FANGU - Play the game you love, and love the game you play! 11

• Oumento di efektividat di moveshon• Oumento di sirkulashon di sanger na e wesu i múskulonan• Bahada di produkshon di melkzuur• Bahada di tenshon di e múskulonan (stress)

Tin dos sorto di método di stretch ku por wòrdu usa si skohe pa hasi ehersisio di stretch.

Métodonan di stretchE promé ta esnan dinámiko. E tipo di stretch aki ta wòrdu hasi den kombinashon ku moveshon. E di dos método ta stretch státiko. Esaki ta e stretch klásiko ku bo ta stretch e múskulo maximal anto tene asina pa algun sekònde. E stretch aki ta sòru pa e tenshon di e múskulo baha. 15 sekònde ta e tempu máximo pa tene e stretch.

Ki ora, kua stretchNos a skohe 4 motibu pa stretch:1. Pa elastisidat2. Stretching promé ku training3. Stretching despues di training4. Stretching pa baha stress muskular

ElastisidatEsaki ta ora bo skohe un tipo di stretch y bo hasi esaki kontinuamente pa mas ku tres luna. Pues skohe un ku ta lagabo sinti kómodo. Ta hopi impor-tante pa warm up bon promé bo kuminsá stretch. Si bo no hasié bo por skur bo múskulonan.

Promé ku training E meta aki ta pa rèk e múskulonan na manera ku bo ta mehorá e sirkulashon di sanger. Atrobe kòrda mester warm up promé. Stretching dinámiko ta bon den e kaso aki. Ora bo bai kalentá, tirando bala, kuminsá tira na un distansha grandi y despues hasi e distansha chikí.

Despues di trainingSegun ami stretching despues di training no tin sentido. Ta mihó hasi un bon cooling down. Si bo disidí di stretch tòg, hasi un stretch státiko. Asina bo ta yuda e sirkulashon di sanger kual na su turno ta yuda baha e nivel di melkzuur.

StressSi e tenshon di e múskulonan ta muchu haltu, nos ta papia di stress. Dor di hasi stretch státiko di 15 sekònde. Bo ta baha e stress. Un bon masashi tambe por yuda. Kòrda hasi un bon warming up promé.

Kombinashon di foto ta mustra stretching di muskulonan di pia entre otro Hamstring, Quadriceps, muskulo di lies i batata di pia.