dr fasnachtsruggbligg 2016 vo dr wettstai alti...
TRANSCRIPT
Dr Fasnachtsruggbligg 2016 vo dr Wettstai Alti Garde
vom digge Pfyffer
d Ladääernevernissage / s Yypfyffe Das Joor isch s nit wie allewyyl. Will die Alti Garde zämme mit de Partner nur no ai Ladäärne het,
drifft me sich zer Ladääenevernissage Nr. 1 am Sunntig, 14. Hornig 2016, 16.30h zerscht im
Hööfli vo dr Rumpelstuube.
Deert stellt dr Obmaa Jürg
Mühlberg vo de Rumpler by
dr Begriessig zer Ladäärne-
vernissage fescht, dass es
in dr iiber 90-zig jeerige
Gschicht vo dr Rumpel Clique 1923 erscht s dritte Mool isch, dass s Ladäärne yypfyffe mit em
Valentinsdaag zämme fallt. Jetzt isch au glaar an wär die vyyle Mimoosebluemestrüss verdailt
wärde. D Rumpler mien e scheens schlächts Gwis-
se ka ha, um e by iire Daame sovyyl Dampf abzlos-
se!
No dr Valentinsdaagepisoode isch me denn zer
Sach ko. Verdienschtvolli Rumpler sinn vom Ob-
maa geert woorde. Derno het dr Fritz Peter dr Zee-
del vorglääse. Denn isch mit dr Stäggeiibergoob vom Obmaa d Cliquefierig fiir d Fasnachtszyt an
Dambuurmaioor Martin Cron iibergange. Zem Schluss het me d Vehüllig vo dr Ladäärne zooge
und em Megge sy Brachtslambbe präsentiert. Ungwoont fir d Wettstainlemer Altgardischte
isch gsi, dass me nüt gheert het, wie s zer Entsteeig vo dr Ladäärne ko isch!
D Brigitta vo de Gliebiire het die Aawääsende mit Wyssem und Sunnereedli - vo de Rumpler
offeriert - beschtens bedient.
Derno isch d Ladäärne demontiert, u.a. dur die baide Ladäärnezieer an d Schnyydergass drait
und wiider uffbaut woorde. Im Rääge het me d Ladäärne bis zer Mittlere Brugg yypfyffe und
denn zer Wettstaifamilie zem Waisehuus brocht.
D Ladäärnevernissage Nr. 2 het im Grais vo dr
ganze Wettstai wie allewyyl im Hoof vom Waisehuus stattgfunde. Die Neu-
stämmige hänn die vom Altgardischte-Obmaa Peter Meyer offerierti Määl–
suppe uusegschöpft. Vyyle Dangg fiir die spendaabli Scheste. Dr Obmaa Pius Keller vom Stamm het denn begriesst und dur d Mooler vo
alle drey Ainhaite d Ladäärne vorstelle losse.
- 2 -
Allerdings s dreier Dreamteam, wo jetzt scho die vierti Ladäärne für d Knorzi gmoolt het, isch
allewyyl noonig so gsprööchig, obwool sii uff die Fasnacht bym Stamm uffgnoo woorde sinn. D
Knorzi spiile s Sujet „Myy Stadt Basel“ uus.
Die Alti Garde goot an „En altroosa Zmoorge“. Dr Uffhänger ze däm Sujet isch s White Diner
maint dr Megge Hofmann. Zuedäm setze sich d Altgardischte au mit em eelter wärde und de
nadyyrlige Abgäng uusenander. Bassend do zwai Achtzyyler vom Zeedel:
Jo guet, mer maine jetzt nit s Gschyss um das Dinner ganz in Wyss wo die Schööne und die Schigge mitenander pique-nique. Me mampft gediige wysse Trüffel (wär schwarze isst bikunnt e Rüffel) loost, wie dr Schämpisskorke knallt. Das isch is z farbloos, mir sin z alt.
Uff uns, do wartet s Altersturne und irgendwenn emoole d Urne. Nai, s isch kai schlägg, das elter wärde de magsch nymm rächt, de hesch Beschwärde D Glängg gyggse und d Hand zitteret und mänge wirggt verbitteret Im Spiegel seesch e graui Gschtalt die isch nümm roosig, nur no alt.
Vorne s Oobemool hinde e bikannti Zunge
Dr Karli Merz stellt als Letschte d Stammladäärne vor mit em Sujets
„s Lääbe isch e Tombola“. E seer e ärnschts Sujet, wo sich mi dr Flücht-
lingsituazioon in Europa seer dytlig uusenandersetzt! E yydrygligi
Laddärne, wo aim zem noochedännge zwingt.
No dr Vernissage sinn alle drey Ladäärne via Rääbgass, Clarablatz, Gryf-
fegass iiber d Brugg, dur d Yssegass, Määrtblatz, Gäärbergass zer
Boscht pfyffe woorde. Ooni Ladäärne isch me mit em Baslermarsch vor s
Stammlokaal bis zem Stadtkäller pfyffe.
Moorgestraich
Dr Petrus het s mit uns Bebbi am 15. Hornig 2016 vor de Vieri bym Yystoo im Verglych zem
geschtrige Ladäärnesunntig guet gmaint! Es isch drogge blyybe und so het me gspannt uff e
Vierischlaag gwaartet. Dr Momänt wo s Liecht abgoot und glychzitig dr Thomas Schürch dr
Morgestraich aasait isch fir vyyli immer no dr scheenscht Momänt vo dr Fasnacht. Do die Alti
Garde kai aigeni Ladäärne me het – s git zämme mit de Partner nur no Aini - isch die an dr
Huetgass by de Rumpler und Glieebiire gstande. Do dr Megge die Ladäärne gmoolt het isch är
logischerwyys hinter synere Ladäärne yygstande. D Wettstai isch zämme vo dr Yysegass iiber e
Määrt, d Freie uff in d Strytgass und denn in die Wyssi Gass abbooge zem erschte Halt. Ab
deert isch dr Stamm mit de Knorzi ellai wytergloffe.
- 3 - D Wettstai Alti Garde het sich, mit de Rumpler und de Glieebiire, draditionell im Hans Hueber
Saal vom Casino droffe. Deert het dr Rumpler-Dambuurmaioor groosszigig Määlsuppe, Kääs-
und Ziibelewaie spendiert. E groosses Danggerscheen.
Denn sinn die Alti Garde mit de Rumpler und Glieebiire wyterszooge. By Daagesaabruch het me
sujetkonform „en altroosa Zmoorge“ im Stadthoof yygnoo, um gsteerggt bis am Zwelfi wyters
zgässle. In dr Kunschtheeli isch no dr Apèro offeriert woorde. Vyyle Dangg em stille Spänder.
Mäntignoomidaag
Yygstande sinn mir Altgardischte erscht wiider am fimfi Zoobe mit de Glieebiire und eme Dail
Rumpler uff dr innere Route im Luftgässli. Vo deert isch es via Banggeblatz diräggt dr Staine-
bäärg ab, am Comité verbyy, iiber e Seibi mit eme Halt an dr Strytgass zem Schlissel gange.
- 4 -
S Nachtässe im Schlissel isch aifach zem vergässe!!! Dr Peperoni waiss mee und singt denn
am Bummel e Värs do driber!!!
No däm spezielle Znacht isch s Gässle bis spoot in d Nacht aagsait gsi. Scho isch dä langi aa-
strängendi Mäntig wiider verbyy!
dr Zyschtig
Dr Zyschtig isch dr Daag vo de Kinder, Schyssdräggziigli, Gugge und au vo de Stuubete.
Nit versuume deerf me uff em Minschterblatz die Brachtsuusstellig vo de Ladäärne.
- 5 -
Die scho fascht dradizioonelli Stuubete im Hinterhööfli vom Rumpelkäller het das Joor mit de
legendäre Jeisi - Migger Gugge 1926 nit kenne stattfinde. Sii hänn das Joor im Rollerhoof, im fir
dä Zwägg baute Teatro Disarmonico, iire 90-zigschti Gebuurtsdaag gfyyrt. Das mit Altgardisch-
te vo dr Wettstai und Glieebiire verstärggte Zyschtigsziigli vo de Rumpler sowie dr Roote Gar-
de isch go grateliere. Zämme mit de Jeisi Migger 1926 het me mit em Wettstaimarsch juubiliert.
Kunnt aim irgendwie bikannt vor, wenn me mit em Megge synere Lambbe verglyycht!!!
- 6 -
Au dr zwaiti scheeni Fasnachtsdaag isch wiider verbyy!
dr Mittwuch
Am Mittwuch sinn mir Altgardischte zämme mit dr Rumpel Clique 1923 und de Glieebiire, am
halber Zwai, oobe an dr Wettstaibrugg bym Basilisgg, uff dr ussere Route yygstande. E gran-
diose roosaroote Zuug vo ca. 60 Aggtive mit Requisit, nur no ainere Ladäärne, aber zem letsch-
te Mool mit zwai Dambuurmaioore sinn mir iiber d Wettstaibrugg am Comité verbyy stolziert.
Voruus dr Vordraab wo, als Bebbiroosa, Dante Roosa, Röösli, Pierroos oder roosa Waggis usw.
bym Zmoorge isch. Uff em Requisit vo de Rumpler isch dr roosa Disch zem Pink Breakfast
deggt.
Drotz de aafänglige Bedängge vo de Zeedeldichter, wo gleent hänn, will me iine e soone Sujet
aanegnallt het, isch au das Joor e guete doppelsytige roosaroote Zeedel under d Lyt verdailt
woorde.
Die ainezwanzigschti Ladäärne vom Megge Hofmaa gmoolt isch uff dr Vordersyte mit em
roosaroote Oobemool –aagläänt an das vom Leonardo da Vinci– als Via Doloroosa am Cortège
mitzooge woorde. E Brachtslambbe, au d Ruggsyte mit dr Zunge vo de Stones und em roosa-
roote Ärdbeeri uff em Leffel.
.
- 7-
D Pfyffer und Dambuure sinn wie d Vordrääbler, als Bebbiroosa, Dante Roosa, Röösli, Pierroos
oder roosa Waggis usw. goschdyymiert. D Pfyffer bloose dr Roosa Marsch und d Dambuure sinn
Roosarier.
D Dambuurmaioore hänn als roosa Lääli und roosaroots Raubdier d Dambuure aagfiert. Dr Dätt als Zuugskinschtler het wiider e Superzuug aanzauberet, inkl. d Lambbe vo dr Alte Garde Barbara Club 1902 im Hintergrund! Bym erschte Halt an dr Mäss het me sich in dr Piano Bar kummlig gmacht und gstärggt.
Via Clarastrooss am Comité verbyy sinn mir am Clarablatz in d Räbgass yybooge und in s Glaine Glingedaal gloffe.
- 8 -
Bym zwaiti Halt hänn mir im Rappaz Museum verpflägt. D Konsumazioon isch ze Laschte vo dr
(Sammel-) Sau und wytere Spänder gange. E häärzligs Dangge!!!!.
Iiber d Brugg und via Rumpelhoof sinn mir uff e Seibi und im Casino go Znacht ässe!
- 9 -
Nooch em Nachtässe het is dr Wettstai Stamm mit de Knorzi uff em Seibi begriesst und zur ere
gmainsame Rundi in d Mitti gnoo. Wyt voruus dr Vordraab mit de drey Ladäärne, denn d Dam-
buurmaiiore, d Dambuure und d Pfyffer. E so isch dä Riiseharscht zämme bis zer Schiffländi
paradiert. Wunderbar, wie das d Schaufänschtermontere zem zittere brocht het. E ganz häärz-
ligs Danggerscheen an d Knorzi und Stamm, dass mir Seniore dradizionell hänn deerfe mit
yystoo!
Vo dr Schiffländi sinn mir wiider ellai zem Luftgässli wyterzooge und denn in d Walliserkanne.
- 10 -
Vo deert uff s Weschtplateau dr Spaale- und Noodlebäärg uffe zer Harmonie …
… und denn iiber e Obere Heubäärg zem Lienertskirchblatz. D Ladäärne und dr Wettstai-
Altgardischtedambuurmaioor René Birrer hänn mir vor dr Lienertskirche
und d Fasnacht 2016 im Pfäffergässli vor dr Rumplerstuube mit em Wettstaimarsch verab-
schiidet. Baidi Mool het dr René zem letschte Mool im Goschdyym deerfe abwingge.
Abgschlosse hänn mir die scheeni Fasnacht 2016 bym e Schlummerdrungg im Rumpelkäller.
E digge Pfyffer