A NOVA NARRATIVA GALEGA

Contextualización

orixes: décadas de 1950 e 1960. anos da posguerra e da Guerra Fría. ditadura franquista: represión, medo,

pobreza e emigración.

Características que unen os autores

Pertencen á pequena burguesía. Comezan os estudos universitarios nesa época. Publican na colección "Illa Nova" da editorial Galaxia. Participan nas Festas Minervais.Colaboran no xornal La Noche. Algúns deles viaxaron por Europa e tomaron contacto

cunha liberdade inexistente no seu país.Adaptarán a literatura galega ás correntes máis

modernas, incorporando técnicas narrativas e temas que en Europa e América xa se estaban traballando dende comezos do século XX.

Influencias

Cronoloxía

Comezo: publicación de Nasce un árbore (1954) de Gonzalo Rodríguez Mourullo.

Remate (data discutida): Cambio en tres (1969) de Carlos Casares ou Cara a Times Square (1980) de Camilo Gonsar.

Características da NNG

Localización inconcreta dos espazos, preferindo os ambientes urbanos periféricos, pechados, claustrofóbicos e indeterminados.

Rexéitase a cronoloxía lineal empregando abundantes analepses e prolepses e redúcese ao máximo o tempo que vai ser narrado (unhas horas ou algúns días como moito).

Negación da acción e do argumento: as novelas non teñen tema, nin historia, nin heroe, nin anécdota.

Requiren dun lector competente e activo que entenda os contidos filosóficos e simbólicos que aparecen nos textos.

Personaxes que adoitan comportarse como antiheroes, cunha vida atormentada, incapaces de tomar a iniciativa.

Temática existencialista, centrada na angustia vital e no absurdo da existencia.

Ambiente onírico, no que se mestura a realidade e a fantasía e no que os personaxes son movidos por instintos primarios, de aí a frecuente presenza da violencia e do sexo (temas tabú na literatura anterior).

Xosé Luís Méndez Ferrín

Polifacético: político, poeta, articulista, narrador...

Características da súa narrativa: conflúen a realidade e a fantasía, presenta ambientes opresivos cheos de simbolismo, reconstrúe un pasado mítico que remite á cultura celta e ao mundo medieval artúrico, emprega unha forte intertextualidade, presenza da violencia e a represión política, utilización da simboloxía (insectos, fiestras, camiños…).

Á NNG pertencen os seus seguintes tres libros: Percival e outras historias. O crepúsculo e as formigas. Arrabaldo do norte.

  Fóra xa da NNG están Retorno a Tagen Ata, Elispsis e outras sombras,

Amor de Artur ou Arnoia, Arnoia.

Carlos Casares

Parlamentario, director da editorial Galaxia, columnista en La Voz de Galicia, tamén escritor de literatura infantil (A galiña azul).

Etapas da súa narrativa:a) narrativa pertencente á NNG: Vento ferido. Cambio en tres.b) novela de transición: Xoguetes pra un tempo

prohibido.c) etapa de madurez (escrita máis realista): Ilustrísima,

Os mortos daquel verán ou Deus sentado nun sillón azul.

Camilo González Suárez-Llanos (Camilo Gonsar)

Cara a Times Square (1980) é a novela que para moitos pecha o movemento da NNG. O autor emprega o recurso do manuscrito atopado, do que el será tradutor. Os personaxes solitarios e desarraigados e o clima de irrealidade son trazos que permiten a inclusión da novela dentro da escola da NNG.

María Xosé Queizán

A orella no buraco: novela escrita coa técnica obxectalista.

Xohana Torres

Adiós, María dentro da NNG ou realismo sociolóxico? Retrátase o proletariado vigués dos anos 60 a través de abundantes saltos temporais e monólogos interiores.