidhet poshte, pranohet hipoteza alternative Ha, dhe si rrjedhojë modeli ynë është
statistikisht i rëndësishëm në tërësi.
Tabela 4.22 Rëndësia e Koeficientëve të Modelit
Coefficients
a
Model Unstandardized Coefficients Standardized Coefficients t Sig.
B Std. Error Beta
1
(Constant) 4.223 .069 61.347 .000
Shpenzim_fondesh -.087 .069 -.073 -1.261 .209
Njohja_Perfshirja_PM .101 .069 .085 1.460 .146
Vleresimi_Pr_TA_Ma .453 .069 .380 6.564 .000
Njohja_Inst_Praktika .143 .069 .120 2.079 .039
Burimi_TA -.229 .069 -.192 -3.322 .001
a. Dependent Variable: @12#Vleresimi_I_Impaktit
Për të vlerësuar ndikimin që ka çdo variabël shpegues në variablin e varur, bazohemi në Tabelën
4.22 , Koeficientët e Modelit. Hipoteza e ngritur në këtë rast janë për rëndësinë vetjake të secilit
nga variablat shpjegues në variablin e varur. Për këtë duhet të ndërtohen 5 çifte hipotezash.
Për variablin e parë shpjegues “Shpenzim fondesh” kemi;
Ho: β1 = 0
Ha: β1 ≠ 0
Duke qënë se për këtë variabël, sig = 0.209 > 0.05, hipoteza Hₒ pranohet, variabli “shpenzim
fondesh” është statistikisht i parëndësishëm për të shpjeguar variablin e varur “ vlerësim i
impaktit”.
Për variablin e dytë shpjegues “Njohja dhe Përfshirja në proçes” kemi;
Ho: β2 = 0
Ha: β2 ≠ 0
Edhe për këtë variabël, vlera e sig. = 0.146 > 0.05 dhe si rrjedhojë pranojmë hipotezën Hₒ dhe e
vlerësojmë variablin si statistikisht të parëndësishëm.
Për variablin e tretë “ Vlerësimi i proçesit, të ardhurave dhe marrëdhënieve” kemi;
Ho: β3 = 0
Ha: β3 ≠ 0
Në këtë rast vlera e sig. = 0.00 < 0.05 dikton që të hedhim poshtë hipotezën fillestare Hₒ dhe të
pranojmë hipotezën alternative sipas së cilës, ky variabël është statistikisht i rëndësishëm për të
shpjeguar variablin e varur.
109
Për variablin e katërt “Njohja e institucioneve dhe praktikat” këmi;
Ho: β4 = 0
Ha: β4 ≠ 0
Vlera e sig. = 0.039 < 0.05 edhe në këtë rast dikton që të hedhim poshtë hipotezën fillestare Hₒ
dhe të pranojmë hipotezën alternative Ha, sipas së cilës, ky variabël është statistikisht i
rëndësishëm për të shpjeguar variablin e varur.
Për variablin e pestë “ Burimi i të ardhurave” kemi;
Ho: β5 = 0
Ha: β5 ≠ 0
Edhe në këtë rast vlera e sig. = 0.001 < 0.05 dikton që të hedhim poshtë hipotezën fillestare Hₒ
dhe të pranojmë hipotezën alternative sipas së cilës, ky variabël është statistikisht i rëndësishëm
për të shpjeguar variablin e varur.
Pra, nga analiza regresive rezulton që 2 nga komponentët e konsideruar si varibla shpjegues të
jenë statistikisht të parëndësishëm ndërsa 3 të tjerë të jenë të rëndësishëm. Gjithashtu, edhe vlera
e interceptit βₒ në model del statistikisht e rëndësishme.
Ekuacioni i Regresionit të Shumëfishtë Linear bazuar në këto të dhëna do ishte:
Vlerësimi_Impaktit = – 0.073*Shpenzim_Fondesh + 0. 084*Njohja_Perfshirja_PM +
0.380*Vleresimi_Pr_TA_Ma + 0.120*Njohja_Inst_Praktika – 0.192*Burimi_TA
Duke qënë se dy variablat e parë dolën statistikisht të parëndësishëm, analiza e tyre nuk ka
kuptim të bëhet. Ata mund edhe të eliminohen nga modeli. “Vlerësimi i procesit, të ardhurave
dhe Marrëdhënieve” konsiderohet si variabël shpjegues shumë i rëndësishëm, që ndikon
pozitivish vlerësimin e impaktit të decentralizimit. Kjo do të thotë që, sa më mirë të kryhet
procesi i decentralizimit në tërësi, sa më shumë të vlerësohen mundësitë për të krijuar të ardhura
dhe sa më të mira të jeni marrëdhëniet Nj.Q.V – komunitet, aq më i efektshëm do të vlerësohet
decentralizimi në tërësi.
Gjithashtu “Njohja e institucioneve përfaqësuese dhe praktikave për mbrojtjen e burimeve
natyrore” ndikojnë pozitivisht impaktin e decentralizimt, edhe pse në masë më të vogel se
variabli i tretë.
“Rëndësia e pyjeve dhe kullotave në të ardhurat e përgjithshme familjare të komunitetit”
ndikojnë vlerësimin që ata i bëjnë impakteve të këtij procesi. Ky variabël është i rëndësishëm por
ndikimi i tij është negativ. Kjo lidhet me pritshmëritë e këtyre individëve nga decentralizimi në
tërësi dhe sistemin e pagesës së tarifave. Duke qënë se këto burime përbëjnë burimet kryesore të
të ardhurave për këto familje, ndjeshmëria e tyre nga i gjithë proçesi është më e madhe. Në fillim
të proçesit të transferimit të pyjeve dhe kullotave te komunat, komuniteti kishte pritshmëri të
larta për rritjen e përfitimeve nga këto burime. Për më tepër, ata kërkonin transferimin e këtyre
burimeve në pronësi të vet banorëve. Por pritshmëritë e tyre nuk u realizuan për arsye të shumta,
të përmendura mësipër, dhe ndaj dhe vlerësimi i impaktit ka këtë lidhje me këtë variabël.
110
KAPITULLI V
KONKLUZIONE DHE REKOMANDIME
111
KAPITULLI V
5. KONKLUZIONE DHE REKOMANDIME
Ky kapitull përmbledh studimin e realizuar për vlerësimin e efekteve të procesit të
decentralizimit në fushën e burimeve natyrore duke paraqitur konkluzionet e gjeneruara nga
analiza e literaturës dhe asaj empirike, rekomandimet e bazuara në këto konkluzione për aktorët
e përfshirë në këtë proces, kufizimet e studimit si edhe perspektivat e reja për studime të
mëtejshme në këtë fushë.
5.1 Arritja e Objektivave të Studimit
Që një studim të cilësohet si i realizuar duhet të vlerësohet nëse janë përmbushur me sukses
objektivat për të cilët është ndërmarrë. Objektivat e këtij studimi janë përshkruar që në kapitullin
e parë, janë parqitur më poshtë në mënyrë të përmbledhur, dhe për secilin prej tyre është bërë
shpjegimi i mënyrës së realizimit.
Objektivat Shpjegimi
Vlerësimi i impakti të politikave decentralizuese në aspektin ekonomik
Të vlerësohet rëndësia e burimeve natyrore në të ardhurat familjare të komunitetit, mundësia për rritjen e të ardhurave pas decentralizimit, pagesa e tarifave dhe investimet e kryera
Vlerësimi i impaktit të politikave decentralizuese në aspektin social
Të vlerësohet pjesmarrja e komunitetit në vendimmarrje, duke u fokusuar te grupet e marxhinalizuara, si femrat dhe të varfërit, njohja e institucioneve përfaqësuese dhe marrëdhënia midis Nj.Q.V dhe komunitetit pas decentralizimit
Vlerësimi i impaktit të politikave decentralizuese në menaxhimin e qëndrueshëm të burimeve natyrore
Të vlerësohen investimet e kryera për mirëmbajtjen dhe shtimin e këtyre burimeve, gatishmëria e komunitetit për ti mbrojtur ato dhe për të zbatuar praktikat e duhura për garantimin e zhvillimit të qëndrueshëm.
Evidentimi i faktorëve që përmirësojnë impaktin e këtyre politikave
Të evidentohen faktorët më të rëndësishëm që ndikojnë në perceptimin e komunitetit për vlerësimin e impaktit të politikave decentralizuese në mënyrë që të hartohen rekomandimet e nevojshme. Të ndërtohet një model një pasqyron lidhjen ndërmjet faktorëve të ndryshëm dhe impaktit të decentralizimit
Përmbushja e Objektivit të parë
Pavarësisht sektorit apo vendit në të cilin ndërmerren, reformat decentralizuese synojnë, krahas
të tjerave, edhe përmbushjen e një prej objektivave kryesorë të zhvillimit të mijëvjecarit, që është
ai i uljes së varfërisë. Për këtë arsye, objektivi i parë i paraqitur në tabelën e mësipërme është
shumë i rëndësishëm duke qënë se dhe fokusi kryesor i studimit është impakti social-ekonomik i
procesit të decentralizimit. Ky proces në tërësi mund të vlerësohet nga shumë pikëpamje, por
nisur nga konteksti në të cilën është kryer studimi, aspekti ekonomik vlerësohet si më kryesori
për të matur impaktin e tij. Indikatorët e marrë në analizë masin rëndësinë e burimeve natyrore
në sigurimin e të ardhurave familjare, vlerësimin e mundësisë për të krijuar të ardhura pas
112
transferimit të këtyre burimeve të Nj.Q.V, si edhe pagesën e tarifave nga ana e komunitetit dhe
investimet e kryera.
Ky objektiv është realizuar duke përdorur fillimisht analizën përshkruese të të dhënave dhe më
tej edhe analizën shumëfaktoriale. Rëndësia e këtyre burimeve theksohet edhe më shumë duke
patur parasysh faktin se studimi është kryer në komunitetet e zonave rurale, ku jetesa e pjesës
më të madhe të popullsisë varet nga bujqësia, blektoria por edhe nga pyjet, kullotat dhe bimët
medicinale.
Përmbushja e objektivit të dytë
Krahas përfitimit ekonomik, për komunitetin vlerësohet të jetë shumë e rëndësishme edhe
pjesëmarrja në vendimmarrje në lidhje me menaxhimin e burimeve natyrore, si një mundësi e
mirë për të përmirësuar qeverisjen vendore dhe për të përforcuar demokracinë. Fokusi i
politikave decentralizuese janë grupet e marxhinalizuara, kryesisht femrat dhe të varfërit, të cilët
duhet të bëhen pjesë e vendimeve që lidhen me jetesën e tyre. Kjo sepse, në zonat rurale, niveli i
varfërisë dhe i pabarazisë gjinore,është më i lartë dhe problemet janë më të ndjeshme.
Përfshirja sociale ndikohet edhe nga marrëdhënia ndërmjet komunitetit dhe Nj.Q.V që janë
përfaqësues të tyre. Në situatën e re të krijuar pas transferimit të këtyre burimeve, ku Nj.Q.V janë
pronarë dhe komuniteti përdorues, vetëm nëpërmjet bashkëpunimit të ngushtë mes tyre, mund të
garantohet suksesi i menaxhimit të këtyre burimeve.
Për përmbushjen e këtij objektivi është përdorur analiza përshkruese e të dhënave dhe më tej
edhe analiza shumëfaktoriale.
Marrëdhënia e mirë e komunitetit me Nj.Q.V ka sjellë edhe një nivel të kënaqshëm të
pjesmarrjes së tij në vendimmarrje.
Përmbushja e objektivit të tretë
Zhvillimi i qëndrueshëm i burimeve natyrore nënkupton përdorimin e tyre për gjenerimin e
përfitimeve në periushën aktuale, por pa cenuar mundësinë e brezave pasardhës për të përfituar
prej tyre. Ky është aspekt shumë i rëndësishëm që duhet të merret parasysh në hartimin dhe
implementimin e çdo politike prandaj është caktuar si objektivi i tretë i këtij studimi. Mbrojtja e
burimeve natyrore, përdorimi i tyre në mënyrën e duhur, zgjerimi i sipërfaqeve dhe përmirësimi i
atyre ekzistuese janë metoda eficente për të garantuar qëndrueshmërinë e tyre. Në këtë studim,
këta indikatorë të analizuar në mënyrë përshkruese janë përdorur për të përmbushur këtë
objektiv.
Përmbushja e objektivit të katërt
Krahas vlerësimit të efekteve të zbatimit të politikave decentralizuese, qëllimi i studimit është
edhe të ndërtojë një model për të paraqitur lidhjen ndërmjet faktorëve të ndryshëm që ndikojnë
impaktin e këtij procesi, nisur nga këndvështrimi dhe perceptimi i komunitetit. Fillimisht nga
literatura janë identifikuar faktorët që ndikojnë impaktin e decentralizimit në përgjithësi, dhe
nëpërmjet analizave empirike, në rastin e vendit tonë, është vlerësuar rëndësia e secilit prej
këtyre faktorëve.
Nëpërmjet analizave shumëfaktoriale është bërë një vlerësim i masës së ndikimit që secili nga
faktorët e rëndësishëm ka në impaktin e decentralizimit. Në këtë mënyrë, ky model mund të
përdoret për të bërë rekomandimet përkatëse për të gjithë aktorët pjesëmarrës në këtë proces.
113
5.2 Kontributi i Studimit
Çdo politikë e ndërmarrë duhet të shoqërohet me studime të mëtejshme për të vlerësuar impaktin
që ajo ka pasur dhe masën në të cilën janë përmbushur objektivat e paracaktuar. Reformat
decentralizuese janë thelbësore për arritjen e niveleve të larta të qeverisjes demokratike dhe
vendi ynë është përfëshirë në ndërmarrjen e këtyre reformave, më intensivisht pas viteve 2000.
Krahas rëndësisë së procesit të decentralizimit në përgjithësi, për vendin tonë ka një rëndësi të
madhe edhe vet sektori i pyjeve dhe kullotave për shkak të ndikimit të tyre në jetesën e një pjese
të konsiderueshme të popullsisë. Për këto arsye, ky studim tenton të vlerësojë procesin e
decentralizimit në këtë fushë, duke u fokusuar në aspektet social-ekonomike dhe në zhvillimin e
qëndrueshëm. Kontributi kryesor i studimit qëndron në mënyrën e vlerësimit të këtij procesi, e
cila bazohet në përceptimin e komunitetit në lidhje me përfitimet e gjeneruara. Përgjithësisht,
studimet në këtë fushë bazohen në institucionet e përfshira, ndërsa ky studim është kryer duke u
bazuar në vlerësimin që komuniteti i bën këtij procesi, duke qënë se është një nga përfituesit
kryesorë. Gjithashtu, ky studim tenton të ndërtojë një model konceptual për vlerësimin e impaktit
të proceseve decentralizuese, duke evidentuar faktorët kryesorë që ndikojnë në suksesin e këtyre
proceseve, nisur nga gjykimi i komunitetit. Në këtë mënyrë, ky model orienton politikëbërësit
dhe institucionet për aspektet që duhet t‟u kushtojnë më shumë rëndësi gjatë hartimit dhe
zbatimit të këtyre politikave.
5.3 Konkluzionet e Studimit
Realizimi i objektivave të paracaktuar në fillim të këtij studimi ndihmon në gjenerimin e disa
konkluzioneve të rëndësishme. Më poshtë paraqiten konkluzionet kryesore të studimit duke i
ndarë ato në: konkluzione të bazuara në perceptimin e komunitetit dhe në gjykimin e aktorëve të
tjerë pjesmarrës (Nj.Q.V, ShPPKK, DShP).
Konkluzione të bazuara në perceptimin e komunitetit:
Impakti i politikave decentralizuese në aspektin ekonomik është i konsiderueshëm për
shkak të rëndësisë së burimeve natyrore në gjenerimin e të ardhurave familjare. Është i
rëndësishëm perceptimi i komunitetit se transferimi i këtyre burimeve në pronësi të
Nj.Q.V është një mundësi e mirë për të rritur të ardhurat e tyre.
Mospagimi i tarifave për përdorimin e këtyre burimeve vështirëson krijimin e një sistemi
për mbledhjen e të ardhurave nga Nj.Q.V dhe riinvestimin e tyre në burim, çka do të
përmirësonte më tej gjendjen e tyre. Edhe pse vlerësimi për investimet e bëra është i
kënaqshëm, ato nuk sigurohen nga përdoruesit por nga qeveria qendrore dhe institucionet
e huaja.
Niveli i pjesëmarrjes në vendimmarrje në tërësi vlerësohet i kënaqshëm, duke mbajtur
parasysh edhe faktin që jo të gjithë kanë aftësitë për t‟u bërë pjesë e hartimit të planeve të
menaxhimit të burimeve natyrore. Edhe pse politikat decentralizuese u kushtojnë një
rëndësi të vecantë grupeve të marxhinalizuara, pabarazia gjinore vazhdon të jetë shumë e
theksuar. Numri i femrave pjesëmarrëse në aktivitetet vendimmarrëse është shumë i ulët
114
ndërsa për të varfërit ky tregues është më i mirë por jo në nivelet që synojnë politika të
tilla.
Një tregues tjetër i rëndësishëm për përmirësimin e qeverisjes vendore është marrëdhënia
ndërmjet Nj.Q.V dhe komunitetit, e cila vlerësohet të jetë shumë e mirë. Menaxhimi i
këtyre burimeve rekomandohet të decentralizohet pikërisht sepse Nj.Q.V. janë më pranë
komunitetit, njohin më mirë nevojat e tyre dhe njëkohësisht janë më të përgjegjshme për
përmbushjen e detyrave të caktuara.
Komunitetet janë aktive në mbrojtjen e pyjeve dhe kullotave dhe shprehen të gatshme për
të ndryshuar mënyrat e gabuara të përdorimit të tyre duke vënë në zbatim mënyrat e
rekomanduara nga ekspertët. Gjithashtu janë kryer investime për zgjerimin dhe
përmirësimin e sipërfaqeve ekzistuese, kryesisht nëpërmjet investimeve nga institucionet
qendrore dhe organizatat e huaja, duke qënë se të ardhurat e mbledhura nga përdorimi i
tyre nuk janë të mjaftueshme.
Modeli konceptual i ndërtuar është i rëndësishëm dhe mund të përdoret nga hartuesit e
politikave decentralizuese dhe aktorët e përfshirë në zbatimin e tyre, për t‟u orientuar mbi
faktorët që ndikojnë në suksesin e këtyre politikave.
Faktorët më të rëndësishëm që përmirësojnë impaktin e decentralizimit bazuar në
perceprimin e komunitetit janë vlerësimi për mënyrën e realizimit të procesit, mundësië
për të rritur të ardhuar dhe marrëdhënia Nj.Q.V – komunitet. Kjo do të thotë që, sa më
mirë të kryhet procesi i decentralizimit në tërësi, sa më shumë të vlerësohen mundësitë
për të krijuar të ardhura dhe sa më të mira të jeni marrëdhëniet Nj.Q.V – komunitet, aq
më i efektshëm do të vlerësohet impakti i decentralizimit të menaxhimit të burime
natyrore.
Gjithashtu, njohja e institucioneve përfaqësuese dhe praktikave për mbrojtjen e burimeve
natyrore ndikojnë pozitivisht mbi impaktin e decentralizimt, edhe pse në masë më të
vogël se faktorët e mësipërm.
Rëndësia e pyjeve dhe kullotave në garantimin e të ardhurave të përgjithshme familjare
ndikon në vlerësimin që ata i bëjnë impaktit të këtij procesi. Ky variabël është i
rëndësishëm por ndikimi i tij është negativ. Kjo lidhet me disa arsye, ndër më të
rëndësishmet mund të përmendim pritshmëritë e këtyre individëve nga decentralizimi në
tërësi dhe pagesa e tarifave për përdorimin e këtyre burimeve. Duke qenë se këto burime
përbëjnë burimet kryesore të të ardhurave për këto familje, ndjeshmëria e tyre nga i gjithë
procesi është më e madhe.
Nga analiza shumëfaktoriale e të dhënave nuk u vërtetua rëndësia e faktorëve të tjerë si,
“Shpenzimi i fondeve për mirëmbajtjen dhe zgjerimin e burimeve natyrore” dhe
“Përfshirja e komunitetit në hartimin e planeve të menaxhimit”, në vlerësimin që ata i
bëjnë impaktit të decentralizimit.
115
Duke u bazuar edhe në analizën e mësipërme të rëndësisë së faktorëve shpjegues, arrijmë
edhe një herë në konluzionin se aspekti më i rëndësishëm i decentralizmit është ai
ekonomik, duke mbajtur parasysh edhe faktin që studimi bazohet në perceptimin e
komunitetit. Të dhënat tregojnë se për konsumatorët është më e rëndësishme mundësia
për të krijuar të ardhura nga përdorimi i këtyre burimeve sesa investimet e kryera nga
institucionet e tjera apo përfshirja e tyre në vendimmarrje.
Konlkuzione të bazuara në gjykimin e aktorëve të tjerë pjesëmarrës:
Kuadri ligjor për pyjet komunale nuk është ende i plotë. Ka mungesë të legjislacionit për
menaxhimin e këtyre burimeve pas transferimit të tyre në pronësi të Nj.Q.V.
Njësitë e Qeverisjes Vendore nuk kanë gjithmonë kapacitetet teknike dhe staf të
kualifikuar për menaxhimin e ketyre burimeve. Kjo dukuri është e pranishme kryesisht
për shkak të madhësisë Nj.Q.V dhe shpërnguljes së specialistëve drejt qendrave më të
mëdha të banuara. Nga njëra anë institucionet nuk kanë mundësi financiare për të trajnuar
specialistët dhe njëkohësisht ata tërhiqen drejt mundësive më të mira për punësim.
Vështirësia për të mbledhur të ardhura nga përdorimi i pyjeve dhe kullotave komunale
pengon financimet e mëtejshme për të garantuar menaxhimin e tyre pas procesit të
decentralizimit.
Ekziston ende paqartësia në funksionet që çdo institucion përgjegjës ka në lidhje me
menaxhimin e këtyre burimeve. ShPPK dhe Nj.Q.V nuk kanë përgjegjësi të qarta ligjore
për pyjet komunale. Autoriteti aktual i këtyre institucioneve nuk është në linjë me
modelin e zhvillimit të pyjeve komunale.
5.4 Rekomandime
Bazuar në literaturën e shqyrtuar dhe në konkluzionet e nxjerra nga analiza e të dhënave, janë
hartuar disa rekomandime:
Institucionet qendrore përgjegjëse duhet të plotësojnë kuadrin ligjor për menaxhimin e
këtyre burimeve natyrore pas transferimit të tyre në pronësi të Nj.Q.V, duke përcaktuar
qartë edhe përgjegjësitë që duhet të ketë çdo institucion në këtë proces.
Gjithashtu, krahas hartimit duhet të garantohet edhe zbatimi i përpiktë i akteve ligjore.
Duhet të përmirësohen kapacitetet teknike dhe profesionale të punonjësve të Nj.Q.V për
të asimiluar sa më mirë procesin. Bazuar edhe në vlerësimin e komunitetit, mënyra e
realizimit të procesit në tërësi është faktor i rëndësishëm i suksesit të tij.
Krahas Nj.Q.V, edhe komuniteti duhet të ketë aftësi të mira për menaxhimin e pyjeve
komunale, si një nga aktorët kryesorë në përdorimin e qëndrueshëm të tyre. Për këtë
qëllim, duhet të ndërmerren nisma konkrete për aftësimin e tyre nga ana e institucioneve
përgjegjëse.
116
Pas kalimit të këtyre burimeve në pronësi të Nj.Q.V duhet të sigurohen të drejtat e
përdorimit për komunitetin. Në këtë mënyrë do rritet besimi i përdoruesit tek mundësia
për krijimin e të ardhurave nga këto burime, si një nga përfitimet kryesore të
decentralizimit të menaxhimit të tyre.
Duhet të garantohet vazhdimësia e investimeve nëpërmjet mbledhjes së të ardhurave nga
përdorimi i këtyre burimeve. Marrëdhënia e mirë ndërmjet komunitetit dhe Nj.Q.V duhet
të shfrytëzohet për të ndërgjegjësuar komunitetin rreth rëndësisë së sistemit të krijimit të
të ardhurave dhe rifinancimit në burim, si mënyra më e mirë për menaxhimin e
qëndrueshëm të këtyre burimeve
5.5 Kufizimet e Studimit
Pa nënvlerësuar rëndësinë e këtij punimi, dhe as përpjekjet për të realizuar sa më mirë objektivat
e tij, është e nevojshme të vihen në dukje disa kufizime të rezultateve të paraqitura. Kufizimi i
parë lidhet me modelin konceptual dhe variablat e përfshirë në të. Modeli është ndërtuar duke u
bazuar në shqyrtimin e literatures, madje duke mbajtur parasysh edhe kontekstin e studimit por
kjo mënyrë nuk është shterruese, më shumë variabla mund të merren në analizë për të shpjeguar
impaktin e decentralizimit. Ky punim është fokusuar vetëm në tri aspekte, por ato nuk janë të
vetmet. Së dyti, numri i pjesëmarrësve në studim dhe mënyra e shpërndarjes së zgjedhjes mund
të përmendet si kufizim. Edhe pse është konsideruar i mjaftueshëm për të zbatuar analizat
statistikore dhe për të gjeneruar rezultate të besueshme, zgjedhja mund të kishte qënë edhe më e
madhe, duke përfshirë anëtarë të komunitetit nga më shumë Nj.Q.V të përfshira në procesin e
decentralizimit, por kjo do mbetet sfidë për studime të mëtejshme. Së treti, për shkak të
mungesës së të dhënave për periudhat e kaluara, nuk është bërë një analizë krahasuese midis
vlerësimit të komunitetit para dhe pas transferimit të këtyre burimeve.
5.6 Studime të Mëtejshme
Realizimi i këtij studimi ka qënë një sfidë jo vetëm për rëndësinë e temës së trajtuar por edhe për
mënyrën e realizimit të tij. Ky studim tenton të hap horizonte për studime të mëtejshme në këtë
fushë, duke kapërcyer kufizimet e tij, dhe duke u shtrirë në një hapësirë më të gjerë. Gjithashtu,
me interes është vlerësimi i procesit të decentralizimit në këtë sektor, pas ndryshimeve
territoriale – administrative në vendin tonë. Autorja synon kryerjen e këtij vlerësimi në periudha
të mëvonshme duke marrë parasysh edhe faktorë të tjerë.
117
BIBLIOGRAFIA
Bahl, R and Linn, J. (1994), "Fiscal Decentralization and Intergovemrnmenatal
Transfers in Less Developed Countries", Publish: The Journal of Federalism
Baldacci, A. (2004), “Rrugëtime Shqiptare (1892-1902)”
Bartlett MS. (1954) “A further note on the multiplying factors for
various Χ2 approximations in factor analysis”. Journal of the Royal Statistical
Society. Fq.296–298.
Baviskar, A. (2002). “Between the Micro-politics and Administrative Imperatives:
Decentralization and the Watershed Mission in Madhya Pradesh, India,” Resources
Institute‟s Workshop on Decentralization and the Environment, Itali.
Bazaara, N. (2002). “Actors, Powers, and Environmental Accountability in Uganda’s
Decentralization,” World Resources Institute‟s Workshop on Decentralization and the
Environment, Itali.
Berenson, M. L. and D. M. Levine (1996), “Basic Business Statistics”, 6th ed.,
Englewood Cliffs, New Jersey: Prentice Hall International Inc
Blair, H. (2000). “Participation and Accountability at the Periphery: Democratic Local
Governance in Six Countries,” World Development Report.
Blair, W. (1996). “Democracy, equity and common property resource management in the
Indian subcontinent”. Development and Change, fq. 501-527.
Blumberg, B., Cooper, D. R., & Schindler, P. S. (2005). “Business research methods”.
London: McGraw-Hill.
Bouriaud, L. (2005). Causes of Illegal Logging in Central and Eastern Europe. Small-
scale Forest Economics. Management and Policy. Fq. 169-292.
Bourque, L. and Clark, V. (1994). “Processing Data: The Survey Example”, Newbury
Park, CA:Sage
Brown, D. (1999). “Principles and Practice of Forest Co- Management: Evidence from
West-Central Africa,” European Union Tropical Forestry Paper 2. London: Oversees
Development Institute.
Carter, M. (1994). “Sequencing capital and land market reforms for broadly based
growth”. Staff Paper Series No. 379. Madison, WI: Department of Agricultural
Economics, University of Wisconsin.
Chalfant, J.A. & Gallant, A. (1998). “Estimating substitution elasticities with the Fourier
Cost Form”. Journal of Econometrics.
Cistulli, V. (2002). Training materials for agricultural planning, Rome. International
Review of Administrative Sciences, fq. 22-42.
Collis, J. and Hussey, R. (2003) “Business Research: A Practical Guide for
Undergraduate and Postgraduate Students”. Basingstoke: Macmillan Business.
Comrey, A. L. & Lee, H. B. (1992). “A first course in factor analysis”. Hillsdale, NJ:
Erlbaum
Conyers, D. (2002). “Whose Elephants Are They? Decentralization of Control over
Wildlife Management through the CAMPFIRE Programme in Binga District,
Zimbabwe,” Environmental Governance Working Paper No. 4. Washington, D.C.: World
Resources Institute.
De Vaus, D. (2002). “Surveys in Social Research (5th
ed.)”. London: Routledge.
118
Dida, M. (2003). “State of Forest Tree Genetic Resources in Albania”. Forest Genetic
Resources Working Papers. W. P. FGR/62E. Rome, FAO
Dillman, Don A. (2007). “Mail and Internet Surveys”. The Tailored Design, Second
Edition.
Dupar, M, and Badenoch, N. (2002). “Environment, Livelihoods, and Local Institutions:
Decentralization in Mainland Southeast Asia.” Washington, D.C.: World Resources
Institute.
Faguer, J. (1997). "Decentralization and Local Governnment Performance", kumtesë e
prezantuar ne Konsultën Teknike mbi Decentralizimin, Organizata e Ushqimit dhe
Tregtisë, Romë, 16-18 Dhjetor 1997.
Fairhead, J, and Leach, M. (1996). “Misreading the African Landscape: Society and
Ecology in a Forest-Savanna Mosaic”. Cambridge: Cambridge University Press.
Fink, L. D. (2003). “Creating significant learning experiences: An integrated approach
to designing college courses”. San Francisco: Jossey-Bass
Fiszbein, A. (1997). "Shfaqja e Kapacitetit Lokal: Mësime nga Kolumbia, Zhvillimi
Botëror.
Foley, C. (1997). “Land rights in Angola: Poverty and plenty”, HPG Working Paper,
London: ODI.
Ford, J. (1999). “Decentralizimi, shenime permbledhëse”
Fox, J., and Aranda, J. (1996). “Decentralization and Rural Development in Mexico:
Community Participation in Oaxaca’s Municipal Funds Program”. San Diego: Center
for U.S.-Mexican Studies, University of California.
Frashëri, S, (1898). “Shqipëria, ç’ka qenë, ç’është e ç’do të bëhet”?
Frisvold, G. & Ingram, K. (1995). “Sources of agricultural productivity growth and
stagnation in sub- Saharan Africa”, Agricultural Economics, fq. 51-61.
Ghauri, P. and Grønhaug, K. (2005) “Research Methods in Business Studies: A
Practical Guide (3rd edn)”. Harlow: Financial Times Prentice Hall.
Goldman, M. (2001). “Partitioned Nature, Privileged Knowledge: Community-Based
Conservation in the Masai Ecosystem, Tanzania,” Environmental Governance in Africa
Working Paper No. 3. Washington, D.C.: World Resources Institute.
Hair, et al (2006). “Multivariate Data Analysis” (6th ed.). Upper Saddle River, NJ:
Pearson Prentice Hall
Harson, R. (1995), “Family farm structure and market orientation in the Republic of
Macedonia”. PhD Thesis, University of Madison-Wisconsin.
Jankowicz, A.D. (2005) Business Research Projects (4th edn). London: Business Press
Thomson Learning.
Kahn, R. L. and C. F. Cannell (1957). “The Psychological Basis of the Interview. The
Dynamics of Interviewing: Theory, Technique, and Cases”. New York, John Wiley &
Sons: fq. 22-64.
Kaimowitz, D, and Jesse C. Ribot. (2002). “Services and Infrastructure Versus Natural
Resource Management: Building a Base for Democratic Decentralization,” World
Resources Institute‟s Workshop on Decentralization and the Environment, Itali.
Kanuni i Lekë Dukagjinit”. Gjonlekaj Publishing Company. New York, 1989
Larson, A, M. (2002). “Decentralization and Natural Resource Management: A
Nicaraguan Case Study,” World Resources Institute‟s Workshop on Decentralization and
the Environment, Itali.
119
Lerin, F. and S. Marku (2010). Mobilités spatiales et développement en Albanie :
enseignement de la transition post-communiste et enjeux d'avenir. IVème conférence
internationale de démographie des Balkans Budva, Monténégro, INED.
Ligji nr. 9385 “Për pyjet dhe Shërbimin Pyjor
Litvack, J., Ahmad, J., Bird, R. (1998). “Rethinking Decentralization in Developing
Countries”, The World Bank Washington, D.C.
Manor, J. (1995) “Demokratic Decentralisation in Africa and Asia”, IDS Bulletin 26:, fq.
81-88.
Massuanganhe, I, J. (2008), “Policies, natural resource governance and local
Development in Mozambique”
MBU, (1998). “Strategjia e gjelbër për zhvillimin e bujqësisë”
McLure, C. (1995) “Comments over Prud'homme”, World Bank Research Observer
(1995) : Washington, D.C.
Mehmeti, A. (2005). “Biomasa e pyjeve dhe sistemet pyjekullosore”. Tiranë
Menard, S. (1995). “Applied Logistic Regression Analysis: Sage University Series
on Quantitative Applications in the Social Sciences”. Thousand Oaks, CA: Sage
Miller, K. (2002). “Advantages & disadvantages of local Government decentralization”.
A presentation to the Caribbean conference on local Government & decentralization,
Georgetown, Guyana
Ministria e Mjedisit, Pyjeve dhe Administrimit të Ujërave, IKP, 2013
MMPAU (2007) – “Strategjia ndër sektoriale për mjedisin”
Moore, M. (1997). “Death Without Taxes: Democracy, State Capacity, and Aid
Dependence in the Fourth World,” Towards a Democratic Developmental State. Oxford:
Oxford University Press.
Müller, D. and D. K. Munroe (2008). Changing Rural Landscapes in Albania : Cropland
Abandonment and Forest Clearing in the Postsocialist Transition. Annals of the
Association of American Geographers, fq. 855-876.
Muharremaj, V, Muharremaj, E, Collaku. N, Kola. H (2008). “Studim mbi Kuadrin Ligjor
për Pyjet dhe Kullotat Komunale në Shqipëri”
Muharremaj, V. (2003), “Pyjet dhe kullotat”.
Musgrave, R. (1959. The Theory of Public Finance: A Study in Public Economy
Norusis, M.J. (1994). “SPSS 6.1 Base System User’s Guide Part 2”. SPSS, Inc, Chicago.
Nunnally, J. C., & Bernstein, I. H. (1978) “Psychometric theory” (3rd ed.). New York,
NY: McGraw-Hill, Inc.
Oates, W (1957), “Researches for the Present: An Empirical Study” American Economic
Review 75:748
Oates, W. (1972). Fiscal Federalism. Harcourt-Brace, New York. Chapter five.
Oyugi, W, O. (2000). “Decentralization for Good Governance and Development,”
Regional Development Dialogue 21(1).
Plani Kombëtar për Zbatimin e Marrëveshjes së Stabilizim Asocimit 2012-2015, fq. 835]
Putnram, R. (1993). “Realizimi i Demokracisë, Traditat Civile në Italinë Moderne
Princeton, NJ.: Princeton University Press.
Ravallion, M. (1998). “Care for Poor Areas in a Federal System”, Policy Research
Working Paper 1901, Washington, D.C.
Ribot, J (1998). “Democratic decentralization of natural resources”
120
Ribot, J. (2002). Democratic decentralization of natural resources.
http://pdf.wri.org/ddnr_full_revised.pdf
Ribot, Jesse C. (1999). “Decentralization and Participation in Sahelian Forestry: Legal
Instruments of Central Political- Administrative Control,” Africa.
Ribot, Jesse C. (2002). “African Decentralization: Local Actors, Powers and
Accountability,” United Nations Research Institute on Social Development (UNRISD)
Programme on Democracy, Governance, and Human Rights, Paper No. 8. Geneva:
UNRISD
Robson, C. (2002). “Real World Research (2nd edn)”. Oxford: Blackwell.
Rocher, F., and C. Rouillard. (1998). “Decentralization, Subsidiarity, and Neoliberalism
in Canada: When the Tree Hides the Forest,” Canadian Public Policy-Analyse de
Politiques.
Romeo, L. (1996). “Local Development Funds: Promoting Decentralized Planning and
Financing of Rural Development,” United Nations Capital Development Fund, Policy
Series. New York: United Nations Capital Development Fund.
Rondinelli, D. (1981). “Government decentralization in comparative perspective: Theory
and practice in developing countries”. International Review of Administrative Sciences,
fq. 22-42.
Rregullore Nr. 308 datë 26.01.1996 “Për kalimin e pyjeve dhe kullotave komunale për
përdorim dhe administrim”.
Sandhusen, R,L. (2000). “Consumer Behavior”,. Educational Series. Inc, 2000, vol. 3, fq.
217–243
Saunders, M. N. K. & Lewis, P. (1997). “Great ideas and blind alleys? A review of the
literature on starting research”. Management Learning, fq. 283–299
Schumacher, E.F. (1973). “Small Is Beautiful: Economics as if People Mattered”. New
York: Harper and Row.
Seddon, J (1999), “Decentralizimi, Shënime përmbledhëse”, Instituti i Bankës Botërore
Stein, E. Talvi, E. Grisanti, A. (1998) “Rregjimet Institucionale dhe Performanca
Fiskale. Përvoja e Amerikës Latine”, Working Paper No. 6358, Cambridge, Mass
Stein, E., Talvi, E. and Grisanti, A. (1998) “Institutional regimes and fiscal performance.
The experience of Latin America”, Working Paper No. 6358, Cambridge, Mass.:
Stigler, G. (1957). Perfect Competition, historically contemplated. The Journal of
Political Economy, Volume 65, Issue 1, fq. 1-17
Stiglitz. J. (1993). “Agriculture Development and land Issues: Case study of Hungary.
Land Policy Team”. Journal of Agricultural Economics, fq. 72-92.
Tabachnick, B.G., & Fidell, L.S. (2007). “Using Multivariate Statistics”, Fifth Edition.
Boston: Pearson Education, Inc
Tendler, J (1993). “ Good Government in the Tropics” Baltimore: The Johns Hopkins
University Press,
UNDP (United Nations Development Programme). 2001, 2003, 2004, 2006. Human
Development Report Indicators:
http://www.undp.org/hdr2003/indicator/cty_f_MOZ.html
Uphoff, N. (1997). "Institutional Capacity and Decentralization for Rural
Development", Punim i paraqitur në Konsultën Teknike mbi Decentralizimin, Organizata
e Ushqimit dhe Bujqësisë, Romë, 16-18 Dhjetor, 1997
121
Veliu, M. (2012) Ndikimi i proceseve decentralizuese në Zhvillimin rajonal dhe Social,
Rasti i Vlorës). http://www.feut.edu.al/images/doktoratura_Matilda_VELIU.pdf
VKM. Nr. 396, date 21.6.2006 Per kriteret e transferimit dhe te perdorimit te pyjeve nga
njesite e qeverisjes vendore
Waldason, D, E., (1991) “Income distribution in Common Labor Market”, American
Economic Review 81(1991):757-74.
Waldason, D. (1997) “Externalities and Bailouts: The strengths and weaknesses of the
budget in Fiscal Intergovernmental Relations” Policy Research Working Paper 1843,
Washington, D.C.
Walonick, D. (1993). “StatPac Gold IV: Survey & Marketing Research Edition”.
Minneapolis, MN: StatPac Inc.
World Bank, (2001) “Expanding the Measure of Wealth”, Environment department.
http://web.worldbank.org/archive/website01007/WEB/0__CO-17.HTM
World Bank, (2001). “Land Policy and administration”, Preliminary: Lesson learned and
new challenges for the bank‟s Development agenda.
Zhang, T. dhe Zou, H (1997) “Fiscal Decentralisation. Public Expenditure and
Economic Growth in China”, Journal of Public Economics 67:2(1997):221-40;
IKP – Plani i Përgjithshëm i zhvillimit të Sektorit të Pyjeve, 2004.
Anketa e Matjes së Nivelit të Jetesës, AMNJ 2002, 2005*, 2008*, 2012*, Instat
122
SHTOJCA A : PYETËSORI I PËRDORUR PËR MBLEDHJEN E TË DHËNAVE
PYETESORI I VROJTIMIT TE KOMUNITETIT PYETËSOR Nr____
I. TË DHËNAT IDENTIFIKUESE DHE DEMOGRAFIKE
1. Qarku ________________________ 2. Rrethi ________________________ 3. Komuna _____________________ 4. Fshati ________________________
Nr. Gjinia 0=Femër, 1=Mashkull
Mosha Arsimi më i lartë që keni përfunduar: 1-Fillor 2-8-vjecar 3-mesem 4-Universitar 5-pasuniversitar
Statusi i Punësimit: 1-I Punësuar 2-I vetpunësuar 3-I papune 4-Pensionist,NE 5-Student/nxenes
Sektori i Punësimit (Nese P5 =1 ose 2 ) 1-Administrate 2-Biznes Privat 3-Bujqësi 4-Blektori 5-Profesione te lira 6-Tjeter (Specifiko)
(1) (2) (3) (4) (5)
1
II. VLERËSIMI I PROCESIT TE DECENTRALIZIMIT
1. Një pjesë e fondit të pyjeve dhe kullotave në vend ka kaluar në pronësi të komunave. A mendoni se ky kalim krijon mundësi për një menaxhim më të qëndrueshëm të këtyre burimeve?
_____________________________________________________________________________________________
2. Shumë
Dobët (1)
Dobët (2)
Nuk e di (3)
E mirë
(4)
Shumë mirë (5)
2. Si e vlerësoni në përgjithësi procesin e decentralizimit të këtyre burimeve?
3. Si e vlerësoni mundësinë për të krijuar të ardhura pas kalimit të pyjeve dhe kullotave në promësi të komunës?
4. Si e vlerësoni marrëdhënien e krijuar ndërmjet komunës (si pronar) dhe komunitetit (si perdorues) për menaxhimin e pyjeve dhe kullotave?
5. Si i gjykoni investimet e kryera në kuadër të zbatimit të Planit të Menaxhimit të Pyjeve dhe Kullotave?
6. Si i vlerësoni impaktet e decentralizimit në përmiresimin e pyjeve dhe kullotave komunale?
123
III. NJOHJA DHE PËRFSHIRJA NË PROCESIN E DECENTRALIZIMIT (0=jo, 1=po)
7. A keni qënë i përfshirë në planifikimin dhe menaxhimin e aktiviteteve gjatë procesit të transferimit të burimevenatyrore? (0)(1)
8. A keni dijeni se është hartuar një plan menaxhimi për pyjet dhe kullotat komunale?
(0)(1) 9. Nëse po, keni marr pjesë ne takimet e bëra në fshatin tuaj?
(0) (1)
10. Nëse po, keni shprehur mendimet tuaj për formën e përdorimit të pyjeve? (0) (1)
11. Për cfarë lloj përdorimi jeni ju ? a. Përdorim familjar; b. Përdorim në bazë fisi; c. Përdorim në bazë lagjeje; d. Përdorim në bazë fshati.
12. Mendoni se popullsia e fshatrave që e menaxhojnë në mënyrë të suksesshme pyllin e fshatit, meritojnë shpërblim për shërbimet e kryera?
(0) (1)
13. E dini se në komunën tuaj ekziston dhe funksionon “Shoqata e Përdoruesve të Pyjeve dhe Kullotave Komunale” ? (0) (1)
14. Cfarë roli duhet të luaj “Shoqata e Përdoruesve të Pyjeve dhe Kullotave Komunale” në menaxhimin e pyjeve dhe kullotave komunale?
______________________________________________________________________________________________________________________________________________________________
15. Në fshatin tuaj ka një komision të pyjeve. E njihni përbërjen e këtij komisioni ?
(0) (1)
IV. MBROJTJA DHE GARANTIMI I ZHVILLIMIT TË QËNDRUESHËM TË P&K KOMUNALE
16. A është i pranishëm fakti i dëmtimit të pyjeve të fshatit tuaj ? (0) (1)
17. A jeni aktiv në mbrojtjen e pyllit nga dëmtimet prej bashkefshatarëve tuaj apo prej personave jashtë fshatit ?
(0) (1) 18. A e pranoni se prerja e gjethit për rezervë ushqyese dimerore behët në bazë të një tradite jo të mirë, që
kjo mënyrë e demton pyllin ? (0) (1)
19. Nese po, a jeni të gatshëm ta ndryshoni këtë mënyrë, me teknikën e rekomanduar nga specialistët? (0) (1)
124
20. A keni dijeni në se shpenzohen fonde për: ( 0=Jo, 1=Po) P40 a) përmirësimin e pyjeve komunale (0)(1) b) zgjerimin e sipërfaqes pyjore (0)(1) c) mirëmbajtjen e kullotave ekzistuese (0)(1) d) zgjerimin e sipërfaqes kullosore (0)(1) e) rikonstruksionin e veprave ujëpirëse (0)(1)
21. Nëse keni dijeni për ndonjë nga këto shpenzime, burim i këtyre fondeve mendoni se janë: ( 0=Jo, 1=Po, 2=Nuk e di)
a) Nga tarifat e mbledhura për përdorimin e pyjeve dhe kullotave (0)(1)(2) b) Nga të ardhurat e tjera të komunës (0)(1)(2)
V. BURIMI I TË ARDHURAVE FAMILJARE
22. Sa janë të ardhurat mesatare vjetore në familjen tuaj? _____________ lekë (të reja)
23. Burimet e të ardhurave familjare
( 1=nuk siguroj të ardhura nga ky burim, 2= siguroj pak, 3=mesatarisht, 4=shumë, 5=burimi kryesor i të ardhurave)
1 Bujqësi dhe Blegtoria (1) (2) (3) (4) (5)
2 Biznes (prodhime artizanale, kioskë) (1) (2) (3) (4) (5)
3 Nga pyjet në zotërim (1) (2) (3) (4) (5)
4 Nga kullotat në zotërim (1) (2) (3) (4) (5)
5 Grumbullimi i bimëve mjekësore (1) (2) (3) (4) (5)
6 Punësim në shtet (1) (2) (3) (4) (5)
7 Emigracioni (1) (2) (3) (4) (5)
8 Pensione (1) (2) (3) (4) (5)
9 Asistencë/ Përkrahje sociale (1) (2) (3) (4) (5)
10 Tjetër, Specifikoni _______________ (1) (2) (3) (4) (5)
24. Keni marrë pjesë në ndonjë punim përmiresues në pyllin e fshatit tuaj?
(0) (1)
25. Sipas vlerësimit tuaj sa përqind e të ardhurave vjetore ka ardhur si rezultat i: a. Punësimit gjatë punimeve përmirësuese në pyje dhe kullota___% b. Nga ndikimi i punimeve përmirësuese pas zbatimit ___% c. Burimeve te tjera ___%
26. A paguajnë banorët e komunës tuaj taksa për përdorimin e pyjeve dhe kullotave?
(0)(1)
125
SHTOJCA B: TË DHËNAT E ANALIZËS PËRSHKRUESE, SHUMËFAKTORIALE
DHE REGRESIVE
Ndikimi i Burimeve Natyrore në të Ardhurat Familjare (në %) Burimi i të
Ardhurave
Nuk siguroj të
ardhura
Siguroj
pak Mesatarisht Shumë
Burimi kryesor i të
ardhurave
Bujqësia 5.8 37.2 20.7 11.2 25.2
Pyjet 78.5 19.8 1.2 0 0.4
Kullotat 86 11.2 2.5 0.4 0
Bimët
Mjekësore 73.6 21.1 4.1 0.4 0.4
Vlerësimi i mundësisë për të krijuar të ardhura pas kalimit të pyjeve dhe kullotave në
pronësi të Nj.Q.V
Frekuenca Përqindje Përqindje e vlefshme Përqindje Kumulative
Shumë dobët 4 1.7 1.7 1.7
Dobët 28 11.6 11.6 13.2
Nuk e di 3 1.2 1.2 14.5
E mirë 135 55.8 55.8 70.2
Shumë mirë 72 29.8 29.8 100.0
Total 242 100.0 100.0
Pagesa e Taksave dhe Investimet e kryera për Përmirësimin e Pyjeve Komunale
Jo Po Total
A paguajnë banorët e komunës tuaj taksa
për përdorimin e pyjeve dhe kullotave? 60.3 39.7 100
A kryhen investime për përmirësimin e
pyjeve komunale? 36.4 63.6 100
Vlerësimi për Investimet e kryera në kuadër të zbatimit të Planit të Menaxhimit
Frekuenca Përqindje Përqindje e vlefshme Përqindje Kumulative
Shumë dobët 8 3.3 3.3 3.3
Dobët 112 46.3 46.3 49.6
Nuk e di 5 2.1 2.1 51.7
E mirë 85 35.1 35.1 86.8
Shumë mirë 32 13.2 13.2 100.0
Total 242 100.0 100.0
126
Përfshirja e në Vendimmarrje sipas Gjinisë
Përfshirja në Vendimmarrje
Total Jo Po
Gjinia
Femër 13 2 15
86.70% 13.30% 100.00%
Mashkull 139 88 227
61.20% 38.80% 100.00%
Total 152 90 242
62.80% 37.20% 100.00%
Njohja e Aktiviteteve dhe Institucioneve Përfaqësuese në Menaxhimin e P&KK
Jo Po Total
A keni dijeni se eshte hartuar nje plan menaxhimi per
pyjet dhe kullotat komunale?
49.2 50.8 100
E dini se në komunën tuaj ekziston dhe funksionon
“Shoqata e Përdoruesve të Pyjeve dhe Kullotave
Komunale?
7 93 100
Ne fshatin tuaj ka nje komision te pyjeve. E njihni
perberjen e ketij komisioni?
34.7 65.3 100
Vlerësimi i Marrëdhënies Nj.Q.V – Komunitet
Frekuenca Përqindje Përqindje e vlefshme Përqindje Kumulative
Shumë dobët 7 2.9 2.9 2.9
Dobët 35 14.5 14.5 17.4
Nuk e di 42 17.4 17.4 34.7
E mirë 69 28.5 28.5 63.2
Shumë mirë 89 36.8 36.8 100.0
Total 242 100.0 100.0
Mbrojtja dhe Menaxhimi i Mirë i Burimeve Natyrore
Jo Po Total
A jeni aktiv në mbrojtjen e pyllit nga
dëmtimet? 21.9 78.1 100
A jeni i gatshëm të ndryshoni mënyrat e
gabuara të shfrytëzimit të burimeve natyrore
për të gjetur mënyrat më të mira të menaxhimit?
9.4 90.6 100
Forma e Përdorimit të Pyjeve sipas Vlerësimit të Komunitetit
Mënyra e Përdorimit Frekuenca Përqindja
Mbi bazë familje 120 49.7
Mbi bazë fisi 24 10.1
Mbi bazë lagje 20 8.4
Mbi bazë fshati 77 31.8
Total 242 100
127
Testet paraprake për përshtatshmërinë e të dhënave
Coefficientsa
Model
Unstandardized Coefficients
Standardized
Coefficients
t Sig.
Collinearity Statistics
B Std. Error Beta Tolerance VIF
1 (Constant) 2.303 2.147 1.073 .286
Procesi_ne_Pergjithesi -.069 .156 -.057 -.444 .658 .447 2.238
Krijimi_i_TA .105 .167 .095 .628 .531 .319 3.136
@7#_Marredhenia_KomunaKomunitet .138 .122 .147 1.138 .258 .443 2.259
Vleresimi_per_Investimet .189 .094 .211 2.012 .047 .668 1.497
@7#_Perfshirja_e_Komunitetit .356 .273 .133 1.302 .196 .709 1.411
@8#_A_keni_dijeni_se_eshte_hartuar_nje_plan_menaxhimi_p
-.651 .333 -.300 -1.952 .054 .312 3.207
@9#_Nese_po_keni_mare_pjese_ne_takimet_e_bëra_në_fshatin_tuaj_m
-.691 1.038 -.322 -.666 .507 .032 31.702
@10#_Nese_po_keni_shprehur_mendimet_tuaj_per_formen_e_perdorimit
1.245 .987 .576 1.261 .211 .035 28.404
@20_a .329 .411 .135 .802 .425 .258 3.873
@20_b -.131 .358 -.060 -.367 .715 .271 3.693
@20_c .471 .409 .220 1.152 .253 .201 4.984
@20_d -.182 .409 -.085 -.446 .657 .202 4.940
@20_e -.271 .323 -.125 -.838 .404 .332 3.012
@21_a .193 .246 .159 .784 .435 .180 5.565
@21_b -.033 .259 -.026 -.129 .898 .183 5.454
@13 .819 .581 .149 1.411 .162 .657 1.521
@15 .102 .265 .040 .383 .703 .661 1.512
@16 .171 .217 .083 .787 .433 .663 1.508
@17 .071 .367 .021 .193 .847 .597 1.674
@18 -.489 .402 -.144 -1.216 .227 .521 1.918
@19 .043 .452 .012 .095 .925 .479 2.089
@23_1 -.009 .104 -.011 -.087 .931 .455 2.197
@23_3 .224 .267 .096 .840 .403 .568 1.761
@23_4 -.149 .212 -.077 -.702 .485 .617 1.622
Gjinia -.861 .496 -.184 -1.737 .086 .654 1.528
Mosha .227 .355 .086 .639 .525 .410 2.440
@23_2 -.067 .121 -.063 -.556 .579 .581 1.721
@23_5 .218 .173 .129 1.260 .211 .702 1.425
@23_6 .043 .105 .053 .406 .685 .440 2.272
128
@23_7 -.010 .125 -.009 -.079 .937 .597 1.674
@23_8 -.045 .149 -.045 -.298 .766 .329 3.044
@23_9 -.142 .155 -.095 -.916 .362 .678 1.474
@23_10 -.036 .123 -.032 -.293 .770 .612 1.635
@24 -.233 .278 -.107 -.838 .404 .454 2.201
@25_a .002 .004 .061 .463 .644 .428 2.335
@25_b .007 .013 .073 .554 .581 .418 2.391
@25_c -.001 .015 -.006 -.039 .969 .268 3.735
@26Pagimi_Taksave .305 .273 .140 1.118 .267 .466 2.145
a. Dependent Variable: @12#Vleresimi_I_Impaktit
Analiza shumëfaktoriale e të dhënave KMO and Bartlett's Test
Kaiser-Meyer-Olkin Measure of Sampling Adequacy. .772
Bartlett's Test of Sphericity
Approx. Chi-Square 2247.655
df 136
Sig. .000
Communalities
Initial Extraction
Procesi_ne_Pergjithesi 1.000 .681 Krijimi_i_TA 1.000 .853 @7#_Marredhenia_KomunaKomunitet 1.000 .561 @8#_A_keni_dijeni_se_eshte_hartuar_nje_plan_menaxhimi_p 1.000 .785 @9#_Nese_po_keni_mare_pjese_ne_takimet_e_bëra_në_fshatin_tuaj_m 1.000 .945 @10#_Nese_po_keni_shprehur_mendimet_tuaj_per_formen_e_perdorimit 1.000 .939 @13 1.000 .428 @15 1.000 .543 @17 1.000 .474 @18 1.000 .374 @20_a 1.000 .679 @20_b 1.000 .661 @20_c 1.000 .793 @20_d 1.000 .796 @20_e 1.000 .698 @23_3 1.000 .683 @23_4 1.000 .577
Total Variance Explained
Component Initial Eigenvalues Extraction Sums of Squared Loadings
Rotation Sums of Squared Loadings
Total % of Variance
Cumulative %
Total % of Variance
Cumulative %
Total % of Variance
Cumulative %
1 5.025 29.562 29.562 5.025 29.562 29.562 3.598 21.165 21.165
2 2.113 12.427 41.989 2.113 12.427 41.989 2.684 15.790 36.955
3 1.821 10.709 52.698 1.821 10.709 52.698 2.007 11.804 48.760
4 1.396 8.215 60.912 1.396 8.215 60.912 1.816 10.681 59.441
5 1.113 6.545 67.457 1.113 6.545 67.457 1.363 8.016 67.457
6 .946 5.566 73.023
7 .784 4.611 77.634
8 .709 4.168 81.802
129
9 .697 4.103 85.905
10 .618 3.634 89.538
11 .506 2.976 92.515
12 .329 1.934 94.448
13 .277 1.631 96.079
14 .255 1.501 97.580
15 .232 1.364 98.944
16 .156 .916 99.860
17 .024 .140 100.000
Extraction Method: Principal Component Analysis.
Component Matrixa
Component
1 2 3 4 5
@20_a .801 @20_c .801 @8#_A_keni_dijeni_se_eshte_hartuar_nje_plan_menaxhimi_p .755 .364 @20_d .744 -.366 @20_b .737 @20_e .733 @9#_Nese_po_keni_mare_pjese_ne_takimet_e_bëra_në_fshatin_tuaj_m .714 .587 @10#_Nese_po_keni_shprehur_mendimet_tuaj_per_formen_e_perdorimit .702 .593 Krijimi_i_TA .819 .385 Procesi_ne_Pergjithesi .750 @7#_Marredhenia_KomunaKomunitet .603 .353 @15 .374 .549 @17 .309 -.324 .486 @13 .304 .441 @18 .310 .402 @23_3 .663 @23_4 .363 .555
Extraction Method: Principal Component Analysis. a. 5 components extracted.
Rotated Component Matrixa
Component
1 2 3 4 5
@20_d .883
@20_c .861
@20_e .802
@20_b .783
@20_a .731
@10#_Nese_po_keni_shprehur_mendimet_tuaj_per_formen_e_perdorimit .935
@9#_Nese_po_keni_mare_pjese_ne_takimet_e_bëra_në_fshatin_tuaj_m .935
@8#_A_keni_dijeni_se_eshte_hartuar_nje_plan_menaxhimi_p .798
Krijimi_i_TA .922
Procesi_ne_Pergjithesi .798
@7#_Marredhenia_KomunaKomunitet .704
@15 .703
@17 .658
@13 .622
@18 .586
@23_3 .813
@23_4 .720
Extraction Method: Principal Component Analysis. Rotation Method: Varimax with Kaiser Normalization. a. Rotation converged in 5 iterations.
130
Component Transformation Matrix
Component 1 2 3 4 5
1 .765 .546 .013 .288 .183 2 .086 -.248 .871 .348 -.228 3 -.432 .694 .426 -.325 .212 4 -.447 .089 -.160 .803 .350 5 .147 -.387 .187 -.215 .864
Extraction Method: Principal Component Analysis. Rotation Method: Varimax with Kaiser Normalization.
Statistikat e besueshmërisë së komponentëve
Reliability Statistics
Cronbach's Alpha N of Items
.899 5
VARIABLES=@20_a @20_b @20_c @20_d @20_e
Cronbach's Alpha N of Items
.938 3
VARIABLES=@8#_A_keni_dijeni_se_eshte_hartuar_nje_plan_menaxhimi_p
@9#_Nese_po_keni_mare_pjese_ne_takimet_e_bëra_në_fshatin_tuaj_m
@10#_Nese_po_keni_shprehur_mendimet_tuaj_per_formen_e_perdorimit
Cronbach's Alpha N of Items
.729 3
VARIABLES=Procesi_ne_Pergjithesi Krijimi_i_TA @7#_Marredhenia_KomunaKomunitet
Cronbach's Alpha N of Items
.541 4
VARIABLES=@13 @15 @17 @18
Cronbach's Alpha N of Items
.756 2
VARIABLES=@23_3 @23_4
Analiza regresive e të dhënave Variables Entered/Removed
a
Model Variables Entered Variables Removed
Method
1 Burimi_TA, Njohja_Inst_Praktika, Vleresimi_Pr_TA_Ma, Njohja_Perfshirja_PM, Shpenzim_fondesh
b . Enter
a. Dependent Variable: @12#Vleresimi_I_Impaktitb. All requested variables entered.
131
Model Summary
Model R R Square Adjusted R Square Std. Error of the Estimate
1 .457a
.208 .192 1.071
a. Predictors: (Constant), Burimi_TA, Njohja_Inst_Praktika, Vleresimi_Pr_TA_Ma, Njohja_Perfshirja_PM,Shpenzim_fondesh
ANOVAa
Model Sum of Squares df Mean Square F Sig.
1
Regression 71.296 5 14.259 12.433 .000b
Residual 270.654 236 1.147
Total 341.950 241
a. Dependent Variable: @12#Vleresimi_I_Impaktit
b. Predictors: (Constant), Burimi_TA, Njohja_Inst_Praktika, Vleresimi_Pr_TA_Ma, Njohja_Perfshirja_PM,Shpenzim_fondesh
Coefficientsa
Model Unstandardized Coefficients Standardized Coefficients
t Sig.
B Std. Error Beta
1
(Constant) 4.223 .069 61.347 .000
Shpenzim_fondesh -.087 .069 -.073 -1.261 .209
Njohja_Perfshirja_PM .101 .069 .085 1.460 .146
Vleresimi_Pr_TA_Ma .453 .069 .380 6.564 .000
Njohja_Inst_Praktika .143 .069 .120 2.079 .039
Burimi_TA -.229 .069 -.192 -3.322 .001
a. Dependent Variable: @12#Vleresimi_I_Impaktit
SHTOJCA C: TË DHËNA PËR BILANCIN KADASTRAL TË FONDIT PYJOR
2006 2007 2008 2009 2010 2011 2012
Emërtimi Sip.Ha % Sip.Ha % Sip.Ha % Sip.Ha % Sip.Ha % Sip.Ha % Sip.Ha %
Gjithsej 1,043,310 100 1,043,717 100 1,040,200 100 1,042,790 100 1,045,000 100 1,042,550 100 1,041,390 100
Pyje shterore 688,910 66 679,955 65 529,200 51 528,740 50 525,810 50 523,440 50 527,930 50
Pyje komunale 335,850 32 339,242 33 482,600 46 487,230 47 489,530 47 490,490 47 486,630 47
Pyje private 18,550 2 24,520 2 28,400 3 26,820 3 27,420 3 28,620 3 26,830 3
Burimi informacionit: Ministria e Mjedisit Pyjeve dhe Administrimit të Ujrave
132
Punimet dhe Investimet e realizuara në vitet 2005-2010, republika
Vitet
Punimet të realizuara ne vitet 2005-2010
Gjithsej 000/lekë
Pyllëzime Përmirësim pyjesh Sistemime malore Përmirësim kullota Vepra në kullota për sig.e ujit të
pijshëm
ha 000/leke ha 000/leke m3 000/leke ha 000/leke nr. 000/leke
2005 247.9 35316 1657.1 48959 3550.7 22211 351.1 6328 53 27034 139848
2006 199 36677 661.1 24612 10514.5 68372 139.1 3826 16 8819 142306
2007 198.6 40594 1322 46059 8598 59390 28.5 889 6 4199 151131
2008 330.2 65837 508.5 19200 3088.7 21625 0 0 22 9657 116319
2009 293.4 51995 249.7 7924 2455.8 14959 0 0 18 8623 83501
2010 126 26600 0 0 0 0 0 0 0 0 26600
TOTALI: 1395.1 257019 4398.4 146754 28207.7 186557 518.7 11043 115 58332 659705
Shenim: Per vitet 2011, 2012 dhe 2013 nuk ka patur investime ne pyje dhe kullota.