njohurite shkencore dhe metodat e kerkimit shkencor
DESCRIPTION
Ligjerata te autorizuara nga Prof.Dr.Bekim BaliqiDepartamenti i Shkencave Politike-Univeristeti i PrishtinesTRANSCRIPT
Prof.dr.Bekim Baliqi
1
NJOHURITE SHKENCORE DHE METODAT E KERKIMIT SHKENCOR
Metodat ne shkenca shoqërore, janë mjete te domosdoshme të
hulumtimit, të cilat na mundësojnë që të arrijmë te rezultatet dhe
njohuritë e reja, apo t’i korrigjime ato ekzistuese. Në krahasim prej
hulumtimeve shkencore që disponojnë me instrumente të shumta
metodologjike, me qasje të ndryshme teorike, shkencat politike
kombinojnë një sere metodash qe janë te përbashkëta apo te
ngjashme për te gjitha shkencat shoqërore.
Gjithsesi ne shkenca politike kërkohet zotërimi i njohurive dhe
teknikave te kërkimit shkencor. Objektivi i secilit hulumtim shkencor
është rritja e njohurive por edhe te kuptuarit tone për realitetin
shoqëror e politik. Kjo fillon me parashtrimin e një apo me shume
pyetjeve hulumtuese rreth problemit qe na preokupon ose fenomeni
qe na intereson, këto pyetje rrjedhin apo udhëhiqen nga ndonjë
teori/teoritë duke i sfiduar përmes hipotezës/hipotezave e cila/te cilat
duhen përfundimisht te i nënshtrohen vlerësimit e matjes nepermjet
testimit qe rezulton me konkluzione (Vujovic, 2009).
Procesi i kërkimit shkencor përbëhet nga disa faza qe janë te
ndërlidhura me formulimin e teorisë, operacionalizimi, përzgjedhja e
teknikave kërkimore, analiza dhe interpretimi i të dhënave.
Qasjet kryesore metodike në studime politike ndahen në qasjen
normative, që konsistojnë rreth asaj se SI DUHET TË JETË vlera,
çështja ose diçka e jo si ËSHTË, dhe në atë empirike e cila mundohet
që realitetin politik të hulumtojnë dhe interpretojnë në mënyra sa më
objektive përmes vrojtimeve, përvojave, instrumenteve dhe metodave
të caktuara shkencore duke testuar tezat dhe matur të dhënat e
fituara, në kuptimin e verifikimit dhe falsifikimit të tyre (sipas tezës së
Prof.dr.Bekim Baliqi
2
Karl Popper-it). Duke u nisur nga qasjet se ÇKA ËSHTË ose edhe SI
ËSHTË. Derisa qasjet teorike normative e vlerësojnë botën duke
gjykuar më shumë sesa analizuar, ato empirike e përshkruajnë atë
përmes observimeve sistematike dhe gjetjeve të lidhjeve kausale.
Metodat e hulumtimit për kah mënyra e veprimit mund të jenë
kuantitative dhe kualitative. Përmes metodës kuantitative ose cilësore
ne sigurojmë kuptimin dhe sqarimin e rasteve studimore, gjegjësisht
objekteve të hulumtimit nga prizmi historik e filozofik. Duke
grumbulluar të dhënat e informatat me qëllim të krahasimeve të
rasteve apo duke u bazuar në një rast të vetëm studimor. Ndërsa te
metodat kuantitative ose sasiore mbështetemi tek të dhënat numerike
e që janë zakonisht të prezantuara në trajtën e statistikave. Kështu
çështjet e hulumtuara përmes të dhënave të matura tentojmë të
interpretojmë duke i shfrytëzuar indikatorët e matësit pak a shumë
konkret, për të ardhur deri te rezultatet e duhura.
Megjithatë, se çfarë informatash dhe studimesh do të ofrohen, varet
në masë të madhe, se si bëhet studimi, konkretisht se përmes çfarë
metodash kërkohen të dhënat, si analizohen dhe se si interpretohen
këto.
Duke iu referuar studiuesit të spikatur William N.Dunn, hulumtimet ne
shkenca politike zakonisht iu referohen dhe orientohen rreth pyetjeve
si;
• Çka është çështja për të cilën kërkohet zgjidhja?
• Çfarë qasje duhet ndjekur për të zgjidhur këtë çështje?
• Çfarë rezultate priten të arrihen?
• A mundësojnë këto rezultate zgjidhjen e çështjes së caktuar?
Prof.dr.Bekim Baliqi
3
• Çfarë masa shtesë duhet ndërmarrë nëse këto veprime nuk ishin
të mjaftueshme? Cila alternativa duhet ofruar në këtë rast?
(Dunn, 2008: 8ff.)
Siç edhe kemi theksuar më herët studimi politologjik është
interdisiplinare prandaj edhe metodat e saj janë të huazuara nga fusha
tjera shkencore.
Të gjitha këto disiplina si dhe metodat e tyre janë të ndërvarura dhe
interferojnë edhe me faktorët tjerë të cilat nuk duhet të anashkalohen.
Ndërsa matjet e indikatorëve brenda politikave përkatëse mund të
bëhen në forma statistikore, përmes figurave dhe të dhënave qoftë
ekonomike apo nga anketimet e opinionit publik, ose përmbajtjesore
përmes shqyrtimit legal, apo politik ose edhe në formë të krahasimeve
me politika të ndryshme të vendeve tjera etj. Metodë unike, ideale dhe
të caktuar nuk ka, ajo varet kryekëput nga vet objekti i studimit.
Mirëpo një ndër mënyrat e hulumtimit me të shpeshta dhe më të
përhapura në shkenca politike është padyshim metoda krahasuese, e
që njihet edhe si “metoda mbretëreshë e shkencave politike” (shih:
Schubert /Bandelow, 2003: 210). Kjo metode nënkupton krahasimin e
dy apo me shumë objekteve të studimit. Metoda komparative përbëhet
prej konstatimit të ngjashmërisë dhe ndryshimeve në mes të dukurive
të ndryshme, për shembull, të kuptohen dhe të interpretohen më mirë
shtetet dhe politikat e caktuara të tyre, shkalla e zhvillimeve
ekonomike, niveli arsimor, administrimi, menaxhimi i burimeve etj.
Krahasimet mund të bëhen ndërmjet fushave, faktorëve dhe aktorëve
të ndryshëm, apo edhe ndërmjet shteteve ose organizatave të
ndryshme. Në aspektin kohor mund të jenë diakron- pra në kohë të
ndryshme, ose sinkron- në kohë të njëjtë. Ndërsa në sferën
hapësinore studimet krahasimtare mund të jenë:
Prof.dr.Bekim Baliqi
4
⇒ brendashtetërore ( p.sh. krahasimi i partive politike të një vendi)
⇒ ndërshtetërore (si bie fjala krahasimi i të ardhurave mesatare
apo shkallës së papunësisë mes dy apo më shumë shteteve).
⇒ ndërregjionale (modelet komparative mund të përdoren
ndërmjet regjioneve në disa aspekte si p.sh:politikat e
energjetikës në Ballkan dhe Skandinavi apo politikat tregtare
ndërmjet Amerikës Latine dhe Azisë qëndrore etj.).
⇒ globale (bëhen krahasimet mes rendeve botërore në kohëra të
ndryshme me karakter të përgjithshëm siç është rasti ndërmjet
Pax Romana dhe Pax Americana ose hulumtimi për ngrohjen
globale, vrima e Ozonit, popullsia botërore, terrorizmi etj.)
Kjo metode ka vlerën e vet praktike, sepse duke krahasuar dukuritë e
ndryshme shoqërore, institucionet e ndryshme qeveritare dhe duke
zbuluar vetitë e njëjta apo te ndryshme nga ato krahasuese,
konstatohen përparësitë apo mangësitë konkrete e asaj qe dëshirojmë
te studiojmë dhe te njohim.
Janë të njohura raportet e shumta ndërkombëtare, regjionale dhe
kombëtare që bazohen në metoda krahasuese dhe që publikohen
periodikisht për çështje të caktuara. Bie fjala kërkimet statistikore të
numrit të veprave kriminale apo të konflikteve të armatosura, shkallës
së papunësisë, barazisë mes meshkujve dhe femrave në tërë vendet e
botës nga institucionet qeveritare dhe organizatat joqeveritare
ndërkombëtare, indeksi i zhvillimit njerëzor (Human Development
Index) nga OKB-ja, liritë politike nga Instituti Freedomhouse, shkalla e
korrupsionit nga organizata Transparency International, Conflict
Barometer nga fondacioni Bertelsman, e kështu me radhë.
Përveç për studime të politikave publike krahasimet e tilla përdoren
sidomos në marrëdhënie ndërkombëtare si dhe ekonomi. Mirëpo, të
Prof.dr.Bekim Baliqi
5
dhënat e tilla krahasuese për analiza të politikave preferohen
zakonisht për një numër më të vogël shtetesh duke u fokusuar më
shumë në përmbajtje sesa në përgjithësime të çështjeve përkatëse.
Përzgjedhja e rasteve studimore mund të bëhet duke u bazuar në
raste me ngjashmëri më të përafërta (most smilar systems design)
dhe atyre me dallime më të mëdha (most different systems design).
Varësisht prej intencionit të hulumtimit dhe vet natyrës së objektit të
studimit bëhet përzgjedhja edhe e rasteve studimore dhe numrit të
tyre.
Një metodë mjaft e popullarizuar është modeli i rasteve të veçanta
studimore (case study), që mundëson përqendrimin në një fushë të
caktuar politike dhe përfitimin e rezultateve me specifike. Përndryshe
kjo mënyrë, është edhe klasike apo të themi konvencionale gjatë
studimit të politikave publike. Në kuadër të saj mund të shërbehemi
me intervista të ekspertëve, analizave të dokumenteve dhe dispozitave
ligjore, analizave të ligjërimit, anketimeve etj.
Kurse hulumtimi i opinionit apo anketimi mbetet një ndër metodat më
të përhapura dhe preferuara gjatë kërkimeve të shumta rreth dukurive
shoqërore e politike. Sot zgjedhjet demokratike as qe mund te
paramendohen pa anketime e sondazhe të tilla. Në politike, rezultatet
e dala nga sondazhe te tilla merren edhe si indikatorë te sukseseve
apo dështimeve te politikave si dhe ndikojnë mjaft ne procesin e
politikberjes dhe vendimmarrjes. Madje edhe ekonomia aq shume e ka
përvetësuar kërkimin e opinionit sa qe përbën një komponentë te
pandare te tregut dhe te marketingut.
Përveç metodave te lartpërmendura, ne shkenca shoqërore mjaft e
përhapur është edhe vrojtimi (observimi) si dhe eksperimentimi.
Gjithashtu edhe analiza përmbajtjesore e teksteve dhe dokumenteve
Prof.dr.Bekim Baliqi
6
përben një metode, e cila sidomos ne studime te politikave favorizohet
mjaft shume.
Dhe se fundi vlen te thuhet se metodat janë te varura nga teoritë,
ndërsa teoritë te ndërlidhura me hipotezat, e hipotezat me pyetjen
hulumtuese dhe te gjitha këto nga te dhënat respektive te cilat duhet
interpretuar dhe analizuar. Njohuritë tona shkencore si dhe rezultatet
e hulumtimeve varen nga saktësia, objektiviteti si dhe lloji adekuat i
metodës hulumtuese.