Камунікацыйны праект "Культура паляпшае жыццё!"

Ідэя праектуКампанія «Будзьма беларусамі!» разбурае стэрэатып пра культуру як выключна сферу мастацтваў.

Навошта?

Таму што культура – гэта больш, чым захапленне музыкай і кіно. Пад гэта вызначэнне трапляе ўся чалавечая дзейнасць у самых розных яе праявах. Гэта тая якасць жыцця, якую мы сабе дазваляем і да якой імкнемся.

Праект «Культура паляпшае жыццё!» - гэта:

1) вялікая серыя (40 тэмаў!) інтэрв’ю Ганны Трубачовай з выбітнымі беларусамі.

2) Серыя адмысловых відэаролікаў, зробленых Зміцерам Вайноўскім

3) Арганізацыя і правядзенне шэрагу ток-шоў кампаніі “Будзьма беларусамі!” ў рэгіёнах і сталіцы Беларусі пад агульнай ідэяй.

1. Серыя інтэрвью Ганны Трубачовай

Герой кожнай размовы праз прызму ўласнай дзейнасці распавядае пра асаблівасці і праблемы беларускай культуры ў сваёй сферы дзейнасці.

• У якім стане сучасная беларуская культура? • Як мы паводзім сябе на дарогах, як камунікуем паміж сабой, як

святкуем, шануем сталых і выхоўваем дзяцей, як, у рэшце, дамаўляемся пра сэкс?

• Як мы арганізуем сваё жыццё? • Ці ўмеем мы культурна піць і есці, клапаціцца пра сваё здароўе і

адстойваць свае правы? • Што мы ведаем пра культуру спажывання і атрымання грошай? Чым

напоўненыя нашы сэрцы, галовы, душы і… кватэры?Адукацыя, духоўнасць, адносіны, як і побыт, характарызуюць узровень культуры чалавека.

http://budzma.by/category/kultura-palyapshae-zhyccyo

Віктар Марціновіч: “Беларусы — цалкам нецярпімы, але баязлівы народ”

Зміцер Вайноўскі: “Спагнанне ў канцы з кожнага будзе індывідуальнае”

Уладзімір Шаблінскі: “Паўмеры ў падтрымцы сяла не выратуюць беларусаў як нацыю”

Таццяна Ігнатоўская: «Культура мець рацыю заснаваная ў першую чаргу на павазе да сябе»

Сяргей Скараход: “Рэклама сёння павінна ствараць цікавы кантэнт, а не “ўцюхваць” прадукт”

Вынікі

• Амаль год (2013-2014) кожны тыдзень выходзілі інтэрв’ю праекта «Культура паляпшае жыццё!», і кожная гутарка была спробай прааналізаваць стан культуры ў той ці іншай сферы дзейнасці беларусаў.

• У інтэрв’ю заўсёды пазначаліся канкрэтныя рэкамендацыі, з чаго пачаць, каб павысіць узровень культуры і якасці свайго жыцця.

• Кожны сам робіць выбар, але і ад кожнага з нас залежыць, ці вырасце наш «маленькі», наш беларус, культурны.

2. Серыя відэаролікаў

• Чатырма крэатыўныя відэа-ролікі па чарзе прадстаўлялі шырокаму гледачу канцэпт камунікацыйнай кампаніі «Культура паляпшае жыццё!». Першым у прадстаўленні канцэпту “трымаў ўдар” і выводзіў ідэю на шырокія экраны герой роліку нумар адзін – вядомы беларускі баец Віталь Гуркоў. Следам за ім у нечаканым ракурсе на экранах з’явілася аніматар Юлія Рудзіцкая і (у выглядзе, пазбаўленым гендарных стэрэатыпаў!) рэкламіст Сяргей Скараход. Закрыў відэа-серыю чацвёрты ролік, у якім гледачоў чакала сапраўднае папуры беларускіх зорак, што падзеляцца сваімі досыць нечаканымі думкамі і падыходамі адносна беларускай культуры і актыўнай жыццёвай пазіцыі.

«Культура? А навошта яна нам? Відэазварот людзей да людзей»

• Віталь Гуркоў, дзесяціразовы чэмпіён свету па тайскім боксе.

• Сяргей Скараход, бізнесовец,

marketing.by

• Юлія Рудзіцкая, мастак, мультыплікатар

3. Серыя ток-шоў:Цыкл веснавых высвятленняў стасункаў з культурай

“Культура паляпшае жыццё!”, г. Мінск, 2014 год.