ysraýylyň obasenagat sistemasy
TRANSCRIPT
![Page 1: Ysraýylyň obasenagat sistemasy](https://reader035.vdocuments.mx/reader035/viewer/2022071817/55ad1c731a28ab7d238b45f1/html5/thumbnails/1.jpg)
Gutlymyrat Ýegendurdyýew
1
Ysraýylyň obasenagat sistemasy
18.12.2011 senesinde neşir edilen “Bloomberg Bussinesweek” žurnalyndan terjime edilen Gutlymyrat Ýegendurdyýew
about.me/gutly
“Bu çöle 1959-njy ýylda gelipdim. Entek on sekiz ýaşymam doldurmandym.
Hiç hili ösümlik ýokdy ol wagtlar bärde. 10 gyz, 30 erkekdik ilki-ilkiler. Häzir
bolsa 3 müňden gowrak ilatymyz bar. 1964-nji ýylda Ysraýyl suw
sistemasyny tamamlady. Suwy ilkinji gezek şonda görüpdik. Ilki başda diňe
bakja önümlerini ösdürip bilýärdik. Häzir bolsa dünýädäki ähli zady
ýetişdirmäne ukybymyz bar. Elbetde köpräk wagtymyzy alýar, ýöne barybir
biz önümi ýetişdirmegi başarýarys.”
74 ýaşly Amnon Nawon, Ysraýylyň günortasyndaky çölde ýerleşýän Arawa
sebitine gelşini şeýle gürrüň berýär bize. Bugünki günlerde şol 3 müň adam
her ýyl her gekdardan 300 tonna pomidor hasyl almagy başarýarlar. Arawa
sebitinde guran ýyladyşhanalarynda her ýyl 150 müň tonna pomidor
ödürip ýetişdirýärler. Üstesine Ysraýylyň miwe we bakja eksportunyň 60%-
ini şu çöl üpjün edýär. Ysraýyl täze obasenagat tehnologiýalaryny ulanyp
çölde has köp önüm ýetişdirmegiň ugrunda işleýär.
Arawa sebitine Tel Awiwden ulag arkaly 3 ýarym sagatda baryp bilýäris.
Ortaýer deňzi klimatyndan çykansoň Negew çölüniň aram klimaty garşy
alýar. Ýollaryň etegindäki ýaşyl baýyrlyklaryň ýerini çölüň sarysynyň gurşap
alanyny görýärsiňiz. Haçan gutarar çöl sarysy diýip otyrkaňyz birden çölüň
![Page 2: Ysraýylyň obasenagat sistemasy](https://reader035.vdocuments.mx/reader035/viewer/2022071817/55ad1c731a28ab7d238b45f1/html5/thumbnails/2.jpg)
Gutlymyrat Ýegendurdyýew
2
ortasyndan ýaşyl tokaýlar, bag-bakjaly öýler çykýar öňüňize. Yzly-yzyna
uzyn ýyladyşhanalar gurşap alýar töwregiňizi. “Üns Beriň! Bombaly
meýdança!” ýazylan tabeller asylgy dur kenarlarda. Ysraýylyň 1994-de
agzybirlik şertnamasyna gol çeken Iordan patyşalygynyň serhetinde durus
şu wagty we çölde önüm ýetişdirmegi başaran Arawanyň adamlary bilen
gürleşýäris.
“Biz ýerimizi, ýurdumyzy taşlap gelipdik şu çöllere, ýöne çagalarymyz ulalsa
nämederkä diýip gaýgylanýardyk mydama” diýip Arawa ylmy-gözleg
merkeziniň müdiri Alon Gadiel gürrüňe başlady: “Ulaldylar, gitdilerem.
Ýöne okuwlaryny okap diplomlyja yzlaryna dolandylar. Biziň bilen işlemek
üçin dolanýarlar. Bu ýerde işlemek bagt, durmuş asuda. Näçe işleseň şonça
hem baýaýarsyň”
“Durmuş işlemek üçindir” şygary Ysraýylyň her ýerinde esasy
düzgünlerden. Ýurduň obasenagat pudagynda bu dereje ösüp bilmeginiň
syry hem şu bolsa gerek?! Atyzlar, ýyladyşhanalar, üzüm baglary we
haýwan fermalary säher bilen oýanyp agşama çenli işleýän
uniwersitetlerden uçurym bolan ysraýyllylardan doly.
“Ysraýylyň obasenagatdaky üstünligi ullakan paradoksdan iýmitlenýär”
diýýär Ysraýyl daşary söwda ministrliginiň obasenagat tehnologiýalary ,
suw we tebigat bölüminiň müdiri Ýitzhak Kiriati. Sözüni: “Biz 50 ýylda has
az işçi, has az çykdajy we az suw we az toprak arkaly 3 esse köp önüm
öndürmegi başardyk. Ýetmezçiligimizi üstüni tehnologiýa ulanmak arkaly
doldurýarys. Birem aňsatjyk ýörelgämiz bar – ýaşap bilmek üçin muny
başarmaga mejburdyrys” diýip dowam edýär. Şu jümläniň täsiri bilen
ýurdumyz suwaryş sistemasy we beýleki obasenagat ugurlarynda iň
öňdebaryjylaryň birine öwrüldi. Hasyllylyk taýdan iň gerekli bolan
damjalaýyn suwaryş usulynyň watany hem Ysraýyl. Ministrligiň beýleki bir
wekili bolsa muny şeýle düşündirýär: “Suwaryşda öňde bolmaga biz
mejbur. Sebäbi mundan 60 ýyl öň 1 kub metr suwuň bahasy 1 dollarda
azdy, häzir bolsa munuň bahasy 4 dollardanam gymmat”
![Page 3: Ysraýylyň obasenagat sistemasy](https://reader035.vdocuments.mx/reader035/viewer/2022071817/55ad1c731a28ab7d238b45f1/html5/thumbnails/3.jpg)
Gutlymyrat Ýegendurdyýew
3
Ysraýylyň taýýar obasenagat önümleriniň eksporty 2.17 milliard dollar
töwregi. Bu bolsa ýurduň umumy eksportunyň 4.7-ne deň. Esasy alyjylary
bolsa Ýewropa, Orsýet we ABŞ. Birem 2.1 milliard dollar hojalyk çig mal
eksporty bar. Ysraýylyň meýdany 22 müň kw kilometr. Munyňam diňe
20%-i ekerançylyga ýaramly.
Ysraýyl obasenagat pudagynyň 4 sany diregi bar. Olar daýhanlar,
obasenagat tehnologiýalary we şereketleri, ylmy-gözleg institutlary we
döwlet edaralarydyr. Ysraýylyň obasenagatda üstün bolmagynda şu dört
diregiň özara düşünşip işlemeginiň uly paýy bar. Ysraýylda ekin ekýän
şereketlerem şol dört diregi özünde jemleýärler. Şereketleriň alymlary şol
bir wagtyň özünde atyzlarda işleýärlerem. Şeýlelikde täze tehnologiýalary
öndürýärler we beýleki tehnologiýa departamentleri bilen işleşýärler.
Ysraýylyň hökümet edaralary bolsa olara tehnologiýada we eksportda
goldaw berýäler.
Bugünki günlerde Ysraýylyň obasenagatynda 64 müň 400 adam zähmet
çekýär. Bu bolsa ýurduň jemi işçi güýjiniň 2.2%-ne deň gelýär. 1950-lerde
bir daýhan 17 adamy azyk bilen üpjün edip bilen bolsa, häzirki günde bir
daýhan ýüzden gowrak adamy azyk bilen üpjün etmäge ukyply. “Biz
daýhançylygy aýratyn bir käre öwürdik. Güýjimizi integrirlenen umumy
netijelerden alýarys. Netijede bir gekdardan 200 kg pomidor ýetişdirmegi
başarýarys. Ýylsaýyn oba öwrülip barýan planetamyz professional
obasenagata mätäçlik çekýär. Öňler biz Ýewropa gap-gap pomidor
satýardyk, häzir bolsa tohum satýarys” diýýär ministrlikden Ýitzhak Kiriati.
Ysraýylda obasenagat kapitalistik bazar gatnaşyklarynyň düzgünleri bilen
gurulan. “Adatça daýhanlar topraga, howa şertlerine we suw
mümkinçiliklerine seredip näme ýetişdirjegine karar berýär. Soňra öndürip
bazara hödürleýär. Biz bolsa bazarda nämäniň köp pul gazandyrjagyna
seredýäris. Soňra şertler neneňsi bolsa bolsun ony öndürmegiň bir ýoluny
![Page 4: Ysraýylyň obasenagat sistemasy](https://reader035.vdocuments.mx/reader035/viewer/2022071817/55ad1c731a28ab7d238b45f1/html5/thumbnails/4.jpg)
Gutlymyrat Ýegendurdyýew
4
tapýarys we netijede has köp girdeji gazanýarys” diýip beýleki bir ministrlik
wekili gürrüň berýär.
Ysraýylda iki hili ekerançylyk sistemasy bar. Bulardan biri kibutzlar,
beýlekisi bolsa moşawlar. Bularyň ikisem gözbaşyny geçen asyryň ilkinji
ýyllaryndan alýar. Kibutzda hemmeler ähli işi edýär. Hususy mülkdarlyk
ýok. Hemme bir ýerden naharlanýar. Paýlaýyş usuly (podaça) arkaly her
kim öz wezipesini ýerine ýetirýär. Ýöne geçmişde çagalaryň terbiýesi
babatda birnäçe tankytlara sezewar bolan kibutzlar soňky 15 ýyl içinde
birnäçe özgerişi başdan geçirdi. Öňler kibutzda doglan çagalar maşgalary
bilen ýaşanokdy. Çagalar öýlerine alynýardylar we günde 1-2 sagat
maşgalalaryny görüp bilýärdiler. Häzir bolsa çagalar maşgalalary bilen bile
ýaşaýarlar. Onsuzam kibutzlaryň aglabasy häzirki günde hususylaşdyrylan.
Moşawlar bolsa hususy mülkdarlyga rugsat berýän sistema. Moşawyň her
agzasyna deň mukdarda toprak kärendesine berilýär. Moşaw ilaty
topragynda islendik ekini ekip bilýär. Kommunal sistema ýok. Toprak bolsa
Ysraýyl hökümetine degişli bolup galýa. Häzirki günde topraklaryň 90%-i
hökümete degişli.
Ysraýylyň ekerançylyk şereketleri şu ýylyň (2012) maýynda iň döwrebap
tehnologýalaryny Agritech-2012 sergisinde tanadarlar. Bu ýyl on sekizinjisi
geçiriljek halkara sergide ýokary hilli tehnologiýalar we hyzmatdaşlyklar
bilen tanşyp bolar. Sergiden öň Ysraýyla eden syýahatymyzyň netijesinde
käbir zatlaryň bellenilmelidigini görýäris. Ilki bilen-ä Ysraýyl, global
möçberde öz ekerançylyk tehnologiýalaryny ýaýmak isleýär. Ysraýylly
şereketleriň üns merkezinde Hytaý, Hindistan we Afrika ýurtlary bar.
Birnäçe şereketler gurak howa şertlerinde önüm ýetişdirmäge mümkinçilik
döretjek suwaryş tehnologiýalaryny hödürleýär. Hat-da bir suwaryş
şereketi ýurduň iň garyp daýhanlarynyňam ömürboýy ulanyp biljek
suwaryş tehnologiýasyny hödürleýär. Bular ululyklaryna laýyklykda birnäçe
ýüz dollara satylýar. Ysraýylly şereketleriň üns merkezindäki beýleki bir
pudak bolsa ýyladyşhana sistemalary. Ýyladyşhanalarda howa täzeleme
problemalaryny iň çykdajysyz görnüşe getirýän howalandyrma
tehnlogiýalaryny Türkiýe, ABŞ we beýleki ýurtlara satmak isleýärler.