KHAMAS HO HNEN ATANGIN CHHANNA NGHAK MEK

MAIPAWLISRAEL NEWS

KHAWVEL NEWS

ZORAM NEWS

SPORT NEWS

MILAR NEWS

בס“ד

Bengvar i duh chuan Maipawl Pu thin rawhwww.maipawl.co.cc

MAIPAWL BENGVARNA

BNEI MENASHE CHANCHINPHEK MITIN LAWM, MITIN TAN A BUATSAIH LEH MITIN MIL A BUATSAIH MAIPAWL HI BENGVARNAN

LO CHHIAR LEH PHAWT TEH LEM!! SHABBAT SHALOM!!

Mail Us: maipawlbengvarna@gmail.com

Gilaad Shalit-a chhuah a nih theih nan Israel chuan theihtawp a chhuah a, in thlengpui tur a Mekhablim list a siam pawh siam tha leh in Mekhablim 70 a list belh leh hial a ni. Gillad-a hi Cairo lamah chhuah a nih phawt ang a, chumi hnulamah chauh Israel rawn lut tur a duan a ni a. A thleng pui tur zingah hian Mekhablim Rothap tak tak pawisak neilo an tam a, an thil sual tih tuar tu chhungte

chu an lungawi lo em em a. Inremna siam a hnaih tawh viau laiin Khamas in karah thu a la inhmu zan lova, an kut a nghah a nih ang ngeiin an in kar a palia German mi chuan Khamas ho hnenah thu tih tluk nan Darkar 48 a pe. Ha Rav Shlomo Aimar-a chuan Gillaad-a’n Khanukah mei min chhitpui theih tawh ngei a beisei thu a sawi. Maipawl chuan a lo chhuah kan nghakhleh tawh.

Azkarah**Karleh Yom Revii Dar:12:30 khian Pu Jonathan Touthang Azkarah thlan kalna neih tur a ni dawn a, thlan kal zawh ah Inlamah ei leh in buatsaih a ni bawk dawn a ni, kan kal theuh dawn nia. Tin, a hma zanah an chenna inah Shiur buatsaih a ni a, a thei theiin tawiawm turin mi zawng zawng min sawm. Tunkar Nitzan vallai oneg Shabbat Pu Meron-a te inah neih tur a ni dawn a, Pu Jonathan Touthanga Illui neshamah a tan a buatsaih a nih avangin mi zawng zawng min sawm a, kan kal theuh dawn nia. A hun chu Shabbat zan (Fri) Dar:7:30 a ni e, a tam thei ang ber kan kal dawn nia. ‘Thlarau lam a tui hal te chuan rawn chhim t’u!!!Lo haw**Thla khat lai In leh lo chhuahsan a Foreign lam a tuan an tul hnuah Pu Natan Sela leh Pu Israel David-a te chuan dam takin Israel ram an rawn thleng leh ta a, Nitzan mipui aiawh in Maipawl chuan Chibai kan buk.ShiurVallai pawl shiur nipangai a neih thin chu dan pangai a kal

pui zel a ni a, he Shiur ah hian mi zawng zawng kal thin turin Irgun Or Le Bnei Menashe chuan a sawm.

Irgun CommitteeIrgun Or Le Bnei Menashe te chuan zum leh hriam kar a Torah Eng an chhit tawk tawkna chuan kum khat a lo tling veleh ta reng mai!! Tun Motzei Shabbat hian Pi Kapzingi te inah Vallai pawl te chuan Committee neih pahin hruaitute ruat tharna neih tur a ni dawn a, a tam thei ang ber kan kal dawn nia!! Member ni tur hian eng Condition mah siam a ni lova, Menashe thisen kai tawh phawt leh Juda Sakhaw vuan dik a duh a piang te tan a Irgun a nih ang ngeiin mitin te tan he zan pawh hi chhim theih a ni ang.

Rabbi Gurion-a’n Nitzan tlawhIrgun Or Le Bnei Menashe te hmalakna in Tunkar Yom Shlishi khan Rabbi Gurion Sela chuan Nitzan tlawhna a nei a, Snif Ariel hlui Moadon Bnei Akivah-ah mipui engemawzat nen ti ti hona neih niin, hmasan dan tur sawi hona neih a ni a, kan sawmna te min zahder sak avangin a chungah kan lawm hle.

Sipai Hmeithai-Almanot Tzahal‘Sipai Hmeithai’ an tih mai, Hmeichhia an Pasalte’n Sipai an tanlai a hmelma te vang a an boral san Hmeithai 4000 ngawt te chuan Sipai atang a compensate an dawn thin chu dawng chhunzawm zel turin Keneset (Parlament) chuan thu a ti tlu chiang ta. Sipai Hmeithai te’n Pasal an neih leh chuan tanpuina an dawn thin tih tawp sak turin Parlament-ah

hian thu put luh a lo ni tawh a, mahse vawihnih, vawithum an ennawn leh hnuah tanpuina pek zel an lo rel thlu ta nge nge a ni. Roreltu Vaadat Harevakha Chairman chuan thupha chawiin, rilru mangang tak a an lo siam tawhna chu ngaidam turin ngaihdam a dil hial!!

Home AloneTiveriah khua a Kharedi nupa te chuan an fate pariat lai enkawltu nei lovin Inah an hnutchhiah. Heng naupangte

hi Kum hnih atanga kum sawmpali in kar anni a, an pa in Mirkaz Haaretz (Tel-Aviv leh a chheh vel hi Mirkaz Haaretz an ti) a hnathawk turin a chhuah san a, a hnu lawkah annu chuan naute nei turin Damdawiin a pan san ve leh ta sia, karhnih ngawt awmpuitu nei lovin anmahni in an lo inenkawl mai thin a nih tih hmuhchhuah a ni. Bengchheng an siam nasat avangin an thenawm te’n Police an ko va, chuta tang chuan thil awmdan hmuhchhuah a ni ta a ni.

KEIMAHNI TUALCHHUNG NEWS

ISRAEL NEWS

Revakha lam paw’n an endik tawh a, an pa chuan, “An in enkawl zawh tawk tur pawisa kan hnutchhiah a, buaina a awm ka hre lo” a ti hem mai. Dan lo ang a che annih chuan hrem theih a nih thu leh an chhui chian dawn thu Revakha lamin thu thlukna an siam.

A bilh a tho lo: Coca-Cola Tunkar khan Coca-Cola Israel chuan an Cola an siam sual a, Khomer an telh sual a, heng Khomer te hian an tuina leh an rim awm dan a hril avangin rimchhe tak leh tui lo takah a chhuah a, mahse thil pawi a thlen hma in quality controler lam te’n an hmuchhuak hman hlauh a ni. Heng Cola siam sualte hi Dawr lian tak takah thawn chhuah hman an ni a, mahse mipui la thleng hma lova ngaih a ni. Dawr lian neitu lam chuan Cola te hian an mi chhawrte hmang a heng Cola hi lak let leh a, mipui hriattir loh an tum niin an ngaihdan an sawi a, Cola Siamtute chuan thuchhuah siamin: He thil telh sualna hian Cola zawng zawng a huam lova, Cola tin leh a bur te chi ah chuan buaina a awm loh thu puang in, Cola bur lian chi Liter 1.5 a panngai leh a Diet a thih ni tur Ni: 18-19 March 2010 tih chuang chauh a huam a, heng Cola lei fuh te chuan a ranglam a Cola Industry hriattir turin mipui te an ngen- 1-800-587-587.

Vawkpui Hri-Nguk..nguk..nguk!!Beer Sheva a Soroka Damdawiinah tunkar khan nupakhat kum 57 mi, kal lam that lohna nei chuan Vawkhri in danna a lak hnu chawlhkar hnihah a boral. He nu hian natna dang neuh neuh a ngah a, Vawkhri in danna vang a boral a nih loh thu Soroka Damdawiin chuan thuchhuah an siam. Vawkhri hi

mihrisel pangaiah chuan hritlang naran nen a thawh dan a in ang reng mithiam te’n an tih ang in a in danna pawh hi chutiang deuh chu a ni a, mahse Indanna lak hian mihringah nghawng thalo a nei hran lo niin an sawi bawk. Thla thar atangin Raipuar kar sawmhnih chunglam leh naute piang hlim atanga kum thum chin Vawk hri danna a chiu runpui thlak tum a ni a,tin, In danna pawh Nuainga vel rawn thlen belh tur a beisei a ni bawk.

Thlawhna En thla teuhNaupang kum sawmpanga mi vel hian

an veng a Mitkanim atangin a chung a Police thawlhna thlawk chu naupang in fiamna Liser Pen in a chhun vel a, Pilot chuan a mit a vaih thu leh a thlawh zawm theih loh thu hotute a thawn nghal a, Police Bike chuang miin a chhui nghal char char a, a tawpah chuan naupangte in fiam lai chu a va hmu ta a ni. Naupang chuan thil hlauhawm a ni tih pawh a hriat loh thu leh a in chhir zia thu a sawi hnuah chhuah leh nghal a ni. Tin, Tunkar Yom Shlishi khan Natanya khua a Sironit Beach ah thawlhna a tla a, Pilot pathum leh Israel ram an fanpui British Sumdawng mi an phurh te chu

tui ah tla in an nunna an chan a ni. Pilot lamah engmah buaina awm

lovin khawl lam buaina vang zawk a thil thleng niin chhui mite chuan a sawi.

Lod khua a Doar Lod khaw Nu in RawkLod khaw hlun, Nu kum 55 mi chuan tunkar tir khan Lod khua a Doar Pistol lemin a rawk a, a mah chu man nghal a ni. An chhung khawsak a harsat lutuk a vangin a fate pali a chawm zawh

loh mai bakah In luahman leh zel a pe thei lo chuan thil sualah a hruai lut ta niin a sawi. He Nu hi tunhma lam chuan Damdawiinah te Nikayon tiin a thawk thin a, hna a hmuh tak lovah chuan Bituak Leumi atang a 2500 a dawn in an nung ve tawk tawk a ni a, a in luahna pa lah chuan In luah man a pek loh chuan hnawhchhuah ah a vau reng mai bawk nen a tih ngaihna hrelo chuan an khua a Doar a rawk ta ngawt a ni. He Nu hian Purim a an incheimakna hmangin a hmai a thup a, Pistol lem nen chuan Doar khar dawn hnaih mi awm tawh loh hnuah a lut a, Doar a thawk pakhat hnenah chuan, “Ka suam che u a, tumah che suh u” ti a vau pahin pawisa awm zawng zawng chu pe turin a ti zui a, pawisa fai Shekel: 11,500/- lain a tlanbo nghal a, mahse Doar vel a lo awm ve mipakhat chuan chu Nu chu a zui ru ta a, a hmaituamna te phelh a, a lukhumte a phelh veleh Police a phone nghal a, an man ta a ni. He Nu hian tunhma lamin thubuai engmah a la nei ngai lova, tun a athil tih pawh hi a in chhir zia leh a tih lai pawh a a hlauh nasat zia leh a khurh nasat zia a sawi a, zun hial a cheh thelh thu a sawi nghe nghe. Doar a rawk lai a lo nghak tu hmeichhe kum 21 mi chuan thu thar la khawm tute hmaah ti hian a thil tawn a hrilh a, “Khatia Silai a tin ka ni ta mai kha ka hlau em em a, ka thi ngei dawn a in ngaiin ka hul kal tawh te chu a rawn lang nghal zut zut a, pawisa chu khur dur durin ka phawrh a, ka dang a awk zo vek bawk a, mahse a ni pawh a thil tih lai khan a khur nasa em em tih ka hmu a, a aw pawh a khur vek a, mahse a hmai vel a tuam vek avangin ka tan chuan a hlauhawm tham em em a ni” tiin a khawngaih hial zawk thu a sawi. He Nu hi Ma’atzar Baith (House arrest) in an tan tir mek a, a chungchang hi la rel zel tur a ni. Khawvel hi chu a hahthlak teh zawng a ni e!!

Gilaad a thleng nanIsrael Sawrkar leh Hamas-ten an mitangte inthleng tura inbiakna an neih mek chu a fel dawn hnai tawh niin Thawhtanni khan official-ten an sawi. Hamas-ten an man, Gaza Strip-a tang

mek, Israel sipai Gilad Shalit thleng nan hian Hamas-te chuan Israel-in Palestinian mi a mante chhuah zalen an phut a ni. Inremna siam tur hian Hamas aiawhte chuan Egypt security official-te hmu turin Cairo an pan tawh a, he inbiakna hi Egypt leh Germany-ten an buaipui a ni. Hamas-ten mitang chhuah tura an phut zat hi a tirah chuan Israel lam chuan an hnawl a, mahse Thawhtanni khan Israel chuan Palestinian mitang, chhuah zalen tur phut zinga mi 160, chhuah a phalsak lohte pawh Shalit thleng nan hian chhuah a remti ta niin official-te chuan an sawi. Shalit hi kum 2006 khan Hamas mi leh sa, Gaza atanga Israel lama lutrute chuan an man a ni. Shalit zalenna tur hian Israel chuan Gaza pawhtu pawimawh a dan mekte pawh thlahdul an remti bawk nia

sawi a ni. Official zinga pakhat chuan Shalit chungchang hi reiloteah tihfel a ni dawn a ni, a ti. Israel leh Hamas-te hian Muslim kut Eid al-Adha tan hmain inremna hi an siam hman beisei a ni. Inremna atana an duan angin a thawh khatna atan Hamas-te hian Egypt kutah Shalit hi hlanin, Israel-in Palestinian mi tang 350-450 a chhuah zalen ang a, Egypt atanga Israel ramah Shalit hruai thlen a nih hunah Israel chuan mitang eng emaw zat a chhuah belh leh bawk ang. Palestinian mitangte chhuah zalenna tur hian kar eng emaw zat a awh a ngai dawn nia sawi a ni. Kumin October 2 khan Israel chuan Shalit a dam ngei a ni tih lanna video thlengna atan Palestinian hmeichhia an man 20-te chu a lo chhuah zalen tawh bawk a ni. Pawi thin teh e maw!!!

West Bank (Yahuda Ve Shomron)-a insak te chawlhsan rih dawn.

West Bank (Yahuda ve Shomron)-a Palestinian-te chennaa Israel sawrkarin chenna in a sak belh mek bansan lailawk a tum thu a puan vangin inremna a awm phah chuang lovang tih Palestinian thuneituten an sawi. Palestinian palai, Sayed Erekat chuan, Israel Prime Minister Benjamin Netanyahu-an Israel mite tana helai hmunachenna In sak belh tura hna kal mek chu, thla 10 chhung atana chawlhsan lailawk an tum thu puang mahse, East Jerusalem hetiang In an sak mekte chhunzawm a nih si

remna zawnga inbiakna-ah engmah kawngro a su dawn lo niin a sawi a. Hetih lai hian US Secretary of State Hillary Clinton chuan, Israel-in West Bank-a Israel mite chenna tur in sak, Israel sawrkarin ti tawp lailawk tur chu, Palestinian-te nena an inkara remna a awm theihna atan kawng pawimawh tak a nih thu a sawi a, Middle East ramten remna an neih theih na tura thawk mek, US palai George Mitchell pawhin Israel sawrkar thuchhuah chu a zawng a za a hlen nghal theih mai tur ni lo mahse, remna zawnna kawng atana thil tangkai tak anih tur thu a sawi bawk. Thil a tha turah ngai thiam ila ti ru!!

Bawnghnute siamtute tihlum*** Mihring tana hlauhawm, bawnghnute siam chhuah thubuaia thiam loh chang China mi pahnih chu Thawhlehni khan tihhlum an ni. China sawrkar ho-tuten an chungthu an rel anga tihhlum, Zhang Yujun leh Geng Jinping hi kumin January thla khan man an ni a, naupang 6 thihna leh naupang nuai 3 chuangin harsatna an tawhna chhan, an bawnghnute in tura Melamine pawlh tur aia tam pawlh thubuaia man mi 21 zinga tihhlum awm chhun an ni a, Zhang Yujun hi mihring nunna atan a hlauhawm tih hre reng chunga bawnghnute-a melamine pawlh luiah ngaih a ni a,Geng Jinping hi hetiang bawnghnute, mihring nunna atan a hlauhawm tih hre reng chunga a hralh chhuah avangin thiam loh chantir a ni bawk. Bawnghnute hralh chhuah tur tihdanglam avanga harsatna thleng hi nikum Sep-tember thla khan hriat chhuah a ni tawh a, he thil thleng avang hian China-a bawnghnute siam chhuaktu 22 chu midang tana harsatna an siamah zangnadaw-mna pe tura tih an ni tawh a, he thil avanga man mi 21 zinga a tam zawk chu kum 15 tang tura tih an ni.

Aids vanga thi tlem sawt *** Kum nga kal ta chhung khan AIDS natna avanga thi chu a hma aiin zaa 10 zetin an tlem tawh. World Health Organization leh Joint UN Pro-gramme on HIV/Aids (UNAids) chuan hei hi he natna vei leh a hrik paite zingah damdawia inenkawl an tam tak deuh vang niin an sawi a, tunah

hian khawvelah HIV hrik pai hi vbc.3 leh nuai 34 an awm tih an sawi. Kum 2007 khan he natna hrik pai hi vbc.3 leh nuai 30 an awm a, an pun chhan pakhat chu he natna vei, la dam an tam vang a ni a, report thar berah chuan a kai thar pawh an tlem sawt hle tih tarlan a ni. WHO Director General, Dr.Margaret Chan-i chuan, he thil lawmawm tak avanga inthlahdah mai lova, he natna bei tur hian a leta tan a ngai tih a sawi a, he natna hrik pai, mi tam zawkin damdawi an hman

theih nan tan lak zel a tul tih a sawi bawk. Kum 1996-a he natna damdawi an siam atang khan, mi nuai 29 vel nunna chu chhan a ni tawh a, a vai chuan he natna hrik pai hi vbc. 6 vel an awm tawh a, vbc.2 leh nuai 5 velin an thihpui tawh a ni.

New zealand eiru tlem ber*** Khawvela eiruk tlemna ber ramah New Zealand chu thlan a ni. Khawvela eiruk tlem berna ram thlan-na hi, Transparency International-in tehna hrang 13 hmanga ram 180 dinhmun a zir chian hnuah a tich-huak a, nikuma pakhatna, Denmark chu kuminah chuan pahnihna-ah tla thlain, Singapore, Sweden leh Switzerland ten an dawt a, eiruk tamna ber ramte chu sawrkar mumal nei lo leh, buaina hluarna hmunte an ni tlangpui a, Somalia chu khawvela eiruk hluar berna a ni a, Afghanistan, Myanmar, Sudan leh Iraq ten an dawt a ni. Transparency International hotu Huguette Labelle-i chuan, ram hrang hrang an tehna langsar zual chu, an ram rorel khawl hnathawh danah te, dan keng kawhtute chak leh chak lohah te, eiruk thubuai ngaihtuahtu an neih that leh that lohah te, mihring dikna chanvo an humhim danah te, mipuite tana sum hman tur ruahman kawngah te, mi harsate tana sawrkarin tanpuina sum a sen phal danah te leh chanchinbu mi-te tana zalenna an siamsak dan bakah khawtlang nun zalen danah te a ni tih a sawi.He thlan-naah hian Israel chu 32-na niin nikum ah chuan 31 na a ni a,nikum aiin a hniam hret a ni.

Zirtirtu thah tum man*** France rama Beauvais-a Roman Catholic school pakhat, Saint-Esprit school-a zirlai kum 13 mi chu an zirtirtute thah a, amah intihhlum nghal a tum laiin man a ni. He naupang hi chhungkaw pangngai tak atanga chhuak niin Police te chuan an sawi a, nimin khan an in chhuahsan a, a chhuah hnu hian an ramvah silai a awm tak loh avangin a nu leh pa ngaihtha lo chuan Po-lice-te an hrilh a, hemi hnu hian he naupang hi Coffee zawrhna dawra a thu lai man a ni ta a ni. He naupang hian a pindanah lehkha hnutchhiahin, khawvela a hun hman tawp ber ni tur a nih thu a ziak a, in atanga a

KHAWVEL NEWS

chhuah hian silai chu kau sa-in a dah a, an school, naupang sang 2 chuang awmna chu panin, police an awm avangin a pawna coffee dawrah a luh theih hun tur a nghak a, a thil tum ber hi an zirtirtute kah a, chumi hnua amah intihhlum nia hriat a ni a, hetiang thil tih a tumna chhan hi hriat a ni lo.

Thla-ah tui hmu *** Vansang chanchin zirtu, Nasa-in thla-a tui a awm leh awm loh finfiah tura hna a thawhna chu a hlawhtling niin USscientist-ten an sawi. Thlaa tui a awm leh awm loh zir chiangtu pawl, Lunar Crater Observation and Sensing Satellite (LCROSS) mission hotu, Anthony Colaprete chuan, tun hnaia an thil zir atangin, thla-ah tui bucket hnih vel lai an hmu chhuak tih a sawi a, thla hmasa-a thla-a rocket an tihpuah, an zir chianna atangin tui hi an hmuchhuak niin a sawi. Brown University-a thawk, thlaa tui a awm leh awm loh chungchang a zirchiang tura LCROSS mission-a tel ve, Peter Schultz chuan, an rocket tihpuah chu hmun khatah chauh a ni chungin, vawi khat an enchhinna hmuna tui a awm tih an hmuh chhuah nghal chuan, hmun dangah pawh a awm ngei tih a tilang niin a sawi.

India-ah Motor Accident vanga thi tam ***Mithiam ten an chhut dan chuan India ramah khian darkar tin road accident avanga thi 13 an awm a, chu chu khawvelah a sang ber a, nitin mi 250, kumtin mi 1,14,590 thi

anga chhut a ni. Heng mitthi zingah hian 85% hi mipa an ni a, 70% hi valai kan tih, kum 35 atanga kum 59 inkar niin, hetianga thalai nun suat tamtu a nih avang hian heng road accident-a thi te hlut zawng hi India ram gross domestic product-ah 1% tluk vek zet niin an sawi bawk a, World Bank in a chhutchhuah dan chuan kum khata road accident avanga thil ch^n hlut zawng hi dollar maktaduai 100 vel zet niin an chutchuak bawk a ni.India ram khawpui 35 an zirchian zingah Mumbai chu accident tamna ber a ni a, accident zawng zawng 17.6% a thleng a, Delhi-ah 14.3%, Chennai-ah 8.7, Pune-ah 6.6, Bangalore-ah 6.4%, Ahmedabad-ah 5.1, Hyderabad-ah 4.3, Nagpur-ah 3%, Surat-ah 3&, Jaipur-ah 2.9% a thleng a ni.Mithiam ten road accident tam chhan an chuichianna-ah chuan a chhan hrang hrang zingah lirthei khalh laia zu ruih chu a langsar ber a ni a, a dawt lehah rui chunga lirthei khalh endik leh rui chunga lirthei khalhte hremna nep lutuk vang niin an sawi.Hei bakah hian lirthei chetsual avanga kawng sira mi an thih tamna chhan chu In leh lo nei lova khawlaia riak mai mai an tam vang niin an sawi bawk a ni

Afghamistan President lawmlut ***Kar hmasa Nilaithawhtanni khan Afghanistan President tanglai, Hamid Karzai chu a term hnihna atan kum nga dang Afghanistan President ni turin rinawmna thu tiamtira lakluh a ni ta. Afghanistan President thlanna neih zawh takah khan tling zo an awm lo a, vote hmu sang pahnih, President tanglai Hamid Karzai leh a khingpui, Abdullah Abdullah-te chuan inthlan that an hmachhawn leh a ngai a ni. Mahse Abdullah Abdullah chuan inthlan neih hmasakah thil fel tawk lo a awm nia sawiin, inthlan buaipuite thlak vek tura a dilna hnawl a nih vangin inthlan thatah hian chuh a tum loh tih a sawi a, hei vang hian Afghan Election Commission chuan Karzai hi tlingah a puang ta a ni. Afghanistan khawpui, Kabul-a President thar lakluhna inkhawm, presidential palace-ah neihah hian ramdang palai 300 velin an telpui a,an zingah hian US Secretary of State, Hillary Clinton pawh a tel a ni.Clinton chuan Nilaini khan Afghanistan hi thlengin, Nilaini tlai khan Karzai nen hian an inkawm. Tun tum hi secretary of state a nih hnua Afghanistan a tlawh hmasakna ber a ni.

White House-ah chaw eiruUS President Barack Obama-an PM Manmohan Singh-a puala zanriah a buatsaiha-ah, sawm loh nupa tuak khat an lut ru. He mite nupa Tareq leh Michaele Salahi-te thlalak hi, Washington Post chanchinbu-ah tihchhuah a ni a, ram hruaitu pawimawhte inhmuhkhawmna-a sawm lohva an luh ve chungchangah hian, US Secret Service-te an dem thu an tarl;ang bawk a, hei hi chhangin Secret Service thupuangtu Ed Donovan chuan, Salahi-te nupa hi President nunna ti derthawng thei tur ralthuam engmah keng lo an nih vangin chaw tak khuka khukpui angai lo a ni a ti a, White House a lut tur reng reng chu an thil ken leh an thil neih engkim enfiah hmasak a nih loh chuan he hmunah hian an luhtir ngai lo tih sawiin, thil chu a nih tur ang a ni tawh a, tumahin harsatna an tawh phah lo nachungin, sawm loha Salahi-te nupa White house-a an luh ve ngawt dan erawh an chhui zui dawn tih a sawi.

Tuifinriat thuk takah pawh.....Tunhnai hian Scientist te chuan Tuifinriat mawng thuk tak, Ni zung pawn a thlen phak lohna hial a thukah thil nung chi 5600 lai an hmuhchhuah belh a, Million dang an la hmuchhuah loh pawh la awm in Scientist te chuan an ring. Khawvel a Scientist thiam rual 80 ten heng an thil hmuchhuah thar hi an zirchiang mek a, hun reilo te hnu a puanzar theih an beisei.

Zoram-ah Meizuk khu tlemna ber thlangAizawl khawpuia puipunna hmun - office, thingpui dawr leh damdawi in zinga meizuk khu tlemna ber hmuna ngaih Industries Directorate chuan Zamzo Award a dawng. Mizoram Tobacco Control Society-in puipunna hmun hrang hrang an zirchiannaah hian Meizuk lohna hmun aiin Meizuk na hmun chu a let 3 in a boruak a thianghlim lo zawk tih an hmuchhuak. Puipunna hmun hrang hrang 22 an zirchianna-ah Directorate of Industries chu a boruak thianghlim berin ‘Zamzo Award’ hlan an ni. Mizoram State Tobacco Society leh Indian Society on Tobacco and Health Mizoram Chapter te buatsaih, mei zuk tlemna hmun thlan chhuahna hi tunlai thiamna changkang tak Air Quality Monitoring hmanga teh a ni a. He hmanrua hi USA atanga Tobacco Control Society te ta an hawh a ni. He tehna hmang hian mei zuk khu tamna ber pawh Dirty Ashtray Award pek tura tih a ni a, a dawngtu erawh chu thup rih a ni.

Inhlawfakna Rate siamthaMizoram sawrkar chuan Zorama inhlawhfakna rate chu siamtha in ni 3.11.09(Thawhlehni) atang khan he Minimum Wages thar hi Mizoram puma hman turin thupek a chhuah nghal a ni. He Inhlawhna dan thar rate (rate of Minimum Wage) chu Unskilled Labour ( Inhlawhfa pangai) = Rs.132 per Day; Semi Skilled Labour = Rs.148 per day; Skilled-II Labour = Rs.184 Day leh Skilled-I Labour = Rs.235 per Day a ni. Minimum Wages Act-in a sawi angin Rate of Minimum Wages thar hman tur thuchhuah (Notification) hnu hi chuan mi tu pawhin mipuitling pakhat zel nikhatah Rs.132/- aia tlema chhawr thian a ni tawh lo tih mipuite an hriattir ani. Zoram-ah AIDS hluar*** October thla chhung ringawt khan HIV possitive 102 in an punbelh

tih Mizoram State AIDS Control Society (MSACS) chuan an sawi a. Hetih lai hian Aizawla NGO pakhat, New Life Home Society chuan KS (Female Sex Worker) te zingah No. 4 (heroin) ngai an pung nasa hle tih an sawi bakah, zana KS inzuar thinte hnena a thlawna an sem ‘condom’ chu police ten an paihsak thin niin an sawi bawk.October 2009 khan Mizoramah thisen endik mi 2,711 an awm a, thlakhat (October) chhunga HIV possitive hmuhchhuah belh hi 3.76% a tling hial a ni. September thla khan mi 100 hmuh-chhuah an ni a, October thla hian 102 hmuhchhuah belh leh a ni ta a ni.

Thil man to chak***Kumin kumtir leh tun dinhmuna Aizawl Bazar-a mipui nitin mamawh man inthlauh dan/thil man pun chhoh dan Zoram Research Foundation-in a tarlan dan -Item Kumtir TunahChini Kg. 1 Rs.32 Rs.40.00Tel litre 1 Rs.40 Rs.60.00Dal Kg. 1 Rs.65 Rs.80.00Alu Kg.1 Rs.20 Rs.35.00Purun Kg.1 Rs.20 Rs.40.00*Chi man a pung tehchiam lo a, 2008 aiin Kg. 1 Rs.10 velin a pung tawh bawk.*Hei hi tunhnaia Aizawl Bazar hmun thenkhata sumdawngte thil zawrhna rate, ZRF ten an lakkhawm atanga khaikhawmna tlangpui a ni. Nupuite nau kap*** Kar hmasa Zirtawpni tlai dar 4:30 vel khan Ronghilhlova (45) s/o Vankunga, Republic Veng chuan a nupui nau Laltanpuii (34) w/o Lalhuthanga, Seventh Day tlang chu a nak, a hnute veilam bulah tualchher pistol hmangin a kap a, Vaivakawn Police ten Ronghilhlova hi manin thubuai an siamsak a ni.Laltanpuii hi Aizawl Civil Hospital lam panpui nghal a ni a, ngaihtuahawm a ni lem lo. Police atanga thudawn dan chuan

sumdawnna lam thil avanga he inkahna hi thleng niin hriat a ni a. Laltanpuii banah hian silai mu a tang a ni. Pistol hi .22 pistol mu hman theihna tura Air Pistol siam danglam a ni.

Mizoram talent show 2009Nizan (Nilaithawhtan) atang khan Zonet- Zamzo buatsaih Mizoram talent show chu tan a ni ta. He intihsiakah hian tel tum mi 54 an awm Sundayzan tih loh zantin mi 10 zel an intihsiak dawn a, minute 5 chhung hun pein heta titha tang hian mi 20 thlanchhuah an ni ang a, he intihsiak hi Dec.14 zanah final neih a ni ang.Endiktu pali an awm dawn a, chungte- PL Liandinga, Mafa-a Hauhnar, Bonny Lalrindika leh Laldinthara Ralte te an ni a, top 20 atangin mipui tan sms vote theihna hun siam a ni ang a, hei hian 30% mark a pu dawn a, Judge ten 70% thutlukna an siam dawn bawk a ni.Aizawl pawn a\anga telte chu an kal lam leh haw mante tumsak vek an ni dawn a, pakhatin Rs.40000/-, pahnihna Rs.20000/- leh pathumnain Rs.10000/- an dawng ang.He talent show hian a huamzau hle a, thiam thil hrang hrang entirna a ni tawp mai a, mipui lawm hlawh berin Rs.40000 a dawng dawn tihna a ni.

Sikulpuikawn Overbrigde thiat dawnSikulpuikawna kawngpui chunga lei dawh, Fly-over Bridge chu mipui tan a him tawk loh avangin thiat turin Aizawl Development Authority (ADA)-in Urban Development & Poverty Allevation Deptt. a hriattir. Aizawl Development Authority atanga thu dawn danin Sikulpuikawna Fly-over Bridge hi a sak a that loh avang leh mipui tan a him loh avangin Aizawl Bawrhsap-in thiah ni se a ti a, he hna hi nikum May ni 22 khan ADA a hlan a, ADA hian Flyover Bridge hi ngun taka an zir chian hnu-in mipui tan a him lo tih a hria a, hei vang hian a enkawltu, UD&PA chu thiat turin a hriattir ta a ni.

ZORAM NEWS

L.N Tluanga kan chan ta***Tunkar Thawhtan zing dar 2:45 khan MLA hlui leh CYMA President lo ni tawh LN TLuanga chu kum 81 mi niin lung na avangin a boral a, a chenna Aizawla Electric Veng thlanmualah bialtu pastor Rev C. Chawnghmingliana’n a vuiliam. Vuinaah hian Politician, NGO hruaitu leh mi pawimawh an thahnem hle. Tunge L.N.Tluanga chu?Pu Lalnuntluanga (LN Tluanga) hi Pu saithuama leh Pi Kapthiangi te fa niin August ni 28 kum 1928 khan Samlukhai khua ah a piang a, pinapui unau 6 a nei a ni. Rethei leh harsa tak chunga inzirchhuak niin lehkha a thiam thei hle a, pawlthum leh pawl 6 Scholarship exam ah Mizoram pum ah pakhat na ve ve a ni a, Coton college Guwahati atangin BA a zova, BA zawh hnu kum 1957 khan Dawrpui Middle School ah Haedmaster hna a thawk a, he hi kum 15 lai a thawh hnu ah sumdawnna lam ah zuanglutin Class II contractor ah a inziaklut a, a hnu kum 8 hnu ah class I contractor ah a inhlangkai a, kum 1960 ah Pi Zaithanchhungi nen inneiin fapa pali leh fnu 2 an nei a ni. an fate hi an graduate vek a ni. Kum 1970 khan an nupain Shillong-ah BT tha takin an zo a, Mizo nupa zinga post garduate degree nei hmasa ber an ni nghe nghe. Vantlang rawngbawlna lamah pawh inhmang nasa hle a, Independence Day leh Republic Day a sikul naupang March Pass a kal hi a rawt chhuah a ni a, kum 1975 khan a hovin YMA chhang din a ni a, YMA thuthlung hi a duan chhuah a ni nghe nghe bawk. CYMA President, Vice President leh Asst. Secretary a ni tawh a, MZP Hqrs President, Mizoram Boxing Association leh Wrestling Association dintu a ni a, Electric veng YMA branch President hmasa ber a ni bawk. Kum 1984 khan MPC party a zawm a,

kum 1998 khan Tlungvel bial atangin MLA atan thlan tlin a ni a, hemi tum hian Govt. Deputy Chief Whip-ah a tang a ni. Kum 1998 atangin thisen sang leh lung natna a nei tan a, phai lamah pawh vawi tam tak an kal tawh a. Kum 2008 khan stroke natna nei lehin kal harsa a ti tan a, kumin hian a natna chu lang nawn lehin November ni 16, 2009 (thawhtanni) khan Civil Hospital- ICU-ah dahluh a ni a, tunkar Thawhtanni zing khan a chatuan ramtur a pan ta a ni. Pu Tluanga hi an nu Pi Zaithanchhungi nen hian kan hnam Bnei Menashe tana mi tangkai tak an niin Pi zaii phei chu menashe thlah kan nih zia zir chianga Research hial lo bei tawhtu ani a ni a.Israel pem chungchang ah pawh min phurpui em em tute an ni a,Israel chanchin ziahna lehkha bu pawh a lo ziak ve nual tawh a ni.Mizo-Israel te tan chuan channa nasa tak a va ni em!! (Maipawl lam chuan kan ui hle)

Maipawl Editor te Nupa nen

AMA-a Adam lambert chet danin sawisel hlawhLos Angeles-a American Music Awards 2009-a ngam zet maia Stage luahtu Adam Lambert chuan sawisel a hlawh nasa luih luih khawp mai. ‘For Your Entertainment’-ah stage-a a dancer pakhat chu a fawp vel a, “American Idol” runner-up Adam Lambert-a chet dan uchuak tak mai hi TV lama pechhuaktu ABC television chuan mipuite sawiselna 1500 chuang an dawn thu an puang.He award semna hi mi maktaduai chuang zetin an thlir a, Lambert hian awrawl sexy zet mai phuhchhuakin mipa lehnghal keyboardist pakhat chu a fawp bawk. A kharna hun live music awards showa-ah hian a kut zunglai tipirin he thil ngeiawm tak hi a ti a, mahse a insawithiam ve rap. Kum 27-a upa hian, “ Mipui ka deusawhna leh uchuak taka thiltia ka inngai lo. Mitin hian zalenna kan nei vek a, chu zalenna kan neih zia chu a taka phochhuahna mai a ni” a ti hlauh. A chetdan phung zawng zawng hi tihlan a ni lova , ABC chuan an cut \hen hial. He show ropuiah hian milar tak tak an lo tal hiar tawh \hin hle a, 2003-a MTV Video Music Awards show-ah khan Madonna leh Britney Spears te chu stage-ah an infawp tawh a, hemi hnuah hetiang lam thil mipui hmaa tihlan leh hmasak ber niin an ngai. American Music Awards producers, Dick Clark chuan, “ Khatiang thil a ti ang tih rin ngaihna kan hre bik lo. Enchhinna ( rehearsal)-ah engtin mah a che bawk si lova...” a ti. “American Music Awards” kha khawvel pumah live-a thlirtu mi maktaduai 14.2 vel an tling tura chhut a ni a, 2002 hnua ABC tihchhuaha thlirtu tam ber \um a ni. Lambert hian kumin May thlaa “American Idol” intihsiak zawh khan mipui hmaah Gay (Mipa leh mipa inkawp) a nih thu a puang zar tawh a, hei hian mi tam tak chu a barakhaih hle. US Federal Communications Commission (FCC) chuan hetiang thil mipui hmaa tihlan a ni fo mai hi \ha lo an tih thu leh TV lama pechhuakte fimkhur turin a lo ti tawh a, 2004 Super

MILAR NEWS

Bowl half-time show-ah khan Janet Jackson chuan a hnute funna (Bra) phelhin hnute lang kiauin mipui hmaa a lo zai tawh. Kha thil vang khan FCC chuan a pechhuaktu CBS chu dollar 550,000 an chawitir nghe nghe a, tuna ABC tihchhuaha Adam Lambert chetvel dan avang pawh hian ABC television chuan pawisa an chawi leh ngei an ring bawk.

Mahni fanu hnungzui tur a duh Country singer Keith Urban chuan a fanu thla 16 chauha upa Sunday Rose chu a hniakhnung zui tura a hual thu a sawi.Kum 42-a upa Keith Urban leh a nupui Nicole Kidman te hian an fanu hi an hlimpui \hin hle a, a pa Keith chuan zaithiam ni tura a duh thu sawiin a nupui Hollywood star Nicole Kidman hniakhnung zui tur chuan a duhsak lo zawk a ni.Keith hi tunlaiin a che \ha hle a, kar kaltaa American Music Awards-ah khan Favourite Male Country Artist chawimawina a dawng nghe nghe.

Sum hman huai L. Lewis leh M. Carey Singer Leona Lewis chuan California-ah nawmchenna tur in pound maktaduai 1.8 zetin a lei. Tuscan-style villa an ti a, bedroom 4 awmna, inbualna room 4 lehj room chi hrang hrang, khualchhawnna leh room tesep nen a tam hle. Kum 24-a upa hian a in thar chu chenna tak tak atana a lei a nih loh thu a sawi a, a chhas Lou Al-Chamaa

nen hun awl an hmanna tur leh boruak tha hipna hmun atana a duan a nih thu a sawi. Mariah Carey pawh hi sum hman chu samlam ve tak a ni a, tun ni 4 chhung mai khan London-a a zin veivahnaah US dollar maktaduai 4 zet a hang ral!Kum 40-a upa hian first-class flights hmangin ‘The Dorchester’’-a pound 200,000 zet man bed room leh hotel-a chhawng sang

ber, luah hawh man to ber a thlang a, car manto Rolls-Royce leh Bentley leh a hire-na man ringawt pawh pound 12000 zet a tling.

Paris Hilton che na LA police te chuan Paris Hilton warning an pe a, a thenawmten bengchheng an tih thin lutuk vangin an hek.Paris hi a chhas Doug Reinhardt nen an che hot thei hle a ni ang a thenawmtem chuan LAPD kovin LA City Attorney leh LA City Council te chuan Paris-i te party bengchheng thin lutuk chu an kham hluah hluah thu a sawi a. A kiang lawka awm pakhat chuan Paris chu Phungpuinu, ramhuai ti hiala sawiin a chhuah chhe khawp mai.

Pitt-te nupa mi tanpui nan sumseng hnem Brad Pitt leh Angelina Jolie te

nupa chuan nikum chhung khan charity thilah dollar maktaduai 6.8 vel zet sum an seng ral niin an chhut.Jolie-Pitt Foundation chuan nikum chhung khan nasa leh zuala hma lain mi harsa leh rethei zawkte tan sum a seng hnem hle a, he founadation

atana Brangelina sum thehchhuah chu maktaduai 6 chuang zet a ni. An pahniha an channa ‘Mr. and Mrs. Smith’ a\ang khan maktaduai 13 vel hlawhin he sum zahve hi charity-ah an dahlut niin tarlan a ni. Heng sumte hi Global Health-ah maktaduai 2 zet an pe a, Human Rights Watch-ah maktaduai 1, Brad’s Make it Right Foundation-ah maktaduai 1, tin, New Orleans-a Hurricane Katrina tuarte tanpui nan engemawzah an pe bawk. U.S. Army-a Armed Services YMCA-ah pound 500,000 pein Springfield, Missouri Public Schools (Pitt’s hometown) tan pound 50,000, a falak Maddox ram Cambodia tanpui nan maktaduai tel an seng bawk. Maddox hi tunah kum 8-a upa a ni tawh.

SPORTS NEWSWorld Athlete of the Year atan Bolt

** Sunday-a M o n a c o k h a w p u i a World Athlete of the Year award semah

Jamaican sprinter tlanchak Usain Bolt chuan male Athlete of the Year chawimawina a dawng a, Jamaican tho American khua leh tui nihna

nei 400 metre runner Sanya Rich-ards chuan female Athlete of the Year chawimawina a dawng bawk.Male leh female athlete of the year award dawng tu tur hi khawvel hmun hrang hranga athlete, official leh journalist 1,800 chuangin an thlanchhuah a ni a, track and field infiammite chuan he chawimawina hi an ngaihhlut ber pawl a ni.

Sharapova sum lalut hnem ***A inhliam a, a chawl reng a, sum erawh a lalut reng tho. Tennis player

Maria Sharapova chu Russian infi-ammi zinga sum lalut hnem ber a ni.Sharapova hian kum khatah dollar maktaduai 24 vel lalut anga

chhût a ni a, he nula hian sponsor-ship lam atangin sum a hailut a, tennis khelmualah chuan tun hnai takah sum a lalut tam lo.Kum 22 mi Sharapova hi tunah hian Nike nen inthlunzawmin dollar maktad-

uai sarih a lalut kum tin a, Canon atang ringawtin dollar maktaduai ruk vel lalut ziah anga chhut a ni a, Motorola pawhin Maria sum lak-luh dollar maktaduai nga vel chu an tum ve ziah bawk. Amah hi; A chenna......Bradenton, FL, USAA pian ni.......April 19, 1987A pianna.......Nyagan, RussiaA san lam.....6> 2» (1.88m)A rih lam......130 lbs. (59 kg) a ni.

Henry handball thu kal zel *** France National Team striker Thierry Henry chuan kar-hmasaa Republic of Ireland National Team nen <FIFA World Cup 2010> Play-off Return Leg match an khelh tuma France an chak phah theih-na tura a pawimawh hunlai taka a handball luih (?) vanga khawv-el dem-rawn a hlawh laia an ram football association FFF (French Football Federation)-in a thlavang an hauh tawk lova a hriat avangin France National Team tana inkhelh tawhloh mai a rilruk tih a sawich-huak. France team captain Henry hian a handball hi a zêp lo a, zêp theih a ni lo bawk a, referee a nih miau loh avangin referee-in a ham loh chuan a khel tlang zel ta tih a sawi tawh. Hei hian referee-te chet danah zawhna tam tak a siam thar a, he handball chungchangin foot-ball khawvela inhnialna a chawh chhuah len em avangin Henry hian hrehawm a ti hle. Henry chuan, «Zirtawpnia khatiang taka boruak a rawn san kha chuan a hrehawm ka ti a, chawlhte ka rilruah a rawn lut hman hial a ni. Hei hi chawlh ka tum vawi khatna a ni lo a, 2006 World Cup zawhah pawh khan in-ternational football-a chawlh mai hi ka lo rilruk tawh a, Euro 2008 zawhah pawh chawlh ka tum leh deuh a, nimahsela kan ramin min la mamawh nia ka hriat avangin ka chawl ta lo a ni,» a ti. France team captain chuan, «Tun hnaia thil thleng hi a hrehawm ka ti ve tho a, heti taka an buaipui zui hian keimah pawh min tibuai zui hle a; amaherawhchu ngun takin thil ka ngaihtuah a, kan ramin min la mamawh avangin international

football hi ka khel zui zel ang,» a ti. Henry hian a kutin ball a khawih lui a, chumi hnuah goal an thun a, amah ngeiin hlim takin chu goal chu a lawm zui - hei tak hi Irish mipui tithinurtu pakhat a ni a, handball-tu ngei mai khati taka a <lawm> leh site kha an dem hle a, Henry chu <bum hmang> ang hialin an chhuah.Henry chuan, «Khati taka ka lo lawm vak mai kha chu ka tih loh tawp tur niin ka ngai a; ama-herawhchu kan hun tawn harsa tak ngaihtuah chuan goal kan thun kha chuan lawm loh kha a har tawh a ni,» a ti.Barcelona striker chuan, «Inkhelh zawh ni leh a tuk leh kha chu a hre-hawm ka ti a, ka mal ngawih ngaw-ihin ka inhria. Keimahin thuchhuah ka siam hnuah khan kan ram foot-ball hruaitute khan min rawn be pawp ve leh chauh a ni,» a ti.

Wenger an hmelma te lawm-pui

A r s e n a l m a n a g e r A r s e n e W e n g e r chuan Lon-don hmar venga an

club hmelma Tottenham-in hnehna ropui tak an chan chu a lawmpui.Spurs hian Pathianni zan khan White Hart Lane-ah an mikhual Latics (Wigan) chu 9-1 zetin an sawp a, record an siam. Inrinni zanah Arse-nal erawh Sunderland chuan sikhat faiin an hneh thung a, an chak loh laia hnehna ropui taka chang Spurs a lawmpui thu sawiin Wenger chuan, « Result duhawm leh ropui tak a ni» a ti. Wigan chungchang sawiin, « Kumin hi an che \ha lo hle a, an dinhmun pangngai an phak lo hlein ka hria. Manager leh team tan hun khirh tak a ni a, hetiang

hi chu eng team pawhin an tawng thei a ni» a ti.

Chelsea in Ribbery lei tum C h e l s e a chuan Bayern M u n i c h w i n g e r F r a n c k Ribery lakluh

an tum thar leh mek. Real Madrid lei hual Ribery hi British transfer record pound maktaduai 45 vela lei theih an inbeisei a, Real Madrid hnar hnuai a\angin nakum January thla hian hijack an tum niin British media te chuan an tarlang hlawm. Hetihlai hian Real Madrid pawhin an veh reng bawk a, an beisei dan chuan nakkum nipuiah lakluh theih an inring. Mahse Chelsea hian an ngam huai zawk niin a lang a, kar khata £172,000 hlawh tir an tum a, A kum khat hlawh atana Chelsea ngamna zat chu Real Madrid ngamna zat aiin pound maktaduai 1 zetin a tam zawk niin an tarlang bawk. Hetihlai hian Blues chuan Argentine striker Sergio Aguero chu Atletico Madrid aanga pound maktaduai 37.5 zeta lakluh an tum reng bawk.Chelsea hi players lei thei lo tura Fifa-in a hrem mek an ni a, mahse hei hi court sang zawkah Chelsea chuan an khinglet thung. Bayern general manager Uli Holness Riberry manah pound maktaduai 65 vel tal dawn an tum thu a sawi a, Chelsea hian an defender Jose Bosingwa pe tela hetiang sum an sikchhuak lo a nih chuan hralh an tum loh thu a sawi thung.

Truma ,Truma,TrumaKan chanchinphek Maipawl thluang tak leh chawl lova a kal zel theih nan a print-na man atan I neih sum tlem han thawh ve teh le.I zarah midang ten finna an char phah thei asin.Midang te tan malsawmna han ni teh le,tiin zah pawh sawi lovin truma kan han khawn e.Tam a ngai lo.Pe duh tan hetah;Sderot-Elad Chhuaka PS–0545685153Nitzan- David Bar Sela

Dangdai; Khawvela rit berin hnathawh tum fan

***Khawvel mihring ritber Manuel Uribe-a chu amahin a la kal thei lo cheu va, mahse a rei hmain special van motor nen khawlai fan theih a tum ve tawh thu tlangzarh a ni. Uribe-a hi 1,230 pounds a rit a ni a, 2006 khan Guiness World Record chuan khawvela mihring rit ber tiin a puang a. Uribe-a hian Mexico-a, a khum atang khawiahmah tawlh chhuak lovin kum ruk chhung a khawsa ta a. Mak angreng tak chu mahni pawha pen sawn hleitheilo chung hian Uribe-a hian nikum October thla khan nupui hmel tha tak, Claudia Solis a nei hlauh mai a. A nupui sawidan chan kumin May thla hma ngeiin kan nupain tuifinriat kamte pawh kal kan tum a, kan motor thar chhungah kan pa mutna khum kan hung ang a, kan fawr dawn a ni zu ti miau a. Chu mai a ni lo, Uribe-a hian a motor thar nen chhuan Auto Part Business hial pawh siam a la tum zui niin chanchinbu mite chuan an tarlang a ni. (Kan va in ang love a!!!-Jt.editor)

Khawvel ui to ber***China nu pakhat hausa em em Mrs. Wang-i chu Tibet ram Qinghai province-ah a zuk zin a, chumi hmunah chuan Tibet ui fing bera an sawi White Root-a (Ui pa a nih avangin White Root-a tia tarlan mai a ni) an tih chu a va hmu fuh hlauh mai a, Mrs. Wang-i chuan $ 582,135-in a lei ta a, Kumin kum tantirh lam khan Florida chhungkhua khat chuan Lancelot Encore tih ui fing tak mai chu $ 155,000 in an lei a, mahse tun tuma Mrs. Wang-in $ 582,135 meuh senga White Root-a lei tak avangin “The world’s most expensive dog,” tiin Times chuan World Record-ah a dahlut nghal a ni. He ui hi kumkhat leh a chanve chauh a la ni a, Mrs. Wang-i chuan he ui chi ang hi a dang hmuh belh a beisei thu a sawi bawk a ni. Qinghai

atanga a rawn haw lam chuan White Root-a hming chu Yangtze River Number Two-tiin a rawn thlak nghal bawk a. Mrs. Wang-i leh a fapa thar Yangtze Number Two-a te chu animals fan-te leh local pet lovers-ten luxury car 30 nen “Welcome, Yangtze Number Two,” tih lehkha ziahte nen Xi’an international airport-ah an lo hmuak a ni.

Pasal tan hna zawngCalifornia nu pakhat, Robin Stearns,28, chuan a pasal hna hmuh theih nan Internet khawvel hmangin theihtawp tak meuh a chhuah a, kar kalta khan a pasal puala website hial siamin, “Ka pasal hi hlawhfaah chhawr ve rawh u”, tiin net hmangin a au chhuak lawm lawm mai a ni. A website siam chu http://www.myhusbandneedsajob.com/ tiin a hming pawh a vuah hmiah mai. Robin-i pasal Michael Stearns,30, hian nikum May thla khan George Town University a tang Master in Bussiness Administration a zir zo va, thla sawm chhung thlawt hmun tinah hna a zawng a, hna zawnga beihpui a thlak chung pawhin eng boruak thar mah a la dawng thei meuh lo a ni.

Zu in mi tan Exer lak awmzia lo(?)Zu in nasa te tan insawizawi vakin awmzia a nei chuanglo niin British Health Department chuan a sawi. Health Department-a mithiamte thil zir chianna-ah, zu in mi 5-a pakhat chuan, zu an in nasat vanga an hriselna a chhiat loh nan an insawizawi thin tih an sawi a, mahse heng mite hriselna zirchian a nih hnu-ah, mithiamte chuan, heng mite hian insawizawi-in theihtawp chhuahin, an hriselna a chhiat loh nan bei mahse, zu in avanga an pentawng bak a ti ziaawm lo a, an hriselna tichhe turin, zu chuan a thawh pangngai tur angin a thawk tho niin an sawi. Royal College of Physicians a President leh, Alcohol Health Alliance Chairman Professor Ian Gilmore chuan, zu in miten zu hnathawh that loh zia hriaa, an insawizawi an ching chu thil lawmawm tak ni mahse, an zu an nghei chuan loh chuan, an taksa chhungril-ah zu in harsatna a siam theihte chu a ngai reng a ni a ti.

Hriatzauna;

Sap/Gregorian Calendar Sap Calendar-a thla hming te hi Latin tawng atanga lo piang an ni a.An hming put chhan leh put dan chu

hetiang hi a ni:

January : January tih hi Januarius tih atanga lo-piang a ni a, Rom ho pathian janus-a hming chawia rawn piang chhuak a ni. Chuvangin he thla hi janus pathian, hmai pahnih nei tan an lo serh hrang thin. Janus hmai pakhat hi hnunglam a hawi a, a hmai pakhat erawh hmalam a hawi thung. Febuary : Februarius tih atanga rawn piang chhuak a ni a. Februarius chu Rom ho intithianghlimna hun-bi a ni a, hemi thla hian intihthianghlimna kut an hmang thin. March : Rom ho indona pathian Martius hming chawia March thla tih hming hi rawn piang a ni. April : Apri-lis tih hi Latin tawng chuan inhawng tihna a ni a, hemi thla hian an thlaichinte a rawn to chhuah thin avangin, “Aprilis-Inhawng”, thla tia an lo hman na chhan a ni. May : Rom hoin hlawhtlinna leh thanlenna pathian tia an biak Maius tih hming atanga rawnpiang a ni awm e. June : Rom ho pathian nu Juno hming chawia rawn piang chhuak a ni a, chhungkuaa naupang ber tihna a ni. July : Julius Caesar a hming a tanga rawn piang chhuak a ni a. 44BC khan Mark Antony-a chuan Ju-lius Caesar-a hriatreng nan a lo phuah a. Chumi hma chuan hemi thla hi “Quintilis” tiin an lo ko thin a, chumi awmzia chu pangana tihna a ni. Rom calend-erah chuan hemi thla hi thla ngana a ni.August : Emperor Augustus-a hmin chawiin 8BC khan he hming hi an lo hmang tan a ni. September : Septem, pasarih tih atanga rawn piang chhuak a ni a, Rom calendarah chuan thlasarihna a nih vang a ni. October : Octo, pariat tih atanga lak chhawn a ni a, Rom calendara thla riatna a ni. November : Novem, pakua tih atang an lakchhawn a ni a, Rom calendar a thlakuana a ni. December : Dcem, sawmna tih atanga lo piang niin Rom calend-era thla sawmna a ni.

Thlai Hlauhawmte; *Alu hi mihring tan chaw tha a ni a, ahnah leh kunga erawh solanine tia an koh “tur ( poison )” chi khat a awm. Tin, Alu chuan rawng hring te an chhuahpui chuan mihring tan a hlauhawm thei bawk. * Kani ( Opium ) ah hian mor-phine a tel a, nachhawkna damdawi atan tlem dan anga hman a ni a, dan lo anga ruihpui tham khawpa hman a ni bawk. Opium hi a hman dan azirin mi-hring tan thihpui sam tak an ni. * Pawlpa chikhat, fungi tia an koh mai hi mihring tan tur hlauhawm a ni a, 90% chuan an thihpui laiin kua zut leh luak nena dam chhuahpui leh te pawh an awm. * Vaihlo-ah hian Nicotine tia an koh “tur( poison )” a awm

a, 50 milligrams vel chuan, puitling pawn minute khat lekah an thih phah thei ani.

Khawvel inchhawng sangte: Tuna khawvela inchhawng sang (skyscrapers) ber chu United Arab Emirates khawpui Dubai-a awm, Burj Dubai an tih khu a ni a, hei hi Guiness book record-a world’s tallest building-a thlan a ni.Bruj Dubai hi an la sa zo chiah lo a,Nakum lamah an sa zo ang.He inchhawng hi 818 metres laia sang a niin chhawng 160 lai a nei bawk a,New York a inch-hawng sang Twin Tower kha chhawng 110 chauh a ni.A Lift (Maalit ) pawh hi a kal chak vet vet khawp mai,motor tlan pangngai tak ang a chak Darkar-ah km 64 lai a chakin a kal thei a ni.Hetih lai hian Is-rael rama inchhawng kan neih sang ber Moshe Aviv Tower,Ramat Gan a mi ve thung hi 244 metres a sang a ni a,lei seh chin atang hian chhawng 69 lai a ni ve a,leihnuai a chhawng nga awm nen chuan chhawng 74 lai a ni ve a ni,a theuneu vak bik lo nachu khawvel inchhawng sang ber Bruj Dubai chhawng 160 nei chanve pawh a la chen lo a nih chu. Taipei 101 an tih pawh khi sang vet vet tak a ni a, 2004-a zawhfela hawn kha niin pahnihna a ni a, pathumna chu China khawpui pakhat Shanghai-a Shanghai World Financial Center khi a ni leh bawl. Hong Kong-a mi International Commerce Centre chu 4-na a ni a, Kuala Lumpur, Malaysia a mi Pet-ronas Twin Towers chu 5-na niin he inding\hiang pahnih hi an inchen chiah nghe nghe. Thil mak ve tak chu khawchhak lam hian in sang tak tak a sak an uar a niang Khawvela inchhawngsang ber ber 5-te chu Asia khawmualpuia awm vek an ni. 1973-a siam zawh tawh in hmingthang tak Chicago’s Willis Tower chu 8-na a la ni phak a, top 10-ah Chicago’s Willis Tower tih loh chu Asia khawmualpuia awm vek an ni! Inchhawng sang a awm chu a hahthlak!!!

I hre tawh em?1] Tuisik No 5 aia tlemlo nitina in hian, Rilpui Cancer 45%, Hnute Cancer 45%, Phing (Bladder) Cancer 50% in a ti tlem thei.2] Lung (Heart) in thisen a pump chhuah hi a sang zawngin ngil takin feet 30 asang a pump chho thei.3] Thisen sen (Red Blood Cell) hi ni 120 chhung a dam thei.4] Hriatna thazam kut hmawr atanga thluak thleng tura a kal chak lam hi 400km/hr a ni.5] Kan taksa 70% hi tui a ni.6] Mi hausa ber leh rethei berin Air Condition kan neih inang vek chu hnar hi a ni. Boruak vawt a ti lum a, boruak lum a ti vawt bawk a, bawlhhlawh a veng bawk.7] Mihring taksaa natna leh a kaihhnawih hri chi hrang hrang englai pawha awm hi khawvel mihring zawng zawng aiin an tam.hahchhiau thei lo.

9] I ka chhungah khan eng-lai pawhin USA leh Canada-a mipui awm zat aia tam natna hrik a awm reng.10] I hahchhiau lai tak hian i taksa a chawl vek a, i lung-phu pawh.11] I ke tih lum i duh chuan lukhum khum rawh. Kan tak-sa lumna 80% hi lu atanga chhuak vek a ni.12] Mihring leh Dolphin chauh hi nawmchen nana Sex hmang an ni.13] Mihring ril sei zawng (Rilpui leh rilfang) hi feet 26 a ni.14] Hritlang awm tirtu hi Vi-rus chi hrang 180 vel an ni.15] Khawizu chauh hi eng-lai maha chhe theilo a ni. Aigupta Lal Pharoa thlana khawizu an dah pawh ala eitlak tih an laihchhuahin an hmu.16] Nu nau paiin Zu a ruih chuan a naute pai lai pawh a lo rui ve hle zel a ni.Hringnun;Kehniak Zan khat chu pa pakhat hian mumang a nei a, a mumangah chuan Pathian nen an lo inkawm a.A mumangah chuan Pathi-an nen lui kamah an lo kal a, an titi mawlh mawlh mai. An kalna hnuah chuan mi pahnih kehniak hi a lang zel a, a kehniak leh Pathian kehniak chu. Thui fe an kal hnu chuan an han hawi let a, kehniak pakhat chauh a lan chang a lo awm fo mai. Chu pa chuan a’n ngaihtuah a, a lungngaih leh tlakhni-am lai zelin kehniak pakhat chauh a lang thin tih a hre thei. Chumi a’n hrechhuak chu, an lungawi ta tawp lo mai. Pathian chu a zawt ta khawl mai. “LALPA, nang-mah zui tura ka intiam lai khan, kawng tluanin min hruai ang tih min tiam a nih kha. Mahse, saw han en teh, harsatna ka tawh lai chuan mi pakhat kehniak chauh a awm zel si. Hetia ka mamawh ber lai chea min kalsan zel dawn a nih chuan lungawi a va han har dawn ve!”A LALPA chuan a chhang ta a: “Ka fa duh tak, ka hman-gaih che a, ka kalsan tawp lo ang che. Harsatna i tawh

lai, i mangan laiin kehniak pakhat chauh i hmu tiraw, ka kehniak a nih saw, ka paw thin che alawm,” tiin.Pitar thilphal Hmanlai hian pitar pakhat hi a awm a, pitar fing tak, thilphal zet mai a ni. Vawi khat chu a zin a, amahin ramhnuaiah a vak a vak a, mahse a khua a har lem lo. Nakinah chuan lui pakhat a thleng ta hlawl mai. A insilin a inphih harh a, chutia a insil velna lamah chuan luiah chuan lung pakhat, danglam deuh mai a chhar ta nawlh mai. “A hlu khawp ang he lung hi,” tiin a chhar a, a ak tha ta a ni. A kal leh ta a, nakinah chuan khualzin pakhat nen an intawk ta hlawl mai. Chu khualzinpa chu a riltam em em mai a, pitar chu “chaw min pe teh khawngaihin” tiin eitur a dil a, pitar pawh chuan ui hauh lovin a chawfun chu a phawrh ve mai bawk. Pitarin a chawfun phawrh paha a ipte a hai vel lai chuan a lung ah chu a lo lang a, khualzinpa mit chu a la ta zar mai.A awt ngang a, zah pawh dawn lovin chu lung chu a dil ta a ni. Pitar pawh chuan a pe ve mai bawk. A ui thu engmah a sawi lo. Chu khualzinpa chu a lawm em em mai a, a kal ta vang vang mai. Chu lung hlut dan tur chu a’n ngaihtuah a, thil dang reng a ngaihtuah thei lo. Hun engemaw chen liam hnu-ah chuan kha pa khan pitar kha a zawngchhuak a, a rawn lang leh hlawl mai.An inhmuh rual rual chuan a lung chu phawrhin pitar chu a pe nghal a.Ka ngaihtuah thin a, thil dang reng ka ngaihtuah thei lo. He lung hlutzia hi ka hria, damchhung ei khawp hu a ni. Mahse, a aia hlu ka duh...” Chu pa chuan a sawi zawm zel a:”Ka pe let ang che ang a, a aia hlu thil dang min pe la ka duh a ni. Hetiang khawpa lung hlu min pek phalna, i chhungrila mi kha min pe la ka duh a ni,” tiin.

Fiamthu;***Court-ah police te’n rukru an hruai a, chu rukru

chu rukru thang a ni bawk a, roreltu pawhin a lo hre chat mai...Roreltu: He hmunah hian hmuh che ka duh tawh lo tih ka hrilh tawh che a ni lo’m ni?Rukru: Hria e. Ka sawi a, mahse, police te hian an awih duh tlat lo a...

*** Nu pakhat pawhin, “Lei lal puan ropui a tlawm ang” tih hla hi a lo hre ve a, a lawm ta nasa mai; a thiante hnenah, “Lei lal puan ropui a tlawm hun chu min hrilh ve ngei ngei r’u aw... kan lei teuh dawn nia, kawrah kan thui ang a, a tih chi dawn em mai,” a lo ti ve chiam chiam!

***Naupang pakhat hi a lo zai al al a, “Nu thu awih tur a ni, Pa thu awih tur a ni...” A nu’n a rawn ko a, “Hriati, lo haw tawh rawh.” Chu nau chuan, “Ka peih lo,” a lo ti vat a!

***Sawma: Champhai ka kal hrehna chhan chu thir lei khi a ni.Lawma: Thir lei lo la a ni mai alawm.Sawma: Ni lo; thir lei zawh khi mawle.Lawma: Lei zo lo la a ni mai alawm.

*** Tlangval pakhat hi malaria vangin a bialnu a thi a, a riru na chuan phuba lak a tum ta a, thosi kapah a inpe tawp an tih chu. Tunah hian Mizoram khawchhak lamah thosi kapin a thang mek.

*** Dangawk pahnih hi an inhnial a, an inhnial rei telh telh a, an thin a rim telh telh a, a tawp lamah phei chuan an tawng chhuak thei tawh ngang lo; mittui tla zawih zawih chung hian an inkawk ngawng ngawng ringawt. Fiamthu han thawh ve thin teh u khai, i lo nui tlangang u khai!!

Chanchinthar Tawi leh nawi:

Robin Hood 2009German ram a an Bank

Manager pakhat chuan a thawhna Bank a Minus nasa lutuk ho pawisa chhunkhah nan a pawisa ngah chin ho pawisa a lo thun thin a ni tih hmuchhuah niin a tih leh chuan thla 22 chhung tang thei turin a chungthu an rel. A sawi dan in mirethei te te te’n an Bank an venghim theihna awm chhun ni a a hriat dan a ti mai anih zia a sawi. He Nu Arika B in ti hian a ma tan pawisa pakhat mah a la lova, mirethei te tun nung nan mihausa te pawisa a hmang hawh lawk mai a ni, a thil tih avang hian Robin Hood tia a hming vuah in German ah chuan a lar hat hat hle!! Hetiang ang Bank Manager hi kan va mamawh ve!!

L&M Meizial in Dollar Million 300 chawi dawnKhawvela Meizial Company lian ber Philip Morris chuan Dollar Million 300 ngawt Sindi Nugel-i kum 61 hnenah an sikret siam in a lunglam a buaina a siam sak avangin zangna dawmna an hlan dawn. Meizial zu tute hian an hriselna in a tawrh avangin Cigarrette Company hi an lo khing fo tawh a, mahse tun ang em em a Court thu thlukna hi a la awm ngailo a ni. Sindey Nugel-i hian kum 25 zial a zuk hnuah a Lung thlak angai ta a, Marlboro leh L&M Sikret siam chhuaktu Company chu Court in za ah sawmkua thiam loh chantirin a zu tu chu za ah sawm thiam loh an chantir ve bawk a ni. Lotto thai aiin a hlawk zawk angem?!!

ClallitClallit hnathawk te chu an hlawh a an lungawi loh avangin tunkar tir atang khan an nuar a, Doctor leh Nurse te erawh an dan pangaiin an thawk zel a ni. Israel ram chu nawrh an hrat e, Duat sual anni hlawm a niang!!

Israel kutchhuak khawvel film hlauhawm berParanormal Activity tih Film hi in lo en tawh bik emaw chu?!! Film Direct tupa hi Israeli mi niin Oren-a a ni nghe nghe a ni. A naupan lai hun chu

Ramat Gan ‘Givatayim’-ah a lo hmang ve tawh thin a, a tet lai chuan lekha a thiam theih loh avangin School a ngaina lo em em bawk a, kum sawm paruk a nihin School a bansan ta nghe nghe a ni. Chutih hunlai chuan Atari Computer in Israel a rawn thleng tan a, a nu leh pate chuan an lei sak ve a, a han khawih vel chu ‘Hei ngei hi a ni’ tiin Computer chu a atchilh ta nghal a, Computer Course reilote a kal tih loh chu a mahin a zir chawp vek a ni. Computer programme siam chhuah tumin a thian pahnih nen an bei ho a, kum 17 a nih meuh chuan U.S.A a Company lian tak pakhatah a thilsiam chu a hralh der tawh a, ‘Pawisa tam tham tak kan dawng ta chu ka nu leh pa paw’n min hau nep sawt e’ a ti. Sipai a kal lova, a thian te’n Kit-Bag pu a Basis lam an pan laiin a ni erawh chuan a V.I.P (Suit Case) pu in America lam a pan ta a. A hun tam zawkah chuan Cinema Director nih chak in a ngaihtuah na a hmang nasa thei em em a, mahse Computer Programming lam leh Games lamah a in hmang ta zawk a ni. A ei khawp chu a hmu chhuak chiang em em nachungin Director nih a chakna chuan a bansan thei ngang lova, a tawpah chuan a bialnu nen a an chenna inah khawvel a thlahrang film hlauhawm ber a lo siam chhuak ta a ni. A changtu tur thlanna Audition an neihna ah pawh mi engmawzat an in lan a, a mah pawn mak a ti hial, a chhan chu a Film hming tur leh a kalphung tur pawh a duang lawk lem lova, Interview te lah in an zawk bik lem lo bawk!! A chang tupa leh changtu nu tur an thlan zawh hnu chuan a chenna inah film chu an chang tan ta a, a Film siam tur hian chawlhkar khat chawlh a la a, Misual leh ruk ru lak a in venna Camera ang hi leiin an inah chuan an fit chawp a, chumi hmang chuan an chang ta a ni. An chan dan lah chu an awlsam khawp a, a chang tute awm dan tur leh sawi tur te a hrilh chawp zel a, tichuan an chang tawp mai a ni. A bialnu chuan a chang chuan a ning thei em em a, a chhan chu pawn lam a a chhuah tir zauh zauh thin vang a ni!!! A Film chu an chang zo ta a ni. A Film pawh hi a ma Edit chawp mai mai a nia, khatia film an chan zawh tak hnu khan Israel a a Nu chu a che sual a, a ke a ti tliak a, kan turin Israel a pan ta vang vang a, a naupan lai a a Room ngeiah Film pawh hi a siam tha nghe nghe a ni. A tir takah chuan a hlawhtlin vak pawh a ring chuan lova, Film thehdarh tu Company lamah a zuar ve ngial a, a hlawhchham a, tuman an lei duh si lova. A tum hnihna a tan a Nu chu a tlu leh a, Israel a lo kal leh hnuah Israel Film siam tute hmangin khawvel

Hollywood Film siam thiam Company lian tak Dreamworks hnen a thleng ta a, an ni chuan an en hnuin a tha an ti a mahse a aia changtlung zawk a siam tha tur in an ti a, DVD hmang a thehdarh tur a sawm in a senso pawh an in huam nghe nghe a ni, mahse ani chuan a duh lo bur a, khawvel a Film Company lian lutuk sawmna a hnawl ngam chu mak an ti em em a, a a ta emaw an ti hial a ni. Mahse karhnih thum vel a in ngaihtuah hnuin a DVD Film a ama siam liau liau a Original Version telh an phal chauh in a Film chu a siam tha leh ang tiin a chhang let a, an lo pawm sak ta a ni. A Film siamtha tur a an buatsaih lai velin Zan khat chu Dreamworks neitupa Adam Goodman chuan siam that tlak a nih leh nih lo chhin nan Dreamworks a neitu nihna hauh ve tu khawvel a Film Director lar leh hlawhtling ber Steven Spieldberg-a chu a entir ve a, Steven Spieldberg-a’n an en ve chu a Film lai laklawh ah a ti tawp ta mai a, Dreamworks President Adam Goodman-a chuan siamthat tlak a ni lo aniang tiin hlauthawng ru tak chung hian a Film a tih tawpna chhan Steven Spielberg-a chu a zawt a, Steven Spielberg-a chuan eng dang a chhang lovin, “Ka en ngam tawh lo, zing lamah kan en chhunzawm mai ang, khawvel a Film ka en tawh ah a la hlauhawm ber” a ti ta mai a, khawvel a Film Director lian ber meuh in a chutia a ti ta chu a tha thawkhat tih a hriat a, a film pawh chu a nihna ang ang in an lo ti chhuak ta nge nge a ni!! Dollar 19,000 chauh seng a a Film siam chuan America ah ringawt pawh Karhnih chhung lekin Dollar 100,000,000 chuang a hai lut tawh!! www.maipawl.co.cc-ah en theih in a awm e, tunge en ngam?!! Tun tum chu kar hmasa a mi nen kan rawn double a kan la rem leng thei chuang lo nia!! Karleh ah phuisui zawk a tih kan tum dawn nia!! Maipawl Chibai!!

ARTICLE; Mizo IsraelismBy: C. Vanlallawma, Mission Veng, Aizawl

(Hei hi Internet kawngsir a mi kan chhar a ni a,a bengvarthlak in kan hnam (b”nei Menashe ) te History tamtak a chuang a,a hlawkthlak hle.A thu pawi lai leh tangkai lem lote paih thenin, a bak chu anih na ang angin kan rawn nemkai leh thuai a ni e,kan history heta a ziaktu in a ziak, a dik lo a awm a nih chuan Maipawl editorial Board-ah a dik zawk rawn hriattir ula,a ziak tupa hi kan lo hrilh dawn nia,a ziaktupa ziak dan hi chu kan rilru ang chu ni miah lo mahse pawnlam a tanga min hmuhdan leh min beihnate kan hriat ve hi a pawimawh khawp ang.Tin,kan history a rawn ziak hi kan tan thil tangkai tak a ni thei bawk ang.Hengho nen hian vawi

tam Internet-ah kan lo inhnial tawh a, a sawt lem lo khawp mai,he thuziah dan atanga hnial khan tha deuh te min rawn rawlruk teh u…ha ha ha..Tak takah kei ni hnam Engmah nilo hetiang taka mite beih a tawk chung pawha B”nei Menashe te tun kan thleng thei hian hruaitu P-Thian kan nei tih lehkan rin P-Thian hi a dik a ni tih a hriatin kawng dik kan tih a lang chiang viau a ni.Ed )

“Pa-thian hnam thlan Isarel mi nih hi a chakawm a ni ang, America-ah te khuan American-Israel theory a awm a, Sapram lamah British-Israel a awm bawk a. Chutianga, Israel mi nia inchhuina chu Burma, Japan leh Iran ramah pawh a awm zut mai. Mizo Israelism hi Dispensational Theology rawn hrinchhuah niin a lang. Moody Bible Institute-a zir chhuak, Rev. Paul Rostad-a’n Manipur lama Mizo hnahthlak zingah kum 1928 atangin Dispensationalism hi a rawn theh darh a, an zirtir dana Israel ho nihhlawhna tur thil khan Hmar upa leh Thado upate awi lunglengin Israel hraichawi nia inchhuina lamah mi thenkhat a hruai peng ta a ni. Israel sorkar a din hma, kum 1947 khan Buallawn khuaa Chala chuan a mumangah “mizote hi Israel thlah in ni a, chuvangin Pathianin in ram hluiah a hruai kir leh dawn che u a ni,” tih aw hi a hre ta a.2 A aw hriat chu thenawmte a hrilh vel hnu, 1948 khan an khaw mi tho Darnghaka’n a han hmuh pui ve leh a. An thil hmuh chu UPC mi Sangkhuma an han hrilh chuan a hmutute aimah mahin a lo phurpui a, tichuan, “Manasea thlah Israel kan ni e,” tiin thawm an nat tan ta a ni. Tichuan, Buallawn leh a chhehvel khua mi hlimho chuan Israel Zionist Association (IZA) an din a, an ri ta mar mar a. A tir atanga an hruaitu deuh ber chu Darnghaka a ni. Kum 1958 October ni 16 khan Buallawnah phur em emin inkhawmpui an kova, mi 250 lai an phungkhawm a, an thupui chu “Israel rama pem” a ni. Rapture Duty te an inruat a. An hotu pakhat, van dak laa an hman, ramthar (Millennium) hminga se chhuntu, Chala chu July 1956 kumah a thi a. Bible hrilhlawknate nen hmehbela Israel mi ni ngeia an inchhuina chu ziakin Israel sorkarah an theh lut tawh a. Anmahni ngaihven tura June 1958-a Israel tlangval, Silchar thlawhna tumhmuna lo chho chu vawihovin engmah an lo hrilh theih loh avangin a haw thla leh mai a. (Kan Trumah dawn te’n a la daih chuan karleh lamah kan chhunzawm ang!! Trumah kan dawn dan a zir a tih chhuah mai kan tum deuh tawh a, Trumah lamah thahnem han teh u!!!!!!