muⱪǝddǝs kitab

Injil Markus

41

INJIL MARKUS

Muⱪǝddǝs Kitab - Yenji Əⱨdǝ (Injil)

2-ⱪisim

1950-yilidiki «Muⱪǝddǝs Kitab»ninj uyƣurqǝ tǝrjimisi ⱨazirⱪi zaman

uyƣur tiliƣa ɵzgǝrtildi

2013 Dǝslǝpki nusha

www.dunyaningnuri.com

INJIL MARKUSƏysa Mǝsiⱨninj kelixi

1 1 Əysa Mǝsiⱨninj Injilininj baxlinixi. 2 Yǝxaya pǝyƣǝmbǝrninj kitabida:

«Mana yolunjni tǝyyar ⱪilidiƣan ǝlqimni seninj yüzünjninj aldida ǝwǝtimǝn.

3 Bayawanda ⱪiqⱪarƣuqininj awazi anjliniduki: Hudawǝndininj yolini rastlap, qiƣir yollirini tüz ⱪilinjlar»

dǝp pütülgǝndǝk,

4 bayawanda qɵmüldürgüqi Yuⱨanna ⱪopup, gunaⱨlarninj kǝqürülmiki üqün towa qɵmüldürüxini wǝz eytatti. 5 Yǝⱨudiyǝninj ⱨǝmmǝ yurti wǝ Yerusalemdikilǝrninj ⱨǝmmisi uninj ⱪexiƣa qiⱪip, ɵz gunaⱨlirini iⱪrar ⱪilip, Iordan dǝryasida uninjdin qɵmüldürüxini ⱪobul ⱪilixti. 6 Yuⱨannaninj kiyimi tɵgǝ yunjidin idi wǝ belidiki kǝmǝr kɵndin idi wǝ ƣizasi qekǝtkǝ bilǝn bayawan ⱨǝsili idi. 7 U wǝz ⱪilip eytatti: «Mǝndin ⱪuwwǝtlikrǝki mǝndin keyin kelidu, enjixip uninj ayaƣlirininj boƣⱪuqlirini yǝxkili layiⱪ ǝmǝsmǝn. 8 Mǝn silǝrni suda qɵmüldürdüm, lekin u silǝrni Muⱪǝddǝs Roⱨta qɵmüldüridu».

Əysa Mǝsiⱨninj qɵmüldürülüxi

9 U künlǝrdǝ wǝⱪǝ boldiki, Əysa Galiliyǝdiki Nazarǝttin kelip, Iordanda Yuⱨanna tǝripidin qɵmüldürüldi. 10 U sudin qiⱪⱪinida asmanlarninj eqilƣinini wǝ Roⱨninj kǝptǝrdǝk ɵz üstigǝ nazil bolƣinini kɵrdi. 11 Andin asmanlardin: «Meninj amraⱪ Oƣlum sǝndursǝn, sǝn bilǝn hux-rizayim bar» dǝp bir awaz kǝldi.

Əysa Mǝsiⱨ bayawanda sinilidu

12 Dǝrⱨal Roⱨ uni bayawanƣa qiⱪardi. 13 U bayawanda ⱪiriⱪ kün ⱪelip, xǝytandin sinaldi wǝ wǝⱨxiy ⱨaywanlar bilǝn idi wǝ pǝrixtilǝr uninjƣa hizmǝt ⱪiliwatatti.

INJIL MARKUS 4

Dǝslǝpki xagirtlarninj ⱪiqⱪirilixi

14 Yuⱨanna zindanƣa selinƣandin keyin, Əysa Galiliyǝgǝ kelip, Hudaninj Injilini jakarlap, 15 eytⱪili baxlidi: «Waⱪit tamam boldi, Hudaninj padixaⱨliⱪi yeⱪinlaxti, towa ⱪilip Injilƣa ixininjlar». 16 U Galiliyǝ denjizininj boyida menjip yürginidǝ Simon bilǝn Simonninj buradiri Andrǝyasninj denjizƣa tor salƣinini kɵrdi, qünki ular beliⱪqi idi. 17 Əysa ularƣa eytti: «Kelip, manja ǝgixinjlar wǝ mǝn silǝrni adǝm tutidiƣan ⱪilimǝn». 18 Ular dǝrⱨal torlarni ⱪoyup, uninjƣa ǝgǝxti. 19 U andin azƣina ɵtüp, Zǝbǝdiyninj oƣli Yaⱪub bilǝn buradiri Yuⱨannaninj ⱨǝm kemidǝ torlirini onjlap turƣinini kɵrüp, 20 dǝrⱨal ularni ⱪiqⱪardi. Ular atisi Zǝbǝdiyni mǝdikarlar bilǝn billǝ kemidǝ ⱪaldurup, uninjƣa ǝgǝxti.

Jin qaplaxⱪan adǝmninj saⱪaytilixi

21 Ular Kapǝrnaⱨumƣa kirdi wǝ u dǝrⱨal xabat künidǝ sinagogⱪa kirip tǝlim bǝrdi. 22 Ular uninj tǝlimigǝ ⱨǝyran ⱪelixti, qünki u ularƣa katiplardǝk ǝmǝs, bǝlki ⱪudrǝt wǝ ⱪuwwǝt bilǝn tǝlim berǝtti. 23 Ularninj sinagogida napak roⱨtin tutulƣan bir kixi bar idi. U ⱪiqⱪirip, 24 eytti: «Əy nazarǝtlik Əysa, sǝn bilǝn nemǝ iximiz bar? Bizni ⱨalak ⱪilƣili kǝldinjmu? Seninj kim ikǝnlikinjni bilimiz. Hudaninj muⱪǝddǝsisǝn». 25 Əysa uninjƣa tǝnbiⱨ berip eytti: «Xük bolup uninjdin qiⱪⱪin». 26 Napak roⱨ uni tǝwritip, ünlük awaz bilǝn warⱪirap uninjdin qiⱪti. 27 Ⱨǝmmisi ⱨǝyran ⱪelip, ɵz arilirida muzakirilixip: «Bu nemidur? Bu yenji tǝlim ǝmǝsmu? Qünki ⱪudrǝt bilǝn napak roⱨlarƣa ǝmr ⱪilidu wǝ ular uninjƣa itaǝt ⱪilidu» dǝp eytixti. 28 Dǝrⱨal uninj xɵⱨriti Galiliyǝninj ǝtrapidiki barqǝ yurtⱪa qiⱪti.

Əysa Mǝsiⱨninj tola kesǝllǝrni saⱪaytixi

29 Ular sinagogdin qiⱪip, dǝrⱨal Simon wǝ Andrǝyasninj ɵyigǝ bardi. Yaⱪub wǝ Yuⱨanna ular bilǝn idi. 30 Əmma Simonninj ⱪeynanisi tǝp bolup, kesǝl yatatti. Dǝrⱨal uninj toƣrisidin uninjƣa hǝwǝr bǝrildi. 31 U aldiƣa berip uninj ⱪolini tutup uni ⱪopurdi wǝ tǝp uni ⱪoydi wǝ u ularƣa hizmǝt ⱪildi. 32 Kǝqⱪurun bolƣanda kün patⱪan waⱪitta ular ⱨǝmmǝ kesǝllǝrni wǝ jin qaplaxⱪanlarni uninj aldiƣa elip kelixti. 33 Ⱨǝmmǝ xǝⱨǝr ixikninj aldida yiƣilƣanidi. 34 U ⱨǝr hil kesǝllikkǝ muptila bolƣanlarninj tola kixini saⱪaytip, tola yaman roⱨlarni qiⱪardi wǝ yaman roⱨlarni gǝp ⱪilƣili ⱪoymidi, qünki ular uni tonuytti.

5 INJIL MARKUS

Əysa Mǝsiⱨninj dua ⱪilixi wǝ tǝlim berixi

35 Ətigǝndǝ tehi ⱪaranjƣu ikǝndǝ u ⱪopup qiⱪip, bir haliy yǝrgǝ berip anda dua ⱪilip turdi. 36 Simon wǝ ɵzi bilǝn bolƣanlar uninj kǝynidin ǝgixip, 37 uni tepip uninjƣa eytti: «Ⱨǝmmisi seni izdǝydu». 38 U ularƣa eytti: «Baxⱪa yǝrgǝ, ǝtrapidiki xǝⱨǝrlǝrgǝ barayli. Anda ⱨǝm wǝz eytixim kerǝk, qünki buninj üqün qiⱪtim». 39 Andin u berip, barqǝ Galiliyǝdǝ ularninj sinagoglirida wǝz eytip yaman roⱨlarni qiⱪiratti.

Bir pesǝninj saⱪaytilixi

40 Bir pesǝ uninj aldiƣa kelip, uninjƣa yalwurup tiz püküp eytti: «Halisanj, meni pakiz ⱪilalaysǝn». 41 Əysa rǝⱨim ⱪilip ⱪolini uzitip, uninjƣa tǝgküzüp eytti: «Halaymǝn, pakiz bolƣin». 42 Dǝrⱨal pesǝliki uninjdin kǝtti wǝ u pakiz boldi. 43 Əysa qinj sɵz bilǝn uni dǝrⱨal kǝtküzüp, 44 uninjƣa eytti: «Agaⱨ bolup, ⱨeqkimgǝ bir nemǝ eytmiƣaysǝn. Lekin berip, ɵzünjni kaⱨinƣa kɵrsitip, ularƣa guwaⱨ bolsun dǝp, ɵz pakizlanƣininj üqün Musa ǝmr ⱪilƣinini ɵtküzgin». 45 Lekin u qiⱪⱪanda bu hǝwǝrni ziyadǝ yayƣili turdi, xundaⱪki, Əysa bir xǝⱨǝrgǝ axkara kirǝlmǝy, bǝlki taxⱪiri haliy yǝrlǝrdǝ turidiƣan boldi. Ular ⱨǝr tǝrǝptin uninj aldiƣa kelǝtti.

Bir palǝq kixininj saⱪaytilixi

2 1 Birnǝqqǝ kündin keyin u yǝnǝ Kapǝrnaⱨumƣa kirdi wǝ uninj ɵydǝ ikǝnliki mǝlum bolƣanda, 2 ixikninj aldidiki yǝrgǝ siƣmiƣudǝk tola

hǝlⱪ yiƣildi. U ularƣa sɵzni yǝtküzüp turdi. 3 Andin tɵt kixi bir palǝq kixini kɵtürüp, uninj aldiƣa kǝltürdi. 4 Hǝlⱪninj sǝwǝbidin ular uninj ⱪexiƣa kelǝlmigǝq, u ɵzi bar ɵyninj ɵgzisini eqip tɵxük ⱪilip, palǝq kixi ɵzi yatⱪan ornini tɵwǝngǝ qüxürdi. 5 Əysa ularninj etiⱪadini kɵrgǝndǝ palǝq kixigǝ eytti: «Əy oƣlum, seninj gunaⱨlirinj kǝqürüldi». 6 Əmma anda birnǝqqǝ katiplar olturup, ɵz kɵnjülliridǝ pikir ⱪildiki: 7 «Nemixⱪa bu kixi mundaⱪ sɵz ⱪilidu? U kupur eytidu. Yeganǝ Hudadin baxⱪa kim gunaⱨlarni kǝqürǝlǝydu?» 8 Əysa ularninj ɵz iqidǝ xundaⱪ pikir ⱪilƣinini xuan ɵz roⱨida bilip ularƣa eytti: «Nemixⱪa kɵnjüllirinjlarda xundaⱪ pikir ⱪilisilǝr? 9 Ⱪaysi onjayraⱪtur, palǝqkǝ: ‹ Seninj gunaⱨlirinj kǝqürüldi› demǝkmu yaki ‹ Ⱪopup manjƣin› demǝkmu? 10 Lekin Ibn al-Insanninj yǝr yüzidǝ gunaⱨlarni kǝqürgili ⱪudriti barliⱪini bilgǝysilǝr» dǝp palǝqkǝ eyttiki: 11 «Sanja eytimǝn: Ⱪopup, ornunjni kɵtürüp

INJIL MARKUS 6

ɵyünjgǝ barƣin». 12 U ⱪopup, dǝrⱨal ornini kɵtürüp ⱨǝmmisininj aldida qiⱪip kǝtti. Xundaⱪki, ⱨǝmmisi ⱨǝyran ⱪelip, Hudaƣa ⱨǝmd eytip: «Ⱨǝrgiz xundaⱪ ixni kɵrmigǝniduⱪ» dǝp eytixti.

Əysa Mǝsiⱨ Lawiyninj (yǝni Mǝttaninj) ⱪiqⱪirixi

13 U yǝnǝ denjizninj boyiƣa qiⱪti. Ⱨǝmmǝ hǝlⱪ uninj aldiƣa kǝldi wǝ u ularƣa tǝlim bǝrdi. 14 Ɵtüp barƣanda u Alpeusninj oƣli Lawiyninj bajhanida olturƣinini kɵrüp, uninjƣa eytti: «Manja ǝgǝxkin». U ⱪopup, uninjƣa ǝgǝxti. 15 U uninj ɵyidǝ dastihanda olturƣanda bajgirlardin wǝ gunaⱨkarlardin tola kixi Əysa wǝ xagirtliri bilǝn billǝ olturatti, qünki bulardin tola kixi uninjƣa ǝgǝxkǝnidi. 16 Əmma pǝrisiylǝrninj katipliri uninj bajgirlar wǝ gunaⱨkarlar bilǝn taam yeginini kɵrüp, xagirtliriƣa eytixti: «Uninj bajgirlar wǝ gunaⱨkarlar bilǝn yǝp-iqkini ⱪandaⱪ?» 17 Əysa buni anjlap ularƣa eytti: «Saⱪlar tewipⱪa moⱨtaj ǝmǝs, bǝlki kesǝllǝr. Adillarni ǝmǝs, bǝlki gunaⱨkarlarni ⱪiqⱪarƣili kǝldim».

Roza tutux toƣrisida bir soal

18 Yuⱨannaninj xagirtliri wǝ pǝrisiylǝr roza tutatti. Ular kelip, uninjƣa eytixti: «Nemixⱪa Yuⱨannaninj xagirtliri wǝ pǝrisiylǝrninj xagirtliri roza tutidu, lekin seninj xagirtlirinj roza tutmaydu?» 19 Əysa ularƣa eytti: «Toydiki yigit ⱪoldaxliri toy yigiti ular bilǝn bar waⱪtida roza tutalamdu? Toy yigiti ular bilǝn billǝ ikǝnlikidǝ ular roza tutalmaydu. 20 Lekin toy yigiti ulardin elinidiƣan künlǝr kelidu. Ular xu waⱪit, u küni roza tutidu. 21 Ⱨeqkimǝrsǝ kirixip kǝtmigǝn yenji parqidin kona libasⱪa yamaⱪ salmaydu, bolmisa selinƣan yenji parqǝ kona libasni tartixturup yirtidu wǝ yirtiⱪ yamanraⱪ bolidu. 22 Xuninjdǝk ⱨeqkim yenji xarabni kona tulumlarƣa toxturmaydu. Bolmisa yenji xarab tulumlarni yirtidu wǝ xarab bilǝn tulumlar buzulidu. Lekin yenji xarab yenji tulumlarƣa toxturulidu».

Əysa Mǝsiⱨ xabatninj hojisidur

23 Wǝⱪǝ boldiki, u bir xabat künidǝ ziraǝtlǝrninj arisidin ɵtüwatatti. Xagirtliri ɵtüp barƣinida ziraǝt baxliridin üzgili turdi. 24 Pǝrisiylǝr uninjƣa eytixti: «Mana, nemixⱪa ular xabat künidǝ jayiz ǝmǝs ixni ⱪilidu?» 25 U ularƣa eytti: «Dawud moⱨtaj bolup, u ɵzi wǝ uninj bilǝn bolƣanlar aq ⱪalƣinida nemǝ ⱪilƣinini ⱨeq oⱪumidinjlarmu? 26 Ⱪandaⱪki, u ɵzi uluƣ kaⱨin Abyatarninj künliridǝ Hudaninj bǝytigǝ kirip, kaⱨinlardin baxⱪisiƣa

7 INJIL MARKUS

yegili jayiz bolmiƣan tǝⱪdim nanlarni yǝp, ɵzi bilǝn bolƣanlarƣa ⱨǝm bǝrdi?» 27 U yǝnǝ ularƣa eytti: «Xabat küni insan üqün bolƣandur wǝ insan xabat küni üqün ǝmǝs. 28 Xuninj üqün Ibn al-Insan xabatninj ⱨǝm hojisidur».

Əysa Mǝsiⱨ xabat künida bir adǝm saⱪaytidu

3 1 U yǝnǝ sinagogⱪa kirdi wǝ anda ⱪoli ⱪuruƣan bir adǝm bar idi. 2 Ular uninj üstidin ǝrz ⱪilmaⱪ üqün, u xabat künidǝ xipa berǝrmikin dǝp,

uni marap turatti. 3 U ɵzi ⱪoli ⱪuruƣan adǝmgǝ eytti: «Ⱪopup, otturida turƣin». 4 Andin u ularƣa: «Xabat küni yahxiliⱪ ⱪilmaⱪ jayizmu yaki yamanliⱪ ⱪilmaⱪ jayizmu? bir janni ⱪutⱪuzmaⱪ jayizmu yaki ɵltürmǝk jayizmu?» dǝp eytti. Əmma ular xük turdi. 5 U ɵz qɵrisigǝ nǝzǝr selip, ƣǝzǝp bilǝn ularƣa ⱪarap ularninj kɵnjül ⱪattiⱪliⱪi üqün ƣǝmkin bolup, u adǝmgǝ: «Ⱪolunjni uzatⱪin» dǝp eytti. U uni uzatti wǝ ⱪoli saⱪ boldi. 6 Andin Pǝrisiylǝr qiⱪip, dǝrⱨal ⱨirodǝsiylǝr bilǝn, uni ⱪandaⱪ yoⱪitimiz dǝp, mǝsliⱨǝt ⱪilixti.

Əysa Mǝsiⱨninj napak roⱨlar üstidin ⱪudriti bar

7 Əysa ɵz xagirtliri bilǝn denjizƣa bardi wǝ Galiliyǝdin tola hǝlⱪ uninjƣa ǝgǝxti. 8 Yǝⱨudiyǝ wǝ Yerusalemdin wǝ Idumeyadin wǝ Iordanninj u bir tǝripidin wǝ Tir wǝ Sidonninj ǝtrapidin tola hǝlⱪ uninj undaⱪ qonj ixlar ⱪilƣinini ixitip, uninj aldiƣa kǝldi. 9 Hǝlⱪninj toliliⱪidin ɵzininj ⱪistilip ⱪalmasliⱪi üqün ɵzigǝ bir kiqik kemǝ tǝyyar turuxni xagirtliriƣa buyrudi. 10 Qünki u tola kixini saⱪaytⱪini üqün aƣriⱪ bolƣanlarninj ⱨǝmmisi, uninjƣa ⱪol tǝgküzǝyli dǝp, uni ⱪistawatatti. 11 Napak roⱨlar uni kɵrginidǝ uninj aldiƣa yiⱪilip ⱪiqⱪirip: «Sǝn Ibn Alladursǝn» dǝp eytixti. 12 Əmma u ɵzini axkara ⱪilmasliⱪni ularƣa jekilǝp buyrudi.

Əysa Mǝsiⱨ on ikki xagirtlirini tallaydu

13 U taƣⱪa qiⱪip, ɵzi haliƣanlarni ⱪiqⱪardi wǝ ular uninj aldiƣa kelixti. 14 U on ikkini tǝyinlidiki, ular uninj bilǝn billǝ bolƣay wǝ u ularni wǝz eytⱪili ǝwǝtkǝy 15 wǝ yaman roⱨlarni qiⱪarƣili ularninj ⱪudriti bolƣay. 16 U on ikkini tǝyinlidi, yǝni ɵzi uninjƣa Petrus dǝp isim ⱪoyƣan Simon 17 wǝ ularƣa Boanerges, yǝni güldürlǝxninj oƣulliri dǝp isim ⱪoyƣan Zǝbǝdiyninj oƣli Yaⱪub bilǝn Yaⱪubninj buradiri Yuⱨanna 18 wǝ Andrǝyas wǝ Filippus wǝ

INJIL MARKUS 8

Bartolomeus wǝ Mǝtta wǝ Tomas wǝ Alpeusninj oƣli Yaⱪub wǝ Tadeus wǝ ⱪanaanliⱪ Simon 19 wǝ uni tutup bǝrgüqi Ixⱪariyot Yǝⱨuda.

Əysa Mǝsiⱨ wǝ Bǝǝlzabul

20 U bir ɵygǝ kirdi wǝ undaⱪ tola hǝlⱪ yiƣildiki, ular nan yegili ⱨǝm pursǝt tapalmidi. 21 Uninj uruⱪ-tuƣⱪanliri buni anjliƣanda, «U elixip ⱪeliptu» dǝp, uni tutⱪili qiⱪti. 22 Yerusalemdin kǝlgǝn katiplar «Uninjda Bǝǝlzabul bar wǝ yaman roⱨlarninj qonji bilǝn yaman roⱨlarni qiⱪiridu» deyixǝtti. 23 U ularni ⱪiqⱪirip, tǝmsil bilǝn ularƣa eytti: «Xǝytan xǝytanni ⱪandaⱪ qiⱪiralaydu? 24 Bir padixaⱨliⱪ ɵzigǝ ⱪarxi bɵlünsǝ, u padixaⱨliⱪ turup ⱪalalmaydu. 25 Bir ɵy ɵzigǝ ⱪarxi bɵlünsǝ, u ɵy turup ⱪalalmaydu. 26 Əgǝr xǝytan ɵzigǝ ⱪarxi ⱪopup bɵlünsǝ, turup ⱪalalmaydu, bǝlki yoⱪilidu. 27 Əgǝr awwal küqlük kixini baƣlimisa, ⱨeqkim u küqlükninj ɵyigǝ kirip, mal-jabduⱪlirini buliwalalmaydu, bǝlki uni baƣliƣandin keyin uninj ɵyini taliyalaydu. 28 Bǝrⱨǝⱪ, silǝrgǝ eytimǝnki, adǝm oƣulliri ⱪanqǝ kupur eytsa ⱨǝm, ularninj ⱨǝmmǝ gunaⱨliri wǝ kupur sɵzliri kǝqürülidu. 29 Lekin kimki Muⱪǝddǝs Roⱨⱪa kupur eytsa, u ǝbǝdkiqǝ kǝqürülmǝydu. Bǝlki u adǝm ǝbǝdiy ⱨɵkümgǝ mǝⱨkum bolidu» dedi. 30 Qünki ular: «Uninjda napak roⱨ bar» degǝnidi.

Əysa Mǝsiⱨninj anisi wǝ buradǝrliri

31 Uninj anisi wǝ buradǝrliri kelip taxⱪirida turup, uni ⱪiqⱪarƣili kixi ǝwǝtti. 32 Uninj qɵrisidǝ hǝlⱪ olturatti. Ular uninjƣa: «Mana, ananj wǝ buradǝrlirinj wǝ ⱨǝmxirilirinj taxⱪirida turup, seni izdiwatidu» dǝp eytti. 33 U ularƣa jawab berip eytti: «Anam wǝ buradǝrlirim kimdur?» 34 Andin u ɵz qɵrisidǝ olturƣanlarƣa ⱪarap eytti: «Mana, anam wǝ buradǝrlirim! 35 Kimki Hudaninj iradisini ⱪilsa, meninj buradirim wǝ ⱨǝmxirǝm wǝ anam udur».

Uruⱪ qaqⱪuqi toƣrisidiki tǝmsil

4 1 U yǝnǝ denjizninj boyida tǝlim bǝrgili baxlidi. Uninj aldiƣa tola hǝlⱪ yiƣildi. Uninj üqün u bir kemigǝ kirip, denjizda olturdi wǝ hǝlⱪninj

ⱨǝmmisi denjizninj boyida ⱪuruⱪluⱪta idi. 2 U ularƣa tǝmsillǝr bilǝn tola tǝlim berip, ɵz tǝlimidǝ ularƣa eytti: 3 «Anjlanjlar, mana uruⱪ qaqⱪuqi uruⱪ qaqⱪili qiⱪti. 4 Wǝⱪǝ boldiki, u qaqⱪinida bǝzisi yolninj yeniƣa qüxti wǝ uqarⱪanatlar kelip, uni yǝp kǝtti. 5 Bǝzisi topisi jiⱪ bolmiƣan taxliⱪ yǝrgǝ qüxti wǝ topisi ⱪelin bolmiƣaq pat ünüp qiⱪip, 6 aptap qiⱪⱪanda kɵyüp ketip,

9 INJIL MARKUS

yiltizi bolmiƣaq ⱪurudi. 7 Bǝzisi tikǝnlǝr arisiƣa qüxti wǝ tikǝnlǝr ɵsüp uni boƣdi wǝ xular ⱨosul bǝrmidi. 8 Bǝzisi yahxi yǝrgǝ qüxüp ⱨosul berip, ünüp ɵsüp, biri ottuz, yǝnǝ biri atmix wǝ yǝnǝ biri yüz ⱨǝssigiqilik ⱨosul bǝrdi». 9 U yǝnǝ eytti: «Anjliƣili ⱪuliⱪi barlar anjlisun».

Tǝmsillǝrninj mǝⱪsiti

10 U ɵzi yalƣuz bolƣanda on ikkilǝr bilǝn uninj qɵrisidikilǝr bu tǝmsil toƣrisidin uninjdin soraxti. 11 U ularƣa eytti: «Hudaninj padixaⱨliⱪininj siri silǝrgǝ berildi. Lekin taxⱪiriⱪilarƣa ⱨǝmmisi tǝmsillǝr bilǝn eytilidu. 12 Buninj bilǝn: Ular kɵrmǝklik bilǝn kɵrüp sinjdürüwalmaydu wǝ anjlimaⱪliⱪ bilǝn anjlap uⱪmaydu wǝ ularninj gunaⱨliri kǝqürülsun dǝp, towa ⱪilip yanmaydu».

Uruⱪ qaqⱪuqi toƣrisidiki tǝmsilninj qüxǝndürülüxi

13 U ularƣa yǝnǝ eytti: «Bu tǝmsilni uⱪmay, ⱨǝmmǝ baxⱪa tǝmsillǝrni ⱪandaⱪ uⱪalaysilǝr? 14 Uruⱪ qaqⱪuqi sɵzni qaqidu. 15 Yolninj yenidikilǝr bolsa xundaⱪki, sɵz u yǝrgǝ qeqilƣanda ular anjliƣandin keyin, dǝrⱨal xǝytan kelip kɵnjüllirigǝ qeqilƣanni elip ketidu. 16 Taxliⱪ yǝrgǝ qeqilƣanlar bolsa xundaⱪki, ular sɵzni anjliƣanda awwal huxluⱪ bilǝn ⱪobul ⱪilidu. 17 Əmma ularninj ɵzidǝ yiltizi bolmiƣaq bir waⱪtiƣiqǝ ⱪelip, sɵzninj jǝⱨitidin bir tǝnjlik yaki ⱪoƣlanmaⱪliⱪ wǝⱪǝ bolsa ular dǝrⱨal tayidu. 18 Yǝnǝ tikǝnlǝrninj arisiƣa qeqilƣanlar bolsa xundaⱪⱪi, ular sɵzni anjliƣandin keyin, 19 bu dunyaninj ǝndixisi wǝ dɵlǝtninj ƣururi wǝ nǝpsninj bɵlǝk xɵⱨrǝtliri kirip, sɵzni boƣidu wǝ ular ⱨosulsiz bolidu. 20 Yahxi yǝrgǝ qeqilƣanlar bolsa xundaⱪki, ular sɵzni anjlap ⱪobul ⱪilip, biri ottuz, yǝnǝ biri atmix wǝ yǝnǝ biri yüz ⱨǝssǝ ⱨosul beridu».

Qiraƣ toƣrisidiki tǝmsil

21 U ularƣa yǝnǝ eytti: «Qiraƣ ⱪaqisininj tegigǝ yaki orunninj astiƣa ⱪoyƣili elip kelinidumu? Qiraƣdan üstigǝ ⱪoyƣili ǝmǝsmu? 22 Qünki axkara bolmaydiƣan yoxurun nǝrsǝ yoⱪtur wǝ axkara bolmiƣudǝk ⱨeqbir mǝhpiy nǝrsǝ yoⱪtur. 23 Anjliƣili ⱪuliⱪi barlar anjlisun». 24 U yǝnǝ ularƣa eytti: «Anjliƣininjlarƣa sǝpselip beⱪinjlar. Ⱨǝr nǝ ɵlqǝm bilǝn kǝmlǝp bǝrsǝnjlar, silǝrgǝ kǝmlinidu wǝ silǝrgǝ ziyadǝ ⱪilinidu. 25 Kimninjki bar bolsa, uninjƣa berilidu. Lekin kimninjki yoⱪ bolsa, bari ⱨǝm uninjdin elinidu».

INJIL MARKUS 10

Uruⱪninj ünüxi toƣrisidiki tǝmsil

26 U eytti: «Hudaninj padixaⱨliⱪi bir adǝm yǝrgǝ uruⱪ qeqip ⱪoyƣinidǝk bolidu. 27 U keqisi uhlap, kündüzi ⱪopup, uruⱪninj ⱪandaⱪ ünüp ɵskinini u ɵzi bilmǝydu. 28 Yǝr ɵzidin ⱨosul kǝltüridu. U awwal kɵk, andin bax, andin baxta tolƣan dan pǝyda ⱪilidu. 29 Dan pixⱪanda u dǝrⱨal orƣaⱪ salduridu, qünki orma waⱪti kǝlgǝn bolidu».

Ⱪiqa uruⱪi toƣrisidiki tǝmsil

30 U eytti: «Hudaninj padixaⱨliⱪini nemigǝ ohxitayli? Uni ⱪaysi tǝmsil bilǝn sürǝtlǝp berǝyli? 31 U ⱪiqa uruⱪiƣa ohxaydu. U ɵzi yǝrgǝ qeqilƣanda yǝrdiki ⱨǝmmǝ uruⱪlarninj kiqikrǝki bolidu. 32 Lekin qeqilƣandin keyin ünüp ɵsüp, ⱨǝmmǝ otyaxlarninj qonjraⱪi bolup, asman uqarⱪanatliri sayisida ⱪonalƣudǝk qonj xahlar qiⱪiridu». 33 Buninjƣa ohxax tǝmsillǝr kǝltürüp, ular anjlap qüxinǝligüdǝk u sɵzni yǝtküzǝtti. 34 U ularƣa tǝmsil kǝltürmǝy sɵz ⱪilmatti, lekin tǝnⱨada ɵz xagirtliriƣa ⱨǝmmisini uⱪturup berǝtti.

Əysa Mǝsiⱨ boranni tinqitidu

35 Xu kün ahxam bolƣanda u ularƣa eytti: «U kanarƣa ɵtǝyli». 36 Ular hǝlⱪni ⱪoyup, uni ɵzi bolƣan kemidǝ elip berixti. Uninj bilǝn billǝ yǝnǝ baxⱪa kemilǝr bar idi. 37 Bir ⱪattiⱪ boran qiⱪti wǝ kemǝ sudin tolup kǝtküdǝk dolⱪunlar kemigǝ mǝwj uruwatatti. 38 Lekin u ɵzi kemininj ayaƣ tǝripidǝ tǝkiyigǝ yɵlinip uhliƣanidi. Ular uni oyƣitip eytti: «Əy ustaz, ⱨalak boluximizdin ǝndixǝ ⱪilmamsǝn?» 39 U oyƣinip, xamalƣa tǝnbiⱨ berip, denjizƣa: «Xük turup, tinq bolƣin» dedi wǝ xamal tohtidi wǝ tamam tinqliⱪ boldi. 40 Andin u ularƣa eytti: «Nemixⱪa mundaⱪ ⱪorⱪisilǝr? Tehi etiⱪadinjlar yoⱪmu?» 41 Ular tola ⱪorⱪup: «Bu kimdurki, ⱨǝm xamal, ⱨǝm denjiz uninjƣa itaǝt ⱪilidu» dǝp bir-birigǝ deyixti.

Əysa Mǝsiⱨ yaman roⱨlar qiⱪiridu

5 1 Ular denjizninj u tǝripidiki gerasaliⱪlarninj yurtiƣa kǝldi. 2 U kemidin qiⱪⱪinida napak roⱨtin tutulƣan bir kixi gɵrlǝrdin qiⱪip, uninjƣa uqridi.

3 Uninj turidiƣan yeri gɵrlǝrdǝ idi wǝ ⱨeqkim uni ⱨǝtta zǝnjir bilǝn ⱨǝm baƣlap ⱪoyalmaytti. 4 Qünki tola mǝrtiwǝ ixkǝl wǝ zǝnjirlǝr bilǝn baƣlinip,

11 INJIL MARKUS

zǝnjirlǝrni üzüp ixkǝlni sundurƣanidi. Ⱨeqkim uni tizginliyǝlmiƣanidi. 5 U ⱨǝmixǝ keqǝ wǝ kündüz gɵrlǝrdǝ wǝ taƣlarda yürüp, pǝryad ⱪilip, ɵzini taxlar bilǝn yarilanduratti. 6 U Əysani yiraⱪtin kɵrgǝndǝ yügürüp berip, uninjƣa sǝjdǝ ⱪilip, 7 ünlük awaz bilǝn ⱪiqⱪirip: «Əy Əysa Ibn Allataala, sǝn bilǝn nemǝ ixim bar? Sanja Hudaninj aldida ⱪǝsǝm ⱪilimǝnki, manja azab bǝrmigǝysǝn» dǝp eytti. 8 Qünki u uninjƣa: «Əy napak roⱨ, u adǝmdin qiⱪⱪin» dǝp eytⱪanidi. 9 Andin u uninjdin: «Isminj nemidur?» dǝp soridi. U uninjƣa: «Ismim tümǝndur, qünki tolidurmiz» dedi 10 wǝ ɵzlirini u yurttin taxⱪiri ǝwǝtmǝslikkǝ uninjƣa tola yalwurdi. 11 Anda taƣninj yenida qonj bir pada tonjguz otlawatatti. 12 Napak roⱨlar uninjƣa yalwurup eytti: «Bizni tonjguzlarƣa ǝwǝtkin, ularƣa kirgǝymiz». 13 Andin u ularƣa ijazǝt bǝrdi wǝ napak roⱨlar qiⱪip, tonjguzlarƣa kirdi wǝ sani ikki minjqǝ bolƣan pada yarninj lewidin tɵkülüp, denjizƣa qɵküp dimiⱪip ɵlüp kǝtti. 14 Tonjguz baⱪⱪuqilar ⱪeqip ketip, xǝⱨǝrdǝ wǝ kǝntlǝrdǝ hǝwǝr bǝrdi. Hǝlⱪmu nemǝ wǝⱪǝ bolƣanni kɵrgili qiⱪti. 15 Ular Əysaninj aldiƣa kelip, u jin qaplaxⱪan, yǝni iqidǝ tümǝn jinlar bolƣan kixininj olturup, egin kiyip onjlanƣinini kɵrüp ⱪorⱪti. 16 Wǝⱪǝni kɵrgǝnlǝr jin qaplaxⱪan kixigǝ nemǝ bolƣinidin wǝ tonjguzlar toƣrisidin ularƣa hǝwǝr bǝrdi. 17 Hǝlⱪ: «Ɵz zeminimizdin kǝtkin» dǝp uninjƣa yalwurdi. 18 U kemigǝ kirginidǝ, ilgiri jin qaplaxⱪan bolƣan kixi uninj bilǝn billǝ berixni uninjdin tilidi. 19 Lekin Əysa uninjƣa ijazǝt bǝrmǝy, uninjƣa eytti: «Ɵz ɵyünjdiki uruⱪ-tuƣⱪanlirinjƣa berip, Hudawǝndininj sanja ⱪandaⱪ qonj ix ⱪilƣinini wǝ sanja rǝⱨim kɵrsǝtkinini hǝwǝr bǝrgin. 20 U ketip, Əysaninj uninjƣa ⱪandaⱪ qonj ix ⱪilƣinini Dekapolista yayƣili turdi wǝ ⱨǝmmisi ǝjǝblǝndi.

Tirildürülgǝn ⱪiz wǝ saⱪaytilƣan hotun

21 Əysa u bir kanarƣa yenip kǝlgǝndǝ tola hǝlⱪ uninj aldiƣa yiƣildi. U ɵzi denjizninj lewidǝ idi. 22 U qaƣda sinagogninj qonjliridin Yairus isimliⱪ bir kixi kelip, uni kɵrgǝndǝ ayaƣliriƣa yiⱪilip, 23 uninjƣa tola yalwurup: «Kiqik ⱪizim ahirⱪi nǝpisididur. Kelip, ⱪolunjni uninj üstigǝ ⱪoyƣin, xuninj bilǝn u saⱪiyip yaxiƣay» dǝp eytti. 24 Andin u uninj bilǝn bardi wǝ tola hǝlⱪ uninjƣa ǝgixip uni ⱪistawatatti. 25 Anda on ikki yildin beri hun kesili tartⱪan bir hotun bar idi. 26 U ɵzi tola tewiplardin tola zǝhmǝt tartip, ⱨǝmmǝ barini sǝrp ⱪilip ⱨeqbir payda kɵrmǝy, yamanraⱪ ǝⱨwalƣa qüxkǝnidi. 27 U Əysa toƣrisidin anjlap, hǝlⱪninj arisida kǝynidin kelip, uninj libasiƣa ⱪol tǝgküzdi. 28 qünki «Uninj libasini bir

INJIL MARKUS 12

tǝgküzüp ⱪoysam, saⱪiyimǝn» dedi. 29 Xuan hunininj qǝxmisi ⱪurudi wǝ ɵz bǝdinidǝ dǝrdidin saⱪayƣinini tuydi. 30 Əysa dǝrⱨal ɵz iqidǝ ɵzidin ⱪuwwǝt qiⱪⱪinini bilip, hǝlⱪninj arisida kǝynigǝ ɵrülüp: «Libasimƣa kim ⱪol tǝgküzdi?» dedi. 31 Xagirtliri uninjƣa eytixti: «Hǝlⱪninj seni ⱪistiƣinini kɵrüp turup, yǝnǝ ‹ Meni kim tutti?› dǝysǝnmu?» 32 Əmma u buni ⱪilƣan kixini kɵrgili ɵz qɵrisigǝ ⱪaridi. 33 U hotunmu ɵzigǝ nemǝ bolƣinini bilip ⱪorⱪup titrǝp kelip, uninj aldida yiⱪilip, ⱨǝmmǝ rastliⱪni uninjƣa eytip bǝrdi. 34 U uninjƣa eytti: «Əy ⱪizim, etiⱪadinj seni saⱪaytti. Amanliⱪ bilǝn berip, dǝrdinjdin saⱪayƣan bolup turƣin». 35 U tehi sɵz ⱪilip turƣanda, sinagogninj qonjininj ɵyidin kixilǝr kelip eytixti: «Ⱪizinj ɵldi. Nemixⱪa ustazni tehi kayitisǝn?» 36 Əmma Əysa eytilƣan sɵzni anjlap, sinagogninj qonjiƣa: «Ⱪorⱪma pǝⱪǝt ixǝngin» dǝp eytti. 37 U Petrustin wǝ Yaⱪubtin wǝ Yaⱪubninj buradiri Yuⱨannadin baxⱪa ⱨeqkimni ɵzigǝ ǝgǝxkili ⱪoymidi 38 wǝ sinagogninj qonjininj ɵyigǝ yetip kelip, ƣulƣulini wǝ yiƣlap xawⱪun salƣanlarni kɵrüp, 39 iqkiri kirip, ularƣa eytti: «Nemixⱪa ƣulƣula ⱪilip yiƣlaysilǝr? Bala ɵlgǝn ǝmǝs, bǝlki uhlap ⱪalƣandur». 40 Əmma ular uni mǝshirǝ ⱪilip külixti. Lekin u ⱨǝmmisini taxⱪiriƣa qiⱪirip, balininj atisini wǝ anisini wǝ ɵzi bilǝn bolƣanlarni elip, bala bar yǝrgǝ kirip, 41 balininj ⱪolini tutup «Talita kumi», yǝni «Əy ⱪiz, sanja eytimǝn: ⱪopⱪin» dedi. 42 Dǝrⱨal ⱪiz ⱪopup manjdi, qünki u on ikki yaxta idi. Ular naⱨayiti ⱨǝyran ⱪelixti. 43 U ularƣa «Buni ⱨeqkim bilmisun» dǝp qinj ǝmr ⱪildi wǝ «Baliƣa yegili bir nemǝ berilsun» dedi.

Bir pǝyƣǝmbǝr ɵz yurti wǝ ɵyidǝ ⱨǝrmǝtlǝnmǝydu

6 1 U u yǝrdin qiⱪip, ɵz yurtiƣa kǝldi wǝ xagirtliri uninjƣa ǝgǝxti. 2 Xabat küni bolƣanda sinagogda tǝlim bǝrgili turdi. Uni anjliƣanda toliliri ⱨǝyran

ⱪelip eytatti: «Bu ixlar muninjƣa nǝ yǝrdindur? Uninjƣa berilgǝn ⱨekmǝt ⱪandaⱪki, uninj ⱪolliri bilǝn xundaⱪ ⱪudrǝtlik ǝmǝllar ⱪilinidu?» 3 Ular yǝnǝ: «Bu ɵzi yaƣaqqi ǝmǝsmu? Mǝryǝmninj oƣli wǝ Yaⱪubninj wǝ Yosininj wǝ Yǝⱨudaninj wǝ Simonninj buradiri ǝmǝsmu? Uninj ⱨǝmxiriliri munda bizninj arimizda ǝmǝsmu?» dǝp uninjƣa aqqiⱪlandi. 4 Əmma Əysa ularƣa eytti: «Bir pǝyƣǝmbǝr pǝkǝt ɵz yurtida wǝ ɵz uruⱪ-tuƣⱪanliri arisida wǝ ɵz ɵyidǝ ⱨɵrmǝtkǝ sazawǝr bolmaydu». 5 U anda birnǝqqǝ kesǝllǝrninj üstigǝ ⱪolini ⱪoyup saⱪaytixtin baxⱪa ⱨeqbir ⱪudrǝtlik ǝmǝl ⱪilalmidi. 6 U ularninj imansizliⱪiƣa tǝǝjjüp ⱪildi. Andin u ǝtrapidiki kǝntlǝrni aylinip tǝlim bǝrdi.

13 INJIL MARKUS

Əysa Mǝsiⱨninj on ikki xagirtini ǝwǝtixi

7 U on ikkilǝrni ⱪiqⱪirip ularni ikkidin-ikkidin ǝwǝtkili baxlap ularƣa napak roⱨlarninj üstigǝ ⱪudrǝt bǝrdi. 8 Yolda bir ⱨasidin baxⱪa ⱨeq nǝrsǝ, nǝ nan, nǝ hurjun wǝ nǝ bǝlwaƣda mis pul kɵtürmǝy, 9 bǝlki ayaƣ kiyixni ularƣa buyrup: «Ikki kiyim kiymǝnjlar» dedi. 10 U yǝnǝ ularƣa eytti: «Ⱪaysi yǝrdǝ bir ɵygǝ kirsǝnjlar, u yǝrdin qiⱪⱪuqǝ anda ⱪelinjlar. 11 Ⱪaysi yǝrdǝ ular silǝrni ⱪobul ⱪilmisa wǝ silǝrdin anjlimisa, u yǝrdin qiⱪip, ularƣa guwaⱨliⱪ bolmaⱪ üqün putlirinjlarninj tegidiki topini ⱪeⱪinjlar». 12 Xundaⱪ ⱪilip, ular qiⱪip: «Towa ⱪilinjlar» dǝp wǝz eytip, 13 tola yaman roⱨlarni qiⱪirip, yaƣ bilǝn yaƣlap tola kesǝllǝrni saⱪaytti.

Qɵmüldürgüqi Yuⱨannaninj ɵltürülüxi

14 Uninj nami mǝxⱨur bolƣaq Ⱨirodǝs padixaⱨ uninj toƣrisida anjlap eytti: «Qɵmüldürgüqi Yuⱨanna ɵlüklǝr arisidin ⱪopurulƣandur, uninj üqün bu ⱪudrǝtlǝr uninjda ixlǝydu». 15 Əmma baxⱪilar eytixti: «U ɵzi Eliyas ikǝn». Yǝnǝ baxⱪilar: «Pǝyƣǝmbǝrlǝrninj biridǝk bir pǝyƣǝmbǝr ikǝn» dǝp eytixti. 16 Lekin Ⱨirodǝs bularni anjlap eytti: «Mǝn bexini kǝstürgǝn Yuⱨanna ɵzi tirilip ⱪopuruluptu». 17 Qünki Ⱨirodǝs ɵzi buradiri Filippusninj hotuni Ⱨirodiyǝsninj jǝⱨitidin kixi ǝwǝtip, Yuⱨannani tutturup baƣlitip zindanƣa salƣanidi, qünki Ⱨirodǝs u hotunni alƣanidi. 18 Yuⱨanna Ⱨirodǝsgǝ: «Buradirinjninj hotunini elix sanja jayiz ǝmǝs» degǝnidi. 19 Uninj üqün Ⱨirodiyǝs uninjƣa adawǝt ⱪilip, uni ɵltürgili halidi, ǝmma xundaⱪ ⱪilalmiƣanidi. 20 Qünki Ⱨirodǝs Yuⱨannaninj adil wǝ muⱪǝddǝs adǝm ikǝnlikini bilip, uninjdin ⱪorⱪup uni saⱪlaytti wǝ uninjdin anjliƣanda tola ixta ikki hiyal bolup, yǝnǝ uninjdin anjlaxⱪa mǝyli bolatti. 21 Ⱨirodǝs ɵzininj tuƣulƣan küni bolƣanda ɵz mǝnsǝpdarliriƣa wǝ sǝrdarliriƣa wǝ Galiliyǝninj qonjliriƣa bir ziyapǝt ⱪilƣanda munasip bir kün kǝldi. 22 U waⱪit Ⱨirodiyǝsninj ɵz ⱪizi kirip, ussul oynap Ⱨirodǝsni wǝ uninj bilǝn olturƣanlarni hux ⱪildi wǝ padixaⱨ ⱪizƣa eytti: «Ⱨǝrnemǝ halisanj, mǝndin tǝlǝp ⱪilƣin. Xuni sanja berimǝn». 23 U uninjƣa ⱪǝsǝm ⱪildiki: «Padixaⱨliⱪimninj yerimiƣiqǝ mǝndin ⱨǝrnemǝ tǝlǝp ⱪilsanj, sanja berimǝn». 24 U qiⱪip anisiƣa: «Nemǝ tǝlǝp ⱪilay?» dǝp soridi. U ɵzi: «Qɵmüldürgüqi Yuⱨannaninj bexini tǝlǝp ⱪilƣin» dǝp eytti. 25 Ⱪiz aldirap dǝrⱨal padixaⱨninj aldiƣa kirip: «Qɵmüldürgüqi Yuⱨannaninj bexini ⱨazir bir tǝhsidǝ manja berixinjni halaymǝn» dǝp tǝlǝp ⱪildi. 26 Padixaⱨ tola ƣǝmkin boldi, lekin ⱪǝsǝmlǝrninj wǝ dastihanda olturƣanlarninj jǝⱨitidin uni yandurƣili halimidi. 27 Dǝrⱨal padixaⱨ bir jallatni ǝwǝtip, uninj bexini

INJIL MARKUS 14

elip kǝlgili buyrudi. U berip, uninj bexini zindanda kǝsti. 28 wǝ uninj bexini bir tǝhsidǝ elip kelip ⱪizƣa bǝrdi wǝ ⱪiz uni anisiƣa bǝrdi. 29 Əmma uninj xagirtliri buni anjlap, kelip, uninj jǝsitini elip bir gɵrgǝ ⱪoydi.

Əysa Mǝsiⱨ bǝx minj kixini toyduridu

30 Rosullar Əysaninj aldiƣa yiƣilip, ɵz ⱪilƣinininj wǝ tǝlim bǝrginininj ⱨǝmmisini uninjƣa hǝwǝr berixti. 31 U ularƣa: «Silǝr ɵzünjlar tǝnⱨa bir bayawan yǝrgǝ berip, azƣina raⱨǝt elinjlar» dedi. Qünki kelip-kǝtiwatⱪanlǝr tola bolƣaq, ƣiza yegili ⱨǝm ularƣa pursǝt bolmidi. 32 Ular kemidǝ tǝnⱨa bir bayawan yǝrgǝ bardi. 33 Hǝlⱪ ularninj kǝtkinini kɵrdi wǝ tolilar uni tonup ⱨǝmmǝ xǝⱨǝrlǝrdin piyadǝ u yǝrgǝ yügürüp, ulardin ilgiri yetip bardi. 34 Əysa qiⱪip tola hǝlⱪni kɵrüp, ular ɵz padiqisi yoⱪ ⱪoylardǝk bolƣini üqün ularƣa rǝⱨim ⱪilip, tola tǝlim bǝrgili ⱪopti. 35 Kün kǝq bolƣanda xagirtliri uninj aldiƣa kelip eytti: «Bu qɵl yǝrdur wǝ kǝq boldi. 36 Ularni yolƣa seliwǝtkin! Ətraptiki yurt wǝ kǝntlǝrgǝ berip, ƣiza setiwalsun». 37 Əmma u jawab berip ularƣa eytti: «Silǝr ularƣa taam berinjlar». Ular uninjƣa eytti: «Biz berip, ikki yüz dinarƣa nan elip ularƣa yegili berǝmduⱪ?» 38 Əmma u ularƣa: «Nǝqqǝ neninjlar bar? Berip ⱪaranjlar» dǝp eytti. Ular kɵrüp beⱪip: «Bǝx nan bilǝn ikki beliⱪ bar» dedi. 39 U ⱨǝmmisini top-top yexil otta olturƣuzƣili buyrudi. 40 Ular top-top bolup, yüzdin-yüzdin ǝlliktin-ǝlliktin olturdi. 41 U bǝx nanni wǝ ikki beliⱪni elip, asman tǝripigǝ ⱪarap dua oⱪup, nanlarni oxtup hǝlⱪninj aldiƣa ⱪoyƣili xagirtlarƣa berip, ikki beliⱪni ⱨǝm ⱨǝmmisigǝ ülǝxtürdi. 42 Ⱨǝmmisi yǝp toydi. 43 Ular nan bilǝn beliⱪ parqilirini yiƣip, on ikki sewǝt tolduruwaldi. 44 U nandin yegǝnlǝr bǝx minj kixi idi.

Əysa Mǝsiⱨninj su üstidǝ mǝnjixi

45 U ɵzi hǝlⱪni yandurƣuqǝ dǝrⱨal xagirtlirini kemigǝ kirip, ɵzidin ilgiri u bir kanaridiki Bǝytsaydaƣa barƣili zorlidi. 46 U hǝlⱪ bilǝn hoxlaxⱪandin keyin, dua ⱪilƣili taƣⱪa qiⱪti. 47 Ahxam bolƣanda kemǝ denjizninj otturisida idi wǝ u ɵzi ⱪuruⱪluⱪta yalƣuz ⱪalƣanidi. 48 U ularninj ketip berip tǝnjlik tartⱪinini kɵrdi, qünki xamal ularninj zitiƣa idi. Tǝhminǝn keqininj tɵtinqi ⱨǝssisidǝ u ɵzi denjizninj yüzidǝ menjip, ularƣa yeⱪinlixip ulardin ɵtkili turdi. 49 Ular uninj denjizninj yüzidǝ manjƣinini kɵrüp: «Bir alwasti ikǝn» dǝp guman ⱪilip, bir pǝryad ⱪildi. 50 Qünki ⱨǝmmisi uni kɵrüp ⱨǝyrǝtkǝ qüxkǝnidi. Əmma u dǝrⱨal ularƣa sɵz ⱪilip ularƣa eytti: «Hatirjǝm bolunjlar, bu mǝn, ⱪorⱪmanjlar». 51 U ularninj aldiƣa kelip, kemigǝ qiⱪti wǝ boran

15 INJIL MARKUS

tohtidi wǝ ular ɵz iqidǝ naⱨayiti ⱨǝyran ⱪaldi. 52 Qünki ularninj kɵnjülliri ⱪelin bolƣaq nanlar bilǝn ⱪilƣan mɵjizini uⱪmiƣanidi.

Əysa Mǝsiⱨ Gǝnnǝsarǝttǝ tola kesǝllǝrni saⱪaytidu

53 Ular ɵtüp Gǝnnǝsarǝtkǝ kelip tohtidi. 54 Ular kemidin qiⱪⱪanda hǝlⱪ uni dǝrⱨal tonup, 55 xu yurtninj ⱨǝmmisini aylinip yügürüp, uninj nǝ yǝrdǝ bolƣinini anjlisa, kesǝllǝrni orunlarninj üstidǝ u yǝrgǝ kɵtürüxüp elip kǝlgili turdi. 56 U nǝ yǝrdǝ bolsa, kǝntlǝrgǝ ya xǝⱨǝrlǝrgǝ ya yurtlarƣa kirsǝ, ular kesǝllǝrni bazarlarƣa ⱪoyup: «Yalƣuz libasinjninj etikini bolsimu, bir tutsa idi» dǝp uninjƣa yalwuratti. Uni tutⱪanlarninj ⱨǝmmisi saⱪaydi.

Hudaninj ǝmri wǝ adǝmlǝrninj rǝsim-ⱪaidiliri

7 1 Pǝrisiylǝr wǝ Yerusalemdin kǝlgǝn birnǝqqǝ katiplar uninj aldiƣa yiƣildi. 2 Ular uninj xagirtlirininj bǝziliri napak, yǝni yumiƣan ⱪollar

bilǝn nan yǝwatⱪanliⱪini kɵrdi. 3 Qünki pǝrisiylǝr wǝ ⱨǝmmǝ yǝⱨudiylar ⱪǝdimkilǝrninj buyruⱪlirini tutup, ⱪollirini taza yumiƣuqǝ taam yemǝydu. 4 Ular bazardin kǝlgǝndǝ ɵzini yumiƣuqǝ taam yemǝydu wǝ piyalǝ bilǝn iwriⱪ wǝ mis ⱪaqilarni yuyux wǝ tola baxⱪa tutidiƣan rǝsimliri bardur. 5 Pǝrisiylǝr wǝ katiplar uninjdin soridiki: «Nemǝ üqün xagirtlirinj ⱪǝdimkilǝrninj buyruⱪlirini tutmay, bǝlki napak ⱪollar bilǝn nan yǝydu?» 6 Əmma u ularƣa eytti: «Əy riya ⱪilƣuqilar, Yǝxaya silǝrninj toƣranjlarda yahxi pǝyƣǝmbǝrlik ⱪildi, xundaⱪki,

‹ Bu ⱪowm lǝwliri bilǝn manja ⱨɵrmǝt ⱪilidu, lekin kɵnjli mǝndin yiraⱪtur. 7 Əmma ɵgitidiƣan tǝlimi adǝmlǝrninj buyruⱪliri bolƣaq, ular manja biⱨudǝ ibadǝt ⱪilidu›

dǝp pütülgǝn. 8 Hudaninj ǝmrini taxlap adǝmlǝrninj buyruⱪlirini tutisilǝr». 9 Yǝnǝ u ularƣa eytti: «Dǝrwǝⱪǝ, ɵz buyruⱪlirimizni tutimiz dǝp, Hudaninj ǝmrini inawǝtsiz ⱪilisilǝr. 10 Qünki Musa eytti: ‹ Atanjƣa wǝ ananjƣa ⱨɵrmǝt ⱪilƣin wǝ kimki atiƣa yaki aniƣa dǝxnǝm bǝrsǝ, ɵlmǝklik bilǝn ɵlsun›. 11 Lekin silǝr eytisilǝr: Bir kixi ɵz atisiƣa yaki anisiƣa: ‹ Sǝn mǝndin alidiƣan yardǝm ɵzi ⱪurban, yǝni ⱨǝdiyǝ boldi› desǝ, 12 uni atisiƣa yaki anisiƣa yǝnǝ bir nemǝ ⱪilƣili ⱪoymaysilǝr. 13 Ɵzünjlar tohtatⱪan buyruⱪlirinjlar bilǝn Hudaninj sɵzini inawǝtsiz ⱪilisilǝr. Buninjƣa ohxax tola nǝrsilǝr ⱪilisilǝr».

INJIL MARKUS 16

Adǝmni nemǝ napak ⱪilidu14 U hǝlⱪni yǝnǝ ⱪiqⱪirip ularƣa eytti: «Ⱨǝmmǝnjlar mǝndin anjlap

qüxininjlar: 15 Insanninj sirtidin iqigǝ kirip uni napak ⱪilidiƣan nǝrsǝ yoⱪtur, lekin insandin qiⱪⱪan nǝrsǝ ɵzi uni napak ⱪilidu. 16 Anjliƣili ⱪuliⱪi barlar anjlisun». 17 U hǝlⱪtin ketip ɵygǝ kirgǝndǝ, xagirtliri tǝmsil toƣrisida uninjdin soridi. 18 U ularƣa eytti: «Silǝr ⱨǝm undaⱪ pǝmsizmu? Uⱪmamsilǝrki, adǝmgǝ sirtidin kirgǝn ⱨeq nǝrsǝ uni napak ⱪilalmaydu? 19 Qünki bu kɵnjligǝ kirmǝy, ⱪorsaⱪⱪa berip ɵz yoli bilǝn qiⱪip ketidu». U xuni eytip, ⱨǝmmǝ taamni pak ikǝnlikini bildürdi. 20 U yǝnǝ eytti: «Adǝmninj ɵzidin qiⱪⱪan nǝrsǝ adǝmni napak ⱪilidu. 21 Qünki iqidin, yǝni adǝmlǝrninj kɵnjülliridin yaman pikirlǝr, buzuⱪluⱪ, oƣriliⱪ, ⱪatilliⱪ, 22 zina, tǝmǝhorluⱪ, yamanliⱪ, ⱨiylǝ, xǝⱨwǝtpǝrǝslik, ⱨǝsǝt, dǝxnǝm, tǝkǝbburluⱪ wǝ jaⱨilliⱪ qiⱪidu. 23 Bu yaman nǝrsilǝrninj ⱨǝmmisi iqidin qiⱪip, adǝmni napak ⱪilidu».

Yǝⱨudiy emǝs bir hotunninj etiⱪadi

24 U ⱪopup andin qiⱪip, Tir wǝ Sidonninj yǝrlirigǝ bardi. U bir ɵygǝ kirip, ⱨeqkim bilmisun dǝp, halidi ǝmma yoxurulalmidi. 25 Qünki uninj ⱪizi napak roⱨtin tutulƣan bir hotun uninj toƣrisidiki hǝwǝrni anjlap, dǝrⱨal kelip kirip uninj ayaƣliriƣa yiⱪildi. 26 U hotun yunaniy bolup süriyilik fǝnikiyǝlik jinsidin idi. U yaman roⱨni ⱪizidin qiⱪirixni uninjdin tilidi. 27 Əysa uninjƣa eytti: «Awwal balilar toysun. Balilarninj nenini elip, itlarƣa taxlimaⱪ yahxi ǝmǝs». 28 Əmma hotun jawab berip uninjƣa eytti: «Xundaⱪ, ǝy Hudawǝndǝ, ǝmma itlar ⱨǝm jozininj tegidǝ balilardin axⱪan uwaⱪlarni yǝydu». 29 U uninjƣa eytti: «Bu sɵz üqün barƣin, yaman roⱨ ⱪizinjdin qiⱪti». 30 U ɵyigǝ berip kɵrdiki, bala orunda yatidu wǝ yaman roⱨ qiⱪip kǝtkǝnidi.

Tili eƣir bir gasninj xipa tepixi

31 U yǝnǝ Tirninj yǝrliridin qiⱪip, Sidondin ɵtüp Dekapolis yurtininj otturisidin menjip, Galiliyǝninj denjiziƣa kǝldi. 32 Ular uninj aldiƣa tili eƣir bir gasni elip kelip, uninj üstigǝ ⱪolini ⱪoyuxⱪa uninjƣa yalwurdi. 33 U uni hǝlⱪninj arisidin bir tǝrǝpkǝ elip, ɵz barmaⱪlirini uninj ⱪulaⱪliriƣa tiⱪip, tükürüp, uninj tilini tutup, 34 asman tǝripigǝ ⱪarap aⱨ tartip uninjƣa: «Əffata», yǝni «Eqilƣin» dǝp eytti. 35 Dǝrⱨal uninj ⱪulaⱪliri eqildi wǝ tilininj baƣlaⱪliⱪi yexildi wǝ u oquⱪ sɵzlidi. 36 Əysa: «Ⱨeqkimgǝ eytmanjlar» dǝp ularƣa buyrudi. Lekin ⱨǝrⱪanqǝ ularƣa buyrusa, ular oxuⱪraⱪ hǝwǝrni yayƣili turatti. 37 Ular intayin ⱨǝyran ⱪelip eytixti: «U ⱨǝr nǝrsini yahxi ⱪildi, gaslarni anjlaydiƣan wǝ gaqilarni sɵzlǝydiƣan ⱪildi.

17 INJIL MARKUS

Əysa Mǝsiⱨ tɵt minj kixini toyduridu

8 1 Xu künlǝrdǝ yǝnǝ tola hǝlⱪ yiƣilƣanda ularninj yegili ⱨeq nǝrsisi bolmiƣaq, Əysa ɵz xagirtlirini ⱪiqⱪirip ularƣa eytti: 2 «Hǝlⱪⱪǝ meninj

rǝⱨmim kǝldi, qünki ular mǝn bilǝn turƣili ǝmdi üq kün boldi wǝ ularninj yegili ⱨeq nǝrsisi yoⱪtur. 3 Ularni ɵz ɵylirigǝ aq yandursam, ular yolda üzülüp ketidu. Ularninj bǝzisi yiraⱪtin kǝlgǝn ikǝn». 4 Uninj xagirtliri uninjƣa jawab bǝrdiki: «Bu qɵl yǝrdǝ bularni toydurƣili kixi ⱪǝyǝrdin nan tapalaydu?» 5 U ulardin soridiki: «Nǝqqǝ neninjlar bar?» Ular: «Yǝttǝ» deyixti. 6 U hǝlⱪni yǝrdǝ olturƣili buyrudi wǝ yǝttǝ nanni elip, xükür eytip oxtup, aldiƣa ⱪoyƣili xagirtliriƣa bǝrdi wǝ ular hǝlⱪninj aldida ⱪoydi. 7 Ularninj birnǝqqǝ uxxaⱪ beliⱪliri bar idi wǝ u dua ⱪilip, xularni hǝlⱪninj aldiƣa ⱪoyƣili buyrudi. 8 Ular yǝp toydi wǝ axⱪan parqilardin yǝttǝ sewǝt yiƣiwaldi. 9 Ular tɵt minjqǝ kixi idi. Andin keyin u ularni yandurup, 10 dǝrⱨal xagirtliri bilǝn kemigǝ kirip, Dalmanuta tǝrǝplirigǝ bardi.

Pǝrisiylǝr bir alamǝt tilǝydu

11 Pǝrisiylǝr qiⱪip kelip, muzakirǝ ⱪilƣili baxlap, uni sinap asmandin bir alamǝt uninjdin tilidi. 12 U ɵz roⱨida aⱨ tartip eytti: «Bu nǝsil nemixⱪa alamǝt izdǝydu? Bǝrⱨǝⱪ, silǝrgǝ eytimǝn: Bu nǝsilgǝ ⱨeqbir alamǝt berilmǝydu». 13 U ularni ⱪoyup, yǝnǝ kemigǝ kirip u bir kanariƣa bardi.

Pǝrisiylǝrninj hemirturuqi

14 Ular nan elixni untuƣanidi wǝ kemidǝ bir nandin baxⱪa ularninj ⱨeq nǝrsisi yoⱪ idi. 15 U ularƣa buyrup eytti: «Agaⱨ bolup, pǝrisiylǝrninj hemirturuqidin wǝ Ⱨirodǝsninj hemirturuqidin eⱨtiyat ⱪilinjlar». 16 Ular «Nenimiz yoⱪ» dǝp bir-biri bilǝn sɵzlǝxti. 17 Əysa buni bilip, ularƣa eytti: «Nemixⱪa: ‹ Nenimiz yoⱪ› dǝp sɵzlixisilǝr? Tehi bilmǝysilǝrmu yaki uⱪmaysilǝrmu? Kɵnjüllirinjlar undaⱪ ⱪelinmu? 18 Kɵzlirinjlar bar, kɵrmǝmsilǝr? Ⱪulaⱪlirinjlar bar, anjlimamsilǝr? Yad ⱪilmaysilǝrmu? 19 Bǝx nanni bǝx minj kixigǝ oxtuƣinimda axⱪan parqilardin nǝqqǝ sewǝt toldurup yiƣiwaldinjlar?» Ular uninjƣa: «On ikki» dǝp eytixti. 20 «Yǝttǝ nanni tɵt minj kixigǝ oxtuƣinimda parqilardin nǝqqǝ sewǝt toldurup yiƣiwaldinjlar?» Ular: «Yǝttǝ» dǝp eytixti. 21 U ularƣa eytti: «Tehi uⱪmaysilǝrmu?»

INJIL MARKUS 18

Bǝytsaydadiki bir korninj xipa tepixi

22 Ular Bǝytsaydaƣa kǝldi wǝ kixilǝr bir korni uninj aldiƣa elip kelip, uninjƣa: «Ⱪol tǝgküzüp ⱪoyƣin» dǝp uninjdin tilidi. 23 U korninj ⱪolidin tutup uni kǝnttin taxⱪiri qiⱪirip, kɵzlirigǝ tükürüp, ɵz ⱪollirini uninj üstigǝ ⱪoyup: «Bir nǝrsǝ kɵrisǝnmu?» dǝp uninjdin soridi. 24 U ⱪarap: «Adǝmlǝrni dǝrǝhtǝk pǝrⱪ etip, ularninj manjƣinini kɵrimǝn» dǝp eytti. 25 Andin keyin u yǝnǝ ⱪollirini uninj kɵzigǝ ⱪoydi. U tikilip ⱪarap saⱪiyip, ⱨǝr nǝrsini roxǝn kɵrdi. 26 U uni ɵyigǝ ǝwǝtip: «Kǝntkǝ kirmigin» dǝp eytti.

Petrusninj Əysa Mǝsiⱨ toƣrisidiki guwaⱨliⱪi

27 Əysa xagirtliri bilǝn Ⱪǝysǝriyǝ Filippi kǝntlirigǝ qiⱪti wǝ yolda ɵz xagirtliridin sorap eytti: «Adǝmlǝr meni kim dǝydu?» 28 Ular uninjƣa sɵz ⱪilip eytti: «Ular qɵmüldürgüqi Yuⱨanna wǝ bǝzisi Eliyas wǝ bǝzisi pǝyƣǝmbǝrlǝrninj biridur dǝydu». 29 U ularninj ɵzidin sorap eytti: «Əmma silǝr bolsanjlar meni kim dǝysilǝr?» Petrus: «Sǝn Mǝsiⱨtursǝn» dǝp jawab bǝrdi. 30 U buninj toƣrisidin ⱨeqkimgǝ xuni eytmasliⱪⱪa qinj ǝmr ⱪildi.

Əysa Mǝsiⱨninj ɵlüp tirilidiƣanliⱪini aldin eytixi

31 U Ibn al-Insanninj tola zǝhmǝt tartip, aⱪsaⱪallardin wǝ bax kaⱨinlardin wǝ katiplardin rǝt ⱪilinip ɵltürülüp, üq kündin keyin ⱪopmiⱪi kerǝk bolidiƣinini ularƣa uⱪturƣili baxlidi. 32 U xuni axkara sɵz bilǝn eytti. Buninj bilǝn Petrus uni ɵzigǝ elip uni ǝyibligili turdi. 33 U ɵrülüp xagirtliriƣa ⱪarap, Petrusni ǝyiblǝp eytti: «Əy xǝytan, mǝndin kǝtkin, qünki Hudaninjkini kɵzlimǝy, adǝmninjkini kɵzlǝysǝn». 34 U hǝlⱪ bilǝn xagirtlirini ⱪiqⱪirip ularƣa eytti: «Kimki kǝynimdin ǝgǝxkili halisa, ɵzidin waz keqip, krestini kɵtürüp manja ǝgǝxsun. 35 Qünki ⱨǝrkim ɵz jenini ⱪutⱪuzƣili halisa, uni yittüridu wǝ ⱨǝrkim mǝn üqün wǝ Injil üqün ɵz jenini yittürsǝ, uni ⱪutⱪuzidu. 36 Qünki insan barqǝ dunyaƣa igǝ bolup, ɵz jenini yittürsǝ, nemǝ mǝnpǝǝt bolidu? 37 Ya insan ɵz jeni üqün nemini tɵlǝp berǝlǝydu? 38 Qünki ⱨǝrkim bu buzuⱪ wǝ yaman nǝsildǝ mǝndin wǝ meninj sɵzlirimdin uyatsa, Ibn al-Insan ⱨǝm ɵz Atisininj xan-xǝripidǝ muⱪǝddǝs pǝrixtilǝr bilǝn kǝlgǝndǝ uninjdin uyatidu».

19 INJIL MARKUS

Taƣda Eliyas wǝ Musaninj Əysa Mǝsiⱨ bilǝn kɵrünüxi

9 1 U ularƣa eytti: «Bǝrⱨǝⱪ, silǝrgǝ eytimǝn: Munda turƣanlarninj bǝziliri Hudaninj padixaⱨliⱪi ⱪudrǝt bilǝn kǝlginini kɵrmigüqǝ ɵlümni

tetimaydu». 2 Altǝ kündin keyin Əysa Petrusni wǝ Yaⱪubni wǝ Yuⱨannani ɵzi bilǝn elip, ularni tǝnⱨa bir egiz taƣⱪa elip qiⱪti. Ularninj aldida uninj qirayi ɵzgǝrdi. 3 Libasi yǝr yüzidiki ⱨeqbir aⱪartⱪuqi aⱪartalmiƣudǝk parⱪirap naⱨayiti aⱪ boldi. 4 Eliyas bilǝn Musa ularƣa kɵründi. Ular Əysa bilǝn sɵzlixiwatkanidi. 5 Petrus sɵz baxlap Əysaƣa eytti: «Əy ustaz, bizninj munda turuximiz yahxidur. Üq sayiwǝn yasayli, biri sanja wǝ biri Musaƣa wǝ biri Eliyasⱪa» dǝp, 6 ɵzi nemǝ deyixini bilmidi, qünki ular tola ⱪorⱪup kǝtkǝnidi. 7 U qaƣda bir bulut kelip ularƣa sayǝ ⱪildi wǝ buluttin bir awaz qiⱪip eyttiki: «Meninj amraⱪ Oƣlum budur, uni anjlanjlar». 8 Wǝ mana, ular ɵz qɵrisigǝ ⱪarap ularninj ɵzi bilǝn yalƣuz Əysadin baxⱪa ⱨeqkimni kɵrmidi. 9 Ular taƣdin qüxkinidǝ u ularƣa: «Ibn al-Insan ɵlüklǝr arisidin ⱪopmiƣuqǝ kɵrgininjlarni ⱨeqkimgǝ eytmanjlar» dǝp buyrudi. 10 Ular u sɵzni kɵnjüldǝ saⱪlap ɵz arilirida: «Ɵlüklǝr arisidin ⱪopmaⱪninj mǝnisi nemǝ?» dǝp sorixatti. 11 Ular uninjdin sorap eytixti: «Nemǝ üqün katiplar: ‹ Awwal Eliyasninj kǝlmiki kerǝktur› dǝydu?» 12 U jawab berip ularƣa eytti: «Dǝrwǝⱪǝ Eliyas awwal kelip, ⱨǝrnemini jaylaydu, ǝmma undaⱪ bolsa, Ibn al-Insan toƣrisida ‹ Tola zǝhmǝt tartip har ⱪilinidu› dǝp pütülgini ⱪandaⱪ bolidu? 13 Lekin silǝrgǝ eytimǝnki, Eliyas ⱨǝm kǝldi. Əmma uninj toƣrisida pütülgǝndǝk ular ⱨǝrnemǝ halisa, uninjƣa ⱪildi».

Jin qaplaxⱪan balininj saⱪaytilixi

14 Ular xagirtlarƣa kǝlgǝndǝ kɵrdiki, ularninj qɵrisidǝ tola hǝlⱪ yiƣilƣanidi wǝ katiplar ular bilǝn muzakirilixiwatⱪanidi. 15 Ⱨǝmmǝ hǝlⱪ uni kɵrginidǝ ⱨǝyran ⱪelip yügürüp kelip, uninjƣa salam ⱪildi 16 U ulardin soridiki: «Ular bilǝn nemǝ bǝs-munazirǝ ⱪilisilǝr?» 17 Hǝlⱪtin biri uninjƣa jawab berip eyttiki: «Əy ustaz, gaqa roⱨtin tutulƣan oƣlumni sanja elip kǝldim. 18 U ⱨǝrⱪǝyǝrdǝ uni tutsa, uni yiⱪitidu, uninj aƣzidin kɵpük kelidu wǝ qixlirini ƣuqurlitidu wǝ bǝdini suslixip ketidu. Mǝn xagirtlirinjƣa: ‹ Uni qiⱪirinjlar› dedim, ǝmma ular buni ⱪilalmidi». 19 U jawab berip ularƣa eytti: «Əy imansiz nǝsil, ⱪaqanƣiqǝ silǝr bilǝn bolay? Ⱪaqanƣiqǝ silǝrgǝ sǝwr-taⱪǝt ⱪilay? Uni meninj aldimƣa elip kelinjlar». 20 Ular uni uninjƣa elip kǝldi. Roⱨ uni kɵrgǝndǝ dǝrⱨal uni tǝwrǝtti wǝ u yǝrgǝ yiⱪilip yumilandi wǝ aƣzidin kɵpük kǝldi. 21 U uninj atisidin: «Xundaⱪ bolƣiniƣa ⱪanqǝ waⱪit boldi?» dǝp soridi. U eytti: «Kiqiklikidin beri. 22 Roⱨ

INJIL MARKUS 20

uni yoⱪatmaⱪ üqün pat-pat ⱨǝm otⱪa, ⱨǝm suƣa taxlidi. Lekin bir nemǝ ⱪilalisanj, bizgǝ rǝⱨim ⱪilip yardǝm ⱪilƣin». 23 Əmma Əysa uninjƣa eytti: «Ⱪilalisanj dǝysǝn! Ixǝngǝngǝ ⱨǝr nǝrsǝ mümkindur». 24 Dǝrⱨal balininj atisi ⱪiqⱪirip eytti: «Ixinimǝn, etiⱪadsizliⱪimƣa yardǝm bǝrgin!» 25 Əysa hǝlⱪninj yügürüp kǝlginini kɵrüp, napak roⱨⱪa tǝnbiⱨ berip uninjƣa eytti: «Əy gas wǝ gaqa roⱨ, mǝn sanja ǝmr ⱪilimǝn: Uninjdin qiⱪⱪin wǝ yǝnǝ uninjƣa kirmigin». 26 U warⱪirap uni ⱪattiⱪ tǝwritip qiⱪti wǝ bala ɵlüktǝk boldi. Xundaⱪki, toliliri: «U ɵldi» dǝp eytixti. 27 Əmma Əysa uninj ⱪolini tutup uni ⱪopurdi wǝ u ⱪopti. 28 U ɵygǝ kirip, xagirtliri bilǝn yalƣuz ⱪalƣanda ular: «Biz nemǝ üqün uni qiⱪiralmiduⱪ?» 29 U ularƣa eytti: «Bu jins dua wǝ rozidin baxⱪa nǝrsǝ bilǝn qiⱪirilmaydu».

Əysa Mǝsiⱨ yǝnǝ ɵlüp tirilixi toƣrisida sɵzlǝydu

30 Ular andin qiⱪip, Galiliyǝdin ɵtti, ǝmma u birkimninj buni bilip ⱪelixini halimidi. 31 Qünki xagirtliriƣa tǝlim berip, ularƣa eytiwatattiki: «Ibn al-Insan adǝmlǝrninj ⱪolliriƣa tapxurulidu wǝ ular uni ɵltüridu wǝ u ɵltürülüp üq kündin keyin ⱪopidu». 32 Lekin ular bu sɵzni uⱪmidi wǝ uninjdin soriƣili ⱪorⱪti.

Kim uluƣraⱪ?

33 Ular Kapǝrnaⱨumƣa kǝldi wǝ ɵygǝ kirgǝndǝ u: «Yolda nemǝ toƣrisida sɵzlǝxtinjlar?» dǝp ulardin soridi. 34 Əmma ular xük turdi, qünki ular yolda: «Ⱪaysimiz uluƣraⱪtur» dǝp sɵz talixiwatⱪanidi . 35 U olturup on ikkilǝrni ⱪiqⱪirip, ularƣa eytti: «Kimki birinqi bolƣili halisa, ⱨǝmmilǝrninj ahirⱪisi wǝ ⱨǝmmisininj hizmǝtkari bolsun». 36 U kiqik bir balini elip ularninj otturisida turƣuzup, uni ⱪuqiⱪiƣa elip ularƣa eytti: 37 «Ⱨǝrkim xundaⱪ kiqik balilardin birini meninj ismimda ⱪobul ⱪilsa, meni ⱪobul ⱪilidu wǝ ⱨǝrkim meni ⱪobul ⱪilsa, meni ǝmǝs, bǝlki meni ǝwǝtkǝnni ⱪobul ⱪilidu».

Kimki bizgǝ ⱪarxi bolmisa, biz bilǝndur

38 Yuⱨanna uninjƣa eytti: «Əy ustaz, bizgǝ ǝgǝxmigǝn bir kixininj seninj isminj bilǝn yaman roⱨlarni qiⱪarƣinini kɵrduⱪ wǝ bizgǝ ǝgǝxmigini üqün uni tostuⱪ». 39 Əmma Əysa eytti: «Uni tosmanjlar, qünki ⱨeqkim meninj ismim bilǝn ⱪudrǝtlik ǝmǝl ⱪilip, dǝrⱨal meninj üstümdin yaman sɵzliyǝlmǝydu. 40 Qünki kimki bizgǝ zit bolmisa, biz bilǝndur. 41 Xundaⱪla ⱨǝrkim silǝrgǝ Mǝsiⱨninjki bolƣininjlar üqün meninj ismimda bir piyalǝ su iqürsǝ, bǝrⱨǝⱪ, silǝrgǝ eytimǝn: Ɵz inamini yittürmǝydu.

21 INJIL MARKUS

Toƣra yoldin taydurux toƣrisida

42 Kimki manja ixǝngǝn xu kiqiklǝrdin birini taydursa, uninj boyniƣa bir tügmǝn texi esilip denjizƣa taxlansa, uninjƣa yahxiraⱪ bolatti. 43 Əgǝr ⱪolunj seni taydursa, uni kǝskin. Qolaⱪ bolup ⱨayatliⱪⱪa kirixinj ikki ⱪolluⱪ bolup dozahtiki ɵqmǝydigǝn otⱪa ketixinjdin ǝwzǝldur. 44 Anda ularninj ⱪurti ɵlmǝydu wǝ ot ɵqmǝydu. 45 Əgǝr putunj seni taydursa, uni kǝskin. Tokur bolup ⱨayatliⱪⱪa kirixinj ikki putluⱪ bolup dozahⱪa selinixinjdin ǝwzǝldur. 46 Anda ularninj ⱪurti ɵlmǝydu wǝ ot ɵqmǝydu. 47 Əgǝr kɵzünj seni taydursa, uni oyup taxliƣin. Bir kɵzlük bolup Hudaninj padixaⱨliⱪiƣa kirixinj ikki kɵzlük bolup dozahⱪa selinixinjdin ǝwzǝldur. 48 Anda ularninj ⱪurti ɵlmǝydu wǝ ot ɵqmǝydu. 49 Qünki ⱨǝrkim ot bilǝn tuzlanidu. 50 Tuz yahxidur. Lekin tuz ɵz tetiⱪini yittürsǝ, uni nemǝ bilǝn onjlaysilǝr? Ɵzünjlarda tuzunjlar bolsun wǝ aranjlarda tinqliⱪ saⱪlanjlar.

Nikaⱨliⱪ turmux wǝ talaⱪ ⱪilix toƣrisida

10 1 U ⱪopup andin ketip, Yǝⱨudiyǝninj yǝrlirigǝ wǝ Iordanninj u tǝripigǝ kǝldi. Yǝnǝ uninj aldiƣa tola hǝlⱪ yiƣildi wǝ u ɵz aditidǝk yǝnǝ ularƣa

tǝlim bǝrdi. 2 Pǝrisiylǝr uninj aldiƣa kelip, uni sinap uninjdin soridiki: «Bir kixigǝ ɵz hotunini talaⱪ ⱪilix jayizmu?» 3 U jawab berip ularƣa eytti: «Musa silǝrgǝ nemǝ buyrudi?» 4 Ular eytixti: «Musa talaⱪ heti pütüp talaⱪ ⱪilƣili ijazǝt bǝrdi. 5 Əmma Əysa ularƣa eytti: «Silǝrninj kɵnjüllirinjlarninj ⱪattiⱪliⱪi üqün silǝrgǝ xu ǝmrni pütkǝn. 6 Lekin dǝslǝptin tartip yaritilƣan waⱪtida Huda ularni ǝr wǝ hotun yaratti. 7 Uninj üqün adǝm ata bilǝn anisini ⱪoyup, ɵz hotuni bilǝn bir bolsun 8 wǝ ikkilisi bir bǝdǝn bolsun. Andin keyin ular ikki ǝmǝs, lekin bir bǝdǝndur. 9 Əmdi Hudaninj ⱪoxⱪinini insan ayrimisun». 10 Ɵydǝ xagirtliri yǝnǝ buninj toƣrisida uninjdin soridi. 11 U ularƣa eytti: «Ⱨǝrkim ɵz hotunini talaⱪ ⱪilip baxⱪisini alsa, uninjƣa zina ⱪilidu. 12 Əgǝr hotun ɵz eridin üzülüxüp baxⱪisiƣa tǝgsǝ, u ⱨǝm zina ⱪilidu».

Balilarninj Əysa Mǝsiⱨ aldiƣa kǝltürülüxi

13 Ularƣa ⱪol tǝgküzgǝy dǝp, ular uninj aldiƣa kiqik balilarni elip kǝldi. Lekin xagirtlar balilarni elip kǝlgǝnlǝrni ǝyiblidi. 14 Əysa buni kɵrgǝndǝ narazi bolup ularƣa eytti: «Kiqik balilarni manja kǝlgili ⱪoyup, ularni tosmanjlar, qünki Hudaninj padixaⱨliⱪi xundaⱪlarninjkidur. 15 Bǝrⱨǝⱪ, silǝrgǝ eytimǝn:

INJIL MARKUS 22

Ⱨǝrkim Hudaninj padixaⱨliⱪini bir kiqik balidǝk ⱪobul ⱪilmisa, ǝsla uninjƣa kirmǝydu». 16 U ularni ɵz ⱪuqiⱪiƣa elip, ⱪollirini ularninj üstigǝ ⱪoyup, ularni mubarǝklidi.

Əysa Mǝsiⱨ wǝ bay yigit

17 U yolƣa qiⱪⱪanda bir kixi yügürüp kelip, uninjƣa tiz püküp: «Əy yahxi ustaz, ǝbǝdiy ⱨayatliⱪⱪa waris bolmaⱪ üqün nemǝ ⱪilay?» dǝp uninjdin soridi. 18 Əysa uninjƣa eytti: «Nemǝ üqün meni yahxi dǝysǝn? Yeganǝ Hudadin baxⱪa ⱨeqkim yahxi ǝmǝs. 19 Əmrlǝrni bilisǝn: Ⱪatil ⱪilmiƣin, zina ⱪilmiƣin, oƣriliⱪ ⱪilmiƣin, yalƣan guwaⱨliⱪ bǝrmigin, bir kimǝrsininj ⱨǝⱪⱪini yemigin, atanjƣa wǝ ananjƣa ⱨɵrmǝt ⱪilƣin». 20 Əmma u uninjƣa eytti: «Əy ustaz, buninj ⱨǝmmisini yaxliⱪimdin tartip saⱪlidim». 21 Əysa uninjƣa ⱪarap uni dost tutup, uninjƣa eytti: «Sanja bir nǝrsǝ kǝmdur. Berip, ⱨǝmmǝ barinjni setip peⱪirlarƣa bǝrgin wǝ asmanda hǝzinǝnj bolidu wǝ kelip manja ǝgǝxkin». 22 Əmma u bu sɵz üqün domsiyip, ƣǝmkin bolup aldidin kǝtti, qünki uninj tola meli bar idi. 23 Əysa ɵz qɵrisigǝ ⱪarap xagirtliriƣa eytti: «Dɵlǝtmǝnlǝrninj Hudaninj padixaⱨliⱪiƣa kirixi ⱪandaⱪ müxküldur». 24 Xagirtlar uninj sɵzigǝ ⱨǝyran ⱪaldi. Əysa yǝnǝ sɵz ⱪilip ularƣa eytti: «Əy balilar, Hudaninj padixaⱨliⱪiƣa kirix ⱪandaⱪ müxküldur. 25 Bir bayninj Hudaninj padixaⱨliⱪiƣa kirixidin bir tɵgininj yinjnǝ tɵxükidin ɵtüxi onjayraⱪtur». 26 Əmma ular naⱨayiti ⱨǝyran ⱪelip, bir-birigǝ deyixti: «Undaⱪ bolsa, kim nijat tapalaydu?» 27 Əysa ularƣa ⱪarap eytti: «Adǝmlǝrgǝ mümkin bolmaydiƣan ix, lekin Hudaƣa ǝmǝs, qünki Hudaƣa ⱨǝr nǝrsǝ mümkindur».

Əysa Mǝsiⱨkǝ ǝgixix üqün ata ⱪilinƣan inam

28 Petrus sɵz baxlap uninjƣa eytti: «Mana biz ⱨǝr nǝrsini ⱪoyup, sanja ǝgǝxtuⱪ». 29 Əysa eytti: «Bǝrⱨǝⱪ, silǝrgǝ eytimǝn: Mǝn üqün wǝ Injil üqün ɵyni ya buradǝrlǝrni ya ⱨǝmxirilǝrni ya anini ya atini ya balilarni yaki ekin yǝrlǝrni ⱪoyup, 30 ǝmdi xu zamanda ⱪoƣlanmaⱪliⱪ waⱪitlirida ɵylǝrni wǝ buradǝrlǝrni wǝ ⱨǝmxirilǝrni wǝ anilarni wǝ balilarni wǝ ekin yǝrlǝrni yüz ⱨǝssiqǝ wǝ kelidiƣan alǝmdǝ ǝbǝdiy ⱨayatni tapmaydiƣan ⱨeqkim yoⱪtur. 31 Lekin tola awwalⱪilar ahirⱪilar wǝ ahirⱪilar awwalⱪilar bolidu».

Əysa Mǝsiⱨninj üqinqi ⱪetim ɵlüp tirilixini aldin eytixi

32 Ular Yerusalemƣa qiⱪⱪili yolda ketip barƣanda Əysa ularninj aldida ketiwatatti. Xagirtlar ⱨǝyran idi wǝ kǝynidin ǝgǝxkǝnlǝr ⱪorⱪup ketiwatatti.

23 INJIL MARKUS

U yǝnǝ on ikkilǝrni ⱪiqⱪirip, ɵzigǝ nemǝ wǝⱪǝ bolidiƣinini ularƣa eytⱪili baxlidi: 33 «Mana Yerusalemƣa qiⱪimiz wǝ Ibn al-Insan bax kaⱨinlarƣa wǝ katiplarƣa tapxurulidu. Ular uni ɵlümgǝ ⱨɵküm ⱪilip, taipilǝrgǝ tapxuridu. 34 Bular uni mǝshirǝ ⱪilip, uninjƣa tüküridu wǝ ⱪamqilaydu wǝ uni ɵltüridu. Əmma u üq kündin keyin ⱪopidu».

Yaⱪub bilǝn Yuⱨannaninj iltimasi

35 Zǝbǝdiyninj oƣulliri Yaⱪub bilǝn Yuⱨanna uninj aldiƣa kelip, uninjƣa eytixti: «Əy ustaz, halaymizki, sǝndin ⱨǝrnemǝ tilisǝk, bizgǝ ⱪilip bǝrgǝysǝn». 36 Əmma u ularƣa eytti: «Silǝrgǝ nemǝ ⱪilip beriximni halaysilǝr?» 37 Ular uninjƣa eytixti: «Seninj xan-xǝripinjdǝ birimiz onj yeninjda wǝ birimiz sol yeninjda olturuxni bizgǝ bǝrgin». 38 Əysa ularƣa: «Tiligininjlarni bilmǝysilǝr. Mǝn iqidiƣan piyalini iqǝlǝmsilǝr wǝ mǝn alidiƣan qɵmüldürüx bilǝn qɵmüldürülǝlǝmsilǝr?» dǝp eytti. 39 Ular uninjƣa eytixti: «Ⱪilalaymiz». Əmma Əysa ularƣa eytti: «Mǝn iqidiƣan piyalini iqisilǝr wǝ mǝn alidiƣan qɵmüldürüx bilǝn qɵmüldürülisilǝr. 40 Lekin onj yenimda wǝ sol yenimda olturuxni bǝrgili ihtiyar mǝndǝ ǝmǝs. Əmma ⱪaysilarƣa tayin ⱪilinƣan bolsa, xularƣa berilidu». 41 On xagirt buni anjliƣanda Yaⱪub bilǝn Yuⱨannadin hapa boldi. 42 Əysa ularni ɵz aldiƣa ⱪiqⱪirip, ularƣa eytti: «Bilisilǝrki, taipilǝrninj ǝmirliri dǝp atalƣanlar ularƣa qonjluⱪ ⱪilidu wǝ uluƣliri ularninj üstigǝ sǝltǝnǝt ⱪilidu. 43 Lekin silǝrninj aranjlarda undaⱪ ǝmǝs, bǝlki kimki aranjlarda qonj bolƣili halisa, hizmǝtkarinjlar bolsun. 44 Kimki aranjlarda birinqi bolƣili halisa, ⱨǝmmisininj ⱪuli bolsun. 45 Qünki Ibn al-Insan ⱨǝm ɵzigǝ hizmǝt ⱪildurmaⱪ üqün ǝmǝs, bǝlki hizmǝt ⱪilip, tolilar üqün ɵz jenini pida ⱪilƣili kǝldi.

Kɵzi kor Bartimeusninj xipa tepixi

46 Ular Yerihoƣa kǝldi. U ɵz xagirtliri wǝ tola hǝlⱪ bilǝn Yerihodin qiⱪⱪanda Timeusninj oƣli Bartimeus degǝn bir kor gaday yolninj boyida olturatti. 47 U uninj nazarǝtlik Əysa ikǝnlikini anjlap: «Əy Əysa ibn-Dawud, manja rǝⱨim ⱪilƣin» dǝp ⱪiqⱪarƣili baxlidi. 48 Tola kixi uni «Xük turƣin» dǝp ǝyiblidi. Lekin u: «Əy ibn-Dawud, manja rǝⱨim ⱪilƣin» dǝp oxuⱪraⱪ ⱪiqⱪirdi. 49 Əysa tohtap: «Uni ⱪiqⱪirinjlar» dǝp eytti. Ular korni ⱪiqⱪirip, uninjƣa eytti: «Hatirjǝm bolup ⱪopⱪin! U seni ⱪiqⱪiridu». 50 U yepinqisini taxlap, ittik ⱪopup, Əysaninj aldiƣa kǝldi. 51 Əysa sɵz ⱪilip uninjƣa eytti: «Sanja nemǝ ⱪiliximni halaysǝn?» Kor uninjƣa eytti: «Əy Rabbuni, kɵridiƣan bolsam idi». 52 Əysa uninjƣa eytti: «Barƣin, imaninj seni saⱪaytti». U dǝrⱨal kɵridiƣan bolup, yolda uninjƣa ǝgǝxti.

INJIL MARKUS 24

Əysa Mǝsiⱨ tǝhǝygǝ minip Yerusalemƣa kiridu

11 1 Ular Yerusalemƣa yeⱪinlixip, Zǝytun Teƣininj yenidiki Bǝytpagǝ wǝ Bǝytanyaƣa yeⱪin kǝlgǝndǝ u ɵz xagirtliridin ikkini ǝwǝtip, 2 ularƣa

eytti: «Ⱪexinjlardiki kǝntkǝ berinjlar wǝ u yǝrgǝ barƣanda dǝrⱨal ⱨeq kixi tehi minmigǝn bir baƣlaⱪliⱪ tǝhǝyni tapisilǝr. Uni yexip, elip kelinjlar. 3 Əgǝr biri silǝrgǝ: ‹ Nemixⱪa buni ⱪilisilǝr› desǝ, ‹ Hudawǝndigǝ lazimdur. Əmma pat bu yǝrgǝ yandurup ǝwǝtidu› dǝp eytinjlar». 4 Ular berip, yolninj yenidiki bir dǝrwazininj sirtida baƣlaⱪliⱪ tǝhǝyni tepip, uni yǝxti. 5 U yǝrdǝ turƣanlardin bǝzisi ularƣa eytti: «Tǝhǝyni yexip nemǝ ⱪilisilǝr?» 6 Ular Əysa ularƣa buyruƣandǝk jawab bǝrgǝndǝ, ular ularni yǝxkili ⱪoydi. 7 Ular tǝhǝyni Əysaninj aldiƣa elip berip, ɵz libaslirini tǝhǝyninj üstigǝ saldi wǝ u uninj üstidǝ olturdi. 8 Tola kixi libaslirini yol üstigǝ yaydi wǝ baxⱪilar ekin yǝrlǝrdin xahlar kesip yolƣa saldi. 9 Aldida manjƣanlar wǝ kǝynidin ǝgǝxkǝnlǝr ⱪiqⱪirip eytixatti: «Ⱨǝmdusana! Hudawǝndininj namida kelidiƣan mubarǝktur! 10 Atimiz Dawudninj kelidiƣan padixaⱨliⱪi mubarǝktur! Ⱨǝmdusana ǝrxiǝlada!» 11 U Yerusalemƣa kelip, bǝyt-muⱪǝddǝskǝ kirip aylinip ⱨǝr nǝrsini kɵzdin kǝqürüp, kün kǝq bolƣanda on ikkilǝr bilǝn Bǝytanyaƣa qiⱪti.

Ənjür dǝrihininj lǝnǝt ⱪilinixi

12 Ətisi Bǝytanyadin qiⱪⱪanda aq ⱪelip, 13 yiraⱪtin yapriⱪi bar bir ǝnjür dǝrihini kɵrüp, uninjda bir nǝrsǝ tapaymikin dǝp, tüwigǝ bardi wǝ u yǝrgǝ barƣanda yapraⱪtin baxⱪa ⱨeq nǝrsǝ tapmidi, qünki ǝnjür waⱪti ǝmǝs idi. 14 U dǝrǝhkǝ sɵz ⱪilip: «Mundin keyin ǝbǝdkiqǝ ⱨeqkim sǝndin mewǝ yemisun» dǝp eytti. Uninj xagirtliri buni anjlidi.

Əysa Mǝsiⱨninj bǝyt-muⱪǝddǝsni tazilixi

15 Ular Yerusalemƣa kǝldi wǝ u bǝyt-muⱪǝddǝskǝ kirip, bǝyttǝ satⱪuqi wǝ alƣuqilarni ⱨǝydǝp qiⱪarƣili baxlap, sǝrraplarninj jozilirini wǝ kǝptǝr satⱪuqilarninj kursilirini ɵrüwetip, 16 ⱨeqkimni bǝyt-muⱪǝddǝstin bir nǝrsini kɵtürüp ɵtkili ⱪoymidi. 17 U tǝlim berip eytti: «‹ Meninj ɵyüm ⱨǝmmǝ taipilǝr üqün dua ɵyi dǝp atilidu› dǝp pütülgǝn ǝmǝsmu? Əmma silǝr uni bulanjqilarninj ƣeri ⱪildinjlar».

18 Bax kaⱨinlar bilǝn katiplar buni anjlap uni yoⱪatⱪili izdidi, lekin uninjdin ⱪorⱪti. Qünki hǝlⱪninj ⱨǝmmisi uninj tǝlimigǝ ⱨǝyran idi. 19 Ahxam bolƣanda u xǝⱨǝrninj sirtiƣa qiⱪti.

25 INJIL MARKUS

Ⱪurup kǝtkǝn ǝnjür dǝrihi

20 Əmma ǝtigǝndǝ ɵtüp ketip barƣanda, ular ǝnjür dǝrihi yiltizidin tartip ⱪurup kǝtkinini kɵrdi. 21 Petrus bolƣan wǝⱪǝni yad ⱪilip, uninjƣa eytti: «Əy ustaz, mana sǝn lǝnǝt ⱪilƣan ǝnjür dǝrihi ⱪurup ketiptu». 22 Əysa jawab berip ularƣa eytti: «Hudaƣa imaninjlar bolsun. 23 Bǝrⱨǝⱪ, silǝrgǝ eytimǝn: Ⱨǝrkim xu taƣⱪa: ‹ Kɵqürülüp, denjizƣa taxlanƣin› desǝ wǝ ɵz kɵnjlidǝ xǝk kǝltürmǝy eytⱪinininj bolidiƣiniƣa ixǝnsǝ, uninjƣa xundaⱪ bolidu. 24 Uninj üqün silǝrgǝ eytimǝn: Dua ⱪilƣininjlarda ⱨǝrnemǝ tilisǝnjlar: ‹ Taptim› dǝp ixininjlar wǝ silǝrgǝ bolidu. 25 Dua ⱪilip turƣininjlarda bir kixidin kɵnjül aƣriⱪinjlar bolsa, kǝqürünjlar. Xu qaƣda asmanlardiki Atanjlar ⱨǝm silǝrgǝ hatalirinjlarni kǝqüridu. 26 Lekin silǝr kǝqürmisǝnjlar, asmanlardiki Atam ⱨǝm silǝrninj hatalirinjlarni kǝqürmǝydu.

Əysa Mǝsiⱨninj ⱨoⱪuⱪininj sürüxtürülüxi

27 Ular yǝnǝ Yerusalemƣa kǝldi. U ɵzi bǝyt-muⱪǝddǝstǝ aylinip yürginidǝ bax kaⱨinlar wǝ katiplar wǝ aⱪsaⱪallar uninj aldiƣa kelip, 28 uninjƣa eytti: «Nemǝ ⱪudrǝt bilǝn xuni ⱪilisǝn yaki xuni ⱪilƣili sanja kim ⱪudrǝt bǝrdi?» 29 Əysa jawab berip ularƣa eytti: «Mǝn ⱨǝm silǝrdin bir sɵz soray, manja jawab berinjlar wǝ mǝn xuni nemǝ ⱪudrǝt bilǝn ⱪilƣinimni silǝrgǝ eytay. 30 Yuⱨannaninj qɵmüldürüxi asmandin idimu yaki adǝmlǝrdinmu? Manja jawab berinjlar». 31 Ular ɵz arisida mǝsliⱨǝt ⱪilixip eytixti: «Əgǝr asmandin desǝk, bizgǝ: ‹ Undaⱪ bolsa, nemixⱪa uninjƣa ixǝnmidinjlar› dǝydu. 32 Lekin ǝgǝr adǝmlǝrdin desǝk bolmaydu» dǝp ⱪowmdin ⱪorⱪti, qünki ⱨǝmmisi Yuⱨannani bir ⱨǝⱪ pǝyƣǝmbǝr dǝp bilǝtti. 33 Ular jawab berip Əysaƣa eytti: «Bilmǝymiz». Əysa ularƣa eytti: «Undaⱪta, mǝn ⱨǝm nemǝ ⱪudrǝt bilǝn xuni ⱪilƣinimni silǝrgǝ eytmaymǝn».

Üzümzarliⱪ wǝ yaman baƣwǝnlǝr toƣrisidiki tǝmsil

12 1 U ularƣa tǝmsillǝr bilǝn sɵz ⱪilƣili baxlidi: «Bir adǝm bir üzümzarliⱪ selip, qɵrisini qitlap, bir xirnǝ kɵlqiki kolap, bir munar yasap, uni baƣwǝnlǝrgǝ

tapxurup, baxⱪa yurtⱪa sǝpǝr ⱪildi. 2 Waⱪit bolƣanda baƣwǝnlǝrdin üzümzarliⱪninj mewisidin alƣili baƣwǝnlǝrninj aldiƣa bir ⱪul ǝwǝtti. 3 Ular uni tutup uninjƣa tayaⱪ urup, ⱪuruⱪ yandurdi. 4 U ularƣa yǝnǝ baxⱪa bir ⱪulni ǝwǝtti. Ular uni urup bexini yerip, ⱨaⱪarǝt ⱪildi. 5 U yǝnǝ baxⱪisini ǝwǝtti, ǝmma ular uni ɵltürdi. Ular tola baxⱪilarni xundaⱪ ⱪilip bǝzisigǝ tayaⱪ urup, bǝzisini ɵltürdi. 6 Uninj amraⱪ bir oƣli ⱨǝm bar idi. ‹ Ular oƣlumƣa yüz-hatirǝ ⱪilƣay›

INJIL MARKUS 26

dǝp u ahir ularƣa uni ǝwǝtti. 7 Lekin baƣwǝnlǝr ɵz arilirida: ‹ Bu waristur. Kelinjlar uni ɵltürǝyli wǝ miras bizninjki bolidu› dǝp eytixti. 8 Xundaⱪ ⱪilip ular uni tutup ɵltürüp, üzümzarliⱪtin taxⱪiri taxlidi. 9 Əmdi üzümzarliⱪninj igisi nemǝ ⱪilidu? U kelip, baƣwǝnlǝrni yoⱪitip, üzümzarliⱪni baxⱪilarƣa tapxuridu. 10 ‹ Tamqilar rǝt ⱪilƣan tax ɵzi burjǝk texi boldi. 11 Hudawǝndǝ tǝripidin xundaⱪ boldi wǝ kɵzlirimizdǝ ajayiptur› dǝp pütülgǝnni ⱨeq oⱪumidinjlarmu?» 12 Ular uni tutⱪili izdidi, lekin hǝlⱪtin ⱪorⱪti, qünki bu tǝmsilni ularninj ɵz toƣrisida eytⱪinini uⱪti. Xunja ular uni ⱪoyup kǝtti.

Ⱪǝysǝrgǝ baj berix toƣrisida bir soal

13 Ular uni sɵz bilǝn tutⱪili pǝrisiylǝrdin wǝ ⱨirodǝsiylǝrdin birnǝqqisini uninj aldiƣa ǝwǝtti. 14 Ular kelip, uninjƣa eytt: «Əy ustaz, seninj sadiⱪ bolup, ⱨeqkimdin pǝrwa ⱪilmiƣininjni bilimiz, qünki adǝmlǝrgǝ yüz-hatirǝ ⱪilmay, bǝlki Hudaninj yolini rastliⱪ bilǝn ɵgitisǝn. Ⱪǝysǝrgǝ baj bǝrmǝk jayizmu, ǝmǝsmu? Berǝylimu yaki bǝrmǝylimu?» 15 U ularninj riyasini bilip ularƣa eytti: «Nemixⱪa meni sinaysilǝr? Manja bir dinar elip kelinjlar, kɵrüp baⱪay». 16 Ular elip kǝlgǝndǝ u ularƣa eytti: «Bu sürǝt wǝ hǝt kimninjkidur? Ular uninjƣa eytixti: «Ⱪǝysǝrninjki». 17 Əysa ularƣa eytti: «Ⱪǝysǝrninjkini ⱪǝysǝrgǝ wǝ Hudaninjkini Hudaƣa berinjlar». Ular uninjƣa ǝjǝblǝndi.

Saduⱪiylar ɵlümdin tirilip ⱪopux toƣrisida soal soraydu

18 Ɵlümdin tirilip ⱪopux yoⱪ degǝn saduⱪiylar kelip, uninjdin sorap eytixti: 19 «Əy ustaz, Musa bizgǝ pütkǝnki, ǝgǝr bir kixininj buradiri ɵlüp hotunini tul ⱪoysa wǝ balisi bolmisa, hotunini buradiri elip, ɵz buradirigǝ nǝsil ⱪopursun. 20 Yǝttǝ buradǝr bar idi wǝ awwalⱪisi hotun elip, uruⱪ-ǝwlad ⱪoymay ɵldi. 21 Uni ikkinqisi elip, uruⱪ-ǝwlad ⱪoymay ɵldi wǝ üqinqisi ⱨǝm xundaⱪ ⱪildi. 22 Yǝttisininj ⱨeqbiri uruⱪ-ǝwlad ⱪoymidi. Ⱨǝmmisidin keyin hotun ⱨǝm ɵldi. 23 Ⱪiyamǝttǝ ularninj ⱪaysisininj hotuni bolidu? Qünki yǝttilisi uni hotunluⱪⱪa alƣanidi». 24 Əysa ularƣa eytti: «Muⱪǝddǝs yazmilarni wǝ Hudaninj ⱪudritini bilmigǝq eziⱪip kǝtkǝn ǝmǝsmusilǝr? 25 Qünki ular ɵlüklǝr arisidin ⱪopⱪandin keyin hotun almaydu, ǝrgǝ tegmǝydu, lekin asmanlardiki pǝrixtilǝrdǝk bolidu. 26 Əmma ɵlgǝnlǝrninj tirilip ⱪopurulmiⱪi toƣrisidin bolsa Musaninj kitabida tikǝn toƣrisidiki bɵlümidǝ Huda ⱪandaⱪ sɵz ⱪilip uninjƣa: ‹ Mǝn Ibraⱨimninj Tǝnjrisi wǝ Isⱨaⱪninj Tǝnjrisi wǝ Yaⱪubninj Tǝnjrisidurmǝn› dǝp eytⱪinini oⱪumidinjlarmu? 27 Huda ɵlüklǝrninj Tǝnjrisi ǝmǝs, bǝlki tiriklǝrninjkidur. Tola eziⱪipsilǝr».

27 INJIL MARKUS

Ⱨǝmmidin qonj ǝmr

28 Katiplardin biri ularninj sɵz talaxⱪinini anjlap, uninj ularƣa yahxi jawab bǝrginini bilip kelip: «Ⱪaysi ǝmr ⱨǝmmidin awwalⱪidur» dǝp uninjdin soridi. 29 Əysa jawab bǝrdiki: «Awwalⱪisi budur: ‹ Anjliƣin, ǝy Israil, Tǝnjrimiz Hudawǝndǝ yeganǝ Hudawǝndidur. 30 Rǝb Hudayinjni pütün kɵnjlünj wǝ pütün jeninj wǝ pütün ǝⱪlinj wǝ pütün küqünj bilǝn dost tutⱪin›. 31 Ikkinqisi budurki, ‹ Ⱨǝⱪǝmsayǝnjni ɵzünjdǝk dost tutⱪin›. Bulardin qonjraⱪ ǝmr yoⱪtur». 32 Katip uninjƣa eytti: «Əy ustaz, eytⱪininj ⱨǝⱪiⱪǝtǝn rast. Huda bir wǝ uninjdin baxⱪisi yoⱪtur. 33 Uni ⱨǝmmǝ kɵnjüldin wǝ ⱨǝmmǝ pǝmdin wǝ ⱨǝmmǝ jandin wǝ ⱨǝmmǝ küqtin dost tutmaⱪ wǝ ⱨǝⱪǝmsayini ɵzidǝk dost tutmaⱪ ⱨǝmmǝ kɵydüridiƣan ⱪurbanliⱪlardin wǝ baxⱪa ⱪurbanliⱪlardin ǝwzǝldur». 34 Əysa uninj ǝⱪilliⱪ bilǝn jawab bǝrginini anjlap, uninjƣa: «Hudaninj padixaⱨliⱪidin yiraⱪ ǝmǝssǝn» dǝp eytti. Xuninjdin keyin ⱨeqkim uninjdin yǝnǝ soriƣili jürǝt ⱪilmidi.

Mǝsiⱨ kimninj oƣlidur?

35 Əysa bǝyt-muⱪǝddǝstǝ tǝlim berip turƣinida sɵz ⱪilip eytti: «Katiplar Mǝsiⱨni Dawudninj oƣli dǝp ⱪandaⱪ deyǝlǝydu? 36 Dawud ɵzi Muⱪǝddǝs Roⱨ bilǝn eyttiki: ‹ Rǝb meninj Hudawǝndǝmgǝ eytti: Mǝn düxmǝnlirinjni ⱪǝdǝmgaⱨinj ⱪilƣuqǝ meninj onj yenimda olturƣin›.

37 Dawud ɵzi uni Hudawǝndǝ desǝ, u ⱪandaⱪ uninj oƣli bolidu?» Hǝlⱪninj kɵpqilikliri huxluⱪ bilǝn uninj sɵzini anjlayttii.

Əysa Mǝsiⱨ riya ⱪilƣuqi katiplarni ǝyiblǝydu

38 U ɵz tǝlimidǝ eytti: «Uzun tonlar kiyip yürüp, bazarlarda salam elip, 39 sinagoglarda awwalⱪi orunlarni wǝ ziyapǝtlǝrdǝ tɵrdǝ olturuxni yahxi kɵrgǝn katiplardin eⱨtiyat ⱪilinjlar. 40 Ular tul hotunlarninj ɵylirini yǝp, niⱪablinip uzun dualar oⱪuydu. Bular ⱪattiⱪraⱪ ⱨɵküm tapidu».

Pekir tul hotunninj ianisi

41 Əysa hǝzinininj utturida olturup hǝlⱪninj hǝzinigǝ pul salƣiniƣa ⱪariwatatti. Tola baylar jiⱪ saldi. 42 Bir peⱪir tul hotun kelip, ikki mis tiyin, yǝni pulninj tɵttin biri baⱨasidiki pul saldi. 43 U ɵz xagirtlirini ⱪiqⱪirip ularƣa eytti: «Bǝrⱨǝⱪ, silǝrgǝ eytimǝn: Uxbu peⱪir tul hotun hǝzinigǝ pul

INJIL MARKUS 28

salƣanlarninj ⱨǝmmisidin oxuⱪraⱪ saldi. 44 Qünki ularninj ⱨǝmmisi ɵz ziyadilikidin saldi, lekin u ɵz yoⱪluⱪidin ɵzininj barqǝ barini, tirikqilikininj ⱨǝmmisini saldi».

Ahirⱪi zamanlardiki alamǝtlǝr

13 1 U ɵzi bǝyt-muⱪǝddǝstin qiⱪⱪanda xagirtlardin biri uninjƣa eytti: «Əy ustaz, mana ⱪandaⱪ taxlar wǝ imarǝtlǝr ikǝn!» 2 Əysa uninjƣa eytti:

«Xu imarǝtlǝrni kɵrisǝnmu? Tax üstidǝ tax yiⱪilmay ⱪalmaydu». 3 U ɵzi Zǝytun Teƣida bǝyt-muⱪǝddǝsninj utturida olturƣanda Petrus wǝ Yaⱪub wǝ Yuⱨanna wǝ Andrǝyas tǝnⱨada uninjdin soridiki: 4 «Bizgǝ eytip bǝrgin, uxbu wǝⱪǝlǝr ⱪaqan bolidu wǝ bu ⱨǝmmisininj bǝja kǝltürülüxininj alamiti nemidur?» 5 Əysa sɵz baxlap ularƣa eytti: «Agaⱨ bolunjlar, ⱨeqkim silǝrni azdurmisun. 6 Tola kixi meninj namimda kelip: ‹ Mǝn udurmǝn› dǝp tola kixini azduridu. 7 Əmma jǝnj xawⱪunliri bilǝn jǝnj hǝwǝrlirini anjliƣininjlarda ⱪorⱪmanjlar. Buninj boluxi kerǝktur, lekin tehi ahiri ǝmǝs. 8 Qünki taipǝ taipigǝ wǝ mǝmlikǝt mǝmlikǝtkǝ ⱪarxi ⱪopidu. Yǝrdin yǝrgǝ zilzililǝr bolup, aqarqiliⱪlar wǝⱪǝ bolidu. Tolƣaⱪlarninj baxlinixi xudur. 9 Əmma ɵzünjlar agaⱨ bolunjlar. Ular silǝrni sotⱪa tapxurup beridu. Sinagoglarda ⱪamqilinip, mǝn üqün waliylar bilǝn padixaⱨlarninj aldiƣa ularƣa guwaⱨliⱪ bolmaⱪ üqün elip berilisilǝr. 10 Awwal Injil ⱨǝmmǝ taipilǝrgǝ jakarlinidu. 11 Ular silǝrni tutup bǝrgili elip barƣinida, nemǝ eytidiƣininjlarni ilgiridin ǝndixǝ ⱪilmanjlar. Lekin xu saǝttǝ silǝrgǝ nemǝ berilsǝ, xuni eytinjlar, qünki sɵz ⱪilƣuqi silǝr ǝmǝs, bǝlki Muⱪǝddǝs Roⱨtur. 12 Buradǝr buradǝrni wǝ ata balini ɵlümgǝ tutup beridu wǝ balilar ata-aniƣa ⱪarxi ⱪopup ularni ɵltürgüzidu. 13 Meninj ismim üqün ⱨǝmmisidin yaman kɵrülisilǝr. Lekin ahirƣiqǝ sǝwr ⱪilip turƣuqi ɵzi ⱪutulidu. 14 Əmma ‹ Harabliⱪninj yirginqininj› jayiz ǝmǝs yǝrdǝ turƣinini kɵrgininjlarda — oⱪuƣuqi xuni pǝmlisun — u waⱪit Yǝⱨudiyǝdikilǝr taƣlarƣa ⱪaqsun. 15 Ɵgzidikilǝr qüxüp ɵyidin bir nǝrsǝ alƣili kirmisun. 16 Ekin yeridikilǝr ɵz libasini alƣili yanmisun. 17 Əmma way u künlǝrdǝ ⱨamilidar bolƣanlarƣa wǝ emitidiƣanlarƣa! 18 Lekin dua ⱪilinjlarki, ⱪeqixinjlar ⱪixta bolmisun. 19 Qünki Huda yaratⱪan dunyaninj dǝslipidin muxu qaƣⱪiqǝ wǝⱪǝ bolmiƣan wǝ ǝsla bolmaydiƣan tǝnjlik u künlǝrdǝ bolidu. 20 Əgǝr Hudawǝndǝ u künlǝrni ⱪisⱪartmisa idi, ⱨeqbir adǝm ⱪutulmas idi. Lekin u ɵzi ihtiyar ⱪilƣan ilƣanƣanlar üqün u künlǝrni ⱪisⱪartⱪan.

29 INJIL MARKUS

21 U waⱪit biri silǝrgǝ: ‹ Mana Mǝsiⱨ mundadur, mana andadur› desǝ, ixǝnmǝnjlar. 22 Qünki sahta mǝsiⱨlǝr wǝ sahta pǝyƣǝmbǝrlǝr ⱪopup, alamǝtlǝr wǝ mɵjizilǝr ⱪilidu. Xuninj bilǝn, mümkin bolsa, ular ilƣanƣanlarni ⱨǝm azduridu. 23 Əmma silǝr agaⱨ bolunjlar. Mana ⱨǝr nǝrsini ilgiridin silǝrgǝ hǝwǝr bǝrdim. 24 Əmma u künlǝrdǝ xu tǝnjliktin keyin, aptap ⱪaranjƣu bolidu wǝ ay ɵz yoruⱪluⱪini bǝrmǝydu. 25 Yultuzlar kɵktin qüxidu wǝ asmanlardiki ⱪuwwǝtlǝr tǝwrinidu. 26 U waⱪit ular Ibn al-Insan tola ⱪudrǝt wǝ xan-xǝrǝp bilǝn bulutlarninj üstidǝ keliwatⱪanliⱪini kɵridu. 27 U waⱪit u pǝrixtilirini ǝwǝtip, yǝrninj bexidin asmanninj bexiƣiqǝ tɵt tǝrǝptin ɵz ilƣanƣanlirini yiƣidu. 28 Əmdi ǝnjür dǝrihidin xu tǝmsilni ɵgininjlar. Uninj xahliri yumxap yapraⱪ qiⱪarƣanda yazninj yeⱪin ikǝnlikini bilisilǝr. 29 Xundaⱪ ⱨǝm silǝr buninj ⱨǝmmisini kɵrgǝndǝ, bu yeⱪin bolup ixikninj aldida turidu dǝp bilinjlar. 30 Bǝrⱨǝⱪ, silǝrgǝ eytimǝn: Buninj ⱨǝmmisi bolmiƣuqǝ bu nǝsil ɵtmǝydu. 31 Asman wǝ yǝr yoⱪilidu, lekin meninj sɵzlirim ⱨǝrgiz yoⱪalmaydu. 32 Əmma u künni wǝ u saǝtni Atidin baxⱪa, haⱨi asmanlardiki pǝrixtilǝr bolsa, haⱨi Oƣul bolsa ⱨeqkim bilmǝydu. 33 Agaⱨ bolup oyƣaⱪ turunjlar, qünki u waⱪit ⱪaqan bolidiƣinini bilmǝysilǝr. 34 Bir adǝm sǝpǝr ⱪilip ɵyini ⱪoyup, ɵz ⱪulliriƣa baxⱪurux ⱨoⱪuⱪini berip, ⱨǝrbirigǝ ɵz ixini tǝyinlǝp, dǝrwaziwǝngǝ oyƣaⱪ turƣili buyruƣandǝk, 35 silǝrgǝ buyruymǝnki, oyƣaⱪ turunjlar. Ɵy hojisi ahxamdimu ya yerim keqidimu ya horaz qilliƣan waⱪittimu ya tanj atⱪandimu kelidiƣinini bilmǝysilǝr. 36 Tuyuⱪsiz kǝlsǝ, silǝrni uhlaƣliⱪ tapmisun. 37 Silǝrgǝ eytⱪinimni ⱨǝmmǝnjlarƣa eytimǝn: Oyƣaⱪ turunjlar».

Əysa Mǝsiⱨni ɵltürüx suyiⱪǝsti

14 1 Pasha wǝ Petir nan ⱨeytigǝ ikki kün ⱪalƣanidi. Bax kaⱨinlar wǝ katiplar uni ⱨiylǝ bilǝn tutup ɵltürgili izdǝytti. 2 Əmma ular: «Ⱨeytta

bolmisun. Bolmisa hǝlⱪninj arisida ƣǝlwǝ boluxi mumkin» dǝp eytixti.

Əysa Mǝsiⱨninj ⱪimmǝt baⱨaliⱪ yaƣ bilǝn yaƣlinixi

3 U Bǝytanyada bolup, pesǝ Simonninj ɵyidǝ dastihanda olturƣanda bir hotun bir aⱪ ⱪaxtexi xexidǝ ⱪimmǝt baⱨa huxbuy sap sumbul yeƣini elip kelip, aⱪ ⱪaxtexi xexini sundurup, uninj bexiƣa tɵkti. 4 Bǝzilǝr hapa bolup: «Nemixⱪa bu huxbuy yaƣ israp boldi? 5 Qünki bu huxbuy yaƣ üq yüz dinardin oxuⱪraⱪ pulƣa setilip peⱪirlarƣa berilsǝ bolatti» dǝp eytixip, uninjƣa tapa ⱪilƣili turdi. 6 Lekin Əysa ularƣa eytti: «Uni ⱪoyunjlar, nemixⱪa uni ƣǝmkin

INJIL MARKUS 30

ⱪilisilǝr? U manja yahxi bir ix ⱪildi. 7 Mana peⱪirlar ⱨǝmixǝ silǝr bilǝndur wǝ ⱪaqan halisinjlar ularƣa yahxiliⱪ ⱪilalaysilǝr. Lekin mǝn ⱨǝmixǝ silǝr bilǝn ǝmǝsmǝn. 8 U ɵzi ⱪolidin kelixiqǝ ⱪildi wǝ ilgiridin bǝdinimni dǝpnǝ ⱪilinmaⱪⱪa yaƣlidi. 9 Bǝrⱨǝⱪ, silǝrgǝ eytimǝnki, pütün dunyada nǝ yǝrdǝ bu Injil jakarlansa, uninj xu ⱪilƣini ⱨǝm uninj hatirisi üqün hǝwǝr berilidu».

Yǝⱨudaninj Əysa Mǝsiⱨkǝ satⱪunluⱪ ⱪilixi

10 On ikkilǝrninj biri, yǝni Ixⱪariyot Yǝⱨuda uni ularƣa tutup bǝrgili bax kaⱨinlarninj aldiƣa bardi. 11 Ular buni anjliƣanda hux bolup, uninjƣa kümüx bǝrgili wǝdǝ ⱪilixti wǝ u uni ularƣa tutup bǝrgili munasip pursǝt izdǝtti.

Pasha taamiƣa tǝyyarliⱪ kɵrüx

12 Petir nan ⱨeytininj awwalⱪi küni ular Pasha ⱪozisini ⱪurbanliⱪ ⱪilƣanda uninj xagirtliri uninjƣa eytti: «Ⱪǝyǝrgǝ berip, sanja Pasha ⱪozisini yegili tǝyyar ⱪiliximizni halaysǝn?» 13 U xagirtliridin ikkisini ǝwǝtip, ularƣa eytti: «Xǝⱨǝrgǝ kirinjlar. U yǝrdǝ bir su kozisi kɵtürgǝn bir adǝm silǝrgǝ uqraydu. Uninjƣa ǝgixinjlar. 14 U kirgǝn ɵyninj uluƣiƣa eytinjlar: ‹ Ustaz eytiduki, mǝn xagirtlirim bilǝn Pasha ⱪozisini yǝydiƣan meⱨmanhana nǝ yǝrdidur?› 15 U ɵzi silǝrgǝ bisat seliⱪliⱪ tǝyyarlanƣan qonj bir balihana kɵrsitidu. Bizgǝ anda tǝyyarliⱪ ⱪilinjlar». 16 Xagirtlar qiⱪip xǝⱨǝrgǝ kirip, ⱨǝmmisi u ularƣa eytⱪandǝk tapip, Pasha ⱪozisini tǝyyar ⱪilixti.

Əysa Mǝsiⱨ yǝnǝ ɵlüp tirilixini aldin eytidu

17 Ahxam bolƣanda u on ikkilǝr bilǝn kǝldi. 18 Ular dastihanda olturup yeginidǝ, Əysa eytti: «Bǝrⱨǝⱪ, silǝrgǝ eytimǝn: Silǝrdin biri, yǝni mǝn bilǝn taam yǝydiƣan ɵzi meni tutup beridu». 19 Ular ƣǝmkin bolup birdi- birdin uninjƣa: «U mǝn bolamdimǝn?» degili baxlidi. 20 U ularƣa eytti: «On ikkilǝrdin biri, yǝni mǝn bilǝn ⱪaqiƣa tɵgürgǝn ɵzi udur. 21 Dǝrwǝⱪǝ Ibn al-Insan ɵz toƣrisida pütülgǝndǝk ketidu. Lekin way Ibn al-Insanninj tutup berilixigǝ wasitǝ bolƣan adǝmgǝ! U adǝm tuƣulmiƣan bolsa, uninjƣa yahxi bolatti».

Pasha taami

22 Ular taam yeginidǝ Əysa bir nanni elip dua oⱪup, uni oxtup ularƣa berip eytti: «Elip yǝnjlar, bu meninj bǝdinimdur». 23 U bir jamni elip xükür eytip,

31 INJIL MARKUS

ularƣa bǝrdi wǝ ⱨǝmmisi uninjdin iqti. 24 U ularƣa eytti: «Tolilar üqün tɵkülidiƣan ⱪenim, yǝni ǝⱨdininj ⱪeni budur. 25 Bǝrⱨǝⱪ, silǝrgǝ eytimǝn: Hudaninj padixaⱨliⱪida uni yenjidin iqidiƣan küngiqǝ üzüm telininj mewisidin yǝnǝ ǝsla iqmǝymǝn». 26 Ular ⱨǝmd xeirini oⱪuƣandin keyin Zǝytun Teƣiƣa qiⱪti.

Əysa Mǝsiⱨninj Petrus uni inkar ⱪilixini aldin eytixi

27 Əysa ularƣa eytti: «Ⱨǝmmǝnjlar tayisilǝr, qünki ‹ Padiqini urimǝn wǝ ⱪoylar parakǝndǝ bolidu› dǝp pütülgǝndur. 28 Lekin mǝn tirilip ⱪopurulƣandin keyin silǝrdin ilgiri Galiliyǝgǝ barimǝn». 29 Petrus uninjƣa eytti: Ⱨǝmmisi taysa ⱨǝm, mǝn ⱨǝrgiz taymaymǝn». 30 Əysa uninjƣa eytti: «Bǝrⱨǝⱪ, sanja eytimǝn: Bügün keqǝ horaz ikki mǝrtiwǝ qillimastin ilgiri sǝn meni üq mǝrtiwǝ inkar ⱪilisǝn». 31 Lekin u tehi qinj sɵz ⱪilip: «Əgǝr sǝn bilǝn ɵlsǝm ⱨǝm, seni ⱨǝrgiz inkar ⱪilmaymǝn» dǝp eytti wǝ ⱨǝmmisi ⱨǝm xundaⱪ eytixti.

Əysa Mǝsiⱨninj Getsimanǝdǝ dua ⱪilixi

32 Ular Getsimanǝ degǝn bir baƣⱪa kǝldi wǝ u ɵz xagirtliriƣa eytti: «Mǝn dua ⱪilip bolƣuqǝ munda olturunjlar». 33 U Petrusni wǝ Yaⱪubni wǝ Yuⱨannani ɵzi bilǝn elip, dǝⱨxǝtkǝ qüxüp tola biaram bolƣili turup, 34 ularƣa eytti: «Jenim ɵlgüdǝk tola ƣǝmkindur, munda ⱪelip oyƣaⱪ turunjlar. 35 U azƣina ilgiri berip, yǝrgǝ qüxüp: «Mümkin bolsa, bu saǝt mǝndin ɵtsun» dǝp dua ⱪildi. 36 U yǝnǝ eytti: «Əy Abba Ata, sanja ⱨǝr nǝrsǝ mümkindur. Bu piyalini mǝndin ɵtküzgin. Lekin mǝn haliƣandǝk ǝmǝs, sǝn haliƣandǝk bolsun». 37 U yenip kelip, ularni uhlaƣliⱪ tepip Petrusⱪa eytti: «Əy Simon, uhlamsǝn? Bir saǝt oyƣaⱪ turalmidinjmu? 38 Oyƣaⱪ turup, dua ⱪilinjlarki, sinaⱪⱪa qüxmigǝysilǝr. Roⱨ ⱨazir, lekin jisim zǝiptur». 39 U yǝnǝ berip, dua ⱪilip ilgiriki sɵzlǝrni eytti. 40 U yenip kelip, yǝnǝ ularni uhlaƣliⱪ tapti, qünki ularninj kɵzliri eƣirlaxⱪanidi. Ular uninjƣa nemǝ jawab berixini bilmidi. 41 U üqinqi mǝrtiwǝ kelip, ularƣa eytti: «Əmdi uhlap raⱨǝt elinjlar, ǝmdi boldi! Saǝt kǝldi. Mana Ibn al-Insan gunaⱨkarlarninj ⱪoliƣa tapxurulidu. 42 Ⱪopunjlar ketǝyli, mana meni tutup bǝrgüqi yeⱪin kǝldi.

Əysa Mǝsiⱨninj tutⱪun ⱪilinixi

43 U tehi sɵz ⱪilip turƣinida dǝrⱨal on ikkilǝrninj biri, yǝni Yǝⱨuda wǝ uninj bilǝn bax kaⱨinlardin wǝ katiplardin wǝ aⱪsaⱪallardin qonj bir

INJIL MARKUS 32

top hǝlⱪ ⱪiliq wǝ ⱨasa bilǝn kǝldi. 44 Uni tutup bǝrgüqi ular bilǝn mǝsliⱨǝt ⱪilip bir bǝlgǝ berip eytⱪanidiki: «Kimni sɵysǝm udur. Uni tutup, yalap elip berinjlar». 45 U yetip kǝlgǝndǝ dǝrⱨal uninj aldiƣa berip: «Əy ustaz» dǝp uni sɵydi. 46 Ular ⱪollirini uninj üstigǝ selip uni tutti. 47 U yǝrdǝ turƣanlardin biri ⱪiliqni suƣurup, uluƣ kaⱨinninj ⱪulini urup, ⱪuliⱪini kǝsti. 48 Əysa sɵz ⱪilip ularƣa eytti: «Bulanjqi üstigǝ qiⱪⱪandǝk meni tutⱪili ⱪiliq wǝ ⱨasa elip qiⱪtinjlar. 49 Ⱨǝr kün bǝyt-muⱪǝddǝstǝ silǝr bilǝn bolup tǝlim berǝttim wǝ meni tutmidinjlar. Lekin muⱪǝddǝs yazmilarninj bǝja kǝltürülüxi üqün xundaⱪ boldi.» 50 U waⱪit xagirtlarninj ⱨǝmmisi uni ⱪoyup ⱪaqti. 51 Ɵz yalinjaq bǝdinigǝ bir kanap rǝht yapⱪan bir yigit uninjƣa ǝgǝxti wǝ ular uni tutuwaldi. 52 Əmma u kanap rǝhtni ⱪoyup, yalinjaq ⱪeqip kǝtti.

Əysa Mǝsiⱨninj yǝⱨudiylarninj aliy kenjixidǝ sotlinixi

53 Ular Əysani uluƣ kaⱨinninj aldiƣa elip berixti. Ⱨǝmmǝ bax kaⱨinlar wǝ aⱪsaⱪallar wǝ katiplar u yǝrdǝ jǝm boluxti. 54 Petrus yiraⱪtin uluƣ kaⱨinninj ⱨoylisininj sǝⱨnisigiqǝ uninjƣa ǝgixip, hizmǝtkarlarninj arisida ot yoruⱪida otsinip olturdi. 55 Bax kaⱨinlar wǝ aliy kenjǝxninj ⱨǝmmisi Əysaninj üstidin uni ɵltürgili guwaⱨliⱪ izdǝytti, ǝmma tapmidi. 56 Qünki tola kixi uninj üstidin yalƣan guwaⱨliⱪ bǝrdi, lekin guwaⱨliⱪliri bir-birigǝ toƣra kǝlmǝytti. 57 Birnǝqqisi ⱪopup, uninj üstidin yalƣan guwaⱨliⱪ berip eytti: 58 «Ⱪol bilǝn yasalƣan bu bǝytni yiⱪitip, ⱪol bilǝn yasalmiƣan baxⱪisini üq kündǝ yasaymǝn› dǝp eytⱪinini anjliduⱪ». 59 Buninjda ⱨǝm guwaⱨliⱪliri bir-birigǝ toƣra kǝlmidi. 60 Andin uluƣ kaⱨin otturida ⱪopup, Əysadin sorap eytti: «Ⱨeq jawab bǝrmǝmsǝn? Bular seninj üstünjdin nemǝ guwaⱨliⱪ beridu?» 61 Lekin u xük turup ⱨeq jawab bǝrmidi. Uluƣ kaⱨin yǝnǝ uninjdin sorap uninjƣa eytti: «Sǝn Mǝsiⱨ Ibn al-Mubarǝkmusǝn?» 62 Əysa eytti: «Mǝndurmǝn wǝ Ibn al-Insan Ⱪudrǝt Bolƣuqininj onj yenida olturup, asmanninj bulutlirida kelidiƣinini kɵrisilǝr». 63 U waⱪit uluƣ kaⱨin kiyimini yirtip eytti: «Guwaⱨlarƣa yǝnǝ nemǝ ⱨajitimiz bar? 64 Kupur eytⱪinini anjlidinjlar. Silǝrgǝ ⱪandaⱪ kɵrünidu?» Andin ⱨǝmmisi: «U ɵlümgǝ layiⱪtur» dǝp ⱨɵküm ⱪilixti. 65 Bǝziliri ⱪopup, uninjƣa tükürüp, yüzini yepip muxt urup: «Pǝyƣǝmbǝrlik ⱪilƣin» dǝp uninjƣa eytixti. Hizmǝtkarlarmu uni kaqatliƣili turdi.

Petrus Əysa Mǝsiⱨni inkar ⱪilidu

66 Petrus tɵwǝn ⱨoylida turƣanda uluƣ kaⱨinninj dedǝkliridin biri kelip, 67 Petrusninj otsinƣinini kɵrüp, uninjƣa ⱪarap eytti: «Sǝn ⱨǝm nazarǝtlik

33 INJIL MARKUS

Əysa bilǝn idinj». 68 Əmma u tenip: «Seninj nemǝ degininjni bilmǝymǝn, ⱨǝm uⱪmaymǝn» dǝp dalanƣa qiⱪti. Xu qaƣda horaz qillidi. 69 Dedǝk uni yǝnǝ kɵrüp, anda turƣanlarƣa: «Bu ɵzi ularninj biridur» dǝp eytⱪili turdi. 70 Əmma u yǝnǝ tandi. Az muddǝttin keyin anda turƣanlar Petrusⱪa yǝnǝ eytixti: «Xǝksizki sǝn ulardin biridursǝn, qünki sǝn ⱨǝm galiliyǝliktursǝn». 71 Lekin u ɵzi: «Silǝr eytⱪan adǝmni tonumaymǝn» dǝp ɵz-ɵzigǝ lǝnǝt oⱪup ⱪǝsǝm ⱪilƣili turdi. 72 Dǝrⱨal horaz ikkinqi mǝrtiwǝ qillidi. Petrus Əysaninj uninjƣa: ‹ Horaz ikki mǝrtiwǝ qillimastin ilgiri meni üq mǝrtiwǝ inkar ⱪilisǝn› degǝn sɵzini yadiƣa kǝltürdi wǝ u yiƣlap kǝtti.

Waliy Pilatus Əysa Mǝsiⱨni soraⱪ ⱪilidu

15 1 Dǝrⱨal ǝtigǝndǝ bax kaⱨinlar bilǝn aⱪsaⱪallar wǝ katiplar wǝ aliy kenjǝxninj ⱨǝmmisi mǝsliⱨǝtni tayin ⱪilƣandin keyin Əysani baƣlap,

elip berip Pilatusⱪa tapxurdi. 2 Pilatus: «Sǝn yǝⱨudiylarninj padixaⱨimusǝn?» dǝp uninjdin soridi. U jawab berip uninjƣa eytti: «Sǝn ɵzünj eytisǝn». 3 Bax kaⱨinlar uninj üstidin tola xikayǝt ⱪilixti. 4 Pilatus yǝnǝ uninjdin sorap eytti: «Ⱨeq jawab bǝrmǝmsǝn? Mana ular seninj üstünjdin xunqǝ tola xikayǝt ⱪilidu». 5 Əmma Əysa yǝnǝ ⱨeq jawab bǝrmidi xundaⱪki, Pilatus ǝjǝblǝndi.

Əysa Mǝsiⱨ wǝ Barabbas

6 U ɵzi ⱨeytta zindandikilǝrdin birini, ular ⱨǝrkimni tilisǝ, azad ⱪilip berǝtti. 7 Ⱪozƣilanjda ⱪatilliⱪ ⱪilƣan topilanjqilar bilǝn billǝ baƣlaⱪliⱪ Barabbas degǝn bir adǝm bar idi. 8 Hǝlⱪ ⱪopup, waliy ilgiri ⱨǝmixǝ ularƣa ⱪilƣinidǝk yǝnǝ xundaⱪ ⱪilixini uninjdin tiligili turdi. 9 Pilatus jawab berip ularƣa eytti: «Yǝⱨudiylarninj padixaⱨini silǝrgǝ azad ⱪiliximni halaysilǝrmu?» 10 Qünki u bax kaⱨinlar ⱨǝsǝttin uni tutup bǝrginini bilǝtti. 11 Əmma bax kaⱨinlar Barabbasninj azad ⱪilip, ularƣa berixini tiligili hǝlⱪni ⱪiziⱪturdi. 12 Pilatus yǝnǝ jawab berip ularƣa eytti: «Undaⱪ bolsa, yǝⱨudiylarninj padixaⱨi degininjlarƣa nemǝ ⱪiliximni halaysilǝr?» 13 Ular yǝnǝ ⱪiqⱪirixip eytixti: «Uni krestkǝ tartⱪin!» 14 Andin Pilatus ularƣa eytti: «Nemǝ yamanliⱪ ⱪiliptu?» Lekin ular tehimu ⱪattiⱪ: «Uni krestkǝ tartⱪin!» dǝp towlaxti. 15 Pilatus hǝlⱪni hux ⱪilƣili halap Barabbasni ularƣa azad ⱪilip bǝrdi, ǝmma Əysani ⱪamqilitip, krestkǝ tartⱪili tapxurdi.

INJIL MARKUS 34

Pilatusninj sipaⱨliri Əysa Mǝsiⱨni mǝshirǝ ⱪilidu

16 Sipaⱨlar uni elip berip, ordidiki idarǝ sǝⱨnisigǝ kirgüzüp, pütün sipaⱨlarninj topini yiƣdi. 17 wǝ ular uninjƣa bir ⱪizil libas kiydürüp, tikǝndin bir taj ɵrüp uninj bexiƣa ⱪoydi. 18 Ular uninjƣa salam ⱪilƣili ⱪopup: «Yaxisun, ǝy yǝⱨudiylarninj padixaⱨi!» dǝp, 19 uninj bexiƣa ⱪomux bilǝn urup, uninjƣa tükürüp, tiz püküp uninjƣa sǝjdǝ ⱪilixti. 20 Ular uni mǝshirǝ ⱪilƣandin keyin, ⱪizil libasni saldurup uninjƣa ɵz kiyimini kiydürüp, uni krestkǝ tartⱪili qiⱪardi.

Əysa Mǝsiⱨninj krestkǝ mihlinixi

21 Ular sǝⱨradin kelip ɵtüp barƣan bir kixini, yǝni Iskǝndǝr bilǝn Rufusninj atisi kirenǝlik Simonni uninj krestini kɵtürgili zorlidi. 22 Ular uni Golgota yǝrgǝ, yǝni «Bax sɵnjiki» jayiƣa elip bardi. 23 Ular uninjƣa murmǝkki bilǝn ilǝxtürülgǝn xarab tǝnjlidi, lekin u alƣili unimidi. 24 Ular uni krestkǝ tartip, libasininj üstigǝ ⱨǝrbirininj nemǝ elixiƣa qǝk taxlap, tǝⱪsim ⱪildi. 25 Ular uni krestkǝ tartⱪan waⱪit künninj üqinqi saiti idi. 26 Uninj üstidiki ǝrz: «Yǝⱨudiylarninj padixaⱨi» dǝp uninj üstidǝ pütülgǝnidi. 27 Ular uninj bilǝn ikki bulanjqini, birini onj yenida wǝ yǝnǝ birini sol yenida krestkǝ tartti. 28 Ɵtüp turƣanlar uninjƣa dǝxnǝm berip, baxlirini linjxitip eytixti: 29 «Ⱨǝ, ǝy bǝytni yiⱪitip üq kündǝ yasiƣuqi! 30 Ɵzünjni ⱪutⱪuzup kresttin qüxkin». 31 Xundaⱪ bax kaⱨinlar katiplar bilǝn ⱨǝm uni mǝshirǝ ⱪilixip eytixti: «Baxⱪilarni ⱪutⱪuzdi, ɵzini ⱪutⱪuzalmaydu. 32 Israilninj padixaⱨi Mǝsiⱨ ǝmdi kresttin qüxsun wǝ biz kɵrüp ixinǝyli» deyixti. Uninj bilǝn krestkǝ tartilƣanlar ⱨǝm uninjƣa ⱨaⱪarǝt ⱪildi.

Əysa Mǝsiⱨninj ɵlümi

33 Altinqi saǝttin baxlap toⱪⱪuzinqi saǝtkiqǝ ⱨǝmmǝ yǝr yüzidǝ ⱪaranjƣuluⱪ boldi. 34 Toⱪⱪuzinqi saǝttǝ Əysa ünlük awaz bilǝn ⱪiqⱪirip eytti: «Eli, eli, lǝma xǝwaⱪtani». Yǝni «Əy Hudayim, ǝy Hudayim, nemǝ üqün meni taxlidinj?» 35 Anda turƣanlarninj bǝzisi buni anjlap: «Mana Eliyasni ⱪiqⱪiridu» dǝp eytti. 36 Xunda biri yügürüp, bir bulutni sirkigǝ qilap bir ⱪomuxⱪa ⱪadap uninjƣa iqürüp eytti: «Uni ⱪoyunjlar! Kɵrǝyli! Eliyas uni qüxürgili kelǝrmikin?» 37 Əysa ünlük awaz bilǝn ⱪiqⱪirip roⱨni tapxurdi. 38 U waⱪit bǝytninj pǝrdisi tɵpisidin tegigiqǝ yirtilip, ikki parǝ boldi. 39 Əysaninj utturida turƣan ǝskǝr yüzbexi uninj roⱨni xundaⱪ tapxurƣinini kɵrgǝndǝ eytti: «Ⱨǝⱪiⱪǝtǝn bu adǝm bir Tǝnjrininj oƣli idi». 40 Yiraⱪtin ⱪarap turƣan hotunlar bar idi.

35 INJIL MARKUS

Ularninj arisida magdalalik Mǝryǝm wǝ kiqik Yaⱪubninj wǝ Yosininj anisi Mǝryǝm wǝ Salomǝ bar idi. 41 Əysa Galiliyǝdǝ ikǝnlikidǝ ular uninjƣa ǝgixip hizmǝt ⱪiliwatⱪanidi. Uninj bilǝn Yerusalemƣa qiⱪⱪan baxⱪa tola hotunlar ⱨǝm bar idi.

Əysa Mǝsiⱨ ⱪǝbrigǝ ⱪoyulidu

42 Tǝyyarliⱪ küni, yǝni xabat künidin ilgiriki küni idi wǝ ahxam bolƣanda 43 aliy kenjǝxtiki mɵtiwǝr bir mǝsliⱨǝtqi ɵzi ⱨǝm Hudaninj padixaⱨliⱪiƣa muntǝzir turƣan Aramatiyaliⱪ Yüsüp degǝn bir kixi kelip, jürǝt ⱪilip Pilatusninj aldiƣa kirip, Əysaninj bǝdinini tilidi. 44 Pilatus uninj xundaⱪ pat ɵlginigǝ ⱨǝyran bolup, ǝskǝr yüzbexini ⱪiqⱪirip: «Uninj ɵlginigǝ heli waⱪit boldimu?» dǝp uninjdin soridi. 45 Əskǝr yüzbexidin ⱪandaⱪ ikǝnlikini anjliƣanda bǝdǝnni Yüsüpkǝ bǝrdi. 46 U nǝpis kanap rǝht setiwelip, uni qüxürüp kanap rǝht bilǝn kepǝnlǝp, uni ⱪoram taxtin oyulƣan bir ⱪǝbrigǝ ⱪoyup, ⱪǝbrininj aƣziƣa bir taxni yumilitip ⱪoydi. 47 Magdalalik Mǝryǝm wǝ Yosininj anisi Mǝryǝm uninj nǝ yǝrdǝ ⱪoyulƣiniƣa ⱪarap turdi.

Əysa Mǝsiⱨninj tirilixi

16 1 Xabat küni ɵtkǝndin keyin magdalalik Mǝryǝm wǝ Yaⱪubninj anisi Mǝryǝm wǝ Salomǝ ǝtirlǝr setiwelip, uni yaƣliƣili kǝldi. 2 Ⱨǝptininj

awwalⱪi künidǝ tola sǝⱨǝr waⱪit kün qiⱪⱪinida ⱪǝbrigǝ berip, 3 ɵz arilirida: «Bizgǝ ⱪǝbrininj aƣzidin taxni kim yumilitip beridu?» dǝp eytixti. 4 Əmma ular ⱪarap baⱪsa, tax yumilitip etilƣan turidu. U bolsa tola yoƣan idi. 5 Ular ⱪǝbrigǝ kirip kɵrüp ⱪarisa, uzun aⱪ kiyim kiygǝn bir yigit onj tǝripidǝ olturidu. Ular dǝⱨxǝtkǝ qüxti. 6 Əmma u ularƣa eytti: «Ⱪorⱪmanjlar, krestkǝ tartilƣan nazarǝtlik Əysani izdǝysilǝr. U tirilip ⱪopuruldi. U munda ǝmǝs. Mana ular uni ⱪoyƣan yǝr xudur. 7 Lekin berip, uninj xagirtliriƣa wǝ Petrusⱪa eytinjlarki: ‹ U silǝrdin ilgiri Galiliyǝgǝ baridu. Ɵzi silǝrgǝ eytⱪandǝk uni anda kɵrisilǝr». 8 Ular qiⱪip, ⱪǝbridin ⱪeqip kǝtti. Qünki ⱪorⱪunq wǝ ⱨǝyrǝt ularni basⱪanidi wǝ tola ⱪorⱪⱪini üqün ⱨeqkimgǝ bir nemǝ demidi.

Əysa Mǝsiⱨninj xagirtliriƣa kɵrünüxi

9 Ⱨǝptininj awwalⱪi küni ǝtigǝndǝ Əysa tirilip ⱪopⱪandin keyin u ɵzi uninjdin yǝttǝ yaman roⱨ qiⱪarƣan magdalalik Mǝryǝmgǝ awwal kɵründi. 10 U berip, uninj bilǝn ilgiri bolup ǝmdi matǝm tutup yiƣliƣanlarƣa hǝwǝr

INJIL MARKUS 36

bǝrdi. 11 Əmma bular uninj tirik bolup, Mǝryǝmgǝ kɵrünginini anjliƣanda ixǝnmidi. 12 Andin keyin sǝⱨraƣa ketip barƣan ikkisigǝ baxⱪa bir sürǝttǝ kɵründi. 13 Ular berip ⱪalƣanlarƣa hǝwǝr bǝrdi, ǝmma ular bularƣa ⱨǝm ixǝnmidi.

Injilni pütün dunyada wǝz eytix toƣrisidiki buyruⱪ

14 Ahiri on birlǝrgǝ ular dastihanda olturƣinida kɵrünüp, ularninj imansizliⱪi wǝ kɵnjül ⱪattiⱪliⱪi üqün ularni ǝyiblidi, qünki ular uninj tirilip ⱪopⱪinini kɵrgǝnlǝrgǝ ixǝnmigǝnidi. 15 U ularƣa eytti: «Barqǝ dunyaƣa berip, ⱨǝmmǝ mǝhluⱪatⱪa Injilni wǝz eytinjlar. 16 Ixinip qɵmüldürüxni ⱪobul ⱪilƣan adǝm nijat tapidu, ǝmma kimki ixǝnmisǝ, ⱨɵküm ⱪilinidu. 17 Ixǝngǝnlǝrgǝ uxbu alamǝtlǝr ǝgixidu, yǝni: Ular meninj ismim bilǝn yaman roⱨlarni qiⱪiridu wǝ yenji tillar bilǝn sɵzlixidu. 18 Ular yilanlarni kɵtüridu wǝ ǝgǝr ɵltüridiƣan zǝⱨǝr iqsǝ, ularƣa ⱨeq zǝrǝr ⱪilmaydu. Ⱪollarni kesǝllǝrninj üstigǝ ⱪoyidu wǝ ular saⱪiyidu».

Əysa Mǝsiⱨninj asmanƣa kɵtürülüxi

19 Hudawǝndǝ ularƣa sɵz ⱪilƣandin keyin, asmanƣa kɵtürülüp Hudaninj onj yenida olturdi. 20 Lekin ular qiⱪip, ⱨǝr yǝrdǝ wǝz eytip yürdi wǝ Hudawǝndǝ ular bilǝn billǝ ixlǝp, ǝgǝxkǝn alamǝtlǝr bilǝn sɵzni tǝstiⱪlidi.