korleis påverka forholda før og under andre verdskrig livet til sivile … · ”korleis påverka...
TRANSCRIPT
I
Prosjektoppgåve i historie
Volda Vidaregåande skule
2016
JON BERNT ROALD
(1917-2003)
Korleis påverka forholda før og under andre verdskrig livet til sivile nordmenn,
både som drivkraft og følgje i livet, med fokus på Vigramannen Jon Roald og
hans deltaking i illegalt samarbeid med dei allierte.
Ingeborg Botn Ose
19.02.16
3ST4
Historisk person 13.02.16 Ingeborg
2
17 mai 1940
I dag står flaggstangen naken
blant Eidsvolls grønnende trær.
Men nettopp i denne timen
vet vi hva frihet er.
Der stiger en sang over landet,
seirende i sitt språk,
skjønt hvisket med lukkede leber
under de fremmedes åk.
Der fødtes i oss en visshet,
frihet og liv er ett,
så enkelt, så uundværlig s
om menneskets åndedrett.
Vi følte da treldommen truet
at lungene gispet i nød
som i en sunken u-båt;
vi vil ikke dø slik død.
Nå slåss vi for rett til å puste,
vi vet det må demre en dag
da nordmenn forenes
i samme befriede åndedrag.
Nordahl Grieg: Friheten (1943)
Historisk person 13.02.16 Ingeborg
3
Innhald: Sidetal:
0.0 Framside I
0.0 Innhaldsliste 2
1.0 Innleiing 4
1.1 Problemstilling 4
2.0 Oppvekst i mellomkrigstida 5
2.1 Sosiale og demografiske forhold 6
2.2 Politikk 7
2.3 Økonomi og teknologi 9
2.4 Kultur 11
2.5 Natur 12
3.0 Okkupasjonen av Noreg 12
3.1 Okkupasjon av Vigra 14
3.2 Patriotisme 16
4.0 Englandsfarten 17
4.1 Milorg og Heland 18
5.0 Arbeid for Nortraships 20
5.1 Frontenac 22
5.2 Det går mot fred 26
6.0 Etter teneste 29
7.0 Oppsummering 31
8.0 Kjelder 33
8.1 Primærkjelder 33
8.2 Sekundærkjelder 33
8.2.1 Bøker 33
8.2.2 Anna 33
8.2.3 Internettsider 33
9.0 Vedlegg 36
Historisk person 13.02.16 Ingeborg
4
INNLEIING
Eg har i mi oppgåve valt å skrive om Jon Bernt Roald, som var gift med mi oldemor, Ragna
Olsdotter Haram, si storesyster, Selma Olsdotter Haram. Grunnen til at eg valde nett han er
alle historiene eg har vakse opp med rundt både kjøkkenbordet til oldemor, samt engasjerte
forteljarar i så godt som samtlege familieselskap eg har teke del i. Heilt frå eg var eit born
har eg med tindrande auge sitte og høyrt om tyskarane sin invasjon av både Noreg, oldemor
og hennar familie sine heimar, dei illegale Englandsferdene og dei utrulege skildringane av
eit folk som var så patriotisk at det er til å få frysningar av. No er det min tur til å kunne ta
eit djupdykk i desse historiene og få klarheit kva som faktisk skjedde i 1940 og utover, samt
å kunne bli kjent med og forhåpentlegvis få framheva og med respekt få framstilt ein av dei
menneska som kjempa for vårt frie Noreg, og eit fritt Europa; Jon Roald.
PROBLEMSTILLING
Problemstillinga mi er valt ut i frå det som eg synes er viktig å få fram om verdskrigen, den
effekta han hadde på mykje meir enn styresett og tal på falne, den effekta han hadde på
mennesket. Ho lyd som følgjer:
”Korleis påverka forholda før og under andre verdskrig livet til sivile nordmenn, både som
drivkraft og følgje i livet, med fokus på Vigramannen Jon Roald og hans deltaking i illegalt
samarbeid med dei allierte.”
Gjennom denne oppgåva vil eg altså fokusere på den effekten verdskrigen hadde på eit
menneske, noko som medfører å ta med relevante hendingar Jon Roald tok med seg i sitt liv.
Eg vil sjå på kva som fekk han til å utsetje seg sjølv for livsfare saman med så mange andre
på denne tida, korleis det var mogleg og kva følgjer dette fekk i livet hans vidare. I denne
oppgåva vil det difor kome skildringar av oppveksten hans på Vigra i mellomkrigstida, då eg
meiner dette har stor relevans for utforminga av hans personlegdom, samt hendingar i krigen
knytt til kva han tok del i, eller til kva som om moglegens kan ha forma sinnet hans. Det vil
vere eit hovudfokus på oppveksten på Vigra der tidsperioden vert framstilt gjennom sosiale,
politiske, økonomiske, kulturelle, teknologiske, individuelle, demografiske og naturgjevne
Historisk person 13.02.16 Ingeborg
5
faktorar som har relevans for Jon, for å kartleggje dei moglege påverknadsfaktorane som kan
ha vore avgjerande. Problemstillinga vil difor bli svart på gjennom heile teksten.
For å få ei mest mogleg korrekt framstilling og innsikt i faktorane perioden før krigen, og
deretter krigen førte med seg vil det både bli skildra lokalhistorie samt internasjonal historie,
og Jon sitt liv som deltakar i begge deler. Eg har difor nytta både faglitteratur om Vigra og
Møre og Romsdal, samt Noreg og om krigen generelt. For å begrense den så godt som
endelause straumen av informasjon ein kan symje gjennom, er det berre eit utval av dei
utallige hendingane i krigen og i Jon sitt liv som vert skildra. Desse hendingane er dei som
truleg har hatt mest relevans for hans vesen. For å få betre innsikt i personen Jon Roald, har
eg også intervjua sonen Asbjørn Roald om sin far. Gjennom oppgåva og gjennom vedlegg
vil eg vise bilete av ulike objekt for å styrke truverdigheita i historia om Jon og den andre
verdskrigen.
OPPVEKST I MELLOMKRIGSTIDA
Søndag 10. Juni 1917:
”Auka huslyden med ein liten gut (Jon). Han var fødd kl.6 fm. Veret er no finfint, stilt og
varme, så det gror reint framifrå. ”
-utdrag frå dagboka som Jon sin far skreiv
Jon Bernt Roald var son til dei stolte foreldra Anders Laurits Knutsen Molnes Roald og
Oline Berentine Sevrinsdatter Molnes. Han vart fødd på Vigra den 10. Juni i 1917, før den
første verdskrigen var over, og vaks opp saman med dei ni søskena sine: Knut Hans, Petra
Astrid, Sevrin Olav, Marta Antonette, Helga, Arne Ottar, Oddlaug Laurentse, Bjarne Jon og
Petter Martin. Særleg dei seks brørne i familien skulle vakse opp til å bli svært knytte til
kvarandre, og lite visste dei om alt som venta.
Historisk person 13.02.16 Ingeborg
6
Sosiale og demografiske forhold:
Jon hadde ein fin oppvekst med nære band til vener og familie. På denne tida var ville banda
til dei nære menneska ein vaks opp med ofte vere svært sterke då mangel på kommunikasjon
begrensa menneska ein hadde kontakt med. Samfunnet var i mykje større grad sosiosentrisk
i forhold til det egosentriske samfunnet som pregar notida. Dette betydde at vala ein tok som
regel var basert på det felles beste for dei rundt deg og samfunnet snarare enn di eiga
vinning. Jon og resten av brørne var svært flinke og snille gutar som var stillfarne, rolige,
men sosiale menneske. Berre 1200 menneske budde på Vigra i denne tida, og det var vanleg
med store syskenflokkar, så det begrensa seg naturleg med sosiale band. Ein var naturleg
tettare.
Faren i huset hadde vore ein viktig figur for sønene. Mellom 1885 og 1900 arbeidde han i ei
elektrisk installasjonsforretning i Johannesburg og kvesste seinare borer ved gullminene for
betre betaling. Han og halvbroren hadde aksjar i den norskkjøpte fiskebåten Enterprice i
Durban. Heime haldt han seg i smia der han og sønene reparerte gardsreiskapar, hadde
oppdrag frå Finnøy motorverkstad og la jarnslag og børsingar på vognhjul leverte frå Ole
Ytrestøl i Volda. Det vart laga karbid og seinare elektriske båtlykter, ei tid også takrenne.
Sønene vaks opp til å bli svært dyktige i det meste og ikkje minst nevenyttige. Anders dreiv
også fiske store delar av livet og var politisk engasjert så det song etter. Han var med i fleire
nemnder og komitear innan bank og kommune i Roald handelslag og i heradstyret, og det
var han som for det meste reparerte mekaniske skader på båtane på Vigra ved å lage og
montere propellar og ror. Han hadde lært mykje på turane til Afrika, var svært framsynt og
kunne slik bringe nye idear heim til Noreg. I tillegg var han med på å stifte ungdoms og
mållaget i Mjølner og vart einaste æresmedlemmen. Som om dette ikkje var nok, ekspederte
han også dampbåtane på Roalds-kaia, fekk den første automobilen til Vigra og arbeidde for
å få det elektriske lyset til øya. Han hadde difor mykje å seie for den teknologiske utviklinga
på Vigra, noko som vart ført vidare til borna.
Utdrag frå dagboka då dei fekk straum:
”Men endeleg fredag 21. November vart straumen påset her hjå oss, og det vart ei
begreistring mellom folket for det vene ljoset, og det vart eit jag utan like for å få installert
med dei som ikkje hadde fått det inn, endå dei som hadde svore at det ikkje skulle kome i
deira hus, gjekk berserkgang for å få installatør.”
Historisk person 13.02.16 Ingeborg
7
Då han fall bort i 1936 var det eit stort tap for dei seks brørne, som framleis var svært unge,
den yngste, Petter, berre 17 år. Jon var 19. Eit stort forbilde var borte, så det vart viktig å ta
vare på alt han hadde lært dei og å vidareutvikle det. Brørne støtta seg difor på kvarandre og
ein intens lojalitet vart utvikla mellom dei. Dei seks har aldri retta noko kritikk mot
kvarandre og stod kvarandre nær til det siste. Tapet av faren gav dei nok eit behov for å
halde saman. Lojaliteten mellom dei kom til nytte under den illegale Englandsfarten dei
byrja med i 1941 med båten Heland. At dei kunne halde tett om alt som foregikk mellom dei
var avgjerande for unngå å bli avslørt. Gestapo kunne truge både med fengsel, tortur og
drap. Dei sosiale banda vart tett knytte i oppveksten og vart viktig for heile framtida.
Systera til Jon, Helga var gift på Haram. Her brukte Jon å besøke henne, og det var truleg
her han traff Selma. På Haram var det dans og det er mogleg det utvikla seg søt musikk her,
så rutebåten vart kanskje oftare teken enn tidlegare. I 1941 kom Selma i teneste på Vigra, på
Hauggarden, og dei to forlova seg same året. Også mellom desse to må det ha vore ein
ekstrem lojalitet og kjærleik, då dei veta i fleire lange år utan å sjå kvarandre. Jon vart
etterlyst med døden som straff for sitt illegale samarbeid med fienden; England.
Politikk:
Anders var truleg Venstremann. I mellomkrigstida var dei typiske partia på Vestlandet dei
venstreorienterte partia, noko som kan stemme med tanke på den framtidsprega og frisinna
oppførselen hans som deltaking i ungdomslag og kampen for utvikling og modernisering.
Det var ikkje så store arbeidarrørsler ved kysten eller i fylket generelt, då veksten av
Arbeiderpartiet og sosialismen ikkje fekk fatt her. Ein hadde ikkje eit like utprega
klasseskilje som ein kunne sjå i dei større byane med fabrikkar, og ein hadde som tidlegare
ein mykje større grad av paternalisme der arbeid ofte vart til gjennom personlege band.
Venstre gjorde seg altså best der dei sosioøkonomiske skilnadane var minst, der det var
minst konflikt om næringane og generelt minst klassekamp. Frå 1921 til 1930 tok partiet
halvparten(5) av mandata for Møre og Romsdal ved Stortingsvalet. Oppslutninga om venstre
her var om lag det dobbelte av landsgjennomsnittet. På kysten kunne opptil 7/10 stemme
Venstre i 1933.
Historisk person 13.02.16 Ingeborg
8
(Her kan ein sjå at oppslutninga på Sunnmøre var desidert størst, bilete henta frå Likskap og
lagdeling)
Etterkvart tok fløypartia over ein god del, høgrepartiet ”Landsbygdas Høgre” tok over ein
stor del av høgresida og arbeidarrørsla store delar av venstresida. Venstre gjekk kraftig
tilbake etter 1933 på landbasis. Arbeiderpartiet og sosialdemokratane vart samla i eitt parti i
1927, og fekk ekstremt bra oppslutning på Nordmøre i perioden 1927-1936, om lag dobbelt
så mykje som på Sunnmøre, Nordmøre og Sunnmøre var i stor grad politiske motsetningar
av kvarandre store delar av mellomkrigstida.
(Sunnmøre har lågast prosent
stemmer på sosialistiske parti, bilete frå Likskap og lagdeling)
Mange bønder som ikkje var for Arbeiderpartiet fann vern mot dette i Bondepartiet som kom i
1920. Det ville ta vare på det gamle bondesamfunnet, bonden sine rettigheiter og då særleg hans
rett til å få halde på næringa si og forsvare han mot andre sosiale grupper. Det fekk rask tilslutning
Historisk person 13.02.16 Ingeborg
9
i fylket og hadde ei tilslutning langt over landsgjennomsnittet i 1933 med ca. 25% oppslutning i
Møre og Romsdal. Partiet vart knytt både til den høgre og venstre sida då det var konservativt og
antisosialistisk samstundes som det var antibyråkratisk og antikapitalistisk. Likevel hadde det
størst oppslutning der dei sosiale skilja var størst, så mest sannsynleg var ikkje Anders tilhengjar
av dette, men det prega godt det politiske biletet i fylket.
Når det galdt Nasjonal Samling, stilte dette fascistpartiet først til val her i fylket i 1936, men
fekk berre tre promille av stemmene, mot 2% i resten av landet. Møre og Romsdal viste ein
svært klar motstand mot deira ideologi og ikkje minst leiar, Vidkun Quisling. Jon gav ikkje
uttrykk for å vere spesielt politisk engasjert, men han var ein son av Noreg og det må ha
eksistert ein patriotisme som drivkraft blant menneska på Vigra, noko som eg kjem tilbake
til seinare.
Økonomi og teknologi:
Økonomien i mellomkrigstida var ikkje mykje å skryte av. Den første verdskrigen hadde
skapt ein høgkonjunktur som tok slutt i 1920. Næringslivet fekk alvorlege vanskar, prisane
fall og skatteinngangen minka. Under verdskrigen hadde mange kommunar lånt store
pengesummar til skular, vegar og elektrisitetsverk, men då krisa kom i 1920 vart det
vanskeleg å betale renter og avdrag. Gjelda til Ålesund auka frå 3,2 til 20,5 millionar, noko
som stilte bankane i ein svært vanskeleg posisjon. Dei hadde det vanskeleg fram til midten
av 30-talet, då eit konjunkturomslag i den vestlege verda gjorde situasjonen lettare rundt
33/34.
På 20 og 30 talet hadde ein ei viss arbeidsløyse i fylket, men dei som tilhøyrde
primærnæringane slik som fiske og jordbruk, rekna seg sjeldan som arbeidslause, noko som
truleg gjer at Vigra hadde ein låg arbeidsløyseprosent. Vigra var også den kommunen som
hadde lågast gjeldsprosent på Sunnmøre i 1932, med berre 11%. Inntektene kom frå
hovudsakleg fiske på vinteren og jordbruk og småbruk på begge sider av vinteren.
Ungdomen rydda myrene for å dyrke, og Vigra vart den mest utprega jordbruksbygda på
Sunnmørskysten Havre og poteter var noko av det som vaks best. Å eige en gard ville gi eit
økonomisk fortrinn og ein høgare sosial status på denne tida, framfor særleg husmennene, så
det eksisterte ei viss odelsbevisstheit på denne tida. At brørne nett var så heldige å ha ein
gard vart utløysande for den Englandsfarten som dei tok del i.
Historisk person 13.02.16 Ingeborg
10
Sevrin, Arne og ektemannen til systera Petra, Olav Røsvik, var eigarane av båten Heland ein
over 62 engelske fot lang kutter, bygd i på Vestnes i 1937 og med ein tosylindra motor på
110 hestekrefter frå Haahjem Mekansike AS på Vigra. Sevrin var gift med ei odelsjente og
Arne eigde Sme-garden som vart gitt til han etter farens død, så dette gav dei eit økonomisk
fortrinn. Hovudutløysaren for kjøpet var likevel Johan Nygaardsvold. I mars 1935 hadde
Nygaardsvold skipa ei rein arbeidarparti-regjering og han ville støtte dei kriseramme
primærnæringane som fiskeriet. Dei fekk difor mykje økonomisk støtte for å byggje opp
fiskebåten og modernisere han, då Nygaardsvold ville modernisere heile den norske
fiskeflåten. Heland var ein prototype på korleis ein fiskebåt skulle vere, han var om ikkje
den alle største, ein av dei tre største båtane som var her på denne tida. Jon kom inn som
eigar og erstatta Olav før krigen braut ut.
Straks etter Jon var konfirmert drog han ut på sjøen for å fiske etter torsk, sild og flyndre.
Faren hadde vore fiskar og broren Sevrin var i alle fall godt kjend til sjøs, han svarte ein
gong på eit spørsmål om han byrja etter konfimasjonen med ”ja, bære de’ ikkje va’ før”. Jon
var med ein båt som hadde tomannsgarn. Då fekk han feste eit til garn på sildelenkja i tillegg
til hovudgarnet, og den fangsten som han fekk i dette, var eine og aleine til han, anten som
mat eller for å selje. Når det galdt fisket var over 60% av menna på Vigra fiskarar, gjerne
saman med jordbruk ved sidan av. Silde- og torskefisket hadde vore eksepsjonelt godt under
den første verdskrigen på grunn av konkurransen mellom england og Storbritannia om
fisken. Dette førte til at prisane på fisken skaut i veret. I åra etterpå vart det vanskelegare.
80-90% av den norske fangsten vart solgt på den internasjonale marknaden der nordmenn
møtte konkurranse, noko som førte til ei deflasjon i fiskeprisen, og vanskelegare kår heime.
Spesielt i 1926/27 fall prisane på sild og torsk kraftig. Ein måtte no fiske mykje meir enn før
for å tene det same. Noko måtte dei gjere for å auke fangsten.
I januar 1924 kom båten Fangst inn i Ålesund, men den første snurpenotfangsten med
storsild. Snurpenota vart straks ekstremt populær då den gav mykje større avkastning i
forhold til drivgarn og landgarn. Det var svært positivt å sleppe å måtte vere nær land for å
fiske slik som med landgarnet. Ca. Halvparten av landets snurparar fann ein i Møre og
Romsdal, og då særleg på Sunnmøre, 285 av dei 536 var her. I 1939 vart det teke 8 gongar
så mykje vintersild med snurpenot som med landnot. Med auka fiskemengd trong ein større
båtar med auke i tonnasje og maskinkraft. Heland var ein av desse båtane som vart til på
grunn av dette, noko som gjorde at han kunne ra langt til havs og tole uhyggjelege uvêr.
Historisk person 13.02.16 Ingeborg
11
Generelt var industrialiseringa snøggare i Møre og Romsdal enn i resten av fylket så
samfunnet vart definitivt prega av utvikling, noko som paradoksalt nok er ein konsekvens av
den føregåande verdskrigen.
Kultur:
Ei følgje av utviklinga var særleg utviklinga av kulturen eller den kulturspreiinga ein
opplevde. Ein blomstrande kultur kom fram med kinoar, auka tal på aviser og
massekommunikasjon gjennom radio. 1920-åra var ei pionertid for kringkastinga, med
startskotet i 1920 i USA med den første radiostasjonen. I Europa var ”The British
Broadcasting Company” først ute, og i Noreg var Ålesund i landssamanheng tidleg ute. I
1924 vart det bygd ein kombinert radiotelegrafi- og telefonistasjon for å kunne spreie
sendingar om vêret og fisket. Det vart sagt at ein fann ei velutvikla lokal kulturbevisstheit i
Ålesund, og i 1927 vart Ålesund Kringkastingsselskap stifta. I 1928 var det 1432
lisensbetalarar i Ålesund og næraste omegn. Sjølv om sendarstasjonen, jo, var der, var han
svært liten, berre 1kW. Dette gjorde at mange ikkje kunne ta inn signalet, og dette gav igjen
færre lisensbetalarar, noko som gjorde at dei heller ikkje kunne utvide. Dei hadde ikkje
kapital til eigenprogram så programma kom utanfrå og utviklinga var generelt dårleg her,
men folk, trass den grusomme skurringa, syntes framleis det var eit mirakel.
I 1935 avløyste Vigra Kringaster på 10kW stasjonen i Ålesund, og i 1936 var den lokale
programproduksjonen her 132 timar pr. Halvår. ¾ var vêr og fiskemeldingar, jordbruksprisar
og lignende 1937 vart det store gjennombrotet for radioen, talet på apparat auka med nesten
60%, frå 1500-2500, på berre eitt år. I 1939 kom ein ny stasjon på Vigra, denne på heile
100kW, som ved sidan av Stavanger var den sterkaste stasjonen i landet og fekk svært
mykje å seie for den norske fiskeflåten. Kjøpet av radio tok seg særleg opp i 1940 grunna
okkupasjonen av Noreg, og kringkastinga vart no tatt i bruk som eit samlande middel i
landet. Den verk utjamnande og tilnærmande ved at folk høyrde den same musikken og dei
same idrettsreportasjane. Samt etterkvart samlande ved å trykkje enda meir på dei
nasjonalistiske strøymingane i nordmennene under tyskarane sitt regime. Propagandaen og
den ulovlege nyheitsspreiinga gav nordmenn eit samhald som vart viktig under krigen. Dei
seks brørne hadde ein radio i smia, noko som kan ha nørt opp om patriotismen som vaks
fram.
Historisk person 13.02.16 Ingeborg
12
Natur:
Dei naturgjevne forholda på Vigra gjorde kringkastinga ideell grunna sitt opne landskap utan
store høgder og at øya hadde veg rett ut i havet. Den lange kysten på Vigra rett ut i havet
gjorde også englandsfarten ekstremt mykje lettare. Menna som hadde vekst opp med fiske,
slik som Jon og Sevrin var vande med vêret på havet og kunne klare seg særs godt i dårleg
vêr, noko som gjorde staden heilt ideell for effektiv utshipping av både menneske og varer;
Englandsfarten.
OKKUPASJONEN AV NOREG
Første nyttårsdag 1916 skreiv faren Anders: 19 - Om vi berre kunne takke Gud for all
den miskunn han tiletlar oss i denne opprivne tida. Vi var nok ikkje så mykje meir
skuldlause vi enn dei andre nasjonane, som no vert øydelagde og sundrivne av denne
syrgjelige krigen. Ja, vi skjelv når vi tenkjer på det grufulle som har hendt i Europa
dette året. Takk store Gud og frelser for at Du har spart vårt folk og fedreland, og eg
bed at du vil gje det signing også i det år vi går inn i. Er det mogeleg, så lat Europa få
fred-men Din vilje vil skje!
Slik gjekk det diverre ikkje. Han sjølv skulle ikkje oppleve at landet hans vart krenkt, men det
skulle sonane. Mange i Noreg kjede på ei uro over den urolige tilstanden i Europa. 1. September
gjekk Tyskland til åtak på Polen, til stor forargelse hos britane og franskmennene, stom stod fast
om å beskytte Polen. Dei erklærte krig mot Tyskland 2 dagar etter åtaket, den 3.September 1939.
Etter dette vart det valt forsyningsnemnder i alle kommuner og 7. Oktober vart det gjort
fullstendig rasjoneringsteljing i Noreg, og ein månad seinare fullstendig rasjoneringsordning
innført. Sovjetunionen sitt åtak på Finland 30. November same året førte krigen enda nærare. I
Noreg hadde ein ei rekkje nøytralitetssoldatar då Noreg straks erklærte seg nøytrale. Likcvel vart
det norske området krenkt både av engelske og tyske skip. 8. April minela britane delvis den
norske kysten for å hindre transport av svensk jernmalm til Tyskland. Soldatar frå Møre
Infanteriregiment nr.11 I.R. 11 var med som nøytralitetsvakter, og dei beskytta Sola flyplass og
Stavanger hamneområde, dei var då ca 800, 1 april vart dei fleste dimittert og kun 24 var att 9.
April. 9. April small det. Operasjon Weserübung vart eit faktum.
Tidleg føremiddag 9. april marsjerte dei tyske soldatane ein propagandamarsj nedover Karl Johan.
Det var menn i alderen 19-20 år. Soldatane var spente og eventyrlystne, etter eit soldatliv
Historisk person 13.02.16 Ingeborg
13
utelukkande i leirar. Før dei vart innkalla til førstegongteneste hadde dei vore medlem i
Hitlerjugend. Føraren hadde gitt dei ein utruleg oppvekst, og gjorde det mogleg for mellom anna
Albert Hasse å få stipend til å studere arkitektur i Sack. Omlag alle hadde si historie om korleis
føraren Hitler hadde reist Tyskland og korleis han ville betre alle sitt liv. Dei landa på Fornebu i
Oslo, og fekk beskjed om at dei skulle verne Noreg mot britiske styrkar som hadde gått i land, dei
skulle kome som vener. Dei opererte ekstremt effektivt og i løpet av dagen hadde tyske troppar
okkupert Oslo, Horten, Arendal, Kristiansand, Egersund, Stavanger, Bergen, Trondheim og
Narvik i det som var eit totalt overrskelsesåtak. Om kvelden 9.april gjorde quisling statskupp med
Nasjonal Samling og kunngjorde over radioen at Nygaardsvold-regjeringa var gått av. All
motstand var nyttelaus. Hitler stilte seg bak Quisling og 10 april kom den tyske ministeren til
Elverum for å forhandle. Han kravde han at kongen skulle utnemne Quisling til statsminister, men
dette gjekk i mot alle demokratiske prinsipp med tanke på at NS hadde ekstrem lita oppslutning i
heile landet utan representantar i stortinget. Over radio oppfordra kongen til krig mot tyskarane for
å forsvar Noreg og demokratiet. Morgonen 12.april kom meldinga frå utanriksminister Koth som
var saman med regjeringa, stortinget og kongen på Hamar :Regjeringa vender seg no til heile det
norske folket og bed det hjelpe ho med å halde oppe ei lovleg styring i landet...for å reise opp att
den fridomen og det sjølvstendet som framand makt har slått ned.
Tyskarane erobra knutepunkt på heile Norskekysten, men ikkje mellom Bergen og Trondheim. På
Haram opplevde lensmannen at telefonen ikkje stod, ekstremt mange ville verve seg og kjempe for
eit fritt Noreg. Sevrin var ute på fisketur då han spotta tyske krigsskip i havet, han hadde ein
nagande kjensle av at noko kom til å hende og i tillegg var det særs dårleg vêr, så han bestemte seg
for å dra i land igjen. Like etter vart Noreg invadert. Han ringte straks til lensmannen for å tilby si
hjelp. Han skulle ta Heland og frakte soldatar. I.R 11 mobiliserte full orden med fire bataljonar, tre
linjebataljonar og ein landvernsbataljon. 3000 menn kom til Veblungsnes før klokka 15 den
11.april. Sevrin tok to-tre turar til og frå Åndalsnes for å frakte soldatane. Nasjonale songar vart
sunge med innleving på kaiene då det vart teke farvel.
To av dei som drog for å kjempe mot den tyske framrykkinga i Gudbrandsdalen var Arne og
Bjarne, brørne til Jon. Der kapitulerte tyskarane den 19. April, men likevel vart det eit faktum at
tyskarane hadde makta i landet, då dei britiske styrkane som kom for å bistå dei norske troppane,
vart bestemt trukke tilbake frå Noreg den 27. April. 2. Mai vart det tyske rikskrigs-flagget med
hakekrossen heist på Åndalsnes. Arne og Bjarne kom heldigvis heilskinna tilbake, men tapet av
Noreg sin fridom sette djupe spor i dei, noko som smitta godt over på resten av brørne. I fleire
Historisk person 13.02.16 Ingeborg
14
dagar hadde det vore bombingar på Vigra for å prøve å øydelegge kringkastaren, den 15. April
vart han bomba til pinneved etter fleire dagar med intens propaganda og samarbeid med Wick i
Skottland etter sendetid. Siste meldinga var: ”Tyske fly bomber Molde. German planes ar
bomb..”. Møre og Romsdal var eit av dei mest krigsherja fylka i Sør-Noreg.
Okkupasjon av Vigra:
Tidleg på våren i 1941 kom dei tyske soldatane til Roald, dei var i byrjinga berre om lag 10 mann.
Deriblant Albert Hasse, arkitektstudenten frå Sack og sanitetsserjant August Kornemann. Det var
desse to vigringane fekk mest med å gjere, og dei var i grunn hyggelege menn. Dei skulle jo berre
forsvare Noreg frå britane, så dei følte seg ille til mote av all motstanden dei møtte av
innbyggjarane på øya. Ved pinse var det rundt 70 tyske soldatar på Vigra. Hærkystbatteri-578 av
HKA 505 vart bygd her. Den omfatta frå Roald til Molnes: 10 brakker, 23 bunkerar, 10 andre
bygningar, 2 tunellar, 9 kanonstillingar, 16 skytterstillingar, 4 lyskastarar, 5 minefelt og 11 andre
konstruksjonar.
Generelt kom tyskarane nokså godt overens med Vigrabefolkninga, dei lærte seg raskt norsk og
var svært interesserte i å samtale med dei. Det er viktig å hugse på at desse var vanlege menn som
berre var sende ut i krigen dei også. Det er ein grunn til at så mange jenter var kjærast med
tyskarar, dei var kjekke og vel oppdregne. Ofte valde dei å ikkje rapportere radiobruk blant
innbyggjarane, men slutta seg heller til dei for å høyre! Ein gong på sumaren i 41 var Kornemann
og ein kamerat ute og spaserte då dei høyrde ei radiosending frå London ut i frå glaset på eit hus.
Dei vart inviterte inn for å høyre på etter at dei spurde, og sendinga slutta av med Beethovens 5
symfoni, V for victory. Til slutt endte dei opp i triveleg samtale. Kornemann prøvde ut norsken sin
og var stolt over han, han ytra si glede over at Vigringane var så kjekke med dei. Og spurde så om
at dei ville ha skote tyskarane dersom dei hadde våpen. Vigramannen svarte: Ja, Kvar ein! Det er
fleire slike episodar som viser til at trass i eit godt samarbeid og eit vennleg sinn, var det ein god
motstand i dei. Albert Hasse var heilt i frå seg då butikkdama ein dag, svært frimodig, hadde ytra
si fulle og heile meining om Hitler. Ein soldat ved namn Berhenke var også svært godt likt på øya.
Han gjekk rundt heile tida og bekymra seg for den tyske ungdomen som vart sende i døden rundt
om kring i verda. Under er bilete tyskarane sjølv har teke på Vigra:
Historisk person 13.02.16 Ingeborg
15
Historisk person 13.02.16 Ingeborg
16
(Bileta er henta frå Krigsbilder-tyskernes egne foto fra Ålesund og Sunnmøre)
Patriotisme:
At krigen kom så tett på tende truleg ein gnist i Jon og den samla gjengen av brødre. Intens
bombing samt opplevinga av at brørne vart sende bort, utan at ein visste korleis det kom til å gå,
og det faktum at Noreg var i krig må ha tent ein veldig flamme i samtlege av gutane. Vigra
kringkastar dreiv også intens propaganda dagane etter okkupasjonen, noko som nørte opp under
ein allereie stor motstand på øya. Trass i at dei ikkje var særleg politisk aktive, var dei alle søner
av Noreg, og slik ville dei så klart kjempe for sit fedreland. Ein patriotisme vaks fram som ei
veldig bølgje over Noreg. Ingen skulle kunne herse med oss. At brørne var så tette, samt at
samfunnet ikkje var så stort, førte som sagt til eit sosiosentrisk samfunn og eit miljø der dei var
svært prega av meiningane til dei nære rundt seg. Dette kan for somme ha gjort at deira eigne
meiningar vart ekstremiserte og forsterka ved at andre trykte på dei rette knappane, eller sa det
som andre berre tenkte. At fellesskapen rundt ein motstand ovanfor tyskarane vart så stor vil truleg
ha gjort at personane var raskare på avtrekkjaren enn før og tok andre val enn kva som elles
stemde med personlegdomen deira. Dette var ei tid som ikkje kan samanliknast med noko anna
tilnærma normalt, slik at vala dei tok i ei viss grad må bli sett på som eit resultat av den ”ute av
kroppen” kjensla dei mest sannsynleg hadde. Ingen hadde opplevd noko slik før, og samhaldet
vart viktigare enn nokon gong for å verne om kvarandre. Mange var også redde, men skjulte det
kanskje og vart med i gruppepress i somme tilfelle. Ein ville ikkje trosse sine eigne, og
”opphausinga” av tankane som spreidde seg om ein motstand mot Tyskland, har garantert spela
Historisk person 13.02.16 Ingeborg
17
innpå mykje av dei handlingane ein såg under krigen. Som vigringen Einar Molnes, den yngste
uniformerte nordmannen som kjempa i krigen, ytra: Det var viktig for oss ungdommer å delta..Vi
var patrioter. Nasjonalfølelsen min var nesten for sterk, og heftige følelser kom i sving da Hitler
okkuperte Norge.
ENGLANDSFARTEN
Under krigen var Englandsfarten den dominerande forma for motstandsarbeid i Møre og Romsdal
dei to første okkupasjonsåra. 9/10 båtflyktningar frå fylkte var frå Sunnmøre, og då særleg Vigra.
Vigra var den kommuna som prosentvis sende ut flest menn i forhold til folketal, og var på eit
tidspunkt om lag tome for unge ugifte menn mellom 15 og 29. 50% av desse var fiskarar og
sjøfolk som var vande til å vere til sjøs. Det var dette som også gjorde englandsfarten mogleg, at
mannskapet om bord på båtane var så vande til havet og alt ein kunne støyte på her. Frå
Mørekysten gjekk 29 båtar over i 40, 51 i 41, men berre 6 båtar med til saman berre 56 menneske
mellom 42 og 45. Det var fem hovudgrupper frå Ålesund og næraste omland:
Torsvikgruppa(sumaren 40-mai 41), Nielsengruppa(mars-juli 41), Skytterholmgruppa(mars-august
41), Kvalengruppa (september-november 41), Wallegruppa(september 41-februar 42). FRÅ og
med September 1941 medførte englandsfart dødsstraff. Tyskarane kvar klare over Englandsfarten,
men at noke få for over til fienden gjorde die ikkje stort, problemet var den informasjonen dei
kunne føre med seg over til dei allierte. Det var nettopp dette dei gjorde. Engelskmenn sendte
hemmeleg agentar til Noreg for å spane på tyskarane, dei tok med våpen og forsyningar til Noreg,
og kom tilbake med info om handlingane og planane til tyskarane, til England.
(Bilete henta frå Natt på norskekysten)
Historisk person 13.02.16 Ingeborg
18
Milorg og Heland:
Etter ei tid vart det organisert ei lita gruppe av den norske militærorganisasjonen Milorg i
Ålesund. Gruppa var først konsentrert om nokre få medlemmar, men fekk snart greiner inn i
andre eksportgrupper. Dei dreiv med agentverksemd og lagring av våpen som kom over frå
England. Milorg i Ålesund som vart styrt frå London, var avhengig av transport frå Shetland
når dei skulle sende ein agent med opplysningar vestover. Dette vart tungvindt og dei skulle
gjerne hatt ein båt som låg klar til å ta agentane over når det trongs. Dessutan var det godt å
ha ein båt som kunne redde de ut av landet dersom tyskarane vart for nærgåande.
Milorg hadde ein kontakt på Vigra, Arnfinn Roald, som hausten 1941 fekk i oppdrag å
spørje Sevrin Roald, skipper på M/B Heland, om han ville gå en tur til Shetland. Det var han
straks villig til. Skipperen hadde alt vore med på å sende nokre skipbrotne englandsfararar i
veg frå Vigra. Ut på hausten fekk Sevrin beskjed om å møte ved Oksebåsen i Ålesund for å
plukke opp Linge agentane Karl Johan Aarsæther, Åsmund Wisløff og ein rømling frå
Ålesund. Her var også Jon og to andre vigringar med som mannskap. Dei drog frå
Oksebåsen 4.november til Baltasund på Shetland. Dei møtte ein grusom storm, men godt
sjømannskap redda dei til land. . I same stormen gjekk Shetlands-gjengens båt ”Blia” ned
med 42 menneske frå Bergenskanten om bord. Om lag samtidig låg Shetlands-Larsen med
båten ”Arthur” i havsnaud utanfor Norskekysten. Dei miste ein mann då ei bølgje slo over
båten, men dei kom seg også fram til Shetland.
Avtalen var at Heland skulle returnere til Vigra, men det var britane til å byrje men, ikkje
villige til. Aarsæther måtte konferere med Hovedkontorer i London før dei fekk dra. Så vart
oljetankane fylte, og dei fekk med seg matvarer og tobakk, som det var vanskeleg om i
Noreg. Heimturen gjekk godt sjølv om været ikkje var det beste. Då dei kom inn i
Breisundet vart dei praia av ein tysk trålar der dei ville vite kvar Heland kom i frå og kvar
dei skulle. Karane svara at dei kom frå fiske og at dei no var på veg heim att igjen.
Tyskerane ville så vite om dei hadde sett ein engelska ubåt i farvatnet, men det hadde dei
sjølvsagt ikkje. Dei fekk så ordre om å fortsetje.
Då dei kom heim til Vigra ville folk sjølvsagt vite kvar dei hadde vore. Karane sa at dei
hadde vore på ei frakting sørover. Dette var ikkje så heilt utruleg då fiskebåten låg still på
denne tid av året. To av mannskapet, deriblant Jon, hadde difor byrja på eit navigasjonskurs
Historisk person 13.02.16 Ingeborg
19
om hausten, og då dei ikkje møtte opp trudde mange at dei hadde rømt til England. Men det
var for utruleg at dei ville kome attende derifrå no. Læraren møtte dei i døra og sa i spøk:
”No, der kjem englandsfararane våre!” Dei to var med på moroa, og svara, som samt var, at
her kom dei. Meir vart det ikkje prata om det, og det såg ut til at forklaringa heldt.
Instruksen frå Milorg var no å halde seg klar på kort varsel, men dei skulle sjølvsagt også
halde fram med fisket.
Ein ny forespurnad frå Milorg kom i midten av januar 1942. Karl Johan Aarsæther var
komen att og skulle tilbake til Shetland med ny informasjon. Jon og broren hadde nett gjort
klar for storsildfisket og låg berre å venta på silda. Mannskapet var difor nokså stort, ni i det
heile, så Sevrin bad dei gå i land i påskot av å skulle dra sørover etter silda, berre han, Jon
og dei to Vigringane som var med forrige tur henta agenten i Ålesund klokka 3 om natta. På
turen passerte dei Måløy som det om lag framleis rauk av etter Måløy-raidet. Denne gongen
gjekk dei inn til LUNA, basen for den norske avdelinga på shetland. Her vart dei innkvartert
saman med ”Shetlandsgjengen”, og møtte dei kjende frå Noreg. Aarsæther drog vidare til
London, medan mannskapet på Heland og nokre frå Shetlandsgjengen byrja å laste våpen og
ammunisjon som skulle til Noreg om bord i båten. Ein ny agent, Knut Aarsæther, bror til
Karl-Johan, skulle også vere med tilbake til Ålesund. Dei vart liggjande nokre dager å vene
på betre ver, men dei måtte likevel gå utan at dei vart gode ver tilhøve. Det var ikkje bra å
vente for lenge heller. Vêret gjekk ikkje ubemerka hen, og slo inn styrbord rekkje og knuste
døra ned til maskinromet. Då dei kom til oksebåsen lossa dei av ca. 10 tonn våpen og
ammunisjon. Dagen etter rapporterte skipperen på hamnekontoret i Ålesund. Instruksen var
at ingen fiskebåt hadde lov ¨vere borte frå nærate hamnekontor i meir enn 8 døgn. Heland
hadde vore borte lengre enn dette, men ingen festa seg ved det.
Folket på Vigra hadde undre seg over at Heland ikkje kom heim før. Alle andre sildebåtane
var kome heim att på grunn av styggeveret sette inn. Men ingen hadde sett noko til Heland.
Folk hadde så smått byrja å bli redde for at noko hadde skjedd med båten. Var dei kanskje
gått på ein mine? Somme sette nok episoden i samband med førre forsvinningsnummer, og
byrja nok å undre på om karane var bort ei noko illegale saker. Men slikt kunne de vere
farleg å vite for mykje om, det hadde dei fått prov på. Fleire av fedrane til gutar som var
reist over havet var blitt arresterte og sendt til Grini. Difor var det ingens om spurte noko
særleg etter kvar dei hadde vore, sjølv om dei ikkje trudde på forklaringa til gutane om at dei
hadde lege i ei uthamn og venta på betre ver. Det såg dei tydeleg då ein mann kom om bord
Historisk person 13.02.16 Ingeborg
20
og fekk sjå kva medfart rekka og døra hadde fått. Han var snar i å kome seg i land utan å
seie eit ord. Heland reiste same dagen til byen og fekk reparert skadene, og reiste så på
sildefiske.
I februar slo nokre norske angjevarar ført av Henry Rinnan til mot ei gruppe i Ålesund som
dreiv med englandstrafikk. Denne gruppa hadde kontaktar innan Milorg. Mange av
medlemmane vart sette i fengsel saman med ei gruppe englandsfararar, i alt over 50
menneske. 21 av desse vart seinare avretta. Tyskarane hadde lenge vore klar over at det
gjekk føre seg englandstrafikk frå Sunnmøre, men hadde ikkje klart å setje i verk tiltak for å
stoppe han. Det såg farleg ut for mange i Ålesund og rundt om. (INTERVJU). Det vart difor
sendt melding til Vigra om at Heland måtte halde seg klar til å gå til England på kort varsel.
Etter ei rådslåing vart ein samd om at Heland skulle dra ut på sildefeltet. Då fekk dei halde
seg unna tyskarane og samstundes opptre naturleg i dei kritiske dagane. Dei som ville vere
med til England skulle samle seg i eit hus i Blindheimsvik, og Heland skulle så kome inn
neste natt og hente dei. Blant desse var sjefen for Milorg, Trygve Rypdal, heile hans familie,
samt fleire nøkkelmenn i organisasjonen. Altså menn som absolutt ikkje burde pressast for
informasjon av tyskarane. 25. Februar, klokka fire om natta drog Heland med Jon og Sevrin
for å hente dei og førte dei så til Luna på Shetland. Alle som drog meldte seg så inn i dei
allierte styrkane og gjorde teneste i hæren, marinen og handelsflåten. Jon valde
Handelsflåten.
ARBEID FOR NORTRASHIPS
For brørne som hadde haldt på med den ulovlege englandsfarten var det ikkje snakk om å
dra tilbake. Dei var etterlyste med dødsstraff til følgje. Arne og Sevrin vart att på Scalloway,
men Jon fortsette ut i krigen på handelsflåten. Etter silinga på Patriotic School i London, vart
det klart at Jon ikkje var nazist og han vart sendt til Shetland der han skulle ta to båtar ned til
Buckie i Skottland. Han melde seg i London att og mønstra så på i teneste for Nortraships på
tankskipet Frontenac, ein 11 000 tonnar.
Allereie klokka 13.47 den 9. april 1940 vart det første tiltaket vedteke for å hindre at den
norske handelsflåten vart ein del av den tyske makta. Admiralitetet i England gav ordre om
at norske og danske skip skulle giast britisk beskyttelse, haldast tilbake i britiske hamner
eller dirigerast inn att frå havet. Stasjonen i Suez fekk beskjed om å halde tilbake norske og
danske skip i kanalområdet. 10 april kom instruksar frå tysk kommando i Noreg til dei
Historisk person 13.02.16 Ingeborg
21
norske skip om å kome tilbake til Noreg eller nøytrale hamner. Leiaren for norsk
sjømannforbunds avdeling i Storbritannia, Gunnar Sønsteby, i London, fekk sleppe til i BBC
den 10 april med ei oppfordring til dei norske om å ikkje la seg villede av Vidkun Quisling
og kringkastningsmeldingane frå Oslo, dei måtte bli på post! Vidare kom beskjedar om at
dei kunne kome til britiske hamner for lova beskytting og garantert betaling.
Dei neste vekene var urolige og usikre, ein visste ikkje kor ein hadde dei norske, men den
22.april hadde den norske regjeringa samla seg til statsråd på Stuguflåten i Romsdalen. Ved
Kgl. resolusjon vart det gitt ut ei anordning der bruksretten til alle norske skip utanfor tysk
herredømme vart overført frå reiaren til regjeringa. Øyvind Lorentzen fekk fullmakt til å
sette dette i verk og disponere flåten, han forlot same kveld Åndalsnes med ein britisk
kryssar og gjekk i lang i London den 25 april saman med skipsfartminister Arne Sunde.
THE NORWEGIAN SHIPPING AND TRADE MISSION, NORTRASHIPS vart etablert.
Hovudkontoret fekk lokale i 144 Leadenhall Street i London. Nortraship sine inntekter
gjorde at Noreg kunne gjenreisast etter krigen og dei dekte m.a drifta av dei væpna styrker.
Nortraship oppretta 30 avdelingskontor i dei viktigast havnebyane i fire verdsdelar og ein
“Repair Section” i Gourock i Clyden. Rundt 700 personar jobba på desse kontora. Flåten
haldt 1081 skip med over 30 000 sjøfolk, over 4000 miste livet og halvparten av flåten gjekk
tapt.
I havet låg dei tyske ubåtane ute for å senke mest mogleg alliert skipsfart. England prøvde å
samle seg opp nok kraft til å ta seg inn i Tyskland og overvinne tyskarane der, difor trong
dei forsyningar frå USA. Dette førte til at det heile tida gjekk ein jamn straum med konvoiar
over til USA og sør-amerika, så tilbake til England. I dei største konvoiane som gjekk til
England var det opptil 160 skip med. Frå engelsk forsvarsleiing blei det på slutten av krigen
uttalt at den norske handelsflåte betydde meir enn ein million soldatar i kampen mot
nazismen, og av den engelske fredprisvinnaren Sir Noel Philip Barker at; utan den norske
handelsflåten ville England og dei allierte tapt krigen.
Historisk person 13.02.16 Ingeborg
22
(Bilete av Jon sitt identitetsbevis)
Frontenac:
Jon reiste med konvoi HX 212 på den første turen(konvoiane fekk nytt nummer for kva tur)
frå England, over atlanterhavet til Boston, ned til Curaçao for å laste olje og in att til
London. På denne turen var det ikkje meir enn litt djupvassbombing, så konvoien var uråka.
Neste tur gjekk til Curaçao, opp til New York og tilbake til England att. Midt i Atlanterhavet
fann eine it såkalla ”air-gap” der flya ikkje lenger kunne beskytte konvoien fordi det var for
langt frå land. Det var i nett dette air-gapet flest båtar gjekk ned, fordi ubåtane fekk så og
seie fritt spelerom. På denne andre reisa medan dei reiste frå New York mot England, skulle
dei gå gjennom denne air-gapen. Dei var ikkje like heldige denne gongen.
27.Oktober 1942, klokka 19.30, vart Frontenac saman med to andre båtar ,i den 45 båt store
konvoien, torpedert av ein tysk ubåt. To svenske skip i konvoien hadde køyrd med lys på, og
slik gjort målet for ubåten lettare. Jon var på utkik, oppe på styrehustaket, etter ei konflikt
mellom styrmann og kaptein om kvar dei skulle halde vakt. Jon skulle eigentleg halde vakt
Historisk person 13.02.16 Ingeborg
23
ved baugen, men kapteinen, ein mann som hadde vore ute for torpederingar før, så han bad
Jon om å halde seg borte frå baugen, og heller halde utkik frå styrehustaket. Dette redda
truleg livet til Jon. I stiv nordvestleg kuling, store bølgjer og snøbyger, small det plutseleg.
Skipet var det første av tre til å bli truffe av den tyske torpedoen, og det lyste opp ein veldig
flamme til over masta, og Jon som dei fleste andre heiv seg ned, klare for at heile skipet
skulle gå i lufta pga. oljetankane som no brann heftig. Dei klarte ikkje å sløkkje flammane
før dei hadde snudd båten og køyrd han rett i mot sjøen. Båten klarte likevel å halde seg
flytande. Dei to andre skipa gjekk ned. Dette var Sarabaya og Gurney E. Newlin. 300
menneske miste livet.
(Bilete av baugen til Frontenac etter torpederinga, bilete henta frå Handelsflåten i krig 1939-
1945 Nortraship bind 2)
Historisk person 13.02.16 Ingeborg
24
Frontenac prøvde så godt dei kunne å halde følgje med resten av konvoien, det var reine
sjølvmordet å halte åleine etter ein konvoi i havet. Skipet kunne i denne tilstanden berre
halde 4 knop, så dei fall etterkvart frå konvoien.baugen stod opp og ankerspelet samt
kjettingskapet hang igjen. Dei gjekk litt lenger sør før dei gjekk austover igjen. Dette redda
truleg livet til mannskapet, då ubåtane fulgde konvoien, og garantert tok dei som hang litt
etter han. Med å gå på tvers av konvoien kunne dei lure bort tyskarane. At torpedoen traff
baugen var avgjerande for at båten ikkje gjekk ned, og dei var også heldige med at det på
dette tidspunktet truleg berre var ein tysk ubåt ute i farvatnet. I seinare tid vart mange fleire
båtar tekne.
Den 4 november kom dei i land i Glasgow for å losse av olje, og drog deretter nedover til
Newcastle, der dei låg til mars i 1943 etter lang tids reparasjon av Frontenac. Medan dei
venta på at reparasjonane skulle bli ferdige tok Jon eit skyttarkurs på eit par dagar i South
Shields i Newcastle, han fekk sertifisert at han var hendt til å skyte med m.a Oerlikon,
Merlin, Hotchkiss og F.A.M. Her er dokumentasjonen han bar med seg for å få lov til å
skyte, etternamnet har dei stava feil;
Historisk person 13.02.16 Ingeborg
25
2. Mars i 1943 skreiv Jon eit brev til broren Arne om tilstanden til både han og skipet i
”Nevkastel”:
Hallo Arne!
Ja, eg får vel ta blyanten i min hand og skrive nokre ord til dykk, so dykk fær høyre korleis
det ligge an. Ja, her ombord går det sin vandte gang, me pikkar rust og måler so flisne
fyker, so då kan du tru at gamle Frontenac skal bli fin når han kommer ut igjen. Ja, eg trur
fresten at det blir ikkje mange dagane før me går no. Sverre har no mønstra av og reiste til
London, han vilde forsøke nokke nytt, ja det er sandeleg ikkje godt å veta kva som er det
rette i disse tider. Eg har no tenkt å stå ombord en tur til og ta færi når vi kommer tilbake…
Ja, no veit eg ikkje stort meir å rota om for denne gong, du har vel snakt med Sevrin og Inga
å dei har vel fortalt det som er, at eg fekk treffe både dei og Bjarne. Ja du fær no ha det so
bra, eg vil håpe at det ikkje blir alt for lenge til me fær treffast igjen. Ja, du får hilse Sevrin
og Inga og ellers alle kjente frå meg, og ikkje glemme å skrive.
Beste hilsen
Frå Jon
Adr. Den same
5. November var Frontenac klar att. Dei drog frå Newcastle, til Curaçao, New York og
tilbake att til England. På denne reisa vart to skip i konvoien senka, men Jon fekk ikkje vite
dette før fleire år etterpå. Det var svært dårleg informasjon om gangen i krigen og om kva
som føregjekk rundt dei, fordi dei på dekk skulle vite minst mogleg for å hindre spreiing av
feilaktig eller hemmelig informasjon. Frå England gjekk dei til New York att, og i ein
kjempestor konvoi drog dei til Middelhavet der dei frakta olje og bunkra skip. Dei nådde
Gibraltar i det invasjonen gjekk av stabelen på Sicilia, operasjon ”Husky”, 10. Juli 1943.
Etter massiv bombing etterfulgt av landsetjing fekk dei allierte rykt inn i Sicilia og fram mot
hamnebyane ved Messinastredet. I byrjinga av august evakuerte italienarane troppane sine
frå Messinastredet til italiensk fastland, og like etter gjorde tyskarane det same. 17. August
rykte die allierte inn i Messina, og all motstand på Sicilia ar rydda unna, dei allierte
handelsskipa førte no fram materiell til offensiven mot Italia.
Jon og Frontenac låg til kai i Bizerta i Tunisia, like nedanfor Sicilia i ca. ei veke under
invasjonen av øya. Dei kunne sjå destroyarane kome inn og ut att frå øya, og der var trottige
flyangrep av tyskarane. Det var også flyangrep mot Bizerta, fordi desse områda heldt skip og
Historisk person 13.02.16 Ingeborg
26
materiale som fungerte som offensivstyrkande for dei allierte som no prøvde å rykke fram til
Italia. 7. August klokka 03.30 gjekk flyalarmen, dei måtte raskt vere i beredskap. I
nattemørkret kunne ein ikkje sjå kor mange fly som var med i angrepet, men det varte i over
ein time. Jon hadde ein Colt-pistol og elles på skipet var det ikkje mangel på skytevåpen.
Ein kan ikkje førestelle seg stress og lydnivået i ein slik augneblink, når ein ikkje ein gong
veit ordentleg kvar fienden er. Under åtaket vart det frå skipet avfyrt 17 skot frå 12-
pundskanonen, 300 oerlikonskot og 450 skot med Colt. Det var denne tida i Middelhavet
Jon hugsa mest, og truleg prøvde å gløyme mest.
Jon var i Middelhavet til mai i 1944, då bar det tilbake til New York. No hadde han vore om
bord i over 23 månadar og han bestemte seg for å ta ut ferien, han kunne etter så lang tid få
lov til å ta ut ein månad med ferie, dei fekk ikkje ta ut noko før dette. Jon bestemte seg for å
ta ut ei veke i Brooklyn der han budde med ein Haugesundsfamilie. Her tok han ut nok
pengar til å ha det retteleg og velfortjent kjekt etter så lang tid på sjøen. Mykje vart nok
brukt på sigarettar.
Det går mot fred
Frå New York mønstra han på ein splitter ny tankbåt som heitte Karsten Wang, og det bar på
nytt til Curaçao. Frå Curaçao til New York, og frå New York til Liverpool. Her mønstra han
av i Juli 1944, ikkje lenge etter invasjonen av Normandie, og bestemte seg for å ha ferie.
Problemet var berre at det regna V-1 bomber samtlege av dei 14 dagane han tok ut av ferie.
V-1 bomba vart utvikla av tyske forskarar under styring av Wernher von Braun og Walter
Dornberger. Dei vart også kalla ”Buzz bomber” på grunn av summelyden ein kunne høyre
då dei vart skotn eut, etterfulgt at fullstendig stillheit før dei eksploderte. Dei første V-1
bombene vart skotne ut over London den 13. Juni i 1944, i løpet av den første perioden fall
100 V-1 bomber i minuttet over London, og over ei periode på 80 dagar døydde over 6000
menneske og enorme øydeleggingar var overalt. I eit brev til broren Arne skriv han:
S/S Hardanger 3-8-44
Hallo Arne!
Ja eg reknar med at Sevrin har fått det brevet som eg sente til han frå London då eg var der
på færi. Ja eg vil sei de at eg var litegrand uheldig med færien på grunn av den stygge
bombingen som der var. Eg tengte nesten på at eg skulle sende eit telegram til dere , då eg
Historisk person 13.02.16 Ingeborg
27
mønstra av, muligens dere hadde kome nedover på perm men sån som det låg an då so
tengte eg at de var best å halde seg vekk frå London…
Hilsen Jon
adr. Jon Roald
S/S “Hardanger”
Nortraship Postal Dept
144 Leadenhall Street
London
Brevet vart sendt frå S/S Hardanger, den nye lastebåten han mønstra på, etter to år med
arbeid og to veker med bombing var det altså rett tilbake på jobb. Med Hardanger gjekk han
til Canada og deretter Mosambik gjennom Suez-kanalen i Middelhavet. Dei var innom
Gambia og henta peanøtter for England før dei drog til Canada. Det gjekk rolegare føre seg
denne gongen, og i eit utdrag frå eit brev kan vi lese: Oppe med dere går vel alt sin vante
gang, der er vel kanskje lit kalt no eg høyrde over radioen at der va snø i jula so det var
ikkje rett frit eg syntes synd i dere når eg låg i hengekøya i badebrok og sola meg ja du kan
tru at eg er blitt brun i det siste, det er nesten so at dei tar feil i ein neger og meg.
Samstundes som alt dette gjekk føre seg, var Tyskland pressa oppi i eit hjørne etter å ha tapt
terreng så godt som overlat, etter Hitler sitt sjølvmord 30. April. Den 8. Mai 1945 overga
tyskarane seg og det var fred i Europa. Kapteinen kom ned og fortalde at no var det fred, medan
dei låg til kai i Canada. Ingen skulle jobbe den dagen, men kapteinen ville gjerne ha ein som
kunne drag ei fløyta heile dagen.
Historisk person 13.02.16 Ingeborg
28
(Bilete frå då han gjekk gjennom Suez-kanalen, skrifta er arabisk)
Historisk person 13.02.16 Ingeborg
29
(Seddel frå då han var i Mosambik)
Dei turde ikkje å gå åleine over havet fordi dei var redde nokre tyskarar ikkje skulle ha fått med
seg at krigen var over, og slik framleis jakta på alliert skipsfart. Dei gjekk difor i konvoi til siste
dagen i mai, då blæs alle i fløyta og gjekk kvar til seg. Det var stort då dette hendte, etter så mange
år med konstant samanfarting, skulle dei plutseleg vere åleine. Kjensla av samhald hadde vore så
sterk, og no skulle alle kvar til sitt. Hardanger gjekk til Newcastle, der han mønstra av i juni og
leitte etter ein ny båt som kunne ta han heim til Noreg, men denne reisa var det lang kø på. Til slutt
kom han på båten LEKA som skulle gå ein liten tur til Belgia før han drog til Noreg, men det vart
tre heile turar til Belgia før han kom seg til Noreg i slutten av september, og mønstra av i Skien
22.9.45. Frå Skien drog han til Oslo, men dei fann ingen overnatting her, så dei fekk sitje å vente
på stasjonen før dei tok toget til Åndalsnes dagen etter. Frå Åndalsnes gjekk det båt til Molde og
Ålesund, og i Ålesund stod Selma og venta på forloveden sin, etter 3,5 lange år.
ETTER TENESTE
Etter krigen i Noreg var mange fattige og utan utdanning. Mange satt att med gjeld og behandlinga
av myndigheitene etterpå var særs urettferdig. Einar Molnes, Vigringen som melde seg som 16
åring, fekk hundre kroner for si teneste, men måtte betale for ein blå krage som mangla på jakka.
Ein annan Vigramann satt att med 48 kroner i gjeld på grunn av ei jakke som hadde forsvunne
under kampens hete. Tyskarane forlot Vigra etter å ha fjerna alle minene som var lagde ut for å
hindre britar i å kome i land. For å bevise at alt var fjerna måtte dei gå arm i arm gjennom alle
minefelta.
Når det galdt feiringa av krigens slutt var denne svært stor nett då det vart erklært fred, og dei
første vekene etterpå. For alle dei som hadde vore i teneste gjennom krigen og var borte frå landa
sine betydde dette som regel ei stor feiring på båten eller leiren dei var i. Det var ikkje anna å
vente enn at dei gleda seg til å kome heim som krigsheltar til eige land og til å sjå familiane sine
att. Problemet var at det gikk så lang tid før dei faktisk kom fram til heimane sine, at jubelen hadde
stilna. Dette har i mange sitt tilfelle ha vore hardt å svelgje, etter fleire år med teneste og minner
som aldri forsvinn, kom dei heim til eit land som er i fullstendig normaltilstand på ei tid der dei
absolutt ikkje er i normaltilstand sjølve. Behandlinga stemde ikkje overens med innsatsen i det
heile, og heller ikkje dei psykiske og fysiske konsekvensane krigen hadde ført med seg. Jon kunne
Historisk person 13.02.16 Ingeborg
30
ikkje ein gong finne ein stad å overnatte då han kom til Noreg, og sov sitjande medan han vanta på
toget heim.
Trass ein ikkje eksisterande velkomst til Noreg var likevel gleda stor då han kom heim, sjølv om
gledesropa i resten av landet hadde lagt seg. Selma venta trufast på han etter 3,5 år i teneste. Ikkje
visste ho om englandfarten han dreiv med heller. Jon ville beskytte henne frå å sitje med slike
opplysningar og bekymringar. Det råkar ingen tvil over at det må ha vore ein intens kjærleik og
lojalitet mellom desse to menneska. Mellom jul og nyttår same året gifta dei seg endeleg. Dei fekk
borna Solveig, Asbjørn Odd og Jorunn Sølvi.
Etter heimkomsten gjekk Jon ut på havet igjen og fiska. Dette dreiv han med til 1963, då han fekk
jobb på Storholmen fyr, der han var borte i seks veker om gongen, til stort sakn for borna, før han
var heime i to veker. Her jobba han i 10 år og fekk oppleve mykje teknologisk utvikling, frå å bli
frakta ut med båt og kran, til å bli henta med helikopter til slutten. Etter dette tok han jobb på
Erkna fyr, der han jobba i 8 år.
Det var ikkje rart at han var eit sakn for borna dei vekene han var borte; Jon omtalast av alle som
har hatt noko med han å gjere, utelukkande positivt. Jon er beskriven som ein særs snill mann. Ein
kunne så godt som alltid skimte eit smil i han. Trass alt han hadde vore gjennom var han veldig
stillfaren og rolig, med ein varm omtanke for alle andre rundt seg. Jon hadde alltid tid til å høyre
på kva ein sa, til og med små born retta han si fulle merksemd mot for at dei skulle føle seg
inkluderte. Han hadde ei ibuande interesse for andre menneske og deira ve og vel. Han var nokså
sosial og gjekk godt i lag med alle, slik som resten av brørne. Ingen av brørne kritiserte nokon
gong kvarandre, og samtlege hadde beina godt planta på jorda, var aldri oppfarande og køyrde
aldri over nokon i ein samtale. Dei var rolige og balanserte menn med ei djup respekt for andre.
Som med så mange andre prega krigen Jon i ettertid. Det mest tydelege var at han ikkje likte å
prate om den, temaet vart ofte unngått eller svinga unna i samtalar. Jon ar glad i å snakke om gode
minner, om glade øyeblikk som d å krigen var over og kapteinen kom ned med to flasker og gav
dei fri for å feire det, eller då ein matros frå Stavanger prata med ein matros frå fosnavågen på
spansk eller engelsk fordi han ikkje forsto at den nokså dialektprega matrosen frå fosnavågen var
norsk. Han hadde alltid slike små artige historier å fortelje om istadenfor dei andre minna det er
naturleg å sitje att med etter ein krig. I ettertid har han ytra at det var hendingan ei Middelhavet
Historisk person 13.02.16 Ingeborg
31
han sleit mest med. Den første tida etter krigen var han plaga med mareritt, men desse forsvann
etterkvart.
Mangelen på hjelp frå staten i ettertid vart vegd opp av hjelpa dei fekk frå kvarandre på Vigra.
Alle brørne var berørte på kvar sin måte og med kvar sine like og ulike opplevingar, så dei var
avhengige av å møtes på Roald kvar dag. Dersom Jon ikkje tok sykkelen til Roald, måtte det vere
noko alvorleg gale. At dei hadde eit så tett samhald før krigen og gjennom oppveksten har utan tvil
hjulpe dei til å prosessere nokon av tankane og spørsmåla dei sat att med. Ein kan seie det var som
ein terapi i kvarandre. Det er mykje ein ikkje veit om kva som faktisk foregikk dei ulike stadane,
så det var nok godt for brødrene å få fortalt litt av sitt, likevel er det umogleg å førestelle seg
korleis krigen faktisk gjekk inn på dei. Det var nære på mange gongar for Jon, så eksistensielle
spørsmål dukka nok opp saman med skuldkjensle. Kvifor ikkje meg? Kva er skilnaden på meg og
dei? Finst der ein Gud?
Størsteparten av kampen for å gå tilbake til normalen foregikk nok i hovudet, men det var av og til
det skein igjennom at han ar prega av krigen. Kvar gong born ropte eller skreik, sjølv om det var
normal leik vart han tydelig stressa og spurte: ”Nei, ka det e no?”. Deretter måtte han ta seg ei
runde for å sjekke at det stod bra til med hans eigne born eller naboborna. Uansett oppførsel var
det aldri snakk om juling eller noko form for fysisk straff for borna. Jon var alltid
gjennomtrengjande snill, noko som kanskje kom som ein konsekvens av krigen, at ein innsåg kor
viktig det var å behandle kvarandre med respekt og omtanke.
OPPSUMMERING
Jon levde i ei tid prega av svært mykje endringar, og med den andre verdskrigen; brå endringar.
Han vaks opp i ei tid der både politiske, økonomisk, kulturelle og teknologiske forhold var i
utvikling og påverka hans rolle i krigen stort. Utan Nygaardvold –regjeringa hadde det ikkje vore
mogleg å drive med englandsfart fordi dei ikkje hadde hatt råd til Heland, samstundes hadde den
tronge økonomien lært dei å arbeide svært hardt, kjempe for tilværet og utnytte det dei hadde frå
naturen si side i samarbeid med den teknologiske utviklinga. Radioen som kom til Vigra nørte opp
under ei allereie eksisterande sterk nasjonalkjensle, og ved okkupasjonen av Noreg, utsendinga av
Arne og Bjarne til Gudbrandsdalen og bombinga av Vigra må ha fått denne kjensla til å sprengje
skalaen. Den lojaliteten både til Noreg og til brørne, må ha påverka tangegongen kraftig. Heile
Vigra, og i grunnen Noreg, var prega av å ville ta att for det tapet dei hadde lidd mot tyskarane, og
fellesskapet rundt dette har nok vore ekstremt viktig i vala som vart teke om å faktisk utføre den
Historisk person 13.02.16 Ingeborg
32
illegale shippinga, spesielt i det sosiosentriske samfunnet der ein skulle fokusere på det felles
beste.
Individuelt sett er det mogleg at Jon hadde andre tankar som skilte seg frå brørne, men at den
lojaliteten og fellesskapen som vaks blant dei og blant nordmenn generelt har forsterka dei tankane
som det var mest vanleg å ha. Ein ville ikkje vere dårlegare enn andre. Det er altså vanskeleg å
seie om det er utviklinga i samfunnet og den raske endringa, eller dei sosiale banda som var
mellom menneska på denne tida som var utløysande for hans deltaking i kampen mot
aksemaktene. Truleg ser ein på ein kombinasjon av sosiale, politiske, økonomiske, kulturelle,
teknologiske, individuelle, demografiske og naturgjevne forhold som både drivkraft, utløysande
årsak, samt at det i det heile teke var mogleg å gjennomføre. At han ikkje fekk kome heim til
forloveden sin, og heimlandet sitt fordi han var dødsdømd av okkupantane frå ein annan nasjon,
må ha vore tungt. Dette har truleg forsterka den motstanden han allereie satt inne med mot
tyskarane, og slik drive han til å fortsette og jobbe for å hjelpe dei allierte. Patriotismen var nok eit
svært viktig nøkkelord for dei fleste, i samband med dei andre menneska rundt, som forsterka eller
trykte ned dei meiningane ein allereie hadde. Det er viktig å hugse på at dette var ei tid som ikkje
kunne samanliknast med noko tilnærma normalt, slik at vala ein tok i ei viss grad må bli sett på
som eit resultat av den ”ute av kroppen” kjensla dei truleg hadde.
Jon fall bort den 4. Desember i 2003, litt under fire månadar etter kona si, Selma. Han døydde
utan ein einaste uvenn i verda og utan eit einaste vondt ord om seg. Og til dags dato berre med
menneske som hadde djup respekt, beundring og kjærleik for han.
Selma og Jon:
Historisk person 13.02.16 Ingeborg
33
KJELDER
Primærkjelder:
-dagboka til Jon frå 1943
-Breva frå Jon til Arne
-dokumentasjon frå Suez-kanalen, Mosambik, Skyttarkurs, krigsmedaljar
Sekundærkjelder:
Bøker:
-Ulstein, Småsamfunn i storkrig, 1980, Det Norske Samlaget
-Løseth, Likskap og lagdeling, 1996, Det Norske Samlaget
-Hegland, Nortraships flåte-krigsseilasen under den allierte offensiv bind I og II(1940-45),
1976, Dreyers Forlag
-Haga, Natt på norskekysten, 1979, J.W Cappelens Forlag A.S
-Flatmark, Krigsbilder, 2010,
-Eliassen, Eriksen, Ertresvåg, Grimnes, Skovholt, Wiig, Øhren, Tidslinjer 2, 2008,
H.Aschehoug & Co
-Dagboka til Anders Roald, avskrift av Johan Molnes (sjå vedlegg)
-Frontenac bilete frå handelsflåten i krig 1939-1945 Nortraship” Bind 2
-Utdrag om Frontenac-torpederinag frå Menn uten medaljer av Rasmussen
Anna:
-Særemne skrive av Asbjørn Roald om Heland
- Kaare Haahjem, Minneord over Jon Bernt Roald, ”Øy-blikk”(avis), 18/12 2003
-einarmolnes
-Per Sæther, M.5.V ”Heland”-en fiskekutter og krigsveteran blir berga, ”Øy-blikk”
12.02.1998
-Intervju av Jon frå 1971
-Intervju med sonen Asbjørn Roald, ca. 3 timar
-Sunnnmørsposten 24.07.1971
Internettsider:
http://sedak.ikamr.no/2012/sed0008-vigraslekter/sed0008001/01/#/104/zoomed
Historisk person 13.02.16 Ingeborg
34
http://kulturminne.co.no/index.php?option=com_content&view=article&id=114&Itemid=16
7
http://kulturminneatlas.avinet.no/object/dbarticle_preview.aspx?id=77
http://www.krigsseileren.com/
http://www.historyplace.com/worldwar2/timeline/v1.htm
https://draumeverda.wordpress.com/2014/05/17/litt-nordahl-grieg-pa-nasjonaldagen/
http://www.warsailors.com/shetlandbus/boatsh.html
(alle har nedlastingsdato 07.02.15)
Når det gjeld kjeldene e det viktig å tenke på at kjeldene ofte gir litt subjektive tolkingar av
kva som faktisk hende. Det same gjeld mine kjelder, og då spesielt intervjet med sonen.
Forfattarene av bøkene har også ulik ståstad og vil slik skildre hendingar noko annleis,
samstundes som eg forstår de ifrå min ståstad. Difor kan ein berre fundere på kva som
faktisk hende eller kva som faktisk var årsakane i ulike situasjonar, og det er rom for
feiltolkning.
Historisk person 13.02.16 Ingeborg
35
Historisk person 13.02.16 Ingeborg
36
VEDLEGG:
Historisk person 13.02.16 Ingeborg
37
Historisk person 13.02.16 Ingeborg
38
Historisk person 13.02.16 Ingeborg
39
(Bileta over viser krigsmedaljane han fekk, samt dokumentasjonen av desse)
Historisk person 13.02.16 Ingeborg
40
Historisk person 13.02.16 Ingeborg
41
(Jon si dagbok frå 1943. EI lite spennande side grunna personvern)
Historisk person 13.02.16 Ingeborg
42
Historisk person 13.02.16 Ingeborg
43
(Breva som vart sendt frå Jon til broren Arne, viser berre konvoluttane pga personvern,
hadde hemmelege adresser.)
(Bilete av konvoitrafikken til Nortraship under andre verdskrig. Her ser ein det såkalla Air-
gapet mellom amerika og England, der Frontenac vart torpedert.)
Historisk person 13.02.16 Ingeborg
44
(Dette biletet viser konvoien han gjekk med då dei vart torpedert. Kryssa viser kven som
vart torpedert i løpet av tida i konvoien. Alle utanom Frontenac gjekk ned.)
Historisk person 13.02.16 Ingeborg
45
(Meg foran Heland som står på Sunnmøre museum)
(Heland då han var ny)
Historisk person 13.02.16 Ingeborg
46