aplikimi i masave pËr sigurimin e pranisË sË tË …
TRANSCRIPT
C E N T R U M 14
39
Albana Aliu, MA1
UDC: 659.1:316.774]:316.723-021.463(497.7)
APLIKIMI I MASAVE PËR SIGURIMIN E PRANISË SË TË PANDEHURIT NË PROCEDURË PENALE, NË REPUBLIKËN E
KOSOVËS
AПЛИКAЦИJA HA MEPКИ 3A OCИГУPУBAЊE HA OБBИHETИOT ПPE3EHЦИJA BO КPИBИЧHA ПOCTAПКA,
BO PEПУБЛИКA КOCOBO
APPLICATION OF MEASURES TO ENSURE THE PRESENCE OF THE DEFENDANT IN CRIMINAL PROCEEDINGS, IN THE
REPUBLIC OF KOSOVO
ABSTRACT
The activity of justice bodies in criminal proceedings is quite
complex but also in many cases urgent, this is due to the fact that most of
this activity is related to preclusive deadlines, which do not tolerate
procrastination and precisely of this fact these bodies are obligated to
conduct the entire criminal procedure in accordance with the law but also
within a reasonable time so as not to lose the effect of future sanctions.
One of the very important elements for the criminal procedure to
take place in the form prescribed by law, it is also possible to provide the
necessary parties in criminal proceedings without which even this
procedure could not start or continue, in this case special emphasis will
be given to the defendant, taken into consideration that our criminal code
1 Master of Penal Law, University of Pristina “Hasan Prishtina”, str “Agim
Ramadani” 10000, Prishtinë. Teaching Assistant at ”Kadri Zeka” University, str. “Zija
Shemsiu”, 60000, Gjilan ([email protected]).
C E N T R U M 14
40
still does not recognize in a clear way the trial in absentia and it is the
obligation of the justice authorities to ensure that the defendant is always
present at criminal proceedings. Always respecting their rights and
freedoms, based on the laws in force but also on the various international
conventions which have found direct appeal in our domestic law.
The fact that criminal proceedings cannot be conducted without
the presence of the defendant gives us an understanding of the impor-
tance and purpose of this scientific work, as it is important to know how
much these measures are applied and how much the rights and freedoms
of the defendant are violated, in cases where such measures are applied.
Keywords: Measures, Criminal Proceedings, Criminal
Procedure Code.
HYRJE
Veprimtaria e organeve të drejtësisë në procedurën penale është
mjaft komplekse por edhe në shumë raste urgjente kjo për faktin se
pjesa më e madhe e kësaj veprimtarie është e lidhur me afate prekluzive
të cilat nuk durojnë shtyrje dhe pikërisht për këtë fakt këto organe janë
të obliguara që tërë procedurën penale ta zhvillojnë në përputhje me
ligjin, por edhe brenda një kohe të arsyeshme në mënyrë që të mos
humb efekti edhe i sanksioneve në të ardhmen. Njëra ndër elementet
mjaft të rëndësishme që procedura penale të zhvillohet në formën e
paraparë me ligj është edhe mundësia e sigurimit të palëve të domos-
doshme në procedurë penale pa të cilat edhe vet kjo procedurë nuk do
të mund të zhvillohej, e në këtë rast theks i veçantë do t’i kushtohet të
pandehurit, nisur nga fakti se kodi ynë penal nuk e ka rregulluar në
mënyrë shumë të qartë edhe për kundër ndryshimeve që janë bërë ko-
hëve të fundit, rrjedhimisht në një fare forme nuk e njeh gjykimin në
mungesë, është obligim i organeve të drejtësisë të sigurojnë praninë e
të pandehurit në procedurë penale, gjithmonë duke i respektuar edhe të
drejtat dhe liritë e tij bazuar në ligjet në fuqi por edhe në konventat e
ndryshme ndërkombëtare të cilat kanë gjetur aplikim të drejtpërdrejtë
edhe në të drejtën tonë të brendshme. Fakti që procedura penale nuk
mund të zhvillohet pa praninë e të pandehurit na jep të kuptojmë edhe
rëndësinë dhe qëllimin e këtij punimi shkencor, pasi që është e rëndë-
sishme të dimë se sa aplikohen këto masa dhe sa shkelen të drejtat dhe
liritë e të pandehurit në rastet kur aplikohen masat e tilla.
C E N T R U M 14
41
1.VËSHTRIME TË PËRGJITHSHME LIDHUR ME APLI-
KIMIN E MASAVE PËR SIGURIMIN E PRANISË SË TË
PANDEHURIT NË PROCEDURË PENALE
Pasi që, procedura penale zhvillohet nga pjesëmarrja e shumë
subjekteve procedurale, atëherë për sigurimin e pranisë së të pandehurit
në procedurë penale duhen ndërmarrë një sërë veprimesh. Masat e tilla
janë të natyrës së llojllojshme dhe për nga ashpërsia lidhur me aplikimin
e tyre kemi masa më të buta dhe më të ashpra duke filluar nga thirrja e
cila konsiderohet si masa më e butë dhe në të njëjtën kohë masa më e
aplikueshme, sepse në të gjitha rastet kur zhvillohet procedura penale
është obligim i organeve kompetente ta thërrasin të pandehurin apo ti
dërgojnë ftesë të rregullt në mënyrë që ai të njoftohet lidhur me veprën
për të cilën akuzohet dhe po ashtu njoftohet edhe për kohën dhe vendin
e mbajtjes së seancës, qoftë fillestare apo edhe seancës gjyqësore.
Po ashtu, kemi masat për sigurimin e prezencës së të pandehurit
dhe zhvillimin e suksesshëm të procedurës penale (masat e drejtuara
ndaj të pandehurit) dhe masat për sigurimin e gjësendeve të nevojshme
për procedurë penale2. Siç e përmendem ekzistojnë masa të llojllojshme
për të siguruar praninë e të pandehurit, në mesin e tyre: thirrja, urdhër-
arresti, premtimi i të pandehurit se nuk do ta braktisë vendqëndrimin,
ndalimi për të iu afruar vendit ose personit të caktuar, paraqitja në sta-
cionin policor, dorëzania, arresti shtëpiak, diversioni dhe paraburgimi3.
Gjithmonë është e rëndësishme që me rastin e vendosjes se cilën nga
masat do ta zbatojnë organet kompetente për të siguruar praninë e të
pandehurit në procedurë penale, gjykata duhet që ti merr parasysh kush-
tet e përcaktuara për masat konkrete dhe të siguroj që të mos zbatoj
ndonjë masë më të rëndë kur ajo mund të zbatoj ndonjë më të butë.
Në vendin tonë vërehet një tendencë për shqiptimin e masave më
të buta, në mënyrë që të respektohen të drejtat dhe liritë e qytetarëve
edhe në rastet kur ata janë të dyshuar për ndonjë vepër penale, mirëpo
nuk janë të pakta rastet kur gjykata sipas kërkesës së prokurorisë por
shpesh edhe sipas bindjes së lirë shqipton ndonjë masë më të rëndë
sepse vetëm në këtë mënyrë sigurohet prania e të pandehurit në proce-
durë penale dhe siç e dimë që sa më të rënda masat aq më të mëdha janë
mundësitë që të kufizohen të drejtat dhe liritë e qytetarëve.
2 Sahiti.E, E Drejta e Procedurës Penale, Enti i Teksteve dhe i Mjeteve Mësimore i
Krahinës Socialiste Autonome të Kosovës, Prishtinë, 1988, f.119. 3 Kodi i Procedurës Penale i Republikës së Kosovës, nr.04/L-123, neni 173.
C E N T R U M 14
42
Po ashtu, ajo që vërehet në praktikë në vendin tonë është se tash-
më është krijuar një standard edhe i aplikimit të këtyre masave sepse
për disa vepra penale që janë të natyrës së lehtë nuk vërehet e domos-
doshme aplikimi i ndonjë mase të rëndë por mjafton vetëm thirrja drej-
tuar të pandehurit dhe në atë formë sigurohet prania e të pandehurit dhe
shpesh janë pikërisht ata që kanë interes më të madh që çështja e tyre të
zgjidhet dhe nuk e shohin si të nevojshme shmangien nga drejtësia dhe
zvarritjen e procedurës në kohë të pacaktuar.
Shpesh ju referuam termit masë më e butë dhe sipas Kodit tonë të
Procedurës Penale, shprehja “masë më e butë për të siguruar praninë e
të pandehurit” apo “masa më të buta” për qëllim të këtij kodi nënkupton
thirrjen, premtimin e të pandehurit se nuk do ta braktisë vendqëndrimin,
ndalimi për t’iu afruar vendit ose personit të caktuar, paraqitjen në sta-
cionin policor, dorëzaninë, arrestin shtëpiak dhe diversionin4. Nga kjo
shihet se paraburgimi është ajo që i referohemi kur themi masë më e
rëndë. Gjykata me rastin e vendosjes se cilën nga masat e sipërshënuara
do ti zbatoj për të siguruar praninë e të pandehurit, udhëhiqet me këto
parime: 1.Parimi i ligjshmërisë, 2.i gradualitetit, 3.i proporcionalitetit
dhe 4.i kontrollit gjyqësor ose ex officio të zbatimit të tyre5.
1.1.Thirrja
Thirrja është forma e parë dhe themelore nëpërmjet të cilës reali-
zohet prania e të pandehurit në procedurë penale. Ndryshe thënë thirrja
është hapi i parë i ndërmarrë nga ana e gjykatës Thirrjen të pandehurit
ia dërgon gjykata bazuar në procedurën e përcaktuar me ligj. Si rregull
gjykata ftesën apo thirrjen ia dërgon të pandehurit në zarf të mbyllur i
cili përmban: emrin dhe adresën e gjykatës e cila e shënon thirrjen,
emrin dhe mbiemrin e të pandehurit, përcaktimin e veprës penale me të
cilën ngarkohet, vendin, ditën dhe orën kur duhet të paraqitet i pan-
dehuri, duhet të njoftohet se në çfarë cilësie është ftuar, paralajmërimin
se në rast të mosparaqitjes në gjykatë i njëjti do të sillet forcërisht , në
fund të thirrjes shënohet edhe vula zyrtare si dhe emri i gjyqtarit që e
ka dorëzuar thirrjen.
I pandehuri, kur ftohet për herë të parë duhet të njoftohet me të
drejtën e tij për të pasur mbrojtës si dhe në praktikë kur i pandehuri
ftohet për herë të parë duhet ti dërgohet edhe një kopje e aktakuzës në
4 Po aty, neni 173, parag.5. 5 Pavisic-Bertaccini, Le alter procedure penali,- Transizioni dei sistemi processuali
penali, G. Giappichelli Editore, Torino,2002, f.272.
C E N T R U M 14
43
mënyrë që i pandehuri të jetë i përgatitur paraprakisht dhe ti ketë të
gjitha njohuritë e nevojshme. I pandehuri duhet menjëherë ta njoftoj
gjykatën për çdo ndryshim të adresës së tij ose për qëllimin që ta ndërroj
vendqëndrimin. Për këtë obligim si dhe për pasojat ligjore në rast mos-
njoftimi, të pandehurit i bëhet me dije me rastin e marrjes së tij në pyetje
për herë të parë ose me rastin e dorëzimit të aktakuzës6.
Po ashtu, bazuar në Kodin e Procedurës Penale në rastet kur i
pandehuri nuk është në gjendje t’i përgjigjet thirrjes për shkak të sëmun-
djes ose pengesës tjetër të paevitueshme, ai pyetet në vendin ku gjendet
ose dërgohet në ndërtesën e gjykatës apo në vendin tjetër ku është duke
u zbatuar procedura ose shtyhet marrja e tij në pyetje7.
1.2.Urdhërarresti-shoqërimi
Në parim urdhërarrestin mund ta lëshoj vetëm gjyqtari, ndërkaq
për ta thjeshtësuar edhe më shumë dhe varësisht prej fazës në të cilën
ndodhet procedura penale, atëherë urdhërarrestin mund ta lëshoj gjyq-
tari i procedurës paraprake (zakonisht në rastet kur kërkohet që i pande-
huri të jetë prezent në seancën dëgjimore), gjyqtari i vetëm gjykues (në
të gjitha rastet kur çështjet gjykohen nga gjyqtari individual), kryetari i
trupit gjykues (në të gjitha çështjet që gjykohen nga trupi gjykues).
Urdhërarrestin mund ta lëshoj gjyqtari sipas detyrës zyrtare (ex
officio), në rastet kur i pandehuri është ftuar me rregull, mirëpo ai nuk
i është përgjigjur ftesës, ndërkaq mungesën e tij nuk e justifikon. Po
ashtu, ndaj të pandehurit mund të lëshohet urdhërarresti kur vërehet që
ai me dashje po i shmanget drejtësisë.
Urdhërarresti jepet me shkrim dhe përfshinë të gjitha të dhëna
personale të cilat janë të njohura për gjyqtarin në momentin e lëshimit
të atij urdhërarresti, shënohet vepra penale, baza ligjore mbi të cilën
gjyqtari ka vendosur për lëshimin e këtij urdhri, vula zyrtare dhe nën-
shkrimi i gjyqtarit që e lëshon urdhrin.
Kërkesën për urdhërarrest mund ta bëjë edhe prokurori i shtetit,
ose në rrethana të ngutshme me kërkesë të policisë ndaj të dyshuarit kur
ekzistojnë kushtet për caktimin e masës së paraburgimit. Urdhërarrestin
e ekzekuton organi kompetent që në këtë rast është policia, personi nga
radhët e policisë i cili është ngarkuar me këtë detyrë fillimisht ia dorë-
zon urdhrin të pandehurit dhe kërkon nga ai që të shkoj me të, mirëpo
6 Sahiti.E, Murati.R, E Drejta e Procedurës Penale, Prishtinë, 2016, f.190 7 Kodi i Procedurës Penale të Republikës së Kosovës, nr.04/L-123, neni 174
paragrafi.5.
C E N T R U M 14
44
në rastet kur i pandehuri refuzon ai shoqërohet forcërisht dhe dërgohet
para gjyqtarit i cili e ka lëshuar urdhrin bazuar në dispozitat e Kodit
tonë të Procedurës Penale, në kohën e arrestimit, personi informohet në
gjuhën që e kupton për arsyet e arrestimit dhe për të drejtat e tij8.
Kjo masë mund të caktohet brenda një periudhe kohore, mirëpo
edhe në rastet kur nuk përcaktohet shprehimisht koha e vlefshmërisë,
kjo masë skadon në mesnatën e ditës së treqind e gjashtëdhjetë e pestë
nga dita e lëshimit. Ndërkaq, në vendin tonë urdhërarresti llogaritet si
një masë e cila shqiptohet mjaft shpesh, zakonisht në rastet kur të pan-
dehurit i dorëzohet thirrja apo ftesa për të prezantuar në seancë gjyqë-
sore dhe ai refuzon ti përgjigjet kësaj ftese atëherë gjithmonë pason
aplikimi i kësaj mase, në rastet tjera kur ekziston rreziku që i dyshuari
në rastet e procedurës paraprake do të arratiset atëherë gjykata (gjyqtari
i procedurës paraprake) lëshon urdhërarrestin.
Urdhërarresti për nga zbatimi qëndron menjëherë pas thirrjes si
masa më e butë, e përcjellë nga paraburgimi si masa më e rëndë. Është
e rëndësisë së veçantë që gjatë ekzekutimit të kësaj mase të respektohen
te gjitha të drejtat dhe liritë e personit, dhe ai të trajtohet me dinjitet
gjatë kohës që qëndron në arrest. Në vendin tonë bazuar në të dhënat e
hulumtimeve të ndryshme shohim se qytetarët që kanë qenë të ballafa-
quar me situata të tilla kanë pasur trajtim dinjitoz nga ana e policisë si
dhe respektim të të gjitha procedurave duke mos cenuar të drejtat dhe
liritë të cilat janë paraparë me kushtetutë dhe me ligjet në fuqi, edhe pse
thellë në vete arrestimi si masë për sigurimin e pranisë së të pandehurit
në procedurë penale paraqet një lloj kufizimi të lirisë së lëvizjes si e
drejtë themelore e garantuar me kushtetutë9.
1.3.Premtimi i të pandehurit se nuk do të braktisë vendqëndrimin
Kjo masë ka të bëjë me kufizimin e lirisë së qarkullimit të të
pandehurit pa heqje të lirisë dhe zbatohet kur ekziston dyshimi i bazuar
se i njëjti ka kryer vepër penale dhe ka arsye për të besuar se gjatë zhvi-
llimit të procedurës mund të fshihet ose të largohet nga Kosova. Në këto
raste gjykata mund të kërkoj nga i pandehuri premtimin se nuk do të
fshihet apo se nuk do të largohet nga Kosova dhe se pa lejen e gjykatës
nuk do të largohet nga vendqëndrimi i tij. Premtimi i dhënë shënohet në
procesverbal. Me rastin e dhënies së premtimit duhet të përpilohet
8 Po aty, neni 167. 9 Kushtetuta e Republikës së Kosovës, neni 35 paragrafi 1.
C E N T R U M 14
45
procesverbal, me ç’rast paralajmërohet i pandehuri se kundër tij mund
të caktohet paraburgimi, në rast se nuk i përmbahet premtimit.
Premtimi i të pandehurit mund të zbatohet si masë e pavarur, por
mund të zbatohet edhe si masë plotësuese së bashku me dorëzaninë.
Gjykata zbaton masën e premtimit, po ashtu me aktvendim mund të
vendos që të merret përkohësisht nga i pandehuri edhe dokumenti i
udhëtimit. Kundër këtij aktvendimi lejohet ankesë, por ajo nuk e pezu-
llon ekzekutimin e tij, kjo masë mund të shqiptohet bazuar në dispozitat
e Kodit të Procedurës Penale të Republikës së Kosovës. Në nivel të
vendit kjo masë nuk ka gjetur zbatim shumë të madh, sidomos për
veprat penale të natyrës së rëndë, pasi që gjithmonë ekziston rreziku që
i pandehuri do të largohet nga vendi apo edhe do të arratiset.
Ndërkaq te veprat e natyrës më të butë shqiptohet si masë por
gjithmonë duke marrë parasysh edhe pasojat e mundshme. Kohëve të
fundit është vërejtur një praktikë që gjykata kur bëhet fjalë për marrjen e
dokumentit të udhëtimit (pasaportës) e kishte më të lehtë, mirëpo udhë-
timi në disa prej vendeve fqinje vetëm me dokument idetifikues (letër-
njoftim), ka shkaktuar një lloj vështirësie për shkakun se marrja e përkoh-
shme e këtij dokumenti mund të shkaktoj vështirësi në kryerjen e punëve
të përditshme nga ana e të pandehurit. Ndoshta kjo është edhe arsyeja pse
organet kompetente po ngurrojnë në shqiptimin e kësaj mase.
1.4.Ndalimi për t’iu afruar vendit ose personit të caktuar
Gjykata mund të ndaloj të pandehurin për të iu afruar vendit ose
personit të caktuar kur: ekziston dyshimi i bazuar se i pandehuri ka
kryer vepër penale dhe ka arsye për të besuar se ai do ti shkatërroj pro-
vat, se do të ndikoj në dëshmitarë a në bashkëkryerës ose bashkëpje-
sëmarrës, ose rrethanat e posaçme tregojnë rrezikun se ai do të përsërisë
a përfundoj veprën penale ose ta kryej veprën penale për të cilën është
kanosur se do ta kryej, dhe besohet se aplikimi i kësaj mase mund të
zvogëloj rrezikun e sipërtheksuar10.
Për këtë masë gjykata vendos me aktvendim të arsyetuar, aty
shënohen arsyet dhe kushtet në të cilat është bazuar gjykata për shqipti-
min e kësaj mase dhe përcaktohet largësia që duhet respektuar nga ana
e të pandehurit në raport me vendin dhe personin e caktuar. Aktvendimi
i dërgohet personit i cili është i obliguar ta respektoj vendimin në fjalë,
10 Sahiti.E, Murati.R, E Drejta e Procedurës Penale, f. 192, Prishtinë, 2016.
C E N T R U M 14
46
si dhe shpesh ky aktvendim i dërgohet edhe palës në favor të së cilës
është ndërmarrë kjo masë.
Mos respektimi i kësaj mase mund të paraqes pasoja për të dyja
palët, në njërën anë për të pandehurin sepse në rast mosrespektimit të
kësaj mase, kjo masë do të zëvendësohet me paraburgim, ndërkaq nëse
personi i mbrojtur e cenon këtë masë dhe i afrohet të pandehurit atëherë
gjykata mund ta dënoj personin e mbrojtur me gjobë ashtu siç është
paraparë me Kodin e Procedurës Penale të Republikës së Kosovës.
Dispozitat lidhur me paraburgimin zbaton përshtatshmërisht edhe për
këtë masë sa i përket caktimit, kohëzgjatjes, vazhdimit dhe pushimit.
Në Kosovë, në nivel vendi kjo masë zakonisht është caktuar në
rastet e dhunës në familje të cilat kanë qenë të natyrës më të lehtë, pastaj
në rastet e kanosjes dhe në këtë mënyrë është pamundësuar që i pan-
dehuri t’i afrohet palës së mbrojtur derisa gjykata ka vendosur lidhur
me çështjen.
1.5.Paraqitja në stacionin policor
Pos tërë masave të lartpërmendura, gjykata mund të vendos që të
pandehurit t’i caktohet masa që herë pas here të paraqitet në stacionin
policor. Paraqitja në stacionin policor bëhet në vendbanimin e të pan-
dehurit, në rast se nuk ka vendbanim të caktuar atëherë bëhet në vend-
qëndrimin e tij dhe nëse i pandehuri nuk ka vendqëndrim të caktuar
atëherë paraqitja në stacionin policor bëhet në vendin ku i pandehuri
gjendet në momentin e dhënies së urdhrit. Kjo masë caktohet në rastet
kur ekziston dyshimi i bazuar se i pandehuri ka kryer vepër penale dhe
ka arsye për të besuar se i pandehuri do të fshihet, do të shkoj në vend
të panjohur ose do të largohet nga vendi.
Sikurse, për çdo masë tjetër edhe për këtë masë gjykata vendos
me aktvendim të arsyetuar mirë. Aktvendimi i dërgohet të pandehurit
dhe stacionit policor i cili edhe do e ekzekutoj këtë masë. I pandehuri
njoftohet me pasojat e mosrespektimit të masës dhe se e njëjta masë
mund të zëvendësohet me masën e paraburgimit. Për çështje të sigurisë
të njëjtit mund ti sekuestrohet përkohësisht edhe dokumenti i udhëtimit,
ankesa sa i përket aktvendimit lidhur me sekuestrimin e dokumentit të
udhëtimit nuk e ndal ekzekutimin e masës.
Të njëjtat dispozita qe zbatohen lidhur me caktimin e masës së
paraburgimit në të njëjtën mënyrë zbatohen edhe për masën paraqitja
në stacionin policor. Kjo masë në vendin tonë ka gjetur zbatim në rastet
kur veprat penale janë të natyrës veçanërisht të lehtë, sepse me anë të
C E N T R U M 14
47
kësaj mase i pandehuri nuk shkëputet nga përditshmëria duke i mundë-
suar kryerjen e punëve të tij por në të njëjtën kohë të pandehurin e ka
nën mbikëqyrje derisa gjykata të merr një vendim lidhur me rastin kon-
kret , edhe pse siç e theksuam më lartë kjo masë është caktuar më së
shumti në rastet e veprave penale të natyrës së lehtë.
1.6.Dorëzania
Kjo masë nënkupton sigurimin e pranisë së të pandehurit në
procedurë penale përmes shumës së caktuar të parave nga i pandehuri
apo dikush tjetër në emër të tij si zëvendësim për paraburgim, në rastet
kur paraburgimi do të caktohej apo është caktuar për shkak të rrezikut
nga ikja apo rrezikut se i njëjti do të kryej vepër penale të llojit të njëjtë
apo të ndryshëm. Dorëzania është paraparë me Kodin e Procedurës
Penale të Kosovës në nenin 179, në këtë nen thuhet se gjykata mund të
urdhëroj që i pandehuri të mbrohet në liri me dorëzani ose të lirohet nga
paraburgimi me dorëzani kur: ekziston dyshimi i bazuar se i pandehuri
ka kryer vepër penale, baza e vetme për paraburgim është frika se i
pandehuri mund të ikë dhe se i pandehuri premton se nuk do të fshihet
ose pa leje nuk do të braktisë vendqëndrimin e tij.
Sikurse në rastet e caktimit të masave tjera edhe me rastin e cakti-
mit të masës së dorëzanisë, gjykata vendos me aktvendim, aktvendimi
duhet të jetë i arsyetuar mire. Para ngritjes së aktakuzës, aktvendimi
mbi dorëzaninë merret nga gjyqtari i procedurës paraprake ndërsa pas
ngritjes së aktakuzës nga gjyqtari i vetëm gjykues apo kryetari i trupit
gjykues. Aktvendimi i dorëzohet të pandehurit, personi që i nënshtrohet
aktvendimit me dorëzani i konfiskohet përkohësisht dokumenti i udhë-
timit, në rastet kur gjykata vlerëson që i pandehuri përkundër dorëzanisë
mund të tentoj ti shmanget drejtësisë.
Ankesa ndaj aktvendimit për konfiskimin e përkohshëm të
dokumentit të udhëtimit të personit nuk e pezullon ekzekutimin e këtij
aktvendimi. E rëndësishme është edhe shuma e parave që caktohet me
anë të dorëzanisë e kjo bëhet në varësi prej peshës së veprës penale,
rrethanave personale dhe familjare të të pandehurit dhe gjendjes mate-
riale të personit që e jep dorëzaninë. Dorëzania mund të jepet në forma
të ndryshme si psh, në para të gatshme, me letra me vlerë, sende të
vlefshme dhe me pasuri të tjera me vlerë të konsiderueshme të cilat
lehtë mund të shndërrohen në para apo edhe të ruhen.
Nëse i pandehuri ikë, me aktvendim të gjykatës caktohet që vlera
e dhënë si dorëzani të derdhet në fondin për kompensimin e viktimave.
C E N T R U M 14
48
I pandehuri gjithmonë njoftohet me kohë për pasojat e mosbindjes,
dorëzania hiqet kur procedura penale pushohet me aktvendim të formës
së prerë ose me aktgjykim të formës së prerë, kur i pandehuri dënohet
me burgim, dorëzania hiqet vetëm pasi ai të ketë filluar mbajtjen e dëni-
mit. Kjo masë në vendin tonë nuk ka gjetur zbatim të madh krahasuar
me të tjerat, ndoshta nga fakti i gjendjes ekonomike në të cilën gjendet
pjesa më e madhe popullatës, mungesa e të ardhurave të rregullta, punët
sezonale e kështu me radhë.
1.7.Arresti shtëpiak
Gjykata me aktvendim cakton masën e arrestit shtëpiak dhe të
njëjtin e arsyeton mirë, ku me këtë aktvendim vendos se i pandehuri
nuk guxon të largohet nga lokalet ku ai e ka vendbanimin ose vendqën-
drimin, apo nga institucioni publik për trajtim ose përkujdesje. Gjykata
po ashtu të pandehurit mund t’ia kufizoj kontaktin me njerëzit që nuk
bashkëjeton si dhe me ata që nuk janë të varur nga ai. Përjashtimisht,
gjykata mund t’ia lejoj që për kohë të caktuar të largohet nga lokalet ku
mbahet arresti shtëpiak, kur kjo është e nevojshme për t’i kryer nevojat
jetësore dhe punët e përditshme. Për të parë nëse i pandehuri po e zbaton
masën e caktuar nga gjykata njoftohet stacioni policor ku i pandehuri e
ka vendbanimin apo vendqëndrimin e përkohshëm, dhe në këtë mënyrë
ai stacion e ekzekuton dhe e mbikëqyr këtë masë, ekziston mundësia që
gjykata vetë ta mbikëqyr zbatimin e masës së arrestit shtëpiak mirëpo
kjo kompetencë zakonisht i delegohet stacionit policor. Policia edhe pa
kërkesë të gjykatës në çdo kohë mund të verifikojë zbatimin e masës së
arrestit shtëpiak dhe pa vonesë e njofton gjykatën për çdo cenim të
mundshëm të masës.
Gjatë caktimit të kësaj mase duhet të aplikohen dispozitat e Kodit
të Procedurës Penale lidhur me caktimin, kohëzgjatjen dhe heqjen e
arrestit shtëpiak. Pas ngritjes së aktakuzës gjyqtari i vetëm gjykues ose
kryetari i trupit gjykues vendos në të gjitha rastet mbi vazhdimin e
arrestit shtëpiak në bazë të propozimit të arsyetuar të prokurorit të shte-
tit. I pandehuri si dhe mbrojtësi i tij, duhet njoftuar lidhur me propozi-
min e prokurorit të shtetit tri ditë para kalimit të afatit të aktvendimit
aktual mbi arrestin shtëpiak.
Në vendin tonë kjo masë për sigurimin e pranisë së të pandehurit
në procedurë penale është mjaft e shprehur, dhe shqiptohet pothuajse në
të gjitha veprat penale pa marrë parasysh a bëhet fjalë për vepra penale
të natyrës së lehtë apo edhe të natyrës më të rëndë. Është vërejtur se në
C E N T R U M 14
49
rastet kur ekziston një mundësi sa do e vogël që mos të caktohet masa e
paraburgimit atëherë gjykata do shqiptoj masën e arrestit shtëpiak dhe në
këtë mënyrë nuk do e kufizoj në tërësi lëvizjen e të pandehurit.
1.8. Diversioni
Sikurse edhe masat tjera edhe diversioni është paraparë me Kodin
e Procedurës Penale dhe vërehet se kjo masë ka karakter të një procedu-
re alternative. Sipas nenit 184 i pandehuri i arrestuar për vepër penale
për të cilën dënimi maksimal i paraparë është jo më shumë se një vjet
dhe i cili nuk ka dënime të mëparshme ose nuk ka marrë pjesë në diver-
sion, mund t’i caktohet diversioni sipas urdhrit të gjyqtarit të procedurës
paraprake. Diversionin mund ta propozoj prokurori i shtetit por edhe i
pandehuri, në këto raste gjyqtari i procedurës paraprake mund të pezu-
lloj procedurën penale për një vit dhe liron të pandehurin nën kushtet e
mëposhtme;
1. I pandehuri duhet të bëjë kompensimin e arsyeshëm ndaj
viktimës së veprës penale siç përcakton gjyqtari i procedurës paraprake.
2. I pandehuri lajmërohet rregullisht në stacionin policor që është
më së afërmi prej vendbanimit të tij, në intervalet e caktuara nga
gjyqtari i procedurës paraprake.
3. I pandehuri merr pjesë dhe përfundon këshillimin, trajtimin
psikologjik, trajtimin nga abuzimi me substancë narkotike , arsimimin
ose veprimet tjera të cilat konsiderohen të përshtatshme nga gjyqtari i
procedurës paraprake.
Kur i pandehuri vepron në përputhje me kushtet e përcaktuara,
atëherë procedura penale kundër të pandehurit pushohet gjyqtari i
procedurës paraprake gjatë muajit të dymbëdhjetë të diversitetit, por
nëse i pandehuri shkel kushtet e përcaktuara nga gjyqtari i procedurës
paraprake, procedura penale rifillohet. Nëse gjyqtari e sheh të nevojsh-
me, mund të lëshoj edhe urdhërarrest. Në vendin tonë kjo masë nuk ka
gjetur shumë aplikim në praktikë për të mos thënë fare. Shpesh është
thënë që lidhur me këtë çështje në Kodin e Procedurës ka shumë paqar-
tësi që ndoshta edhe mund të konsiderohen si arsye që kjo masë nuk ka
gjetur zbatim në praktikë nga organet kompetente.
1.9. Paraburgimi
Paraburgimi është masa më e rëndë për sigurimin e pranisë së të
pandehurit në procedurë penale ngase me të bëhet kufizimi i plotë i
lirisë së tij. Derisa paraburgimi paraqet kufizimin e lirisë në bazë të
C E N T R U M 14
50
vendimit të gjykatës, e cila zhvillon procedurën, të mbështetur në
shkakun ligjor, privimi i lirisë është vetëm kufizim faktik i motivuar me
shkakun ligjor për paraburgim nga ana e personit të autorizuar11 Duke
u nisur prej vetë faktit se me këtë masë kufizohen të drejtat themelore
të individit të garantuara me të drejtën ndërkombëtare dhe me të drejtën
vendore. Mirëpo, nën kushtet e përcaktuara me ligj edhe këto të drejtat
sa do themelore të jenë mund të kufizohen. Në përputhje me Kodin e
Procedurës Penale është rregulluar kufizimi paraprak i lirisë , bën fjalë
për organizimin e përkohshëm , ndalimin policor dhe për paraburgimin,
lidhur me paraburgimin e drejta jonë e ka sistemin taksativ të përcakti-
mit të shkaqeve për paraburgim, bazuar në këtë një person mund të
paraburgoset;
a) ekziston dyshimi i bazuar se ai ka kryer vepër penale
b) si dhe në rastet kur ekzistojnë kushtet e poshtëcekura
b.1. kur ai fshihet, kur identiteti i tij nuk mund të vërtetohet ose kur
ekzistojnë rrethana të tjera që tregojnë se ekziston rrezik i ikjes së tij.
b.2. kur ka arsye për të besuar se ai do ti asgjësoj, fsheh, ndryshoj
ose falsifikoj provat e veprës penale, ose kur rrethanat e posaçme tregoj-
në se i pandehuri do të pengoj rrjedhën e procedurës penale duke ndi-
kuar në dëshmitarë, në të dëmtuarit a në bashkëpjesëmarrësit.
b.3. kur pesha e veprës penale, mënyra ose rrethanat, në të cilat
është kryer vepra penale, karakteristikat e tij personale, sjellja e mëpar-
shme, ambienti dhe kushtet nën të cilat ai jeton ose ndonjë rrethanë
tjetër personale tregojnë rrezikun se i pandehuri mund ta përsëris veprën
penale, mund ta përfundoj veprën e tentuar penale ose ta kryej veprën
penale për të cilën është kanosur.
Paraburgimin e cakton gjyqtari i procedurës paraprake i gjykatës
kompetente në bazë të kërkesës së prokurorit të shtetit në seancë dëgji-
mi ku janë të pranishëm personi i arrestuar, prokurori i shtetit dhe
mbrojtësi. Ne seancë dëgjimi prokurori i shtetit paraqet arsyet pse kër-
kon caktimin e paraburgimit, ndërsa i pandehuri ose mbrojtësi i tij mund
të përgjigjen duke prezantuar argumentet e tyre. Me aktvendim gjyqtari
i procedurës paraprake e cakton paraburgimin i cili duhet të jetë me
shkrim dhe përmban: emrin dhe mbiemrin e personit i cili paraburgoset
dhe të dhënat personale të njohura për gjyqtarin e procedurës paraprake,
kohën e saktë të arrestimit, kohën e sjelljes së tij te gjyqtari , kohën e
marrjes në pyetje për paraburgim, veprën penale për të cilën akuzohet, 11 Dimitrijeviq. D, E Drejta e Procedurës Penale (botimi shqip), Enti i Teksteve dhe i
Mjeteve Mësimore i Krahinës Socialiste Autonome të Kosovës, Prishtinë, 1976, f.250.
C E N T R U M 14
51
bazën ligjore për paraburgim, njoftimin për të drejtën në ankesë dhe
arsyetimin e fakteve vendimtare që kanë sjellur deri te caktimi i para-
burgimit. Është e rëndësishme që vendimi për paraburgim të arsyetohet
mirë dhe në të gjitha pikat. E drejta në ankesë është e mundur siç e
potencuam edhe më lartë, pala e pakënaqur ka të drejtë ankese në Gjy-
katën e Apelit brenda 24 orëve nga momenti i dorëzimit të aktvendimit,
kjo ankesë nuk e pezullon ekzekutimin e aktvendimit. Për ankesë
vendoset brenda 48 orëve nga paraqitja e saj. Ekziston mundësia që
gjykata ta refuzoj kërkesën e prokurorit të shtetit për paraburgim dhe ti
caktoj ndonjë masë më të butë të pandehurit. Paraburgimi caktohet për
një periudhë të caktuar kohore duke u nisur nga vetë fakti se kjo është
masa më e rëndë e paraparë në Kodin tonë të Procedurës Penale dhe se
me të kufizohen shumë të drejta themelore të të pandehurit, paraburgimi
caktohet për një periudhë kohore prej 1 muaji.
Para ngritjes së aktakuzës paraburgimi nuk mund të zgjas më
shumë se: Katër muaj kur procedura zbatohet për vepër penale të dënue-
shme me më pak se pesë vjet burgim. Tetë muaj për vepër penale të
dënueshme me të paktën pesë vjet burgim. Në rastet kur çështja është e
ndërlikuar për veprat penale që parashihet dënimi me të paktën pesë vjet
burgim atëherë paraburgimi mund të vazhdohet edhe për katër muaj të
tjerë që në total i bie të jetë 12 muaj, mirëpo në raste tejet specifike
paraburgimi mund të vazhdohet edhe për gjashtë muaj të tjerë që i bie
18 muaj në tërësi.
Paraburgimi mund të vazhdohet vetëm nga gjyqtari i procedurës
paraprake, gjyqtari i vetëm gjykues ose kryetari i trupit gjykues me
kërkesë të prokurorit të shtetit. Gjithsesi i pandehuri dhe mbrojtësi i tij
njoftohen me kërkesën e prokurorit të shtetit për vazhdimin e parabur-
gimit tri ditë para skadimit të paraburgimit të caktuar me aktvendimin
e fundit. Kjo masë në vendin tonë ka gjetur zbatim mjaft të madh sido-
mos në rastet kur paraburgimi është obligativ siç është rasti kur i pande-
huri është dënuar me burgim me pesë apo mbi pesë vjet. Shpeshherë
edhe kur veprat penale janë të natyrës më të lehtë gjykatat e shohin më
të arsyeshme që ta shqiptojnë këtë masë ndoshta nga fakti se është e
vetmja masë që mund ta parandaloj të pandehurin që të kyej vepër të re
penale, ti fsheh provat, të ndikoj në dëshmitarë apo edhe ti shmanget
pjesëmarrjes në procedurë penale. Mirëpo, në praktikë hasim mjaft
shpesh raste kur i ashtuquajturi i pandehur mbahet në paraburgim për
një kohë, pastaj vërtetohet se ai/ajo është i pafajshëm dhe se nuk e ka
C E N T R U M 14
52
kryer veprën penale për të cilën ka qenë i dyshuar në këto raste mund
të kompenzohet për kohën e kaluar në paraburgim pa të drejtë.
CONCLUSION
From all that we have discussed above, we came in conclusion
that the various measures appointed by the legislature are of particular
importance, as for the successful conduct of criminal proceedings also
prevention of various criminal offenses. We also analyzed the applica-
tion of these measures in our country, ranging from softer measures to
heavier ones. The measures that had found the most application in our
country were:
1. Court Summons as the first and the mildest measure has found
maximum application in our country, because of the fact the court
summons is the first obligatory step to be taken in criminal proceedings,
we appreciate that in our country this measure is applied in most cases
in accordance with the law of criminal procedure that is in force. Inclu-
ding the fact that Kosovo has gone through a long period of political
and legislative transition, however the court summons to ensure the
presence of defendant has not change the form and the role.
2. Arrest Warrant it is often a measure that in some way relates to
the actions of the suspect or defendant, because the defendant happens
to evade justice and in this way set in motion the competent authorities
to ensure its presence.
3. Prohibition of Residence and Person it is a measure that has
been mostly applied in cases of domestic violence offenses, in cases
where the spouses continue to live separately, this measure has been
imposed quite often and has been seen as quite successful until the court
has ruled in its entirety on the case. This measure has also found appli-
cation in cases of criminal offenses of intimidation, assault because the
distance created between the parties is crucial for the course of criminal
proceedings.
4. Preventive Imprisonment one of the most common measures
applied by the judiciary. This measure was especially imposed in cases
of serious criminal offenses. This measure limits some of the funda-
mental human rights guaranteed by the constitution, however we think
that when it comes to crime prevention and bringing to justice the per-
petrators of criminal offenses so the protection of the common good is
more important than the individual one. But certainly, always taking
C E N T R U M 14
53
into consideration the fact that any measure imposed by the competent
authorities it is not intended to avenge the suspect or the defendant.
5. Detention as we mentioned above it is the most severe measure
and one of the most pronounced measures, especially in cases where we
are dealing with compulsory detention. To this extent, fundamental
human rights are completely limited, but seeing the grave nature of the
offenses then we can understand that the cases when this measure is
imposed it is the moment when the competent bodies see that none of
the milder measures can achieve the desired goal.
In conclusion we can understand that we cannot have a well-
formed criminal procedure without applying these measures and wi-
thout their existence. Also, in the future we hope that diversity mea-
sures, that did not find their space in criminal procedure code because
of vagueness and their use in practice to be applied in the future.
RECENSENTË:
Prof. dr. Qebir Avziu
Prof. dr. Afrim Osmani
LITERATURA DHE AKTET NORMATIVE
-Dimitrijeviq.D, E Drejta e Procedurës Penale (botimi shqip),
Enti i Teksteve dhe i Mjeteve Mësimore i Krahinës Socialiste Autono-
me të Kosovës, Prishtinë, 1976.
-Sahiti.E, E Drejta e Procedurës Penale, Enti i Teksteve dhe i
Mjeteve Mësimore i Krahinës Socialiste Autonome të Kosovës,
Prishtinë, 1988.
-Sahiti.E, Murati.R, E Drejta e Procedurës Penale, Prishtinë, 2016.
-Pavisic-Berlaccini, Le alter procedure penali - Transizioni dei
sistemi processuali penali, G.Giappichelli Editore, Torino, 2002.
-Kodi i Procedurës Penale i Republikës së Kosovës, nr.04/L-123,
13.Dhjetor.2012.
-Kushtetuta e Republikës së Kosovës.