MISA NG

PAG-IISANG DIBDIB

NINA

LARS AT TINA

Ika-9 ng Hunyo, 2012Immaculate Conception Cathedral,

Pasig City

Kasalang Arboleda at Briones

Mga MagulangG. Leoncio A. Arboleda at Gng. Leticia P. Arboleda

G. Conrado G. Briones at Gng. Evangeline R. Briones

Ang mga gabay sa aming buhayG. Alejandro Santiago Gng. Lorna CruzG. Cesar Arboleda Gng. Marilen SantosG. Alberto Ramirez Gng. Ma.Consejo SilpedesG. Bernard Quiroz Gng. Carmen QuirozG. Cesar Balasi Gng. Rosalinda BalasiG. Caesar Mendoza Gng. Luz CabatuG. Alessandro Geronimo Gng. Josefina VilagaG. Edmundo Palacio Bb. Maria Luisa Palacio

Piling Ginoo Binibining PandangalElton John Evasco Camille Kae Briones

Little BrideCyrille Kae Briones

Mga natatanging ginoo Mga natatanganing binibiniJonjon Palacio Ma. Cecilia RamirezJohn Benedict Arboleda Diana Marie King

Magbibigay tanglaw sa aming landasCloyd Briones Ma. Rica Cecilia Santos

Magbibigay sukob sa aming pagmamahalanJustin Paul Gonzales Clara Jean Bantigue

Magbibigkis ng tali ng katiwasayanOrlando Mendoza Mariel Neypes

Tagapag-ingat ng sagisag ng pananampalatayaJethro Bobadilla

Tagapag-ingat ng sagisag ng pagmamahalMatt Clayton Evasco

Tagapag-ingat ng sagisag ng kasaganaanRallion Chris Taliño

Mga tagapag-alay ng bulaklakAllyson MendozaKaira Cassandra Trish Rosales

Sophia Dominique Capuno

Tagapamahalang Lingkod ng DiyosRev. Fr. Emmanuel C. Hipolito

Mamumuno(mula sa Cathedral)

Unang Pagbasa at Salmong TugunanCharmaine Briones

Panalangin ng BayanCharisse Briones

Paghahandog ng mga AlayG. Melvin Pimentel

Gng. Melvin PimentelGng. Minda Cortez

Gng. Myrna RamirezG. Wilfredo RamosGng. Charity Lucas

Misa ng Pag-iisang Dibdibnina

Lars at Tina

PANIMULA

Mamumuno: Tayo ngayo’y nagkakatipon bilang isang Kristyanong Komunidad upang masaksihan itong mahalagang yugto sa buhay nina Lars at Tina. Sama-sama nating pasalamatan ang Panginoon sa pagsasama sa kanila sa pag-ibig at ating idalangin na nawa’y basbasan at pabanalin ang kanilang magiging buhay mag-asawa. Magsitayo po tayo para sa pasimula ng ating pagdiriwang.

Fr. Manny: Sa ngalan ng Ama, ng Anak at ng Espiritu Santo.

Bayan: Amen.

Fr. Manny: Ang pagpapala ng ating Panginoong Hesukristo, ang pag-ibig ng Diyos Ama, at ang pakikipagkaisa ng Espiritu Santo, nawa'y sumainyong lahat.

9

Bayan: At sumainyo rin.

PAGSISISI SA KASALANAN

Fr. Manny: Mga kapatid, tinipon tayo bilang mga kaanib ng angkan ng Diyos. Kaya, dumulog tayo sa maawaing Panginoon na nagpapatawad nang lubos (sandaling katahimikan).

Panginoong Hesukristo, nagkatawang tao ka at nakiisa sa amin. Para sa mga pagkakataong hindi kami nakiisa sa aming kapwa. Panginoon, kaawaan mo kami.

Bayan: Panginoon, kaawaan mo kami. Fr. Manny: Panginoong Hesukristo, namatay Ka

sa krus alang-alang sa amin. Para sa mga pagkakataong naging makasarili kami at hindi nag-alay ng sarili para sa kapwa namin. Kristo, kaawaan Mo kami.

10

Bayan: Kristo, kaawaan mo kami.

Fr. Manny: Panginoong Hesukristo, muli Kang nabuhay at nag-atas sa amin na magmahalan gaya ng pagmamahal mo sa amin. Para sa mga pagkakataong tumalikod kami sa Iyo at hindi nagmahal. Panginoon, kaawaan Mo kami.

Bayan: Panginoon, kaawaan mo kami.

Fr. Manny: Kaawaan tayo ng makapangyarihang Diyos, patawarin tayo sa ating mga kasalanan at patnubayan tayo sa buhay na walang hanggan.

Bayan: Amen.

PAPURI SA DIYOS SA KAITAASAN…

At sa lupa’y kapayapaanSa mga taong kinalulugdan niya.

Pinupuri ka namin,Dinarangal ka namin,Sinasamba ka namin,

Ipinagbubunyi ka namin.Pinasasalamatan ka namin

Dahil sa dakila mong angking kapurihan.

11

Panginoong Diyos, Hari ng langit,Diyos Amang makapangyarihan sa lahat.

Panginoong Hesukristo, Bugtong na Anak,Panginoong Diyos, Kordero ng Diyos, Anak ng Ama.

Ikaw na nag-aalis ng mga kasalanan ng sanlibutan,Maawa ka sa amin.

Ikaw na nag-aalis ng mga kasalanan ng sanlibutan,Tanggapin mo ang aming kahilingan.Ikaw na naluluklok sa kanan ng Ama,

Maawa ka sa amin.Sapagkat ikaw lamang ang banal,

Ikaw lamang ang Panginoon, Ikaw lamang, O Hesukristo, ang Kataas-taasan,

Kasama ng Espiritu SantoSa kadakilaan ng Diyos Ama.

Amen.

PAMBUNGAD NA PANALANGIN

Fr. Manny: Manalangin tayo. Ama, noong ginawa mo ang tao, niloob mo na ang lalaki at babae ay maging isa. Pag-isahin mo sina Lars at Tina sa tigib-pagmamahal na buklod ng kasal; at gawin mong mabunga ang kanilang pagmamahalan upang maging matibay na saksi sila sa Iyong dakilang pagmamahal sa sandaigdigan.

12

Hinihiling namin ito sa pamamagitan ng Iyong Anak, Panginoon naming Hesukristo na nabubuhay at naghahari kasama Mo at ng Espiritu Santo, isang Diyos, magpasawalang-hanggan.

Bayan: Amen.

PAGPAPAHAYAG NG SALITA NG DIYOS

Mamumuno: Magsiupo po tayo.

UNANG PAGBASA

Charmaine: Pagbasa mula sa aklat ng Genesis (2, 18-24)

Sinabi ng Panginoon, “Hindi mainam na mag-isa ang tao: bibigyan ko siya ng makakasama at makakatulong.” Kaya lumikha siya ng mga hayop sa parang at ibon sa himpapawid, inilapit sa tao, at ipinaubaya ditto ang pagbibigay ng pangalan ng mga iyon. Kung ano ang kanyang itawag, iyon ang magiging pangalan nila. Ang tao nga ang nagbigay ng pangalan sa lahat

13

ng ibon at mga hayop, maging maamo o mailap. Ngunit wala sa isa man sa mga ito ang angkop na kasama at katulong niya.

Kaya’t pinatulog ng Panginoon ang tao. Samantalang nahihimbing kinuha niya ang isang tadyang nito at pinaghilom ang laman sa tapat niyon. Ang tadyang na iyo’y ginawa niyang isang babae, at inilapit sa lalaki. Sinabi ng lalaki,

“Sa wakas narito ang isang tulad ko, laman ng aking laman, buto ng aking buto; babae ang siyang itatawag ko sa kanya sapagkat sa lalaki nagmula siya.”

Ito ang dahilan kaya iniiwan ng lalaki ang kanyang ama at ina upang sumama sa kanyang asawa, sapagkat sila’y nagiging isa.

Ang Salita ng Diyos.

14

Bayan: Salamat sa Diyos.

SALMONG TUGUNAN (MGA SALMO 112:1-9)

Charmaine: Ang atin pong tugon:

MAPALAD ANG SUMUSUNOD NA TAONG MAY TAKOT SA DIYOS.

Charmaine: Mapalad ang bawat sa Panginoo’y may takot, ang maalab na adhika’y sumunod sa kanyang utos. Hindi siya magkukulang sa anumang kailangan, ang buhay ay maligaya’t uunlad ang kanyang buhay. Tugon:

MAPALAD ANG SUMUSUNOD NA TAONG MAY TAKOT SA DIYOS.

Charmaine: Sa tahanan, ang asawa’y parang ubas na mabunga, bagong tanim na olibo sa may dulang ang anak niya. Ang sinuman kung Panginoon ay

15

kusang susundin, buhay niya ay uunlad at laging pagpapalain. Tugon:

MAPALAD ANG SUMUSUNOD NA TAONG MAY TAKOT SA DIYOS.

Charmaine: Mula sa Sion, pagpapala nawa ng Diyos ay tanggapin, at Makita habang buhay, pag-unlad ng Jerusalem; Ang iyong magiging apo, nawa ikaw ay abutin, nawa’y maging mapayapa itong bayan ng Israel! Tugon:

MAPALAD ANG SUMUSUNOD NA TAONG MAY TAKOT SA DIYOS.

MABUTING BALITA: Mateo 19:3-6

Mamumuno: Tayo’y magsitayo bilang paggalang sa Mabuting Balita ng Panginoon.

Alleluia

16

Fr. Manny: Sumainyo ang Panginoon.

Bayan: At sumainyo rin.

Fr. Manny: Ang Mabuting Balita ng Panginoon ayon kay San Mateo.

Bayan: Papuri sa iyo, Panginoon.

Fr. Manny: Noong panahong iyon, may mga Pariseong lumapit kay Hesus at tinangkang siluin siya sa pamamagitan ng tanong na ito: “Naaayon ba sa Kautosan na hiwalayan ng lalaki ang kanyang asawa sa kahit na anong kadahilanan?” Sumagot si Hesus: “Hindi pa ba ninyo nababasa sa Kasulatan na sa pasimula’y nilalang sila ng Maykapal, lalaki at babae? At sinabi, ‘Dahil ditto, iiwan ng lalaki ang kanyang ama’t ina, at magsasama sila ng kanyang asawa; at sila’y magiging isa.’ Kaya’t hindi na sila dalawa kundi isa. Ang pinagsama ng Diyos ay huwag paghiwalayin ng tao.”

Ang Mabuting Balita ng Panginoon.

17

Bayan: Pinupuri Ka namin, Panginoong Hesukristo.

Mamumuno:Magsiupo po tayo.

HOMILYA

ANG PAG-IISANG-DIBDIBIsusunod kaagad ang pagdiriwang ng pag-iisang dibdib pagkatapos ng pangaral. Ang lahat ay tatayo pati ang mga ikinakasal. Sisindihan ang mga kandila sa magkabilang gilid ng luhuran ng mga ikinakasal. Ang mga sumusunod na pangungusap o anumang katumbas nito ay ipahahayag ng pari sa ngalan ng Sambayanan ng Diyos.

Sisindihan ang Kandila

Mamumuno: Tinatawagan natin ang mga magbibigay-tanglaw, Cloyd at Rica, na sindihan ang mga kandila.

Fr. Manny: Minamahal kong Lars at Tina, sa Binyag at Kumpil, nakiisa kayo sa buhay at pananagutan ng Panginoon, at sa pagdiriwang ng Huling Hapunan muli’t muli kayong nakisalo sa hapag ng kanyang pagmamahal. Ngayon nama’y kusang-loob na kayo’y

18

dumudulog sa Sambayanang ito at humihiling ng panalangin upang ang inyong panghabambuhay na pagbubuklod ay pagtibayin ng Panginoon. At kayo naman, mga kapatid, na natitipon ngayon, ay manalangin para kina Lars at Tina at bukas-palad silang tanggapin bilang magkaisang-dibdib sa ating Sambayanang Kristiyano.

PAGTATANONG SA IKINAKASALSa katapusan ng pangaral, ang pari ay maglalahad ng mga katanungan sa mga

ikakasal upang kanilang maipahayag ang kanilang kusang loob at tapat na pag-ibig sa isa’t – isa at ang pagiging handing tanggapin at hubugin ang kanilang magiging anak. Makakaharap sa bayan ang mga ikakasal hanggang sa pagpapatibay ng kanilang kasal.

Fr. Manny: Hinihiling ko ngayon na buong katapatan ninyong ipahayag ang inyong damdamin sa isa't isa.

Tina, bukal ba sa iyong loob ang pagparito mo upang makaisang-dibdib si Lars na iyong pakamamahalin at paglilingkuran habambuhay?

Tina: Opo, Padre.

19

Fr. Manny: Lars, bukal ba sa iyong loob ang pagparito mo upang makaisang-dibdib si Tina na iyong pakamamahalin at paglilingkuran habambuhay?

Lars: Opo, Padre.

Fr. Manny: Lars at Tina, nakahanda ba kayong gumanap sa inyong pananagutan sa Simbahan at sa bayan, na umaasang inyong aarugain ang mga supling na ipagkakaloob sa inyo ng Poong Maykapal upang sila ay inyong palakihin bilang mabubuting mamamayang Kristiyano?

Lars at Tina: Opo, Padre.

PAGTITIPANAanyayahan ng pari ang mga magkasintahan upang ipahayag ang kanilang

pagtitipan. Fr. Manny: Minamahal kong Lars at Tina, sa

harap ng Diyos at ng kanyang Sambayanan, pagdaupin ninyo ang inyong mga palad at ipahayag ang

20

inyong mithiing magtipan sa Banal na Sakramento ng Kasal.

(Maghahawakan ng kamay sina Lars at Tina)

Fr. Manny: Tina, sumasang-ayon ka ba na maging asawa si Lars, na naririto ngayon alinsunod sa batas at mga alituntunin ng ating banal na simbahan?

Tina: Opo, Padre.

Fr. Manny: Buong puso ba ang pagkakaloob mo sa kanya ng iyong sarili bilang kanyang maybahay?

Tina: Opo, Padre.

Fr. Manny: Nakalaan ka bang balikatin sa piling niya ang pananagutan ng buhay may-asawa?

Tina: Opo, Padre.

Fr. Manny: Lars, sumasang-ayon ka ba na maging maybahay si Tina, na naririto ngayon, alinsunod sa batas at mga alituntunin ng ating banal na simbahan?

21

Lars: Opo, Padre.

Fr. Manny: Buong puso ba ang pagkakaloob mo sa kanya ng iyong sarili bilang kanyang maybahay?

Lars: Opo, Padre.

Fr. Manny: Nakalaan ka bang balikatin sa piling niya ang pananagutan ng buhay may-asawa?

Lars: Opo, Padre.

Tina: (insert personal vow to Lars here)

Lars: (insert personal vow to Tina here)

Fr. Manny: Tayo’y manalangin.

Lars at Tina: Ama naming mapagkalinga, Ama naming tapat, pagpalain mo po kaming nag-iisang palad; papagningningin mo po sa lahat ng oras ang pagsasamahan naming dalisay at wagas. Sa puso’t diwa, lagi sanang magkaisa, at nawa’y

22

maging matatag sa hirap at dusa, sa ginhawa’t kaligayahan ay magsamahan, maging tapat sa pag-ibig ngayon at kailanman.

Fr. Manny: Sa kapangyarihan ng Simbahan at sa harap ng Sambayanang naririto ngayon, pinagtitibay ko at binabasbasan ang inyong pagtataling-puso na inyong pinagtipan, sa ngalan ng Ama, at ng Anak at ng Espiritu Santo.

Bayan: Amen.

PAGBABASBAS NG MGA ARAS AT MGA SINGSINGLalapit ang may dala ng singsing at aras upang ito’y panalanginan ng pari bilang pagbibigay-kahulugan sa mga sagisag na ito ng kasal. Winiwisikan ng pari ang mga singsing at aras na banal na tubig.

Mamumuno: Tinatawagan natin ang Tagapag-ingat ng sagisag ng pagmamahal, Matt Clayton, at Tagapag-ingat ng sagisag ng kasaganaan, Rallion Chris, na pumunta sa harapan.

23

Fr. Manny: Ama naming maawain, basbasan Mo at kupkupin ang Iyong mga lingkod na sina Lars at Tina. Pagkalooban Mo sila ng sapat na kabuhayang sinasagisag ng mga aras na ito sa ipagkakamit ng buhay na walang hanggan. Hinihiling namin ito sa pamamagitan ni Hesukristo na aming Panginoon.

Bayan: Amen.

Fr. Manny: Ama naming mapagmahal, basbasan Mo’t lingapin ang iyong mga lingkod na sina Lars at Tina. Pagindapatin Mo na silang magsusuot ng mga singsing na ito ay maging kawangis mo sa iyong wagas na pag-ibig at walang maliw na katapatan. Iniluluhog naming ito sa pamamagitan ni Hesukristo kasama ng Espiritu Santo magpasawalang hanggan.

Bayan: Amen.

24

PAGBIBIGAYAN NG MGA ARAS AT SINGSING

Isusuot ng lalaki sa kinauukulang daliri ng babae ang singsing habang kanyang sinasabi:

Lars: Tina, kailanma’y di kita pagtataksilan. Isuot mo at pakaingatan ang singsing na ito na siyang sangla ng aking pag-ibig at katapatan. Sa ngalan ng Ama, at ng Anak, at ng Espiritu Santo. Amen.

Isusuot ng babae sa kinauukulang daliri ng lalaki ang singsing habang kanyang sinasabi:

Tina: Lars, kailanma’y di kita pagtataksilan. Isuot mo at pakaingatan ang singsing na ito na siyang sangla ng aking pag-ibig at katapatan. Sa ngalan ng Ama, at ng Anak at ng Espiritu Santo. Amen.

Ilalagak ng lalaki ang mga aras upang ipagkatiwala ito sa mga babae habang kanyang sinasabi:

Lars: Tina, kailanma’y di kita pababayaan. Inilalagak ko sa iyo itong mga aras na tanda ng aking pagpapahalaga at pagkalinga sa kapakanan mo (at ng ating magiging mga anak). Sa ngalan

25

ng Ama, at ng Anak, at ng Espiritu Santo. Amen.

Tina: Tinatanggap ko ito at nangangako akong magiging iyong katuwang sa wastong paggamit at pangangasiwa ng ating kabuhayan.

Matapos ang pagbibigayan ng singsing at aras, maaaring batiin ng mag-asawa ang isa’t-isa sa pamamagitan ng masuyong paghalik. Sila’y papalakpakan ng sambayanan.

PANALANGIN NG BAYAN

Mamumuno: Magsitayo po tayo.

Fr. Manny: Mga minamahal kong kapatid, halinang magkaisa sa pagdalangin sa Diyos para sa ating mga bagong kasal na sina Lars at Tina at para sa buong Simbahan, sanlibutan, at sa ikapagkakaisa ng tanan.

Charisse: Ang atin pong tugon:

PANGINOON, DINGGIN MO KAMI.

26

Charisse: Para sa Simbahan, ang sambayanan ng Diyos, nawa’y sumulong kami nang may pag-asa at pagtitiwala kay Kristo na siyang patuloy na gumagabay sa aming mga tahanan. Manalangin tayo:

PANGINOON, DINGGIN MO KAMI.

Charisse: Para sa mga pinuno ng pamahalaan, lalong-lalo na ang mga mambabatas, nawa’y pangalagaan nila ang kapakanan ng bawat pamilyang pinagbuklod ng Diyos. Manalangin tayo:

PANGINOON, DINGGIN MO KAMI.

Charisse: Para kina Lars at Tina, nawa’y patuloy silang pagpalain sa buklod ng tipan gaya ng pagpapabanal ni Kristo sa ikinasal sa Cana, Galilea, na pinangyarihan ng kanyang unang kababalaghan. Manalangin tayo:

27

PANGINOON, DINGGIN MO KAMI.

Charisse: Para kina Lars at Tina, nawa’y panatilihin silang matibay sa katapatan, kasiyahan, at Kristiyanong pamumuhay at upang ang lahat ng mag-asawa ay bigyan ng Espiritu Santo ng ibayong pag-ibig at ligaya. Manalangin tayo:

PANGINOON, DINGGIN MO KAMI.

Charisse: Para kina Lars at Tina, at ang lahat na mga mag-asawa, nawa’y bigyan sila ng Espiritu Santo ng ibayong pag-ibig at ligaya. Manalangin tayo:

PANGINOON, DINGGIN MO KAMI.

Charisse: Para sa lahat ng mga tahanan, nawa’y loobin ng Panginoon ang pamamayani ng kapayapaan sa mga anak at sa

28

kanilang mga magulang. Manalangin tayo:

PANGINOON, DINGGIN MO KAMI.

Fr. Manny: Ama naming makapangyarihan, lingapin mo sina Lars at Tina at ang iyong bayan at pagbigyan sa kanilang kahilingan na makaisa ng Anak mo, bilang mga mabungang sanga, at mga kaibigan, sa pamamagitan ni Hesukristo kasama ng Espiritu Santo magpasawalang-hanggan.

Bayan: Amen.

Mamumuno: Magsiupo po tayo.

PAGHAHANDA NG ALTAR AT NG ALAYSisimulan ang awit ng pag-aalay. Samantalang ito’y ginaganap, ilalagay ng mga tagapaglingkod ang telang patungan ng Katawan ni Kristo, ang pamahiran, ang kalis, at ang Aklat ng Pagmimisa sa ibabaw ng dambana.

Ang pari ay tatayo sa gitna ng dambana, hahawakan nya ang pinggan ng tinapay nang bahagyang nakaangat sa dambana, habang dinarasal niya ng pabulong:

29

Fr. Manny: Kapuri-puri ka, Diyos Amang lumikha sa sanlibutan. Sa iyong kagandahang-loob, narito ang aming maiaalay. Mula sa lupa at bunga ng aming paggawa, ang tinapay na ito na magiging pagkaing nagbibigay-buhay.

Ilalapag niya ang pinggan ng tinapay sa telang patungan ng Katawan ni Kristo.

Kapag hindi ginaganap ang awit ng pag-aalay, ang mga pangungusap na ito ay madarasal nang malakas ng pari at sa katapusan makapagbubunyi ang mga tao:

Bayan: Kapuri-puri ang Poong Maykapal ngayon at kailanman!

Ang diyakono ay magbubuhos ng alak at kaunting tubig sa kalis habang dinarasal nang pabulong:

Sa paghahalong ito ng alak at tubig, kami nawa’y makasalo sa pagka-Diyos ni Kristo na nagpagindapat makihati sa aming pagkatao.

Hahawakan ng pari ang kalis nang bahagyang nakaangat sa dambana habang dinarasal niya nang pabulong:

Fr. Manny: Kapuri-puri ka, Diyos Amang lumikha sa sanlibutan.

30

Sa iyong kagandahang-loob, narito ang aming maiaalay.Mula sa katas ng ubas at bunga ng aming paggawa ang alak na ito para maging inuming nagbibigay ng iyong Espiritu.

Ilalapag niya ang kalis sa telang patungan ng Dugo ni Kristo.

Kapag hindi ginaganap ang awit ng pag-aalay, ang mga pangungusap na ito ay madarasal nang malakas ng pari at sa katapusan makapagbubunyi ang mga tao:

Bayan: Kapuri-puri ang Poong Maykapal ngayon at kailanman!

Pagkatapos, yuyuko ang pari habang dinarasal niya nang pabulong:

Fr. Manny: Diyos Amang Lumikha, nakikiusap kaming mga makasalanan. Tanggapin mo ang aming pagsisisi bilang handog upang kami’y matutong sumunod sa iyo nang buong puso.

Iinsensuhan ng pari ang mga alay at dambana; pagkaraa’y iinsensuhan ng diyakono o ng tagapaglingkod ang pari at ang mga nagsisimba.

Pagkatapos, ang pari ay pupunta sa gilid ng dambana, maghuhugas siya ng mga kamay samantalang pabulong niyang dinarasal:

Fr. Manny: O Diyos kong minamahal, kasalanan ko’y hugasan at linisin mong lubusan ang nagawa kong pagsuway.

31

Pagbalik ng pari sa gawing gitna ng dambana, ilalahad niya ang kanyang kanang kamay sa mga tao at muli niyang pagdaraupin habang kanyang ipinahahayag:

Fr. Manny: Manalangin tayo, mga kapatid, upang ang paghahain natin ay kalugdan ng Diyos Amang makapangyarihan.

Bayan: Tanggapin nawa ng Panginoon itong paghahain sa iyong mga kamay sa kapurihan Niya at karangalan, sa ating kapakinabangan at sa buong sambayanan Niyang banal.

PANALANGIN UKOL SA MGA ALAY

Mamumuno: Magsitayo po tayo.

Fr. Manny: Ama naming Lumikha, dinggin Mo ang aming mga panalangin at tanggapin ang mga handog na inaalay namin para kina Lars at Tina. Pinag-isa mo sila ngayon sa sakramento ng kasal. Pag-ibayuhin nawa ng misteryo ng dakilang pag-ibig ni Kristo, na

32

ipinagdiriwang namin ngayon, ang pag-ibig nila sa Iyo at sa isa't isa. Hinihiling namin ito sa pamamagitan ni Hesukristo kasama ng Espiritu Santo.

Bayan: Amen.

PANALANGIN NG PAPURI AT PASASALAMAT

Fr. Manny: Sumainyo ang Panginoon.

Bayan: At sumainyo rin.

Fr. Manny: Itaas sa Diyos ang inyong puso at diwa.

Bayan: Itinaas na namin sa Panginoon.

Fr. Manny: Pasalamatan natin ang Panginoong ating Diyos.

Bayan: Marapat na Siya ay pasalamatan.

33

Fr. Manny: Ama naming makapangyarihan, tunay ngang marapat na Ikaw ay aming pasalamatan.

Nilikha Mo ang tao, lalaki at babae, sa pag-ibig upang siya'y makibahagi sa iyong buhay.

Sa pag-ibig nagmula ang tao, pag-ibig ang laging tumatawag sa kanya, at pag-ibig ang kanyang hantungan at kaganapan sa langit. Sa sakramento ng kasal, pinababanal ang pag-ibig ng babae't lalaki na nagiging salamin ng walang hangganan mong pag-ibig.

Sa pamamagitan ni Kristo, ang mga koro ng mga angel at ang lahat ng mga banal ay nagpupuri sa Iyong kadakilaan. Nawa'y makiisa ang aming tinig sa walang-humpay nilang pagbubunyi sa Iyong kadakilaan:

Bayan: Santo, Santo, Santo, D’yos makapangyarihanPuspos ng l’walhati ang langit at lupa

Hosana, Hosana, sa kaitaasan

34

Pinagpala ang narito sa ngalan ng PanginoonHosana, Hosana sa kaitaasan

Hosana, Hosana sa kaitaasan, Hosana

PAGSUKOB AT PAGBIBIGKIS

(Luluhod sina Lars at Tina) Ang pagsindi ng mga kandilaAng pagpuputong ng puting beloAng pagpuputong ng kordon

Mamumuno: Magsiluhod po tayo.

Fr. Manny: Ama naming banal, Ikaw ang bukal ng tanang kabanalan. Kaya’t sa pamamagitan ng iyong Espiritu gawin Mong banal ang mga kaloob na ito upang para sa ami’y maging Katawan at Dugo ng aming Panginoong Hesukristo.

Bago Niya pinagtiisang kusang-loob na maging handog, hinawakan Niya ang tinapay, pinasalamatan Ka Niya, pinaghati-hati Niya iyon, iniabot sa Kanyang mga alagad at sinabi:

35

TANGGAPIN NINYONG LAHAT ITO AT KANIN, ITO ANG AKING KATAWAN NA IHAHANDOG PARA SA INYO.

Gayun din naman, noong matapos ang hapunan, hinawakan Niya ang kalis, muli ka Niyang pinasalamatan, iniabot Niya ang kalis sa Kanyang mga alagad at sinabi:

TANGGAPIN NINYONG LAHAT ITO AT INUMIN: ITO ANG KALIS NG AKING DUGO, NG BAGO AT WALANG HANGGANG TIPAN, ANG AKING DUGO NA IBUBUHOS PARA SA INYO AT PARA SA LAHAT SA IKAPAGPAPATAWAD NG MGA KASALANAN. GAWIN NINYO ITO SA PAG-ALALA SA AKIN.

MISTERYO NG PANANAMPALATAYA

36

Fr. Manny: Ipagbunyi natin ang misteryo ng pananampalataya.

Mamumuno: Magsitayo po tayo.

Bayan: Si Kristo’y namataySi Kristo’y nabuhay

Si Kristo’y babalik sa wakas ng panahon

Fr. Manny: Ama,ginagawa namin ngayon ang pag-alalasa pagkamatay at muling pagkabuhay ng iyong Anakkaya’t inaalay namin sa Iyo ang tinapay na nagbibigay-buhayat ang kalis na nagkakaloob ng kaligtasan.Kami’y nagpapasalamat dahil kami’y minarapatna tumayo sa harap mopara maglingkod sa iyo.

Isinasamo mo naming kaming magsalu-saloSa Katawan at Dugo ni Kristoay mabuklod sa pagkakaisasa pamamagitan ng Espiritu Santo.

37

Ama,lingapin mo ang iyong Simbahanglaganap sa buong daigdig.Puspusin mo kami sa pag-ibigkaisa ni Benedicto, na aming Papaat ni N., na aming Obispoat ng tanang kaparian

Alalahanin mo rin ang mga kapatid naming nahimlaynang may pag-asang sila’y muling mabubuhaygayun din ang lahat ng mga pumanaw.Kaawaan mo sila at patuluyin sa iyong kaliwanagan.Kaawaan mo at pagindapatin kaming lahatna makasalo sa Iyong buhay na walang wakas.

Kaisa ng Mahal na Birheng Maria na Ina ng DiyosKaisa ng mga apostol at ng laht ng mga banal

38

na namuhay dito sa daigdig ng kalugod-lugod sa Iyo,maipagdiwang nawa namin ang pagpupuri sa ikararangal mo

sa pamamagitan ng Iyong Anakna aming Panginoong Hesukristo.

Sa pamamagitan ni Kristo, kasama Niya at sa Kanya ang lahat ng parangal at papuri ay sa Iyo, Diyos Amang makapangyarihan, kasama ng Espiritu Santo magpasawalang-hanggan.

Bayan: Amen. Amen. Amen.

ANG PAKIKINABANG

Fr. Manny: Sa tagubilin ng mga nakagagaling na utos at turo ni Hesus na Panginoon natin at Diyos, ipahayag natin nang lakas-loob:

Bayan: Ama Namin sumasalangit KaSambahin ang ngalan Mo

Mapasa-amin ang kaharian Mo

39

Sundin ang loob Mo dito sa lupaPara nang sa langitBigyan Mo kamiNg aming kakanin sa araw-arawAt patawarin Mo kamiSa aming mga salaPara ng pagpapatawad naminSa nagkakasalal sa aminAt h’wag Mo kaming ipahintulot sa tuksoAt iadya Mo kami

Sa lahat ng masama

PAGPAPANALANGIN SA MAG-ASAWA

Fr. Manny: Mga kapatid,halina’t ipanalangin sa Ama nating banal ang mga bagong kasal na nangangakong magmamahalanbilang mga kasalo sa Katawan at Dugo ng Poong mahal.

(tahimik na manalangin saglit ang tanan)

Fr. Rico: Ama naming banal,

40

nilikha Mo ang tao bilang lalaki’t babaing iyong kalarawan upang sa kaugnayan sa pag-iisang-dibdib ay maisakatuparan ang Iyong layunin sa lupang ibabaw.

Ama naming mapagmahal,niloob Mong sa pamumuhay ng mga mag-asawa sa pagmamahalan ay mabanaagan ang tipan ng Iyong paghirang na Iyong minarapat ipagkaloob sa Iyong sambayanan upang ang ipinahihiwatig Mong lubusan ay maglahad ng pag-iisang dibdib ni Kristo at ng Sambayanan. Kaya naman hinihiling naming sina Lars at Tina ay gawaran ng pagbabasbas ng Iyong kanang kamay.

Ipagkaloob Mong sa pagsasama nila habambuhay, kanilang mapagsaluhan ang pag-ibig Mong bigay at sa isa’t isa’y kanilang maipamalas ang Iyong pakikipisan sa pagkakaisa ng damdamin at isipan. Bigyan Mo rin sila ng matatag na tahanan, at mga anak na huhubugin sa Mabuting Balita

41

ng Anak Mong mahal para maging maaasahang kaanib ng Iyong angkan.

Marapatin Mong mapuspos ng pagpapala ang babaing ito na si Tina, upang bilang asawa ni Lars at bilang ina ng magiging mga anak nila, kanyang maganap nang may pagmamalasakit ang tungkulin sa tahanan. Gayun din naman, pangunahan Mo ng iyong pagbabasbas ang lalaking ito na si Lars, upang kanyang magampanang marapat ang tungkulin ng asawang matapat ni Tina, at amang maaasahan ng kanilang magiging mga anak.

Ama naming banal,pagbigyan Mo sila sa pagdulog sa Iyong hapag bilang mga pinagbuklod sa pag-ibig na wagas upang kanilang mapagsaluhan ang piging na di magwawakassa pamamagitan ni Hesukristo kasama ng Espiritu Santo magpasawalang-hanggan.

42

Bayan: Amen

PAGBIBIGAYAN NG KAPAYAPAAN

Fr. Manny: Panginoong Hesukristo, sinabi Mo sa Iyong mga Apostol: “kapayapaan ang iniiwan Ko sa inyo. Ang Aking kapayapaan ang ibinibigay Ko sa inyo.” Tunghayan Mo ang aming pananampalataya at huwag ang aming mga pagkakasala. Pagkalooban Mo kami ng kapayapaan at pagkakaisa ayon sa Iyong kalooban kasama ng Espiritu Santo magpasawalanghanggan.

Bayan: Amen.

Fr. Manny: Ang kapayapaan ng Panginoon ay laging sumainyo.

Bayan: At sumainyo rin.

Fr. Manny: Magbigayan kayo ng kapayapaan sa isa’t-isa.

43

Bayan: (Magbibigayan ng kapayapaan ang tanan.)

PAGHAHATI-HATI SA TINAPAY

Bayan: Kordero ng DiyosNa nag-aalis ng mga kasalanan ng sanlibutan

Maawa KaKordero ng DiyosNa nag-aalis ng mga kasalanan ng sanlibutanMaawa KaKordero ng DiyosNa nag-aalis ng mga kasalananIpagkaloob Mo sa amin ang kapayapaan

PAGSASALO

Mamumuno: Magsiluhod po tayo.

Fr. Manny: Narito si Jesus, ang Korderong nagdusay ng kanyang buhay dahil sa pag-ibig. Siya ang Kordero ng Diyos na nag-aalis ng mga kasalanan ng

44

sanlibutan. Mapapalad tayong tumatanggap sa kanya.

Bayan: Panginoon, hindi ako karapat-dapat magpatuloy sa iyo ngunit sa isang salita mo lamang ay gagaling na ako.

PANALANGIN PAGKAPAKINABANG

Fr. Manny: Manalangin tayo. Panginoon, kaming nakisalo sa iyong piging ay nananalangin para sa minamahal naming Lars at Tina, na Iyong pinagbuklod sa kasal. Kupkupin mo sila at laging ilapit sa Iyo. Ipahayag nawa ng pag-ibig nila sa isa't isa ang pananalig nila sa Iyo sa buong daigdig. Hinihiling namin ito sa pamamagitan ni Hesukristo kasama ng Espiritu Santo magpasawalang-hanggan.

Bayan: Amen.

PAGHAHAYO SA PAGWAWAKAS

45

(Iaalis ang belo at kordon.)

Mamumuno: Magsitayo po tayo.

Fr. Manny: Lars at Tina, mamuhay kayong lagi sa pag-ibig at katapatan.

Mahalin ninyo ang isa’t-isa tulad ng pagmamahal ni Hesukristo sa inyo. Manatili kayong magkaibigan, at maging kaibigan kayo ng inyong kapwa.

MARINGAL NA PAGBABASBAS

Fr. Manny: Pagpalain nawa kayo at ang inyong mga pamilya't kaibigan ni Hesus, na naging panauhin sa kasalan sa Cana.

Bayan: Amen.

Fr. Manny: Maging mga patunay nawa kayo sa pagmamahal ng Diyos sa sandaigdigan upang ang naghihirap at ang nangangailangan ay makatagpo ng mga kaibigan sa inyo.

46

Bayan: Amen.

Fr. Manny: Inibig ni Hesus ang kanyang Sambayanan hanggang sa kamatayan. Punuin nawa ni Hesus ang inyong mga puso ng kaniyang pag-ibig.

Bayan: Amen.

Fr. Manny: Manahan nawa ang kapayapaan ni Kristo sa inyo at sa inyong tahanan.

Maging handa kayo na maglingkod sa Kanya at sa kanyang bayan. At kung matapos na ang inyong paglilingkod sa Kanya sa kaharian Niya sa lupa, malugod Niya kayong tanggapin sa Kanyang walang hanggang kaharian sa langit.

Bayan: Amen.

Fr. Manny: Pagpalain kayo ng makapangyarihang Diyos, Ama, Anak at Espiritu Santo.

Bayan: Amen.

PAGHAYO

47

Fr. Manny: Humayo kayong taglay ang kapayapaan at pag-ibig ni Kristo.

Bayan: Salamat sa Diyos.

Fr. Manny: Salubungin nating muli ng palakpakan ang bagong kasal. The groom may now kiss the bride.

Bayan: (palakpakan)

48

PAGKUHA NG MGA LITRATOAng pagkuha ng mga litrato sa loob ng simbahan ay ayon sa sumusunod na listahan:

1. Lars at Tina2. Lars at Tina kasama si Father Manny3. Lars at Tina kasama ang Binibining

Pandangal (Maid of Honor) at ang Piling Ginoo (Best Man)

4. Lars at Tina kasama ang mga Secondary Sponsors

5. Lars at Tina kasama ang mga Natatanging Binibini (Bridesmaids), Natatanging Ginoo (Groomsmen), at ang mga batang abay

6. Lars at Tina kasama ang lahat ng mga abay7. Lars at Tina kasama ang mga Ninong at

Ninang8. Lars at Tina kasama ang magulang ni Tina9. Lars at Tina kasama ang Pamilya ni Tina

(Immediate family)10. Lars at Tina kasama ang mga Kamag-anak

ni Tina11. Lars at Tina kasama ang kanilang mga

magulang12. Lars at Tina kasama ang mga magulang ni

Lars13. Lars at Tina kasama ang Pamilya ni Lars

(Immediate family)

49

14. Lars at Tina kasama ang mga Kamag-anak ni Lars

15. Lars at Tina kasama ang mga kaibigan

SALU-SALO AT HAPUNAN

Bilang pasasalamat, isang salu-salo ang gaganapin sa Ilustrado, Intramuros Manila.

50

51