ZION CHRISTIAN CHURCHTABAKONI REUNGANO YEVAPOROFITA

(18- 20 November 2011)

1. MUSAMHURA MWEYA MUTSVENE (Mateo 12 vs 32 ) Kana muchiparidza kana kudzidzisa nyaya dzine chokuita nechiporofita munofanira kuva careful, nokuti Ishe Jesu Kristu pachavo vakadzidzisa vachiti anotaura zvakaipa pamusoro pemweya mutsvene haangakanganwirwi, zvingatova nani kutaura shoko rakaipa pamusoro pemwanakomana waMwari iye Jesu Kristu, pane kutaura izvozvo pamusoro pemweya mutsvene (Mateo 12 vs 32). Mweya mutsvene ndicho chiporofita, ndiyo nheyo yekereke, saka ndiwo manhengatenga edu pano paZion, hatifaniri kutamba tichitaura zvakaipa pamusoro pake. Muranda waMwari anoti kana mukudzidzisa kwenyu kana kuparidza kana kutaura pamusoro pechiporofita you must be very careful, and kana motuka kana kunyomba mukudzidzisa kwenyu you must be 100% sure kuti hausi mweya mutsvene wamunotuka, nokuti kana ukatuka mweya mutsvene, haungakanwirwi (Mateo 12 vs. 32).

2. PAKUTANGA SHOKO RAKANGARAVAPO ( Johane 1 vs. 1) Kana muporofita achiporofita, chinhu chokutanga chinofanira kuva maari ishoko raJehova(Johane 1 vs. 1) nokuti ndiro rakatanga kuvapo. Ani nani unoda kuporofita ngaatange foundation inonzi shoko nokuti ndiro rinosimbisa zvaunoporofita. Kana ukaporofita kana kuimba iwe watanga kuva neshoko rowedenga unofananidzwa neimba yakavakwa pamusoro peruware (Mateo 7 vs. 24). Asi kana shoko rikashaikwa, chiporofita ichocho chava chomujecha (Mateo 7 vs. 24), saka chinopedzisira chawa.

3. THE UNSTOPPABLE PROPHET KUREVA SAMERE MUPOROFITA WAKANGA ASINGATYI.

Kuti Unstoppable zvinoreva kusatya, saka Samere akanzi Unstoppable prophet kureva kuti hapana chaakatya pazvinhu zvinoti:

i. Jere achisungirwa kereke.ii. Kufamba netsoka kuenda Joni.iii. Kufirwa nevana 50.

iv. Kubvisa ngozi nema demon muvanhu Nezvimwe zvizhinji zvaasina kutya kuita, saka hapana chaimukonesa kuita zvaaida kuita nokuti akanga asingatyi. Mweya unotya ndiwo mweya wetsvina, muporofita chaiye haana mweya wekutya (2 Timotio 1 vs. 7). Mwari haana kutipa mweya wekutya asi mweya wekusimba. Kana uri muporofita wazvokwadi ziva kuti wakapiwa simba rokutsika pamusoro penyoka nepamusoro pesimba rose romuvengi pasina zvinoitika saka musatya (Ruka 19 vs. 10).

4. UNGAZIVA SEI KUTI UYU MUPOROFITA NDEWENHEMA? Muporofita wenhema haanetsi kuona, anongoonekwa nokusa:

i. Enda Jerusarema.ii. Verenga Tabakoni.iii. Tova bhaibheri.iv. Bata.v. Va neshoko rowedenga.

Muporofita uyu ndiye asingatani kuporofita mashoko ekupesanisa okuti iwe mukoma wako kana vatete vako ndivo vanokurowa, kana kuti ngana zvaafa aurawa nangana. Izvi ndizvo zvinoratidza kuti munhu uyu haaverengi Tabakoni nokuti makanyorwa kunzi Mwari ndiye anoraramisa, ndiyezve anouraya saka zvokuti ngana ndiye auraya wazviwanepi (1Samere 2 vs. 6).

5. DAVID AKAKUMBIRA KUGARA MUMBA YAJEHOVHA KWEUPENYU HWAKE HWOSE (Mapisarema 27 vs. 4)

David unoti chinhu chimwe chete chandakakumbira kuna Jehova ndechokuti ndigare mumba make kweupenyu hwangu hwose, kuti ndione kunaka kwaJehova uye kuti nomusi wenjodzi andivige mudumba rake (Psalms 27 vs. 4). Iyi ndiyo verse inofanira kugonekwa nomuporofita wose paZion. Chero mukagona zvimwe zvose asi chinhu chikuru ndechokugara paJerusarema, ndizvo zvinosimbisa mweya mutsvene. Kana uchida kuona kunaka kwaJehova zvipe nguva yokugara paJerusarema. Zvino vamwe vanoti kana vakasvika paJerusarema havatani kuti ndoenda, izvo mweya wakaipa unodaro. PaJerusarema ndipo patinowedzerwa simba pane rimwe simba (Psalms 84 vs. 7). Kana ukagara paJerusarema ucharwirwa pamatambudziko ako ose.

6. SPEAKING IN TONGUES DOES NOT ALWAYS MEAN THAT YOU ARE SPEAKING IN SPIRIT.

Vaporofita munofanira kuziva kuti kutaura nendimi hakurevi kuti uri kutaura neMweya mutsvene. Mumweya umu mune machannels akawanda, amwe

ndeaMwari, amwe ndeemweya wetsvina. Munozvizivavo here kuti kunyangwe mweya wetsvina unotauravo chokwadi, uye unoonavo zviri mberi. Asi kuti uzive siyano yazvo iri pakuti mweya wetsvina unotaura zvinopesanisa nezvinoputsa kereke. Isu tinoziva kuti kana munhu akarira neMweya mutsvene unofanira kusimbisa Kereke (1 Vakorinte 14 vs. 3) nokuudza vanhu ndangariro dzorugare (Jeremiah 29 vs. 11). Asi kana ukaona munhu anoporofita zvinopesanisa vanhu achichinjisa vanhu tabhera dzokupinda kana kusiya musha wevanhu wanga wakanaka waparara, ziva kuti mweya iwoyo ndewadiabros.

7. UNOPOROFITA NENDIMI UNOZVISIMBISA IYE (1 Vakorinte 14 vs. 3) Chinhu chakakosha kuti munhu unonzi muporofita arire neMweya nokuti anenge achitozvisimbisa iye. Kare vaporofita vaimbounganidzwa vachipiwa nguva yokusimbiswa, haisi nguva yokuporofita asi kusimbiswa kuti kana woenda kumagedhe kundorira worira wakasimba. Zvino paZion pano pazara vaporofita, dzangova imbwa nyoro dzinova tsengi dzematovo, izvo chinotsengesa matovo kusasimba. Muporofita wose asingadi kurira ziva kuti imbwa nyoro. Rirai neMweya mugova nesimba.

8. KANA URI MUPOROFITA TAURA ZVINOGONA KUUYISA DAMBUDZIKO. Mwari wakatikomberedza neruzhowa rwunotichengeta (Jobo 1 vs. 10). Zvino ruzhowa rwunogona kumbobviswa Mwari ombotendera mweya yakaipa kuti ikutambudze. Zvino basa remuporofita nderokuzivisa vatendi zvaita kuti ruzhowa rubviswe nokuti unodaro pamwe akatora zvakayereswa zvaMwari (Joshua 6 vs. 18), kana kutukwa naMwari akaisa udyi mumba mako nokuda kwekudya chegumi (Maraki 3 vs. 11). Pamwe zhara yamuri kuona imhosva yokuti hamuna kuenda Jerusarema kundokumbira mvura (Zakaria 14 vs. 17) uye pamwe une moyo miviri saka hauwani mugove kuna Mwari (Jakobho 1 vs. 6-7). Pamwevo zvinongoda kuti kana warwara udane vakuru vekereke vakunyengeterere (Jakobho 5 vs. 14) uye kana riri dambudziko rakuwira rinongoda kuti iwe pachako unyengetere (Jakobho 5 vs. 13).

9. ZVAKAVANZIKA NDEZVA JEHOVHA, ASI ZVABUDA PACHENA NDEZVEDU ISU NEVANA VEDU KUTI TIIZVITE(Deute 29 vs. 29)

Munozviziva here kuti pane information imwe inonzi iyi ndeya Jehovha pachake (is not for public consumption or use). Ndizvo zvinonzi zvinhu zvakavanzika ndezva Jehovha Mwari wedu, asi zvinhu zvakaratidzwa pachena ndezvedu isu navana vedu nekusingaperi (Deute 29 vs. 29). Zvino muporofita ane mweya waMwari unomunzwa achiti izvi zvamunoda kunzwa ndavanzirwa naMwari, iyeye ndiye muporofita

wazvokwadi. Asi muporofita anorira nomweya wakaipa haana chaanoti ndavanzirwa, unobudisa zvinenge zvanzi naJehovha izvi ndezvakavanzika zvangu, pamwe zvinenge zvichingoda kunyorwa zvisingafaniri kutaurwa. Vaporofita venhema ava ndivo vanoporofita zvouroyi zvakavanzwa naJehova. Isu tinoziva kuti kana waona chakaipa chikunde nechakanaka (VaRoma 12 vs. 21) Zivaizve kuti haasi ose mashoko atinoratidzwa naMwari atinofanira kutaura, amwe anenge achinzi udza vakuru, amwe achida kungonyorwa chete.

10. HATIRWI NENYAMA NEROPA ASI NEMWEYA YAKAIPA YEDENGA (VaEfeso 6 vs. 12).

Kana ukaona muporofita anokuporofita achikuudza kuti muvengi wako munhu ane nyama neropa ziva kuti uri kuudzwa nhema nokuti isu hatirwi nenyama neropa asi neMweya yakaipa yedenga nemadzishe enyika erima rino. Kana ukanzi tsiva, ramba nokuti kutsiva ndekwaMwari (VaHeberu 10 vs. 31 ).

11. BASA REVAPOROFITA NDEROKUUDZA VANHU KUTI VAFAMBE NOKUTENDA KWETE NOKUONA NEMESO (Mateo 8 vs. 26)

Kristu akati rimwe zuva achifamba nevanhu vakanga vasingafambi nokutenda, chikepe chakange chonyura Kristu akavata vanhu vachibva vatya vakachema vachienda kuna Kristu vachiti ishe tofa tiponesei, vasingatendi kuti vana mambo weZion muchikepe, zvino Kristu akati kwavari munotyireiko imi vokutenda kushoma (Mateo 8 vs. 26) (Ruka 8 vs. 24), zvino nepano paZion tinavo vasingafambi nokutenda vanofamba nokuona nameso, ndivo vanoti vakangosangana nechidambudziko chidoko votochema ivo vari muZion mune mazana nemazana avatumwa vasingaverengeki (VaHeburu 12 vs. 22) paripo paZion paakaisa zita rakepo ndipo pane ugaro hwake (Mapisarema 132 vs.13) ndipo paakati iye ndichagarapo nokusingaperi (Mapisarema 132 vs. 14) ndipozve pana Kristu mwanakomana waMwari. Saka munotyei? Kubviswa paZion unenge uchida kundourawa kunze.

12. MUSAPEDZA KUPOROFITA VANHU MUSINA KUMBOSIMBISA KEREKE (1 Vakorinte 14 vs. 33)

Munhu wose anopiwa mweya mutsvene wekuporofita ane chikonzero chaakaupiwirwa, nokuti anoporofita anotaura kuvanhu kuti vasimbiswe nokurairwa, nokunyaradza (1 Vakorinte 14 vs. 3). Saka chikonzero chikuru chatakapuhwirwa mweya wokuporofita ndechokuti tisimbise vanhu, kusimbisa vanhu ndiko kusimbisa kereke nokuti kana ukaporofita munhu zvinomusimbisa.

13. PROPHECY IS THE ABILITY TO FIND THE PROMISES OF GOD FROM THE BIBLE Chinonzi kuporofita kutsvaka zvakavimbiswa naMwari zviri mubhaibheri kureva ndangariro dzaJehova dzerugare (Jeremiah 29 vs. 11). Chiporofita ngachirege kungosimbirira zvezvivi zvoga pasina chinobatsira asi kuti muudze munhu nzira yokuti amire zvakaipa. Kana zviri zvezvikwambo siyanai nokutaura pamusoro pazvo. Vamwe vaporofita ndevanongomirira vanhu kuti vauye kuzonyagisa izvo kumirira kukwenyedzerwa sezvimbwa zvechirungu, muchitadza kuita sembwa dzinoti kana tsuro ikapfuura dzinomhanyira nekuti dzinenge dziine hwema. Saka muporofita wazvokwadi ndeanoita hwema hunoisa kuupenyu, anoita zvekukachikira munhu ane dambudziko.

14. DOCTORS OF MEDICINE PRACTICES MEDICINE BUT DOCTORS OF FAITH PRACTICES FAITH.

Madhokotera anorapa ane rimwe zita rinonzi medical practitioners’ zvichireva kuti practicing medicine although they do not take it. Pano paZion tina dhokotera wekutenda unonzi faith practitioner unodzidzisa kutenda unonzi Dr. N. Mutendi. Kutenda uku tinokudzidziswa kuti tive nako asi pane vamwe vanotya nemhaka yekuti havapractise kutenda. Zvino vamwe we have faith but we do not want to practice it, so go and practice your faith. Vamwe tinotadza kutenda pano paZion, asi kutenda madhokotera ekunze uko anoti ndikakupa mushonga uyu unopora iye asina kuumwa kana kuti ndoda kurapa mukadzi wako tiri vaviri asina kupfeka iwe usipo, usingabvunzi zvakadaro. So go and practice the word of God like doctors who practice on their medicine.

15. QUALITIES OF A GOOD PROPHET Muporofita chaiye ndiye:

i. Anogara nebhaibheri achiverenga(a bible holder and reader)ii. Anogara neTabakoni achiverenga ( a Tabakoni reader and holder)iii. Anonzwa nekukara shoko rowedenga( a word hearer)Ani nani wagona kutevedzera izvi ndiye wava mwana waMwari nokuti wava kutungamirirwa nemweya mutsvene (Varoma 8 vs. 14).

16. BASA REVAPOROFITA Basa remuporofita ndere:

i. Kuvaka mhuri(build family)ii. Kuvaka kereke (build Church)iii. Kuvaka tsika dzeZion (build culture)

iv. Kuvaka hunhu hwemunhu (build character)v. Kuzviisa pasi pewakatumwa. Kuraira kunyange madzimambo anotendeuka kuti

azviise pasi pewakatumwa.Ishoko raMwari chairo kuti vaporofita munofanira kuporofita vanhu muchivaudza kuti zviisei pasi pewakatumwa (VaHeberu 13 vs. 17).

17. SHOKO RAJEHOVA RINOFANIRA KURAMBA RICHINZIKWA (1 Samere 3 vs. 1)Nenguva yaSamere shoko rowedenga rakanga ronzwika kashoma (1 Samere 3 vs. 1). Iyi tsika yokuti shoko rowedenga rinzwike kashoma nenguva ino harifaniri kuitika asi kuti inongozovapo kana vaporofita nemaelder vakangomirira kuti vanhu vauye kuzonyagisa. Kana kuri kuporofita ngavaporofite shoko kwete ngano kana makuhwa.

18. KANA URI MUPOROFITA USASVODA KUTAURA KUTI NDAVANZIRWA. Kana uchiporofita taura zvaunenge wanzwa kubva kuna Mwari (Johane 16 vs. 13), kana wavanzirwa naMwari taurira vanhu kuti ndavanzirwa nokuti zvakavanzika ndezvaJehova(Deute 29 vs. 29). Elisha wakavanzirwa naMwari nerimwe zuva mukadzi weShunemi auya aine dambudziko rake akatuma Gehazi kundomuvhunza asi hazvirevi kuti Erisha naMwari vakanga vapesana asi kuti ndiyo tsika yaMwari yokuvanza zvinhu zvake (2 Kings 4 vs. 27).

19. KURIRA KUNOBETSERA VANOPOROFITA KUTI VATAURE ZVAVANORATIDZWA VASINGANYARI.

Muporofita anofanira kurira nendimi chaidzo, kunze kwemukuru wavaporofita ndiye akanzi ndinotaura naye chiso nechiso, vakatarisana naMwari (Exodus 33 vs. 11). Asi isu tose vamwe tinofanira kurira chaiko, izvi zvinoitirwa kuti musanyara kududzira vanhu zvamunoudzwa naMwari. Kurira kwatinoita kunoita semunhu ane shoko raanoda kutaura ozoti regai ndimbotanga ndawana pint redoro ndizopopota ndambonwa ndambobvisa nyadzi. Saka vakuru vekare vakafamba nemunhu waMwari Samere vaiita migidhi yevaporofita yokurira izvo kuti vaporofita vasazotaura kuvanhu vachinyara.

20. HATINA KUGASHIRA MWEYA WEKUTYA (2 Timotio 1 vs. 7). Mweya watakapiwa naMwari paZion hausi wekutya. Kana mukaona mweya unotya zivai kuti ndewetsvina. Kana ari David unoti chero ndikafamba napamupata wemumvuri werufu hatingotyi zvakaipa nokuti muneni (Psalms 23 vs. 4). Kristu achiuyavo wakati kuvadzidzi vake endai mundotsika pamusoro penyoka nezvinyavada musingatyi (Ruka 10 vs. 19). Chinoita kuti tisatya ndechokuti hatina kugamuchira mweya wenyika uya unotaura zvaana vatete nezvikwambo, uye hatitauri mashoko

evanhu asi atinodzidziswa nomweya mutsvene kuti tindotaurira vanhu vomweya (1 Vakorinte 2 vs. 12) uye kana Mwari achitirwira ndianiko ungatirwisa (VaRoma 8 vs. 31). Porofitai shoko sezvarabva kuna Mwari kwete kutaura mashoko enyika anotapirira vanhu. Taurai zvomweya nokuti yasvika nguva yokuti tinamate Mwari mumweya nomuzvokwadi (Johane 4 vs. 23).

21. MWARI NDIYE ANOTORA MUNHU KUNYIKA ACHIISA PAZION(Jeremiah 3 vs. 14)

Munoziva here kuti Mwari pachake ndiye anotora munhu kunyika achimuisa paZion. Ndiye anoti dzokai imi vana vekudzokera sure, nokuti ndini murume wenyu, ndichakutorai mumwe paguta vaviri parudzi rumwe, ndichikuisai Zion (Jeremiah 3 vs. 14). Vaporofita kana mukaona munhu auya kwamuri, achida kubatsirwa kana kuporofitwa, munhu iyeye anenge atotsvagwa naJehovha pachake. Kuzoona munhu otouya pauri, Mwari ndiye anenge atomusvinudza kare kuti auye paZion kureva pauri iwe muporofita weZion. Saka chinenge chasara pakuporofita kwako kuti ubvunze Mwari kuti munoda kuti munhu uyu akuitirei zvipi kwete kutanga nokutaura zvemhepo dzinomunetsa, kana kuti Jehovha tangai mamuporesa.

Kana auya nedambudziko rokuti zvinhu zvake hazvifambi kana kuti zviri kutsakatika, muporofita ane mweya mutsvene anoporofita zvehudyi hunomutswa naJehovha kana munhu adya chegumi(10%)(Maraki 3 vs. 10). Kana ane dambudziko rokushaya kana kuti ane nhamo yake yokufirwa nemombe, kana fuma ipi zvayo womupa raviro yokuti ngaape agopiwavo (Ruka 6 vs. 38) kureva kuti munhu iyeye anofanira kupa ichocho chaanoshaya kuti agochiwana nokuti chaunodzvara ndicho chaukohwa. (Garatia 6 vs.7. Nhamo dzose dzamunoona dziri muvanhu ndidzo dzakavambirwa Zion naMwari (Isaya 14 vs. 32), uye ndizvo zvaanoti kana vanhu vangu vanodanwa nezita rangu, vakazvininipisa, vakanyengetera nekutsvaga chiso changu, vakasiya zvakaipa zvavo ipapo ndichanzwa kuchema kwavo ini Jehovha (2 Makoronike 7 vs. 14). Chikuru chinotsvakwa naJehovha kuti munhu atendeuke, saka usasiya munhu wawaporofita asina kutendeuka, kana ukarega munhu iyeye achipukunyuka unomufira (2 Madzimambo 10 vs. 24).

22. MAMWE MATAMBUDZIKO ANOWIRA MUNHU ANOBVA KUNA JEHOVHA PACHAKE (Exodus 15 vs.26).

Munozviziva here kuti amwe matambudziko anowira vanhu anoiswa naJehovha pachake. Ndizvo zvinonzi naJehovha anogona kubvisa ruzhowa rwakakupoteredzai kazhinji. Kana masvika pamirairo yake (Jobho 1 vs. 10). Ndiye Jehovha akati kana

ukateerera nomoyo wako wose izwi raJehovha Mwari wako, ukaita zvakarurama pamberi pake, ukarerekera nzeve dzako kumirairo yake, ukachengeta zvaakatema zvose, handingaisi marwadzo andakaisa pamusoro pavaEgipta, nokuti ndini Jehovha murapi wako(Exodus 15 vs. 26). Saka vamwe vanopedza nguva vachijojonya mademon ari muvanhu vachiti ngaabude, izvo amwe anongoda kuti Mwari pachake amabudise kana munhu iyeye aita sezvinoreva mirairo uye atendeuka pamaitiro ake akaipa.

23. CHINONZI KUTENDEKA KUSIYA NZIRA DZAKARE MUCHITEVERA ITSVA Kana zvichinzi munhu atendeuka zvinoreva kuti munhu iyeye asiya nzira dzaakambofamba kare achitevera itsva. Ukaona munhu achiti atendeuka, munhu iyeye achiramba achingori mutsika dzake dzakare dzakaipa, munhu iyeye haasati atendeuka (2 Vakorinte 5 vs. 17). Ndiyo inonzi mbereko yechihedheni, saka tinonzi tisiye tsika idzodzo dzakare tive zvisikwa zvitsva. Saka munhu anonzi Elder kana uchinge watendeusa munhu ziva tsika dzakashata dzaaita dzaanoti ndasiya.

24. KRISTU ANOTI MAKWAI ANGU ANOZWA INZWI RANGU (Johane 10 vs. 27) Jesu Kristu mwanakomana waMwari anoti makwai angu anonzwa inzwi rangu kureva kunzwa zvaanotaura nekuzviita. Zvokuti kana anzi huya anoenda, bata anobata. Shoko (inzwi) raJehova rinonzwikwa pano paJerusarema ndizvo zvichinzi munhu anofanira kuuya achinzwa shoko (inzwi) raJehova katatu pagore (Deute 16 vs. 16). Kristu anotizve neni ndinonzwa makwai angu. Kureva kuti tinofanira kugara tiri pamberi pake nguva yoga yoga ndiko kuti atizive. Makwai aKristu anomutevera (they follow him). Kureva kuti following with the intention of being a disciple, ndiko kutevera zvose zvaanoreva.

25. TINOFANIRA KUKURA MUMWEYA (Ruka 2 vs. 40) Jesu Kristu akakura mumhu, (body) mupfungwa, (mind)uye mumweya(in spirit). Saka munhu wese anofanira kukura muzvinhu zvitatu izvi, zvikuru mumweya (in spirit) ndimo munyasha dzaMwari (Ruka 2 vs. 40). Ndipo paya patinoona Jesu Kristu ane makore gumi nemaviri (12 years). Akanga atova pabasa pababa vake (Ruka 2 vs. 49). Ndipo paakazotorwa naMaria naJoseph vachienda naye kumba akaramba achikura munyasha dzaJehovha kusvika paakazorumuka ave nemakore makumi matatu(30 years), after 18 years atotanga basa raJehova. Akazobata basa kweupenyu hwake hwose kusvika pakufa kwake. Saka munhu wese anofanira kukura mumweya not only growing in the body and mind.

26. EVERYTHING IN THE BIBLE WAS WRITTEN AS THEY WERE MOVED BY THE HOLY SPIRIT (1 Peter 1 vs. 21)

Chatinonzi tishingairire pakurava shoko raMwari riri muBhaibheri ndechokuti, ndicho chiporofita chikuru uye bhaibheri rakanyorwa nechiporofita, nokuti hakuna uporofita hwakatongouya nokuda kwemunhu. Asi vanhu vaMwari vakataura vachimutsiva neMweya mutsvene (1 Peter 1 vs. 21). Saka muporofita umwe noumwe unofanira kushingaira pakurava (1 Timotio 4 vs. 13, Zaruro 1 vs. 3) nokuti ndimo muzere mweya wacho watinofanira kuporofita nawo.

27. IN ORDER TO BE GOOD BEFORE GOD YOU HAVE TO DO GOOD THINGS FOR VERY LONG TIME.

Kana munhu achida kunzi naMwari unogona unofanira kutora nguva refu uchiita zvakanaka pamberi paMwari. Zvino vamwe chinotitadzisa kunzi uri good imhaka yekuti tinoti itei zvakanaka fume mangwana toita zvakaipa dzamara zvakanaka zvotodzimwa nezvakaipa zvatinenge taita. Hakuna akazvarwa achiita zvakanaka asi zvinotoita zvekudzidzwa (Isaya 1 vs. 17).

28. A SURVIVOR IS SERVED TO SERVE OTHERS. Kana pakaita tsaona pakafiwa nekukuvara kwevanhu iwe ukararama usina kukuvara chawararamira ndechokuti ubatsire vakuvara ndicho chinenge chiri chinangwa chokukuponesa. Moses akaitwa a survivor pakuurawa kwematangwe ose iye akararama ende chaakararamisirwa chaive chokuzoti aponese vana veIsrael kubva pagungwa java nemuchiunde, akandovasunungura kubva kuna Pharaoh (Exodus 3 vs. 1). Kristu Jesu ndiye wakararamiswa naMwari pakurwa kwevana vacheche paBetrehema, chinangwa chaMwari chiri chokuti aponese pasi rose.

Muranda waMwari Nehemiah is also a survivor akararamiswa naMwari pakati pevana 50 VaBambo Samere vavakarasikirwa navo. Izvo Mwari wakavararamisira for a purpose yekuzo server maZion nhasi, nhasi tinaye muporofita Nehemiah anoti server neshoko rokuropafadza vanhu raanopiwa naMwari wake. So a survivor is a served to serve others, zvino vamwe vanoita sengwindi, mhuka iya inoti kana yazvarwa iri honho isati yaurawa neimwe honho yakura inotiza yo survivor izvo kwayatizira kuya ikandokuwana kuine chikonho chazvarwa yondochidya. Zvino unga survivor kuti ugodya vamwe here.

29. JEHOVHA NDIYE MWARI BABA UNESIMBA ROSE (VaEfeso 3 vs. 20) Simba rose rinogara naMwari kana wodavo kukunda zvako unotokumbira simba kuna Mwari. Zvino murairo iwoyo wekupiwa simba irero ndewekuti unofanira kutanga wawana mweya mutsvene, ndipo paakati muchapiwa simba kana mweya mutsvene wasvika pamusoro penyu (Mabasa 1 vs. 8) zvino mweya mutsvene unowanikwa nemunhu anogara achi:

1. Verenga bible2. Verenga Tabakoni3. Achibata murairo4. Achigara ari paJerusarema5. Achigara ari muJerusarema achinamata

Zvino kana wagona izvi wava nemweya waMwari uri mweya mutsvene zvino Mwari unenge wochikupa simba nokuti wava nemweya mutsvene.

30. MUNHU WAKAROPAFADZWA KUDARIKA VATUMWA NEMHUKA. Vatumwa vane spirit asi havana body mhukavo dzine body asi hadzina spirit, zvino isu vanhu tine zvose body nespirit. Mhuka dzine specific blessing yokuti ngadziberekane dziwande (Genesis 1 vs. 28) asi munhu ndiye wakanyanya kuropafadzwa kudarika zvose. Chakanyanya kukosha pamunhu kuti asimbe muspirit kudarika munyama dzake. Spirit pano paZion ndiwo mweya mutsvene watinoshandisa unobva kuna Mwari zvino kana ukashaiwa simba muspirit iwe uri muporofita ziva kuti wava kuporofita vanhu ne devil spirit kwete holy spirit. Do not speak in tongues only but in Holy spirit as well.

31. MUBHAIBHERI MUBHUKU YAZVIREVO YOSE INODZIDZISA PAMUSORO PAVANA.

Pa 66 Chapters dziri mubhaibheri kubva kuna Genesis kusvika kuna Zvakazarurwa bhuku inonyatsodzidzisa vana ibhuku yaZvirevo. Bhuku iyi haidi kuti munhu azoirava akura, asi kuti inofanira kuti panongotanga mwana kugona kurava ngaadzidziswe, kurava bhuku iyoyo yose. Ndizvo zvakanzi naPauro shingairirai pakurava (Timotio 4 vs. 13), zvokuti kana morava ravai maverse ose from first to least kwete kuita zvokuchachura – chachura. Zvirevo ndiyo ine dzidziso dzokuti rovedzerai vana nzira dzokufamba nadzo kuti kana vakwegura varege kuzodzikanganwa(Zvirevo 22 vs. 6). Ine maverse akawanda chose evana, saka tinofanira kuidzidzisa vana vedu vachiri vadiki. Saka bhuku raZvirevo harisi rokudzidza wakura asi ritange uchiri mwana kuitira kuti uzive kukosha kwevabereki vako.

32. POROFITAI VANHU MUCHIVAUDZA NDANGARIRO DZORUGARE (Jeremia 29 vs. 11).

Rimwe basa revaporofita nderokuudza ndangariro dzaJehovha dzorugare dzose dziri mubhaibheri, ndidzo dzamunofanira kuudza vanhu.

33. MURANDA WAMWARI NEHEMIAH IS THE PRINCIPAL PROPHET Panguva imwe neimwe kune mukuru wava porofita kwozouya vamwewo vaporofita vanoporofita vari pasi pemukuru wavaporofita. Iyeye mukuru wavaporofita ndiye unonzi the principal prophet. Panguva yaMoses, Moses ndiye akanga ari the principal prophet saka vose vaiporofita panguva yake vaiporofita vachitora mweya mutsvene kubva kuna Moses (Numeri 11 vs. 17). Panguva yaEria, Eria ndiye waiva principal prophet, vamwe 7000 prophet ndivo vaiporofita vari pasi paEria (1 Madzimambo 19 vs. 18). Panguva yaSamere, Samere ndiye waiva principal prophet vamwe vose vaisanganisira vana Sauro neboka revaporofita raifamba rakatungamirirwa nemitengeranwa, nyere, ngoma nembira vachingoporofita (1 Samere 10 vs. 5). Nyange panguva yaSamere Muranda waMwari ndiye akanga ari the principal prophet. Samere Mutendi akaenda akasiya Nehemiah ndiye the principal prophet, isu tose vaporofita, maElders nevadzidzisi vose tinoporofita tichitora paMuranda waMwari ndiko saka achiti ndini ndinobvunzwa pamusoro penyu, saka ndichikudzorai nekukuropafadzai kana matenda kudzoreka (Mabasa 3 vs. 26).

34. A PRINCIPAL PROPHET DOES NOT DEPEND ON HEARSAY. Muranda waMwari unoshanda nemweya waShe wake uri pamusoro pake saka chero vakanzwa mashoko pamusoro pemunhu havamatendi kusvikira vadana munhu wacho vamubvunza kuti iye azvidavirire oga (Ruka 16 vs. 2). Nokuti chinonzi principal prophet kushanda neshoko rinobva kunaMwari chete kwete nemashoko anobva kuvanhu. Chero pakaita anovazevezera kuti ngana akashata musataura naye havazviteereri. Zvino usingazivi unoti Vashe vaterera mashoko evanhu vakamatenda. Vamwe vachiti wakandichera pamunhu waMwari, izvo vasingazivi kuti havashandi nemashoko evanhu. Muranda waMwari unoti ukangoona ndavakuterera izvozvo handichisina mweya Washe wangu pamusoro pangu uye handisisiri principal prophet kana ndoteerera izvozvo.

35. MWARI HAATSVAKI VAKADZIDZA KOGA ASI VANODA UYE VACHITERERA (Isaya 1 vs. 19)

Vanhu vazhinji vari muno muZion vadzidza. Takazviona pakapembererwa Doctorate reMuranda waMwari, vazhinji vakapfeka macap of knowledge. Zvino dambudziko

ratava naro, vamwe voti hatichadi kutungamirirwa nevanhu vasina kudzidza. Mwari achitsvaka vanhu pabasa rake haatarisi kuti une madegree mangani asi unotsvaka:

i. Willingness ii. Obedience iii. Spirit of Godiv. Spirit of the principal prophet.

Anenge asina izvi zvose kunyange akadzidza sei anenge asisina basa panaMwari nyangwe degree rake rinenge rava irrelevant panaMwari. Munhu anoshandisa njere dzake kana kudzidza kwake iye asina spirit of the principal prophet ndiye anopedzisira oisa system dzake asingatori zvinobva kune wakamutuma. Panguva yaMoses Mwari akaramba kushanda nevarume vanamakumi manomwe kusvikira vakamurirwa mweya wakanga uri pamusoro paMoses uchiiswa pamusoro pavo (Numeri 11 vs. 16-17).Saka chokutanga Mweya waShe wako pamusoro pako tevere dzidzo (degree).

36. MUPOROFITA ANGAONA SEI KUTI MWEYA MUTSVENE WABVA PAMUSORO PAKE?

Hazvinetsi kuona kuti muporofita uyu haachina mweya mutsvene unongomuona ne:i. Kundorega kuita zvaanzi aite.

ii. Kuporofita achingochakatika achitaura ngano dzechembere asingaporofiti zviri muBhaibheri (1 Timotio 4 vs. 7).

iii. Kunyunyuta nekuva nemwoyo miviri (Jacob 1 vs. 6) ndizvo zvakanzi naJehovha rudzi urwu rucharamba ruchindinyunyutira kusika riiniko ( Numeri 14 vs. 27).

iv. Kugumbuswa neshoko raShe wake (Mateo 11 vs. 6)v. Kusemeswa kunyange nemukadzi kana murume wake chaiye chero akanaka

zvaanenge otaura zvinenge zvosemesavi. Kutaura zvisingatsigiri uye zvisinei naShe wake.Saka mukaona masigns ose aya ava pamunhu kunyanya pamuporofita zivai kuti mweya waMwari unenge wabva pamusoro wake.

37. VAPOROFITA NDIMI VABATISI NEVATERESI VEMURAIRO . Basa guru revaporofita ndere kuchuchisa miraro. Vaporofita ndivo vateresi vezvibatwa zvose zvinobatwa paZion (Mateo 17 vs. 24).Ukaona uri muporofita usingagoni kuteresa ziva kuti hausi muporofita unemweya waMwari pamusoro pako. Zivai kuti vaporofita ndivo vafumisi:

i. Patabhera yomumbaii. Patabhera yomumvuri

iii. Munyikaiv. Nyange paJerusarema chaipoAsi chinoshamisa kunevamwe vaporofita ndechokuti pachinhambo chokufumisa vanotobvongonyodza vamwe vachitopa vamwe hurombo.

38. MUPOROFITA ANOFAMBA ASINA MWEYA WASHE WAKE ANOITA SE MOTOR INOFAMBA ISINA NUMBER PLATE

Kana ukaona uri muporofita anofamba usina mweya waShe wako wakafanana nemota inofamba mumugwagwa isina number plate. Mota yakadaro is very dangerous mumugwagwa. Saka ndizvo zvakafanana nevaporofita vasisina mweya mutsvene vanenge voporofita nemweya wakaipa. Munhu akadaro haaporofiti zvinouya zvakaita seungano dzatakatarisana nadzo sedze:

i. Ruwadzano nemasvohwaniii. Round Up iii. Easter iv. 20 July 2012

Saka vaporofita indai mundotanga kuparidzira vanhu Ungano dzinouya (Johane 16 vs. 13), nokuti vanhu vazhinji voita sevakabva kuDefe 10 years ago izvo igore rino chete ratakaiitira pano paMbungo.

39. NGATIMUTSE CHIRONGWA CHEDEFE BUS FUND MaZion eJoni paakaita Ungano yavo kuBulawayo gore rino, akabva Joni akawanda kwazvo, izvo chinoita kuti maZion eJoni aende kuUngano dzavo akawanda kugona kuisa mari dzokuhire mabhazi mu one account Ungano yacho isati yasvika – head office yavo ndiyo inozovatsvakira chifambiso kunyika dzavo. Zvino isu pano paZion takamboita chirongwa cheDefe Bus Fund, asi vamwe vavakutorwa nacho izvo ndiSatani anoda kumisa basa raMwari. Izvo Satani anenge ari against system dzose dzeJerusarema kuti dzisabudirira. Zvino isu gore rinouya tinoda kuti munhu wose aende ku20 July, saka handei tinotanga kusimbisa shoko reDefe Bus Fund.

40. MURANDA WAMWARI IS THE SERVANT OF GOD AS WELL AS SERVANT OF THE PEOPLE.

Munozviziva here kuti munhu waMwari ndiye Muranda waMwari, asizve anoti kunyange zvangu ndiri Muranda waMwari asi ndirizve Muranda wevanhu. Kuti muone kuti Muranda waMwari nemuranda wevanhu:

i. Ndiye anotigeza tsoka.

ii. Ndiyezve anoshingairira kuvaka paJerusarema pano pane zvakanaka zvose zvatinoona izvi kusanganisira neimba yakanaka yaakaitira isu.

iii. Ndiyezve anotimwisa chirairo.iv. Anogara achitipa shoko roWedenga

Saka munhu wose anoita basa raMwari, angava:i. Elderii. Coordinator, iii. Ministeriv. Muporofitav. Kana mudzidzisi upi zvake anofanira kuva Muranda wevanhu vaJehovha

Achivashandira zvinoenderana nebasa raakapiwa. Asi kuserver kukuru kubatisa vanhu. Nokuti anomanikidza murombo haana utsinye asi anomufumisa (Zvirevo 22 vs. 16).

41. CHINONZI SYSTEM IJERUSAREMA. Munozviziva here kuti system ndiro Jerusarema (Isaya 2 vs. 3). Saka munhu wose ane mweya washe wake anofanira kuva nesystem uye achiitevedzera nokuti iyo system ndiwo mweya washe wedu, Jehovha. Saka munhu wose anofanira kuona kuti system iyi iri kuitika here kuTabhera nekunyika kwake.

42. IVAI SERIOUS NESHOKO RE FISRT MUTUAL. Nyaya yeshoko refirst mutual ritorei serious munyika nomumaTabhera enyu, mufundisi kana mutungamiriri wepaTabhera anotungamirira vanhu vasina kujoiner First Mutual mudzidzisi uyu unorwa nesystem dzaMwari. Munyika kana muTabhera kana mukafirwa nemunhu asina kujoiner first mutual, mufundisi nomukuru weTabhera ndivo vanoSuppoter rufu irworwo. Hazvitenderwi nomurairo wekereke kuti muitise maZion hape hape yokubvisira munhu asina kujoiner first mutual. Dzidzisai vanhu uye gombeshedzai vanhu kubata first mutual ,zvinoita sezvino tsamwisa asi mufaro wacho muchauona mava mudambudziko. Vaporofita indai mundoporofita nokusimbisa shoko refirst mutual vanhu vazvigadzirire kuvigwa kwavo. Muporofita, Minister naElder muri maAuditor munofanira kuona kuti kana vanhu vabata mari dzavo dzikasire kuinda kuBank, kwete kuti munhu wabata mari yochengetwa kusvika wawirwa nedambudziko mari yake isina kuinda kuBank.

43. VASINA KUTENDA NDIVO VANODA ZVIRATIDZO. Vahedheni vasina shoko roWedenga ndivo vanhu vanofarira mashura nezviratidzo. Vose vanoramba kunzwa shoko roWedenga ndivo vanoti vakanzwa kuti kwaita

muporofita wamashura votosiya Zion kereke yakavambwa naMwari(Isaya 14 vs. 32) vachienda kundoona zviratidzo. Inenji ripi ringadarika kurohwa neMweya mutsvene kweMuranda waMwari Samere 1913 paHakireni. 1913 – 1924 hapana kumbonzwikwa wakabatwa nemweya mutsvene. Mweya wa1913 ndiwo wakatitungamirira kuvaka imba huru huru yaMwari nderipi shura kana chiratidzo chingakunda kuvaka kunenge kusika kwatakaita (Isaya 65). Vose vanofarira kundoona zviratidzo ndivo vanoshonga mweya wenyika pamusoro pavo unovadzidzisa pamusoro pezvikwambo, zvidhoma nenhema dzose. Satan ndiye manufacturer wezviratidzo zvisingatauri pamusoro paMwari weZion zvinongo taura pamusoro pavanhu. Munhu asina mweya waMwari asi ane chibheji munomuona nekungoti kungonzwa kuti kwaita muporofita wotoenda. Kristu unoti chenjerai vaporofita venhema vachakuratidzai zviratidzo, asi musaendako, kana kuvatenda. Idanger huru huru kuti munhu abatwe nemweya mutsvene asina shoko.

44. ISU HATINA KUGAMUCHIRA MWEYA WOKUTYA (1 TIMOTIO 4 VS. 7) Ukaona muporofita unotya kana kuvhunduka zivai kuti haasi kushandisa mweya waMwari nekuti mweya waMwari

i. Hautyi ii. Hauvhunduki

Saka wose unotya; mweya wa1913, hausati wasvika pamusoro pake. Muranda waMwari vanoti chero mukanzwa kuti kune n’anga chitopota chaicho ini handichityi huyai nacho pano. Saka vaporofita ngatibvisei kutya kuri matiri nokuti hatina kupiwa mweya wokutya.

45. KUBVA PAMAZUVA AJOHANE MUBHABHATIDZI KUSVIKIRA ZVINO, VUSHE HWEKUDENGA HWUNOPAMBWA, VAPAMBI VANOHUTORA NESIMBA (Mateo 11 vs. 17)

Chinhu chinonzi chigaro chinhu chinobva kuna Mwari uye chionokosha kwazvo. Asi nekukosha ikoko kune vanhu vazhinji, vachaita hwekupamba. Zvigaro zviriko kuma departments ose kubva:

i. Ruwadzano ii. Sungano iii. Masvohwani

Zvino umwe unotodonhera rute chigaro chakatogarwa neumwe. Achitoti ngaachifa ini ndigare pachigaro chake izvo usingazivi kuti iwe ndiwe uchatotanga kufa uchimusiya iyeye waunoti achifa. Ndozvamunoona muchiti umwe munhu kungonyimwa basa otoita zvekudemander izvo ndiko kuto pamba hushe ikoko. Saka

chenjerai vapambi vebasa raMwari ndivo mapere anoparadza atakanzi naKristu chenjererai mapere anoparadza, anouya akapfeka makushe emakwai (Johane 10 vs. 12). Vamwe vakapambwa Samere aenda vachisiiwa kusiko.

46. CHENJERAI KUTI MUCHAPENGESWA NEZVAMUNONZWA KANA ZVAMUNOONA.

Kristu anoti pane magedhe mazhinji anopinza zvinhu mumunhu, zvinotozopedzisira zvauraya mweya (Holy Spirit) uri mauri, magedhe acho ndeanoti:

i. Mouth gateii. Ear gateiii. Eye gateiv. Mind gate

Saka chenjererai zvinopinda nepamagedhe aya nokuti ndizvo zvichakuhedhusai. Kristu anoti meso enyu ndiwo achada kumanyira kundoona, nzeve dzichida kunzwa avo vanenge vachiti Kristu ari pano kana kuti chiKristu chiri pano, kana kuti chiri apo, saka imi regai kuindako (Mateo 24 vs. 23). Vazhinji vacho vanotoita zvekukudanai mudzimba dzemukati (Mateo 25 vs. 26).

47. MUPOROFITA WAMWARI ANOTSVAKA NDANGARIRO DZAJEHOVHA PAMUSORO PEVANHU VAKE (Jeremiah 29 vs. 11).

Muporofita waMwari anotungamirirwa nomweya mutsvene (1 Peter 1 vs. 21). Vose vakanyora zviri mubhaibheri vaiva vaporofita. Vose vanoda kuporofita kana vaine mweya waMwari vanofanira kuporofita zviri mubhaibheri kana mutabakoni chero vanoporofitwa vacho do not squeeze muporofita kuti akuudze zvakavanzika zvaJehovha (Deute 29 vs. 29), asi kuti mirirai zvabudiswa pachena, ndidzo ndangariro dzaJehovha pamusoro pako, nokuti pamwe umwe munhu akapesana naMwari pakusabata chegumi saka wakatukwa nokuti unobira Mwari, saka iyeye mudzidzisei kubata chegumi Maraki 3 vs. 10) kuti agotukirwa udyi (Maraki 3 vs. 11).

Vamwewo vanouya vari mumatambudziko musapomera mhepo kana mweya yakaipa, asi kuti sechai kuti munhu iyeye haana kuita zvinopinza matambudziko mumba mako here nekusakoshesa zvakaereswa zvaJehovha (Joshua 6 vs. 18). Pamwewo Mwari anopinza munhu mumuedzo achida kutester kutenda kwake sezvaakaita kunaJobo nokuti Satani chaifunga kuti kutenda kwaJobo kuri muruzhowa rwepfuma yakanga yakamukomberedza (Jobo 1 vs. 10). Saka vaporofita vaMwari vanosecha pose-pose kuti chii chaita kuti musoro uteme, nyangwe pakaita rufu

chairwo muporofita waMwari haapomeri-pomeri nokuti anoziva kuti Jehovha ndiye anouraya (1 Samuel 2 vs. 6).

48. UNSTOPPABLE PROPHET. Muporofita kana mudzidzisi wose ane mweya waMwari wa1913 is unstoppable. Chinonzi kuva unstoppable kusamiswa kuita basa raMwari nokuda kwemakuhwa kana kuti nemashoko evanhu. Zvino vamwe vanomiswa kubata basa raMwari kana kuinda kusvondo nokuda kwemashoko kana makuhwa, you are not an unstoppable prophet, mweya waMwari unenge usisimo mauri. Kana mukaona vanhu vaimbobata vasingachabati, vanenge vawana munhu ava stopper nemashoko kana makuhwa, sokunzi; ‘une manyawi, kana kuti vana mafikizolo, mune manyawi’. Zvino kana uri unstoppable prophet enda undodzora vose vanopedza vamwe simba, uchisimbisa vose vakapedzwa simba.

49. CHENJERAI VAPOROFITA VACHAUYA VARI VENHEMA (Mateo 24) Kristu oenda akasiya atichenjedza akati tichenjerere vaporofita kana kuti chiporofita, saka unoti chenjerai nekuti kuchauya vaporofita venhema, kana mukasachenjera vachakutsausai (Mateo 24 vs. 11). Vaporofita vazhinji havana kuuya 1913, asi kuti 1913 kwakangouya muporofita mumwe, iye Samere, nekuti itsika yaMwari kuuyisa one principal prophet at a given time. Saka muchiona kuti kubva 1913 parohwa muranda waMwari Samere nemweya mutsvene kusvika 1924 hapana kana umwe munhu akarira kunze kwaSamere. Izvo Mwari waida kuratidza u-singularness hwacho. Kududzira shoko rake rekuti ndichakumutsirai muprofita (Deute 18 vs. 1). Saka Kristu unoti mukaona vaporofita vongonyuka sehohwa hwefirifiti kuwanda kwavo angovawo maminor prophets nekuti principal prophet matomuziva kare, asi chizivai kuti vazhinji vacho ndeve nhema, nyangwe nekusarurama kwavo kuchawanda (Mateo 24 vs. 12). Sezvinongoitawo howa hwefirifiti, unotobika nyangwe ukahusuka sei, asi unongozoona huchirumira mavhu.

50. VAPOROFITA KANA VADZIDZISI VANOURAYA SYSTEM NDIDZO NYANGADZI DZIGERE PANZVIMBO TSVENE (Mateo 24 vs. 15)

Nyangadzi munhu anobvonyongora system dzaMwari dzinobva Jerusarema kuna principal prophet. Ugoona vose vanonyangadza vanokara kugara mberi, chero mukainda paSvondo kana papfigamwedzi, mune program dzabva kuna principal prophet, nyangadzi muchaiona nekubvonyongora zvose. Kana vari vaporofita nyangadzi, munovanzwa nekurira vasingasimbisi kana kutsigira system dzinobva Jerusarema. Kana vari elder, mufundisi kana mudzidzisi nyangadzi munomunzwa

nekuparidza zviri against zvabva Jerusarema kuna principal prophet. Saka muchiona tiine tsika yekuita ungano yekuchinja tsamba nekuvandudza vemabasa nekuti tinoda kuita make sure kuti mberi kwevanhu hakugari nyangadzi.

51. VAPOROFITA VENHEMA MUCHAVAONA NEZVIRATIDZO ZVINOSHAMISA (Mateo 24 vs. 24).

Munozvizva here kuti Satan ari busy kumanufacture zviratidzo nezvishamiso, ndizvo zvamunozoona zvichishandiswa nevaporofita vake venhema. Nekuti chinangwa chake chinenge chiri chekuda kutsausa imi vashanangurwa vaMwari vaakazvisharira omene, umwe paguta vaviri parudzi achiisa Zion (Jeremiah 3 vs. 14).Vamwe vaporofita venhema vari muno muZion, vamwe vari kunze asi Kristu anongotiudza kuti tigare tachenjerera vose. Imi musatsvaka zviratidzo saVaJuda asi tsvakai uchenjeri kureva shoko roWedenga(1 Vakorinte 1 vs. 22). Izvo kusatenda kwenyu ndiko kunokutsvakisai zviratidzo, nekuti dai maitenda kune here chiratidzo chingakunda chenyeredzi yaSamere, kana chiratidzo cheimba yatakavakira Mwari zvototi nhasi chero venyika vava kuzviona asi imi maZion musingazvioni? Saka Kristu unoti musandoona izvi nekuinda kwavanokudanai mudzimba dzemukati (Mateo 24 vs. 26).

52. FORE WARNED IS FOREARMED Mateo 24 vs. 25) Kristu unoti izvi zvose zvevaporofita venhema ndagara ndakuudzai kuti kana mukazoona zvamunondoona mukazotevera musazochema nekuti imo mudzimba dzemukati mamunenge muchidanwa munoitwa chisatanism choga, saka chero nefuma yacho ndeye chisatanic, saka musazochema mangwana kana zvakuipirai.

53. USAKUNDWA NEZVAKAIPA ASI UKUNDE ZVAKAIPA NEZVAKANAKA (Varoma 12 vs. 21)

Shoko rinoti kunda chakaipa nechanaka, usaswera uchiti ngana unondivenga, saka ini ndamuitira zvakati. Saka kana uchitoda kuti Mwari akuudze muroyi wako just prove kuna Mwari kuti ndikamuziva, ndichamuitira zvakanaka, uchiziva kuti Mwari unonzvera itsvo nemoyo (Jeremiah 17 vs. 10).

54. BAD THINGS AND RIGHT THINGS Nguva zhinji, vanhu tine zvakashata zvatinoita nechikonzero chekusaziva zvakanaka zvatinotarisirwa kuita kuti asi une danger uyo anoziva zvinhu zvakanaka, asi iye oramba achiita zvakashata.

55. POROFITAI ZVINO BENEFITTER MWARI Kana tikaona muporofita anoporofita vanhu, chatinotarisa ndechekuti anoporofita zvinobenefitter Mwari here? Chonetsa vaporofita vaikozvino vazhinji voporofita zvinobenefitter ivo. The church is not worried nekubenefitter kwako but tiri worried nekuti, whose spirit are you using, nekuti kana iri spirit yaKristu yaunoshandisa saka Kristu nekereke yake ndiye anofanira kubenefitter. Saka muchiona Muranda waMwari achisvinurira zvipo zvaMwari, whether in cash or in kind, nekuti vanoziva kuti zvinofanira kubenefitter Mwari.

56. TSAMBA DZEBASA ( CREDENTIAL ) Munoziva here zvinoreva tsamba (credential), dzebasa dzamunopiwa. Tsamba inoreva kuti, we trust this person the church is in good spirit with this person. Saka tsamba yakadaro haingopiwi munhu anobvongonyora basa raMwari. Saka muchiona dzimwe tsamba dzichibatwa neJerusarema, nekuti dare rinenge richimbonzvera mafambire emunhu iyeye.

57. VAPOROFITA UDZAI VANHU ZINOFUNGA MWARI KWETE ZVINOFUNGA VANHU Vaporofita musafugamisa vanhu kuvaudza kuti vanhu vanotii newe. Ukangoona muporofita anodaro ziva kuti haasi kuporofita as ari kutaura. Kana wafugama nevanhu uti Mwari waMoyo anoti zvakati ndizvo zvinofunga Mwari izvozvo. Kana ukaudza munhu zvinofungwa nevanhu unoda kuti adini nazvo.

58. VANAMBUYA NYAMUKUTA PONESAI VAKADZI VAKONEKWA NECHIPATARA Vana mbuya nyamukuta kumadhorobheni kwamuri musatanga majaidza vanhu kuti kana mangorwadziwa nemimba nangai kuno, aiwa ane mimba yoda kuponewa anoziva kuti anofanira kunorindira kuchipatara zvino kana manurse ariiwo azoti endai munoona mbuya nyamukuta kana mavakuzvara ndipo pamunozovaponesa. Musatendera kuti varwere ivavo vose nevemimba vavate mudzimba dzamunogara. Uye gadzirisai kwose kwamunogara kuite dzimba kwadzo, pasaita zvitangwena sezven’anga, vanhu ngavaone kuti pekereke yaMwari tivake dzimba kwadzo. Munhu asafungira un’anga kana achiuya kuzobatsirwa.

59. NGATICHENJERERE MA SATANISTS Masatanist ndivo vana hapura – katapura vane mishonga yokutorera vanhu zvinhu vamwe vachitoda ropa revanhu. Ukaona ukatenga chinhu muchitoro ne$1 iwe wodzoserwa change ye$1 ramba uti pachinhu chandatenga hapana change kuti

ukagashira mari iyoyo wava kunotenga chimwe vokupa futi change yakawandisa. Ivavo ndivo vana hapura – katapura vemishonga. Kunenge kusiri kutanha ikoko.

60. WAKAROPAFADZWA ASINGAGUMBUSWI NEMASHOKO AKRISTU (Mateo 11 vs. 6)

Ukaona mweya mutsvene wekuporofita wabva pauri tinongoona nekugumbuswa neshoko raMwari, ungava:

i. Murairo unobva Jerusarema ii. Ringava shoko rauya nenhumeiii. Masystems ekerekeUkaona usingadi izvi asi uri muporofita totoziva kuti unoporofita dondo. Uye hausi mweya mutsvene asi ndewe svina nekuti unenge uchigumbuswa nemashoko aMwari. Mumwe unongonyofora murairo asi muporofita uchazoda kuporofita vanhu. Ungaporofita kwazvo sei uchigumbuswa nezvinoda Jerusarema.

61. VAMWE VAPOROFITA ZVIMBWA MUPENGO ZVISINGADANIKI KANA KUTUMIKA

Imbwa inonzi chimbwa mupengo imbwa yakambogara pamba asi ikazopanduka ikaenda musango. Zvino kana ukazoiona musango ukada kuzoidana haitombozvinzwi inotoona seiri kuda kutorohwa yototiza. Ndizvo zvinoita vamwe vaporofita vakadanwa ku:

i. Ungano ii. Kumugidhi wevaporofita

iii. Kusvondo iv. Kuchishanu v. Kugomo kundonamata

vi. Kupfigamwedzi havaendi uye havadaniki nokuti zvinenge zvava zvimbwa mupengo vatopanduka. Vaporofita vose takatumwa kuti tindovaka:

i. Kereke ii. Culture yechiZioniii. Dzimba dzavanhuZvino chimbwa mupengo hachitumiki chasvika chinotanga kupesanisa hama chichiti munoda kuroiwa nemunin`ina wenyu. Iyi ndiyo system yezvimbwa mupengo, saka ngatindoita sezvatakatumwa nemukuru wevaporofita.

62. VADZIDZISI NEVAPOROFITA TISU TINOFANIRA KUTANGA KUSVIKA PATABHERA.

Vaporofita nevaapostora (vadzidzisi) ndidzo nheyo dzekereke (VaEfeso 2 vs 20) saka tisu tinofanira kusvika patabhera before 8 O’Clock. Vaporofita vanofanira kutosvika chero na6 O’Clock sezvavaita paSvondo ino yeungano yevaporofita, ndiko kunonzi kuziva nguva (Estere 1 vs. 13). Iyi ndiyo inonzi excellent time yokusvika patabhera. Kana mangosvika, maelder nevadzidzisi mototanga kudurisa vanhu vaporofita vachisechana. Vadzidzisi nevaporofita ndivo mateacher saka munofanira kutanga kuzvigona isu tozodzidzisa vamwe. Asi pane amwe maElder asingaendi pamagedhe panokushwa vaporofita, they are too smart for that, asi zivai kuti ndihwo usatan.

63. BEWARE OF FALSE TEACHERS (VADZIDZISI) AND PROPHETS (Mateo 24 vs. 23). PaZion pano vanhu vatinofanira kuchenjerera panhema vaviri, nokuti nhema ndiye satan (Johane 8 vs. 44) vanoti;

i. Vadzidzisi venhemaii. Vaporofita venhema (Mateo 24 vs 11)

Ndivo vanonzi mafalse teachers and prophets, ndivo vatakanzi naJesu Kristu tivachenjerere. Hazvina kumbonzi chenjererai ruwadzano kana masvohwani enhema, asi zvakanzi chenjererai vadzidzisi nevaporofita venhema (Mateo 24 vs. 23). Ndivo vakanzi hongu vakudzei, uye musamhura mweya mutsvene uri pavari (Mateo 12 vs. 32), asi vachenjererei panhema. Saka iwe mudzidzisi kana muporofita zvibvunze kuti hausi wenhema here pakuita kwako?

64. MUDZIDZISI NOMUPOROFITA WENHEMA UNOMUONA SEI? Mudzidzisi kana muporofita wenhema unongomuona nokuita zvaasina kumbodzidziswa Jerusarema (zvisina system). Dzimwe nhema kuti huru dzatinoona mucvadzidzisi ndedzokuti anouya nomunhu Jerusarema kuti azopiwa basa asi reason yake inenge iri yokuti ndinoda kuti andibetsere basa. Asi kana ukazotairira munhu wacho waapisa basa haana kana paanomubetsera, pamusoro pazvo haazopi report yokuti munhu uya wandakapisa basa haasi kundibetsera. Munyika imwe neimwe mune vanhu vanokubetserai basa asi ivo vasina Mabasa, vanhu ivavo havafi vakazikanwa paJerusarema ndipo panobuda kureva nhema kwavo ipapo. Izvo chamusingazivi ndechokuti kana tichia munhu tsamba yebasa zvinenge zvichireva kuti munhu uyu tamuvimba kuti achandokubesera basa , zvino kana asingakubatsiri huya uise report Jerusarema. Asi zivai kuti vadzidzisi nevaporofita venhema vanoshandira Diaborosi vanondotsva kudenga.

65. KANA URI ELDER KANA MUPOROFITA UNOFANIRA KURIRIRA MUNHU ASINA KUKWANA PANAMWARI

Mweya mutsvene waelder kana muporofita unoririra munhu:i. Ane bvudzi nendebvu ari muZion

ii. Asina chibhejiiii. Asina chifarikanyaiiv. Ane dambudzikov. Ane zvivi

Kana ukafamba nomuZion asina chibadge kana dhuku ukamunyararira ziva kuti hauna mweya waMwari. Asi kana uamudzora chiziva kuti watorira nomweya waMwari.

66. MUNHU WOSE UNOBATA MARI YEKEREKE ANOFANIRA KUVA NE TRANSPARENCY

Pavanhu vose vanobata mari yekereke ingava yemirairo, transport, kana chikwama chaicho panofanira kuva nenguva yekubvunzwa pamusoro pezvamunochengeta. Iyi ndiyo inonzi question time izvo chinenge chichidikwa itransparency. Zvino kana vaporofita vaJehova vane mweya washe wavo pamusoro pavo vanofanira kurira mari isina kundobankiwa, kuti iyende kubank, uye yakanyangarika kuti idzorerwe ndiwo unonzi mweya waMwari. Kana mukaona mari yefirst mutual yatora mazuva isna kuenda kubank chirirai.Musarega mari yefirst mutual ichigara mudzimba isina kuenda kubank nokuti kana muZion akafa mari iyoyo isina kuenda kubank haazopiwi mari yake. Hatidi vaporofita vanongorira zvezvidhoma nezvikwambo asingariri fuma yaMwari yakanyangariswa.

67. RIMWE ZITA ROMUPOROFITA KANA MUDZIDZISI WENHEMA NDERE KUTI TSOTSI

Pane vamwe vaporofita nevadzidzisi vane tsika yokuuya kuzonamatirwa vachida kubata tsvimbo yeMuranda waMwari izvo chavanoda kuti zvimwe raviro dzavanobva nadzo dzingashanda. Vanouya nechibotoro chidoko vochiisa pakati poruvoko kutira kuti kana vonamatirirwa vabate tsvimbo yomuranda waMwari. Unoregerei kuchibata nechapasi pacho kuti chinyengetererwe icho choga , chenjerai maZion kuzvitorera shamhu nokutukwa kubva kuna Mwari. Musauya muchida kuedza Muranda waMwari kana kuuya neraviro dzenyu sezvakaita mambo weSyria wakaudzwa kwekuporera nechisikana chaiva kumba kwake iye akasvika mumusoro make achiti kuda muporofita uchandinyangata (2 Madzimambo 5 vs 11). Wakazoshamisiwa ava kunzi enda undogeza murwizi jorodhani. Saka maZion gamuchirai raviro yamunopiwa pano

kwete yamabva makaronga . Vamwe chero vakapiwa raviro yokuti nyengetererwai nemaElders havatendi izvo motoruza kunyengetererwa.

68. SIMBA ROKUPORESA RAKAISWA MUVADZIDZISI VENYU Muranda waMwari akaisa maoko pamusoro pevadzidzisi vazhinji, shungu dzake dziri dzokuti tinamatirwe navo tipore. Zvino dambudziko rinozouya kana Muranda waMwari akati vose vanoda kunamatirwa chiendai kumaelder, vanhu vanoramba raviro yakapfava kudaro vachiti tanga tichida kunamatirirwa naVashe. Simba rekuporesa riri paMuranda ndiro rakaiswa muvadzidzisi. Kana Muranda waMwari achinamatirira vadzidzisi paungano yembeu nevaporofita paungano yavo imhaka yokuti kana vakanamatirirwa vozouya kwamuri vokunamatirirai nokukusimbisai sezvakaita Kristu akanamatirira Peter oga kuti asazungurwa izvo aiitira kuti agosimbisa vamwe (Ruka 22 vs. 31). Zvino aninani unoramba raviro iyi haana kurasha kutenda kwoga asi chiZion nemweya waMwari zvinenge zvatama.

69. MADZIMAI MUKANZI SWEDERAI ITAI SAIZVOZVO Madzimai kana muchinamatirirwa musaramba kuswedera asi chingotevedzerai asi kana mapedza chiregai kusimuka muchiguma Muranda waMwari, dzokerai nekwamabva nako nekuti mukasadaro mataridza utsotsi. Zvino matsotsi anoti kana akanzi swedera haadi asi kana obvapo obondera muranda waMwari, ndiwo mweya wakaipa chaiwo iwoyo.

70. MUNHU ANOGOZHERWA NOKUBATA ATANGA KUGOZHERWA NOKUTENDA (Genesis 22 vs. 12).

Mukaona munhu asingabati chinenge chatanga kushota kutenda. Abraham akanzi naMwari nekuda kwekuti watenda ukanditya, hauna kuzondinyima mwanakomana wako Isaka kuti chive chibairo kwandiri (Genesis 22 vs. 12) wava baba vokutenda. Saka porofitirai vanhu kuti vasarasikirwa nokutenda, ndiko kuti vasarega kubata. Izvozvo ndizvo zvakazoropafadzisa Abraham akanzi vana vako vachawanda semusheche wegungwa.

71. MWARI HAAROPAFADZI VANHU VASINA CHAVAITA. MaZion zivai kuti hakuna munhu anoropafadzwa iye asina chaaita. Vanhu vaMoses vose vakapera kufa nokuda kwokuti vaingobatirwa naMoses uye havana chavakawana asi vaJoshua vakararama kwenguva yakareba nokuti vainzi umwe

noumwe ngaazvionere. Saka zviai kuti hakuna anoropafadzwa iye asina chaaita. Jakobho chaiye wakaropafadzwa nababa vake Isaka musure mokunge atsvaka nyama yavaida akaibika sezvaida baba vake (Genesis 27 vs 27).

72. KANA UKABATIRA MWARI IWE UCHINYUNYUTA CHIPO CHAKO CHINORAMBWA

Kana tichibatira Mwari tinofanira kuti Mwari nditarireo nokufara , asi kana ukabata chiso chako chisina mufaro chipo chako chinorambwa sechaKaini ( Genesis 4 vs 4). Asi kana ukabatira Mwari chiso chako chichifara sechaAberi chipo chako chinogamuchirwa . Kubata uchinyunyuta kana kugunn’una kushaiwa mweya waMwari.

73. KUNONZI KUSHUMIRA MWARI KWAZVOKWADI KUMURUMBIDZA NEZVOSE ZVIRI MUKATI MAKO (Mapisarema 103 vs. 1)

David anoti rumbidza Jehovha, mweya wangu, zvose zviri mukati mangu ngazvirumbidze zita rake dzvene. Kurumbidza Jehovha ndiko kuimba, kutamba, nyange kubata chaiko. Izvi zvose tinofanira kuzviita nemoyo yose – zvichibva pasi pasi pemoyo. Kwete vamwe vanongoimba kuti ndinoshamiswa kwazvo namabasa makuru, uye ndinobuda misodzi kana ndorangarira mabasa epanyika neekudenga, vasingabudi misodzi yacho. Izvo zvinokonzerwa nekuita zvisingabvi pamoyo vamwe vachiita nekucomplainer nekugunun’una (Jacob 1 vs. 6).

74. UYO ANOTENDA KUNA JEHOVHA, NZIZI DZEMVURA MHENYU DZICHAERERA DZICHIBVA MUKATI MAKE (Johane 7 vs. 38)

Munhu anotenda, anotenda hupenyu, uye kana achirumbidza Jehovha anomurumbidza nemoyo wake wose. Ndiye anonzi nzizi dzemvura dzichaerera dzichibva mukati make – kureva ropafadzo. Kana mabva pano mava kunyika dzenyu itai zvinoita kuti mvura mhenyu kureva shoko roWedenga riverere richibva mamuri muchisimbisa system dzataurwa pano dzose.

75. TEAM YEVAPOROFITA INOFANIRA KUITA SE TEAM YEBHORA Mutabhera kana munyika imwe neimwe munofanira kuva neteam dzevaporofita nemaElders dzinoita majorodhani nemigidhi yevaporofita (1 Samere 10 vs. 6). Ukaona patabhera pasina team iyi pakafanana nepachikoro pasina team yebhora –

asi sekuziva kwedu hakuna chikoro chisina team yebhora, chinotosungirwa kuva neteam dzebhora.

Team idzi ndidzo dzinofanira kuita mapatrons from town to town e.g. Mutare team yoenda kwaRusape, from ruzevha to ruzevha, from chief to chief, nyika to nyika, centre to centre, vachinopomera vamwe mweya pamigidhi yemweya.Asi musati maita mapatron enyu iwayo tangai kusvika paJerusarema uzochajisa mabattery.

76. PANE AREKA YAJEHOVHA NDIPO PAJERUSAREMA Munozviziva here kuti maguta anoti Defe, Mbungo, Hebron nemamwe ose maguta ekereke yeZion, maguta aJehovha pachake. Hapana guta rinonzi idoko, musarwisanisa maguta aJehovha. Kana muchida kungoziva Jerusarema munongoona nepane areka yaJehovha, areka ndiyo inofamba neMuranda waMwari. Saka areka yaJehovha ichauya kumacentre edu paRound Up ngatitevere areka ipapo (Johane 10 vs. 27). CALEB ANOTI NDICHINE SIMBA ROKUBUDA NOKUPINDA (Joshua 14 vs. 10) MaElders ose munofanira kuramba kukwegura kana kusakara saCaleb. Ndiye akati kubva panguva yandakarairwa naMoses ndichine makore makumi mana nemashanu (45 years) kusvika ikozvino ndava nemakore makumi masere nemashanu (85 years) nanhasi ndichinesimba rokubuda nokupinda. Saka wose adarika 85 years haafaniri kusakara pakubata basa raMwari muchiti makura, it is not an excuse, nokuti simba harifaniri kupera nokukura.

77. MWARI NDIYE ANOTIPA SIMBA REKUFUMA (Deute 8 vs. 18) Mwari kana achitifumisa haatipi mombe kana fuma yemari, asi anotipa simba rokufuma (Deute 8 vs. 18), simba rokufuma ndiro simba rokushanda, simba rokurima. Asi Mwari haapi simba kumunhu anonyunyuta, anemwoyo muviri (Jacob 1 vs. 6) kwete kuti Jehovha nditarirei nokufara mundipe fuma, asi imi mwoyo yenyu ichinyunyuta hamuwani chinhu panaJehovha.

78. PAZION WE ARE FIGHTING AGAINST IGNORANCE AND POVERTY Nehemiah muranda waMwari anoti ini mission yangu ndeyo kurwa nourombo (poverty) nekusaziva (ignorance) kumaZion kuti zvipere. Saka mudzidzisi kana muporofita ari mu ministry yangu anofanira kundibatsira kurwa nezvinhu zviviri izvi kuti zvibve mumaZion, ndiko saka tichiti batisai nokuteresa vanhu kuti urombo hupere.

79. MWARI NDIYE MUTSIVI WEDU (VaHeberu 10 VS 31) Isu pano paZion nyange tichidzidzisa kana kuporofita vatadzirana tinofanira kuziva kuti Mwari ndiye waka volunteer kutsivira vavengi vedu. Kwete kuti isu titsive hatitenderwi iye ndiye anotsiva zvakarurama (Isaya 11 vs. 4). Kana ukada kutsiva unenge watotora basa raMwari kureva kuti wazviita Mwari.

80. HANDIREVI KUDARO KUTI NDITSVAKE CHIPO, ASI NDINOTSVAKA CHIBEREKO CHAMUNOZOFUMISWA NACHO (Vafiripi 4 vs. 17)

Kana Mwari achiti ndipei zvipo haarevi kuti iye murombo anoda kufumiswa nesu nokuti iye agara ndiye mwene wefuma yose iri panyika. Chinotsvagwa naJehovha kuti isu tindobvisa zvipo kuti tifume nokuda kwekubvisa zvipo kwedu. Ndiyezve anoti kana ndaiva nenzara handaisakuudza iwe nokuti nyika ndeyangu nezvaizere nazvo (Mapisarema 50 vs. 12). Saka tinofanira kudzidzisa maZion ose izvozvo, uye kuporofita nekutaura pamusoro pazvo nguva yose.

81. SHOKO ROKUTI NHEMA RINOKWANA PAVANHU VATATU Shoko rokuti nhema rinoumba sentence naMwari, satani nomunhu.

i) Mwari haasi munhu kuti areve nhema (Numeri 23 vs 19)ii) Satani ndiye baba venhema (Johane 8 vs 44)iii) Munhu murevi wenhema

82. IPAI VAENZI VAUYA PASVONDO PENYU POKUGARA Musatanga Svondo yenyu musati maziva vaenzi vakushanyirai nemabasa avo. Kana ari businessman chero ane shop imwe chete munofanira kumupa pakanaka pekugara, nokuti shop yaanayo wakaipuwa naMwari. Hakuna munhu angaita shop asina kutenderwa naMwari. Siyanai netsika yekusabata vanhu vakadzidza zvakanaka vanoti mateachers, madhumeni nemanurse muchiti pano pakereke yeZion hapanei nekudzidza. Isu tiri kuvaka zvikoro zvekuti vanhu vadzidze imi moti hapana basa nevakadzidza. Vaporofita endai mundorira shoko iri kuti muswededze nokurespecter vadanwa naMwari. Ipai vaenzi pekugara mberi kwakanaka, siyai mufungo yekuti ndikavaisa mberi ndinotorerwa chigaro changu. Musandorega kurespecter vakushanyirai nekuda kwekuti munongogara muri zvigaro minded. Murairo wekereke unoti hazvitenderwi kutanga Svondo yekereke yeZion musina vaenzi vauya nepavanogara.Kana muchitya kutorerwa pokugara ingowanzai mabench acho.

83. MWARI UNOROPAFADZA VANHU ZVINHU ZVAKAOMA Gore rinenge risina kuibva kana kugutiwa rakaoma uye rine nzara Mwari ndipo paanoropafadza vanhu vake. Isaka wakarima gore renzara akakohwa rune zana panyika yeGigari (Genesis 26 vs. 12) . Nguva yakaoma zvinhu ndiyo nguva yokubatisa kuteresa murairo, ndiyo nguva inoropafadzwa vanhu naMwari sezvaakaitira chirikadzi yeZerefati (1 Madzimambo 17 vs. 8). Mwari wakarangarira Joseph ari mutirongo akasungwa akamutora kubva mutorongo akamuita Governor asina mapepa okuti chizvarwa chemuEgipita (Genesis 41 vs. 14). Panguva yokurwara, yokutambudzika kana yemuedzo mizhinji ndiyo nguva yokupiwa zvizhinji naMwari (Mapisarema 66 vs. 12).

84. KANA HWAMANDA ISINGARIRI ZVAKANAKA NDIYANI UNGAGADZIRIRA KURWA (1 Vakorinte 14 vs. 8)

Kana zvinhu zvaMwari zvikasataurwa norurimi runonzikwa hapana ungagona kuita chinhu. Chero muchibatisa vanhu dudzirai vanhu zvakazara, zvakakwana kuti vanhu vazive kuti zvavabata vanobatira ani kwete kududzira murairo somunhu ane chirimi zvokuti vanhu vanoona zvinodikwa naMwari sezvinodikwa nemunhu. Chero uri muporofita unofanira kurira zvokuti unosiya vanhu vachiona kukudzwa kwaMwari kwete kuporofita zvinosiya vanhu vopesana muTabhera kana mufamily. Nyika inouya nezvinhu zvisina kukwana haina vaporofita vanorira nomweya waMwari asi zvokuporofita zvekupesanisa vanhu neropafadzo. Hwamanda kureva vadzidzisi nevaporofita vakarira zvakanaka nesystem nemarules ehushe hwaMwari urombo hunopera. Ko vangatenda seiko kusina muparidzi kana anorira (VaRoma 10 vs. 14) Vangatera sei kana kusina muteresi pakati pavo.

85. NOKUTI VAJUDA VANOKUMBIRA ZVIRATIDZO NAVAGREEK VANOTSVAKA UCHENJERI (1 Vakorinte 1 vs. 22)

VaJuda ndivo vaiva netsika yekuda kutenda varatidzwa zviratidzo, asi kwaiva nerumwe rudzi rwavaGreek rwakakumbira njere. PaZion pano pane mamwe maZion asingatani kutsauka nokuda kwezviratidzo , ndivo vanoti chero vakanzwa kuti kune muporofita kwakati votoenda izvo hakuna chinotsvakwa kunze kwezviratidzo chete. Vajudha ava ndivo vakambovinga Kristu vachiti tiratidzei chiratidzo iye akati hakuna chimwe chandinokuratidzai kunze kwechomuporofita Jona chete (Mateo 12 vs 38 ). Zvino imi maZion zvamunobuda muchindotsvaka zviratidzo , ko , ichi chokuonekwa kwaSamere panyeredzi munoti chidoko here.

86. MWARI ANOTI VANONDIKUDZA NDICHAVAKUDZA VANONDISHOORA NDICHAVASHOORA (1 Samuel 2 vs. 30).

Mhiko yaMwari kwatiri maZion yaiva yokuti kana apiwa basa pano pakereke rive rako kusvika nokusingaperi nevana vako (I Samuel 2 vs 30) Asi Mwari unoti handingadaro nokuti unotaura zvakashata pamusoro peMbungo , kunyangwe ukapiwa murairo unoududzira zvinoshata. Saka nokudaro Mwari unoti Ushe uhwu hauchagari nokuti unondikudza ndichamukudza uye unodzizvidza neni ndichamushovoravo hapana kuvanzirana (1 Samuel 2 vs 31). Basa rako iroro rinopiwa umwe, usafunga kuti ukaramba murume kana mukadzi haachawanikwi kana kuwana umwe, unogona kutozoona atogarika zvakanaka. Saka usafunga kuti basa raMwari rinomira kana iwe wabviswa rinotonyanya kudarika zvazvaita iwe uripo.

87. UNGAZIVA SEI KUTI SVONDO YAKAFUVA ? Inonzi Svondo yakafuva pano paZion iSvondo inongopindiwa isina programme yeJerusarema, zvokuti Svondo inosvika pakupera vanhu kudzokera kumisha yavo pasina zvaitwa. Panoshaikwa kana muporofita umwe chete anorira kuti hapana kuitwa dare rokubatisa vanhu, hapana kuitwa maGroups eruwadzano, masvohwani nesungano. Musangorumbidza Mwari pasina zvinooonekwa zvaitwa pakumurumbidza kwacho. Endai mundoririra vanhu muchivakokera kuRound Up 2012. Nokuti musi weSvondo, kana kuungana kwevanhu is an opportunity yokuunganidzira Mwari nokumukudza zvakafanira zita rake, iye orangarira vanhu vake. Saka musaitisa vanhu Svondo yakafuva.

88. WASARA JERUSAREMA WATOSARA KUDENGA MaZion munozviziva here kuti kana ukarovha Ungano watorovha denga. Zivai kuti ichocho chinokutadzisa kuenda kuUngano ndichozve chichakutadzisa kuenda kudenga.

89. CHII CHINOITA KUTI KANA SHOKO ROREHWA VOPOROFITA VARIRE NOMWEYA?

Chinhu chinoita kuti vaporofita varire nomweya kana shoko roWedenga richiparidzwa panenge paine button rabatwa. Kana ukabata button iro battery remuporofita rakazara mweya unorira asi kana mukabata button battery riri flat hakuna chinoitika. Vadzidzisi chatinoti garai muchiita migidhi yevaporofita tinenge tichiti mugare muchichajisa ma-battery agare ane moto.

90. MWEYA YOSE INOFANIRA KUZVIISA PASI PEMUKURU WEVAPOROFITA (1 Vakorinte 14 vs 32)

Pauro unoti kana vanhu vakaungana vose vari padare shoko roWedenga richrehwa , kana vanhu vose vakataura nendimi vasina kudzidza kana vasina kutenda vakasvika havangati munopenga here (1 vakorinte 14 vs 23). Kureva kuti kana umwe munhu akawana mukuru wavaporofita achiparidza shoko imi mukarira nendimi munenge mava kuvhiringa shoko roWedenga. Mweya yose inofanira kuti kana mukuru wevaporofita akachidzidzisa shoko tinofanira kunyarara kuitira kuti shoko risvike kwatiri tose (1 Vakorinte 14 vs. 36).