Download - Humadapnon Banghay Aralin
BANGHAY ARALIN SA FILIPINO 7
Taong Akademiko 2013 – 2014
Ikatlong Markahan
Layunin
Matukoy ang mahahalagang detalye ng akda
Maisa-isa ang mga katangian ng bayani
Masuri ang iba’t ibang stereotypes ng kasarian na makikita sa akda
Matukoy ang kahulugan at katangian ng epiko
Makapagbibigay ng kahalagahan ng epiko sa kasaysayan ng Pilipinas
Makagawa ng tula mula sa konotatibong kahulugan ng isang salita at kaugnay ng mga pangyayari
sa akda.
Paksang Aralin
Humadapnon (Buod ng isang epiko)
Sanggunian: Alab 7 (Ikatlong Markahan)
I. PAGBASA
Pamamaraan
A. Pagbabalik-aral: Denotatibo at Konotatibong Kahulugan
Mga Gabay na Tanong
1. Ano ang pagkakaiba ng denotatibo at konotatibo?
2. Magbigay ng halimbawa at gamitin sa pangungusap.
B. Bokabolaryo
Panuto: Ibigay ang kasingkahulugan ng salitang may salungguhit
Laro: Hangman
1. Napakalakas ng bagyong paparating sa Pilipinas kaya naman kapagdaka’y
ipinag-utos ng mga awtoridad na lumikas ang mga residente sa lugar na
tatamaan nito.
___ ___ ___ ___ (AGAD)
2. Nabalani ang lahat ng kalalakihan sa angking kagandahan ni Maria.
___ ___ ___ ___ ___ ___ (NAAKIT)
3. Para akong nasa langit sa tuwing naririnig ko ang iyong malamyos na tinig.
___ ___ ___ ___ ___ ___ ___ ___ ___ (MALAMBING)
4. Nanlumo ang Pangulo nang makita ang pinsalang idinulot ng bagyo.
___ ___ ___ ___ ___ ___ ___ ___ (NANGHINA)
5. Pinalakad mula sa Mariveles ang 70,000 sumukong Pilipino at Amerkano
hanggang Camp O'Donnell, kung saan sila ipiniit.
___ ___ ___ ___ ___ ___ ___ ___ ___ ___ ___ (IBINILANGGO)
C. Pagganyak
Gawain: Pagsunud-sunurin ang mga larawan upang makabuo ng isang makabuluhang
kwento. Lagyan ng caption o pag-uusap ang bawat larawan.
D. Pagtatalakay
1. Tanong sa pag-unawa sa binasa
a. Ang akdang inyong binasa ay isang kabanata ng anong epiko?
b. Saan nagmula ang epikong ito?
c. Bakit naglakbay si Humadapnon?
d. Sino ang bumihag kay Humadapnon? Sa paanong paraan?
e. Bakit hindi kaagad tumulong si Nagmalitong Yawa?
2. Pangkatang Gawain
Pangkat I – Gumawa ng flow chart ng mahahalagang pangyayari sa kwento.
Pangkat II – Isulat ang mga katangian ng pangunahing tauhan sa akda.
Pangkat III – Gumawa ng alternatibong wakas at isadula ito sa klase.
Pangkat IV – (a) Anu-ano ang mga katangiang dapat taglayin ng isang bayani?
Gumamit ng concept map. (b) Katanggap-tanggap ba para sa iyo ang
pagkakaroon ng mga kahinaan ng mga bayani? Bakit?
Pangkat V – (a) Isa-isahin ang mga stereotypes ng kasarian na makikita sa akda.
Punan ang talahanayan sa ibaba. (b) Sa inyong palagay, kahiya-hiya ba sa isang
lalaki ang humingi ng tulong sa babae? Talakayin ang sagot sa pamamagitan ng
isang debate. Tigdalawang argumento lamang bawat panig.
Lalaki Babae
E. Pagpapahalagang Pampanitikan
Mga Gabay na Tanong:
1. Ano ang epiko?
2. Anu-ano ang mga tema at elemento ng epiko?
3. Ano ang naging papel ng mga epiko sa kasaysayan ng Pilipinas?
F. Enrichment Activity
Kung gagawa ka ng epiko, sino ang gagawin mong bida? Ano ang gagamitin mong tema?
Ipaliwanag ang iyong sagot.
II. PAGSULAT
A. Talakayin ang katangian/elemento ng tula.
B. Papiliin ang mga estudyante ng tatlong tema mula sa Humadapnon.
C. Magbigay ng mga salitang may konotatibong kahulugan ng mga nabanggit na tema.
D. Pipili ang mga estudyante ng isang salitang gagawaan nila ng tula. Kumatha ng isang tulang
may 3 – 4 na saknong, may apat na linya bawat saknong. Gamiting pamagat ang salitang
napili. Ilagay sa isang buong papel at lagyan ng disenyo. Ang nilalaman ng tula ay dapat
may kaugnayan sa akdang binasa.