geljegiň hytaýy
TRANSCRIPT
![Page 1: Geljegiň Hytaýy](https://reader030.vdocuments.mx/reader030/viewer/2022013115/55ad1bd01a28abf9158b462a/html5/thumbnails/1.jpg)
1 Geljegiň Hytaýy: Gapma-garşy çaklamalar
Markus Urek Terjime: Gutlymyrat Ýegendurdyýew
about.me/gutly
Amerikaly düşünje jemgyýeti CFR-nyň (Council on Foreign Relations)
metbugat organy bolan Foreign Affairs žurnaly (geçen ýylyň) sentýabr-
oktýabr sanynda Hytaý ykdysadyýetiniň geljegi barada 2 tapawutly pikire
ýer berýän 2 makalany neşir etdi.
Makalanyň ikisinde-de Hytaýyň 2030-ly ýyllardan başlap dünýäde esasy
güýje öwrülip öwrülmejegi baradaky soraglara jogap bermäge synanşyldy.
Awstraliýa Sydneý uniwersitetiniň Sosial Syýasatlar Fakultetiniň professory
Salwatore Babones Hytaýyň dünýäni höküm etjegine ynanmaýanlaryň
başynda gelýär. Ol, Hytaýyň geçmişdäki ilat syýasaty, ekologiki kirlilik we
sosial syýasatlarynyň netijesinde Hytaýyň ykdysady ösüşiniň durjakdygyny
we hiç haçan dünýäni höküm edip biljek güýje eýe bolup bilmejekdigini
aýdýar. Ýöne Hytaýyň eýýam dünýä höküm edip başlandygyna
ynanýanlaram bar. Meselem Peterson institutyndan Arwind Subramanian,
dürli ykdysady syýasatlar arkaly Hytaýyň häzirden dünýä höküm edip
başlandygyny we dünýä ýurtlarynyň muňa berk taýýarlyk görmelidigini öňe
sürýär.
HYTAÝYŇ BEÝGELMEGINIŇ
ÖŇÜNDÄKI PÄSGELÇILIKLER
Salwatore Babones, Hytaý barada
negatiw pikirlere ünsi çekse-de
ýurtdaky sosial-durmuş şertleriniň
ýokarlanjakdygyny, şäherleşmäniň
dowam etjekdigini, ilatyň
sowatlylygynyň we ýurda goýuljak
göni inwestisiýalaryň artjagyny,
ykdysady ösüşiň dowam etjegini
kabul edýär. Ýöne şonda-da bu ösüşiň ýakyn geljekde häzirki ýaly aňsat
bolmajakdygyny hasap edýär. Babonese görä, ykdysadyýetler ulaldygy saýy
ösüş tizligini dolandyrmak kynlaşýar. Üstesine, ykdysadyýetleriň
globallaşmaklary netijesinde önümçiligiň hili ýokarlanýar. Hiliň
ýokarlanmagy bolsa önümçiligiň azalmagy bilen netijelenýär.
HYTAÝYŇ ÖŇÜNDÄKİ PÄSGELÇİLİK
Ykdysadyýetleriň globallaşmaklary
netijesinde önümçiligiň hili
ýokarlanýar.Hiliň ýokarlanmagy
bolsa önümçiligiň azalmagy bilen
netIjelenýär.
![Page 2: Geljegiň Hytaýy](https://reader030.vdocuments.mx/reader030/viewer/2022013115/55ad1bd01a28abf9158b462a/html5/thumbnails/2.jpg)
2
Professor Babones köp ideologlaryň Hytaýyň taryhy kuwwatyna täzeden
dolanýandygy baradaky pikirlere-de garşy çykýar. Ol, bu pikirleriň logika
dogry gelýändigini kabul etse-de taryhy hakykaty ýüze çykaryp
bilmeýändigini hasaplaýar. Oňa görä (ykdysadyýet taryhçysy Angus
Maddisonuň ýazanlaryna esaslanyp) Hytaý, diňe walýuta paritetinde we
diňe Marko Polo zamanynda Günbatar bilen deňleşip bilipdir. 1500 we
1800-nji ýyllar arasynda Ýewropa ykdysadyýetleri ýaly gaty çalt ösen Hytaý,
şol wagtky ösüş tizligini hiç haçan gazanyp bilmedi. Angus Maddisona görä,
1820-li ýyllarda Hytaýda jan başyna düşýän milli girdejileriň jemi
Ýewropanyň ýarysyndanam az bolupdyr. Bu deňsizlik 1870-nji ýylda 25%,
1970-li ýyllarda bolsa 7%-e çenli aşaklapdyr.
Babones, Hytaýyň ykdysady geljegi baradaky çaklamalaryň hilsizdigini, ol
çaklamalaryň ýurtdaky syýasy we tebigy faktorlara, ösüşi durduryp biljek
sebäplere seretmezden bir döwürlik ykdysady görkezijilere esaslanyp
taýýarlanýandygyny aýdýar.
Hytaýdaky şäherleşme derejesi entegem günbatar ýurtlary bilen
deňeşdirerden pes. Ýöne dowamly ösüş halynda we 2040-njy ýylda Latyn
Amerika ýurtlaryndaky dereje bilen deňleşmegine garaşylýar. Babones,
şäherleşmäniň artmagynyň jan başyna düşýän milli girdejiniň hem
ýokarlanmagyna mümkinçilik berýändigini aýdýar. Ýöne munuň Hytaýyň
“bir çaga” syýasaty ýaly diňe ýekeje gezeklige mahsus boljakdygyny
belleýär. Çalt şäherleşmäniň Hytaýa getirjek ýene bir meselelerinden biri
häzirki günlerde peýda bolup başlan megaşäherlerde döreýär. Babones,
megaşäherleşmeleriň netijesinde ýurduň geljekde syýasy we ekologiki
meseleler bilen ýüzbe-ýüz boljakdygyny, munuň bolsa ykdysady ösüşe
böwet boljakdygyny çaklaýar. Birnäçe bilermen, Hytaýyň syýasatynyň
hasam açyk häsiýete eýe bolmalydygyny, ýogsam global babatda ýokary
girdejili önümleri (higher margin product) öndürip bilmejekdigini
oýlaýarlar. Markalaşma, dizaýn, döredijilik we ýokary girdejili önümler üçin
erkin pikirleniş şertleriniň we demokratik infrastukturanyň döredilmegi
zerur bolup durýar.
Hytaýyň öňündäki çözülmeli meselerden ýene biri howa kirliligidir. Dünýä
Saglyk Guramasynyň maglumatlaryna görä, howa kirliligi ýylda 656
müňden gowrak hytaýlynyň ölmegine sebäp bolýar. Ýurtdaky suw kirliligi
bolsa 95 müň 600 adamyň ölümine sebäp bolýan eken. Hytaý suw
ministrligi hem takmynan 300 million adamyň zyýanly maddalary öz içine
alýan suwlardan peýdalanmaga mejbur bolýandygyny bildirýär. Babones
bu görkezijilere esaslananyp, Hytaýyň geljekdäki ösüşiniň tebigy taýdan
![Page 3: Geljegiň Hytaýy](https://reader030.vdocuments.mx/reader030/viewer/2022013115/55ad1bd01a28abf9158b462a/html5/thumbnails/3.jpg)
3
arassa senagata geçmişdäkiden has köp üns bermäne mejbur
boljakdygyny, munuň bolsa bahalara öz täsirini ýetirjekdigini belleýär.
Babones, Hytaýyň birnäçe kemçiliklerini sanasa-da ýurduň entegem uly bir
ykdysadyýetdigini kabul edýär. Şonda-da ABŞ-nyň global agalygyna zeper
ýetirip biljek derejä ýetmejekdigini aýratyn belleýär. Sebäbi Amerikanyň
töwregi dost we ýaran ýurtlar bilen gurşalan, Hytaý bolsa Günorta Koreýa,
Ýaponiýa, Hindistan we Orsýet ýaly baý, güýçli we bäsdeş ýurtlara goňşy.
Geografiki şertler bilen birlikde Hytaýyň içki meselelerine-de ünsi çeken
Babones, ýurduň öz geografiýasynda esasy döwletlerden boljakdygyny,
emma dünýä hökümini ýetirmek bärde dursun öz töwregine-de höküm
edip bilmejekdigini öňe sürýär.
HYTAÝ GLOBAL AKTÝOR BOLUP
BILERMI?
Babones, beýgelýän Hytaýy howp
hökmünde hasap etmeli däldigini
aýdýar. Hytaýyň 2 asyrlyk
döwürden soň ýene adaty
kuwwatyna eýe bolup
başlandygyny aýdýar we muny ABŞ
we dünýä ýurtlary üçin oňat täzelik
hasaplaýar. Hytaýyň global aktýor
bolmak üçin däl, öz halkynyň sosial
şertleriniň ýokarlandyrylmagy üçin
hereket etjekdigini çaklaýar.
Hytaý ykdysadyýetiniň ulalmagyna we halkara arenadaky beýgelişine
hemmeler Salwatore Babones ýaly oňyn täzelik hökmünde garamaýar.
Žurnalyň şol sanynda çap edilen başga bir makalada Arwind Subramanian
“Gaýragoýulmasyz güýç: Hytaýyň hökmürowanlygy anykdyr” atly
makalasynda ylalaşarlykly çaklamalary bilen Hytaýyň nädip Amerikanyň
agalygyny soňlandyrjakdygyny teswirlemäne synanyşýar.
Subramaniana görä, Hytaý ykdysadyýeti ýakyn geljekde ABŞ ykdysadyýetini
geçip söwda möçberiniň we walýuta akymynyň iň ýokary bolan ýurduna
öwrüler. Ýuanyň (Hytaý pul birligi) kredibiliteti ýokarlanyp dollara garşy
esasy rezerw serişdesi bolar.
Beýleki bilermenlerden tapawutlylykda Subramanian, bir ýurduň baý
bolmazdan güýçli global güýje öwrülip biljekdigine ynanýar. Şeýlelikde
Hytaýyň içki syýasy we tebigy meselelerine garamazdan esasy global güýje
öwrülip biljekdigini öňe sürýär. 2030-njy ýylda orta derejeli bolup galsa-da,
WALÝUTA OÝNY
Hytaý ýuanyň hümmetini pes
saklamak arkaly önümçilikde
birnäçe bäsdeşinden öňe
saýlandy. Birnäçe ýurt, şol
sanda Amerika hem hümmeti
pes bolan ýuanyň garşysynda
Hytaý bilen bäsleşmekde
kynçylyk çekýär.
![Page 4: Geljegiň Hytaýy](https://reader030.vdocuments.mx/reader030/viewer/2022013115/55ad1bd01a28abf9158b462a/html5/thumbnails/4.jpg)
4
ýurduň daşary syýasat üçin serişde aýryp biljekdigini we milli bähbitler üçin
hasam hereketli syýasat ýöretjekdigini aýdýar. Subramaniana görä, Hytaý
häzirem käbir syýasy we söwda ugurlarynda hökümini ýöredýär. Afrikada
Taýwan ilçihanalary ýapdyryp bilýär. 3 trillion dollarlyk walýuta rezerwi
arkaly Ýewropadaky ykdysady krizisiň soňlandyrylmagy üçin Gresiýa,
Portugaliýa, Ispaniýa we Irlandiýa ýaly ýurtlara karz tekliplerini edip bilýär.
Bugünki günde ähli çaklamalarymyzdan ýüz öwren ýagdaýymyzda-da Hytaý
walýuta kursy syýasaty bilen bütin dünýä ykdysadyýetine täsirini ýetiýär.
Hytaý ýuanyň hümmetini pes saklamak arkaly önümçilikde birnäçe
bäsdeşinden öňe saýlandy. Birnäçe ýurt, şol sanda Amerika hem hümmeti
pes bolan ýuanyň garşysynda Hytaý bilen bäsleşmekde kynçylyk çekýärler.
Ýöne şol bir wagtyň özünde Hytaý amerikaly şereketler üçin esasy bazar
hökmünde tanalýar. Şol sebäplem amerikan hökümeti Hytaýyň walýuta
syýasaty babatda radikal kararlar almaýar. ABŞ-nyň Hytaý syýasatyny
eleşdirýänler sermaýa eýeleri däl, amerikaly işçileri oýlaýan liberal
çepçilerdir.
Subramanian, Amerika ýaly özüne mahsus halkara sistemasyny Hytaý
entek düzmedigem bolsa, ýurduň özboluşly hökmürowanlyk synanşygy
edýändigini görkezýän birnäçe delilleriň bardygyny aýdýar. Hytaý bazaryna
giren her şereketiň hytaýly ýaranlary bilen öz tehnologiýalaryny paýlaşmak
mejburyýetinde bolmagyny, ýuanyň hümmetiniň pes saklanylmagy ýaly
walýuta syýasatyny aýdanlaryna mysal hökmünde görkezýär. Umuman
aýdanda oňa görä Hytaýyň hökmürowanlygy uzakda däl, hatda eýýam
başlady.
perpustakaan6un6a6id y digilib6un6a6id y - CORE perpustakaan6un6a6id y digilib6un6a6id y y y y y y y
VVV - city.miki.lg.jp k m n n r r r y y y y y y y y y y y y y y y y y]]]]] ^ ` ` ` ` ` ` ` ` ` ` ` a
Album for the young; twenty-four easy piano pieces, op. 39 ... y y y y y y y y y y y y y y y y y y y
ILLINOIS - Home | Maps/Union.pdf n Y# #Y Y# #Y #Y #Y #Y #Y Y# Y# #Y Y# Y# Y# Y# Y# #Y Y# Y# #Y #Y Y#
0 500 1000 1500 Miles 0 800 1600 2400 #y #y #y #y #y #y #y #y #y #y #y #y #y #y #y #y #y #y #y #y #y