ANG PAGKILOS NG ATING

MUNDO

The solar system

Dalawang paraan ng pagkilos ng mundo

ROTASYON- ang tawag sa pag-ikot ng mundo sa sarili nitong aksis. Ang isang buong pag-ikot ng mundo ay natatapos sa loob ng 24 na oras. Ito ay umiikot sa aksis sa direksyong kanluran papuntang silangan (counter clockwise). Sa pag-ikot ng mundo, ang kalahating bahagi nito ay nakakubli sa araw kaya’t nagkakaroon ng liwanag at dilim (umaga at araw). Ito rin ang dahilan kung bakit nagkakaiba ang oras sa mga bansang nakahiwalay sa ibang longhitud.

Rebolusyon-tawag sa pag-ikot ng mundo sa araw. Umaabot ng 365 na araw o isang buong taon. Sa pagligid ng planeta sa araw ay nagbabago ang posisyon nito kaya’t nagkakaroon ng tagsibol (spring), tag-init (summer), taglagas (fall/autumn) at taglamig (winter) sa iba’t ibang panig ng mundo.

Ang mga bansa na nakahiwalay sa mababang latitud ay direktang nasisikatan ng araw kaya’t matroon ditong mainit na panahon at tag-ulan at tag-araw lamang ang mga panahong nararanasan dito.

Samatala, sa mga bansang nakahiwalay sa gitnang latitud ay nakararanas ng apat na uri ng panahon o season sanhi ng pagkahilig ng mundo sa sarili nitong aksis.

Ang mga bansa namang nakahiwalay sa mataas na latitud ay hindi direktang nasisikatan ng araw sa buong taon kaya’t laging malamig dito. Ilan sa mga bansang ito ay malapit sa polo kaya hindi gaanong nawawalan ng yelo ang mga lugar.

Hunyo 22– nakatatanggap ng tuwirang sinag ng araw ang Tropic of Cancer. Ito ang tinatawag na summer solstice, ang unang araw ng tag-init sa hilagang hating-globo.

Disyembre 22– nagsisimula ang taglamig dito. Ang sinag ng araw ay tuwirang tumatama sa Tropic of Capricorn sa araw na ito. Ito naman ang tinatawag na winter solstice.

Marso 21– kapag ang sinag ng araw ay tuwirang tumama sa ekwador, nagiging magkasinghaba ang araw at gabi. Nagaganap ito sa unang araw ng tagsibol o vernal equinox.

Setyembre 27– magkasinghaba naman ang araw at gabi sa panahong ito. Ito naman ang unang araw ng taglagas o autumnal equinox.

GAWIN MO

Batay sa iyong pinag-aralan, saan mo nais manirahan, sa bansang may dalawang uri ng panahon o sa mga bansang nakararanas ng apat na uri ng panahon? Bakit? Ipaliwag ito sa isang piraso ng papel.