siðfræði í samningaviðræðum - skemmansiðfræði skilgreint frekar og þrjár siðferðilegar...
TRANSCRIPT
Hugvísindasvið
Siðfræði í samningaviðræðum
Ritgerð til MA-prófs í viðskiptasiðfræði
Elmar Hallgríms Hallgrímsson
september 2014
Háskóli Íslands
Hugvísindasvið
Viðskiptasiðfræði
Siðfræði í samningaviðræðum
Ritgerð til MA-prófs í viðskiptasiðfræði
Elmar Hallgríms Hallgrímsson
Kt.: 300677-5099
Leiðbeinandi: Róbert H. Haraldsson
september 2014
3
Ágrip
Rannsóknarverkefnið snýst um siðfræði samningaviðræðna. Ólíkir samningsaðilar nálgast
samningaviðræður á ólíkan hátt. Sumir eru reiðubúnir að gera allt til þess að ná góðum
samningi, jafnvel að blekkja og ljúga, en aðrir telja rétt að hafa siðferðileg gildi í hávegum í
slíkum aðstæðum. Flestir eru þó sammála um að einhver siðferðileg viðmið gilda í
samningaviðræðum. Áhugavert er því að kortleggja ýmsar samningsaðferðir sem telja verður
siðferðilega vafasamar.
Markmið rannsóknarinnar er að varpa skýrara ljósi á siðferðilegar nálganir í
samningaviðræðum. Nokkrar leiðir verða farnar að viðfangsefninu. Fyrst verður gerð almenn
fræðileg grein fyrir siðfræði og siðferðilegum kenningum og skoðað stuttlega hvaða ljósi
slíkar kenningar varpa á álitaefni í samningaviðræðum. Í öðru lagi er gerð grein fyrir tengslum
laga og siðferðis og íslensk löggjöf um samningaviðræður skoðuð, m.a. út frá siðferðilegum
viðmiðum. Í þriðja hluta ritgerðarinnar er gerð tilraun til að kortleggja þau siðferðilegu
álitamál sem koma upp í samningaviðræðum og verður þar horft til alþjóðlegra rannsókna og
fræðiskrifa. Í fjórða hluta ritgerðarinnar er lýst rannsókn sem framkvæmd var í tilefni
ritgerðaskrifanna. Spurningalisti var lagður fyrir MBA nemendur við Háskóla Íslands og
Háskólann í Reykjavík um ýmiss konar siðferðileg álitamál í samningaviðræðum. Er
niðurstöðum þeirrar rannsóknar lýst og þær greindar m.a. með samanburði við erlenda
rannsókn á nemendum í MBA námi við Ríkisháskólann í Ohio (Ohio State University).
Niðurstaða rannsóknarinnar er sú að afstaða fræðimanna til beitingu siðferðilega vafasamra
aðferða í samningaviðræðum eru ekki á einn veg. Til að mynda telja sumir að blekkingar séu
réttlætanlegar í samningaviðræðum en aðrir að slík háttsemi eigi aldrei rétt á sér. Lítill munur
kom fram á siðferðilegri afstöðu í samningaviðræðum á milli MBA nemenda við Háskóla
Íslands og Háskólann í Reykjavík. Sama niðurstaða var ef MBA nemendurnir sem stunduðu
nám hér á landi voru flokkaðir eftir kynferði og starfsreynslu. Hins vegar bar nokkuð á milli
afstöðu MBA nemenda við íslensku háskólana samanborið við MBA nemendur við
Ríkisháskólann í Ohio.
4
Abstract
This research project centers on ethics in negotiation. People approach negotiation in a
different manner. Some seem to be prepared to do anything to get a good result in a
negotiation, including bluffing and lying, but others believe that it is right to uphold strickt
ethical standards in such circumstances. Most people do, however, agree that some ethical
standards should apply in a negotiation. Therefore, it is fruitful to assess various negotiation
strategies that are considered ethically questionable.
The goal of this reesarch is to give a clearer insight into ethical approaches towards
negotations. Firstly, a broad theoretical overview of ethics will be given and ethical theories
will be applied to ethical dilemmas in negotiations. Secondly, there will a discussion about the
Icelandic legislation on contracts and the connection between legal framework and ethical
codes of conduct. Thirdly, this essay outlines questionable ethical conduct in a negotiation by
focusing on international research on that topic. Fourthly, this essay details the results of a
research that was conducted among MBA students at the University of Iceland and the
University of Reykjavik who were asked about various ethical issues in negotiations. The
result will be explained as well as analysed in comparison with a similar resarch done at the
Ohio State University.
The main conclusion of this research is that scholars have different views about applying
questionable ethical tactis in negotiation. For instance some believe that bluffing and
deceptions are justifiable in negotiations whereas others maintain that such actions are never
justifiable. The empirical study shows that there is very little difference between the result of
the MBA students studying in Iceland, but there was a considerable difference in the result
between the MBA students in Iceland and the MBA students at the Ohio State University.
5
Efnisyfirlit
Ágrip ........................................................................................................................................................ 3
Abstract ................................................................................................................................................... 4
Yfirlit – töflur ........................................................................................................................................... 6
Yfirlit – gröf .............................................................................................................................................. 6
Inngangur ................................................................................................................................................ 7
Siðfræði ................................................................................................................................................... 9
Almennt ............................................................................................................................................... 9
Kenningar í siðfræði .......................................................................................................................... 12
Nytjastefnan .................................................................................................................................. 12
Dygðasiðfræði................................................................................................................................ 15
Skyldusiðfræði ............................................................................................................................... 17
Lög og siðfræði ...................................................................................................................................... 19
Almennt um lög ................................................................................................................................. 19
Íslensk löggjöf um samningsgerð ...................................................................................................... 19
Tengsl laga og siðferðis ..................................................................................................................... 22
Siðareglur .......................................................................................................................................... 23
Siðfræði og samningaviðræður ............................................................................................................. 27
Samningaviðræður ............................................................................................................................ 27
Tegundir samningaviðræðna ............................................................................................................. 28
Sviksamleg háttsemi .......................................................................................................................... 31
Traust í samningaviðræðum .............................................................................................................. 37
Lygi eða blekking ............................................................................................................................... 39
Almennt ......................................................................................................................................... 39
Lygi í samningaviðræðum .............................................................................................................. 40
Blekkingar í samningaviðræðum ................................................................................................... 43
Rannsóknin ............................................................................................................................................ 48
Niðurstöður ........................................................................................................................................... 53
Kynferði ............................................................................................................................................. 53
Reynsla .............................................................................................................................................. 56
Skóli ................................................................................................................................................... 61
Land ................................................................................................................................................... 65
Lokaorð .................................................................................................................................................. 70
Heimildaskrá .......................................................................................................................................... 72
Viðauki I ................................................................................................................................................. 76
Viðauki II ................................................................................................................................................ 79
6
Yfirlit – töflur
Tafla 1 Dæmi um meðaleinkunn og staðalfrávik. ................................................................................. 51
Tafla 2 Niðurstaða kvenkyns MBA nemenda sem tóku þátt í rannsókninni á Íslandi. ......................... 54
Tafla 3 Niðurstaða karlkyns MBA nemenda sem tóku þátt í rannsókninni á Íslandi ............................ 55
Tafla 4 Niðurstaða MBA nemenda með 20 ára eða lengri starfsreynslu ............................................... 58
Tafla 5 Niðurstaða MBA nemenda með undir 20 ára starfsreynslu ...................................................... 59
Tafla 6 Niðurstaða MBA nemenda við Háskóla Íslands ....................................................................... 62
Tafla 7 Niðurstaða MBA nemenda við Háskólann í Reykjavík ............................................................ 63
Tafla 8 Niðurstaða MBA nemenda á Íslandi ......................................................................................... 66
Tafla 9 Niðurstaða MBA nemenda við Ohio State University .............................................................. 68
Yfirlit – gröf
Graf 1 Niðurstaða eftir kynferði ............................................................................................................ 56
Graf 2 Staðalfrávik á niðurstöðum eftir kynferði .................................................................................. 56
Graf 3 Niðurstaða eftir starfsreynslu ..................................................................................................... 60
Graf 4 Staðalfrávik á niðurstöðum eftir starfsreynslu ........................................................................... 60
Graf 5 Niðurstaða MBA nemenda eftir skólum .................................................................................... 64
Graf 6 Staðalfrávik á niðurstöðum eftir skólum .................................................................................... 64
Graf 7 Niðurstaða eftir löndum ............................................................................................................. 69
Graf 8 Staðalfrávik á niðurstöðum eftir löndum ................................................................................... 69
7
Inngangur
Á hverjum degi á fólk í margvíslegum óformlegum samningaviðræðum, bæði heima fyrir og í
vinnunni. En hvað felst í því að semja? Í raun má segja að alltaf þegar við erum að reyna að fá
okkar vilja framgengt séum við að semja. En þá vaknar upp sú spurning hvort allt sé leyfilegt
til að ná okkar vilja fram? Megum við ljúga, svíkja, hóta eða blekkja ef það leiðir til þess að
við fáum hagstæða niðurstöðu? Skiptir í því sambandi máli hver tilgangurinn er með
samningaviðræðunum? Megum við til dæmis beita hótunum þegar við erum að semja við
börnin okkar um að borða kvöldmatinn sinn? Í slíkum samningaviðræðum vita foreldrarnir
betur, þ.e. að börnunum líður betur ef þau borða matinn sinn. En er foreldrum þá allt
leyfilegt? Hvað ef við vitum ekki betur? Gilda þá önnur lögmál? Hvaða siðferðilegu skyldur
höfum við þegar við tökum þátt í samningaviðræðum? Skiptir þar máli við hverja samið er og
hvort við séum að hafa vit fyrir þeim sem við erum að semja við? Er í lagi að ljúga og beita
blekkingum þegar við semjum við börn okkar og aðra fjölskyldumeðlimi á meðan slík
háttsemi er ekki við hæfi þegar samið er við fullveðja einstaklinga í atvinnulífinu? Vafasamt
verður að teljast að halda því fram að ólík siðferðileg viðmið gildi í mismunandi
samningaviðræðum, þ.e. að blekkingar og lygar séu í lagi í einhverjum aðstæðum en öðrum
ekki.
Einhverjar mikilvægustu samningaviðræður sem Íslendingar hafa tekið þátt í voru hinar
svokölluðu Icesave-samningaviðræður sem íslensk stjórnvöld áttu við bresk og hollensk
stjórnvöld um ábyrgð íslenskra stjórnvalda á innstæðum í útibúum Landsbankans í Bretlandi
og Hollandi. Að margra mati var háttsemi breskra og hollenskra stjórnvalda í þeim
samningaviðræðum afar vafasöm. Til að mynda kom fram eftirfarandi hjá Pétri Blöndal,
þingmanni Sjálfstæðisflokksins í þingræðu: „Þó að menn hafi ekki talað um það beint, því
miður, þá voru Íslendingar beittir kúgun og allt að því viðskiptastríði. Bretar og Hollendingar
beittu ýmsum ráðum, öllum mögulegum og ómögulegum, til þess að kúga íslenska þjóð. Því
miður hafa íslenskir ráðamenn ekki sagt þetta fyrir utan það sem forsetinn sagði nýverið. Þetta
hefðum við náttúrulega átt að segja strax: Við erum beittir kúgun. Þess vegna samþykktum
við þingsályktunartillöguna haustið 2008. Hún ber öll merki kúgunar.“1 Hér féllu stór og þung
orð hjá þingmanni þjóðarinnar en hann er þó líkast til að lýsa hvernig mörgum Íslendingum
1 Tillaga til þingsályktunar um rannsókn á ákvörðunum stjórnvalda vegna innstæðna Landsbanka Íslands á
Evrópska efnahagssvæðinu, þskj. 1315, 5. mál, 139. Löggþ. 139, 2009-2010. Vefútgáfa Alþingistíðinda, slóð: http://www.althingi.is/altext/138/s/1315.html (sótt 20.08.2014).
8
leið á meðan þessar samningaviðræður Íslendinga við Breta annars vegar og Hollendinga hins
vegar fóru fram. Áfram hélt Pétur í ræðu sinni og sagði m.a.: „Á þeim tíma lýsti ég þessu
þannig að mér liði eins og manni sem hittir ræningja úti í skógi um nótt. Sá beindi að manni
byssu, maður er ekkert að velta fyrir sér lögum og rétti heldur afhendir honum veskið. Maður
er ekkert að velta fyrir sér hvort ræninginn eigi siðferðilegan, móralskan eða lagalegan rétt á
því að fá veskið. Maður afhendir bara veskið. Í þessari stöðu var íslensk þjóð á þessum tíma.“
Að sjálfsögðu eru það ekki samningaviðræður ef aðili beinir byssu að einhverjum og krefst
þess að fá eitthvað frá honum. Hins vegar er athyglisvert að horfa til þess að þingmaðurinn
gerir í reynd greinarmun á siðferðilegum rétti annars vegar og lagalegum rétti hins vegar. Í
ritgerð þessari verður einmitt farið yfir siðfræði í samningaviðræðum en að sama skapi verður
litið til þeirra lagaákvæða sem geta leitt til þess að samningar verði ógildir ef viðhöfð hefur
verið tiltekin háttsemi sem ekki er þá einungis siðferðilega vafasöm heldur beinlínis ólögleg.
Hér verður þó að mestu leyti einblínt á siðfræðina og tengingu hennar við samningaviðræður.
Markmiðið ritgerðinnar er að kanna siðfræði í samningaviðræðum. Í upphafi verður hugtakið
siðfræði skilgreint frekar og þrjár siðferðilegar kenningar útskýrðar en þær eru sérstaklega
áhugaverðar út frá viðfangsefninu. Þá verður annars vegar gerð skipuleg grein fyrir þeirri
fræðilegu umfjöllun sem farið hefur fram um siðfræði í samningaviðræðum á
alþjóðavettvangi og hins vegar gerð grein fyrir einstökum lagareglum í samningagerð sem
eiga við viðfangsefnið sérstaklega. Loks verður gerð grein fyrir rannsókn sem gerð var á
meðal MBA nemenda við Háskóla Íslands og Háskólann í Reykjavík, þar sem spurt var um
afstöðu þeirra til ýmissa siðferðilegra álitamála í samningaviðræðum. Enn fremur eru þær
niðurstöður sem þar koma fram bornar saman við niðurstöður þegar sami spurningarlisti var
lagður fyrir MBA nemendur við Ríkisháskólann í Ohio.
Tilgangurinn verkefnisins er að varpa skýrara ljósi á siðferðilega afstöðu aðila í
samningaviðræðum, þ.e. hvort þeir hafi tilhneigingu til að grípa til aðferða sem telja megi
siðferðilega vafasamar, svo sem að ljúga, blekkja eða beita þvingunum eða hótunum. Einnig
verður veitt heildstætt yfirlit yfir þær erlendu rannsóknir sem hafa verið gerðar á þessu sviði
sem og yfirlit yfir viðeigandi lagaákvæði hér á landi.
9
Siðfræði
Almennt
Hvað felst í hugtakinu siðfræði? Hvað þýðir að sýna af sér siðferðilega vafasama háttsemi?
Ekki er til nein algild skilgreining á því hvað telst vera siðfræði. Þó má segja að siðfræði sé
tilraun til að öðlast skipulegan skilning á eðli siðferðisins og þeim kröfum sem það gerir til
okkar.2 Hvað felst í því að siðferðið geri kröfur til okkar og þá hvaða kröfur? Segja má að
siðferði feli í sér þá lágmarkskröfu að menn leitist við að haga breytni sinni í samræmi við
skynsemi, þ.e. viðhafa þá háttsemi sem bestu rökin knýja á um, ásamt því að taka tillit til
hagsmuna sérhverra einstaklinga sem þær athafnir snerta.3
Siðfræði er sú undirgrein heimspekinnar sem fjallar um hvernig við eigum að lifa lífinu, út frá
því hvað telst vera rétt og rangt að gera.4 Páll Skúlason greinir þetta enn frekar í bók sinni
Pælingar þar sem hann tilgreinir fjóra höfuðþætti siðferðisins, sem eru eftirtaldir:
1. „Verðmæti og gildi, hugmyndir manna um hvað að endingu skiptir mestu í lífinu.
2. Dygðir og lestir og skoðanir manna á þeim.
3. Siðareglur, boð og bönn, kveða á um hvað sé rétt eða röng ákvörðun.
4. Ábyrgð og sjálfræði, réttindi og skyldur eru þeir þættir siðferðis sem lúta að afstöðu
manna hvers til annars.”5
Þessar vangaveltur Páls eru áhugaverðar út frá siðferði samningaviðræðna. Í fyrsta lagi má
velta því upp hvaða verðmæti og gildi skipta máli í samningaviðræðum? Að ná árangri í
samningaviðræðum hlýtur að skipta miklu máli, þ.e. að skapa mestu mögulegu verðmætin í
samningaferlinu, með siðferðileg heilindi að leiðarljósi. Það leiðir okkur að öðrum höfuðþætti
hjá Páli, þ.e. dygðum og löstum. Í raun má segja að þetta sé lykilatriði í siðferðilegum
vangaveltum um samningaviðræður þar sem dygðugur samningamaður viðhefur háttsemi sem
er lofsverð, er heiðarlegur og traustur, á meðan lestir eru til að mynda að ljúga, svíkja eða
blekkja. Nánar verður fjallað um þriðja þátt Páls síðar í ritgerð þessari, þ.e. siðareglur og
hugsanlega beitingu slíkra reglna í samningaviðræðum. Um fjórða þáttinn má segja að
mismunandi siðfræðilegar vangaveltur geta komið til álita eftir því hvers konar
samningaviðræður eiga sér stað, t.d. í viðskiptalífinu annars vegar eða heima við. Eins og
nánar verður rakið síðar hafa sumir fræðimenn haldið því fram að önnur siðferðileg viðmið
2 James Rachels, Stefnur og straumar í siðfræði, (Reykjavík: Háskólaútgáfan, 1997), 15. 3 James Rachels, Stefnur og straumar í siðfræði, 30.
4 Louis P. Pojman, and Jame Fieser, Ethics Discovering Right and Wrong, (Boston: Cengage Learning, 2011), 2-3. 5 Páll Skúlason, Pælingar (Reykjavík: Ergo,1987).
10
eigi við í samingaviðræðum í viðskiptum og þar megi t.d. beita blekkingum.6 Almennt séð má
þó segja að háttsemi okkar sé alla jafna ekki sú sama eftir þeim aðstæðum sem uppi eru, t.d.
hvort við erum í samskiptum við fjölskyldumeðlim eða vinnufélaga, en hvort að það eigi að
heimfæra yfir á siðfræði í samningaviðræðum verður vart svarað til fulls.
Þeir sem ástunda siðfræði hafa oft og tíðum verið kallaðir siðfræðingar, með sama hætti og
þeir sem rannsaka hagræn málefni kallast hagfræðingar. Siðfræðingar hafa ekki það eina
markmið að lýsa siðferðishugmyndum manna, heldur vilja þeir finna sjálfan grundvöll
siðgæðisins og hvernig réttlæta megi siðgæðishugmyndir.7 Með því að ástunda siðfræði
verðum við betur til þess fallin að öðlast dýpri skilning á siðferðilegum álitamálum, hvernig
hægt er að greina slík álitamál og leiðir til úrlausna og loks næmi í því að skilja mikilvægi
þess að hafa siðferði að leiðarljósi í daglegu lífi.8 Markmið siðfræðinnar er þannig ekki
einvörðungu að greina siðferðið heldur líka að gagnrýna það og leitast við að bæta það.
Nánar má segja að aðili sem ástundar siðferðilega háttsemi sé óhlutdrægur í garð allra sem
verða fyrir áhrifum af breytni hans.9 Slíkur aðili rannsakar þær staðreyndir sem liggja fyrir og
hvaða þýðingu þær hafa.10
Þá samþykkir hann hegðunarreglur ekki nema hafa ígrundað vel
hvað í þeim felst og að þær séu réttmætar.11
Loks er hann tilbúinn að láta af fyrri sannfæringu
ef rök knýja í þá átt og viðhafa breytni í samræmi við það.12
Eins og fram hefur komið er eitt af hlutverkum siðfræðinnar að greina rétta og ranga hegðun.
Segja má að nálgast megi siðfræði úr tveimur áttum, þ.e. annars vegar með vísindalegum
aðferðum og hins vegar heimspekilegum aðferðum. Út frá vísindalegri nálgun felst í
siðfræðinni að safna saman og greina gögn um hegðun manna frá mismunandi
menningarsvæðum.13
Í raun hafa sumir heimspekingar haldið því fram að sú staðreynd að ólík
menningarsamfélög hafi ólíkar siðareglur sé lykillinn af því að skilja siðferðið.14
Ekki verður
farið nánar út í þessa sálma í ritgerð þessari en ljóst er að skiptar skoðanir eru um slíka
nálgun.15
Út frá heimspekilegri nálgun felst í siðfræði annars vegar að svara ákveðnum
6 Skoðun Alberts Carr.
7 Páll S. Árdal, Siðferði og mannlegt eðli, (Reykjavík: Hið íslenzka bókmenntafélag, 1997), 9-10.
8 Joseph DesJardings, An Introduction to Business Ethics, (Singapore: McGraw-Hill, 2011), 3.
9 James Rachels, Stefnur og straumar í siðfræði, 30.
10 Sama rit, 30.
11 Sama rit, 31.
12 Sama rit, 31.
13 Wincent Ruggiero, Thinking Critically About Ethical Issues, (New York: McGraw-Hill, 2011), 5.
14 James Rachels, Stefnur og straumar í siðfræði, 34.
15 Sjá nánari umfjöllun, t.d. í bókinni Stefnur og straumar í siðfræði, 32-49.
11
siðferðilegum spurningum og út frá þeim svörum verða til siðferðileg undirstöðuatriði.16
Sem
dæmi um siðferðilega spurningu væri t.d. hvort að ávallt skuli segja satt og rétt frá? Ef við
gefum okkur að svarið við þeirri spurningu sé já, þá yrði til sú siðferðilegu rétta breytni að
hafa sannleikann ævinlega að leiðarljósi. Hins vegar er það markmið siðfræðinnar að greina
mismunandi siðferðilegar kenningar, hver sé gagnsemi þeirra í nútímanum og hvernig þær
samrýmast innbyrðis.17
Hér að neðan verður vikið að þremur ólíkum siðfræðikenningum, þ.e.
nytjastefnunni, dygðasiðfræði og skyldusiðfræði, og þær skoðaðar m.a. í ljósi siðfræði
samningaviðræðna.
Til þess að fá enn dýpri skilning á þessum kenningum og hvernig þær taka á siðferðilegum
álitamálum verður hér nefnd ein dæmisaga og líkleg viðbrögð við siðferðilegu álitamáli út frá
ofangreindum þremur kenningum. Gefum okkur að aðili sem er forstjóri í fyrirtæki geri
samning við stjórn þess um að hann fái háa greiðslu (t.d. sem samsvarar árslaunum 100
starfsmanna fyrirtækisins) ef hann nær ákveðnum árangri í rekstri fyrirtækisins. Greiðslan
skuli þá koma til árið eftir að árangurinn liggur fyrir. Við gerð samningsins þá viðhefur
forstjórinn hins vegar háttsemi sem telja verður vafasama út frá siðferðilegu sjónarmiði. Við
samningsgerðina segir forstjórinn að ef ekki verði gengið til samninga við hann undir þessum
formerkjum, þá muni hann íhuga alvarlega stöðu sína innan fyrirtækisins þar sem honum hafi
borist atvinnutilboð sem sé afar freistandi. Staðreyndin er þó sú að honum hefur ekkert
atvinnutilboð borist og hér var hann því að ljúga og beita stjórnina blekkingum. Síðan gerist
það að fyrirtækið nær umræddum árangri en þegar greiðslan á að koma til hefur fjárhagsleg
geta fyrirtækisins versnað til muna og það getur ekki greitt forstjóranum umsamda greiðslu
nema með því að segja upp 50 starfsmönnum fyrirtækisins. Þá kemur upp sú spurning hvað
eigi að gera? Þessi spurning, sem reynt verður að svara þegar gerð verður grein fyrir helstu
kenningum í siðfræði, lýtur annars vegar að því hvort vafasöm siðferðileg háttsemi við
samningagerð geti leitt til ógildingar samnings og hins vegar snýst hún um það hvort það sé
siðferðilega rétt að taka tillit alvarlegra afleiðinga sem geta hlotist af efndum samnings.
16
Wincent Ruggiero, Thinking Critically About Ethical Issues, 5. 17
Sama rit, 5.
12
Kenningar í siðfræði
Nytjastefnan
Nytjastefnan sem siðfræðikenning hefur haft mikil áhrif á nútímasamfélagið og sér í lagi við
mótun á stjórnmálum, hagfræði og opinberri stefnumótun. Af því leiðir að nytjastefnan hefur
mótað viðskiptalífið og þá stefnu sem þar hefur oft og tíðum ríkt.18
Nytjastefnunni er oftast lýst sem afleiðingasiðfræði en þá ræðst réttmæti athafna af þeim
afleiðingum sem þær hafa í för með sér.19
Því jákvæðari afleiðingar sem háttsemi hefur í för
með sér, því réttmætari er sú háttsemi. Afleiðingar ráða því för hér, andstætt t.d. afstöðu
Kants, sem nánar verður rakin síðar, þar sem því er haldið fram að ákveðnar athafnir séu
rangar í sjálfu sér en ekki rangar vegna þeirra afleiðinga sem þær hafa í för með sér.20
Þessari
hefðbundnu nytjastefnu, oft kölluð athafnanytjastefna eða klassísk nytjastefna, má nánar
tiltekið draga saman með þremur staðhæfingum.21
Í fyrsta lagi, við mat á réttmæta athafna þá
skal það aðeins gert á grundvelli þess hvaða afleiðingar þær hafa.22
Í öðru lagi, við mat á
afleiðingum, þá skiptir einungis máli hversu mikilli hamingju eða óhamingju er komið til
leiðar, með þeim ákvörðunum sem teknar eru.23
Í þriðja lagi við útreikning á hversu mikil
hamingja eða óhamingja mun koma til vegna athafnar þá er hamingja allra jafngild. 24
Auk framangreindrarar útfærslu hefur komið til önnur útfærsla á nytastefnunni. Hún telst vera
svokölluð reglunytjastefna og samkvæmt henni er við mat á afleiðingum horft til þeirra reglna
sem fylgt er en ekki er lagt mat á afleiðingar allra einstakra athafna.25
Nytjastefnan er
hugmyndafræði sem á rætur sínar að rekja til Jeremy Bentham, en hann var enskur
lögfræðingur og heimspekingur. Bentham var leiðandi í hópi manna sem höfðu það að
markmiði að stuðla að réttar- og stjórnarfarslegum umbótum á Englandi. Hann taldi að
siðfræðin yrði að taka mið af þeirri staðreynd um mannlegt eðli að fólk sækist eftir vellíðan en
forðast vanlíðan. Það sé líðan raunverulegra einstaklinga sem máli skipti. Við mat á
siðferðilegu gildi athafna eigi að hyggja að afleiðingunum og þeirri velferð sem þær skapa.26
18
Joseph DesJardings, An Introduction to Business Ethics, bls. 29 19
John Stuart Mill, Nytjastefnan, (Reykjavík, Hið íslenska bókmenntafélag, 1998), 27. 20
Sama rit, 26 – 27. 21
James Rachels, Stefnur og straumar í siðfræði, 139 – 140. 22
Sama rit, 139. 23
Sama rit, 139. 24
Sama rit, 140. 25
John Stuart Mill, Nytjastefnan, 28, 32 og 33. 26
Vilhjálmur Árnason, Farsælt líf, réttlátt samfélag, (Reykjavík: Heimskringla/Mál og menning, 2008), 106 og 486.
13
Taldi Bentham að siðferðilegt gildi athafnar ykist í réttu hlutfalli við fjölda þeirra sem njóta
góðs af henni, það er í samræmi við það „ánægjumagn“ sem hún hefur í för með sér. Við mat
á ánægjumagninu yrði svo fólk einfaldlega að læra það af reynslunni hvað það er sem veldur
vellíðan eða vanlíðan enda er það eina leiðin sem við höfum til að styðjast við. Nálgun
Benthams á nytjastefnunni hefur sætt nokkurri gagnrýni og einna helst þeirri að aðferðafræði
hans sé fremur við hæfi svína en manna þar sem verulega sé horft framhjá þeirri reisn sem
gefur lífi mannsins sérstakt gildi.27
Hvað felst nánar í því? Í bók sinni Farsælt líf, réttlátt
samfélag – kenningar í siðfræði útskýrir Vilhjálmur Árnason það nánar en hann tekur þar
fram að margt af því sem gefur mannlífinu gildi hefur ekki augljósa hámörkun ánægju í för
með sér.28
Það liggi til að mynda engan veginn í augum uppi að góð menntun auki vellíðan og
dragi úr vanlíðan manna, heldur þvert á móti séu gerðar þær kröfur til menntunar að hún auki
manngildi og þroska.29
Slíkar þroskaleiðir geta hins vegar verið þyrnum stráðar og jafnvel
gert menn viðkvæmari en ella fyrir þjáningu og böli.30
John Stuart Mill, sem var enskur heimspekingur, útfærði nytjastefnuna með nánari hætti, og
svaraði m.a. þessari gagnrýni. Taldi Mill nauðsynlegt að meta ekki einungis magn ánægjunnar
heldur líka gæði hennar. Hjá Bentham byggðist hamingjan á einstökum skyndireyndum
vellíðunar á meðan Mill taldi upplifun ánægjunnar tengjast með flóknari hætti inn í mynstur
lífsreynslunnar. Með sama hætti og Bentham taldi Mill reynsluna vera eina mælikvarðann á
gildi ánægjunnar og byggt á því er manneskja með mikla lífsreynslu einna helst dómbærust á
hvað sé eftirsóknarvert í lífinu. Hún hefur samanburðinn á því sem veitir ánægju og
sársauka.31
Þeir sem aðhyllast nytjastefnuna meta bæði skammtíma- og langtímaáhrif af ákvarðanatöku
sinni. Ef þau gæði sem koma fram strax við ákvarðanatökuna vega ekki þyngra en þær
neikvæðu afleiðingar sem hún hefur í framtíðinni er ákvörðuninni hafnað. Ef það ríkir hins
vegar óvissa um þær afleiðingar sem ákvörðun mun bera í skauti sér í framtíðinni er litið til
þess hvort að hún hafi jákvæðir afleiðingar strax í upphafi. Ef svo er þá er slík ákvörðun tekin.
Nytjastefnumaðurinn lítur til sinna eigin nytja við ákvörðunartökuna en einnig til nytja
annarra, og hagsmunir hans hafa ekki meira vægi en annarra.32
27
Vilhjálmur Árnason, Farsælt líf, réttlátt samfélag, 106 – 108. 28
Sama rit, 108. 29
Sama rit, 108. 30
Sama rit, 108. 31
Sama rit, 108 – 109, 491 32
Craig E. Johnson, Organizational Ethics, 20.
14
Ákvarðanataka út frá hugmyndafræði nytjastefnunnar felur í raun í sér þrjú skref. Í fyrsta lagi
þarf að skilgreina alla valmöguleika sem til staðar eru. Í öðru lagi þarf að áætla beinan og
óbeinan kostnað og ábata sem hlýst af hverjum möguleika. Í þriðja lagi þarf að velja þá
ákvörðun sem felur í sér mestan ávinning út frá þeirri kostnaðar- og nytjagreiningu sem fram
fer í skrefinu á undan. Sem dæmi um slíka ákvarðanatöku má nefna þegar hið opinbera er að
meta hver eigi að vera hámarkshraði á þjóðvegum landsins. Ávinningur þess að hækka slíkan
hámarkshraða gæti verið að draga úr ferðartíma fólks sem og að hugsanlega myndu færri
brjóta gegn lögum um hámarkshraða. Stærsti kostnaðarliðurinn væri án efa aukin hætta á
alvarlegum slysum enda má leiða líkur að því að umferðarslys verða alvarlegri því hærri sem
hámarkshraðinn er.33
Nytjastefnan hefur hlotið nokkra gagnrýni og verður nú tæpt á tveimur þeirra. Fyrsta má nefna
þá gagnrýni, að hugmyndafræði nytjastefnunnar gangi í raun ekki upp í daglegu lífi, þ.e. að
meta afleiðingar allra athafna áður en þær eru framkvæmdar. Þessari gagnrýni hefur að
nokkru verið mætt með reglunytjastefnunni, en samkvæmt henni þarf ekki að meta ábatann af
hverri ákvörðun heldur fremur hvort að tilteknar ákvarðanir séu til þess fallnar að leiða til
meira tjóns en ábata almennt séð. Til að mynda er rangt að myrða aðra manneskju þar sem
það hefur almennt í för með sér minni ábata heldur en að myrða ekki. Því þarf ekki að leggjast
yfir kostnaðar- og ábatagreiningu vegna slíks verknaðar. Önnur gagnrýni hefur verið sú að
hugmyndafræði nytjastefnunnar feli í sér ákveðinn ómöguleika, þar sem það er aldrei full
vissa um hvaða afleiðingar verði af nokkurri athöfn og allur samanburður á kostum og göllum
verði verulegum annmörkum háður. Að vissu leyti má taka undir þessa gagnrýni en þó ber að
hafa í huga við mat á kostum og göllum einstakra ákvarðana að við höfum söguna til að
styðjast við og afleiðingar sambærilegra ákvarðana. Að sama skapi gerir nytjastefnan ekki
kröfu um stærðfræðilega úttekt á einstökum ákvörðunum heldur eigi það að liggja nokkuð
ljóst fyrir hvort tiltekin ákvörðun hafi í för með sér meiri ábata heldur en ekki.34
Sem dæmi
um þetta má nefna að ef við erum að fara í samningaviðræður þá eigi það vera tiltölulega
augljóst fyrir þann sem þar tekur þátt að átta sig á því hvort að niðurstaða samningsins hafi í
för með sér meiri nytjar heldur en ef hann væri ekki gerður.
Út frá nytjahyggju, þá gæti t.d. verið réttlætanlegt að ljúga í einstöku tilviki til þess að vernda
ríkisleyndarmál, og þar með hag þjóðar, en slík háttsemi gæti aldrei verið samþykkt sem
33
Craig E. Johnson, Organizational Ethics, (Thousand Oaks: Sage, 2012), 20 – 21. 34
Richard T. De George, Business Ethics, 50-51.
15
almenn regla þar sem hún myndi leiða til minni nytja fyrir samfélagið en að segja satt.35
Nytjahyggjumenn meta afleiðingar af siðferðilegum ákvörðunum sínum út frá langtíma- og
skammtímaáhrifum þeirra. Ef jákvæð skammtímaáhrif af hugsanlegri ákvörðunartöku ná ekki
að vega upp á móti hugsanlegum neikvæðum langtímaáhrifum af henni, þá er ekki farið í þá
vegferð. Sama gildir ef það liggur fyrir að tiltekin ákvörðun hefur í för með sér jákvæð
skammtímaáhrif en óvissa ríkir um þær nytjar sem hún mun hugsanlega skapa í framtíðinni.36
Ef litið er til þeirrar dæmisögu sem nefnd er hér að framan um greiðslu vegna árangurs í
rekstri til forstjóra sem náði þeirri niðurstöðu sem um var samið. Þegar á hólminn er komið
eru hins vegar ekki til staðar fjármunir til þess að greiða í samræmi við samninginn og því
þarf að grípa til uppsagna til þess að standa við hann. Út frá nytjastefnunni þarf að líta til þess
hvort það skapist meiri eða minni nytjar við að efna samninginn eður ei. Hér er ljóst að ef
samningurinn er efndur þá leiðir það til mikillar hamingju hjá forstjóranum, og hugsanlega
fjölskyldu og vinum hans, en óhamingju hjá þeim sem segja þarf upp, sem og fjölskyldu og
vinum þeirra. Samkvæmt framansögðu ætti að öllum líkindum ekki að efna umræddan
samning þar sem hér eru meiri nytjar en minni af því að virða ekki þann samning sem gerður
var við forstjórann. Framangreind niðurstaða er miðuð við klassísku nytjastefnuna en ef litið
yrði til reglunytjastefnunnar væri meiri vafi um niðurstöðuna. Þar yrði litið til mikilvægi þess
að standa við gerða samninga og að alla jafna leiddi það til meiri hamingju en óhamingju. Að
sama skapi má segja að sá óheiðarleiki sem felst í þeirri háttsemi forstjórans að blekkja leiði
til sömu niðurstöðu úr frá nytjastefnunni, þ.e. að minni nytjar almennt séð felist með því að
ástunda blekkingar í samningaviðræðum heldur en meiri.
Dygðasiðfræði
Dygðasiðfræði fjallar um þær dygðir sem einkenna farsælt líf. Í stað þess að spyrja um hvað
gera skuli, leggur dygðasiðfræðin áhersluna á persónuna sjálfa og innri manngerð hennar.
Dygðasiðfræðin felur í sér dýpri skilning á viðeigandi háttsemi aðila, í stað þess að lýsa
háttseminni sem réttri eða rangri felur dygðasiðfræðin í sér ítarlegri útlistun á háttseminni.
Sem dæmi má nefna að hægt væri að lýsa ákveðnum yfirmanni innan fyrirtækis sem
heiðarlegum manni sem hefur skilning á störfum undirmanna sinna, á meðan öðrum væri lýst
35
Craig E. Johnson, Ethics in the workplace-Tools and Tactics for Organizational Transformation, (Thousand
Oaks: Sage Publications Inc., 2007), 4.
36 Craig E. Johnson, Ethics in the workplace-Tools and Tactics for Organizational Transformation, 4.
16
sem gráðugum og tilfinningaköldum. Hinn fyrrnefndi væri þá aðili sem væri að eiga farsælt líf
í skilningi dygðarsiðfræðinnar á meðan slíkt væri ekki reyndin í síðarnefnda tilvikinu.37
Aristóteles, sem oft hefur verið kallaður höfundur siðfræðinnar sem sjálfstæðrar fræðigreinar,
greindi á milli vitrænna dygða og siðrænna dygða. Þær fyrrnefndu eru dygðir skynsemishluta
sálarinnar, svo sem viska og hyggindi, sem má öðlast og efla með fræðilegri ástundun og
kennslu. Siðarnefndu dygðirnar snúast aftur á móti um athafnir og kenndir sem og þá ánægju
og sársauka sem þeim fylgja. Eru siðrænar dygðir afsprengi uppeldis og félagsmótunar. Að
mati Aristótelesar felst dygðug breytni í því að rata meðalhóf á milli tveggja öfga sem hvorar
tveggja eru lestir. Því sé hugrekki meðalhóf á milli ragmennsku og fífldirfsku. Að finna þetta
meðalhóf er aftur á móti einungis á færi þeirra sem hafa tamið sér dygðugt líferni og þá
dómgreind til að meta aðstæður með réttum hætti.38
Ein helsta gagnrýni sem dygðasiðfræðin hefur fengið er hve erfitt er að heimfæra þessa
fræðilegu siðfræðikenningu yfir á raunverulegar aðstæður með þeim hætti að hugmyndafræði
hennar nýtist við daglega ákvarðanatöku.39
Hver myndu viðbrögð þeirra sem aðhyllast dygðasiðfræði vera við dæmisögunni hér að
framan um forstjórann sem á rétt á greiðslu vegna árangurs í rekstri fyrirtækisins sem hann
stýrir, en til þess að geta uppfyllt þann samning þarf fyrirtækið að segja upp 50
starfsmönnum? Sá sem aðhyllist dygðasiðfræði segir að græðgi sé löstur, og segja má að
samningur upp á greiðslu sem nemur 100 földum launum annarra starfsmanna fyrirtækisins
teljist vera grægði. Að sama skapi má segja að það sé ósanngjarnt hjá fyrirtækinu að gera
slíkan samning og standa ekki við hann að nokkru leyti. Eins og fyrr segir er eitt
megineinkenni dygðasiðfræðinnar að rata meðalveginn. Út frá því væri því hægt að leggja til
þá lausn, að staðið yrði við samninginn með breyttum forsendum þannig að greiðsla til
forstjórans yrði sanngjarnari út frá launagreiðslum annarra starfsmanna. Það yrði talinn vera
löstur að krefjast svo hárrar greiðslu en að sama skapi níska af hálfu fyrirtækisins að vilja ekki
verðlauna forstjórann fyrir góðan árangur í rekstri. Hins vegar er staðan sú í dæminu að
viðhöfð háttsemi af báðum aðilum sem telja verður siðferðilega vafasama út frá
dygðasiðfræðinni og samningurinn yrði því ekki látinn standa.
37
Joseph DesJardins, An Introduction to Business Ethics, (Singapore: McGraw-Hill, 2011), 42-43. 38
Vilhjálmur Árnason, Farsælt líf, réttlátt samfélag, 28-36 39
Joseph Gilbert, Ethics for managers: Philosophical Foundations & Business Realities, (New York, Routledge, 2012), 25.
17
Skyldusiðfræði
Til útskýringa á siðfræðikenningu sem kölluð er skyldusiðfræði má horfa til hugmyndafræði
Immanuels Kants en hann var þýskur heimspekingur sem olli straumhvörfum í siðfræði líkt
og á öðrum sviðum heimspekinnar. Að mati Kants er siðferðileg réttlæting falin í athöfninni
sjálfri og þeirri lífsreglu sem hún fellur undir, en ekki í einhverju utan hennar.40
Nánar tiltekið
taldi Kant að siðferðið felist í því að fylga algildum eða alhæfanlegum lífsreglum sem leyfðu
ekki undantekningar í þágu eigin geðþótta.41
Hugmyndafræði hans byggðist á skynsamlegum
rökum og hélt hann því fram að skynsemin krefðist þess til að mynda að aldrei ætti að segja
ósatt.42
Hvað felst nánar í þessari nálgun Kants? Kant lagði fram hugtak sem áhugavert er að skoða
nánar út frá efnistökum ritgerðar þessarar, en það er skilyrðislausa skylduboðið sem hann taldi
að væri skuldbindandi fyrir skynsemisverur af þeirri ástæðu að þær væru skynsemisverur.43
Samkvæmt því á einungis að breyta eftir þeirri lífsreglu sem þú getur jafnframt viljað að verði
að almennu lögmáli.44
Í samræmi við regluna þarf að eiga sér stað mat hjá aðila þegar hann er
að taka ákvörðun um tilteknar aðgerðir. Í fyrsta lagi þarf hann að meta hvaða reglu hann væri
að fylgja ef hann breytti með ákveðnum hætti og í öðru lagi að spyrja sig hvort að hann myndi
vilja að þetta yrði að almennri reglu fyrir allar skynsemisverur.45
Ef niðurstaðan er sú að
aðilinn myndi vilja að þetta yrði að almennu lögmáli þá væri athöfnin leyfileg en ef hann vildi
ekki að allir fylgdu reglunni þá væri umrædd breytni ekki siðferðilega leyfilegt.46
Með hliðsjón af skilyrðislausa skylduboðinu taldi Kant það ávallt vera rangt að ljúga enda
gæti ekkert samfélag þrifist þar sem lygin væri almennt lögmál.47
Til þess að lygar beri
árangur, ef svo má segja, þá þarf fólk að trúa því að aðrir segi satt og því veltur árangurinn á
því að lygarnar verði ekki að almennu lögmáli.48
Breytni hvers einstaklings á þannig að endurspegla þá framkomu sem hann vill að aðrir sýni
sér.
40
Vilhjálmur Árnason, Farsælt líf, réttlát samfélag, bls. 82-83 og 103, 108. 41
James Rachels, Stefnur og straumar í siðfræði, 158. 42
Sama rit, 158. 43
Sama rit, 159. 44
Sama rit, 160. 45
Sama rit, 160. 46
Sama rit, 160. 47
Sama rit, 162. 48
Sama rit, 158.
18
Virðing fyrir mannfólki var einnig mikilvæg í huga Kant og taldi hann að ekki mætti koma
fram við fólk sem tæki heldur bæri að virða það sjálfstæða markmið sem hver einstaklingur
hefði með lífi sínu.49
Ástæða þessa að mati Kant er að manneskjur eru skynsemisverur, eru
frjálsar og geta tekið eigin ákvarðanir, sett sér sín eigin markmið og breytt af skynsemi.50
En
hvað felst nánar í þessu? Sem dæmi um þetta þá skulu vinnuveitendur ávallt koma fram við
starfsfólk sitt af einurð og virðingu. Sú hugsun að telja starfsmenn einungis verkfæri til að
skapa ágóða væri til að mynda brot á þessari nálgun Kants..
Ef við berum skyldusiðfræðina saman við dæmisöguna um forstjórann sem gerði samning við
fyrirtækið um árangurstengda greiðslu sem hefur í för með sér uppsagnir 50 manns þá liggur
alveg fyrir að samningur sem aðilar gerðu af fúsum og frjálsum vilja og komið er að
efndadögum. Ljóst er að viðskiptalífið myndi illa þola það ef ekki væri hægt að treysta
gerðum samningum og líkast til yrði afstaða skyldusiðfræðingsins alla jafna sú að standa bæri
við umræddan samning burtséð frá þeim afleiðingum sem þar koma til fyrir þessa 50
starfsmenn sem missa vinnuna. Hér er þó staðan sú að blekkingum var beitt við gerð
samningsins og hér vaknar sú spurning hvort sú blekking sem viðhörfð var sé nægileg til að
leiða til ógildingar samningsins. Kant myndi vitaskuld telja þá blekkingu siðferðilega
ámælisverða.
49
Immanuel Kant, Grundvöllur að frumspeki siðlegrar breytni, (Reykjavík, Hið íslenska bókmenntafélag, 2004),153. 50
James Rachels, Stefnur og straumar í siðfræði, 172.
19
Lög og siðfræði
Samningaviðræður lúta að lögum í flestum siðuðum löndum. Hér á landi gilda lög nr. 7/1936,
um samningsgerð, umboð og ógilda löggerninga, með síðari breytingum, og marka þau
lagaumhverfi sem gildir við samningsgerð á milli aðila. Í þessum hluta verður hugað að
tengslum laga og siðferðis og helstu ákvæði framangreindrar löggjafar sem gildir um
samningsgerð.
Almennt um lög
Hugtakið lög hefur verið skilgreint með tvenns konar hætti, svokallaðri rýmri merkingu og
þrengri merkingu. Víðtækasta merking orðsins lög er sú að það taki til allra réttarreglna sem
taldar eru gilda, sama hvaðan þær eru upprunnar og hvort sem þær eru skráðar eða óskráðar.
Með þrengri merkingu laga er átt við þau fyrirmæli sem handhafar löggjafarvaldsins setja.51
Í
því sambandi er mikilvægt að hafa í huga að löggjafarvaldið er í höndum Alþingis og forseta
lýðveldins, sbr. 26. gr. Stjórnarskrár lýðveldisins Íslands nr. 33/1944. Hefðbundin lagasetning
fer fram með þeim hætti að þegar lagafrumvarp hefur verið samþykkt á Alþingi, eftir þrjár
umræður og nefndarálit, er það lagt fyrir forseta til staðfestingar sem veitir því lagagildi.52
Íslensk löggjöf um samningsgerð
Í lögum nr. 7/1936, um samningsgerð, umboð og ógilda löggerninga, með síðari breytingum,
er fjallað um það lagaumhverfi sem gildir um samningsgerð hér á landi. Samningsfrelsi er ein
af grundvallarreglum í íslenskum samningarétti. Í reglunni felst að samningsaðilar hafa frelsi
til að velja þá sem þeir semja við, þeir hafa frelsi um efni samninganna sem og frjálsræði til
þess að ákvarða hvort samningur skuli gerður eða hvort látið skuli hjá líða að gera samning.53
Lög nr. 7/1936, um samningsgerð, umboð og ógilda löggerninga, byggja á þessari meginreglu
um samningsfrelsi, jafnvel þótt hún sé ekki tekin fram með beinum hætti í lögunum.54
Eigi
þýðingarminni í þessu sambandi er sú regla að gerða samninga beri að halda og segja sumir
fræðimenn að þetta sé hinn raunverulegi kjarni samningaréttarins.55
Af reglum þessum leiðir
að samningsaðilar hafa almennt séð frelsi til að gera samninga sín á milli um það efni sem
þeir kjósa og að slíkir samningar eiga að halda.
51
Sigurður Líndal, Um lög og lögfræði, (Reykjavík: Hið íslenska bókmenntafélag, 2007), 3-5. 52
Fjallað er um lagasetningarferlið í 37. – 48. gr. laga nr. 55/1991, um þingsköp Alþingis. 53
Páll Sigurðsson, Samningaréttur, (Reykjavík: Bókaútgáfa Orators, 1987), 25. 54
Sama rit, 32. 55
Sama rit, 24.
20
Í III. kafla laga nr. 7/1936, er fjallað um þær ástæður sem geta leitt til þess að samningar séu
ógildir sem alla jafna væru gildir. Þessi ákvæði fela því í sér að samningur er ekki lengur
skuldbindandi. Nánar verður vikið að þremur lagagreinum í þeim kafla sem kveður á um að
samningar geti verið ógildir vegna siðferðilega ámælisverðrar háttsemi samningsaðila. Í fyrsta
lagi vegna sviksamlegrar háttsemi, í öðru lagi vegna óheiðarleika og í þriðja lagi vegna
ósanngirni eða þess að samningur er andstæður góðri viðskiptavenju.
Í 30. gr. umræddra laga kemur eftirfarandi fram: „Löggerningur skuldbindur eigi þann mann,
sem gerði hann, ef hann var fenginn til þess með svikum, og sá maður, sem við
löggerningnum tók, beitti sjálfur svikunum eða hann vissi eða mátti vita, að gerningurinn var
gerður fyrir svik annars manns. Hafi sá, sem tók við löggerningnum, sviksamlega skýrt rangt
frá atvikum, sem ætla mátti að skiptu máli um löggerninginn, eða hann hefir sviksamlega
þagað yfir slíkum atvikum, skal líta svo á, sem gerningurinn hafi verið gerður fyrir þau svik,
nema það sannist, að þessi atriði hafi engin áhrif haft um það, að löggerningurinn var gerður.“
Er þar vikið að því hvenær sviksamleg háttsemi samningsaðila getur leitt til þess að
samningur sem hann hefur gert við annan aðila er ekki skuldbindandi. Samkvæmt ákvæðinu
er samningsaðili ekki bundinn af samningi sem hann stofnar til við annan aðila ef sá aðili
hefur beitt sviksamlegri háttsemi eða vissi eða mátti vita að til samningssambandsins var
stofnað með svikum. Að sama skapi telst samningur ekki skuldbindandi fyrir samningsaðila ef
viðsemjandi hans hefur með sviksamlegu hátterni skýrt rangt frá eða leynt mikilvægum
atriðum um samningsgerðina, nema hann geti sannað að þessi atvik hafi engu máli skipt um
gerð samningsins. Með umræddu ákvæði er með skýrum hætti kveðið á um að sviksamleg
háttsemi samningsaðila leiðir alla jafna til þess að samningur sem byggist á slíkum svikum er
ekki skuldbindandi gagnvart þeim aðila sem fyrir svikunum verður. Fræðimenn hafa
skilgreint hugtakið svik í þessu sambandi með þeim hætti að maður, með ólögmætum hætti og
gegn betri vitund, annaðhvort gefur rangar upplýsingar eða leynir atriðum, er máli skipta, með
þeim ásetningi að fá með því annan aðila til að stofna til samnings.56
Ekki er því gerð krafa
um að sá sem beitti svikunum hagnist á umræddum samningi en þó þarf sá aðili að hafa gert
sér grein fyrir því að hinar sviksamlegu upplýsingar hafi verið ákvörðunarástæða þess sem
samið var við um að gera umræddan samning. 57
Út frá viðfangsefni ritgerðar þessarar er þetta
ákvæði afar athyglisvert enda kemur þar fram hugtakið „svik“ og að beita sviksamlegri
háttsemi við samningsgerðina, hvort sem er með einhvers konar yfirlýsingu eða með því að
56
Páll Sigurðsson, Samningaréttur, 283. 57
Sama rit, 283 – 284.
21
halda að sér upplýsingum sem rétt er að upplýsa um í samningsgerðinni. Hér er því staðan sú
að slík háttsemi er ekki einungis siðferðislega ámælisverð heldur getur hún beinlínis leitt til
þess að samningur verði ógiltur út frá umræddu ákvæði.
Í 33. gr. umræddra laga kemur fram að: „Löggerning, sem ella mundi talinn gildur, getur sá
maður, er við honum tók, eigi borið fyrir sig ef það yrði talið óheiðarlegt vegna atvika sem
fyrir hendi voru þegar löggerningurinn kom til vitundar hans og ætla má að hann hafi haft
vitneskju um.“ Samkvæmt ákvæðinu getur samningsaðili misst rétt til að bera fyrir sig efni
samnings, sem alla jafna væri gildur samningur, ef það telst vera óheiðarlegt vegna málsatvika
sem til staðar voru þegar efni samningins varð samningsaðilanum ljóst og gera má ráð fyrir að
hann hafi haft vitneskju um. Með ákvæðinu er því opnað á þann möguleika að samningur
verði ekki talinn skuldbindandi fyrir samningsaðila teljist það vera óheiðarlegt að bera efni
slíks samnings fyrir sig. Umrætt ákvæði hefur mikilvægt gildi sem leiðbeiningarregla frá
löggjafanum um að gæta skuli að heiðarleika í samningsgerð en þó er engar leiðbeiningar að
finna þar um hvaða mælikvarða eigi að nota við slíkt mat og þar með hvenær heimilt sé að
ónýta samning vegna þess að óheiðarlegt væri að bera hann fyrir sig.58
Segja má að hér sé
beinlínis verið að ætlast til þess af hálfu löggjafans að horft sé til almennra
sanngirnismælikvarða við framkvæmd lagaákvæðisins.59
Þá hefur því verið haldið fram að
umrætt ákvæði sé nokkurs konar „varaskeifa“ ógildingarástæðna samningaréttarins.60
Með
slíku er væntanlega átt við að hægt sé að líta til ákvæðsins ef önnur ógildingarákvæði
samningaréttarins koma ekki til álita. Hægt er að velta fyrir sér aðstæðum þar sem beiting
þessa ákvæðis kæmi hugsanlega til álita, svo sem ef gerður væri samningur á milli tveggja
aðila. Síðar kæmi í ljós við nánari skoðun á samningnum að efni hans væri slíkt, að það væri
beinlínis óheiðarlegt af samningsaðila að bera hann fyrir sig, þá gagnvart þeim sem hallaði á.
Í 36. gr. laganna kemur fram að: „Samningi má víkja til hliðar í heild eða að hluta, eða breyta,
ef það yrði talið ósanngjarnt eða andstætt góðri viðskiptavenju að bera hann fyrir sig, … . Hið
sama á við um aðra löggerninga. Við mat skv. 1. mgr. skal líta til efnis samnings, stöðu
samningsaðila, atvika við samningsgerðina og atvika sem síðar komu til.“ Við beitingu
ákvæðisins er ljóst að dómstólar þurfa að leggja til grundvallar almennt sanngirnismat eins og
það er á hverjum tíma.61
Þetta ákvæði sker sig nokkuð frá öðrum ógildingarákvæðum
samningaréttarins enda gerir það ráð fyrir að dómarar geti vikið samningum til hliðar að hluta
58
Páll Sigurðsson, Samningaréttur, 312. 59
Róbert Spanó, Túlkun lagaákvæða, (Reykjavík: Bókaútgáfan Codex, 2007), 273. 60
Páll Sigurðsson, Samningaréttur, 311. 61
Páll Sigurðsson, Samningaréttur, 325.
22
til eða jafnvel breytt þeim ef þeir telja þá fara gegn sanngirnissjónarmiðum eða góðum
venjum í viðskiptum en þurfi ekki að ógilda samninginn að öllu leyti. Hér gæti til dæmis
komið upp sú staða að gerður væri samningur um kaup á ákveðnu fyrirtæki með
lokagjalddaga eftir 12 mánuði. Sú upphæð sem þar væri tilgreind sem greiðsla fyrir fyrirtækið
væri svo verðtryggð og tæki því breytingu í takt við verðbólguna. Svo gerist það að óvænt
verðbólguskot kemur fram sem leiðir til mun hærri lokagreiðslu en búast mátti við miðað við
verðbólguspár og slíkt. Hér gæti þetta ákvæði komið til álita og gæti þá hugsanlega breytt
samningnum enda væri ósanngjarnt að þessi óvænta hækkun á greiðsluverðinu vegna
verðbólguskotsins myndi einungis lenda á væntanlegum kaupanda.
Tengsl laga og siðferðis
Segja má að siðferði geti mótað löggjöf með tvenns konar hætti. Annars vegar við
lagasetninguna sjálfa hjá löggjafarvaldinu en þá geta ýmis siðferðileg sjónarmið og vitund
löggjafarvaldsins mótað þá löggjöf sem lögfest er. Sjá má dæmi um slíkar lagasetningar hér
að neðan, sbr. lög um endurskoðendur, lög um lögmenn og læknalög. Hins vegar kemur
siðferðið til álita þegar meta þarf og túlka orðalag og þýðingu löggjafar hjá dómstólum og
stjórnvöldum.62
Hvaða kenningar siðfræðinnar eiga best við lög er nokkuð mismunandi eftir því á hvaða stigi
löggjöfin er. Ef um er að ræða fyrstu stig löggjafarinnar, þ.e. lagasetninguna sjálfa, má gera
ráð fyrir því að nytjastefnan sé í hávegum höfð. Gera má ráð fyrir því að löggjafarvaldið reyni
eftir fremsta megni að auka hamingju, velferð og lífsgæði sem flestra með löggjöf sinni, sér í
lagi til lengri tíma litið. Að sjálfsögðu er þó deilt um það á meðal stjórnmálamanna hvort þær
leiðir sem valdar eru uppfylli þetta markmið. Þegar aftur á móti komið er að túlkun eða
beitingu löggjafarinnar má ætla að önnur siðfræðikenning komi til álita, en það er
skyldusiðfræðin og hugmyndafræði Immanúel Kants. Mikilvægt er að löggjöf sé beitt og hún
túlkuð út frá lögunum sjálfum en ekki hugsanlegum afleiðingum eða hvaða viðbrögð koma
fram í samfélaginu.
Hlutverk og tilgangur einstakrar löggjafar kemur m.a. fram í greinargerð með lögunum, en þar
eru tilgreind markmið löggjafarinnar og í raun ástæða þeirra. Ef hlutverk löggjafa er skoðað
frá siðferðilegu sjónarhorni er forvitnilegt að horfa til Tómasar Aquinas. Hann taldi að skipta
mætti mannlegri háttsemi í þrjá flokka, þ.e. sú sem er siðferðilega góð, sú sem er siðferðilega
slæm og svo sú sem er siðferðilega hlutlaus. Af því leiðir að lögum manna sé ætlað að
62
Sigurður Líndal, Um lög og lögfræði, 34-35.
23
fyrirskipa þá háttsemi sem sé siðferðileg góð og æskileg, lögunum sé ætlað að banna þá
háttsemi sem er siðferðilega slæm, og lögin leyfi þá háttsemi sem er hvorki góð né slæm, þ.e.
hlutlaus.63
Með hliðsjón af afstöðu Tómasar Aquinas er forvitnilegt að líta til íslenskrar
löggjafar, sem varðar einna helst háttsemi og hegðun fólks, þ.e. almennra hegningarlaga nr.
19/1940, með síðari breytingum. Fyrst, varðandi lagaákvæði sem fyrirskipar siðferðilega góða
háttsemi, þá kemur fram í 221. gr. umræddra laga, að það geti varðað allt að tveggja ára
fangelsi ef maður lætur það farast fyrir að koma manni til hjálpar sem er staddur í lífsháska, ef
hann getur gert slíkt án þess að stofna lífi og heilbrigði sínu og annarra í hættu. Í öðru lagi,
varðandi háttsemi sem er siðferðilega slæm, er hægt að líta til 211. gr. umræddra laga þar sem
fram kemur að sá sem sviptir annan mann lífi skal sæta fangelsi, ekki skemur en 5 árum, eða
ævilangt. Í þriðja lagi má segja að það sé margs konar háttsemi sem almenn hegningarlög taka
ekki afstöðu til, þ.e. hvorki fyrirskipa um né banna. Til að mynda er ekki gerð krafa um að
hjálpa eldri borgurum yfir götu eða standa upp fyrir þeim í strætó. Slík háttsemi myndi þó án
efa teljast til góðra mannasiða, en löggjöfin er hlutlaus hvað þetta varðar, þ.e. hún leggur ekki
þær skyldur á aðila að bregðast við í slíkum aðstæðum með refsivöndinn að vopni. Ef þessar
vangaveltur eru færðar yfir á samningaviðræður, þá má segja að lygi eða blekkingar í
samningaviðræðum geti flokkast undir háttsemi sem sé siðferðilega slæm, á meðan að halda
að sér upplýsingum í samningaviðræðum sé siðferðilega hlutlaus, að því gefnu að
upplýsingarnar séu þess eðlis. Dæmi um slíkt væri t.d. ef aðili sem er að selja húsið sitt og
væntanlegur kaupandi myndi spyrja hann í samningaviðræðunum hvert væri lægsta verðið
sem hann myndi sætta sig við, þá væri vart hægt að ætlast til þess að hann upplýsti
kaupandann um það. Síðasta háttsemin gæti t.d. verið sú að sýna af sér góð mannleg samskipti
við þann aðila sem samið er við.
Siðareglur
Í upphafi má spyrja, hvort það sé í raun þörf á skráðum siðareglum? Ekki verður dregið í efa
að flestir reyna að láta gott af sér leiða með háttsemi sinni. Hins vegar er gallinn sá að
hverjum þykir sinn fugl fagur og því er erfitt að meta með skýrum hætti hvers konar háttsemi
er ákjósanleg þegar upp koma álitamál sem leysa þarf úr. Í slíkum tilvikum geta siðareglur
reynst ómetanleg hjálp og vegvísir við ákvarðanatöku.64
63
Garðar Gíslason, “Um lög og siðferði”, Úlfljótur (1990): 242. 64
Clinton W. McLemore, Street Smart Ethics: Succeeding in Business without Selling Your Soul, (Louisville: Westminister John Knox Press, 2003), 24-25.
24
Skilgreina má siðareglur sem skráðar reglur um æskilega og óæskilega háttsemi innan
fyrirtækja eða stofnanna. Siðareglur gefa fyrirtækjum tækifæri til að lýsa yfir siðferðislegri
sýn sinni gagnvart öllum hagsmunahöfum fyrirtækisins, svo sem starfsmönnum,
viðskiptavinum og hluthöfum. Þá hefur verið sýnt fram á að siðareglur innan fyrirtækja geta
haft ýmis konar jákvæðar afleiðingar í för með sér, svo sem aukningu í starfsánægju
starfsmanna og sjálfstrausti stjórnenda.65
Í grein sinni „Skyldur og ábyrgð starfsstétta“ fjallar Sigurður Kristinsson um skráðar
siðareglur út frá störfum og starfsskyldum fagfólks.66
Er það áhugaverð umfjöllun enda hefur
það færst verulega í vöxt að fyrirtæki skrásetji siðareglur sínar. Þar kemur m.a. fram að
störfum fólks fylgi ákveðnar skyldur og þar af leiðandi sérstakar siðareglur.67
Í öðru lagi
kveða siðareglur starfsgreina á um það hvernig vinna beri störfin þannig að þau brjóti ekki
gegn almennum siðferðishugmyndum.68
Í þriðja lagi minna siðareglur starfsgreina á skyldur
starfssystkina hvert við annað.69
Efni skráðra siðareglna getur verið mismunandi enda eru slíkar reglur settar hjá ólíkum
fyrirtækjum og starfstéttum. Í raun getur komið upp sú staða að sami einstaklingur hafa tvær
mismunandi tegundir siðareglna til að fara eftir. Sem dæmi má taka af lögmanni og löggiltum
endurskoðanda sem starfa innan fyrirtækja eða stofnana sem hafa sett sér siðareglur. Slíkir
aðilar hafa siðareglur sem settar hafa verið hjá viðkomandi fagstétt og svo aðrar siðareglur
sem gilda á meðal allra starfsmanna viðkomandi fyrirtækja og stofnana. Ekki verður tekin
afstaða til þess hvorar siðareglurnar skyldu víkja ef þar yrði skörun á, en þó má leiða líkur að
því að siðareglur starfsstétta sem hafa fengið löggildingu frá hinu opinbera og ber lögum
samkvæmt að setja sér siðareglur hafi meiri vægi en almennar siðareglur fyrirtækja.
Í grein sinni “Um lög og siðferði” gerir Garðar Gíslason grein fyrir því að siðareglur hafi að
forminu til fjóra einkennandi þætti sem rétt er að gera frekari grein fyrir.70
Í fyrsta lagi eru þær
mikilvægar í þeim skilningi að þeim er haldið fram gegn persónlegum hagsmunum manna og
almennt er álitið að væru reglurnar ekki virtar yrði lífið afar erfitt, ef ekki vonlaust með öllu.
Út frá mikilvægi má segja að siðareglur séu ekki svo frábrugðnar lagareglum sem varða
65
Peter Stanwick and Sarah Stanwick, Understanding Business Ethics, (USA: Pearson International, 2008), 180 – 183. 66
Róbert H. Haraldsson, Erindi siðfræðinnar, (Reykjavík: Rannsóknarstofnun í siðfræði, 1993). 67
Sama rit, 145. 68
Sama rit, 145. 69
Sama rit, 145. 70
Garðar Gíslason, “Um lög og siðferði”, 245 – 247.
25
mikilvæg málefni svo sem þá grundvallarreglu sem fram kemur í 1. mgr. 73. gr. Stjórnarskrár
lýðveldisins Íslands nr. 33/1944, um að allir séu frjálsir skoðana sinna og sannfæringar. Í öðru
lagi eru þær óhultar fyrir skjótum og gagngerum breytingum. Að þessu leyti eru siðareglur
nokkuð frábrugðnar lagareglum, enda vart hægt að hugsa þá hugsun til enda að athæfi eins og
morð og þjófnaður yrðu liðin í siðuðu samfélagi þrátt fyrir að löggjöf í þá veru myndi
breytast. Í þriðja lagi þá eru siðferðileg afbrot háð vilja. Þar sem siðareglur fjalla um hugarfar
manna og hugarástand er erfitt að brjóta gegn slíkum reglum óviljandi. Slíkt á ekki við um
lagareglur sem fjalla að meginstefnu til um háttsemi manna án þess að skipta sér af hugarfari
þeirra. Í fjórða lagi er það hvernig siðareglum er haldið fram, þ.e. framfylgt. Á meðan brot á
lögum fela í sér viðurlög, sem geta falist í sektum eða jafnvel fangelsi, hafa almennt séð brot á
siðareglum ekki í för með sér eiginleg viðurlög. Frekar er reynt að ítreka mikilvægi siðareglna
og að þær beri að virða vegna þess sem í þeim felst.71
Eins og rakið hefur verið hér að framan þá eru ákveðin líkindi á milli lagareglna og skráðra
siðareglna. Í hvoru tilviki fyrir sig er um að ræða skrifaðar reglur sem kveða á um æskilega
háttsemi en það sem skilur einna helst á milli þeirra eru þau viðurlög sem fylgja broti á
lagareglum, samanber áðurgreinda umfjöllun hjá Garðari Gíslasyni. Oft og tíðum getur þó
reyndin verið sú að brot á siðareglum geta haft meiri afleiðingar og verið neikvæðari fyrir
einstakling heldur en brot á lagareglum. Mikilvægt er einnig að hafa í huga að siðareglur geta
verið afar ólíkar eftir aðstæðum. Á meðan sumir siðareglubálkar (l. codex ethicus) innihalda
fá ákvæði sem varða grundvallarþætti um siðferðilega breytni, svo sem um fagmennsku og
heilindi, þá geta aðrar siðareglur verið afar ítarlegar og í raun sambærilegar lagatextum. Dæmi
um slíkar siðareglur eru t.d. siðareglur endurskoðenda sem eru frá árinu 2011 og eru samtals
135 blaðsíður með skilgreiningum. Þar er m.a. ítarlega fjallað um margvíslega þætti í störfum
endurskoðenda og að miklu leyti líkast þær reglur lögum og reglugerðum frekar en
hefðbundnum siðareglum. Siðareglur eru mikilvægar en alltaf þarf að passa að þær verði ekki
of ítarlegar en að sama skapi ekki of huglægar.
Til þess að bæta siðfræði í samningaviðræðum, mætti hugsa sér að siðareglur væru til staðar í
samningaviðræðum. Sem dæmi um slíkt þá gætu aðilar sammælst um það, skriflega eða
munnlega, að ákveðnar siðareglur giltu í þeim samningaviðræðum sem væru framundan og ef
í ljós kæmi að þær væru brotnar, þá gæti slíkt leitt til ógildingar samningsins. Með þessum
71
Kemur upphaflega frá Hart, úr bókinni The Concept of Law, 169-176.
26
hætti væri verið að marka þær leikreglur sem gilda í samningaviðræðunum og gefa þeim
nokkuð vægi.
27
Siðfræði og samningaviðræður
Samningaviðræður
Hvað eru samningaviðræður? Oft þegar rætt er um samningaviðræður ímyndar fólk sér
formlegar viðræður í viðskiptalífinu. Þrátt fyrir að viðfangsefni þessarar rannsóknar sé að
kanna siðferðilega afstöðu í samningaviðræðum í viðskiptalífinu er staðreyndin sú að við
erum ávallt að semja. Hvort sem við erum að semja við börnin okkar um að borða
kvöldmatinn eða um kaup eða sölu á fyrirtæki, þá erum við í raun að gera það saman,
aðstæðurnar eru bara aðrar.
Segja má að samningaviðræður séu ferli sem fela það í sér að einn aðili reynir að sannfæra
annan um að gera eitthvað eða láta eitthvað ógert.72
Samningaferlið felur í sér að
óhjákvæmilega eiga samskipti sér stað á milli aðila. Í raun má segja að samningaviðræður séu
persónulegt (e. interpersonal) ákvörðunarferli sem er nauðsynlegt að fara í til að ná fram
markmiðum sínum.73
Almennt séð má segja að það séu sex þættir sem liggja til grundvallar samningaviðræðum.
Fyrir það fyrsta þá þurfa tveir eða fleiri aðilar að koma að samningaviðræðunum, ágreiningur
þarf að vera til staðar sem leysa þarf úr, markmiðið þarf að vera að bæta núverandi stöðu
samningsaðila sem þurfa að hafa áhuga á að ná saman og vera tilbúnir að gefa eitthvað eftir af
upphaflegum kröfum sínum og loks geta viðræðurnar bæði varðar hlutlæga og huglæga
þætti.74
Að sjálfsögðu getur sú staða komið upp að það sé ekki alveg ljóst að allir þessir þættir
séu til staðar hjá samningsaðilum. Til að mynda gæti einhver samningsaðili ekki verið
tilbúinn að gefa neitt eftir af sínum kröfum þegar hann gengur til samninga, en sér svo þegar á
samningaviðræðurnar líður að hann þarf að gera það. Að sama skapi er mikilvægt að hafa í
huga að huglægir þættir eru oftar en ekki síður mikilvægir en þeir hlutlægu. Að fá
afsökunarbeiðni getur til að mynda oftar en ekki skipt sköpum í samningaviðræðum, og haft
meira virði en einhver hlutlæg verðmæti í augum samningsaðila.
Í einni frægustu bók um samningatækni, Getting to Yes, eftir Roger Fisher og William Ury, er
hugtakið BATNA (e. Best Alternative To a Negotiated Agreement) skilgreint. Þar kemur fram
72
Horacia Falcao, Value Negotiation-How to Finally get the Win-Win Right, (Singapore: Pearson Education South Asia Pte Ltd, 2010), 13. 73
Leigh L. Thompson, The Mind and the Heart of the Negotiator, (New Jersey: Pearson Education Inc., 2012), 2 74
Beverly J. DeMarr, and Suzanna C. De, Janasz, Negotiation and Dispute resolution, (New Jersey: Pearson Education Inc., 2013), 7-9.
28
að BATNA stendur fyrir það lágmarksviðmið sem samningstilboð ætti að miðast við.75
Í
lauslegri þýðingu má segja að þetta sé besti valmöguleikinn fyrir utan þann samning sem
fyrirhugaður er. Til útskýringar á þessu hugtaki má segja að ef aðili er að sækja um starf og er
einungis að hugsa um þau laun sem starfið gefur af sér þá er BATNA viðkomandi aðila þau
laun sem hann hefur í núverandi starfi. Er það mat Fishers og Urys að BATNA sé eini
mælikvarðinn sem geti komið í veg fyrir að samningsaðili samþykki tilboð sem er óhagstætt
og hafni tilboði sem er hagstætt.76
Afar mikilvægt er að samningsaðili skilgreini hvert hans
BATNA er áður en haldið er til samningaviðræðna. Að samningsaðili hafi hugsað út í og
metið hvaða aðra valmöguleika hann hefur en þá niðurstöðu sem samingurinn getur leitt til. Í
raun telja Fisher og Ury að það sé sambærilegt við að semja með augun lokuð að hafa ekki
hugsað vel um þá möguleika sem samningsaðili hefur náist samningar ekki.77
Annað hugtak sem vísað er til í umfjöllun fræðimanna um samningatækni er Zopa (e. Zone of
Possible Agreements). Með því hugtaki er í raun verið að skilgreina hvar samningar ættu að
takast, ef samningsaðilar á annað borð munu ná saman. Nánar tiltekið felst í því að afmarka
það bil sem markast af því þegar lágmarks- eða hámarksverð þeirra sem eru að semja skarast,
og er því Zopa að skilgreina þau verðmæti sem eru umfram BATNA hvors aðila fyrir sig og
hvernig þau skiptast á milli samningsaðila.78
Dæmi um þetta væri til dæmis ef aðili A vill
selja bílinn sinn og fá að lágmarki 500.000 kr. en þó helst hærri fjárhæð. Hér er því BATNA
A 500.000 kr. Að sama skapi er aðili B tilbúinn að kaupa bílinn fyrir að hámarki 550.000 kr.
en helst fyrir lægri fjárhæð og er BATNA B því 550.000 kr. Hér er því ZOPA samtals 50.000
kr. eða bilið frá 500.000 kr. – 550.000 kr. og á því bili eiga samningar að takast.
Tegundir samningaviðræðna
Almennt séð má segja að til staðar séu tvær tegundir samningaviðræðna, sé tekið mið af
afstöðu samningsaðila. Annars vegar svokallaðar samstarfsmiðaðar samningaviðræður (e.
integrative negotiation) sem miða að samstarfi aðila og hafa einnig verið nefndar
hagsmunamiðaðar samningaviðræður þar sem þær miðast að því að auka við hagsmuni aðila í
samningaferlinu, eða „stækka kökuna“ til hagsbóta fyrir alla samningsaðila.79
Hins vegar
svokallaðar samkeppnismiðaðar samningaviðræður (e. distributive negotiation), en
75
Roger Fisher, William Ury and Bruce Patton, Getting to Yes-Negotiating Agreement Without Giving In, (New York: Penguin Books, 1991), 100. 76
Sama rit, 100. 77
Sama rit, 100. 78
Robert H. Mnookin, Scott R. Peppet, and Andrew Tulumello, Beyond Winning: Negotiating to Create Value in Deals and Disputes, (USA: Belknap Press, 2004), 19. 79
Beverly J. DeMarr, and Suzanna C. De Janasz, Negotiation and Dispute resolution, 79.
29
samningaviðræður sem falla undir þennan flokk einblína á að útdeila þeim verðmætum sem
niðurstaða samningsins hefur í för með sér en ekki auka við virði hans.80
Í samningaviðræðum
sem þessum eru samningsaðilar ekki að hugsa um að bæta samband sitt við þann sem samið
er við heldur að fá sem hagstæðustu niðurstöðuna fyrir sig, þ.e. eins stóra sneið af kökunni
eins og mögulegt er.81
Leggja verður áherslu á að þessi skipting er miðuð út frá afstöðu samningsaðila, þ.e. hvernig
þeir líta á þær samningaviðræður sem framundan eru. Oft og tíðum telja samningsaðilar að
ákveðin tegund af samningaviðræðum sé þess eðlis að það þurfi að ríkja samkeppni á milli
samningsaðila til þess að ná sem hagstæðustum samningi fyrir sig. Sem dæmi um slíkt mætti
nefna kaup á fasteign. Þar liggur fyrir eitthvað ásett verð og því meira sem kaupandinn greiðir
fyrir eignina því meira fær seljandinn. Í tilvikum sem þessum er hins vegar mikilvægt að
reyna að „stækka“ kökuna ef hægt er og finna til verðmæti fyrir hvorn aðila fyrir sig. Til að
mynda gæti staðan verið sú að aukið virði fælist í því fyrir kaupandann að fá íbúðina afhenta
fljótt eða fyrir seljandann að fá lokagreiðsluna fyrr en venjur segja til um í
fasteignaviðskiptum. Í bók sinni The Mind and the Heart of the Negotiator fer Leigh
Thomson yfir nokkrar leiðir sem hafa það markmið að „stækka“ kökuna ef svo má segja. Þar
kemur m.a. fram mikilvægi þess að setja sig í spor þess sem samið er við, að spyrja spurninga
um hagsmuni og forgangsröðun viðsemjandans sem og upplýsa um það sem þú leggur áherslu
á í samningaviðræðunum og þarft að ná fram.82
En skiptir það máli hvernig samningsaðilar nálgast samningaviðræður út frá siðferðilegri
háttsemi þeirra? Í rannsókn Maurice E. Schweitzer, Leslie A. Dechurch og Donald E. Gibson
kom fram að þeir sem litu á samningaviðræður sem samkeppni voru líklegri til þess að beita
siðferðilega vafasömum aðferðum svo sem blekkingum en þeir samningaaðilar sem litu á
samningaviðræðurnar meira út frá samvinnuhugsjóninni.83
Er þetta afar áhugaverð niðurstaða
og því getur verið mikilvægt að samningsaðilar reyni að átta sig á því hvort þeir sem samið er
við upplifi samningaviðræðurnar sem samkeppni eður ei. Ef svo er, þá þurfa samningsaðilar
sem semja við slíka aðila að gæta sérstakrar varúðar.
Í sinni einföldustu mynd má segja að samningaviðræður séu lítið annað en samskipti á milli
aðila. Er þá hægt að halda því fram að aðili eigi að sýna af sér ákveðna siðferðilega háttsemi í
80
Beverly J. DeMarr and Suzanna C. De Janasz, Negotiation and Dispute resolution, 52. 81
Sama rit, 52. 82
Leigh L. Thompson, The Mind and the Heart of the Negotiator, 114-117. 83
Maurice E. Schwitzer, Leslie A. DeChurch and Donald E. Gibson, “Conflict Frames and the Use of Deception:
Are Competitive Negotiations less Ethical?”, Journal of Applied Social Psychology (2005).
30
daglegu lífi en svo gilda önnur viðmið ef hann sest niður við samningaborðið? G. Richard
Shell, sem kennir m.a. samningatækni við Wharton Business School, er afdráttarlaus í
skoðunum sínum að þessu leyti. Að hans mati er siðferði inngreipt í þá persónu sem fólk hefur
að geyma og það mun aldrei reynast árangursríkt að viðhafa aðra háttsemi í
samningaviðræðum en í daglegu lífi.84
Til þess að ná árangri í samskiptum við fólk er mikilvægt að bera virðingu fyrir fólki. Í raun
telur Jonathan R. Green í grein sinni „The Ethics of Respect in Negotiation“ að virðing fyrir
þeim sem samið er við sé undirstaða fyrir allar siðferðilegar vangaveltur í
samningaviðræðum.85
Telur hann að það sem greinir einna helst samningaviðræður frá öðrum
mannlegum samskiptum sé sú staðreynd að þar er verið að reyna að láta aðila gera eitthvað
eða láta eitthvað ógert.86
Bera eigi grundvallar virðingu fyrir fólki og það eigi einnig við í
samningaviðræðum. Eigi blekkingar ekki að tíðkast í daglegu lífi þá eiga þær heldur ekki
heima í samningaferli.87
Í grein sinni „Bargaining and the Ethics of Process“, fjallar Eleanor Holmes Norton um
siðferði í samningaviðræðum.88
Þar kemur m.a. fram að sú háttsemi sem skapar einna helstu
siðferðilegu staðlana í samningaviðræðum eru heiðarleiki og það að hafa sannleikann að
leiðarljósi, enda felst í slíkri háttsemi virðing fyrir þeim sem samið er við.89
Þar kemur fram
að umrædd háttsemi er mikilvæg til þess að skapa traust í samningaviðræðum en á þó ekki að
leiða til þess að samningsaðilar hafi fyrirgert rétti sínum til þess að beita „viðurkenndum“
aðferðum í samningaviðræðum.90
Þar gerir Norton grein fyrir ólíkum nálgunum á siðfræði í
samningaviðræðum, sem eru algjörlega á sitthvorum ásnum ef svo má segja. Annars vegar
svokölluð almenn nálgun (e. universalism) sem felur í sér að sambærileg siðferðileg viðmið
gilda í samningaviðræðum og í öðrum samskiptum á meðal fólks. Hins vegar svokölluð
sértæk nálgun (e. traditionalism) en samkvæmt henni eru samningaviðræður oft og tíðum svo
sér á parti að sérstök siðferðileg viðmið eigi þar við.91
84
G. Richard Shell, „Bargaining with the Devil Without Losing Your Soul,“ What´s Fair?, eds. Carrie Menkel-Meadow and Michael Wheeler (San Francisco: Jossey-Bass, 2004), 57. 85
Jonathan R. Cohen, „The Ethics of Respect in Negotation,“ What´s Fair?, eds. Carrie Menkel-Meadow and Michael Wheeler (San Francisco: Jossey-Bass, 2004), 257. 86
Sama rit, 257 og 258. 87
Sama rit, 258. 88
Eleanor Holmes Norton, „Bargaining and the Ethics of Process,“ What´s Fair?, eds. Carrie Menkel-Meadow and Michael Wheeler (San Francisco: Jossey-Bass, 2004), 286 og 287. 89
Sama rit, 273. 90
Sama rit, 286 og 287. 91
Sama rit, 276 – 277.
31
Í bók sinni Negotiation – Closing Deals, Settling Disputs and Making Team Decisions, tekur
David S. Hames saman helstu niðurstöður ýmissa fræðimanna sem rannsakað hafa siðfræði í
samningaviðræðum. Á meðal þess sem þar kemur fram er að því eldri sem samningsaðilar eru
því ólíklegri séu þeir til þess að beita siðferðilega vafasömum aðferðum í samningaviðræðum.
Karlar eru líklegri til þess að beita blekkingum en bæði kynin eru jafnlíkleg til þess að leggja
fram mun hærri kröfu í upphafi en þau telja ásættanlega niðurstöðu. Þá kemur fram að
siðferðilega vafasamar aðferðir eru frekar viðurkenndar á meðal samningamanna ef þeir semja
við aðila frá öðrum löndum. Enn fremur var bent á að þeir samningamenn sem líta á
samningaviðræður sem samkeppni eru líklegri til að beita siðferðilega vafasömum aðferðum,
svo sem blekkingum, en þeir samningamenn sem eru með samvinnuhugsjónina að
leiðarljósi.92
Þá hafa fræðimenn bent á að aðstæður skipta máli við mat á siðferðislegri nálgun sinni í
samningaviðræðum.93
Sem dæmi má nefna samningaviðræður við hryðjuverkjamenn um
lausn gísla. Ef lífum yrði bjargað með blekkingum í slíkum samningaviðræðum eru þær þá
leyfilegar?94
Ef svo er, þá má velta því upp hvort einhverjar aðrar aðstæður leyfa siðferðilega
vafasamar aðferðir? Hvað ef samningaviðræðurnar geta leitt til þess að fjöldi starfa bjargast,
er þá leyfilegt að viðhafa annað siðferði heldur en ef samið er um kaup á bíl eða fasteign? Að
sjálfsögðu má segja að þarna sé eðlismunur á, þ.e. samningaviðræður sem varða líf fólks og
aðrar samningaviðræður. Þetta vekur þó spurningar um það hvort einhverjar aðrar aðstæður
geti einnig komið til álita þar sem siðferðilega ámælisverð háttsemi sé leyfileg og hverjar þær
þá eru.
Sviksamleg háttsemi
Í bók sinni Bargaining for Advantage fjallar G. Richard Shell um sviksamlega háttsemi í
samningaviðræðum. Til þess að um slíka háttsemi sé að ræða þarf aðili að hafa með ásetningi
blekkt samningsaðila sinn um mikilvæga staðreynd sem hann treysti á að væri rétt og
blekkingin veldur honum tjóni.95
Samkvæmt þessu þarf að vera til staðar tiltekið huglægt
ástand hjá þeim sem blekkir, þ.e. ásetningur, og er gáleysisleg hegðun því undanþegin hér. Að
sama skapi þarf að hafa átt sér stað blekking með einhverju móti, um mikilvægt atriði í
92
David S. Hames, Negotiation: Closing Deals, Settling Disputes and Making Team Decisions, (USA: Sage Publications, 2012), 271. 93
Raymond Friedman and Debra Shapiro,“Deception and Mutual Gains Bargaining: Are They Mutually Exclusive?” Negotiation Journal (1995): 243-255. 94
Kathleen Kelley Reardon, The Skilled Negotiator, (California: Jossey-Bass, 2004), 85. 95
G. Richard Shell, Bargaining for Advantage: Negotiation Strategies for Reasonable People, (New York: Penguin Books, 2006), 201.
32
samningsgerðinni. Af því leiðir að blekking um minniháttar atriði sem ekki verður talið
mikilvægt í samningsferlinu fellur hér utan. Þá er gerð krafa um grandleysi þess aðila sem
blekkingin beinist gegn, þ.e. að hann viti ekki af þeim blekkingum sem fram eru settar um
þetta tiltekna atriði. Ef hann er grandvís um að blekkingar séu í gangi og ákveður samt að
ganga til samninga með það að markmiði að hugsanlega ógilda samninginn á síðari stigum
vegna þessara annmarka þá fellur það utan við skilgreininguna frá Shell. Loks þarf að sýna
fram á að tjón hafi átt sér stað vegna blekkinganna.
Í umræddri bók sinni kynnti G. Richard Shell til sögunnar þrjá „skóla“ um siðferðilega nálgun
í samningaviðræðum. Þeir eru „Pókerskólinn“ (e. Poker School), „Fyrirmyndarskólinn“ (e.
Idealist School) og loks „Praktíski skólinn“ (e. Pragmatist School). Nánar er vikið að
hugmyndafræði hvers „skóla“ fyrir sig eins og Shell lýsir í bók sinni hér að neðan.96
A. „Pókerskólinn“
Samkvæmt hugmyndafræði „pókerskólans“ eru þeir aðilar sem taka þátt í samningaviðræðum
í raun að spila póker. Þar er engin krafa gerð um siðferðilega háttsemi, heldur einungis að
farið sé eftir lögum. Þar er því ástundað siðferðilega vafasama háttsemi svo sem að blekkja,
svo lengi sem í þeirri háttsemi felst ekki lagabrot. Að mati Shell eru nokkur vandkvæði við
hugmyndafræði „pókerskólans. Í fyrsta lagi er alls endis óvíst að allir líti á samningaviðræður
með þessum hætti. Í öðru lagi felst í henni ákveðinn ómöguleiki þar sem samningaviðræður
eiga sér stað á milli aðila í tveimur eða fleiri löndum og þar koma því til mismunandi
lagareglur. Er vart hægt að gera þá kröfu til samningsaðila að þeir þekki allar lagareglur
heimsins og túlkun þeirra.
B. „Fyrirmyndarskólinn“
„Fyrirmyndarskólinn“ telur samningaviðræður vera eðlilegan hluta af samfélaginu. Af því
leiðir að engar sérstakar skráðar reglur eiga að gilda um háttsemi aðila sem taka þátt í
samningaviðræðum heldur sömu reglur og gilda almennt séð í þjóðfélaginu. Í því felst að
samningsaðilar ástundi sömu siðferðilegu háttsemi heima hjá sér og við samningaborðið. Ef
það er leyfilegt að ljúga og blekkja í ákveðnum aðstæðum í samfélaginu þá gildir hið sama í
samningaviðræðunum. Ef það er til að mynda viðtekið samfélagsnorm að fara með hvíta lygi
til þess að særa ekki tilfinningar fólks þá er slík tegund af lygi heimil þegar samningaviðræður
standa yfir.
96
G. Richard Shell, Bargaining for Advantage, 210-214.
33
C. „Praktíski skólinn“
Með sama hætti og „póker skólinn“ þá telur „praktíski skólinn“ beitingu blekkinga
nauðsynlegan þátt í samningaviðræðum. Það skilur þó á milli að „praktíski skólinn“ leitast við
að beita öðrum aðferðum, sem eru síður siðferðilega vafasamar, ef þær eru raunhæfur
valkostur í samningaferlinu. Þá er háttsemi eins og lygar og blekkingar ekki slæm í sjálfu sér,
heldur skal forðast að beita slíkum aðferðum þar sem afleiðingarnar til lengri tíma litið eru
neikvæðar, svo sem orðsporshnekkir. Það sem skilur á milli „praktíska skólans“ og
„fyrirmyndaskólans“ er að hinn fyrrnefndi beitir lygum og blekkingum í ríkari mæli.
Fylgismenn „praktíska skólans“ hafa þó gert greinarmun á því hverju er verið að ljúga. Shell
tekur áhugavert dæmi í bók sinni um bílasölumann sem skýrir þennan mun töluvert.
Bílasölumaður „praktíska skólans“ myndi telja það ósiðlegt með öllu að ljúga til um ástand á
vél ökutækisins en aftur á móti væri leyfilegt að segja setningu eins og þessa: „Yfirmaður
minn leyfir mér ekki að selja þennan bíl á minna en 10.000 dollara“, þrátt fyrir að hið sanna
væri að hann hefði heimild til að selja ökutækið á 9.500 dollara.97
Hér er því lykilatriði hvað
felst efnislega í þeim fullyrðingum sem varpað er fram, sem aftur leiðir til þess að meta þarf í
hvert sinn hvað heimilt er að blekkja um, sem og að það getur verið breytilegt eftir því hver
metur það. Í því sambandi er áhugavert að velta því upp hvaða aðferðir í samningaviðræðum
eru siðferðilega réttmætar.
Í bók sinni Negotiation – Closing Deals, Settling Disputes and Making Team Decisions tekur
David S. Hames einmitt saman ýmsar samningaaðferðir sem telja verður vafasamar út frá
siðferðilegu sjónarmiði:98
1. Bellibrögð (e. dirty tricks)
Bellibrögðum er beitt til þess að búa til pressu á samningsaðila um að samþykkja samning
sem hann hefði ekki samþykkt að öðrum kosti.99
Dæmi um þessa aðferð væri ef tveir aðilar
væru að semja og annar myndi hóta því, að þetta væri hans lokatilboð og ef því yrði ekki tekið
myndi samningaviðræðunum ljúka. Þessi hótun væri sett fram í þeim eina tilgangi að búa til
pressu á samningsaðilann að samþykkja tilboðið og þetta væri í raun ekki lokatilboðið.
97
G. Richard Shell, Bargaining for Advantage, 210-214. 98
David S. Hames, Negotiation – Closing Deals, Settling Disputes and Making Team Decisions, 68-70. 99
Sama rit, 68.
34
2. Afvegaleiðsla (e. Bogey)
Með afvegaleiðslu í samningaviðræðum er átt við að tiltekið málefni er látið líta út fyrir að
vera mun mikilvægara en það í raun og veru er. Þetta er ákveðið form blekkingar sem beitt er.
Þessi aðferð er sérstaklega áhrifarík ef það málefni sem um ræðir hefur lítið vægi fyrir þann
sem beitir blekkingunni en mikið vægi fyrir þann sem verður fyrir henni.100
Sem dæmi um
þessa aðferð mætti hugsa sér launaviðræður á milli starfsmanns og yfirmanns. Yfirmaðurinn
veit um mikilvægi þess fyrir starfsmanninn að hætta að vinna kl. 16.30 í stað kl. 17.00 svo
hann geti haft barnið sitt í styttri tíma í leikskólanum og borgað þar af leiðandi lægri
leikskólagjöld. Hins vegar skiptir það afar litlu máli fyrir yfirmanninn hvort starfsmaðurinn
hætti í vinnu kl. 16.30 eða kl. 17.00. Í launaviðræðunum myndi yfirmaðurinn beita ákveðnum
blekkingum með því að segja að það skipti hann miklu máli að hafa starfsmanninn til kl.
17.00 en hann væri tilbúinn að leyfa honum að fara kl. 16.30 gegn því að engin launahækkun
kæmi til.
3. Góð lögga og slæm lögga (e. Good Cop – Bad Cop)
Heiti þessarar samningatækni er tilkomið úr þeim fjölmörgum lögregluþáttum þar sem henni
hefur verið beitt við yfirheyrslur lögreglumanna á grunuðum einstaklingum. Í henni felst að
„slæma löggan“ opnar viðræðurnar með erfiðum spurningum og oft og tíðum hótunum. Eftir
slíka meðferð yfirgefur „slæma löggan“ herbergið og „góða löggan“ kemur til sögunnar og
reynir hún að ná samkomulagi áður en „slæma löggan“ kemur aftur.101
Sem dæmi um þessa
nálgun væri t.d. ef tveir eða fleiri aðilar (kaupendur) hyggðust kaupa fyrirtæki af eiganda þess
(seljandi), og einn af kaupendunum væri afar neikvæður í samningaferlinu og hefði allt á
hornum sér. Hinir kaupendurnir héldu sig hins vegar til hlés en létu til skarar skríða þegar sá
neikvæði hefur yfirgefið samningafundinn. Þá myndu þeir nálgast seljandann með afar
jákvæðum hætti, gefa sig upp sem vini hans, og reyna þar með að fá seljandann til að selja sér
fyrirtækið með hagstæðari hætti fyrir kaupendurnar.
4. Ógnandi tilburðir (e. Intimidation and other agressive behavior)
Ógnandi tilburðir er samningatækni sem notuð er af samningamönnum svo þeir virðist hafa
sterkari stöðu en þeir í raun og veru hafa. Dæmi um svona tilburði geta verið margvíslegar
100
David S. Hames, Negotiation – Closing Deals, Settling Disputes and Making Team Decisions, 69. 101
Sama rit, 69.
35
hótanir, móðganir og óþolinmæði.102
Hér gæti t.d. komið til óbein ógnun af hálfu aðila, að ef
samningsaðili láti ekki undan kröfum hans, þá dreifi hann þeim orðrómi um hann að hann sé
svikull eða óheiðarlegur í samningaviðræðum með þeim tilgangi að eyðileggja orðspor hans.
5. Akkerisáhrifin (e. Lowball – Highball)
Í þessari samningatækni felst að leggja fram fyrsta tilboð svo hátt eða lágt eftir atvikum í þeim
tilgangi að draga úr kröfum þess sem samið er við. Þessi aðferð er vandmeðfarin enda hefur
verið sýnt fram á að þessi tækni getur verið áhrifarík, en að sama skapi, ef umrætt tilboð er
alltof hátt eða lágt eftir atvikum, getur hún leitt til þess að samningaviðræðum ljúki strax í
upphafi.103
Hér má t.d. nefna samningaviðræður um kaup og kjör starfsmanns við tilvonandi
yfirmann. Starfsmaðurinn gerir kröfur um starfskjör sem er mun betri en yfirmaðurinn er
reiðubúinn að bjóða honum. Með slíku er hann búinn að setja ákveðin viðmið og líkur til þess
að hann fái hærri laun en ella. Á móti kemur sú áhætta að ef hann leggur fram of hátt tilboð þá
telji vinnuveitandinn að kröfur hans séu of háar og ekki í samræmi við stefnu fyrirtækisins og
ráði hann ekki til starfans.
6. Umbreyting (e. Nibble)
Í þessari samningatækni felst að eftir að samningaviðræður hafa staðið yfir í nokkurn tíma um
þau atriði sem skipta mestu máli, þá er óskað eftir því að fallist sé á ákveðið atriði sem telst
vera minniháttar út frá samningaferlinu í heild sinni en er þó nægjanlega mikilvægt til að
valda deilum. Að setja þetta tiltekna atriði ekki á dagskrá strax þegar samningaviðræðurnar
hófust vekur upp siðferðilegar spurningar.104
Sem dæmi um þetta væru aðilar í
samningaviðræðum um sölu íbúðar þar sem einungis væri rætt um verð fyrir eignina. Eftir
nokkurt þref um verð, þegar niðurstaða er í sjónmáli, þá segir annar samningsaðilinn að hann
vilji einnig fá ísskápinn og þvottavélina með eigninni. Ef ekkert hefur verið rætt um þetta, þá
er hér verið að setja inn atriði í samningaviðræðurnar á síðari stigum sem ekki var áður á
dagskránni.
7. Snjóboltinn (e. Snow Job)
Í þessari samningatækni felst að leggja fram svo mikið af gögnum að það er erfitt fyrir
samningsaðilann að átta sig á því hvað er mikilvægast eða tryggja sannleiksgildi þeirra
102
David S. Hames, Negotiation – Closing Deals, Settling Disputes and Making Team Decisions, 69. 103
Sama rit, 69. 104
Sama rit, 70.
36
allra.105
Með þessari aðferð er ekki átt við að fölsk gögn séu látin af hendi heldur að magn
þeirra gagna sem látið er af hendi sé það mikið að erfitt er að átta sig á þeim og forgangsraða
eftir mikilvægi þeirra.
8. Blekking, misvísandi upplýsingagjöf o.s.frv. (e. Selective Presentation, Deceving,
Bluffing, Conceiling and Distorting Information)
Hér er átt við margs konar siðferðislega vafasama háttsemi sem tengist samkeppnisnálgun í
samningaviðræðum. Til að mynda á þetta við um þá háttsemi að ræða einungis um þau atriði
sem henta eigin samningsstöðu og ýmis form minniháttar blekkinga.106
Auk framangreindra aðferða má líta til þess að margvísleg háttsemi í samningaviðræðum
getur fallið hér undir. Hér verður fjallað um þrjár áhugaverðar aðferðir sem Leigh L.
Thompson fjallar um í bók sinni The Mind and Heart of the Negotiator.107
Í fyrsta lagi er það
aðferðin að draga til baka tilboð sem þegar hefur verið lagt fram. Að sjálfsögðu geta mistök
átt sér stað við framlagningu á tilboði og fullkomlega eðlilegt er að tilboð sem byggi á
mistökum sé dregið til baka. Hér er aftur á móti átt við þá háttsemi að framlagt tilboð sé
dregið til baka sem hluti af „samningatækni“ viðkomandi. Slík nálgun í samningaviðræðum er
í besta falli vafasöm. Í öðru lagi að óska eftir því að samkomulag sem hefur náðst, en ekki
verið undirritað með formlegum hætti, verði tekið aftur upp að nýju til umræðu og útfærslu. Í
þriðja lagi sú aðferð að biðja stöðugt um nýja hluti eða viðbætur eftir að samningsaðilar hafa
náð samkomulagi um niðurstöðu.108
Áhugavert er að skoða tvær af þessum aðferðum út frá
íslenskri löggjöf sem gildir um samningsgerð. Fyrst varðandi afturköllun á tilboði sem lagt
hefur verið fram. Í 7. gr. laga nr. 7/1936, um samningsgerð, umboð og ógilda löggerninga, er
fjallað um afturköllun tilboða. Þar kemur fram: „Sé tilboð eða svar við tilboði kallað aftur, er
afturköllun gild, ef hún kom til gagnaðila áður en eða samtímis því, að tilboðið eða svarið
kom til vitundar hans.“ Samkvæmt þessu er afturköllun á tilboði sem lagt er fram gild, ef hún
kemur í síðasta lagi á sama tíma og tilboðið er lagt fram. Mikilvægt er þó að hafa í huga að
samkvæmt lagaákvæðinu er ekki nægjanlegt að afturköllunin berist til viðkomandi aðila, t.d.
samkvæmt póststimpli á bréfi sem inniheldur umrædda afturköllun, heldur þarf hún að hafa
komist til vitundar hans. Samkvæmt þessu er ekki hægt að afturkalla tilboð sem hefur verið
lagt fram ef það hefur komist til vitundar móttakanda tilboðsins. Þó ber að líta til þess að
105
David S. Hames, Negotiation – Closing Deals, Settling Disputes and Making Team Decisions, 70. 106
Sama rit, 70. 107
Í bókinni fjallar Leigh L. Thompson um fleiri aðferðir en þessar þrjár. 108
Leigh L. Thompson, The Mind and Heart of the Negotiator, 171.
37
tilboð sem felur í sér einhvers konar mistök af hálfu tilboðsgjafa getur verið ógildanlegur
samningur, ef gagnaðili slíks aðila tekur tilboðinu. Í 1. mgr. 32. gr. laga nr. 7/1936, um
samningsgerð, umboð og ógilda löggerninga, er fjallað um hvenær samningur er ekki
skuldbindandi ef einhver mistök hafa átt sér stað vegna misritunar eða mistaka. Þar kemur
fram: „Löggerningur, sem vegna misritunar eða annarra mistaka af hálfu þess er gerði hann
hefur orðið annars efnis en til var ætlast, er ekki skuldbindandi fyrir þann sem gerði hann ef sá
maður, sem löggerningnum var beint til, vissi eða mátti vita að mistök hefðu átt sér stað“.
Samkvæmt þessu er gerð krafa um grandvísi þess sem tilboðið fékk. Í því felst að hann hafi
mátt vita af þessum mistökum eða vissi af þeim svo þau komi til álita. Í þessum kröfum um
grandvísi þess sem tilboðið fær felast ákveðin sönnunarvandkvæði fyrir aðila sem fer fram á
að samningur falli niður vegna mistaka eða misritunar. Samkvæmt íslenskri löggjöf er það því
nokkrum annmörkum háð að afturkalla tilboð sem hefur verið lagt fram. Að sama skapi er
gerð krafa um grandvísi þess sem tilboðið fékk, þ.e. að hann hafi vitað eða mátt vita af
þessum mistökum eða misritun sem til staðar er. Í öðru lagi ber að hafa í huga við þá
„samningatækni“ að óska eftir upptöku á samkomulagi sem hefur náðst á milli aðila en ekki
verið staðfest með formlegum hætti. Í umræddum lögum nr. 7/1936, er ekki gerð nein
formkrafa til þess að samningar öðlist gildi. Af því leiðir að skriflegir samningar hafa ekki
annað og meira gildi heldur en munnlegir samningar. Eðli máls samkvæmt þá eru meiri
sönnunarvandkvæði um tilurð og gildi munnlegra samninga, en út frá íslenskri löggjöf skiptir
það eigi máli um skuldbindingargildi þeirra. Samkvæmt þessu ber að líta á ósk um upptöku á
samkomulagi, sem beiðni um breytingu á samningi sem þegar hefur náðst á milli
samningsaðila með tilheyrandi rétti fyrir hvorn aðila um sig að hafna þeirri beiðni.
Traust í samningaviðræðum
Traust er mikilvægur þáttur í viðskiptum og getur þar skilið á milli feigs og ófeigs. Í raun má
segja að hrunið í íslensku efnahagslífi á haustmánuðum árið 2008 og eftirmálar þess sýni fram
á mikilvægi þess að það ríki traust á fyrirtækjum og einstaklingum. En hvernig byggjum við
upp traust? og af hverju treystum við sumum betur en öðrum? Erfitt er að svara þessum
spurningum með afgerandi hætti og á meðan það tekur langan tíma að byggja upp traust getur
traust horfið í einni svipan. Í raun hefur því verið haldið fram að ef það ríkir ekki traust í
viðskiptum manna á milli, þá séu engin viðskipti til staðar, heldur samansafn af herkænsku
svikum og blekkingum.109
109
Joanne B. Ciulla, Clancy Martin and Robert C. Solomon, Honest Work, (San Francisco: Jossey-Bass, 2004),41.
38
Fernando Flores og Robert C. Soloman fjalla um ólíkar tegundir af trausti í grein sinni
„Creating Trust“. Í fyrsta lagi ræða þeir um einfalt traust (e. simple trust) sem mætti útskýra
sem traust sem ekki hefur verið véfengt.110
Sem dæmi um þetta væri t.d. traust sem barn hefði
á tilveru jólasveinsins. Í öðru lagi traust í blindni (e. blind traust) sem gæti t.d. verið ólíkt
einföldu trausti með þeim hætti að slíkt traust væri tilkomið vegna þrjósku viðkomandi
aðila.111
Í þriðja lagi grundvallartraust (e. basic trust) sem er tilkomið vegna þarfar fyrir
öryggi.112
Í fjórða lagi einlægt traust (e. authentic trust) sem byggir á einlægni og þeirri
vitneskju að traust er viðkvæmt og getur skaðast. Það sem skilur til að mynda einlægt traust
frá einföldu trausti er að það einlæga veit að vantraust getur komið til í sambandi á milli fólks
og vinnur þar af leiðandi í því að koma í veg fyrir það, á meðan það einfalda hefur ekki
hugmynd um að vantraust geti komið til og leiðir ekki hugann að því.113
Sem dæmi má nefna
að í hjónabandi margra ríkir einlægt traust, þ.e. fólk veit af þeim möguleika að eitthvað gæti
komið upp sem skapar vantraust, t.d. framhjáhald, en styrkir sambandið með ýmsum hætti til
að koma í veg fyrir að slíkar aðstæður komi til.
Eins og flestir vita þá fylgir því sérstök tilfinning þegar við treystum einhverjum. Linda Locke
talar um traust og tilfinningar í grein sinni „Trust, Emotion and Corporate Reputation“ sem
birtist í bókinni Trust Inc. Þar bendir hún á að traust er tilfinning sem við finnum og með því
að treysta þá fyllumst við öryggistilfinningu.114
Að sama skapi er líklegra þegar mikið gengur
á að við leyfum aðilum sem við treystum að njóta vafans þar sem jákvæð útkoma er líklegasta
niðurstaðan í samskiptum við aðila sem við treystum.115
Í erfiðum samningaviðræðum þar
sem mikið liggur undir, getur niðurstaðan því oltið á því hvort traust ríki á milli
samningsaðila.
Þeir Flores og Soloman töldu það vera dygð að vera traustsins verður í samskiptum og að eitt
af einkennum góðra manna væri að hafa þennan eiginleika.116
Í raun var það mat þeirra að
þetta væri svo augljóst að leiðandi heimspekingar á sviði dygðasiðfræðinnar, svo sem
110
Fernando Flores and Robert C. Solomon, “Creating Trust”, Business Ethics Quarterly, (1998): 213. 111
Sama rit, 213. 112
Sama rit, 213. 113
Sama rit, 213. 114
Barbara Brooks Gimmel, Trust Inc.:Strategies for Building Your Companies Most Valuable Assets, (New
Jersey: Next Decade Inc., 2013), 185. 115
Sama rit, 185. 116
Fernando Flores and Robert C. Solomon, “Creating Trust”, 209.
39
Aristóteles, fjölluðu ekki sérstaklega um að það sem einkenndi góða og dygðuga menn væri
að þeir nytu trausts.117
Traust og heiðarleiki eru lykilatriði þegar kemur að siðfræði í samningaviðræðum enda þarf
ávallt að meta hve mikil og nákvæm upplýsingagjöf skal vera í slíkum viðræðum. Að sama
skapi þurfa samningamenn að meta trúverðuleika þeirra upplýsinga sem þeim eru veittar.118
En hvernig metum við það traust sem ríkir á milli samningsaðila? Í bókinni Negotiation and
Dispute Resolution fjalla Beverly J. DeMarr og Suzanne C. de Janasz um ýmis álitamál sem
tengjast trausti í samningaviðræðum, svo sem hvort og þá hve miklum upplýsingum á að
treysta frá samningsaðila. Þar er vikið að því að rannsóknir hafa sýnt fram á að besti
mælikvarðinn á framtíðina er fortíðin, þ.e. neikvæð reynsla af samningaviðræðum við aðila á
fyrri stigum er vísbending um það hvað samningaviðræður í framtíðinni muni bera í skauti
sér.119
Lygi eða blekking
Almennt
Nokkuð hefur verið deilt um hvort og þá hvaða greinarmunur er á því að ljúga eða blekkja
aðila. Áhugaverðar umræður sköpuðust um þetta út frá störfum lækna og hjúkrunarfræðinga. Í
grein sinni „Telling the Truth“ hélt Jennifer Jacksson því fram að slíkir aðilar, líkt og aðrir,
hefðu þá frumskuldbindingu að ljúga ekki, en hið sama ætti ekki við ef þeir beittu
blekkingum. David Backhurst andmælti þessari nálgun Jennifer Jacksson í grein sinni „On
lying and Deceiving“. Taldi hann að út frá siðferðilegu sjónarmiði væri oft og tíðum ekki
munur á því að ljúga eða beita blekkingum og að beiting slíkrar háttsemi gagnvart sjúklingi
leiddi m.a. til þess að ekki væri borin virðing fyrir honum. Í svargrein sinni „On the Morality
of Deception – Does Method Matter? A reply to David Back“, tiltók Jennifer Jackson m.a. að
ástæðan fyrir þessum greinarmuni hennar sneri að trausti. Ef læknar og hjúkrunarfræðingar
verða uppvísir að því að ljúga að sjúklingum sínum er verið að misnota það traustsamband
sem þar ríkir á milli, á meðan beiting blekkingar í sömu aðstæðum þurfi ekki fela slíka
misnotkun í sér.120
117
Fernando Flores and Robert C. Solomon, “Creating Trust”, 209. 118
David S. Hames, Negotiation – Closing Deals, Settling Disputes and Making Team Decisions, 275. 119
Beverly J. DeMarr and Suzanna C. de Janasz, Negotiation and Dispute resolution, 87. 120
Jennifer Jackson, “On the Morality of Deception – Does Method Matter? A Reply to David Back”, Journal of medical ethics, (1993): 183.
40
Að sjálfsögðu verður að taka tillit til þess að störf lækna og hjúkrunarfræðinga eru að
einhverju leyti einstök þar sem þessar starfsstéttir þurfa að upplýsa sjúklinga sína um ýmislegt
sem oft og tíðum er afar erfitt. Þó má heimfæra þessar vangaveltur yfir á aðrar starfsstéttir,
svo sem stjórnendur í viðskiptalífinu sem þurfa að taka þátt í samningaviðræðum sem hafa
áhrif á lífskjör margra hlutaðeigandi, svo sem varðandi kaup eða sölu fyrirtækja.
Lygi í samningaviðræðum
Warren Shibles fjallar um hugtakið lygi í bók sinni Lying: A Critical Analysis og þar er lygi
skilgreind með þeim hætti að aðili viti eitthvað en láti í ljós eitthvað annað.121
Er þessi
skilgreining Warren Shibles afar áhugaverð út frá samningaviðræðum og við mat á því hvort
að aðili sé að ljúga ef hann hefur ákveðna vitneskju en gegn betri vitund lætur í ljós aðra
skoðun eða nálgun. Sem dæmi má nefna ef aðili, t.d. lögmaður, er í samningaviðræðum fyrir
hönd þriðja aðila og veit til þess að hann myndi fallast á ákveðið tilboð sem liggur á borðinu.
Umræddur aðili upplýsir hins vegar viðsemjanda sinn um að tilboðið sé ekki fullnægjandi til
þess að ná fram betri samningi fyrir umbjóðanda sinn.
Við mat á því hvort það sé siðferðilega rétt að segja ávallt satt og rétt frá er áhugavert að líta
til þeirra krafna sem gerðar eru til þeirra sem bera vitni í íslenskum rétti. Ein af undirstöðum
íslensk réttarkerfis er sú skylda sem hvílir á þeim sem bera vitni að segja satt og rétt frá fyrir
dómi. Til marks um það getur það varðað allt að fjögurra ára fangelsi fyrir þann aðila sem
skýrir rangt frá fyrir rétti, sbr. 1. mgr. 142. gr. almennra hegningarlaga nr. 19/1940. Hins
vegar er ekki til staðar fortakslaus skylda á vitni að svara öllum spurningum. Til að mynda
hefur- vitni rétt á að skorast undan því að svara spurningu ef ætla má að í svari þess geti falist
játning eða bending um að það hafi framið refsiverðan verknað eða atriði sem valdi því
siðferðislegum hnekkjum eða tilfinnanlegu fjárhagstjóni, sbr. 3. tölul. 52. gr. laga nr. 91/1991,
um meðferð einkamála. Mikilvægt er að hafa í huga að þessi réttur fyrir aðila felur í sér þann
valkost að svara ekki spurningum en ekki að svara spurningum með röngum hætti, þ.e. að
víkja frá sannleikanum. Áhugavert er að siðferðilegan mælikvarða ber á góma í þessu
sambandi og að sú staða geti komið upp að aðili sem ber vitni telji að svar sitt við spurningu
valdi honum siðferðislegum hnekkjum og að honum beri þá ekki skylda til að svara slíkum
spurningum. Hér hefur því löggjafinn sett ákveðnar leikreglur sem fela í sér þann
valmöguleika fyrir aðila sem ber vitni að svara ekki þeim spurningum sem að honum er beint.
121
Warren Shibles, Lying: A Critical Analysis, (Wisconsin: The Language Press, 1985), 31.
41
En hvað er lygi? Hvenær er maður að ljúga og hvenær ekki? Í bók sinni Lying – Moral Choice
in Public and Private Life skilgreinir Sissela Bok hugtakið lygi með þeim hætti að hún eigi
sér stað þegar aðili af ásetningi setur fram villandi fullyrðingu. Bok metur það með þeim hætti
að framsetning slíkrar fullyrðingar skipti ekki máli, og væri hægt að setja hana fram með
munnlegum eða skriflegum hætti, sem og jafnvel með táknmáli eða morse máli.122
Er þá bannað að ljúga? Eigum við aldrei að ljúga? Áhugavert er að skoða þessar spurningar út
frá hugmyndafræði Kants sem fjallað var um hér að framan. Ef litið er til afstöðu Kants eru
lygar í raun aldrei valmöguleiki, heldur er það skylda hvers aðila að segja ávallt og
undantekningarlaust sannleikann.123
Þessi afdráttarlausa skoðun Kants hefur hlotið nokkra
gagnrýni og hafa verið sett upp ýkt dæmi sem í hugum flestra réttlæta lygi eins og varðandi
morðingja og nasisa.124
Að mati Kants er verið að sýna fólki þá einstöku virðingu sem
mannverur eiga skilið með því að segja sannleikann og öll lygi grefur undan henni.125
Að mati
Sisselu Bok er betra að nálgast þetta sem viðhorf gagnvart þeirri lífspeki að ljúga ekki, heldur
en sú öfgafulla afstaða að tileinka sér þessa nálgun við alla lygi, sama hversu lítilvæg hún
er.126
Að einhverju leyti má segja að afstaða Sisselu Bok sé meira í takt við raunveruleikann,
þ.e. að fólk hafi það viðhorf að leiðarljósi að ljúga ekki, en svo geti komið upp aðstæður þar
sem þurfi að grípa til slíkra aðgerða en það eigi að heyra til undantekninga. Sú afstaða sé
skynsamlegri heldur en að leggja blátt bann við allri lygi í samfélaginu. Út frá nytjahyggjunni
er horft öðru vísi á málið, þá er litið til þeirra afleiðinga sem lygar hafa í för með sér, þ.e. að
við mat á því hvort við eigum að ljúga eða ekki sé rétt að vega og meta hvort það skapi meiri
eða minni hamingju eða nytjar af þeirri háttsemi.127
Til að mynda væri litið með öðrum hætti á
lygi sem felur í sér fjárdrátt eða lygi sem er tilkomin vegna minnháttar villu í færslu bókhalds.
Að sama skapi væru slíkar lygar metnar með öðrum hætti en lygar sem eru settar fram til að
særa ekki barn. Hér er horft á þær afleiðingar sem lygarnar hafa í för með sér og hvort þær
leiða til aukinnar hamingju og forða frá skaða eða hvort því er öfugt farið.128
Eðli máls
samkvæmt skapar nytjahyggjunálgun töluvert meiri vafa heldur en aðferðafræði Kants, sér í
lagi þegar taka þarf flóknar og erfiðar ákvarðanir. Um það vísast til almennrar umfjöllunar um
nytjahyggjuna hér að framan.
122
Sissela Bok, Lying – Moral Choice in Public and Private Life, (New York: Vintage Books, 1989), 13-14. 123
Sama rit, 38. 124
Sama rit, 39-41. 125
Sama rit, 40 og 46. 126
Sama rit, 46. 127
Sama rit, 49. 128
Sama rit, 49.
42
Er lygi það sama og lygi? Í bók sinni Lying – Moral Choice in Public and Private Life fjallar
Sissela Bok um svokallaða hvíta lygi en hún skilgreinir hana sem lygi sem ekki er ætlað að
hafa meiðandi áhrif á einn eða neinn og sem er lítilfjörleg út frá siðferðilegu (e. moral)
sjónarmiði.129
Alltaf er þó erfitt að meta það í hvert sinn hvort tiltekin lygi teljist vera hvít lygi
eður ei og slíkt mat getur verið mismunandi á milli aðila. Sem dæmi um slíka lygi bendir
Sissela Bok á orðalag sem fólk notar gjarnan þegar það hittir annað fólk sem gefur til kynna
ánægju sína með kveðjur á borð við „gaman að hitta þig“ jafnvel þótt það sé ekki ánægt með
að hitta viðkomandi aðila.130
Það er ekki afstaða Bok að útiloka beri alla hvíta lygi og telur
hún hana réttlætanlega sér í lagi ef bæði sá sem segir hvíta lygi og sá sem móttekur hana vita
að slík fullyrðing þarf ekki endilega að vera sannleikanum samkvæmt.131
Á meðal þess sem Warren Shibles fjallar um er svokölluð lífslygi (e. life-lie) og tengir hann
hana við þá aðferð sem Sókrates beitti hér á árum áður þegar hann spurði spurninga sem hann
vissi þegar svörin við.132
Til frekari skýringar þá tekur Warren Shibles dæmi um spurningu frá
Sókratesi, sem gæti verið „Hver er skilgreiningin á réttlæti?“ Slíkri spurningu gæti verið
svarað af stjórnmálamanni með þeim hætti að réttlæti felist í því að fylgja eftir
lagabókstafnum. Þá, tiltekur Shibles, myndi Sókrates segja að þessi skilgreining væri
ófullnægjandi þar sem lögum er oft breytt þar sem þau eru óréttlát.133
Í bókinni Ethical Decision Making in Business – A Managerial Approach, sem fjallar m.a. um
siðferðileg álitamál sem upp koma hjá stjórnendum fyrirtækja, er fjallað um þá háttsemi að
ljúga. Þar koma til greina tvenns konar nálganir á þessu hugtaki út frá þeim athöfnum sem
viðhafðar eru. Annars vegar flokkast undir lygi sú háttsemi að nota orð eða athafnir með þeim
ásetningi að blekkja, og hér féllur m.a. undir að segja með beinum hætti ósatt um eiginleika
vöru eða þjónustu, en einnig að viðhafa flókin hugtök, svo sem lögfræðileg hugtök, með það
að markmiði að blekkja. Hins vegar sú háttsemi með ásetningi að upplýsa ekki með
fullnægjandi hætti um eiginleika vöru eða þjónustu sem rétt er að upplýsa um.134
Robert Adler fjallar sömuleiðis um lygar í samningaviðræðum í grein sinni „Negotiating with
Liars“. Þar telur Adler m.a. að sú upplifun fólks að lygar séu algengar í daglegu lífi leiði til
129
Sissela Bok, Lying – Moral Choice in Public and Private Life, 58. 130
Sama rit, 58. 131
Sama rit, 71. 132
Warren Shibles, Lying: A Critical Analysis, 49. 133
Sama rit, 50. 134
Fernando Fraedrich and Robert C. Solomon, Ethical Decision Making in Business-A Managerial Approach, (Canada: South-Western Cengage Learning, 2013), 111.
43
þess að aðilar í samningaviðræðum fari oft og tíðum afar frjálslega með sannleikann.135
En ef
það er staðreynd að aðilar beita lygum og blekkingum í samningaviðræðum, hvað er þá til
ráða? Adler fjallar um það hvernig samningsaðilar geta varið sig gegn slíkri háttsemi
samningsaðila í samingaviðræðum, þá bæði ráðstafanir áður en samningaferlið hefst sem og á
meðan á því stendur. Þær aðferðir sem Adler tiltekur áður en samningaferlið hefst eru annars
vegar að undirbúa samningaviðræðurnar vel með því að kynna sér þá sem samið er við og
hins vegar að setja sér sérstakar reglur sem munu gilda í samningaviðræðunum.136
Þá tiltekur
Adler nokkrar aðferðir til þess að greina lygi á meðan á samningaviðræðunum stendur, s.s. að
spyrja spurninga með ólíkum hætti og spyrja spurninga sem þú veist svarið við.137
James Edwin Mahon fjallar um afstöðu Kants til lyga í grein sinni „The Truth about Kant on
Lies“. Þar kemur fram að Immanuel Kant hafi skilgreint lygi með þeim hætti að slík háttsemi
felist í því að setja fram ósannar staðhæfingar með ásetningi um að þær virðist vera sannar.138
Það þurfi því þrjú skilyrði að vera uppfyllt svo háttsemi falli undir umrædda skilgreiningu. Í
fyrsta lagi þarf að setja fram staðhæfingu hvort sem það er gert í rituðu máli, með munnlegum
hætti eða annarri aðferð.139
Samkvæmt þessu þá flokkast það ekki undir lygi ef upplýsingum
er haldið leyndum.140
Í öðru lagi þarf sá aðili sem setur staðhæfinguna fram að trúa því að hún
sé ekki sönn. Hér skiptir því ekki máli hvert sannleiksgildi umræddrar staðhæfingar er, heldur
trú þess aðila sem setur hana fram.141
Í þriðja lagi þarf staðhæfingin að vera sett fram með
slíkum hætti að henni er ætlað að vera sönn. Samkvæmt þessu er ósönn staðhæfing sem haldið
er fram ekki lygi, ef það er ekki til staðar ásetningur um trúverðugleika hennar.142
Blekkingar í samningaviðræðum
Í tímamótagrein sinni „Is business bluffing ethical?“ færði Albert Z. Carr rök fyrir þeirri
skoðun sinni að annað siðferði gildi í viðskiptalífinu en í kirkjunni eða á vettvangi dagsins.
Háttsemi manna í viðskiptalífinu ætti frekar að bera saman við þá háttsemi sem viðgengst hjá
pókerspilurum heldur en almennt séð í samfélaginu.143
Er það skoðun Carr að virðing fyrir
sannleikanum sé mikilvæg og því nær sem fólk í viðskiptalífinu kemst honum, því meiri
135
Robert S. Adler, „Negotiating with Liars“, MIT Sloan – Management Review, (2007). 136
Sama rit, 71 og 72. 137
Sama rit, 72 og 73. 138
James Edwin Mahon, “The Truth about Kant on Lies”, The Philosophy of Deception ed. by Clancy Martin, (Britain: Oxford Scholarship Online, 209), 203. 139
Sama rit, 203. 140
Sama rit, 204. 141
Sama rit, 205. 142
Sama rit, 207. 143
Albert Z. Carr, “Is Business bluffing ethical?” Harvard Business Review, (1968).
44
virðingu eigi það skilið.144
Hins vegar telur Carr að oftast nær séu blekkingar í viðskiptalífinu
hluti af herkænsku, með sama hætti og blekkingum er beitt í póker, og því ekki til marks um
það siðferði sem býr í aðilanum sem beitir blekkingum í þessum aðstæðum.145
Við pókerspil
býst enginn við því að það siðferði sem boðað er í kirkjum sé til staðar heldur að þar sé
leyfilegt að beita blekkingum ef svo ber undir.146
Carr vísar m.a. í fræga tilvitnun frá fyrrum
forseta Bandaríkjanna Harry Truman, sem hægt er að þýða lauslega með þessum hætti: „Ef þú
þolir ekki hitann, þá skaltu fara út úr eldhúsinu“.147
Út frá þessari nálgun vakna ýmsar
áhugaverðar vangaveltur varðandi rannsóknarviðfangsefni ritgerðar þessarar. Til að mynda
hvort þessi nálgun feli í sér að það eigi að vera önnur siðferðisviðmið í samningaviðræðum í
viðskiptalífinu heldur en í öðrum samningaviðræðum. Ef svo er, þá kemur upp vandamál við
að skilgreina hvað séu samningaviðræður í viðskiptalífinu og hvaða samningaviðræður eru þá
undanskildar. Væru til að mynda allar samningaviðræður sem fela í sér kaup á vörum og
þjónustu þá samningaviðræður í viðskiptalífinu, burtséð frá því hverjir taka þátt í slíkum
samningaviðræðum, t.d. almennir neytendur sem ekki eru vanir því að semja í viðskiptalífinu?
Eða ættu slíkar reglur bara við um samningaviðræður þar sem samningsaðilar eru allir vanir
viðskiptamenn? Carr virðist að minnsta kosti lýsa tegund að siðfræði sem gildir á milli
jafningja þar sem hver leikmaður leggur eigin hag að veði. Á hinn bóginn má spyrja hvort
viðskipti séu frábrugðin póker. Í dæmi okkar af samningaviðræðum við forstjóra fyrirtækis
lagði stjórnin greinilega að veði ekki bara eigin hagsmuni heldur líka hagsmuni 50
starfsmanna sem misstu vinnuna. Slíkt getur auðvitað gerst í pókerleikjum en er regla í
viðskiptum. Þar eru menn ekki að leika sér. Þeir tefla með hagsmuni hluthafa, auk fjölmargra
annarra haghafa.
En hvað felst í því að blekkja? og er slík háttsemi sambærileg við lygar? Ljóst er að hugtakið
lygar hefur verið skilgreint með ýmsum hætti af fræðimönnum. Í bók sinni Lying and
Deception skilgreinir Thomas L. Carson lygi í grófum dráttum með þeim hætti að aðili setur
fram yfirlýsingu af ásetningi sem hann veit að er ekki sönn en ábyrgist sannleiksgildi
hennar.148
Það sem einna helst skilur nálgun Carsons á hugtakinu lygi frá öðrum
fræðimönnum er að sá sem setur fram yfirlýsinguna þarf samkvæmt Carson ekki að hafa þann
ásetning að blekkja aðra en hann ábyrgist sannleiksgildi yfirlýsingarinnar.149
Út frá þessari
144
Albert Z. Carr, Is Business bluffing, 143. 145
Sama rit, 143. 146
Sama rit, 145. 147
Sama rit, 145. 148
Thomas L. Carson, Lying and Deception, (Oxford, Oxford University Press, 2012), 16. 149
Thomas L. Carson, Lying and Deception, 16.
45
skilgreiningu sinni á því hvað felst í hugtakinu lygi er það mat Carsons að algengar blekkingar
í samningaviðræðum sem felast m.a. í yfirlýsingum samningsaðila um hámarks- eða
lágmarksverð eftir atvikum er ekki lygi, þar sem samningsaðili ábyrgist ekki að yfirlýsing
hans sé samkvæmt sannleikanum.150
Við mat á því hvað er blekking í samningaviðræðum má velta því upp hvort það teljist til
blekkingar að halda upplýsingum að sér, þ.e. upplýsa samningsaðila til að mynda ekki um
samningsmarkmið sitt eða lágmarksverð. Að mati Fishers og Urys er stigsmunur á því að
halda eftir upplýsingum í samningaviðræðum eða viðhafa blekkingu með ásetningi varðandi
staðreyndir máls.151
Þá telur Chris Provis í grein sinni „Ethics, Deception and Labor
Negotiation“ að oft og tíðum beiti samningsaðilar háttsemi eins og blekkingum eða lygum í
stað þess að beita þögninni og gefa ekki upp upplýsingar.152
Í raun hefur því verið haldið fram að sá aðili sem ekki beitir blekkingum í póker sé lélegur
pókerspilari af þeirri ástæðu að allir viðhafi slíka háttsemi í þeim leik.153
Ef skoðun Albert Z.
Carr, sem tilgreind er hér að framan, er útbreidd á meðal þeirra sem koma að
samningaviðræðum, að rétt eins og í pókerspili séu blekkingar leyfilegar og í raun algeng
nálgun í spilamennsku, þá sé rétt að álykta sem svo í samningaviðræðum að sá sem samið er
við sé að beita okkur blekkingum? og hvað eigum við þá að gera til að tryggja stöðu okkar í
samningaferlinu? Thomas Carson fjallar m.a. um þetta í grein sinni „Second Thought about
Bluffing“, þar sem fram kemur að því hafi verið haldið fram að í samningaviðræðum getum
við í raun gengið út frá því að blekkingar eigi sér stað og að með því að beita slíkum
aðferðum sjálf séum við að verja okkar hagsmuni, þ.e. beita sjálfsvörn.154
Eina leiðin til þess
að verja hagsmuni okkar sé þá að beita sömu aðferðum og samningsaðilar okkar nota. Að
öðrum kosti er hætt við því að niðurstaða samningaviðræðnanna verði okkur óhagstæð.
Hægt er að blekkja samningsaðila með margvíslegum hætti í samningaviðræðum. Í rannsókn
Ingrid Smithey Fulmer, Bruce Barry og D. Adam Long var athugað hvort fólk upplifði
blekkingu á upplýsingagjöf, svo sem að gefa upp rangt hámarksverð eða blekkingu á
tilfinningum, til að mynda að þykjast vera í uppnámi, með sama hætti. Þar var niðurstaðan sú
150
Thomas L. Carson, Lying and Deception, 191. 151
Roger Fisher and William Ury and Bruce Patton, Getting to Yes , 134. 152
Chris Provis, “Ethics, Deception and Labor Negotiation.” Journal of Business Ethics (2000), 155. 153
Sanjiv Erat and Uri Gneezy, “White Lies”, Management Science, (2011). 154
Sama rit, 326.
46
að blekking á tilfinningalegu ástandi var álitin siðferðilega réttmætari en blekking á
upplýsingagjöf.155
Í sumum tilvikum gilda reglur um að ákveðin framkoma sé réttlætanleg, sem í öðrum
aðstæðum væri líklega ekki liðin. Sissela Bok nefnir póker sem dæmi um slíkt í fyrrnefndri
bók sinni Lying – Moral Choice in Public and Private Life þar sem ákveðin beiting blekkingar
er hluti af leiknum og þegar svo ber undir verða þátttakendur að gera ráð fyrir að líklegt sé að
blekkingu verði beitt. Þeir verði því að spila leikinn með því hugarfari. Eins og Bok bendir á
þá á þetta ekki bara við um póker heldur líka t.d. þátttöku í íþróttum svo sem knattspyrnu. Þar
er ákveðin harka hluti af leiknum sem vart yrði liðin í hefðbundnum samskiptum á milli
fólks.156
Áhugavert er að líta til svokallaðrar áhættutöku í þessu sambandi. Í skaðabótarétti
hefur áhættutaka verið skilgreind með þeim hætti að undir hana falla þau tilvik þegar sá sem
verður fyrir tjóninu hafi verið ljós sú áhætta sem hann tók en hann hafi samt lagt sig eða
hagsmuni sína í hættu.157
Ekki er gerð nein krafa um að samþykkið komi fram með ákveðnum
hætti og getur það því t.d. verið þegjandi samþykki þess sem tekur áhættuna.158
Hér hefur því fólk sammælst um að aðrar leikreglur gildi í ákveðnum samskiptum þeirra á
milli og tekur þátt í þeim fullmeðvitað um það. Vitneskja allra aðila um þær leikreglur sem
gilda er lykilatriði. Er hægt að heimfæra þessa hugmyndafræði yfir á samningaviðræður í
viðskiptalífinu? Fólk sem taki þátt í slíkum samningaviðræðum hafi að hluta til fyrirgert rétti
sínum til þess að komið sé fram við það með heiðarlegum hætti? Ef svo er, þá þarf það að
vera ljóst fyrir alla aðila sem taka þátt í slíkum samningaviðræðum að sú sé raunin.
Eins og áður hefur verið rakið er mikilvægt í samningaferlinu að skilgreina og flokka aðra
valmöguleika en þá sem samningaferlið gengur út á (e. BATNA). Sem liður í því ferli er að
afmarka það lágmarksverð sem samningsaðili vill fá út úr samningaviðræðunum (e.
reservation price). Í grein sinni „On the Ethics of Deception in Negotiation“ fjallar Alan
Strudler um þá blekkingu að gefa upp rangt lágmarksverð og færir rök fyrir því að slík
háttsemi geti verið siðferðilega ásættanleg.159
Strudler tilgreinir þar að oftast eru þrjár ástæður
fyrir því að blekking í samningaviðræðum hafi á sér neikvæðan blæ. Í fyrsta lagi að blekking í
samningaviðræðum grafi undan trausti, í öðru lagi geti hún haft í för með sér efnahagslegan
155
Ingrid Smithey Fulmer and Bruce Barry and D. Adam Long, “Lying and Smiling: Informational and Emotional Deception in Negotiation”, Journal of Business Ethics, (2009). 156
Sissela Bok, Lying – Moral Choice in Public and Private Life, 83. 157
Viðar Már Matthíasson, Skaðabótaréttur, (Reykjavík: Bókaútgáfan Codex, 2005), 127. 158
Sama rit, 127. 159
Alan Strudler, „On the Ethics of Deception in Negotiation“, Business Ethics Quarterly (1995), 805.
47
skaða, og í þriðja lagi geti blekking farið gegn kantískum viðhorfum að koma ekki fram við
manneskju sem tæki að markmiði.160
Varðandi fyrstu ástæðuna þá telur Strudler m.a. að
blekking í samningaviðræðum komi til vegna skorts á trausti á milli aðila en ekki öfugt og að í
raun megi segja að samningsaðilum líði almennt séð betur með að vita ekki hvert
lágmarksverðið sé í raun og veru.161
Um efnahagslega skaðann þá telur Strudler m.a. að
skilgreiningin á efnahagslegum skaða sé of þröng, enda fylgi kostnaður öllum aðgerðum
fólks. Þá telur Strudler sömuleiðis að í hefðbundnum samningaviðræðum sem einkennast af
samkeppni um óstækkanlega hluti þá leiði slíkar blekkingar til hagstæðari samninga en ella.162
Um kantísku viðhorfin þá er það mat Strudler að beiting blekkinga í samningaviðræðum vegi
ekki að sjálfstæði þeirra sem hljóti slíka meðferð.163
Hér að framan hafa verið raktar ýmsar skoðanir fræðimanna sem tengjast siðfræði í
samningaviðræðum og viðskiptum, en hvað stendur upp úr? Traust er eitthvað sem
samningsaðilar ávinna sér með háttsemi sinni. Segja má því að háttsemi samningsaðila sem
einkennist af blekkingum og lygum geti leitt til þess að traustið hverfi. Fyrir samningsaðila
skiptir það því máli að ástunda vinnubrögð sem eru hafin yfir allan vafa um heiðarlega
nálgun. Er þetta kannski óraunhæft og í engum takti við raunveruleikann? Er skoðun Alberts
Z. Carr að menn beiti blekkingum í viðskiptalífinu með sama hætti og í pókerspili viðtekin á
meðal þeirra sem koma að samningaviðræðum í viðskiptum? Að halda því fram að menn taki
þátt í samningaviðræðum í hinum harða heimi viðskipta án þess að beita blekkingum eða
lygum sé kannski falleg sýn en í engum takti við hvað gengur og gerist í raun og veru. Erfitt
er að fullyrða eitthvað um slíkt, en frekari vísbendingar um slíka niðurstöðu er að finna í
næsta kafla ritgerðar þessarar.
160
Alan Strudler, „On the Ethics of Deception in Negotiation“, 812. 161
Sama rit, 812. 162
Sama rit, 813. 163
Sama rit, 815.
48
Rannsóknin
Markmið þessarar ritgerðar er að kanna siðfræði í samningaviðræðum. Til þess að komast að
niðurstöðu var fyrst leitast við að skýra hvað felst í hugtakinu siðfræði og greina frá helstu
siðfræðilegum kenningum sem koma til álita við mat á siðfræði í samningaviðræðum. Í öðru
lagi var gerð grein fyrir fræðilegri umfjöllun um siðfræði í samningaviðræðum á alþjóðlegum
vettvangi en einnig var litið til þeirra lagareglna sem gilda um hegðun manna í
samningaviðræðum. Í þriðja lagi var gerð empirísk rannsókn sem fól í sér að spurningalisti
var lagður fyrir MBA nemendur við Háskóla Íslands og Háskólann í Reykjavík. Þá var sú
niðurstaða borin saman við niðurstöðu sem fékkst þegar sami spurningarlisti var lagður fyrir
MBA nemendur í Ríkisháskólanum í Ohio (Ohio State University).
Þar sem spurningalistinn sem stuðst var við var á ensku voru spurningarnar þýddar yfir á
íslensku, en þó var enska þýðingin einnig send til þátttakenda til þess að lágmarka líkindi á
misskilningi. Þá var könnunin send á starfsmenn MBA námsins við háskólanna tvo sem sendi
hana áfram til nemenda. Könnunin var opin í 5 vikur frá 8. maí 2012 fram til 15. júní 2012.
Fyrsta svarið barst þann 9. maí 2012 og það síðasta fjórum vikum síðar eða þann 9. júní 2012.
Tvenns konar aðferðafræði var beitt við rannsóknina. Í fyrsta lagi var sendur út listi með 18
spurningum til 96 nemenda í MBA námi hér á landi, þar af 55 nemendur við Háskólann í
Reykjavík og 41 nemanda við Háskóla Íslands. Um var að ræða MBA nemendur sem
útskrifuðust árið 2012 og 2013 (Árgangar 2012 og 2013). Með þessari aðferðafræði fékkst
samanburður á siðferðilegri afstöðu þeirra aðila sem stunda MBA nám hér á landi á þessu
tímabili. Í öðru lagi var niðurstaðan sem fékkst úr þeirri rannsókn borin saman við
afmarkaðan hluta af sambærilegri rannsókn, þó nokkuð ítarlegri, sem framkvæmd var af Roy
J. Lewicki og Robert J. Robinson og birtist í grein þeirra “Ethical and Unethical Bargaining
Tactics”.164
Þá voru sömu spurningar lagðar fyrir 320 MBA nemendur við Ríkisháskólann í
Ohio (Ohio State University) sem sóttu námskeiði í samningatækni. Allar spurningarnar sem
lagðar voru fyrir þátttakendur er að finna í Viðauka I.
Þátttakendur voru beðnir um að svara umræddum spurningum út frá eftirfarandi sjónarhorni:
„Þú ert um það bil að fara í samningaviðræður þar sem þú munt semja um eitthvað sem er afar
mikilvægt fyrir þig og fyrirtæki þitt“. Óskað var eftir því að þeir tækju afstöðu til þess hve
164 Roy J. Lewicki and Robert J. Robinson, “Ethical and Unethical Bargaining Tactics”, Journal of Business Ethics,
(1998): 665–682.
49
líklegt væri að þeir myndu beita þeim aðferðum í samningaviðræðunum sem um var spurt.
Hærri einkunn á skalanum 1-7 fól í sér meiri líkur en minni að umræddri aðferð yrði beitt í
samningaviðræðunum sem framundan voru.
Eftir eðli spurninganna verða niðurstöðurnar svo útlistaðar með enn ítarlegri hætti.165
Spurningarnar átján voru flokkaðar upp í sjö flokka þar sem reynt er að setja saman ólíkar
spurningar sem eru þó það eðlislíkar að hægt er að flokka þær saman. Ástæða þess var sú að
leitast var við að fá enn skýrari sýn á afstöðu nemenda til siðfræði út frá samningaviðræðum
miðað við ólíkar nálganir svo sem að beita blekkingum, lygi eða villandi framsetningu þegar
samið er við annan aðila. Um var að ræða eftirtalda flokka, en nánari útlistun á því hvaða
spurningar eru í hverjum flokki er að finna í Viðauka II:
1. Í fyrsta flokknum sem ber heitið „samningatækni út frá samkeppnissjónarmiðum“ er
að finna þrjár spurningar, sem eiga það allar sammerkt að vera oft og tíðum notaðar af
samningsaðilum sem líta á samningaviðræður sem samkeppni. Eins og vikið var að
hér að framan þá hafa rannsóknir sýnt að meiri líkur en minni er á því að aðilar sem
tileinka sér þessa nálgun viðhafi siðferðilega vafasama háttsemi í
samningaviðræðum.166
Til frekari aðgreiningar eru spurningar í þessum flokki merktar
með gulum lit.
2. Í öðrum flokknum sem ber heitið „að grafa undan“ er að finna tvær spurningar sem
báðar snúa að því að reynt er að grafa undan samningsaðilanum með því að hafa beint
samband við yfirboðara hans með það að markmiði að grafa undan störfum hans. Þessi
háttsemi verður að teljast á siðferðilega gráu svæði en hún snýr að því að það dragi úr
því trausti sem yfirboðari hefur á samningsaðila til að bæta samningsaðstöðu sína. Til
frekari aðgreiningar eru spurningar í þessum flokki merktar með appelsínugulum lit.
3. Í þriðja flokknum sem ber heitið „villandi frásögn, er að finna tvær spurningar sem
báðar varða villandi frásögn sem gefin er af eðli og framgangi samningaviðræðnanna.
Hafa ber í huga að þó þessi flokkur miði að því að gefa út villandi frásögn, má í raun
segja að þetta sé ákveðið form blekkingar, sbr. fimmti flokkurinn hér að neðan. Það
sem þó skilur á milli er að þær spurningar sem hér flokkast undir, fjalla um samskipti
samningsaðila við þriðja aðila, svo sem fjölmiðla, en ekki samningsaðilann sjálfan. 165
Að nokkru leyti var stuðst við flokkun aðferða sem kemur fram í greininni Ethical and Unethical Bargaining Tactics: An Emperical study eftir Roy J. Lewicki og Robert J. Robinson. 166
Maurice E. Schwitzer and Leslie A. DeChurch and Donald E. Gibson, “Conflict Frames and the Use of Deception: Are Competitive Negotiations less Ethical?”, Journal of Applied Social Psychology, (2005): 2123-2149.
50
Tilgangur viðkomandi aðila er með ásetningi að gefa ranga mynd af gangi
samningaviðræðna með blekkingum. Til frekari aðgreiningar eru spurningar í þessum
flokki merktar með grænum lit.
4. Í fjórða flokknum sem ber heitið „falskar væntingar og lygi“ er að finna tvær
spurningar sem byggja á slíkri háttsemi. Að byggja upp falskar væntingar þess aðila
sem samið er við orkar verulega tvímælis út frá siðfræði í samningaviðræðum eins og
rakið var hér að framan. Að sama skapi var ítarlega fjallað um beitingu lyga í
samningaviðræðum og þá m.a. velt upp hugmyndum um það hvort öll lygi félli þar
undir. Til frekari aðgreiningar eru spurningar í þessum flokki merktar með bláum lit.
5. Í fimmta flokknum sem ber heitið „blekkingar“ er að finna þrjár spurningar þar sem
slík háttsemi er viðhöfð gagnvart þeim aðila sem samið er við. Að framan var með
nokkuð ítarlegum hætti fjallað um ýmis siðferðileg álitamál sem snúa að beitingu
blekkinga í samningaviðræðum og m.a. velt upp samanburði á því að semja og að
spila pókerspil. Til frekari aðgreiningar eru spurningar í þessum flokki merktar með
fjólubláum lit.
6. Í sjötta flokknum sem ber heitið „upplýsingaöflun“ eru fjórar spurningar sem fela í sér
mismunandi nálgun við upplýsingaöflun í samningaviðræðum. Upplýsingum er aflað í
samningaviðræðum með ýmsum hætti, þá bæði með eðlilegum hætti svo og með
siðferðilega vafasömum aðferðum. Þær nálganir sem hér falla undir við
upplýsingaöflun má segja að eigi það sammerkt að sá sem þeim beitir sé ekki að spila
heiðarlega ef svo má segja. Til frekari aðgreiningar eru spurningar í þessum flokki
merktar með rauðum lit.
7. Í sjöunda flokknum sem ber heitið „hótanir“ er að finna tvær spurningar þar sem
hótunum er beitt í samningaviðræðunum. Að hóta eða þvinga einhvern í
samningaviðræðum verður að teljast siðferðilega vafasamt og getur slík háttsemi i
raun leitt til ógildingar á samningum út frá lögum nr. 7/1936, um samningsgerð,
umboð og ógilda löggerninga. Til frekari aðgreiningar eru spurningar í þessum flokki
merktar með gráum lit.
Í rannsókninni verða m.a. reiknaðar út tvær stærðir, annars vegar meðaltal og hins vegar
staðalfrávik, sem rétt er að útskýra nánar. Meðaltal er einfaldlega fundið með því að leggja
saman allar niðurstöður og deila í með fjölda þeirra.167
Staðalfrávik mælir svo dreifnina
167
Healey, Joseph F., Statistics-A Tool for Social Research, (Belmont: Wadsworth Cengage Learning, 2009), 68.
51
(dreifinguna) frá meðaltalinu.168
Því hærra sem staðalfrávikið er því dreifðara er það mengi
sem verið er að reikna út, og að sama skapi því lægra staðalfrávik því þéttara er mengið og
nær meðaltalinu.169
Gott er að taka einfalt dæmi til frekari útskýringar, sjá nánar töflu 1 hér að
neðan. Gefum okkur að það séu þrír kennslubekkir, A, B og C. Hver bekkur hefur 10
nemendur sem allir taka próf og er meðaleinkunnin 8 hjá öllum bekkjunum. Í bekk A er
staðalfrávikið 0, sem þýðir að dreifni einkunna er engin, þar sem allar einkunnir nemendanna
eru 8. Í bekk B er staðalfrávikið hins vegar 2,83 enda verulega dreifðar einkunnir, allt frá 3
upp í 10. Er því dreifing einkunna mikil frá meðaltalinu sem er sem fyrr 8. Staðalfrávik upp á
2,83 segir okkur að einkunnir eru að meðaltali 2,83 frá meðaltalinu. Í bekk C er staðalfrávikið
0,88 enda er dreifing einkunna tiltölulega lítil út frá meðaltalinu, þar sem lægsta einkunnin er
6,5 og sú hæsta 9,5. Staðalfrávikið segir okkur því hve sterk mælingin er í heild sinni út frá
meðaltalinu, þ.e. meðaltalseinkunnin 8,0 í bekk C er mun meira lýsandi fyrir einkunnargjöf
hópsins í heild sinni heldur en meðaltalseinkunin 8,0 í bekk B.
Tafla 1 Dæmi um meðaleinkunn og staðalfrávik.
168
Healey, Joseph F., Statistics-A Tool for Social Research, 95. 169
Sama rit, 99.
52
Annmarki á rannsókninni
Að meginstefnu til eru ferns konar annmarkar á þessari rannsókn. Í fyrsta lagi má spyrja hvort
að þeir nemendur sem fengu spurningalistann við Háskóla Íslands og Háskólann í Reykjavík
endurspegli í raun og veru þá nemendur sem hafa stundað MBA nám hér á landi. Rétt tæplega
100 MBA nemendur í Háskóla Íslands og Háskólanum í Reykjavík fengu spurningalistann.
MBA námið við Háskóla Íslands og Háskólann í Reykjavík hefur verið kennt frá árinu 2000
og alls höfðu því 20 hópar verið í MBA náminu þegar könnunin var framkvæmd í maí og júní
árið 2012. Í öðru lagi er það svarhlutfall nemenda sem tók þátt í rannsókninni. Af þeim 96
nemendum sem fengu spurningalistann þá svöruðu 36 nemendur sem gerir rétt tæplega 41%
svarhlutfall. Ef svarhlufallið er greint frekar, þá kemur í ljós að hlutfallið var 37% hjá MBA
nemendum við Háskóla Íslands og 44% svarhlutfall á meðal MBA nemenda við Háskólann í
Reykjavík. Í þriðja lagi má nefna þann annmarka að þær spurningar sem rannsóknin byggist á
voru þýddar af ensku yfir á íslensku áður en þær voru lagðar fyrir MBA nemendur hér á landi.
Til að reyna að tryggja eftir fremsta megni rétta útfærslu á umræddum spurningum voru þær
einnig settar fram í enskri útgáfu. Þetta var einnig nauðsynlegt svo hugsanlegir erlendir aðilar
sem stunda MBA nám við íslensku háskólanna gætu tekið þátt. Í fjórða lagi var umræddur
spurningalisti lagður fyrir nemendur án þess að hugtök, sem hafa huglæga merkingu í augum
sumra, væru skilgreind. Slíkt getur leitt til þess að nemendur leggi mismunandi merkingu í
sumar spurningarnar.
53
Niðurstöður
Ef helstu niðurstöðurnar eru dregnar saman út frá afstöðu MBA nemenda við Háskóla Íslands
og Háskólanum í Reykjavík, þá má sjá að lítið bar á milli í siðferðilegri afstöðu þeirra í
samningaviðræðum. Það virðist því ekki skipta máli hvar þeir stunda nám sitt, hvort að
starfsreynsla þeirra sé mikil eða lítil og síðast en ekki síst þá skiptir kynferði ekki máli. Til að
mynda var það nákvæmlega sama aðferðin sem var í efst í huga hjá öllum þremur flokkunum
og sömuleiðis voru sömu aðferðirnir ofarlega á blaði hjá öllum flokkunum. Samkvæmt þessu
er afstaða MBA nemenda við íslensku háskólanna til siðferðilegra vangaveltna í
samningaviðræðum mjög sambærileg. Aftur á móti er meiri munur á siðferðilegri afstöðu
MBA nemenda við íslensku háskólanna samanborið við MBA nemendur í Bandaríkjunum
eins og nánar er vikið að hér að neðan.
Kynferði
Í upphafi verða niðurstöðurnar nánar greindar út frá kynferði þeirra MBA nemenda á Íslandi
sem tóku þátt. Af 39 þátttakendum voru 14 konur og 25 karlar. Hlutfallið var því 54% á móti
36% körlunum í hag. Áhugavert er að sjá hve sambærilegar niðurstöður á milli karlanna og
kvennanna voru, en þær eru útlistaðar í töflu 2 og töflu 3 hér að neðan. Þær níu aðferðir sem
fengu hæstu einkunnina voru nákvæmlega þær sömu hjá kynjunum. Þó ber að líta til þess að
staðalfrávikið í tilviki kvennanna var mun lægra í tveimur efstu aðferðunum heldur en hjá
körlunum. Það bendir til þess að meiri líkindi voru í afstöðu kvennanna í heild sinni heldur en
hjá körlunum. Sú aðferð sem fékk hæstu einkunn, og þar með sú sem þau væru líklegust til
þess að grípa til, hjá bæði körlunum og konunum var sú að gefa ekki upp raunverulega
lágmarkskröfu sína gagnvart viðsemjanda sínum og næst hæsta einkunn fékk aðferðin að
fyrsta tilboð sem lagt er fram sé mun hærra en gert er ráð fyrir að verði samþykkt. Ef horft er
til þeirrar aðferðar sem síst er notuð í samningaviðræðum er afstaða kynjanna afar svipuð.
Sömu tvær aðferðirnar voru í neðstu sætunum, og þar með þær aðferðir sem gripið var síst til.
Sú aðferð sem naut minnstra vinsælda sem síst yrði notuð var sú að hóta neikvæðum
afleiðingum fyrir gagnaðila þinn í samningaviðræðunum láti hann ekki undan kröfum þínum,
jafnvel þótt þú ætlir aldrei að láta af þeim verða. Þar á eftir var það aðferðin að hóta því að
láta gagnaðila þinn í samningaviðræðunum líta illa og/eða kjánalega út í augum yfirmanns
hans eða annarra sem hann sækir umboð sitt til. Forvitnilegt er að sjá að staðalfrávikið í
tveimur neðstu aðferðunum, sem nutu minnsta fylgis, er mun lægra hjá bæði körlunum og
konunum heldur en í tveimur efstu aðferðunum, sem voru vinsælastar. Þessi samanburður er
sérstaklega áberandi hjá körlunum þar sem staðalfrávikið í efstu aðferðinni er 1,71 en 0,33 í
54
neðstu aðferðinni. Þá vekur það sérstaka athygli að staðalfrávikið í þeirri aðferð sem fékk
lægstu einkunnina hjá konunum var 0, sem þýðir að svör allra þátttakenda við viðkomandi
spurningu var lægsta mögulega einkunn.
Tafla 2 Niðurstaða kvenkyns MBA nemenda sem tóku þátt í rannsókninni á Íslandi.
55
Tafla 3 Niðurstaða karlkyns MBA nemenda sem tóku þátt í rannsókninni á Íslandi
Við frekari samanburð kynjanna þegar spurningarnar hafa verið flokkaðar í sjö flokka eftir
líkindum þeirra, má sjá að ekki ber mikið á milli í afstöðu þeirra sé litið til einkunnagjafar,
sbr. graf 1 og graf 2 hér að neðan. Í raun er munur á afstöðu kynjanna undir skekkjumörkum,
ef svo má segja, en þó eru það tveir flokkar sem hafi skorið sig úr. Í fyrsta lagi í flokknum
„samningatækni út frá samkeppnissjónarmiðum“ en þar var einkunn kvennanna hærri, eða
4,62 á móti 4,28 og samkvæmt því eru konurnar líklegri til að grípa til þeirra úrræða sem þar
falla undir. Staðalfrávikið var lægra hjá konunum og því meiri líkindi hvað einkunnagjöf
þeirra varðar en hjá körlunum. Í öðru lagi var einkunn karlanna í flokknum „grafa undir“
56
eilítið hærri en einkunn kvennanna, eða 1,82 á móti 1,64. Auk þess var staðalfrávikið hærra
hjá körlunum eða 1,20 á móti 0,91 hjá konunum, og því meiri dreifing í afstöðu þeirra en
kvennanna.
Graf 1 Niðurstaða eftir kynferði
Graf 2 Staðalfrávik á niðurstöðum eftir kynferði
Reynsla
Næst verða niðurstöðurnar skoðaðar út frá starfsreynslu þeirra MBA nemenda á Íslandi sem
tóku þátt í rannsókninni. Yfirgripsmikil starfsreynsla einkenndi þann hóp sem tók þátt í
rannsókninni. Alls voru 18 einstaklingar með yfir 20 ára starfsreynslu sem gerir 46% af
heildarfjöldanum og í raun voru yfir 80% af þeim sem tóku þátt með lengri en 10 ára
57
starfsreynslu. Svo mikil starfsreynsla eykur líkurnar á nokkurri þátttöku svarenda í
samningaviðræðum í starfi sínu. Til þess að kanna hvort munur væri á afstöðu þeirra sem voru
með langa starfsreynslu og annarra þátttakenda var ákveðið að viðmiðið yrði yfir eða undir 20
ára starfsreynslu. Sem fyrr segir þá leiddi það til þeirrar niðurstöðu að 46% voru í hóp þeirra
sem höfðu meiri starfsreynslu og 54% í hópi þeirra sem minni starfsreynslu höfðu.
Nokkur líkindi voru með þeim niðurstöðum sem fram komu hjá þátttakendum út frá
starfsreynslu þeirra. Ekki var mikill munur á afstöðu þátttakenda hvort sem þeir voru með yfir
20 ára starfsreynslu eða hinna sem höfðu minni en 20 ára starfsreynslu, eins og sjá má í töflu
4 og töflu 5 hér að neðan. Er það í raun afar áhugavert, enda mætti draga þær ályktanir að
aðilar sem væru með minni starfsreynslu væru meira að sanna sig í starfi sínu og gripu því
frekar til aðferða sem væru siðferðilega vafasamar heldur en þeir sem meiri reynslu hefðu.
Líkt og með kynjaskiptinguna hér að ofan þá fengu sömu átta efstu aðferðirnar hæstu
einkunnina hjá báðum hópunum. Ekki var áberandi munur á staðalfrávikunum en þau voru þó
hærri hjá hópnum sem var með yfir 20 ára starfsreynslu sem þýðir ólíkari afstöðu þeirra
innbyrðist. Sú aðferð sem fékk hæstu einkunn hjá bæði körlunum og konunum, og þar með sú
sem þeir myndu einna helst beita, var sú að gefa ekki upp raunverulega lágmarkskröfu sína
gagnvart viðsemjanda sínum og næst vinsældasta aðferðin var sú að afla sér upplýsinga um
samningsstöðu gagnaðila síns og nálgun hans í samningaviðræðunum með því að „spyrjast
fyrir“ hjá vinum, samstarfsmönnum eða öðrum kunningjum sínum. Ef horft er til þeirra
aðferða sem síst verða notaðar í samningaviðræðunum var hins vegar nokkur munur á milli
hópanna tveggja. Þær aðferðir sem nokkuð áberandi var að þeir þátttakendum sem höfðu
meira en 20 ára starfsreynslu gripu síst til, var annars vegar sú aðferð að hóta neikvæðum
afleiðingum fyrir gagnaðila þinn í samningaviðræðunum ef hann lætur ekki undan kröfum
þínum, jafnvel þó ljóst sé að ekkert verði af þeim. Hins vegar aðferðin að afla sér upplýsinga
um samningsstöðu gagnaðila síns með því að leita til vina, samstarfsmanna eða annarra
kunningja gegn greiðslu þeim til handa. Fyrrnefnda aðferðin var einnig á meðal þeirri tveggja
aðferða sem þátttakendur sem höfðu minni en 20 ára starfsreynslu gripu síst til. Hin aðferðin
var sú að gefa með ásetningi upp villandi framsetningu á stöðu samningaviðræðnanna til
fjölmiðla eða þeirra sem umboð er sótt til, svo staða samningsaðila virðist vera betri en hún í
raun er.
58
Tafla 4 Niðurstaða MBA nemenda með 20 ára eða lengri starfsreynslu
Ef litið er með nánari hætti á afstöðu þátttakenda annars vegar með starfsreynslu í 20 ár eða
skemur og hins vegar starfsreynslu yfir 20 ár er í stuttu máli vart tölfræðilega marktækur
munur á afstöðu þátttakenda eftir starfsreynslu. Í þremur flokkum er einkunn þeirra
reynsluminni nokkuð hærri en hjá þeim reynslumeiri og verður þeirra nú stuttlega getið. Í
fyrsta lagi í flokknum „samningatækni út frá samkeppnissjónarmiðum“ en þar munaði 0,23 á
afstöðu aðilanna, þ.e. þeir sem voru með yfir 20 ára starfsreynslu voru með 4,53 á meðan þeir
með minni starfsreynslu voru með 4,76. Nokkur dreifni var hins vegar í afstöðu þátttakenda
enda staðalfrávik hjá þeim reynslumeiri 1,84 og 1,60 hjá þeim reynsluminni. Í öðru lagi í
flokknum „falskar væntingar og lygi“ skildi 0,18 á milli þessara tveggja hópa, eða 3,50 hjá
þeim reynsluminni á móti 3,32 hjá þeim reynslumeiri. Þar var staðalfrávikið tiltölulega lágt
59
eða 0,94 hjá reynsluminni hópnum á móti 1,08 hjá reynslumeiri hópnum. Í þriðja lagi var það
í flokknum „upplýsingaöflun“ þar sem einkunnagjöf hjá hinum reynsluminni var 2,54 en 2,23
hjá þeim reynslumeiri og munaði því 0,31 á hópunum tveimur. Staðalfrávikið var tiltölulega
lágt hjá báðum hópunum, þó það hafi verið hærra hjá þeim reynsluminni eða 1,09 á móti 0,79
hjá þeim reynslumeiri. Af því leiðir að einkunnagjöf flestra í báðum hópunum var á svipuðu
bili.
Tafla 5 Niðurstaða MBA nemenda með undir 20 ára starfsreynslu
Til þess að fá frekari samanburð á vægi starfsreynslunnar voru spurningarnar sem fyrr segir
flokkaðar í sjö flokka eftir líkindum þeirra. Ekki ber mikið á milli í afstöðu þeirra sé litið til
einkunnagjafar eins og sjá má í grafi 3 og grafi 4. Í raun er munur á afstöðu kynjanna undir
skekkjumörkum, ef svo má segja, en þó eru það tveir flokkar sem hafi skorið sig úr. Í fyrsta
60
lagi í flokknum „samningatækni út frá samkeppnissjónarmiðum“ var einkunn þeirra sem meiri
starfsreynsluna hafa eilítið lægri, eða 4,5 á móti 4,8 og samkvæmt því eru þeir sem minni
starfsreynslu hafa líklegri til að grípa til þeirra úrræða sem þar féllu undir. Í öðru lagi var
einkunn þeirra sem minni reynslu hafa í flokknum „falskar væntingar og lygi“ hærri, en
þeirra reynslumeiri, eða 3,5 á móti 3,3. Samkvæmt þessu eru þeir sem minni starfsreynslu
hafa líklegri til þess að líta á samningaviðræðurnar sem samkeppni og byggja upp falskar
væntingar og ljúga ef svo ber undir. Að sjálfsögðu þarf að hafa í huga að ekki bar hér mikið á
milli.
Graf 3 Niðurstaða eftir starfsreynslu
Graf 4 Staðalfrávik á niðurstöðum eftir starfsreynslu
61
Skóli
Til þess að öðlast innsýn í það hvort til staðar sé ólík afstaða hjá MBA nemendum hér á landi,
eftir því hvort þeir stunda nám við Háskóla Íslands eða Háskólann í Reykjavík, var hópnum
skipt upp eftir því hvar þeir stunda nám sitt. Af þeim 39 sem tóku þátt í könnunni voru 24 úr
Háskólanum í Reykjavík eða 62% af heildarfjölda þátttakenda og 15 nemendur úr Háskóla
Íslands eða 38% af fjöldanum. Mikil líkindi voru með þeim niðurstöðum sem fram komu hjá
þátttakendum út frá því hvort þeir voru MBA nemendur við Háskóla Íslands eða við
Háskólann í Reykjavík eins og sjá má í töflu 6 og töflu 7. Sömu átta efstu aðferðirnar fengu
hæstu einkunnina hjá báðum hópunum og voru þar mikil líkindi á afstöðu þeirra. Ef litið er til
staðalfrávikanna þá var að sama skapi ekki mikill munur þar á milli. Sama aðferð fékk lægstu
einkunn, og yrði þar af leiðandi síst notuð, hjá nemendum skólanna beggja, þ.e. að hóta
neikvæðum afleiðingum fyrir gagnaðila í samningaviðræðunum ef hann lætur ekki undan
kröfum þínum, jafnvel þótt þú vitir að aldrei verði af hótuninni. Hins vegar var það ekki sama
aðferðin sem kom þar á eftir hjá nemendunum. Hjá MBA nemendum við Háskólann í
Reykjavík var það aðferðin að afla sér upplýsinga um samningsstöðu gagnaðilans með því að
reyna að ráða einn af lykilmönnum hans, þá gegn skilyrði að hann búi yfir
trúnaðarupplýsingum sem ég get fengið aðgang að. Hjá MBA nemendum við Háskóla Íslands,
var það aftur á móti sú aðferð að hóta gagnaðila sínum að láta hann líta illa og/eða kjánalega
út í augum yfirmanns síns eða annarra sem hann sækir umboð sitt til.
62
Tafla 6 Niðurstaða MBA nemenda við Háskóla Íslands
63
Tafla 7 Niðurstaða MBA nemenda við Háskólann í Reykjavík
Eins og í öðrum samanburði á meðal MBA nemenda hér á landi sem vikið hefur verið að hér
að ofan, er ekki til staðar tölfræðilega marktækur munur á milli hópanna tveggja, sbr. graf 5
og graf 6. Hér verður þó getið þriggja flokka þar sem mesti munurinn var á afstöðu
nemendanna. Í fyrsta lagi var það flokkurinn „villandi framsetning“ þar sem MBA nemendur
úr Háskólanum í Reykjavík fengu 1,88 á meðan MBA nemendur úr Háskóla Íslands fengu
1,71. Hér eru því MBA nemendur við Háskólann í Reykjavík líklegri til að beita villandi
framsetningu en MBA nemendur úr Háskóla Íslands. Þá var staðalfrávikið töluvert lægra hjá
fyrrnefndu nemendunum eða 0,82 á móti 1,23 hjá síðarnefndu nemendunum. Sem þýðir að
nemendurnir við Háskóla Íslands voru meira samstíga í sinni nálgun en nemendur við
Háskólann í Reykjavík. Í öðru lagi var það í flokknum „blekkingar“ þar sem MBA nemendur
úr Háskólanum í Reykjavík fengu hærri einkunn eða 2,43 en MBA nemendur við Háskóla
Íslands fengu 2,26. Eru því nemendur við Háskólann í Reykjavík líklegri til að beita
64
blekkingum, en að sama skapi var staðalfrávikið hærra hjá nemendunum við Háskólann í
Reykjavík eða 1,34 á móti 1,10 hjá MBA nemendum við Háskóla Íslands. Var því afstaða
nemenda við Háskólann í Reykjavík dreifðari en við Háskóla Íslands, þó litlu hafi munað þar
á milli. Í þriðja lagi var það í flokknum „hótanir“. Þar var einkunnagjöf nemenda við
Háskólann í Reykjavík 1,23 með staðalfrávikið 0,31 og hjá nemendum við Háskóla Íslands
1,07 með staðalfrávikið 0,69. Samkvæmt því eru MBA nemendur við Háskólann í Reykjavík
líklegri til að grípa til þeirra aðferða sem flokkast undir hótanir heldur nemendur við Háskóla
Ísland og lægra staðafrávik þýðir að þessi mynd er nokkuð skýr fyrir flesta nemendur þar.
Graf 5 Niðurstaða MBA nemenda eftir skólum
Graf 6 Staðalfrávik á niðurstöðum eftir skólum
65
Land
Á meðal MBA nemenda við íslensku háskólanna voru það tvær aðferðir sem voru nokkuð
afgerandi vinsælastar með einkunnir upp á 6,13 og 5,49 eins og sjá má í töflu 8. Sú aðferð
sem fékk hæstu einkunnina, og þar með sú helsta sem gripið yrði til, var að gefa ekki upp um
raunverulega lágmarkskröfu sína gagnvart gagnaðila í samningaviðræðunum. Sú aðferð sem
var næst vinsælust var sú að afla sér upplýsinga um samningsstöðu gagnaðilans og nálgun
hans í samningaviðræðunum með því að „spyrjast fyrir“ hjá vinum, samstarfsmönnum eða
öðrum kunningjum sínum. Að sama skapi var staðalfrávikið í þessum tveimur aðferðum
töluvert lægra, eða 1,15 og 1,35, samanborið við aðrar aðferðir sem voru hátt skrifaðar hjá
MBA nemendum við Háskóla Íslands og Háskólann í Reykjavík. Það þýðir að flestir
nemendur skólanna voru sammála um þessar tvær aðferðir voru vinsælastar. Sem dæmi má
nefna að staðalfrávikið var 1,7 – 1,78 hjá þeim aðferðum sem voru í þriðja til fimmta sæti. Að
sama skapi er áhugavert að líta til þeirra aðferða sem höfnuðu í neðstu sætunum hjá MBA
nemendunum við íslensku háskólanna og þar með þær aðferðir sem þeim hugnuðust síst en
þær fólu í sér beitingu hótana af þeirra hálfu. Sú aðferð sem þeir töldu að þeir myndu síst beita
var að hóta gagnaðilanum í samningaviðræðunum að það hafi í för með sér neikvæðar
afleiðingar, jafnvel þótt það liggi fyrir að það verði aldrei af þeirri hótun. Sú aðferð fékk
einkunnina 1,31 og staðalfrávikið 0,92. Þar á eftir var það aðferðin að hóta gagnaðilanum að
láta hann líta illa og/eða kjánalega út í augum yfirmanns hans eða þess sem hann sækir umboð
sitt til. Sú aðferð fékk einkunnina 1,36 og staðalfrávikið 0,81. Áhugavert er að sjá að tvær
neðstu aðferðirnar, sem þeir myndu síst beita, fá ekki eins afgerandi einkunn og þær tvær
efstu aðferðirnar sem yrðu notaðar af MBA nemendum hér á landi. Einkunnargjöf þriggja
næstu aðferða sem MBA nemendunum við íslensku háskólanna líkaði síst við, var á bilinu
1,43 – 1,49. Það munaði einungis 0,18 á þeirri aðferð sem hafnaði í neðsta sæti og þeirri
aðferð sem hafnaði í fimmta neðsta sæti. Hins vegar munaði 3,05 á þeirri aðferð sem var í
efsta sæti og þeirri aðferð sem var í fimmta efsta sæti. Af því leiðir að MBA nemendurnir sem
voru við nám hér á landi voru nokkuð samstíga um þær aðferðir sem þeir myndu helst beita,
sér í lagi þeirra þriggja efstu, á meðan mun meiri greindi á milli afstöðu þeirra til aðferða sem
þeir myndu síst beita. Til að mynda var munurinn á þeirri aðferð sem hafnaði í neðsta sæti og
þeirri sem var í sjötta neðsta sæti, eða tveimur sætum ofar, einungis 0,20. Samkvæmt þessu
var engin ein aðferð sem MBA nemendunum við íslensku háskólanna hugnaðist sérstaklega
illa.
66
Tafla 8 Niðurstaða MBA nemenda á Íslandi
Hjá MBA nemendum við Ohio State University var niðurstaðan á nokkurn annan veg,
samanborið við afstöðu MBA nemenda við Háskólann í Reykjavík og Háskóla Íslands sem
tilgreind er hér að ofan. Hæsta einkunnargjöfin þar var 6,04 og sú aðferð sem MBA nemendur
við Ohio State University myndu einna helst beita að afla sér upplýsinga um samningsstöðu
gagnaðilans og nálgun hans í samningaviðræðunum með því að „spyrjast fyrir“ hjá vinum,
samstarfsmönnum eða öðrum kunningjum sínum. Eins og rakið er að ofan hlaut þessi aðferð
einkunnina 5,49 hjá MBA nemendum við íslensku háskólanna og var þar næst vinsælust af
þeim aðferðum sem þeir myndu grípa til í samningaviðræðum. Með næst flest stig hjá MBA
nemendunum við Ohio State University, með einkunnina 5,62, var aðferðin að leggja fram
fyrsta tilboðið sem er mun hærra en gert er ráð fyrir að samþykkt verði. Þriðja vinsælasta
aðferðin, með einkunnina 5,22 var að draga upp þá falsmynd að hafa nógan tíma til að klára
samningaviðræðurnar, til þess að skapa þrýsting á gagnaðilann að ljúka þeim sem fyrst. Ef
litið er til þeirra aðferða sem voru síst til þess fallnar að vera notaðar af MBA nemendum við
67
Ohio State University þá eru það þrjár sem vert er að huga að. Sú sem þeir myndu síst grípa til
með einkunnina 1,98 var aðferðin að afla sér upplýsinga um samningsstöðu gagnaðilans með
því að reyna að ráða einn af lykilmönnum hans, þá gegn skilyrði að sá aðili búi yfir
trúnaðarupplýsingum sem hægt er að hafa aðgang að. Þessi aðferð var sömuleiðis með lægsta
staðalfrávikið af öllum aðferðunum eða 1,42, og þar með mestu líkindin í svörum þeirra sem
tóku þar afstöðu. Þar á eftir var það aðferðin, með einkunnina 2,13, að hafa beint og
milliliðalaust samband við yfirmann gagnaðilans, eða þann aðila sem hann sækir umboð sitt
til, og gefa honum upplýsingar í þeim tilgangi að grafa undan trú hans á að gagnaðilinn geti
náð árangri í samningaviðræðunum. Staðalfrávikið fyrir þessa aðferð var einnig það næst
lægsta sé litið til allra aðferðanna eða 1,50. Sú aðferð sem MBA nemendurnir við Ohio State
University settu í þriðja sæti yfir þær aðferðir sem þeir síst myndu nota með einkunnina 2,15
var aðferðin að hóta neikvæðum afleiðingum fyrir gagnaðilann ef hann lætur ekki undan
kröfum þínum, jafnvel þótt þú vitir að aldrei verða af hótuninni. Hér var staðalfrávikið
nokkuð hærra en í ofangreindum tveimur aðferðum sem hlutu lægstu einkunnina, eða 1,83.
Samkvæmt því er minnsta samstaðan á meðal nemendanna um þessa aðferð og dreifist afstaða
þeirra nokkuð.
68
Tafla 9 Niðurstaða MBA nemenda við Ohio State University
Eins og sjá má að neðan eru fimm flokkar sem standa upp úr varðandi mun á afstöðu nemenda
og í öllum flokkunum voru nemendur Ohio State University líklegri til að beita þeim
aðferðum sem þar koma fram, sbr. graf 7. Er þetta í takt við niðurstöðurnar sem kynntar voru
hér að ofan. Í raun má segja að áhugaverðara sé að líta til þeirra flokka sem lítið bar á milli,
þ.e. „samkeppni“ og að „grafa undan“. Samkvæmt því er afstaða MBA nemendanna hér á
landi og í Bandaríkjunum sambærileg þegar kemur að því að nota þær aferðir sem þar falla
undir. Í öllum hinum flokkunum bar hins vegar mikið á milli eins og sjá má hér að neðan og
MBA nemendur í Ohio State University mun líklegri til að beita siðferðilega vafasömum
aðferðum. Mikilvægt er þó að hafa í huga, eins og fram kemur á grafi 8 að staðalfrávikið var
einnig í öllum tilvikum hærra sem segir að dreifing niðurstaðna hafa verið mun meiri hjá
MBA nemendum við Ohio State University, þ.e. þar eru nemendur sem eru tilbúnir að ganga
mjög langt í að beita siðferðilega vafasömum aðferðum og aðrir nemendur sem gera slíkt alls
69
ekki. Aftur á móti eru mun meiri líkindi á meðal afstöðu MBA nemenda hér á landi gagnvart
siðfræði í samningaviðræðum.
Graf 7 Niðurstaða eftir löndum
Graf 8 Staðalfrávik á niðurstöðum eftir löndum
70
Lokaorð
Ekki er ólíklegt að siðfræði og samningaviðræður séu andstæður í hugum einhverra. Til þess
að ná þínu fram í samningaviðræðum þurfir þú að beita öllum tiltækum ráðum, þó innan
marka laga. Þannig geti blekkingar, lygar og það að halda til baka upplýsingum verið hluti af
samningatækni. Að eiga í samningaviðræðum sé í raun eins og að spila pókerspil þar sem slík
háttsemi er algeng og jafnvel viðurkenndur hluti af því að ná árangri. Er það svo? Í þessari
ritgerð var litið til stöðu siðfræðinnar í samningaviðræðum, og sér í lagi beitingu siðferðilega
vafasamra aðferða. Alltaf þarf þó að hafa í huga við rannsókn sem þessa að huglæg afstaða
aðila til ýmissa aðferða getur verið ólík, svo sem hvenær er verið að beita blekkingum eða
hótunum og hvenær ekki. Sumar þessara aðferða bjóða þó ekki upp á slíka huglæga afstöðu
þess sem viðhefur þá háttsemi, svo sem að ljúga. Hér kæmi þá til mat á því hvort lygin sé
svokölluð hvít lygi sem fjallað var um að framan og hvort hún eigi þá rétt á sér. Einn helsti
vandinn við að ástunda gott siðferði í samningaviðræðum er sá möguleiki að þú mætir
samningamanni sem hefur engan áhuga á að ástunda gott siðferði. Hætt er við að manneskja
sem ástundar siðferðilega háttsemi í sínum vinnubrögðum geti lent í vandræðum ef hún mætir
aðilar sem hefur það eina markmið að vinna samningsaðila sinn með hvaða hætti sem er. Að
vera siðferðilega þenkjandi aðili er krefjandi verkefni. Með þetta í huga er áhugavert að líta til
þeirra niðurstaða sem fram komu hjá MBA nemendunum hér á landi og í Bandaríkjunum. Af
þeim má sjá að afar lítill munur er á afstöðu MBA nemenda sem eru í Háskólanum í
Reykjavík og Háskóla Íslands til ýmissa siðferðilega vafasamra aðferða í samningsgerð. Ekki
skiptir því máli í hvaða skóla viðkomandi nemendur eru, né kyn þeirra eða starfsreynsla. Þessi
niðurstaða vekur nokkra athygli sér í lagi út frá þeirri umræðu sem hefur átt sér stað hér á
landi um mikilvægi þess að auka hlut kvenna í stjórnun fyrirtækja. En sú umræða náði í raun
hámarki þegar Alþingi lögfesti lög nr. 13/2010 sem fólu í sér breytingu á lögum nr. 2/1995,
um hlutafélög. Þar var m.a. gerð sú krafa að jafna kynjamun aðila í stjórnum en undirliggjandi
markmið var að auka hlut kvenna þar sem verulega þótti hallað á þær. Að sjálfsögðu verður
því ekki haldið fram að siðfræðileg nálgun á samningaviðræður sé eini mælikvarðinn á
farsælan stjórnarmann í fyrirtæki, en hitt er þó ljóst að það er afar lítill munur á afstöðu karla
og kvenna í þeim efnum. Þetta getur þó gefið ákveðna vísbendingu um hvort rétt sé að miða
við kynferði í þessum efnum. Að sama skapi vekur nokkra athygli að starfsreynsla virðist ekki
skipta máli hvað þetta varðar. Eins og málshátturinn, „Nýir vendir sópa best“ kveður á um,
mætti halda því fram að þeir sem hefðu minni starfsreynslu notuði frekar siðferðilega
vafasamar aðferðir en þeir sem búa að lengri reynslu. Að með starfsreynslunni dragi úr
71
keppnishörkunni sem oft einkennir fólk sem nýkomið er á vinnumarkaðinn og er þá oft og
tíðum tilbúið að ganga langt til þess að sanna sig. Sem fyrr segir, þá virðist starfsreynslan ekki
hafa mikil áhrif á siðferðilega breytni manna í samningaviðræðum.
En er hægt með einhverju móti að tryggja að gott siðferði sé haft að leiðarljósi í
samningaviðræðum? Ein leið væri sú að þeir sem kæmu að samningaviðræðunum myndu
setja upp ákveðnar leikreglur sem fælu það í sér að gott siðferði væri í heiðri haft. Þar kæmi
fram hverskonar háttsemi væri ekki leyfð í umræddum samningaviðræðum, svo sem
óheiðarleiki, lygar, frekja og yfirgangsemi.170
Til að auka við gildi þessara reglna má hugsa
sér að samningsaðilar myndu staðfesta þær með skriflegum hætti og að frávik frá þeim myndu
leiða til ógildingar á þeim samningum sem yrði stofnað til. Með slíku fengju þær reglur sem
hefðu neikvætt siðferðilegt viðmót aukið vægi, í raun sambærilegt við lagareglur. Önnur leið
væri að stuðla að aukinni þekkingu þeirra sem koma að samningaviðræðum um mikilvægi
þess að beita háttsemi sem telst vera siðferðilega réttmæt, svo sem að beita ekki blekkingum,
hótunum eða þvingunum. Hafa ber þar í huga hve mikilvægt orðsporið er, en af verkum sínum
eru menn dæmdir. Siðferðilega vafasöm háttsemi getur því haft veruleg áhrif á orðspor
samningamanna og þeirra fyrirtækja sem þeir starfa fyrir. Flestum Íslendingum er í fersku
minni það hrun sem varð hér á landi árið 2008 og hvaða áhrif það hafði á traust almennings
hér á landi. Traust til fjármálafyrirtækja hrundi og hafa þau leynt og ljóst verið að byggja það
upp að nýju. Það er einmitt traustið sem hverfur þegar samningsaðilar viðhafa siðferðilega
vafasama háttsemi og þeir sem samið er við komast að því, sem er oftast raunin.
Þegar öllu er á botninn hvolft eru siðfræði og samningaviðræður ekki andstæður, nema síður
sé. Til þess að ná árangri í samningaviðræðum þarf að sýna af sér háttsemi sem skapar traust
og jákvætt orðspor. Að nálgast samningaviðræður með jákvæðu hugarfari, hreinskilni og
hreinskiptni að leiðarljósi er lykill að því að ná betri árangri og þar með skila meiri ábata.
170
Kathleen Kelley Reardon, The Skilled Negotiator, 90.
72
Heimildaskrá
Adler, Robert S. “Negotiating With Liars” MIT Sloan – Management Review (Summer 2007):
69-74.
Bakhurst, David. “On lying and deceiving.” Journal of medical ethics (1992): 63-66.
Bok, Sissela. Lying-Moral Choice in Public and Private Life. New York: Vintage Books,
1989.
Carr, Albert Z. “Is business bluffing ethical?” Harvard Business Review (1968): 143-153.
Carson, Thomas L. Lying and Deception. Oxford: Oxford University Press, 2012.
Ciulla, Joanne B., and Martin, Clancy and Solomon, Robert C. Honest Work. New York:
Oxford University Press, 2011.
Cohen, Jonathan R. „The Ethics of Respect in Negotation,“ What´s Fair?, eds. Carrie
Menkel-Meadow and Michael Wheeler. San Francisco: Jossey-Bass, 2004, 257 – 263.
DeMarr, Beverly J. and Janasz, Suzanne C. de. Negotiation and Dispute Resolution. New
Jersey: Pearson Education Inc., 2013.
DesJardings, Joseph. An Introduction to Business Ethics. Singapore: McGraw-Hill, 2011.
DeGeorge, Richard T. Business Ethics.USA: Pearson, 2013.
Erat, Sanjiv and Gneezy, Uri. “White Lies.” Management Science (2011): 1-11.
Falcao, Horacio. Value Negotiation-How to Finally get the Win-Win Right. Singapore:
Pearson Education South Asia Pte Ltd, 2010.
Fisher, Roger and Ury, William and Patton, Bruce. Getting to Yes- Negotiating Agreement
Without Giving In. New York: Penguin Books, 1991.
Flores, Fernando and Solomon, Robert C. “Creating Trust.” Business Ethics Quarterly (Apr.
1998): 205-232.
Fraedrich, John and Ferrell, Linda and Ferrell, O.C. Ethical Decision Making in Business – A
Managerial Approach. Canada: South-Western Cengage Learning, 2013.
Friedman, Raymond and Shapiro, Debra.“Deception and Mutual Gains Bargaining: Are They
Mutually Exclusive?” Negotiation Journal (July 1995), 243-255.
Fulmer, Ingrid Smithey and Barry, Bruce and Long, D. Adam. Lying and Smiling:
Informational and Emotional Deception in Negotiation. Journal of Business Ethics (2009):
691-709.
73
Garðar Gíslason. “Um lög og siðferði.” Úlfljótur (1990): 241-253.
Gilbert, Joseph. Ethics for Managers: Philosophical Foundations & Business Realities. New
York: Routledge, 2012.
Gimmel, Barbara Brooks. Trust Inc.:Strategies for Building Your Companies Most Valuable
Assets. USA: Next Decade Inc., 2013.
Hames, David. Negotiation: Closing Deals, Settling Disputes and Making Team Decisions.
USA: Sage Publications, 2012.
Healey, Joseph F. Statistics-A Tool for Social Research. Belmont: Wadsworth Cengage
Learning, 2009.
Jackson, Jennifer. “On the morality of deception – does method matter? A reply to David
Bakhurst.” Journal of medical ethics (1993): 183-187.
Jackson, Jennifer. “Telling the Truth.” Journal of medical ethics (1991): 5-9.
Johnson, Craig E. Ethics in the Workplace- Tools and Tactics for Organizational
Transformation. Thousand Oaks: Sage Publications Inc., 2007.
Johnson, Craig E. Organizational Ethics. Thousand Oaks: Sage Publications Inc.,, 2012.
Kant, Immanuel. Íslensk þýðing Guðmundar Heiðars Frímannssonar. Grundvöllur að
frumspeki siðlegrar breytni. Reykjavík: Hið íslenska bókmenntafélag, 2004.
Lewicki, Roy J. And Robinson, Robort J. “Ethical and Unethical Bargaining Tactics.” Journal
of Business Ethics, (1998): 665–682.
Lög nr. 7/1936, um samningsgerð, umboð og ógilda löggerninga, með síðari breytingum.
Vefútgáfa Alþingistíðinda, slóð: http://www.althingi.is/lagas/143a/1936007.html (sótt
04.07.2014).
Mahon, James Edwin. “The Truth about Kand on Lies.” The Philosophy of Deception, ed. by
Clancy Martin. Britain: Oxford Scholarship Online, 2009, 201-224.
McLemore, Clinton W. Street Smart Ethics: Succeeding in Business without Selling your
Soul. Louisville: Westminister John Knox Press, 2003.
Mill, John Stuart. Íslensk þýðing Gunnars Ragnarssonar. Nytjastefnan. Reykjavík: Hið
íslenska bókmenntafélag, 1871/1998.
Mnookin, Robert H. and Peppet, Scott R. and Tulumello, Andrew. Beyond Winning:
Negotiating to Create Value in Deals and Disputes. USA: Belknap Press, 2004.
74
Norton, Eleanor Holmes. „Bargaining and the Ethics of Process,“ What´s Fair?, eds. Carrie
Menkel-Meadow and Michael Wheeler. San Francisco: Jossey-Bass, 2004, 270 – 298.
Páll S. Árdal. Siðferði og mannlegt eðli. Reykjavík: Hið íslenzka bókmenntafélagið, 1997.
Páll Sigurðsson. Samningaréttur. Reykjavík: Bókaútgáfa Orators, 1987.
Páll Skúlason. Pælingar. Reykjavík: Ergo,1987.
Pojman, Louis P. and Fieser, James. Ethics: Discovering Right and Wrong. Boston:Cengage
Learning, 2011.
Provis, Chris. “Ethics, Deception and Labor Negotiation.” Journal of Business Ethics (2000):
145-158.
Rachels, James. Íslensk þýðing Jóns Á Kalmanssonar. Stefnur og straumar í siðfræði.
Reykjavík: Háskólaútgáfan, 1997.
Reardon, Kathleen Kelley. The Skilled Negotiator. California: Jossey – Bass, 2004.
Róbert H. Haraldsson. Erindi siðfræðinnar. Reykjavík: Rannsóknarstofnun í siðfræði, 1993.
Róbert Spanó. Túlkun lagaákvæða. Reykjavík: Bókaútgáfan Codex, 2007.
Ruggiero, Wincent. Thinking Critically About Ethical Issues. New York: McGraw-Hill, 2011.
Schwitzer, Maurice E. and DeChurch, Leslie A. and Gibson, Donald E. “Conflict Frames and
the Use of Deception: Are Competitive Negotiations less Ethical?” Journal of Applied Social
Psychology (2005): 2123-2149.
Shell, Richard G. „Bargaining with the Devil Without Losing Your Soul,“ What´s Fair?, eds.
Carrie Menkel-Meadow and Michael Wheeler. San Francisco: Jossey-Bass, 2004, 57 – 74.
Shell, G. Richard. Bargaining for Advantage: Negotiation Strategies for Reasonable People.
New York: Penguin Books, 2006.
Shibles, Warren. Lying: A Critical Analysis. Wisconsin: The Language Press, 1985.
Sigurður Líndal. Um lög og lögfræði. Reykjavík: Hið íslenska bókmenntafélag, 2007.
Stanwick, Peter and Stanwick, Sarah. Understanding Business Ethics. USA: Pearson
International, 2009.
Stjórnarskrá lýðveldisins Íslands nr. 33 frá 1944. Vefútgáfa alþingistíðinda:
http://www.althingi.is/lagas/143a/1944033.html
Strudler, Alan. “On the Ethics of Deception in Negotiation.” Business Ethics Quarterly (Oct
1995): 805-822.
75
Tillaga til þingsályktunar um rannsókn á ákvörðunum stjórnvalda vegna innstæðna
Landsbanka Íslands á Evrópska efnahagssvæðinu, þskj. 1315, 5. mál, 139. Löggþ. 139, 2009-
2010. Vefútgáfa Alþingistíðinda, slóð: http://www.althingi.is/altext/138/s/1315.html (sótt
20.08.2014).
Thompson, Leigh L. The Mind and Heart of the Negotiator. New Jersey: Pearson Education
Inc, 2012.
Viðar Már Matthíasson. Skaðabótaréttur. Reykjavík: Bókaútgáfan Codex, 2005.
Vilhjálmur Árnason. Farsælt líf, réttlátt samfélag – kenningar í siðfræði. Reykjavík:
Heimskringla/Mál og menning, 2008.
76
Viðauki I 1. Ég afla mér upplýsinga um samningsstöðu gagnaðila míns og nálgun hans í
samningaviðræðunum með því að „spyrjast fyrir“ hjá vinum, samstarfsmönnum eða öðrum
kunningjum mínum. (e. I gain information about an opponent’s negotiating position and
strategy by “asking around” in a network of your own friends, associates, and contacts.)
2. Ég legg fram fyrsta tilboðið sem er mun hærra en ég geri ráð fyrir að samþykkt verði. (e. I
make an opening demand that is far greater than what one really hopes to settle for.)
3. Ég gef ekki upp um raunverulega lágmarkskröfu mína gagnvart gagnaðila mínum. (e. I hide
your real bottom line from your opponent.)
4. Ég dreg upp þá falsmynd að ég hafi nógan tíma til að klára samningaviðræðurnar, til þess
að þrýsta á gagnaðila minn að ljúka samningaviðræðunum sem fyrst. (e. I Convey a false
impression that you are in absolutely no hurry to come to a negotiation agreement, thereby
trying to put more time pressure on your opponent to concede quickly.)
5. Ég reyni að sannfæra gagnaðila minn um að hans eina leið sé að semja við mig, þegar
raunin er sú að hann gæti leitað annað og fengið lausn sinna mála með hagkvæmari eða
fljótari hætti. (e. I Lead the other negotiator to believe that they can only get what they want
by negotiating with you, when in fact they could go elsewhere and get what they want cheaper
or faster.
6. Ég set fram fyrsta tilboðið svo hátt (eða eftir atvikum lágt) að það dregur verulega úr
sjálfstrausti gagnaðila míns og getu hans til að ná fram viðunandi samkomulagi fyrir sína
hönd. (e. I make an opening offer or demand so high (or low) seriously undermines your
opponent’s confidence in his/her own ability to negotiate a satisfactory settlement.)
7. Með ásetningi gef ég út villandi framsetningu á eðli samningaviðræðnanna til fjölmiðla eða
fylgismanna minna til þess að vernda viðkvæma stöðu samningaviðræðnanna. (e. I
intentionally misrepresent the nature of negotiations to the press or my constituency in order
to protect delicate discussions that have occurred.)
8. Ég hef beint samband við yfirmann gagnaðila míns í samningaviðræðunum, eða við þá
aðila sem hann sækir umboð sitt til, og reyni að sannfæra þá um ágæti málstaðar míns. (e. I
talk directly to the people who my opponent reports to, or is accountable to, and try to
encourage them to defect to my side.)
9. Ég afla mér upplýsinga um samningsstöðu gagnaðila míns með því að leita til vina,
samstarfsmanna eða annarra kunningja gegn greiðslu til handa þeim. (e. I gain information
about an opponent’s negotiating position by paying friends, associates, and contacts to get
this information for me.)
77
10. Með ásetningi læt gagnaðila mínum í té villandi efnislegar upplýsingar, þegar ég veit að
hann hefur þegar gert hið sama við mig. (e. I intentionally misrepresent factual information to
my opponent when I know that he/she has already done this to me.)
11. Ég afla mér upplýsinga um samningsstöðu gagnaðila míns með því að efla vinatengsl við
hann með dýrum gjöfum og skemmtunum eða gera honum „persónulega greiða“. (e. I gain
information about an opponent’s negotiating position by cultivating his/her friendship through
expensive gifts, entertaining, or “personal favors.”)
12. Með ásetningi gef ég villandi framsetningu á stöðu samningaviðræðnanna, til fjölmiðla
eða þeirra sem ég sæki umboð til, svo staðan mín virðist vera betri en hún í raun er. (e. I
intentionally misrepresent the progress of negotiations to the press or my constituency in
order to make your own position or point of view look better.)
13. Ég hóta gagnaðila mínum að láta hann líta illa og/eða kjánalega út í augum yfirmanns síns
eða annarra sem hann sækir umboð sitt til. (e. I threat to make my opponent look weak or
foolish in front of a boss or others to whom he/she is accountable.)
14. Ég hef beint og milliliðalaust samband við yfirmann gagnaðila míns, eða þann aðila sem
hann sækir umboð sitt til, og gef honum upplýsingar í þeim tilgangi að grafa undan trú hans á
að gagnaðili minn geti náð árangri í samningaviðræðunum. (e. I talk directly to the people
who my opponent reports to, or is accountable to, and tell them things that will undermine
their confidence in my opponent as negotiator.)
15. Ég lofa gagnaðila mínum að niðurstaðan verði jákvæð fyrir hans hönd ef hann lætur undan
kröfum mínum, jafnvel þótt ég viti að það loforð verði ekki uppfyllt. (e. I promise that good
things will happen to my opponent if he/she gives me what I want, even if I know that I will
not deliver those good things when the other’s cooperation is obtained.)
16. Ég hóta neikvæðum afleiðingum fyrir gagnaðila minn ef hann lætur ekki undan kröfum
þínum, jafnvel þótt ég viti að láti aldrei verða af hótuninni. (e. I threat to harm my opponent if
he/she doesn’t give me what I want, even if I know I will never follow through to carry out
that threat.)
17. Ég afla mér upplýsinga um samningsstöðu gagnaðila míns með því að reyna að ráða einn
af lykilmönnum hans, þá gegn skilyrði að hann búi yfir trúnaðarupplýsingar sem ég hef
aðgang að. (e. I gain information about an opponent’s negotiating position by trying to recruit
or hire one of my opponent’s key subordinates (on the condition that the key subordinate
bring confidential information with him/her).
78
18. Með ásetningi gef ég villandi efnislegar upplýsingar til gagnaðila míns, til að styrkja stöðu
mína í samningaviðræðunum. (e. I intentionally misrepresent factual information to my
opponent in order to support me negotiating arguments or position).
79
Viðauki II A) Í fyrsta flokknum sem ber heitið „samningatækni út frá samkeppnissjónarmiðum“ er að
finna þrjár spurningar, sem eiga það allar sammerkt að vera oft á tíðum notaðar af
samningaaðilum sem líta á samningaviðræður sem samkeppni. Þar var að finna eftirtaldar
spurningar:
3. Ég gef ekki upp um raunverulega lágmarkskröfu mína gagnvart gagnaðila mínum. (e. I hide
your real bottom line from your opponent.)
2. Ég legg fram fyrsta tilboðið sem er mun hærra en ég geri ráð fyrir að samþykkt verði. (e. I
make an opening demand that is far greater than what one really hopes to settle for.)
6. Ég set fram fyrsta tilboðið svo hátt (eða eftir atvikum lágt) að það dregur verulega úr
sjálfstrausti gagnaðila míns og getu hans til að ná fram viðunandi samkomulagi fyrir sína
hönd. (e. I make an opening offer or demand so high (or low) seriously undermines your
opponent’s confidence in his/her own ability to negotiate a satisfactory settlement.)
B) Í öðrum flokknum sem ber heitið „að grafa undan“ er að finna tvær spurningar sem báðar
snúa að því að reynt að grafa undan samningaaðilanum með því að hafa beint samband við
yfirboðara hans með það markmið að grafa undan störfum hans. Í umræddum flokki voru
eftirtaldar spurningar:
8. Ég hef beint samband við yfirmann gagnaðila míns í samningaviðræðunum, eða við þá
aðila sem hann sækir umboð sitt til, og reyni að sannfæra þá um ágæti málstaðar míns. (e. I
talk directly to the people who my opponent reports to, or is accountable to, and try to
encourage them to defect to my side.)
14. Ég hef beint og milliliðalaust samband við yfirmann gagnaðila míns, eða þann aðila sem
hann sækir umboð sitt til, og gef honum upplýsingar í þeim tilgangi að grafa undan trú hans á
að gagnaðili minn geti náð árangri í samningaviðræðunum. (e. I talk directly to the people
who my opponent reports to, or is accountable to, and tell them things that will undermine
their confidence in my opponent as negotiator.)
C) Í þriðja flokknum sem ber heitið „villandi frásögn, er að finna tvær spurningar sem báðar
varða villandi frásögn sem gefin er af eðli og framgangi samningaviðræðnanna. Þar er að
finna eftirtaldar spurningar:
80
7. Með ásetningi gef ég út villandi framsetningu á eðli samningaviðræðnanna til fjölmiðla eða
fylgismanna minna til þess að vernda viðkvæma stöðu samningaviðræðnanna. (e. I
intentionally misrepresent the nature of negotiations to the press or my constituency in order
to protect delicate discussions that have occurred.)
12. Með ásetningi gef ég villandi framsetningu á stöðu samningaviðræðnanna, til fjölmiðla
eða þeirra sem ég sæki umboð til, svo staðan mín virðist vera betri en hún í raun er. (e. I
intentionally misrepresent the progress of negotiations to the press or my constituency in
order to make your own position or point of view look better.)
D) Í fjórða flokknum sem ber heitið „falskar væntingar og lygi“ er að finna tvær eftirtaldar
spurningar sem byggja á slíkri háttsemi:
4. Ég dreg upp þá falsmynd að ég hafi nógan tíma til að klára samningaviðræðurnar, til þess
að þrýsta á gagnaðila minn að ljúka samningaviðræðunum sem fyrst. (e. I Convey a false
impression that you are in absolutely no hurry to come to a negotiation agreement, thereby
trying to put more time pressure on your opponent to concede quickly.)
15. Ég lofa gagnaðila mínum að niðurstaðan verði jákvæð fyrir hans hönd ef hann lætur undan
kröfum mínum, jafnvel þótt ég viti að það loforð verði ekki uppfyllt. (e. I promise that good
things will happen to my opponent if he/she gives me what I want, even if I know that I will
not deliver those good things when the other’s cooperation is obtained.)
E) Í fimmta flokknum sem ber heitið „blekkingar“ er að finna eftirtaldar þrjár spurningar þar
sem slík háttsemi er viðhöfð gagnvart þeim aðila sem samið er við:
5. Ég reyni að sannfæra gagnaðila minn um að hans eina leið sé að semja við mig, þegar
raunin er sú að hann gæti leitað annað og fengið lausn sinna mála með hagkvæmari eða
fljótari hætti. (e. I Lead the other negotiator to believe that they can only get what they want
by negotiating with you, when in fact they could go elsewhere and get what they want cheaper
or faster.
10. Með ásetningi læt gagnaðila mínum í té villandi efnislegar upplýsingar, þegar ég veit að
hann hefur þegar gert hið sama við mig. (e. I intentionally misrepresent factual information to
my opponent when I know that he/she has already done this to me.)
81
18. Með ásetningi gef ég villandi efnislegar upplýsingar til gagnaðila míns, til að styrkja stöðu
mína í samningaviðræðunum. (e. I intentionally misrepresent factual information to my
opponent in order to support me negotiating arguments or position).
F) Í sjötta flokknum sem ber heitið „upplýsingaöflun“ eru fjórar spurningar sem fela í sér
mismunandi nálganir við upplýsingaöflun við samningaviðræður. Um er að ræða eftirtaldar
spurningar:
1. Ég afla mér upplýsinga um samningsstöðu gagnaðila míns og nálgun hans í
samningaviðræðunum með því að „spyrjast fyrir“ hjá vinum, samstarfsmönnum eða öðrum
kunningjum mínum. (e. I gain information about an opponent’s negotiating position and
strategy by “asking around” in a network of your own friends, associates, and contacts.)
17. Ég afla mér upplýsinga um samningsstöðu gagnaðila míns með því að reyna að ráða einn
af lykilmönnum hans, þá gegn skilyrði að hann búi yfir trúnaðarupplýsingar sem ég hef
aðgang að. (e. I gain information about an opponent’s negotiating position by trying to recruit
or hire one of my opponent’s key subordinates (on the condition that the key subordinate
bring confidential information with him/her).
9. Ég afla mér upplýsinga um samningsstöðu gagnaðila míns með því að leita til vina,
samstarfsmanna eða annarra kunningja gegn greiðslu til handa þeim. (e. I gain information
about an opponent’s negotiating position by paying friends, associates, and contacts to get
this information for me.)
11. Ég afla mér upplýsinga um samningsstöðu gagnaðila míns með því að efla vinatengsl við
hann með dýrum gjöfum og skemmtunum eða gera honum „persónulega greiða“. (e. I gain
information about an opponent’s negotiating position by cultivating his/her friendship through
expensive gifts, entertaining, or “personal favors.”)
G) Í sjöunda flokknum sem ber heitið „hótanir“ er að finna tvær eftirfarandi spurningar þar
sem kemur að hótunum er beitt í samningaviðræðunum:
13. Ég hóta gagnaðila mínum að láta hann líta illa og/eða kjánalega út í augum yfirmanns síns
eða annarra sem hann sækir umboð sitt til. (e. I threat to make my opponent look weak or
foolish in front of a boss or others to whom he/she is accountable.)
16. Ég hóta neikvæðum afleiðingum fyrir gagnaðila minn ef hann lætur ekki undan kröfum
þínum, jafnvel þótt ég viti að láti aldrei verða af hótuninni. (e. I threat to harm my opponent if
82
he/she doesn’t give me what I want, even if I know I will never follow through to carry out
that threat.)