business number for business growth

BUSINESS

NUMBER FOR

BUSINESS

GROWTH

FOR ANY ASSISTANCE Page | 2

Phone: +91 8307378161, +91 7760431980 | Email: [email protected] | Website: www.idesignmylife.net

INDEX

1. Business Number for Business Growth

2. How is Growth achieved?

3. Questionnaire



BUSINESS NUMBER FOR BUSINESS GROWTH

Ye workbook kiske liye nahi hai?

Ye workbook kiske liye hai?

Ye numbers wo tools hai, jo humare business owners ke paas already available hote hai,

par wo inke bare mein sochte hi nahi hai. Agar hum ye sahi se use karna chalu kar de,

to humein aromatically iske results dikhne lagenge.

1. Jo business men easy tips dhundh rahe hai,

kyunki yahan koi easy tip nahi milegi.

2. Wo business men jo effort nahi karna chahte,

lekin chahte hai ki unka business grow kar

jaaye.

1. Wo log jo ek systematic process chahte hai, apne business ko grow karne ka.

2. Jo mehnat karna chahte hai, apne business ko grow karne ke liye.

3. Business men jo wo cheezein implement karna chahte hai, jo unhe sikhayi gayi ho.



HOW IS GROWTH ACHIEVED?

Isse pehle ki hum Business Growth ko samjhe, humein sirf ‘Growth’ ko samjhna hoga ki –

Growth kaise aati hai? Kisi bhi cheez ko agar humein grow karna hota hai, to uska kya

process hota hai?

Ise hum ek example se samajhte hai, jisse bohot saaari cheezein clear ho jaayegi, aur

hum cheezon ko kaide se karna shuru kar denge.

For example – Ek 10th class ka student hai, Ramesh.

Wo kaafi udaas hai kyunki use exam mein 70%

marks aaye hai. Ab Ramesh humara paas aaye

aur unhone humse kahan ki, ‘mujhe 90% marks

chahiye.’ Matlab ki unhe grow karna hai. Kuch aisi

hi problem humare business mein bhi hoti hai, hum

ek position se dusri position ki taraf grow karna

chahte hai. Ramesh chahte hai ki aaj unke jo 70% marks hai, wo use grow karke 90% tak

lana chahte hai.

Humare paas aise kya options hai jisse humein ye growth (business mein bhi) mil sake?



Ek general suggestion hoti hai jo har koi deta hai ki, ‘Jyada mehnat karo’.

Koi bolega ki – ‘Aur padai karo’

Aur koi boolega ki – ‘Khelo kam padai jyada karo’.

Kuch is tarah ke suggestions hi milte hai kisi bhi bachhe ko, marks jyada kane ke liye.

Lekin agar hum Ramesh ke point of view se soche to – Is cheez se Ramesh ki koi help

nahi hogi, kyunki isme koi aisi baat nahi hai, jisse unhe ye samaj mein aaye ki wo aage

kaise bade. Ye saari bohot hi generalised baatein hai, aur inse koi result nahi aayega.

HUM RAMESH KI KAISE HELP KAR SAKTE HAI, YE GROWTH LANE MEIN??

STEP 1: Ye dekhna ki Ramesh ki aaj ki kya

situation hai. Hum use apna report card

lekar apne paas bulaenge, kyunki tabhi

hum ye samajh paayenge ki aage kya

karna hai. Report card dekhne ke baad

humein pata lagana hai ki, agar Ramesh

ko 90% marks chahiye, to humare paas

kya-kya options hai.

Maths aur Science ke 50 marks se humein

pata chalta hai ki, ye wo jagah hai jahan Ramesh ko thodi mehnat karne ki zarurat



padegi. English mein 90 hai, to usme humein zyada sochne ki zarurat nahi hai.

Social Science aur Hindi mein 80 hai, to ye bhi thik hi hai. Humein in numbers ko thoda

thoda badane hai, manchaha result lane ke liye.

Agar humein marks badhane hai, to obviously use maths aur science mein hi mehnat

karni hogi, kyunki wahan performance kaafi kamzor hai. Agar ye dono 50 se uth kar 70

ho jaaye, to overall marks automatically better ho jaaenge.

Solution bas ye hai ki, ya to unki koi tution laga do, ya unke saath baith kar maths aur

science pe mehnat karwani hogi, kyunki ye unka sabse kamzor part hai. Ye humari

strategi nikal ke aa gayi hai.



KYA ISSE KAAM HO JAAYEGA?

Isse shuruat to ho jaayegi lekin kaam nahi hoga, kyunki itna kaafi nahi hai Ramesh ke

marks ko badane ke liye. Agar ko sahi aadmi hua jo inke peeche pada growth lane ke

liye, wo kahega ki – usne Ramesh ka admission to kara diya, lekin ab wo pata kaise

kare ki koi progress ho rahi hai ya nahi? Iske liye wo Ramesh ka pura weekly data

collect karega, jisse wo progress pata kar paayega.

Ramesh ke weekly tests ke number mein hum dekhenge ki, maths mein pehle unke 50

aate the, jo ki week 4 tak aate aate 83 ho gaye. Isse humein ye samajh aa gaya ki jo

strategy humne suggest kari hai, wo kaam kar rahi hai aur Ramesh sahi direction mein

badh raha hai. Nahi to hum 3 mahine ke baad results dekhte, aur koi improvement hi

nahi milta.



Humein pehle sahi step leni hoti hai, fir uske tarike banane hote hai – measure

karne ke. Ye karne ki taakat humein in numbers se hi mil rahi hai. Humein Ramesh ke

saath baithne ki zarurat nahi hai, hum bas ye weekly data collect kar lenge to humein

pata chal jaayega ki, kaam ho raha hai ya nahi.

Ye 2 tarah ki approach hoti hai –

1. Lagging Indicator – Jo time se peeche chalte hai. For example – jab Ramesh ka

humne coaching mein admission karwaya, aur 3 months baad result dekha to ho

sakta hai uske 70% se upar aaye ho ya neeche. Par ye information humein pure 3

months baad milegi, matlab humne wo 3 months kho diye hai.

2. Leading Indicator - Humne jo Ramesh ke liye weekly strategy banayi hai, wo hai

leading indicator. Ye humein har week bata raha hai ki progress kaisi chal rahi hai,

aur jo humara motive hai unke percentage badane ka, wo pura ho raha hai ya

nahi.

Isme kuch bohot important lessons chupe hue hai. Sabse important – agar humein ye

weekly data mil jaaye, to kya humein Ramesh ke saath kahin bhi jaane ki zarurat hai?

Ye jaanne ki zarurat hai ki, wo school jaa rahe hai ya nahi? Coaching ja rahe hai ya

nahi?



Jab tak humein ye sahi data milta rahega, humein samajh aa jaayega ki wo jo

bhi kar rahe hai, sahi kar rahe hai kyunki, unki progress ho rahi hai.

Ye numbers hum dur baith kar, cheezon ko analyse karne ki aur sach jaanne ki ability

dete hai.

‘NUMBERS KISI BHI CHEEZ KA, SACH HOTA HAI.’

Aur ye humein ability dete hai samajhne ki, ki kis jagah kaam karna hai aur kis jagah

nahi.

Another example – kabhi hum kisi doctor ke paas gaye, doctor ne kaha ki kuch to

problem hai, aur blood report lane ko kaha. Test karane ke baad humne dekha ki

humara hemoglobin ki reading 40 hai, jo 50-100 ke beech honi chahiye thi. Humein aur

doctor dono ko samajh mein aa jaayega ki, humara hemoglobin kam hai. Iske liye wo

humein medicine de dega aur 2 weeks ke baad wapis aane ka bolega. 2 weeks ke

baad jab humne fir test karaya, to humne dekha ki humari reading 40 se 70 ho gayi hai.

Isse mein pata chal jaayega ki jo action humne liya hai, wo sahi liya hai.

Second possiblity ho sakti hai ki, 2 weeks ke baad bhi reading 40 hi hai. Doctor ko

samajh aa jaayega ki unka diya hua ilaaj kaam nahi kar raha hai. Isme doctor ko



humare saath rehne ki zarurat nahi hai. Wo sirf number dekh kar action plan

taiyaar kar raha hai, aur cheezon ko aage bada raha hai.

Numbers se hum dur se hi ‘Independent Judgement’ le sakte hai. Independent matlab,

wo decision biased nahi hai, bina emotions ke liya hai, aur sach pe hi judgement liya

hai. Humara decision right ya wrong dono ho sakta hai, kyunki humare paas koi magic

ball nahi hai. Par humare paas kuch aisa zarur hona chahiye jo dekh kar, hum pata kar

sake ki hum sahi direction mein ja rahe hai ya nahi. Iske liye humein chahiye hote hai

‘INDICATORS’.



Why do we not do this for Business Growth?

Jaise humne Ramesh ke case mein pata kiya ki kahan problem hai, aur use solve kiya,

aisi hi strategy hum humare business mein kyun nahi banate??

95%-98% business men roz apne business pe jata hai ye sochkar ki apna business grow

karenge, lekin ye pata nahi hota hai ki focus kahan kare.

Ramesh ki tarah business mein bhi subjects hote hai –

Marketing – Agar hum is par kaam kar rahe hai

to, humein ye dekhna hai ki - hum naye log

kaise laaye? Nayi enquiries kaise generate

karein? Nayi leads kaise laaye? Is par kaam

karenge to humara business automatically

badega.

Sales – Isse humara conversion badega.

Conversion ka matlab, agar humare paas 100

log aate hai, usme se 20 log convert ho rahe

hai. Agar hum sales pe mehnat karenge to ye

20 ke 40 ho jaayenge, aur sales double ho

jaayegi.



Order Fulfillment/Opertaions – Isme bohot saare logon ka time jaata hai.

Yahan sabse bada bottleneck ye hi hai ki, time bohot jaata hai. Agar hume kaide

se kaam karenge, to yahan se time free kar paayenge aur dusre subject pe

dhyaan de paayenge.

Agar humara goal apne business ko grow karne ka hai to –

Humein usi subject pe kaam karna padega jo kamzor hai.

Humein ye pata hona chahiye ki, us subject mein aaj humare number kya hai,

tabhi hum aage uspe mehnat kar paayenge. Agar humein ye nahi pata ki hum

aaj kahan khade hai, to aage kaise badenge?

Ab ye hum ek example se samajhte hai –

Ye ek business ka 2 saal ka data hai. Ye humein decisions lene mein kaise help karega?



Revenue 100 se badh kar 150 hua hai. Ye ek owner ke liye bohot hi achi baat

hai, ki 50% business grow kar gaya. Lekin ye jo 50 naye number hai, ye 3 chhezon se

aaye hai – New, Repeat aur Referral.

New – Jo naye customers humare paas aaye hai. Ye marketing ka function hota

hai, jisse zyada log humare paas aaye. New pehle bhi 50 that aur abhi bhi 50 hai.

Ye number humare liye ek red indicator hai, matlab ye data humare liye sahi nahi

hai.

Repeat and Referral – Purane customers ki wajah se jo humara business generate

ho raha hai. Humne apne customers ko service kaisi di hai, ye numbers uspe

depend karte hai.

Is data ke according, ye company operations mein

achi hai, aur delivery bhi achi deti hai. Lekin,

marketing mein koi improvement nahi kiya hai, kyunki

numbers dono years ke same hai.

Agar ye marketing pe zyada dhyaan de le, to ye

company aur grow kar sakti hai. Company ka overall

revenue bada hai, jo ki achi baat hai, lekin marketing

ko improve karne ki bohot zyada zarurat hai.



Ye samajhne ki ability humein milti hai in numbers se. Agar ye data na ho to hum

nahi samajh paayenge ki humein kahan sudhaar karna hai.

Example 2 –

Is example mein bhi revenue 100 se badhkar 150 ho raha

hai. Agar business owner se puchnege ki business kaisa

chal raha, to wo bolega ki bohot achha chal rha, kyunki

uska revenue kaafi bada hai. Lekin sab sahi nahi hai,

kyunki, wo marketing to badiya kar rahe hai, par jo

customers ko promise kar rahe hai, wo deliver nahi kar pa

rahe hai. Ye humein repeat aur referral ke numbers dekh

kar pata chal raha hai.



Humari advice business owner ko ye hi rahegi ki, uska business jyada time tak

chalne wala nahi hai, kyunki unke business mein quality nahi hai. Kuch to operations

mein galat ho raha hai, jise sudharne ki zarurat hai.

Ye numbers agar humare paas apne business mein nahi hai, to hum andhere

mein chal rahe hai. Humein pata hi nahi chal paayega ki humein kahan mehnat karni

hai aur kahan nahi. Isliye, humari business numbers ki skill bohot achi honi chahiye. Top

ke businessmen is cheez mein pakke hote hai. Wo log business ke doctor hote hai,

matlab pulse pe haath rakhte hi samajh aa jata hai ki bimaari kahan hai. Hum sabke

paas apne business mein thermometer hona chahiye, jise apne subject mein dip karte ji

pata chal jaye ki sab sahi hai ki nahi. Usi ke baad hum action le paayenge.

Humein sabse pehle ye samajhna hai ki humein mehnat kahan karni ha?

Jo mehnat hum kar rahe hai, wo kya sahi direction mein ho rahi hai?



Sabhi business owners sapna dekhte hai apne business ko bohot bada karne ka, jo

ki achi baat hai.

Lekin, agar galat jagah par zor lagate rahenge to result nahi aayega.

Bohot saare businessmen ke saath yahi hota hai ki, wo gole mein ghumte rehte hai.

Matlab roz subah kaam pe gaye- customer ka, delivery ka phone uthaya, sales ka

intezaam kiya aur laut ke aa gaye. Isse koi result nahi aane wala. Mehnat karna

bohot zaruri hai, leki sahi jagah par mehnat karna, usse bhi jyada zaruri hai.

Isliye, bohot saare log business ‘mein’ kaam karte rehte hai, business ‘par’ kaam

nahi karte. Humne business isliye nahi banaya tha ki, uske andar baith kar bas hal

chalate rahe. Balki isliye banaya tha ki sapne pure kar sake, stress free reh sake aur

jo chahe wo kar sake.



Agar hum google map se kahe ki humein kahi le chalo, to wo koi response nahi

dega. Fir hum usse bolenge ki humein ghumne jana hai, to bhi wo koi response

nahi dega. Google map ko exact jagah chahiye ki jana kahan hai. Jab humein

hum usme address daalte hai, to wo humare liye rasta bana deta hai. Isi tarah bhi

pata hona chahiye, ki business mein humein jana kahan hai, tabhi rasta banega.

Hum jab car ya motorcycle chalate hai, to humne dekha hai usme ek dashboard

bana hota hai. Usme ek speedometer ki needle hote hai jo batati hai hum kitni

speed pe chal rahe. Socho agar humare gadi mein, fuel ka indicator na ho to



kitni pareshaani hogi? Humein pata hi nhi chalega petrol kab khatam ho

jaayega. Wo indicator humein warn karta hai, ki gadi reserve mein hai, petrol

bharwana hoga. Isi tarah, business mein jis jagah effort karna hai, us jagah ke liye

humare tools hote hai – number aur data. Ye humari help karte hai, aur goal tak

panhucha sakte hai.

Jab subah hum business pe jaate hai, to humein pata hona chahiye ki humein

karna kya hai. Humein aisa system banana hoga jisse saari information khud

humare paas aaye, na ki humein har jagah ja kar dekhna pade. Ise kehte hai

‘PULL SYSTEM.’



Ye cheez business ke liye itni important hai, to question hai ki log karte kyun nahi hai?

Bohot saare busienss owners kehte hai ki – time nahi hai. Question ye hai ki, kis

cheez ke liye time nahi hai? Agar humare pass business ko badane ka hi time nahi

hai to fir hum business chala hi kyun rahe hai? Isse acha to fir hum koi job hi karle,

agar jis business ka sapna dekha, use hi pura karne ka time nahi hai to. Kya Virat

Kohli kabhi cricket practice ke liye bolega ki – mere paas time nahi hai?

Knowledge – Ye bohot hi genuine problem hai ki, logon ko aata nahi hai ki kya

karna hai. Par isme pareshaani wali baat nahi hai, kyunki sab ko seekh kar hi koi bhi

kaam aata hai.



Kharab baat ye hai ki, aata nahi hai kya karna hai aur fir bhi nahi seekhte

hai.

Agar humare paas numbers hai, par use karna nahi aata, to ye bhi knowledge ka hi

kaam hai, hum ye seekh sakte hai.

Agar humne bachpan mein cycle chalana seekhi hai, to aaj se 25 saal baad bhi

hum cycle chala lenge, bina pareshani ke. Ye one time skill hoti hai, humari body

balance banana seekh jaati hai. Isi tarah, ye number ka art bhi ek baar seekhne ki

hi cheez hai. Ek baar seekh kar uska zindagi bhar use karke grow kar sakte hai.

Agar lakdi kaatne ja rahe aadmi ko apni kulhari mein dhaar lagane ka time nahi

hai. Agar kulhari mein dhaar lagane ka time nahi hai, to ped kaise katega?

Ye numbers ki skill luxury nahi hai, zarurat hai. Ye aana hi chahiye, kyunki ye ek business

owner ki top skill hoti hai. Iske bina humein business chalane ka koi sense hi nahi hoga,

bas trial and error se business chalta rahega.

Is basic skill mein log trained hi nahi hote hai. Bohot saare business owners business ke

liye bhi trained nahi hote hai. Bas karte karte seekh jaate hai. Lekin, organised tarike se

jo aadmi kaam karta hai, wo race mein aage nikal jaata hai.



QUESTIONNAIRE

1. Business data ko apna business grow karne ke liye kaise use kar sakte hai?

2. Business numbers ka use karke, hum kaise apne paise bacha sakte hai?

3. Kisi bhi cheez mein, growth kaise aati hai?

4. Lagging Indicator aur Leading Indicator kya hota hai? Dono mein kya difference

hai?

5. Apne business ke numbers generate karke, apni growth ko analyse kare -

business number for business growth

Documents