naglahong parang bula
TRANSCRIPT
Naglahong Parang Bulani Jann Marione Lagusay
Hunyo 3, 1962 ng ipinanganak ang isang bata sa Zamboanga,
Sibugay. Siya ang tanging hinihintay ng kanyang mga magulang. Siya ay si
Bogart na anak ng dalawang guro sa kanilang lugar. Si Bogart ay labis na
biyaya sa kanilang pamilya at mahal na mahal din ng mga kaanak niya.
Binigyan siya lahat ng mga panganailangan at hindi hinayaang lumaki na
hindi kompleto ang mga gusto nito.
Nang nagging abala ang mga magulang niya sa trabaho,
nagsimula nang lumaki si Bogart na mag-isa. Siya ay labing isang taong
gulang nang naramdaman niyang palagi nalang siyang mag-isa. Nahihirapan
nga siyang magkaroon ng mga kaibigan sa skwelahan dahil palagi nalang
siyang nasa tabi at mag-isa. Masunurin naman si Bogart sa mga guro at
nakakakuha ng matataas na grado kaya nga lang ay tampulan siya ng tukso
dahil walang mga kaibigan. Hindi nalang siya pumapatol at hinahayaan
nalang ang mga ito. “Hindi ko nalang sila pinapansin noon kasi wala naman
akong mapapala. Basta alam ko wala akong ginagawa sa kanila. Baka sila
mayroon. Ganoon talaga kasi ako noon. Palaging mag-isa. Ewan ko basta
hindi ko talaga trip na makipag kaibigan. Mas gusto ko pang mag-isa”, wika
ni Bogart.
Noong nag kolehiyo si Bogart, mas lalo niyang naramdaman na mag-
isa nalang siya. Naging sobrang abala ang kanyang mga magulang kaya
hindi na talaga siya nabigyan ng sapat na aruga at pagmamahal. Aminado si
Bogart na hindi talaga siya nakontento sa pagmamahal na binigay ng mga
magulang niya. Pakiramdam niya ay mas importante pa ang mga trabaho
nito kaysa sa kanya na kanilang anak. Nagpapasalamat pa rin si Bogart dahil
wala talaga siyang kwestiyon sa pinansyal na supporta ng kanyang
magulang. Lahat ng material na bagay na natanggap na niya. Ang kulang na
nga lang ay hindi pinansyal kung hindi ay emosyonal.
Lumaki si Bogart sa isang magulong lugar kung saan palaging
may gera at patayan. Natatandaan pa nga niya noong minsang nagkagulo sa
lugar nila at kinailangan niyang magtago sa isang liblib na lugar para hindi
madamay sa mga pangyayari. Hinding-hindi niya makakalimutan ang
pangyayaring iyon sa buhay niya. Dumating ang araw na namatay ang ama
niya dahil nadamay ito sa kaguluhan ng lugar nila. Hindi niya halos
matanggap ang pangyayari pero wala na siyang magawa dahil tapos na.
Nang matapos na si Bogart sa pag-aaral ay lumipat siya sa
Cebu. Dito ay nakilala niya si Lorna. Si Lorna ay isang maganda at
matalinong babae. Nagkasalubong lang sila nang minsang mapadaan siya
sa inuupahang bahay ni Bogart. Siyempre, dahil talagang likas na tahimik at
mahiyain si Bogart, si Lorna ang unang nakipagkilala sa kanya. “Nahiya
talaga ako noon. Si Lorna pa talaga kasi ang unang gumawa ng paraan. Ako
naman noon ay natuwa nalang at doon na nagsimula ang aming magandang
pagkakaibigan”, wika ni Bogart.
Naglilinis si Bogart ng bahay noon nang may kumatok sa
pintuan niya. Si Lorna pala iyon. DInalhan siya ni Lorna ng makakain dahil
pansin niyang abala ito sa paglilinis at nakakalimutan na yatang kumain.
Sabay silang kumain at nagkuwentohan. Di kalaunan ay nahulog nalang
silang dalawa sa isa’t isa. Nagkalakas si Bogart ng loob para ipahayag ang
nararamdaman para kay Lorna. “Kinabahan talaga ako noon. Akala ko kasi
sadyang mabait lang siya pero buti nalang gusto pala talaga niya ako.
Niligawan ko siya at sinagot naman niya ako. Ako na yata ang
pinakamasayang tao sa mundo”.
Dalawang taong nagging mag nobyo sina Bogart at Lorna.
Mahal na mahal nila ang isa’t isa. Siyempre, nagkaroon ng kaunting mga
hindi pagkakaunawaan pero naging maayos naman ang takbo ng kanilang
relasyon. Di nagtagal ay nag desisyon silang magpakasal. Si Bogart na
ngayon ang humingi ng kamay ni Lorna sa mga magulang nito. “Buti nalang
at tinanggap siya ng mga magulang ko. Nabaitan naman kasi sila kay Bogart
kaya walang mga naging problema. Ang papa ko ang nagboluntaryong
gagastos ng kain sa kasal naming kaya mas sumaya ang lahat lalo”, wika ni
Lorna.
Hindi nagtagal ay nagpakasal sina Lorna at Bogart sa
simbahan. Napakabongga ng kanilang kasal dahil iyon ang pangarap ni
Bogart para kay Lorna. Sa wakas ay nagkaroon na rin siya ng kasama sa
panghabambuhay. Hindi niya lubos akalain na may taong magmamahal sa
kanya ng lubos sa kabila ng tahimik niyang pagkatao. Imbitado lahat ng mga
kamag-anak nila at mga kaibigan. Napakasaya ng dalawa sa araw na
pinakahihintay nila. Ito na marahil ang hindi makakalimutang sandal nina
Lorna at Bogart.
Makalipas ang isang taon ay nabuntis si Lorna sa una nilang
anak. Napakasaya ng mag-asawa dahil sa wakas ay magkaka-anak na sila.
Sa sobrang excited ni Bogart ay bumili siya ng lahat ng pangangailangn ng
bata kahit hindi pa niya alam kung ito ay babae o lalake. “Tuwang tuwa kasi
ako noon eh. Hindi ko talaga maipaliwanag ang kasiyahan na naramdaman
ko noong nalaman kong magkakaanak na kami”.
Nagsikap ng mabuti si Bogart. Doble ang paghahanap niya ng
trabaho para may maipakain sa kanyang anak. Sa kagandahng palad ay
nakapag trabaho siya sa isang malaking kompanya bilang Assistant
Manager. Malaki ang sahod dito lalo na at nakapagtapos siya. Tuwang-tuwa
siya at pinangako sa sarili na gagawin ang lahat para sa kanyang pamilya.
Araw-araw nananalangin siya na sana ay makapanganak ng maayos ang
asawa niya.
Dumating na nga ang pinakahihintay na araw nina Bogart at Lorna.
Alas dos ng hapon nang sumakit ang tiyan ni Lorna. Buti nalang at nasa
bahay pa si Bogart kaya agad niya itong nadala sa ospital. Pagdating nila
doon ay sabi ng doktor na malapit na ngang manganak si misis. Matapos
ang ilang oras na paghihintay ay isinilang ni Lorna ang isang batang lalake.
Ngunit may balitang hatid ang doktor kay Bogart. May sakit sa baga ang bata
kaya nahihirapan itong huminga ay mahina lang ang iyak. Kinakailangan
muna itong manatili sa ospital para sa obserbasyon at intensibong gamutan
para gumaling agad.
Dahil sa pangyayaring iyon ay lubos na nalungkot ang mag-
asawa lalo na si Bogart. Hindi niya matanggap na sa murang edad palang ay
may sakit na ang kanyang anak. Hindi naman nawalan ng pag-asa si Bogart
na gagaling din ang anak nila kaya nagsikap siyang mabuti para may
ipanggamot sa anak nila. Di bale na daw mabaon siya sa utang basta
gumaling lang ang kanilang anak. Makaraan lang ng apat na araw ay
namatay ang anak nila dahil hindi daw nakayanan ng bata ang mga gamot
na tinitira sa kanya ng mga doktor. Mahina na raw masyado ang resistensya
ng bata kaya nahirapan silang buhayin ito.
“Hindi ko matanggap ang pangyayaring iyon. Napakahirap
tanggapin na sa kabila ng lahat ng pagsisikap ko ay ito ang aking mapapala.
Hindi ko talaga maintindihan kung bakit ganoon ang nangyari. Ginawa ko
ang lahat. Wala din namang akong ginawang masama sa asawa ko pero
bakit pinarusahan ako ng Diyos”, wika ni Bogart.
Sobra ding nalungkot si Lorna sa kinsapitan ng anak nila ni
Bogart. Dahil sa lubos na kalungkotan ay ilang araw ding hindi nagsasalita si
Lorna. Hindi niya matanggap ang nangyari sa anak at sinisisi ang sarili sa
nangyari. Kahit anong gawin ng iba ay nalulungkot pa rin si Lorna at halos
hindi na kumakain. Dahil sa nangyari ay nagkasakit na rin si Lorna sa
sobrang depresyon. Patong patong na ang nararamdam ni Bogart at halos
hindi na alam ang gagawin. Naiintindihan niya ang nararamdaman ng
kanyang asawa lalo na at siya ang nag luwal dito.
Pinayagan na ng doktor na lumabas si Lorna sa ospital pero
pinag-iingat si Bogart na bantayang mabuti ang asawa dahil kapapanganak
lang nito. Delikado daw para kay Lorna ang masyadong malungkot at hindi
kumain dahil makakasama ito sa kanyang kalusugan at pag-iisip. Naging
matigas ang ulo ni Lorna. Hindi talaga niya natanggap ang pangyayari kaya
hindi siya kumakaing mabuti. Palagi nalang umiiyak at hindi na halos
natutulog sa gabi. Nakatulala nalang ito palagi sa isang tabi. Nag-aala si
Bogart baka anong mangyari sa kanyang asawa kaya kumuha nalang siya
ng katulong para may makasama si Lorna sa bahay habang siya ay nasa
trabaho.
Isang araw, pag-uwi ni Bogart sa kanila ay napansin nalang
niyang nagsasalita si Lorna ng mag-isa. Palagi nitong binabanggit ang
kanilang anak at para bang kinakausap niya ito. Kinabahan si Bogart sa
narinig kaya nilapitan niya si Lorna. Laking gulat niya nang makita niay si
Lorna na may bitbit na unan at yinuyogyog na parang bata. Pinahinto niya si
Lorna sa ginagawa ngunit nagalit ito sa kanya. Bigla siyang tinulak ng
napakalakas ni Lorna at hinalbot ang kanyang buhok. Nagalit ito ng husto sa
kanya nang kunin niya ang unan. Kinabukasan ay pilit niyang dinala si Lorna
sa doktor para patignan ito kung ano ang nangyayari sa asawa. Labis na
nagulat at nalungkot si Bogart sa nalaman.
Dahil sa sobrang depresyon dahil sa nangyari ay naapektohan na ang
pag-iisip ni Lorna. Malabo daw na mapigilan pa ang pag-lala nito kung
patuloy niyang maalala ang nangyari. Hindi lubos malaman ni Bogart ang
gagawin. Naaawa siya sa kanyang asawa at humantong pa sa ganoong
pangyayari. Kalilibing lang ng kanyang anak at ngayon naman ay ito pa ang
nangyari kay Lorna.
Hindi na alam ni Bogart ang gagawin kaya humingi siya ng tulong sa
mga magulang ni Lorna. Ang sabi ng mga magulang niya ay mas nararapat
na sa bahay muna ng kanyang mga magulang manatili si Lorna dahil baka
mas lalo niyang maisip ang anak na namatay sa bahay nila ni Bogart. Tingin
ni Bogart ay mas nararapat nga iyon kaya pumayag nalang siya. Nalulungkot
man siya pero alam niyang mas bubuti ang lagay ng asawa. Si Bogart
nalang ang naiwan sa bahay. Labis man ang kalungkutan pero dapat niyang
tibayan ang sarili para sa asawa. Naisip nalang niya na ibuhos ang lahat ng
panahon sa pagtratrabaho para malimutan ang problema.
Nasa trabaho siya nang tumawag bigla ang manugang niya at
sinabing isinugod si Lorna sa ospital dahil nag laslas ito sa kamay. Agad
namang pumunta si Bogart sa nasabing ospital at nakita doon ang kalagayan
ng asawa. Ang sabi ng doktor ay masyado daw maraming dugo ang nawala
sa kanyang asawa kaya kinakailangang maabonohan siya kaagad. Hindi na
alam ni Bogart kung ano ang dapat gawin. Masyado ng marami ang
tumatakbo sa kanyang isipan ngayon. Humingi siay ng tulong ina niya at
pinayuhan siya na huwag magpadala masyado sa emosyon dahil baka siya
ay maospital din.
Pagkalipas ng dalawang araw ay hindi na talaga kinaya ni
Lorna at ito ang dahilan para siya ay bawian ng buhay. Nang mabalitaan ito
ni Bogart ay natulala siya sandali. Dobleng pasakit ang naranasan niya. Una
ang kanyang kawawang anak at ngayon naman ang kanyang
pinakamamahal niyang asawa. Sinisisi ni Bogart ang sarili kung bakit hindi
niya natutukan ang asawa. Dapat daw ay siya mismo ang nag-alaga rito.
Hindi na talaga alam ni Bogart kung ano ang mangyayari sa kanya matapos
ang pagkawala ng dalawang pinakaimportanteng tao sa buhay niya.
Pag-uwi ni Bogart sa bahay ay naalala niya lahat ng mga
pagsasama nila ni Lorna. Naalala niya lahat ng masasayang alaala nila at
pilit tinatapakan ang lungkot na nadarama. Pero hindi talaga kayang tabunan
ang kalungkotan ng kahit anong bagay. Naging aburido si Bogart kaya naisip
niyang wakasan ang kanyang sarili. Wala na daw siyang dapat ikabuhay at
hindi na siya kailangang mabuhay pa kung hindi rin lang kasama ang mga
taong mahal niya. “Para saan pa ang buhay at pagsisikap ko kung wala na
kayo! Hindi ko dapat patagalin pa ang buhay na ito. Hindi na”, wika ni Bogart.
Kinuha ni Val ang kutsilyo sa kusina. Tiningnan niya itong
mabuti habang umiiyak. Di nagtagal ay ibinaon niya ito sa kanyang tiyan.
Sinaksak ni Bogart ang kutsilyo sa kanyang sarili at tinuluyan na ang buhay
niya. Walang agad na tulong na dumating dahil walang ibang tao sa bahay
nila. Makalipas na lamang ng dalawang araw bago nalaman na patay na
pala si Bogart.
Ang lahat ay hindi makapaniwala na sa isang pangyayari
nagsimula ang wakas ng buhay ng mag-asawa. Ang pamilya ni Bogart ay
naglahong bigla kabilang siya. Marami ang nalungkot pero wala nang
magawa. Ang pamilya ni Bogart ay mananatiling bangungot para sa lahat ng
taong mahal sila.