pasyon ng bayan
TRANSCRIPT
7/21/2019 Pasyon ng Bayan
http://slidepdf.com/reader/full/pasyon-ng-bayan 1/56
PASYON NG BAYAN (1813-2013)[*]
David Michael M. San Juan
“Kaya, o mga kababayan, ating idilat ang bulag na kaisipan at kusang igugol sa kagalingan ang ating lakas sa tunay at lubos na pag-asa na magtagumpay sa nilalayong kaginhawahan ng
bayang tinubuan!”
- Andres Bonifacio (“Ang Dapat Mabatid ng Mga Tagalog”)
Panalangin
O Diyos sa kalangitan
Hari nitong kasaysayan
Dinggin, sinisintang bayan
Hinirang na kalupaan
Dalhin mo sa katubusan
Salaysay na tinutuos
Kamay Mo ang siyang tulos
Sa bawat inaping bungkos
Pag-asa Ka ng ginapos
Hikahos ay matatapos
Panulat na makabayan
Sana’y walang malimutan
Landasin ay ‘Yong ilawan
Dilim nawa’y malarawan
Liwanag ay nang makamtan
Bawat sigwa at balangaw
Bawat awit at balaraw
Bawat taksil, mang-aagaw
Bawat kamay na naghinaw
7/21/2019 Pasyon ng Bayan
http://slidepdf.com/reader/full/pasyon-ng-bayan 2/56
Bawat puring paimbabaw
Bawat puno ngang marangal
Bawat angal at atungal
Bawat kidlat, gintong aral
Bawat linta, dangal-sugal
Bawat taong nagpapagal
Bawat ningning at tagumpay
Bawat pakpak na kinampay
Bawat buhay na inalay
Bawat aming pagsalimbay
Sa kaylupit: hamo’t lumbay
Lahat-lahat, isiwalat
Upang sugat ay maghilab
Kanser pa ring nagnanaknak
Pupuksaing walang habag
Tiraniya’y nang matibag
Kulaba sa aming mata
Harinawa’y pawiin na
Ephphatha o makakita
Maranatha, halika na
Sa bayan Mo’y sumanib Ka
Simula
Ang alpha ay sa Tondo
7/21/2019 Pasyon ng Bayan
http://slidepdf.com/reader/full/pasyon-ng-bayan 3/56
Sinilangan ng Supremo
Bodegerong proletaryo
Sa libro ay edukado
Bayaning si Bonifacio
Kasibulan yaong buhay
Sarili ay inialay
Sa pamilya niya’y gabay
Handog: lakas na may malay
Pati na sa bayang lumbay
Sa panahon ng karimlan
Kapulua’y bilangguan
De-kahon ang kaisipan
Bawal yaong lumalaban
Bawal lalong manindigan
Repormistang pahayagan
Kahit maka-Espanya man
Kandado kung mabalingan
Niyong matang nabulagan
Sensura ng kamangmangan
Garote ang s’yang hantungan
O kwartel ng kalupitan
Ng erehe sa Simbahan
Mala-Elias na huwaran
7/21/2019 Pasyon ng Bayan
http://slidepdf.com/reader/full/pasyon-ng-bayan 4/56
Nang hindi nga pamarisan
Dami rin ng pinatapon
Naglayag sa mga alon
Bayang hindi natutunton
Lungkot doon ay sambunton
Walang hanggan ang panahon
Buhay man ay waring patay
Sa pamilya ay nawalay
Malusog ay nananamlay
Inaasam ang mahimlay
Sa sariling bayang lantay
Dambuhalang kabukiran
Tila isang kaharian
Nitong frailes na gahaman
Magsasaka’y alipin man
Hanap din ay katubusan
Kulubot na ang katawan
Luyang paa’y ‘yong hawakan
Araw man din ay kalaban
Tingni itong karukhaan
Hustisya ang karampatan
Pagbubuo
May bagyo man at may dilim
Anang isang matulain
Liwanag ay sisibol din
7/21/2019 Pasyon ng Bayan
http://slidepdf.com/reader/full/pasyon-ng-bayan 5/56
Sigwa nga ay lulupigin
Ng araw na masintahin
Alitaptap na iilan
Sa pusikit na karimlan
Nagtatag sa Katipunan
Ibabangon itong bayan
Kakamtin ang kalayaan
Yaong buong kapuluan
Tumugon sa panawagan
Laksa-laksang anakbayan
Kahit madla’y kahimbingan
Sa lihim ay may bulungan
Kunwa ay may inuman lang
Frente nila’y karaniwan
O tipikal na sosyalan
Asembliya’y may kanlungan
Silid sa may kasulukan
Nakarating sa arabal
Dami na ring umaangal
Sa pag-unlad na mabagal
At buwis sa nagpapagal
Himagsik nang inaaral
Humigit na dal’wang daan
7/21/2019 Pasyon ng Bayan
http://slidepdf.com/reader/full/pasyon-ng-bayan 6/56
Ang nabigo ngang aklasan
Trahedya ay sanrekwa man
May aral na natutuhan
Tiyakin ang kahandaan
Pati nga ang kamalayan
Niyong buong sambayanan
Maitaas ang kailangan
Ipaunawang mainam
Himagsik ang katubusan
‘Pagkat libo mang soldados
At daan pang asesinos
Kulang pa rin niyong dulos
Na huhukay at tatapos
Titiyak sa huling ulos
Mensaheng di ano lamang
Uod dapat na gumapang
Hanggang mga kabayanan
Nang imperyo’y mawakasan
Dyaryo’y lubhang kailangan
Pahayagang Kalayaan
Lihim yaong palimbagan
Tila kidlat sa kawalan
7/21/2019 Pasyon ng Bayan
http://slidepdf.com/reader/full/pasyon-ng-bayan 7/56
Narating ang bawat bayan
Sa buo ngang kapuluan
Laksa-laksa ang balangay
Kilusa’y di na mabuay
Yaong ningas ay nabuhay
Sa martir at mga bangkay
Na nalibing nga sa hukay
Balintuna
Ngunit sadyang balintuna
Sa ‘yong lakas, hihina ka
Ang marami’y tunay nga ba
Baka naman lantad ka na
Sa mata ng palamara
Ang araw ng himagsikan
Hindi pa man kabuwanan
Itong lihim, natuklasan
May traydor sa kumpisalan
Umaksyon ang tampalasan
Laksa-laksa’y arestado
Sinuman ay insurekto
Kahit walang mandamiento
Peryodikong subersibo
Maging libro’y kumpiskado
Titis
Bago pa man mangalagas
7/21/2019 Pasyon ng Bayan
http://slidepdf.com/reader/full/pasyon-ng-bayan 8/56
7/21/2019 Pasyon ng Bayan
http://slidepdf.com/reader/full/pasyon-ng-bayan 9/56
Kaibayo ng mayaman
Itong masa na umalsa
Taksil yaong lebadura
Urong-sulong: elitista
Tendensiyang repormista
Sa ulo ay umakyat na
Wala pa man ang victoria
Trono nga ay inagaw na
Nariyan pa ang Kastila
Katipuna’y pinagiba
Sa halalang mayro’ng daya
Ang mumunti ngang konseho
Kinatawan daw ng indio
Kakaunting delegado
Hindi naman deputado
Sa pwesto ay asintado
Hudas saka butangero
Nang-uk-ok sa liderato
Poder, dangal ng Supremo
Inagaw ng mga lilo
Sa taktika ay eksperto
Kalihim lang ng interyor
7/21/2019 Pasyon ng Bayan
http://slidepdf.com/reader/full/pasyon-ng-bayan 10/56
Puwesto nga ay inperyor
Kwinestyon pa niyong traydor
Ang inupo’y emperador
Kay Emilio pumapabor
Binaligtad pa ang mundo
Pinabaril ang Supremo
Paratang ay subersibo
Sa gobyernong Pilipino
Na siya nga ang primero
Sumpa
Bundok Buntis ay nagluksa
Isinumpa ang kuhila
Isinakdal itong madla
Lagi’t laging may luluha
Bayang laging hampaslupa
Hanggang bayan ay ibigin
Hanggang verdad ay aralin
Hanggang huwad ay buwagin
Hanggang ngalan ay linisin
Hanggang landas ay tuwirin
Iikot lang itong bayan
Masasadlak sa putikan
Laksa-laksang kataksilan
Lumunod sa kalayaan
Naglubog sa kahirapan
7/21/2019 Pasyon ng Bayan
http://slidepdf.com/reader/full/pasyon-ng-bayan 11/56
Kaya nga ang dapat gawin
Pahina ay ‘yong basahin
Salaysayin at ulitin
Upang bulag ay gumaling
Mula noon at ngayon din
Tayo na nga at ituloy
Pelikulang dumadaloy
Sukdang ating ikaluoy
Mayro’ng limos na abuloy
Sa antuki’y isasaboy
Armistisya
Dahil bugbog ang Espanya
Alok nila’y armistisya
Sa indio na nakibaka
Pera, kwartang ibubulsa
Panilaw sa lider nila
Mestiso na doble-kara
Namagitan sa dalawa
Sa papel ay naimarka
Ang kanilang mga pirma
Kondisyon ay nakalista
Destiyero ang gobyerno
Republikang Pilipino
7/21/2019 Pasyon ng Bayan
http://slidepdf.com/reader/full/pasyon-ng-bayan 12/56
Sa Hong Kong ay mayro’ng plano
Kasabwat ang Amer’kano
Ipuslit si Aguinaldo
Alingasaw, sumingaw rin
Kalansing na pampadilim
Ibang puno ay umangkin
Sa Kastila ngang pakimkim
Nais nga ay paghatiin
Ang Junta de la Patria
Ngalan ay pantasmagorya
Isip pala’y pera-pera
Bayan, tila nilimot na
Pobre ito ngang historia
Maskara
Malala pang suliranin
Mga Yankee ay salarin
Lagi’t laging kabilanin
Timyas-wika kung suriin
May maskara pala mandin
Nang pangulo ay tulungan
Na bumalik sa ‘ ting bayan
Lihim nila’y iningatan
Kapalit ay kalayaan
Niyong buong kapuluan
7/21/2019 Pasyon ng Bayan
http://slidepdf.com/reader/full/pasyon-ng-bayan 13/56
Ngunit itong si Emilio
Nagtiwala ngang totoo
Kahit pa ang balatkayo
Niyong mga Amer’kano
Kaylinaw kung makita mo
Si Luna at Mabini nga
Nagkaisang kuro’t diwa
Amerika ay kuhila
Di dapat ang magtiwala
Mapagbanta sa ‘ting laya
Independencia
Sumandaling natabunan
Internal na tunggalian
Inihayag, kalayaan
Deklarasyo’y Kastila man
Nagdiwang din yaong bayan
Malao’y may republika
Unang-una sa may Asya
Sa Malolos, kabisera
Kongreso ma’y elitista
Pwedeng maging demokrasya
Hukbo ay may rayadilyo
Milisya ay asintado
Kahit hindi man armado
Niyong gamit na moderno
7/21/2019 Pasyon ng Bayan
http://slidepdf.com/reader/full/pasyon-ng-bayan 14/56
Buo yaon ngang prinsipyo
Gulantang ma’y preparado
Sa “amigong enemigo”
May bago nang gera rito
Nang sumapit ang Pebrero
Magpapalit na ang siglo
Sundot
Amerikanong hunyango
Sa ‘sang tulay ay tumungo
Nag-astang hari ng mundo
Tinawid yaong blokeyo
Ng ating mga sundalo
Barila’y di naiwasan
‘Pagkat dangal nitong bayan
Pinagtanggol, inilaban
Ng hukbo ng mamamayan
Sandigan ng kalayaan
At ang liderato naman
Sa digmaa’y napilitan
Ayaw man ang gerang laban
Doon sa Yankeeng mayabang
Wala nang mapagpilian
Yaong punong nagulantang
7/21/2019 Pasyon ng Bayan
http://slidepdf.com/reader/full/pasyon-ng-bayan 15/56
Di natuto sa nagdaan
Kaaway at ang kaibigan
Iisa sa kasaysayan
‘Pag pera-perang usapan
Bakit kasi di nagising
Nobenta’y otsong kalansing
Biniling parang alipin
Bente milyones nga mandin
Paris, kasunduang lihim
Bulgar nga ay lihim pa rin
Etsepwerang tinig natin
Bawal ang s’ya’y papasukin
Kahit isa lang ang hiling
Laya nati’y kilalanin
Dapat, doon pa nga lamang
Napagsino yaong hunghang
Amerikanong gahaman
Pandarambong, panlilinlang
Agad sanang napigilan
Ngunit aral ay masaklap
Langib ay dapat matuklap
Upang pait ay malasap
At ginhawa’y maapuhap
Dugo’y ibubo ang dapat
7/21/2019 Pasyon ng Bayan
http://slidepdf.com/reader/full/pasyon-ng-bayan 16/56
Trahedya
Habang digma’y kumakalat
Himagsika’y inaalat
Sa pagkakaisa’y salat
Mayroon pang nang-uupat
Paksyon-paksyon yaong lahat
Sa intrigang walang wawa
Si Luna ay s’yang kawawa
Ang dugo n’ya ay naglawa
Nang paslanging walang awa
Ng taksil na walang bawa
Pati ang bunying bayani
Yaong lumpong si Mabini
Palibhasa’y kontra-Yankee
At hindi mapangumbinsi
Inetsepwera ng imbi
Gerilya
Kahiman at may paksyunan
Tuloy itong himagsikan
Gerilyang nakipaglaban
Ang madlang may katapangan
Nagkanlong sa kagubatan
Sa umaga’y pagsasaka
7/21/2019 Pasyon ng Bayan
http://slidepdf.com/reader/full/pasyon-ng-bayan 17/56
Sa gabi ay pambobomba
Aksyong kontra-Amerika
Ang inaatupag nila
Dayuha’y bingi’t bulag pa
Sintibay ng kabundukan
Matatag na kawayanan
Ang Sangkapilipinuhan
Walang labang uurungan
Nagkaisang manindigan
Lupit
Ngunit ang Yankee’y malupit
Latigo‘y pinalaginit
Hampas nila’y masasakit
Ang hirap ay di maisip
Impyerno at di nga langit
Nilulunod nga sa tubig
Bawat rebeldeng mabingwit
Hangin ay ipagkakait
Hanggang sikretong inipit
Sa berdugo’y ipagsulit
At ang bayang siyang dagat
Ng gerilyang isda’y tulad
Tinuyo sa pagsisilab
Ng bukid at maging baklad
Pati bahay, ‘alang tawad
7/21/2019 Pasyon ng Bayan
http://slidepdf.com/reader/full/pasyon-ng-bayan 18/56
Sa isa ngang bayan naman
Sa dakong Kabisayaan
Bata ay pinagpapaslang
Niyong mga tampalasan
Puting mga nandayuhan
Yaong malungkot na bayan
Nangatira ay iilan
Hanggang naging isang ilang
Disyerto na walang laman
Liban sa piping karimlan
Paglamlam
Dakuan ang ibang panig
Ng kapuluang nilupig
Palahaw ay maririnig
Hustisya ang siyang ibig
Makibaka! anang tinig
Damdamin ma’y nagniningas
Ang imperyo’y may panggulat
Bundok ng balang masaklap
Kanyon, riple, bombang lahat
Kampong kaaway may imbak
Dinatnan ng kapaguran
Walang humpay na digmaan
Ang ningas nga ay lumamlam
Sumuko ang karamihan
Si Tasyo ay pinakinggan
7/21/2019 Pasyon ng Bayan
http://slidepdf.com/reader/full/pasyon-ng-bayan 19/56
Anang sa aklat ay pantas
Sa nobelang hindi hamak
Yumuko ay siyang dapat
Kung punglo ay sandamakmak
Sarili’t baya’y iligtas
Hindi ito karuwagan
Kundi mandi’y katapangan
Kaysa buhay, mawakasan
At di na makabangon man
Para ituloy ang laban
Traydor
Ngunit sa nangagsisuko
Palamara ay bilanggo
Niyong gintong pinangako
Dili iba’t tagatango
Kahit pango, utak-Kano
Sila’y hunghang na talaga
Hangad lang ay managana
Bayan ma’y lugmok sa dusa
Sa eleksyo’y elitista
Naglalaway sa ganansya
Sa Baliwag, unang huwad
7/21/2019 Pasyon ng Bayan
http://slidepdf.com/reader/full/pasyon-ng-bayan 20/56
Halalang sa ‘ti’y ginawad
Yaong mga kulang-palad
Itinuring na s’yang latak
Sa demokrasya ngang hungkag
Ang mga walang lupain
Di edukado’y no good din
Mayoryang siyang alipin
Tinig nila ay sinupil
Sa botohan ay pinigil
Cacique
Demokrasyang Bapor Tabo
Watak-watak, walang puso
Peke at sadyang malabo
Sa ibabaw, Inglesero
Sa i lalim, yaong indio
Haciendang para sa bayan
Pamana ng himagsikan
Sininop ng Katipunan
Inagaw niyong iilan
Sa bago ngang sapakatan
Sistema niyong titulo
Inutos ng Amer’kano
Upang yaong edukado
Kasabwat nila at lilo
7/21/2019 Pasyon ng Bayan
http://slidepdf.com/reader/full/pasyon-ng-bayan 21/56
Agad ay may benepisyo
Yaong mga kampesino
Tunay, rebolusyunaryo
Kakampi niyong Supremo
Gerilyang hindi bandido
Ngayo’y pulubing totoo
Mga cacique ang hari
Anghel-anghel na kunwari
Masahol sa prayleng pari
‘Pagkat lahat ay inari
Lupain na sari-sari
Kumbaga sa kagubatan
Si Tales ang s’yang naghawan
Nagsuyod sa tinaniman
Ngunit sa dakong anihan
Tagumpay ay may nangamkam
Lubhang kamalas-malasan
Elias, Simoun ngayo’y nasa’n
Matanglawi’y kapaguran
Banig na hinihigaan
Inang Baya’y nalagasan
Kamatayan
Hampas nitong kalangitan
Lubhang kasakit-sakitan
Bayani’y nagkaubusan
7/21/2019 Pasyon ng Bayan
http://slidepdf.com/reader/full/pasyon-ng-bayan 22/56
Si Mabining anakbayan
Kinuha ni Kamatayan
Maikli man itong buhay
Ng bayaning mayro’ng alay
Di mawawaglit sa malay
Tayo nga’y magbulay-bulay
Aral-buhay, sumisilay
Nang madakip sa Kuyapo
Si Mabining lumpong henyo
Sa Guam pinadestiyero
Ipinatapong totoo
Sa takot ng Amer’kano
Kaiba sa mga taksil
Utak niya’y di mapigil
Malayo ma’y nagsulat din
Yaong sa bayang hilahil
Sa mundo’y ipinarating
Palibhasa ay bihasa
Sa Ingles at sa Kastila
Diwa ng laya ang pwersa
Kinatakutang talaga
Ng mga imperyalista
7/21/2019 Pasyon ng Bayan
http://slidepdf.com/reader/full/pasyon-ng-bayan 23/56
Argumento ay kayhusay
Hinangaan ng kaaway
Panulat niya na lantay
Layuni’y layang dalisay
Sa bayang nakahandusay
Di lang polemikong lintik
Ang kanyang isinatitik
Yaong kay Kiko ngang hibik
Isinulat na mabilis
Munti man ay di nagmintis
Mula sa kaibuturan
Niyong pusong makabayan
Yaong obra’y mahaba man
Para lamang patunayan
May sariling panitikan
Nang kanya ngang maramdaman
Nalalapit na hantungan
Saka lamang pinirmahan
Panunumpa sa dayuhan
Nang makabalik sa bayan
Sa lubos na kalungkutan
Tagal nawalay sa bayan
7/21/2019 Pasyon ng Bayan
http://slidepdf.com/reader/full/pasyon-ng-bayan 24/56
Sandali lang nahalikan
Lupang kanyang tinubuan
Pumanaw sa karamdaman
Pagpapatuloy
May lumbay man bawat ulap
Tuloy yaong pag-apuhap
Lunas sa pait at hirap
Na mariing pinalasap
Sa bayang kulang ng palad
Marami man at makapal
Napaslang, bayaning mahal
Tuloy ang taguyod-dangal
Putok sa bundok nagtagal
Sa imperyo’y sagot-angal
Nadakip man sa Palanan
Pangulo ng kapuluan
Tuloy ang Katagalugan
Si Sakay ang haring-bayan
Sa Sierra Madreng kanlungan
Republika ang tinatag
Saklaw ang gubat at patagHangad ay ang paglalansag
Sa dayuhang lumalabag
Sa layang di natitinag
Hanggang sa Kabisayaan
Umalin awn aw an laban
7/21/2019 Pasyon ng Bayan
http://slidepdf.com/reader/full/pasyon-ng-bayan 25/56
Pulahanes nanindigan
Bagong kaaway ay saktan
Ubusin kung makayanan
Doon naman sa Mindanaw
Sa mga Moro’y malinaw
Libu-libo ma’y pumanaw
Itatarak ang balaraw
Upang laya’y di magalaw
Dugo’y binubong talaga
Baha ang siyang kapara
Sa Bud Bagsak, inapula
Liyab ng Morong nag-alsa
Daan-daa’y pinaslang nga
Di mabilang pang labanan
Laksa-laksang sagupaan
Pilipino’y natalo man
Alab ng puso’y nariyan
Titis na di mawakasan
Mersenaryo
Ngunit yaong kalungkutan
Di lamang sa nalagasan
Matindi ang kataksilan
Baril na tutok sa bayan
7/21/2019 Pasyon ng Bayan
http://slidepdf.com/reader/full/pasyon-ng-bayan 26/56
Galing sa mga bayaran
Konstabularyong panggapi
Sa indiong di maamuki
Buong burukrasyang hari
Mamamayang di nagsuri
Galamay na walang puri
Sa payak na salitaan
Magkakabaya’y naglaban
Habang ang mga dayuhan
Halakhak at kasiyahan
Regalo sa mga hunghang
Teatro
May lumbay man at may hapis
Himagsik man ay nagmintis
Itong bayan kong naamis
May tanghalang mang-iinis
Sa kaaway ay panglingkis
Bawal man yaong bandila
Bawal man awit ng bansa
Bawal man isip na kusa
Bawal man ang layang diwa
Lahat ay pwede sa dula
Ang mga himig ng bayan
Awit niyong himagsikan
7/21/2019 Pasyon ng Bayan
http://slidepdf.com/reader/full/pasyon-ng-bayan 27/56
Kulay niyong kalayaan
Simbolo ng kabansaan
Gunita ang s’yang kanlungan
Sedisyoso man ang sulat
Kayraming nangagsikalat
Pahayagang pawang mulat
Kahit na nga inaalat
Totoo ang siniwalat
Kaya nga ang mandaragit
Amerikang manggigipit
Kalayaang munti’t tipid
Malao’y ibinilibid
‘Pagkat wika ay matuwid
El Renacimientong hirang
Na nagtanggol nga sa bayan
Kinandado’t binawalan
‘Pagkat tutol sa dayuhan
Na tiwali at kawatan
Kaya’t yaong “kalayaan”
At anila’y “kabihasnan”
Hatid ng dayong “kaibigan”
Kaipala’t taksil naman
Teatrong huwad ang larawan
Nilubos yaong lansihan
Nagtayo ng paaralan
7/21/2019 Pasyon ng Bayan
http://slidepdf.com/reader/full/pasyon-ng-bayan 28/56
Inang wika’y bawal naman
Kultura niyong Kanluran
Ang laman ng talakayan
Ang radyo at telebisyon
Iisa lang din ang misyon
Ikalat ang Kanong bisyon
Coke, Colgate pawang “solusyon”
Sa galit ng aping nasyon
Natulog sa kalasingan
Sa kultura ng dayuhan
Itong sinisintang bayan
Sarili ay nalimutan
Muling napasa-karimlan
Komonwelt
Upang yaong mamamayan
Manatiling kahimbingan
Pinamarali’y halalan
Kaunting pinamilian
Tatlo lamang sa listahan
Si Quezon ang kandidato
Niyong mga Amer’kano
Nakisali si Emilio
7/21/2019 Pasyon ng Bayan
http://slidepdf.com/reader/full/pasyon-ng-bayan 29/56
Ang unang naging pangulo
Anang iba ay panggulo
Wala mang perang totoo
Yaong butihing Obispo
Pari at Katipunero
Ang ngalan n’ya ay Gregorio
Tinig niyong simpleng tao
Aglipay ang apelyido
Sa kasaysaya’y markado
Pro Deo ang kanyang motto
Et Patria, idagdag mo
Sa D’yos at Baya’y serbisyo
Plataporma ay radikal
Kampana ay dinupikal
Lupa nga sa tagabungkal
Manggagawang nagpapagal
Dito gawin ang kalakal
Agad na independensya
Republikang sosyalista
Diwa ay nasyunalista
Kaya natalo man siya
Panalo ang militansya
7/21/2019 Pasyon ng Bayan
http://slidepdf.com/reader/full/pasyon-ng-bayan 30/56
Binhi
Ang obispo’y di mag-isa
Sa kanyang pakikibaka
Unyon at mga welgista
Panay tagasuporta n’ya
Libu-libong sosyalista
Si Don Belong ang katuwang
Komonwelt ay wala pa man
Anarkistang kaisipan
Sosyalistang kamalayan
Sa Espanya’y natutuhan
Himagsikang Katipunan
Noon nga ay kasagsagan
Daming mga mamamayan
Deportasyo’y kahatulan
May Don Belong sa listahan
Sa karsel ng monarkiya
Republikano’y kakosa
Radikal na anarkista
Mayroon ding sosyalista
At ilan nga’y komunista
Araw-gabing talakayan
Matinding balitaktakan
Unyon, welgang matimtiman
Kapitalistang gahaman
Marxismo ang kasagutan
7/21/2019 Pasyon ng Bayan
http://slidepdf.com/reader/full/pasyon-ng-bayan 31/56
Balikbayan nang malaon
Si Don Belong ay may baon
Laksa-laksa yaong bunton
Librong politikang tuon
Liyab sa kanyang panahon
Samu’t saring babasahin
Sa wikang ati’y sinalin
Kaya nga’t nang lumaon din
Kaisipan ay tumining
Bayan ay mapapagaling
Unyonismo ay sumibol
Sa bayang napaparool
Sulirani’y buhul-buhol
Kalayaa’y binubundol
Ng Imperyong nagtatambol
Batid niyong mamamayan
Unyon ay kulang na kulang
Kung hindi nga manindigan
Sa usaping panlipunan
Kaya partido’y kailangan
Komunista
Bukod-tangi ngang lapian
7/21/2019 Pasyon ng Bayan
http://slidepdf.com/reader/full/pasyon-ng-bayan 32/56
Sumulpot sa kapuluan
Sovietista ang huwaran
Tagumpay sa ibang bayan
Hangad ay ang masubukan
Dekada trenta tinatag
Ang partidong di malansag
Komunista ay ang bansag
Adhika nila’y mabasag
Ang kapitalismong linsad
Ang Internasyunale nga
Awitin ng manggagawa
Isang mundo, isang diwa
Bigkis ng pagkaunawa
Inawit na walang sawa
Itong bagong Katipunan
Hangad, paglaya ng bayan
PeKaPe ang isang ngalan
Ibang bansa’y may ugnayan
Sabay-sabay yaong laban
Nang dumaming kasapian
Niyong kanilang lapian
Gobyerno ay kinabahan
Baka sila’y mag-aklasan
7/21/2019 Pasyon ng Bayan
http://slidepdf.com/reader/full/pasyon-ng-bayan 33/56
At tuparin, kalayaan
Kung manggagawa nga naman
Doon sa may kalunsuran
Bumuo niyong bukluran
Magnetong kapangyarihan
Sa magsasaka ngang hirang
Reaksyon
Upang yaong magbubukid
Di mabulid sa himagsik
Gobyerno ay nanlilisik
Hampas na kalupit-lupit
PeKaPe ay ipiniit
Huwad na laya’y nalantad
Balatkayo ay nahubad
Amerikang mang-uupat
Punong cacique’y kasabwat
Layang bibig ay sinikwat
Tuloy ang laban sa lihim
May liwanag nga sa dilim
May unyon nga at welga rin
Buhay yaong ‘sang layunin
Ang lipunan ay baguhin
Aral sa mga tirano
Ang ugat at puno’t dulo
Ng ismo-ismo sa mundo
7/21/2019 Pasyon ng Bayan
http://slidepdf.com/reader/full/pasyon-ng-bayan 34/56
Ay di radikal na ulo
Kundi “gutom” niyong tao
Sa Bilibid man itambak
Lider niyong anak-hirap
Bagong dugo ay tatambad
Ang bayan nga ay di tunggak
Lalaban sa mga uslak
Kaya naman hanggang ngayon
May komunista sa nayonWakas-hirap s’ya ring layonMagbubukid saka piyon
Kontra sa gahamang leon
Sibol
At noon sa kanayunan
Mga bukid na luntian
Sa kabyawan at tubuhan
Sa palayan at maisan
Mayroon ding nanindigan
Don Perico Abad Santos
Kamulatan ay nilubos
Kampesino’y isang bugkos
Sosyalismo ang tutubos
Sa ganid ay s’yang uubos
7/21/2019 Pasyon ng Bayan
http://slidepdf.com/reader/full/pasyon-ng-bayan 35/56
Partido Sosyalista nga
Ngalan ng lapian nila
Tinipong talapagobra
Rizal at Marx ang ideya
Katipunan ang s’yang diwa
Talinduwa at takipan
Sanlang-bili ’t takalanan
Samu’t saring kahunghangan
Ng asenderong gahaman
Nilinaw at nilabanan
Pasyon, kanilang sinulat
Upang madla ay imulat
Sa dahas nga at sa sindak
Kapitalismo’y hinamak
Libertad ang itinatak
Pasion ding Talapagobra
Inaawit sa Pampanga
Hanggang sa may Nueva Ecija
Bundok, burol narating na
Hanggang ngayo’y may bisa pa
‘Pagkat api pa rin naman
Gutom itong ating bayan
Habang yaon ngang iilan
7/21/2019 Pasyon ng Bayan
http://slidepdf.com/reader/full/pasyon-ng-bayan 36/56
Mga pamilyang kawatan
Naninibasib sa yaman
Buti pa sa nakaraan
Yaon si Quezong mayaman
Nagmalasakit sa bayan
Ugat ay naunawaan
Patas dapat ang lipunan
Kahit na may kapintasan
Sapagkat tao nga lamang
Kahit iba ang paraan
Reporma ay sinubukan
Baya’y di man nasapatan
Hustisya sosyal ang bando
Sa maralita ngang indio
Wikang pambansa’y binuo
Upang Ingles ay igupo
Binigkis ang mga pulo
Malaon din pinawalan
Yaong mga makabayan
Sa Komonwelt ay katuwang
Anti-pasistang lalaban
Anti-Hapon: kaisahan
Sumandali ay nilimot
Tunggaliang umiikot
Militante’y nagsalikop
7/21/2019 Pasyon ng Bayan
http://slidepdf.com/reader/full/pasyon-ng-bayan 37/56
Sa isang payong sumukob
Kontra bagong mananakop
Ngunit ang pagkakaisa
Totoong pansamantala
Komonwelt ay lumisan na
Ang bayan ang naiwan nga
Sa Hapon ay s’yang sasangga
Ligalig
Hapones na mapagpanggap
Ilang kabaya’y nabihag
Ng salitang masasarap
“Asya ay sa ating lahat
Basta’t Hapon, una dapat”
Ito namang Amerika
Walang planong idepensa
Mga Pilipinong masa
Sa Bataan, kawal nila
Armas, suplay ay kulang na
Di naglaon ang panahon
Sumuko ngang mahinahon
USAFFE sa mga Hapon
Daming bihag na nilamon
7/21/2019 Pasyon ng Bayan
http://slidepdf.com/reader/full/pasyon-ng-bayan 38/56
Martsang Kamatayan noon
Ang pangakong babalikan
Ang kawawang kapuluan
Matagal pang katuparan
Kayrami nang mapapaslang
Kaylangang may manindigan
Kaya nga’t ang buong bayan
Kumukulo ang kalamnan
Sasabog na tila bulkan
Ayaw na sa kaapihan
Sawa nang mapangakuan
Gera
Sa Sierra Madreng paanan
Nagtipon ang taumbayan
Hukbalahap ang sandigan
Bagong pwersa na panlaban
Sa huwad na kaibigan
At ang Makapili naman
Espiya niyong kalaban
Traydor sa mga kabayan
Nakabayong sa ulunan
Walang pagkakakilanlan
Ang Kempeitai na marahas
7/21/2019 Pasyon ng Bayan
http://slidepdf.com/reader/full/pasyon-ng-bayan 39/56
Berdugo at talipandas
Pumapaslang, walang habas
Kahit buntis, tinatagpas
Sinuman ay hinahampas
Kaya lamang nabawasan
Yaong dahas ng dayuhan
Si Laurel na lider-bayan
Hapon, pinakitunguhan
Republika ma’y basahan
Masa
Ang banderang pula naman
Tumindig sa lalawigan
Yaong mga kabukiran
Iniwan ng mayayaman
Binungkal nga niyong bayan
May aral na natutuhan
Sa digmaa’y makilaban
Palakasin ang bukluran
Imulat na yaong bayan
Kanilang kapangyarihan
Kung wala nga ang gahaman
Lahat ay magbahaginan
Lupaing napakayaman
May biyayang aasahan
Mamamayan na sinuman
7/21/2019 Pasyon ng Bayan
http://slidepdf.com/reader/full/pasyon-ng-bayan 40/56
Nagliyab ang kapuluan
Gerilya ang sambayanan
Binulag yaong kalaban
Palihim ang pulong-bayan
Lubog-litaw, pahayagan
Sa angkin ngang kagitingan
Niyong mga makabayan
Dinanas ma’y kahirapan
Ang digma’y napagwagian
Itong Hapon ay talunan
Pagbabalik
Nang isang pitik na lamang
Binansagang mga “sakang”
Bumalik ang Kanong dupang
Sinalubong sila naman
Niyong Pilipinong hibang
Nagbunyi pa yaong bayan
Nang dumating sa daungan
Mga kaibigang nang-iwan
Nang-agaw sa kalayaan
Sagad yaong katusuhan
Nang labanan, wala naman
Sa tagumpay, nagsulputan
7/21/2019 Pasyon ng Bayan
http://slidepdf.com/reader/full/pasyon-ng-bayan 41/56
Kabute sa kaparangan
Hawig nila’t kahambingan
Lobong laging nag-aabang
Mga Huk ay pinasuko
Hindi lahat ay yumuko
Batid, alam may malabo
May lihim ang Kanong tuko
May lason na isusubo
Ibinaon nga sa hukay
Yaong armas na matibay
Sila nga ay nangaghintay
Wastong panahon na tunay
Kasaysayan ay s’yang gabay
Atake
Di sukat na akalain
Baya’y muling nagupiling
Kapayapaang hiniling
May taksil pala mandin
Digma ay nagpatuloy rin
Sa Malolos, sa Bulacan
Hukbalahap ay pinaslang
Higit nga sa isandaan
Masaker sa walang laban
Kano ang may kagagawan
7/21/2019 Pasyon ng Bayan
http://slidepdf.com/reader/full/pasyon-ng-bayan 42/56
Mga lider ng Huk naman
Lumahok sa ‘sang halalan
Aanim lang na kongresman
Panalo rin itong bayan
Reporma ang inilaban
Parity rights, tinutulan
Niyong anim, makabayan
Kaya talsik agad naman
Bago pa nga pagbotohan
Yaong isyung nilabanan
Kaipala’y huwad naman
Demokrasyang pinagyabang
Nang matapos nang digmaan
Walang tinig, taumbayan
Gobyerno ay pangmayaman
Kasabwat pa ng dayuhan
Sa pagkamkam niyong yaman
Ginto, langis, kabukiran
Yamang-dagat, at anuman
Dayuhan, may karapatan
Nagsiklab ang sambayanan
Magsasaka ay lumaban
Manggagawa, nanindigan
Pilipinas na ‘ting bayan
Tayo dapat ang yumaman
7/21/2019 Pasyon ng Bayan
http://slidepdf.com/reader/full/pasyon-ng-bayan 43/56
Ibinandong matimtiman
Yaong mga panawagan
Ng lider sa lalawigan
Sa bukid nga’y kaibigan
Niyong mga mamamayan
Kidlat na sadyang kaybilis
May punglo na di dumaplis
Juan Feleo’y naamis
Magsasaka’y nangahapis
Kapwa indio ang balawis
Balawis at malulupit
Ahente ng mang-uumit
Hangad nila ay sumapit
Kaguluhang di kapurit
Baya’y lumakad sa siit
Kaya naman natutuhan
Ng masang anakbayan
Muling hanapin ang daan
Niyong ating kalayaan
Sa dawag at kagubatan
Tanggulan
7/21/2019 Pasyon ng Bayan
http://slidepdf.com/reader/full/pasyon-ng-bayan 44/56
Nagtanggol sa kabundukan
Ang pulahang nanindigan
Tuloy na ang himagsikanImperyalistang gahaman
At gobyerno, s’yang kalaban
Sila ang pinanggalingan
H-M-B na hukbong bayan
Sa prinsipyo ay tumangan
Ngunit mayroon ding ilan
Naging bandido’t kawatan
Nalubos ang kagipitan
Niyong mga taumbayanMga unyon, binawalan
Sinikil ang karapatan
Magsasaka’y binusalan
Padron
Si Ka Amadong butihin
Makata’t unyonista rin
Bayan ay lalong nanimdim
Nang siya ay arestuhin
“Komunista” ay ang turing
Bintang na walang batayan
Wala siyang kasalanan
Malao’y napatunayan
Hangad lang ay paglingkuran
Bayan niya sa karimlan
7/21/2019 Pasyon ng Bayan
http://slidepdf.com/reader/full/pasyon-ng-bayan 45/56
Nang makarsel siya naman
Nobela ay nagkalaman
Isang obrang panitikan
Inukit ang kasaysayan
Remedyo sa kahirapan
Sosyalismo’y kasagutan
Sa bayan ay katubusan
Ang tunay na kalayaan
Anakpawis, ang hahawan
Sa tuwid at tamang daan
Iyan ang paninindigan
Ni Ka Amadong maalam
Supremo ang tinularan
May tiwala nga sa bayan
Sa kanilang kapasyahan
Ang noon ay umuulit
Kasaysaya’y inuugit
Yaong mga binibingwit
Niyong ibong mandaragit
Taong ayaw na pumikit
Kung sino ang makatwiran
At s’yang may paninindigan
Destino ay bilangguan
O kaya ay hukay naman
7/21/2019 Pasyon ng Bayan
http://slidepdf.com/reader/full/pasyon-ng-bayan 46/56
Na gawa ng mga hunghang
Diktadura
Gayon na nga ang naganap
Nang si Marcos ay humanap
Ng solusyong ihaharap
Para lutasin ang hirap
Hatid sa bayan ay saklap
Bugbog-kulatang katawan
Babae at kabataan
Kahit nga taong simbahan
Lahat ay pinagbintangan
“Komunista” na kalaban
Daan-daan ang pinaslang
Ng mga sunud-sunuran
Serpyenteng hari-harian
Hayok sa kapangyarihan
Masiba sa kayamanan
Daan-daan din ang bilang
Ng nawala’t sukat lamang
Desaparecidong hirang
Natagpuan ay madalang
Katarunga’y nakasalang
7/21/2019 Pasyon ng Bayan
http://slidepdf.com/reader/full/pasyon-ng-bayan 47/56
Di lamang ang karapatan
Inumit sa taumbayan
Ng diktadurang kalaban
Baya’y binaon sa utang
Dahil sa katiwalian
Dinambong na nga ang yaman
Niyong buong kapuluan
Bawat kontratang mainam
Pati plantang nukleyar man
Sobra sa presyong gahaman
Korte Suprema mang hirang
Sa krimen ay nagulantangYaman ng ganid na angkan
Kumpiskahin na agaran
Malaon, s’yang kautusan
Tinig
Aral na sadyang kaylalim
Ang daan ma’y malabangin
Sa paghahari ng dilim
Hindi lahat ay nahimbing
May tinig na nanggigising
Bago pa man nanindigan
Ang bayan sa kalunsuran
Rebelde sa kabundukan
Martilyo ng sambayanan
Sa diktadura’y panlaban
7/21/2019 Pasyon ng Bayan
http://slidepdf.com/reader/full/pasyon-ng-bayan 48/56
Bente anyos sa karimlan
Itong ating sintang bayan
People Power, katugunan
Niyong mga mamamayan
Sa ninakaw na halalan
Sa tangke ay nagsiharang
Pari, madre at sibilyan
Ordinaryong mamamayan
Nagdarasal, may awitan
Kapit-bisig sa martsahan
Sa Edsa ang s’yang tipanan
Niyong buong sambayanan
Kahit ilang araw lamang
Tagumpay nga ay kinamtan
Si Cory ang bagong-hirang
Siklo
Hindi naglaon ang bayan
Nalugmok sa kalungkutan
Tagumpay ay nabahiran
Walang pagbabago naman
Sa kanilang kalagayan
Nakadalawang sabak na
Sa dambuhalang protesta
7/21/2019 Pasyon ng Bayan
http://slidepdf.com/reader/full/pasyon-ng-bayan 49/56
Edsa Dos at mayro’ng Tres pa
Inagaw ng aliktiya
Ang bawat kamting victoria
Tuloy ang mga patayan
Bilanggo ang kalayaan
Mendiola, Maguindanao man
Pati na ang kadayaan
Madugo pa ang halalan
Elite, cacique ang lamang
Sa bawat korte at laban
Hawak nila’y kayamanan
Bundok pati mga parang
Minahan at gusali man
May monopolyo sa poder
Ang matatayog na pader
Hunghang at traydor na lider
Pamantaya’y weder-weder
Utak ay tuso at clever
Kasapakat ng dayuhan
Yaong iilang mayaman
Sa bawat aring kinamkam
Gintong hinakot-hakot lang
Baha’t guho ang iniwan
7/21/2019 Pasyon ng Bayan
http://slidepdf.com/reader/full/pasyon-ng-bayan 50/56
Kung sa mapa ay titingnan
Ang dulong Kamindanawan
Kayumangging kalupaan
Patag na ang kabundukan
Kalbo yaong kagubatan
Paghahanay
Samantalang si Mang Juan
At si Aling Maryang hirang
Walang parte gamunti man
Sa yamang naglaho lamang
Sa kamay niyong iilan
Sikmura ay nanghahapdi
Bayan ay kumaing-dili
Manggagawa’y sawi lagi
Umento ay ganggamani
Kapitalista ang hari
Magsasakang kababayan
Lagi nang nasa lansangan
Hiling ay lupang taniman
Lumang pangakong nabalam
Daantaon na’y nasaan
Pati mga kaguruan
ATM ay sa sanlaan
Loandon ang siyang pasyalan
Utang dito at doon man
7/21/2019 Pasyon ng Bayan
http://slidepdf.com/reader/full/pasyon-ng-bayan 51/56
Pati sa Bumbay o Indyan
Pribado ang paaralan
Pati mga pagamutan
Tubig na inumin lamang
Nasalang na sa bentahan
Ginto’y hari sa ‘ting bayan
Gusali ma’y nagtaasan
Ang baya’y pinagtabuyan
Sinunog ang kabahayan
Condominium, nagsulputan
Taumbayan ang nawalan
At ang ating kabataan
Na noo’y tinatawagan
Ng paring may katuwiran
Sa El Fili sa hulihan
Tanong pa rin ay nasaan
Kaylinaw ng kasagutan
Naroon sa may lasingan
Patay-sindi at aliwan
Tamad na sa paaralan
Manhid, walang pakialam
Lubha rin ang kasaklapan
7/21/2019 Pasyon ng Bayan
http://slidepdf.com/reader/full/pasyon-ng-bayan 52/56
Kalapati’y nagliparan
Mababa kung magkampayan
Babae o lalaki man
Sanla yaong kapurihan
At kung sila’y mangarap man
Yumaman ang layon lamang
Luntiang mga pastulan
Hinanap sa ibang bayan
Ang sarili’y nilayasan
Tindera sa Singapura
Kasambahay sa Europa
Buwis-buhay sa Arabya
O doktor sa Amerika
Mayroon din sa Aprika
Tigmak-dugong kasaysayan
Sa Sabah o sa Tsina man
Pilipino’y walang laban
Tila minsan iniiwan
Ng deputadong kabayan
Binomba at sukat lamang
Deportasyong kahunghangan
O binigti ng dayuhan
7/21/2019 Pasyon ng Bayan
http://slidepdf.com/reader/full/pasyon-ng-bayan 53/56
Samu’t saring mga bintang
Kawawang bayan ni Juan
At ang buong kapuluan
Palaruan ng dayuhan
Barkong dayo sa daungan
Ginawa pa ngang tambakan
Itong ating karagatan
Parang kanila ang atin
Pati pulong kakatiting
Isda’t itim na buhangin
Dayuhan ay nag-aangkin
Umid yaong bantay natin
Pagbangon
Kung bayaning nahihimlay
Ay babangon, mabubuhay
Rizal, Bonifaciong tunayDi na magbubulay-bulay
Himagsik ang ilalatay
Gigisingin na ngang tunay
Pasyon nila’y isasaysay
Papag-alabing matibay
Yaong pusong nanamlay
Para sa mithing dalisay
Muli nilang susulatin
Makabayang babasahin
Kati una’ bubuuin
7/21/2019 Pasyon ng Bayan
http://slidepdf.com/reader/full/pasyon-ng-bayan 54/56
Iisa ang adhikain
Bayan nga ay palayain
Pangwakas
Eksaktong dalawandaan
Ang anyos ng Haring Bayan
Nagbangon sa karangalan
Ng buong Katagalugan
Aming buong kapuluan
Kaya itong panalangin
O Diyos ay Iyong dinggin
Diwa ng lahing magiting
Muling isanib sa amin
Tapang ay nang di kulangin
Kanilang mga huwaran
Sa gunita, ‘Yong ilawan
At nang aming matularan
At ang mga kahinaan
Ay amin nang maiwasan
Bukas mandi’y isang bayan
Ang aming masisilayan
Bawat isang kababayan
Ngiti’y hanggang kalangitan
Paraiso’y matitikman
7/21/2019 Pasyon ng Bayan
http://slidepdf.com/reader/full/pasyon-ng-bayan 55/56
Bawat butil na anihin
Siya naming kakainin
Ang bakal na huhukayin
At gintong dadalisayin
Sa bayan ay handog namin
Hindi na pagpapayaman
Ang mithi ng mamamayan
Kundi yaong kapakanan
Ng buo nilang lipunan
Pati ang sangkatauhan
Tunay na lingkod ng bayan
Magwawagi sa halalan
Tinig niyong taumbayan
Mahusay at di kawatan
Tainga ang sambayanan
Walang sinumang tatahan
Sa kariton o lansangan
Batong matibay, sandigan
Lahat mayro’n nang tahanan
Pamilya’y may kasiyahan
Wala na ang mga sakim
Wala na ring mga taksil
7/21/2019 Pasyon ng Bayan
http://slidepdf.com/reader/full/pasyon-ng-bayan 56/56
Wala na ang manunupil
Wala nang di masintahin
Bagong baya’y lilikhain
~ WAKAS ~
[*] Inspirado ng Pasiong Dapat Ipagalab nang Puso nang Tauong Baba sa Kalupitan nang Fraile ni Marcelo H. del Pilar (c.1885), Pasion ding Talapagobra, I Cristo Socialista Ya ni LinoGopez Dizon (c. 1930) at Bayang Malaya ni Amado V. Hernandez (1969).