Mga Salmo text

SALMO 1Ang duha ka paagi. Ang bisan ano nga sab-ugon mo sa kabuhi, imo pagaanihon. Ang mga nagatuman sang kasugoan sang Dios magmalipayon diri kag sa pihak nga kinabuhi. Ang bisan sin-o nga indi magtuman, indi manginmauswagon.

1 Bulahan ang tawo nga wala nagapati sang mga ginatudlo sang mga malaut, ukon nagasunod sang ginahimo sang mga makasasala,ukon nagaupod sa mga nagapangyaguta.2 Sa baylo, nagakalipay sia sa kasugoan sang Ginuo kag nagapamalandong sa kasugoan sa adlaw kag sa gab-i.3 Kasubong sia sang kahoy sa higad sang sapa,nga nagapamunga sa nagakaigo nga panahon,

ang iya mga dahon wala nagakalaya.Ang tanan niya nga ginahimo magmadinalag-on.4 Apang indi ang mga malaut;kasubong sila sang labhang nga ginapalid sang hangin.5 Wala sing malaut nga makatindog kon mag-abot ang paghukom,kag wala sing makasasala nga makaupod sa pagtilipon sang mga

matarong.6 Kay ang Ginuo nagaamlig sang paagi sang mga matarongapang ginapapas niya ang paagi sang mga malaut.SALMO 2Ang duha ka ginharian. Ining pag-inaway sang mga hari sang kalibutan kag sang Pinili sang Dios nagapahayag sang Libro nga Bugna. Ang Dios nagkari sa aton luyo. Ang iya presensia isa ka paghangkat sa mga tawo nga luyag mangin mga agalon sang kalibutan. Wala sing walay katapusan nga paghidaet diri sa duta.

1 Ngaa nagahimbon ang mga pungsod?Ngaa nagabuko ang mga tawo sang wala sing pulos?2 Ang mga hari sining kalibutan naghugpongkag ang mga manugdumala nagtingob sa pagtindog batok sa Ginuo

kag sa iya Hinaplasan.3 Nagsiling sila, “Bugto-on naton ang ila mga Kadena!Ihaboy naton ang ila mga singkaw!”4 Sia nga yara sa langit nagakadlaw lang;ang Ginuo nagatulok sa ila nga may pangyaguta. 5 Dayon sa iya kaakig nagahambal sia sa ila,iya sila ginpakurog sang iya nagasilabo nga kaugot.

6 “Yari ang hari nga akon ginbutang sa Sion, ang akon balaan nga bukid!”

7 Akon ipahayag ang sugo sang Ginuo.Nagsiling sia sa akon, “Ikaw ang akon anak.Sa sini nga adlaw ako mangin-imo amay.8 Pangayo ka, kag ihatag ko sa imo ang mga pungsod subong imo

palanublion,ang tanan nga mga pamusod sang kalibutan agod imo angkunon.9 Imo sila dugmukon sang imo setro nga salsalon;kag imo sila buongon subong sang kulon.”10 Gani karon, magtuon sang kaalam, O mga hari;kamo nga mga manugdumala sining kalibutan, mag-andam kamo!11 Alagari ang Ginuo nga may kahadlok,magkurog kag magyaub sa iya tiilan,12 basi sia maakig kag kamo mapatay,kay magsilabo ang iya kaakig sing hinali.Bulahan ang tanan nga nagadangup sa iya.SALMO 3Daw ano kadamo sang akon mga kaaway! — Subong sang tagsa ka Kristiano, si Haring David may mabakod nga Kadampig nga labaw gid sa iya mga kaaway: ang Dios. 2 O Ginuo, daw ano kadamo sang akon mga kaaway!Daw ano kadamo sa ila nga nagasumpong sa akon:3 Ang iban sa ila nagahambal sa akon,“Ang Dios indi magluwas sa iya.”4 Apang ikaw ang akon panaming, O Ginuo, ang akon Himaya;

ginabayaw mo ako.5 Sa mabaskog nga tingog nagapanawag ako sa Ginuo,Kag gikan sa iya balaan nga bukid ginasabat niya ako.6 Kon maghigda ako sa pagtulog, nagabugtaw ako liwat,kay ang Ginuo nagabulig sa akon;7 wala ako mahadlok sa mga linibo nga nagapakigbatok sa akon.8 Dali, O Ginuo! Tabangi ako, O akon Dios!Imo gintay-og ang bag-ang sang tanan ko nga mga kaaway,ginpungil mo ang mga ngipon sang mga malauton.9 Ang kaluwasan nagagikan sa Ginuo.Kabay nga ang imo bendision mangin-yara sa imo katawohan!SALMO 4Ang pangamuyo sa kagab-ihon — Isa ini ka pangamuyo sa kagab-ihon para sa mga tawo nga nagasalig sa Ginuo walay sapayan sang ila kabudlayan, kay ila nadumdoman kon makapila sila ginbuligan sang Ginuo sa ila mga kasakit.

2 Sabta ako kon ako magpanawag,O Dios nga akon manluluwas!Sang yara ako sa kalisod, ginlugpayan mo ako.Kaluoyi ako, kag pamatii ang akon pag-ampo.3 Kamo nga mga tawo, tubtob san-o kamo mag-insulto sang akon Himaya?Tubtob san-o ang inyo pagpangita sang walay pulos,ang inyo paglagas sang binutig?4 Dumdoma ninyo nga ang Ginuonagapakita sing mga katingalahan sa mga tampad.Kon magpanawag ako sa iya, pamatian niya ako.5 Magkahadlok kamo, kag indi magpakasala.Magpamalandong kamo sa kalinong sang inyo hiligdaan.6 Magdulot kamo sing nagakadapat nga mga halad,kag magsalig kamo sa Ginuo.7 Madamo ang mga nagasiling,“Kabay kuntani nga makakita kami sing kaayuhan.Kabay nga ang imo kaayo magsanag sa amon, O Ginuo.”8 Ginlipay mo ang akon tagipusoon,labi pa sa kalipay sang may bugana nga bino kag trigo.9 Maghigda kag magtulog ako sa kalinong,kay ikaw, O Ginuo, nagaluwas sa akon sa katalagman.SALMO 5Pangamuyo sa kaagahon. Sugoran naton ang adlaw paagi sa pagpangabay sa Dios nga sia mangin-aton kapawa kag kusog, kag sa pagkadto man sa balay sang Dios, ang iya templo sa diin ang iya kapawa kag kusog sarang naton malambot.

2 O Ginuo, pamatii ang akon pag-ampo;dungga ang akon panghayhay.3 Pamatii ang akon pagbakho,akon hari, kag akon Dios: nagapangalaba ako sa imo.4 Sa pagbutlak sang adlaw, ginapamatian mo ang akon tingog;sa kaagahon nagapangamuyo ako sa imo,kag sa imo ako nagahulat.5 Indi ikaw ang Dios nga nagakalipay sa kalautan;ang kalainan wala sing bahin sa imo.6 Ang matinaastaason indi makaatubang sa imo;ginakaugtan mo ang mga nagahimo sing malaut.7 Ginalaglag mo ang mga nagahambal sing binutig,ang mga mapintas kag butigon ginakaugtan sang Ginuo.

8 Apang ako, sa imo gugma, magakadto sa imo balay;magasimba ako sa imo templo kay ginatahod ko ikaw, O Ginuo.9 Tuytoyi ako sa matarong nga dalan,bangod sa akon mga kaaway;dalha ako sa imo matadlong nga alagyan.10 Wala sing tinaga nga masaligan nga nagahalin sa ila baba,kay ang ila mga tagipusoon puno sing kalainan.Ang ila tilaok, bukas nga lulobngan;ang ila dila puno sing pagpanunto.11 Paantusa sila sang ila sala, O Dios;huloga sila sa ila tugalbong.Tabuga sila tungod sang ila madamo nga kasal-anan;nagribok sila batok sa imo.12 Apang ang mga nagadangop sa imomagkalipay kag pirme magsinggit sa kasadya.Pangapini sila, agod maghinugyaw ang nagahigugma sa imo ngalan.13 Kay ikaw, O Ginuo, nagabendisyon sa mga matarong; ang imo kahamuot nagatabang sa ila subong isa ka taming.SALMO 6Pangamuyo sang Tawo nga nagaantus. – Ini nga salmo amo ang pangamuyo sang isa ka masakiton. Sang magpangabay sia nga mahilway sa iya balatian, ginapahayag niya ang iya malig-on nga pagsalig kag kabubot-on nga wala sia sing kahilabtanan sa kalautan. 2 O Ginuo, sa imo kaakig dili ako pagsabdunga,kag dili man ako pagsiluti sa imo kasingkal.3 Kaluoyi ako, O Ginuo,Kay wala na ako sing nabilin pa nga kusog.Ayuha ako, O Ginuo,Kay nagapalanakit ang akon mga tul-an.4 Ang akon kalag ginabudlayan gid sing labi.Tubtob san-o gid, O Ginuo,Tubtob san-o gid bala, O Ginuo?5 Magbalik ka sa akon, O Ginuo,luwasa ang akon kabuhi,tungod sa imo gugma, tabangi ako.6 Kay wala sing isa nga makadumdom sa imo sa lulobngan,wala sing tawo nga makadayaw sa imosa kalibutan sang mga patay.7 Nakapoy na ako sa pagpanghakroy,nagahibi ako kon gab-i,

ang akon hiligdaan nabasa sang mga luha.8 Ang akon mga mata nagapalangdulom sa mga kagamo, nagapalangluya ako bangod sa akon kaaway.9 Palayo sa akon, kamo nga nagakalipay sa kalainan,kay ginpamatian sang Dios ang akon tingog.10 Ang Ginuo nagapamati sa akon pangamuyo,ang Ginuo magahatag sang tanan ko nga ginapangabay.11 Ang tanan ko nga mga kaaway magaisol sa kahuya,sa hinali, sila tanan mahuy-an!SALMO 7 Hilwaya ako sa mga nagahingabot sa akon. Isa ka panawag nga nagagikan sa kaibutoran sang pagka-tawo, nga nagapangayo sang katarungan. Ang Dios nagapamati. 2 O Ginuo nga akon Dios, sa imo ako nagapanilong;tabangi ako, kag luwasa ako sa nagalagas sa akon;3 Kay kon indi, tabanon nila ako nga daw mga leon,pamihakpihakon—kag wala gid sing makasagop sa akon.4 O Ginuo nga akon Dios, kon ginhimo ko ini,kon nadagtaan sing sala ang akon mga kamot,5 Kon ginbalusan ko sing kalautan ang akon abyan,kon ginpigos ko ang akon mga kaaway nga wala sing kabangdanan,6 Pabay-i nga hingabuton ako sang akon mga kaaway,lapaklapakon sa duta, kag tabunan sing yab-ok ang akon dungog.7 Bangon, O Ginuo, sa imo tama nga kaakig;Bugtaw kag atubanga ang balingaso sang akon mga kaaway.Tindog, O akon Dios, kag maghukom suno sa imo ginsaad.8 Tipuna ang mga pungsod palibot sa imo.Maglingkod ka sa imo trono nga labaw sa tanan.9 Ang Ginuo nagahukom sa mga kapungsoran.O Ginuo, hatagi ako sing hustisya, kay wala ako sing sala,wala ako sing kasaypanan sa imo panulok.10 Untata na ang pagginahum sang mga malaut,ibayaw ang mga matarong.O matarong nga Dios, nakahibalo ka kon anoang sulod sang tagipusoon kag hunahona.11 Ang akon panaming amo ang Ginuonga nagaamlig sa mga matarong.12 Matarong nga hukom ang Ginuo,wala untat ang iya kaakig sa mga malaut.13 Kon indi maghinulsol ang makasasala,

ginaaman na sang Dios ang espada,ginabingat na ang iya pana.14 Naaman na ang mga pana,magalupad na ang makatalagam nga mga baslay.15 Ang mga nagapanamkon sang kalautan kag nagabusong sang halit,magabun-ag sang kalaglagan.16 Nagakutkot sila sing buho nga ila ginapadalum, apang mahulog

man sila gihapon sa tugalbong nga ila ginhimo.17 Ang ila malain nga tinutuyo magabalik sa ila,ang ila kalautan mahulog sa ila ulo.18 Himayaon ko ang katarungan sang Ginuo,dayawon ko ang Ngalan sang Ginuo nga Labing Mataas.SALMO 8Ang himaya sang Dios kag ang dungog sang mga tawo. Ang bug-os nga kalibutan kag mga tinuga nagabugna sang himaya kag kaayo sang Dios. Apang sa pagpakatawo, ang Anak sang Dios nagpahamtang sang mga tawo nga labaw sa tanan nga dutan-on nga mga tinuga. Ginhatagan niya sang pagtamod ang pagka-alalangay sang tanan nga mga tawo. 2 O Ginuo nga amon Ginuo,daw ano kahalangdon sang imo ngalan sa bug-os nga kalibutan.Ang imo himaya ginadayaw sa kahitaasan.3 Sa mga baba sang mga lapsag kag mga kabataan,nagpatindog ikaw sing pamakod batok sa imo mga kaaway,sa pagtapna sang mga nagatimalos kag mga nagapanghingabot.4 Kon tan-awon ko ang kalangitan,ang ginhimo sang imo mga kamot,ang bulan kag mga bituon nga ginpahamtang mo sa ila duog—5 Ano gid bala ang tawo agod imo sia dumdomon,ang anak sang tawo agod imo sia tatapon?6 Ginhimo mo sia nga kuboskubos lang sa mga anghel;imo sia ginkoronahan sang himaya kag kadungganan.7 Imo sia ginpadumala sang tanan nimo nga ginhimo,ginbutang mo ang tanan sa iya tiilan:8 Mga karnero kag mga baka, mga sapat sa talon,9 Mga pispis sa kahawaan, mga isda sa kadagatan,tanan nga nagalangoy sa kalalawran.10 O Ginuo nga amon Dios,daw ano kahalangdon sang imo ngalan sa bug-os nga kalibutan!SALMO 9 Ang Dios, dalangpan sang mga ginapigos. – Ini ang mga pagbayaw sang mga matarong kag mga ginapigos: “Ginuo, ipakilala mo sa ila nga ikaw Dios kag sila tawo

lamang!”

2 Dayawon ko ikaw, O Ginuo, sing bug-os ko nga tagipusoon;akon ibantala ang tanan mo nga makatilingala nga mga binuhatan.3 Magakalipay ako kag maghugyaw sa imo;Ambahon ko kag dayawon ang imo ngalan, O Labing Mataas!4 Kay nagailinisol sa pagpalagyo ang akon mga kaaway;nagakalapukan sila kag nagakalamatay sa imo atubangan.5 Imo ginbayaw ang akon kinamatarong kag kawsa;gikan sa imo trono, nagpamatbat ikaw sing matarong.6 Gin-akigan mo ang kapungsoran, ginpapas mo ang mga malauton;ginpanas mo ang ila mga ngalan sa walay katubtoban.7 Ang imo mga kaaway ginlaglag sa gihapon,gin-guba mo ang ila mga siudad;wala na sing makadumdom sa ila.8 Ang Ginuo magahari sa gihapon,iya gintukod ang iya trono sa paghukom.9 Ang Dios nagagahom sang kalibutan sa katarungan,ginahukman niya ang katawohan sing matarong.10 Pamakod ang Ginuo sang mga ginapigos,dalangpan sia sa tion sang kalisod.11 Ang mga nagasimba sa imo ngalan nagasandig sa imo;wala mo ginapatumbayai ang mga nagadangop sa imo, O Ginuo.12 Mag-amba sa Ginuo nga nagahari sa Sion,ibantala ang iya mga binuhatan sa mga kapungsoran.13 Sia nga nagasukot sang dugo nga gin-ula nakadumdom,wala niya pagkalimti ang panghakroy sang mga ginapigos.14 Kaluoyi ako, Ginuo; tan-awa ang pagtamay sa akon sang akon mga kaaway.Ikaw lang ang makaluwas sa akon sa bibig sang kamatayon.15 Akon ikaw dayon nga dayawon;kantahon ko nga may daku nga kasadya ang imo pagluwassa mga ganhaan sang Sion.16 Ang kapungsoran nagakalahulog sa buho nga ila ginkutkot,ang ila mga tiil nasiod sa tiglapak nga ila gin-aman.17 Ang Ginuo nagpakilala sa katumanan sang iya paghukom;ang mga malaut nasiod sa ila mismo nga kalautan.18 Ang mga makasasala magapadulong sa kalibutan sang mga

patay,Kaupod ang tanan nga mga pungsod nga nagbiya sa Ginuo.19 Ang mga makaluluoy indi gid pagkalimtan,

ang paglaum sang mga ginapigos indi gid mapaslawan.20 Bangon, O Ginuo, indi ka magpadaog sa tawo;Paatubanga ang mga pungsod kag hukmi sila.21 Pahadluka sila, O Ginuo;ipahanumdom sa mga pungsod nga sila tawo lamang.SALMO 10 (9)Sugpon sang nahauna nga salmo.

1 Ngaa bala kalayo sa imo, O Ginuo?Ngaa bala nagapanago ka sa tion sang kabudlay?2 Ang bugalon nga mga malaut nagahingabot sang mga kubos;kabay nga masiod sila sa ila malain nga tinutuyo.3 Ginapabugal sang mga malaut ang ila kasakom;ining mga kawatan nagapasipala kag nagasikway sa Ginuo.4 Sa ila daku nga bugal ang mga malaut nagasiling:“Wala nagasapak ang Dios; wala gani sing Dios.”5  Madinalag-on ang ila ginahimo;wala nila ginasapak ang imo paghukom;ginayaguta nila ang nagasumpong sa ila.6 Nagasiling sila sa ila kaugalingon:“Indi gid kami mapaslawan; indi gid kami mangin madimalason.”7 Ang ila baba napun-an sing kalautan, panunto kag pamahog;kaugot kag kabutigan ang ila mga hambalanon.8 Sa maligwin nga mga lugar nagahulat sila sa pagbangga;ginatiid nila ang makaluluoy;patyon nila sing tago ang wala sing sala.9 Nagapanago sila kaangay sang mga leon sa kasiukan,nagahulat sila agod tukbon ang kubos;madakop nila ini sa ila siod.10 Ang makaluluoy nasiod kag wala sing mahimo,nahulog ini sa gahum sang mga malaut.11 Ginasiling sang mga malaut sa ila kaugalingon:“Ang Dios wala nagasapak, wala sia nagatulok, wala sia sing

nakita.”12 Bangon ka, O Ginuo! Ibayaw ang imo kamot!Dili pagkalimti ang mga kubos!13 Ngaa ginatamay sang mga malaut ang Dios sa pagsiling,“Indi sia magsukot sang amon ginahimo”?14 Apang nakita mo ini tanan; natalupangdan mo ang mga pag-antus kag kalisod;magahulag ka sa pagtabang.

Sa imo nagadangop ang mga makaluluoy; ikaw ang nagasapupo sang mga ilo.15 Pamali-a ang butkon sang mga malain kag makasasala;sukta sila sang ila kalautan, tubtob wala sing may mabilin.16 Ang Ginuo, Hari sa walay katubtoban;ang kapungsoran papason halin sa duta sang Dios.17 Ginapamatian mo, O Ginuo, ang mga panghakroy sang mga

nagaantus;ginapabakod mo sila kag ginasabat mo ang ila mga pangamuyo.18 Imo ginapangapinan ang mga ilo kag mga ginapigos;agod wala na sing magpanghalit sa kalibutan.SALMO 11 (10)Ang mga matarong wala sing may ginakahadlukan. Kon ang Dios kaupod naton, sin-o bala ang magahimalaut sa aton? Kabay nga hilwayon niya kita sa kahadlok kon kita mag-atubang sang mga nagapamahog kag nagapigos sang isigka-tawo. 1 Sa Ginuo ako nagadangup.Ngaa nagasiling ikaw sa akon,“Palagyo sa kabukiran kasubong sang isa ka pispis”?2 Tan-awa, ginaunat na sang mga malaut ang ila mga pana,ginauntay kag ginataya sa madulom agod pan-on ang tawo nga

may matinlo nga tagipusoon.3 Sang marugsak ang mga sadsaran, ano ang mahimo sang matarong nga tawo?4 Ang Ginuo yara sa iya balaan nga duog – ang aton Dios nga ang iya trono yara sa kalangitan.Nagatulok sia sa duta;sa pagtamod sa kaanakan sang katawohan.5 Ang Ginuo nagausisa sang mga matarong kag mga malaut.Ginakaugtan niya ang mga nabuyo sa kapintas.6 Paulanan niya sang nagabaga nga mga bato kag asupre ang mga

malaut; isa ka nagakalayo nga paglupok ang ila madangatan.7 Kay ang Ginuo matarong;ginahigugma niya ang katarungan. Ang matarong nga tawo makakita sang iya nawong.SALMO 12 (11)Batok sa kalibutan sang kabutigan. – Ang mga kabutigan, pagpalapnag sang balita, kag ang di-matuod nga mga propeta sang masulhay nga pangabuhi nagatago sang di-matarong nga mga pagginawi sa matag-adlaw. Apang ang pulong sang Dios matuod kag magahukom sa kalibutan. Dira kay Kristo, ang Pulong sang Dios nga nangin tawo, wala sing “huo” kag “indi”: dira sa iya ang tanan nga mga saad sang

Dios nangin isa ka “huo.” 2 Buligi ako, O Ginuo, kay wala na sing may nabilin nga

mainonungon sa Dios, ang mga matinuohon nagkaladula.3 Ang tagsatagsa nagabinutig, nagahambal sang pagpang-into kag

may aligutgot.4 Kabay nga utdon sang Ginuo ang manugtiplang nga mga dila,

ang matam-is nga mga dila nga nagapanunto.5 Madamo ang nagasiling, “Ang aton kusog nasandig sa aton

baba. Nakahibalo kita maghambal,sin-o bala ang magahari sa aton?”6 “Ginpanguhaan ang mga kubos,kag ang mga nagahimakas nagaantus.“Karon akon sila luwason,” siling sang Ginuo.“Hatagan ko sila sing kapat-uran.”7 Ang mga saad sang Ginuo pat-odkag masaligan – subong sang pilak nga ginpapuraw sing makapito

sa kalayo.8 Amligi kami, O Ginuo, kag tipigi;dampigi kami sa gihapon sa sini nga kaliwatan.9 Ang malauton nagapanglaghap sa tanan nga mga pamusod,kag ginapakamaayo sang tawo kon ano ang malain.

SALMO 13 (12)Tamda ako kag pamatii. – Ang Dios wala nagakalipat sa iya mga anak; iya ginbayaw si Kristo. Kabay nga iya tuytoyan ang iya katawohan halin sa mga pagtilaw karon pakadto sa iya himaya. 2 Tubtob san-o, O Ginuo, nga imo ako kalimtan,kag magpanago ka sa akon?3 Tubtob san-o ako mag-antus sang kasakit sa akon kalagkag sang kalisod sa akon tagipusoon sa bug-os nga adlaw?Tubtob san-o ang kadalag-an sang akon kaaway batok sa akon?4 Tamda kag sabta ako, O Ginuo nga akon Dios!Hatagi sing kapawa ang akon mga mata,kay basi matulogan ako nga indi na makabugtaw.5 Basi singganan ako sang akon kaaway, “Nalutos ko sia!”Basi ang akon mga kaaway magkalipay kay ila ako gindala sa

kinawala.6 Apang magasalig ako sa gihapon sa imo mapinadayunon nga

gugma,ang akon tagipusoon nagakalipay sa imo pagluwas.

Magaamba ako sa Ginuo, “Sia maayo sa akon.” SALMO 14 (13)Ang kalibutan nga wala sing Dios. – Wala sing bisan isa ka matarong nga tawo diri sa aton makasasala nga kalibutan. Ang tumoluo nagapadayon sa pagsalig: Ang Dios matutom. 1 Ang buangboang nagasiling sa iya tagipusoon, “Wala sing Dios.” Ang tanan nagtalalangang tanan nahaylo sa malain,wala sing isa nga maayo.2 Gikan sa langit, ang Ginuo nagatamod sa idalum sa kaanakan sang mga tawo, sa pagtan-aw kon may tawo nga nagahandum sa Dios kag nangin-

maalam.3 Sila tanan nagpadulong sa kalainan:lunsay sila tanan malauton.4 Indi na ayhan makahibalo ang mga nagahimo sing malain,kay ila gin-gus-ab ang akon katawohan,subong nga sila nagakaon sang kalan-on;wala sila nagapanawag sa Ginuo.5 Tama ang ila kahadlok sugod sadto,kay ang Dios nagaapin sa mga matarong.6 Bisan inyo pa pasalahon ang mga imol sa ila tinotuyo,sa gihapon wala kamo sing may madangatan,kay nagadangup sila sa Ginuo.7 Daw ano ang akon pagpaabotnga ang kaluwasan sang Israel magagikan sa Sion!Kon ang Ginuo magdala sang iya katawohan pauli halin sa

pagkatapok – daw ano ang kalipay nga igadulot sini sa kaliwat ni Jacob,kag subong man sa Israel!SALMO 15 (14)O Ginuo, sin-o bala ang magapuyo sa imo tolda? Kabay nga ang Ginuo magbulig sa aton sa pagtuman sang iya mga sugo. 1 O Ginuo, sin-o bala ang magapuyo sa imo toldakag magapabilin sa imo balaan nga bukid?2 Ang tawo nga wala sing salakag nagahimo sing matarong,3 kag nagahambal sang maayo nga mga pulong;4 Ang nagatamay sa mga malautonkag nagadayaw sa mga nagaalagad sa Dios;

nga sa iya pagpanikasognagatinguha sa pagtuman sang iya ginsaad;5 Ang wala nagapasaka sang kuarta sa mga nagahulam sa iya kag nagalikaw sang paghamham batok sa mga tawo nga wala sing

sala.Ang sin-o man nga nagahimo siniindi gid malingkang.SALMO 16 (15)Ang Ginuo amo ang akon palanublion. Ang Dios amo ang akon bahin nga palanublion: ginpili ko sia nga akon Ginuo kag magakalipay ako sa iya sa walay katubtoban. 1 Halungi ako, O Dios, kay sa imo ako nagadangop.2 Nagasiling ako sa Ginuo,“Ikaw ang akon Ginuo, ikaw lang ang akon kaayo.”3 Wala pulos ang mga diosdios sang kadutaan.Pakamalauton ang mga nahamuot sa ila.4 Nagadugang lang sang ila kalisodang mga nagalagas sa dumuluong nga mga diosdios.Indi ako magdulot sing halad nga dugo para sa ila,ukon magmitlang sang ila mga ngalan.5 O Ginuo nga akon palanublion kag kupa,ginatipigan mo ang akon alangkunon.6 Ang pinakamaayo nga bahin ginpain para sa akon;manami gid ang akon palanublion!7 Ginadayaw ko ang Ginuo nga akon manuglaygay;bisan pa sa kagab-ihon, ginatudloan ang akon painuino.8 Ang Ginuo ginapanumdom ko sa gihapon;yara sia sa akon tuo, gani indi gid ako malingkang.9 Gani nagakalipay ang akon tagipusoon, nagakasadya ang akon kalag;ang akon lawas wala sing katublagan.10 Kay indi mo ako pagpabay-an sa kalibutan sang mga patay;indi mo pag-itugyan ang imo tampad nga alagad sa kadadalman.11 Ipakita mo sa akon ang dalan sang kabuhi;ang kapupon-an sang kasadya sa imo luyo,ang kalipay nga dayon sa imo tuo nga kamot. SALMO 17 (16)Panawag sang tawo nga wala sing sala.1 Pamatii, O Ginuo, ang akon pagpangayo sing katarungan;

dungga ang akon panumbongon.Pamatii ang akon pangamuyo, kay wala ako nagabinutig.2 Kabay pa nga ikaw mangin akon mananabang,tungod kay makita mo ang matarong.3 Nahibaluan mo ang akon tagipusoon,ginausisa mo ako sa kagab-ihon;gintilawan mo ako sa kalayo,wala ka sing nakita nga malaut nga handom.Wala ako magpakasala sa akon ginapanghambal,subong sang ginahimo sang iban.4 Ang imo pulong akon ginatuman;ginasunod ko ang dalan nga ginatudlo sang kasugoan.5 Mabakod ako nga nagalakat sa imo dalan,gani wala matipalo ang akon mga tiil.6 Nagapanawag ako; sabta ako, O Dios.Pamatii ako; dungga ang akon pangamuyo.7 Ipakita ang imo makatilingala nga gugma,ikaw nga nagaluwas sang mga nagapalagyo sa ila mga kaaway,kag nagadangop sa idalum sang imo tuo nga kamot.8 Tipigi ako subong imo nahamut-an;tago-a ako sa idalum sang imo mga pakpak9 agod mahilayo sa mga mapintas nga nagahingabot sa akon.Ang mabangis ko nga mga kaaway nagalagas sa akon;10 ginapatig-a nila ang ila tagipusoon;daw sin-o sila kon maghulohambal.11 Ginasundan nila ako kag ginalibutan,nagabantay sila, nagahapa sa pagsalakay.12 Subong sila sang leon nga buot magtukob,sang bata nga leon nga nagahulat sa iya palanaguan.13 Bangon, O Ginuo; atubanga sila kag dugmoka,tabangi ako batok sa mga malaut.14 Pamatya sila paagi sa imo espada;paagi sa imo kamot, O Ginuo, imo sila papason;Pamatya sila sa ila pagkalamharon.Kabay pa nga ang ila tiyan mabusog sang imo ginatigana sa ila,kag ang ila mga anak mapuno man, tungod kay ginabilinan nila sing sobra ang ila mga anak.15 Ako iya, makita ko ang imo nawong sa pagkamatarong; pagbugtaw ko, malipay ako sa pagtamod sang imo dagway.SALMO 18 (17)Ang isa ka manughilway nagapasalamat sa Dios. – Ini nga salmo ginsulat

pagkatapos sang kadalag-an. Nagadayaw kita sa kapagsik, mainit nga pagpasalamat kag sa tumalagsahon nga panghunahona sang manunolat nahanungod sa Dios. Ini nga mga larawan, nga lunsay gamhanan kag maluloy-on, nagapahanumdom sa aton sang pagkari sang Dios nga manughilway sa aton kalibutan. 2 Ginahigugma ko ikaw, O Ginuo, nga akon kusog.3 Ginuo—akon bato, akon pamakod, akon mananabang,akon Dios, akon bato nga dalangpan, akon taming, akon lugar sang

kaluwasan, akon pamakod!4 Nagapanawag ako sa Ginuo, nga takos dayawon;iya ako ginluwas gikan sa mga kaaway.5 Ang lubid sang kamatayon nagsambod sa akon liog,ang baha sang kalaglagan naglapaw sa akon.6 Ang higot sang lulobngan naggapos sa akon;nadakop ako sang siod sang kamatayon.7 Sa akon kalisod nagpanawag ako sa Ginuo,nagpanawag ako sa akon Dios.Gikan sa iya templo, ginpamatian niya ako;ang akon pagtangis iya nabatian.8 Ang duta nagtay-og kag nagkurog,ang mga sadsaran sang bukid nag-uyog;nagtay-og sila tungod sang iya kaakig.8 Nagbalingaso sia sa kaakig,ang iya baba nagbuga sing kalayo;ginpadabadaba sini ang mga uling.10 Ginbuksan niya ang langit kag nagpanaog,may naglikop nga gal-om sa idalom sang iya tiilan.11 Nagsakay sia sa kerubin kag naglupad,nagkapakapa sia sa huyop sang hangin.12 Ginhimo niya ang dulom nga iya palanaguan,ang iya tolda amo ang kilat kag daguob.13 Gikan sa iya kasilaw, nagtuhaw ang mga panganod,ang yelo kag nagadabadaba nga kalayo.14 Ang Ginuo nagdaguob gikan sa langit,nabatian ang mabaskog nga tingog sang Labing Mataas.15 Nagpaulan sia sing mga pana kag iya sila ginpahalaplaag,nagpadala sia sing mga kilat kag iya sila ginlutos.16 Ginladlad ang mga pamusod sang kadagatan,kag nakita ang mga sadsaran sang kalibutan.bangod sang imo kaakig, O Ginuo,bangod sang imo masingkal nga kaugot.17 Gikan sa ibabaw gindawhat niya ako,iya ako ginbatak patakas sa madalum nga tubig.

18 Iya ako ginluwas sa akon mabaskog nga mga kaaway,sa mga kasumpong nga tuman ka gamhanan.19 Ginsalakay nila ako sang adlaw sang akon kalalat-an,apang nag-abot ang Ginuo agod ako tabangan.20 Gindala niya ako sa hilway nga duog,ginluwas niya ako kay ako iya pinalangga.21 Ginkilala sang Ginuo ang akon pagkamatarong,ginpadyaan niya ang kamot ko nga wala sing dagta.22 Kay nagmatutom ako sa dalan sang Ginuo,nagmatinumanon ako sa akon Dios.23 Ang iya pagsulondan pirme ko nga ginadumdom,wala ko ginsikway ang iya kasugoan.24 Nangin matarong ako sa iya atubangan,naghilayo ako sa malain nga buhat.25 Gani ginpadyaan sang Ginuo ang akon pagkamatarong,ang katinlo sang akon mga kamot sa iya panulok.26 Matutom ka sa mga tawo nga matutom;Maayo ka sa mga tawo nga wala sing dagta.27 Putli ka sa mga putli;apang maabtik ka sa mga nagapanunto.28 Ang mapainuboson imo ginabayaw; ang matinaastaason imo ginapakanubo.29 Ikaw, O Ginuo, ang nagahatag sing kapawa sa akon suga;Ikaw ang nagaiwag sa kadulom, O akon Dios.30 Kon kaupod ko ikaw malutos ko ang isa ka hubon;malumpat ko ang pader kon kaupod ko ang akon Dios.31 Ang dalan sang Ginuo wala sing pagbalhin;ang pulong sang Ginuo himpit kag masaligan;sia panagang sang mga nagadangup sa iya.32 Wala na sing Dios luwas sa Ginuo;wala na sing bato luwas sa amon Dios.33 Ang Dios nagawagkos sa akon sing kusog;ginahimpit niya ang akon dalanon.34 Ginapadasig niya ang akon mga tiil subong sang usa;ginapahamtang niya ako sa kahitaasan.35 Ginahanas niya ang akon mga kamot para sa inaway,ang akon mga butkon sa pagbinat sang pana nga saway.36 Ginhatag mo sa akon ang imo taming;ang imo tuo nga kamot nagbayaw sa akon;nangin bantog ako tungod sang imo pag-atipan.37 Ginpasangkad mo ang akon alagyan,agod indi magsala ang akon tikang.

38 Ginlagas ko ang akon mga kaaway kag naabtan ko sila;wala ako mag-untat tubtob mapapas ko sila.39 Ginpilasan ko sila; indi na sila makabangon;nagkalapukan sila sa akon tiilan.40 Ginhatagan mo ako sing kusog sa pagpakig-away;ginpaidalum mo sa akon mga tiil ang akon mga kaaway.41 Nagpalalagyo ang akon mga kaaway;ginlaglag mo ang mga tawo nga nagadumot sa akon.42 Nagpangayo sila sing bulig, ugaling wala sing nag-abot sa pagtabang;nagpanawag sila bisan sa Ginuo, apang wala sila ginsabat.43 Ginpudpod ko sila subong sang yab-ok sa hangin;gintapaktapakan ko sila subong sang lunang sa dalanon.44 Ginluwas mo ako sa mga pagsalakay sang katawohan;ginhimo mo ako nga pangulo sang kapungsoran. Ila ako gin-alagaran—ang katawohan nga wala ko makilala.45 Sa pagkabati nila sang akon tingog, dayon nila tuman;ang mga dumuluong nagkulurog sa akon atubangan.46 Nadulaan sila sing kaisog;naggwa sila sa ila pamakod nga nagakurog.47 Ang Ginuo nagakabuhi! Dayawon sia nga akon bato!Bayawon ang Dios nga akon Manlulowas.48 Ang Dios ang nagtimalos para sa akon;ginlutos niya ang katawohan,kag ginluwas ako gikan sa akon mga kaaway.49 Ginbayaw mo ako labaw sa akon mga kasumpong;ginluwas mo ako gikan sa mapintas nga mga tawo.50 Bangod sini, padunggan ko ikaw, O Ginuo, sa kapungsoran;magaamba ako sing pagdayaw sa imo ngalan. 51 Naghatag ka sing kadalag-an sa mga hari;ginpakita mo ang imo gugma sa imo pinili:kay David kag sa iya kaliwatan sa walay katubtoban.

SALMO 19 (18)Ang Ginuo, ang adlaw sang katarungan. Ang katahum sang langit nagahatag sa aton sang larawan sang himaya sang Dios. Makatalupangod man kita sang iya presensia kon kita magpamalandong nahanungod sa iya mga sugo nga kapawa kag kalipay para sa kalag.

2 Ang kalangitan nagabalita sang himaya sang Dios;ang kahawaan nagabalita sang iya binuhatan.3 Ang adlaw kag ang madason nga adlaw nagahambalanay

nahanungod sini;ang gab-i kag ang madason nga gab-i nagabalitaay.4 Wala sing hambal, ukon mga tinaga;wala sing tingog nga mabatian.5 Apang ang panawag nagalanog sa bug-os nga kalibutan;ang mensahe mabatian sa dulonan sang duta.Sa ibabaw, iya ginpatindog ang tolda para sa adlaw,6 nga kaangay sang kalaslon nga nobyo nga nagagua sa iya puloy-

an,ukon kasubong sang manugdalagan nga malipayon nga

nagadalagan sa paindis-indis. 7 Nagabutlak ini halin sa dulonan sang kalangitan;nagalambot sa pihak nga pamusod sini,kag wala sing may makalikaw sa iya sini kainit.8 Himpit ang kasugoan sang Ginuo, nagahatag ini sing kabuhi sa

kalag.Masaligan ang ginahambal sang Ginuo,nagahatag ini sing kaalam sa mga tawo nga wala sing kaalam.9 Matarong ang ginasugo sang Ginuo,nagahatag ini sing kalipay sa tagipusoon.Maathag ang mga sugo sang Ginuo,nagahatag ini sing kapawa sa mga mata.10 Putli ang balaan nga kahadlok sa Ginuo,nagapadayon ini sa walay katubtoban.Matuod ang mga pagbulot-an sang Ginuo,kag ini tanan matarong kag husto.11 Malahalon pa ini sa bulawan,bisan pa sa pinakapuraw nga bulawan.Matam-is pa ini sa dugos,kag sa dugos sang putyokan.12 Sila ang kapawa sa imo alagad,sa pagtuman sa ila, maagum ang daku nga padya.13 Apang sin-o ang makahibalo sang iya kasaypanan?Patawara ang akon mga sala nga wala nakon matalupangdi.14 Ipahilayo ang imo alagad sa hungod nga mga pagpakasala;indi pag-itugot nga magdaog ini sa akon.Dayon magkabuhi ako nga putli,kag ang sala indi makadagta sa akon.15 Kabay nga imo kahamut-an ang mga pulong sa akon baba, kag

ang mga pagpamalandong sang akon tagipusoon,

O Ginuo nga akon manlulowas kag ang akon bato!SALMO 20 (19) Pangamuyo sang mga Judio para sa ila hari. Para ini sa iya nga ila ginatawag “Kristo,” kon sayuron, ang Hinaplasan sang Dios. Kabay nga ang Ginuo magpangapin sa mga tawo nga nagahimakas sa pagpatigayon sang paghari sang kamatuoran subong sang iya pagpangapin kay Kristo nga aton hari. 2 Kabay nga ang Ginuo magsabat sa imo sa adlaw sang kabudlayan!Kabay nga amligan ka sang ngalan sang Dios ni Jacob!3 Kabay nga padalhan ka niya sing bulig gikan sa santuario,kag dampigan ikaw gikan sa Sion!4 Kabay nga iya madumdoman ang tanan mo nga mga halad,kag kahamut-an ang imo sinunog nga mga halad!5 Kabay nga ihatag niya sa imo ang ginahandum sang imo

tagipusoon,kag tumanon ang imo buko!6 Sa imo kadalag-an maghinugyaw kita sa kalipay,kag sa ngalan sang aton Ginuo, ibayaw naton ang aton hayahay!Kabay nga Ginuo maghatag sang tanan mo nga ginapangayo!7 Karon nakahibalo ako nga ang Ginuo nagaluwas sa iya pinili,iya sia ginsabat gikan sa iya balaan nga Langit paagi sa dalagku nga

mga kadalag-an sang iya tuo nga kamot.8 Ang iban nga mga tawo nagapahambog sa ila mga karwahe,kag ang iban, sa ila mga kabayo;apang kami nagapabugal sa ngalan sang Ginuo nga amon Dios.9 Magakalapukan kag magkalahulog ang ila mga hangaway,apang kami magabangon kag magatindog sing tadlong.10 Hatagi sing kadalag-an ang Hari, O Ginuo,Sabta kami kon magpanawag kami.SALMO 21 (20) Pagpasalamat para sa aton Hari. – “Nagpangayo sia sang kabuhi sa imo kag imo ini ginhatag sa iya, kabuhi sa sulod sang madamo nga mga tinuig, sa walay katubtoban.”

2 Ang Hari nagakalipay sa imo kusog, O Ginuo,kag nagahugyaw sa imo daku nga bulig!3 Imo sia ginhatagan sang iya naluyagan; kag imo ginhatag ang

iya ginapangabay.4 Imo sia gin-abi-abi nga may kabuganaan,imo ginakoronahan ang iya ulo sang puraw nga bulawan.5 Sang sia magpangayo, imo sia ginhatagan sang kabuhi– malawig nga mga inadlaw nga wala sing katapusan.

6 Daku ang iya himaya paagi sa imo kadalag-an,imo sia ginhatagan sang himaya kag kadungganan.7 Imo sia ginbugayan sing walay katapusan nga mga bendision,kag ginpalipay sia sang imo presensia.8 Kay ang hari nagasalig sa Ginuo,kag paagi sa gugma sang labing mataas, indi sia mapukan. 9 Ang imo kamot magadab-ot sang tanan mo nga mga

kasumpong,kag magauyat sing hugot sang tanan mo nga mga kasumpong.10 Pagasunugon mo sila sa nagadabadaba nga hurnohan sa imo

pag-abot, O Ginuo.Imo sila iguon sang imo kaugotkag ang kalayo magasunog sa ila.11 Pagalaglagon mo ang ila kaliwatan sa kalibutan,kag ang ila kabataan sa tunga sang mga anak sang tawo.12 Kon magbuko sila sing malain batok sa imo,kon magpadihot sila sing malaut, indi sila magmadinalag-on.13 Kon mag-aman ka sang imo mga pana,magapalagyo sila nga may kahadlok.14 Pagabayawon ka, O Ginuo, sa imo kusog!Magaamba kag magadayaw kami sa imo kagamhanan.

SALMO 22 (21)Ang pangamuyo ni Kristo sa krus

2 Dios ko, Dios ko, ngaa ginpabay-an mo ako?Ngaa malayo gid ikaw sa pagpangayo ko sang tabang,ngaa malayo gid ikaw sa akon pag-ugayong?3 O Dios, nagapanawag ako sa imo sa bug-os nga adlaw,apang wala ikaw magsabat; sa kagab-ihon wala ako sing kapahu-

wayan.4 Apang ikaw nagalingkod sa trono; ang Labing Balaan, ang gina-

dayaw sang Israel.5 Ang amon mga katigulangan nagsalig sa imo;nagsalig sila, kag imo sila ginluwas.6 Nagpanawag sila sa imo, kag sila naluwas;nagsalig sila sa imo, kag wala sila mapaslawi.7 Apang ako isa lang ka ulod, kag indi tawo,nga ginahikayan sang kada isa, kag ginapasipalahan sang mga

tawo.8 Ginayaguta ako sang tanan nga makakita sa akon,tungod sa akon nagangisi sila kag nagalungolungo ang ila mga

ulo.9 “Nagsalig sia sa Ginuo, kag karon luwason niya sia,

luwason niya sia, kay nahamut-an niya sia!”10 Ginkuha mo ako halin sa tian sang akon iloy,gin-amligan mo ako sa iya dughan.11 Ginsapupo mo ako sugod pa sa akon pagkatawo,kag sang mabun-ag ako sang akon iloy, ikaw na ang akon Dios.12 Indi ako pagpalayo-i, kay ang kagamo malapit na lang,kag wala sing may magbulig sa akon.13 Ginalibutan ako sang madamo nga mga toro,dalagku nga mga toro sang Basan ang nagapalapit sa akon.14 Ang ila mga baba naganganga sa akon,kasubong sang mga leon nga nagangurob sa ila tulokbon.15 Kaangay ako sang tubig nga ginaula,kag nagkalabali ang tanan ko nga mga tul-an.Ang akon tagipusoon nagatunaw subong sang kandila sa akon

dughan.16 Ang akon tutonlan nagamala subong sang nagabagtik nga duta.Ang akon dila nagapilit sa akon alingagngag,gindugmok mo ako sa yab-ok sang kamatayon.17 Ang mga ido nagalibot sa akon,ang mga guban sang mga malaut nagapalapit sa akon;ila ginatuhog ang akon mga kamot kag mga tiil.18 Maisip ko ang tanan ko nga mga tul-an, samtang nagalantaw kag nagayaguta sila sa akon.19 Ginabahinbahin nila ang akon panapton,ginapagabutgabotan nila ang akon bayo.20 Apang ikaw, O Ginuo, indi ako pagpalayo-i.O akon kusog, dali ka sa pagtabang sa akon!21 Luwasa ang akon kalag sa espada,luwasa ang akon kabuhi sa mga bangkil sang mga ido!22 Luwasa ako sa baba sang leon,luwasa ang akon makalulooy nga kalag sa sungay sang mabangis

nga mga toro!23 Akon ipahayag ang imo ngalan sa akon kautoran, sa tunga sang mga pagtilipon magadayaw ako sa imo.24 Kamo nga may balaan nga kahadlok sa Ginuo, dayawa ninyo

sia!Kamo tanan nga mga anak ni Jacob, himayaa ninyo sia!Kag magtahod kamo sa iya, kamo tanan nga mga anak ni Israel!25 Kay wala sia magtamay ukon magkangil-ad sa nalisdan sa iya

sini malain nga nadangatan, apang ginapamatian niya sia, kon magpanawag sia sa iya.26 Dayawon ko ikaw sa daku nga pagtilipon,tumanon ko ang akon mga panaad sa atubangan sang tanan nga

nagatahod sa imo.

27 Ang kubos magakaon kag mabusog,ang mga nagapangita sa Ginuo magadayaw sa iya!Kabay nga ang imo tagipusoon magakabuhi sa walay katubtoban!28 Ang bug-os nga kalibutan, halin sa isa ka bahin tubtob sa pihak,

magadumdom kag magabalik sa Ginuo;kag ang tanan nga pagano nga mga pungsod magasimba sa iya.29 Kay ang gahum iya sang Ginuo kag nagahari sia sa mga

pungsod.30 Ang tanan nga mga manggaranon magayaub sa iya atubangan, kag subong man ang tanan nga nagahigda sa yab-ok. Ang akon

kalag magakabuhi sa iya.31 Ang akon kaliwat magaalagad sa iya,kag ipahayag ang Ginuo sa palaabuton nga kaliwatan.32 Ipahayag ang iya kaluwasan sa mga tawo nga wala pa mabun-

ag, “Amo ini ang mga butang nga iya nahimo.”SALMO 23 (22)Ang maayo nga manugbantay. Ang Ginuo amo ang akon manugbantay, indi ako makulangan. Yara sa akon atubangan ang lamesa kag ang kupa ni Kristo. Nakabaton ako sang maayo pa sa haplas sang balaan nga lana, kay akon nabaton ang haplas sang Espiritu Santo (Jn 2:27). Wala ako magpaabot sang kapahuwayan sang kamatayon, kundi nagalaum ako sang pagkabanhaw nga magadala sa akon sa Amay. 1 Ang Ginuo amo ang akon manugbantay, indi ako makulangan.2 Iya ako ginapahuway sa madabong nga halalban.Ginatuytoyan niya ako sa higad sang matin-aw nga tubig.3 Iya ginaayo ang akon kalag.Iya ako ginatuytoyan sa matarong nga alagyan, tungod sa iya

ngalan.4 Bisan nagalakat ako sa patag sa landong sang kamatayon,wala ako sing may ginakahadlukan,kay yara ikaw sa akon luyo.Ang imo sungkod kag baston nagapasulhay sa akon.5 Ginaaman mo ang lamesa para sa akon, sa atubangan sang akon

mga kaaway.Imo ginahaplasan sang lana ang akon ulo,nagaawas ang akon kupa.6 Ang kaayo kag kaalwan magaupod sa akonsa bug-os ko nga kabuhi.Magapuyo ako sa balay sang Ginuo samtang nagakabuhi ako.SALMO 24 (23)Ang kapalaran sang bug-os nga katawohan. Ang Dios nagtuga sang kalibutan sa pagpakita sang iya kabuganaan, apang ang kalibutan wala pa mahuman tubtob ang Dios magduaw sa bug-os nga katawohan, kag ang Bag-o nga Tawo, ang Anak sang

Dios, magpakilala sang iya kaugalingon. 1 Ang duta kag ang kabug-osan sini iya sang Ginuo,iya ang kalibutan kag ang tanan nga nagapuyo diri.2 Iya ini gintukod sa kadagatankag ginbutang ini sing mabakod sa kadagatan.3 Sin-o ang makataklad sa bukid sang Ginuo?Sin-o ang makatindog sa iya balaan nga duog?4 Ang mga tawo nga may matinlo nga mga kamot kag putli nga

tagipusoon,nga wala nagahandum sang mga butang nga wala sing pulos,kag wala nagasugid sang kabutigan.5 Magabaton sila sang pagpakamaayo gikan sa Ginuo,kag pagkamatarong gikan sa Dios nga ila manlulowas.6 Amo ini nga mga tawo ang nagapangita sa iya,ang nagapangita sang nawong sang Dios ni Jacob.7 Bayawa, O mga puerta, ang inyo mga ulo, magbukas kamo, dumaan nga mga ganhaan,agod makasulod ang Hari sang himaya!8 Sin-o ang Hari sang himaya?Ang Ginuo, ang mabakod, ang makusog,ang Ginuo, ang maisog sa inaway.9 Bayawa ang inyo mga ulo, O mga puerta, magbukas kamo, dumaan nga mga ganhaan, agod makasulod ang Hari sang himaya!10 Sin-o ang Hari sang himaya?Ang Ginuo sang mga hangaway,sia ang Hari sang himaya!SALMO 25 (24)Panawag sa Ginuo sa tion sang mga pagtilaw. Ang Biblia wala magkilala sang pagkadula sang paglaum. Mahimo nga mapuno kita sang kalisod, pagpalibog, kabug-at sang sala, apang sa gihapon ang tawo makapalagyo sa sini. Ang tanan naton nga mga alagyan, bisan pa ang pinakamalain, makapadulong sa katapusan sa paghigugma nga mabakod pa sa tanan nga mga gahum sining kalibutan.

1 Sa imo, O Ginuo, ginabayaw ko ang akon kalag.2 Sa imo ako nagasalig, Dios ko; indi ako pagpakahuy-i,indi pag-itugot nga yagutaon ako sang akon mga kaaway.3 Ang mga nagalaum sa imo indi gid mahuy-an;ang mga nagapalagyo sa imo magaantus sang kahuy-anan.4 Tudlo-i ako sang imo alagyan, O Ginuo,ipahibalo sa akon ang imo mga dalanon.5 Tuytoyi ako sa imo kamatuoran kag tudlo-i ako,

kay ikaw ang akon Dios nga akon manlulowas;sa imo ako nagalaum sa bug-os nga adlaw.6 Dumdoma ang imo kaluoy, O Ginuo,ang imo mapinadayunon nga gugma sugod sang una pa.7 Kalimti ang akon mga sala sang ako lamharon pa,ang akon pagkamalalison kag pagkamasupakon,apang sa imo gugma dumdoma ako, O Ginuo!8 Maayo kag matarongang Ginuo; nagatudlo sia sa mga makasasala sang iya paagi.9 Ginatudloan niya ang mga tawo nga may mapainobuson nga

tagipusoon,kag iya sila ginatuytoyan sa matarong nga dalan.10 Ang mga dalan sang Ginuo amo ang paghigugma kag katutom,para sa mga tawo nga nagatuman sang iya kasugtanan kag mga

pagsulondan.11 Tungod sa imo ngalan, O Ginuo,patawara ang akon mga kakulangan, bisan ano pa kadamo sini.12 Sin-o ang mga nagakahadlok sa Ginuo?Magatuon sila sa iya kon paano magpili sang banas.13 Magakabuhi sila sa kabuganaan,kag ang ila kaliwat magaangkon sang kadutaan.14 Ang Ginuo magapalapit sa mga nagakahadlok sa iya,kag iya tumanon ang iya kasugtanan sa ila.15 Ang akon mga mata nagatulok sa imo lamang, O Ginuo, sa

walay katubtoban.Pagahilwayon niya ang akon mga tiil sa tugalbong.16 Tamda ako kag kaluoyi, kay ako nagaisahanon kag nahalitan.17 Hilwaya ang akon tagipusoon sa kalisod,lugpaya ako sa sini nga kasubo.18 Tan-awa ang akon kasakit kag pag-antus,kag patawara ang tanan ko nga mga sala.19 Tan-awa kon daw ano ang pagdamo sang akon mga kaawaykag kon daw ano kapintas sang ila pagdumot sa akon.20 Luwasa ang akon kabuhi sa ila,indi ako pagpakahuy-i sa ila,kay sa imo ako nagadangup agod maluwas.21 Kabay nga ang pagkahalangdonkag katarong mangin akon mangangapin,kay nagalaum ako sing bug-os sa imo, O Ginuo.22 Luwasa, O Ginuo, luwasa ang Israelsa tanan niya nga kagamuhan!

SALMO 26 (25)

Ang pangamuyo sang matarong nga tawo. – Aton gamiton ining pangamuyo sang “matarong nga tawo” nga nagasugid sang iya katutom. Dili naton paghatagan sing pagtamod ang aton maayo nga mga binuhatan, subong sang ginahimo sang mga Pariseo. Sa baylo, aton hatagan sing pagtalupangod ang aton bag-o nga pagka-tawo sa tion sang pagbunyag sa aton: si Kristo nagpaputli kag nagpabugana sa aton.

1 Ipakilala ako nga matarong, O Ginuo, kay nagkabuhi ako nga may pagkahalangdon;ang akon pagsalig sa Ginuo wala nagaduhadoha.2 Tilawi ako, O Ginuo; ibutang ako sa mga pagtilaw,usisaa ang akon kalag kag tagipusoon.3 Kay sa imo gugma ako nagasalig,kag nagapangabuhi ako sa kamatuoran kag kalig-unan.4 Wala ako nagapakig-upod sa mga nagapanunto,kag wala ako nagasimpon sa pagpakig-abyan sa mga hipokrito.5 Ginakaugtan ko ang pag-upod sa mga nagahimo sang mga

malain,ukon ang pagpakig-upod sa mga malauton.6 Ginahugasan ko ang akon mga kamot nga mahilway sa sala,kag nagalakat ako palibot sa imo altar.7 Nagaamba ako sang mga ambahanon sa pagdayaw kag

pagpasalamat,kag nagapahayag sang imo makatilingala nga mga binuhatan.8 O Ginuo, ginahigugma ko ang balay nga imo ginapuy-an,ang duog sang imo himaya.9 Dili pag-itugot nga magpakigbahin akosang nadangatan sang mga makasasala,10 sang mga kamot nga nakabuhat sang krimen,nga ang tuo nga kamot napun-an sing paglimbong.11 Apang magalakat ako nga may pagkahalangdon;luwasa ako, O Ginuo; magmaalwan ka sa akon.12 Sa matapan nga duta nagatungtong ang akon mga tiil; sa daku

nga pagtilipon, dayawon ko ang Ginuo.SALMO 27 (26)Sa luyo sang Dios, wala sing kahadlok. Ang imo nawong, O Ginuo, ang akon ginapangita… nagalaum ako nga makita ang kaayo sang Ginuo sa duta sang mga buhi. 1 Ang Ginuo amo ang akon kapawa kag akon kaluwasan— sin-o bala ang akon kahadlukan?Ang Ginuo amo ang akon manugdampig kag mangangapin;indi ako magakahadlok.2 Kon ang mga malaut magsalakay sa akonsa pagkaon sang akon unod, sila nga akon mga kaaway nagakalasandad, ang akon mga kaaway

nagakalapukan.3 Bisan ang hubon sang mga soldado magpatindog sang kampo sa

pagkibon sa akon, ang akon tagipusoon indi pagkulbaan; bisan pa magsugod ang inaway batok sa akon, magasalig ako sa gihapon. 4 Isa ka butang ang akon ginapangayo sa Ginuo, isa ka bagay ang akon ginapangita:nga magpuyo sa balay sang Ginuo sa bug-os nga mga inadlaw sang akon kabuhi,sa pagtamod sang iya katahum kag sa pagsimba didto sa balaan nga templo. 5 Ipahamtang niya ako sa maayo nga kahimtangan sa iya puloy-an

sa tion sang kagamo.Iya ako taguon sa idalum sang iya palasilungan,ipahamtang niya ako sa mataas nga duog.6 Dayon mangin dalayawon akolabaw sa mga kaaway nga nagapalibot sa akon.Magadulot ako sang mga halad sa iya balaan nga puloy-an, lakip

ang pagsinggit sang kalipay.Magaamba kag magahimo ako sing lalantunon sa pagdayaw sa

Ginuo.7 Pamatii ang akon panawag, O Ginuo,kaluoyi ako kag sabta. 8 Ikaw nagsiling, “Pangitaa ang akon nawong,”kag ang akon tagipusoon nagasiling sa imo,“Ang imo nawong ang akon ginapangita, O Ginuo.”9 Indi pagtago-a ang imo nawong sa akon,kag indi pagtalikdi sa kaakig ang imo alagad.Ikaw ang akon manugdampig,indi ako pagsikwaya ukon pagpabay-i,O Dios sang akon kaluwasan!10 Bisan patumbayaan ako sang akon amay kag iloy,ang Ginuo magabaton sa akon sa gihapon.11 Tudlo-i ako, O Ginuo, sang imo alagyan,tuytoyi ako sa matadlong nga dalan.12 Luwasa ako sa mga kamot sang akon mga kaaway,kay ang di-matuod nga mga saksi nagpanaksi batok sa akonagod ila ako ipiton sa kalaglagan sang ila kalain.13 Ako nagasalig nga makita ko ang kaayo sang Ginuosa kalibutan sang mga buhi.

14 Magsalig sa Ginuo, magmabakod kag magmaisog —huo, maglaum sa Ginuo.SALMO 28 (27)Dili ako pagpabungoli, O akon Bato.

1 Nagapanawag ako sa imo, O Ginuo; O akon Bato, indi ka magpa-bungol-bungol. Kon ako indi mo pagpamatian, mahulog gid ako kasubong sang iban.

2 Pamatii ang akon pagpakitluoy kon ako magpanawag sa imo, samtang ginabayaw ko ang akon mga kamot sa imo balaan nga duog.

3 Dili ako pagguyora upod sa mga malaut, upod sa mga nagahimo sing malain. Matam-is ang ila mga tinaga sa ila mga kaingod, apang ang ila tagipusoon puno sing pagdumot.

4 Siloti sila suno sa ila kalautan, suno sa kalainan nga ila ginahimo. Pamatbati sila suno sa ginhimo sang ila mga kamot; hatagi sila sing nagakaigo gid sa ila.

5 Wala sila maghatag sing pagtamod sa mga hinimoan sang Ginuo, sa ginbuhat sang iya mga kamot. Pagalaglagon sila sang Dios, kag indi na sila makabangon.

6 Dayawon ang Ginuo! Ginpamatian niya ang akon pagpanawag.7 Ang Ginuo amo ang akon kusog kag taming; nagsalig ako sa iya

kag iya ako ginluwas. Gani ang akon tagipusoon nagakalipay; ginapasalamatan ko sia sa akon ambahanon.

8 O Ginuo, ikaw ang kusog sang imo katawohan, ang dalangpan sang imo hinaplasan nga hari.

9 Luwasa ang imo katawohan, bendisyoni ang imo palanublion; atipana sila kag bantayi sa walay katubtoban.SALMO 29 (28)Ang bagyo: ang Ginuo amo ang nagalabay. – Ang Dios nagapakighambal paagi sa bagyo. Ginapakita niya ang iya gahum kag himaya.

1 Ihatag sa Ginuo, O mga anghel sang Dios;ihatag ang himaya kag kusog sa Ginuo.2 Ihatag sa Ginuo ang nagakaigo sa iya ngalan;simbaha ang Ginuo sa iya pagkabalaan!3 Ang tingog sang Ginuo yara sa ibabaw sang katubigan;nagadaguob ang Dios sang kahitaasan.Ang Ginuo nagapanaguob sa ibabaw sang kadagatan.4 Daw ano ka makagagahum ang tingog sang Ginuo;daw ano ka dalayawon ang tingog sang Ginuo!5 Ang tingog sang Ginuo nagabali sang mga kahoy nga sedro,ang Ginuo nagapangdugmok sang mga sedro sang Lebanon.

6 Ginapalumpatlompat sang Ginuo ang Lebanon kasubong sang isa ka tinday nga baka;

kag ang Sirion kasubong sang isa ka tinday nga toro.7 Ang tingog sang Ginuo nagaigrab sang kalayo.8 Ang tingog sang Ginuo nagapalinog sang kamingawan.Ang Ginuo nagapatay-og sang kamingawan sang Kades.9 Ang tingog sang Ginuo nagapakurog sang mga ensinakag nagauba sang mga kagulangan.Sa sulod sang iya templo nagahinugyaw ang tanan, “Himaya!”10 Ang Ginuo nagalingkod sa ibabaw sang baha;ang Ginuo nagahari sa walay katubtoban.11 Kabay nga ang Ginuo maghatag sing kusog sa iya katawohan;kabay nga ang Ginuo magbendision sing paghidaet sa iya

katawohan!SALMO 30 (29) Dayawon ko ikaw kay ginhilway mo ako. Sa sini nga kinabuhi, wala sing butang nga nagapabilin nga dayon. Para sa tagsa sa aton, ang Ginuo nagahatag sing mga kalipay kag mga pagtilaw suno sa aton kinahanglanon sa pagtubo sa aton pagtuo. Sa masunson, nagakakibot kita: ang mga pagtilaw nagapabug-at sa aton subong nga wala na sing Dios kag kon magkari ang mga bugay sang Dios, wala na kita nagapangahas sa pagpati nga ini tanan matuod.

2 Dayawon ko ikaw kay ginluwas mo ako sa kadadalman,wala ka magtugot nga kadlawan ako sang akon mga kaaway.3 O Ginuo nga akon Dios, nagpanawag ako sa imo sa pagpangayo

sing bulig kag gin-ayo mo ako.4 O Ginuo, ginkuha mo ako sa lulobngan, kag ginluwas mo ako sa

pagpanaog sa daku nga buho.5 Mag-amba sa Ginuo, O kamo nga iya mga balaan,magpasalamat kag magdayaw sa iya balaan nga ngalan.6 Kay ang iya kaakig wala nagadugay,apang ang iya kaalwan nagadugay sa bug-os nga kabuhi.Ang paghilibi-on magapadayon sa kagab-ihon,apang ang pagkinalipay nagaabot sa kaagahon.7 Sang ako may kahamungayaan nagsiling ako, “Indi gid ako

matublag.”8 Sa imo maayo nga kabubot-on, O Ginuo, nagpatindog ka sang

akon pamakod,apang sang magtago ka sang imo nawong, nagkurog ako sa

kahadlok!9 Sa imo, O Ginuo, ako nagapanawag; nagapangayo ako sing

kaluoy sa imo,10 “Ano bala nga kaayuhan ang mabaton sa akon pagkapukan, sa

pagpanaog sa daku nga buho?

Makahatag bala ang yab-ok sang pagdayaw sa imo?Makapahayag bala ini sang imo katutom?11 Pamatii, O Ginuo, kag kaluoyi ako;O Ginuo, ikaw mangin-akon mangangapin.”12 Apang karon, O Ginuo, ang akon kasubo imo ginbayluhan sing

kalipay;imo gin-uba ang akon panapton nga sakokag ginpabayoan ako sing panapton sang kalipay.13 Kag ang akon kalag wala na nagahipos,karon magaamba ako sing walay untat nga pagdayaw.O Ginuo nga akon Dios,sa walay katubtoban magapasalamat ako sa imo.

SALMO 31 (30) Sa imo ako nagadangup, O Ginuo. – Ang pangamuyo sang ginahingabot nga alagad sang Dios.

2 Sa imo, O Ginuo, ako nagadangup,kabay nga indi ako mahuy-an;tungod sang imo katarungan luwasa ako.3 Pamatii ang akon pangabay,kag dali ka sa pagluwas sa akon.Ikaw ang mangin-akon mabakod nga dalangpan,4 ang mapag-on nga kuta sang akon kaluwasan.Akon bato kag akon pamakod, tungod sa imo ngalan, tuytoyi ako;5 hilwaya ako sa tugalbong nga ila ginatigana para sa akon,kay ikaw ang akon mangangapin.6 Sa imo mga kamot ginatugyan ko ang akon espiritu,imo ako gintubos, O Ginuo; ikaw matutom nga Dios.7 Imo ginakaugtan ang mga nagasimba sang mga diosdios,apang sa Ginuo lamang ako nagasalig.8 Magakalipay kag magakasadya ako sa imo gugma, O Ginuo,kay gintamod mo ang akon pag-antus;nakahibalo ka sang kasakit sang akon kalag.9 Sa baylo nga itugyan ako sa mga kaaway,ginhatagan mo ako sing hilway nga duog.10 Kaluoyi ako, O Ginuo; sa akon mga kasakit,ang akon mga mata nagapalangdulom bangod sang kasubo,naganiwang ako kag ang akon kalag maluya na.11 Kay ang akon mga inadlaw napun-an sing kalisod,kag ang akon mga tinuig nagahagas sa pagpanghakroy. Wala na ako sing kusog bangod sang akon salanga nagaut-ot sang akon mga tul-an.12 Nangin balasulon ako sang akon mga kaaway kag mga kaingod;

nangin makahaladlok ako sa akon mga abyansa bagay nga nagalikaw sila sa akonkon makita nila ako sa mga dalanon.13 Kasubong ako sang patay nga wala ginadumdom,kaangay ako sang nabuka nga kulon nga ginahaboy kag wala

ginasapak.14 Nabatian ko ang paghinutikay sang mga tawo,ang mga sugilanon nga nagapakugmat sa akon sa tagsa ka bahin– ang ila mga paghimbon, ang ila mga padihot, ang ila malain nga

mga tuyo sa pag-utas sang akon kabuhi.15 Apang sa imo lamang ako nagasalig, O Ginuo:ikaw ang akon Dios.16 Yara sa imo mga kamot ang akon mga inadlaw;luwasa ako sa malaut nga mga tawo,sa mga nagahingabot sang akon kabuhi.17 Ipakita ang imo masanag nga nawong sa imo alagad,luwasa ako sa imo gugma.18 Dili ako pagpakanubo-a, O Ginuo,kay sa imo ako nagapanawag;apang pabay-i nga ang malauton mahuy-an, kag ihamyang sila sa

lulobngan agod nga indi na makahambal.19 Pabay-i nga ang butigon nga mga bibig indi na makawakal pa,kay nagahambal sila sa matarong nga tawo nga may paglimbong

kag pagkabugalon.20 Daw ano kadaku sang imo kaayonga imo ginatigana para sa mga nagakahadlok sa imo, O Ginuo,para sa mga nagadangup sa imo sa panan-aw sang mga tawo!21 Sa palasilungan sang imo presensia, ginatago mo sila palayo sa

pagpanunto sang mga tawo;ginatago mo sila sa imo puloy-annga hilway sa mga pagbutangbotang sang mga babaan.22 Dalayawon ang Ginuo sa iya makatilingala nga gugma!Iya ginpabakod ang akon tagipusoon.23 Nagsiling ako sa akon kakugmat,“Gintabog mo ako sa imo atubangan!”Apang sang magpanawag ako, nakabati ka,sang magpakitluoy ako, ginpamatian mo ako.24 Higugmaa ang Ginuo, kamo tanan nga iya mga balaan!Ang Ginuo nagaamlig sang iya mga tumoluo,apang iya ginabalusan sing tama ang matinaastaason.25 Magpakabakod kag magpakaisog,kamo tanan nga nagalaum sa Ginuo.

SALMO 32 (31)Ang kaayuhan nga mabaton sa tapos maaku ang sala. Ang tinago nga sala

nagalaglag sang aton konsiensya. Ang pagkumpisar isa ka kahilwayan sa gihapon. 1 Bulahan ang tawo nga ang iya sala ginpatawad, nga ang iya kakulangan ginpanas.2 Bulahan ang tawo nga ang Ginuo wala magkilala sang iya mga

sala,nga sa iya pagka-tawo wala sing pagpanunto.3 Kon akon taguon ang akon sala,ang akon lawas nagapalangluya,ang kasakit yari sa bug-os nga adlaw.4 Ang imo kamot nagatungtong sing mabug-at sa akon,akon ginabatyag ang kabug-at sini sa adlaw kag sa gab-i.Nagakadula ang akon kusog, nagamala ang akon tagipusoon,subong sang pagmala sang init kon tingadlaw.5 Dayon ginsugid ko sa imo ang akon kakulangan,kag ginbuksan sa imo ang malain ko nga mga nahimo,sa pagsiling ko sa akon kaugalingon, “Sa Ginuo nagasugid ako sang

akon mga sala.”Kag ikaw, ginpatawad mo ang akon sala,ginkuha mo ang akon kasaypanan.6 Gani itugot nga ang matutom nga alagad magapangamuyo sa imosa tion sang kapiotan; bisan mag-alalawas ang tubig,ang baha indi makalambot sa iya.7 Ikaw ang akon dalangpan, imo ako gin-apinan sa tion sang

kapiotankag ginlikupan ako sang mga ambahanon sang kaluwasan.8 Pagatudloan ko ikaw, ipakita ko sa imoang alagyan nga imo usoyon.Pagabantayan ko ikaw kag pagalaygayan.9 Indi ka magmangin kaangay sang kabayo ukon sang asno,nga walay kapuslanan kag ginatuytoyan lang paagi sa hanot.10 Ang mga kalainan nga nagahulat sa mga malaut indi matakus.Apang ang kaluoy sang Ginuo nagalikop sa mga nagasalig sa iya.11 Magkasadya sa Ginuo, kag magkalipaykamo nga mga matarong,mag-amba kag magsinggit sa kalipay,kamo nga may matinlo nga tagipusoon.SALMO 33 (32)Ang Pag-atipan sang Dios nagabantay sa aton sa gihapon. Malipayon ang pungsod nga ang iya Dios amo ang Ginuo. Ang Ginuo nagabantay sang mga tawo

nga may balaan nga kahadlok sa iya. 1 Magkasadya sa Ginuo, kamo nga mga matarong,ang pagdayaw gikan sa mga matarong nagakabagay gid.2 Magpasalamat sa iya paagi sa arpa kag lira,mag-amba kag magkinanta sang mga pagdayaw.3 Sa tunga sang mga singgit sang kalipay,mag-amba sang bag-o nga mga ambahanonkag palantuna sing maayo ang arpa.4 Kay ang pulong sang Ginuo matuodkag ang iya binuhatan takus nga saligan.5 Ang Ginuo nagahigugma sa katarungan kag pagkamatarong;ang duta napun-an sang iya kaayo. 6 Ang pulong sang Ginuo nagtuga sang kalangitan,kag ang iya ginhawa naghimo sang tanan nga mga bituon.7 Iya gintipon ang katubigan sang dagat sa isa ka pusod,iya gintipon ang kadadalman sa idalum nga duog. 8 Kabay nga ang bug-os nga duta mahadlok sa Ginuo,kabay nga ang mga nagapuyo sa kalibutan magkakugmat sa iya.9 Kay sia naghambal kag ini natuman,nagsugo sia kag ang tanan nagtuhaw.10 Ginaguba sang Ginuo ang mga buko sang kapungsoran.Kag ginadala niya sa walay kapuslanan ang mga katuyoan sang

katawohan.11 Apang ang iya buko nagapadayon nga mapag-on sa walay

katubtoban,subong man ang tuyo sang iya tagipusoon sa tanan nga mga

kaliwatan.12 Bulahan ang pungsod nga ang iya Dios amo ang Ginuo—ang iya pinili nga katawohan bilang iya palanublion.13 Gikan sa langit, ang Ginuo nagatamod kag nagatan-aw sa

katawohan.14 Didto sia nagalingkod sa paglantaw sang tanan nga nagapuyo sa

duta— 15 sia nga nagatudlo sang tagsa ka tagipusoon,sia man nakahibalo sang tanan nila nga mga binuhatan.16 Ang isa ka hari indi maluwas sang gamhanan nga hubon sang

mga soldado, kag ang isa ka hangaway indi maluwas sang iya daku nga kusog.17 Indi ka maghunahona nga ang kabayo makaluwas sa imo;ang kapag-unan sini wala nagapat-od sang kadalag-an.

18 Apang ang mga mata sang Ginuo nagatamod sa mga nagakahadlok sa iya,

sa mga tawo nga nagasalig sa iya kaalwan, 19 sa pagluwas sa ila sa kamatayonkag pagbuhi sa ila sa tion sang tiggulotom.20 Sa daku nga paglaum kami nagapaabot sa Ginuo,kay sia ang mananabang kag amon taming.21 Sa iya nagakalipay ang amon tagipusoon, kay sa iya balaan nga ngalan kami nagasalig.22 O Ginuo, itugot nga ang imo gugma magkunsad sa amon,subong nga nagapadayon kami sa paglaum sa imo.SALMO 34 (33)Tilawi kag tan-awa kon daw ano kaayo sang Ginuo. Kabay nga ang aton inagihan mangin kaangay sang iya sang mga imol kag mga mapainobuson. Ang Ginuo malapit sa mga tawo nga wala sing dalangpan luas sa iya lamang. Sa adlaw nga wala na sing kalig-unan, ang Dios mismo magatatap sang mga tawo nga iya ginatamod sa iya katutom.

2 Dayawon ko ang Ginuo sa tanan ko nga mga inadlaw;ang pagdayaw magapadayon sa akon mga bibig.3 Ang akon kalag nagadayaw sa Ginuo;magpamati kag maghugyaw ang mga kubos.4 Aton dayawon ang Ginuo,magtilipon kita sa pagdayaw sa iya ngalan!5 Nagpangabay ako sa Ginuo, kag iya ako ginsabat;iya ako ginluwas sa tanan ko nga mga kahadlok.6 Ang mga nagatulok sa iya may daku nga kalipay,wala gid sing may makita nga kahuya sa ila mga nawong.7 Kon magpanawag ang mga imol, ang Ginuo nagapamatikag nagaluwas sa ila sa kapiotan.8 Ang anghel sang Ginuo nagpatindog sang toldasa pagbantay sang mga tawo nga nagakahadlok sa Dios.9 Yari, tan-awa kag tilawi ang kaayo sang Ginuo!Bulahan ang nagapanilong sa iya!10 Kahadluki ang Ginuo, kamo tanan nga mga balaan,kay ang mga nagakahadlok sa iya wala sing kulang sa pangabuhi.11 Ang mga gamhanan magutoman kag makulangan, apang ang mga nagapangita sa Ginuo indi gid makulangan.12 Kari kamo, mga anak, kag magpamati;ipakita ko sa inyo kon paano ang pagkahadlok sa Ginuo.13 Ikaw nga nagahandum sang malawig nga kabuhi, ikaw nga luyag magkalipay sa kabuganaan.

14 Likawi ang paghambal sing di-matuod,likawi sa imo baba ang kabutigan.15 Talikdi ang kalainan kag maghimo sing maayo;pangitaa kag paluntara ang paghidaet.16 Ang mga mata sang Ginuo nagatamod sa mga matarong;ang iya mga dulonggan nagapamati sa ila mga panghakroy.17 Apang ang iya nawong batok sa mga malaut,sa paglaglag sang ila handumanan sa duta.18 Ang Ginuo nagapamati sang panawag sang mga matarongkag nagaluwas sa ila sa tanan nila nga mga palaligban.19 Ang Ginuo malapit sa mga napaslawankag nagaluwas sang mga tawo nga nadulaan sing paglaum.20 Ang mga matarong may madamo nga mga katublagan,apang ang Ginuo nagatabang sa ila sa sini tanan.21 Iya ginatipigan ang tanan nila nga mga tul-an,wala sing isa nila ka tul-an nga mabali.22 Ang kalautan ang magapatay sa malaut;pagahukman ang mga kaaway sang mga matarong.23 Apang pagatubson sang Ginuo ang kabuhi sang iya mga alagad;wala sing isa sang mga nagasalig sa iya ang pagahukman.SALMO 35 (34)Palangadion sang isa ka matarong nga tawo nga ginahingabot. – Ang madamo nga mga bahin sining salmo kaangay sang Salmo 22 nga nagatumod sing mabinatyagon sa kasakit ni Kristo.

1 O Ginuo, atubanga ang mga nagagubat sa akon; awaya ang mga nagasumbong sa akon.

2 Kuhaa ang imo espada kag panaming; tindog kag tabangi ako.3 Amana ang imo pana kag wasay batok sa mga nagalagas sa

akon. Singgani ako, “Ako ang imo kaluwasan.”4 Kabay nga ang mga tawo nga nagatinguha sa pagpatay sa akon

mapaslawan kag mahuy-an; kabay nga malutos kag mapukan sila nga mga nagahingabot sa akon.

5 Himoa sila nga daw upa nga ginahuyop sang hangin, sa tion nga tabugon sila sang anghel sang Ginoo.

6 Himoa nga mangin madulom kag madanlog ang ila banas, sa tion nga lagson sila sang anghel sang Ginoo.

7 Ila ginaaman ang ila tugalbong sa akon nga wala sing kabangdanan; nagakutkot sila sing buho batok sa akon bisan pa nga wala ako sing sala.

8 Kabay nga sila mapukan sa tion nga wala nila ginalauman; kabay nga sila masiod sang ila siay; kabay nga sila mahulog sa ila ginhimo nga tugalbong.

9 Dayon ang akon kalag magakalipay sa Ginuo; magakasadya ako sa iya pagluwas.

10 Ang akon bug-os nga lawas magahugyaw: “Sin-o bala ang kaangay sa imo, O Ginuo? Ikaw ang manlulowas sang mga ginapigos gikan sa mga gamhanan, sang mga imol kag nahalitan gikan sa mga nagapangdakop?”

11 Ang mga butigon nagtilindog, ginasumbong nila ako sang mga butang nga wala ko ginhimo.

12 Ang akon kaayo ginbalusan nila sang kalainan; ginpatumbayaan gid ako.

13 Apang sang nagmasakit sila, nagsuksok ako sang sako, nagpuasa ako kag nagpangamuyo tungod sa ila.

14 Nagpangasubo ako subong nawad-an sing utod, nagtalangison subong nawad-an sing iloy.

15 Apang sang ako napukan, nagtilipon sila nga nalipay pa; ginlibutan nila ako nga daw mga dumuluong. Walay untat ang ila pagbutang-botang batok sa akon.

16 Ginbuyayaw nila ako nga wala sing pasunaid; nagbagrot ang ila mga ngipon batok sa akon.

17 Tubtob san-o, O Ginuo, ikaw maglantaw lamang? Luwasa ako sa mabangis nga mga sapat, ang akon kabuhi sa mga leon.

18 Dayon, pasalamatan ko ikaw sa daku nga pagtililipon; dayawon ko ikaw sa kadam-an.

19 Indi pagtugoti nga ako kadlawan sang mga butigon, nga libakon ako sang akon mga kaaway.

20 Wala sing paghidait sa ila mga ginapanghambal; kag batok sa mga nagapakalinong sa duta, nagapahito sila sing butig nga mga panumbongon.

21 Nagawakal sila batok sa akon. Nagasiling sia, “Ay, maayo gid! Nakita gid sang amon mga mata.”

22 Nakita mo ini, O Ginuo; indi ka maghipos; indi ako pagpabay-i.23 Bangon ka kag magtindog para sa akon kinamatarong; para sa

akon kawsa, O Dios ko kag Ginuo ko!24 Pangapini ako tungod ikaw matarong, O Ginuo; O Dios ko, indi

sila paghatagi sing kahigayunan sa pagyaguta sa akon.25 Indi sila pagtugoti nga magkadlaw sa ila hunahona, “Aha!

subong gid sang amon ginapaabot!” Indi sila paghatagi sing kabangdanan sa pagsiling, “Nalutos na namon sia!”

26 Pakahuy-i kag pahipusa ang tanan nga nagakalipay sa akon kapiotan; pun-a sing kahuy-anan kag pagkamalaut ang mga nagapigos sa akon.

27 Apang hatagi sing kasadya kag kalipay ang nagaunong sa akon kawsa. Kabay pa nga sila magsiling sa gihapon, “Himayaon ang Ginoo nga nahamuot sa maayo nga kinabubot-on sang iya alagad.”

28 Dayon ang akon dila magpahayag sang imo kaayo, kag mag-amba sang mga pagdayaw sa imo sa bug-os nga adlaw.SALMO 36 (35)Ang kalautan sang makasasala kag ang kaayo sang Dios. – Ang kalainan sang mga tawo nagatulod sa aton sa pagsalig sa kaayo sang Dios.

2 Ang kalautan nagapakighambal sa mga malauton sa ila tagi-pusoon: wala sing kahadlok sa Dios sa ila panulok. 3 Bangod sang ila bugal, wala nila makita ang ila sala.

4 Napun-an sila sang malain nga tuyo kag pangdaya, wala na sila nagahunahona sa paghimo sing maayo.

5 Nagabuko sila sing malain bisan sa hiligdaan; nagpamat-od sila sa pagpangabuhi sa pagpakasala, kag wala na sila makahibalo kon paano sikwayon ang kalautan.

6 Ang imo gugma, O Ginuo, nagalambot sa langit; ang imo katutom nagalambot tubtob sa mga panganod.

7 Ang imo katarungan kasubong sang matag-as nga kabukiran; ang imo paghukom kaangay sang di-matungkad nga kadadalman. Nagatipig ikaw, O Ginuo, sang tawo kag sang sapat.

8 Daw ano ka malahalon, O Dios, sang imo mapinadayunon nga gugma! Ang katawohan nagadangup sa idalum sang imo mga pakpak.

9 Sa imo puloy-an makit-an ang madamo nga kalan-on, kag nagainum kami sa imo tuboran sang kalipay,

10 Kay sa imo yara ang tuboran sang kabuhi; sa imo kapawa, kasanag ang amon nakita.

11 Idulot sa imo mga tumoluo ang imo mapinadayunon nga gugma, kag luwasa ang mga tawo nga may matarong nga tagipusoon.

12 Dili pagtugoti ang mga matinaastaason sa paglapak sa akon, kag dili pagtugoti ang mga malauton sa pagtampalas sa akon.

13 Pukana ang mga tawo nga nagahimo sing malaut; itiklod sila nga indi na makabangon.SALMO 37 (36)

Magaabot ang kalipay sa mga matarong kag ang pagkapukan sa mga malauton. – “Dili magkatublag ukon magkahisa sa kadalag-an sang mga tawo nga nagahimo sing malaut.” Ini nga salmo nagasaysay sing maayo sang ginapanudlo sang mga mangin-alamon sang Israel: ang gahum ukon ang kamanggaran wala nagahatag sang kahigayunan sa pagpanubli sang ginsaad sang Dios sa iya kaanakan.

1 Dili ka magpalibog tungod sa malain nga mga tawo ukon magkahisa sa mga tawo nga nagahimo sang kasaypanan.

2 Kay magataliwan sila subong sang lunhaw nga tanum kag magakalamatay subong sang nalaya nga hilamon.

3 Magsalig sa Ginuo kag maghimo sing maayo, agod magpuyo kamo sa duta kag magpakalinong.

4 Kabiga ang Ginuo nga imo kalipay, kay iya ihatag ang ginahandum sang imo tagipusoon.

5 Itugyan sa Ginuo ang imo banas, magsalig ka sa iya kag sia magabuhat.

6 Dayon pabutlakon niya ang imo pagkamatarong subong sang pamanagbanag, kag hatagan niya sang katarungan ang imo kawsa subong sang ugtong adlaw.

7 Magpakalinong ka sa atubangan sang Ginuo, hulata sia sing mapailubon; dili ka magkabalaka kon ang iban nagmadinalag-on sa pagtuman sang ila malain nga mga padihot.

8 Punggi ang pagpangakig, talikdi ang kasingkal; dili ka mag-ugtas, kay ini nagadala lang sa imo sa kalainan.

9 Ang mga malauton magakalamatay, apang ang mga nagalaum sa Ginuo magapanubli sang kadutaan.

10 Sa indi madugay, ang mga malauton madula na. Bisan inyo sila pangitaon, indi na sila makit-an. 11 Apang ang mga mapainobuson magapanubli sang duta kag magakalipay sa paghidaet sing bugana.

12 Ang mga malauton nagahimbon kag nagapagot batok sa maayo nga mga tawo. 13 Apang ang Ginuo nagakadlaw sa mga malauton, kay iya nakita ang adlaw nga magaabot.

14 Ang mga malauton nagagabot sang ila mga espada kag nagabingat sang ila mga pana; ginatumtom nila ini sa mga imol kag mga kubos, sa pagpatay sang mga matarong.

15 Apang pamatyon sila sang ila kaugalingon nga mga espada; ang ila mga pana pagabalion.

16 Ang diutay nga iya sang mga matarong labi nga maayo pa sa manggad sang mga malauton.

17 Kay pagagub-on ang gahum sang mga malauton, apang ang mga matarong pagaapinan sang Ginuo.

18 Ang Ginuo nagatamod sang kabuhi sang maayo nga mga tawo; ang ila palanublion magapadayon sa walay katubtoban.

19 Indi sila mahuy-an sa panahon sang kalalat-an; kon mag-abot ang tiggolutom, sila may madamo pa nga sinuptan.

20 Apang ang mga malauton magakalamatay; sila nga mga kaaway sang Ginuo; madula sila subong sang katahum sang katamnan, magalabay sila subong sang aso.

21 Ang mga malauton nagahulam kag wala nagabayad, apang ang mga matarong may tuman nga inugpaambit.

22 Magapanubli sila sang kadutaan – ang mga tawo nga ginabugayan sang Ginuo; apang papason sang Ginuo ang mga tawo nga iya ginapakamalaut.

23 Iya ginapabakod ang mga tikang sang mga tawo nga nahamuot

sa iya. 24 Bisan sila magkalasandad, indi sila magkalapukan, kay ang Ginuo nagauyat sa ila sa kamot.

25 Sugod sang pamatan-on pa ako tubtob sa akon pagtigulang, wala pa ako sing may nakita nga matarong nga tawo ukon sang iya mga anak nga napabay-an kag nagapakilimos sang kalan-on.

26 Ang mga matarong sa gihapon nagapahulam kag nagahatag sing maalwan, kag ang ila kabataan bugay sang Dios sa ila.

27 Maghimo sing maayo kag talikdi ang kalainan, agod nga magakabuhi ka sa gihapon sa kadutaan.

28 Kay ang Dios nagapalangga sang mga matarong kag mga matinuohon kag wala gid nagapatumbaya sang iya mga tumoluo. Pagaapinan ang mga matarong, kag papason ang kaliwat sang mga malauton sa walay katubtoban.

29 Ang mga matarong makaangkon sang kadutaan; mangin-ila ini nga puloy-an sa walay katubtoban.

30 Ang baba sang maayo nga tawo nagasugid sang kaalam kag ang iya dila nagahambal sing matarong.

31 Ang iya mga tikang wala nagakatalang, kay ang kasugoan sang Dios yara sa iya tagipusoon.

32 Ang malauton nagabantay sang matarong nga tawo, kag nagalipot sa pagpatay sa iya.

33 Apang ang matarong nga mga tawo indi gid pagpabay-an sang Ginuo sa gahum sang nagapigos sa ila kag indi man sila paghimalauton ukon pagahukman.

34 Magsalig sa Ginuo kag magsunod sa iya alagyan, kay ikaw iya pagabayawon kag pagahatagan sang kadutaan nga mangin-imo palanublion. Apang ang mga malauton pagalaglagon; magakalipay ka kon makit-an mo ang ila kalaglagan.

35 May nakita ako nga isa ka malauton, gamhanan, subong kataas sang kahoy nga sedro.

36 Apang sang maglabay ako liwat, wala na sia didto. Ginpangita ko sia ugaling wala sia didto.

37 Tanda-i ang walay-dagta nga tawo, tan-awa ang matarong nga tawo, kag imo makita nga ang mahidaeton nga tawo may buasdamlag.

38 Apang papason ang tanan nga mga makasasala; gub-on ang buasdamlag sang mga malauton.

39 Ang kaluwasan sang mga matarong nagagikan sa Ginuo; sia ang ila dalangpan sa panahon sang kapipit-an.

40 Ang Ginuo nagabulig kag nagaluwas sa ila; iya sila ginaluwas sa manugpigos; iya sila ginaluwas, kay nagadangup sila sa iya.SALMO 38 (37)Pangamuyo sa tion sang katublagan. – Sa tion nga magmasakit ang mga tawo ukon may malain nga nadangatan, nagasugod sila sa pagpamalandong kag pagtukib

nga ang ila pinakadaku nga kalisdanan amo nga sila mga makasasala. 2 O Ginuo, indi ako pagsabdunga sa imo kaakig; indi ako pagsiluti

sa imo kasingkal.3 Ang imo mga baslay nagpilas sing madalum sang akon lawas;

ang imo kamot nagsakit sing tama sa akon.4 Ang akon lawas wala na sing may nabilin nga kusog bangod

sang imo kaakig; ang akon mga tul-an wala na sing katawhay bangod sang akon mga sala.

5 Namusdok ako tungod sang akon tama nga pagpakasala; indi ko mapas-an ang kabug-aton sini. 6 Ang akon mga pilas nagabaho kag naganana, ang bunga sang akon kabuangan.

7 Nagaduko kag nagabuloktot ako sa pagpangalisod sa bug-os nga adlaw.

8 Ang akon balikawang napaso, ang akon panit mahapdi,9 ang akon lawas nagapamuypoy kag naglala sing bug-os;

nagaugayong ako bangod sa kasakit kag katublagan sang akon tagipusoon.

10 O Ginuo, nahibal-an mo ang tanan ko nga ginahandum; ang akon hibubon-ot indi malipod sa imo.

11 Ang akon tagipusoon nagakubakoba, nagakawad-an ako sang kusog; bisan ang kapawa sa akon mga mata nagakadula na.

12 Ginalikawan ako sang akon mga abyan bangod sang akon mga pilas; ang akon mga kaingod nagapalayo sa akon.

13 Ang mga tawo nga nagahandum sa pagpatay sa akon nag-aman sang mga tugalbong; luyag sila maghalit sa akon, nagahambal sila nahanungod sa akon kalaglagan; nagahimbon sila batok sa akon sa bug-os nga adlaw.

14 Apang, kasubong sang bungol, indi ako makabati; kag kaangay sang apa, indi ako makatikab sang baba.

15 Subong ako sang tawo nga wala sing igdulongog, subong sang tawo nga may baba nga indi makasabat.

16 Kay ako nagasalig sa imo, O Ginuo; sabta ako, Ginuong Dios.17 Dili sila pagtugoti sa pagkadlaw sa akon, ukon sa pagpamintaha

sa akon kon ako madalin-as.18 Kay madali na lang ako mapukan, ang akon kasakit yari sa akon

sa gihapon. 19 Ginatuad ko ang akon mga kasaypanan; nagahinulsol ako sang akon mga sala.

20 Kadamo sang akon mga kaaway sa walay kabangdanan; kag madamo man ang nagadumot sa akon sa walay kabangdanan. 21 Nagabalos sila sing malain sa maayo ko nga hinimoan; ginahingabot nila ako bilang baylo sang akon kaayuhan.

22 Dili ako pagpabay-i, O Ginuo; dili ka magpalayo sa akon, O akon Dios.

23 Dali ka sa pagbulig sa akon, akon Ginuo kag akon manlulowas.SALMO 39 (38) Walay pulos kita sa atubangan sang Dios. – Bisan ginhatag sang Dios sa aton ang tanan sa paghatag niya sa aton sang iya Anak, wala gihapon kita sing bisan ano, kag magapadayon kita sa paglaum sang iya bug-os nga kaluoy. “Ipakita mo sa akon kon daw ano ako kahuyang.”

2 Nagsiling ako, “Maghalong ako sa akon pagginawi agod nga indi ako makasala sa akon dila; punggan ko ang akon baba.”

3 Naghipos ako kag nagpahimunong sa atubangan sang mga malauton; wala gid ako maghambal.

4 Apang ang akon tagipusoon nagasingkal sa akon dughan. Sang indi ko na mapunggan ang panghunahona nga nagasilabo, naghambal ako:

5 Ginuo, ipahibalo sa akon ang pag-abot sang akon tion, ang nabilin ko nga mga inadlaw; pahibal-a ako kon daw ano kahuyang sang akon kabuhi.

6 Ginatugot mo nga mabuhi ako sing makadali lamang; ang akon mga tinuig malip-ot sa imo atubangan. Ang kabuhi sang tawo daw huyop lang sang hangin.

7 Kaangay sang isa ka landong kami nagalabay; kaangay sang aso ang amon pagpangabudlay; wala kami makahibalo kon sin-o ang maghimulos sang amon pagtinguha.

8 Karon, O Ginuo, ano bala ang akon ginapaabot? Ikaw lang ang akon paglaum.

9 Luwasa ako sa sala; indi pagtugoti nga ang mga buang-boang magyaguta sa akon.

10 Naghipos ako; wala ako magtikab sang akon baba, kay ikaw ang naghimo sini.

11 Ipahilayo sa akon ang imo silot; ginbunal gid ako sang imo mga kamot.

12 Naakig ka kag ginsilutan mo kami tungod sang amon sala; ginlalas mo nga daw lawa ang amon ginapasidunggan. Ang tawo isa lang ka huyop sang hangin!

13 Dungga ang akon pangamuyo, Ginoo; pamatii ang akon panawag sa imo. Indi ka magpabungol-bungol sa akon panalambiton! Kay ako nagapuyo upod sa imo subong sang isa ka dumuluong, kaangay sang tanan ko nga mga katigulangan.

14 Ipahilayo sa akon ang imo panulok, agod ako may kasulhayan, sa wala pa ako magtaliwan kag madula na.SALMO 40 (39)Ang Biblia nagasugo nga tumanon ko ang imo kabubot-on. – Kabay nga ang Ginuo maghatag sa aton sang matuodtuod nga pagtuo agod pamatian kag tumanon ang iya kabubot-on. Ang pagkamatinumanon indi kapaslawan; nagadala ini sa

kapupon-an, sa kamatuoran, “Bulahan ang tawo nga nagasalig sa Ginuo.” 2 Nagahulat ako sa Ginuo sing mapailubon; nagduko sia kag

nagpamati sa akon pagpakitluoy.3 Ginbatak niya ako sa madalum nga bubon, sa lunang kag lutak.

Ginpahamtang niya ang akon mga tiil sa bato, kag ginpabakod niya ang akon mga tiil.

4 Ginbutangan niya ang akon baba sang bag-o nga ambahanon, isa ka ambahanon sang pagdayaw sa Dios. Madamo ang makakita kag magkatingala; kag magsalig sila sa Ginuo.

5 Bulahan ang mga tawo nga nagasalig sa Ginuo, nga wala naga-sunod sa di-matuod nga mga dios, kag wala nagatalang sa dalan sang kabutigan.

6 Daw ano kadamo, O Ginuo, sang imo makatilingala nga mga binuhatan! Wala sing may makatupong sa imo mga tinotuyo para sa amon! Kon akon isugid ini tanan, indi ko maisip ang kadamuon sini.

7 Wala mo ginakahamut-an ang sinunog nga dulot kag halad; apang imo ako ginhatagan sang bukas nga palamatin-an. Wala ka nagapangayo sang halad nga sinunog kag halad para sa sala.

8 Dayon ako nagsiling, “Yari ako; ang imo kabubot-on para sa akon nasulat sa Kasulatan.

9 Ginakalipay ko ang pagtuman sang imo kabubot-on, O akon Dios; ang imo kasugoan yari sa akon tagipusoon.”

10 Akon ginwali ang imo hinimoan sa tunga sang pagtilipon. Wala ko pagtakpi ang akon mga bibig, O Ginuo – nakahibalo ka sini sing maayo.

11 Wala ko pagtago-a ang imo pagluwas diri sa akon tagipusoon; sa baylo ginpahayag ko ini – ang imo pagluwas kag katutom; wala ko pagtago-a ang imo kamatuoran kag kaayo sa daku nga pagtilipon.

12 Dili ka mag-untat sa pagkaluoy sa akon, O Ginuo; kabay nga ang imo gugma kag katutom magatipig sa akon sa gihapon.

13 Kay tama kadamo nga mga katublagan ang nagalikop sa akon; ako karon ginatabunan sang akon mga sala kag indi ako makakita. Ini tanan labi nga madamo pa sa mga buhok sang akon ulo – sa bagay nga daw sa madulaan ako sang kaisog.

14 Kabay nga kahamut-an mo, O Ginuo, ang pagluwas sa akon. Dali ka, O Ginuo, buligi ako!

15 Kabay nga mahuy-an kag mawad-an sang kadungganan ang mga tawo nga nagatinguha sa pagpatay sa akon; kabay nga magsalasala sa pag-isol ang mga tawo nga luyag maglaglag sa akon.

16 Kabay nga mapun-an sang kahuy-anan kag kahadlok ang mga nagayaguta sa akon, nga nagasiling, “Aha, aha!”

17 Kabay nga magkalipay kag magkasadya ang tanan nga nagapangita sa imo; kabay nga ang tanan nga nagahigugma sang imo pagluwas magsiling sing dalayon, “Dayawon ang Ginuo.” 18 Bisan nga ako imol kag kubos, sa gihapon ginadumdom ako sang Ginuo.

Ikaw ang akon manugbulig kag manlulowas – O Dios ko, dili ka magpadugay!SALMO 41 (40)Pangamuyo sang isa ka binayaan nga masakiton nga tawo. – Sia masakiton, ginabuyayaw, ginluiban: amo ini ang kahimtangan sang tawo nga nagapangamuyo. Ayhan aton sia nakilala, kag ayhan yari man sia sa aton luyo nga nagahulat sang kasulhayan. 2 Bulahan ang tawo nga nagakabalaka sa mga imol;ang Ginuo magaluwas sa iya sa tion sang kagamo.3 Ang Ginuo nagaapin sa iya, nagatipig sang iya kabuhi,kag nagapalipay sa iya sa duta; dili sia pag-itugyan sa luyag sang

iya mga kaaway.4 Pagabuligan sia sang Ginuo kon sia magmasakit,kag ayuhon sia sa tanan niya nga balatian.5 Nag-ampo ako, “O Ginuo, kaluoyi ako;ayuha ako, walay sapayan sa tanan ko nga mga sala.”6 Ang akon mga kaaway nagtuyo sing malain sa pagpamangkot

nahanungod sa akon,7 “San-o pa bala sia mapatay kag madula ang iya ngalan?”Kon sila magkari sa pagduaw sa akon,ila ako ginalibak nga may malain nga tinotuyo.Kon sila makadto sa iban nga duog, nagapanglapnag sila sang

malain nga mga sugilanon.8 Dayon ang tanan ko nga mga kaaway nag-updanay sa

paghinutikay,kag naghunahona sing labing malaut para sa akon,9 “Ang pinakamalubha nga balatian nagtapik sa iya.Gani indi na gid sia mag-ayo.”10 Bisan ang akon suod nga abyannga akon ginasaligan kag akon kasalo sa pagkinaonnagpakigbatok sa akon.11 Apang ikaw, O Ginuo, kaluoyi ako!Pabanguna ako sa pagbalos sa ila.12 Sa sini mahibal-an ko nga nahamut-an mo ako, kon ang akon mga kaaway indi magmadinalag-on batok sa akon,13 kon imo sakdagon ang akon pagkamatarong,

kag tugotan ako sa pagtindog sa imo atubangan sa walay katubtoban.

14 Dayawon ang Ginuo, ang Dios sang Israel,sugod sang una sa walay katubtoban!Amen. Amen!SALMO 42 (41)

San-o ako malakat sa pagpamalandong sa nawong sang Ginuo? Sa tion sang pagkatapok, ang manunolat sang salmo nagadumdom sang mga tuig sang kabuganaan.

2 Kasubong sang isa ka usa nga ginahidlaw sa nagailig nga tubi sa

busay, sa amo man nga bagay ang akon kalag ginahidlaw sa imo, O Ginuo.3 Ang akon kalag nauhaw sa Dios, sa Dios nga buhi.San-o bala ako magalakat kag makita ang nawong sang Dios?4 Sa adlaw kag gab-i ang akon mga luha amo ang akon kalan-on;ang mga tawo nagapamangkot sa akon adlaw-adlaw,“Diin ang imo Dios?”5 Karon samtang ginabubo ko ang mga panalambiton sang akon

kalag,nadumdoman ko ini tanan — kon paano ko sadto ginpangulohan ang mga tumoluopadulong sa balay sang Dios,sa tunga sang pagsinggit sang kalipay kag pagpasalamat,sa tunga sang madamo nga kahiwatan.6 Ngaa bala nagakasubo ka gid, O kalag ko,ngaa bala daku ang pagkatublag mo sa sulod nakon?Magsalig sa Dios! Pagahimayaon ko sia sa gihapon,ang akon manlulowas kag akon Dios.7 Ang akon kalag tama ka masinolub-on kon akon madumdomanang kadutaan sang Jordan kag Hermon,ang bukid sang Mizar. 8 Ang mga kadadalman sang kadagatan nagatawganay samtang

magahod ang imo mga busay;ginatabunan ako sang imo mga balod.9 Kabay nga ang Ginuo maghatag sang iya gugma sa adlaw; sa kagab-ihon ang iya ambahanon yari sa akon mga bibig —isa ka pagdayaw sa Dios sang akon kabuhi.10 Nagasiling ako sa Dios nga akon bato, “Ngaa bala ginkalimtan mo ako?Ngaa bala nagakasubo ako,samtang ginagubat ako kag ginapigos sang mga kaaway?”

11 Ang bug-os ko nga pagka-tawo nagaantus sang tuman nga kasakit,

subong nga ang akon mga kasumpong nagayaguta sa akon adlaw-adlaw,

“Diin na ang inyo Dios?”12 Ngaa bala nagakasubo gid ikaw, O kalag ko,ngaa bala daku ang pagkatublag mo sa sulod nakon?Magsalig sa Dios, pagahimayaon ko sia sa gihapon,ang akon manlulowas kag akon Dios.SALMO 43 (42)

Ang sugpon sang nauna nga salmo. – Amo ini ang kinabubot-on nga pangamuyo nga ginapatuhoy sang tumoluo – nga nalumos sa malain nga kahimtangan – sa Dios agod nga indi sia magduhadoha sa iya pagtuo.1 Pangapini ako, O Dios, kag dampigi ang akon kawsa batok sa mga tawo nga wala nagakilala sa imo;ipahilayo ako sa mga malauton kag mga butigon.2 Ikaw ang akon Dios, ang akon pamakod,ngaa imo ako ginasikway?Ngaa bala ako nagapangasubosamtang ginapigos sang mga kaaway?3 Ipadala ang imo kapawa kag ang imo bulig;kabay nga sila mangin-akon manugtuytoy,kabay nga ila ako dalhon sa imo balaan nga bukid,sa duog nga imo puloy-an.4 Dayon magakadto ako sa altar sang Dios,sa Dios, ang akon kasadya kag kalipay.Pagadayawon ko ikaw paagi sa lira kag arpa,O Ginuo nga akon Dios.5 Ngaa bala nagakasubo gid ikaw, O kalag ko,ngaa bala daku ang pagkatublag mo sa sulod nakon?Magsalig sa Dios, pagahimayaon ko sia sa gihapon –ang akon manlulowas kag akon Dios.SALMO 44 (43)Pungsodnon nga panalambiton. – Ang matinuohon nga katawohan nagbatyag sang pagkalutos. Gani nagareklamo sila sa Dios.

2 Nabatian namon, O Dios, sa amon mga dulonggan; ang amon mga katigulangan nagsugid sa amon sang mga binuhatan nga imo ginhimo sadtong ila mga inadlaw, sang una nga mga inadlaw. 3 Imo gintabog ang mga pungsod kag ginpapuyo ang amon mga ka-tigulangan sa ila kadutaan; imo ginlutos ang katawohan agod ila ini mapanag-iyahan.

4 Kay indi paagi sa ila espada ila nasakop ang kadutaan, kag indi man paagi sa ila mga armas sila nagmadinalag-on; kundi paagi sa imo tuo nga armas kag butkon, sa kapawa sang imo nawong; kay ginapalangga mo sila sing matuod.

5 Ikaw gid, akon Hari kag akon Dios, ang nagtalana sang mga kadalag-an kay Jacob.

6 Paagi sa imo, gindaog namon ang amon mga kasumpong; paagi sa imo ngalan, gindugmok namon ang amon mga kaaway.

7 Kay indi sa akon pana ako nagasalig, kag indi man sa akon espada, nga ako nagamadinalag-on.

8 Kundi ikaw ang naghatag sang kadalag-an sa amon, ikaw ang nagdala sang amon mga kaaway sa kahuy-anan.

9 Sa Dios kami nagahimaya sa gihapon. Sa walay katubtoban magadayaw kami sang imo ngalan.

10 Apang karon imo kami ginsikway kag ginpaidalum; wala ka na nagaupod sa amon mga hangaway.

11 Imo kami ginpalutos sa amon mga kaaway; ginpang-agaw sang mga nagadumot sa amon ang amon mga pagkabutang.

12 Imo kami ginkabig nga mga karnero nga ilihawon, nga naglalapta sa mga kapungsoran.

13 Ginbaligya mo ang imo banwa nga wala sing bili; wala gid sila mapusli.

14 Ginhimo mo kami nga talamayon sang amon mga kaingod, kag kaladlawan sang katawohan sa amon palibot. 15 Ginhimo mo kami nga daw isa ka hulobaton sa kapungsoran; nagatulok sila sa amon nga nagalungolungo ang ila mga ulo.

16 Ang kasakit kaupod ko sa bug-os nga adlaw, ang kahuy-anan nagatabon sang akon nawong,

17 sa tingog sang mga nagayaguta kag nagatamay, sa atubangan sang mapintas nga mga kaaway.

18 Ini tanan natabo sa amon, bisan wala kami malipat sa imo kag wala man kami maglapas sang imo kasugtanan.

19 Ang amon tagipusoon wala magtalikod kag ang amon mga tikang wala man magtalang; 20 apang imo kami gindugmok sa isa ka mamingaw nga duog, kag imo kami gintabunan sang kadudolman.

21 Kon ginkalimtan namon ang ngalan sang amon Dios kag nagbayaw sang amon mga kamot sa pagsimba sa dumoluong nga dios,

22 kuntani natukiban ini sang Dios, kay ang mga tinago sang tagipusoon indi malikum sa iya.

23 Tungod sa imo ginaatubang namon ang kamatayon adlaw-adlaw, kag ginakabig kami subong sang mga karnero nga ilihawon.

24 Magbugtaw ka, O Ginuo! Ngaa bala nagakatulog ka? Bangon! Dili kami pagsikwaya sa walay katubtoban.

25 Ngaa bala nagapanago ka sa amon? Ngaa bala ginakalimtan mo ang amon kabudlayan kag pagkamakalulooy? 26 Ang amon mga kalag ginpabulidbolid sa yab-ok, ang amon kalawasan ginpaligid sa duta.

27 Bangon! Buligi kami. Luwasa kami tungod sa imo kaayo.SALMO 45 (44)Para sa kasal sang hari. Ang tawohanon nga paghigugma isa ka tinago nga kamatuoran nga nagatandog sang tinago nga kamatuoran sang Dios mismo. Ang Dios luyag maghiusa sa bug-os nga katawohan subong sang paghiusa sang isa ka bana sa iya asawa: nahimo na niya ini dira kay Kristo.

2 Ang akon tagipusoon ginapukaw sang matahom nga balatyagon,samtang nagabinalaybay ako sa atubangan sang hari.Ang akon dila subong kaabtik sang sampaton nga manunolat.3 Ikaw ang pinakaambong sa tanan nga mga lalaki,ang imo mga bibig napun-an sang mga bugay,kay ang Dios nagapakamaayo sa imo sa gihapon.4 Itakos ang imo espada sa imo hawak, O isganan;sa himaya kag kagamhanan, magsakay ka sa kabayo.5 Tungod sa kamatuoran kag katarungan,kabay nga ang imo tuo nga kamot magpakilala sang imo

kagamhanan.6 Matalum ang imo mga baslay;ang mga katawohan magkulorog sa imo tiilan;ang mga kaaway sang hari magkalahadlok.7 Ang imo langitnon nga trono magapadayon sa walay katubtoban;ang setro sang katarungan amo ang setro sang imo ginharian.8 Ginahigugma mo ang katarungan kag ginakaugtan ang kalautan;gani ang Dios nga imo Dios naghaplas sa imo sang lana sang

kalipay, labaw sa katulad mo nga mga hari.9 Ang imo mga panapton may pahumot nga aloe, mira, kag kassia.Gikan sa mga palasyo nga himo sa ivorio, mabatian ang masadya

nga mga lanton. 10 Mga anak nga babaye sang mga hariang nagapalibot sa imo;sa imo tuo nga kamot nagatindog ang reyna,nga nagasuksok sang bulawan nga mga alahas sang Ofir.11 Pamati, O anak nga babaye, kag talupangda: kalimti ang imo kaliwat kag ang balay sang imo amay.12 Ang hari nalipay gid sa imo katahom;tahura sia, kay sia ang imo agalon.13 Ang prinsesa sang Tiro magadala sing regalo;

ang mga labing manggaranon sang mga pungsod magapangabay sang imo pagkamaayo.

14 Ang prinsesa nagasulod sa bug-os nga himaya; ang iya bayo naburdahan sang bulawan.

15 Tuman katahom sang iya panapton samtang ginadul-ong sia sa hari; ang iya mga dama ginapakilala sa hari.

16 Sa tunga sang paghinugyaw kag kinalipay, nagasulod sila sa palasio sang hari.

17 Ang trono sang imo mga katigulangan panublion sang imo mga anak; himuon mo sila nga mga prinsipe sa bug-os nga kadutaan.

18 Ipabantog ko ang imo ngalan sa tanan nga kaliwatan; dayon himayaon ka sang kapungsoran sa gihapon.

SALMO 46 (45)Ang Dios kaupod naton. May suba nga may mga sapa nga nagahatag sang kalipay sa siudad sang Dios. Sa mga katublagan nga nasambit sa nahauna nga parapo, ang manunolat sang salmo nagapaanggid sang palanan-awon nahanungod sa kalinong, ang Balaan nga Siudad, ang Jerusalem, ang Simbahan.

2 Ang Ginuo amo ang amon kabakod kag mangangapin,ang walay katubtoban nga dalangpan sa kasakit.3 Gani, indi kami magkahadlok,bisan magtay-og pa ang dutakag ang kabukiran malugdangsa pinakamadalum nga dagat.4 Bisan magbukal kag magdaguhob ang tubig,bisan maglinog ang kabukiran sa pagtay-og sini.Kay ang Ginuo sang mga hangaway yari sa amon,ang Dios ni Jacob amo ang amon pamakod.5 Ang mga ilog sang subanagadala sang kalipay sa siudad sang Dios,ang balaan nga duog sa diin nagapuyo ang Labing Mataas.6 Ang Dios yara sa sulod kag indi ini mawasdak,kay ang bulig sang Dios yara sa iya sa pagbutlak sang adlaw.7 Nagatay-og ang mga ginharian, nagakinagamo ang kapungsoran;nagakatunaw ang duta sa iya nagadaguob nga tingog.8 Apang ang Ginuo sang mga hangaway yari sa aton,ang Dios ni Jacob, ang aton dalangpan.9 Kari kamo, tan-awa ang mga hinimoan sang Ginuo,ang makatilingala nga mga butang nga iya binuhatan sa kalibutan.10 Ginpauntat niya ang mga inaway,ginpamali niya ang mga pana, ginbalibali niya ang mga baslay,ginpangsunog niya ang mga hinganiban.11 Magpakalinong ka, kilalaha nga ako ang imo Dios.

Ginadayaw ako sa kapungsoran, ginadayaw sa bug-os nga duta!12 Ang Ginuo sang mga hangaway yari sa aton,ang Dios ni Jacob, ang aton dalangpan.SALMO 47 (46)Sa hari sang tanan nga kapungsoran. – Sa katapusan sang panahon, ang Ginuo magakari sa pagsugod sang iya ginharian. Diri ginapakita sia nga nagataklad sa iya Templo sa Jerusalem. Indi na sia Dios sang isa ka magamay nga pungsod, sang isa ka magamay nga simbahan, apang ang tanan nga kapungsoran nagakilala na sa iya. Sa iban nga paagi, ining madinalag-on nga pagtaklad nagsugod sa Pagkayab. 2 Magpamalakpak kamo tanan nga katawohan;padunggi ang Dios sa pagsilinggit sang kalipay.3 Kay ang Ginuo, ang Labing Mataas, dapat kahadlukan;sia ang gamhanan nga hari sang bug-os nga kalibutan.4 Ginpasakop niya sa aton ang katawohankag ginhatagan kita sang gahum sa kapungsoran.5 Ginpili niya ang lupa nga aton palanublion – ang bugal ni Jacob nga iya pinalangga!6 Ang Dios nagsaka sa trono sa tunga sang mga pagsilinggit sang

kalipay,ang Ginuo sa tunga sang matunog nga mga trumpeta.7 Mag-amba sang pagdayaw sa Dios, mag-amba sang pagdayaw!Mag-amba sang pagdayaw sa aton Hari, mag-amba sang pagdayaw!8 Ang Dios Hari sang bug-os nga duta;mag-amba sa iya sang isa ka ambahanon sang pagdayaw.9 Ang Dios nagahari sa kapungsoran,ang Dios nagalingkod sa iya balaan nga trono.10 Ang mga pangulo sang kapungsoran nagtiliponupod sa katawohan sang Dios ni Abraham,kay ang mga taming sang kalibutan iya sang Diosnga nagahari sa tanantanan.SALMO 48 (47)Ang Simbahan-Sion: Ang bukid sang Dios. – Sion ang isa pa ka ngalan sang Jerusalem, ang Balaan nga Siudad. Ini nga salmo nagadumdom kon paano nahamut-an kag napangapinan sang Dios ini nga siudad sa pila ka mga kahigayunan. Magka-lipay ang mga tumoluo: ang Ginuo ang aton manugbantay.

2 Dungganon ang Ginuo, labing dalayawon sa siudad sang aton Dios, sa iya balaan nga bukid.

3 Matahum nga nahamtang sa putokputokan sang bukid, ang kalipay sang bug-os nga duta – ang Bukid Sion sa malayo nga naaminhan, ang siudad sang dungganon nga Hari.

4 Yari sa sulod sang iya mga pamakod, ang Dios nagpakilala bilang iya mangangapin.

5 Ang mga hari nagtilipon, nag-aman sa paggubat sa siudad.6 Apang sang makita nila ini, nakibot sila, nagsalangisag kag

nagpalalagyo.7 Sa tama nga kahadlok, nagkulorog sila, subong sang babaye nga

manugbata, 8 ukon subong sang dalagku nga mga sakayan sang Tarsis, nga gin-guba sang mabaskog nga hangin gikan sa sidlangan.

9 Subong sang amon nabatian, amon man nasaksihan, sa sulod sang siudad sang Dios nga Makagagahum, sa siudad sang aton Dios, ang siudad nga iya ginpasad sa walay katubtoban.

10 Nagapamalandong kami nahanungod sa imo mapinadayunon nga gugma, O Dios, sa sulod sang imo templo.

11 Ang pagdayaw sa imo nagalambot sa mga dulonan sang kalibutan, subong man ang imo ngalan, O Dios. Ang imo tuo nga kamot nagamadinalag-on sa gihapon.

12 Magkasadya ang Bukid Sion, magkalipay ang kabanwahanan sang Juda, sa katumanan sang imo pagluwas.

13 Libuta ninyo ang Sion, isipa ang iya mga tore,14 tamda sing maayo ang iya mga pader, usisaa ang iya mga

pamakod, agod masugid ninyo ini sa madason nga kaliwatan,15 nga ini ang Dios, ang aton Dios, nga mangin-aton manugtuytoy

sa gihapon.SALMO 49 (48)Ang pagka-di-masaligan sang mga manggaranon. Mag-andam sang tagsa ka handum sa pagpanag-iya, kay bisan nga ang tawo may tanan nga pagkabutang, indi ini makahatag sang kabuhi. 2 Pamatii ini, kamo tanan nga katawohan!Pamati, kamo tanan nga mga nagapuyo sa kalibutan,3 dungganon man ukon kubos, manggaranon man ukon imol!4 Ang akon baba magahambal sang mga pulong sang kaalam, magamitlang ako sang ihibalo nga nagikan sa akon tagipusoon.5 Pamatian ko ang isa ka panalambiton, magpamangkot ako sa lagsak sang akon lira.6 Ngaa ako mahadlok sa panahon sang kalautan,kon palibutan ako sang malaut nga mga manugtiplang— 7 mga tawo nga nagasalig sa ila pagkabutang, kag nagapabugal sang ila daku nga mga manggad?8 Wala sing isa nga makaluwas sang iya kaugalingon, ukon

makabayad sa Dios sa pagtubos sang iya kabuhi.9 Ang pagtubos sang isa ka kabuhi

nagapangayo sang tama kataas nga bili; wala sing inugtubos nga makaigo10 para sa kabuhi sa katubtoban,agod ang tawo indi mahulog sa lulobngan.11 Matalupangdan sang tanan nga bisan ang mangin-alamon

nagakapatay,ang buangboang kag subong man ang wala sing tinun-an;ginabilin nila sa iban ang ila mga manggad.12 Ang ila lulobngan amo ang ila walay katapusan nga mga puloy-an,sa tanan nga kaliwatan,bisan pa nga nasulat sa kadutaan ang ila mga ngalan.13 Ang manggad indi makapugong sa kamatayon;ang mga manggaranon mapatay katulad sang mga sapat.14 Amo ini ang madangatan sang mga nagasalig sa ila kaugalingon,ini ang palaabuton sang mga tawo nga nagasalig sa ila kusog.15 Subong sang karnero nga ginadala sa lulobngan,ang kamatayon amo ang ila manugbantay kag manuggahum;ang ila lawas magakadunot gilayon sa kalibutan sang mga patay, nga amo ang ila puloy-an.16 Apang pagaluwason sang Dios ang akon kabuhi;luwason niya ako sa gahom sang lulobngan.17 Indi kamo magkabalaka kon may mga tawo nga

nagamanggaranon,kon nagadamo ang manggad sa ila balay.18 Kay wala sila sing may madala kon sila mapatay;pagabayaan nila ang ila manggad kag mga pagkabutang.19 Samtang nagakabuhi, ginadayaw nila ang ila kaugalingon,“Bulahan gid ako, maayo gid ang akon naabtan.”20 Apang magaupod sila sa ila mga himata nga nauna sa ila, nga indi na gid makakita sang kapawa.21 Ang mga manggaranon magakadula kasubong sang mga sapat,kon wala sila sing may nahangpan.SALMO 50 (49)Alagari ang Dios, nga may bunayag nga tagipusoon. Ang Dios magakari sa paghukom sang iya katawohan. Ginahimalaut niya ang mga tawo nga nagadulot sang dutan-on nga mga halad sa baylo sang pagtuman sang tagipusoon, kag ang mga nagamitlang sang mga sugo sa baylo sang pagtuman sini.

1 Ang Dios sang mga dios, ang Ginuo nagahambal kag nagatawag sa duta, sugod sa pagbutlak sang adlaw tubtob sa pagtunod sini.

2 Gikan sa Sion, himpit ang katahum sang pagsilak sang Dios.

3 Ang Dios wala na nagahipos, nagapakari sia; sa iya atubangan yara ang isa ka nagapangsunog nga kalayo, may isa ka nagapanghalit nga bagyo sa iya palibot.

4 Ginatawag niya ang kalangitan sa ibabaw, kag ang duta sa idalum, sa paghukom sang iya katawohan,

5 “Tipuna sa atubangan ko ang akon matutom nga mga alagad, nga nagpasad sang isa ka kasugtanan sa akon paagi sa paghalad.”

6 Ang kalangitan nagapahayag sang iya katarungan, kay ang Dios mismo nagakari sa paghukom.

7 “Magpamati ka, O katawohan ko, pamati. Magapanaksi ako batok sa imo, O Israel. Ako ang Dios, ang imo Dios!

8 Wala ko ikaw ginabasol bangod sang imo mga pagdulot, kay ang imo mga halad yara pirme sa atubangan ko.

9 Wala ako nagakinahanglan sang mga toro gikan sa imo kudal, bisan sang mga kanding gikan sa imo toril.

10 Kay akon ang tanan nga kasapatan sa kagulangan kag ang mga hayop sa kabukiran.

11 Ang tanan nga kapispisan sa kahawaan kilala ko; ang tanan nga nagahulag sa kapatagan, akon.

12 Dili ko kamo pagsugiran kon gina-gutom ako, kay akon ang kalibutan kag ang tanan nga yari diri.

13 Nagakaon bala ako sang karne sang toro, ukon nagainum sang dugo sang kanding?

14 Idulot sa Dios ang halad sang pagpasalamat, kag tumana ang imo mga panaad sa Labing Mataas.

15 Tawga ako sa tion sang kalalat-an; pagaluwason ko ikaw, kag pagahimayaon mo ako.”

16 Apang ang Dios nagasiling sa malaut, “Ano ang kinamatarong mo sa pagmitlang sang akon mga kasugoan ukon sa paghambal nahanungod sa akon kasugtanan?

17 Ginakaugtan mo ang akon ginatudlo, kag imo ginatalikdan ang akon mga pulong.

18 Nagaugyon ka sa makawat kon may masugata ka nga isa; nagapakig-upod ka sa mga tawo nga nagapanginbabaye.

19 Ang imo baba ginagamit mo sa kalainan kag ang imo dila, sa kabutigan.

20 Masakit ka maghulohambal sa imo utod kag sia mismo ginapakalain mo.

21 Naghipos ako sang ginhimo mo ini nga mga butang, naghunahona ka nga kaangay mo ako. Apang karon naakig gid ako sa imo kag pasakaan ko ikaw sang panumbongon.

22 Tanda-i ninyo, kamo nga nalipat sa Dios, agod indi ko kamo pagdugmokon, kay wala sing may magbulig sa inyo.

23 Magpasalamat kamo nga may dala nga mga dulot kag tahura

ako; maghimo kamo sing matarong, kag igapakita ko ang pagluwas sang Dios.”SALMO 51 (50)Kaluoyi ako, Ginuo. Akuon naton ang aton sala sa atubangan sang Dios sang kamatuoran. Indi kita madulaan sang paglaum sa tunga sang aton kahuy-anan, kay nakahibalo kita nga ang Dios makahatag sa aton sang bag-o nga tagipusoon.3 Maluoy ka sa akon, O Dios, sa imo kaayo;sa imo padayon nga kaluoy,panasa ang akon sala.4 Hugasi sing maayo ang akon kalainan;tinlo-i ako sa akon sala.5 Kay akon ginaaku ang akon malain nga mga binuhatan;ang sala ko yara sa gihapon sa akon atubangan.6 Batok sa imo kag sa imo gid ako nagpakasala;ang kalautan nahimo ko sa imo panulok.Matarong ka sa imo pagpangsilotkag ang imo paghukom wala sing dagta.7 Kay ginbun-ag ako nga napun-an sang sala,isa ako ka makasasala nga daan sa taguangkan sang akon iloy.8 Nahibal-an ko nga luyag mo ang kamatuoran sa tagipusoon,tudlo-i ako sang kaalam sa kaalibutoran sang akon pagka-tawo.9 Tinlo-i ako sang isopo, agod matinlo ako;hugasi ako, agod mangin maputi ako kasubong sang yelo.10 Pun-a ako sang kalipay kag kasadya;magahugyaw ang mga tul-an nga imo gindugmok.11 Ipalayo ang imo nawong sa akon mga salakag panasa ang tanan ko nga mga kalainan.12 O Dios, magtuga ka sa akon sang isa ka putli nga tagipusoon;hatagi ako sang isa ka bag-o kag matarong nga espiritu.13 Indi ako pagtabuga sa imo atubangankag indi pagkuhaa ang imo Balaan nga Espiritu sa akon.14 Ibalik sa akon ang kalipay sang imo kaluwasankag pabakura ako nga may mainonungon nga espiritu.15 Itudlo ko ang imo banas sa mga nagahimo sing malain,agod ang mga makasasala magbalalik sa imo.16 Luwasa ako sa sala nga pagpatay,kag ang imo katarungan pagaambahon ko sing mabaskog.17 Buksi, O Ginuo, ang akon mga bibig, kag ipahayag ko ang pagdayaw sa imo.18 Wala mo ginakahamut-an ang halad;kon ihatag ko ang halad nga sinunog,

indi mo ini pagkahamut-an.19 O Dios, ang akon halad isa ka nalisdan nga espiritu;indi mo pagtamayon, O Dios, ang mahinulsulon nga tagipusoon.20 Paulani ang Sion sang imo pagpasulabi;patinduga liwat ang pamakod sang Jerusalem.21 Dayon pagakahamut-an mo ang mga dulot sang mga matarong,ang mga halad nga sinunog kag mga halad sa pagsimba,kag mga toro nga inughalad sa imo halaran.SALMO 52 (51)Ang Dios magalaglag sang mga malauton.

3 Ngaa bala nagapabugal ka sang imo kalainan, O gamhanan nga tawo? Ngaa nagapahambog ka sa bug-os nga adlaw.

4 Ngaa nagabuko ka sa paghimo sang kalaglagan? Butigon ka! Ang imo dila kaangay sang matalum nga labaha;

5 ginapasulabi mo ang kalainan sangsa kaayuhan, kag ang kabutigan sangsa kamatuoran.

6 Nanamian ka maghambal sang mga tinaga nga makahalit, O butigon nga dila!

7 Apang pagalaglagon ka sang Dios; sabniton ikaw palayo sa imo tolda; gabuton ikaw sa duta sang mga buhi.

8 Makita ini sang mga matarong kag magakahadlok sila; kadlawan nila ang malauton sa pagsiling,

9 “Amo ini ang tawo nga wala nagasalig sa Dios, apang nagasalig sa iya mga manggad kag nagapabugal pa sang iya kalautan.”

10 Apang kaangay ako sang isa ka kahoy nga olibo nga nagatubo sa balay sang Dios; nagasalig ako sa mapinadayunon nga gugma sang Dios sa walay katubtoban.

11 Pagadayawon ko ikaw sa gihapon sa tanan mo nga mga binuhatan, kag ipahayag ko ang imo dalayawon nga ngalan sa atubangan sang mga balaan.SALMO 53 (52)Ang kalibutan nga wala sing Dios.

2 Ang buangboang nagasiling sa iya tagipusoon, “Wala sing Dios.” Malauton sila, makangilil-ad ang tanan nila nga ginahimo; wala sing isa sa ila nga nagahimo sing maayo.

3 Gikan sa langit, ang Dios nagatamod sa bug-os nga katawohan, sa pagtan-aw kon may tawo nga nakahangup kag nagahandum sa Dios.

4 Wala gid! Sila tanan nagtalalang palayo, sila tanan lunsay balingag. Wala sing isa nga nagahimo sing maayo, wala gid, bisan isa.

5 Wala bala makahibalo ining mga nagahimo sing malain? Ginagus-ab nila ang akon katawohan subong nga sila nagakaon sang kalan-on; wala gid sila nagapanawag sa Dios.

6 Yara sila – nagakahadlok; nagakahadlok sila nga dapat gid man. Ang Dios magalapta sang ila mga tul-an; pakahuy-an sila, kay ginsikway sila sang Dios.

7 Kabay nga akon makita ang kaluwasan sang Israel nga nagagikan sa Sion! Sa tion nga pauswagon liwat sang Dios ang iya katawohan, si Jacob magakalipay, ang Israel magahugyaw.SALMO 54 (53)

3 Sa imo ngalan, O Dios, luwasa ako; sa imo gahum, pangapini ako.

4 Dungga ang akon pangamuyo, O Dios; pamatii ang mga pulong sang akon baba.

5 Ang mga dumoluong nagapakigbatok sa akon – ang mapintas nga mga tawo nagatinguha sa pagpatay sa akon, mga tawo nga wala makakilala sa Dios.

6 Talupangda, ang Dios amo ang akon manugbulig; ang Ginuo nagapabakod sang akon kabuhi.

7 Kabay nga ang ila malain nga mga tinotuyo magbalik sa ila; sa imo katutom laglaga sila!

8 Magadulot ako sa imo sang kinabubot-on nga halad; magadayaw ako sa imo ngalan, O Ginuo, kay ini maayo.

9 Kay ginluwas mo ako sa tanan nga mga katublagan, kag nakita ko ang akon pagdaog sa akon mga kasumpong.SALMO 55 (54) Pangamuyo sang mga tawo nga ginahingabot. – Ang pagpangibabaw sang kuarta, kapintas, pagpatuyang, pagbaligya sang dungog, paghimulos sa mga tawo. Sa tunga sang balingag nga katilingban, ang matarong nga tawo nakabatyag nga sia ginaipit kag ginahingabot. “Itugyan sa Ginuo ang imo pagkabalaka.”

2 Dungga ang akon pangamuyo, O Dios; indi ka magpabungol-bungol sa akon pagpangabay; 3 pamatii ako kag sabta.

Tama ang akon pagkatublag, 4 sa mabaskog nga pagsilinggit sang mga kaaway, sa pagginahod sang mga malauton.

Natublag ako sa paggamo nila sa akon, kag sa kaakig ila ako ginahingabot.

5 Ang akon tagipusoon nagaantus sing tama. Ang mga kakugmat sa kamatayon nagatupa sa akon. 6 Nagakurog ako sa kahadlok – ginadaog ako sang kakugmat.

7 Nagsiling ako, “Kon ako may mga pakpak subong sang pating, malupad ako palayo kag magpahuway;

8 magpangita ako sang puloy-an sa kamingawan, kag magpuyo sa

desierto, 9 ukon magdalidali ako sa pagpangita sang kueba nga palasilungan sa mabaskog nga hangin kag bagyo.”

10 O Ginuo, laglaga ang ila mga buko; pasalaha ang ila pagpang-hambal. Kay nakita ko sa siudad ang pag-ilinaway kag pagsinakitay. 11 Sa adlaw kag gab-i ginalibot nila ang mga pader sini, samtang ang kalautan kag kinagamo nagaluntad sa sulod sini.

12 Ang kalaglagan yara sa tunga sini; ang pagpamigos kag pangdaya nagalapnag sa mga dalanon sini.

13 Kon kaaway ang magtamay sa akon, mabatas ko ini; kon isa ka kasumpong ang maglagas sa akon, makapanago ako sa iya.

14 Apang ikaw yadto – ang akon katupong, kaupod kag suod nga abyan. 15 Nagkalipay ako sa aton pag-updanay samtang naglakat kita upod sa kadam-an sa balay sang Ginuo.

16 Kabay nga ang kamatayon mag-abot sing hinali sa ila; kabay nga laglagon sila nga buhi sa kalibutan sang mga patay, kay ang kalainan yara sa ila mga puloy-an kag mga tagipusoon.

17 Apang magpanawag ako sa Dios, kag ang Ginuo magaluwas sa akon.

18 Sa gab-i, aga kag sa udto, magpanawag ako nga nagaugayong, kag pamatian niya ang akon tingog.

19 Luwason niya ako nga indi maano sa pagpakig-away, kay madamo ang akon mga kaaway.

20 Ang Dios nga nagalingkod sa trono sa walay katapusan, magpamati sa akon kag magpaubos sa ila. Kay wala sila nagahinulsol kag wala sila mahadlok sa Dios.

21 Ang akon abyan nagsalakay sang iya mga kaupod, kag naglapas sang iya kasugtanan sa ila.

22 Ang iya ginapanghambal madanlog pa sa mantika, apang inaway ang yara sa iya tagipusoon; ang iya ginapangmitlang labi nga masulhay sangsa lana, apang ini mga espada nga naaman.

23 Ipahamtang ang inyo palas-anon sa Ginuo, kag iya kamo buligan. Indi gid niya pagpabay-an nga mapukan ang mga matarong.

24 Apang ikaw, O Dios, magatagbong sang mga malauton sa kadadalman; ang mga manugpatay kag mga maluibon indi magkabuhi sing katunga sang ila mga inadlaw. Apang ako, sa imo lamang ako nagasalig.SALMO 56 (55) Ang matarong nga tawo indi mapukan. – Pangamuyo sang minilyon ka mga tawo nga ginapigos kag nadulaan na sang paglaum: “Ikaw, O Ginuo, ang nagtipon sang amon mga luha.”

2 O Dios, ipakita ang kaluoy mo sa akon, kay ginalagas ako sang akon mga kaaway; nagasalakay sila sa bug-os nga adlaw.

3 Ang akon mga kasumpong nagapigos sa akon sa bug-os nga adlaw; madamo ang nagapakigbatok sa akon. 4 Sa tion nga nahadlok ako, O Labing Gamhanan, sa imo ako nagasalig.

5 Sa Dios nga ang iya pulong akon ginadayaw, sa Dios ako nagasalig nga wala nagakahadlok. Ano ang mahimo sang mamalatyon nga mga tawo batok sa akon?

6 Sa bug-os nga adlaw sila nagabuko sing malain; nagapadihot sila sa paglaglag sang akon kawsa.

7 Nagahimbon kag nagapanago sila, nagapanilag sila sa pagbantay sa akon, nga handa sa pag-utas sang akon kabuhi.

8 Siluti sila kay sila malaut; gani, O Dios, pukana ang mga pungsod sa imo kaakig.

9 Ginaisip mo ang akon mga panalambiton, ang akon mga luha imo ginasupot sa imo sulodlan. Indi bala nasulat na ini sa imo libro?

10 Ang akon mga kaaway nagaisol kon magpanawag ako sing tabang sa imo. Karon nakahibalo ako nga ang Dios nagadampig sa akon.

11 Sa Dios nga ang iya pulong akon ginadayaw, 12 sa Dios ako nagasalig nga wala nagakahadlok. Ano bala ang mahimo sang mamalatyon nga mga tawo batok sa akon?

13 Pagatumanon ko, O Dios, ang akon mga panaad. Magahalad ako sang pagpasalamat sa imo. 14 Kay ikaw ang nagluwas sang akon kalag sa kamatayon kag sang akon mga tiil sa pagkadusmo, agod nga makalakat ako sa atubangan sang Dios sa kapawa sang kabuhi.SALMO 57 (56)O Ginuo, nagakabuhi ako sa tunga sang mga leon.

2 Kaluoyi ako, O Dios, maluoy ka, kay ang akon kalag nagadangup sa imo; sa landong sang imo mga pakpak ako nagapahandong tubtob magligad ang mga kalalat-an.

3 Nagapanawag ako sa Dios nga Labing Mataas, sa Dios nga nagatuman sang iya katuyoan para sa akon. 4 Ipadala niya gikan sa langit ang isa ka manlulowas; pakahuy-an niya ang mga nagapigos sa akon. Kabay nga ang Dios magpadala sang iya kaayo kag gugma sa akon.

5 Nagahapa ako sa tunga sang mga leon nga nagapanglamon sang tawo; ang ila mga ngipon subong sang mataliwis nga mga bangkaw kag mga baslay, kag ang ila mga dila daw ginpatalum nga mga espada.

6 Dayawon ka, O Dios, labaw pa sa langit! Ang imo himaya yara sa bug-os nga duta!

7 Nag-aman sila sang tugalbong para sa akon mga tikang; ang akon kalag nagdungok sa kalisod. Nagkutkot sila sang buho sa akon

alagyan, apang sila mismo ang nahulog sa sini.8 Mabakod ang akon tagipusoon, O Dios, mabakod ang akon

tagipusoon! Magaamba ako kag magahimo sang lalantunon.9 Magbugtaw ka, O akon kalag; bugtaw, O arpa kag lira!

Pagapukawon ko ang pamanagbanag.10 Magapasalamat ako sa imo, O Ginuo, sa tunga sang katawohan;

magaamba ako sang pagdayaw sa imo sa tunga sang kapungsoran.11 Kay ang imo gugma nagadangat sa kalangitan, kag ang imo

katutom nagalambot sa kahawaan. 12 Dayawon ka, O Dios, sa ibabaw sang kalangitan! Ang imo himaya makit-an sa bug-os nga duta!SALMO 58 (57)Ang Dios nagahukom sang mga pangulo. – Ang Dios nagahambal batok sa mga pangulo nga nagtukod kag nagtipig sang malaut nga kahimtangan sa baylo nga magmangin-galamiton sang iya katarungan.

2 Matarong bala ang inyo mga sugo, kag husto bala ang inyo mga paghukom, kamo nga mga pangulo sang mga tawo?

3 Indi! Ginahungod ninyo ang paghimo sang mga krimen; nagapadihot kamo sang kinagamo kag kalautan.

4 Bisan gikan sa taguangkan, ang mga malauton nagatalang; sugod sang pagkabun-ag mga butigon na sila.

5 Makahililo sila subong sang dalitan nga mga man-og, bungol subong sang kobra 6 nga nagatakop sang iya mga dulonggan, agod indi makabati sang tingog sang nagapang-anta nga manuglumay.

7 O Dios, bingawa ang mga ngipon sang ila mga baba; bali-a ang mga bangkil sang mga leon, O Ginuo.

8 Kabay nga magkalaula sila subong sang nagaawas nga tubig; kabay nga lapakon sila subong sang nagakalaya nga hilamon.

9 Kabay nga manginkaangay sila sang mga taklong nga nagakatunaw sa lunang, subong sang mga lapsag nga ginbun-ag nga wala sa nagakaigo nga tion kag wala gid makakita sang adlaw.

10 Bisan bag-o nga uhot ukon nalaya na – kabay nga paliron sila, sa wala pa mabatyagan sang inyo mga kulon ang init sang nagadabadaba nga mga tunok.

11 Ang mga matarong magakasadya kon may magtimalos para sa ila; magapanghinaw sila sang ila mga tiil sa dugo sang mga malauton.

12 Dayon ang mga tawo magasiling, “Pat-od nga padyaan ang mga matarong; matuod gid nga may Dios nga nagahukom sang kalibutan.”SALMO 59

1 O Dios, luwasa ako sa akon mga kaaway, apini ako sa mga

nagagubat sa akon!2 Luwasa ako sa mga tawo nga nagahimo sing malaut, tabangi ako sa mga manugpatay sang tawo! 3 Tan-awa! Nagahulat sila sa pagpatay sa akon! Ang mabangis nga mga tawo nagahimbon batok sa akon. Indi tungod sang sala ukon malain nga akon nahimo,4 indi tungod sang akon kasaypanan, O Ginuo, nga sila

nagadalidali sa pagbantay batok sa akon.5 Bangon ka, O Ginuong Dios nga Makagagahum, palapit ka sa

pagtabang sa akon, ikaw gid ang magtan-aw, O Dios sang Israel! Magmata ka kag siluti ang tanan nga kapungsoran, dili pagkaluoyi ang malaut nga mga manugluib! 6 Nagabalik sila sa kagab-ihon, nga nagauwang subong sang mga

ido sa ila paglibot sa siudad. 7 Pamatii ang ila ginapanghambal! Ang ila mga dila kaangay sang mga espada sa ila mga baba,apang nagapamangkot pa sila,“Sin-o bala ang magapamati sa aton?”8 Ginakadlawan mo lang sila, O Ginuo, ginayaguta mo lang ang ta-

nan nga kapungsoran! 9 O akon kusog, nagadangup ako sa imo; O Dios, ikaw ang akon

pamakod. 10 Ang akon mahigugmaon nga Dios magakari sa pagtabang sa

akon; ipakita niya sa akon ang pagkalutos sang akon mga kaaway. 11 Apang dili sila pagpamatya, O Dios, agod nga indi malipat ang

akon katawohan. Patay-uga kag pukana sila sang imo gahum, O Ginuo, nga amon

taming! 12 Ang sala yara sa ila mga bibig; malaut ang tanan nila nga gina-

panghambal; kabay nga madakop sila sa ila pagkabugalon! Kay nagapakamalaut sila kag nagabinutig,

13 laglaga sila sa imo kaakig; papasa sila tubtob nga sila mawala. Dayon ang tanan nga mga tawo makahibalo nga ang Dios

nagagahum sa Israel, nga ang iya paggahum nagasakop sang bug-os nga kalibutan!

14 Ang akon mga kaaway nagabalik sa kagab-ihon, nga nagauwang subong sang mga ido sa ila paglibot sa siudad.

15 Nagalibot sila sa pagpangita sang kalan-on, kag nagangurob kon indi sila mabusog.

16 Apang magaamba ako nahanungod sa imo gahum, sa tagsa ka aga magaamba ako nahanungod sa imo

mapinadayunon nga gugma. Kay ikaw nangin akon pamakod, ang dalangpan sa tion sang

kinagamo. 17 O akon kusog, magaamba ako sang pagdayaw sa imo; kay

ikaw, O Dios, ang akon pamakod, ang mahigugmaon nga Dios. SALMO 60 (59)Pag-ampo pagkatapos sang pagkalutos.

3 O Dios, ginsikway mo kami kag gin-guba ang amon mga

pamakod; naakig ka sadto apang karon magliso ka sa pagbatak sa amon.

4 Ginpalinog mo ang duta; ginpalitik mo ini; kay-uha ang duta nga imo ginpatay-og kag ginpalitik.

5 Ginpaantus mo ang imo katawohan; ginhatagan mo kami sang bino nga makapahubog sa amon.

6 Imo ginpahamtang ang hayahay para sa mga nagakahadlok sa imo; palalagyuhan ini sa mga pana kag mga baslay.

7 Buligi kami sang imo tuo mga kamot kag pamatii, agod nga maluwas ang imo pinalangga.

8 Ang Dios naghambal sa iya balaan nga duog, “Magmadinalag-on ako, bahinbahinon ko ang Sikem kag ipanagtag ko ang Patag sang Sukot.

9 Akon ang Galaad, akon man ang Manases. Ang Efraim amo ang akon helmet, ang akon setro amo ang Juda.

10 Ang Moab amo ang akon hulogasan; ihaboy ko sa Edom ang akon sandalyas kag didto sa Pilistea ako magasinggit sang akon kadalag-an.”

11 Sin-o bala ang magadala sa akon sa napamakuran nga siudad? Sin-o bala ang magadul-ong sa akon sa Edom?

12 Ginsikway mo bala kami, O Dios? Wala ka na nagaupod, O Dios, sa amon mga hangaway.

13 Buligi kami batok sa amon kasumpong, kay ang bulig sang tawo walay pulos.

14 Sa kaluoy sang Dios magmadinalag-on kita; pagadugmokon niya ang kaaway para sa aton.SALMO 61 (60)

2 Dungga ang akon panawag, O Dios; pamatii ang akon pangamuyo.

3 Gikan sa kadadalman sang kalibutan, nagapanawag ako sa imo; ang akon tagipusoon nagapalangluya na. Ipahamtang ako sa mataas nga bato, 4 kay ikaw ang akon dalangpan, ang mabakod nga tore batok sa kaaway.

5 Papuy-a ako sa imo tolda sa walay katubtoban; pasilunga ako sa

idalum sang imo mga pakpak.6 Matuod nga imo nabatian ang akon mga panaad, O Dios;

ginhatag mo sa akon ang panublion sang mga tawo nga nagatahod sa imo ngalan.

7 Dugangi ang mga inadlaw sang kabuhi sang hari; palawiga ang iya mga tinuig sa madamo nga mga kaliwatan.

8 Kabay nga magpadayon sia nga nagalingkod sa trono sa atubangan sang Dios. Kabay nga tipigan sia sang imo gugma kag katutom.

9 Gani magaamba ako sang mga pagdayaw sa imo ngalan, kag tumanon ko ang akon mga panaad adlaw-adlaw.SALMO 62 (61)Ang akon kalag nagapahuway sa Dios lamang. Ang Dios nagbugna sang duha niya ka nagapangibabaw nga mga kinaiya: ang gahum kag kaayo. Luyag bala kita nga ini magpangbuhat? Magtuo kita kag magbukas sang aton mga tagipusoon.

2 Sa Dios lamang mapahamtang ang akon kalag; sa iya nagagikan ang akon kaluwasan.3 Sia lamang ang akon bato kag kaluwasan;upod sa iya nga amo ang akon salaligan,indi gid ako malingkang.4 Tubtob san-o ginasalakay ninyo ang isa ka tawo,kamo tanan, agod sia papason— subong sang nagahilay nga pader, sang nagakapuklid nga kudal?5 Matuod nga tuyo nila ang pagdugmok sa akon.Nagakalipay sila sa pagsugid sang mga kabutigan;ang ila baba nagadayaw, apang ang ila tagipusoon

nagapakamalaut.6 Sa Dios lamang mapahamtang ang akon kalag; sa iya nagikan ang akon paglaum.7 Sia lamang ang akon bato kag kaluwasan;upod sa iya nga amo ang akon salaligan,indi gid ako malingkang.8 Sa Dios napahamtang ang akon kaluwasan kag ang akon dungog;sia ang akon dalangpan, ang akon gamhanan nga bato.9 Magsalig sa iya sa tanan nga tion, O akon katawohan;buksi sa iya ang inyo tagipusoon.Ang Dios amo ang aton dalangpan.10 Ang kubos nga tawo isa lamang ka ginhawa,ang dungganon nga tawo isa lamang ka aso.Kon sila timbangon, mamag-an pa sila sa hangin.11 Dili kamo magsalig sa pagpanukot nga palugos,

kag dili man maglaum sa magaruk nga pangawat.Bisan magdamo ang imo mga pagkabutang,indi pagpahamtanga dira ang imo tagipusoon.12 Isa lamang ang ginsiling sang Dios,apang duha ang akon nabatian:nga ikaw, O Dios, amo ang makagagahum,13 kag sa imo lamang, O Ginuo, ang tawo nagamadinalag-on.Imo ginapadyaan ang tagsatagsa suno sa iya mga binuhatan.SALMO 63 (62)Ang akon kalag ginauhaw sa imo. Talupangda ang kinatuhay sang kabuhi sa matag-adlaw nga masunson nga magamo, kag ang inagihan nahanungod sa Dios nga matukiban sa pag-isahanon sa atubangan niya. 2 O Dios, ikaw ang akon Dios, ginapangita ko ikaw;ginahidlaw ang akon kaugalingon, ang akon kalag ginauhaw sa imo,subong sang mamala kag kigang nga duta.3 Gani nagatamod ako sa imo sa santuario,sa pagtan-aw sang imo gahum kag himaya.4 Ang imo gugma maayo pa sa kabuhi,ang akon baba magahimaya sa imo.5 Pagadayawon ko ikaw samtang ako nagakabuhi,ibayaw ko ang akon mga kamot kag magpanawag ako sa imo

ngalan.6 Subong sa atubangan sang manamit nga mga kalan-on ang akon

kalag magapamiesta;pagadayawon ko ikaw nga nagakalipay.7 Kon madumdoman ko ikaw sa akon paghigda,ginapanumdom ko ikaw sa bug-os nga gab-i.8 Kay ikaw ang nagabulig sa akon,nagaamba ako sa idalum sang imo mga pakpak.9 Sa imo nagasandig ang akon kalag,ang imo tuo nga kamot ang nagauyat sa akon.10 Ang mga nagahingabot sang akon kabuhi pagapapason;mahulog sila sa kadadalman sang kalibutan.11 Pamatyon sila sa espadakag mangin tulokbon sang mabangis nga mga ido sang kagulangan.12 Apang ang hari magakasadya sa Dios;magahimaya ang tanan nga nagasaad sa ngalan sang Dios,pagahipuson ang mga baba nga nagahambal sang kabutigan.SALMO 64 (63) Pagasilutan ang mga nagahambal sing malain sa isigkatawo.

2 Dungga, O Dios, ang tingog ko nga nagapangabay; pangapini

ang akon kabuhi sa nagapamahog nga kaaway.3 Tago-a ako sa mga malauton, sa mga nagahimo sing malain. 4 Ila

ginapatalum ang ila mga dila subong sang mga espada; ila ginatumtom ang masakit nga mga tinaga subong sang mga baslay,

5 agod iguon gikan sa palanagoan ang mga tawo nga wala sing sala; nagapana sila sing hinali nga wala nagakahadlok.

6 Nagaagdahanay sila sa malain nga tinotuyo, nagahimbon sila sa pagbutang sang tugalbong sa tago kag nagasiling, “Wala sing may makakita sa aton. 7 Sin-o bala ang makatukib sang aton padihot? May buko kita nga indi mapaslawan.” Kay ang tawohanon nga tagipusoon kag hunahona madalum.

8 Apang karon ang Dios magapana sa ila; sa hinali mapilasan sila. 9 Ang ila dila magadala sa ila sa kalaglagan; ang tanan nga makakita sa ila magalungolungo.

10 Ang bug-os nga katawohan matingala; magapahayag sila sang mga hinimoan sang Dios kag magapamalandong sang iya mga binuhatan.

11 Ang mga matarong magakasadya kag magadangup sa Ginuo; ang tanan nga may matarong nga tagipusoon magahimaya sa iya.SALMO 65 (64)Ginaduaw mo ang duta kag ginapuno ini sang kabuganaan. – Ang manunolat sang salmo nagapasalamat tungod sa maayo nga ani sang mabungahon nga tuig. Ining dutan-on nga kahamungayaan nagapahanumdom sa aton sang isa pa ka subong sini nga ginahatag sang Dios sa iya mga abyan. Sa Simbahan man, may mga ulan sa panahon sang tigpanalingsing, may ani sa panahon sang tingadlaw kag mga ambahanon sang kalipay. 2 Ang pagdayaw nagakadapat sa imo, O Dios, sa Sion;diri ang katawohan nagakadto sa pagtuman sang ila mga panaad.3 Ang tanan nga mamalatyon magapalapit sa imo bangod sang ila

malaut nga mga binuhatan,sa imo nga nagasabat sang mga pangamuyo.4 Ginapatawad mo ang amon mga sala,kon ang amon mga kasaypanan nagadaog sa amon.5 Bulahan ang tawo nga imo ginpili kag imo gindala nga magpuyo sa

imo mga pasiyuhan.Mabusog kami sang maayo nga mga butang sang imo balay, sang

imo balaan nga templo.6 Paagi sa makatilingala nga mga binuhatan sang pagkamatarong

imo kami ginasabat, O Dios nga amon manlulowas;ikaw ang paglaum sang tanan nga mga dulonan sang kalibutankag sang malayo nga mga pulo.7 Paagi sa imo gahum imo ginpasad ang kabukiran, ikaw nga

nawagkusan sing gahum.

8 Paagi sa imo kusog ang kadagatan nagkanay;ginpalinong mo ang magahod sini nga mga balodkag ang kinagamo sang kapungsoran.9 Ang mga tawo nga nagapuyo sa pinakamalayo nga mga duog

natingala sa imo gamhanan nga mga binuhatan.Ginpalipay mo ang pamanagbanagkag ang kasisidmon.10 Ginatubigan mo ang duta kag ginaatipan ini,ginapadamo mo ang iya sini duna nga manggad.Ang suba sang Dios puno sang tubig;ginaaman mo ang duta sa paghatag sa mga tawo sang iya mga

bunga.11 Imo ginatubian ang mga idas sang kaumhan,kag ang mga bulobungyod imo ginatapan.Imo ginapahumok ang duta paagi sa ulan,kag ang mga patubas sini, imo ginabugayan.12 Ginakoronahan mo ang tuig paagi sa imo kaayo;ang kabuganaan nagalapnag bisan diin.13 Ang mga desierto nangin halalban,ang kabakuloran napanaptan sang kalipay,14 ang mga latagon puno sang mga manara,ang kapatagan napunihan sang mga trigo –nagasinggit kag nagaamba sila sa kalipay.SALMO 66 (65)Pagpasalamat sa tapos ang paghimud-os. Ang pangulo sang katilingban nagapanguna sa prusision: nagapasalamat sia sa Dios nga naghilway sang iya katawohan sa ila mga pagtilaw.

Magsinggit sa kalipay sa Dios, kamo tanan nga yara sa duta;2 mag-amba sa kalipay sa iya ngalan;ipahayag ang iya mahimayaon nga pagdayaw.3 Singgana ang Dios, “Daw ano kadalayawon sang imo binuhatan!Daw ano ka makahaladlok sang imo gahum,sa kahadlok naghalaplaag ang imo mga kaaway!4 Ang bug-os nga duta nagayaub sa imo,ginahimaya ka nila, ginaamba nila ang imo ngalan.”5 Kari kag tan-awa kon ano ang ginhimo sang Dios, daw ano kadalayawon sang iya mga binuhatan para sa mga tawo.6 Ginhimo niya nga mamala ang dagat,kag ang mga tawo nagtabok nga nagalakat sa tunga sang suba.Gani, kari kamo sa pagkasadya sa iya.

7 Makagagahum sia nga nagahari sa walay katubtoban,nagabantay sia sang katawohan,agod indi magpamatok ang mga nagaribok.8 Dayawa ang amon Dios, O mga pungsod,ipabati ninyo ang tunog sang iya pagdayaw,9 kay sia ang nagahalong sang amon kabuhikag nagtuytoy sang amon mga tiil agod indi kami matumba.10 Imo kami gintilawan, O Dios;imo kami ginpabus-og subong sang pilak.11 Ginpabay-an mo kami nga mahulog sa tugalbong;ginpapas-anan mo kami sing mabug-at.12 Kag imo gintugot nga kami maulipon sang malaut,nga nagpalakat sa amon sa tubig kag kalayo,apang sa gihapon ginpahilayo mo kami sa katalagman.13 Magadala ako sang mga dulot sa imo templo,sa pagtuman sang akon mga saad.14 Tumanon ko ang akon ginsilingbisan ako may mga katublagan.15 Matambok nga mga sapat ang akon igahalad sa imo; mahumot

nga aso sang ginhalad.Maghalad ako sang mga kanding kag toro.16 Kamo tanan nga nagakahadlok sa Dios, kari kag magpamati;sugiran ko kamo sang iya hinimoan.17 Nagpanawag ako sing mabaskog sa iya,ginadayaw sia sang akon dila.18 Kon may ginhuptan ako nga kalautan sa akon tagipusoon,indi sia magpamati sa akon.19 Apang ang Dios nagpamati;iya gintamod ang akon pangamuyo.20 Dayawon ang Dios!Wala niya pagpabay-i ang akon pangamuyo;wala niya ako pagdaluki sang iya gugma.SALMO 67 (66) Ang tanan nga kapungsoran magakilala sa imo.

2 Kabay nga ang Dios magbendision kag magbugay sa aton,kag magpasilak sang iya nawong sa aton.3 Sa amo sini ang imo kabubot-on makilala sa duta,kag ang imo gahum sa pagluwas makilala sang kapungsoran.4 Kabay nga ang katawohan magdayaw sa imo, O Dios,kabay nga dayawon ka sang bug-os nga katawohan!5 Kabay nga ang kapungsoran magkasadya kag mag-amba sa

kalipay,

kay nagagahum ka sa katawohan paagi sa katarungan,kag nagatuytoy ka sang mga pungsod sang kalibutan.6 Kabay nga ang katawohan magdayaw sa imo, O Dios,kabay nga dayawon ka sang bug-os nga katawohan!7 Ang duta nagpatubas;ang Dios, ang aton Dios, nagbugay sa aton.8 Kabay nga ang Dios magpadayon sa pagbendision sa aton;kabay nga ang tanan nga mga dulonan sang kalibutan magtahod sa

iya.SALMO 68 (67)Ang madinalag-on nga prusision sang Dios sang kadalag-an. – Sa mga tumoluo, ang maragtas sang Simbahan daw isa ka bag-o nga prusision sang kadalag-an. Si Kristo nga nabanhaw, nga yara sa tunga sang Simbahan paagi sa iya Espiritu, nagatuytoy sa iya pa-langit, sa diin nag-aman sia sang halamtangan para sa iya.

2 Magbangon ka, O Dios, laptaha ang imo mga kaaway; papalagyuha ang imo mga kasumpong.

3 Subong sang paghuyop sang hangin sa aso, huypa sila palayo; subong sang pagtunaw sang kalayo sa kandila, papasa ang mga malauton sa imo atubangan.

4 Apang magkalipay kag magkasadya ang mga matarong sa atubangan sang Dios; paambaha sila sa Dios kag pasinggita sa kalipay.

5 Mag-amba sa Dios, mag-amba sang mga pagdayaw sa iya ngalan; amana ang dalanon para sa iya nga nagasakay sa mga panganod; ang iya ngalan Ginuo. Magkasadya sa iya atubangan.

6 Amay sang mga ilo kag mangangapin sang mga balo – amo ina ang aton Dios sa iya balaan nga puloy-an.

7 Nagahatag sia sang dalayunan sa mga tawo nga wala sing puloy-an, iya ginahilway ang mga binilanggo kag ginadala sila sa kahamungayaan, apang iya ginapapuyo ang mga mabinatukon sa duta nga kigas.

8 O Dios, sang magpanguna ka sa pagtuytoy sang imo katawohan sa pagpanglakaton sa desierto, 9 ang duta nagtay-og, ang kalangitan nagpaulan sing ubos-ubos, sa presensia sang Dios, ang Dios sang Sinai, sa presensia sang Dios, ang Dios sang Israel.

10 O Dios, nagpaulan ka sing bugana sa pag-ayo sang imo palanublion nga nalapyo.

11 Ang imo panong nakakita sang puloy-an sa sini; sa imo kaayo, O Dios, ginhatagan mo ang mga kubos sang ila mga kinahanglanon.

12 Ang Ginuo nagsugo kag madamo ang nagdala sining maayong balita, 13 “Ang mga hari kag ang ila mga soldado nagpalalagyo; huo, nagpalalagyo sila, nagpalalagyo sila!”

14 Ang mga babaye sa puloy-an nagabahinbahin sang mga

pagkabutang nga inagaw sa inaway: ang mga pakpak sang pating nga gintusmog sa pilak, ang ila mga balahibo gintusmog sa nagabadlak nga bulawan.

15 Sang panglaptahon sang Dios nga Makagagahum ang mga hari sa Bukid Zalmon, ang yelo nagtupa didto.

16 O daku nga bukid, bukid sang Bashan, O bukid nga may madamo nga putokputokan, bukid sang Bashan! 17 Ngaa bala nahisa ka, O bukid nga may madamo nga putokputokan, sa bukid nga ginpili sang Dios nga mangin-iya puloy-an, sa diin ang Ginuo magapuyo sa walay katubtoban?

18 Upod sa di-maisip nga gamhanan nga mga karwahe, ang Ginuo naghalin sa Sinai sa pagkadto sa iya balaan nga duog.

19 Nagkayab sia sa mataas nga bukid, samtang iya ginadala ang mga bihag kag nagabaton sia sang mga dulot sang mga tawo, bisan sang mga tawo nga nagpamatok sa pagpuyo sang Ginuong Dios didto.

20 Dayawon ang Ginuo, Dios nga aton manlulowas, nga nagapas-an sa aton adlaw-adlaw!

21 Ang aton Dios amo ang Dios nga nagaluwas; ang aton Ginuong Dios nagaluwas sa aton sa kamatayon.

22 Apang ang Dios magadugmok sang mga ulo sang iya mga kaaway, sang mabuhokon nga mga ulo sang mga tawo nga nagapadayon sa ila pagpakasala. 23 Ang Ginuo nagsiling, “Pabalikon ko sila halin sa Bashan, pabalikon ko sila halin sa kadadalman sang dagat, 24 agod makapanghinaw ka sang imo mga tiil sa dugo, kag ang mga dila sang imo mga ido may ila bahin gikan sa imo mga kaaway.”

25 Nakita ang imo mga prusision, O Dios, ang mga prusision sang akon Dios, akon Hari, pakadto sa balaan nga duog. 26 Ang mga manug-amba nagauna, ang mga manuglanton yara sa ulihi, sa ila tunga yara ang mga dalaga nga nagalanton sang mga pandereta.

27 Dayawa ang Dios sa daku nga pagtilipon; dayawa ang Ginuo, kamo nga nagikan sa tuboran sang Israel!

28 Nagauna ang tribo ni Benjamin, ang pinakamagamay nga tribo; madason ang mga prinsipe sang Juda kag ang ila hubon; nagasunod dayon ang mga prinsipe sang Zebulon kag sang Neftali.

29 Ipakita ang imo gahum, O Dios; ipakita ang imo kusog, O Dios, subong sang imo ginhimo para sa amon sadto. 30 Sa imo templo sa Jerusalem, ang mga hari magakadto nga nagadala sang mga dulot.

31 Sabdunga ang maila nga mga sapat nga nagapuyo sa mga tabun-ak, ang manara sang mga toro kag ang tinday nga mga baka sang kapungsoran. Tapaka ang mga nagakaibog sa buhis; panglaptaha ang katawohan nga nagakalipay sa inaway.

32 Ang manggad magakari halin sa Ehipto; ang Etiopia

magadalidali sa pagbayaw sang iya mga kamot sa Dios.33 Mag-amba sa Dios, O mga ginharian sang kalibutan; mag-amba

sang mga pagdayaw sa Ginuo, 34 sa iya nga nagapanakayon sa kalangitan, sa dumaan nga kalangitan. Pamati kamo, nagahambal sia sa mabaskog nga daguob, ang iya gamhanan nga tingog.

35 Iwali ang gahum sang Dios; ang iya pagkahalangdon yara sa bug-os nga Israel, ang iya gahum yara sa langit.

36 Makatilingala ang Dios sa iya balaan nga duog, ang Dios sang Israel; nagahatag sia sang gahum kag kusog sa iya katawohan.

Dayawon ang Dios!SALMO 69 (68)Ang tubig tagali-og ko na. – Ang alagad sang Dios, nga halos malumos sa tubi sang pag-antus kag kamatayon, nagapangayo sang bulig sa Ginuo. Si Kristo naggamit sang nanuhaytuhay nga mga pulong sining pangamuyo sa pagtumod sa iya kaugalingon. Sa tapos mahilway sa kamatayon, sia mangin kalipayan sang tanan nga mga nagapangita sa Dios.

2 Luwasa ako, O Dios, kay ang tubig tagali-og ko na. 3 Nagalugdang ako sa madalum nga lunang sa diin wala sing matungtongan; yari ako sa madalum nga tubig, ginaanod kag ginalumos sang baha.

4 Nalapyo na ako sa pagpanawag sing tabang; ang akon tutonlan mamala na. Ang akon mga mata nagadulom sa pagpaabot sa akon Dios.

5 Ang mga nagadumot sa akon sa wala sing kabangdanan labi pa sa kadamuon sang mga buhok sang akon ulo; madamo ang luyag maglaglag sa akon, ang akon gamhanan nga mga kaaway nga nagasumbong sa akon sa binutig. Ang mga butang nga wala ko pagkawata, ginapilit ako sa pag-uli sini.

6 O Dios, nakahibalo ka sang akon kabuangan; ang mga sala nga akon nahimo indi matago sa imo.

7 Dili ako pagtugoti sa pagdala sang kahuy-anan sa mga tawo nga nagalaum sa imo, O Ginuong Dios nga Makagagahum; dili ako pagtugoti nga mangin kabangdanan sang pagkadula sang dungog sang mga tawo nga nagapangita sa imo, O Dios sang Israel – 8 kay tungod sa imo ginbatas ko ang pagtamay kag ang akon nawong natabunan sang kahuy-anan.

9 Nangin dumoluong na ako sa akon mga utod, nangin isa ka sumalayo sa mga anak sang akon iloy.

10 Ang katampad sa imo puloy-an subong sang kalayo nga nagasunog sa akon. Ang mga pagtampalas sang mga nagatampalas sa imo nagtupa sa akon.

11 Sang magpaubos ako paagi sa pagpuasa, gintamay nila ako bangod sini.

12 Sang magbayo ako sang sako, nangin-kaladlawan ako sa ila.

13 Nangin halambalon ako sang kutsokutso sang mga tawo nga nagapungko didto sa puerta, kag ang mga palahubog nagahimo sang mga ambahanon nahanungod sa akon.

14 Apang ako akon, nagapangamuyo ako sa imo, O Ginuo, sa tion nga imo nahamut-an. Sa imo daku nga gugma, O Dios, sa imo ma-pinadayunon nga bulig, sabta ako!

15 Luwasa ako sa lunang kag dili ako pagpabay-i nga malumos; luwasa ako sa akon mga kaaway kag sa madalum nga tubig.

16 Dili pag-itugot nga maanod ako sang baha, dili pag-itugot nga suyopon ako sang kadadalman. Dili pag-itugot nga lamunon ako sang Buho.

17 Sabta ako, O Ginuo, kay maayo ang imo mapinadayunon nga gugma; sa imo bugana nga kaluoy, magliso ka sa pagtamod sa akon.

18 Dili pagtago-a ang imo nawong sa imo alagad; sabta ako gilayon, kay ako nagakalisod.

19 Kari ka kag luwasa ako; hilwaya ako sa akon mga kaaway.20 Nakahibalo ka sang mga pagtampalas nga akon nabaton, sang

pagpakahuya kag pagpakanubo sa akon; nakilala mo ang tanan ko nga mga kaaway.

21 Ang akon tagipusoon nagkalisod sing tama bangod sang mga pasipala, gani nadulaan na ako sang paglaum; nagpaabot ako sang kaluoy, apang wala gid; nagpaabot ako sang mga tawo nga magalugpay, apang wala ako sing may nakita.

22 Ginhatagan nila ako sang hilo bilang kalan-on; sang nauhaw ako ginhatagan nila ako sang langgaw bilang ilimnon.

23 Kabay nga ang ila mga sinalosalo mangin tugalbong para sa ila, kag ang ila mga piesta mangin si-od para sa ila mga kadampig.

24 Kabay nga ang ila mga mata magdulom agod indi sila makakita; pakuroga sing dalayon ang ila mga balikawang.

25 I-ula ang imo kaugot sa ila, kag palambuta sa ila ang imo nagadabadaba nga kaakig.

26 Kabay nga magmingaw ang ila kampo; kabay nga wala sing may magpuyo sa ila mga tolda.

27 Kay ila ginhingabot ang imo ginsamad, kag ila gindugangan ang kasakit sang imo ginpilasan.

28 Pasaka-i sila sang panumbongon sa tagsa nila ka krimen, kag dili sila paghilwaya sa silot.

29 Panasa sila sa libro sang kabuhi; dili sila paglistaha upod sa mga matarong.

30 Apang kubos ako kag nagakasakit; amligi ako, O Dios, sang imo kaluwasan.

31 Dayawon ko ang ngalan sang Dios paagi sa isa ka ambahanon; akon sia himayaon paagi sa pagpasalamat.

32 Magapahamuot ini sa Ginuo sing labi pa sa baka, ukon toro nga may mga sungay kag mga kuko.

33 Kabay nga ang mga tawo nga ginpigos makasaksi sini kag magkasadya. Kamo nga nagapangita sa Dios, buhi-a liwat ang inyo mga tagipusoon.

34 Kay ang Ginuo nagapamati sa mga imol; wala sia nagatamay sang iya katawohan nga nabihag.

35 Kabay nga dayawon sia sang langit kag sang duta, sang kadagatan kag sang tanan nga nagahulag didto.

36 Kay ang Dios magaluwas sang Sion kag magapatindog liwat sang mga siudad sang Juda. Ang iya katawohan magapuyo sa kadutaan kag magapanag-iya sini; 37 ang kaanakan sang iya mga alagad magapanubli sini, kag ang mga nagahigugma sa iya ngalan magapuyo sa sini.SALMO 70 (69)Sa tion sang paghingabot. – Kasubong ini sang Salmo 40:13-17.

2 O Dios, luwasa ako sa imo kahamuot! O Ginuo, dalidali ka sa pagbulig sa akon!

3 Kabay nga ang mga nagatinguha sa pagpatay sa akon mahuy-an kag magsalangisag. Kabay nga ang mga tawo nga buot magsakit sa akon mapaisol kag mahuy-an.

4 Kabay nga ang mga tawo nga nagasiling, “Aha, Aha!” mag-isol bangod sang ila kahuy-anan.

5 Kabay nga ang tanan nga nagapangita sa imo magkasadya kag magkalipay sa imo. Kabay nga ang tanan nga nagahigugma sa imo gahum sa pagluwas magsiling sa gihapon, “Ang Dios gamhanan!”

6 Apang ako kubos kag imol. Dali ka sa pagkari sa akon, O Dios! Ikaw ang akon manugbulig kag manlulowas. O Ginuo, dili ka magpadugay!SALMO 71 (70)Pangamuyo sang isa ka tigulang. – Sa katapusan sang aton mga kabuhi, aton mahibal-an sing labi ang kaluoy sang Dios kag aton madumdoman sing mahapos ang mga katingalahan nga iya ginhimo para sa aton. Aton pangabayon ang Dios nga iya ihatag ang matuod nga kalipay sa aton sa tion nga matapos ang aton kabuhi karon.

1 O Ginuo, sa imo ako nagadangup; dili pag-itugot nga ako mahuy-an.

2 Sa imo katarungan, buligi kag luwasa ako! Pamatii kag luwasa ako! 3 Ikaw mangin-akon bato nga dalangpan, isa ka pamakod nga nagaluwas sa akon sa katalagman; kay ikaw ang akon bato kag kuta.

4 Luwasa ako, O akon Dios, sa kamot sang mga malauton, sa

pangapyot sang di-matarong kag mapintas nga mga tawo.5 Kay ikaw, O Ginuo, ang akon ginalauman; ang akon salaligan, O

Dios, sugod sang lamharon pa ako.6 Sa imo ako nagasandig sugod sang ako mabun-ag; ikaw ang

nagkuha sa akon sa taguangkan sang akon iloy. Sa imo ako magadayaw sa gihapon.

7 Ako nangin subong sang isa ka timaan sa kadam-an, apang ikaw ang akon mabakod nga dalangpan.

8 Ang akon baba napuno sang pagdayaw sa imo, kag sang paghimaya sa imo sa bug-os nga adlaw.

9 Dili ako pagsikwaya sa akon katigulangon, dili ako pagbaya-i sa akon kaluyahon.

10 Kay ang akon mga kaaway nagahambal sing malain nahanungod sa akon; ang mga nagatinguha sa pagpatay sa akon nagahimbon.

11 Nagasiling sila, “Ang Dios nagpatumbaya sa iya; aton sia lagson kag dakpon, kay wala sing may magaluwas sa iya.”

12 O Dios, dili ka magpalayo sa akon; O Dios ko, dalidali ka sa pagtabang sa akon!

13 Kabay nga ang mga nagasumbong sa akon mahuy-an kag malaglag; kabay nga ang mga nagatinguha sa pagsakit sa akon matabunan sang pagtamay kag kahuy-anan.

14 Apang magalaum ako sa gihapon, kag magadayaw ako sa imo sing labi pa gid.

15 Ang akon baba magasugid sang imo matarong nga mga buhat, sang imo mga pagluwas sa bug-os nga adlaw, bisan nga diutay lang sini ang akon mahangpan.

16 Magakari ako sa pagdayaw sa imo gamhanan nga mga binuhatan, O Ginuong Dios; magapahayag ako sang imo katarungan, sang imo lamang.

17 O Dios, imo ako gintudloan sugod sang lamharon pa ako; tubtob karon nagawali ako nahanungod sa imo makatilingala nga mga binuhatan.

18 O Dios, dili ako pagbaya-i kon ako tigulang kag ubanon na; dayon ipahayag ko ang imo kusog kag gahum sa tanan nga pala-abuton nga mga kaliwatan.

19 Ang imo katarungan, O Dios, nagalambot sa kalangitan; ginhimo mo ang dalagku nga mga butang. Sin-o bala ang kaangay sa imo, O Dios?

20 Gintugot mo nga maagyan ko ang madamo nga mga katublagan kag mga kalisdanan, apang imo ako ginapabaskog liwat; halin sa kadadalman sang duta imo ako pagabayawon liwat.

21 Imo dugangan ang akon kadungganan; imo ako lugpayan liwat.

22 Dayawon ko ikaw paagi sa paglanton sang arpa, tungod sa imo katutom, O akon Dios; magaamba ako sang mga pagdayaw sa imo paagi sa paglanton sang lira, O Labing Balaan sang Israel.

23 Ang akon mga bibig magasinggit sa kalipay kon ako mag-amba sang mga pagdayaw sa imo; subong man nga magakalipay ang akon kalag, nga imo ginluwas.

24 Sa bug-os nga adlaw ang akon dila magahambal nahanungod sa imo pagtabang, kay ang mga nagtinguha sa paghalit sa akon nahuy-an kag nagsalangisag.SALMO 72 (71)Ang Hari sang Paghidaet. Ang paghulat sa Hari sang Paghidaet, sia nga magahatag sang katarungan sa mga mapainobuson. Ang pagpaabot sa kabug-osan nga paghidaet sa tapos ang daku nga katig-a sang tagipusoon sa pagpinatyanay.

O Dios, ihatag ang imo katarungan sa hari;sa harianon nga anak ang imo pagkamatarong.2 Kabay nga pagadumalahan niya sing matarong ang imo

katawohan,kag ang mga imol, sing maluloy-on gid.3 Kabay nga ang mga bukid magdala sang kabuganaan sa

katawohan,kag ang mga bakulod magdala sang paghidaet kag katutom.4 Kabay nga iya pangapinan ang kawsa sang nadaugdaog nga

katawohan,luwason ang makaluluoy kag papason ang manugpigos.5 Kabay nga sia magpadayon subong sang adlaw,subong sang bulan, sa bug-os nga mga kaliwatan.6 Kabay nga manginkaangay sia sang ulan sa kadutaan, nga

nagabunyag sa kaumhan.7 Kabay nga magpamulak ang katarungan sa iya mga inadlaw, kag magluntad ang paghidaet tubtob madula ang bulan.8 Kabay nga maghari sia sa tanan nga kadagatan,halin sa Suba tubtob sa dulonan sang duta.9 Kabay nga madugmok ang iya mga kaaway sa iya atubangankag ang iya mga kasumpong magadilap sang balas.10 Kabay nga padunggan sia sang mga hari sang Tarsis kag sang

mga pulo; dalhan sia sang mga dulot sang mga hari sang Sheba kag Seba.

11 Kabay nga ang tanan nga mga hari magyaub sa iya,kag alagaran sia sang tanan nga mga pungsod.12 Ginaluwas niya ang mga nagakinahanglan nga nagapanawag sa

iya,

ang mga makalulooy nga wala sing madangpan.13 Ang iya kaluoy yara sa mga maluya kag sa mga imol,sia mangin-ila mangangapin.14 Iya sila ginaluwas sa pagpamigos kag kagamo,kay ang ila kabuhi malahalon sa iya.15 Kabay nga magkabuhi sia sing malawig, kag ang bulawan sang

Sheba ihatag sa iya.Kabay nga ang katawohan magpangabay sa iya sing masunson,kag ang mga pagdayaw pagamitlangon sa bug-os nga adlaw.16 Kabay nga magdamo ang trigo sa bug-os nga kadutaan, nga

ginahapayhapay sa kabakuloran.Kabay nga ang bunga sini magdamo katulad sa Lebanon; ang iya

trigo magdamo sa duta kaangay sang mga hilamon.17 Kabay nga ang iya ngalan magapadayon sa walay katubtoban;kabay nga ang iya ngalan magadugay subong sang adlaw.Pagabugayan ang tanan nga mga pungsod paagi sa iya,kag pagadayawon sia sang bug-os nga katawohan.18 Dayawon ang Ginuo, ang Dios sang Israel,nga sia lamang ang nagahimo sing labing makatilingala.19 Dayawon ang iya mahimayaon nga ngalan sa gihapon;kabay nga ang bug-os nga duta mapuno sang iya himaya!Amen. Amen.20 Diri nagatapos ang mga pangamuyoni David, nga anak ni Jese.SALMO 73 (72)Ngaa bala madinalag-on ang mga malaut? May iskandalo sa baylo sang pagsulay kon ang tumoluo makakita sang mga malaut nga madinalag-on sa tanan nga butang: ang mga mapintas, ang mga tawo nga wala magkabalaka, ang mga tawo nga may madamo nga kuarta kag makatuga sang kagarukan, ang mga sampaton sa pangdaya. “Maghulat kamo sa katapusan,” siling sang manunolat sang salmo.

1 Matuod gid nga maayo ang Dios sa mga matarong,sa mga tawo nga may matinlo nga tagipusoon.2 Apang nahanungod sa akon, diutayan na lang ako madusmo,diutayan lang madanlog ang akon mga tiil,3 kay nahisa ako sa mga bugalon,kon makita ko sila nga nagauswag sa ila kalautan.4 Kay wala sila nagaantus sang kasakit;ang ila lawas mabakod kag mapag-on sa gihapon.5 Malayo sila sa mga katublagan nga kinaandan sang mga tawo;wala sila ginatublag kaangay sang iban nga mga tawo.

6 Bangod sini ang bugal nangin-ila kulintas,kag ang kapintas amo ang ila panapton.7 Ang kalautan nagagikan sa ila matig-a nga mga tagipusoon;ang kalainan nagagwa gikan sa ila malaut nga mga hunahona.8 Nagapanglibak sila kag nagapamuyayaw,sa ila kabugalon labi pa gid sila nga nagapamahog.9 Ginapakamalaut nila ang kalangitan,nagapamuyayaw sila sa duta.10 Ginadayaw sila sang katawohankag ginakakunyagan ang ila tagsa ka ginamitlang.11 “Paano makahibalo ang Dios?” ang siling nila.“Ang tanan bala nga mga butang mahibaloan sang Labing Mataas?”12 Kaangay sini ang mga malaut — masami nagapatumbayasamtang nagadugang ang ila manggad.13 Wala bala sing pulos ang pagtipig ko sa akon tagipusoon nga

mangin putli,ang paghalong ko nga indi madagtaan ang akon mga kamot?14 O Dios, ginapaantus mo ako adlaw-adlawkag ginasilutan kada aga!15 Kon naghambal ako sing subong sini,kuntani nangin maluibon ako sa kaliwat sang imo mga anak.16 Bisan nagtinguha ako sa paghangup sini,tama kabudlay ini para sa akon,17 tubtob sa pagsulod ko sa balaan nga duog sang Dios, kag dayon

namutikan ko ang ila madangatan.18 Imo sila ginbutang sa madanlog nga alagyankag ginhulog sila sa katalagman.19 Daw ano ka hinali sang ila pagkapukan,ginpapas sa tuman nga kahadlok!20 Subong sila sang damgo nga sa pagbangon, O Ginuo, imo sila

ginauyog.21 Tungod kay nagkalisod sing tama ang akon tagipusoon,kag ang akon kalag daw nadulaan sang paglaum,22 wala ako maghatag sang tion sa paghangup;kaangay ako sadto sang isa ka sapat sa imo atubangan.23 Apang sa gihapon nagaupod ako sa imo;ginauyatan mo ang akon tuo nga kamot.24 Imo ako ginatuytoyan sang imo laygay,kag sa katapusan, imo ako dalhon sa himaya. 25 Wala na ako sing iban pa nga dalangpan sa langit luas sa imo;wala na ako sing iban pa nga halandumon sa duta luas sa imo.26 Bisan magluya ang akon unod kag tagipusoon,

ang Dios amo ang akon bato, ang akon pinalangga –ang akon palanublion sa gihapon.27 Magakadula ang mga nagbiya sa imo;papason mo ang mga di-matutom sa imo. 28 Apang ako iya – ginakalipay ko ang pagpalapit sa Dios;gani ang Ginuo nangin akon dalangpan.Akon igalawag ang tanan niya nga mga binuhatan.SALMO 74 (73)Magbangon ka, O Dios, kag pangapini ang imo kawsa! – Ini nga salmo nagapahanumdom sa aton sang pagpanghingabot sadtong panahon sang mga Macabeo. Sa mga tawo nga ginahingabot makita ang matuod nga Simbahan kag ang gahum sang Dios.

O Dios, ngaa bala padayon ang pagsikway mo sa amon? Ngaa bala nagasilabo ang imo kaakig batok sa mga karnero sang imo halalban?

2 Dumdoma ang katawohan nga imo gintipon halin sang una, ang kaliwat nga imo gintubos bilang imo palanublion. Dumdoma ang Bukid Sion sa diin ikaw nagapuyo.

3 Kadto-i ang mamingaw nga ginub-an; ang kasumpong naglaglag sang tanan nga mga butang sa santuario.

4 Ang imo mga kaaway naghugyaw sing madinalag-on didto sa imo balaan nga duog; nagpatindog sila sang ila mga hayahay sang kadalag-an.

5 Subong sila sang mga manugkahoy nga nagatapas sang mga kahoy 6 paagi sa paggamit sang mga maso; paagi sa mga wasay, ila gin-guba ang ginutib nga mga bahin sang templo.

7 Ila ginsunog ang imo santuario; ila gindagtaan ang puloy-an sang imo ngalan, kag ila ini ginpukan.

8 Sa kaugot, nagsiling sila sa ila kaugalingon, “Aton sila tanan laglagon.” Gintutdan nila ang tanan nga balaan nga mga tilipunan sang Dios sa duta.

9 Wala na sing mga hayahay; wala na sing mga propeta; wala sing isa sa aton nga makahibalo kon tubtob san-o ini.

10 Tubtob san-o, O Dios, ang pagtampalas sang kaaway? Magapasipala bala ang kasumpong sang imo ngalan sa walay katubtoban?

11 Ngaa bala imo ginapunggan ang imo tuo nga kamot? Ngaa bala ginatago mo ang imo kamot?

12 Indi bala ikaw, O Dios nga akon hari sugod sang una, ang nagadala sang kaluwasan sa duta?

13 Imo ginpihak ang dagat sa duha ka bahin paagi sa imo gahum; ginbuka mo ang mga ulo sang dalagku nga mga manla sa dagat;

14 gindugmok mo ang mga ulo ni Leviatan kag ginpakaon mo sia sa mga lumbalomba.

15 Ginpailig mo ang mga tuboran kag mga suba; ginpamala mo ang mga sapa nga nagailig sing dayon.

16 Ikaw ang tag-iya sang adlaw kag gab-i; imo gintuga ang bulan kag adlaw.

17 Ginpahamtang mo ang tanan nga mga dulonan sang duta; ginhimo mo ang tingadlaw kag tigtulognaw.

18 Dumdoma, O Ginuo, kon daw ano ang pagyaguta sang kaaway, ang pagpasipala sang mga buangboang batok sa imo ngalan.

19 Dili pag-itugyan ang imo tukmo sa mabangis nga mga sapat; dili pagkalimti sing dayon ang kabuhi sang mga kubos nga imo pinalangga.

20 Dumdoma ang imo kasugtanan, kay ang madulom nga mga duog sang kadutaan puno sang pagluntad sang pagsinakitay.

21 Dili pag-itugot nga mahuy-an ang mga tawo nga ginapigos; kabay nga ang mga imol kag mga kubos magdayaw sa imo ngalan.

22 Tindog ka, O Dios, kag apini ang imo kawsa; dumdoma kon daw ano ang pagyaguta sang mga buangboang batok sa imo sa bug-os nga adlaw.

23 Dili pagkalimti ang hinugyaw sang imo mga kasumpong, ang padayon nga ginahod sang imo mga kaaway.SALMO 75 (74)Nagapasalamat kami sa imo, O Ginuo, kay ikaw ang hukom. – Ginhukman na sang Dios ang kalibutan paagi sa krus kag pagkabanhaw ni Kristo kag iya ginsaad sa mga matarong nga sila magmadinalag-on.

2 Nagapasalamat kami sa imo, O Dios, nagapasalamat kami. Ang mga tawo nga nagapanawag sa imo ngalan, nagasugid sang imo makatilingala nga mga binuhatan.

3 Sa natalana nga tion nga akon napat-od magahukom ako sing matarong. 4 Kon ang duta, upod ang tanan sini nga mga pumoluyo, magtay-og, ako ang magapabakod sang iya sini nga mga sadsaran.

5 Sa mga bugalon ako nagasiling, “Dili kamo magpabugal.” Kag sa mga malauton ako nagasiling, “Dili pagbayawa ang inyo ulo. 6 Dili kamo magmatinaastaason, dili kamo magpahambog.”

7 Kay ang pagbayaw wala nagagikan sa sidlangan ukon sa katundan, ukon sa kamingawan ukon sa kabukiran.

8 Ang Dios amo ang nagakari sa paghukom, ang nagapaubos sang isa kag nagabayaw sang iban.

9 Sa kamot sang Ginuo may kupa nga puno sang nagabukal nga bino nga may panakot; iya ini ginaula para sa tanan nga mga

malauton sang duta, agod ila ini imnon tubtob sa mga linugdang sini.

10 Apang ako akon magakasadya sa gihapon kag magaamba sang mga pagdayaw sa Dios ni Jacob.

11 Pagabalion niya ang gahum sang mga malauton, apang ang gahum sang mga matarong pagabayawon.SALMO 76 (75)Pagkatapos sang kadalag-an. – Ang Dios naglutos sang mga hari nga nagsalakay sa Balaan nga Siudad, ang Jerusalem. Nagalarawan ini sang isa pa ka bug-os nga kadalag-an sa tion nga luwason ang mga mapainobuson. “Ang pagkari sang Anak sang Tawo kasubong sang kilat nga nagaigrab sa langit halin sa sidlangan tubtob sa katundan.”2 Ang Dios bantog sa Juda,dalayawon ang iya ngalan sa Israel.3 Ang iya tolda natukod sa Salem;ang iya puloy-an yara sa Sion.4 Didto iya ginpangbali ang nagahagunos nga mga baslay,ang taming, ang espada, ang mga hinganiban sa pagpakig-away.5 Ikaw mahimayaon, labi nga halangdon sangsa walay katapusan nga kabukiran.6 Ang isganan nga mga hangaway gin-agawan sang mga pagkabutang nga ila naagaw sa inaway; nagakatulog sila sa ila katapusan nga katulogon, kag wala sing isa sa ila nga nakabato.7 Sa imo pagsabdong, O Dios ni Jacob,ang manugsakay kag ang kabayo natumba kag nalipong.8 Apang ikaw, daw ano ikaw ka makakulogmat!Sin-o bala ang makatindog sa imo atubangan kon ikaw magpangakig?9 Gikan sa kalangitan nagpadaguob ka sang paghukom;ang duta hinadlukan kag naglinong,10 sang magtindog ka sa paghukom, O Dios,sa pagluwas sang tanan nga mga mapainobuson sa duta.11 Ang mga pungsod sang mga pagano magadala sang pagdayaw sa

imo,ang mga nabilin nga buhi sa ila magasaulog sang imo ngalan.12 Magsaad sa Ginuo nga inyo Dios, kag tumana ini; kamo tanan nga nagapalibot sa iya magdala sang mga dulot sa

Labing Makakulogmat.13 Sia ang nagapatalaw sang espiritu sang mga prinsipe,kag ang ginakahadlukan sang mga hari sang duta.

SALMO 77 (76)Nadumdoman ko ang mga binuhatan sang Ginuo. – Sa aton panan-aw, ang nagligad nga panahon labi nga dalayawon sangsa matuod nga natabo. Sa pagligad sang panahon, aton matalupangdan sing maayo nga ang Dios yari kag nagabuhat man sa aton tinion karon.

2 Nagapanawag ako sing mabaskog sa Dios – nagapanawag ako sing mabaskog agod iya ako pamatian.

3 Sa adlaw sang akon katublagan ginapangita ko ang Ginuo; sa gab-i ginauntay ko ang akon kamot nga wala sing kakapoy; ang akon kalag indi malugpayan.

4 Kon madumdoman ko ang Dios nagapanghakroy ako; kon magpamalandong ako ang akon kalag nagapangluya.

5 Wala mo gid ginapapiyong ang akon mga mata; naligban gid ako sa bagay nga indi makahambal. 6 Nagabinagbinag ako nahanungod sa mga inadlaw nga nagligad; nadumdoman ko ang mga tinuig sang una. 7 Sa bug-os nga gab-i ang akon tagipusoon nagakatublag; nagapamalandong ako kag ginausisa ko ang akon espiritu.

8 “Magapadayon bala ang Ginuo sa pagsikway sa aton? Indi na bala sia mahamuot liwat?

9 Nag-untat na gid bala ang iya malig-on nga paghigugma? Natapos na bala ang iya mga saad sa walay katubtoban?

10 Nalimtan na bala sang Dios ang pagkamaluloy-on? Gindaog bala sang iya kaakig ang iya kaluoy?”

11 Kag nagsiling ako, “Ini ang akon kalisdanan – nga ang Labing Mataas wala na nagabuhat subong sang una.”

12 Dumdumon ko ang mga binuhatan sang Ginuo; dumdumon ko ang imo makatilingala nga mga binuhatan sang una.

13 Pamalandungan ko ang tanan mo nga ginhimo, kag binagbinagan ko ang imo gamhanan nga mga binuhatan.

14 Ang imo paagi, O Dios, labing balaan. May iban pa bala nga dios nga labing gamhanan sangsa amon Dios?

15 Ikaw lamang ang Dios nga nagahimo sang mga katingalahan. Imo ginpakita ang imo gahum sa kapungsoran.

16 Sa imo kagamhanan, gintubos mo ang imo katawohan, ang mga kaliwat ni Jacob kag ni Jose.

17 Sang makita ka sang mga tubig, O Dios, hinadlukan sila kag ang kadadalman sang dagat nagkurog.

18 Ang mga gal-um nagbubo sang ulan; ang langit nagdaguob; nagpangilat nga daw mga baslay sa bisan diin.

19 Ang imo mga daguob naghagunos upod sa buhawi; ang imo mga kilat nagpasanag sang kalibutan; ang duta nagtay-og kag nagkurog.

20 Ang imo banas naglambot sa dagat, ang imo alagyan naglambot sa daku nga kadagatan, apang ang imo inagyan indi

makit-an.21 Gintuytoyan mo ang imo katawohan kaangay sang isa ka

panong sa pagtatap nanday Moises kag Aaron.SALMO 78 (77)Daw makapila nila ginsulay ang Dios! – Ini nga salmo nagapakita sang tulon-an gikan sa maragtas sang Israel: ang mga bugay sang Dios kag sa pihak nga bahin, ang iya katawohan nga wala magtamod sang utang nga kabalaslan.

1 Magpamati kamo, O akon katawohan, sa akon ginapanudlo; pamatii ang mga pulong sang akon baba!

2 Magahambal ako paagi sa mga palaanggiran, magapahayag ako sang dumaan nga mga tinago 3 nga aton nabatian kag nahibal-an, nga ginsugid sang aton mga katigulangan.

4 Dili naton ini pag-ilikum sa aton mga anak. Isugid naton ini sa madason nga kaliwatan: ang mahimayaon nga mga binuhatan sang Ginuo, ang iya gahum kag ang mga katingalahan nga iya ginhimo.

5 Nagpatuman sia sang mga sugo kay Jacob, kag nagtalana sang kasugoan sa Israel. Iya ginsugo ang aton mga katigulangan nga itudlo nila ini tanan sa ila mga anak,

6 agod ang madason nga kaliwatan makatuon kag makapanudlo sini sa ila kaanakan.

7 Paagi sini, magasalig sila sa Dios, kag indi nila pagkalimtan ang iya mga binuhatan kag mga sugo.

8 Kag indi sila mangin kaangay sa ila mga katigulangan, isa ka batinggilan kag mabinatuon nga kaliwatan, isa ka katawohan nga may di-malig-on nga tagipusoon, kag espiritu nga di-matutom sa Dios.

9 Ang mga taga-Efraim, nga nagdala sang mga pana, nagpalagyo sang mag-abot ang adlaw sang inaway.

10 Ini bangod kay wala sila magtuman sang kasugtanan sang Dios, kag wala magkabuhi suno sa iya kasugoan.

11 Ginkalimtan nila ang iya nahimo kag ang mga milagro nga iya ginpakita sa ila. 12 Samtang ang ila mga katigulangan nagatan-aw, naghimo ang Dios sang mga katingalahan sa duta sang Ehipto, sa mga latagon sang Soan.

13 Iya ginpihak ang dagat kag ginpatabok sila; ginpatindog niya ang tubi subong sang mga pader.

14 Iya sila gintuytoyan paagi sa panganod kon adlaw, kag paagi sa nagakalayo nga kapawa sa bug-os nga gab-i.

15 Sa kamingawan iya ginpalitik ang mga bato kag ginhatagan sila sang bugana nga ilimnon gikan sa kadadalman.

16 Iya ginpatubod ang tubi gikan sa bato kag ginpailig ini kaangay sang suba.

17 Apang nagpakasala pa gid sila batok sa iya, kag nagpakigbatok

sa Labing Mataas sa desierto. 18 Gintilawan nila ang Dios paagi sa pagpangayo sang kalan-on nga ila luyag.

19 Naghambal sila batok sa Dios sa pagsiling, “Makaaman bala ang Dios sang kalan-an sa kamingawan?

20 Bisan pa nga iya ginhampak ang bato sa bagay nga ang tubi nagsagawak kag nag-alawas, makahatag man bala sia sang tinapay ukon karne sa iya katawohan?”

21 Gani sang mabatian ini sang Ginuo, nainit sia sa kaakig; ang kalayo nagdabadaba batok kay Jacob, ang iya kaugot nag-igrab batok sa Israel, 22 kay wala sila magtuo sa Dios kag wala magsalig sa iya gahum sa pagluwas.

23 Apang iya ginsugo ang kahawaan sa ibabaw kag ginbuksan ang mga ganhaan sang langit; 24 iya ginpaulan sa ila ang manna bilang kalan-on kag ginhatag sa ila ang langitnon nga tinapay.

25 Ang mga mamalatyon nagkaon sang tinapay sang mga anghel; iya sila ginpadalhan sang bugana nga kalan-on.

26 Dayon iya ginpahuyop ang salatan sa kalangitan, kag paagi sa iya gahum ginbuy-an niya ang habagat; 27 iya ginpaulan sa ila ang karne kaangay sang yab-ok, kapispisan subong kadamo sang mga balas sa baybayon;

28 iya ginpatupa ini tanan sa sulod sang ila kampo, sa palibot sang tanan nila nga mga tolda.

29 Nagkalaon sila kag nabusog gid, kay ginhatagan niya sila sang ila naluyagan.

30 Apang sa wala pa sila mabusog sa ila naluyagan, samtang ang kalan-on yara pa sa ila mga baba,

31 ang kaakig sang Dios nagsilabo batok sa ila; ginpamatay niya ang mga pinakamakusog sa ila kag ginlaglag ang mga lamharon sang Israel.

32 Walay sapayan sini tanan, nagpadayon sila sa pagpakasala kag wala magtuo sa iya mga katingalahan.

33 Gani gintapos niya sing hinali ang ila mga inadlaw subong sang huyop, kag ang ila mga tinuig sa kakugmat. 34 Sang pamatyon niya sila, nagpanawag sila sa iya; naghinulsol sila kag nag-ampo sa Dios sing hanuot.

35 Ila nadumdoman nga ang Dios amo ang ila bato, nga ang Labing Mataas nga Dios amo ang ila manunobos.

36 Apang sa ila mga baba gin-into nila sia, sa ila mga dila nagbinutig sila sa iya. 37 Ang ila mga tagipusoon wala magmatutom sa iya; wala sila mag-unong sa iya kasugtanan.

38 Walay sapayan sini, kay sia maluloy-on, ginpatawad niya ang ila mga sala kag wala niya sila paglaglaga.

Sa masunson iya ginpunggan ang iya kaakig kag wala niya pagpasingkala ang bug-os niya nga kaugot.

39 Nadumdoman niya nga sila mamalatyon lamang, subong sang hangin nga nagahuyop kag wala na nagabalik.

40 Daw ano ka masunson sila nagpakigbatok sa iya sa kamingawan kag nagpakalisod sa iya sa desierto!

41 Liwatliwat ang pagtilaw nila sa Dios kag pagpaakig sa Labing Balaan sang Israel.

42 Ginkalimtan nila ang iya gahum kag ang adlaw sang pagtubos niya sa ila sa kaaway; 43 sang ginpakita niya ang iya mga tanda sa Ehipto kag ang iya mga milagro sa mga latagon sang Soan.

44 Ginhimo niya nga dugo ang tubi sang ila mga suba agod ang mga manugpigos indi makainum sang tubi gikan sa ila mga sapa.

45 Ginpadalhan niya sila sang ginubangoban nga mga langaw nga nag-ubos sa ila kag sang mga paka nga naglaglag sa ila.

46 Ginhatag niya ang ila mga pananum sa mga atataro kag ang ila mga patubas sa mga apan.

47 Ginlaglag niya ang ila mga ulobasan paagi sa ulan nga bulobato nga mga yelo kag ang ila mga sikomoro paagi sa katugnaw sang yelo.

48 Gintugyan niya ang ila kahayupan sa ulan nga yelo kag ang ila mga panong sa mga kilat.

49 Wala niya pagpunggi batok sa ila ang iya mabangis nga kaakig, kasingkal, kaugot kag kasuayon – ang guban sang nagapamatay nga mga anghel.

50 Ginpautwas niya ang iya kaakig, kag wala niya sila pagluwasa sa kamatayon; sa baylo gintugyan niya ang ila mga kabuhi sa kalalat-an.

51 Ginpamatay niya ang tanan nga mga panganay sang Ehipto, ang nahauna nga mga bunga sang pagkalalaki sa mga tolda ni Ham.

52 Dayon iya gintuytoyan pagwa ang iya katawohan kaangay sang mga karnero, kag didto sa kamingawan gintuytoyan niya sila subong sang panong.

53 Gintuytoyan niya sila nga luwas sa katalagman sa bagay nga wala sila mahadlok; apang ang dagat naglumos sang ila mga kaaway.

54 Kag gindala niya sila sa iya balaan nga duta, sa bukid nga nadaog sang iya tuo nga kamot.

55 Gintabog niya ang mga tawo sa ila atubangan; iya ginpanagtag ang kadutaan sa ila bilang ila palanublion kag didto ginpapuyo ang mga tribo sang Israel sa ila mga tolda.

56 Apang ila gintilawan ang Labing Mataas nga Dios, kag ila sia ginpamatukan. Wala sila magtuman sang iya mga sugo.

57 Nagtalikod sila palayo kag nangin di-matutom subong sang ila mga katigulangan; nangin balingag sila kaangay sang malimbungon

nga pana.58 Ila sia ginpaakig bangod sang ila mga halaran sa mga bakulod;

ila sia ginpaimon bangod sang ila mga diosdios. 59 Sang mabatian ini sang Dios, naakig sia sing tama, kag iya

ginsikway sing bug-os ang Israel.60 Ginbayaan niya ang iya puloy-an sa Shilo, ang tolda nga iya

ginpuy-an sa tunga sang mga tawo.61 Gintugyan niya ang iya gahum sa kabihagan, ang iya himaya sa

kamot sang kaaway.62 Gintugyan niya ang iya katawohan sa espada, kag ginkaugtan

ang iya palanublion.63 Ang kalayo nagsunog sang ila mga pamatan-on nga lalaki; ang

ila mga dalaga nawad-an sang mga ambahanon sang kalaslon.64 Ang ila mga pari nagkalapukan paagi sa espada, kag ang ila

mga balo wala magpanalambiton.65 Dayon ang Ginuo nagbugtaw subong nga natulogan sia,

kaangay sang hangaway nga nagasinggit bangod sa bino nga nainum. 66 Ginlutos niya kag ginpaisol ang iya mga kaaway; iya sila ginpahamtang sa walay katapusan nga kahuy-anan.

67 Ginsikway niya ang tolda ni Jose, kag wala niya pagpili-a ang tribo ni Efraim. 68 Apang ginpili niya ang tribo ni Juda, ang Bukid Sion, nga iya ginahigugma.

69 Ginpatindog niya ang iya santuario kaangay sang mataas nga kalangitan, subong sang duta, nga iya ginpasad sa walay katubtoban.

70 Ginpili niya si David nga iya alagad kag ginkuha sia halin sa toril sang mga karnero; 71 halin sa pag-atipan sang mga karnero kag sang ila mga kordero ginhimo niya sia nga manugbantay kay Jacob nga iya katawohan, sa Israel nga iya palanublion.

72 Paagi sa matarong nga tagipusoon, gintatap niya sila kag gintuytoyan sila paagi sa sampaton nga kamot.SALMO 79 (78)Tubtob san-o ikaw magapangakig? – Kabay nga ang Dios magpaluntad sang katarungan sa iya katawohan. Ang Ginuo wala sing bisan ano nga utang sa aton kay kita mga makasasala. Apang dumdumon niya sa gihapon ang iya kadungganan, kag hilwayon niya kag hatagan sang katarungan ang “mga matarong.”

O Dios, ang kapungsoran nagsakop sang imo palanublion; ila gindagtaan ang imo balaan nga templo, gin-guba ang Jerusalem, kag ginpabay-an ini nga nadugmok.

2 Ginpakaon nila sa mga pispis ang mga bangkay sang imo mga alagad, kag ila man ginpakaon sa mabangis nga kasapatan sang duta ang unod sang imo mga balaan.

3 Ila ginpaagay ang dugo sang imo mga tumoluo subong sang tubi

sa palibot sang Jerusalem, kag wala sing bisan isa nga naglubong sa ila.

4 Kami nangin makahuloya sa amon kaingod nga katawohan. Ila kami ginayaguta kag ginakadlawan.

5 Tubtob san-o bala ini magadugay, O Ginuo? Magapangakig ka bala sa gihapon? Magadabdab bala ang imo maimon nga kaakig kaangay sang kalayo?

6 Ibubo ang imo kaakig sa kapungsoran nga wala nagakilala sa imo, sa mga ginharian nga wala nagapanawag sa imo ngalan.

7 Kay ila ginlamon si Jacob kag ginlaglag ang iya duta nga puloy-an.

8 Dili pagdumdoma batok sa amon ang mga sala sang amon mga katigulangan.

Padali-a ang imo kaluoy sa pagsugata sa amon, kay ginpakanubo kami sing tama.

9 Buligi kami, O Dios nga amon manlulowas, tungod sa himaya sang imo ngalan. Luwasa kami kag patawara ang amon mga sala, tungod sa imo ngalan.

10 Ngaa bala magsiling ang kapungsoran, “Diin na bala ang ila Dios?” Sa atubangan sang amon mga mata pahibalo-a ang kapungsoran nga imo ginatimalusan ang ginpaagay nga dugo sang imo mga alagad.

11 Pamatii ang mga pag-ugayong sang mga binilanggo; paagi sa kusog sang imo butkon, luwasa ang mga tawo nga napamatbatan sing kamatayon.

12 O Ginuo, balusi sing pito ka pilo ang amon kaingod nga katawohan bangod sang ila mga pagyaguta sa imo.

13 Dayon kami nga imo katawohan, ang panong sang imo halalban, magapasalamat sa imo sa gihapon; magapadayon kami sa pagdayaw sa imo sa tanan nga mga kaliwatan.SALMO 80 (79)Pasanaga sa amon ang imo nawong! – Ang Dios amo ang aton manugbantay: nalimtan na bala niya ang iya katawohan? Kon ang Simbahan daw napakawalay pulos, ang pagluwas ni Kristo daw napaslawan. “Ginuo, pabalika kami kag balhina ang amon tagipusoon!”

2 Pamatii kami, O manugbantay sang Israel, ikaw nga nagtuytoy kay Jose subong sang manara, ikaw nga nagalingkod sa tunga sang mga kerubin.

3 Magsilak ka sa atubangan ni Efraim, Benjamin kag Manases! Pu-kawa ang imo kusog kag kari ka sa pagluwas sa amon!

4 Pabalika kami, O Dios; pasanaga sa amon ang imo nawong agod kami maluwas.

5 O Ginuong Dios nga Makagagahum, tubtob san-o bala ikaw

magapangakig batok sa mga pangamuyo sang imo katawohan?6 Ginpakaon mo sila sang tinapay nga kalisdanan, kag ginhatagan

mo sila sang ilimnon nga mga luha.7 Ginhimo mo kami nga talamayon sang amon mga kaingod kag

kaladlawan sang amon mga kaaway.8 Pabalika kami, O Dios nga Makagagahum; pasanaga sa amon

ang imo nawong agod kami maluwas.9 Gindala mo halin sa Ehipto ang isa ka balagon sang ubas;

gintabog mo ang mga pungsod kag gintanum ini.10 Ginhawanan mo ang duta para sa sini; nagpanggamot ini sing

madalum kag nagpuno sang duta.11 Ang kabukiran natabunan sang landong sini; ang dalagku nga

mga kahoy nga sedro nakabudan sang mga sanga sini.12 Ang mga sanga sini naglambot sa dagat; ang mga salingsing

sini naglambot sa Suba.13 Ngaa bala gin-guba mo ang kudal sini, sa bagay nga ang tanan

nga nagalabay nagapamupo sang mga bunga sini?14 Ang baboy nga talunon nagalaglag sini; ang tanan nga

kasapatan sang latagon nagakaon sini.15 Ulikda liwat, O Dios nga Makagagahum, tamda gikan sa langit

kag tan-awa; tatapa ining balagon sang ubas,16 ang kahoy nga gintanum sang imo tuo nga kamot.17 Ila ini ginsunog sa kalayo kag gintapas; kabay nga mapapas sila

sa pagsabdong sang imo nawong.18 Apang ibutang ang imo kamot sa iya nga yara sa imo tuo nga

kamot, sa iya nga imo ginpabakod tungod sa imo kaugalingon.19 Gani indi na gid kami magtalikod palayo sa imo; hatagi kami

sang kabuhi, kag magapanawag kami sa imo ngalan.20 Pabalika kami, O Ginuong Dios nga Makagagahum; pasanaga sa

amon ang imo nawong agod kami maluwas.SALMO 81 (80)Buksi ang imo baba kag pun-on ko ina. “Kon ang akon katawohan magpamati lang sa akon, lutoson ko ang ila mga kaaway.” Wala kita sing kapagsik sa pagpalapnag sang Ebanghelyo kag pagbalhin sang kalibutan: ini bangod kay kita may mga diosdios pa bisan sa aton pagbuko sang bulohaton sa pagpatin-ad sang pagtuo.

2 Mag-amba sing malipayon sa Dios, ang aton kusog;dayawa sing mabaskog ang Dios ni Jacob.3 Sugori ninyo ang musika, patunoga ang pandireta,palantuna sing manami ang arpa kag lira.4 Patunoga ang trumpeta sa tion sang piesta sang pagsubang sang

bulan,kag sa tion sang piesta sa pag-ugsad sang bulan.

5 Amo ini ang kasugoan sang Israel,isa ka sugo sang Dios ni Jacob.6 Ginsugo niya ini kay Jose,sang maghalin sia sa duta sang Ehipto.7 Nabatian nila ang isa ka tingog nga wala nila makilala.“Ginkuha ko ang palas-anon nga mabug-at sa imo abaga; ginbuy-an mo na ang imo alat.8 Sa imo kapi-otan nagpanawag ka, kag ginluwas ko ikaw,kay indi ako makita, ginsabat ko ikaw paagi sa daguob;gintilawan ko ikaw didto sa mga tuboran sang Meriba.9 Banwa ko, magpamati kamo, sa akon paandam.Magpamati ka kuntani, O Israel!10 Indi ka gid mag-alagad sa iban nga dios,indi ka gid magsimba sa bisan ano nga dios,

11 kay ako ang Ginuo nga imo Dios,nga nagpahalin sa imo sa duta sang Ehipto.Buksi ang imo baba kag pun-on ko ini.12 Apang wala magpamati ang akon katawohan;ang Israel wala magtuman sa akon.13 Gani ginpabay-an ko sila sa ila katig-a sang ulokag ginsunod nila ang ila mga luyag.14 Kon ang akon katawohan nagpamati lang kuntani sa akon,kon ang Israel nagsunod lang kuntani sa akon mga paagi,15 lutoson ko gilayon ang ila mga kasumpongkag papason ko ang ila mga kaaway.16 Ang mga naakig sa Ginuo magaduko sa kahadlok, kag silutan sila sa walay katapusan.17 Pakan-on ko ikaw sang pinakamanami nga trigo kag busgon ko ikaw sang dugos sang putyokan.”SALMO 82 (81)Ang Dios nagahukom sang mga hukom. 1 Ang Dios nagapangulo sa diosnon nga konsilio;nagahukom sia sa tunga sang mga dios,2 “Tubtob san-o bala kamo magahukom sing di-matarongkag magapasulabi sang mga malauton?3 Hatagi sang katarungan ang mga maluya kag ang mga ilo;hatagi sang pagtamod ang kinamatarong sang mga kubos kag mga

nawad-an.4 Luwasa ang mga mahuyang kag ang mga nagakinahanglan sang

bulig; luwasa sila sa kamot sang mga malauton.”5 Wala sila sing ihibalo kag paghangup,nagalakat sila sa kadudolman;ang tanan nga mga sadsaran sang duta nagatay-og.6 Nagsiling ako, “Mga dios kamo, kamo tanan mga anak sang Labing Mataas.”7 Apang karon mapatay kamo subong sang mga mamalatyon,kag mapukan subong sang bisan sin-o nga prinsipe.8 Tindog ka, O Dios, hukmi ang duta,kay imo ang tanan nga kapungsoran!SALMO 83 (82)Ang tanan nagapakigbatok sa aton.

2 O Dios, dili ka maghipos; dili ka magpakalinong, dili ka magpahi-munong, O Dios!

3 Tan-awa, ang imo mga kaaway nagakinagamo; ang mga tawo nga nagadumot sa imo nagamatinaastaason.

4 Nagabuko sila sing malain batok sa imo katawohan; nagasinapol sila batok sa mga tawo nga imo ginaapinan.

5 Nagasiling sila, “Kari kamo, papason naton sila bilang isa ka pungsod. Kabay nga ang ngalan sang Israel indi na gid pagdumdumon.”

6 Nagahimbon sila sa isa ka katuyoan; nagahimo sila sang kasugtanan batok sa imo: 7 ang mga tolda sang Edom kag ang mga Ismaelinhon, ang Moab kag ang mga Hagarnon,

8 ang Gebal, ang Ammon kag ang Amalek, ang Filistia upod ang mga pumoluyo sang Tiro.

9 Ang Asiria nagbuylog man sa ila; sila ang makusog nga mga kabulig sang mga kaliwat ni Lot.

10 Himo-a sa ila ang imo ginhimo sa Midian, kay Sisera kag Jabin sa Suba Kishon,

11 nga nalaglag sa Endor kag nagkaladunot sa duta.12 Himo-a ang ila halangdon nga mga opisyales subong kanday

Oreb kag Zeeb, ang tanan nila nga mga prinsipe subong kanday Zebah kag Zalmunna, 13 nga nagsiling, “Agawon ta ang halalban nga mga duta sang Dios.”

14 O Dios ko, himo-a sila subong sang mga dahon nga ginabuyok sang buhawi, kaangay sang dagami nga ginapalid sang hangin.

15 Subong nga ang kalayo nagasunog sang kagulangan, subong nga ang dabdab nagatutod sang mga bukid, 16 sa amo man nga bagay lagsa sila sang imo unos, kag pahadluka sila sang imo bagyo.

17 Tabuni ang ila mga nawong sang kahuy-anan, O Ginuo, agod magpangita sila sang imo ngalan.

18 Kabay nga mahuy-an sila kag madulaan sang kaisog sa walay katubtoban; kabay nga mapapas sila sa kahuy-anan.

19 Kabay nga makakilala sila nga ikaw lamang, nga ang ngalan amo ang Ginuo, amo ang Labing Mataas sa bug-os nga kalibutan.SALMO 84 (83)Luyag ko makita ang Dios nga buhi. Ang kalipay sang pagpanglakaton kag sang pagtaklad padulong sa Templo.

2 Daw ano katahum sang imo puloy-an,O Ginuo sang mga hangaway!3 Ang akon kalag nagahandumkag nagakahidlaw sa mga pasiyuhan sang Ginuo.Ang akon tagipusoon kag ang akon unodnagapanawag sa Dios nga buhi.4 Bisan ang maya may iya pugadkag ang salimbabatang may iya puloy-an, sa diin iya igabutang ang iya mga botomalapit sa imo altar, O Ginuo sang mga hangaway,akon Hari kag akon Dios!5 Bulahan ang mga nagapuyo sa imo Templonga sa gihapon nagaamba sang mga pagdayaw sa imo!6 Bulahan ang imo ginpabakod nga mga nagapanglakatonpakadto sa putokputokan sang bukid — ang Sion.7 Samtang nagaagi sila sa mamala nga kapatagan sang Baca,ila ini ginhimo nga duog sang mga tuboran,ang nahauna nga ulan amo ang mga bugay.8 Nagabakod pa gid sila samtang sila nagapanglakatontubtob makalambot sila sa atubangan sang Dios sa Sion.9 O Ginuo sang mga hangaway, dungga ang akon pangamuyo;pamatii, O Dios ni Jacob!10 Tamda ang amon taming, O Dios;tamda ang nawong sang imo pinili!11 Maayo pa ang isa ka adlaw sa imo Templosangsa isa ka libo ka mga inadlaw sa iban nga duog.Maayo pa nga ako mangin manugdumala sang ganhaansa balay sang akon Dios sangsa magpabilin ako sa mga puloy-an

sang mga malaut.12 Kay ang Ginuong Dios amo ang adlaw kag taming;ang Dios nagahatag sang kaayuhan kag kadungganan.

Ang Ginuo wala nagadumili sa maayo nga mga butangsa mga tawo nga nagalakat sa katarungan.13 O Ginuo sang mga hangaway,bulahan ang tawo nga nagasalig sa imo.SALMO 85 (84)Ang katarungan kag paghidaet naghaksanay. Ang kaluwasan nga ginadala sang Dios sa aton amo ang kasal sang langit kag duta, ang bulohaton nga ginaambit sang Dios kag mga tawo. Si Kristo amo ang kapupon-an sang Dios kag ang bunga sang duta.

2 Imo gintatap ang imo kadutaan, O Ginuo;ginpabalik mo ang nabihag nga mga kaliwat ni Jacob.3 Ginpatawad mo ang sala sang imo katawohan;imo gintakpan ang ila mga kakulangan.4 Ginbawi mo ang tanan nimo nga kalain sang buotkag gintalikdan mo ang imo nagabaga nga kaakig.5 Apang pabalika kami nga bug-os sa gihapon, Dios nga amon

manunobos;sikwaya ang tanan nimo nga kaugot sa amon.6 Ang imo kaakig bala magapabilin sa amon sa walay katubtoban,magapanalaytay sa tanantanan nga kaliwatan?7 Indi mo bala kami paghatagan sang bag-o nga kabuhi,agod ang imo katawohan maghugyaw sa imo?8 Ipakita sa amon, O Ginuo, ang imo mapinadayunon nga gugmakag luwasa kami sang imo bulig.9 Akon pamatian ang ginapahayag sang Dios,kay nagsaad sia sang paghidaet sa iya katawohan,ang iya mga balaan — kon ila sikwayon ang ila kabuangan.10 Ang kaluwasan malapit sa mga nagakahadlok sa iya,kag ang himaya magapuyo sa aton duta.11 Ang paghigugma kag ang katutom magakitaay; ang pagkamatarong kag paghidaet magahalukay.12 Ang katutom magalambot sa ibabaw sang duta samtang ang

katarungan magaduko gikan sa langit.13 Ang Ginuo magahatag sing maayo,kag ang aton duta magapatubas sang alanyon.14 Ang pagkamatarong magauna sa iya,kag ang paghidaet magasunod sa iya mga banas.SALMO 86 (85)Pangamuyo sa tion sang kalisdanan. – Ang alagad sang Dios, nga nalapyo bangod sang mga pagtilaw kag nalisdan tungod sa kamatayon, nagapanawag sang tabang sa Iya nga putli nga kaayuhan.

Dungga, O Ginuo, kag sabta ako, kay ako imol kag nagakinahanglan sang bulig.

2 Tipigi ang akon kabuhi, kay ako mainonungon sa imo; luwasa ang imo alagad nga nagasalig sa imo.

3 Ikaw ang akon Dios; kaluoyi ako, O Ginuo, kay nagapanawag ako sa imo sa bug-os nga adlaw.

4 Lipaya ang kalag sang imo alagad, kay sa imo, O Ginuo, ginabayaw ko ang akon kalag.

5 Ikaw maayo kag mapinatawaron, O Ginuo; puno ka sang malig-on nga paghigugma sa tanan nga nagapanawag sa imo.

6 Dungga, O Ginuo, ang akon pangamuyo; pamatii ang akon tingog nga nagapangabay.

7 Sa adlaw sang akon katublagan, nagapanawag ako sa imo, kay ikaw magasabat sa akon.

8 Wala sing kaangay sa imo sa tunga sang mga dios, O Ginuo; wala sing mga binuhatan nga kasubong sa imo mga binuhatan.

9 Ang tanan nga kapungsoran nga imo ginhimo magakari kag magayaub sa imo atubangan, O Ginuo, kag magahimaya sang imo ngalan.

10 Kay ikaw gamhanan kag nagahimo sang makatilingala nga mga binuhatan; ikaw lamang ang Dios.

11 Tudlo-i ako sang imo dalan, O Ginuo, agod magalakat ako sa imo kamatuoran; bug-osa ang akon tagipusoon sa pagtahod sa imo ngalan.

12 Nagapasalamat ako sa imo, O Ginuo nga akon Dios, sa bug-os ko nga tagipusoon; himayaon ko ang imo ngalan sa walay katubtoban.

13 Kay daku ang imo malig-on nga paghigugma sa akon; imo ginluwas ang akon kalag sa kadadalman sang kalibutan sang mga patay.

14 O Dios, ang mga bugalon nagapakigbatok sa akon; isa ka guban sang mapintas nga mga tawo ang nagatinguha sa pagpatay sa akon, kag wala sila nagatahod sa imo.

15 Apang ikaw, O Ginuo, amo ang Dios nga maluloy-on kag matinalamdon, indi madali mangakig, bugana sa malig-on nga paghigugma kag katutom.

16 Ulikda ako kag kaluoyi; ihatag ang imo kusog sa imo alagad; luwasa ang anak sang imo suloguon.

17 Ipakita sa akon ang tanda sang imo bugay, agod ang mga tawo nga nagadumot sa akon makakita sini kag mahuy-an, kay ikaw, Ginuo, nagbulig sa akon kag naglugpay.SALMO 87 (86)Ang Dios nagahigugma sang mga puerta sang Sion. – Ang manunolat sang

salmo nagapahanumdom nga ang Dios nagpili sang Jerusalem-Sion – kon sayuron, ang Simbahan – bilang pangulo nga siudad sang iya katawohan kag iloy sang tanan nga kapungsoran.

Sa balaan nga bukid napatindog ang siudad nga iya ginpasad;2 ang Ginuo nagahigugma sang mga puerta sang Sion sing labi sa

tanan nga mga puloy-an ni Jacob.3 Mahimayaon nga mga butang ang ginapahayag nahanungod sa

imo, O siudad sang Dios.4 Lakip sa mga nakakilala sa akon ginasambit ko ang Rahab kag

Babilonia;subong man ang Filistia kag Tiro, upod ang Etiopia –“Ini sia nabun-ag didto,” ang siling nila.5 Kag nahanungod sa Sion ini ang igasiling,“Ini sia kag ina sia nabun-ag sa sini”;kay ang Labing Mataas mismo ang nagpasad sini.6 Ang Dios magasulat, samtang iya ginalista ang katawohan,“Ini sia nabun-ag didto.”7 Ang mga manug-amba kag mga manugsaut magasiling, “Ang

tanan ko nga mga tuboran yara sa imo.”SALMO 88 (87) Pangamuyo sang masakiton nga tagumatayon. – Daw nagakabagay nga ang mga tawo nga nakakilala kay Kristo dili mag-untat sa paglaum. Apang kita may mga inadlaw nga ang langit daw natakpan sa aton, subong sang inagihan ni Jesus sang sia mag-antus.

2 O Ginuo, Dios nga akon manlulowas, nagapanawag ako sa pagpangayo sang bulig sa imo kon adlaw; nagatuaw ako sa imo atubangan kon gab-i.

3 Kabay nga ang akon pangamuyo magpalapit sa imo atubangan; dungga ang akon panawag sang tabang.

4 Kay ang akon kalag napun-an sang mga katublagan, kag ang akon kabuhi nagapalapit sa kalibutan sang mga patay.

5 Ginaisip ako lakip sa mga tawo nga nagapanaog sa Buho; kasubong ako sang mga tawo nga nawad-an sang kusog – 6 kaangay sang mga tawo nga ginpatumbayaan upod sa mga minatay, subong sang mga ginpatay nga nagahamyang sa lulobngan, kaangay sang mga tawo nga wala mo na ginadumdom, kay nahamulag na sila sa imo kamot.

7 Gintagbong mo ako sa kadadalman sang Buho, sa mga duog nga madulom kag madalum.

8 Ang imo kaakig nangin-akon mabug-at nga palas-anon; imo ako ginahampak sang tanan nimo nga mga balod.

9 Ginbuot mo nga sikwayon ako sang akon kaupdanan; ginhimo

mo ako nga kangil-aran sa ila. Nabilanggo ako sa bagay nga indi ako makapalagyo.

10 Ang akon mga mata nagapalangdulom sa kalisod; adlaw-adlaw nagapanawag ako sa imo, O Ginuo; ginabayaw ko ang akon mga kamot sa imo.

11 Nagahimo ka bala sang mga katingalahan para sa mga minatay? Nagabangon bala ang mga murto agod magdayaw sa imo?

12 Ginapahayag bala sa lulobngan ang imo malig-on nga paghigugma, ukon ang imo katutom sa duog sang kalaglagan?

13 Mahibal-an bala sa kadudolman ang imo mga katingalahan, ukon ang imo bulig sa pagluwas sa duta sang pagkalimot?

14 Apang sa imo, O Ginuo, ako nagapanawag sa pagpangayo sang bulig; sa kaagahon nagapangamuyo ako sa imo.

15 O Ginuo, ngaa bala ginasikway mo ako? Ngaa bala ginatago mo ang imo nawong sa akon?

16 Sugod sang akon pagkalamharon nagaantus na ako; nagaantus ako bangod sa imo mga kakugmat; nadulaan ako sang paglaum.

17 Gindalasa ako sang imo daku nga kaakig; ang imo makakulogmat nga mga paggubat nagalaglag sa akon.

18 Ginalibutan nila ako subong sang baha sa bug-os nga adlaw; ila ako ginakibon sing bug-os.

19 Ginbuot mo nga sikwayon ako sang akon abyan kag kaingod; ang akon lamang kaupod amo ang kadudolman.SALMO 89 (88) Ang imo gugma kag katutom. – Ang Dios matutom: sia ang nagadumala sang maragtas kag nagatuytoy sang aton mga kabuhi suno sa iya di-mapaslawan nga mga saad.

2 Magaamba ako sa gihapon, O Ginuo, nahanungod sa imo malig-on nga paghigugma; ipahibalo ko ang imo katutom sa tanan nga mga kaliwatan.

3 Nagsiling ka, “Ang akon malig-on nga paghigugma magapadayon sa walay katapusan; ang akon katutom mabakod subong sang kalangitan.

4 “Naghimo ako sang kasugtanan sa akon pinili, nagpanumpa ako kay David nga akon alagad: 5 ‘Ginpasad ko ang imo mga kaliwat sa walay katubtoban; ginpatindog ko ang imo trono para sa tanan nga mga kaliwatan.’”

6 Ang kalangitan nagadayaw sang imo mga katingalahan, O Ginuo; ang imo katutom ginadumdom sa pagtilipon sang mga balaan. 7 Sin-o bala sa langit ang mapaanggid sa Ginuo? Sin-o bala sa langitnon nga mga tinuga ang kaangay sa Ginuo?

8 Sia ang Dios nga ginakahadlukan sa konsilio sang mga balaan, nga gamhanan kag makakulogmat labaw sa tanan nga yara sa iya palibot.

9 O Ginuong Dios nga Makagagahum, sin-o bala ang gamhanan subong sa imo, O Ginuo? Ang imo katutom nagapalibot sa imo.

10 Ginagamhan mo ang mabalod nga dagat; kon magbaskog ang mga balod, ikaw ang nagapalinong sini.

11 Gindugmok mo si Rahab subong sang bangkay; ginpahalaplaag mo ang imo mga kaaway paagi sa imo gamhanan nga butkon.

12 Imo ang langit, imo man ang duta; ginpasad mo ang kalibutan kag ang tanan nga yara sa sini.

13 Gintuga mo ang aminhan kag ang bagatnan; ang Tabor kag Hermon nagadayaw sing malipayon sang imo ngalan.

14 Ikaw may gamhanan nga butkon; makusog ang imo kamot, mataas ang imo tuo nga kamot.

15 Ang pagkamatarong kag katarungan amo ang sadsaran sang imo trono; ang malig-on nga paghigugma kag katutom nagauna sa imo.

16 Bulahan ang katawohan nga nakahibalo sang matunog nga pagdayaw sa imo, O Ginuo. Nagalakat sila sa kapawa sang imo nawong. 17 Nagadayaw sila sang imo ngalan sa bug-os nga adlaw kag ginabayaw sila sang imo pagkamatarong.

18 Kay ikaw ang himaya sang ila kusog; paagi sa imo kaayo nagmadinalag-on kami.

19 Kay ang amon taming iya sang Ginuo; ang amon hari iya sang Labing Balaan sang Israel.

20 Dayon sa isa ka palanan-awon nagsiling ka nahanungod sa imo matutom nga alagad, “Gintalana ko ang korona sa isa ka gamhanan, ginbayaw ko ang isa nga pinili gikan sa katawohan.

21 Nakit-an ko ang akon alagad nga si David; ginhaplasan ko sia sang akon balaan nga lana.

22 Ang akon kamot mangin-yara sa iya sa gihapon; ang akon butkon magapabakod man sa iya. 23 Ang mga kaaway indi makalutos sa iya; ang mga malauton indi makapakanubo sa iya.

24 Pagadugmokon ko ang iya mga kasumpong sa iya atubangan; pamatyon ko ang mga tawo nga nagadumot sa iya.

25 Ang akon katutom kag malig-on nga paghigugma magaupod sa iya; sa akon ngalan sia magmadinalag-on.

26 Ipahamtang ko ang iya kamot sa dagat kag ang iya tuo nga kamot sa mga suba.

27 Magatawag sia sa akon, ‘Ikaw ang akon Amay, ang akon Dios, kag ang Bato nga akon manlulowas.’

28 Himuon ko sia nga panganay, ang pinakamataas sang mga hari sang duta.

29 Sa walay katubtoban magapadayon ang akon malig-on nga paghigugma sa iya; ang akon kasugtanan sa iya mangin malig-on.

30 Akon padayunon ang iya kaliwat sa walay katapusan; ang iya trono magapadayon subong sang kalangitan.

31 Kon ang iya mga anak magsikway sang akon kasugoan kag wala magpangabuhi suno sa akon mga pagsulondan, 32 kon maglapas sila sang akon mga palatukdan kag wala magtuman sang akon mga sugo,

33 silutan ko sila sang pagbunal bangod sa ila paglapas, kag sang paghanot bangod sa ila pagpakasala.

34 Apang indi ko pag-untaton ang akon malig-on nga paghigugma sa iya, kag indi ko man pagbawion ang akon katutom.

35 Indi ko paglapason ang akon kasugtanan kag indi ko pagbalhinon ang pulong nga nagikan sa akon mga bibig.

36 Sa makaisa kag sa gihapon nagpanumpa ako sa akon pagkabalaan: dili ako magbinutig kay David.

37 Ang iya kaliwat magapadayon sa walay katubtoban; ang iya trono magapadayon sa akon atubangan subong sang adlaw.

38 Igapasad ini sa walay katubtoban subong sang bulan, isa ka mapinadayunon nga saksi sa langit.”

39 Apang karon imo sia ginbayaan kag ginsikway; ginakaugtan mo sing tama ang imo hinaplasan.

40 Ginpakawalay pulos mo ang imo kasugtanan sa imo alagad; imo gindagtaan ang iya korona sa yab-ok.

41 Gin-guba mo ang tanan niya nga mga pader; imo ginrumpag ang iya mga pamakod. 42 Ang tanan nga nagalabay nagapang-agaw sang iya mga pagkabutang; nangin talamayon sia sang iya mga kaingod.

43 Imo ginbayaw ang tuo nga kamot sang iya mga kasumpong; imo ginpasadya ang tanan niya nga mga kaaway.

44 Dugang pa, ginpahabol mo ang sulab sang iya espada, kag wala mo sia pagdampigi sa inaway.

45 Ginkuha mo ang setro sa iya kamot kag ginpukan ang iya trono sa duta.

46 Imo ginpalip-ot ang mga inadlaw sang iya pagkalamharon; imo sia ginsukloban sang kahuy-anan.

47 Tubtob san-o bala, O Ginuo? Magapanago bala ikaw sa walay katubtoban? Tubtob san-o bala magdabadaba ang imo kaakig subong sang kalayo?

48 Dumdoma kon daw ano kalip-ot sang akon tion – imo gintuga ang tanan nga mga mamalatyon nga daw wala sing pulos!

49 Sin-o bala ang makapangabuhi kag indi makakita sang kamatayon? Sin-o bala ang makapalagyo sa gahum sang kalibutan sang mga minatay?

50 Ginuo, diin na bala ang imo sinadto nga malig-on nga paghigugma, nga sa imo katutom ginpanumpa mo kay David?

51 Dumdoma, O Ginuo, kon daw ano ang pagyaguta sa imo alagad, kon daw ano ang akon pagbatas sa akon dughan sang mga pagtampalas sang mga tawo. 52 Ginagamit ini sang imo mga kaaway sa pagyaguta, O Ginuo; ila ini ginagamit sa pagyaguta sa mga tikang sang imo hinaplasan.

53 Dayawon ang Ginuo sa walay katubtoban! Amen, Amen.SALMO 90 (89)Ang amon mga inadlaw nagataliwan subong sang panghayhay. – Ang aton dutan-on nga kabuhi malip-ot kag mahuyang sa atubangan sang walay katapusan nga Dios. Sia ang aton dalangpan kag manughatag sang kahulogan sa aton kabuhi. Magpangabay kita sa iya sa pagpuno sini sang iya kaalam, nga amo ang paghigugma, pagdayaw kag pag-alagad sa iya.

1 Ginuo, ikaw nangin-amon dalangpan sa tanan nga mga kaliwatan.

2 Sa wala pa mahimo ang kabukiran, sa wala pa mahimo ang duta kag ang kalibutan, halin sang una tubtob sa walay katubtoban ikaw ang Dios.

3 Ginapabalik mo ang katawohan sa yab-ok sa pagsiling, “Balik kamo, O mga mamalatyon!”

4 Ang isa ka libo ka mga tinuig sa imo panan-aw subong sang isa lang ka adlaw nga nagligad, ukon subong sang isa ka pagpulaw sa gab-i.

5 Ginaanod mo sila; subong sila sang damgo, subong sang hilamon nga nagatubo sa kaagahon;

6 sa kaagahon nagadabong ini kag nagatubo; sa kagab-ihon nagalanta ini kag nagakalaya.

7 Ginasunog kami sang imo kaakig; ginadaog kami sang imo kasingkal.

8 Ginpahamtang mo ang amon mga sala sa imo atubangan; ang amon tinago nga mga sala imo ginpahamtang sa kapawa sang imo nawong.

9 Ang tanan namon nga mga inadlaw nagataliwan sa idalum sang imo kasingkal; ang amon mga tinuig nagataliwan subong sang panghayhay.

10 Ang kalawigon sang amon kabuhi setenta ka tuig, ukon ayhan otsenta, kon kami mabakod; bisan pa, ang bugal sini tanan kabudlayan kag katublagan lang; sa madali ini tanan nagataliwan kag kami nagalupad palayo.

11 Sin-o bala ang nakahibalo sang bug-os nga gahum sang imo kaakig? Ang imo kasingkal subong kadaku sang kahadlok nga

nagakaigo sa imo.12 Gani tudlo-i kami sang kalip-uton sang amon mga inadlaw agod

makaangkon kami sang maalam nga tagipusoon.13 Ulikda kami, O Ginuo! Tubtob san-o bala? Kaluoyi ang imo mga

alagad!14 Pun-a kami sa kaagahon sang imo malig-on nga paghigugma,

agod kami magkalipay kag magkasadya sa tanan namon nga mga inadlaw.

15 Pasadyaha kami sa madamo nga mga inadlaw subong sang pagpalisod mo sa amon, kag sa madamo nga mga tinuig subong sang amon pagsaksi sa kalautan.

16 Kabay nga ang imo binuhatan mapahayag sa imo mga alagad, kag ang imo mahimayaon nga gahum mapahayag sa ila mga anak.

17 Kabay nga ang bugay sang Ginuo nga aton Dios mangin-yari sa aton, kag magpauswag sang binuhatan sang aton mga kamot –

O pauswaga ang binuhatan sang amon mga kamot!SALMO 91 (90)Pangamuyo sa kagab-ihon. Isa ka pangamuyo sang tumoluo nga may kapat-uran nga ang Dios nagaapin sa mga tawo nga nagasalig sa iya. 1 Ikaw nga nagapuyo sa puloy-an sang Labing Mataas,nga nagapahuway sa landong sang Makagagahum,2 singgana ang Ginuo, “Ang akon pamakodkag dalangpan, ang akon Dios nga salaligan!”3 Iya ikaw pagaluwason sa lambat sang nagapani-odkag sa makamamatay nga kalalat-an.4 Pagatatapon ikaw; pagahakson sa idalum sang iya mga pakpak;ang katutom amo ang iya taming.5 Indi ka magkahadlok sa kakugmat sa kagab-ihon,ukon sa mga baslay nga nagalupad sa kaagahon,6 ukon sa kalalat-an nga nagaabot kon gab-i,kag sa halit nga nagapalapit kon adlaw.7 Bisan magkalapukan ang isa ka libo sa imo luyo,kag sa imo tuo nga kamot, napulo ka libo,wala sing may makapalapit sa imo.8 Tan-awa kag tuloka kon daw ano ang pagbalos sa mga

makasasala.9 Kay ang Ginuo nangin-imo dalangpan,ang Labing Mataas, ang imo pamakod.10 Wala sing kalainan nga makahalit sa imo,ukon kalalat-an nga makapalapit sa imo.

11 Kay iya pagasugoon ang iya mga anghelsa pagtuytoy sa imo sa tanan nimo nga mga alagyan.12 Pagauyatan ka nila sa kamotagod ang imo mga tiil indi masandad sa bato.13 Pagatapakan mo ang mabangis nga tigre kag man-og,kag lapakon ang leon kag ang dragon. 14 Ang mga nagadangup sa akon sa gugma,pagaluwason ko.Pagaapinan ko ang nagakilala sang akon ngalan.15 Kon magpanawag sila sa akon, pagasabton ko sila;sa tion sang kagamo ako mangin-yara sa ila;pagaluwason kag pagahimayaon ko sila.16 Pagahatagan ko sila sang malawig nga kabuhikag ipakita ko ang akon pagluwas sa ila.”SALMO 92 (91)Ang mga matarong magabayaw kaangay sang palmera. Ang kapagsik sang tawo nga may kabuhi nga napasad sa katutom. Nakita niya ang kalaglagan sang kadam-an nga may maayo anay nga nadangatan kag may daku anay nga himaya.

2 Takus kag angay gid ang magpasalamat sa Ginuo,sa pag-amba sang pagdayaw sa imo ngalan, O Labing Mataas;3 sa pagbalita sang imo gugma sa kaagahon,sa pagpahayag sang imo katutom sa kagab-ihon,4 nga ginaupdan sang tulalay gikan sa lirasang paglanton sang arpa.5 Kay ginpalipay mo ako, O Ginuo, paagi sa imo mga binuhatan,kag nagaamba ako sing malipayon tungod sa hinimoan sang imo

mga kamot.6 Ang imo mga binuhatan, O Ginuo, dalayawon,daw ano kadalum sang imo mga hunahona!7 Indi ini mahibal-an sang mga buangboang,kag indi man ini mahangpan sang mga balingag.8 Bisan pa mag-uswag ang mga malautkag ang mga nagahimo sing malain maglapnag subong sang

hilamon,pagalaglagon sila sa walay katapusan.9 Apang ikaw, O Ginuo, dalayawon sa walay katubtoban.10 Ang imo mga kaaway magakadula, ang mga malain magalalapta.11 Imo ako ginpakusog sing labi pa sa toro kag imo ako ginhaplasan sang lana sa ulo.12 Nakita ko ang pagkapukan sang akon mga kaaway;

akon nabatian ang balita nahanungod sa ila katapusan.13 Ang mga matarong magatin-ad subong sang palmera,magapanubo sila kasubong sang sedro sang Lebanon.14 Itanum sila sa balay sang Ginuo;magauswag sila sa mga pasiyuhan sang Dios.15 Magapamunga sila sa gihapon sa ila katigulangon,magapadayon sila nga lunhaw kag lab-as sa gihapon,16 sa pagpahayag nga ang Ginuo matarong.Ikaw ang akon bato,kag wala sing kalainan sa imo, O Ginuo.SALMO 93 (92) Ang Ginuo nagahari nga napanaptan sang kapawa. – Ang Dios nagahari bilang manunoga sang bug-os nga kalibutan. Ang Dios nagahari dira kay Kristo nga nabanhaw nga nagatuytoy na sang kagamhanan sang maragtas. 1 Ang Ginuo nagahari, napanaptan sia sang pagkahalangdon;ang Ginuo napanaptan, nawagkusan sia sang kusog.Iya ginpasad sing malig-on ang kalibutan; indi ini mauyog.2 Ang imo trono ginpatindog nga malig-on sugod sang una,ikaw yara na gikan pa sa walay katubtoban.3 Ang mga baha nagpabaskog, O Ginuo,ang mga baha nagpabaskog sang ila tingog;ang mga baha nagpabaskog sang ila pagginahod.4 Labi nga halangdon sangsa mga daguob sang gamhanan nga mga

tubi,labi nga halangdon sangsa mga balod sang dagat –halangdon sa kahitaasan ang Ginuo!5 Ang imo mga sugo labing masaligan;ang pagkabalaan nagakaigo sa imo puloy-an, O Ginuo, sa walay

katubtoban.SALMO 94 (93)Batok sa malain nga mga pangulo. – Nagapati kita nga may pagtubos, magpati man kita nga may paghukom. Apang sa wala pa ang bisan ano nga paghukom, ang Dios amo ang nagatatap sang tanan.

1 O Ginuong Dios, imo ang pagtimalos; O Dios nga nagatimalos, magsilak ka! 2 Tindog ka, O hukom sang kalibutan: ihatag sa mga bugalon ang nagakabagay sa ila!

3 Tubtob san-o bala ang mga malauton, O Ginuo, tubtob san-o bala ang mga malauton maghinugyaw?

4 Nagawakal sila sang ila hambog nga mga pulong; ang tanan nga nagahimo sing malain nagapabugal.

5 Ginadugmok nila ang imo katawohan, O Ginuo; ginapigos nila

ang imo palanublion.6 Ginapamatay nila ang balo nga babaye kag ang dumoluong,

ginapamatay nila ang ilo,7 kag nagasiling sila, “Ang Ginuo indi makakita; ang Dios ni Jacob

wala nagasapak.”8 Maghangup kamo, O pinakamango nga katawohan; kamo nga

mga buangboang, san-o pa bala kamo magmaalam?9 Sia nga nagbutang sang dulonggan, indi bala sia makabati? Sia

nga naghimo sang mata, indi bala sia makakita?10 Sia nga nagasabdong sang kapungsoran, sia nga nagatudlo

sang ihibalo sa bug-os nga katawohan, indi bala sia magsilot?11 Ang Ginuo nakahibalo sang mga panghunahona sang bug-os

nga katawohan, nga sila huyop lang sang hangin.12 Bulahan ang mga tawo nga imo ginasabdong, O Ginuo, kag imo

ginatudloan sang imo kasugoan.13 Imo sila ginahatagan sang pahuway sa mga adlaw sang

katublagan, samtang ang buho ginakutkot para sa mga malauton.14 Ang Ginuo indi magsikway sang iya katawohan; indi sia

magbiya sang iya palanublion.15 Ang katarungan magabalik sa mga matarong; ang tanan nga

may matarong nga tagipusoon magasunod sini.16 Sin-o bala ang nagatindog sa pag-apin sa akon batok sa mga

malauton? Sin-o bala ang nagatindog sa pag-apin sa akon batok sa mga nagahimo sing malain?

17 Kon ang Ginuo wala magbulig sa akon, kuntani ang akon kalag nagpuyo na dayon sa duta sang kalinong.

18 Sang maghunahona ako, “Ang akon tiil nagakadanlog,” ang imo malig-on nga paghigugma, O Ginuo, nagpatindog sa akon.

19 Sang magdamo ang akon kabalaka kag katublagan, ang imo paglugpay nagpasadya sa akon kalag.

20 Makadampig bala sa imo ang malaut nga mga pangulo, ang mga tawo nga nagapadihot sang kalautan paagi sa kasugoan?

21 Nagahimbon sila batok sa kabuhi sang mga matarong; nagapa-matbat sila sang kamatayon sa mga tawo nga wala sing sala.

22 Apang ang Ginuo nangin-akon pamakod; ang akon Dios nangin-akon bato nga dalangpan.

23 Sia ang magabalos sa ila bangod sa ila mga sala kag magapapas sa ila bangod sa ila kalautan; ang Ginuo nga aton Dios ang magapapas sa ila.SALMO 95 (94)Kari kamo, mag-amba kita sa Ginuo. Sa aton pagdayaw sa Dios, mag-aman kita sa pagpamati sa iya pulong; kag magtinguha kita sa pagtuman sa iya kabubot-on sa aton kabuhi sa matag-adlaw.

1 Kari kamo, mag-amba kita sa Ginuo;maghimo kita sang isa ka masadya nga tuno,sa bato nga aton kaluwasan.2 Magkari kita sa iya atubangan nga may pagpasalamat;aton sia dayawon paagi sa mga ambahanon.3 Kay ang Ginuo ang dalayawon nga Dios,ang dalayawon nga Hari, nga labaw sa tanan nga mga diosdios.4 Sa iya mga kamot ang kadadalman sang dutakag ang matag-as nga mga bukid.5 Iya ang dagat, kay sia ang nagtuga sini,ang nagpahamtang sang duog sang mamala nga duta.6 Kari kamo, magsimba kita, magduko sa pagyaub,magluhod sa atubangan sang Ginuo, ang aton Manunoga.7 Sia ang aton Dios, kag kita iya katawohan,ang panong nga iya ginatuytoyan kag ginapahalab.8 Kon karon inyo mabatian ang tingog niya,indi kamo magpakatig-a subong didto sa Meriba,9 sang gintilawan ako sang inyo mga katigulangan, gintilawan nila ako bisan nakita na nila ang akon mga binuhatan.10 Sa sulod sang kuarenta ka tuig ginpaugtas ako sadtong mga

kaliwatkag nagsiling ako, “Sila isa ka katawohan nga di-matutom ang

tagipusoon.”11 Gani ginsumpa ko sa ila sa akon daku nga kaakig,“Indi gid sila makasulod sa akon palahuwayan.”SALMO 96 (95)Ang Dios nagahigugma sang katarungan. – Labaw sa kadungganan kag katahum sang bug-os nga kalibutan, ang tawohanon nga katilingban nga napasad sa katarungan ang nagahatag sang himaya sa Dios. Gani ang bug-os nga mga tinuga nagakasadya sa tion sang pagtukod sang Dios sang iya ginharian sa duta. Ang kalipay sang bug-os nga kalibutan nga tubtob karon ginauyangan sang walay dulonan nga pagpanghandum sang mga tawo. Ang kalipay sang kapungsoran nga nakatukib sang kahulogan sang ila pagkabuhi sa paghiusa sa Dios.1 Mag-amba sa Ginuo sang bag-o nga ambahanon;mag-amba sa Ginuo, O bug-os nga duta!2 Mag-amba sa Ginuo, dayawa ang iya ngalan;isugid ang iya pagluwas adlaw-adlaw.3 Ipahayag ang iya himaya sa kapungsoran,ang iya makatilingala nga mga binuhatan sa tanan nga katawohan.4 Gamhanan ang Ginuo kag takus sang daku nga pagdayaw;dapat sia tahuron labaw sa tanan nga mga dios.

5 Kay ang tanan nga mga dios sang iban nga katawohan mga diosdios lang,

apang si Yahweh amo ang naghimo sang kalangitan.6 Ang kadungganan kag pagkahalangdon yara sa iya atubangan;ang kusog kag katahum yara sa iya santuario.7 Ihatag sa Ginuo, O kamo nga mga pamilya sang katawohan,ihatag sa Ginuo ang himaya kag kusog.8 Ihatag sa Ginuo ang himaya nga nagakaigo sa iya ngalan;magdala sang dulot kag magsulod sa iya mga pasiyuhan.9 Magsimba sa Ginuo sa balaan nga kapawa;magkurog sa iya atubangan, bug-os nga duta.10 Singgana ang kapungsoran, “Ang Ginuo nagahari!Ang kalibutan napasad sing mapag-on; indi ini mauyog.Pagahukman niya ang katawohan sa katarungan.”11 Kabay nga ang kalangitan magkasadya, kag ang duta magkalipay;kabay nga magdaguob ang dagat, kag ang tanan nga nagapuno

sini.12 Kabay nga maghugyaw ang latagon, kag ang tanan nga mga

butang nga yara sa sini.Dayon ang tanan nga kakahuyan sang kagulangan mag-amba sa

kalipay 13 sa atubangan sang Ginuo; kay sia nagapakari,kay sia nagapakari sa paghukom sang duta.Pagahukman niya ang kalibutan sa katarungan,kag ang katawohan sa iya kamatuoran.SALMO 97 (96)Ang Dios nagahari kag ang mga diosdios nagakaladula. – “Ginaiwagan niya ang mga matarong.” Napamatud-an na ini dira kay Kristo nga nabanhaw. Nagapamalandong na kita nahanungod sa kadalag-an sang iya paghari sa tunga sang mga kabudlayan kag mga pagtilaw nga aton ginaatubang kag ginabatas sang iya Simbahan sa matag-adlaw.1 Ang Ginuo nagahari! Kabay nga magkasadya ang duta;kabay nga magkalipay ang malayo nga kapuloan.2 Ang mga panganod kag mangitungito nga kadudolman nagalikop

sa iya;ang pagkamatarong kag katarungan amo ang sadsaran sang iya

trono.3 Ang kalayo nagauna sa iya,kag nagasunog sang iya mga kaaway sa iya palibot.4 Ang iya mga kilat nagapasanag sa kalibutan;ang duta nakakita sini kag nagakurog.

5 Ang kabukiran nagakatunaw subong sang kandila,sa atubangan sang Ginuo, sa atubangan sang Ginuo sang bug-os

nga duta.6 Ang kalangitan nagabalita sang iya pagkamatarong,kag ang tanan nga katawohan nagatan-aw sang iya himaya.7 Ginapakahuy-an ang tanan nga mga nagasimba sa mga larawan,ang mga nagapabugal sang walay-pulos nga mga diosdios;ang tanan nga mga dios nagayaub sa iya atubangan.8 Ang Sion nakabati kag nagakasadya,kag ang mga banwa sang Juda nagakalipay,bangod sang imo mga paghukom, O Dios.9 Kay ikaw, O Ginuo, ang labing mataas sa bug-os nga duta;ginabayaw ka labaw gid sa tanan nga mga dios.10 Kamo nga nagahigugma sa Ginuo, kaugti ang kalautan;iya ginatipigan ang mga kabuhi sang mga tawo nga matutom sa

iya;iya sila ginaluwas sa kamot sang mga malauton.11 Ang kapawa nagasanag sa mga matarong,kag ang kalipay sa mga tawo nga may matarong nga tagipusoon.12 Magkasadya sa Ginuo, O kamo nga mga matarong,kag magpasalamat sa iya balaan nga ngalan.SALMO 98 (97)Mag-amba sang bag-o nga ambahanon sa Ginuo. – Ang bug-os nga katawohan nakakita sang alagyan padulong sa kahilwayan kag kaluwasan:

– sa pagkari ni Kristo, ang Dios nga nangin tawo.– sa iya pagkabanhaw. 1 Mag-amba sa Ginuo sang bag-o nga ambahanon, kay naghimo

sia sang mga katingalahan. Ang iya tuo nga kamot kag ang iya balaan nga butkon nagpadaog sa iya.

2 Ang Ginuo nagbalita sang iya kadalag-an; iya ginpahayag ang iya katarungan sa panan-aw sang kapungsoran.

3 Iya gindumdom ang iya malig-on nga paghigugma kag katutom sa panimalay sang Israel. Ang tanan nga mga dulonan sang duta nakakita sang kadalag-an sang aton Dios.

4 Maghugyaw sa Ginuo, bug-os nga duta! Mag-amba sing malipayon kag mag-amba sang mga pagdayaw! 5 Mag-amba sang mga pagdayaw sa Ginuo sa paglanton sang lira, upod sa lira kag sa tuno sang arpa.

6 Upod sa mga trumpeta kag sa huni sang tambuli, maghugyaw sa atubangan sang Hari, ang Ginuo!

7 Magdaguob ang dagat kag ang tanan nga nagapuno sini; ang

kalibutan kag ang tanan nga nagapuyo sa sini.8 Magpalakpak ang mga baha; mag-amba sing tingob sa kalipay

ang kabakuloran 9 sa atubangan sang Ginuo, kay nagapakari sia sa paghukom sang duta. Pagahukman niya ang kalibutan sa pagkamatarong, kag ang katawohan sa katarungan.SALMO 99 (98)Balaan ang Ginuo. – Sin-o bala ang mabato sa akon? Ako ini, siling ni Kristo. Ako ang naglaglag sang kamatayon, ang nagmadinalag-on batok sa kaaway, ang naglutos sang impierno.

Ako ang Paskua sang kaluwasan,Ako ang Kordero nga ginahalad para sa imo,Ako ang nagapaputli,Ako ang kabuhi para sa imo.1 Ang Ginuo nagahari; magkulorog ang katawohan! Nagalingkod

sia sa trono sa ibabaw sang mga kerubin; maglinog ang duta!2 Ang Ginuo gamhanan sa Sion; ginabayaw sia sa tanan nga

katawohan.3 Kabay nga magdayaw sila sang imo daku kag makakulogmat

nga ngalan. Balaan sia!4 Gamhanan nga Hari, nga nagahigugma sa katarungan, imo

ginpasad ang pag-alalangay; imo ginpaluntad ang katarungan kag pagkamatarong kay Jacob.

5 Dayawa sing maayo ang Ginuo nga aton Dios; magsimba sa iya talandayan sang tiil. Balaan sia!

6 Sanday Moises kag Aaron nalakip sa iya mga pari, si Samuel nalakip man sa mga tawo nga nagapanawag sa iya ngalan. Nagpanawag sila sa Ginuo kag iya sila ginsabat.

7 Nagpakighambal sia sa ila sa haligi nga panganod; ila gintuman ang iya mga sugo, kag ang mga pagsulondan nga iya ginhatag sa ila.

8 O Ginuo nga amon Dios, ginsabat mo sila; ikaw nangin mapinatawaron nga Dios sa ila; ugaling isa ka manugsilot sang ila mga pagpakasala.

9 Dayawa sing maayo ang Ginuo nga aton Dios, kag magsimba sa iya balaan nga bukid; kay ang Ginuo nga aton Dios balaan!SALMO 100 (99)Maghugyaw sa Ginuo, bug-os nga duta! – Kabay nga ang bug-os nga duta mag-amba sa Ginuo! “Magsimba sa Ginuo nga may kasadya.”

1 Maghugyaw sa Ginuo, bug-os nga duta!2 Magsimba sa Ginuo nga may kasadya; magpalapit sa iya

atubangan nga may pag-amba.3 Kilalaha ninyo nga ang Ginuo amo ang Dios. Sia ang naghimo sa

aton, kag iya kita; kita ang iya katawohan, kag ang mga karnero sang iya halalban.

4 Magsulod sa iya mga puerta nga may pagpasalamat, kag sa iya mga pasiyuhan nga may pagdayaw. Magpasalamat sa iya, magpakamaayo sang iya ngalan.

5 Kay ang Ginuo maayo; ang iya malig-on nga paghigugma nagapadayon sa walay katubtoban, kag ang iya katutom nagapadayon sa tanan nga mga kaliwatan.SALMO 101 (100)Ang hari nagausisa sang iya konsiensya. – “Magalakat ako sa dalan sang katarungan, san-o ka bala magkari sa akon?” Sa tion nga magsugod ang tumoluo sang iya matag-adlaw nga bulohaton, nagatuyo sia sa pagpangabuhi suno sa kamatuoran, sa pagpakigsumpong para sa katarungan, samtang nagalaum sia sa pagkari sang Ginuo.

Magaamba ako nahanungod sa malig-on nga paghigugma kag katarungan; sa imo, O Ginuo, magaamba ako sang pagdayaw.

2 Magalakat ako sa dalan sang maayo nga pagginawi – O Ginuo, san-o ko bala matuman ini? Magalakat ako nga may di-salawayon nga tagipusoon sa akon puloy-an.

3 Indi ko pag-ipahamtang sa akon atubangan ang bisan ano nga makangilil-ad. Ginakaugtan ko ang mga binuhatan sang mga tawo nga wala magtuo sa Dios; indi ako magpakigbahin sa ila.

4 Ipahilayo ko sa akon kaugalingon ang pagkabalingag sang tagipusoon; indi ako magkilala sang kalautan.

5 Laglagon ko ang tawo nga nagabutangbotang sa iya isigkatawo sa tago. Indi ko pagpasugtan ang tawo nga may matinaastaason nga panulok kag bugalon nga tagipusoon.

6 Pasulabihon ko ang mga tawo sang duta nga matutom sa Dios, agod nga magpuyo sila upod sa akon; ang bisan sin-o nga nagalakat sa dalan nga di-salawayon amo ang magaalagad sa akon.

7 Wala sing malimbungon nga magapuyo sa akon puloy-an; wala sing butigon nga magapabilin sa akon atubangan.

8 Agaaga laglagon ko ang tanan nga mga malauton sa duta. Utdon ko ang tanan nga nagahimo sing malain sa siudad sang Ginuo.SALMO 102 (101)Pangamuyo sa tion sang kapi-otan.

2 O Ginuo, dungga ang akon pangamuyo; pamatii ang akon pagpangayo sang tabang.

3 Dili pagtago-a ang imo nawong sa akon sa adlaw sang akon kapi-otan. Dungga ako, sabta ako gilayon sa adlaw nga ako magpanawag.

4 Kay ang akon mga inadlaw ginapalid kaangay sang aso, kag ang

akon mga tul-an ginasunog subong sang pugon.5 Ang akon tagipusoon ginapapas kag nagakalaya subong sang

hilamon. Wala ako sing gana sa pagkaon sang akon kalan-on.6 Bangod sa akon mabaskog nga pag-ugayong ang akon mga tul-

an nagatapik sa akon panit.7 Kaangay ako sang pispis nga bukaw sang kamingawan, subong

sang magamay nga bukaw sang mga duog nga ginub-an.8 Nagahigda ako nga indi makatulog; kaangay ako sang

nagaisahanon nga pispis sa atop sang balay.9 Sa bug-os nga adlaw ang akon mga kaaway nagayaguta sa

akon; ang mga nagapakahuya sa akon nagagamit sang akon ngalan sa pagpakamalaut.

10 Nagakaon ako sang mga abo subong sang kalan-on, kag ginasimbugan ko sang mga luha ang akon ilimnon, 11 bangod sang imo kaugot kag kaakig; kay ginhakwat mo ako kag ginhaboy.

12 Ang akon mga inadlaw subong sang mga landong sa kagab-ihon; nagakalaya ako kaangay sang mga hilamon.

13 Apang ikaw, O Ginuo, nagahari sa walay katubtoban; ang imo ngalan nagapadayon sa tanan nga mga kaliwatan.

14 Magatindog ka kag magakaluoy sa Sion, kay nag-abot na ang tion sa pagkaluoy sa iya; nag-abot na ang natalana nga tion.

15 Kay ang imo mga alagad nagapalangga sang mga bato sini, kag nagakaluoy sa yab-ok sini.

16 Ang kapungsoran magakahadlok sa ngalan sang Ginuo; ang tanan nga mga hari sang duta magakahadlok sa imo himaya.

17 Kay ang Ginuo magapatindog sang Sion; magapakita sia sa iya himaya. 18 Pamatian niya ang pangamuyo sang mga kubos; indi niya pagtamayon ang ila pag-ampo.

19 Isulat ini para sa palaabuton nga kaliwatan, agod nga ang katawohan nga wala pa matawo magadayaw sa Ginuo,

20 “Nagtamod sia sa idalum gikan sa iya balaan nga kahitaasan, gikan sa langit ang Ginuo nagtamod sa duta, 21 sa pagpamati sang mga ugayong sang mga binilanggo, sa paghilway sang mga tawo nga napamatbatan sang kamatayon.”

22 Gani ang ngalan sang Ginuo ipahayag sa Sion, kag ang pagdayaw sa iya ipahayag sa Jerusalem,

23 kon magtilipon ang katawohan kag mga ginharian sa pagsimba sa Ginuo.

24 Iya ginpaluya ang akon kusog sa tungatonga sang akon dalanon; iya ginpalip-ot ang akon mga inadlaw.

25 Nagapanawag ako, “O Dios ko, dili ako pagkuhaa sa tungatonga sang akon kabuhi, ikaw nga may mga tinuig nga nagapadayon sa tanan nga mga kaliwatan.”

26 Sang una nga panahon, ginpasad mo ang sadsaran sang duta;

ang kalangitan amo ang binuhatan sang imo mga kamot.27 Mawala sila, apang ikaw magapadayon; sila tanan magadaan

subong sang panapton. Islan mo sila subong sang bayo, kag sila nagataliwan.

28 Apang ikaw amo sa gihapon, kag ang imo mga tinuig wala sing katapusan.

29 Ang mga anak sang imo mga alagad magakabuhi nga malayo sa katalagman; ang ila mga kaliwat magapadayon sa imo atubangan.SALMO 103 (102)Ang Ginuo nagabugay sing bugana sa inyo. Ini nga salmo nagatamod sa Dios, sa mga tawo, kag sa kaluoy sang Dios sa bug-os nga katawohan: gikan sa sining tatlo, nagtuhaw ang pagdayaw.

1 Dayawa ang Ginuo, O kalag ko; dayawa ang iya balaan nga ngalan, O bug-os ko nga pagka-tawo.

2 Dayawa ang Ginuo, O kalag ko; indi pagkalimti ang tanan niya nga kaayo. 3 Ginapatawad niya ang tanan nimo nga mga sala; ginaayo ang tanan nimo nga mga balatian. 4 Ginatubos niya ang imo kabuhi gikan sa kalaglagan; ginatungtong niya sa imo ulo ang gugma kag daku nga kaluoy.

5 Ginapuno niya ang imo kabuhi sang kadalag-an; ginabag-o niya ang imo kabaskog subong sang iya sang agila.

6 Ang Ginuo nagahatag sang katarungan kag nagapangapin sang kinamatarong sang mga pinigos.

7 Ginsugid niya ang iya mga paagi kay Moises; sa katawohan sang Israel, ang iya mga buhat.

8 Ang Ginuo maalwan kag maluloy-on, napun-an sang gugma kag indi madali maakig.

9 Indi sia mainakigon ukon magakaakig sa walay katubtoban.10 Wala sia nagakabig suno sa aton mga sala, ukon nagasilot suno

sa nagakaigo sa aton.11 Subong sang kataason sang kalangitan halin sa duta, amo man

ang kataason sang iya daku nga paghigugma sa iya tumoluo.12 Subong sang kalayuon sang sidlangan sa katundan, amo man

ang kalayuon sang iya pagpahilayo sang aton mga sala.13 Subong sang kaluoy sang amay sa iya kabataan, sa amo man

nga bagay ang Ginuo nagakaluoy sa mga nagakahadlok sa iya. 14 Kay sia nakahibalo kon paano kita nahimo, ginadumdom niya

nga kita yab-ok.15 Ang mga inadlaw sang tawo kaangay sang hilamon; kasubong

sia sang bulak nga nagabuskag sa kapatagan.

16 Apang sa paghuyop sang hangin, nadula sia, nga indi na gid makita sa iya nahamtangan.

17 Apang ang gugma sang Dios wala sing katapusan sa mga nagakahadlok sa iya; subong man ang iya katarungan, sa mga anak sang ila kabataan, 18 sa mga nagatuman sang iya kasugtanan kag nagadumdom sa pagtuman sang iya mga sugo.

19 Ang Dios nagpahamtang sang iya trono sa langit; ang iya walay katapusan nga ginharian nagagahum sa tanantanan.

20 Dayawa ang Ginuo, kamo tanan nga iya mga anghel, kamo nga mga isganan nga nagatuman sang iya mga sugo, kamo nga nagatuman sang iya mga pulong.

21 Dayawa ang Ginuo, kamo tanan nga iya mga hangaway, kamo tanan nga iya mga alagad nga nagatuman sang iya kabubot-on.

22 Dayawa ang Ginuo, kamo tanan nga nagabuhat sa palibot sang iya sinakpan. Dayawa ang Ginuo, O kalag ko!SALMO 104 (103)Ang kalibutan nagadayaw sa iya sini Manunoga. Sa pagpamalandong nahanungod sa kalibutan, ang tumoluo nagabatyag sang daku nga pagdayaw kag paglaum. Ang tanan nagagikan sa Dios, kag ining kalibutan para man sa bug-os nga katawohan. Ang Dios karon nagahuman sang iya mga tinuga paagi sa bulohaton sang mga tawo kag sa daku nga kapawa sang iya mga saksi: “Ipadala ang imo Espiritu sa pagbag-o sang dagway sang duta.” 1 Dayawa ang Ginuo, O kalag ko!Napanaptan ikaw sang gahum kag kadungganan,O Dios; daw ano kadalayawon sa imo!2 Nalikupan ka sang kapawa subong sang panapton;ginhumlad mo ang kalangitan subong sang tolda.3 Gintukod mo ang imo balay sa ibabaw sang katubigan,kag ginhimo mo ang mga panganod nga mga karwahe kag nagasakay ikaw nga nagalupad sa kahawaan.4 Ginhimo mo ang mga hangin nga mga mensahero,ang kalayo kag kainit nangin-imo mga manugdumala.5 Ginpasad mo ang duta sa iya mga nahamtangan,kag indi gid ini mauyog.6 Imo ini gintakpan sang kadagatan subong sang panapton,kag didto sa kabukiran ang tubig nagtilipon.7 Naghawa ang tubig sa imo pagsabdong,sa imo mabaskog nga daguob nagpalalagyo sila gilayon.8 Nagdinaganas sila sa ibabaw sang kabukiran kag nag-ilig sa kapatagansa diin sila ipahamtang.9 Nagbutang ka sang dulonan nga indi nila matabok,

agod indi gid liwat mag-anaw sa duta.10 Sa kapatagan mo ginpailig ang mga busay,sa kilid sang kabukiran sila nagaagay,11 agod paimnon mo ang kasapatan sa kapatagan,agod ang ginauhaw nga mga asno maumpawan.12 Ang mga pispis nagahimo sang pugad malapit sa baybayon,kag nagaamba sang ambahanon sa mga sanga sang kahoy.13 Ginabunyagan mo ang kabukiran gikan sa imo ginalingkuran,kag ginapuno mo ang duta sang bunga sang imo hinimoan.14 Ginahimo mo ang mga hilamon para sa mga baka kag ang mga

tanum agod patuboon sang tawo,agod makakuha sia sang kalan-on gikan sa duta:15 bino nga makapaumpaw sang iya tagipusoon,lana nga makapatahum sang iya nawong,kag tinapay agod sia pabaskugon.16 Ang Ginuo nagabunyag sang iya kakahuyan,ang sedro sang Lebanon nga iya gintanum.17 Ang mga pispis nagahimo sang ila mga pugad,ang tulabong nagapuyo sa kahoy nga pino.18 Para sa mga kanding ang matag-as nga kabukiran,kag para sa kuneho, banglid nga palahuwayan.19 Ginhimo mo ang bulan sa pagpat-in sang mga panahon, kag ang adlaw nakahibalo kon san-o sia magtunod.20 Ginalikupan mo sang kadulom ang kagab-ihon; nagsalasala ang tanan nga kasapatan sa talon.21 Ang mga leon nagangurob sa pagpangita sang ila tulokbon,sa pagpangayo sa Dios sang ila kalan-on.22 Sa pagbutlak sang adlaw, nagabalalik sila,sa pagpahuway sa ila mga lulokwan.23 Ang tawo nagapadayon sa iya hilimuonkag nagapangabudlay tubtob mag-abot ang kagab-ihon.24 Daw ano kadamo sang imo mga ginbuhat, O Ginuo!Sa kaalam imo ginhimo sila tanan.Ang duta napun-an sang imo mga tinuga.25 Yara ang kadagatan, daku kag malapad,napun-an sang di-maisip nga mga sapat,may dalagku kag may magagmay,26 isa ka makatilingala nga kalibutan para sa mga sakayan,para sa mga Balyena, ang dragon nga imo ginhimo nga

halampangan. 27 Sila tanan nagasalig sa imo

sang ila kalan-on sa nagakaigo nga tion.28 Ila ginatipon ang ginahatag mo sa ila;sa imo kaalwan, napun-an sila sang maayo nga mga butang.29 Kon taguon mo ang imo nawong, nagakahadlok sila;kon imo kuhaon ang ila ginhawa, nagakalamatay sila.30 Kon ipadala mo ang imo Espiritu,ginatuga sila kag ang dagway sang kalibutan imo ginabag-o.31 Kabay nga ang himaya sang Ginuo magpadayon sa walay

katapusan;kabay nga ang Ginuo malipay sa iya mga hinimoan.32 Kon magtulok sia sa duta, nagalinog ini;kon tandugon niya ang bukid, nagaaso ini.33 Magaamba ako sa Ginuo sa bug-os ko nga kabuhi;magaamba ako sang pagdayaw sa Dios samtang ako nagakabuhi.34 Kabay nga kahamut-an niya ang akon binalaybay,kay ang Ginuo naghatag sang kalipay sa akon.35 Kabay nga magkalapukan ang mga makasasala sa duta,kag kabay nga magkaladula ang mga malaut. Dayawa ang Ginuo, O kalag ko!Dayawa ang Ginuo!SALMO 105 (104) Ang panugod sang Balaan nga Maragtas. – Ang pagdumdom sang nagligad nga panahon mangin isa ka pangamuyo: kon magtinguha kita sa pagtamod sa binuhatan sang Dios kag sa pagpasalamat sa iya. Aton ginaatubang diri ang pagsugod sang Israel, sugod kay Abraham tubtob kay Moises: panagnaon ang tanan nga mga hitabo, buot silingon, nagalarawan ini sang mga bugay sang Dios nga aton ginakalipay karon.

1 Magpasalamat sa Ginuo, magpanawag sa iya ngalan, ibalita ang iya mga binuhatan sa katawohan.

2 Mag-amba sa iya, mag-amba sang mga pagdayaw sa iya; isugid ang tanan niya nga makatilingala nga mga binuhatan.

3 Maghimaya sa iya balaan nga ngalan; kabay nga magkalipay ang mga tagipusoon sang mga nagapangita sa Ginuo.

4 Pangitaa ang Ginuo kag ang iya kusog; pangitaa ang iya nawong sa gihapon.

5 Dumdoma ang makatilingala nga mga binuhatan nga iya nahimo, ang iya mga milagro kag ang mga paghukom nga iya ginpahayag.

6 O kamo nga mga kaliwat sang iya alagad nga si Abraham, kaanakan ni Jacob, ang iya mga pinili!

7 Sia ang Ginuo nga aton Dios; ang iya mga paghukom yara sa bug-os nga duta.

8 Ginadumdom niya ang iya kasugtanan sa gihapon, ang pulong nga iya ginsugo sa isa ka libo ka mga kaliwatan, 9 ang kasugtanan nga iya ginhimo kay Abraham, ang iya ginpanumpaan nga saad kay Isaac.

10 Iya ini ginpamatud-an kay Jacob bilang palatukdan, kay Israel bilang walay katapusan nga kasugtanan.

11 Nagsiling sia, “Sa imo ihatag ko ang duta sang Canaan bilang imo bahin nga palanublion.”

12 Sang diutay na lang sila sa kadamuon, tama kadiutay kag mga dumoluong, 13 nagpanglugayaw sila sa kapungsoran, sa pagsaylusaylo sa mga ginharian kag katawohan.

14 Wala niya pagtugoti ang bisan sin-o sa pagpigos sa ila; ginsabdong niya ang mga hari tungod sa ila.

15 Nagsiling sia, “Dili pagtanduga ang akon mga hinaplasan; dili paghaliti ang akon mga propeta!”

16 Sang magpadala sia sang tiggolutom batok sa duta, kag maubos ang mga tinapay, 17 nagpadala sia sang tawo nga nauna sa ila – si Jose, nga ginbaligya bilang isa ka ulipon.

18 Ang iya mga tiil ginsamad sang mga kadena, ang iya li-og gintakdan sang kuelyo nga salsalon; 19 tubtob nahanabo ang iya ginsiling, ang pulong sang Ginuo nagpamatuod nga sia matarong.

20 Ginpatawag sia sang hari kag ginbuy-an; ang pangulo sang katawohan naghilway sa iya. 21 Ginhimo niya sia nga manugdumala sang iya panimalay, kag pangulo sang tanan niya nga mga pagka-butang, 22 sa paghanas sang iya mga opisyales sa iya kahamuot, kag sa pagtudlo sang kaalam sa iya mga agurang.

23 Dayon si Israel nagkadto sa Ehipto; si Jacob nagpuyo bilang dumoluong sa kadutaan ni Ham. 24 Kag ang Ginuo naghimo sang iya katawohan nga labing mabungahon, nga labing makusog sangsa ila mga kasumpong 25 nga may mga tagipusoon nga iya ginpadumot sa iya katawohan, sa pagpangdaya sa iya mga alagad.

26 Dayon iya ginpadala si Moises nga iya alagad kag si Aaron nga iya pinili.

27 Ila ginhimo ang iya mga tanda sa ila tunga, kag ang mga milagro sa duta ni Ham.

28 Iya ginpadala ang kadudolman, kag ginpadulom ang duta; apang nagpamatok sila sa iya mga pulong.

29 Ginhimo niya nga dugo ang ila tubi, nga nagpamatay sang ila mga isda.

30 Ang ila duta napuno sang mga paka, bisan sa mga hulot sang ila mga hari.

31 Naghambal sia kag nag-abot ang madamo nga mga langaw kag mga kuto sa bug-os nila nga kadutaan.

32 Ginhatagan niya sila sang yelo nga daw mga bato sa baylo sang

ulan, kag sang kilat nga nag-igrab sa bug-os nila nga duta.33 Ginlaglag niya ang ila mga ulobasan kag mga higera, kag

ginpangbali ang kakahuyan sang ila pungsod.34 Naghambal sia kag nag-abot ang mga apan, kag ang mga

tibakla nga di-maisip; 35 ginkaon nila ang tanan nga mga pananum sa ila kadutaan, kag ginkaon ang mga bunga sang ila duta. 36 Ginpamatay niya ang tanan nga mga panganay sa ila duta, ang nahauna nga bunga sang ila pagkalalaki.

37 Dayon iya gindala pagua ang Israel nga may pilak kag bulawan, kag wala sing isa sang ila mga tribo nga nasandad.

38 Ang Ehipto nagkalipay sang sila maghalin, kay ang kakugmat sa ila nagtupa sa iya.

39 Ginhumlad niya ang panganod nga inugtabon, kag ang kalayo sa pag-iwag kon gab-i.

40 Nagpangayo sila, kag nagpadala sia sang mga umbok; ginhatagan niya sila sang bugana nga kalan-on gikan sa langit.

41 Ginpalitik niya ang bato, kag ang tubi nagsagawak; nag-ilig ini subong sang suba sa desierto.

42 Kay iya gindumdom ang iya balaan nga saad, kag si Abraham nga iya alagad.

43 Gani gindala niya pagua ang iya katawohan nga may kalipay, ang iya mga pinili nga may pag-inamba.

44 Ginhatag niya sa ila ang mga duta sang kapungsoran, kag ginpanag-iyahan nila ang kamanggaran sang katawohan,

45 agod nga tipigan nila ang iya mga pagsulondan kag tumanon ang iya mga kasugoan.

Dayawa ang Ginuo!SALMO 106 (105)Iban nga panan-aw sa maragtas sang Israel. – Kasubong sang Salmo 78, ini nga salmo nagapakita sang mga kinatuhay sang kaluoy sang Dios kag sang mga pagpamatok sang Israel. Ang Dios nagasilot, apang nagahatag sang iya grasia sa gihapon.

1 Dayawa ang Ginuo! Magpasalamat sa Ginuo, kay sia maayo; kay ang iya malig-on nga paghigugma nagapadayon sa walay katubtoban.

2 Sin-o bala ang makamitlang sang gamhanan nga mga binuhatan sang Ginuo, ukon makapahayag sang tanan nga mga pagdayaw sa iya?

3 Bulahan ang mga tawo nga nagatuman sang katarungan, nga nagahimo sing matarong sa tanan nga tion.

4 Dumdoma ako, O Ginuo, kon magpakita ka sang kahamuot sa imo katawohan; buligi ako kon magluwas ka sa ila; 5 agod makita ko

ang kauswagan sang imo mga pinili, agod makaambit ako sang kalipay sang imo pungsod, kag maghimaya ako sa imo panublion.

6 Nakasala kami subong sang amon mga katigulangan; nakahimo kami sing malain, nakahimo kami sang kalautan.

7 Sang didto sa Ehipto ang amon mga katigulangan, ila ginpakawalay pulos ang imo makatilingala nga mga binuhatan; wala nila pagdumdoma ang kabuganaan sang imo malig-on nga pag-higugma, kundi ginpamatukan nila ang Labing Mataas didto sa Dagat sang mga Tabun-ak.

8 Apang iya sila ginluwas tungod sa iya ngalan, agod nga iya mapakita ang iya daku nga gahum.

9 Ginsabdong niya ang Dagat sang mga Tabun-ak, kag ini nagmala; gintuytoyan niya sila sa kadadalman subong sang pag-agi sa desierto.

10 Gani iya ginluwas sila sa kamot sang kasumpong, kag ginhilway sila sa kamot sang kaaway.

11 Ang tubi nagtabon sang ila mga kaaway; wala sing isa sa ila nga nabilin nga buhi.

12 Dayon nagtuo sila sa iya mga pulong; nag-amba sila sang pagdayaw sa iya.

13 Apang sa madali nalimtan nila ang iya mga binuhatan; wala sila maghulat sang iya laygay.

14 Nagamhan sila sang kailigbon sa kamingawan, kag ila gintilawan ang Dios sa desierto.

15 Ginhatag niya sa ila ang ila ginpangayo, ugaling iya ginpadala sa ila ang makamamatay nga balatian.

16 Nahisa sila kay Moises sa kampo, kag kay Aaron, ang balaan nga alagad sang Ginuo.

17 Ang duta nagbuka kag naglamon kay Datan, kag nagtabon sang grupo ni Abiram; 18 ang kalayo nagdabdab man sa ila kaupdanan; ang dabdab nagsunog sang mga malauton.

19 Naghimo sila sang tinday nga baka sa Horeb kag nagsimba sa hinorma nga estatua sini.

20 Ginbayluhan nila ang himaya sang Dios sang larawan sang toro nga nagahalab sang hilamon.

21 Nalimtan nila ang Dios, ang ila Manlulowas, nga naghimo sang gamhanan nga mga butang sa Ehipto, 22 sang makatilingala nga mga binuhatan sa duta ni Ham, kag makakulogmat nga mga buhat sa Dagat sang mga Tabun-ak.

23 Gani naghambal sia nga iya sila laglagon, apang si Moises, nga iya pinili, nagtindog sa gin-utlan sa iya atubangan sa paglugpay sang iya kaakig sa paglaglag sa ila.

24 Apang ila ginhikayan ang maayo nga duta, kay wala sila magtuo sa iya saad.

25 Nagkulomuron sila sa ila mga tolda kag wala magtuman sa tingog sang Ginuo.

26 Gani ginbayaw niya ang iya kamot kag nagpanumpa sia sa ila nga iya sila pukanon sa kamingawan, 27 kag iya panglaptahon ang ila mga kaliwat sa kapungsoran kag pahalaplaagon sila sa kadutaan.

28 Dayon nagbuylog sila sa pagsimba kay Baal-Peor kag nagkaon sang mga halad nga gindulot sa patay nga mga dios.

29 Ginpaakig nila ang Ginuo bangod sang ila mga binuhatan, kag ang kalalat-an naglapnag sa ila.

30 Apang si Finehas nagtindog kag nagpatunga, kag ang kalalat-an nag-untat.

31 Bangod sini ginkilala sia nga matarong, sa pagdumdom sa iya sa tanan nga mga kaliwatan sa gihapon.

32 Ginpaakig nila ang Ginuo sa mga tuboran sang Meriba, kag si Moises ginbudlayan tungod sa ila. 33 Ginsakit nila ang iya balatyagon, gani naghambal sia sang mga pulong nga dili dapat pag-ihambal.

34 Wala nila paglaglaga ang pagano nga mga tawo, subong sang ginsugo sang Ginuo sa ila, 35 kundi nagsimpon sila sa pagano nga kapungsoran kag nagtuon sila sa paghimo sang ila ginahimo.

36 Nag-alagad sila sa ila mga diosdios, nga nangin si-od sa ila. 37 Ginhalad nila ang ila mga anak nga lalaki kag babaye sa mga demonyo; 38 ginpaagay nila ang dugo sang mga tawo nga wala sing sala, ang dugo sang ila mga anak nga lalaki kag babaye, nga ila ginhalad sa mga diosdios sang Canaan; kag ang duta nadagtaan sang dugo. 39 Gani nangin di-matinlo sila bangod sa ila mga binuhatan, kag nagbaligya sila sang ila dungog paagi sa ila mga hinimoan.

40 Gani ang kaakig sang Ginuo nagdabdab batok sa iya katawohan, kag ginkangil-aran niya ang iya palanublion.

41 Gintugyan niya sila sa kamot sang kapungsoran, agod nga ang mga nagdumot sa ila naggahum sa ila.

42 Ang ila mga kaaway nagpigos sa ila, kag gin-ulipon sila sa idalum sang ila gahum.

43 Ginluwas niya sila sing makapila, apang mabinatuon sila sa ila mga katuyoan, kag ginpakanubo sila paagi sa ila pagpakasala.

44 Walay sapayan ginpamatian niya ang ila panawag kag iya gintamod ang ila kapi-otan.

45 Tungod sa ila, iya gindumdom ang iya kasugtanan, kag nagpakita sia sang kaluoy suno sa kabuganaan sang iya malig-on nga paghigugma.

46 Ginbuot niya nga kaluy-an sila sang tanan nga nagbihag sa ila.47 Luwasa kami, O Ginuo nga amon Dios, kag tipuna kami halin sa

kapungsoran, agod nga magpasalamat kami sa imo balaan nga ngalan kag magpanghimaya sa pagdayaw sa imo.

48 Dayawa ang Ginuo, ang Dios sang Israel, kutob sa walay katubtoban tubtob sa walay katubtoban. Kabay nga ang tanan nga mga tawo magsiling, “Amen!” Dayawa ang Ginuo!SALMO 107 (106)Ikatlo nga panan-aw sa maragtas sang Israel. – Subong sang duha ka nauna nga mga salmo, ini nga salmo nagadumdom sang nagligad nga panahon kag nagapahayag sang isa pa ka tulon-an sini: sa tion nga magpanawag sila sa Ginuo, nagapamati sia sa ila. “Magpasalamat tungod sa iya malig-on nga paghigugma sa mga anak sang tawo.”

1 Magpasalamat sa Ginuo, kay sia maayo; ang iya malig-on nga paghigugma nagapadayon sa walay katubtoban.

2 Kabay nga ang mga gintubos sang Ginuo magsiling sini, ang mga tawo nga iya gintubos sa kamot sang kaaway, 3 kag gintipon halin sa kadutaan, halin sa sidlangan kag sa katundan, halin sa aminhan kag sa bagatnan.

4 Ang iban nagtalang sa kamingawan, kag wala makakita sang dalan pakadto sa siudad.

5 Gin-gutom kag gin-uhaw sila, kag nagpalangluya sila.6 Dayon nagpanawag sila sa Ginuo sa ila kapi-otan, kag ginluwas

niya sila sa ila kalisdanan.7 Gintuytoyan niya sila sa matadlong nga dalan padulong sa

siudad nga ila pagapuy-an.8 Kabay nga magpasalamat sila sa Ginuo tungod sa iya malig-on

nga paghigugma, tungod sa iya makatilingala nga mga binuhatan sa bug-os nga katawohan.

9 Kay iya ginatablaw ang mga ginauhaw, kag ang mga ginagutom iya ginabusog sang maayo nga mga butang.

10 Ang iban naglingkod sa kadudolman kag sa kalisod, mga binilanggo sa kapi-otan kag nakadenahan, 11 kay nagpamatok sila sa mga pulong sang Dios kag nagsikway sang laygay sang Labing Mataas.

12 Ang ila mga likod nagbuloktot bangod sa mabudlay nga bulohaton; nagkalapukan sila, kag wala sing may nagbulig.

13 Dayon nagpanawag sila sa Ginuo sa ila kapi-otan, kag ginluwas niya sila sa ila kalisdanan.

14 Iya sila gindala pagua sa kadudolman kag kalisod, kag ginbugras ang ila mga gapos.

15 Kabay nga magpasalamat sila sa Ginuo tungod sa iya malig-on nga paghigugma, tungod sa iya makatilingala nga mga binuhatan sa bug-os nga katawohan.

16 Kay iya ginaguba ang mga ganhaan nga saway, kag ginautod ang mga rehas nga salsalon.

17 Ang iban nagmasakit bangod sang ila malaut nga mga pagginawi, kag bangod sang ila mga sala nag-antus sila sang kapi-otan.

18 Nagkangil-ad sila sa bisan ano nga sahi sang kalan-on, kag nagpalapit sila sa mga puerta sang kamatayon.

19 Dayon nagpanawag sila sa Ginuo sa ila kapi-otan, kag ginluwas niya sila sa ila kalisdanan.

20 Ginpadala niya ang iya pulong kag gin-ayo sila, kag ginluwas sila sa kalaglagan.

21 Kabay nga magpasalamat sila sa Ginuo tungod sa iya malig-on nga paghigugma, tungod sa iya makatilingala nga mga binuhatan sa bug-os nga katawohan.

22 Kag kabay nga magdulot sila sang mga halad sang pagpasalamat, kag magsugid sang iya mga binuhatan paagi sa mga ambahanon sang kalipay.

23 Ang iban nagdulhog sa dagat sa pagpanakayon sa mga barko, sa pagnegosio sa kalalawran; 24 nasaksihan nila ang mga binuhatan sang Ginuo, ang iya makatilingala nga mga binuhatan sa kadadalman.

25 Kay nagsugo sia kag nagpadala sang bagyo, nga nagpabaskog sang mga balod sang dagat.

26 Nagtimbuok sila paibabaw sa langit kag nagtagbong sa kadadalman; nadulaan sila sang kaisog sa atubang sang katalagman. 27 Nagdulingdoling sila kag nagkalatumba subong sang mga hubog, kag wala sila sing may mahimo walay sapayan sang tanan nila nga kinaadman.

28 Dayon nagpanawag sila sa Ginuo sa ila kapi-otan, kag ginluwas niya sila sa ila kalisdanan.

29 Iya ginpauntat ang bagyo kag ginpalinong ang mga balod sang dagat.

30 Daw ano ang ila kalipay sang magtawhay ang tanan! Gindala niya sila nga wala maano sa dulongkaan nga ila luyag.

31 Kabay nga magpasalamat sila sa Ginuo tungod sa iya malig-on nga paghigugma, tungod sa iya makatilingala nga mga binuhatan sa bug-os nga katawohan.

32 Kabay nga padunggan nila sia sa pagtilipon sang katawohan, kag dayawon sia sa konsilio sang mga agurang.

33 Ang mga suba iya ginahimo nga desierto, ang mga tuboran sang tubi iya ginahimo nga kigas nga duta, 34 ang mabinungahon nga duta iya ginahimo nga maasin nga kamingawan, bangod sang kalautan sang mga pumoluyo didto.

35 Apang ang desierto iya ginahimo nga mga punong sang tubi, ang kigas nga duta iya ginahimo nga mga tuboran sang tubi.

36 Didto iya ginapapuyo ang ginagutom nga mga tawo, kag

nagapatindog sila sang siudad nga ila pagapuy-an;37 nagasab-og sila sa mga latagon, nagatanum sang mga

ulobasan, kag nagaagum sang bugana nga patubas.38 Paagi sa iya bendision nagadamo gid sila, kag wala niya

ginapabay-an nga mabuhinan ang ila kahayupan.39 Sang mabuhinan sila kag mapakanubo paagi sa pagpamigos,

kapi-otan kag kalisdanan,40 nagabubo sia sang pagtamay sa mga prinsipe kag

ginapadalangdalang niya sila sa mga kamingawan nga wala sing mga dalanon.

41 Apang ginabuligan niya ang mga kubos sa ila kapi-otan kag ginapamuad ang ila mga pamilya subong sang mga manara.

42 Ang mga matarong nakasaksi sini kag nagakalipay, kag ang tanan nga mga malauton ginapahipos.

43 Kabay nga ang mga maalam magpamalandong sini nga mga butang kag magkilala sang malig-on nga paghigugma sang Ginuo.SALMO 108 (107)Ambahanon sang kadalag-an. – Ini nga salmo nagatingob sang mga bersikulo gikan sa Salmo 57 kag Salmo 60.

2 Ang akon tagipusoon nakahanda, O Dios, ang akon tagipusoon nakahanda! Magaamba ako sang pagdayaw kag magalanton. Magmata ka, O kalag ko!

3 Magmata kamo, O arpa kag lira! Pukawon ko ang pamanagbanag.

4 Magapasalamat ako sa imo, O Ginuo, sa tunga sang katawohan; magaamba ako sang mga pagdayaw sa imo sa tunga sang kapungsoran.

5 Kay ang imo malig-on nga paghigugma mataas pa sa kalangitan; ang imo katutom nagalambot sa mga panganod.

6 Pakataason ka, O Dios, labaw sa kalangitan; magpangibabaw ang imo himaya sa bug-os nga duta.

7 Hatagi kami sang kadalag-an paagi sa imo tuo nga kamot kag sabta ako, agod maluwas ang imo mga hinigugma.

8 Ang Dios nagsiling sa iya santuario, “Sa akon pagdaog, bahinbahinon ko ang Shikem, akon takson kag ipanagtag ang Kapatagan sang Sukot.

9 Akon ang Gilead; akon ang Manases; ang Efraim amo ang akon helmet; ang Juda amo ang akon setro.

10 Ang Moab amo ang akon hulogasan; sa Edom ihaboy ko ang akon sandalyas; sa ibabaw sang Pilistia magahugyaw ako sang kadalag-an.”

11 Sin-o bala ang magadala sa akon sa napamakuran nga siudad?

Sin-o bala ang magatuytoy sa akon pakadto sa Edom?12 O Dios! Ginsikway mo gid bala kami? Wala ka na nagaupod sa

amon mga hangaway.13 Buligi kami batok sa kaaway, kay ang bulig sang mga tawo

walay pulos.14 Upod sa Dios, magadaog kita; sia ang magadugmok sang aton

mga kaaway.SALMO 109 (108) Dili sila pagkaluoyi. – Ang isa ka tawo nga nagpakighambal sing mainabyanon nasumbong kag nabutangbotangan. Nagapangayo sia sang katarungan sa Dios nga nagapadayon sa pag-apin sang mga imol. Ang Dios indi magkaluoy sang mga tawo nga wala sing kaluoy.

1 Dili ka maghipos, O Dios nga akon ginadayaw.2 Kay ang mga malauton kag mga malimbungon nagahambal

batok sa akon kag nagasugid sang mga kabutigan.3 Ginapalibutan nila ako sang mga pulong sang pagdumot, kag

ginagubat ako sa walay kabangdanan.4 Bilang balos sa akon paghigugma ginasumbong nila ako, apang

nagapangamuyo ako para sa ila.5 Ang akon kaayo ginabalusan nila sang kalautan kag ang akon

paghigugma ginabalusan nila sang dumot.6 Nagasiling sila, “Magpili sang malaut nga tawo batok sa iya;

patinduga ang manunumbong sa iya tuo.7 Kon hukman sia, kabay nga mapamatud-an sia nga nakasala;

kabay nga ang iya pangamuyo kabigon nga sala.8 Kabay nga maglip-ot ang iya mga inadlaw; kabay nga kuhaon

sang iban nga tawo ang iya palangakoan.9 Kabay nga mailo ang iya mga anak kag mabalo ang iya asawa.10 Kabay nga ang iya mga anak maglibutlibot sa pagpakilimos kag

tabugon sa ila naguba nga mga puloy-an.11 Kabay nga kuhaon sang iya inutangan ang tanan niya nga mga

pagkabutang kag agawon sang mga dumoluong ang mga bunga sang iya kinabudlayan.

12 Kabay nga wala sing may magmaayo sa iya ukon magkaluoy sa iya nailo nga mga anak.

13 Kabay nga malaglag ang iya kaliwat kag mapanas ang iya ngalan sa madason nga kaliwatan.

14 Kabay nga dumdumon ang kalautan sang iya mga katigulangan sa atubangan sang Ginuo, kag dili pagpanason ang sala sang iya iloy.

15 Kabay nga ang tanan nila nga mga sala magpabilin sa

atubangan sang Ginuo sa gihapon kag dili na gid sila pagdumdumon sa duta.

16 Kay wala sia magdumdom sa pagkaluoy, kundi iya ginhingabot ang mga imol, mga kubos kag mga nalisdan tubtob sila mapatay.

17 Maluyagon sia magpakamalaut; kabay nga pakamalauton sia. Wala sia maluyag sa pagbendision; kabay nga ipalayo ini sa iya.

18 Nagkunop sia sang pagpakamalaut, kabay nga magpalanupsop ini sa iya lawas subong sang tubi, subong sang lana sa iya mga tul-an.

19 Kabay nga ini manginsubong sang panapton nga iya ginasul-ob, subong sang wagkos nga iya ginawagkos adlaw-adlaw.”

20 Kabay nga ini ang balos sang Ginuo sa mga nagasumbong sa akon, sa mga nagahambal sing malaut batok sa akon.

21 Apang ikaw, O Dios nga akon Ginuo, tungod sa imo ngalan, buligi ako; luwasa ako sa kaayo sang imo malig-on nga paghigugma.

22 Kay ako imol kag kubos, ang akon tagipusoon nagakasakit gid.23 Nagakadula ako sing amat-amat subong sang landong sa

kagab-ihon; ginapalid ako subong sang apan.24 Ang akon mga tuhod nagapalangluya bangod sang pagpuasa.

Ang akon lawas nagniwang gid.25 Nangin talamayon ako sang akon mga kaaway; sa tion nga

makita nila ako, nagalungolungo sila sa pagyaguta sa akon.26 Tabangi ako, O Ginuo nga akon Dios! Luwasa ako tungod sa imo

malig-on nga paghigugma.27 Ipahibalo sa ila nga ini ang imo kamot, nga ikaw, O Ginuo, ang

naghimo sini.28 Ayhan magpakamalaut sila, apang ikaw magabendision; kon

magsalakay sila, mahuy-an sila, apang magakalipay ang imo alagad.

29 Kabay nga ang mga nagasumbong sa akon mapanaptan sang kahuy-anan; kabay nga magsuklob sila sang ila kahuloy-an subong nga kunop.

30 Sa akon baba magapasalamat ako sing daku sa Ginuo; dayawon ko sia sa tunga sang daku nga pagtilipon.

31 Kay nagatindog sia sa tuo sang mga kubos, sa pagluwas sa ila sa mga tawo nga luyag magpamatbat sang kamatayon sa ila. SALMO 110 (109)Ang pulong sang Ginuo sa akon Ginuo. Ang sadsaran nga puersa nga nagadumala sa maragtas kag sa kapalaran sang kalibutan amo ang kadalag-an ni Jesu-Kristo, ang Anak sang Dios nga nagpakatawo agod makaambit kita sang iya

walay katapusan nga himaya.

1 Ang Ginuo nagsiling sa akon Ginuo,“Lingkod ka sa akon tuotubtob mahimo ko ang imo mga kaaway nga talandayan sang tiil.”2 Gikan sa Sion ang Ginuo magapasangkad sang imo gamhanan nga

setro kag magagahum ikaw sa imo mga kaaway.3 Sa imo ang pagkahari kag balaan nga kadungganansugod sa adlaw sang imo pagkabun-ag.Kaangay sang tun-og gikan sa taguangkan sang pamanagbanag,ginbun-ag ko ikaw.4 Ang Ginuo nagpanumpa,kag indi niya pagbawion ang iya pulong,“Ikaw pari sa walay katubtobansuno sa pagkapari ni Melkisedek.”5 Ang Ginuo yara sa imo tuo nga kamot;pagalaglagon niya ang mga ginharian sa adlaw sang iya kaakig.6 Pagahukman niya ang mga pungsod,pagatumpokon ang mga bangkay,kag pagadugmokon ang mga pangulo sang kadutaan.7 Paimnon niya sila sang tubi gikan sa tuboran sa higad sang dalankag magatangla sia sa iya kadalag-an.SALMO 111 (110)Ang Dios nagatuga, nagaluwas kag nagatuytoy sa aton. 1 Dayawa ang Ginuo!Nagapasalamat ako sa Ginuo sa akon bug-os nga tagipusoon,sa pagtilipon sang mga matarong.2 Dungganon ang mga ginhimo sang Ginuokag ginapamalandungan ini sang tanan nga nagakahamuot sini.3 Halangdon kag dungganon ang iya mga binuhatan,ang iya pagkamatarong nagapadayon sa walay katubtoban.4 Iya kita ginapadumdom sang iya mga katingalahan;ang Ginuo maluloy-on kag maalwan.5 Sa gihapon iya ginadumdom ang iya kasugtanan,ginapakaon niya ang mga nagakahadlok sa iya.6 Ginapakita niya sa iya katawohanang nahimo sang iya gahum;ginhatagan niya sang kadutaan ang mga pungsod.7 Matutom kag matarong ang iya mga ginhimo,

masaligan ang tanan niya nga mga sugo,8 nga iya ginhimo agod magpadayon sa walay katubtoban, agod tumanon nga may pagtuo kag pagkamatarong.9 Iya ginhilway ang iya katawohankag iya ginpabakod ang iya kasugtanan sa walay katapusan.Nagakabagay nga dunggan ang iya balaan nga ngalan!10 Ang pagkahadlok sa Ginuo amo ang panugod sang kaalam;matarong ang hunahona sang tawo nga nagasunod sang iya mga

panghunahona.Sa iya ang walay katapusan nga pagdayaw.SALMO 112 (111)Ang pagdayaw sa mga matarong. 1 Dayawa ang Ginuo!Bulahan ang tawo nga nagakahadlok sa Ginuo,nga nahamuot sa iya pulong.2 Ang iya kaliwat mangin gamhanan sa duta;pagabugayan ang kaliwat sang mga matarong.3 Ang kahamungayaan kag kamanggaran para sa iya panimalay;bangod sang iya kaalwan padunggan sia.4 Sa kadudolman, ang kapawa magaiwag sa mga matarong,kay ang Ginuo maayo, maluloy-on kag matarong.5 Pagabugayan ang tawo nga maalwan kag ang nagapahulam,nga nagakabuhi sa katarungan kag katutom.6 Kay ang tawo nga matarong indi gid malingkang;pagadumdomon kag higugmaon sia sa walay katubtoban.7 Wala sia nagakahadlok sa malain nga balita,kay mabaskog ang iya tagipusoon, nagasalig sa Ginuo.8 Wala sia nagakahadlok sang naluwas ang iya kabuhi,pat-od nga magmadinalag-on sia batok sa iya mga kaaway.9 Kay sia nangin maalwan sa mga imol,ang iya maayo nga buhat magapadayon sa walay katubtobankag pagabayawon sia sa pagkahalangdon.10 Makita ini sang malaut, kag sia magakaakig;magabagrot sia sang iya ngipon bangod sa kahisa,mapaslawan ang mga handum sang malain nga tawo.SALMO 113 (112)Mga imol kag mga mapainobuson, dayawa ninyo ang Ginuo! Ang kinatuhay sang Dios sa mga tawo indi lang ang kasangkaron, nga wala sing dulonan, sang iya mga tinuga, kundi ang paagi sang iya pagpakig-upod sa aton, ang iya pagpasulabi sa mga ginatamay sang kadam-an. Ang Dios luyag magpili sang kubos nga mga galamiton sa pagtigayon sang iya daku nga mga binuhatan sang grasia.

1 Dayawa ang Ginuo!Dayawa, O mga alagad sang Ginuo,dayawa ang ngalan sang Ginuo!2 Himayaa ang ngalan sang Ginuosa karon kag sa gihapon!3 Sugod sa pagbutlak tubtob sa pagtunod sang adlaw,kabay nga dayawon ang ngalan sang Ginuo!4 Dayawon ang Ginuo sa tanan nga kapun\Joran, ang iya himaya yara sa kalangitan.5 Sin-o ang kaangay sang Ginuo nga aton Dios, nga nagalingkod sa kahitaasan,6 nga nagatamod sa langit kag sa duta?7 Ginbayaw niya ang imol gikan sa yab-okkag halin sa tinumpok sang abo ginkuha niya ang makalulooy,8 agod sia papungkuon upod sa mga prinsipe,sang mga prinsipe sang iya katawohan.9 Ginahatagan niya sang puloy-an ang babaye nga baw-as.kag magmalipayon sia sa madamo nga kabataan.Dayawa ang Ginuo!SALMO 114 (113 A)Ang paghalin sa Ehipto. – Ang gahum sang Dios-Manlulowas nagpakilala sang kaugalingon sang nahauna nga Paskua, ang paghalin sa Ehipto. Ang pagkabanhaw ni Kristo nagtandog sang bug-os nga kalibutan sa lain nga paagi.

1 Dayawa ang Ginuo!Sang maggua ang Israel halin sa Ehipto,ang kaliwat ni Jacobhalin sa isa ka katawohan nga may dumoluong nga lengguahe,2 ang Juda nangin santuario sang Dios,ang Israel nangin-iya katawohan.3 Sa iya pagtulok ang dagat nalagyokag ang Jordan nag-isol.4 Ang kabukiran naglumpatlompat kaangay sang laki nga mga

karnero,ang kabakuloran nagtumbotumbo kasubong sang mga kordero.5 Ngaa bala nagpalagyo ka, O dagat?O Jordan, ngaa bala nag-isol ka?6 O kabukiran, ngaa bala naglumpatlompat kamo kaangay sang laki

nga mga karnero?O kabakuloran, ngaa bala nagtumbotumbo kamo kasubong sang

mga kordero?

7 Magtay-og ka, O duta, sa atubangan sang Ginuo,sa atubangan sang Dios ni Jacob,8 nga nagahimo sang bato nga punong sang tubi,kag sang santikan nga tuboran sang tubi.SALMO 115 (113 B)Ang katawohan sang Dios wala sing mga diosdios. – Kay aton nabaton ang ihibalo nahanungod sa isa lamang kag matuod nga Dios, magbiya kita sa tanan nga indi Dios.1 Indi sa amon, O Ginuo, indi sa amon,kundi sa imo ngalan manginyara ang himaya,tungod sa imo malig-on nga paghigugma kag katutom.2 Ngaa bala magsiling ang kapungsoran,“Diin bala ang ila Dios?”3 Ang amon Dios yara sa langit;nagahimo sia sang bisan ano nga iya nahamut-an.4 Ang ila mga diosdios nahimo sa pilak kag bulawan,nga ginhimo sang mga kamot sang mga tawo.5 Sila may mga baba, ugaling indi makahambal,may mga mata, ugaling indi makakita.6 Sila may mga dulonggan, ugaling indi makabati,may mga ilong, ugaling indi makasimhot.7 Sila may mga kamot, ugaling indi makabatyag,may mga tiil, ugaling indi makalakat;indi sila makahambal paagi sa ila mga tutonlan.8 Ang mga tawo nga naghimo sa ila manginkaangay sa ila,subong man ang tanan nga nagasalig sa ila.9 O Israel, magsalig sa Ginuo!Sia ang inyo kabulig kag taming!10 Kamo, O kaliwat ni Aaron, magsalig sa Ginuo!Sia ang inyo kabulig kag taming!11 Kamo nga nagakahadlok sa Ginuo, magsalig sa Ginuo!Sia ang inyo kabulig kag taming!12 Ang Ginuo nagadumdom sa aton kag magabendision sa aton.

Pagabendisionan niya ang kaliwat sang Israel; pagabendisionan niya ang kaliwat ni Aaron.

13 Pagabendisionan niya ang mga tawo nga nagakahadlok sa Ginuo,ang mga magamay kag mga dalagku.14 Kabay nga ang Ginuo magpadamo sa inyo,kamo kag ang inyo mga anak.15 Kabay nga bendisionan kamo sang Ginuo,nga naghimo sang langit kag duta.

16 Ang kalangitan iya sang Ginuo,apang ang duta iya ginhatag sa mga tawo.17 Ang mga minatay wala nagadayaw sa Ginuo,ukon ang bisan sin-o nga nagapanaog sa kalinong.18 Apang kita, ang mga buhi, ang nagadayaw sa Ginuo, sugod karon kag sa walay katubtoban.Dayawa ang Ginuo!SALMO 116 (114-115)

Ginhilway mo ako sa kamatayon. “Magalakat ako sa atubangan sang Ginuo sa duta sang mga buhi.” Nagaamba kita sang aton pagpasalamat upod sa tanan nga mga tawo nga ginluwas sang Dios sa kamatayon, upod kay Jesu-Kristo nga aton Ginuo.

1 Dayawa ang Ginuo! Nalipay ako nga ang Ginuo nagpamati sang akon pag-ampo,

2 nga wala sia magpabungolbungol sa akon, sang adlaw sang pagtawag ko sa iya.

3 Sang magsambod sa akon ang mga higot sang kamatayon, sang masi-od ako sang lulobngan,

sang mapun-an ako sang kalisod,4 nagpanawag ako sa ngalan sang Ginuo,“O Ginuo, luwasa ang akon kabuhi!”5 Ang Ginuo maalwan kag matarong;ang aton Ginuo napun-an sang kaluoy.6 Ang Ginuo nagaapin sa bunayag nga tawo;iya ako ginluwas sang ako magpaubos.7 Magbalik ka, O kalag ko, sa imo palahuwayan,kay ang Ginuo nangin-maayo sa imo.8 Ginhilway mo ang akon kalag sa kamatayon,ang akon mata sa pagluha,ang akon tiil sa pagkadusmo.9 Magalakat ako sa atubangan sang Ginuosa kalibutan sang mga buhi.10 Nagatuo ako sa gihapon bisan ako nagsiling,“Nasakitan ako sing tama.”11 Nakasiling ako sadto sa akon kakulba,“Wala sing tawo nga masaligan.”12 Paano bala ako makabalos sa Ginuo,sa tanan niya nga kaayo sa akon?13 Bayawon ko ang kalis sang kaluwasankag magapanawag ako sa ngalan sang Ginuo.14 Pagatumanon ko ang akon mga saad sa Ginuo

sa atubangan sang iya katawohan.15 Ang kamatayon sang mga balaan malahalon sa panulok sang

Ginuo.16 O Ginuo, ako ang imo alagad,ang imo matuod nga alagad, ang anak sang imo ulipon nga babaye.Imo ako ginhubaran sa akon mga gapos.17 Magahalad ako sa imo sang isa ka dulot sang pagpasalamat;magapanawag ako sa ngalan sang Ginuo.18 Pagatumanon ko ang akon mga saad sa Ginuosa atubangan sang iya katawohan,19 sa tunga sang daku nga balay sang Ginuo,sa imo tunga, O Jerusalem.Dayawa ang Ginuo!SALMO 117 (116)1 Dayawa ang Ginuo!Dayawa ang Ginuo, kamo tanan nga kapungsoran!Padunggi sia, kamo tanan nga katawohan!2 Kay daku ang iya malig-on nga paghigugma sa aton,kag ang katutom sang Ginuo nagapadayon sa walay katubtoban.SALMO 118 (117)Indi ako mapatay, magakabuhi ako! Ang bato nga ginsikway sang mga manunokod nangin pamakod nga bato. Ginpatuhoy ni Jesus sa iya kaugalingon ang larawan sang ginsikway nga bato (Mt 21:42; 1 Ped 2:4), kag sang magsulod sia sa Templo, ang kabataan nagaamba: Bulahan ang nagakari sa ngalan sang Ginuo.

1 Dayawa ang Ginuo!Magpasalamat kamo sa Ginuo,kay sia maayo.Ang iya gugma nagapadayon sa walay katubtoban.2 Magsiling ang Israel,“Ang iya gugma nagapadayon sa walay katubtoban.”3 Magsiling ang mga kasimanwa ni Aaron,“Ang iya gugma nagapadayon sa walay katubtoban.” 4 Magsiling ang mga nagakahadlok sa Ginuo,“Ang iya gugma nagapadayon sa walay katubtoban.”5 Sa daku nga kalisod nagpanawag ako sa Ginuo,ginsabat ako sang Ginuo paagi sa paghilway.6 Ang Ginuo kaupod nakon, indi ako mahadlok;ano bala ang mahimo sang tawo batok sa akon?7 Ang Ginuo kaupod ko nga handa magbulig;gani mahangkat ko ang akon mga kaaway.8 Maayo pa ang pagdangup sa Ginuo

sangsa pagsalig sa ikasarang sang tawo.9 Maayo pa ang pagdangup sa Ginuosangsa pagsalig sa mga prinsipe.10 Ginpalibutan ako sang tanan nga mga pungsod;ginlaglag ko sila sa ngalan sang Ginuo.11 Ginpalibutan nila ako sa tanan nga bahin;ginlaglag ko sila sa ngalan sang Ginuo.12 Kasubong sang manara sang mga buyog ila ako ginlikupan;apang subong sila sang nagadabadaba nga mga sulo.13 Gintiklod ako kag diutayan na lang matumba,apang ginbuligan ako sang Ginuo.14 Ang Ginuo amo ang kusog kag ambahanon;sia nangin-akon kaluwasan.15 Malipayon nga paghugyaw sang kadalag-an ang mabatiansa mga tolda sang mga matarong,“Ang tuo nga kamot sang Ginuo nagpadaog sing gamhanan,16 ang Ginuo nagabayaw sang iya tuo nga kamot,ang tuo nga kamot sang Ginuo nagpadaog sing gamhanan.”17 Indi ako mapatay, kundi magakabuhi!Agod ipahayag ang ginhimo sang Ginuo.18 Tama ang pagsilot sang Ginuo sa akon,apang iya ako ginluwas sa kamatayon.19 Buksi sa akon ang mga ganhaan sang katarungan,kag masulod ako sa pagpasalamat.20 “Amo ini ang ganhaan sang Ginuo,sa diin nagaagi ang mga matarong.”21 Nagapasalamat ako sa imo kay ginsabat mo ako,kay imo ako ginluwas.

22 Ang bato nga ginsikway sang mga manunokod nangin pamakod nga bato.23 Ini ang ginhimo sang Ginuokag ginadayaw naton ini.24 Ini ang adlaw nga gintigana sang Dios;gani magkasadya kita kag magkalipay.25 Luwasa kami, O Ginuo, hatagi kami sang kadalag-an!26 Bulahan ang nagakari sa ngalan sang Ginuo!Ginadayaw ka namon gikan sa balay sang Ginuo.27 Ang Ginuo amo ang Dios; sia ang aton kapawa.Magbuylog kamo nga may ginauyatan nga mga lukay

tubtob sa mga sungay sang altar.28 Ikaw ang akon Dios, kag pasalamatan ko ikaw.Ikaw ang akon Dios kag dayawon ko ikaw.29 Magpasalamat sa Ginuo kay sia maayo;ang iya malig-on nga gugma nagapadayon sa walay katapusan!SALMO 119 (118)Salmo nahanungod sa Kasugoan. – Ini nga salmo, ang pinakamalaba sa Biblia, wala ginakapoy sa pagsiling sing liwatliwat nga ang pagtuman sa pulong sang Dios amo ang kabuhi kag kalipay.

1 Bulahan ang mga tawo nga ang ila dalanon wala sing kasawayan, nga nagalakat suno sa kasugoan sang Ginuo.

2 Bulahan ang mga tawo nga nagatuman sang iya mga sugo, nga nagapangita sa iya sa bug-os nila nga tagipusoon.

3 Wala man sila nagahimo sing sayop, kundi nagalakat sa iya mga banas.

4 Ginsugo mo nga ang imo mga pagsulondan dapat tumanon sing matutom.

5 Kabay nga ang akon mga dalanon magmalig-on sa pagtuman sang imo mga palatukdan.

6 Dayon indi ako mahuy-an, sa pagtalana sang akon mga mata sa tanan mo nga mga sugo.

7 Magadayaw ako sa imo nga may matarong nga tagipusoon,sa akon pagtuon sang imo matarong nga mga tulomanon.8 Tumanon ko ang imo mga palatukdan. Dili ako pagpatumbaya-i

sing bug-os.9 Paano bala makatipig ang mga pamatan-on sang ila dalanon

agod ini mangin putli?Paagi sa pagbantay sini suno sa imo pulong.10 Sa bug-os ko nga tagipusoon nagapangita ako sa imo; dili pag-

itugot nga magtalang ako palayo sa imo mga sugo.11 Ginatipigan ko ang imo pulong sa akon tagipusoon, agod indi

ako magpakasala batok sa imo.12 Dayawon ikaw, O Ginuo; tudlo-i ako sang imo mga palatukdan.13 Sa akon mga bibig ginapahayag ko ang tanan nga mga

tulomanon nga imo ginamitlang.14 Nagakalipay ako sa paglakat suno sa imo mga sugo, labaw

sangsa tanan nga mga manggad.15 Magapamalandong ako nahanungod sa imo mga pagsulondan,

kag magatalupangod sing labi sa imo mga banas.16 Magakalipay ako sa imo mga palatukdan; dili ko pagkalimtan

ang imo pulong.17 Magmaalwan sa imo alagad, agod magkabuhi ako sa pagtuman

sang imo pulong.

18 Buksi ang akon mga mata agod makakita ako sang makatilingala nga mga kamatuoran sa imo kasugoan.

19 Nagakabuhi ako bilang manlulogayaw sa duta; dili pagtago-a ang imo mga sugo palayo sa akon.

20 Ang akon kalag napun-an sang paghandum sa imo mga tulomanon sa tanan nga tion.

21 Ginasabdong mo ang mga bugalon, ang mga ginpakamalaut, nga nagatalang palayo sa imo mga sugo.

22 Kuhaa sa akon ang ila pagpangyubit kag pagtamay,kay gintuman ko ang imo mga sugo.23 Bisan ang mga prinsipe nagalingkod sa paghimbon batok sa

akon, ang imo alagad magapamalandong nahanungod sa imo mga palatukdan.

24 Ang imo mga sugo amo ang akon kalipay, sila ang akon mga manuglaygay.

25 Nagahapa ako sa yab-ok; buhi-a ako liwat suno sa ginsaad sang imo pulong.

26 Sang makasugid ako sa imo sang akon mga dalanon, ginsabat mo ako; tudlo-i ako sang imo mga palatukdan.

27 Pahangpa ako sang dalanon sang imo mga pagsulondan, kag magapamalandong ako nahanungod sa imo makatilingala nga mga binuhatan.

28 Ang akon kalag nawad-an sang kusog tungod sa kalisod; pabakura ako suno sa imo pulong.

29 Ilikaw ako sa nagapatalang nga mga alagyan; magmaalwan ka sa akon kag tudlo-i ako sang imo kasugoan.

30 Ginpili ko ang alagyan sang katutom; ginpahamtang ko ang imo mga tulomanon sa atubangan ko.

31 Nagakapyot ako sa imo mga sugo, O Ginuo; dili ako pagpakahuy-i.

32 Nagadalagan ako sa dalan sang imo mga sugo, kay imo ginapasangkad ang akon paghangup.

33 Tudlo-i ako, O Ginuo, sang dalan sang imo mga palatukdan, kag tumanon ko ini tubtob sa katapusan.

34 Hatagi ako sang paghangup, agod tipigan ko ang imo kasugoan kag tumanon ini sa bug-os ko nga tagipusoon.

35 Tuytoyi ako sa alagyan sang imo mga sugo, kay nagakalipay ako sa sini.

36 Liso-a ang akon tagipusoon sa pagtuman sang imo mga sugo, kag indi sa kinaugalingon nga kadalok.

37 Ilikaw ang akon mga mata sa pagtan-aw sang mga butang nga walay kapuslanan; hatagi ako sang kabuhi sa imo mga dalanon.

38 Pamatud-i sa imo alagad ang imo saad, nga para sa mga tawo

nga nagatahod sa imo.39 Ipahilayo ang kahuy-anan nga akon ginakahadlukan, kay ang

imo mga tulomanon maayo.40 Tan-awa, ginahandum ko ang imo mga pagsulondan; sa imo

pagkamatarong hatagi ako sang kabuhi.41 Pakari-a sa akon ang imo malig-on nga paghigugma, O Ginuo,

ang imo pagluwas suno sa imo saad.42 Dayon may isabat ako sa mga nagayaguta sa akon, kay

nagasalig ako sa imo pulong.43 Dili pagkuhaa sing bug-os sa akon baba ang pulong sang

kamatuoran, kay nagalaum ako sa imo mga tulomanon.44 Tumanon ko ang imo kasugoan sa gihapon, sa walay

katubtoban.45 Magalakat ako sa kahilwayan, kay ginpangita ko ang imo mga

pagsulondan.46 Magahambal man ako nahanungod sa imo mga sugo sa

atubangan sang mga hari, kag indi ako mahuy-an.47 Nagakalipay ako sa imo mga sugo, kay ginahigugma ko ini

tanan.48 Ginatahod ko ang imo mga sugo, nga akon ginahigugma, kag

magapamalandong ako nahanungod sa imo mga palatukdan.49 Dumdoma ang imo pulong sa imo alagad, ang imo pulong nga

naghatag sa akon sang paglaum.50 Ini ang akon kasulhayan sa akon kapi-otan: nga ang imo saad

nagahatag sang kabuhi sa akon.51 Ang mga bugalon nagayubit sing tama sa akon, apang wala ako

magbiya sa imo kasugoan.52 Kon magpanumdom ako sang imo mga tulomanon nga imo

ginhatag sang una, may kasulhayan ako, O Ginuo.53 Naakig ako sing tama sa mga malauton nga nagasikway sang

imo kasugoan.54 Ang imo mga palatukdan nangin-akon mga ambahanon bisan

diin ako magpatindog sang akon puloy-an.55 Ginadumdom ko ang imo ngalan sa kagab-ihon, O Ginuo, kag

ginatuman ko ang imo kasugoan.56 Ini nga bugay ang akon nabaton, kay nagapadayon ako sa

pagtuman sang imo mga pagsulondan.57 Ang Ginuo amo ang akon palanublion; nagsaad ako sa

pagtuman sang imo mga pulong.58 Ginapangabay ko ang imo kahamuot sa bug-os ko nga

tagipusoon; kaluoyi ako suno sa imo saad.59 Kon magpanumdom ako sang imo mga dalanon, nagatapat ako

sa pagsunod sang imo mga sugo.60 Nagadalidali ako kag wala nagahinayhinay sa pagtuman sang

imo mga sugo.61 Bisan ang mga lubid sang mga malauton nagsi-od sa akon, wala

ako malipat sa imo kasugoan.62 Sa tungang gab-i nagabangon ako sa pagdayaw sa imo, bangod

sa imo matarong nga mga tulomanon.63 Isa ako ka kaupod sang tanan nga nagakahadlok sa imo, sang

mga tawo nga nagatuman sang imo mga pagsulondan.64 Ang duta, O Ginuo, puno sang imo malig-on nga paghigugma;

tudlo-i ako sang imo mga palatukdan.65 Nagmaayo ikaw sa imo alagad, O Ginuo, suno sa imo pulong.66 Tudlo-i ako sang maayo nga paghukom kag ihibalo, kay

nagapati ako sa imo mga sugo.67 Sa wala pa ako pagpaubosa nagtalang ako, apang karon

nagatuman ako sang imo pulong.68 Maayo ikaw kag nagahimo sing maayo; tudlo-i ako sang imo

mga palatukdan.69 Ang mga bugalon nagasugid sang mga kabutigan nahanungod

sa akon, apang sa bug-os ko nga tagipusoon ginatuman ko ang imo mga pagsulondan.

70 Ang ila mga tagipusoon matambok kag matig-a, apang nagakalipay ako sa imo kasugoan.

71 Maayo sa akon nga ako ginpaubos, agod nga makatuon ako sang imo mga palatukdan.

72 Ang kasugoan sang imo baba labi nga maayo sa akon sangsa linibolibo ka binilog nga mga bulawan kag pilak.

73 Ang imo mga kamot naghimo kag naghatag sang dagway sa akon; hatagi ako sang paghangup agod nga makatuon ako sang imo mga sugo.

74 Ang mga tawo nga nagakahadlok sa imo makakita sa akon kag magakalipay, kay nagalaum ako sa imo pulong.

75 Nakahibalo ako, O Ginuo, nga ang imo mga paghukom matarong, kag sa katutom imo ako ginpaubos.

76 Lipaya ako sang imo malig-on nga paghigugma, suno sa imo saad sa imo alagad.

77 Pakari-a sa akon ang imo kaluoy, agod ako mabuhi; kay ang imo kasugoan akon kalipayan.

78 Kabay nga mahuy-an ang mga bugalon, kay ginsumbong nila ako sing binutig; ako akon magapamalandong nahanungod sa imo mga pagsulondan.

79 Kabay nga ang mga nagakahadlok sa imo mag-atubang sa akon, agod nga makahibalo sila sang imo mga sugo.

80 Kabay nga ang akon tagipusoon wala sing kasawayan sa imo mga palatukdan, agod nga indi ako mahuy-an.

81 Ang akon kalag nagahandum sing tama sang imo pagluwas; nagasalig ako sa imo pulong.

82 Ang akon mga mata ginalapyo sa pagpaabot sang imo saad. Nagapamangkot ako, “San-o mo bala ako lipayon?”

83 Nanginkaangay ako sang mamala nga panit nga sulodlan sang bino sa asohan, apang wala ko pagkalimti ang imo mga palatukdan.

84 Tubtob san-o bala magbatas ang imo alagad? San-o mo bala hukman ang mga nagahingabot sa akon?

85 Ang mga bugalon nagkutkot sang mga buho sa pagsi-od sa akon; ila ginatamay ang imo kasugoan.

86 Ang tanan mo nga mga sugo masaligan. Ginahingabot ako sa walay kabangdanan; buligi ako!

87 Diutayan lang nila ako mapatay sa duta; apang wala ako magbiya sa imo mga pagsulondan.

88 Sa imo malig-on nga paghigugma tipigi ang akon kabuhi, agod nga matuman ko ang mga sugo sang imo baba.

89 O Ginuo, ang imo pulong nagapadayon sa walay katubtoban, kay ini napasad sing mapag-on sa langit.

90 Ang imo katutom nagapadayon sa tanan nga mga kaliwatan; imo ginpasad ang duta, kag ini nagapadayon.

91 Paagi sa imo pagbuot nagapadayon sila tubtob karon, kay ang tanan nga mga butang imo mga alagad.

92 Kon ang imo kasugoan wala magmangin-akon kalipay, kuntani napatay na ako sa akon pagkamakalulooy.

93 Indi ko gid pagkalimtan ang imo mga pagsulondan, kay paagi sa ila ginhatagan mo ako sang kabuhi.

94 Imo ako; luwasa ako, kay nagtinguha ako sa pagtuman sang imo mga pagsulondan.

95 Ang mga malauton nagahulat sa pagpatay sa akon, apang nagabinagbinag ako nahanungod sa imo mga sugo.

96 Nakita ko nga ang tanan nga kahimpitan may kakulangan, apang ang imo sugo tama ka masangkad.

97 O daw ano ang paghigugma ko sa imo kasugoan! Ini ang akon ginapamalandungan sa bug-os nga adlaw.

98 Ang imo sugo nagahimo sa akon nga labi nga maalam sangsa akon mga kaaway, kay ini yari sa akon sa gihapon.

99 Ako may labi nga paghangup sangsa tanan ko nga mga

manunodlo, kay ang imo mga sugo akon ginapamalandungan.100 Makahangup ako sing labi sangsa mga agurang, kay

ginatuman ko ang imo mga pagsulondan.101 Ginalikaw ko ang akon mga tiil sa tagsa ka malain nga alagyan,

agod nga matuman ko ang imo pulong.102 Wala ako magbiya sa imo mga tulomanon, kay ikaw mismo

ang nagtudlo sa akon.103 Daw ano katam-is sang imo mga pulong sa akon idilimdim, labi

nga matam-is sa dugos sa akon baba!104 Paagi sa imo mga pagsulondan nakaagum ako sang

paghangup; gani ginakaugtan ko ang tagsa ka di-matuod nga banas.

105 Ang imo pulong isa ka suga sa akon mga tiil kag kapawa sa akon alagyan.

106 Nagpanumpa ako kag nagpamatuod sini, nga tumanon ko ang imo matarong nga mga tulomanon.

107 Nagaantus ako sing tama, O Ginuo, hatagi ako sang kabuhi suno sa imo pulong.

108 Batuna ang akon mga dulot nga pagdayaw, O Ginuo, kag tudlo-i ako sang imo mga tulomanon.

109 Handa ako sa paghalad sang akon kabuhi sa gihapon, kay wala ko pagkalimti ang imo kasugoan.

110 Ang mga malauton nag-aman sang si-od para sa akon, apang wala ako magtalang palayo sa imo mga pagsulondan.

111 Ang imo mga sugo amo ang akon palanublion sa walay katubtoban; sila ang kalipay sang akon tagipusoon.

112 Nagtapat ako sa pagtuman sang imo mga palatukdan sa gihapon, tubtob sa katapusan.

113 Ginakaugtan ko ang mga maluibon, apang ginahigugma ko ang imo kasugoan.

114 Ikaw ang akon dalangpan kag taming; nagalaum ako sa imo pulong.

115 Palayo kamo sa akon, kamo nga nagahimo sing malain; pabay-i ako sa pagtuman sang mga sugo sang akon Dios.

116 Pabakura ako suno sa imo saad, agod nga ako mabuhi, kag dili pag-itugot nga mahuy-an ako sa akon paglaum.

117 Uyati ako agod nga indi ako maano kag matuman ko ang imo mga palatukdan sa gihapon.

118 Ginasikway mo ang tanan nga nagatalang palayo sa imo mga palatukdan, kay ang ila paglimbong wala sing pulos.

119 Ang tanan nga mga malauton sang duta imo ginakabig nga sagbot, gani ginahigugma ko ang imo mga sugo.

120 Ang akon unod nagakurog sa kahadlok sa imo, kag nahadlok ako sa imo mga paghukom.

121 Ginhimo ko ang matarong kag husto; dili ako pagbaya-i sa akon mga manugpigos.

122 Pat-ura ang ikaayo sang imo alagad; dili pagtugoti ang mga tawo nga wala nagapati sa imo sa pagpigos sa akon.

123 Ang akon mga mata ginalapyo sa pagpaabot sang imo pagluwas, kag sang katumanan sang imo matarong nga saad.

124 Atipana ang imo alagad suno sa imo malig-on nga paghigugma, kag tudlo-i ako sang imo mga palatukdan.

125 Ako ang imo alagad; hatagi ako sang paghangup, agod nga makahibalo ako sang imo mga sugo.

126 Tion na sa pagbuhat sang Ginuo, kay ang imo kasugoan wala pagtumana.

127 Sa pagkamatuod, ginahigugma ko ang imo mga sugo sing labi sa bulawan, labi sa pinakapuraw nga bulawan.

128 Sa pagkamatuod, ginatuytoyan ko ang akon mga tikang paagi sa tanan mo nga mga pagsulondan; ginakaugtan ko ang tagsa ka di-matuod nga dalan.

129 Ang imo mga sugo makatilingala; gani ang akon kalag nagatuman sini tanan.

130 Ang pagpahayag sang imo mga pulong nagahatag sang kapawa; nagahatag ini sang paghangup sa mga bunayag.

131 Naganganga ang akon baba sa paghawathawat sang akon ginhawa, kay nagahandum ako sing tama sang imo mga sugo.

132 Balikda ako kag kaluoyi, subong sang imo kinabatasan sa mga tawo nga nagahigugma sa imo ngalan.

133 Lig-una ang akon mga tikang suno sa imo saad, kag dili pagtugoti ang kalautan sa paggahum sa akon.

134 Tubsa ako sa pagpamigos sang mga tawo, agod nga matuman ko ang imo mga pagsulondan.

135 Pasanaga ang imo nawong sa imo alagad, kag tudlo-i ako sang imo mga palatukdan.

136 Ang akon mga mata nagahilibion sing tama, kay ang imo kasugoan wala pagtumana.

137 Matarong ikaw, O Ginuo, kag ang imo mga paghukom husto.138 Ginpatuman mo ang imo mga sugo sa pagkamatarong kag sa

bug-os nga katutom.139 Ang akon kaukod nagadabdab sing tama sa akon, kay ang

akon mga kaaway nagakalipat sang imo mga pulong.140 Ang imo saad natilawan sing maayo, kag ang imo alagad

nagahigugma sini.141 Kubos ako kag talamayon, apang wala ko ginakalimtan ang

imo mga pagsulondan.142 Ang imo pagkamatarong walay katapusan nga pagkamatarong,

kag ang imo kasugoan amo ang kamatuoran.143 Ang katublagan kag kalisdanan nag-abot sa akon, apang ang

imo mga sugo amo ang akon kalipay.144 Ang imo mga sugo matarong sa walay katubtoban; hatagi ako

sang paghangup agod nga ako mabuhi.145 Sa bug-os ko nga tagipusoon ako nagatuaw; sabta ako, O

Ginuo. Tumanon ko ang imo mga palatukdan.146 Nagapanawag ako sa imo, luwasa ako agod nga matuman ko

ang imo mga sugo.147 Nagabangon ako sa wala pa ang pamanagbanag kag nagatuaw

sa pagpangayo sang tabang; nagalaum ako sa imo mga pulong.148 Ang akon mga mata nagamuklat sa wala pa ang tagsa ka tion

sang pagpulaw sa kagab-ihon, agod nga makapamalandong ako nahanungod sa imo saad.

149 Sa imo malig-on nga paghigugma pamatii ang akon tingog; O Ginuo, sa imo katarungan tipigi ang akon kabuhi.

150 Ang mga tawo nga may malaut nga katuyoan kag nagahingabot sa akon nagapalapit na; malayo sila sa imo kasugoan.

151 Apang malapit ikaw, O Ginuo, kag ang tanan mo nga mga sugo matuod.

152 Sadto pa nga panahon natun-an ko na sa imo mga sugo nga ginpasad mo ini tanan sa walay katubtoban.

153 Tamda ang akon pagkamakalulooy kag luwasa ako, kay wala ko ginakalimtan ang imo kasugoan.

154 Apini ang akon kawsa kag tubsa ako; hatagi ako sang kabuhi suno sa imo saad.

155 Ang kaluwasan malayo sa mga malauton, kay wala sila nagatinguha sa pagtuman sang imo mga palatukdan.

156 Daku ang imo kaluoy, O Ginuo; hatagi ako sang kabuhi suno sa imo katarungan.

157 Madamo ang akon mga manughingabot kag mga kaaway, apang wala ako magliko palayo sa imo mga sugo.

158 Ginatulok ko kag ginakangil-aran ang mga maluibon, kay wala sila nagatuman sang imo mga sugo.

159 Talupangda kon daw ano ang paghigugma ko sa imo mga pagsulondan; tipigi ang akon kabuhi suno sa imo malig-on nga paghigugma.

160 Ang kabug-osan sang imo pulong amo ang kamatuoran; ang

tagsatagsa sang imo matarong nga mga tulomanon nagapadayon sa walay katubtoban.

161 Ang mga prinsipe nagahingabot sa akon sa walay kabangdanan, apang ang akon tagipusoon nagapadayon sa pagtahod sang imo mga pulong.

162 Nagakalipay ako sa imo pulong subong sang tawo nga nakakita sang daku nga manggad nga inagaw sa inaway.

163 Ginakaugtan kag ginakangil-aran ko ang kabutigan, apang ginahigugma ko ang imo kasugoan.

164 Makapito sa tagsa ka adlaw ginadayaw ko ikaw tungod sang imo matarong nga mga tulomanon.

165 May daku nga paghidaet ang mga tawo nga nagahigugma sang imo kasugoan; wala sing may makapadusmo sa ila.

166 Nagalaum ako sang imo pagluwas, O Ginuo, kag ginatuman ko ang imo mga sugo.

167 Ang akon kalag nagatipig sang imo mga sugo; ginahigugma ko ini tanan sing tama.

168 Ginatuman ko ang imo mga pagsulondan kag mga sugo, kay ang tanan ko nga mga dalanon yara sa imo atubangan.

169 Kabay nga ang akon pagtuaw magpalapit sa imo atubangan, O Ginuo; hatagi ako sang paghangup suno sa imo pulong.

170 Kabay nga ang akon pag-ampo magpalapit sa imo atubangan; luwasa ako suno sa imo saad.

171 Ang akon mga bibig magamitlang sang mga pagdayaw, kay ginatudloan mo ako sang imo mga palatukdan.

172 Ang akon dila magaamba nahanungod sa imo saad, kay ang tanan mo nga mga sugo husto.

173 Kabay nga ang imo kamot magmangin handa sa pagbulig sa akon, kay ginpili ko ang imo mga pagsulondan.

174 Ginahandum ko ang imo pagluwas, O Ginuo, kag ang imo kasugoan amo ang akon kalipay.

175 Tugoti ako nga mabuhi agod nga makadayaw ako sa imo, kag kabay nga ang imo mga tulomanon magbulig sa akon.

176 Nagtalang ako subong sang nadula nga karnero; pangitaa ang imo alagad, kay wala ko ginakalimtan ang imo mga sugo. SALMO 120 (119)1 Sa akon kapi-otan nagapanawag ako sa Ginuo,agod sabton niya ako,2 “Luwasa ako, O Ginuo,sa butigon nga mga bibig, sa malimbungon nga dila.”3 Ano bala ang igahatag sa imo?Kag ano pa bala ang himuon sa imo, ikaw nga malimbungon nga

dila?4 Pagasilutan ka niya sang matalum nga mga baslay sang

hangaway,nga ginpatig-a sa nagabaga nga uling sang enebro nga kahoy!5 Kailo ako, nga isa ako ka dumoluong sa Me-shek,nga nagapuyo ako sa mga tolda sang Kedar.6 Tama kalawig ang akon pagpuyoupod sa mga tawo nga naugot sa paghidaet.7 Luyag ko ang paghidaet, apang kon maghambal ako sa pag-unong

sa paghidaet,luyag nila ang inaway.SALMO 121 (120)Indi ka pagpaslawon sang Ginuo. Sa dalan padulong sa Jerusalem ang mga nagapanglakaton nagabinagbinag sang kabudlayan sang pagpanglakaton, sang mabudlay nga dalanon, sang init sang adlaw, sang katalagman bangod sa mga tulisan. Apang nakahibalo sila nga ang Dios kaupod nila kag nagapangapin sia sa ila.1 Ang akon mga mata nagatangla sa kabukiran –sa diin bala magagikan ang akon bulig?2 Sa Ginuo nagagikan ang akon bulig,ang nagtuga sang langit kag duta.3 Indi niya pagpabay-an ang akon mga tiil nga madanlog.Ginabantayan ka niya kag indi sia pagtuyohon.4 Tan-awa, ang nagabantay sa Israel indi matulogan kag magpiyong.5 Ang Ginuo amo ang akon manugbantay;ang Ginuo ang nagalandong sa imo.6 Ang adlaw indi makapaso sa inyo sa tingadlaw,ang bulan indi makahalit sa imo sa kagab-ihon.7 Ang Ginuo magabantay sa imo sa kalainan;pagaluwason niya ang imo kabuhi.8 Ang Ginuo magabantay sang imo paghalin kag pag-abot,sa karon kag sa gihapon.SALMO 122 (121)Makadto kita sa balay sang Ginuo. – Isa ini ka ambahanon nga napun-an sang kapagsik kag kalipay sang isa ka tumoluo nga nagatambong sa piesta sa tion sang iya pag-abot sa Templo sang Jerusalem. Pagdayaw sa daku nga balay. Bugal sa pagtan-aw sa pag-inabot sang madamo nga mga tawo. Kag isa pa ka butang nga may labing madalum nga kahulogan: ang inagihan sa paghiambit sang kabuhi sa iban nga mga tumoluo.

1 Nagkalipay ako sang magsiling sila sa akon,“Dali, makadto kita sa balay sang Ginuo!”2 Kag karon nagatindog kami

sa sulod sang imo mga puerta, O Jerusalem!3 Ang Jerusalem ginpatindog bilang isa ka siudad nga nabug-os

sing malig-on.4 Diri nagataklad ang mga tribo, ang mga tribo sang Ginuo,suno sa ginsugo sa Israel,sa pagpasalamat sa ngalan sang Ginuo.5 Kay diri ginpahamtang ang mga hukmanan,ang mga hukmanan sang kaliwat ni David.6 Magpangamuyo para sa paghidaet sang Jerusalem,“Kabay nga magmauswagon ang mga nagahigugma sa imo.7 Kabay nga may paghidaet sa sulod sang imo mga pader,kag may kapat-uran sa sulod sang imo mga tore.”8 Tungod sa akon mga pariente kag mga abyanmagasiling ako, “Ang paghidaet manginyara sa imo.”9 Tungod sa balay sang Ginuo nga aton Dios,magapangamuyo ako para sa imo kaayuhan.SALMO 123 (122)Salmo sang paglaum. Nakahibalo kita nga ang aton labing maayo nga Amay nagapamati sa aton sa gihapon. Indi kita magkataka sa pagtamod sa Ginuo tubtob magsiling sia: “Ginluwas kamo sang inyo pagtuo.” 1 Sa imo akon ginpatamod ang akon mga mata,sa imo nga may trono sa langit.2 Subong sang mga mata sang mga alagad nga nagatuloksa kamot sang ila agalon,subong sang mga mata sang ulipon nga mga babaye nga nagatuloksa kamot sang ila agalon nga babaye,sa amo man nga bagay ang aton mga mata nagatulok sa Ginuo nga

aton Dios, tubtob kaluy-an niya kita.3 Maluoy ka sa amon, O Ginuo,maluoy ka sa amon,kay natak-an na kami sang pag-antus.4 Madugay na nga natak-an ang amon kalag sang pagpakanubo

sang mga matinaastaason,sang pagyaguta sang mga tawo nga wala sing pagtaha.SALMO 124 (123)Nakapalagyo kami sa tugalbong sang mangangayam. – “Naisip ang mga buhok sang inyo ulo, kamo may labi nga bili sa mga pispis.”

1 Kon ang Ginuo wala magdampig sa aton,– ang Israel magsiling karon –

2 Kon ang Ginuo wala magdampig sa aton,sang magsalakay sa aton ang aton mga kaaway,3 kuntani ila gintulon kita nga buhi,sang manginit sila sa kaakig sa aton,4 kuntani gin-anod na kita sang baha,ginlumos kita sang masulog nga tubi,5 kuntani ginlumos na kita sang mabaskog nga tubi.6 Dayawon ang Ginuo,nga wala magtugyan sa atonbilang tulokbon sa ila mga bangkil.7 Nakapalagyo kita subong sang pispissa si-od sang mga manugpamispis;ang si-od nabugto kag kita nakapalagyo.8 Ang aton bulig yara sa ngalan sang Ginuo,nga naghimo sang langit kag duta.SALMO 125 (124)Magsalig sa Ginuo. – Ang tumoluo nga nagatambong sa piesta makadayaw sa mga pader sang Jerusalem, nga halos indi malab-ot sang mga kaaway. Isa ini ka larawan sang pagpangapin sang Dios.1 Ang mga tawo nga nagasalig sa Ginuokasubong sa Bukid Sion,nga indi maidog, kundi nagatindog sa walay katubtoban.2 Subong nga ang kabukiran yara sa palibot sang Jerusalem,sa amo man nga bagay ang Ginuo yara sa palibot sang iya

katawohan,sugod karon kag sa walay katubtoban.3 Ang setro sang kalautan indi magpabilinsa duta nga ginpanagtag sa mga matarong,agod nga ang mga matarong indi mag-untay sang ila mga kamot sa

paghimo sing malain.4 Himo-a ang maayo, O Ginuo, sa mga tawo nga maayo,kag sa mga tawo nga may matarong nga tagipusoon.5 Apang ang mga tawo nga nagaliko sa pagpadayon sa ila tiko nga

mga dalanonpagadalhon sang Ginuo upod sa mga tawo nga nagahimo sing

malain.Ang paghidaet manginyara sa Israel!SALMO 126 (125)Magabalik sila sing malipayon nga nagadala sang ila mga uhay. Ang tanhaga sang kabuhi nga nagabangon sa kamatayon. Ang paglaum para sa mga nagakalisod, sa mga napaslawan bangod sa diutay nga bunga sang ila pagpangabudlay.

1 Sang ginbalik sang Ginuoang mga bihag sang Sion,daw sa nagdamgo lang kami.2 Dayon ang amon mga baba napun-an sang kasadya,kag ang amon mga dila napun-an sang mga ambahanon sa kalipay.Ini nangin-isa ka halambalanon sang mga pungsod,“Dalayawon ang ginhimo sang Ginuo para sa ila.”3 Dalayawon ang ginhimo sang Ginuo kag daku gid ang amon

kalipay.4 Ibalik mo, O Ginuo, ang amon kapalaran,subong sang matin-aw nga tubi sa desierto.5 Ang mga nagasab-og nga may mga luha magaani sa kalipay.6 Naglakat sila nga nagahibi,nga nagadala sang mga binhi;nagbalalik sila nga nagaamba sa kalipay,nga nagadala sang binugkos nga naani.SALMO 127 (126)Ang bisan ano nga gintukod nga wala pagkilalaha ang Dios, isa ka walay kapuslanan. Walay kapuslanan ang aton pagpangita, sa bug-os naton nga mga inadlaw, sang kapat-uran para sa palaabuton, kon kita nagabulagbulagan kag wala magkabalaka, kag nagapaligad sang mga hitabo kag mga kalipay nga ginatigana sang tinion karon para sa aton. 1 Kon indi ang Dios ang nagapatindog sang balaymangin walay pulos ang kabudlay sang mga nagpatindog.Kon indi ang Dios ang nagabantay sa siudad,mangin walay pulos ang pagpulaw sang mga bantay.2 Walay pulos ang pagbugtaw mo sang aga pa gidkag ang pagpulaw mo nga gab-i na gid,ang pagpangabudlay para sa imo kalan-on,kay sia nagahatag sa iya mga hinigugma bisan sila nagakatulog.3 Bugay sang Ginuo ang mga anak nga lalaki,isa ka padya nga bunga sang taguangkan.4 Subong sang mga baslay sa kamot sang isa ka hangawayang mga anak nga lalaki sang tawo sang sia lamharon pa.5 Bulahan ang tawo nga, sa iya sulodlan, may madamo nga mga

baslaynga kaangay sini,kay indi sia madaogkon mag-atubang sia sa iya mga kaaway didto sa hukmanan.SALMO 128 (127)

Ang pagbendision sa panimalay. – Ang tumoluo may kinatuhay sa mga tawo nga nagapalibog kag di-mapailubon, kay sia nagatinguha sa pagtan-aw sa maayo nga larawan sang kabuhi kag kalibutan. Ginakilala niya ang mga bugay nga ginhatag sang Dios sa iya panimalay kag sa katilingban sang mga Kristiano. Ang daku nga pamilya amo ang bugay sang Dios sa mga tawo nga nagpili sini kag nagbaton sang mga katungdanan sini.

1 Bulahan ang mga tawo nga nagakahadlok sa Ginuo,nga nagalakat sa iya mga dalanon.2 Magakaon ka sang bunga sang kinabudlayan sang imo mga kamot;mangin bulahan ka kag kahamut-an.3 Ang imo asawa manginkaangay sang mabungahon nga balagon

sang ubas sa sulod sang imo puloy-an;ang imo mga anak manginkaangay sang linghod nga kahoy nga

olibo sa palibot sang imo lamesa.4 Amo ini ang mga bugay nga ginahatagsa tawo nga nagakahadlok sa Ginuo.5 Kabay nga bugayan ka sang Ginuo gikan sa Sion.Kabay nga makita mo ang pag-uswag sang Jerusalem sa tanan nga

mga inadlaw sang imo kabuhi.6 Kabay nga makita mo ang mga anak sang imo mga anak.Ang paghidaet manginyara sa Israel!SALMO 129 (128)Sugod pa sang pagkalamharon, ang katawohan sang Dios ginhingabot na. – Sa katapusan, ang ila mga kaaway naglinapta samtang sila nagpadayon nga mapag-on. Ang pagpadayon nga malig-on walay sapayan sa mga kabudlayan sang kabuhi isa ka sahi sang matuod nga paglaum. Kabay nga ang Ginuo magtigayon sa aton sa “pagpamunga sang kalig-unan.” 1 “Sa masunson ginpigos nila ako sing tama sugod sa akon

pagkalamharon” – ang Israel magsiling karon –2 “sa masunson ginpigos nila ako sing tama sugod sa akon

pagkalamharon,apang wala sila makadaog sa akon.3 Ang mga manug-arado nag-arado sang akon likod;naghimo sila sang malaba kag madalum nga mga idas.”4 Ang Ginuo matarong;gin-utod niya ang mga lubid sang mga malauton.5 Kabay nga ang tanan nga nagadumot sa Sion mahuy-an kag

mapaisol.6 Kabay nga sila manginsubong sang mga hilamon sa mga atop

sang mga balaynga nagakalaya sa wala pa ini magabot.

7 Sa sini ang mga manuggalab wala sing madamo nga galabon kag tipunon sa ila mga kamot,

ukon ang mga manugbugkos sang mga uhay wala sing madamo nga tipunon sa ila mga butkon,

8 samtang wala sing may nagalabay nga magsiling,“Kabay nga ang bendision sang Ginuo manginyara sa inyo!Ginabendisionan namon kamo sa ngalan sang Ginuo!”SALMO 130 (129)Gikan sa kadadalman nagapanawag ako sa imo. Isa ka salmo sang paghinulsol, apang labaw sa tanan, isa ka pangamuyo sang pagsalig sa Dios. 1 Gikan sa kadadalman, nagapanawag ako sa imo,2 O Ginuo, pamatii ang akon tingog!Kuntani ang imo mga dulonggan makatalupangodsang tingog sang akon pagpangabay.3 Kon tandaan mo ang amon mga sala,O Ginuo, sin-o bala ang makalikaw?4 Apang sa imo may kapatawaran,kag bangod sina ginatahod ka.5 Nagalaum ako sa Ginuo, ang akon kalag nagahulat,kag nagasalig ako sa iya pulong.6 Labi pa ang akon kalangkag sa pagpaabot sa Ginuosangsa paghulat sang bantay sa kaagahon.7 O Israel, magsalig ka sa Ginuo,kay yara sa Ginuo ang mapinadayunon nga gugmakag ang bug-os nga kaluwasan.8 Luwason niya ang Israelsa tanan sini nga mga sala.SALMO 131 (130)Pagsalig sa Dios subong sang pagsalig sang bata. – Isa ka bunayag kag mapainobuson nga pangamuyo nga napun-an sang pagsalig. Nagapahanumdom ini sa aton sang kalinong sang isa ka bata nga ginakugos sang iya iloy. Indi bala amo ini ang batasan nga ginadayaw ni Jesus? Indi bala ang Dios aton man iloy subong nga sia aton amay?1 O Ginuo, ang akon tagipusoon indi bugalon, ang akon mga mata

indi matinaastaason.Wala ako nabuyo sa mga butang nga tama kadaku kag tama ka

makatilingala para sa akon.2 Apang ginpahipos ko kag ginpalinong ang akon kalag,subong sang nalutas nga bata nga ginakugos sang iya iloy;ang akon kalag subong sang nalutas nga bata nga may kalinong.

3 O Israel, magsalig ka sa Ginuo sugod karon kag sa walay katubtoban.

SALMO 132 (131)Dili pagkalimti ang mga kaliwat sang imo alagad nga si David.

1 O Ginuo, dumdoma si David kag ang tanan nga mga kabudlayan nga iya ginbatas. 2 Dumdoma kon daw ano sia nagpanumpa sa Ginuo kag nagsaad sa Labing Gamhanan ni Jacob,

3 “Indi ako magsulod sa akon balay ukon maghigda sa akon hiligdaan,

4 indi ako magtulog ukon magpiyong, 5 tubtob makakita ako sang duog para sa Ginuo, isa ka puloy-an para sa Labing Gamhanan ni Jacob.”

6 Nakabati kami nahanungod sa Kaban sang Kasugtanan sa Efrata; nakita namon ini sa mga latagon sang Jaar.

7 “Makadto kita sa iya puloy-an; masimba kita sa iya talandayan sang tiil.”

8 Tindog ka, O Ginuo, kag magkadto sa imo palahuwayan, ikaw kag ang Kaban sang imo gahum.

9 Kabay nga ang imo mga pari mapanaptan sang pagkamatarong, kag ang imo mga tumoluo magsinggit sa kalipay.

10 Tungod kay David nga imo alagad dili pagsikwaya ang nawong sang imo hinaplasan.

11 Ang Ginuo nagsaad kay David nga iya ginpanumpaan kag indi pagtalikdan, “Ang isa sang imo mga anak nga lalaki ipahamtang ko sa imo trono.

12 Kon ang imo mga anak nga lalaki magtuman sang akon kasugtanan kag mga sugo nga igatudlo ko sa ila, ang ila man mga anak nga lalaki magalingkod sa imo trono sa walay katubtoban.”

13 Kay ang Ginuo nagpili sang Sion; luyag niya ini nga mangin-iya puloy-an,

14 “Ini ang akon palahuwayan sa walay katubtoban;diri ako magapuyo, kay luyag ko ini.15 Bugayan ko sing bugana ang iya mga kinahanglanon; busgon

ko sang kalan-on ang iya mga imol.16 Ang iya mga pari panaptan ko sang kaluwasan, kag ang iya

mga tumoluo magasinggit sa kalipay.17 Didto pasalingsingon ko ang sungay para kay David; nag-aman

ako sang suga para sa akon hinaplasan.18 Ang iya mga kaaway panaptan ko sang kahuy-anan,apang sa iya, ang iya korona magabadlak.”

SALMO 133 (132)

Daw ano katahum sang pangabuhi sa paghiliutod. – Mga bugay sang Dios ang katam-is kag kahirup sang pangabuhi sa paghiliutod. Nagikan ini sa ibabaw paagi sa Espiritu Santo nga ginbubo sa aton mga tagipusoon. Ang halimbawa sang nahauna nga mga katilingban sang mga Kristiano nagbulig sa pagpalapnag sang pagtuo. “Kabay nga maghiusa ang tanan agod magtuo ang kalibutan.”1 Daw ano kaayo kag katahum nga ang mag-ulotod magkabuhi sing

updanay sa paghiliusa!2 Subong ini sang malahalon nga lana nga ginabubo sa ulo,nga nagailig sa burangos,sa burangos ni Aaron,nga nagailig tubtob sa kuelyo sang iya mga bayo.3 Subong ini sang tun-og sa Hermon,nga nagailig sa kabukiran sang Sion.Kay didto ang Ginuo nagsaad sa paghatag sang iya bugay:ang kabuhi nga walay katapusan.SALMO 134 (133) Isa ka ambahanon sang pagdayaw. – Ayhan gin-gamit ini sa Templo sa isa ka seremonia sa kagab-ihon kon ang mga pari magbuslanay sa pagdayaw sa Dios.

1 Kari kamo, dayawa ang Ginuo,kamo tanan nga mga alagad sang Ginuo, nga nagaalagad kon gab-i sa balay sang Ginuo,sa mga pasiyuhan sang balay sang aton Dios!2 Bayawa ang inyo mga kamot sa balaan nga duog,kag dayawa ang Ginuo.3 Kabay nga ang Ginuo, nga naghimo sang langit kag duta,magbendision sa inyo gikan sa Sion.SALMO 135 (134)Dayawon ang Ginuo nga nagpili sa aton para sa iya.

1 Dayawa ang Ginuo! Dayawa ninyo ang ngalan sang Ginuo; O mga alagad sang Ginuo,

dayawa sia, 2 kamo nga nagaalagad sa balay sang Ginuo, sa mga pasiyuhan sang balay sang aton Dios.

3 Dayawa ninyo ang Ginuo, kay ang Ginuo maayo; mag-amba sang pagdayaw sa iya ngalan, kay sia maalwan. 4 Kay ang Ginuo nagpili kay Jacob nga mangin-iya, sa Israel bilang iya gid.

5 Kay nakahibalo ako nga ang Ginuo gamhanan; ang aton Ginuo labaw sa tanan nga mga dios.

6 Ang bisan ano nga luyag sang Ginuo iya ginahimo – sa langit kag sa duta, sa kadagatan kag sa tanan nga kadadalman.

7 Sia ang nagapatub-ok sang mga gal-um sa dulonan sang duta;

nagahimo sia sang mga kilat upod sa ulan kag iya ginapagua ang hangin halin sa iya mga talagoan.

8 Sia ang nagpamatay sang mga panganay sang Ehipto, sang mga tawo kag mga sapat.

9 Nagpadala sia sang mga tanda kag mga katingalahan sa imo duta, O Ehipto, batok kay Paraon kag sa tanan niya nga mga alagad.

10 Ginlaglag niya ang madamo nga mga pungsod kag ginpamatay ang gamhanan nga mga hari –

11 si Sihon, hari sang mga Amoreo, si Og, hari sang Bashan, kag ang tanan nga mga hari sang Canaan.

12 Ginhatag niya ang ila kadutaan bilang palanublion, ang palanublion sang Israel nga iya katawohan.

13 Ang imo ngalan, O Ginuo, nagapadayon sa walay katubtoban; ang imo kabantugan, O Ginuo, nagapadayon sa tanan nga panahon.

14 Kay ang Ginuo magapangapin sang iya katawohan kag magakaluoy sa iya mga alagad.

15 Ang mga diosdios sang kapungsoran nahimo sa pilak kag bulawan, ang binuhatan sang mga kamot sang mga tawo.

16 Sila may mga baba, ugaling indi sila makahambal; sila may mga mata, ugaling indi sila makakita;

17 Sila may mga dulonggan, ugaling indi sila makabati, kag wala sing ginhawa sa ila mga baba.

18 Ang mga tawo nga naghimo sa ila kag ang tanan nga nagasalig sa ila manginkaangay sa ila.

19 O mga kaliwat sang Israel, dayawa ninyo ang Ginuo! O mga kaliwat ni Aaron, dayawa ninyo ang Ginuo! 20 O mga kaliwat ni Levi, dayawa ninyo ang Ginuo! Kamo nga nagakahadlok sa Ginuo, dayawa ninyo ang Ginuo!

21 Dayawon ang Ginuo gikan sa Sion, sia nga nagapuyo sa Jerusalem.

Dayawa ang Ginuo!SALMO 136 (135)Magpasalamat sa Ginuo. – Ambahanon sang pagpasalamat nga gin-gamit para sa Piesta sang Paskua, ang piesta sang kahilwayan sang katawohan sang Dios. “Ang imo malig-on nga paghigugma wala sing katapusan” kag sa walay katubtoban indi kami mag-untat ukon magkataka sa pagtukib sini.

1 Dayawa ang Ginuo!Magpasalamat sa Ginuo, kay sia maayo, ang iya malig-on nga

paghigugma nagapadayon sa walay katubtoban.2 Magpasalamat sa Dios sang mga dios, ang iya malig-on nga

paghigugma nagapadayon sa walay katubtoban.

3 Magpasalamat sa Ginuo sang mga ginuo, ang iya malig-on nga paghigugma nagapadayon sa walay katubtoban.

4 Sia lamang ang nagahimo sang dalagku nga mga katingalahan, ang iya malig-on nga paghigugma nagapadayon sa walay katubtoban.

5 Sa kaalam ginhimo niya ang kalangitan, ang iya malig-on nga paghigugma nagapadayon sa walay katubtoban.

6 Iya ginpahamtang ang duta sa ibabaw sang katubigan, ang iya malig-on nga paghigugma nagapadayon sa gihapon.

7 Iya ginhimo ang dalagku nga mga kapawa, ang iya malig-on nga paghigugma nagapadayon sa walay katubtoban.

8 Ang adlaw sa pagdumala sa kaadlawon, ang iya malig-on nga paghigugma nagapadayon sa walay katubtoban.

9 Ang bulan kag mga bituon sa pagdumala sa kagab-ihon, ang iya malig-on nga paghigugma nagapadayon sa walay katubtoban.

10 Iya ginpamatay ang mga panganay sang Ehipto, ang iya malig-on nga paghigugma nagapadayon sa walay katubtoban.

11 Kag iya gindala ang Israel pagua sa Ehipto, ang iya malig-on nga paghigugma nagapadayon sa walay katubtoban.

12 Sa makusog nga kamot kag nauntay nga butkon, ang iya malig-on nga paghigugma nagapadayon sa walay katubtoban.

13 Iya ginpahawa ang Dagat sang mga Tabun-ak, ang iya malig-on nga paghigugma nagapadayon sa walay katubtoban.

14 Kag iya ginpatabok ang Israel sa tunga sini, ang iya malig-on nga paghigugma nagapadayon sa walay katubtoban.

15 Apang iya ginlumos si Paraon kag ang iya mga soldado sa Dagat sang mga Tabun-ak, ang iya malig-on nga paghigugma nagapadayon sa walay katubtoban.

16 Gintuytoyan niya ang iya katawohan sa kamingawan, ang iya malig-on nga paghigugma nagapadayon sa walay katubtoban.

17 Iya ginpamatay ang gamhanan nga mga hari, ang iya malig-on nga paghigugma nagapadayon sa walay katubtoban.

18 Kag iya man ginpamatay ang bantog nga mga hari, ang iya malig-on nga paghigugma nagapadayon sa walay katubtoban.

19 Si Sihon, hari sang mga Amoreo, ang iya malig-on nga paghigugma nagapadayon sa walay katubtoban.

20 Kag si Og, hari sang Bashan, ang iya malig-on nga paghigugma nagapadayon sa walay katubtoban.

21 Iya ginhatag ang ila kadutaan bilang palanublion, ang iya malig-on nga paghigugma nagapadayon sa walay katubtoban.

22 Ang palanublion sang Israel nga iya alagad, ang iya malig-on nga paghigugma nagapadayon sa walay katubtoban.

23 Sia ang nagdumdom sa aton sa aton kubos nga kahimtangan, ang iya malig-on nga paghigugma nagapadayon sa walay katubtoban.

24 Kag ang nagluwas sa aton sa aton mga kaaway, ang iya malig-on nga paghigugma nagapadayon sa walay katubtoban.

25 Sia ang nagahatag sang kalan-on sa tanan nga mga mamalatyon, ang iya malig-on nga paghigugma nagapadayon sa walay katubtoban.

26 Magpasalamat sa Dios sang langit, ang iya malig-on nga paghigugma nagapadayon sa walay katubtoban.SALMO 137 (136)Malimtan ko bala ikaw, Jerusalem?

1 Sa ubay sang mga suba sang Babilonia, didto kami nagpungko kag naghibi sang amon madumdoman ang Sion.

2 Sa mga sanga sang mga kahoy nga sawse didto ginsang-at namon ang amon mga arpa. 3 Kay didto ang mga nagbihag sa amon nagpangayo sa amon sang mga ambahanon, kag ang mga nagpaantus sa amon nagpangayo sang kalingawan sa pagsiling, “Ambahi kami sang isa sang mga ambahanon sang Sion!”

4 Paano bala kami makaamba sang ambahanon sang Ginuo sa duta sang mga dumoluong?

5 Kon malimtan ko ikaw, O Jerusalem, kabay nga ang akon tuo nga kamot mangin walay pulos!

6 Kabay nga ang akon dila magtapik sa akon alingagngag, kon indi ako magdumdom sa imo, kon indi ko pagkabigon ang Jerusalem nga labaw pa sa akon pinakamataas nga kalipay.

7 Dumdoma, O Ginuo, ang mga Edomnon, sang adlaw sang pagka-rumpag sang Jerusalem, kon daw ano ang ila pagsiling, “Rumpaga ini! Rumpaga ini! Tubtob sa mga sadsaran sini!”

8 O dalaga nga Babilonia, pagalaglagon ka! Bulahan ang mga tawo nga magabalos sa imo subong sang imo ginhimo sa amon!

9 Bulahan ang mga tawo nga magaagaw sang imo mga lapsag kag magalampos sa ila sa bato!SALMO 138 (137) Ang imo mga kamot nagatuytoy sang tanan para sa akon kaayuhan. – Isa ka pangamuyo sa mga tion nga nalipay kita sa Dios kag luyag kita nga ang langit kag duta mag-ambit sang aton kalipay kag pagpasalamat.1 Nagapasalamat ako sa imo, O Ginuo, sa bug-os ko nga tagipusoon,kay imo ginpamatian ang ginhambal sang akon mga bibig;sa atubangan sang mga dios nagaamba ako sang pagdayaw sa imo.

2 Nagayaub ako sa atubangan sang imo balaan nga Templokag nagapasalamat sa imo ngalantungod sang imo malig-on nga paghigugma kag katutom,kay imo ginpahayag nga ang imo ngalan kag pulong labaw sa

tanan.3 Sang adlaw nga ako nagpanawag, ginsabat mo ako,ginpabakod mo ang akon kalag.4 Ang tanan nga mga hari sang duta magadayaw sa imo, O Ginuo,kay nakabati sila sang mga pulong sang imo baba.5 Magaamba sila nahanungod sa mga dalanon sang Ginuo, kay daku ang himaya sang Ginuo!6 Bisan ang Ginuo yara sa kahitaasan, nagatamod sia sa mga kubos;apang ang mga matinaastaason iya nakilala gikan sa malayo.7 Bisan nagalakat ako sa tunga sang kinagamo,ginatipigan mo ako batok sa kaugot sang akon mga kaaway.Ginauntay mo ang imo kamot,kag ang imo tuo nga kamot nagaluwas sa akon.8 Ang Ginuo magatuman sang iya katuyoan para sa akon.Ang imo malig-on nga paghigugma, O Ginuo, nagapadayon sa walay

katubtoban.Dili pagsikwaya ang binuhatan sang imo mga kamot.SALMO 139 (138)Ang Dios yara bisan diin, sa tanantanan, kag nakahibalo sang tanan. Isa ka pangamuyo nga napun-an sang pagdayaw sa kaalam sang Dios: “Ang tanan nga butang nahayag kag makita niya nga sa iya kita may salabton” (Heb 4:13).

1 O Ginuo, gin-usisa kag nakita mo ako.2 Nahibal-an mo ang akon pagpungko kag pagtindog; gikan sa

malayo nahibal-an mo ang akon hunahonaon.3 Ginatamod mo ang akon mga ginagawi kag ang tion sang akon

pagpahuway; nahibal-an mo nga daan ang tanan ko nga mga ginawi.

4 Sa wala pa mabalay ang pulong sa akon baba, nahibal-an mo na ini, O Ginuo.

5 Sa atubang kag likod ginalibot mo ako, nga nagataming sa akon sa pagpangapin.

6 Tama ka makatalanhaga para sa akon ini nga ihibalo, tama kataas para sa akon lalab-uton.

7 Sa diin bala ako makalikaw sa imo Espiritu? Sa diin bala ako makapalagyo sa atubangan mo?

8 Kon magsaka ako sa kalangitan yara ka; kon manaog ako sa kadadalman yara ka.

9 Kon magsakay ako sa pakpak sang kaagahon kag magpuyo sa dulonan sang dagat, 10 bisan ang imo kamot makatuytoy sa akon kag ang imo tuo nga kamot makakapyot sa akon sing maayo.

11 Makahambal bala ako, “Tago-a ako, kadudolman, kag luyag ko ang gab-i nga mangin-akon kapawa”?

12 Apang ang kadulom para sa imo indi kadudolman kag ang gab-i nagaiwag subong sang adlaw para sa imo.

13 Ikaw ang nagbalay sang mga bahin sang akon lawas, kag nagpang-angot sa taguangkan sang akon iloy.

14 Ginapasalamatan ko ang imo makatilingala nga mga hinimoan, kag ginadayaw ka sang tagipusoon sa imo makatalanhaga nga mga binuhatan.

15 Nakita mo bisan ang pag-alalangot sang akon katul-anan sang ako ginbalay sing tago sa kaalibutoran sang kalibutan.

16 Nakita mo ang akon mga ginahimo kag ang tanan ko nga mga inadlaw nasulat na sa imo libro; ginlista mo ang tanan sa imo libro sa wala pa matuga ang tanan nga butang.

17 Daw ano kabudlay hangpon ang imo mga panghunahona, O Dios! Indi maisip ang ila kadamuon.

18 Kon isipon ko sila, madamo pa sila sa mga balas. Kon magmata ako, kaupod ko ikaw sa gihapon.19 O Dios, kon imo lang kuntani pamatyon ang mga malaut, kag

tabugon palayo ang mga nagapamatay sang tawo!20 Nagahambal sila sang kalautan batok sa imo; ginapakamalaut

sang imo mga kaaway ang imo ngalan.21 Ginakaugtan ko ang mga nagakaugot sa imo, O Ginuo, kag kaugti

ang mga nagapamatok sa imo.22 Ginakaugtan ko sila kag ginakabig bilang akon mga kaaway.23 Usisaa ako, O Dios, kag hibalo-a ang akon tagipusoon; tilawi ako

kag tungkara ang akon mga panghunahona.24 Tan-awa kon nagtalang ako, kag tuytoyi ako sa imo dalan nga

walay katapusan.SALMO 140 (139) Hilwaya ako sa mga malauton.

2 O Ginuo, luwasa ako sa mga nagahimo sing malain; pangapini ako sa mapintas nga mga tawo, 3 nga nagabuko sing malain sa ila mga hunahona kag nagasugyot sa pagsugod sang mga inaway sa dalayon.

4 Ginapatalum nila ang ila dila subong sang dila sang man-og, kag sa idalum sang ila mga bibig yara ang dalit sang dalitan nga mga

man-og.5 Bantayi ako, O Ginuo, sa mga kamot sang mga malauton;

pangapini ako sa mapintas nga mga tawo nga nagbuko sang akon pagkapukan.

6 Ang mga bugalon nag-aman sang tinago nga tugalbong para sa akon, kag paagi sa mga lubid naghumlad sila sang lambat, sa dalanon nagbutang sila sang mga si-od para sa akon.

7 Nagasiling ako sa Ginuo, “Ikaw ang akon Dios.” Pamatii, O Ginuo, ang akon tingog nga nagaampo.”

8 O Ginuo nga akon Dios, nga akon makusog nga manlulowas, imo gintabunan ang akon ulo sa adlaw sang inaway.

9 Dili pag-ihatag, O Ginuo, ang mga ginahandum sang mga malauton; dili pagpadaoga ang ila malain nga padihot.

10 Ang mga tawo nga nagapalibot sa akon nagabayaw sang ila mga ulo; kabay nga malutos sila sang kalainan sang ila mga bibig!

11 Kabay nga ang nagadabadaba nga mga baga magtupa sa ila! Kabay nga itagbong sila sa mga buho, nga indi na gid makataklad halin didto!

12 Dili pag-itugot nga ang nagahambal sing malaut mag-uswag sa duta; kabay nga ang kalautan magalagas sing madasig kag magaabot sa paglaglag sa mapintas nga mga tawo!

13 Nakahibalo ako nga ang Ginuo nagaapin sa kawsa sang mga kubos, kag nagahatag sang katarungan sa mga imol.

14 Sa pagkamatuod, ang mga matarong magapasalamat sa imo ngalan; ang maayo nga mga tawo magakabuhi sa imo atubangan.SALMO 141 (140)Dili kami pag-ipadaog sa panulay. – Kabay nga ang Dios maghatag sa aton sang kabakod sa pagdaog sang pagsulay sang Labing Malaut sa aton palibot, kag sang ikasarang sa pagpamati sa mga tawo nga nagatadlong sa aton.

1 O Ginuo, nagapanawag ako sa imo; dali ka sa pagtabang sa akon! Pamatii ang akon pangabay kon ako magpanawag sa imo.

2 Kabay nga ang akon pangamuyo magtub-ok subong sang insienso sa imo atubangan, kag ang pagbayaw sang akon mga kamot mabaton subong sang halad sa kagab-ihon.

3 O Ginuo, butangi sang bantay ang akon baba, bantayi ang ganhaan sang akon mga bibig.

4 Dili pagpaliso-a ang akon tagipusoon sa bisan ano nga malaut, sa pagbakabaka sa paghimo sing malaut upod sa mga tawo nga nagahimo sang kalautan; dili ako pagpakan-a sang ila manamit nga mga kalan-on.

5 Tugoti ang mga matarong sa pagsakit sa akon; tugoti ang mga tumoluo sa pagtadlong sa akon. Apang dili pag-itugot nga ang lana sang mga malauton mahaplas sa akon ulo, kay ang akon

pangamuyo sa gihapon nagapakigbatok sa ila malaut nga mga binu-hatan.

6 Kon ginatugyan na sila sa mga tawo nga magahimalaut sa ila, dayon makatuon sila nga ang akon mga pulong matuod.

7 Subong sang bato nga ginapihak kag ginadugmok sa duta, sa amo man nga bagay pagalaptahon ang ila mga tul-an sa bibi sang kalibutan sang mga minatay.

8 Apang ang akon mga mata nagatulok sa imo, O Dios nga akon Ginuo; sa imo ako nagadangup; dili ako pagbaya-i nga wala sing pangapin.

9 Ipahilayo ako sa tugalbong nga ila ginbutang para sa akon, kag sa mga si-od sang mga tawo nga nagahimo sing malain.

10 Kabay nga ang mga malauton masi-od sang ila kaugalingon nga mga lambat, samtang ako lamang makapalagyo. SALMO 142 (141)Pangamuyo sa tion sang mga pagtilaw. – Ang pangamuyo sang tawo nga yara sa tama nga kaimulon. Ini nga salmo nagakaigo sa Kasakit ni Kristo, kag si San Francisco sang Assisi nagpangamuyo sini sang sia nagatagumatayon.

2 Sa akon tingog nagatuaw ako sa Ginuo; sa akon tingog nagaampo ako sa Ginuo.3 Ginapahayag ko ang akon yamo sa iya atubangan;ginasugid ko ang akon palaligban sa iya atubangan.4 Kon magpalangluya ang akon kalag,nakahibalo ka sang akon alagyan.Sa banas nga akon ginaagyannag-aman sila sang tinago nga tugalbong para sa akon. 5 Tan-awa sa akon tuo nayon kag talupangda – wala sing may nakakilala sa akon;wala na ako sing dalangpan;wala na sing may nagakabalaka sa akon.6 Nagapanawag ako sa imo, O Ginuo;Nagasiling ako, “Ikaw ang akon dalangpan,ang akon palanublion sa duta sang mga buhi.”7 Pamatii ang akon pagtuaw,kay ginpaubos ako sing tama.Luwasa ako sa mga nagahingabot sa akon,kay labi nga makusog sila sa akon.8 Paguaa ako sa bilanggoan,agod magpasalamat ako sa imo ngalan.Dayon ang mga matarong magatilipon sa akon palibot,

kay ila makita kon daw ano ang imo pagtatap sing maayo sa akon.SALMO 143 (142)Pagliwat sang Salmo 142.

1 O Ginuo, dungga ang akon pangamuyo; pamatii ang akon mga pag-ampo sa imo katutom; sabta ako sa imo pagkamatarong.

2 Dili paghukmi ang imo alagad, kay wala sing tawo nga nagakabuhi nga matarong sa imo atubangan.

3 Ang kaaway naghingabot sa akon, iya gindugmok ang akon kabuhi sa duta, iya ako ginpapungko sa kadudolman subong sang mga tawo nga dugay na napatay.

4 Gani ang akon espiritu nagapalangluya; ang akon tagipusoon napun-an sang kahadlok.

5 Nadumdoman ko ang mga inadlaw nga nagligad; nagapamalandong ako nahanungod sa tanan nimo nga mga binuhatan, nagabinagbinag ako nahanungod sa mga hinimoan sang imo mga kamot.

6 Ginauntay ko ang akon mga kamot sa imo; ang akon kalag ginauhaw sa imo subong sang kigas nga duta.

7 O Ginuo, sabta ako gilayon; ang akon espiritu nagapalangluya. Dili pagtago-a ang imo nawong palayo sa akon, kay basi manginkaangay ako sang mga nagapanaog sa Buho.

8 Papamati-a ako sang imo malig-on nga paghigugma sa kaagahon, kay sa imo ako nagasalig. Tudlo-i ako sang alagyan nga dapat ko agyan, kay sa imo ginabayaw ko ang akon kalag.

9 Luwasa ako, O Ginuo, sa akon mga kaaway; nagpalagyo ako sa pagdangup sa imo.

10 Tudlo-i ako sa pagtuman sang imo kabubot-on, kay ikaw ang akon Dios. Kabay nga ang imo maayo nga Espiritu magtuytoy sa akon sa alagyan nga walay katalagman.

11 Tungod sa imo ngalan, O Ginuo, tipigi ang akon kabuhi. Sa imo pagkamatarong dalha ako palayo sa katublagan.

12 Sa imo malig-on nga paghigugma papasa ang akon mga kaaway, kag laglaga ang tanan ko nga mga kasumpong, kay ako ang imo alagad.SALMO 144 (143)Bulahan ang katawohan nga ang ila Dios amo ang Ginuo! – Ang nahauna nga bahin sini nga salmo nagasiling liwat sang mga bersikulo sang iban pa nga mga salmo, labi na gid sang Salmo 18. Ang ikaduha nga bahin, paagi sa mga larawan nga mahapos hangpon, nagapahayag sang paghandum sa langit, sa diin wala na sing paghinibi ukon pangalisod.

1 Bulahan ang Ginuo, nga akon bato, nga nagahanas sang akon mga kamot para sa inaway, kag sang akon mga tudlo sa pagpakig-

away – 2 ang akon malig-on nga hinigugma kag akon kuta, ang akon pamakod kag akon manlulowas, ang akon taming nga dalangpan, nga nagalutos sang mga pungsod kag nagapasakop sa ila sa akon gahum.

3 O Ginuo, ano bala ang mga tawo nga imo sila ginatamod, ukon ang mga mamalatyon nga imo sila ginadumdom?

4 Kaangay sila sang huyop sang ginhawa; ang ila mga inadlaw subong sang umalagi nga landong.

5 Paduko-a ang imo kalangitan, O Ginuo, kag panaog ka; tanduga ang kabukiran sa bagay nga sila magaaso.

6 Paigraba ang kilat kag palaptaha sila; ipana ang imo mga baslay kag lutosa sila.

7 Untaya ang imo kamot gikan sa ibabaw; hilwaya ako kag luwasa sa dalagku nga katubigan, sa kamot sang mga dumoluong, 8 nga may mga baba nga nagahambal sang mga kabutigan, kag may tuo nga mga kamot nga nagapanumpa sing binutig.

9 Magaamba ako sang bag-o nga ambahanon sa imo, O Dios; sa arpa nga may napulo ka kuerdas magalanton ako sa imo, 10 kay ikaw ang nagahatag sang kadalag-an sa mga hari, kag nagaluwas kay David nga imo alagad.

11 Luwasa ako sa mapintas nga espada, kag sagupa ako sa kamot sang mga dumoluong, nga may mga baba nga nagahambal sang mga kabutigan, kag may tuo nga mga kamot nga nagapanumpa sing binutig.

12 Kabay nga ang amon mga anak nga lalaki sa ila pagkalamharon manginkaangay sang mga tanum nga hamtong, ang amon mga anak nga babaye manginkaangay sang pamusod nga mga haligi, nga nabasbasan para sa pagpatindog sang palasio.

13 Kabay nga ang amon mga kamalig mapuno sang tanan nga mga sahi sang patubas.

Kabay nga ang amon mga karnero magdinamo sing linibolibo, sing tagnapulo ka mga linibo sa amon mga latagon.

14 Kabay nga ang amon mga baka magmakusog kag magmabungahon. Kabay nga wala sing pagguhab sa mga pader, wala sing pagkatapok sa kabihagan, kag wala sing pagpanalambiton sa amon mga dalanon.

15 Bulahan ang katawohan nga ginabugayan sing subong sini; bulahan ang katawohan nga ang ila Dios amo ang Ginuo!SALMO 145 (144)Dayawon ang Ginuo sa walay katubtoban. – Ini nga salmo kasubong sang litaniya ukon nagadinasondason nga pangamuyo sang pagdayaw: ang Dios amo ang katarungan, katutom, kaayo, ang nagahimo sang mga katingalahan. Nagaagda ini sa aton sa pagtukib sang tama kadaku nga kamanggaran sang Dios sa iya mga binuhatan kag sa iya bugna dira kay Kristo nga nangin tawo.

1 Padunggan ko ikaw, akon Dios kag Hari, kag pakamaayuhon ko ang imo ngalan sa walay katubtoban.

2 Adlaw-adlaw pakamaayuhon ko ikaw, kag dayawon ko ang imo ngalan sa walay katubtoban.

3 Gamhanan ang Ginuo, kag labing takus dayawon; ang iya kagamhanan di-matungkad.

4 Ang isa ka kaliwatan magasugid sang imo dalayawon nga mga binuhatan sa madason nga kaliwatan, kag magapahayag sang imo gamhanan nga mga binuhatan.

5 Nahanungod sa mahimayaon nga pagkahalangdon sang imo pagkahari, kag sa imo makatilingala nga mga hinimoan ako magapamalandong.

6 Ang gahum sang imo makakulogmat nga mga binuhatan igabalita, kag igapahayag ko ang imo kagamhanan.

7 Magasaulog sila sang kabantugan sang imo bugana nga kaayo, kag magaamba sing mabaskog nahanungod sa imo pagkamatarong.

8 Ang Ginuo maalwan kag maluloy-on, indi madali mangakig kag bugana sa malig-on nga paghigugma.

9 Ang Ginuo maayo sa tanan, kag ang iya kaluoy yara sa tanan niya nga ginhimo.

10 Ang tanan mo nga mga binuhatan magapasalamat sa imo, O Ginuo, kag ang tanan mo nga mga tumoluo magapakamaayo sa imo.

11 Magahambal sila nahanungod sa himaya sang imo ginharian, kag magasugid sang imo gahum,

12 sa pagpahibalo sa tanan nga katawohan sang imo gamhanan nga mga binuhatan, kag sang mahimayaon nga pagkahalangdon sang imo ginharian.

13 Ang imo ginharian wala sing katapusan nga ginharian, kag ang imo sinakpan nagapadayon sa tanan nga mga kaliwatan. Ang Ginuo matutom sa tanan niya nga mga pulong, kag maalwan sa tanan niya nga mga binuhatan.

14 Ang Ginuo nagapatindog sang tanan nga nagakapukan, kag nagabayaw sang tanan nga nagadungok.

15 Ang mga mata sang tanan nagatamod sa imo, kag ginahatagan mo sila sang ila kalan-on sa nagakaigo nga panahon. 16 Ginahumlad mo ang imo kamot, sa pagbusog sang handum sang tagsa ka nagakabuhi nga tinuga.

17 Ang Ginuo matarong sa tanan niya nga mga dalanon, kag maalwan sa tanan niya nga mga ginahimo.

18 Ang Ginuo malapit sa tanan nga nagapanawag sa iya, sa tanan nga nagapanawag sa iya sa kamatuoran.

19 Ginatuman niya ang ginahandum sang tanan nga nagakahadlok

sa iya; ginapamatian man niya ang ila panawag, kag iya sila ginaluwas.

20 Ang Ginuo nagabantay sang tanan nga nagahigugma sa iya, apang ang tanan nga mga malauton iya pagalaglagon.

21 Ang akon baba magahambal sang pagdayaw sa Ginuo, kag ang tanan nga mga mamalatyon magapakamaayo sang iya balaan nga ngalan sa walay katubtoban.SALMO 146 (145)Ang Ginuo nagahilway sang mga pinigos. Ang kasangkaron sang tawohanon nga kalisod — ang mga ginagutom, ang mga binilanggo, ang mga pinigos — nakalambot na sa isa ka dulonan sa bagay nga ang mga gamhanan sining duta, suno sa ila ikasarang, indi makapangita sang kalubaran sini.

Ang Dios lamang ang makahatag sang katarungan, paghidaet kag paglaum sa kalibutan. Ginpadala niya ako sa paghatag sang Maayo nga Balita sa mga imol, sa pagwali sang kahilwayan sa mga binilanggo…

1 Dayawa ang Ginuo!Dayawa ang Ginuo, O kalag ko!2 Magaamba ako sa Ginuo sa bug-os ko nga kabuhi;magaamba ako sang pagdayaw sa Ginuo samtang ako nagakabuhi.3 Dili kamo magsalig sa tawohanon nga mga pangulo,sa tawo nga mamalatyon nga indi makaluwas.4 Nagabalik sia sa yab-ok kon sia mapatay;sa sina gid nga adlaw madula ang ila mga ginabuko.5 Bulahan ang tawo nga ang iya bulig amo ang Dios ni Jacob, nga ang paglaum yara sa Ginuo nga iya Dios.6 Manugbuhat sang langit kag duta,kag sang tanan nga yara sa kadagatan,ang Ginuo matutom sa gihapon.7 Sia ang nagahatag sang katarungan sa mga pinigos kag nagapakaon sa mga ginagutom.Ang Ginuo nagahilway sang mga binilanggo 8 kag nagahatag sang panan-awan sa mga bulag.Ang Ginuo nagatadlong sang mga tikokag nagahigugma sang mga matarong.9 Ang Ginuo nagaapin sa mga dumoluong,nagapalipay sa mga balo kag mga ilo;apang ginapukan niya ang paagi sang mga malaut.10 Ang Ginuo magahari sa walay katubtoban,ang imo Dios, O Sion,sa tanan nga mga kaliwatan.Dayawa ang Ginuo!

SALMO 147 (146)Magkalipay ka Jerusalem! Magkalipay ang Simbahan kay ang Ginuo “nagpabakod sang mga trangka sang iya mga ganhaan.” Ang mga gahum sang kalautan kag kamatayon indi makadaog sa iya. Ang Ginuo nagbendision sang iya mga anak kag naghatag sa ila sang iya paghidaet, nga indi iya sang kalibutan. Ginapakaon niya ang iya Simbahan sang iya pulong kag sang pinakamaayo nga trigo: ang iya lawas nga nangin tinapay sang kabuhi.1 Dayawa ang Ginuo!Daw ano kaayo ang pag-amba sa aton Ginuo!Daw ano kanami kag nagakabagay ang pagdayaw sa iya!2 Ang Ginuo nagapatindog liwat sang Jerusalem;iya ginatipon ang mga tinapok nga taga-Israel.3 Ginalugpayan niya ang mga nalisdankag ginabulong ang mga pilason.4 Maisip niya ang kadamuon sang mga bituon,iya sila ginhingalanan sing tagsatagsa.5 Dalayawon ang Ginuo kag makagagahum ang iya kusog,indi matakus ang iya kaalam.6 Ginabayaw sang Ginuo ang mga mapainobuson,apang ang mga malaut iya ginadugmok.7 Mag-amba kamo sa Ginuo, nga may pagpasalamat, lantuni sing arpa ang aton Ginuo.8 Sia ang nagatabon sang panganod sa kahawaan,ang nagapaulan sang tubi sa duta kag nagapatubo sang hilamon sa pukatod.9 Sia ang nagahatag sang kalan-on sa mga bakakag sa magagmay nga mga uwak.10 Wala sia nagapati sa kusog sang kabayo,kag wala man nagakalipay sa kaisog sang tawo.11 Ang Ginuo nagakahamuot sa mga nagakahadlok sa iyakag nagasalig sa mapinadayunon niya nga gugma.12 Padunggi ang Ginuo, O Jerusalem;dayawa ang imo Dios, O Sion!13 Kay iya ginpabakod ang mga trangka sang imo mga ganhaan,kag ginabugayan ang mga anak nga yara sa imo.14 Sia ang nagahatag sang paghidaet sa imo mga kaingodkag nagapabugana sang imo mga ani.15 Ginapadala niya ang iya sugo sa dutakag madasig nga nagalapnag ang iya pulong.16 Ginahumlad niya ang ulan nga yelo kasubong sang mayum-ok

nga tela,kag daw abo nga iya ginalapta ang nagyelo.17 Ginapaulan niya sang yelo subong sang mumho,

ang tubig nagatig-a sa iya katugnaw.18 Apang iya ginasugo kag nagakatunaw ang yelo;ginapahuyop niya ang iya hangin,kag dayon nagailig ang tubi.19 Ginapahayag niya kay Jacob ang iya pulong,ang iya mga kasugoan kag mga pagsulondan sa Israel.20 Wala niya ini ginahimo sa iban nga mga pungsod,gani ang iya kasugoan nangin tinago sa ila.Dayawa ang Ginuo!SALMO 148 Dayawa ang Ginuo!

1 Dayawa ang Ginuo! Dayawa ninyo ang Ginuo kutob sa kalangitan; dayawa sia sa kahitaasan!

2 Dayawa ninyo sia, kamo tanan nga iya mga anghel; dayawa ninyo sia, kamo tanan nga iya langitnon nga mga hangaway.

3 Dayawa ninyo sia, adlaw kag bulan; dayawa ninyo sia, kamo tanan nga mapawa nga mga bituon.

4 Dayawa ninyo sia, kamo nga pinakamataas nga kalangitan, kag kamo nga katubigan sa ibabaw sang kalangitan.

5 Magdayaw sila sang ngalan sang Ginuo, kay nagsugo sia kag sila natuga.

6 Iya sila ginpahamtang sa ila mga duog sa walay katubtoban; ginpat-od niya ang ila mga katungdanan, nga indi magtaliwan.

7 Dayawa ninyo ang Ginuo kutob sa duta, kamo nga dalagku nga mga sapat sang dagat kag tanan nga mga kadadalman, 8 kalayo kag yelo nga daw mga bato, niebe kag alisngaw, mabaskog nga hangin nga nagatuman sang iya sugo, 9 kamo nga kabukiran kag tanan nga kabakuloran, kamo nga mga hamungang-kahoy kag tanan nga mga sedro, 10 maila nga kasapatan kag tanan nga kahayupan, mga sapat nga nagakamang kag nagalupad nga kapispisan.

11 Kamo nga mga hari sang kalibutan kag tanan nga katawohan, mga prinsipe kag tanan nga mga pangulo sang duta,

12 mga lamharon nga lalaki kag babaye, mga tigulang kag mga bata nga ulolupod.

13 Magdayaw sila sang ngalan sang Ginuo, kay ang iya ngalan lamang ang ginapadunggan. Ang iya himaya yara sa ibabaw sang duta kag langit.

14 Ginhatagan niya sang kadalag-an ang iya katawohan.Amo ini ang pagdayaw sa iya gikan sa tanan niya nga mga

tumoluo, gikan sa katawohan sang Israel, nga malapit sa iya.

Dayawa ang Ginuo!SALMO 149 Pungsodnon nga ambahanon. – Ang katawohan sang Dios nakahibalo nga ginatawag sila sa pagbaton sang himaya kag kalipay. Sila ang mangin mga galamiton sang katarungan sang Dios. Ang Dios nagagamit sang iya mga imol, ang mapaino-buson nga katawohan nga gintipon ni Kristo, agod hukman ang kalibutan kag dalhon ini sa kaluwasan.

1 Dayawa ang Ginuo!Mag-amba sang bag-o nga ambahanon sa Ginuo, sang pagdayaw

sa iya sa pagtilipon sang mga tumoluo.2 Magkalipay ang Israel sa iya Manunoga, magkasadya ang mga anak sang Sion sa ila Hari!3 Magdayaw sila sang iya ngalan nga may pagsinaut, maglanton sila para sa iya sa pandereta kag lira.4 Kay ang Ginuo nahamuot sa iya katawohan;ginapunihan niya sang kadalag-an ang mga mapainobuson.5 Magpadungog ang mga tumoluo sa himaya;mag-amba sila sa kalipay sa ila mga hiligdaan.6 Maghinugyaw sila sang mataas nga mga pagdayaw sa Dioskag mag-uyat man sila sang mga espada nga duha sing sulab,7 sa pagtimalos batok sa kapungsoran kag sa pagsilot sa

katawohan,8 sa paggapos sang ila mga hari sa mga posas kag sang ila mga

halangdon sa mga kadena nga salsalon,9 sa pagpatuman sa ila sang paghukom nga ginsugo. Amo ini ang himaya para sa tanan niya nga mga tumoluo.Dayawa ang Ginuo!

SALMO 150Kabug-osan nga ambahanon! – Ang libro sang mga salmo nagatapos sa isa ka ambahanon nga ginalanton sang bug-os nga mga manuglanton. Ini may madalum nga kahulogan: agod mangin bug-os ang pagdayaw sa Dios, nagakinahanglan ini sang pagpakigbuylog sang tanan nga kapungsoran, mga kaliwat, mga sibilisasion kag mga kultora. “Ang tanan nga nagakabuhi magdayaw sa Ginuo.” Ang Bugna magasiling sini liwat (5:13): “Kag nabatian ko sila nga nagasabat: sa iya nga nagalingkod sa trono kag sa Kordero, pagdayaw, kadungganan, himaya kag gahum sa walay katubtoban.”

1 Dayawa ang Ginuo!Dayawa ninyo ang Ginuo sa iya santuario;dayawa ninyo sia sa iya gamhanan nga kahawaan!2 Dayawa ninyo sia tungod sa iya gamhanan nga mga binuhatan;dayawa ninyo sia suno sa iya nagalumapaw nga kagamhanan!

3 Dayawa ninyo sia sa tunog sang trumpeta;dayawa ninyo sia sa lira kag arpa!4 Dayawa ninyo sia sa pandereta kag pagsinaut;dayawa ninyo sia sa mga kuerdas kag plawta!5 Dayawa ninyo sia sa matunog nga mga platilyos;dayawa ninyo sia sa matagsing nga mga platilyos!6 Ang tanan nga nagakabuhi magdayaw sa Ginuo!Dayawa ang Ginuo!