harani na sa puting ilaw
DESCRIPTION
Bicol poemsTRANSCRIPT
Blurb
HARAYUON PA SA PUTING ILAW
Frederick Maurice S. Lim
Mabalos
Para ki Romalyn D. Casia buda ki
Krishna Chentamine Vash Casia Lim
Mga Rawitdawit
Frederick Maurice S. Lim
2
HARANI NA SA PUTING ILAW An pagtao ki grasya sa mga sadit tang tugang
Sarong hapon sa karinderya na gari eskwela.
An pisog kan pagmangno nagluwas sakuyang mata,
Hali sakuyang talenga, hali sa maburak na ngimot nin kataning kong gurang:
An mga mukmok sa mesa pabayi, para iyan sa mga tanga.
75
Dai dapat kulugan an pagkamoot, sakong nareparo…
Kuta sa paghugas ko kan pinagkakanan
An sakuyang agmimadmad mahugasan man.
74
Mga Laog 1. Barayle nin mga pandama
2. An Dagit
3. Maitumong Bangui sa Legazpi
4. Ilusyon nindo nin Ayam
5. Dai ini Masasabutan nin Sarong Manrarawitdawit
pag Pigtaram Mo Saiya:
6. Kisses, An One Sided Love Affair, The X, and True Love
7. 29
8. Ako buda an Lamok
9. Botika
10. Baka buda Gatas
11. An Pinakamasiram na Namit
12. Mga 5 Kilometro nin Kulog nin Buot
13. Pangadyi sa Tabaco
14. Tanganing an Buhay Masabutan
15. Mantang nasa Half Lotus
16. Lugad
17. Igwang nagadan mantang harayo ako…
18. Hello Moon (Sa Bintana nin Sarong Aki)
19. Sa Bisita
20. Boulevard
21. An mga Parahalat Samong Kusina sa Bangui
22. Pag-istar sa Bicol
23. Para sa mga Babaying Dios
3
24. Sa Bintana nin Sakong Aki sa Ospital
25. An lyabe sa tuninong nakua sa pagdakop
nin hinangos
26. Ilusyon nin Sarong X-God Pagbaba sa White Light
27. Biyahe Sa Probinsiya
28. Kitang Solamente sa Tigbabayong Hapon
29. Sisay man Nanggad an Muyang Magsolo?
30. Pagtubod
31. Tubig
32. Bang Bang!
33. Pag-girom mo an Hawong
34. Sa Girumdom na Sana
35. Pagdakul an Sakuyang Kinakan
36. Reengkarnasyon nin mga Siwo
37. Kun Gurano Kamundo an Buhay Ta
38. Kun Amay ka Kuta Nagkakaturog
39. Kan Banguing Buyong si Amatesa
40. Para sa mga Tanga
41. Kan Pigguyod ako nin Sakuyang Bitis, Dila Paduman sa
pangakong Liwanag
42. Nalalagas na an Halabang Itom mong Buhok Ina
43. Kun Nata Ginibo an Bangui
44. Magayong Aldaw sa Gabos
45. Pag Nag-iwal an Mag-agom
46. An pinakamakusog dai Nagagadan
47. Daing Imposible sa Siyudad
4
An agimadmad na nakarumdom na an pag-kamoot dai dapat kulugan
Makakurab maghugas kan pinagkakanan pag nag-iwal kita
Ta nabubungog ako sa tarom nin kutsilyo,
Pig-aapod ako na tusuk-tusukon ko tapos, ilaog an puro sakuyang daghan tapos
paikot-ikuton.
Maribukon an lintiang teleserye sa TV, tuninong kamo ni ina na nagpapahi-
wak,
Maribukon man an hinangos na luwas-laog sakuyang dungo buda ngimot,
Dai mo ito nadadangog
Buda dai mo nahihiling an pandok kong murusdot,
Gare muya ko man lugadan an sakuyang kamot,
Taramon ko na sana na aksidente,
Tanganing magdalagan ka sako buda punasan mo ki gapas na igwang alkohol
an sakong lugad,
Tanganing maghuron an satuyang pagal na hinangos,
Bulong man ito sa lugad nin sakuyang puso.
Alagad namatean ko na an kulog pag ika nalulugadan,
Aram ko na habo mo man na ako pasakitan,
Arog daa talaga kaan an pag-ibahan,
Nag-ibahang askad buda hamis,
Dai ko na pigtino an kutsilyo,
Pigdangog ko na sana an bulos nin tubig sa gripo,
Na nagkugay sa tanog nin sakong hinangos,
Bulong sa alimagyo sakong daghan.
73
Tiwala
An parong nin aldaw sa mga pasang gapo
Garo parong nin pahamot mong nasusulo,
An mga dampog na garo pasang salming
Garo mga mata mong nag-uutik,
An dagat na pirmi an hinghing
Garo pangako mo na pigsurat sa tubig,
Dipisil malingawan
An kulog na pigtatoo sa puso,
Pwede man kun habo kong mareparo
Alagad kaipuhang mag-agi an salog nin panahon,
Tanganing magdukot an satuyang kublit
Kun muya ta pa,
Sa ngunyan,
Maray,
Kun yaon ka sa kun sain dai ko aram,
Ta ika man nagkakarigos sa haldat
Pag saimong narurumduman an pigkurit mong maraot.
An tiwala garo barahibo ki bayong na pigpalayog ta sa paros,
Dai ta na aram kun pira
Pag sa daga naghadok.
72
48. Libog 49. Sarong Tigbabayong Hapon sa Salog 50. Tiwala 51. An Agimadmad na Nakarumdom na an Pagkamoot dai dapat Kulugan 52. An Pagtao ki Grasya sa mga Sadit tang Tugang
5
Patara-tara Pasil man sana kun muya, arog kan sakuyang pag-adal ki tatara-mong Bicol tanganing mailakaw sa bagong dalan an sakuyang mga metapora. Makaugmahon na magsurat, mas makaugmahon kun may maka-basa, kun may mainspirar dawa saro, sakuyang kaugmahan. Pebrero taong 2009 kan naging seryoso ako sa pagsurat sa Bicol, pigtaram ko sa sadiri ko na kaipuhan makasurat ako ki dawa sa-rong rawitdawit sa sarong aldaw. Sa blog ko na www.rawitdawit.blogspot.com pig-post ko an sakuyang mga aki, na kadaklan mga inot o panduwang draft ta dai ako masyadong oras tanganing mag-edit ta kaipuhan ko pa mag-generar ki dakul pang ideya. Pig-isip ko na pwede man na i-edit pag nakadakul na akong material para sa sarong libro Ining inot kong libro sa Bicol, piggibo para sa Ubod. Dai ko aram kun napili ko su mga muya kong ilaag, dai ko pa nagamitan ki detachment tanganing sakuyang maaraman kun epektib o igwa bang theme digdi. Harani sa Puting Liwanag an titulo ta mate ko harayuon pa ako sa puting liwanag lalo na duman kun sain hali an liwanag — ki Kagurangan. May mga piyesa man kaya ako na garo meditasyon na garo naghahapot ki katuninungan. Mga obra ninda Pablo Neruda, Rainer Maria Rilke buda Federico Garcia Lorca an sakuyang pignanamitan pag nagugugtom ako sa nakaaging Pebrero sagkod Hunyo. Kuta magkasararo na an Naga buda Albay, maray na igwang per-sonal na kompetisyon kun sisay an mas maurag, alagad may maray kun kita magkasararo. Kuta an literaruta maging sarong tunay na liyabe na magpapalaya satuya. 7 Agosto 2009
6
Sarong tigbabayong hapon sa salog
Bisikleta sa salog,
Sa may baybay padis nin tsinelas
Buda bado,
Sa rarom,
Palataw-lataw
Sa tubig buda imahinasyon,
Masiram kuta kun may sigarilyo sa kamot.
Sa mga suhang dampog may nahihiling,
May dragon,
Bayong, ikos, mga mata, may daragang magayon,
An dumog nin haraning diklom muyang agumon,
Alagad muyang maghibi kan nadaog nin lipot.
71
Libog Pagkamundag Libog Pagkagadan Pagpadaba Libog Dagit Langitnon Libog Daga Ika Libog Ako ABKAT Libog Kabulig Albay Libog Naga Manila Libog Albay Rawitdawit Libog Pagkurit Libog Libog Libog!
70 7
Pasasalamat Salamat ki Govinda. Salamat sa An Banwa: Kultura buda Artes kan Tabaco, Inc. (ABKAT, Inc.). Salamat ki Rafael Banzuela buda ki Rafael Beljica Jr. Sabi kan sarong barkadang Tabaqueño, sinda an Pound buda Eliot nin Albay. Nagtutubod ako. Salamat sa Aquinas University of Legazpi, lalo na ki Madam Jaz-min Llana sa pagbukas nin pinto sakuya sa literatura buda kul-turang Bikolnon. Salamat man sa Kabulig sa barkadahan. Salamat ki Laurel Peñaranda sa pagbunsod ki kaitong Peninsu-lares kun sain dakulang tabang sa literaturang Albay. Salamat ki Mateo Gojol buda ki Frank Stolh sa Chateau Noveau. Salamat sa mga naging ka-org ko sa kaitong Pegasus; an opisyal na diyaryo nin mga estudyante nin Unibersidad Aquinas nin Le-gazpi. Salamat sa espiritu ninda Neruda, Rilke, Lorca, Keroauc, Dali, Van Gogh, Buñuel, Kubrick buda sa mga naghahangos pa na arog ninda, Almario, Borlagdan, Polanski, Madrilejos, Lynch. Salamat
Barayle nin mga pandama
Pigbabasa ko an sarong librong bistado ko na an laog,
Muya kong marumduman…
Piglakaw ko an mga dahon nin nakaagi
Paduman sa burabod nin dunong na naghali.
Alagad nagkatok na an bangraw sa bintana,
Nagparabayle sa berde sa luwas sakuyang mga mata,
An hamot nin kokoa sa kusina
Nagtaong gatol sakuyang dila,
Nadangog ko an kansyon nin mga bayong…
An hamot nin mga masetas dinara nin paros,
Sakuya sinda sarong tamong sakuyang piglilipot pa.
Nagtimpla akong tsokolate,
Nagduman sa higod,
Sa naghahalat na mga pasang gapo
8
Pag nagrani na sakuya an maraot,
Mahihiling ko na sana an sakuyang pagkaaki,
Maagi sa isip, sarong pelikulang malungsi,
Makaskas,
Sagkod sa
Mahiling ko an sakuyang lawas
Pigguguyod,
Pigguguyod kun sain dai mahihiling an sarong makangirabo...
An ribok nin mga talapang, nag-aapod nin uran.
69
Daing imposible sa siyudad Sarong aldaw pwedeng magpiyesta an mga langaw
Sa gogon na dai basta mahihiling nin mga naghihidaling mga bitis,
An mga mamunduhon,
Dai sindang pakilabot sa pigdadarang gabat nin iba,
An mga awto na dai napapagal sa pagdalagan,
Dai sindang pagkaaram,
Muymuyon an kinaban sa mga nagsasalakang mga hururon
Manungod sa gabos na nagpapaugma sa laman.
Sa awot na nakatangad sa mga dampog,
An sakuyang lawas, namamarong,
Duman an tunay na hamot nin kinaban
Minasuksok sa dungo paduman sa dugo paduman sa kalag,
Hamot na pag saimong naparong, an saimong bituka
Dai mo mapupugulang magluwas maski saing luho.
Siguro,
Dai ako mabibisto nin gabos,
Gabos na daing buhay na daing maginibo
Arog kan mga gusali, harong, simbahan,
Magkakabaratak na sana an saindang pintura saindang hibi.
Sa banguing ito,
68
Kun sain harani an mga nagkakawat na ayam,
Dara-dara an libro,
Na pigpatungan ko
Ki sakuya kutang babasahong libro.
9
10
An Dagit
Alas an dagit na dai maitaram,
Dai nagbabatok,
Dai tataong maggasod,
Mailo na sana,
Luway-luway
Sa pusong sa itom na liwoy nalalamos.
An dagit,
Alas na payo man an puro,
Duwa an dila na espada an tarom,
Saimo,
Buda saimong kaiwal
Na piggibuhan mong altar na itom.
Sa daghan,
An alas naghahalat
Sa pagsupay nin dagit
Tanganing makalabaw-labaw,
Makamang,
Maluwas,
Kun dai saimong ngimot,
An payo maluwas
Saimong nangingimigkimig na kamot.
An Pinakamakusog dai Magagadan
Pigkikig mo ako kuracha
Sa paglayog mo sakuyang abaga,
Muya mo ba ining turon na sakuyang meryenda?
Nabutasan ko tuloy sa salog,
Pasesnsya ka na ta mas makaskas maghiro
An sakong tulong ayam
na nagbabatukan,
nag-iirinutan.
67
Pag nag-iwal an mag-agom Kaipuhan daang maging maiwas an kwarto
Pag nag-iwal an mag-agom,
Tanganing makahiro an paros sa daghan.
Mababawasan ki magkapirang bado an satuyang aparador,
Diit sana an hugasan sa lababo,
May rason ako para dai magkakan,
Pwede akong magpaligid-ligid sa kutson pag parong tsiko,
Maglakaw sagkod muya ko sa bangui,
Dumanon an gabos na dagat sa Tiwi, Bacacay, Sto. Domingo,
Magdalagan sa gabos na dumog sa madidiklom na parte
Nin satuyang mahukol na relasyon,
Maiwas an kwarto,
Sadiri ko an oras, alagad dai ko siya mamamanduhan,
Dai ako masyadong makakahiro sa kinaban,
Ta nalibot ta na garo gabos na pasyalan digdi sa Legazpi, sa Albay,
Naduman ta na garo gabos na dagat na pwedeng dumanon
Ki mga dai makapaghalat na an duwa maging saro.
Sa pagbuntog ko sa askad,
Ika an dagat na makanta sakuya ki tuninong,
Kublit mo an baybay,
Buhok mo an paros na magpaparumdom sakuya
Na dai lang palan kwarto an magiging mapiot pag ika naghali.
66
Maitumunong Bangui Sa Legazpi Maitom pa sa itom
An kurab na sumubo sakuyang dugo
Kan nagpalsok an kuryente
Sa bilog na Legazpi.
Pauling Tabaco,
Makagadan an alas-diyes,
Haluyon an bus buda filcab,
An sakuyang halunan…
Marang dalan.
Aso an kinaban,
May tingog an sigarilyo,
Alagad, habo kong dugangan
An mamunduhong kolor na gumagadan sakuya.
Dai mapaluwas nin pangadyi an mga bitoon…
Garo nagdalagan an sakuyang puso sa tinampo;
Nasusulong kalibangbang.
Dawa may mga kaiba ako sa diklom,
Sa silensiyong batingaw,
Madadangog saindang hinangos,
11
Garo paros nin alimagyo,
Luway-luway,
Pig-aasay sakuyang paglaom,
Muya ko sindang kahurunon,
Alagad, baad pigsisiba man sinda nin kurab,
Makagadan siisay man na dai midbid sa diklom.
Nagtaram giraray an sigarilyo
Iyo na kuta
Tanganing may pagkot
Alagad, nadangog ko an sakuyang agom,
An hinangos tanog nin paros sa dalagan nin bus sa Padang.
12
Magayong Aldaw sa Gabos
Bukasan ta an bintana
Ta nag-agi na an uran,
Maglakaw kita sa luwas,
An dumog na daga,
Kitik sa bitis kong nali,
An aldaw minasirip
Sa kurtina nin mga dampog,
Hamot nin Rosal, sa harayo nagpamate,
Magayong Aldaw Mayon,
Magayong aldaw sa gabos.
65
Habo niya na kita, mag-istar sa diklom.
Kun maisipan mo giraray magduman
Sa harayo na dai ko aram,
Ibahan mo ako
Sa saro pang bangui,
Dakul kitang pag-iistoryahan,
Dakul kitang maaagihan.
64
Ilusyon nindo nin ayam
Daing pagkaaram an ayam na ayam siya,
Aram niya gwapo siya
Kaya garo pag pighiling mo siya sa mata
Mabatok siya
Ta pighahabas mo an saiyang ilusyon.
Ika,
Iyo man,
Sa hiling mo mas gwapo ka sa ayam,
Sa hiling mo balani ka sa mga daraga,
Pirmi an saimong pagsalming,
Baad kaya mo ito piggigibo
Ta dipisil mawara sa ilusyon.
13
Dai ini Masasabutan nin Sarong Manrarawit-dawit pag Pigtaram Mo Saiya:
Lapaon man an gibo mo boi!
Alagad dai mo ito matataram saiya ta dai kang sugok.
Ini na sana an maluwas saimo:
Maurag boi!
Hahaputon ka niya:
Nata?
Dai niya masasabutan an simbag.
Gilayon tataramon mo saiya:
Maurag!
14
Kun nata ginibo an bangui
Kaipuhan taka padaba,
Ah, pirang beses ko na baya ining nataram
Sa mga bitoon na nakakasabot,
Sa bulan na nagpapahiling nin daing bistong mga dalan,
Pirang bangui pa baad ako mahaloy ta an lipot
Pigbabatak sakuyang mga tulang,
Pigdangog mo ako sa maluyahon kong tingog,
Sa pagkamata yaon ka na,
Ngunyan hain ka dawa kataning kita.
Kami sana nin bangui
An nakakadangog nin suriyaw nin sakuyang kulog nin buot
Bago sakong buhay ika nag-abot.
Dai ko na masyadong piglalakaw an pigpadabang diklom,
Ugma saimo sakuyang itinao aram ko
Ta lambang bitoon,
Sarong kansyon satong higdaan.
Pag saimong tinaram na muya mo na maghali,
Pigsisirip ko an bangui,
An halangkawong mga kagayunan
Na dai ko na kayang kaputan,
Pig-iisip ko na sana an pagkamoot nin Dios,
An pagtao niya sato ki mga bitoon, ki bulan,
63
Tabang sa tuninong mong paghampang sa kasagkuran.
Tanaan ta an mga maarabot na aldaw
Na gare mga aki na nagkakawat,
Daing pakilabot sa panahon,
Maabot an maarabot.
62
Kisses, An One Sided Love Affair, The X, and True Love
Padaba ko an kape,
Oro-aldaw,
Pighahalat mi an hadok nin lambang saro,
An saiyang hamot kaipuhan ko
Tanganing mag-agi an halabang aldaw.
Pagkapahiwak,
Siya an sakuyang pigduduman,
Habo magpakaturog nin samuyang pag-iibahan,
Sagkod…
Sarong bangui,
Nag-abot na sana
An kulog na itinao niya sakuyang puso.
Dawa mahaldat,
Padaba ko pa siya,
Kaipuhan ko sanang hilingon
Puropirmi
An sakuyang X,
Si H2O.
Baad kaipuhan na man garong marumduman, mamate,
Kun sisay sakuya an tunay na nagpapadaba.
15
29
29
Na palan ako
Kasuhapon,
Garo bus na maluya an dalagan
Parani sakuya…
Sakuyang bungo,
Puso,
Na dai ko namalisyahang napasa.
Dawa pig-iwasan ko
An maribukong mga hapot,
Nasukol ninda ako sa bangui
Paghali nin mga mauugmang anino
Na dai garong pagkaaram na sinda man
Pighahalat nin mga ulod.
Kagadanan,
Yaon na ako,
Pigtaram ko mantang piglulunok
An mapulot kong liwoy
Ta dai akong magiginibo,
Tanganing maging matali,
Kaipuhang rumdumon oro-aldaw
An dai malilikayang pagkautsan.
16
Nalalagas na an Halabang Itom
mong Buhok Ina
Naluluyos na an buhok mong halabang itom, ina,
Na kan ika daraga pa
Abot saimong baywang,
Rumdom ko an saimong pagsukray
Sarong pagsagwan sa halabang dagat.
Nagin reyna ka kaito nin Pinaglabanan sa San Juan,
Ngunyan,
Digdi sa Bicol,
Dakul na an saimong namamatean sa lawas
Na habo mo pero kusugunon mong pighahampang.
An halaba mong buhok,
Luhay-luhay mahalipot,
Mga aldaw kaipuhan man na magpaaram.
Dai ko aram kun naitaram ko na saimo
Na an halaba mong buhok
Paglaom
Pag dai ko namamate sakuyang katanosan.
Sa paghalipot nin saimong buhok,
Kaipuhan nin sakuyang tulang na magkusog,
An sakuyang buot makaukod maglangoy pag nalalamos,
61
Na pagkamoot daa an ngaran kaito
Nataram ni Lagman,
Ahh mga ineng, tanganing may maisira,
Pigpalumoy nindo an pigtataram nin kinaban
Na pinakamasiram.
Si Niño Hesus nakatindog sa altar sa may kahera,
Dipisil madangog an langit sa kusog nin karaoke,
Sa maalindukong taramon nin beywang nin nene
Naparong ko an kalayo,
Napahiling ako sa may bayadan,
Guranong pangadyi an kaipuhang itao
Tanganing makaluwas, makauli?
60
29 ngunyan,
Itom na kalibangbang...
An mga masunod na numero
Garo balisong,
Kurab sa halunan,
Piggigiris akong garo orig.
17
Ako buda an Lamok
Kun may ngipon ka lamok,
Kakaunon mo ba ako?
Pirang aldaw bago mo ako mauubos
Kun aasayon mo ako?
Lamok,
Kun kaunon kaya taka?
Kun muya takang kaunon,
Malayog ka ba parayo?
Kakahurunon mo pa ako baya?
…Dipisil magkaturog lamok,
Radyo kang buyong
Na dai nauubusan ki baterya
Kun dai mo aram an silensyo,
An tuninong,
Magpakaturog ka,
Maghali ka na.
18
Kan pigguyod ako nin sakuyang dila, bitis
paduman sa pangakong liwanag Kamunduan nagbiyo
Kan naglaog ako sa reengkarnsyon nin pulang ilaw
Na paotro-otong nagagadan,
Solong botelya,
Dai ka muna magmara,
Ta sa diklom,
Minakipot an salog nin dugo.
Nadadangog ko an mga pusong pagal, batingaw sinda
Hali sa mga lalaking parong siyudad nin aldaw,
Ahh, nuarin kaya ninda huling natawan ki burak
An saindang mga agom
Na siguro naglalaba ngunyan,
Naghuhugas ki plato,
May mga nangaturog sa may kaunan,
May mga bagong karigos ki pahamot,
Baad lamang mag-uli an naggurang na pagkamoot
Na Sampaguita an hibi…
Su mga ineng sa entablado, pagol,
Digdi sa Tanglaw sa Cormidal, Tabaco
59
Para sa mga tanga
Dakula an sakuyang dagit
Sa saday nindong lawas
Kan nagtugdok kamo
Nin mga pulang bulkan na nagkakalayo
Sa kublit nin nagkakaturog
Na umboy na kan naghibi
Nasulo an sakuyang daghan sa dagit,
Muya ko kamong karigusan ki gasolina,
Muya ko kamong durugon saro-saro,
Ahh, kun dai kuta nindo aram an saindong piggigibo…
58
Botika Pakarayon ko daa an sakuyang sadiri,
Dai ko daa walaton an paglaom,
Pigtataram nin mga masetas
Buda nin mga bayong.
An kadenza nin mga dahon,
An baybay na nakakugos sakuyang bitis,
An musika nin dagat
Gabos sinda nagtataram
Na may bulong an gabos na hilang.
May bulong sakuyang magagabat
Na dalagan
Sa daga,
Sa gapo,
Sa awot na dumog.
Pigtukduan ko an sakuyang puso
Na magdangog
Dawa an kinaban gurano karibok.
Burak ako nin Lotus
Na naghahangos sa tahaw ni ati.
Namamate ko an lipot nin mga askal
19
Dawa maibog an saindang balukag,
Dai sindang pagkaiba sa mga tawong
Daing atop sa bangui.
An sakuyang mga bitis
Magian,
Dawa an sakuyang puso magabat,
May bulong
Kun nadadangog ko an sakuyang sadiri
Sa tahaw nin mga nagdadalagang awto,
Sa kalampagan nin mga bakal,
Sa panahon na an sakuyang anino dai ko bisto,
Dai ako pigkukurab
Ta bistado ko an Tingog na sakuyang nadadangog
Sa solamenteng mga minuto.
20
Kan banguing buyong si Amatesa
Mga gapo sana an mga bitoon,
Nata ko sinda papadabaon?
Simbag mo sakuya sa pagbasa ko
Nin Saddest Lines ni Neruda.
Rumdom ko an saimong mga taramon
Kan pigsalbar ka nin parong nin Ginebra,
Rumdom ko an saimong pandok
Kun sain nadangog ko an hukol nin dagat,
Tamuyaw nin alimagyo na piglamos an sakuyang puso
Sa banguing saimong namamate na ika sana,
Ika sana saimong buhay,
May mga kaiba ka sa pagtagay,
Alagad saimong pag-uli, paglaog sa kwarto, aram mo ika sana.
Iyo,
Kaya mo pa an gabat nin saimong payo,
Diresto pa an lakaw nin saimong mga bitis,
Nakakahuron mo pa an liwanag hali sa mga dyipni,
Alagad, dai pwedeng dai ka magtangad sa mga kagayunan sa diklom,
Dai pwede,
Ta duman ka hali,
Kita,
Aram ta an.
57
Pirmi,
Habo kong maghali an bangui
Ta sa bangui
Mas harani kita sa lambang saro.
56
Baka buda gatas
Mozarella, Cheddar, Ricotta, Truffe,
An Yogurt, ice cream, mantikilya, butteroil
Buda dakulon pang produkto
Na hali sa gatas
Na hali sa baka
Na pag pigsalakan nin mga gulay buda prutas,
Manlaen-laen na namit nin langitnon
An dudutdot sa dila;
Hadok nin nympha na madukot saimo sa pagturog
Dawa nagsimit ka sana.
Kun nata kaipuhan pa na gadanon an pighalian
Nin bulawang puting protina
Na satong pigdulok kan an mga utong nin satong ina
Saday, pagal o daing nektar na itatao sato.
21
Panduwang ina ta an mga baka,
An mga baka na awot sana an mawot tanganing magpadagos sa pagpadaba,
An mga berde an ina nin protina.
Baad, gapo na an puso kan kadaklan…
Kun madadangog ta sana an mga hibi ninda
Pag pigbagsakan nin gapo an saindang mga payo,
Pag piglalaslas an saindang mga liog,
Siisay an muyang makahiling na piggagadan an sadiring ina?
Masiramon an corned beef,
An bacon, koscher,
Ta igwang dugo,
Igwang askad,
Pero mas masiram an ice cream,
An cottage cheese lalo na
pag pigpalaman sa tinustang tinapay sa pamahaw
Mantang pighahalat magmata an mga padaba.
22
Kun amay ka Kuta nagkakaturog
Pirmi,
Muya takang pakaturugon
Sagkod mahiling kong maghakab an mga estrelya
Saimong mga mata.
Pirmi,
Muya kong alayan ka ki kansyon
Sagkod an musika magdulay saimong mga labi
Sa paagi nin saimong mga ungol na padabaon ko.
Pirmi,
An saimong buhok
Muya kong tawidon
Pagkatapos maduman naman ako saimong mga labi
Sagkod mapagal an sakuyang mga muro.
Pirmi,
Muya kong magdukot an satuyang mga abaga,
An satuyang mga daghan,
An satuyang nalalamos na mga labi.
Pirmi,
Muya kong madangog an saimong puso
Pigtataram an sakuyang pangaran,
55
Kun gurano kamundo an buhay ta
Habo tang paghurunan an ugat nin luha nin kinaban…
Haputon ta an kataning ta
Kun nata siya nakahungko,
Pigkukurab kitang baad lalo siyang makulugan,
Alagad satuya bang pigbalo?
Habo tang maghapot ta muya ta ki tuninong na pagkaturog.
Alagad gurano katuninong an satuyang pangiturugan
Kun an satuyang kataning salming kan satuyang namamatean?
Baad sa paghapot sa kataning makua ta an simbag.
Kun habo tang haputon an satuyang sadiri,
Haputon ta su iba,
Duman mapuon an paghahanap,
Baad mahali an puling satuyang mga mata,
Balua.
54
An Pinakamasiram na Namit
An saimong Mushroom Chicken Curry
Na igwang patatas, tokwa buda gatas
Na nagparani sako sa terminong gluton,
An lugaw mo na may dakulon na bawang, sibulyas buda
May Prawn Crackers sa ibabaw na masiramon pag naglulumoy,
Maugma an satong dila buda puso na nagsusupay sa ugma
Mantang pigdadangog ta an tagiti sa atop,
An adobo mong Pininyahang Magic Meat,
Na nagangaipuhan ki kape, tsaa o Sprite pagkatapos
Tanganing makapahingalo an tulak sa nag-aging gera nin siram,
An Vegie Spaghetti mo na nakua an namit
Nin pasta na may karne,
Pero mas masiram an daplos mo mantang nagluluto ka,
An saimong kurab mantang an kutsara nagbibiyahe sakuyang ngimot,
An saimong silensyo pagkatapos nin sakong pagnguya,
An pagsabatan nin liwanag satuyang mga mata sa paghiling ko saimo.
Ahh, pigsunod mo garo an taramon nin mga gurang
Na an sakong tulak an tinampo paduman sakong puso,
Alagad nakaduman ka na padaba
Bago mo piggiris an mga bawang buda sibulyas,
Nagsasaud ka pa sana,
Yaon ka na digdi.
23
Mga 5 Kilometro nin Kulog nin Buot
Dai ko aram kun sain na ako nakaabot…
An tagiti sakong alimpuyo,
Pigbayaan ko sana,
May mga kotseng nag-aaragi,
Dai na akong labot.
24
Reengkernasyon nin mga Siwo
Nagdadalagan sa matangang Albay
Matapos an underground gig sa Peñaranda,
An Marka Demonyo piggibong Sprite
Sa plastic na may straw
Na salidahan ming pighihigop kan
Naagihan mi ni Bal buda Klutz
Mga siwo sa saday na kwartong butong,
Nagdadalagan nagkakabanggaan naghuhururon,
Arog man daa kami kaan
Kan nakaaging buhay
Taram ni Bal,
Dai nagsimbag an mga nagtubod.
53
Pag dakul an sakuyang Kinakan
Pag dakul an sakuyang pigkakan,
Mamunduhon ako,
Kaipuhan kayang may piggigibo ako,
Ta pag nagpahingalo ako,
An sakuyang puso buda isip,
Sige an dalagan,
Garo sinda mga makina
Na igwang burabod nin gasolina,
Dai sinda mapondo,
Ta aram ninda na pag sinda nagpondo,
Mabubutasan sinda sa sarong luho.
52
Pangadyi sa Tabaco
Tabaco,
Dai maiparumdom nin saimong hamot
An paglaom nin bangui.
Gabos, nag-aaragi sa metamorphosis.
Garo sana kami mga multo na nag-iistar saimo ngunyan.
Dai ka man mamumuda nin sakuyang muro
Ta gabos na banwa muyang magkangipon, tumindog
Sa sadiri, magkaigwang mga pabrika, mga dakulaong establishimento,
An daga, daga na sana na titimikan ki mga nagadanan.
Tabaco,
Igwang mga tawo na nagagadan sa pagkamundo…
Maalinghot an matanga,
An namit nin pangiturugan,
Mapulot na liwoy sa napapasang ngimot.
Ako,
Kaiba nin mga daing padumanan
Na kalag
Na sa maabot na panahon
Daing parte sa istorya
Nin padaba ko ming siyudad…
Mata pa kami,
Kaming mga tanga,
25
Nakikihuron,
Naghahanap ki hamis,
Pighihiling an padaba sa tahaw nin diklom.
Tabaco,
Taramon mo sako na an pagkamoot totoo,
Ipahiling mo sako,
Iuli mo ako samo na bilog, ligtas
Sa pangil nin saimong pagiging siyudad.
Langitnon,
Sakong pigpangadyi,
Magpadara ka ki makusog na uran,
Linigan mo an siyudad,
An mga pocahontas, an mga buwaya,
An mga may matarom sa bulsa,
Muya kong linigan mo an saindang puso,
Kun kaipuhan ki baha
Tanganing madangog an alingawngaw nin sarong pangadyi.
Kun mabuhos an uran ngunyan,
Kun dai na ako mahiling kan sakong mga padaba
Na kataid ninda sa pag-abot nin liwanag,
Tabaco, aram mo daing pagkakaiba
An mga maarabot pa na bangui,
Pirming may nagtutubod sa pagkamoot,
Pirming may nagtutubod sa pagbabago,
May nagpapadaba saimo.
26
Sa Girumdom na Sana
An kaday mo na sakuyang hidaw,
Paros na mahalnas,
Nagbabakay ako sa pag-reparo,
Sierto duman yaon ka.
Pagkamoot ko pig-lustab mo na,
Mga mata mo na gapong nagkakalayo,
Nagtuga,
Kaipuhan mo ki distansiya,
Distansiya…
Dai ko masabutan,
Baad habo kong masabutan…
51
PUTING ILAW
Pag-girom mo an hawong
Naghuhuron an talapang buda an Santan,
Sa may gripo sa awot,
Sa mga gapo na dumog,
Yaon ako,
Solamenteng nagdadangog
Nin ribok kun sain an gabos bungog.
Sain na pigdara nin paros an uran?
Atyan na ako makakan
Pag malinig na an kusina,
Pag pirutunon na an paros,
Kakahurunon taka pag maturog ka na,
Baad magsimbag an langit.
50
Tanganing an Buhay Masabutan
Pigluwayan ko an sakong paglakaw,
Pigluwayan ko an sakong paghangos...
Duman mas nasabutan ko kun nata an tawo nagagadan,
Mas namatean an ugma pag igwang bagong aking namundag,
Pasil na sana an pagkapot sa kulog
Nin lawas buda emosyon,
Dai na ako basta namomoot
Alagad ako pirming namomoot
Sa mga tawo, hayop,
Sa tinampo kun sain nagpahingalo na
An mga naghihidaling bitis…
Nagpapadaba sa mga bitoon, bulan, aldaw
Dawa sa mga bagay na makanos…
Garo dampog na may darang uran an pagpapadaba,
Mataong hinangos sa mga puno, sa mga masetas, mga awot
Sa daga, dawa sa mga gapo.
Pigpabayaan ko na sana
Na mag-agi an panahon
Na dai kayang pugulon maski siisay
Digdi sa kinaban…
Dai ako sarong hayop na kaipuhang mainot
Tanganing sa kadlangan mabuhay.
27
Mantang nasa Half Lotus
Gilayon,
Pigpalaog ko an mga hapot…
Mga estranghero sinda
Dawa haluyon ko na sindang bisto.
Muya kong makahuron
An mga hapot,
Muya ko sindang masabutan.
Kun dai ko makua an lyabe ngunyan,
Sa aga baad makua ko na
An bulong sa haldat,
Kun dai, mapadagos ako sa paghalat
Sa daramlagon,
An bulong sa halangkawong mga hukol
Sa puso ko na muyang magkaturog.
28
Bang Bang!
Sarong badil an pagkamoot
Kun dai mo kayang kaputan,
Bang bang!
Saimong payo,
Bang bang!
Sa puso mo naman.
.45 sa iba,
Sa iba M16,
Shotgun an sakuya.
Bang bang!
Pwede man kitang makagadan
Ki sarong tawo,
Duwang tawo,
Tulo…
An bilog na kinaban
Pwedeng magadan
Kun madangog an satuyang istorya
Na musika
Pero asi,
Pwe!
Ribok man palan.
49
Tubig Nagbaba an mga santo digdi sa kinaban Sa porma nin tubig,
An dagat, salog,
Dawa an mga pasi nin uran sa mga masetas,
An dalagan na kansyon nin tubig an
Katuninungan
Na mas mapahinuhod sa bangui
Nin mga winalat nin agom buda karelasyon
Buda
Sa mga may pusong luho,
Dangugon ninda an saday na ugma
Sa luwas
Nin dai pigpipirot na bintana,
Pirit na pighihiling nin duwang marbol na dumog
An dumog sa harayo,
Pigdadangog an tubig,
Pigdadangog an lakaw nin saindang puso
Tanganing mahalat sinda nin daliwawa.
48
Lugad
Pangiturugan na namundag sa anino nin sarong puno
Sa tigbabayong hapon,
Halawig na alas an dalan sa harong…
Namit an alsom nin aldaw na suha
Na nagbababa,
Mantang naglalakop an diklom,
Pigkakaon nin itom an gabos,
An gabos na natatada sakuya.
An mga bayong sa rambong nin mga sanga,
Kulog an pigkakanta,
Arog nin paros sakuyang unit, mahaldat
Garo mga malumuyong mga muro
Na an kuku palan matarom…
Magayunon kun sa bangui ako magadan,
Muya ko man na misteryo an sakong pagpaaram.
Sa awot naghigda, nagkaturog,
Sakong pangadyi sa pagpiyong:
Pagkamoot dai na nguna,
Sagkod an sakong puso dai pa daramlagon.
29
Igwang nagadan mantang harayo ako…
Bus,
Sa bintana,
Halabang dalan,
Gilayon ako an estranghero
Sa tahaw nin lipot buda nin mga hapot.
An mga naaagihang mga harong,
Mga tawo na aso an pandok,
Mga berde,
Dagat…
An harong mi, harayo pa…
Nakakatulok,
Alagad kaipuhang bukas an bintana,
Siisay an makakasimbag?
Ah, habo kong isipon…
30
Magtubod ka,
Ta iyo man sana an muya ko,
An lutuan ka man ki masiram na isira
Arog kan piggigibo mo sakuya,
An gabos sakuyang gigibuhon tanganing
An gabos na namit digdi sa kinaban, masiram.
47
Pagtubod Dakul an kamatis
Sa piggisa kong amargoso,
Pigkaagan ko pang dakul na bawang buda sibulyas,
“Diit na paminta buda asin sana,
lingawan na an toyo”,
Sa pagtaram ko,
Naglayog an salampati mong ngirit sakuyang puso.
Kan pigtaram ko na muya kong maging masiram an sakuyang pigluto
Buda dai naglumoy sa kalayo an isira,
Magtubod ka...
Magtubod ka ta kan pigiilusyunan taka,
Tunay an sakong mga pigtaram manungod sa mga bitoon
Na saro sindang rason tanganing kita mabuhay,
Tunay na pigguyod ako nin sakuyang puso sa mga biyaheng 3am
Tanganing maayos ta an dai pagkakasinabutan…
Arog man kaan ngunyan
Pag pigtataram ko saimo
Na naglayog ako sa pagdutdot nin saimong dila
Sa sabaw nin sakuyang isira buda
Sa ngirit mong nagpabilog giraray
Sakuyang pusong pig-aasay nin kurab
Ta baka dai mo namuyahan an amargosong narunot,
46
Hello Moon (Sa Bintana nin Sarong Aki)
Muya niyang maglunad sa spaceship,
dudumanon an bulan,
malakaw-lakaw sa mga dampog,
makihururon sa mga bitoon
sagkod mapirot, magkaturog,
sagkod magimata an aldaw bago mag-uli.
Sa harong kaya,
dagit sinda
ta nawalat niya an saiyang luchbox sa eskwela.
31
Sa Bisita
Tukawi,
Ipagtitimpla taka,
Tsaa, kape…
T.V?
Igwang mga magazines diyan,
Mga libro yaon sana duman,
Wara kaming photo album
Ki mga recent ming ladawan
Ta gabos digital,
Muya mo ba ki ibos?
Igwa pa na pinuso digdi,
Kamusta palan?
32
Sisay man nanggad an muyang mag-solo?
Pag pigbubugtak taka,
Naghihibi kang garo may alimagyong maabot,
Asi, sisay man nanggad an muyang mag-solo?
Kaya pig-aaling taka,
Pag pigwawalat taka sa kuna,
Ta may kaipuhan akong gibuhon o tapuson,
Pigwawalat ko man an sakuyang puso,
Gurano man kadipisil.
45
Kitang Solamente sa Tigbabayong Hapon
Sakuyang labi maluya,
patawadon mo siya saiyang pagpatana.
Sa hamot nin burak
Saiyang hampang
Nakalingaw…
Nakalingaw…
44
Boulevard
Pag igwang oras, dudumanon ta an Boulevard
Sa Legazpi kun sain kita inot na naghilingan,
Kun sain sarong baso an pig-inuman ta ki tsaa
Sa mga banguing daing kasagkuran,
Daing padumanan.
Kaapil ta an dagat,
An Kapuntukan,
Buda an mga tawo sa harani
Dawa dai ta sinda midbid…
Sinda sa sarong paagi arog man sato,
Naghahanap kun dai muyang magtao nin pagkamoot,
Maswertuhon lang kita na nahiling ta
An lambang saro.
33
An mga Parahalat Samong Kusina sa Bangui
An nawalat na plato
Sa pamanggihan
Sa mesa
Sa matanga
An simbag sa pangadyi
Nin mga tanga,
Nin mga kuracha.
Kun makasalan daa sinda
Hapot nin mga kino
Ta harayuon
Sa mesa
An mga tukawan.
34
Magiging pula an berde,
O an berde magiging pula.
Sana pirming arog nin biyahe sa probinsiya
An dalagan nin sakuyang isip,
Daing masyadong hapot
Na malugad sakuya,
Na matao ki kulog sagkod an pagal na gabos
Mahigda sa malumoy na kutson.
Sa biyaheng probinsiya,
Mga simbag an sakuyang nakakasabatan
Sa biyahe kun sain dawa halaba,
Tuninong,
Arog kan mga dahon,
Arog kan bulod,
Arog kan bulawang naaagihan,
Pasil masabutan,
Arog kan Mayon na maski nag-aaso,
Tuninong.
43
Biyahe sa probinsiya
Dakul na sasakyan sa kalsada
Sa Maynila
An saiyang iwas dai na makahangos,
Sa aso,
Sa daplos,
Sa matarom na paghiling ki lambang saro,
Sa lambang saro,
May daraga, mga gurang nakatindog sa bus,
Dakul akong kaiba pero dai akong kahuron,
Minataram an sakuyang isip dawa dai ko pigkakahuron,
Mga paril sinda na minabalda sakuyang isip,
Mga paril hali sa pinakahararom kong kurab,
Mga hapot na nakahiling sa naghihirong daga.
Naghahalat ki berdeng ilaw an mga tawo buda mga makina,
Pighahabol an oras na magadan sa inda,
Sa hudyan,
Makaskas an layog nin mapulot na paros sa siyudad,
Baad sa ati ako magadan,
Baad sa buyong na makasabatan,
Pwede man sa sarong aksidente
Atyan,
Dai ko man talaga aram kun nuarin
42
Pag-istar sa Bicol
Sa harayong dai pa ako nakakarani,
Huna ko kaipuhan kong salidahan an sakuyang pangaran
Pag-abot sa Tabaco,
Dakul panong maraot na istorya sa Maynila,
Mga rekwerdos na garo pigsira na nasobrahan sa askad,
Baad dai ko maihi an sakuyang pagkamundo kun iisipon ko ito,
Igwa man na magayong rumdomon,
Mga istorya nin pagkamoot
Buda mga adbentyur kan ako aki pa.
Digdi sa kinaban gabos na pangaran, establishimento
Garo mga subo,
sa hudyan maputok,
mapaaram na dai nagtataram.
Naglakaw an mga aldaw,
Lingaw ko na an mga kaito,
Dai ko namalisyahan sa banwa na naging siyudad
Na igwa na akong mga kairibanan
Sa mga halabang tigbabayong hapon
Sagkod mag-abot an mga bitoon.
Dawa…
May mga bangui
Na saiyang rarom,
35
Solamente
Ako sakuyang kwarto,
Namamate an kurab sa naglalaog na paros,
Sa naghihirong mga anino sa kisame buda lanob.
36
Ilusyon nin sarong X-god pagbaba
sa white light
Sa huna ko diyos ako,
Alagad nagsuriyaw an ngipon ko sa kulog,
Habo na magkaturog nin sakuyang nagimatang mga ugat
Na nangadyi ki uran sa tahaw nin daplos.
Daing maginibo an gabos:
An paulok nin pamilya,
An Colgate,
An tubig na may asin na pigmulmog,
An Lotus Position,
Daing palabas sa TV o kanta sa radyo
Na pwedeng bulong sa muyang magadan,
Daing maginibo akong kaitong poon,
Akong kaitong poon na ngunyan
Palibot-libot…
Sa tahaw nin puso
Naghahalat ki simbag
Mantang pighihiling-hiling an mga dampog kun nag-iitom,
Muyang mahiling an nasa balyo nin alopoop,
Dawa habo magtubod na kaipuhang makaukod magtangad
Mantang nakaduko.
41
Luway luway an pagrani mo ugma sa pagkapot ko sakuyang hangos,
Sakuyang hangos na sinhalaba nin bangui sa mga tao na solo solo sa Ta-
baco sentro.
40
Para sa mga Babaying Dios
Pag namumundo
Arog kan pagkapasa nin puso sa pagkamoot,
Muya kong maglakaw na nakabitis,
Ta mas harani sa daga
Mas harani sa mga dahon na naparayo,
Duman sa limpoy sa higod
Pamilya ko an mga anino,
An mga gapong burak sakuyang tinitimak,
An paros na minaagi sakuyang mga bitis,
Kaugmahan ko sinda.
An kulog sa puso nin sarong mabuot na adan,
Kulog nin sakuyang puso,
Ako sinda,
Sinda ako,
Ta inagihan ko an dagat na tunok
Bago mailusyon an hamot.
Ako an daga,
Lawas ko an daga,
Kaming mga adan an daga
Na pigtitimakan ki mga burak…
37
Sa Bintana nin Sakong Aki sa Ospital
Maray na aga, Siyudad nin Tabaco...
Hilinga an mga tawong nag-aaragi,
Garo mga kamamatang gadan.
Rumdom pa kaya ninda an lipot
Saindang puso
Hali sa nag-aging halabang bangui
Na oro-atyan
Kaiba na naman nin maabot na diklom.
38
An lyabe sa tuninong nakua sa pagdakop
nin hinangos
Ngipon kan mga tawo sa bangui perlas, An kalag nin saimong mata man kimigkimig pag ito saimong mahiling,
Sinda na nagkakanta sa tinampo, sinda na kapot kamot sa gilid kan simba-
han buda plaza,
Ika na solo sa diklom na nagkaon saimong kalag,
Gare ako ito… kaito,
Ngunyan dai mo na ako mahihiling, naglalakaw na daing padumanan sa
Tabaco sentro,
Sisay ako pag bangui ?
Ako an harong nin bangui , kataning padaba ko buda aki ko na naghahalat
pighahalat magluwas,
Maugma an magkaiwang hangos na kayang kaputan,
Minabuka an mata nin angog, nagsarabatan an enerhiya sa kiray, at sakuy-
ang namatean katuninungan
Na kaito mahalnasong maray, gare paros nin aligmayo.
Minahiling na sana sakuyang talenga sa luwas,
An bayle nin mga dahon, an sonata kan mga kulisap, an hiro nin ngimot
buda bitis nin mga ayam.
Kinaban na nagsadit na sana sakong pigistaran,
Sadit na kinaban na pano nin masetas sa natad geograpikal buda pangitu-
rugan na muklat,
Sadit na kinaban, ika an tulay na maghahatod sako sa ugma,
Bangui, ika an tunay na kolor nin kinaban, an diklom na sakuyang tulang
Na Luway luway nababatak sa pagbagal nin tibok nin sakuyang puso,
39