Ib Zaaj Keeb Kwm Tuab Tuab Lu

Xyoo 1525Pawgntseeg Mennonite pib mauj thaus lub sjhawm kws muaj kev hloov coj noj coj ua saab qaum teb Europe, puab yog cov kws muaj npe hu ua Anabaptist (cov kws ua dlua kevcai raus dlej). Puab tsi leeg yuav tej pawgntseeg hab numtswv txujcai kws quab yuam tej pejxeem txuj kev ntseeg. “Kev ntseeg tseeb,” puab has tas, “Yog yaam kws puab txaus sab coj.”

Xyoo 1550 – 1625Vim puab tsi yog cov pawgntseeg kws ua lawv le cov pawgntseeg kws yeem nyob huv numtswv kev tswjfwj (Catholic, Lutheran or Reformed) Cov Mennonites txham raug suav has tas yog cov phem hab puab raug tsimtxom nyaav heev rua thawj tam hab ntau tam tom qaab.

Xyoo 1683Cov Mennonites txhaj xub tsiv lug poob rua Pennsylvania yog muaj ib tug yawm hu ua William Penn tau caw puab lug nyob, nwg has tas “nyob hab pe hawm Vaajtswv, nyob thaaj yeeb” Vim le nuav cov Mennonites txhaj yog lug ntawm cov tuabneeg German lug hab puab lug nyob rua ntawm ib lub paag dlej luj kws nyob rua nraub nraab saab nub poob huv tebcahws America.

Xyoo 1786Cov Mennonite thawj paab kws tsiv ntawm Pennsylvania lug nyob ntawm qaab teb xeev Ontario Canada nwg nuav. Puab yog paab kws nyam ua neej nrug kev thaaj yeeb, puab lug tom qaab kws America hloov kev coj noj coj ua.

Xyoo 1800s – 1900sPaab Mennonite kws lug tom qaab rua huv tebchaws Canada nuav yog paab kws lug saab Europe nruab nraab, saab nub tuaj hab Ukraine, puab lug nyob ntawm lub taj qeeb Canada hab ntawm lub taj nraag dlaav huv America.

Lub Zeemmuag: Khu Mob & Kev Vaam Vaajtswv hu peb lug ua Tswv Yexus Khetos cov thwjtim hab Vajntsujplig lub fwjchim, ua rua peb

luj hlub ua tej paab pawg ntawm Nwg txuj koob moov, kev kaaj sab, hab kev thaaj yeeb, ua rua Vaajtswv kev khu mob nkeeg hab kev vaam ndlwg ntawm peb moog rua

tuabneeg nplajteb.

Xyoo 1914 – 1945Vim yog puab nyam nyob muaj kev ywj pheej hab thaaj yeeb, cov Mennonites feem ntau tsi kaam koom teg nrug numtswv ua tsuv-rog zag ib huv nplajteb nuav. Cov tub hluas raug nteg moog kaw huv tsev lojcuj rua lub sijhawm kws muaj kev covnyom nuav. Lub sijhawm tsuv- rog nplajteb zag ob, muaj kev tso cai rua cov tuabneeg kws tsi kaam moog ua tub rog vim yog puab txujkev ntseeg. Cov hluas Mennonite hab cov raug tso cai tsi kaam moog ua tub rog tau raug xaa moog paab dlejnum hloov kev tsi kaam moog ua tub rog. Puab raug xaa moog ua dlejnum nyob huv tej tsev tshuaj khu cov tuabneeg vwm tsi meejpem. Ib yaam kws puab tau txais txajnrig hab kawm paub yog ua rua puab paub hlub hab totaub txug cov tuabneeg kws tau tug mob vwm tsi meejpem nuav.

Xyoo 1950 – 2000Yaam kws tshwmsim lug nuav ua rua tej peejxeem huv zejzog paub has tas puab cheemtsum hab ntshaw txhim khu kuas muaj yaam zoo nyob huv puab lub neej. Ntau dlua le 50 xyoo taag lug, cov Mennonites tsheej quas txheeb leej tau pum hauv kev ua dlejnum paab huv tej zej zog, paab tu tej chaw kws raug kev puamtsuaj hab txhim khu kev noj qaab nyob zoo moog rua

tuabneeg nplajteb.

Naj Nub Nwg Nuav (Today)Txawm yog cov Mennonites feem ntau txaus sab

nyam coj puab lub neej nyob le cov tuabneeg saab nrau nroog, puab tig lug coj lub neej le cov tuabneeg nyob huv

nroog coob quas zug tuaj hab puab nrug ntau haiv tuabneeg nyob ua ke. Puab tau khu hab coj puab lub neej moog raws le cov tuabneeg huv lub teb lub chaw hab muaj lub zeemmuag coj lub neej le cov ntseeg Vaajtswv hab tuav kev ntseeg hab xyum coj nrug suavdlawg koomteg ua kuas txujkev ntseeg tav zoo puv npo.

Dirk Willems, nwg yog ib tug Anabaptists kws raug tsimtxom ntxuv thau u lug, nwg tau cawm ib tug num saib huv tsev lojcuj, kws tau hlauv poob rua huv haav dlej khov kws tawg ua qhov dlej, nwg rov qaab tig lug nteg Willems. Nwg raug nteg moog kaw hab raug coj moog hlawv caj vim yog nwg txujkev ntseeg.

Peb thov caw koj tuaj koom peb pe hawm Vaajtswv!

Ntawm nuav yog peb pawgntseeg qhov chaw nyob:

Lub sijhawm peb pehawm Vaajtswv:

Menno SimonsNwg yog cov tuabneeg Dutch le ib tug povthawj, tom qaab ntawd nwg hloov lug ua ib tug Anabaptist thaus xyoo 1600, nwg tau coj cov ntseeg tsiv. Peb cov pawgntseeg txhaj tis peb lub npe lawv le Menno lub npe.

Printed in Canada on recycled paper made from 100% post-consumer waste. © Mennonite Church Canada, 2008.

600 Shaftesbury BlvdWinnipeg MB R3P 0M4Điện thoại miễn phí 1-866-888-6785Điện thoại : 204-888-6781F: 204-831-5675E: office@mennonitechurch.cawww.mennonitechurch.ca

Hmong version Translated by: Dan Yang

Keeb Kwm Mennonite

MennonitesIb txha paub has tas cov Mennonites “yog cov pejxeem kws lug nyob rua huv nroog hab paab tu tej chaw qas kws tom qaab raug dlej nyaab huv lub zejzog.

Muaj ib txha pum has tas cov Mennonites yog tuabneeg yaajsaab kws ntoo mom hab caij tsheb neeg.

Nuav yog qee yaam kws pum txug cov Mennonites has tas puab zoo le caag.

Tabsis tseem muaj ntau dlua nuav hab…

Cov Mennonites muaj nyob lug kwvlaam le 500 xyoo lawm. Cov thawjcoj ntxuv thaus u puab tsi leeg yuav numtswv kev tswjfwm huv pawgntseeg rua tej pejxeem lub neej.

Mennonite pum hab sawv nreg khov kho cais pawgntseeg hab numtswv has tas muaj feem sib txig sib luag hab tseemceeb ib yaam le naj nub nwg nuav, thaus kws numtswv qee paab tau yuamcai tej tug pejxeem kws tsi coj lawv le txujcai huv lub zejzog.

Naj nub nwg nuav, koj tsi xob saib has tas cov Mennonites feem coob naav roog tsho le caag. Tabsis koj yuav pum muaj Mennonites tej pawgntseeg cajsa muaj nyob thoob plawg txhua qhov chaw saab nrau, huv tej lub miv zog hab nroog luj thoob tebchaws Canada hab moog thoob lub nplajteb nuav.

Peb ntseeg txug dlaab tsiCov Mennonites ntseeg has tas Tswv Yexus Khetos yog Tug kws Vaajtswv tau xaa lug paab cov tuabneeg huv lub nplajteb kws yuav puamtsuaj nuav lug nrug Vaajtswv sis raug zoo, hab peb ntseeg huv Vaajtswv Txujlug kws yog lub hauvpaug txhawb zug rua kev ua neej ncaaj nceeg. Mennonites faib txuj kev ntseeg kws tseemceeb rua cov ntseeg yog Catholic (Txivplig) hab cov Protestant. Peb coj ntsuj rua kev qha kuas tuabneeg totaub txug kev ntseeg, Vaajtswv Txujlug hab kev nqeg teg ua.

Peb ntseeg txug kevcai raus dlej, yuavtsum ua lug ntawm tug ntseeg ntawd yeem hab txaus sab hab nwg yuav xyum coj lub neej moog lawv le Yexus tej lug qha. Huv peb txhua tug lub sab peb taabtom ntshaw hab xaav has tas vim le caag peb yuav nyob ntawm nuav.

Cov Mennonites ntseeg ob yaam kws yog ntseeg hab caum Yexus qaab, hab kev thaajyeeb yog ib txujkev kws coj ua lub neej kuas tav. Cov Mennonites nrhav kev ua neej lawv le Yexus tej lug qha, xyum ua tug ntseeg kws kub sab quas lug nyob huv pawgntseeg yog tug ntseeg kws ua lub neej tuav rawv txujkev ntseeg qha rua lub zej lub zog paub.

Peb ntseeg has tas kev thaajyeeb hab kev zoo puv npo yog qhov muaj tseeb tag. Vaajtswv txhaj npaaj sab hab ca peb nyob ntawm nuav hab nwg nuav. Peb siv cov cuabyeej kws Vaajtswv tau pub rua peb, yog peb ntshawb nrhav kev zoo puv npo lug ntawm peb ntseeg Yexus Khetos. Peb ua cov tuabneeg kws tsim kuas muaj kev thaajyeeb. Thaus kev tsuv-rog lug txug, nwg tsi yoojyim vim has tas peb cov tuabneeg coob leej ntseeg has tas yog ib yaam kws ruag, tsi leeg yuav, tiv thaiv yug tug kheej hab yug lub tebchaws taabmeeg thaus kev tsuv-rog lug txug.

Ua lawv le tej lug kws tau has tsegLuas tau pum cov Mennonites yog cov thawjcoj kws paub dlaws tej teebmeem kev kub ntxhuv thoob plawg huv nplajteb nuav. Cov Mennonites tau muaj feem moog paab tej paaj tej pawg tuabneeg kws muaj kev covnyom nyob rua ntau qhov chaw xws le cov tebchaws nyob saab Africa nub tuaj, Qaumteb Ireland, saab nub tuaj nraub nraab, hab saab Latin America. Cov Mennonite tau muaj feem koom paab cov koomhum the early developments in victim-offender reconciliation kws nyob huv Canada hab huv America hab tau txhawb nqaa kev txhim khu kev ncaaj nceeg kws paab cov ua txhum tua tuabneeg hab cov tuabneeg kws muaj tug cwjpwm tawmtsaam huv lub zejzog. Muaj ib yaam luj hab tseemceeb heev kws cov Mennonites ua yog peb taabtom qha tej yaam kws peb tau kawm lug tshwm tawm tuaj. Coob leej taabtom hu cov Mennonites kuas ca le muaj lub sab tawv qhawv has nrov nrov hab yuavtsum ua lawv le yug tau has lawm.

Cov Mennonites yog nplajteb le tuabneeg America qaum teb hab Europe, cov Mennonites feem ntau yog tuabneeg tawv dlawb, yog cov tuabneeg nyob saab nrau nroog hab yog cov tuabneeg kws tsi muaj tsi pluag – tabsis nwg nuav tau hloov sai heev le lawm. Peb tau hloov lug nrug lwm haiv tuabneeg nyob sib xyaw ua ke coob quas zug tuaj; muaj ntau pawg ntseeg pehawm Vaajtswv has ntau yaam lug ntau dlua le has lug Aavkiv. Cov Mennonites kws nyob huv nplajteb nuav feem ntau nyob coob rua saab qaab teb (Asia, Africa, Latin America). Huv Canada muaj ntau dlua le 15 haiv tuabneeg pehawm Vaajtswv kws has lug txawv txaav. Peb ntseeg yaam kws peb tsom pum yog yuavtum muaj kev hlub taab ncuab huv lub zejzog yog peb tig lug ua yaam zoo rua cov tuabneeg kws nyob America qaum teb lub fwjchim kws tsi mob sab rua kev paab cov pejxeem kev noj haus, kev phem limham naj nub muaj ntau quas zug, hab tej xuvxwm kws naj nub tshwmsim rua tuabneeg saib hab pum.

Mennonites tshawb nrhav kuas muaj nyob ua paab ua pawg Cov Mennonites xaam pum txug tug nqe kev ua koomhum huv cov ntseeg kws muaj kev sis txuas lug, kev sis paab ntawm cov ntseeg. Cov Mennonites pum txug kev pehawm Vaajtswv ua ke hab kawm Vaajtswv Txujlug kuas tau paub has tas naj nub nwg nuav Vaajtswv taabtom qha dlaab tsi rua pawgntseeg, nuav yog ib qhov tseemceeb heev. Peb ntseeg has tas pawgntseeg raug hu lug xaa Tswv Yexus Txujmoo Zoo hab qha kuas tuabneeg pum has tas Vaajtswv ntshaw tuabneeg taag ntsho ua dlaab tsi. Huv lub zejzog peb nrhav kev vaam lug hloov kev taag kev ca sab, kev khu mob nkeeg lug hloov kev txomnyem, hab kev thaajyeeb lug hloov kev covnyom.

“Kevntseeg kws yog kev xaa Txujmoo Zoo tseeb tsi yog yaam kws yuav nyob

tuabywv. Yog coj rig tsho moog rua cov tuabneeg labqaab naav, coj zaub

mov moog rua cov tuabneeg tshaib plaab noj, moog txhawb zug rua cov tuabneeg

kws txomnyem nyauj sab, moog ua vaaj ua tsev rua cov tuabneeg pluag txomnyem nyob hab moog tu cov

tuabneeg kws muaj mob muaj nkeeg. Yog moog qhwv cov tuabneeg kws muaj mob lub qhovtxhaab. Yog txhua

yaam kws peb ua rua txhua leej txhua tug. – Menno Simos, 1539

Qha rua koj paub ntau yaam ntxiv…… Siv koj lub sijhawm rua ntawm www.mennonite-church.ca. xaav kuas koj muaj kev ruaj sab ntxiv moog saib ntawm “Links” yog saab kws qha has tas an over-view of Mennonite kws qha txug tej num kws peb ua hab qha ntau yaam ntxiv.

Thov caw koj tuaj koom peb! Peb ntseeg has tas yaam zoo tshaaj plawg kws muaj ib txha muaj kev xyem xyaav hab tsi ruaj sab rua cov tuabneeg nyob puag ncig peb yog caw cov phoojywg hab lwm tug qhua tuaj faib hab sis paab ris nraa hab faib kev zoo sab ua ke nyob rua huv lub chaw kws muaj kev hlub taab ncuab.

Tig lug tshuaj saib peb! Peb zoo sab txais tog kojCaw koj tuaj koom peb raws le chaw nyob saab nrau dlaim ntawv nuav, los yog moog saib ntawm www.mennonitechurch.ca/directory moog nrhav cov pawgntseeg Mennonite kws muaj npe nyob huv tebchaws nuav.