ННее үүшшіінн шшииррккттіі

үүййррееннііпп,, ооддаанн

ққааууііппттееннеемміізз

2

Аса Мейірімді, ерекше Рақымды Аллаһтың атымен!

Не үшін ширкті үйреніп, одан қауіптенеміз

Егер сен таухидті не үшін үйрену керегімізді түсініп, есіңде сақтап алсаң,

онда енді сені оның қарама-қайшысы болып табылатын ширкпен

танысуға шақырамыз. Бұл ширк – барлық бәле мен жамандықтың басы!

1. Ширк – ең ұлы зұлымдық

Аллаһ Тағала былай деді: «Лұқман өз баласына, уағыздап: “Әй, балам!

Аллаһқа серік қоспа! Расында, ширк – ұлы зұлымдық болып

табылады”, - деді» («Лұқман» сүресі, 13-аят).

2. Ширк – өте ауыр күнә

`АбдуЛлаһ ибн Мас`уд (оған Аллаһ разы болсын) жеткізген хадисте,

Аллаһ елшісінің (оған Аллаһтың игілігі мен сәлемі болсын) былай

айтқаны хабарланады: «Аллаһ сені жаратса, сенің Оған серік

қосатының ең ауыр күнә болып саналады» (Бухари мен Муслим).

3. Ширк – Жәннаттың тыйым салынуна және адамның Отта мәңгі

қалуына себеп болады

Аллаһ Тағала былай деді: «Расында, кім Аллаһқа серік қосса, оған

Аллаһ Жәннатты харам етеді, әрі қалатын орны Тозақ болады. Ал

залымдарға еш көмекші болмайды» («Мәида» сүресі, 72-аят).

Тағы да Аллаһ былай айтты: «Тозақ мекендеушілері Жәннат

мекендеушілерін: “Бізге судан немесе Аллаһ берген ризықтан

төгіндерші”, - деп шақырады. Ал олар: “Аллаһ бұны имансыздарға

тыйым салды”, - деп жауап береді» («А`раф» сүресі, 50-аят).

4. Ширк өте алыс адасу болып табылады

Аллаһ Тағала: «Ал кім Аллаһқа серік қосса, алыс адасуға түсті», - деп

айтты («Ниса» сүресі, 116-аят).

5. Ширк жасау аспанан құлап түскенмен тең

3

Аллаһ Тағала былай деді: «Ал кім Аллаһқа серік қосса, сол аспаннан

құлаған кісі секілді. Сонда оны құстар қағып алады немесе жел алыс

жерге ұшырады» («Хаж» сүресі, 31-аят).

6. Ширк жасайтын адам ауыр күнә, зор қылмыс істейді

Аллаһ Тағала: «Кім Аллаһқа серік қосса, үлкен күнә жасайды», -

деді («Ниса» сүресі, 48-аят).

7. Ширк жасайтын адамды Аллаһ жарылқамайды

Аллаһ Тағала былай айтты: «Расында, Аллаһ Оған серік қосқанды

кешірмейді, бірақ одан төменін кімге қаласа кешіреді» («Ниса»

сүресі, 48,116-аяттар).

8. Ширк жасау адамның әлсіздігі мен ақылсыздығына нұсқайды

Аллаһ Тағала былай айтады: «Біз Тозақ үшін көптеген жындар мен

адамдарды жараттық. Олардың түсінбейтін жүректері, көрмейтін

көздері, әрі естімейтін құлақтары бар. Олар мал тәрізді. Тіпті одан

да адасқан. Мәне солар – нағыз немқұрайлы (надандар)» («А`раф»

сүресі, 179-аят).

Біз ширк пен оның жамандығынан, Аллаһтың ашуы мен ауыр азабынан

Одан пана сұраймыз! Одан жарылқауды және екі өмірдегі игілікті

сұраймыз!

Дерек көзі

Әл-Ханифия форумы