menaxhimi i rreziqeve tË shkaktuara nga zjarret rasti … · fakulteti i historisË dhe i...
TRANSCRIPT
REPUBLIKA E SHQIPËRISË
UNIVERSITETI I TIRANËS
FAKULTETI I HISTORISË DHE I FILOLOGJISË
DEPARTAMENTI I GJEOGRAFISË
DISERTACION
MENAXHIMI I RREZIQEVE TË SHKAKTUARA NGA ZJARRET
RASTI I SHQIPËRISË
Në kërkim të gradës shkencore “doktor”
Doktoranti Udhëheqësi shkencor
MSc. Sotir SHUKA Prof. dr. Sokol AXHEMI
Tiranë, 2018
REPUBLIKA E SHQIPËRISË
UNIVERSITETI I TIRANËS
FAKULTETI I HISTORISË DHE I FILOLOGJISË
DEPARTAMENTI I GJEOGRAFISË
Disertacion i përgatitur nga
MSc. Sotir SHUKA nën udhëheqjen e prof. dr. Sokol AXHEMI
në kërkim të gradës shkencore “doktor”
MENAXHIMI i RREZIQEVE TË SHKAKTUARA NGA ZJARRET
RASTI I SHQIPËRISË
Mbrohet më dt.................... 2018 para jurisë së përbërë nga:
1............................................................. - kryetar
2............................................................. - anëtar oponent
3............................................................. - anëtar oponent
4............................................................. - anëtar
5.............................................................- anëtar
Tiranë, 2018
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | iii
PËRMBAJTJA
Lista e grafikëve, tabelave, fotove, skicave, shkurtimeve ...................................................... v
Lista e shkurtesave të përdorura në punim ............................................................................ vi
HYRJE .................................................................................................................................... 1
Qëllimi dhe objektivat e punimit ............................................................................................ 3
Metodika shkencore e përdorur .............................................................................................. 6
Platforma dhe struktura e studimit ......................................................................................... 8
Rëndësia e punimit ............................................................................................................... 11
Kapitulli I .............................................................................................................................. 12
RREZIQET NATYRORE DHE TRAJTESA GJEOGRAFIKE NË LIDHJE ME TO ......... 12
ZJARRET ............................................................................................................................. 12
1. 1. Kuptimi mbi rreziqet natyrore .................................................................................. 12
1. 2. Zjarret si pjesë e rreziqeve natyrore ......................................................................... 15
1. 3. Aktiviteti human dhe roli i tij në lindjen dhe zhvillimin e zjarreve .......................... 18
1. 4. Pasojat dhe impaktet e zjarreve në hapësirën sociogjeografike ............................... 20
1. 5. Studimet për zjarret dhe menaxhimin e tyre ............................................................. 23
1. 6. Mbrojtja nga zjarret në Shqipëri ............................................................................... 25
Kapitulli II ............................................................................................................................ 28
HAPËSIRA SOCIOGJEOGRAFIKE DHE MENAXHIMI I ZJARREVE NË SHQIPËRI 28
2. 1. Zjarret dhe vendet sociale të banimit ........................................................................ 28
2. 2. Zjarret dhe vendet sociale të prodhimit .................................................................... 38
2. 3. Zjarret dhe vendet sociale të shkëmbimit, argëtimit dhe të pushtetit ....................... 41
2. 4. Zjarret dhe hapësira gjeografike. Tiparet dhe veçoritë e tyre ................................... 43
2. 5. Raportet e bashkëpunimit të hapësirës gjeografike dhe asaj sociale në menaxhimin
e zjarreve. Rasti i vendosjes së njësive zjarrfikëse. .......................................................... 50
Kapitulli III ........................................................................................................................... 54
ROLI I GRUPEVE SOCIALE NË PARANDALIMIN ....................................................... 54
DHE MENAXHIMIN E ZJARREVE .................................................................................. 54
3. 1. Grupet sociale dhe menaxhimi i zjarreve në Shqipëri .............................................. 55
3.2. Institucionet dhe grupet sociale të shërbimit zjarrfikës, tiparet e tyre ....................... 63
3.3. Grupet sociale dhe kultura për mbrojtjen nga zjarri .................................................. 69
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | iv
3.4. Roli i grupeve sociale në prodhimin e mjeteve për parandalimin dhe menaxhimin e
zjarreve ............................................................................................................................. 72
Kapitulli i katërt .................................................................................................................... 76
PAJISJET DHE MJETET E SHUARJES SË ZJARREVE. ROLI I TYRE NË
HAPËSIRËN SOCIOGJEOGRAFIKE ................................................................................ 76
4. 1 Mjetet dhe pajisjet e ndryshme për shuarjen e zjarreve............................................. 76
4. 2 Përdorimi i mjeteve dhe pajisjeve të ndryshme në situatat e zjarreve në vendet
sociale të banimit .............................................................................................................. 77
4. 3 Roli i mjeteve dhe pajisjeve të ndryshme në situatat e zjarreve në vendet sociale të
prodhimit, të shkëmbimit, argëtimit e pushtetit ................................................................ 81
4. 4. Përdorimi i mjeteve dhe pajisjeve të ndryshme në rastet e zjarreve në hapësirën
gjeografike ........................................................................................................................ 94
Kapitulli i pestë ..................................................................................................................... 96
SHPËRNDARJA GJEOGRAFIKE E ZJARREVE .............................................................. 96
5.1 Zjarret nëpër botë dhe problematikat që lidhen me to ................................................ 96
5.1.1 Zjarret në Europë dhe Azi .................................................................................... 96
5.1.2 Zjarret në kontinentet amerikane dhe Groenlandë .............................................. 99
5.1.3 Disa masa të domosdoshme për parandalimin dhe kufizimin e përhapjes së
zjarreve ....................................................................................................................... 101
5.2 Zjarret në Shqipëri dhe karakteristikat e tyre ........................................................... 103
5.3 Zjarret në Shqipëri .................................................................................................... 106
5.3.1 Raste zjarri në Shqipëri para vitit 1990 ............................................................. 108
5.3.2 Raste zjarri në Shqipëri mbas vitit 1990 ............................................................ 109
5.3.3 Përmbledhje e statistikave ................................................................................. 112
5.3.4 Përvoja botërore dhe disa sugjerime për menaxhimin e zjarreve në Shqipëri... 113
PËRFUNDIME ................................................................................................................... 114
REKOMANDIME .............................................................................................................. 119
LITERATURA ................................................................................................................... 122
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | v
Lista e grafikëve, tabelave, fotove, skicave, shkurtimeve
Foto nr. 1 Pyll i djegur në Llogara. Burimi: REC Shqipëri website. .................................... 19
Foto nr. 2 Pasojat pas rënies së një zjarri në Kroaci, Burimi: Bota Sot. ............................... 22
Foto nr. 3 Zjarr në New Berlin, Wisconsin (Google Images) ............................................... 34
Foto nr. 4 Zjarr në Ohajo (Google Images) .......................................................................... 34
Foto nr. 5 Zjarr në Grenfell Tower, Londer (Google Images) .............................................. 34
Foto nr. 6 . Diegie e Fabrikës së Ricklimit të mbetjeve plastike në Tiranë .......................... 38
Foto nr. 7 Zjarr në Kodër-Mëzez, Tiranë (Google Images) 3 qershor 2017 ......................... 44
Foto nr. 8 Zjarr në Vermosh (Google Images ....................................................................... 45
Foto nr. 9 Përdorimi i fikësit me ujë ..................................................................................... 78
Foto nr. 10 Fikësi me ujë ...................................................................................................... 79
Foto nr. 11 Sistemi vetshuarës gjysmëautomatik (drençer) .................................................. 83
Foto nr. 12 Pyll në Amerikë, pas djegies, Burimi: Climate News Network. ...................... 100
Imazh nr. 1 Zjarre në Rajonin e Mesdheut. Burimi: Syri.Net, parë nëpërmjet satelitit, viti
2017. ..................................................................................................................................... 98
Skica nr. 1 Kuptimi mbi rreziqet natyroree .......................................................................... 14
Tabela nr. 1 Raporti strukturë-djegshmëri-qëndrueshmëri ndaj zjarrit ................................ 31
Tabela nr. 2 ........................................................................................................................ 112
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | vi
Lista e shkurtesave të përdorura në punim
Atm - atmosferë
°C - gradë celsius
CO2 - gazi karbonik (dyoksidi i karbonit)
CCI4 - tetracloruri i karbonit
D - diametër
H2O - formula kimike e ujit
H2SO4 - acid sulfurik
Kf - kuaj fuqi
kW - kilovat
l/sek - litra në sekondë
MNZSH - Mbrojtja nga Zjarri dhe Shpëtimi
PMNZSH - Policia e Mbrojtjes nga Zjarri dhe e Shpëtimit
V. Sh. Aut - vetëshuarës automatik
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 1
HYRJE
Studimi “Menaxhimi i rreziqeve të shkaktuara nga zjarret. Rasti i Shqipërisë”,
përfaqëson një përpjekje për të realizuar një punim shkencor, si punim doktoral, në lidhje
me zjarret në përgjithësi dhe elementet menaxhuese të tyre në veçanti, duke u ndalur në
hulumtimin e një tematike të tillë, problematikën e zjarreve në Shqipëri. Nëpërmjet
realizimit të këtij punimi, njëkohësisht kam synuar marrjen e gradës shkencore “doktor i
shkencave gjeografike”. Arsyet për ta ndërmarrë një punim të tillë kanë qenë të shumta
dhe mjaft motivuese e suportuese për mua. Prandaj në mënyrë të përgjithshme po
evidentoj disa prej tyre.
Një shtysë e rëndësishme për ta realizuar këtë studim doktoral ka shërbyer në
mënyrë të veçantë eksperienca ime si pjesëtar i forcave të nderuara të reparteve
zjarrfikëse në Shqipëri, të cilat me një motivim dhe guxim të jashtëzakonshëm kanë
përballuar situata nga më të ndryshmet e më të vështirat në pjesë të ndryshme të territorit
të Shqipërisë. Njëkohësisht një kontribut i tillë i vyer i shumë brezave ka qenë prezent në
memorien time gjatë gjithë rrugës së ndjekur për realizimin e këtij punimi shkencor mbi
menaxhimin e zjarreve. Kam mendimin se në tërësinë e materialit të paraqitur nga ana
ime në këtë punim shkencor e gjejnë veten të gjithë ata miq e shokë të mi, kolegë gjithnjë
të përkushtuar në shërbim të mbrojtjes së jetës së njerëzve anembanë vendit tonë, duke
përballuar këtë rrezik jashtëzakonisht evident, siç janë zjarret.
Pa dyshim që ndryshimi i rrjedhës së jetës sime pas emigrimit në SHBA, pasioni
ndaj dijes e shkollës, edukimit e arsimimit në vazhdimësi, të rejave të shkencës në lidhje
me profesionin tim, ka qenë një shtysë tjetër motivuese për t’u përfshirë në studimet
doktorale. Me dëshirë e pasion u futa dhe përfundova studimet e larta universitare në një
nga universitetet e respektuara të SHBA-së, siç është Universiteti “Salem State”. Atashimi
pranë katedrave të këtij Universiteti, përfshirja në grupe punë studimore e shkencore me
disa nga profesorët dhe studiuesit amerikanë, ndikuan dukshëm tek unë për të zgjuar një
ëndërr të vjetër, por të bukur, siç ishte ndërmarrja e një studimi shkencor. Orë të gjata
debatesh e diskutimesh, kohë të shumta nëpër bibliotekat e universiteteve bënë të mundur
që t’i vija vetes detyrën për t’u angazhuar në realizimin e një punimi doktoral. Pa dyshim
që tematika do të ishte profesioni i jetës sime.
Ngjarjet që ndodhnin në Shqipëri e që lidheshin me rreziqet natyrore nuk mund të
mos linin gjurmë e të mos zgjonin interesin për të qenë gjithmonë të pranishme në optikën
time. Në mënyrë të veçantë tematika që lidhej me zjarret në Shqipëri, rritja e rastisjeve të
tyre, shpërndarja gjeografike, hapësirat sociogjeografike ku ato shfaqeshin, përmasat dhe
tiparet e tyre, lidhur ngushtë me zgjerimin e aktorëve dhe faktorëve që merrnin pjesë në
lindjen dhe zgjerimin e tyre, sidomos në ndërhyrjen dhe menaxhimin që u bëhej këtyre
rreziqeve natyrore e humane, ishin jo vetëm interesante për t’u njohur, por edhe zgjonin
dëshirën tek unë për t’i hulumtuar, studiuar dhe analizuar në tërësinë e tyre. Pa dyshim
“sëmundja ime profesionale”, profesioni im gjeneronte ide e mendime që shpeshherë i
skicoja dhe i hidhja në letër.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 2
Me shumë rëndësi ishin kontaktet e vendosura me institucionet shkencore
shqiptare, respektivisht departamentin e gjeografisë, Fakultetin e Historisë dhe të
Filologjisë në Universitetin e Tiranës. Pedagogë e studiues të këtij departamenti duhen
vlerësuar e falënderuar nga ana ime që edhe në momentet shumë të vështira që kalova nga
pikëpamja shëndetësore nuk reshtën së motivuari e përkrahuri që të mos tërhiqesha,
përkundrazi për të bërë të mundur përfundim e studimeve doktorale dhe realizimin e
punimit shkencor.
Së fundi meritojnë falënderimet e mia mbështetja dhe përkrahja e familjes sime. Si
gjithmonë, pranë njëri-tjetrit, ata i kam pasur gjatë gjithë rrugëtimit tim doktoral. Në çaste
të bukura e dëshpërimi, ashtu e kemi mbajtur e përkrahur njëri-tjetrin, duke u orientuar
gjithmonë drejt gjërave të mira e pozitive, gjithnjë optimist për të ardhmen. U jam
mirënjohës atyre sepse ditën të më kuptonin e njëkohësisht të më mbështetnin edhe gjatë
ditëve kur unë endesha tavolinave të bibliotekave apo sallave të studimit në katedrën e
universitetit ku studioja e punoja në “Salem State University” apo gjatë realizimit e
prezantimit të referimeve e pjesëmarrjeve të mia shkencore në shtete të ndryshme. Sot
gjej rastin t’i falënderoj dhe t’u shpreh mirënjohjen time.
Autori
Boston, SHBA
Prill 2018
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 3
QËLLIMI DHE OBJEKTIVAT E PUNIMIT
Hulumtimi në lidhje me rreziqet natyrore në përgjithësi dhe menaxhimin e tyre në
veçanti, duke u ndalur në njërin prej llojeve apo tipave të tyre, siç është në rastin tonë
studimi mbi zjarret, ka qenë në fokus të llojeve të ndryshme të punimeve shkencore gjatë
eksperiencës sime të punës në këtë sektor. Njëkohësisht, këndvështrimi mbi një tematikë
të tillë ka qenë pjesë e punimeve të mia, ndonëse sporadike, edhe gjatë studimeve
universitare dhe pasuniversitare në SHBA. Prania e një tematike të larmishme mbi këtë
temë të përzgjedhur nga ana ime lidhur ngushtë me tiparet dhe veçoritë specifike që
paraqesin zjarret dhe menaxhimi i tyre në hapësirën sociogjeografike të vendit tonë
përbënin një motiv të rëndësishëm për qëllimin e realizimit të këtij punimi shkencor.
Personalisht kam qenë nën dilemën e mundësive se sa dhe si mund ta realizoja dhe
ezauroja një tematikë të tillë, nisur nga njohja me vështirësitë që bart një sipërmarrje e
tillë shkencore.
Njëkohësisht dëshira për të dhënë idetë dhe mundësitë për realizimin e strategjive
të ndryshme për menaxhimin e tyre, nxitën më tej qëllimin për të konkluduar jo vetëm në
ndërmarrjen e realizimit të punimit, por tashmë edhe konkretizimin e tij. Kam bindjen se
në të ardhmen ky punim do pasurohet jo vetëm me tematika të tjera të larmishme, por
edhe me informacione të tjera bashkëkohore, lidhur ngushtë me dinamizmin që ekziston
sot në këtë fushë të rëndësishme sa shkencore, po aq aplikative. Sidomos kjo për vendin
tim, i cili gjithnjë me shumë po pasqyron një tendencë gjithnjë e në rritje, për sa u takon
rastisjeve të shumta e të larmishme të zjarreve në hapësira të ndryshme sociogjeografike.
Së pari, në tërësinë e tij punimi shkencor “Menaxhimi i rreziqeve të shkaktuara
nga zjarret. Rasti i Shqipërisë”, synon që në kuadër të shtjellimit të tij, të arrijë disa
qëllime apo objektiva të rëndësishme. Ato synojnë që të paraqesin një hulumtim të
përgjithshëm mbi koncepte të ndryshme në lidhje me menaxhimin e zjarreve sot në botë,
por edhe në vendin tonë, si shprehen dhe si kanë evoluar ato, sistemet e ndërhyrjes dhe të
menaxhimit të tyre, evidentimin e mjaft elementeve që kanë të bëjnë me rastisjen e tyre
në kuadër të shpërndarjes gjeografike. Njëkohësisht një objektiv i qenësishëm, dhe kam
mendimin risi në kuadër të raporteve studimore të këndvështrimit gjeografik mbi zjarret,
është edhe ai që synojmë të japim rolin e vendeve sociale të prekura nga zjarret dhe efekte
të tyre në hapësirën sociogjeografike, tiparet bashkëshoqëruese të këtyre vendeve sociale
që ndodhen nën trysninë e mundësisë së lindjes dhe zhvillimit të zjarreve, masave dhe
ndërhyrjeve që duhet të realizohen, si dhe rolin aktiv e mjaft të larmishëm të mjaft
grupeve sociale në hapësirën socigjeografike, së bashku me efektet e tyre në tërësinë e
sistemit të menaxhimit të zjarreve etj.
Një ndër objektivat kryesorë të punimit doktoral të paraqitur nga ana ime është i
lidhur ngushtësisht edhe me prezantimin e konceptit që ka të bëjë me zjarret në kuadër të
gjeografisë së rreziqeve natyrore dhe të asaj sociale, duke u munduar në këtë mënyrë të
japim edhe një aspekt konkret aplikativ të multidisiplinarizmit që paraqesin sot studimet
gjeografike në kuadër të fokusit të tyre shkencor. Hulumtime të ndryshme në lidhje me to,
literatura e gjerë dhe e larmishme, e cila është hulumtuar dhe shfrytëzuar nga ana jonë për
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 4
të bërë të mundur evidentimin e një koncepti dhe tematike të tillë, është parë njëkohësisht
si një mundësi dhe si një kontribut modest në këtë drejtim.
Krahas evidentimit të një koncepti të tillë, në përgjithësi kam synuar që të
parashtroj edhe pikëpamjet e mia për evidentimin dhe rastisjen gjithnjë e në rritje të
aktivitetit human dhe rolit të njeriut dhe grupeve sociale jashtëzakonisht të shumta e mjaft
të larmishme në tipare, veçori dhe aktivitet funksional konkretisht në lindjen dhe
zhvillimin e zjarreve sot në hapësirën sociogjeografike.
Së dyti, një objektiv tjetër me mjaft rëndësi ka qenë edhe evidentimi dhe paraqitja
e një historiku apo evolucioni studimor në lidhje me hulumtime të ndryshme të realizuara
sot në botë dhe në vendin tonë mbi zjarret. Një gjë e tillë nuk ka qenë e lehtë, ndikuar
edhe nga fakti i vështirësisë sime për kontakte të shumta e të drejtpërdrejta me skedarët
bibliotekarë në bibliotekat e vendit tim, si dhe në ato të institucioneve të ndryshme, për
shkak të emigrimit tim në SHBA. Gjithsesi, elemente të tilla jam munduar që gjatë kohës
së realizimit të ekspeditave të mia shkencore gjatë ardhjeve të mia në Shqipëri t’i skedoj e
hulumtoj sa kam mundur. Pa dyshim që më së tepërmi vëmendja është përqendruar në
evidentimin e literaturës profesionale të studimeve mbi zjarret, por edhe asaj gjeografike
në lidhje me to, duke skeduar, mbajtur shënimet e nënvizimet e duhura e njëkohësisht
duke evidentuar autorë dhe studiues të ndryshëm. Gjithsesi, kemi tentuar që në këtë
drejtim hulumtimi ynë të shtrihet edhe në studime dhe autorë të tjerë të fushave të
ndryshme, të cilat paraqesin këndvështrimin e studimit të tyre shkencor në kuadër të
optikës së disiplinës respektive.
Së treti, një objektiv tjetër me rëndësi është paraqitja dhe evidentimi i një elementi
tjetër mjaft sinjifikativ që lidhet me menaxhimin e zjarreve, siç është sistemi i ndërhyrjes
në to dhe i shuarjes së tyre. Larmia dhe llojshmëria e spikatur e tyre, format e
funksionimit dhe të ndërhyrjes që realizohet me anë të këtyre sistemeve bart një rëndësi të
konsiderueshme në drejtim të njohjes me to dhe rolin që ato luajnë. Krahas rëndësisë
teorike të tyre, mjaft e rëndësishme është njohja praktike që duhet për to nga njësitë e
specializuara, por jo vetëm, sidomos në raste të veçanta të ndodhjes së këtyre rreziqeve
natyrore. Lidhur ngushtë me to në kemi tentuar të paraqesim edhe raste konkrete të
pranisë së tyre dhe mënyrës së funksionimit të tyre në hapësira të veçanta
sociogjeografike në botë dhe Shqipëri. Aplikimi dhe përdorimi i këtyre pajisjeve është
parë lidhur ngushtë me mundësitë e shfrytëzimit të tyre në zjarret që janë të pranishme në
vende të ndryshme sociale të banimit, prodhimit, shkëmbimit, argëtimit, pushtetit etj.
Së katërti, një objektiv mjaft i rëndësishëm i punimit mbi “Menaxhimin e
rreziqeve të shkaktuara nga zjarret, rasti i Shqipërisë” është i lidhur ngushtë me tendencat
praktike dhe aplikative që ai synon të paraqesë në tërësinë e disa kapitujve të veçantë të
tij. Lidhur ngushtë me to në këta kapituj, e sidomos në disa çështje e nënçështje të veçanta
të tërësisë së këtij punimi shkencor, kemi praninë e situatave konkrete të zjarreve në
vende të ndryshme të botës dhe në Shqipëri. Paraqitja e tyre, mënyra se si ato janë
analizuar e konkretizuar bën të mundur edhe krijimin e një panorame të qartë të formës
dhe strategjisë se si duhen realizuar ndërhyrjet dhe menaxhuar situatat e zjarreve në një
hapësirë të caktuar sociogjeografike. Krahas dhënies së tyre, jemi munduar që të japim
edhe situata konkrete praktike dhe aplikative që kanë të bëjnë me menaxhimin e tyre si
nga njësitë e specializuara në terren, ashtu edhe nga individë, familjarë apo grupe të tjera
sociale në kuadër të mjeteve rrethanore për mbrojtjen nga zjarri. Kjo ka shtuar rëndësinë e
punimit, gjë që njëkohësisht mendojmë se është edhe një risi spikatëse e tij në përgjithësi.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 5
Pa dyshim, jemi modestë në këtë drejtim, lidhur ngushtë me faktin se tashmë opinioni
shkencor e profesional që merret me zjarret dhe menaxhimin e tyre njeh raste e momente
ndërhyrjeje e menaxhimi nga më të ndërlikuarat e nga më të vështirat, të cilat janë kthyer
në një praktikë të mirë globale për breza të tërë zjarrfikësish.
Së pesti, në këtë punim shkencor kemi synuar të realizojmë edhe një objektiv të
rëndësishëm të disiplinave humane, sidomos të fokusit shkencor të trajtuar nga gjeografia
sociale, siç janë rolet dhe impaktet në situata të tilla të grupeve sociale nga njëra anë dhe
vendeve sociale nga ana tjetër. Harmonizimi ndërmjet tyre, faktorët respektivë ndikues
dhe evolucioni i tyre në menaxhimin e zjarreve, shoqëruar me impaktet përkatëse, ka qenë
një synim i rëndësishëm shkencor i punimit, ndaj të cilit jemi orientuar për ta realizuar.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 6
METODIKA SHKENCORE E PËRDORUR
Në kuadër të metodave shkencore të përdorura nga ana jonë për ta realizuar në
tërësinë e tij këtë punim shkencor, vlerësojmë si tipar themelor veçanërisht larminë dhe
ndërthurjen e tyre integrale. Larmia e këtyre metodave të aplikuara për studimin tonë
është e lidhur me realizimin e objektivave të përcaktuara për t’u përmbushur, ndërsa
ndërthurja dhe integrimi me domosdoshmërinë që jo vetëm të analizojmë, por edhe që të
arrijmë në konkluzione të duhura. Një gjë e tillë ka qenë e shprehur si në drejtim të
etapave nëpër të cilat ka kaluar ndërtimi i punimit, ashtu edhe në marrjen në konsideratë
dhe aplikimin konkret të metodave të studimit. Në këtë drejtim duhet të vlerësoj edhe
bashkëpunimin e drejtpërdrejtë dhe në vazhdimësi që kam pasur si me lektorët e mi
amerikanë në Universitetin “Salem State”, në të cilin jam diplomuar, ashtu edhe me
pedagogët shqiptarë të departamentit të gjeografisë të Fakultetit të Historisë dhe
Filologjisë të Universitetit të Tiranës.
Është e rëndësishme të vlerësoj fazën e studimit të realizuar në kuadër të
hulumtimit nëpër skedarët bibliotekarë dhe një numri të konsiderueshëm botimesh e
studimesh në uebe të shumta, të cilët kanë të bëjnë me rreziqet natyrore në përgjithësi dhe
ato mbi zjarret në veçanti, rolin dhe aktivitetin human në tërësinë e këtyre rreziqeve
natyrore, impaktet me të cilat ato shoqërohen etj. Tërësia e këtij informacioni bëri të
mundur krijimin e një situate të përgjithshme në lidhje me kuptimin dhe përcaktimin e
mjaft koncepteve shkencore të cilat janë përfshirë në studimin tim lidhur me menaxhimin
e zjarreve.
Aplikimi nga ana ime i metodave të spikatura të analizës dhe sintezës ka ndihmuar
në arritjen e mjaft objektivave shkencore të qenësishme që i kisha vënë vetes për
realizimin e qëllimit të punimit shkencor. Nëpërmjet tyre kam bërë të mundur realizimin e
analizave të rëndësishme që lidhen me elementet më të spikatura të punimit, që kanë të
bëjnë sidomos me mjete dhe pajisje të larmishme që përdoren në situatat e zjarreve, me
sisteme të shuarjes së zjarreve, evidentimin dhe detajimin e llojeve të tyre, mënyrës së
aplikimit dhe funksionimit të tyre në situatë konkrete. Njëkohësisht efikasiteti i aplikimit
të metodave studimore të tilla ka ndikuar edhe në realizimin analitik dhe konkludiv të
analizë së raporteve të shfaqura ndërmjet vendeve sociale të larmishme nga njëra anë dhe
menaxhimit të zjarreve nga ana tjetër, rolit multidimensional të grupeve të ndryshme
sociale të pranishme në situata të shfaqjes dhe zhvillimit të zjarreve, si dhe menaxhimit të
zjarreve nga to, shpërndarjes gjeografike të zjarreve dhe larmisë së tyre në hapësira të
ndryshme sociogjeografike etj.
Njëkohësisht lidhur ngushtë me to, përdorimi i metodës shkencore të sintezës më
ka suportuar në daljen, evidentimin dhe nxjerrjen e mjaft konkluzioneve e përfundimeve,
të cilat paraqiten mjaft impenjative për të ardhmen e menaxhimit të zjarreve, sidomos në
vendin tonë. Njëkohësisht, nëpërmjet aplikimit të këtyre metodave është bërë e mundur
edhe prezantimi i paraqitjes së disa prej elementeve të ndërtimit të sistemeve efikase për
t’u mbrojtur nga këto lloje mjaft të shprehura të rreziqeve natyrore dhe aktiviteteve
negative humane në kuadër të shfaqjes së tyre në hapësira të ndryshme sociogjeografike
siç janë zjarret.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 7
Një metodë tjetër e rëndësishme shkencore, e cila zë vend dhe është aplikuar në
punimin shkencor që lidhet me menaxhimin e rreziqeve të zjarreve, rasti i Shqipërisë
është ai i krahasimit. Nëpërmjet aplikimit të kësaj metode shkencore është realizuar edhe
paraqitja e një evolucioni të dukshëm të formave të menaxhimit të zjarreve në botë dhe
Shqipëri, sistemeve për mbrojtjen dhe parandalimin e zjarreve, llojshmërisë dhe
ndryshimeve tipologjike të tyre, evolucionit të rolit të grupeve sociale jo vetëm në
menaxhimin e zjarreve, por edhe në realizimin e shpikjeve dhe racionalizimeve të
ndryshme produktive të tyre në shërbim të mbrojtjes së vendeve sociale të banimit,
prodhimit, shkëmbimit, argëtimit etj., të pranishme në hapësira të ndryshme
sociogjeografike. Njëkohësisht, me anë të kësaj metode kemi vënë në dukje edhe
ndryshimet dhe transformimet prezente në hapësirat e shumta sociogjeografike në botë
dhe Shqipëri, të cilat preken nga zjarret, duke dhënë në këtë mënyrë edhe impaktet e tyre
të larmishme në shumë drejtime.
Krahas metodave të paraqitura me sipër, në mjaft raste, lidhur ngushtë edhe me
materialin ilustrativ të përdorur, duhet të evidentoj edhe rolin që ka në punim aplikimi i
metodave grafike dhe hartografike. Ndonëse jo në formatin e duhur dhe në rastisje të
gjerë, me sa duket ka ndikuar edhe funksioni analitik i detajuar i punimit, fotot, grafikët,
hartat dhe figurat e ndryshme, të cilat janë të pranishme në çështje, në nënçështje e kapituj
të ndryshëm të këtij punimi shkencor. Ato kanë ndryshuar dukshëm në pasurimin grafiko-
ilustrativ dhe njëkohësisht në konkretizimin e punimit. Me anë të metodës grafike dhe
hartografike jo vetëm kam synuar të paraqes në mënyrë ilustrative tematika të ndryshme
që lidhen me sisteme të shuarjes së zjarreve, funksionimin e elementeve përbërës të tyre,
impakteve që ato kanë, por edhe shpërndarjen gjeografike të zjarreve, momente të
ndryshme të ndodhjes së tyre etj.
Në realizimin e punimit doktoral “Menaxhimi i rreziqeve të shkaktuara nga
zjarret. Rasti i Shqipërisë”, një ndihmë të konsiderueshme më ka dhënë edhe ajo që është
shumë primare në studimet gjeografike, ekspeditat në terren. Ndonëse formimi im
akademik ndryshon në përmbajtje nga disiplina gjeografike, theksoj se përvoja ime
profesionale ka qenë e lidhur shumë me ekipet e shpëtimit në raste të zjarreve, çka më ka
bërë që të jem mjaft i lidhur me terrenin, me hapësirën gjeografike. Realizimi i
ekspeditave në terren është bërë jo vetëm në Shqipëri, por edhe në vende e shtete të tjera,
duke përmendur këtu edhe shtete të ndryshme në SHBA apo Kanada. Gjatë një pjese të
rëndësishme të jetës sime, duke punuar e dhënë kontributin tim në këtë sektor mjaft të
vështirë isha përballur me situata nga më të ndryshmet, të rrezikshme apo të vështira.
Ndërsa në momente të realizimit të punimit ndërmarrja e ekspeditave shkencore për të
vrojtuar pasojat dhe impaktet e këtij rreziku natyror e human, siç janë zjarret, më dhanë
një natyrë dhe dimension tjetër, tashmë në rolin e studiuesit dhe hulumtuesit shkencor.
Përpjekjet e mia kanë qenë në vazhdimësi për të dhënë pikërisht atë nuancë të impaktit që
zjarret luajnë në hapësirën sociogjeografike e mjedisin natyror, në elementët humanë, në
vendet sociale aq të shumta e të shumëllojshme jo vetëm në vendin tim, por edhe atje ku
unë tashmë jetoj e banoj. Nuk e di sa ia kam arritur, por modestish e pranoj së jam
përpjekur maksimalisht.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 8
PLATFORMA DHE STRUKTURA E STUDIMIT
Platforma e studimit shkencor mbi menaxhimin e rreziqeve të shkaktuara nga
zjarret, rasti i Shqipërisë dhe ndërtimi i saj ka kaluar nëpër një periudhë të gjatë kohore,
me ndryshime të shumta, sistemime e rivendosje tematikash, për të ardhur deri në atë
përfundimtare. Theksoj se ndikim në këtë drejtim ka pasur edhe problematika, lidhur me
një periudhë kohore pamundësie për t’u marrë me të për arsye shëndetësore. Gjithsesi,
tashmë jemi para jurisë dhe opinionit shkencor. Mjaft interes kanë paraqitur debatet dhe
diskutimet, si me udhëheqësin shkencor të punimit, ashtu edhe me kolegë të tjerë në
SHBA e Shqipëri, ndikuar nga çështje të ndryshme, të cilat lidheshin si me rreziqet
natyrore nga njëra anë, zjarret si pjesë e tyre nga ana tjetër, mënyra e menaxhimit të tyre,
elementet funksionale të larmishme që duhen përdorur në situata të tilla, formimi im
shkencor, eksperienca ime profesionale etj.
Njëkohësisht, në kuadër të ndërtimit të platformës shkencore të punimit, si pjesë e
platformës së hollësishme të tij, duheshin integruar edhe tematikat humane të gjeografisë,
sidomos ato që kishin të bënin me grupet sociale nga njëra anë dhe rolin e tyre në
menaxhimin e zjarreve, së bashku me vendet sociale nga ana tjetër dhe rolin e tyre në këto
situata të menaxhimit të këtij rreziku evident, siç janë zjarret. Njëkohësisht, lidhur
ngushtë me formimin tim të gjatë në fushën e mbrojtjes së zjarreve, nuk mund të lija
mënjanë edhe evidentimin e mjeteve dhe pajisjeve që mund të përdoreshin në mbrojtjen
ndaj zjarreve, llojshmërinë e tyre, mënyrat e funksionimit dhe aplikimit në situata të
veçanta etj.
Në kuadër të strukturës së punimit kemi qenë të vëmendshëm për të përfshirë
tematikën e gjerë të lidhur me zjarret dhe menaxhimin e tyre në një sistem konciz, drejt
qasjes gjeografike të tij. Një gjë e tillë nuk ka qenë e lehtë dhe e lirshme për t’u realizuar.
Vështirësia ishte e lidhur ngushtë me objektin e punimit shkencor, të cilin kërkonim që ta
realizonim, origjinalitetin dhe kontributin tonë në këtë drejtim. Prandaj që në fillim të tij
tendenca ishte përqasja drejt orientimit gjeografik, duke e lidhur ngushtë me
këndvështrimin sa të gjeografisë së rreziqeve natyrore, ashtu edhe në drejtim të larmisë së
tematikave humane. Kemi mendimin se një gjë e tillë shprehet qartësisht dhe në
formulimin e kapitujve përbërës, të çështjeve dhe në nënçështjeve të trajtuara në to,
materialit ilustrativ të përdorur etj.
Punimi mbi menaxhimin e rreziqeve natyrore në Shqipëri, përfshin në tërësinë e tij
ndarjen në rreth 5 kapituj, të cilët trajtojnë çështje dhe tematika të veçanta, të cilat lidhen
me menaxhimin e zjarreve. Tendenca për t’u ndalur në këto trajtesa të përcaktuara lidhej
ngushtë edhe me faktin e qëllimit që i kishim vënë vetes për ta realizuar këtë punim
shkencor, ashtu edhe me optikën e gjerë dhe multidimensionale shkencore që zënë
studimet shkencore të një lloji të veçantë rreziku natyror e human, siç janë zjarret.
Njëkohësisht punimi shkencor përfshin në tërësinë e tij si pjesë integrale edhe disa
elemente të tjera, siç janë ato që kanë të bëjnë me hyrjen e punimit, listën e tabelave,
fotove, diagrameve, grafike, përfundimet dhe rekomandimit, së bashku me literaturën
përkatëse në të cilën është hulumtuar për ta realizuar.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 9
Në kapitullin e parë të punimit shkencor, në kuadër të studimeve doktorale,
vëmendja jonë është përqendruar dhe orientuar drejt disa çështjeve teorike në lidhje me
tematikën në studim. Këtu jemi ndalur në përcaktimin e disa çështjeve të veçanta, të cilat
lidhen me konceptet që kanë të bëjnë me rreziqet natyrore, gjeografinë e rreziqeve
natyrore, evolucionin e tyre në tërësi, studimet nëpër të cilat kanë kaluar trajtesa mbi
çështje të tilla etj. Njëkohësisht në këtë kapitull është parë nga ana jonë të paraqesim edhe
konceptin e përgjithshëm mbi zjarret, procesin e djegies, faktorët të cilët ndikojnë, rolin e
faktorëve natyrorë, mënyrën e ndikimit të tyre, aktivitetin human dhe rolin e tij në lindjen
dhe zhvillimin e zjarreve. Pjesë përbërëse e kapitullit të parë është edhe paraqitja në
kuadër të një vështrimi të përgjithshëm hyrës të impakteve dhe ndikimeve që kanë zjarret
në kuadër të zhvillimit të një hapësire të caktuar sociogjeografike, duke paraqitur edhe
disa shembuj në këtë drejtim.
Kapitulli i dytë i është kushtuar një tematike mjaft interesante në gjeografinë
sociale. Konkretisht kemi tentuar të analizojmë raporte të ndryshme të rolit të zjarreve
dhe menaxhimit të tyre nga njëra anë dhe vendeve sociale nga ana tjetër, në kuadër të
hapësirës sociogjeografike. Larmisë së shfaqjes së këtyre rreziqeve natyrore, siç janë
zjarret, kemi tentuar t’i veshim larminë e shfaqjes së tyre në tërësinë e vendeve sociale të
ndryshme në hapësirën sociogjeografike. Në këtë sens paraqiten në mënyrë konkrete
analiza të menaxhimit të zjarreve në godina e shtëpi banimi, rezidenca e apartamente të
ndryshme në të cilat banojnë grupe të ndryshme popullsie, në markete e qendra tregtare,
punishte e fabrika të ndryshme, fontana e miniera, muze e restorante etj. Një larmi e tillë e
shfaqjes së këtyre rreziqeve natyrore, siç janë zjarret, është parë në këndvështrimin e
menaxhimit të tyre, si dhe të impakteve me të cilat janë shoqëruar ato në këto vende të
veçanta sociale në shtete të ndryshme të botës e veçanërisht në vendin tonë.
Kapitulli i tretë, së bashku me çështjet dhe nënçështje të tij, i është dedikuar rolit
të grupeve sociale në menaxhimin dhe parandalimin e zjarreve. Në mënyrë të detajuar
analizohen çështje dhe tematika mjaft interesante, të cilat kanë të bëjnë me grupet sociale
nga njëra anë dhe menaxhimin e zjarreve në anën tjetër, raportet dhe ndikimet reciproke të
tyre, institucionet dhe grupet sociale pjesëmarrëse në menaxhimin e zjarreve, kultura dhe
mbrojtja nga zjarret, rolin e grupeve të ndryshme sociale në prodhimin dhe përdorimin e
produkteve dhe impianteve të ndryshme që përdoren në menaxhimin e zjarreve etj.
Tërësia e një analize të tillë është shoqëruar veçanërisht me tregues konkretë të rolit të
këtyre grupeve sociale, evolucionit të këtij roli në periudha të ndryshme etj.
Në kapitullin e katërt analiza jonë është referuar drejt tipave dhe llojeve të
ndryshme të sistemeve të shuarjes së zjarreve. Ndër to, lidhur ngushtë me hulumtime të
realizuara nga ana jonë në literaturën e larmishme bashkëkohore në vendin tonë, Europë,
SHBA etj., nga eksperienca dhe përdorimi i mjaft prej këtyre sistemeve gjatë punës sonë
në terren në të kaluarën, lidhur ngushtë me metodologjinë e sotme që aplikohet në teknika
të ndodhjes së situatave të ndryshme të zjarreve kudo në botë, kemi evidentuar dhe
analizuar ato më kryesoret. Njëkohësisht, gjatë analizës që kemi paraqitur për mjaft prej
tyre kemi pasur angazhimin të evidentojmë në mënyrë të detajuar ato të cilat janë
prezente në vendin tonë, lidhur ngushtë me përdorimin dhe aplikimin e tyre konkret në
rastet e menaxhimit dhe ndërhyrjes së situatave të zjarreve në Shqipëri. Njëkohësisht në
mënyrë konkrete kemi paraqitur edhe situata të ndodhjes së zjarreve në vende sociale të
ndryshme të banimit, prodhimit, shkëmbimit, argëtimit etj. në kuadër të hapësirave të
ndryshme sociogjeografike në vendin tonë dhe në shtete të ndryshme të botës.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 10
Shpërndarja gjeografike e zjarreve përfaqëson tematikën e kapitullit të pestë, si
pjesë integrale e këtij punimi shkencor. Në kuadër të këtij kapitulli, kemi pasur në
konsideratë realizimin e një analize të rolit të faktorëve dhe shkaqeve të zjarreve në
shpërndarjen gjeografike të tyre. Për ta realizuar një qëllim të tillë kemi strukturuar si
çështje të rëndësishme të tij zjarret, llojet dhe shfaqje të tyre në botë dhe në Shqipëri. Në
këtë mënyrë jo vetëm kemi pasuruar informacionin në lidhje me to, por kemi bërë të
mundur që të japim edhe një lidhje dhe raport shumë efikas dhe të qenësishëm ndërmjet
shfaqjes së tyre, faktorëve që ndikojnë, mënyrës së menaxhimit dhe hapësirës
sociogjeografike. Për ta realizuar sa më mirë një gjë të tillë, një ndihmë të
konsiderueshme na kanë dhënë burime të informacionit nga literatura e shfletuar për
zjarret në botë dhe Shqipëri.
Në pjesën përmbyllëse të punimit kemi paraqitur disa përfundime dhe
rekomandime, të cilat kanë ardhur si rrjedhojë logjike e studimit tonë mbi menaxhimin e
rreziqeve të zjarreve, rasti i Shqipërisë. Në kuadër të këtyre përfundimeve dhe
rekomandimeve jo vetëm kemi bërë një rezyme të asaj se çfarë kemi paraqitur në punimin
tonë shkencor, por njëkohësisht kemi rekomanduar masa dhe hapa konkretë për mënyrën
se si duhen menaxhuar situatat e zjarreve në vendin tonë.
Më poshtë po paraqesim në mënyrë të strukturuar dhe të detajuar punimin
shkencor doktoral të përgatitur nga ana jonë me titullin “Menaxhimi i rreziqeve të
shkaktuara nga zjarret. Rasti i Shqipërisë”.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 11
RËNDËSIA E PUNIMIT
Tashmë që kemi hedhur në letër dhe materializuar në mënyrë konkrete punimin
shkencor mbi menaxhimin e rreziqeve të zjarreve, rasti i Shqipërisë, vlerësojmë me
modesti së ai përfaqëson një kontribut modest në kuadër të studimeve të tjera shkencore
që kanë të bëjnë me një tematikë kaq interesante. Jemi të mendimit se me informacione të
paraqitura, analiza të detajuara në lidhje me tematika të ndryshme, siç janë ato mbi
sistemet e shuarjes së zjarreve, aplikimin e teknikave të ndryshme në terren dhe në situata
nga më të larmishmet të pranishme në hapësira të ndryshme sociogjeografike, kanë
shërbyer në pasurimin e hulumtimeve shkencore në lidhje me çështje të menaxhimit të
zjarreve.
Një rëndësi e spikatur e punimit është ajo që i është referuar shpërndarjes
gjeografike të zjarreve sot në botë dhe në vendin tonë. Një gjë e tillë shënon një hap të
rëndësishëm për të dhënë njëkohësisht edhe tendencën e tyre në të ardhmen, lidhur
ngushtë me faktorët dhe shkaqet që ndikojnë në lindjen dhe zhvillimin e tyre. Tashmë
zjarret janë evidente kudo në hapësirën sociogjeografike, por ajo çfarë duhet të
vlerësojmë ndikohet nga rastisja gjithnjë e në rritje në vendin tonë. Format e shfaqjes së
tij, së bashku me faktorët ndikues janë një drejtim i cili duhet të analizohet dhe studiohet
me mjaft seriozitet në të ardhmen e afërt, për shkak të impaktit që ka jo vetëm në
hapësirën gjeografike, por edhe në mjedis, popullsi e grupe sociale, në sektorë të
ndryshëm të ekonomisë etj.
Njëkohësisht, analizat referuar tematikave që kanë të bëjnë me raportet ndërmjet
menaxhimit të zjarreve dhe vendeve sociale të ndryshme, si dhe kontributit të grupeve
sociale në situatat e ndryshme të ndodhjes, zhvillimit dhe evolucionit të hapësirës
sociogjeografike të prekur nga zjarret, kemi mendimin së shërbejnë si një kontribut
modest në pasurimin e informacionit dhe hulumtimit shkencor të tematikës humane në
gjeografi e sidomos asaj sociale në veçanti. Një analizë e tillë ka pasuruar edhe tiparet dhe
veçoritë e zhvillimit të vendeve të ndryshme sociale të banimit, prodhimit, shkëmbimit
dhe argëtimit, së bashku me popullsinë apo grupet sociale pjesëmarrëse dhe kontribuuese
në to.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 12
Kapitulli I
RREZIQET NATYRORE DHE TRAJTESA GJEOGRAFIKE NË
LIDHJE ME TO
ZJARRET
Trajtesën mbi rreziqet natyrore, fokusuar në një nga tipat kryesorë të tyre, siç janë
zjarret, e kemi vendosur në kapitullin e parë të këtij punimi shkencor. Një renditje të tillë
e përcaktuam nga fakti se si kapitull hyrës ta vendosim studiuesin dhe lexuesin e këtij
punimi shkencor në startin e fillesës apo të njohurive të para mbi atë se çfarë do
shtjellohet më pas në punim. Një gjë e tillë ndikon edhe nga pikëpamja kronologjike
shkencore, teksa në fillimet e punimit paraqesim anën konceptuale të tematikës kryesore,
që janë zjarret, duke vazhduar më pas me shtjellimin e elementeve menaxhuese të tyre, në
kuadër të hapësirës gjeografike dhe aktivitetit të grupeve sociale që marrin pjesë në këtë
menaxhim. Më tej vazhdojmë me mjete dhe pajisjet më të përdorshme në situatat e
ndodhjes së zjarreve, së bashku me konkretizimin e tyre në raste të veçanta, duke
përfunduar me shpërndarjen gjeografike të zjarreve në hapësirën globale sociogjeografike
dhe në vendin tonë.
Në këtë këndvështrim modest në këtë kapitull të parë u orientuam të trajtojmë e
shtjellojmë disa çështje të veçanta. Ndër to veçojmë analizën shkencore referuar
tematikave të tilla konkrete, si: kuptimi mbi rreziqet natyrore dhe trajtesa gjeografike në
lidhje me to, kuptimin e përgjithshëm mbi zjarret si pjesë e rreziqeve natyrore, aktiviteti
human dhe roli i tij në lindjen dhe zhvillimin e zjarreve, pasojat dhe impaktet e zjarreve,
hapësirën sociogjeografike, studimet në lidhje me zjarret dhe menaxhimin e tyre, mbrojtja
nga zjarret në Shqipëri.
1. 1. Kuptimi mbi rreziqet natyrore
Rreziqet natyrore përfaqësojnë sot në literaturën shkencore globale një nga
çështjet me të diskutuara dhe mjaft të trajtuara. Jo vetëm në kuadër të aktiviteteve të
ndryshme shkencore në trajtën e konferencave apo workshop-eve të shumta, por edhe të
pranisë së botimeve shkencore nga më të larmishmet, duke filluar nga monografitë e
revistat shkencore e deri tek tekstet mësimore universitare. Një përhapje gjithnjë e më të
gjerë po gjen edhe aplikimi i projekteve të përbashkëta shkencore në kuadër të
programeve të shumta ndërkombëtare të financuara nga struktura shtetërore e shkencore
nga vende të ndryshme të botës. Kjo po pasuron dukshëm mendimin shkencor në lidhje
me tematikat e rreziqeve natyrore në përgjithësi, pavarësisht larmisë së tyre dhe
dimensionit e fokusit që shprehin disa prej tyre në veçanti.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 13
Tërësia e një sensibilizimi shkencor përcaktohet nga rëndësia e tyre në kuadër të
një hapësire të caktuar sociogjeografike. Një gjë e tillë është e lidhur ngushtë me
dimensionin dhe rolin që ato luajnë në zhvillimet e shumanshme në rruzullin tokësor në
përgjithësi e hapësira të ndryshme të saj në veçanti. Krahas trajtesave shkencore në lidhje
me to, ku pasurohet mendimi shkencor për njohjen e tyre, siç e përmendëm më sipër,
analizën dhe veçoritë së bashku me karakteristikat e shfaqjes së tyre, po rritet interesi
studimor referuar sidomos në aspektet praktike të efekteve të këtyre rreziqeve natyrore.
Vlerësojmë se veçanërisht kemi një vëmendje gjithnjë e më të madhe studimore
shkencore për raportet problematike dhe negative që ndikon në popullsinë e rajoneve të
ndryshme, në grupe të veçanta sociale të hapësirave të larmishme sociogjeografike, pjesë
përbërëse të saj, në fushën mjaft të spikatur të mjedisit, dhe në sektorë të ndryshëm të
ekonomisë që preken nga to etj.
Në kuadër të disiplinave të shumta shkencore që studiojnë rreziqet natyrore,
gjithnjë e më shumë po rritet karakteri pjesëmarrës dhe interdisiplinar. Disiplinat
shkencore të ndryshme jo vetëm po formësojnë dhe pasurojnë fokuset dhe tematikat e tyre
shkencore, por edhe po bashkëpunojnë me njëra- tjetrën. Në këtë drejtim po merr pjesë
me kontributin e saj hulumtues e studimor edhe shkenca gjeografike. Dimensioni dhe roli
i saj aktiv paraqitet gjithnjë e në rritje dhe është evident në tërësinë e analizave
gjeografike referuar këtyre rreziqeve natyrore. Gjeografët, sidomos ata të drejtimit fizik e
ambiental, po kontribuojnë dukshëm në hulumtimet e tyre shkencore të fokusuara në
njohjen e shpërndarjes gjeografike të këtyre rreziqeve natyrore, evidentimin e faktorëve
dhe shkallen e ndikimit të tyre në zhvillimet aktuale të hapësirave të ndryshme
gjeografike. Nga ana tjetër kemi një gjenerim hulumtues edhe nga tematika humane e
gjeografisë, specifikisht gjeografia sociale, ajo ekonomike etj., të cilat po i shohin këto
rreziqe natyrore të larmishme në optikën e ndikimit të tyre në mjaft çështje që lidhen me
elemente të ndryshme të popullsisë dhe të vendbanimeve, vendeve dhe funksioneve
sociale të ndryshme, mjedisit dhe ambientit, ekonomisë në përgjithësi e sektorëve të
ndryshëm të saj në veçanti etj.
Trajtesat e larmishme gjeografike nga njëra anë dhe këndvështrimi i gjeografit
mbi rreziqet natyrore nga ana tjetër, paraqitet dhe evidentohet tashmë mjaft i pranishëm
në shumë aktivitete shkencore ndërkombëtare, botime të larmishme dhe studime të
ndryshme. Bartës të tyre janë përfaqësues, gjeografë e studiues, të cilët gradualisht po
tentojnë të individualizojnë një qasje konkrete në fokusin e gjerë dhe dinamik të
gjeografisë. Njëkohësisht, universitete nga më të ndryshmet anembanë botës dhe katedra
universitare të gjeografisë kanë bërë pjesë të kurrikulave të tyre dhe programeve të
studimit tematikat që lidhen me problematikat që paraqesin rreziqet natyrore. Kjo ka
shtuar rolin dhe kontributin e gjeografisë në analizat që u referohen rreziqeve të shumta e
të shumëllojshme natyrore, si dhe numrin e autorëve dhe studiuesve e hulumtuesve
gjeografë që punojnë nën një optikë të tillë studimore.
Një nga drejtimet kryesore të shumë gjeografëve, të cilët merren sidomos në
kuadër të specializimit të tyre të ngushtë me fokusin e gjeografisë fizike dhe
gjeomorfologjisë, mjedisit dhe problematikave që lidhen me të, po tentojnë gjithnjë e më
tepër drejt individualizimit të plotë edhe të një drejtimi serioz e konkret në kuadër të
nëndarjes së gjeografisë, siç është ajo e gjeografisë së rreziqeve natyrore. Gjeografia e
rreziqeve natyrore përfaqëson disiplinën shkencore që për objekt të studimit të saj ka
evidentimin e rreziqeve natyrore të pranishme në hapësirën gjeografike, shpërndarjen
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 14
gjeografike dhe menaxhimin e efekteve të tyre. Për të realizuar një objekt të tillë
shkencor, kjo nënndarje e gjeografisë merr në konsideratë përdorimin e njohurive të
përftuara nga disiplinat gjeografike kryesisht të karakterit fiziko-natyror dhe
komplementare me to.
Njëkohësisht gjithnjë e më tepër, siç e përmendëm më sipër, po rritet dhe po
pasurohet mendimi shkencor i tematikës së gjeografisë humane në drejtim të analizës
referuar impakteve që paraqesin rreziqe të tilla natyrore dhe menaxhimit të situatave të
krijuara nga efekte të këtyre rreziqeve natyrore në tërësinë e hapësirës sociogjeografike në
përgjithësi dhe atyre specifike në veçanti. Vlerësojmë rolin dhe kontributin e gjeografisë
humane, sidomos asaj sociale dhe të popullsisë e të vendbanimeve, gjeografisë
ekonomike, asaj urbane dhe rurale, që po shprehin tendencë për t’u vënë në shërbim të
shoqërisë për zgjidhjen e problemeve sociale të pranishme në hapësirën sociogjeografike
të prekur nga rreziqet natyrore, ku kërkohet domosdoshmërish kontributi dhe ndërhyrja e
gjeografit.
Një disiplinë e tillë shkencore si gjeografia e rreziqeve natyrore, pasqyron në
mënyrë të drejtpërdrejt ndërhyrjen e gjeografit në përvijimin e një studimi të caktuar mbi
një problem, dukuri, ngjarje të ndodhur nën emërtimin rrezik natyror, ku synimi i
gjeografit, detyra apo qëllimi shprehet në kuadër të orientimit pozitiv në shërbim të
hapësirës sociogjeografike ku është evidentuar rreziku apo rreziqet natyrore. Shembujt
janë të shumtë në këtë drejtim, ndikuar dhe lidhur ngushtë njëkohësisht edhe me shkallën
e evolucionit shkencor të vetë tërësisë së disiplinave gjeografike në përgjithësi. Gjeografi
dhe roli i tij aktiv, në kuadër të trajtesës gjeografike për rreziqet natyrore orientohet për ta
njohur llojin e këtij rreziku natyror, analizon shkaqet dhe faktorët, shpërndarjen
gjeografike të tij dhe impaktin që paraqet në kuadër të zhvillimit të një hapësire të caktuar
sociogjeografike.
Skica nr. 1 Kuptimi mbi rreziqet natyroree
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 15
Raportet që ekzistojnë ndërmjet hapësirës gjeografike në njërën anë dhe rolit të
aktiviteteve që zhvillojnë grupet sociale, popullsia në të janë jashtëzakonisht diverse dhe
të larmishme. Në tërësinë e zhvillimeve të tyre të karakterit pozitiv e negativ, mjaft
aktuale paraqiten prishjet e ekuilibrave ndërmjet veprimtarisë së tyre në një hapësirë të
caktuar sociogjeografike, që bën të mundur lindjen dhe zhvillimin e mjaft rreziqeve
natyrore, siç mund të jenë shembjet, rrëzimet, zjarret etj. Një gjë e tillë dukshëm ka sjellë
edhe prishjen e mjaft ekuilibrave mjedisorë e ambientalë duke u shoqëruar me efekte
problematike sociale. Efektet sociale janë të shumta e të shumëllojshme në shumë
drejtime, çfarë ndikon dukshëm edhe në ecurinë e zhvillimit të popullsisë përkatëse të
këtyre vendeve, të grupeve sociale të veçanta, të cilët dallohen e veçohen nga njëri-tjetri
edhe nga këto efekte, forma e shfaqjes apo të ndikimit, shtrirjen e njëkohësisht përhapjen
gjeografike të tyre. Në këtë drejtim, roli dhe kontributi i gjeografisë si disiplinë shkencore
dhe i gjeografit, paraqitet mjaft evident.
Në tërësinë e kontekstit të shprehur në këtë punim shkencor, gjeografia dhe
gjeografi ka rolin dhe vendin e duhur edhe në analizat ndaj një rreziku të rëndësishëm
natyror siç janë zjarret. Mjaft studiues e gjeografë kanë bërë përpjekjet e tyre referuar
zjarreve dhe analizës ndaj tyre. Gjeografët kanë tentuar që të evidentojnë shkaqet dhe
faktorët që kanë ndikuar në lindjen dhe zhvillimin e zjarreve në hapësira të ndryshme
sociogjeografike, pse ato shfaqen në hapësira të caktuara gjeografike, shpërndarjen
gjeografike të tyre dhe indikatorët ndikues në këtë shpërndarje. Me interes është roli dhe
kontributi i tyre në drejtim të evidentimit të impakteve që zjarret luajnë në kuadër të
shfaqjes së tyre në territore të ndryshme, në shtete të ndryshme, në zona rurale e urbane,
në vende të ndryshme sociale të banimit, prodhimit, shkëmbimit, argëtimit, në mjedis etj.
Në lidhje me çështjet e mësipërme, studimet janë të shumta e të shumëllojshme në
aspektin gjeografik. Me rëndësi për t’u evidentuar është përfshirja gjithnjë e më solide e
gjeografëve në grupe punë e studime që lidhen me analizat e hulumtimet orientuar drejt
fokusit të rreziqeve natyrore. Një gjë e tillë ka ndikuar jo vetëm në rritjen e shkallës së
zgjerimit të bashkëpunimit shkencor gjithnjë e më efikas në studime konkrete aplikative,
por ka bërë të mundur edhe pasurimin e konsolidimin e ekspertizës gjeografike në
studimin e rreziqeve natyrore në vende të ndryshme të botës. Tendenca të tilla gjithnjë e
më të shpeshta, ndonëse të kufizuara, janë të pranishme edhe në vendin tonë.
1. 2. Zjarret si pjesë e rreziqeve natyrore
Rreziqet natyrore janë të shumta e të shumëllojshme. Njëkohësisht, mjaft të
larmishme paraqiten edhe shkaqet dhe faktorët ndikues, tiparet dhe karakteristikat e tyre,
së bashku me shpërndarjen gjeografike. Ndër to objekti i trajtesës sonë shkencore është
fokusuar te zjarret, si një ndër rreziqet natyrore dhe humane me një rastisje gjithnjë në
rritje, jo vetëm në kuadër të tërësisë së hapësirës globale sociogjeografike, por edhe në atë
të Shqipërisë. Gjithnjë e me tepër po shtohet në këtë tip të rreziqeve natyrore elementi apo
faktori human i shfaqjes dhe ndodhjes së tyre, ndikuar nga tendencat në rritje nga
veprimtaria e ndryshme e qëllimshme apo jo e individëve të ndryshëm. Një tematikë, rol e
kontribut të tillë evident do e trajtojmë në mënyrë analitike, si në këtë kapitull si çështje të
veçantë, ashtu edhe në kuadër të rolit të grupeve sociale në menaxhimin e zjarreve.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 16
Cilat janë arsyet, kushtet, faktorët ndikues në ndodhjen dhe përhapjen e një tipi të
tillë të rreziqeve natyrore siç janë zjarret. Ku dhe pse lindin zjarret? Cilat janë format dhe
përmasat e tyre? Po tiparet dhe karakteristikat me të cilat ato shoqërohen? A kanë impakte
zjarret në kuadër të lindjes dhe zhvillimit të tyre në një hapësirë të caktuar
sociogjeografike? Cila është shpërndarja gjeografike e zjarreve sot në botë? Po në vendin
tonë? Këto janë disa nga pyetjet më të rëndësishme, të cilat kërkojnë përgjigje imediate e
njëkohësisht ndikojnë për të dhënë thelbin e lindjes, zhvillimit, evolucionit, shpërndarjes
gjeografike dhe impakteve që shprehin zjarret në kuadër të një hapësire të caktuar
sociogjeografike.
Njerëzit duhet të dinë burimet dhe origjinën e zjarreve. Duke ditur origjinën dhe
lindjen e këtyre zjarreve, njerëzit do të jenë më të përgjegjshëm, më të vetëdijshëm dhe
më të kujdesshëm për t’i shmangur e njëkohësisht për t’i parandaluar ato. Një shembull i
zakonshëm i burimit të zjarrit, i lindjes dhe zhvillimit të tij praktikisht është në vendin
tonë social të banimit, siç janë kuzhinat në shtëpitë, pallatet apo apartamentet tona.
Pajisjet, siç janë sobat, sobat me mikrovalë, tostierët, frigoriferët etj., janë të gjitha një
potencial i mundshëm për rrezik nga zjarri. Të tjera burime mund të jenë kudo në ato zona
që ka rrjet elektrik dhe mbingarkesë të këtyre rrymave. Burime të tjera zjarri mund të jenë
edhe tubat e gazit në shtëpi. Familjet amerikane dhe 9 familje të tjera nëpër botë kanë
nëpër shtëpitë e tyre tubacione gazi që i përdorin për të ngrohur banesat, ujin dhe për të
gatuar. Linjat e gazit janë një burim i mundshëm rreziku për shpërthimin e zjarrit në
shtëpitë e banimit. Duke njohur burimin dhe rreziqet e zjarrit, ne mund ta edukojmë
komunitetin e gjerë të njerëzve për të kuptuar sa më mirë dhe për të parandaluar ngjarjet e
zjarreve të mundshme (Diamantes 42).
Proceset e djegies dhe mënyrat e ndërprerjes së tyre paraqiten mjaft të
rëndësishme në kuadër të njohjes së shkaqeve të lindjes dhe zhvillimit të zjarreve.
Njëkohësisht, njohja sa më e mirë e tyre ndikon dukshëm edhe në marrjen e
informacioneve që duhet të kenë grupet e ndryshme sociale për ta parandaluar zjarrin, për
ta menaxhuar dhe shuar atë kur ai ndodh. Djegia ndodh vetëm atëherë kur bëhet një
përzierje (bashkim) fiziko-kimike e këtyre elementeve:
- lëndës djegëse;
- oksigjenit;
- burimit të nxehtësisë.
Duke u nisur nga këto, shkenca dhe teknika e mbrojtjes ndaj zjarrit ka gjetur edhe
mënyrat, elementet kimike dhe aparate të përshtatshme që bëjnë të mundur shmangien ose
asgjësimin e njërit prej këtyre elementeve, nga prania e të cilave zhvillohet djegia, me
qëllim që kjo e fundit të ndërpritet. Konkretisht, për ndërprerjen e djegies dhe shuarjen e
zjarreve veprohet në këtë mënyrë:
- bëhet largimi i substancave të djegshme ose pakësohen ato në zonën e zjarrit;
- bëhet izolimi i oksigjenit, që ndihmon djegien, ose ulet sasia e tij nën 13-14% të
vëllimit;
- bëhet largimi i burimit të nxehtësisë nga lënda djegëse ose ulet temperatura në
vatrën e zjarrit nën atë të vetëdjegies, me anën e ujit, avullit dhe të lëndëve e
mjeteve të tjera të shuarjes së zjarrit.
Si lëndë bazë për shuarjen e zjarreve është uji. Uji (H2O) është bashkimi kimik i
oksigjenit me hidrogjenin. Ai ka viskozitet të ulët dhe si i tillë depërton në brendësi të
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 17
lëndës që digjet. Me hedhjen e ujit mbi vatrën e zjarrit, temperatura fillon të ulet, avullimi
fillon të shtohet dhe ajri, që ndihmon djegien, fillon të izolohet nga vatra e zjarrit.
Natyrisht, kjo varet nga disa faktorë, të cilët janë:
- madhësia e zjarrit;
- lloji i lëndës që digjet;
- sasia e ujit që hidhet mbi zjarr;
- gjendja e mjedisit ku ka rënë zjarri (nëse është i hapur apo i mbyllur) etj.
Uji për shuarjen e zjarreve përdoret në formë të thjeshtë ose i përzier me solucione
e lëndë kimike të ndryshme. Ujë i thjeshtë quhet uji që del nga burime të ndryshme ose ai
që grumbullohet nëpër rezervuare të posaçme dhe që nuk i bëhet ndonjë përzierje tjetër.
Ai shuan të gjitha llojet e zjarreve, me përjashtim të atyre që shkaktohen në karburante, në
motorë me djegie të brendshme, në reparte të karbitit dhe gëlqeres së pashuar, në impiante
elektrike, në kalium, natrium etj. Ujë i përzier quhet uji i bashkuar me lëndë të ndryshme
kimike, siç është rasti i përdorimit të tij së bashku me solucione të shkumës kimike dhe
aeromekanike, me bikarbonatin e natriumit, me sulfatin e aluminit etj., të cilët përdoren
në pajisjet kimike dhe në mjetet e tjera për shuarjen e zjarrit.
Sot përdorim më të gjerë për shuarjen e zjarreve ka uji me anë të sistemeve
stacionare. Këto sisteme sigurojnë shuarjen e menjëhershme të çdo lloj zjarri, në të gjitha
objektet që kërcënohen nga djegia. Për ndërtimin e sistemeve të tilla stacionare, për
ndërtimin e rezervuarëve ose puseve të ndryshme, për caktimin e sasisë së fuçive e
kovave të ujit, për llojet e fikseve e mjeteve të tjera duhet të merren parasysh:
- shkalla e qëndrueshmërisë kundrejt zjarrit ndërtesave dhe objekteve të
ndryshme;
- kategoria e procesit teknologjik të objekteve nga pikëpamja e rrezikut kundrejt
zjarrit dhe eksplozionit;
- sasia dhe rrezikshmëria e lëndës djegëse që ruhet ose përpunohet në çdo objekt.
- Këto kërkesa mbështeten në rregulloret mbi masat mbrojtëse ndaj zjarrit dhe
shpëtimin në projektimin e ndërtesave të çdo lloji.
Me qëllim që këto sisteme e mjete të njihen nga pikëpamja e ndërtimit,
funksionimit dhe përdorimit të tyre në rast zjarri, gjë që paraqitet jashtëzakonisht e
rëndësishme, sidomos për individët dhe familjarët, grupet sociale që veprojnë në
aktivitete të tyre ekonomike në vendet sociale të prodhimit, shkëmbimit, argëtimit,
trajtohen në mënyrë skematike dhe përshkruhen me radhë në kapitujt e mëposhtëm.
Njohuritë bazë se si zjarret, lindin, shfaqen, krijohen dhe shpërndahen në kuadër të një
hapësire të caktuar sociogjeografike janë të rëndësishme dhe themelore në kuadrin e
masave që duhet të ndërmerren për parandalimin e tyre. Ndërsa teknologjia përparon çdo
ditë, rritet edhe rreziku nga kërcënimi i zjarrit dhe njerëzit kanë nevojë për të kuptuar dhe
pasur njohuri bazë të rreziqeve që ai mbart, në mënyrë që të parandalojnë tragjeditë që
mund të ndodhin. Njerëzve u duhet të dinë se si ta shuajnë atë, në rast se ai bie në ndonjë
vend. Kur njerëzit kanë njohuri të përshtatshme për rreziqet nga zjarri, ata do t´i japin
rëndësinë e duhur dhe në mënyrë të suksesshme do të ndalojnë rënien e tij. Njohja e
dëmeve të mëdha që mund të shkaktojë dhe i rreziqeve është një masë e rëndësishme për
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 18
sa i përket parandalimit. Kur njerëzit janë të vetëdijshëm për rrezikun që iu kanoset nga
zjarri, atëherë ata do të veprojnë me përgjegjësi dhe në mënyrë të sigurt për ta parandaluar
atë.
Tragjeditë nga zjarri kanë ndodhur kudo në botë dhe kjo ka ngritur shumë çështje
rreth parandalimit të duhur dhe mjeteve të menaxhimit që duhen përdorur. Pjesa më e
madhe e këtyre pyetjeve të ngritura janë të lidhura me vendime të politikës së shtetit dhe
palëve të interesuara. Familjet në mënyrë të vazhdueshme kanë humbur të afërmit e tyre
në incidente të ndryshme nga zjarri, duke rritur numrin e fëmijëve jetimë ose çuar në
krijimin e personave të paaftë për shkak të lëndimeve nga zjarri. Shkatërrimi i pronave
nga flakët dhe mbetja pa shtëpi e shumë njerëzve ka qenë shkaku kryesor që ka ngritur
nevojën për të riparë politikat në parandalimin e zjarrit dhe mënyrat që janë duke u
përdorur për menaxhimin e tij. Kjo është jo vetëm për uljen e rasteve të tragjedive që
mund të ndodhin, por edhe për reduktimin e përgjithshëm të humbjes ose dëmtimit të
pronës.
1. 3. Aktiviteti human dhe roli i tij në lindjen dhe zhvillimin e zjarreve
Krahas elementeve të karakterit natyror, në lindjen dhe zhvillimin e zjarreve sot në
botë, evident dhe mjaft i shprehur paraqitet dhe veprimtaria humane në këtë drejtim.
Njerëzit, individët e ndryshëm, gjatë aktiviteteve të tyre që ata realizojnë në një hapësirë
të caktuar sociogjeografike, grupet sociale pjesëmarrëse me anë të funksioneve respektive
sociale, me anë të kontributeve që ato kryejnë në tërësinë e hapësirës sociogjeografike,
bëjnë të mundur që për shkaqe, motive dhe arsye nga më të ndryshmet të ndikojnë për
lindjen dhe zhvillimin e zjarreve. Është e domosdoshme të evidentojmë faktin se një
veprim i tillë i karakterit human bart një tipar të veçantë, sepse ai realizohet nga këto
individë apo grupe sociale herë në mënyrë të pavullnetshme, e herë në mënyrë të
qëllimshme në nxitjen dhe lindjen e mundshme të zjarreve. Prandaj realiteti i hapësirës
sociogjeografike nga njëra anë dhe literatura e rreziqeve dhe fatkeqësive humane nga ana
tjetër, evidentojnë gjithnjë e me shumë raste të ndodhjes dhe shpërthimit të zjarreve nga
veprimtaria humane e konkretisht nga aktiviteti i njeriut. Kjo veprimtari është e
pranishme në mjaft zjarre në vende të ndryshme të botës, si në Greqi, Britaninë e Madhe,
Kroaci, Mal të Zi, Spanjë, Francë, SHBA, Australi etj., ku si rezultat i aktivitetit human
ndodhin zjarre të formave dhe përmasave të ndryshme.
Mjaft e shprehur, një rastisje e tillë e ndikimit të veprimtarisë humane në lindjen
dhe zhvillimin e zjarreve, është prezent edhe në vendin tonë. Në mënyrë të veçantë gjatë
dekadës së fundit kemi një shtim me ritme mjaft të shpejta jo vetëm të zjarreve në tërësinë
e hapësirës sociogjeografike të vendit tonë, por edhe të rolit të njeriut dhe aktivitetit
human në këtë drejtim. Në këtë kuadër duhet të vlerësojmë veçanërisht zjarret që bien në
hapësirat gjeografike të pyllëzuara, në kullotat e shumta dhe sipërfaqet bujqësore,
sidomos gjatë stinës së nxehtë të vitit (konkretisht gjatë muajve korrik e gusht), ndaj të
cilave individë të ndryshëm realizojnë zjarre artificiale, pra qëllimisht për arsye nga më të
ndryshmet. Studimet dhe hulumtimet e kryera tregojnë se më së shumti ata i shkaktojnë
këto zjarre për të bërë të mundur realizimin e përfitimeve nga me të ndryshmet për to.
Shembujt janë të shumtë në Shqipëri, sidomos në hapësirën sociogjeografike të jugut të
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 19
vendit, por edhe në hapësira të tjera. Në kapitujt e mëposhtëm dhe në çështje të caktuara
të tyre do të japim informacione të detajuara dhe analiza të hollësishme mbi to.
Foto nr. 1 Pyll i djegur në Llogara. Burimi: REC Shqipëri website.
Por ajo çfarë duhet analizuar e njëkohësisht nënvizuar, ka të bëjë me faktin e
impakteve dhe efekteve bashkëshoqëruese të këtyre rreziqeve natyrore, siç janë zjarret. Si
rezultat i ndodhjes dhe të përhapjes së këtyre zjarreve, jo vetëm dëmtohet një hapësirë e
caktuar gjeografike në vendin tonë, mjedisi i një territori të caktuar nga njëra anë, por
njëkohësisht pasojat dhe efektet janë të shumta dhe jashtëzakonisht problematike në
shumë drejtime. Paraqitja dhe analiza e këtyre rrethanave problematike është në lidhje të
ngushtë me faktin se shpeshherë këto zjarre bëjnë të mundur tejkalimin e fuqive
individuale të individëve për t’i shuar, kontrolluar, lokalizuar e menaxhuar ato. Në këtë
mënyrë ato përhapen në tërësinë e hapësirës sociogjeografike duke vështirësuar
njëkohësisht edhe menaxhimin e tyre. Prandaj ato shoqërohen me pasoja shumë negative
në kuadër të zhvillimit të tyre në mjaft drejtime, si në mjedis, popullsi e grupe sociale, në
degë të ndryshme të ekonomisë etj.
Autorë dhe studiues të shumtë vlerësojnë se zjarri nga njëra anë dhe pasojat e
impaktet me të cilat ai bashkëshoqërohet nga ana tjetër, paraqitet si një nga dëmtuesit e
rëndësishëm dhe kryesorë të ekonomisë në përgjithësi dhe sektorëve të ndryshëm të saj në
veçanti. Zjarret bëjnë të mundur prishjen dhe shkatërrimin e mjaft vendeve sociale të
prodhimit, që janë pjesë e objekteve dhe ndërtesave ekonomike, të bizneseve të
ndryshme, duke ndikuar në mënyrë të drejtpërdrejtë në jetën ekonomike individuale,
familjare apo të një sektori të veçantë. Njëkohësisht në shumë raste zjarret e rëna ndikojnë
dhe rrezikojnë shumë edhe vetë jetën e njerëzve. Këta studiues njëkohësisht vlerësojnë
faktin se nga ana tjetër, zjarri, nxehtësia, rryma elektrike etj., janë të domosdoshëm për
njeriun, pasi i shërbejnë atij për t’u ngrohur, gatuar, për ndriçim, për të vënë në lëvizje
makineri të ndryshme, në shkrirjen e metaleve, zbërthimet kimike e aktivitete nga më të
larmishmet, mjaft të rëndësishme e qenësore për jetën individuale, familjare e shoqërore
të njerëzve dhe grupeve të larmishme sociale, prezent në një hapësire të caktuar
sociogjeografike, kudo sot në botë etj.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 20
Në kushtet e sotme çështja e masave për mbrojtjen nga zjarri ka rëndësi të madhe
sepse ekonomia po rritet me ritme shumë të shpejta. Ndërtimi i shumë objekteve
industriale e minerare me procese teknologjike të ndërlikuara, ngritja e shumë
institucioneve socialkulturore e shëndetësore, krijimi i një rrjeti të madh tregtar me qendra
të mëdha tregtare me përqendrime dyqanesh, deposh e magazinash me vlera të mëdha,
transformimi i bujqësisë dhe grumbullimi i pasurisë në disa qendra, zhvillimi i turizmit
dhe i hotelerisë, i qendrave argëtuese, zhvillimi i madh i ndërtimit urban, me blloqe
banesash shumëkatëshe ku banojnë me qindra qytetarë, e bëjnë të domosdoshme marrjen
e masave për parandalimin e zjarreve dhe shuarjen e tyre.
Nga përvoja shumëvjeçare del se zjarret janë shkaktuar më tepër nga pakujdesia.
Ato kanë ndodhur kur dikush ka ndezur zjarr të hapur ose ka pirë duhan në vende ku ka
lëndë djegëse ose plasëse; kur nuk janë përdorur me kujdes mjetet dhe aparate të
ndryshme që shkaktojnë djegie; kur janë shkelur rregullat teknike gjatë procesit
teknologjik në punë; kur instalimet elektrike nuk janë bërë me izolues, me siguresa, çelësa
e priza të rregullta, gjë që lë shteg për lidhje të shkurtra, mbingarkesë në rrjet e rezistencë
të madhe në qarqet elektrike; kur nga pakujdesia janë grumbulluar lëndë organike që kanë
cilësinë të vetëndizen; kur në objekte nuk janë vendosur rrufepritës e tokëzues, për të bërë
të padëmshme shkarkimet atmosferike; kur makineritë bujqësore apo automjetet kanë
punuar në fushë pa shkëndipritëse (marmita), me rrjedhje karburanti apo me skapamento
të prishura; kur bombolat e gazit nuk janë të kolauduara dhe nuk zbatohen rregullat e
sigurimit teknik për to etj.
Shkaktohen zjarre edhe atëherë kur lejohen goditje mekanike dhe krijim
shkëndijash në vende ku ka rrezik zjarri ose shpërthimi; kur produkte të ndryshme djegëse
lejohen të bien në kontakt me ajrin në kohën që ato kanë temperaturë të lartë dhe kufiri
minimal dhe maksimal i tyre arrin shkallën e vetëndezjes ose të eksplozionit; kur në
parqet e rezervuarëve të naftës nuk merren masa për ftohjen e tyre në stinën e verës për
mënjanimin e krijimit të piroforeve që shkaktojnë vetëndezje ose eksplozion; kur nuk
merren masa tokëzuese në pajisjet ose mjetet ku nga fërkimi mund të krijohet elektricitet
të lartë statik; kur furnelat (sobat) elektrike, hekurat e hekurosjes apo pajisjet e ndryshme
të gazit nuk përdoren sipas rregullave të caktuara; kur oxhaqet e banesave, furrave,
kovaçhanave, fonderive etj. nuk ndërtohen sipas rregullave të MNZSH, kur në to
mbështeten lëndë të djegshme; të ndërtesave kur nuk mirëmbahen, nuk suvatohen,
pastrohen etj.
1. 4. Pasojat dhe impaktet e zjarreve në hapësirën sociogjeografike
Zjarret dhe veprimtaria e tyre shoqërohen me impakte dhe pasoja mjaft negative
dhe shqetësuese në hapësirën sociogjeografike. Treguesit statistikorë të vendeve të
ndryshme të botës, në të cilat vihet re rastisja e veprimtarisë së këtyre rreziqeve natyrore e
humane, siç janë zjarret, raportojnë praninë e dëmtimeve të rëndësishme njerëzore dhe
ekonomike. Pra, pasojat dhe impaktet e këtyre rreziqeve kanë një shkallë të lartë kostoje
në jetën e njeriut dhe aktivitetin ekonomik të një shoqërie të caktuar në veçanti, por edhe
në aspektin global. Prandaj merr rëndësi studimi i tyre në aspektin teorik, e sidomos në
atë praktik. Tashmë kemi një sensibilizim gjithnjë e në rritje ndaj analizave dhe
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 21
vrojtimeve që realizohen kundrejt këtij rreziku me rastisje gjithnjë e në rritje në hapësira
të ndryshme sociogjeografike.
Zjarret shoqërohen me ndikime të rëndësishme në jetën e njerëzve. Shembuj të
shumtë kudo në botë, në hapësira të ndryshme sociogjeografike, evidentojnë fakte dhe të
dhëna mjaft interesant dhe statistika serioze për humbjet njerëzore të shkaktuara nga
zjarret dhe përhapja e tyre. Shembuj të tillë ne i kemi të pranishëm edhe në vendin tonë.
Njëkohësisht në mjaft raste, ndonëse nuk ka viktima në njerëz nga lindja dhe përhapja e
zjarreve, tek individët kemi edhe rastisje të plagëve dhe plagosjeve nga më të ndryshmet,
të cilat cenojnë një jetë normale dhe aktive të këtyre grupeve sociale, që dëmtohen nga
veprimtaria e zjarreve. Prandaj impakti i tyre primar shprehet dhe është i pranishëm në
vetë aktivitetin e shoqërisë njerëzore, duke ndikuar në këtë mënyrë që jo vetëm t’i
studiojmë ato, por të marrim edhe informacionin e duhur për parandalimin e tyre e
njëkohësisht përfshirjen me sa mundësi që të kenë individët në menaxhimin e tyre drejt
mosimplikimit në pasoja problematike shëndetësore të karakterit individual dhe familjar.
Një tjetër impakt që lidhet me aktivitete të zjarreve është edhe ajo që ka të bëjë me
dëmtime të ndryshme materiale dhe pasurore shtetërore dhe të familjeve të ndryshme. Siç
do ta evidentojmë edhe në kapitujt dhe çështjet e në nënçështjet e ndryshme, gjatë
shtjellimit të materialit tonë mbi zjarret, mjaft prej vendeve sociale të banimit, prodhimit,
shkëmbimit, argëtimit dhe pushtetit ndodhen në veprimtarinë e zjarreve dhe efekteve
dëmtuese apo negative të tyre. Një gjë e tillë në nënkupton faktin e dëmtimeve nga zjarret
që pësojnë shtëpitë dhe apartamente të ndryshme, pallatet apo godinat e banimit, marketet
apo bizneset e ndryshme, baret apo restorantet, pabet apo diskot e ndryshme, institucionet
qendrore apo lokale të pushtetit etj. Fatura ekonomike e këtyre dëmeve përllogaritet
jashtëzakonisht e lartë, gjë që ka impakt të drejtpërdrejtë në jetën dhe aktivitetin
ekonomik shtetëror dhe individëve apo familjeve të ndryshme. Një gjë e tillë është e
pranishme kudo në kuadër të shpërndarjes gjeografike të zjarreve.
Një impakt me mjaft rëndësi paraqitet dhe ai mjedisor. Veprimtaria e zjarreve në
hapësirën gjeografike, në pyjet dhe kullotat e ndryshme, në tokat bujqësore dhe sipërfaqet
tokësore nga më të larmishmet, shoqërohet me një kosto negative serioze për mjedisin.
Studiues dhe hulumtues nga më të rëndësishmit të fushës studimore ambientale, i
karakterizojnë zjarret si një dëmtuesit më potent të florës dhe mjedisit në përgjithësi.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 22
Foto nr. 2 Pasojat pas rënies së një zjarri në Kroaci, Burimi: Bota Sot.
Proceset që ndodhin gjatë djegies dhe zjarrit, tymrat dhe substancat e ndryshme që
shpërndahen në territoret dhe mjedisin gjeografik ku lokalizohet ky zjarr bart
problematika serioze mjedisore, madje edhe të ndikimit në çështjet që kanë të bëjnë me
zhvillimin e qëndrueshëm të mjaft territoreve. Zhvillimi i disiplinave mjedisore, pjesë
përbërëse e fokuse të ndryshme shkencore, lidhur ngushtë me zhvillimet aktuale, po
paraqesin interes gjithnjë e në rritje edhe në kuadër të rolit dhe ndikimit që zjarret
paraqesin në kuadrin mjedisor të hapësirave sociogjeografike të banuara. Në këtë drejtim
po shihen me rëndësi mjaft tendenca në kuadër të sugjerimeve, normave e standardeve që
duhet të përmbushin hapësirat gjeografike në territoret pranë vendeve sociale të banimit,
në zonat rurale dhe ato urbane. Njëkohësisht ndikimi ambiental i zjarreve po shihet si një
problematikë mjaft shqetësuese ndikuar nga cenimi i mjedisit dhe ambienteve në vendet
sociale ku ato ndodhin.
Mjedisi dhe biodiversiteti janë një drejtim tjetër mjaft evident në kuadër të
studimeve që po realizohen për impaktet e zjarreve. Humbja e biodiversitetit po
shoqërohet me një rënie në vazhdimësi të numrit të llojeve bimore dhe faunistike në
hapësirat gjeografike të lindjes dhe të zhvillimit të zjarreve. Njëkohësisht, prania e këtyre
problematikave serioze që lidhen me aspekte të biodiversitetit po bën të mundur, madje në
disa raste të evidentuara në Europë, por edhe më gjerë, shkaktimin e rrezikut gjithnjë e në
rritje për specie të florës e të faunës së lokalizuar në to, që të përfshihen në alertin apo
“Librin e Kuq”. Situata të tilla janë prezent si në kuadër të hapësirës sociogjeografike
globale, ashtu edhe në vendin tonë. Në këtë sens, këto studime që realizohen gjithnjë e më
tepër, krahas pasurimit teorik të materialeve e studimeve mbi zjarret, po ndikojnë edhe në
sensibilizimin e opinionit publik mbi mënyrat, format e parandalimit të zjarreve dhe
menaxhimit të tyre.
Por në tërësinë e zhvillimit të zjarreve një impakt mjaft aktiv bartin edhe vetë
grupet sociale pjesëmarrëse në menaxhimin e situatave mbi zjarret. Mjaft prej individëve
zjarrfikës janë përballur në kohë dhe momente të ndryshme me situatë problematike të
ndërhyrjes gjatë menaxhimit të këtyre zjarreve. Një gjë e tillë është shoqëruar me pasoja
në disa raste për jetën e shëndetin e tyre. Prandaj edhe ky punim shkencor që po
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 23
realizojmë, krahas evidentimit të tematikave të ndryshme mbi zjarret, shërben edhe si një
apel imediat për të orientuar vëmendjen e institucioneve të ndryshme shkencore në
suportimin e këtij grupi social.
1. 5. Studimet për zjarret dhe menaxhimin e tyre
Rreziqeve natyrore në përgjithësi, tipave dhe llojeve të larmishme të tyre,
shkaqeve dhe faktorëve që ndikojnë në lindjen dhe zhvillimin e tyre, shpërndarjes
gjeografike dhe impakteve të shumta me të cilat shoqërohet aktiviteti i tyre, u janë
kushtuar analiza e studime të ndryshme shkencore në kuadrin multidisiplinar të tyre,
lidhur ngushtë me fokuset respektive të studiuesve. Autorë dhe shkolla të ndryshme, pjesë
e universiteteve të shumta, sot në botë, bëjnë të mundur analiza serioze referuar larmisë së
këtyre rreziqeve natyrore dhe impakteve që ato kanë në veprimtarinë ekonomike të një
hapësire të caktuar sociogjeografike, e në mënyrë të veçantë në jetën e njerëzve dhe
grupeve të larmishme sociale të shoqërisë. Në këtë drejtim evidentohen edhe mjaft
studiues, autorë, që në punimet e tyre shkencore kanë pasur si objekt një nga këto lloje të
rreziqeve natyrore, siç janë zjarret.
Gjithnjë e më tepër po pasurohet mendimi shkencor në lidhje me rreziqet natyrore.
Një gjë e tillë është e dukshme në disa drejtime. Së pari, në rritjen e interesit studimor që
ka të bëjë me to, gjë që ka çuar në realizimin e mjaft hulumtimeve dhe studimeve mbi
rreziqet natyrore. Tashmë kemi një numër të konsiderueshëm botimesh shkencore mbi
rreziqet natyrore, tekste mësimore universitare, monografi shkencore, përmbledhje
artikujsh në lidhje me to etj. Së dyti, përfshirja e rreziqeve natyrore, si pjesë integrale e
mjaft kurrikulave universitare dhe programeve studimore në universitete të ndryshme në
botë. Kjo ka mundësuar edhe rritjen e shkallës së individualizimit të mjaft nënndarjeve
studimore shkencore me fokus tipa të veçantë të këtyre rreziqeve natyrore. Së treti,
interesi praktik e konkret i njohjes dhe marrjes së masave të parandalimit të këtyre
rreziqeve natyrore. Lidhur ngushtë me impaktet që ato luajnë në një hapësirë të caktuar
sociogjeografike, këto rreziqe natyrore duhen njohur e studiuar, me qëllim parandalimin
dhe menaxhimin e tyre.
Ka shumë studime për zjarret sot në botë. Mjaft autorë dhe studiues në
këndvështrime të ndryshme trajtojnë tematikën e rreziqeve natyrore, ku përfshijnë zjarret.
Një ndër to, Robert Whelan, në kuadër të Cambridge Studies in Ecology, ka botuar në
vitin 1995 librin “How wildfires affect animal and plant populations”, në të cilin ai u
referohet impakteve që kanë zjarret në hapësirën sociogjeografike. Kryesisht vëmendja e
autorit përqendrohet në ndikimin e zjarreve, llojeve të ndryshme të tij në faunën e
territoreve të ndryshme dhe në vendbanimet e popullsitë e tyre. Me fakte dhe argumente
Whelan shpreh njëkohësisht edhe rëndësinë e njohjes me këto rreziqe natyrore e humane,
siç janë zjarret, me qëllim parandalimin dhe menaxhimin e tyre. Shembuj të shumtë të
përshkruar në situata jashtëzakonisht të vështira të marra në disa prej shteteve të
ndryshme, në disa kontinente të botës, tregojnë qartazi efektet negative me të cilat
shoqërohen popullsia e grupet sociale të këtyre shteteve, vendbanimet e tyre, vendet
sociale të larmishme që preken nga zjarret. Gjithashtu, ndër të tjera, ky autor në nënvizon
rëndësinë që duhet t’u kushtohet menaxhimit të këtyre situatave nga zjarret lidhur ngushtë
me efektet mjedisore bashkëshoqëruese.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 24
Zjarreve dhe menaxhimit të situatave të vështira të krijuara nga ato u janë kushtuar
edhe studime të tjera. Konkretisht, një studim tjetër me shumë rëndësi në këtë sens është
edhe ai i Travis M, Ford. Ky autor në vitin 2016 botoi librin “Fire and Emergency
Services Safety and Survival”. Me këtë botim ai dha një kontribut të rëndësishëm sidomos
në evidentimin dhe promovimin e pajisjeve, metodave dhe formave të ndërhyrjes dhe
menaxhimit të zjarreve. Në libër ai bën një paraqitje të detajuar të sistemit të shërbimeve
të mbrojtjes nga zjarri, rolit që ky sistem luan në raste të shfaqjes së zjarreve, masave dhe
pajisjeve që duhen përdorur. Ajo që duhet vlerësuar është ekspozimi i mjaft instrumenteve
dhe pajisjeve bashkëkohore tepër të rëndësishme në zhvillimet dhe situatat aktuale të
shfaqjes së zjarreve sot në botë. Një konkretizim i tillë tregon qartë edhe evolucionin e
realizuar ndër vite dhe rëndësinë që i kushtohet modernizimit të mjeteve dhe pajisjeve të
ndryshme, të cilat aplikohen dhe përdoren në situatat menaxhuese të parandalimit dhe të
shuarjes së zjarreve.
Edhe autorët shqiptarë, studiues të disiplinave të ndryshme shkencore, në kuadër
të fokusit të fushës së tyre të studimit janë të përfshirë në hulumtimet mbi tematika të
ndryshme që lidhen me zjarret. Madje mjaft prej tyre kanë realizuar studime, punime
shkencore e botime në lidhje me to. Mjaft aktive janë katedrat universitare dhe pjesë të
profesoratit të Universitetit të Tiranës, Universitetit Politeknik, Universitetit Bujqësor në
angazhimin e tyre shkencor ndaj një tematike të tillë. Njëkohësisht në mjaft tema të
veçanta apo të integruara strukturalisht në leksione të lëndëve të ndryshme, tematikat mbi
zjarret po avancojnë në kuadër të trajtesave që realizohen nga lektorë të ndryshëm.
Njëkohësisht vlejnë të përmenden edhe institucionet e ndryshme shtetërore, siç
është Drejtoria e Përgjithshme e Emergjencave Civile apo struktura të veçanta të Forcave
të Armatosura, që në kuadër të programeve dhe strategjive të tyre janë përfshirë në
realizimin e studimeve, hulumtimeve dhe botimeve mbi çështje të ndryshme që lidhen me
zjarret në përgjithësi apo elemente të menaxhimit të tyre. Gjithashtu një kontribut efikas
në këtë drejtim kanë dhënë e japin edhe organizma të tjera pjesë e NGO-ve të ndryshme,
që ushtrojnë aktivitetin e tyre në vendin tonë, të cilët kanë realizuar studime e botime mbi
zjarret.
Prof. Alfred Frashëri, një nga personalitet e jetës sonë akademike, në një nga
botimet më të rëndësishme shkencore të tij, siç është “Gjeofizika inxhinierike dhe
mjedisore”, botuar në Tiranë 2012, në kuadër të tematikave të tjera që trajton përfshin
edhe çështje që lidhen me zjarret. Një grup autorësh, studiues dhe pjesë të profesoratit të
Universitetit Politeknik të Tiranës, i kanë kushtuar mjaft artikuj shkencorë në buletinet
dhe revistat shkencore të tyre analizës së detajuar rreth çështjes që lidhet me zjarret jo
vetëm në vendin tonë, por edhe në minierat e Kosovës, pjesë e vendeve sociale të
prodhimit. (“Zjarret në minierat qymyrore të Kosovës dhe masat preventive”, Buletini
Shkencor, Java e shkencës në Kosovë. 2016).
Angazhimi i institucioneve të ndryshme shtetërore dhe Forcave të Armatosura
gjen kontributin e vyer dhe praninë e vet në përfshirjen e realizimin e mjaft studimeve dhe
botimeve në kuadër të çështjeve të ndryshme që lidhen me zjarret dhe menaxhimin e tyre.
Drejtoria e Përgjithshme e Emergjencave Civile ka hartuar një material të pasur me
tematika të tilla, që lidhen me tërësinë e rreziqeve natyrore në vendin tonë, duke përfshirë
edhe rrezikun nga zjarret. Njëkohësisht, ky institucion paraqitet mjaft aktiv në kuadër të
prezencës së tij me material dhe asistencë juridiko trajnuese në bashkëpunim me
institucione të tjera edhe në institucionet lokale të njësive administrative në bashki të
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 25
ndryshme të vendit tonë. Nga ana tjetër, edhe njësitë lokale të administratës vendore apo
struktura lokale të veçanta të specializuara, pjesë e linjave të ministrive të ndryshme, janë
aktive në kuadër të realizimit të trajnimeve, informacioneve dhe botimeve mbi problemet
që lidhen me rreziqet natyrore në Shqipëri. Në këtë drejtim evidentojmë shërbimin pyjor
në Lezhë, që me shfaqjen e problematikave serioze që lidhen me zjarret dhe dëmet që ato
shkaktojnë në hapësirën gjeografike, sidomos në pyjet e njësive të ndryshme
administrative (konkretisht në Lezhë) nxiti një grup autorësh që të botonin në vitin 2016
një material në lidhje me këtë çështje me temën “Të mbrojmë pyjet nga zjarri”.
Nga ana tjetër, grup autorësh, pjesë përbërëse e strukturave drejtuese të Forcave të
Armatosura të vendit tonë, në vitin 2015 kanë botuar “Libri i programeve stërvitore të
FARSH”, në të cilin zënë vend edhe tematikat që lidhen me fatkeqësitë dhe rreziqet
natyrore. Një tematikë e tillë u referohet pikërisht situatave të caktuara, të cilat lidhen me
mënyrat stërvitore dhe trajnuese të grupeve sociale, pjesë përbërëse e ndërhyrjes në
menaxhimin e këtyre fatkeqësive natyrore në vendin tonë.
Angazhimi i NGO të ndryshme ka ndikuar jo vetëm në zgjerimin e përmasave të
pjesëmarrjes së studiuesve e hulumtuesve shkencorë, por edhe në pasurimin e
hulumtimeve mbi zjarrin dhe rreziqet natyrore. Kështu, Instituti për Demokraci dhe
Ndërmjetësim, më 2016-n realizon botimin e studimit të FOTO Duro mbi “Menaxhimin e
emergjencave civile në Shqipëri”, në të cilin përfshihen çështje të ndryshme të zjarreve
dhe menaxhimit të tyre. REC, një nga NGO me aktive në fushën e mjedisit ,realizon
botimin “Pyjet dhe tranzicioni në Shqipëri 1990–2014”, në të cilin ndër të tjera përfshihen
edhe rreziqet nga zjarret në hapësirën pyjore të vendit tonë. E. Tota, M. Deda dhe M.
Massabo në vitin 2013 realizojnë studimin “Mbledhja e të dhënave historike të humbjeve
nga fatkeqësitë në Shqipëri”, ku një vend të veçantë u referohet zjarreve dhe tendencave
të tyre në vendin tonë.
Edhe gjeografët, në kuadër të studimeve të tyre shkencore kanë pasur në optikën
studimore botuese çështjet dhe tematikat që lidhen me rreziqet natyrore. Duhet të
përmendim në këtë rast botimet e mjaft studiuesve, sidomos të Qendrës së Studimeve
Gjeografike pranë Akademisë së Shkencave. Ndër to evidentojmë prof. dr. Farudin Krutaj
në lidhje me tematikën e rreziqeve ambientale në Shqipëri, si dhe prof. dr. Skënder Salën
në kuadër të tematikës së lëvruar ndaj gjeomorfologjisë së aplikuar dhe shfrytëzimit të
mjedisit. Kontribute të tilla shkencore kanë zënë vend në fokusin e revistave shkencore,
produkt i institucioneve shkencore të tilla si Qendra e Studimeve Gjeografike, që ka
funksionuar deri në dekadën e parë të viteve 2000, si dhe të revistës shkencore “Studime
Gjeografike”. Në mënyrë të veçantë gjatë viteve të fundit vërejmë një pasurim të
studimeve mbi rreziqet natyrore në përgjithësi dhe zjarret në veçanti, nga ana e
gjeografëve.
1. 6. Mbrojtja nga zjarret në Shqipëri
Mbrojtja nga rreziqet natyrore e humane, e në këtë kuadër mbrojtja nga zjarret
përfaqëson sot një imperativë të rëndësishme në vende të ndryshme të botës. Siç e
theksuam edhe në çështjet e mësipërme, raportet që lidhen me shkallën e ndikimit të
zjarreve në lindjen dhe zhvillimin e fatkeqësive natyrore, paraqitet tepër i lartë. Sidomos
kur bëhet fjalë për jetën e popullsisë, grupeve sociale të ndryshme, pjesë përbërëse të saj,
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 26
apo ndikimeve negative që shprehen të pranishme në dëmtime serioze të hapësirës
sociogjeografike, si në pyje, kullota, zona rurale e urbane, shtëpi e banesa, vepra të
ndryshme ekonomike etj. Tashmë edhe në këtë drejtim, krahas analizave shkencore
respektive për shumë çështje që lidhen me shpërndarjen e zjarreve, tipave e llojeve të tyre
dhe karakteristikave e impakteve me të cilat ato shoqërohen, vëmendja po orientohet në
masat praktike të parandalimit dhe mbrojtjes nga rreziqet që vijnë nga zjarret në hapësira
të ndryshme sociogjeografike.
Vlerësojmë se gjithnjë e më tepër një kujdes dhe rëndësi të veçantë mbrojtjes nga
zjarri po i kushtohet edhe në vendin tonë. Evolucioni i zhvillimeve të këtyre rreziqeve
natyrore e humane, shkalla e ndikimit të tyre në mjedis e hapësirën sociogjeografike të
vendit tonë është shoqëruar gjatë viteve e periudhave të ndryshme edhe me indikatorë
legjislativë-juridike dhe masa të karakterit logjistik, ekonomiko-social etj. Në Republikën
e Shqipërisë organizimi i shërbimit të MNZSH-së bazohet në ligje dhe akte të tjera
nënligjore, në radhë të parë në ligjin nr. 152/2015 “Për shërbimin e mbrojtjes nga zjarri
dhe shpëtimin”, i cili në tërësinë e neneve të tij bën të mundur që në mënyrë suksesive të
përcaktojë misionin, organizimin, funksionimin, detyrat, të drejtat, statusin e shërbimit të
mbrojtjes nga zjarri dhe shpëtimin në Republikën e Shqipërisë.
Me anë të këtij ligji shprehen edhe mënyrat dhe format se si rregullohen mjaft prej
veprimtarive dhe aktiviteteve që realizojnë grupet sociale të zjarrfikësve dhe punonjësve
të tjerë që marrin pjesë në situatat e menaxhimit të zjarreve, marrëdhënie të punës së
këtyre grupeve sociale mjaft të larmishme, garantimin e karrierës së tyre, si dhe
vazhdimësinë në detyrë të punonjësve të këtij shërbimi. Sipas këtij ligji, Shërbimi i
Mbrojtjes nga Zjarri dhe Shpëtimin, në vijim shërbimi i MNZSH-së, është strukturë e
specializuar e gatishmërisë së përhershme. “Misioni i këtij shërbimi është inspektimi,
parandalimi, me masat mbrojtjes nga zjarri, ndërhyrja për shuarjen e zjarreve, shpëtimi i
jetës, gjësë së gjallë, pronës, mjedisit, pyjeve dhe kullotave në aksidente të ndryshme,
fatkeqësi natyrore, si dhe në ato të shkaktuara nga dora e njeriut.”
Shërbimi i mbrojtjes nga zjarri dhe shpëtimin organizohet në nivel qendror dhe
vendor. Drejtoria e Përgjithshme e Mbrojtjes nga Zjarri dhe Shpëtimin përfaqëson nivelin
qendror; strukturat e shërbimit të MNZSH në qarqe dhe bashki përfaqësojnë nivelin
vendor dhe organizohen në drejtori ose sektorë. Ato përfaqësohen nga Policia e Mbrojtjes
nga Zjarri dhe e Shpëtimit (PMNZSH). Në bashki krijohet shërbimi vullnetar për
mbrojtjen nga zjarri dhe shpëtimin, në përputhje me këtë ligj, dhe ai bëhet pjesë e
shërbimit të MNZSH në nivel vendor.
Në veprat me rëndësi ekonomike, ushtarake e strategjike, në shkallë vendi, si
porte, aeroporte, qyteza turistike dhe territore me vlera të veçanta historike, kulturore,
arkeologjike, muzeale dhe ekonomike, të përcaktuara të tilla nga Këshilli i Ministrave,
garantohet infrastruktura e plotë për mbrojtjen nga zjarri dhe për shpëtimin, në përputhje
me normat teknike dhe ato ndërkombëtare. Në këto objekte vendosen e krijohen stacione
të mbrojtjes nga zjarri dhe shpëtimit të gatishmërisë së përhershme, të cilat janë në
përbërje organike të institucioneve që i administrojnë ose që i kanë në pronësi.
Veprimtaria e tyre parësore shtrihet brenda territorit të objekteve për të cilat janë ngritur.
Objekte të përcaktuara plotësohen me teknikë e pajisje, si me sisteme sinjalizimi, sisteme
stacionare të shuarjes së zjarrit, me hidrantë zjarrfikëse dhe me mjete e pajisje të tjera
shpëtimi.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 27
Në kuadër të neneve të ndryshme të legjislacionit në fuqi, përcaktohen mjaft mirë
të drejtat dhe detyrimet që lidhen me këto shërbime. Në to janë të sanksionuara të drejtat
dhe detyrimet e njëkohësisht edhe ndërmarrja e hapave të duhur në kuadër të ndërhyrjes
dhe të menaxhimit të situatave që kanë të bëjnë me lindjen e zhvillimin e zjarreve në një
hapësirë të caktuar sociogjeografike.
Shërbimi vullnetar i mbrojtjes nga zjarri dhe shpëtimit organizohet nga organe të
pushtetit vendor në qytete, qendra urbane dhe objekte e institucione, pronë e tyre, si dhe
nga personat juridikë dhe fizikë, vendas e të huaj, për veprimtaritë e tyre ekonomike e
shoqërore. Personat juridikë dhe fizikë, vendas ose të huaj, detyrohen:
- të zbatojnë dispozitat e parashikuara ligjore, rregulloret dhe akte të tjera
normative për mbrojtjen nga zjarri dhe shpëtimin, të nxjerra në zbatim të akteve
ligjore, si dhe normat ndërkombëtare teknike të pranuara;
- të kontrollojnë gjendjen e masave për sigurimin nga zjarri dhe shpëtimin, duke
mos i lënë vend karakterit sporadik;
- të planifikojnë fonde financiare për ndërtimin e infrastrukturës për mbrojtjen nga
zjarri dhe për shpëtimin, si dhe për përmirësimin e kësaj infrastrukture;
- të pajisin objekte të tyre me sisteme sinjalizimi, sisteme ndërlidhjeje, sisteme
stacionare automatike me hidrantë zjarrfikëse për shuarjen e zjarreve dhe për
shpëtimin, në përputhje me normat teknike, si dhe t'i mbajnë ato në gatishmëri;
- të hartojnë rregullat e brendshme për mbrojtjen nga zjarri dhe për shpëtimin, në
përputhje me rrezikshmërinë e proceseve të ndryshme teknologjike dhe të
kërkojnë në mënyrë të vazhdueshme zbatimin me përpikëri të tyre;
- të shoqërojnë me certifikatë prodhimet e kimikateve e të lëndëve me rrezik të
theksuar zjarri dhe shpërthimi, ku të përshkruhen karakteristikat fiziko-kimike,
mënyrat e ruajtjes, transportimit dhe përdorimit të tyre.
Tërësia e këtyre elementeve të paraqitura më sipër bartin në vetvete mundësinë e
aplikimit të tyre në vende të ndryshme sociale të pranishme në një hapësirë të caktuar
sociogjeografike. Respektimi dhe mbajtja në konsideratë e tyre ndikon dukshëm në
parandalimin e rreziqeve që vijnë nga zjarret, si dhe menaxhimin efikas të tyre në rastet
kur ato ndodhin. Prandaj njohja me to është një hap i duhur drejt mundësisë jo vetëm për
t’u përballuar me zjarret, por edhe për t’i parandaluar ato.
Studimi për mbrojtjen nga zjarri dhe për shpëtimin është pjesë përbërëse e
studimeve të ndryshme urbanistike. Në tërësinë e tyre janë të pranishme mjaft çështje, në
të cilat parashikohet zbatimi i dispozitave të ndryshme të këtij ligji, normave, rregulloreve
teknike për mbrojtjen nga zjarri dhe për shpëtimin, si dhe i normave ndërkombëtare të
pranuara. Projektimi, ndërtimi, rikonstruksioni dhe vënia në shfrytëzim e veprave dhe e
objekteve të ndryshme, pjesë e vendeve sociale të prodhimit, ndërtesave të ndryshme,
pjesë e vendeve sociale të banimit, shkëmbimit, argëtimit etj., rrjetit rrugor elektrik,
ujësjellës-kanalizimeve etj., bëhen në përputhje edhe me tërësinë e këtyre kërkesave dhe
akteve ligjore në fuqi, me normat dhe rregulloret për mbrojtjen nga zjarri dhe për
shpëtimin, me rregullat dhe normat ndërkombëtare teknike, si dhe me rregullat e
përcaktuara në dispozita të veçanta. Projektet për të gjitha llojet e ndërtimeve përfshijnë
edhe projektin e mbrojtjes nga zjarri dhe për shpëtimin.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 28
Kapitulli II
HAPËSIRA SOCIOGJEOGRAFIKE DHE MENAXHIMI I
ZJARREVE NË SHQIPËRI
Hapësira sociogjeografike përbën një nga tematikat studimore më të analizuara në
kuadër të objektit shkencor të gjeografisë sociale. Tiparet dhe karakteristikat e saj,
shkaqet dhe faktorët që ndikojnë në zhvillimin, ndryshimin dhe transformimin e saj,
pjesët përbërëse, siç janë ato të hapësirës gjeografike nga njëra anë dhe asaj sociale nga
ana tjetër, raportet dhe bashkëpunimi në mes tyre vazhdojnë që të tërheqin në mënyrë
aktive studiuesit në hulumtimet e tyre. Nga ana tjetër, kjo hapësirë sociogjeografike
përfaqëson një arenë të aktiviteteve që kryejnë grupe të ndryshme sociale, gjë që
shoqërohet me impakte të shumta në tërësinë e vendeve sociale prezente në të dhe
funksioneve sociale respektive siç janë ato të banimit, prodhimit, shkëmbimit, argëtimit
dhe pushtetit.
Nga ana tjetër, këto studime po shtojnë interesin e karakterit aplikativ që përftohet
nga to. Në mënyrë konkrete, edhe në kuadër të realizimit të këtij punimi, këto rreziqe
natyrore, që shkaktohen nga zjarret sot në botë në përgjithësi dhe në vendin tonë në
veçanti, bartin elemente konkrete aplikative. Një gjë e tillë është e ndikuar edhe nga fakti
i pranisë së efekteve që shfaqen në këtë hapësirë sociogjeografike duke orientuar
zhvillime të ndryshme e të shumta problematike në popullsinë dhe në grupe të larmishme
përbërëse të saj, në vendet sociale dhe funksione të tyre respektive, në aktivitetin
ekonomik të sektorëve të ndryshëm, si dhe në vetë hapësirën gjeografike në mjedis.
Sa më sipër, jemi munduar që të realizojmë një analizë të detajuar të raporteve që
janë prezente ndërmjet kësaj hapësire sociogjeografike nga njëra anë dhe menaxhimit të
rreziqeve natyrore që shoqërojnë lindja dhe zhvillimi i zjarreve në anën tjetër. Një gjë e
tillë është menduar që të realizohet duke përcaktuar disa çështje të veçanta, siç janë ato të
pranisë së zjarreve në vendet sociale të banimit, prodhimit, shkëmbimit, argëtimit dhe
menaxhimit të tyre. Njëkohësisht, si pjesë apo çështje përbërëse të këtij kapitulli janë parë
që të përfshihen edhe zjarre të pranishme në hapësirën gjeografike dhe raportet e
bashkëpunimit ndërmjet hapësirës gjeografike dhe asaj sociale në situatat e ndodhjes dhe
të zhvillimit të zjarreve.
2. 1. Zjarret dhe vendet sociale të banimit
Vendet sociale të banimit, përfaqësojnë një nga territoret dhe hapësirat më të
ekspozuara referuar mundësisë së shfaqjes dhe të përhapjes së llojeve të ndryshme të
zjarreve. Edhe në situatat aktuale janë të shumta dhe të shumëllojshme hapësira të tilla ku
kemi prezencën e zjarreve. Në kuadër të shpërndarjes gjeografike, ato i gjejmë kudo në
Shqipëri dhe në botë, ku shkaqet dhe impaktet me të cilat ato janë bashkëshoqëruar
paraqiten nga më të larmishmet. Prania e zjarreve në vendet sociale të banimit
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 29
(respektivisht në shtëpi, rezidenca, pallate e apartamente të ndryshme) është prezent si në
hapësirat sociogjeografike urbane, ashtu edhe në ato rurale. Shumë studime të realizuara
nga ekspertë të ndryshëm lokalë dhe ndërkombëtarë, përfaqësues serioze të katedrave të
ndryshme universitare sot në botë, vlerësojnë dhe përcaktojnë pikërisht vendet sociale të
banimit si më të prekurat në tërësinë e vendeve të tjera sociale nga zjarret.
Njëkohësisht, në bazë të studimeve të realizuara, të cilat i kemi shfletuar në
mënyrë të përgjithshme, vlerësohen së këto vende sociale bashkëshoqërohen në mjaft
raste me sasinë më të madhe të humbjeve njerëzore dhe materiale, gjë që ka ndikuar në
rritjen e interesit studimor për to. Statistikat e ndryshme evidentojnë një kurbë të tillë
luhatjeje të pranisë së zjarreve në këto vende sociale të banimit, që shkon nga 15 deri në
38 për qind të tërësisë së zjarreve që ndodhin sot në botë gjatë një viti.
Një rastisje kaq e lartë e zjarreve në vendet sociale të banimit ka nxitur mjaft edhe
interesin e studiuesve për të analizuar shumë raste konkrete të shfaqjes së tyre. Në mënyrë
të veçantë është paraqitur mjaft serioze ndërmarrja e hulumtimeve për të bërë të mundur
evidentimin e shkaqeve që kanë ndikuar në lindjen dhe zhvillimin e zjarreve në këto
vende sociale të banimit. Theksojmë së nga shfletimi i literaturës së hulumtuar, në të cilën
evidentohen mjaft raste mbi zjarret, vihet re se rastisja më e madhe e ndodhjes së zjarreve
është e lidhur ngushtësisht me sistemet elektrike të pranishme në këto vende sociale.
Konkretisht, në një numër të konsiderueshëm në shtëpitë, pallatet, ndërtesat e banimit,
apartamentet dhe rezidencat në zonat urbane dhe rurale kudo në botë, zjarret kanë pasur si
shkak mbingarkesën e rrjetit elektrik, defekte të shfaqura, kolpot e tensionit të lartë,
aparaturat e shumta dhe të ndryshme të sistemeve të ngrohjes nga njëra anë, apo edhe ato
të gatimit nga ana tjetër etj.
Madje në disa raste të studiuara vihet re edhe një reaksion zinxhir i zjarreve që
kanë ndodhur njëkohësisht në banesa të ndryshme, pjesë e një vendi të veçantë social
banimi, siç mund të jetë një pallat apo një godinë banimi me shumë apartamente brenda
tij. Shkaqeve të tilla të lindjes së zjarreve në vendet sociale të banimit dhe përhapjes së
tyre u referohen afro ¼ e zjarreve që ndodhin sot në vende të ndryshme të botës. Nga
pikëpamja e hapësirave sociogjeografike studimet tregojnë se rastisjet më të larta të rënies
së zjarreve nga shkaqe të tilla janë të pranishme në shumë zona rurale në vende të
ndryshme të botës, ndonëse vlerësojmë se rastisje vihen re edhe në ato urbane.
Vlerësoj se një shkaktar tjetër i lindjes dhe i zhvillimit të zjarreve në vendet
sociale të banimit paraqitet edhe zjarrvënia e qëllimshme. Problematikat e shfaqura në
kuadër të marrëdhënieve sociale në kuadër të funksionit social të banimit brenda familjes
ose ndërmjet familjeve apo personave të ndryshëm, konflikte të ndodhura ndërmjet tyre,
marrëdhëniet e pronësisë etj., kanë degraduar në mjaft raste me veprime të qëllimshme
për të dëmtuar jetën dhe pronën e njerëzve apo familjeve të ndryshme në hapësira të
ndryshme sociogjeografike. Më i shprehur një shkak apo faktor i tillë është i pranishëm në
zonat urbane. Në kuadër të marrjes në konsideratë të një faktori të tillë, por edhe si
rezultat i avancimit të teknikave dhe përbërësve të përdorur në materialet që ndërtojnë sot
konstruksione të ndryshme të vendeve sociale të banimit, po gjejnë aplikim në vazhdimësi
konstruksione të padjegshme, të tipit betonarme, muret prej tulle, argjile të pjekur etj.
Në kuadër të pranisë së një larmie të konsiderueshme në vendet sociale të banimit
paraqitet mjaft e rëndësishme njohja me mënyrat dhe format se si duhet bërë i mundur
parashikimi dhe parandalimi i zjarreve. Në kuadër të shfletimit dhe studimit të literaturës
mbi një çështje të tillë evidentohen norma dhe standarde të ndryshme në varësi të llojit,
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 30
formës, lartësisë etj., me të cilat shfaqen këto vende sociale banimi. Në rastin e vendeve
sociale të banimit në një lartësi të ulët, kryesisht shtëpi banimi deri në 2 kate, duhet marrë
në konsideratë fakti së tërësia e materialeve që duhen përdorur për ndërtim duhet të jetë
vështirësisht e djegshme, ose të padjegshme. Studiuesit vlerësojnë se në rastin e vendeve
të tilla të banimit duhet të ekzistojnë patjetër edhe mure mbrojtëse kundër zjarrit. Një gjë
e tillë paraqitet sidomos kur gjatësia maksimale e lejuar e ndërtesës varion nga 80 deri në
140 metra, kur ndërtesa në periferi kufizohet me mur mbrojtës kundër zjarrit dhe nga 40
deri në 70 metra, kur ndërtesa nuk kufizohet me mur mbrojtës kundër zjarrit.
Me rëndësi janë normat dhe standardet të cilat kanë të bëjnë me sipërfaqen e
vendit social të banimit. Në këto raste sipërfaqja maksimale e lejuar e ndërtesës varion
nga 1600 deri në 2800 metra katrorë, kur ndërtesa në periferi kufizohet me mur mbrojtës
kundër zjarri dhe 800 deri në 1400 metra katrorë, kur ndërtesa nuk kufizohet me mur
mbrojtës kundër zjarrit. Për të garantuar braktisjen e detyruar të ndërtesave nga njerëzit në
rast zjarri, është e detyrueshme që largësia maksimale e lejuar nga dera e çdo dhome deri
të dalja më e afërt jashtë ndërtesës ose në kafazin e shkallëve nuk duhet të jetë më shumë
se 10 metra, kur ndërtesa është me struktura ndërtimore tërësisht të djegshme dhe 15
metra, kur ndërtesa të gjitha strukturat ndërtimore i ka vështirësisht të djegshme. Për këtë
kategori ndërtesash për banim, në çdo rast gjerësia e shkallëve, e dyerve dhe e
korridoreve nuk duhet të jetë më e vogël se 100 cm. Ndërsa dyert që shërbejnë për
largimin e njerëzve duhet të hapen në drejtim nga brenda jashtë.
Zhvillimet e sotme aktuale në Shqipëri kanë bërë të mundur që në kuadër të
vendeve sociale të kemi ndërthurjen e tyre, lidhur ngushtë me mjaft aktivitete ekonomike
që familjet shqiptare zhvillojnë. Mjaft prej këtyre familjeve, në mënyrë të veçantë biznesi
i vogël ka ndërtuar jetën ekonomike në njësi të ndryshme tregtare apo shërbimi, të cilat në
kuadër të gjeografisë sociale, i quajmë vende prodhimi. Këto vende prodhimi paraqiten të
integruara në shtëpitë apo apartamentet e banimit, që janë vendet sociale të banimit. Në
këtë mënyrë duhen marrë në konsideratë edhe masat që duhet të ndërmerren për
eliminimin apo kufizimin e shkaqeve dhe faktorëve që ndikojnë në lindjen dhe zhvillimin
e zjarreve. Lidhur ngushtë me situata të tilla, normat dhe standardet përcaktojnë që në
shtëpitë e banimit normat e mbrojtjes nga zjarri dhe shpëtimi të lejojnë vendosjen e
dyqaneve me artikuj të ndryshëm, të veprimtarive për shërbimin publik dhe të kaldajave
për ngrohje. Por në to ndalohet vendosja e dyqaneve me mallra të rrezikshme për zjarr, si
dhe e punishteve të ndryshme, në të cilat do përdoren materiale të rrezikshme për lindjen
e zjarreve. Raste të ndodhjes së zjarreve të tillë i kemi prezent në mjaft vende sociale të
banimit, pjesë përbërëse të njësive të ndryshme administrative të Shqipërisë. Rastisje
evidente janë në zonën e “Don Boskos” në Tiranë, në Fier, Vlorë, Elbasan, Shkodër etj.
Duke marrë në konsideratë normat dhe standardet e paraqitura më sipër, është e
rëndësishme të vlerësohet se në vendet sociale të banimit si në raste e shtëpive të ulëta
apo apartamenteve me përmasa të vogla, ku materialet ndërtuese përbëhen nga lëndë të
djegshme dhe vështirësisht të djegshme, kur ndodhin zjarre, evidentohen zjarre të shpejta
në kuadër të djegies së shpejtë dhe zjarri përhapet në drejtime të ndryshme. Zjarri
përhapet jo vetëm në sipërfaqen e jashtme të strukturave të djegshme, por edhe në
brendësi të tyre. Në këto kushte, elementet konstruktive të ndërtesës shemben shpejt, pasi
digjen ato së bashku me mobilimet përkatëse të vendeve të tilla sociale të banimit.
Njëkohësisht, në kuadër të menaxhimit që duhet bërë për shuarjen e këtyre lloje zjarresh,
në këto vende sociale të banimit është mjaftë vështirë për t’u realizuar, nëse nuk
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 31
ndërhyhet shpejt dhe në kohën e duhur. Një ndërhyrje emergjente dhe imediate është
pozitivisht ndikuese për të shpëtuar jetën e familjarëve dhe banesat e tyre. Fatkeqësisht,
mjaft prej ngjarjeve të ndodhura në situata të tilla janë shoqëruar me dëme njerëzore dhe
materiale, ndikuar nga distanca e stacionit të zjarrfikëses me vendin social të banimit,
kohën e ndërhyrjes, vështirësinë për t’iu afruar objektit etj.
Nga tërësia e materialit të shtjelluar më sipër, lidhur ngushtë me vendet sociale të
banimit të përmasave të vogla, shkaqeve dhe faktorëve ndikues, paraqesim edhe një
ilustrim apo rast konkret të shfaqjes së zjarrit. Një shembull konkret në këtë drejtim
paraqitet në kuadër të hapësirës sociogjeografike të Tiranës, konkretisht në Kodër-Kamëz.
Në një nga vendet sociale të banimit zjarri shkaktoi 2 viktima dhe 2 të tjerë të lënduar,
prej të cilëve, njëri nga të lënduarit, i zoti i shtëpisë, vdiq më vonë në spital. Shkaku i
rënies së zjarrit ishte nga furnela elektrike e përdorur për ngrohje. Ishte dimër dhe
temperaturat gjatë natës, shkonin deri në negative. Në këtë familje ishte bërë si rregull që
furnela të mbahej e ndezur gjatë gjithë natës. Nga hetimi u provua së rrobat e përdorura
për mbulesë gjatë natës, kanë rënë mbi sipërfaqen e zbuluar të rezistencës së furnelës e
për pasojë janë ndezur. Tymi i shkaktuar nga djegia e tekstileve ka mbushur gradualisht
dhomën e fjetjes, që për të mbajtur ambientin të ngrohtë, dera e saj ka qenë e mbyllur.
Fillimisht viktimat janë asfiksuar dhe më tej trupi i tyre është djegur nga zjarri. Diktimi
me vonesë i zjarrit dhe largësia e banesës nga stacioni zjarrfikës, nuk e bënë të mundur
ndërhyrjen e shpejtë dhe nuk lanë asnjë mundësi për t’i shpëtuar viktimat.
Krahas vendeve sociale të banimit, që evidentohen në përmasa dhe forma të vogla,
mjaft evidente paraqiten edhe rastisje të zjarrit në vendet e tjera sociale të banimit ku
format dhe përmasat e tyre janë më të mëdha. Studiuesit e ndryshëm në punimet e tyre
shkencore dhe metodike kanë marrë në analizë edhe vende të tjera sociale (siç është rasti i
vendeve sociale me 5 kate). Ashtu si edhe në raste të mëparshme, standardet dhe normat e
kërkuara për t’u mbrojtur nga zjarret, kanë qenë objekt debatesh e diskutimesh ndërmjet
studiuesve të ndryshëm. Më poshtë po paraqesim tabelën përkatëse të tregueshmërisë së
raporteve që duhet të ekzistojnë ndërmjet strukturës ndërtimore të vendit social të banimit
nga njëra anë, së bashku me përbërësit ndërtimorë sipas shkallës së djegshmërisë, dhe nga
ana tjetër kufirin minimal të qëndrueshmërisë ndaj zjarrit që bart në vetvete ky vend
social i banimit.
Tabela nr. 1 Raporti strukturë-djegshmëri-qëndrueshmëri ndaj zjarrit
Struktura ndërtimore Grupi i djegshmërisë Kufiri minimal i
qëndrueshmërisë ndaj zjarrit
Muret mbajtëse dhe muret e
kafazit të shkallëve
Të padjegshme 2 orë
Kolonat Të padjegshme 2 orë
Ndarëset midis kateve dhe
tavanit
Vështirësisht të djegshme 0,75 orë
Çatia E djegshme -
Muret ndarëse Vështirësisht të djegshme 0,25 orë
Muret mbrojtëse kundër
zjarrit
Të padjegshme 5 orë
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 32
Kur kemi praninë e vendeve të tilla sociale të banimit, ku përmasat e format e tyre
shkojnë në lartësinë deri në 5 kate (apartamente, pallate banimi, qendra rezidenciale, grup
banesash etj.), është e rëndësishme respektimi i normave dhe standardeve të përcaktuara
rigorozisht. Në mënyrë të detajuar, mjaft njohës të shkencës së mbrojtjes nga zjarret
vlerësojnë se në kuadër të materialit ndërtimor që përdoret duhet të jenë kryesisht
materiale të djegshme ose vështirësisht të djegshme, por edhe të padjegshme, sipas
përcaktimeve të tabelës nr. 1. Po kështu, një rol me rëndësi bart dhe gjatësia e lidhur me
shtrirjen e vendit social të banimit. Në situata të tilla gjatësia e ndërtesës është e
pakufizuar kur ndërtesa në periferi kufizohet me mur mbrojtës kundër zjarrit dhe lejohet
deri në 90 metra, kur ndërtesa nuk kufizohet me mur mbrojtës kundër zjarrit. Specifikime
dhe kritere të tilla duhen respektuar në mënyrë strikte dhe rigoroze, me qëllim
parandalimin e situatave problematike që lidhen me mbrojtjen nga zjarret që mund të
shfaqen në këto vende sociale banimi.
Mjaft efikase paraqitet edhe këndvështrimi në mbrojtjen nga zjarret, lidhur
ngushtë më sipërfaqen e vendit social të banimit, lartësinë e shtrirjes së tij, mënyrës së
vendosjes së elementeve arkitekturore të pjesës së brendshme të vendit social të banimit
etj. Kemi mendimin se në raste të vendeve të tilla sociale të banimit, kur sipërfaqja e
ndërtesës është e pakufizuar, kur ndërtesa në periferi kufizohet me mur mbrojtës kundër
zjarrit dhe është e lejuar deri në 1800 metra katrorë, kur ndërtesa nuk kufizohet me mur
mbrojtës kundër zjarrit. Në këtë kategori banesash, largësia maksimale e lejuar nga dera e
dhomave gjer në daljen e jashtme më të afërt , ose në kafazin e shkallëve është 30 metra.
Në rastin e ndërtesave me më shumë se 3 kate, për çdo 30 njerëz gjerësia minimale e
lejuar e shkallës, derës dhe e korridorit merret 1 metër. Kafazet e shkallëve, që
shfrytëzohen për largimin e njerëzve, duhet të jenë të mbyllura e të ndriçuara në mënyrë
natyrale.
Në rastin e vendeve të tilla sociale të banimit, kur ato shkojnë deri në 5 kate
lartësi, janë të pranishme mjaft situata zjarresh në hapësira të ndryshme sociogjeografike
në botë dhe në Shqipëri. Situata të tilla zjarresh shoqërohen me praninë e problematikave
serioze në kuadër të menaxhimit dhe sidomos shuarjes së tyre. Serioze paraqitet situata në
raste të zjarreve që lindin e zhvillohen në territorin apo hapësirën ndërmjet çatisë nga
njëra anë dhe tavanit nga ana tjetër.
Kjo hapësirë është me volum të madh dhe e mbushur me ajër, ku nuk ka ose ka
fare pak ndarje, faktorë këta që e favorizojnë së tepërmi përhapjen dhe zhvillimin intensiv
të zjarrit. Duke qenë me elementë tërësisht apo pjesërisht prej materiali të djegshëm apo
vështirësisht të djegshëm, shumë shpejt do të kemi shembjen e tavanit dhe të çatisë. Kjo
bën të mundur që zjarri të përhapet edhe në katin superior që ndodhet në tavan.
Përvoja tregon se pothuajse në çdo situatë të tillë çatia e ndërtesës është djegur
dhe shembur tërësisht ose vetëm një pjesë e vogël e saj ka shpëtuar nga djegia dhe
shembja. Pikërisht një gjë e tillë ka ndodhur në qytetin e Fierit, ku zjarri dogji tërësisht
çatinë dhe katin e 4-t të një ndërtese me 4 kate. Edhe pse u përqendruan 5 automjete
zjarrfikëse për të kryer operacionin e shuarjes së zjarrit, nuk u arrit që të parandalohej as
djegia e plotë dhe as shembja e çatisë.
Krahas vendeve sociale të banimit me lartësi të ulëta apo deri në 5 kate, gjithnjë e
më tepër në hapësirat e ndryshme sociogjeografike, kryesisht urbane, po vihet re gjithnjë
e me shumë prania e vendeve sociale të banimit me shumë kate. Një larmi e tillë po gjen
shprehjen e vet edhe në vendin tonë, në mënyrë të veçantë pas viteve 1990. Mjaft prej
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 33
qendrave kryesore urbane si Tirana, Durrësi, Vlora, Shkodra, Korça, Fieri etj., po tentojnë
vendosjen e popullsisë në vende të tilla sociale. Situata më evidente është pa dyshim
Tirana, e lidhur ngushtë kjo me fluksin e ndërtimeve shumëkatëshe të pranishme në të.
Kjo ka bërë që nën ndikimin e migrimit të brendshëm të kemi edhe një rritje të
konsiderueshme të popullsisë në të, duke shkuar drejt 1 milion banorë.
Ashtu si edhe në rastin e vendeve të tjera sociale të banimit, edhe apartamentet,
pallatet apo qendrat e ndryshme rezidenciale shumëkatëshe janë të afektura në historinë e
zhvillimit dhe evolucionit të tyre me praninë e zjarreve. Rastet janë të pranishme kudo në
botë dhe në Shqipëri. Si raste të shprehura në vendin tonë dallojnë ato në pallatet e reja
pranë Zogut të Zi në Tiranë, në Durrës, Lezhë etj. Prandaj është jo vetëm e nevojshme,
por edhe e domosdoshme marrja në konsideratë e standardeve të duhura për të mbrojtur
vendet sociale shumëkatëshe të banimit nga zjarret.
Disa nga kriteret dhe standardet që shkencat që janë të lidhura me mbrojtjen ndaj
zjarrit evidentojnë janë ato që lidhen me strukturën e ndërtimit (duhet të jenë materiale të
padjegshme), gjatësisë së shtrirjes së ndërtesës në kuadër të murit mbrojtës ndaj zjarrit
(gjatësia e lejuar e ndërtesës është e pakufizuar kur ndërtesa në periferi kufizohet me mur
mbrojtës kundër zjarrit dhe lejohet deri në 110 metra, kur ndërtesa nuk kufizohet me mur
mbrojtës kundër zjarrit), sipërfaqes (sipërfaqja e lejuar e ndërtesës është gjithashtu e
pakufizuar, kur ndërtesa në periferi kufizohet me mur mbrojtës kundër zjarrit dhe lejohet
deri në 2, 800 metra kur ndërtesa nuk kufizohet me mur mbrojtës kundër zjarrit).
Mjaft sinjifikative paraqiten edhe masat e sigurimit teknik që duhet të jenë të
pranishme në këto vende sociale shumëkatëshe. Në këtë drejtim njohësit e situatave të
menaxhimit të zjarreve vlerësojnë se në mënyrë strikte dhe rigoroze duhet aplikuar
instalimi i mjeteve të shuarjes së zjarreve, si hidrantë muralë zjarrfikës. Hidrantët
rekomandohet të vendosen në kafazin e shkallëve. Në kate të poshtme, sidomos në katin
përdhe, ku përgjithësisht ambientet përdoren për veprimtari të ndryshme dhe kryesisht për
shërbime administrative e biznesi, sipas rastit dhe rrezikut që ato paraqesin, bëhet edhe
kompletimi i tyre me mjete dhe pajisje për diktim-sinjalizimin e zjarreve dhe për shuarjen
e tyre.
Literatura njeh raste të ndryshme e situata nga më të larmishmet të lindjes dhe
zhvillimit të proceseve të zjarreve në vendet sociale shumëkatëshe të banimit. Prania e
tyre në vende të ndryshme të botës njëkohësisht ka shërbyer edhe për gjenerimin e një
eksperience solide në menaxhimin e situatave të prodhuara nga shfaqja e zjarreve. Në
vendet sociale shumëkatëshe të banimit zjarri lind dhe zhvillohet vetëm në materialet dhe
orenditë e mobilimit apo të atyre në përdorim të apartamenteve të banimit. Megjithatë,
shembujt që do të tregojmë më poshtë bëjnë të mundur që të evidentojmë edhe faktin e
pranisë së dëmeve njerëzore, apo të faktit të pranisë së viktimave dhe të plagosurve nga
zjarret në vende të ndryshme të botës.
Theksojmë se marrja e këtyre fotove nuk është ekskluziviteti ynë, përkundrazi ato
janë pjesë e uebeve të shumta të pranishme në Google. Këto imazhe na qartësojnë se sa
rëndësi marrin njohja me rregullat, normat dhe standardet që duhet të aplikohen në kuadër
të strategjive të mbrojtjes nga zjarret në vendet sociale të banimit.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 34
Foto nr. 3 Zjarr në New Berlin, Wisconsin (Google Images) 20 maj 2012
Foto nr. 4 Zjarr në Ohajo (Google Images) November 12, 2014
Foto nr. 5 Zjarr në Grenfell Tower, Londer (Google Images) 15 qershor 2017
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 35
Gjithsesi, zjarret më të rrezikshme dhe më me pasoja janë ato që ndodhin në katet
nën tokë dhe katin përdhe. Në një rast zjarri në katin nën tokë, ku u ndez një sasi nafte
prej afro 200 litra, u krijua një panik i madh në njerëzit që ndodheshin në katet e sipërme
të ndërtesës. Nga zjarri u çlirua një sasi e konsiderueshme tymi i zi dhe i dendur. Tymi,
pasi mbushi hapësirën e ambientit ku ra zjarri, filloi të lëvizë nëpër kafazin e shkallëve
dhe në kanalin e ashensorit, duke u përhapur edhe në ambientet më sipër. Kjo alarmoi së
tepërmi njerëzit e pranishëm, të cilët nga situata e krijuar në mënyrë të menjëhershme i
kapi paniku dhe dolën nëpër ballkonet e tyre duke kërkuar ndihmë. Në fakt, situata nuk u
bë e qartë që në fillim, nuk u prit që të zbulohej nga forcat zjarrfikëse vatra e zjarrit,
potenciali i tij dhe çfarë digjej konkretisht. Forcat e Ndërhyrjes së Shpejtë të Policisë së
Shtetit, të thirrura nga dikush, sapo erdhën, me iniciativën e tyre, filluan në formë
“spektakli” të bënin evakuimin e banorëve nëpërmjet litarëve të shpëtimit. Kjo e
dramatizoi edhe më tepër situatën në opinion. U deshën vetëm pak minuta që të
vlerësohej realisht situata dhe pas përdorimit të shkumës nga zjarrfikësit, zjarri të fikej
dhe gradualisht të kalohej në normalitet.
Ky është një rast që evidenton disa mangësi, por kryesorja është se menaxhimi i
kësaj situate nuk u bë si duhet dhe as në kohë. Konkretisht:
- Nuk pati në këtë rast një komandë të vetme. Kjo me ligj është kompetencë dhe
detyrë e shërbimit zjarrfikës. Ai i organizon dhe ai kërkon apo koordinon
veprimet operacionale në menaxhimin e situatave të zjarreve me të gjitha
shërbimet dhe strukturat që janë të nevojshme apo që afrohen për ndihmë.
- Ka edhe në raste të tjera, që strukturat e Policisë së Shtetit kanë vepruar me
iniciativën e tyre, pa pëlqimin dhe pa koordinimin e veprimeve me forcat
zjarrfikëse. Ky është një defekt që përsëritet pothuajse në të gjitha rastet e
zjarreve masive. Në këtë aspekt, edhe në një pjesë të komunitetit është krijuar
një mendim i gabuar, që vjen nga mungesa e njohjes dhe e informimit. Është kjo
arsyeja që jo në pak raste zjarresh, shtetasit lajmërojnë sallën operacionale të
Policisë së Shtetit dhe jo sallën e Shërbimit Zjarrfikës. Kjo gjë ka krijuar dhe
krijon vonesa, të cilat sjellin edhe pasoja në rritjen e dëmeve që shkaktojnë
zjarret.
- Shërbimi Zjarrfikës duhet të bëjë një punë të madhe për të sqaruar komunitetin
se ku duhet të drejtohet për të lajmëruar kur bien zjarre dhe kur kanë situatë të
ndryshme për shpëtim, por dhe pse duhet më parë të lajmërohen zjarrfikëset.
Në drejtim të menaxhimit të situatave të ndryshme të rastisjeve të zjarrit në vendet
sociale të banimit vërehen shkaqe dhe faktorë momentalë të lindjes dhe zhvillimit të tyre.
Kryesisht pakujdesia dhe mungesa e vëmendjes ndaj pajisjeve të ndryshme elektrike të
ngrohjes apo gatimit, lidhur ngushtë edhe me praninë në këto vende sociale të grupeve të
veçanta sociale siç janë fëmijët, të moshuarit dhe invalidët, aksesojnë rritjen e mundësisë
së lindjes dhe përhapjes së zjarreve në to. Po përmendim një rast kur një i moshuar, ishte i
vetëm në dhomën e tij. Apartamenti ndodhej në katin e 12 të një ndërtese me 15 kate.
Dera e hyrjes ishte e mbyllur dhe e blinduar. Banoret e tjerë konstatuan se nga dritarja dhe
nga poshtë derës dilte tym. Ata njoftuan Stacionin Zjarrfikës, të cilët në këtë rast kanë
vepruar shpejt dhe me risk për jetën e tyre. Njëri nga zjarrfikësit zbriti me litarë, nga
tarraca e ndërtesës në ballkonin e apartamentit. Fillimisht i dha ndihmën e parë të
moshuarit dhe më pas e nxori jashtë apartamentit. Zjarri nuk kishte përmasa, pasi
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 36
ambienti ku ai ishte shkaktuar i kishte dyert dhe dritaret të mbyllura. Prandaj edhe fikja e
zjarrit ishte e thjeshtë.
Krahas vendeve të veçanta sociale të banimit, gjithnjë e më tepër po shtohet
mundësia e lindjes dhe e zhvillimit të zjarreve edhe në rastisjen e tyre në zona të banuara.
Ndryshimet e ndodhura në Shqipëri, sidomos pas viteve 1990, ka rritur dimensionin e
vendit social të banimit, formës dhe përmasave të tij. Në mjaft prej zonave urbane dhe
rurale vërejmë praninë e komplekseve të përmasave të konsiderueshme të banimit apo
zona banimi rezidenciale. Tërësia e këtyre zonave të banuara gjithnjë është nën
mundësinë e lindjes dhe të zhvillimit të zjarreve, lidhur ngushtë me kushtet dhe faktorë të
ndryshëm ndikues. Masat kryesore që sigurojnë garanci dhe parrezikshmëri ndaj zjarrit në
zona të banuara janë:
- sigurimi i largësive të kërkuara për mbrojtjen nga zjarri dhe eksplozionet ndaj
ndërmarrjeve industriale, depove dhe magazinave të mëdha, të cilat mund të
jenë vendosur në territorin e zonave të banuara ose në periferi të tyre;
- respektimi i largësive të mbrojtjes nga zjarri midis ndërtesave të banimit dhe
ndërtesave me destinacion shoqëror;
- vendosja e stacioneve zjarrfikëse duke zbatuar kushte të sigurisë, për arritjen e
kohës së mbërritjes së automjeteve zjarrfikëse e të shpëtimit për kryerjen e
veprimeve operacionale në ndërtesat e banimit dhe veprat e artit që ndodhen në
zonën e banuar;
- garantimi i hyrjes dhe lëvizjes së automjeteve zjarrfikëse e të shpëtimit në zonën
e banuar, te rezervuarët e ujit dhe të hidrantët zjarrfikëse.
Në kuadër të studimit që po realizojmë për menaxhimin e rreziqeve të shkaktuara
nga zjarret, rasti i Shqipërisë, duhet të nënvizojmë një konkluzion të rëndësishëm, i cili
është i lidhur ngushtë me ndryshimet dhe transformimet e shumta të hapësirës
sociogjeografike të vendit tonë. Në këtë kuadër, ndryshime dhe transformime të
rëndësishme kanë pësuar në tërësinë e tyre si hapësirat sociogjeografike urbane, ashtu
edhe ato rurale. Në këtë aspekt duhet të vlerësojmë faktin se mjaft prej funksioneve
sociale që impaktojnë aktivitete të ndryshme ekonomike, e në këtë sens edhe vendet
sociale të prodhimit (punishtet, ndërmarrjet e ndryshme, serviset), të shkëmbimit
(marketet, supermarketet, dyqane të ndryshme, depot e mallrave, magazinat e ndryshme),
të argëtimit (baret, restorantet, pabet etj.), gjithnjë e më shumë po përfshihen në sistemet e
mbrojtjes nga zjarri. Njëkohësisht është evidente që mjaft nga aktivitetet dhe veprimtaritë
e mëdha prodhuese, depot dhe magazinat e artikujve të ndryshëm, përfshi këtu impiante të
gazit dhe platformat e rezervuarëve të karburanteve, të gjitha këto janë spostuar dhe po
përqendrohen në periferi të qyteteve.
Tjetër gjë pozitive është se gjithmonë e më shumë objektet dhe veprimtaritë e
mëdha apo të rëndësishme po pajisen me sisteme diktim sinjalizimi, me sisteme
automatike shuarëse, me hidrantë të brendshëm dhe me aparate dore për shuarjen e
zjarreve. Të tilla janë qendrat tregtare, parkimet nëntokësore të automjeteve, impiante të
gazit të lëngshëm, stacione të karburanteve etj. Kjo po bën të mundur që të ecet gjithmonë
e më shumë në drejtimin e duhur dhe sipas kërkesave të kohës edhe në fushën e mbrojtjes
nga zjarri.
Veç zhvillimeve pozitive në kompletimin e infrastrukturës së mbrojtjes nga zjarri
ka pasur edhe zhvillime negative, ku janë bërë shkelje apo nuk janë plotësuar detyrimet
normative të kësaj fushe:
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 37
1. Në përgjithësi ndërtimet në qytete u bënë në mënyrë kaotike, shpesh edhe si
ndërtime pa leje. Jo në pak raste ndërtimi i ri dhe ndërtimi ekzistues nuk ishin në harmoni
me njëri-tjetrin, si p.sh nuk respektoheshin largësitë e mbrojtjes nga zjarri ndërmjet tyre.
Kjo pranohej si një e keqe e përkohshme, deri në prishjen e objektit të vjetër, por që ka
zgjatur me vite. Kjo praktikë ka krijuar probleme në lëvizjen e automjeteve në rrugët e
brendshme, kuptohet edhe të atyre zjarrfikëse. Ka zona të veçanta në qytetin e Tiranës,
Shkodrës, Durrësit, Fierit, Elbasanit, Vlorës etj., ku automjetet zjarrfikëse dhe ato të
shpëtimit nuk mund të futen në rast zjarri.
2. Në asnjë nga qytetet e vendit tonë nuk ka korsi të veçantë për lëvizjen e
automjeteve të shërbimeve të ndryshme të emergjencës, përfshi këtu edhe ato zjarrfikëse.
Vihet re një përjashtim vitet e fundit për kryeqytetin, por jo ashtu siç duhet të jenë
standardet rrugore për një shërbim të tillë të ndërhyrjes. Është kështu në një kohë kur
numri i automjeteve që përdorin shtetasit është rritur shumë dhe disiplina e trafikut në
rrugë është në nivele të ulëta.
3. Jo në të gjithë gjatësinë e rrjetit të ujësjellësit ka hidrantë zjarrfikëse, ndërsa
pothuajse në të gjitha qytetet uji është me orar, duke i bërë të papërdorshme edhe ata
hidrantë që janë aktualisht.
4. Zhvillimi urban i qyteteve nuk po bëhet vetëm në shtrirje, por gjithmonë e më
shumë po bëhet edhe në lartësi. Mungesa e autoshkallëve zjarrfikëse dhe hapësirat e vogla
ndërmjet ndërtesave, në shumicën e rasteve janë pengesë për të vepruar në shuarjen e
zjarreve në lartësi.
5. Nga ana tjetër, akoma nuk ka qenë rregull që në ndërtesat e larta të banimit të
instalohen hidrantë zjarrfikëse. Ka disa vjet, veçanërisht në Tiranë, që në ndërtesat e
banimit me shumë kate po instalohen hidrantët zjarrfikëse në çdo kat, ndërsa në katet nën
tokë, që përdoren si parkime për automjetet, të instalohen edhe sisteme automatike
shuarëse të tipit “sprinkler” si dhe sisteme për diktimin dhe sinjalizimin e zjarreve.
6. I gjithë ky zhvillim, me rregullsitë dhe parregullsitë tij, nuk u shoqërua edhe me
shtimin e stacioneve zjarrfikëse, të efektivit të tyre, të automjeteve dhe pajisjeve në
përdorim. Në këto kushte, shpesh automjetet zjarrfikëse e të shpëtimit arrijnë jo në kohën
e duhur për të vepruar në shuarjen e zjarrit.
7. Akoma nuk ka në zbatim dhe për çdo rast një sistem të mirëfilltë të diktimit dhe
të njoftimit të adresuar të zjarreve që ndodhin. Njoftimi bëhet kryesisht nga njerëz të
rastësishëm dhe pothuajse në çdo rast vetëm pasi zjarri ka marrë zhvillim dhe ai është
bërë i dukshëm nga jashtë ambientit ku ai është shkaktuar.
Për të gjitha këto arsye që përmendëm me lart, menaxhimi i zjarreve në zonat e
banuara shpesh bëhet me vështirësi dhe has në pengesa të ndryshme. Është mjaft e
rëndësishme që në ndërhyrjet që duhet të realizohen të veprohet me përgjegjshmëri,
profesionalizëm dhe efikasitet, gjë që do të ndikonte në mënyrë të drejtpërdrejtë në
realizimin më së miri të objektivave për një menaxhim pozitiv të situatave të zjarreve në
këto vende sociale.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 38
2. 2. Zjarret dhe vendet sociale të prodhimit
Krahas vendeve sociale të banimit, një nga vendet e tjera sociale me përhapje të
gjerë të mundësisë se lindjes dhe zhvillimit të zjarreve paraqiten edhe vendet sociale të
prodhimit. Këto vende sociale, në të cilat prodhohen të mira materiale dhe realizohen
aktivitete të larmishme ekonomike, posedojnë mundësi të shumta për praninë e këtyre
rreziqeve natyrore e humane, siç janë zjarret. Një gjë e tillë është e ndikuar nga larmia e
konsiderueshme e tyre (uzina, fabrika, punishte, ndërmarrje të llojeve të ndryshme të
aktiviteteve ekonomike, miniera, fontana etj.), si edhe e grupeve sociale të larmishme të
tyre që janë të ndikuar nga struktura profesionale e popullsisë që punon e ushtron aktivitet
prodhues.
Foto nr. 6 . Diegie e Fabrikës së Ricklimit të mbetjeve plastike në Tiranë
.
Njëkohësisht një shkak dhe faktor mjaft i rëndësishëm është edhe lokacioni i tyre
ndikuar nga vendosja dhe pozicioni i këtyre vendeve sociale të prodhimit në një hapësirë
të caktuar sociogjeografike. Vlerësojmë se në varësi të këtyre shkaqeve të përmendura më
sipër, mundësia e rënies së zjarreve në to paraqitet evidente edhe në kuadër të vendeve
sociale të prodhimit të pranishme në hapësirën sociogjeografike të Shqipërisë.
Vendet sociale të prodhimit në Shqipëri kanë pësuar dukshëm evolucionin e tyre,
ndryshimet dhe transformimet janë evidente gjatë periudhës së tranzicionit. Në materialin
e përgatitur nga ana jonë u jemi referuar edhe ngjarjeve të rëndësishme të pranisë së
zjarreve në disa prej këtyre vendeve sociale mjaft të rëndësishme për periudhën para
viteve 1990 për të bërë të mundur edhe nënvizimin e faktorit historik në këtë drejtim.
Vende të tilla sociale të prodhimit siç kanë qenë në të kaluarën uzinat e përpunimit të
naftës, kombinatet tekstile, kombinatet e drurit, fabrikat e pambukut, kanë qenë të
përfshira në mjaft ngjarje dhe problematika serioze të përfshirjes nga zjarret e llojeve dhe
përmasave të ndryshme, para viteve 1990. Lidhur ngushtë me to është ushtruar një
menaxhim serioz e rigoroz për parandalimin e këtyre rreziqeve natyrore e humane, siç
janë zjarret. Këto vende sociale të prodhimit kanë qenë të kompletuara me infrastrukturën
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 39
e domosdoshme për mbrojtjen nga zjarri dhe shpëtimin nga këto rreziqe. Fakt është që për
këto vepra, nisur jo thjeshtë nga rëndësia, por edhe nga rrezikshmëria që paraqesin,
kujdesi ka qenë gjithmonë më i madh. Me punonjësit e vetë objektit, aty ishin të
organizuara edhe grupet vullnetare të mbrojtjes nga zjarri. Këto grupe zbatonin një
program vjetor përgatitjeje, sidomos nga ana praktike. Efektiviteti i gjithë kësaj pune ka
qenë i dukshëm në rastet konkrete kur dhe kanë ndodhur zjarre.
Para shumë vjetësh, si pasojë e shkarkimeve atmosferike u ndez një rezervuar me
naftë në Uzinën e Përpunimit në qytetin e Fierit. Rezervuari ishte me kapacitet 3000
metra kub. Të gjithë rezervuarët e produkteve të naftës në këtë uzinë, përfshirë edhe
rezervuarin që u ndez, ishin të pajisur me dhoma shkume dhe të lidhur me sistem
stacionar për shuarjen e zjarreve. Të parët që nisën punën për shuarjen e zjarrit ishin
punonjësit e vetë uzinës. Ata vunë në punë hidrantët zjarrfikës, nëpërmjet të cilëve filluan
ftohjen nga jashtë të rezervuarit në flakë dhe të dy rezervuarëve të afërt me të. Paralelisht
me këtë filloi tërheqja nga poshtë e naftës nga rezervuari dhe u bënë punët përgatitore për
vënien në funksionim të sistemit të shuarjes së zjarrit. Prova e parë nuk dha rezultat dhe
me ardhjen e forcave zjarrfikëse, u rivu në punë ky sistem dhe brenda një kohë të shkurtër
zjarri u fik.
Në një rast tjetër, shumë vjet më vonë, veprimet operacionale për menaxhimin e
situatës së krijuar nga zjarri lanë shumë për të dëshiruar. Edhe këtu zjarri ra në një
rezervuar me naftë. Të veçantat në situatën e krijuar dhe në menaxhimin e saj ishin:
Platforma e rezervuarëve (katër të tillë) ishte e ndërtuar pa leje.
Në objekt nuk kishte as sistem shuarës me shkumë, as hidrantë zjarrfikës dhe
as depozitë me ujë.
Zjarri u shkaktua nga një shkelje flagrante dhe tepër e rëndë, gjatë punimeve
për saldimin e tubacionit të daljes së naftës nga rezervuari.
Në afërsi të rezervuarit në flakë, brenda së njëjtës argjinaturë ndodhej edhe
rezervuari i benzinës me një sasi prej 4000 metra kub.
Makina e parë zjarrfikëse arriti në objekt mbas 20 minutash, ndërsa automjetet
e tjera arritën pas 1 ore e më shumë.
Me kalimin e kohës zjarri u përhap edhe në sipërfaqen e argjinaturës
mbrojtëse, ku dilte pa pushim naftë nga tubacioni që kishte pësuar defekt.
Në fillim nuk u shfrytëzua afërsia e detit dhe nuk u lidhën makinat zjarrfikëse
me njëra-tjetrën, për të pasur vazhdimësi në furnizimin me ujë. Kjo u bë me
shumë vonesë.
Mungesa e profesionalizmit e kuadrove që merreshin me menaxhimin e
situatës çoi në disa veprime që e përkeqësuan më shumë situatën dhe rrezikuan
seriozisht jetën e zjarrfikësve.
U ça muri i argjinaturës me mjete të mekanizuara, çka bëri që nafta e ndezur të
përhapej deri në sipërfaqen e detit.
Dy zjarrfikës u urdhëruan që të përdornin shkallet për ta hedhur shkumën nga
sipër brenda rezervuarit. Ata i mbështetën shkallët në faqen e rezervuarit të
ndezur. Ngrohja e naftës në thellësi të rezervuarit çoi në avullimin e ujit, në
rritjen e menjëhershme të volumit të naftës dhe në flakjen jashtë rezervuarit të
produktit të ndezur. Kjo lëndoi dy zjarrfikësit, të cilët ranë edhe nga shkallët.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 40
Shkuma u përdor me shumë vonesë dhe fillimisht sasia e shkumës ishte e
pamjaftueshme.
Duke injoruar përvojën dhe aftësinë profesionale të zjarrfikësve të vendit u
kërkua ndihmë nga zjarrfikëset e Greqisë. Nga qyteti i Janinës u nis një
automjet zjarrfikës së bashku me efektivin. Ky automjet donte të paktën 8 orë
për të ardhur në objekt. Kur ata erdhën, situata ishte normalizuar, pasi dikush u
kujtua dhe kërkoi ndihmë profesionale nga kuadrot e larguar (“për shkak të
reformës”) të shërbimit zjarrfikës shqiptar.
Ky rast tregon qartë se:
- pasojat që mund të priten kur nuk zbatohen normat teknike për mbrojtjen nga
zjarri, por sidomos kur shkelen rregullat që parandalojnë rënien e zjarreve.
- çdo situatë zjarri, aq më tepër situatat e ndërlikuara në zjarret masive, nuk
mund të menaxhohen kur në komandë janë njerëz jo të aftë nga ana
profesionale, por edhe si organizatorë dhe si drejtues.
- shërbimi zjarrfikës është profesion, specialitet dhe kështu duhet trajtuar. Nuk
mund ta bëjë këtë detyrë kushdo që emërohet në radhët e këtij shërbimi.
Vihet re prania e mjaft zjarreve edhe në mjaft biznese të vogla e të mesme në
hapësira të ndryshme urbane dhe rurale të Shqipërisë. Në mënyrë të veçantë mosmarrja në
konsideratë e një rreziku të tillë evident, siç është zjarri, pakujdesitë apo tregtimi i
artikujve të ndryshëm në njësi tregtare, ka bërë të mundur lindjen dhe zhvillimin e mjaft
situatave të komplikuara. Rast serioz ishte edhe gjatë gjysmës së parë të këtij viti, ku në
një impiant të rëndësishëm riciklues në territoret periferike të Tiranës ra një zjarr i
konsiderueshëm, i cili e shkatërroi pothuajse tërësisht këtë vend social të prodhimit. Mjaft
të prekura janë edhe njësitë e ndryshme tregtare të tregtimit të gazit, të cilat në mjaft prej
njësive administrative të Shqipërisë janë përfshirë nga zjarri.
Në kuadër të vendeve sociale të prodhimit, ashtu siç evidentohet edhe nga
literatura e gjerë e gjeografisë sociale, kemi edhe përfshirjen e mjaft institucioneve
arsimore dhe shëndetësore. Për praninë e zjarreve në kopshte apo çerdhe për fëmijë,
shkolla, spitale etj., normat e mbrojtjes nga zjarri përcaktojnë disa kërkesa specifike. Në
këtë kategori objektesh çdo gjë është e diktuar nga kapaciteti mbajtës. Me kapacitetin
mbajtës është i lidhur numri i kateve të lejuara, shkalla e qëndrueshmërisë ndaj zjarrit e
ndërtesës, kërkesat për braktisjen e detyruar të saj në raste zjarresh etj. Si parim, sa më i
madh kapaciteti mbajtës i objektit, aq më e lartë duhet të jetë qëndrueshmëria ndaj zjarrit
të ndërtesës, më të automatizuara e efektive sistemet e diktim sinjalizimit dhe të shuarjes
së zjarrit, si dhe më korrekte kërkesat për zbrazjen e detyruar të ndërtesës në rast zjarri.
Kështu p.sh, një kopsht apo çerdhe për fëmijë, ku numri i pranuar i fëmijëve është mbi
50, nuk mund të jetë në asnjë rast me elemente konstruktive të djegshme dhe po ashtu ajo
nuk mund të ketë me shumë së tri kate.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 41
2. 3. Zjarret dhe vendet sociale të shkëmbimit, argëtimit dhe të pushtetit
Larmia e vendeve sociale është një tipar karakteristik i zhvillimit të hapësirës
sociogjeografike nën ndikimin e faktorëve të ndryshëm. Në këtë kuadër, krahas tipareve
dhe karakteristikave shkencore të shfaqjes dhe analizës së tyre, na u dha mundësia në këtë
punim shkencor t’i shohim edhe një këndvështrim tjetër: atë të përballjes së tyre me
rreziqet natyrore e humane siç janë zjarret. Vendet sociale të shkëmbimit, të argëtimit dhe
të pushtetit përfaqësojnë një drejtim me shumë rëndësi e njëkohësisht me një rastisje të
konsiderueshme të përfshirjes nga zjarret në hapësira të ndryshme sociogjeografike.
Tashmë jo vetëm njohim dhe analizojmë një rrezik të tillë, por edhe jemi ndeshur në
momente të ndryshme me ngjarje apo situata të tilla gjatë jetës dhe aktivitetit tonë social
në këto vende sociale. Kjo është e ndikuar nga tiparet dhe larmia e këtyre vendeve
sociale, siç janë ato të shkëmbimit (marketet, supermarketet, qendrat tregtare, qendrat e
ndryshme të internetit apo videolojërat, qendrat e ndryshme të shkëmbimit të
informacioneve etj.) apo vendet sociale të argëtimit (baret, restorantet, palestrat, teatrot,
kinematë, stadiumet, pallatet e sportit, sallat e koncerteve, qendrat e rekreacionit etj.) dhe
në ato të pushtetit (godinat e ndryshme qeveritare lokale dhe qendrore, godinat e
institucioneve të ndryshme, pjesëmarrëse në qeverisjet lokale dhe qendrore).
Në tërësinë e rasteve kur zjarret duhen menaxhuar, në kuadër të këtyre vendeve
sociale, preokupimi i parë urgjent i grupeve sociale të zjarrfikësve dhe punonjësve të tjerë
në mbështetje të tyre është drejt evitimit të fatkeqësive njerëzore. Një gjë e tillë është
qartazi e ndikuar nga numri i njerëzve të pranishëm (gjithmonë i lartë )në këto vende
sociale. Grupe sociale të ndryshme të popullsisë, pjesë e një hapësire të caktuar
sociogjeografike, krahas jetës sociale që ushtrojnë në shtëpi apo në aktivitetin e
profesionit, ndiejnë domosdoshmërinë e përfshirjes në aktivitete e funksione të tjera
sociale, siç janë ato të shkëmbimit dhe argëtimit apo të pushtetit. Prandaj këto vende
sociale, siç janë baret, restorantet, pabet, palestrat sportive apo qendrat tregtare, sallat e
koncerteve, kinematë, godinat qeveritare lokale dhe qendrore të llojeve të ndryshme etj.,
paraqesin gjithmonë një fluks të lartë njerëzish, të cilët duhen shpëtuar në raste të
rreziqeve apo fatkeqësive natyrore, siç janë zjarret në këtë rast.
Raste të shumta të pranishme në mjaft pabe në Barcelonë, Bruksel, Paris etj., në
kinematë e ndryshme në Milano, Marsejë, apo në restorante në Çikago, Otava, apo në
disa qendra tregtare në vende të ndryshme kanë bërë të mundur shfaqjen dhe evidentimin
e asaj se sa serioze janë situata të tilla për jetën e njerëzve.
Situatat e lindjes dhe zhvillimit të zjarreve në këto vende sociale të shkëmbimit,
argëtimit dhe të pushtetit, paraqesin disa tipare dhe karakteristika të veçanta. Këto tipare
kanë të bëjnë me momente të tilla, në të cilat vihen re prania e temperaturave të larta, ulja
e përqindjes së oksigjenit në mjedis dhe nga ndikimet negative që vinë si pasojë e
tymosjes së ndërtesës, pozicioni dhe lokacioni gjeografik i vendosjes së tyre etj. Për këto
arsye, të gjitha kërkesat normative duhet të garantojnë një veprimtari normale, por pa
rrezik për jetën e njerëzve të pranishëm në secilin ambient të këtyre vendeve sociale. Ndër
to, me rëndësi të veçantë janë rrugët dhe daljet evakuese për njerëzit dhe individët e
pranishëm që frekuentojnë këto vende sociale të larmishme. Këto duhet të bëjnë të
mundur që ambientet dhe ndërtesat të braktisen në një kohë sa më të shkurtër dhe gjatë
evakuimit të këtë garanci të plotë për jetën e tyre. Theksojmë se në këtë drejtim vihen re
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 42
ndryshime të dukshme ndërmjet masave që zbatohen në vende të ndryshme të botës për
mbrojtjen nga zjarri dhe në vendin tonë.
Njohësit e shkencës së mbrojtjes nga rreziqet prej zjarreve dhe hulumtuesit e
ndryshëm të këtyre disiplinave të larmishme kanë përcaktuar edhe mjaft kritere dhe
standarde që duhen njohur e respektuar për evitimin e mjaft problematikave që shkaktojnë
zjarret në këto vende sociale që po marrim në analizë. Larmia dhe shumëllojshmëria e
tyre, mënyra e vendosjes dhe e ekspozimit ndaj të tilla rreziqeve kërkon edhe zbatim
rigoroz të normave dhe standardeve të caktuara për t’u zbatuar. Në kuadër të shfrytëzimit
të literaturës nga ana jonë kemi evidentuar disa prej tyre, të cilat në mënyrë analitike po i
paraqesim më poshtë:
Daljet dhe rrugët evakuuese duhet të jenë në numër dhe me gjerësi që t’i
përgjigjen numrit të përgjithshëm të spektatorëve. Norma është që nëpërmjet
dyerve dhe shkallëve me gjerësi deri në 150 cm të qarkullojnë 50 njerëz në
minutë.
Gjatësia e rrugëve të evakuimit nuk duhet të jetë më e madhe se distanca kufi,
e cila për çdo rast duhet të jetë nga 40 deri 20 m.
Daljet evakuuese duhet të hapen detyrimisht me sens nga brenda jashtë.
Lëvizja e njerëzve duhet të realizohet duke u larguar nga burimi i rrezikut.
Nuk duhet të këtë ndeshje dhe ndërprerje të rrymave të njerëzve me njëra-
tjetrën.
Planimetria e të gjithë sistemit të evakuimit duhet të jetë e tillë që të favorizojë
ndarjen e evakuusve në grupe jo të mëdha dhe me numër njerëzish të barabartë
në çdo drejtim lëvizjeje.
Daljet, korridoret dhe shkallët duhet t’i nxjerrin njerëzit drejtpërsëdrejti jashtë
ndërtesës ose në ambiente të parrezikshme dhe prej aty jashtë.
Situata të tilla problematike të lindjes dhe zhvillimit të zjarreve kanë qenë të
pranishme edhe në kuadër të vendeve sociale të shkëmbimit, argëtimit dhe të pushtetit në
vendin tonë. Një rastisje më e shpeshtë është evidente sidomos gjatë stinës së verës në
zonat e shumta turistike të Shqipërisë. Prezenca e tyre është evidentuar në zonat e
Durrësit, Velipojë, Shëngjinit, Vlorës etj., ku kemi pasur praninë e situatave shqetësuese
në disa bare e restorante gjatë kohës së fluksit turistik.
Në të kaluarën në Shqipëri janë vërejtur rastisje sporadike, ndonëse ka favorizuar
shfaqjen e tyre edhe mungesa me sisteme diktim sinjalizimi për zjarret dhe e sistemeve
automatike për shuarjen e tyre. Është kjo arsyeja që në 3–4 raste zjarresh që kanë
ndodhur, vendet sociale të shkëmbimit, argëtimit dhe të pushtetit ose janë djegur
plotësisht, ose dëmet kanë qenë të mëdha. Kështu ka ndodhur me kinematë në qytetet
Korçë, Elbasan, Tiranë ku u dëmtua gjithçka. Këto zjarre janë stimuluar nga volumet e
mëdha të sallave dhe ambienteve, nga konstruksioni i ndërtesës dhe nga pamundësia për
të përqendruar brenda një kohë të shkurtër shumë forca dhe mjete zjarrfikëse për
operacione të shuarjes. Duhet vlerësuar se në rastet e mësipërme nuk ka pasur humbje
jetësh njerëzore, pasi në raste të rënies së zjarrit nuk ka pasur aktivitet.
Ajo që duhet vlerësuar në raste të vendeve sociale të shkëmbimit dhe argëtimit në
Shqipëri është ndërgjegjësimi gjithnjë e në rritje kundrejt aplikimit të pajisjeve dhe
mjeteve për mbrojtjen nga zjarri. Mjaft prej bareve, restoranteve, palestrave sportive,
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 43
qendrave tregtare etj., tashmë janë të përfshira në kuadër të masave për kompletimin me
pajisjet e mbrojtjes nga zjarri. Mbase një ndikim dhe impakt motivues i rëndësishëm në
këtë drejtim është edhe legjislacioni i fundit shqiptar i vitit 2015, që ka diktuar
ndërmarrjen e masave të tilla paralajmëruese, parandaluese e mbrojtëse ndaj zjarreve. Në
këtë kuadër, edhe mjaft prej vendeve të tilla sociale që janë rikonstruktuar apo po
rikonstruktohen, po përshtaten sipas normave teknike të fushës. Dallojnë këtu objekte të
reja, të cilat janë të mirëkompletuara. Në këtë drejtim kam evidentuar disa nga kinematë e
reja në Tiranë, të cilat janë kompletuar më së miri me sistem diktimi dhe lajmërimi
automatik dhe të adresuar për zjarre të mundshëm; me sistem automatik shuarje të tipit
“sprinklker”; me rrjet hidrantësh të brendshëm; me fikësa dore; me plan evakuimi
dhe ku i gjithë stafi i është nënshtruar trajnimit të specializuar për mbrojtjen nga rreziqet e
lindjes dhe zhvillimit të zjarreve.
Nga ana tjetër, mjaft të rrezikshme shfaqen zjarret dhe pasojat e tyre edhe në
vendet sociale të pushtetit. Ndonëse në këto vende masat që merren për mbrojtjen nga
zjarri janë sipas normave dhe standardeve më të avancuara, përsëri kemi lindjen dhe
zhvillimin e tyre. Në mënyrë të veçantë këto zjarre që ndodhin në godinat e ndryshme
qeveritare qendrore dhe lokale bartin një faktor apo tipar karakteristik nxitës. Në më të
shumtën e rasteve, prania e këtyre godinave është në pjesët muzeale apo të vjetra të
qyteteve në old town. Duke qenë pjesë të vjetra, materialet ndërtuese të tyre shpeshherë
janë që i jepen djegies së shpejtë, prandaj edhe rënia e zjarrit në to shoqërohet me pasoja
shumë të rënda dhe vërehen djegie të shpejta të materialeve dhe orendive, pjesë përbërëse.
2. 4. Zjarret dhe hapësira gjeografike. Tiparet dhe veçoritë e tyre
Hapësira gjeografike në tërësinë e shtrirjes së saj është e afektuar dhe e prekur nga
mundësia e lindjes dhe e zhvillimit të rreziqeve natyrore dhe ndikimeve negative të
aktivitetit human. Krahas mundësisë së zhvillimeve të ndryshme që mund të hasen në
kuadër të rolit që luajnë veprimtaria e forcave të jashtme dhe të brendshme, sidomos
imperative janë bërë analizat referuar rolit dhe kontributit të grupeve sociale në kuadër të
aktiviteteve që zhvillojnë në këtë hapësirë gjeografike.
Potencialet e ndryshme dhe mjaft të rëndësishme që bartin në vetvete gjatë
aktivitetit të tyre individët, grupet sociale në drejtim të shfrytëzimit të relievit apo të
elementeve të veçanta hidrografike, klimatike dhe të tokave, kanë bërë të mundur që në
mjaft raste të kemi jo vetëm mundësinë e lindjes së rreziqeve natyrore, por edhe të
degradimit të kësaj hapësire gjeografike nga këto aktivitete. Pa dyshim lindja dhe
zhvillimi i zjarreve, siç e kemi përmendur edhe në çështje të tjera, bart në vetvete një
rastisje të konsiderueshme në tërësinë e shtrirjes së kësaj hapësire gjeografike. Shembujt
janë të shumtë e të shumëllojshëm, por një lokacion dhe rastisje me të madhe kemi
praninë e tyre në zonat rurale dhe periferike urbane. Një shpërndarje e tillë gjeografike
është e ndikuar tërësisht nga pozicioni i hapësirës gjeografike, shtrirja e përmasat e saj,
shkalla e shfrytëzimit dhe përdorimit, format e shfaqjes së veprimtarisë natyrore e
humane në to.
Lindja, zhvillimi dhe përhapja e zjarreve në hapësirën gjeografike njeh forma,
shkaqe dhe faktorë të ndryshëm. Pa dyshim, në kuadër të faktorëve natyrorë, roli dhe
kontributi i shkaqeve është i ndikuar nga elementet klimatike dhe ndikimi i tyre. Sidomos
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 44
në këtë drejtim mjaft evidente janë situatat e zhvillimeve temperaturale gjatë stinës së
nxehtë të vitit, apo zhvillimet e shkarkesave elektrike nëpërmjet pranisë së stuhive në
stinë të ndryshme të vitit. Duhet nënvizuar në lindjen dhe zhvillimin e zjarreve në
hapësirën gjeografike, roli dhe kontributi i aktivitetit human. Madje situatat e viteve të
fundit na kanë çuar në nxjerrjen e konkluzioneve se lindja e zhvillimi i zjarreve në
Shqipëri, gjithnjë e me shumë po impaktohet nga kjo veprimtari humane, që gjithnjë e më
tepër po njeh forma nga më të larmishmet. Më poshtë duke përfituar nga disa imazhe të
rënies së zjarreve, të përcjella nga uebe të ndryshme të Google, paraqesim raste konkrete
të pranisë së tyre në vendin tonë.
Foto nr. 7 Zjarr në Kodër-Mëzez, Tiranë (Google Images) 3 qershor 2017
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 45
Foto nr. 8 Zjarr në Vermosh (Google Images) 8 nëntor 2015
Nga një analizë referuar situatave të zjarreve veçanërisht gjatë dekadës së fundit
në Shqipëri (referuar periudhës 2005–2017), vlerësojmë se shkaqet kryesore të pranisë së
zjarreve dhe krijimit të mëvonshëm të rreziqeve dhe situatës menaxhuese ndaj tyre për të
mbrojtur tërësinë e hapësirës sociogjeografike dhe popullsinë lokale banuese në të, janë të
lidhura pikërisht me rolin e njeriut dhe aktivitetit të tij. Në mjaft prej këtyre situatave të
rënies së zjarreve, shkaqet kryesore lidheshin me sjelljet sociale të njerëzve të ndryshëm,
banorë të zonës ose individë, pjesë e strukturave profesionale të popullsisë lokale. Në këtë
kuadër së pari vlerësohet pakujdesia e këtyre individëve apo grupeve sociale të veçanta, të
cilët në kuadër të aktivitetit që kryejnë në hapësirën gjeografike (kryesisht zona
kodrinore-malore, në zonat periferike të pyllëzuara të qyteteve, në pyje dhe kullota)
tregohen të pakujdesshëm në veprimtarinë e tyre. Si veprime të pakujdesshme që bëjnë të
mundur lindjen dhe zhvillimin e zjarreve paraqiten sidomos ngjarjet që vijnë nga duhani
(pirja e cigares). Kur nuk fiken mirë, dhe në kuadër të thatësirës apo temperaturave të
larta, bëjnë të mundur rënien e zjarrit.
Nga ana tjetër, në kuadër të organizimit të aktiviteteve të ndryshme socialkulturore
në territore të tilla të pyllëzuara, si rezultat i pakujdesisë ndaj elementeve të ndryshme që
përdoren, si skara, zjarret e ndryshme që ndizen pa izoluar mirë vendin dhe kontrolluar
territorin ku ato ndizen, që të mos ketë rrezik përhapjeje, mundësi ë e tymrave e gazrave
që dalin nga skapamentot e makinave që ndezin zjarrin në territore pyjore të ndryshme
etj., bëjnë të mundur shtimin e rreziqeve nga zjarret. Përmendëm më sipër edhe rolin e
kontributin e strukturave profesionale të grupeve të larmishme sociale, që ushtrojnë
veprimtarinë e tyre në këto hapësira sociogjeografike. Në mënyrë konkrete ndër to mund
të përmendim barinjtë, të cilët me pakujdesinë e tyre në mjaft raste kanë ndikuar në
lindjen dhe përhapjen e zjarreve, ushtarakët në kuadër të qitjeve që realizojnë në poligone
të vendosura pranë pyjeve apo territoreve të pyllëzuara periferike të zonave urbane,
ushtruesit e sportit të gjahut, sharrëtarët në pyje, punëtorët e furrave të gëlqeres etj. Tërë
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 46
këto grupe profesionale të shoqërisë sonë janë ndër më evidentet në kuadër të krijimit të
mundësive për lindjen dhe zhvillimin e zjarreve të ndodhura në vendin tonë gjatë këtyre
viteve të fundit.
Në drejtim të lindjes dhe zhvillimit të zjarreve, mjaft i përhapur paraqitet si shkak
dytësor, edhe ai që ka të bëjë me veprime të dënueshme të individëve apo grupeve të
ndryshme sociale. Shkaqe apo faktorë të tillë, nën emërtimin e veprimeve të qëllimshme
apo të zjarrvënies me dashje, janë të pranishme kudo në tërësinë e hapësirës gjeografike.
Në mënyrë më të spikatur prania e tyre vihet re sidomos në territoret pyjore dhe në
kullota, të cilat shoqërohen me problematika serioze në drejtim të situatave të mëvonshme
menaxhuese të rreziqeve të shkaktuara nga zjarret. Mjaft të shprehura në rënien e zjarreve
të tilla janë veprimet e fermerëve të ndryshëm, që djegin kullotat e tyre për të bërë të
mundur ripërtëritjen ose pasurimin e sipërfaqes së tokave të kultivuara, vendosjen e
zjarreve të qëllimshme në hapësira të pranisë së shkurreve për të përfituar toka të reja që
të kultivojnë kultura bujqësore, barinjtë e ndryshëm për të bërë të mundur krijimin e
kullotave të reja etj. Theksojmë se në mjaft raste vendosja e qëllimshme e zjarreve të tilla
jo vetëm që nuk është izoluar nga fermerët apo zjarrvënësit, por përkundrazi është
shoqëruar me përhapjen e konsiderueshme dhe të pakontrolluar të këtyre zjarreve, që ka
çuar në krijimin e situatave shqetësuese të emergjencave lokale dhe kombëtare.
Pa dyshim që situata të tilla zjarresh tregojnë se sa e rëndësishme paraqitet njohja
dhe konsolidimi i njohurive që duhet të kenë individët apo grupet e ndryshme sociale për
masat e parandalimit dhe mbrojtjes nga zjarret. Studimet e viteve të fundit vlerësojnë
statistika serioze, ndër të cilat evidentojnë se afro 14 deri në 20 për qind e zjarreve që bien
në vit janë të pranishme në hapësirën gjeografike. Ato janë të përqendruara kryesisht në
këto territore të sipërpërmendura, pyjore, zallishtore, masive pemësh frutore, kullota të
ndryshme, toka bujqësore apo territore periferike urbane të pyllëzuara. Kjo ka impaktuar
edhe një dem të konsiderueshëm mjedisor që lidhet me djegien dhe shkrumbimin e qindra
ha tokë pyjore e kullotë. Njëkohësisht duhet evidentuar prania e asaj çfarë është me e
rëndësishme, që në disa raste, si pasojë e këtyre ngjarjeve të fatkeqësive apo të rreziqeve
natyrore e humane, kemi pasur edhe humbje të jetës së njerëzve. Ndër to mund të
evidentojmë humbjen e jetës së 2 barinjve në territoret periferike, pjesë e hapësirës
gjeografike të Sarandës, ku zjarri jo vetëm nuk u izolua apo lokalizua, por përkundrazi,
pati një përhapje të menjëhershme.
Në kuadër të situatave të krijuara në hapësirat gjeografike si rezultat i zjarreve,
edhe veprimtaria menaxhuese e rreziqeve të shkaktuara nga këto zjarre paraqitet
jashtëzakonisht e vështirë. Duhet të theksojmë se një vështirësi e tillë e situatave
menaxhuese ndikohet nga disa faktorë. Ndër to, si më të rëndësishmit mund të
individualizojmë ato që kanë të bëjnë me kushtet gjeomorfologjike të hapësirës
gjeografike (morfometria dhe morfografia së bashku me elementë të tyre përbërës), stina
e ndodhjes dhe e zhvillimit të këtyre zjarreve, mundësitë e ndërhyrjes konkrete në
hapësirat e veçanta gjeografike, sipërfaqja, kufijtë e madhësia e hapësirave gjeografike
(pyjet, kullotat, zonat e pyllëzuara, masivet kodrinore malore) që preken nga zjarret,
largësia e stacioneve zjarrfikëse nga hapësira konkrete gjeografike ku ka ndodhur zjarri,
mjete dhe forcat në gatishmëri, kushtet klimatike, sidomos temperatura dhe era që
ndikojnë në intensitetin e zjarreve etj.
Në kuadër të këtij punimi doktoral mbi menaxhimin e rreziqeve të shkaktuara nga
zjarret ,po mundohemi të paraqesim përgjithësisht edhe situatën në të cilën ndodhen
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 47
shërbimet zjarrfikëse dhe ato të shërbimeve pyjore, për të përballuar emergjenca
menaxhuese në situata të tilla kaq të vështira. Shërbimet e specializuara të përmendura më
sipër vuajnë akoma problematika serioze në brendinë dhe përmbajtjen e tyre, lidhur
ngushtë në mënyrë të veçantë me pajisjet dhe menaxhimin operacional. Ato nuk
posedojnë mjetet e duhura ndërhyrëse nga toka e nga ajri, ndonëse tendencat në këtë
drejtim, edhe pse sporadike, nuk kanë munguar. Specifikisht, edhe mjetet me zinxhirë për
të ndërhyre në terrene të vështira kodrinore malore nuk janë në inventarin e këtyre
shërbimeve, por ato janë të domosdoshme, ndikuar nga kushtet morfometrike e
morfografike të relievit të Shqipërisë. Megjithatë, këto shërbime kanë mundësuar
përballimin e situatave të vështira anë e mbanë vendit, ndikuar nga punonjës të palodhur,
pjesë e grupeve socioprofesionale të këtyre shërbimeve.
Është e rëndësishme të merren në konsideratë edhe disa mendime e kritere të
rëndësishme të mundësive menaxhuese të situatave të tilla të rreziqeve që shkaktohen nga
zjarret. Njohësit dhe studiuesit e ndryshëm të mbrojtjes nga zjarri kanë paraqitur mjaft ide
dhe standarde të mënyrës së menaxhimit të situatave të zjarreve, në kuadër të lindjes dhe
zhvillimit të tyre në një hapësirë të caktuar gjeografike. Masivet e reja pyjore po
ndërtohen me projekte të qarta e të miratuara në bazë të projekteve serioze, ku në çdo rast
parashikohen brezat mbrojtës, rrugë të brendshme, largësitë nga pema në pemë dhe deri të
basenet me ujë. Të tilla masa kanë rezultuar tepër pozitive dhe efektive.
Raste të ndryshme që evidentuam dhe situatat konkrete të vrojtuara rezultojnë dhe
njëkohësisht verifikojnë ato që kanë ndodhur në të tilla sipërfaqe, nuk kanë shkaktuar
dëme të konsiderueshme, pasi ka qenë e mundur edhe ndërhyrja deri edhe me automjete
të zakonshme zjarrfikëse. Në një farë mënyre këtu problemi quhet i zgjidhur, nëse
funksionojnë masat parandaluese. Edhe pse aktualisht është hequr dorë nga zbatimi i disa
masave organizative, e përgjithshmja është se kur këto masa zbatohen, ndodh që zjarret
parandalohen. Njëkohësisht, në raste të lindjes dhe zhvillimit të zjarreve, përballimi i
emergjencave nga zjarret masive në pyje mbetet efektiv.
Duhet të vlerësojmë edhe rolin e faktorit historik dhe politik të pranishëm në
situatat e ndryshme të lindjes e zhvillimit të zjarreve në Shqipëri, e sidomos elementeve
menaxhuese të ndërhyrjeve që duheshin realizuar në hapësira të ndryshme gjeografike.
Këta faktorë historikë dhe politikë është e rëndësishme jo vetëm të evidentohen, por edhe
të njihen, lidhur ngushtë me evolucionin e shkencave mbi mbrojtjen nga zjarret, sidomos
në hapësirat gjeografike ndërkufitare të vendeve të ndryshme. Në praktikën e menaxhimit
të emergjencave në raste të zjarreve në pyje, ka pasur edhe raste paradoksale, të cilat
diktoheshin nga parimet politike të sistemit dhe që ishin të detyrueshme për zbatim, para
viteve 1990. Kjo ka ndodhur gjithmonë kur zjarret kanë qenë në masive me pyje në afërsi
të vijës së kufirit midis Shqipërisë, Greqisë dhe Jugosllavisë. Në historinë e shërbimit
zjarrfikës janë të pranishme rastisje dhe ngjarje nga më të ndryshmet gjatë viteve të
vështira 1945-1990, në të cilat kemi praninë e tipareve dhe veçorive nga më të larmishmet
dhe me ndikim në situatat e atëhershme. Në kuadër të këtij studimi doktoral kam marrë
përsipër të sjell në memorien e të gjithë atyre që mund të njihen me këtë studim rastin e
mëposhtëm.
Ka qenë konkretisht rasti i një zjarri të tillë në zonën e Ersekës. Pylli ishte
shekullor, me pemë të ndryshme, sidomos me dushk dhe panjë. Zjarri, i ndihmuar nga era
e fortë, mori përmasa duke u përhapur në drejtim të vijës së kufirit. Zjarri zgjati disa ditë.
Veçoritë e këtij zjarri ishin:
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 48
a. Mungesa e njerëzve për të vepruar në shuarjen e zjarrit. Duke qenë zonë
kufitare, nuk lejohej futja e njerëzve të pastudiuar, me frikën se mund të
kalonin në shtetin fqinjë. Kjo ishte arsyeja që edhe ata pak njerëz që ishin
miratuar të vepronin për fikjen e zjarrit, gjatë natës i largonin nga zona dhe
zjarri zhvillohej e përhapej lirshëm, pa qenë nën kontroll;
b. Në pyjet e Ersekës kishte shumë predha luftarake të mbetura nga koha e luftës,
të cilat mund të plasnin nën veprimin e zjarrit, duke rrezikuar jetën e njerëzve,
duke përhapur frikë dhe panik;
c. Gjatë ditës, sipas terrenit dhe kushteve meteorologjike, zjarri herë kalonte në
territorin e shtetit fqinj dhe herë rikthehej në tokën shqiptare. Sipas rastit,
forcat tona të shërbimeve zjarrfikëse dhe të ushtrisë, si dhe ato të palës tjetër,
rrinin në pritje kur zjarri të kthehej në territorin e tyre. Për veprime të
përbashkëta as që bëhej fjalë.
Njëra palë shikonte tjetrën se si vepronte për të përballuar zjarrin që zhvillohej në
territorin e vet, duke shpresuar apo duke pritur që zjarri të mos kalonte këtej kufirit dhe
ata të ishin të detyruar të bënin të njëjtën gjë, të vepronin për shuarjen e tij. Zjarri në këtë
rast ishte i vetmi “person rebel” që kishte leje kalimi për në njërën dhe tjetrën anë të vijës
ndarëse kufitare. Kush kalonte kufirin pa leje, quhej “armik i popullit” dhe dënohej si i
tillë, ndërsa fenomene e natyrës nuk pyesnin për ndasitë që krijohen dhe zbatohen nga
sistemet.
Pak a shumë e njëjta situatë ishte edhe në një rast zjarri në hapësirën gjeografike
ndërkufitare në Veri të vendit, në malin e Tamarës. Terreni këtu ishte akoma me i vështirë.
Ndryshimi këtu është se shteti fqinjë ishte ish-Jugosllavia. Këto veprime paradoksale
vinin nga sistemi që kishte Shqipëria në atë kohë, kur shteti fqinjë dhe populli i tij nuk
shikoheshin si miq, por si kundërshtarë. Ky qëndrim mbahej edhe atëherë kur prioritar
ishte menaxhimi i situatës së emergjencës nga zjarri dhe jo ndasitë e sistemeve.
Njëkohësisht, në kuadër të rasteve konkrete të lindjes dhe të zhvillimit të zjarreve në
hapësirën gjeografike, duke evidentuar rolin e faktorit historik dhe politik, mund të
përmendim edhe të hapësirave gjeografike, të cilat para viteve 1990 identifikoheshin nën
termin zona kufitare apo të rëndësisë së veçantë, në të cilat ndalohej rreptësisht futja dhe
kalimi i njerëzve të zakonshëm. Për t’u përmendur është dhe një rast zjarri në Gadishullin
e Karaburunit. Një bari i vuri zjarrin kullotës, por si pasojë e erës dhe terrenit, zjarri mori
përhapje të shpejtë, duke u shtrirë pothuajse në të gjithë sipërfaqen me pemë e shkurre të
këtij gadishulli. Si të veçanta në këtë zjarr evidentojmë:
i gjithë gadishulli ishte zonë ushtarake, nuk kishte veprimtari apo objekte
civile dhe nuk lejohej futja e personave të paautorizuar;
stacioni zjarrfikës më i afërt ishte 15 minuta larg, në një kohë kur rrugët e
brendshme në gadishull ishin të pakta dhe lidhnin vetëm objektet ushtarake
ndërmjet tyre;
vëmendja kryesore nuk u përqendrua te fikja e zjarrit, por te mbrojtja e
objekteve ushtarake, sidomos të depove me municione të kalibrit të madh, si
p.sh. silurët;
era ishte aq e fortë, sa flakët kalonin papritur nga njëri krah i rrugës në tjetrin
dhe si pasojë e kësaj një lëmsh flake plagosi dy persona, të cilët po lëviznin
me makinë në atë rrugë.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 49
Ky zjarr zgjati afërsisht 48 orë dhe u fik nga forcat ushtarake, duke përdorur
kryesisht mjete rrethanore. Disa vjet më vonë, po në Karaburun, ra zjarr në zonë me drurë
dhe shkurre. Terreni i vështirë nuk lejonte lëvizjen për në afërsi të zjarrit të automjeteve
zjarrfikëse që u thirrën për të vepruar. Duke lëvizur në këtë terren, njëra nga makinat
zjarrfikëse u përmbys, e për pasojë u aksidentua rëndë shefi i zjarrfikësve të qarkut të
Vlorës, i cili kishte ardhur aty për të organizuar dhe drejtuar veprimet operacionale të
menaxhimit të situatës.
Përvoja tregon se, kur vlerësohet drejt situata, kur përcaktohen masa dhe detyra
konkrete, apo edhe kur bashkërendohet mirë midis strukturave nga qendra në bazë,
rezultatet e arritura në parandalimin e zjarreve dhe në menaxhimin e situatave të ardhura
prej tyre kanë qenë të mira.
Një punë e tillë është bërë çdo vit para fushatës së korrjes dhe shirjes të drithërave.
Në hapësira të ndryshme gjeografike, në njësi të ndryshme administrative të Shqipërisë,
koha e fushatës ishte angazhim total, që nga ministria e linjës, pushteti vendor, njësitë
bujqësore, ato të mekanizmave bujqësore etj. Puna fillonte me kontrollin teknik të
mekanizmave bujqësore, si makinat shirëse, autokombajnat etj., me vendin ku do
ngriheshin lëmenjtë e drithit, me skemën e lëmit, me vendin ku do ngriheshin kavaletat e
kashtës, me kompletimin me mjete shuarëse të mekanizmave bujqësore dhe të lëmenjve,
me instruktimin e fermerëve, me propagandën në shtyp, radio e televizor dhe me
kontrollin në vijimësi të ecurisë normale të fushatës. Fakt është së zjarret në këtë kategori
kanë qenë të pakta në numër dhe kur kanë ndodhur, është djegur ndonjë lëmë apo
kavaleta me kashtë të veçuara dhe në zona të thella.
Gjatë viteve 1980 deri në 1990 ka pasur një rritje të zjarreve në stallat e bagëtive.
Vetëm në periudhën 1985 deri 1989 zjarret në stalla zinin 12,7 për qind të numrit të
përgjithshëm të zjarreve të rëna, ndërsa zjarret në bazën ushqimore të blegtorisë zinin
14,57 për qind. Kjo ka qenë periudha kur zjarret në këtë kategori objektesh shkaktoheshin
më së shumti me qëllim dëmtimi, por edhe nga përdorimi jashtë rregullave i mjeteve
primitive të ndriçimit. Për stallat e bagëtive ka pasur rregulla dhe kërkesa normative të
veçanta. Ndërtesat e stallave duhet të ishin kryesisht të padjegshme. Dyert duhet të
hapeshin me sens nga brenda jashtë dhe të ishin lehtësisht të hapshme edhe kur
shtyheshin me kokë nga bagëtitë. Lopët, kuajt etj., duhet të kishin lidhje kolektive, me një
tra horizontal të kapur në të dyja skajet, ku futeshin litarët apo zinxhirët e bagëtive. Në
rast zjarri, duke tërhequr trarin, zinxhirët dhe trarët liroheshin nga lidhja me të dhe
bagëtitë nuk kishin pengesa për t’u larguar nga stalla.
Në përgjithësi stallat e bagëtive ishin të veçuara dhe larg zonave rurale të banimit.
Ato bëheshin me konstruksione të lehta dhe preferohej që çatia të mbulohej me kashtë.
Kjo për efekt të mbajtjes ngrohtë të ambientit brenda stallës. Ka qenë praktikë që poshtë
tavanit të mbahej një sasi e konsiderueshme baze ushqimore, si: bar, kashtë etj. Stallat në
përgjithësi nuk kishin instalime elektrike, ato ndriçoheshin me fenerë dhe llamba me
vajguri. Ato nuk ruheshin me rojë, por nga qen stani. Pothuajse të gjitha rastet e zjarreve
në stallat e bagëtive kanë ndodhur natën dhe në stalla të veçuara. Përmendim rastin e një
zjarri në një stallë me lopë dhe kuaj, në një fshat të Mirditës. Nga zjarri u dogjën 78
bagëti. Ky zjarr u shkaktua nga pakujdesia e një banoreje, e cila përdorte kandil me vaj
për ndriçim. Për të pasur pamje më të mirë gjatë mjeljes së lopëve ajo e vendosi kandilin
në shtyllën prej druri të stallës, në një gozhdë të ngulur aty. Flaka e kandilit ishte shumë
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 50
afër me barin që ishte vendosur poshtë tavanit të stallës, për rrjedhojë bari nën tavan u
ndez. Zjarri ishte shumë i shpejtë dhe në pamundësi për të vepruar për ta fikur, stalla u
dogj plotësisht.
2. 5. Raportet e bashkëpunimit të hapësirës gjeografike dhe asaj sociale në
menaxhimin e zjarreve. Rasti i vendosjes së njësive zjarrfikëse.
Hapësira gjeografike dhe ajo sociale dallohen për një tipar mjaft interesant, atë të
bashkëpunimit me njëra-tjetrën. Madje nga bashkimi dhe bashkëpunimi i tyre kemi edhe
krijimin e hapësirës sociogjeografike. Vlerësojmë se një bashkëpunim i tillë paraqitet dhe
është prezent edhe në kuadër të zhvillimeve me të cilat shoqërohen rreziqet natyrore e
humane, përkatësisht fokusi studimor yni që janë zjarret. Në mënyrë konkrete
bashkëpunimi shprehet qartazi në marrëdhëniet dhe raportet reciproke që krijohen
ndërmjet shfaqjes së zjarreve në hapësirën gjeografike nga njëra anë dhe sistemeve
menaxhuese të ndërhyrjes së tyre nga grupet sociale të zjarrfikësve dhe strukturave të
tjera, pjesë e hapësirës sociale nga ana tjetër. Lidhur ngushtë me këto elemente, po
mundohemi të trajtojmë një situatë të tillë bashkëpunimi në raportet e vendosjes së
funksioneve sociale të pushtetit (institucionet e MKZ) në një hapësirë të caktuar
gjeografike, duke e transformuar në këtë mënyrë në një hapësirë sociogjeografike mjaft
interesante për t’u hulumtuar nga pikëpamja shkencore.
Studiuesit e ndryshëm vlerësojnë se në kuadër të lokacionit të vendeve sociale në
hapësirën gjeografike, në rastin tonë stacioneve të zjarrfikësve, duhet të marrim në
konsideratë disa elemente. Ndër këto elemente rëndësi mjaft të madhe bartin sidomos ato
që lidhen me momentin konkret të rënies së zjarrit diku në hapësirën gjeografike. Për të
menaxhuar me sukses, shpejtësi dhe efikasitet një situatë dhe moment të tillë, siç e
përmendëm më sipër, elementet ndikuese për vendosjen e lokacioneve të stacioneve të
zjarrfikësve në një hapësirë të caktuar gjeografike përcaktohen: së pari, mjetet dhe
efektivët duhet të jenë gjithmonë të gatshëm për të ndërhyrë brenda një distance sa më të
shpejtë kohore, në kuadër të masave operacionale të ndërhyrjes dhe të shpëtimit, dhe së
dyti, veprimtaria operacionale e strukturave duhet të karakterizohet nga efikasiteti,
perfeksioni dhe rezultati, duke marrë në konsideratë mospasjen e dëmeve sidomos
njerëzore.
Në çdo kohë ka pasur, dhe ende ka, dy lloje stacionesh zjarrfikëse: stacionet pranë
objekteve me rrezik të shtuar apo me rëndësi ekonomike dhe stacionet e qyteteve. Një
praktikë e tillë ka qenë dhe është e zbatuar edhe në vendin tonë. Sot ne kemi vetëm 4
stacione të kësaj kategorie: stacioni i Albpetrolit në Patos, stacioni pranë Kombinatit të
Përpunimit të Thellë të Naftës në Ballsh, stacioni pranë Portit Detar në Durrës dhe ai
pranë aeroportit “Nënë Tereza”, Rinas. Destinacioni i tyre është i paracaktuar. Përjashtuar
stacionin e Kombinatit në Ballsh dhe atë të aeroportit në Rinas, ku automjetet dhe pajisjet
që kanë në përdorim këto stacione janë të llojit “profesional apo special”, të përshtatshme
posaçërisht për natyrën e ndërhyrjes në këto objekte, në raste të tjera automjetet janë ato
të tipit të përgjithshëm apo klasik, për të mos thënë se ato janë thjesht bote uji me pompë.
Bazuar në këtë kërkesë të nevojshme, është për të theksuar se shërbimi zjarrfikës
nuk ka në dispozicion asnjë mjet zjarrfikës lundrues, nuk ka mjete për shuarjen e zjarreve
nga ajri dhe nuk ka as automjete e pajisje të përshtatshme për të vepruar në qytetet muze.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 51
Edhe për stacionet zjarrfikëse që janë apo duhet të vendosen në zonat e banuara urbane,
ka norma që zbatohen. Këto norma kanë ardhur duke u përshtatur së bashku me ritmet
dhe cilësinë e zhvillimit të ndërtimeve në zonat e banuara. Po u referohem normave që
zbatohen në shtete të quajtura lindore, me të cilat kemi qenë më të afërt. Sipas këtyre
normave, stacionet zjarrfikëse në vendet e banuara vendosen sipas kushtit të rrezes së
veprimit apo shërbimit, që është një rreze veprimi në vijë të drejtë jo më shumë se 3 km
nga vendi i ndodhjes së stacionit zjarrfikës, deri të ndërtesa më e largët që ndodhet në
zonën e shërbimit të këtij stacioni. Kjo rreze veprimi i përgjigjet kohës së mbërritjes së
automjetit zjarrfikës te kjo ndërtesë fundore brenda 5 minutave. Si rregull, në fillim
vendoset një stacion zjarrfikës në qendër të qytetit dhe nisur nga ky stacion, përcaktohet
vendi i vendosjes së stacioneve të tjera. Për një funksionim normal dhe veprime të
koordinuara, është stacioni i qendrës ai që merr informacionin për zjarret kudo ku ato
ndodhin në qytet dhe nga këtu jepet urdhri për stacione të tjera. Për këtë arsye, stacioni
qendror pajiset me ndërlidhje të drejtpërdrejtë dhe të sigurt jo vetëm me stacione të tjera
zjarrfikëse, por edhe me ujësjellësin, elektrikun, ndihmën e shpejtë mjekësore, policinë e
rendit etj.
Edhe plotësimi i nevojave me automjete, në sasi e lloje të ndryshme, referuar
situatave nga më të ndryshmet që mund të shoqërojnë zjarret, me pajisje e mjete të
veçanta që duhen për ndërhyrje e menaxhim zjarri, me sasinë e personelit dhe të efektivit,
është i diktuar me llojin e ndërtesave dhe të veprimtarive që ka zona e shërbimit të çdo
stacioni të shërbimit zjarrfikës. Aty ku ndërtesat nuk janë më të larta se 2–3 kate nuk është
e nevojshme që stacioni të ketë autoshkallë me hapje në lartësi të mëdha, ose në zonat e
banuara që kanë vijë bregdetare apo kanë në afërsi basene ujore stacioni zjarrfikës duhet
të ketë edhe mjete zjarrfikëse të lundrueshme dhe deri në palombarë. Jo vetëm te ne, por
kudo faktori kohë është i diktuar nga një zinxhir masash apo kërkesash, të cilat nisin nga
objekti apo veprimtaria në nevojë, nga infrastruktura rrugore, nga koha e diktimit dhe e
njoftimit për ngjarjen, nga sistemi i ndërlidhjes, nga vendndodhja e stacionit zjarrfikës,
nga gjendja dhe disiplina e trafikut rrugor etj.
Problem është se në vendin tonë aktualisht nuk ka një kohë të paracaktuar si
detyrim ligjor, brenda së cilës stacioni zjarrfikës duhet të jetë prezent në vendngjarjen me
zjarr. Kjo është lënë e tillë si pamundësi zbatimi nga shërbimi zjarrfikës, aq edhe për të
mos u ngarkuar me përgjegjësi ky shërbim. Duke i marrë të gjithë këta faktorë së bashku
dhe jo vetëm (edhe më tej do japim argumente të tilla) në vlerësim të përgjithshëm mund
të themi se stacionet zjarrfikëse, aq sa janë dhe aty ku janë, nuk e mbulojnë të gjithë
territorin, duke lënë kështu jashtë rrezes efektive të ndërhyrjes zona të tëra urbane e rurale
dhe deri te veprimtari me rëndësi ekonomike. Në këtë këndvështrim po analizojmë qytetin
e Tiranës, zonën bregdetare në përgjithësi dhe më tej, disa zona të veçanta sipas disa
akseve rrugore.
Disa të dhëna për rrethin dhe qytetin e Tiranës janë: popullsia e Qarkut të Tiranës
është afro 720 mijë banorë, ndërsa e kryeqytetit është afro 540 mijë banorë. Sipërfaqja
urbane e Tiranës është 42 km katrorë, rrethi ka edhe 3 qytete, 18 komuna, 150 fshatra, ka
5 stacione zjarrfikëse dhe një efektiv afro 100 veta. Stacionet zjarrfikëse, sipas vendit ku
ndodhen kanë marrë edhe emërtimet: stacioni i qendrës (pranë Fakultetit të Inxhinierisë së
Ndërtimit), stacioni i Kombinatit, stacioni i Qytetit Studenti, stacioni i Kinostudios dhe
stacioni Kodër-Kamëz. Ja çfarë mund të evidentojmë në argumentim të problemit:
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 52
- Dihet se në rrjetin e brendshëm të qarkullimit rrugor të Bashkisë së Tiranës ka
mjaft mangësi dhe problematika. Tashmë ato janë të evidentuara jo vetëm nga studiuesit e
ndryshëm, shoqëria civile, por edhe nga emisione të ndryshme të medies televizive.
Kështu p.sh nuk ka korsi emergjence, ndonëse duhet të vlerësojmë se gjatë këtyre tre
viteve të fundit është punuar në këtë drejtim dhe në disa akse rrugore kryesore ato janë
prezente, edhe pse nuk respektohen normat dhe rregullat qarkullimit në to.
- Gjithashtu në kuadër të qarkullimit rrugor të Bashkisë së Tiranës shohim praninë
e një trafiku të rënduar dhe deri diku edhe të padisiplinuar. Shtimi i numrit të stacioneve
zjarrfikëse në kryeqytet ka përmirësuar gjendjen, por nuk e ka zgjidhur atë. Zona rurale
në përgjithësi dhe qytetet Vorë e Kërrabë janë larg këtyre stacioneve. Vetëm si qytete ato
kanë përkatësisht nga 4200 dhe 1100 banorë. Autostrada Tiranë–Durrës nuk është e
kompletuar me mbikalime dhe shpesh duhet të bësh kilometra të tëra për të kaluar nga
njëra anë në anën tjetër të saj. Theksojmë se në të dyja anët e kësaj autostrade janë
vendosur dhe funksionojnë shumë objekte me veprimtari prodhuese, magazina, impiante
gazi, hotele e qendra tregtare etj. Tendenca është që zhvillimi urban dhe ai i veprimtarive
prodhuese, në një kohë të afërt të bashkojë Tiranën me Durrësin. Përjashtuar stacionin e
qendrës, stacionet e tjera zjarrfikëse kanë një numër të vogël forcash të gatshme në
shërbim, që shkon nga 2–3 persona. Në raste të zjarreve masive, përqendrimi i forcave
dhe i mjeteve kërkon kohë të konsiderueshme për t’u realizuar.
Mjaftojnë vetëm këto të dhëna për të evidentuar se faktorët kohë, ndërhyrje dhe
efektivitet ndërhyrje nga stacionet zjarrfikëse, nuk janë të arritura. Prej këtu nxjerrim
konkluzionin se numri i stacioneve zjarrfikëse që ka qyteti i Tiranës dhe vendndodhja e
tyre nuk e mundësojnë mbulimin e zonës urbane të këtij qyteti, pa përmendur këtu zonat
rurale, masivet pyjore përreth tij etj. Praktika të afron shumë raste kur ndihma e
stacioneve zjarrfikëse ka qenë e vonuar. Kur bëhet fjalë për jetën e njerëzve, nuk duhet të
ecet me arsyetimin se “aty ku ka pak njerëz, nuk mund t´u afrohet shërbimi i mbrojtjes
nga zjarri dhe shpëtimit”. Jeta e njeriut duhet të garantohet me të gjitha llojet e
shërbimeve.
Është e rëndë dhe e papranueshme ngjarja e datës 27.02.2014 në qytetin e Vorës.
Rasti është i tillë: një personi i shpërtheu automjeti, sapo ai hyri në të dhe tentoi ta ndezë.
Automjeti u përfshi nga flakët dhe askush nuk mundi t’i vinte në ndihmë personit të
dëmtuar rëndë nga shpërthimi dhe që po digjej brenda automjetit. Makina zjarrfikëse nga
stacioni i Tiranës mbërriti me shumë vonese, sipas dëshmitarëve të pranishëm, pas 30
minutash. Pavarësisht nga shkaku i shpërthimit dhe i djegies së automjetit, një nga arsyet
e vonesës së ndërhyrjes së stacionit zjarrfikës është distanca relativisht e madhe. Shtrohet
pyetja: “Po nëse zjarri në këtë qytet, dhe jo vetëm, do të ndodhtë në një çerdhe, kopsht
apo shkollë fëmijësh?”
Dy qarqet fqinje me atë të Tiranës, ai i Durrësit dhe ai i Elbasanit, e kanë situatën
diku më të ndërlikuar dhe më të vështirë në aspektin e veprimtarisë aktive sesa Tirana.
Duhet thënë se në të tria këto qarqe të vendit tonë, të cilat janë ndër më të rëndësishmet
dhe kryesoret në shumë aspekte, banon afro 60 % e të gjithë popullsisë së vendit. Kur
ndodh që lëvizin për ndihmë automjetet zjarrfikëse nga njëri qark apo qytet tek tjetri, lihet
një boshllëk i dukshëm në shërbimin zjarrfikës të qarkut apo qytetit nga ato janë nisur. Në
këtë gjendje, në mos edhe më keq, është edhe zona bregdetare nga Velipoja deri në
Butrint. Përjashtuar zonën e quajtur te Plepat, në asnjë nga qytetet dhe komunat që
ndodhen në afërsi të vijës ujore të bregdetit, ku zhvillohet intensivisht edhe turizmi veror,
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 53
nuk kanë stacione apo shërbim zjarrfikës. Dhe bëhet fjalë për një zonë që gjatë gjithë
muajve të verës pret 2 deri 3 milionë pushues dhe kur jo vetëm qytetet e Shëngjinit,
Velipojës, Divjakës, Orikumit dhe Himarës, por e gjithë vija bregdetare po shtohet me
ritme të shpejta me ndërtime të reja. Në rast zjarri në këto zona të banuara, ndërhyrja nga
stacionet zjarrfikëse më të afërta shkon në rastin më të mirë 20 minuta dhe në rastin me të
keq 1 orë e më shumë. Duhet theksuar se bëhet fjalë për turizmin e plazhit, i cili
konsiderohet si një nga shtyllat kryesore të zhvillimit të vendit.
Shtrirja gjeografike e stacioneve të ndryshme zjarrfikëse lë jashtë mbulimit edhe
mjaft zona të tjera të populluara dhe që kapen nga segmente rrugësh nacionale ekzistuese.
Lidhur ngushtë me një argument të tillë, po përmendim në mënyrë analitike disa prej tyre
në kuadër të njësive të ndryshme administrative: autostrada Tiranë–Durrës, ku janë
qytetet Vorë dhe Shijak me popullsi përkatësisht 4200 dhe 12000 banorë; rruga nacionale
Kavajë–Elbasan, ku janë qytetet Rrogozhinë dhe Peqin, me popullsi përkatësisht 5200
dhe 7200 banorë; rruga nacionale Pogradec–Korçë, ku është qyteti i Maliqit; rruga
nacionale Burrel–Peshkopi, ku janë qytetet e Klosit dhe të Bulqizës, ku vetëm qyteti i
Bulqizës ka 10000 banorë; rruga bregdetare Vlorë–Sarandë, ku kemi qytetet Orikum dhe
Himarë, me popullsi përkatësisht 2600 dhe 4500 banorë etj. Asnjë nga këto qytete
ndërmjetëse nuk ka stacion zjarrfikës dhe në rast nevoje, ndërhyrja nga stacioni më i afërt
bëhet e mundur pas afro 30 minutash. Është me vend të theksojmë se qyteti i Rrogozhinës
është 50 km larg Elbasanit dhe Himara është 73 km larg Vlorës dhe 66 km larg Sarandës.
Nga sa u tha, përsërisim se shpërndarja gjeografike e vendeve sociale të tilla, të
cilat i emërtojmë nga pikëpamja shkencore e përkufizimeve të gjeografisë sociale si
stacione zjarrfikëse, jo vetëm në qytete apo zona të caktuara, por edhe në shkallë vendi,
nuk e bën të mundur mbulimin e gjithë territorit të vendit në kohën e duhur dhe me
efektivitetin e duhur nga ana e stacioneve zjarrfikëse. Përqendrimi i forcave dhe i
mjeteve, duke marrë edhe nga qytetet fqinje, si ka ndodhur dhe ndodh në çdo rast zjarri
masiv, jo vetëm që kërkon një kohë të gjatë që të bëhet e mundur, por në çdo rast cenon
gatishmërinë e shërbimit zjarrfikës në qytetin nga merret kjo ndihmë. Në vijim të këtij
vlerësimi të përgjithshëm që po japim, duhet theksuar se edhe automjetet zjarrfikëse që
kanë stacione të qyteteve të ndryshme në vendin tonë, janë mjaft të kufizuara jo vetëm në
numër, por ato në shumicën e tyre janë dhe paraqiten mjaft të amortizuara nga kondicioni
dhe parametrat. Në këtë mënyrë është mjaft e vështirë ndërhyrja serioze dhe efikase,
ndonëse nuk mungon gatishmëria.
Një hap në drejtimin e duhur janë marrëveshjet e ndihmës dhe të partneritetit që
stacione të ndryshme të zjarrfikësve po ndërtojnë me shërbimet homologe partnere në
vende të ndryshme, kryesisht të rajonit dhe ato europiane. Në kuadër të marrëveshjeve të
tilla po gjenerohen jo vetëm vizita reciproke apo trajnime të stafit të këtij grupi social, por
edhe rinovim i bazës materiale, automjeteve të ndryshme, si dhe mjaft mjeteve e pajisjeve
aq të domosdoshme në betejën ndaj zjarreve.
Vlerësojmë se në situatë emergjente, sidomos gjatë lindjes dhe përhapjes së
zjarreve masive në stinën e verës, ndërmarrja e veprimeve operacionale për shuarjen dhe
menaxhimin e zjarreve ka kërkuar edhe ndihmën e mjeteve të ndryshme nga vendet
partnere. Një gjë e tillë ndikohej jo vetëm nga përmasat e zjarreve, por edhe nga
pamundësia për të ndërhyrë me flotën tonë të pajisjeve dhe të mjeteve në dispozicion,
ndonëse personeli, efektivët e grupit social të zjarrfikësve ishin në gatishmëri të plotë.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 54
Kapitulli III
ROLI I GRUPEVE SOCIALE NË PARANDALIMIN
DHE MENAXHIMIN E ZJARREVE
Grupet sociale janë një nga elementet më të rëndësishme në kuadër të zhvillimit të
një hapësire të caktuar sociogjeografike. Kontributi i tyre paraqitet jashtëzakonisht i
vlerësueshëm në drejtim të ndryshimeve dhe transformimeve që pëson kjo hapësire e
caktuar. Një gjë e tillë ka bërë të mundur edhe përcaktimin e dinamizmit si karakteristikë
e tipar themelor, me të cilat shoqërohet aktiviteti i këtyre grupeve sociale etj. Larmia dhe
llojshmëria e grupeve sociale, e lidhur ngushtë me funksione respektove, paraqitet mjaft
sinjifikative në vetë evolucionin e kësaj hapësire sociogjeografike. Krahas ndikimit në të,
grupet sociale luajnë një rol mjaft të madh dhe aktiv edhe vetë brenda tyre nga njëra anë,
si dhe në ndërveprimin dhe raportet që realizojnë me grupe të tjera sociale aktive në
evolucionin dhe transformimin e hapësirës sociogjeografike. Një gjë e tillë është e
pranishme kudo në veprimtarinë dhe aktivitetin e tyre.
Rreziqet natyrore dhe humane, zjarret në veçanti, si pjesë e tyre, të ndërmarrë për
t’u analizuar e studiuar nga ana jonë në këtë punim shkencor, përfshijnë në aktivitetin e
lindjes, zhvillimit, menaxhimit apo parandalimit të tyre mjaft individë apo grupe sociale
të veçanta, në të cilat ata bëjnë pjesë. Ndikuar nga tiparet dhe karakteristikat që ato
shfaqin në aktivitetin e tyre, si dhe në kuadër të shpërndarjes gjeografike në botë dhe në
Shqipëri, synojmë të japim disa mendime, lidhur ngushtë me hulumtime të realizuara nga
ana jonë. Ndonëse në këtë rast dimensioni shkencor që u japim tipave të ndryshme të
grupeve sociale, aktive në parandalimin, lindjen, zhvillimin dhe menaxhimin e zjarreve,
përbën risi në kuadër të larmisë së trajtesave në këndvështrimin e optikës së gjeografisë
sociale.
Gjithashtu duhet të vlerësojmë edhe njohjen tonë jo shumë adekuate me trajtesa të
tilla të karakterit shkencor, e ndikuar nga optika e kurrikulës shkollore universitare e
realizuar nga ana ime në SHBA. Por eksperienca dhe njohja e mirë e aktivitetit të këtyre
grupeve sociale, ka bërë të mundur arritjen e objektivit shkencor në realizimin e
evidentimit të disa tipareve dhe karakteristikave të tyre në veprimtarinë që ato luajnë në
një hapësirë të caktuar sociogjeografike. Në mënyrë të detajuar më poshtë po paraqesim
trajtesat, të cilat lidhen me grupet sociale dhe menaxhimin e zjarreve në vendin tonë,
institucionet dhe grupet sociale të shërbimit zjarrfikës, së bashku me tiparet e tyre, grupet
sociale dhe kultura për mbrojtjen nga zjarri, rolin e grupeve sociale në prodhimin e
mjeteve për parandalimin dhe menaxhimin e zjarreve.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 55
3. 1. Grupet sociale dhe menaxhimi i zjarreve në Shqipëri
Zjarrfikësit, punonjësit dhe individët që merren me parandalimin, shuarjen dhe
menaxhimin e zjarreve, përfaqësojnë një nga grupet sociale me interesante për t’u
hulumtuar, studiuar dhe analizuar nga këndvështrimi shkencor. Autorë dhe studiues të
ndryshëm kanë tentuar analizën multidimensionale të një grupi të tillë social, lidhur
ngushtë me disiplinën përkatëse shkencore. Një gjë e tillë është trajtuar në mjaft raste jo
vetëm nga shkencat për mbrojtjen nga zjarret, por edhe nga ekonomistët, ambientalistët,
gjeologët e gjeodetët, shkencat sociale etj. Në këtë aspekt paraqitet mjaft evidente,
sidomos risia e studimeve gjeografike, në këndvështrimin e gjeografisë sociale, duke e
parë një grup të tillë social në kuadrin jo vetëm të shpërndarjes gjeografike, por edhe të
rolit dhe kontributit që luan në tërësinë e një hapësire të caktuar sociogjeografike dhe
evolucionin e saj.
Ky grup social përfaqëson njëkohësisht edhe hallkën më të rëndësishme dhe të
spikatur në kuadër të tërësisë së luftës që zhvillohet për ndërhyrjen dhe menaxhimin e
situatave të krijuara nga zjarret kudo në botë. Këto grupe sociale të larmishme, në kuadër
të strukturës profesionale, janë një shërbim urgjence i gatishmërisë së përhershme, që në
një nevojë të ngutshme dhe imediate, siç janë situatat e zjarreve, kanë për mision dhënien
e ndihmës së shpejtë për të shpëtuar jetën e njerëzve dhe pronën nga rreziku i zjarrit, si
dhe për të realizuar shuarjen e tyre, shpejt dhe me sa më pak dëme.
Në tërësinë e tyre grupi social i zjarrfikësve, si dhe i mjaft punonjësve të tjerë të
angazhuar me kontributin e tyre në parandalimin, shuarjen dhe menaxhimin e zjarreve,
paraqiten me tipare dhe veçori mjaft interesante. Në mënyrë të veçantë spikasin larmia
profesionale (lidhur ngushtë me lloje të ndryshme sektoriale që përfshin një aktivitet i
tillë), dinamizmi i tyre (ndikuar nga shkalla e lartë e ritmit dhe detyrave që duhen kryer në
situata të caktuara), dhe cilësitë individuale në kryerjen dhe realizimin e funksioneve të
tyre sociale në kuadër të rolit dhe aktiviteteve të përcaktuara që ato realizojnë.
Grupi social i zjarrfikësve dhe strukturave të tjera përbërëse, pjesëmarrëse në
situatat e lidhura me menaxhimin e zjarreve, kanë në strategjinë e tyre realizimin dhe
plotësimin e disa rregullave dhe standardeve. Aktivitetet dhe ndërhyrjet që ato realizojnë
në situatat e ndryshme që lidhen me parandalimin e zjarreve apo shuarjen dhe
menaxhimin e tyre në momente të ndodhjes së këtyre rreziqeve natyrore e humane
paraqiten mjaft të larmishme, tërësisht të ndryshme dhe me shkallë vështirësie nga
elementaret deri ndër më të ndërlikuarat. Një gjë e tillë u paraqit evidente në kapitullin e
mësipërm, kur analizuam menaxhimin e zjarreve dhe vendet sociale, në të cilat u shpreh
qartë dinamika dhe ndryshimet në raste të ndryshme të situatave të zjarreve në vendet
sociale të banimit, prodhimit, shkëmbimit, argëtimit nga njëra anë dhe hapësirës
gjeografike nga ana tjetër. Prandaj duhet nënvizuar fakti i cilësisë individuale që duhet të
këtë individi, pjesë e grupit social të zjarrfikësve dhe punonjësve të tjerë që marrin pjesë
në këtë sektor të vështirë.
Suksesi dhe realizimi i detyrave të përcaktuara është i ndikuar dukshëm edhe nga
karakteristikat që shfaqin zjarret në kuadër të hapësirave të ndryshme sociogjeografike.
Veprimet operacionale që kryejnë zjarrfikësit janë nga më të thjeshtat e deri te ato më të
ndërlikuarat. Kjo ka të bëjë kryesisht me përmasat e zjarrit, format dhe tiparet e tij, të cilat
janë elemente që përcaktojnë llojin e zjarrit dhe njëkohësisht ndikojnë në ndërtimin dhe
përpunimin e veprimeve operacionale dhe strategjisë së ndërhyrjes për ta menaxhuar atë.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 56
Në mënyrë të veçantë është e rëndësishme që në kuadër të rënies së zjarrit në një hapësirë
të caktuar sociogjeografike, grupet sociale të zjarrfikësve dhe strukturat drejtues duhet të
identifikojnë, nëse kemi të bëjmë me shfaqje zjarri të karakterit normal apo kemi
prezencën e një zjarri masiv. Një gjë e tillë paraqitet mjaft me rëndësi sepse sa më i madh
dhe me zhvillim intensiv të jetë zjarri në një hapësirë të caktuar sociogjeografike, aq me
të ndërlikuara janë ndërmarrja e veprimeve operacionale për ta menaxhuar një situatë të
tillë.
Në mënyrë konkrete personalisht jam ndodhur në situata nga më të ndryshmet
lidhur me këto forma dhe përmasa të rënies dhe zhvillimit të zjarreve, ndaj të cilave
identifikimi i tipareve të tyre, formave dhe evolucionit të shfaqjes ,na kanë diktuar
ndërmarrjen e veprimeve operacionale nga më të larmishmet, për të arritur suksesin e
duhur dhe e kundërta. Në raste të pranisë së identifikuar se zjarri paraqitet normal nga ana
jonë, si grup social i zjarrfikësve dhe punonjësve pjesëmarrës për shuarjen dhe
menaxhimin e zjarrit, mënyrat e veprimeve operacionale dhe ndërtimi i strategjive
ndërhyrëse për të bërë të mundur shuarjen dhe menaxhimin e këtij tipi zjarri bëhej nga
njësitë zjarrfikëse të zonës apo stacionit lokal ku shfaqej zjarri.
Kam mendimin tim modest, njëkohësisht nisur edhe nga eksperienca ime
personale në raste konkrete të tilla, se menaxhimi i këtyre zjarreve, përballja me situata të
tilla nuk kishte vështirësi dhe ndërlikime, përkundrazi realizohej me veprime normale,
elementare dhe të thjeshta nga pikëpamja e veprimeve operacionale. Gjithashtu në kuadër
të pranisë së situatave të tilla gjithçka realizohej nga njësia lokale e stacioneve zjarrfikës,
me punonjësit saj, pjesë e këtij grupi social që po analizojmë. Situata të tilla nuk
paraqitnin para nesh ndërmarrjen e nevojave për të kërkuar impenjimin e strukturave të
tjera apo për të kërkuar ndihmë nga forca të tjera dhe mjete shtesë.
Shprehim mendimin dhe e kemi konstatuar se në raste të zjarreve masive situatat
paraqiten mjaft të ndërlikuara në kuadër të menaxhimit dhe përballjes së tyre nga grupi
social i zjarrfikësve. Në mënyrë të veçantë prania e këtyre zjarreve në hapësirën
gjeografike, në vendet sociale të banimit e sidomos të prodhimit (në fabrika e uzina të
mëdha) krijon problematika dhe vështirësi serioze në përballimin dhe menaxhimin e tyre,
prandaj edhe veprimet operacionale që duhet të ndërmerren janë krejtësisht të ndryshme
dhe tërësisht më të detajuara. Ndryshe ndodh me zjarret masive. Përballimi i zjarreve në
këto raste detyrimisht ka kërkuar dhe kërkon në vazhdimësi ndërmarrjen e veprimeve
operacionale të ndërlikuara, prandaj është e domosdoshme të bëhet përqendrimi i mjeteve
dhe i forcave, duke kërkuar e marrë ndihma nga stacione të tjera të qytetit dhe deri të
stacione të qyteteve fqinje.
Pa dyshim që në kuadër të rolit që luajnë grupet sociale të zjarrfikësve dhe
punonjësve të tjerë të shuarjes dhe menaxhimit të zjarreve me mjaft interes është paraqitja
dhe inkuadrimi i tyre në situata konkrete të ndodhjes dhe të zhvillimit të zjarreve dhe
elementeve përbërës të tyre. Në këto raste kemi shfaqjen e vërtetë të tipareve dhe të
karakteristikave specifike të këtij grupi social tepër të larmishëm e dinamik. Literatura e
mbrojtjes dhe menaxhimit të zjarreve në tërësinë e zhvillimit shkencor, metodik e praktik
të saj vlerëson së vetë menaxhimi i zjarreve në përgjithësi përfshin në përbërjen e tij dy
nocione dhe veprime themelore: nga njëra anë parandalimin e rënies së zjarreve, dhe nga
ana tjetër shuarjen e këtyre zjarreve kur ato ndodhin në kuadër të një hapësire të caktuar
sociogjeografike. Duke analizuar këto dy nocione apo veprime bazë themelore, që lidhen
ngushtë me vetë funksionin social të grupit social të zjarrfikësve, pra aktivitetin që
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 57
ushtrohet nga ato vetë, studiuesit e ndryshëm vlerësojnë se rolin më të rëndësishëm në
këtë menaxhim të zjarreve e ushtron parandalimi i tyre.
Tashmë paraqitet si aksiomë e provuar konkluzioni se është tërësisht më e lehtë
dhe elementare pozitive për njerëzit, popullsinë, grupet sociale, hapësirën
sociogjeografike parandalimi i zjarrit, sesa shuarja e tij kur një ngjarje apo rrezik natyror e
human si zjarri, ka ndodhur. Njëkohësisht duhet të theksojmë se zjarri mund të
parandalohet dhe duhet shuar aty ku ai mund të ndodhë, në vendet sociale të banimit,
prodhimit, shkëmbimit, argëtimit, pushtetit, hapësirën gjeografike, pra pikërisht aty ku
mund të shfaqet, atje ku ndodh në mënyrë normale apo masive. Për këto arsye, që të
arrihet një menaxhim i mirë i zjarreve, kërkesat, standardet dhe normat e zbatuara nga ana
e grupit social të zjarrfikësve duhet të jenë strikte, rigoroze, të shpejta dhe efikase. Në
këtë drejtim, impenjimi i këtij grupi social shumë specifik dhe i rëndësishëm duhet të jetë
maksimal.
Studimet dhe hulumtimet e ndryshme të realizuara nga autorë të spikatur të
shkencave të mbrojtjes nga zjarri, si dhe mjaft hulumtues divulgativ korrektë dhe
ambiciozë në drejtim të njohjes së detajuar të kontributit të grupeve sociale të tilla, siç
janë zjarrfikësit, vlerësojnë se ky grup social po paraqitet gjithnjë e më aktiv dhe rigoroz
në drejtim të zbatimit të kërkesave dhe standardeve për parandalimin e zjarreve dhe
menaxhimin e tyre. Tendenca e ushtrimit të funksionit social të pushtetit nga ana e tyre ka
orientuar vendosjen gjithnjë e më të strukturuar dhe detyruese ndaj të tjerëve, që të
merren masat e nevojshme për të zbatuar rregulla të qarta e strikte në këtë drejtim. Një gjë
e tillë tashmë konfirmohet nga prania e një numri të gjerë, botimesh, trajnimesh,
rregulloresh dhe elementesh legjislativo-juridike, me të cilat është sanksionuar
veprimtaria e grupit social të zjarrfikësve dhe masat që duhen zbatuar nga ato vetë në
kuadër të menaxhimit të zjarreve, si dhe palëve të tjera në kuadrin parandalues të zjarreve.
Shembujt janë të shumtë në këtë drejtim. Në kuadër të analizës referuar vendeve
sociale dhe menaxhimit të tyre në kuadër të lindjes dhe zhvillimit të zjarreve, ne kemi
paraqitur disa elemente sporadike. Gjithsesi, më poshtë po mundohemi të evidentojmë
disa nga etapat apo fazat që kërkohen nga strukturat e funksioneve sociale të grupit social
të zjarrfikësve që të aplikohen në raste të vendeve sociale të banimit, prodhimit,
shkëmbimit dhe argëtimit. Në këtë rast kemi marrë në analizë normat dhe standardet që
duhet të plotësojë grupi social i investitorëve në kuadër të realizimit të një vendi të
caktuar social, në një hapësire të veçantë sociogjeografike.
Në mënyrë konkrete grupi social i investitorëve, që të bënte të mundur që në të
ardhmen të parandalonte rënien e zjarrit në vendin social që duhet të ndërtojë, ose ta
shuajë dhe menaxhojë atë, duhet të ishte i pajisur me: kërkesat normative të mbrojtjes nga
zjarri dhe shpëtimit me anë të një projekti dhe raporti teknik të veçantë, me zbatimin e
këtyre kërkesave duke bërë kompletimin e ambienteve të ndërtesës me mjete e pajisje për
diktimin dhe sinjalizimin e zjarreve, me pajisje dhe impiante shuarëse, me sisteme
treguese për braktisjen e detyruar të ndërtesës në rast zjarri etj., të realizojë instruktimin
dhe trajnimin e punonjësve për mbrojtjen nga zjarri, të hartojë rregullore të brendshme
për mbrojtjen nga zjarri, të hartojë një plan urgjence mbi masat, mënyrën dhe radhën e
veprimit në kushte zjarri; të përgatisë, paraqesë dhe kompletojë skemën e evakuimit të
punonjësve apo banorëve gjatë braktisjes së detyruar të ndërtesës në kushte të një zjarri të
ndodhur, të marrë aktin teknik (lejen e fillimit të veprimtarisë) te policia zjarrfikëse, të
realizojë kontrollin periodik dhe të vazhdueshëm të zbatimit të rregullave të brendshme,
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 58
të gatishmërisë së mjeteve dhe pajisjeve për diktim sinjalizimin dhe shuarjen e zjarreve që
ka vendi social i caktuar; të realizojë organizimin e punonjësve në skuadrat kundër zjarrit
dhe të realizojë stërvitjen e programuar të tyre për të vepruar në kushte të një zjarri etj.
Ndërmarrja e elementeve të tilla, normave ligjore dhe akteve juridike të
sipërcituara, bën të mundur dhe ndikon në arritjen e suksesit në parandalimin e zjarreve
apo shuarjen dhe menaxhimin e rreziqeve që mund të shkaktohen nga zjarret në një vend
social të veçantë që ndërtohet nga ana e investitorëve. Në të njëjtën kohë ndikon qartazi
edhe në rritjen e bashkëpunimit dhe bashkëveprimit me grupet sociale të zjarrfikësve,
duke garantuar në këtë mënyrë mospasjen e situatave problematike që mund të lindin e
zhvillohen nga zjarret.
Studiuesit dhe hulumtuesit e ndryshëm, lidhur ngushtë me literaturën e shfletuar,
si dhe nisur nga eksperienca personale, vlerësohet se aplikimi i masave të mësipërme
tenton të orientojë drejt zbatimit rigoroz e korrekt të masave kundër zjarreve, me qëllim
që mundësia e rënies së zjarrit është pothuajse zero në këto vende sociale të larmishme.
Nëse ndodh zjarr, ai do diktohet shpejt, do lokalizohet dhe sinjalizohet në kohë, do të
ndërhyhet shpejt dhe do të ketë efektivitet në veprimet operacionale që do të kryhen.
Njëkohësisht aplikimi i masave dhe standardeve të tilla nuk lë në hije grupin social të
zjarrfikësve. Përkundrazi, roli dhe kontributi i këtij grupi social është evident si në kuadër
të trajnimit dhe stërvitjes së punonjësve, pjesë përbërëse e strukturave të investitorit, ashtu
edhe në realizimin e veprimeve operacionale në rastin e ndërhyrjes kur ndodhin apo
shfaqen zjarret në këto vende sociale.
Grupi social i zjarrfikësve është gjithmonë i gatshëm në ndërhyrjen në kuadër të
situatave të caktuara të shfaqjes së zjarreve në këto vende sociale, pasi kur zjarri nuk
mund të përballohet nga vetë punonjësit e objektit, kërkohet ndërhyrja e stacioneve
zjarrfikëse. Në raste të tilla veprimet operacionale të mëtejshme janë kompetencë e grupit
social të shërbimit zjarrfikës, ku punonjësit, mjetet dhe pajisjet që ka objekti vihen në
dispozicion të forcave zjarrfikëse, punonjësit e objektit kryejnë vetëm detyrat që u jepen
nga drejtuesi i shuarjes së zjarrit. Njëkohësisht, pas shuarjes së zjarrit dhe normalizimit të
situatës, drejtuesit e objektit bëjnë bilancin, analizojnë shkaqet e ndodhjes së zjarrit dhe
përcaktojnë përgjegjësitë dhe masat e nevojshme që kjo situatë të mos përsëritet në të
ardhmen.
Grupi social i zjarrfikësve, me anë të tipareve dhe veçorive që e karakterizojnë në
kuadër të aktivitetit që realizon në situata të caktuara, duhet të marrë në konsideratë disa
standarde apo norma të përcaktuara. Nëpërmjet zbatimit të tyre, ky grup social bën të
mundur realizimin me sukses të një menaxhimi efikas dhe rezultativ të situatave të
mbrojtjes nga zjarri, në kuadër të një hapësire të caktuar sociogjeografike.
Së pari, duhet të jetë plotësisht e qartë situata e zjarrit në kuadër të hapësirës
sociogjeografike, duhet përcaktuar për çfarë bëhet fjalë konkretisht, tipi apo forma e
zjarrit, çfarë digjet, çfarë rrezikohet të ndodhë si rezultat i zjarrit, si zhvillohet zjarri,
drejtimet e mundshme të përhapjes së tij etj. Një analizë e tillë na bën të mundur në
aspektin konkret që të realizojmë një njohje të shpejtë mbi ngjarjen e shfaqur, e cila na
orienton për të ndërmarrë më pas veprime të nevojshme në zbatim të normave dhe
standardeve të kërkuara për mbrojtjen nga zjarri.
Së dyti, bazuar në këtë situatë të rënies dhe të zhvillimeve bashkëshoqëruese të
zjarrit dhe pasojave që mund të sjellë në këtë hapësirë të caktuar sociogjeografike,
përcaktohet baza materiale e nevojshme për ndërhyrje. Në këtë drejtim duhet të bëhet
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 59
llogaritja e nevojave që duhen në automjete, pajisje, lëndë shuarëse, forca zjarrfikëse, por
edhe e ndihmave shtesë që duhen për plotësimin e këtyre nevojave. Ndërmarrja e masave
dhe e parashikimeve të tilla e bën grupin social të zjarrfikësve në veçanti, së bashku me
grupe të tjera sociale pjesëmarrëse, më efikase në realizimin e ndërhyrjes dhe të
menaxhimit të situatës së zjarreve.
Së treti, duhet të merren në konsideratë dhe të shfrytëzohen me efektivitet dhe
plotësisht mjetet dhe pajisjet që ka vetë objekti apo vendi social përkatës, ku ka rënë
zjarri. Me përparësi është të evidentohet dhe të shfrytëzohet burimi më i afërt apo
mundësia më e mirë e furnizimit me ujë. Në çdo rast duhet të garantohet furnizimi i
pandërprerë me ujë, në sasinë dhe me presionin e duhur. Një gjë e tillë, Njëkohësisht
tregon sesa me rëndësi paraqiten respektimi dhe zbatimi korrekt dhe rigoroz nga ana e të
gjithë atyre institucioneve apo pronarëve të vendeve të ndryshme të banimit, prodhimit,
shkëmbimit, argëtimit etj., masat dhe legjislacioni përkatës në fushën e zjarreve.
Së katërti, duhet të bëhet një shpërndarje racionale e forcave dhe e mjeteve në
terren dhe çdo gjë duhet të jetë në vendin e kërkuar, jo vetëm mjetet dhe forcat që janë në
dispozicion, por edhe ato që pritet të instalohen në vendet ku ka rënë zjarri. Kërkohet
kështu një menaxhim profesional i situatës, për një arritje sa më të shpejtë të zgjidhjes së
detyrave të vendosura.
Marrja në konsideratë e këtyre normave dhe standardeve të paraqitura më sipër,
realizimi dhe vënia në efikasitet në kohën e duhur e këtyre elementeve dhe arritja në
terrenin praktik e synimeve të paracaktuara, ndiejnë domosdoshmërinë dhe nevojën e rolit
dhe kontributit serioz e të kualifikuar të funksionit social të pushtetit, grupi social që
identifikohet si drejtuesit e shërbimit të forcave zjarrfikëse. Drejtuesit kryesorë që
ndërmarrin dhe udhëheqin veprimet operacionale duhet të jenë jo vetëm një grup social i
mirëpërgatitur, trajnuar, por ato duhet të shprehin autoritetin e tyre nëpërmjet ushtrimit të
një komande unike, një drejtim të vetëm. Nuk është bërë rregull i detyrueshëm dhe
kurdoherë i zbatuar, që në zjarr të komandojë vetëm një njeri. Dhe ky njeri, në çdo rast
duhet të jetë një zjarrfikës i mirëfilltë. Dikur ka pasur një urdhër të ministrit të Brendshëm
që theksonte se “në zjarr komandon gjithmonë drejtuesi i shuarjes së zjarrit (DSHZ–ja)”.
Vetëm në kushtet kur për një zjarr intensiv dhe me përmasa të mëdha apo në një rast
fatkeqësie natyrore etj., për të cilat merret vendim dhe shpallet gjendja e
jashtëzakonshme, vetëm në këto raste krijohet strukturë e posaçme apo shtab drejtimi dhe
zjarrfikësit bëhen pjesë e strukturave operacionale që angazhohen për përballimin e
situatës, ndërsa drejtuesi i këtij shërbimi bëhet pjesë e shtabit drejtues.
Ndërmarrja e një studimi të tillë që po paraqesim, lidhur ngushtë me menaxhimin
e rreziqeve të shkaktuara nga zjarret, rasti i Shqipërisë, ka ndikuar që nga ana jonë të
analizojmë mjaft prej zjarreve dhe situatave menaxhuese të tyre, të ndodhura në vendin
tonë gjatë tri–katër dekadave të fundit. Në kuadër të një vështrimi përshkrimor të
përgjithshëm sipërfaqësor analitik jo të detajuar që kemi realizuar për disa nga këto zjarre,
vërejmë se krahas tendencave pozitive të shfaqura në menaxhimin e tyre, kemi edhe
praninë e mangësive dhe mungesës së veprimeve efikase nga ana e grupeve të ndryshme
sociale që marrin pjesë në luftën për mbrojtjen nga zjarri. Ndikuar nga ky këndvështrim,
shprehim mendimin tonë se është rasti të theksojmë faktin e evidentimit të jo pak rasteve
të ndodhura, të cilat tregojnë qartazi se në veprimet operacionale që kryhen për të
përballuar një situatë zjarri masiv, ka munguar një komandë unike, një drejtim profesional
dhe një grup social pushteti (drejtues) organizator kompetent në situata të ndryshme
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 60
menaxhimi zjarri në hapësira të veçanta sociogjeografike. Për rrjedhojë, ndodh që
konstatohet pasiguri, vetëveprim i pakoordinuar dhe një farë anarkie. Në të tilla raste ka
disa drejtues, që vënë detyra dhe komandojnë vetëm strukturat apo njerëzit e tyre. Janë
këto arsyet që jo në pak raste menaxhimi i situatave të zjarreve masive nuk ka qenë sa
duhet i suksesshëm.
Tipari karakteristik i grupeve sociale në këndvështrim të studimit të gjeografisë
sociale është bashkëveprimi ndërmjet pjesëtarëve të tij nga njëra anë dhe me grupet e tjera
sociale në anën tjetër. Lidhur ngushtë me një karakteristikë të tillë, grupet sociale
pjesëmarrëse në situata të ndryshme të menaxhimit të zjarreve në hapësira të ndryshme
sociogjeografike shfaqin defekte në rolet e tyre bashkëvepruese dhe bashkëpunuese.
Studiuesit e shkencave të mbrojtjes nga zjarri, vlerësojnë se jo çdo zjarrfikës mund të
organizojë forcat dhe të drejtojë veprimet operacionale në zgjidhjen e një situate të një
zjarri masiv. Organizimi dhe drejtimi i forcave dhe i mjeteve zjarrfikëse (grupi social i
pushtetit dhe funksioni social respektiv) në të tilla situata e raste zjarresh kërkon
informacione dhe njohuri të veçanta e të thelluara profesionale, intuitë, reflekse dhe aftësi
për veprime praktike etj. Gjithashtu një rol të rëndësishëm bart dhe eksperienca
profesionale dhe përballja me situatën në momente të ndryshme, të cilat kërkojnë edhe një
përvojë të gjatë punë. Në çdo zjarr me përmasa të mëdha dhe me zhvillim intensiv,
pavarësisht nga veçoritë që ka njëri rast nga tjetri, objektivat dhe detyrat kryesore për një
menaxhim të mirë të situatës, janë të standardizuara nga pikëpamja e veprimeve
operacionale që duhet të ndërmerren.
Menaxhimi i situatave të tilla merr në konsideratë kalimin nga një fazë në tjetrën,
me qëllim arritjen e objektivave të përcaktuara dhe menaxhimin me sukses të situatave të
shkaktuara nga zjarret. Ndikuar nga kjo po japim edhe fazat nëpër të cilat kalon një
menaxhim i tillë efikas e i suksesshëm që i atribuohet rolit dhe kontributit të larmishëm të
grupeve sociale të ndryshme pjesëmarrëse.
Faza e parë e menaxhimit të situatës është e lidhur me organizimin dhe drejtimin e
forcave dhe mjeteve zjarrfikëse që janë në dispozicion në atë moment. Me këto forca e
mjete duhet të arrihen dy objektiva tepër të rëndësishme:
a. dhënia e ndihmës së parë njerëzve të dëmtuar nga zjarri dhe shpëtim-evakuimi
i atyre që ndodhen të bllokuar dhe kanë rrezik për jetën;
b. vënia nën kontroll e zjarrit, duke synuar frenimin e përhapjes më shumë të tij.
Në krye të gjithë veprimeve, drejtuesi operacional duhet të zgjidhë katër detyrat e
përmendura më sipër. Zbulimin e vatrës së zhvillimit të zjarrit, të lëndëve e të materialeve
që digjen dhe të drejtimit apo drejtimeve nga mund të përhapet zjarri, drejtuesi zjarrfikës
që menaxhon situatën i kryen vetë. Ndërkohë ai cakton një person, i cili paralelisht me
veprimet e drejtuesit, realizon verifikimin e zonës së lokalizuar përreth, për të evidentuar
dhe gjetur burime të furnizimit me ujë të automjeteve zjarrfikëse. Drejtuesi që menaxhon
situatën e zjarrit, pavarësisht nga mjetet e komunikimit që ka në përdorim, në çdo rast
cakton pranë vetes një zjarrfikës, i cili përdoret prej tij si ndërlidhës për transmetimin
gojor në terren të urdhrave për veprim, si dhe verifikon në mënyrë të drejtpërdrejtë
zbatimin e këtyre urdhrave apo monitoron gjendjen konkrete të situatës në sektorë të
veçantë.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 61
Faza e dytë e menaxhimit të situatës bart në vetvete një rëndësi të madhe, sepse
është faza e veprimeve dhe ndërhyrjeve që realizohen nga grupe të ndryshme sociale për
shuarjen e zjarrit. Ndërsa gjatë fazës së parë që përmendëm më sipër është grumbulluar
mjaftueshëm informacion i detajuar për zjarrin që ka ndodhur në një hapësirë të caktuar
sociogjeografike, gjë që ka bërë që situata të njihet më mirë si nga drejtuesit (pjesë e
grupit social të drejtuesve), ashtu edhe nga grupe të tjera sociale pjesëmarrëse në veprimet
operacionale përcaktohen drejtimet dhe pozicionet nga ku do ndërhyhet dhe do goditet
zjarri. Prandaj në fazën e dytë, forcat dhe mjetet që orientohen për t’u drejtuar në vendin e
ngjarjes me zjarr vihen në dispozicion të drejtuesit që menaxhon situatën. Është ky dhe
vetëm ky që ju cakton vendin e pozicionimit dhe veprimet që do kryejnë.
Nëse rezulton që në hapësirën sociogjeografike ku ka rënë zjarri nuk ka njerëz të
dëmtuar apo që nuk del e nevojshme të kryhen operacione shpëtim evakuimi, atëherë në
fazën e parë të menaxhimit të situatës mbetet vetëm një objektiv, mbajtja e zjarrit nën
kontroll. Në raste të tilla, kur zbulohet se në objekt apo në afërsi të tij ka burime furnizimi
me ujë, si depozita, kanale etj. menaxhimi i situatës kalon plotësisht në veprimet
operacionale për shuarjen e zjarrit. Për këtë mjafton që të organizohet puna për furnizimin
pa ndërprerje me ujë të automjeteve zjarrfikëse të pozicionuara para objektit ku ka rënë
zjarri.
Nisur nga eksperienca e përballjes me situata të tilla gjatë jetës aktive profesionale
në këtë profesion të nderuar mund të evidentoj faktin se një çështje mjaft serioze në
situata të tilla është ajo e furnizimit me ujë. Dua ta theksoj se në mjaft raste nuk zgjidhet
mirë në kuadër të lokacionit gjeografik ku kemi praninë e ndodhjes së zjarreve. Nuk
insistohet që të kërkohen dhe shfrytëzohen burime furnizimi në zonat afër hapësirës
sociogjeografike ku ka rënë zjarri. Prandaj është bërë praktikë e përsëritur që kur ndodhin
zjarre, si në zonën urbane të qytetit, ashtu edhe në zonën në periferi të tij, automjetet
zjarrfikëse kthehen në stacionin zjarrfikës për t’u furnizuar me ujë. Kjo praktikë humbet
kohë dhe e ndërpret luftimin e zjarrit. Po kështu, pak mendohet dhe veprohet për të
“kursyer ujë”, sidomos në fazën e parë të menaxhimit të situatës. Ndodh shpesh që hedhja
e ujit mbi zjarr bëhet pa e vlerësuar efektin dhe pa menduar për perspektiven e afërt.
Harrohet që në këtë faze e Rëndësishme është që zjarri të mbahet në n kontroll. Ndodh që
nuk shfrytëzohen plotësisht parametrat e punës që afron automjeti zjarrfikës.
Pompa me të cilat janë pajisur automjetet zjarrfikëse është një agregat tepër i
fuqishëm. Ajo bën thithje uji deri në 8 m thellësi nga depozita, puse, kanale, liqene,
lumenj etj. Njëkohësisht motopompa është e aftë të japë 20 litra në sekondë ujë dhe më
shumë dhe ajo arrin një presion deri në 15 atmosferë Makina zjarrfikëse i ka të gjitha
pajisjet dhe elementë të duhur, si: tubat, degëzuesit, çelësat etj., për t’i kryer këto
operacione pune. Me këto parametra pune, mjafton të gjendet burimi i furnizimit me ujë
dhe nga një makinë zjarrfikëse shtrihen 4–6 linja me tuba DN50, me deri 200 litra në
minutë ujë për linjë dhe e ngre ujin deri në 150 m lartësi. Prandaj vetëm me 2 automjete të
tilla, nëse ato shfrytëzohen me efektivitet dhe pozicionohen mirë, mund të përballohet me
sukses dhe të zgjidhet drejt situata në një zjarr masiv.
Lidhur ngushtë me bashkëpunimin dhe bashkëveprimin ndërmjet grupeve të
larmishme sociale që marrin pjesë në situatat e parandalimit dhe menaxhimit të zjarreve,
po japim një shembull konkret. Gjatë furnizimit të një depozite me kapacitet mbajtës
3000 litra që ishte lokalizuar në ambient të hapur dhe përdorej si lëndë djegëse në një
vend social argëtimi, në rastin konkret në një restorant, ndodhi që gjatë kalimit të gazit
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 62
nga autoboti për në depozitë, saraçineska e daljes së gazit nga autoboti të pësojë defekt,
duke mbetur në pozicionin e hapur. Në këto kushte, gazi shkarkohej në ambient në sasi të
konsiderueshme. Ishte e qartë së kjo situatë do vazhdonte derisa rezervuari i autobotit të
boshatisej plotësisht. Situata paraqitej tepër kritike. Në ambientet e vendit social të
argëtimit, që në rastin konkret ishte restoranti ndodheshin mjaft persona, ishte nën
emërtimin shkencor “grupi social i klientëve”. Zona e afërt me autobotin e gazit ishte e
populluar dhe me ndërtesa të ndryshme, vende sociale banimi, shkëmbimi, prodhimi etj.
Në rrugën e vetme kishte lëvizje nga këmbësorët dhe automjetet.
Nga ana tjetër, gazi ishte për përdorim komunal, përzierje butan–propan. Dihet se
të dyja këto gaze kanë peshë më të vogël se ajri. Në këto kushte, duke dalë në ambient të
hapur, ato dekantohen mbi sipërfaqen e tokës, duke rrjedhur e mbushur të gjitha
kanalizimet dhe gropat e ndryshme që kishte zona, por veçanërisht duke u grumbulluar në
kuotat me të ulëta të tyre. Rreziku për jetën e njerëzve ishte imediat në tri drejtime: nga
asfiksia apo helmimi, nga një zjarr i shpejtë dhe nga mundësia e eksplozionit të përzierjes
së avujve të gazit me ajrin. Pra, situata ishte emergjente dhe duhej menaxhuar me kujdes.
Të ndodhur përpara kësaj situate të veçantë emergjente, në vendin e ngjarjes u dërguan dy
automjete zjarrfikëse dhe disa kuadro specialistë të parandalimit. U kërkua njëkohësisht
edhe ndihma e strukturave të policisë. Pra, përfshirja e mjaft grupeve sociale që në këtë
rast bashkëvepronin dhe bashkëpunonin për të arritur një menaxhim të suksesshëm të
situatës së krijuar.
Masat konkrete që u zbatuan për zgjidhjen e situatës ishin:
a. U përcaktuan zonat e rrezikut dhe veçanërisht zona me rrezik të shtuar.
b. Autoboti u vu nën kontrollin e një makine zjarrfikëse me efektiv të gatshëm.
c. U bë lajmërimi dhe evakuimi i njerëzve që ndodheshin brenda zonës së
rrezikut. Ky evakuim filloi nga restoranti.
d. Në të gjitha banesat dhe ambientet e punës që ndodheshin brenda zonës së
rrezikut iu kërkua fikja e sobave, e furnelave dhe mjeteve të tjera që prodhojnë
nxehtësi dhe shkëndija. Kjo gjë u kontrollua edhe në vend.
e. U ndalua qarkullimi i njerëzve dhe i mjeteve për në drejtim të zonës së
rrezikut.
f. U rrit kujdesi dhe kontrolli në përdorimin e mjeteve ndezëse si shkrepëse apo
çakmak, si dhe u ndalua pirja e duhanit brenda perimetrit të ruajtur nga forcat
e rendit.
Këto masa u mbajtën të ngritura derisa autoboti u shkarkua plotësisht dhe ato u
ndërprenë vetëm pasi u sigurua se zona nuk kishte më mbetje gazi. Në zbatimin e këtyre
masave, që rezultuan të suksesshme, u bashkëpunua ngushtësisht me forcat e rendit, të
cilat ndihmuan jo vetëm në sigurimin e zonës, por edhe në evakuimin e njerëzve prej saj.
Një situatë e tillë e ngjashme ndodhi edhe para ca kohësh në një stacion karburanti në
zonën e kinostudios. Me përvojën e fituar, edhe kjo situatë u menaxhua mirë dhe u zgjidh
me sukses.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 63
3.2. Institucionet dhe grupet sociale të shërbimit zjarrfikës, tiparet e tyre
Krahas rolit dhe kontributit që jep në kuadër të menaxhimit të rreziqeve të
shkaktuara nga zjarret grupi social i zjarrfikësve, një rëndësi të konsiderueshme paraqet
edhe funksioni social i pushtetit, i cili lidhet ngushtë me institucionet drejtuese të tyre.
Funksioni social i pushtetit ushtrohet nga grupi social i drejtuesve të këtij sektori të
rëndësishëm në situatë të parandalimit, ndodhjes, shuarjes dhe menaxhimit të zjarreve. Ky
funksion pushteti dhe funksionet sociale të vetë grupeve sociale të zjarrfikësve dhe
grupeve të tjera sociale pjesëmarrëse në situatat e mbrojtjes nga zjarret, janë të vendosura
në një hapësirë të caktuar sociogjeografike. Është mjaft e rëndësishme që këto vende
sociale pushteti, siç njihen në literaturën e gjeografisë sociale, të jenë në funksion të
shërbimeve të mbrojtjes nga zjarret. Për të kuptuar dhe vlerësuar realisht se si janë
menaxhuar dhe menaxhohen rreziqet nga zjarret në Shqipëri, mendojmë se është e
domosdoshme që paraprakisht të jepet një panoramë e përmbledhur e ecurisë së shërbimit
zjarrfikës, e strukturës dhe e detyrave që ai kryen në kuadër të dispozitave ligjore.
Gjatë tërësisë së zhvillimeve që ka pasur ky shërbim janë evidentuar tipare dhe
veçori të ndryshme, të cilat kanë ndikuar dukshëm edhe në krijimin e dimensioneve
përshtatur periudhave të ndryshme kohore. Referuar dokumenteve të shfletuara nga ana
jonë, evidentojmë faktin e fillesave të këtij shërbimi në vitin 2013. Ashtu si çdo fushë
tjetër e veprimtarisë në vendin tonë, sidomos fusha e mbrojtjes dhe e rendit publik është
sinkronizuar me zhvillimet politike dhe partneritetet historike që ka pasur shteti shqiptar
në periudha të ndryshme të zhvillimit të tij. Bashkëpunimet intensive me jugosllavët deri
më 1948, sovjetikët deri më 1960 e më pas kinezët deri më 1978, janë evidentë dhe mjaft
të shprehura edhe në fushën e ushtrisë e të rendit publik, që për rrjedhojë janë shfaqur
edhe në zhvillimet që kanë bashkëshoqëruar sistemin e mbrojtjes nga zjarri, strukturat e
tij, grupet sociale përbërëse dhe funksionin social të pushtetit të këtij shërbimi në
përgjithësi.
Gjatë periudhës kohore deri në fillimin e viteve 1960 e në vazhdim, ky shërbim i
zjarrfikësve apo i mbrojtjes ndaj zjarrit në strukturën organizative të tij dhe në mënyrën e
funksionimit ka qenë kryesisht i strukturuar sipas traditës së shkollës lindore të mbrojtjes
nga zjarri. Ndër to spikasin parimet, format e metodat strukturore e doktrinare të shkollës
sovjetike, të cilat përçuan në tërësinë e zhvillimeve teorike e praktike të këtij shërbimi,
mënyrat dhe format e përgatitjes teknike, luftarake, ndërhyrëse menaxhuese në raste të
parandalimit dhe të menaxhimit të situatave të shkaktuara nga zjarret. Një përgatitje e tillë
u sinkronizua edhe me bazën materiale teknike, lidhur ngushtë me literaturën, botimet,
pajisjet, kuadrot stërvitës e drejtues etj. Shërbimi i mbrojtjes nga zjarri, stacionet e
zjarrfikësve në qytetet e ndryshme të Shqipërisë, në kuadër të varësisë strukturore ishin të
përfshira në sistemin e Ministrisë së Punëve të Brendshme. Njëkohësisht duhet të
theksojmë se edhe në shërbimin e forcave ushtarake kishte prani të strukturave të
mbrojtjes nga zjarri, që funksionon në kuadër të varësisë nga Shtabi i Përgjithshëm dhe
Ministria e Mbrojtjes.
Vendet sociale të shërbimit të mbrojtjes nga zjarri ose institucionet respektive, nën
emërtimin stacione të zjarrfikësve, paraqesin tipare dhe veçori karakteristike, lidhur
ngushtë me vendndodhjen e tyre, lokalizimin në hapësirën sociogjeografike, format e
tyre, grupet sociale që përfshihen në to, ndërtimin strukturor të tyre etj. Nisur nga këto,
gjatë periudhave të ndryshme ato kanë pësuar evolucion të vazhdueshëm në mjaft
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 64
drejtime, si vend social (objekt ku ato vendosen), lokalizim, formë dhe strukturë. Në
kuadrin strukturor dhe organizativ para viteve 1990 stacionet e shërbimit zjarrfikës kanë
funksionuar si reparte të Ministrisë së Punëve të Brendshme, si dhe reparte të quajtura të
objekteve. Në kuadër të këtij strukturimi organik, fokusi kryesor i tyre ishte orientuar
drejt zonave urbane e rurale (që ishin reparte të Ministrisë së Punëve të Brendshme) dhe
vendeve sociale të ndryshme, kryesisht të prodhimit, apo objekteve ekonomike (që ishin
reparte të quajtura të objekteve).
Nga ana tjetër, kishim edhe praninë e strukturuar të grupeve sociale që
përfshiheshin në shërbimin e mbrojtjes nga zjarri, grupi social i zjarrfikësve dhe grupeve
të tjera sociale, që përfshiheshin në veprimtarinë parandaluese dhe menaxhuese të
situatave të krijuara nga zjarret. Në këto struktura apo personel organike përfshiheshin
niveli bazë që emërtohej si personel (ushtar apo polic) dhe niveli drejtues që emërtohej si
kuadro oficerë. Njëkohësisht, në kuadër të pjesëve përbërëse të reparteve të quajtura të
objekteve, përfshiheshin në strukturat e personelit organik edhe emërtimi i klasifikuar si
inspektoret e mbrojtjes nga zjarri.
Duke shfletuar literaturë dhe dokumentacione të ndryshme, historikun e zhvillimit
të shërbimit të mbrojtjes nga zjarri në vendin tonë, revistat dhe botimet e larmishme mbi
një çështje të tillë, po mundohemi të japim edhe disa tregues statistikorë të këtij shërbimi
në Shqipëri, deri në fillimin e 1990. Vendi ynë deri në atë moment ka poseduar të
lokalizuara në hapësirën e tij sociogjeografike afro 46 reparte të ndryshme zjarrfikëse.
Nga tërësia e tyre rreth 39 reparte të Ministrisë së Punëve të Brendshme dhe 7 reparte të
quajtura të objekteve. Ky numër repartesh të shërbimit zjarrfikës njihte një shpërndarje
gjeografike pothuajse në të gjitha njësitë administrative të Shqipërisë. Një përqendrim më
të madh kishte në Tiranë, ku vetëm në qytetin e Tiranës ka pasur 3 reparte zjarrfikëse dhe
20 inspektorë objektesh për mbrojtjen nga zjarri. Në drejtim të bazës materialo-teknike,
instrumenteve, pajisjeve që duhej të përdoreshin dhe mjeteve motorike në funksion të
këtij shërbimi ishin në varësi të financimit nga shteti. Automjetet zjarrfikëse, sipas
periudhave kohore, kanë qenë sovjetike, kineze, çeke dhe rumune. Në vend mundësohej
prodhimi i disa tipa fikësash portativë dhe me karrele, lëndë shuarëse të llojit shkumë,
rekorderi të ndryshme etj. Me këto prodhime bëhej kompletimi i objekteve dhe
veprimtarive të ndryshme në shkallë vendi.
Shërbimi i mbrojtjes nga zjarri legjitimohej në legjislacion dhe në rregullore të
ndryshme, me të cilat pajiseshin institucionet e ndryshme qendrore e lokale në Shqipëri.
Funksiononte edhe sistemi i trajnimit metodik nëpër këto institucione në mënyrë
periodike. Duhet thënë se për çdo ministri dhe institucion qendror e lokal, përfshi këtu
dhe sektorët bazë të ekonomisë si nafta, minierat, pyjet etj., ka pasur rregullore të veçanta
dhe specifike, ku parashtroheshin masat parandaluese ndaj zjarreve dhe normat teknike të
kësaj fushe, të cilat ishin të detyrueshme për zbatim. Deri në vitin 1993 shërbimi
zjarrfikës shqiptar ka qenë pjesë e Forcave të Armatosura të Shqipërisë dhe deri në vitin
2001 efektivi i këtij shërbimi ishte i pajisur me armë luftarake personale, pistoleta dhe
automatike.
Ndryshimet politike që përfshinë Shqipërinë pas viteve 1990, si në çdo fushë tjetër
përfshin në tërësinë e tij edhe shërbimin e mbrojtjes nga zjarri dhe stacione të
zjarrfikësve. Në njësi të ndryshme administrative në Shqipëri ndodhen ndryshime të
rëndësishme edhe në këtë sektor. Ndryshimet më të shprehura ishin prezent në vendet
sociale, objekte të stacioneve zjarrfikëse, lokacionin e tyre, kuadrin që shërbente në këto
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 65
institucione (grupin social të zjarrfikësve në veçanti, por edhe grupe të tjera sociale të
përfshira si në parandalimin e zjarreve, ashtu edhe në menaxhimin e situatave të
shkaktuara nga zjarret etj. Forcat e shërbimit zjarrfikës iu nënshtruan një ristrukturimi
tërësor ndaj të cilëve ka pasur reagime nga më të ndryshmet, lidhur ngushtë me efektet
dhe impaktet me të cilat u shoqëruan ato. Si punonjës i këtyre strukturave të shërbimit të
mbrojtjes nga zjarri, si pjesëtar i këtij grupi social, kam mendimin se shërbimi zjarrfikës
shqiptar pësoi ndryshime të shpejta dhe shumëplanëshe. Këto ndryshime ishin të diktuara
kryesisht nga ndryshime të tjera jashtë tij dhe më së shumti afroheshin dhe zbatoheshin si
e vetmja alternativë e mundshme e momentit. Në tërësinë e tyre ato kishin të bënin me
formën dhe jo me përmbajtjen, pra nuk kishin të bënin me shtimin e veprimtarisë dhe me
rritjen e efektivitetit të punës.
Ndryshimi i sistemit politiko-ekonomik, iniciativa e lirë, ekonomia e tregut,
lëvizjet masive demografike të popullsisë nga zonat rurale drejt zonave urbane,
migracioni shqiptar drejt vendeve europiane dhe më gjerë etj., ndikuan edhe në lindjen e
zhvillimin e ndryshimeve të mëdha në të gjitha drejtimet. Krahas tyre po ndihej gjithnjë e
më shumë edhe nevoja e njohjes me masat mbrojtëse referuar situatave të zjarreve që
ishin të pranishme në Shqipëri në fillim të viteve 1990. Kështu kemi transformimin e
sistemit të ndërmarrjeve të ndryshme shtetërore, fabrikave dhe uzinave e kombinateve në
kuadrin e hapësirës sociogjeografike të vendit tonë, të cilat kishin si pjesë organike dhe
funksionale mbrojtjen nga zjarret dhe inspektorët e shërbimit ndaj situatave nga zjarret;
filluan të shtohen me shpejtësi veprimtaritë private, që bartnin në vetvete rreziqe nga
mosnjohja sa dhe si duhet të shkaqeve që ndikojnë në lindjen dhe aktivizimin e zjarreve;
qytetet, sidomos të mëdhatë, filluan të rriten vrullshëm në lartësi dhe në shtrirje, në të
cilat ndihej jo vetëm e nevojshme, por edhe e domosdoshme për masat mbrojtëse ndaj
zjarreve, ku p.sh vetëm Tirana ka sot afërsisht sa 40 për qind e të gjithë popullsisë që
jeton aktualisht në Shqipëri; filluan të shtohen ndjeshëm investimet e huaja, të shoqëruara
me projekte dhe teknologji mbrojtjeje të përgatitur dhe ardhur nga jashtë Shqipërisë etj.
Lindi kështu nevoja të njiheshin, pranoheshin dhe zbatoheshin normat që aplikoheshin në
vende të BE në fushën e mbrojtjes nga zjarri.
Të gjitha këto ndikuan në mënyrë të drejtpërdrejtë apo indirekt edhe në fushën e
mbrojtjes nga zjarri dhe diktuan, por edhe po diktojnë përditë e më shumë nevojën e
ndryshimeve të mëtejshme si në aspektin legjislativ, ashtu edhe në teknike e pajisje
bashkëkohore për shuarjen e zjarreve. Në këto kushte dhe për këto arsye, më 17.05.1993
u miratua dhe u vu në veprim ligji nr. 7707 “Për mbrojtjen nga zjarri” dhe shumë shpejt
pas tij u miratua ligji nr. 8766 datë 5.04.2001, “Për mbrojtjen nga zjarri dhe shpëtimin”.
Këto dy ligje u përgatitën dhe u vunë në përdorim si domosdoshmëri me kërkesën që
shërbimi zjarrfikës t’i përshtatej si fillim ndryshimit të sistemit dhe në vijimësi edhe
ndryshimeve të tjera të diktuara nga jashtë këtij shërbimi. Të veçanta në këto ligje ishin:
së pari, shkëputja e këtij shërbimi nga Policia e Shtetit dhe kalimi në qendër në varësi të
Emergjencës Civile dhe në bazë të prefektit të qarkut; së dyti, dhënia me ligj e detyrave
për të ndërhyrë dhe vepruar për shpëtim në raste të emergjencave të ndryshme, natyrore,
industriale etj. Për këtë qëllim edhe emërtimi ndryshoi duke u quajtur Policia e Mbrojtjes
nga Zjarri dhe e Shpëtimit; së treti, iu dha e drejta bashkive, komunave dhe subjekteve të
ndryshme që kur e shikojnë të nevojshme, ta kenë të mundur ngritjen e Stacioneve
Zjarrfikëse në varësi të tyre etj.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 66
Megjithatë, tërësia e këtyre masave të ndërmarra nga njëra anë, u shoqërua me
shfaqjen e defekteve dhe problematikave serioze në anën tjetër. Sidomos situata të tilla
problematike u ndeshën si në drejtim të stacioneve të ndryshme të zjarrfikësve,
funksionimit të tyre, ashtu edhe të grupeve të larmishme sociale, pjesëmarrëse në
menaxhimin e situatave nga zjarret. PMNZSH-ja ka ngelur pothuajse me të njëjtën
strukturë dhe me të njëjtin numër stacionesh zjarrfikëse, Ndërsa efektivi i kësaj policie si
numër ka ardhur gjithnjë e në ulje. Madje shpeshherë, kur nevojiten shkurtime dhe
organike personeli, më të prekurat nga ristrukturimet dhe ndërhyrjet janë këto grupe
sociale. Stacionet zjarrfikëse kanë ngelur aty ku kanë qenë edhe më parë të ngritura. Kjo
ka çuar në atë që raporti i efektivit zjarrfikës për çdo 1000 banorë të ndryshojë diku në
rritje dhe diku me zvogëlim, ndryshime këto që janë dukshëm të konsiderueshme në
efekte negative jo vetëm në këndvështrimin statistikor referuar vendeve të tjera, por edhe
për vetë efikasitetin e veprimtarisë dhe të ndërhyrjeve që duhet të realizojë ky shërbim.
Prandaj, si kohë me parë, ashtu edhe aktualisht sot, ky tregues është shumë larg,
nëse i krahasojmë me vendet europiane dhe më gjerë. Sot, në bazë të statistikave të
ofruara nga institucionet e ndryshme, referuar gjendjes së grupit social të zjarrfikësve, në
shkallë vendi janë afro 750 zjarrfikës, në një popullsi afro 3 milionë banorë dhe me
shtrirje në një sipërfaqe 28 mijë kilometra katrorë. Pra, në shkallë vendi kemi 0,25
zjarrfikës për çdo 1000 banorë dhe vetëm për qytetin e Tiranës ky tregues është 0, 125
zjarrfikës për çdo 1000 banorë të saj. Është kështu në një kohë kur në vendet e zhvilluara
të Bashkimit Europian, por edhe në ato që janë në kufi me Shqipërinë, ky tregues varion
nga 0,75 deri në 1,5 zjarrfikës për çdo 1000 banorë.
Sa më sipër, vihet re qartë prania e problematikave serioze në funksionimin e këtij
shërbimi në vendin tonë. Theksojmë se prania e tyre ka ndikuar edhe në mungesën e
veprimtarisë dhe të efikasitetit të ndërhyrjeve të realizuara gjatë situatave të zjarreve të
ndodhura gjatë këtyre viteve të fundit në Shqipëri. Shprehim mendimin se numri i
stacioneve zjarrfikëse dhe numri i efektivit në radhët e këtij shërbimi është i
pamjaftueshëm dhe për rrjedhojë nuk mbulohet i gjithë territori i vendit me këtë shërbim,
por edhe aty ku kjo gjë ndodh, efektivi ekzistues nuk mund t’i kryejë të gjitha veprimet
operacionale që kërkon situata e një zjarri eventual. Kjo ka ndikuar dhe ndikon ndjeshëm
negativisht në menaxhimin e rasteve të zjarreve masive. Kjo gjendje bëhet edhe më
shqetësuese dhe negative për faktin se në objektet dhe veprimtaritë e ndryshme nuk
funksionon shërbimi zjarrfikës vullnetar, i ngritur me punonjësit e tyre, i përgatitur,
kompletuar dhe i gatshëm si për parandalimin, ashtu dhe për shuarjen e zjarreve
eventuale.
Shqetësues është edhe fakti që edhe sensibilizimi dhe ndjeshmëria e opinionit të
përgjithshëm publik në vendin tonë është i ulët dhe pak i ndjeshëm në fushën e mbrojtjes
nga zjarri dhe shpëtimit. Madje në disa raste një dukuri e tillë është paraqitur edhe nga
raportet e ndryshme ndërkombëtare të kësaj fushe. Por krejt e kundërta ndodh në raste të
flagrancës, ose të situatave kur ndodhin këto rreziqe natyrore e humane, kur ndodh zjarri.
Në përgjithësi komuniteti reagon në ato raste kur ndodhet në kushtet që ka rënë zjarr. Në
këtë drejtim ka ndikuar dhe ndikon edhe puna e pakët apo me fushata që bëhet për
propagandimin dhe njohjen e rreziqeve që vinë nga zjarret, për detyrimet ligjore në këtë
aspekt, për masat parandaluese dhe veprimet që duhen kryer kur një zjarr ndodh. Mjafton
të themi se afro 21 për qind e zjarreve në çdo vit gjenerohen nga pakujdesia dhe afro 3 për
qind nga pirja e duhanit në vende të ndaluara e me rrezik zjarri.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 67
Krahas mbrojtjes nga zjarri, mjaft sinjifikative paraqitet aktualisht nevoja dhe
perfeksionimi i misionit të shpëtimit nga ana e grupit social të zjarrfikësve dhe grupeve të
tjera socio-profesionale të përfshira në sistemin e menaxhimit të rreziqeve të shkaktuara
nga zjarret në vendin tonë. Kemi mendimin se nga konstatimet e kryera në terren mund të
themi se shërbimi zjarrfikës në vendin tonë ndodhet akoma në fazat fillestare të tij në këtë
mision. Pa dyshim që ai aktualisht mund të realizojë veprime të suksesshme për të bërë të
mundur largimin dhe nxjerrjen nga objekti apo banesa personat e rrezikuar nga zjarri, por
jo të japë ndihmën e parë mjekësore. Për raste të tjera të ndërhyrjes kur ka emergjenca
natyrore, ekologjike, teknologjike etj., veprimet që kryhen nga shërbimi zjarrfikës janë
tepër të kufizuara dhe në mjaft raste janë dhe vulnerable dhe amatore. Kjo situatë ka
ardhur dhe mbetet akoma e tillë pasi mungon përgatitja profesionale dhe trajnimet
kualifikuese të efektivit, mungon teknika dhe pajisjet speciale për t’i kryer këto veprime
operacionale, ndonëse duhet të vlerësojmë angazhimin në vazhdimësi të stafeve
përkatëse, si të efektivave, ashtu edhe të kuadrove drejtues.
Me ligj shërbimi zjarrfikës shqiptar ka detyra, të drejta dhe kompetenca të shumta
dhe nga më të ndryshmet. Në këtë ligj përcaktohen qartë të drejtat dhe detyrat e këtij
shërbimi: “Shërbimi zjarrfikës ka të drejtë dhe për detyrë të kontrollojë në çdo kohë të
gjitha kategoritë e objekteve dhe të veprimtarive, qofshin këto të vendit apo të huaja; lë
detyra në shkrim për eliminimin e mangësive e të shkeljeve të konstatuara. Në rast rreziku
akut për rënie zjarri, ka kompetencë të bëjë bllokimin e objektit apo ndërprerjen e
veprimtarisë derisa të shmanget ky rrezik. Në raste të moszbatimit të detyrave të lëna me
shkrim, gëzon të drejtën të vendosë gjobë, e cila mund të jetë e menjëhershme apo me
vendim. Gjithashtu shqyrton dhe miraton projekte të të gjitha kategorive për ndërtime të
reja apo rikonstruksione, si dhe jep lejen për vënien në shfrytëzim të objekteve apo për
fillimin e veprimtarive të ndryshme, kur ato janë sipas kërkesave të normave teknike. Për
çdo rast zjarri, specialistë të këtij shërbimi bëjnë hetimin dhe përpilojnë aktin e
ekspertizës për vatrën dhe shkakun e rënies së zjarrit. Gjithashtu ky shërbim lëshon dhe
licenca profesionale për ekspertët privat zjarrfikës apo për subjektet që duan të tregtojnë
lëndë shuarëse, mjete dhe pajisje zjarrfikëse etj.”
Duhet theksuar se edhe pse ka detyra, të drejta dhe kompetenca të shumta ligjore,
për shumë arsye nga brenda dhe jashtë tij, efektiviteti i punës së shërbimit zjarrfikës është
i ulët dhe lë shumë për të dëshiruar. Arsyet pse është në këtë gjendje shërbimi zjarrfikës
janë të shumta. Ndër to po përmendim vetëm dy: së pari, mungesa e vlerësimit që i është
bërë dhe vazhdon t’i bëhet në vijim këtij shërbimi sa human aq edhe të domosdoshëm. Ai
është parë dhe trajtuar si një shërbim krejt i zakonshëm dhe joprofesional dhe së dyti,
duke qenë së mbajtja e tij ka një kosto të konsiderueshme ekonomike, nevojat për
mirëfunksionimin e tij janë konsideruar ndër vite të papërballueshme për një buxhet të
vogël e modest që ka pasur dhe ka Shqipëria. Me gjithë këto probleme e mangësi,
shërbimi zjarrfikës shqiptar përfaqëson një institucion me kontribute të vyera në shërbim
të vendit, individëve, njerëzve, pronës e hapësirës sociogjeografike në përgjithësi. Në
tërësinë e viteve, në periudha të ndryshme, ai është përballur me situata e ngjarje nga më
të ndryshmet, me rreziqe e kosto jetësore në të cilat punonjësit dhe kuadrot e saj kanë bërë
të mundur shpëtimin në sa e sa raste të jetës së njerëzve dhe veprimtarisë ekonomike të
vendit. Prandaj ai meriton të jetë në vendin e duhur, që të garantojë suksesin e pritshëm
gjithmonë.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 68
Zhvillimet e reja të pranishme, sidomos gjatë 2 dekadave të fundit në Shqipëri,
kanë ndikuar edhe në ridimensionimin e detyrave të shërbimit zjarrfikës në përgjithësi dhe
stacioneve të ndryshme të zjarrfikësve në veçanti. Tashmë, nisur nga literatura e shfletuar,
janë evidentuar dy detyrat kryesore të këtij shërbimi: ndërhyrjet operacionale për zjarre
dhe shpëtim dhe kontrolli i zbatimit të ligjshmërisë ose parandalimi. Ndërhyrjet
operacionale për shuarjen e zjarreve kryhen nga stacionet zjarrfikëse, me efektivin dhe
teknikën që ato kanë në përdorim. Sipas rastit dhe mundësisë, në ndërhyrjet operacionale
bashkëpunohet edhe me strukturat e tjera që kanë apo që kryejnë detyra që janë të
përafërta me ato që kryejnë stacionet zjarrfikëse si p.sh me Policinë e Shtetit, me Policinë
Rrugore, me shërbimin pyjor etj.
Detyrat e policisë zjarrfikëse në fushën e parandalimit shtrihen në disa drejtime.
Ligji detyron që çdo ndërtim, rikonstruksion objekti apo vepre dhe studimet urbanistike,
në çdo rast do të bëhet duke parashikuar dhe zbatuar në to edhe normat teknike të
mbrojtjes nga zjarri. Për të arritur këtë, projektet për të gjitha llojet e ndërtimeve
përfshijnë edhe projektin e mbrojtjes nga zjarri dhe për shpëtimin, Ndërsa shërbimi
zjarrfikës i shqyrton këto projekte dhe miraton lejet respektive për ndërtimin e këtyre
objekteve. Gjithashtu ky shërbim, pas përfundimit të ndërtimit kontrollon zbatimin e
normave teknike dhe sipas rastit jep lejen për vënien në shfrytëzim apo në punë të
objekteve e veprimtarive ose e ndalon një gjë të tillë.
Po kështu ligji i detyron të gjithë personat juridike e fizikë, vendas apo të huaj, që
në objektet dhe veprimtaritë e tyre të zbatojnë normat teknike për mbrojtjen nga zjarri, t’i
kompletojnë ato me pajisje për diktim-sinjalizimin e zjarreve dhe me sisteme për shuarjen
e tyre, si dhe të hartojnë rregulla të brendshme për mbrojtjen nga zjarri. Të gjitha këto
kërkesa e detyra janë të detyrueshme me ligj dhe mbështeten për zbatim në disa rregullore
me norma teknike. Të tilla rregullore janë: “Mbi masat e mbrojtjes nga zjarri në
projektimin e ndërtesave të çdo lloji”, “Mbi masat e mbrojtjes nga zjarri në projektimin e
objekteve të industrisë së naftës e gazit”, “Kushtet teknike dhe normat e projektimit për
impiantet dhe instalimet që shërbejnë për transportimin, depozitimin dhe tregtimin e
naftës, gazit dhe nënprodukteve të tyre” apo (Kodi i hidrokarbureve), “Rregullat teknike
për parandalimin e zjarreve në konstruksione, ndërtime me aktivitet akomodues turistik”
etj.
Nëse shërbimi zjarrfikës në Shqipëri, si më parë edhe në vijimësi, është trajtuar
“me dorë të shtrënguar”, një problem tjetër serioz ka qenë dhe mbetet mungesa e vizionit
për mbrojtjen nga zjarri dhe shpëtimin në tërësi. Është kjo arsyeja kryesore që në shkallë
vendi pothuajse mungon infrastruktura e duhur për mbrojtjen nga zjarri. Tendencat janë
që edhe në këtë fushë po ecet, por ritmet janë të ngadalta. E thënë më hapur, menaxhimi i
emergjencave të zjarreve masive ose ka qenë i pamundur të bëhet mirë, ose është bërë me
mangësi e vështirësi të mëdha dhe jo pa pasoja të dukshme.
Në vendet e zhvilluara ka kohë që kahja e parandalimit të zjarreve dhe e
veprimeve operacionale për shuarjen e tyre ka lëvizur nga strukturat shtetërore në drejtim
të vetë subjekteve dhe veprimtarive në bazë. Asnjë shtet nuk ka marrë dhe nuk merr
përgjegjësinë që mbrojtjen nga zjarri ta garantojë vetëm me shërbimin zjarrfikës shtetëror.
Kudo është bërë kujdes që objektet dhe veprimtaritë e të gjitha llojeve, pavarësisht nga
pronësia dhe vendi i ndodhjes, të vetëmbrohen nga zjarri. Në këtë kuadër parësor ka qenë
organizimi, kompletimi, trajnimi dhe funksionimi i skuadrave të mbrojtjes nga zjarri (te
ne janë quajtur grupet vullnetare). Në objekte të mëdha dhe me rrezik të shtuar, së bashku
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 69
me këtë organizim përgatitet edhe një plan emergjencash për zjarre të mundshme,
përcaktohen veprimet që duhen kryer në përballimin e situatës, detyrat e skuadrës
antizjarr dhe detyrat e çdo anëtari të kësaj skuadre në veçanti. Kjo forcë e organizuar dhe
e gatshme, e shtrirë në shkallë vendi, është në çdo rast në numër shumë herë më e madhe
se forcat zjarrfikëse shtetërore dhe, çka është më e rëndësishmja, duke qenë e organizuar
në bazë objekti apo veprimtarie dhe sipas turneve të punës, është ´njëkohësisht edhe aty
ku mund të ndodhë zjarri dhe ku lind nevoja për shuarjen e tij.
Përvoja dhe statistikat tregojnë se afro 95 për qind e zjarreve fiken me aparate të
dorës, kur ndërhyrja është e shpejtë. Aktualisht forcat zjarrfikëse vullnetare në vendin
tonë nuk ekzistojnë. Janë bërë dhe bëhen përpjekje që me banorët e zonave pranë
masiveve pyjore të bëhet një gjë e tillë, por kjo gjë ka mbetur në letër. Ka shumë arsye
pse ndodh kështu, por ndër kryesoret janë së asnjëherë nuk është punuar seriozisht, edhe
pse ligji e kërkon një organizim të tillë, si dhe për faktin se kjo kërkohet të bëhet vetëm
mbi baza vullnetare d.m.th pa pagesë. Në këto kushte, sa herë që ndodhin zjarre në
masivet pyjore, banorët e afërt me vendin ku ka rënë zjarri i shmangen pjesëmarrjes në
shuarjen e tyre, ndërsa komunat justifikohen me mungesën e fondeve për t’i paguar këta
banorë për punën që bëjnë. Mungesa e këtij organizimi dhe trajtimi ekonomik ka çuar në
shumicën e rasteve që zjarret të zgjasin me ditë të tëra dhe që për ta përballuar situatën të
kërkohet edhe angazhimi i forcave të ushtrisë.
3.3. Grupet sociale dhe kultura për mbrojtjen nga zjarri
Raportet ndërmjet grupeve sociale nga njëra anë dhe opinionit publik dhe
komunitetit nga ana tjetër paraqiten me mjaft rëndësi në analizën që i referohet pranisë në
hapësirën sociogjeografike të rreziqeve të ndryshme natyrore e humane. Një gjë e tillë
ndikohet mjaft qartë nga efektet dhe impaktet që këto fatkeqësi natyrore luajnë në jetën
dhe zhvillimet ekonomike sociale të popullsisë së një vendi. Është mjaft serioz dhe i
rëndësishëm aplikimi i masave dhe informacioneve sensibiluese, realizimi i trajnimeve të
ndryshme të karakterit të kufizuar ku mund të jepen njohuri për parandalimin dhe
mbrojtjen nga zjarri, mënyra skematike teorike dhe praktike të përdorimit të aparaturave
për shuarjen e zjarreve etj. Prandaj bart një rëndësi të veçantë ndërtimi i raporteve të tilla
me komunitetin dhe opinionin publik.
Nëse krahasojmë këtë raport me vendet e tjera të rajonit, europiane dhe më gjerë
në SHBA dhe Kanada, situatat paraqiten jashtëzakonisht të ndryshme. Në këto shtete
vërejmë praninë e një ndërlidhjeje të ngushtë me opinion publik dhe komunitetin, ndikuar
nga kultura për mbrojtjen nga rreziqet natyrore, konkretisht nga zjarri. Sidomos në raste të
veçanta, ndikuar nga situatat meteorologjike (gjatë stinës së ngrohtë të vitit, kur vlerat e
temperaturave janë të larta, të cilat ndikojnë për lindjen dhe zhvillimin e zjarreve), është
evidente ndërmarrja e fushatave të shumta sensibiluese, madje edhe mediatike televizive.
Një gjë e tillë parashikohet dhe në plane të ndryshme të masave që këto institucione
ndërtojnë e programojnë paraprakisht. Theksojmë se një përvojë e tillë po ndiqet vitet e
fundit në vendin tonë, ndikuar nga situatat e jashtëzakonshme që lidhen me zjarret e
ndodhura.
Megjithatë, ajo çfarë duhet të shprehim është se në vendin tonë një element i tillë
dhe forma e bashkëpunimit ka munguar ose ka qenë sporadik. Kjo ka bërë të mundur që
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 70
në kuadër të pranisë rastësore të mjaft zjarreve në vende të ndryshme sociale dhe në
hapësirën gjeografike, janë ndeshur veprime indiferentë të individëve apo të popullsisë,
mungesë përgatitjeje dhe njohurish në mbrojtjen ndaj zjarrit, duke u shoqëruar me pasoja
problematike për familje të ndryshme apo komunitete të caktuara. Në mënyrë konkluzive
mund të saktësojmë se në Shqipëri komuniteti ka një kulturë të dobët për mbrojtjen nga
zjarri. Njerëzit në përgjithësi nuk dinë nëse rrezikohen dhe sa rrezikohen nga zjarri aty ku
ndodhen apo aty ku shkojnë gjatë ditës. Ata nuk dinë as se si të veprojnë kur rasti e bie që
të ndodhen para një situate konkrete zjarri. Ka ardhur momenti që një situate të tillë t’i
jepet fund, duke orientuar zhvillime pozitive konkrete në drejtim të sensibilizimit aktiv
për rreziqet që vijnë nga zjarret. Aq më tepër situata bëhet imperative, për faktin e një
shtimi në vazhdimësi të situatave nga zjarret, tashmë jo vetëm në pyje e kullota të
ndryshme, fabrika apo punishte, pjesë e vendeve sociale të prodhimit, por edhe në
aktivitete të bizneseve të ndryshme familjare. Fatkeqësisht, tërësia e lindjes dhe zhvillimit
të këtyre zjarreve po bashkëshoqërohet edhe me pasoja për njerëzit. Vërejmë shpeshherë
djegie të përmasave të mëdha apo humbje jetësh njerëzore nga zjarret. Edukimi në këtë
fushë të mbrojtjes nga zjarret, në tërësinë e të gjitha elementeve përbërëse të tij, shfaq
problematika dhe mangësi të shumta. Vërejmë së në përgjithësi ka përpjekje për angazhim
e përgjegjshmëri, ndonëse në mënyrën e shprehjes konkrete të formave dhe veprimeve
ngelet gjithçka në letër. Ndonëse aktualisht me zhvillimet që ka marrë shkenca e
mbrojtjes nga zjarret dhe përsosja e teknologjisë së pajisjeve përkatëse është mjaftë
avancuar, aftësitë dhe mundësitë paraqiten të shumta e të shumëllojshme, problematikat
janë prezentë. Si njohës i kësaj fushe mund të shprehem së nuk shkruhet, nuk flitet, nuk
ka seminare apo broshura sensibilizuese, nuk ka emisione të posaçme televizive etj.
Tërësia e këtyre elementeve sensibilizues do të ndikonte në krijimin e mundësive të gjëra
për informacione aktive dhe të rëndësishme për grupe të ndryshme sociale të popullsisë
dhe komunitete të caktuara. Nëpërmjet tyre do realizohej edhe përhapja më e gjerë e
informacioneve që duhet të pajisen njerëzit në situatë të ndodhjes së zjarreve.
Zhvillimet e rëndësishme sociale dhe ekonomike që kanë përfshirë Shqipërinë e
tranzicionit kanë bërë të mundur larminë në kuadër të hapësirës sociogjeografike të mjaft
aktiviteteve të reja ekonomike. Kalimi nga ekonomia e centralizuar në atë të tregut ndikoi
dukshëm në lindjen dhe zhvillimin e mjaft bizneseve të vogla, të mesme apo familjare.
Hapja e këtyre bizneseve u shoqërua me transformime të rëndësishme të vendeve sociale
të banimit dhe të prodhimit ku ushtrohen këto aktivitete. Kjo është shoqëruar me faktin që
mjaft prej tyre të jenë nën efekte të mundësisë së lindjes dhe të zhvillimit të zjarreve.
Prandaj edhe ndaj kësaj kategorie sociale vëmendja duhet të jetë më specifike për t’i
pajisur me informacionet e duhura, e njëkohësisht me sistemet e mbrojtjes nga zjarri,
nëpërmjet pajisjeve të individualizuara për këto vende sociale prodhimi. Nga ana e tyre,
këto vende sociale prodhimi fare pak kërkojnë për punonjësit e tyre në këtë fushë. Jemi
përpara një paradoksi që për zjarret flitet vetëm kur ato ndodhin dhe për faktin që kemi
dëmtime në jetë njerëzore e dëme materiale. Prandaj prezenca e informacioneve dhe
zbatimi i rregullave të mirëpërcaktuara, përfaqëson një hap në drejtimin e duhur.
Drejtim mjaft me rëndësi, nëpërmjet të cilit mund të garantohet një edukatë e
caktuar dhe rrënjoset kultura e mbrojtjes nga zjarret, është ai i arsimit. Një gjë e tillë
duhet të jetë prezente në të gjitha ciklet e shkollimit parauniversitar. Kjo punë mungon që
në momentet e para të formimit të nxënësit në fillesat parauniversitare, ciklin e ulët të
arsimit të detyrueshëm, duke avancuar më tej në shkollat e mesme dhe arsimin
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 71
universitar. Është mjaft sinjifikative kur në raporte të ndryshme ndërkombëtare në të cilat
flitet e shkruhet mbi sistemet e mbrojtjes nga zjarri, evidentohen qartazi problematika të
tilla në strukturat moshore shkollore. Në shkollat e të gjitha niveleve e kategorive, përfshi
edhe universitetet, nuk bëhet asnjë orë mësimi për edukimin në fushën e mbrojtjes nga
zjarri, gjë që do të ndikonte në krijimin e njohurive elementare dhe informacioni konkret
në lidhje me parandalimin dhe situatat menaxhuese nga këto rreziqe natyrore e humane.
Kjo është kështu, edhe pse në ligj shkollat e të gjitha niveleve dhe të të gjitha kategorive
janë të detyruara që me nxënësit dhe studentët e tyre të zhvillojnë orë mësimi dhe tema
për mbrojtjen nga zjarri dhe shpëtimin. Është për të ardhur keq, por është realitet, që edhe
me studentë të degës së arkitekturës apo të ndërtimit nuk jepen njohuri të plota për
mbrojtjen nga zjarri.
Një fakt paraqitet mjaft evident në kuadër të rreziqeve natyrore e humane, siç janë
ato të shfaqjes së zjarreve në Shqipëri. Në mënyrë të veçantë gjatë dekadës së fundit kemi
një shtim në rastisje e lloje të zjarreve. Njëkohësisht edhe në kuadër të shpërndarjes
gjeografike dhe larmisë së vendeve sociale. Tashmë ato po ndodhin me një rastisje të
shtuar, edhe aty ku më përpara nuk evidentoheshin. Janë shtuar shkaqet dhe faktorët e
riskut që ato të ndodhin, prandaj interesi teorik e praktik i njohjes me to dhe masat
mbrojtëse paraqitet akut. Jemi një vend ku çdo vit bien shumë zjarre dhe shkaktohen
shumë dëme, deri edhe viktima në njerëz, por jemi njëkohësisht edhe populli më pak i
informuar në këtë fushë. Për zjarret flitet vetëm kur ato ndodhin, kur fare mirë mund të
ekzistojnë rrugë e mundësitë jo vetëm për menaxhimin efektiv të tyre, por edhe për
parandalimin e tyre në kuadër të një hapësire të caktuar sociogjeografike.
Ka shumë raste që e tregojnë më së miri mungesën e njohurive dhe të kulturës në
fushën e mbrojtjes nga zjarri dhe shpëtimit. Të dukshme janë indiferentizmi dhe
mosangazhimi për këtë qëllim. Nuk dimë të ketë ndodhur ndonjëherë, të paktën e
publikuar, që individë apo sindikata të punonjësve të kenë kërkuar, mbase edhe
formalisht, plotësimin e kushteve dhe sigurinë nga zjarri në vendet e punës. Kemi
parasysh këtu sektorë me rrezikshmëri të lartë si p.sh industria e naftës, impiante të gazit,
stacionet apo platformat e karburanteve etj. Raste zjarresh me pasoja deri në aksidente me
vdekje ka pasur nga më të ndryshmet. Ndonëse gjithmonë e më pak, por ende ka
biznesmenë apo administratorë që, kur u kërkohet të zbatojnë normat e mbrojtjes nga
zjarri në objektin e tyre, ta kundërshtojnë këtë detyrim ligjor me shprehjen “Le të digjet,
objekti im është!”
Po përmendim një rast tepër domethënës. Para disa vitesh ra zjarr në një fabrike
mobiliesh. Zjarri shkaktoi dëme të mëdha materiale. U mobilizuan forca të shumta
zjarrfikëse edhe nga Durrësi, Kavaja dhe Kruja. Në objekt nuk kishte masa për mbrojtjen
nga zjarri, përjashtuar disa fikësve. Kohë mbas kohe këtu ishin bërë edhe shtesa dhe
ndërtime pa leje. Ankesat e para të administratorëve të fabrikës ishin se “zjarrfikëset
erdhën më vonë se “makinat zjarrfikëse nuk kishin ujë” etj. Askush nuk mbajti qëndrim
apo nuk e përmendi pse objekti nuk ishte i kompletuar sipas normës e në zbatim të ligjit,
me sisteme të shuarjes së zjarrit. Pas zjarrit administratori i fabrikës angazhoi një grup
specialistësh, të cilët morën si detyrë të bënin një studim të plotë dhe më pas projektin e
mbrojtjes nga zjarri të të gjithë fabrikës. Nga këta specialistë u parashikua instalimi i
sistemit të diktim–sinjalizimit të zjarreve, sistem automatik shuarje dhe rrjeti i hidrantëve
të jashtëm. Fakt është së këto sisteme nuk u zbatuan të plota, me pretendimin se “është
abuzuar”, “janë parashikuar shumë” etj. Një pjesë e bazës materiale të marrë për këtë
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 72
qëllim u kthye mbrapsht te shitësi. Ato sisteme nuk janë kompletuar as sot. Dhe ta
mendosh që kjo ndodhi në një objekt ku ra zjarr dhe dëmet që ai shkaktoi ishin të mëdha.
Përdorimi i gazit të lëngshëm në banesa është bërë masiv. Kjo realizohet
nëpërmjet bombolave, që blihen në pikat e shitjes. Ka jo pak raste që ato gjenden edhe në
rrugë private. Kërkesa më elementare për këto bombola është siguria e tyre. Kjo nis me
kolaudimin që duhet t’i bëhet enës prej çeliku. Në vendin tonë qarkullojnë dhe përdoren
në jo pak raste edhe bombola të pakolaudura dhe me mangësi teknike. Fakt është se ka
pasur jo pak raste që gazi rrjedh nga bombola apo nga nyjat lidhëse, por edhe raste
tragjike të shpërthimit të tyre. Shumë pak blerës interesohen nëse është apo jo e kolauduar
bombola, si duhet ta përdorë atë pa rrezik, çfarë duhet të kontrollojë apo të ndërrojë etj.
Nuk kërkohet me forcë që çdo përdorues familjar së bashku me bombolën të blejë dhe një
pajisje të thjeshtë që dikton dhe sinjalizon rastet e daljes së gazit në ambient. Shitësit më
kollaj e kanë të rekomandojnë dhe të shpjegojnë se për të verifikuar sa të sigurta janë
bombolat dhe lidhjet e tyre me sobën mund të përdorësh ujë me shkumë sapuni. Ata të
thonë deri edhe “pasi e ke vendosur këtë emulsion nëpër ventil e nyja, duhet të vëresh me
kujdes nëse pulson apo jo”.
Tërësia e paraqitjes së kësaj çështjeje tregon, sidomos në kushtet aktuale të vendit
tonë, rëndësinë e krijimit të një kulture të re, që ka të bëjëe me njohjen nga rreziqet e
shkaktuara nga zjarret në përgjithësi. Sidomos interes me rëndësi paraqitet në aspektin
praktik, ndikuar nga përfshirja gjithnjë e më masive e popullsisë ndaj përdorimit
shumëplanësh të gazit si në ngrohje, ashtu dhe në gatim. Ndërtimi i një sistemi teorik e
praktik, informativ e sensibilizues është një rekomandim që kemi mendimin ta japim në
kuadër të analizës referuar këtij punimi doktoral. Ndërtimi dhe amplifikimi e njëkohësisht
distribuimi i një aparati të tillë informativ kemi bindjen së mund t’i shërbejë mjaft mirë
interesit familjar dhe atij të biznesit në fushën e mbrojtjes nga zjarret.
3.4. Roli i grupeve sociale në prodhimin e mjeteve për parandalimin dhe
menaxhimin e zjarreve
Në çështjet e mësipërme jemi ndalur në analizën referuar rolit dhe kontributit të
grupeve sociale në kuadër të situatave të ndryshme të menaxhimit të zjarreve në vendin
tonë. Një gjë e tillë, sipas mendimit tonë, bëri të mundur dhënien në mënyrë të
përgjithshme jo vetëm të karakteristikave të tyre themelore, por edhe të aktiviteteve që ato
kryenin në kuadër të funksioneve të ndryshme sociale në situatat e parandalimit të
zjarreve apo gjatë ndërhyrjeve për shuarjen e zjarreve.
Një element tjetër që kemi menduar të evidentojmë në këtë punim doktoral është
edhe ai që ka të bëjë me rolin dhe kontributin e grupeve të tjera sociale, që me punën dhe
aktivitetin e tyre realizuan krijimin dhe prodhimin e mjaft artikujve dhe pajisjeve nga më
të ndryshmet që përdoren nga grupi social i zjarrfikësve dhe të tjerët në situatat e
menaxhimit të zjarreve.
Tashmë dihet, ashtu siç e kemi përmendur në çështjet dhe kapitujt e mësipërm që
pajisjet e shuarjes së zjarreve, teknologjia e tyre dhe automjetet efektive që ishin në
dispozicion të grupit social të zjarrfikësve ishin të lidhura ngushtë me periudhat e
zhvillimit të vetë vendit tonë gjatë 1944-1990. Kryesisht mbulimi me to realizohej nga ato
që vinin si ndihma apo dhurata nga vendet me të cilat ekzistonin shkëmbimet ekonomike.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 73
Pa dyshim që ndihej dhe vihej re kufizimi në to. Gjithsesi, dokumentacioni i kohës është i
kufizuar në informacion për të realizuar një analizë konkrete të detajuar. Deri në vitet
1965, zjarrfikësit shqiptarë kishin në përdorim pajisje dhe deri makina të një teknologjie
të vjetër dhe që për përdorimin e tyre kërkoheshin veprime të guximshme nga efektivi
zjarrfikës. Edhe stërvitjet praktike profesionale ishin me rrezik për jetën e tyre.
Në shumicën e rasteve stërvitjet realizoheshin me një bazë të kufizuar materialesh
e pajisjesh tekniko-didaktike, në të cilat ushtrimet dhe stërvitja paraqiste vështirësi
problematike. Mjafton të përmendim faktin se ato realizoheshin kryesisht vetëm në
funksion të shpjegimit në kuadër të vetëshpëtimit, ku pajisjet që aplikoheshin ishin
shkallë të llojeve të ndryshme dhe litari, “thesi i shpëtimit” dhe “fleta e çadrës”. “Thesi i
shpëtimit” ishte një tubacion prej rrobe liri të gomuar, me diametër 100–120 cm. Ky thes,
në krye fiksohej në hapësirën e dritares dhe ekstremi tjetër i tij përfundonte i shtrirë mbi
sipërfaqen e tokës, duke e tendosur gjatë gjithë gjatësisë në mënyrë të pjerrët. Njeriu që
duhej shpëtuar apo edhe zjarrfikësi, lëshohej me këmbë në këtë tubacion dhe ai, duke
rrëshqitur me shpejtësi brenda tij, dilte po me këmbë në fund të tubacionit. Quhej “thes”
pikërisht për faktin se njeriu hynte brenda tij si në thes. I vetmi rrezik për njeriun që
rrëshqiste brenda thesit ishte që nga shpejtësia dhe fërkimi atij t’i dëmtoheshin pjesë të
zbuluara të trupit nga kontakti me pjesën e brendshme të tubit rrëshqitës. “Fleta e çadrës”
ishte po një rrobë liri e gomuar dhe e trashë, në formë katrori, me dimensione 10 x 10
metra. Në të katër anët e fletës së çadrës kishte “veshë”, ku kapej të paktën nga 2
zjarrfikës për anë, gjithsej nga 8 zjarrfikës. Duke qenë e hapur dhe e tendosur mirë, fleta e
çadrës vendosej poshtë, nën dritaren apo vendin tjetër ku ndodhej personi që duhej
shpëtuar. Ai duhej të hidhej nga lartësia ku ndodhej dhe të binte mbi fletën e çadrës. Kjo
lartësi arrinte deri në 20 metra. Ka ndodhur që zjarrfikësit janë hedhur mbi fletën e çadrës
edhe duke pasur para krahëve fëmijë të vegjël. Në vitin 1965, në një stërvitje që po bënin
zjarrfikësit e Tiranës te korpusi qendror i Universitetit, si pasojë e moskoordinimit dhe
mostendosjes fort të “fletës së çadrës” zjarrfikësi që u hodh nga tarraca e ndërtesës mbi
fletën e çadrës, u godit në dysheme, duke thyer shtyllën kurrizore. Ai mbeti i paralizuar.
Deri në vitin 1952 stacionet zjarrfikëse përdornin akoma makina të vjetra,
kryesisht të tipit “Prada”. Në këto automjete, efektivi zjarrfikës gjatë vajtjes për në zjarr
qëndronte më këmbë jashtë makinës, me kurriz nga ana e rrugës dhe mbi një bazament
metalik. Ata duheshin të kapeshin me duar në një aks që ishte i fiksuar në trupin e
makinës. Në një rast të caktuar, duke lëvizur makina zjarrfikëse për në zjarr, gjatë një
kthese, njërit nga zjarrfikësit, i cili ndodhej në pozicionin e përshkruar më lart, iu
shkëputën duart nga mbajtësja dhe për pasojë ra nga makina. Rënia e tij ishte fatale, pasi
nuk mundi të jetojë. Shfrytëzojmë në mënyrë të përsëritur rastin të vlerësojmë mbi të
gjitha profesionalizmin, kurajën, përgatitjen dhe përgjegjshmërinë e strukturave të
shërbimit të mbrojtjes ndaj zjarrit në Shqipëri, të cilët u përballën me sukses në shumë
situata jashtëzakonisht të vështira, duke rrezikuar në mjaft raste edhe jetën e tyre.
Para viteve 1990 në Shqipëri prodhohej dhe përdorej një numër i konsiderueshëm
i nevojave me artikuj që përdoreshin për mbrojtjen nga zjarri. Më konkretisht, në uzinat
dhe fabrikat e Shqipërisë së para 1990, prodhoheshin në tërësinë e tyre afro 15 artikuj të
ndryshëm të mbrojtjes nga zjarri, ku përfshiheshin: lëndët shuarëse, uniformat e zjarrit,
fikëse zjarri, tuba të formave dhe përmasave nga më të ndryshmet, rakorderi të ndryshme,
dhoma shkume etj. Këto artikuj, që ishin produkt dhe markë shqiptare, ndikuan në
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 74
përballimin e mjaft situatave të vështira me të cilat shërbimet zjarrfikëse në vendin tonë
janë përballur.
Krejt panorama tjetër paraqitet ajo aktuale në lidhje me praninë e këtyre
produkteve dhe prodhimit të tyre. Mjaft prej punishteve dhe fabrikave që ekzistonin jo
vetëm janë mbyllur, por edhe shkatërruar. Punonjësit dhe novatorët, pjesë përbërëse e
grupit social të punonjësve të prodhimit, tashmë ose kanë ndërprerë aktivitetin e tyre,
pensionuar apo emigruar. Tradita e krijuar tashmë është ndërprerë ose ka humbur. Sipas
informacioneve që kemi, nuk prodhohet asgjë dhe tërësisht të gjitha nevojat që kanë
subjektet dhe shërbimi zjarrfikës plotësohen nga jashtë ose nga kontributet dhe ndihmat e
dhuruara nga shërbimet partnere europiane e më gjerë.
Në këtë çështje e kam ndier si domosdoshmëri dhe mjaft të nevojshme për të
vlerësuar dhe njëkohësisht për të evidentuar edhe një drejtim tjetër të punës dhe
kontributit të grupeve sociale mbështetëse në prodhimin e shumë pajisjeve dhe mjeteve që
përdoreshin në drejtim të shërbimit të mbrojtjes nga zjarri në vendin tonë. Personeli
inxhiniero-teknik i mjaft prej vendeve sociale të prodhimit në disa prej institucioneve
punuan me përkushtim për të disenjuar, tentuar e realizuar prodhime të vlefshme të
markës shqiptare në kuadër të pajisjeve që përdoreshin në situata të vështira të mbrojtjes
nga zjarri. Në saje të këtij roli e kontributi, u bë e mundur që shërbimet zjarrfikëse në
Shqipëri të pajiseshin me mjete të ndryshme, të cilat përdoreshin si në kuadër të
stërvitjeve të shumta që realizoheshin, ashtu edhe në ndërhyrjet direkte në terren në
situatat e zjarreve në pjesë të ndryshme të vendit.
Ndër to mund të veçojmë periudhën kohore të viteve 1977–1978, ku u disenjua e
projektua një nga pajisjet më të rëndësishme që përdorej në situatat e zjarreve në vendet
sociale të prodhimit, kryesisht në sektorin e karburanteve. Bëhet fjalë për prodhimin e
vënien në shfrytëzim e përdorim të sistemit të shuarjes së zjarreve në rezervuarët e
ndryshëm të karburanteve. Kjo ishte iniciativë e një grupi novatorësh, të cilët drejtoheshin
nga ing. Adem Grabocka. Ky sistem i shuante zjarret nga brenda rezervuarit, ose siç quhej
ndryshe “sistemi tip çorap”. Edhe pse prodhimi dhe eksperimentimi i këtij sistemi shuarës
doli i suksesshëm, ai nuk u vu në përdorim gjerësisht, pasi konsiderohej më praktik
sistemi shuarës me dhoma shkume nga jashtë rezervuarit. Sistemi i dytë ishte tradicional,
i përdorur prej vitesh dhe i provuar në disa raste si efektiv. Dhomat e shkumës për këtë
sistem prodhoheshin në vend dhe kostoja ekonomike ishte e ulët.
Një rast tjetër që duhet evidentuar është ai i ing. Dhimitër Pingulit, i cili rreth
viteve 1970, në Ndërmarrjen Kimike Durrës, aplikoi prodhimin e shkumave për shuarjen
e llojeve të ndryshme të zjarreve. Më pas, si rezultat i suksesit të arritur, u ngrit dhe u vu
në punë një repart dhe linjë e veçantë. Këtu prodhoheshin 2 lloje shkumash: shkuma
kimike dhe shkuma aeromekanike. Këto shkuma ishin të përdorshme kryesisht në
industrinë e naftës dhe në mbushjen e fikësve të dorës dhe të atyre me karrel. Shkuma
kimike del nga bashkëveprimi i bikarbonatit të sodës (NaHCO3 ), sulfatit të aluminit
(Al2O4), ujit dhe i ekstraktit të rrënjës së një bime që quhet cuen. Rezultati i këtij
bashkëveprimi është prodhimi i një sasie të madhe gazi karbonik në formën e flluskave të
dendura. Qëndrueshmëria e kësaj shkume në zjarr zgjat 20 minuta. Elementët kimikë të
prodhimit të shkumës janë në formë pluhuri, të ambalazhuara dhe të ruajtura në fuçi me
peshë 25 kg dhe 50 kg. Shkuma prodhohej nëpërmjet një pajisjeje të quajtur “gjenerator
shkume”.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 75
Në pjesën e sipërme të pajisjes, që ishte në formë hinke, hidhej pluhuri, i cili
thithej nga rryma e ujit që kalonte në pjesën fundore të pajisjes. Ky sistem përdorej sipas
rastit, Nëpërmjet hedhëses së shkumës apo edhe në sistemin me dhoma shkume.
Problematike ishte se i gjithë pluhuri në mënyrë të alternuar hidhej në hinkën e
gjeneratorit me krahë. Gjithashtu duhej bërë kujdes që gjatësia e tubave nga dalja e
gjeneratorit deri të hedhësja apo dhoma e shkumës duhet të ishte në kufij jo më pak se 40
metra dhe jo më shumë se 80 metra. Nën 40 metra shkuma nuk mund të prodhohet dhe
mbi 80 metra shkuma shkatërrohet pa dalë. Shkuma e quajtur aeromekanike, prodhohej
nga bashkëveprimi i solucionit shkumëformues me ujin.
Në Ndërmarrjen Kimike Durrës solucioni shkumëformues prodhohej me bazë
thundrash dhe brirësh të kafshëve të trasha. Ky solucion, në temperaturë nën -5oC ngrin
dhe në temperaturën mbi + 35 oC fillon të dekompozohet. Përzierja në raportet 0, 4 %
solucion shkumëformues, 9,6 për qind ujë dhe 90 për qind ajër krijon një shtresë flluskash
të dendura. Kjo shkumë mund të përdoret drejtpërdrejt nga automjetet zjarrfikëse, në
mënyrë portative me përzierës shkume dhe nëpërmjet sistemeve fikëse në rezervuarët e
karburanteve. Prodhimi i kësaj shkume nxori nga përdorimi shkumën kimike dhe
impiantet shuarëse që e përdornin atë. Njëkohësisht u zgjidhen nevojat për lëndën
shuarëse për sistemet e shuarjes në rezervuarët e hidrokarbureve dhe për fikësat 250 litra
me rrota që përdoreshin gjerësisht në atë kohë.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 76
Kapitulli IV
PAJISJET DHE MJETET E SHUARJES SË ZJARREVE. ROLI I
TYRE NË HAPËSIRËN SOCIOGJEOGRAFIKE
Ashtu siç edhe kemi evidentuar në kapitujt dhe çështjet e mësipërme hapësira
sociogjeografike botërore në përgjithësi dhe ajo e vendit tonë në veçanti është prekur më
përpara nga rreziqet natyrore e humane, siç janë zjarret, po preket aktualisht dhe
njëkohësisht në bazë të vrojtimeve mundësitë që ato të ndodhin edhe në të ardhmen janë
prezente. Prandaj është e rëndësishme që situatat që shkaktohen nga to jo vetëm të
minimizohen, por edhe të ndërhyhet për ti parandaluar e menaxhuar ato. Në këtë drejtim
rol evident bartin një sërë faktorësh dhe elementësh.
Në analizën tonë të mëparshme jemi ndalur në mjaft tematika të faktorëve që lidhen me
shkaktimin e zjarreve, përhapjen dhe zhvillimin e tyre, lokacioneve ku ndodhin, formave
bashkëshoqëruese, vëndeve sociale në të cilat ato ndikojnë, së bashku me rolin e
larmishëm dhe aktivitetin e grupeve sociale që marrin pjesë në ndërhyrjen dhe
menaxhimin e tyre. Në këtë drejtim në kuadër të rolit të këtyre grupeve marrin rëndësinë
e faktorit determinant mjete dhe pajisjet që përdoren për menaxhimin dhe shuarjen e
zjarreve.
4. 1 Mjetet dhe pajisjet e ndryshme për shuarjen e zjarreve
Në literaturën e shumtë në lidhje me mjetet dhe pajisjet që përdoren për shuarjen e
zjarreve tashmë janë të pranishme tipe dhe lloje teknikash nga më bashkëkohoret. Një gjë
e tillë është e lidhur ngushtë me teknologjinë e re që gjithnjë e më tepër po aplikohet në
fusha të ndyshme. Padyshim edhe mjetet dhe pajisjet që përdoren për shuarjen e zjarreve i
nënshtrohen proceseve të tilla inovative dhe revolucionarizuese. Pavarësisht se duhet
përmendur fakti se gjithnjë e më shumë furnizimi dhe pajisja me to është e ndikuar edhe
nga buxhetet respektive të vendeve të ndryshme, të institucioneve përgjegjëse që janë të
specializuara për funksionin e mbrojtjes nga zjarri, nga ndërgjegjësimi i investitoreve të
shumtë e të ndryshëm privat, nga legjislacioni i vendeve të ndryshme, nga aplikimi i
normave, standarteve dhe rregulloreve që janë në zbatim, etj.
Edhe në vendin tonë një sistem i tillë me pajisje dhe mjete nga më të ndryshmet, ashtu siç
e kemi theksuar në kapitujt pararendës ka pasur tiparet dhe karakteristikat e veçanta, të
cilat janë ndikuar nga kushtet nëpër të cilat ka kaluar vendi. Periudha të ndryshme të
zhvillimit kanë pasur partneritete të ndryshme, orientime dhe suportime të ndryshme,
buxhetime nga më të ndryshmet, ndikuar nga elementë që tashmë dihen. Por njohja dhe
aftësimi në lidhje me aplikimin dhe përdorimin e tyre ka qenë në vazhdimësi një sfidë e
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 77
rëndësishme për grupet sociale të zjarrëfikësve nga njëra anë dhe strukturave të tjera
sociale-profesionale që merrnin pjesë në situatë të ndodhjes dhe zhvillimit të zjarreve.
Në kuadrin e personaliteteve dhe lektorëve të fushës së zjarrit Prof. Papa në informacionet
e tij në lidhje me mjete dhe pajisjet që përdoren në shuarjen e zjarreve ka paraqitur një
larmi dhe shumëllojshmëri tipesh dhe llojesh. Ndër to mund të përmendim: sistemet
stacionare për shuarjen e zjarreve, hidrantët e jashtme dhe të brendshme, mjetet
rrethanore për shuarjen e zjarreve, sistemi vetëshuarës automatik (sprinkler), sistemi
vetëshuarës gjysmëautomatik (drençer), sistemi i shuarjes së zjarrit me avull, sistemi i
shuarjes së zjarreve me gaz karbonik (CO2), sistemi i shuarjes së zjarreve me shkumë
ajromekanike, impiantet stacionare të shkumës kimike, impiantet stacionare të shkumës
ajromekanike, sistemi i ftohjes së rezervuarëve të karburanteve, sistemi i kolektorëve për
fontanat e naftës e të gazit, shuarja e zjarrit me lëndë eksplozive në puset e ndryshme
eruptive të naftës e gazit, etj. (Papa. Mico:Mjetet dhe pajisjet e shuarjes së zjarreve
Leksione, dorëshkrim, Tiranë 1990)
Me mjaft interes paraqiten edhe ndërhyrjet që realizohen në kuadrin e hapësirave
sociogjeografike masive e me rëndësi të konsiderueshme, siç janë portet, aeroportet.
Numri i lartë i grupeve sociale të përfshira në tërësinë e vëndeve sociale të këtyre
hapsirave sociogjeografike bart në vetvehte sfida jashtëzakonisht të vështira për tu
përballuar në situatë të ndryshme të zjarreve që janë prezente në to. Studjues të ndryshëm
në materialet dhe botimet e tyre vlerësojnë si mjaft efikase ndërhyrjet me anë të sistemeve
nga më të larmishmet të shuarjes së zjarreve në portet detare dhe në mjetet lundruese,
sistemet e shuarjes së zjarrit në avionët, aerodromet, hangarët dhe uzinat e tyre, sistemet
e shuarjes së zjarreve në puset vertikale të minierave të ndryshme, etj.
Njëkohësisht vlerësojmë të përmenden në këtë punim edhe mjaft të dhëna dhe
informacione në lidhje me përsosjen dhe teknikalitetet e reja që shprehin në kuadrin e
situatave të ndodhjes së zjarrit ndërhyrja me anë të aparateve të ndryshme kimike që
ndikojnë në shuarjen e tyre. Literatura e shfrytëzuar nga ana jonë, në kuadrin e mjaft
autorëve vlerëson se ndër më të efektshmet dhe me përdorim të gjerë janë: fikësit e
ndryshëm me ujë, fikësit me shkumë, fikësit me tetraklorur karboni (CCI4), fikësi i thatë
(me pluhur ), fikësi me gaz karbonik (CO2), fikësi me shkumë ajromekanike, etj.
4. 2 Përdorimi i mjeteve dhe pajisjeve të ndryshme në situatat e zjarreve në vendet
sociale të banimit
Vendet sociale të banimit përfaqësojnë një larmishmëri, përsa i përket rastisjeve të
rrezikut për tu përfshirë nga zjarret. Një gjë e tillë bën të mundur ndërgjegjësimin e
qytetarëve që duhet të jenë aktiv dhe mjaft të përgjegjshëm për përftimin e njohurive që
duhet të kenë në lidhje me ndërhyrjen që mund tu duhet në raste të emergjencës nga
zjarri. Në këtë drejtim edhe pajisjet që mund të përdoren janë ndër më thjeshtat dhe
elementaret, apo mjetet rrethanore, deri në momentin e ardhjes së forcave të shermit
zjarrëfikës, për të kryer ndërhyrjen e specializuar.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 78
Shumë studiues evidentojnë mjetet dhe pajisjet e ndryshme dhe mjaft të larmishme, të
cilat përdoren për shuarjen e zjarrit në vendet sociale të banimit. Një gjë e tillë paraqitet
nga ana e tyre si me ndikim të drejtpërdrejte. Të shpejtë dhe mjaft efektiv kur zjarri bie ne
shtëpitë e tyre ku ato banojnë në apartamentet në të cilat ato jetojnë apo në ambjentet e
ndryshme të rezidencave ku jeton një popullsi e caktuar. Në mënyrë të veçantë të rriturit
në moshë madhore duhet të kenë njohuritë e duhura për përdorimin e këtyre mjeteve të
thjeshta fikëse të zjarreve që ndodhin në shtëpitë e tyre. Studiuesi Miço Papa, vlerëson
ndër punimet e tij, që kanë të bëjnë me aplikimin e mjeteve dhe pajisjeve që përdoren në
raste zjarresh si më të efektshmet në situata të tilla frikëset e llojeve të ndryshme, të cilat
njihen me emërtime e larmi të ndryshme. Ndër to veçojmë fikëset e vogla të dorës me
shkumë, fikëset e vogla të dorës me gaz karbonik, etj. Njëkohësisht ky autor ndër të tjera
evidenton dhe jep shembuj të ndryshëm të aplikimit të mjeteve rrethanore, të cilat mund
të përdoren në rastet e ndodhjes së situatave të zjarreve në familjet tona, në dhomat e
shtëpisë në kuzhinat apo ambjentet e tjera familjare në pallatet e apartamentet e banimit.
Në këtë drejtim ai vlerëson rolin e përdorimit të kovave me ujë batanijeve të ndryshme
prej leshi, hidrantë të llojeve të ndryshme, etj. Më poshtë lidhur ngushtë me atë çfarë
përmendem më sipër po paraqesim në mënyrë figurative disa prej tyre.
Foto nr. 9 Përdorimi i fikësit me ujë
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 79
Foto nr. 10 Fikësi me ujë
Për të argumentuar sa u tha më lartë po përmendim dy raste zjarri, njëri në afërsi të një
ndërtese me shumë kate dhe tjetri në një apartament banimi në katin e katërt të një
ndërtese po me shumë kate. Rasti i parë është i lidhur ngushtë me lindjen dhe zhvillimin e
zjarrit në një vend social të banimit dykatësh. Veprimet operacionale për menaxhimin e
këtij zjarri ishin të diktuara jo nga strukturat ndërtimore të vendit social të banimit që u
përfshi nga zjarri , por nga arkitektura dhe pozicioni ku ndodhej ky vend social i banimit.
Ndërtesa ku kishte rënë zjarri, dyshemen ndarëse midis kateve dhe elementët e çatisë i
kishte prej matariali drusor. Ajo ishte shumë e amortizuar, pjesërisht e shembur dhe
aktualisht e pa banueshme. Ndodhej në anën e mbrapme të një vendi social tjetër banimi
shumëkatësh. Fasadat e këtyre dy vendeve sociale të banimit ishin pothuajse ngjitur me
njëra tjetrën. Distanca ndërmjet tyre nuk ishte më larg se gjashtë metra. Zjarri ishte
intensiv, me zhvillim të plotë dhe me flakë të lartë. Edhe pse nuk frynte erë, temperatura
e lartë, rrezatimi dhe konveksioni i flakës rrezikonin seriozisht edhe vendin tjetër social
shumëkatësh të banimit, apartamentet në fasaden e tyre kishin dritare në çdo kat dhe në
çdo ambient. Ndodhur përpara kësaj situate, drejtuesi i veprimeve operacionale vendosi
që të mos veprohej më shumë për shuarjen e zjarrit, por zjarri të mbahej nën kontroll.
Goditja kryesore dhe vëmendja të ishin të përqëndruara në mbrojtjen e fasadës së
ndërtesës me shumë kate. Për këtë qëllim, faqja e ndërtesës që digjej dhe që ishte nga ana
e ndërtesës me shume kate, goditej me gjashtë linja ujë, ndërsa vetë zjarri me dy linja
ujë. Duke vepruar në këtë mënyrë, në vendin social shumëkatësh të banimit nuk pati
asnjë dëmtim, pasi u pengua përhapja e zjarrit në këtë drejtim dhe u ul efekti dëmtues i
temperaturës së lartë që çlirohej nga djegia. Pas afro dy orësh zjarri u fik përfundimisht
dhe situata kaloi në normalitet.
Rasti tjetër i zjarrit është i tillë. Në anën e pasme të një tjetër vendi social shumëkatësh të
banimit, pallat me shtatë kate ishte ndërtuar një shtesë e një vendi social të argëtimit
(lokal shërbimesh). Kjo shtesë, e bërë me konstruksion të lehtë, dilte jashtë fasadës së
murit perimetrik të vendit social të banimit shumëkatësh (pallatit). Në kohën kur ra zjarri,
në shtesë nuk kryhej aktivitet. Në të ishin grumbulluar provizorisht mobilje, kolltuqe,
karrike etj. Lartësia dysheme – çati e shtesës ishte tre metra dhe dyshemeja e saj ishte e
ngritur nga toka afro dy metra. Pas zjarrit u konstatua se shtesa dhe orenditë brenda saje
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 80
ishin djegur plotsisht. Fasada e pallatit në këtë krahë, ishte e nxirë nga bloza dhe tymi
deri në katin e gjashtë. Tendat e ballkoneve ishin gjithashtu të djegura, ku edhe ajo e
katit të shtatë ishte pjesërisht e djegur. Ekspertet vërtetuan se “ zjarri ka filluar në
aneksin shtesë”. Në këtë shtesë kanë qenë kushtet e nevojshme për lindjen e zjarrit dhe
për një zhvillim të shpejtë dhe intensiv të tijë. Brenda pesë deri dhjetë minutash e gjithë
shtesa është kapur nga zjarri. Orenditë, pajisjet e ndodhura këtu si dhe mbulesa e
tavanit dhe e çatisë, kishin në përbërje të tyre lëndë dhe materiale të djegëshme të llojit
dru, kallam, plastmas, sfungjer, veshje sintetike etj. Për këto arsye, kur djegia ka
përshirë të gjithë shtesën, flaka ka marre lartësinë e saj maksimale, deri në tre metra
lartësi mbi mbulesën e shtesës. Në këto kushte vetë kurora e flakës arriti në lartësine tetë
metra nga niveli i tokës, tre metra lartësia e shtesës, dy metra lartësia e bazamantit nga
niveli i tokës dhe tre metra lartësia e vet fakelit të flakës. Dihet se temperatura e një zjarri
arrin deri në 1200 - 1400 °C. Zjarri në lartësi përhapet me sekonda, anash me minuta dhe
nga lartë poshtë me orë.
Zjarri shumë shpejtë u shfaq edhe në një apartament banimi që ndodhej në katin e tretë.
Ky zjarr ndodhi si pasoje e disa faktorëve :
a- nga lartësia e madhe e fakelit të flakës dhe nga kontakti i drejtë për drejtë i saj
me materiale të djegëshme të ndodhura në ballkon;
b- nga transmetimi i nxehtësisë së djegies nëpërmjet rrezatimit dhe konveksionit;
c- nga produktet e djegies ( tymi ) të cilat kapin lartësi shumë më të mëdha se flaka
dhe marrin me vete 50 - 55% të nxehtësisë që çlirohet nga djegia;
d- nga shkëndijat e ndezura që lëvizin vertikalisht dhe transportohen në distanca
të largëta së bashku me produktet e djegies.
Drejtuesi i veprimeve operacionale nuk e vlerësoi drejtë dhe në kohën e duhur dinamikën
e zjarrit dhe për rrjedhojë, nuk e parashikoi as mundësinë e përhapjes së zjarrit në
apartamentet që ndodheshin mbi vatrën e zhvillimit të zjarrit. Zjarri i shfaqur në një
apartament që ndodhej në afro 15 metra lartësi nga toka, i gjeti të pa përgatitur forcat
zjarrëfikëse. Në këto kushte, zjarri edhe këtu u zhvillua fuqishëm, duke përfshirë të
gjitha ambientet e apartamentit me sipërfaqe afro 120 m2.
Me zjarret dhe veprimtarinë e tyre janë të lidhura ngushtësisht edhe hapësira gjeografike
urbane. Në mënyrë të veçantë, gjithnjë e më shumë sot po vihet re trendi i interesit
studimor ndaj hapësirave gjeografike urbane të qëndrave të vjetra të qyteteve apo
qëndrave historike. Padyshim që vëmendja e studjuesve të disiplinave të ndryshme
shkencore në Shqipëri duhet drejtuar edhe në këtë aspekt. Në kuadrin e studimeve të
realizuara mbi shkaqet dhe masat parandaluese të zjarreve është e rëndesishme hartimi i
programeve të ndryshme organizative të mbrojtjes së qyteteve tona të vjetra historike nga
zjarret. Lidhur ngushtë me to, po ndalemi në dhënien e disa mendimeve mbi Beratin.
Duhet thënë që në fillim se Berati nuk është i mbrojtur nga rreziku i zjarrit dhe as i
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 81
siguruar në drejtim të mundësisë së menaxhimit efikas në shuarjen e zjarreve në se ato
ndodhin. Këtë e tregon më së miri gjendja reale dhe përvoja e derisotme.
Ky qytet muze, me lagjet e tyre të vjetra, ka një ndërtim karakteristik. Ndërtesat e tyre
janë kryesisht me elementë drusore dhe me çati. Këto banesa janë shumë afër me njëra
tjetrën dhe për terrenin ku ato ngrihen, janë pothuajse njëra mbi tjetrën. Është kjo
arsyeja që Berati është quajtur edhe si “ qyteti i një mbi një dritareve “. Rrugicat lidhëse
midis ndërtesave janë shumë të ngushta dhe në shumicën e gjatësisë së tyre janë të
pakalueshme edhe nga automjetet e vogla. Një numër rrugicash janë qorre, pa mundësi
kthimi. Shumica e ndërtesave janë të vjetra dhe të amortizuara. Vihet re një tendencë në
rritje që këto ndërtesa të kthehen në lokale shërbimi dhe hotele. Për të gjitha këto arsye,
nëse ndodh zjarr, ai do të zhvillohet dhe përhapet shumë shpejt. Përvoja e rasteve të
ndodhura ka treguar se ndërtesa ku ka rënë zjarri është djegur plotësisht dhe jo gjithmonë,
por me shumë vështirësi është bërë e mundur të pengohet përhapja e zjarrit në ndërtesat e
tjera.
Edhe pse Berati është qytet muze, i mbrojtur edhe nga UNESCO, nuk ka masa për
mbrojtjen nga zjarri si: rrjet hidrantësh të jashtëm, fikësa dore, pajisje për diktimin dhe
njoftimin për zjarret që ndodhin etj. Automjetet dhe pajisjet zjarrëfikëse dhe ato të
shpëtimit nuk mund të afrohen pranë ndërtesave ku bie zjarri dhe në rastet që ndodhin,
me shumë vështirësi shtrijnë me qindra metra tubo për të mbërritur deri atje. Pushteti
vendor e njeh mjaft mirë situatën, janë të shqetësuar dhe njëherazi edhe të angazhuar,
por nuk kanë fonde për zgjidhjen e saj. Kështu psh me inisiativën e Bashkisë Berat, para
disa vjetësh u bë një studim dhe projekt i plotë, për Lagjet Goricë e Magalem të qytetit të
Beratit, i përgatitur për këtë qëllim nga dy specialistë të fushës. Ky studim dhe projekt,
u miratuan në parim, por nuk u zbatuan asnjëherë për mungesë fondesh.
4. 3 Roli i mjeteve dhe pajisjeve të ndryshme në situatat e zjarreve në vendet sociale
të prodhimit, të shkëmbimit, argëtimit e pushtetit
Në tërësinë e vendeve sociale që analizuam më sipër tregohen në mënyrë mjaft të qartë
shkaqet dhe faktorët ndikues në lindjen dhe zhvillimin e zjarreve, shoqëruar edhe me
menaxhimin që realizohet nga ana e grupeve sociale për të bërë të mundur shuarjen e tyre.
Theksojmë së paraqitet mjaft e rëndësishme njohja e tyre lidhur ngushtë me përsëritjen e
situatave në të ardhmen. Në mjaft raste, gjatë shkrimit të këtij punimi doktoral më
evokoheshin ngjarje dhe situata nga më të larmishmet të përballjes me zjarret, tipat dhe
format e shfaqjes së këtyre zjarreve, së bashku me punën e jashtëzakonshme të grupit
social të zjarrfikësve etj., që bënin të mundur përballjen dhe menaxhimin me këtë rrezik
jashtëzakonisht të vështirë dhe me efekte negative në mjedis, popullsi etj.
Vendet sociale të argëtimit dhe të shkëmbimit paraqiten jo vetëm të larmishme për
sa u përket tipave të tyre, por edhe me një prani të konsiderueshme njerëzish e
frekuentuesish të pranishëm në to. Mjafton të përmendim faktin se gjithmonë këto vende
sociale, si: qendra tregtare apo markete të ndryshme, salla koncertesh, pabe e restorante,
kinema dhe qendra të tjera masive argëtuese, bartin brenda tyre një numër të
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 82
konsiderueshëm njerëzish. Në këtë mënyrë qytetarët shpeshherë rastisin në shfaqjen apo
ndodhinë e situatave të zjarreve, ndaj të cilave duhet reaguar me emergjencë e maturi.
Prandaj autorë të ndryshëm shprehen për praninë në këto vende sociale të mjeteve dhe
pajisjeve të mbrojtjes nga zjarri, që nga ato më elementaret e deri te më të sofistikuarat.
Raste të ndryshme në Europë, SHBA, Kanada etj. tregojnë për problematika serioze të
shkaktuara nga përdorimi i llojeve të ndryshme të hidrantëve apo fikësve të formave nga
më të ndryshmet, gjë që është shoqëruar edhe me dëme në njerëz e në materiale.
Në këtë drejtim edhe shkolla shqiptare e mbrojtjes nga zjarri ka rolin dhe kontributin e
saj. Një ndër studiuesit dhe kontribuesit më të spikatur të saj, i cili ka dhënë një kontribut
të vyer mbi përcaktimin e normave dhe standardeve që duhen aplikuar në rastet e zjarreve
në veprat e ndryshme industriale, pjesë përbërëse e vendeve sociale të prodhimit, është
edhe Miço Nako. Ky studjues si rezultat i punës dhe eksperiencës së tij, si në aspektin
teorik, ashtu edhe praktik, jep mendime të rëndësishme teorike dhe aplikative të mjeteve
dhe pajisjeve të ndryshme, të cilat mund të përdoren në rastet e ndodhjes së zjarreve në
fabrika dhe uzina të ndryshme, të cilat në këndvështrimin shkencor të gjeografisë sociale,
njihen si vende sociale të prodhimit. Studiuesi Nako përmend në materialet e ndryshme të
tij të botuara dhe në dorëshkrime në trajtën e leksioneve të ndryshme, një numër të
konsiderueshëm mjetesh dhe pajisjesh kundër zjarrit, të cilat mund të përdoren. Ndër to si
më të spikaturat ai vlerëson sidomos pajisjet e shuarjes së zjarrit të tipit sprinkler dhe
drencer. Aplikimi dhe përdorimi i tyre në vendet e ndryshme sociale të prodhimit
paraqitet nga ky autor si ndër më efikaset në shuarjen e zjarreve që shfaqen në to.
Krahas tyre studiuesi Nako vlerëson se janë të pranishme edhe një llojshmëri e
konsiderueshme mjetesh e pajisjesh kundra zjarrit, që nga më të thjeshtat e rrethanoret e
deri tek më të ndërlikuarat e të sofistikuarat. Si të tilla ai vlerëson stacionet e pompave
thithëse të ujit, stacionet dërguese të ujit me presion, stacionet statike të përhershme, etj.
Grafikisht po ilustrojmë disa nga këto mjete e pajisje, fryt i kontributit të studiuesit Nako,
ndonëse gjithnjë e me shume këto mjete e pajisje po shkojnë drejt ndryshimit,
transformimit e modernizimit.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 83
Foto nr. 11 Sistemi vetshuarës gjysmëautomatik (drençer)
Njëkohësisht rastisja e situatave të zjarreve dhe rolit të pajisjeve e mjeteve që
përdoren për shuarjen e zjarreve është evidente edhe në vendet sociale të prodhimit. Mjaft
punishte, fabrika e uzina, miniera etj. shpeshherë gjatë aktivitetit të tyre janë ndodhur nën
flakët e zjarreve që janë shkaktuar e janë zhvilluar aty. Sa me sipër, po përpiqem të
paraqes një rast jashtëzakonisht të veçantë të një prej zjarreve me potente e problematike
të ndodhura në Shqipëri, siç është ai i fontanave të hapura. Ndërmarrja dhe realizimi i
veprimeve operacionale për menaxhimin e një fontane të hapur dhe të shoqëruar me zjarr
në një pus nafte është një rast shumë i veçantë dhe një përvojë unike. Raste të tilla
ndikojnë dukshëm në përftimin e përvojave të rëndësishme profesionale, në hartimin e
strategjive të ndërhyrjes në të ardhmen si dhe në lançimin e formave dhe metodave
menaxhuese në raste të tilla në kuadër të evolucionit të shkencave mbi mbrojtjen nga
zjarri. Vlerësojmë se pjesëmarrja personale, pjesë e grupit social të zjarrfikësve në
veprime operacionale të tilla, paraqet edhe në përvojën dhe eksperiencën time disavjeçare
një rast të veçantë.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 84
Literatura e shërbimeve gjeologjike si dhe e disiplinave shkencore që merren me
mbrojtjen nga zjarret vlerësojnë se tematikat që lidhen me praninë e fontanave të hapura
përfaqësojnë avaritë më serioze që mund të jenë prezente në sektorin e kërkimit dhe
shfrytëzimit të vendburimeve të naftës dhe gazit. Ky konstatim sa shkencor aq dhe
konkret me sa duket është rezultat i faktit se këto lloje avarish paraqiten shumë
problematike në format dhe tiparet e lindjes dhe të zhvillimit të tyre, ndërlikimet në
proces, sidomos në rastet kur ato shoqërohen edhe me zjarre apo me daljen e fluideve,
naftë e gaz, nga jashtë kolonës së pusit.
Fontanat e hapura të naftës e gazit shkaktojnë dëme të mëdha ekonomike e
mjedisore. Këto dëme janë të lidhura me faktorët e mëposhtëm:
a. Fontanat e hapura janë burim aksidentesh, pasi rrezikojnë seriozisht jetën e
punonjësve që ndodhen në atë kohë në pusin që fontanon, por edhe të atyre që
do të merren drejtpërdrejtë me likuidimin e pasojave dhe normalizimin e
situatës.
b. Fontanimi dëmton rëndë shtresën naftë - e gazmbajtëse, pasi duke u shtrirë në
kohë zvogëlon ndjeshëm presionin e saj, duke ndikuar edhe në zvogëlimin e
kohës së shfrytëzimit të vend burimit.
c. Në vartësi të terrenit ku ndodhet pusi që fontanon, fluidi shkarkohet në natyrë,
duke u përzier e përhapur së bashku me ajrin, por ai bie edhe mbi tokë dhe
ndot e dëmton mjedisin përreth. Duhet theksuar së gazet shoqëruese të naftës
kanë në përbërje edhe gaze sulfurore e sulfidrike, të cilat janë helmuese.
d. Kur fontana shoqërohet me zjarr dëmton dhe nxjerr jashtë përdorimit edhe
sallën e makinerisë dhe kullën e sondës së shpimit.
e. Mbyllja e fontanës dhe normalizimi i situatës pas saj kërkon angazhimin dhe
përdorimin e forcave, mekanizmave dhe mjeteve të shumta dhe për një kohë
relativisht të gjatë.
Është fakt se në Shqipëri kanë ndodhur një nëmur i konsiderueshëm fontanash të
hapura. Një gjë e tillë ka pasur edhe anën e vet pozitive, pasi është fituar një përvojë mjaft
e pasur. Vetëm gjatë periudhës 1960–1980 kanë ndodhur 30 fontana, 11 prej të cilave janë
shoqëruar me zjarre. Të tilla fontana kanë ndodhur gjatë shpimit të puseve të naftës dhe
gazit si dhe gjatë përvetësimit të tyre në disa vendburime, si në Marinëz, Kallem-Verri,
Divjakë, Frakull, Ballsh, Drenovë etj. Shkaku i zjarreve gjatë fontanave të naftës e gazit
janë shkëndijat që shkaktohen nga goditja e gurëve që dalin nga pusi së bashku me
rrymën e fluidit, me pjesët metalike të kullës si dhe nga elektriciste t’i statik që krijohet
nga lëshimi i vrullshëm në atmosferë i rrymës së fluidit naftë apo gaz.
Pavarësisht nga shkaku i lindjes, përvoja tregon se zjarri në fontanat e puseve
përhapet në tri forma:
1. Zjarr në lartësi, i cili shoqëron konturet e rrymës së fontanës. Lartësia e saj
varet nga presioni i shtresës dhe arrin deri në 40 metra.
2. Zjarr në formë të çrregullt, i shoqëruar me flakë mbi grykën e pusit dhe me
përhapje në të gjitha drejtimet. Përhapja në mënyrë lineare e flakës në lartësi
pengohet nga mbetjet metalike që kanë rënë mbi grykën e pusit apo nga
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 85
dëmtimi i pajisjeve të grykës së pusit. Në këto raste flaka kap një sipërfaqe
shumë më të madhe se në rastin e përhapjes në lartësi.
3. Zjarr që përhapet në një territor me sipërfaqe të konsiderueshme jashtë pusit.
Kjo ndodh kur nafta apo gazi dalin në sipërfaqe nga jashtë kolonës së pusit,
duke lëvizur nëpërmjet çarjeve dhe hapësirave në shtresat e tokës. Në të tilla
raste mund të kemi disa vatra të shkëputura zjarri në formë kandili. Por flaka
mund të jetë edhe në formë zinxhiri në një perimetër apo në një sipërfaqe toke
prej disa dhjetëra metra katrorë. Ka edhe raste që fluidi del në sasi të mëdha
dhe në formë rryme në një apo disa vende, duke arritur lartësi të
konsiderueshme nga toka.
Një rast tipik dhe me veprime operacionale shumëplanëshe, nga e cila është
përfituar një përvojë e madhe, është rasti i fontanës së hapur të naftës në pusin C–37, i cili
ishte projektuar dhe zbatuar për të kapur shtresën naftëmbajtëse në kulmin e saj në zonën
që quhet “kapele gazore”. Kur ishte arritur thellësia 3900 metra, për pakujdesi pusi u la
jashtë kontrollit dhe ndodhi që shtresa e naftës të komunikonte me sipërfaqen dhe
fontanoi, duke nxjerrë në atmosferë një rrymë të fuqishme nafte të përzier edhe me gaz
kondensat. Pothuajse menjëherë me daljen e rrymës së gazit kondensat ndodhi dhe ndezja
dhe djegia e saj me një flakë të fuqishme dhe të lartë mbi 40 m. Si pasojë e lëvizjes së
fakelit të flakës nën kullën e pusit, brenda 20–25 minutave kulla metalike u deformua, u
shkatërrua, duke e mbuluar grykën e pusit me një sasi të madhe hekurishtesh. Kështu
flaka, nga një pamje fakeli të drejtë dhe të fuqishëm, u devijua edhe në drejtimet anësore
përreth grykës së pusit, duke krijuar një lëmsh të madh zjarri me diametër afro 20–30
metra.
Si pasojë e rrezatimit dhe konveksionit të prodhuara nga flaka e zjarrit, djegia u
përhap brenda orës në një distance afro 200–300 metra, duke ndezur dhe djegur shkurret e
një kodre përballë.
Në këtë fontanë, por dhe në të tjera, ndeshen njëherazi shumë specifika:
temperatura të larta; presioni disa dhjetëra atmosferë në grykën e pusit; sipërfaqja e
përhapjes së zjarrit në disa mijëra metra katrore; terreni shumë i aksidentuar; ndotja e
lartë akustike; prania e gazeve helmuese në atmosferë; vështirësitë e komunikimit; pasojat
shëndetësore në radhët e pjesëmarrësve në veprimtaritë operacionale; koha e gjatë e
vazhdimit të shërbimeve për menaxhimin e situatës etj. Përballë këtyre specifikave
shërbimi zjarrfikës bëhej ndër me të rëndësishmit, pasi ai kërkohej të ishte pjesëmarrës
aktiv në të gjitha llojet e veprimeve operacionale që planifikoheshin të kryheshin. Për këtë
qëllim shërbimi zjarrfikës duhej që të organizohej në përshtatje me mirëfunksionimin e të
gjitha shërbimeve të tjera të pranishme dhe të ndryshimeve të vazhdueshme që pësonte
situata e fontanës. Janë disa veprime organizative të përsëritura apo përvoja të reja me të
cilat u përball shërbimi zjarrfikës në këtë fontanë:
- përqendrimi më masiv i realizuar ndonjëherë i forcave dhe i mjeteve
zjarrfikëse;
- nevojën për të ndërhyrë e mbajtur nën kontroll një sipërfaqe të madhe dhe në
një terren të thyer;
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 86
- përdorimi nga zjarrfikësat i mjeteve rrethanore, batanije, automjetet
zjarrfikëse, hidrantët dhe kolektorët e ujit dhe deri te lënda e ngurtë
shpërthyese;
- organizimi i punës sipas sistemit zinxhir, me mbulim i pari të dytin dhe i dyti
mbulon të tretin dhe kështu në vazhdim;
- përdorimi nga zjarrfikësit i uniformave zjarrduruese prej amianti dhe i
kundërgazeve tip ushtarak;
- përdorimi i eksplozivit për shuarjen e fontanës, lëvizja në drejtim të grykës së
pusit e arkave me eksploziv varur në një kavo çeliku dhe shoqërimi i këtyre
arkave me rryma uji;
- zgjidhja e shpejtë dhe në mënyrë krijuese e problemeve të lindura si futja e ujit
në brendësi të rrymës së gazit kondensat apo ftohja e sipërfaqes së tokës
nëpërmjet krijimit të një baseni ujor.
Për përballimin e situatës në fontanën e pusit C–37, u krijua një shtab i posaçëm
drejtues. Në këtë shtab kishte përfaqësues nga të gjitha shërbimet dhe sektorët
pjesëmarrës dhe që do të kryenin detyra operacionale specifike. Ky shtab, që do të
funksiononte pa ndërprerje, u quajt “shtabi i fontanës C–37”. Shtabi kishte për detyrë:
a. të analizonte situatën rast pas rasti;
b. të merrte vendime për zgjidhjen e situatave, duke përcaktuar veprimet që
duhen kryer dhe detyrat specifike për çdo shërbim apo sektor pjesëmarrës;
c. të siguronte bazën materialo–teknike të nevojshme për veprimet operacionale
dhe për krijimin e kushteve për fjetje, veshje speciale, pajisje mbrojtëse
individuale, mjete transporti, ushqim etj., të forcave pjesëmarrëse në
operacione të mbylljes së fontanës dhe normalizimit të gjendjes;
d. të bashkërendonte veprimet ndërmjet forcave pjesëmarrëse, duke garantuar
unifikimin e veprimeve drejt një qëllimi të vetëm.
Në këtë fazë si detyra të rëndësisë së veçantë ishin:
Të studiohej terreni me detyrë që të përcaktohej zona e ndaluar dhe brenda saj
zonën e rrezikut, për lëvizjen e njerëzve, të automjeteve dhe mjeteve të tjera të
paautorizuara.
Të merreshin masat për shuarjen e vatrave të zjarrit dhe të shkurreve, duke e
lokalizuar zjarrin në përfundim vetëm në grykën e pusit.
Të bëheshin llogaritjet dhe kërkesat për çdo shërbim e sektor, për nevojat në
forca, mjetë e bazë materiale.
Të sheshohej terreni përreth pusit dhe të hapeshin rrugët e komunikimi nga
periferia në drejtim të tij.
Të bëhej largimi i hekurishteve të panevojshme nga gryka e pusit dhe përreth
tij, me qëllim që krijohen kushte për një punë pa pengesa.
Të sigurohej sasia e ujit për mbështetjen dhe garantimin e të gjitha veprimeve
që do kryheshin momentalisht dhe në perspektivë.
Të merreshin masat për shërbimin shëndetësor ndaj efektivave që do vepronin
me detyra në mbylljen e pusit.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 87
Jeta e njerëzve që punonin brenda zonës së rrezikut dhe afër saj, rrezikohej në çdo
kohë nga disa faktorë dhe që ishin të përhershëm e të kudondodhur. Ndër to përmendim
disa rreziqe: helmimi nga gazet dhe avujt toksikë; dehidratimi nga temperatura të larta;
dobësimi nga lodhja sfilitëse; dëmtime të lëkurës nga djegiet dhe nga aksidentet e
mundshme. Për të gjitha këto arsye u morën këto masa:
a. U organizua një staf mjekësor, të cilët veç vizitave periodike, jepnin ndihmën
e parë mjekësore.
b. U organizuan disa grupe vrojtimi, të cilët ishin shëtitës dhe kontrollonin çdo
front pune dhe çdo pozicion ku kishte njerëz. Kur konstatonin probleme, ata
paraqiteshin menjëherë, jepnin ndihmën e parë, kryesisht duke i nxjerrë gjuhën
personit apo duke i bërë frymëmarrje artificiale deri gojë më gojë, dhe më pas
e çonin personin në nevojë te mjeti i transportit. Për vetë terrenin e thyer dhe
me baltë, si mjet transporti u përdor një transportues ushtarak me zinxhirë i
tipit diagaç.
c. Jashtë zonës së ndaluar, në një çadër, u ngrit një miniqendër shëndetësore, me
të gjitha nevojat kryesore në mjete, pajisje dhe në ilaçe. Për raste të veçanta,
nga këtu personi dërgohej menjëherë në spitalin me të afërt, që ndodhej rreth
10 minuta larg.
Kjo skemë funksionoi më së miri, duke iu përgjigjur shpejt dhe me
profesionalizëm rasteve të krijuara. Vetëm në një rast një zjarrfikës u dërgua në spitalin e
qytetit, pasi iu mbush me ujë kutia filtruese e kundërgazit dhe pësoi një helmim serioz. E
rëndësishme ishte që të mbahej çdo gjë nën kontroll të vazhdueshëm, për të mos rrezikuar
jetën e njerëzve dhe të merreshin masat e duhura për të mos lejuar përhapjen e zjarrit në
zona të reja.
Për shuarjen e fontanës dhe mbylljen e saje kërkohej pjesëmarrje e shumë
njerëzve, shërbime të ndryshme, si dhe përdorim mjetesh e teknike, të cilat ishin të
konsiderueshme në numër. Prandaj ishte detyrë parësore që të disiplinohej hyrja dhe dalja
e tyre në zonën e ndaluar të fontanës. Për këtë arsye u përcaktuan zonat e punimeve, zonat
me rrezik helmimi dhe ato me rrezik zjarri. Mbi këtë bazë, pasi u studiua terreni, u ngritën
2 postblloqe dhe u përcaktuan disa vende vrojtimi, nga ku mbahej nën vëzhgim i gjithë
territori brenda zonës së ndaluar. Rëndësi të veçantë merrte përcaktimi i masave dhe i
rregullave konkrete që duheshin zbatuar nga çdo person, automjet apo makineri që do të
futej në zonën e ndaluar dhe veçanërisht në atë të përcaktuar si zona “e rrezikshme”.
Masat dhe rregullat u paraqitën në dy grupe: në masa dhe rregulla për kohën kur fontana
ishte e ndezur dhe në masa dhe rregulla në kohën kur fontana do të fikej.
Në grupin e parë të masave u parashikuan:
a. parandalimi i përhapjes së zjarrit në zonën pyjore të afërt me fontanën dhe
organizimi i punës për të ndërhyrë menjëherë nëse kjo gjë do ndodhte;
b. të gjithë serbatorët e karburantit të automjeteve dhe mekanizmave që do të
lejoheshin të punonin në afërsi të fontanës, te zona e rrezikut, duhej të
visheshin me rrobe amianti ose leshi dhe të lageshin pa ndërprerje me ujë, për
të shmangur kështu shpërthimin e tyre nga temperaturat e larta;
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 88
c. të përgatiteshin dhe përdoren pajisje dhe mjete të bronzuara, për të shmangur
krijimin e shkëndijave gjatë punës me to.
Pas shuarjes së fontanës, pritej që fluidi që do dalë nga pusi do të përhapet në
gjendje të lirë në atmosferë dhe mbi tokë në një sipërfaqe të madhe, duke i kapërcyer
ndjeshëm kufijtë e sheshit të pusit. Kjo do të rëndonte së tepërmi situatën, duke e bërë atë
edhe më të rrezikshme. Rasti më i keq do të ishte rindezja papritur e fontanës. Për këtë
arsye masat e parashikuara në grupin e dytë duhej të ishin të plota e më të rrepta, si:
a. të gjitha automjetet dhe mekanizmat do të pajiseshin me shkëndipritëse;
b. në mënyrë të veçantë impiantet elektrike të këtyre mjeteve e mekanizmave duhet
të ishin ekstremisht të garantuara dhe pa defekte;
c. çdo lloj punimi me goditje mekanike, gërmimet, shkarkimi i tubacioneve metalike
etj., të cilat do të bëheshin në zonën e rrezikut, do të kryheshin nën një mbikëqyrje
të rreptë dhe vetëm duke u mbrojtur me dushin me ujë;
d. njerëzit që do punonin brenda zonës së rrezikut, do të fillonin punë vetëm pasi të
instruktoheshin posaçërisht;
e. do të synohej veçanërisht të forcohej kontrolli në zbatim të çdo mase e rregulli të
vendosur.
Në zbatim të detyrave që përcaktoi shtabi i fontanës, drejtuesit e shërbimit
zjarrfikës bënë llogaritjen për:
- numrin e forcave zjarrfikëse që duhet të përqendroheshin pranë fontanës;
- numrin e automjeteve zjarrfikëse, të veshjeve e aparateve mbrojtëse, të tubave
dhe të gjitha atrecaturës tjetër të nevojshme për realizimin e detyrave në këtë
fazë;
- llogaritja e sasisë së ujit, të kolektorëve dhe linjave shpërndarëse të ujit dhe të
vendit të vendosjes së tyre në terren.
Numri i kolektorëve të shpërndarjes së ujit në drejtim të pusit në flakë ishte i
lidhur me sasinë dhe llojin e punimeve që do të kryheshin, si dhe me konfiguracionin e
terrenit, ndërsa numri i daljeve nga kolektorët e shpërndarjes ishte i diktuar nga largësia e
vendosjes të tyre nga pusi.
Zjarrfikësit kishin për detyrë që të mbulonin me rryma uji të gjithë personat që do
të punonin në afërsi të grykës së pusit, për t’i mbrojtur ata nga temperaturat e larta që
krijonte djegia e fluidit që dilte nga pusi. Duhet thënë se temperatura e ambientit rreth
pusit ishte e konsiderueshme. Nga matja e bërë në terren rezultonte se në distancë 40
metra nga gryka e pusit temperatura arrinte 100 gradë celsius. Kjo në kushte normale, se
kur frynte erë, fakeli i flakës lakohej dhe gjendja për personat që ndodheshin në anën e
lakimit bëhej shumë e rrezikshme dhe kritike, pasi temperaturat që vepronin mbi ta
pësonin një rritje të menjëhershme, deri në të padurueshme. Uji që hidhej mbi trupat e
tyre avullonte menjëherë.
Vetë efektivi zjarrfikës duhet të përballej me temperatura të larta dhe me gazet dhe
avujt toksikë. Në këto kushte, ata duhet të punonin në çdo kohë me kundërgaz, që në këtë
rast si me të përshtatshmit u konsideruan ata të tipit ushtarak. Për menaxhimin e situatës
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 89
dhe kryerjen pa rrezik të të gjitha veprimeve operacionale, lënda bazë dhe e kudopërdorur
ishte ujë i zakonshëm. Për sigurimin e ujit u ngrit një stacion pompash në afërsi të lumit,
nga ku, në një distancë afro 10 km, uji dërgohej në një rezervuar ndërmjetës. Nga ky
rezervuar ndërmjetës merrej e gjithë sasia e ujit që nevojitej për të përballuar kërkesat në
pusin C–37. Në këtë fazë nevojat u llogaritën 250 litra në sekondë ose 900 metra kub ujë
në ore.
Si fillim u vendos për të instaluar 3 kolektorë shpërndarës me nga 8 dalje me
diametër 77 mm secila. Kolektorët u vendosën në terren të hapur, afro 100 m larg grykës
së pusit. Zjarrfikësit ishin të kushtëzuar të punonin me “sistem mbulimi zinxhirë”, ku
zjarrfikësi 1 mbulonte me rryma uji zjarrfikësin 2, zjarrfikësi 2 mbulonte zjarrfikësin 3, e
kështu me radhë deri te zjarrfikësi i fundit 6, që kishte për detyrë të mbante nën kontroll
të vazhdueshëm dhe të mbulonte me rryma uji punonjësin e avarishpëtuesve të naftës, i
cili kryente veprime në afërsi të grykës së pusit. Për një kolektorë shpërndarës duheshin
minimalisht 6 zjarrfikës dhe 1 drejtues, 21 tuba zjarrfikëse me diametër 77 mm, 6 hedhes
uji dhe një sasi uji afro 30 litra në sekondë. Në këtë mënyrë u benë llogaritjet për forcat
dhe mjetet e duhura, duke përfshirë këtu edhe pjesëmarrjen me detyra konkrete edhe të
punonjësve të sektorit të naftës, të cilët ishin të organizuar dhe vepronin në grupet
vullnetare zjarrfikëse.
Me rëndësi të veçantë ishte parashikimi dhe mbajtja e një rezerve në forca dhe në
çdo artikull tjetër të përdorshëm nga shërbimi zjarrfikës. Kjo rezervë bënte të mundur
vazhdimësinë e veprimeve operacionale dhe shërbente edhe si garanci për të përballuar
edhe situata të paparashikuara. Gjithashtu me rëndësi ishte dhe organizimi i punës për
rikuperimin e atyre mjeteve e pajisjeve që dëmtoheshin gjatë përdorimit, me synim që të
bëheshin përsëri të përdorshme. Kjo detyrë iu caktua efektivit të stacionit zjarrfikës më të
afërt. Në këtë fazë zjarrfikësit duhet të mbështesnin edhe punën e personave, të
buldozerëve dhe të traktorëve, të cilët merreshin me sistemimin e territorit dhe hapjen e
rrugëve të reja, si dhe për tërheqjen e dhe largimin e mbetjeve metalike të makinerive të
sondës së pusit. Detyra ishte që të dushoheshin pa ndërprerje me ujë buldozerët dhe
traktorët, në mënyrë të veçantë serbatorët e tyre, si dhe të krijoheshin kushte të
përshtatshme pune për përdoruesit e këtyre mjeteve.
Me një punë të studiuar mirë, të organizuar në çdo detaj dhe nën masa të forta
sigurie për jetën, filloi çmontimi, tërheqja dhe largimi i makinerive dhe i pjesëve të tjera
të sondës së djegur. Njerëzit që kryenin këto operacione ndodheshin nën ndikimin e
temperaturës së lartë, lëviznin në një terren të thyer, ku ishin të detyruar të bënin edhe
veprime fizike të vështira. Pasi u arrit largimi i të gjitha pjesëve metalike dhe u pastrua
kështu gryka e pusit dhe sheshi rreth tij, u pa së kishim një fakel flake vertikale, me lartësi
mbi 40 metra dhe një lëmsh zjarri me diametër afro 20 metra, i cili qarkonte grykën e
pusit. Shtabi i fontanës vuri si detyrë shuarjen e njëkohshme të fakelit vertikal të fontanës
dhe të flakëve rreth grykës së pusit.
Shuarja do të realizohej duke përdorur lëndë eksplozive. Nuk ishte hera e parë që
për shuarjen e fontanave përdorej lënda eksplozive. Kjo metodë është përdorur në vitin
1957 në një fontanë pus nafte në Marinëz të Fierit. Nga ajo kohë lënda eksplozive është
përdorur pothuajse në çdo rast të ngjashëm. Si praktikë përdorimi, lënda eksplozive e
llojit amonit apo trotil, çohet pak më lart se gryka e pusit dhe në pozicion afro 1– 2 m larg
grykës sipas horizontales. Si pasojë e shpërthimit, gazi apo nafta që digjet izolohet nga
ajri dhe nga zona e djegies. Ndodh në një fraksion shumë të vogël kohe shkëputja e flakës
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 90
nga rryma e fontanës. Sasia e lëndës shpërthyese që përdoret është e përcaktuar nga fuqia
e fontanës, d.m.th nga presioni i rrymës në dalje nga gryka e pusit dhe nga karakteri i
kësaj rryme, nëse rryma është kompakte apo e ndarë. Kjo sasi në kushte “normale” varion
nga 100 deri në 600 kg e me shumë lëndë eksplozive në një shpërthim të vetëm.
Përdorimi i kësaj metodë në fontanën e pusit C–37 kërkonte një studim të detajuar, jo
vetëm për sasinë, por edhe për vendin e vendosjes së arkave me eksploziv. Rreziku ishte
që nga shpërthimi të dëmtohej edhe më shumë gryka e pusit, ose të ndodhte që të shuhej
vetëm fakeli vertikal i flakës dhe jo ajo rreth grykës së pusit. Në të dy rastet situata
përkeqësohej edhe më shumë.
U vendos që të përdoreshin 4 arka me eksploziv, të cilat do të qëndronin të
pozicionuara 1 metër mbi nivelin e tokës dhe të shpërndara sipas perimetrit të grykës së
pusit. Pasi të vendosej në çdo arkë sasia e llogaritur e lëndës eksplozive, do të mbështillej
me disa shtresa prej rrobe amianti dhe me mushama. Synimi ishte që arkat të mbroheshin
nga temperaturat e larta, për të mos ndodhur shpërthimi i parakohshëm apo i
pakontrolluar i tyre dhe që lënda eksplozive të mos lagej gjatë ftohjes me rryma uji. Për
realizimin e kësaj, shërbimi zjarrfikës do të kryente këto detyra: së pari, do mbronte me
rryma uji personelin që do transportonte dhe vendoste arkat me eksploziv në vendet e
caktuara; së dyti, kur arkat do pozicionoheshin në vendin e tyre, çdo arke do t’i vendosej
mbi vete nga dy hedhëse uji, duke i lënë këto hedhëse të fiksuara mbi arka; së treti, pas
shpërthimit do të bënin dushimin intensive të të gjithë territorit rreth pusit, me synim
ftohjen e shpejtë, për të mos lejuar rindezjen.
Ky proces punë ishte tepër i veçantë dhe i rrezikshëm, sidomos po të mbahet
parasysh se efektivi aktual zjarrfikës nuk kishte përvojë në përdorimin e lëndëve
eksplozive. Shumica e efektivit ishin ushtarë të shërbimit të detyrueshëm. Rreziku
qëndronte edhe në atë se forcat zjarrfikëse ishin të detyruara të vepronin të shpërndara në
katër sektorë pune, sipas vendit nga ku do niseshin dhe ku do pozicionoheshin në
momentin e shpërthimit të katër arkat me lëndë eksplozive. Sasia e lëndës eksplozive që
do përdorej ishte e konsiderueshme dhe shkonte deri në 1, 300 kg. Të katër arkat me lëndë
eksplozive ishin të lidhura në mënyrë të tillë që shpërthimi i tyre të ishte i menjëhershëm
dhe i komanduar në distancë. Të fundit që do të largoheshin nga fronti i punës ishin
zjarrfikësit dhe pikërisht pasi ata të vendosnin dhe fiksonin hedhëset e ujit mbi çdo arkë.
Zjarrfikësit do të shoqëronin me rryma uji të gjithë procesin e punës me arkat, që nga
përgatitja, ambalazhimi, transporti, afrimi në vendin e plasjes dhe fiksimi i dy linjave me
ujë mbi çdo arkë me lëndë shpërthyese.
Grupi social i zjarrfikësve ishin njëkohësisht edhe të parët që do të ktheheshin në
vendet e paracaktuara, për të bërë ftohjen intensive të ambientit dhe mbrojtjen e forcave
xheniere, të cilët do verifikonin nëse kishin shpërthyer apo jo të gjitha arkat me eksploziv.
Komunikimi ishte i vështirë, për shkak të zhurmës së fuqishme që krijohej nga pusi, por
edhe se të gjitha forcat pjesëmarrëse mbanin të vendosur në kokë kundërgazet
individuale. Në këto kushte u përdorën megafona dore dhe raketa gjurmëlënëse. Pas
shuarjes së zjarrit me lëndë eksplozive, situata dhe kushtet e punës për çdo pjesëmarrës
vështirësoheshin edhe më tepër. Kjo ndodhte për disa arsye dhe konkretisht:
1. Shtohej rreziku i helmimit. Të gjitha gazrat dhe avujt helmues, që më parë
digjeshin së bashku me gazin kondensat, tani gjithçka që dilte nga pusi
shkarkoheshin drejtpërdrejt në atmosferë.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 91
2. Ndriçimi i territorit ishte më i pakët. Deri para fikjes së fontanës, ndriçimi
ishte i plotë dhe në distanca të mëdha, pasi ai realizohej nga fakeli gjigant i
fontanës në flakë. Pas fikjes, ai realizohej në distancë nga disa projektorë.
3. Ambienti rreth pusit u bë i ftohtë, ndërsa terreni me baltë. Kjo vështirësonte
qëndrimin dhe punën e efektivit. Duhet theksuar se ishin muajt shkurt, mars
dhe prill.
4. Kontrolli për gjendjen fizike person për person i efektivit, kur ata ishin në
pritje për të kryer ndonjë veprim, ishte i vështirë. Ndodhte që kundërgazet të
bllokoheshin nga uji që hynte në kutitë e filtrimit. Kur kjo ndodhte, personi
detyrohej ta hiqte kundërgazin dhe për rrjedhojë ai toksikohej menjëherë.
Kontrolli vizual në distancë ishte i vështirë, pasi çdo person kishte të vendosur
në kokë kundërgazin. Në këto rrethana, herë pas herë efektivi goditej në trup
me guriçka apo me këmbë dhe shikohej reagimi i tij.
Në këtë fazë u mor vendimi që të kryheshin punimet për të realizuar vendosjen e
një pajisjeje hermetizuese në grykën e pusit dhe më pas të bëhej “mbytja” e tij.
Vështirësitë në këtë situatë ishin se mungonte kulla e sondës për të realizuar ngritjen,
centrimin dhe futjen e pajisjes; çdo gjë do të bëhej duke përdorur mekanizma lëvizës dhe
sisteme të improvizuara, por ajo që ishte më e rrezikshmja, veprimet do të kryheshin
drejtpërdrejt mbi dhe brenda rrymës vertikale të fluidit naftë-gaz kondensat. Veç detyrave
që kryenin deri në këtë moment, në përshtatje me situatën aktuale, zjarrfikësit duhej që të
kryenin edhe këto detyra të veçanta: duhej që çdo veprim të kryhej me kujdesin më të
madh që të mos krijoheshin shkendija nga goditjet dhe fërkimet gjatë punës. Rindezja do
të rrezikonte ekstremisht jetën e personave që do të punonin të gryka e pusit; të gjitha
kavot e çelikut u veshën me rroba amianti, nyjat rrotulluese u lyen me një shtresë graso të
trashë, skapamentot e automjeteve lëvizëse u pajisën me shkëndipritës; dushimi me ujë u
përqendrua në tri drejtime: te gryka e pusit, te njerëzit që punonin në zonën e rrezikut dhe
të çdo mekanizëm dhe veprim që kryhej në atë moment.
Me rëndësi të veçantë është sigurimi i garantuar i ujit. Ndërprerja e tij në mes të
procesit do të ishte pothuajse vdekje e sigurt e personave që do vepronin në afërsi të
grykës së pusit. Për këtë qëllim u parashikuan dhe u zbatuan masa të veçanta, duke filluar
nga sasia e ujit në rezervuare, stacioni i pompave, energjia elektrike, linjat rezervë të
furnizimit me ujë, linjat zjarrfikëse, gatishmëria maksimale për evidentimin dhe riparimin
e defekteve të mundshme etj. E rëndësishme është gjithashtu vlerësimi maksimal i
situatës dhe përkushtimi për kryerjen e detyrave të caktuara nga çdo pjesëmarrës në
operacion. Askush nuk ishte dhe nuk duhej konsideruar më pak i rëndësishëm në këtë
moment. Në çdo proces pune dhe çdo punonjës i ngarkuar për të bërë një detyrë në këtë
proces, ishte pjesë e suksesit ose e dështimit me pasoja tepër të rënda. Menaxhimi i mirë i
situatës ishte në dorën e cilitdo që ishte pjesë e veprimeve operacionale.
Pasi u realizua me sukses futja dhe fiksimi i pajisjes hermetizuese në grykën e
pusit, u bë dhe betonimi i grykës së pusit. Pajisja bëri të mundur që rryma vertikale e gazit
kondensat të devijohej horizontalisht, që ky veprim të ishte i sigurt dhe të bëhej në
mënyrë të komanduar.
Pas kësaj u krijuan kushte teknike për të filluar veprimet e para për ta “mbytur”
pusin. Gjatë tentativave ndodhi ajo që nuk duhej të ndodhte: u shfaq dalja e gazit
kondensat nga jashtë kolonës së pusit. Kjo tregoi që kolona metalike e pusit ishte e çarë,
por edhe shtresat e tokës përreth trungut të pusit kishin hapësira komunikimi më
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 92
sipërfaqen e tokës. Fillimisht u shfaqën disa flluskime në afërsi të pusit dhe pas disa
ditësh ato u përhapën në një sipërfaqe të madhe, ku dalja e gazit kondensat në disa vende
arriti në formë shatërvani me lartësi deri në 10–15 metra. Sasia e grifonëve dhe e gazit
kondensat që dilte prej tyre vinte vazhdimisht në rritje. Grifonët kapen një sipërfaqe deri
në 700–800 metra gjatësi në të dyja shpatet e një përroi që ndodhej afër pusit, në anën
perëndimore të tij. Në gjithë këtë sipërfaqe dalloheshin dy grifonë të mëdhenj përballë
njëri-tjetrit. Njeri prej tyre, që u quajt “grifoni i madh”, ndodhej në një zgavër nën nivelin
e pusit dhe fare pranë tije. Këta dy grifonë, që kishin kratere me diametër përkatësisht deri
në 5 metra dhe deri në 10 metra, punonin në sinkron me njëri-tjetrin, duke nxjerr nga
nëntoka sasi të mëdha gazi kondensat. Veç tyre në gjithë këtë sipërfaqe kishte grifonë të
tjerë me lartësi hedhjeje të ndryshme dhe grifonë me rrjedhje të lirë në sipërfaqe të tokës.
Situata në këtë vend social të prodhimit, siç e quajmë në kuadër të emërtimit
shkencor në gjeografinë sociale, u bë e rënduar. Në një sipërfaqe prej disa mijëra metra
katrorë ngado kishte dalje nga nëntoka e gazit kondensat dhe rrjedhje të hidrokarburit të
kondensuar. Lëngu lëviztë sipas pjerrësisë së tokës. Për të vendosur pak rregull, në fund të
përroit u improvizua një digë me dhe të ngjeshur. U krijua kështu një basen. Kondensati i
lëngëzuar që mblidhej në këtë basen të krijuar posaçërisht për këtë qëllim, tërhiqej prej
aty dhe dërgohej në rezervuarë metalikë. Edhe në këto kushte ishte e detyrueshme që të
vazhdohej puna për të vendosur mbi pus kullën dhe pajisjet e tjera të shfrytëzimit. E
papritur ishte shfaqa e zjarrit fillimisht në grifonin e madh dhe më tej në të gjithë
sipërfaqen e pushtuar nga grifonë të tjerë dhe të ngopur me kondensat të lëngshëm.
Brenda minutës zjarri u përhap deri të diga prej dheu, afro 800 metra larg dhe poshtë
pusit.
Situata u bë shumë dramatike. Kishim përpara një sipërfaqe shumë të madhe të
pushtuar nga flaka. Ky zjarr furnizohej dhe ushqehej në mënyrë të pandërprerë dhe në sasi
mjaft të konsiderueshme me gaz kondensat nga qindra grifonë aktivë, që për momentin
ishin jashtë çdo kontrolli. Theksojmë në këtë situatë edhe terrenin e thyer dhe shumë të
vështirë në të cilën zhvillohej zjarri, gjë që tregon se sa me rëndësi paraqiten në situata të
tilla njohja me gjeomorfologjinë dhe gjeografinë e territoreve të veçanta në një hapësirë
gjeografike ku ndërtohet një vend social prodhimi. Primare ishte që të fikej zjarri në të
gjithë sipërfaqen e stërmadhe të ndezur. Objektivi ishte që të arrihej sa më shpejt
lokalizimi dhe përqendrimi i zjarrit vetëm në dy grifonët e mëdhenj. Pasi të arrihej kjo,
situata do të bëhej më e favorshme dhe kushtet do të ishin më të përshtatshme për të
vepruar për fikjen e e zjarrit në të dy grifonët.
Detyra ishte e vështirë dhe vështirësitë vinin jo vetëm nga madhësia e sipërfaqes
ku duhej vepruar, por dhe për shkak se duhej të vepronin në mënyrë harmonike shumë
forca njëherësh, duke përdorur kryesisht mjete rrethanore, si: baltë, dhe të shkrifët,
batanije etj. Njëkohësisht duheshin hapur në sipërfaqe të tokës vija e devijime, e të
vendoseshin tuba metalikë për ta disiplinuar disi dhe për ta devijuar lëvizjen e kondensatit
në drejtimet e duhura. Duke qenë sipërfaqe e madhe dhe terren i thyer nuk mund të
veprohej në mënyrë frontale në të gjithë sipërfaqen njëherësh. Duhej vepruar për fikjen
pjesë-pjesë, duke lëvizur në mënyrë të pykëzuar. Kjo e shtonte rrezikun e mund të
ndodhte që një sipërfaqe e fikur të rindizej, duke rrezikuar jetën e njerëzve që vepronin në
brendësi të zonës dhe situata të kthehej edhe njëherë në gjendjen fillestare.
U fillua nga zonat ku dalja e kondensatit dhe numri i grifonëve ishte më i vogël.
Pas kësaj kjo sipërfaqe e shuar mbrohej me rryma uji dhe mbahej nën kontroll. Për të
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 93
pasur me shumë siguri, u vendos që të përdoreshin perde uji me rryma të fuqishme
Nëpërmjet hedhëseve me diametër 77 mm dhe hedhëseve me ujë të pulverizuar. Pasi
siguroheshin kështu krahët, kalohej më pas në shuarjen e një sipërfaqeje tjetër. E gjithë
kjo punë bëhej nga shërbimi zjarrfikës, i ndihmuar nga punonjës të naftës. Pas një pune të
vështirë dhe me rrezik u bë e mundur të shuhej zjarri në të gjithë sipërfaqen e ndezur. Në
situatën e re veprimet e mëtejshme operacionale u përqendruan kryesisht në mbajtjen nën
kontroll të gjithë sipërfaqes së shuar, duke organizuar grupe të gatshme vrojtimi të
vazhdueshme, që kishin për detyrë të ndërhynin menjëherë nëse konstatonin shenja zjarri;
u ndërtua një sistem i plotë drenazhimi me tubacione nëntokësore me shtrirje nga dy
grifonët aktivë në drejtim të digës.
Për një menaxhim më të mirë të situatës, pas shumë diskutimesh shtabi i fontanës
mori vendim që të fillonte puna për të ndërtuar një digë të re në afërsi të dy grifonëve. Për
këtë qëllim do të lidheshin të dyja shpatullat e përroit me dhe të ngjeshur. Kjo digë do të
krijonte mundësinë e një baseni, i cili do të mbushej me ujë, që do të realizonte shumë
mirë ftohjen e territorit rreth dy grifonëve dhe veçanërisht të kupolës së zgavrës që ishte
krijuar mbi grifonin e madh, duke ulur kështu ndjeshëm mundësinë e rindezjes së tij, pasi
të realizohej fikja me lëndë eksplozive. Pas krijimit të basenit dhe mbushjes së tij me ujë
u bë realizimi me sukses i shpërthimit të lëndës eksplozive. Kjo bëri të mundur shuarjen
në fillim të grifonit binjak. Përsëritja e shpërthimit realizoi edhe fikjen përfundimtare të
grifonit të madh, që ishte dhe grifoni i vetëm i mbetur dhe i fundit në këtë vendburim
nafte. Veprimet dhe masat e sigurisë të realizuara edhe për këto raste tashmë janë të
njohura dhe në zbatim të tyre është fituar përvojë dhe siguri. E veçanta e këtyre
veprimeve të fundit ishte mënyra se si u shfrytëzuan kushtet e terrenit.
Afrimi i mjeteve ngritëse në afërsi të grifonit të madh nuk kishte siguri, pasi në
asnjë rast nuk ka qenë e mundur që të verifikohej gjendja faktike dhe qëndrueshmëria e
tokës ndërmjet sipërfaqes dhe kupolës së grifonit që ndodhej nën të dhe ku godiste pa
ndërprerje rryma e gazit që dilte nga ky grifon. Kjo kupolë tejnxehej deri në
inkandeshencë dhe në shpërthimet e bëra deri tani, për shkak të temperaturave tepër të
larta që mbart, bënte edhe rindezjen e gazit kondensat që dilte nga grifoni. Me ftohjen që
do të realizohej nga niveli i ujit në basen dhe me ftohjen intensive nga sipër, e realizuar
nga zjarrfikësit, synohej dhe shpresohej që fenomeni i rindezjes të mos përsëritej më.
Ishte kjo arsyeja që u mendua një zgjidhje tjetër për afrimin e lëndës plasëse në afërsi të
grifonit.
Për këtë qëllim u shtri një kavo çeliku ndëmjet dy shpateve të përroit. Kjo kavo u
tendos nga dy traktorë të pozicionuar në dy skajet e saj. Tendosja e kavos lejonte lëvizjen
nëpërmjet një karrukulle dhe afrimin e arkës me lëndë plasëse pranë grifonit në një
pozicion të vlerësuar të përshtatshëm, që shpërthimi të ishte i suksesshëm. Masat e
parashikuara dhe veprimet e realizuara dolën të suksesshme. U fik edhe e grifoni i fundit,
iu hap rruga masave dhe veprimeve të mëtejshme për të normalizuar përfundimisht
gjendjen dhe kalimin në shfrytëzim normal të këtij vendburimi të ri nafte.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 94
4. 4. Përdorimi i mjeteve dhe pajisjeve të ndryshme në rastet e zjarreve në hapësirën
gjeografike
Edhe hapësira gjeografike është pjesë integrale e përfshirjes nga zjarret. Në mjaft
çështje të kapitujve pararendës e kemi evidentuar në mënyrë të detajuar një situatë të tillë.
Madje duke nënvizuar krahas zjarreve që bien në mënyrë të pavullnetshme edhe ato që
për arsye të ndryshme vendosen qëllimisht nga individë apo grupe të veçanta. Kjo e bën
mjaft të vështirë mënyrën e ndërhyrjes në situata të ndryshme të zjarreve në këto hapësira
gjeografike, ndikuar nga përmasat dhe shtrirja e konfiguracionit të relievit, elementet
gjeomorfologjike dhe infrastrukturore. Rrjedhimisht vështirësohet maksimalisht ndërhyrja
dhe menaxhimi normal i situatave të zjarreve në to, çka e bën imperative hartimin e
strategjive të posaçme për këto hapësira gjeografike, sidomos në kushtet e zjarreve
masive. Njëkohësisht një gjë e tillë kërkon edhe mjete dhe pajisje të perfeksionura për
shuarjen dhe menaxhimin e tipave të tillë zjarresh.
Në mënyrë të veçantë gjatë këtyre 3–4 vjetve të fundit zjarre të tilla kanë qenë
prezente gjatë stinës së nxehtë të vitit në vendin tonë. Sidomos fundi i korrikut dhe muaji
gusht janë karakterizuar nga temperatura të larta dhe thatësirë e konsiderueshme, çka ka
agravuar dhe mundësuar faktorët për zhvillimin e zjarreve të shumtë në forma e përmasa.
Njëkohësisht situata të tilla janë shfrytëzuar nga individë të ndryshëm që për përfitime
tokash të reja bujqësore e kullotash për blegtorinë, në territore të veçanta të hapësirës
gjeografike në pjesë të ndryshme të Shqipërisë të ndezin zjarre të qëllimshme. Këto zjarre
jo vetëm tejkaluan mundësitë e këtyre individëve, kryesisht barinj e fermerë të vegjël, që
t’i mbanin nën kontroll, por përkundrazi ato u përhapën dhe zgjeruan rrezen e përfshirjes
së tyre në hapësirën gjeografike, pjesë të njësive të ndryshme administrative. Në këto
momente, nga ana e institucioneve shqiptare filluan në mënyrë të menjëhershme
negociatat me shtetet partnere për të dërguar mjete nga ajri për të shuar zjarret kryesisht
në Jug të vendit. Një gjë e tillë paraqitej mjaft emergjente lidhur ngushtë me përmasat e
zjarreve që rriteshin me shpejtësi. Ishte mjaft vështirë dhe e rrezikshme ndërhyrja me
mjetet e pajisjet e tjera për të bërë të mundur shuarjen e zjarreve, ndonëse përpjekjet nuk
munguan në këtë drejtim.
Pa dyshim që një rëndësi të konsiderueshme në kuadër të parandalimit dhe
realizimit efikas e efektiv të menaxhimit të situatave për t’u mbrojtur nga zjarret, sidomos
në hapësirat gjeografike, pjesë e njësive të ndryshme administrative, marrin masat
organizative nga funksioni social i pushtetit qendror dhe lokal. Sidomos në raste të
zjarreve të mëdha apo masive aplikimi i këtyre masave bart mundësinë e ndërhyrjes në
kohë dhe me efikasitet. Sidomos kur bëhet fjalë për territore masive në këto hapësira
gjeografike, si është rasti i tokave të ndryshme bujqësore, kullotave apo plantacioneve të
kultivuara, ndaj të cilave kemi një trend rritës në kuadër të zjarreve me motive të
qëllimshme.
Në këtë drejtim, mjaft i rëndësishëm paraqitet ndërtimi i platformave të punës
metodiko-organizative të institucioneve të specializuara, që kanë në fokus mbrojtjen nga
zjarret në hapësira të ndryshme gjeografike. Një kalendar metodiko-organizativ efikas i
detajuar paraqitet më poshtë, lidhur ngushtë me hulumtimet dhe shfletimet e literaturës
nga ana jonë, si dhe eksperiencës individuale të kaluar pranë shërbimeve të specializuara
të mbrojtjes nga zjarri në Shqipëri, ku na është dashur të përballemi me situata të tilla
konkrete.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 95
Kalendar apo plan pune metodiko-organizativ:
1. Pastrimi i brezave mbrojtës dhe i tabanit të pyjeve nga degët e thyera dhe
shkurret e ndryshme.
2. Organizimi i pikave të vrojtimit të masiveve pyjore në përgjithësi dhe të
zonave problematike në veçanti, me pamje të lirë, me mjete afrimi dhe të
pajisura me aparate ndërlidhjeje.
3. Plotësimi dhe vënia në gatishmëri mbi automjete transporti, e mjeteve për
ndërhyrje, si pompa portative, ujë, fikësa dore, fshesa metalike, sopata, tezga,
karroca dore, kova etj.
4. Mbajtja në gatishmëri e një grupi pranë qendrave të shërbimit pyjor, i cili lëviz
dhe ndërhyn sapo konstaton apo informohet për rënie zjarri.
5. Bashkëpunimi me pushtetin vendor për organizimin dhe mbajtjen në
gatishmëri të grupeve vullnetare, të organizuara me banorë të zonave në afërsi
të masiveve me pyje dhe shpërblimi me leke për punën e bërë.
6. Bashkëpunimi me forcat e ushtrisë, për të ndihmuar me trupa dhe mjete të
tjera të mundshme për shuarjen e zjarreve eventual.
7. Forcimi i kontrollit dhe i masave administrative nga policia pyjore.
8. Organizimi i një pune propagandistike të gjithanshme, me shtyp, radio, biseda,
fletëpalosje për ndërgjegjësimin e publikut dhe tërheqjen e bashkëpunimit me
të.
9. Krijimi i një shtabi operativ, i cili funksionon gjatë gjithë periudhës së verës,
kur dhe zjarret në pyje janë problem.
10. Përcaktimi i zonave me pyje ku mund të hyjnë dhe veprojnë automjetet
zjarrfikëse, si dhe i atyre zonave ku kërkohen mjete të tjera apo rrethanore.
11. Mbajtja në gatishmëri e disa buldozerëve dhe e një grupi me motosharra, për
t’u përdorur në hapjen e brezave mbrojtës në rast zjarri.
Kohët e fundit, ndikuar edhe nga rastisje të shumta të zjarreve që kanë rënë,
sidomos gjatë stinës së nxehtë të vitit, po vihen re edhe forma të reja të ndërhyrjes dhe të
menaxhimit të zjarreve në kuadër të pranisë së tyre në hapësirën gjeografike. Konkretisht,
në kuadër të shpalljes së emergjencës për situatën nga zjarret, është aplikuar edhe ndihma
me mjete ajrore zjarrfikëse nga shtetet fqinje, por edhe marrja me qira dhe përdorimi i një
mjeti të tillë gjatë gjithë periudhës problematike për zjarret në pyje.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 96
Kapitulli V
SHPËRNDARJA GJEOGRAFIKE E ZJARREVE
5.1 Zjarret nëpër botë dhe problematikat që lidhen me to
5.1.1 Zjarret në Europë dhe Azi
Zjarret janë një dukur relativisht e shpeshtë në kontinentin europian, me gjithë përvojën
shumëvjeçare, mjetet e sofistikuara dhe masat e rrepta të mbrojtjes kundër tyre, në secilin
prej shteteve. Shkaqet e tyre janë të shumëllojshme, por mbizotërojnë ato me origjinë
humane, si dhe ato që lidhen me strukturat e vjetra dhe ndërtesat prej druri, të cilat ruhen
me fanatizëm, si objekte me vlera të trashëgimisë kulturore. Temperaturat e larta gjatë
stinës së verës, si rrjedhojë e ngrohjes globale, janë një tjetër shkak për shtimin e zjarreve
gjatë njëzet viteve të fundit. Janë të shumta rastët e zjarreve katastrofike në Europë dhe
botë, por në këtë punim do të ndalemi e të analizojmë vetëm disa prej tyre.
Në dhjetor të vitit 2010, në Izraelin Perëndimor u shfaq një zjarr aksidental, i shkaktuar
nga një djalë 14 vjecar, i cili ndezi në pyll një zjarr me qymyr për t’u ngrohur. Nga ky
zjarr u dogjën rreth 9 mijë e 900 hektarë pyje (gjithsej një million e gjysmë pemë). Ky
zjarr mori dhe 44 jetë njerëzish, disa prej të cilëve ishin punonjës policie me shërbim në
burg dhe zjarrfikës, të cilët u përfshinë në përpjekjet për shuarjen e flakëve.
Në verën e vitit 2007 ndodhën një seri zjarresh masive në pyejet e Greqisë. Ministri i
punëve të brendshme të Greqisë i quajti zjarret sulme terroriste ndaj shtetit grek. Zjarri i
23 gushtit u përhap shume shpejt dhe doli jashtë kontrollit deri më 27 gusht, madje nuk u
shua plotësisht deri në fillim të muajit shator. Numri i të vdekurve arriti në gjithsej 84
vetë, duke perfshire edhe disa nga zjarrfikësit e angazhuar në shuarjen e tij. Disa besonin
se zjarri ishte rezultat i neglizhencës së njësive të specializuara të mbrojtjes kundër zjarrit,
ndërsa disa të tjerë ishin të bindur se zjarret ishin të qëllimshëm dhe kriminalë.
Megjithatë, duke qenë se temperaturat ishin shumë të larta (mbi 40°C), ky faktor natyror
favorizoi përhapjen e shpejtë të vatrave të zjarreve. Kjo ishte nje ngjarje e paprecedent në
historinë e Greqisë. Nga qershori deri në korrik u regjistruan 3.000 vatra zjarri në pyje në
të gjithë vendin. Në total u dogjën rreth 2700 km2 pyje, pemë ulliri, arre dhe drufrutorë të
tjerë. Rreth 1000 shtëpi, 1100 ndërtesa social-kulturore dhe shumë objekte të tjera u
shkatërruan nga flakët. Në qershor zjarrin shfaqet në Parkun Kombëtar Parnitha, ku u
dogjën 15.723 ha pyll. Në malin e Parnitha u dogjën gjithsej 38.000 ha pyell, duke
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 97
“thyer” rekordin për Greqinë, si zjarri më i madh i të gjitha kohërave: një katastrofë e
vërtetë mjedisore.
Në korrik 2007, një tjetër zjarr që e pati vatrën në një konteiner mbetjesh afër Agia
Paraskevi në Skiathos, u përhap shumë shpejt në të gjithë ishullin. Të gjithë banorët dhe
turistët u evakuuan për në Troulos, nga ku u kthyen mbas shuarjes së zjarrit. Me shumë se
100 zjarre u raportuan deri më 05 korrik 2007 në territore jashtë Athinës, të tilla si Kreta,
Peleponezi, ishulli i Andros në Egje etj. Një zjarr që filloi më 20 korrik 2007 në malin
Aigio të Peleponezit, u zgjerua shumë shpejt drejt Diakoptos, duke përfshirë e shkatërruar
një siperfaqe të madhe me pyje dhe kultura bujqësore. Në keto zjarre humben jetën tre
persona, ndërkohë që u dogjën 230 shtëpi dhe 10 kisha. Një 26 vjeçare dhe një 77 vjeçar u
arrestuan si të dyshuar për vënien e zjarrit në Aigio. Më shumë se 60 zjarrëfikse, 19
aroplanë dhe helikopterë dhe qindra zjarrfikës u përpoqën t’i kontrollonin dhe shuanin
zjarret. Ministri grek Kostas Karamanlis shpalli situatën e “emergjencës shtetërore” për të
gjithë vendin dhe kërkoi ndihmë nga të gjitha shtetet europiane. Shumë shtete i dhanë
ndihmë Greqisë për përballimin e situatës. 500 ushtarë grek u dërguan në vendet e
prekura nga zjarri. Një tjetër grup prej 500 ushtarësh grek të specializuar në mbrojtjen
kundër zjarreve u vu në dispozicion të zjarrfikësve. Hetuesit dhe zjarrfikësit gjetën shumë
shishe me gazoil, të cilat tregonin se zjarret ishin vënë nga dora e njeriut.
Një tjetër zjarr me përmasa dhe pasoja të rënda për Greqinë është ai në Olimp, vendi
origjinal i lojrave olimpike, i cili u evakuua më 26 gusht 2007. Frika e këtij zjarri ishte
mbijetesa e sendeve antike që ishin afër zonës së kapur nga flakët. Statuja e famshme e
Hermesit shpëtoi nga zjarri, ndërsa oborri ku ajo gjendej u dogj. Bilanci pas shuarjes së
zjarrit tregoi se demet konsistonin në djegien e të gjitha pemëve në majë të kodrës, por
Museu Arkeologjik kishte shpëtuar.
Zjarre seriale u shfaqen në pjesën qëndrore dhe veriore të territorit të Portugalisë nga mesi
i qershorit 2018. Ku u plagosen nga flaket 71 vete dhe humben jeten 41 vete. Keto
informacine jepen nga agjencia e mbrojtjes Portugeze. Zjarri i meparshem i ngjashem me
kete ndodhi ne 2017. Gjate veres se 2017 zjarret e eger dogjen pa kurfare kontrolli nje
numer serial shtetesh dhe kontinente. Europa jugore u gjend ne nje rekord te papare nga
nxehtesia e valeve.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 98
Imazh nr. 1 Zjarre në Rajonin e Mesdheut. Burimi: Syri.Net, parë nëpërmjet satelitit, viti 2017.
Një ndër zjarret me shumë viktima ka ndodhur në Kamien të Polonisë. Flakët e
menjëhershme që përfshinë një ndërtesë trekatëshe që strehonte gra dhe fëmijë shkaktuan
vdekjen e 21 personave. Zjarrfikësit u përpoqën të shpëtonin njerëzit, por shkallët e tyre
nuk arrinin më lart se kati i parë i ndërtesës. Në të vërtetë, shumë persona i shpëtuan
vdekjes në çastet e fundit, duke u hedhur nga ndërtesa, por kjo çoi në lëndimin e shumë
prej tyre me thyerje kockash, shembje dhe trauma të ndryshme. Fatmirësisht mjaft nga të
mbijetuarit qenë në gjendje të shpëtonin para mbërritjes së zjarrfikësve.
Shkaku i zjarrit mbeti i pazbuluar, por nëse do të kishte qenë më efikas menaxhimi
menjëherë pas rënies së tij, numri i viktimave dhe dëmtimet e pronës do të ishin
minimale. Zjarri ishte vdekjeprurës, sepse u përhap shumë shpejt, duke shkaktuar numrin
e madh të viktimave nga personat që ishin në pritje të ndihmës. Zjarrfikësit u gjenden të
papërgatitur dhe pa pajisjet e nevojshme për t’u futur në mjedise që rezultuan të vështira
për t’u kaluar gjatë operacioneve të ndihmë-shpëtimit (Giesler 464).
Në rastin e zjarrit në Kamien të Polonisë, zjarrfikësit nuk ishin efikasë në menaxhimin e
përhapjes së zjarrit. Shkallët e shkurtëra nuk mundësuan ngjitjen e tyre në katin e tretë të
ndërtesës, duke privuar viktimat nga ndihma për shpëtim (Norman 910). Zjarri u përhap
me shpejtësi për shkak të mungesës së mjeteve të nevojshme për të shuar flakët dhe për të
minimizuar dëmet njerëzore dhe nateriale. Pas kësaj ngjarjeje dramatik, qeveria polake
mori masat e nevojshme për pajisjen e stafeve të zjarrfikësve me mjetete moderne dhe
pajisje sigurie, që jo vetëm nuk do të lejojnë viktima nga qytetarët, por edhe do të
garantojnë sigurinë e zjarrfikësve. Gjithashtu, specialistët kërkuan që qeveria polake të
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 99
investonte edhe për edukimin e popullsisë lidhur me kujdesin ndaj zjarreve, mbrojtjen dhe
ndihmë shpëtimin në raste zjarresh, si dhe menaxhimin e zjarreve të përmasave të mëdha
nga Repartet e Specializuara të Mbrojtjes kundër Zjarrit.
Një nga zjarret me shtrirje më të madhe është ai që filloi ne Greater Khingan Range, një
vargmal në verilindje të Kinës, në vitin 1987. Kjo zone ishte kapur nga një thatësirë e
madhe dhe e gjatë, që kishte shkaktuar tharjen e pjesës më të madhe të bimësisë. Kjo
është një situatë natyrore që favorizon shumë zjarret. Meqenëse zona ishte pak e
populluar, fillimisht u mendua se shkaku i zjarrit ishte natyror, por pas hetimeve të
specializuara, autoritetet kineze raportuan qe zjarri ishte vënë aksidentalisht nga një
punëtor 18 vjeçar, në momentin e ndezjes së motor-prerëses së shkurreve, pasi më parë
kishte pasur rrjedhje të karburantit. Mjaftoi një shkëndi e vogël në atë vend të thatë, për të
shkaktuar një zjarr katastrofik. Era e fortë bëri qe zjarri të përhapet me shpejtësi.
Punëtorët raportuan se zjarri përpinte me shpejtësi gjithë oksigjenin, duke shkaktuar edhe
fikjen e motorëve të makinave. 200 veta u raportuan të vdekur ose të zhdukur, 250 të tjerë
ishin të plagosur nga zjarri, ndërsa 33.000 banor mbeten pa shtëpi.
Ky zjarr u përhap edhe në Rusi. Ndërkohë që Kina, megjithëse kishte mungesë te
pajisjeve të avancuara të mbrojtjes kundër zjarrit, kishte dërguar 60.000 ushtarë edhe
punëtor që të luftonin kundër zjarreve, Rusia thjeshtë e la zjarrin të digjej pa dhën asnjë
ndihmë, sepse kishte siperfaqe të mëdha me pyje dhe vlerësoi se impakti ekonomik do të
ishte i vogël. Kur zjarri u shua dhe u bë bilanci i humbjeve, doli qartë Kina që u angazhua
maksimalisht për shuarjen e zjarreve humbi vetëm 3 milion ha pyje, ndërsa Rusia që e la
zjarrin në mëshirë të fatit, humbi 15 milion ha, pesë herë më shumë, duke lejuar një
katastrofë të madhe mjedisore.
Gjatë vitit 2018 ka pasur zjarre masive në Siberi, ku u shkatërruan qindra shtëpi dhe 700
hektar pyje, si dhe në Armeni.
5.1.2 Zjarret në kontinentet amerikane dhe Groenlandë
Si rrjedhojë e ndryshimeve klimatike në kuadër të ngrohjes globale, premisat për zjarre
janë shtuar në të gjithë botën. Gjatë periudhës dyvjeçare 2015-2017 kanë rënë zjarre të
mëdha në veri të Europës, në pjesën perëndimore të Kanadasë, si dhe në Shtetet e
Bashkuara të Amerikës, të cilat kanë përfshirë dhe shkatërruar shumë hektarë me pyje,
shtëpi banimi, institucione social-kulturore etj. Këto kanë ndodhur herë pas here dhe kanë
vazhduar edhe gjatë verës së nxehtë të vitit 2018, sidomos në Kaliforni, ku autoritetet
kanë bërë thirrje për të ndërhyrë, pasi një situatë e ngjashme nuk ka ndodhur kurrë më
parë në këtë shtet. Për zjarrfikëset dhe kapërcimin e situatës shumë të rëndë të krijuar për
shkak të zjarreve, qeveria Amerikane ka shpenzuar më shumë se 2.7 bilion dollar, i cili
është një rekord historik.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 100
Foto nr. 12 Pyll në Amerikë, pas djegies, Burimi: Climate News Network.
Hapja e brezareve për kontrollimin e zjarreve
Duke ju referuar zjarrit të ndodhur në vitin 1988 në Amerikë shikojmë se manaxhuesit e
pyjeve duke ndezur zjarre për të hapur brezare mbrojtëse siç quhen në gjuhën e mbrojtes
ndaj zjarri, ata dogjën në vendin e quajtur Yellowstone gjatë punës për hapjen e ktyre
brezareve, dhe jo vetëm por zjarret e tyre dolën jashtë kontrollit shumë shpejt dhe u
shpërndanë si një katastrofë e madhe. Këto zjarre që e kishin origjinën si zjarre të vogla
që zjarrfikësit i ndiznin për kontroll shum shpejt u hapën edhe u bashkuan bashkë dhe
krijuan një zjarr të madh. Ky zjarr dogji 793,880 hektar tokë dhe ishte zjarri me i madh në
rekord i parkut nacional. Mbi 9,000 zjarrfikës dhe 4,000 ushtar Amerikanë dedikuan
forcat për të përpjekur të kontrollojnë këtë zjarr të madh. Zjarrfkësit kësaj rradhe kishin
mjete shumë të avancuara për të luftuar zjarrin si dhjetra helikopter që mbanin depozita
me ujë dhe kimikate kundra zjarrit. Po ashtu edhe dhjetra avion të mëdhenj që kishin
depozita të mëdha dhe shkarkonin ujë dhe lëndë të tjera kundra zjarrit. Dëmet e
llogaritura arriten mbi 250 milion dollar me vlerën e sotme por lajmi i mirë ishte se asnjë
zjarrfikës nuk humbi jetë apo u plagos duke luftuar zjarrin.
Me interes të veçantë studimor është rasti i zjarrit të shkaktuar më 20 shkurt të vitit 2003,
në orën 23.00, në vendin e quajtur West Warwick, Rhode Island në SHBA, gjatë kohës
kur grupi muzikor “Great White” po jepte shfaqe dhe punonjësit ndezën fishekzjarre,
duke goditur murin e skenës prej shkume plastike, që shërbente për izolimin e zërit.
Sistemi i alarmit u aktivizua, por atje mungonte sistemi sprinkler edhe drencer, si në
fabrikën e riciklimit “Everest” në Tiranë. Për më pak se gjaashtë minuta, gjithë arena e
klubit u përfshi nga tymi toksik edhe flakët. Përdoruesit e fishkzjarreve kishin marrë leje
për këtë veprim, por inspektori i mbrojtjes nga zjarri nuk kishte parashikuar se mund të
ndodhte ky zjarr katastrofik. Një kamera e madhe e një telivizioni local u bë shkak që të
bllokohet një nga daljet e klubit, duke vazhduar filmimin e njerëzve të lemerisur, thjeshtë
për inters të stacionit televiziv, por pa menduar se po pengonte spektatorët të shpëtonin
jetën. Tymi toksik dhe nxehtësia e flakëve bënë që njerëzit të paloseshin njëri mbi tjetrin,
duke krijuar bllokim të daljeve. Çlirimi i monoksidit të karbonit dhe gazit sojonad nga
djegia e shkumës me përbërje kimikatesh si poliritani, ndikuan në përmasat e tragjedisë:
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 101
100 viktima njerëzore, 230 persona të plagosur dhe dëmtuar, nga 452 veta që ishin të
pranishëm. Nga investigimet doli se salla ku ishte organizuar koncerti ishte në një godinë
të vjetër, që më parë ishte përdorur si restorant. Inspektorët e qytetit të cilët ishin
mbikqyrës të sallës nuk i dinin këto fakte. Personat përgjegjës për mungesën e sistemit
sprinkler, që është i domosdoshëm në salla të tilla, u denuan për këtë çështje. Televizioni
lokal që pengoji daljen e spektatorëve nga salla u gjobit me 30 milion dollar. Për fat të
mirë, zjarri u lokalizua dhe u dogj vetëm salla e koncerteve, pa lejuar përhapjen e tij në
pyll, ku dëmet do të ishin shumë më të mëdha.
I veçantë për nga përmasat, kohëzgjatja dhe dëmet e shkaktuara është rasti i zjarrit në
Kaliforni, në verën e vitit 2017. Me gjithë masat e rrepta të mbrojtjes kundër zjarrit në
Shtetet e Bashkuara të Amerikës, here pas here ndodhin zjarre katastrofike. Shkaqet e tyre
janë njerëzore dhe natyrore. Zjarri i madh që ra në Kaliforni në korrik 2017, përfshiu 18
mijë hektarë pyll dhe 15 mijë ndërtesa (banesa, institucione social-kulturore dhe
ekonomike). Qeveria shtetrore e Kalifornisë dhe me pas ajo federale morën masat të
menjëhershme: u evakuuan 20 mijë veta dhe dy spitale, ndërkohë që vetëm një person
kishte humbur jetën nga zjarri. Era, që frynte me shpejtesi 30 km në orë, favorizonte
përhapjen e flakëve dhe procesin e djegies. Asnjë shtëpi nuk shpëtoi, pasi pjesa më e
madhe e tyre ishin prej druri dhe lehtësisht të djegshme.
Një periudhë me shumë zjarre gjatë vitit 2018 ka kaluar edhe Kanadaja Perëndimore,
sidomos Alberta dhe Kolumbia Britanike, ku gjatë fazës së parë u dogjën 1,26 milion ha
pyje, ndërsa sipas sherbimit zjarrfikës provincial, deri në tetor ishin kapur nga zjarret rreth
3,11 milion hektar pyje. Krahas Amerikës Veriore, në fillim të vitit 2018 ka pasur zjarre
katastrofike në Kili, të cilët, sipas presidentit Mikel Bacelet, janë pa precedent në
historinë e atij vendi.
Edhe Groenlanda (ishull Danez mes Atlantikut verior dhe Arktikut), vendi që nuk njihet
për temperatura të larta as në stinën e verës, u përfshi nga zjarret për rreth dy javë. Është i
njohur fakti që pjesa më e madhe e territorit të saj është e mbuluar me akull. Një foto e
realizuar nga NASA ka treguar pamje dramatike të zjarreve gjatë periudhës nga fillimi i
vitit 2017, deri në mes të tetorit, të cilat krijojnë përshtypjen sikur gjithë bota është
përfshirë nga zjarri.
5.1.3 Disa masa të domosdoshme për parandalimin dhe kufizimin e përhapjes së
zjarreve
Në të gjitha rastet, zjarret bëhen më intensive dhe më të rrezikshme, nëse nuk ndërhyhet
që në fillim, për shkak të përhapjes së tyre dhe zgjerimit të zonës ku ata veprojnë
(Diamantes 61). Pikërisht për këtë arsye kërkohet të bëhet planëzimi i veprimeve, të
përcaktohen procedurat e parandalimit dhe menaxhimit të zjarreve, për të garantuar që ato
të përmasave të mëdha të mund të kontrollohen dhe shuhen në kohë. Kjo arrihet nëse
zjarrfikësit dhe ekspertët e tjerë janë të vetëdijshëm për situatat e krijuara dhe rreziqet që
vijnë nga përmasat dhe përhapja e zjarreve, kohëzgjatja e mundshme dhe natyra
komplekse e tyre. Edukimi dhe formimi profesional do të ndikonte në rritjen e kërkesave
të zjarrfikësve për pajisje më të efektshme dhe strategji më efikase në luftën kundër
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 102
zjarreve, që do të kishte si rezultat menaxhimi më të mirë të situatave të krijuara nga
zjarret, si dhe më shumë jetë njerëzore, materiale dhe objekte të shpëtuara.
Një sistem i mirëplanizuar i menaxhimit të zjarreve, i konceptuar me shumë qendra të
instaluara pranë vendeve potencialisht të rrezikuara, do të shërbente për të përballuar siç
duhet zjarret komplekse dhe të të gjitha përmasave, si dhe për të minimizuar pështjellimin
(konfuzionin) dhe rrezikun gjatë operacioneve të ndihmë-shpëtimit. Një sistem i tillë do
t’u jepte ekspertëve më shumë siguri për menaxhimin në kohën e duhur dhe me efikasitet
të plotë të zjarreve, pavarësisht intensitetit të tyre, duke minimizuar dëmet njerëzore dhe
efektin shkatërrues të tyre (104). Gjithashtu, është e rëndësishme që të gjithë aktorët e
interesuar në luftën kundër zjarreve (qeveria, institucionet e specializuara, subjektet
publike dhe private, komunitet dhe çdo individ), të angazhohen në kryejen e një procesi
rishikimi dhe rivlerësimi të planeve, praktikave dhe bazës materiale, si dhe të trajnimit të
personelit të ngarkuar për mbrojtjen kundër zjarreve (Giesler 473).
Veprimet e kryera gjatë fazës fillestare të shpërthimit të zjarrit janë vendimtare për
garantimin e suksesit në menaxhimin e efektshëm të tij dhe, për rrjedhojë, në reduktimin e
dëmeve që ai mund të shkaktojë. Kjo, siç u përmend më sipër, detyron qeveritë,
institucionet, organizatat dhe gjithë komunitetin, që të planizojë politika sa më të
efektshme në terren, të cilat të garantojnë parandalimin dhe menaxhimi i situatave të
rrezikshme, që shkaktohen nga zjarret. Përfshirja e komunitetit në probleme të tilla duhet
jetë e kujdesshme dhe të paraprihet nga trajnimi dhe mirëinformimi mbi procedurat, hapat
dhe taktikat që duhen përdorur në luftën kundër shpërthimit të zjarrit (Norman 101).
Instalimi i mjeteve të teknologjisë më të fundit të diktimit të zjarrit, duhet të jetë një kusht
i domosdoshëm dhe detyrim ligjor për të gjithë investitorwt e sektorit tw ndwrtimit tw
banesave dhe objekteve social-kulturore dhe ekonomike, private dhe publike, pasi nw
ditwt e sotme pwrparwsi ka zbulimi dhe parandalimi i zjarreve tw mundshme.
Sinjalistikat e diktimit të zjarrit, tw tilla si sistemet që tregojnë rritjen e temperaturës apo
shfaqjen e tymit, duhet të jenw gjithmonw nw gadishmwri tw plotw për të dhënë alarmim
mbi ndonjë shpërthim të mundshëm zjarri. Sistemet automatike të shuarjes së zjarrit, si
ato me ujë të tipit sprinkler, duhet të jenë në gjendje të shuajnë vatrat fillestare të zjarrit që
në fazën e parë, pra para se të hyjnë në veprim zjarrfikësit. Diktimi është një moment
shumë i rëndësishëm në luftën kundër zjarreve.
Sot, në kohën e progresit të jashtëzakonshëm teknik dhe teknologjik, ekspertët e luftës
kundër zjarrit duhet të aplikojnë me sukses metodat e përdorimit të pamjeve satelitore,
ngritjen e qendrave të shpërndarjes së informacionit, si edhe të qendrave të vëzhgimit të
zjarreve, që kanë si mision zbulimin e rasteve të shpërthimit të zjarreve dhe transmetimin
e të dhënave mbi natyrën e zjarrit tek trupat zjarrfikëse (Diamantes 67). Në këtë rast, një
rëndësi të veçantë ka ngritja e një sistemi të mirëpërpunuar të diktimit të zjarrit, i cili
duhet të bazohet në ndërveprimin efikas të sensorëve në distancë, të vendosur në tokë dhe
në ujë, në stacionet e kontrollit të linjave ajrore, në objekte publike dhe, si dhe në qendrat
e banuara, urbane dhe rurale.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 103
Gjithashtu, rëndësi të veçantë ka ngritja e një sistem komunikimi publik, që të mund të
garantonte raportimin në kohë reale, efektiv dhe efikas nga terreni, duke krijuar premisën
për ndërhyrje në momentin fillestar për të minimizuar impaktin e një shpërthimi zjarri.
Investigimi gjithpërfshirës për zbulimin e shkaqeve të sakta të zjarreve është kurdoherë i
nevojshëm për shmangien e pasojave në njerëz dhe materiale (Giesler 481).
5.2 Zjarret në Shqipëri dhe karakteristikat e tyre
Shqipëria është vend me klimë mësdhetare, me verë të nxehtë e të thatë. Periudha e
thatësirës zgjat tre-katër muaj, e në pak raste edhe më shumë, ndërsa temperaturat shpesh
i kalojnë 40°C. Për rrjedhojë, kryesisht në periudhën e nxehtë të vitit, rreziku nga zjarret
është i mëdh, sidomos në perëndim të vijës Koplik-Leskovik, ku përbërja gëlqerore e
shkëmbinjëve, pranija e lëndëve djegëse natyrore shpesh herë edhe në sipërfaqe (naftë,
gaz, bitum, rëra bituminoze, qymyr), intensiteti më i madh i popullimit dhe i frekuentimit
turistik etj., përqendrimi i vendbanimeve urbane dhe rurale, i komplekseve turistike, si
dhe i objekteve të infrstrukturës turistike, industriale, tregtare etj., përbëjnë premisa për
krijimin e vatrave të zjarrit. Nisur nga sa më sipër, natyrshëm mund të dilet në
përfundimin se zjarret në territorin e Republikës së Shqipërisë janë një dukuri relativisht e
shpeshtë. Vlen gjithashtu të përmendet fakti se, në traditat blegtorale dhe bujqësore të
shqiptarëve, por edhe të popujve të tjerë të Rajonit të Mesdheut, zjarret janë vënë
qëllimisht çdo vit nga blegtorët, me qëllim djegien e shkurreve dhe hapjen e kullotave për
bagëtitë, si dhe për djegien e bykut (kashtës së grurit, që mbetet pas korrjeve), për të
plehëruar tokën, si edhe për ta pastruar e përgatitur atë për mbjelljet e radhës me misër
hamullor e kultura të tjera.
Si kudo në botë, edhe në Shqipëri ka lloje të ndryshme zjarresh. Nisur nga shkaqet, të
parët klasifikohen zjarret natyrore, të cilët shkaktohen nga rrufeja, kushtet e thatësirës dhe
të të nxehtit të madh, vullkanet, dekompozimi lëndëve organike etj. Kur rrufetë godasin
një ndërtese, një pemë, një mullar me kashtë ose bar të thatë në një fermë, janë të gjitha
gjasat që të krijohet një vatër zjarri. Pikërisht për të shmangur këtë rrezik, çdo ndërtesë e
lartë, aeroplan, anije apo mjet tjetër motorik pajiset me përcjellës të shkarkesës së rrufeve
(rrufepritës), i cili e shkarkon energjinë e rrufesë në tokë, pa e lejuar të krijojë vatër zjarri.
Para disa dekadash, në një mal në Shqipëri, një depozitë karburanti mori flakë dhe
shpërtheu, pasi nuk ishte pajisur me rrufepritës. Inxhinierët ndërtues kishin punuar me
ngut dhe nuk kishin vendosur një rrufepritës, i cili mund të kishte tokëzuar shkarkesën.
Pwr rjedhojw, depozita e karburantit mori flakë duke e përhapur zjarrin në parkun natyror
përreth saj. Falë ndërhyrjes së zjarrfikësve vendorë, zjarri arriti të përhapej më tej në mal
dhe të rrezikonte vendbanimet e afërta (Giesler 438).
Një kategori tjetër janë zjarret artificiale, të cilat shkaktohen nga dora e njeriut. Një i tillë
është pasojë e një veprimi po aq të thjeshtë sa edhe ndezja e një zjarri në një kamping në
pyll apo në park. Prandaj prindërit dhe mësuesit insistojnë t’u shpjegojnë fëmijëve që,
para se të shkrepë një shkrepse apo një ndezës tjetër për të ndezur një zjarr, duhet të jenë
të vetdijshëm për mjedisin rrethues dhe rrezikun potencial për katastrofa. Shumë
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 104
aksidente kanë ndodhur falë papërgjegjshmërisë të kampistëve apo ekskursionistëve, të
cilët kanë lënë pas zjarre të ndezura, thjeshtë nga padituria, indiferentizmi apo
neglizhenca e tyre. Ata i përdorin zjarret për t’u ngrohur në dimër apo për të gatura në
verë dhe nuk i fikin ato siç duhet para se të largohen. Mund të ndodhë që, pasi ata të jenë
larguar pa e shuar zjarrin siç duhet, të ketë fillojë era, ecila e gjallëron zjarrin dhe i
shpërndan flakët, duke shkaktuar katastrofa të mëdha në mjedis (Norman 78). Edukimit
në mënyrën e duhur për parandalimin e shpërthimeve, në rastet e përdorimit të lëndëve
djegëse apo të materialit eksploziv duhe t’i kushtohet vëmendje e madhe dhe serioziteti i
nevojshëm. Kjo është një detyrë jo vetëm e prindërve dhe mësuesve, por kryesisht e
ekspertëve të specializuar dhe reparteve të posaçme, që merren me menaxhimin e
materialeve të tilla.
Është e domosdoshme që në buxhetin e qeverisë shqiptare të parashikohen fonde për
investime për edukimin e fëmijëve në shkollë dhe të publikut të gjerë mbi mënyrat e
parandalimit të zjarreve dhe shpërthimit të lëndëve eksplozive, të të gjitha llojeve, me
qëllim që të shmangen dëmet njerëzore dhe materiale. Edukimi dhe vetdijësimi për
parandalimin e zjarreve dhe strategjitë e menaxhimit të tyre kërkohet të marrin vëmendje
më të madhe, duke përfshirë si komunitetin e gjerë, ashtu edhe grupet apo kategoritë
specifike të popullsisë. Një publik i mirëinformuar dhe i përgjegjshëm, krahas stafeve të
përgatitura mirë të Reparteve të Mbrojtjes kundër Zjarrit, do të jenë efektivisht të afta për
të reduktuar shkaqet e gabimeve njerëzore gjatë procesit të parandalimit e kontrollit të
zjarreve, si dhe të administrimit të materialeve eksplozive.
Ato duhet të jenë gjithashtu të trajnuar për ruajtjen siç duhet të municioneve dhe për
rregullat e sigurimit teknik, si dhe të mirinformuar për pasojat në rast të mosrespektimit së
tyre. Institucionet ligjëbërëse, ligjëzbatuese dhe ato monitoruese kanë detyrimin të
hartojnë, zbatojnë dhe kontrollojnë zbatimin rigoroz ligjeve dhe akteve nënligjore, si dhe
të ndërmarrin masa të rrepta ndëshkimore ndaj shkelësve të tyre, për të garantuar uljen në
minimum të rreziqeve dhe dëmeve nga zjarret dhe lëndët eksplozive (Diamantes 53).
Zjarrfikësit kanë detyrimin të jenë të përgatitur profesionalisht, në planin teknik, fizik dhe
psikologjik, si dhe të zotërojnë aftësitë dhe shkathtësitë e nevojshme për të vepruar shpejt
dhe me efikasitet për dhënien e ndihmës së parë personave të plagosur nga zjarret dhe
lëndët eksplozive, me qëllim që të minimizohet numri i viktimave nga plagët. Në kushtet
e progresit teknik dhe teknologjik, të industrializimit dhe urbanizimit, janë shfaqur shumë
lloje burimesh të reja zjarri. Teknologjia moderne që po futet gjithnjë e më shumë në
banesat e sotme, po shton gjasat për fatkeqësi të shkaktuara nga zjarri dhe lëndët
eksplozive, sidomos në ndërtesat shumëkatëshe. Po ashtu, shtimi i fabrikave dhe
reparteve, që vjen si rrjedhojë e procesit të shpejtë të industrializimit, çon në rritjen e
mundësisë për fatkeqësi të shkaktuara nga zjarret në të gjithë vendin.
Në ditët e sotme, krahas hapjes së fabrikave të reja, kërkohet të shtohen edhe Repartet e
Mbrojtjes kundër Zjarrit në të gjitha zonat industriale (Giesler 441), por
domosdoshmërisht në ato ku nxirren dhe përpunohen lëndët djegëse dhe ato eksplozive.
Programet edukuese dhe ndërgjegjësuese mbi rreziqet që vijnë nga zjarret dhe
menaxhimin e tyre duhet të zbatohen me rigorozitet, duke pasur si objektiv jo vetëm
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 105
grupet specifike, por edhe komunitetin e gjerë. Kjo do t’u japë njerëzve të thjeshtë
njohuritë e nevojshme mbi parandalimin dhe kontrollin e zjarreve, duke shmangur kështu
humbjet e pronës dhe të jetës së njerëzve. Masa të tjera që duhet të vihen në jetë për
parandalimin dhe menaxhimin e zjarreve përfshijnë: materiale edukuese dhe informuese
me bashkëpunimin e ekspertëve teknikë dhe të specialistëve të edukimit, duke tentuar
mbërritjen deri tek njerëzit e thjeshtë të të gjitha niveleve, futjen e taktikave ekologjike
dhe të menaxhimit të zjarreve në shkollat, spitalet, qendrat sociale, stacionet e trenave dhe
autobusëve, aeroporte, porte, objekte social-kulturore dhe sportive, në niovel lokal,
rajonal dhe kombëtare (Norman 83).
Burime potenciale të zjarreve artificiale të rrezikshme janë fabrikat e armatimit apo
komplekset e industrisë kimike që prodhojnë kimikate të ndezshme. Ndërtesat e këtyre
objekteve kanë nevojë për instalime të posaçme dhe vëmendje të veçantë, me qëllim
parandalimin e zjarreve të mundshme. Njerëzit që punojnë në to duhet të jenë të
ndërgjegjësuar për rrezikun që u kanoset dhe duhet të kenë njohuri të gjera e të plota mbi
teknikat, mjetet dhe mënyrat e parandalimit të katastrofave të mundshme. Shumica e
punëtorëve të këtyre fabrikave kanë njohuri elementare për mjetet, materialet dhe mënyrat
e izolimit të zjarrit në fazat e para, por lipset që ata të trajnohen sistematikisht për
përdorimin e teknikave dhe mjeteve të sofistikuara të paradalimit të zjarreve dhe të
kufizimit të përhapjes së tyre.
Një shpërthim i madh në një depo armatimesh që ishte baza e një impianti për operacionet
e çmontimit të municioneve ndodhi në Gërdec të Shqipërisë, më 15 mars 2008.
Shpërthimi u shkaktua nga punëtorë të pakualifikuar të cilët nuk kishin asnjë njohuri për
çmontimin e armatimit dhe municionit. Municioni mori zjarr dhe shkaktoi një shpërthim
shumë të fuqishëm që shkatërroi shumë ndërtesa dhe banesa aty rrotull. 26 vetë vdiqën
dhe mbi 300 u lënduan dhe dërguan në spital për trajtim mjekësor. E gjitha kjo ndodhi për
shkak të mungesës së njohurive, trajnimit dhe moskujdesit të qeverisë për të vendosur
standarte për operacione të tilla (Giesler 458).
Shpërthimi që shkaktoi zjarrin në Gërdec ndodhi për shkak të mungesës së njohurive të
nevojshme për mbajtjen dhe përdorimin e materialeve shpërthyese dhe të ndezshme. Ky
aksident ndodhi në një ish-depo municionesh, ku ekspertët po përgatiteshin të
shkatërronin një sasi municionesh stok të cilat ishin cilësuar të vjetëruara. Procesi i
shkatërrimit të municioneve zakonisht kryhet me sasi të vogla, kryesisht për të garantuar
sa më mirë kontrollin ndaj eksplozionit. Në rastin e aksidentit të Gërdecit ky rregull nuk u
respektua, sepse e gjithë sasia e madhe e municionit të grumbulluar mori flakë menjëherë,
si pasojë e një zinxhiri shpërthimesh. Kjo ndodhi për shkak të mungesës së njohurive të
nevojshme mbi masat që merren për të parandaluar rastet e zjarrit dhe të shpërthimeve
(Diamantes 47).
Në rastin e Gërdecit, krahas zbatimit rigorozisht të rregullave sa i përket veprimeve që
duhet të ndërmerreshin para shpërthimit të zjarrit, vendimtare për shmangien e katastrofës
do të kishin qenë vigjilenca dhe përgatitja e stafit. Nëse ekspertët e municionit, që ishin
ngarkuar me kontrollin e municionit të vjetëruar, do të kishin marrë masat e duhura
parandaluese dhe përgatitore, atëherë incidenti fatkeq mund të mos kishte ndodhur.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 106
Gjithashtu, me rëndësi të madhe është shpërndarja e informacioni shpejt dhe me efiçencë,
duke garantuar që ekspertët të reagojnë në kohë dhe me saktësi. Kjo bëhet e mundur
përmes investimeve në zhvillimin e një infrastrukture informuese efikase (Norman 89).
Parandalimi i zjarreve konsiderohet si rruga më e sigurtë, më efiçente dhe me kosto më të
ulët, prandaj institucionet vendimmarrëse dhe ato të autorizuara duhet të miratojnë dhe
vënë në zbatim. Qeveria shqiptare duhet të investojë në sistemet më të fundit të
parandalimit të zjarreve, në edukimin e komunitetit si edhe në miratimin e ligjeve dhe
rregullave që synojnë minimizimin e shkaqeve për shpërthimin e zjarrit. Për përmbushjen
e kësaj detyre një rol të veçantë ka përgatitja përmes trajnimit teknik. Trajnimi është
kushti i parë që çdo person të bëhet i aftë për të parandaluar dhe përballuar situatat e
zjarreve. Krahas përgatitjes fizike dhe shkathtësive profesionale, siguria e zjarrfikësve
mbështetet në njohuritë e tyre mbi karakteristikat dhe prirjet e zjarrit. Ajo varet gjithashtu
edhe nga njohja e kushteve lokale të motit. Trajnimi për përdorimin me efikasitet të
pajisjeve zjarrfikëse është gjithashtu thelbësor, ndërsa për drejtuesit dhe menaxherët,
trajnimi mund të ndihmojë për një kuptim më të qartë dhe për vendosjen në mënyrë sa më
të efektshme të Reparteve të Mbrojtjes kundër Zjarrit dhe të burimeve njerëzore, me
qëllim kryerjen sa më shpejt të veprimeve për parandalimin dhe menaxhimin e zjarreve
(Diamantes 58).
5.3 Zjarret në Shqipëri
Ky studim nuk ka për qëllim të bëjë një historik shterrues dhe as një inventar të plotë të
zjarreve në Shqipëri, por thjeshtë të evidentojë dhe analizojë disa nga zjarret me pasoja
më të rënda humane, ekonomike dhe mjedisore, të paraqesë tipologjinë, si dhe të bëjë një
klasifikim i zjarreve dhe një panoramë të shpërndarjes gjeografike të tyre.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 107
Zjarret në pyje. Figura 43 ( marrë nga interneti) tregon shpërndarjen gjeografike të
zjarreve në pyje në rrethe dhe komuna për periudhen nga 1946 deri në 2013. Rrethet më
të prekura janë ato që gjenden në pjesën jugore të vendit: Fier (70 ngjarje), Vlorë (70
ngjarje), Berat (66 ngjarje), Gjirokastër (58 ngjarje). Dibra (47 ngjarje) është rrethi më i
prekur në pjesën veriore të Shqipërisë. Njësitë vendore me më shumë zjarre në pyje nga
viti 1946 janë Berati (23 ngjarje), Levani (15 ngjarje) dhe Selishta (14 ngjarje). Njësitë
vendore me më shumë zjarre në pyje gjatë 20 viteve të fundit (1993-3013) janë Berati
(23), Qendër (13) dhe Poshnjë (13). Zjarret në pyje prekin një pjesë të madhe të territorit:
rreth 70% e komunave kanë patur të paktën një zjarr në pyje gjatë 20 vitet e fundit.
Tendenca vjetore. Në pyjet e Shqipërisë kanë rënë mesatarisht 43 zjarre në vit, gjatë
periudhës 1993-2013. Zjarret janë një dukuri e përvitshme, por më shumë të shumtë kanë
qenë në vitin 2007: rreth 200.
Tendenca stinore. Zjarret në pyje varen shumë nga stinët dhe ndodhin më shumë në
periudhën qershor-shtator. Figura tregon shpërndarjen stinore të. Siç paraqitet në figurën
43a, numri më i madh i zjarreve në pyje gjatë periudhës 1946-2013 ka ndodhur në gusht,
me 450 ngjarje të regjistruara, më pas vijnë korriku dhe shtatori. Më shumë se 90% i
zjarreve në pyje ndodhin në periudhën korrik-shtator.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 108
5.3.1 Raste zjarri në Shqipëri para vitit 1990
Siç është përmendur më sipër, Shqipëria është shumë e ekspozuar ndaj zjarreve, për shkak
të klimës mesdhetare dhe të përiudhës relativisht të gjatë të thatësitës. Luftërat,
bombardimet dhe shkaqe të tjera me origjinë humane kanë kontribuuar në numrin,
përmasat dhe përhapjen e zjarreve në Shqipëri. Gjatë gjithë historisë mijëvjeçare të saj,
kanë ndodhur dhe janë regjistruar gjurmë dhe dëshmi të shkruara të zjarreve në Shqipëri,
por ato nuk do të shtjellohen në kuadër të këtij studimi, objekt kryesor i të cilit është
situata e zjarreve në ditët e sotme, masat dhe mjetet për parandalimin e tyre, shpërndarja
gjeografike dhe ndikimi human, ekonomik dhe mjedisor i tyre.
Për t’u përmendur është një rast zjarri të cilin e kemi trajtuar në një artikull të botuar në
revistës së Ministrisë së Punëve të Brendshme të RPSSH, me titull “Në shërbim të
popullit”, ndërsa aktualisht mban titullin “Policia sot”, është ai i Fakultetit të Gjeologjisë
dhe Minierave në rrugën e Elbasanit, nga ana e kodrës së liqenit artificial të Tiranës.
Ishte mesi i natës kur alarmi i zjarrit ngriti zjarrfikësit nga gjumi për t’u grumbulluar me
shpejtësi tek vendi i ngjarjes. Kati i fundit i godinës së fakultetit ishte me çati të ndërtuar
me material druri të djegshëm. Filloji operacioni i shuarjes së zjarrit dhe puna po shkonte
mirë, por pa pritur disa trarë druri u shembën ngaqë u dëmtuan nga flakët dhe ranë mbi
tubacione me veshje prej lini dhe mëndafshi, duke shkaktuar bllokimin e furnizimit të
zjarrfikëseve me ujë dhe ndërprerjen e shuarjes së flakëve që po përhapeshin me
shpejtësi. Ndërkohë zjarrfikësit ishin bllokuar në mes të flakëve dhe nuk kishin
rrugëdaljeje. Autoshkalla, që mund t’u vinte në ndihmë zjarrfikësve, pasi mjeti kishte
vetëm një shofer, i cili nuk ndodhej në punë, meqenëse punonte vetëm gjatë orarit zyrtar
08.00-16.00. Madje, nuk kishte lënë në zyrën e punës as çelesin e mjetit. Mungesa dhe
mosfunksionimi normal i telefonave në atë kohë e nderlikonte situatën. U dërgua një
korier në shtëpinë e tij, por flakët po përfshinin pak nga pak krejt çatinë e Fakultetit të
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 109
Gjeologjisë dhe Minierave. Dy zjarfikësit që kishin mbetur mes flakëve po mendonin të
hidheshin nga kati i sipërm i ndertesës mbi një pemë me shpresën për të mbijetuar. Duke
u spostuar me veshtirësi në cepin tjetër të çatisë ku ende nuk kishin arritur flakët, ata
gjetën telin e rrufepritësit, u kapën pas tij dhe u zvarritën me vështirësi. Kur arritën në
katin e dytë, telat u shkëputën pasi ishin nxehur nga flakët, por fatmirësisht zjarrfikësit
shpëtuan me plagosje të lehta. Autoshkalla mbërriti në vendngjarje pasi zjarrfikësit u
dërguan në spital.
Prej asaj ngjarje u nxorrën mësime për korrigjimin e gabimeve që çuan në rrezikimin e
jetës së zjarrfikësve dhe të njerëzve të tjerë nga zjarri. U morën masa që autoshkalla të
kishte shoferë që do të ishin në gatishmëri me turne, gjatë 24 orëve, njëlloj si shoferët e
zjarrfikesve. Kur thuhet se objektivi kryesor i mbrojtes kundër zjarrit është shpëtimi i
jetës së njerëzve, në radhë të parë fjala është për jetën e atyre që përleshen me flakët, për
jetën e zjarrfikësve dhe të personave të tjerë që mobilizohen për shuarjen e zjarreve. Vetë
zjarrfikësit janë të vetëdijshëm për rreziqet që u kanosen gjatë ushtrimit të profesionit të
tyre, që ka shumë të papritura: bllokime të paparashikuara të tubacioneve me veshje prej
lini, shembje çatish tavanesh dhe muresh, shpërthime lëndësh explozive (barot,
municione, fishekzjarrë) që rastësisht mund të ndodhen në ndërtesë, përhapje gazesh
helmuese nga objekte të ndryshme etj.
Pavarësisht mungesës së autoshkallës në këtë rast zjarri, sherbimi zjarrfikës në Shqipëri
para vitit 1990 ka qenë përghithësisht në nivel shumë të mirë. Zjarrfiksit përgatiteshin në
shkollën e policisë në Sauk të Tiranës, ku ishte një ambient i përshtatshëm, me mjetet e
nevojshme dhe kullën pesëkatëshe të ngritur enkas për stërvitjen e zjarrfikësve, të cilët
ngjiteshin dhe zbrisnin, duke imituar ngjitje-zbritjet në pallatet pesëkatëshe (të tillë ishin
shumica e pallateve në Shqipërinë e asaj kohe), hedhjet me litar nga çdo kat, zbritjen e
njerëzve të “plagosur” ose të “asfiksuar” nga zjarri etj. Rastet e neutralizimit të zjarreve
gjatë asaj periudhe janë të shumta, ashtu si edhe ata të shpëtimit të jetës së njerëzve, të
izolimit të zjarreve që kërcënonin depot ushtarake të armatimeve dhe municioneve etj.
5.3.2 Raste zjarri në Shqipëri mbas vitit 1990
Pas ngjarjeve politike, sociale dhe ekonomike të vitit 1990, Shqipëria hyri në një periudhë
tranzicioni të gjatë dhe të vështirë të kalimit nga regjimi komunist totalitar, në atë
pluralist; nga ekonomia e centralizuar dhe e kontrolluar, në atë të tregut, liberale dhe ku
mbizotëron prona private; nga shoqëria e mbyllur dhe jeta sociale e censuruar, në një
demokraci të brishtë e shpesh herë të kuptuar dhe interpretuar gabim. Të gjithë sektorët e
jetës ndesheshin me të panjohura dhe vështirësi të mëdha. Praktikisht, në fillim të viteve
’90 vendi u zhyt në krizë të thellë e të përgjithshme. Institucionet ranë ose u katandisën në
fantazma të vetevetes, duke përfshirë këtu edhe ushtrinë e plolicinë e shtetit. Repartet e
Mbrojtjes kundër Zjarrit, sigurisht që nuk bënin përjashtim nga kjo gjendje e përgjithshme
shthurjeje dhe degradimi.
Njerëzit, të dëshpëruar nga regjimi i kaluar dhe të zhgenyer nga sistemi i ri demokratik,
që nuk po arrinte të organizohej e të merrtë në dorë fatet e vendit, shpesh herë dilnin
jashtë kontrollit të vetëvetës dhe, të ekzaltuar nga thirrjet e disa politikanëve ekstremistë,
që kërkonin të zhdukej nga faqja e dheut çdo trashëgimi i periudhës komuniste, dogjën
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 110
dhe shkatërruan pronat publike, që vetë ata i kishin ndërtuar me shumë sakrifica gjatë gati
gjysmë shekulli. Kush ka jetuar në atë periudhë, ka regjistruar në kujtesë ngjarje të
shumta të përjetuara drejtpërdrejt ose të mësuar nga mediat e shkruara dhe audiovizive.
Si komandant shërbimi në vendrojen e Kombinatit të Tekstileve në lagjen “Kombinat” në
Tiranë, jam dëshmitar okular i një rasti kur një person i ekzaltuar, kishte marrë një
pishtari në dorë dhe therriste “Përpara për të djegur magazinat dhe Kombinatin e
Tekstileve sepse atë e kanë ndërtuar sovietikët dhe kinezët, me porosi të komunistëve
shqiptarë”. Më tej ngjarja ndryshoi rrjedhë, kur një person tjetër, që arriti të merrte në
dorë pishtarin dhe ta fikte duke e shkelur me këmbë, filloi të thërriste me zë të lartë: “më
mirë të marrim materialet, blloqet dhe tullat, traret dhe tjegullat, sesa t’i djegim!” Kaq u
desh, që turma të vërsulej për të hapur portat dhe për të rrëmbyer e shkatërruar gjithçka.
Shteti ishte paralizuar. Policia ishte e çorganizuar dhe e paaftë për te ndalur shkaterruesit
dhe grabitësit e pronës publike.
Pas grabitjeve dhe shkatërrimeve, filloi faza e vënies së zjarreve të qëllimshme, për të
mbuluar grabitjet, por edhe nga mëllefi për pronën kolektive të imponuar nga regjimi
totalitar. Nje pjesë e turmës kishte kaluar në ekstazë dhe kënaqej duke shijur rezultatet e
çmendurisë së vet. Ajo nuk i lejonte zjarrfikësit të shuani vatrat e zjarreve me mjete
rrethanore e çfarë të mundnin. Nga ana tjetër, rezistenca e qeveritareve komunistë për të
mos e dorëzuar pushtetin, i irritonte edhe më shumë njerëzit. Revolta e arriti kulmin kur
qeveritarët urdhëruan përdorimin e zjarrfikseve për të shpërndarë protestuesit në Sheshin
“Skenderbej” dhe në sheshe të tjera të kryeqytetit. Në atë kohë demonstruesit dogjën disa
makina zjarrfikëse në mes të Sheshit “Skenderbej”. Kërkesa Repartit të Zjarrfikësve
drejtuar Ministrit të Punëve të Brendshme për të mos ndryshuar destinacionin e makinave
zjarrfikëse dhe për të mos lejuar përdorimin e tyre për shpërndarjen e protestuesve të
revoltuar, u pranua me shumë vonesë, pasi u dogjën disa zjarrfikëse, bashkë me mjetet
edhe pajisjet e tyre, të cilat i kishin kushtuar shtetit miliona lekë.
Në atë periudhë të zymtë krize, dëshpërimin e njerëzve e thellonin herë pas here edhe
zjarret, të cilat dëmtonin pronat dhe rrezikonin jetët e njerëzve. Të pamësuar me
përdorimin e gazit për gatim dhe ngrohje, në shumë raste zjarret e shkaktuara nga
bombolat e pasigurta dhe të paçrtifikuara, kanë marrë jetë njerëzish dhe kanë shkatërruar
banesa, bare, restorante etj.
Të tmerrshme dhe të paharrueshme për të gjithë ata që e kanë përjetuar atë periudhë janë
ngjarjet e vitit 1997, kur u shpërthyen depot e armatimeve dhe të municioneve, si dhe u
armatos gjithë popullsia civile. Në atë kohë janë krijua qindra vatra zjarri thjeshtë nga
injoranca lidhur me përdorimin e armatimit dhe të municioneve, si dhe nga pakujdesia që
vinte nga shthurja totale e shtetit, përfshirë këtu edhe organet e mbrojtjes dhe të rendit.
Qindra viktima njerëzore dhe dëme materiale të pallogaritshme lidhen me ngjarjet e atij
viti të mbrapshtë.
- Rasti i zjarri në fabrikën e riciklimit në Kashar të Bashkisë Tiranë, më 23 prill 2018
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 111
Zjarri në fabrikën e riciklimit “Everest” në Kashar të Bashkisë Tiranë ka ndodhur ditën e
diele, më 23 prill 2018, rreth orës 10 paradite, kur në fabrikë nuk kishte punetorë. Madje,
fabrika ende nuk ishte vënë në punë, prandaj mund të dyshohet për vënie zjarri me qëllim
kriminal. Kur në fabrikë apo një subjekt tjetër ka punëtor dhe shfaqen një vatra zjarri, vetë
punëtorët, në të gjitha rastet, mobilizohen për shuarjen e tyre, sipas instruksioneve që
kanë marrë më parë prej drejtuesve të fabrikës, inspektorëve të mbrojtes kundër zjarrit,
apo në kurset e trajnimit. Përpunimi, riciklimi i mbetjeve plastike në Shqipëri është një
aktivitet i ri, në shërbim të plotësit të nevojave të popullsisë, një fushë e re, për të cilën
njerëzit dhe institucionet nuk kanë eksperiencë.
Duke konsideruar materialet plastike si lëndë djegëse me rrezikshmëri të shkallës së parë,
për sa i përket përhapjes së zjarrit, kërkohen njohuri të plota dhe vemprime të shpejta për
neutralizimin e zjarreve të shkaktuara prej tyre, kudo që ato ndodhin. Zjarrfikësit u
njoftuan kur banorët rrotul pranë fshatit panë flakët dhe tymin në qiell, që tregonin qartë
se në fabrikë kishte rënë zjarr. Shkaqet mund të kenë qenë disa: mungesë vigjilence nga
rojet, mosveprim i shpejtë nga ana e tyre për të aktivizuar sistemet e brendshme të
Mbrojtjes kundra Zjarrit (MKZ), për të krijuar perde ndarëse, të cilat izolojnë vatrat dhe
kufizojnë përhapjen e zjarrit. Nuk është e qartë nëse ka pasur sisteme të tilla, por sipas
Rregullores së MKZ-së, ato (sistemet e quajtur sprinkler dhe drencer) duhet të jenë të
instaluara në çdo fabrikë, uzinë, institucion social-kulturor. Sistemi drencer është gjysmë
automatik, domethënë hapet saraçineska nga dora e njeriut dhe pastaj hyn në veprim,
ndryshe nga sistemi sprinkler, i cili hyn në veprim pa preznecën e njeriut, pra është
automatik. Sistemi sprinkler aktivizohet menjëherë, kur flakët godasin nyjet apo fluturat e
sistemit, siç quhen në komunikimin profesional, duke lëshuar ujin me presion mbi flakët.
Në këtë fabrikë riciklimi duket se nuk ka qenë i instaluar as njëri edhe as tjetri sistem i
shuarjes së zjarreve. Përhapja e zjarrit për shkak të mungesës së tyre ka çuar në dëme
katastrofike. Pronarët dhe drejtuesit e fabrikës janë gjobitur nga inspektorët e repartit të
MKZ-së në Tiranë, nomenklaturë e bashkisë së Tiranës (dikur ishte degë e Drejtorisë së
Punëve të Brendshme, Tiranë), pasi, përveç dëmeve materiale dhe rrezikimit të banesave
përreth, zjarri ka krijuar panik tëk popullsia dhe ndotje të jashtëzakonshme të mjedit,
veçanërisht të ajrit në kryeqytet. Duket se drejtuesit e Fabrikës se Reciklimeve “Everest”
nuk i kanë vlerësuar masat mbrojtëse kundër zjarrit, por i kanë injoruar ato dhe, për
rrjedhojë vetë ata pësuan deme katastrofike, mjedisi përreth u ndot e dëmtua shumë,
ndërsa peizazhi e shpërfytyrua nga tymi dhe bloza.
Veprimet taktiko-zjarrfikëse të gruperve zjarrfikëse kanë qenë të mira. Ato bënë të
mundur mbrojtjen e ndërtesave përreth me anë të spërkatjes së ujit, që shmangu përhapjen
e shkëndijave të zjarrit. Në sajë të atyre veprimeve u bë izolimi i zjarrit dhe pastaj shuarja
e tij. Është kërkuar ndihmë nga Reparti i Zjarrfikseve të afërta, si dhe nga ai i zjarfikeseve
të Ministrisë së Mbrojtjes. Gjithashtu, janë angazhuar autobotet e Ndërmarrjes së
Ujesjellësit të Bashkisë së Tiranës, të cilët kanë mundësuar furnizimin me ujë të
zjarrfikseve, me qëllim që të mos ndërpritej për asnjë çast operacioni i shuarjes së zjarrit.
Manaxhimin e kësaj situate zjarri e ka vështirësuar edhe fluksi i madh i automjeteve në
qarkullim, pasi ishte ora 10 e ditës së dielë, kur aksi rrugor Tiranë-Vorë ka pikun e
ngarkesës. Dëshmitarë okularë kanë deklaruar se zjarrfikëset e kishin shumë të vështirë të
qarkullonin, pasi edhe korsia e emergjencave, atje ku ekziston, ishte e bllokuar.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 112
5.3.3 Përmbledhje e statistikave
Tabela 6 tregon një përmbledhje të statistikave mbi ngjarjet dhe impaktet e tyre (vdekjet,
shtëpitë e shkatërruara/dëmtuara, sipërfaqet me bimësi të djegur, humbjet ekonomike).
Statistikat janë bërë duke përdorur të dhënat e 20 viteve të fundit, të cilat janë mbledhur
vit pas viti. Krahasuar me rreziqet e tjera, zjarret në pyje kanë shkaktuar më pak vdekje:
një të vdekur në 10 vite, megjithë mbi 500 ngjarje të regjistruara. Impakti mbi banesat
është gjithashtu i vogël në pikëpamje të numrit, por i konsiderueshëm, për sa i përket
vlerës. Në lidhje me rreziqet e tjera: rreth 1,5 shtëpi të djegura ose dëmtuara në vit, me një
maksimum prej 4 shtëpish të djegura më 2011.
Tabela nr. 2
Humbjet ekonomike arrijnë në rreth një mln lekë në vit, me një maksimum prej shtatë
mln lekë (51 k$) në verën e 1999. Mesatarja e humbjeve për çdo ngjarje është rreth 21 x
103 lekë (185 $), ndërsa maksimumi 3,4 mln lekë (36 x 103 $) për ngjarjen e vitit 1993 në
rrethin e Matit, me 624 hektarë bimësi të dëmtuar.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 113
Zjarret në pyje kanë një impakt të madh në bujqesi dhe mjedis, i cili që nuk është
përfshirë në humbjet ekonomike. 664 hektarë janë djegur mesatarisht në vit, një sipërfaqe
afërsisht e barabartë me 1.700 fusha futbolli. Sipërfaqja më e madhe e djegur është
regjistruar më 2011, rreth 3.131 hektarë. Në çdo rast zjarri digjen mesatare rreth 15
hektarë (40 fusha futbolli). Ka 29 ngjarje me një dëm bujqësor prej 100 e më shumë
hektarë. Dëmi total që kanë shkaktuar zjarret është 8.172 hektarë dhe përfaqeson 62% të
humbjeve bujqësore totale gjatë 20 viteve të fundit. Ka 532 ngjarje me një humbje
bujqësore deri në hektarë 99. Sipërfaqja e përgjithshme e dëmtuar nga këto ngjarje është
5.117 hektarë dhe përfaqëson 38,5% të dëmit total në bujqësi.
5.3.4 Përvoja botërore dhe disa sugjerime për menaxhimin e zjarreve në Shqipëri
Meqenëse çështja e mungesës dhe e mosrespektimit të korsive të emergjencës është
problem për shumicën e rrugëve urbane dhe interurbane të Shqipërisë, zgjidhja e tij duhet
të bazohet në përvojën botërore më të mirë dhe duhet të vijë nga institucionet shtetërore,
të cilat fillimisht kanë detyrimin t’i ndërtojnë korsitë ku mjetet zjarrfikëse, të
emergjencave, policisë dhe shërbimit shëndetësor (ambulancat) të qarkullojnë pa pengesa,
njëlloj si në vendet e zhvilluara të botës.
Në vendet e zhvilluara, në të gjitha qytetet, por sidomos në ato të mbipopulluarat dhe me
godina të ngjeshura, edhe në rrugët e blloqeve të banimit, në ato që shkojnë në drejtim të
qendrave spitalore, shkollave, muzeve dhe institucioneve të tjera social-kulturore, zonave
industriale, qendrave tregtare, bankave, stacioneve të trenave dhe autobusëve etj., ka korsi
të posaçme për emergjencat, të ndarë në mënyrë të dukshme me vija ngjyrë portokalli dhe
ku po në ngjyrë portokalli shkruhet shprehja Fire Lane (Korsia e Zjarrfikseve), të cilat
nuk mund t’i bllokojë askush dhe për asnjë arsye. Në rast të kundërt, penalitetet janë
shumë të rënda. Edhe atje ku rrugët janë të ngushta, me të dëgjuar sirenat dhe me të parë
dritat e mmjeteve të urgjencës, këmbësorët dhe drejtuesit e automjeteve janë të
ndergjegjshëm që duhet të hapin rrugën, duke u spostuar anash, për të lehtësuar lëvizjen e
mjeteve zjarrfikëse, ambulancave dhe automjeteve të policisë.
Drejtuesit e automjeteve dhe qytetarët në përgjithësi në Shqipëri nuk janë të
ndergjegjësuar për të hapur rrugën, prandaj ndodh shpesh që makinat e urgjencës të presin
në korsinë përkatëse me sirenën dhe sinjalet e alarmit hapur. Njerëzit duhet të edukohen
dhe ndërgjegjësohen për të qenë bashkëpunues dhe mirëkuptues, pasi shpejtësia e
përhapjes së flakëve zakonisht është shumë e madhe dhe në çdo sekondë mund të
shpëtohet një jetë njeriu, mund të shmanget një shpërthim zjarri, mund të izolohet një
vatër zjarri e re, mund të eliminohet katastrofa që do të shkaktohej si rrjedhojë “procesit
domino” që ndodh kur nuk veprohet në kohën dhe mënyrën e duhur në luftën kundër
zjarreve. Ky ndërgjegjësim duhet të vijë edhe përmes punës konkrete të institucioneve
shtetërore shqipëtare, të cilat, nëpërmjet fletëpalosjeve, manualeve, informacioneve në
median e shkruar dhe audiovizive etj. Në radhë të parë, ndërgjegjësimi është detyrë e
organeve publike, por edhe institucionet dhe subjektet private kanë detyrimin moral dhe
ligjor të merren shumë seriozisht me këtë çështje me interes të përgjithshëm.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 114
PËRFUNDIME
Lidhur ngushtë me tërësinë e kapitujve, çështjeve e nënçështjeve të trajtuara në punimin
doktoral “Menaxhimi i rreziqeve të shkaktuara nga zjarret. Rasti i Shqiperisë” po
paraqesim sipas opinionit tonë disa përfundime të rëndësishme. Arritja drejt këtyre
përfundimeve padyshim që bart krahas mendimit shkencor edhe konsiderata konkludive
praktike ndikuar nga eksperienca personale në sektorin e mbrojtjes kundër zjarrit.
Ndër perfundimet më kryesore do të paraqisja nevojën dhe domosdoshmërine e njohjes
për rreziqet dhe pasojat që shkaktojnë zjarret dhe përhapja e tyre. Akoma nuk ka një
sensibilitet sa dhe si duhet në lidhje me një problematikë të tillë. Njëkohësisht mungojnë
masat e informimit masiv në trajtë koherente, ndonëse vihen re së fundmi një angazhim
periodik, vetëm në rastet e mundesisë së lindjes së tyre në periudhën e nxehtë të vitit.
Këtu duhet përgëzuar veçanërisht roli i funksionit social të pushtetit, respektivisht
Drejtoria e Përgjithshme e Emergjencave Civile, që ka një rastisje gjithnjë e në rritje të
dhënies së informacioneve dhe tendencave parashikuese të rreziqeve natyrore, përfshirë
edhe zjarret.
Një përfundim tjetër i rëndësishëm që duhet ta evidentoj është ai i mungesës së studimeve
dhe analizave të detajuara në lidhje me teknikalitetet e luftës së mbrojtjes nga zjarret.
Tashmë gjithnjë e më shumë po harrohen tematika të tilla, studime e publikime të këtij
lloji, ndonëse situatat prezente ndjejnë nevojën e trajtesës shkencore të tyre. Në mënyrë të
veçantë vihet re kufizimi i botimeve nga ekspertët konkretë të mbrojtjes dhe menaxhimit
të zjarreve. Në këtë drejtim ka prezencë të punimeve shkencore për zjarret në Shqipëri,
kryesisht nga fusha dhe disiplina të tjera shkencore, siç janë ato të mjedisit, deri diku
gjeografët, biologët, gjeologët, etj. Ndërmarrja e studimeve të mëtejshme në të ardhmen
jo vetëm do të ndikonte në pasurimin e informacionit shkencor në lidhje me rreziqet
natyrore e humane, siç janë zjarret, por do ti paraprinte parandalimit të tyre dhe
menaxhimit më efikas të situatave të ndryshme të zjarreve.
Nga këndvështrimi i studimit gjeografik të zjarreve mund të arrijmë në konkluzionin e një
raporti mjaft interesant ndërmjet tyre nga njëra anë dhe hapsirës sociogjeografike nga ana
tjeter. Ky raport paraqitet interesant për faktin e ndikimit të konsiderueshëm që ky rrezik
natyror e human ka konkretisht në tërësinë e kësaj hapsire sociogjeografike. Zjarret
shfaqen dhe janë prezente në hapsiren gjeografike, në larminë e konsiderueshme të
vendeve sociale prezente në të, duke ndikuar drejtpërsërdrejti në funksionet sociale
respektive të tërësisë së grupeve sociale, që janë prezente në këtë hapsire
sociogjeografike. Një gjë e tillë është e shprehur qartazi në mjaft rastisje zjarresh në
pallate e apartamente banimi, në markete e qëndra tregtare, në restorante e salla
koncertesh, në punishte e fabrika nga më të ndryshmet në shumë vende të botës, por edhe
në Shqipëri.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 115
Zjarri është një nga dëmtuesit kryesorë të ekonomisë dhe, në shumë raste, rrezikon jetën
e njerëzve. Por, nga ana tjetër, zjarri, nxehtësia, rryma elektrike, etj, janë të
domosdoshëm për njeriun. Në kushtet e sotme, çështja e masave për mbrojtjen nga zjarri
ka rëndësi të madhe sepse ekonomia dhe qendrat urbane po rriten me ritme shumë të
shpejta. Ndërtimi i shumë objekteve, krijimi i një rrjeti të madh tregtar me qendra
tregtare me përqëndrime dyqanesh, deposh e magazinash me vlera të mëdha,
grumbullimi i pasurisë në disa qendra, zhvillimi i madh i ndërtimit me blloqe banesash
shumëkatëshe ku banojnë me qindra qytetarë, zhvillimi i turizmit dhe i shërbimeve, e
bëjnë të domosdoshme marrjen e masave për parandalimin e zjarreve dhe shuarjen e tyre.
Në këtë drejtim u orientuam edhe ne, që në kuadrin e këtij punimi shkencor të paraqesim
edhe raportet ndërmjet këtyre vendeve sociale nga njëra anë dhe menaxhimit të zjarreve
që mund të lindin dhe zhvillohen nga ana tjetër. Njëkohësisht paraqitëm edhe rolin dhe
kontributin konkret të grupit social të zjarrëfikësve dhe punonjësve të tjerë pjesëmarrës në
situatat e pranisë së rreziqeve të tilla natyrore e humane. Në këtë mënyrë u munduam që
të japim një panoramë të qartë e konkrete të problematikave të shfaqura në hapsirën
sociogjeografike të vendit tonë.
Një konkluzion i rëndësishëm që evidentohet në punim është ndërmarrja e masave të
ndryshme legjislativo-juridike që bëjnë të mundur ndërtimin e një partneriteti të duhur
ndërmjet funksionit social të pushtetit nga njëra anë dhe rolit të tij në funksionimin e
sistemit të mbrojtjes nga zjarret. Tashmë një gjë e tillë është e konfirmuar dhe aplikuar në
vendin tonë, ndikuar nga prania e kuadrit ligjor konkret. Në Republikën e Shqipërisë,
organizimi i shërbimit të MNZSH bazohet në Ligje dhe akte të tjera nënligjore, që
përcaktojnë misionin, organizimin, funksionimin, detyrat, të drejtat, statusin e
shërbimit të mbrojtjes nga zjarri dhe shpëtimin në Republikën e Shqipërisë. Studimi për
mbrojtjen nga zjarri dhe për shpëtimin është pjesë përbërëse e studimeve urbanistike. Në
to parashikohet zbatimi i dispozitave të këtij ligji, normave, rregulloreve teknike për
mbrojtjen nga zjarri dhe për shpëtimin, si dhe i normave ndërkombëtare të pranuara.
Projektet, për të gjitha llojet e ndërtimeve, përfshijnë edhe projektin e mbrojtjes nga
zjarri dhe për shpëtimin.
Rezultat konkret i studimit të situatave konkrete që kemi marrë në shqyrtim në kuadrin e
pranisë dhe rastisjeve të zjarreve në vendin tonë, është ai lidhur me shkaqet dhe faktorët
ndikues të lindjes dhe të zhvillimit të tyre. Nga përvoja shumëvjeçare del se zjarret janë
shkaktuar më tepër nga pakujdesia dhe moszbatimi i rregullave. Për të izoluar dhe shuar
sa më shpejt zjarret që mund të shfaqen nga arsyet e mësipërme, është e domosdoshme
njohja e procesit të djegies, ndërtimi dhe përdorimi me mjeshtëri i mjeteve dhe aparateve
të ndryshme që mundësojnë shuarjen e menjëhershme te zjarrit. Si lëndë bazë për
shuarjen e zjarreve është uji(H2O). Ai ka viskozitet të ulët dhe si i tillë depërton në
brendësi të lëndës që digjet duke shtuar avullimin. Uji për shuarjen e zjarreve përdoret në
formë të thjeshtë ose i përzierë me solucione e lëndë kimike të ndryshme.
Sot, përdorim më të gjerë për shuarjen e zjarreve ka uji me anë të sistemeve stacionare.
Këto sisteme sigurojnë shuarjen e menjëhershme të çdo lloj zjarri, në të gjitha objektet që
kërcënohen nga djegja. Këto sisteme janë një kompleks aparatesh dhe pajisjesh të
ndryshme hidraulike që shërbejnë për shuarjen e zjarreve me anën e ujit, të shkumës,
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 116
avullit, gazit karbonik etj. Në rrjetin e shpërndarjes të çdo ujësjellësi ndërtohen hidrante
te jashtme e të brendshme, sisteme vetshuarëse automatike dhe gjysmëautomatike,
sistemet e kolektorëve, sistemet stacionare të shkumës kimike dhe ajromekanike etj.
Dollapet e hidranteve të brendshme ose kasetat e tyre, ndërtohen në mënyrë të tillë që
gjatë manovrimit të pajisjeve, si hapja e mbyllja e saraqineskave, shtrirja e tubacioneve
të linit në raste 115 zjarri, të mos pengojnë vënien në funksionim sa më shpejt të tyre.
Sasia e hidranteve ose largësia midis tyre duhet të llogaritet në mënyrë që, në rast zjarri,
asnjë pikë e mjedisit që ka rrezik zjarri të mos mbetet pa u goditur nga rryma e ujit me
anën e hidranteve.
Sistem automatik zjarrfikës, shërben për shuarjen drejtpërdrejt të zjarreve që shfaqen në
objekte të ndryshme, ose për të formuar perde ujore (pengesë) që të ndalojë përhapjen e
zjarrit në anën tjetër të lokalit apo zonës ku ka rënë zjarr. Gjatë ndërtimit të sistemit
hidraulik, firma ndërtuese duhet të llogaritë që në rrjetin e këtij sistemi, uji të jetë
vazhdimisht me presion të lartë; për këtë duhet të ndërtohen rezervuare ose kulla
hidraulike në kuota të tilla që edhe me anën e vetërrjedhjes uji të ketë presionin e
nevojshëm. Atje ku nuk ka sistem ujësjellës, d. m. th, hidrante dhe sisteme të tjera
hidraulike zjarrfikëse, duhet të ndërtohen rezervuarë, pellgje, puse, hauze etj, të cilat
ruhen dhe përdoren në raste zjarri. Impiantet stacionare të ndryshme, që shërbejnë për
shuarjen e zjarreve, pa dëmtuar aspak lëndën apo objektet e ndryshme, që eventualisht
mund të ndizen.
Impiante të tillë zjarrfikës ndërtohen në arkivat dhe bibliotekat e mëdha, në muzeumet,
në shtypshkronjat, thesaret, bankat, në impiantet elektrike, në avionët, mjetet
lundruese, në uzinat dhe repartet e riparimit të avionëve, depot dhe magazinat grosiste
me vlera të mëdha, etj. Këto impiante zjarrfikëse janë të domosdoshme, pasi ka shumë
materiale e objekte me vlerë shumë të madhe historike apo ekonomike, që nga prania e
ujit, në rast përdorimi për shuarjen e zjarrit, do të dëmtoheshin dhe, si përfundim, edhe
pjesa që nuk digjej, do të dilte jashtë përdorimit.
Kushtet klimatike të vendit tonë janë të tilla që në muajt e verës, temperatura mund të
ngrihet deri në 40o C, pra të krijohen mundësi për avullime të shumta e, si rrjedhojë, për
shfaqje zjarri. Prandaj, në parqet apo grupet e rezervuarëve të naftës dhe të karburanteve,
ndërtohen impiante të shumtë e të shumëllojshëm. Fikësit e dorës janë aparate të ndihmës
së shpejtë. Sasia e lëndës që kanë është e pakët dhe zbrazja e tyre bëhet brenda disa
sekondave, por, me përdorimin e mirë të tyre, bëjnë të mundur që zjarri të zhduket
menjëherë ose të bëhet lokalizimi i tij derisa të mbërrijnë automjetet zjarrfikëse ose
ndihma e grupeve të MNZSH të ndërmarrjeve e institucioneve të ndryshme fqinje.
Në rast zjarri, çdo punonjës është i detyruar të dijë ta përdorë fikësin, përdorimi i tij
është përgjithësisht shumë i thjeshtë. Kur zjarri është i madh, është e domosdoshme që të
përdoren menjëherë një grup fikësish, duke pasur parasysh që rryma e solucionit të fillojë
më parë rreth e qark zjarrit të shfaqur, pastaj gradualisht të bëhet goditja brenda vatrës së
tij, në qendër, për arsye se nga temperatura e lartë solucioni ujor avullon menjëherë,
goditja në fillim rreth e përqark bën që zjarri paraprakisht të izolohet, të ulet temperatura
e tij e pastaj të shuhet. Fikësit duhet te kenë etiketa të sakta ku të shkruhen: tipi(ujë,
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 117
shkumë, pluhur, CO2), lloji i zjarrit që shuan, për sa kohë shkarkohet plotësisht dhe
mënyra se si përdoret.
Përveç sistemeve stacionare hidraulike dhe aparateve kimike të dorës, që përdoren për
shuarjen e zjarreve, përvoja ka vërtetuar se zjarret mund të fiken edhe me mjete të
thjeshta, siç janë: fuçitë me ujë dhe kovat, rëra, dheu, batanijet e leshta, thasët, gjethet
e njoma, etj). Mjete të thjeshta dhe të gatshme zjarrfikëse duhet të mbahen edhe në
banesat me qëllim që çdo qytetar ti përdorë ato në rast zjarri. Fikëse të vogla apo mjete
rrethanore, (batanije etj)mbahen edhe në automjetet private për tu përdorur në rast zjarri.
Taktikat e parandalimit dhe menaxhimit të aksidenteve të zjarrit janë pak a shumë të
njëjtat, dhe ato ndryshojnë vetëm në varësi të natyrës gjeografike të vendit si edhe të
intensitetit të zjarrit që shpërthen.
Në rastet e aksidenteve të zjarrit, si në Gërdec apo në Kamien në Poloni, edukimi dhe
pajisjet e nevojshme kundër zjarrit ishin problemet kryesore. Edukimi për përdorimin
sipas rregullave të materialit shpërthyes(eksploziv) duhet të kryhet siç duhet, si në nivelin
publik ashtu edhe në atë privat. Komuniteti duhet të jetë i mirëinformuar për të garantuar
se janë të përgatitur për të reaguar ndaj aksidenteve të zjarrit e për të minimizuar sa më
shumë dëmet nga zjarri.
Masat për diktimin e zjarreve duhet gjithashtu të ndërmerren në mënyrë që shpërthimet e
zjarrit të kontrollohen menjëherë pasi ndodhin. Shumë nga zjarret që mund të
parandaloheshin kanë ndodhur për shkak të pakujdesisë ose mungesës së njohurive dhe
trajnimit të duhur. Prindërit duhet gjithashtu ti edukojnë fëmijet se si të mbrohen nga
zjarri në shtëpi(banesë). Në mënyrë që të shmangen tragjeditë nga zjarri duhet të ketë një
integrim edhe të mediave për të edukuar publikun sesi të parandalojnë ndodhjen e
ngjarjeve të tilla. Kjo përfshin njohuritë të tilla si: nga çfarë shkaktohet zjarri, se si ai
përparon më shumë, si duhet të izolohet përparimi i mëtejshëm dhe se si të luftojmë për
ta shuar përfundimisht zjarrin. Pasi ka ndodhur një zjarr, faza e fundit e taktikave të
menaxhimit të tij, është eleminimi i të gjitha burimeve që mund ta shkaktojnë atë sërish.
Roje sigurie nevojitet të vendosen përreth perimetrit për të siguruar që zjarri të mos
rishpërthejë.
Duhet të vleresojmë faktin se mjaft prej funksioneve sociale, që impaktojnë aktivitetet e
ndryshme ekonomike, e në këtë sens edhe vendet sociale të prodhimit (punishtet,
ndërmarrjet e ndryshme, serviset), të shkëmbimit (marketet, supermarketet, dyqanet e
ndryshme, depot e mallrave, magazinat e ndryshme), të argëtimit (baret, restorantet,
pubet, etj), gjithnjë e më shumë po përfshihen në sistemet e mbrotjes nga zjarri.
Njëkohësisht është evidente që mjaft nga aktivitetet dhe veprimtaritë e mëdha prodhuese,
depot dhe magazinat e artikujve të ndryshëm, përfshi këtu impjantet e gazit dhe
platformat e rezervuareve të karburanteve, të gjitha këto janë spostuar dhe po
përqëndrohen në periferi të qyteteve.
Kemi arritur në konkluzionin se në tërësinë e trajtesave, diskutimeve, shkrimeve e
punimeve që realizohen për tematika të tilla, më e rëndësishme është mbrojtja e jetëve
njerëzore, të gjallesave të tjera dhe ruajtja e mjedisit. Një këndvështrim i tillë ka qenë
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 118
objektiv dhe mision edhe i punës sonë në këtë punim shkencor të realizuar. Tërësia e
sugjerimeve të dhëna si në rastet e lindjes dhe të zhvillimit të zjarreve në hapësirën
gjeografike apo në vendet e ndryshme sociale të përmendura më sipër, në aktivitetin dhe
rolin e grupeve sociale të përfshira në menaxhimin e tyre, gjithnjë është synuar marrja në
konsideratë e dhënies së formave dhe mundësive për ti parandaluar ato nga njëra anë që të
mos ndodhin apo të kenë përhapje të kufizuar dhe shuarja e menaxhimi të tyre që të mos
kemi humbje njerzore e dëmtime mjedisore territoriale e materiale.
Në përfundim mund të themi se njohja dhe përdorimi në kohë dhe me efikasitet i pajisjeve
dhe mjeteve të MNZSH bën që në këtë mënyrë të mund të evitohen dëmet dhe fatkeqësitë
e rënda që vinë nga zjarri si në mjediset e punës dhe shërbimeve ashtu edhe në shtëpitë e
banimit.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 119
REKOMANDIME
Në kuadër të studimit të realizuar për menaxhimin e rreziqeve të shkaktuara nga zjarret,
rasti i Shqipërisë, është e rëndësishme të paraqesim edhe disa rekomandime, të cilat
mendojmë se ndikojnë së tepërmi në një menaxhim sa më efikas të një problematike
serioze, dhe aq të shprehur, siç janë zjarret. Zgjidhjet, përmirësimi rrënjësor i situatës,
përshtatja apo qasja e tërësisë së elementëve që përbëjnë mbrojtjen nga zjarri dhe
shpëtimin në Shqipëri, si dhe vet shërbimit zjarrëfikës teorikisht është e thjeshtë dhe
praktikisht e vështirë. Kjo sepse duhet t’i përcaktosh drejtimet e duhura për veprim, t’i
ndërtosh ato si mekanizma, t’i unifikosh në një qasje, t’i vësh në lëvizje, t’i mbash
vazhdimisht nën kontroll gjatë ecurisë së tyre, t’i korigjosh apo stimulosh kur është e
nevojëshme dhe më në fund të administrosh përfundimin e parashikuar. E gjithë kjo nuk
mund të bëhet dhe nuk mund të realizohet konkretisht nëse funksioni social i pushtetit,
pra shteti nuk investohet në mënyrë konkrete. Një gjë e tillë mund të realizohet nga ana e
institucioneve të rëndësishme shtetërore duke të mbështetur në infrastrukturë, pajisje e
fonde të nevojshme.
Shërbimi i forcave zjarrëfikëse është prioritari në kuadrin e menaxhimit të zjarreve në
Shqipëri. Në kuadër të këtij shërbimi paraqitet emergjencë modernizimi dhe efikasiteti në
shërbimet që e presin për të përballuar, sidomos e lidhur me rastisjet në rritje të situatave
të zjarreve gjatë viteve të fundit. Të ngresh një organizëm në shkallë vendi është një gjë,
ta vesh atë në lëvizje dhe ta orientosh drejt suksesit është tjetër gjë. Ku duhet të
veprojmë? Për këtë do të sugjeronim:
1 - duhet ndryshuar vlerësimi dhe mbështetja për shërbimin zjarrëfikës;
2 - kërkohet një studim i detajuar dhe një vlerësim realist i gjëndjes;
3 - duhet marrë për bazë një model suksesi, organizimi dhe funksionimi;
4- të synohet një strukturë autonome, vetvepruese, kompetente, humane, e vlerësuar
dhe e
mbështetur nga mbar opinioni;
5- duhet ndryshuar koncepti dhe praktika e deri sotme : mbrojtja nga zjarri nuk është
vetëm shërbimi zjarrëfikës; duhet filluar aty ku lind apo zgjidhet problemi, aty ku
zbatohen apo shkelen rregullat, aty ku ndodh dhe kërkohet të shuhet zjarri.
6 - Duhet të ndryshojë kahja dhe pika e rëndësisë së detyrave, e masave dhe e
përgjegjësisë nga shërbimi zjarrëfikës, ku është tani, drejtë subjekteve dhe veprimtarive
në bazë. Për këtë kërkohet: a) norma të paracaktuara, b) detyrim ligjore, c)
vetadministrim dhe vetveprim, d) kontribute për terren.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 120
Në këtë kuadër një rëndësi të madhe merr edhe riorganizimi i shërbimit zjarrëfikës në
vendin tonë. Duke u njohur me rregullat dhe standartet ndërkombëtare ai duhet të jetë
:multifunksional, të mbulojë të gjithë territorin, të kthehet në lider në fushën ku operon, të
jetë i mirë kompletuar.
Njëkohësisht kërkohet njohja, përshtatja dhe zbatimi i normave të BE në fushën e
mbrojtjes nga zjarri dhe shpëtimit. Pa këto dhe jo vetëm, nuk mund të kemi në tërësi dhe
kudo në bazë një infrastrukturë efektive të mbrojtjes nga zjarri, por nuk mund të bëhet as
menaxhimi si duhet i situatave që krijojnë zjarret e rëna. Ndërmarrja e rregullimeve me
akte ligjore dhe rregullore të vëçanta të mbrojtjes nga zjarri është hapi i duhur. Në këtë
sens kërkohet në mënyrë rigoroze zbatimi i tyre në kuadrin e:
– zbatimit të dispozitave të parashikuara ligjore, rregulloret dhe aktet e tjera normative
për mbrojtjen nga zjarri dhe shpëtimin të nxjerra në zbatim të akteve ligjore, si dhe
normat ndërkombëtare teknike të pranuara;
– të kontrollit per gjendjen e masave për sigurimin nga zjarri dhe shpëtimin;
– të planifikimit te fondeve financiare për ndërtimin e infrastrukturës për mbrojtjen nga
zjarri dhe për shpëtimin, si dhe për përmirësimin e kësaj infrastrukture;
– të pajisin objektet e tyre me sisteme sinjalizimi, sisteme ndërlidhjeje, sisteme
stacionare automatike me hidrantë zjarrfikëse për shuarjen e zjarreve dhe për shpëtimin,
në përputhje me normat teknike, si dhe t'i mbajnë ato në gatishmëri;
– të hartojnë rregullat e brendshme për mbrojtjen nga zjarri dhe për shpëtimin, në
përputhje me rrezikshmërinë e proceseve teknologjike dhe të kërkojnë zbatimin e tyre;
– të shoqërojnë me certifikatë prodhimet e kimikateve e të lëndëve me rrezik të theksuar
zjarri dhe shpërthimi, ku të përshkruhen karakteristikat fiziko-kimike, mënyrat e ruajtjes,
transportimit dhe përdorimit të tyre.
Ne kuadrin e marrjes ne konsiderate te elementeve perberes te ndertimit te nje vendi
social, por edhe si rezultat i avancimit te teknikave dhe perberesve te perdorur ne
materialet qe ndertojne sot konstruksionet e ndryshme te vendeve sociale duhet te gjejne
aplikim ne vazhdimesi konstruksionet e padjegshme, te tipit betonarme, muret prej tulle,
argjile te pjekur, etj.
Vendosja e një raporti më të drejtë ndërmjet vendeve sociale ku janë të stacionuar
zjarrëfikëset dhe hapësirës gjeografike me mundësi favorizuese për lindjen dhe zhvillimin
e zjarreve. Vlerësojmë se në mjaft prej ngjarjeve të ndodhura në situata të tilla janë
shoqëruar me dëme njerzore dhe materiale, ndikuar nga distanca e stacionit të
zjarrfikëses me vendin social të banimit, kohën e ndërhyrjes, vështiresinë për tju afruar
objektit, etj.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 121
Lidhur ngushtë me evitimin e situatave të tilla, sidomos në zonat e banuara,
rekomandojmë disa masa kryesore që sigurojnë garanci dhe parrezikshmëri ndaj zjarrit në
zonat e banuara, vendeve sociale të llojeve të ndryshme banim, prodhim, shkëmbim,
argëtim, pushtet, etj., sigurimi i largësive të kërkuara për mbrojtjen nga zjarri dhe
eksplozionet ndaj ndërmarjeve industriale, depove dhe magazinave të mëdha, të cilat
mund të jenë vendosur në territorin e zonave të banuara ose në periferi të tyre ;respektimi
i largësive të mbrojtjes nga zjarri midis ndërtesave të banimit dhe ndërtesave me
destinacione shoqërore; vendosja e stacioneve zjarrëfikëse duke zbatuar kushtet e
sigurisë, për arritjen e kohës se mbrritjes se automjeteve zjarrefikese e te shpëtimit për
kryerjen e veprimeve operacionale në ndërtesat e banimit dhe veprat e artit që ndodhen në
zonën e banuar; garantimi i hyrjes dhe lëvizjes së automjeteve zjarrëfikëse e të shpëtimit
në zonën e banuar, në rezervuaret e ujët dhe te hidrantet zjarrëfikëse.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 122
LITERATURA
1. Axhemi. S., “Gjeografia sociale”, tekst mësimor universitar, “Alsa”, Tiranë, 2008.
2. Axhemi. S., “Shkrimi i punimeve shkencore në gjeografi”, tekst mësimor
universitar, “Alsa”, Tiranë, 2013.
3. Aaheim, A. et al. (2008), Adaption to Climate Change: Why is it needed and how
can it be implemented, CEPS Policy Brief No. 161, ADAM/CEPS, Brussels, May.
4. Amelung B., Moreno A. 2009. Impacts of climate change in tourism in Europe.
PESETA-Tourism study.
5. Annual meeting., Boston 2017, volum 5, nr. 3, 2017 ISSN 2056-5992.
6. Annual meeting., Boston 2017, volum 5, nr. 4, 2017 ISSN 2309-0405.
7. A. Maurice. J., “Fire protection systems”, Sudbury, United States, Jones and
Bartlett Publishers, Inc, 2016, ISBN13 9781284294170.
8. Behrens, A. et al., (2010) Future Impacts of Climate Change across Europe. CEPS
Working Document No. 324/February, Brussels.
9. Carmel fire fully extinguished.ws. December 6, 2010. Retrieved 2010-12-06.
10. Ciscar, J. et al. (2009), Climate change impacts in Europe: Final report of the
PESETA research project, Joint Research Centre Scientific ang Technical Report
(EUR 24093 EN), European Commission, Luxembourg: Office for Official
Publications of the European Communities, November.
11. Charles,L., “Smeby Fire and emergency services administration Management and
leadership practices”, Sudbury, United States, Jones and Bartlett Publishers,
Inc,2016, ISBN13 9781449605834.
12. China, H., Salisbury,E., Salisbury, Harrison E., Salisbury, Former Editor Of The
Op-ed Page, Is Author Of A. Forthcoming Book On The Black Dragon Fire In
(1988-10-01). "The Breath of the Black Dragon in Russia and China". The New
York Times. ISSN 0362-4331. Retrieved 2015-11-27.
13. David. H., & James S. A., “Firefighting strategies and tactics”.
14. Drejtoria e Emergjencave (DE) (2010), Lezhë.
15. Draci. B., “Transporti dhe ndikimet reciproke në rreziqet natyrore dhe njerëzore”,
“Studime albanologjike”, nr. 4, 2010.
16. Dema. B., “Efekte të rreziqeve natyrore në menaxhimin hapësinor të lëvizjeve të
popullsisë”.
17. Dibra. N., “Studime albanologjike” nr. 4, 2010.
18. Deutsche Welle., “Climate Change Sets the World on Fire | DW | 18.10.2017.”
DW.COM, 18 Oct. 2017, www.dw.com/en/climate -change-sets-the-world-on-
fire/a-40152365.
19. Dollma. M., Mamoci. E., “Rreziqet natyrore dhe humane për kalatë e
Shqipërisë”.
20. “Studime albanologjike” nr. 4, 2010.
21. Dougal, D., “An Introducion to fire dynamic”, Hoboken, United States,
Publisher John Wiley and Sons Ltd,2011, ISBN13 9780470319031.
22. Duro. F., “Menaxhimi i emergjencave civile në Shqipëri”, botim i Institutit për
Demokraci dhe Ndërmjetësim, Tiranë, 2015.
23. “Digjet Fabrika e Riciklimit. Zjarri shkrumbon qindra tonë plastikë, tym toksik në
Tiranë–FOTO/VIDEO”, Top Channel, 22 Apr. 2018, top-
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 123
channel.tv/2018/04/22/digjet-fabrika-e-riciklimit-zjarri-shkrumbon-qindra-ton-
plastike-tym-toksik-në -tiranë/.
24. Eyadat, F., (December 18, 2010). "Firefighter injured in Carmel blaze succumbs
to wounds". Haaretz.
25. European Commission (2009), Regions 2020: The Climate Change Challenge for
European Regions, beckround document to Commission Staff Working
Dokument, Regions 2020: An Assessment of Future Challenges for EU regions
(SEC 2008, 2868 final), Directorate-General for Regional Policy, Brussels.
26. European Environment Agency (EEA) (2008), Impact of Europe’s changing
climate – 2008 indicator-based assessment, EEA Report No. 4/2008, EEA,
Copenhagen, October.
27. Frashëri. A., “Gjeofizika inxhinierike dhe mjedisore”, tekst mësimor universitar,
Tiranë, 2012.
28. Gruda. Gj., Deda. T., dhe Kaza. Gj., “Vlerësimi i rreziqeve natyrore gjatë rrugës
së kombit”. “Studime albanologjike” nr. 4, 2015.
29. Gruda. Gj., Dollma. M., “Shkaqet natyrore dhe humane të rreziqeve
gjeomorfologjike në malësinë e Çermenikës dhe masat parandaluese”, Studime
albanologjike. nr. 4, 2013.
30. Ginnakopoulos et al. (2005), Climate Change Impacts in the Mediterranean
Resuling from a 2°C Global Temperature Rise, WWF report, WWF, Gland,
Switzerland (retrieved from
http://assets.panda.org/downloads/medreportfinal18july05.pdf).
31. Grup autorësh., “Rregullore mbi masat e mbrojtjes kundër zjarrit në projektimin e
objekteve të industrisë së naftës dhe të ruajtjes së karburanteve”. Botim Tiranë,
1977.
32. Grup autorësh., “Rregullore mbi masat mbrojtëse kundër zjarrit në projektimin e
ndërtesave të çdo lloji”, Tiranë 1984.
33. Grup autorësh., “Përmbledhës dizpozitash ligjore për mbrojtjen kundër zjarrit”,
(MKZ), botim i Ministrisë së Mbrojtjes, Tiranë, 1981.
34. Grup autorësh., “Çfarë duhet të dijë një sanitar”, botim i Ministrisë së Mbrojtjes,
Tiranë, 1965.
35. Grup autorësh., “Procesi i djegies së substancave dhe shuarja e tyre”, Tiranë,
1975.
36. Grup autorësh., “Pyjet dhe tranzicioni në Shqipëri 1990–2014”, botim i REC-it,
Tiranë, 2016.
37. Grup autorësh., Libri i programeve stërvitore të FARSH, botim i Ministrisë së
Mbrojtjes, Tiranë, 2015.
38. Grup autorësh., “Të mbrojmë pyjet nga zjarri”, botim i DBPZHR-së Lezhë, 2016.
39. Grup autorësh., “Zjarret në minierat qymyrore të Kosovës dhe masat preventive”,
buletini shkencor “Java e shkencës”, Prishtinë 2016.
40. "Greek government calls for faster action on replanting of burnt forests".
International Herald Tribune. Associate world Press. 2007-10-23.
41. "Greek forest fire close to Athens". BBC News. në ws.bbc.co.uk. 2007-06-29.
Retrieved 2007-11-22.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 124
42. Hanxhari. R., Yzeiri. E., “Rreziqe natyrore apo rreziqe njerëzore. Keqkuptimi
konceptual që na pengon të parandalojmë”, sugjerime të gjeografëve. Studime
albanologjike. nr. 4, 2010.
43. Impact on population and tourism. Presentations on impact assessment, Second
Risk Assessment Workshop, Lezha 24-25 May.
44. James.G.Q.,“Principles of fire behaviours”, Country Portland, United States,
Publisher Taylor & Francis Inc,2016, ISBN13 9781498735629.
45. Kabo. M., “Rreth klasifikimit të fatkeqësive dhe katastrofave natyrore dhe
njerëzore”, Studime albanologjike. nr. 4, 2010.
46. Kol. Jahaj. Z., “Studime albanologjike” nr. 4, 2010.
47. Krutaj. F., “Rreziqet ambientale në Shqipëri dhe roli i gjeomorfologjisë”,
përmbledhje studimesh, “Gjeografia dhe ekonomia”, 1996.
48. Krymbi. E., “Aplikimi i GIS-sit, në studimin e rreziqeve natyrore në qytetin e
Shkodrës”, Studime albanologjike. nr. 4, 2010.
49. Laçi S., (2010a), Report on Identification and implementation of adaptation
response measures to Drini-Mati River Delta Project, Tirana.
50. Ligji “Për shërbimin e mbrojtjes nga zjarri”, Tiranë, 2015.
51. Michael F. G., & William B. L., Sudbury, United States, Jones and Bartlett
Publishers, Inc 2016, ISBN13 9781284116007.
52. Mieczkowski (1985). The tourism climatic index.
53. Muçaj, L., (2014). Climate Change Scenarios for Albanian Costal Area: To be
used for the reports: Albania’s Third National Communication to UNFCCC.
54. Muçaj, L., (2010). Climate Change Scenarios for Drini-Mati River Deltas area.
Draft raport.
55. Papa. M., “Mjetet dhe pajisjet e shuarjes së zjarreve”, leksione, dorëshkrim,
Tiranë, 1990.
56. Pearson., 2 edition (September 4, 2016).
57. PNUD (2005), Strategjia Rajonale e Zhvillimit, Prefektura e Lezhës.
58. PNUD & MEFWA Project (2006), Albania’s Technology Needs Assessment. E
shfrytëzueshme në: www.ccalb.org, Dhjetor, Tiranë.
59. PNUD-Projekt (2001), Enabling Albania to prepare its First National
Communication in Response to its Commitments to UNFCCC,
ALB/96/G32/A/1G/99, Tiranë.
60. PNUD-Projekt (2005-2009): Enabling Albania to prepare its Second National
Communication in Response to its Commitments to the UNFCCC, December
2009, Tirana.
61. Romania 2014, Abstract proceedings ISSN 2284-9890.
62. Sala. S.. “Gjeomorfologjia e aplikuar dhe shfrytëzimi i mjedisit”, përmbledhje
studimesh “Gjeografia dhe ekonomia”, 1996.
63. Sala. K., Sala. S., “Ndikimi i infrastrukturës rrugore në proceset gjeomorfologjike
dhe peizazhin natyror”. Studime albanologjike. nr. 4, 2013.
64. Sinani. A., “Roli i gjeografit në menaxhimin e rreziqeve natyrore dhe humane në
qarkun e Gjirokastrës”, “Studime albanologjike” nr. 4, 2010.
65. Shuka. S., “Fire prevention and management tactics”.
66. Shuka. S., “Fire prevention and management tactics”.
67. Shuka. S., “Cultural and natural landscapes of Berati and fire risk” (Unesco site).
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 125
68. The 6 International Symposium of Geography., Bucharest-Brasov.
69. Tavanxhiu. V., “Rreziqet gjeomorfologjike si shkak për degradimin e terreneve në
rrethin e Librazhdit”, Studime albanologjike. nr. 4, 2010.
70. The Great 1987 Black Dragon Fire — GEOL 105 “Natural Hazards". Geo
105natural hazards.voices.wooster.edu. Retrieved 2015-11-27.
71. Toto. E., & Deda. M., & Massabo. M., “Mbledhja e të dhënave historike të
humbjeve nga fatkeqësitë natyrore në Shqipëri”, botim 2013.
72. Travis M, Ford “Fire and Emergency Services Safety and Survival”.
73. Vincent. D., “Collapse of Burning Buildings”, A Guide to Fireground Safety,
Tulsa Oklahoma, United States, Pennwell Books 2011,
ISBN13 9781593702335.
74. Whelan, R., “How wildfires affect animal and plant populations” Cambridge
University Press; 1 edition (August 25, 1995).
75. Young, L., "Flames of Controversy: Interpreting the Yellowstone Fires of 1988".
Wildland Fire Education and Outreach Case Studies. National Inte ragency Fire
Command. Archived from the original on June 23, 2007. Retrieved September
29, 2016.
76. Zotaj. E., “Legjislacioni shqiptar mbi menaxhimin e emergjencave, pozita aktuale
e gjeografit dhe përmirësimi i saj nëpërmjet pasurimit të kurrikulës së arsimit të
lartë”.
MENAXHIMI I RREZIQEVE TË SHKAKTUARA NGA ZJARRET, RASTI I SHQIPËRISË | 2018
SOTIR SHUKA | 126
Shkurtesë
Qëllimi kryesor i këtij studimi është njohja e shkaqeve të rënies së zjarreve si
dukuri natyrore e humane dhe e teknikave dhe mjeteve që bëjnë të mundur shuarjen e
tyre, duke përshkruar ato mjete e aparatura zjarrfikëse që shkenca dhe teknika i ka vënë
në shërbim të njerëzimit për t’u mbrojtur nga rreziqet e zjarrit. Hartimi i këtij materiali
është mbështetur në të dhëna tekniko-shkencore të kohës, në gjendjen konkrete dhe
nevojat që kanë aktualisht objektet ekonomike, social kulturore, urbanistike, banesat etj.,
te ne, si dhe në dispozitat ligjore, nënligjore dhe udhëzimet e ndryshme të lëshuara nga
organet përkatëse për mbrojtjen nga zjarri, organizimi sa më i mirë i mbrojtjes nga zjarri
dhe shpëtimit, në varësi të mjediseve ku ai shkaktohet, si dhe kontrolli dhe mbajtja në
gatishmëri e mjeteve për shuarjen e zjarreve. Ndërgjegjësimi për rrezikshmërinë dhe
parandalimin e zjarreve, duhet të vijë parimisht përmes punës konkrete të institucioneve
shtetërore shqiptare dhe shoqërisë.
Në kuadër të marrjes në konsideratë të elementeve përbërës të ndërtimit të një vendi
social, por edhe si rezultat i avancimit të teknikave dhe përbërësve të përdorur në
materialet që ndërtojnë sot konstruksione të ndryshme të vendeve sociale duhet të gjejnë
aplikim në vazhdimësi konstruksione të përbëra nga lëndë të padjegshme për të shmangur
djegien nga zjarri.
Abstrakt
The main purpose of this study is to recognize the causes of the fall of fires as a
natural and human phenomenon and the të chniques and tools that make it possible to
quench them, describing those firefighting devices that science and të chnology has put in
the service of humanity to protë ct from the dangers of the fire. The compilation of this
material is based on the të chnical and scientific data of the time, in the concretë situation
and the në eds of the economic, social, housing, dwellings, etc., as well as in the legal,
sub-legal and other instructions issued by the relevant bodies for fire protë ction, the best
organization of fire protë ction and rescue depending on the premises where it is caused,
as well as the control and keeping fire fighting tools in place.
Awareness about the danger and the prevention of fires should come first through the
concrete work of Albanian state institutions and society.
In the context of considering the constituent elements of building a social country, but
also as a result of the advancement of techniques and components used in materials that
today construct different structures of social sites, they should find continuous application
of constructions consisting of subject matter unburned to avoid burning.