Lom (1), Hawm (1) Khasim | June 2015

Editorial

Voice of Zomi journal hong suak zo petpet hi. 2015 kum February kha in metpongtin kingah kik hi. Ih neihsa matpongtin kinungta sak kik ziau ding pen thu kikhelna hangin a thakin kisiau kik ahi hi. Media suakta zaw tawh a kibat hangin ngat zaw cih ding ahi hi. Ni dangin ih lai suaksak dingte sensor zumah kipuakin hongsitsak a thukim leh kisuaksak in thunung thuma om nawnlo hi. Tuhun ciangin sitsak kullo in, kisuak sak ding a, copy a mau kipuak ding cih ahi hi. Thunung thuma om thei ding cihna ahi hi. Tuaban ah:(1) Journal thoh simin copy (4) leh soft copy te sensor zumah puak hamtang ding(2) Publisher min lobung, midang min tawh thoh theilo ding(3) Reg. No., Publisher min, Editor te Min, Press min leh Publisher address kicing takin at ding cih thukhunte hangin Yangon bulphuh in kithoh ahi hi. (4) Voice of Zomi ah thuthang (NEWS) te kibul-phuh lo-in party policy le politics vai kitamhel zaw ding hi.

ZNC/ZCD NGIMNA LEH TUPNA(1) Minam min CHIN kici lo-in ZOMI kicih nading (Zomi National hihzawh nang).(2) Democracy kumpi (mipi kumpi) hih nading.(3) Suakta tak a sumlei/ sumzuak (Free Market Eco-nomy) theih nading.(4) Panglong thukimna bulphuh, Federal Union a pian theih nading (Pinlong Spirit).

KUM (26) SUNG A DINGTANSUAK PARTY TENG:I988 kum galkap kumpi hunsung pan kipan in a lauhuai mahmah hunsung kolbulh khaukhih thuak-kawm in kum 26 sung a dingtansuak Party teng:(1) National League For Democracy (NLD)(2) Shan Nationalities League For Democracy (SNLD)(3) Zomi National Congress/ Zomi Congress For Democracy (ZNC)(4) Arakan National party (ALD/ANP)(5) Mon National Party (MNDF/MNP)(6) National Unity Party (NUP)

ZCD IN MINAM LEH GAM A DINGIN BANGSEM?Hihpen a kidong mun mahmah dotna khat hi a, Zomite khat le khat a kidot ban ah ZCD panmun-lente tungah a kidong mun mahmah thu ahi hi. Muh theihpak omkhollo tawh kibat hang pawlkhat kong pulaak nuam hi.ZNC/ZCD party in Zogam (Chin State) sungah 1988 pan a dingtansuak party hi aa, Democracy leh Federal hangin kolbulh khaukhihna leh thudotnate tamveipi thuak hi. A lauhuai mahmah hun sungin Democracy vai, Zomi vai leh Biakna vai te ah hang-san takin media (RFA, VOA, DVB, BBC, etc.) ah kigen den hi.

Zomi Party Hong Dinkikna: ZNC/ZCD pen 1988 kum panin kiphuan hi aa, 1990 kum kiteelna ah zong kihelin MP mun(2) ngah hi. Galkap kumpi in kiukna a ap noploh ciangin thu tuamtuam zongin hong phiatsak hi. Kumpi-in a phiat hangin tatuanlo in si lah nungta in kalsuansuan a, August 17, 2012 ni ciangin ZCD mintawh kumpi phalna ngah in panmun hoihtakin lakik thei hi. Thu tuamtuam hangin Party min kilaih hi a, policy kilaih tuanlo hi.ZNC party dinkik nadingin UEC (jynfaxmifpk aG;aumufyGJ aumfrSif) ah kisiau hi. UEC panin lai thuk kik hi. Tualai sung ah Kawlgam sungah Zomi kici minam omlo ahih manin matpong-tin hong kipia lo ding hi. Party matpongtin nadeih uh leh mindang tawh hong siau kik un ci-in lai ngat takin at hi. Tua ciangin Kipawlna tuamtuam teng samin kikupkhop dingin geelna nei uhhi. Zomi kipawlna tuamtuam teng sam uh a, T A leh ZOMUS te bek pai uhhi. Zomi min ngah mateng phul tentan ding cih thukim na nei uh a, tua thukimna tungtawn in Zomi a omna thu laibute siiksan in UEC ah teen kik hi. Malaysia leh Australia gam a om Zomite zong a gamgam pan-un awngkhia uhhi. UEC panin lai khak kik in ZOMI pen hongsang ungh. Ahizongin NATIONAL pen hong sang zolo hi ung, National ahilo a dang mintawh hong siau kik un a cih ciangin ZCD (Zomi Congress for Democracy) a piang ahi hi. Zomi a si ding kimlai a kiphongkhia kik suak hi. Si lah nungta ZNC/ZCD.

Gilbem ah President: President Pu Chin Sian Thang pen minam le gam a itna hangin (11) vei thongkia in tamvei pi thudot/sit na thuak hi. Makai pipa thongkia den mawk ahih manin bangmah sem zolo kha mah ding hi. Mipihte nangawnin lipkhap uh ahih manin pawlkhat bangin lampi ah a kituak ciangin pelh zawzen uhhi. Tua ahih manin Pu Chin Sian Thang in hih bangin la naphuak hi.

(a) Lel dih aw Kap, leldih laizang aw, piangam lei leh, ka Zodamtui, keizong keizong, lelnuam lai veng ee.(b) Keizong keizong, leel nuam lai-ing, Pinlong a pat, Taungyi ah, UNO dong, leel to lai vaang ee.

(a) Taang ka henkol, thangta zawm aw, Zolun Alsi, thang ta zawm aw.(b)Zolun Alsi tulbang a suan, thangvan phesak kei hing ee.

(a)Sinthu a pha, ngai ing aw ee, tongdam a nem, ngai ing ee.(b) Sinthu pha leh, Zogam kuam, ka ngaih man a, tul hing e.

Pinlong Spirit Nungta kik: October 24, 2010 ni-in Kawlpi ah ZNC kum 22 cinna kibawl a, tuamun ah A nihveina Pinlong thukimna neiding cih press release kinei hi. Tua pen UNA (United Nationalities Alliance) in thukimpih hi. Politic makai mi 117 (NLD CEC teng) in thukimna letmat thuh uhhi. November 10, 2010 ni-in Thakhin Thein Pe inn ah tu khukupna kinei aa, tua munah Pu Chin Sian Thang in Aungsan Su Kyi tung ah tua lai khempeuh ap hi. Aung San Su Kyi in keiguak bek sepding hilo in ih sepkhop ding ahih manin 21st century Pinlong Conference ci-in bawl ding genkhia hi. U Thei Sein in zong neih ding thukim a, ahizongin tu dongin kibawl zo nailo hi. Tuathu hang ahi ding hiam tuazawh ciangin Kawlpi khua aa Pinlong veeng min khempeuh kiphiat in minthak kiphuak hi. Tulaitak thautawite in Pinlong agreement ci-in kiplet mahmah a hih manin,kilemna letmat thuh zo nailo uh hi.

ZCD in Galkap Kumpi To Giap: 1999 kumin NLD, SNLD, MNDF, ALD leh ZNC party (5) kipawl in Committee of Representing Peoples Parliament CRPP (vGwfawmfukd,fpm;jyK aumfrwD) phuan-kia uhhi. September 16, 1999 ni-in Than Shwe tungah Hlutdaw sam mengmeng in la 1990 kum kiteelna hong ciapteh sak in (or) ni (60) sungin Hlutdaw samin ko kumpi phuan ding hi-ung ci-in laikhak a, thu suaksak uhhi. Kumpite patau mahmah ahih manin Pu Chin Sian Thang, Naing Tun Thein, Dr. Saw Mya Aung (Aungsan Su Kyi P.A, Dr. Tin Mar Aung pa)te galkap thukan-zum (9) ah, kum (3) sung kemcip hi.

Gilbem Kong Honna: ZCD in Zomite vai tuam-tuam tawh thongkiate a suahtaak nadingin lampi zongin kiphut sak aa, thong kumtampi a kia ding mi (7) in suahtaakna ngah uh hi.

Tourist te Zogam ah Pai Theita: August 4, 2012 ni-in President U Thein Sein in Party (14)te samin Nipyidaw ah kimuhpih hi. Tualai ah General Secre-tary, Pu Gin Kam Lian va kah aa, Zomi leh Zogam vai thu tampi va sunghi. Tua thu hangin President zum panin a nuai-a bangin lai hongkhak hi. Ih minam party a ih din manin Zogam, Zomite a ding kigen thei hi aa, Zogam a tourist te nuamtak a hong paitheihna zong ZCDte hang hi, ci leeng kikhial lo ding hi. President zum panin a nuai a bangin lai khak hi.

UNITED Nationalities ALLIANCE (UNA) ZCD guak kidinglo a, UNA ah a nuai-a party teng kihel hi.(1) Shan Nationalities league for Democracy(2) Kayan National Party (3) Karen National Party(4) Arakan National Party(5) Kokan Democratic Party(6) Kachin national Congress for Democracy(7) Mon National Party(8) Zomi Congress for DemocracyUNA ah a kihel party ten, 2008 Constitution puah/ gelhkik lohin Democracy mantak kingah lo dinghi, ci-in a khauhdin mahmah party teng kipawlna hi. NLD leh United Nationalities Federal Council (UNFC) Ceasefire (17)te zong tawh kibelpawl (Alliance) uhhi.

2015 kumsung ZCD nasepnateFebruary 17-19, 2012 sungin UNA leh beelpawl teng Yangon Tawwin Hninsi Hotel ah conference kibawl aa, tua lai ah ZCD pan in mi (7) kikah hi. UNA, NLD, Lisu Party, Pa Oh Party, Palaung leh ceasefire pan KNU, RCSS, SSA, UWSA, PLO, ABSDF, leh CSO tuamtuam pan kihel hi. Kipawlna tuamtuam (31) pan mi (250) kah hi. Thukimna (13) kinei aa taangkona zong kinei hi. Information Committee zong kiphuankhia hi. A thupi pen ah gambup kilemna ding, 2008 Constitution puah ding leh Federal Democratic Union vai mah kitam kup pen hi.

ZCD in letmat thuhlo2015 kum Union Day ni U Thein Sein in President dinner ah party 59 leh Ceasefire 13 sam uh hi. Tua mun ah ZCD zong kihel hi. 10:30am pan 12:00 dong gambup kilemna ding thukikupna kinei hi. Kikupna omlo pi in zawhthawh thu tawh thukimna letmat thuhsak pah ahih manin party panin UNA (ZCD kihel) leh NLD in thuhlo hi. Ceasefire pan zong kipawlna (9) in thuh nuamlo hi. Kumpi te zawhthawh thu leh kawlngian pen hangsan takin nial giap hi.

ZOMI KHAWMPI KIBAWLMarch 18, 2015 ni-in FBBC Hall, Tedim ah ZCD makaihna tawh ZOMI KHAWMPI kinei a, mun tuamtuam pan makai 200 val kikah hi. 2015 kum kiteelna ah gualzawhna ngah theih nadingin Gualzo Committee (GC) (atmifEkdifa&; aumfrwD)phuat dingin khensat hi. Gualzo Committee zum pen Tedim ah kihong ding a, myonee ciat ah conference nei-in committee leh EC te in mipi thukimna tawh MP ding kipsakna nei ding hi. MP dingte in party ah Ks.1,000,000/- khia ding hi.

President tawh kimuhnaMay 19, 2015 ni 4pm-6pm hunin President U Thein Sein, Union Cabinet Minister teng leh party (53) pan makai teng kimuh khopna nei uh hi. Tua lai ah ZCD panin President Pu Chin Sian Thang leh Ass. Secretary Pu Zam Za Mung va kah uhhi. Gambuppi kilemna nading mah bulhphuh in thu-genna nei uhhi.

Census vaiUNFPA leh kumpite makai-in Party leh Ceasefire pan makai teng MICC (2) Hall, Naypidaw ah hong sam uhhi. U Thei Sein, UNO pan B.J. Nambia te-in census vai genkhiatna nei hi. U Khin Yi-in Census a question (41) sungpan in minam vai leh Biakinn vai lobuang a dangteng genkhiatna nei hi. Minam vai leh Biakna vai pen 2016 kum ciangin taangko khia pan ding aa, tuama in Taizinta Party makai teng tawh kimu phot ding cimawk hi. 914-ZOMI vai nawkding vailianpi kinei lai hi.

2015 kum sung zumthak honna(1) April 5, 2015 Tuilang (2) April 11, 2015 Sozang(3) April 25, 2015Ciingpikot(4) April 25, 2015Tuicinlui(5) April 25, 2015Tongsial(6) May10,2015Sezang(7) May17,2015Phunom, Thangnuai(8) May24, 2015 New HaimualTedim, Tonzang, Kawlpi gamsung a tamzaw ah zum kihong khin zo a, khua pawlkhat bek kisam lai hi.2015 kum kiteelna ah ZCD lut ding.2008 Constitution kipuah in, kipuahkei taleh ZCD in 2015 kum kiteelna ah lut dingin khensat hi. Vuanzi, Tamada suak ding cih sangin, Zogam, Zomite vai thusung theiding phuthei ding cih ngim-na hizaw hi. Mekuang cingding zong Tedimgam khua ciat panin mi (180) seh zota hi. A nuai-a thute hangin ZCD in kiteelna ah lut ding geel ahi hi. 2008 Constitution a kipuah ciang bekin kiteelna kilut hileh Zogam leh Zomite a dingin bangmah kigeel lo ding ahih manin kiteelna ah lut ding khensat ahi hi. (1) Census tawh kisai-in minam vai phutding vaisahpi om lai hi. (Minam party in phu keileh, party dangten lunghihmawh lo ding hi)(2) A beisa kum 4 sung a ki et kik ciangin,Tedim gam leh Tonzang gam sung tengah MP mun(9) lak ah USDP te in mun(8) ngah hi. Zogam sungah ham phatna tam ngah pen leh kilawm hi napi-in, a hamsia pente ih suak hi.

Falam, Haka gamte ah a minam party te un mun ngah zaw uhhi. Minam a it manin, minam party tawh ding ahih mah bangin, Hlutdaw ah thu sungin a gam a lei uh aa ding a kisapte uh ngenngam giapgiap uhhi. A ngente in hamphat-na ngah mawk uhhi. (gtn. District, University, Airport cih bang). Ih gam ih lei eimau mah in ihpuah ding kisam hi.Minam le gam a ding thu a genngam ding kisam ahih manin 2015 kiteelna ah lut ding a khensat ahi hi.

(3) Tua ahih manin MEE (Vote) tangkhat in gam leh minam a dingin na lianpi semthei ahih manin na khensatna leh na meetang thupi mahmah ding hi. Tua hi a mee sazian ah na min a omleh a omloh Hausa zum ah na en ciat un. A om kei leh party zumah hong zasak un. Tua banah matpongtin na neih keileh mee kikhia theilo ding ahih manin matpongtin nei nailo te-in a hunlap in, bawl ding kisam hi. Haksatna a omleh zumah hong zasak un, hong kipan pih ding hi. A sisate leh gam dangah a omte mee sazian a omleh thu hong puak un.

Dahpihna(1) Cikha khua ZCD president, Pu Nang Suan Dal (Manlun) in a teennna Cikha khua ah April 16, 2015 ni-in hong nusia ahih manin a innkuan-pihte tawh a kibangin kidahpih hi.(2) ZCD CEC Pu Pau Lun Min Thang pianna pa Pu Pum Kho Mang (Guite) in May 1, 2015 ni-in leitung nusia ahih manin a innkuanpihte tawh a kibangin kidahpih hi.(3) Gawngmual khua, ZCD president, Pu Hang Khan Khup (Tonsing) in May 8, 2015 ni in Gawngmual khua ah hong nusia ahih manin a innkuanpihte tawh kibangin kidahpih hi.(4) CEC Pu Hau Man Khai i a upa Pu Thang Lian Piang in June 16, 2015 ni-in hong nusia ahih manin a innkuanpihte tawh a kibangin kidahpih hi.

Kawlgam miphazah 2014 Census

State/RegionMimal phazah

InnkuanMiphazahPasalNumei

Kawlgam bup Sasian kila theiSazian kila theilo10,877,83251,486,25350,279,9001,206,35324,824,5862,422,714595,87226,661,66726,051,186610,481

Kachin Sazian kila theiSazian kila theilo 269,369

1,689,4411,642,84146,600878,384855,35323,031811,057787,48823,569

Kaya57,274286,627143,213143,414

Kayin Sazian kila theiSazian kila theilo308,041

1,574,0791,054,32669,753775,268739,12736,141798,811765,19933,612

Chin 91,121478,801229,604249,197

Sagaing 1,096,8575,325,3472,516,9492,808,398

Tanintaryi283,0991,408,401700,619707,782

Bago 1,142,9744,867,3732,322,3382,545,035

Magui919,7773,917,0551,813,9742,103,081

Mandalay 1,323,1916,165,7232,928,3673,237,356

Mon 422,6122,054,393987,3921,067,001

Rakhine Sazian kila theiSazian kila theilo459,772

3,188,8072,098,8071,090,0001,526,402989,702536,7001,662,4051,109,105553,300

Yangon 1,582,9447,360,7033,516,4033,844,300

Shan 1,169,5695,824,4322,910,7102,913,722

Ayeyawadi1,488,9836,184,8293,009,8083,175,021

Nayphytaw 262,2531,160,242565,155595,087

Zogam sunga miphazah;

Zogam bup91121478,801229,614249,197

Hakha District 19,69998,72647,40151,325

Hakha 9,91748,35223,02225,330

Thantlang 9,78250,37424,37925,330

Falam District 29,250167,57881,24286,336

Falam 8,42841,45720,35021,107

Tedim 14,68387,62341,92745,696

Tonzang 3,41120,72210,10710,615

Rihkhuadal1,1986,6203,2733,347

Cikha 1,53011,1565,5855,571

Mindat District 42,172212,497100,961111,536

Mindat 8,52242,60019,72722,873

Matupi 7,63639,08618,68020,406

Kanpalet 3,97721,49310,31311,180

Paletwa 13,29364,97131,10433,867

Rezua 2,52112,2655,4716,794

Sami 6,22332,08215,66616,416

Zomite a penpente hi sese! Kawlgam ah Zogam a khangto lo penpen, lai theilo a tam penpen, a zawng penpen, naupang kum (5) nuai siah a si a tam penpen hi sese, ahizongin Khristian a tamna penpen hi sese.

Khualzinna ZCD Ass. Secretary, Pu Zam Za Mung USA gam ah zin lai tak hi. UNFC (United Nationalities Federal Council) te tawh gambup kilemna dingvai kikum dingin, Pu Chin Sian Thang leh Pu Pau Lun Min Thang te 24/6/2015 ni Chiangmai ah zin ding uh hi.

VaidawnnaJune 15, 2015 ni-in ZCD in USA pan hong ciah Pu Go Sawm Khup (President, ZIUSA) Yangon Airport ah dawnna kinei hi. June 16, 2015 ni-in holimna leh ankuang umkhopna kineihpih hi. Pu Go Sawm Khup pen ZNC pianna dingin lamsial te lakah khat ahih ban ah 1990 kum kiteelna ah ZNC adingin nasia tak a mapang khat hi. Tu laitak in ZCD te thu le la, thagui thatang tawh hong panpih den ahi hi.

Lungdam pihna ZOMUS te vaihawmna tawh USA ah Zomi Idol dem ding a Kawlgam pan teelna a ngah Lia Zambawi leh Lia Sanpi te-in US Visa ngah uh ahih manin party in kilungdampih hi.

Bawlung Siam Zomi Khangno A beisa hun ah Zomite ih pilna ih siamnate hong kiselsel hita leh hong kisel zo nawnlo-a a nuai-a Zomi in Kawlgam taangin bawlung sui hu hi.(1) Suan Lam Mang National Team(2) Van Ram RuatNational Team(3) David Thang National Team(4) Pau Sian Sang@Sangpi (Phyu Ko Ko Thein) U-23 (SEAGAME ah a nihna ngah)

Suan Lam Mang, Van Ram Ruat leh Pau Sian Sangte Kawlpi ZOFA pan hi uh a, ZYA te in gam le minam a ding a nasepna i a gah cih ding ahi hi. Mailam ah kimawlna siam Zomi khangno tampi hongpian khiat ding ZCD party ii lung-gulh leh thunget ahi hi.

Aung San Su Kyi BirthdayJune 21, 2015 ni ciangin NLD Party in Aung San Su Kyi kum (70) a cinna birthday Royal Rose Hotel ah bawlsak ding hi. ZCD party ong hongsam hi. A hithei zahin ki-uap ding hi.

Publisher: Pu Khup Khan Mung Editors: Ciin Khawm Cing Pau Siam Kim Langh Suan Mung Press: Grace Printing House Address: No. 42, 7F (A), Damah Seintar Street, Kyaukmyaung, Tamwe Tsp, Yangon