gh’era ‘na òlta el paradiso - silveria...

GH’ERA ‘NA OLTA EL PARADISO

Silveria Gonzato Passarelli

GH’ERA ‘NA òLTA EL PARADISO

Verona, Maggio 2002

1


Silveria Gonzato Passarelli

GH’ÉRA ‘NA ÒLTA EL PARADISOATTO PRIMO

SCENA PRIMA PERSONAGGI: narratore

Entra il narratore.

NARRATOREVe conto ‘na storia vècia come el Cuco,de ‘n angelo del Cél deventàdo baùco,che forte el se credéa più del Padreternoe che. in quàtro e quàtr’òto, l’è finìo a l’Inferno.Lucifero el se ciamàva e Satana l’è deventà,par ‘n’idea balorda che in testa gh’è capità.‘Na mùcia de angeli l’à tirà da la parte sua,che adesso i piànse ’na desgràssia volùa.Bei i era tuti che de più no se pól:i slusegàa i cavéi come rai de sol,le bianche so ale le paréa de s-ciùma,i savéa l’odor che’l Paradiso el parfùma;trasparenti i era i òci come àqua de fonte,de quéla che nasse su la çima del monte.Ma drénto i coàa qualcosa de gran brutoe adesso, a l’Inferno, nissùn ghe dà aiuto.Ma a Satana no ghe bastàa quel che l’avéa fato:in çérca l’è andà de ‘n altro grosso pecàto.El Signor l’avéa pensà de crear ‘n altro mondo,ben el gh’è riussìo, el l’à fato grosso e tondo;e nel posto piassè bèlo de sto grando balón,el g’à messo la maraéia de la so creassión:l’òmo e la dòna, du campioni de beléssa,gran bòni de cór, tuti gràssia e gentiléssa.Invidioso l’éra Satana de ste do creaturee ‘n dì el s’à scónto in mèzo a le verdure.A Eva el s’à presentà, drénto el corpo de ‘n bissoe a parlàrghe el s’à messo, rufiàn e tacaìsso.El bel pomo proibìdo el l’à convinta a gustar,e istésso, anca Adamo, l’à pensà dopo de far.Par amor el l’à magnà, ma l’è stà disubidiènsae del verde bel giardìn, tuti du i è restà sènsa.

2


Il narratore si ritira.

SCENA SECONDAPERSONAGGI: spettatore, spettatrice

Lo spettatore e la spettatrice sono seduti in prima fila.

SPETTATORE:Mi, sta storia, no són bòn de digerir,la giustìssia de Dio no rièsso a capir.Mi són qua che gnénte ò fato,e g’ò da scontar dei altri el pecàto?Altro che giardìn! Mi pago l’afìtoe tiro la cInghia, se no filo drito,In fàbrica laóro e póco i me paga,a nissùn ghe interèssa che mal mi staga.Ma se pól, par ‘n pomo, far sto disastro?Se fósse tratà de ‘n fagiàn, de ‘n polàstro…Le dòne, al mondo, vègnar no le dovéa,quéla de stamparle l’è stà ‘na bruta idea.Gnénte le capisse, sarvèl no le g’à,con mi, che són òmo, le vól la parità.

SPETTATRICE:Con ti, l’afìto, lo pago anca mi,laóro in fàbrica istésso de ti.E dopo, a casa, me spèta el resto,me còrgo tardi e me also presto.Ma ci sito ti par farte servir?Mi,anca questo no rièsso a capir.I pomi che magno li tógo dal frutaról,tèra no g’ò che se scalda al sol.I fiói che gh’émo i m’à fato tribulare ancora preocupassión i sèita a dar.

SPETTATORE:Mi, invésse, me grato tuto el dì,in fàbrica e in casa, te fè tuto ti.Noàltri, òmeni, pòri stupidi sémo,par ‘na smorfia de più, la testa perdémo.

SPETTATRICE:Pèrdar no se pól quel che no se g’à,

3


a scominçiàr da ancó, mi vói la parità.

SPETTATORE:Tasi, adesso, la storia la va avanti,Parla Satana, el più rabióso de tuti quanti.

SCENA TERZAPERSONAGGI: Satana, Belzebù, Sginsa e altri demoni

Dei demoni entrano in scena barcollando e cadono in un lago di fuoco dove restano immobili. Per ultimo entra Satana, al quale tocca la stessa sorte. Satana, però, rimane cosciente.

SATANA:Ma andóe èlo che són capità?E sa fai sti qua in sto fógo impissà?Le fiàme le vien su da le onde del lago,mi tuto me scòto, ma qua fermo stago.Se in là me sposto, fiàme ghe n’è ancora,mi ero in Paradiso e són finìo in malora.Andóe è i i me angeli e anca el Padreterno?Mi g’ò el sospèto de trovàrme a l’Inferno.Ma vardè che bruti che i è sti cosi qua!I òci i tien seràdi, i pàr tuti morti negà;ma vivi i è ancora, sti mostri i respira;ma ci èlo sto qua che ‘l brasso el me tira?

Belzebù ha ripreso i sensi.

BELZEBÚ:Mi són Belzebù, el to brao logotenènte,questo lo sò, ghe l’ò ancora inaménte;e sti qua che te vedi, tuti quanti inseminìi,i è i nostri compagni, ancora svanìi.A l’Inferno i n’à sgnacà i angeli del Signor;gh’è fógo dapartùto, se sente ‘n gran calor.

SATANA:La to ósse riconósso, te sì proprio Belzebù,ma ‘na fàcia ben difarènte te g’avéi lassù.Te sì de ‘na brutéssa, che piassè no se pól,brusàdo e tuto nero, el respiro te me tól;e sa èla quéla roba che te gh’è su la testa?

4


Satana si avvicina a Belzebù per guardargli la testa.

Du corni i è, no se trata de ‘na grésta. La cóa t’è cressùo, te la scurli qua e là,te gh’è pelàssi dapartùto, i t’à sassinà.Te vedo de le ónge che le pàr dei coltèi…E pensar che tuti quanti eri zóeni e bei.

BELZEBÚ:Ascolta, Satana, e no stà rabiàrte,‘na sincera confessión mi g’ò da farte:te gh’è do ale tacaìsse e tute nere,che in zó le se slónga fin al sedere.Te me vardi co’ du òci che i fa paura:‘n s-ciantìsi che i sbusa sta aria scura;‘na cóa e du corni, i te ornà anca ti,se nel spèio te te vardi, te me tróvi mi.

SATANA:Ma èla verità o stèto fòrsi schersàndo?

BELZEBÚ:Mi són el logotenènte, sempre al to comando;de tórte par el dedrìo, gnanca me lo insògno,de bale contarte mi no vói e no g’ò bisogno.

SATANA:Dio el n’à castigà, e proprio pulito…Cavàdo i m’à anca el me bianco vestito;e sta cóa che scurla, andóe èlo che la méto?Quel che qua patìsso, l’è ‘n gran dispèto.Me vesto co’ ‘n mantèl lóngo fin ai piée la cóa me scóndo, che l’è bruta assè.No la vói mostrar, no l’è gnanca dignitoso..No dirme più gnénte. parché són rabióso.

BELZEBÚ:Stessi sémo tuti, no stà avérghe vergogna,come ti, anca noàltri sémo pieni de rogna,savémo ‘n odor che ‘l stómego el ne roèrsa,no gh’è gnénte da far, la partìa l’émo persa.

SATANA:Varda là in mèzo, ‘n altro el s’à mosso,

5


quel, par zónta, el g’à anca ‘n bel gòsso.‘Na fàcia el mostra tuta quanta sbrufolà,cissà, a quel là, qual nome i ghe g’à dà.

SGINSA:Sginsa me ciàmo, són ‘n diàolo nero,me ritróvo du corni su la testa a péro.La fiàma la scòta, ma mai la me brusa,quasi quasi, al Signor, ghe dimàndo scusa.

SATANA:Scusa de che? De èssar finìo a l’Inferno?Mal el n’à consà ci se ciàma Padreterno.Se gh’è qualchedùn che se g’à da scusar,nissùni de noàltri, ti te gh’è da vardàr.

Si avvicina un altro demonio.

S-CIANTÌSO:Senti, Satana, el me nome l’è S-ciantìso,andóe èlo finìo el nostro bel Paradiso?

SATANA:El Paradiso l’è là, andóe l’émo lassàdo,qua in fondo, a l’Inferno, Dio el n’à castigàdo.In tuto el nostro corpo, tanto mal sentémo,e a sto mal no gh’è fine, che imortàli sémo.Ma el dolor più grosso ghe l’ò qua nel cór:zó i n’à sgnacà con vergogna e disonor.Mi, che del Paradiso, voléa èssar el parón,me vedo finìo in sto bruto, spórco cantón.

S-CIANTÌSO:Ma qua te sì re, del Mal te gh’è el regno,de ‘n posto importante, ti te sì degno.

SATANA: Mèio parón qua, che pòro servo in Cél!Satana indica un altro demonio.

Ma quel el piànse, el se pugna el sarvèl!

FRUSÌN:Me ciàmo Frusìn, la gloria te n’è promesso,

6


del Signor, che gh’è lassù, te voléi èssar stesso.E noàltri, imbessìli, t’émo tuti credùo,come mati émo combatù par el comodo tuo.De bòte gran fisse se n’émo ciapàdo ‘na rua,qua zó i n’à butà, e tuto questo par colpa tua.Se de scoltàrte l’è sto qua el nostro guadagno,mi piànso come ‘n mato e le ónge me magno.Adesso, sa gh’émo da far ridóti a sti passi?Ogni rosa sperànsa l’è mèio che ti te lassi.

Si avvicina un altro demonio. Gli altri si stanno svegliando tutti.

BRASA:Se qualchedùn ne varda, fémo solo spaènto,de quel che émo fato, mi próo pentimento.Brasa me ciàmo, ‘n nome che me scòta,me són impissà, dopo l’ultima, forte bòta.

SATANA:La sorte nostra no la cambia gnanca par sogno,de farse del coràio g’avémo tuti ‘n gran bisogno.Satana i me ciàma e potente resto ancora,de métarme a sponsàr no l’è gnancóra ora.Són qua che ghe penso, che stròlico qualcosa,intensión no g’ò de qua restar, fermo in posa.

CARBONÈLA:Anca mi són ‘n diàolo, me ciàmo Carbonèla,par farme ‘n vestito, vói ‘n tòco de tela:tuto nudo e brustolà, me vergogno da mati,sèmo tuti sassinà, i è questi i risultati.

BELZEBÚ:El corpo te vól coèrsar e te mostri el muso?Mèio te faréssi, se del to dedrìo te faséssi uso.La parte de sóto, de la to fàcia l’è mèio,vàrdete in quel’ àqua, la pól farte da spèio.Carbonèla va a specchiarsi nell’acqua del lago.

CARBONÈLA:Andóe èi i me bòcoli? E la me lìssia ganàssa?Par quel ch’émo fato, castigà sémo massa.Mi più no me vardo, el cór el me se spaca,g’ò in testa du corni e le fiàme le me fiàca.

7


SATANA:Su,animo, compagni, sémo ancora potenti,g’avémo anca el compito de far i fetenti.Qua zó, in mèzo al fógo, el Ben l’è proibìo,e alóra, al Mal, mi consegno el brasso mio.

SITA:Sì, ma sóra a le nuvole, se stava gran ben.

SATANA:No stà métarme drénto de l’altro velén.

SITA:Ma qua, a l’Inferno ghe sémo solo noàltri,come fasémo par far del dano ai altri?

SATANA:Tasi, Sita, che g’ò za tanti bei progèti,g’ò ne la mente dei gran bruti dispèti.Fóra vegnì, da quel pòcio che brusa,sentir mi più no vói la parola “scusa”;i denti strensì, se forte sentì el mal,ghe penso mi a tiràrve su el moràl.

SITA:Par sto fógo, g’avarémo sempre da patir,e mai, da la brutéssa, podarémo guarir.Grossa l’émo fata, Quel no ‘l perdona:dopo la giustìssia, vien l’opera bòna.Contenti, qua zó, no de sarémo mai,anca se faséssimo ‘n saco de guai,podaréssimo rebaltàr parfìn l’universoche tanto, par noàltri, el Cél l’è perso.

STISSO:Come vera l’è che me ciàmo Stisso,quel ch’ el Sita l’à dito mi lo capìsso.El g’à resón, sémo tuti condanà,solo ràbia e odio compagnia i ne farà.E, con questi drénto, più no ridarémo….

SATANA:

8


Ma, par far del mal, la fòrsa ghe l’avémo.Lassù, nel Cél, la sparirà la contentéssa,‘na ràbia i g’avarà, de la mia proprio stessa.Su, coràio, dasìve ‘na s-ciànta de susta!Tra póco Satana la so vendéta el gusta.Sginsa, S-ciantìso, el trono qua portème,che adesso, con calma, ragionémo insieme.

Sginsa e S-ciantìso escono e tornano subito col trono di Satana.

BRASA:Èlo che trono! L’è proprio el mèio che gh’è,con oro e pressióse piére, l’è proprio da re.

SATANA:L’è fato par mi, par el gran re dei demòni,dasìme ‘n sgabèl par posàrghe i fetóni.

S-CIANTÌSO:Te gh’è do àmpole che ghe vól ‘n scano,se’ n pié le pesta, le ghe fa ‘n gran dano.

SATANA:Svelti! Sbrighéve, che dovémo far presto!Par tanto tempo sentà, mi no ghe resto:sóto al me dedrìo, sento fiàme brusàr,sto trono mio el me vól le ciàpe brustolàr.

BRASA:Ma tanto, le scotàde, subito le ne guarìsse;sana l’è la pèle e le émo ciapà fisse.

SATANA:Diàoli de l’Inferno, sentì quel che ve digo:Ci su in Cél comanda l’è nostro nemìgo,ma se eterno l’è el Mal, la d’è anca la fòrsa,tante armi g’avémo, par difèndar la scòrsa.

CALÚSENE:Voàltri, compagni, sì ancora tuti intiéri,riciapémo del Paradiso i duri sentieri.Contro i angeli lassù, continuémo la guèrae subito rialsémose, se caschémo par tèra.Calùsene mi són, ‘n diàolo con giudìssio,

9


sempre drito camìno, fin che no sbrìssio.

SGINSA (parlando di Calùsene):Gnancóra gnénte quel furbo l’à imparà,ancora el vól sentìrse vinto e malmenà.

Calùsene alza la mano per chiedere la parola.

BELZEBÚ (a Satana):Gh’è de nóvo Calùsene con la man alsà,ghe dago la parola, sentémo sa el g’à.

CALÚSENE:Mi, dei demòni, són el più rabióso,anca da angelo, mai són stà mostóso.Fémo la guèra, no ne resta che quéla;mèio ciapàrle che no védar più stéla.E se ancora ‘na òlta vinti sarémo,qua, a l’Inferno, de nóvo frisarémo.Pól èssar anca che ‘l Signor el se ràbiae che più no ghe basta tegnérne in gàbia.Par vendéta, fòrsi, el pól farne morire alóra, compagni, la finémo de patir.Gnénte se perde, le spade ciapémo,fòrsi i ne vinse, ma qualche paca la démo.

BRASA:D’acòrdo mi no són, ‘na òlta la m’è bastà,serèghe la bóca a quel demonio malcunà.

CARBONÈLA:Mi són Carbonèla e savìo sa ve digo?Rìdar farémo el nostro nemìgo:gnénte se pól contro la so fòrsa,i angeli Sói subito i ne smòrsa.Se ben ricordè, quando érino lassù,de bòte ciapàr no ghe ne podéino più.L’Inferno émo visto come ‘n bel posto,anca se savéino de finir tuti a ròsto.Quel che stà dessóra adesso El sganàssa,‘n bafo el se ne fa de la nostra bruta rassa.Se tuti qua stémo, calmi e in silènsio,fòrsi se smorsarà anca sto incendio:se nissùn sùpia, le brase le móre

10


e le fiàme, in su, più no le córe.Se legno e carbón nissùn più ghe zónta,se i corni se limémo, a partir da la pónta,se ‘l pel se cavémo dropràndo ‘na tenàia,se le ónge, la fòrbese, a raso la ne tàia,co’ ‘na s-ciànta de parfùmo sóto le leséne,no starémo così mal da taiàrse le vene!Sto lógo qua, ben a posto lo metémo,sgrostémo i muri e co’ l penèl li piturémo,tuto sto spórco lo spassémo via,disì la vostra che mi ò dito la mia.

I demoni applaudono.

BELZEBÚ:In Cél, voàltri, dei bei angeli eri,nobili i era alóra i vostri pensieri,e qua, adesso, volì restar in eterno?Ma che gusto gh’è a comandar a l’Inferno?Se ‘l Padreterno el n’à messo qua,se questa l’è stà la so volontà,credìo che la guèra el ne lassa far?E che qua zó, el ne fassa comandar?L’è Lu che ‘l regna in Cél e dapartùtoe no esiste nissùn che pól darne aiuto.Le caùcie el ne ligarà con grosse cadéne,el fógo el stissarà par piassè dure pene.E cissà che torture ne tocarà soportàr,anca la léngua el pól farne taiàr.L’un contro l’altro fòrsi andarémo,co’ i corni a pónta, el dedrìo se sbusarémo.Se darémo sbèrle, peàde e smorsegóni,sarémo tuti gran catìi, anca fra demòni.E Lu forte el ridarà sentà sul so trono,ma mai noàltri dimandarémo perdono.Gh’è tempo par la guèra, scoltème, compagni,una l’émo fata e questi i è i guadagni.Con manco ris-ci, se pól farlo imbestiàr,mi za lo trovà quel che gh’è da far.Quando érino in Cél, girava ‘na professìa,no l’è ‘na grossa bala sta storia mia.Lassù, tuti i parlàa de ‘n nóvo mondo,de ‘n balòco de tèra che Dio l’à fato tondo;in un posto gran bèlo, che Eden i ghe ciàma,

11


sentà sóto l’ombrìa de ‘na fissa rama,gh’è ‘na rassa nóva, che la se ciàma “òmo”,e anca ‘n àlbaro con sòra ‘n bel pomo.Quéle bèle creature, a Dio le gh’è caree mai, finora, le à passà ore amare.De noàltri, i dise, che le g’à manco fòrsa,via da l’Eden, le farémo scapàr de corsa.Al Cél, in sto modo, ‘n gran dispèto ghe fémoe paróni, de la Tèra, noàltri deventémo.Penso che podaréssino, anca, l’òmo tentare, da la parte nostra, convìnsarlo a passar.A l’Inferno, alóra, Dio subito el lo mandaréa,Lu, che ‘l l’à creàdo, a la ìn el lo desfaréa.‘N dispèto più grosso èssarghe no pól,vedémo, tra voàltri, ci l’è che no vól.

Gli altri demoni appaudono e approvano.

CALÚSENE:Sta bèla proposta par mi la va ben,su la Tèra portémo el nostro velén.Ma angeli del Cél là no ghe n’è mia?Èlo tra de lóri che i se fa compagnia?

BELZEBÚ:Nissùni sà se gh’è angeli guardiani,ma noàltri maestri sémo de ingàni.No ve scóndo, però, che i ris-ci i gh’è,de quel che pensémo, fòrsi piassè;ma là, mi za me vedo l’àqua del mar,tuto sto slòdeno lo podarémo lavar,al sol se metarémo a sugàrse la pèle,le face nostre le deventarà più bèle.‘Na fresca bavesèla la ne ristorarà,questo bel mondo tuto nostro el sarà.

SGINSA:Nostro el sarà se in quel posto ghe rivémo,se ciapàndo la strada, i corni no se rompémo,se Quel che gh’è lassù El ne lassa passar,se dai angeli sói no ‘L ne fa subito fermar.

CARBONÈLA:I dise che ‘l Cél el g’à òci dapartùto

12


e réce vèrte da sentìr anca ‘n muto.Pronti i è là fóra tuti i angeli bianchi,i ne tàia le réce, i ne spaca i fianchi.Strapegàndo la cóa, qua tornarémoe pèzo de prima qua zó brusarémo.

BELZEBÚ:Mi digo che uno solo el g’à da andar.

SGINSA:Così tuti quanti no le gh’émo da ciapàr.

BELZEBÚ:‘Na gran fòrsa ghe vól e de coràio tanto.

SITA:Mi ghe n’avaréa, ma no sò mia quanto.E se, par caso, el coràio el me finìsse?Sta òlta, me sà, che le ciàpo più fisse.

S-CIANTÌSO:Mi g’ò tanta paura e no próo vergogna,mèio l’è star qua e gratàrse la rogna.

SATANA:Són mi che comando e a mi me tóca,basta co’ le ciàcole e serè quéla bóca.Paura no g’ò e gran forte mi me sento,vago su la Tèra e, da furbo, l’òmo tento.

BELZEBÚ:In du i è quei là, come angeli i è bei,ma più lenti dei nostri, i g’à i sarvèi.Noàltri, se sà, del Mal sémo esperti,contro l’imbròio, quei là i è descoèrti.Satana, de noàltri, sempre el mèio l’è stà,par far pèrdar quei du, qualcosa el trovarà.

I demoni applaudono.

SATANA:E alóra mi vago, mi solo contro tuti.

13


SITA:Diàoli sémo, furbi, catìi e farabùti.

SATANA:Qualcosa trovè par el tempo passar,mi, verso la Tèra, me invio a sgolàr.Zughè a “dàrsela” a pìce, a “ciupascóndi”,rugolè, par tèra, dei maròcoli lissi e tondi,Co’ n’òcio serà, ciapè de mira ‘n sassetìn,vìnse quel de voàltri ch’el ghe tira più vissìn.Ve salùdo, compagni, par tuti quanti mi vago,via da l’Inferno, no lo sò quanto ghe stago.Me spèta fadìghe e pericoli de ogni sòrtae mi vago solo, sènsa gnanca ‘na scorta;el Cél mi sfido e tuto quanto l’universoe cissà che ‘n domàn no catémo el perso.

I demoni applaudono. Satana esce.

ATTO SECONDO

SCENA PRIMAPERSONAGGI: narratore, demoni

Entra il narratore.

NARRATORE:El sgóla Satana, co’ le do ale che sbate,gnénte le sospèta le creature apéna nate;ma gh’è Qualchedùn che tuto El sàe che Satana El vede, a la luce tornà.Sentà sul trono, El varda zó severo,ma El frena la óia de fermar quel diàolo nero.In pié, a la parte destra, gh’è el so unico fiól,alto, biondo e bèlo, ancora più del caldo sol.De Satana, el Signor, El ghe dise le intensión,ben El conósse la potènsa de le so tentassión.El lo sà za che, tra i du, l’òmo el g’avarà la pèzo:in sto modo la va, se gh’è Satana de mèzo.‘Na sola proibissión el g’à fato Lu a l’òmo:magnàr proprio no ‘l pól ‘n çèrto bel pómo.Ma a Dio disubidìr, òmo e dòna i rivarà,da le bale de Satana, bei che crompà.Libere i è stà fate ste do nóve creature,

14


de colpe e de pesi, ignoranti e pure.A la so volontà El g’à dato sostànsa,par resìstar al Mal i è forti bastànsa.Bontà Lu el g’à, ma l’è anca giusto:guai a l’òmo, che del pómo, el próa el gusto.La so giusta punissión la sarà çèrto la Morte,a lu e a la so rassa ghe tocarà sta sorte.A le belésse del Cél ,lu mai el rivaràse ‘n altro, al so posto, la colpa no ‘l pagarà.Ste robe el Signor el ghe le dise a so Fióle Questo, che l’è bòn che de più no se pól,subito el se òfre de scontar quel pecàto,par podér riscatàr quel òmo apéna nato.E così vièn decisa la so incarnassión,i angeli i se insenòcia par dir orassión.

Il narratore esce di scena.

SCENA SECONDAPERSONAGGI: spettatore, spettatrice

SPETTATORE:Vaca bòia! De sti demòni mi g’ò tanta paura,de la nostra ànema gh’è da avérghe cura…Se qualche diàolo el decide de tentarme?Se ‘n bel tòco de gnòca El manda a basàrme?Poaréto mi! Come fasso a tiràrme indrìo?

SPETTATRICE:Ti te andaréssi avanti, par conto mio!Ma fòrsi, quei diàoli, solo pomi i tratae ti te resti a casa a vardàrte la savàta.Pomi no te magni, te se spaca la dentiera…La gnòca sa diréssela, vedéndote la pancéra?E sito sicuro de avérghe ancora resistensa?Ti te ghe prói, ma del fià, te resti sènsa.Se da zóeno, sóto quel pomàr, te fóssi andàdopo du minuti, gnanca le fóie ghe saréa restà.

SPETTATORE:Ò capìo, sentémose zó e vardémo la comèdia,a la to cativèria, no gh’è nissùn che ghe rimedia.

15


SCENA TERZAPERSONAGGI: Satana

Paradiso Terrestre.

Satana entra in scena, guardandosi attorno.

SATANA:Ma varda qua sa l’è che me tóca far:invésse de combàtar, me tóca imbroiàr.Mi ero, lassù in Cél, ‘n angelo potentee adesso són qua che fasso el fetente.A rivàr su la Tèra, mi ghe són riussìo,ma contento no l’è mia l’animo mio.Qua vedo robe che mai mi ò vistoe a tormentàrme són qua che insisto.Se ‘na s-ciànta indrìo podésse tornare la guéra al Signor far de manco de far!?A pugni me ciaparéa sto muso rognoso,che zó l’è cascàdo in modo vergognoso.Qua, la natura, l’è tuta quanta in festa,gh’è dei parfùmi che me va a la testa.Gh’è fiori za vèrti e altri drìo a sbrocàr,mai i le finìsse de créssar e colorar. I scurla i petali a l’aria che ghe zuga,che le giósse de rosàda, svelta la suga.Sia fiori che fruti ogni àlbaro el porta,fóia no gh’è che par tèra la sia morta.In mèzo ai so fiori, el pèrsego el maùra,rose no vedo co’ dei spini che tortura;le s-ciòpa tra el bianco le rosse çirése,de spighe de gran i è lónghe le destése,Là, se sgiónfa l’anguria co’ ‘ll molón..Mi vedo tuto quanto e contento no són.Sto posto l’è bèlo, ma lassù l’éra mèioe ciàpo paura se ne l’àqua me spèio.Ma sa èlo che digo? Sa èlo che fasso?Ormai l’è stà fato quel primo me passo.Guai a pentìrme! De mi no l’è degno,sóra a quel Cél ghe tiro ‘n bel segno.I me fedeli compagni no li posso tradir,l’è solo colpa mia se ghe tóca patir.Satana no ‘l se pente e rimpianti no ‘l g’à,

16


‘n servo, su in Cél, mai el deventarà.Atènto, Paradiso, de la vendéta l’è ora:piànsar mi farò Quei che stà lì desóra.

Satana esce,

SCENA QUARTAPERSONAGGI: spettatore, spettatrice

SPETTATRICE:Maria de òro, che demonio catìo!Copà l’avaréa, se fósse stà Dio.

SPETTATORE:Tasi, dòna, che gnénte te capìssi,ti te sè solo de truchi e de rissi,de smalto da ónge, de vestìti e capèi,de colàne, recìni e anca de anèi.

SPETTATTRICE:Ti, de Adamo, te sì saùgo piassè:el sarvèl no te usi, te ragioni co’i pié.La dòna, par ti, l’è solo ignorànsa,‘na roba indigesta che te stà su la pansa.I dirìti che mi g’ò, i fa pari con quei tóie sempre ragiono, anca sóto i ninsói.

SPETTATORE:Se par tàsar ‘na s-ciànta, te vól la resón,mi tuta te la lasso, no fasso più questión.Ma adesso finìssela, fame sto piasér,la storia de Adamo mi vói ben savér.

SCENA QUINTAPERSONAGGI: narratore.Entra il narratore.

NARRATORE:Qua vissìn, gh’è Adamo con Eva,l’è solo par lóri che ‘l sol el se levae su la so pèle, basi el ghe posa,la luna la li caréssa quando i riposa.De vite così bèle ghe n’è solo in Cél,

17


i bianchi so corpi no i g’à nissùn vél.

Il narratore, disturbato dal vocio dei due spettatori, smette di recitatare.

SCENA SESTAPERSONAGGI: spettatore, spettatrice

SPETTATORE:Manco mal che i usi i è cambià,za saréa morto co’ ‘l pél indrissà:Eva quel lusso tórse la podéa:bèla l’è stà fata come ‘na dea.Ma ti te mostraréssi solo miseria.

SPETTATRICE:Lo sèto, òmo, che te gh’è cativèria?Prima te dròpi e dopo te buti,prima te ciàpi e dopo te rifiuti.

SPETTATORE:Gnénte rifiuto, mi me contento,ma se ciàro gh’è, ciàpo spaènto.

SPETTATRICE:A ti, el spèio no te dìselo gnénte?Solo de pansa no te sì deficiente.

SPETTATORE:Questo l’è muscolo, segno de fòrsa,de ‘n òmo gueriér mi g’ò la scòrsa.

SPETTATRICE:Ma fame ‘na carità! Te sì come ‘n bogón,perdonà mi saréa in ogni me tentassión.

SPETTATORE:Basta co’ le ciàcole, la storia scoltémo,gnénte ne resta se ben atènti no stémo.

Allcuni spettatori protestano. Il narratore sta a guardare per qualche attimo la coppia e poi riprende la recitazione...NARRATORENo esiste pecàto in sto lógo benedéto,

18


larghe el g’à le spale e robusto el pèto:de Adamo parlo, de ogni roba signor,in fàcia tanto bèlo, e gran bòn de cór.I so rissi de oro i pàr tanti anèi,su le spale i ghe casca, lustri e bei.Tasér no se pól de la so cara compagna,mai la se ribèla e mai la se lagna.I ghe sbrìssia i canelòti fin zó sui fianchi;e i labri i se vèrze su denti gran bianchi;tante perle i pàr, par recìni e colàne,la magna contenta peri e banane.Tuto gentiléssa l’è lu co’ la so dòna,co’ i fiori più bei el ghe fa ‘na corona.In testa el ghe la méte, el la varda beato:l’è el mèio dei regài che Dio el g’à fato.E in mèzo al giardìn, ombroso e robusto,gh’è l’àlbaro de la Vita, dal duro fusto.E a quel vissìn, de la Siènsa gh’è la pianta,che co’ i rossi so pomi, l’òmo la incanta.

Il narratore esce.

SCENA SETTIMAPERSONAGGI: Adamo, Eva

Adamo ed Eva entrano in scena uscendo dai due lati opposti del palcoscenico.

ADAMO:Dame la man e fémo insieme ‘n giréto,l’è pien de belésse sto posto benedéto.Ma gnénte esiste de piassè bèlo de ti,ogni giorno de più inamoràdo són mi.Carne mia, da ‘na me còsta creàda,beato el giorno che ‘l sol el t’à sveiàda;par mi te sì nata, par tuto el me amor.

EVA:De èssarte compagna par mi l’è ‘n onor.Soli sémo, in sto tòco de verde tèra,Insieme a la matìna, insieme a la sera.Mi e ti con el sol, mi e ti sóto la luna,‘n ariéta la ne ride e le fóie la scuna.Là gh’è el león che ‘l zuga co’ ’l vedèl,

19


là gh’è ‘n orso ch’ el ciùcia el bòn miél.Chièto el lupo el léca le nostre mane,la salta la simiéta su le giàle banane.La camìna la tigre snasàndo i fiori,su ‘l ramo, l’useléto, el mostra i so colori.I scurla i àlbari i so lónghi e verdi brassi,la córe l’àqua su morbi mus-ci e ciàri sassi.In tèra,vissìn al pino, crésse el bel ciclamìn,la dondola ‘n’ orchidea su ‘n ramo lì vissìn.El varda el papàvaro ‘n tondo cór de malgarìta,de oro el pàr, come el sól che ghe dà la vita.La slónga la vigna i so pàmpani a risssi,in mèzo a l’erba alta, se desròdola i bissi.

ADAMO:Ringrassiàr dovémo sempre Ci n’à creà,par l’amor che sentémo, par quel che ‘l n’a dà.In cambio, Lu, gran póco el ne dimànda:che ben ghe tegnémo ste piante de lavanda,che bruschémo le vigne, le sése e le rosàre,che tute ste bèle bestie se le tegnémo care.Fruti el n’à dato par cavàrse la sé e la fame,le piante, strache del peso, le sbassa le rame.La man slonghémo, par ciapàr péri sucarìni, marasche, çirése, narànse, fighi e mandarini.El graspo de dólsa ua, el ne vien quasi in bóca,i spìngola i pèrseghi e le nostre teste i tóca.Solo de ‘n pomo gh’émo da star sènsa,de quel che crésse su l’àlbaro de la Siènsa.Se noàltri lo magnémo, sto posto l’è perso:così l’à dito Ci comanda l’universo..

Adamo ed Eva escono.

SCENA OTTAVAPERSONAGGI: spettatore, spettatrice

SPETTATRICE:Ma carne quei no magnàeli mia?

SPETTATORE:Fòrsi, da lóri, no l’éra digerìa.

SPETTATRICE:

20


Par far da magnàr fadìga no i faséa.

SPETTATORE:Mi, de questo, no g’ò proprio idea.Adamo el laoràa, questo l’è sicuro:far el contadìn da sempre l’è duro.

SPETTATRICE:Ma alóra, quel là, Paradiso no l’éra mia!

SPETTATORE:Tuto i faséa, contenti e in compagnia.Sempre co’ ‘l so òmo la dòna la stava,caprìssi no la g’avéa, la se contentàva.Ti invésse te pretendi la to libertàe sempre te protesti par la parità.Se, finora, no t’è fato che comandar,quala èla la parità che te g’ò da dar?.A la fine del mese, el stipendio te lo dagoe conto te rendo de tuto quel che fago.Vègno a védar le comèdie insième a ti,me dìsito, dòna, sa te vól ancora da mi?

SPETTATRICE:Ma sa èlo che te disi? Stèto sognando?Vuto fòrsi dir che són mi che comando?Quel che t’è dito l’è pèzo de ‘na bastièma,te volù la barca, ma són mi quéla che rema!S’el fósse par ti, se saréssimo za sprofondà;la le diséa me mama che sposavo ‘n malcunà.

SPETTATORE:No stà tiràrme fóra la to mama bòna e santa,che za, de passiènsa, che n’ò portà gran tanta.E quel sémo de Satana no ‘l vól star a l’1nferno!…‘Na bòna idea, ghe la posso dar mi al Padreterno:‘na suocera come la mia, e Satana el se converte,el se fa così bòn, che le porte del Cél le torna vèrte.Lo sò ben mi, par vintidù ani, sa la m’à fato passar,mèio saréa stà finir a l’Inferno e tra le fiàme brusàr.

SPETTATRICE:Bruto viliàco! Come fèto a parlar mal de ‘na morta?

21


SPETTATORE:Se l’è zó, a l’Inferno, Satana el gira co’ la scorta.E adesso basta! Qua finisse la nostra discussión:de quel che ò prima visto, ò za perso l’emossión.

SPETTATRICE:Èco, èto visto? Tra noàltri du, ci èlo che comanda,se ti no te me lassi far gnanca ‘na mèza domanda?Te sì fortunà che, co’ la comédia, adesso i ritàca,ti, no t’avaréa soportà gnanca ‘na cavra o ‘na vaca.

SCENA NONAPERSONAGGI: narratore

Paradiso Terrestre (notte)

Entra in scena il narratore.

NARRATORE:La destènde la nòte el scuro vél,le stéle le spia da l’alto del cél,la disegna la luna ombre tute blu,el corpo la inargenta de tuti du.L’òmo e la dòna stréti i se tien,anca nel sòno el cór i g’à pien.El sogna el rossignòl de sgolàr sul mar,du angeli i vien zó par la guardia far.Atènti i protége quel paradiso in tèra,pian pian i se posa e le ale i sèra.Se sente ne l’aria dei spiriti i canti: le lodi al Signor, creator de sti incanti.Eva, stanòte, la dorme deschièta,anca se scunà da ‘n’ariéta discreta.Satana no ’l dorme, svéio lu el stà,el bagna de bave la soménsa de l’umanità.Co’ la lurida bóca, ne le réce el ghe parla,tuta el ghe la méte par al Mal tentarla.

Il narratore esce.

SCENA DECIMAPERSONAGGI: Adamo, Eva, Satana

Entra in scena Satana e parla a Eva che dorme.

22


SATANA:Scólta, Eva, quel che adesso te digo,fìdete de mi che són el to amìgo.Là zó, te spèta l’àlbaro de la Siènsa,ti, de quel pomo, no te pól star sènsa.Mi l’ò tastà e te digo che l’è bòn assè,de tuti i fruti del giardìn, dólso l’è piassè.E se de quel pomo te magni la tenera polpa,nel cór no te resta né màcia, né colpa.‘Na dea te devènti, se te gusti quel pomo:par quel el Signor no ‘l vól dàrghelo a l’òmo.Timor el g’à che ‘l devènta istésso de Lu,solo El vól èssar a comandar da lassù.

SCENA UNDICESIMAPERSONAGGI: A, Raffaello, Adamo, Eva, Satana

Entra in scena l’Arcangelo Raffaello.

A. RAFFAELLO (rivolto a Satana):Sa fèto qua, bruta bestia imónda?Crédito fòrsi che ‘l scuro el te scónda?Ò visto i to òci mandar fóra s-ciantìsie móar quéla bocàssa sóto i barbìsi.Ò sentìo el to odor che l’aria el smarsìssee ‘n sbàtar de ale tute spórche e tacaìsse.L’è là zó a l’Inferno che te gh’è da restar,là andóe i to compagni te volùdo lassàr.Scapàdo te sì dal calor de le gran fiàme,spandéndo par strada veleni e luàme.

SATANA:Ci gh’è mai che, serà su in te ‘na presón,no ‘l çérca de scapàr svelto e de scondón?Ti, caro Rafaèlo, te avaréssi fato istésso….Vuto fòrsi che mi sia el diàolo più fesso?

A. RAFFAELLO:Ma là zó t’è lassà la to compagnia,ste robe viliàche ‘n capo no ‘l le fa mia.‘N codardo te sì e anca ‘n traditor,la fàcia t’è perso e anca tuto l’onor.

23


SATANA:Tuto te pól dirme, ma nò che ò tradìo:par tuti i me compagni ò fato sto viàio mio.De grosso stò ris-ciàndo, te lo sè anca ti,i era tuti ben contenti che vegnésse mi.Quassù són rivà par trovar ‘n altro posto,par fóra tirar quei che adesso i è a ròsto.Sto giardìn mi lo vói par la rassa dei demòni,tìrete più in là che te me pesti i fetóni.

A. RAFFAELLO:Se guéra ti te vól, mi guèra te fasso,forte come el tuo l’è questo me brasso,e po’, da la me parte, g’ò anca el Signor,e Lu el me giutarà con tuto el So cór.

SATANA:E alóra mi perdo, l’è inùtile lotàr,‘n’altra fraca de bòte no vói ciapàr.Ma tiènte sicuro che Satana mai el cede,scónto da qualche parte, el spèta e el vede..

SCENA DODICESIMAPERSONAGGI: A, Raffaello, Satana, Dio, Adamo, Eva

Voce fuori scena

DIO:Brao, Rafaèlo, ma no stà esagerar:l’òmo d’èssar lìbaro el g’à da proàr.L’è a lu che ghe tóca far la so sèlta,decìdarse el deve e anca a la svelta.

Satana e l’A. Raffaello escono di scena.

ATTO TERZO

SCENA PRIMAPERSONAGGI: narratore

Luci dell’alba

24


Entra il narratore.

NARRATORE:El se desmìssia Adamo al canto de la lòdola,al rumor del fosso che contento el se scriòltola,al fià de l’aurora che la s-ciàra l’Oriente,che de rosa la pitùra el cél e la mente,al belar de l’agnèl che la mama el çérca,a l’aria de la matìna delicata e fresca.La so Eva el varda, che la dorme ancora, el la vede deschièta e de savér no ‘l vede l’ora.Pióe legéri, su de éla, petali de séda rosa,ma contenta no la pàr, sucéde qualcosa.Finalmente la se svéia e la varda el dì,la vede el so Adamo e la ghe parla così.

Il narratore esce.

SCENA SECONDAPERSONAGGI: Adamo, Eva

Entrano Adamo ed Eva tenendosi per mano.

EVA (rivolta ad Adamo):Paura mi g’ò de ‘n sogno che ò fato:fin che dorméa són cascà in pecàto.,‘Na ósse de òmo che credéa la tua,con bèle parole la m’à tirà da la sua.Chièta la m’à parlà de l’àlbaro de la Siènsa,de lassàr la m’à dito ogni sorta de prudènsa.Convinta la m’à fato de andàrghe drio,mi sempre la credéa la ósse de l’òmo mio.A l’àlbaro són rivà, el pomo m’è stà dato,mi l’ò magnà e ò fato ‘n gran pecàto.‘N parfùmo el g’avéa che dirte no posso…Adesso, de vergogna, el viso ghe l’ò rosso.

ADAMO:Ma l’è solo ‘n sogno, caro amor mio,gnénte t’è fato par ofèndar el bòn Dio.Sempre qua te sì stà, serà nei me brassi,l’è mèio che sti rimorsi indrìo te li lassi.Varda el cél, scomìnçia ‘n altro giorno,

25


le stéle, a la luna, le ghe tól el contorno.Tra póco, el sol, el spiarà da quei monti,descoerzéndo i òci, che prima i era scónti.Le gósse de rosàda le devènta de argento,questo, del giorno, l’è el mèio momento.E adesso preghémo, cara compagna,el sol l’è spuntà, là, su la montagna.

Adamo ed Eva si inginocchiano.

Signor de la pianura, dei monti e del mar,qua, inzenociàdi, Te stémo a ringrassiàr.Parón de le stéle, de la luna, dei pianeti,Tuo l’è el sol che in cél Te ne méti…

EVA:Tua la fraga, el fóngo, la malgarìta,tua, de l’universo, ogni sorta de vita.Preghè co’ noàltri, bei angeli biondi,e anca ti, nuvola, che la çima te scóndi.Prega, vapor, quando in cél te vè in giro,quando àqua te spiànsi par dar vita e respiro.

ADAMO:Preghè, pressióse stéle, ornamento del cél, òci de luce viva nel grando e scuro vél.Prega, ciàra Luna, dei nostri sogni amìga,che de l’òmo te ristori la dovùa fadìga.Ringràssia, sol, che te impìssi el giorno,che a sera te tramonti prometéndo el ritorno;prega anca ti quéla man che t’à creà,che, atórno al to oro, tanti rai l’à infilà.

EVA:Preghè, tèra, àqua, aria e fógo, ciamè la benedissión sóra sto lógo.Lodè, venti, ci ve dà la giusta diressión,missiè co’ le nostre le vostre orassión.Dei àlbari alti pieghè le superbe çime,che umili le se fassa cantando rime.Prega, fosséto, co’ ‘l to sbarbaiàr,che svelto te córi par la sé cavar.

ADAMO:

26


Tute quante preghè, creature vive,“Gloria” cantè, el So amor godìve.

Adamo ed Eva rimangono immobili, inginocchiati per terra.

SCENA TERZAPERSONAGGI: spettatore, spettatrice

SPETTATRICE:Che brae persone! Che parole! Che sestìn!G’ò bisogno de piànzar, anca solo ‘n pochetìn.La pèle de oca m’è vegnù dapartùto,ti invesse l’òcio te ghe l’è ancora suto.

SPETTATORE:‘N òmo forte mi són, vuto che piànsa?De le làgrime mie no sento la mancànsa.

SPETTATRICE:Te sì sènsa cór, ‘n Dio no te gh’è,de la ciésa, l’ostarìa la te piàse piassè.Dei regài del Padreterno te preferìssi l’ua,maledéta quéla òlta che con ti són vegnùa.

SPETTATORE:De èssar ‘n’altra Eva ti fòrsI te pensi,te sì ‘na basabànchi, ‘na snasa incensi;te sgrani rosari e te barùfi con to marì,‘na brava dòna no la se comporta così.

SPETTATRICE:El salùdo te tógo, mi più no te vardo.

SPETTATORE:Pecà, che in questo, te rivi in ritardo.

SCENA QUARTAPERSONAGGI: Adamo, Eva

Adamo ed Eva hanno finito la loro preghiera.

EVA:Adesso che ò pregà, mèio me sento,

27


chièto el s’à fato ogni me sentimento.Mi, a quel pomo, più no ghe penso,crédar in un sogno no g’à nissùn senso.Sempre bei, finora, i me sogni i era stà,no vói ‘n’ altra nòte come quéla passà.

ADAMO:Chièto el sarà ogni òlta el to riposo,da patir no se g’à in sto posto gioioso.E adesso, Eva, ne spèta el dover,ma pesante no l’è el nostro mestiér:l’erba cavàr, se la sòfega el bel fior,le rame taiàr se le tól massa sol,petenàr le sése che vedémo sgrendenà,là, andóe el cervo le sate el s’à ligà;roersàr el fién fresco rebaltà dal vento,ogni tanto sponsàr par ‘n complimento,mónzar el caldo late e le bestie goernàr,questo, el Signor, El n’à dito de far.

Adamo ed Eva escono.

SCENA QUINTAPERSONAGGI: narratore


NARRATORE:El Re del Cél el varda le so creature,che le stà laoràndo in mèzo a le verdure.De pecà le ghe fa par quel che ghe spètae ‘n angelo el vede sentà su ‘na nuvoléta.Subito el lo ciàma, Rafaèlo el risponde,del regno del Cél el traèrsa le sponde.De nar da Adamo el Signor el ghe comanda,de dirghe de Satana Lu el ghe dImànda.L’ubidìsse l’angelo, su la Téra el sgólapar salvar del mondo el fiól e la fióla.El trova Adamo al fresco de ‘n’ ombrìae subito el ghe dise che Satana el li spia,che sassinàrlo el vól, insieme a la so dòna,portarlo a qualcosa che Dio no ‘l perdona.Fòrsi i magnarà el pomo de la Siènsa,e de la vita imortàl i dovarà far sènsa.

28


Da l’Eden fecondo i sarà alóra parà via,sempre se i farà quel che vól la spia.


SCENA SESTAPERSONAGGI: A. Raffaello, Adamo, Eva

Entano in scena Adamo ed Eva e subito arriva l’A. Raffaello.

A. RAFFAELLO:Salve, Adamo. l’è Dio che m’à mandà,ma privàrte no posso de la to libertà.In sto verde giardìn gh’è Satana invidioso,par la to felissità, rabiàdo e furioso.Contro el to Dio, el vól farte pecatór,contro Ci del mondo l’è stà el creator.

ADAMO:Ma come posso al Signor disubidìr?Ci co’ amor m’à creàdo pensar de tradir?Ci Eva m’à dato par fàrmela amar,par darme qualchedùn che me stà a scoltàr?Ci pare el vól farme de tuta l’umanità?Ci sti fruti e sti fiori el m’à regalà?Mai mi scoltarò de Satana le parole,via lo fasso nar co’ le réce tute mòle.Ma parché gh’è ‘na mente così catìa?Parché voler sassinàr sta vita mia?

RAFFAELLO:‘Na òlta Satana ‘n bel angelo l’éra,quando no esistéa gnancóra la Tèra.Caro l’éra a Dio, el so creator,ma tuto el lo voléa el so grando amor.Ma el cor del Signor tra tuti l’è spartìo,anca mi, come i altri, g’ò el tòco mio.Stesso el voléa èssar de Ci comanda lassù,ma el giusto Dio no ‘l podéa darghe de più.‘N Fiól el g’à e come Lu el l’à fato,invidioso Satana l’à volùo el pecàto.‘Na mùcia de angeli quel l’à convinto,l’à fato la guéra, ma l’è restà vinto.Contra i angeli bòni el s’à messo a lotàr,

29


fóra dal Paradiso i l’à dovùdo butàr.Zó i l’à sgnacà, ne l’Inferno più fondoe intando, Dio, l’à fato sto bel Mondo.Ti El t’à creà e dopo anca la bèla Eva,Zó, tra le fiàme, i demòni i pianséva.Qua l’è vegnù par ciapàr el posto vostro,par tirar in sto lógo tuti i diàoli a ròsto.Via lontan dal giardìn el vól farte paràr,par questo, nel pecàto, te gh’è da cascar.

ADAMO:Par quel che t’è dito, te g’ò da ringrassiàr,assè mi me gòdo nel sentìrte parlar.Scoltàrte volarìa par ‘n giorno intiéro,quando te parli, te disi solo el vero;tante domande g’avaréa da farte,ma mi no volaréa rivàr a stufàrte.Dime, Rafaèlo, càveme sta curiosità,parché tanti astri el Signor alo creà?De più grandi de la Tèra Lu el ghe n’à fati,par regalàrne luce e calor quei i è nati,e tuto al servìssio de sta Tèra picenìna,che la faréa de pecà co’ ‘na stéla vissìna.Tuto l’universo al servìssio de sto posto?Par mi, Rafaèlo, massa alto l’è el costo.E tuti sti bei astri, intórno i ne gira:la Tèra la se spónsa e avanti la tira.

EVA:Mi scusa ve domando a tuti du,de gnénte far, no ghe ne posso più:g’ò i fiori da rincuràr e anca le verdure,voàltri stasì qua comodi e parlìve pure.Mi dopo, da Adamo, tuto me farò dir,ma prima i me mestieri mi g’ò da finir.

ADAMO:Va, Eva, e no stà preocupàrte,ghe penso mi a tuto contàrte.

Eva esce di scena. L’A. Raffaello e Adamo si ritirano sul fondo della scena a chiacchierare.

SCENA SETTIMA

30


PERSONAGGI: spettatore, spettatrice

SPETTATRICE:Èto visto, l’Adamo, che pasta de òmo?

SPETTATORE:Pàrlito del pòro can che à magnà el pomo?

SPETTATRICE:L’à fato tuto quanto par amor de la so dòna.

SPETTATORE:Che anca in quei tempi là l’éra paróna.

SPETTATRICE:Ma se gnanca el corpo la g’avéa de suo!Atórno a ‘na costa l’éra cressùo;e quel tòco de osso l’éra de Adamo.A sta dòna, “paróna”, mi no ghe ciàmo.

SPETTATORE:L’éra curiosa tanto quanto te sì ti:el naso la metéa nei afàri del marì.

SPETTATRICE:Matrimonio vól dir “’n’ ànema sola”,no se g’à da tasér gnanca ‘na parola.Eva,al so òmo, el sogno la g’à contà,giusto l’éra che la fósse ricambià.

SPETTATORE:Se te vól la resón, mi de nóvo te la lasso,scólto i atóri e, con ti, da sordo fasso.

SCENA OTTAVAPERSONAGGI: Adamo, A. Raffaello

Adamo e l’A. Raffaello ritornano in primo piano.

RAFFAELLO:Contento mi són de la to óia de savér,de dirte quel che sò mi g’ò el dover.Çèrte robe i è là par èssar amirà,

31


Quel che ‘l le à fate el g’à da èssar lodà.El valor, da la grandéssa, mai el se misurae gnanca da la luce tanto ciàra e tanto pura.Par voàltri l’è stà fato tuto el firmamento,par far luce e calor nel stesso momento,par dàrghe da vìvar ai àlbari e a le piante,par Dio, sto mondo, l’è tanto importante.El parché de altre robe mi dirte no posso,al tramonto mi no sò parché el cél l’è rosso,gh’è de le robe che solo Dio el conósse,lodarle dovémo co’ le àneme comòsse.Mi no lo sò se l’è el cél che se móe,se i è le comete che le strapéga le so cóe…Fòrsi l’è el sol de l’universo el centro,mi, a sti misteri, no posso narghe drénto.Ste robe lassa star e gòdete sta bèla Tèra,da la sera a la matìna, da la matìna a la sera.Ama la to dòna con tuto quanto el to amor,spiegàrte no posso tuti i segreti del Signor.

L’A. Raffaello fa il gesto di congedarsi.

ADAMO:Spèta ‘n altro póco, via no stà andar,adesso la me storia te vói contar.Come da ‘n sogno me són sveià,de sudór el me corpo l’éra tuto bagnà.Voltà zó mi stavo, tra alte erbe e fiori,che nei òci i me udàa i so lustri colori.I caldi rai del sol, la pèle i m’à sugàdo,curioso de savér, el cél mi ò vardàdo.E come par tocàrlo, in pié són saltà,za caminàvo e nissùn m’avéa insegnà.Atórno me són visto pianure e montagne,boschi de àlbari, fossi e campagne,laghi a spèio, sorgenti de cristàl,de ogni rassa, almànco ‘n animàl,osèi sui rami e altri sgolàr nel cél,che celeste el se verzéa come ‘n mantèl,musiche e parfùmi de gioia i me impenìva,canti de angeli ne l’aria chièta se sentiva.El posto no conossévo e ci ero no savéa,ero bòn de parlar a tuto quel che vedéa.La léngua ò mosso, la ósse ò butà fóra

32


e così ò dito, scominçiàndo dal dessóra:“Sol che te slùseghi, che le làgrime te ciàmi,che co’ le to ombre tuto intorno te ricami,che de oro te impólvari l’àqua che córe,che sùcaro te ghe dè a le fraghe e a le more,dime ci són, da che lógo són vegnùo,andóe l’è che camìno, ci l’è che m’à volùo”.Muto el sol parlàrme no ‘l podéa,domande g’ò fato a tuto quel che vedéa:ai fiumi, ai monti, a le bestie che pascolava,lóri no i rispondéa e calmi i me vardàva.Adorar mi voléa Ci al mondo El m’avéa messo,a dimandàr ò continuà ancora par ‘n pèsso.Dopo, straco morto, su l’erba me són butàe ‘n sòno ristorator via con lu el m’à portà.In sogno mi ò visto ‘na forma divina,che par dirme qualcosa la s’à fato vissìna.“Àlsete” la m’à dito, a mi che dorméa,maraéia la m’à fato la so prima idea:dei òmeni tuti “pare” la m’à ciamà,el primo mi són de tuta l’umanità.Co’ èla la m’à portà inçìma a ‘n montee védar ò podù le robe prima scónte.El posto che vardàa bèlo l’éra assè,ma uno ghe n’éra che me piaséa piassè:drénto a ‘n recinto ò visto sto giardìn:fóra mi ero nato, in un posto vissìn.El sòno el va, el sogno el sparìsse,sfregà me són le palpebre tacaìsse,me són vardà atórno e ò rivisto el sogno,che svéio era, dirte no gh’è bisogno.Ne l’Eden me trovavo, nel Paradiso in Tèra,scoltàda l’éra stà la me umile preghiera.In mèzo a le ombre che ‘l vento el movéa,ò visto el Creator che avanti El vegnéa.El cór el me s-ciopàa, in zenòcio són cascà,e lì, tra le piante, mi l’ò tanto adorà.La man El m’à slongà, El m’à rimesso in pié,nei So òci mi ò visto do stéle impissè.A parlàrme l’à tacà, co’ ‘na ósse che caressàa,co’ le rame sbassè, le piante le pregàa.“Quel che te çérchi, vàrdeme, són mi,fin qua són vegnùo par parlar con ti”.Così el m’à dito Ci su tuto comanda,

33


e mi, spaìso, no faséa ‘na domanda.“Són mi che t’ò creà e “òmo” t’ò ciamàdoe qua, ne l’Eden, sui me brassi t’ò portàdo.Tuto te regalo de quel che te vedi,l’è tuta opera mia e sò che te me credi.Fóra dal recinto el mondo l’è grando,tuto ò creà e ò messo al to comando.Ma de la pianta de la Siènsa el pomo no tocàr,ti, el so fruto rosso, te lo pól solo vardàr.Se a l’ordine mio te sarè disubidiènte,scólta sa te digo e tièntelo ben inaménte”.Così el me diséa el divìn Creator,sempre più in prèssia el batéa el me cór.E dopo l’à continuà, co’ la ósse severa, che inaménte g’ò ancora così come l’éra:“Quel pomo el parfùma, de bòn el sà,ma in morte el pól cambiar la to felissità”.E dopo la So ósse ‘na caréssa l’è tornàda,l’ànema mia la s’à alóra consolàda.Le bestie l’à ciamàdo par far conossènsa,robe che se moéa e che de nome i era sènsa.Una dopo l’altra El me le à fate ciamàr,i nomi i m’è vegnùi sènsa gnanca pensar.Tuto mi g’avéa par èssar contento,ma drénto me nasséa ‘n strambo sentimento.Solo me trovavo, in mèzo a ‘n paradiso,el bisogno g’avéa de védar ‘n altro viso.Coràio me són fato e g’ò dito così:“Dame, par compagna, ‘na creatura come mi.La vaca co’ ‘l toro la fa i vedeléti,con ci èlo che mi farò i me buteléti?”Vardàndome nei òci, Lu l’à risposto:“Par altre creature gh’è tanto posto;de farte ‘na compagna previsto l’éra za”e sènsa spetàr el m’à indormensà.Da sto fianco, ‘na costa El m’à cavàdo,mi dorméa, ma istésso la vardàvo.A palpàrla l’à scominçia e quéla la cresséa, réce, naso,òci, ogni forma El ghe daséa.Come mi el l’à fata, ma in qualcosa difarènte,da noàltri g’à da nàssar tanta altra gente.La ferita, ne la carne, subito l’è guarìa,el bel viso mi ò visto de la cara Eva mia.La bóca l’à piegà in un bel sorìso,

34


mi drénto ò sentìo tuto el Paradiso.‘Na roba ò proà, che dir no sò gnanca adesso,ero così contento, che m’è vegnù el borésso.‘Na s-ciànta più tardi, più no la vedéa, scónto el me cór in silènsio el pianséa.Fóra dal sòno subito són vegnùo,con ancora nel naso el parfùmo suo.Ma quando de rivédarla più no speravoe travèrso le làgrime intorno me vardàvo,vista mi l’ò, che avanti la vegnéa,de la me contentéssa no sò darte l’idea.Del Cél el Signor, par man El me l’à portà,la giusta diressión a éla El g’à insegnà.Carne de la me carne, òssi dei me òssi,come çirése la g’avéa i labri rossi.De ‘n pàlido rosa l’éra la so pèle,i so òci i slusegàa come do stéle.Mi la vardàvo a bóca spalancà,in fàcia me sentivo tuto imbrasà.Vegnùa m’è parfìn la pèle de oca,“Gràssie, Signor, de quel che me tóca”.Così g’ò dito a Ci ména l’universo,ò fato par parlar e me andà par traèrso.Éla la savéa el so dover qual l’éra,sempre la ubidìva, co’ contenta siéra.El ridéa el cél co’ i so rai de oro,fra i brassi méi, g’avéa ‘n tesoro.Tuta la natura la se godéa con mi,i grii, fra l’erba i ripetèa cri cri;Le ale le sbatéa le passaréte sbatolóne,sui cavéi le se posàa le farfàle ciapolóne.Petali de rosa dal cél zó pioéa,i fiori, nei prà, parfùmo i spandéa.I àlbari verdi i so fruti i mostrava,le bestie, copióne, le se cocolàva.Mi, la me storia, intièra te l’ò contà,fantasia no g’ò messo, l’è tuta verità.Ogni roba me piàse de sto bel posto:la polpa dei fruti, de l’ua el mosto,el fìs-cio del rossignòl quando el canta l’amor,l’ava golosa che la ciùcia sul fior,i àlbari alti che i se scurla beatie tuti i regài che qua m’è stà fati.Ma el ben più caro che me tróvo qua

35


l’è Eva bèla, par mi solo stampà.Apéna la vardo, svanìr mi me sento,amor el se ciàma sto bòn sentimento.Forte són bastànsa, par tute le prove,ma i òci de Eva tuto i me smóve.Sempre, apéna posso, vissìn a éla scapo,debole devènto, se fià no riciàpo.El so corpo legéro de virtù l’è pien,più no me tègno, se vissìn la me vien.Ma Eva no la g’à solo tanta beléssa,el so sarvèl l’è tuto pien de finéssa,ténaro l’è el cór e sgiónfo de bontà,gràssie ghe digo a Ci l’à creà.

I due spettatori interrompono la scena. Adamo e l’Arcangelo si ritirano sul fondo del palcoscenico.

SCENA NONAPERSONAGGI: spettatore, spettatrice

SPETTATORE:Mi altretànto no posso proprio dir.

SPETTATRICE:E mi te mando a farte benedir.

SPETTATORE:Ma sito sicura de vegnér da Eva?L’è mama de tuti da quel che i diséva.Ma, par ti, me sà, che Satana gh’è de mèzo,de tute le dòne, m’è tocà la pèzo.

SPETTATRICE:Mi te auguro de ‘n’ Eva catàrte,più no te naréssi a zugàr a le carte,l’ostarìa de la Gìgia la podaréa seràr,che tanto ti, no te ghe podaréssi nar.

SPETTATORE:El so òmo éla la lo adorava.

SPETTATRICE:Par colpa sua, par póco no ‘l se sofegàva.

36


El tórso del pomo in gola el gh’è restà,e l’è quéla gòba che sul còl t’è restà.

SPETTATORE:Tuti, in sto mondo, i pól sbaliàrse.

SPETTATRICE:Pecà che noàltri l’émo fato nel sposàrse.

Proteste degli spettatori.

SCENA DECIMAPERSONAGGI: A. Raffaello, Adamo

L’Arcangelo e Adamo tornano in primo piano.

RAFFAELLO (rivolto ad Adamo)De la to felissità contento mi són,ma atènto a l’amor che l’è solo passion.Sempre l’è giusto la beléssa amar,ma l’ànema de Eva no stà desmentegàr.Ama de ‘n amor puro e giusto,in quel, mi digo, che gh’è più gusto.Al to Creator, daghe afèto e obediènsa, che de tute ste robe no te resti sènsa.Adesso mi vago, el cél el scolora,de montar su le nuvole, rivàda l’è l’ora.Te salùdo, Adamo, creatura de Dio,ricòrdete sempre del consìlio mio.

ADAMO:Adìo, angelo, celeste creatura,i è parole le tue che sempre le dura.Dal Cél fin qua, te prego, vola ancorae insieme passarémo qualche altra ora.

L’aracangelo e Adamo escono di scena. Prendendo direzioni opposte.

ATTO QUARTO.


37



NARRATORE:L’òmo, con l’angelo, più no ‘l parlarà,le so bèle parole ‘n’altra òlta no ‘l sentirà.Bóca mia, l’è ora che giudìssio te méti,parla, adesso, co’ tuti i dovùi rispèti,Te gh’è da contar de l’òmo el pecàtoe anca del castìgo che Dio el g’à dato.Triste el me verso adesso el devènta,la storia el conta de Satana che tenta.De nòte l’è rivà quéla bestia rabiósa,in òlta la spià co’ la bóca bavósa.Ne la nèbia la s’à scónto par i angeli imbroiàr,quando l’umana còpia la stava a sponsàr.Nel vapor el pensava a come consàrse,da qualche animàl el dovéa mascaràrse;‘n bisso l’à visto, che tra i sassi el stava,che, par no èssar vardà, svèlto el scapàva.Co’ la man tuta ónge, par el copìn el l’à ciapàe dopo la bóca con fòrsa el g’à spalancà.Drénto el dovéa narghe, corni e tuto,tempo no ‘l g’à dato de ciamàr aiuto.Pòro bisso, che a nissùn el faséa paura,che chièto l’andaà in mèzo a la verdura,Satana l’è deventà, de Dio el nemìgoe quel che l’à dito, a mostràrvelo me sbrigo.


SCENA SECONDAPERSONAGGI: Satana

Entra in scena Satana.

SATANA:Varda qua in che modo són combinà,‘na bestia schifosa mi són deventà.De la sorte mia, mi tanto me lagno,de la me ambissión, questo l’è el guadagno.Ma sa èlo che digo? Satana mi són,la fine de Adamo la me darà sodisfassión.Pur de vendicàrme, anca questo sopòrto:‘na pèle de bisso in òlta me porto.

38


Così combinà, nissùn me riconósse,me móo pian pian e fasso calma la ósse.Adesso mi spèto el giusto momentoe apéna i rìva, el più débolo tento.Satana mi són, sto mondo el sarà mio,mi, zó a l’Inferno, no finìsso rostìo.

Satana esce.

SCENA TERZAPERSONAGGI: narratore


NARRATORE:La se impìssa la rosàda ai rai del sol,l’osèl, fato a bala, fóra el tira el còl,el gal, sul ramo, l’indrìssa la grésta,forte el siga, alsàndo la testa;el scurla i barbèndoli, el sgiónfa le piume,‘n’ ànara la se scuna su l’onda del fiume.La ólpe la snasa l’aria de la matìna,a éla vissìn, raspa in tèra ‘na galìna.I se vèrze i fiori, la luce çercàndo,nel nio el gardelìn el se svéia cantando,Adamo e Eva i scomìnsia a remenàrse,ormai l’è rivàda l’ora de desmissiàrse,Svéi no i è ancora, ma gnanca indormensà,‘n òcio i g’à verto e l’altro ancora serà.Pian pian i se alsa, i se scambia ‘n sorìso,man ne la man i se basa sul viso.Su l’erba i se inzenòcia, i se méte a pregar,la canta la natura par Dio ringrassiàr.E dopo, del laóro, ghe ciàpa el pensiér,che al cór el ghe riva pien de piasér.La natura, se sà, bisogna curarla,Eva a Adamo in sto modo i parla.


SCENA QUARTAPERSONAGGI: Adamo, Eva

Entrano in scena Adamo ed Eva.

39


EVA:Fin che altre mane aiuto no le darà,a noàltri du soli, sto laóro el tocarà.A vista de òcio, tuto qua crésse,drénto a bòna tèra le raìse i è messe.‘Na mossa gh’è da darse par tegnérghe drio,ti fa el to laóro, che mi fasso el mio.Su par la piòpa fa l’edera rampegàr,mi intanto le rose vago a bruscàr.Se fianco a fianco insieme restémo,sempre la finìsse che se cocolémo.Ormai lo sò za come l’è che la va,a l’ombra se struchémo e i laóri i resta là.

ADAMO:Cara compagna, da ‘na me costa creàda,che prèssia te gh’è de impenìr la giornàda,ci èlo che à dito che no se g’à da fermàrse?Nissùn n’à proibìo de ogni tanto basàrse.L’amor, a l’ànema, el ghe fa ben assè,de quel che t’è dito, no capìsso el parché.E dopo, amor mio, al me fianco te vói,lontan da mi, no i g’à da nar i passi tói.Te lo sè sa l’à dito l’angelo del Cél:gh’è ci, de pèrdarne, el g’à nel sarvèl.A la dòna ghe vól de l’òmo la protessión,storie no far e no darme preocupassión.

EVA:Adamo caro, de sto mondo unico re,che, giorno dopo giorno, mi amo piassè,le parole de l’angelo no posso desmentegàr,mi lo sò che ‘l nemìgo el ne stà a vardàr,ma sentìrte dubitar de la me obediènsa,mi, de parole, resto quasi sènsa.Paura te gh’è che me fassa imbroiàr?Questa, se te perméti, ‘n’ofésa la me pàr.

ADAMO:Eva adoràda, el muséto te m’è messo,ma mi te strénso e te còcolo istésso.Qua, de fiducia, proprio no se trata,lo sò che te mantègni la parola data,

40


ma solo al pensiér che quel el ghe próa,‘n nervoso me sento che bisogna che me móa.Se insieme stémo, fòrsi avanti no ‘l viene gnanca el tenta de spuàr el so velén.Se ‘na mùcia de angeli l’è riussìo a inganàr,el g’à da èssar gran furbo ci ne vól tentar.E pó, vissìn a ti, piassè forte mi me sento,mi g’ò ‘n gran coràio, adesso, qua drénto.E par la paura de far ‘na figuràssa de vinto finir e deventàr come ‘na strassa,queste do mane quàtro le devèntae guai a Satana, se Eva el tenta.

EVA:Ma vìvar no se pól sempre nel timor,questo no ‘l lo vól el nostro Signor.Mal no ne vien sènsa far el pecàto,questo el l’à dito Quel che ‘l n’à fato.De Satana le intensión ‘na gran ofésa i è.e mi spero tanto che ‘l no ne vègna tra i pié.La più forte volontà màcia no la lassa,ti, caro Adamo, te te preòcupi massa.E dopo, sa è i l’amor, la virtù, la fedese messi a dura prova mai i se vede?E po’, el Signor, che regài ‘n’alo fatose tanto facile l’è tiràrne in pecàto?

ADAMO:Cara Eva, del Cél no questionàr,quel che n’è stà dito, te lo gh’è da far.La nostra volontà, lìbara El l’à lassà,questo l’à volù Quel che n’à creà.Se Lu no ‘l vól, gnénte i ne pól far,ma gh’émo ‘n sarvèl e lo dovémo dropàr.Se “atènta” te digo, no l’è difidènsa,de amor par ti, alóra saréa sènsa.Ma che no l’è verità, ti ben te lo sè,parché cara te me sì ogni giorno piassè.‘N momento de deboléssa el podaréa capitar,la mente nostra la pól lassàrse imbroiàr.Èco parché mi t’ò dito e ancora te ridìgoche qua intorno gh’è el nostro nemìgo.No l’è mia da furbi el mal çercàrse,a noàltri ne convièn evitar de separàrse.

41


Ma se ti istésso lontan te vól nar,quel che te vól te sì lìbara de far.

EVA:Mi vago via, ma sempre atènta starò,al sicuro me sento e chièta laorarò.Ci de fòrsa l’è pien, drénto e nel brasso,no l’è co’ ‘l più débolo che ‘l fa el so passo.Sodisfassión no ‘l trovaréa a bataliàr con mi,l’è mèio, invesse, che atènto te staghi ti.E se proprio l’è con mi che ‘l ghe vól tentar,‘n più amaro velén e dovarà proàr.Ciapàr ‘na scornàda da ci débolo el stima,desperàr el lo farà, piassè ancora de prima.Ghe fasso védar mi quel che val ‘na dòna!De la me volontà mi me sento paróna.

Eva toglie la sua mano da quella di Adamo e fa per allontanarsi. Adamo la insegue, la prende di nuovo per mano e la conduce fuori scena.

SCENA QUINTAPERSONAGGI: spettatore, spettatrice

SPETTATRICE:Diréa che la g’avéa ‘n bel caraterìn:se no l’éra feminìsta, ghe andàino vissìn.La protesta de la dòna no l’è ‘na novità, l’è la spósa de Adamo che l’à scominçià.La s’àvéa contentà de ‘n òsso de massa,éla, che de la dòna, l’à scominçià la rassa.Al mondo l’è stà messa par far compagnia,el compito gh’è stà dato che la g’à la gata mia.Sta roba no la me piàse e con fòrsa la rifiuto,da sempre la dòna l’à subìo de tuto.

SPETTATORE:Al mondo l’è stà messa par far i fiói.

SPETTATRICE:Par ‘na òlta, almànco, fate i afàri tói.Màchine par far fiói, èco cosa sémo,e par métarli al mondo, dolori proémo.

SPETTATORE:

42


Ma Eva mal no l’avaréa de çèrto patìo,se al nostro Signor no l’avésse disobedìo.

SPETTATRICE:Ciàpela da qua o scomìnçia da là,la dòna l’è sempre la più sfortunà.E sta storia la dura dai tempi de Adamo,sto bel trattamento, prepotènsa mi lo ciàmo.

SPETTATORE:A mi me sà che ‘n bel gnénte te capìssi.

SPETTATRICE:Par fòrsa! Són una de quéle che scólta i bissi.

SCENA SESTAPERSONAGGI: Adamo, Eva

Eva entra in scena di corsa, inseguita da Adamo che vorrebbe trattenerla.

ADAMO:Atènta, Eva, ‘n bel rìs-cio te córi,se te caschi in tentassión, i sarà dolori.

EVA:Sta’ calmo, Adamo, che presto mi torno,con ti sponsarò, quando caldo se farà el giorno.In tempo rivo par pareciàr el nostro disnàr,no tórte nissùn pensiér e métete a laoràr.

Adamo ed Eva escono di scena seguendo direzioni diverse.

SCENA SETTIMAPERSONAGGI: spettatore, spettatrice

SPETTATRICE:Parola indrìo, sta òlta ò tuto sbalià,Eva, gnanca la savéa sa l’è la parità.La prima dòna no l’éra altro che ‘na serva:de mestieri da far la ghe n’avéa ‘na catèrva.Érelo ‘n so dover preparar da magnàr?Anca éla, tuto el giorno, la seitàva a laoràr!

43


SPETTATORE:Ma sa èlo che la cusinàa in fin dei conti?Là, i magnàri, i era tuti za pronti.Le bestie no i copàva, lo sò de sicuro:quei i se contentàa de ‘n fruto maùro.

SCENA OTTAVAPERSONAGGI: narratore


NARRATORE:La va Eva co’ ‘l so passo legéro,anca se Adamo in fàcia l’è nero.Fiori de ogni sorta i pié i ghe basa,la pensa che l’òmo l’è mèio che ‘l tasa.Nel verde giardìn, Satana el se scónde,tocàr el ghe farà del mal le sponde.El merlo, contento, el sìfula sul ramo,adrìo a la so dòna i va i òci de Adamo. El bisso, intanto, in boschi e campi,el varda se ‘l tróva de pié i stampi.Andóe bruscàda l’è stà la rosàra,del passar de Eva gh’è la prova ciàra.Proprio lì el snasa e, più in là, ancora,de trovar la còpia, quel no ‘l vede l’ora.Se eprìmar el podésse la so preferènsa,Eva el volaréa catàr, del so òmo sènsa.Èco che ‘l la vede, sto gran slandrón,e subito el pónta ne la so diressión.Scónta par metà, éla l’è tra le rose,a le mane sue, fresche e morbinose.Éla la ghe parla, la ghe ride, la le caréssa,de ‘na rosa de sésa la so pèle l’è istéssa.Ai fiori fiapìi, i gambi la ghe indrìssa,la s-ciàra l’erba massa bassa e fissa.Satana el ghe va sempre più vissìn,ne l’ombra scura, el va avanti pian pianìn.El posto l’è bèlo, a lu el ghe piàse,ma assè la ghe va quéla dòna che tase.Eva, de la natura, l’è el fior più soave,el bisso el la varda e ghe casca le bave.Gòdar no ‘l pól le gioie de l’amor,invidia lu el próa e tanto rancor.

44


Il narratore esce.

SCENA NONAPERSONAGGI: Eva, Satana

Satana, nascosto, guarda Eva.

SATANA:Te odio, Eva, parché bèla te sì massa,parché con Adamo te contnui la rassa.Piaséri d’amor mi mai proarò,ma quel de roinàrte mi me tolarò.Ocasión più bèla no podéa capitàrme,ancora ‘na s-ciànta mi g’ò da vissinàrme.

Satana si porta più vicino a Eva.

Lontan l’è Adamo, l’osso più duro,de Eva tentar, el momento l’è maùro.L’è bèla sta dòna, l’è bèla dalbòn,ma fermar no la pól ‘n bisso imbroión.Menàndo la cóa, vissìn mi ghe vago,in su mi me tiro e ben sténco stago.

Eva vede il serpente.

EVAChe bèlo che te sì, bisséto mio,stavo laoràndo e no t’ò sentìo.De ti, tuto me piàse: le curve, le gòbe!Qua, in sto giardìn, gh’è solo bèle robe.

Eva continua a lavorare. Ogni tanto si ferma per accarezzare il serpente che la sta affascinando con i suoi sinuosi movimenti.

SCENA DECIMAPERSONAGGI: spettatore, spettatrice (in platea) Eva, serpente (sul palcoscenico)

SPETTATRICE:Dei gusti de Eva discùtar no vói,se i bissi i ghe piàse, i è afàri sói.A mi i me fa senso e anca paura,

45


Eva, invésse, la se sente sicura.

SPETTATORE:Paura mi no g’ò, ma védarli no me piàse,no i è animài che se tien ne le case;lontan mi ghe stago, no vói ris-ciàr,quei velenosi i pól anca smorsegàr.

SPETTATRICE:Come tuti i òmeni, ti mai te gh’è paura,te sì pien de coràio, la to scòrsa l’è dura.Volaréa proprio védarte, davanti a ‘n bisso…Se za driti i è i cavéi, te devènti risso.Par voàltri, la paura, a la dòna la se adàta,a quéla fiàpa creatura, par servìrve nata.Volaréa che te proàssi a far ‘n fiól…A fòrsa de sigàr, te s-cioparéa el còl.Gnanca al zoo safari, t’è volùdo nar…Te m’è dito che le bestie le ne podéa magnàr.Te giri par i boschi co’ l’antivipera in scarsèla,sguìssi te ciàpi par ‘na s-ciànta de bavesèla.

SPETTATORE:Se paura g’ò, l’è solo e sempre par ti,se sucéde qualcosa, la colpa ghe l’ò mi.

SPETTATRICE:Ma senti, ciò, mi saréa dal tuto inseminìa!Stà chièto, caro, ghe penso mi a la vita mia.

Il pubblico protesta.

SCENA UNDICESIMAPERSONAGGI: Satana, Eva

SATANA:Maravéia no farte, creatura gran bèla,se te stago a vardàr come se fa co’ ‘na stéla.No stà andar via, no stà gnanca rabiàrte,bòn l’è el bisso, el vól solo amiràrte.De altro amor la to beléssa l’è degna,che ‘l Dio del Cél sempre el te lo mantègna.Massa bèla te sì par ste bestie ignoranti,gnénte i capìsse leoni, tigri e elefanti,

46


ma ‘n òmo solo l’è póco par lodàrte,tra i dèi del Cél te gh’è da alsàrte.I angeli, alóra, l’inchìn i te faràe tuti, al to servìssio, umili i se metarà.

EVA (tra sé):Ma questa che vedo l’è ‘na smaravéia,sténti sognando o sónti svéia?Mai mi ò visto ‘n bisso che parla,sta roba l’è stramba, bisogna contarla.E umani sentimenti el mostra de aver,el me fa complimenti che me dà piasér.

Rivolta al serpente.

Serpente gentìl, pàrleme ancora,la me curiosità ‘na s-ciànta sòra.Come èlo che te parli co’ umana ósse,che parfìn se maravéia ste rose rosse?I altri animài, che ogni giorno mi vedo,de tanta amicìssia bòni no li credo.

SATANA:Bèla regina de sto mondo fiorìo,mi ò magnàdo el pomo proibìo.Come tute le bestie mi prima vivéa,el dì mi magnàvo e la nòte dorméa.Ma ‘n giorno ‘na pianta de védar m’è capità,che de bei pomi rossi l’éra tuta ornà.Vissìn me són fato e l’odor ò snasàdo,fruto no gh’è che sia più parfumàdo.. Fame e sé m’è vegnù a vardàrloe drito su la cóa, ò deciso de ciapàrlo.Uno ghe n’ò magnà e dopo altri ancora,de finir de gustarli, no l’éra mai l’ora.Finaménte, gran sgiónfo sentìo me sóne drénto m’è cressùo ‘na stramba sensassión.‘N ràio de luce tuto el m’à s-ciarà,ò vèrto la bóca e come òmo ò parlà.Créssar ò sentìo el me sarvèl sóto l’osso,proprio tuto, del Ben, adesso mi conósso.El to viso, cara Eva, el m’à come incantà,e questo l’è el motivo che m’à portà fin qua.Vardàr te voléa, lodàrte e pregàrte

47


e del pomo magnàr s-cèto consiliàrte.

EVA:Crédar no posso a quel che te me conti,‘n saco de busìe ti te ghe zónti.Qual èlo el sentiér par la pianta catàr?Se vago da sola, no la posso trovar.

SATANA:Regina del mondo, l’è qua a póchi passi,sarò mi a guidàrte tra erba e sassi.

Il serpente si avvia verso l’albero della Scienza, seguito da Eva.

SATANA (tra sé)La bèla Eva ne l’imbròio l’è cascàda,morta la sarà al finìr de la giornàda.Contento mi són che de più no se pól,da la testa a la cóa, passando par el còl.

SCENA DODICESIMAPERSONAGGI: Eva, Satana

Satana ed Eva arrivano nel punto in cui si trova la pianta. Eva, vedendo di che albero si tratta, rimane stupita e spaventata.

EVA:Ma sito mato o, par caso, fèto a pòsta?Magnàr de sto pomo massa me costa.Questo el se ciàma “Àlbaro de la Siènsa”,mi, de quei pomi, ghe ne fasso sènsa.Gnénte me importa se a ti ben i t’à fato,Mi són bòna de parlar e no vói far pecàto.Gnanca lo snaso, gnanca lo vardoe adesso vago, che són za in ritardo.El Signor l’à dito: “Guai a ci lo tóca”e mi, ben seràda, tègno la me bóca.“Morte ghe vien a ci magna sto pomo!”Ste parole el g’à dito el Signor a l’òmo.

SATANA:Vuto dirme che ti te gh’è credùo?Magnàr no pòssito a comodo tuo?

48


Regina El t’à fato de tuto sto mondoe pèrdarlo te dovaréssi par ‘n pomo tondo?

EVA:De tuto noàltri podémo qua magnàr,solo quel fruto no g’avémo da tastar.

SATANA:Crédar a ste robe l’è ‘na balossàda,ci sta storia el t’à contà el se l’à inventàda.Morir par qel pomo? La vita el te dà,mi l’ò magnàdo e vivo el m’à lassà.Le bestie le pól farlo e voàltri nò?Parché te ghe credi, mi no lo sò.El Cél no ‘l se ràbia par ‘na roba compagna,gh’è ‘n saco de pomàri in sta bèla campagna.Mi penso invésse, che ‘l Signor piassè el stimaquel, che del savér, rivàr el vól in çìma,quel che de la morte paura no ‘l g’à,che ‘l alsa le spale e ‘n bafo el se ne fa.Lontan dal Mal se pól sempre scapàr,se la so conossènsa i te lassa far.Dio, se l’è giusto, mal no ‘l pól farve,se onesto L’è, no ‘L pól comandàrve.Qual èlo el scopo de la So proibissión?Ve vórlo fòrsi orbi ne la so adorassión?Lu El li sà ben i benefìssi de sto fruto:ne la mente e nel cór i cambia tuto.Se ‘n bisso come mi in umàn l’è trasformà,el terèstre, ‘n Dio, sènsa dùbio, el deventarà.Se l’òmo, par caso, sapiente el devènta,ti crédito ch’el to Signor invidia el senta?Se così proprio fosse, alóra Dio più no l’è:a tuta la to paura, no gh’è gnanca ‘n parché.

EVA:Lo g’ò da riconóssar, sapiente te sì:la léngua te móvi e te parli come mi.In ben el t’à cambià quel pomo magnàdo,parché, a l’òmo, el savér gh’èlo negàdo?Far no ‘L pól ’na proibissión compagna,condanàr no ‘L deve ci el pomo magna.El bisso l’è ancora vivo e vispo assè,parché, pur magnàndo, morto no l’è?

49


Solo par noàltri la morte alo inventà?Le bestie le vive e l’òmo el morirà?Ci parlar l’à podùo, gràssie a quel pomobòn el s’à mostrà e anca amìgo de l’òmo.Con noàltri la fortuna spartir lu el vól,gnénte el guadagna e gnénte el ne tól.Sa èlo che me tien da sto pomo tastar?‘Na dea su in in Cél me piasaréa deventàr.

Eva prende la mela e comincia a mangiarla. Satana, tutto soddisfatto, esce di scena.

ATTO QUINTO

SCENA PRIMAIntervallo


SPETTATORE:Mi lo savéa che la finiva così,tute le dòne i è istésse de ti:‘Na lusinga, l’océto, ‘n complimento,in bródo de giùgiole finì in un momento.

SPETTATRICE:Sa vuto dir? Gh’è qualche alusión?

SPETTATORE:Ancora g’ò in mente Piero Scartossón.La testa t’è perso par quel òmo imbessìle,travasàr te m’ è fato dei litri de bile.“Te sì bèla” el te diséa e “anca inteligènte”e ti, a quel punto, no t’è capìdo più gnénte.I corni te m’è fato, e no l’è stà par ’n pomo:tanto te i è umilià, el marì e anca l’òmo.

SPETTATRICE:Giusto no me pàr mia de stigàr ‘na piàga.

SPETTATORE:Te magnàdo el pomo e te gh’è dato la fraga.

SPETTATRICE:

50


Ero trascurà, gnanca te me vardàvi.

SPETTATORE:E ti, a ‘n altro, le to gràssie te ghe mostràvi.Ma fémola finìa! Continuémo a scoltàr la storia!De le òlte saréa mèio no avérghe memoria.

SCENA SECONDA

PERSONAGGI: narratore

Entra il narratore. NARRATORE:Dólso l’è quel pomo, piassè del miél,dal mondo del Mal, cascàdo l’è el vél:Eva la conósse el saór del pecàto,da dòna lìbara la so sèlta l’à fato.Subito el velén la so ànema el se ciàpae intanto el serpente nel bosco el scapa.La fàcia la perde la so bèla espressión,più no ghe se vede nissùna divossión.Qualcosa, ne i òci, subito se ghe smòrsa:sènsa inocènsa, se cambia de scòrsa.Da l’àlbaro éla la destàca ‘n ramo:‘n pomo la ghe porta anca al so Adamo.Dòna generosa o creatura catìa?De l’àlbaro el velén Eva la porta via.Drénto nel cór, la stessa più no l’è,el Mal, del Ben, el pesa piassè.La trema la Tèra, fòrsi par paura,la volta del cél l’è grisa e scura.‘Na nuvola grisa làgrime la spampàna,Eva, dal Ben, adesso l’è andà lontana.Le snasa le bestie l’aria che gh’è intorno:le sente che quel no l’è mia ‘n bel giorno.Le réce le indrìssa, le sente ‘n odorche bàtar piassè forte el ghe fa el cór.Quel l’è timor, sospèto de qualcosa,la scurla la testa’ na timida rosa.Adamo l’è là che ‘l spèta la so dòna,cissà se ‘l pecàto lu el ghe perdona.In mèzo al cél el sol l’è za rivà,ma Eva bèla ancora no l’è tornà.

51


Ne la mente ghe gira dei bruti pensieri:fòrsi, Eva, più no l’è quéla che l’éra ieri. Quel nero pensiér ne la testa l’insiste,là fermo a spetàr, lu più no ‘l resiste.Incontro el ghe va, co’ de fiori ‘na corona,dal sentiér rivàr el vede la so dòna.Ne la so bianca man, gh’è la rama co’ ‘l pomo,smorfiosa la se mostra davanti al so òmo.

Il narratore esce.

SCENA TERZAPERSONAGGI: Eva, Adamo

Da opposte direzioni, entrano Adamo ed Eva.

EVA:Caro el me Adamo, érito in pensiér?Védarte de nóvo par mi l’è ‘n piasér.Che mal che són stà con ti lontan!A ogni passo, mi çercàa la to man.Via dal to fianco, più no ghe vago,sempre con ti, chièta mi stago.Quel che m’è sucèsso adesso te conto,mai gnénte g’à da èssarghe de sconto.Quel che de l’àlbaro Dio El n’à contà,te dago la prova che no l’è la verità:se de la Siènsa te magni el bòn fruto,del Ben e del Mal, te capìssi tuto.De l’òmo te lassi l’umile condissión,come ‘n dio te sarè e te spèta orassión.Qua, in sto giardìn, ‘n bisso el me l’à dito,bèlo l’éra e su la cóa el stava drito.Lu, de quel pomo, l’avéa za magnàe come s’el fósse òmo, subito l’à parlà.La mente sua, l’à scominçià a laoràr.su de tuto, con lu, ti te pól ragionàr.Convinta són stà da tante bèle parole,che s-cète le sonàa, no i era de le fòle.Persuasa dal bisso, el pomo ò magnà,dir mi te devo che l’è proprio ‘na bontà.Drénto de mi, ò sentìo i so efèti,magna anca ti, sènsa ansia e sospèti.Se ogni bèla roba con ti no la divido,

52


amara la devènta: anca questo ò capìdo.Magna, Adamo, fame sto gran piasér,de insìstar ancora me sento in dover.Ligàdi sémo da identico amor,sémo du corpi e ‘n unico cór.Dividi con mi ogni me contentéssa,la sorte tua, de la mia, la sarà stessa.Se ti no te vól, difarènti sarémo,magna sto pomo e stessi restarémo.

Adamo lascia cadere la corona di fiori per terra.

ADAMO:‘Na girlànda de fiori avéa portà par farte festa,ma qua mi vedo che t’è perso la testa.Fóra te sì andà da ogni giusto sentimento,la morte te stè ciamàndo, te me fè spaènto.Come èto podù a nostro Signor disobedìr?Quel che t’è fato no rièsso proprio a capir.E adesso, a mi, cosa èlo che a far me tóca?Ciàpo sto rosso pomo e me lo fico in bóca.La to sorte e la mia divise no le restarà,se la morte t’è volù, par tuti du, morte sarà.Sènsa de ti, mi vìvar no posso,mèio saréa butàrme in un fosso.Come fasso a sofegàr tuto sto amor?Come posso cavàrme le so raìse dal cór?‘N’ altra òlta a star solo, mi no ghe torno,sènsa de ti, no passo gnanca ‘n giorno.Se ‘n’ altra compagna el Signor el me dasésse,se co ‘n’ altra me còsta, ‘n’altra dòna el fasésse,mi, de amàrte, ancora no finiréae sempre la morte con ti seliaréa.Ma Eva mia, cosa èlo che t’è fato?Solo a pensàrghe, devènto mato.Indrìo tornar come èlo che se fa?Ma varda ti qual disastro m’è capità.Fòrsi, Eva, gh’è ancora sperànsa,in un pomo no vedo tanta importànsa.Fòrsi, el Signór nostro, ‘n òcio El sèravìva el te lassa e ancora su sta Tèra.Pól darse che ‘l bisso el g’àbia resón,che in fondo no ghe sia nissùna punissión.Anca lu, de l’àlbaro el pomo l’à magnà

53


e gran ben te m’è dito che adesso el stà.Se lu el parla e anca ben el ragiona,ti, del Cél, te devènti la parona.Crédar mi no posso che tuto sia finìo,che rifàrne de nóvo fango el vóia Dio.Par la miseria de ‘n pomo, l’òmo desfàr?El so parfèto capolaóro in sto modo ruinàr?Se noàltri morémo, par ci èlo sto mondo?Ci mai se li godarà sti fiori qua intorno?Tuto quanto par l’òmo el Signor l’à creà,de contento far Satana senso no g’à.

EVA:Comòssa són par sta prova d’amor,le to bèle parole le ristora el me cór.Se ‘l pomo de la Siènsa no avésse magnà,ti, in sto modo, no te m’avaréssi mai parlà.Adesso, el to amor, lo conósso tuto intiéro,gran bòn ti te sì, ‘n òmo forte e sincero.Se mi credésse de la morte meritar,par quel tòco de fruto che ò volùo magnàr,de far la stessa sèlta mai te consiliaréa,gnénte te savaréssi e da sola moriréa.Quel pomo, te digo, che ben el m’à fato,ne l’ànema mia, no gh’è màcia de pecàto.Ben mi stago, tuto sento, vedo e capìsso,e altre óie mi g’ò drénto, gràssie a quel bisso.Magna, Adamo, smòrsega sta tènara polpa,mai te sarè segnà da la màcia de la colpa.

ADAMO:Dàmelo qua, che mi tuto me lo magno,in un modo o ne l’altro, mi ghe guadagno.

Adamo divora la mela.

SCENA QUARTAPERSONAGGI: spettatore, spettatrice.

SPETTATORE:El l’à fato par amor: l’è ‘n òmo da lodar.

SPETTATRICE:L’è stà ‘n baùco, complimenti no gh’è da far.

54


SPETTATORE (con occhi sognanti):Sempre insieme nel ben e nel mal,l’amor quel vero no ‘l g’à mai finàl.Adesso, invésse, tuto l’è difarènte:de tanti matrimoni no resta gnénte.Nel valór de la faméia in póchi i crede,prima de unìrse, la rotùra za i prevede.Fiói o no fiói, importànsa proprio no g’à:se lassa drio a le spale ‘na faméia sassinà.Varda Adamo, quel sì che l’éra amor:par Eva no lassàr, anca lu l’à tradìo el Signor.

SPETTATRICE:E te pàrela fòrsi la giusta mossa da far?

SPETTATORE:Mi sì che són bòn de veramente amar!Amo la me dòna, i fiói, me mama, me papà,tuti i me fradèi e l’intiéra parentà.Anca i amìssi nel me cór i g’à ‘n posto,par tuti lóri, posso pagar ogni costo.Mi amo el Signor in quei che qua adoro,in Tèra mi no çérco né lussi né oro:són pronto a dar la vita, ma nò l’amor.Par tuti gh’è posto in questo me cór.

SPETTATRICE:Mi, invésse, al divòrsio ghe credo,quando solussión par du mi no vedo:se móre l’amor, se uno el tradìsse,se mato el devènta e più gnénte el capìsse.Se ‘n altro òmo mi sentìsse de amar.,,,

SPETTATORE:Fala finìa che no vói gnanca scoltàr.A ti el sarvèl in àqua el t’è andà:no te fè che dir su e parlar de parità.Mi, invésse, no fasso altro che pensar a ti.parità ghe saréa se anca ti te lo faséssi con mi.

SPETTATRICE :Ancó, de barufàr, ti te gh’è ‘na gran óia.Làsseme scoltàr e métela in móia.

55



Entra il narratore.

NARRATORE:La colpa originàl adesso l’è completa,in vento la se cambia la fresca ariéta:de nóvo la Tèra tuta quanta la scurla,in mèzo a le raìse se scónde la surla.Le bestie le siga, el musso el pessàta,la cérca la mama la cavra apéna nata,El cél, ‘n’altra òlta, de piombo el se fa,ma ‘l fior no ‘l la vól la làgrema cascà.Adamo e Eva come imbriàghi i pàre tuti contenti i se méte a saltar.E quando i se ferma e nei òci i se varda,nel cór i se sente na óia bastarda.De Adamo l’espressión la se fa sporcacióna,le mane el slónga par tocàr la so dòna.Eva la civéta, la se reména, la lo lassa far:el piasér de la carne i scomìnçia a gustar.

Il narratore esce.

SCENA SESTAPERSONAGGI: Adamo, Eva

Entrano Adamo ed Eva tutti alterati.

ADAMO:Se avésse conossù del pomo el benefìssio,prima de adesso me toléa sto bel sfìssio.Subito lo magnàvo, apéna El t’à creà,assè són contento de quel che ò proà.El tempo che émo perso, lo vói tuto riciapàr, a sta roba gran bèla no sò più rinunciar.Che indormensè che sémo stà fin a ieri!Ristoràdi i è adesso tuti quanti i me pensieri.Altro che Morte! Altro che guai!Mi, bèla così, no t’ò visto mai.Drénto me sento ‘n gran fógo brusàr,mi, tra i me brassi, te g’ò da riciapàr.

56


EVA:Ciàpeme, Adamo, che contenta mi són,fame de tuto, che no fasso questión.

I due si abbracciano e escono di scena uno avvinghiato all’altra.

SCENA SETTIMAPERSONAGGI: narratore

NARRATORE:In zughi d’amor, quei du i s’à stracà,là, in mèzo a l’erba, ‘n sòno i se fa.Quando i se svéia, imbriàghi più no i è,intorno i se varda e i salta in pié.I òci i spalanca con fàce inseminìe,le do creature le se sente tradìe: una dal bisso, l’altro da la dòna,par tèra i è fiapìi i fiori in corona.Nuda l’è la pèle e coèrsarla i vól,ma con solo le mane, farlo no se pól.Su la tèra i se sènta e muti i resta,bassa, sul pèto, ghe casca la testa.Adamo l’è, che ‘l riciàpa a parlar,ma tristi discorsi el fa lu scoltàr.

Il narratore esce.

SCENA OTTAVAPERSONAGGI: Adamo, Eva

ADAMO:Maledéto quel bisso che al Mal el t’à tentà,i era tute busìe quéle che ‘l t’à contà.L’è Satana che la parola el g’à dato,el serpente l’à usà par tiràrte in pecàto.Adesso i nostri òci i s’à spalancà:el Ben i vede e tuto quel che è passà;ma più ciàro l’è el Mal, adesso lo vedémoe, drénto nel cór, gran amaro lo sentémo.A i angeli, a Dio, presentàrme come fasso?La fàcia me scóndo con questo me brasso.

57


Come posso mi vardàr verso el Paradiso?Come posso far védar sto spórco me viso?Verzìve, foreste, e magnème in un bocón;vói vìvar al scuro e móarme de scondón. Vèrzete burón, stréto, nero, frédo e fondo,ciàpeme par le gambe e scancèleme dal mondo.Coèrsìme tuto, pini, róari, rubìnie e salgàri,mi più no vói védar del giorno i ciàri!

Si rivolge a Eva.

Le nostre vergogne intanto coersémo,rosso mi devènto se nudi girémo.Scandalo i dà sti corpi al vento….G’ò avùdo ‘n’idea, spèta ‘n momento.Varda qua, gh’è ‘na pianta de figo,adesso anca ti fa quel che te digo.Ciapémo ste fóie, lighémole vissìne,tól le più grandi, lassa star le picenìne.A i fianchi nostri, metémole atórno,le nostre vergogne tolémo dal giorno.

Adamo ed Eva si cingono i fianchi con le foglie.

E adesso spetémo la So punissión,drénto me sento de le brute sensassión:ràbia, paura, ‘n gran bisogno de barufàr,le me mane le suda par la óia de sberlar.Se sta ósse mia ti te avéssi scoltà,adesso no saréssimo du pòri desgrassià.Desiderio te g’avéi de nar da sola in òlta,adesso come stèto che la óia te te la sì tolta?Se ti, vissìn a mi, come sempre te restavie le me preocupassión sul serio te ciapàvi,qua insieme saréssimo, felìssi ancora,e invésse, Eva, sémo andàdi in malora.

EVA:Varda, Adamo, che són za imbestiàda,stessa de ti mi són stà impastàda;te me dè la colpa de quel che è sucèsso?Se restavo vissìn a ti, ghe cascàvo istésso.Són sicura che anca ti el t’avaréa imbroià,se, par primo, el bisso el t’avésse catà.

58


Quéla lónga bestia la paréa sincera,la parola sua la sonàva come vera.De tanto odiàrme motivo no la g’avéa,atènta mi scoltàvo e tuto me bevéa.‘Na to costa no són più, da starte tacà,a mi me spèta ‘na s-ciànta de libertà.Ti te me comandi, te sì de tuto el parón,ma deciso no te eri ne la to proibissión.Nar via da qua no te dovéi lassàrme,mane e anca pié te g’avéi da ligàrme.Póco t’è insistìo, se la verità g’ò da dir,quel che è sucèsso te lo podéi impedir.

ADAMO:Sa me tóca sentìr! Èlo questo el to amor?Mi tuto te l’ò dato quel che gh’éra nel me cór.Con ti ò volù divìdar la tremenda sorte,magnando quel pomo ch’el dà la Morte,quando, in sto giardìn, mi vìvar podéa…Ma de pèrdarme con ti g’ò avùdo l’idea.E adesso te disi che l’è mia la colpa?Ti, par prima, t’è magnàdo la polpa.Più de ‘na òlta t’ò dito de restar,ma ti, gran dura, t’è volùdo andar.Che gh’éra pericolo dito te l’avéa,no ò insistìo parché forte te credéa.Par massa fiducia mi adesso me despéro…Te ghe voléa proprio ‘n pómo? No bastàa ‘n péro?

EVA:Varda, Adamo, che più no me tègno,‘na dòna són, e no són fata de legno.Finìssila de sigàr, più no ghe ne posso.

ADAMO:Èto volù la polpa? Ciàpete anca l’osso!

Adamo ed Eva escono di scena.

SCENA NONAPERSONAGGI: spettatore, spettatrice.

SPETTATRICE:La luna de miél tuta quanta i se l’à magnà

59


e adesso no è restà che du pòri desperà.Quando massa se barùfa, più gnénte gh’è,l’è mèio che uno el vaga fóra dai pié.

SPETTATORE:E ci sarésselo quel che ‘l g’à da nar?

SPETTATRICE:De çèrto l’òmo, no gh’è gnanca da pensar.

SPETTATORE:Mi, a la dòna, ghe riconósso la paritàma la casa la lassa, se la m’à stufà.

SPETTATRICE:Prima te parlavi de ‘n amor che mai finìsse.

SPETTATORE:Credéa de parlar co’ ‘na dòna che capìsse.Ma el to bel sarveléto me sà che l’è udo.

SPETTATRICE:Maledéto el giorno che t’ò conossùdo.

SCENA DECIMAPERSONAGGI: narratore

NARRATORE:L’òcio de Dio dal cél el vedéa tuto:‘n disastro l’à fato Satana farabùto.Ingàno no esiste che ‘l possa Dio busaràr:la ciàra So mente no se pól inganàr.El lo savéa ben come l’éra che l’andava,za quando Satana da l’Inferno el scapàva.I angeli guardiani in su i sgóla,nissùn de lóri el dise ‘na parola.Come tuto è sucèsso spiegàrse no i sà,anca lóri, dal bisso, i se sente imbroià.Davanti a Dio, subito i se presentae de tuto contàrghe insieme i tenta.Ma bisogno no gh’è de tante spiegassión,i à fato el so dover in ogni ocasión.Co’ i òci bassi el li vede el Signore così el ghe dise par alsàrghe l’umor:

60


“Colpa no g’avì par el pecàto de l’òmo,za lo savéa che ‘l magnàva el pomo.De farlo o nò, lu lìbaro l’éra,adesso l’è là, che tanto el se despéra. Ben i lo sà, che li g’ò da castigar,la giustìssia l’è così che la me dise de far.Cosa èlo che fasso? Ghe dago la morte?Che questo mi decida, i dubita forte.La me punissión ghe l’ò fata spetàre fòrsi za i pensa che li vói risparmiar.Ma prima de sera, sul copìn i se la cataquèla ingiustìssia che a mi m’è stà fata.Qua, de perdón, proprio no se parla,quéla gran semàda, i podéa no farla.Caro Fiól, a giudicarli mi ti te mando,al posto mio, te ciàpi el comando.Mi lo sò ben che i te fa tanto de pecà,mìssia la giustìssia co’ ‘na s-ciànta de pietà.Ma ti che de l’òmo te sì el difensór,tien conto che quel l’à oféso el Signor.Lìssia, caro Fiól, no i la g’à da passar,a la so punissión ti te gh’è da pensar”.Così l’à dito de l’universo el Dio,ma Satana pura el ghe n’à fato ’n desìo.Anca par lu ghe sarà ‘n castigo,cara el la pagarà, del Cél, el nemìgo.De bòto ‘na luce che la pàr de sol,intiéra la invòltola la figura del Fiól;fàcia e corpo quei del Pare i devènta,a partir El se parécia e più no ‘l se senta.Al Pare El ghe dise, in tuta umiltà:“Quel che Te comandi to Fiól El lo fa.Quei du pecatóri vago subito a giudicar,ma la colpa su de mi la g’à da cascar.Così è stà deciso, così T’è promesso,de èssar pietoso Te m’è dato el parmésso.Mi te scongiuro de indolçìr el castìgo,parché, de l’òmo, mi són sempre l’amìgo”.Così el dise e subito el parte,nel cél el sgóla con fòrsa e arte.El sol, ormai, el se stà cuciàndo,fresche ariéte le riva supiàndo,le fóie le smóve l’erba e i fiori,più scuri i devènta tuti i colori.

61


I osèi, a muci, su i rami i se posa,la rosàda la çérca la bèla rosa.Le ombre tute, più lónghe le s’à fato…La Tèra la ringràssia par el giorno dato.Le bestie le se ciàma, le çérca compagnia,el dì el se prepara par èssar portà via.La viola, picenìna, la sbassa la testache za la ghe pesa, e così la resta.L’ava ciacolóna la scomìnçia a tasér,contenta l’è de aver fato el so dover,Svelto el barbastréio el salta fóra,ma le stéle, in cél, no le gh’è gnancóra.EL Fiól l’è rivà e intorno el se arda,el çérca co’ i òci la còpia bastarda.La ósse El alsa, forte El li ciàma,el sol, ormai, el smòrsa la so fiàma.I so nomi ciamàr i sente i pecatórie via i scapa, pestàndo erbe e fiori.Vergognosi i se scónde nel bosco più scuro,mostràrse a quei passi, par lóri l’è duro.El Fiól, con passiènsa, el li ciàma ancora,da la so santa bóca, ste parole vien fóra.

Il narratore esce.

SCENA UNDICESIMAPERSONAGGI: Gesù

Entra in scena Gesù che si rivolge ad Adamo, nascosto fuori scena.

GESÚ:Sa fèto, Adamo, scàpito via?Così tanto la te pesa la vista mia?Andóe èle le feste che prima te me faséiquando, da lontan, rivàr te me vedéi?

Gesù esce dirigendosi verso il luogo in cui sono nascosti Adamo ed Eva.

SCENA DODICESIMAPERSONAGGI: narratore

Entra il narratore.

NARRATORE:

62


Adamo, pian pian, dal bosco el vien fóra,Eva la ghe va drio, incerta ancora,De brasa i g’à la fàcia, i próa vergogna,spórchi i se sente, come pieni de rogna.Amor più no gh’è nei smòrti so òci,par colpa e paura ghe trema i zenòci.Adamo l’è che ‘l coràio el tróva,parole el dise co’ ‘na ósse nóva.

Il narratore esce.

SCENA TREDICESIMAPERSONAGGI: Adamo, Eva, Gesù

Adamo ed Eva arrivano da una parte e Gesù dalla parte opposta.

ADAMO:Quando T’è ciamà, mi T’ò sentìo,ma nudo l’éra sto corpo mio.Ste fóie le ne scónde ‘na s-ciànta,ma la pèle descoèrta l’è ancora tanta.

GESÚ:Del to corpo nudo te prói pudor?No èlo par el fato che t’è oféso el Signor?De quel pomàr el fruto l’èto magnà?Ben me ricordo che ‘l t’éra vietà.

ADAMO: Mi ero qua con dei fiori in man,quando rivàr l’ò vista da lontàn.Qualcosa la g’avéa che era cambià,el pomo la m’à dato e mi l’ò magnà.

GESÚ:Ci èla Eva? Èla fòrsi el to Dio?Èto messo la dòna al posto mio?Ma qua, èla Eva che comanda?Dà na risposta a questa dimànda.Da ‘na to costa l’è stà formàda,éla, da ti, la g’à da èssar comandàda.Beléssa e gràssia i è tute par ti,e invésse mi vedo che servo te sì.E ti, dòna, cosa èto combinà?

63


EVA: ‘N bisso catìo el m’à inganà:el pomo ò magnà e anca de gusto,quel che mi ò fato lo credéa giusto.

GESÚ:Serpente carogna, in eterno te maledìsso,sempre ci te vede el ciaparà ‘n sguìsso.Co’ la pansa par tèra, scónto te strissiarè,con pólvar e paltàn el to pasto te farè.Tra la Fémena e ti, sempre guèra ghe sarà,ma da ti el so calcàgno no ‘l sarà smorsegà.Mèio saréa che gnanca te ghe proàssi,maciàdi dal to sangue i restaréa i sassi.Sóto i so pié, el to sarvèl la schissarà:la Vergine Maria la testa la te pestarà.

Rivolto a Eva.

I fiói te partorirè sigàndo dal dolor,con quel che t’è fato t’è perso l’onor.Far te devi sempre la volontà del to òmo,questo te meriti par aver magnà el pomo..

Rivolto ad Adamo.

Con fadìga, ti, Adamo, la tèra te laorarè,par fóra cavàrghe quel póco che gh’è.Le erbe dei campi podarì magnàr,el gran de forménto impararè a pestar.Co’ bianca farina a àqua missià.el pan g’avarì, ma sempre strasudà.Co’ pólvar fato, pólvar te tornarè,de mali e magàgne ghe ne sarà assè.

Rivolto a entrambi.

Mi adesso ve risparmio de subito morir,ma ne la vita ve condàno a sempre patir….El tempo el cambia, fréda se fa la sera,sì ancora tuti nudi e verde g’avì la siéra.Co’ ste pèli de bestie mi adesso ve coèrzo….Par qualcosa cambiar, el me cór mi no vèrzo.

64


Adesso g’ò da lassàrve, al Cél mi torno,vuàltri dormì, che finìo l’è el giorno.

Gesù esce. Adamo ed Eva si coricano coprendosi con le pelli.

ATTO SESTO

SCENA PRIMAPERSONAGGI: spettatore, spettatrice

SPETTATRICE:Te pól imaginàrte se quei i dormirà:de bòto i se tróva du pòri desgrassià.Indigèsto l’è stà quel rosso pomo:mal el g’à portà a la dòna e a l’òmo.

SPETTATORE:In odio gh’è andà pómi e pomàri,anca sènsa tastarli, i li sente amari.Ma come se fa par ‘n pomo ruinàrse?Gh’era tante robe par la fame cavàrse.

SPETTATRICE:Al pomàr i g’à ciamà “àlbaro de la Siènsa”,par tuto capir, mi no g’ò tanta sapiènsa.I à dito che Eva la voléa èssar come Dio,in sto modo no l’è andà, par conto mio.Ci te dise che de ’n pomo se tratàva?Fòrsi, ‘n’ altra roba Dio el vietava.El pomo l’è servì a scóndar de pèzo:qualcosa de grosso gh’éra de mèzo.

SPETTATORE:Cosa? Dìmelo! Cosa stèto pensando?

SPETTATRICE:Par mi i à fato qualcosa de nefando.Eva, con Satana, ‘na porcàda l’à combinà:de corni se trata, così mi ò pensà.

SPETTATORE:Ma fame ‘n piasér! Questo no l’è sucèsso,ti te stè mal, se no te parli de sesso.Ste robe, alóra, gnanca i se le insognàva,

65


fedele al compagno la dòna la restava.Adesso, invésse, la fedeltà più no se usa:i corni se se fa sènsa gnanca’ na scusa.

SPETTATRICE:La fine de ‘n amor tuto la spiega,el me ragionar no ‘l fa ‘na piega.Ma gh’è ‘naltra roba che mi no capìsso:che fine àlo fato quel pòro bisso?Me intendo quel che Satana l’à ciapà,che la bóca el g’à vèrto e drénto el s’à infilà.Par mi, quéla bestia de sicuro l’è morta…E alóra, qualchedùn, el ne la conta storta.E le pèli che Gesù sul brasso el g’avéa,no le à fato che confermar la me idea.‘Na bestia spelàda, de vìvar la finisse:così el la pensa ci qualcosa el capìsse.E alóra mi digo che la Morte la gh’éra za,tre pòre creature la s’avéa za magnà.

SPETTATORE:Ti te vè in çérca del pél su l’óvo,a çercàr dei difèti, mi gnanca ghe próvo.Cissà sa el voléa dir ci à scrito sta comèdia!Va a çercàrlo e dighe ch’el ghe rimedia.

SCENA SECONDAPERSONAGGI: narratore

Esce il narratore.

NARRATORE:Drénto a le fiàme gh’è la Colpa e la Morte,vèrte i è adesso de l’Inferno le porte.Spalancàde i è stà dal pecàto de l’òmo,che de l’àlbaro de la Siènsa, l’à magnà el pomo.

Il narratore esce.

SCENA TERZAPERSONAGGI: Colpa, Morte

66


Inferno

Entrano in scena la Colpa e la Morte.

COLPA (rivolta alla Morte):Ma come se fa a pèrdar tempo così?No sito mia stufa de restar sempre lì?Ci a l’Inferno el ne comanda, in òlta el va,Satana, ‘n mondo nóvo el n’à procurà;e noàntre stémo qua co’ le mane in man,sènsa preocupàrse de ancó e de dimàn.De Satana la vitòria ne l’aria mi sento,ma s’el fósse tornàdo, el saréa qua drénto.Fiorir mi me sento ‘na fòrsa tuta nóva,qualcosa me dise che a sgolàr mi próva.Fóra da qua, da le fiàme che brusa!L’è ora de mostrar la nostra musa.Vissìna mi me sento adesso a la Tèra,Satana nostro l’à finìo la so guèra.Ti, che sènsa de mi, mai te pól star,tacàda al me fianco te gh’è da sgolàr.Sul fondo burón, che in mèzo el stà,tra l’eterna fiàma e el mondo creà,lóngo e largo, ‘n ponte fémo,comode, su la Tèra, andar podarémo.Tuti quanti i demòni contenti i sarà,fóra da l’Inferno fadìghe mai i farà.

MORTE:Quel che te fè ti, lo fasso anca mi,da sempre ‘na gran fiducia mi g’ò de ti.

La Colpa e la Morte escono di scena.

SCENA QUARTAPERSONAGGI: narratore

Entra il narratore.

NARRATORE:Come ‘na iena che ‘l morto la sente,l’aria la snasa la Morte fetente.Ghe casca da la bóca giósse de óia,

67


la tonda pansa l’è tuta móia.L’Inferno le lassa la Colpa e la Morte,sgolàndo le passa le vèrte porte.In quàtro e quàtr’ òto ‘n ponte le fa,el va da l’Inferno al mondo creà.Colpa e Morte el ponte le à finìoe Satana le vede che ‘l torna indrìo.Dopo che Eva l’avéa imbroiàdo,lu, tra le piante, el s’éra imboscàdo.Tuto l’à visto, spiando tra le fóie:de Adamo e Eva le spórche óie.Ma quando è rivà el Fiól de Dio,i calcàgni sói i ghe tocàa el dedrìo.De nòte, dopo, su la Tèra l’è tornàdoe visto l’à cosa l’avéa combinàdo:Adamo e Eva i pianséa desperà,de pèli coèrti, su l’erba schissà.Verso l’Inferno, contento l’à vardàdo,el ponte l’à visto, da póco fabricàdo.A bóca vèrta, l’è restà el demonio:l’éra ‘n àtimo rivàr al Pandemonio.Ben el l’à vardà, l’éra forte e robusto,in quel rimirar l’à proà ‘n gran gusto.I labri l’à tirà su par farse ‘na ridàda,i denti l’à descoèrto par la gran sganassàda.La Colpa, catìa, la se godéa assè,parché, a l’Inferno, se ghe rivàa a pié.

Il narratore esce.

SCENA QUINTAPERSONAGGI: Colpa, Morte, Satana

Un ponte sospeso nel vuotoDa due direzioni opposte, entrano la Morte e Satana,

COLPA (rivolta a Satana):De la to gloria el ponte l’è el monumento,co’ la Morte l’ò fato e finìo in ‘n momento.De la to vitòria l’odor mi ò sentìoe la Morte me són portà al fianco mio.Mi, a l’Inferno, no ghe podéa più star, trovar mi dovéa qualcosa da far.El mondo nóvo adesso l’è tuo,

68


far t’è podù quel che t’è volùo.Tuto el dolor par el Cél patìo, gràssie a ti, adesso l’è finìo.El mal che i n’à fato i l’à pagàquei che nel fógo i n’à sgnacà.Tèra e Inferno i è tuti tói,afàri te fè quando te te mói.

SATANA:Brae sì stà, Colpa e Morte,bruta l’è deventà de l’òmo la sorte.El ponte vostro du regni l’unìsse,el nostro tormento qua el finìsse.Adesso mi, verso l’Inferno vago,co’ i diàoli méi ‘na s-ciànta stago.Quel che è sucèsso subito ghe conto,l’è tuto nostro quel mondo rotondo.Voàltre, ne l’Eden, comode metìve,de tuto podér far, lìbare sentìve.L’òmo, Colpa, el to schiavo el sarà,fin che da la Morte no ’l sarà magnà.Ne le vostre mane, la me fòrsa méto,del regno nóvo el possèsso ve prométo.

Colpa, Morte e Satana escono.

SCENA SESTAPERSONAGGI: narratore

Entra il narratore.

NARRATORE:Dopo ste parole, Morte e Colpa le vaverso la Tèra da Satana conquistà.Le mòla volando ‘na sia de velén,ogni stéla incontràda pàlida la vien.Satana, intanto, ne l’Inferno el va drénto,de portar la notìssia l’è tuto contento.Ma nissùn el vede. Andóe èi andà?Tacàdi al Pandemonio i diàoli i è mucià.Da la testa ai pié, tuti i è armàdi,dubiósi el li vede e ‘na s-ciànta bastonàdi.De Satana i sucèssi ancora no i conósse.El capo el li ciàma alsàndo la ósse.

69


Quei i se òlta e i vede el so re,par far ‘n gran salto i alsa i pié.Evìva i siga, ‘na gran festa i ghe fa, de tàsar el ghe dise Satana sentà.A tuti el ghe conta sa l’à combinàdo,la storia ghe piàse de l’òmo inganàdo.Fermo el spèta de sentìrse lodar,ma da mile e più bóche el sente supiàr.Qualcosa sucéde che ciàro no l’è,in basso el varda e no ‘l vede i pié.El còl el se tira, i brassi i sparìsse,lóngo destéso par tèra el finìsse.El muso el g’à, adesso, tiràdo a pónta,quel che l’à fato Satana el sconta.Parlar el vól, ma no ‘l fa che supiàr,‘na léngua a do pónte no la pól che lecàr.E tuti i altri diàoli stessi i è deventà:fradèi del bisso che Eva l’à tentà.I se intòrcola, i strìssia, i se reména,mai s’à visto ‘na più bruta séna.E lì vissìn, come par ‘na magìa,àlbari crésse con pomi tacà via.‘N bosco se ne fa che più no ‘l finìsse,el castigo de Dio tuti quanti i capìsse.‘N àtimo apéna e i se brusa de sé,ma subito i se inAcòrse che la fame l’è piassè.I pOmi i varda e sóra i ghe se buta,con uda la pansa e la bóca suta.Su le piante i se rampéga e i pomi i tól,roéio più bruto védar no se pól.‘N bosco de pomàri più no ‘l pàr,‘na foresta de bissi gh’è lì da vardàr.El fruto i brinca, i ciàpa el più vissìn,ma la polpa la devènta çénar e frusìn.Mal i ghe resta e subito i spua,l’è tanta la sé e la pansa no l’è passùa.‘Na s-ciànta i spèta e dopo i ripróa,la bóca i stòrse, ghe se indrìssa la cóa.Altre òlte i se ris-cia, ma gnénte da far,pomi piassè tristi no i pól magnàr.Ancora i ghe ripróa, ma demòni i se rifà,i àlbari i sparìsse, solo tèra resta là.Sié òlte a l’àno la ritorna sta punissión,i la paga cara de Eva la tentassión.

70


La Colpa farabùta ne l’Eden l’è rivàda, intorno la varda la tèra conquistàda;dedrìo ai calcàgni gh’è la Morte assassina,de l’òmo pecatór terór e rovina.La bóca la vèrze la Colpa slandróna,e così la ghe dise a la Morte magnóna.

Il narratore esce.

SCENA SETTIMAPERSONAGGI: Colpa, Morte

Entrano in scena la Colpa e la Morte.COLPA (rivolta alla Morte):Sa èlo che te pàr de sto nóvo impero?Questo el sarà el to grando cimitero.

MORTE:Mi da la fame, són sempre tormentà,de andóe mi stago importànsa no g’à.Se g’ò da magnàr, ben mi me tróvo,sperémo che ghe ne sia in sto mondo nóvo.

COLPA:Intanto qua, gh’è fiori e tanti fruti,e sti animài magnàrli te pól tuti,Bòni i è, gran teneri e saorìi,gh’ è osèi che sgóla e anca nei nìi,péssi ne l’àqua, belve su la tèra,da magnàr te ghe n’è da matìna a sera.Par i mèio bocóni, spèta ‘na s-ciànta,dopo de Adamo, de gente te ne dò tanta.E adesso dividémose, par el mondo némoe tuto quel che vive con velén impestémo.

Colpa e Morte escono di scena.

SCENA OTTAVAPERSONAGGI: narratore

Entra il narratore.

NARRATORE:

71


Colpa maledéta, desgràssia de l’òmo,de l’ànema velén, fióla del pomo;con denti che sbréga te strassi ogni cór,drénto te te spandi con gran dolor.E ci gnénte sente perso l’è za,drito a la Morte el sarà consegnà.Morte de l’ànema, fine de tuto,perso l’è ci no dimànda aiuto.Rimorsi, rimpianti, pentimenti,dopo la colpa, primi momenti,momenti che dura, che più no i finìsse,paróni de l’ànema de quei che tradìsse.Òrbo el devènta ci casca in pecàto,più no ‘l vede el ben che i g’à fato.I fiori dei pra i perde el so color,grisi i devènta ai òci del cór;par tèra i casca, dal pié i è schissàdi,da ci de là passa, no i è vardàdi.Fiori no la çérca ‘n’ ànema malàda,e più no la gode de l’aria parfumàda;fastidio ghe fa la rosàda che bagna,ombra e basta la ghe dà la montagna.Fulmini la porta la nuvola in céle tompèsta che ferma le ale de l’osèl.Spini le méte le piante de rose,la discordia le belve la fa rabióse.El se buta el lupo sul tènaro agnèl,qualcosa ghe cambia drénto el sarvèl.El león e la tigre i tòna ragósi,le bestie i varda con òci golosi,sangue i bée e carne i magna;de brina l’è bianca la suta campagna.El sol, in cél, el cambia la so strada,l’eterna primavera l’è za passàda.Frédo se fa, le fóie i è tute giàle,zó le casca come morte farfàle.Tuti nudi i resta i rami neri,stéssi no i è de quei de ieri.El sùpia el vento, el mar el roèrsa,piànse tra l’erba ‘na pégora persa.El pomo el smarsìsse dal verme magnà,deluso el resta ci par fame el l’à tocà.E dopo vien el caldo, la piéra la scòta,se séca la tèra, l’erba l’è còta.

72


Pàia la se fa e nissùni la magna,le ritarda in cél le nuvole che bagna.El bisso rabióso el ciàpa la rana, la ólpe ‘n cunèl la spia da la tana:el va el can co’ la léngua fóra,bate su la testa ‘n sol de la malora.Da Eva e Adamo, altre vite vegnarà,ma con drénto el velén, i fiói i nassarà.

Il narratore esce.

SCENA NONAPERSONAGGI: spettatore, spettatrice.

SPETTATRICE:Cosa? Questo nò, i fiói no se li tóca: lóri, sul pomo, no i g’à messo la bóca.

SPETTATORE:La Colpa la fa questo e anca de pèzo,gnénte ghe importa se butìni gh’è de mèzo.Viliàca la se infìla in córi inocènti,velén la ghe uda strenséndoli fra i denti.

SPETTATRICE:Ma sta cativèria le vórlo el Cél?

SPETTATORE:Tuti quanti el ne coèrse el so mantèl.

SPETTATRICE:Sa ghe ne fai i butìni de la libertà?

SPETTATORE:I paga quéla de so mama e so papà.S’ài fato i butìni de la gente afgana?E quei che no i era de la rassa ariana?

SPETTATRICE:Mi no le capìsso ste robe così grosse,da piànsar me vien e me manca la ósse.

SPETTATORE:S’àlo fato quel butìn nel lèto copà?

73


La dise la gente che so mama l’è stà.

SCENA DECIMAPERSONAGGI: Adamo

Entra in scena Adamo.

ADAMO (rivolto a un figlio ipotetico)Scùseme, fiól, par quel che t’ò fato,anca el velén co’ ‘l me sangue t’ò dato;te sconti ‘na colpa che tua no l’è,Dio,con questo, El me castiga piassè.Cosa dirài quei che vIen dopo?De la vita mia qual èlo el scopo?Par mali dispensar al mondo són vegnùo,par èssar malédeto mi sarò conossùo.Par sempre restarò quel pare desgrassiàche tuti i so fiói, par ‘n pomo, l’à ruinà:resón el g’avarà ci dirà “pòrco Adamo”;par “pòrco” no dir, mi gnanca me ciàmo.Se morir de ‘n colpo almànco podésse!El Signor no ‘l mantièn le so promesse.Morte el dà el pomo ai furbi che l’à magnà,e invésse, vivo mi són e ancora stò qua.No ero che pólvar e òmo Lu el m’à fato,no l’è stà par el me volér che mi són nato.Se quel che ‘L m’à dato, El lo crede ‘n piasér, mi, de ridàrghelo, me sento in dover.De ritorno El g’avarà quel che ò ricevùo, e che morte me vègna dal brasso Suo.Morte amìga, sorèla, fine de tuto,mi són qua che te dimàndo aiuto.Mèti ‘n basta ai me patimenti,vìvar no posso co’ nel cór sti tormenti.E se, par caso, dal tuto no morìsse?Sémo sicuri che anca l’ànema la finìsse?Se quéla la vive, la continua a patire solo nel corpo mi me sento morir.‘N suplìssio eterno l’ànema la vivarà,el mal che l’à fato sempre la pagarà.Signor del Cél, mi gnénte ò dimandà,al mondo són vegnùo da ti creà;tuto te ridàgo, de nóvo te lo digo,ritorna a èssar el me grando amìgo.

74


Se gnanca la Morte la pól libaràrme,giusto no l’è quel che te vól farme.El castigo mio l’è più grando del pecàto,gnénte mi me tègno de quel che te m’è dato.Ma sa élo che digo? Sa èlo che penso?Fasso dimànde che no g’à nissùn senso.L’è come se ‘n fiól el dimandàsse al papà:“Parché m’èto fato? No te l’ò dimandà”.L’è la natura che la fa nàssar el fiól,cambiar le so légi nissùno pól.Da l’amor del Cél mi qua són nato,‘na s-ciànta de Lu el m’à anca dato.Amor ghe dovéa e anca ubidiènsa,adesso no me resta che far penitènsa.Ah! Se podésse pólvar tornar!Se ànema e corpo El fasésse crepar!Carne de la me carne, fiói che nassarè,par la colpa mia, tuti quanti pagarè.E dopo voàltri, anca i fiói che vegnarà,‘n pecàto mai fato, par mi, i scontarà.Bèla eredità quéla che ve consegno,de métarve al mondo gnanca són degno.Se sul monte la sorgente l’è inverinà,verinósi sarà i fiumi che da éla nassarà.Dio no ‘l pól far de le robe storte,acetàr mi devo la me triste sorte.

Adamo si accascia piangendo.

SCENA UNDICESIMAPERSONAGGI: narratore, Adamo

Entra il narratore.

NARRATORE:Adamo el piànse ne la nóte scura,le ombre dei àlbari le méte paura;la luna e le stéle scónte le stà,le bestie le dorme, ma versi le fa. Finìe i è le nòti fresche e ciàre,adesso no resta che ore amare.L’aria la pesa, la pàr sofegàr.Adamo l’è là, a piànsar e a sigàr.Riva la so dòna e così la lo vede,

75


de no èssar più amà éla la crede.Co’ parole e làgrime la próa a parlàrghe,par védar se lu el vól perdonàrghe.

Il narratore esce.

SCENA DODICESIMAPERSONAGGI : Adamo, Eva

Entra Eva che si inginocchia accanto ad Adamo.

EVA:Pardón te dimàndo, Adamo caro,la colpa l’è mia se ‘l vìvar l’è amaro.Cosa ne spèta, ormai lo savémo,l’è mèio che in pace intanto stémo.Vàrdeme ancora co’ i òci de ‘na òlta,anca se sò ben de no èssar assolta.Adamo, dime ancora parole d’amor,‘na s-ciànta de respiro daghe al me cór.

ADAMO:Mi sempre te amo, Eva adoràda,da quando al me cór El t’à consegnàda.La colpa del pecàto, la vói tuta su de mi,protégerte dovéa, nòte e dì.

EVA:Ma cos’èlo che te disi? L’è mio el pecàto,el pomo ò magnà e anca a ti te n’ò dato.Són tanto in pensiér par i nostri fiói,de dirte sa ò deciso adesso mi vói.Copémose, Adamo, e la rassa fermémo,solo noàltri la nostra colpa pagarémo.

ADAMO:Te ricòrdito, Eva, cosa i n’à dito?‘N giorno el bisso el sarà sconfìto:el pié de ‘na dòna el lo schissarà,sta santa creatura da l’òmo la vegnarà.Se adesso morémo, ci èlo che ghe pensa?Ci èlo, in sto mondo, che farà soménsa?A morir adesso, no sémo destinà,da la nostra unión, tanta gente nassarà.

76


La tèra bagnarò co’ gósse de sudór,ma par sempre amar g’avarò ‘n cór.I fiói te g’avarè tra dolori e pianti,ma a vìvar in sto mondo sarémo in tanti.La vita de ‘n fiól la scancèla i dolori,a tuto la ghe ridà parfùmi e colori.Se par pregàr, i zenòci pieghémo,fòrsi, dal bòn Dio, pietà g’avarémo.Insegnàrne El pól sa gh’émo da farquando l’inverno el tacarà a ingiassàr..Varda lassù la çima de quel monte,de neve l’è bianca, de giàsso l’è la fonte.El vento che sùpia el pàr bagnà,via el se porta le fóie de l’istà.Tra póco i rami i sarà descoèrti,el Cél i pregarà come brassi vèrti.El fógo émo visto, dal fulmine nato,de ‘n verde pino, çénar l’à fato.Le scaldàva le fiàme dal Cél vegnùe,imparar dovémo come le va mantegnùe.Podarémo robàr del sol ‘n tochetìn,ma solo s’ el bòn Dio el ne stà vissìn,se pietà El sente par i nostri patimenti,se pardòn dimandémo con veri pentimenti.Tornémo nel posto andóe el n’à giudicà,fòrsi el pól farne ‘na qualche carità.Co’ i zenòci par tèra, confessémo el pecàto,pentémose sinceri par quel che émo fato.‘N dimàn, par noàltri, rivarà la Morte,la nostra colpa la g’à vèrto le porte.Sta carne de òmo, pólvar la se farà,questo l’è el destìn de tuta l’umanità.Ma l’amor el ne resta, questo l’è sicuro,el vìvar nostro no ‘l sarà così duro.

SCENA TREDICESIMAPERSONAGGI: spettatore, spettatrice

LETTRICE:A mi quel òmo, el me piàse assè,me sento la pèl d’òca parfìn nei pié.Che fòrsa! Che coràio! Che amor!Par la so dura sorte, me piànse el cór.

77


SPETTATORE:Se proprio piànsar te devi, falo par ti,motivi ghe n’è assè, te lo digo mi.De Adamo la sorte g’avémo istéssa:l’è stà mantegnùa quéla promessa.Se némo a laoràr, la colpa de ci èla?La vita nostra no l’e piassè bèla:Morte, malatìe, fadìghe e dispiaséri,e quando la va ben, g’avémo i pensieri.

SPETTATRICE:Adesso che ‘l moràl te me l’è tirà su,tiènte pur sicuro che no piànso più:le vene me tàio par la depressión,no basta le làgreme par la me disperassión.

SPETTATORE:Ma tute ste robe, no le savéito za?

SPETTATRICE:Sì, ma par ‘n àtimo, me le ero desmentegà.

SCENA QUATTORDICESIMAPERSONAGGI: narratore

Entra il narratore.

NARRATORE:I camìna quei du, co’ la man ne la man,vergognoso el so passo el va pian pian.Nel posto i riva de la trista sentènsa,la testa i piega co’ ‘n’ umile rivarènsa.Par tèra i se inzenòcia, i piànse, i se despéra,el vento el scancèla l’eterna primavera.El sente el Fiól sti sinceri pentimentie drénto ghe se smóe tuti i sentimenti.Dal Pare el va, davanti al so trono,par Adamo e Eva, el dimànda perdono.

Il narratore esce.

SCENA QUINDICESIMAPERSONAGGI: Dio, Gesù

78


Paradiso

Entra Dio e si siede sul trono. Il Figlio lo segue e si inginocchia ai suoi piedi.

GESÚ:Varda, Dio, come i è desperàdi,la gràssia Tua la li à tocàdi.Prima che le làgrime tute le se sugàsse,o che, sènsa èssar viste, zó le cascàsse,mi tute le ò ciapà e te le ò portàde,De pianto de òmo ste mane i è bagnàde.Fa’ finta che ‘l sia mio tuto sto lamento,fàmelo scontar a mi sto bruto tormento.Mi no Te dimàndo de tuto perdonar,ma solo qualcosa dal castigo cavar.Rimanda la Morte a ‘n’ altra orae l’ànema de lóri fa tornar dessóra.

DIO:Par no contentàrte, massa Te amo,ma via dal giardìn mi vói l’Adamo:quel posto, par lu, adàto più no l’è,mai nissùn òmo el ghe posarà el pié.Massa l’è bèlo quel posto che ò creà,che lontan vaga l’òmo co’ l’ànema macià.Felìsse l’avéa fato e anca imortàl,contento no l’éra, l’à fato del mal.Imortàl posso far tuto el so dolor,ma Ci m’è fiól, de oro El g’à el cór.Quando sarà ora, la Morte la rivarà,ma mio el tornarà se del ben el farà.L’arcangelo Michele ti fa vegnér qua,a l’òmo el g’à da dirghe la me volontà.

Il Figlio di Dio si allontana.

SCENA SEDICESIMAPERSONAGGI: Dio, Gesù, A. Michele

Il Figlio torna subito con l’Arcangelo Michele.

DIO (rivolto all’Arcangelo Michele)Co’ ‘n s-ciàpo de cherubini par compagnia,

79


sgóla, tra le nuvole, su la Tèra mia.Ne l’Eden va e l’òmo manda fóra,de ‘n altro posto çercàr, par lu l’è ora.Ma duro no èssar, i córi i è fiàchi,tanto i à pianto e adesso i è strachi.Se sènsa far storie, da l’Eden, i parte,par ‘na s-ciànta consolarli dròpa la to arte.Del pecàto mortàl, dighe la conseguènsa:la colpa originàl l’e par tuta la so somènsa.Dighe che, con lóri, no gh’è nissùn de rabià,con parole de pace che i sia congedà.Sti brai cherubini a far la guardia méti,mi, quei posti, i vói sempre ben protèti.I g’à da spaentàr ci arènte se farà,co’ spade de fógo, el giardìn i difendarà. Dighe che Satana l’è furbo assèe che, ne l’Eden, el vól métar el so pié.A tór altri pomi quel diàolo el mira,par l’òmo tentar fin che vivo ‘l respira.

La scena si oscura. I personaggi escono.

SCENA DICIASSETTESIMAPERSONAGGI: narratore

Luce dell’aurora. Entra il narratore.

NARRATORE:A Levante el cél pian pian el se colora,de la ciàra aurora ormai l’è za ora.La se scónde la nòte in un vél tuto rosa,la se veste la Tèra e al Sol la va spósa.I bèe i fiori le fresche gósse de rosàda,se svéia i animài a la nóva giornàda.Adamo e Eva de pregar i finìssee ancora i g’à drénto ‘n cór che patìsse.Ma anca in lóri se impìssa ‘n’aurora,‘na s-ciànta de sperànsa la ghe torna fóra.‘Na sòrta de contentéssa adesso i sente:questo sucéde a ogni òmo che se pente.

Il narratore esce.

80


SCENA DICOTTESIMAPERSONAGGI: Adamo, Eva

Entrano Adamo ed Eva.

ADAMO:Drénto mi me sento come ristorà,le nostre preghiere i è stà scoltà.I nostri sospiri i s’à fati vapór,in alto i è andà, nel cór del Signor.La pace de l’ànema la chièta la mente,ben el ragiona l’òmo che se pente;de la promessa el senso capìsso,de la nostra soménsa, del pié e del bisso.Sicuro són che vivi El ne lassa,la g’à da continuar de l’òmo la rassa.Mama te sarè de tuta l’umanità,mama de la mame Dio el te farà.

EVA:Mi no lo merito tuto sto onor,cascàda són e t’ò fato pecatór.De criàde són degna, de odio e disprèsso,ma Dio l’è pietoso, el me ama istésso.Co’ la Morte ò infetà la natura tuta,el Cél, par risposta, ancora el me giùta.Sorgente de vita Dio el m’à fato,de pietà l’à coèrto el me grando pecàto.E ti, Adamo, te me ciàmi mama,drénto me sento el calor de la fiàma,‘na fiàma che scalda e che mai la brusa,mi, òmo mio, te dimàndo scusa.Ma adesso némo, che ‘l tempo l’è avaro,el campo el ne spèta, s’à fato ciàro,Dal corpo nostro, sudór piovarà,la fadìga de l’òmo la tèra la bearà.Strachi sémo, par la nòte in bianco,me vien da sbadiliàr, la bóca spalanco.El nostro laóro ‘n piasér no l’è più,così la deciso Ci comanda lassù.Ma se qua se pól star, mal no la va,fadìga farémo, ma de tuto gh’è qua.

81


ADAMO:Prima del tempo festa émo fato,scancelàdo no l’è el nostro pecàto;dei segni i me dise che de pèzo ne spèta,vien qua vissìn che te tègno ben stréta.La morte, par adesso, l’è solo rimandà,ma de quanto tempo, ancora no se sà.E come saràla la vita che farémo?Solo de la nostra fine, sicuri sémo.A Ponente mi vedo ‘na stéla slusegàr,su ale la sgóla, la se stà par posar.Èco, l’è rivàda, ‘n arcangelo quéla l’è,paura no g’ò, ma me trema anca i pié.Incontro ghe vago, ti ritìrete là,la sorte nostra quel el sà za.

Eva esce di scena.

SCENA DICIANNOVESIMAPERSONAGGI: Adamo, A. Michele. Entra l’Arcangelo Michele. Adamo gli va incontro e gli si inginocchia davanti.

A. MICHELE:Le to preghiere in Cél i è rivàdee Ci là comanda El le à scoltàde.Par adesso la Morte la te lassa star,ancora tanto tempo te gh’è da campar,e par tuti sti ani, pentìrte ancora te póle dopo vedarémo quel che Lu el vól.Fòrsi, el perdono, completo el se farà,fòrsi, la Morte, tuti du la scansarà;ma intanto, qua, più no te ghe stè,su altra e difarènte tèra ti te sudarè.

Adamo impallidisce.

SCENA VENTESIMAPERSONAGGI: narratore, A. Michele, Adamo


NARRATORE:Adamo, in fàcia, el se fa de cera,

82


fòrsa no ‘l g’à par ‘n’ altra preghiera.Eva, che scónta, le parole l’à scoltà,fóra la salta, in làgrime, desperà.

Il narratore esce.SCENA VENTUNESIMA

PERSONAGGI: A. Michele, Adamo, Eva

Eva,disperata, esce allo scoperto.

EVA:Sto bruto castigo de la Morte l’è pèzo:qua mi són nata, a ste belésse in mèzo.Tuto indrìo me lasso: àlberi, bestie, fiori,che tanto ò rincurà come tanti tesori.Altri posti così, lo sò che no ghe n’è,su pólvar e duri sassi posarò el me pié.Mi, che a ogni fior, el nome g’ò dato,de lassàrlo i me comanda, par el me pecàto.

Eva si rivolge ai fiori.

Più no podarò i gambi indrissàrvee gnanca, co’ l’àqua, ogni dì bearàrve.Lassàr sti posti andóe tanto ò amà?Andóe el me òmo el m’à adorà?A massa dolor, Dio el me condàna,respirar mi no posso ‘n’ aria lontana.

A. MICHELEBasta piànsar e acèta la to sorte,fortunàda te sì a schivar la Morte.Sola no te resti: el to òmo te gh’è,lu, de ben, el te ne vól assè.L’Eden t’è perso e la to vita beata,se vede che par sto lógo, no te eri fata.Su le peste del to òmo sempre camìna,ancora, del so cór, ti te sì la regina.

ADAMO:Principe del Cél, angelo del Signor,sento nel pèto ‘n gran forte dolor.Amo sto posto e quel che gh’è drénto,qua ò vissùo, felice e contento.

83


Se con sighi e preghiere podésse sperar,qua sempre in zenòcio seliaréa de restar.Ma in alto la me ósse più no la sgóla,in Cél no riva gnanca ‘na me parola.El Signor, par mi, sto destìn l’à volùo,che ‘l decìda de mi a comodo Suo.Quel che ‘l cór de più el me sbrégal’è che la So visión, adesso, El me nega.‘N dì, orgolióso, i me fiói avaréa portàin tuti quei posti andóe a mi El s’à mostrà:sóto a quéla pianta, o lassù sul monte, là andóe le gensiàne a sbrocàr i è pronte.Co’ i sassi del fosso che i slùsega de argento,a Dio, g’avaréa fato ‘n gran monumento.Nel mondo, là fóra, andóe g’ò da nar,come posso la So luce ancora vardàr?In qual sentiér posso catàr le So péste?Mi no vedarò che ‘n cél tuto celeste.

A. MICHELEDio l’è qua drénto, Dio l’è là fóra,in ogni vita te lo vedi ancora:nel fior che nasse, ne l’àlbaro che crésse,ne la bestia del bosco, ne l’osèl, nel pésse.In ogni posto, ti te Lo pól pregar,Lu l’è lì, che ‘l te stà a scoltàr:nei deserti che scòta, su le çime ingiassà,su l’onda del mar, sul pra infiorà,nel tòno che spaènta, nel fulmine che brusa,in un cél tuto rosa, ne ‘na nuvola che rusa.Da ti el Signor el m’à anca mandà,par mostràrte, ciàro, quel che vegnarà.Par ti, par la to dòna, par la cara soménsa,la vita, de dolori, no la sarà più sènsa.Vien via con mi, andémo su quel monte,del fosso che sbarbàia, çerchémo la fonte.Eva, intanto, là destésa la dormirà,de ‘n sòno come el tuo, quando Dio el t’à stampà.Con mi, lassù, davanti a ti te vardarèe de quel che vegnarà tuto te savarè.

ADAMO:De ti mi me fido e te vègno drio sicuro,el dimàn vedarò e quanto el sarà duro;

84


tuto mi acèto de quel che me tóca,sbasso la testa e sèro la bóca.A tuto són pronto, co’ ‘l pèto in fóra,se mal el me fa, mi digo “ancora”.Quel che me merito ben el me stà,la me disendènsa mi ò sassinà.Pianto e sudór par tèra udaròe ‘n giorno la pace fòrsi trovarò.

L’Arcangelo Michele e Adamo escono.

ATTO SETTIMO.


Entra il narratore.

NARRATORE:In mèzo a l’Eden, alto gh’è ‘n monte,che verso el cél el fa come ‘n ponte.Da lassù se pól védar la Tèra intiéra,roba, che a contarla, no la pàr gnanca vera.‘N panorama gh’è, che no ‘l finìsse mai:mari, monti, pianure, fiumi e vai.Sui òci de Adamo gh’è el vél del pecàto,l’Arcangelo el ghe li lava co’ ‘n decòto da lu fato.Subito, l’òmo, el se sente come orbà,el ciàpa ‘n gran spaènto, el perde el fià.Destéso, par tèra, el casca svanìo,in pié el lo riméte l’Arcangelo de Dio.

Il narratore esce.

SCENA SECONDAPERSONAGGI: A. Michele, Adamo

Entrano in scena l’Arcangelo e Adamo.

A. MICHELE:Adesso, Adamo, vèrzi i to du òcie tiènte ben sténco lì sui zenòci.Mi vago a mostràrte la to soménsa,che, de la colpa tua, la farà spariènsa.

85


I efèti te vedi de quel che t’è fato,pagàdo el g’à da èssar ogni pecàto.

L’Arcangelo e Adamo escono.

SCENA TERZAPERSONAGGI: narratore

Entra il narratore..El vede Adamo ‘na bèla campagnae tanti fosséti che ben i la bagna.‘Na parte da l’òmo l’è stà coltivà,le spighe de forménto i è za mucià,l’altra l’è a pra, par pégore e vache,che, piene de late, le pàr tute strache.Co’ slòte de tèra i à fato ‘n altàr,lì l’è stà messo par Dio pregar.Gh’è ‘n contadìn coèrto de sudórche spighe malmaùre el ghe dà al Signor.‘N zóeno pastór adrìo el ghe va,l’agnèl più bèlo sui brassi el g’à.El méte la bestia su fassìne de legna,de incenso el la parfùma par farla più degna.‘Na nuvola, in cél, la taca a brusàre léngue de fógo la fa zó cascar.Le fiàme le inçénara la bestia sgossàda,la spiga de gran dal Cél l’è rifiutàda.Rabióso el contadìn ‘n sasso el tóle forte el lo tira, che de più no se pól.In mèzo al pèto el ciàpa el pastór,che sincero l’è stà con Dio, so Signor.Quel pòro butèl copàdo el resta,papàvari rossi i ghe caréssa la testa.

Il narratore esce.

SCENA QUARTAPERSONAGGI: Arcangelo, Michele, Adamo

Entrano Adamo, che si copre gli occhi con un braccio, e l’Arcangelo.

86


ADAMO:Vardàr no posso ‘na roba compagna,rossa de sangue l’è tuta la campagna.

A. MICHELEQuei che t’è visto i è du fradèi,dal to sangue i nassarà sani e bei.Par quel catìo, castighi ghe sarà,sempre premiàda la vien la bontà.

ADAMO:Dime, Michele, èla quéla la Morte?A éla, Satana, el g’à vèrto le porte?Èla quéla la strada par pólvar tornar?Roba più bruta in Téra no la pól star.

A. MICHELELa prima fàcia ti adesso t’è visto,a altre mostràrtene mi no insisto.A parole te digo che tante ghe n’è:se móre de fame e anca de sé,de fógo, de àqua, de ràbia, de amor,de peste, de lébra, de colpi al cór,de féara, de tumór, de ‘n s-ciòco de pistola, de ‘na bala de canón che nel cél la sgóla,de torture, de bombe, de gas, de mine,pien vedo el mondo de morte e rovine.Móre vèci, butìni, dòne e soldà,móre el malàdo e ci salute el g’à.La piànse la mama su la tomba del fiól,la trionfa la Morte su ci la se tól.E tuto sto disasro par colpa de ‘na dònache anca del Cél la voléa èssar paróna.

ADAMO:Basta! Basta! Sentir più no vói,el cór i me spaca i discorsi tói.De vegnér al mondo mai ò dimandà,par fòrsa se nasse, par fòrsa se morirà.Se tornar indrìo mi podésse ancora,la vita no volaréa gnanca par ‘n’ora.Dio el m’à creà a imàgine sua,con mi, la someiànsa, Lu el l’à volùa,e adesso el so litràto l’è strassià e pestà,

87


con Eva e Adamo, tuti i è condanà.Ne la fàcia nostra così sassinàda,se tróva quéla de Ci l’à creàda.Rispèto el merita sto sacro stampo,ma, sémo rovinà, no gh’émo scampo.

A. MICHELE:La forma de Dio ne l’òmo volùa,tocàda no l’è da la colpa tua:pecàto no gh’è, ch’el lassa la màcia,de spórca, Adamo, gh’è solo la to fàcia.

ADAMO:Se proprio a la Morte se g’à da rivàr,no l’è che ‘n’altra strada se possa far?Par çénar tornar, come érino prima,se g’à da rivàr al dolor fin in çìma?

A. MICHELE:Se quel tanto che basta ti te magnarè,se anca nel béar giudìssio te g’avarè,vivo te restarè ancora par tanti ani,godéndote gioie e pianséndo afàni.La Morte la sarà el cascar de ‘n fruto,quando, dal sol, l’à ciapàdo za tuto.Da la vita, co’ la fòrsa, nissùn te cavarà,la Morte, come ‘n sòno, par ti la sarà.Però g’ò da dirte che vècio te devènti,co’ bianchi i cavéi e anca sènsa denti.La to bèla ganàssa la ruga la scavarà,la to man così ferma alóra la tremarà.I sensi tói chièti in pace i starà,calmo te sarè con ci t’è sposà.

ADAMO:Più no me tógo de la morte preocupassióne gnanca par la vita , l’amor, la passión.Ma come portar de sto castigo el peso?Come campar s’el bòn Dio ò oféso?

A. MICHELETi preòcupete solo de vìvar ben,secondo le légi de Ci el mondo El tien.

88




Entra il narratore.

NARRATORE:Nel pian che sóto el monte el se destènde,Adamo el vede ‘na gran mùcia de tende.Da quéle ghe riva de le bèle cansón,‘n’arpa la sóna co’ le so vibrassión.Da ‘n’altra parte, altra gente vien,dal monte al pian, la strada la tien.La fàcia i g’à da persone oneste,de quéle che, a Dio, le ghe fa tante feste.Òmeni i è, zóeni, forti e sani,bèle i è le face, nel fior dei ani.Nel pian, quei là, i è apéna entràdi,che ‘na bèla visión la li à ciapàdi:fóra da le tende vien dòne su dòne,che del cór dei òmeni le se fa paróne.Bei le g’à i vestiti, el dedrìo le ména,el còl dei zóeni subito le incadéna.Bèle i è de forma, e ben le canta,i òmeni, de óia, i ghe n’à gran tanta.Drio a la musica, moéndo i pié,ai òmeni vissìn le se fa piassè.I òci dei mas-ci da la testa i vien fóra,le bòne intensión i è tute in malora.Ognuno el se tól quéla che ghe va,dal lasso de la passión i è bei che ciapà.Ne le réce de le dòne i parla d’amor,el scuro i spèta par sfogar l’ardor.Se impìssa nel cél la stéla de la sera,a Imene, tuti i alsa la so preghiera.In quàtro e quàtr’òto i è bei che maridàe fóra da le tende vien ‘n ciàsso che no se sà.Festa se fa, con zughi, canti e fiori,Adamo el se consola de tuti i dolori.

Il narratore esce.

SCENA SESTA

89


PERSONAGGI: Adamo, Arcangelo Michele

Entrano Adamo e l’Arcangelo Michele.

ADAMOArcangelo del Cél che da mi te sì sgolà,che i òci te me vèrzi a tuta la verità,quel che mi vedo el me piàse assè,se così la va, la speransa la gh’è.Giorni de quei mèio me posso spetàr,se gh’è de ste robe, se pól campar.

A. MICHELEI sensi tói no i g’à da inganàrte,ci i è quei là mi g’ò da spiegàrte.Le tende che te vedi nel pian impiantài è de ‘na rassa che bontà no la g’à.I è fióle de quel che l’à copà el fradèl,dòne da póco e sènsa sarvèl.I òmeni che te vedi, da Abele i è nati,devoti al bòn Dio, quei i é stà fati.Ma deboli i è, a le smorfie i cede,de trovar l’amor lóri i crede.Imbriàghi i è, par le tante moine,ma dopo ghe spèta pianti e rovine.

ADAMO:Mi, par ‘n àtimo, ilùso me són,credéa d’aver visto qualcosa de bòn.Adesso el dolor più forte lo sento,par mi, ogni dòna, l’è sènsa sentimento.Tuti i nostri mali i vien da éla,el Signor l’à sbalià a farla bèla.


SCENA SETTIMAPERSONAGGI: spettatore, spettatrice

SPETTATRICE:Ma varda ti sa me tóca scoltàr,mi, ste parole, no le posso acetàr.La colpa de tuto, l’è sempre de la dòna,

90


ma l’òmo, del so cór, el la lassa paróna.Da ogni responsabilità el màs-cio el scapa...

SPETTATORE:Ma l’è la dòna che sempre la lo ciàpa.

SPETTATRICE:E lu, ben de gusto, el se lassa brincàr,giusto no l’è la dòna sola incolpar.Adesso mi capìsso parché mal n’avì tratà,saréssino la causa de ‘n mondo sassinà.Dai tempi de Eva, ancora paghémo,penitènsa émo fato e sempre la fémo.Guère su guère émo dovù soportàre le dòne no i è stà a volerle far.A noàltre no ne resta che vestìrse de nero,far massi de fiori e portarli in cimitero.Gh’è dòne che gnanca questo le g’à avù,andóe l’è el fiól i lo sà solo lassù.A Eva ghe stà dito de servir el so òmoe a lu l’à pensà quando bòn l’à sentìo el pomo.Par prima l’à sbalià, par ignorànsa o deboléssa,ma se Satana el catàa l’òmo, la so sorte l’éra istéssa.Basta superbia, schiavitù, guère e violènsa!Ormai tuto l’avì magnà l’àlbaro de la Siènsa.Ma de ‘na roba importante ve sì subito desmentegà:‘na Dona l’à fato quel che Adamo no l’à mai pensà:el çarvèl la g’à schissà a quel serpente traditore da Dio l’è stà sèlta par darghe al mondo el Salvator.Tanto onór, voàltri, no l’avì mai conossùo……Òmo, rispèta el nome mio, che mi rispèto el tuo.Finalmente, tra i potenti, i parla de quote rosa,dime, caro marì, ghe ne sèto qualcosa?...

SPETTATORE:A casa nostra, de rosa, gh’è za tuto quanto,se anca el sesso te me cambi, sta òlta te pianto.

SCENA OTTAVAPERSONAGGI: A. Michele, Adamo

Entrano l’Arcangelo Michele e Adamo.

91


A. MICHELELa dòna la tenta, ma l’òmo el cedee de èssar vìtima dopo lu el crede.Vìtima no l’è, ma solo carne fròla,par èssar inganà, ghe basta ‘na parola.E adesso finémola! No te te gh’è da inocàr,da ‘n’ altra parte te gh’è da vardàr.

Adamo e l’Arcangelo escono.

SCENA NONAPERSONAGGI: narratore

Entra il narratore.

NARRATORE:El vede Adamo campi coltivà,case, castèi e grandi çità;tóri alte co’ dei muri atórnoe tanta gente che ghe fa da contorno.Òmeni giganti, co’ le face gran brute,con drénto de lóri àneme farabùte,le armi i tól, la guèra i vól far,i è tuti fradèi e i se vól copàr.La slùsega la spada al sol che varda,rabiósa l’è la creatura bastarda.Con scale i muri i vól scavalcar,par drénto nar e tuti quanti copàr.Quei che, da sóra, i difènde i murii corni i g’à, che no i è manco duri:su l’òmo sóto, pece broènta i butae fógo e piére par la bóca far muta.Granda l’è la stràie, la gente la móre,el sangue de l’òmo fóra el córe.La tèra intorno la se imbómbega tuta,parole de pace i giganti i rifiuta.Solo Enoc gh’è, co’ ‘l sarvèl drénto la testa,de finir, el dise, de sangue la festa.De pace el parla, de fede, de religión,dei castighi del Cél, de la so punissión.Ma zóeni e vèci no i fa che rìdar,le mane i slónga par la carne divìdar.

92


Rabiósi i è tuti, come ‘na bruta belva,che l’òmo la spèta drénto a la selva.Dal Cél vien zó ‘na nuvola ciàrache ‘l giusto la roba a sta sèna amara.La guèra la continua e i móre tuti,par tèra i resta come tanti rifiuti.El piànse Adamo, che de più no se pól,savér ci i è quei, adesso lu el vól.

Il narratore esce.

SCENA DECIMAPERSONAGGI: Adamo, Arcangelo Michele.

Entrano Adamo e l’Arcangelo Michele.ADAMO (rivolto all’Arcangelo):Arda quei là, i se cópa tra fradèi,sóra ghe sgóla dei neri osèi.

A. MICHELE:De le nòsse che t’è visto i fruti i è,de ‘n mostro assassìn catìi i è piassè;schifosi par fóra e anca par drénto,ne l’ànema no i g’à nissùn sentimento.De sangue, lóri, ancora i ghe ne vól:i bate, i cópa, i ferìsse, i tàia el còl.Le çità i buta zó e tuto i porta ia,gnénte ghe importa de ci la roba la sia.E quei, tuti quanti, eroi i sarà ciamàdi,come se i fósse dèi, i vegnarà adoràdi.Fama, su la Tèra, quei i g’avarà,ma dopo, vedarémo quel che sarà.L’unico giusto dal Cél amàdo,quel che prima de pace l’à parlàdo, da angeli co’ le ale el vien salvà,che in Cél, con Dio, i se l’à portà.Questo l’è el premio par el so bòn cór,a quei cani catìi, ghe spèta dolor.

SCENA UNDICESIMAPERSONAGGI: narratore

Entra il narratore.

93


NARRATORE:El varda Adamo co’ ll cór in gola,disperàdo no ‘l dise gnanca ‘na parola.I so fiói lu el vede che catìi i è assè,sangue su la Tèra dapartùto gh’è.Vissi, furti, bastième e gente copà,a zóene dòne, violènsa i ghe fa.El bòn vècio Noè el dise “finìla”,ma dei morti se slónga ancora la fila.Nissùni ascolta, le spale i alsa,‘na montagna, Noè, el fa descàlsa.Tuti i àlbari el tàia par ‘n’ arca fare intanto el cél el scomìnçia a rusàr.De tute le bestie el tól ‘na còpia,le se sgiónfa le nuvole,che quasi le scòpia.Dal león de la foresta, al piòcio puìn,del mondo tuto, gh’è ‘n tochetìn.I fiói el tól su e anca le nuore,ne l’arca se vive, fóra se móre.La spósa sua drénto el compagna…Èco ‘n s-ciantìso dedrìo a la montagna.Par fóra, el Padreterno, la porta El sèra,el mostra el cél ‘na gra bruta çiéra.Le prime gósse, come nóse i è grosse,le spaca le fóie dal vento mosse,par tèra le casca e pólvar le fa,adesso el cél el s’à descadenà.Pióe a séci, a brènte, a tinàssi,zo dal monte, rùgola i sassi.I mari i se alsa, i fossi i se ingròssa,spórca l’è l’àqua de scura lòssa.Sparìsse le çità, i muri, le tóri,el se néga el siór con tuti i so ori.‘N mar sènsa fine l’è adesso la Tèra,l’è scuro el cél, l’è sempre sera.La galégia l’arca la vita salvando:questo, del Signor, l’è stà el comando.El piànse Adamo làgreme de dolor,drénto el se sente sbregàr el cór.In un colpo solo, tuti i è stà copà,ne l’àqua, i so fiói, i è finìi negà.

94


Il narratore esce.

SCENA DODICESIMAPERSONAGGI: Arcangelo Michele, Adamo

Entrano l’Arcangelo Michele e Adamo.

ADAMO:Finìssela così tuta l’umana rassa?Questo, par mi, l’è proprio massa.No bàsteli mia i mali de adesso?Anca i futuri davanti te m’è messo.Podésse almànco qualcosa far!Proprio a gnénte se pól rimediar.Quei su l’arca, de fame i morirà:la soménsa de l’òmo così la finirà.Dopo la guéra, ne la pace speràa,‘n mondo de amor mi me spetàa,ma anca in pace, de pèzo sucéde,tième su, che le gambe le me céde.

A. MICHELE:Morir t’è visto sióri e pitòchi,quei che vivarà, i sarà gran póchi.Sóto quel mar che fine no g’à,se désfa l’òmo che fama l’à ciapà;e insième a questa, pompa e onori,l’à vinto guère e robàdo ori.Brao i ghe diséa, ma drénto l’éra udo:vissi e barùfe, anca in pace, el g’à avùdo.E varda i vinti: dopo avérle ciapà,ogni virtù i s’à bèlo che desmentegà.Lassàdo i à tuti de Dio el timor,pigri i vivéa dei avànsi del siór.Ma qua no la finìsse la rassa de l’òmo,che maciàda l’è dal pecàto del pomo.Se uno l’è giusto, Dio el perdona,e questo l’è Noè, ‘n òmo a la bòna.Varda sa sucéde, le nuvole le scapa,paura le g’à che ‘l vento el le ciàpa.Le cataràte, finaménte, le s’à tute smorsà,slùsega el sol su l’onda placà;a sgurlóni el se bée l’àqua tuta,pian pian la Tèra la torna suta.

95


Più no la galégia de Noè l’ arca,su la çima de ‘n monte, se ferma la barca.Sgóla ‘n corvo, cissà andóe el va,‘na bianca colomba la vien molà:do òlte la va, do òlte la torna,e dopo la riva co’ ‘n raméto ch’el la orna:l’è ‘n ciùfo de olìo, de pace la pianta;Dio, de pietà, El ghe ne mostra tanta.I smónta da l’arca Noè e la so gente,a lóri el diluvio no ‘l g’à fato gnénte.I spia el cél, i alsa i so brassi,a vardàr i resta, fermi come sassi.Da andóe la tèra co’ ‘l blu la se basa,tra nuvole bianche, sgiónfe de bombàsa,se alsa ‘n arco de sète colori,che fato el pàr de erba e de fiori.L’è dì de festa in Cél e in Tèra,Noè e la so gente i à cambiàdo de çiéra:contenti i è, se scomìnçia de nóvo,la rispunta la vita come da ‘n óvo.Adesso, Dio, più no l’è rabià,l’òmo El ama, proprio come ‘n papà.De ‘n giusto è bastà l’onesto cór,che de nóvo el sorìde el nostro Signor.‘N òmo bòn la soménsa l’à salvàdo,più no ‘l tornarà el diluvio passàdo.E sempre da alóra, al finir del temporàl,in cél, l’arcobalèno, el guarìsse el moràl:‘na festa l’è sempre par córi e òci,vien da pregar, da piegar i zenòci.‘N mondo ti t’è visto, nàssar e finire de l’òmo la soménsa de nóvo fiorir.De conóssar e savér gh’è ancora tanto,mi, del dimàn, no t’ò mostrà tuto quanto.Se nei òci te vardo, straco te vedo,de finir de vardàr, che sia mèio mi credo.De quel che resta, mi tuto te conto,ciàro el sarà, anca se scónto.Par ‘n póco, su la Tèra, tuti i starà chièti,al mondo i metarà tanti buteléti:paura i g’à che torna la pióva,che fóra da le rive el mar el se móva.Tuti i teme de Dio la punissióne in prèssia i smòrsa le brute tentassión.

96


Al Signor i ghe òfre i fruti più bei,pégore, vache, cavre e agnèi.Bón i se Lo tien, El ghe fa paura,de no farlo rabiàr i se tól la cura.Adesso, tuti istéssi i òmeni i è,più no i fa a ci g’à piassè.Ma, co’ ‘l tempo, i ricordi i se smòrsa,sóra a la memoria, ghe se fa ‘na scòrsa.Torna l’orgòlio, la óia de comandar,le richésse, de nóvo, le fa strangossàr.L’òmo ancora le armi el ciàpa,el chièto vìvar dal mondo el scapa.Uno gh’è, più dei altri prepotente,che ‘l vól comandàrghe a tuta la gente.Co’ ’l fèro e co’ ‘l fógo el se fa ubidìr,i altri i subìsse e gnénte i pól dir.Drio ghe va de farabùti ‘na mùcia,l’òmo bòn, sóto al fèro, el se cùcia.Ma alto l’è el Cél andóe stà Dio,co’ ‘na tór el vól rivàrghe l’òmo catìo.Parché par sempre el so nome el resta,se laóra ogni giorno, parfìn de festa.Ma el Cél sto afrónto no ‘l perméte mia,de ognuno el parlar el scancèla via:tuti quanti i se cata a dir strambòti,più no i se capìsse, gnanca a mòti.La se smòrsa l’intensión de far la gran tóre,quéla mata idea, la va via e la móre.

ADAMO:Mi, de sto òmo, no sò proprio sa dir,quel che l’à fato no rièsso a capir: ciàro l’è stà Dio, ne le so volontà,nissùn g’à da èssar da ‘n altro comandà.De l’òmo i è le belve, i osèi, i péssi,sóra a quei, Dio el n’à messi;ma se l’òmo de ‘n altro el se fa parón,de sicuro ghe spèta de Dio la punissión.Sóra a noàltri, gh’è solo el Signor,piegàrse dovémo con umile el cór.

Adamo e l’Arcangelo Michele escono.

SCENA TREDICESIMA

97



SPETTATORE:‘Na roba gh’è che spaènto la me fa:penso a le do tóri da póco cascà.In alto le andava a sfidar el Padreterno,ma ‘n giorno de setèmbre, s’ à scadenà l’inferno.Du rioplàni adòsso i gh’è andà:l’orgòlio de l’òmo l’è stà umilià.

SPETTATRICE:Ma òmeni gh’éra a guidar i rioplàni:ò léto sui giornài che i era talebani.El Signor no l’è stà a spacàr quéle tórie gnanca l’à impedìo de finir i laóri.

SPETTATORE:El volér de Dio no se sà come el riva.

SPETTATRICE:Ma Lu, la gente, el le lassa viva.No dir sempiàde, no te vói scoltàr:l’è sempre l’òmo che ‘l continua a sbaliàr.

SPETTATORE:Se gh’è ‘n destìn, lìbari no sémo:tuto l’è stà deciso de quel che fémo.

SPETTATRICE:E alóra, el Signor, ingiusto El saréa?Crédar no posso a questa to idea.

SPETTATORE:Dame ‘na risposta, se ti te la sè.Nel crédar sènsa capIr, che senso gh’è?

SPETTATRICE:Se la fede no te gh’è, l’e inutile parlar,fòrsi l’è mèio ‘na s-ciànta pregar.

SCENA QUATTORDICESIMAPERSONAGGI: A. Michele, Adamo

98


Entrano Michele e Adamo.

MICHELE:L’òmo, caro Adamo, la resón l’a perso,prima l’éra drito e adèsso l’è roèrso.E de quel che è sucèsso l’è tua la colpa,parché, del pomo, t’è magnàdo la polpa.Sènsa la resón, libertà più no gh’è,vissi e passión i liga ogni pié.Su in alto el cor più no ‘l sgóla,Dio, al so destìn, l’òmo el mòla.In bóca al nemìgo el lo lassa nar,anca el foresto el vien a comandar.Ma Abramo gh’è, che Dio l’onora,el Cél, a Lu, el ghe sà caro ancora,Dal so sangue nassarà ‘na santa dònae, da questa, l’Òmo che tuto el perdona.La testa del bisso la sarà schissà,Dio, ste robe, l’à dito e comandà.Là zó mi vedo ‘na sorta de capàna,sento ‘na ósse che canta la ninanàna;tra ‘n musso e ‘n bó, gh’è el Salvator,de ‘na vergine fiól e de nostro Signor.Pien l’è el cél de angeli che canta,de gente che riva, ghe ne vedo tanta:pastori i è, co’ dei regài in man:late, formàio e dei tòchi de pan.Gh’è anca Giusèpe, co’ ‘l bastón fiorìo,de far da papà, el ghe l’à dito Dio.Èco, su in cél, riva ‘na stéla,de tute quante, l’è la più bèla,‘n strapégo la g’à, de luce fato,ai tre remagi la diressión la g’à dato.I porta, con lóri, oro, incenso e mira, ‘n camèl paròmo, par la caéssa i tira.Ma de gente rabiósa sempre ghe n’è,el divìn Butìn, no i Lo vól tra i pié.‘Na òlta el ghe próa Erode catìo,copàr el vól el fiól del bòn Dio.Mal la ghe va, vivo l’è el Butìn,tante creature l’à massà l’assasìn.Passa i ani, èco el romàn Pilato,de lavàrse le mane la sèlta l’à fato.El fiól de Dio su la croce el finìsse,

99


i pecàti de l’òmo, tuti el li paìsse.Le colpe le casca tute quante su de Lu:dei pecàti de l’òmo, la colpa l’à volù.Le porte del Paradiso El rivèrze a l’òmo,che perso el s’avéa par quel rosso pomo,Tuti i so amìssi i va in giro a predicar,anca léngue foreste i rièsse a parlar.Ma del mal, al mondo, tanto ghe n’è,i òmeni farabùti i è sempre piassè.Odio gh’è ancora nel cór de l’òmo,fiól de quel che l’à magnàdo el pomo.Avanti co’ i ani mi vago ancorae vedo che l’òmo el va in malora.Prima co’ le spade e dopo co’ ‘l fusìl,fosse fonde se scava co’ ‘l baìl.I móre a vint’àni de verde vestìi,a copàr dei fradèi i è stà spedìi.Quei co’ ‘l fusìl, i se spara da lontan,sensa gnanca vardàrse, i arma la man.Fòrsi se nei òci védarse i podésse,le so intensión no le saréa più le stesse.Òci che piànse, che ride, che ama,òci che i ghe soméia a quei de la mama,ganàsse co’ la pèle ancora da butìn,par tèra le finìsse insième al çentaìn.Le piànse le dòne el fiól copàdo,el marì, el moroso al fronte cascàdo:tombe spampanà, che no se sà andóe,con sóra papàvari che al vento i se móe.Quei fortunà, i g’à ‘n posto in cimitero,con croci schierà, de piéra e de fèro.E dopo gh’è el canón che ‘l cópa a muci,i àlbari el sbréga e resta i caùci.Móre el soldà e anca ci no d’è,vinse la parte che cópa piassè.Màchine i fa che in cél le sgóla,che solo a vardàrle le te tól la parola.Ciàsso le fa, te le senti rivàr,ma massa tardi par podérte salvar.Bombe le sgancia che la tèra le sbusa,queste i è le armi che l’òmo el usa.Se màcia de sangue i campi e le çità,el piànse el butìn su la mama sfigurà.

100


ADAMO:Basta, te prego, móro dal dolor;ma no falo gnénte el nostro Signor?

A. MICHELE:Lìbaro l’è l’òmo da quando l’è nato,el vól la guéra, El çérca el pecàto.De dirte tuto quanto el compito g’ò,ancora mi parlo e dopo tasarò.‘N fóngo de fumo el se alsa da do cità, co’ l’ atomica qualchedùn el le à bombardà.Tra la sàbia i se cópa par el nero pòcio,‘n òmo, in bianco, el piéga el so zenòcio.Pace el dimànda a Dio e a la gente,ma in giro i se cópa anca par gnénte:parché el sangue l’è de ‘n’ altra rassa,parché gh’è sempre ci l’odio no ‘l lassa.Guèra se fa anca par ‘n dio diverso,l’òmo el continua a èssar roèrso.Ma ancora gh’è ci giusto restae a lu, el Signor, el ghe fa ‘na gran festa.El parméte, Dio, che ‘l mondo el vaga avanti,par uno de bòn, el ghe ne salva tanti.Su la Tèra mi vedo tanta gente desperà,che la çérca, ne la droga, quel che no la g’à:amor, sperànsa, la fiducia che ghe manca,gnénte i conta i schèi che se mùcia in banca.L’oro el pól giutàr, ma felìssi no ‘l fa,fòrsi l’è più contento ci va par carità.Anca mame e papà mi vedo copàr,da ‘l fiól che crésse e ch’ el vól comandar;vedo ladri, banditi, traditori, spergiuri;par la giustìssia, ghe sarà tempi duri.Védo mame sènsa cór, che le cópa el fiól,quando, gnancóra, l’à visto ‘n ràio de sol.Vedo dòne svergognàde che le à perso el pudor,che, de la so carne, le vende el candor,vedo anca gente che patria no la g’à,che gnanca l’ è paróna de star andóe la stà.Vedo altri che scapa in tèra foresta,ma quando i riva, nissùni ghe fa festa.Ma nel cór del giusto, gh’è ancora la sperànsade l’òmo sveiàr, de vìnsar miseria e ignorànsa.Le sante porte del Cél spalanchè i è ancora,

101


quando, par el giusto, vien l’ultima ora.

SCENA QUINDICESIMAPERSONAGGI: narratore

Entra il narratore.

NARRATOREL’arcangelo Michele l’à finìo de parlar,quei du, da la montagna, i scomìnçia a smontàr.Adamo el çérca la so Eva indormensà,subito el torna andóe prima el l’à lassà,Svéia el la trova, l’è lì che la lo spèta,la scomìnçia a parlar, el la vede chièta.

Il narratore esce

SCENA SEDICESIMAPERSONAGGI: A. Michele, Adamo, Eva.L’Arcangelo e Adamo entrano da una parte, Eva da quella opposta.

EVA (rivolta ad Adamo)No contàrme gnénte, za tuto mi sò,sogni mi ò fato, par tèra oltà zó.Adesso són pronta, pòrteme via,paradiso, par mi, l’è la to compagnia.Fortunàda me ciàmo e contenta són,lasso sto posto sènsa più far questión.El pecàto ò fato, ma Dio el me vól ben,‘na dòna nassarà dai fiói del me sén.Riparo la metarà al mal che è stà fato,ma mai desmentegà el sarà el me pecàto.

Adamo ed Eva escono condotti, per mano dall’Arcangelo.

SCENA DICIASSETTESIMAPERSONAGGI: narratore

NARRATORE:I sgóla i cherubini sfiorando la Tèra,par Adamo, ne l’Eden, no ghe sarà più sera.L’Arcangelo, par man, la còpia el compagna,

102


l’Eden el finìsse e scomìnçia la campagna.Indrìo i se òlta Adamo e la so dòna,fiducia i g’à in un Dio che perdona.Ghe fiorìsse nei òci làgrime che se suga,la so pèle la spèta za la prima ruga.

Il narratore esce.

SCENA DICIOTTESIMAPERSONAGGI: spettatore, spettatrice

Spettatore e spettatrice salgono sul palcoscenico.

SPETTATORE:La storia l’è bèla, ma za la conosséa,la fede mi dimàndo, se confusa g’ò l’idea.Se ancora no bastàsse, ‘n’ altra òlta la vardarò,par métarghe “fine” a tuti i me “però”.

SPETTATRICE:Insieme a ti, mi continuo la me vita,anca se sempre no la pól andar drita.Sbali, al mondo, i ghe ne fa tuti quanti,ma basta pentìrse e vardàr ancora avanti.Questa, tra le storie, l’è la più conossùa,ma al giorno de ancó, da póchi l’è credùa.Credémoghe ‘na s-ciànta, l’è ‘na storia d’amor,quel giusto sentimento insegnàdo dal Signor.

103

gh’era ‘na òlta el paradiso - silveria...

Documents