hagrÆn greining Á landtengingu skipa - veitur · einingaverðum til cavotec sem og blueday...
TRANSCRIPT
![Page 1: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/1.jpg)
HAGRÆN GREINING Á LANDTENGINGU SKIPA Unnið fyrir Veitur
13.08.2019
![Page 2: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/2.jpg)
![Page 3: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/3.jpg)
SKÝRSLA – UPPLÝSINGABLAÐ
SKJALALYKILL TITILL SKÝRSLU
5114-077-SKY-001-V02 Hagræn greining á tengingu skipa
SKÝRSLUNÚMER / SÍÐUFJÖLDI VERKHEITI
01 / 31 Hagræn greining á tengingu skipa
VERKEFNISSTJÓRI – FULLTRÚI VERKKAUPA VERKKAUPI
Rúnar Svavar Svavarsson Veitur
VERKEFNISSTJÓRI – EFLA HÖFUNDUR
Jón Vilhjálmsson Jónas Hlynur Hallgrímsson og Kjartan Gíslason.
LYKILORÐ ÚTDRÁTTUR
Landtenging skipa, gjaldskrár, hagkvæmni.
Í þessari skýrslu er farið yfir hagræna niðurstöðu landtengingu í Sundahöfn fyrir skemmti- og flutningaskip frá sjónarhóli Veitna. Skemmtiferðaskip koma í Sundahöfn nánast eingöngu að sumri. Þegar skemmtiferðaskip hafa viðlegu er oftast um eitt skip að ræða (um 75-80 % tímans) og tvö skip samtímis um 15-20% tímans. Hlutfallslega mjög sjaldan eru fleiri en tvö skip samtímis í höfninni. Hámarksafl fyrir eitt skip er metið um 14,5 MW og ef tvö skip liggja samtímis í höfninni getur hámarksaflþörfin numið um 27 MW og ef þau eru þrjú er aflþörfin metin um 37 MW. Nauðsynlegur búnaður til þess að dreifa raforku til skipanna er nokkuð dýr. Áætlað er að kostnaður við að koma upp 15 MVA tengingu kosti um 815 m.kr. Ef mögulegt á að vera að þjónusta þrjú skemmtiferðaskip samtímis er áætlaður kostnaður um 2,3 milljarðar króna. Kostnaður í dreifikerfinu, þ.e. kostnaður við að auka getu dreifikerfisins til að afhenda aukið afl og orku í Sundahöfn, er ekki meðtalinn og ekki metinn í þessari skýrslu. Tekjur Veitna eru reiknaðar bæði miðað við afl- og orkutaxta. Ef komið væri á fót tengiskyldu fyrir öll skemmtiferðaskip væri rekstrarniðurstaða Veitna neikvæð af því að veita þjónustuna miðað við afltaxta og sérstaklega orkutaxta. Ef nægilegar tengingar eru ekki í boði fyrir öll skemmtiferðaskip geta stjórnvöld brugðist við með því að setja á sérstakt gjald til að jafna stöðu þeirra og gera landtengingu ákjósanlegri en að brenna jarðefnaeldsneyti um borð.
STAÐA SKÝRSLU
☐ Í vinnslu
☐ Drög til yfirlestrar
☒ Lokið
DREIFING
.☐ Opin
☒ Dreifing með leyfi verkkaupa
☐ Trúnaðarmál
![Page 4: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/4.jpg)
ÚTGÁFUSAGA
NR. HÖFUNDUR DAGS. RÝNT DAGS. SAMÞYKKT DAGS.
01 Jónas Hlynur Hallgrímsson
18.12.18 Jón Vilhjálmsson 18.12.18 Jón Vilhjálmsson 21.12.18
Skýrsluskrif
02 Jónas Hlynur Hallgrímsson
13.08.19 Jón Vilhjálmsson 13.08.19 Jón Vilhjálmsson 13.08.19
Minniháttar textalagfæringar
03 Höfundur útgáfu 29.12.16 Nafn rýnis 30.12.16 Nafn samþykktaraðila 31.12.16
Lýsing
04 Höfundur útgáfu 29.12.16 Nafn rýnis 30.12.16 Nafn samþykktaraðila 31.12.16
Lýsing
![Page 5: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/5.jpg)
5
SAMANTEKT
Að undanförnu hefur verið nokkur umræða um aukna raforkunotkun skipa þegar þau liggja í höfn í
tengslum við orkuskipti og loftslagsmál. Í aðgerðararáætlun stjórnvalda í orkuskiptum sem og
aðgerðaráætlun í loftslagsmálum má finna umfjöllun um aukna raforkunotkun skipa og landtengingar.
Að sama skapi hefur Reykjavíkurborg sett fram í loftslagsstefnu sinni að stefnt sé að rafvæðingu
Faxaflóahafna. Í þessari skýrslu er farið yfir hagræna þætti slíkrar landtengingar í Sundahöfn fyrir
skemmti- og flutningaskip frá sjónarhóli Veitna. Ekki er lagt mat á kostnað við nauðsynlegar
framkvæmdir í dreifikerfi Veitna við að auka orkuafhendingu í Sundahöfn.
Skemmtiferðaskip koma í Sundahöfn nánast eingöngu að sumri. Þegar skemmtiferðaskip hafa viðlegu
er oftast um eitt skip að ræða (um 75-80 % tímans) og tvö skip samtímis um 15-20% tímans.
Hlutfallslega sjaldan eru fleiri en tvö skip samtímis í höfninni.
Stærð skemmtiferðaskipanna og farþegafjöldi er breytilegur og það allra stærsta sem venur komur
sínar hingað er með um 4.500 farþega auk um 2.000 starfsmanna. Ef litið er til sambands stærðar
skipanna og farþegafjölda kemur í ljós að skip sem eru álíka stór eru í sumum tilvikum með nokkurn
breytileika í fjölda farþega.
Við mat á aflþörf skipanna er litið til annars vegar meðalafls (á ensku er oft talað um hotelling sem hér
verður kallað meðalafl) og hámarksafls. Með því að notast við erlend gögn og samband stærðar og
aflþarfar má notast við gögn Faxaflóahafna um komur í Sundahöfn sumarið 2018 til að áætla aflþörf
þeirra. Í skýrslunni hefur ekki verið rannsakað hvort skemmtiferðaskipin séu með búnað til að tengjast
rafdreifikerfi í landi og gert er ráð fyrir að útgerðir skipanna haldi áfram að senda skipin hingað til lands
ef tengiskyldu verður komið á. Hámarksafl fyrir eitt skip er metið um 14,5 MW og ef tvö skip liggja
samtímis í höfninni getur hámarksaflþörfin numið um 27 MW og ef þau eru þrjú er aflþörfin metin um
37 MW. Um mikið afl er því að ræða og, eins og áður segir, koma skemmtiferðaskipin hingað til lands
fyrst og fremst að sumarlagi, og því er þessi aflþörf einungis til staðar á þeim tíma.
Viðlegutími flutningaskipa og aflþörf þeirra hefur einnig verið metin. Nokkur óvissa er í viðlegutíma
skipanna en gert ráð fyrir um 110 klst. samanlögðum viðlegutíma flutningsfyrirtækja.. Aflþörfin getur
verið um 1-2 MW fyrir hvert skip og er t.d. hérlent flutningsfyrirtæki að láta byggja skip með slíka
aflþörf.. Flutningaskipin eru ekki eins og stendur með búnað til landtengingar þar sem hann þykir dýr.
Nauðsynlegur búnaður til þess að dreifa raforku til skipanna er nokkuð dýr og var leitað eftir
einingaverðum til Cavotec sem og Blueday Technologies sem selja slíkan búnað. Til dæmis má nefna
að kranabíll sem myndi koma landtengingu um borð í skemmtiferðaskip kostar um 107 m.kr. og 10
MVA aflstöð um 362 m.kr. Áætlað er að kostnaður við að koma upp 15 MVA tengingu kosti um 815
m.kr. Ef mögulegt á að vera að þjónusta þrjú skemmtiferðaskip samtímis er áætlaður kostnaður um
2,3 milljarðar króna.
Tekjur Veitna af landtengingu skipa eru reiknaðar bæði miðað við afl- og orkutaxta. Samkvæmt afltaxta
greiða viðskipavinir Veitna fyrir afltopp allt árið en afltoppur skemmtiferðaskipa er einungis um sumar
og ekki til staðar á öðrum árstíðum. Ef miðað er við afltaxta Veitna fyrir skemmtiferðaskipin getur
rekstrarniðurstaðan orðið jákvæð ef litið er til einnar tengingar sem og tveggja tenginga. Þriðja
![Page 6: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/6.jpg)
6
tengingin er hins vegar ekki rekstrarlega hagkvæm ef miðað er við afltaxta. Ef skemmtiferðaskipin væru
á orkutaxta er rekstrarniðurstaðan verulega neikvæð í öllum tilvikum. Ef komið væri á fót tengiskyldu
fyrir öll skemmtiferðaskip væri því rekstrarniðurstaða Veitna neikvæð af því að veita þjónustuna miðað
við afltaxta og sérstaklega orkutaxta. Rekstrarleg niðurstaða fyrir landtengingar flutningaskipa er
lítillega jákvæð fyrir Kleppsbakka en neikvæð fyrir Vogabakka..
Skipin hafa þann möguleika að sinna eigin orkuvinnslu um borð í skipinu með jarðefnaeldsneyti. Áætlað
hefur verið að raforkuvinnsla um borði kosti skipin um 28 kr./kWh en með landtengingu og ef miðað
er við afltaxta væri heildarkostnað (þ.e. dreifing auk flutnings, opinberra gjalda og raforku) þeirra um
36 kr./kWh og er því hagkvæmra fyrir skipin að sinna eigin orkuvinnslu. Ef einungis um varmavinnslu
er að ræða er kostnaður skipanna enn lægri eða um 9 kr./kWh.
Ef nægilegar tengingar eru ekki í boði fyrir öll skemmtiferðaskip geta stjórnvöld brugðist við með því
að setja á sérstakt gjald til að jafna stöðu þeirra. Til dæmis mætti hafa sérstakt gjald sem jafngilti að
lágmarki 27 kr./kWh (þ.e. 36-9 kr./kWh) til þess að gera landtengingu ákjósanlegi kost með tilheyrandi
ávinningi fyrir umhverfið.
![Page 7: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/7.jpg)
7
EFNISYFIRLIT
SAMANTEKT _______________________________________________________________________________ 5
1 INNGANGUR ________________________________________________________________________ 9
2 KOMUR SKEMMTI- OG FLUTNINGASKIPA Í SUNDAHÖFN EÐA GÖMLU HÖFNINA _______________ 10
2.1 Skemmtiferðaskip í Sundahöfn ________________________________________________________ 11
2.2 Flutningaskip í Sundahöfn ____________________________________________________________ 14
3 AFL- OG ORKUÞÖRF SKIPA Í HÖFN _____________________________________________________ 15
3.1 Aflþörf skemmtiferðaskipa ___________________________________________________________ 15
3.2 Aflþörf flutningaskipa ________________________________________________________________ 19
4 KOSTNAÐUR BÚNAÐAR OG TENGINGAR ________________________________________________ 20
5 TEKJUR AF ÞJÓNUSTU VIÐ SKEMMTIFERÐA- OG FLUTNINGASKIP ____________________________ 24
6 REKSTRARLEG NIÐURSTAÐA AF ÞJÓNUSTU VIÐ SKEMMTIFERÐA- OG FLUTNINGASKIP___________ 26
7 UMFJÖLLUN UM NIÐURSTÖÐUR _______________________________________________________ 28
8 HEIMILDASKRÁ _____________________________________________________________________ 30
![Page 8: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/8.jpg)
8
MYNDASKRÁ
MYND 1 Yfirlitsmynd af viðleguköntum í Sundahöfn. Mynd tekin af heimsíðu Faxaflóahafna. _____________ 10
MYND 2 Fjöldi skipa á dag í Sundahöfn. Heimild: Faxaflóahafnir ____________________________________ 11
MYND 3 Komur og stærð skemmtiferðaskipa í Sundahöfn í júní 2018. Tekið af vef Faxaflóahafna. _________ 12
MYND 4 Komur og stærð skemmtiferðaskipa í Sundahöfn í júlí 2018. Tekið af vef Faxaflóahafna. __________ 13
MYND 5 Komur og stærð skemmtiferðaskipa í Sundahöfn í ágúst 2018. Tekið af vef Faxaflóahafna. ________ 13
MYND 6 Samband stærðar (í brúttótonnum) og farþegafjölda þeirra skipa sem komu í Sundahöfn 2018. Tekið af vef Faxaflóahafna ___________________________________________________________ 16
MYND 7 Samband meðalaflþarfar og brúttótonna í erlendum gögnum. Heimild: Ericson og Fazlagic (2008) og Environ (2005) og eigin útreikningar. ________________________________________________ 17
MYND 8 Metið meðalafl í júní í Sundahöfn ______________________________________________________ 18
MYND 9 Metið hámarksafl í júní í Sundahöfn ____________________________________________________ 18
MYND 10 AMP Vault & Socket Box frá Cavotec. ________________________________________________ 21
MYND 11 AMP Mobile frá Cavotec. ____________________________________________________________ 21
MYND 12 40 feta 2-4 MVA Shore Power eining frá Blueday Technologies. _____________________________ 22
TÖFLUSKRÁ
TAFLA 1 Samanlagður viðlegutími skemmtiferðaskipa í Sundahöfn. Heimild: Faxaflóahafnir. _____________ 11
TAFLA 2 Viðlegutími eftir fjölda skipa samtímis í Sundahöfn. Heimild: Faxaflóahafnir ___________________ 11
TAFLA 3 Samantekt á aflþörf skemmtiferðaskipa. Heimild Ericson og Fazlagic (2008) ____________________ 16
TAFLA 4 Fjöldi klukkustunda og samanlagt hámarksafl skemmtiferðaskipa í Sundahöfn _________________ 17
TAFLA 5 Metin hámarksaflþörf eftir fjölda skipa __________________________________________________ 19
TAFLA 6 Metin orkuþörf eftir fjölda skipa _______________________________________________________ 19
TAFLA 7 Skarfabakki - fyrsti áfangi (15 MVA). ___________________________________________________ 22
TAFLA 8 Skarfabakki - annar áfangi (10 MVA). ___________________________________________________ 23
TAFLA 9 Skarfabakki - þriðji áfangi (20 MVA). ____________________________________________________ 23
TAFLA 10 Kleppsbakki (4 MVA). ____________________________________________________________ 23
TAFLA 11 Vogabakki (2 MVA). ______________________________________________________________ 23
TAFLA 12 Verðskrá Veitna fyrir afl- og orkunotkun, háspenna (B4D).__________________________________ 24
TAFLA 13 Samantekt af tekjum Veitna skv. Afl- og orkunotkun, háspenna (B4D) í verðskrá. _______________ 25
TAFLA 14 Samantekt af tekjum Veitna skv. Almennri orkunotkun (A1D) í verðskrá. ______________________ 25
TAFLA 15 Áætlaðar tekjur skv. afltaxta af þjónustu við flutningaskip við Kleppsbakka. ____________________ 25
TAFLA 16 Áætlaðar tekjur skv. afltaxta af þjónustu við flutningaskip við Vogabakka. _____________________ 25
TAFLA 17 Áætluð fjárfesting og rekstrarkostnaður og árlegar greiðslur til að standa undir fjárfestingunni. ____________________________________________________________________ 26
TAFLA 18 Samanburður á áætluðum greiðslum jafngreiðsluláns og tekjum skv. afl- og orkutaxta. __________ 27
![Page 9: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/9.jpg)
1 INNGANGUR
9
Að undanförnu hefur umræða um rafvæðingu hafna og tengingar skipa við raforkudreifikerfi átt sér
stað og er hana m.a að finna í aðgerðaráætlun stjórnvalda um orkuskipti og í aðgerðaráætlun í
loftslagsmálum. Einnig er slíka umfjöllun í loftslagsstefnu Reykjavíkurborgar en þar segir að stefnt sé
að rafvæðingu Faxaflóahafna.
Í þessari skýrslu verður litið til gagna um komur skemmtiferðaskipa í Sundahöfn sem og starfsemi
flutningsfyrirtækja á starfssvæðum sínum í Sundahöfn. Væntar tekjur af þjónustu Veitna eru bornar
saman við kostnað við nauðsynlegan búnað til að veita þjónustuna. Einnig er kostnaður skipanna
áætlaður við orkuvinnslu með jarðefnaeldsneyti. Fjölmargir óvissuþættir eru í matinu og má segja að
skýrsla þessi sé fyrsti áfangi í mati á fýsileika landtenginga og í síðasta kafla skýrslunnar er umræða um
aðrar mögulegar stjórnvaldsaðgerðir. Í skýrslunni er ekki litið á kostnað Veitna við að bæta dreifikerfi
sitt nema í Sundahöfn en þessi þjónusta mun ugglaust kalla á styrkingu í aðveitukerfi fyrirtækisins til
að koma orkunni að Sundahöfn.
1 INNGANGUR
![Page 10: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/10.jpg)
10
Skemmti- og flutningaskip leggast að bryggju í Sundahöfn og á mynd 1 má sjá viðlegukantana.
Skemmtiferðaskipin lágu árið 2018 að mestu við Skarfabakka (um 91% tímans) en einnig við
Sundabakka (um 5%) og að Korngörðum (um 3%). Flutningsfyrirtæki eru með starfsemi við Kleppsbakka
og Vogabakka.
MYND 1 Yfirlitsmynd af viðleguköntum í Sundahöfn. Mynd tekin af heimsíðu Faxaflóahafna.
2 KOMUR SKEMMTI- OG FLUTNINGASKIPA Í SUNDAHÖFN EÐA GÖMLU HÖFNINA
![Page 11: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/11.jpg)
2 KOMUR SKEMMTI- OG FLUTNINGASKIPA Í SUNDAHÖFN EÐA GÖMLU HÖFNINA
11
2.1 Skemmtiferðaskip í Sundahöfn
Skemmtiferðaskipin koma í Sundahöfn yfir sumartímann og á mynd 2 má sjá fjölda skipa á hverjum
degi frá maíbyrjun til loka október árið 2018. Á myndinni hefur ekki verið tekið tillit til þess að sama
daginn geta fleiri en eitt skip legið í höfninni en þó ekki samtímis.
MYND 2 Fjöldi skipa á dag í Sundahöfn. Heimild: Faxaflóahafnir
Skemmtiferðaskipin árið 2018 lágu fyrst og fremst við Skarfabakka og þar á eftir við Sundabakka og
Korngarða. Skarfabakka er skipt upp í þrjú bil (312, 314 og 315). Faxaflóahafnir hafa á undanförnum
árum birt upplýsingar um komu- og brottfarartíma skemmtiferðaskipa. Í töflu 1 má sjá heildarlegutíma
skemmtiferðaskipanna á undanförnum árum í Sundahöfn.
TAFLA 1 Samanlagður viðlegutími skemmtiferðaskipa í Sundahöfn. Heimild: Faxaflóahafnir.
2015 2016 2017 2018
Skarfabakki 1254:15:00 1291:00:00 1472:15:00 1594:00:00
Korngarður 13:00:00 22:00:00 77:30:00 56:00:00
Sundabakki 57:00:00 48:00:00 137:00:00 94:30:00
Samtals 1324:15:00 1361:00:00 1686:45:00 1744:30:00
Á undanförnum árum hefur einungis eitt skemmtiferðaskip legið í höfninni um 75-80% þess tíma sem
skemmtiferðaskip hefur á annað borð verið þar. Tvö skip hafa verið um 15-20% tímans og fleiri en tvö
hlutfallslega lítinn tíma ársins.
TAFLA 2 Viðlegutími eftir fjölda skipa samtímis í Sundahöfn. Heimild: Faxaflóahafnir
FJÖLDI SKIPA SAMTÍMIS Í HÖFN 2015 2016 2017 2018
1 811:45:00 810:00:00 1030: 15:00 955:00:00
2 223:45:00 214:00:00 188:45:00 262:00:00
3 15:00:00 35:00:00 73:00:00 88:30:00
0
1
2
3
4
5
1.5.2018 1.6.2018 1.7.2018 1.8.2018 1.9.2018 1.10.2018
Fjö
ldi s
kip
a á
da
g
![Page 12: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/12.jpg)
12
FJÖLDI SKIPA SAMTÍMIS Í HÖFN 2015 2016 2017 2018
4 5:00:00 5:00:00 15:00:00 00:00:00
Fyrir árið 2018 hefur legutími skemmtiferðaskipa verið reiknaður fyrir hvern stundarfjórðung en með
því móti má betur átta sig á þeim tíma sem skipin liggja samtímis í höfninni. Á mynd 3 má sjá stærð
skemmtiferðaskipanna sem komu í júní þar sem blái liturinn táknar eitt skemmtiferðaskip í höfn, sá
appelsínuguli tvö skip í höfn samtímis og sá grái þriðja skipið. Í þeim tilfellum sem um fleira en eitt
skemmtiferðaskip er að ræða er stærsta skipið ávallt talið sem fyrsta skip. Til dæmis má sjá að við
upphaf júnímánaðar voru tvö skip í höfninni og hið þriðja bætist við skömmu síðar. Skip sem hafði verið
næststærst (appelsínugult) fer fyrst og það sem áður hafði verið merkt gráleitt verður skip númer tvö.
MYND 3 Komur og stærð skemmtiferðaskipa í Sundahöfn í júní 2018. Tekið af vef Faxaflóahafna.
Til dæmis í júní eru þrjú skip samtímis í átta klukkustundir og farþegar geta verið allt að 5.800 samanlagt
í skipunum þremur. Í júní eru tvö önnur tilvik þar sem tvö skemmtiferðaskip liggja samtímis í höfn en
þau eru mun minni en skipin þrjú sem voru við upphaf mánaðarins.
Á mynd 4 má sjá sambærilega mynd fyrir júlímánuð en þá eru þrjú skip þrisvar sinnum samtímis í
höfninni. Skipin eru tvö tólf sinnum en stundum einungis stutta stund. Áhugavert er einnig að sjá að í
um samfelldan fimm og hálfan sólarhring er ekkert skemmtiferðaskip í Sundahöfn.
0
50.000
100.000
150.000
200.000
250.000
300.000
Brú
ttó
tonn
3 skip
2 skip
1 skip
![Page 13: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/13.jpg)
2 KOMUR SKEMMTI- OG FLUTNINGASKIPA Í SUNDAHÖFN EÐA GÖMLU HÖFNINA
13
MYND 4 Komur og stærð skemmtiferðaskipa í Sundahöfn í júlí 2018. Tekið af vef Faxaflóahafna.
MYND 5 Komur og stærð skemmtiferðaskipa í Sundahöfn í ágúst 2018. Tekið af vef Faxaflóahafna.
0
50.000
100.000
150.000
200.000
250.000
300.000B
rútt
óto
nn
3 skip
2 skip
1 skip
0
50.000
100.000
150.000
200.000
250.000
300.000
Brú
ttó
ton
n
3 skip
2 skip
1 skip
![Page 14: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/14.jpg)
14
2.2 Flutningaskip í Sundahöfn
Hérlend flutningsfyrirtæki eru með fjölmargar siglingaleiðir og hafa skipin viðkomu í Sundahöfn.
Viðlegutími skipanna í Sundahöfn hefur verið áætlaður með því að líta til siglingaáætlana
flutningsfyrirtækjanna. Töluverð óvissa er í viðlegutímanum í því mati sem hér fer á eftir. Viðlegutími
flutningaskipa í Sundahöfn er breytilegur en gera má ráð fyrir að fyrirtækin reyni að lágmarka hann til
þess að nýta skipin sem best á flutningaleiðum sínum.. Hér er gert ráð fyrir að skipakomur eins
flutningsfyrirtækisins sé að meðaltali 7 í viku hverri og að hvert skip sé landtengt að meðaltali í 10 klst.
Heildartími á viku hverri sem skip fyrirtækisins eru landtengd er þar af leiðandi 70 klst. Annað
flutningsfyrirtæki er með fjögur skip í siglingum við Íslandsstrendur og með sömu forsendu og áður má
gera ráð fyrir að heildarviðlegutími sé um 40 klst. á viku.
![Page 15: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/15.jpg)
3 AFL- OG ORKUÞÖRF SKIPA Í HÖFN
15
Skip sem koma í Sundahöfn eru misstór og einnig er bæði um að ræða skemmtiferðaskip og flutningskip
og orku- og aflþörf þeirra því misjöfn.
3.1 Aflþörf skemmtiferðaskipa
Í þessari skýrslu er miðað við að um borð í skipunum sé tengibúnaður og að þeim verði skylt að tengja
sig við rafdreifikerfi í höfn. Ekki hefur verið rannsakað hvort tengibúnaður er um borð í þeim skipum
sem hingað komu árið 2018. Ef skemmtiferðaskip verða skyldug til að landtengja sig getur verið að
komum skemmtiferðaskipa fækki eða útgerðir skipanna sendi önnur skip hingað til lands sem eru með
tengibúnað. Í þessari skýrslu hefur ekki verið tekið tillit til neinna slíkra þátta og einungis litið til gagna
fyrir árið 2018 og gert ráð fyrir að aflþörf þeirra sé í samræmi við stærð (í brúttótonnum, skammstafað
brt.).
Ekki liggja fyrir upplýsingar um aflþörf þeirra skemmtiferðaskipa sem hingað koma og þarf því að beita
nálgun við slíkt mat en mikill stærðarmunur er á milli skipanna. Það allra stærsta tekur 4.500 farþega
(auk þeirra eru um 2.000 starfsmenn) og er um 168 þús. brúttótonn. Önnur tólf skip með fleiri en 2.000
farþega höfðu árið 2018 viðkomu í Sundahöfn. Á mynd 6 má sjá samband stærðar
skemmtiferðskipanna (í brúttótonnum) sem höfðu viðkomu í Sundahöfn sumarið 2018 og
farþegafjölda þeirra. Ef litið er til þeirra skipa sem eru minni en 50 þús. brt. er breytileiki í farþegafjölda
meiri en fyrir þau sem eru stærri en 50 þús. brt. Til dæmis má nefna að í einu 40 þús. brt. skipinu er um
500 farþegar en í öðrum um og yfir 1.500 farþegar.
3 AFL- OG ORKUÞÖRF SKIPA Í HÖFN
![Page 16: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/16.jpg)
16
MYND 6 Samband stærðar (í brúttótonnum) og farþegafjölda þeirra skipa sem komu í Sundahöfn 2018. Tekið af vef Faxaflóahafna
Við mat á afl- og orkuþörf skemmtiferðaskipa hefur verið stuðst við erlend gögn um samband
brúttótonna og aflþarfar. Í töflu 3 má sjá samantekt á áætlaðri aflþörf eftir því hvort um er að ræða
meðalafl eða hámarkaafl fyrir skemmtiferðaskip. Á ensku er gjarna notast við orðið hotelling þegar skip
liggur við höfn og notar raforku til að viðhalda starfsemi sinni. Hér er hotelling kallað meðalafl.
TAFLA 3 Samantekt á aflþörf skemmtiferðaskipa. Heimild Ericson og Fazlagic (2008)
LENGD MEÐALAFL HÁMARKSAFL AFL NÆGJANLEGT FYRIR 95% AF STARFSEMI
<200 m 4.100 kW 7.300 kW 6.700 kW
>200 m 7.500 kW 11.000 kW 9.500 kW
Samtals 5.800 kW 11.000 kW 7.300 kW
Á mynd 7 má sjá samband meðalaflþarfar (hotelling) og brúttótonna í þeim erlendu gögnum sem aflað
hefur verið (samantekt á gögnunum eftir lengd kemur fram töflu 3) og notast er við (Ericson og Fazlagic
(2018) og Environ (2005)). Nokkur breytileiki er í aflþörfinni og ef t.d. er litið til skipa sem eru um 20
þúsund brt. má sjá að meðalaflþörfin er frá því að vera um 2 MW yfir í rúmlega 6 MW. Heilt yfir er
minni breytileiki eftir því sem stærð skipanna eykst. Segja má að það sé bæði breytileiki í samband
brúttótonna og farþegafjölda (sjá mynd 6) sem og sambandi brúttótonna og aflþarfar (sjá mynd 7)
Á myndinni kemur einnig fram besta tölfræðilega matið á sambandinu og verður í síðari útreikningum
notast við sambandið aflþarfar og brúttótonna þar sem tekinn er logri af brúttótonnum. Hámarksaflið
er einnig metið með því að nota þá forsendu að hámarksafl sé 60% hærra en meðalafl og er það í
samræmi við gögn í töflu 3.
0
500
1.000
1.500
2.000
2.500
3.000
3.500
4.000
4.500
5.000
0 20.000 40.000 60.000 80.000 100.000 120.000 140.000 160.000 180.000
Farþ
egaf
jöld
i
Brúttótonn
![Page 17: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/17.jpg)
3 AFL- OG ORKUÞÖRF SKIPA Í HÖFN
17
MYND 7 Samband meðalaflþarfar og brúttótonna í erlendum gögnum. Heimild: Ericson og Fazlagic (2008) og Environ (2005) og eigin útreikningar.
Ef notast er við þær forsendur sem fram koma varðandi meðalafl á mynd 7 og fyrir hámarksafl í töflu
3 má áætla orku- og aflþörf skemmtiferðaskipa skv. gögnum frá Faxaflóahöfnum þar sem legutími
þeirra kemur fram. Samanlagðar viðlegustundir fást með því að margfalda saman fjölda skipanna og
klukkustundir í höfn.
TAFLA 4 Fjöldi klukkustunda og samanlagt hámarksafl skemmtiferðaskipa í Sundahöfn
HÁMARKSAFL (KW) 1 SKIP (KLST.) 2 SKIP (KLST.) 3 SKIP (KLST.)
0-2.500 0 0 0
2.500-5.000 0 0 0
5.000-7.500 16 38 11
7.500-10.000 175 125 43
10.000-12.500 594 143 35
12.500-15.000 521 46 0
15.000-17.500 0 0 0
Samtals 1306 351 89
Samanlagðar viðlegustundir
1306 701 266
Á myndum 8 og 9 má sjá sambærilegar myndir og áður en nú hefur meðalafl og hámarksafl verið metið
skv. áðurnefndum forendum fyrir júní.
y = 0,0467x + 3457,2
R² = 0,6272
y = 1775,3ln(x) - 12660R² = 0,6803
0
2.000
4.000
6.000
8.000
10.000
12.000
0 20.000 40.000 60.000 80.000 100.000 120.000 140.000 160.000
kW
Brúttótonn
![Page 18: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/18.jpg)
18
MYND 8 Metið meðalafl í júní í Sundahöfn
MYND 9 Metið hámarksafl í júní í Sundahöfn
0
5.000
10.000
15.000
20.000
25.000M
eðal
fl (k
W)
3 skip
2 skip
1 skip
0
5.000
10.000
15.000
20.000
25.000
30.000
35.000
40.000
Top
paf
l (kW
)
3 skip
2 skip
1 skip
![Page 19: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/19.jpg)
3 AFL- OG ORKUÞÖRF SKIPA Í HÖFN
19
Í töflu 5 má sjá metna hámarksaflþörf eftir fjölda skipa í höfn og hámarksaflþörf þegar tvö skip liggja í
höfn samtímis og einnig þegar þrjú skip liggja samtímis í höfninni. Mesta aflþörfin stakra tenginga er
metin um 14,5 MW og þarf því ein tenging á hafnarbakka að hafa slíka getu ef stærsta skipið á að geta
tengst. Í töflunni kemur einnig fram hámarksaflþörf skips númer tvö í höfninni, þ.e. það hámarksafl
sem metið er þegar annað skip er samtímis í höfninni með meiri aflþörf. Á sama hátt er aflþörf þriðja
skipsins metin. Hámarksaflþörf þegar tvö skip liggja í höfninni er metin 27,1 MW og þrjú 37,7 MW.
TAFLA 5 Metin hámarksaflþörf eftir fjölda skipa
1. SKIP (KW) 2. SKIP (KW) 3. SKIP (KW) 2 SKIP SAMSTUNDIS (KW)
3 SKIP SAMSTUNDIS (KW)
14.493 12.768 10.418 27.147 37.679
Í töflu 6 má sjá metna orkuþörf skemmtiferðaskipanna m.v. meðalafl og þann viðlegutíma sem fæst í
gögnum Faxaflóahafna.
TAFLA 6 Metin orkuþörf eftir fjölda skipa
1. SKIP (KWH) 2. SKIP (KWH) 3. SKIP (KWH) SAMANLÖGÐ ORKA (KWH)
9.228.035 2.112.188 484.337 11.824.561
3.2 Aflþörf flutningaskipa
Aflað var upplýsinga um aflþörf flutningaskipa frá flutningsfyrirtækjum. Aflþörf flutningaskipa eins
flutningsfyrirtækis er frá 0,7 MW og upp í allt að 2,0 MW fyrir þau flutningaskip sem félagið er með í
smíði. Skipin eru ekki með búnað til þess að landtengja sig en mögulegt er að setja sérstaka 20 feta
gámaeiningu fyrir framan brúna og þaðan væru lagðir leiðarar niður í aðaltöflu skipsins. Slíkur búnaður
er það dýr að mati fyrirtækisins að ákveðið hefur verið að sleppa honum. Gert er ráð fyrir að
meðalaflþörf skipa fyrirtækisins sé 1,2 MW. Þegar tvö skip þess liggja samtímis í höfninni og eru
landtengd er hámarksaflþörf til framtíðar metin 3,6 MW og er notast við það hámarksafl í síðari
útreikningum.
Flutningaskip annars fyrirtækis er með aflþörf sem er um 0,7-1,0 MW. Gert er ráð fyrir að meðalaflþörf
skipa fyrirtækisins sé 0,6 MW. Einnig er gert ráð fyrir að þegar tvö skip liggja samtímis í höfninni sé
hámarksaflið 1,8 MW.
![Page 20: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/20.jpg)
20
Landtenging skipa gerir kröfur til töluverðs sérhæfðs rafbúnaðar. Hér á landi er tíðni
riðstraumsrafkerfis (a.c.) 50 Hz. Riðstraumskerfi skipa, sérstaklega stærri skipa, er almennt 60 Hz. Ekki
hefur fengist nein einhlít skýring á hvers vegna riðstraumskerfi skipa er 60 Hz en leiða má líkur að fyrir
því séu sögulegar ástæður og einnig það að 60 Hz mótorar eru aflmeiri miðað við rúmmál en 50 Hz
mótorar.
Til þess að breyta tíðni landrafmagns þannig að það hæfi rafkerfi skips þarf að umbreyta 50 Hz raforku
yfir á 60 Hz rafkerfis skipa. Þessu til viðbótar er einnig munur á hver spennan er á afhendingarstað.
Almennt tengjast stór skip á 6,6 kV eða 11 kV. Tiltölulega auðvelt og ódýrt er að útbúa þessi spennustig
eftir að búið er að umbreyta 50 Hz rafmagni í 60 Hz.
Dýrasti og flóknasti tækjabúnaðurinn er sá sem umbreytir tíðninni (nefnd aflstöð í þessari skýrslu) en
það er gert með því að afriða en þá er sinusbylgja spennu „slétt“ út og síðan áriðað þar sem sínusbylgjan
er aftur búin til en nú með 60 Hz tíðni. Algengast er í dag að slíkt sé gert með hálfleiðurum en fyrir þann
tíma voru gjarnan notaður 50 Hz mótor sem snéri 60 Hz rafal.
Eftir að betur einangrandi efni urðu til var hægt að framleiða tiltölulegan nettan tengibúnað, m.a. fyrir
landtengingar skipa, nokkuð sem ekki var vel gerlegt fyrir einum eða tveimur áratugum síðan. Búið er
að skilgreina slíkar tengingar s.s. í stöðlum IEC/ISO/IEEE 80005 og IEC 62613 sem fjalla um landtengingu
og samræmingu á tengibúnaði. Þær tengingar og tengibox sem síðar verður lýst uppfylla umrædda
staðla.
Við mat á kostnaði búnaðar var haft samband við starfsmenn Cavotec og Blueday Technology og þeir
beðnir um að áætla kostnað við kaup á mismunandi búnaði sem nauðsynlegur er til að þjónusta skipin1.
1 Upplýsingarnar fengust í tölvupósti frá Kenneth Husebø og Christian Thieleman til starfsmanna EFLU
í nóvember 2018.
4 KOSTNAÐUR BÚNAÐAR OG TENGINGAR
![Page 21: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/21.jpg)
4 KOSTNAÐUR BÚNAÐAR OG TENGINGAR
21
Cavotec selur búnað sem er sérstaklega hannaður til að auðvelda tengingar við skipin. Á mynd 10 má
sjá tengiboxið sem fyrirtækið býður uppá og er einingaverð þess um 17,6 m.kr.
MYND 10 AMP Vault & Socket Box frá Cavotec.
Cavotec selur einnig tengikrana sem keyrður væri að tengiboxinu og tengdur við það. Einingarverð
kranans er um 107 m.kr. Kraninn væri svo nýttur til þess að koma tengingunni um borð. Búnaðurinn er
því færanlegur og nýtist vel við að koma tengingunni um borð í skip með mismunandi tengipunkta.
MYND 11 AMP Mobile frá Cavotec.
Blueday Technologies selur aflstöðvar og millispenna í gámaeiningum sem geta verið annað hvort 20
eða 40 fet. Aflstöðvarnar eru almennt í 2 MVA einingum sem er síðar raðað saman í hentuga stærð. Á
![Page 22: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/22.jpg)
22
mynd 12 má sjá 40 feta gámaeiningu.
MYND 12 40 feta 2-4 MVA Shore Power eining frá Blueday Technologies.
Kostnaður við mismunandi útfærslur hefur verið metinn og honum áfangaskipt:
Fyrsti áfangi: Einn afhendingarstaður raforku fyrir skemmtiferðaskip þar sem afkastageta
búnaðar er nægileg til þess að þjóna aflfrekustu skipunum miðað við gögn frá 2018, þ.e. 15
MVA tenging. Að auki eru settir upp þrjú tengibox til þess að geta komið tengingunni að
skipunum á auðveldan hátt og einn kranabíll til að koma tengingunni um borð. Áætlað hefur
verið að 300 m strengur þurfi að auki.
Annar áfangi: Öðrum afhendingarstað bætt við þann fyrri sem væri með nægilega mikla
afkastagetu til að þjónusta öllu jafna tvö skip samtími m.v. áætlaða aflþörf þeirra skipa sem
komu til 2018 og eru í höfninni samtímis. Í þessum áfanga er bætt við 10 MVA aflstöð og einum
kranabíl. Ekki þarf að bæta við tengiboxi þar sem þrjú slík eru í fyrsta áfanga.
Þriðji áfangi: Þriðja afhendingarstað bætt við og 20 MVA aflstöð og þriðja kranabílnum. Í
þessum áfanga væri mögulegt að þjónusta þrjú skemmtiferðaskip samtímis og m.v. mat á
aflþörf fyrir 2018 væri enn borð fyrir báru í afkastagetu ef enn stærri skip venja komur sínar til
landsins í framtíðinni.
Samantekt á kostnaði fyrir áfangana þrjá má sjá í töflum 7 til 9:
TAFLA 7 Skarfabakki - fyrsti áfangi (15 MVA).
FJÖLDI EININGAVERÐ. (M.ISK)
SAMTALS. (M. ISK)
AMP Vault & Socket Box 3 stk. 17,6 52,8
AMP Mobile 1 stk. 107,2 107,2
3x300 mm² Al+sk kominn í jörðu 300 m 15 þús. kr. 4,5
15 MVA aflstöð 1,5 stk. 362,5 543,8
Annað [15%] 1 106,2
Samtals án vsk. 815,0
![Page 23: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/23.jpg)
4 KOSTNAÐUR BÚNAÐAR OG TENGINGAR
23
TAFLA 8 Skarfabakki - annar áfangi (10 MVA).
FJÖLDI EININGAVERÐ. [ISK] SAMTALS. [ISK]
AMP Mobile 1 stk. 107,2 107,2
10 MVA aflstöð 1 stk. 362,5 362,5
Annað [15%] 1 70,5
Samtals án vsk. 541,0
Samtals 1. og 2. áfangi 1.356,0
TAFLA 9 Skarfabakki - þriðji áfangi (20 MVA).
FJÖLDI EININGAVERÐ. [ISK] SAMTALS. [ISK]
AMP Mobile 1 stk. 107,2 107,2
20 MVA aflstöð 2 stk. 362,5 725,0
Annað [15%] 1 124,8
Samtals án vsk. 958,0
Samtals 1., 2. og 3.
áfangi 2.314,0
Í töflunum kemur fram kostnaðurinn við alla áfangana og er um 2,3 milljarðar króna. Eins og áður hefur
komið fram er kostnaður við styrkingu í aðveitukerfi Veitna að Sundahöfn ekki meðtalinn.
Á sambærilegan hátt og áður hefur kostnaður við nauðsynlegan búnað verið metinn fyrir
flutningaskipin. Annars vegar er um að ræða 4 MVA við Kleppsbakka og hins vegar 2 MVA við
Vogabakka (sjá töflur 10 og 11).
TAFLA 10 Kleppsbakki (4 MVA).
FJÖLDI EININGAVERÐ. [ISK] SAMTALS. [ISK]
AMP Vault & Socket Box 2 stk. 17,6 35,2
3x300 mm² Al+sk kominn í jörðu 800 m 15 þús. kr 12,0
2 MVA Aflstöð 1 61,6 61,6
4 MVA Aflstöð 1 63,8 63,8
Annað [15%] 1 25,9
Samtals án vsk. 199,0
TAFLA 11 Vogabakki (2 MVA).
FJÖLDI EININGAVERÐ. [ISK] SAMTALS. [ISK]
AMP Vault & Socket Box 2 stk. 17,6 35,0
3x300 mm² Al+sk kominn í jörðu 800 m 15 þús. kr 12,0
2 MVA aflstöð 1 61,6 61,6
Annað [15%] 1 16,3
Samtals án vsk. 126,0
Ekki hefur verið áætlaður kostnaður við tengingu þessara stöðva við kerfi Veitna en það kallar á
lagningu strengja frá næstu aðveitustöð og aukið spennaafl í þeirri stöð.
![Page 24: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/24.jpg)
24
Í fyrri köflum hefur verið lagt mat á afl- og orkuþörf skemmtiferðaskipa í Sundahöfn. Eins og áður hefur
komið fram er aflþörf skemmtiferðaskipanna mikil og þau hafa einungis viðkomu hérlendis að sumri
til. Ef litið er til aflþarfarinnar er full ástæða til þess að Veitur horfi til þess að afhending í heild verði
skv. afltaxta. Samkvæmt afltaxta er greitt fyrir afltoppinn fyrir árið í heild sinni og hentar því ekki
skipunum sem hafa viðkomu í Sundahöfn í mesta lagi nokkrum sinnum á ári. Mikilvægt er í framhaldinu
að finna leið til að skipta aflkostnaðinum niður á skipin miðað við uppsett afl eða áætlaðan afltopp
ársins. Hér verða heildartekjur Veitna reiknaðar miðað við afltaxta fyrst en einnig eru reiknaðar
heildartekjur miðað við orkutaxta.
Í töflu 12 má sjá núverandi verðskrá Veitna fyrir afl- og orkunotkun á háspennu (B4D). Í töflunni koma
ekki fram gegnumstreymisgjöld Veitna (virðisaukaskattur, jöfnunargjald og flutningsgjald). Segja má
því að það verð sem fram komi í töflunni myndi tekjur Veitna sem standi þurfi undir rekstri og kaupum
á nauðsynlegum búnaði. Í verðskránni fyrir raforkudreifinguna kemur fram að greitt sé fyrir afltopp
sem mældur er á tímabilinu 1. janúar – 31. mars og 1. október til 31. desember. Afltoppur
skemmtiferðaskipanna er að sumri til og því ekki á umræddu tímabili. Hér verður litið framhjá þessum
skilyrðum í núverandi verðskrá við mat á tekjum af þjónustu við skemmtiferðaskipin.
TAFLA 12 Verðskrá Veitna fyrir afl- og orkunotkun, háspenna (B4D).
AFL OG ORKUNOTKUN DREIFING GRUNNUR
Fast verð 1.117,82 kr./dag
Aflverð 23,57 kr./kW/dag
Orkuverð 0,53 kr./kWh
Mælaleiga 522,66 kr./dag
Í töflum 5 og 6 komu fram orkuþörf og samanlagður afltoppur skemmtiferðaskipanna. Miðað við gögn
í töflu 12 má áætla tekjur Veitna skv. gildandi gjaldskrá (B4D) af því að þjónusta skemmtiferðaskipin og
koma þær fram í töflu 13.
5 TEKJUR AF ÞJÓNUSTU VIÐ SKEMMTIFERÐA- OG FLUTNINGASKIP
![Page 25: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/25.jpg)
5 TEKJUR AF ÞJÓNUSTU VIÐ SKEMMTIFERÐA- OG FLUTNINGASKIP
25
TAFLA 13 Samantekt af tekjum Veitna skv. Afl- og orkunotkun, háspenna (B4D) í verðskrá.
1. AFHENDINGARSTAÐUR 2. AFHENDINGARSTAÐUR
(TIL VIÐBÓTAR VIÐ FYRSTA) 3. AFHENDINGARSTAÐUR
(TIL VIÐBÓTAR VIÐ ANNAN)
Gjald Tekjur (kr.) Tekjur (kr.) Tekjur (kr.)
Fast verð 1.117,82 365 408.004
Aflverð 23,57 14.493 124.682.272 12.768 109.842.048 10.418 89.629.396
Orkuverð 0,53 9.228.035 4.890.859 2.112.188 1.119.460 484.337 256.699
Mælaleiga 522,66 365 190.771
Samtals (kr.) 130.171.906 110.961.507 89.886.095
Samanlagðar tekjur Veitna af því að þjónusta skemmtiferðaskipin í Sundahöfn ef hún er verðlögð skv.
afltaxta eru um 331 m.kr. miðað við árið 2018 og að meðaltali eru tekjurnar um 28 kr./kWh. Uppistaðan
í tekjum Veitna eru aflgreiðslur fyrir afl sem skemmtiferðaskipin nota einungis sjaldan yfir árið.
Samkvæmt orkutaxta væru tekjur Veitna mun lægri, eða samanlagt um 43,6 m.kr. Tekjur af fyrstu
tengingu næmu um 34 m.kr. (sjá töflu fyrir neðan).
TAFLA 14 Samantekt af tekjum Veitna skv. almennri orkunotkun (A1D) í verðskrá.
1. AFHENDINGARSTAÐUR 2. AFHENDINGARSTAÐUR
(TIL VIÐBÓTAR VIÐ FYRSTA) 3. AFHENDINGARSTAÐUR
(TIL VIÐBÓTAR VIÐ ANNAN)
Gjald Tekjur (kr.) Tekjur (kr.) Tekjur (kr.)
Fast verð 28,75 365 10.494
Orkuverð (kr./kWh)
3,69 9.228.035 34.051.450 2.112.188 7.793.975 484.337 1.787.205
Samtals (kr.) 34.061.944 7.793.975 1.787.205
Tekjur Veitna af þjónustu við flutningaskipin ef hún er verðlögð skv. gjaldskrá fyrirtækisins koma fram
í töflum 15 og 16.
TAFLA 15 Áætlaðar tekjur skv. afltaxta af þjónustu við flutningaskip við Kleppsbakka.
STARFSEMI VIÐ KLEPPSBAKKA
Gjald Tekjur (kr.)
Fast verð 1.117,82 365 408.004
Aflverð 23,57 3.600 30.970.980
Orkuverð 0,53 4.368.000 2.315.040
Mælaleiga 522,66 365 190.771
Samtals (kr.) 33.884.795
TAFLA 16 Áætlaðar tekjur skv. afltaxta af þjónustu við flutningaskip við Vogabakka.
STARFSEMI VIÐ VOGABAKKA
Gjald Tekjur (kr.)
Fast verð 1.117,82 365 408.004
Aflverð 23,57 1.800 15.485.490
Orkuverð 0,53 1.248.000 661.440
Mælaleiga 522,66 365 190.771
Samtals (kr.) 16.745.705
![Page 26: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/26.jpg)
26
Í fyrri köflum hefur verið farið yfir annars vegar tekjur Veitna af þjónustu við skemmtiferða- og
flutningaskip og hins vegar kostnað af búnaði og öðru tilheyrandi til að inna þjónustuna af hendi. Áætla
má þær tekjur sem Veitur þurfa að hafa af þjónustunni miðað við þann búnað sem fjárfest hefur verið
í og tengdan kostnað með því að notast við jafngreiðslulán. Gert er ráð fyrir að líftími þess búnaðar
sem fjárfest hefur verið í sé 12 ár og að rekstrarkostnaður hans sé 3%. Erfitt er að meta nákvæmlega
rekstrarkostnaðinn en gert er ráð fyrir að hann innifeli hefðbundinn viðhaldskostnað búnaðar sem og
launakostnað starfsmanna við að þjónusta skipin. Reiknivextir eru 5,5% og eru þeir svipaðir vegnum
fjármagnskostnaði Veitna hefur verið á undanförnum árum (4,98-5,04% árið 2017 og 5,21-5,38% árið
20162).
Miðað við fyrrgreindar forsendur má sjá í töflu 17 hverjar árlegar tekjur Veitna þyrftu að vera til að
fjárfestingin standi undir sér.
TAFLA 17 Áætluð fjárfesting og rekstrarkostnaður og árlegar greiðslur til að standa undir fjárfestingunni.
FJÁRFESTING (M.KR.) ÁRLEGUR REKSTRARKOSTNAÐUR (M.KR.)
ÁRLEGAR GREIÐSLUR JAFNGREIÐSLULÁNS (M.KR.)
Skarfabakki – fyrsti áfangi 815 24,5 128,6
Skarfabakki – annar áfangi 541 16,2 85,3
Skarfabakki – þriðji áfangi 958 28,7 151,1
Kleppsbakki 199 6,0 31,4
Vogabakki 126 3,8 19,9
Í töflu 18 kemur fram samanburður á áætluðum greiðslum á jafngreiðsluláni til að standa undir
fjárfestingunni og þeim tekjum sem metnar hafa verið skv. afl- og orkutaxta. Tekjur af afltaxta fyrir 1
og 2 skip standa undir nauðsynlegum kostnaði en tekjur af þriðju landtengingu er fjarri því að standa
undir nauðsynlegum kostnaði. Ef litið er til orkutaxta eru tekjur fjarri því í öllum tilvikum að standa
undir nauðsynlegri fjárfestingu. Einnig þarf að hafa í huga að Veitur þurfa einnig að fá tekjur til að
2 https://www.veitur.is/utgefid-efni/arsreikningar
6 REKSTRARLEG NIÐURSTAÐA AF ÞJÓNUSTU VIÐ SKEMMTIFERÐA- OG FLUTNINGASKIP
![Page 27: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/27.jpg)
6 REKSTRARLEG NIÐURSTAÐA AF ÞJÓNUSTU VIÐ SKEMMTIFERÐA- OG FLUTNINGASKIP
27
standa undri kostnaði af skipunum í aðveitukerfi fyrirtækisins en sá kostnaður er ekki metinn í þessari
skýrslu.
TAFLA 18 Samanburður á áætluðum greiðslum jafngreiðsluláns og tekjum skv. afl- og orkutaxta.
ÁRLEGAR GREIÐSLUR JAFNGREIÐSLULÁNS (M.KR.)
TEKJUR SKV. AFLTAXTA (M.KR.)
TEKJUR SKV. ORKUTAXTA (M.KR.)
Skarfabakki – fyrsti áfangi (1 skip)
128,6 130,1 34,0
Skarfabakki – annar áfangi (2 skip)
85,3 111,0 7,8
Skarfabakki – þriðji áfangi (3 skip)
151,1 89,9 1,8
Kleppsbakki 31,4 33,8
Vogabakki 19,9 16,7
Rekstrarleg niðurstaða landtenginga fyrir flutningaskipin bendir til að þjónusta við skip við Kleppsbakka
geti staðið undir fjárfestingunni miðað við afltaxta. Niðurstaðan fyrir Vogabakka er hins vegar þannig
að árlegar tekur eru um 3 milljónum króna lægri en kostnaðurinn.
![Page 28: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/28.jpg)
28
Í töflu 13 komu fram meðaltekjur Veitna fyrir dreifingu raforku væru um 28 kr./kWh ef þjónustan væri
verðlögð í samræmi við afltaxta. Kostnaður skemmtiferðaskipa við orkuöflun til viðbótar við
dreifikostnað er flutningur (1,88 kr./kWh), jöfnunargjald (0,3 kr./kWh) og ef gert er ráð fyrir að
orkukaup séu 6 kr./kWh er heildarkostnaður skemmtiferðaskipanna um 36,2 kr./kWh. Ef
skemmtiferðaskip fá dreifingu raforku á orkutaxta (A1D) má gera ráð fyrir að heildarkostnaður þeirra
verði um 11,9 kr./kWh.
Til samanburðar má áætla kostnað skipanna við að nota jarðefnaeldsneyti til orkuvinnslunnar. Gera
má ráð fyrir að skemmtiferðaskip kaupi eldsneyti að mestu erlendis þar sem eldsneytið er dýrara
hérlendis. Erfitt er að áætla eldsneytiskostnað skemmtiferðaskipa á erlendri grund en hér er gert ráð
fyrir að eldsneytiskostnaður þeirra sé um þriðjungi ódýrara erlendis samanborið við listaverð
eldsneytissala hérlendis. Raforkuvinnsla með dísilstöð gæti m.v. fyrrgreindar forsendur numið um 28
kr./kWh en varmavinnsla um 9,3 kr./kWh.
Heildarkostnaður skemmtiferðaskipa af landtengingu er mun hærri skv. afltaxta en af því að nota
jarðefnaeldsneyti. Ef skemmtiferðaskipin nota raforkuna til varmavinnslu er um fjórfalt dýrara að
notast við raforku með landtengingu en við jarðefnaeldsneyti. Raforkuvinnsla um borð í skipunum með
jarðefnaeldsneyti er um fjórðungi ódýrari en með landtengingu.
Ef sett verður skylda á öll skemmtiferðaskip að tengjast með landtengingu munu tekjur miðaðar við
afltaxta ekki verða nægilegar fyrir Veitur til að standa undir nauðsynlegum kostnaði.
Rekstrarniðurstaðan er sérstaklega slæm ef litið er til orkutaxta. Ef Veitur eiga ekki að bera fjárhagslegt
tjón af landtengingu þarf að koma til annað hvort styrkur eða niðurgreiðsla frá t.d. hinu opinbera eða
að ný verðskrá fyrir skemmtiferðaskip verði sett fram til að endurspegla betur hið mikla afl og lágan
nýtingartíma búnaðar.
Mögulegir áfangar í því að bjóða upp á landtengingu skemmtiferðaskipa getur verið að setja upp eina
tengingu. Slík tenging væri með langbestu nýtinguna, eins og áður hefur verið farið yfir. Ef fleiri en eitt
skemmtiferðaskip eru í höfn væri mögulegt að leggja á einhvers konar umhverfisgjald sem væri lagt á
til þess að jafna kostnað þeirra skipa sem notuðust við landtengingu og þeirra sem nota eigin
raforkuvinnslu um borð. Til dæmis, samanber fyrri útreikninga, mun umhverfisgjald sem nemur um 27
kr./kWh jafna kostnað þeirra skemmtiferðaskipa sem notast við landtengingu (36,2 kr./kWh m.v.
7 UMFJÖLLUN UM NIÐURSTÖÐUR
![Page 29: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/29.jpg)
7 UMFJÖLLUN UM NIÐURSTÖÐUR
29
afltaxta) og þeirra sem eru með eigin vinnslu um borð (9,3 kr./kWh í varmavinnslu). Ef umhverfisgjaldið
væri hærra en 27 kr./kWh væri kominn hvati fyrir skemmtiferðaskip til þess að huga frekar að
landtengingu og gera hana eftirsóknarverðari kost, með tilheyrandi jákvæðum umhverfisáhrifum.
Ákvörðun um umrætt umhverfisgjald er hins vegar pólitísk sem samræma þyrfti ef til vill við fleiri hafnir.
Ef farið verður út í að skoða landtengingu skipanna þarf að kanna vel hvernig tekjur verða innheimtar
fyrir þessa tengingu þannig að raforku úr landi verði samkeppnisfær við notkun olíu um borð í
skipunum.
![Page 30: HAGRÆN GREINING Á LANDTENGINGU SKIPA - Veitur · einingaverðum til Cavotec sem og Blueday Technologies sem selja slíkan búnað. Til dæmis má nefna að kranabíll sem myndi](https://reader033.vdocuments.mx/reader033/viewer/2022042908/5f399ae5ec683d30e760b006/html5/thumbnails/30.jpg)
30
Christian Thieleman (2018). Tölvupóstur frá Christian Thieleman, starfsmanni Cavotec, til strafsmanna
EFLU, dags. 21.11.2018.
Kenneth Husebø (2018). Tölvupóstur frá Kenneth Husebö, starfsmanni Blueday Technologies, til
starfsmanna EFLU, dags. 1.11.2018.
Environ (2005) Final Report: Shoreside Power Feasibility Study for Cruise Ships Berthed at Port fo
San Francisco
https://sfport.com/ftp/uploadedfiles/community_meetings/CTEAC/info/ENVIRON_Final_Report_09130
5_main%20body_Rev.pdf
Ericsson, P., & Fazlagic, I. (2008). Shore–Side Power Supply. Chalmers University of Technology,
Goteborg, Sweden.
8 HEIMILDASKRÁ