mensahero 331, augustus 2010
DESCRIPTION
Mensahero 331, augustus 2010TRANSCRIPT
1
SINDICATO DI MAESTRO DI ARUBA
331
Dushi lo ta ora cu nos alumnonan, docentenan y tur esnan
cu ta traha den enseñansa, despues di a goza di
un vacansi bon mereci, cuminsa dialuna awor, 16 di
augustus 2010, den un ambiente fresco y agradabel,
un ambiente positivo. Maestronan na Aruba tur ora ta e
blanco di critica, debi na e mal resultadonan di
nan alumnonnan. SIMAR sa, cu demasiado hopi maestro
ta traha bou di un presion enorme y bou di
condicionnan limita. Nos trabou como educador ta
birando dia pa dia mas pisa. Nos tin cu atende cu
alumnonan cu ta bin scol cu problemanan social
emocional grandi y ta parce cu tur problema den nos
comunidad ta worde benta den scochi di scol, pero e
sosten di instancianan ta hopi limita of practicamente
no tey. Apesar di esaki, maestronan ta cumpli mas tanto
cu nan por. A bira tempo pa tur hende envolvi
den e proceso di enseñansa asumi su responsabilidad y
haci su parti di trabou. SIMAR kier a trece algun
punto dilanti den un forma general, y no den un forma
generalisa. Mayornan di e alumno, den hopi famia tur
dos tin di traha dor cu e sueldo di uno no ta yega, pero
nan deber como mayor no por wordo neglisha, pasobra
educacion di un mucha (alumno) ta cuminsa na cas! E
alumno tin di duna lo maximo y haci su best, haci e parti
di e proceso educativo cu ta tok‟e. Gobierno tin di
percura pa e proceso di enseñansa sosode den un
ambiente fresco, agradabel y sigur, un ambiente mas
atractivo posibel pa e proceso educativo tuma luga sin
problema. SIMAR sa cu tin scolnan den renobacion y
otronan cu ainda no a yega na turno, y esaki ta di
lamenta debi cu e scolnan aki tin añas ta wardando. Un
estado deplorabel di un scol (pa falta di un mantencion
continuo) y un temperatura halto den e klasnan caminda
e proceso di enseñansa tin di tuma luga, ta demotiva
tanto e alumno como e maestro. Lokaalnan cu a bira
chikito pa e cantidad di alumno cu a crece. Segun e
“Arbowet” tur hende cu ta traha den un oficina, mester
di por lo menos 8 m2 na su disposicion. E tipo di
exigencianan aki no ta conta pa enseñansa y ta masha
facil pa „prop‟ un klas cu 30 alumno o mas. Esaki ta
sosode hopi na p.e. un kleuterschool. Funcionarionan di
directivanan di scol ta pretende cu ainda e cantidad halto
aki ta den e margen di ley, pero loke nan no ta bisa ta, di
cua aña e ley aki ta data. A bira tempo pa haci otro
Augustus 2010
Directiva di SIMAR ta desea tur alumno, maestro y esnan
envolvi den e proceso educativo, un aña escolar 2010 – 2011
positivo y fructifero!
palabracion en cuanto e cantidad di alumno den un klas,
pasobra esaki tambe ta un factor hopi importante pa por
ehecuta innovacionnan cu exito. Copiamento di bukinan biew
a bira masha normal, pa falta di material didactico! Y e
maestro mester tene cuidou si e no haci esey, pasobra no
solamente e lo ta negativo, pero e lo wordo cataloga tambe
como un maestro cu ta nenga di cumpli cu su trabou. Esaki nos
ta yama inovacion aki na Aruba? Un inovacion cu a conoce su
añanan di introduccion y ainda nos ta den e mesun situacion.
Tur esaki ta pasobra enseñansa ta un prioridad? Na unda e tan
afamado prioridad di enseñansa di cual tur partido politico cu
a participa den e ultimo eleccion a propaganda, a keda?
Politiconan cu ta hasi promesanan grandi ora di campaña, ora
nan ta den oposicion nan ta critica esnan na mando, pero ora
nan mes ta goberna, ta otro gai ta canta? No tin placa? No ta
loke ta tumando lugar ta haci esey dificil pa kere, pasobra
biahamento di nos gobernantenan e.o., no ta sigui mescos?
Esaki ta haci nos corda riba e tata cu ta bisa su jiu cu no tin
placa pa cumpra locual cu e jiu mester pa bay scol, pero e tin
placa si pa bay tur happy hour y bebe cu su amigonan. Loke
gobernantenan mester sa ta cu desaroyonan den paisnan hopi
mas grandi cu Aruba y cu recursonan natural na gran cantidad,
a demostra cu cortamento den inversionannan pa enseñansa,
pa asina baha gasto y/of stimula economia, a duna
resultadonan contrario. Pa logra un desaroyo economico y
un sistema di enseñansa di calidad halto, comunidad
mester urgi gobierno pa inverti un parti substancial di su
placa di belasting den enseñansa, den su infrastructura,
(edificio, material didactico, tecnologia etc), den formacion
continuo di maestronan, den salario competitivo y den
cuido di maestro. Nos comunidad a bira hopi compleho y ta
wordo influencia pa desaroyonan mundial tanto positivo como
negativo y pa salvarguardia bienestar di mucha- y hobenenan
mester bin cu un sistema di sosten pa nan y nan mayornan.
SIMAR tin hopi pregunta ainda relaciona cu futuro di nos
enseñansa y di nos mucha- y hobennan. Nos ta spera cu pronto
bini un Dialogo Social riba enseñansa, pasobra ta hunto nos tin
di soluciona tur e problemanan cu nos ta confrontando.
SIMAR ta keda ripiti cu un sistema di enseñansa bon hinca
den otro ta un condicion hopi importante y necesario pa un
desaroyo positivo di cualkier pais.
Ivo Valdes, presidente.
2
Directiva di SIMAR di bishita cerca
nos Gobernador, su excelencia, sr. F.
Refunjol! Nan a haya un invitacion, pa
nan por a papia tocante e Dialogo
Social, cu e dianan aki tin nos atencion
por completo!
Diaranson, 11 di augustus 2010
Conmemoracion, ‘SIMAR, 40 aña despues’ Subject "40 aña despues"
From Ma Lo <[email protected]>
Date Sunday, July 4, 2010 10:13 am
To Simar <[email protected]>
Saludos! Masha pabien cu e fiesta di "40 aña despues".
E tbt hopi zuiver y hopi great cu masha hopi hende a atende. E seting tbt fabuloso y
bon decora.
Fernando Mansur a haci un tremendo trabao manera semper e ta haci.
Danki pa e oportunidad pa por a fungi como boso MC pa e anochi aki y danki pa e
regalo. Onty
From Elaine Geerlings <[email protected]>
Date Sunday, July 4, 20105:42 pm
Danki pa e attencion y esfuerso pa cu e anochi sumamente Plasentero SIMAR 40 Plus . Mi a goza Y a pasa un anochi masha dushi mes. Saludos, Elaine Geerlings Danki na boso pa boso reaccion, positivo!
Na direktiva i miembronan di Simar.
Kompañeronan,
Ku hopi emoshon i entusiasmo mi ta manda e mensahe aki na
boso.
Boso organisashon a demostrá un biaha mas ku boso ta di prinsipio
i ku boso tin un filosofia fuerte.
No opstante tur e dolo di kabesnan ku mundu sindikal en general i
boso organisashon en partikular a pasa den dje, boso a pone man
na obra i rekonstruí un SIMAR mas fuerte, mas militante i ku un
vishon stabil. Ta e tipo di aktitutnan aki ta separá lider for di hende
komun, ta e tipo di aktitutnan aki ta separá organisashonnan ku
vishon for di fanclub. SIMAR tei pa keda i SIMAR tei pa liderá
mundu sindikal na ARUBA. MI ta tuma tempu pa felisitá boso ku
e selebrashon aki i tambe tuma tempu pa felisitá boso presidente sr.
Ivo Valdes pa e kurashi, dinamismo i vishon ku e la desplegá den e
periodo kòrtiku ku e la tuma liderasgo di SIMAR.
Lamentabelmente mi no por ta presenté awe serka boso pero mi ke
pa boso sa ku mi ta hopi orguyoso di por konsiderá mi un amigu di
SIMAR.
Na nòmber di direktiva i miembornan di SITEK mi ta desea boso
tur kos bon i hopi aña mas di eksito. SIMAR ta keda SIMAR
From the desk of
Sidney Justiana MBA
President of the SITEK (Teachers Union Curaçao)
Nota special: Directiva di SIMAR, ta sinti su mes hopi elogia, cu presencia di
miembronan cu pa añanan no tabata bishita cede di SIMAR mas. Esaki pa nos ta
un honor y nos ta gradici nan pa e confiansa cu nan ta dunando nos! Hechos ta conta mas cu palabra!
3
Dialogo social
Un dialogo social ta defini tur tipo di
negociacion y consulta, incluso e mesun
intercambio di informacion, entre
representantenan di gobierno, dunado di
trabou y trahadonan riba temanan di
interes, relaciona cu politica, economia y
social. E definicion y concepto di dialogo
social ta varia den funcion di e pais of di
e region den cual ta wordo trata y no tin
un formulacion definitivo ainda.
Cua ta e condicionnan cu ta haci e
dialogo social posibel? E condicionnan cu ta permiti e dialogo
social ta como lo siguiente:
E existencia di organisacionnan di
trahado- y empleadonan solido e
independiente, cu e capacidad tecnico y
cu acceso na informacion necesario.
E boluntad politico y e compromiso di
tur e partidonan interesa.
E respet di e libertad sindical y e
negociacion colectivo.
Un apoyo institucional adecua.
Ki papel ta coresponde e Estado den e
dialogo social?
Pa e dialogo social por existi, e Estado
no por adopta un papel pasivo, ni ora e no
participa directamente den e proceso. E
hecho ta cu e tin e responsabilidad di crea
un clima civil y di politica stabiel cu ta
permiti, e organisacionnan autonomo, cu
e dunado di trabou y e trahadonan por
actua liber, sin miedo na represaya.
Incluso ora ta formalmente stabiel, cu e
relacionnan predominante ta bipartit, e
Estado tin cu presta un apoyo esencial na
e iniciativa di e partidonan, ofreciendo,
entre otro, e marconan huridico y
institucional necesario pa esakinan por
actua cu eficacia.
Di ki manera ta presenta e dialogo
social?
E dialogo social ta adopta formanan
multiple. Por trata di un proceso tripartit,
den cual e gobierno ta interveni como
parti oficial den e dialogo, of por bien
consisti den relacionnan bipartit stabilisa
exclusivamente entre e trahadonan y e
sindicatonan y e organisacionnan di e
dunadonan di trabou, cu of sin e
participacion directo di e gobierno. E
palabracion por ta informal of
institucionalisa, of un combinacion di
ambos categoria, como sa pasa frecuentemente.
Generalmente, e institucionnan di dialogo social ta
wordo defini segun su composicion. Por ta bipartit,
tripartit of "tripartit plus". E principal actornan
tripartit ta e representantenan di e gobierno, e
dunadonan di trabou y e trahadonan. Tin biaha, den
un funcion di e contexto nacional determina, e
interlocutornan tripartit por opta pa hiba e dialogo
cu otro actornan social destaca, na fin di adqueri un
perspectiva mas amplio. Nan ta incorpora otro
actornan social y asina nan ta crea un consenso
mayor.
E dialogo social por wordo hiba den diferente
forma, cu ta bay for di e mesun intercambio di
informacion te na e particularidad di haci
palabracionnan mas perfecto. Esun cu ta mas
frecuente ta esnan cu ta wordo mustra aki bou:
Intercambio di informacion ta un di e elementonan
mas basico y indispensabel pa un dialogo social
eficaz. Aunke riba su mes no ta hiba discusionnan
real, ni accionnan relaciona cu temanan en cuestion,
ta constitui un parti esencial di dicho procesonan,
mediante cualnan ta wordo stabilisa den e dialogo
y decisionnan ta wordo tuma.
E consulta ta bay mas leu ainda di e simpel
intercambio di informacion. E ta requeri partinan cu
ta asumi un compromiso den e sentido di comparti
opinionnan, locual por wordo conduci na un dialogo
mas profundo.
E organonan bipartit of tripartit por entabla
negociacionnan y suscribi acuerdonan. Hopi di e
institucionnan aki ta recurri consulta y intercambio
di informacion, mientras cu otronan tin
atribucionnan pa alcansa acuerdonan cu por
coordina cu otro. E entidadnan di e dialogo social
cu tin falta di dicho mandato sa actua manera
organonan informativo di e ministerio-, e
parlamentario-, otro autoridad- y organonan
difinitivo.
E negociacion colectivo no ta un elemento
integrante so (y un di e mas usual) di e dialogo
social, sino tambe por wordo considera un indicado
util di e capacidad di un pais pa implanta e
tripartismo na nivel nacional. E partinan interesa por
cuminsa cu negociacionnan colectivo den e plano di
empresa, sector, regional, nacional y incluso
multinacional.
E bon funcionamento di e structura- y e
procesonan di e dialogo social por contribui na
soluciona problemanan importante economico y
social, stimula e practicanan di un bon gobierno,
faborece e pas y e stabilidad den e plano social y
laboral, y tambe promove e desaroyo economico.
4
28/08 21.00-1.00
Brindis di aña escolar nobo, Banda: Chapo Great
2 snacks, bebida non-alcoholico
25/09 19.00-21.00
Reunion ‘Relato Anual’ 1. Busca personanan pa comision ‘Salaris-Herstructurering’. Contact-personen
2 snacks, refresco
september 19.00-21.00
Dialogo nacional di enseñansa! 2 snacks, refresco
5/10 17.00-20.00
Caminata ‘San Nicolaas ban topa Playa’ Pa recauda fondo pa ‘Breast-Cancer Foundation’ Dia di Maestro.
‘Hot-dog stand’, refresco
6/11 19.00-21.00
Nochi informativo di enseñansa, miembronan nobo!
2 snacks, refresco
27/11 19.00-21.00
Reunion presentacion ‘reglamento di cas di Simar’.
2 snacks, bebida non-alc.
31/12 12.30-3.00
Brindis di ‘Fin di Aña’ 2009 Cuminda, sopi, bebida
22/01’11 20.30-12.00
Brindis di ‘Aña nobo’
Cuminda, sopi, bebida
24/02 19.00-21.00
Family-day: Feria, Boeken-markt, ect 2 snacks, bebida non-alc.
18/03 9.00-12.00
Koffie-morgen pa e “pensionadonan” ‘Weganan di Mesa’
Koffie, cake, salada, cos dushi di Aruba
2/07 20.30-24.00
Celebracion di ‘Dia di enseñansa’ + ’42 aña di SIMAR’ y ‘fin di aña escolar’
Cuminda, bebida!
Un danki special ta bay, na tur nos miembronan cu a contribui, cu nos campaña, SIMAR Goes
Green, y a manda nos e email-adres di miembronan cu te na e momento ey, nos no tabatin nan
ainda. Tabata un orguyo di mira con nos a haya tanto colegialidad y nan tabata reacciona, riba nos
peticion constantemente, dunando nos esaki of avisando si e miembronan aki, no tin email-adres!
Ainda nos falta 55 email-adres di e 750 miembronan di SIMAR.Ripiticion: Pa e proximo aña
sindical, nos lo no tin entrega di Mensahero mas na scol, sino tur esaki lo bay digital y e miembronan cu
kier nan Mensahero, como un „hard-copy‟ lo por pasa busk‟e libremente na e cede di SIMAR. Un biaha
mas Luci Rubiano, ta na encargo di e trabou aki, e ta pidi tur miembro cu no ta hayando nan Mensahero
digital, por fabor tuma contacto cu ne dor cu ta e ta responsabel pa tur registracion riba e asunta aki. Su
number di Celular ta : 565-9559. Miembronan, pensionado por yama of „mail‟sr. Nel Petronia. E ta na
encargo di e email-adres di e pensionadonan. Pronto SIMAR lo tin su propio WEB-SITE (Ainda e ta pega
na SETAR) y na momento cu esaki keda cla, nos lo pone e Mensahero, riba e Web-Site aki. Nos tin di bay
cu e era actual. Nos no por keda atras den tempo! Keda pendiente!
Directiva a haya hopi critica pasobra (supuestamente), nan a
organisa reunionnan den ‘vaKantie’!
Directiva ta pidi disculpa pa a yama reunionnan inespera, sin splicacion debidamente,
den vacansi.
Berdad tabata un error, pasobra nos a asumi cu tur habitante di Aruba ta al tanto di e
„Dialogo Social‟ cu ta andando y e importancia di esaki!
Lubidando cu tin miembro y coleganan cu ora tin vacansi, ta “letterlijk” y “figuurlijk”,
nan ta cu vacanci, locual nos ta total di acuerdo cu esaki, pasobra ta un vacansi cu
sigur-sigur, nos tur merece!
SdU mes a pidi pa e reunionnan aki, pa mesun informacionnan cu e sindicatonan tabata
hayando, tambe wordo brinda na nan miembronan, pa nan ta bon informa ora di tuma
un decision. Locual no tabata den nan man, tabata e fechanan di e reunionnan aki,
pasobra ta gobierno a paga pa organisa e reunionnan aki y NO SIMAR!
Gobierno ta mara na un tempo pa termina cu e Dialogo Social, pesey no por a pospone
ningun reunion. Locual Directiva di SIMAR si ta bay organisa ta un reunion similar:
Fecha: 17 di augustus 2010,
Orario: 19:00 – 21:00
Lugar: Cede di SIMAR
Lo tin informacion y e oportunidad pa haci boso preguntanan, di locual boso no ta al
tanto ainda, tocante e „Dialogo Social‟ aki. Directiva kier sa boso opinion tocante e
cambionan cu ta spera nos den futuro!
Directiva di
SIMAR kier a
duna nos
miembronan nobo
un caluroso ‘Bon
Bini’.
Nos ta spera di
por sirbi boso
semper den tur
ocasion y boso
sinti cu ‘cede di
SIMAR’, ta boso
cas!
Danki pa duna nos
boso confianza!
5
Informacion Aña Escolar 2010-2011
Nomber / Fam
Adres
Fecha di nacemento
Telefon di cas
Celular
E-Mail Address
Informacion di Trabou
Fecha cu a drenta den servicio di Gobierno
Scol actual
Telefon di scol
Vast Pensioen gerechtigde Dienst
Vaste Dienst
Contract / Otro
Sabana Blanco # 36 P.O.B. 582 Oranjestad, Aruba Tel: (297) 5824219 Fax: (297) 5838337
Email: [email protected]
Na nomber di directiva,
Ivo Valdes,
Presidente.
Hopi miembro di SIMAR, tin cambio den nan datonan na trabou y ta lubida di
avisa nos tocante di e cambionan aki. Pa facilita boso dicho aviso na Directiva di
SIMAR, nos a manda na tur miembro cu nos tin nan email-adres un formulario pa
nan por notifica nos: cambio di scol, di adres..etc. Nos mester boso datonan
optimalisa pa asina nos ta al tanto di boso derechonan y kico nos lo por haci pa
boso na dado momento cu boso mester di nos ayudo! Aki bou boso ta haya e
formulario pa boso yen‟e pa nos, si boso no a haci esaki ainda. Danki di
antemano!
Fecha: diasabra, 28 di augustus 2010
Orario: 20:00-24:00
Lugar; cede di simar
Banda: chapo great.
Nota: Den directiva di SIMAR, Maroeschka, ta fungi como comisario di Scolnan
Preparatorio y Basico, si bo mester di su apoyo, informacion of ayudo, bo por tuma
contacto cun’e via su email-adres: [email protected]